\id HEB - Zyphe 
\h HEBRU 
\toc1 HEBRU KHRISAWBU KHATEI CAKUAPAW 
\toc2 HEBRU 
\toc3 Heb 
\mt1 HEBRU 
\mt2 KHRISAWBU KHATEI CAKUAPAW 
\c 1  
\s1 Vaiming navy tah Sawcapaw alai vy 
\p  
\v 1 Cai a sei ciapaw leco Khazing tah a khuavang sahlo khah hmang he ka, khuahlai a ma pathlahtu sahlo hai lekhei uihlupui a phingphing khei bia a za rei tei.  
\v 2 Canghrasala atochai cai hning caipaw lehei co, a Sawcapaw hmang tah kaaning khatah bia a rei. Ama cawh zezong vytei ry cytu ruapaw tah thingpaw a cang. Ama thongtah alui le avai le zezong vytei heh tuapaw a cang.  
\v 3 Sawcapaw cawh Khazing rungnawnah khainah cang ka, Khazing cangnah a palangsahtu hmuisuipaw a cang. A bia thawtlungná tah zezong vytei khah a tlechui. Suanah vytei pathaisahnah a tua khy taitah vaicung letah Cungnungcai cacang lang letah a ty.  
\v 4 Macawtaco Khazing Sawcapaw cawh vaiming sahlo cypaw navy tah a rungnaw vypaw ming a cytu a cangpaw hratah vaiming sahlo navy tah a rungnaw vy sylypaw a cang. 
\p  
\v 5 Zemaw tah pawco Khazing tah a vaiming sahlo khah ahomaw, 
\q1 “Nama cawh ka Sawcapaw cang ceh ka, 
\q2 atoning heh na Paw ka cang myca,”\x + \xo 1:5 \xt Hlaw 2:7\x* 
\m tatah a tah bang? Taico, 
\q1 “Kama cawh a Paw cang neh ka, 
\q2 Ama cawh ka Sawcapaw a cang a,”\x + \xo 1:5 \xt 2 Sam 7:14; 1 Chairei 17:13\x* 
\m tatah tah bang hrah be.  
\v 6 Mataico, Khazing tah a sa-uthui khah khazaw letah a za thlaw ning tah, 
\q1 “Khazing vaiming vytei tah beh he seh,”\x + \xo 1:6 \xt Biary 32:43\x* 
\m a tah.  
\v 7 Mataico vaiming sahlo kong leco, 
\q1 “Ama taco a vaiming sahlo cawh thli tah tua he ka, 
\q2 a raihretu sahlo cawh melui tah a tua he,”\x + \xo 1:7 \xt Hlaw 104:4\x* 
\m tatah a rei.  
\v 8 Canghrasala, Sawcapaw kong leco, 
\q1 “Vy Khazing, na buidyching cawh chaizaw tah chaizaw tai a hming a, 
\q2 dingnah cawh na painah cungcahrei a cang a. 
\q1  
\v 9 Dingnah cawh du ceh ka, chahlynah cawh na hua, 
\q2 macawtaco Khazing, na Khazing tah alawngnah sathy ca thu ka, 
\q2 na vesaw sahlo navy tah a ca pasang vy,”\x + \xo 1:9 \xt Hlaw 45:6-7\x* 
\m tatah a tah.  
\v 10 Mataico, 
\q1 “Vy Abuipaw, athoning tah Nama tah alui a pahnianah cawh tua ceh ka, 
\q2 avai kheh na kih chuh a cang. 
\q1  
\v 11 Ma sahlo cawh a rawh thlu he ka, canghrasala Nama cawh na hming paria a, 
\q2 ma sahlo vytei cawh chaichi hratah a cai thlu he. 
\q1  
\v 12 Taico angki pasuapaw hratah pabi he ceh ka, chaichi hratah a thlai thlu tae he. 
\q2 Canghrasala Nama cawh chaizaw tah Nama ialia cang ceh ka, 
\q1 na kungkhua zong chang thai beh,”\x + \xo 1:12 \xt Hlaw 102:25-27\x* 
\m tatah a tah.  
\v 13 Canghrasala Khazing tah a vaiming sahlo khah ahomaw, 
\q2 “Na caraepaw cawh na pherai letah 
\q1 ka chiahlai vytei ka cacang lang hei a ty tua,”\x + \xo 1:13 \xt Hlaw 110:1\x* 
\m tatah a tah bang he?  
\v 14 Canghrasala vaiming sahlo cawh Khazing a raihretu longlong a cang he. Pachahnah a tingpaw cawngsaw sahlo bawkhang pawtah Khazing taitah tawpaw thlary a cang he. 
\c 2  
\s1 Nawthlia pawtah raering pehnah 
\p  
\v 1 Macawtaco, a pingpaly lang kaa seisua ly nápawtah kaa thuipaw bia khah a cy vy tah kaa tle hrahring ruapaw a cang.  
\v 2 Taico vaiming sahlo tei aa pehpaw phungbia hmai khah pacysah cang tah a zui lypaw le a cakahpaw cawh a tlahpaw dangtahnah khah peh a cang caco,  
\v 3 ma tluh pachahnah rungnawpaw heh zerei lytah ung my peh seh la, zekhatamaw hrehnah cawh kaa saisai khy a? Ma pachahnah cawh a hmetawcai tah Abuipaw hrahring tah rei ka, a thuipaw maikaw tah a reipaw bia cawh kaa hai letah aa pacysah.  
\v 4 Khazing zong tah paching pakhanah le khuarawhanah le ningang chuipaw hming a phingphing tah le Ama a du pawtei hratah Thlawpaw Pathai lahsong a pehnahpaw khei thawngchawbia cawh a dih tatah a palang. 
\s1 Zisu cawh a uny sahlo hratah a tua 
\p  
\v 5 A va chuh lepaw alui, atotei a kong kaa rei leimeipaw heh vaiming sahlo tah aa uhpaw cang be.  
\v 6 Canghrasala zeletah tlong maw, ma hrahei a rei bang, 
\q1 “Khazing, mehnung heh zeky cang ka maw na thui paria thlang? 
\q2 Cawngsaw Sawcapaw heh ze cang ka maw a zawng na rawh? 
\q1  
\v 7 Ama cawh vaiming sahlo navy tah a nai vy thehpaw tah tua ceh ka, 
\q2 rungnawnah le palawngpalinah khah na khusah, 
\q2  
\v 8 zezong vytei khah a phe rai letah na chia,” 
\m tatah a tah. A phe rai letah zezongpui a chia tih taco, Khazing tah a nawhnuinah rai letah a chia lypaw zehmai ung be. Canghrasala ato lehei co, nawhnuinah zezongpui a phe rai letah a ung tahpaw hmuh balang bei peh.\x + \xo 2:8 \xt Hlaw 8:4-6\x* 
\v 9 Canghrasala kaa hmuhpaw cawh Zisu, vaiming navy tei a nai vy theh tei tuapaw a cangpaw khah atoheh palawngpalinah le rungnawnah cawh a khusah a cang. Zecawtamaw tatah thihnah khah ing ka, Khazing ningdonah thongtah ming vytei cawtah thihnah khah a pateh pah thlu he. 
\p  
\v 10 Sawtei a hlupui khah rungnawnah lang phah sá pawtah Ama a cawtah le Ama a thongtah zezongpui a ungpaw Khazing tah pachahnah a tuatupaw khah tai-ingnah thongtah mehtling tah a tuapaw cawh a tlahpaw a cang.  
\v 11 Mehnung suanah a pathaisahtu le suanah pathaisah a cangpaw sahlo cawh ingchungkho kheh a cang he. Ma navai taco Zisu tei ka uny sahlo tatei a ypaw he khah a ningzeh be.  
\v 12 Ama tah, 
\q1 “Ka uny sahlo hai letah na ming cawh ka palang a, 
\q2 a pungpaw sahlo he aa hmekaw letah nama reithai tah hlaw ka sá a,”\x + \xo 2:12 \xt Hlaw 22:22\x* 
\m tatah Khazing khah a tah.  
\v 13 Taico, 
\q1 “Ama letah ka ngepainah ka chia a,”\x + \xo 2:13 \xt Isai 8:17\x* 
\m a tah. Mataico, 
\q1 “Ma lehei Khazing tei a pa pehpaw sawtei sahlo khatah ka ung,”\x + \xo 2:13 \xt Isai 8:18\x* 
\m tatah a tah vy. 
\p  
\v 14 Mataico, sawtei sahlo cawh thi le saw tei a hringpaw mehnung aa cangnah cawtah Zisu zong cawh cawngsaw cangnah khah a hrong hrah. Ma hraco a cangnah cawh thihnah cung letei, naw a hnuitu Setan khah Ama a thihnah thongtah a hlyde khy nápawtah le,  
\v 15 thihnah cinah thongtah aa hring chung vytei sae hratei a ungpaw vytei khah a pachah nápaw he cawtah a cang.  
\v 16 Zecawtamaw tahpaw co, a bongpaw he cawh vaiming khah cang ly he tah Abraham pathlah sahlo hrahring khah a cang hri he.  
\v 17 Ma rawng tahei, Ama cawh a uny sahlo hratah kawngting letah tua a hypaw cang ka, Khazing raihrenah letah zingchuipaw le zawngepaw tlangbui alaicaipaw a cang khy nápawtah le cawngsaw cawtah sua ngethainah a tuapah ruapaw tah a cang.  
\v 18 Ama hrahring takhei tuhsonah khah a ing thahnah cawtah tuhsonah aa ingpaw sahlo he khah a bong khy he. 
