\id ROM - Zyphe 
\h ROM 
\toc1 ROM KHRISAWBU KHATEI PAUL CAKUA 
\toc2 ROM 
\toc3 Rom 
\mt1 ROM 
\mt2 KHRISAWBU KHATEI PAUL CAKUA 
\c 1  
\p  
\v 1 Khri Zisu a sae le Khazing thawngchawbia rei rua pawtah y pa-eipaw apostol a cangpaw kama Paul tah ca ka ca kua he.  
\v 2 Ma thawngchawbia cawh Khazing tah a khuavang sahlo hmang tah bia a ma kangpaw, Khazing Capathai letei a za cia hlangpaw bia khah a cang.  
\v 3 Ma cawh a Sawcapaw kaa Buipaw Zisu Khri kong khah a cang. Mehnung cangnah lang tah David pathlah cang ka,  
\v 4 Zisu cawh a thawtlungpaw Khazing Sawcapaw a cangpaw khah Thlawpaw Pathai tah a chingpase, zecawtamaw tatah Ama cawh thihnah taitah patho kaw a cang cawtah.  
\v 5 Ama thongtah le a ming cawtah Khazing tah ningdonah le apostol cangnah khah ma pei ka, Gental cawngsaw vytei khah zingnah taitah a va chuhpaw nawngenah lang phah sá pawtah a ma sia.  
\v 6 Taico naaning sahlo zong Zisu Khri a tei cang rua pawtah ypaw na cang hrah he ceh. 
\p  
\v 7 Rom khua letei a ungpaw naa zongmingtei le Khazing tei a dopaw le a mehpathai cang rua pawtah ypaw vytei naa cung letah kaa Paw Khazing le kaa Buipaw Zisu Khri a ningdonah le thlawlungnah cawh ung ky seh. 
\s1 Paul tah Rom khua tlawng a du zia 
\p  
\v 8 A hmetawcai tah naa zongmingtei cawtah Zisu Khri thongtah ka Khazing cawh ka reithai, zecawtamaw tatah khazaw raang ting tah naa zingnah kong khah aa thui thlu myca.  
\v 9 Thlaw ka chang ning maikaw tah ka ca thuiparia thlang he tah cawh ka thinglung vytei tah a Sawcapaw thawngchawbia rei neh katei a rai ka hrepahpaw Khazing cawh a hnihtu a cang.  
\v 10 Khazing dunah hratah, naaning khatah va seinah naw peh ka cang nápaw tah thlaw ka chang tei. 
\p  
\v 11 Naaning hmuh cawh a ngete be ca neh ka, naaning kha Thlawpaw lahsong a hrawng tah naaning thawzaang peh khah ka du ngeteipaw a cang.  
\v 12 Ka reidupaw cawh pakheh le pakheh a bawkhang cy tah ka zingnah tah naaning khah ca bawkhang he seh la, naaning naa zingnah zong takhei kama zong pa bawkhang seh takhah a cang.  
\v 13 Uny sahlo, ma heh pahni pa thai la, tah heh ka ca du he. Naaning kha va tlong heh uihlupui ka pachia tei. Gental cawngsaw hringpaw hrong letei aa lung a thlaipaw ka ung sahpaw hra he tah Rom khua letei a ungpaw naa hrong letah zong a lung a thlaipaw ung hrah he seh tahpaw khah ka du hringhrai thlang canghrasala sangkheh kheh tah a pa pakhang paria thlang. 
\p  
\v 14 Grik cawngsaw le Grik cawngsaw a cang lypaw le mehsing aa cang zong tah le mehruh aa cang zong tah aa zongmingtei cung letah luibah ka hnui.  
\v 15 Macawtaco naaning Rom khua letei a ungpaw naa hai letah thawngchawbia rei ka dupaw cawh a cang. 
\p  
\v 16 Thawngchawbia cawh zawkhui hrahring bei neh, zecawtamaw tatah a zingpaw vytei pachahnah cawtah Khazing thawtlungnah a cang. A hmetaw tah Juda cawngsaw sahlo cawtah cang ka, taico Gental cawngsaw sahlo aa cawtah a va cang.  
\v 17 Zecawtamaw tatah Khazing taiteipaw dingnah cawh thawngchaw bia letah a lang ka, ma dingnah cawh ahrangtho taitah a changnah tai angepainah thongtah a cang. Capathai letah, “Mehding cawh zingná tah a hring a,”\x + \xo 1:17 \xt Habak 2:4\x* tatah cia a cangpaw hratah. 
\s1 Mingphing vytei cung letah Khazing thingaenah 
\p  
\v 18 Khazing thingaenah cawh vaicung taitah a za lang ka, mehnung suanah le chahlynah vytei cung lekhei a za tlung. Aaning sahlo cawh aa chahlyná khei biahmuisui khah a pakhangtu a cang he.  
\v 19 Cawngsaw tah Khazing hni khy a cangpaw khah a sepaw teitah a lang thlangnah cawtah Khazing tah aaning khah dang a tah he. Ama Khazing hrahring tah a se pawtah a langsah thlangpaw a cang.  
\v 20 Khazaw a tua thoning taikhei Khazing tah hmuh khy lypaw a cangnah zia khah a sepaw teitah a langsah thlang ka, ma cawh chaizaw tah a hmingpaw a thawtlungnah le a pathaipaw Khazing a cangnah khah a cang. Ma cawh cawngsaw tah Khazing a hming tuapaw vytei taihei aa hmuh khy thlang. Macawtaco cawngsaw tah zekhatahmai tah thai cangkhynah lang ung be. 
\p  
\v 21 Zecawtamaw tatah Khazing khah aa hni thlang naná tah Khazing khah rungnawnah pei du bei he, a lawngnah bia zong a hlai du bei he. Canghrasala aa rawhnah cawh a longdepaw cang ka, a hruhpaw aa lungthing cawh muiná tah a chih.  
\v 22 Aaning taco kaa sing ngetei peh a tah he, canghrasala mehruh a cang he.  
\v 23 A thi thai lypaw Khazing khah beh lytah a thi thaipaw mehnung le pavaw le saraang le a po tei a lai laipaw paripazang, tuachawngpaw nono tukhah aa beh. 
\p  
\v 24 Macawtaco Khazing tah cawngsaw cawh aa lungthing tei tua a dupaw pasihpadawh a chuipaw canu capaw suanah khah tuasah thlang he ka, pakheh le pakheh cung lekhei ningzaw thangkhe a chuipaw hming khah aa tua.  
\v 25 Biahmuisui a cangpaw Khazing kong khah hinghe bia tah thlai he ka, zezong vytei a tuatu khah beh lytah a tuapaw hming tukhah aa beh. A Tuatupaw cawh pui chaizaw tah reithai ruapaw cawh a cang hri caw! Amen. 
\p  
\v 26 Ma hratei aa tuanah caw taco Khazing tah aaning cawh ningzaw a chuipaw pungsaw dunah lekhei a thlaw he. Canu a cangpaw tahmai a ningcang teitah hmangpaw a cangpaw a canu cangnah cawh a silang lytah hmang he ka, pakheh le pakheh a suakhui he.  
\v 27 Ma thly thly hraco, capaw a cangpaw zong tah a ningcang teitah canu kha ung khah hlawh ringcing tah hohenah pialui pawtah aa capaw hui khakhei a sua he. Ma hapaw ningzaw a chuipaw hmingsua cawh aa tuanah cawtah ma hratei hmingsua tuanah tah hmuh rua a tlahpaw dangtahnah cawh aa hmuh. 
\p  
\v 28 Ma hlui co Khazing konglang hnithui a chahnai zia khah cawngsaw tah aa lung chung letah chia aa du lynah cawtah a pialuipaw thinglung hnui rua takhei a thlaw thlang he. Macawtaco tua rua a cang lypaw hming khah aa tua.  
\v 29 Aaning cawh chahlynah a phingphing le dusawnah le piathynah le heitlianá tah chih he ka, aa lungthing cawh iavawnah le lenongnah le a hrychaenah le dungkheinah le ziahnuiná tah a chihpahlui he. Pakheh le pakheh a cawngui he ka,  
\v 30 thaichia a rei he. Khazing khah zetah rei bei ca he ka, aa lung a lai. A mingthai he ka, a palai a patui he. Chahlynah tuapaw lang le si khah pacang he ka, no le paw bia nge bei he.  
\v 31 Aa ziaza aa chiahru, aa biatai khah aa paleh leimei, malepaw cung letah ningdonah le zawngrawhnah zehmai hnui bei he.  
\v 32 Ma hapaw hming sahlo aa tuapaw he cawh thih rua tah aa tlah he tahpaw Khazing phungbia dih aa hni thlang naná teitah, ma hming sahlo cawh tua leimei thlang he ka, minghringpaw suanah aa tuapaw zong aa naw aa tlah khui he. 
\c 2  
\s1 Ahmangpaw Khazing biacenah 
\p  
\v 1 Macawtaco minghringpaw sua a phosahpaw nama tah thai cangkhynah lang zehmai hnui bei ceh, zecawtamaw tatah malepaw khah sua na phosah tih zong he tah aa tuapaw khah tua thlang tlung hrah ceh ka, nama lilaw khah sua na pho sahpaw a cang thlang.  
\v 2 Ma hapaw hming a tuapaw cawh Khazing tah sua a phosah tihtah Khazing cawh ahmang takhah kaa hni.  
\v 3 Canghrasala nama tah sua na pho sahpaw hming hrahring khah na tua thlang hrah. Macawtaco, Khazing sua phosahnah cawh ka lua khy a tatah a pacang kheh.  
\v 4 A ningdonah alai zia le a lungsynah le a thingsynah zong zetah a rei lypaw na lo. Khazing tah na cung letah ningdonah a hnuipaw cawh a ngepachih seh tah a pa dunah cawtah a cang tahpaw cawh na hni thlang tlung. 
\p  
\v 5 Canghrasala na lung cawh a ku a chaw ka, angepachihnah lungthing hnui bei ceh. Macawtaco Khazing a thingaenah le adingpaw tei biacenah ning letah na ing lepaw dangtahnah khah na baichi vy leimei thlang.  
\v 6 Khazing taco ahohmai khah aa tuapaw naning tah a chang he a.  
\v 7 Mehthaikheh tah hmingchaw khah tua lai leimei he ka, rungnawnah le reithainah le chaizaw hringnah khah aa hui. Ma sahlo cawh Khazing tah chaizaw hringnah a pae he a.  
\v 8 Taico mehthaikheh cawh aaning aa zawng long khah a rawh he ka, biahmuisui khah du lytah ahmang lypaw tukhah aa zui. Ma sahlo cawh Khazing a thingaenah le a thingpalingnah khah aa cy tae a.  
\v 9 Chahlynah aa tuapaw vytei cawh aa zongmingtei tah ruhanah le lungsisawnah khah aa hmuh a; a ing tawpaw cawh Juda cawngsaw cang he ka, taico Gental cawngsaw sahlo a cang hra he a.  
\v 10 Canghrasala chahnah a tuapaw vytei cawh Khazing tah rungnawnah le cizawnah le denah khah a peh tae he; a peh tawpaw he cawh Juda cawngsaw sahlo cang he ka, taico Gental cawngsaw sahlo khah a cang tae hra he.  
\v 11 Khazing taco ahohmai patlia patla lytah bia a ce tae he a. 
\p  
\v 12 Gental cawngsaw sahlo tah Moses biapeh khah hnui bei he, macawtaco aa sua tihtah phungbia lytah a ly hra he. Juda cawngsaw sahlo tah phungbia khah aa hnui, macawtaco aa sua tihtah phungbia hratah sua phosah a cang he.  
\v 13 Zecawtamaw tatah Khazing hme letah mehding cangnah cawh phungbia aa thuinah cawtah cang lytah phungbia tah tua a tahpaw khah aa zui cawtah a cang hri.  
\v 14 Gental cawngsaw sahlo tah phungbia cawh hnui bei he, canghrasala phungbia tah tua law a tahpaw khah aaning lungtho teitah aa tuapaw maikaw tah Moses phungbia khah hnui lytah ung hrah hmai he seh la, phungbia cawh aa chiachaw hninah letah a ung tatah aa palang.  
\v 15 Phungbia tah tua law a tahpaw khah aa lungchung letah a cia thlang tahpaw khah a langsah he, aaning cawh aa chiachaw thluidangná tah hni khui he ka, aaning aa lungthing lilaw tah zemaw cai tah sua cangsah he ka, zemaw cai tah thai a cangsah he.  
\v 16 Khazing tah Zisu Khri a thongtah mehnung lungchung biaparuh khah bia a cenah ning leco, ma hrahei a cang tae a. Ka reipaw thawngchawbia tah ma hraco a tah. 
\s1 Juda cawngsaw le phungbia 
\p  
\v 17 Naaning Juda cawngsaw a tahpaw he ceh tah phungbia a paichai he ceh ka, naa Khazing khah na palaikhui he ceh.  
\v 18 Khazing tah tua he seh tah a ca dupaw he khah naa hni, ahmangpaw hming khah a thing rua tah phungbia thongtah naa hni.  
\v 19 Mehco sahlo langhme hruitu cang peh ka, a muinah letah a ungpaw cawtah khainah kaa cang peh na tah he ceh.  
\v 20 A hruhpaw cawngpahtu le nyheh sahlo hotu kaa cang peh naa tah. Zecawtamaw tatah phungbia chung lehei hnithainah le biahmuisui cawh a tling pawtah kaa hnui naa tah.  
\v 21 Naaning male a cawngpahtu sahlo, zecawtamaw naaning le naaning na cawngpah bei he ceh? “Ru kheh,” tatah phung a reitu tah naa tah, naaning saw ruh lytah ung he cei?  
