\id PSA 
\ide UTF-8
\h SALMOS
\toc1 SALMO KA'
\toc2 SALMOS
\toc3 Sal.
\mt1 SALMO KA'
\c 1
\q1
\v 1 Ba nez ẕen naken che bennen' bi ẕzi'e da' ẕzejní'igekle benne' wen da' ẕinnj ka' ḻe',
\q1 na' bi nake' toze ḻen benne' doḻa' ka',
\q1 na' bi žónḻene' tẕen benne' ka' ẕzóagake' Dios cheḻa'ale,
\q1
\v 2 san žebele' dan' žone' kan ẕchi'le X̱anžo Dios,
\q1 na' kan nak dan' wnnakze' Ḻe', dot ža dot yel ẕlab ḻaže'en.
\q1
\v 3 Benne' ni nake' ka to yag da' zoan žoa'a yegw,
\q1 da' ẕbian da' ẕix̱ chen ḻo byo' chekzen,
\q1 na' x̱lagen bi žasen.
\q1 Yógo'te da' žon benne' ni, želžój chawen',
\q1
\v 4 san benne' wen da' ẕinnj ka' kege ki zej nake'.
\q1 Zej nake' ka to laga' biž dan' žoa be'.
\q1
\v 5 Bi yežojgak chawe' benne' wen da' ẕinnj ka' kate' wchi'a ḻaže' Dios ḻégake',
\q1 na' bi chó'ogak benne' doḻa' ka' gan zej ndobe benne' chawe' ka' ḻaw Dios.
\q1
\v 6 Žaz ḻaže' Dios da' žongak benne' chawe' ka',
\q1 san da' žongak benne' wen da' ẕinnj ka' chen' ḻégake' gan kwia yí'gake'.
\c 2
\q1
\v 1 ¿Biẕ chen' ẕži'igak benne' yógo'te yež ka' che Dios?
\q1 ¿Biẕ chen' ẕlab ḻáže'gak benne' ka' da' ẕzoan Ḻe' cheḻa'ale?
\q1
\v 2 Ẕži'igak benne' wnná bia' ka' chie' Ḻe',
\q1 na' benne' yolawe' ka' žóngake' toze diža' nich wží'igake' che Dios, X̱ángake',
\q1 na' che Bennen' wžé Dios chekze'.
\q1
\v 3 Ẕnnágake': “Yebéj kwinžo ḻo ná'gake',
\q1 na' wzoažo cheḻa'ale da' bchí'igekle' žo'o.”
\q1
\v 4 Gan že' X̱anžon' ya'abá chie' žẕiže'.
\q1 Žon ditjle' da' žek ḻáže'gake' góngake',
\q1
\v 5 na' ḻo yeḻa' ẕža'a chie' ẕdiḻe' ḻégake',
\q1 na' ḻo yeḻa' yichj ža'a chie' ẕchebe' ḻégake'.
\q1
\v 6 Ẕnne': “Ḻo ya'a la'y chia', Ya'a Sión
\q1 ba bzoa' Bennen' nna bi'e ḻo wlaza' neda'.”
\q1
\v 7 Ẕnna Bennen': “Wzenla' ḻe'e da' gož X̱anžon' neda'.
\q1 Gože' neda': Le' nako' Ẕi'na'. Na'a ža naka' x̱o'.
\q1
\v 8 Wnnable neda', na' gonna' Le' yógo'te yež ka',
\q1 na' gak chio' dot yežlyó.
\q1
\v 9 Wchinnjo' yež ka' ḻen to bar ya,
\q1 na' ka to že'e yo wzoẕjo' ḻégaken.”
\q1
\v 10 Na'a, ḻe'e, Benne' wnná bia' ka', le yenle da' ni da' ẕzejni'ila' ḻe'e.
\q1 Le wsedle da' ni da' ẕzenla' ḻe'e, ḻe'e na' ẕnna bia'le ḻo yežlyó.
\q1
\v 11 Le gon da' ẕnna X̱anžo Dios, ḻo yeḻa' ẕžebe chele,
\q1 na' ḻo yeḻa' žeẕize chele, le yebele ḻawe' Ḻe'.
\q1
\v 12 Le gape ba la'ne Ẕi'ne' nich bi že'e,
\q1 na' bi kwia yi'le ḻo nez chele, dan' ḻa' žá'atie' Ḻe'.
\q1 Ba nez ẕen naken chegak yógo'te benne' ka' žx̱en ḻáže'gake' Ḻe'.
\c 3
\q1
\v 1 X̱ana' Dios, ba nyanḻe'e benne' ka' ẕžá'agake' neda'.
\q1 Benne' zante ẕdíḻ-ḻengake' neda'.
\q1
\v 2 Benne' zante ẕnnégake' chia', na' ẕnnágake':
\q1 “Bi yeslá Dios ḻe'.”
\q1
\v 3 San Le', X̱ana' Dios, žape chi'o neda'.
\q1 Nako' yeḻa' baní' chia', na' ẕzo' neda' chawe'.
\b
\q1
\v 4 Wžéžyi'a, na' bḻiža' X̱ana' Dios,
\q1 na' Ḻe' bechebe' chia' gan zoe' ḻaw ya'a la'y chie'.
\q1
\v 5 Gota'a, na' wtasa',
\q1 na' bebana' dan' ben choch X̱ana' Dios neda'.
\q1
\v 6 Bi žeba' chi mil benne' ka' ẕdíḻ-ḻengake' neda',
\q1 benne' ka' zej nyechjle' neda'.
\b
\q1
\v 7 Wyás, X̱ana' Dios. Beslá neda', Dios chia',
\q1 na' wdáp x̱ága'gak benne' ka' ẕdíḻ-ḻengake' neda',
\q1 na' bdichj láye'gak benne' wen da' ẕinnj ka'.
\q1
\v 8 Yeḻa' weslá za' ḻo no'o, X̱ana' Dios.
\q1 Ben chawe' benne' chio' ka'.
\c 4
\q1
\v 1 Bechebe chia' kate' žḻiža' Le', Dios.
\q1 Le' ẕchi'a ḻáže'kzo' da' žona'.
\q1 Kate' wzóa' ḻo da' zede, Le' ben chocho' neda'.
\q1 Beyache' ḻaže'l neda', na' benle da' ẕcháḻjḻena' Le'.
\b
\q1
\v 2 Ẕnna Dios: “Ḻe'e, benne' ka', ¿to chi'ize wzoale neda' cheḻa'ale?
\q1 ¿To chi'ize ží'ilele da' bi be zaka', na' chejḻe'le da' wen ḻaže'?”
\b
\q1
\v 3 Žaḻa' nnézlele ba wžé X̱anžo Dios bennen' žape' Ḻe' ba la'ne.
\q1 X̱anžo Dios yenle' chia' kate' wḻiža' Ḻe'.
\q1
\v 4 Le žebe ḻaw Dios, na' bi gonle doḻa'.
\q1 Le wláb ḻaže' chie' kate' dele gan ẕtasle, na' le soa žize.
\q1
\v 5 Le got biado' ka' ḻawe' Ḻe' ḻo da' nak chawe',
\q1 na' le wx̱én ḻaže' X̱anžo Dios.
\b
\q1
\v 6 Benne' zante ẕnnágake':
\q1 “¿Noẕ benne' gon chawe'e neto'?”
\q1 Ḻo yeḻa' ži'i ḻaže' chio' bwia neto', X̱anto' Dios.
\q1
\v 7 Le' bzo' yeḻa' žebele ḻo yichj ḻáẕda'wa',
\q1 dan' nakžen ẕen ka da' zej nape benne' ka' zej nápḻi'e ẕoa', na' x̱is uba waḻ.
\q1
\v 8 Ḻo yeḻa' ẕga'n chawe' gata'a, na' tasa',
\q1 dan' ẕnno' Le', X̱ana' Dios, naka' chawe' ḻawo' Le'.
\c 5
\q1
\v 1 Bze nag da' ẕnnia', X̱ana' Dios.
\q1 Be' ḻaže' kan ẕbeže ḻaža'a.
\q1
\v 2 Le' nako' X̱ana', na' nako' Dios chia'.
\q1 Benle da' žḻiža' Le', dan' ẕcháḻjḻenteza' Le'.
\q1
\v 3 X̱ana' Dios, chbal-le yenlo' chi'a.
\q1 Zildo' ḻa'kza' ḻawo' Le', na' kweza' da' yi'o neda'.
\q1
\v 4 Nako' Dios bi žaz ḻažo'o da' bi nak chawe'.
\q1 No benne' žone' da' ẕia bi soakze' gan zo' Le'.
\q1
\v 5 Bi žo'o latje ḻa'gak benne' wen da' ẕinnj ka' ḻawo'.
\q1 Bi ẕḻe'elo' chawe' yógo'te benne' wen da' ẕinnj ka'.
\q1
\v 6 Ẕchinnjo' ližgak benne' ka' žon ḻáže'gake'.
\q1 Ẕzo' cheḻa'ale benne' wetw benách ka', na' no benne' žon ḻaže'e,
\q1
\v 7 san neda' wak choa'a ližo' dan' nží'iḻe'elo' neda'.
\q1 Wká'n ẕena' Le' ḻo yodo' la'y chio' ḻo yeḻa' ẕžebe.
\q1
\v 8 Bsedle neda' gona' da' chawe' ḻawo' Le', X̱ana' Dios,
\q1 dan' ẕžá'aḻe'egak benne' ka' neda',
\q1 benne' ka' bi ẕḻé'egekle' neda' chawe'.
\q1 Bche' neda' nez chawe' chio'.
\q1
\v 9 Benne' ki bi ẕnnágake' da' naken da' li.
\q1 Nža' yichj ḻáẕdo'gake' da' kegle.
\q1 Lbá'gake' zej naken ka yežw ba ka' chegak benne' gat ka' da' nyáljwgaken.
\q1 Ẕnnágake' diža' chawe' ka', san žon ḻáže'gake'.
\q1
\v 10 Ben zi' benne' ka', Dios.
\q1 Ben ga chejchégwgake' ni'a che x̱tíža'gakkze'.
\q1 Dan' nyanḻe'e da' bi nak chawe' da' žóngake',
\q1 na' dan' bží'igake' chio' Le', bnnita' ḻégake' cheḻa'ale.
\q1
\v 11 San yebéḻe'egekle benne' ka' žx̱en ḻáže'gake' Le'.
\q1 Kwežeyá'gake' ḻo yeḻa' žebele dan' žákḻeno' ḻégake'.
\q1 Benne' ka' zej nži'ile' Le' yebéḻe'egekle' ḻawo' Le'.
\q1
\v 12 Gon cháwe'kzo' benne' chawe', X̱ana' Dios.
\q1 Dan' žaz ḻažo'o bennen', gape chi'o ḻe'.
\c 6
\q1
\v 1 X̱ana' Dios, bi tiḻo' neda' ḻo yeḻa' ẕža'a chio',
\q1 na' bi gono' neda' zi' ḻo yeḻa' yichj ža'a chio'.
\q1
\v 2 Beyache' ḻaže'l neda', X̱ana' Dios, dan' bi zoa' chawe'.
\q1 Beyón neda', X̱ana' Dios, dan' ẕzáka'ḻi'a.
\q1
\v 3 Že' zede yichj ḻáẕda'wa',
\q1 na' Le', X̱ana' Dios, ¿batx̱ gákḻeno' neda'?
\q1
\v 4 Da, X̱ana' Dios, beslá be' da' nakkza'.
\q1 Ḻo yeḻa' ži'i ḻaže' chio' beslá neda'.
\q1
\v 5 Gan zej nnita' benne' gat ka', bi žejsá' ḻaže' no benne' Le'.
\q1 Ḻo latje chegak benne' gat ka', ¿noẕ benne' wká'n ẕene' Le'?
\q1
\v 6 Ba žedó ḻaža'a dan' ẕbeže ḻaža'a.
\q1 Yógo'te yel ẕbise gan dia' ḻen nis ẕbeža'.
\q1 Žesbisan' ḻen nis ẕbeža'.
\q1
\v 7 Ba nyejw yej ḻawa' dan' ẕbéžeḻi'a.
\q1 Ba bebižkze nis dan' yožen yej ḻawa' dan' ẕžá'aḻe'egak benne' ka' žsáka'gake' neda'.
\b
\q1
\v 8 Le kwas ga zoa' ni, yógo'tele žonle da' ẕinnj,
\q1 dan' ženle Dios ẕbéžeḻi'a.
\q1
\v 9 X̱ana' Dios ba ženle' da' žáta'yoela' Ḻe'.
\q1 Ẕzi' X̱ana' Dios da' ẕcháḻjḻena' Ḻe'.
\q1
\v 10 Žedoé'egekle, na' zej že' zedḻe'e yógo'te benne' ka' bi ẕḻé'egekle' neda' chawe'.
\q1 De chgi' kwásgake' gan zoa', na' yedoé'egekle'.
\c 7
\q1
\v 1 X̱ana' Dios, žx̱en ḻaža'a Le'.
\q1 Beslá neda' ḻo na'gak benne' ka' žsáka'gake' neda', na' gokḻen neda',
\q1
\v 2 nich bi séngake' neda' ka žon bež yix̱e',
\q1 na' bi wchéza'gake' neda' gan bi zoa no benne' gákḻene' neda'.
\q1
\v 3 X̱ana' Dios, cha' bena' neda' ki;
\q1 cha' zoa bi da' ẕinnj da' ben ni'a na'a;
\q1
\v 4 cha' zoa bi da' bi nak chawe' da' bena' che no benne',
\q1 bennen' ẕgá'nḻene' neda' chawe',
\q1 (san neda' gókḻena' bennen' bi ẕḻe'ele' neda' chawe' ḻa'kze bi be bena' chie')
\q1
\v 5 cha' ki bena', be' latje bennen' bi ẕḻe'ele' neda' chawe' kwia ḻaže'e neda', na' sene' neda'.
\q1 Be' latje bennen' wleje' neda' ḻo yo, na' wca'ne' ca'ze yeḻa' ẕen chia'.
\q1
\v 6 X̱ana' Dios, ḻo yeḻa' ẕža'a chio', wzó ža'.
\q1 Bdiḻ-ḻen benne' ka' žsáka'gake' neda' ḻo yeḻa' ẕža'a chégake'.
\q1 Bseḻa' da' gakḻen neda' kate' žin ža wchi'a ḻažo'o da' žak cheto'.
\q1
\v 7 Benne' yógo'te yež ka' ḻá'gake' ḻawo' Le'.
\q1 Wnná bia' benne' ka' ḻo yeḻa' ẕen chio'.
\q1
\v 8 Le', X̱ana' Dios, wchi'a ḻažo'o benne' yógo'te yež.
\q1 Bchi'a ḻaže' neda' ka nak da' chawe' dan' bena',
\q1 dan' bena' ḻo da' nak ḻi ḻaže' chia'.
\q1
\v 9 Bchinnj da' žongak benne' wen da' ẕinnj ka',
\q1 san ben chawe' benne' chawe' ka',
\q1 dan' nako' chawe', Dios, na' ẕwio' da' yo'o ḻo yichj ḻáẕdo'gak yógo'te benne' ka'.
\b
\q1
\v 10 Dios na'kze žape chi'e neda'.
\q1 Žeslé' benne' ka' zej nake' ḻi ḻaže'.
\q1
\v 11 Nak chawe' ka ẕchi'a ḻaže' Dios da' žongak benne' ka'.
\q1 Yógo'te ža ẕža'a Dios che da' žongak benne' wen da' ẕinnj ka'.
\q1
\v 12 Cha' bi yeyát ḻáže'gake' Dios kweje' ya ntoche' chie' ka'.
\q1 Za' wsíe' yag ntóche'do' chie' ka'.
\q1
\v 13 Za' wkonle' žin ya chie' ka' che wdiḻe.
\q1 Za' wsíe' yag ntóche'do' ka' zoa yi' ḻáwe'gaken.
\q1
\v 14 Benne' wen da' ẕinnj ẕkweze' da' ẕia da' gone'.
\q1 Yo'o yichj ḻáẕda'we' da' ẕinnj da' gone', na' gone' da' wen ḻaže'.
\q1
\v 15 Ba bche'ne' to yežw gže' nich yéx̱jwgak benne' ka' ga na', san bex̱jwe' ḻekze' ḻo yežwn'.
\q1
\v 16 Da' ẕinnj da' bene' žesbaga'n ḻekze' ẕia,
\q1 na' da' bsake'e benne' ka' yebí'i Dios chekze' ḻe'.
\q1
\v 17 Wká'n ẕena' X̱ana' Dios ni'a che da' chawe' da' žone'
\q1 na' góḻteza' che La la'y che X̱ana' Dios, Benne' ẕente.
\c 8
\q1
\v 1 X̱anto' Dios, ẕente nak La la'y chio' Le' do ẕente yežlyó.
\q1 Nakže ẕen yeḻa' ẕen chio' ka ya'abá.
\q1
\v 2 Žoḻgak x̱kwide' ka', na' bi'do' že'n ka', ka naken.
\q1 Yo'o chawo'o gan bi gak ḻa'gak benne' ka' bi ẕḻé'egekle' Le' chawe'.
\q1 Ẕzoa žio' benne' ka' bi ẕḻé'egekle' Le' chawe',
\q1 na' benne' ka' ẕzóagake' Le' cheḻa'ale.
\q1
\v 3 Kate' ẕwia' ya'abá dan' beno' Le',
\q1 na' byo', na' belj ka', da' ka' bzo' to ton,
\q1
\v 4 na' ẕnnaba': ¿biẕkze zej nak benne' ka', dan' že' ḻažo'o ḻégake'?
\q1 ¿Biẕkze zej nak benne' ka', dan' ži'o wnné yoe chégake'?
\q1
\v 5 Beno' ḻégake' yeláte'ze gax̱jw ka nako' Le',
\q1 na' bzo' chégake' yeḻa' ẕen, na' yeḻa' ba la'ne.
\q1
\v 6 Wnnakzo' nna biá'gake' yógo'te da' ka' beno'.
\q1 Yógo'ten bdio' ḻo ná'gake':
\q1
\v 7 ẕila' ka', na' bež ka',
\q1 na' yógo'te bia yix̱e' ka',
\q1
\v 8 bia zej nnita' x̱ílgakba', na' bel ka',
\q1 na' yógo'te bia ka' zej nníta'ba' ḻo nisdo'.
\q1
\v 9 X̱anto' Dios,
\q1 ẕente nak La la'y chio' Le' do ẕente yežlyó.
\c 9
\q1
\v 1 X̱ana' Dios, dot ḻaža'a wká'n ẕena' Le'.
\q1 Wzenla' benne' ka' ka nak da' ẕente da' beno'.
\q1
\v 2 Yebekzla', na' goḻkza' ka nak chio'.
\q1 Goḻa' che La la'y chio' Le', nako' Dios ẕente.
\q1
\v 3 Bẕonnjgak benne' ka' bi ẕḻé'egekle' neda' chawe'.
\q1 Bejchégwgake', na' wnítgekle' ḻawo' Le',
\q1
\v 4 dan' ẕzoa chawo'o da' chawe' da' žona'.
\q1 Ži'o latje blo chio', na' cháwe'do' ẕchi'a ḻažo'o.
\q1
\v 5 Bdiḻo' benne' yež ka', na' bchinnjo' yo'o chegak benne' wen da' ẕinnj ka'.
\q1 Bsoḻo' lagak benne' ka' to chi'ize.
\q1
\v 6 Wžía yi'gak benne' ka' bi ẕḻé'egekle' neda' chawe'.
\q1 To chi'ize zej nbia yi' latje chegak benne' ka',
\q1 na' yež chégake' ka', da' ka' bchinnjo' Le'.
\q1 Nitó benne' chejsá' ḻaže'e benne' ka'.
\b
\q1
\v 7 X̱anžo Dios zoakze' to chi'ize.
\q1 Bkweze' latje blo chie' gan wchi'a ḻaže'e benne' ka'.
\q1
\v 8 Ḻo da' chawe' wchi'a ḻaže'e benne' ka' dot yežlyó,
\q1 na' benne' yógo'te yež ka' ḻo da' nak ḻi ḻaže'.
\q1
\v 9 X̱anžo Dios nake' ka to gan chejnníta'gak chawe' benne' yache' ka',
\q1 kate' žin ža che da' wžía yin' benne' wen da' ẕinnj ka'.
\b
\q1
\v 10 Benne' ka' zej nónbi'e Le', X̱anto' Dios, wx̱én ḻáže'gake' Le',
\q1 dan' bi wléj yichjo' benne' ka' žíljgake' Le', X̱anto' Dios.
\b
\q1
\v 11 Le goḻ che X̱anžon', Bennen' zoe' yež Sión.
\q1 Le wzenle benne' yež ka' ka nak da' bene',
\q1
\v 12 dan' žejsá' ḻaže'e chegak benne' ka' ẕzáka'gake',
\q1 na' yezi'e wzón che benne' wetw benách ka'.
\q1 Bi gaḻ ḻaže'e da' žḻižgak benne' yache' ka' Le'.
\b
\q1
\v 13 Beyache' ḻaže'l neda', X̱ana' Dios.
\q1 Bwia da' ẕzaka'a ḻo na'gak benne' ka' bi ẕḻé'egekle' neda' chawe'.
\q1 Le' bekó'o neda' ḻo na' yeḻa' got
\q1
\v 14 nich wzenla' benne' ka' da' ẕka'n ẕena' Le' gan ẕdóbgake' ḻo yež Sión,
\q1 na' yebéḻe'ela' dan' besló' neda'.
\b
\q1
\v 15 Chejchazgak benne' yež ka' ḻo yežw da' bché'ngake'.
\q1 Chejcházgake' ḻo do yeḻj da' bdíx̱jgake'.
\q1
\v 16 X̱anžo Dios bḻoe'ele' kan ẕchi'a ḻaže'e,
\q1 dan' wbága'gak ẕia benne' ka' bi zej nake' chawe' ni'a che da' béngakkze'.
\q1
\v 17 Benne' bi zej nake' chawe' ka' cházgake' ḻo yi' gabíl,
\q1 yógo'te benne' ka' žaḻ ḻáže'gake' X̱anžo Dios.
\q1
\v 18 Kege to chi'ize gaḻ ḻaže' Dios benne' yache' ka',
\q1 na' kege to chi'ize nitle da' žx̱en ḻáže'gake'.
\b
\q1
\v 19 Wzó ža', X̱ana' Dios. Bi go'o latje benne' ka' wká'n ẕen kwíngake'.
\q1 Ḻa'gak benne' yež ka' ḻawo' Le' nich wchi'a ḻažo'o ḻégake'.
\q1
\v 20 X̱ana' Dios, ben ga žébegak benne' ka' Le'.
\q1 Yeyónbia'gak benne' yež ka' zej nake' benachze.
\c 10
\q1
\v 1 X̱ana' Dios, ¿biẕ chen' zo' zi'to'?
\q1 ¿Biẕ chen' ẕkache' kwino' kate' ẕzáka'gak benách chio' ka'?
\q1
\v 2 Ḻo yeḻa' ẕka'n ẕen kwin benne' bi nake' chawe' ẕbia ḻaže'e benne' yache',
\q1 san chejchaze' ḻo da' bdix̱jwe' nich wžía yi'e bennen'.
\q1
\v 3 Ẕka'n ẕen kwine' ni'a che da' ẕze ḻaže'e.
\q1 Ẕnne zi'e bennen' ẕdan ḻaže'e yeḻa' gape, na' ẕka'ne' ka'ze Le', X̱ana' Dios.
\q1
\v 4 Ḻo yeḻa' ẕka'n ẕen kwin benne' bi nake' chawe' bi žape' Dios ba la'ne,
\q1 na' ẕnne' bi zoa Dios.
\q1
\v 5 Žónteze' da' ẕinnj, na' ẕnne'
\q1 bi wchi'a ḻaže' Dios ḻe' ni'a che da' žone'.
\q1 Ẕzoe' cheḻa'ale benne' ka' ẕží'igake' chie' ḻe'.
\q1
\v 6 Ḻo yichj ḻáẕda'we' ẕnne':
\q1 “Bi be gak wsejw x̱neza'.
\q1 Batkle bi gak chia' da' bi naken chawe'.”
\q1
\v 7 Ẕnnáteze' da' kegle, na' da' wen ḻaže', na' ẕkache'lanteze'.
\q1 Diža' ka'ze, na' diža' yaḻze ẕžójgaken žoe'e.
\q1
\v 8 Ẕkache' kwine' žoa'a yež nich sene' benne' ka'.
\q1 Bagáche'ze žote' benne' ka' ẕdégakze' ga na'.
\q1 Ẕwíalanze' nich gak bi gone' chegak benne' yache' ka'.
\q1
\v 9 Bagáche'ze ẕbeze' ka žon bež yix̱e'.
\q1 Ẕbeze' nich gak sene' benne' yache' ka'.
\q1 Kate' ẕzene' benne' yache' ḻo do yeḻj chie', na' ẕchi'e ḻe' chekze'.
\q1
\v 10 Kan žon bež yix̱e' zóateze' x̱íti'e ḻáwlegak benách ka',
\q1 na' ẕzene' benne' zan ḻen ne'e waḻe.
\q1
\v 11 Ḻo yichj ḻáẕda'we' ẕnne': “Naḻ ḻaže' Dios benne' ki.
\q1 Bkache' ḻawe', na' bi ḻe'ele' da' žona'.”
\q1
\v 12 Wzó ža', X̱ana' Dios, na' bze no'o.
\q1 Bi gaḻ ḻažo'o benne' yache' ka'.
\q1
\v 13 ¿Biẕ chen' ẕzoagak benne' wen da' ẕinnj ka' Dios cheḻa'ale?
\q1 Ḻo yichj ḻáẕdo'gake' ẕnnágake':
\q1 “Bi yezí' wzón Dios neda'.”
\q1
\v 14 San Le' bḻe'ekzlo' da' ni, dan' ẕwio' no benne' žone' da' ẕinnj, na' da' bi nak chawe',
\q1 nich yezi'kzo' wzón benne' ka'.
\q1 Benne' yache' ka' ẕde kwíngake' ḻo no'o.
\q1 Le' žákḻenkzo' bi' wzebe ka'.
\q1
\v 15 Ẕkwaso' yeḻa' waḻe che benne' wen da' ẕinnj.
\q1 Wléj ḻawle da' bi nak chawe' da' bene', dan' bene' bagáche'ze.
\b
\q1
\v 16 To chi'ize nak X̱anžon' Benne' ẕnna bi'e žo'o.
\q1 Ḻo yežlyó chie' ba wžía yi'gak benne' ka' bi ẕḻé'egekle' Ḻe' chawe'.
\b
\q1
\v 17 Benno' chegak benne' gax̱jw ḻaže' ka' da' wnnábgekle' Le', X̱ana' Dios.
\q1 Le' ẕkwezo' yichj ḻáẕdo'gak bénne'do' ka' nich wzé nággake' x̱tižo'o,
\q1
\v 18 nich wchi'a ḻažo'o bi' wzebe ka', na' benne' ka' ẕzáka'gake',
\q1 nich biž bi da' ẕinnj gongak benne' ka'
\q1 bi zej nake' chawe' chegak bénne'do' ki.
\c 11
\q1
\v 1 Žx̱en ḻaža'a X̱ana' Dios.
\q1 ¿Biẕ chen' že'gak benách ka' neda':
\q1 “Bẕonnj, wyéj ḻaw ya'a ka to byinne”?
\q1
\v 2 Bwia nga, ẕkwezgak benne' ka' bi zej nake' chawe' yag ntóche'do' ka' chégake'.
\q1 Ba bx̱óagake' yag ntóche'do' ka' chégake' ḻo do chen,
\q1 nich gótgake' bagáche'ze benne' chawe' ka'.
\q1
\v 3 Chela' kwasgak da' ka' ẕzoagak chochen da' chawe',
\q1 ¿biẕkze gongak benne' chawe' ka'?
\q1
\v 4 X̱anžo Dios zoakze' latje la'y chie'.
\q1 Ya'abá na'kze zoa latje blo gan že' Dios.
\q1 Ẕwíagak yej ḻawe', na' ẕḻe'ele' da' žongak benne' ka'.
\q1
\v 5 X̱anžo Dios ẕbeje' benne' chawe' ka' ḻo da' zede,
\q1 san bi ẕḻe'ele' chawe' benne' ka' bi zej nake' chawe' na' benne' ka' žóngake' da' ẕinnj.
\q1
\v 6 Wdíe' benne' ka' bi zej nake' chawe' ḻo da' ka' wžía yí'gaken ḻégake',
\q1 da' ka' zej naken yi', na' sufr da' žeyen ka yeže, na' to be' da' ḻaḻe'e,
\q1 da' ka' seḻe'e ḻawgak benne' ka'.
\q1
\v 7 Ki gone' dan' nak chawe' X̱anžo Dios, na' nži'ile' da' naken chawe'.
\q1 Ḻé'egekle benne' ḻi ḻaže' ka' ḻawe' Ḻe'.
\c 12
\q1
\v 1 X̱ana' Dios, beslá benne' chio' ka'
\q1 dan' biž zoa no benne' žape' Le' ba la'ne,
\q1 na' bi zoa no benne' ḻi ḻaže' ládjwgak benne' ka'.
\q1
\v 2 Yógo'te benne' ka' žon ḻáže'gekle' ljéžgake' ka'.
\q1 Ḻo da' wen ḻaže' ẕnnágake' diža' chawe'
\q1 da' ẕnnágake' nich gon ḻáže'gekle' benách ka'.
\q1
\v 3 X̱anžo Dios wžía yi'e benne' ka' ẕcháḻjgake' ki,
\q1 na' benne' ka' ẕcháḻjgake' da' ẕka'n ẕen kwíngake'.
\q1
\v 4 Benne' ka' ẕnnágake': “Da' ẕchaḻjžo gákḻenen žo'o.
\q1 Wchaḻjžo kan žénelžo. ¿Noẕkze benne' wchi'le' žo'o?”
\b
\q1
\v 5 San ẕnna X̱anžo Dios:
\q1 “Na'a ḻa'kza' neda' dan' žsáka'gake' benne' yache' ka',
\q1 benne' ka' ẕbeže ḻáže'gake',
\q1 na' yeslá' benne' ka' žénegekle' bi da' gona'.”
\q1
\v 6 X̱tiža' X̱anžo Dios naken dot da' li.
\q1 Naken ka ya plat da' wdén ḻo yi',
\q1 da' ba wdén ḻo yi' gaže chi'i ka'.
\b
\q1
\v 7 Le', X̱ana' Dios, ẕwíakzo' benne' chio' ka'.
\q1 To chi'ize gape chi'o ḻégake' ḻo na'gak benne' ka' zej nnita' ḻo ža na'a ža.
\q1
\v 8 Kate' ẕka'n ẕengak benách ka' da' ẕinnj,
\q1 zej nnita' benne' bi zej nake' chawe' ka' gáte'teze.
\c 13
\q1
\v 1 ¿To chi'ize gaḻ ḻažo'o neda', X̱ana' Dios?
\q1 ¿Gaḻ ḻáže'tezo' neda'?
\q1 ¿To chi'ize biž ḻe'elo' neda'?
\q1
\v 2 ¿To chi'ize gon byene soela' da' ẕzaka'a?
\q1 ¿To chi'ize gak nyache' ḻaža'a dot ža dot yel?
\q1 ¿To chi'ize nna bia'gak benne' yichj ža'a ka' neda'?
\q1
\v 3 Bwia neda', X̱ana' Dios, na' bechebe chia'.
\q1 Ben choch neda' nich bi gata',
\q1
\v 4 na' nich bi nna bennen' bi ẕḻe'ele' neda' chawe', bi nne':
\q1 “Ba bzex̱jwa' ḻe'.”
\q1 Benne' ka' bi ẕḻé'egekle' neda' chawe' yebégekle' cha' chejchaza' ḻo da' bi nak chawe',
\q1
\v 5 san neda' žx̱en ḻaža'a Le' yeyache' ḻáže'lo' neda'.
\q1 Dot ḻáẕda'wa' žebela' dan' žákḻeno' neda'.
\b
\q1
\v 6 Goḻkza' che X̱ana' Dios dan' žon chawe'e neda'.
\c 14
\q1
\v 1 Benne' ḻaẕdo' zide ka' ẕza' ḻáže'gake', na' ẕnnágake': “Bi zoa Dios.”
\q1 Benne' ki zej nchix̱le yichj ḻáẕdo'gake', na' žóngake' da' bi naken chawe'.
\q1 Bi zoa no benne' žone' da' naken chawe'.
\q1
\v 2 X̱anžo Dios, Bennen' zoe' ya'abá, ẕwie' benne' ka'
\q1 nich ḻe'ele' cha' zoa no benne' žejni'ile', bennen' žape' Dios ba la'ne.
\q1
\v 3 Yógo'tie' bejchíx̱gekle'.
\q1 Yógo'tie' zej nchix̱le yichj ḻáẕdo'gake'.
\q1 Bi zoa no benne' žone' da' naken chawe', nitóe'.
\q1
\v 4 ¿Bi žejní'igekle benne' ka' žóngake' da' ẕinnj?
\q1 Ẕzóẕjgake' benne' chia' ka' ka ẕzoẕj to benne' yet da' žawe',
\q1 na' bi žákbe'egekle' zoa X̱anžo Dios.
\q1
\v 5 Ḻo yeḻa' ẕžebe chégake' žẕízegak benne' ka',
\q1 dan' žakḻen Dios benne' chawe' ka'.
\q1
\v 6 Ẕcá'ngake' ca'ze da' wnnagak benne' yache' ka',
\q1 san benne' ki žx̱én ḻáže'gake' X̱anžo Dios.
\q1
\v 7 Ḻa'kze Bennen' yeslé' benne' Israel ka'.
\q1 Kate' gon X̱anžon' ga yežingak benne' chie' ka', benne' ka' zej ndo'e zíto'le,
\q1 na' yebégekle ẕa'só Jakob, na' yebéḻe'egekle benne' Israel ka'.
\c 15
\q1
\v 1 X̱ana' Dios, ¿noẕkze benne' gak soe' gan zo' Le'?
\q1 ¿Noẕkze benne' gak soe' latje la'y chio'?
\q1
\v 2 Wak gon ki benne' nake' ḻi ḻaže', bennen' žone' da' naken chawe',
\q1 bennen' zoa da' nak dot da' li ḻo yichj ḻáẕda'we',
\q1
\v 3 bennen' bi ẕnnie' che lježe' ka',
\q1 na' bi be da' ẕia žone' chegak lježe' ka',
\q1 na' bi žwe'e latje no benne' kwej bi'e lježe' ka'.
\q1
\v 4 Wak soa bennen' ga na', bennen' bi žape' ba la'ne no benne' žone' da' ẕinnj,
\q1 san žape' ba la'ne benne' ka' žápegake' X̱anžo Dios ba la'ne
\q1 bennen' bi ẕche'e x̱tiže'e ḻa'kze gonen ga bi wnite'.
\q1
\v 5 Wak soa bennen' ga na', bennen' žsane' mežw chie', na' bi žennabe' yichjen,
\q1 na' bi žezi'e mežw nich wzóa lie' da' wen ḻaže' che benne' bi be ẕia nbage'e.
\q1 No benne' žone' ki batkle chejchaze' ḻo da' ẕinnj.
\c 16
\q1
\v 1 Bwia neda', Dios, dan' žx̱en ḻaža'a Le'.
\q1
\v 2 Ḻo yichj ḻáẕda'wa' žapa' Le', X̱ana' Dios:
\q1 “Le' nako' X̱ana'.
\q1 Bi be da' chawe' žata' chia' da' bi zan' ḻo no'o.”
\b
\q1
\v 3 Žaz ḻáže'za' benne' ka' zej nake' che Dios ḻo yežlyó nga,
\q1 na' ḻezka' benne' ka' zej nake' ḻi ḻaže'.
\q1
\v 4 Zan da' sáka'gak benne' ka' ẕka'n ẕéngake' lo'a ka'.
\q1 Bi gona' ḻégake' tẕen kate' ẕḻáljgake' žen ḻáwgaken, na' bi wkonla' žin lágaken.
\q1
\v 5 X̱anžo Dios ẕwawe' neda' na' nake' da' chawe' chia'.
\b
\q1 Le', Dios, žape chi'o yeḻa' nban chia'.
\q1
\v 6 Da' žonno' chia' naken da' ba nez ẕen da' ẕzi'a,
\q1 na' x̱tanḻe'e nak latje gan bzo' neda'.
\b
\q1
\v 7 Wká'n ẕénteza' X̱anžo Dios, Bennen' žsedle' neda'.
\q1 Kate' ne ẕtasa' ẕzejni'ile' neda' ḻo yichj ḻáẕda'wa'.
\q1
\v 8 Žx̱en ḻaža'a X̱anžo Dios yezi'e neda'.
\q1 Dan' zoe' kwita', bi be gak wcheben neda'.
\b
\q1
\v 9 Che ḻen zoa ḻáẕda'wa' yeḻa' žebél, na' žebéḻe'etezla',
\q1 na' kate' gacha'a ḻo yežw ba wx̱én ḻaža'a Le'
\q1
\v 10 dan' bi wka'no' be' da' nakkza' ḻo latje choḻ chegak benne' gat ka',
\q1 na' bi go'o latje nitla' dan' nakkza' chio' Le'.
\q1
\v 11 Wḻoe'elo' neda' da' žaḻa' gona' nich gata' chia' yeḻa' nban.
\q1 Gan zo' Le' yebéḻe'etezla',
\q1 na' kwito' Le' sóateze yeḻa' ba nez ẕen chia'.
\c 17
\q1
\v 1 Bze nag da' ẕnnia', X̱ana' Dios. Benle da' žḻiža' Le'.
\q1 Wẕí' da' ẕnnabla' Le' ḻo yeḻa' ḻi ḻaže' chia'.
\q1
\v 2 Benn latje ḻa'a ḻawo' Le' nich wchi'a ḻažo'o neda',
\q1 dan' ẕḻe'elo' yógo'te ka zej nakkzen.
\q1
\v 3 Le' ẕwíakzo' yichj ḻáẕda'wa', na' ẕḻe'elo' neda' žel.
\q1 Bwíakzo' da' žona', na' bi be da' ẕinnj bḻe'elo'.
\q1 Wdape chi'a loža'a nich bi be diža' ka'ze nnia'.
\q1
\v 4 Žona' ka nak da' ẕnna x̱tižo'o,
\q1 na' bi žona' kan žongak benne' wen da' ẕinnj ka'.
\q1
\v 5 Wdape chi'i neda' ḻo nez chawe' chio',
\q1 nich bi chejchaza' ḻo da' bi nak chawe'.
\q1
\v 6 Žḻiža' Le', Dios, dan' ženlo' chi'a.
\q1 Bze nag chi'a, na' benle da' ẕnnia'.
\q1
\v 7 Bḻoe'el neda' kan žeyache' ḻáže'ḻe'elo' benách ka'.
\q1 Beslá benne' ka' žx̱en ḻáže'gake' Le' ḻo na'gak benne' ka' bi ẕḻé'egekle' ḻégake' chawe'.
\q1
\v 8 Bwia neda' ka žon no benne' ẕwíakze' yej ḻawe'.
\q1 Wdape chi'i neda' ka žon ẕkoko', bian' žape chi'iba' bríse'do' ka' ẕan x̱ilba'
\q1
\v 9 nich bi be gongak chia' benne' wen da' ẕinnj ka',
\q1 benne' ka' bi ẕḻé'egekle' neda' chawe', na' žénegekle' gótgake' neda'.
\q1
\v 10 Bi žeyache' ḻáže'gekle' ljéžgake' ka',
\q1 na' ḻo yeḻa' ẕka'n ẕen kwíngake' ẕcháḻjgake'.
\q1
\v 11 Gáte'teze gan ẕda' ẕwíagake' neda'.
\q1 Žénegekle' wžía yí'gake' neda'.
\q1
\v 12 Zej nake' ka to bež yíx̱e'do' žénelba' bi da' gawba'.
\q1 Zej nake' ka to bež yix̱e', bia ẕkache' kwinba' nich senba' biado' ka'.
\q1
\v 13 Da, X̱ana' Dios, bdiḻ-ḻen benne' ka' bi zej nake' chawe', na' bžia yi' ḻégake'.
\q1 Beslá neda' ḻo na'gak benne' ka' bi zej nake' chawe', wkonlo' žin ya ntoche' chio'.
\q1
\v 14 Beslá neda' ḻo na'gak benne' ka' ḻen no'o waḻe, X̱ana' Dios.
\q1 Beslá neda' ḻo na'gak benne' ka', benne' zej ze'e nich yekwásgake' yežlyó cheto' nga,
\q1 benne' ka' žáwgake' da' záka'ḻe'e chio' na' ẕwáwgaken' ẕí'ngake' ka',
\q1 na' ẕga'nkze da' gawgak ẕa'sógake' ka',
\q1
\v 15 san neda', ḻe'ela' ḻawo' Le' dan' naka' chawe'.