\c 3  
\s1 Zisu cawh Moses navy tah a rungnaw vy 
\p  
\v 1 Macawtaco uny pathaipaw sahlo Khazing tah a mehpathai cang pawtah ca tlawng myca he ka, macawtaco apostol le tlangbui alaicaipaw kaa tahpaw Zisu kong khah rawh tua my lo.  
\v 2 Moses cawh Khazing ingchungkho sahlo letah zingchui teitah a ungpaw hratah Zisu cawh Ama rai a siatupaw cung letah zing a chui hrah.  
\v 3 Ing a sahtu cawh a sahpaw ing navy tah alai vypaw hmezawnah a hmuhpaw hratah Zisu cawh Moses navy tah a rungnaw vypaw le hmezaw a chui vypaw a cang.  
\v 4 Ing maikaw cawh cawngsaw tah aa sah, canghrasala zezongpui a sahtu cawh Khazing a cang.  
\v 5 Moses cawh Khazing ingchungkho vytei lekhei zingchuipaw raihretu cang ka, hmelang letah Khazing tah a rei ruapaw zong khah a langsah.  
\v 6 Canghrasala Khri cawh Khazing ingchungkho letah naw a hnuipaw Sawcapaw zingchuipaw a cang. Kaa palaikhuipaw peh hnabeisuinah le kaa raechahnah khah kaa tle thlang caco, a ingchungkho kaa cang he peh. 
\s1 Zing lynah cawtah raering pehnah 
\p  
\v 7 Macawtaco Thlawpaw Pathai tei a reipaw hrakhei, 
\q1 “Atoning heh a o naa thui caco, 
\q2  
\v 8 raangcaa letei hnehsah aa cangning cai letei 
\q1 Khazing aa za dy ning tei aa lung a khongpaw hrakhei, 
\q2 naa lung a khongsah khe lo. 
\q1  
\v 9 Ma lekhei naa mapaw sahlo tah kung songli chung 
\q2 aa cawtah ka tuapaw aa hmuh thlang naná teitah pa dy he ka, aa pa pase. 
\q1  
\v 10 Ma rawng tahei ma pathlah sahlo cung leco ka thingae ka, 
\q2 ‘Aa lungthing cawh lang pave leimei thlang ka, 
\q2 ka langpui khah hnih bei he,’ tatah ka tah. 
\q1  
\v 11 Macawtaco ka thingae hmotah chia ka sah, 
\q2 ‘Ka hianah leco a nae by bei he,’ ka tah,”\x + \xo 3:11 \xt Hlaw 95:7-11\x* 
\m tatah a tah. 
\p  
\v 12 Ka uny sahlo a singkang my lo. Ma lypaw co Khazing hring cawh bangsai pawtah naa hrong letah aho chung letah maw zing lynah lungthing sua a ung pang a.  
\v 13 Canghrasala naaning cawh suanah dungkhei thainah tah pakheh hmai naa lung a ca khongsah ly nápaw he tah atoning tah chung vytei, ning tating tah pakheh le pakheh a pasy my lo.  
\v 14 Zecawtamaw tatah a hmasaw tei, kaa hnuipaw zingnah khah a changnah tai cyky tah ka tle thlang caco peh Khri letah tingvy kaa hnui cy hra a.  
\v 15 Capathai tei a ciapaw hrakhei, 
\q1 “Atoning heh a o khah naa thui caco, 
\q2 Khazing aa za dy ning tei aa lung a khongpaw hrakhei, 
\q1 naa lung a khongsah khe o.”\x + \xo 3:15 \xt Hlaw 95:7-8\x* 
\p  
\v 16 Aho sahlo maw Khazing o cawh thui he ka, Khazing a za dypaw cawh a cang he? Moses tah Izipt raang chung taitei a piakhuipaw vytei khah a cang he.  
\v 17 Aho sahlo cung letah maw Khazing cawh kung songli chung a thing a ae? Suanah a tuapaw, raangcaa letei a thipaw sahlo cung lekhei a cang.  
\v 18 “Ka hianah leco a nae by bei he,” tatah Khazing tah chia a sahpaw he khah aho sahlo maw aa cang? Ama a naw a nge lypaw sahlo khah a cang he.  
\v 19 Macawtaco, aa zing lynah cawtah a za nae khy bei he, takhah kaa hni. 
\c 4  
\s1 Khazing cawngsaw sahlo cawtah ahianah 
\p  
\v 1 Macawtaco, a hianah lang a nae pawtah Khazing tah biakang a ma peh tlungpaw tah naa hrawng letah a nae khy lytah a ungpaw na ung pang he ceh taheh a raering he peh.  
\v 2 Aaning hratah thawngchawbia cawh cawngpah kaa cang hrah peh, a cang naná teitah aa thuipaw bia cawh mai hnui ly a cang. Zecawtamaw tatah mehnung pahning tah cy ly co, a thuipaw vytei tah zingnah khatah aa cyhlang lynah cawtah a cang.  
\v 3 Ato cawh kaaning a zingpaw sahlo suipaw heh ma a hianah leco kaa nae he peh. 
\q1 “Macawtaco, ka thingae hmotah chia ka sahpaw cawh, 
\q2 ‘Aaning cawh ka hianah lang a nae by bei he,’ ”\x + \xo 4:3 \xt Hlaw 95:11\x* 
\m tatah Khazing tah a tahpaw hrakhei. Canghrasala, khazaw tua thoning taikhei a rai cawh a paling ciapaw a cang thah.  
\v 4 Zemaw tah pawco zeletah tlong maw ningsarihnah ning kong khah Capathai tah ma hrahei a rei, “Ningsarihnah ning leco Khazing cawh a rai vytei taikhei a hia,”\x + \xo 4:4 \xt Atho 2:2\x* tatah a tah.  
\v 5 Taico a cung lang letei a reipaw cawh, “Aaning sahlo cawh ka hianah lang a nae by bei he,” tatah a tah. 
\p  
\v 6 Khazing a hianah chung letah mehthaikheh a naepaw a ung he a, takhah a se, canghrasala thawngchawbia a thui tawpaw sahlo takhei bia aa nge lynah cawtah a nae khy bei he.  
\v 7 Macawtaco Khazing tah ning hringpaw khah chia kaw ka ma cawh atoning tahpaw heh a cang. Cai sypui khy tah ma ning kong cawh a za rei ciapaw hrakhei David hmokaw taitah za rei ka, 
\q1 “Atoning heh a o naa thui caco, 
\q2 naa lung a khongsah khe lo,”\x + \xo 4:7 \xt Hlaw 95:7-8\x* 
\m tatah a tah.  
\v 8 Zecawtamaw tatah Josua takhei ahianah khah za pei thah he seh la, Khazing tah, “Ning hringpaw,” takhah a hning tah rei khawh be.  
\v 9 Macawtaco Khazing cawngsaw sahlo cawtah Sabat a hianah cawh aa ungning thlang.  
\v 10 Zecawtamaw tatah Khazing cawh a rai taitah a hiapaw hratah Khazing a hianah chung letah a naepaw he cawh aa rai taitah aa hia hrah he.  
\v 11 Macawtaco reinge lynah rawng tei aa popaw hrakhei, pakheh hmai po lytah ma a hianah lang a nae cawh chahnainge tah a zawng he peh. 
\p  
\v 12 Khazing bia cawh hring ka, hming a tua khy, zyzi venang a king le a haa a tepaw navy tah a hrah vy. Hringnah le thlawpaw, ru le lathlih pachainah tai a nae khy. Cawngsaw lungthing khuarawnah le lungpho zong a hni pahleh thlu.  
\v 13 Tuapaw hming maikaw zehmai Khazing mehmuh taitah nopaw ung be. Hmingting maikaw a hmekung letah a lang thlu thlang he ka, a mehmuh letah kaa konglang cawh kaa rei cy tae a. 
\s1 Zisu cawh tlangbui alaicaipaw a cang 
\p  
\v 14 Macawtaco a laisuipaw tlangbui alaicaipaw vaicung tai a phah thahpaw Khazing Sawcapaw Zisu kaa hnuinah cawtah hei, kaa pawngpaw kaa zingnah khah cyky tah a tle he peh.  
\v 15 Zecawtamaw tatah tlangbui alaicaipaw kaa hnuipaw heh kaa sangtlelynah letah kong pacangnah a hnuipaw tlangbui cang ka, kaaning hratah tuhsonah a phingphing tah a ing ciapaw a cang, canghrasala suanah zehmai hnui be.  
\v 16 Taico, zawngenah Khazing a buidyching cawh raechah teitah pange he peh. Ma pawsui co, kaa hianing maikaw letah a ma bawkhang rua pawtah a ningdonah le a zawngenah cawh kaa hmuh a. 
\c 5  
\p  
\v 1 Tlangbui alaicaipaw maikaw cawh cawngsaw hrong taikhei thing cang he ka, aaning aa vy tah Khazing letah suanah cawtah thuihlainah peh le dangnah tua khah aa rai a cang.  
\v 2 Ama zong cawh tling lynah a hnuipaw a cang hrah cawtah khei zehmai a hnih lypaw le lang a pavepaw cung lekhei lungnai teitah rai a hre khy a.  
\v 3 Ma cawtah hei ama a suanah cawtah le cawngsaw hringpaw suanah caw zong takhei athuihlainah a tua a hy. 
\p  
\v 4 Ahohmai ama le ama teitah tlangbui alaicaipaw cangnah hmezawnah a pei khy beh. Aron hrakhei Khazing tah a ypaw a cang cy ly co.  
