\id MAT - Zyphe 
\h MATHAI 
\toc1 MATHAI A CIAPAW THAWNGCHAWBIA 
\toc2 MATHAI 
\toc3 Mt 
\mt1 MATHAI 
\mt2 A CIAPAW THAWNGCHAWBIA 
\c 1  
\s1 Zisu Khri thokehnah 
\r (Luk 3:23-38) 
\p  
\v 1 Abraham pathlah, David pathlah a cangpaw Zisu Khri thokehnah cazing leco, 
\p  
\v 2 Abraham cawh Isak a paw cang ka, 
\q1 Isak cawh Jakob a paw a cang. 
\q1 Jakob cawh Judah le a uny sahlo aa paw a cang. 
\q1  
\v 3 Judah cawh Perez le Zera aa paw cang ka, aa no cawh Tama a cang. 
\q1 Perez cawh Hezron a paw cang ka, 
\q1 Hezron cawh Ram a paw a cang. 
\q1  
\v 4 Ram cawh Aminada a paw cang ka, 
\q1 Aminada cawh Nashon a paw a cang. 
\q1 Nashon cawh Salmon a paw a cang, 
\q1  
\v 5 Salmon cawh Boaz a paw cang ka, a no cawh Rahab a cang. 
\q1 Boaz cawh Obed a paw cang ka, a no cawh Ruth a cang. 
\q1 Obed cawh Jesi a paw cang ka, 
\q1  
\v 6 Jesi cawh siangpahrang David a paw a cang. 
\p David cawh Solomon a paw cang ka, Solomon a no cawh Uria a nupui tawpaw khah a cang. 
\q1  
\v 7 Solomon cawh Rehoboam a paw cang ka, 
\q1 Rehoboam cawh Abija a paw a cang. 
\q1 Abija cawh Asa a paw cang ka, 
\q1  
\v 8 Asa cawh Jehoshafat a paw a cang. 
\q1 Jehoshafat cawh Jehoram a paw cang ka, 
\q1 Jehoram cawh Uziah a paw a cang. 
\q1  
\v 9 Uziah cawh Jotham a paw cang ka, 
\q1 Jotham cawh Ahas a paw a cang. 
\q1 Ahas cawh Hezekia a paw cang ka, 
\q1  
\v 10 Hezekia cawh Manaseh a paw a cang. 
\q1 Manaseh cawh Amon a paw cang ka, 
\q1 Amon cawh Josai a paw a cang. 
\q1  
\v 11 Josai cawh Jekhonia le a uny sahlo aa paw cang ka, ma cai leco Babilon raang lang khah sae tah seikhui a cang he. 
\p  
\v 12 Babilon raang lang sae tah seikhui aa cang khy taiteipaw: 
\q1 Jekhonia cawh Shealtia a paw a cang. 
\q1 Shealtia cawh Zerubabel a paw cang ka, 
\q1  
\v 13 Zerubabel cawh Abiud a paw a cang. 
\q1 Abiud cawh Eliakim a paw cang ka, 
\q1 Eliakim cawh Azor a paw a cang. 
\q1  
\v 14 Azor cawh Zadok a paw cang ka, 
\q1 Zadok cawh Akhim a paw a cang. 
\q1 Akhim cawh Eliud a paw cang ka, 
\q1  
\v 15 Eliud cawh Eleazar a paw a cang. 
\q1 Eleazar cawh Mathan a paw cang ka, 
\q1 Mathan cawh Jakob a paw a cang. 
\q1  
\v 16 Jakob cawh Khri tatei aa tahpaw Zisu a no Mari a pasaepaw Josef a paw khah a cang. 
\p  
\v 17 Ma hrahei Abraham taitah David tai letah chaihraw hluipali, David taitah Babilon raang lang sae tah seikhui aa cangnah tai letah chaihraw hluipali, sae tah seikhui aa cangnah taitah Khri\f + \fr 1:17 \ft Khri (Grik rei), Mesiah (Hebru rei) aa silang cawh, \fq Sathy thupaw,\ft tahnah a cang.\f* a pinah tai letah chaihraw hluipali a cang. 
\s1 Zisu Khri pinah 
\r (Luk 2:1-7) 
\p  
\v 18 Zisu Khri a pinah konglang cawh ma hrahei a cang. A no Mari cawh Josef khatah a pahlawng pawtah pahapaw a cang. Canghrasala aa pahlawng hlai he tah Mari cawh Thlawpaw Pathai hmingtuakhynah thongtah sawtei a pho.  
\v 19 A pasae ruapaw Josef cawh mehding mehchaw a cangnah cawtah mingzawpui hme letah Mari a ningzawsah khah du be ca ka, kaa pahlawng peh aa tahpaw khah aparuh teitah bia ka pheh kaw a tatah a pacang. 
\p  
\v 20 Canghrasala, ma hratei a pacang khy taico, Abuipaw a vaiming pakheh cawh ama khatah a mang letah a za paly ka, a hai letah, “David pathlah a cangpaw Josef, Mari cawh nupui rua tah chui pawtah lung ngerai lytah ung kheh. Zecawtamaw tatah punglong lytah a cangpaw khah Thlawpaw Pathai thongtah a cang.  
\v 21 Sawcapaw sah a ka, a ming tah Zisu\f + \fr 1:21 \ft Zisu cawh, \fq Pachahtu Buipaw,\ft tahnah a cang.\f* na sá a. Zecawtamaw tatah Ama taco a cawngsaw sahlo khah aa suanah taitah a pachá he a,” tatah a tah. 
\p  
\v 22 Ma hming vytei a va ungpaw heh Abuipaw tah Khazing khuavang hmang tei a reipaw:  
\v 23 “Laisaw pathai tah sawtei pho ka, sawcapaw a sá a, Ama cawh Immanuel tatah aa y a,”\x + \xo 1:23 \xt Isai 7:14\x* tatah a tah. Immanuel a silang cawh, “Khazing kaaning khatah a ung,” tahnah a cang. 
\p  
\v 24 Josef cawh a ka hraw tihtah Abuipaw a vaiming tei a chingpaw hrakhei tua ka, Mari cawh nupui ruapaw takhei ing lang cawh a chui.  
\v 25 Canghrasala sawcapaw a sah hlai vytei khah cawh ung hrui be. Taico sawcapaw a sahpaw cawh Zisu tatah ming a sah. 
\c 2  
\s1 Nichualang mehsing sahlo 
\p  
\v 1 Zisu cawh Herod siangpahrang a cang chung tah Judia raang, Bethlehem khua letah a pi khy taitah nichualang taikhei mehsing sahlo cawh Jerusalem khuapui lang a vong he ka,  
\v 2 “Juda cawngsaw aa siangpahrang rua pawtah a pipaw cawngsawpaw cawh zeletamaw a ung? Nichualang letah a esi hmuh he peh ka, Ama beh rua pawtah kaa va chua hi,” tatah aa hae he. 
\p  
\v 3 Ma bia cawh Herod tah a thui tihtah a thlawzawng ka, ma hraco Jerusalem khua cawngsaw vytei zong a cang hrah he.  
\v 4 Mataico, tlangbui macang vytei le phungbia cawngpahtu vytei khah hmingkheh tah y he ka, Khri a pinah cawh zeletamaw a cang a tatah a hae he.  
\v 5 Taico aaning taco, “Judia raang, Bethlehem khua letah,” tatah aa palei. “Zecawtamaw tatah Khazing khuavang tah a ciapaw cawh: 
\q1  
\v 6 ‘Nama, Bethlehem, Judah raang chung letei a ungpaw cawh 
\q2 Judah uhtu sahlo hrong letah chia cai bei ceh, 
\q1 zecawtamaw tatah nama taitah uhtu, 
\q2 ka cawngsaw Israel tuukingtu a cang ruapaw cawh a va chua a,’\x + \xo 2:6 \xt Mikah 5:2\x* a tahpaw heh a cang,” 
\m tatah aa tah. 
\p  
\v 7 Mataico, Herod tah mehsing sahlo cawh aparuh teitah y he ka, zetih cai letah maw esi a paly tahpaw khah hae pase he ka, a hni.  
\v 8 Aaning sahlo cawh Bethlehem khua lang khah taw he ka, aa hai letah, “Va sei la, nysai cawh achaw teitah va hui my lo. Naa hmuh cangkawleh va pa thui sá la, kama zong va sei neh ka, ka beh hra a,” tatah a tah he. 
\p  
\v 9 Abui Herod bia cawh aa nawthlia khy taitah seithlah he ka, nichualang letei aa hmuhpaw esi takhei langhme cawh chui he ka, nysai a ungnah dihdong lalei lekhei esi cawh a cali.  
\v 10 Esi cawh aa hmuh tihtah aa thaw a chah ngetei.  
\v 11 Ing chunglang cawh a za nae he ka, nysai cawh a no Mari khakhei aa hmuh he. Taico aa khuh panai he ka, nysai cawh aa beh. Mataico aa chosung cawh hong he ka, lahsong takhei sui le sathy ringthopaw le mura ringthopaw sahlo khah aa peh.  
\v 12 Taico, Herod khatah sei kaw ly rua pawtah aa mang letah ching aa cangnah cawtah aa raang lang cawh lang hringpaw lang khei aa tlung. 
\s1 Izipt raang lang sainah 
\p  
\v 13 Aaning sahlo aa seithlah khy taico Abuipaw a vaiming pakheh cawh Josef khaco a mang letah a za paly ka, “Tho tua, nysai le a no cawh thokhui la, Izipt raang lang saikhui o. Ka ca ching kaw hlai chung cawh ma leco va ung thlang my lo, zecawtamaw tatah Herod tah nysai heh thaw pawtah a hui a,” tatah a tah. 
\p  
\v 14 Macawtaco tho ka, nysai le a no cawh zai taco, Izipt raang lang a saikhui he.  
\v 15 Ma leco Herod a thih hlai vytei aa va ung. Ma heh Abuipaw tah Khazing khuavang hmokaw tei, “Ka Sawcapaw cawh Izipt raang taitah ka y chua a,”\x + \xo 2:15 \xt Hose 11:1\x* a tahpaw bia a tlingnah cawtah khei a cang. 
\p  
\v 16 Herod taco mehsing sahlo tah aa pa dungkhei tahpaw khah a hni tihtah a thingae ka, mehsing tei aa chingpaw cai khei tuatang ka, Bethlehem khua le a kaekang khua sahlo letei kung hning taitah a rai lang capaw nyheh vytei khah thaw thlu pawtah khei bia a peh he.  
\v 17 Ma heh Khazing khuavang Jeremai hmokaw tei a reipaw: 
\q1  
\v 18 “Rama khua letah o thui neh ka, 
\q2 caw o le ysangnah o a cang. 
\q1 Rachel tah a sawtei leh cawkhui he ka, 
\q2 pangang khypaw cang be, 
\q1 zecawtamaw tatah a tangpaw ung bei he,”\x + \xo 2:18 \xt Jere 31:15\x* 
\m tahpaw bia a tlingnah cawtah a cang. 
\s1 Nazaret khua lang kawkawnah 
\p  
\v 19 Herod a thih khy taitah Abuipaw a vaiming cawh Izipt raang leco Josef khatah a mang leco a za paly ka,  
\v 20 “Tho la, nysai le a no khah law la, Israel raang lang sei myca o, zecawtamaw tatah nysai thaw a pachiapaw cawngsaw sahlo khah a thi thah he,” tatah a tah. 
\p  
\v 21 Macawtaco tho ka, nysai le a no cawh Israel raang lang cawh a seikhui he.  
\v 22 Canghrasala Arkelau cawh a paw Herod dawhming letah Judia raang uhtu tah a va cang tahpaw khah a thui tihtah va sei rua pawtah khei a ci. A mang letah raeringnah peh a cangnah cawtah khei Galili raang lang tukhah a paleh ka,  
\v 23 Nazaret aa tahpaw khua lang va sei ka, ma leco a va ung. Ma heh Khazing khuavang sahlo hmokaw tei aa reipaw, “Ama cawh Nazaret cawngsaw tatah y a cang a,” tahpaw bia tlingnah khah a cang. 
\c 3  
\s1 Baptisma peitu Johan tah langpui a parai 
\r (Mk 1:1-8; Luk 3:1-18; Jh 1:19-28) 
\p  
\v 1 Ma ningcai leco baptisma peitu Johan va chuh ka, Judia raang, raangcaa letah phung a rei.  
\v 2 “Vaicung painah raang cawh a ne myca cawtah naa suanah a ngepachih myca law,” tatah a tah.  
\v 3 Ama heh Khazing khuavang Isaiah hmokaw hmang tei reipaw, 
\q1 “Raangcaa letei a y leimeipaw o taco, 
\q1 ‘Abuipaw cawtah langpui parai la, 
\q2 a cawtah langpui pading pah my lo,’ a tah,”\x + \xo 3:3 \xt Isai 40:3\x* 
\m tahpaw khah a cang. 
\p  
\v 4 Johan a chaichi cawh sahisy hming tah tawpaw cang ka, saving tesong a te letah a song. A batui cawh khybawh le akhui tui a cang.  
\v 5 Jerusalem cawngsaw sahlo le Judia raang chung vytei taitah cawngsaw sahlo le Jordan tuivaw hrong leteipaw cawngsaw sahlo cawh Johan khaco a vaw he.  
\v 6 Khazing letah aa suanah phy he ka, Jordan tuivaw letah baptisma a cangsah he. 
\p  
\v 7 Canghrasala baptisma a cangsahnah pawhe lang khah Farasi le Sadusi cawngsaw sahlo aa va chuapaw khah a hmuh tihtah aa hai leco, “Naaning, pari cangmai pathlah sahlo, Khazing thingaenah a va chuh leimeipaw heh saisai rua pawtah aho tamaw a ca ching he?  
\v 8 Na ngepachihnah he ceh cawh a thuipa tah palang my lo!  
\v 9 Taico, ‘Abraham pathlah sahlo kaa cang peh,’ tatah tah leimei khe o. Ka ca ching he hi, Khazing taco ma alung sahlo heh Abraham sawtei sahlo tah a tua khy thlang he hi.  
\v 10 Thingkung hrang maikaw letah ahrui aa chia thlu thah. Thui chaw a thui lypaw thingkung maikaw cawh hyhly tah me lang bo a cang he a. 
\p  
\v 11 Kama taco angepachihnah cawtah tui tah baptisma ka ca cangsah he. Canghrasala ka hninglang tei a va chuh lepaw cawh kama navy tah a rungnaw vypaw a cang. Kama cawh a phepakong a tlepah lai tlang hmai cang bei neh. Ama taco Thlawpaw Pathai le me tah baptisma a ca cangsá he a.  
\v 12 Saze zeinah cawh a kiá tah tle ka, phuhri letah saze cawh a zei a, achang khah apaang letah rai a ka, asi khah a thi thai lypaw me lang a bo a,” tatah a tah he. 
\s1 Zisu baptisma a cangnah 
\r (Mk 1:9-11; Luk 3:21-22) 
\p  
\v 13 Mataico, Zisu cawh Galili raang taitah Jordan tuivaw lang khah Johan tah baptisma cangsah rua pawtah khei a vong.  
\v 14 Canghrasala, Johan takhei thly a zawng ka, a hai letah, “Nama tutah baptisma pa cangsá bei ceh maw, kama kha na vong laky thlang!” tatah a tah. 
\p  
\v 15 Zisu taco, “Atoheh cawh ma hrahei cang thlang seh. Dingnah vytei tling sá pawtah ma tua heh kaa cawtah a tlahpaw a cang,” tatah a palei. Mataico Johan zong a naw a tlah. 
\p  
\v 16 Zisu cawh baptisma a cang. Tui taitah a ka pia cangkawleh avai a hong ka, Khazing Thlawpaw cawh thury hratah za cung katei a cung letah a cawngpaw khah a hmuh.  
\v 17 Taico avai taitah o za ring ka, “Ma heh ka dopaw ka Sawcapaw cawh a cang. Ama letah ka lung a lawng ngetei,” tatah a tah. 
\c 4  
\s1 Zisu tuhsonah 
\r (Mk 1:12-13; Luk 4:1-13) 
\p  
\v 1 Mataico, Zisu cawh Thlawpaw takhei Setan tah tuhso ná seh tah ka, raangcaa lang a seikhui.  
\v 2 Ning songli le zai songli batui cahe tah a ungnah cawtah a ngai a di ngetei.  
\v 3 Tuhsotu cawh Ama kha a vong ka, a hai letah, “Khazing Sawcapaw na cang caco, ma alung sahlo heh very tah cang law tah ca,” tatah a tah. 
\p  
\v 4 Zisu taco, “Khazing bia letah ma hrahei ciapaw a cang, ‘Cawngsaw heh very suipaw tah a hring tlung be, Khazing hmokaw taitah a chuhpaw bia maikaw tah a hring hri,’\x + \xo 4:4 \xt Biary 8:3\x* tah a cang,” tatah a chai. 
\p  
\v 5 Mataico, Setan taco Zisu cawh khuapui pathai Jerusalem lang khah seikhui ka, behnah ing a sangcainah ing cung lekhei a dawsah ka,  
\v 6 “Khazing Sawcapaw na cang caco, ma taihei a zythlah tua. Zecawtamaw tatah ma hrahei cia a cang, 
\q1 ‘Nama na kong lehei Khazing tah a vaiming sahlo khah naw pei a he ka, 
\q2 na phe cawh alung letah na khawng ly nápawtah 
\q1 aa kiá tah aa ca caling a,’\x + \xo 4:6 \xt Hlaw 91:11-12\x* a tah,” 
\m tatah a tah. 
\p  
\v 7 Zisu tah, “Ma hrahei ciapaw a cang, ‘Abuipaw na Khazing cawh hnehsah kheh,’\x + \xo 4:7 \xt Biary 6:16\x* tah a cang,” tatah a chai. 
\p  
\v 8 Setan taco Zisu cawh tlaang saang ngeteipaw lang kekhui ka, khazaw painah raang vytei le aa rungnawnah vytei khah a ming sah.  
\v 9 “Khuh panai tah na pa beh caco, ma vytei heh ka ca pae a,” tatah a tah. 
\p  
\v 10 Zisu taco, “Setan, seihly myca! Zecawtamaw tatah Capathai letah ma hrahei cia a cang, ‘Abuipaw na Khazing khah beh la, Ama a rai suipaw hre my lo,’\x + \xo 4:10 \xt Biary 6:13\x* tahpaw a cang,” tatah a palei. 
\p  
\v 11 Mataico Setan taco seisai ka, vaiming sahlo cawh a vong he ka, Ama cawh aa mingkai. 
\s1 Zisu phungrei a patho 
\r (Mk 1:14-15; Luk 4:14-15) 
\p  
\v 12 Johan thong a tlah tahpaw khah Zisu tah a thui tihtah Galili raang lang a paleh kaw.  
\v 13 Nazaret khua khah piasai ka, sei ka, Zebulun le Naftali raang letei a ungpaw Galili rili kae khua a cangpaw Kapernaum lekhei a va ung.  
\v 14 Ma heh Khazing khuavang Isaiah hmokaw tei reipaw, 
\q1  
\v 15 “Zebulun raang le Naftali raang, Jordan tuivaw hrong tei rili lang seinah, Gental cawngsaw sahlo ungnah Galili, 
\q1  
\v 16 a zingnah letei a ungpaw cawngsaw sahlo tah, khainah rungnawpaw aa hmuh myca, 
\q1 thihnah raang ningpahlipaw letah a ungpaw sahlo cung letah, 
\q2 khainah khua a dui myca,”\x + \xo 4:16 \xt Isai 9:1-2\x* 
\m tahpaw a tlingnah a cang. 
\p  
\v 17 Ma cai taico Zisu cawh phungrei patho ka, “Vaicung painah raang a ne myca cawtah naa suanah a ngepachih tua o,” tatah a tah. 
\s1 A hningzuitu hmetawpaw sahlo ynah 
\r (Mk 1:16-20; Luk 5:1-11) 
\p  
\v 18 Zisu cawh Galili rili ngaekang letah a khiakaly ning takhei uny pahning Piter aa tahpaw Simon le a unypaw Andru khah a hmuh he. Aaning cawh ngawtletu cang he ka, tuili letah aso aa va leimei.  
\v 19 Zisu taco, “A vong la, va pa zui o, cawngsaw a tletu tah ka ca tua he a,” tatah a tah he.  
\v 20 Ma cangkaw leco, aa so sahlo cawh seisai he ka, Zisu cawh aa zui. 
\p  
\v 21 Mataico va sei vy ka, ahringpaw uny pahning Zebedi a sawcapaw Jeims le a unypaw Johan khah a hmuh he. Aaning cawh aa paw Zebedi khakhei tuilawng chung letah ung thlang he ka, aa so sahlo khah aa thei leimei. Zisu taco y he ka,  
\v 22 ma cangkaw leco, aa lawng le aa paw cawh seisai he ka, Zisu cawh aa zui. 
\s1 Zisu tah a sahpaw a dangsah 
\r (Luk 6:17-19) 
\p  
\v 23 Zisu cawh Galili raang chung lekhei a khia ka, synagog sahlo\f + \fr 4:23 \ft Synagog cawh, \fq Juda sahlo behnah ing,\ft a cang.\f* lekhei a cawngpah he. Vaicung painah raang kong thawngchawbia khah ching he ka, asawnah maikaw le danglynah maikaw taikhei aa sahpaw sahlo khah a dangsah he.  
\v 24 A thongpang cawh Siria raang pungpaluh lekhei a thang ka, asawnah a phingphing tei aa sahpaw sahlo, hmawchia aa ingpaw sahlo, khachia tei a tlepaw sahlo, hruihri aa hnuipaw sahlo le a songpaw sahlo khah cawngsaw taco Ama khatah va chuakhui he ka, a dangsah he.  
\v 25 Galili raang, Dekapoli\f + \fr 4:25 \ft Dekapoli cawh, \fq Khuapui sanghraw,\ft tahnah a cang.\f* raang, Jerusalem khuapui le Judia raang le Jordan tuivaw raechai lang raang tahpaw sahlo taikhei cawngsaw rungpui tah Zisu cawh aa zui. 
\c 5  
\s1 Bonghnang hmuhnah 
\r (Luk 6:20-23) 
\p  
\v 1 Cawngsaw rungpui cawh a hmuh tih he tah tlaang cung lang cawh ke ka, a ty. A hningzuitu sahlo cawh Ama kha a vong he ka,  
\v 2 a cawngpah he. A reipaw cawh, 
\q1  
\v 3 “Thlawpaw letei a sisahpaw sahlo cawh bonghnang aa ting, 
\q2 zecawtamaw tatah vaicung painah raang cawh aaning sahlo aa cawtah a cang. 
\q1  
\v 4 Mangchia sá tah a ungpaw sahlo cawh bonghnang aa ting, 
\q2 zecawtamaw tatah pangang a cang tae he a. 
\q1  
\v 5 A ningnaipaw sahlo cawh bonghnang aa ting, 
\q2 zecawtamaw tatah alui ry aa cy a. 
\q1  
\v 6 Dingnah cawpaw tei a ngaidi katei, a tui a hraepaw sahlo cawh bonghnang aa ting, 
\q2 zecawtamaw tatah aa ri a vaw tae a. 
\q1  
\v 7 Zaangsaw aa thaipaw sahlo cawh bonghnang aa ting, 
\q2 zecawtamaw tatah zaangsaw a cang tae he a. 
\q1  
\v 8 A lungthing a pathaipaw sahlo cawh bonghnang aa ting, 
\q2 zecawtamaw tatah Khazing khah aa hmuh a. 
\q1  
\v 9 Arainah a chuakhuipaw sahlo cawh bonghnang aa ting, 
\q2 zecawtamaw tatah Khazing sawtei sahlo tatah y a cang tae he a. 
\q1  
\v 10 Dingnah rawng tei hrehnah a ingpaw sahlo cawh bonghnang aa ting, 
\q2 zecawtamaw tatah vaicung painah raang cawh aaning sahlo aa cawtah a cang. 
\p  
\v 11 Kama ka rawng tah cawngsaw tah ahmang lypaw tah a phingphing tah aa ca reipachia tih he tah le aa ca hreh tih he tah le zerei lytah aa ca ung tih he tah bonghnang naa ting.  
\v 12 A lawng la, naa thaw chah thlang seh, zecawtamaw tatah vaicung letah naa longmai rungnaw ngeteipaw a ung. Ma hrahei naaning hlai tei Khazing khuavang sahlo zong khah aa za hreh hrah he. 
\s1 Paci le khainah 
\r (Mk 9:50; Luk 14:34-35) 
\p  
\v 13 Naaning cawh alui paci na cang he ceh. Canghrasala paci cawh a aenah khah a ly tei a cang caco, zekhatamaw aesah kaw a cang thai khawh a? Vathlang tei cawngsaw tah tlaichai ruapaw cawtah tah ly co ze cawtah hmai sangtlenah hnui khawh be. 
\p  
\v 14 Naaning cawh khazaw khainah na cang he ceh. Tlaang cung letei tlahpaw khua cawh no khypaw cang be.  
\v 15 Me-ing cawh vang he ka, tongbai rai letah chia bang bei he. Ing chung vytei khai náseh tatah me-ing tung letah aa chia hri tei.  
\v 16 Ma hraco naa khainah cawh cawngsaw hme letah khai seh la, ma pawsui co hmingchaw naa tuapaw khah hmuh a he ka, vaicung letei a ungpaw naa Paw cawh aa reithai a. 
\s1 Phungbia tlingnah 
\p  
\v 17 Phungbia a cang ly leh Khazing khuavang sahlo aa bia khah ro rua pawtah a vong tatah pa rawh khe lo. Ma sahlo ro ruapaw taco a vong bei neh, tlingsah ruapaw tutah ka vong hri hi.  
\v 18 Biahmuisui ka ca ching he. Alui le avai a ly hlai vytei cawh phungbia cabu chung letei a chia caipaw, casung tei deipaw tei hmai heh zezongpui a changnah aa phah hlai taco ly a be.  
\v 19 Ma biapeh sahlo letei a chia caipaw tei hmai heh rawh katei, ma hraco tua hrá pawtah male a cawngpah laipaw cawngsaw cawh vaicung painah raang letah a chia caipaw a cang a, canghrasala ma biapeh sahlo heh zui katei, male a cawngpah laipaw cawngsaw cawh vaicung painah raang letah mehlai a cang a.  
\v 20 Naa dingnah tah Farasi sahlo dingnah le phungbia cawngpahtu sahlo dingnah khah a khung ly tei a cang caco, vaicung painah raang letah a nae khy hrahring bei ceh tah heh ka ca ching he. 
\s1 Lenongnah 
\p  
\v 21 ‘Lenong kheh, le a nawngpaw cawngsaw cawh biacenah letah chuakhui a cang a,’\x + \xo 5:21 \xt Piachua 20:13\x* tatah khuahlai cawngsaw tei aa za tah teipaw khah naa thui thlang kho.  
\v 22 Canghrasala, a uny cung letei a thing a aepaw cawngsaw cawh biacenah letah chuakhui a cang a, taheh ka ca ching he. A uny khah, ‘Zeruarang ly,’ tatah a tahpaw cawngsaw cawh biacetu phu khatah chuakhui a cang a. Taico, a uny khah, ‘Mehruh,’ a tahpaw cawngsaw cawh hraihming me lang thlah a tlahpaw a cang tah heh ka ca ching vy he. 
\p  
\v 23 Macawtaco dangnah siasang letah na lahsong khah na hlai leimeining tah na unypaw tah na cung letah a lungtling be tah na hni caco,  
\v 24 na lahsong khah dangnah siasang leco chiasi. Va sei la, na unypaw cawh a va rai taw, mataico a vong la, na lahsong cawh a hlai my lo. 
\p  
\v 25 Biacenah zung letah a ca chuakhuipaw na caraepaw khakhei rairang tah arainah tua a va zawng. Langpui letah naa sei chung takhei tua my lo, ma hratei na tua ly caco biacetu kih letah ca hlai sua ka, biacetupaw tah naw hnuitu kih letah ca hlai sua ka, thong letah thlah na cang sua a.  
\v 26 Biahmuisui ka ca ching he, dangtahnah tangka na lia thlu hlai vytei cawh chuh khy khaw bei ceh. 
\s1 Apheinah kong 
\p  
\v 27 ‘Male nupui pasae khatah a phei kheh,’\x + \xo 5:27 \xt Piachua 20:14\x* tatah aa tah teipaw khah naa thui thlang kho.  
\v 28 Canghrasala, canu pakheh khah mehthi hmo tei a mingpaw cawngsaw taco a lungchung letah a phei thah, tahpaw heh ka ca ching he.  
\v 29 Na cacang lang meh tah a ca suasah caco, khyhly la, vathlang. Na pungpaluh tah hraihming lang tlah navy co, na pung cung letei sangkheh tling ly cawh na cawtah a chah vy.  
\v 30 Taico na cacang lang kih tah a ca suasah caco taichung la, vathlang. Na pungpaluh tah hraihming lang tlah navy co, na pung cung letei sangkheh tling ly cawh na cawtah a chah vy. 
\s1 Nupui mahnah kong 
\r (Mt 19:9; Mk 10:11-12; Luk 16:18) 
\p  
\v 31 ‘A nupui a mahpaw cawngsaw taco a nupui cawh mahnah ca pei seh,’\x + \xo 5:31 \xt Biary 24:1\x* tatah aa za tah tei.  
\v 32 Canghrasala, a nupui tah capaw hringpaw khatah a suasai tah tlung lypaw tei a mahpaw cawngsaw cawh a nupui tah pasae hringpaw a hnui caco a pheisahtu cang ka, ma mah ciapaw canu a chuipaw cawngsaw cawh a pheipaw a cang tah heh ka ca ching he. 
\s1 Chiasahnah 
\p  
\v 33 Khuahlai cawngsaw taco, ‘Chia na sahpaw cawh rawh kheh. Abuipaw khatei na tuapaw chiasahnah cawh zui my lo,’ tatah aa za tah teipaw khah naa thui thlang kho.  
\v 34 Canghrasala, vaicung tah chia a sah khe o, zecawtamaw tatah ma cawh Khazing a tynah a cang, tah heh ka ca ching he.  
\v 35 A cang ly leh alui tah chia a sah khe o, zecawtamaw tatah ma cawh Khazing phe chianah a cang, a cang ly leh Jerusalem khuapui ming tah chia a sah khe o, zecawtamaw tatah ma cawh Siangpahrang a khuapui a cang.  