\v 22 “A phei kheh,” a tahpaw sahlo, nama saw a phei lytah ung hrah cei? Nono a pasihpaw sahlo, zecawtamaw nono behnah ing cawh na hrawh he?  
\v 23 Naaning phungbia aa palaikhuipaw sahlo, zecawtamaw phungbia cawh rawh he ceh ka, Khazing thai naa pachia zia?  
\v 24 Khazing Capathai letah, “Naaning rawng tah Gental cawngsaw sahlo hrong letah Khazing ming khah reipachia a cang,”\x + \xo 2:24 \xt Isai 52:5; Ezek 36:22\x* a tah. 
\p  
\v 25 Phungbia cawh naa zui caco, naa cingpatainah cawh sang a tle, canghrasala naa zui tlung ly caco, a tai lypaw khatah na lo thlang he ceh.  
\v 26 Cingpa a tai lypaw Gental cawngsaw sahlo tah phungbia khah aa zui caco, Khazing tah cingpa a taipaw tluá tah hmuh thlang bei he maw?  
\v 27 Phungbia le cingpatainah hnui tlung katei, phungbia a rawhrangtu sahlo naa cung letah phungbia hratah ngaisaw cingpatainah ung ly hmai seh la, phungbia a zui thlangpaw sahlo takhei sua aa ca phosah tei he. 
\p  
\v 28 Alailang tah Juda cawngsaw a cangpaw le ngaisaw tei cingpa a taipaw cawh Juda cawngsaw cang hlui beh.  
\v 29 Juda cawngsaw cangnah cawh chunglang letah a cang. A lungchung tah cingpa a taipaw a cang caco, cingpa a tai hmuisuipaw a cang. Ma cawh ca tei ciapaw phungbia khei cang lytah Khazing Thlawpaw raihrenah khah a cang. Ma hapaw cawngsaw taco mehnung taitah cang lytah Khazing taitah reithainah khah a hmuh. 
\c 3  
\s1 Khazing zingchuinah 
\p  
\v 1 A cang caco, Juda cawngsaw tah Gental cawngsaw navy tah chahnainah aa hmuh vypaw a ung maw? A cang ly leh cingpa a tai cawh sang a tlenah ze chang a ung maw?  
\v 2 A phingphing tah a hlupui a ung thlang! Ma hrong letei a hmetaw caipaw cawh Khazing tah a bia khah Juda cawngsaw a kai sahpaw he khah a cang. 
\p  
\v 3 Thaikhehpaw tah zingnah hnui lytah ung my he seh la zekhatamaw a cang a? Ma rawng taco Khazing zingchuinah khah zelypaw tah a cangsah a maw?  
\v 4 Cang hrahring be, kaa zongmingtei tah hing bia a reipaw kaa cang tahmai Khazing cawh zingawh a tlah thly thly thlang. Capathai tah, 
\q1 “A reipaw bia cawh bia dih a cang tatah palang cang a ka, 
\q2 sua aa ca khing tihtah na bia khah na te a,”\x + \xo 3:4 \xt Hlaw 51:4\x* 
\m tatah a tahpaw hrakhei a cang. 
\p  
\v 5 Ahmang lypaw kaa tuapaw tah Khazing tei ahmangpaw hming a tuapaw khah a se vy syly tah a langsah my seh la saw, zemaw kaa rei khy a? Khazing tah kaaning khah dang a ma tah tihtah a pa maw? (Meh thaikheh tei aa reipaw khah ka reipaw a cang.)  
\v 6 Cang hrahring be! Khazing cawh ahmang lypaw tei a cang caco, zekhatamaw khazaw cawh bia a ce khy a?  
\v 7 Pakhehkheh tah, “Hing bia ka reipaw tahei Khazing zingchuipaw a cangnah le a rungnawnah a sangsah vy caco, zecawtamaw mehsua tatah thaily cangsah ka cang?” tatah bia einah a hnui khy.  
\v 8 “Chahnah a chua khy nápawtah chahlynah khah tua he peh,” tatah zemaw kaa tah thlang be? Ma hrahring cawh a reipaw a cang tatah mehthaikheh tah ka thaichia khah aa rei. Ma hapaw cawngsaw sahlo cawh sua phosah a tlahpaw a cang he. 
\s1 Ahohmai mehding ung bei he 
\p  
\v 9 A cang caco zekhatamaw bia kaa pachang a? Aaning navy tah ka chah vy hlui he peh maw? Chah vy hrahring bei peh! Ka rei ciapaw hrakhei Juda cawngsaw le Gental cawngsaw a lo thlang he. Suanah rai letah a ungpaw longtei a cang he.  
\v 10 Capathai chung letah, 
\q1 “Mehding pakheh hmai ung bei he. 
\q2  
\v 11 A hnihthaipaw pakheh hmai ung bei he, Khazing a huipaw ahohmai ung bei he. 
\q2 Khazing a huipaw ahohmai ung bei he. 
\q1  
\v 12 Mehnung vytei cawh lang pave thah he ka, 
\q2 aa zongming teitah hmokheh tah mai hnui ly a cang he. 
\q1 Chahnah a tuapaw ahohmai ung bei he, 
\q2 pakheh tei hmai ung bei he.”\x + \xo 3:12 \xt Hlaw 14:1-3, 53:1-3; Phungrei 7:20\x* 
\q1  
\v 13 “Aa rong sahlo cawh kha lypaw athlai hratah cang ka, 
\q2 aa lui sahlo cawh dungkheinah tah aa hmang,”\x + \xo 3:13 \xt Hlaw 5:9\x* 
\q1 “Aa hmo sahlo taitah pari cangmai sichia a pia.”\x + \xo 3:13 \xt Hlaw 140:3\x* 
\q2  
\v 14 “Aa hmokaw cawh chiasahnah le biachia biahru long teitah a chih.”\x + \xo 3:14 \xt Hlaw 10:7\x* 
\q1  
\v 15 “Male thisai va chua leco a catlei ngetei he. 
\q2  
\v 16 Aa seinahpaw langpui maikaw letah rorangnah le male lungsawnah aa va tua lai. 
\q1  
\v 17 Denah langpui khah hnih bei he.”\x + \xo 3:17 \xt Isai 59:7-8\x* 
\q2  
\v 18 “Aa mehhme letah Khazing cizawnah zong khah ung be,”\x + \xo 3:18 \xt Hlaw 36:1\x* 
\m tatah a tahpaw hrakhei a cang. 
\p  
\v 19 Phungbia tei a reipaw cawh phungbia rai letei a ungpaw he aa cawtah a reipaw a cang, takhah kaa hni. Ma hratei a cangpaw cawh ming vytei tah thai aa cangnah bia zehmai rei ruapaw aa hnui ly nápaw le khazaw pungpaluh heh Khazing biacenah hme letah a daw a takhah a lang khy nápaw cawtah a cang.  
\v 20 Macawtaco phungbia zuinah thongtah ahohmai Khazing hme letah thai a cangsah khypaw ung bei he. Phungbia tei a reipaw cawh aa suanah hnisah khah a cang thlang. 
\s1 Zingnah thongtah mehding cangnah 
\p  
\v 21 Canghrasala atoheh cawh phungbia thongtah cang khawh lytah Khazing dingnah cawh a langsah myca. Ma cawh phungbia le Khazing khuavang sahlo tah ahmang tatei aa tahpaw khah a cang.  
\v 22 Zisu Khri zingnah thongtah Khazing taitei dingnah cawh zingtu vytei cung letah a va chuh. Patliapatlanah zehmai ung be,  
\v 23 zecawtamaw tatah ming vytei cawh a suapaw longtei cang he peh ka, Khazing rungnawnah khah phah khy tlang bei peh.  
\v 24 Taico kaaning kaa suanah taitah a ma tlangtu Khri Zisu ningdonah thongtah mai lytah thai a ma cangsah.  
\v 25 Zisu Khri cawh Khazing tah thisai tah ngethainah a tuatu ruapaw tah a tingpaw cang ka, ma ngethainah cawh Zisu Khri zingnah thongtah hmuh ruapaw a cang. Khazing tah ma a tuapaw cawh a dingnah palangnah cawtah a cang zecawtamaw tatah alungsynah tah khahlai tei za tuapaw suanah sahlo khah dangtah lytah a seisai he.  
\v 26 Taico ato cai leco a dingpaw Khazing a cang zia khah a langsah ka, Zisu Khri a zingpaw maikaw khah thai a cangsah he. 
\p  
\v 27 A cang caco saw, kaaning ka palai ka patui khypaw peh zemaw a ung? Ung be. Zecawtamaw? Phungbia kaa zui cawtah maw? Cang be, kaa zingnah cawtah a cang.  
\v 28 Zecawtamaw tatah kaa tlepaw peh cawh cawngsaw cawh zingnah thongtah thai cysah a cang, phungbia zuinah thongtah cang be.  
\v 29 A cang ly leh Khazing cawh Juda cawngsaw aa Khazing longtei maw a cang? Gental cawngsaw sahlo aa Khazing cang hrah bei maw? A cang samaw!  
\v 30 Khazing cawh pakheh tei pui a cang caw, Juda cawngsaw tah aa zingnah thongtah thaicangsah cang he ka, Gental cawngsaw sahlo zong aa zingnah thong thly thly tah a cang a.  
\v 31 Ma hratei kaa tah tihtah hei, phungbia khah zingná tah kaa hlawh tahnah a cang maw? Cang hrahring be, phungbia tukhah kaa pacysah lui. 
\c 4  
\s1 Zingnah thongtah Abraham cawh thaicysah a cang 
\p  
\v 1 A ma pathlahtu Abraham kong khah saw zekhatamaw kaa rei a? Zekhatamaw a za cang kha?  
\v 2 Hming a tuapaw sahlo thongtah Khazing kha thaicangnah a hmuhpaw tei a cang caco, a palaikhui ruapaw a hnui a. Canghrasala Khazing hmekaw leco zehmai a palaikhui ruapaw hnui be.  
\v 3 Capathai tah, “Abraham tah Khazing khah zing ka, ma a zingnah thong co, Khazing tah mehding tah a cyhlang,”\x + \xo 4:3 \xt Atho 15:6\x* tatah a tah. 
\p  
\v 4 Rai a hrepaw cawh a hrenah mai peh cang tei ka, a nihlo cawh lahsong a cang tatah tah bang bei he, a hrenah mai khah a hmuhpaw a cang.  
\v 5 Canghrasala, cawngsaw pakheh cawh rai cawh hre be, a cang naná teitah Khazing khah zing ka, mehchawly thai a cysahpaw Khazing tah a zingnah cawh dingnah tah a reipah.  
\v 6 David tei a za reipaw Khazing tah raihrenah rawng tah cang lytah mehding tah a cyhlangpaw bonghnang kong a reipaw silang cawh ma heh a cang. 
\q1  
\v 7 “Khazing tah aa chahlynah vytei khah ngethai he katei, 
\q2 aa suanah khah a bakhu pahpaw he cawh bonghnang aa ting. 
\q1  
\v 8 Abuipaw tah a suanah khah sua tah a reipah lypaw cawngsaw cawh 
\q2 bonghnang a tingpaw a cang,”\x + \xo 4:8 \xt Hlaw 31:1-2\x* 
\m tatah a tah. 
\p  
\v 9 Ma hratei David tah a reipaw bonghnang cawh cingpa a taipaw caw longtei maw a cang? Cang be, cingpa a tai lypaw caw zong tah a cang? “Abraham tah Khazing khah zing ka, ma zingnah rawng taco Khazing tah mehding tah a cyhlang,” tatah ka tahpaw khah ka rei canei vy tua a.  
\v 10 Ma cawh zening tamaw a cang? Abraham khah cingpa a tai hlai tamaw a tai khy tah? A tai hlai tah a cang, a tai khy tah cang be.  
\v 11 A cingpa a taipaw cawh a hning tah a cang. Abraham tah a cingpa a taipaw cawh zingnah rawng tah Khazing tah cingpa a tai hlai tah mehding tah a cyhlang thah tahpaw paching pakhanah cawtah a cang. Macawtaco Abraham cawh cingpa tai aa cang ly naná tah Khazing zing he ka, Khazing tah mehding tei a cyhlangpaw vytei Thlawpaw lang aa paw a cang.  
\v 12 Taico Ama cawh, aa mapaw Abraham tah cingpa a tai hlai tah zingnah tah a hringpaw hratah zingnah tah a hringpaw cingpataipaw vytei aa paw zong a cang hrah. 
\p  
\v 13 Khazing tah Abraham le a pathlah sahlo cawh khazaw heh aa tei a cang a, tatah bia a kang he. Ma hratei bia a kangpaw he cawh Abraham takhei phungbia khah a zuinah cawtah cang be; canghrasala Khazing khah zing ka, Khazing tah mehding tah a cyhlang rawng tah a cang hri.  
\v 14 Zecawtamaw tatah phungbia a zuipaw long khah rycytu aa cang caco, zingnah cawh a longpaw cang ka, biakangpaw hming cawh ze lypaw tah a cang a.  
\v 15 Zecawtamaw tatah phungbia taco Khazing thingaenah long khah a chuakhui. Phungbia a ung lynah hming leco phungbia ronah zong ung khy be. 
\p  
\v 16 Ma biakangnah cawh ningdonah thong longlong tah cang ka, zingnah cung letah a pahniapaw a cang. Ma cawh Abraham a pathlah vytei aa cawtah khei a cang. Phungbia a zuipaw caw longlong cang lytah Abraham a zingpaw hratah a zingpaw aa zongmingtei cawtah a cang. Abraham cawh kaaning vytei kaa paw a cang.  