\q1 Chaz ḻaža'a gaka' ka nakkzo' Le' kate' yebana'.
\c 18
\q1
\v 1 Nži'ila' Le', X̱ana' Dios.
\q1 Le' ẕzoa chocho' neda'.
\q1
\v 2 Le', X̱ana' Dios, nako' ka to yej gan zoa' choch,
\q1 na' nako' ka to yo'o ẕen gan yo'o chawa'a.
\q1 Nako' Benne' weslá chia', na' Dios chia'.
\q1 Le' ẕzoa chocho' neda', na' wx̱én ḻaža'a Le'.
\q1 Žape chi'o neda', na' žesló' neda',
\q1 na' ẕkache' chawo'o neda'.
\b
\q1
\v 3 Ẕnnia': X̱anžo Dios žaḻa' wká'n ẕenžo-ne'.
\q1 Beslé' neda' ḻo na'gak benne' ka' ẕžá'agake' neda'.
\q1
\v 4 Wzóa' ḻo da' zede che yeḻa' got,
\q1 na' gok da' ẕinnj ka to yegw nis da' bcheben neda'.
\q1
\v 5 Gota' ẕož chia' choa'a ḻo yi' gabíl
\q1 dan' wzóa' ḻo da' zede che yeḻa' got.
\q1
\v 6 Ḻo da' ẕžia yin' benách ka' bḻiža' X̱ana' Dios
\q1 na' bcháḻjḻenkza' Dios chia'.
\q1 Ḻe' benle' chi'a gan zoe' latje la'y chie',
\q1 na' bze nage' da' bchaḻja' ḻawe'.
\q1
\v 7 Naž wẕó' yežlyó nga.
\q1 Wẕízegak ya'a ka' gže'.
\q1 Wẕízeḻe'egaken dan' bže'e Ḻe'.
\q1
\v 8 Bžoj žen che yi' ḻo ẕine'e,
\q1 na' bžoj yi' ḻo žoe'e da' bzeyen da' zej že' ḻawe',
\q1 na' yi' na' bẕenen bzio' yi' ka'.
\q1
\v 9 Bsaljwe' ya'abá, na' betje',
\q1 na' wzóa da' choḻ ẕan ni'e.
\q1
\v 10 Wdíe' ḻo be', ne ži'e to da' nzin' kerubín.
\q1 Ka' gaze wdíe' ḻo be' bdone'.
\q1
\v 11 Gokwe' da' choḻ, dan' bkachen' Ḻe',
\q1 dan' naken bejw gasj da' yožen nis.
\q1
\v 12 Ḻo da' žákti'teḻe'e chie' bžojgak bejw gasj ka'.
\q1 Bžojgak wzió' yi', na' yej nis.
\q1
\v 13 Ẕan ya'abá wnné wzió' che chi'i X̱anžo Dios,
\q1 na' benle chi'i Dios ẕente ládjwgak wzió' yi' ka', na' yej nisen'.
\q1
\v 14 Bsie' yag ntóche'do' chie' ka',
\q1 na' besḻase' benne' ka' bi ẕḻé'egekle' neda' chawe'.
\q1 Bsane' yes wzió' ka', na' bžia yi'e benne' ka'.
\q1
\v 15 Naž bḻa' ḻawgak da' ka' zej že' gže' ẕan nisdo',
\q1 na' bḻa' ḻaw x̱ni'a yežlyó dan' žen' ẕan nisdon'.
\b
\q1 Bdiḻo' benne' ka' ẕžá'agake' neda', X̱ana' Dios,
\q1 na' ḻo yeḻa' ẕža'a chio' bsejo' x̱nézgake'.
\b
\q1
\v 16 Betj Dios ḻo da' sibe, na' bex̱we' neda',
\q1 na' ḻen ne'e waḻe bebeje' neda' ḻo da' zede da' goken ka nis zil.
\q1
\v 17 Beslé' neda' ḻo na'gak benne' waḻe ka', benne' bi ẕḻé'egekle' neda' chawe',
\q1 na' ḻo na'gak benne' ka' ẕží'igake' chia' neda', benne' ka' zej nakže' waḻe ka neda'.
\q1
\v 18 Bdíḻ-ḻengake' neda' katen' wzóa' ḻo da' zedḻe'e,
\q1 san X̱ana' Dios gókḻene' neda'.
\q1
\v 19 Bebeje' neda' gan wyoá'a, na' bzoe' neda' to latje ẕen.
\q1 Beslé' neda' dan' wyáz ḻaže'e neda'.
\q1
\v 20 X̱anžo Dios bebi'e chia' dan' bena' da' naken chawe',
\q1 na' ka nakkze da' chawen' bebi'e chia',
\q1
\v 21 dan' žona' ka žsedle X̱ana' neda',
\q1 na' bi wléj yichja' Dios chia'.
\q1
\v 22 Žona' ka nak da' bchi'le' žo'o,
\q1 na' bi bsana' diža' ka' da' bdix̱jwe'.
\q1
\v 23 Goka' ḻi ḻaže' ḻawe' Ḻe',
\q1 na' wdape chi'i kwina' nich bi gona' da' ẕinnj.
\q1
\v 24 Bebí'i X̱anžo Dios chia' ka nak da' chawe' da' bena',
\q1 ka nakkze da' chawen' dan' bena' ḻawe' Ḻe'.
\b
\q1
\v 25 Žeyache' ḻáže'lo' no benne' žeyache' ḻáže'le' lježe',
\q1 na' nako' ḻi ḻaže' ḻen bennen' nake' ḻi ḻaže'.
\q1
\v 26 Ẕcháḻjḻeno' benne' chawen' da' naken dot chawe',
\q1 na' gako' snia ḻen benne' wen da' ẕinnj.
\q1
\v 27 Yesló' benne' chawen' ḻo da' wžía yin' benách ka',
\q1 san wzex̱jo' benne' ka' ẕka'n ẕen kwíngake'.
\q1
\v 28 Le' wzaljo' yi' chia'.
\q1 Le', X̱ana' Dios, wza'ni'o chia' gan zoa' ḻo da' choḻ.
\q1
\v 29 Yeḻa' wak chio' wžía yin' benne' zanḻe'e, benne' ka' žjake' ḻo wdiḻe.
\q1 Cha' Le', Dios, sóaḻeno' neda', wak wchinnja' ze'e ka' žape chí'igaken yež ka'.
\b
\q1
\v 30 Da' ka' žon Dios zej naken ḻi ḻaže', na' x̱tiže'e naken dot da' li.
\q1 Žape chi'e yógo'te benne' ka' žx̱en ḻáže'gake' Ḻe'.
\q1
\v 31 Toze X̱anžon' nake' Dios.
\q1 Toze Dios chežo nake' Benne' žape chi'e žo'o.
\q1
\v 32 Dios nake' Bennen' žone' neda' benne' waḻe,
\q1 na' Benne' žeyone' ḻi ḻaže' da' žona' neda'.
\q1
\v 33 Žone' ni'a ka zej nak ni'a bžina' yix̱e'
\q1 na' ẕzoa choche' neda' ḻaw Ya'a Sión chie'.
\q1
\v 34 Žsedle' neda' nich gak cha'a ḻo wdiḻe,
\q1 na' nich gak wlewa' da' žsi yag ntóche'do' ka', dan' naken ya bronse.
\b
\q1
\v 35 Ḻo yeḻa' žeslá chio' wdape chi'o neda', na' ḻen no'o ḻi ža gókḻeno' neda'.
\q1 Ḻo yeḻa' ži'i ḻaže' chio' bka'n chawo'o neda'.
\q1
\v 36 Ben chawo'o nez gan tia',
\q1 na' bi kwila' ḻo nezen'.
\q1
\v 37 Bsejwa' x̱nezgak benne' ka' ẕžá'agake' neda', na' bena' ga bẕónnjgake',
\q1 na' bi beyá'a liža' ga bžinte beta' benne' ka'.
\q1
\v 38 Bena' benne' ka' we', na' bi gok yeyásgake'.
\q1 Bejbíx̱gake' ẕan ni'a.
\q1
\v 39 Ben chocho' neda' nich gok cha'a ḻo wdiḻen'.
\q1 Bzex̱jo' benne' ka' ẕžá'agake' neda' ẕan ni'a.
\q1
\v 40 Beno' bẕonnjgak ḻawa' neda' benne' waḻe ka',
\q1 na' bžia yi'a benne' ka' bi ẕḻé'egekle' neda' chawe'.
\b
\q1
\v 41 Wnnábgekle' no benne' gákḻene' ḻégake' san bi wzóa no benne'.
\q1 Wnnábgekle' X̱anžo Dios, san bi wzé nage' chégake'.
\q1
\v 42 Bžia yi'a benne' ka', na' gókgake' ka bix̱te yo dan' ẕzen ḻo be'.
\q1 Bleja' ḻégake' ka ẕleja' gona' ḻo nez ka'.
\b
\q1
\v 43 Besló' neda' ḻo na'gak benne' ka' ẕží'igake' chia',
\q1 na' beno' neda' benne' blo ḻo yež ka', na' ḻáwe'lgak benne' zi'to' ka'.
\q1 Benne' ka' bi nónbi'a, žóngake' žin chia'.
\q1
\v 44 Kate' béngekle' chia', na' béngake' kan wnnía'.
\q1 Benne' yež ka' béngake' kan bchi'la' ḻégake'.
\q1
\v 45 Benne' zi'to' ka' gotgak ni'a ná'gake'.
\q1 Ḻo yeḻa' ẕžebe bžójgake' ḻo yež ẕen ka' chégake'.
\b
\q1
\v 46 ¡Ga'n ẕen X̱anžo Dios!
\q2 ¡Ga'n ẕene' dan' žákḻene' neda'!
\q2 ¡Ga'n ẕen Dios, Bennen' žeslé' neda'!
\b
\q1
\v 47 Dios žebéj yichje' benne' ka' ẕžá'agake' neda',
\q1 na' ẕdie' benne' yež ka' ḻo na'a neda'.
\q1
\v 48 Žeslé' neda' ḻo na'gak benne' ka' ẕžá'agake' neda'.
\q1 Žone' ga ẕnna bi'a benne' ka' bží'igake' chia' neda'.
\q1 Beslé' neda' ḻo na'gak benne' yichj ža'a ka'.
\b
\q1
\v 49 Wká'n ẕena' Le', X̱ana' Dios, ḻawgak benne' yež ka',
\q1 na' goḻkza' che La la'y chio' Le'.
\q1
\v 50 Žono' ga žon to benne' da' ẕen ka',
\q1 bennen' ẕnna bi'e ḻo wlazo' Le',
\q1 na' žeyache' ḻáže'lo' bennen' wžío' Le',
\q1 bennen' nake' Dabí, na' ẕa'sóe' ka', to chi'ize.
\c 19
\q1
\v 1 Nḻa' ḻaw ẕan ya'abá yeḻa' ẕen che Dios.
\q1 Ẕcháḻjgakkze yógo'te da' ka' bene'.
\q1
\v 2 To ža ẕzenlen ža yoble da' ni,
\q1 na' to yel žen' yel yoble da' na'kzen.
\q1
\v 3 Bi ẕkóngeklen žin x̱tíža'gak benne' ka',
\q1 na' bi zoa no benne' ženle' chí'igaken,
\q1
\v 4 san ẕžin da' ẕnnágaken do ẕente yežlyó,
\q1 na' ẕžingak x̱tíža'gaken dot yežlyó.
\q1 Dios bene' ya'abá ka to yo'o gan zoa wbíž.
\q1
\v 5 Zildo' ẕḻan' ka to benne' byo ẕchag ne'e.
\q1 Žebelen ka to benne' ẕzá'ḻi'e.
\q1
\v 6 Ẕžojen cheḻa'ale gan ẕḻan',
\q1 na' ẕžinen cheḻa'ale gan ženen.
\q1 Ẕcha'an yógo'te da' zej den.
\b
\q1
\v 7 Dot ḻi ḻaže' nak da' žsedle X̱anžo Dios,
\q1 na' ẕzoa chochen be' da' nakkzžo.
\q1 Ḻi ḻaže' nak da' bchi'le X̱anžon' žo'o.
\q1 Ẕneẕjwn yeḻa' žejní'il chegak benne' ka' bi zej napen'.
\q1
\v 8 Da' likze nak da' wnná X̱anžon',
\q1 na' žebéḻe'egekle benne' ka' žóngake' kan ẕnnan.
\q1 Ḻi ḻaže' nak da' ẕzejní'il X̱anžon' žo'o,
\q1 dan' ẕzoan žo'o ḻo yeḻa' baní'.
\q1
\v 9 Nak chawe' ẕžébežo X̱anžon', dan' gonen ga soažo nbanžo to chi'ize.
\q1 Da' likze nak kan ẕchi'a ḻaže' X̱anžon' žo'o, na' naken chawe'.
\q1
\v 10 Naken da' ẕdan ḻáže'žežo ka ya oro,
\q1 na' ka ya oro ẕente dan' záka'ḻe'en.
\q1 Nakžen ẕix̱ ka bžina' che bez, dan' nakḻe'en ẕix̱.
\b
\q1
\v 11 Žsedlen neda', wen žin chio',
\q1 dan' žona' kan ẕnnan, na' da' ẕenḻe'e žezi'a.
\q1
\v 12 Nitó benne' bi gak gónbi'e da' ẕinnj da' žone'.
\q1 Beslá neda', X̱ana' Dios, ḻo da' ẕinnj dan' bi žákbe'ela' žonan'.
\q1
\v 13 Bkache' chawe' neda', wen žin chio',
\q1 nich bi be doḻa' gona' dot ḻaža'a.
\q1 Bi go'o latje nna bia' doḻa' neda'.
\q1 Naž gaka' ḻi ḻaže', na' bi baga'a ẕia che doḻan'.
\q1
\v 14 Žénela' gak da' ẕchaḻja', na' da' zḻab ḻaža'a da' žaz ḻažo'o Le'.
\q1 X̱ana' Dios, Le' žon chochkzo' neda', na' beya'wo' neda'.
\c 20
\q1
\v 1 Ẕnnabla' X̱anžo Dios yenle' chi'o kate' bi žak chio',
\q1 na' gape chi'i Dios na'kze che Jakob le'.
\q1
\v 2 Ẕnnabla' Ḻe' ḻo latje la'y chie' gákḻene' le',
\q1 na' gan zoe' ḻaw Ya'a Sión yedjwíe' le'.
\q1
\v 3 Ẕnnabla' Ḻe' chejsá' ḻaže'e yógo'te da' bneẕjo' chie',
\q1 na' si' ḻo ne'e biado' ka' ẕzeyo' ḻawe' Ḻe'.
\q1
\v 4 Ẕnnabla' Ḻe' gonne' chio' yógo'te da' ẕdan ḻažo'o,
\q1 na' gone' yógo'te da' žak ḻažo'o.
\q1
\v 5 Yebéḻe'elto' kate' yeslé' le'.
\q1 Wchisto' to da' wḻoé'e ḻawn La la'y che Dios chežo.
\q1 Ẕnnabla' X̱anžon' gone' yógo'te da' ẕnnablo' Ḻe'.
\q1
\v 6 Na'a nnezla' žeslá X̱anžon' bennen' wžekze' Ḻe'.
\q1 Gan zoe' ya'abá la'y chie' yenle' chi'i bennen'.
\q1 Ḻen yeḻa' wak ẕente chie' yeslé' ḻe'.
\q1
\v 7 Baḻ benne' ka' žx̱en ḻáže'gake' karro ka' che wdiḻe,
\q1 na' yezíka'že' žx̱en ḻáže'gake' bia waḻe ka',
\q1 san žo'o žx̱en ḻáže'žo La X̱anžo Dios.
\q1
\v 8 Benne' ka' gotgak ni'a ná'gake', na' bejchégwgake',
\q1 san žo'o, beyasžo, na' zežo.
\b
\q1
\v 9 Beslá neto', X̱anto' Dios. Le'kze ẕnna bi'o neto'.
\q1 Benle chi'ito' kate' žḻižto' Le'.
\c 21
\q1
\v 1 Benne' ẕnna bi'e ẕžebe' yeḻa' wak chio', X̱anto' Dios,
\q1 na' ni'a che yeḻa' weslá chio' žebéḻe'ele'.
\q1
\v 2 Benno' chie' da' wdán ḻaže'e
\q1 na' bi bžono' da' wnnable' Le'.
\q1
\v 3 Wẕí' ḻo no'o ḻe', na' ben chawo'o ḻe'.
\q1 Bžio' yichje' to da' naken oro.
\q1
\v 4 Wnnable' Le' gonno' chie' yeḻa' nban,
\q1 na' bennon' chie' nich soakze' yiz zan.
\q1
\v 5 Ẕenḻe'e nak yeḻa' ẕen chie' dan' besló' ḻe'.
\q1 Benno' chie' yeḻa' ba la'ne, na' yeḻa' ẕen.
\q1
\v 6 Dan' ben chawo'o ḻe' to chi'ize,
\q1 žono' ga žebéḻe'ele' ḻawo' Le'.
\b
\q1
\v 7 Dan' bennen' ẕnna bi'e žx̱en ḻaže'e X̱anžon',
\q1 yeyache' ḻaže'l Dios ẕente ḻe', na' bi kwe' zedle'.
\b
\q1
\v 8 Wzetjo' yógo'te benne' ka' bi ẕḻé'egekle' Le' chawe'.
\q1 Ḻen yeḻa' wak chio' wzex̱jo' benne' ka' ẕží'igake' chio'.
\q1
\v 9 Gak chegak benne' ka' ka wnnito'o ḻégake' ḻo yi'
\q1 katen' yido' nich wchi'a ḻažo'o ḻégake'.
\b
\q1 X̱anžon' wžía yi'e benne' ka' ḻo yeḻa' ẕža'a chie', na' yi' na' wzeyen ḻégake'.
\b
\q1
\v 10 Yógo'te da' béngake' ḻo yežlyó nga wchinnjo',
\q1 na' wkwaso' ẕa'sógake' ka' ladjw benách ka',
\q1
\v 11 dan' wyáz ḻáže'gake' góngake' da' bi naken chawe' ḻawo' Le'.
\q1 Sa' ḻáže'gake' da' góngake' san bi be sáke'gekle' dan' wlago' ḻégake'.
\q1
\v 12 Bkwezo' yag ntóche'do' chio' ka' nich goto' ḻégake'.
\q1
\v 13 ¡Ga'n ẕen Le', X̱anto' Dios, ḻo yeḻa' waḻe chio'!
\q1 Góḻtezeto', na' wká'n ẕéntezeto' Le' ni'a che yeḻa' wak chion'.
\c 22
\q1
\v 1 Dios chia', Dios chia', ¿biẕ chen' wléj yichjo' neda'?
\q1 ¿Biẕ chen' bi ženlo' kate' ẕnnabla' Le' yesló' neda'?
\q1
\v 2 Dios chia', žḻiža' Le' tža tža, san bi žechebo' chia'.
\q1 Žḻiža' Le' žel, na' bi žezí' ḻaža'a,
\q1
\v 3 san Le' nako' la'y.
\q1 Ẕbezkzo' gan ẕka'n ẕengak benne' Israel ka' Le'.
\q1
\v 4 X̱a x̱na' wdé cheto' ka' bx̱en ḻáže'gake' Le'.
\q1 Bx̱en ḻáže'gake', na' besló' ḻégake'.
\q1
\v 5 Bḻížgake' Le', na' gókḻeno' ḻégake'.
\q1 Bx̱en ḻáže'gake' Le', na' bi bedoé'egekle',
\q1
\v 6 san neda' naka' ka to bel góna'do', na' kege benne'.
\q1 Ẕža'agak benne' ka' neda' na' žon dítjgekle' neda'.
\q1
\v 7 Yógo'te benne' ka', kate' ẕḻé'egekle' neda', ẕká'ngake' neda' ka'ze.
\q1 Žsáljwgake' žóa'agake' nich nnégake' chia',
\q1 na' ẕta yíchjgake', na' ẕnnágake':
\q1
\v 8 “Bx̱en ḻaže'e X̱anžon' nich yeslé' ḻe'.
\q1 Yeslé' ḻe' cha' žaz ḻaže'e ḻe'.”
\q1
\v 9 San Le', X̱ana', bex̱o' neda' kate' golja'.
\q1 Beno' ga bx̱en ḻaža'a Le' kate' ne žaẕa'a.
\q1
\v 10 Wyoá'a ḻo no'o kate' bi na' galja'.
\q1 Kate' ne yoa'a ḻe'e x̱na'a, báchekze nako' Dios chia'.
\q1
\v 11 Bi yebigo'o gan zoa' dan' zoa gawze da' wsakan' neda',
\q1 na' bi zoa no benne' gákḻene' neda'.
\q1
\v 12 Benne' ka' bi ẕḻé'egekle' neda' chawe' zej nyechjle' neda', benne' ka' zej nake' ka bež ka'.
\q1 Zej nyechjle benne' ka' neda', benne' ka' zej nake' ka bež waḻe ka' che yežlyó Basán.
\q1
\v 13 Gónegekle' wžía yí'gake' neda'
\q1 ka žon to bež yix̱e', bia ẕdonba', na' ẕbéžeya'aba'.
\q1
\v 14 Bedó ḻaža'a, na' gok ḻáẕda'wa' ka nis da' nlaljen,
\q1 na' yógo'te žit yoa'a bsángaken ljéžgaken ka'.
\q1 Ḻáẕda'wa' goken ka china' bez, da' beyonan ḻi'a ka nis.
\q1
\v 15 Beyák yeḻa' waḻe chia' ka to že'n yo dan' nla'an, na' loža'a wdán' chichjla'.
\q1 Bletjo' neda' ḻo bix̱te yo che yeḻa' got.
\q1
\v 16 Zej nyechjle benne' wen da' ẕinnj ka' neda'.
\q1 Zej nyechjle' neda' ka beko' ka'.
\q1 Wdídjwgake' ni'a na'a.
\q1
\v 17 Wak wlaba' yógo'te žit yoa'a,
\q1 na' benne' ka' ẕḻé'egeklen', ẕwíazegake' neda'.
\q1
\v 18 Bdísgake' ẕa' che chégake',
\q1 na' ḻawle ẕan' wléjgake' da' gak bian'.
\q1
\v 19 San Le', X̱ana' Dios, bi bkwaso' gan zoa'.
\q1 Nakkzo' Le' yeḻa' waḻe chia', na' gákḻeno' neda'.
\q1
\v 20 Beslá be' da' nakkza' ḻo na' benne' wdíe' neda' ya ntoche'.
\q1 Bennen' žénele' wžía yi'e neda' žone' ka žon to beko'.
\q1
\v 21 Beslá neda' ḻo žoa'a bež yix̱e'.
\q1 Beslá neda' ḻo lozgak bež waḻe ka'.
\q1
\v 22 Wzenla' bi' ljéža'do' ka' kan nako' Le'.
\q1 Wká'n ẕenkza' Le' gachje ḻawle benne' ka' zej ndobe' chio' Le'.
\b
\q1
\v 23 Ḻe'e, benne' ka' ẕžébele X̱anžon':
\b
\q2 ¡Le wká'n ẕene' Ḻe'!
\q2 ¡Le wká'n ẕene', ḻe'e, ẕa'só Jakob!
\q2 ¡Le žebe Ḻe', ḻe'e, ẕa'só Israel ka'!
\b
\q1
\v 24 Bi ẕnnita' Dios benne' yache' ka' cheḻa'ale,
\q1 na' bi ẕdeze' da' ẕzáka'gake',
\q1 na' bi ẕkache' ḻawe' ḻawgak benne' ka',
\q1 san kate' žḻížgake' Ḻe', ženle' chí'igake'.
\b
\q1
\v 25 Gachje ḻawle benne' zan ka', benne' zej ndobe' chio'
\q1 wká'n ẕenkza' La la'y chio' Le',
\q1 dan' bchebe ḻaža'a gonan' ḻawgak benne' ka' ẕžébegake' Le'.
\b
\q1
\v 26 Gawgak benne' gax̱jw ka', na' yéljgekle'.
\q1 Bíga'gake' ḻaw X̱anžon', na' wká'n ẕéngake' Ḻe'.
\q1 Gákteze yeḻa' ba nez ẕen chegak benne' ka'.
\q1
\v 27 Benne' ka' nníta'gake' dot yežlyó chejsá' ḻáže'gake' X̱anžon', na' yežíngake' ḻawe' Ḻe'.
\q1 Yógo'te kwe' benách ka' wká'n ẕéngake' Ḻe',
\q1
\v 28 dan' napkze X̱anžon' yeḻa' wnná bia',
\q1 na' nna bi'e yógo'te yež ka'.
\q1
\v 29 Gawgak yógo'te benne' ẕen ka' che yežlyó nga, na' wká'n ẕéngake' Dios.
\q1 Wzóa ẕibgak yógo'te benne' ka' ḻawe' Ḻe'.
\q1 Benne' ka' bi gak yeslá kwíngake' nich bi gátgake'.
\q1
\v 30 Ẕa'sógak benne' ka' góngakbe' žin che X̱anžon'.
\q1 Wzéngekle' ẕí'ngake' ka' ka nak chie'
\q1 na' zejte chejsete chegak benne' ka'.
\q1
\v 31 Yežíngake', na' wzéngekle' benne' ka' ka nak da' chawe' da' žon Dios.
\q1 Wzéngekle' benne' ka' bi na' gáljgake' ben Dios da' ki.
\c 23
\q1
\v 1 X̱anžo Dios žape chi'e neda' ka žon to benne' žape chi'e ẕila' chie' ka', na' bi be yážjela'.
\q1
\v 2 Ka žon bennen' ga ẕzi' ḻáže'gak ẕila' ka' gan bdáwgakba' yix̱e' ya'ado', ki žon Dios chia' neda'.
\q1 Gone' chia' kan žon bennen' chegak ẕila' ka' ẕchi'e-ba' žoa'a yegw nis da' že' žize.
\q1
\v 3 Žon choche' yichj ḻáẕda'wa'.
\q1 Žon chawe'e neda' nich gak da' bchebe ḻaže'e.
\b
\q1
\v 4 Ḻa'kze tia' gan de ẕož gata',
\q1 bi be da' ẕinnj wcheben neda',
\q1 dan' zóaḻenkzo' Le' neda', X̱ana' Dios.
\q1 Bar chio', na' breke' chio' gape chí'igaken neda'.
\q1
\v 5 Wsí'ni'o da' ye'j gawa' ḻa'kze benne' ka', benne' ẕdíḻ-ḻengake' neda' zej nyechjle' neda'.
\q1 Ẕgo'o set yichja' da' žeyonen neda' chawe', na' žeschá'ḻi'o da' žé'jḻena'.
\q1
\v 6 Da' likze da' chawe', na' yeḻa' ži'i ḻaže' chio' sóaḻengaken neda' yógo'te ža soa' nbana',
\q1 na' ližo', Dios, gaken liža' to chi'ize.
\c 24
\q1
\v 1 Che Dios nak yežlyó nga, na' yógo'te da' že' ḻawen'.
\q1 Nak chie' yežlyón', na' benne' ka' nníta'gake' ga na'.
\q1
\v 2 Bzoen' ḻawle nisdo',
\q1 na' bzaḻe'e x̱ni'an že'lte ẕan nisdo'.
\q1
\v 3 ¿Noẕkze benne' gak kwene' ya'a che X̱anžon'?
\q1 ¿Noẕkze benne' gak choe'e yodo' la'y chie'?
\q1
\v 4 Wak benne' ka' zej nak chawe' da' žóngake', na' da' ẕza' ḻáže'gake',
\q1 benne' ka' bi na' wchís ná'gake' ḻawgak lo'a ka',
\q1 na' bi na' wchebe ḻáže'gake' ni'a che da' bi naken ḻi ḻaže'.
\q1
\v 5 X̱anžon' gon chawe'e benne' ki.
\q1 Dios wchi'a ḻaže'e benne' ki, na' yeslé' ḻégake'.
\q1
\v 6 Ki zej nak benne' ka' ẕbíga'gake' ḻaw Dios,
\q1 benne' ka' žó'ogake' gan zoa Dios che Jakob.
\b
\q1
\v 7 Le wsaljw gan žo'ogak benne' ka' yodo'.
\q2 Le wsaljw gan žo'ogak benne' ka' gan naken la'y,
\q2 na' cho'o Benne' Wnná Bia' Ẕente.
\q1
\v 8 ¿Noẕkzen' Benne' Wnná Bia' Ẕente ni?
\q2 Nake' X̱anžon', Benne' waḻe, na' nape' dot yeḻa' wak.
\q2 Nake' X̱anžon', Bennen' ẕzoele' ḻo wdiḻe.
\b
\q1
\v 9 Le wsaljw gan žo'ogak benne' ka' yodo'.
\q2 Le wsaljw gan žo'ogak benne' ka' gan naken la'y,
\q2 na' cho'o Benne' Wnná Bia' Ẕente.
\q1
\v 10 ¿Noẕkzen' Benne' Wnná Bia' Ẕente ni?
\q2 Nake' X̱anžon', Bennen' ẕnna bi'e gáte'teze.
\q2 Ḻe' nake' Benne' Wnná Bia' Ẕente na'.
\c 25
\q1
\v 1 X̱ana' Dios, ẕcháḻjḻena' Le' dot ḻaža'a.
\q1
\v 2 Žx̱en ḻaža'a Le', Dios chia'.
\q1 Bi go'o latje yedoe'ela'.
\q1 Bi go'o latje benne' ka' bi ẕḻé'egekle' neda' chawe' wžía yí'gake' neda'.
\q1
\v 3 Bi chíx̱gekle benne' ka' žx̱en ḻáže'gake' Le',
\q1 san yedoé'egekle benne' ka' ẕží'igake' che x̱tižo'o.
\q1
\v 4 X̱ana' Dios, bḻoe'el neda' da' žak ḻažo'o gona'.
\q1 Bche' neda' gan žénelo' cha'a.
\q1
\v 5 Bsedle neda' gona' da' naken dot da' li chio'.
\q1 Dan' nako' Dios, na' žesló' neda', wx̱én ḻáže'teza' Le'.
\q1
\v 6 Bejsá' ḻaže', X̱ana' Dios, gako' ži'i ḻaže',
\q1 na' yeyache' ḻáže'lo' neda', kan žónteze žono'.
\q1
\v 7 Bi chejsá' ḻažo'o doḻa' da' bena' kate' ne naka' benne' kwide', na' kan bži'a che x̱tižo'o.
\q1 Ḻo yeḻa' žeyache' ḻaže' chio', na' yeḻa' ži'i ḻaže' bejsá' ḻaže' neda', X̱ana' Dios.
\b
\q1
\v 8 Chawe', na' ḻi ḻaže' nak X̱anžo Dios.
\q1 Che ḻen wsedle' benne' doḻa' ka' da' žaḻa' góngake'.
\q1
\v 9 Wḻoe'ele' benne' gax̱jw ḻaže' ka' da' naken chawe'
\q1 na' wsedle' benne' ẕen ḻaže' ka' da' góngake'.
\q1
\v 10 Ḻo yeḻa' žeyache' ḻaže', na' ḻo da' li,
\q1 ẕche' X̱anžon' benne' ka' žóngake' kan ẕnna x̱tiže'e
\q1 dan' bénḻene' žo'o, na' ka nak da' žsedle' Ḻe'.
\b
\q1
\v 11 Dan' žono' ka nak da' ba wnnó', X̱ana' Dios,
\q1 yenít ḻawo' chia' doḻa' da' bena', da' naken ẕen.
\q1
\v 12 ¿Zoa no benne' ẕžebe' Le', X̱anto' Dios?
\q1 Le' wsedlo' bennen' da' žaḻa' gone'.
\q1
\v 13 Gak chie' to yeḻa' ba nez ẕen,
\q1 na' ẕa'sóe' ka' gata' chégakbe' yežlyó.
\b
\q1
\v 14 X̱anžo Dios nake' toze ḻen benne' ka' ẕžébegake' Ḻe',
\q1 na' gone' ga gónbia'gake' x̱tiže'e dan' bénḻene' žo'o.
\q1
\v 15 Wx̱én ḻáže'teza' X̱anžo Dios
\q1 dan' beslé' neda' ḻo na'gak benne' ka' žénegekle' wžía yí'gake' neda'.
\b
\q1
\v 16 Bwia neda', na' beyache' ḻaže'l neda'
\q1 dan' zoa' toza', na' ẕzáka'ḻi'a.
\q1
\v 17 Nyanḻe'e da' zede da' zej yo'on yichj ḻáẕda'wa'.
\q1 Beslá neda' ḻo da' zede da' ẕzaka'a.
\q1
\v 18 Bwia ka ẕzáka'ḻi'a, na' ka žónḻi'a žin,
\q1 na' benít ḻaw che yógo'te doḻa' da' nbaga'a.
\q1
\v 19 Bwia ka nyanḻe'e benne' ka' ẕžá'agake' neda',
\q1 na' kan ẕbia ḻáže'gake' neda'.
\q1
\v 20 Bwia be' da' nakkza', na' beslá neda'.
\q1 Bi go'o latje yedoe'ela' dan' žx̱en ḻaža'a Le'.
\q1
\v 21 Da' chawe', na' yeḻa' ḻi ḻaže', žon chóchgaken neda' dan' žx̱en ḻaža'a Le'.
\q1
\v 22 X̱ana' Dios, beslá benne' Israel ka' ḻo yógo'te da' ẕzáka'ḻe'egake'.
\c 26
\q1
\v 1 Bchi'a ḻaže' neda', X̱ana' Dios, dan' bena' da' naken chawe'.
\q1 Bx̱en ḻaža'a Le', X̱ana' Dios, na' bi gok chop ḻaža'a.
\q1
\v 2 Bwíakze ḻáẕda'wa', X̱ana' Dios, na' bwia dan' bena'.
\q1 Bwíakze da' yo'on yichj ḻáẕda'wa'
\q1
\v 3 dan' žákbe'ela' žeyache' ḻáže'lo' neda',
\q1 na' žona' ka nak da' naken dot da' li chio'.
\q1
\v 4 Bi na' gona' tẕen benne' ka' žóngake' da' chawe' ḻáwzele.
\q1 Bi na' gona' toze benne' ka' ẕḻoé'ezele chawe' kwíngake'.
\q1
\v 5 Bi ẕḻe'ela' chawe' latje gan ẕdobgak benne' ka' bi zej nake' chawe',
\q1 na' bi žoa'a tẕen ḻen benne' ka' žóngake' da' ẕia.
\q1
\v 6 Ẕḻe'elo' bi be ẕia nbaga'a,
\q1 na' wak biga'a ḻo bkog la'y chio', X̱ana' Dios,
\q1
\v 7 gan goḻa' da' ka' we ḻawa'a Le',
\q1 na' wzenla' benách ka' ka nak da' ẕen da' beno'.
\q1
\v 8 X̱ana' Dios, nži'ila' ližo' gan zo',
\q1 na' latje la'y gan nḻa' ḻaw yeḻa' ẕen chio'.
\q1
\v 9 Bi wžía yi'o neda' tẕen ḻen benne' doḻa' ka',
\q1 na' bi wdío' neda' tẕen ḻen benne' wetw benách ka',
\q1
\v 10 benne' ka' žóngake' da' bi naken chawe',
\q1 na' ẕnéẕjwtezegake' mežw nich bi wchi'a ḻaže' no benne' da' ẕinnj da' béngake',
\q1
\v 11 san neda' gónteza' da' nak ḻi ḻaže'.
\q1 Beslá neda', na' beyache' ḻaže'l neda'.
\q1
\v 12 Dan' bénteza' da' nak chawe',
\q1 na' wká'n ẕenkza' Le', X̱ana' Dios, ḻawgak benne' ka' zej ndobe' ḻawo' Le'.
\c 27
\q1
\v 1 X̱anžo Dios nake' yeḻa' baní' chia', na' Benne' žeslé' neda'.
\q1 Bi gak no benne' wchebe' neda'.
\q1 X̱anžo Dios nake' Benne' žape chi'e neda'.
\q1 Bi gak no benne' wzóe' neda' ḻo da' zedḻe'e.
\q1
\v 2 Kate' benne' ka' bi zej nake' chawe' byéchjgekle' neda',
\q1 ḻen benne' ka' žsáka'gake' neda', na' bi ẕḻé'egekle' neda' chawe',
\q1 nich wžía yí'gake' neda',
\q1 na' bejchégwgake', na' bedoé'egekle'.
\q1
\v 3 Ḻa'kze chéchjgekle benne' zan, benne' žjake' ḻo wdiḻe neda',
\q1 benne' ka' bi ẕḻé'egekle' neda' chawe', bi žébekza'.
\q1 Ḻa'kze žon byéngake' tíḻ-ḻena' ḻégake',
\q1 neda' wx̱én ḻáže'kza' Dios.
\q1
\v 4 To da' ẕnnabla' X̱anžo Dios.
\q1 Toze da' ẕdan ḻaža'a, dan' naken soa' liž X̱anžon' yógo'te ža soa' nbana',
\q1 nich wláb ḻaža'a ka nak yeḻa' ẕen che X̱anžon',
\q1 na' wcháḻjḻena' Ḻe' ḻo yodo' la'y chie'.
\q1
\v 5 Ḻe' wkache' chawe'e neda' ḻo latje la'y chie' kate' žin ža gak da' bi nak chawe'.
\q1 Wkache' chawe'e neda' ḻo latjen' gan zoakze' Ḻe'.
\q1 Wzóe' neda' to gan soa' chawe'.
\q1
\v 6 Naž gone' ga wzex̱jwa' benne' ka' bi ẕḻé'egekle' neda' chawe', benne' ka' zej nyechjle' neda'.
\q1 Ḻo yeḻa' žebele gota' biado' ka' ḻo bkog la'y chie'.
\q1 Goḻkza', na' wká'n ẕenkza' X̱anžon'.
\b
\q1
\v 7 X̱ana' Dios, benle chi'a kate' žḻiža' Le'.
\q1 Beyache' ḻaže'l neda', na' bechebe chia'.
\q1
\v 8 Ḻo yichj ḻáẕda'wa' benla' chi'o, na' wnnó':
\q1 “Da ga zoa' ni.”
\q1 Yida' gan zo' Le', X̱ana' Dios.
\q1
\v 9 Bi wkache' ḻawo' Le' ḻawa' neda'.
\q1 Ḻo yeḻa' ẕža'a chio' bi yebigo'o gan zoa' neda', wen žin chio'.
\q1 Toze Le' žákḻeno' neda'.
\q1 Bi wsano' neda', na' bi kwej yichjo' neda', Dios, weslá chia'.
\b
\q1
\v 10 Ḻa'kze wsangak x̱a x̱na'a neda',
\q1 yeka'akze X̱anžo Dios neda'.
\b
\q1
\v 11 Bsedle neda' da' žak ḻažo'o gona', X̱ana' Dios,
\q1 na' bḻoe'el neda' da' naken ḻi ḻaže' da' žaḻa' gona',
\q1 dan' zej nyan benne' ka' bi ẕḻé'egekle' neda' chawe'.
\q1
\v 12 Bi go'o latje benne' ka' wžía yí'gake' neda'.
\q1 Zej nyechjle benne' wen ḻaže' ka' neda', na' žesbága'gake' neda' ẕia.
\b
\q1
\v 13 X̱anžo Dios bchebe ḻaže'e ḻe'ela' da' chawe' chie' gan sóateza' nbana'.
\q1 Chela' bi žejḻi'a da' ni, na' gat ni'a na'a.
\q1
\v 14 Le kwez ža yeḻá' X̱anžon'.
\q1 Le gon choch ḻáže'le, na' Ḻe' wzé choche' ḻe'e.
\q1 O', le kwez ža yeḻá' X̱anžon'.
\c 28
\q1
\v 1 X̱ana' Dios, žḻiža' Le'. Le' žape chi'ikzo' neda'.
\q1 Bze nag chi'a dan' cha' bi yenlo' chia' gaka' ka to benne' žoe'e ḻo yi' gabíl.
\q1
\v 2 Benle chi'a dan' žḻiža' Le',
\q1 na' ẕchis na'a ḻawo' Le' gan zo' latje la'y chio'.
\q1
\v 3 Bi wžía yi'o neda' tẕen ḻen benne' wen ḻaže' ka',
\q1 na' kege tẕen ḻen benne' ka' žóngake' da' ẕinnj.
\q1 Ẕnnágake' da' cháwe'do' ḻawgak ljéžgake' ka',
\q1 san da' bi nak chawe' yo'on yichj ḻáẕdo'gake'.
\q1
\v 4 Bde benne' ka' ḻo da' sáka'ḻe'egake' tḻebe kan nak da' béngake',
\q1 ka nakkze da' bi nak chawe' da' béngake'.
\q1 Bneẕjw benne' ka' tḻebe kan nak da' béngake', dan' yeyáḻa'gake'.