\v 36 Taico na lu tah chia a sah kheh, zecawtamaw tatah na sangbu bukheh hmai khah rang sá tah vongsah khy bei ceh kho.  
\v 37 A cang caco, ‘A cang,’ tah la, a cang ly caco, ‘Cang be,’ tah my lo. Ma a khunglang tei hming cawh mehchaw lypaw taitah a va chuhpaw a cang. 
\s1 Meh cawtah meh 
\r (Luk 6:29-30) 
\p  
\v 38 ‘Meh cawtah meh, haw cawtah haw,’\x + \xo 5:38 \xt Piachua 21:24; Tlangbui 24:20; Biary 19:21\x* aa za tah teipaw khah naa thui thlang kho.  
\v 39 Canghrasala, mehchawly a cangpaw cawngsaw khah palei hri khe o, tah heh ka ca ching he. Pakheh kheh tah na cacang lang bai letah a ca cabai caco, a rakheh lang zong khah congpah vy.  
\v 40 Taico pakheh kheh tah na pai lah du tah taza a ca cui caco, na angkilai zong khah pei chi thlang.  
\v 41 Pakheh kheh tah hranghrang tah khangkheh a ca seisah caco, ama khaco khang hning va sei my lo.  
\v 42 A ca haepaw cawngsaw khah va pei la, nama khatah dycui a ca dupaw cawngsaw khah a huisai lai he kheh. 
\s1 Carae donah 
\r (Luk 6:27-28; 32-36) 
\p  
\v 43 ‘Na ingpaw va do la, na carae a hua,’\x + \xo 5:43 \xt Tlangbui 19:18\x* tatei aa za tah teipaw khah naa thui thlang kho.  
\v 44 Canghrasala, na carae sahlo cawh va do la, a ca hrehpaw cawngsaw sahlo caw takhei thlawchang my lo, tah heh ka ca ching he.  
\v 45 Ma pawsui co vaicung letei a ungpaw naa Paw a sawtei sahlo naa cang khy a. Ama taco ning khah mehchaw cung letah kha, mehchawly cung letah kha thasah ka, mehding cung letah kha, mehdingly cung letah kha khua khah a sosah.  
\v 46 Naaning a ca dopaw suipaw naa do caco he ze longmai maw naa hmuh a? Ngungkhui kheitu sahlo tahmai tah ma cawh tua thlang bei he maw?  
\v 47 Taico na uny sahlo suipaw bia na ching caco he zemaw ahringpaw sahlo navy tah na tua khy vy hlui? Lawki cawngsaw sahlo zong tah ma cawh tua thlang bei he maw?  
\v 48 Macawtaco vaicung letei a ungpaw naa paw a tlingpaw hratah tling hrah my lo. 
\c 6  
\s1 A phahlahpaw pehlainah 
\p  
\v 1 A dingpaw rai naa hrepaw khah cawngsaw tah ma hmuh naa he seh tatah cawngsaw hme letah tua ly rua pawtah khei a raering my lo. Ma hraco naa tua caco, naa Paw vaicung leteipaw taitah longmai hmuh a bei he ceh. 
\p  
\v 2 Macawtaco a phahlahpaw cawngsaw naa pehlai tih he tah cungmai raipha sahlo tei cawngsaw tah ma cizaw naa he seh tatei synagog sahlo le langpui sahlo letah aa tualaipaw hratah naa tuapaw cawh hmoka tung tah y khui lai khe lo. Biahmuisui ka ca ching he, aaning sahlo cawh aa longmai khah a tling teitah aa hmuh thah kho.  
\v 3 Canghrasala a phahlahpaw cawngsaw cawh naa pehlai tih he tah naa cacang lang kih tei a tuapaw cawh naa cavui lang kih khah hnisah khe la,  
\v 4 ma pawsui co naa pehlainah cawh aparuh a cang a. Mataico naa Paw, a paruh teitah tuapaw a hmuhpaw taco longmai a ca pae he a. 
\s1 Thlawchangnah 
\r (Luk 11:2-4) 
\p  
\v 5 Taico, thlaw naa chang tihtah cungmai raipha sahlo hratah chang khe lo. Zecawtamaw tatah aaning sahlo cawh cawngsaw tah ma hmuh na he seh tatah synagog le langchai letah a daw lai tei thlawchang khah aa du kho. Biahmuisui ka ca ching he, aaning sahlo cawh aa longmai khah a tling teitah aa hmuh thah.  
\v 6 Canghrasala, naaning cawh thlaw naa chang tihtah ing chunglang a nae la, ingkaw kha la, naa Paw hmuh khy lypaw khaco chang my lo. Mataico naa Paw, aparuh teitah tuapaw a hmuhpaw taco longmai a ca pae he a.  
\v 7 Taico thlaw naa chang tihtah lawki cawngsaw sahlo hratah naa rei ciapaw duitei rei cakhawng leimei thlang khe lo, zecawtamaw tatah aaning sahlo taco bia hlupui kaa reinah cawtah hei thuipah kaa cang peh tatah aa rawh kho.  
\v 8 Aaning hratah cang khe lo, zecawtamaw tatah naa Paw taco naa hiapaw khah naa hae hlai taitah a hni thlang kho. 
\p  
\v 9 Macawtaco thlaw naa chang tihtah ma hrahei chang my lo, 
\q1 ‘Kaa Paw vaicung leteipaw, 
\q1 Na ming cawh cizaw tah ung ky seh. 
\q1  
\v 10 Na painah tlung ky seh. 
\q1 Vaicung letah na dupaw aa tuapaw hratah, 
\q2 alui lehei tua hrah he seh. 
\q1  
\v 11 Ningting kaa hiapaw batui ma pei my lo, 
\q1  
\v 12 kaa cung letei chahlynah a tuapaw cawngsaw sahlo kaa ngethai pawhe hratah, 
\q2 kaa chahlynah ma ngethai hrah my lo. 
\q1  
\v 13 Tuhsonah lang a ma chui kheh la, 
\q1 mehchaw lypaw taitah ma pachah hri my lo.’\f + \fr 6:13 \fq Painah raang le hmingtuakhynah le rungnawnah cawh chaizaw tah natei a cang, Amen,\ft tatah ahning vytei kih cia thaikheh letah a ung.\f* 
\m  
\v 14 Naa cung letah chahlynah a tuapaw cawngsaw sahlo khah naa ngethai caco he, naa Paw vaicung leteipaw tah a ca ngethai hra he a.  
\v 15 Canghrasala, cawngsaw aa suanah khah naa ngethai ly caco he, naa Paw vaicung leteipaw tah naa suanah khah ca ngethai hrá bei he. 
\s1 Batui cahenah 
\p  
\v 16 Batui naa cahe tihtah cungmai raipha sahlo tei mehmechiá tah a ung sahpaw he hratah ung khe lo, zecawtamaw tatah aaning sahlo cawh batui kaa cahepaw ma hnih naa he seh tatah aa mehme a chiasahpaw a cang he kho. Biahmuisui ka ca ching he, aaning sahlo cawh aa longmai khah a tling teitah aa hmuh thah kho.  
\v 17 Canghrasala batui naa cahe tihtah naa lu letah sathy a thu la, naa hme a pahleh my lo,  
\v 18 maco cawngsaw tah batui naa cahepaw ca bi be ca he ka, hmuh khy lypaw naa Paw suitei tah a ca bi he a, taico aparuh teitah tuapaw a hmuhpaw naa Paw taco longmai a ca pae he a. 
\s1 Vaicung letah cho 
\r (Luk 12:33-34) 
\p  
\v 19 Luichaw le carih tei aa e khynah le mehru tah aparuh teitah a nae tah aa ruh khynah hminghmaw a cangpaw alui lehei naa cho pacung khe o.  
\v 20 Luichaw le carih tei aa e khy lynah hming le mehru tah hawhthlah tei aa ruh khylynah hming vaicung letah naa chosung cawh pacung hri my lo.  
\v 21 Zecawtamaw tatah naa chosung a ungnah letah naa lungthing a ung hrá a. 
\p  
\v 22 Meh heh pung cawtah me-ing a cang. Na meh a chah caco, na pungpaluh cawh khainá tah a chih a.  
\v 23 Canghrasala na meh a chah ly caco, na pungpaluh cawh muiná tah a chih a. Mataico na chung letei khainah cawh a mui caco, na cawtah zetluh a zingkalupaw maw a cang a. 
\p  
\v 24 Aho tahmai abui pahning aa rai hre khy be. Pakheh a hua a ka, pakheh a do a, a cang ly leh pakheh cung letah zingchui tah ung a ka, pakheh khah zetah rei a be. Khazing rai kha, tangka rai kha, hre pakong khy bei ceh. 
\s1 Naa lung reithui kheh seh 
\r (Luk 12:22-31) 
\p  
\v 25 Macawtaco ka ca ching he, naa hringnah cawtah zemaw kaa e kaa ding a, a cang ly leh naa pung cawtah a buh a sai ruapaw kong letah naa lung reithui kheh seh. Hringnah heh e le ba navy tah sungnaw vy ka, pung heh chaichi navy tah sungnaw vy bei maw?  
\v 26 Avai letei a zythipaw pavaw sahlo kheh mingtua hmai o. Thleci cing bei he, saze hre hrah bei he, apaang letah rai hrah bei he. Ma cawh naa Paw vaicung leteipaw tah a cong thlang he. Naaning cawh pavaw navy tah a sungnaw vypaw cang bei he ceh maw?  
\v 27 Naa hrong letah ahomaw a lung reithuinah rawng tah a hringnah cai suimehlang pakheh chang a chahchi khy? 
\p  
\v 28 Taico zecawtamaw chaichi kong letah naa lung rei a thui? Alui letei a cypaw lili pangpa sahlo kheh mingtua o. Rai hre bei he, chaichi a taw bei he.  
\v 29 Canghrasala ka ca ching he, siangpahrang Solomon hmai ma tluá khei a laisui thlang naná teitah ma pangpa sahlo letei kung kheh tlua khei hmai pasang cang be.  
\v 30 Vy naaning zingnah a cawngpaw sahlo, atoning ka cy katei, ningthlamong me lang aa bo thlangpaw araang hmai a pasangpaw Khazing taco naaning cawh pasang lytah maw a ca ung he a?  
\v 31 Macawtaco, ‘Zemaw kaa e a, zemaw kaa ding a, zemaw ka hrei he peh?’ tatah naa lung reithui kheh seh.  
\v 32 Zecawtamaw tatah ma hapaw hming sahlo cawh lawki cawngsaw sahlo zong tah aa hui teipaw cang hrah ka, naa Paw vaicung leteipaw tah naa hiapaw khah a hni thlang.  
\v 33 Ma navy co a painah le a dingnah tukhah hui taw la, ma hming vytei zong heh peh na cang thlang a he ceh.  
\v 34 Macawtaco ningthlamong kong letah naa lung reithui kheh seh, zecawtamaw tatah ningthlamong taco, ama a kong letah ama teitah a lung rei a thui thlang hrá a. Ningkheh cy tahei azaw pawtah lung reithuinah aa chuakhui hrah. 
\c 7  
\s1 Male biacenah 
\r (Luk 6:37-38; 41-42) 
\p  
\v 1 Male bia na cepah caco he nama zong biace pah na cang hrá a.  
\v 2 Zecawtamaw tatah male bia na cepah pawtei he hrakhei nama zong biace pah cang a ceh ka, na hmangpaw nehnah pawtei khei aa ca neh pah kaw hrá a. 
\p  
\v 3 Nama na mehkho letei thingphae khah pacang taw lytah na unypaw a mehkho letei thingpatlaw khah zecawtamaw na mingpah?  
\v 4 Nama na mehkho letah thingphae a hmuh tlung lytah zekhatamaw na unypaw cawh, ‘Na mehbang khah ca tho pá neh,’ na tah khy?  
\v 5 Naaning cungmai raipha sahlo, naaning naa mehkho letei thingphae khah thohly taw la, taico naa unypaw a mehkho letei mehbang cawh tho pá pawtah a sepaw teitah naa hmuh khy a. 
\p  
\v 6 A pathaipaw hming cawh ui pei khe o. Naa lungva khah voh hmekaw letah va khe o. Ma hratei naa tua caco, aa phe tah tlaichai a he ka, naaning laky khah aa ca ty he a. 
\s1 Hae la, hui la, khong my lo 
\r (Luk 11:9-13) 
\p  
\v 7 Hae la, peh na cang a he ceh, hui la, naa hmuh a, khong la, ingkaw hongpah na cang a he ceh.  
\v 8 Zemaw tahpaw co, ahohmai a haepaw maikaw cawh peh cang a he ka, a huipaw taco hmuh a ka, ingkaw a khawngpaw cawh hongpah a cang a. 
\p  
\v 9 A sawcapaw tah very hae seh la, alung a peipaw naa ung he ceh maw?  
\v 10 A cang ly leh ngaw hae seh la, pari a peipaw a ung he maw?  
\v 11 Naaning mehchawly tahmai tah naa sawtei leh khah hmingchaw peh zia naa hni caco, vaicung letei naa Paw tah Ama a haepaw sahlo cawh hming chawpaw khah zetlua tamaw a peh vy chichi he a!  
\v 12 Macawtaco zezongpui letah ming hringpaw tah na cung letah tua he seh tah na dupaw hrakhei male cung letah va tua my lo, zecawtamaw tatah ma heh phungbia le Khazing khuavang sahlo tei aa rei dupaw cawh a cang hi. 
\s1 A bawpaw le a kypaw hawkaw 
\r (Luk 13:24) 
\p  
\v 13 Hawkaw a bawpaw lang tah a nae my lo. Zecawtamaw tatah a kypaw hawkaw le a kypaw langpui cawh rorangnah lang a chuipaw cang ka, ming hlupui cawh ma lang co a nae tei he.  
\v 14 Canghrasala, a chiapaw hawkaw le a bawpaw langpui cawh hringnah lang a chuipaw cang ka, cawngsaw a cawngtei suipaw tah ma cawh aa hmuh. 
\s1 Thingkung le a thui 
\r (Luk 6:43-45) 
\p  
\v 15 Khuavang pakheipaw sahlo taikhei a raering my lo. Tu pho a buá tah naaning kha a vong he a, canghrasala aa chunglang co chahnia a hrang ngeteipaw a cang he kho.  
\v 16 Aa thuisu khei aaning sahlo cawh naa bi thlang he a. Cawngsaw tah misur thui khah ahling kung taitah le thuiku khah zara kung taitah aa lo tei maw?  
\v 17 Ma hraco thingkung a chawpaw maikaw taco thuichaw thui he ka, canghrasala thingkung a chiapaw maikaw taco, thuichia a thui he.  
\v 18 Achawpaw thingkung taco thuichia thui khy be ca ka, a chiapaw thingkung zong tah thuichaw thui khy hrah be.  
\v 19 Thui chaw a thui lypaw thingkung maikaw cawh hyhly tah me lang bo a cang he a.  
\v 20 Ma hrahei aa thuisu tah aaning sahlo cawh naa bi thlang he a. 
\p  
\v 21 ‘Abuipaw, Abuipaw,’ a pa tahpaw maikaw aa zongmingtei tah vaicung painah raang letah a nae a bei he, ka Paw vaicung leteipaw a dunah a tuapaw cawngsaw suipaw a nae a.  
\v 22 Ma ning leco ming hlupui tah, ‘Abuipaw, Abuipaw, na ming tah biaphy he peh ka, na ming tah khachia papia he peh ka, ningang chuipaw hlupui tua bei peh maw?’ aa pa tah tae a.  
\v 23 Ma tih taco aaning sahlo cawh, ‘Naaning hming chahly a tuapaw sahlo ca hnih bei he neh, ka kae taitah seihly o!’ tatah a sepaw tah ka tah he a. 
\s1 Mehsing le mehruh ingsahtu sahlo 
\r (Luk 6:47-49) 
\p  
\v 24 Macawtaco ma ka reipaw bia sahlo heh thui katei, a zuipaw cawngsaw maikaw cawh alung cung letah a cy pui tah a ing a sahpaw mehsing khatah a lo he.  
\v 25 Khua va so, tui va lai, thli a va hrang ka, ma ing cawh a nang tihtah po khy be, zecawtamaw tatah alung cung letah a cy pui tah sahpaw a cangnah cawtah.  
\v 26 Canghrasala ma ka reipaw bia sahlo heh thui katei, a zui lypaw cawngsaw maikaw cawh sadi cung letah a ing a sahpaw mehruh khatah a lo he.  
\v 27 Khua va so, tui va lai, thli a va hrang ka, ma ing cawh a nang tihtah pohly ka, a rawh ceh ceh,” a tah he. 
\p  
\v 28 Zisu tah ma hming sahlo heh a rei thlu tihtah mingzawpui cawh a cawngpahnah cawh aa khuarawh a haa thlang.  
\v 29 Zecawtamaw tatah phungbia cawngpahtu sahlo hratah cang lytah naw a hnuitu hratah a cawngpah caw he tah a cang. 
\c 8  
\s1 Thinghmuihri a ingpaw 
\r (Mk 1:40-45; Luk 5:12-16) 
\p  
\v 1 Tlangpa lang khei a za cung tihtah cawngsaw rungpui takhei aa zui.  
\v 2 Thinghmuihri a ingpaw cawngsaw pakheh cawh a vong ka, a hme letah a khuh panai ka, “Abuipaw, na du caco na pa dangsah khy thlang,” tatah a tah. 
\p  
\v 3 Zisu taco a kiá tah pazah ka, ma cawngsawpaw cawh va tong ka, “Na dang cawh du neh ka, dang myca,” tatah a tah. Ma cangkaw leco, a thinghmuihri vytei cawh a pathai.  
\v 4 Taico Zisu tah, “Ahohmai ching khe lo. Ma duitei cawh va sei la, tlangbui a va ming sá la, Moses phungbia hrakhei thuihlainah va tua, ma paw suico dangsah na cangpaw khah ming maikaw tah aa ca hni a,” tatah a tah. 
\s1 Raekeh zakheh buipaw a zingnah 
\r (Luk 7:1-10; Jh 4:43-54) 
\p  
\v 5 Zisu cawh Kapernaum khua a nae tihtah raekeh zakheh buipaw cawh Ama kha a vong ka, bawnah a va hae.  
\v 6 “Abuipaw, ka saecapaw song ka, taithui ngetei tah ing letah a lia thlang,” tatah a tah. 
\p  
\v 7 Zisu taco a hai letah, “A vong neh ka, ka dang sá a,” tatah a tah. 
\p  
\v 8 Raekeh zakheh buipaw taco, “Abuipaw ka ing heh nama na naenah tlangpaw cang be. Canghrasala bia kawkheh teitah na rei caco, ka saecapaw cawh a dang thlang a.  
\v 9 Kama zong nawhnuinah rai letah a ungpaw cang neh ka, ka rai letah raekeh sahlo a ung hrah he. Pakheh cawh, ‘Sei,’ tah neh ka, sei ka, pakheh cawh, ‘A vong,’ tah neh ka, a vong. Ka saecapaw cawh, ‘Ma heh tua,’ tah neh ka, a tua thlang,” tatah a palei. 
\p  
\v 10 Zisu tah ma bia cawh a thui tihtah a ningang ka, Ama a zuipaw sahlo aa hai leco, “Biahmuisui ka ca ching he, ma hapaw zingnah alaipaw a hnuipaw cawngsaw heh Israel mingphing chung letah pakheh hmai hmuh bang bei neh.  
\v 11 Ka ca ching he hi, nichua nitlah taitah cawngsaw hlupui a vong a he ka, vaicung painah raang letei lawhdangnah cabuai leco Abraham, Isak le Jakob khatah a ty hrui he a.  
\v 12 Canghrasala vaicung painah raang letah a ung ruapaw sahlo tukhah alailang muinah chunglang, caw le hawria tah ungnah hminghmaw lekhei vathlang a cang tae he a,” tatah a tah. 
\p  
\v 13 Mataico Zisu tah raekeh zakheh buipaw cawh, “Va sei thlang! A cang a, tatah na zingpaw hratah tua a cang thlang a,” tatah a tah. Taico ma suimehlang cai lalei leco a saecapaw cawh a dang palang. 
\s1 Zisu tah ming hlupui a dangsah he 
\r (Mk 1:29-34; Luk 4:38-41) 
\p  
\v 14 Zisu cawh Piter a ing chunglang a za nae tihtah asaw tah nang katei, lakhing letah a lia thlangpaw Piter a nupuino a no khah a hmuh.  
\v 15 A kih cawh va hre ka, asawnah taco a thlaw. Mataico ka tho ka, Zisu cawh a tangtui. 
\p  
\v 16 Zailang a va phah tihtah khachia tei a tlepaw he mehlupui cawh Ama khatah va chuakhui he ka, bia tah thlawpaw pialuipaw sahlo cawh tingchua he ka, a sahpaw vytei cawh a dangsah he.  
\v 17 Ma heh Khazing khuavang Isaiah hmokaw hmang tei reipaw, 
\q1 “Ama tah kaa danglynah pho ka, ka sawnah he peh khah a seikhui,”\x + \xo 8:17 \xt Isai 53:4\x* 
\m tahpaw bia a tlingnah a cang. 
\s1 Zisu zuinah mai 
\r (Luk 9:57-62) 
\p  
\v 18 Zisu taco a kaekang letei mingzawpui sahlo khah a hmuh tih he tah a hningzuitu sahlo khah, “tuiping raechai lang sei he pei,” tatah a tah he.  
\v 19 Mataico, phungbia cawngpahtu pakheh Ama khatah a vong ka, “Cawngpahtu, na seinah maikaw lang ka ca zui a,” tatah a tah. 
\p  
\v 20 Zisu taco, “Sihatei sahlo tah kua hnui he ka, pavaw sahlo zong tah bu aa hnui, canghrasala Cawngsaw Sawcapaw tu cawh a lu pahnia nápaw hminghmaw hmai hnui be,” tatah a palei. 
\p  
\v 21 A hningzuitu ahringpaw taco a hai letah, “Abuipaw, va sei neh ka, ka paw ka va phung taw a,” tatah a tah. 
\p  
\v 22 Canghrasala Zisu taco a hai letah, “Va pa zui thlang, a thipaw cawh mehthi tah phung thlang he seh,” tatah a ching. 
\s1 Zisu tah thlipui a calisah 
\r (Mk 4:35-41; Luk 8:22-25) 
\p  
\v 23 Mataico tuilawng chunglang cawh a nae ka, a hningzuitu sahlo cawh a nae hrah he ka, a sei he.  
\v 24 Rawh ly pui tah thlichia cawh tuiping leco a hrang caimang ka, macawtaco tuilawng cawh tuileh tah a bakhu thlu. Canghrasala Zisu cawh a ihning thlang.  
\v 25 A hningzuitu sahlo taco Ama cawh va patho he ka, “Abuipaw, ma pachah tua. Tui lang ka tlah thlu he peh hi!” tatah aa tah. 
\p  
\v 26 Zisu taco, “Naaning zingnah a cawngpaw sahlo, zecawtamaw ma reiro co naa ci?” tatah a palei he. Mataico katho ka, thli le tuileh cawh a hrangso he ka, tui cawh a cali he. 
\p  
\v 27 Cawngsaw sahlo cawh aa ningang thlang ka, “Ma heh zehapaw cawngsaw maw a cang? Thli le tuileh tahmai a bia aa nge thlangpaw heh!” tatah aa tah he. 
\s1 Khachia sahlo tei aa tlepaw he capaw pahning dangsahnah 
\r (Mk 5:1-20; Luk 8:26-39) 
\p  
\v 28 Zisu cawh tuiping raechai lang tei Gadarin raang khah a va phah tihtah khachia tei a tlepaw he capaw pahning khah thlaikung lang tah va sei he ka, a va tong he. Ma tlaw pahning cawh cichui ngetei he ka, ahohmai ma lang co sei ngang bei he.  
\v 29 “Khazing Sawcapaw, kaaning khatah zemaw na dupaw a ung? Cai thliapaw a tling hlai tahei kaaning hreh ruapaw tamaw ma lehei na va chua?” tatah aa y so. 
\p  
\v 30 Aaning taitah a hlah ky lypaw lekhei lawh a e leimeipaw voh rungpui a ung he.  
\v 31 Khachia sahlo taco Zisu cawh, “Na ma papia caco, voh rung aa chunglang a ma naesah ky,” tatah aa naw. 
\p  
\v 32 Zisu taco aa hai letah, “Va sei ca o!” tatah a tah he. Macawtaco piathlah he ka, voh sahlo chunglang cawh a nae he. Voh rungpui cawh lungkang cung taitah tuiping lang cawh a zythlah he ka, tui leco a thi thlu he.  
\v 33 Voh a mingkaitu sahlo cawh va sai he ka, khuapui chunglang cawh a nae he ka, ma kong vytei cawh le khachia tei a tlepaw he pahning cung letah hming a tlungpaw khah aa va ching he.  
\v 34 Mataico aa zongmingtei co, Zisu a tong rua pawtah aa sei. Aa va hmuh tihtah aa raang taitah piathlah pawtah khei aa naw. 
\c 9  
\s1 Zisu tah a songpaw a dangsah 
\r (Mk 2:1-12; Luk 5:17-26) 
\p  
\v 1 Zisu cawh tuilawng cung lang ke ka, tuiping raechai lang cawh sei kaw he ka, Ama a khua lang khah a va sei.  
\v 2 Mehthaikheh sahlo takhei a songbepaw cawngsaw khah iphaw letah a lia thlang hmo khei Ama khatah aa va chuakhui. Zisu tah aa zingnah khah a hmuh tihtah a songbepaw hai leco, “Ka dua, na thlawlung seh, na suanah vytei cawh ngethai a cang,” tatah a tah. 
\p  
\v 3 Ma tih taco phungbia cawngpahtu thaikhehpaw sahlo tah aaning le aaning cawh, “Mapaw tahei Khazing a reipachia,” tatah aa tah he. 
\p  
\v 4 Aa rawhnah khah a hni thah cawtah khei Zisu tah, “Zecawtamaw naa lungchung tah rawhnah achaw lypaw cawh naa pacang?  
\v 5 ‘Na suanah sahlo cawh ngethai a cang,’ tahpaw maw a neh vy? ‘Tho la, sei,’ tahpaw maw a neh vy?  
\v 6 Canghrasala, Cawngsaw Sawcapaw heh aluicung letah sua ngethainah naw a hnui taheh ka ca hmuh sá he a,” tah ka, taico a songbepaw hai leco, “Tho, na phia a lah la, ing lang a dih,” tatah a tah.  
\v 7 Taico cawngsawpaw cawh tho ka, ing lang cawh a dih.  
\v 8 Cawngsaw zawpui tah ma cawh aa hmuh tihtah aa ningang ngetei ka, ma hapaw nawhnuinah cawngsaw sahlo khatah a peitu Khazing khah aa reithai. 
\s1 Mathai ynah 
\r (Mk 2:13-17; Luk 5:27-32) 
\p  
\v 9 Zisu cawh mataico seihly ka, ngungkhui kheinah hming letah a tythlangpaw cawngsaw Mathai aa tahpaw khah hmuh ka, “Va pa zui,” tatah tah ka, Mathai cawh tho ka, Ama cawh a zui. 
\p  
\v 10 Zisu cawh Mathai a ing letei zairia batui a e leimei ning takhei ngungkhui kheitu mehlupui le ahringpaw mehsua sahlo cawh a vong he ka, Ama le a hningzuitu sahlo khakhei aa va e hrah.  
\v 11 Farasi sahlo tah ma cawh aa hmuh tihtah a hningzuitu sahlo cawh, “Zecawtamaw naa cawngpahtu heh mehsua sahlo le ngungkhui a kheitu sahlo khatah batui a e hrui?” tatah aa hae he. 
\p  
\v 12 Zisu tah ma bia cawh thui ka, “A dang thlangpaw taco Sibui aa hia tlung be, a dang lypaw tah pui aa hia.  
\v 13 Va sei la, ‘Kama ka dupaw cawh athuihlainah cang lytah zawngenah a cang,’\x + \xo 9:13 \xt Hose 6:6\x* tahpaw a silang heh va cawng taw o. Zecawtamaw tatah Kama cawh mehding y rua pawtah ka vong tlung be, mehsua sahlo y rua pawtah ka vong hri hi,” tatah a tah he. 
\s1 Batui cahenah kong Zisu haenah 
\r (Mk 2:18-22; Luk 5:33-39) 
\p  
\v 14 Mataico, baptisma peitu Johan a hningzuitu sahlo cawh a vong he ka, Zisu khah, “Kaaning sahlo le Farasi sahlo tah batui cahe he peh ka, nama na hningzuitu sahlo tahei zecawtamaw a cahe bei he?” tatah aa hae. 
\p  
\v 15 Zisu taco, “Sawngpaw sahlo cawh nupui a chuipaw satlepaw khatah aa ung chung taco zecawtamaw ngechia tah aa ung a? Nupui a chuipaw satlepaw cawh aaning sahlo taitah lahnah cai a va phah tae a. Mataico batui a cahe tae thlang he a. 
\p  
\v 16 Ahotahmai tah paithang a thapaw tah chaichi a paringpaw khah a beithlah bang bei he, zecawtamaw tatah aa thlahpaw paithang takhei angki khah hruipako a ka, a kychy vy tima a.  
\v 17 Misurhang a hringtui khah sapho tuithei a paringpaw letah rai bang hrah bei he. Aa rai caco, sapho tuithei khah tingchy a ka, misurhang cawh a zuh thlu a, sapho tuithei zong a rawh thlu a. Misurhang a hringtui cawh sapho tuithei a thapaw letah rai he ka, aa sanghning tah a bing he,” tatah a tah. 
\s1 A thipaw laisawtha le a sahpaw canuno 
\r (Mk 5:21-43; Luk 8:40-56) 
\p  
\v 18 Ma bia a rei chung taco uhtu bui pakheh a vong ka, a hme letah a khuh panai ka, “Ka sawcanu cawh atotei khah a thi. Canghrasala a vong tei, a cung letah na kih na pahnia caco, a hring kaw thlang a,” tatah a naw.  
\v 19 Zisu cawh a daw ka, Ama khaco sei he ka, a hningzuitu sahlo zong a sei hrah he. 
\p  
\v 20 Ma leco canu pakheh kung hrawhluihning chung a thi a chuh no cawh Zisu a hninglang tah a vong ka, a pai dong cawh a va tong.  
\v 21 Ama le ama cawh, “A pai dong tei chang ka tong caco ka dang a,” tatah a tah. 