\v 17 “Nama cawh mingphing hlupui aa paw tah ka ca tua thah,”\x + \xo 4:17 \xt Atho 17:5\x* tatei Capathai letei ciapaw hrakhei, Abraham cawh a zingpaw Khazing mehmuh letah kaa paw a cang. Ma Khazing cawh mehthi khah hringsah kaw katei, a ung lypaw hming a ung sahpaw a cang. 
\p  
\v 18 Rawhchainah zehmai a ung ly zong tah hnabeisuinah a hlupui khatah za zing thlang thly thly ka, mingphing vytei, “Paw,” takhei a va cang. Capathai tah, “Na pathlah sahlo cawh ma zeh cawh a cang he a,”\x + \xo 4:18 \xt Atho 15:5\x* a tahpaw hrakhei a cang.  
\v 19 Abraham cawh kung zakheh daimang a tah myca, canghrasala mehthi hratei a cang thlangpaw a pung le Sarah tah sawtei a sah khylynah kong khah a pacang tihtah a zingnah khah zo hlui be.  
\v 20 Khazing a biakang khah zing lytah ung hlui be ca ka, a zingnah tah thawtlungnah pei ka, Khazing khah a reithai.  
\v 21 Khazing tah bia a kangpaw cawh a tua khy hrahring a tah cawh hmuisui teitah a zing.  
\v 22 Macawtaco Abraham cawh a zingnah thongtah Khazing tah mehding tah a cyhlang.  
\v 23 “Mehding tah a cyhlang,” tahpaw bia heh Abraham caw long tah ciapaw cang be.  
\v 24 Zisu kaa Buipaw thihnah taitah a pathotu a zingpaw mehding tei cyhlang lepaw kaaning kaa caw zong tah ciapaw a cang.  
\v 25 Ama cawh kaa sua rawng tah thihsah cang ka, Khazing hme letah thai kaa cang nápaw cawtah hringnah letah patho kaw a cang. 
\c 5  
\s1 Denah le alawngnah 
\p  
\v 1 Macawtaco atoheh cawh zingnah thongtah thaicangsah kaa cangnah cawtah kaa Buipaw Zisu Khri thongtah Khazing kha ka rai myca he peh.  
\v 2 Zisu Khri taco kaa zingnah thongtah Khazing a ningdonah chunglang cawh a ma nae khui ka, ma chung leco atoheh kaa ung. Macawtaco Khazing rungnawnah ka hrong hra he peh tah hnabeisuinah kaa hnuipaw lekhei kaa thaw a chah.  
\v 3 Taico hanah kaa ingpaw zong lehei ka lawng thlang he peh; zecawtamaw tatah hanah taco ing khynah khah ma hnuisah ka,  
\v 4 ing khynah taco ziaza chaw khah a ma hnuisah. Ma ziaza chaw taco hnabeisuinah khah a langsah.  
\v 5 Hnabeisuinah taco kaa lung ma dongsah be, zecawtamaw tatah Khazing tah a ma pehpaw Thlawpaw Pathai khei a donah cawh kaa lungthing letah a ma luisonah cawtah a cang. 
\p  
\v 6 Zehmai a tua khy lypaw kaa cangning takhei ma cai thingmang leco mehsua sahlo kaa cawtah Khri khah a thi.  
\v 7 Mehding caw taco ming hlupui cawh thih ngang a bei he, canghrasala mehchaw ngetei a cangpaw caw taco pakhehkheh cawh thih a ngang phung a.  
\v 8 Canghrasala Khazing tah zetlua tamaw a ma do takhah ma hrahei a langsah: Kaaning cawh mehsua kaa cang thlangning takhei, Khri cawh kaa cawtah a thi. 
\p  
\v 9 A thisai tah thai a ma cangsah thah cawtah, zetlua tamaw Khazing thingaenah chung taico Ama a thongtah a ma pachah khy chichi a?  
\v 10 Kaaning cawh Khazing a carae kaa za cang peh, canghrasala a Sawcapaw thihnah thongtah a vesaw tah a ma tua myca. Ato cawh Khazing vesaw kaa cangnah cawtah Khri hringnah taco zetlua tamaw a ma pachah chichi a?  
\v 11 Ma long cawh hmai cang be, kaaning cawh Khazing huivesaw tah a ma tuatu kaa Buipaw Zisu Khri thongtah Khazing leco kaa lawng peh. 
\s1 Adam thongtah thihnah, Khri thongtah hringnah 
\p  
\v 12 Ma pawco suanah cawh cawngsaw pakheh thongtah khazaw lehei za tlung ka, suanah taco thihnah khah a va chuakhui. Taico ming vytei cawh aa sua thlu thahnah cawtah thihnah taco ming vytei khah a cahrei thlu he.  
\v 13 Phungbia a ung hlai takhei khazaw lehei suanah cawh a za ung thah, canghrasala phungbia a ung lynah hming lekhei co, suanah cawh sua tah reipah cang be.  
\v 14 A cang naná teitah Adam cai taitah Moses cai tai thihnah tah ming vytei khah a uh thlu he. Adam tah biapeh a ropaw hratah a rawh lypaw cawngsaw sahlo khah hmai a uh he. Adam cawh a va chuh lepaw hmuhsahnah a cang. 
\p  
\v 15 Canghrasala, Khazing lahsong cawh Adam suanah khatah a lo be. Ma paw pakheh a suanah cawtah khei mehlupui a thi tahtah thlang he. Canghrasala ma paw a chahlynah navy khei Khazing ningdonah cawh a hlupui tah lai vy ka, ma thly thly hraco Zisu Khri ningdonah thongtah Khazing lahsong cawh ming hlupui cung letah a za tlung.  
\v 16 Ma Khazing lahsong le cawngsaw pakheh suanah thuipa khah a lo bei he. Cawngsaw pakheh suanah tah dangtahnah a chuasah. Canghrasala kaa suanah a hlu ngetei naná tah Khazing lahsong tah thai a ma cangsah.  
\v 17 Cawngsaw pakheh suanah thongtah thihnah tah a ma uh caco, Khazing ningdonah le dingnah a lahsong reite ly a hmuhpaw vytei sahlo cawh cawngsaw pakheh Zisu Khri thongtah tenah hringnah khah aa hnui vy chichi a. 
\p  
\v 18 Macawtaco mehnung pakheh suanah a tuapaw takhei ming vytei cawh sua phosah aa cangpaw hratah mehding pakheh a tuapaw tah ming vytei khah thaicangsah he ka, hringnah a peh he.  
\v 19 Cawngsaw pakheh reinge ly rawng tah ming hlupui cawh mehsua tah rei aa cangpaw hratah cawngsaw pakheh reingenah rawng tah cawngsaw ming hlupui cawh mehding tah rei a cang he a. 
\p  
\v 20 Phungbia cawh sua hninah a pung sápaw tah cang ka, canghrasala suanah hninah a pungnah hming lekhei Khazing ningdonah cawh a pung vy chingching.  
\v 21 Macawtaco suanah taco thihnah khah hmang tah a ma uhpaw hratah Khazing ningdonah taco dingnah khah hmang tah ma uh ka, kaa Buipaw Zisu Khri thongtah chaizaw hringnah lekhei a ma seikhui. 
\c 6  
\s1 Suanah letah thih, Khri letah hring 
\p  
\v 1 A cang caco zekhatamaw kaa ta a? Khazing ningdonah cawh pung vy leimei seh tatah suanah cawh kaa tua vy tima maw?  
\v 2 Tua nese bei pei. Suanah letah thi thah peh ka, zekhatamaw ma chung leco kaa ung paria khy thlang a?  
\v 3 Khri Zisu letah baptisma kaa cangpaw khah a thihnah letah baptisma kaa cang tahpaw hnih bei he ceh maw?  
\v 4 Tui chunglang kaa nong tih he peh tah Ama kha phungpai cang peh ka, a thihnah lekhei kaa thi hrah peh. Macawtaco, Khri cawh Paw rungnawnah thongtah patho kaw a cangpaw hratah kaaning zong hringnah a thapaw letah kaa hring a he peh. 
\p  
\v 5 Ma hrahei a thihnah letah Ama kha kaa thih hrui caco, a thokawnah letah zong Ama khatah kaa tho hrui hrahring he peh.  
\v 6 Kaa cawngsaw cangnah a paringpaw cawh Khri khatah khraws letah khaipai a cang thah takhah kaa hni. Ma hratei tua a cangpaw cawh a suapaw pung cawh thaw tah suanah sae tah kaa cang khawh lynápaw cawtah a cang.  
\v 7 Zecawtamaw tatah, cawngsaw cawh a thih tihtah sua thawtlungnah chung taikhei a lua. 
\p  
\v 8 Khri kha kaa thih hrui thah pawtei a cang caco, Ama kha ka hring hrá peh takhah kaa zing.  
\v 9 Zecawtamaw tatah Khri cawh thihnah taitah patho kaw cang thah ka, thi kaw khaw be takhah kaa hni; thihnah tah a cung letah hmingtuakhynah zehmai hnui khawh be.  
\v 10 A thihnah cawh uikheh teitah a zawnah tai suanah letah a thih. Canghrasala a hringnah cawh Khazing letah a hringpaw a cang. 
\p  
\v 11 Ma hraco kaaning zong tah suanah letah thi thah he peh ka, a cang naná tah Khri Zisu thongtah Khazing letah kaa hring peh tatah a rawh my lo.  
\v 12 Macawtaco thih a hmangpaw naa pung khah suanah tah uh khawh kheh seh la, sua dunah lang khah ca zuisah khawh kheh he seh.  
\v 13 Taico naa pungsaw a zehapaw hmai khah hmingchahly tuanah cawtah suanah khah pei khawh khe o. Thihnah taitah hringnah lang patho kawpaw hratah naa hringnah khah Khazing khatah pei la, dingnah tuanápaw hmingbo tutah naa pung ialia tah Khazing kha pei my lo.  
\v 14 Suanah taco ca uh khawh kheh he seh, zecawtamaw tatah phungbia rai letah ung khawh bei he ceh, Khazing ningdonah rai letah pui naa ung thah caw! 
\s1 Sae cangnah taitah mehding cangnah 
\p  
\v 15 A cang caco, zekhatamaw? Phungbia rai letah ung lytah Khazing ningdonah rai letah kaa ung thahnah cawtah suanah cawh kaa tua thlang maw? Cang hrahring be.  
\v 16 Abui pakheh kheh khatah na naw kaa nge a tatah naa peh caco he ceh, naaning cawh ma abui a naw a zuipaw a sae cawh na cang he ceh. Ma hraco suanah cawh a naw naa nge caco, suanah sae cawh cang he ceh ka, suanah tei a chuakhuipaw cawh thihnah a cang; taico ma thly thly hraco Khazing cawh a naw naa zui caco, nawngenah tei a chuakhuipaw cawh dingnah a cang tahpaw hnih bei he ceh maw?  
\v 17 Canghrasala Khazing letah a lawngbia a hlai he peh seh. Zecawtamaw tatah naaning suanah sae a za cangpaw he takhei naa hmuhpaw cawngpahnah hmuisuipaw khah naa lungthing vytei tah naa zui thah.  
\v 18 Suanah sae taitah luasah cang myca he ceh ka, dingnah sae na cang myca he ceh. 
\p  
\v 19 Ma hratei tawchingnah bia ka hmangpaw heh naaning tah naa thuithai vy nápawtah ka dunah cawtah a cang. Khuahlai vytei cawh achaw lypaw hming tua pawtah a pialuipaw le chahlynah sae na cang he ceh. Ma thly thly hraco ato cawh mehpathai cang pawtah dingnah sae naa cang ruapaw a cang.  
\v 20 Suanah sae naa za cang ning takhei dingnah khatah a peitle bei he ceh.  
\v 21 Atotei naa zaw khuipaw he ceh hming sahlo lekhei, zeteita amia naa hmuhpaw a ung maw? Ma tlaw sahlo aa changnah cawh thihnah a cang.  
\v 22 Canghrasala atoheh cawh suanah chung taikhei luasah cang myca he ceh ka, Khazing sae na cang myca he ceh, amia naa hmuhpaw cawh Khazing khatah a tlahpaw hringzia cang ka, ma tei a chuakhuipaw cawh chaizaw hringnah a cang.  
\v 23 Zecawtamaw tatah suanah mai cawh thihnah a cang. Canghrasala Khazing lahsong cawh kaa Buipaw Khri Zisu letah chaizaw hringnah a cang. 
\c 7  
\s1 Ahnuinah taitah tawchingnah 
\p  
\v 1 Uny sahlo, naa zongmingtei tah phungbia khah naa hni thlangnah cawtah ka reidupaw heh naa hni khy thlang a. Phungbia taco cawngsaw cawh a hring chung longlong heh a uh.  
\v 2 Tawchingnah tah pasae a hnuipaw canu cawh phungbia hratah a pasae a hring chung long tah phung taco a uh. A pasae a thih caco, a pasae khatah a tlekhipaw phung taico a lua.  
\v 3 Macawtaco a pasae a hring chung tah pasae hringpaw a hnui caco, a pasae a pheisaipaw a cang; canghrasala a pasae a thih caco, ama cawh ma phungbia taitah a luapaw cang ka, pasae hringpaw a hnui zong tahmai a pasae a pheisaipaw cang khawh be. 
\p  
\v 4 Ma hraco naaning zong na cang hrah he ceh. Uny sahlo, phungbia lang tah tahpaw co, naaning cawh a thipaw na cang myca he ceh, zecawtamaw tatah Khri a pung chung letah a ungpaw na cang he ceh. Taico Khazing lang letah thuipa kaa hnui nápawtah atoheh cawh thihnah taitah pathopaw Ama, a tei na cang myca he ceh.  