\v 5 Ma hraco Khri zong takhei pasungpanawnah law be ca ka, Ama teitah tlangbui alaicaipaw tah a tua be. Canghrasala, Khazing tah a hai letah, 
\q1 “Nama cawh ka Sawcapaw cang ceh ka, 
\q2 atoning heh na Paw ka cang myca,”\x + \xo 5:5 \xt Hlaw 2:7\x* 
\m tatah a tah.  
\v 6 Mataico kaw hringpaw zong letah, 
\q1 “Nama cawh chaizaw tah tlangbui na cang, 
\q2 Melkhizedek tlangbui a cangpaw naning tei hratah na cang,”\x + \xo 5:6 \xt Hlaw 110:4\x* 
\m a tah vy. 
\p  
\v 7 Aluicung letah a ungning tah Zisu tah thihnah taitah a pachah khy tu Khazing khatah y le sang hmotah le mehthli chitah thlawchangnah le nawnah khah a tua. Ama cawh Khazing letah a pany teitah a hlai cawtah Khazing tah a thui.  
\v 8 Khazing Sawcapaw a cang thlang naná teitah Khazing nawnge khah hanah a ingnah taikhei a cong.  
\v 9 Mataico, mehtling tah tua a cang tihtah Ama a rei a ngepaw vytei cawtah chaizaw pachahnah a hrangpui tah a va cang.  
\v 10 Melkhizedek cawh tlangbui alaicaipaw a cangpaw hratah Khazing tah tlangbui alaicaipaw rua pawtah a tua. 
\s1 Pohly ly nápawtah raering pehnah 
\p  
\v 11 Ma kong lehei rei ruapaw a hlupui kaa hnui thlang, canghrasala achaw teitah naa thuithai lynah cawtah naaning chingpase cawh a ru ky.  
\v 12 Ato lehei co cawngpahtu hmai aa cangpaw naa cang thah naná teitah Khazing biadih a hrangtho tah cawngpah khah naa hianing thly thlang. Batui hmuisui e khah naa zaw myca he ceh, canghrasala hnabaetui thly thly naa ringning thlang he ceh.  
\v 13 Hnabaetui a ringning thlangpaw cawh hasai cangning thlang ka, dingnah kong cawngpahnah letah hninah a hnui balang lypaw a cang he.  
\v 14 Canghrasala batui hmuisui cawh puitling ciapaw cawtah cang ka, aaning cawh chia le chaw thluidangnah a paning a pacah ciapaw a cang he. 
\c 6  
\p  
\v 1 Macawtaco, Khri kong cawngpahnah ahrang pui a ce leimei khah tai he peh. Ma navy co a hmelang ting he peh seh la, changchy tah puitlingnah lang pange he peh. Thihnah lang a chuipaw tuasenah taitei angepachihnah kong le Khazing zingnah kong le  
\v 2 baptisma cangnah kong le kih pahnianah kong le mehthi thokawnah kong le chaizaw biacenah kong sahlo vytei heh a cawngpah chi leimei khawh lytah,  
\v 3 changchy he peh, Khazing a naw a tlah caco, ma sahlo cawh ka tua thlang a. 
\p  
\v 4 Taico uikheh lungvangnah aa ting ciapaw, a vaicung lahsong khah a pateh ciapaw, Thlawpaw Pathai a cy ciapaw,  
\v 5 Khazing bia a chahnah le a va chuh lepaw cai a hmingtuakhynah a pateh ciapaw,  
\v 6 ma vytei a posaipaw sahlo caw taco, a ngepachihsah khy cang khaw bei he. Khazing Sawcapaw khah a khaipai caneipaw le ningzawnah mua a phy sahpaw aa cangnah cawtah. 
\p  
\v 7 Khuatui a caipaw alui, raihretu sahlo aa caw tei e le ba a chuasah teipaw alui cawh Khazing tah bonghnang a songpaw a cang.  
\v 8 Canghrasala, ma cholui taco ahling le araang long khah a cysah caco, zehmai sangtlenah hnui be, chiarei pah cang a he ka, a changnah leco me tah ro a cang he a. 
\p  
\v 9 Ka dopaw vesaw sahlo, ma hrahei bia kaa rei naná teitah naaning naa kong leco achaw vypaw hming a ung tahpaw kaa hni. Ma hming cawh pachahnah khatah a seihruipaw a cang.  
\v 10 Khazing cawh mehdingly cang be. A cawtah zetlua tamaw rai naa hre tahpaw le ahringpaw khrisaw huivesaw sahlo za mingkai he ceh katei, ato zong naa mingkai leimeinah pawhe tah Ama naa donah naa palangpaw khah monghly a beh.  
\v 11 Naa hnabeisuinah a tling nápawtah chahnai naa ngepaw khah a changnah tai palang my lo, tatah kaa ca dukhui he.  
\v 12 Mehthawthi naa cangpaw khah du bei peh, canghrasala zingnah le lungsynah thongtah Khazing tah bia a kangpaw he a cypaw sahlo khah a mingpai la tahpaw kaa du. 
\s1 Khazing biakang a cy zia 
\p  
\v 13 Khazing tah Abraham bia a za kang ning tahei, Ama navy tah alai vypaw aa ung lynah rawng tah Ama le Ama teitah chia a sah ka, ma hrahei a tah,  
\v 14 “Nama cawh bonghnang ka ca song ceingei a, teiching sawpa a hlupui tah ka ca pae a,”\x + \xo 6:14 \xt Atho 22:17\x* tatah a tah.  
\v 15 Mataico Abraham tah lungsy teitah heh ka, Khazing tei bia a kangpaw khah a cy. 
\p  
\v 16 Mehnung tah chiasahnah aa tua tihtah aaning navy tah alai vypaw ming khei tua he ka, ma chiasahnah taco pakheh le pakheh a eichonah bia a chawpah tei he.  
\v 17 Ma hraco Khazing tah a biakang khah patlui hrahring be tahpaw khah a biakangnah ry a cypaw sahlo tah a sepaw tah hnih he seh tah a dunah cawtah a biakang cawh chiasah ná tah a pacysah.  
\v 18 Ma hming sanghning biakangnah le chiasahnah heh thlai khy a cang lypaw hming cang he ka, ma kong lehei Khazing tah hingbia rei khy be. Macawtaco, Ama khatei a bing teitah ung pawtah kaa hmekaw letah a ma chiapahpaw hnabeisuinah khah tle pawtah thaw tah a ma pasy.  
\v 19 Ma hnabeisuinah heh kaa hringnah cawtah a thaw a tlungpaw le a cy ngeteipaw thawca-e hratah a cang. Pai pazypaw a hninglang letei hming pathai caipaw tai khah a nae.  
\v 20 Ma leco, kaaning kaa vypaw tah Zisu khah kaaning hlai tah a za nae thah ka, Melkhizedek tlangbui a cangnah hrakhei chaizaw tlangbui alaicaipaw a cang. 
\c 7  
\s1 Tlangbui Melkhizedek 
\p  
\v 1 Melkhizedek cawh Salem khuapui buipaw le Cungnungcai Khazing tlangbui a cang. Abui sahlo dy he katei, tenah chitah a va sei kawpaw Abraham khah a tong ka, bonghnang a song.  
\v 2 Abraham tah hrangcho a lahpaw chyhraw chykheh khah a peh. Melkhizedek ming a silang sangkhehnah cawh, “Dingnah Buipaw,” tah a cang. Taico, a ming hringpaw cawh Salem Abuipaw cang ka, a silang cawh, “Denah Buipaw,” tah a cang.  
\v 3 A no le a paw kong cangseh, ama aa pathlahtu sahlo aa kong cangseh, a chuakehnah kong le a thihnah kong cangseh, zehmai a cia be. Ama cawh Khazing Sawcapaw hratah cang ka, chaizaw tah tlangbui a cang. 
\p  
\v 4 Macawtaco, zetlua tamaw a rungnaw takhah pacang tua o. A ma pathlahtu Abraham tahmai hrangcho a lahpaw vytei taitah chyhraw chykheh khah a peh.  
\v 5 Taico Levi teisaw a cangpaw tlangbui sahlo khah phungbia tah Israel cawngsaw sahlo taitah chyhraw chykheh khah naa la he tatah a tah he. Israel sahlo cawh Abraham teisaw aa cang hrah naná teitah aa lah hrah he.  
\v 6 Ma cawngsaw heh Levi pathlah a cang ly naná teitah chyhraw chykheh khah Abraham taitah hmai law ka, Khazing biakangnah a hnuipaw Abraham khah bonghnang a song.  
\v 7 Canghrasala a chia vypaw cawh alai vypaw tah bonghnang song phung a cang tahpaw heh ei ruapaw zehmai ung beh.  
\v 8 Kaw kheh leco chyhraw chykheh khah a thi thaipaw tlangbui tah aa lah he. Kaw hringpaw leco, a hring thlang aa tahpaw tlangbui Melkhizedek tah a lah he.  
\v 9 Macawtaco Abraham tah Melkhizedek khah chyhraw chykheh a peh tihtah chyhraw chykheh a cy teipaw he Levi sahlo takhei zong aa peh hrah tah khy a cang.  
\v 10 Zecawtamaw tatah Melkhizedek tah Levi a pathlahtu Abraham a tong ning takhei Levi cawh a pathlahtu Abraham chung taitah chuh balang be. 
\s1 Zisu cawh Melkhizedek khatah a lo 
\p  
\v 11 Levi mingphing tlangbui cangnah thongtah mehtling cangnah cawh hmuh khy cangsehla caw (ma rai leco cawngsaw khah phungbia peh aa cang) Aron tlangbui cangnah ning tah cang lytah Melkhizedek tlangbui cangnah ning tah tlangbui ahringpaw aa chua a hy khaw a maw?  