\p  
\v 22 Zisu cawh a va paleh ka, ma canuno cawh a hmuh. “Ka sawcanu na thlawlung seh. Na zingnah tah a ca dangsah,” tatah a tah. Taico sungkheh teitah ma canuno cawh a dang. 
\p  
\v 23 Zisu cawh uhtubui a ing chunglang khah a nae ka, phipahli a tungpaw sahlo le naw a cheh thlangpaw he zawpuipaw khah a hmuh tih he tah,  
\v 24 “Piahly tua o. Nyheh no heh a thih tlung be, a ihning thlang hi!” tatah a tah he. Canghrasala, Ama cawh aa hnuiso.  
\v 25 Zawpuipaw cawh khunglai lang aa piahly khy taitah inahkhang chunglang cawh a nae ka, nyheh no cawh a kiá tah tle ka, a ka tho.  
\v 26 Ma thongpang cawh ma raang chung vytei lekhei a thang thlu. 
\s1 Zisu tah a meh co katei, a rei a thlaw thai lypaw a dangsah 
\p  
\v 27 Zisu cawh mataico piathlah ka, mehcopaw pahning takhei zuilai he ka, “David Pathlah ning ma do ky law,” tatah a y he. 
\p  
\v 28 Zisu cawh ing chunglang a za nae thlah tihtah mehcopaw pahning cawh Ama khaco a vong he. Zisu taco, “Naa meh khua ka hmuhsah khy kaw a tatah naa zing maw?” tatah a hae he. 
\p “Abuipaw, kaa zing,” tatah aa palei. 
\p  
\v 29 Mataico aa mehkho cawh tongpah he ka, “Naa zingnah hratah naa cung letah tlung ky seh,” tah he ka,  
\v 30 aa mehcawh khua a hmuh khy kaw. Zisu taco aaning cawh, “Ahohmai hnisah khe lo,” tatah cyky tah bia a patai he.  
\v 31 Canghrasala, seihly he ka, Zisu kong thongpang cawh ma raang chung vytei lekhei tlang aa zang lai. 
\p  
\v 32 Cawngsaw sahlo aa piahly chung takhei, khachia tah tle katei bia a rei khy lypaw cawngsaw pakheh khah Zisu khaco aa va chuakhui.  
\v 33 Taico, khachia cawh a papiapah tihtah a rei a thlaw thai lypaw cawngsaw cawh a rei a ka thlaw khy. Cawngsaw zawpui cawh aa ningang ka, “Ma hapaw hming heh Israel mingphing chung letah hmuh bang bei peh,” tatah aa tah. 
\p  
\v 34 Canghrasala, Farasi sahlo taco, “Khachia sahlo buipaw thongtah khachia sahlo a papiapaw a cang,” tatah aa tah. 
\s1 Raihretu a cawng he 
\p  
\v 35 Zisu cawh khuapui vytei le khuatei vytei khah cahrong lai ka, synagog lekhei a cawngpah lai he. Vaicung painah raang kong thawngchawbia khah reilai ka, asawnah le danglynah maikaw khah a dangsah lai he.  
\v 36 Cawngsaw zawpui khah a hmuh tih he tah ning a do ngetei he, zecawtamaw tatah aaning sahlo cawh lung reithui le vaisang pazá tah kingtu a hnui lypaw tuu hratah aa cangnah cawtah khei a cang.  
\v 37 Mataico a hningzuitu sahlo khah, “Saze hre ruapaw hlu ngetei ka, canghrasala, raihretu cawh a cawngtei he.  
\v 38 Macawtaco, saze lui a hnuitu Abuipaw cawh raihretu sahlo khah saze lui lang taw rua pawtah hae my lo,” tatah a tah he. 
\c 10  
\s1 Zisu tah a hningzuitu pahrawhluihning a thlaw he 
\r (Mk 3:13-19; 6:7-13; Luk 6:12-16; 9:1-6) 
\p  
\v 1 Zisu tah a hningzuitu pahrawhluihning khah Ama khatah y he ka, thlawpaw pialuipaw papia khynah nawhnuinah le asawnah a phingphing le danglynah dangsah khynah nawhnuinah khah a peh he. 
\p  
\v 2 Ma sahlo heh apostol pahrawhluihning aa ming cawh a cang. A pakhehnah letah Simon (Piter tatah aa y teipaw) le a unypaw Andru, Zebedi a sawcapaw Jeims le a unypaw Johan,  
\v 3 Filip le Barthalomeo, Thomas le ngungkhui kheitu Mathai, Alfas a sawcapaw Jeims le Thadia,  
\v 4 ci le phing a dawkhuipaw Simon le Zisu a luitupaw Judas Iskariot a cang he. 
\p  
\v 5 Ma apostol pahrawhluihning heh Zisu tah bia patai he ka, a taw he. “Gental cawngsaw sahlo hrong letah va sei khe la, Samaria cawngsaw aa khua lang a nae khe lo.  
\v 6 A lypaw tuu a cangpaw Israel mingphing khatah va sei hri my lo.  
\v 7 Naa seinah letah ma bia heh va ching my lo, ‘Vaicung painah raang cawh a ne myca,’ tahpaw heh.  
\v 8 A sahpaw dang sá la, mehthi va patho la, mehthinghmui va pathai sá la, khachia va papia my lo. Amai lytah naa hmuhpaw heh a mai lytah va pei hrah my lo.  
\v 9 Naa sahre letah sui maw, ngung maw, thihring maw a cakai khe lo,  
\v 10 khuatlongnah cawtah sahre, a hluipaw chaichi, phepakong, cungcahrei tahpaw a cakai khe lo, zecawtamaw tatah raihretu cawh a e tlang a cang. 
\p  
\v 11 Khuapui maw, khuatei maw na naenah maikaw lehe ceh tah tlung tlang a cangpaw cawngsaw khah pakhia la, a ing leco naa seithlah kawnah tai va tlung my lo.  
\v 12 A ing lang na nae tih he ceh tah naa cung letah denah ung ky seh tatah tah my lo.  
\v 13 Ingtlung aa ca pa-awng caco he, naa bonghnang cawh ma ing leco ung my seh lo. Ma hratei a cang ly caco naa bonghnang cawh naaning khatah va kaw kaw my seh lo.  
\v 14 Pakheh kheh tah aa ca cyhlang du ly caco he le, a cang ly leh naa bia aa nge du ly caco, ma ing, a cang ly leh ma khua cawh naa piasai tihtah naa phe letei luipadih khah cathingthlah si my lo.  
\v 15 Biahmuisui ka ca ching he, biacenah ning letah ma khua navy co Sodom le Gomora khuapui tai-ingnah hmai khah a zia a ung vy a. 
\s1 A tlung lepaw hrehnah 
\r (Mk 13:9-13; Luk 21:12-17) 
\p  
\v 16 Naaning sahlo cawh chahnia hrong letei tuu sahlo hratah ka ca taw he. Macawtaco pari sahlo hratah singvang la, thury sahlo hratah naa ningnai my seh lo.  
\v 17 A ca dypaw cawngsaw sahlo khah a va raering ngetei my lo. Aaning sahlo taco biacetu sahlo khatah ca chuakhui he ka, aa synagog letah aa ca chei he a.  
\v 18 Kama ka rawng tah naaning sahlo cawh uhtu bui sahlo hme le siangpahrang sahlo hme lekhei chuakhui cang a he ceh ka, aaning sahlo khatah le Gental mingphing sahlo khakhei biahnihtu naa cangnah khah naa rei a.  
\v 19 Canghrasala aa ca tle tih he tah zemaw kaa rei a, zekhatamaw kaa rei a tahpaw kong letah naa thlawzawng kheh seh. Ma cai leco rei ruapaw cawh peh na cang thlang he ceh.  
\v 20 Zecawtamaw tatah a reipaw cawh naaning cang bei ceh. Naa Paw a Thlawpaw tah naaning hmang tah a rei hri a. 
\p  
\v 21 Uny le uny, paw le saw sahlo cawh thihnah tai a luithae he a. Sawtei leh tah no le paw khah thihnah tai aa dy he a.  
\v 22 Kama ka rawng tah cawngsaw vytei tah aa ca hua he a, canghrasala zingnah letah a changnah tai cyky tah a dawpaw cawngsaw cawh pachah a cang a.  
\v 23 Hmingkheh letah hreh naa cang caco, ahringpaw hming lang sai my lo. Biahmuisui ka ca ching he, Cawngsaw Sawcapaw a vong hlai tahei Israel raang letei khua vytei naa tlawngpaw heh paling balang bei ceh. 
\p  
\v 24 Singnah a cawngpaw cawh a cawngpahtu navy tah a sang vy be ca ka, sae zong a buipaw cung letah ung hrah be.  
\v 25 A cawngpaw tah a cawngpahtu hratah a cang le sae tah a buipaw hratah a cang cawh a zaw thlang. Ing letei lu a cangpaw hmai Belzabub tatah y a cang caco, a ingchungkho cawngsaw sahlo cawh zetlua tamaw y aa cang chichi a! 
\p  
\v 26 Macawtaco aaning sahlo cawh ci khe lo. No thlangpaw hming maikaw palang cang a he ka, biaparuh zong phy a cang he a.  
\v 27 A muinah letah ka ca chingpaw he heh a khainah letah reipaw a cang, naa naw letei biaparuh reipaw khah ing tlungkhu taitah y khuipaw a cang.  
\v 28 Thlawpaw a theh khy lypaw, pung a theh khypaw sahlo khah ci khe lo. Ma navy co hraihming letah pung kha, thlawpaw kha a rawhrang khypaw Khazing tukhah ci hri my lo.  
\v 29 Baibaw pavaw punghning khah tangka phaesai phaekheh tah zua bei he maw? Naa Paw a rei ly co, ma baibaw pavaw sahlo letei pungkheh hmai khah alui letah tlá be.  
\v 30 Taico naa lu cung letei sangbu sahlo hmai khah reithlu a cang he kho.  
\v 31 Macawtaco ci khe o, naaning cawh baibaw pavaw sahlo navy tah na sungnaw vy he ceh. 
\p  
\v 32 Cawngsaw hme letah Kama a pacang khuipaw cawh ka Paw vaicung leteipaw hme letah ka cang khui hrá a.  
\v 33 Canghrasala, cawngsaw hme letei Kama a pa paphah saipaw cawngsaw cawh ka Paw vaicung leteipaw hme letah ka paphah sai hrá a. 
\p  
\v 34 Alui letah denah chuasah rua pawtah a vong tatah parawh khe lo. Denah chuasah rua pawtah a vong bei neh, zyzi chuasah rua pawtah ka vong hri hi.  
\v 35 Ka vong hnohnangpaw cawh sawcapaw tah a paw, sawcanu tah a no, myno tah a pasaepaw a no, a dy sá pawtah cang ka,  
\v 36 cawngsaw a carae cawh ama a ingchungkho cawngsaw lilaw khah a cang a. 
\p  
\v 37 Kama navy tah a paw maw, a no maw, a do vypaw cawh kama ka cawtah a tlah be, kama navy tah a sawcapaw maw, a sawcanu maw a do vypaw cawngsaw cawh kama ka cawtah a tlah be ca ka,  
\v 38 taico ma leh khraws a puá tah a pa zui lypaw cawh kama ka cawtah a tlah be.  
\v 39 A hringnah pachah a dupaw cawngsaw taco a hringnah sung a ka, Kama ka caw tei a hringnah a sungpaw cawngsaw taco a hringnah a hmuh a. 
\p  
\v 40 Naaning a ca cyhlangpaw he cawh kama a pa cyhlangpaw cang ka, kama a pa cyhlangpaw cawh a pa tawtupaw a cyhlangpaw a cang.  
\v 41 Khazing khuavang a cang rawng tei Khazing khuavang a cyhlangpaw taco Khazing khuavangpaw a longmai khah cy a ka, mehding a cang rawng tei mehdingpaw a cyhlangpaw cawngsaw taco mehdingpaw a longmai khah a cy a.  
\v 42 Taico ma nyhehtei sahlo letei pakheh hmai heh Kama ka hningzuitu a cang rawng tei pakheh kheh tah tui cakaw ny kheh tei hmai a peh caco, biahmuisui ka ca ching he, a longmai cawh hmuh lytah ung hrahring a be,” tatah a tah he. 
\c 11  
\s1 Zisu le Baptisma peitu Johan 
\r (Luk 7:18-35) 
\p  
\v 1 Zisu tah a hningzuitu pahrawhluihning bia a chingpaw he khah a pachang tihtah Galili khuapui sahlo lang khah cawngpah pawtah le phungrei laipaw tah a sei. 
\p  
\v 2 Khri a tuasenah khah Johan tah thong chung taitah a thui tihtah a hningzuitu sahlo khah taw he ka,  
\v 3 “Nama heh a vong lepaw cawh na cang maw, a cang ly leh ahringpaw maw kaa haw a?” tatah a va haesah he. 
\p  
\v 4 Zisu taco, “Va sei kaw la, naa hmuhpaw le naa thuipaw heh Johan cawh va ching la,  
\v 5 mehcopaw tah khua aa hmuh, a songbepaw zong lang a sei he, thinghmuihri a ingpaw sahlo zong dang he ka, a nawpangpaw sahlo tah khua aa thui. A thipaw zong tho kaw he ka, mehsisah zong tah thawngchawbia aa thui myca.  
\v 6 Kama ka kong letah lung langlo tah a ung lypaw cawngsaw cawh bonghnang a ting,” tatah a palei he. 
\p  
\v 7 Johan a hningzuitu sahlo cawh aa piahly tihtah Zisu tah zawpui hai leco Johan konglang khah a ching he. “Ze ming ruapaw tamaw raangcaa lang naa sei? Thli tei a taikalypaw tuiphi kung hapaw cawngsaw ming ruapaw tamaw?  
\v 8 Ma hratei a cang ly caco ze ming ruapaw tamaw naa sei? Chaichi chaw a tuapaw cawngsaw ming ruapaw tamaw? Chaichi chaw a tuapaw cawngsaw sahlo cawh siangpahrang ing sahlo letah pui aa ung ky caw!  
\v 9 Ze ming ruapaw tamaw naa sei? Khazing khuavang ming ruapaw tamaw? A cang, Khazing khuavang navy tah alai vypaw kong ka ca ching he.  
\v 10 Ma heh Khazing bia letei ciapaw Ama a kong cawh a cang, 
\q1 ‘Ka tlang ypaw cawh na hmelang ka taw a, 
\q2 na hme letei na langpui a parai ruapaw tah!’\x + \xo 11:10 \xt Mala 3:1\x* 
\m  
\v 11 Biahmuisui ka ca ching he, canu tei sahpaw saw leco baptisma peitu Johan navy tah alai vypaw ahohmai ung bei he, canghrasala vaicung painah raang letei a chia caipaw hmai heh Johan navy tah a lai vy.  
\v 12 Baptisma peitu Johan taitah ato tai lehei vaicung painah raang cawh thaw tah pakhang paduinah a tong ka, canghrasala a du hmuisuipaw taco a nae rary thlang he.  
\v 13 Khazing khuavang sahlo vytei le phungbia takhei baptisma peitu Johan taikhah aa za reihlangpaw a cang.  
\v 14 Taico ma bia heh cyhlang naa dupaw tei a cang caco, Johan cawh a vong a tatei tahpaw Elija khah a cang hi.  
\v 15 Thuinah nawkho a hnuipaw maikaw tah ma bia heh thui he seh. 
\p  
\v 16 Atochai cawngsaw heh zekhatamaw ka tawching he a? Aaning sahlo cawh chodo tlang letei a ty thlangpaw nyheh sahlo khatah a lo he ka, 
\q1  
\v 17 ‘Phipahli ca tungpah he peh ka, 
\q2 naa laang tlung be. 
\q1 Mehthi hlawsah he peh ka, 
\q2 naa caw tlung be,’ 
\m tatei aaning leh aaning aa ypaw he nyheh sahlo hratah aa cang.  
\v 18 Zecawtamaw tatah baptisma peitu Johan cawh e ly ding lytah va chuh ka, ‘Khachia a hrei,’ tatah aa tah.  
\v 19 Cawngsaw Sawcapaw a vong ka, e ka, ding ka, ‘Ding le e suipaw a pacang, mehsua sahlo le ngungkhui a kheitu sahlo vesaw,’ tatah naa tah. Canghrasala singnah cawh a hming tuapaw sahlo takhei ahmang takhah a palang,” a tah he. 
\s1 A ngepachih lypaw khuapui sahlo cung letei cingpingnah 
\r (Luk 10:13-15) 
\p  
\v 20 Mataico, Zisu tah ningang chuipaw hming a hlu cai a tuanahpaw khuapui sahlo khah sua a phosah he, zecawtamaw tatah aa suanah a ngepachih lynah caw he tah a cang.  
\v 21 “Vy Korazin khua, na cing a ping! Vy Bethsaida khua, na cing a ping! Naaning letei tuapaw ningang chuipaw hming khah Tair le Sidon khua letah tuapaw cang he seh la, buri pai a buh a tah mecang letah a ty a he ka, a ngepachih syly tha he a.  
\v 22 Canghrasala ka ca ching he, biacenah ning leco Tair khua le Sidon khua tei aa ingpaw cawh naaning navy tah a zia a ung vy tae a.  
\v 23 Taico nama Kapernaum khua, avai tai kheh calia na cang maw? Cang bei ceh. Khothuhnah\f + \fr 11:23 \fq Hraihming,\ft tahnah a cang.\f* lang na tlahthlah a. Nama na chung letei tuapaw ningang chuipaw hming khah Sodom khua letah tuapaw cang my seh la, atoning tai heh a za bing thlang a.  
\v 24 Canghrasala ka ca ching he, biacenah ning leco nama navy tah Sodom khua cawh a zia a ung vy tae a,” tatah a tah. 
\s1 A thaw a bangpaw ahianah 
\r (Luk 10:21-22) 
\p  
\v 25 Ma ningcai leco Zisu tah, “Ka Paw, alui le avai Buipaw, ka ca reithai, mehthai mehsing sahlo caw taco ma hming sahlo heh nawh ceh ka, nyheh sahlo hapaw khatah na palang.  
\v 26 A cang, ka Paw, ma cawh nama na lawngnah cawh a cang. 
\p  
\v 27 Hming vytei heh ka Paw tah a pa peh thlu thah he. Paw tah ly co Sawcapaw heh ahotahmai hnih bei he. Paw cawh Sawcapaw le Sawcapaw tei hnisah ruapaw tei a thingpaw he tah ly co ahotahmai hnih bei he. 
\p  
\v 28 Naaning hmingrih a phopaw le a thaw a bangpaw sahlo, kama kha a vong la, a hianah ka ca pae he a.  
\v 29 Ka suihnang heh law la, a phonah dang cawh kama khatah va cawng la, zecawtamaw tatah kama cawh mehningnai le meh lungthing chaw cang neh ka, naa thlawpaw cawtah a hianah naa hmuh a.  
\v 30 Zecawtamaw tatah ka suihnang cawh a pho neh ka, ka hming cawh a zang,” tatah a tah. 
\c 12  
\s1 Sabat Buipaw 
\r (Mk 2:23-28; Luk 6:1-5) 
\p  
\v 1 Ma ningcai leco Zisu cawh Sabat\f + \fr 12:1 \ft Sabat cawh, \fq Juda cawngsaw sahlo a hianah ning,\ft a cang.\f* ning tah saze lui cahrong ka a sei. A hningzuitu sahlo cawh aa ngai di ka, saangsu cawh pahrih he ka, aa e lai.  
\v 2 Farasi sahlo tah ma cawh aa hmuh tihtah a hai leco, “Mingtua, na hningzuitu sahlo tah Sabat ning tah tua phung a cang lypaw aa tuapaw kheh,” tatah aa tah. 
\p  
\v 3 Zisu taco, “David tei a vesaw sahlo khatah aa ngai a dining tei a tuapaw khah rei bang bei he ceh maw?  
\v 4 Khazing behnah ing lang a nae ka, a vesaw sahlo khatah aaning aa e phung a cang lypaw Khazing aa dangnah very khah aa e. Ma very cawh tlangbui a cangpaw longtei tah e phung a cang.  
\v 5 A cang ly leh behnah ing letei a ungpaw tlangbui sahlo tah Sabat ning aa papia aa palui tihtah sua phosah aa cang lypaw khah phungbia chung letah rei bang bei he ceh maw?  
\v 6 Behnah ing navy tah alai vypaw ma lehei a ung thlang hi, tahpaw ka ca ching he.  
\v 7 ‘Kama ka dupaw cawh athuihlainah cang lytah zawngenah a cang,’\x + \xo 12:7 \xt Hose 6:6\x* tahpaw bia a silang heh za hnih thah my la, a sua lypaw khah sua naa phosá lypaw he.  
\v 8 Zecawtamaw tatah Cawngsaw Sawcapaw heh Sabat Buipaw a cang,” tatah a chai he. 
\p  
\v 9 Ma hming taico va sei vy ka, aa synagog chunglang a nae ka,  
\v 10 ma leco a kih rakheh asongpaw cawngsawpaw a ung. Zisu sua pu nápawtah bia hui he ka, a hai letah, “Sabat ning tei dangsah heh a phung a cang maw?” tatah aa hae. 
\p  
\v 11 Aa hai leco, “Naaning lehei pakheh tah tuu hnui seh la, Sabat ning tah khobatlung lang tlah my seh la, la tah chuahly a bei maw?  
\v 12 Cawngsaw cawh tuu navy tah sungnaw vy syly bei maw! Macawtaco Sabat ning tei hmingchaw tua cawh a phung a cang,” tatah a tah he. 
\p  
\v 13 Mataico cawngsawpaw cawh, “Na kih pathlang,” tah ka, macawtaco a kih cawh pathlang ka, a rakheh lang tei pawtei hrakhei a chah kaw thah.  
\v 14 Canghrasala Farasi sahlo cawh piahly he ka, Zisu cawh zekhatamaw kaa thaw khy a takhah aparuh teitah aa reisia. 
\s1 Khazing thingpaw sae 
\p  
\v 15 Ma cawh a hni cawtah Zisu cawh ma hminghmaw taico a zuh thlah. Cawngsaw hlupui tah zui he ka, a sahpaw vytei khah a dangsah he.  
\v 16 Taico ahomaw ka cang tahpaw khah rei ly pawtah bia a patai he.  
\v 17 Ma heh Khazing khuavang Isaiah hmokaw hmang tei reipaw, 
\q1  
\v 18 “Ma heh ka thingpaw ka sae, 
\q2 ka do ngeteipaw, ka lungtlingnah khah a cang. 
\q1 A cung letah ka Thlawpaw cawh chia neh ka, 
\q2 Ama tahei dingnah cawh mingphing sahlo hai letah a y khui a. 
\q1  
\v 19 Ama cawh a hrychae be, a cang ly leh ysang be. 
\q2 Langpui sahlo letah a o cawh ahotahmai thui a bei he. 
\q1  
\v 20 Dingnah khah tenah tah a cangsah hlai taco, 
\q2 a tleh-pakupaw ngaithli kung khah tlehchung a be ca ka, 
\q1 a kang leimeipaw me thingthu khah chaisé be. 
\q2  
\v 21 Mingphing vytei cawh a ming letah hnabeisuinah aa hnui a,”\x + \xo 12:21 \xt Isai 42:1-4\x* 
\m tahpaw tlingnah khah a cang. 
\s1 Zisu le Belzabub 
\r (Mk 3:20-30; Luk 11:14-23; 12:10) 
\p  
\v 22 Mataico khachia tei a tlepaw cawngsawpaw, a meh co katei, a rei a thlaw thai lypaw khah Zisu khaco va chuakhui he ka, a dangsah cawtah a rei thlaw khy, khua hmuh khy a tah.  
\v 23 Cawngsaw vytei cawh aa ningang thlang ka, “Ma cawngsaw heh David Pathlah a cang khy sua maw?” tatah aa tah. 
\p  
\v 24 Canghrasala, Farasi sahlo tah ma cawh aa thui tihtah, “Khachia sahlo buipaw Belzabub thongtah ma cawngsawpaw tahei khachia sahlo a papia khy he,” tatah aa tah. 
\p  
\v 25 Zisu tah aa rawhnah khah hnih ka, aa hai letah, “Ze painah raang hmai, aaning le aaning aa dy caco he a rawh thlu he ka, khuapui maikaw, ingchungkho maikaw aaning leh aaning a rai ly tei, a chaichy caco he a daw khy a bei he.  
\v 26 Setan tah Setan a papia caco, ama le ama a dy tah a chaichypaw a cang a. Macawtaco a painah raang cawh zekhatamaw a daw khy a?  
\v 27 Taico Belzabub thongtah Setan ka tingchua pawtei a cang caco, naaning naa cawngsaw sahlo takhei saw, aho thong tamaw aa tingchua he? Macawtaco naa cawngsaw sahlo cawh naaning bia a ca cepahtu a cang tae he a.  
\v 28 Canghrasala khachia sahlo khah Khazing Thlawpaw chawngnah thongtah ka papia pawtei he a cang caco, Khazing painah raang cawh naaning khatah a tlung thah tahnah a cang. 
\p  
\v 29 Ma hlui co, mehthawtlungpaw khah tongchai taw lytah a ing chunglang a nae tah a hnuicho cawh ahomaw a lah pah khy a? Aa tongchai khy taitah longlong a lah khy a. 
\p  
\v 30 Kama lang a ung lypaw cawh a pa caraepaw cang ka, kama a pa pahmo khui lypaw cawngsaw cawh a thecadapaw a cang.  
\v 31 Macawtaco ka ca ching he, suanah maikaw le Khazing reipachianah a tuapaw cawngsaw sahlo cawh ngethai khy a cang thlang he a, canghrasala Thlawpaw Pathai a reipachiapaw sahlo cawh ngethai cang a bei he.  
\v 32 Cawngsaw Sawcapaw a reipachiapaw cawh ngethai khy a cang thlang a. Canghrasala Thlawpaw Pathai a reipachiapaw duitei cawh ato cai lehei cang seh, a va chuh lepaw cai letah cang seh ngethai cang a bei he. 
\p  
\v 33 Thingkungpaw cawh a kung a chah caco, a thui cawh a chah thlang a, a cang ly leh a kung a chah ly caco, a thui cawh a chia thlang a, zecawtamaw tatah thingkungpaw cawh a thui tah hni khy a cang.  
\v 34 Naaning, pari cangmai pathlah sahlo, naaning mehchawly sahlo taco zekhatamaw biachaw cawh naa reithai a? Lungchung letei a chih hluipaw khah kaw tah a reipaw a cang.  
\v 35 Mehchaw taco a lung chung letei a pacungpaw a chawpaw taikhei hmingchaw chuasah ka, mehchawly taco a lung chung letei achaw lypaw a pacungpaw taikhei hming chahly a chuasah.  
\v 36 Canghrasala ka ca ching he, biacenah ning leco mingting maikaw cawh aa rei suapaw bia maikaw khah aa rei pase kaw a.  
\v 37 Zecawtamaw tatah naa bia lilaw khei thai cang he ceh ka, naa bia lilaw khei sua phosah na cang tae he ceh,” tatah a tah he. 
\s1 Jonah paching pakhanah 
\r (Mk 8:11-12; Luk 11:29-32) 
\p  
\v 38 Mataico, Farasi thaikhehpaw sahlo le phungbia cawngpahtu thaikhehpaw sahlo tah Zisu cawh, “Cawngpahtu, ningang chuipaw paching pakhanah hmuh kaa du ngetei, ma tuapah tua,” tatah aa tah. 
\p  
\v 39 Zisu taco, “Mehchaw ly le a phei a hmangpaw ato chai cawngsaw tahei ningang chuipaw paching pakhanah aa pa hae hi! Canghrasala Khazing khuavang Jonah paching pakhanah tah cy ly co zehmai peh cang a bei he.  
\v 40 Zecawtamaw tatah, Khazing khuavang Jonah cawh ngapui richung letah ningthung le zaithung chung a ung. Ma hraco Cawngsaw Sawcapaw heh alui chung letah ningthung le zaithung a ung tae a.  
\v 41 Nineve khua cawngsaw sahlo cawh ma letei pathlah khahei biacenah letah a daw a he ka, sua aa phosá he a. Zecawtamaw tatah Khazing khuavang a phungreinah thong khei, aa suanah a ngepachih thah he, taico atoheh Khazing khuavang Jonah navy tah alai vypaw cawngsaw cawh ma lehei a ung thlang.  
\v 42 Biacenah ning leco thuilang Abuino Shiba\x + \xo 12:42 \xt 1 Siangpahrang 10:1-13\x* cawh a daw a ka, ato chai cawngsaw sahlo heh thaily a cang sá he a. Zecawtamaw tatah ama cawh Solomon a singnah bia nge rua pawtah alui a changnah taitah va sei a ka, canghrasala atoheh Solomon navy tah a lai vypaw ma lehei a ung thlang. 
\p  
\v 43 Thlawpaw pialuipaw cawh cawngsawpaw chung taitah a ka piathlah tihtah raangcaa raangro lekhei a hianah hminghmaw hui tah a khiakaly ka, hmuh be.  
\v 44 Mataico, ‘Ka piasaipaw ing lang khah ka pange kaw thlang a,’ tatah a tah. Ing cawh a va phah tihtah longkarong tah ung ka, pathai pahling teitah chiapaw a cangpaw khah a hmuh.  
\v 45 Mataico sei ka, ama navy tah a sua vypaw he ahringpaw thlawpaw a pialuipaw pasarih khah va chui he ka, ma ing cawh aa pahrang. Taico, ma cawngsawpaw cawh athoning tei navy khei a hning tei a daw hming cawh a pazua vy syly. Ma hraco atochai mehchawly pathlah sahlo heh aa cang tae a,” tatah a chai he. 
\s1 Zisu a no le a uny sahlo 
\r (Mk 3:31-35; Luk 8:19-21) 
\p  
\v 46 Zisu cawh zawpuipaw khatah bia a rei chung taco, a no le a uny sahlo cawh khunglai lang letah bia a ching du takhei a daw thlang he.  
\v 47 Cawngsaw pakheh tah, “Na no le na uny sahlo tah bia a ching ca du he ka, khunglai lang letah a daw thlang he,”\f + \fr 12:47 \ft Kih cia thaikheh leco cai 47 heh ung be.\f* tatah aa ching. 
\p  
\v 48 Zisu tah ma bia a va chingpaw cawh, “Ka no cawh ahomaw? Ka uny cawh aho sahlo he maw?” tatah a palei.  