\b
\q1
\v 5 Dan' bi wdápegake' ba la'ne da' ben X̱anžon', na' kege dan' bene' ḻen na'kze',
\q1 Ḻe' wžía yi'e benne' ka', na' wdíe' ḻégake' ḻo da' sáka'ḻe'egake'.
\b
\q1
\v 6 ¡Ga'n ẕen X̱anžo Dios,
\q2 Bennen' benle' chi'a katen' bḻiža'-ne'!
\b
\q1
\v 7 X̱anžo na'kze ẕze choche' neda', na' žape chi'e neda'.
\q1 Bx̱en ḻaža'a Ḻe', na' gókḻene' neda'.
\q1 Che ḻen yebéḻe'ela', na' goḻkza', na' wká'n ẕenkza' Ḻe'.
\q1
\v 8 X̱anžon' ẕze chochkze' benne' chie' ka',
\q1 na' žape chi'ikze', na' žeslé' bennen' wžíe'.
\b
\q1
\v 9 Beslá benne' chio' ka'. Ben chawe' da' nak chégake'.
\q1 Wdáp chi'i benne' ka', na' bze choch ḻégake' to chi'ize.
\c 29
\q1
\v 1 Le wká'n ẕen X̱anžon', ḻe'e, zoale ya'abá.
\q1 Le wká'n ẕen yeḻa' ẕen chie', na' yeḻa' wak chie'.
\q1
\v 2 Ẕenḻe'e nak La X̱anžon'. Le wká'n ẕenen.
\q1 Le wzóa ẕible ḻaw X̱anžon' ḻo latje la'y chie'.
\q1
\v 3 Chi'i X̱anžon' ženlen ḻaw nisdo'.
\q1 Ženle chi'i Dios ya'abá ka wzió' da' ẕnnen.
\q1 Ẕda chi'e ḻaw nisdo'.
\q1
\v 4 Ženle chi'i X̱anžon' da' naken waḻe.
\q1 Ženle chi'i X̱anžon' da' napen yeḻa' wak.
\q1
\v 5 Chi'i X̱anžon' žichjwn yag sedro ka'.
\q1 Žichjwn yag sedro ka' da' zej žen' ḻaw Ya'a Líbano.
\q1
\v 6 Žx̱ite' Ya'a Líbano ka žx̱íte'gak beždo' ka',
\q1 na' žx̱ite' Ya'a Hermón ka to beždo'.
\q1
\v 7 Chi'i X̱anžon' žonen ga žas yes wzió'.
\q1
\v 8 Chi'i X̱anžon' žx̱izen latje dach.
\q1 Žx̱izen latje dach che yežlyó Kades.
\q1
\v 9 Chi'i X̱anžon' žx̱izen yag waḻe ka'.
\q1 Ẕchiben x̱laggak yag ka',
\q1 na' ḻo yodo' chie' ẕnnagak yógo'te benne' ka':
\q1 “¡Ga'n ẕen Dios!”
\q1
\v 10 Ẕnna bia' X̱anžon' nisdo' ka'.
\q1 To chi'ize ẕnna bia' Benne' Wnná Bia' Ẕen na'.
\q1
\v 11 X̱anžo Dios ẕzoa choche' benne' chie' ka'.
\q1 Žon chawe'e ḻégake' ḻo yeḻa' ẕga'n chawe' chie'.
\c 30
\q1
\v 1 X̱ana' Dios, bechiso' neda', na' ẕka'n ẕena' Le'.
\q1 Bi bi'o latje benne' ka' bi ẕḻé'egekle' neda' chawe' gon dítjgekle' neda'.
\q1
\v 2 X̱ana' Dios, bḻiža' Le', na' beyono' neda'.
\q1
\v 3 X̱ana' Dios, besló' neda' ḻo yi' gabíl.
\q1 Beyono' neda' nich bi choa'a yežw ba.
\b
\q1
\v 4 Le goḻ che X̱anžon', ḻe'e nakle benne' chekze' Ḻe'.
\q2 Le ye' Ḻe' “žóx̱keno'”, na' bejsá' ḻaže' nake' la'y.
\b
\q1
\v 5 To chí'ido'ze ẕže'e, san to chi'ize zoa yeḻa' ži'i ḻaže' chie'.
\q1 Kwéžežo to yelze, san zildo' yebéḻe'elžo.
\b
\q1
\v 6 Kate' wzóa' chawe' wnnía': bi be gak chia' neda'.
\q1
\v 7 Ki wnnía' dan' bzoa chocho' neda', X̱ana' Dios, ka to ḻaw ya'a ẕen, na' ben chawo'o neda',
\q1 san kate' bkache' ḻawo' Le', na' wžé' zedla'.
\q1
\v 8 X̱ana' Dios, wḻiža' Le', na' gáta'yoela' Le'.
\q1
\v 9 ¿Biẕkze yeḻa' ba nez gaken chio' cha' gata' neda', na' choa'a yežw ba?
\q1 ¿Wká'n ẕena' Le' kate' ba naka' bix̱te yo?
\q1 ¿Wak wzenla' no benne' da' naken dot da' li chio'?
\q1
\v 10 Bze nag chia', X̱ana' Dios, na' beyache' ḻaže'l neda'.
\q1 X̱ana' Dios, gokḻen neda'.
\q1
\v 11 Beno' ga beyák yeḻa' ẕbeže chia' yeḻa' žia'a.
\q1 Bkwaso' yeḻa' nyache' ḻaže' chia', na' beno' ga bebéḻe'ela'.
\q1
\v 12 Che ḻen goḻkza' chio'.
\q1 Nakkzo' Le' yeḻa' ba nez chia', na' bi soakza' žize.
\q1 X̱ana' Dios, wká'n ẕenkza' Le' to chi'ize.
\c 31
\q1
\v 1 Žx̱en ḻaža'a Le', X̱ana' Dios. Bi gono' ga yedoe'ela'.
\q1 Ni'a che da' chawe' da' nako' Le', beslá neda'.
\q1
\v 2 Bze nag chi'a, na' gokḻen neda'.
\q1 Bze choch neda', na' wdape chi'i neda' nich yelá'.
\q1
\v 3 Le' ẕzoa chochkzo' neda', na' žape chi'o neda'.
\q1 Dan' nako' ḻi ḻaže' wḻoe'elo' neda' nez, na' wgó'o neda' nezen'.
\q1
\v 4 Bebéj neda' ḻo do yeḻj dan' bkwézgake' nich séngake' neda'.
\q1 Le', X̱an, ẕwíakzo' neda'.
\q1
\v 5 Ẕdia' be' da' nakkza' ḻo no'o Le', X̱ana' Dios.
\q1 Le' beya'wo' neda', Dios ḻi ḻaže'.
\q1
\v 6 Bi de chawa'a benne' ka' ẕka'n ẕéngake' lo'a ka',
\q1 san neda' žx̱en ḻaža'a Le', X̱ana' Dios.
\q1
\v 7 Yebéḻe'ela', na' soa' chawe' dan' nži'ilo' neda' na' ẕḻe'ekzlo' ẕzáka'ḻi'a.
\q1 Nnezlo' ka ẕdia' ḻo da' žsáka'ḻe'egake' neda'.
\q1
\v 8 Bi bdio' neda' ḻo na'gak benne' ka' ẕžá'agake' neda'.
\q1 Bzoa chocho' neda' to latje chawe'.
\q1
\v 9 Beyache' ḻaže'l neda', X̱ana' Dios, dan' ẕzáka'ḻi'a.
\q1 Ba bebíž nis da' yožen yej ḻawa',
\q1 na' žak nyache' ḻaža'a ḻo be' da' nakkza', na' ḻo beḻa' žen chia'.
\q1
\v 10 Dan' ẕde yeḻa' nban chia' ḻo da' ẕzáka'ḻi'a, ẕdia' yiz chia' ka' ẕbeže ḻaža'a,
\q1 na' žedó ḻaža'a dan' nbaga'a ẕia, na' ẕlagak žit yoa'a.
\q1
\v 11 Benne' ka' ẕžá'agake' neda' gon dítjgekle' neda',
\q1 na' benne' ẕjo'o ḻi'a chia' ka' žon dítjgekle' neda'.
\q1 Benne' ka' zej nónbi'e neda' ẕkwásgake' gan zoa',
\q1 na' benne' ka' ẕḻé'egekle' neda' ḻo nez žẕónnjgake'.
\q1
\v 12 Goḻ ḻáže'gake' neda' ka žóngake' che to benne' gat.
\q1 Naka' neda' ka to ye'n yo da' nla'an.
\q1
\v 13 Ženla' da' ẕnnegak benne' zante chia',
\q1 na' gáte'teze zoa da' ẕcheben neda' dan' žóngake' toze diža' bi da' góngake' chia',
\q1 na' žak ḻáže'gake' gótgake' neda',
\q1
\v 14 san neda' žx̱en ḻaža'a Le', X̱ana' Dios.
\q1 Ẕnnia' nako' Le' Dios chia'.
\q1
\v 15 Ḻo no'o Le' žape chi'o ža chia' ka'.
\q1 Beslá neda' ḻo na'gak benne' ka' ẕžá'agake' neda', na' ḻo na'gak benne' ka' ẕbia ḻáže'gake' neda'.
\q1
\v 16 Ḻo yeḻa' ẕen chio' bwia neda', wen žin chio'.
\q1 Ḻo yeḻa' žeyache' ḻaže' chio' beslá neda'.
\q1
\v 17 Bi go'o latje yedoe'ela', X̱ana' Dios, dan' žḻiža' Le'.
\q1 Ben ga yedoé'egekle benne' ka' ẕbej yíchjgake' Le'.
\q1 Ben ga soa žígake' ḻo yi' gabíl.
\q1
\v 18 Bnnita' ži benne' ka' žon ḻáže'gake', benne' ka' ẕnnégake' chegak benne' chawe' ka',
\q1 dan' ẕnnágake' ḻo yeḻa' ẕka'n ẕen kwin, na' ḻo yeḻa' žon ditjle.
\q1
\v 19 Ẕente nak yeḻa' ži'i ḻaže' chio' dan' napo'
\q1 nich bi da' gono' chegak benne' ka' žápegake' Le' ba la'ne,
\q1 dan' žonno' chegak benne' ka' žx̱en ḻáže'gake' Le' ḻawgak yógo'te benne' ka'.
\q1
\v 20 Ḻo da' bagáche'ze gan zo' Le' ẕkache' chawo'o benne' chio' ka'
\q1 nich bi be gongak benne' ka' chégake'.
\q1 Ẕnnito' benne' ka' to ḻo yo'o ngache'
\q1 nich bi be gongak chégake' benne' ka' ẕdiḻ diže'e.
\b
\q1
\v 21 ¡Ga'n ẕen X̱anžo Dios!
\q2 Ḻo yeḻa' žeyache' ḻaže' chie' bene' da' ẕen
\q2 nich gókḻene' neda' to ḻo yež gan gok wdiḻe.
\b
\q1
\v 22 Kate' gok da' bcheben neda' wnnía':
\q1 “Zoa' gan bi ẕḻe'ele X̱ana' neda'”,
\q1 san Le' benlo' chi'a katen' góta'yoela' Le', na' bḻiža' Le'.
\b
\q1
\v 23 Le ži'il X̱anžon', ḻe'e nakle benne' chekze' Ḻe'.
\q1 X̱anžon' žape chi'e benne' ka' bi ẕbej yíchjgake' Ḻe',
\q1 na' žebí'iḻi'e da' ẕia dan' žaḻa' yezí'gak benne' ka' ẕka'n ẕen kwíngake'.
\q1
\v 24 Le gon choch ḻáže'le, ḻe'e žx̱en ḻáže'le X̱anžo Dios,
\q1 na' Ḻe' wzé choche' ḻe'e.
\c 32
\q1
\v 1 Ba nez ẕen naken che bennen' Dios ba benít ḻawe' x̱toḻe'e,
\q1 na' ba beké'e da' ẕinnj da' wbage'e.
\q1
\v 2 Ba nez ẕen naken che bennen' Dios bi žesbage'e ḻe' ẕia, bennen' bi ẕcache'e x̱toḻe'e.
\b
\q1
\v 3 Kate' bi na' yex̱óalapa' doḻa' da' wbaga'a,
\q1 bedó ḻaža'a dan' wžeža' dot ža.
\q1
\v 4 Ḻawe' ža, na' yele bsako'o neda', X̱ana' Dios.
\q1 Bedó ḻaža'a ka žebiže bej nis byo' wbá ka'.
\q1
\v 5 Naž bex̱óalapa' doḻa' chia', na' bi bkacha'a da' ẕinnj dan' bena'.
\q1 Bechóg ḻaža'a bex̱óalapan' ḻawo' Le', X̱ana' Dios,
\q1 na' benít ḻawo'o Le' che x̱toḻa'a.
\q1
\v 6 Che ḻen yógo'te benne' chio' ka' žaḻa' wḻížgake' Le' kate' ne zo' yenlo' chégake',
\q1 na' kate' žin da' wžía yin' benách ka',
\q1 dan' gaken ka to yegw nis ẕen da' bgóleḻe'en,
\q1 bi be gonen chegak benne' chio' ka'.
\q1
\v 7 Le' nako' ka to latje gan gak wkache' kwina',
\q1 na' wkache' chawo'o neda' gan bi be wsakan' benách chio' ka'.
\q1 Goḻkza' zižje ka besló' neda' dan' žox̱o' neda'.
\b
\q1
\v 8 Ẕnna X̱anžon': “Wḻoe'ela' le' nez gan žaḻa' tio'.
\q1 Wsedla' le', na' wzejni'ila' le' da' žaḻa' gono'.
\q1
\v 9 Bi gako' ka to bžina' o to burrw, bia ka' bi žejní'igeklba',
\q1 bia ka' žon byenen nna biá'gako'-ba', na' ko'o ya žoá'agakba' nich góngakba' ka žénelo' le'.”
\q1
\v 10 Benne' ka' bi zej nake' chawe' žon byenen tégake' ḻo da' sáka'gake',
\q1 san benne' ka' žx̱en ḻáže'gake' X̱anžon',
\q1 Ḻe' žape chi'e ḻégake' ḻo yeḻa' ži'i ḻaže' chie'.
\q1
\v 11 Ḻe'e, benne' chawe' ka', le yebele
\q1 na' le soa ḻo yeḻa' ba nez, dan' gokḻen X̱anžon' ḻe'e.
\q1 Ḻo yeḻa' žebele le goḻ, dan' nakle ḻi ḻaže' ḻawe' Ḻe'.
\c 33
\q1
\v 1 ¡Le yebele ḻe'e, benne' chawe' ka', ḻaw X̱anžo Dios!
\q1 Yeḻa' ẕka'n ẕen Dios chegak benne' chawe' ka' nakḻe'en x̱tan ḻawe' Ḻe'.
\b
\q1
\v 2 ¡Le wká'n ẕen Dios ḻen da' žinnle!
\q2 ¡Le goḻ chie' ḻen da' žóḻ-ḻento' da' ze chi do chen!
\q1
\v 3 ¡Le goḻ chie' Ḻe' to da' kob!
\q2 ¡Le goḻ chawe', na' chinnle ḻen yeḻa' žebele!
\b
\q1
\v 4 Ḻi ḻaže' nak x̱tiža' X̱anžo Dios,
\q1 na' dot da' bene' benen' ḻo yeḻa' ḻi ḻaže' chie'.
\q1
\v 5 Ḻe' nži'ile' da' nak chawe', na' da' nak dot da' li.
\q1 Benne' ka' do ẕente yežlyó nga zej nónbi'e yeḻa' žeyache' ḻaže' che X̱anžon'.
\q1
\v 6 X̱anžo Dios bene' ya'abá ḻen x̱tiže'e,
\q1 na' yógo'te belj ka' da' zej nla' ẕan ya'abá bene' ḻen be' da' ẕžojen žoe'e.
\q1
\v 7 Ḻe' ẕtobe' nisdo', na' yeyonen' ka to ya'a nis.
\q1 Ẕga'n chawe' nisen' gže' gan bkweze' latje chen.
\q1
\v 8 Le žebe X̱anžo Dios, yógo'tele zoale yežlyó nga.
\q1 Le žebe ḻawe' Ḻe', yógo'tele ḻe'e zoale ḻo yežlyó,
\q1
\v 9 dan' bchaḻjze', na' gok yežlyón'.
\q1 Wnnakze', na' wzoakzen.
\q1
\v 10 X̱anžo Dios žone' ga žeyák dáche'ze diža' da' žongak benne' zi'to' ka',
\q1 na' žone' ga žak dáche'ze da' žénegekle' góngake',
\q1
\v 11 san x̱tiža' X̱anžo Dios sóatezen.
\q1 Da' ẕza' ḻaže'e ẕžinkzen gan zej nnita' yógo'te kwe' benách ka'.
\q1
\v 12 Ba nez ẕen naken chegak benne' yežen' X̱anžon' nake' Dios chégake'.
\q1 Wžé Dios benne' yežen' nich gákgake' benne' chekze'.
\q1
\v 13 Gan zoe' ya'abá chie' bwia X̱anžo Dios,
\q1 na' bḻe'ele' yógo'te kwe' benách ka'.
\q1
\v 14 Gan zoe' latje la'y chie' bwie',
\q1 na' bḻe'ele' yógo'te benne' ka' nníta'gake' yežlyó.
\q1
\v 15 Ḻe' bene' yichj ḻáẕdo'gak yógo'te benách ka',
\q1 na' ẕḻe'ele' yógo'te da' žóngake'.
\q1
\v 16 Bi yelá no benne' wnná bia' ni'a che benne' zante chie', benne' ka' žjake' ḻo wdiḻe,
\q1 na' bi yelá no benne' waḻe ni'a che yeḻa' waḻe chie'.
\q1
\v 17 Bi zoa no benne' yelé' ni'a che bžina' chie' ka',
\q1 na' bi yelá no benne' ni'a che yeḻa' waḻe ẕen chie'.
\q1
\v 18 X̱anžo Dios ẕwíakze' benne' ka' žébegake' Ḻe'.
\q1 Ẕape chi'e benne' ka' žx̱en ḻáže'gake' yeyache' ḻáže'le' Ḻe' ḻégake',
\q1
\v 19 nich yeslé' ḻégake' ḻo yeḻa' got,
\q1 na' nich wawe' ḻégake' kate' žak wbín.
\b
\q1
\v 20 Žx̱en ḻáže'žo X̱anžo Dios.
\q2 Ḻe' žákḻene' žo'o, na' žape chi'e žo'o.
\b
\q1
\v 21 Che ḻen dot ḻáže'žo yebéḻe'elžo ḻawe' Ḻe',
\q1 dan' žx̱en ḻáže'žo La la'y chie'.
\b
\q1
\v 22 Beyache' ḻaže'l neto', X̱anto' Dios, dan' žx̱en ḻáže'to' Le'.
\c 34
\q1
\v 1 Wká'n ẕénteza' X̱anžo Dios dot ža, na' yele.
\q1 Góḻteza' da' we ḻawa' Ḻe'.
\q1
\v 2 Chaz ḻaža'a X̱anžo Dios.
\q1 Yéngekle benne' gax̱jw ḻaže' ka' da' ki, na' yebéḻe'egekle'.
\q1
\v 3 Le wká'n ẕen X̱anžo Dios tẕen ḻen neda',
\q1 na' tẕen we ḻawžo La la'y chie'.
\q1
\v 4 Bḻiža' X̱anžo Dios, na' Ḻe' benle' chia',
\q1 na' beslé' neda' ḻo yógo'te da' bchébegaken neda'.
\q1
\v 5 Benne' ka' bx̱en ḻáže'gake' Ḻe' bḻé'egekle' yeḻa' ẕen chie', na' bi bedoé'egekle'.
\q1
\v 6 Neda', benne' yache', bḻiža', na' benle X̱anžo, Dios chian',
\q1 na' beslé' neda' ḻo yógo'te da' wẕáka'ḻi'a.
\q1
\v 7 Wbás ka' che ya'abá che X̱anžon' zej zoe' kwit benne' ka' ẕžébegake' Ḻe',
\q1 na' žape chí'igake' ḻégake'.
\q1
\v 8 Le wia nga, na' ḻé'elele nak chawe' X̱anžo Dios.
\q1 Yeḻa' ba nez ẕen naken che bennen' žx̱en ḻaže'e Ḻe'.
\q1
\v 9 Le žebe X̱anžo Dios, ḻe'e, nakle benne' chie' ka',
\q1 dan' bi be žiážjegekle benne' ka' ẕžébegake' Ḻe'.
\q1
\v 10 Bež yíx̱e'do' ka' žiážjegeklba', na' ẕdóngakba',
\q1 san benne' ka' žx̱en ḻáže'gake' X̱anžo Dios bi be da' chawe' yážjegekle'.
\q1
\v 11 Le da, x̱kwide' ka', na' le yenle chia'.
\q1 Wsedla' ḻe'e nich žébele X̱anžo Dios.
\q1
\v 12 ¿Noẕ benne' ládjwle ḻe'e žénele' soakze' nbane',
\q1 bennen' žénele' soe' yiz zan nich ḻe'ele' da' chawe'?
\q1
\v 13 Bwíakze da' ẕchaḻjo' nich bi nnio' da' ẕinnj,
\q1 na' nich bi wchaḻjo' da' wen laže'.
\q1
\v 14 Bzoa cheḻa'ale da' bi nak chawe' da' ẕchaḻjo', na' ben da' nak chawe'.
\q1 Ben byene so' ḻo yeḻa' ẕga'n chawe', na' ben ka nak chen.
\q1
\v 15 Ẕwíakze X̱anžo Dios benne' ka' zej nake' chawe',
\q1 na' ẕze nage' da' ẕnnábgekle' Ḻe'.
\q1
\v 16 Ẕža'a X̱anžo Dios benne' wen da' ẕinnj ka',
\q1 na' bi soa no benne' chejsá' ḻaže'e ḻégake'.
\q1
\v 17 Benne' chawe' ka' žḻížgake' X̱anžo Dios,
\q1 na' Ḻe' ženle' chégake',
\q1 na' žeslé' ḻégake' ḻo yógo'te da' ẕzáka'gake'.
\q1
\v 18 Gawze zoa X̱anžo Dios gan zej nnita' benne' ka', benne' žak nyache' ḻáže'gake', na' žeslé' ḻégake'.
\q1
\v 19 Da' zanḻe'e da' ẕzaka' benne' chawe',
\q1 san žeslá X̱anžo Dios ḻe' ḻo yógo'te da' ka'.
\q1
\v 20 Ḻe' žape chi'ikze' yógo'te žit yo'o bennen',
\q1 na' nitó žit chie' bi gachjwn.
\q1
\v 21 Da' ẕinnj da' žon benne' bi nake' chawe' goten ḻe',
\q1 na' kwia yi'gak benne' ka' ẕží'igake' chegak benne' chawe' ka'.
\q1
\v 22 X̱anžo Dios ẕzoa chawe'e be' da' nákgakkze benne' wen žin chie' ka',
\q1 na' yógo'te benne' ka' žx̱en ḻáže'gake' Ḻe' batkle kwia yí'gake'.
\c 35
\q1
\v 1 X̱ana' Dios, bsejw x̱nezgak benne' ka' ẕnnégake' chia'.
\q1 Bdiḻ-ḻen benne' ka' ẕdíḻ-ḻengake' neda'.
\q1
\v 2 Da, gape chi'o neda' ḻo wdiḻe, na' gokḻen neda'.
\q1
\v 3 Bex̱w ya ntoche' tonn che wdiḻe
\q1 nich wsejo' x̱nezgak benne' ka' ẕbia ḻáže'gake' neda'.
\q1 Bḻoe'el neda' nako' Benne' Weslá chia'.
\q1
\v 4 Ben ga yedoé'egekle, na' chíx̱gekle benne' ka' žénegekle' gótgake' neda'.
\q1 Ben ga wẕonnjgak, na' yedoé'egekle benne' ka' žénegekle' góngake' neda' ẕia.
\q1
\v 5 Ben ga gákgake' ka to laga' biž da' žwa' be',
\q1 na' bseḻa' wbás la'y chio' nich wlage' ḻégake'.
\q1
\v 6 Ben choḻ x̱nézgake' nich kwílgake',
\q1 na' bseḻa' wbás la'y chion' nich kwia ḻaže'e ḻégake'.
\q1
\v 7 Bkáche'gake' to do yeḻj nich senen neda', na' bi be bena' chégake'.
\q1 Bché'ngake' to yežw gan chejbix̱a' neda', na' bi be da' ẕia nbaga'a.
\q1
\v 8 Bseḻa' da' wžía yin' ḻégake', da' bi gákbe'egeklen'.
\q1 Ben ga sen do yeḻj chégaken' ḻa' légakkze', na' ga chejchégwgake' gan kwia yí'gake'.
\b
\q1
\v 9 Naž yebéḻe'ekzla' ni'a che da' ben X̱anžo Dios.
\q1 Gak yeḻa' ba nez ẕen chia' dan' beslé' neda'.
\b
\q1
\v 10 Yógo'te žit yoa'a nnágaken:
\q1 “X̱anto' Dios, ¿noẕkze benne' nake' ẕen ka nako' Le'?
\q1 Žesló' benne' yache' ḻo na' benne' nakže' waḻe ka ḻe',
\q1 na' benne' žiážjele' ḻo na' benne' ẕbane' da' do' da' den chie'.”
\q1
\v 11 Bḻa'gak benne' ka' žechébegake' da' wen ḻaže'.
\q1 Wnnábgekle' neda' ka nak che to da' bi nnezla'.
\q1
\v 12 Bebí'igake' chia' da' ẕinnj ni'a che to da' chawe' da' bena' neda', nich wsáka'gake' neda',
\q1
\v 13 san neda', kate' bi wnníta'gake' chawe', gok nyache' ḻaža'a, na' bena' wbás, na' bsaka' kwina'.
\q1 Dot ḻaža'a bḻiža' Le', Dios, nich yeyono' ḻégake'.
\q1
\v 14 Gok nyache' ḻaža'a ni'a chegak benne' ka' kan žona' ni'a che bi' lježa', o ni'a che bi' bíche'kza'.
\q1 Gok nyache' ḻaža'a ka žon no benne' ni'a che x̱ne'e kate' ne žate',
\q1
\v 15 san bebégekle benne' ka' kate' wzóa da' bsakan' neda', na' bedjwíagake' neda'.
\q1 Bdíḻ-ḻengak benne' wen da' ẕinnj ka' neda', na' choḻze bzétjgake' neda'.
\q1 Bwíatezegake' neda', na' bi bsángake' da' žóngake'.
\q1
\v 16 Bsáka'gake' neda', na' ben dítjgekle' neda',
\q1 na' wžía ḻáže'gake' neda' ḻo yeḻa' ẕža'a chégake'.
\q1
\v 17 X̱ana' Dios, ¿to chi'ize wíazo' da' žóngake'?
\q1 Beslá neda' ḻo na'gak benne' ka' ẕžia yí'gake' neda', benne' ka' zej nake' ka bež yix̱e' ka'.
\q1
\v 18 Yapa' Le' “Žóx̱keno'” gan zej ndobe benne' chio' ka'.
\q1 Wká'n ẕénteza' Le' ladjw benne' zan ka'.
\q1
\v 19 Bi go'o latje yebégekle benne' ka' bi ẕḻé'egekle' neda' chawe', na' bi be bena' chégake'.
\q1 Bi go'o latje benne' ka' gon dítjgekle neda', benne' ka' ẕžá'agake' neda', na' bi be ẕia nbaga'a.
\q1
\v 20 Benne' ki bi žénegekle' sóagake' ḻo yeḻa' ẕga'n chawe',
\q1 na' ḻo yeḻa' wen ḻaže' chégake' ẕnnégake' chegak benne' ka' ẕbézgake' ži ḻaže' ḻo yežlyó nga.
\q1
\v 21 Ben dítjgekle' neda', na' wnnágake':
\q1 “Ba bḻe'elto' da' bene'.”
\q1
\v 22 X̱ana' Dios, bḻe'ekzlo' da' žóngake'. Bi so' žize.
\q1 X̱ana' Dios, bi kwej yichjo' neda'.
\q1
\v 23 Wzó ža'. Wzóa wchi'a ḻažo'o neda'.
\q1 Da, X̱ana' Dios, nich gákḻeno' neda'.
\q1
\v 24 Bchi'a ḻaže' neda' ḻo da' chawe' chio', X̱ana' Dios.
\q1 Bi go'o benne' ka' latje wẕížegake' chia'.
\q1
\v 25 Bi go'o latje nnágake':
\q1 “Ba gok da' wzé ḻáže'žo”, na' bi nnágake':
\q1 “Ba bzéx̱jwžo ḻe'.”
\q1
\v 26 Ben ga yedoé'egekle, na' chíx̱gekle yógo'te benne' ka' žebégekle' kate' bi žak chia'.
\q1 Ben ga yedoé'egekle, na' ga'ngak ka'ze benne' ka' ẕdíḻ-ḻengake' neda'.
\q1
\v 27 Ben ga goḻgak, na' yebégekle benne' ka' ẕḻé'egekle' neda' chawe', nich nnágakkze':
\q1 “¡Ga'n ẕen X̱anžon'!”
\q1 Bennen' žak ḻaže'e ga'n chawe' benne' wen žin chie'.
\q1
\v 28 Wcháḻjteza' che da' chawe' da' nako' Le',
\q1 na' wká'n ẕénteza' Le' dot ža, na' yele.
\c 36
\q1
\v 1 Da' ẕinnj da' žon bennen' ẕzoe' Dios cheḻa'ale ẕcháḻjḻenen ḻe' ḻo yichj ḻáẕda'we'.
\q1 Bi ẕdan ḻáže'kze' gape' Dios ba la'ne.
\q1
\v 2 Che ḻen ẕḻoe'el kwine' ka to benne' ẕente.
\q1 Žekle' bi ẕḻe'el Dios da' ẕinnj da' žone', na' bi ẕže'e ḻe'.
\q1
\v 3 Da' ẕchaḻjze' naken da' ẕinnj, na' da' wen ḻaže'.
\q1 Biž žejni'ile' binlo, na' biž žone' da' chawe'.
\q1
\v 4 Ẕlab ḻaže'e da' bi nak chawe' katen' die' gan ẕtase'.
\q1 Yoe'e nez da' bi naken chawe'.
\q1 Bi žénele' wsane' žone' da' ẕinnj.
\q1
\v 5 X̱ana' Dios, ẕente nak yeḻa' žeyache' ḻaže' chio' dan' ẕžinten ẕan ya'abá.
\q1 Yeḻa' ḻi ḻaže' chio' ẕžinten ḻo bejw.
\q1
\v 6 Da' chawe' da' nako' naken ka to ya'a ẕen chio',
\q1 na' ka ẕchi'a ḻažo'o naken ka to nisdo' zil-ḻe'e.
\q1 X̱ana' Dios, ẕwíakzo' benách ka', na' bia yix̱e' ka'.
\q1
\v 7 Ẕenḻe'e nak yeḻa' žeyache' ḻaže' chio', Dios.
\q1 Che ḻen žx̱en ḻáže'gak benne' ka' Le' ka žongak bríse'do' ka' ẕkache' kwíngakba' ẕan x̱il ẕkoko'.
\q1
\v 8 Yéljgekle' ḻen da' deḻe'e ližo'
\q1 na' Le' wye'jo' ḻégake' da' naken ka to yegw da' yožen nis dẕi'.
\q1
\v 9 Gan zo' Le' zoa gan žaḻ nis dan' žonnen yeḻa' nban.
\q1 Ḻo yeḻa' baní' chio' ẕḻe'elto' da' nak baní'.
\q1
\v 10 Beyache' ḻaže'l benne' ka' zej nónbi'e Le',
\q1 na' bzoa chegak benne' ḻi ḻaže' ka' da' nak chawe'.
\q1
\v 11 Bi go'o latje benne' ẕka'n ẕen kwine' tíḻ-ḻene' neda',
\q1 na' bi wchíx̱ benne' wen da' ẕinnj neda'.
\q1
\v 12 Chejchégwgak benne' ka' žóngake' da' ẕinnj.
\q1 Le' beno' ga bejchégwgak benne' ka', na' bi gak yeyásgake'.
\c 37
\q1
\v 1 Bi kwe' zedlo' ni'a che da' žongak benne' ka' bi zej nake' chawe',
\q1 na' bi ge'elo' ni'a che da' zej nape benne' wen da' ẕinnj ka',
\q1
\v 2 dan' te chegak benne' ka' ka žak che yix̱e' biž,
\q1 na' gak chégake' ka žak che yix̱e' da' nžogen.
\q1
\v 3 Bx̱en ḻaže' X̱anžo Dios, na' ben da' chawe',
\q1 na' soakzo' nbano', na' si'kzo' yeḻa' ba nez.
\q1
\v 4 Wyáz ḻaže' X̱anžon',
\q1 na' Ḻe' gonnkze' chio' da' ẕdan ḻažo'o.
\q1
\v 5 Bzoa kwino' ḻo na' X̱anžon',
\q1 na' bx̱en ḻaže'e Ḻe', na' Ḻe' gone' da' ẕnnablo'.
\q1
\v 6 Wḻoe'ele' da' chawe' da' nako' ka to da' žsa'ní',
\q1 na' da' ḻi ḻaže' chio' ka ḻawe' ža.
\q1
\v 7 Wzóa žize ḻaw X̱anžon', na' bẕen ḻaže'e Ḻe'.
\q1 Bi kwe' zedlo' ni'a che no benne' ẕzi'e yeḻa' ba nez, bennen' žonkze' da' bi nak chawe'.
\q1
\v 8 Bzoa cheḻa'ale yeḻa' yichj ža'a, na' bi žo'o.
\q1 Bi gak ḻažo'o yebi'o che bennen' bi nake' chawe',
\q1
\v 9 dan' wžía yi' Dios benne' wen da' ẕinnj ka',
\q1 san benne' ka' žx̱en ḻáže'gake' X̱anžon', gata' chégake' yežlyó.
\q1
\v 10 Yextído'ze biž soa bennen' bi nake' chawe'.
\q1 Ḻe'elo' liže latje bennen' san biž soe' ga na',
\q1
\v 11 san benne' gax̱jw ḻaže' ka' gata' chégake' yežlyó,
\q1 na' sí'gake' yeḻa' ba nez che yeḻa' ẕga'n chawe'.
\q1
\v 12 Benne' wen da' ẕinnj žénele' bi da' gone' che benne' chawe'.
\q1 Ḻo yeḻa' ẕža'a chie' bi ẕḻe'ele' ḻe' chawe'.
\q1
\v 13 X̱anžo Dios wẕížekze' chegak benne' wen da' ẕinnj ka'
\q1 dan' ẕḻe'ele' za' gawze ža kwia yí'gake'.
\q1
\v 14 Benne' wen da' ẕinnj ka' ẕbéjgake' ya ntoche' ka',
\q1 na' ba nzégake' yag ntóche'do' chégake' ka'
\q1 nich wžía yí'gake' benne' yache' ka', na' benne' ka' žiážjegekle',
\q1 nich gótgake' benne' ka' žóngake' da' naken chawe'.
\q1
\v 15 Ya ntoche' chégake' chazen ḻaẕdo' kwíngakkze',
\q1 na' gáchjwgak yag ntóche'do' chégake' ka'.
\q1
\v 16 Záka'že da' do' da' nape benne' chawe'
\q1 ka yeḻa' wnni'a ẕen da' zej nape benne' wen da' ẕinnj ka',
\q1
\v 17 dan' gátgakkze ni'a na'gak benne' wen da' ẕinnj ka',
\q1 san X̱anžo na'kze ẕwíakze' benne' chawe' ka'.
\q1
\v 18 Nonbia' X̱anžon' baḻ ža sóagake' nbángake'.
\q1 Da' zej nape benne' chawe' ka' soan to chi'ize.
\q1
\v 19 Bi yedoé'egekle benne' ka' kate' bi žak chégake',
\q1 na' ḻo ža kate' žak wbín gata' da' gáwgake',
\q1
\v 20 san kwia yi'gak benne' wen da' ẕinnj ka',
\q1 na' benne' ka' ẕží'igake' che X̱anžon', gak chégake' ka žak chegak yeje yix̱e' ka'.
\q1 Te chégake', na' nítgekle' ka ẕnit žen che yi'.
\q1
\v 21 Benne' ka' bi zej nake' chawe' to da' ẕnnábgake' to chí'ido'ze, san bi ženéẕjwgaken',
\q1 san benne' chawe' žeyache' ḻáže'le' lježe' ka', na' ẕneẕjwe' bi da' žiážjele'.
\q1
\v 22 Benne' ka' ẕḻe'el X̱anžon' ḻégake' chawe', gata' chégake' yežlyó,
\q1 san benne' ka' bi ẕḻe'ele' chawe', kwia yí'gakkze'.
\q1
\v 23 Da' žongak benne' chawe' ka' naken da' bḻoe'el X̱anžon' ḻégake',
\q1 na' ẕḻe'ele' chawe' yógo'te da' žóngake'.
\q1
\v 24 Kate' chejchégwgak benne' chawe' ka',
\q1 bi chejchégwgake' to chi'ize dan' nox̱w X̱anžon' ná'gake'.
\q1
\v 25 Goka' x̱kwide', na' na'a naka' benne' gole,
\q1 na' batkle bḻe'ela' to benne' chawe' wsán Dios ḻe',
\q1 na' bi ẕdagak ẕa'sógake' ka' ẕnnábgakbe' bi da' gonn no benne' chégakbe'.
\q1
\v 26 Benne' chawe' ki žeyache' ḻáže'tezle',
\q1 na' ẕneẕjwe' bi da' žiážjele no benne',
\q1 na' ẕa'sóe' ka' žak yeḻa' ba nez chégake'.
\q1
\v 27 Biž gono' da' bi nak chawe', san ben da' chawe',
\q1 na' so' nbankzo' to chi'ize,
\q1
\v 28 dan' nži'il X̱anžon' da' nak ḻi ḻaže', na' bi žsane' benne' chie' ka'.
\q1 To chi'ize gape chi'ikze' ḻégake',
\q1 san wžía yi'e lježgak benne' ka' bi zej nake' chawe'.
\q1
\v 29 Benne' chawe' ka' gata' chégake' yežlyó nga,
\q1 na' nníta'gake' to chi'ize ḻo yežlyón'.
\q1
\v 30 Benne' chawe' ẕchaḻjze' da' žejni'ile',
\q1 na' ka ẕchi'a ḻaže'e naken chawe'.
\q1
\v 31 Da' bchi'le Dios ḻe' yo'on yichj ḻáẕda'we'.
\q1 Che ḻen bi chejchegwe'.
\q1
\v 32 Benne' wen da' ẕinnj ẕḻe'ele' benne' chawen', na' žon byene' gote' ḻe'.
\q1
\v 33 Bi wsán X̱anžon' ḻe' ḻo na' bennen' bi nake' chawe',
\q1 na' bi wžía yi'e ḻe' kate' wchi'a ḻaže'e ḻe'.
\q1
\v 34 Bx̱en ḻaže' X̱anžon', na' ben ka ẕnna x̱tiže'e,
\q1 na' Ḻe' wchiskze' le' nich gata' chio' yežlyó nga.
\q1 Kate' kwia yi'gak benne' doḻa' ka', na' ḻe'elon'.
\q1
\v 35 Bḻe'ela' to benne' wen da' ẕinnj, benne' ẕente,
\q1 na' góta'ḻe'e da' nape' ka da' ẕneẕjw to yag ẕente,
\q1
\v 36 san wdé chie', na' biž zoe' na'a.
\q1 Bejdilja' ḻe', san bi bežeḻ-la'-ne'.
\q1
\v 37 Blab ḻaže' ka nak che benne' ḻi ḻaže',
\q1 na' bwia bennen' nake' chawe',
\q1 dan' ga ze ḻawte gak to yeḻa' ba nez ẕen che bennen' zoe' ḻo yeḻa' ẕga'n chawe',
\q1
\v 38 san benne' wen da' ẕinnj ka' kwia yí'gakkze'.
\q1 Bi soa no lježgak benne' wen da' ẕinnj ka',
\q1
\v 39 san X̱anžo Dios yeslé' benne' chawe' ka',
\q1 na' Ḻe' gon choche' benne' ka' kate' bi gak chégake'.
\q1
\v 40 X̱anžo Dios gákḻene' ḻégake', na' yeslé' ḻégake'
\q1 ḻo na'gak benne' ka' bi zej nake' chawe',
\q1 na' gon chawe'e ḻégake', dan' žx̱en ḻáže'gake' Ḻe'.
\c 38
\q1
\v 1 X̱ana' Dios, bi tiḻo' neda' ḻo yeḻa' ẕža'a chio'.
\q1 Bi wsako'o neda' ḻo yeḻa' snia chio',
\q1
\v 2 dan' yag ntóche'do' chio' ka' wyázgaken neda',
\q1 na' ḻen no'o bsaka' zi'o neda'.