\v 12 Tlangbui cangnah khah thlai a cang tihtah phungbia zong khah thlai a hy hrah.  
\v 13 Taico, ma a kong kaa rei leimeipaw heh kaa Buipaw a kong cang ka, a mingphing chung taitah dangnah siasang letah tlangbui rai a hrepaw ahohmai ung bang bei he.  
\v 14 Kaa Buipaw cawh Judah phing chung taitah a chuhpaw a cang takhah a sepaw tah hnipaw cang ka, ma phing kong lehei Moses tah tlangbui sahlo aa kong zehmai rei beh.  
\v 15 Melkhizedek hapaw tlangbui phingcangpaw a chuanah cawtah hei atotei kaa rei leimeipaw bia heh a se vy tima leimei.  
\v 16 Ama cawh phungbia tei a reipaw mingphing taitah tlangbui a cangpaw cang be, rorang khy a cang lypaw hringnah hmingtuakhynah thongtah tlangbui a cangpaw a cang.  
\v 17 Capathai tah a kong a reipaw cawh, 
\q1 “Melkhizedek tlangbui cangnah ning hratah, 
\q2 nama cawh chaizaw tlangbui na cang,”\x + \xo 7:17 \xt Hlaw 110:4\x* 
\m a tah. 
\p  
\v 18 Phung paringpaw cawh a thaw a dianah cawtah le sang a tle lynah cawtah hneihly a cang myca.  
\v 19 Zecawtamaw tatah Moses phungbia taco zehming hmai khah a tlingsah khylynah cawtah cang ka, hnabeisuinah achaw vypaw cawh va chuh myca ka, ma thong co Khazing khah ka ne khy he peh. 
\p  
\v 20 Ma cawh Khazing biakangnah lytah cang beh. Ming hringpaw cawh tlangbui aa cang tihtah biakangnah zehmai ung be.  
\v 21 Canghrasala, Ama cawh biakangnah tua hmotah tlangbui tah tua a cang. Ama a kong leco Khazing tah, 
\q1 “Abuipaw tei biakang hmo tei bia a rei ciapaw cawh 
\q2 a lung a thlai bang be. 
\q1 ‘Nama cawh chaizaw tlangbui na cang,’ ”\x + \xo 7:21 \xt Hlaw 110:4\x* 
\m a tah.  
\v 22 Ma biatainah thong co, Zisu cawh achaw vypaw biahrai a pacysahtu takhei a tua hri. 
\p  
\v 23 Ahringpaw tlangbui a hlupui aa ung naná teitah aa thihnah rawng tah aa rai hre paria khy bei he.  
\v 24 Canghrasala, Zisu cawh chaizaw ahringpaw a cangnah cawtah chaizaw tah tlangbui a cang paria thlang.  
\v 25 Macawtaco, Ama a thongtah Khazing a pangepaw maikaw cawh a pachah khy paria thlang he, zecawtamaw tatah, aa cawtah nawpah a pawtah chaizaw tah a hring cawtah. 
\p  
\v 26 Ma hapaw tlangbui alaicaipaw cawh kaa hiapaw vytei a tlingsah khypaw cawh a cang. Ama cawh a pathaipaw, suise a kawh lypaw, suanah a hnui lypaw, mehsua sahlo taitei patlia ciapaw, avai a cung lang tai cuicaling ciapaw a cang.  
\v 27 Ama cawh ahringpaw tlangbui alaicaipaw sahlo khakhei a lo be, Ama a suanah cawtah le zawpui vytei suanah cawtah ning tating tah ahlainah tua khah hia be. Aa suanah cawtah uikheh athuihlainah takhei chaizaw cawtah a zawpaw tah a hlai thlu thah.  
\v 28 Moses phungbia taco a tling lypaw cawngsaw khah tlangbui alaicaipaw tah a tua he. Canghrasala phungbia a hninglang tei a vongpaw biatainah taco Khazing Sawcapaw khah thing ka, chaizaw cawpaw tah mehtling tah a tua. 
\c 8  
\s1 Biahrai tha tlangbui laicaipaw 
\p  
\v 1 Kaa rei leimeipaw chung letah reihnang caipaw a cangpaw cawh ma heh a cang. Ma hapaw tlangbui alaicaipaw cawh hnui peh ka, Ama cawh vaicung letei Cungnungcai abui dyching a cacang lang tei a typaw khah a cang.  
\v 2 Hming pathai caipaw lekhei tlangbui alaicaipaw rai khah hre ka, ma a hrenahpaw cawh mehnung tei sahpaw cang lytah Abuipaw tei a sahpaw thlangda hmuisui lekhei a cang. 
\p  
\v 3 Tlangbui alaicaipaw vytei cawh Khazing khatei pehlainah le athuihlainah tua pawtah rai peh aa cangpaw hratah ma kaa tlangbui alaicaipaw caw zong taco, pehlai ruapaw hnui khah a hia.  
\v 4 Ama cawh aluicung leco cang seh la, tlangbui cang a be. Zecawtamaw tatah phungbia naning tah a thuihlainah a peihlaitu he tlangbui sahlo aa ung thahnah cawtah.  
\v 5 Ma sahlo cawh hminghmaw a pathaipaw hming lekhei hre he ka, ma hminghmaw cawh vaicung letei a ungpaw behnah ing ningpahli a cang. Moses tah thlangda a tuaning tah Khazing tah raeringnah a pehpaw cawh, “Tlaang cung letei a hmuisang ka ca hmuhsah pawtei hrakhei zezongpui khah na tua thlu he,”\x + \xo 8:5 \xt Piachua 25:40\x* a tah.  
\v 6 Ahringpaw tlangbui sahlo pehpaw tlangbui rai navy tah Zisu kha pehpaw tlangbui rai cawh alai vy sylypaw a cang. Ma hraco Zisu tah Khazing taitah a cawngsaw sahlo khatah a va chuakhuipaw biahrai thapaw cawh a paringpaw navy tah alai vypaw a cang. Biahrai thapaw cawh achaw vypaw biakangnah cung letah a dawpaw a cang. 
\p  
\v 7 Biahrai a hmetaw caipaw takhei tling lynah zehmai za hnui ly khei ung my seh la, a thapaw ahianah zehmai ung be.  
\v 8 Canghrasala Khazing tah a cawngsaw sahlo aa dinglynah khah hmuh ka, 
\q1 “Abuipaw tah Israel mingphing le 
\q2 Judah phing sahlo khatah 
\q1 biahrai thapaw ka tua nápaw 
\q2 ningcai a vong leimei. 
\q1  
\v 9 Izipt raang chung taitah 
\q2 aa mapaw sahlo khah chuakhui rua pawtah 
\q1 aa bang tah ka za hrui ning he tei, 
\q2 ka tuapaw biahrai hapaw khah cawh cang be. 
\q1 Aaning cawh biahrai ka tuapaw cung lekhei 
\q2 zingchui tah aa ung lynah cawtah ka huisai he, 
\q1 tatah Abuipaw tah a tah. 
\q1  
\v 10 Ma heh hmelang letah Israel mingphing khatei ka tua lepaw biahrai cawh a cang a, 
\q2 tatah Abuipaw tah a tah. 
\q1 Ka phungbia cawh aa thinglung chung letah chia neh ka, 
\q2 aa lungchung letah ka cia a. 
\q1 Kama cawh aa Khazing cang neh ka, 
\q2 aaning cawh ka cawngsaw a cang he a. 
\q1  
\v 11 Mataico ahotahmai tah a ingpaw le a uny khah cawngpah a hy be ca he ka, 
\q2 ‘Abuipaw khah hni tua o,’ tatah ching zong a hy a bei he, 
\q1 zemaw tah pawco, a chia caipaw taitah 
\q2 alaicaipaw tai aa pa hni thlu a. 
\q1  
\v 12 Macawtaco aa chahlynah cawh ngethai he neh ka, 
\q2 aa suanah cawh a thui paria thlang khawh bei neh,”\x + \xo 8:12 \xt Jere 31:31-34\x* 
\m tatah a tah. 
\p  
\v 13 Khazing tah biahrai thapaw kong a reinah cawtah hei, a hmetaw teipaw khah cawh chahnai be ca ka, a paringpaw le a chahnai lypaw cawh a ly palangpaw a cang. 
\c 9  
\s1 Alui letei behnah pai ing 
\p  
\v 1 Biahrai a hmetaw caipaw takhei Khazing behnah cawtah phunglang hnui ka, cawngsaw tei tuapaw alui letah behnah thlangda zong a hnui.  
\v 2 Behnah thlangda cawh sah a cang. A khang a hmetawpaw chung leco, me-ing tung, cabuai le Khazing kha hlaipaw very khah a ung he. Ma hminghmaw cawh a pathaipaw hminghmaw tatah aa tah.  
\v 3 Mataico, pai pazypaw sanghningnah a chunglang lekhei hminghmaw pathai caipaw aa tahpaw a khang ung ka,  
\v 4 ma chung leco ringthopaw ronah suisiasang le sui aa huhpaw biahrai thingkawng aa chia. Taico, ma thingkawng leco, manna very aa chianahpaw suibeirai le Aron cungcahrei a chawng a thopaw le biahrai sanghraw aa cianahpaw lungphae sanghning khah chia he ka,  
\v 5 ma thingkawng a cung leco Khazing rungnawnah Cherub\f + \fr 9:5 \ft Cherub cawh, hming tuapaw, sarangnosaw le cawngsaw lo ka, mathlaw a hnuipaw a cang.\f* sahlo lingthlaw paty he ka, zawngenah dyching khah aa mathlaw aa pazy so. Ato leco, ma kong cawh a tling teitah rei khy bei peh. 