\v 49 A hningzuitu sahlo khah a kihdong tah so he ka, “Ma sahlo heh ka no le ka uny cawh a cang he hi.  
\v 50 Ka Paw vaicung leteipaw a dunah a tuapaw maikaw cawh ka uny, ka satei le ka no a cang he,” tatah aa hai leco a tah. 
\c 13  
\s1 Thleci a vapaw tawchingnah 
\r (Mk 4:1-20; Luk 8:4-15) 
\p  
\v 1 Ma ning leco Zisu cawh ing taitah piathlah ka, tuiping kae letah a va ty.  
\v 2 Cawngsaw rungpui tah aa cadung thlangnah cawtah tuilawng chunglang a nae ka, cawngsaw vytei cawh tuiping ngaekang letah a daw thlang chung he takhei tuilawng chung leco a ty thlang.  
\v 3 Mataico, aaning sahlo cawh tawchingnah bia a hlupui khah ching he ka, a reipaw cawh, “Ly a tuapaw pakheh cawh thleci va pawtah a ly lang a sei.  
\v 4 Thleci a va leimei ning takhei a chy cawh lang kae letah tlah ka, pavaw sahlo tah a va zy he ka, aa khi thlu thah he.  
\v 5 A chy cawh alui a pawnah lungda letah tlah he ka, alui apawnah cawtah sungkheh teitah a ka cy.  
\v 6 Canghrasala, ning va tha ka, a ai tih he tah aa thahrang aa thlah lynah cawtah a ro palang thah he.  
\v 7 A chy cawh ahling hrong letah tlah he ka, ahling cawh ka chang ka, a diseh thlu thah he.  
\v 8 A chy cawh alui a chahnah letah tlah he ka, a leh songthung, a leh songruh, a leh zakheh tah a vui he.  
\v 9 Thuinah nawkho a hnuipaw taco ma bia heh thui he seh,” tatah a tah. 
\p  
\v 10 A hningzuitu sahlo cawh Ama khatah a vong he ka, “Zecawtamaw zawpuipaw cawh tawchingnah bia tah na ching he?” tatah aa hae. 
\p  
\v 11 Zisu taco, “Naaning cawh vaicung painah biaparuh hnikhynah khah peh na cang thah he ceh, canghrasala aaning sahlo cawh peh cang bei he.  
\v 12 A hnuipaw cawh peh vy a cang a. A hnui lypaw cawh a hnuitlakangpaw hmai khah lah pah kaw a cang a.  
\v 13 Ma heh tawchingnah bia ka chinghnangnah pawhe cawh a cang, 
\q1 ‘Aa ming thlang naná teitah hmuh bei he, 
\q2 aa thui thlang naná teitah hnih thai bei he.’ 
\m  
\v 14 Khazing khuavang Isaiah a za reihlangpaw bia tlingnah cawh aaning sahlo heh a cang he. 
\q1 ‘Naa thui leimei thlang a, canghrasala naa lunghaa be. 
\q2 Naa ming leimei thlang a, canghrasala hnih a bei ceh. 
\q1  
\v 15 Zecawtamaw tatah ma cawngsaw sahlo aa lungthing cawh a ku a chaw. 
\q2 Aa naw papang he ka, aa meh a paco he. 
\q2 Ma taco cang lytah ung my he seh la caw, 
\q1 aa me tah hmuh a he ka, 
\q2 aa naw tah thui ka, 
\q2 aa lungthing tah hnih a he ka, 
\q1 kama lang a va paleh he ka, ka dangsah thá he,’\x + \xo 13:15 \xt Isai 6:9-10\x* 
\m tatah a tah.  
\v 16 Canghrasala naaning naa meh le naa naw cawh bonghnang aa ting, zecawtamaw tatah khua hmuh he ka, khua aa thui.  
\v 17 Biahmuisui ka ca ching he, Khazing khuavang a hlupui le mehding sahlo tah naa hmuhpaw heh hmuh aa du ngetei tei hrah naná teitah za hmuh be ca he ka, naa thuipaw heh thui aa du ngetei tei hrah naná teitah za thui bei he. 
\p  
\v 18 Thleci a vapaw tawchingnah bia a silang heh ngetua o:  
\v 19 Pakheh kheh tah vaicung painah raang kong thawngchaw khah thui ka, canghrasala a lunghaa be, mehchaw lypaw a vong ka, a lungchung letei vapaw thleci cawh a lah pah hly thlu. Ma heh langkae letei a tlahpaw thleci silang cawh a cang.  
\v 20 Lungda cung letei a tlahpaw thleci cawh Khazing bia a thui cangkawleh lunglawng teitah a cyhlangpaw cawngsaw khah a cang.  
\v 21 Canghrasala thahrang a thlah ly cawtah khua sy parui bei he. Khazing bia rawng taco ruhanah le hrehnah a chua tihtah a pohly palang.  
\v 22 Ahling hrong letei a tlahpaw thleci cawh Khazing bia cawh thui thlang ka, canghrasala ma khazaw lung reithuinah le hnuirung dunah takhei thawngchawbia khah pazai thah ka, a thui a thuisah khy lypaw cawngsaw khah a cang.  
\v 23 Canghrasala alui a chahnah letei a tlahpaw thleci cawh Khazing bia thui katei, a hnih thaipaw cawngsaw khah a cang. Thui hnui ka, a leh songthung, a leh songruh, a leh zakheh tah a vui,” tatah a palei he. 
\s1 Lybei tawchingnah 
\p  
\v 24 Zisu tah aaning sahlo cawh tawchingnah bia ahringpaw a ching vy he. “Vaicung painah raang cawh a ly letei thleci chaw a vapaw cawngsawpaw khatah a lo.  
\v 25 Canghrasala ming vytei aa ihning kaa letah a caraepaw cawh a vong ka, changvuh hrong leco lybei cawh va ka, a seihly kaw.  
\v 26 Changvuh cawh ka cy ka, a hmo a pava tihtah lybei zong cawh a ka lang hrah. 
\p  
\v 27 Ly a hnuipaw a sae sahlo cawh a vong he ka, ‘Abuipaw, na ly lekhei thleci chaw va bei ceh maw? Zelang tamaw lybei aa va ung he?’ tatah aa tah. 
\p  
\v 28 ‘Caraepaw tah aa tuapaw a cang,’ tatah a palei he. 
\p Sae sahlo taco, ‘Va sei he peh ka, kaa phehly thlu he maw?’ tatah aa hae. 
\p  
\v 29 ‘A hy be, zecawtamaw tatah lybei naa phepai khei changvuh zong naa phepai sua he a.  
\v 30 Hre a zawnah tai cyhrui thlang he seh. Hre a zaw tihtah a hretu sahlo khah a hmetaw tah lybei khah pahmo la, me letah bo rua takhei tongchai taw o. Mataico, saze khah pahmo la, ka sachai lehei rai my lo, tatah ka ching tae he a,’ tatah a chai he,” tatah a tah. 
\s1 Aihrang ci le raangri tawchingnah 
\r (Mk 4:30-34; Luk 13:18-21) 
\p  
\v 31 Zisu tah ahringpaw tawchingnah bia a ching vy he, “Vaicung painah raang cawh cawngsawpaw pakheh tah aihrang ci law katei, a ly letah a cingpaw khatah a lo.  
\v 32 Aihrang ci cawh naa thleci letah a chia caipaw a cang thlang naná teitah a ka cy tih taco buichung thleci hrong letah alai caipaw tah ka cang ka, thingkungpaw tah a katua. Macawtaco pavaw sahlo tah a va zy he ka, a cai sahlo letah a cawng tei he,” tatah a tah he. 
\p  
\v 33 Mataico, ahringpaw tawchingnah bia a ching vy hui he, “Vaicung painah raang cawh canuno tah vedi hongkheh lekhei a pahlawhpaw raangri khatah a lo. Ma raangri taco vedi cawh a tho sahpaw a cang,” tatah a tah he. 
\p  
\v 34 Zisu tah ma hming vytei heh tawchingnah bia tah zawpuipaw khah a ching he. Aaning sahlo cawh tawchingnah bia hmang lytah zehmai cawngpah bang bei he.  
\v 35 Ma cawh Khazing khuavang hmokaw hmang tei reipaw, 
\q1 “Tawchingnah bia khei ka kaw ka ang a, 
\q2 khazaw papining taitei nopaw hming khah ka rei a,”\x + \xo 13:35 \xt Hlaw 78:2\x* 
\m tahpaw bia tlingnah khah a cang. 
\s1 Lybei tawchingnah bia pasenah 
\p  
\v 36 Mataico zawpuipaw cawh seisai he ka, ing chunglang a nae. A hningzuitu a vong he ka, a hai leco, “Ly leteipaw lybei tawchingnah bia na reipaw khah ma pase tua,” tatah aa tah. 
\p  
\v 37 Zisu taco, “Thleci chaw a vapaw cawngsaw cawh Cawngsaw Sawcapaw heh a cang.  
\v 38 Ly cawh khazaw heh cang ka, thleci chaw tahpaw cawh vaicung painah raang sawtei sahlo khah a cang he. Lybei tahpaw cawh mehchaw lypaw sawtei sahlo khah cang he ka,  
\v 39 ma lybei khah ly letei a vatupaw caraepaw cawh Setan khah a cang. Saze hre cai cawh caichangnah khah cang ka, saze hretu sahlo cawh vaiming a cang he. 
\p  
\v 40 Lybei sahlo cawh phehly tei, me letah bo aa cangpaw hratah caichangnah leco a cang a.  
\v 41 Cawngsaw Sawcapaw tah a vaiming sahlo khah taw a he ka, aaning sahlo taco suanah a chua sahpaw hming maikaw le chahlynah a tuapaw vytei he khah phehly he ka, a painah cawh aa pathaisah a.  
\v 42 Aaning sahlo cawh caw le haw rianah hminghmaw a cangpaw ase hulupaw mepho lang khah aa thla he a.  
\v 43 Mataico, mehding sahlo cawh aa Paw painah raang chung lekhei ning hratah a khai he a. Nawkho a hnuipaw taco thui seh. 
\s1 Nopaw cho le lungnaw tawchingnah 
\p  
\v 44 Vaicung painah raang cawh ly letei nopaw cho khatah a lo. Cawngsawpaw tah ma cawh a hmuh tihtah nawh kaw ka, lunglawng hmotah va sei ka, a hnuipaw vytei va zua ka, ma ly cawh a cawh. 
\p  
\v 45 Taico vaicung painah raang cawh lungnaw achawpaw a huilaipaw chohrawngpaw khatah a lo.  
\v 46 Amai a ru ngeteipaw sangkheh khah a hmuh tihtah va sei ka, a hnuipaw vytei khah va zua ka, ma cawh a cawh. 
\s1 Aso tawchingnah 
\p  
\v 47 Ma hlui co vaicung painah raang cawh tuili letah thlah he katei, ngaw phing zakih khah a tle pahmopaw aso khatah a lo.  
\v 48 A chi tihtah ngawtletu sahlo takhei ngaekang lang aa hrui hly. Mataico a ty he ka, ngaw achawpaw cawh songpia chunglang sang he ka, achiapaw cawh aa vathlang.  
\v 49 Ma hrahei caichangnah letaco a cang a. Vaiming sahlo cawh a vong he ka, mehding taikhei mehchawly khah patlia he ka,  
\v 50 aaning sahlo cawh caw le hawrianah hminghmaw a cangpaw a seh hulupaw mepho chunglang khah aa thla he a. 
\p  
\v 51 Ma hming vytei heh naa hnithai thah maw?” tatah a hae he. 
\p Aaning sahlo taco, “Kaa hnithai thah,” tatah aa palei. 
\p  
\v 52 Zisu taco aa hai letah, “Macawtaco vaicung painah raang kong cawngpahtu a cang pawhe phungbia cawngpahtu a cangpaw maikaw cawh aa chochianah ing letei aa cho a thapaw kha, ahlungpaw kha a thothlah leimeipaw ing hnuitu khatah a lo he,” tatah a tah he. 
\s1 Cizaw lypaw Khazing khuavang 
\r (Mk 6:1-6; Luk 4:16-30) 
\p  
\v 53 Zisu tah ma tawchingnah bia a reipaw sahlo heh a pachang tihtah ma hminghmaw cawh a seisai.  
\v 54 A pinah khua lang khah va sei ka, cawngsaw sahlo khah aa synagog lekhei cawngpah he ka, aa ning a ang ngetei. “Ma cawngsawpaw tahei zeletamaw ma singnah le ningang chuipaw hmingtuakhynah sahlo heh a lah?  
\v 55 Ama heh kih zung thaipaw a sawcapaw khah cang bei maw? A no ming khah Mari cang bei maw? A uny sahlo cawh Jeims, Josef, Simon le Judas cang bei he maw?  
\v 56 A satei sahlo zong kaaning khatah ma lehei ung thlang hrah bei he maw? Ma cawngsawpaw tahei zeletamaw ma hming vytei heh a lah he?” tatah aa tah he.  
\v 57 Taico a cung letah aa lungtling be. 
\p Canghrasala Zisu taco aa hai letah, “Khazing khuavang cawh a pinah khua le ama a ingchungkho letah tah cy ly co kawkih letah pasungpanaw a cang,” a tah he. 
\p  
\v 58 Taico zingnah aa hnui lynah cawtah khei ma leco ningang chuipaw a hlupui tua be. 
\c 14  
\s1 Baptisma peitu Johan a lu tainah 
\r (Mk 6:14-29; Luk 9:7-9) 
\p  
\v 1 Ma cai leco abui Herod taco Zisu kong khah thui ka,  
\v 2 a kih rai leteipaw sahlo khah, “Ma cawngsaw heh baptisma peitu Johan khah a cang, thihnah taitah a tho kaw thah hi! Macawtaco, ningang chuipaw hmingtuakhynah a hnuipaw a cang hi,” tatah a tah he. 
\p  
\v 3 Herod takhei a nyteipaw Filip a nupuino Herodi rawng tah baptisma peitu Johan cawh tlesah he ka, bahrairui a khisah he ka, thong letah a thlah.  
\v 4 Zecawtamaw tatah Johan tah Herod khah, “Na nytei a nupui na chupaw heh a phung cang be,” tatah a mochia cawtah a cang.  
\v 5 Herod taco Johan cawh thaw a du naná teitah zawpuipaw khah a ci he, zecawtamaw tatah zawpuipaw taco baptisma peitu Johan cawh Khazing khuavang a cang tatah aa tah cawtah a cang. 
\p  
\v 6 Herod a chua ning letah Herodi a sawcanu takhei langpah he ka, Herod cawh a lung a lawngsah ngetei.  
\v 7 Macawtaco Herod takhei Herodi a sawcanu cawh na pa haepaw maikaw cawh ka ca pae a, tatah chia a sah hmo khei bia a kaang.  
\v 8 A no tei a pasypaw hrakhei, “Baptisma peitu Johan a lu khah daabakho tah va pa pei law,” tatah a tah. 
\p  
\v 9 Abui Herod cawh a lung rei a thui ngetei, canghrasala khuachai sahlo hme letah bia a kang thah cawtah khei nyno tei a haepaw khah pae pawtah naw pei he ka,  
\v 10 baptisma peitu Johan cawh thong chung lekhei a lu a va taisah he.  
\v 11 A lu cawh dabakho khei va tle he ka, nyno cawh a peh, nyno taco a no khatah a seikhui.  
\v 12 Baptisma peitu Johan a hningzuitu sahlo cawh a vong he ka, a rawh cawh law he ka, aa phung. Mataico va sei he ka, Zisu cawh aa va ching. 
\s1 Zisu tah mehnung 5000 lawh a dang he 
\r (Mk 6:30-44; Luk 9:10-17; Jh 6:1-14) 
\p  
\v 13 Zisu tah ma thongpang cawh a thui tihtah Ama longtei khei tuilawng tah seihly ka, a kingdangnah lang khah a sei. Khuapui sahlo taitei ma thongpang a thuipaw zawpuipaw taco aa phe tah sei he ka, Zisu cawh aa zui.  
\v 14 Zisu cawh tuilawng taitah ka piathlah ka, cawngsaw zawpui khah a hmuh tih he tah ningdo he ka, a sahpaw maikaw khah a dangsah he. 
\p  
\v 15 Zailang ning a ne tihtah a hningzuitu sahlo cawh Zisu khatah a vong he ka, “Ma heh raang kingdang tah cang ka, ningkhua zong a tle ngetei myca. Zawpui heh thlaw la, khuatei sahlo lang va sei he seh la, aaning teitah e ruapaw batui a va cawh he seh,” tatah aa tah. 
\p  
\v 16 Zisu taco, “Aaning aa seihly a nge be. Naaning tah e ruapaw cawh pei o,” a tah he. 
\p  
\v 17 A hningzuitu sahlo taco, “Kaaning cawh very tlangpangaw le ngaw sanghning suipui kaa hnui ky caw!” tatah aa chai. 
\p  
\v 18 Zisu taco, “Va tle tua o,” tatah a tah he.  
\v 19 Mataico zawpui cawh araang cung lekhei a ty law tatah a tah he. Very tlang pangaw le ngaw sanghning cawh law ka, avai lang a y ka, Khazing khatah lawngbia a hlai. Taico very tlang sahlo cawh a kychy. Mataico a hningzuitu sahlo cawh pei he ka, a hningzuitu sahlo taco zawpui cawh aa rai he.  
\v 20 Aa zongmingtei co e he ka, aa ri a vaw thlu. Taico a hningzuitu sahlo taco aa ebangpaw cawh pakhong he ka, bai hrawhluihning chih ky tah aa dui.  
\v 21 Very a epaw cawh canu le nyheh rei lytah capaw puitling 5000 a tah he. 
\s1 Zisu tui cung letah a sei 
\r (Mk 6:45-52; Jh 6:15-21) 
\p  
\v 22 Zawpui khah a disah chung he takhei Zisu tah a hningzuitu sahlo cawh rairang tah tuilawng chunglang a naesah he ka, raechai lang khah a seisah hlang he.  
\v 23 Zawpui khah a disah thlu khy tai he tah tlang cung lang khah thlawchang pawtah Ama teitah a sei. Ning a va zailang tihtah ma leco Ama teitah a ung thlang.  
\v 24 Canghrasala tuilawng cawh tuiping ngaekang taikhei langhlaw nong phah thah ka, tuileh takhei paleh hly neh a tah leimei, zecawtamaw tatah thli tah a rupui tah a nang he. 
\p  
\v 25 Monglang suimehlang papali hrong lekhei Zisu cawh tui cung co, aaning lang a va sei.  
\v 26 Tui cung tei a seipaw khah a hningzuitu sahlo tah aa hmuh tihtah a pahly ngetei he ka, “Athlaw a cang,” tah he ka, aa ci hmotah a ysang he. 
\p  
\v 27 Canghrasala ma cangkawleh cawh Zisu tah, “Naa thlawzawng kheh seh. Kama ka cang hi. Ci khe o,” a tah he. 
\p  
\v 28 Piter taco, “Abuipaw, nama na cang caco, tui cung lehei nama kha va pa seisah tua hrah,” tatah a tah. 
\p  
\v 29 Zisu taco, “A vong,” tatah a tah. 
\p Mataico, Piter cawh tuilawng chung taico cung thlah ka, tui cung leco sei ka, Zisu khaco a vaw.  
\v 30 Canghrasala, thli a rupaw a va hrangpaw khah a hmuh tihtah a thlawzawng ka, tui lang tlah a zaa cawtah khei, “Abuipaw, pa pachah tei law!” tatah a ka y. 
\p  
\v 31 Ma cangkawleh cawh Zisu tah a kiá khei va pazah ka, a va tle. “Nama zingnah a cawngpaw, zecawtamaw zing lynah na hnui?” tatah a tah. 
\p  
\v 32 Taico tuilawng chunglang aa nae cangkaw he leh thli cawh a de.  
\v 33 Mataico, tuilawng chung letei a ungpaw sahlo takhei beh he ka, “Nama cawh Khazing Sawcapaw na cang hrahring thlang,” tatah aa tah. 
\p  
\v 34 Raechai lang khah va cakah he ka, Genesaret raang khah aa va phah.  
\v 35 Taico ma hrawng leteipaw cawngsaw sahlo taco Zisu a cang tahpaw khah aa hni tihtah ma raang kaekang leteipaw vytei khah bia aa caw he. Cawngsaw sahlo taco a sahpaw sahlo khah Ama khaco va chuakhui he ka,  
\v 36 “A sahpaw sahlo heh na pai dong tei chang tongsah ky he law,” tatah naw he ka, Ama a tongpaw vytei cawh a dang he. 
\c 15  
\s1 A pathaipaw le a pathai lypaw 
\r (Mk 7:1-23) 
\p  
\v 1 Mataico, Farasi thaikhehpaw le phungbia cawngpahtu thaikhehpaw sahlo khah Jerusalem khuapui taitah Zisu khatah a vong he ka,  
\v 2 “Zecawtamaw na hningzuitu sahlo tah pupaw phungbia aa ro zia? Batui aa e hlai tah aa kih a si bei dei he!” tatah Zisu cawh aa tah. 
\p  
\v 3 Zisu taco, “Zecawtamaw naaning zong tah naa phungbia rawng tah Khazing biapeh cawh naa ro?  
\v 4 Zecawtamaw tatah Khazing tah, ‘Na no le na paw cizaw my lo,’\x + \xo 15:4 \xt Piachua 20:12\x* taico, ‘A no cang seh, a paw cang seh chia a sahpaw cawh thaw a cang a,’\x + \xo 15:4 \xt Piachua 20:17\x* a tah.  
\v 5 Canghrasala, naaning taco, cawngsaw pakheh tah a no a cang ly leh a paw khatah, ‘Kama taitah na hmuh khy a paw bawkhangnah cawh Khazing khatah tholong tah ka peh thah,’ a tah caco,  
\v 6 ‘ma cawngsawpaw cawh ma hming khei a no a cang ly leh a paw cawh a cizaw a hy khawh be,’ naa tah. Ma hraco naaning na cawngpah chawngpaw he ceh phunglang cawtah Khazing bia cawh naa paleh naa pahnaw tei.  
\v 7 Naaning cungmai raipha sahlo! Khazing khuavang Isaiah tei naa kong a reihlangpaw heh ahmang caimang. 
\q1  
\v 8 ‘Ma cawngsaw sahlo tahei aa hmokaw tah aa pa cizaw, 
\q2 canghrasala aa lungthing cawh kama taitah a hlah ngetei. 
\q1  
\v 9 Aa pa behpaw zong heh aa cawtah zehmai chahnai be. Aa cawngpahnah zong heh 
\q2 mehnung tah tuachawngpaw phungphe sahlo suipaw a cang he,’\x + \xo 15:9 \xt Isai 29:13\x* tatah a cia,” 
\m tatah a tah. 
\p  
\v 10 Zisu tah mingzawpui khah Ama khatah y he ka, “Ka bia heh nawthlia la, thuithai my lo.  
\v 11 Kaw lang tei a naepaw taco cawngsaw cawh papia palui bei hi, canghrasala kaw lang tah a ka piapaw tahei cawngsaw cawh a papia palui hi,” tatah a tah he. 
\p  
\v 12 Mataico a hningzuitu sahlo cawh a vong he ka, Zisu cawh, “Ma bia na reipaw khah aa thui tihtah Farasi sahlo cawh aa thing a ae tahpaw na hni maw?” tatah aa hae. 
\p  
\v 13 Zisu taco, “Ka Paw vaicung leteipaw tei a lingpaw a cang lypaw thingkungpaw maikaw cawh a hrang tah pheh hly a cang tae a.  
\v 14 Aaning sahlo cawh seisai thlang o, langchuitu mehco a cang he khi. Mehco tah mehco cawh langpui a chui caco, aa pahning tah khobatlung lang aa tla a,” tatah a palei he. 
\p  
\v 15 Piter taco, “Ma tawchingnah bia cawh ma pase tua,” tatah a tah. 
\p  
\v 16 Zisu taco, “Ma tlua co maw naa lung a co thlang?  
\v 17 Kaw lang a naepaw cawh ri za phah ka, mataico alailang a piahly kaw tah hnih bei he ceh maw?  
\v 18 Canghrasala kaw taitei a piapaw bia cawh lungthing taitah a ka chuhpaw cang ka, ma taco cawngsaw khah a papia a palui.  
\v 19 Zecawtamaw tatah lungthing taihei khuarawnah a chiahrupaw, lenongnah, a pheinah, canu capaw suanah, ruhnah, ahmang lypaw hnikhuitu cangnah le, male thai pachianah sahlo heh a chuh.  
\v 20 Ma sahlo heh cawngsaw a papia a paluipaw cawh a cang he, canghrasala kih si ly tei batui enah taco cawngsaw cawh papiapalui be,” tatah a tah he. 
\s1 Kanaan cawngsawno a zingnah 
\r (Mk 7:24-30) 
\p  
\v 21 Zisu cawh ma hming taico piathlah ka, Tair le Sidon raang lang khah a sei.  
\v 22 Ma raang chung letei a ungpaw Kanaan cawngsawno pakheh cawh Zisu khaco a vong ka, “David Pathlah, Abuipaw ning pa do ky law! Ka sawcanu cawh khachia tah a tle cawtah a tai-ing tu thlang,” tatah a ysang. 
\p  
\v 23 Zisu tah kaw kheh hmai chai be. Macawtaco, a hningzuitu sahlo a vong he ka, a hai leco, “Seihly law tah thlang, kaa hninglang tah ma zuilai ka, a y leimei thlang,” tatah aa tah. 
\p  
\v 24 Zisu taco, “Kama cawh Israel mingphing taitei tuu a lypaw khatah suipui taw ka cang!” tatah a chai. 
\p  
\v 25 Cawngsawno cawh a vong ka, a hme letah a khuh panai ka, “Abuipaw, pa baw ky law!” tatah a tah. 
\p  
\v 26 Zisu taco, “Sawtei leh aa very cawh lá tah ui sahlo peh cawh a phung cang be,” tatah a palei. 
\p  
\v 27 Canuno taco, “A cang thlang, Abuipaw, canghrasala ui sahlo taco aa buipaw a cabuai taitei a tlahpaw didang cawh aa khi thlang hrah!” tatah a tah. 
\p  
\v 28 Mataico Zisu tah, “Cawngsawno, nama cawh zingnah a pacypaw a hnuipaw na cang! Na dupaw khah peh na cang a,” tatah a chai. Taico a sawcanu cawh ma suimehlang cai lalei leco a dang kaw. 
\s1 Zisu tah cawngsaw 4000 lawh a dang he 
\r (Mk 8:1-10) 
\p  
\v 29 Zisu cawh mataico piathlah ka, Galili rili ngaekang hrong khei a sei. Mataico tlaang cung lang ke ka, a ty.  
\v 30 Cawngsaw rungpui cawh Ama khaco a vong he ka, a cabepaw, a mehcopaw, a songbepaw, a rei a thlaw thai lypaw le ahringpaw asawnah a ingpaw sahlo khah va chuakhui he ka, a phehrang leco chia he ka, a dangsah he.  
\v 31 A rei a thlaw thai lypaw tah bia rei, a songbepaw tah langsei, a cabepaw tah langsei, a mehcopaw tah khua hmuh tatei aa tahpaw khah aa hmuh tihtah cawngsaw rungpui cawh aa ning a ang thlang. Taico Israel Khazing khah aa reithai. 
\p  
\v 32 Zisu tah a hningzuitu sahlo cawh y he ka, “Ma cawngsaw sahlo heh kama khatah ningthung ung myca he ka, e ruapaw zehmai aa hnui ly cawtah ka ning aa pa do ngetei. Aa ngaidi hmo hei tlungsah my he neh seh la, langpui letah a baw he a,” tatah a tah he. 
\p  
\v 33 A hningzuitu sahlo taco, “Ma raang kingdang lehei ma vytei mehnung dang ruapaw lawh heh zeletamaw kaa la a?” tatah aa chai. 
\p  
\v 34 Zisu taco, “Very tlang khazeh maw naa hnui?” tatah tah he ka, “Tlangsarih le ngadih a cawngpe,” tatah aa palei. 
\p  
\v 35 Zisu tah ming zawpui cawh alui letah a tysah he.  
\v 36 Mataico, very tlangsarih le ngadih cawh law ka, Khazing khatah lawngbia a hlai khy taitah kychy ka, a hningzuitu cawh pei he ka, zawpui khah aa rai he.  
\v 37 Aa zongmingtei co e he ka, aa ri a vaw ngetei. Taico a hningzuitu sahlo tah e bangpaw cawh pakhong he ka, baisarih chih ky tah aa dui.  
\v 38 Very aa epaw sahlo cawh canu le nyheh rei lytah capaw puitling 4000 a tah he.  
\v 39 Mingzawpui cawh a seisah hly khy tai he tah Zisu cawh tuilawng chunglang a nae ka, Magadan raang chung lang khei a sei. 
\c 16  
\s1 Pachingpakhanah haenah 
\r (Mk 8:11-13; Luk 12:54-56) 
\p  
\v 1 Farasi sahlo le Sadusi sahlo cawh a vong he ka, Ama khah pase du takhei vaicung lang tei ningang chuipaw paching pakhanah ma hmuhsah tua tatah aa tah. 
\p  
\v 2 Zisu taco, “Zailang a va chua tihtah, ‘Avai a lei sai ka, ningkhua a chah a,’ tah he ceh ka,  
\v 3 mongrang leco, ‘Avai a lei sai ka, khua a paningnah cawtah atoning cawh ningkhua a chia a,’ tatah naa tah. Avai ming he ceh ka, ningkhua zemaw a lo a tah cawh naa hni ngetei, canghrasala cai paching pakhanah cawh hnih khy bei he ceh.  
\v 4 Mehchaw ly le a phei a hmangpaw atochai cawngsaw tahei ningang chuipaw paching pakhanah naa hui, canghrasala Khazing khuavang Jonah paching pakhanah tah cy ly co zehmai peh cang bei ceh,” tatah a chai he. Mataico Zisu taco piasai he ka, a seihly. 
\s1 Farasi sahlo le Sadusi sahlo raangri 
\r (Mk 8:14-21) 
\p  
\v 5 Tuiping cawh aa cakah tihtah a hningzuitu sahlo taco very a pho aa monghly.  
\v 6 Zisu taco aaning sahlo cawh, “A raering my lo. Farasi sahlo le Sadusi sahlo raangri lekhei a raering my lo,” tatah a tah he. 