\v 5 Sua a thaipaw kaa ngaisaw phung tah a za ma uh ning takhei co phungbia tei a thosahpaw sua dunah tah kaa pung chung letah rai hre ka, ma suanah hming sahlo takhei thihnah aa chuasah.  
\v 6 Canghrasala a za ma hraipakingpaw phungbia lekhei kaa thih thahnah cawtah phungbia taikhei ka lua thah my ca. Macawtaco ca letah za ciapaw langpui paring rai khah hre khawh lytah lang tha, Thlawpaw langpui khah zui tah rai kaa hre myca. 
\s1 Suanah kha a catingnah 
\p  
\v 7 A cang caco zekhatamaw kaa ta a? Phungbia cawh a sua maw? Sua be! Canghrasala suanah cawh a sua tah a ma hni sahtu cawh phungbia khah a cang. Phungbia tah, “Male hming iavaw kheh,”\x + \xo 7:7 \xt Piachua 20:17; Biary 5:21\x* tatah tah lytah ung my seh la caw, male hming iavawnah cawh zemaw a cang takhah hni a bei peh.  
\v 8 Biapeh khah hmang raring tah suanah taco, kaa chung letah male hming iavawnah a phingphing khah a chuasah. Zecawtamaw tatah phungbia a ung ly caco suanah cawh a thipaw a cang.  
\v 9 Kama hrahring zong khuahlai taco phungbia lytah ka za hring, canghrasala phungbia khah a va chua tihtah suanah cawh ka hring ka, kama cawh ka thi.  
\v 10 Taico hringnah a chuakhuitu a cang tatei rawhpaw biapeh cawh ka cawtah thihnah tutah a cang hri.  
\v 11 Suanah tah a raicangnah cai a chawpaw khah hmuh ka, phungbia cawh hmang raring tah a pa dungkhei. Phungbia rawng tah suanah taco a pa thaw.  
\v 12 Ma pawco phungbia cawh a pathai, biapeh cawh pathai ka, a dingpaw le achawpaw a cang he. 
\p  
\v 13 Ma hratei ka tah tih taco, achawpaw tah thihnah a tlungsah ka tah maw? Cang be! Suanah taco suanah a cang zia khah a lang sá pawtah hming chawpaw hmang khei, ka cung letah thihnah a tlungsah. Ma pawco phungbia thong khei, suanah a sua zia cawh a lang vy tima. 
\p  
\v 14 Phungbia cawh Thlawpaw lang hming a cang takhah kaa hni, canghrasala kama cawh cang bei neh, suanah sae caw tutah zuapaw ka cang.  
\v 15 Ka tuapaw hming heh a silang hnih khy bei neh, zecawtamaw tatah tua ka dupaw khah tua lytah ka du lypaw tukhah ka tua.  
\v 16 Tua ka du lypaw ka tua caco phungbia cawh a chah tatah ka naw a tlahpaw a cang.  
\v 17 Macawtaco ma hming a tuatu hmuisui cawh kama heh cang lytah ka chung letei a ungpaw suanah tukhah a cang hri.  
\v 18 Sua a thaipaw ka ngaisaw phung lehei, chahnah ung be takhah ka hni. Zecawtamaw tatah chahnah tua dunah khah ka chung letah ung hmai seh la, chahnah tuakhynah hnui bei neh.  
\v 19 Tua ka dupaw chahnah khah tua lytah tua ka du lypaw chianah khah ka tua hri tei.  
\v 20 Tua ka du lypaw khah ka tua caco, ma taco ma hming a tuatu cawh kama cang lytah ka chung letei a ungpaw suanah takhei a tuapaw a cang. 
\p  
\v 21 Macawtaco hming a ungzia cawh ma hrahei a cang takhah ka hni. Achawpaw hming tua ka du tihtah khei, suanah khah kama khatah a ung tei.  
\v 22 Ka chunglang hringnah letaco Khazing phungbia lekhei a lawng,  
\v 23 canghrasala ka chung letah phung hringpaw a ung hrahpaw khah ka hni, ma phung cawh ka thinglung tah a chah a tahpaw phung a dytu a cang. Ma phung taco ka pung cung letah rai a hrepaw suanah phung sae takhei a pa tua.  
\v 24 Ningdo ka chui caimang! Thihnah lang a pa seikhuitu pung chung taihei ahomaw a pa pachah khy a?  
\v 25 Kaa Buipaw Zisu Khri thongtah pachah ka cang cawtah Khazing khatah lawngbia a hlai he peh! 
\p Macawtaco ka thinglung chung leco Khazing phungbia sae ka cang. Canghrasala sua a thaipaw ngaisaw phung tu leco suanah sae ka cang. 
\c 8  
\s1 Thlawpaw thongtah hringnah 
\p  
\v 1 Macawtaco atoheh cawh Khri Zisu letah a ungpaw caw taco thaily cangsahnah cawh ung khawh be.  
\v 2 Zecawtamaw tatah Khri Zisu thongtah hringnah peitu Thlawpaw phung taco suanah le thihnah phung chung taikhei a pa luasah myca.  
\v 3 Sua a thaipaw kaa ngaisaw phung tah a thaw a diasah cawtah phungbia tah ma cawh tua khy be. Canghrasala suanah cawtah thuihlainah tua pawtah Khazing tah Ama a Sawcapaw cawh sua a thaipaw cawngsaw pungsaw hratah a za thlaw. Macawtaco cawngsaw letei a ungpaw suanah cawh thaily a cangsah.  
\v 4 Phungbia tei a hia a tahpaw cawh kaaning kaa chung letah a tlingnápaw cawtah ma hratei a tuapaw a cang. Kaaning cawh sua a thaipaw ngaisaw phung hratah cang lytah Thlawpaw dunah hratah a hringpaw kaa cang he peh. 
\p  
\v 5 Sua a thaipaw ngaisawpaw a dunah hratah a hringpaw sahlo cawh a ngaisaw phung tei tua a dupaw takhei aa lungthing cawh a uh. Canghrasala, Thlawpaw tah a chingpaw he hratah a hringpaw sahlo cawh Thlawpaw tei a dupaw takhei aa lungthing cawh a uh.  
\v 6 Naa thinglung cawh ngaisaw phung tah a uh caco, a changnah cawh thihnah a cang. Naa thinglung cawh Thlawpaw tah a uh caco a changnah cawh hringnah le denah a cang.  
\v 7 Macawtaco cawngsaw cawh a thinglung khah a ngaisaw phung tah a uh caco, Khazing a caraepaw a cang, zecawtamaw tatah Khazing phungbia khah nge be, a ngetei ka tah caco a zui hrahring zui khy be.  
\v 8 Aa ngaisaw phung dupaw a zuipaw taco Khazing khah a lawngsah khy bei he. 
\p  
\v 9 Canghrasala naaning cawh ma hraco hring bei he ceh. Khazing Thlawpaw khah naa chung letah a ung hmuisui caco, Thlawpaw hruinah tutah na hring he ceh. Khri Thlawpaw a hnui lypaw cawh Ama a cawngsaw cang bei he.  
\v 10 Canghrasala Khri khah naa chung letah a hring caco, suanah rawng tah naa pung cawh thi hmai seh la, dingnah thongtah naa thlawpaw cawh a hring thlang a.  
\v 11 Taico, Zisu khah thihnah taitah a pathotu Khazing Thlawpaw cawh naa chung letah a ung caco, Khri khah thihnah taitah a pathotu Khazing takhei a Thlawpaw cawh naa chung letah a ung sahnah cawtah thih a hmangpaw naa pung khah hringnah a peh hra a. 
\p  
\v 12 Macawtaco uny sahlo, luibah kaa hnui. Canghrasala kaa ngaisaw phung hratah hring ruapaw khah cang be.  
\v 13 Naa cawngsaw cangná tah naa hring caco, na thi he ceh, canghrasala ngaisaw phung suanah khah Thlawpaw bawkhangná tah naa thaw caco na hring he ceh.  
\v 14 Khazing Thlawpaw tei a hruipaw he cawh Khazing Sawtei leh a cang he.  
\v 15 Khazing tei a ca pehpaw he Thlawpaw cawh sae tah naa cang kaw nápaw le cici phangphang tah naa ung nápaw Thlawpaw cang be. Khazing sawtei tah a ma tua ruapaw tutah cang ka, ama taco Khazing khah, “ Abba, Apaw,” tatah a ma ysah.  
\v 16 Khazing Thlawpaw cawh kaa thlawpaw khatah a pakong ka, Khazing sawtei kaa cangnah khah a ma hnisah.  
\v 17 Atoheh cawh Khazing sawtei sahlo kaa cangnah cawtah ry cytu ka cang he peh, Khazing ry cytu, Khri kha ry cyhruipaw ka cang he peh. Khri tai-ingnah khah ka hrong hmuisui caco he peh a rungnawnah zong khah ka hrong hra he peh. 
\s1 Hmelang rungnawnah 
\p  
\v 18 Ato letei kaa tai-ingnah heh cawh hmelang kaaning kha a va lang lepaw rungnawnah khaco rei pakhing tlangpaw tah rei bei neh.  
\v 19 Tuapaw hming vytei tah Khazing sawtei sahlo palang aa cang lepaw khah a ngete ly hmotah aa haw thlang he.  
\v 20 Tuapaw hming vytei cawh aaning aa dunah cawtah cang lytah Khazing tah cang seh a tahnah thongtah ze lypaw hratah a cang thlu he. Canghrasala hnabeisuinah cawh a ung paria thlang.  
\v 21 Ma hnabeisuinah cawh zemaw a cang kaa tah caco, ningkheh kheh cawh tuapaw hming vytei heh a thu a mangpaw sae cangnah taikhei luasah cang tae he ka, Khazing sawtei leh aa luanah a rungnawpaw khah a hrong tae hra he a. 
\p  
\v 22 Atoning tai lehei co tuapaw hming vytei cawh canu ny ung risaw a hrungpaw he hratah a hrungning he tahpaw kaa hni.  
\v 23 Ma hratei a hrung leimeipaw he cawh tuapaw hming suipaw cang bei he, Khazing lahsong a hmetaw caipaw Thlawpaw a hmuhpaw kaaning sahlo zong Khazing tah a sawtei leh tah tua tah kaa pungpaw heh tlang nápaw cai kaa haw thlangning tah kaa lungthing tah ka rungthe he peh.  
\v 24 Zecawtamaw tatah ma hnabeisuinah chung lehei pachah kaa cangpaw a cang, canghrasala kaa hnabeisuinah cawh mehkho tah kaa hmuh caco, ma cawh hnabeisuinah hmuisui cang be. Ahomaw a hnui ciapaw letah a hnabei a sui bang?  
\v 25 Canghrasala kaa meh tei a hmuh khy lypaw khah kaa hnabei a sui caco, ma cawh lungsy teitah kaa haw takhah a langnah a cang. 
\p  
\v 26 Ma thly thly hraco, Thlawpaw tah ka phahlahnah pawhe peh lekhei a ma bawkhang. Zekhatamaw thlaw kaa chang a tah kaa hni ly ning tahmai tah bia tei reichua khy lypaw, a rungthená tah Thlawpaw tah Khazing khah a ma naw pah.  
\v 27 Cawngsaw kaa lungthing a hnihtu Khazing taco Thlawpaw thinglung cawh a hni, zecawtamaw tatah Khazing dunah hratah Thlawpaw tah mehpathai sahlo cawtah nawpawnah a tua cawtah. 
\s1 Tetu navy tah a lai vy 
\p  
\v 28 Taico Khazing tah Ama a dopaw le Ama a tingpaw naning tah a ypaw sahlo aa cawtah zezongpui khah a chah nápaw lang tah a tuapah he takhah kaa hni.  
\v 29 Khazing tei a thing ciapaw sahlo cawh a Sawcapaw hratah aa cang nápaw khah a macang teitah a patlia pacia hlang thah he, zecawtamaw tatah uny hlupui hrong letah a Sawcapaw cawh uthuicai a cang nápawtah.  
\v 30 Taico a patlia paciapaw sahlo cawh Khazing tah y he ka, a ypaw he cawh Ama tah thaicangsah he ka, thai a cang sahpaw he cawh rungnawnah zong khah a peh he. 
\p  
\v 31 Ma hratei a cang caco, zemaw kaa rei khaw a? Khazing cawh kaaning lang tah a ung caco, ahomaw a ma dy khy a?  
\v 32 A Sawcapaw hrahring hmai khah a ma peh caco, hming vytei zong heh a saipaw tah ma pei bei maw?  
\v 33 Khazing tei a thingpaw he cawh aho tamaw sua a phosah khy he a? Ama Khazing hrahring tah pui thai a cysah he caw!  
\v 34 Macawtaco naaning cawh aho tei chang tah sua aa ca phosah he maw? A thipaw khah Khri Zisu khah pui a cang caw! Ma hlui co hmai thihnah taitah patho tah Khazing cacang lang tei a typaw khah a cang vy lalo. Ama tah pui Khazing cawh a ma naw pah kata!  
\v 35 Macawtaco ahomaw Khri donah khaco a ma pachai khy a? Hanah tamaw, hrehnah tamaw, cakaangnah tamaw, thlekalong tah ungnah tamaw, hming cichuipaw tamaw, thihnah tamaw, zetei chang tah a ma pachai khy maw?  
\v 36 Capathai letah, 
\q1 “Nama na rawng tah chahningtlaw thaw pahrih leimei tah kaa ung, 
\q2 thaw rua pawtei seikhuipaw tuu hratah aa ma tua,”\x + \xo 8:36 \xt Hlaw 44:22\x* 
\m tatah ciapaw hrakhei a cang.  