\p  
\v 6 Zezongpui ma hrahei aa tua khy taitah tlangbui sahlo cawh aa rai hre rua pawtah a hmetaw caipaw a khang lekhei a ning tating teitah aa nae he.  
\v 7 Canghrasala a chung caipaw, a khang sanghningnah chunglang khah cawh tlangbui alaicaipaw longlong a nae khy ka, ma cawh hmai kung kheh tah uikheh tei cy a cang. Thisai khah a tle hy ka, ama a cawtah le male tah hni ly tei aa tuapaw suanah cawtah Khazing khatah a hlai.  
\v 8 Thlawpaw Pathai tah ma taitei a hmuh sahpaw cawh a hmetawpaw behnah pai ing a ungchung vytei cawh hminghmaw pathai caipaw lang a naenah langpui palang a cang balang lypaw khah a cang.  
\v 9 Ma tawchingnah heh ato cai cawtah a cang. Khazing khatei pehlaipaw lahsong le thuihlainah takhei Khazing a behtu sahlo chiachaw thluidangnah lungthing khah tlangtlingsah hlui be.  
\v 10 Ma lahsong le dangnah aa tua khypaw cawh e le ding kong le a sipathainah phunglang a phingphing longlong khah a cang. Ma hming vytei heh pungsaw alailang caw tei phunglang longlong cang he ka, Khazing tah a thapaw hringzia phunglang a tua hlai cai chung cawtah long a cang. 
\s1 Zisu Khri thisai 
\p  
\v 11 Khri cawh hmingchaw a ung ciapaw letei tlangbui alaicaipaw cang pawtah a vongning takhei, alai vypaw le a tling vypaw thlangda chunglang khah a va nae ka, ma cawh kih tei tua lypaw, khazaw a tei a cang lypaw a cang.  
\v 12 Khri tah hminghmaw pathai caipaw lang a nae tihtah dangnah cawh co thi cang seh, mei thi cang seh a tle be, Ama a thisai ceingei khah a tle ka, kaa cawtah chaizaw pachahnah khah uikheh tah a zawpaw tah a tua patling thlu thah.  
\v 13 Mei thi le co tungpaw thi le me tei ropaw co teitei saw mepaa tah thei tei, a pathai lypaw cawngsaw khah alailang tah pathaisah aa cang caco,  
\v 14 chaizaw Thlawpaw thongtah Ama teitah Khazing letah a hlaipaw, a pathaipaw Khri thisai taco, Khazing hring a rai hre pawtah thihnah langhme a chuipaw tuasanah taikhei kaa chiachaw thluidangnah thinglung khah zetlua tamaw a pathaisah vy chichi a. 
\p  
\v 15 Taico, ma cawtah hei Khri cawh Khazing le cawngsaw kaa letah biahrai a thapaw aly lang a seipaw cawh a cang, biahrai tawpaw rai letei aa suanah vytei tlang rua pawtah Ama cawh a thi. Ma rawng taco ypaw sahlo taco, chaizaw rycynah biakang cawh aa ting a. 
\p  
\v 16 Ryvui bia kong leco ryvuitu cawh a thi thah takhah pase a hy.  
\v 17 Zecawtamaw tatah bia ryvuitu a thih khy taitah long a bia ryvuipaw khah a cy. Bia ryvuitu a hring thlang chung taco a bia cawh cy be.  
\v 18 Macawtaco biahrai a hmetaw caipaw zong khah thisai lytah pacysah cang hrah be.  
\v 19 Moses takhei phungbia vytei khah cawngsaw zawpui khah a reipah ning he takhei, co teitei thi le mei thi khah law ka, tui khatah a pahlawh khy taitah phungbia cabu le cawngsaw zawpui khah hisop thingcai le tuu hming a saipaw khei a thei he.  
\v 20 “Ma heh biahrai thisai cang ka, Khazing tah zui rua pawtah naw a ca peh he,”\x + \xo 9:20 \xt Piachua 24:9\x* tatah a tah.  
\v 21 Ma thly hraco behnah thlangda le behnah letei hmangpaw hmingbo vytei khah Moses taco thi tah a thei hrah he.  
\v 22 Phungbia naning teitah tah pawco, hming maikaw hepaw heh thisai tah pathaisah a hy ka, thisai laisahnah a ung ly caco, sua ngethainah ung khy beh. 
\p  
\v 23 Macawtaco vaicung hming hmuisang a cangpaw sahlo cawh, ma athuihlainah sahlo taco pathaisah a cang caco, vaicung hming hmuisui a cangpaw vytei caw taco ma navy hei achaw vypaw athuihlainah sahlo a hy.  
\v 24 Macawtaco Khri tah cawngsaw tah tuapaw, a hmuisuipaw a hmuisang longlong a kaipaw thlangda lang khah a nae lytah Khazing hme letah kaa cawtah atoheh a daw pawtah vaicung hrahring lekhei a nae.  
\v 25 Tlangbui alaicaipaw cawh a kung tating tah hminghmaw pathai caipaw chung lekhei, ama a thisai a cang lypaw sawthi khatah a nae leimei teipaw hrakhei Khri cawh Ama le Ama a hlai pawtah vaicung letah a nae kaw leimei a hy be.  
\v 26 Ma hraco a hy my seh la, khazaw tua thoning taikhei Khri cawh uihlupui a tai-ing thah myca a. Canghrasala, atoheh cawh a va lang thah ka, caichangnah ning letah ming vytei aa suanah khah lahly pawtah uikheh tah a zawpaw tah Ama le Ama khah a hlai.  
\v 27 Mehnung cawtah uikheh thih a pawtah rawhpaw cang ka, ma khy taico biacenah a ung tae a.  
\v 28 Macawtaco cawngsaw hlupui suanah lah pá pawtah Khri cawh uikheh tah dangnah cawtah a hlai ka, taico a uihningnah a za lang kaw a ka, ma a za lang kawnah cawh suanah kong letah cang lytah Ama a heh thlangpaw sahlo pachah ruapaw cawtah a cang a. 
\c 10  
\s1 Khri uikheh pehlainah khah ming vytei cawtah a zaw 
\p  
\v 1 Phungbia cawh a va chuh lepaw hmingchaw ningpahli suipaw a cang. A hmuisuipaw cawh cang be. Macawtaco kung chia tah tuateipaw a thuihlainah taco Khazing beh rua pawtei a va naepaw sahlo he khah tlangtlingnah zehmai pei khy bei he.  
\v 2 Pei khy he seh la, a behpaw sahlo he cawh uikheh tah pathaisah cang thah he ka, sua a phuhringnah hnui khawh lytah a thuihlainah tua leimei khah aa bangsai thah ruapaw cang a bei maw?  
\v 3 Canghrasala, kung chia tei a thuihlainah aa tuapaw takhei aa suanah khah a thuisah kaw leimei thlang he.  
\v 4 Zecawtamaw tatah co tungpaw thisai le mei thisai sahlo taco suanah khah lawhly khy be. 
\p  
\v 5 Macawtaco Khri tah khazaw letah a vongning takhei a reipaw cawh, 
\q1 “Thuihlainah le pehlainah cawh na dupaw hming cang bei he, 
\q2 canghrasala kama ka cawtah pungsaw khah na pa pachia pah. 
\q1  
\v 6 Mero pehlainah le sua pehlainah letah 
\q2 a lawng hlui bei ceh. 
\q1  
\v 7 Macawtaco ma hrahei ka tah, ‘Vy Khazing, nama na dupaw tua pawtah ka vong myca, 
\q2 Capathai letah ka kong aa ciapaw hrakhei,’ ”\x + \xo 10:7 \xt Hlaw 40:6-8\x* 
\m a tah.  
\v 8 A hmetaw tei a reipaw cawh, “Thuihlainah cang seh, pehlainah cang seh, mero pehlainah cang seh, sua pehlainah cang seh na dupaw cang bei he, na lawngpaw zong cang bei he,” a tah. Ma vytei heh phungbia naning tah tuapaw aa cang thlang naná teitah ma hrahei a tah.  
\v 9 Taico a tho kaw ka, “Nama na dupaw tua rua pawtah ma lehei ka ung,” a tah. A biahrai thapaw tua pawtah a biahrai paringpaw khah a hlawh.  
\v 10 Zisu Khri tah Khazing dunah hratah chaizaw cawtah uikheh thuihlainah cawh a pung tah a tuanah thongtah kaaning cawh pathaisah ka cang he peh. 
\p  
\v 11 Mataico, ning tating tah tlangbui sahlo cawh a daw he ka, thuihlainah aa tuapaw cawh ato le ato a lo leimei thlang ka, ma taco suanah khah pathaisah khy by beh.  
\v 12 Canghrasala, ma tlangbui Khri taco suanah cawtah thuihlainah khah chaizaw a zaw pawtah uikheh tah tua ka, Ama cawh Khazing cacang lang letah a ty.  
\v 13 Ma cai taico, a carae sahlo khah a phe rai letah chia aa cangnah tai khah a haw thlang he.  
\v 14 Zemaw tah pawco, uikheh thuihlainah tah aa suanah pathaisahpaw sahlo cawh chaizaw cawtah tlangtling tah a tua he. 
\p  
\v 15 Taico, Thlawpaw Pathai zong tah ma kong heh kaa hai letah a pacysah. A rei tawpaw cawh, 
\q1  
\v 16 “Ma ningcai letei aaning khatah ka tua lepaw biahrai cawh, 
\q2 ma heh a cang tatah Abuipaw tah a tah. 