\p  
\v 7 Aaning le aaning cawh a cekanawh he ka, “Very kaa pho ly cawtah a reipaw a cang hi,” tatah aa tah he. 
\p  
\v 8 Zisu tah aa reipaw bia khah hnih ka, “Naaning, zingnah a cawngpaw sahlo, zecawtamaw very naa hnui lypaw kong cawh naa rei leimei?  
\v 9 Ato tingtai hnih thai ting bei he ceh maw? Very tlang pangaw tah mehnung 5000 ka dangpaw he le a hluipaw bai khazeh maw chih ky tah naa dui tahpaw khah a thui khawh bei he ceh maw?  
\v 10 A cang ly leh very tlangsarih tei mehnung 4000 ka dangpaw he le a hluipaw khah bai khazeh maw chih ky tah naa dui tahpaw khah saw?  
\v 11 Naaning khahei very kong rei bei neh tahpaw heh zekhatah zia tamaw naa thui thai be? Canghrasala Farasi sahlo le Sadusi sahlo aa raangri lekhei a raering my lo.” tatah a tah.  
\v 12 Mataico, very letei hmangpaw raangri letah a raering rua pawtah ma ching be, Farasi sahlo le Sadusi sahlo cawngpahnah letah a singkang rua pawtah a ma chinghripaw a cang hi tahpaw khah aa thuithai. 
\s1 Piter tah Khri na cang a tahnah 
\r (Mk 8:27-30; Luk 9:18-21) 
\p  
\v 13 Zisu cawh Sisaria Filipi pai a va phah tihtah a hningzuitu sahlo khah, “Cawngsaw Sawcapaw heh cawngsaw tah aho a cang aa tah maw?” tatah a hae he. 
\p  
\v 14 Aaning sahlo taco, “Thaikhehpaw tah baptisma peitu Johan aa ca tah, thaikhehpaw tah Elija a cang ca tah he ka, ahringpaw taco Jeremai a cang ly leh Khazing khuavang pakheh kheh a cang aa ca tah,” tatah aa palei. 
\p  
\v 15 “Naaning tah saw aho a cang naa pa tah maw?” tatah a hae he. 
\p  
\v 16 Simon Piter taco, “Nama cawh Khazing hring Sawcapaw Khri\f + \fr 16:16 \ft A cang ly leh \fq Mesiah\ft a cang.\f* na cang,” tatah a chai. 
\p  
\v 17 Zisu taco, “Jonah a sawcapaw Simon, nama cawh bonghnang a tingpaw na cang, zecawtamaw tatah ma heh cawngsaw tah nama aa ca hnisahpaw cang be, ka Paw vaicung leteipaw tah a ca hnisahpaw a cang hri hi.  
\v 18 Taico nama cawh Piter\f + \fr 16:18 \ft Piter cawh, \fq Lungtung,\ft tahnah a cang.\f* na cang tahpaw ka ca ching, taico ma alung cung lehei ka khrisawbu padaw neh ka, hraihming hawkaw tah te khy be.  
\v 19 Vaicung painah raang cabi sahlo cawh nama ka ca pae a. Nama tei alui letah na tongchaipaw he cawh avai letah tongchai cang tae hrá he ka, nama tei alui letah na thlangpah pawhe cawh avai letah thlangpah a cang hrá he a,” tatah a tah.  
\v 20 Mataico, a hningzuitu sahlo cawh Khri a cangpaw khah ahohmai ching khe lo tatah raeringnah a peh he. 
\s1 Zisu tah a thih nápaw a reihlang 
\r (Mk 8:31—9:1; Luk 9:22-27) 
\p  
\v 21 Ma cai taico Zisu tah a hningzuitu sahlo khah Jerusalem khuapui lang sei katei, macang sahlo, tlangbui macang sahlo le phungbia cawngpahtu sahlo kia tah taithuinah a hlupui ing a ka, aa thaw a, canghrasala a ningthungnah letah hringnah letah thosah a cang nápaw kong khah a ching pase he. 
\p  
\v 22 Piter taco a cakih lang seikhui ka, “Abuipaw, Khazing tah arai tah a be, ma cawh na cung letah tlung by be!” tatah a ching. 
\p  
\v 23 Zisu taco Piter khah a huihno ka, “Setan, kama taihei seihly. Nama cawh ka cawtah a pachihlynah na cang. Khazing lang hming khah pacang ly ceh tah cawngsaw lang hming na pacang hri hi!” tatah a tah. 
\p  
\v 24 Taico, Zisu tah a hningzuitu sahlo cawh, “Ahohmai zui a pa dupaw cawh ama a dunah khah seisai seh la, a khraws cawh a puh seh la, pa zui seh.  
\v 25 Zecawtamaw tatah a hringnah pachah a dupaw taco hly a ka, canghrasala Kama ka rawng tah a hringnah a hlypaw taco a hmuh a.  
\v 26 Cawngsaw pakheh tah khazaw heh a pungpaluh tah hnui seh la, a thlawpaw a sung caco, zemaw a cawtah a chahnai a? Cawngsaw tah a thlary khah hmuh kaw a pawtah zemaw a peh khypaw a ung?  
\v 27 Zecawtamaw tatah Cawngsaw Sawcapaw cawh a Paw rungnawnah le a vaiming sahlo khatah a vong ka, mataico pakheh cy khah aa tuapaw naning tei hrakhei lahsong a pae he a.  
\v 28 Biahmuisui ka ca ching he, Cawngsaw Sawcapaw cawh a painah raang letah a va chuapaw aa hmuh hlai taco, ma letei a daw thlangpaw sahlo hrong lehei mehthaikheh cawh thi balang bei he,” tatah a tah he. 
\c 17  
\s1 Zisu rungnawnah a lang 
\r (Mk 9:2-13; Luk 9:28-36) 
\p  
\v 1 Ningruh khy tah Zisu tah Piter, Jeims le a unypaw Johan khah y he ka, aaning teitah tlaang sangpaw cung lang a kekhui he.  
\v 2 Ma leco aa hmekaw letah a hmuisang cawh a thlai. A hme cawh ning hratah khai ka, a chaichi cawh lailaw hratah a khai.  
\v 3 Ma khy cangkaw leco, aa hmekaw letah Moses le Elija a va lang he ka, Zisu khatah bia aa reihrui leimei. 
\p  
\v 4 Piter taco Zisu cawh, “Abuipaw, ma lehei ung heh kaa cawtah a chah ngetei. Na du caco, thlangda sangthung tah ka sah a, nama na cawtah sangkheh, Moses cawtah sangkheh, Elija cawtah sangkheh,” tatah a tah. 
\p  
\v 5 Bia a rei leimei chung taco meding a khaipaw takhei aaning cawh pahlong he ka, meding chung taico, “Ma heh ka dopaw ka Sawcapaw a cang, a cung lehei ka lung a lawng ngetei. A bia nge my lo!” tatah o a za ring. 
\p  
\v 6 A hningzuitu tah ma bia cawh aa thui tihtah ci tu he ka, aa hme cawh alui lang a khuh he.  
\v 7 Canghrasala Zisu cawh a vong ka, tong he ka, “Tho tua o, naa thlawzawng kheh seh,” a tah he.  
\v 8 Aa ka ming tihtah Zisu tah cy lyco ahohmai hmuh bei he. 
\p  
\v 9 Tlaang cung taitah aa za cungthlah ning takhei Zisu tah, “Cawngsaw Sawcapaw heh thihnah taitah patho kaw a cang hlai vytei cawh naa hmuhpaw khah ahohmai ching khe lo,” tatah a tah he. 
\p  
\v 10 A hningzuitu sahlo taco Zisu cawh, “Zecawtamaw phungbia cawngpahtu sahlo tah Elija a vong taw hrahring a tatah aa tah?” tatah aa hae. 
\p  
\v 11 Zisu taco, “Ahmangpaw a cang, Elija cawh a vong a ka, zezongpui khah a parai pacia a.  
\v 12 Canghrasala ka ca ching he, Elija cawh a vong thah ka, hnih bei he. Aa dudú khei ama cawh tua he ka, ma hraco Cawngsaw Sawcapaw zong heh aa kih letah taithuinah a ing hra a,” tatah a palei he.  
\v 13 Mataico a hningzuitu sahlo tah baptisma peitu Johan kong a ma ching hi tahpaw khah aa thui thai. 
\s1 Khachia tei a tlepaw nyhehpaw dangsahnah 
\r (Mk 9:14-32; Luk 9:37-45) 
\p  
\v 14 Zawpuipaw khah aa va chua tihtah pakhehpaw tah Zisu cawh a va ne ka, a hme letah a khuh a panai.  
\v 15 “Abuipaw, ka sawcapaw heh hruihri hnui ka, a taithui tu thlang, ning pa do pah ky. Me lang a bo tei ka, tui lang a tlah tei.  
\v 16 Na hningzuitu sahlo khatah va chuakhui neh ka, canghrasala dangsah khy bei he,” tatah a tah. 
\p  
\v 17 Zisu taco, “Vy zingnah a hnui lypaw le meh paleh meh pathae cawngsaw sahlo, zetih tai maw naaning khatah ka ung a? Ze tih tai maw ka lung ka ca pasua pá he a? Nyhehpaw cawh a vong khui tua o,” tatah a palei.  
\v 18 Zisu taco khachia cawh a hrangso ka, khachia cawh nyhehpaw chung taico ka pia ka, ma cangkaw leco, nyhehpaw cawh a dang palang. 
\p  
\v 19 Mataico, a hningzuitu sahlo cawh aaning teitah Zisu khaco a vong he ka, “Zecawtamaw kaaning tah kaa papia khy be?” tatah aa hae. 
\p  
\v 20 Zisu taco, “Naa zingnah a cawng tu cawtah a cang. Biahmuisui ka ca ching he, aihrang hmu tia tei chang zingnah naa hnui caco, ma tlaang heh, ‘Ma taihei pawlang kheh a hnei,’ tah la, a hnei thlang a. Naa cawtah a cang khy lypaw ung be.  
\v 21 Canghrasala ma hapaw hming heh cawh thlawchangnah le batui cahenah lypaw co papia khy cang bei he,” tatah a palei he.\f + \fr 17:21 \ft Kih cia thaikheh leco cai 21 heh ung be.\f* 
\p  
\v 22 Galili raang lang hmokheh tah aa va sei tihtah aa hai letah, “Cawngsaw Sawcapaw heh cawngsaw sahlo kih letah luithae a cang myca a.  
\v 23 Aaning sahlo taco thaw a he ka, taico ningthung khy letah hringnah letah thosah a cang a,” tatah a tah he. Taico a hningzuitu sahlo cawh aa nge a chia ngetei. 
\s1 Behnah ing ngungkhui 
\p  
\v 24 Zisu le a hningzuitu sahlo cawh Kapernaum khua aa va phah khy taitah behnah ing ngungkhui a kheipaw sahlo cawh Piter khatah a vong he ka, “Naa cawngpahtu tah behnah ing ngungkhui cawh khei bei maw?” tatah aa hae. 
\p  
\v 25 Piter taco, “A khei thlang,” tatah a palei he. 
\p Piter ing chunglang a za nae tihtah Zisu taco bia ka chai ka, “Simon, zekhatamaw na rawh? Alui bui sahlo tah ngungkhui le luimai sahlo khah aho sahlo maw aa khei he? Aaning aa sawtei leh maw a cang ly leh ahringpaw sahlo khah maw?” tatah a hae. 
\p  
\v 26 Piter taco, “A hringpaw sahlo khah,” tatah a chai. 
\p Zisu tah, “Ma hratei a cang caco, sawtei sahlo cawh a eisah he a.  
\v 27 Canghrasala lungchah ly tei tua heh cawh chah be, tuiping lang va sei la, na kuipaw khah va thlah tua. Na tle tawpaw ngaw khah a kaw va ky la, tangka phaesai phaepali na hmuh a. Ma cawh va tle la, nama na caw le kama ka cawtah va khei my lo,” tatah a tah. 
\c 18  
\s1 Vaicung painah raang letah alaicaipaw 
\r (Mk 9:33-37, 42-48; Luk 9:46-48; 17:1-2) 
\p  
\v 1 Ma cai leco a hningzuitu sahlo cawh Zisu khatah a vong he ka, “Vaicung painah raang letah ahomaw a lai caipaw a cang a?” tatah aa hae. 
\p  
\v 2 Zisu taco nyhehpaw khah y ka, aa hrong letah a dawsah.  
\v 3 Taico, “Biahmuisui ka ca ching he naa lung a thlai tah nyheh sahlo hratah naa cang ly caco, vaicung painah raang letah a nae by bei ceh.  
\v 4 Macawtaco ma nyhehtei hrahei ama le ama a panypaw cawngsaw cawh vaicung painah raang letah alaicaipaw a cang a.  
\v 5 Taico ka ming tah ma hrahei nyhehtei a cyhlangpaw cawh kama a pa cyhlangpaw a cang. 
\p  
\v 6 Canghrasala pakheh kheh tah Kama a pa zingpaw nyhehtei pakheh khah a suasah caco, a hirong letah saang rianah lung pathle tah rili a thunah lang thlah he seh la, a cawtah a chah vy a.  
\v 7 Khazaw letei cawngsaw a sua sahpaw hming sahlo cawh aa cing a ping! Ma hapaw hming sahlo cawh aa ung ruapaw a cang thlang. Canghrasala, ma a ung sahpaw cawngsaw cawh a cing a ping!  
\v 8 Na kih a cang ly leh na phe tah a ca suasah caco, taichung la vathlang. Kih rahning a cang ly leh phe rahning tei chaizaw me lang vathlang cang navy co, kih cung hmo a cang ly leh a cabe hmo tei chaizaw hringnah lang a nae cawh na cawtah a chah vy.  
\v 9 Mataico, na meh tah a ca suasah caco, khy hly la, vathlang thlang. Meh rahning chi tah hraihming me chung lang vathlang cang navy co, meh rahkheh khatah chaizaw hringnah letah a nae cawh na cawtah a chah vy. 
\s1 Tuu a lypaw tawchingnah 
\r (Luk 15:3-7) 
\p  
\v 10 Ma nyheh sahlo letei pakheh hmai heh mingchuh ruapaw cang bei he, tah heh hnih my lo. Zecawtamaw tatah vaicung letei a ungpaw aaning aa vaiming sahlo tah ka Paw vaicung leteipaw a hme aa hmuh leimei thlang tah heh ka ca ching he.  
\v 11 Ma hlui co, Cawngsaw Sawcapaw cawh a lypaw sahlo khah pachah ruapaw tah a vongpaw a cang hi. 
\p  
\v 12 Zekhatamaw naa rawh? Cawngsaw pakheh tah a hnuipaw tuu zakheh lekhei sangkheh ly seh la, songkua sangkuapaw cawh tlangpa letah seisai tah a lypaw sangkheh khah hui rua pawtah sei bei maw?  
\v 13 Taico biahmuisui ka ca ching he, a lypaw cawh a hmuh kaw caco, a ly lypaw songkua sangkuapaw navy co, a hmuh kawpaw sangkheh cung lekhei a lawng vy syly a.  
\v 14 Ma hraco naa Paw vaicung leteipaw taco ma nyheh sahlo letei pakheh heh hmai aa ly rua pawtah sai bei he hi. 
\s1 Na cung letah a suapaw uny 
\r (Luk 17:3) 
\p  
\v 15 Na unypaw tah na cung letah a sua caco, a vaw la, naa pahning teitah naa ungning tah a panah khah va ching pase. Na rei a ca nge caco, na unypaw khah na pahnei kaw tahnah a cang.  
\v 16 Canghrasala na rei a ca nge ly caco, cawngsaw pakheh a cang ly leh pahning tah a chui la, ma hnikhuitu pahning a cang ly leh pathung taco hming a chuacangnah khah aa pacy sá a.\x + \xo 18:16 \xt Biary 19:15\x* 
\v 17 Aaning aa bia cawh a nge du lypaw tei a cang caco, khrisawbu khah ching la, khrisawbu bia hmai a nge du lypaw tei a cang caco, lawki cawngsaw a cang ly leh ngungkhui kheitu hrakhei va rawh thlang my lo. 
\p  
\v 18 Biahmuisui ka ca ching he, alui letei naa tongchaipaw cawh vaicung letah tongchai cang hrá ka, alui letei naa thlangpahpaw cawh vaicung letah thlangpah a cang hrá a. 
\p  
\v 19 Ma hlui co, aluicung letei cawngsaw pahning tah hming sangkheh kheh hae rua pawtah naa naw a tlah caco, ka Paw vaicung leteipaw tah ma cawh a ca tua pah thlang he a.  
\v 20 Zecawtamaw tatah ka ming tah cawngsaw pahning pathung tah aa pahmonah pawhe leco aaning khatah ka ung hrah,” tatah a tah. 
\s1 Ningdo a thai lypaw saecapaw tawchingnah 
\p  
\v 21 Taico Piter cawh Zisu khatah a vaw ka, “Abuipaw, ka unypaw tah ka cung letah a sua tihtah uikhazeh maw ka ngethai a? Uisarih tai maw?” tatah a hae. 
\p  
\v 22 Zisu taco, “Ka ca ching, uisarih cang be. Ui songsarih aleh sarih.\f + \fr 18:22 \ft A cang ly leh, \fq Ui songsarih le ui sarih,\ft a cang.\f* 
\p  
\v 23 Macawtaco vaicung painah raang cawh a sae sahlo khatah luibah cazing pase a dupaw siangpahrang hratah a cang.  
\v 24 Ahrangtho leco tangka a nuai hlupui a bahpaw cawngsawpaw cawh aa va chuakhui.  
\v 25 Ama taco a chang khylynah cawtah chang khy ruapaw tah a siangpahrang tah ama kha, a nupui kha, a sawtei leh kha, a hnuipaw vytei kha va zua o, tatah bia a peh. 
\p  
\v 26 Saecapaw taco a hme leco a khuh panai ka, ‘Pa ngethai cong ky la, a zongming teitah ka ca chang tae thlang a,’ tatah a naw.  
\v 27 A siangpahrang taco ningdo ngetei ka, a dycui cawh ngethai ka, a thlaw. 
\p  
\v 28 Canghrasala ma saecapaw cawh va sei ka, saecapaw a cang hrahpaw pakheh ama tangka a cawngtei a bahpaw khah a tong. Tle ka, a rong khei dih ka, ‘Dycui pachang myca,’ tatah a haechai. 
\p  
\v 29 Sae a cang hrahpaw a vesawpaw taco a khuh panai ka, ‘Pa ngethai cong la, ka ca peh tae thlang a,’ tatah a naw. 
\p  
\v 30 Canghrasala du be. Va sei ka, cawngsawpaw cawh dycui a chang thlu hlai vytei khah thong letah a va thlah.  
\v 31 Ahringpaw sae sahlo tah ma cawh aa hmuh tihtah aa ngechia ngetei ka, va sei he ka, aa siangpahrang cawh hming a chuacangnah vytei khah aa va ching. 
\p  
\v 32 Mataico siangpahrang taco ma saecapaw cawh a ysah he. ‘Nama sae chawly, na pa naw leimeinah cawtah dycui na pa bahpaw vytei khah ka ca ngethai.  
\v 33 Na cung letah ningdonah ka hnuipaw hratah na vesaw a cangpaw saecapaw cung letah ningdonah hnui bei ceh maw?’ tatah a tah.  
\v 34 A siangpahrang cawh a thingae ngetei ka, a bahpaw a chang thlu hlai vytei khah thong-ing a vaitupaw letah hreh ruapaw tah a peh. 
\p  
\v 35 Naa uny khah naa lungthing tah naa ngethai ly he a cang caco, ka Paw vaicung leteipaw tah ma hrakhei a ca tua hrá he a,” tatah a chai he. 
\c 19  
\s1 Nuvaw a chainah 
\r (Mk 10:1-12) 
\p  
\v 1 Zisu cawh ma bia a reipaw a pachang taico Galili raang taikhei a tho ka, Jordan tuivaw raechai lang tei a ungpaw Judia raang lang khah a sei.  
\v 2 Cawngsaw rungpui taco zui he ka, ma leco a dang lypaw khah a dangsah he. 
\p  
\v 3 Farasi thaikheh sahlo cawh Ama pase rua paw takhei a vong he. “Ze rawng a cang zong tah capaw tah a nupui mah heh a phung a cang maw?” tatah aa hae. 
\p  
\v 4 Zisu taco, “Zezong a Tuatupaw taco ahrangtho ning taco, ‘Canu le capaw tah a tua he,’\x + \xo 19:4 \xt Atho 1:27\x* tah ka,  
\v 5 ‘Ma rawng taco capaw tah a no le a paw khah seisai a he ka, a nupui khatah a pahlawng a ka, ma tlaw pahning cawh ngaisaw pungkheh tah aa cang a,’\x + \xo 19:5 \xt Atho 2:24\x* tahpaw heh Capathai letah rei bang bei he ceh maw?  
\v 6 Macawtaco aaning cawh pahning cang khawh bei he, pakheh a cang myca he. Macawtaco Khazing tei a patongpaw he cawh cawngsaw tah pachai kheh he seh,” tatah a palei he. 
\p  
\v 7 “Ma hratei a cang caco, zecawtamaw Moses taco capaw tah a nupui cawh mahnah ca pei seh la, seisah my seh lo tatah naw a peh zia?” tatah aa hae. 
\p  
\v 8 Zisu taco, “Moses tei naa nupui leh mahnah naw a ca pehpaw he cawh naa lung a khong tunah cawtah a cang. Canghrasala a thoning taco, ma hrahei cang be.  
\v 9 A nupui tah capaw khatah a suasai tah tlung lypaw tah nupui mah katei, nupui hringpaw a chuipaw cawngsaw cawh a pheipaw a cang. Mah ciapaw canu a chuipaw cawngsaw zong a pheipaw a cang hrah taheh ka ca ching he.” 
\p  
\v 10 A hningzuitu sahlo taco a hai letah, “Nupui pasae kong letah ma hratei a cang caco, nupui pasae hnui lytah ung a chah vy thlang!” tatah aa tah. 
\p  
\v 11 Zisu taco, “Ma bia heh ming maikaw tah cyhlang khy bei he. Khazing tah a bongpaw cawngsaw long tah aa cyhlang khy a.  
\v 12 Zecawtamaw tatah thaikhehpaw sahlo cawh aa pi ná tah aa ku a thi. A hringpaw sahlo cawh cawngsaw tah ma hraco tua he ka, ahringpaw taco vaicung painah raang rawng takhei nupui chui du bei he. Ma heh a tua khypaw tah tua he seh,” tatah a palei he. 
\s1 Nyheh sahlo le Zisu 
\r (Mk 10:13-16; Luk 18:15-17) 
\p  
\v 13 Nyheh sahlo khah aa cung letah a kih pahnia seh la, thlawchangpah ná he seh tatah Zisu khaco aa va chuakhui he. Canghrasala a hningzuitu sahlo takhei aa va chuakhuipaw sahlo khah aa raw he. 
\p  
\v 14 Zisu tah, “Nyheh sahlo cawh Kama khatah a vong he seh, pakhang khe o, zecawtamaw tatah vaicung painah raang cawh ma hapaw sahlo aa tei khah a cang,” tatah a tah.  
\v 15 Aa cung letah a kih a pahnia khy taikhei ma hminghmaw taico a seihly. 
\s1 Mehrung satlepaw 
\r (Mk 10:17-31; Luk 18:18-30) 
\p  
\v 16 Cawngsawpaw pakheh cawh Zisu kha a vong ka, “Cawngpahtu, chaizaw hringnah hmuh rua pawtah zehming chawpaw maw ka tua a?” tatah a hae. 
\p  
\v 17 Zisu taco, “Hming chawpaw kong cawh zecawtamaw na pa hae? Khazing suipaw a chawpaw a cang. Hringnah letah a nae na du caco, biapeh sahlo khah nge thlang,” tatah a palei. 
\p  
\v 18 “Zehapaw khah maw?” tatah cawngsawpaw taco a hae cakhia. Zisu taco, “Lenong kheh, a phei kheh, ru kheh, a hmang lypaw hnikhuitu cang kheh,  
\v 19 na no le na paw cizaw la,\x + \xo 19:19 \xt Piachua 20:12-16; Biary 5:16-20\x* nama na dopaw hratah na ingpaw va do my lo,”\x + \xo 19:19 \xt Tlangbui 19:18\x* tahpaw a cang tatah a palei. 
\p  
\v 20 Satlepaw taco, “Ma vytei heh cawh ka zui thlu thah, zemaw ka bah vy?” tatah a tah. 
\p  
\v 21 Zisu taco, “A tlingpaw cang na du caco, va sei la, na hnuipaw sahlo khah va zua la, mehsisah va pei la, vaicung letah chosung na hnui a. Mataico a vong la, va pa zui,” tatah a tah. 
\p  
\v 22 Satlepaw tah ma bia cawh a thui tihtah a ngechia hmo tah a sei hly. Zecawtamaw tatah ama cawh mehrung a cangnah cawtah a cang. 
\p  
\v 23 Mataico Zisu tah a hningzuitu sahlo cawh, “Biahmuisui ka ca ching he, mehrung caw taco vaicung painah raang letah a nae heh a ru caimang.  
\v 24 Ka ca ching vy he, mehrung tei Khazing painah raang letah a nae navy co, ceiphing kho letah sahisy a nae heh a neh vy a,” tatah a tah he. 
\p  
\v 25 Ma bia cawh a hningzuitu sahlo tah aa thui tihtah aa khuarawha ngetei ka, “A cang caco ahomaw pachah a cang khy a?” tatah aa hae. 
\p  
\v 26 Zisu tah aaning sahlo cawh ming he ka, “Ma heh cawngsaw khaco cang khy be, canghrasala Khazing caw taco a cang khy lypaw zehmai ung be,” tatah a tah. 
\p  
\v 27 Piter tah Zisu cawh, “Kaaning taco zezongpui seisai tah kaa ca zui hi! Mataico kaa cawtah ze rawhchai ruapaw ung maw?” tatah a tah. 
\p  
\v 28 Zisu taco aa hai letah, “Biahmuisui ka ca ching he, zezongpui patha kaw a cang tih tei, Cawngsaw Sawcapaw a rungnawnah dyching letah a ty tih taco, naaning kama a pa zuipaw sahlo cawh abui dyching sanghrawhluihning letah a ty he ceh ka, Israel phinghraw hluihning khah bia naa ce he a.  
\v 29 Taico kama ka rawng tah a ing maw, a uny sahlo maw, a satei sahlo maw, no le paw maw, a sawtei sahlo maw, a ly maw a seisaipaw sahlo taco a leh zakheh tah aa hmuh kaw hlui tah chaizaw hringnah ry aa cy a.  
\v 30 Canghrasala hme a sahpaw mehlupui cawh hningkha he ka, hning a khapaw mehlupui cawh hme aa sah tae a. 
\c 20  
\s1 Misur buichung letei raihretu sahlo tawchingnah 
\p  
\v 1 Zecawtamaw tatah vaicung painah raang cawh a misur buichung letah rai a hre ruapaw kuli pakhia rua pawtah mongdi tei a piathlahpaw ly a hnuitupaw khatah a lo.  
\v 2 Aaning sahlo cawh ningkheh tah ngung tangka phae kheh pae pawtah a nawtlah ka, a misur buichung lang cawh a taw he. 
\p  
\v 3 Monglang suimehlang pakua hrawng lekhei a khia ka, zehmai tua ly tei chodo tlang letah a daw thlangpaw ahringpaw cawngsaw sahlo khah a hmuh he.  
\v 4 Aaning sahlo cawh, ‘Naaning zong va sei la, ka misur buichung letah rai va hre la, a tlahpaw naning tah nihlo ka ca pae he a,’ tatah a tah he.  
\v 5 Macawtaco aaning sahlo cawh aa va sei. 
\p Ningching hrawng tah a va khia ka zailang suimehlang pathung hrawng lekhei a va khia vy hui ka, ma hraco a va tah vy he.  
\v 6 Zailang suimehlang papangaw hrawng lekhei a va khia ka, a daw pahmo thlang thly pawhe ahringpaw cawngsaw sahlo khah a hmuh he. Aaning sahlo cawh, ‘Zehmai tua lytah zecawtamaw ma lehei chahningtlaw na daw thlang he ceh?’ tatah a hae he. 
\p  
\v 7 ‘Ahohmai rai a ma peipaw ung be ca he ka,’ tatah aa chai. 
\p Aa hai leco, ‘Naaning zong va sei la, ka misur buichung letah rai va hre hra o,’ tatah a tah he. 
\p  
\v 8 Zailang a va phah tihtah misur buichung a hnuitupaw taco buichung a mingkaitu khah, ‘Raihretu sahlo khah y la, aa hre mai cawh pei o, a hning cai tei siapaw sahlo taikhei patho la, a hmasaw teipaw taikhah pei o,’ tatah a tah. 
\p  
\v 9 Zailang suimehlang papangaw hrawng letei hlangpaw raihretu sahlo cawh a vong he ka, ngung tangka cawh a lah cy he.  
\v 10 A hmasaw tei hlangpaw sahlo cawh aa va chua tihtah a hlu vy kaa hmuh thly a, tatah a rawhchai he. Canghrasala aaning sahlo zong cawh ngung tangka phaekheh aa hmuh cy hrah.  
\v 11 Ma tih taco ly a hnuitupaw khah aa phingso.  
\v 12 ‘Ahning cai tei hlangpaw cawngsaw sahlo taco suimehlang pakheh suitei hre he ka, chahningtlaw ningling le raisah kha aa catingpaw kaaning sahlo khahei a khingpaw tah na tua he,’ tatah aa tah. 
\p  
\v 13 Canghrasala aaning letei pakhehpaw cawh, ‘Ka dua, na cung letah hmingchahly ka tuapaw cang be. Ngung tangka phaekheh tah hre rua pawtah na naw a tlah cang bei maw?  
\v 14 Na nihlo khah law la, sei. Nama ka ca pehpaw hratah a hning tei ka hlangpaw cawngsaw zong peh ka du he.  
\v 15 Ka tangka cung leco ka dudú tah tuanah naw hnui bei neh maw? A cang ly leh ka he a chah cawtah hei na hei a tlia tah?’ tatah a tah. 
\p  
\v 16 Ma hraco a hning a khapaw cawh a hmesah tae he ka, a hme a sahpaw cawh a hning aa khapaw a cang tae he a,” tatah a tah he. 