\v 37 Zetahmai tah ma pachai khy bei he, ma hming vytei chung lehei a ma dotupaw thongtah kaaning cawh tetu hmuisui ka cang he peh.  
\v 38 Zecawtamaw tatah a ma donah taitah zetahmai tah ma pachai khy be, takhah a sepaw teitah kaa hni. Thihnah cang seh, hringnah cang seh, avai letah a ungpaw vaiming sahlo cang he seh, khachia cang he seh, ato cai cang seh, hmelang cai cang seh, uhtu le hmingtuakhynah cang seh,  
\v 39 cung lang alui cang seh, a rai lang alui cang seh, ma pachai khy bei he. Kaa Buipaw Khri Zisu a thongtah kaa tei a cangpaw Khazing donah khatah a ma pachai khy ruapaw cawh tuapaw vytei hrong lehei zehmai ung bei he. 
\c 9  
\s1 Khazing rei tah thingpaw 
\p  
\v 1 Ka reipaw bia heh ahmangpaw bia a cang. Khri a tei cang neh ka, hingbia rei bei neh. Thlawpaw Pathai tei a uhpaw ka chiachaw thluidangnah lungthing zong tah hingbia ka rei lypaw khah a pa hni khui.  
\v 2 Ka uny sahlo le ka mingphing cawtah ka nge pachia hringhrai thlang ka, ka lungthing a sah ngetei.  
\v 3 Aaning aa cawtah a chahnah ruapaw a cang caco, Khazing chiasah ná tah kama hmai heh Khri khatah a chai hmai heh ka du vy.  
\v 4 Aaning cawh Israel mingphing Khazing thingpaw sawteileh khah cang he ka, Khazing rungnawnah khah a hmuhsah he. Aaning khatah biahrainah sahlo khah tua ka, phungbia khah a peh he. Behnah hmuisui cawh aaning takhei aa hnui. Khazing biakangnah khah aa hmuh.  
\v 5 Aaning sahlo cawh pathlahtu mehpuimaw sahlo pathlah a cang he. Taico Khri zong khah mehnung lang co aa mingphing a cang. Ama cawh zezong vytei a uhtu, chaizaw tah reithai tlang Khazing a cang! Amen. 
\p  
\v 6 Israel pathlah khah aa zongmingtei tah Khazing thingpaw cang hlui bei he, Khazing biakangnah cawh zehmai cang be ka tah dunah cang be.  
\v 7 Abraham teiching sawpa zong aa zongmingtei tah Abraham sawtei leh cang hlui bei he. Khazing tah Abraham cawh, “Isak teiching sawpa sahlo cawh nama na teiching sawpa tah rei a cang he a,”\x + \xo 9:7 \xt Atho 21:12\x* tatah a tah.  
\v 8 Bia hringpaw tei ka reipaw a cang caco, mehnung phung cakhawngpaw hratah sahpaw sawtei cawh Khazing sawtei cang hlui bei he. Khazing biakangnah hratei sahpaw sawtei suipaw Abraham teiching sawpa tah rawhpaw a cang he tahnah a cang.  
\v 9 Zecawtamaw tatah Khazing biakang cawh ma hrahei a cang: “A cai a zaw tihtah va kaw kaw neh ka, Sarah tah sawcapaw a sá a.”\x + \xo 9:9 \xt Atho 18:10,14\x* 
\p  
\v 10 Ma longtei cawh cang be. Rebeka a sawcapaw leh pahning zong takhei paw pakheh longtei hnui he ka, kaa mapaw Isak khah aa paw cawh a cang.  
\v 11 A cang naná teitah mehphia tlaw aa chua hlai tah le achawpaw cang seh, achiapaw cang seh, zehmai aa tua hlai taikhei Khazing tah a thingpaw pakheh khah a pacy khy nápawtah,  
\v 12 aaning tah aa hrenah thongtah cang lytah Ama tei a ynah caw he tah cang hri ka, Rebeka hai leco Khazing tah, “Uthui tah a suipaw a rai a hre tae a,”\x + \xo 9:12 \xt Atho 25:23\x* tatah a tah.  
\v 13 Capathai tah, “Jakob cawh ka do, Esau cawh ka hua,”\x + \xo 9:13 \xt Mala 1:2-3\x* a tahpaw hrakhei a cang. 
\p  
\v 14 A cang caco saw Khazing cawh ding be kaa tah khy maw? Tah khy bei peh.  
\v 15 Zecawtamaw tatah Moses hai letah pui, 
\q1 “Ningdo ka dupaw cawh ning ka do thlang he, 
\q2 aa zawngrawh ka dupaw cawh aa zawng ka rawh thlang he,”\x + \xo 9:15 \xt Piachua 33:19\x* 
\m a tah kha!  
\v 16 Macawtaco cawngsaw tah aa du cawtah le aa tuanah thongtah cang lytah Khazing ningdonah thong tutah a cang hri.  
\v 17 Zecawtamaw tatah Capathai leco Khazing tah Faraoh hai lekhei, “Nama siangpahrang tah ka ca tuapaw cawh ka thawtlungnah a lang nápaw le ka ming cawh aluicung pungpaluh letah a thang khy nápaw caw hrahring tah a cang,”\x + \xo 9:17 \xt Piachua 9:16\x* tatah a tah.  
\v 18 Macawtaco Khazing taco ning a do dupaw he khah ningdo thlang he ka, lunglaisah a dupaw he khah aa lung a laisah thlang he. 
\p  
\v 19 Naa hrong letah pakheh kheh tah a tho he ceh ka, “Ma hratei a cang caco, Khazing tah zecawtamaw sua a ma phosah thly thly thlang? Khazing dunah cawh ahomaw a pakhang khy?” naa tah.  
\v 20 Canghrasala nama cawngsawpaw, Khazing khah ei leimei ruapaw tah aho ky maw na cang? Alui bei tah a tuatupaw khah, “Zecawtamaw ma hrahei na pa tua?” tah be.  
\v 21 A ngetei ka tah caco, bei a tuatu tah luitlang tlangkheh taikhei bei sanghning a tua khy thlang. Sangkheh khah a sungnawpaw tah le sangkheh khah hmang cakhawng rua pawtah tuanah naw a hnui. 
\p  
\v 22 Khazing tah a thingaenah le a hmingtuakhynah khah a langsah a du. Canghrasala, dangtah ruatah a tlahpaw cawngsaw sahlo cung letah a lung a sy.  
\v 23 Mahratei a lung a sypaw cawh Ama arungnawnah a hrong pawtah a pachiapaw he, a dopaw he cawngsaw sahlo khatah a rungnawpaw alaisuinah khah a langsah a du cawtah a cang.  
\v 24 Kaaning heh a ypaw cawh cang he peh ka, Juda cawngsaw chung long taitah cang lytah Gental cawngsaw chung zong taitah ypaw ka cang he peh.  
\v 25 Ma cawh Hosea Cabu chung letei, 
\q1 “Ka cawngsaw a cang lypaw khah, ‘Ka cawngsaw,’ tah he neh ka, 
\q2 ka za do lypaw mingphing khah, ‘Ka dopaw,’ tatah ka tah he a,”\x + \xo 9:25 \xt Hose 2:23\x* 
\m tatah a tah.  
\v 26 Taico, 
\q1 “ ‘Naaning cawh ka cawngsaw cang bei ceh,’ tatah a za tahnah pawhe hminghmaw lekhei, 
\q2 ‘Aaning cawh Khazing hring sawtei leh,’ tah a cang he a,”\x + \xo 9:26 \xt Hose 1:10\x* 
\m tatah a tah. 
\p  
\v 27 Taico Khazing khuavang Isaiah tah Israel mingphing kong lekhei, 
\q1 “Israel cawngsaw cawh rili ngaekang letei sadi zeh hmai cang he seh la, 
\q2 a cawngtei longlong pachah a cang he a. 
\q1  
\v 28 Zecawtamaw tatah Khazing tah 
\q2 khazaw heh a catleipaw tah a changnah tai bia a ce a,”\x + \xo 9:28 \xt Isai 10:22-23\x* 
\m a za tah. 
\p  
\v 29 Isaiah thly thly tah, 
\q1 “Cungnungcai Abuipaw tah teiching sawpa 
\q2 a cawngpe tei ma huapah lytah ung my seh la caw, 
\q1 Sodom khuapui hratah cang thah he peh ka, 
\q2 Gomora khuapui hrakhei ka cang thah he peh,”\x + \xo 9:29 \xt Isai 1:9\x* 
\m a za tahpaw hrakhei a cang. 
\s1 Israel sahlo zing lynah 
\p  
\v 30 A cang caco, zekhatamaw kaa tah a? Khazing dingnah hnui a za pachia bang lypaw Gental cawngsaw sahlo tah aa zingnah thongtah Khazing dingnah cawh aa hmuh myca.  
\v 31 Canghrasala, Khazing dingnah hmuh a pawtah phungbia a huipaw Israel cawngsaw sahlo taco, ma cawh hmuh bei he.  
\v 32 Zecawtamaw aa hmuh be? Zingnah khah a paichai lytah tuasanah tukhah a paichainah caw he tah a cang. A pachihnah alung leco a pachih he ka, a liahly thlu he.  
\v 33 Capathai tah, 
\q1 “Mingtua, Zion letah mehnung a pachihlysah rua pawtah alung sangkheh ka chia. 
\q2 Ma alung taco a pohlysah tae he a. 
\q1 Canghrasala Ama a zingpaw cawngsaw cawh 
\q2 ningzaw tah ung by bei he,”\x + \xo 9:33 \xt Isai 8:14; 28:16\x* 
\m a tah. 
\c 10  
\p  
\v 1 Ka uny sahlo, ka lungthing a dunah le Khazing khatah ka thlawchangnah cawh Israel mingphing vytei pachah aa cang khy nápaw heh a cang.  
\v 2 Khazing cawtah chahnai aa nge ngetei tahpaw aa kong aa lang a se pawtah ka hni, canghrasala chahnai aa ngenahpaw cawh Khazing langpui hratah cang beh.  
\v 3 Khazing taitah a va chuhpaw dingnah cawh zekhatamaw a cang takhah aa hnilynah cawtah aaning aa dunahpaw dingnah cung lekhei a pahnia he ka, Khazing dingnah khah cyhlang du bei he.  
\v 4 Khri cawh phungbia a changnah a cangnah cawtah Ama a zingpaw maikaw tah Khazing dingnah khah aa hmuh. 
\p  
\v 5 Moses tah phungbia zuinah thongtah Khazing dingnah hmuh a cangnah kong khah ma hrahei a rei, “Phungbia tei tua law a tahpaw hratah a tuapaw cawh a tuapaw thongtah a hring a,”\x + \xo 10:5 \xt Tlangbui 18:5\x* a tah.  
\v 6 Canghrasala, zingnah thongtah Khazing dingnah kong leco ma hrahei a cang, “Nama le nama cawh, ‘Ahomaw vaicung lang kheh a ke a?’ a tah kheh.”\x + \xo 10:6 \xt Biary 30:12\x* A silang cawh Khri khah za cungkhui paw a cang tahnah a cang.  
\v 7 A cang ly leh, “ ‘Ahomaw mehthi khua lang a sei a?’ tah hrah kheh.”\x + \xo 10:7 \xt Biary 30:13\x* A silang cawh Khri khah mehthi sahlo chung taikhei ka kekhui paw a cang tahnah a cang.  
\v 8 A cang caco zekhatamaw a tah? Zingnah cawh ma heh a cang tatah ka rei leimeipaw, “Khazing bia cawh na kae tei letah ung thlang ka, na kaw chung letah le na lungchung letah a ung thlang,”\x + \xo 10:8 \xt Biary 30:14\x* tahpaw kong khah a cang.  
\v 9 Na kaw tah, “Zisu cawh Abuipaw a cang,” tatah tah ceh ka, Khazing tah mehthi sahlo taitah a patho tatah na lungchung tah na zing caco, pachah na cang a.  
\v 10 Zecawtamaw tatah kaa lungchung tah zing peh ka, thai cangsah kaa cang he peh, kaa kaw tah rei peh ka, pachah ka cang he peh.  
\v 11 Capathai tah, “Ahohmai Ama a zingpaw maikaw cawh muaphy tah ung by bei he,”\x + \xo 10:11 \xt Isai 28:16\x* a tahpaw hrakhei.  
\v 12 Zecawtamaw tatah Juda cawngsaw, Gental cawngsaw tatah patlianah zehmai ung lytah Khazing cawh kaa zongmingtei kaa Buipaw cang ka, Ama a ypaw maikaw cawh bonghnang a hlupui a peh tei he.  
\v 13 Capathai tah, “Abuipaw ming a ypaw maikaw cawh pachah a cang he a,”\x + \xo 10:13 \xt Joel 2:32\x* a tahpaw hrakhei. 
\p  
\v 14 Ma hratei a cang caco, zekhatamaw a zing lypaw taco a ming cawh aa y khy a? Taico bia khah aa thui ly caco, zekhatamaw Ama cawh aa zing khy a? Taico phungreitu aa ung ly caco, zekhatamaw a konglang cawh aa thui khy a?  
\v 15 Taico phung aa rei ruapaw khah thlaw aa cang ly caco, zekhatamaw aa rei khy a? Capathai letah, “Thawngchawbia aa reipaw aa phe cawh a nge caimang!”\x + \xo 10:15 \xt Isai 52:7\x* a tahpaw hrakhei. 
\p  
\v 16 Canghrasala Juda cawngsaw aa zongmingtei khei thawngchawbia cawh pawng hlui bei he. Mahraco Isaiah tah, “Abuipaw, ahomaw kaa bia cawh a zing?”\x + \xo 10:16 \xt Isai 53:1\x* tatah a tah.  