\q1
\v 3 Bi zoa chawe' beḻa' žen chia' dan' ẕžo'o neda',
\q1 na' žit yoa'a bi zej zoan chawe' dan' bena' doḻa'.
\q1
\v 4 Da' ẕinnj ka' da' bena' ẕbága'gaken yichj ḻáẕda'wa'.
\q1 Zej naken chia' ka to ywa' zí'iḻe'e.
\q1
\v 5 Žia we' dot da' naka', na' ẕlaḻe'en, na' nóžwgak we' chia' ka'.
\q1 Žaken chia' ki dan' bena' da' ẕinnj.
\q1
\v 6 Ẕda' ẕwia' ḻo yole, dan' žedoe'ela',
\q1 na' ẕbeže nyacha'a dot ža, na' yele,
\q1
\v 7 dan' dot da' naka' ẕláḻe'en,
\q1 na' bi zoa chawe' beḻa' žen chia'.
\q1
\v 8 Nat ni'a na'a, na' žekla' zej nžoẕjen žit yoa'a.
\q1 Ẕbeže ḻaža'a dan' že' zedle yichj ḻáẕda'wa'.
\q1
\v 9 X̱ana' Dios, da' ẕdan ḻaža'a zóaḻenen Le',
\q1 na' da' ẕbeže ḻaža'a ẕḻé'ekzlo' Le'.
\q1
\v 10 Žat ḻáẕda'wa', na' ba bedó ḻaža'a,
\q1 na' biž ẕḻe'ela' chawe'.
\q1
\v 11 Žebíga'gak lježa' ka' zíto'le ni'a che yižwé' chia',
\q1 na' benne' ẕjo'o ḻi'a chia' ka' ba bkwásgake'.
\q1
\v 12 Benne' ka' žénegekle' gótgake' neda' ẕzáḻa'gake' do yeḻj nich senen neda',
\q1 na' benne' ka' žénegekle' góngake' neda' ẕia ẕnnégake' chia',
\q1 na' ẕnnágake' kwia yi'a,
\q1 na' zóatezegake' wsáka'gake' neda',
\q1
\v 13 san neda' bi ženla', kan žak che to benne' kwežw,
\q1 na' naka' ka to benne' bi žak nne', benne' bi žsaljwe' žoe'e.
\q1
\v 14 Naka' ka to benne' bi be ženle',
\q1 bennen' bi žechebe',
\q1
\v 15 dan' žx̱en ḻaža'a Le', X̱ana' Dios.
\q1 Le' yechebo' ḻo wlaza' neda'.
\q1
\v 16 Bi go'o latje yebégekle' ni'a che da' žaken chia'.
\q1 Kate' chejchegwa', bi go'o ḻégake' latje wká'n ẕen kwíngake' dan' žak nyache' ḻaža'a,
\q1
\v 17 san za' chejchegwa', na' ẕláteze dot da' naka'.
\q1
\v 18 Che ḻen yex̱óalapa' da' bi nak chawe' da' bena',
\q1 na' gak nyache' ḻaža'a ni'a che doḻa' da' nbaga'a.
\q1
\v 19 Benne' ka' bi ẕḻé'egekle' neda' chawe' zej zoakze' chawe', na' zej nake' waḻe.
\q1 Zej nyanḻe'e benne' ka' bi ẕḻé'egekle' neda' chawe', na' bi be ẕia bena' ḻégake'.
\q1
\v 20 Benne' ka' žóngake' benne' chawe' ka' ẕia.
\q1 Zej nake' benne' ka' bi ẕḻé'egekle' neda' chawe' dan' žónteza' da' naken chawe'.
\q1
\v 21 Bi kwej yichjo' neda', X̱ana' Dios.
\q1 Dios chia', bi so' zi'to' gan zoa'.
\q1
\v 22 Ben byene gákḻeno' neda', X̱ana' Dios.
\q1 Nakkzo' Le' Benne' Weslá chia'.
\c 39
\q1
\v 1 Neda' wnnía': “Gon chi'a binlo kwina' nich bi gona' doḻa' ḻo da' wchaḻja'.
\q1 Gon chi'a binlo da' wchaḻja', x̱ak zoa benne' wen da' ẕinnj gan zoa' neda'.”
\q1
\v 2 Wzóa' žize ka to benne' bi žak nnie' na' bi be wnnía',
\q1 na' bi bchaḻja' da' naken chawe' da' žaḻa' nnia', na' bgolže da' ẕzaka'a.
\q1
\v 3 Gok ḻáẕda'wa' ka to da' žeyen,
\q1 na' x̱ak blab ḻaža'a chen, goken ka to yi',
\q1 na' wnnabla' X̱anžon', wnnía':
\q1
\v 4 “X̱ana' Dios, bḻoe'el neda' da' gak chia',
\q1 na' baḻ ža soa' nbana'.
\q1 Bzejní'il neda' bayén batx̱ gata'.
\q1
\v 5 Beno' chia' soa' nbabze ža,
\q1 na' yiz chia' bi be zej naken ḻawo' Le'.
\b
\q2 Da' likze bi be zej nak ža chegak benách ka'.
\b
\q1
\v 6 “Da' li zej nak benne' ka' ka to ẕóḻdo'ze.
\q1 Da' likze dáche'ze zej že' benne' ka' wnné yoe ni'a che yeḻa' nban chégake'.
\q1 Ẕdan ḻáže'gake' yeḻa' wnni'a, na' bi zej nnezle' no benne' gaken chie'.
\q1
\v 7 Na'a, X̱ana' Dios, ¿biẕkze wx̱én ḻaža'a?
\q1 Toze Le' žaḻa' wx̱én ḻaža'a.
\q1
\v 8 Beslá neda' ḻo yógo'te da' ẕinnj da' bena'.
\q1 Bi go'o latje benne' yaḻ ḻaže' ka' gon dítjgekle' neda'.
\q1
\v 9 Wzóa' žize, na' bi be wnnía' dan' beno' Le' goken ki chia'.
\q1
\v 10 Beká'a yižwé' da' bzo' ḻo beḻa' žen chia'.
\q1 Za' gata' ḻo da' žsako'o neda'.
\q1
\v 11 Žsako'o no benne' doḻa' nich wzejni'ilo'-ne',
\q1 na' ka žon beldon' ẕteba' laže', Le' ẕchinnjo' da' nží'ižele bennen'.
\b
\q2 Da' likze bi be zej nak ža chegak benách ka'.
\b
\q1
\v 12 “Benle da' ẕnnabla' Le', X̱ana' Dios, na' bze nag da' žḻiža' Le'.
\q1 Bi so' žize kate' zoa' ẕbeža' ḻawo' Le'
\q1 dan' naka' neda' ḻawo' Le' ka to benne' ẕdaze' yežlyó.
\q1 Naka' ka to byinne ẕdezba' kan gokgak x̱a x̱na' wdé chia' ka'.
\q1
\v 13 Bi be gono' chia' to chi'ize
\q1 nich gata' latje yezí' ḻaža'a,
\q1 dan' ḻa' yeza'tia' yežlyó nga, na' biž soa'.”
\c 40
\q1
\v 1 Ḻo yeḻa' ẕen ḻaže' chia' wleza' X̱ana' Dios,
\q1 na' bze nage' chia', na' benle' da' wnnabla' Ḻe'.
\q1
\v 2 Bebeje' neda' ka to ḻo yežw gže', na' ḻo da' nak ka gona'.
\q1 Bzoe' ni'a to ḻo yej x̱e, na' begoé'e neda' nez chawe'.
\q1
\v 3 Bene' ga žoḻa' to da' kob da' ẕka'n ẕenen X̱anžon'.
\q1 Benne' zante ḻé'egekle' da' ni da' bene' Ḻe',
\q1 na' žébegake' Ḻe', na' wx̱én ḻáže'gake' X̱anžo Dios.
\q1
\v 4 Ba nez ẕen naken che bennen' žx̱en ḻaže'e X̱anžo Dios,
\q1 na' bi žónḻene' tẕen benne' ka' ẕží'igake' che Dios,
\q1 na' kege ḻen benne' ka' ẕka'n ẕéngake' lo'a ka'.
\b
\q1
\v 5 Da' ẕenḻe'e beno', X̱ana' Dios, na' žebanlto',
\q1 na' ka zej nak da' žak ḻažo'o Le' gono' cheto', bi gak wlabto' ḻawo' Le'.
\q1 Cha' wzenla' no benne' ka zej naken,
\q1 na' cha' wchaḻja' chégaken, bi gak wlaba' ḻégaken.
\q1
\v 6 Bi chaz ḻažo'o biado' ka' gota' ḻawo' Le', cha' to da' gonna' chio'.
\q1 Bi ẕnnabo' biado' ka' wzeya' ḻawo' Le',
\q1 na' žen chegak biado' ka' da' ko'an ḻawo' Le' ni'a che doḻa' chia',
\q1 san bsaljo' naga' nich yenla' chi'o.
\q1
\v 7 Naž wnnía': “Bwia nga, za'a neda'.
\q1 Nyejw ḻe'e yiche la'y ka nak chia'.
\q1
\v 8 Žaz ḻaža'a gona' da' žak ḻažo'o Le', Dios chia',
\q1 na' da' wnnakzo' Le' yo'on ḻo yichj ḻáẕda'wa'.”
\q1
\v 9 Ba bzenla' benne' ka' da' chawe' da' nako' gan zej ndobe benne' zante ka' ḻawo' Le'.
\q1 Bwia nga, bi wzóa' žize, na' nnézkzelon' Le', X̱ana' Dios.
\q1
\v 10 Bi bkáche'za' da' chawe' da' nako' ḻo ḻáẕda'wa',
\q1 san bchaḻjkza' ka nak yeḻa' ḻi ḻaže' chio', na' kan žesló' benne' ka'.
\q1 Bi wzóa' žize ka nak yeḻa' žeyache' ḻaže' chio',
\q1 na' ka nak da' naken dot da' li chio' ladjw benne' zante zej ndobe' chio' Le'.
\q1
\v 11 X̱ana' Dios, bi želo' yeyache' ḻáže'lo' neda'.
\q1 Yeḻa' žeyache' ḻaže' chio', na' da' likze chio' žákḻentezegaken neda'.
\q1
\v 12 Nyéchjgekle da' bi nak chawe' ka' neda',
\q1 na' da' bi nak chawe' ka' da' bena' zej žian neda'.
\q1 Che ḻen bi gak chis ḻawa' ḻawo' Le'.
\q1 Zej nyanžen ka zej nak yicha' yichja' na' žedó ḻaža'a.
\q1
\v 13 Ẕnnabla' Le', X̱ana' Dios, yesló' neda'.
\q1 X̱ana' Dios, ben byene gákḻeno' neda'.
\q1
\v 14 Ben ga yedoé'egekle, na' chíx̱gekle benne' ka' žénegekle' gótgake' neda'.
\q1 Ben ga wẕonnjgak, na' yedoé'egekle benne' ka' žak ḻáže'gake' góngake' neda' ẕia.
\q1
\v 15 Ben ga chíx̱gekle, na' wẕonnjgak benne' ka' ben dítjgekle' neda'.
\q1
\v 16 Ben ga yebégekle, na' soagak ḻo yeḻa' ba nez benne' ka' žx̱en ḻáže'gake' Le',
\q1 na' nnégakkze benne' ka' zej nži'ile' Le', Benne' Weslá chégake'.
\q1 Nnágake': “¡Ga'n ẕen X̱anžon'!”
\q1
\v 17 Ḻa'kze wsáka'gake' neda', na' gak nyache' ḻaža'a,
\q1 bi gaḻ ḻažo'o Le' neda', X̱ana' Dios.
\q1 Le' žákḻeno' neda', na' žesló' neda'.
\q1 X̱ana' Dios. Bi želo' gákḻeno' neda'.
\c 41
\q1
\v 1 Ba nez ẕen naken che bennen' že' ḻaže'e benne' yache' ka'.
\q1 Bi ža zoe' ḻo da' zede, yeslá X̱anžon' ḻe'.
\q1
\v 2 X̱anžon' gape chi'ikze' ḻe', na' wneẕjwe' ḻe' yeḻa' nban.
\q1 Gak to yeḻa' ba nez ẕen che bennen' ḻo yežlyó nga,
\q1 na' bi wdé X̱anžon' ḻe' ḻo na'gak benne' ka' bi ẕḻé'egekle' ḻe' chawe'.
\q1
\v 3 X̱anžo Dios góx̱wkze' ḻe' kate' die' gan ẕzáka'ḻi'e.
\q1 Yeyón chawe'e dot da' nake' katen' bi zoe' chawe'.
\q1
\v 4 Wnnía': “X̱ana' Dios, beyache' ḻaže'l neda'.
\q1 Beyón be' da' nakkza' dan' bena' doḻa' kate' bži'a chio' Le'.”
\q1
\v 5 Benne' ka' bi ẕḻé'egekle' neda' chawe' ẕnnégake' chia', na' ẕnnábgake':
\q1 “¿Batx̱ gat benne' ni, na' gak gaḻ ḻáže'to' ḻe'?”
\q1
\v 6 Žedjwíagake' neda', san kege nich gak chia' da' chawe'.
\q1 Ẕbéjgake' neda' diža' nich gak nnégake' chia',
\q1 na' kate' žežójgake', na' ẕzégake' dižan'.
\q1
\v 7 Kate' ẕdobgak benne' ka' bi ẕḻé'egekle' neda' chawe', na' ẕnnétezegake' chia'.
\q1 Ẕcháḻjḻentezegake' ljéžgake' ka' chia' neda', na' ẕnnágake':
\q1
\v 8 “Ba de'e to yižwé' da' goten ḻe',
\q1 na' biž yeyase' gan die'.”
\q1
\v 9 Ḻeska' bennen' bga'n chawe'e ḻen neda', bennen' bx̱en ḻaža'a, na' bdáwḻenkze' neda',
\q1 benne' ni wnnekze' chia' neda'
\q1
\v 10 san Le', X̱ana' Dios, beyache' ḻaže'l neda', na' ben ga yeyasa',
\q1 na' yebi'a chegak benne' ka' da' yeyáḻa'gake'.
\q1
\v 11 Kikze nnezla' žona' da' žaz ḻažo'o Le',
\q1 na' bennen' bi ẕḻe'ele' neda' chawe' bi be gak gone' chia'.
\q1
\v 12 Le' nóx̱wkzo' neda' dan' naka' gaẕjw ḻaže',
\q1 na' bzo' neda' ḻawo' Le' to chi'ize.
\b
\q1
\v 13 ¡Ga'n ẕen X̱anžon'!
\q2 Nake' Dios chegak benne' Israel ka'
\q2 yógo'te yiz nníta'gake', na' to chi'ize.
\q2 Ka'kze naken, na' ka'kze gaken.
\c 42
\q1
\v 1 Ka žon bžina' yix̱e' ẕbéžeya'aba' dan' ẕbiḻba',
\q1 ka' ẕnnab be' da' nakkza' da' nak chio', Dios.
\q1
\v 2 Ẕbiḻe be' da' nakkza' dan' naken chio', Dios ban.
\q1 ¿Batx̱ gak yida' nich ḻa'a ḻawo' Le', Dios?
\b
\q1
\v 3 Nis da' ẕbeža' goken ka yet žawa' dot ža, na' yel,
\q1 na' ẕnnábgekle' neda' yógo'te ža, na' ẕnnágake':
\q1 “¿Ganẕkze Dios chio'?”
\q1
\v 4 Žezá' ḻaža'a da' ki, na' ẕbeže ḻaža'a.
\q1 Žezá' ḻaža'a kan wyá'aḻena' benne' zan ka', na' wneẕwa' ḻáwgake' ḻo liž Dios,
\q1 Beḻžo ḻo yeḻa' žebele, na' bka'n ẕenžo Dios ḻo lni.
\b
\q1
\v 5 ¿Biẕ chen' žat ni'a no'o, be' da' nakkza'?
\q2 ¿Biẕ chen' že' zedlo' ḻo yichj ḻáẕda'wa'?
\q2 Bx̱en ḻaže' Dios dan' wká'n ẕenkza' Ḻe' da' yoble.
\q2 Nake' Benne' Weslá chia', na' Dios chia'.
\b
\q1
\v 6 X̱ana' Dios, ba nat ni'a na' be' da' nakkza' ḻo yichj ḻáẕda'wa'.
\q1 Che ḻen žezá' ḻaža'a chio' kate' ne zoa' ḻo yežlyó yecheḻa'ale yegw Jordán nga,
\q1 ḻo ya'a Hermón gan že' Ya'a Misar.
\q1
\v 7 Ka nak žax̱to' da' žon nisdo', ka' žon to nis wbá'a chio', Dios.
\q1 Ẕzaka' be' da' nakkza' dan' nis wbá'a dan' bselo'o ẕchen' neda'.
\b
\q1
\v 8 Tža tža žeyache' ḻaže'l X̱anžon' neda',
\q1 na' žel goḻkza' da' we ḻawa' Ḻe',
\q1 na' wcháḻjḻena' Dios, Bennen' žonne' yeḻa' nban chia'.
\q1
\v 9 Yapa' Dios: “Le' žape chi'o neda'.
\q1 ¿Biẕ chen' naḻ ḻažo'o neda'?
\q1 ¿Biẕ chen' žak nyache' ḻaža'a dan' benne' bi ẕḻe'ele' neda' chawe' žsake'e neda'?”
\q1
\v 10 Žlagak žit yoa'a dan' benne' ka' bi ẕḻé'egekle' neda' chawe' žon dítjgekle' neda'.
\q1 Tža tža ẕnnábgekle' neda', na' ẕnnagake':
\q1 “¿Ganẕkze Dios chio'?”
\b
\q1
\v 11 ¿Biẕ chen' žat ni'a no'o, be' da' nakkza'?
\q2 ¿Biẕ chen' že' zedlo' ḻo yichj ḻáẕda'wa'?
\q2 Bx̱en ḻaže' Dios dan' wká'n ẕenkza' Le' da' yoble.
\q2 Nake' Benne' žeslé' neda', na' Dios chia'.
\c 43
\q1
\v 1 Bchi'a ḻaže' neda', X̱ana' Dios, na' bḻoe'e ḻaw naka' chawe'.
\q1 Beslá neda' ḻo na'gak benne' ka' ẕzóagake' Le' cheḻa'ale,
\q1 na' ḻo na'gak benne' wen ḻaže' ka', benne' wen da' ẕinnj ka'.
\q1
\v 2 Nako' Le' Dios chia', na' ẕzoa chocho' neda'.
\q1 ¿Biẕ chen' bsan ḻažo'o neda'?
\q1 ¿Biẕ chen' žak nyache' ḻaža'a
\q1 dan' benne' bi ẕḻe'ele' neda' chawe' žsaka' zi'e neda'?
\q1
\v 3 Bseḻa' yeḻa' baní' chio', na' da' likze chio' ga zoa' ni.
\q1 Da' ki yegó'ogaken neda' nez.
\q1 Wché'gaken neda' ḻaw ya'a la'y chio', na' gan zoakzo' Le'.
\b
\q1
\v 4 Choa'a gan zoa bkog la'y che Dios.
\q1 Choa'a ḻaw Dios, Bennen' žone' ga žebela', na' gan soa' ḻo yeḻa' ba nez.
\b
\q1 Wká'n ẕena' Le' ḻen da' žinna'.
\q1 Le' nako' Dios chia' neda'.
\b
\q1
\v 5 ¿Biẕ chen' žat ni'a no'o, be' da' nakkza'?
\q2 ¿Biẕ chen' že' zedlo' ḻo yichj ḻáẕda'wa'?
\q2 Bx̱en ḻaže' Dios dan' wká'n ẕenkza' Le' da' yoble.
\q2 Nake' Benne' žeslé' neda', na' Dios chia'.
\c 44
\q1
\v 1 Dios, x̱a x̱na' gole cheto' ka' bzéngekle' neto'
\q1 da' beno' ḻo ža chégake', dan' beno' yiz wdé ka'.
\q1
\v 2 Bchinnjo' yezika' yež ka' ḻawgak x̱a x̱na' gole cheto' ka',
\q1 na' bnnito'o ḻégake' ḻo latje chegak benách ca'.
\q1 Bsáka'ḻi'o benne' yež ka', san bzoa chocho' benne' chio' ka' ḻo yežlyó gan zoato' neto' na'a.
\q1
\v 3 X̱a x̱na' gole cheto' ka' bi wẕí'gake' yežlyó nga ḻen ya ntoche' chégakkze' ka'.
\q1 Bi beslá kwíngake' ḻen yeḻa' waḻe da' zej nape',
\q1 san Le' besló' ḻégake' ḻen yeḻa' wak chio',
\q1 na' ḻen yeḻa' waḻe chio', na' ḻen yeḻa' ẕen chio',
\q1 dan' wyáz ḻažo'o ḻégake'.
\q1
\v 4 Le', Dios, nako' Benne' Wnná Bia' chia'.
\q1 Beslá neto', ẕa'só Jakob.
\q1
\v 5 Ḻen yeḻa' wak chio' Le' wzéx̱jwto' benne' ka' ẕdíḻ-ḻengake' neto'.
\q1 Ni'a chio' Le' ẕzéx̱jwto' ḻégake'.
\q1
\v 6 Bi wx̱én ḻaža'a yag ntoche' chia',
\q1 dan' bi yeslán neda'.
\q1
\v 7 Le' wdape chi'o neto' nich bi be gok gongak cheto' benne' ka' bi ẕḻé'egekle' neto' chawe'.
\q1 Beno' ga bedoé'egekle benne' ka' ẕžá'agake' neto'.
\q1
\v 8 Ni'a chio' Le', Dios, sóatezto' ḻo yeḻa' ba nez,
\q1 na' to chi'ize wx̱én ḻáže'to' Le',
\q1
\v 9 san wléj yichjo' neto', na' beno' ga žedoe'elto',
\q1 na' bi žéjḻeno' benne' cheto' ka', benne' žjake' ḻo wdiḻe.
\q1
\v 10 Beno' ga bẕonnjto' ḻawgak benne' ka' ẕdíḻ-ḻengake' neto',
\q1 na' benne' ka' ẕží'igake' cheto' beká'agake' yógo'te da' wdapto'.
\q1
\v 11 Bdio' neto' ka ẕila' ka' ḻo na'gak benne' ka' žótgake' neto',
\q1 na' besḻaso' neto' ladjw benne' zi'to' ka'.
\q1
\v 12 Bdezo' neto', benne' chio' ka', ḻo ná'gake',
\q1 na' bi be bezi'o.
\q1
\v 13 Beno' ga benne' yež gawze ka' ẕnnégake' cheto'.
\q1 Benne' zej nyechjle' neto' ẕká'ngake' neto' ka'ze, na' žẕížegake' cheto'.
\q1
\v 14 Bzo' neto' ka to da' ẕnnagak benne' wláž cheto' ka' naken to da' nyáche'ḻe'e.
\q1 Kate' ẕḻé'egekle benne' ka' neto', ẕta yíchjgake',
\q1 na' žebángekle' ka žak nyache' ḻáže'to'.
\q1
\v 15 Tža tža žedoé'etezla', na' žé'teza' ḻo da' zedḻe'e.
\q1
\v 16 Ẕnnégake' chia', na' ẕzóagake' neda' cheḻa'ale.
\q1 Benne' ka' bi ẕḻé'egekle' neda' chawe' ẕži'igake' chia', na' žóngake' neda' ẕia.
\q1
\v 17 Yógo'te da' ki žákgaken cheto', san bi na' gaḻ ḻáže'to' Le'.
\q1 Bi na' wzoato' cheḻa'ale x̱tižo'o dan' bénḻeno' neto'.
\q1
\v 18 Bi na' wsán ḻáže'to' Le',
\q1 na' bi na' wzoato' cheḻa'ale da' bchi'lo' neto'.
\q1
\v 19 ¿Biẕ chen' bzo' neto' cheḻa'ale lo latj chegak bia snia ka',
\q1 na' bzo' neto' gan za' gatto'?
\b
\q1
\v 20 Chela' goḻ ḻáže'to' Dios cheto',
\q1 o chela' bka'n ẕento' lo'a ka',
\q1
\v 21 ¿bi žaḻa' ža'a Dios neto' ni'a che da' ki?
\q1 Ḻe' nnézkzele' da' yo'o ḻo yichj ḻáẕdo'gak benne' ka'.
\b
\q1
\v 22 Dan' nakto' chio', tža tža zóagake' gótgake' neto'.
\q1 Béngake' neto' ka ẕila' za' gótgake'-ba'.
\b
\q1
\v 23 ¡Bebán, X̱anto' Dios! ¿Biẕ chen' ẕtaso'?
\q2 ¡Bebán! ¡Bi so' zi'to' to chi'ize!
\b
\q1
\v 24 ¿Biẕ chen' bkache' kwino',
\q1 na' bi žákbe'elo' kan ẕzáka'ḻe'eto',
\q1 na' kan ẕkóngekle benne' ka' neto' žin?
\q1
\v 25 Ba nat ni'a na' be' da' nakkzto',
\q1 dan' bzéx̱jwgake' neto', na' žx̱óbgake' neto' ḻo yo.
\b
\q1
\v 26 ¡Wzó ža'! ¡Gokḻen neto'!
\q2 ¡Ḻo yeḻa' žeyache' ḻaže' chio', beslá neto'!
\c 45
\q1
\v 1 Yo'o yichj ḻáẕda'wa' diža' x̱tanḻe'e ka',
\q1 na' goḻkza' ka nak che benne' wnná bia'.
\q1 Goḻkza' da' bzoj to benne' ẕcháḻjḻi'e chawe'.
\b
\q1
\v 2 Nako' le' x̱tánle'eže ka yógo'te benne' ka'.
\q1 Nak cheto' yeḻa' ba nez ni'a che da' ẕchaḻjo',
\q1 dan' Dios ben cháwe'kze' le' to chi'ize.
\q1
\v 3 Bda' ya ntoche' chio' žoa'a ḻi'o, le', benne' waḻe,
\q1 ḻo yeḻa' ẕen chio', na' ḻo yeḻa' wnná bia' chio'.
\q1
\v 4 Ḻo yeḻa' ẕen chio' zo' nbankzo'.
\q1 Bkonle žin diža' li, na' yeḻa' gax̱jw ḻaže',
\q1 na' da' chawe', na' wzejní'il kwino' da' ẕenḻe'e ka'.
\q1
\v 5 Zej nḻáḻe'egak yag ntóche'do' chio' ka',
\q1 da' ka' gótgaken benne' yež ka' ḻawo' le',
\q1 na' cházgaken ḻáẕdo'gak benne' ka' ẕžá'agake' le'.
\b
\q1
\v 6 Gan ži'o, Dios, žen' to chi'ize, na' sóatezen.
\q2 Chawe' nak ka ẕnna bi'o.
\q1
\v 7 Nži'ilo' da' nak chawe',
\q2 na' bi ẕḻe'elo' chawe' da' bi nak chawe'.
\b
\q1 Che ḻen Dios chio' bzoe' le' latje chio', gan žebéḻe'eželo' ka lježo' ka'.
\q1
\v 8 Ẕḻa' ẕix̱ ẕa lano' ḻen da' ka' zej naken mirra, na' áloe, na' kasia, da' ka' ẕḻá'gaken ẕix̱.
\q1 Ḻo ližo' da' záka'ḻe'en ẕzóagake' le' ḻo yeḻa' ba nez.
\q1
\v 9 Bi' no'le chegak benne' wnná bia' ka' zej zoabe' ladjw ẕo'lo' ka', no'le ka' zej nakže' blo.
\q1 Kwito' ḻi ža že' bi' no'len' gakbe' ẕo'lo', bi' no'len' si'be' oro da' zan' zaka' yež Ofir.
\b
\q1
\v 10 Bze nag, nó'ledo', na' bwia nga, na' benle da' nnia'.
\q1 Žaḻa' gaḻ ḻažo'o lažo', na' liž x̱o',
\q1
\v 11 na' benne' wnná bian' dan ḻaže'e yeḻa' x̱tan chio'.
\q1 Gok gax̱jw ḻaže' ḻawe' ḻe' dan' nake' ḻe' x̱ano',
\q1
\v 12 na' ḻa'gak no'le yež Tiro ka' ḻawo' le', zej noe'e da' gónngake' chio'.
\q1 Nnabgak benne' wnni'a ka' to da' gono' chégake'.
\b
\q1
\v 13 X̱tanle'e nak bi' no'le che benne' wnná bian' ḻo yo'o gan zoe'.
\q1 Ẕa lánabe' nzin' da' x̱tan ka' da' zej naken oro.
\q1
\v 14 Wché'gake'-be' ḻaw benne' wnná bian',
\q1 nákwbe' ẕa lánabe' dan' nwa'ḻe'en da' x̱tan ka'.
\q1 X̱kwide' nó'ledo' ka' chjakbe' x̱kóže'lbe'.
\q1 Nó'ledo' ki, no'le lježbe' ka', wché'gakbe' ḻebe' ḻaw benne' wnná bian'.
\b
\q1
\v 15 Ḻo yeḻa' žebele, na' ḻo yeḻa' ba nez wché'gakbe' ḻebe',
\q1 na' chó'ogakbe' ližo', benne' wnná bia'.
\q1
\v 16 Ḻo latje chegak x̱a x̱to'o ka' soagak ẕi'no' ka'.
\q1 Gono' ga nna bia'gak x̱kwide' chio' ka' do ẕente yežlyó.
\q1
\v 17 Gona' ga chejsá' ḻáže'gak yógo'te benne' ka' lo'.
\q1 Che ḻen wká'n ẕengak benne' ka' le' yógo'te yiz so', na' to chi'ize.
\c 46
\q1
\v 1 Dios ẕḻe'ekzle' žo'o, na' žone' žo'o benne' waḻe ka'.
\q1 Zóateze' gákḻene' žo'o kate' ẕzáka'žo.
\q1
\v 2 Che ḻen, bi žébežo ḻa'kze x̱o' yežlyó nga,
\q1 na' chejchazgak ya'a ka' ḻo nisdo',
\q1
\v 3 na' ḻa'kze chasḻe'e nisdon', na' gonḻe'en žax̱to',
\q1 na' ẕízegak ya'a ka' ni'a che da' žẕo'.
\q1
\v 4 De to yegw da' ẕnnen ḻo yeḻa' žebele ḻo yež che Dios,
\q1 na' ḻo liž Dios, Bennen' nape' dot yeḻa' ẕen.
\q1
\v 5 Dios zoe' yežen', na' batkle kwia yin'.
\q1 Yide' zildo' na' gákḻene' benne' wláž ka' che yežen'.
\q1
\v 6 Ẕbéžeya'agak benne' yežlyó nga, na' ẕžébegake' Dios, Benne' Wnná Bia' Ẕen.
\q1 Ẕnne Dios kan ẕnne wzió', na' ẕbia yi' yežlyó.
\b
\q1
\v 7 Dios, Bennen' nape' dot yeḻa' wak, zóaḻene' žo'o.
\q2 Dios na' che Jakob ẕkache' chawe'e žo'o.
\b
\q1
\v 8 Le da ḻé'elele da' ka' ben X̱anžon'.
\q1 Le wia dan' bene' ḻo yežlyó dan' žonen ga žebanlžo.
\q1
\v 9 Ẕzoa žie' wdiḻe ka' žákgaken do ẕente yežlyó.
\q1 Žichje' da' ka' ẕsegak yag ntóche'do' ka',
\q1 na' ẕzoẕjwe' yag ntoche' ka' che wdiḻe,
\q1 na' ẕzeye' karro ka' che wdiḻe.
\q1
\v 10 Ẕnna Dios: “Le soa žize, na' le nnezle naka' Dios.
\q1 Napža' yeḻa' wak ka da' zej nape yógo'te yež ka'.
\q1 Napža' yeḻa' wak ka da' zej nape benne' dot yežlyó.”
\b
\q1
\v 11 Dios, Bennen' nape' dot yeḻa' wak, zóaḻene' žo'o.
\q2 Dios na' che Jakob ẕkache' chawe'e žo'o.
\c 47
\q1
\v 1 ¡Le kapa' na'le, ḻe'e, yógo'te benne' ka'!
\q2 ¡Le wká'n ẕen Dios ḻen yeḻa' žebele!
\b
\q1
\v 2 Žaḻa' žébežo X̱anžon', Bennen' nape' dot yeḻa' wak.
\q1 Nake' Benne' Wnná Bia' Ẕen, na' ẕnna bi'e dot yežlyó.
\q1
\v 3 Bdie' benne' zi'to' ka' ḻo na'žo.
\q1 Bnnite'e žo'o nich nna bia'žo yež ka'.
\q1
\v 4 Beké'e yežlyó nga ḻo ná'gake', na' bennen' chežo,
\q1 na' naken to yežlyó x̱tanḻe'e che ẕa'só Jakob ka', benne' ka' nži'ile'.
\q1
\v 5 Ẕben Dios gan ži'e ẕnna bi'e.
\q1 Ẕbéžegak lozgak bia ka' kate' ẕben X̱anžon' ga na'.
\b
\q1
\v 6 ¡Le goḻ da' wká'n ẕenle Dios! ¡Le goḻ!
\q2 ¡Le goḻ da' wká'n ẕenle Bennen' ẕnna bi'e žo'o!
\b
\q1
\v 7 Dios nake' Benne' Wnná Bia' Ẕen dot ḻo yežlyó nga.
\q1 ¡Le goḻ chie' ḻen dot yeḻa' žejní'il chele!
\q1
\v 8 Že' Dios gan ẕnna bi'e, ḻo latje la'y na'.
\q1 Ẕnna bi'e yógo'te yež ka'.
\q1
\v 9 Ẕdobgak benne' ka' ẕnna biá'gake' yógo'te yež ka'
\q1 tẕen ḻen benne' ka' che Dios che Bran.
\q1 Benne' ka' ẕnna biá'gake' do ẕente yežlyó nga
\q1 bdégake' yeḻa' wnná bia' chégake' ḻo na' Dios.
\q1 Ḻe' ẕnna bi'e yógo'te benne' wnná bia' ka'.
\c 48
\q1
\v 1 Ẕenḻe'e nak X̱anžon', na' žaḻa' wká'n ẕénḻe'ežo Ḻe'
\q1 ḻo yež che Dios chežo, dan' žen' ḻaw ya'a la'y chie'.
\q1
\v 2 Sión, ya'a ẕen che Dios, naken sibe, na' x̱tanḻe'e.
\q1 Naken yež che Benne' Wnná Bia' Ẕen,
\q1 da' žonnen yeḻa' žebele chegak benách dot yežlyó nga.
\q1
\v 3 Dios bḻoe'ele' ḻaw ẕkache' chawe'e žo'o.
\q1 Zoe' ḻo yo'o zaka' ka' che yež chien'.
\q1
\v 4 Bdobgak benne' wnná bia' ka',
\q1 na' bḻá'gake' nich tíḻ-ḻengake' benne' yežen' ka',
\q1
\v 5 san kate' bḻé'egeklen', na' bebángekle'.
\q1 Bžébegake', na' bẕónnjgake'.
\q1
\v 6 Wžé' zédḻe'egekle', na' wẕáka'ḻe'egake'
\q1 ka žak che to no'le za' gaḻj bi' že'n chie'.
\q1
\v 7 Gókgake' ka barkw ka' žx̱íte'gaken
\q1 kate' žakḻe'e be' ḻo nisdo'.
\q1
\v 8 Benlžo che da' ben Dios, na' na'a ba bḻe'elžon
\q1 ḻo yež che X̱anžon', Bennen' nape' dot yeḻa' wak.
\q1 Ḻe' wzóa chawe'e yež nga to chi'ize.
\b
\q1
\v 9 Ga nak ḻo yodo' chio' Le', Dios,
\q1 žezá' ḻáže'to' ka nak yeḻa' ži'i ḻaže' ẕen chio'.
\q1
\v 10 Gáte'teze ẕka'n ẕengak benách ka' Le',
\q1 na' yeḻa' ẕen chio' ẕžinen do ẕente yežlyó.
\q1 Ka ẕnna bi'o naken chawe'.
\q1
\v 11 Yebéḻe'egekle benne' ka' nníta'gake' yež Sión.
\q1 Yebégekle benne' ka' nníta'gake' yež ka' che Judá dan' ẕchi'a ḻáže'kzo' ḻégake'.
\b
\q1
\v 12 Ḻe'e, benne' ka' che Dios, le chechjle žoa'a yežen'.
\q1 Le wláb yo'o sibe ka', da' ka' žape chí'igaken yežen'.
\q1
\v 13 Le wia nga ka nak ze'e ẕen da' nyechjlen yežen'.
\q1 Le wia binlo ka zej nak yo'o waḻe ka' chen,
\q1 nich wzénlele x̱kwide' chele ka' ka zej naken.
\q1
\v 14 Dios ni nakkze' Dios chežo to chi'ize.
\q1 Ḻe' wḻoé'ekzle' žo'o nez chawe'.
\c 49
\q1
\v 1 Le yenle da' ni, ḻe'e, benne' yógo'te yež ka'.
\q1 Le wzé nag, ḻe'e, benne' dot yežlyó nga,
\q1
\v 2 ḻe'e, benne' blo ka', na' ḻe'e, benne' gax̱jw ka',
\q1 ḻe'e, benne' wnni'a ka', na' ḻe'e, benne' yache' ka'.
\q1
\v 3 Wchaḻjkza' da' naken che yeḻa' žejní'il,
\q1 na' wzejni'ila' ḻe'e da' yo'on yichj ḻáẕda'wa'.
\q1
\v 4 Bze nag diža' ki che yeḻa' žejní'il.
\q1 Goḻkza' che to da' ngache', na' chinna' da' žóḻ-ḻena'.
\q1
\v 5 ¿Biẕ chen' žon byenen žeba' ḻo ža che da' zede,
\q1 kate' nyechjlen neda' da' ẕinnj da' žongak benne' ka' bi ẕḻé'egekle' neda' chawe'?
\q1
\v 6 Benne' ka' žx̱en ḻáže'gake' da' zej nake',
\q1 na' ẕka'n ẕen kwíngake' dan' zej nape' yeḻa' wnni'a.
\q1
\v 7 Bi be gak góngake' da' yebéj chawen' ljéžgake' ka',
\q1 na' bi gak wnéẕjwgake' to da' yeslán ḻégake',
\q1
\v 8-9 nich sóatezegake' nbángake' nich batkle nnitle beḻa' žen chégake'
\q1 dan' ẕenḻe'e nak da' yeya'wn yeḻa' nban chegak benách,
\q1 na' batkle gak no benne' chiẕjwen'.
\q1
\v 10 Ḻé'egekle' žatgak benne' žejní'igekle',
\q1 na' žak chégake' tḻebe kan žak chegak benne' yaḻ ḻaže' ka', na' chegak benne' ḻaẕdo' zide ka',
\q1 na' wká'ngake' yeḻa' wnni'a chégake' ḻo na'gak benne' yoble ka'.
\q1
\v 11 Ẕnna ḻáže'gake' sóatezegak ẕa'sógake' ka',
\q1 na' ga'ngak lížgake' nich gákgaken chegak yógo'te kwe' ẕa'sógake' ka',
\q1 na' ẕzóagake' la yežlyó chégake' kan légake',
\q1
\v 12 san bi gá'nteze benne' ka' ḻo yeḻa' ba nez.
\q1 Zej nake' ka bia yix̱e' ka', bia ka' žátgakba'.
\q1
\v 13 Yógo'te da' žóngake' naken dáche'ze,
\q1 na' wká'ngake' da' bx̱en ḻáže'gake'.
\q1
\v 14 Zej nake' ka to kwe' ẕila' ka' žjakba' ḻo yi' gabíl,
\q1 gan gape chi'i yeḻa' got ḻégakba',
\q1 na' benne' chawe' ka' nna biá'gake' benne' wnni'a ka' kate' za' cha'ní',
\q1 na' kwia yi'gak da' ka' wdápgake',
\q1 na' yi' gabíl naken gan nníta'tezegake'.
\q1
\v 15 Dios yeya'we' yeḻa' nban chia' ḻo yi' gabíl
\q1 na' yechi'e neda' gan zoakze' Ḻe'.
\q1
\v 16 Bi kwe' zedlo' kate' no benne' ẕzí'ḻi'e yeḻa' wnni'a,
\q1 na' kate' žone' liže' da' záka'ḻe'en.
\q1
\v 17 Kate' gate' bi be yechi'e,
\q1 na' bi chejḻen yeḻa' wnni'a chien' ḻe'.
\q1
\v 18 Ḻa'kze x̱ak wzóe' nbane' gok chie' yeḻa' ba nez ẕen,
\q1 na' bka'n ẕengak benne' ka' ḻe' katen' wzóe' nbane',
\q1
\v 19 san choe'e gan zej nnita' x̱a x̱ta'we' ka',
\q1 na' batkle ḻe'ele' yeḻa' baní'.
\q1
\v 20 Žápegak benne' ka' ḻe' ba la'ne san bi žákbe'ele'
\q1 nake' ka bia yix̱e' ka', bia ka' žátgakba'.