\q1 Aa lungchung letah ka phungbia chia he neh ka, 
\q2 aa pacangnah lungthing letah ka cia a,”\x + \xo 10:16 \xt Jere 31:33\x* 
\m a tah.  
\v 17 Taico a rei vypaw cawh, 
\q1 “Aa suanah le hming chaw ly aa tuapaw khah 
\q2 a thui paria thlang khaw bei neh,”\x + \xo 10:17 \xt Jere 31:34\x* 
\m tatah a tah.  
\v 18 Taico, ma hratei ngethainah a ungnah letaco, suanah cawtah thuihlainah tua khah a hy khawh be. 
\s1 Teria rua pawtei ynah 
\p  
\v 19 Macawtaco uny sahlo, Zisu thihnah thisai thongtah hminghmaw pathai caipaw lang a nae pawtah raechahnah kaa hnui.  
\v 20 Khri thuihlainah a cangpaw pai pazynah thongtah kaa cawtah a thapaw le hringnah langpui a ma hongpah.  
\v 21 Ma hlui co, Khazing ing letah naw aa hnuipaw tlangbui alaicaipaw khah kaa hnui cawtah,  
\v 22 kaa lungthing chiachaw thluidangnah achaw lypaw cawh thisai theiná tah pathaisah cang ka, kaa pung zong khah tuipasing tah sipathai cang peh ka, zingnah le hnipasenah tlingpaw hnuinah chitah lungthing hmuisui tah Khazing khah a ne he peh.  
\v 23 Bia a ma kangtu cawh zingchuipaw a cang cawtah kaa tei kaa tahpaw hnabeisuinah cawh cyky tah a tle thlang he peh seh.  
\v 24 Mataico, pakheh le pakheh ka do khy nápaw he peh tah le hming chawpaw kaa tuapah khy nápawtah zawngrawhnah hnui cy he peh.  
\v 25 Thaikheh sahlo tah a pungnah aa bang saipaw hrakhei, bang sai kheh he peh seh. Kaaning duisai cawh pakheh le pakheh a pasy vy tima he peh. Zecawtamaw tatah Abuipaw Ning cawh a nae vy lo leimei myca. 
\p  
\v 26 Biahmuisui khah hnisah kaa cang khy taitei sua leimei thlang ka pachia caco peh suanah pathainah cawtah thuihlainah tua ruapaw zehmai ung khawh be.  
\v 27 Canghrasala, hming sangkheh sui a ungpaw cawh biacenah le Khazing a carae vytei a kang thlu khypaw he alaipaw melui khah ci ngetei hmotah haw thlang khah a cang.  
\v 28 Moses phungbia zui a du lypaw cawh hnikhuitu pahning, pathung rei tah a sua tatah hmuh a cang caco zawngenah ung lytah thaw a cang.  
\v 29 Khazing Sawcapaw khah a pherai letah aa tlaichaipaw, aa suanah taitah a pathaisahtu, biahrai thisai khah thisai cakhawngpaw tah a hmuhpaw, ningdonah Thlawpaw a zawngtepaw cawh zekhatah chichi tamaw hreh rua tah a tlah he.  
\v 30 “Phuhlang cawh kama ka rai a cang; Kama tah veri ka thing tae a,”\x + \xo 10:30 \xt Biary 32:35\x* a tah tupaw khah Khazing a cang tahpaw kaa hni. “Abuipaw tah a cawngsaw khah bia a ce he,”\x + \xo 10:30 \xt Biary 32:36; Habak 2:3-4\x* a tah vy.  
\v 31 Khazing hring kih chung letah tlah cawh ci a chui ngeteipaw a cang. 
\p  
\v 32 Hninglang cai letah khainah naa hmuh khy taitei tai-ingnah alaipaw ing hmotah cyky tah naa daw thlangpaw he ceh khah a thui thlang my lo.  
\v 33 Taico a caicai taco, ming hme letah zawngte tah ung he ceh ka, aa ca hreh he. Cai hringpaw leco, ma hra tei a tai-ingpaw vytei cawh pakheh le pakheh naa daw cakhai he ceh.  
\v 34 Thong a tlahpaw khah naa bong he. Naa hming hnuipaw vytei aa lah thlu zong tah na lawng he ceh, zemaw tah pawco vaicung letah achaw vypaw le a parui vypaw hming naa hnui takhah naa hni. 
\p  
\v 35 Macawtaco lung naa chuinah khah hly pang khe lo, ma cawh longmai ahlupui peh a cang a.  
\v 36 Khazing dunah naa tua khy nápaw le bia a ca kangpaw he naa cy khy nápawtah lung pasua tah ung my lo.  
\v 37 Macawtaco cai cuitei chung letah, 
\q1 “A vong lepaw cawh a vong ka, khua sy ry khaw be. 
\q2  
\v 38 Canghrasala, ka mehding sahlo cawh zingná tah hring he ka, 
\q1 mataico ahohmai a hninglang a saipaw cawh, 
\q2 a cung letah ka lungtling be,”\x + \xo 10:38 \xt Habak 2:3-4\x* 
\m tatah Capathai tah a tah.  
\v 39 Canghrasala kaaning cawh a hninglang a saipaw le a lydepaw khah cang bei peh, zingnah hnui tah pachahnah a hmuh a paw khah ka cang he peh. 
\c 11  
\s1 Zing ná tah 
\p  
\v 1 Zingnah kaa tahpaw cawh ka hnabeisuipaw khah kaa hmuh hrahring a, tatah kaa zingpaw le kaa meh tei kaa hmuh khy lypaw khah a ung hrahring tatah kaa zingpaw heh a cang.  
\v 2 Zingnah aa za hnuinah cawtah khuahlai a ma pathlahtu sahlo takhei Khazing lung khah aa za tong. 
\p  
\v 3 Alui le avai cawh Khazing biapeh ná tah tua a cang takhah zingná tah kaa hni, macawtaco kaa hmuh khypaw hming sahlo cawh hmuh khy lypaw hming sahlo chung taitah tua a cang he takhah kaa hni. 
\p  
\v 4 Zingnah thongtah Abel tei Khazing a pehpaw cawh Kain tah a pehpaw navy tah a chah vy. Zingnah thongtah ama cawh mehding tah ka, Khazing tah ama hming a pehlaipaw khah a reipachaw he. Abel cawh a thi thah naná teitah zingnah thongtah bia a rei leimei thlang. 
\p  
\v 5 Zingnah thongtah Enok cawh ahringpaw tah lahchy cang ka, thihnah cawh pateh be. Ama cawh hmuh khy bei he, zecawtamaw tatah Khazing tah ama cawh a lahchy. Zecawtamaw tatah, ama cawh lahchy a cang hlai tah Khazing lung a tongpaw a cang.  
\v 6 Zingnah lypaw co Khazing lung tong khy cang beh, zecawtamaw tatah Ama a pangepaw maikaw taco, Khazing a ung takhah aa zing a hy ka, Ama khah lung hmuisui teitah a huipaw cawh lahsong a peh heh. 
\p  
\v 7 Noah cawh hmuh balang lypaw hming sahlo kong letah raeringnah peh a cang tihtah zingnah thongtah Khazing khah cizaw ka, ama le a ingchungkho pachah rua pawtah tuilawng khah a tuh. A zingnah thongtah khazaw khah thaily cangsah ka, zingnah taitah a chuhpaw dingnah khah a cy. 
\p  
\v 8 Zingnah thongtah Abraham cawh a hning tah ry a cypaw raang lang sei pawtah y a cang tihtah nawnge ka a sei, canghrasala zelang maw ka sei tahpaw khah hni beh.  
\v 9 Zingnah thongtah Khazing tah bia a kangpaw raang chung lekhei, khuachai hratah khua a sah. Isak le Jakob khatah thlangda chung lekhei khuasah ka, aaning zong cawh ama khatah Khazing biakangpaw rycytu a cang hrah he.  
\v 10 Zemaw ma hraco a tua tah pawco Khazing tah a padawpaw le a sahpaw, chaizaw tah a pahnianah a hnuipaw khuapui khah a haw thlang cawtah a cang. 
\p  
\v 11 Abraham cawh taa ca ka, Sarah zong a cingpaw a cang naná teitah Abraham khah paw a cangsah khypaw cawh zingnah a cang. Zecawtamaw tatah biakangnah a tuatu Khazing cawh zingchuipaw a cang tatah a rawh.  
\v 12 Macawtaco mehthi hratah a cang thlangpaw cawngsaw pakheh chung taico, avai esi le rili ngaekang letah a ungpaw reite lypaw sadi zé tah teisaw khah a va chuh he. 
\p  
\v 13 Aaning cawh zingnah hnuinah cung tah thi he ka, Khazing biakangpaw hming sahlo cawh hmuh bei he, canghrasala langhlaw pui taitah hmuh he ka, lungui teitah aa cyhlang. Mataico aluicung lehei khuachai le khuatlongpaw kaa cang peh takhah aa hni.  
\v 14 Ma hratei bia a reipaw he taco, aaning aa tei a cangpaw raang aa huipaw khah a langsah.  
\v 15 Mataico, aa seisai ciapaw raang khah ngebang kaw bei he. Ngebang kaw my he seh la, ma raang lang seikawnah cai chaw khah aa hnui thlang a.  
\v 16 Canghrasala aaning tah aa vangpaw raang cawh achaw vypaw raang, vaicung raang tukhah a cang. Macawtaco aaning tah Khazing cawh kaa Khazing tatah aa y tihtah Khazing cawh a ningzeh be, zemaw tah pawco Khazing taco aa cawtah khuapui sangkheh a pa chiapah he. 