\s1 Zisu tah a thih nápaw a reihlang vy 
\r (Mk 10:32-34; Luk 18:31-34) 
\p  
\v 17 Zisu cawh Jerusalem khuapui lang a seichy ning takhei a hningzuitu pahrawhluihning khah a cakih lang seikhui he ka, aa hai letah,  
\v 18 “Jerusalem lang va sei he peh ka, Cawngsaw Sawcapaw heh tlangbui macang sahlo le phungbia cawngpahtu sahlo khatah luithae a cang tae a. Aaning sahlo taco thaw pawtah thaily cangsah a he ka,  
\v 19 pasipasa a he ka, chei a he ka, khraws letah khaipai ruapaw tah Gental cawngsaw khatah peh pachaw a cang a. Ningthungnah letah hringnah letah patho kaw a cang a!” a tah he. 
\s1 No tei hae pahpaw he 
\r (Mk 10:35-45) 
\p  
\v 20 Mataico, Zebedi a sawcapaw sahlo aa no cawh a sawcapaw sahlo khaco Zisu kha a vong he ka, a khuh panai ka ningdo a hae. 
\p  
\v 21 Zisu taco, “Zemaw na du?” tatah a hae. 
\p Canuno taco, “Na painah letah ka sawcapaw leh pahning heh pakheh na cacang lang, pakheh na cavui lang na tysah ky he tah ka du,” tatah a tah. 
\p  
\v 22 “Naa haepaw heh hnih bei he ceh. Ka ding lepaw tai-ingnah ny heh naa ding khy a maw?” tatah a tah he. 
\p “Kaa ding khy a,” tatah aa chai. 
\p  
\v 23 Zisu taco aaning cawh, “Ka ny taihei naa ding ceingei a. Canghrasala ka cacang lang le ka cavui lang tah a tynah naw cawh kama ka rei cang be. Ma hming sahlo heh cawh ka Paw tei a pa chia pahpaw sahlo aa cawtah a cang,” tatah a tah he. 
\p  
\v 24 Ma bia cawh a hningzuitu ahringpaw pahrawpaw tah aa thui tihtah ma tlaw uny pahning cung leco aa thing a ae.  
\v 25 Zisu tah hmingkheh tah y he ka, “Gental cawngsaw sahlo uhtu bui a cangpaw sahlo he taco aa rai leteipaw sahlo cung letah a bui tah a bui so he ka, bui lai sahlo cawh aa cung letah naw aa hnui ngetei tahpaw khah naa hni.  
\v 26 Naaning cawh ma hraco naa cang ruapaw cang be. Ma navy co naa hrong lehei mehlai cang a dupaw taco naa raihretu tah a tua seh la,  
\v 27 a pakhehnah cang a dupaw taco naa sae tah a tuapaw a cang.  
\v 28 Cawngsaw Sawcapaw heh a rai hrepá pawtah cang lytah male rai hre rua pawtah le mehlupui tlang ruapaw cawtah a hringnah peh rua pawtah a vongpaw hrahei,” a tah he. 
\s1 Mehco pahning tah khua aa hmuh khy 
\r (Mk 10:46-52; Luk 18:35-43) 
\p  
\v 29 Zisu le a hningzuitu sahlo cawh Jeriko khua taitah aa piathlah taikhei cawngsaw rungpui tah aa zui he.  
\v 30 Mehcopaw pahning cawh langpui kae lekhei a ty thlang he ka, Zisu a va sei lai tahpaw khah aa thui tihtah, “David Pathlah, Abuipaw, ning ma do ky law!” tatah a y he. 
\p  
\v 31 Cawngsaw rungpui taco a hrangso he ka, “De teitah ung o,” aa tah he. Canghrasala, “David Pathlah, Abuipaw, ning ma do ky law!” tatah a thang vy tah aa y he. 
\p  
\v 32 Zisu cawh a daw ka, a y he. “Naa cawtah ze tuapah maw naa du?” tatah a hae he. 
\p  
\v 33 “Abuipaw, khua hmuh khy kaa du,” tatah aa palei. 
\p  
\v 34 Zisu taco ningdo he ka, aa meh cawh a tongpah he. Ma cangkaw leco, khua cawh hmuh khy he ka, Ama cawh aa zui. 
\c 21  
\s1 Rungnawnah khatah Jerusalem a naenah 
\r (Mk 11:1-11; Luk 19:28-38; Jh 12:12-19) 
\p  
\v 1 Jerusalem lang a va nae myca he ka, Oliv tlaang letah a ungpaw Bethfes khua aa phah tihtah Zisu tah a hningzuitu pahning khah seisah hlang he ka,  
\v 2 aa hai letah, “Naa hme khua lekhei va sei la, a sawtei khatah a cangpaw, la aa hrai thlangpaw naa hmuh palang a. A rui khah thlang he ceh ka, naa va hrui lai a.  
\v 3 Pakheh kheh tah zekhatah aa ca tah zong he tah Abuipaw tah a hia naa tah a, taico ama tah a va thlaw palang thlang a,” a tah he. 
\p  
\v 4 Ma heh Khazing khuavang hmang tei reipaw, 
\q1  
\v 5 “Zion sawcanu khah ching my lo, 
\q2 ‘Na siangpahrang cawh nama kha a vongpaw khah mingtua, 
\q1 mehningnai cang ka, la a va ci lai, 
\q2 la teitei ceingei khah a cang,’ ”\x + \xo 21:5 \xt Zeka 9:9\x* 
\m tahpaw bia a tlingnah khah a cang. 
\p  
\v 6 A hningzuitu sahlo cawh va sei he ka, Zisu tei a chingpaw he hrakhei aa va tua.  
\v 7 La puino le la teitei cawh va chuakhui he ka, aa pai sahlo cawh aa kai leco dae he ka, Zisu taco a ke.  
\v 8 Cawngsaw rungpui takhei aa pai sahlo cawh langpui letah phaw he ka, ma chung taco, ahringpaw cawh chingbu khah va chaw he ka, langpui leco aa phaw.  
\v 9 Mataico, a hmelang a seipaw le a zuilaipaw cawngsaw rungpui taco, 
\q1 “David pathlah cawh Hosana cang ky seh!\f + \fr 21:9 \ft Hosana cawh Hebru rei cang ka, a silang cawh, \fq Pachah,\ft tahnah a cang.\f* 
\q1 Abuipaw ming tei a vongpaw cawh bonghnang song tah ung ky seh!\x + \xo 21:9 \xt Hlaw 118:26\x* 
\q1 A sangcaipaw vaicung lekhei Khazing cawh reithai tah ung ky seh!” 
\m tatah a y he. 
\p  
\v 10 Zisu cawh Jerusalem khuapui a nae tihtah khua pungpui co chuh he ka, “Ahomaw a cang?” tatah aa hae he. 
\p  
\v 11 Cawngsaw rungpui taco, “Galili raang, Nazaret khuapaw, Khazing khuavang Zisu a cang khi,” tatah aa chai he. 
\s1 Behnah ing letah Zisu 
\r (Mk 11:15-19; Luk 19:45-48; Jh 2:13-22) 
\p  
\v 12 Zisu cawh behnah ingdung chunglang a nae ka, ma letei hming a zuapaw sahlo le a copaw sahlo khah a tingchua thlu he. Tangka a thlaipaw sahlo aa cabuai le lelai a zuapaw sahlo aa dyching sahlo khah a palehly thlu he.  
\v 13 Aa hai leco, “Capathai letah ma hrahei cia a cang, ‘Ka ing cawh thlawchangnah ing tah a cang a,’\x + \xo 21:13 \xt Isai 56:7\x* canghrasala naaning taco, ‘Mehru kua,’\x + \xo 21:13 \xt Jere 7:11\x* tah naa tua,” tatah a tah he. 
\p  
\v 14 Taico a mehcopaw le a songbepaw sahlo cawh Zisu khaco behnah ing letah a vong he ka, a dangsah he.  
\v 15 Canghrasala tlangbui macang sahlo le phungbia cawngpahtu sahlo tah a tuapaw khuarawha hming le behnah ingdung chung letei, “David Pathlah cawh Hosana, cang ky seh,” tatah nyheh sahlo tah aa ypaw khah aa hmuh tihtah ceh bingbi bei he. 
\p  
\v 16 Aaning taco, “Ma nyheh sahlo tei aa reipaw cawh na thui maw?” tatah Zisu cawh aa hae. 
\p Zisu taco, “Ka thui thlang. 
\q1 ‘Nyheh sahlo le hasaitei sahlo hmokaw taitah, 
\q2 Nama reithainah khah palang chua pawtah na cawngpah thah he,’\x + \xo 21:16 \xt Hlaw 8:2\x* 
\m tahpaw khah rei bang bei he ceh maw,” tatah a palei he. 
\p  
\v 17 Taico aaning sahlo cawh piasai he ka, Bethani khua lang khah sei ka, ma leco ma zai cawh a va ria. 
\s1 Thuiku kung a ro 
\r (Mk 11:12-14, 20-24) 
\p  
\v 18 Mongdi tei khuapui lang tah a va kaw kaw ning takhei a ngai a di ngetei.  
\v 19 Langpui kae lekhei thuiku kung hmuh ka, a va seihno. Canghrasala a hnaw tah cy ly co zehmai hmuh be. Mataico thuiku kung cawh, “Zening tahmai thui khaw bei ceh,” tatah a tah. Ma cangkaw leco, thuiku kung cawh a ro. 
\p  
\v 20 A hningzuitu sahlo tah ma cawh aa hmuh tihtah aa ning a ang. “Zecawtamaw ma thuiku kung heh rairang pui tah a ro thlang,” tatah Zisu cawh aa hae. 
\p  
\v 21 Zisu taco, “Biahmuisui ka ca ching he, lung langlo lytah zingnah naa hnui caco, ma thuiku kung letei tuapaw heh naa tua khy long cang lytah ma tlaang hmai heh, ‘Sei la, rili chunglang va tlah thlah,’ tah khy he ceh ka, a hnei ka, a tlah thlang a.  
\v 22 Naa zing caco, Khazing letah thlawchang tei naa haepaw maikaw khah naa hmuh thlang a,” a tah he. 
\s1 Zisu a nawhnuinah haenah 
\r (Mk 11:27-33; Luk 20:1-8) 
\p  
\v 23 Zisu cawh behnah ingdung chunglang a nae ka, a cawngpah chung he takhei tlangbui macang sahlo le macang sahlo cawh Ama kha a vong he. “Ze nawhnuiná tamaw ma hming sahlo heh na tua? Ma nawhnuinah heh ahomaw a ca pei?” tatah Zisu cawh aa hae. 
\p  
\v 24 Zisu taco, “Bia sangkheh ka ca hae tua hrá he a. Naa pa palei khy caco, ma hming sahlo heh ze hapaw nawhnuiná tamaw ka tua tahpaw ka ca ching he a.  
\v 25 Johan tah baptisma pehnah naw a hnuipaw khah ze taitah maw a va chua? Khazing taitah maw, cawngsaw taitah maw?” tatah a tah he. 
\p Reisia he ka, “ ‘Khazing taitah,’ tah my peh seh la, ‘A cang caco zecawtamaw Johan cawh naa zing be?’ a ma tah a.  
\v 26 Canghrasala, ‘Cawngsaw taitah,’ tah my peh seh la, mingzawpui cawh kaa ci tlung he, zecawtamaw tatah aaning vytei taco Johan cawh Khazing khuavang a cang aa tah tlung,” tatah aa tah. 
\p  
\v 27 Macawtaco Zisu cawh, “Hnih bei peh,” tatah aa chai. 
\p Taico, Zisu tah, “Kama zong tah ma hming sahlo heh ze hapaw nawhnuiná tamaw ka tua tahpaw ca ching hrá bei neh,” a tah he. 
\s1 Sawcapaw pahning tawchingnah 
\p  
\v 28 Mataico Zisu tah, “Ma heh zekhatamaw naa rawh? Cawngsawpaw pakheh ung ka, sawcapaw pahning a hnui he. A uthuipaw kha a vaw ka, ‘Ka sawtei, atoning cawh misur buichung lang va sei la, rai va hre,’ tatah a tah. 
\p  
\v 29 ‘Sei bei neh,’ tatah a chai, canghrasala a hning taco, sei ly co chah be tah ka, a va sei. 
\p  
\v 30 Mataico aa paw cawh a sawcapaw pakhehpaw khaco a vaw ka, ma hraco a va tah. A sawcapaw taco, ‘Apaw, ka sei ly camaw,’ tatah tah ka, canghrasala sei be. 
\p  
\v 31 Ma pahning lehei he ahomaw a paw a dunah a tuapaw cawh a cang tatah naa rawh?” a tah he. 
\p “A pakhehnah,” tatah aa chai. 
\p Zisu taco aa hai letah, “Biahmuisui ka ca ching he, ngungkhui kheitu sahlo le hlohlangno sahlo cawh Khazing painah raang letah naa hmelang tah a ca nae khai leimei he.  
\v 32 Baptisma peitu Johan cawh dingnah langpui khah hmuh sá pawtah naaning khatah a vong ka, zing bei he ceh, canghrasala ngungkhui kheitu sahlo le hlohlangno sahlo taco aa zing. Taico ma heh naa hmuh khy taihei hmai a ngepachih tah zing hlui bei ceh. 
\s1 Ly a hlangpaw tawchingnah 
\r (Mk 12:1-12; Luk 20:9-19) 
\p  
\v 33 Tawchingnah bia ahringpaw nge vy tua o. Misur buichung a tuapaw ly a hnuipaw pakheh a ung. A buichung cawh ruahy sah khai ka, misur so nápaw kho zong co ka, a haw nápaw siasang zong a do thah. Mataico misur buichung cawh thaikhehpaw ly a tuapaw sahlo khah hlei he ka, khuatlongnah lang a sei.  
\v 34 Hre cai a ne tihtah a sae sahlo khah ama a ting hangpaw pakhong pawtah khei ly a hlangpaw sahlo khaco a taw he. 
\p  
\v 35 Ly a hlangpaw sahlo taco sae sahlo cawh tle he ka, pakheh cawh dai he ka, pakhehpaw cawh aa thaw. A pathungnahpaw cawh alung tah aa cung.  
\v 36 Mataico, ahringpaw sae sahlo khah a hlu vy tah aaning sahlo khaco taw he ka, ly a hlangpaw sahlo taco ma thlythly hraco aa tua hui he.  
\v 37 A changnah leco a sawcapaw khah aaning sahlo khaco a va taw. ‘Ka sawcapaw cawh aa cizaw thlang a,’ tatah a tah. 
\p  
\v 38 Canghrasala, ly a hlangpaw sahlo taco a sawcapaw cawh aa hmuh tihtah pakheh le pakheh cawh, ‘Ma cawngsaw heh ry cytu a cang. A vong o, thé he peh ka, a ry a lah ná he peh seh,’ aa tah he.  
\v 39 Macawtaco ama cawh tle he ka, misur buichung alailang khah piakhui he ka, aa thaw. 
\p  
\v 40 Macawtaco misur buichung a hnuitupaw a va chua tihtah ma ly a hlangpaw sahlo cawh zekhatamaw a tua he a?” a tah he. 
\p  
\v 41 Taico aaning sahlo taco, “Ma mehchawly sahlo cawh cichui pawtah thé he ka, a misur buichung khah hre a zaw tihtah a tinghangpaw a pei khypaw ly a hlangpaw ahringpaw khah a hlei he a,” tatah aa palei. 
\p  
\v 42 Zisu taco, “Capathai letah rei bang bei he ceh maw? 
\q1 ‘Ing a sahtu sahlo tei aa hlawhpaw alung cawh 
\q2 a biapui caipaw alung tah a cang. 
\q1 Abuipaw tah ma heh tua ka, 
\q2 kaa mehmuh letah khuarawha a chuipaw a cang,’\x + \xo 21:42 \xt Hlaw 118:22-23\x* 
\m tahpaw heh. 
\p  
\v 43 Macawtaco, Khazing painah raang cawh naaning taitah lahly cang ka, a thui a thui sápaw cawngsaw khah peh a cang he a, tah heh ka ca ching he.  
\v 44 Ma alung cung letei a tlahpaw cawngsaw cawh kuichy thlu he ka, ma alung tei a tlahsopaw cawngsaw he cawh a mang cici he a,” tatah a tah he. 
\p  
\v 45 Tlangbui macang sahlo le Farasi sahlo tah Zisu a reipaw tawchingnah bia cawh aa thui tihtah kaaning a ma tahnang tahpaw khah aa hni.  
\v 46 Ama tle nápaw langpui khah aa hui, canghrasala zawpuipaw khah aa ci he, zecawtamaw tatah ma cawngsaw sahlo takhei Zisu cawh Khazing khuavang a cang tatah aa tah cawtah a cang. 
\c 22  
\s1 Nupui chui kongchuanah tawchingnah 
\r (Luk 14:15-24) 
\p  
\v 1 Zisu tah aaning sahlo cawh tawchingnah bia a ching vy hui he.  
\v 2 “Vaicung painah raang cawh a sawcapaw nupui chui kongchuanah a tuatupaw abui khatah a lo.  
\v 3 Ama taco a sae sahlo khah taw he ka, kongchuanah letei aa hruipaw sahlo he khah va chuh myca he seh tatah a va tahsah he. Canghrasala va chuh du tlang bei he. 
\p  
\v 4 Taico a sae sahlo cawh a hlu vy tah taw he ka, ‘Aa caw tei zaibatui kaa pa chia pahpaw he hruipaw sahlo khah va ching o, ka cotungpaw sahlo le ka sahring a thypaw sahlo cawh theh thah he peh ka, zezongpui a tlang a tling thlu myca. Nupui chui kongchuanah lang cawh va chuh myca law, va tah o,’ tatah a tah he. 
\p  
\v 5 Canghrasala a bia cawh naw tah sah be ca he ka, pakhehpaw cawh a ly lang, pakhehpaw cawh cho palehnah lang a sei hly thlang he.  
\v 6 A hringpaw sahlo taco a sae sahlo khah tle he ka, hrai he ka, aa thaw he.  
\v 7 A buipaw cawh a thing a ae. A raekeh sahlo khah taw he ka, ma lenongpaw sahlo cawh va thawsah he ka, aa khuapui cawh me tah a va rosah he. 
\p  
\v 8 Mataico a sae sahlo khah, ‘Nupui chui kongchuanah cawh a tlang a tling thlu myca, canghrasala ka hruipaw cawngsaw sahlo heh va chuh tlang bei he.  
\v 9 Langpui a tongnah sahlo lekhei va sei la, cawngsaw naa hmuhpaw maikaw he khah kongchuanah leco va hrui o,’ a tah he.  
\v 10 Macawtaco, sae sahlo cawh langpui sahlo lang khah va sei he ka, cawngsaw aa hmuhpaw maikaw he khah mehchaw kha, mehchia khakhei va pahmo he ka, nupuichuinah ing cawh cawngsaw a chih thlang he. 
\p  
\v 11 Canghrasala, abuipaw cawh a va chuhpaw cawngsaw ming rua pawtah khei a vong tihtah nupuichuinah chaichi a hrei lytah a vongpaw cawngsawpaw khah a va hmuh.  
\v 12 ‘Ka dua, zecawtamaw nupuichuinah chaichi a hrei lytah na va chua lalei?’ tatah abuipaw taco a hae. Cawngsawpaw cawh a rei thlaw be. 
\p  
\v 13 Mataico abuipaw taco a raitaw sahlo khah, ‘Ma cawngsawpaw heh a kih le a phe tongchai la, alailang amuinah caw le hawrianah hminghmaw a cangpaw lang khah vathlang o.’ 
\p  
\v 14 Zecawtamaw tatah hruipaw cawh a hlu he, canghrasala thingpaw cawh a cawngtei he,” tatah a tah he. 
\s1 Abui Sizar kha ngungkhui thonah 
\r (Mk 12:13-17; Luk 20:20-26) 
\p  
\v 15 Mataico Farasi sahlo cawh piathlah he ka, Zisu cawh Ama a bia khei o khy nápawtah khua aa khang.  
\v 16 Taico, aa hningzuitu sahlo khah Herod a hningzuitu sahlo khakhei Zisu khatah aa va taw he. Aaning sahlo taco Zisu cawh, “Cawngpahtu, nama cawh mehding cang ceh ka, Khazing langpui kong heh biahmuisui a cang naning teitah na cawngpah he tah cawh kaa hni. Cawngsaw tah miamang khypaw cang bei ceh, zecawtamaw tatah cawngsaw hme ming bei ceh,  
\v 17 Zekhatamaw na rawh? Siangpahrang Sizar letah ngungkhui peh heh ahmang maw hmang ly? Ma ching tua,” tatah aa tah. 
\p  
\v 18 Canghrasala Zisu taco, aa rawhnah a chah lypaw khah hnih ka, “Naaning cungmai raipha sahlo, zecawtamaw o na pa pachia he ceh?  
\v 19 Ngungkhui tho rua tei naa hmangpaw tangka phaesai cawh pa hmuhsah tua o,” tatah a tah he. Tangka cawh va tle he ka,  
\v 20 aa hai leco, “Aho a lingthlaw maw a cawng? Taico aho a cakhai maw a cia?” tatah a hae he. 
\p  
\v 21 Aaning tah, “Sizar,” tatah aa palei. 
\p Mataico aa hai letah, “Sizar a tei cawh Sizar pei la, Khazing tei cawh Khazing pei my lo,” a tah he. 
\p  
\v 22 Ma bia cawh aa thui tihtah aa ning a ang thlang. Macawtaco piasai he ka, a seihly he. 
\s1 Thokawnah letah a chuihaenah 
\r (Mk 12:18-27; Luk 20:27-40) 
\p  
\v 23 Ma ningcai leco thokawnah ung be a tahpaw Sadusi sahlo cawh Zisu khatah a vong he ka, bia aa hae hri.  
\v 24 “Cawngpahtu, Moses tei a ma chingpaw cawh cawngsawpaw cawh sawteisah lytah a thih caco, a unypaw takhei lahmeno cawh nupui tah chui kaw seh la, a thipaw caw takhei sawtei a sah pápaw a cang a ma tah.  
\v 25 A cang caco kaa hrong letah uny pasarih a ung he. A uthui caipaw tah nupui chui ka, a thi. Sawtei sah be ca ka, a nupui cawh a nyteipaw khah a ry si.  
\v 26 Ma thly hraco a pahningnah le a pathungnah taikhei a pasarihnah tai a cang he.  
\v 27 A hning cai taco, ma canuno zong cawh a thi hrah.  
\v 28 Macawtaco thokawnah letah ma no cawh aa pasarih hrong letah aho a nupui maw a cang a? Aa zongmingtei tah ma canuno khah aa chui tlung,” tatah aa tah. 
\p  
\v 29 Zisu taco, “Naa rawh sua ngetei, Capathai a cang ly leh Khazing hmingtuakhynah naa hni lynah cawtah a cang.  
\v 30 Thokawnah leco a chuihae cawh ung khawh a be. Vaicung letei vaiming hratah aa cang tae a.  
\v 31 Canghrasala thihnah taitei thokawnah kong letah Khazing tei naaning kha a reipaw cawh,  
\v 32 ‘Kama cawh Abraham Khazing, Isak Khazing le Jakob Khazing ka cang,’\x + \xo 22:32 \xt Piachua 3:6\x* a tahpaw khah rei bang bei he ceh maw? Ama cawh mehthi aa Khazing cang be, canghrasala mehring aa Khazing a cang hri,” tatah a palei he. 
\p  
\v 33 Cawngsaw zawpui tah ma bia cawh aa thui tihtah a cawngpahnah khah aa ning a ang ngetei. 
\s1 Biapeh alaicaipaw 
\r (Mk 12:28-34; Luk 10:25-28) 
\p  
\v 34 Zisu tah Sadusi sahlo cawh de ky tah a tua he tahpaw khah Farasi sahlo tah aa thui tihtah hmingkheh tah a pahmo he.  
\v 35 Aa hrong letei phungbia a thai ngeteipaw pakheh tah Zisu pase du takhei ma bia heh a hae.  
\v 36 “Cawngpahtu, biapeh hrong lehei zehapaw maw a biapui cai?” tatah a tah. 
\p  
\v 37 Zisu taco, “ ‘Abuipaw na Khazing khah na lungthing vytei, na hringnah vytei, na khuarawnah vytei khakhei do my lo,’\x + \xo 22:37 \xt Biary 6:5\x* tahpaw heh a cang.  
\v 38 Ma heh a sangkhehnah le alaicaipaw biapeh a cang.  
\v 39 Taico a sanghningnah cawh ma khahei a lo thlang, ‘Nama na dopaw hratah na ingpaw khah do my lo,’\x + \xo 22:39 \xt Tlangbui 19:18\x* tahpaw heh a cang.  
\v 40 Phungbia vytei le Khazing khuavang sahlo aa bia vytei cawh ma biapeh sanghning lehei a pakhung thlu he,” tatah a palei. 
\s1 Khri cawh aho sawcapaw maw a cang? 
\r (Mk 12:35-37; Luk 20:41-44) 
\p  
\v 41 Farasi sahlo cawh hmingkheh tah aa pahmo chung he takhei Zisu tah aaning sahlo cawh,  
\v 42 “Khri kong lehei zekhatamaw naa rawh? Aho pathlah maw a cang?” tatah a hae he. 
\p Aaning sahlo taco, “David a pathlah,” tatah aa palei. 
\p  
\v 43 Zisu taco aa hai letah, “Ma hratei a cang caco, David tah Thlawpaw Pathai tah Khri khah, ‘Abuipaw,’ tatah a ypaw khah zekhatamaw a cang a? Zecawtamaw tatah David tah, 
\q1  
\v 44 ‘Abuipaw tah ka Buipaw cawh 
\q2 na carae sahlo khah 
\q1 na pherai letah ka chia hlai vytei he cawh 
\q2 ka cacang lang letah a ty my lo, a tah,’\x + \xo 22:44 \xt Hlaw 110:1\x* 
\m tatah a tah.  
\v 45 David tah Khri cawh, ‘Abuipaw,’ a tah tlung, zekhatamaw David pathlah cawh a cang thai a?” tatah a tah he.  
\v 46 Palehnah bia kaw kheh hmai a rei khypaw ung be ca he ka, ma ning ri taico ahotahmai bia hae ngang khawh bei he. 
\c 23  
\s1 Cingpingnah sangsarih 
\r (Mk 12:38-40; Luk 11:37-52; 20:45-47) 
\p  
\v 1 Mataico Zisu tah zawpuipaw le a hningzuitu sahlo aa hai leco,  
\v 2 “Phungbia cawngpahtu sahlo le Farasi sahlo cawh Moses a naw hnuinah a tlepaw a cang he.  
\v 3 Macawtaco aa bia nge la, aa ca chingpaw he hming maikaw khah tua my lo. Canghrasala aa tuapaw hratah tua khe lo, zecawtamaw tatah aa ca chingpaw he khah aaning tah zui bei he.  
\v 4 Hming a rih pawpui khah tongchai he ka, cawngsaw aa saitlang letah aa khing lai he, canghrasala aaning taco, ma hming sahlo hneihnang nápawtah aa kihdong hmai calia du bei he. 
\p  
\v 5 Hming aa tuapaw maikaw heh cawngsaw hmuh ruapaw tah aa tuapaw a cang. Capathai khungnah bawng a tongpaipaw he khah a kypui tah tua he ka, aa angki pasuapaw letei aa pathlepaw a cong cawh zetlua tamaw a pasua.  
\v 6 Kongchuanah letah a chawpaw hminghmaw khah du he ka, synagog letah achaw caipaw dyching letah a ty aa du.  
\v 7 Chodo tlang letah cizaw hmo tah bia a ching khah du he ka, cawngsaw tah, ‘Cawngpahtu,’ tatah y khah aa du hrah. 
\p  
\v 8 Canghrasala naaning sahlo cawh, ‘Cawngpahtu,’ tatah a ysah khe o, zecawtamaw tatah naaning cawh, Cawngpahtu pakheh suitei hnui he ceh ka, naaning vytei cawh uny na cang he ceh.  
\v 9 Taico aluicung lehei ahohmai, ‘Apaw,’ tatah va y khe o, zecawtamaw tatah naaning cawh Paw pakheh suitei hnui he ceh ka, Ama cawh vaicung letei a ungpaw khah a cang.  
\v 10 ‘Cawngpahtu,’ tatah pakheh hmai a ysah khe o, zecawtamaw tatah cawngpahtu pakheh hnui he ceh ka, Ama cawh Khri khah a cang.  
\v 11 Naa hrong letei alaicaipaw cawh naa raihretu a cang tae a.  
\v 12 Taico ama le ama a pasangpaw cawh pany cang tae a ka, ama le ama a panypaw cawh pasang a cang tae a. 
\p  
\v 13 Phungbia cawngpahtu sahlo le Farasi sahlo, naaning cungmai raipha sahlo, naa cing a ping! Cawngsaw hmekaw letah vaicung painah raang cawh naa kha. Naaning zong a nae bei he ceh, a nae dupaw sahlo zong a naesah hrah bei he ceh.  
\v 14 Phungbia cawngpahtu sahlo le Farasi sahlo, naaning cungmai raipha sahlo, naa cing a ping! Lahme ing sahlo khah chu lai he ceh ka, ma hmuh ná he seh tatah thlaw a sypui tah naa chang. Macawtaco a sah pui tah dangtah na cang tae he ceh.\f + \fr 23:14 \ft Kih cia thaikheh leco cai 14 heh aa ciachipaw a cang.\f* 
\p  
\v 15 Phungbia cawngpahtu sahlo le Farasi sahlo, naaning cungmai raipha sahlo, naa cing a ping! Cawngsaw pakheh naa behnah lang a paleh sá pawtah tlang le tui tah khua tlawng he ceh ka, a va paleh tih he tah naaning hratah hraihming sawcapaw sahlo tah a lehning tah naa tua he. 
\p  
\v 16 Mehco langchuitu sahlo, naa cing a ping! ‘Pakheh kheh tah behnah ing tah chia a sah caco, ma cawh zehmai pui be. Canghrasala pakheh kheh tah behnah ing sui tah chia a sah caco, ama cawh chia a sahpaw hrakhei a zui a,’ naa tah.  
\v 17 Naaning mehco mehruh sahlo! Zehapaw maw a lai vy? Sui maw, sui a pathai sahpaw behnah ing maw?  