\v 17 Macawtaco zingnah cawh Khazing bia thuinah thongtah cang ka, Khazing bia cawh Khri kong reinah thong khei, thui a cang.  
\v 18 Canghrasala biahaenah tua ka dupaw cawh, “Juda cawngsaw sahlo taco bia cawh thui bang hrahring bei he maw?” taheh a cang. A thui cawh aa thui thlang. Capathai tei a reipaw, 
\q1 “Aa ynah o cawh aluicung pungpaluh letah a thang, 
\q2 aa bia cawh khazaw changnah tai a phah,”\x + \xo 10:18 \xt Hlaw 19:4\x* 
\m tatah a tahpaw hratah a cang.  
\v 19 Biahaenah tua ka du vypaw cawh, “Israel mingphing taco hnih thai bei he maw?” tah heh a cang. Aa bia a paleh taw ruapaw he cawh Moses khah a cang. Zekhatamaw a rei tah pawco, 
\q1 “Naaning cawh mingphing hmuisui a cang lypaw sahlo khah ca iavaw sá he neh ka, 
\q2 naaning cawh mehruh mingphing khei naa thing ka ca ae sá he a,”\x + \xo 10:19 \xt Biary 32:21\x* 
\m a tah.  
\v 20 Taico Isaiah tah raechah teitah a reipaw cawh, 
\q1 “A pa hui lypaw sahlo tah aa pa hmuh. 
\q2 A pa hy lypaw sahlo lekhei ka lang,”\x + \xo 10:20 \xt Isai 65:1\x* 
\m a tah.  
\v 21 Canghrasala Israel mingphing kong leco, 
\q1 “Rei a nge lypaw le aa lungku aa chawpaw cawngsaw sahlo khatah 
\q2 chahningtlaw ka kih ka hlai tei he,”\x + \xo 10:21 \xt Isai 65:2\x* 
\m a tah. 
\c 11  
\s1 A tangpaw Israel sahlo 
\p  
\v 1 A cang caco, Khazing tah a cawngsaw sahlo cawh a hlawh he maw? Cang hrahring be, kama zong heh Israel cawngsaw, Abraham teisaw, Benjamin hring taiteipaw ka cang.  
\v 2 Khazing tah athoning taitei a thingpaw he cawh hlawh bei he. Capathai tah Elija kong a reipaw khah hnih bei he ceh maw? Israel mingphing kawng letah Khazing khatah phing katei,  
\v 3 “Abuipaw, na khuavang sahlo khah theh ry he ka, na dangnah siasang khah aa rorang thlu. Kama longlong heh a tangpaw cang neh ka, ma cawh hmai thaw aa pa za,”\x + \xo 11:3 \xt 1 Siangpahrang 19:10,14\x* tatah a tahpaw khah.  
\v 4 Khazing tah zekhatamaw a chai? “Kama ka cawtah Baal khazing hme letah a khuh a panai bang lypaw mehnung 7000 ka chia thlang he,”\x + \xo 11:4 \xt 1 Siangpahrang 19:18\x* tatah a tah.  
\v 5 Ma thly thly hraco ato zong heh a cang. Khazing tah ning a donah caw he tah a thingpaw a cawngpe a ung thlang hrah he.  
\v 6 A thingpaw he cawh ning a donah caw he tah a cang caco, aaning aa hming tuanah rawng tah cang be. Ma hratei a cang caco ningdonah cawh ningdonah tling cang be. 
\p  
\v 7 A cang caco zekhatamaw? Israel mingphing tei a ngete ly tei aa za huipaw khah aa hmuh tlung be, canghrasala a thingpaw sahlo taco aa hmuh. Ahringpaw sahlo cawh aa lungku chawsah cang he ka Khazing bia khah nge bei he.  
\v 8 Capathai tah, 
\q1 “Khazing tah aa lungthing pamori he ka, atoning tai hmai aa mehkho tah hmuh khy be, 
\q2 aa nawkho tah zong thui khy bei he,”\x + \xo 11:8 \xt Biary 29:4; Isai 29:10\x* 
\m a tahpaw hrakhei a cang hmuisui.  
\v 9 Taico David zong tah, 
\q1 “Aa lawhdangnah cawh aaning aa cawtah sarui cang seh la, 
\q2 aaning a pachihlynah he le dangtahnah cang hri seh. 
\q1  
\v 10 Khua aa hmuh khy ly nápawtah aa meh cawh co seh la, 
\q2 hanah aa ingpaw hmingrih rai lekhei aa kai a king paria thlang seh,”\x + \xo 11:10 \xt Hlaw 69:22-23\x* 
\m tatah a tah. 
\s1 Acaibai a thlahpaw 
\p  
\v 11 Taico Juda cawngsaw sahlo cawh aa pachihly tih he tah tho khy khawh lytah ung heh maw a cang? Cang hrahring be. Aa suanah cawtah khei pachahnah khah Gental cawngsaw sahlo lang tukhah phah ka, Juda cawngsaw sahlo tah aa iavaw nápaw caw he takhei.  
\v 12 Juda cawngsaw sahlo suanah tahei khazaw letah bonghnang a hlupui tlungsah ka, Thlawpaw lang tah aa phahlahnah pawhe tah Gental cawngsaw sahlo khah bonghnang a hlupui a pho he. Macawtaco Juda cawngsaw sahlo cawh a tling teitah a paleh kaw tih he taco, bonghnang cawh zetlua tamaw alai vy chichi a! 
\p  
\v 13 Naaning Gental cawngsaw sahlo ka ca ching he. Gental mingphing khatah apostol ka cang chung vytei cawh ka rai heh ka palaikhui thlang.  
\v 14 Ka mingphing sahlo khah heitliasah a zawng neh ka, ma hratei ka tua caco, a cawngpe tei chang ka pachah khy phung he maw tah ka rawhchai.  
\v 15 Zecawtamaw tatah aaning tei Khazing aa hlawhpaw cawh khazaw le Khazing kaa letah arainah a cang caco, cyhlang aa cang tih taco thihnah taitah hringnah cang bei maw?  
\v 16 Very hlungkheh chung taitah tlangkhehnah khah Khazing khatah a pathaipaw tah hlai a cang caco, very a hlung ning pui khei a pathai. A kung a pathai caco a cai zong a pathai hrah. 
\p  
\v 17 Aa cingpaw Oliv kung a cai thaikheh khah thleh he ka, lyraangpaw letei a cypaw oliv kung a cai khah cingpaw Oliv kung letah pei a cang myca. Ma lyraangpaw letei a cypaw oliv kung hraco naaning Gental cawngsaw cawh na cang he ceh. Atoheh cawh Juda cawngsaw sahlo chongnah le hringnah khah na hrong myca he ceh.  
\v 18 Macawtaco thliapaw a cai hratei a cangpaw he khah naa zongte ruapaw he cang be. Zecawtamaw na palai he ceh? A cai pui naa cang caw, a hrang cawh naa cang tlung be. A hrang tah pui a ca cawng he caw!  
\v 19 Taico a tho he ceh ka, “Kaa ungnah tuapah ruapaw taco pui a cai cawh thlia a cang kata,” naa ta a.  
\v 20 Ma cawh ahmang thlang. Aaning cawh aa zing lynah cawtah thlia cang he ka, naaning cawh naa zingnah cawtah naa ungnah hming letah naa ung. Canghrasala ma kong leco naa lung pia kheh seh. A ci tah ci hri my lo.  
\v 21 Thingcai hmuisui a cangpaw he Juda mingphing sahlo hmai Khazing tah a hua ly caco he, naaning zong ca hua hrá bei he. 
\p  
\v 22 Macawtaco Khazing a chah zia le ci a chui zia heh pacang tua hmai o. A pohlypaw sahlo cawtah co ci a chui caimang, canghrasala Khazing a chahnah chung letah naa ung paria thlang caco a ningdonah naa ting a. Mahratei a cang ly caco, naaning zong chawthlah na cang hrá he ceh.  
\v 23 Taico Juda cawngsaw sahlo cawh aa zing lynah khah aa seisai caco, khuahlai tei aa za ungnah hming lekhei a chia kaw khy thlang he a, zecawtamaw tatah Khazing taco a chia kaw khy thlang he.  
\v 24 Naaning Gental cawngsaw cawh lyraangpaw letei oliv cai chawthlah ciapaw na cang he ceh. Mataico naaning cawh lingpaw oliv kung letah a phung lypaw pui tah pazopaw na cang he ceh. Naaning hmai tah lingpaw oliv letah pei naa cang caco, aaning Juda cawngsaw cawh aaning aa kung letah pei kaw cawh zetlua tamaw a neh vy a? 
\s1 Israel vytei pachah a cang he a 
\p  
\v 25 Uny sahlo, ma biaparuh heh hni lytah naa ungpaw du bei neh, catei a cang ly caco naa pachaw sua he ceh. Ma biaparuh cawh Israel mingphing heh aa lungkhong paria thlang be. Gental cawngsaw vytei Khazing khatah a vong ruapaw he a vongnah cai tai longlong khah a cang a.  
\v 26 Taico Israel mingphing vytei pachah aa cang he a. Capathai tah, 
\q1 “Zion taitah pachahtu khah a vong ka, 
\q2 Jakob teisaw chung taitah Ama tah aa suanah khah a hlyde a. 
\q1  
\v 27 Aa suanah vytei khah ka lah hly pah tih he tah 
\q2 ma biahrainah heh aaning kha ka tua a,”\x + \xo 11:27 \xt Isai 59:20-21; 27:9; Jere 31:33-34\x* 
\m tatah a ciapaw hrakhei. 
\p  
\v 28 Thawngchawbia konglang co, naaning rawng tah Khazing carae a cang he. Canghrasala thingpaw konglang co, aa mapaw sahlo rawng takhei Khazing dopaw a cang he.  
\v 29 Zecawtamaw tatah Khazing tah a ynah pawhe le lahsong a pehpaw he kong lekhei a lung a paleh bang be.  
\v 30 Naaning Gental mingphing cawh khuahlai taco, Khazing a rei khah za nge bei ceh. Canghrasala Juda mingphing tah a rei aa nge lynah cawtah naaning tutah a zawngenah khah naa cy.  
\v 31 Ma hraco naaning tei naa cypaw Khazing zawngenah thong khei aaning zong tah zawngenah aa cy khy hrah ná pawtah atoheh a rei khah nge lytah aa ungpaw a cang.  
\v 32 Khazing tah ming vytei khah reinge lynah chung letah a hraipaking pawhe cawh aa zongmingtei cung letah zawngenah hnui a dunah caw he tah a cang. 
\s1 Reithainah 
\q1  
\v 33 Khazing a rungnah le singnah le hnikhynah vytei heh a thuh caimang dei e! 
\q2 A biacenah cawh ahomaw a silang a thui pase thai! 
\q2 A hming tuanah ningcang heh ahomaw a hnih khy a! 
\q1  
\v 34 “Ahomaw Abuipaw thinglung cawh a hnih khy a? 
\q2 Ahomaw sing a ching khypaw a ung?”\x + \xo 11:34 \xt Isai 40:13\x* 
\q1  
\v 35 “Khazing tah chang kaw rua pawtah 
\q2 ahomaw Khazing kha a pei khypaw a ung?”\x + \xo 11:35 \xt Job 41:11\x* 
\q1  
\v 36 Zecawtamaw tatah zezong vytei heh Ama taitah le, 
\q2 Ama a thongtah le, Ama a cawtah a cang he. 
\q1 Ama khatah rungnawnah cawh chaizaw tah ung ky seh! Amen. 
\c 12  
\s1 Ahringpaw pehlainah 
\p  
\v 1 Macawtaco uny sahlo, Khazing a zawngenah rawng tahei, naa pung khah a pathaipaw le Khazing lung a lawngsahpaw ahringpaw athuihlainah hratah pae pawtah ka ca sia he. Ma cawh thlawpaw lang tah Khazing beh hmuisui cawh a cang.  
\v 2 Ma khazaw hringzia naning hei hring leimei hrah khe o, canghrasala naa thinglung pathasah nátah naa hringzia cawh a thlai thlu seh. Taico Khazing dunah a cangpaw, achawpaw le lung a lawngsahpaw le a tlingpaw a dunah cawh pase khy he ceh ka naa hni khy a. 
\p  
\v 3 Ka hmuhpaw Khazing ningdonah thongtah ma bia heh naa zongmingtei hai letah ka rei. Naaning le naaning khah a pasangtu khe o. Naa cangnah tukhah a hnih hri la, Khazing tah a ca pehpaw he zingnah cacy teikhei naaning le naaning a rawh my lo.  
\v 4 Kaa pung cung lehei pung caibai hlupui hnui he peh ka, ma a caibai vytei tahei rai cacangpaw aa hnui cy.  
\v 5 Ma hraco kaaning zong mehlupui kaa cang naná tah Khri kha ka peitlenah pawhe peh thongtah pungkheh cang peh ka, pung caibai cacy cawh sangkheh le sangkheh a tle thlupaw he hratah kaaning zong pakheh le pakheh ka peitle thlu peh.  
\v 6 Macawtaco lahsong phingcang kaa hmuhpaw cacy khah Khazing tei a ma pehpaw ningdonah cacy naning khei hmang he peh seh. Lahsong kaa hmuhpaw cawh Khazing bia phykhynah a cang caco, zingnah kaa hnuipaw hrakhei kaa hmang ruapaw a cang.  
\v 7 Male cawtah raihre ruapaw a cang caco, ma hraco hre he peh. Cawngpah ruapaw a cang caco, cawngpah he peh.  