\c 50
\q1
\v 1 Ẕnne X̱anžo Dios, na' ẕtobe' benne' dot yežlyó,
\q1 benne' ka' žé'gake' gan ẕla' wbíž, na' gan ženen.
\q1
\v 2 Ḻo Ya'a Sión, da' naken x̱tanḻe'e ba bza'ní' Dios.
\q1
\v 3 Yeḻá' Dios chežo, na' bi soe' žize.
\q1 Ẕenkze yi' ḻawe' Ḻe', na' gakḻe'e be' bdone' dan' chechjlen Ḻe'.
\q1
\v 4 Wtobe' benne' ka' nníta'gake' ya'abá na'le,
\q1 na' benne' ka' nníta'gake' yežlyó nga,
\q1 nich wchi'a ḻaže'e benne' chie' ka'.
\q1
\v 5 Ẕnne': “Le wtób benne' chia' ka',
\q1 benne' ka' bénḻengake' neda' to diža',
\q1 dan' bzoa chóchgake' ḻen žen chegak biado' ka'.”
\q1
\v 6 Da' zoan ya'abá ẕḻoe'e ḻawn nak Dios chawe',
\q1 dan' nake' Benne' wchi'a ḻaže'e benách ka'.
\q1
\v 7 Ẕnne': “Le yenle, benne' chia' ka', na' wchaḻja'.
\q1 Le wzé nag, benne' Israel ka',
\q1 na' nnia' da' yesbaga'a ḻe'e ẕia.
\q1 Neda', Dios, naka' Dios chele.
\q1
\v 8 Bi tiḻa' ḻe'e ni'a chegak biado' ka' betle ḻawa',
\q1 na' ni'a chegak biado' ka' bzeyle,
\q1 da' ka' ẕgó'otezele ḻawa' neda'.
\q1
\v 9 Bi si'a beždo ka' ḻo na'le ḻe'e,
\q1 na' chibo byo ka', bia chele ka'.
\q1
\v 10 Yógo'te bia yix̱e' ka' zej nakba' chia',
\q1 na' yógo'te bia beždo' ka',
\q1 bia zej zoaba' ḻo ya'ado' ka'.
\q1
\v 11 Yógo'te bia ka' zoa x̱ílgakba' yó'ogakba' ḻo na'a,
\q1 na' ḻezka' yógo'te bia ka' zej zoaba' nbángakba'.
\q1
\v 12 Cha' tona' neda', bi yapa' ḻe'e bi da' gonnle chia'
\q1 dan' yežlyó, na' yógo'te da' zej den ḻawlen zej naken chia'.
\q1
\v 13 ¿Žon byenen gawa' x̱péḻa'gak bež ka',
\q1 cha' ye'ja' žen chegak chibo byo ka'?”
\b
\q1
\v 14 Le ko'o ḻaw Dios da' wká'n ẕenle Ḻe',
\q1 na' le wneẕjw da' wchebe ḻáže'le ḻaw Dios ẕente.
\q1
\v 15 Ḻezka' ẕnne': “Bḻiž neda' ḻo ža katen' gak da' wžía yin' benách ka',
\q1 na' yeslá' le', na' le' gapo' neda' ba la'ne.”
\q1
\v 16 Dios ži'e no benne' wen da' ẕinnj:
\q1 “¿Žeklo' ẕchaḻjo' le' kan nak da' wnnakza' neda',
\q1 na' ẕnnio' che x̱tiža'a dan' bénḻena' benách chia' ka'?
\q1
\v 17 Le' bi ẕḻe'elo' neda' chawe' kate' ẕḻoe'ela' le' da' bi nak chawe' da' žono',
\q1 na' ẕzo' cheḻa'ale diža' chia'.
\q1
\v 18 Kate' ẕḻe'elo' to benne' wbán, na' žono' ḻe' tẕen,
\q1 na' nako' toze ḻen benne' ka', benne' ẕbej yíchjgake' neda'.
\q1
\v 19 Žónteze žono' da' ẕia,
\q1 na' ẕcháḻjtezo' da' wen ḻaže'.
\q1
\v 20 Ẕnnétezo' che lježkzo',
\q1 na' žesbago'o ẕia x̱kwide' che x̱na'kzo'.
\q1
\v 21 Beno' da' ki, san neda' wzóa' žize.
\q1 Goklo' naka' neda' to benne' ka nako' le',
\q1 san tiḻkza' le', na' wḻoe'ela' le' ka nak da' beno'.
\q1
\v 22 Le chejní'il da' ni na'a, ḻe'e žaḻ ḻáže'le Dios,
\q1 nich bi wzóẕj Dios ḻe'e,
\q1 na' biž soa no benne' yeslé' ḻe'e.
\q1
\v 23 Bennen' ko'e ḻawa' da' wká'n ẕene' neda' gape' neda' ba la'ne,
\q1 na' bennen' ẕzoa choch kwine' nich gone' da' chawe',
\q1 wḻoe'ela' ḻe' zoa' yeslá' ḻe', na' naka' Dios chie'.”
\c 51
\q1
\v 1 Gokḻen neda', Dios, ḻo yeḻa' ži'i ḻaže' chio'.
\q1 Ḻo yeḻa' žeyache' ḻaže' chio' beká'a ẕia da' nbaga'a.
\q1
\v 2 Wdíb neda' che da' bi nak chawe' da' bena'.
\q1 Bka'n chawe' neda' che doḻa' da' nbaga'a.
\q1
\v 3 Žeyónbi'a bži'a chio' Le' ḻen dan' bena'.
\q1 Doḻa' ka' bena' žesbága'gaken neda' ẕia.
\q1
\v 4 Ḻawo' Le' bena' doḻan'. O', ḻawo' Le'.
\q1 Bena' da' bi naken chawe' ḻawo' Le'.
\q1 Ki ẕnno' naken chia' nich gak bia' nako' chawe' ni'a che da' ẕnno'.
\q1 Naken ḻi ḻaže' kan ẕchi'a ḻažo'o benách ka'.
\q1
\v 5 Bwia nga, bache nbága'kza' doḻa' katen' golja'.
\q1 Ḻo doḻa' wzoakza' katen' bsan x̱na'a neda'.
\q1
\v 6 Žak ḻažo'o Le' soa da' likze ḻo yichj ḻáẕda'wa',
\q1 na' ḻo yichj ḻáẕda'wa' bzo' yeḻa' žejní'il.
\q1
\v 7 Bka'n chawe' neda' ḻen da' ẕkonlo' žin, na' yega'na' chawe'.
\q1 Wdíb neda', na' gakža' chiche ka nak bejw.
\q1
\v 8 Bzoa chia' yeḻa' žebele, na' yeḻa' ba nez,
\q1 na' žit ka' da' yoa'a gá'ngaken choch, žit ka' bdichjo' Le'.
\q1
\v 9 Bi chejsá' ḻažo'o doḻa' ka' nbaga'a,
\q1 na' beká'a yógo'te da' bi nak chawe' da' bena'.
\q1
\v 10 Dios, beyón chawe' yichj ḻáẕda'wa',
\q1 na' bzoa to be' ḻi ḻaže' ḻo yichj ḻáẕda'wa'.
\q1
\v 11 Bi wkwaso' neda' ḻawo' Le',
\q1 na' bi yekó'o be' la'y chio' ḻo yichj ḻáẕda'wa'.
\q1
\v 12 Bebí'i chia' yeḻa' žebele che yeḻa' weslá chio',
\q1 na' bzoa choch be' chawe' dan' yoa'a.
\q1
\v 13 Naž wsedla' benne' wen da' ẕinnj ka' da' žaz ḻažo'o góngake',
\q1 na' benne' doḻa' ka' yeyákgake' chio' Le'.
\q1
\v 14 Beslá neda' ḻo ẕia da' nbaga'a, beta' to benne'.
\q1 Dios, nako' Benne' Weslá chia',
\q1 na' goḻkza' che da' chawe' da' nako' Le'.
\q1
\v 15 X̱ana' Dios, bsaljw žoa'a,
\q1 na' wzenla' benách ka' da' we ḻawa' Le'.
\q1
\v 16 Bi žaz ḻažo'o biado' ka' gota'-ba' ḻawo' Le',
\q1 na' bi žaz ḻažo'o biado' ka' wzeya' ḻawo' Le'.
\q1
\v 17 Da' žaḻa' ko'ožo ḻaw Dios da' žaz ḻaže'e naken to ḻaẕdo' gax̱jw ḻaže'.
\q1 To ḻaẕdo' gax̱jw ḻaže', na' da' žeyát ḻažen' bi wzó' cheḻa'ale, Dios.
\q1
\v 18 Ḻo yeḻa' ži'i ḻaže' chio', ben chawe' yež Sión.
\q1 Beyón ze'e da' žape chi'in yež Jerusalén'.
\q1
\v 19 Naž chaz ḻažo'o biado' ka' gotto' ḻawo' Le' ḻo da' nak chawe',
\q1 na' biado' ka' wzeyto' ḻawo' Le'.
\q1 Naž gótgake' biado' ka' ḻo bkog la'y chio'.
\c 52
\q1
\v 1 ¿Ẕka'n ẕen kwino', benne' waḻe, ni'a che da' ẕinnj da' beno'
\q1 dan' zóateze yeḻa' žeyache' ḻaže' che Dios?
\q1
\v 2 Ẕcháḻjtezo' che da' ẕia da' gono' che lježo'.
\q1 Da' ẕnno' naken ka to ya ntoche' dan' žon ḻáže'len lježon'.
\q1
\v 3 Nží'iželo' da' bi nak chawe' ka nži'ilo' da' naken chawe'
\q1 na' ẕdan ḻáže'žo' da' wen ḻaže' ka ẕdan ḻažo'o da' li.
\q1
\v 4 Nži'ilo' diža' ka' žon dítjgeklen benne' ka', le', benne' wen ḻaže'.
\q1
\v 5 Ni'a che da' ki wžía yi' Dios le' to chi'ize.
\q1 Gox̱e' le', na' yeké'e le' gan zoakzo',
\q1 na' wkwase' le' gan zej nnita' benne' ban ka'.
\q1
\v 6 Ḻé'egekle benne' chawe' ka' da' ni, na' žébegake'.
\q1 Wẕížegake' chio' le', na' nnágake':
\q1
\v 7 “Le wia nga, benne' ni bi bx̱en ḻaže'e Dios nich gape chi'e ḻe'.
\q1 Bx̱en ḻáže'kze' yeḻa' wnni'a ẕenḻe'e chie',
\q1 na' nga'nze' ḻo da' bi nak chawe' da' žone'.”
\q1
\v 8 San neda' naka' ka to yag olibo dan' žen' ḻi'a liž Dios.
\q1 Žx̱en ḻáže'teza' yeḻa' žeyache' ḻaže' che Dios.
\q1
\v 9 Wká'n ẕenkza' Ḻe' to chi'ize dan' bene' da' ki.
\q1 Wx̱én ḻaža'a La la'y chie' ḻawgak benne' chie' ka' dan' naken chawe' gonan'.
\c 53
\q1
\v 1 Benne' yaḻ ḻaže' ka' ḻo ḻáẕdo'gake' ẕnnágake':
\q1 “Bi zoa Dios.”
\q1 Yógo'tie' zej nbage'e ẕia, dan' béngake' da' ẕinnj.
\q1 Bi zoa no benne' žone' da' naken chawe'.
\q1
\v 2 Zoa Dios ya'abá, na' ẕwie' benne' ka',
\q1 nich ḻe'ele' cha' zoa no benne' žejni'ile',
\q1 bennen' žape' Dios ba la'ne,
\q1
\v 3 san yógo'te benne' ka' zej nbej yíchjgake' Dios.
\q1 Yógo'tie' zej nbage'e ẕia.
\q1 Bi zoa no benne' žone' da' naken chawe', nitóe'.
\q1
\v 4 Ẕnna Dios: “¿Bi žejní'igekle benne' wen da' ẕinnj ka'?
\q1 Že'j žáwgake' da' ẕbángake' chegak benách chia' ka',
\q1 na' bi žénegekle' gónbia'gake' neda'.”
\q1
\v 5 San žin ža žébegake' da' sáka'gake'.
\q1 Gosḻas Dios žit chegak benne' ka' ẕdíḻ-ḻengake' benách chie' ka'.
\q1 Dios wzóe' ḻégake' cheḻa'ale, na' wžía yi'e ḻégake'.
\q1
\v 6 Ẕnnabla' Dios gone' ga žoj ḻo yež Sión da' gákḻenen benne' Israel ka'.
\q1 Kate' gon Dios ga yeḻa'gak benne' chie' ka' lážgake',
\q1 yebégekle ẕa'só Jakob ka',
\q1 na' gak yeḻa' ba nez ẕen chegak benne' Israel ka'.
\c 54
\q1
\v 1 Beslá neda', Dios, ḻen yeḻa' wak chio'.
\q1 Gokḻen neda', Dios, ḻen yeḻa' waḻe chio'.
\q1
\v 2 Benle da' ẕnnabla' Le', Dios, na' bechebe chia'.
\q1 Bze nag da' wcháḻjḻena' Le'.
\q1
\v 3 Za'gak benne' snia ka' nich tíḻ-ḻengake' neda'.
\q1 Benne' yichj ža'a ka' žénegekle' gótgake' neda',
\q1 benne' ka' bi žápegake' Le' ba la'ne, Dios.
\b
\q1
\v 4 X̱anžo Dios nake' Bennen' žákḻene' neda'.
\q1 Dios zóaḻene' benne' ka' žape chí'igake' neda'.
\q1
\v 5 Dios yebi'e chegak benne' ka' bi ẕḻé'egekle' neda' chawe' ka nak da' bi nak chawe' da' žóngake'.
\q1 Wžía yi'e benne' ka' dan' nake' Ḻe' ḻi ḻaže'.
\b
\q1
\v 6 Dot ḻaža'a wneẕjwa' da' ko'a ḻawo' Le', X̱ana' Dios.
\q1 Wká'n ẕenkza' La la'y chio' dan' nakḻe'en chawe'.
\q1
\v 7 Besló' neda' ḻo yógo'te da' goken chia'.
\q1 Bḻe'ela' wžía yi'gak benne' ka' bžá'agake' neda'.
\c 55
\q1
\v 1 Bze nag, X̱ana' Dios, da' žḻiža' Le',
\q1 na' bi wzó' cheḻa'ale da' ẕnnabla' Le'.
\q1
\v 2 Bebán ḻaže', na' bechebe chia'.
\q1 Žḻiža' Le' ḻo da' ẕnnia', na' že' zedla'.
\q1
\v 3 Benne' bi ẕḻe'ele' neda' chawe' ẕnnie' chia',
\q1 na' bennen' bi nake' chawe' žon ditjle' neda'.
\q1 Žesbága'gake' neda' ẕia, na' ḻo yeḻa' ẕža'a chégake' ẕbia ḻáže'gake' neda'.
\q1
\v 4 Že' zedle ḻáẕda'wa' ḻo beḻa' žen chia',
\q1 na' ẕchebe yeḻa' got neda'.
\q1
\v 5 Ẕžébeḻi'a, na' žẕízeḻi'a,
\q1 na' žak chia' da' ẕcheben neda'.
\q1
\v 6 Wnnía': “Chela' gonno' chia' x̱il ka' ka zej nak x̱il bsia,
\q1 tia' ḻo be'ze gan yezí' ḻaža'a.
\q1
\v 7 Da' ḻi wẕonnja' zíto'le, na' soakza' ḻe'e latje dach.
\q1
\v 8 Gon byena' bi be gon chia' be' bdone', na' be' waḻe.”
\q1
\v 9 Bžia yi' benne' ka' bi zej nake' chawe', X̱ana' Dios.
\q1 Bchix̱ da' ẕnnágake', dan' ẕḻe'ela' da' ẕinnj, na' da' ẕia da' žóngake' ḻo yež nga.
\q1
\v 10 Dot ža, na' yele žéchjgekle' yež.
\q1 Žóngake' da' ẕinnj, na' da' bi nak chawe' ḻo yež nga.
\q1
\v 11 Nža' yež nga da' bi nak chawe' da' žóngake'.
\q1 Žóntezgake' da' wen ḻaže', na' da' ẕinnj ḻo nez chen.
\b
\q1
\v 12 Chela' gok no benne' bi ẕḻe'ele' neda' chawe', bennen' bene' neda' ẕia, na' bzoelan'.
\q1 Chela' gok benne' ẕže'e neda', bennen' bdíḻ-ḻene' neda' na' bkache' kwina' ḻawe' ḻe',
\q1
\v 13 san le' benkzon', na' goko' ka to bi' lježa'.
\q1 Wẕí' ḻo no'o neda', na' goko' toze ḻen neda'.
\q1
\v 14 Tẕen bchaḻjžo dot ḻáže'žo, na' ḻo yeḻa' ži'i ḻaže' wdažo ḻo liž Dios.
\b
\q1
\v 15 Dios, ben ga sen yeḻa' got benne' ka' choḻze, benne' ka' bi zej nake' chawe'.
\q1 Ben ga chó'ogake' ḻo yi' gabíl kate' ne zóagake' nbángake'.
\q1 Nža'gak lížgake' da' bi nak chawe' da' žóngake'.
\b
\q1
\v 16 San ka nak chia' neda', bḻiža' Dios,
\q1 na' X̱ana' Dios beslé' neda'.
\q1
\v 17 Zildo', na' wawbíž, na' kate' žen wbíž ẕcháḻjḻena' Dios.
\q1 Žḻiža' Ḻe', na' Ḻe' ženle' chia'.
\q1
\v 18 Yeya'we' be' da' nakkza' ḻo na'gak benne' ka' ẕdíḻ-lengake' neda',
\q1 na' gone' ga kweza' chawe',
\q1 ḻa'kze zej nnita' benne' zante, benne' bi ẕḻé'egekle' neda' chawe'.
\q1
\v 19 Dios nake' Bennen' zóateze', na' ẕnna biá'teze'.
\q1 Nake' chawe', na' wžía yi'e benne' ka'.
\q1 Ki gone' chégake' dan' bi žsángake' da' žóngake', na' bi ẕžébegake' Dios.
\q1
\v 20 Benne' wen da' ẕinnj ka' ẕdíḻ-ḻengake' benne' ka' ẕgá'nḻengake' ḻégake' chawe'.
\q1 Ẕží'igake' che diža' da' bénḻengake' benne' ka'.
\q1
\v 21 Da' ẕcháḻjgake' naken diža' cháwe'do', san yo'o yichj ḻáẕdo'gake' yeḻa' ẕža'a.
\q1 Žóngake' x̱tanḻe'e diža' da' ẕcháḻjgake', san naken ka to ya ntoche'.
\b
\q1
\v 22 Bde ywa' chio' x̱kože' X̱anžon' na' Ḻe' gon choche' le'.
\q1 Batkle we'e latje chejchegw benne' chawen' to chi'ize.
\b
\q1
\v 23 San Le', Dios, gono' ga cho'ogak benne' wen da' ẕinnj ka',
\q1 na' benne' wet benách ka', na' benne' wen ḻaže' ka', ḻo yi' gabíl,
\q1 kate' bi na' góngake' gachj yiz ka' da' yéla'gake',
\q1 san neda' wx̱én ḻaža'a Le'.
\c 56
\q1
\v 1 Beyache' ḻaže'l neda', Dios, nich bi wžía yí'gak benne' ka' neda'.
\q1 Tža tža žsáka'gake' neda', na' ẕdíḻ-ḻengake' neda'.
\q1
\v 2 Dot ža, na' yele benne' ka' bi ẕḻé'egekle' neda' chawe' ẕbia ḻáže'gake' neda',
\q1 dan' nníta'gak benne' zante, benne' ẕdíḻ-ḻengake' neda' ḻo yeḻa' ẕka'n ẕen kwíngake'.
\b
\q1
\v 3 Kate' ẕžin ža ẕžeba', žx̱en ḻaža'a Dios.
\q1
\v 4 Žx̱en ḻaža'a Ḻe', na' ẕka'n ẕena' x̱tiže'e.
\q2 Žx̱en ḻaža'a Ḻe', na' biž ẕžeba'.
\q2 ¿Biẕkze gak gongak benne' ka' chia' neda'?
\b
\q1
\v 5 Yógo'te ža ẕží'igake' che x̱tiža'a.
\q1 Ḻen yógo'te da' ẕnnágake' žóngake' neda' žia.
\q1
\v 6 Ẕdóbgake', na' ẕkache' kwíngake'.
\q1 Ẕwíagake' binlo da' žona'.
\q1 Žénegekle' gótgake' neda'.
\q1
\v 7 X̱ana' Dios, bwia da' žóngake', na' ḻo yeḻa' ẕža'a chio' bžia yi' benne' ka'.
\q1
\v 8 Nnézkzelo' Le' ka žẕonnja' ḻawgak benne' ka'.
\q1 Bejsá' ḻaže' nis da' ba wžeža'.
\q1 ¿Bi zej nyejwn ḻe'e yiche chio'?
\b
\q1
\v 9 Kate' žḻiža' Dios, ḻo ža na'kze žẕonnjgak benne' ka' bi ẕḻé'egekle' neda' chawe'.
\q1 Nnezkzla' zoaḻen Dios neda'.
\b
\q1
\v 10 Žx̱en ḻaža'a Dios, na' ẕka'n ẕena' x̱tiže'e.
\q2 Žx̱en ḻaža'a X̱anžon', na' ẕka'n ẕena' x̱tiže'e.
\q1
\v 11 Žx̱en ḻaža'a Dios, na' biž ẕžeba'.
\q2 ¿Biẕkze gak gongak benne' ka' chia' neda'?
\b
\q1
\v 12 Nbaga'a da' bchebe ḻaža'a gona' chio', Dios.
\q1 Goḻkza' da' we ḻawa' Le'.
\q1
\v 13 Besló' be' da' nakkza' ḻo yeḻa' got,
\q1 na' bekó'o ni'a gan wzóa chejchégwgaken.
\q1 Gak choa'a ḻawo' Le', Dios, ḻo yeḻa' baní'
\q1 da' žonno' chegak benne' ka' zóagake' nbángake'.
\c 57
\q1
\v 1 Beyache' ḻaže'l neda', Dios. Beyache' ḻaže'l neda',
\q1 dan' žx̱en ḻaža'a Le' ḻen dot yichj ḻáẕda'wa'.
\q1 Gape chi'o neda' ka žon ẕkoko' žape chi'iba' bríse'do' ka' ẕan x̱ilba',
\q1 na' zejte te che da' žaken chia'.
\b
\q1
\v 2 Wḻiža' Dios, Benne' ẕente.
\q1 Wḻiža' Ḻe' nich gákḻene' neda'.
\q1
\v 3 Gan zoe' ya'abá chie' seḻe'e no benne' yeslé' neda' ḻo na' bennen' žénele' wžía yi'e neda'.
\q1 Dios beyache' ḻáže'le' neda', na' benne' chia' da' li chie'.
\q1
\v 4 Že' zedla' ka to benne' ži'e ladjw bež yix̱e' ka'.
\q1 Zoa' ladjw benne' ka' zej nake' ka bež yix̱e' ka', bia ka' žáwgakba' benách ka'.
\q1 Da' ẕnnégake' chia' naken ka yag ntóche'do' ka',
\q1 na' x̱tíža'gake' zej naken ka ya ntoche' ka'.
\b
\q1
\v 5 ¡Ga'n ẕen Le' ya'abá, Dios!
\q2 ¡Yeḻa' ẕen chio' ẕžinen dot yežlyó!
\b
\q1
\v 6 Ba bdix̱jgak benne' ka' do yeḻj nich séngake' neda',
\q1 na' žedó ḻaža'a ḻo da' žaken chia'.
\q1 Bché'ngake' to yežw nich chejchazan',
\q1 san ḻégake' ba bejcházgaken'.
\b
\q1
\v 7 Zoakze ḻáẕda'wa', Dios.
\q2 Zoakze ḻáẕda'wa' nich goḻkza' da' wká'n ẕenen Le'.
\b
\q1
\v 8 Bebán, be' da' nakkza', na' le yebán, ḻe'e žinnle da' ka' žóḻ-ḻenle.
\q1 Zildo' yebankza'.
\b
\q1
\v 9 X̱ana' Dios, wká'n ẕen Le' ladjw benne' chio' ka'.
\q2 Goḻkza' chio' ḻawgak benne' yógo'te yež ka'.
\b
\q1
\v 10 Nak yeḻa' žeyache' ḻaže' chio' ẕenže ka ya'abá,
\q1 na' da' li chio' nakže ẕen ka bejw gasj ka'.
\b
\q1
\v 11 ¡Ga'n ẕenkzo' ya'abá, Dios!
\q2 Yeḻa' ẕen chio' ẕžinen dot yežlyó.
\c 58
\q1
\v 1 ¿Ẕchaḻjle da' nak chawe', ḻe'e, benne' wnná bia' ka'?
\q1 ¿Ẕchi'a ḻáže'le benne' chia' ka' ka nakkzen?
\q1
\v 2 O'o, san žezá' ḻáže'le da' ẕinnj da' gonle.
\q1 Žonle ga že' zédḻe'egekle benne' ka' ḻo yežlyó chia'.
\q1
\v 3 Zej nchix̱e ḻáẕdo'gak benne' ka' nbej yíchjgake' neda' kate' bi na' gáḻjgake'.
\q1 Bchíx̱gekle' kate' bi na' wsangak x̱ná'gake' ḻégake'.
\q1
\v 4 Da' ẕnnágake' žoten benne' ka' ka žon da' žia ẕan laye' beḻe snia.
\q1 Zej nake' ka beḻe snia ka', bia kwežw ka'.
\q1
\v 5 Bi žéngeklba' chi'i benne' žone' yeḻa' wžá'
\q1 nich kwé'gakba' žize ḻa'kze žoḻ-ḻi'e x̱tando'.
\b
\q1
\v 6 Dios, wdíchj láye'gak benne' ka'.
\q1 X̱ana' Dios, wdíchj láye'gak benne' ka' zej nake' ka bež yix̱e' ka'.
\q1
\v 7 Ben ga nnítgekle' ka nis da' ẕḻaljen ḻo yo.
\q1 Ben ga bížgake' kan žak che yix̱e' da' nžogen ḻo nez,
\q1
\v 8 na' te chégake' kan žak che bia zag, bian' yeyóna'ba'.
\q1 Ben ga biž ḻé'egekle' wbíž ka žak che to x̱kwide' žaljbe' ba natbe'.
\b
\q1
\v 9 Néžwte kate' bi na' ḻa to yeso' ḻo yi' ẕen,
\q1 yeká'a Dios benne' ka' to ḻo be' bdone', benne' ban ka', na' benne' gat ka'.
\q1
\v 10 Yebele benne' chawe' kate' ḻe'ele' yezí' wzón Dios benne' wen da' ẕinnj ka'.
\q1 Wleje' žen chegak benne' ka' bebéj yíchjgake' Dios.
\q1
\v 11 Naž nna bennen': “Dekze laẕjw benne' chawe'.
\q1 Dios ẕchi'a ḻáže'kze' benne' yežlyó ka'.”
\c 59
\q1
\v 1 X̱ana' Dios, beslá neda' ḻo na'gak benne' ka' bi ẕḻé'egekle' neda' chawe'.
\q1 Beslá neda' ḻo na'gak benne' ka' ẕdíḻ-ḻengake' neda'.
\q1
\v 2 Beslá neda' ḻo na'gak benne' ka' žóngake' da' ẕinnj.
\q1 Beslá neda' ḻo na'gak benne' wet benách ka'.
\q1
\v 3 Žénegekle' gótgake' neda'.
\q1 Zej ndobe benne' waḻe ka' nich tíḻ-ḻengake' neda',
\q1 kege dan' nbaga'a ẕia, na' kege ni'a che da' ẕinnj da' bena' neda', X̱ana' Dios.
\q1
\v 4 Ḻa'kze bi be bena' chegak benne' ka', žon byéngake' góngake' neda' ẕia.
\q1 Bebán, na' da ga zoa' ni, na' ḻe'elo' da' žóngake'.
\q1
\v 5 Le', X̱ana', Dios chegak benne' zan ka' žjake' ḻo wdiḻe,
\q1 na' Dios chegak benne' Israel ka',
\q1 bebán nich wsaka' zi'o benne' yógo'te yež ka'.
\q1 Bi yeyache' ḻáže'lo' yógo'te benne' ka' ẕží'igake' chio' Le', na' žóngake' da' ẕinnj.
\b
\q1
\v 6 Ẕḻá'gake' kate' žen wbíž, na ẕbéžeya'agake'
\q2 ka žongak beko' ka', na' žéchjgekle' yež.
\b
\q1
\v 7 Bwia nga, da' ẕcháḻjgake' naken ka da' žeyébgake'.
\q1 Diža' ẕnnágake' zej naken ka ya ntoche' ka'.
\q1 Ẕẕnnágake': “Bi zoa no benne' yenle' chežo.”
\q1
\v 8 San Le', X̱ana' Dios, wẕiẕo' chegak benne' ka'.
\q1 Gon ditjlo' Le' benne' yógo'te yež ka'.
\q1
\v 9 Benne' ka' bi ẕḻé'egekle' neda' chawe' zej nake' waḻe.
\q1 Neda' wx̱én ḻaža'a Le', dan' žape chi'o neda'.
\b
\q1
\v 10 Dios, Bennen' žeyache' ḻáže'le' neda', yide', na' gákḻene' neda'.
\q1 Dios gone' ga ḻe'ela' da' gak chegak benne' ka' bi ẕḻé'egekle' neda' chawe' kan žak ḻaža'a.
\b
\q1
\v 11 Bi goto' benne' ka', nich bi gaḻ ḻáže'gak benne' chia' ka' da' ka' žono'.
\q1 Besḻás benne' ka' ḻen yeḻa' wak chio', na' ben ga chejchégwgake'.
\q1 X̱anto' Dios, Le' žape chi'ikzo' neto'.
\q1
\v 12 Ben ga chíx̱gekle' ḻo yeḻa' ẕka'n ẕen kwíngake',
\q1 ni'a che doḻa' da' žóngake' ḻo da' ẕcháḻjgake',
\q1 na' ni'a che diža' x̱iwe' ka', na' da' wen ḻaže' da' ẕnnágake'.
\q1
\v 13 Bžia yi' ḻégake' ḻo yeḻa' ẕža'a chio'.
\q1 Bžia yi' ḻégake' nich biž nníta'gake'.
\q1 Ben ga gákbe'egekle' Le' ẕnna bi'o ẕa'só Jakob ka'.
\q1 Ẕnna bi'o dot yežlyó nga.
\b
\q1
\v 14 Ẕḻá'gake' kate' žen wbíž, na' ẕbéžeya'agake'
\q2 ka žongak beko' ka', na' žéchjgekle' yež.
\b
\q1
\v 15 Ẕdágake' ka benne' ka' ẕdágakze', žíljgake' da' gáwgake'.
\q1 Cha' bi žéljgeklen', dot yel žesbága'gake' ẕia toe' yetóe',
\q1
\v 16 san neda' goḻkza' che yeḻa' wak chio',
\q1 na' zildo' wká'n ẕena' yeḻa' žeyache' ḻaže' chio', dan' gókḻeno' Le' neda',
\q1 na' wdape chi'o neda' kate' wžé' zédḻe'ela'.
\b
\q1
\v 17 Le' žon chocho' neda', na' goḻkza' chio', Dios.
\q2 Žape chi'o neda', na' žeyache' ḻáže'lo' neda'.
\c 60
\q1
\v 1 Dios, Le' bzo' neto' cheḻa'ale.
\q1 Beno' ga bejchégwto', dan' bžá'aḻi'o neto'.
\q1 Na'a, da gákḻeno' neto'.
\q1
\v 2 Beno' ga wẕó' yežlyó, na' beno' ga byaljwn.
\q1 Da yeyonon' gan byaljwn, dan' ẕbia yin'.
\q1
\v 3 Beno' ga neto', benách chio' ka', wžé' zedlto'.
\q1 Beno' ga gok cheto' ka we'jto' to da' benen ga bejchégwto'.
\q1
\v 4 Benn chegak benne' ka' ẕžébegake' Le' to da' gak bian',
\q1 dan' wḻoé'e ḻawn da' nak dot da' li.
\q1
\v 5 Bze nag chia'. Beslá ḻégake' ḻen yeḻa' wak chio',
\q1 nich lagak benne' ka' nži'ikzlo' Le'.
\b
\q1
\v 6 Ḻo latje la'y chie' wnná Dios: “Yebekzla' neda'.
\q1 Chisa' chele yežlyó chegak benne' Sikem ka'.
\q1 Wžix̱a' chele yežlyó dan' žen' kwit yegw Sukot.
\q1
\v 7 Yežlyó Galaad naken chia',
\q1 na' ḻezka' yežlyó chegak ẕa'só Manasés ka'.
\q1 Yežlyó chegak ẕa'só Efraín ka' naken ka to x̱ḻapa' da' žape chi'in yichja'.
\q1 Yežlyó chegak ẕa'só Judá ka' naken gan ẕnna bi'a,
\q1
\v 8 san yežlyó chegak benne' Moab ka' naken ka to ẕiga' ya da' yožen nis wná'a.
\q1 Ḻo yežlyó chegak benne' Edom ka' cho'na' ẕela' gole ka'.
\q1 Si'a ba nez yežlyó chegak benne' Filistea ka'.”
\b
\q1
\v 9 ¿Noẕkze wchi'e neda' nich tíḻ-ḻena' yež
\q1 zoa to ze'e sibe dan' žape chi'in yežen'?
\q1 ¿Noẕkze wchi'e neda' nich tíḻ-ḻena' benne' Edom ka'?
\q1
\v 10 ¿Kege Le' wchi'o neda', Dios?
\q1 Le' wléj yichjo' neto', na' bi wyéjḻeno' benne' cheto' ka' ḻo wdiḻe.
\q1
\v 11 Gokḻen neto' nich gak tíḻ-ḻento' benne' ka' ẕdíḻ-ḻengake' neto',
\q1 dan' gak dáche'ze gákḻengak benne' ka' neto'.
\b
\q1
\v 12 To ẕen ḻen Dios gonžo to da' ẕenḻe'e,
\q2 na' Ḻe' wlage' benne' ka' ẕdíḻ-ḻengake' žo'o.
\c 61
\q1
\v 1 X̱ana' Dios, benle da' žḻiža' Le'.
\q1 Bze nag da' ẕcháḻjḻena' Le'.
\q1
\v 2 Zi'to' gan zoa laža' žḻiža' Le', dan' žedó ḻaža'a.
\q1 Bche' neda' gan zoa Bennen' nake' ka to ya'a yej, Bennen' nakže' waḻe ka neda'.
\q1
\v 3 Nako' Le' Benne' nox̱e' neda',
\q1 na' nako' ka to ze'e yej da' žape chi'in neda'
\q1 ḻawgak benne' ka' bi ẕḻé'egekle' neda' chawe'.
\q1
\v 4 Sóateza' ḻo yo'o la'y chio'.
\q1 Kwe' chawa'a kwito' Le' kan zej že' chawe' bríse'do' ka' ẕan x̱il ẕkoko'.
\q1
\v 5 Dan' benlo' Le', Dios, da' wchebe ḻaža'a ḻawo',
\q1 beno' ga napa' da' žápegak benne' ka' ẕžébegake' Le'.
\q1
\v 6 Gono' ga soa' nbana', na' ga nna bi'a ža zante.
\q1 Yiz chia' ka' gákgaken ka da' zej naken chegak chope kwe' benne' ka'.
\q1
\v 7 Sóateza' ḻawo' Le', Dios.
\q1 Bkwez yeḻa' žeyache' ḻaže' chio', na' da' li
\q1 nich wká'n cháwe'gaken neda', benne' wnná bia'.
\b
\q1
\v 8 Goḻkza' che La la'y chio' Le' to chi'ize,
\q2 na' gonkza' tža tža da' bchebe ḻaža'a gona'.
\c 62
\q1
\v 1 Toze ḻen Dios ẕga'n chawe' be' da' nakkza'.
\q1 Ḻekze' žeslé' neda'.
\b
\q1
\v 2 Toze' Ḻe' žape chi'e neda', na' žeslé' neda'.
\q2 Nake' Bennen' žox̱e' neda', na' bi chejchegwa'.
\b
\q1
\v 3 ¿To chi'ize wkwezle da' gonle chia' neda', yógo'tele žon byenle wžía yi'le neda'?
\q1 Žonle ka žon to benne' ẕchinnje' to ze'e da' zoa bix̱en, o to ḻe'je da' nožon'.
\q1
\v 4 Žonle toze diža' kan yebejle neda' ḻo yeḻa' ẕen chia'.
\q1 Nží'ilele da' wen ḻaže'.
\q1 Ḻen žoá'ale ẕchaḻjle cháwe'do'
\q1 san yo'o yichj ḻáẕdo'le da' ẕinnj da' gonle.
\b
\q1
\v 5 Le', be' da' nakkza', wléz ḻaže' toze Dios.
\q2 Nake' Ḻe' Bennen' žx̱en ḻaža'a.
\b
\q1
\v 6 Toze' Ḻe' žape chi'e neda', na' žeslé' neda'.
\q2 Nake' Bennen' žox̱e' neda', na' bi yedó ḻaža'a.
\b
\q1
\v 7 Nak Dios Bennen' žeslé' neda', na' nake' yeḻa' ba nez chia'.
\q1 Nak Dios Bennen' žape chi'e neda', na' Benne' žon choche' neda'.
\q1
\v 8 Le kwez ḻaže' Ḻe' to chi'ize, ḻe'e, benne' ka'.
\q1 Bḻoe'el Ḻe' da' ẕdan ḻáže'le.
\q1 Nak Dios Bennen' žon choche' žo'o.
\q1
\v 9 Da' ḻi, da' dáche'ze zej nak benne' ka',
\q1 na' ka to da' wen ḻaže' zej nak benne' ẕen ka'.
\q1 Bi náḻe'tekgekle' to ḻo ẕgons.
\q1 Zej nakže' ža'ze ka to be' da' žeká'a ḻáže'žo.
\q1
\v 10 Bi wx̱én ḻáže'le da' gak gonle žakze chele.
\q1 Bi wká'n ẕen kwinle ni'a che da' ka' ẕbanle.
\q1 Cha' chan yeḻa' wnni'a chele, bi kwe'le wnné yoe chen.
\q1
\v 11 To chi'i wnné Dios, na' chope chi'i benla' da' ni.
\q1 “Che Dios nak dot yeḻa' wak.”
\b
\q1
\v 12 X̱ana' Dios, ḻo no'o za' yeḻa' žeyache' ḻaže'
\q1 dan' žebi'o che to to benne' ka nakkze da' bene'.
\c 63
\q1
\v 1-2 Dios, nako' Dios chia'.
\q1 Ẕbiḻe be' da' nakkza' da' nak chio'.
\q1 Beḻa' žen chia' ẕdan ḻaže' dan' naken chio'.
\q1 Žak chia' ka zoakza' to yežlyó biž gan bi be nis den.
\q1 Žak ḻaža'a yida' ḻawo' Le'
\q1 nich ḻe'ela' yeḻa' wak chio', na' yeḻa' ẕen chio',
\q1 káteze bḻe'ela' da' nak chio' ḻo latje la'y chio'.
\b
\q1
\v 3 Nakže chawe' yeḻa' žeyache' ḻaže' chio' ka yeḻa' nban.
\q1 Che ḻen wká'n ẕenkza' Le'.
\q1
\v 4 Wchaḻja' che da' chawe' da' nako' Le' x̱ak zoa' nbana'.
\q1 Nich wká'n ẕena' La la'y chio' Le' wchiskza' na'a.
\b
\q1
\v 5 Yelje be' da' nakkza' da' naken ka to yeḻa' waw dẕi'.
\q1 Ḻen yeḻa' žebele wká'n ẕenkza' Le'.
\q1
\v 6 Žezá' ḻaža'a chio' Le' kate' dia' gan ẕtasa',
\q1 na' ẕlab ḻaža'a ka nak chio' kate' bi na' tasa'.
\q1
\v 7 Dan' žákḻeno' neda', yebéḻe'ela' kwito' Le'
\q1 kan žongak bríse'do' ka' ẕan x̱il ẕkoko'.
\q1
\v 8 Be' da' nakkza' naken toze ḻen Le',
\q1 na' ḻen no'o waḻe nox̱o' neda',
\q1
\v 9 san benne' ka' gok ḻáže'gake' wžía yí'gake' neda' chejchó'ogake' ḻo yi' gabíl.
\q1
\v 10 Kwia yí'gake' ḻo ya ntoche'.
\q1 Gákgake' da' gawgak beko' chjew ka'.
\b
\q1
\v 11 Neda', benne' wnná bia', yebela' ḻo da' nak che Dios.
\q1 No benne' ẕkonle' žin La Dios gape' Ḻe' ba la'ne,
\q1 san benne' wen ḻaže' ka' gá'ngake' žize.