\v 18 ‘Pakheh kheh tah dangnah siasang tah chia a sah caco, ma cawh zehmai pui be, canghrasala pakheh kheh tah a cung letei a ungpaw lahsong khei chia a sah caco, chia a sahpaw hrakhei a zui a,’ tatah naa tah.  
\v 19 Naaning mehco sahlo! Zehapaw maw a lai vy? Lahsong maw, lahsong a pathaisahpaw dangnah siasang maw?  
\v 20 Macawtaco dangnah siasang tah chia a sahpaw taco dangnah siasang le a cung letei hming a ungpaw maikaw khatah chia a sahpaw a cang.  
\v 21 Taico behnah ing tah chia a sahpaw taco behnah ing le a chung letei a ungpaw Khazing khakhei chia a sahpaw a cang.  
\v 22 Mataico, vaicung tei chia a sahpaw taco Khazing abui dyching le a cung letei a typaw Khazing khei chia a sahpaw a cang. 
\p  
\v 23 Phungbia cawngpahtu sahlo le Farasi sahlo, naaning cungmai raipha sahlo, naa cing a ping! Ringthopaw hanghui, maho, esing sahlo taikhah chyhraw chykheh naa peh. Canghrasala phungbia letei a biapui caipaw dingnah, zawngenah le zingchuipaw cangnah sahlo lekhei dethlang tah naa ung. A hmetaw teipaw heh dethlang lytah a hning teipaw zong heh naa tua ruapaw a cang.  
\v 24 Naaning langchuitu mehco sahlo! Sisaw dingpai sua le peh tatah tui cawh thlih he ceh ka, canghrasala sahisy cawh naa langpai. 
\p  
\v 25 Phungbia cawngpahtu sahlo le Farasi sahlo, naaning cungmai raipha sahlo, naa cing a ping! Ny le pakang sahlo cawh alailang tah pathaisah he ceh ka, canghrasala a chunglang cawh dusawnah le ma zawng long rawhnah chitah a chih thlang.  
\v 26 Farasi mehco sahlo! Ny le pakang cawh a chunglang pathaisah taw la, mataico alailang zong khah a pathai a. 
\p  
\v 27 Phungbia cawngpahtu sahlo le Farasi sahlo, naaning cungmai raipha sahlo, naa cing a ping! Naaning cawh si araangpaw thupaw thlai, a cung lang tah a nge ngetei tlung katei, a chunglang cawh mehthi ru le a pialuipaw hming maikaw tah a chihpaw hratah na cang he ceh.  
\v 28 Ma hraco a cung lang co mehding ky lo he ceh ka, canghrasala a chunglang co ziatainah le chiahrunah khatah na chih he ceh. 
\p  
\v 29 Phungbia cawngpahtu sahlo le Farasi sahlo, naaning cungmai raipha sahlo, naa cing a ping! Khazing khuavang sahlo aa cawtah thlailung bing he ceh ka, mehding sahlo aa thlai cawh naa pasang.  
\v 30 Mataico, ‘Kaa mapaw sahlo aa chai lekhei za ung hrah peh seh la, Khazing khuavang sahlo aa thawnahpaw he letah aaning sahlo khaco a pahlawh bei peh,’ tatah naa tah.  
\v 31 Macawtaco Khazing khuavang sahlo a za theh pawhe pathlah sahlo naa cangpaw khah naaning teitah na phy he ceh.  
\v 32 Macawtaco naa mapaw sahlo aa pathopaw suanah cawh patlungpatlia thlang ca o! 
\p  
\v 33 Naaning pari sahlo! Naaning pari a pathlah sahlo! Hraihming lang tlah khah zekhatamaw naa cahri thai a?  
\v 34 Macawtaco Khazing khuavang sahlo le mehsing sahlo le cawngpahtu sahlo khah naaning kha ka va taw he. Aaning letei thaikhehpaw sahlo cawh theh a he ceh ka, khraws letah naa khaipai he a, ahringpaw sahlo cawh naa synagog sahlo letah saving rui tah chei he ceh ka, khua kheh khy khua khé tah naa cadai lai he ceh.  
\v 35 Ma hraco mehdingpaw Abel thisai taitah behnah ing le dangnah siasang kaa letei naa thawpaw Berekia a sawcapaw Zakaria thisai tai, aluicung letei lai sahpaw mehding aa thisai vytei cawtah sua phosah tah thaily a cangpaw na cang he ceh.  
\v 36 Biahmuisui ka ca ching he, ma sahlo vytei heh atochai saw aa cung lehei a tlung a. 
\p  
\v 37 Vy Jerusalem, Jerusalem, Khazing khuavang sahlo khah za theh he ceh ka, Khazing tah naaning khatah a tawpaw he a cawngsaw sahlo khah alung tah na va seh tei he. Aa puino tah a sawtei sahlo a mathlaw rai letah a bakhupaw he hratah, na cawngsaw sahlo cawh ui khazeh uilui maw pakhong du he neh ka, canghrasala du bei he ceh.  
\v 38 Mingtua hmai o, naa ing cawh a ching myca.  
\v 39 Ka ca ching he, ‘Abuipaw ming tah a vongpaw cawh bonghnang song cang ky seh,’\x + \xo 23:39 \xt Hlaw 118:26\x* tatah naa tah hlai vytei cawh pa hmuh kaw khaw bei ceh,” tatah a tah. 
\c 24  
\s1 Caichangnah paching pakhanah 
\r (Mk 13:1-31; Luk 21:5-28) 
\p  
\v 1 Zisu cawh behnah ing taitah piathlah ka, a khiakaly lai tihtah a hningzuitu sahlo tah behnah ingpui cawh hmuhsah ruapaw takhei Ama khatah a vong he.  
\v 2 Zisu taco, “Ma hming vytei heh naa hmuh maw? Biahmuisui ka ca ching he. Ma letei alung phaekheh hmai heh palehly lypaw ung a be, aa zongmingtei tah palehly thlu a cang tae he a,” tatah a tah. 
\p  
\v 3 Zisu cawh Oliv tlaang letah a ty thlang ning takhei a hningzuitu sahlo cawh aaning teitah Ama khaco a vong he ka, “Ma hming sahlo cawh zening tamaw a cang a? Ma ching tua! Na vong nápaw caichangnah paching pakhanah cawh zemaw a cang tae a?” tatah aa hae. 
\p  
\v 4 Zisu taco, “Ahotahmai aa ca dungkhei ly nápaw he tah a raering my lo.  
\v 5 Zecawtamaw tatah ka ming tah cawngsaw hlupui va chua he ka, ‘Kama heh Khri cawh ka cang,’ tah a he ka, cawngsaw hlupui khah aa dungkhei he a.  
\v 6 Rae a dypaw he le rae thongpang khah naa thui a, canghrasala a pahly khe lo. Ma hming sahlo cawh a ung hrahringpaw a cang he, canghrasala a changnah cang balang be.  
\v 7 Raang kheh le raang kheh a dy a he ka, painah le painah a dy he a. Hming hlupui letah cakaang tlung ka, aling a hrui a.  
\v 8 Ma vytei heh canu ny ung risaw hrang a pathonah hratah a cang. 
\p  
\v 9 Mataico, naaning sahlo cawh hreh ruapaw tah male kih letah peh cang he ceh ka, thaw na cang he ceh, taico kama ka rawng tahei mingphing maikaw tah aa ca hua he a.  
\v 10 Ma cai leco ming hlupui cawh aa zingnah taitah a paleh a he ka, a luithe a he ka, pakheh le pakheh a hua he a,  
\v 11 taico khuavang pakheipaw hlupui chuh a he ka, cawngsaw hlupui khah aa dungkhei he a.  
\v 12 Chahlynah a pungchy navai tah cawngsaw hlupui donah cawh a zochuh longmang a.  
\v 13 Canghrasala, a changnah tai cyky tah a dawpaw cawngsaw cawh pachah a cang a.  
\v 14 Taico, mingphing vytei khatah hnikhuitu cang ruapaw tah painah raang thawngchawbia cawh rei cang tae a ka, mataico caichangnah cawh a va chuh a. 
\p  
\v 15 Khazing khuavang Daniel tah a reipaw, ‘Rorangnah a chua khuipaw pasih padawh chuipaw,’\x + \xo 24:15 \xt Dan 9:27; 11:31; 12:11\x* cawh hming pathai letah a daw thlangpaw khah naa hmuh tihtah a reitu tah a silang hnih he seh.  
\v 16 Judia raang letei a ungpaw cawngsaw sahlo cawh tlaang cung lang sai he seh.  
\v 17 A ing cung letei a ungpaw cawngsaw cawh hmingbo lá pawtah ing rai lang cung kheh seh.  
\v 18 Ly letei a ungpaw cawh a angkilai lá pawtah ing lang tlung hrah kheh seh.  
\v 19 Ma ningcai cawh sawtei a phopaw canu sahlo le nysai a tlepaw no sahlo aa caw taco zetlua tamaw ningping a chui a!  
\v 20 Naa sai nápaw cai heh thlasih le Sabat ning tah a cang ly nápawtah thlawchang my lo.  
\v 21 Zecawtamaw tatah Khazing tah khazaw a tua tho ning taitah ato ning tai lehei a ung bang lypaw ningping vaisangnah alaipaw pui tlung tae a ka, ma tluhpaw cawh ung bang khawh a be.  
\v 22 Ma cai cawh pachingsah lypaw takhei cang my seh la, a hringpaw pakheh hmai ung a bei he, canghrasala Khazing tei a thingpaw sahlo rawng takhei pachingsah a cang tae a.  
\v 23 Ma tih taco pakheh kheh tah, ‘Mingtua, ma lehei Khri a ung,’ a cang ly leh, ‘ma lekhei a ung,’ tatah a ca tah caco he zing khe lo.  
\v 24 Zemaw tahpaw co Khri pakheipaw sahlo le khuavang pakheipaw sahlo chuh a he ka, a cang khy caco Khazing thingpaw cawngsaw sahlo hmai dungkhei pawtah arungnawpaw paching pakhanah sahlo le ningang chuipaw hming sahlo khah aa tua a.  
\v 25 A cai a phah hlai tah ka ca ching pacia he. 
\p  
\v 26 Macawtaco pakheh kheh tah, ‘Ma raangcaa lekhei a ung,’ a ca tah caco he va sei khe lo, a cang ly leh ‘Ing chung letah a ung,’ a ca tah caco he va zing khe lo.  
\v 27 Zecawtamaw tatah lailaw cawh nichualang taitah nitlah lang tai a kypaw hratah Cawngsaw Sawcapaw a vongkawnah cawh a cang tae a.  
\v 28 Sarawh a ungnah hminghmaw leco langtaw pavaw cawh a pahmo tei he. 
\p  
\v 29 Ma ningcai sahlo letei ningping vaisangnah a cang khy cangkaw tei leh, 
\q1 ‘Ning cawh muisah cang a ka, 
\q2 thlawpaw zong khai khawh a be. 
\q1 Esi sahlo cawh avai taitah tlah a he ka, 
\q2 avai letei hmingtuakhynah sahlo zong cahneh a cang he a.’\x + \xo 24:29 \xt Isai 13:10; 34:4\x* 
\p  
\v 30 Ma cai leco, Cawngsaw Sawcapaw a paching pakhanah cawh avai letah a paly a ka, aluicung letei mingphing vytei sahlo cawh a cah tae he a. Hmingtuakhynah le a rungnawpaw laisuinah khatah avai meding cung letah Cawngsaw Sawcapaw a vongpaw khah aa hmuh a.  
\v 31 Mataico, a vaiming sahlo khah hmoka a thangpui tah tung hmotah taw a he ka, aaning sahlo taco thingpaw sahlo khah alui ki pali taitah avai a changnah a rakheh taikhei a rahkheh a changnah tai aa pahmo he a. 
\p  
\v 32 Thuiku kung tai hei cawngpahnah bia heh a ngia my lo. Achawng ka chawng katei a hnaw pany a ka chuapaw naa hmuh tihtah nipui ning a ne myca tatah naa hni.  
\v 33 Ma hraco ma hming vytei a cang leimeipaw naa hmuh tihtah a vong kaw nápaw cai a ne myca, ingkaw hrang a va phah myca tahpaw khah hnih my lo.  
\v 34 Biahmuisui ka ca ching he, ma hming vytei heh a tlung hlai vytei cawh atochai cawngsaw sahlo heh thi thlu balang a bei he.  
\v 35 Alui le avai cawh a rawh a, canghrasala ka bia cawh a rawh by a be. 
\s1 A ning le a cai hni cang be 
\r (Mk 13:32-37; Luk 17:26-30, 34-36) 
\p  
\v 36 A ning le a cai cawh Paw tah cy ly co ahotahmai hnih bei he, vaicung leteipaw vaiming sahlo tahmai hnih bei he, Sawcapaw zong tah\f + \fr 24:36 \ft Kih cia thaikheh leco, \fq Sawcapaw zong tah,\ft tahpaw heh ung be.\f* hnih hrah be.  
\v 37 Noah a chaining leteipaw hrakhei Cawngsaw Sawcapaw a vongnah cawh a cang tae a.  
\v 38 Zecawtamaw tatah tuipa-ia a tlung hlai tai khei Noah tuilawng chunglang a naenah tai lekhei cawngsaw cawh e he ka, ding he ka, a chui a hae he ka, a hnui he.  
\v 39 Taico tuipa-ia tlung katei, aaning vytei a seikhui thlu hlai tai lekhei co zehming maw a tlung a tahpaw zehmai hnih bei he. Cawngsaw Sawcapaw a vongnah ning leco ma hraco a cang a.  
\v 40 Ly letah a ungpaw cawngsaw pahning chung taikhei pakheh cawh lah cang ka, pakheh cawh seisai a cang a.  
\v 41 Canu pahning tah saangsuh leimei a he ka, pakheh cawh lah cang a ka, pakheh cawh seisai a cang tae a. 
\p  
\v 42 Macawtaco a raering my lo, zecawtamaw tatah zening tamaw naa Buipaw cawh a vong a takhah hnih bei he ceh kho.  
\v 43 Canghrasala, ma heh hnih my lo, ing hnuitu tah mehru cawh zai zetih cai letah maw a va chua a takhah hnih thah my seh la, achaw teitah vai a ka, a ing cawh hrawh sá a be.  
\v 44 Macawtaco a mai pacia tah ung my lo, zecawtamaw tatah Cawngsaw Sawcapaw cawh naa rawh lypaw cai lekhei a vong a. 
\p  
\v 45 Aho khah maw zing a chuipaw le a singpaw sae, a buipaw tah a ingchungkho sae sahlo khah a cai naning teitah batui peh rua pawtah rai a pehpaw cawh a cang?  
\v 46 A buipaw a va tlung kaw tihtah a reipaw hratei a tuapaw a hmuhpaw sae cawh meh vaichaw a cang a.  
\v 47 Biahmuisui ka ca ching he, mapaw cawh a hnuichia vytei a mingkaitu takhei a tua a.  
\v 48 Canghrasala, ma saecapaw cawh mehchawly cang tah ama le ama khah, ‘Ka buipaw cawh a ry cong thlang a,’ tah seh la,  
\v 49 a vesaw sae sahlo khah daiphong he seh la, zu a ruipaw sahlo khatah ding le e tah ung thlang seh la,  
\v 50 ma saecapaw a buipaw cawh a rawh lypaw ning le pacang lypaw cai letah va tlung seh la,  
\v 51 a buipaw tah a saecapaw cawh caiping caimang taichung a ka, caw le hawrianah hminghmaw, cungmai raipha sahlo ungnah lekhei a ungsah hrah a. 
\c 25  
\s1 Laisaw pathai pahraw tawchingnah 
\p  
\v 1 Ma cai leco vaicung painah raang cawh aa me-ing a tle he katei, nupui a chuipaw satlepaw va dai rua pawtah a seipaw he laisaw pathai pahraw khatah a lo a.  
\v 2 Aaning chung taico papangawpaw cawh a hruhpaw cang he ka, a tangpaw papangawpaw cawh a singpaw a cang he.  
\v 3 A hruhpaw papangawpaw taco aa me-ing cawh a tle thlang he ka, canghrasala metui cawh a cakai bei he.  
\v 4 Canghrasala a singpaw papangawpaw cawh me-ing a tle he ka, tuithei khei metui a cakai pai he.  
\v 5 Nupui chui satlepaw cawh va chuh haa ngetei ka, aa zongmingtei co aa mehku ka, a ihning thlu he. 
\p  
\v 6 Zaicing taco, ‘Nupui chui satlepaw a va chuh myca khi! Dai tei law!’ tatah a ysang he. 
\p  
\v 7 Mataico laisaw pathai pahraw cawh ka tho he ka, aa me-ing cawh aa vang.  
\v 8 Mehruh sahlo taco mehsing sahlo cawh, ‘Na metui ma rai bang tua law, kaa metui a chang thah,’ tatah aa tah he. 
\p  
\v 9 ‘Cang thai be, a ungpaw heh naaning kha, kaaning khaco a ma zaw a be. Metui a zuapaw khatah va sei la, naaning teitah va co hri thlang o,’ tatah aa palei he. 
\p  
\v 10 Canghrasala metui caw pawtah aa va sei chung taco nupui chui satlepaw cawh a va chuh. A mai pacia thah tei a ungpaw laisaw pathai sahlo cawh ama khaco nupui chui kongchuanah lang cawh aa va sei. Taico ingkaw cawh aa kha. 
\p  
\v 11 A hning taco, ahringpaw sahlo cawh va chuh he ka, ‘Abuipaw, abuipaw, ingkaw ma hong tua law,’ tatah aa tah. 
\p  
\v 12 Canghrasala, ‘Biahmuisui ka ca ching he, ca hnih bei neh,’ tatah a palei he. 
\p  
\v 13 Macawtaco a raering my lo, zecawtamaw tatah ka vong kaw nápaw a ning le suimehlang a cai naa hni ly cawtah hei. 
\s1 Sae sahlo tawchingnah 
\r (Luk 19:11-27) 
\p  
\v 14 Taico, vaicung painah raang cawh a sae sahlo y he katei, a hnuicho a chiaso sipaw he khuatlong a thopaw cawngsawpaw khatah a lo vy hui.  
\v 15 Aaning leh tuakhynah aa hnuipaw naning khei pakhehpaw cawh ngung tangka thong pangaw, pakhehpaw cawh ngung tangka thonghning, pakhehpaw cawh ngung tangka thongkheh a peh he.\f + \fr 25:15 \ft Grik cuithlenah leco ngung tangka thongkheh cawh Talen sangkheh hrong a cang.\f* Mataico khuatlongnah lang cawh a sei.  
\v 16 Ngung tangka thong pangaw a lawpaw cawngsawpaw cawh va sei palang ka, a ngung tangka cawh rai va hre naw ka, thong pangaw a miasah.  
\v 17 Ma hraco ngung tangka thonghning a lawpaw taco thonghning a miasah hrah.  
\v 18 Canghrasala, ngung tangka thongkheh a lawpaw cawngsawpaw cawh va sei ka, alui letah a kho va co ka, a buipaw a ngung tangka cawh a va no. 
\p  
\v 19 Khua sypui khy takhei ma sae sahlo aa buipaw cawh va tlung ka, aa ngung tangka cawh a mingpah he.  
\v 20 Ngung tangka thong pangaw a lawpaw taco, ahringpaw thong pangaw khah a va tle lai. ‘Abuipaw, ngung tangka thong pangaw na pa chiasosipaw khah mingtua, thong pangaw ka miasah hi,’ tatah a tah. 
\p  
\v 21 Abuipaw taco, ‘Na tua thai caimang, mehchaw le zingchuipaw sae! Nama cawh hming a cawng pawtei letah zingchuipaw na cangnah cawtah hming a hlupaw pui a mingkaitu tah ka ca tua a. A vong la, na buipaw a lunglawngnah heh a va hrong hrah,’ tatah a palei. 
\p  
\v 22 Ngung tangka thonghning a lawpaw cawngsawpaw zong cawh a vong hrah. ‘Abuipaw, ngung tangka thonghning na pa chiasosipaw khah mingtua, thonghning ka miasah hi,’ tatah a tah. 
\p  
\v 23 A buipaw taco, ‘Na tua thai caimang, mehchaw le zingchuipaw sae! Nama cawh hming a chiapaw tei letah zingchuipaw na cang cawtah hming a hlupaw pui a mingkaitu tah ka ca tua a. A vong la, na buipaw a lunglawngnah heh a va hrong hrah,’ tatah a palei. 
\p  
\v 24 Mataico ngung tangka thongkheh a lawpaw cawngsawpaw cawh a vong ka, ‘Abuipaw, nama cawh mehcicia cang ceh ka, thleci na cing lynah hming letah hre lai ceh ka, na vapaw a cang lypaw saze khah na pahmo lai tahpaw ka hni.  
\v 25 Macawtaco ka thlawzawng ka, va sei neh ka, na tangka khah alui letah ka va no. Mingtua, ma heh na tei cawh a cang hi,’ tatah a tah. 
\p  
\v 26 A buipaw taco, ‘Nama mehchawly, sae thawthi! Thleci ka va lynah hming letah ka hrepaw le ka vapaw a cang lypaw saze ka pahmo laipaw cawh na hni tah law?  
\v 27 Ma hratei na hni thlang tlung pawtah ka tangka khah tangkachianah letah za chia la, ka va tlung tihtah a hrang kha a mia kha hmuh a bei neh maw?’ 
\p  
\v 28 ‘Ma cawngsawpaw letei tangka heh law la, tangka thonghraw a hnuipaw cawngsawpaw khah pei o.  
\v 29 Zecawtamaw tatah a hnuipaw maikaw cawh peh chi vy cang a ka, a hlupui a hnui a. A hnui lypaw cawngsaw cawh a hnuitlakang pawtei hmai khah lah pah a cang a.  
\v 30 Taico ma chahnainah a hnui lypaw sae heh alailang muinah chunglang caw le hawrianah hminghmaw lang khah vathlang o,’ tatah a tah he. 
\s1 Tuu le mei 
\p  
\v 31 Cawngsaw Sawcapaw cawh a vaiming vytei khatah a rungnawnah khatah a vong tihtah a rungnawnah abui dyching letah a ty a.  
\v 32 Mingphing vytei cawh a hme letah a pahmo tae he ka, tuukingpaw tah mei le tuu a chaichy pawhe hratah cawngsaw khah pakheh le pakheh khah a pachai he a.  
\v 33 Tuu sahlo khah a cacang lang letah chiá he ka, mei sahlo khah a cavui lang letah a chia he a. 
\p  
\v 34 Mataico, Siangpahrang tah a cacang lang letei a ungpaw cawngsaw sahlo cawh, ‘A vong tua o, naaning ka Paw tei bonghnang a songpaw sahlo, naa cy ruapaw a cangpaw vaicung painah raang, khazaw papining taitei naa cawtah pachiapaning ciapaw heh a lah tua o.  
\v 35 Zecawtamaw tatah ka ngaidi ka, e ruapaw naa pa peh, ka tuihrae ka, ding ruapaw naa pa peh, khuachai cang neh ka, naa ing letah naa pa tlungsah,  
\v 36 chaichi a phahlah neh ka, chaichi naa pa tuapah, a sah neh ka, naa pa mingkai, thongtlah neh ka, pa vai he ceh ka, naa pa baw,’ a tah he a. 
\p  
\v 37 Mataico, mehding sahlo taco, ‘Abuipaw, zening tamaw na ngaidipaw ca hmuh peh ka, batui kaa ca peh bang, a cang ly leh na tuihrae ka, ding ruapaw kaa ca peh bang?  
\v 38 Zening tamaw khuachai na cangpaw ca hmuh peh ka, kaa ing letah kaa ca tlungsah bang, a cang ly leh chaichi a phahlah ceh ka, chaichi kaa ca tua pah bang?  
\v 39 Zening tamaw na sawpaw kaa ca hmuh bang, a cang ly leh thongtlah ceh ka, kaa ca vai bang?’ tatah aa chai a. 
\p  
\v 40 Siangpahrang taco, ‘Biahmuisui ka ca ching he, ka uny sahlo letei a chia caipaw cung letah naa tuapaw khah kama letah naa tuapaw a cang,’ tatah a palei he a. 
\p  
\v 41 Mataico a cavui lang teipaw sahlo khah, ‘Naaning chiasahpaw sahlo, Setan le a vaiming sahlo cawtah pachia ciapaw chaizaw me chunglang khah seihly o.  
\v 42 Zecawtamaw tatah ka ngaidi ka, e ruapaw zehmai pa pei bang bei he ceh, ka tuihrae ka, ding ruapaw zehmai pa pei bang bei he ceh,  
\v 43 khuachai cang neh ka, naa ing letah pa tlungsah bang bei he ceh, chaichi a phahlah neh ka, chaichi pa va so bang bei he ceh, ka saw hmotah thongtlah neh ka, pa vai tah pa baw bang bei he ceh,’ a tah he a. 
\p  
\v 44 Aaning sahlo taco, ‘Abuipaw zening tamaw na ngaidipaw ca hmuh peh ka, a cang ly leh na tuihraepaw khah ca hmuh peh ka, a cang ly leh khuachai cang ceh ka, a cang ly leh chaichi a phahlah ceh ka, a cang ly leh a sah ceh ka, a cang ly leh thongtlah ceh ka, ca baw lytah kaa ung?’ tatah aa tah a. 
\p  
\v 45 Ama taco, ‘Biahmuisui ka ca ching he. Ma cawngsaw sahlo letei a chia caipaw cung letei naa tua lypaw cawh kama ka cung letah naa tua lypaw a cang,’ tatah a palei he a. 
\p  
\v 46 Mataico aaning sahlo cawh chaizaw dangtahnah lang aa sei a. Canghrasala mehding sahlo cawh chaizaw hringnah lang aa sei a,” tatah a tah. 
\c 26  
\s1 Zisu aa ruinah 
\r (Mk 14:1-2; Luk 22:1-2; Jh 11:45-53) 
\p  
\v 1 Zisu cawh ma bia sahlo vytei heh a reithlu khy taitah a hningzuitu sahlo khah,  
\v 2 “Naa hni thlangpaw hratah Khungsai Panawnah heh ninghning a du ka, Cawngsaw Sawcapaw cawh khraws letah khaipai rua pawtah male kih letah peh a cang tae a,” tatah a tah he. 
\p  
\v 3 Mataico, tlangbui macang sahlo le macang sahlo cawh tlangbui alaicaipaw a ming Kaiafa a cangpaw a ing lekhei a pahmo he ka,  
\v 4 Zisu cawh aparuh teitah tlé tah thaw ruapaw takhei khua aa khang.  
\v 5 “Canghrasala Khungsaipanaw chung leco cang kheh seh, cawngsaw hrong letah hnahnawhnah maw chuh sua le,” tatah aa tah. 
\s1 Bethani khua letah Zisu sathy thunah 
\r (Mk 14:3-9; Jh 12:1-8) 
\p  
\v 6 Zisu cawh Bethani khuapaw Simon mehthinghmui ing letei a ung chung takhei,  
\v 7 canu pakheh a vong ka, lungrang tuithei khei sathy ringthopaw, a mai a ru ngeteipaw khah va tle lai ka, Zisu cawh cabuai letah a ty thlangning takhei a lu taico a za bia. 
\p  
\v 8 A hningzuitu sahlo tah ma cawh aa hmuh tihtah aa thingae ka, “Zecawtamaw ma tluh amai a rupaw sathy heh a patlawh a papang?  
\v 9 Ma ringthopaw heh a mai sangpui tah zua tah tangka cawh mehsisah peh khypaw pui a cang caw,” tatah aa tah. 
\p  
\v 10 Zisu tah ma cawh hnih ka, “Zecawtamaw ma cawngsawno heh hna naa hnawh? Ka cung letah a tuapaw heh hmingchaw a cang hi.  
\v 11 Mehsisah cawh naaning khatah a ung paria thlang he, canghrasala kama cawh ung paria bei neh.  
\v 12 Ma ringthopaw heh ka pung letah a pa bia tih tahei phung ka cang nápaw cawtah a pachia a paningpaw a cang.  
\v 13 Biahmuisui ka ca ching he, khazaw letah thawngchawbia aa reinah maikaw letah ma cawngsawno tei a tuapaw heh ama monghly lynah tah rei a cang tae hrá a,” tatah a tah he. 
\s1 Zisu lui rua pawtah Judas a naw a tlah 
\r (Mk 14:10-11; Luk 22:3-6) 
\p  
\v 14 Mataico, a hningzuitu hluihning letei pakheh a cangpaw Judas Iskariot aa tahpaw cawh tlangbui macang sahlo khatah va sei ka,  
\v 15 “Zisu cawh naa kih letah ca pei my he neh seh la, zemaw naa pa pae a?” tatah a va hae he. Ngung tangka songthung khah rei he ka, aa peh.  
\v 16 Ma khy taikhei Judas cawh aaning khatah Zisu a peh khy nápaw he cai chaw khah a bo thlang. 
\s1 Abuipaw zairia 
\r (Mk 14:12-26; Luk 22:7-23; Jh 13:21-30) 
\p  
\v 17 Raangri phi lypaw Very Panawnah ning hmetawpaw lekhei a hningzuitu sahlo cawh Zisu khatah a vong he ka, “Zeletamaw Khungsai Panawnah zairia enah cawh na cawtah pachia he peh seh la, na du?” tatah aa hae. 
\p  
\v 18 Zisu taco, “Khuapui chung letei cawngsawpaw pakheh khatah va sei la, ‘Cawngpahtu tah ka ning le ka cai a ne myca. Ka hningzuitu sahlo khahei na ing letah Khungsai Panawnah heh ka tua theh be, a tah,’ tatah va ching my lo,” tatah a tah he.  
\v 19 Macawtaco Zisu tei a chingpaw he hrakhei a hningzuitu sahlo cawh va sei he ka, Khungsai Panawnah zairia cawh aa pachia. 
\p  
\v 20 Zailang leco Zisu cawh a hningzuitu pahrawhluihning khaco cabuai letah a ty thlang hrah.  
\v 21 Taico, very aa e chung taco, “Biahmuisui ka ca ching he, naaning taihei pakheh tah naa pa lui a,” tatah a tah he. 
\p  
\v 22 Ma bia cawh aa thui tihtah aa ngechia ngetei ka, pakheh khy pakheh tah, “Abuipaw, kama cang hrahring bei neh, cang maw?” tatah aa tah. 
\p  
\v 23 Zisu taco, “Kama khatei bakang letah a pohruipaw cawngsawpaw tahei a pa lui a.  