\v 8 Male thawzaang peh rua a cang caco, thawzaang pei he peh. Kaa hnuipaw hming khah male a hrawng hrápaw a cang caco, hechia lytah a hrawngsah hrápaw he a cang. Hruitu cangnah a cang caco, teria teitah hre ruapaw a cang, male ningdo khah a cang caco, lunglawng teitah ning kaa do ruapaw he a cang. 
\s1 Donah 
\p  
\v 9 A donah cawh lungthing hmuisui tah a cangpaw a cang. Hming chah ly khah a hua la, hming chawpaw khah a tle paria thlang my lo.  
\v 10 Pakheh le pakheh khah Khri letah uny hratah a do la, ming hringpaw khah nama navy tah pasungpanaw vy my lo.  
\v 11 Raihrenah kong letah naa thaw thi kheh seh la, Thlawpaw lang kong letah chahnai nge la, Abuipaw rai cawh hre my lo.  
\v 12 Naa hnabeisuinah lekhei naa thawchah seh la, hanah letah lungsy teitah ung la, thlawchangnah kong letah zingchui pawtah ung my lo.  
\v 13 Naa hnuipaw khah Khazing cawngsaw a phahlahpaw sahlo khah chaichy hrah my lo. Khuachai khah achaw teitah mingkhai my lo. 
\p  
\v 14 Naaning a ca hreh pawhe khah Khazing khatah bonghnang song la, chiasah khe lo.  
\v 15 A lawngpaw sahlo khakhei a lawng hrá la, a cahpaw khakhei cah hrah my lo.  
\v 16 Pakheh le pakheh lungrua teitah ung my lo. A palai a patui khe la, cawngsaw cakhawngpaw khatah a huikongnah hnui khah du mylo. Ming hringpaw navy tah ka singvang vy tatah a pacang khe lo. 
\p  
\v 17 Naa cung letah hmingchahly a tuapaw khah chah ly ná tah veri thing khe lo. Ming vytei tei a chah tatah aa rawhpaw khah tua a zawng my lo.  
\v 18 A cang khy caco, naaning chang tah cawngsaw maikaw kha a dorai teitah ung khah a zawng my lo.  
\v 19 Naa phu a hlang khe lo, uny sahlo, Khazing thingaenah cawh langtlui hri my lo. Zecawtamaw tatah Capathai letah, “Phuhlang cawh kama ka rai a cang, kama tah veri ka thing tae a,”\x + \xo 12:19 \xt Biary 32:35\x* tatah Abuipaw tah a tah.  
\v 20 Macawtaco Capathai tah, 
\q1 “Na caraepaw cawh a ngai a di caco, batui va pei la, 
\q2 a tui a hrae caco tui va pei, ma hratei na tua caco, 
\q1 a lu cung letah a ae leimeipaw mehei chia hratah a cang a,”\x + \xo 12:20 \xt Biasing 25:21-22\x* 
\m a tahpaw hrakhei va tua hri my lo.  
\v 21 Chahlynah khah a tesah khe la, chahnah tuaná khei chahlynah te hri my lo. 
\c 13  
\s1 Nawhnuitu sahlo reingenah 
\p  
\v 1 Ming maikaw tah nawhnuitu sahlo aa rei khah aa nge ruapaw a cang. Zecawtamaw tatah Khazing nawtlahnah ly co ahohmai nawhnuitu ung bei he, nawhnuitu sahlo cawh Khazing tah a chiapaw a cang he.  
\v 2 Macawtaco, nawhnuitu sahlo a dytu cawh Khazing tah cang seh a tahpaw khah a dytu cang ka, ma hratei a tuapaw taco aa cung letah dangtahnah aa tlung sá a.  
\v 3 Uhtu sahlo heh chahnah a tuapaw taco cipaw cang lytah chahlynah a tuapaw long tah ci vy a cang. Nawhnuitu ci lytah ung na du caco, chahnah tua la, a ca reithai thlang a.  
\v 4 Zecawtamaw tatah na cawtah chahnah a tuatu ruapaw tah Khazing sae a cang. Canghrasala chahlynah na tua caco, ama cawh ci ky, zecawtamaw tatah dangtahnah naw a hnuipaw cawh a cakhawngpaw cang be. Ama cawh Khazing sae cang ka, chahlynah a tuatu cung lekhei dangtahnah a peitu ruapaw tah tawpaw a cang.  
\v 5 Macawtaco nawhnuitu sahlo aa rei cawh va nge my lo. Dangtahnah a ungpaw rawng long tah cang lytah naa chiachaw thluidangnah lungthing rawng zong takhei aa rei cawh va nge my lo. 
\p  
\v 6 Ngungkhui naa thopaw cawh ma rawng zong tahei a cang. Nawhnuitu sahlo cawh uhnah rai a hrepaw, Khazing sae a cang he.  
\v 7 Macawtaco naa bah pawhe ceh khah pei la, ngungkhui na bah caco he ceh pei my lo, naa hnuicho ngungkhui peh ruapaw cawh pei my lo, hmezaw ruapaw khah hmezaw la, upah a tlahpaw khah upah my lo. 
\s1 A do my lo, biacenah ningcai a ne myca hi 
\p  
\v 8 Ahohmai lui a bah khe lo, na bah pawhe ceh cawh pakheh le pakheh a dorai long khah cang ky seh. A uny a dopaw maikaw taco phungbia khah a patling.  
\v 9 Biapeh taco, “A phei kheh, lenong kheh, ru kheh, male hming iavaw kheh,”\x + \xo 13:9 \xt Piachua 20:13-15,17; Biary 5:17-19,21\x* a tah. Ma sahlo hlui taihei a ung vypaw biapeh cawh, “Na ingpaw khah nama na dopaw hratah va do hrah,”\x + \xo 13:9 \xt Tlangbui 19:18\x* tahpaw bia tahei a pakawng thlu.  
\v 10 Donah a hnuipaw taco a ingpaw cung letah chahlynah tua be. Macawtaco donah cawh phungbia a tlingnah a cang. 
\p  
\v 11 Ato cai heh ze cai maw a cang takhah naa hni thlangnah cawtah ma heh naa tua ruapaw a cang. Ahrawnah cai a chuh myca, zecawtamaw tatah pachah kaa cang le nápaw cai cawh kaa za zing thoning tei navy khei co, a ne vy lo leimei myca.  
\v 12 Zai cawh a chang daimang myca, khua a dui daimang. Macawtaco muinah letei tuasanah khah bang myca he peh seh la, khainah rae dynah chaichi khah a hrei hri he peh.  
\v 13 Ningching letei a ungpaw hratah a ngecang teitah ung he peh. Zu rui tah khalungpathih tah ung kheh he peh seh. Canu capaw suanah tua kheh he peh seh. Zawkhui chuipaw tah ung kheh he peh seh. A hrychae kheh he peh seh la, zia a hnui kheh he peh seh.  
\v 14 Abuipaw Zisu Khri a ziaza tukhah a lah hri la, naa pungsaw dunah tua khah pacang hrahring khe lo. 
\c 14  
\s1 A diapaw le a chongpaw 
\p  
\v 1 Zingnah kong letah thawzaang a diapaw khah cyhlang my lo. Rawhnah alo lypaw sahlo kong lekhei bia a ei khe lo.  
\v 2 Pakhehpaw cawh zingnah takhei zehapaw e hmai a sai thlang a, canghrasala zingnah lang letah thawzaang a diapaw taco, aihnaw sihnaw longsui tukhah a e.  
\v 3 Zehapaw hmai a epaw takhei ma hratei a e lypaw khah a zongte ruapaw cang be. Taico aihnaw sihnaw suipaw a epaw takhei zehmai a e thlangpaw khah suisepaw cang be. Zecawtamaw tatah Khazing taco a cyhlang va vei thlang he.  
\v 4 Pakhehpaw a sae khah bia pacepah kheh lo. A chaw teitah rai a hre le hre ly cawh ama abuipaw suipaw tah bia a chawpaw a cang. Taico a chaw teitah a tua thlang a zecawtamaw tatah Abuipaw tah a chaw teitah a tuasah khy thlang. 
\p  
\v 5 Pakhehpaw tah ningkhehpaw khah ning hringpaw navy tah a pathai vy tatah a rawh, taico ahringpaw pakheh tah ning cawh a maekheh thlu thlang he tatah a pacang. Pakheh cy aa rawhnah cacy lekhei a pase he seh.  
\v 6 Ningkhehpaw khah ning hringpaw navy tah a pathai dang tatah a pacangpaw taco Abuipaw a upahnah cawtah a rawhpaw cang ka, saw a epaw tah a epaw cawh Abuipaw a hmezaw cawtah cang ka Khazing khatah lawngbia a hlai. Taico zezong maikaw a e lypaw tah a e lypaw cawh Abuipaw a hmezaw cawtah cang ka Khazing khatah lawngbia a hlai.  
\v 7 Ahohmai ma leh caw longtei tah hring bei peh, ahohmai ma leh caw longtei tah thi bei peh.  
\v 8 Kaa hring caco, Abuipaw cawtah hring peh ka, kaa thih caco Abuipaw cawtah ka thi peh. Macawtaco kaa hring tah cang seh, kaa thih tah cang seh Abuipaw tei ka cang he peh. 
\p  
\v 9 Zecawtamaw tatah Khri thi katei a thokawpaw cawh a thipaw le a hringpaw aa Bui cang rua pawtah a cang.  
\v 10 A cang caco, nama zecawtamaw na unypaw cawh bia na pace? A cang ly leh na unypaw cawh zecawtamaw na ming chuh? Kaa zongmingtei tah Khazing biacenah dyching hme letah ka chuh cy thlang he peh.  
\v 11 Capathai tah, 
\q1 “Ka hringpaw hrahei, 
\q1 ‘Ming maikaw tah ka hme letah aa khuh panai a he ka, 
\q2 ming maikaw tah Khazing a cang tatah aa pa tah a,’ tatah Abuipaw tah a tah,”\x + \xo 14:11 \xt Isai 45:23\x* 
\m tatah a tah.  
\v 12 Macawtaco kaa zongmingtei hei Khazing hme letah kaaning leh kaa kong kaa rei cy tae a. 
\p  
\v 13 Macawtaco pakheh le pakheh a suinang khah bang myca he peh. Naa uny sahlo khah suanah chunglang a tlah sahpaw a cang ly leh a pachih sahly sápaw rua pawtah zehmai tua ly pawtah a zawng hri my lo.  
\v 14 Abuipaw Zisu kha ka peitlenah pawhe peh tahei a sepaw tah a ma hni sahpaw cawh zehapaw hming hmai heh ama teitah a pathai lypaw ung be, canghrasala pakheh kheh tah hming sangkheh cawh pathai be tatah a pacang caco, ama a caw taco a pathai ly hmuisui thlang tah heh a cang.  
\v 15 Na epaw rawng tah na uny khah a lung na sawsah caco, na tuapaw cawh donah chung taitah a chuhpaw tuasanah cang be. Na epaw batui cawh Khri tei a thih hnopaw na unypaw a ronah cawtah cangsah kheh.  
\v 16 Na caw tei a chah tatei na rawhpaw khah chahlynah a chuakhuitu tah cangsah kheh.  
\v 17 Zecawtamaw tatah Khazing painah raang cawh e le ding kong cang be, dingnah le denah le Thlawpaw Pathai letah alawngnah kong tu a cang hri.  
\v 18 Ma hratei Khri a rai a hrepaw maikaw taco Khazing khah a lawngsah he ka, cawngsaw tah aa reithai he. 
\p  
\v 19 Macawtaco denah a chua sahpaw hming le pakheh le pakheh thawzaang a pehnah hming tua khah a ting cy he peh.  
\v 20 Lawh rawng tah Khazing tah hming a tuapaw khah rawhrang khe lo. Lawh maikaw cawh a pathai, canghrasala minghringpaw khah a pachihly sahpaw lawh e cawh sua a cang.  
\v 21 Macawtaco saw e cang seh, misurhang ding cang seh, zehapaw hming hmai naa uny pohlynah a cang caco, e ly, ding ly, tua ly khah a chah. 
\p  
\v 22 Ma hapaw kong leco nama tei na zingpaw khah Khazing le nama suipaw tah va hni thlang o. Tua ruapaw a cang tatei a rawhpaw hming a tua tihtah a lung chung letah sua a phosahnah a hnui lypaw cawh bonghnang a ting.  
\v 23 Canghrasala lung langlo hmotah a e caco, sua a phosah a cang, zecawtamaw tatah a epaw cawh zingnah thongtah cang be. Taico zehming hmai zingnah taitah a chuh lypaw maikaw cawh sua a cang. 
\c 15  
\p  
\v 1 Zingnah lang letah thawzaang a chongpaw kaaning sahlo tahei thawzaang a diapaw sahlo aa hmingrih khah phokhui he peh seh. Kaaning kaa zawng longtei a rawh kheh he peh seh.  
\v 2 Zingnah letah kaa uny sahlo aa changchyná pawtah ming maikaw tah aa chah nápaw khah tua he peh.  
\v 3 Khri zong tahei Ama zawng longtei a rawh be, Capathai letah, “Nama a ca minghnawh paw sahlo aa ca minghnawhnah cawh ka cung letah a tlah,”\x + \xo 15:3 \xt Hlaw 69:9\x* a tahpaw hrakhei a cang hri.  
\v 4 A khung ciapaw cai letah za ciapaw maikaw cawh kaaning cawngpahnah cawtah a cang. Ingkhynah thongtah le Capathai thawzaang pehnah thongtah hnabeisuinah kaa hnui nápaw cawtah a cang. 
\p  
\v 5 Khri Zisu a zuipaw naa cangpaw hratah ingkhynah le pasynah a ca peitu he Khazing taco a pungkhehnah ca pei ky he seh.  