\c 64
\q1
\v 1 X̱ana' Dios, bze nag chi'a. Že' zedla' žḻiža' Le'.
\q1 Wdape chi'i yeḻa' nban chia' dan' ẕžeba' da' gongak benne' ka' ẕdíḻ-ḻengake' neda'.
\q1
\v 2 Bkache' chawe' neda' nich benne' ka' bi zej nake' chawe' bi góngake' chia' kan žénegekle',
\q1 na' nich benne' ka' žóngake' da' ẕinnj bi góngake' chia' kan ẕza' ḻáže'gake'.
\q1
\v 3 Diža' ka' ẕcháḻjgake' zej naken ka ya ntoche' ka',
\q1 na' ẕnnégake' chegak ljéžgake' ka' ka žon to benne' žsie' yag ntóche'do' chie' ka'.
\q1
\v 4 Ki ẕnnágake' bagáche'ze nich góngake' ga chejchégwgak benne' ḻi ḻaže' ka'.
\q1 Choḻze žóngaken', na' bi be ẕžébegake'.
\q1
\v 5 Žon byéngake' góngake' da' ẕinnj da' žénegekle',
\q1 na' ẕbékgake' do yeḻj ka' nich séngake' benne' ka'.
\q1 Ẕnnágake': “¿Noẕ benne' ḻe'ele' da' žonžo?”
\q1
\v 6 Žíljgake' da' ẕinnj da' góngake', na' ẕwíagaken' binlo.
\q1 Da' yo'o yichj ḻáẕdo'gake' naken da' kegle kan zej nak ḻáẕdo'gakkze'.
\b
\q1
\v 7 San Dios gon zi'e benne' ka' ḻen yag ntóche'do' chie' ka'.
\q1 Choḻze chó'ogake' yižwé' ẕen ka'.
\q1
\v 8 Da' bchaḻjgak benne' ka' gonen ga chejchégwgake'.
\q1 Chébegak yógo'te benách kate' ḻé'egekle' ḻégake'.
\q1
\v 9 Naž chébegake', na' wcháḻjgake' che da' ben Dios,
\q1 na' yeyónbia'gake' naken da' bene' Ḻe'.
\q1
\v 10 Yebele benne' chawe' ḻaw X̱anžon', na' wx̱én ḻaže'e Ḻe'.
\q1 Gak yeḻa' ba nez ẕen chegak benne' ka' zej nake' ḻi ḻaže'.
\c 65
\q1
\v 1 X̱ana' Dios, žaḻa' wx̱én ḻáže'to' Le' ḻo yež Sión,
\q1 na' gonto' da' wchebe ḻáže'to' chio'.
\q1
\v 2 Le' ženkzlo' da' ẕcháḻjḻento' Le',
\q1 na' ḻa'gak yógo'te benne' ka' ḻawo' Le'.
\q1
\v 3 Nbága'ḻi'a da' ẕinnj da' bena',
\q1 san ženít ḻawo' Le' da' bži'ito' chio' Le'.
\q1
\v 4 Ba nez ẕen naken che bennen' ẕbio' Le',
\q1 na' ẕnno' nake' chio', nich soakze' latje la'y chio'.
\q1 Yeljkzto' da' chawe' da' de ližo', dan' den ḻo yodo' la'y chio'.
\q1
\v 5 Ḻo da' chawe' da' nako' gono' da' ẕenḻe'e kate' gono' da' ẕnnablto' Le', Dios, Benne' Weslá cheto'.
\q1 Yógo'te benne' nníta'gake' yežlyó žx̱en ḻáže'gake' Le'.
\q1 Ḻezka' žx̱en ḻáže'gak benne' ka' Le', benne' ka' ẕdégake' zíto'le ḻaw nisdo'.
\q1
\v 6 Le' ẕzoa chocho' ya'a ẕen ka' ḻen yeḻa' wak chio'.
\q1 Nakkzo' Benne' waḻe.
\q1
\v 7 Ẕbek žio' nisdo' kate' ẕgo'nen, na' žaẕto' da' žonen.
\q1 Ẕbek žio' benne' yež ka' kate' žóngake' žo'osbé.
\q1
\v 8 Che ḻen benne' ka' nníta'gake' dot yežlyó ẕžébegake' da' ẕenḻe'e da' žono'.
\q1 Ẕnnito'o benne' ka' ḻo yeḻa' ba nez, benne' ka' nníta'gake' do ẕente yežlyó.
\q1
\v 9 Ẕwio' yežlyó, na' žseḻo'o nis yejw.
\q1 Žono' ga žonnḻe'en linne chen.
\q1 Bnnito'o yegw ka' ḻo yežlyó da' zej nža'ḻe'en nis.
\q1 Ẕkwezo' ẕoa' za da' gawgak benne' ka', kan wnnakzo' gono'.
\q1
\v 10 Žseḻo'o nis yejw gan de na, na' žeyonon' yo ya'a.
\q1 Žesbison' ḻen nis yejw na',
\q1 na' žono' ga ẕgól-ḻe'egak da' zej nazen ga na'.
\q1
\v 11 Žono' ga gak chegak benne' ka' yeḻa' ba nez to yiz to yiz ni'a che da' ẕneẕjo',
\q1 na' bejw gasj chio' ka' žónngaken yejw da' žonen ga ẕgolgak da' zej nazen.
\q1
\v 12 Žon yejw chio' ga žak ya'a gan ẕdagak bia yíx̱e' ka'
\q1 na' žebégekle benne' ka' ẕḻé'egekle' žeyák ya'ado' ka' ya'a.
\q1
\v 13 Ḻo lache' ka' zej nnita' ẕila' ka', na' žoa'agak yégodo' ka' naz ẕoa' stribe.
\q1 Ẕbéžya'agak benne' chio' ka' ḻo yeḻa' žebele, na' žóḻgakkze' chio' Le'.
\c 66
\q1
\v 1 ¡Le wká'n ẕen Dios ḻo yeḻa' žebele, ḻe'e zoale dot yežlyó!
\q1
\v 2 ¡Le goḻ ka nak yeḻa' ẕen chie' Ḻe'!
\q2 ¡Le wká'n ẕene' kate' we ḻawle Ḻe'!
\q1
\v 3 Le ye' Dios: “¡Žebáneḻe'elto' che da' beno' ḻe'!”
\b
\q1 Ni'a che yeḻa' ẕen che yeḻa' wak chio' benne' ka' bi ẕḻé'egekle' Le' chawe' žóngake' ka ẕnna x̱tižo'o.
\q1
\v 4 Benne' ka' nníta'gake' dot yežlyó we ḻáwgake' Le',
\q1 na' góḻgake' chio' Le', na' che La la'y chio'.
\b
\q1
\v 5 Le da, ḻé'elele da' ẕen ka' da' ben Dios,
\q1 da' ẕenḻe'e da' bene' ni'a chegak benne' chie' ka'.
\q1
\v 6 Bene' ga beyák nisdo' yo biž,
\q1 na' wdegak benne' chie' ka' ḻen ní'agakze' gan wzóa to yegw zil.
\q1 Žoa'a nisdon' bebéḻe'egekle' ḻaw Dios.
\q1
\v 7 Ḻen yeḻa' wak chie' nna bi'e to chi'ize.
\q1 Ẕwíakze' da' žongak benne' ka' yógo'te yež ka'.
\q1 Benne' ka' ẕží'igake' chie' Ḻe' bi gata' yeḻa' ẕen chégake'.
\b
\q1
\v 8 Ḻe'e, benne' ka', le wká'n ẕen Dios chežo.
\q2 Le wzenle benne' ka' da' žoe ḻawle Ḻe'.
\b
\q1
\v 9 Ḻekze' žape chi'e žo'o nich soažo nbanžo,
\q1 na' bi bi'e latje chejchégwžo.
\b
\q1
\v 10 Le', Dios, bwio' neto' ḻo da' ka' bento'.
\q1 Bdio' neto' ḻo da' wẕáka'to' kan žongak benne' ka' ẕdégake' ya plat ḻo yi' nich ga'nen chawe'.
\q1
\v 11 Beno' ga bejchazto' to ḻo do yeḻj.
\q1 Bdo'o x̱kóže'to' to ywa' zí'iḻe'e.
\q1
\v 12 Beno' ga wdegak benne' zej žie' bžina' chie' ka' ḻo yichjto'.
\q1 Wdeto' da' naken ka to ḻo yi', na' to ḻo nis zil,
\q1 na' bebejo' neto', na' bzo' neto' to latje gan zoato' ḻo yeḻa' ba nez.
\q1
\v 13 Cho'okza' ližo' nich wzeya' biado' ka' ḻawo' Le'.
\q1 Gonna' chio' da' wchebe ḻaža'a gona'.
\q1
\v 14 Bchebe ḻaža'a gonan',
\q1 dan' wnnía' katen' wžé' zédḻe'ela'.
\q1
\v 15 Wzeya' biado' ka', bia ženne' ka', ḻawo' Le',
\q1 na' kwen žen chegak ẕíla'do' ka' wzeya'-ba' gan zo',
\q1 na' gota' beždo' ka', na' chibo byo ka' ḻawo' Le'.
\b
\q1
\v 16 Le da, yénlele, yógo'tele ḻe'e ẕžébele Dios.
\q1 Wzenla' ḻe'e da' bene', gókḻene' neda'.
\q1
\v 17 Dot ḻaža'a bḻiža' Ḻe', na' bka'n ẕenkza' Ḻe'.
\q1
\v 18 Chela' wzé ḻaža'a to da' ẕinnj bi benle X̱anžon' chia',
\q1
\v 19 san da' likze benle Dios chi'a,
\q1 na' bze nage' da' wnnabla' Le'.
\q1
\v 20 Bi bzoe' cheḻa'ale da' bcháḻjḻena' Ḻe',
\q1 san beyache' ḻáže'le' neda'.
\b
\q2 ¡Ga'n ẕen Dios!
\c 67
\q1
\v 1 Dios, beyache' ḻaže'l neto', na' ben chawe' neto'.
\q1 Ḻo yeḻa' ži'i ḻaže' chio' wzoaḻen neto'.
\q1
\v 2 Naž gónbia'gak benách dot yežlyó da' žaz ḻažo'o Le',
\q1 na' nnézgekle benne' yógo'te yež žesló' benne' ka'.
\b
\q1
\v 3 Yógo'te benne' ka' we ḻáwgake' Le', Dios.
\q2 Yógo'tegake' wká'n ẕéngake' Le'.
\b
\q1
\v 4 Le yebele, na' le soa ḻo yeḻa' ba nez, ḻe'e, benne' yógo'te yež ka'.
\q1 Wchi'a ḻaže' Dios ḻe'e ḻo da' naken chawe'.
\q1 Gape chi'ikze' yógo'te benne' ka'.
\b
\q1
\v 5 Yógo'te benne' ka' we ḻáwgake' Le', Dios.
\q2 Yógo'tegake' wká'n ẕéngake' Le'.
\b
\q1
\v 6 Yežlyó nga žen' x̱ni'a chen.
\q1 Dan' ben chawe' Dios žo'o, nake' Dios chežo.
\q1
\v 7 Dios ben cháwe'kze' žo'o.
\q1 Gáte'teze žaḻa' gápegak benne' ka' Ḻe' ba la'ne.
\c 68
\q1
\v 1 Wzó ža', Dios.
\q1 Besḻás benne' ka' bi ẕḻé'egekle' Le' chawe',
\q1 na' wẕonnjgak benne' ka' ẕží'igake' chio'.
\q1
\v 2 Ka žon to be', ẕlagen žen che yi',
\q1 ka' wlago' Le' benne' ka'.
\b
\q1 Kan želane china' bez ḻo yi',
\q1 nítgekle benne' ka' bi zej nake' chawe' ḻaw Dios.
\q1
\v 3 Yebégekle benne' chawe' ka',
\q1 na' sóagake' ḻo yeḻa' ba nez ḻawe' Ḻe'.
\q1 X̱íte'gake' ḻo yeḻa' žebele chégake'.
\b
\q1
\v 4 ¡Le goḻ che Dios!
\q2 ¡Le goḻ salmo ka' che La la'y chie'!
\q2 ¡Le wká'n ẕen Bennen' ži'e ya'abá!
\q2 Nzi' ḻe' Jah. ¡Le yebele ḻawe' Ḻe'!
\b
\q1
\v 5 Žape chi'e bi' wzébedo' ka', na' ẕwíakze' no'le wzebe ka'.
\q1 Zoakze Dios ḻo latje la'y chie'.
\q1
\v 6 Dios ẕnnite'e lježe benne' ka' bi zoa no ljéžgake'.
\q1 Žebeje' benne' ka' zej yoe'e ḻo na'gak benne' zi'to' ka',
\q1 nich sóagake' ḻo yeḻa' ba nez,
\q1 san benne' ka' ẕží'igake' che Dios chejnníta'gake' to ḻo yežlyó biž.
\b
\q1
\v 7 Dios, kate' wnežo' ḻawgak benne' chio' ka',
\q1 na' wdío' ḻo yežlyó bižen',
\q1
\v 8 na' wẕó' yežlyón', na' gokḻe'e yejw ḻaw Dios.
\q1 Ya'a Sinaí wẕizen ḻaw Dios chegak benne' Israel ka'.
\b
\q1
\v 9 Bseḻo'o to nis yejw wáḻeḻe'e, Dios.
\q1 Kate' bedó ḻáže'gak benne' chio' ka', na' Le' ben chocho' ḻégake'.
\q1
\v 10 Benne' ka' zej nake' chio' chejnníta'gake' yežlyó chio' to chi'ize.
\q1 Ḻo da' nak chawe', Dios, žox̱o' benne' yache' ka'.
\b
\q1
\v 11 X̱anžo Dios bseḻe'e to diža' chawe',
\q1 na' bseḻe'e benne' zante, benne' bzéngekle' benách ka' diža' chawen'.
\q1
\v 12 ¡Bẕónnjgake'!
\q1 Bẕonnjgak benne' wnná bia' ka' ḻen benne' chégake' ka', benne' žjake' ḻo wdiḻe.
\q1 No'le ka' bené'egekle' da' gota' chegak benne' ka'.
\q1
\v 13 Ḻa'kze bkache' kwinle gan žape chi'ile ẕila' ka',
\q1 gákwle da' naken ka x̱il plomdo' ka' da' zej naken x̱tan, na' ya plat,
\q1 na' doba' ka' chegak x̱ilba' ka' zej naken ya oro.
\q1
\v 14 Kate' Dios, Benne' ẕente, besḻase' benne' wnná bia' ka' ga na',
\q1 na' bex̱jw bege' da' bgakwn Ya'a Salmón.
\q1
\v 15 To ya'a ẕen nak Ya'a Basán.
\q1 To ya'a ẕenḻe'e nak Ya'a Basán na'.
\q1
\v 16 ¿Biẕ chen' ẕwíale, ḻe'e, ya'a ẕen ka'?
\q1 Ẕwíale ya'a na' gan žénele Dios soakze'.
\q1 Da' likze soakze X̱anžon' ḻaw ya'a na' to chi'ize.
\q1
\v 17 Karro ka' che wdiḻe da' nape Dios zej nyanḻe'en.
\q1 X̱anžo Dios zezé'e gan že' Ya'a Sinaí nich soe' latje la'y chie'.
\b
\q1
\v 18 Beyepo' ya'abá, bechi'o benne' ka' bebejo' ḻo na' yeḻa' got.
\q1 Wẕi'o da' chawe' ka' da' bnéẕjwgak benne' ka' chio' Le'.
\q1 Ḻezka' benne' ka' bží'igake' chio' Le',
\q1 gota' da' bénngake' chio' Le', Dios.
\b
\q1
\v 19 ¡Ga'n ẕen X̱anžon'!
\q2 Tža tža žónnḻi'e da' chawe' chie' chežo.
\q2 Nake' Dios, na' žeslé' žo'o.
\b
\q1
\v 20 Dios, Bennen' nake' Dios chežo, beslé' žo'o.
\q1 X̱anžo Dios na'kze beslé' žo'o ḻo na' yeḻa' got.
\q1
\v 21 Da' likze Dios gone' we' yichjgak benne' ka' ẕží'igake' chie' Ḻe'.
\q1 Gone' we' yichjgak benne' ka' žónteze žóngake' doḻa'.
\q1
\v 22 Wnná X̱anžon': “Gona' ga yežinle lažle, yeza'le ḻaw Ya'a Basán.
\q1 Gona' ga yeza'le že'l ḻo nisdo', na' yežinle lažle.
\q1
\v 23 Wlejle žen chegak benne' ka' ẕdíḻ-ḻengake' ḻe'e,
\q1 na' beko' chele ka' ḻé'jgakban'.”
\b
\q1
\v 24 Za'gak benne' chio' ka', na' žoe ḻáwgake' Le', Dios.
\q1 Ḻo yeḻa' žebele chégake' žó'ogake' latje la'y chio'.
\q1
\v 25 Zejnéžwgak ḻawle benne' ka' žóḻgake'.
\q1 Benne' ka' ẕkwéẕgake' da' ẕgóḻgake' zjake' ẕántele.
\q1 Gachj ḻawle zjak x̱kwide' nó'ledo' ka' zej nóx̱o'be' da' ka' ẕgóḻgakbe'.
\b
\q1
\v 26 ¡Le wká'n ẕen Dios gan zej ndobe benách chie'!
\q2 ¡Le wká'n ẕen X̱anžon', ḻe'e nakle ẕa'só Israel!
\b
\q1
\v 27 Ḻezka' zjak ẕa'só Benjamín ka'.
\q1 Zej nake' bábzegake' san ẕnna biá'gake'.
\q1 Ḻezka' zjak benne' zan ẕa'só Judá,
\q1 na' benne' zan ẕa'só Sabulón,
\q1 na' benne' zan ẕa'só Neftalí.
\b
\q1
\v 28 Dios, bḻoe'e ḻaw yeḻa' waḻe chio'.
\q2 Ben choch, Dios, dan' beno' ni'a cheto'.
\b
\q1
\v 29 Dan' nak ẕen yodo' chio' da' zoan ḻo yež Jerusalén,
\q1 benne' blo ka' kó'ogake' da' zej nape' ḻawo' Le'.
\q1
\v 30 Bdiḻ-ḻen benne' ka' chegak yež zi'to' ka', benne' ka' ẕdíḻ-ḻengake' benne' chio' ka'.
\q1 Zej nake' ka bež zan ka', ḻen ẕí'ngakba' ka',
\q1 dan' ẕdíḻ-ḻengake' yež zan ka'
\q1 nich kwéjgake' yeḻa' wnni'a chégake'.
\q1 Besḻás benne' ka' žaz ḻáže'gake' chjake' ḻo wdiḻe.
\b
\q1
\v 31 Ḻa'gak benne' wnná bia' ka' che yežlyó Egipto.
\q1 Benne' ka' che yežlyó Etiopía gon byéngake' wká'n ẕéngake' Dios.
\b
\q1
\v 32 ¡Le goḻ che Dios, ḻe'e zoale dot yežlyó!
\q2 ¡Le goḻ che X̱anžon'!
\q1
\v 33 ¡Le goḻ che Bennen' ži'e ya'abá na'le,
\q2 dan' wzóan zga'ale!
\b
\q1 Le wia nga, nnie' kan ẕnne wzió'.
\q1
\v 34 Le wia nga, nape Dios dot yeḻa' wak.
\q1 Ḻo yeḻa' ẕen chie' ẕwíakze' benne' Israel ka',
\q1 na' ẕan ya'abá nla' ḻaw yeḻa' waḻe chie'.
\b
\q1
\v 35 Ẕžébeto' Le', Dios, gan zo' latje la'y chio'.
\q1 Dios chegak benne' Israel ka', žon chochkzo' benne' chio' ka'.
\b
\q2 ¡Ga'n ẕen Dios!
\c 69
\q1
\v 1 Dios chia', beslá neda'.
\q1 Naka' ka to benne' žiepe' nis.
\q1
\v 2 Naka' ka to benne' yoe'e ḻo gona', na' bi žak se'e.
\q1 Naken ka yoa'a ḻo nis zil-ḻe'e,
\q1 na' nisen' za' wkachen' yichja'.
\b
\q1
\v 3 Žejx̱áke'la' dan' scha wnnéḻi'a, na' da' lba'a.
\q1 Žatgak yej ḻawa' x̱ak ẕbeza' nich gakḻen Dios neda'.
\q1
\v 4 Zej nyanže benne' ka' bi ẕḻé'egekle' neda' chawe'
\q1 ka zej nyan yicha' yichja', na' bi be ẕia nbaga'a.
\q1 Benne' ka' ẕžá'agake' neda' zej nákḻi'e waḻe.
\q1 Benne' ka' žóngake' neda' ẕia, na' bi zoa biẕ chen'.
\q1 Žon byéngake' yeyiẕjwa' da' bi wlana'.
\b
\q1
\v 5 Dios, nnézkzelo' Le' bena' da' yaḻze,
\q1 na' ẕḻe'ekzlo' doḻa' da' bena'.
\q1
\v 6 X̱ana' Dios ẕente, bi go'o latje benne' ka' žx̱en ḻáže'gake' Le' yedoé'egekle' ni'a che da' bena'.
\q1 Bi go'o latje benne' ka' zá'gake' chio' chíx̱gekle' ni'a chia' neda', Dios chegak benne' Israel ka'.
\q1
\v 7 Dan' nži'ila' Le' ẕchíx̱gake' neda',
\q1 na' ḻo yeḻa' sto' zoakza'.
\q1
\v 8 Naka' ka to benne' zi'to' ḻawgak benne' ljéža'do' ka',
\q1 na' bi zej nónbi'e neda'.
\q1
\v 9 Žeye ẕla ḻáẕda'wa' dan' žé'ḻi'a wnné yoe che ližo'.
\q1 Da' ẕnnégak benne' ka' chio' Le', Dios, naken ka ẕnnégaken' chia' neda'.
\q1
\v 10 Wžeža', na' bena' wbás,
\q1 na' ben dítjgekle' neda', na' che ḻen ẕchix̱la'.
\q1
\v 11 Ḻezka' bwakw kwina' ḻaže' zeche'.
\q1 Bḻé'egekle' neda' ka to da' ben dítjgekle'.
\q1
\v 12 Benne' yolawe' ka' wnnégake' chia'.
\q1 Benne' we'j ka' ben dítjgekle' neda' ḻo da' béḻgake',
\q1
\v 13 san neda' bḻiža' Le', X̱ana' Dios, kan žaz ḻažo'o Le'.
\q1 Dios, ḻo yeḻa' žeyache' ḻaže' ẕen chio',
\q1 na' dan' nakkzo' Benne' weslá cheto', benle chia'.
\q1
\v 14 Bebéj neda' ḻo da' zede gan zoa'.
\q1 Naken ka yoa'a ḻo gona' gže'. Bi go'o latje chazžan'.
\q1 Beslá neda' ḻo na'gak benne' ka' bi ẕḻé'egekle' neda' chawe'.
\q1 Naken ka yoa'a ḻo nis zil.
\q1
\v 15 Bi go'o latje gata' neda' ka to benne' ẕgache'e ḻo nis zil na',
\q1 nich bi gaka' ka to benne' chejchaze' to ḻo yežw gže',
\q1 gan choa'a, na' wkachen' neda' to chi'ize.
\q1
\v 16 Bechebe chia', X̱ana' Dios, dan' cháwe'ḻe'e nak yeḻa' žeyache' ḻaže' chio'.
\q1 Da, gokḻen neda', dan' ẕente nak yeḻa' žeyache' ḻaže' chio'.
\q1
\v 17 Bwia kan nak da' žaken chia' neda', wen žin chio'.
\q1 Dan' že' zédḻe'ela', ben byene yenlo' chia'.
\q1
\v 18 Da ka' gaze ga zoa' ni, na' beslá neda'.
\q1 Beslá neda' dan' zej nyanḻe'e benne' ka' bi ẕḻé'egekle' neda' chawe'.
\q1
\v 19 Le' nnézkzelo' kan ẕchíx̱gake' neda',
\q1 na' kan že' zédḻe'ela', na' kan žon dítjgekle' neda'.
\q1 Ẕḻe'ekzlo' yógo'te benne' ka' ẕžá'agake' neda'.
\q1
\v 20 Dan' ẕká'ngake' neda' ka'ze žedó ḻaža'a, na' že' zédḻe'ela'.
\q1 Wleza' no benne' yeyache' ḻáže'le' neda', san bi wzóa no benne'.
\q1 Wleza' no benne' gon choche' neda', san bi wzóa no benne'.
\q1
\v 21 Bwáwgake' neda' da' sḻa',
\q1 na' kate' wbiḻa', byé'jgake' neda' da' zichj.
\q1
\v 22 Ben ga gak lni ka' chegak benne' ka' ka to do yeḻj gan chéjgake',
\q1 na' ben ga yeyák yeḻa' ba nez chégake' to gan chejchégwgake'.
\q1
\v 23 Ben ga choḻgak yej ḻáwgake' nich biž ḻé'egekle',
\q1 na' ben ga ẕízetezegak benne' ka'.
\q1
\v 24 Ḻo yeḻa' ẕža'a chio' bžia yi' benne' ka'.
\q1 Ḻo yeḻa' yichj ža'a chio' ben ḻégake' zi'.
\q1
\v 25 Ben ga bi soa no benne' ḻo ližgak benne' ka',
\q1 na' bi soa no benne' ḻo yežlyó chégake'.
\q1
\v 26 Wžía ḻáže'gake' bennen' bsaka' zi'o,
\q1 na' žẕížegake' dan' ẕzaka' bennen' beno' ḻe' we'.
\q1
\v 27 Bḻoe'e ḻaw doḻa' da' zej nbaga' benne' ka',
\q1 na' bi go'o ḻégake' latje gákgake' toze ḻen benne' chawe' chio' ka'.
\q1
\v 28 Bsoḻe lagak benne' ka' ḻe'e yiche chegak benne' ka' zej nape' yeḻa' nban da' naken li ḻaže',
\q1 na' bi wzojo' lágake' gan zej nyejw lagak benne' chawe' ka',
\q1
\v 29 san neda' zoa' ḻo da' ẕzáka'ḻi'a, na' že' zédḻe'ela'.
\q1 Beslá neda', Dios, na' bechís neda'.
\b
\q1
\v 30 Goḻkza' da' wká'n ẕenen La la'y che Dios chia'.
\q1 Wká'n ẕena' Ḻe' ḻen da' žoe ḻawa' Ḻe'.
\q1
\v 31 Da' ni žaz ḻáže'že Dios ka to bež gota' ḻawe',
\q1 o ka to biado' zej žia lozba', na' sógo'ba'.
\q1
\v 32 Ḻé'ekzegekle benne' gax̱jw ḻaže' ka' da' ni, na' yebégekle'.
\q1 Le biga' ḻaw Dios, na' Ḻe' gon choche' ḻe'e.
\q1
\v 33 Ženle X̱anžon' chegak benne' ka' žiážjegekle',
\q1 na' bi ẕzoe' cheḻa'ale benne' chie' ka', benne' zej nyejwe' liž ya.
\b
\q1
\v 34 ¡Le wká'n ẕene' Ḻe', ḻe'e zoale ya'abá,
\q2 na' ḻe'e zoale yežlyó nga,
\q2 na' ḻe'e zoale ḻawe' nisdo',
\q2 na' yógo'te da' nníta'gaken yógo'te latje ka'!
\b
\q1
\v 35 Dios beslé' benne' ka' nníta'gake' yež Sión,
\q1 na' yeyone' yež ka' zej žen' ḻo yežlyó Judá,
\q1 na' chejnníta'gake' ga na',
\q1 na' gata' chégake' yežlyón'.
\b
\q1
\v 36 Ḻezka' žingak ẕa'só benne' chawe' chio' ka',
\q1 na' gata' chégake' yežlyón',
\q1 na' benne' ka' nží'igekle' La la'y chio' chejnníta'gake' ga na'.
\c 70
\q1
\v 1 Beslá neda', Dios.
\q1 Da ka' gaze nich gákḻeno' neda', X̱ana' Dios.
\q1
\v 2 Ben ga yedoé'egekle, na' kwe' zédgekle benne' ka' žénegekle' gótgake' neda'.
\q1 Ben ga yebíga'gak, na' chíx̱gekle benne' ka' žebégekle' dan' že' zedla'.
\q1
\v 3 Ben ga ga'ngak yaḻ ḻaže' ḻo da' žongak benne' ka' žon dítjgekle' neda'.
\q1
\v 4 Benne' ka' žíngake' ḻawo' Le' yebégekle', na' sóagake' ḻo yeḻa' ba nez.
\q1 Benne' ka' žé'gake' Le' “Žóx̱keno'” dan' besló' ḻégake'.
\q1 Ẕnnágake': “¡Ga'n ẕen Dios!”
\q1
\v 5 Ze' zedla', na' nat ni'a na'a.
\q1 Da ka' gaze gákḻeno' neda', Dios.
\q1 Le' nako' Benne' weslá chia', X̱ana'.
\q1 Bi želo', X̱ana' Dios.
\c 71
\q1
\v 1 Za'a ḻawo' Le', X̱ana' Dios, nich gape chi'o neda'.
\q1 Ben ga biž yedoe'ela'.
\q1
\v 2 Gokḻen neda', na' beslá neda' dan' nako' chawe'.
\q1 Bze nag chi'a, na' beslá neda'.
\q1
\v 3 Nako' ka to yej x̱e gan soa' chawe',
\q1 na' wak yida' gan zo' Le' dot ža, na' yele.
\q1 Bseḻa' no benne' yeslé' neda',
\q1 dan' nako' Le' ka to yej x̱e gan zoa' choch.
\q1
\v 4 X̱ana' Dios, beslá neda' ḻo na'gak benne' ka' bebéj yíchjgake' Le',
\q1 na' ḻo na'gak benne' ka' žóngake' da' ẕinnj, na' zej nake' yichj ža'a.
\q1
\v 5 Žx̱en ḻaža'a Le', X̱ana' Dios.
\q1 Le' ẕwíakzo' neda' kate' ne naktia' bí'do'te.
\q1
\v 6 Le' ba nox̱kzo' neda' katen' za' golja'.
\q1 Le' beno' ga bžoja' ḻo ḻe'e x̱na'a.
\q1 Wká'n ẕénteza' Le'.
\q1
\v 7 Bebángekle benne' zanḻe'e kan gok chia',
\q1 san Le' ẕwíakzo' binlo neda'.
\q1
\v 8 Ben ga góḻteza' da' we ḻawa' Le',
\q1 na' wká'n ẕena' Le' dot ža.
\q1
\v 9 Bi wzó' neda' cheḻa'ale kate' ba ngola'.
\q1 Kate' yedó ḻaža'a, bi kwej yichjo' neda'.
\q1
\v 10 Benne' ka' ẕžá'agake' neda' ẕnnégake' chia',
\q1 na' benne' ka' žak ḻáže'gake' gótgake' neda' ba béngake' toze diža'.
\q1
\v 11 Ẕnnágake': “Bzoa Dios ḻe' cheḻa'ale.
\q1 Le cho'o chejx̱enžo-ne' dan' bi zoa no benne' yeslé' ḻe'.”
\q1
\v 12 Dios, bi so' zi'to' ga zoa' ni.
\q1 Dios chia', da ka' gaze gákḻeno' neda'.
\q1
\v 13 Ben ga yedoé'egekle,
\q1 na' nítgekle benne' ka' ẕdíḻ-ḻengake' neda'.
\q1 Ben ga soagak ḻo yeḻa' sto',
\q1 na' chíx̱gekle benne' ka' žak ḻáže'gake' góngake' chia' da' ẕinnj,
\q1
\v 14 san neda' wx̱én ḻáže'teza' Le', na' we ḻáwteza' Le'.
\q1
\v 15 Wzenla' benne' ka' nako' chawe',
\q1 na' wzéntezela' ḻégake' kan besló' neda',
\q1 ḻa'kze bi nnezla' baḻ chi'i besló' neda'.
\q1
\v 16 Wchaḻjkza' che da' ẕenḻe'e da' beno' Le', X̱ana' Dios,
\q1 na' wsá'a ḻáže'gak benne' ka' kan nakkzo' chawe'.
\q1
\v 17 Dios, Le' bsedlo' neda' kate' ne naktia' bí'do'te.
\q1 Ẕḻoe'ela' benne' ka' ka nak da' ẕenḻe'e da' beno'.
\q1
\v 18 Bi kwej yichjo' neda' kate' ba ngola', na' ba bgocha',
\q1 san be' neda' latje wzenla' ẕa'sóa' ka' ka nak yeḻa' wak chio',
\q1 na' wzenla' bi'do' ka' bi na' gáljgakbe' ka nak chio',
\q1
\v 19 na' da' chawe' da' nako', da' naken ẕenḻe'e, Dios.
\q1 Le' beno' da' ka' zej nakḻe'en ẕen.
\q1 Dios, ¿noẕkze benne' nake' ka nako' Le'?
\q1
\v 20 Le' beno' ga wdía' ḻo da' zan da' zede,
\q1 na' ḻo da' ka' bi žakgak chawe',
\q1 na' gono' ga yebana' neda',
\q1 na' yechiso' neda' ḻo yežw ba.
\q1
\v 21 Gono' ga gakža' ẕen, na' yeyón ẕeno' neda'.
\q1
\v 22 Neda' we ḻawkza' Le', na' chinna' da' žóḻ-ḻento'.
\q1 X̱ana' Dios, goḻkza' che da' likze chio' na' chinna' da' ka'.
\q1 Nako' Benne' La'y chegak benne' Israel ka'.
\q1
\v 23 Soa' ḻo yeḻa' ba nez kate' goḻkza' chio' Le',
\q1 na' yebekzle be' da' nakkza' dan' beya'wo'.
\q1
\v 24 Wcháḻjteza' che da' chawe' da' nako' dot ža, na' yele,
\q1 dan' beno' ga bedoé'egekle, na' bchíx̱gekle benne' ka' ben byéngake' góngake' neda' ẕia.
\c 72
\q1
\v 1 Dios, ben ga wchi'a ḻaže' benne' wnná bia' da' žak cheto' kan ẕchi'a ḻáže'kzo' Le',
\q1 na' ben chawe' x̱kwide' ka' che benne' wnná bian'.
\q1
\v 2 Naž ḻe' wchi'a ḻaže'e cháwe'do' benne' chio' ka'.
\q1 Ka nak da' naken dot da' li wchi'a ḻaže'e benne' chio' ka' ẕzáka'ḻe'egake'.
\q1
\v 3 Ḻaw ya'a ka' chejga'ngak chawe' benne' chio' ka',
\q1 na' ḻaw ya'ado' ka' kwézgake' ḻo da' nak chawe'.
\q1
\v 4 Wchi'a ḻaže'e benne' wláž ka' ẕzáka'ḻe'egake'.
\q1 Yeslé' x̱kwide' ka' chegak benne' ka' žiážjegekle'.
\q1 Wžía yi'e benne' ka' žsáka'gake' benách chio' ka'.
\q1
\v 5 Chébeteze benne' wnná bian' Le',
\q1 x̱ak zoa wbíž, na' byo'.
\q1
\v 6 Gak benne' wnná bian' ka nis yejw da' žaken ga naz,
\q1 na' ka ẕlelj da' žeẕjwn ḻo yežlyó.
\q1
\v 7 Ḻo ža ka' che benne' wnná bian' gak da' chawe',
\q1 na' ga'ngak cháwe'do' benne' ka' x̱ak zoa byo'.
\q1
\v 8 Nna bi'e dot yežlyó nga, žoa'a Yegw Éufrates,
\q1 na' do ẕente yežlyó.
\q1
\v 9 Wzóa ẕibgak benne' dot yežlyó ḻawe' ḻe',
\q1 na' wzex̱jwe' ḻáže'gak benne' ka' ẕžá'agake' ḻe'.
\q1
\v 10 Benne' ẕnna bi'e yež Tarsis, na' benne' ẕnna bi'e yež zi'to' ka' zedjnoé'e da' wnéẕjwgake' chie',
\q1 na' benne' ẕnna bi'e yež Sabá, na' benne' ẕnna bi'e yežlyó Seba wnéẕjwgake' chie' yeḻa' wnni'a.
\q1
\v 11 Yógo'te benne' wnná bia' ka' wzóa ẕíbgake' ḻawe' ḻe,
\q1 na' benne' yógo'te yež góngake' žin chie'.
\q1
\v 12 Ḻe' yeslé' benne' ka' žiážjegekle', benne' ka' žḻížgake' ḻe',
\q1 na' yeslé' benne' ka' ẕzáka'gake',
\q1 na' bi zoa no benne' gákḻene' ḻégake'.
\q1
\v 13 Yeyache' ḻáže'le' benne' yache' ka', na' benne' ka' žiážjegekle'.
\q1 Yeslé' benne' yache' ka' nich sóagake' nbángake'.
\q1
\v 14 Yeya'we' benne' yache' ka' ḻo na'gak benne' wen ḻaže' ka', benne' yichj ža'a ka',
\q1 na' gon byene' yeslé' benne' ka' ḻo na'gak benne' wet benne' ka'.
\q1
\v 15 Soa nban benne' wnná bian',
\q1 na' wnéẕjwgake' chie' ya oro che yež Sabá,
\q1 na' nnábtezgekle benne' ka' gakḻen Dios ḻe',
\q1 na' dot ža, na' yele nnábgekle' Dios gon chawe'e benne' wnná bian'.
\q1
\v 16 Gázgake' to ẕíga'do'ze ẕoa' stribe ḻo yežlyó, na' ḻaw ya'ado' chégake' ka',
\q1 na' kwíaḻe'e linne chen kan ẕbian ḻaw Ya'a Líbano,
\q1 na' benne' ka' nníta'gake' ḻo yež ka' yángake' kan žon yix̱e' da' žen' yežlyó.
\q1
\v 17 Sóateze la benne' wnná bian'.
\q1 Wcháḻjtezgake' che le' x̱ak zoa wbíž.
\q1 Ni'a chie' ḻe' gak yeḻa' ba nez chegak benách ka',
\q1 na' nnágake' nak chie' yeḻa' ba nez ẕen.
\q1
\v 18 Cháwe'ḻe'e nak X̱anžo Dios.
\q1 Nake' Dios chegak benne' Israel ka',
\q1 na' toze' Ḻe' žone' da' ka' žóngaken ga žebánležo.
\q1
\v 19 Cháwe'ḻe'e nak La la'y chie' dan' náktezen ẕen,
\q1 na' dot yežlyó nga ḻé'egekle' yeḻa' ẕen chie'.
\b
\q2 Ka'kze naken, na' ka'kze gaken.
\b
\q1
\v 20 Ga ni ze ḻaw da' wnná Dabí, ẕi'n Isaí,
\q1 dan' bcháḻjḻene' Dios.
\c 73
\q1
\v 1 Da' likze Dios ben chawe'e benne' Israel ka',
\q1 benne' ka' zej nake' dot ḻi ḻaže' ḻawe' Ḻe',
\q1
\v 2 san neda' wzóa' chejchegwa',
\q1 na' wzóa' gona' to da' ẕinnj.
\q1
\v 3 Bge'ela' benne' wnni'a ka',
\q1 kate' bḻe'ela' kan žak chawe' chegak benne' ka' nbej yíchjgake' Dios.
\q1
\v 4 Benne' ki bi zej že' zedle che yeḻa' got,
\q1 dan' zej zóaḻi'e chawe'.
\q1
\v 5 Bi ẕzáka'gake' kan ẕzáka'gak yezika' benne' ka',
\q1 na' bi zoa da žak chégake' kan žak chegak yezíka'že'.
\q1
\v 6 Che ḻen ẕka'n ẕen kwíngake'.
\q1 Žónteze žóngake' da' bi nak chawe'.
\q1
\v 7 Ẕgól-ḻe'egake' dan' žáwḻe'egake' da' cháwe'ḻe'e.
\q1 Ẕzí'ḻe'egake' da' ẕdan ḻáže'gake'.
\q1
\v 8 Žon dítjgekle' Dios, na' ẕnnégake' chie', na' žóngake' da' ẕinnj.
\q1 Ḻo yeḻa' ẕka'n ẕen kwíngake' ẕcháḻjgake' da' ẕente.
\q1
\v 9 Ẕnnégake' che da' ka' zej zoan ya'abá,
\q1 na' ẕcháḻjgake' ka benne' ka' zej nape' dot yežlyó.
\q1
\v 10 Che ḻen yezika' benách ka' želyenle' x̱tíža'gake',
\q1 na' ẕzi' ḻo ná'gake' da' ẕnnágake'.
\q1
\v 11 Ẕnnagak benne' wnni'a ka': “¿Biẕkze nnezle Dios?
\q1 ¿Ẕḻé'ekzle Bennen' zoe' ža'le da' žonžo?”
\q1
\v 12 Benne' ki zej nbej yíchjgake' Dios,
\q1 na' zej zoe' binlo, na' ẕzí'gakže' yeḻa' wnni'a.