\v 24 Cawngsaw Sawcapaw cawh Capathai tah a kong a ciapaw hratah a cung letah a tlung a. Canghrasala Cawngsaw Sawcapaw a luipaw cawngsaw cawh a cing a ping! Za pi lytah ung seh la, a cawtah a chah vy hripaw,” tatah a palei he. 
\p  
\v 25 Mataico, Ama a luipaw cawngsawpaw Judas taco, “Cawngpahtu, kama cang hrahring bei neh, cang maw?” tatah a tah. 
\p Zisu taco, “Aw, nama na cang,” tatah a chai. 
\p  
\v 26 Aa e chung taco Zisu tah very cawh law ka, lawngbia hlai ka, kychy ka, a hningzuitu sahlo cawh pei he ka, “Law la, e my lo, ma heh ka pungsaw a cang,” a tah he. 
\p  
\v 27 Mataico ny cawh law ka, lawngbia a hlai khy taikhei a hlai he. “Naa zongmingtei khei ma ny taihei ding tua hmai o.  
\v 28 Ma heh ming hlupui sua ngethai nápaw cawtah a laipaw ka thisai, biahrai thapaw cawh a cang.  
\v 29 Ka ca ching he, atoning taihei ka Paw a painah raang letah naaning khatah a thapaw ka ding ning tai ma misur hang heh ding khaw bei neh,” a tah he. 
\p  
\v 30 Reithainah hlaw sungkheh aa sah khy taitah Oliv tlaang lang cawh aa ke. 
\s1 Zisu tah Piter tah a hlawh nápaw a reihlang 
\r (Mk 14:27-31; Luk 22:31-34; Jh 13:36-38) 
\p  
\v 31 Taico Zisu tah aaning sahlo cawh, “Ato zai lalei lehei na pa paisai thlu he ceh, zecawtamaw tatah ma hrahei Capathai letah, 
\q1 ‘Tuukingtu khah chei a neh ka, 
\q2 tuu vytei cawh a paipatlaw thlu he a.’\x + \xo 26:31 \xt Zeka 13:7\x* 
\m tatah cia a cang.  
\v 32 Canghrasala ka tho kaw khy taitah naaning naa hmelang tah Galili raang lang ka seihlang a,” tatah a ching he. 
\p  
\v 33 Canghrasala Piter taco, “Nama na kong lehei aa zongmingtei tah a ca paisai thlu hmai he tah kama cawh ca seisai by bei neh,” tatah a palei. 
\p  
\v 34 Zisu tah, “Biahmuisui ka ca ching, ato zai lalei lehei aa a khawng hlai tah uithung tai na pa paphahsai a,” tatah a chai. 
\p  
\v 35 Canghrasala Piter taco, “Nama khatah thih hrápaw a cang zong tah ca paphah sai by a bei neh,” tatah zawpui thui tah a tah. Taico ahringpaw a hningzuitu vytei zong tah ma hraco aa tah hrah. 
\s1 Gethsemani Buichung 
\r (Mk 14:32-42; Luk 22:39-46) 
\p  
\v 36 Mataico, Zisu cawh a hningzuitu sahlo khatah Gethsemani aa tahpaw hminghmaw lang khah va sei he ka, aa hai letah, “Va sei vy neh ka, thlaw ka chang chung cawh ma lehei a ty thlang my lo,” tatah a tah he.  
\v 37 Piter le Zebedi a sawcapaw pahning khah Ama khatah a chui he ka, lung reithui le vaisang y tah a ung.  
\v 38 Taico aa hai letah, “Ka hringnah heh thih khui khypaw ngechianah khatah a chih. Ma lehei kama khatah ung thlang la, a raering my lo,” a tah he. 
\p  
\v 39 Mataico a cawngpe va sei ka, alui letah a bawh ka, “Ka Paw a cang khy pawtei a cang caco, ma tai-ingnah ny heh pa lah pah hly thlang. Canghrasala kama ka dunah hratah cang lytah nama na dunah hratah cang ky seh,” tatah thlaw a chang. 
\p  
\v 40 Mataico, a hningzuitu sahlo khaco a vong ka, aa ihning thlangpaw khah a hmuh. “Suimehlang pakheh hmai kama khatah a raering teitah ung khy bei he ceh maw?” tatah Piter khah a hae.  
\v 41 “Tuhsonah chunglang naa tlah ly nápawtah a raering la, thlawchang my lo. Thlawpaw taco a du thlang, canghrasala pungsaw tah ceh be,” a tah he. 
\p  
\v 42 A uihningnah va sei kaw ka, “Ka Paw, ma tai-ingnah ny heh ka ding ly nápawtah lahly a cang khy ly pawtei a cang caco, na dunahpaw hratah cang ky seh,” tatah thlaw cawh a va chang. 
\p  
\v 43 A va kaw kaw tihtah aa ihning thlangpaw khah a hmuh, zecawtamaw tatah aa meh ku tu ka, ceh bei he.  
\v 44 Macawtaco seisai he ka, va sei vy ka, thlaw a chang teipaw hraco a uithungnah a va chang vy. 
\p  
\v 45 Mataico, a hningzuitu sahlo khaco a vong kaw ka, aa hai letah, “Ato tingtai heh maw a ih he ceh ka, na hia thlang he ceh? Mingtua o, Cawngsaw Sawcapaw cawh mehsua sahlo kih letah hlai nápaw cai a ne myca hi.  
\v 46 Tho la sei he peh! A pa ruiphiapaw sahlo a va chuh myca he khi!” a tah he. 
\s1 Zisu tlenah 
\r (Mk 14:43-50; Luk 22:47-53; Jh 18:3-12) 
\p  
\v 47 Bia a rei leimei chung taco ahningzuitu hluihning letei pakheh a cangpaw Judas a va chuh. Ama khatah tlangbui macang le macang sahlo tei aa tawpaw he tungby le zyzi a tlepaw cawngsaw rungpui a va chui he.  
\v 48 A luitupaw taco aaning cawh, “Ka hnangpaw khah Ama cawh a cang a, tle my lo,” tatah paching pakhanah a peh pacia thah he.  
\v 49 Zisu khaco a vaw palang ka, Judas tah, “Cawngpahtu,” tatah y ka, a hnang. 
\p  
\v 50 Zisu taco, “Ka dua, na vonghno changpaw cawh tua thlang,” tatah a palei. 
\p Mataico cawngsaw sahlo cawh va cakang he ka, Zisu cawh aa tle.  
\v 51 Zisu khatah ma letei a ungpaw pakhehpaw taco a zyzi cawh pazah ka, a phe ka, tlangbui alaicaipaw a saecapaw a naw khah tuh ka, a pathai thlah. 
\p  
\v 52 Zisu taco, “Na zyzi khah a kong lang tei kaw, zecawtamaw tatah zyzi a lahpaw vytei cawh zyzi tah aa thih a.  
\v 53 Ka Paw y neh seh la, sungkheh tah a vaiming raekeh phuhraw hluihning a za pa thlawpah khy thlang he tahpaw hnih bei ceh maw?  
\v 54 Canghrasala, ma hraco cang tua my seh la, zekhatamaw ma hrahei a cang a tatei aa reipaw Capathai bia cawh a tling khy thai a?” tatah a tah. 
\p  
\v 55 Ma cai leco Zisu tah ming zawpui hai leco, “Rae a thopaw sahlo hotu ka cangnah caw tamaw tle rua pawtah zyzi le thingtai tah naa pa seihno? Ning tating tah behnah ingdung chung letah a ty neh ka, ka cawngpah he, pa tle tlung bei he ceh.  
\v 56 Canghrasala, Khazing khuavang sahlo ciasipaw a tling nápaw cawtah ma hming sahlo heh a va ungpaw a cang hi,” tatah a tah he. Mataico a hningzuitu vytei taco hningchai he ka, aa saisai thlu. 
\s1 Sanhedrin hme letah 
\r (Mk 14:53-65; Luk 22:54-55, 63-71; Jh 18:13-14, 19-24) 
\p  
\v 57 Zisu a tlepaw cawngsaw sahlo takhei, phungbia cawngpahtu sahlo le macang sahlo a pahmonah pawhe tlangbui alaicaipaw Kaiafa a ungnah lang khah aa seikhui.  
\v 58 Canghrasala Piter tah langhlaw pui khei tlangbui alaicaipaw a ingdung taikhah a zuilai. Zekhatamaw hming a chuacang a, tahpaw hni du takhei a chunglang a nae thlah ka, raevai sahlo khakhei a va ty. 
\p  
\v 59 Tlangbui macang sahlo le Sanhedrin khongsil vytei taco Zisu thaw khy nápawtah khei bia hnihtu pakheipaw sahlo khah aa hui he.  
\v 60 Canghrasala zehmai hmuh bei he. Hnikhuitu pakheipaw hlupui aa va chua thlang naná teitah zehmai hmuh hlui bei he. 
\p Ahning cai letah cawngsaw pahning a hmelang va chuh he ka,  
\v 61 “Ma cawngsawpaw tahei, ‘Ma Khazing behnah ing heh chehthlah a neh ka, ningthung tah ka sah khy kaw thlu a,’ a tah,” tatah aa tah. 
\p  
\v 62 Mataico, tlangbui alaicaipaw cawh a ka daw ka Zisu cawh, “Aa bia heh palei bei he ceh maw? Ma cawngsaw sahlo tei sua aa ca pupaw heh zemaw a cang?” tatah a tah.  
\v 63 Canghrasala Zisu cawh de teitah a ung thlang. 
\p Tlangbui alaicaipaw taco, “Khazing hring ming tah ka ca hae. Khazing Sawcapaw Khri cawh na cang maw, ma ching tua,” tatah a tah. 
\p  
\v 64 Zisu taco, “Aw, na reipaw hraco a cang. Canghrasala naa zongmingtei hai letah ka rei, hmelang leco Cawngsaw Sawcapaw heh Cungnungcai Khazing cacang lang letah a typaw le avai meding cung letah a vongpaw khah naa hmuh a,” tatah a palei. 
\p  
\v 65 Mataico, tlangbui alaicaipaw cawh a chaichi khah hriachy ka, “Khazing pui a reipachia myca he! Hnikhuitu hringpaw kaa hia khawh chang maw? Khazing a reipachianah cawh ato khah naa thui thlang myca kho.  
\v 66 Zekhatamaw naa rawh?” tatah a tah. 
\p “Ama cawh thih tlang a tlahpaw a cang,” tatah aa chai. 
\p  
\v 67 Mataico, aa ci tah a hme letah chawh he ka, aa kia tah aa cabai. Ahringpaw sahlo takhei cabai he ka,  
\v 68 “Khri, ma ching tua, ahomaw a ca cabai?” tatah aa tah. 
\s1 Piter tah Zisu a hlawh 
\r (Mk 14:66-72; Luk 22:56-62; Jh 18:15-18, 25-27) 
\p  
\v 69 Piter cawh ingdung chung lekhei a ty thlang ka, saecanu pakheh cawh Ama lang khah a vong. Canuno taco, “Nama zong heh Galili Zisu khatei a ung teipaw na cang hrah,” tatah a tah. 
\p  
\v 70 Canghrasala aa zongmingtei hme leco a paphah, “Zemaw na rei tahpaw hnih bei neh,” tatah a tah. 
\p  
\v 71 Mataico, hawkaw lai lang piathlah ka, ma leco ahringpaw canuno takhei hmuh ka, ma leteipaw cawngsaw sahlo hai leco, “Ma cawngsawpaw heh Nazaret Zisu khatah a ung teipaw a cang,” tatah a tah. 
\p  
\v 72 “Ma cawngsawpaw cawh hnih bei neh!” tatah chia a sá tah a paphah. 
\p  
\v 73 Ma khy taico, a cawngpe lekhei a kae letei a dawpaw cawngsaw sahlo cawh Piter khaco va sei he ka, “Nama heh aa hrong leteipaw na cang hrahring, zemaw tahpaw co na reikaw tah a bi thlang,” tatah aa tah. 
\p  
\v 74 Mataico Piter tah, “Ma paw cawh hnih hrahring bei neh!” tatah chia a sah ka, bia a kaang. 
\p Ma cangkaw leco, aa cawh a khawng.  
\v 75 Taico Piter cawh Zisu tei a hai letei bia a reipaw, “Aa a khawng hlai tah uithung na pa paphahsai a,” a tahpaw bia khah a ka thui kaw. Taico alailang piahly ka, o tlili tah a cah. 
\c 27  
\s1 Judas thingrui tah a awhseh 
\r (Mk 15:1; Luk 23:1-2; Jh 18:28-32) 
\p  
\v 1 Mataico mongdi taco tlangbui macang vytei le macang sahlo cawh a tong he ka, Zisu thaw pawtah bia aa pathluh.  
\v 2 Zisu cawh tongchai he ka, rang uhbui Pilat khatah aa hlai. 
\p  
\v 3 Ma hratei Zisu aa tuapaw khah a luitupaw Judas takhei a hmuh tihtah a ngepachih caimang tei ka, ngung tangka songthung khah law ka, tlangbui macang sahlo le macang sahlo cawh a pakaw kaw he.  
\v 4 “Suanah a hnui lypaw cawngsaw ka luinah cawtah hei ka sua tu thlang,” tatah a tah. 
\p “Kaa cawtah zemaw a pui? Ma cawh nama na rai a cang,” tatah aa palei. 
\p  
\v 5 Macawtaco, Judas tah ngung tangka cawh behnah ing leco vathlang si ka, a sei. Mataico seihly ka, ama teitah thingrui tah a pathleseh. 
\p  
\v 6 Tlangbui macang sahlo taco ngung tangka cawh law he ka, “Ma heh tangkabawng letah sang ruapaw taco a phung cang be, lenong mai tah pehpaw tangka cang tlung ka,” tatah aa tah.  
\v 7 Macawtaco, ma tangka cawh raang hringpaw cawngsaw sahlo phung nápawtah bei a tuatupaw alyraang cawhnah tah hmang pawtah bia aa chaw.  
\v 8 Ma rawng taco ma lyraang cawh atoning tai thisai lyraang tatah aa ynahpaw a cang.  
\v 9 Mataico Khazing khuavang Jeremai tah a reipaw, “Israel cawngsaw sahlo tah ama amai aa thliapaw ngung tangka songthung khah law he ka,  
\v 10 Abuipaw tah naw a pa pehpaw hratah bei tuatupaw alyraang cawhnah lekhei aa hmang,”\x + \xo 27:10 \xt Zeka 11:12-13; Jere 19:1-13; 32:6-9\x* tahpaw tlingnah khah a cang. 
\s1 Zisu cawh Pilat hme letah aa chuakhui 
\r (Mk 15:2-15; Luk 23:3-5, 13-26; Jh 18:33-19:16) 
\p  
\v 11 Zisu cawh raang uhbui Pilat hme letah a daw thlangning taco, raang uhbui tah, “Juda cawngsaw aa siangpahrang cawh na cang maw?” tatah a hae. 
\p “A cang, na reipaw hraco a cang,” tatah Zisu taco a palei. 
\p  
\v 12 Tlangbui macang sahlo le macang sahlo tah sua aa pu tihtah zehmai chai bei he.  
\v 13 Mataico Pilat taco a hai letah, “Sua aa ca punah bia aa reipaw cawh thui bei ceh maw?” tatah a hae.  
\v 14 Canghrasala Zisu tah kawkheh hmai a palei lypaw khah raang uhbui cawh a ning a ang ngetei. 
\p  
\v 15 Khungsai Panawnah lehei mingzawpui tei chuasah aa dupaw thongtlah pakheh cawh raang uhbui tah a thlawpah tei he.  
\v 16 Ma cai leco Baraba aa tahpaw chahlynah lang tei a ming a thang ngeteipaw thongtlahpaw pakheh a ung.  
\v 17 Macawtaco mingzawpui a pahmoning he takhei Pilat tah, “Baraba le Khri aa tahpaw Zisu lehei aho heh maw ma thlawpah seh tah naa du?” tatah a hae he.  
\v 18 Hnachuanah rawng tah tlangbui macang sahlo taco Zisu cawh ama khatah aa va chuakhui tahpaw khah a hni thlang. 
\p  
\v 19 Pilat cawh biacenah dyching letah a ty thlangning takhei, a nupuino tah, “Ma suanah a hnui lypaw cawngsawpaw khah zekhatahmai tua kheh lo. Zecawtamaw tatah ato zamong ka mang letah ama a rawng tah ka taithui ngetei,” tatah bia a caw si. 
\p  
\v 20 Canghrasala tlangbui macang sahlo le macang sahlo takhei zawpuipaw khah Baraba khah thlaw la, Zisu khah theh law naa tah a, tatah aa pasy he. 
\p  
\v 21 Raang uhbui taco, “Ma tlaw pahning lehei aho heh maw thlaw seh tah naa pa du?” tatah a hae he. 
\p “Baraba,” tatah aa chai. 
\p  
\v 22 Pilat taco, “Khri aa tahpaw Zisu cawh zekhatamaw ka tua a?” tatah a hae he. 
\p “Khraws letah khaipai!” tatah aa zongmingtei co aa chai. 
\p  
\v 23 Pilat taco, “Zerawng tamaw? Ze hmingsua maw a tua?” tatah a hae he. 
\p Canghrasala, “Khraws letah khaipai thlang ky,” tatah a thang vy tah a y tima he. 
\p  
\v 24 Pilat taco cang thai khaw be, hnahnawhnah laky a chuh sua a takhah a hmuh tihtah tui khah law ka, zawpui hme leco a kih cawh a si. “Kama cawh ma cawngsawpaw a thisai lehei suanah hnui bei neh. Ma heh naaning naa tuapaw naa muaphonah a cang,” tatah a tah he. 
\p  
\v 25 Cawngsaw vytei taco, “A thisai taco kaaning kaa cung le kaa saw kaa ny cung letah ma zui thlang ky seh!” tatah aa chai. 
\p  
\v 26 Mataico Pilat tah Baraba khah a thlawpah he. Canghrasala Zisu cawh cheisah he ka, khraws letah khaipai pawtah aa kih leco a hlai he. 
\s1 Raekeh sahlo tah Zisu aa pasi aa pasa 
\r (Mk 15:16-21; Jh 19:2-3) 
\p  
\v 27 Mataico, raang uhbui a raekeh sahlo taco Zisu cawh raang uhbui ing lang seikhui he ka, ma letei raekeh sahlo takhei a pahmoso he.  
\v 28 A chaichi khah pahlu pah he ka, angki a pasuapaw a saidungpaw a hreisah he.  
\v 29 Mataico, abui lukhu cawtah ahling tah phiapaw lukhu a khusah he. A cacang lang kih lekhei basung a tlesah he ka, a hme letah aa khuh panai he ka, pasipasa he ka, “Juda cawngsaw aa Siangpahrang cawh khua sy hring ky seh,” tatah aa tah.  
\v 30 Aa ci tah chawh he ka, sungbasih khah law he ka, a lu letah ato le ato tah aa tuh.  
\v 31 Aa pasipasa khy taitah pai a pasuapaw a saidungpaw cawh pahluhly pah he ka, Ama a chaichi khah a hreisah kaw he. Taico khraws letah khaipai pawtah aa seikhui. 
\s1 Zisu aa khaipainah 
\r (Mk 15:22-32; Luk 23:27-43; Jh 19:17-27) 
\p  
\v 32 Aa seipai khei langpui letah Sairin khuapaw Simon aa tahpaw cawngsawpaw a tong he ka, khraws khah hringhrang tah aa puhsah.  
\v 33 Galgotha, (A silang cawh, “Luru hming,” tahnah a cang,) aa tahpaw hminghmaw aa va phah.  
\v 34 Ma leco Zisu cawh si kha pahlawhpaw misur zu khah ding ruapaw tah aa peh, canghrasala pateh ka, ding du be.  
\v 35 Aa khaipai khy taikhei a chaichi cawh basung phe he ka, a chaichy he.  
\v 36 Taico a ty he ka, ma taco aa cong thlang.  
\v 37 A lu cung letah sua a phosahnah ca aa ciapaw cawh, “MA HEH ZISU, JUDA CAWNGSAW SAHLO AA SIANGPAHRANG A CANG,” tah heh a cang.  
\v 38 Ama khaco damia pahning a cacang lang letah pakheh, a cavui lang letah pakheh aa khaipai hrah he.  
\v 39 A seithipaw sahlo takhei aa lu cathingso he ka, naisui hmo khei,  
\v 40 “Behnah ing chehthlah tei ningthung letah a sah kaw thlu khypaw, nama le nama a pachah tua! Khazing Sawcapaw na cang caco, khraws taikhei za cung thlah tua ca!” tatah aa tah. 
\p  
\v 41 Ma hraco tlangbui macang sahlo le phungbia cawngpahtu sahlo le macang sahlo takhei pasipasa hrah he ka,  
\v 42 “Cawngsaw ahringpaw cawh pachah he ka, canghrasala ama le ama cawh a pachah khy be! Israel Siangpahrang a cang caw! Kaa zing khy nápawtah khraws taikhei cungthlah tua!  
\v 43 Ama cawh Khazing a zingpaw pui a cang caw! Khazing tah a du caco atoheh pachah tua seh! Zecawtamaw tatah, ‘Khazing Sawcapaw ka cang,’ tatah a tah kha!” tatah aa tah.  
\v 44 Ma hraco Ama khatei aa khaipaipaw he damia sahlo zong taco naisuinah bia a hlupui khei aa tah hrah. 
\s1 Zisu thihnah 
\r (Mk 15:33-41; Luk 23:44-49; Jh 19:28-30) 
\p  
\v 45 Ningching taitah zailang suimehlang pathung tai raang pungpaluh letah muinah a tlung.  
\v 46 Zailang suimehlang pathung hrawnghrang leco Zisu cawh, “ Eloi, Eloi, lama sabathani?”\x + \xo 27:46 \xt Hlaw 22:1\x* tatah a thangpui tah a y. A silang cawh, “Ka Khazing, ka Khazing, zemaw na pa seisai?” tahnah a cang. 
\p  
\v 47 Ma letei a daw thlangpaw mehthaikheh tah ma cawh aa thui tihtah, “Elija a y leimei!” tatah aa tah. 
\p  
\v 48 Ma cangkaw leco, aa hrong letei pakhehpaw cawh va sai ka, span\f + \fr 27:48 \ft Span heh, \fq Tuicapang,\ft khatah a lo.\f* khah a va lah. Ma cawh misur zu a thobahlapaw letah nong ka, rahtlong letah patai ka, Zisu cawh ding pawtah a hlai.  
\v 49 A tangpaw sahlo taco, “Ama teitah ung cong tua seh. Ama lahthlá pawtah Elija cawh a vong maw vong ly, ming tua he peh,” tatah aa tah. 
\p  
\v 50 Taico Zisu cawh a thangpui tah ysang vy hui ka, a hu a ceh chung. 
\p  
\v 51 Ma sungkheh kaa leco behnah ing letei pai aa pazypaw cawh a cung taitah a rai tai pehning tah a pakaichy. Aling a hrui ka, alung puino sahlo a kuichy he.  
\v 52 Athlai sahlo a hong he ka, mehpathai a thipaw a hlupui cawh hringnah letah patho kaw a cang he.  
\v 53 Athlai taico ka pia he ka, Zisu a tho kaw khy taitah Jerusalem khuapui pathai lang va sei he ka, cawngsaw hlupui khakhei a va paly he. 
\p  
\v 54 Raekeh zakheh buipaw le Ama khatei a ungpaw Zisu a congpaw sahlo tah aling a hruipaw le hming a chuacangnah vytei khah aa hmuh tihtah aa thlawzawng ka, “Ma cawngsawpaw heh Khazing Sawcapaw a cang hrahring thlang,” tatah aa tah. 
\p  
\v 55 Ma letei a ungpaw canu a hlupui taco langpa tah aa cai thlang. Aaning sahlo cawh a byhia tuapah ruapaw tei Galili taitah a va zuipaw sahlo khah a cang he.  
\v 56 Aa hrong leco Mari Makdalin, Jeims le Josef aa no Mari le Zebedi a sawcapaw leh le aa no tahpaw a ung he. 
\s1 Zisu phungnah 
\r (Mk 15:42-47; Luk 23:50-56; Jh 19:38-42) 
\p  
\v 57 Mataico, zailang rangsang lekhei Arimathea khuapaw Josef aa tahpaw mehrungpaw, Zisu a hning a zui hrahpaw khah a vong.  
\v 58 Pilat khaco a vaw ka, Zisu rawh khah va hae ka, Pilat taco raekeh sahlo khah Zisu rawh cawh pei law tatah a tah he.  
\v 59 Josef taco Zisu rawh cawh law ka, paithladih anaipaw a pathaipaw khei pahlong ka,  
\v 60 ama tei alung kho a ruipaw athlai thapaw lekhei a i sah. Thlaikaw leco alung alaipaw pui khah kha si ka, a seisai.  
\v 61 Mari Makdalin le ahringpaw Mari sahlo cawh athlai hmelang khei a ty thlang he. 
\s1 Thlai a congpaw sahlo 
\p  
\v 62 Ring ning a ningthlamongpaw leco tlangbui macang sahlo le Farasi sahlo cawh Pilat khatah a vaw he.  
\v 63 “Abuipaw, ma dungkhei a hmangpaw takhei a hring thlangning tah, ‘Ningthung khy tah ka tho kaw a,’ a tahpaw kaa thui.  
\v 64 Macawtaco, ningthung tai cawh thlai khah achaw teitah vai law, tatah ta la, a cha a. Ma hratei a cang ly caco a hningzuitu sahlo a vong he ka, a rawh khah ru he ka, cawngsaw sahlo khah Zisu cawh thihnah taitah a tho kaw thah tatah aa tah sua he a. A changnah letei dungkheinah heh a hmetaw teipaw navy tah a paru vy sua a,” tatah aa tah. 
\p  
\v 65 Pilat taco, “Avaipaw phu khaco va sei o. Thlai cawh naa tuakhynah chung tah a bing khy nápawtah va tua o,” tatah a tah he.  
\v 66 Macawtaco va sei he ka, thlai a bing khy nápawtah alung cung leco a ngianah cawh tua he ka, avaitu sahlo cawh aa chia he. 
\c 28  
\s1 Zisu thokawnah 
\r (Mk 16:1-8; Luk 24:1-12; Jh 20:1-10) 
\p  
\v 1 Sabat ning khy taitah zaa kheh letei ning hmetaw caipaw mong khua dui lekhei Mari Makdalin le ahringpaw Mari cawh thlai vai ruapaw takhei a sei he. 
\p  
\v 2 Aling a rupui tah a hrui ka, Abuipaw a vaiming cawh avai taitah a za cung. Taico thlai lang cawh a vaw ka, alung cawh hneihly ka, a cung leco a ty thlang.  
\v 3 A hmuisang cawh lailaw lo ka, a chaichi cawh huihaw hratah a raang.  
\v 4 Raevai sahlo cawh aa thlawzawng tu thah ka, a cathing he ka, mehthi hratah aa cang thlu he. 
\p  
\v 5 Vaiming taco canu sahlo cawh, “Naa thlawzawng kheh seh, khraws letei aa khaipaipaw Zisu khah naa hui tahpaw ka hni.  
\v 6 Ama cawh ma lehei ung khawh be, a ca chingsipaw he hrakhei a tho kaw thah. A vong la, aa i sahnahpaw heh va ming hmai o.  
\v 7 Mataico rairang tah sei la, a hningzuitu sahlo khah va ching o, ‘Thihnah taitah tho kaw thah ka, naa hmelang khei Galili raang lang a sei thah. Ma leco naa va hmuh a.’ Atoheh ka ca ching thah he hi,” tatah a tah he. 
\p  
\v 8 Macawtaco canu sahlo cawh thlai taico a piathlah pahraw he. Ci hmotah le thawchah ngetei hmotah a hningzuitu sahlo ching rua pawtah khei a sai he.  
\v 9 Sungkheh kheh tah Zisu taco a tong he ka, “A dang pawtah,” a tah he. Ama khaco a vong he ka, a phe cawh tle he ka, Ama cawh aa beh.  
\v 10 Mataico Zisu tah aa hai leco, “Naa thlawzawng kheh seh. Va sei la, ka uny sahlo khah Galili raang lang za sei he seh tatah va ching o. Ma leco aa pa hmuh a,” a tah he. 
\s1 Raevai sahlo thong thuisahnah 
\p  
\v 11 Canu sahlo aa seilai leimei chung taco athlai raevai thaikhehpaw sahlo cawh khuapui chunglang va sei he ka, tlangbui macang sahlo khah hming a chuacangnah vytei khah thong aa va thuisah he.  
\v 12 Tlangbui macang sahlo cawh macang sahlo khatah a tongsia tih he tah khuakhangnah sangkheh aa hnui. Raekeh sahlo khah tangka hlupui pei he ka,  
\v 13 “ ‘A hningzuitu sahlo tah zai tah a vong he ka, kaa ihning kaa letah a rawh cawh law he ka aa seikhui,’ tah my lo.  
\v 14 Ma thong thuisahnah heh raang uhbui tah a thui caco, kaaning tah a chah ná tah tua a he peh ka, naaning cawh zehmai hanah ing bei ceh kaa ta he a,” aa tah.  
\v 15 Macawtaco, raekeh sahlo taco tangka cawh law he ka, aa chingpaw he hrakhei aa tua. Taico ma bia heh atoning tai heh Juda cawngsaw sahlo hrong letah aa kaipaza. 
\s1 Rai rungnawpaw thianah 
\r (Mk 16:14-18; Luk 24:36-49; Jh 20:19-23; Apos 1:6-8) 
\p  
\v 16 Mataico, a hningzuitu hluikheh sahlo cawh Zisu tah na sei he ceh tatah a chingsipaw he tlanglang sei rua pawtah khei Galili raang lang cawh a sei he.  
\v 17 Zisu cawh aa hmuh tihtah aa beh. Canghrasala thaikhehpaw cawh aa lung a langlo.  
\v 18 Mataico Zisu cawh aaning khaco a vong ka, aa hai letah, “Alui le vaicung letei nawhnuinah vytei cawh peh ka cang thah myca.  
\v 19 Macawtaco va sei la, mingphing vytei khah ka hningzuitu tah va tua my lo. Paw le Sawcapaw le Thlawpaw Pathai ming tah baptisma a va cang sá la,  
\v 20 bia ka ca pehpaw he maikaw aa zui nápawtah va cawngpah my lo. Taico caichangnah tai naaning khatah ka ung paria thlang hi,” tatah a tah he.