\v 6 Ma pawsui co, lungkheh teitah le hmokaw sangkheh tah kaa Buipaw Zisu Khri a Paw le a Khazing cawh naa reithai khy a. 
\p  
\v 7 Khri tei a ca cyhlangpaw he hrakhei Khazing tah reithainah a hmuh nápawtah pakheh le pakheh a cyhlang my lo.  
\v 8 Ka reidupaw cawh ma heh a cang. Khri cawh Juda cawngsaw sae tah a za cangpaw cawh Khazing tei Juda cawngsaw pathlahtu sahlo khatei biakangnah a za tuapaw sahlo cawh a hmangpaw bia a cang tah khah palang a du cawtah a cang.  
\v 9 Ma pawsui co, Gental cawngsaw sahlo tah Khazing khah a zawngenah rawng tah aa parungnaw a. Capathai letah, 
\q1 “Gental cawngsaw sahlo hrong letah ca reithai neh ka, 
\q2 na ming cawh hlaw tah ka sá a,”\x + \xo 15:9 \xt Hlaw 18:49; 2 Sam 22:50\x* 
\m a tahpaw hrakhei le,  
\v 10 Capathai tei a tah vypaw cawh, 
\q1 “Gental cawngsaw sahlo, Khazing thingpaw 
\q2 mingphing khaco a lawng my lo,”\x + \xo 15:10 \xt Biary 32:43\x* 
\m a tahpaw hratah le,  
\v 11 Capathai tei a tah vypaw cawh, 
\q1 “Gental cawngsaw vytei, Abuipaw cawh reithai la, 
\q2 ming vytei sahlo Abuipaw cawh hlaw tah reithai my lo,”\x + \xo 15:11 \xt Hlaw 117:1\x* 
\m a tahpaw hrakhei a cang.  
\v 12 Isaiah tei a rei vypaw cawh, 
\q1 “Jesi a teisaw taitah pakheh a vong ka, 
\q2 Gental cawngsaw sahlo uhtu tah tua a cang tae a. 
\q1 Taico ama a cung letah aa hnabei aa sui a,”\x + \xo 15:12 \xt Isai 11:10\x* 
\m a tahpaw hrakhei a cang. 
\p  
\v 13 Hnabeisuinah Khazing taco, Ama letah zingnah naa hnuipaw hratah naaning khatah alawngnah vytei le dená tah ca chisah ky he seh. Ma pawco, Thlawpaw Pathai hmingtuakhynah thongtah hnabeisuiná tah na chihlui he ceh. 
\s1 Gental cawngsaw sahlo khatah phungreitu Paul 
\p  
\v 14 Ka uny sahlo, chahnah le hniná tah chih he ceh ka, pakheh le pakheh na cawngpah khy thlang he ceh, takhah kama hrahring tah a sepaw teitah ka hni thlang.  
\v 15 Canghrasala Gental hrong letah Khri Zisu raihretu ka cang khy nápaw tah Khazing tei apah pehpaw ningdonah thong hei naaning hnisah kaw ruapaw tah raechah teitah ka ciapaw a cang.  
\v 16 Ka pehlaipaw Gental sahlo cawh Thlawpaw Pathai tah pathai sá pawtah le cyhlang tlang aa cangná pawtah Khazing thawngchawbia kong lehei tlangbui rai ka hre. 
\p  
\v 17 Macawtaco Khri Zisu kha ka peitlenah thongtah Khazing rai ka hrepaw cawh ka hme a kai.  
\v 18 Gental cawngsaw sahlo khah Khazing nawngenah lang seikhui pawtah bia tah cang seh, tuasaná tah cang seh, paching pakhanah le ningang chuipaw tah cang seh,  
\v 19 Thlawpaw Pathai hmingtuakhynah thongtah Khri tei kama hmang tei a tuapaw longlong khah ka rei thlang a. Macawtaco Jerusalem taitah Illirikom raang tai khua ka za tlong tei ning takhei Khri kong thawngchaw khah tlangtling teitah ka rei.  
\v 20 Ka sadu thawpaw cawh Khri aa thui bang lynah hminghmaw letei thawngchawbia rei khah a cang paria thlang. Zecawtamaw tatah male tei a hrang aa za pathonah ciapaw letei sah cawh du bei neh.  
\v 21 Capathai letah, 
\q1 “Ama a kong aa ching lypaw sahlo he takhei hmuh a he ka, 
\q2 a thui lypaw sahlo takhei aa hni thlu tae a,”\x + \xo 15:21 \xt Isai 52:15\x* 
\m tatah ciapaw hrakhei a cang.  
\v 22 Ma rai tahei naaning kha va tlongpaw khah a pa pakhang teipaw cawh a cang. 
\s1 Paul tah Rom tlong a pachianah 
\p  
\v 23 Canghrasala atoheh cawh ma kuakaa hrong raang lehei ka rai cawh hre ruapaw a ung khawh lynah cawtah le naa hmui hmuh ka dunahpaw khah kung hlupui a cang thahnah cawtah,  
\v 24 ka ca tlong khy myca thly he a tah hnabeisuinah ka hnui. Spain raang lang ka seipai hei ca hmuh he neh seh la, tah heh du neh ka, naaning kha cai cuitei ka cang khy tah ma lang sei cawh pa baw tae la tah ka du.  
\v 25 Canghrasala atoheh cawh Jerusalem khua lang va sei taw neh ka, ma letei a ungpaw he mehpathai sahlo rai ka va hrepah taw he a.  
\v 26 Zemaw tahpaw co Masidonia raang le Grik raang letei a ungpaw khrisawbu sahlo tah Jerusalem khuapui letei a ungpaw he mehpathai sahlo hrong letei a sisahpaw sahlo bongnah rua pawtah aaning lungtho teitah aa thopaw tholong a ung.  
\v 27 Ma cawh aaning hrahring tah kaa tua a, aa tahpaw a cang. A ngetei tahpaw co, ma mehsisah bong cawh aa rai zong a cang thlang hrah. Juda cawngsaw tah Thlawpaw lang tei aa hmuhpaw bonghnang cawh Gental cawngsaw sahlo a hrong sahpaw he hratah Gental cawngsaw zong tah Juda cawngsaw cawh hmingbo lang tei bonghnang aa hmuhpaw khah aa hrongsah hrápaw he a cang.  
\v 28 Ma rai cawh pachang tah mehsisah caw tei aa thopaw tholong cawh a zongmingtei tah aaning khah ka peh thlu khy tai he tah Spain raang lang sei cawh a tho neh ka, ka ca tlong pai tae he a.  
\v 29 Naaning kha ka vong tihtah Khri bonghnang khah tlangtling teitah ka ca pho tae he a, takhah ka hni. 
\p  
\v 30 Uny sahlo, kaa Buipaw Zisu Khri le Thlawpaw Pathai pehpaw doná tah ca naw he neh ka, rai cawtah hei Khazing khatah thlawchang tah pa baw my lo.  
\v 31 Judia raang letei a ungpaw Khri a zing lypaw sahlo kih chung taitah ka bing nápawtah le Jerusalem khua letei a ungpaw caw tei tholong ka phopaw rai heh mehpathai sahlo cawtah cyhlang awh tlang a cang nápawtah thlawchang my lo.  
\v 32 Taico Khazing dunah a cang caco, alawngnah kha naa kung va tlung neh ka, naaning tlong cawh kaa dawngkasawny cawtah thawzaang tha lahnah a cang a.  
\v 33 Denah Khazing cawh naa zongmingtei cung letah ung ky seh. Amen. 
\c 16  
\s1 Pungpah alawngnah bia 
\p  
\v 1 Kenkhria khua khrisawbu chung letei rai a hrepaw ka sateino Foibi heh naaning kha a hnithuisah heh ka du.  
\v 2 Khazing cawngsaw khatah a tlahpaw hratah naaning tah ama cawh Abuipaw ming tah za cyhlang la, bong a hianah maikaw lekhei za bong my lo, zecawtamaw tatah cawngsaw ahlupui khah bawkhang he ka, kama zong a pa bawkhang hrah. 
\p  
\v 3 Prisila le Akuila khah a dang pawtah pa tah pah my lo. Aaning cawh Khri Zisu rai letah ka raihrehui cang he ka,  
\v 4 ka cawtah thih hmai a ngangpaw a cang he. Aa cung letah ka lung a lawng. Kama long cang lytah Gental khrisawbu vytei zong a lawng hrah he. 
\p  
\v 5 Aa ing letei a pungpaw khrisawbu zong khah a dang pawtah pa tah pah my lo. 
\p Ka vesaw dopaw Epinita zong a dang pawtah pa tah pah my lo. Ama cawh Asia raang letah Khri a zing taw caipaw a cang. 
\p  
\v 6 Naa cawtah raihrang a hrepaw Mari khah a dang pawtah pa tah pah my lo. 
\p  
\v 7 Andrinika le Junia khah a dang pawtah pa tah pah my lo. Aaning cawh ka Juda mingphing hui, kama kha thong a tlah hruipaw a cang he. Aaning cawh apostol sahlo hrong letah hmezawpaw cang he ka, kama hlai tah khrisaw a cang ciapaw a cang he. 
\p  
\v 8 Abuipaw letei ka dopaw Ampliata khah a dang pawtah pa tah pah my lo. 
\p  
\v 9 Khri rai ka hrehruipaw Urbana le ka dopaw vesaw Stakhi khah a dang pawtah pa tah pah my lo. 
\p  
\v 10 Khri zingnah letah a se ngeteipaw Apele khah a dang pawtah pa tah pah my lo. 
\p Aristobula ingchungkho khah a dang pawtah pa tah pah my lo. 
\p  
\v 11 Ka mingphing hui Herodion le Narsisa ingchungkho letei khrisaw ka uny sahlo khah, a dang pawtah pa tah pah my lo. 
\p  
\v 12 Abuipaw rai a hrepaw Traifena le Traifosa khah a dang pawtah pa tah pah my lo. 
\p Abuipaw cawtah raisah a hrepaw ka dopaw vesaw Persi khah a dang pawtah pa tah pah my lo. 
\p  
\v 13 Abuipaw thingpaw Rufa le a no, sawtei hratah a pa mingkai pariapaw he khah a dang pawtah pa tah pah my lo. 
\p  
\v 14 Asinkrita, Flekon, Hermi, Patroba, Herma le aaning kha a ungpaw khrisaw uny vytei khah a dang pawtah pa tah pah my lo. 
\p  
\v 15 Filoloka le Julia, taico Nereus le a sateino le Olimpa le aaning kha a ungpaw mehpathai vytei khah a dang pawtah pa tah pah my lo. 
\p  
\v 16 Naaning cawh pakheh le pakheh a pathaipaw a doná tah bia a ching cy my lo. 
\p Khri tei a cangpaw khrisawbu vytei tah a dang pawtah aa ca tah he. 
\p  
\v 17 Uny sahlo, a pachainah a chuasah tu le naa zingnah hna a hnawh sahtu, naaning tei naa hmuh ciapaw cawngpahnah khatei a cakahpaw sahlo khah a raering la, tah ka ca pasy he. Aaning cawh cahri my lo.  
\v 18 Zecawtamaw tatah ma hapaw rai a hrepaw he cawh kaa Buipaw Khri rai aa hrepaw khah cang lytah aaning aa dunah cawtah aa tuapaw a cang hri. Aa hmokaw chaw le male hluihlang thai ná tah ningkheh teitah a ungpaw thaikhehpaw sahlo khah aa lung pamo he ka, aa dungkhei he.  
\v 19 Abuipaw a bia naa ngepaw khah ming maikaw tah thui he ka, ma kong lehei ka lung a lawng. Chahnah lang leco mehsing cang la, tah heh ka du, canghrasala chianah lang leco nyheh hasaitei hratah cang my lo, tah heh ka du. 
\p  
\v 20 Denah Khazing taco Setan khah naa pherai letah a ria pating a. 
\p Kaa Buipaw Zisu ningdonah cawh naaning khatah ung ky seh. 
\p  
\v 21 Ka raihrehui Timote tah a dang pawtah a ca tah he. Taico ka sawny a cangpaw he Lusia, Jason le Sosipater zong tah a dang pawtah aa ca tah he. 
\p  
\v 22 Ma cakua a ciapaw kama Tertia tah Abuipaw ming tah a dang pawtah ka ca tah he. 
\p  
\v 23 Ka tlungingpaw Kaia, khrisawbu a pungnah pawhe ing a hnuitu tah a dang pawtah a ca tah he. 
\p Ma khua tangka a kaitu Erasta le kaa unypaw Kuarta tah a dang pawtah aa ca tah he. 
\p  
\v 24 Kaa Buipaw Zisu Khri ningdonah cawh naa zongmingtei cung letah ung ky seh. Amen.\f + \fr 16:24 \ft Kih cia thaikheh leco cai 24 heh ung beh.\f* 
\p  
\v 25 Ka reipaw Zisu Khri kong thawngchaw le khuahlai chai hlupui chung a nawhpaw biaparuh khah reichua a cangpaw hratah Khazing taco naa zingnah lekhei cy teitah a ca dawsah khy he a.  
\v 26 Atoheh cawh ma biahmuisui khah Khazing khuavang sahlo tei aa za ciapaw hrakhei reichua cang ca ka, chaizaw Khazing biapeh hratah ming vytei tah zing tah aa nge khy nápawtah mingphing vytei hai letah rei a cang myca.  
\v 27 Ama suipaw Khazing cang ka, Ama suipaw a sing hmuisuipaw a cang. Zisu Khri thongtah Khazing cawh chaizaw tah chaizaw tai reithai tah ung ky seh. Amen.