\q1
\v 13 Da' likze, dáche'ze goka' dot ḻi ḻaže',
\q1 na' bi be bena' da' bi nak chawe',
\q1
\v 14 san tža tža wẕáka'ḻi'a,
\q1 na' žsaka' zí'gake' neda' yógo'te ža.
\q1
\v 15 Chela' nnia' neda': wchaḻja' kan ẕchaḻjgak benne' ka',
\q1 na' wka'na' bénne'do' chio' ka' ka'ze, Dios.
\b
\q1
\v 16 Kate' blab ḻaža'a nich chejni'ila' da' ni,
\q1 wžé' zédḻe'ela',
\q1
\v 17 san kate' wyoá'a ḻo latje la'y che Dios,
\q1 na' gókbe'ela' da' gak chegak benne' ka' ga ze ḻawte.
\b
\q1
\v 18 Da' likze beno' chegak benne' ka' chejchégwgake',
\q1 na' gono' ga kwia yí'gakkze'.
\q1
\v 19 Ḻa' kwia yí'tegake'.
\q1 Yeḻa' ẕžebe senen ḻégake', na' goten ḻégake'.
\q1
\v 20 Zej nake' ka to da' bḻe'elto' to ḻo bichgale dan' ẕnniten kate' žebanžo.
\q1 Ka'kze gaken, X̱anto' Dios.
\q1 Kate' so žo'o, wka'no' ka'ze da' bḻoe'el kwingak benne' ka'.
\q1
\v 21 Kate' bge'ela' benne' ka',
\q1 wžé' zédḻe'ele ḻáẕda'wa'.
\q1
\v 22 Goka' ka to bia yix̱e' ḻawo' Le',
\q1 dan' gok zide yichja', na' bi bejni'ila',
\q1
\v 23 san wzóaḻenteza' Le', na' nóx̱wkzo' na'a ḻi ža.
\q1
\v 24 Bsedlo' neda' nich gona' da' ẕḻoe'elo' neda',
\q1 na' te na'a yezí' ḻo no'o neda' ḻo ya'abá chio'.
\q1
\v 25 Bi zoa no benne' yoble chia' ya'abá san tozo' Le',
\q1 na' bi be zoa da' ẕdan ḻaža'a yežlyó nga san tozo' Le'.
\b
\q1
\v 26 Žedó ḻaže' beḻa' žen chia', na' ḻáẕda'wa',
\q1 san Dios nake' Benne' žon choche' neda', na' nake' yeḻa' ba nez ẕen chia' to chi'ize.
\b
\q1
\v 27 Benne' ka' žekwásgake' gan zo' nítgekle'.
\q1 Wžía yi'o yógo'te benne' ka' kwej yíchjgake' Le'.
\b
\q1
\v 28 San neda', žak chawe' chia' dan' wbiga' ḻaw Dios.
\q1 Wx̱én ḻáže'teza' X̱anžo Dios,
\q1 na' wchaḻjkza' che da' ẕente da' bene' Ḻe'.
\c 74
\q1
\v 1 X̱anto' Dios, ¿wléj yichjo' neto' to chi'ize?
\q1 ¿Ẕžo'o neto', ẕila' chio' ka'?
\q1
\v 2 Bsa' ḻaže' benne' chio' ka', benne' ka' wẕi'o ža ni'te, benne' ka' beya'wo'
\q1 nich gono' ḻégake' benne' chekzo' ka',
\q1 benne' ka' zej zoe' ḻaw Ya'a Sión nga, ga ni zoakzo' Le'.
\q1
\v 3 Da ka' gaze yedjḻe'elo' ka nbia yi' yež nga,
\q1 na' ka nak da' ẕinnj da' bengak benne' ka' che latje la'y chio'.
\q1
\v 4 Ẕbéžeya'agak benne' ka' bi ẕḻé'egekle' Le' chawe'
\q1 gachje ḻawle gan zej ndobe benne' chio' ka'.
\q1 Bdá'gake' nga da' ẕḻoe'elen yo'oto' ḻo ná'gake'.
\q1
\v 5 Bchínnjgake' yež ni,
\q1 ka žon to benne' ẕchoge' yógo'te yag ka' zej zen to ḻaw ya'a.
\q1
\v 6 Ḻen ya wag chégake' ka', na' ḻen yag chégake' ka',
\q1 bchínnjgake' yógo'te da' x̱tan ka' che yodo' chio'.
\q1
\v 7 Bzéygake' latje la'y chio'.
\q1 Bká'ngake' ka'ze ližkzo' Le'. Bchínnjgaken'.
\q1
\v 8 Wnnágake': “¡Wžía yi'žo ḻégake' to chi'ize!”
\q1 Bzéygake' yógo'te yo'o gan bká'n ẕento' Le' dot ḻo yežlyó chio'.
\q1
\v 9 Biž bi ẕḻe'elto' da' nak la'y, dan' bchisto' ḻo yežlyó cheto'.
\q1 Biž zoa no benne' wchaḻje' ḻo wlazo' Le',
\q1 na' bi zoa no benne' ladjw neto', benne' nnezle' batx̱ yelato'.
\q1
\v 10 X̱anto' Dios, ¿to chi'ize wchix̱gak benne' ka' neto', benne' ka' žsaka' zí'gake' neto'?
\q1 ¿To chi'ize nnegak benne' ka' bi ẕḻé'egekle' Le' chawe' che La la'y chio' Le'?
\q1
\v 11 ¿Biẕ chen' bi be žono' chegak benne' ka'?
\q1 ¿Biẕ chen' bi ẕžia yi'o benne' wen da' ẕinnj ka'?
\q1
\v 12 San Le', Dios, nako' Benne' Wnná Bia' chia' ža ni'te.
\q1 Le' bžia yi'o benne' ka' dot ḻo yežlyó nga.
\q1
\v 13 Ḻen yeḻa' wak ẕen chio' beno' nisdo' chope ḻa'a.
\q1 Wló'o yichj bia ẕenḻe'e ka' ḻo nisdo'.
\q1
\v 14 Bzoẕjo' yichj bia ẕenḻe'e, bian' leba' lebiatán,
\q1 na' beno' ga bdawgak bia yix̱e' ka' ḻeba', bia ka' zej zoaba' ḻo yo biž.
\q1
\v 15 Beno' ga golj nis bej ka', na' nis yegw ka'.
\q1 Besbižo' yegw ẕen ka'.
\q1
\v 16 Chio' Le' nak ḻawe' ža, na' ḻezka' chio' nak yele.
\q1 Le' bnnito'o byo', na' wbíž gan zej zoan.
\q1
\v 17 Bnnitkzo' to chi'ize yógo'te da' zej že' yežlyó nga.
\q1 Le' beno' byo' wbá ka', na' byo' zag ka'.
\q1
\v 18 Bejsá' ḻaže' da' ni:
\q1 benne' ka' bi ẕḻé'egekle' Le' chawe' ben dítjgekle' Le', X̱anto' Dios,
\q1 na' benne' yaḻ ḻaže' ka' wnnégake' che La la'y chio' Le'.
\q1
\v 19 Bi gaḻ ḻažo'o neto', benne' chio' ka', to chi'ize.
\q1 Bi wká'n neto', benne' ka' nži'ikzlo', ḻo na'gak benne' ka' zej nake' ka bia snia ka'.
\q1 Zoato' ḻáwgake' ka zej nak gogoldo' ka'.
\q1
\v 20 Bejsá' ḻaže' diža' da' bénḻeno' neto',
\q1 dan' gáte'teze nníta'gak benne' wen da' ẕinnj ka'.
\q1 Ẕdágake' do ẕente yežlyó nga.
\q1
\v 21 Bi go'o latje yedoé'egekle benne' gax̱jw ḻaže' ka'.
\q1 Benne' ka' ẕzáka'ḻe'egake', na' benne' ka' žiážjegekle'
\q1 we ḻáwgake' La la'y chio' Le'.
\q1
\v 22 Wzó ža', Dios. Ben kan wnnakzo' gono'.
\q1 Bejsá' ḻaže' kan žongak benne' yaḻ ḻaže' ka',
\q1 benne' ka' ẕká'ngake' ka'ze La la'y chio' tža tža.
\q1
\v 23 Bi gaḻ ḻažo'o da' wnné zi'gak benne' wen da' ẕinnj ka' chio' Le'.
\q1 Néntezle žo'osbé da' žongak benne' ka' ẕží'igake' chio' Le'.
\c 75
\q1
\v 1 “Žóx̱keno'”, že'to' Le', Dios: “žóx̱keno'.”
\q2 Ẕzenlto' benách ka' zóaḻeno' Le' neto',
\q2 na' beno' da' ka' žóngaken ga žebanlto'.
\b
\q1
\v 2 Ẕnna Dios: “Bzoa' ža wchi'a ḻaža'a benne' ka'.
\q1 Wchi'a ḻaža'a ḻo da' nak chawe'.
\q1
\v 3 Ḻa'kze x̱o' dot yežlyó, na' x̱ize yógo'te da' de,
\q1 gona' ga ga'n choch x̱ni'a yežlyón'.
\q1
\v 4 Žapa' benne' yaḻ ḻaže' ka': Bi sa' ḻáže'le da' ẕen.
\q1 Žapa' benne' wen da' ẕinnj ka': Bi wká'n ẕen kwinle.
\q1
\v 5 Bi wx̱én ḻáže'le yeḻa' waḻe chele.
\q1 Bi gakle benne' ḻaẕdo' zide ka'.”
\b
\q1
\v 6 Bi za' yeḻa' ẕen gan ẕḻa' wbíž, na' gan ženen,
\q1 na' bi zan' ḻo latje dache.
\q1
\v 7 Dios nake' Benne' wchi'a ḻaže'e benne' ka'.
\q1 Ẕka'ne' ka'ze to benne', na' ẕka'n ẕene' yetóe'.
\q1
\v 8 Dios nox̱e' to ẕiga', da' nžan' x̱is uba waḻ, dan' zejḻasen yeḻa' ẕža'a chie'.
\q1 Wlaljen', na' benne' wen da' ẕinnj ka' yé'jgaken'.
\q1 Yé'jgaken' na' zejte yebižten,
\q1
\v 9 san neda' wzenkzla' benne' ka',
\q1 na' goḻa' da' we ḻawa' Dios che Jakob.
\q1
\v 10 Wchinnje' yeḻa' wak chegak benne' wen da' ẕinnj ka',
\q1 san yesgóleže' yeḻa' wak chegak benne' chawe' ka'.
\c 76
\q1
\v 1 Zej nonbia' benne' Judá ka' Dios,
\q1 na' La la'y chie' nga'nen ẕen ladjw benne' Israel ka'.
\q1
\v 2 Ḻo yež Salem zoa latje la'y chie'.
\q1 Ḻo yež Sión zoa gan zoakze'.
\q1
\v 3 Ḻo latjen' wdíchj Dios yag ntoche' ka' che wdiḻe, na' yag ntóche'do' ka',
\q1 na' ya da' žape chi'in benne' ka' ḻo wdiḻe,
\q1 na' ya ntoche' ka', da' ka' ẕkóngekle' žin ḻo wdiḻe.
\b
\q1
\v 4 ¡Benne' ẕenḻe'e nako' Le'!
\q2 ¡Nako' waḻže ka ya'a ẕen ka'!
\b
\q1
\v 5 Chejchégwgak benne' waḻe ka', na' gásḻasgake'.
\q1 Nitó benne' waḻe bi yechís ne'e nich tíḻ-ḻene' Le'.
\q1
\v 6 Dios chegak benne' Israel ka', kate' wtiḻo' benne' ka'
\q1 besḻaso' ḻégake', na' bia ka' žíagake'.
\q1
\v 7 Le' nako' Bennen' žaḻa' žébežo.
\q1 ¿Noẕ benne' gak sie' ḻawo' Le' kate' ẕžo'o?
\q1
\v 8 Wnnó' wchi'a ḻažo'o benne' ka' ne zo' ya'abá.
\q1 Ẕžébegak benne' ka' ḻo yežlyó, dan' ẕbézgake'
\q1
\v 9 ža so žo'o Le', Dios, nich wchi'a ḻažo'o benách ka',
\q1 na' nich yesló' yógo'te benne' gax̱jw ḻaže' ka'.
\q1
\v 10 Da' likze yeḻa' ẕža'a chegak benne' ka' gaken to da' gon ga ga'n ẕeno' Le'.
\q1 Wlék žio' yeḻa' ẕža'a chegak benne' ka' zej nga'ne'.
\b
\q1
\v 11 Le wchebe ḻaže' da' gonnle che Dios,
\q1 na' le wneẕjwn' che X̱anžon', Dios chele.
\q1 Benne' ka' nníta'gake' do ẕente ḻá'gake' zej noe'e da' wnéẕjwgake' che Dios, Bennen' ẕžébežo.
\q1
\v 12 Ẕži'i Dios che da' yo'o ḻo yichj ḻáẕdo'gak benne' blo ka'.
\q1 Ḻe' ẕchebe' benne' wnná bia' ka' nníta'gake' yežlyó.
\c 77
\q1
\v 1 Ḻen chi'a bḻiža' Dios.
\q1 Bḻiža' Dios, na' Ḻe' bze nage' chia'.
\q1
\v 2 Žoa'a ḻaw X̱anžon' kate' ẕzáka'ḻi'a.
\q1 Žel ẕchis na'a ḻawe' Ḻe', na' bi zoa' žize.
\q1 Bi bi'a latje no benne' yeyón ẕene' neda'.
\q1
\v 3 Bsa' ḻaža'a che Dios, na' wžé' zedla'.
\q1 Bsa' ḻaža'a che da' bena', na' bedó ḻaža'a.
\b
\q1
\v 4 Dios, bi bi'o latje tasa'.
\q1 Wžé' zédḻe'ela', na' bi be gok nnia'.
\b
\q1
\v 5 Blab ḻaža'a ka zej nak ža ka' wdégaken,
\q1 na' ka zej nak yiz ka' ba wdégaken.
\q1
\v 6 Bsa' ḻaža'a ka nak da' beḻkza' yele ka',
\q1 na' blab ḻáže'kza' kan zej naken,
\q1 na' wnnabla' ḻo be' da' nakkza':
\q1
\v 7 ¿Bzoa X̱anžon' žo'o cheḻa'ale to chi'ize,
\q1 na' biž gákḻene' žo'o?
\q1
\v 8 ¿Batkle yeyache' ḻáže'le' žo'o?
\q1 ¿Batkle gone' da' wchebe ḻaže'e gone'?
\q1
\v 9 ¿Goḻ ḻáže'kze Dios yeyache' ḻáže'le' žo'o?
\q1 ¿Ẕže'e žo'o nich biž yeyache' ḻáže'le' žo'o?
\q1
\v 10 Naž wnnía': ki žona' dan' yoa'a yižwé'.
\q1 Che ḻen chejsá' ḻaža'a yógo'te da' ẕente da' ben Dios ẕente ḻo yiz ka' ba wdégaken.
\b
\q1
\v 11 Chejsá' ḻaža'a da' ẕente ka' da' beno' Le', Jah.
\q1 O', chejsá' ḻaža'a da' beno' ža ni'te,
\q1 da' ka' žóngaken ga žebanlto'.
\q1
\v 12 Wláb ḻaža'a ka nak yógo'te da' beno',
\q1 na' wchaḻja' ka zej nak da' ka'.
\q1
\v 13 Dios, la'y nak da' ẕchi'lo' neto' gonto'.
\q1 ¿Zoa yetó Dios nake' benne' ẕen ka nako' Le'?
\q1
\v 14 Le' nako' Dios, ẕnno' da' žonen ga žebanlto'.
\q1 Bḻoe'elo' yógo'te benne' yežlyó nakḻe'e ẕen yeḻa' wak chio'.
\q1
\v 15 Ḻen yeḻa' wak chio' beya'wo' benne' chio' ka',
\q1 ẕa'só Jakob ka', na' ẕa'só José ka'.
\q1
\v 16 Yegw nis ka' bḻé'egeklen Le', Dios.
\q1 Bḻé'egekle yegw nis ka' Le', na' bžébeḻe'egaken.
\q1 Ḻezka' wžé' zédgekle nisdo' gže' ka'.
\q1
\v 17 Nis yejw zil bžojen ḻo bejw gasj ka',
\q1 na' wnneḻe'e wzió', na' wyasḻe'e yes wzión'.
\q1
\v 18 Ḻo be' bdone' wnneḻe'e wzió' chion'.
\q1 Bza'ní' yes wzión' do ẕente yežlyó.
\q1 Wẕo'ḻe'e, na' wẕize yežlyón'.
\q1
\v 19 Bsaljo' nez gachj ḻawle nisdo',
\q1 na' ḻawe' nis zil ka' wdekzo' Le',
\q1 san bi nak bia' gan blejo'.
\q1
\v 20 Bchi'o benne' chio' ka' ka ẕila' ka'
\q1 ḻo na' Moisés, na' ḻo na' Aarón.
\c 78
\q1
\v 1 Le yenle, ḻe'e, benne' chia' ka', da' žsedla'.
\q1 Le wzé nag binlo da' ẕchaḻja'.
\q1
\v 2 Wkonla' žin diža' ka' kan ẕchaḻjgak benne' žejní'il ka',
\q1 na' wsá' ḻáža'a ḻe'e da' goken bagáche'ze ža ni'te,
\q1
\v 3 da' ka' benlžo, na' da' nnezlžo,
\q1 da' ka' bzéngekle x̱a x̱to'žo ka' žo'o.
\q1
\v 4 Bi wkáche'žo da' ka' ḻawgak ẕi'nžo ka'.
\q1 Wzénkzelžo ẕi'nžo ka' ka nak yeḻa' ẕen che X̱anžon',
\q1 yeḻa' wak chien', na' da' ẕen ka' da' bene'.
\q1
\v 5 Bchi'le' benne' Israel ka' da' žon byenen góngake',
\q1 na' naken da' žaḻa' gongak ẕa'só Jakob ka'.
\q1 Bchi'le' x̱a x̱to'žo wdé ka',
\q1 wzéngekle' ẕí'ngake' ka' ka nak da' wnnakze' Ḻe',
\q1
\v 6 nich nnézgekle x̱kwide' ka' za' gáljgakbe' kan naken,
\q1 na' wzéngeklbe' ẕí'ngakbe' ka' da' ẕchi'le' ḻégakbe',
\q1
\v 7 nich wx̱én ḻáže'gakbe' Dios,
\q1 na' bi gaḻ ḻáže'gakbe' da' ka' ben Dios,
\q1 na' nich góngakbe' da' ka' bchi'le' ḻégakbe',
\q1
\v 8 na' bi gákgakbe' kan gokgak x̱a x̱tó'gakbe' ka',
\q1 benne' ka' bi béngake' da' bchi'le' ḻégake',
\q1 na' bží'igake' chie' Ḻe',
\q1 na' bi bx̱en ḻáže'gake' Dios dot ḻáže'gake'.
\q1 Ḻo be' da' zej nakkze' bi gókgake' ḻi ḻaže' ḻaw Dios.
\q1
\v 9 Benne' ẕa'só Efraín ka', benne' zej noe'e da' ẕkóngekle' žin ḻo wdiḻe
\q1 bẕónnjgake' gan žak wdiḻe.
\q1
\v 10 Bi béngake' kan ẕnna diža' da' benḻen Dios ḻégake',
\q1 na' bi béngake' dan' bchi'le' ḻégake'.
\q1
\v 11 Goḻ ḻáže'gake' da' ka' ben Dios,
\q1 na' yeḻa' ẕen da' bḻoe'ele' ḻégake'.
\q1
\v 12 Bene' yeḻa' wak ẕen ka' ḻawgak x̱a x̱tó'gake' ka'
\q1 ḻo yežlyó Egipto, na' ḻo yežlyó Soán.
\q1
\v 13 Bsaljwe' nez ḻo nisdo' gan wdegak benne' ka'.
\q1 Bene' nisdon' ka ya'ado' ka' cheḻa'a weje.
\q1
\v 14 Te ža bḻoe'ele' benne' ka' nez ḻen to bejw gasj da' bnáwgake',
\q1 na' žel ḻen to bejw da' bsa'nín'.
\q1
\v 15 Wḻé'e yej ka' gan nak yo biž,
\q1 na' bye'je' benne' ka' nis da' bžojen ḻe'egak yej ka' ka to yegw nis.
\q1
\v 16 Bene' ga bžoj to yegw nis ḻe'e yej na',
\q1 na' goken to yegw ẕen,
\q1
\v 17 san béngakže' doḻa' ḻaw Dios ḻo latje dach,
\q1 na' bží'igake' che Dios, Bennen' nape' dot yeḻa' wak.
\q1
\v 18 Ni'a che da' wdán ḻáže'gake' béngake' ga bža'a Dios.
\q1 Wnnábgekle' Ḻe' da' gáwgake' ka wdán ḻáže'zegake'.
\q1
\v 19 Wnnégake' che Dios, na' wnnágake':
\q1 “¿Wak gonn Dios da' gawžo ladjw yix̱e' nga?
\q1
\v 20 Da' likze wlé'e yej na', na' bžoj nisen', dan' goken ka to yegw ẕen,
\q1 san, ¿wak gonne' chežo yet,
\q1 na' gonne' beḻa' da' gawžo?”
\q1
\v 21 Che ḻen bža'a X̱anžon' kate' benle' da' ni,
\q1 na' bseḻe'e to yi' da' bzeyen baḻ benne' chie' ka',
\q1 na' bgole yeḻa' ẕža'a chie' ḻen benne' Israel ka',
\q1
\v 22 dan' bi bejḻé'gake' che Dios,
\q1 na' bi bx̱en ḻáže'gake' Ḻe' yeslé' ḻégake',
\q1
\v 23 san Dios bseḻe'e bejw ẕan ya'abá,
\q1 na' bsaljwe' gan ẕžoj da' žseḻe'e zaka' ya'abá,
\q1
\v 24 na' bene' ga bex̱jw yet maná kan žak yejw,
\q1 dan' bdawgak benne' chie' ka'.
\q1 Bneẕjwe' ḻégake' da' naken ka ẕoa' che ya'abá.
\q1
\v 25 Bdáwgake' da' žawgak wbás che ya'abá ka'.
\q1 Bséḻa'ḻi'e da' bdáwgake', na' béljgekle'.
\q1
\v 26 Bene' ga gok to be' da' zan' cheḻa'ale gan ẕḻa' wbíž,
\q1 na' ḻen yeḻa' wak chie' bene' ga gok be' dan' zan' cheḻa'ale gan ẕde wbíž byo' zag ka',
\q1
\v 27 na' ka bix̱te yo bseḻe'e beḻa' da' gáwgake',
\q1 biado' ka' zej zoa x̱ílgakba', da' zanže ka yož da' žen' žoa'a to yegw ẕen.
\q1
\v 28 Bene' ga béx̱jwgakba' gan zej nnita' benne' ka',
\q1 na' do ẕente gan zej da' yo'o yid chégake' ka'.
\q1
\v 29 Bdáwgake'-ba', na' béljgekle'.
\q1 Dios benne' chégake' da' wdán ḻáže'gake',
\q1
\v 30 san kate' bi na' yéljgekle', na' ne žáwgake'-ba',
\q1
\v 31 na' bža'a Dios benne' ka'
\q1 na' bete' benne' Israel ka' zej nakže' benne' waḻe,
\q1 na' benne' ka' zej nakže' benne' wak.
\q1
\v 32 Ḻa'kze bene' ki, na' béngakže' doḻa',
\q1 na' ḻa'kze bḻé'egekle' yeḻa' wak ka' da' bene',
\q1 bi bx̱en ḻáže'gake' Ḻe'.
\q1
\v 33 Che ḻen bene' nbabze ža chegak benne' ka',
\q1 na' gókgaken ka to be' da' žeka'ažo,
\q1 na' ka zej nak yiz da' wnníta'gake' bdie' ḻégake' ḻo da' wẕáka'gake'.
\q1
\v 34 Kate' bete' baḻ benne' ka', na' yezíka'že' beyákgake' che Dios.
\q1 Beyát ḻáže'gake', na' dot ḻáže'gake' bḻížgake' Ḻe'.
\q1
\v 35 Bejsá' ḻáže'gake' nak Dios Benne' žape chi'e ḻégake'
\q1 na' nape Dios dot yeḻa' ẕen. Ḻekze' beya'we' ḻégake',
\q1
\v 36 san bi gok ḻi ḻaže' da' wnnábgekle',
\q1 dan' ben ḻáže'gake' ḻaw Dios.
\q1
\v 37 Bi gok ḻi ḻáže'gake' ḻen Ḻe',
\q1 na' bi béngake' dot ḻáže'gake' ka nak x̱tiže'e dan' bénḻene' žo'o.
\q1
\v 38 San Dios beyache' ḻáže'le' chegak benne' ka',
\q1 na' benít ḻawe' x̱tóḻa'gake', na' bi bžia yi'e ḻégake'.
\q1 Zan chi'i beké'e yeḻa' ẕža'a chie',
\q1 na' bi bže'e ḻégake' dot kan bsa' ḻaže'e.
\q1
\v 39 Bejsá' ḻaže'e zej nakze' beḻa' žen.
\q1 Zej nake' ka to be' da' ẕden, na' bi yežinen.
\q1
\v 40 Zan chi'i bží'igake' chie' Ḻe' ḻo latje dachen',
\q1 na' zan chi'i béngake' ga gok nyache' ḻaže'e Ḻe'.
\q1
\v 41 Zan chi'i béngake' da' bi de chawe' Dios,
\q1 na' béngake' ga bža'a Dios la'y chegak benne' Israel ka'.
\q1
\v 42 Goḻ ḻáže'gake' ka nak yeḻa' wak ẕen chie',
\q1 na' ka bene' ḻo ža ka' kate' beya'we' ḻégake' ḻo da' wẕáka'gake',
\q1
\v 43 kate' bene' yeḻa' wak ẕen ka' ḻo yežlyó Egipto,
\q1 na' bḻoe'ele' da' ka' da' žóngaken ga žebanlžo, da' ka' bene' ḻo yežlyó Soán.
\q1
\v 44 Bene' ga beyák yegw chegak benne' Egipto ka' žen,
\q1 na' biž gok yé'jgake' nisen'.
\q1
\v 45 Bseḻe'e bi'a ka' ladjw benne' ka', bia ka' bsáka'gakba' ḻégake'.
\q1 Bseḻe'e blož ka' nich bchínnjgakba' yežlyó chégake'.
\q1
\v 46 Bseḻe'e biche' zo ka' nich bdáwgakba' linne chégake',
\q1 na' bžia yí'gakba' da' zej den ḻo yežlyó chégake'.
\q1
\v 47 Bseḻe'e yej nis ẕen da' bchinnjen lba uba chégake' ka',
\q1 na' bseḻe'e da' zag dan' besbižen yag higo chégake' ka'.
\q1
\v 48 Bseḻe'e yej nis ẕen da' beten bia yix̱e' chégake' ka',
\q1 na' bseḻe'e yes wzió' da' beten ẕila' chégake' ka'.
\q1
\v 49 Bene' ga wẕáka'ḻe'egak benne' Egipto ka', dan' bžá'aḻi'e ḻégake',
\q1 na' bseḻe'e da' ka' gókgaken ka wbás zan che ya'abá nich wsaka' zí'gake' ḻégake'.
\q1
\v 50 Bi bsane' yeḻa' ẕža'a chie',
\q1 na' bi benít ḻawe' chégake' nich bi gátgake',
\q1 san bete' zángake' ḻen to yižwé' ẕen.
\q1
\v 51 Bete' bi' byo nežw ka' chegak benne' ka',
\q1 bi' byo nežw ka' chegak benne' Egipto ka'.
\q1
\v 52 Naž bchi'e benne' chie' ka' ka to benne' ẕchi'e ẕila' ka',
\q1 na' bchi'e ḻégake' ḻe'e latje dach.
\q1
\v 53 Bchi'e ḻégake' dot chawe', na' bi be bžébegake',
\q1 san benne' Egipto ka', benne' bi bḻé'egekle' ḻégake' chawe',
\q1 bete' ḻégake' ḻo nisdo'.
\q1
\v 54 Bchi'e benách chie' ka' ḻo yežlyó la'y chie',
\q1 gan zej nnita' ya'a ka' wleje' Ḻekze' ḻo na'gak benne' ka' wnníta'gake' nga.
\q1
\v 55 Blage' ḻégake' ḻo yežlyón' ḻawgak benách chie' ka'.
\q1 Bdise' yežlyó chégaken' ládjwgak benne' Israel ka'.
\q1 Bnnite'e ḻégake' ližgak benne' ka' bebeje' ga na',
\q1
\v 56 san da' yoble béngake' da' bi de chawe' Dios,
\q1 na' bža'a Dios, Bennen' nape' dot yeḻa' ẕen.
\q1 Bi béngake' da' bchi'le' ḻégake'.
\q1
\v 57 Da yoble bží'igake' che Dios kan bengak x̱a x̱tó'gake' ka'.
\q1 Gókgake' ka to yag ntóche'do' dan' bi zejen to wḻize.
\q1
\v 58 Béngake' ga bže'e Ḻe' ḻen bkog ka' gan bka'n ẕéngake' lo'a ka',
\q1 na' ni'a che lo'a chégake' ka' bžá'aḻe'e Dios.
\q1
\v 59 Bža'a Dios kate' bḻe'ele' da' ki,
\q1 na' bi bḻe'ele' benne' chie' ka' chawe', benne' Israel ka'.
\q1
\v 60 Bsan ḻaže'e yo'o yid la'y chie' dan' wzóan yež Silo,
\q1 yo'o yiden' gan wzoakze' Ḻe' ladjw benne' ka'.
\q1
\v 61 Bi'e latje bkwasgak benne' ka' bi bḻé'egekle' žo'o chawe' kaj la'y chien',
\q1 dan' ẕḻoe'e ḻawn yeḻa' wak, na' yeḻa' ẕen chie'.
\q1
\v 62 Bže'e benne' chie' ka', na' bdie' ḻégake' ḻo na'gak benne' ka' bétgake' zángake'.
\q1
\v 63 X̱kwide' byo ka' chégake' gótgakbe' ḻo wdiḻe,
\q1 na' bi bga'n no benne' byo kwide', benne' wchág ná'ḻenbe' no'le kwide' ka'.
\q1
\v 64 Ḻezka' gotgak bx̱oz ka' chégake' ḻo wdiḻen',
\q1 na' no'le wzebe ka' chegak bx̱oz ka' bi wžeže nyáche'gake' ni'a chégake'.
\q1
\v 65 Naž gok X̱anžon' ka to benne' žebane' ḻo bichgale.
\q1 Goke' ka to benne' waḻe ẕbéžeyi'e kate' ba ne'je' x̱is uba waḻ.
\q1
\v 66 Blage' benne' ka' bi bḻé'egekle' ḻégake' chawe',
\q1 na' bka'ne' ḻégake' ka'ze to chi'ize.
\q1
\v 67 Bzoe' cheḻa'ale ẕa'só José ka',
\q1 na' bi wžíe' ẕa'só Efraín ka',
\q1
\v 68 san wžíe' ẕa'só Judá ka',
\q1 na' Ya'a Sión, dan' nží'iḻe'ele'.
\q1
\v 69 Ḻaw ya'a na' bene' yodo' la'y chie', dan' goken ka nak yodo' dan' zoan ya'abá.
\q1 Bzoa chochen' to chi'ize, ka nakkze yežlyó nga.
\q1
\v 70 Wžíe' Dabí, benne' wen žin chie'.
\q1 Bebeje' ḻe' gan zej nnita' ẕila' ka'.
\q1
\v 71 Bkwase' ḻe' gan zoe' žape chi'e ẕila' ka',
\q1 nich gake' benne' wnná bia',
\q1 benne' gape chi'e benách chie' ka', ẕa'só Jakob ka',
\q1 benne' ka' zej nake' benne' Israel ka'.
\q1
\v 72 Dabín' ḻo yeḻa' gax̱jw ḻaže' chie' wdape chi'e benne' ka' zej nake' benne' ka' che Dios.
\q1 Wdape chi'e ḻégake' ḻen yeḻa' wak chie' ḻo yeḻa' dot ḻi ḻaže' chie'.
\c 79
\q1
\v 1 X̱anto' Dios, yo'ogak benne' zi'to' ka' ḻo yežlyó chegak benne' chio' ka'.
\q1 Bcá'ngake' ca'ze yodo' la'y chio'.
\q1 Bchínnjgake' yež Jerusalén.
\q1
\v 2 Bká'ngake' beḻa' žen gat chegak benne' wen žin chio' ka' gan bdawgak lab ka' ḻégake'.
\q1 Bdawgak bia yix̱e' ka' benne' chio' ka'.
\q1
\v 3 Bláljgake' žen chegak benne' ka' ka nis ḻo nez ka' che yež Jerusalén,
\q1 na' bi wzóa no benne' wkache'e ḻégake'.
\q1
\v 4 Benne' yež gawze ka' ẕchíx̱gake' neto'.
\q1 Yógo'te benne' ka' žon dítjgekle' neto', na' ẕká'ngake' neto' ka'ze.
\b
\q1
\v 5 ¿To chi'ize gak ki cheto', X̱anto' Dios?
\q2 ¿To chi'ize ẕžo'o neto'?
\q2 ¿To chi'ize gak yeḻa' ẕža'a chio' ka to yi'?
\b
\q1
\v 6 Bža'agak benne' yež ka', benne' bi zej nónbi'e Le',
\q1 na' benne' zi'to' ka', benne' bi žḻížgake' Le'.
\q1
\v 7 Bžia yí'gake' ẕa'só Jakob ka',
\q1 na' bchínnjgake' lížgake'.
\q1
\v 8 Bi yesbago'o neto' da' ẕia da' wbága'gak x̱a x̱na' gole cheto' ka'.
\q1 Da ka' gaze yeyache' ḻáže'lo' neto', dan' bedó ḻáže'to'.
\q1
\v 9 Gokḻen neto', Dios, Benne' Weslá cheto', nich ga'n ẕen La la'y chio'.
\q1 Beslá neto', na' bsoḻe doḻa' cheto' nich ga'n ẕen La la'y chio',
\q1
\v 10 dan' nnagak benne' ka':
\q1 “¿Ganẕkze Dios chegak benne' ka'?”
\q1 Bezí' wzón benne' ka' bétgake' benne' wen žin chio' ka'.
\q1
\v 11 Ben ki nich yógo'te benne' chio' ka',
\q1 benne' ka' zej yoe'e ḻo na'gak benne' ka' bi ẕḻé'egekle' neto' chawe',
\q1 ḻé'egekle' da' gono'.
\q1 Ḻen yeḻa' wak ẕen chio' beslá benne' ka' nžog chégake' gátgake'.
\q1
\v 12 Bneẕjw chegak benne' yež gawze ka' yegaže kwe' da' ẕinnj ka da' béngake',
\q1 dan' ben dítjgekle' Le', X̱anto' Dios.
\q1
\v 13 Neto', benne' chio' ka', na' ẕila' chio' ka',
\q1 we ḻawto' Le' to chi'ize.
\q1 Góḻtezeto' da' wká'n ẕento' Le'.
\c 80
\q1
\v 1 Benle cheto', Dios.
\q1 Le' žape chi'o benne' Israel ka'.
\q1 Le' žape chi'o ẕa'só Jwsé ka' ka ẕila' ka'.
\q1 Ži'o latje blo chio' dan' zoan ḻáwlegak wbás chio' ka' nzi' lágake' kerubín.
\q1
\v 2 Bḻoe'e ḻaw yeḻa' ẕen chio' ḻawgak ẕa'só Efraín, na' Benjamín, na' Manasés.
\q1 Bḻoe'e ḻaw yeḻa' wak chio', na' da, yesló' neto'.
\b
\q1
\v 3 Bezí' neto', Dios.
\q2 Beyache' ḻaže'l neto', na' yelato'.
\b
\q1
\v 4 X̱anto' Dios, napo' dot yeḻa' wak.
\q1 ¿To chi'ize žo'o neto' na' bi yenlo' da' nnablto' Le'?
\q1
\v 5 Beno' Le' ga žak nyache' ḻáže'to',
\q1 na' nis ẕbežto' naken da' že'j žawto'.
\q1
\v 6 Bi'o latje benne' gawze ka' bká'ngake' neto' ka'ze.
\q1 Benne' ka' ẕžá'agake' neto' ben dítjgekle' neto'.
\b
\q1
\v 7 Bezí' neto', Dios. Napkzo' Le' dot yeḻa' wak.
\q2 Beyache' ḻaže'l neto', na' yelato'.
\b
\q1
\v 8 Bebejo' neto' ka to lba uba ḻo yežlyó Egipto.
\q1 Blago' benne' ka' wnníta'gake' nga, na' gozo' lba uba na' nga.
\q1
\v 9 Wdape chi'o lba uba na' nich golen.
\q1 Ben lba uba na' lwen, na' bgakwn yežlyón'.
\q1
\v 10 Wló'on ẕoḻ yógo'te ya'a ka',
\q1 na' ni'a ne'n ka' wló'ogaken ẕoḻ yag sedro ẕen ka'.
\q1
\v 11 Bzáḻa'gaken ni'a ne'n, da' ka' bžíngaken žoa'a nisdo',
\q1 na' bžíngaken žoa'a yegw Eufrates.
\q1
\v 12 ¿Biẕ chen' bkwaso' le'je da' wdáp chi'in lban'?
\q1 Na'a benne' ka' ẕdégake' ga na' ẕbángake' uba chen.
\q1
\v 13 Ẕlejgak koch yix̱e' ka' lba uba na',
\q1 na' bia yix̱e' ka' žáwgakban'.
\q1
\v 14 Bedá cheto', Dios, napkzo' Le' dot yeḻa' wak.
\q1 Bwia neto' zaka' ya'abá, gan zoakzo',
\q1 na' da yedjḻe'elo' da' žaken che lba uba chion'.
\q1
\v 15 Da, yesló' lba uba ni, dan' gozkzo' Le'.
\q1 Ẕiže lba uba na', dan' bzoa chochon' naken chio'.
\q1
\v 16 Benne' ka' bi ẕḻé'egekle' neto' chawe' bchóggake' lba na', na' bẕéngaken' yi'.
\q1 Bwia benne' ka' ḻo yeḻa' ẕža'a chio', na' bžia yi' ḻégake'.
\q1
\v 17 Bzoa choch, na' wdáp chi'i benne' ka' ba wžío',
\q1 na' ẕi'ngak benne' ka' bzoa chocho' ḻégake'.
\q1
\v 18 Batkle yebéj yichjto' Le' nitó chi'i.
\q1 Bkache' chawe' neto', na' wx̱én ḻáže'to' La la'y chio'.
\b
\q1
\v 19 X̱anto' Dios, napkzo' Le' dot yeḻa' wak, bezí' neto'.
\q2 Beyache' ḻaže'l neto', na' yelato'.
\c 81
\q1
\v 1 Ḻen yeḻa' žebele le goḻ che Dios, Bennen' žon choche' žo'o.
\q1 Ḻo yeḻa' ba nez chele le kwéžeya'a ḻaw Dios chegak ẕa'só Jakob.
\q1
\v 2 Le goḻ, na' le kapa' yiddo' ka'.
\q1 Le chinn x̱tan da' ka' žóḻ-ḻenle.
\q1
\v 3 Le wkweže lozgak bia ka' kate' nak byo' že'n,
\q1 dan' naken ža žónteze žonžo lni la'y.
\q1
\v 4 Naken to da' žon byene gongak benne' Israel ka',
\q1 dan' bchi'le Dios gongak ẕa'só Jakob ka'.
\q1
\v 5 Bzoen' ka to da' wḻoé'elen ẕa'só Jwsé ka' da' ben Dios katen' bžójgake' ḻo yežlyó Egipto,
\q1 gan benla' to x̱tíža'gak benne' ka' da' bi bejni'ila'.
\q1
\v 6 Ẕnna Dios: “Beká'a ywa' da' bdá'gake' x̱kóže'lgak benne' chia' ka'.
\q1 Beslá' benne' chia' ka' ḻo na'gak benne' ka' bkóngekle' ḻégake' žin.
\q1
\v 7 Ḻo da' wẕáka'le, bḻižle neda', na' gókḻena' ḻe'e.
\q1 Becheba' chele gan wzóa' to ḻo bejw gasj katen' wnnéḻe'e wzió',
\q1 na' wẕí' bi'a ḻe'e gan de bej nis da' nzin' Meriba.
\q1
\v 8 Le yenle, benne' chia' ka',
\q1 na' wzejni'ila' ḻe'e, benne' Israel ka',
\q1 cha' žaz ḻáže'le si'le da' ẕnnia'.
\q1
\v 9 Bi si' ḻo na'le dios ka' chegak benne' yež yobl ka'.
\q1 Bi wzó ẕible ḻawgak dios ka' chegak benne' zi'to' ka'.
\q1
\v 10 Neda', Dios chele, naka' X̱anle.
\q1 Bebeja' ḻe'e ḻo yežlyó Egipto.