\p  
\v 17 Abraham cawh Khazing tah a pase ning takhei zingnah thongtah a sawcapaw Isak khah thuihlainah cawtah a peh. Khazing tah a hai letah, “Teisaw na hnui lepaw cawh Isak chungchuh a cang he a,”\x + \xo 11:17 \xt Atho 21:12\x* tahpaw,  
\v 18 biakang a cypaw a cang naná tah a sawcapaw pakheh a hnuitlakangpaw khah thuihlainah cawtah peh a pachia.  
\v 19 Abraham tah Khazing cawh mehthi a patho kaw khytu a cang tah zong zing ka, Isak cawh a thi ciapaw a hring kawpaw hratah a hmuhpaw a cang. 
\p  
\v 20 Zingnah thongtah Jakob le Esau cawh hmelang letah bonghnang naa ting a, tatah Isak tah bonghnang a song he. 
\p  
\v 21 Zingnah thongtah Jakob tah a thih cai letah a cungcahrei a pahnia hmotah Khazing beh ka, Josef a sawtei leh khah bonghnang a song he. 
\p  
\v 22 Zingnah thongtah Josef tah a thih cai tah Israel cawngsaw sahlo cawh Izipt raang taitah aa pia nápaw bia rei ka, a ru khah zekhatamaw tuapaw a cang tahpaw bia khah a chiasi. 
\p  
\v 23 Zingnah thongtah Moses cawh a chua khy taitah a no le a paw tah thlah thung tai aa no, zecawtamaw tatah aaning taco, ama cawh sawcapaw duchui ngeteipaw a cang takhah hnih he ka, siangpahrang nawbia\f + \fr 11:23 \ft Siangpahrang nawbia cawh, \fq Faraoh tah Hebru capaw nysai vytei thaw pawtah nawbia a chuapaw,\ft khah a cang.\f* ei hmai khah ci bei he. 
\p  
\v 24 Zingnah thongtah Moses cawh a zaw tihtah Faraoh sawcanu a sawcapaw tatah y zong khah du be.  
\v 25 Suanah chung letei cai cuitei chung a nong navy tah Khazing cawngsaw sahlo khatei reithui sisaw ing khah a thing hri.  
\v 26 Khri rawng tah taithui ing cawh Izipt raang cho le pe navy tah a sungnaw vypaw tah a rei, zecawtamaw tatah hmelang hmuh lepaw longmai khah a hmuhlangnah cawtah a cang.  
\v 27 Zingnah thongtah Izipt raang khah piasai ka, abui thingaenah hmai khah ci be, zecawtamaw mua a ing tah pawco hmuh khy lypaw Khazing khah a hmuhnah cawtah a cang.  
\v 28 Zingnah thongtah Moses tah Khungsai Panawnah tua ka, ingkaw letah thisai a hnesah he. Ma a tuapaw khah Israel cawngsaw sahlo aa sawcapaw uthui khah thihnah vaiming tah theh lehe a tah cawtah a cang. 
\p  
\v 29 Zingnah thongtah Israel cawngsaw sahlo cawh Rili Sai khah alui a rypaw cung letah seipaw hratah tai he ka, Izipt cawngsaw sahlo tah aa tai tihtah khei tui tah a phohly thlu he. 
\p  
\v 30 Zingnah thongtah Israel cawngsaw sahlo tah Jeriko khua cawh ningsarih chung aa cahlung khy tah khuapui dungkhainah ruahy cawh a cingthlah. 
\p  
\v 31 Zingnah thongtah hlohlangno Rahab cawh Israel mingpathlihtu sahlo khah a ing letah a tlungsah caw he takhei, rei a nge lypaw sahlo khakhei thi be. 
\p  
\v 32 Ka rei vy leimei thlang a maw? Gideon, Barak, Samson, Jeptha, David, Samuel le Khazing khuavang sahlo aa konglang rei ruapaw a hlupui a ung thlang naná teitah a reinah cai hnui khawh bei peh.  
\v 33 Zingnah thongtah painah raang sahlo khah tuh he ka, aa te he. Ahmangpaw hming khah tua he ka, Khazing tei bia a kangpaw he khah aa hmuh. Cakebarung kaw khah pamai he ka,  
\v 34 melui a hla leimeipaw khah chai he ka, zyzi a haa tah thihnah taikhei a bing he. Aaning cawh aa thawzaang a dia, canghrasala mehthawtlung tah a tua he, carae dynah hming lekhei a chongpaw cang he ka, raang hringpaw raekeh khah aa te he.  
\v 35 Zingnah thongtah canu sahlo tah aa mehthi sahlo hringsah kaw a cangpaw he khah aa hmuh he. Ahringpaw cawh achaw vypaw hringnah letah patho kaw cang khah aa du vy cawtah khei, a bingnah khah lah du lytah hrehnah lekhei a thi he.  
\v 36 Thaikhehpaw cawh hnuisonah le sungbasih tah cheinah khah ing he ka, thaikhehpaw cawh tongchainah le thongtlahnah aa ing.  
\v 37 Aaning sahlo cawh alung tah vaseh cang he ka, ahlua tah tai he ka, chyhning tah aa chy he, zyzi tah aa thaw he. Tuu ving le mei ving a buh he ka, vezi he ka, aa si a sah ka, hrehnah le aisainah le zawngtenah zong aa ing.  
\v 38 Aaning sahlo aa cawtah khazaw heh ungnah tlang cang be. Raangcaa sahlo le tlaang cung sahlo le lungkua sahlo le alui kho sahlo lekhei a vezi lai he. 
\p  
\v 39 Ma sahlo vytei heh aa zingnah rawng tah reithai cang he ka, Khazing tei bia a kangpaw he khah a hmuh hmai hmuh balang bei he.  
\v 40 Aaning sahlo cawh kaaning khatah suipaw hmingkheh tah tlangtling teitah tua pawtah Khazing tah kaa cawtah achaw vypaw khua a khang. 
\c 12  
\s1 Khazing tah a sawtei leh aa ziaza a parai 
\p  
\v 1 Macawtaco hnikhuitu ming hlupui tah aa ma cadungnah cawtah langpui a ma pakhangpaw hming maikaw le hna a ma hnawhpaw suanah khah hlawh he peh seh la, kaa hme leteipaw a saipasih a zongnah lekhei teria teitah sai he peh.  
\v 2 Zisu lekhei kaa meh chia he peh, Ama cawh kaa zingnah a tuatupaw le a tling sahtu a cang. Ama cawh a hme letei lunglawngnah chiapaw rawng takhei khraws cung letei thihnah ningzaw chuipaw khah ing ka, Khazing buidyching cacang lang lekhei a ty myca.  
\v 3 Mehsua sahlo cakhaenah a ingpaw Zisu heh pacang tua hmai o, ma cawh reithui thawbang le lung dong tah naa ung ly nápaw cawtah a cang. 
\p  
\v 4 Thisai lai tah thinah tai suanah heh dy balang tlung bei he ceh.  
\v 5 Taico ka sawcapaw sahlo tatah a ca ypaw he pasynah bia khah naa monghly thah. 
\q1 “Ka sawcapaw, Abuipaw chingreinah khah zerei lytah ung kheh la, 
\q2 a ca raw tihtah na lung a rawh kheh seh, 
\q1  
\v 6 zecawtamaw tatah Abuipaw taco, a dopaw sahlo khah chingrei he ka, 
\q2 a sawtei hratei a rawhpaw he khah a hreh tei he,”\x + \xo 12:6 \xt Biasing 3:11-12\x* 
\m tatah Capathai tah a tah. 
\p  
\v 7 Ruhanah khah chingreinah hratah ing la, zecawtamaw tatah Khazing tah a sawtei leh hratah a ca tah he. Sawtei a cangpaw cawh a paw tah a chingrei bang lypaw ahomaw a ung?  
\v 8 Canghrasala, a sawtei ahringpaw sahlo khah hreh tlung he ka, naaning a ca hreh ly caco he, naaning cawh a sawtei hmuisui a cang lypaw zisaw na cang he ceh.  
\v 9 Ma hlui co, a ma chingrei ruapaw tah ngaisawpaw paw hnui cy he peh ka, aaning cawh kaa cizaw he. Macawtaco, kaa thlawpaw Paw a cangpaw a bia khah zetlua tamaw nge a hia, taico hringnah kaa hnui a!  
\v 10 Kaa paw leh taco, a chah cai tatei aa hmuh naning tah ma chingrei tei he ka, cai cuitei caw long tah a cang. Canghrasala Khazing tei a ma chingreipaw cawh kaa cawtah chahnah le a pathainah khah ka hrong khy nápaw he peh cawtah a cang.  
\v 11 Ma hratei chingreinah maikaw ingning taco, lung a lawngsah tu cang lytah nge a chiasahtu a cang. Canghrasala, a hning taco, chingreipaw sahlo aa cawtah denah thuipa le dingnah thuipa a chuasah. 
\p  
\v 12 Macawtaco naa bang thaw a diapaw le naa khuh thaw a diapaw khah a thaw patlung my lo.  
\v 13 Na phe cawtah langpui parai la, ma hratei na tua caco, a songbepaw na phe khah lang sei khy lytah ung be ca ka, a dang hmai a dang kaw a. 
\s1 Khazing reinge ly cawtah raering pehnah 
\p  
\v 14 Ming vytei khatah a dorai teitah le hringzia a pathaipaw tah ung a zawng my lo, zemaw tah pawco pathainah ly co ahohmai Abuipaw khah hmuh khy bei he.  
\v 15 Khazing ningdonah khah pakheh tahmai naa hly sua ly nápawtah a raering la, a huanah khah naa lungthing letah thahrang thlahsah khe la, ming hlupui hanah le pialuinah a peipaw cang sua le ka.  
\v 16 Ahohmai canu capaw suanah tua khe lo, Thlawpaw lang hming zetah a rei lypaw Esau hratah zong cang khe lo, ama taco rycytu sa-uthui cangnah khah batui uikheh enah cawtah a zua kho.  
\v 17 Naa hni thlangpaw hratah a hning taco, a paw ry bonghnang khah hmuh kaw du hmai seh la, hmuh kaw khy khawh be, mehthli chitah cawhno leimei hmai seh la, a tua ciapaw khah thlai khy khawh be. 
\p  
\v 18 Naaning cawh Israel cawngsaw sahlo tei aa phahpaw tlaang, tong khypaw tlaang, Sinai tlaang hapaw lang khah va sei bei he ceh. Ma tlaang leco, a ae hungmangpaw me le meding avongkalupaw le thlipui le,  
\v 19 hmoka tung thong le o thong khah cawngsaw tah aa thui tihtah thui khawh kheh haitei le he peh, tatah ming zawpui tah aa naw.  
\v 20 Zecawtamaw tatah, “Saraang hmai cang seh la, tlaang a tong caco, alung tah vaseh a cang a,”\x + \xo 12:20 \xt Piachua 19:12,13\x* tahpaw biapeh khah ceh hrahring bei he.  
\v 21 Mataico aa hmuhpaw cawh ci a chui tu cawtah Moses tah, “Ka ci tunah cawtah ka ca thing,”\x + \xo 12:21 \xt Biary 9:19\x* tatah a tah. 
\p  
\v 22 Canghrasala naaning cawh Zion tlaang, Khazing hring khuapui a cangpaw vaicung Jerusalem khah naa va phah thah. A vaiming a thongthong tei lunglawng thawchá tah a pahmonah pawhe khah va phah he ceh ka,  
\v 23 Khazing sa-uthui a cangpaw a khrisawbu, vaicung letei ming ciapaw sahlo khatah naa va phah myca. Ming vytei bia a pacepaw Khazing khatah le mehtling tah tuapaw mehding sahlo thlawpaw khatah va sei myca he ceh ka,  
\v 24 Khazing le mehnung kaa letah biahrai thapaw aly lang a seipaw Zisu khatah le Abel thisai navy tah achaw vypaw bia a reipaw, a thisai theipaw khatah na va sei myca he ceh. 
\p  
\v 25 Khazing tah bia a rei tihtah a raering teitah nge my lo. Alui letah raeringnah a peitupaw bia khah nge du lytah a ungpaw tah hrehnah khah a khungkhang khy ly caco, zekhatamaw vaicung taitah pehpaw raering bia cawh hningchai peh seh la, hrehnah cawh khungkhang khy lytah kaa ung chichi a.  
\v 26 Ma ningcai lekhei Khazing o tah alui cawh a cahneh, canghrasala ato letei bia a ma kangpaw cawh, “Uikheh cawh alui long heh cang lytah avai zong ka cahneh vy a,”\x + \xo 12:26 \xt Hakai 2:6\x* taheh a cang.  
\v 27 “Vy a,” tahpaw bia tahei tuapaw hming cawh cahneh le pasei a cang he takhah a sepaw tah a langsah ka, cahneh khy lypaw cawh a hming he. 
\p  
\v 28 Macawtaco kaaning cawh cahneh khy lypaw painah khah kaa hmuh cawtah lunglawng teitah ung he peh. Khazing khah cizawnah le upah ná tah Ama a dupaw hratah beh he peh seh,  
\v 29 zecawtamaw tatah kaa Khazing cawh zezongpui a kang thlu khypaw me a cang. 
\c 13  
\s1 A changnah pasynah 
\p  
\v 1 Pakheh le pakheh uny hratah a do paria thlang my lo.  
\v 2 Khuachai mingkai khah monghly khe lo. Mehthaikheh cawh aa hni ly hmotah vaiming khah aa cawnghrang he.  
\v 3 Thong a tlahpaw khah aaning khatah thong a tlah hruipaw hratah zawngrawhnah hnui my lo. Hrehnah a ingpaw khah aaning khatah hrehnah a ing hruipaw hratah zawngrawhnah hnui my lo. 
\p  
\v 4 Achuihaenah heh ming vytei tah hmezaw ruapaw cang ka, aa hnuinah pawhe ikhung cawh pathai teitah ung sápaw a cang, zecawtamaw tatah Khazing tah canu capaw suanah a tuapaw le a pheilaipaw sahlo cawh bia a pace he.  
\v 5 Tangka tlechainah taikhei a singkang la, naa hnuipaw cung lekhei naa lungui my seh lo. Zecawtamaw tatah Khazing tah, 
\q1 “Ca seisai by be ca he neh ka, 
\q2 hning ca chai by hrá bei neh,”\x + \xo 13:5 \xt Biary 31:6,8\x* 
\m a tah.  
\v 6 Macawtaco zingná tah, 
\q1 “Abuipaw cawh a pa bawtu a cang, zehmai ci bei neh. 
\q2 Cawngsaw tah ka cung letah zemaw aa tua khy a!”\x + \xo 13:6 \xt Hlaw 118:6-7\x* 
\m tatah tah he peh seh. 
\p  
\v 7 Khazing bia a ca chingpaw he naa hruitu sahlo khah monghly khe lo. Aa hringzia taitah a chuhpaw khah pacang la, aa zingnah khah cawng my lo.  
\v 8 Zisu Khri cawh a ziachaning le atoning le chaizaw tah a naning bang be. 
\p  
\v 9 Cawngpahnah ningang chuipaw a phingphing rawng takhei apingpaly lang sei khe lo. Khazing ningdonah tah kaa lungthing khah a pacysah caco a chah, e le ba kong phunglang zuinah taco zehmai chahnainah chuakhui beh. Ma hapaw phunglang a zuipaw he cawh aa zuipaw phunglang takhei zehmai chahnai khy bei he.  
\v 10 Dangnah siasang hnui he peh ka, behnah thlangda letei rai a hrepaw he tlangbui sahlo takhei ma letei hlaipaw saw khah enah naw hnui bei he. 
\p  
\v 11 Tlangbui alaicaipaw tah sahring thisai khah hminghmaw pathai caipaw chunglang khah seikhui ka, sua thuihlainah tua ka, canghrasala sahring pungpaw sahlo cawh rianah hming alailang lekhei, me tah aa ro.  
\v 12 Macawtaco Zisu zong khah khua hawkaw alailang letah a thihpaw cang ka, ma cawh a thisai thongtah cawngsaw khah pathaisah a dunah cawtah a cang.  
\v 13 Macawtaco Ama khatah aa rianah thlangda alailang khah sei he peh seh la, a ingpaw zawngtenah khah va ing hrah he peh seh.  
\v 14 Ma aluicung lehei kaaning kaa caw taco chaizaw a hmingpaw khua ung be, a va chuh lepaw khua tukhah kaa hui hripaw a cang. 
\p  
\v 15 Macawtaco Khazing khatah thuihlai reithainah cawh Zisu thongtah kaa tua paria ruapaw a cang. Ma reithainah cawh Zisu ming kaa kaw tei kaa reichuapaw khah a cang.  
\v 16 Hmingchaw tua le hmingchaw a hrong khah monghly kheh he peh seh, zemaw tah pawco ma hapaw thuihlainah taco Khazing lung a lawngsah. 
\p  
\v 17 Naa hruitu sahlo khah aa bia nge la, aa naw zui my lo. Thlawpaw lang letah naaning a ca mingkaipaw cang he ka, aa raihrenah cawtah Khazing letah mua aa pho. Aa naw naa nge caco he aa rai khah lunglawng teitah hre he ka, naa nge ly caco he lungchia tah ung he ka, ma cawh naa cawtah zehmai chahnai be. 
\p  
\v 18 Thlaw ma changpah my lo. Zezongpui letah zawchuipaw tah ung du peh ka, kaa chiachaw thluidangnah lungthing cawh a pathai tah cawh kaa hni.  
\v 19 Naaning khatah a pating teitah ka vong kaw khy nápawtah thlaw pa changpah my lo, tatah a biapui cai tah ka ca naw he. 
\p  
\v 20 Chaizaw biahrai thisai thongtah Tuukingtu alaicaipaw kaa Buipaw Zisu khah thihnah taitah a pathopaw denah Khazing tah,  
\v 21 Zisu Khri thongtah Ama a dunah naa tua khy nápawtah achawpaw hming vytei khah ca pei he seh la, kaa chung letah a dupaw maikaw cawh tua ky seh. Khri cung letah chaizaw tah chaizaw tai rungnawnah cawh ung ky seh. Amen. 
\p  
\v 22 Ka uny sahlo, pasynah bia ka reipaw le chingreinah bia heh lungsy teitah nge my lo. Zecawtamaw tatah ka cakua cawh a cuitei hi. 
\p  
\v 23 Ka unypaw Timote khah thong chung taitah a chuh thah tahpaw khah thuisah ka ca du he. A va tlung pating caco, naaning tlong tah ama khatah ka va sei tae a. 
\p  
\v 24 Naa hruitu vytei le Khazing cawngsaw vytei khah alawngnah bia hlai my lo. Itali raang letah a ungpaw sahlo tah alawngnah bia aa ca hlai he. 
\p  
\v 25 Khazing ningdonah cawh naa zongmingtei cung letah ung ky seh.