\q1 Le wsaljw žoa'ale, na' gonna' da' gawle,
\q1
\v 11 san benne' chia' ka' bi béngake' da' wnnía'.
\q1 Benne' Israel ka' bi wyáz ḻáže'gake' si' ḻo ná'gake' x̱tiža'a.
\q1
\v 12 Che ḻen wléj yichja' benne' ka' dan' gókgake' ḻaẕdo' zide.
\q1 Béngake' da' wdán ḻáže'gakze'.
\q1
\v 13 Chela' wzé naggak benne' chia' ka' da' wnnía',
\q1 na' chela' bengak benne' Israel ka' da' bchaḻja',
\q1
\v 14 na' ka' gaze wžía yi'a benne' ka' bi ẕḻé'egekle' ḻégake' chawe',
\q1 na' tíḻ-ḻena' benne' ka' ẕdíḻ-ḻengake' ḻégake'.”
\b
\q1
\v 15 Chela' bengak benne' Israel ki,
\q1 na' benne' ka' ẕžá'agake' X̱anžo Dios góngake' kan ẕnna x̱tíže'e,
\q1 (san zej nbage'e ẕia to chi'ize),
\q1
\v 16 na' Dios gone' ga gawgak benne' chie' ka' ẕoa' stribe cháwe'ḻe'e,
\q1 na' gone' ga yéljgekle' da' ẕix̱ che bez.
\c 82
\q1
\v 1 Zoa Dios gan zej ndobe benne' ka' ẕchi'a ḻáže'gake' benne' chie' ka'.
\q1 Dios ẕchi'a ḻaže'e benne' ka' ẕchi'a ḻáže'gake' benne' chie' ka'.
\q1
\v 2 Ẕnna Dios: “¿Wchi'a ḻáže'tezle benne' chia' ka' ḻo da' bi nak chawe',
\q1 na' gaple ba la'ne benne' ka' bebéj yíchjgake' neda'?
\q1
\v 3 Le gakḻen benne' yache' ka', na' bi' wzebe ka'.
\q1 Le yeyón ẕen benne' gax̱jw ḻaže' ka', na' benne' ka' žiážjegekle'.
\q1
\v 4 Le gon choch benne' ka' žedó ḻáže'gake', na' benne' yache' ka'.
\q1 Le yeslá ḻégake' ḻo na'gak benne' wen da' ẕinnj ka'.
\q1
\v 5 Bi be nnézlele, na' bi žejní'ilele, na' ẕdale ḻo da' choḻ.
\q1 Žẕizgak yógo'te da' zej de yežlyó.
\q1
\v 6 Neda' wnnía': nakkzle ḻe'e ka dios ka',
\q1 na' nakle yógo'tele ka ẕi'nkze Dios ẕente,
\q1
\v 7 san gatle ka žatgak yógo'te benne' ka',
\q1 na' chejchégwle kan žon nóte'teze benne' wnná bia'.”
\b
\q1
\v 8 Wzó ža', Dios, na' bchi'a ḻaže' benne' yežlyó ka',
\q2 dan' yógo'te yež ka' yó'ogaken ḻo no'o.
\c 83
\q1
\v 1 Dios, bi so' žize.
\q1 Bi so' žize, Dios, na' bi wsejw žo'o.
\q1
\v 2 Ẕbéžeya'agak benne' ka' bi ẕḻé'egekle' Le' chawe',
\q1 na' ẕka'n ẕen kwingak benne' ka' ẕží'igake' chio'.
\q1
\v 3 Bagáche'ze ba béngake' toze diža' bi da' góngake' chegak benne' chio' ka',
\q1 na' da' góngake' chegak benne' ka' žape chi'ikzo'.
\q1
\v 4 Wnnágake': “Le cho'o, wžía yi'žo benne' ka' nich biž soa yež chégake',
\q1 na' biž soa no benne' chejsá' ḻaže'e che yež Israel.”
\q1
\v 5 Ba béngake' toze diža' bi da' góngake' chio' Le'.
\q1 Nákgake' toze ḻo da' žénegekle' góngake'.
\q1
\v 6 Ki žongak benne' Edom ka', na' benne' Ismael ka',
\q1 na' benne' Moab ka', na' ẕa'só Agar ka',
\q1
\v 7 na' benne' Jebal ka', na' benne' Amón ka', na' benne' Amalek ka',
\q1 na' benne' Filistea ka', na' benne' yež Tiro ka'.
\q1
\v 8 Ḻezka' benne' Asiria ka' zej nake' toze ḻen ḻégake'.
\q1 Yógo'te benne' ki žónḻengake' tẕen ẕa'só Lot ka'.
\q1
\v 9 Ben chegak benne' ki kan beno' chegak benne' Madián,
\q1 na' kan beno' che Sísara,
\q1 na' kan beno' che Jabín žoa'a yegw Sisón,
\q1
\v 10 benne' ka' beto' Le' ḻo yežlyó Endor,
\q1 na' beyákgake' ka x̱che'e beže dan' žonen beb ḻo yo.
\q1
\v 11 Ben ga gak chegak benne' blo ka' chegak benne' ki kan gok che Oreb, na' che Seb,
\q1 na' ben ga gak chegak benne' ka' ẕnna biá'gake' benne' ki kan gok che Seba, na' che Salmuna,
\q1
\v 12 dan' wnnagak benne' ki: “Gak chežo yežlyó
\q1 gan zej nnita' benne' ka' che Dios.”
\q1
\v 13 Dios chia', ben ga gákgake' ka laga' biž da' ẕche' to be' da' žechjlen.
\q1 Ben ga gákgake' ka beb da' ẕche' be' bdone'.
\q1
\v 14 Ka žon to yi' da' ẕzeyen to ya'a ẕen,
\q1 na' ka žon yi' da' ẕzeyen to ḻo win biž,
\q1
\v 15 ka'kze wẕía ḻaže' benne' ki to ḻo be' bdone',
\q1 na' bchebe ḻégake' ḻen to da' ẕen da' gono'.
\q1
\v 16 Ben ga yedoé'eḻe'egekle',
\q1 nich gápegake' Le' ba la'ne, X̱anto' Dios.
\q1
\v 17 Ben ga chíx̱gekle', na' kwe' zédgekle' to chi'ize.
\q1 Ben ga gá'ngake' ka'ze, na' gátgake'.
\q1
\v 18 Ben ga yeyónbia'gake' nako' Le' X̱anto' Dios.
\q1 Tozo' Le' nako' Dios ẕente ḻawle dot yežlyó.
\c 84
\q1
\v 1 Nží'iḻe'ela' yodo' chio' Le', Dios.
\q1 Le' napkzo' dot yeḻa' wak.
\q1
\v 2 Ẕdan ḻaža'a soa' ḻo yodo' chio', X̱ana' Dios,
\q1 na' žak ḻáže'ḻi'a soa' ga na'.
\q1 Ḻen dot da' naka', na' dot ḻaža'a žoḻa' chio' Le', Dios ban.
\q1
\v 3 Ba bengak byinne ka' x̱ó'ngakba',
\q1 na' gogoldo' ka' zej de latje gan žẕíagakba' bia že'ndo' chégakba' ka',
\q1 dan' naken gan zoa žoa'a bkog la'y chio' Le', Dios.
\b
\q2 Le' napkzo' dot yeḻa' wak.
\q2 Ẕnna bia'kzo' Le' neda', na' nako' Dios chia'.
\b
\q1
\v 4 Ba nez ẕen naken chegak benne' ka' nníta'gake' ḻo yodo' chio'.
\q1 To chi'ize wká'n ẕéngake' Le'.
\q1
\v 5 Ba nez ẕen naken chegak benne' ka', Le' ẕzoa chocho' ḻégake',
\q1 benne' ka' ẕdan ḻáže'gake' chjake' ḻo ya'a la'y chio', Ya'a Sión.
\q1
\v 6 Kate' ẕdágake' lache' biž dan' nzin' Lache' Nis Ẕbéžežo,
\q1 žóngake' ga žeyaken to latje gan žaḻ nis zil,
\q1 na' yeschá' nis yejw latje nisen'.
\q1
\v 7 Žákgakže' benne' waḻe x̱ak zej yoe'e nez ga na'
\q1 dan' ḻé'egekle' Dios ḻaw ya'a la'y chie', Ya'a Sión.
\b
\q1
\v 8 Benle, X̱ana' Dios, da' ẕnnabla' ḻawo' Le'.
\q2 Le' napkzo' dot yeḻa' wak.
\q2 Benle cheto', Dios. Nako' Dios che Jakob.
\b
\q1
\v 9 Ben chawe' benne' wnná bia' cheto', Dios, benne' wnná bian' wžío' Le'.
\q1
\v 10 Gakže chawe' soa' to žaze ḻo yodo' chio' ka soa' to mil yiz ga yoble.
\q1 Žak ḻáže'ža' soa' gan žó'ogake' yodo' che Dios chia' ka to benne' ndo'w,
\q1 ka soakza' to liža' da' zaka' gan bi zoa Dios.
\b
\q1
\v 11 X̱anžo Dios žape chi'ikze' žo'o, na' žon choche' žo'o.
\q2 Nži'ile' žo'o, na' žon chawe'e žo'o.
\q2 Žape' benne' ka' ba la'ne, na' nži'ile' ḻégake',
\q2 benne' ka' zej nake' dot ḻi ḻaže'.
\b
\q1
\v 12 Dios, napo' dot yeḻa' wak.
\q1 Ba nez ẕen naken chegak benne' ka' žx̱en ḻáže'gake' Le'.
\c 85
\q1
\v 1 Ben chawo'o benne' chio' ka', X̱ana' Dios.
\q1 Besló' ẕa'só Jakob ka' ḻo na'gak benne' zi'to' ka'.
\q1
\v 2 Benít ḻawo'o da' ẕinnj da' bengak benne' chio' ka'.
\q1 Bdio' cheḻa'ale doḻa' chégake'.
\q1
\v 3 Bzoa žio' yeḻa' ẕža'a chio',
\q1 na' bsano' yeḻa' yichj ža'a chio'.
\q1
\v 4 Ben ga yeyák cheto' yeḻa' ba nez che yeḻa' weslá chio'
\q1 na' biž žo'o neto', Dios.
\q1
\v 5 ¿To chi'ize žo'o neto'?
\q1 ¿Žá'akzo' to kwe' to kwe' ẕa'sóto' ka'?
\q1
\v 6 ¿Biž gono' ga yebelto' da' yoble,
\q1 nich gaken cheto' yeḻa' ba nez ḻawo' Le'?
\q1
\v 7 X̱anto' Dios, beyache' ḻaže'l neto', na' beslá neto'.
\b
\q1
\v 8 Wzé naga' da' nna X̱ana' Dios.
\q1 Nne' da' gonen ga ga'ngak chawe' benách chie' ka'
\q1 nich biž gongak benne' la'y chie' ka' da' yaḻze.
\q1
\v 9 Da' likze Dios zóateze' yeslé' benne' ka' žápegake' Ḻe' ba la'ne,
\q1 na' ḻa' ḻaw yeḻa' ẕen chie' ḻo yežlyó chežo.
\q1
\v 10 Zej nžag yeḻa' žeyache' ḻaže', na' da' li che Dios.
\q1 Nakgak toze da' chawe', na' yeḻa' ẕga'n chawe' chie'.
\q1
\v 11 Da' nak dot da' li chie' yeschán' yežlyó nga,
\q1 na' seḻe'e da' chawe' chie' da' zan' ya'abá.
\q1
\v 12 X̱anžo Dios žseḻe'e nis yejw chežo,
\q1 na' yežlyó chežo gonnḻe'en linne.
\q1
\v 13 Da' naken chawe' žejlen Dios,
\q1 na' wḻoe'elen nez da' chéjḻenžo.
\c 86
\q1
\v 1 X̱ana' Dios, bze nag, na' benle chia',
\q1 dan' ẕzaka'a neda', na' žiážjela'.
\q1
\v 2 Bwia neda' dan' naka' chio'.
\q1 Dios chia', beslá neda', wen žin chio', dan' žx̱en ḻaža'a Le'.
\q1
\v 3 X̱ana' Dios, beyache' ḻaže'l neda',
\q1 dan' žḻiža' Le' dot ža, dot yele.
\q1
\v 4 Ben ga yebéḻe'ela' neda', wen žin chio',
\q1 dan' ẕzoa kwina' ḻo no'o Le', X̱ana' Dios.
\q1
\v 5 Nako' Le' chawe', X̱ana' Dios, na' ženít ḻawo'o neto',
\q1 na' žeyache' ḻáže'tezlo' benne' ka' žḻížgake' Le'.
\q1
\v 6 X̱ana' Dios, benle da' ẕcháḻjḻena' Le',
\q1 na' bze nag da' ẕnnabla' Le'.
\q1
\v 7 Ḻo ža kwe' zedḻa' wḻižkza' Le',
\q1 dan' žechébekzo' Le' chia'.
\q1
\v 8 X̱anto' Dios, bi zoa no benne' nake' dios ka nako' Le'
\q1 na' bi zoa no benne' gak gone' ka nak da' žono' Le'.
\q1
\v 9 Beno' Le' benne' ka' nníta'gake' yógo'te yež ka'.
\q1 Ḻá'gake', na' wká'n ẕéngake' Le', X̱anto' Dios,
\q1 na' wká'n ẕéngake' La la'y chio',
\q1
\v 10 dan' nako' ẕen, na' žono' da' žonen ga žebanlto'.
\q1 Tozo' Le' nako' Dios.
\q1
\v 11 Bsedle neda' da' žak ḻažo'o gona', X̱ana' Dios,
\q1 na' gona' da' naken dot da' li chio'.
\q1 Bchi'le ḻáẕda'wa' nich žeba' La la'y chekzo' Le'.
\q1
\v 12 Dot ḻaža'a wká'n ẕenkza' Le', X̱ana' Dios,
\q1 na' wká'n ẕenkza' La la'y chekzo' Le' to chi'ize,
\q1
\v 13 dan' žeyache' ḻáže'tezlo' neda',
\q1 na' besló' be' da' nakkza' ḻo yi' gabíl.
\q1
\v 14 X̱ana' Dios, benne' ka' ẕka'n ẕen kwíngake' ẕdíḻ-ḻengake' neda'.
\q1 Zej nake' benne' yichj ža'a ka',
\q1 na' žénegekle' gótgake' neda',
\q1 na' bi ẕžébegake' Le',
\q1
\v 15 san Le', X̱ana' Dios, žeyache' ḻáže'lo' neto'.
\q1 Nako' ẕen ḻaže', na' bi ẕžo'o to chi'ize,
\q1 san žeyache' ḻáže'tezlo' neto', na' nako' dot ḻi ḻaže'.
\q1
\v 16 Bwia kan žak chia', na' beyache' ḻaže'l neda'.
\q1 Benn neda' yeḻa' wak chio', neda' wen žin chio',
\q1 na' wdape chi'i neda', ẕi'n no'le wen žin chio'.
\q1
\v 17 Bḻoe'el neda' to da' gak bian' gak chawe' chia',
\q1 na' ben ga benne' ka' bi ẕḻé'egekle' neda' chawe' ḻé'egeklen', na' yedoé'egekle',
\q1 dan' Le', X̱ana' Dios, gókḻenkzo' neda', na' beyón ẕeno' neda'.
\c 87
\q1
\v 1 Len yež Sión žian ḻaw ya'a la'y.
\q1
\v 2 Nží'ižele X̱anžo Dios latje gan ẕchi'a ḻáže'gak benne' ka' nníta'gake' yež Sión,
\q1 ka nži'ile' yógo'te liž ẕa'só Jakob ka'.
\q1
\v 3 X̱tanḻe'e nak da' ẕnna Dios kan nak yež chien'.
\q1
\v 4 Ẕnne': “Chejsá' ḻaža'a zej nnita' benne' ka' zej nónbi'e neda'
\q1 ḻo yežlyó Egipto, na' ḻo yež Babilonia.
\q1 Le wia nga, ḻo yežlyó Filistea, na' ḻo yež Tiro, na' ḻo yežlyó Etiopía,
\q1 goljgak benne' ki zej nake' chia' neda'.”
\q1
\v 5 Ka nak che yež Sión ẕnne': “Benne' ni, na' bennen' góljgake' ga na',
\q1 na' neda', Dios ẕente, wzóa chocha' yežen'.”
\q1
\v 6 Kate' wláb X̱anžo Dios benne' ka' zej nake' chie',
\q1 nnakze' Ḻe': “Benne' ni golje' ḻo yežen'.”
\q1
\v 7 Benne' ka' žóḻgake', na' benne' ka' ẕyá'agake',
\q1 nnágake': “Dot da' napa' zan' ḻo yežen'.”
\c 88
\q1
\v 1 X̱ana' Dios, Le' žeslakzo' neda'.
\q1 Dot ža dot yel žḻiža' Le'.
\q1
\v 2 Benle da' ẕchaḻja' ḻawo' Le',
\q1 na' bze nag da' žḻiža' Le'.
\q1
\v 3 Žedó ḻaža'a ḻo da' bi nak chawe' da' žaken chia', na' ba zoa' gata'.
\q1
\v 4 Ẕḻé'egekle benne' ka' neda' ka to benne' gat, dan' žatḻe'e ni'a na'a.
\q1
\v 5 Nga'na' ka'ze ladjw benne' gat ka'.
\q1 Naka' ka benne' ka' gótgake' ḻo wdiḻe, na' zej die' ḻo yežw ba ka',
\q1 benne' ka' biž žezá' ḻažo'o, Dios, chégake', na' biž zej yoe'e ḻo no'o Le'.
\q1
\v 6 Žak chia' ka bzoakzo' neda' to ḻo yežw gže',
\q1 gan nak choḻ, na' nakḻe'en gže'.
\q1
\v 7 Žekla' ẕžá'aḻi'o neda'.
\q1 Da' žak chia' naken kan žetja' ẕan nisdo' dan' ẕgo'nḻe'en.
\q1
\v 8 Beno' ga bebíga'gak lježa' ka' gan zoa'.
\q1 Beno' neda' ka to da' žesgotlen benne' ka'.
\q1 Naken chia' ka nyejwa' liž ya, na' bi gak yežoja'.
\q1
\v 9 Ẕchoḻ yej ḻawa' ni'a che da' ẕzáka'ḻi'a.
\q1 Yógo'te ža žḻiža' Le', X̱ana' Dios.
\q1 Ẕchis na'a ḻawo' Le'.
\q1
\v 10 ¿Ḻen yeḻa' wak che ya'abá gákḻeno' benne' gat ka'?
\q1 ¿Že'gak benne' gat ka' Le': “Žóx̱keno'”?
\q1
\v 11 ¿Ẕchaḻjgak benne' ka' zej ngache'e yežw ba che yeḻa' ži'i ḻaže' chio'?
\q1 ¿Ẕchaḻjgak benne' ka' zej yoe'e latje choḻ chegak benne' gat ka' che da' ḻi ḻaže' chio'?
\q1
\v 12 ¿Yeyónbia'gak benne' ka' zej yoe'e latje choḻen' ka nak da' ẕente da' žono'?
\q1 ¿Yeyónbia'gak benne' zej yoe'e gan bi zoa no benne' žesá' ḻaže'e nakkzo' chawe'?
\q1
\v 13 San neda' žḻiža' Le', X̱ana' Dios.
\q1 Yógo'te zile da' ẕnnabla' Le' ženlen ḻawo' Le'.
\q1
\v 14 ¿Biẕ chen' žebéj yichjo' neda', X̱ana' Dios?
\q1 ¿Biẕ chen' bi ẕwio' neda' nich gákḻeno' neda'?
\q1
\v 15 Ẕzáka'ḻi'a, na' ba zoa' gata'.
\q1 Kate' ne naktia' bi' kwide' ẕzáka'ḻi'a
\q1 dan' bsako'o Le' neda', na' žedó ḻaža'a.
\q1
\v 16 Žekla' ẕžá'aḻi'o neda'.
\q1 Da' ẕchebo' neda' benen ga bedó ḻaža'a.
\q1
\v 17 Zej nyechjle da' ki neda' dot ža.
\q1 Žsáka'gaken neda' gáte'teze.
\q1
\v 18 Beno' ga bebíga'gak lježa' ka' gan zoa',
\q1 na' toze da' nak choḻ zóaḻenen neda'.
\c 89
\q1
\v 1 X̱ana' Dios, góḻteza' che yeḻa' ži'i ḻaže' chio'.
\q1 Wzenla' to kwe' to kwe' ẕa'sóto' ka' nako' ḻi ḻaže'.
\q1
\v 2 Nnezla' sóateze yeḻa' ži'i ḻaže' chio',
\q1 na' to chi'ize zoa yeḻa' ḻi ḻaže' chio', kan zoakze ya'abá.
\q1
\v 3 Le' wnnó': “Bena' to diža' ḻen bennen' wžía'.
\q1 Bchebe ḻaža'a da' gona' che Dabí, wen žin chia'.
\q1
\v 4 Goža'-ne': gona' ga sóatezegak ẕa'só' ka',
\q1 na' gona' ga nna biá'tezgakbe' ḻo wlazo' le'.”
\q1
\v 5 Benne' ka' nníta'gake' ya'abá žoe ḻáwgake' Le' ni'a che da' ẕente da' žono',
\q1 na' ni'a che yeḻa' ḻi ḻaže' chio', X̱ana' Dios.
\q1
\v 6 Bi zoa no benne' ya'abá, bennen' nake' ka nakkzo' Le', X̱ana' Dios.
\q1 Bi zoa no benne' nake' benne' ẕente ka nako' Le'.
\b
\q1
\v 7 Benne' ka' zej nnite'e ya'abá žápegake' Dios ba la'ne
\q1 na' yógo'te benne' chie' ka' ẕžébegake' Ḻe'.
\b
\q1
\v 8 X̱anto' Dios, ẕnna bi'o benne' zante,
\q1 benne' žjake' ḻo wdiḻe, nníta'gake' ya'abá.
\q1 Bi zoa no benne' nake' ka nako' Le', X̱ana' Dios.
\q1 Nako' Benne' wáḻeḻe'e, na' nakkzo' ḻi ḻaže'.
\q1
\v 9 Ẕnna bi'o nisdo' dan' ẕgo'nen.
\q1 Kate' ẕgo'nḻe'en Le' ẕbek žion'.
\q1
\v 10 Blej bchochjo' benne' Egipto ka', na' bgá'ngake' ka to da' gat.
\q1 Besḻaso' benne' ka' bi ẕḻé'egekle' Le' chawe' ḻen no'o wáḻeḻe'e.
\q1
\v 11 Chio' Le' nak ya'abá, na' chio' Le' nak yežlyó.
\q1 Beno' yežlyó nga, na' da' ka' nníta'gaken ḻawlen.
\q1
\v 12 Beno' da' de cheḻá'a gan za' be' zag,
\q1 na' da' de cheḻá'a gan ẕde wbíž byo' zag ka'.
\q1 Ḻo yeḻa' žebele žoḻgak Ya'a Tabor, na' Ya'a Hermón chio' Le'.
\b
\q1
\v 13 Benne' wáḻeḻe'e nako' Le',
\q2 na' ẕenḻe'e nak yeḻa' wak chio'.
\b
\q1
\v 14 Ḻo da' chawe', na' ḻo da' ḻi ḻaže' ẕnna bi'o.
\q1 Ḻo yeḻa' ži'i ḻaže' na' ḻo da' ḻi ḻaže' žono' yógo'te.
\q1
\v 15 Ba nez ẕen naken chegak benne' ka' žóḻgake' da' žoe ḻáwgake' Le',
\q1 na' zej zoe' ḻo yeḻa' baní' chio', X̱ana' Dios.
\q1
\v 16 Ni'a chio' Le' žebéḻe'egekle' dot ža,
\q1 na' želyenle' x̱tižo'o Le' dan' nako' chawe'.
\q1
\v 17 Nakkzo' Le' yeḻa' waḻe chegak benne' ka', na' ḻezka' yeḻa' x̱tan chégake'.
\q1 Žono' neto' wáḻeže dan' naken da' žénekzlo' gono'.
\b
\q1
\v 18 X̱anžo Dios žape chi'e žo'o,
\q1 na' Dios la'y chegak benne' Israel ka' ẕchi'le' žo'o.
\b
\q1
\v 19 Ža ni'te bchaḻjo' da' bḻoe'elo' benne' chawe' ka',
\q1 benne' wen žin chio' ka', na' wnnó':
\q1 “Ba wžía' to benne' waḻe ladjw benne' chia' ka'.
\q1 Bena' ga ẕnna bi'e, na' žákḻena' ḻe'.
\q1
\v 20 Wžía' Dabí, benne' wen žin chia'.
\q1 Bzoakza' ḻe' nich gake' benne' wnná bia'.
\q1
\v 21 Neda' gákḻenteza' ḻe'.
\q1 Ḻen yeḻa' wak chia' gon chocha' ḻe'.
\q1
\v 22 Benne' ka' bi ẕḻé'egekle' ḻe' chawe' bi gak bi da' góngake' chie',
\q1 na' benne' wen da' ẕinnj ka' bi gak góngake' ḻe' ẕia.
\q1
\v 23 Wléj wchochjkza' benne' ka' bi ẕḻé'egekle' ḻe' chawe',
\q1 na' wkwasa' benne' ka' ḻawe' ḻe'.
\q1 Wžía yi'a benne' ka' ẕží'igake' chie' ḻe'.
\q1
\v 24 Ží'itezla' ḻe', na' gaka' ḻi ḻaže' ḻen ḻe',
\q1 na' ni'a chia' neda' golže yeḻa' wnná bia' chie'.
\q1
\v 25 Gona' ga nna bi'e do ẕente žoa'a nisdo',
\q1 na' do ẕente žoa'a yegw Éufrates.
\q1
\v 26 Ḻe' yi'e neda': Le' nako' X̱a'.
\q1 Nako' Dios chia'. Žape chi'o neda', na' žesló' neda'.
\q1
\v 27 Neda' wzóa' ḻe' ka ẕi'na' blo,
\q1 na' nna bi'e yógo'te benne' wnná bia' ka' dot yežlyó.
\q1
\v 28 Ží'itezla' ḻe', na' sóateze diža' da' bénḻena' ḻe'.
\q1
\v 29 Gona' ga sóatezegak ẕa'sóe' ka',
\q1 na' nna biá'gake' ḻo wlaze' ḻe' x̱ak zoa ya'abá.
\q1
\v 30 Cha' wsangak ẕa'só Dabí ka' da' bchi'la' ḻe'e,
\q1 na' cha' bi góngake' ka nak da' goža' ḻégake',
\q1
\v 31 na' cha' wzóagake' cheḻa'ale da' bsedla' ḻégake',
\q1 na' cha' bi góngake' kan ẕnnakza' neda',
\q1
\v 32 na' wsaka' zi'a ḻégake' dan' ẕží'igake' chia' neda',
\q1 na' chinnja' ḻégake' yid dan' žóngake' da' ẕinnj,
\q1
\v 33 san bi wsana' kan nži'ila' Dabí,
\q1 na' bi wsana' gak ḻi ḻaža'a ḻen ḻe',
\q1
\v 34 na' bi gaḻ ḻaža'a diža' da' bénḻena' ḻe',
\q1 na' bi wchá'a da' ba wnnía'.
\q1
\v 35 To chi'ize bzetj kwina', bchebe ḻaža'a bi da' gona',
\q1 na' batkle gon ḻaža'a che Dabí.
\q1
\v 36 Wnnía': Sóatezegak ẕa'sóe' ka',
\q1 na' nna biá'gake' ḻo wlaze' ḻe' ḻawa' neda' x̱ak zoa wbíž.
\q1
\v 37 Yeḻa' wnná bia' chie' sóatezen choch x̱ak zoa byo' ya'abá.
\q1 Sóatezen choch x̱ak zoa ya'abá.”
\b
\q1
\v 38 Le', Dios, wléj yichjo', na' bzo' cheḻa'ale bennen' wžío', na' ẕžá'aḻi'o ḻe'.
\q1
\v 39 Bzo' cheḻa'ale diža' dan' bénḻeno' Dabí, benne' wen žin chion',
\q1 na' bka'no' ka'ze yeḻa' wnná bia' chie'.
\q1
\v 40 Bchinnjo' ze'e da' wdape chi'in yež ẕen chien',
\q1 na' bchinnjo' yógo'te yo'o waḻe, da' ka' wdape chí'igaken yežen' ḻo wdiḻe.
\q1
\v 41 Yógo'te benne' ka' ẕdégakze' ga na' ẕbángake' da' ka' gota' chie',
\q1 na' benne' yež gawze ka' žon dítjgekle' ḻe'.
\q1
\v 42 Beno' ga bzéx̱jwgak benne' ka' ḻe',
\q1 benne' ka' bi ẕḻé'egekle' ḻe' chawe', na' žebéḻe'egekle'.
\q1
\v 43 Bchinnjo' da' ka' ẕkonle' žin ḻo wdiḻe,
\q1 na' bi gókḻeno' ḻe' ḻo wdiḻen'.
\q1
\v 44 Bekó'o yeḻa' ẕen chie',
\q1 na' bka'no' ka'ze yeḻa' wnná bia' chie'.
\q1
\v 45 Beno' ga nake' ka to benne' gole kate' ne zoe' yiz kwide' chie',
\q1 na' beno' ga žedoe'ele'.
\b
\q1
\v 46 X̱anto' Dios, ¿to chi'ize bi yenlo' cheto'?
\q1 ¿To chi'ize ẕža'akzo' neto'?
\q1
\v 47 Bejsá' ḻaže' soa' yežlyó nga to chí'ido'ze.
\q1 Beno' ga zoagak nbangak yógo'te benne' to chí'ido'ze.
\q1
\v 48 Nitó benne' bi soe' nbane' to chi'ize.
\q1 Yógo'tie' gátgake'.
\q1 Nitó benne' bi yelé' ḻo na' yeḻa' got.
\q1
\v 49 X̱anto' Dios, ¿biž nži'ilo' Dabí
\q1 kan bchebe ḻažo'o, na' wnnakzo' gono'?
\q1
\v 50 Bwia nga, X̱anto' Dios,
\q1 ka yógo'te benách ẕka'ngak benne' wen žin chion' ka'ze,
\q1 na' nbaga'a neda' da' žon dítjgekle benne' wláž chia' ka'.
\q1
\v 51 Benne' ka' bi ẕḻé'egekle' Le' chawe' žon dítjgekle' bennen' wžío' Le', X̱anto' Dios.
\q1 Žon dítjgekle' ḻe' gáte'teze zeje'.
\b
\q1
\v 52 ¡Ga'n ẕen X̱anžo Dios to chi'ize!
\q2 Ka' naken, na' ka' gaken.
\c 90
\q1
\v 1 X̱anto' Dios, to chi'ize nakkzo' Le' to gan že' cháwe'to'.
\q1
\v 2 Ža ni'te kate' bi na' gono' ya'a ẕen ka', na' bi na' soa yežlyó nga,
\q1 ža ni'te, na' zejte ža se ḻawte ža nakkzo' Le' Dios.
\q1
\v 3 Žono' ga žeyakgak benne' ka' da' gókgake',
\q1 kate' ži'o ḻégake': “Le yeyák bix̱te yo.”
\q1
\v 4 Chio' Le' to mil yiz
\q1 zej naken ka neje, žan' da' ba wdén,
\q1 na' ka to chí'ido'ze gachje yele.
\q1
\v 5 Ka' gaze ẕkwaso' benne' ka' ka žon to nis wbá'a.
\q1 Zej nake' ka to bichgale dan' ẕnnitlen kate' žebanžo.
\q1
\v 6 Zej nake' ka to yeje yix̱e' da' žaljen zildo',
\q1 na' kate' ẕḻa' wbíž, na' ẕbižen.
\q1
\v 7 Ẕbia yi'to' dan' ẕžo'o neto'.
\q1 Že' zedlto' dan' ẕžá'ḻi'o neto'.
\q1
\v 8 Ẕḻe'elo' yógo'te da' bi nak chawe' da' žonto'.
\q1 Ẕḻoe'elo' ḻaw ẕia da' nbága'to'.
\q1
\v 9 Ẕzacho'o yiz cheto' dan' ẕžo'o neto'.
\q1 Žeyožgak yiz cheto' ka to be' da' ẕka'to'.
\q1
\v 10 Ka zej nak ža zoato' nbanto', zej nakzen chonnlalj chi yiz,
\q1 na' cha' nakto' benne' waḻe, wak soato' nbanto' taplalj yiz,
\q1 san ka zej nak yiz ka', ẕzáka'to', na' že' zedlto'.
\q1 Ka' gaze ẕdegak yiz ka', na' ẕnitlto'.
\q1
\v 11 ¿Noẕ benne' nnezle' binlo ka nak yeḻa' ẕža'a chio'?
\q1 ¿Noẕ benne' nnezle' ka nak yeḻa' yichj ža'a chio'?
\q1
\v 12 Bsedle neto' wkonlto' binlo žin ža cheto' ka', nich gak chejni'ilto' cháwe'do'.
\q1
\v 13 X̱anto' Dios, beyón neto' toze ḻen Le'.
\q1 ¿To chi'ize želo'?
\q1 Beyache' ḻaže'l neto', benne' wen žin chio' ka'.
\q1
\v 14 To to zil bzoa yichj ḻáẕdo'to' yeḻa' ži'i ḻaže' chio',
\q1 na' ḻo yeḻa' žebele góḻtezto' chio' yógo'te ža soato' nbanto'.
\q1
\v 15 Benn cheto' yiz zan nich yebelto' ka zej nak yiz bsáka'ḻi'o neto',
\q1 na' ka zej nak yiz wžé' zedlto'.
\q1
\v 16 Be' neto', benne' wen žin chio' ka', latje ḻe'elto' da' ẕen da' žono',
\q1 na' ḻé'egekle ẕa'sóto' ka' yeḻa' ẕen chio'.
\q1
\v 17 X̱anto' Dios, ben chawe' neto'.
\q1 Ben chawe' žin da' žonto'.
\q1 ¡O', X̱anto' Dios, ben chawe' žin da' žonto'!
\c 91
\q1
\v 1 Bennen' žx̱en ḻaže'e X̱anžo Dios nich gape chi'e ḻe',
\q1 na' ẕzi'e Dios, Bennen' nape' dot yeḻa' wak, nich gákḻene' ḻe',
\q1
\v 2 wak yi'e Dios: “Le'kze žx̱en ḻaža'a, na' Le' ẕkache' chawo'o neda'.
\q1 Nako' Dios chia', na' žx̱en ḻaža'a Le'.”
\q1
\v 3 Ḻe' wkache' chawe'e le' ḻo da' ẕia da' bi nḻa' ḻawn,
\q1 na' ḻo yižwé' da' žoten benne' ka'.
\q1
\v 4 Wkache' chawe'e le' ka žon to ẕkoko', bian' žape chi'iba' bríse'do' ka' ẕan x̱ilba',
\q1 na' cho'o chawo'o ḻo ne'e Ḻe'.
\q1 Yeḻa' ḻi ḻaže' chie' gon chi'in le', na' wkache' chawen' le'.
\q1
\v 5 Bi be gak wchebe le' žel,
\q1 na' bi be gon le' da' ẕia te ža,
\q1
\v 6 na' to yižwé' che da' choḻ bi be gonen chio' le',
\q1 na' to da' ẕinnj da' žoten benne' ka' te ža, bi be gonen chio'.
\q1
\v 7 Wak gatgak to mil benne' ka' kwito' le',
\q1 na' chi mil benne' ka' gawze gan zo', san bi be sako'o le'.
\q1
\v 8 Wio', na' ḻe'elo' da' ẕia da' gaken chegak benne' wen da' ẕinnj ka'.
\q1
\v 9 Wẕi'o X̱anžo Dios, na' žx̱en ḻažo'o Ḻe',
\q1 na' Dios, Bennen' nape' dot yeḻa' wak, wkache' chawe'e le'.
\q1
\v 10 Che ḻen bi be da' ẕia gak bi da' gonen chio',
\q1 na' bi cho'o nitó yižwé' ližo'.
\q1
\v 11 Dios seḻe'e wbás che ya'abá chie' ka' nich gákḻengake' le',
\q1 na' gape chí'igake' le' gáte'teze gan chejo'.
\q1
\v 12 Góx̱wgake' le' ḻo ná'gake'
\q1 nich bi gon to yej ni'o we'.
\q1
\v 13 Wlejkzo' bež yix̱e' ka', na' beḻe ka',
\q1 bež yix̱e' sníaḻe'e ka', na' bia snia ka'.
\q1
\v 14 Ẕnna Dios: “Yeslá' yógo'te benne' ka' zej nži'ile' neda',
\q1 na' wkache' chawa'a benne' ka' žechébgake' naka' X̱ángake'.
\q1
\v 15 Kate' wḻížgake' neda', na' yecheba' chégake'.
\q1 Kate' že' zédgekle', sóaḻenkza' ḻégake'.
\q1 Yeslá' ḻégake', na' gapa' ḻégake' ba la'ne.
\q1
\v 16 Gona' ga sóagake' nbángake' yiz zante,
\q1 na' yeslá' ḻégake'.”
\c 92
\q1
\v 1 X̱anto' Dios, da' x̱tanḻe'e žoe ḻawto' Le',
\q1 na' žoḻto' da' ẕka'n ẕenen Le', Dios ẕente.
\q1
\v 2 Nakḻe'e x̱tan ẕzenlto' benne' ka' zil-le kan žeyache' ḻáže'lo' neto',
\q1 na' žel ẕḻoe'elto' nako' ḻi ḻaže'.
\q1
\v 3 Žoḻto' chegak da' ki, na' ẕchinnto' da' žóḻ-ḻento'
\q1 dan' nwan' chi do, na' ẕgoḻto' da' ẕnneḻe'en x̱tando'.
\q1
\v 4 X̱ana' Dios, ni'a che da' žono' Le' žebéḻe'ela'.
\q1 Ni'a che da' ben no'o nak chia' yeḻa' ba nez.
\q1
\v 5 Ẕenḻe'e nak da' beno', X̱ana' Dios,
\q1 na' ẕenḻe'e nak da' ẕgo'o ḻo yichj ḻáẕda'wa' gona'.
\q1
\v 6 Batkle chejní'igekle benne' ḻaẕdo' zide ka',
\q1 na' bi gak nnézgekle benne' nat ḻaže' ka' da' ni.
\q1
\v 7 Kate' ẕgólegak benne' ka' ẕbej yíchjgake' Dios kan ẕgole yix̱e',
\q1 na' žežój chawe' da' žongak benne' wen da' ẕinnj ka',
\q1 naken nich kwia yí'gake' to chi'ize.
\q1
\v 8 Le', X̱ana' Dios, nakkzo' Dios ẕente.
\q1
\v 9 Nak bia' da' gak chegak benne' ka' ẕží'igake' chio' Ḻe', X̱ana' Dios.
\q1 Nak bia' kwia yi'gak benne' ka' bi ẕḻé'egekle' Le' chawe'.
\q1 Wẕonnjgak yógo'te benne' wen da' ẕinnj ka'.
\q1
\v 10 Le' žono' ga nakža' neda' waḻe kan nak to beže.
\q1 Ẕgo'o set yichja' da' žon chochen yichj ḻáẕda'wa'.
\q1
\v 11 Da' likze ḻe'ela' benne' ka' bi ẕḻé'egekle' neda' chawe'
\q1 wzóa ẕíbgake' ḻawa' neda',
\q1 na' yenla' kwež nyáche'gak benne' ka' bdíḻ-ḻengake' neda',
\q1 benne' wen da' ẕinnj ka'.
\q1
\v 12 Changak benne' chawe' ka' ka žongak yag zina' ka'.
\q1 Gólegake' kan ẕgólegak yag sedro ka' ḻaw Ya'a Líbano.
\q1
\v 13 Zej nake' ka to yag da' zen ḻo ḻi'a yodo' che X̱anžo Dios,
\q1 dan' ẕgóleḻe'en ḻo ḻi'a liž Dios chežo.
\q1
\v 14 Zej nake' ka yag ka' ẕbíagaken kate' ngóleḻe'egaken
\q1 na' ne zej naken yag ya'a waḻe ka'.
\q1
\v 15 Benne' ki wzéngekle' benách ka' nak X̱ana' Dios ḻi ḻaže',
\q1 na' Bennen' žon choche' neda',
\q1 na' bi be zoaḻen Le' da' bi naken chawe'.
\c 93
\q1
\v 1 X̱anžo Dios nake' Benne' Wnná Bia' Ẕen, na' nakwe' da' záka'ḻe'en.
\q1 Da' nžejw ḻi'e naken yeḻa' wak ẕen.
\q1 Bzoa choche' yežlyó nga, na' bi gak no benne' wtén'.
\b
\q1
\v 2 Gan ži'o ẕnna bi'o, X̱anto' Dios, wzóa chochen ža ni'te
\q1 na' Le' zoakzo' to chi'ize.
\q1
\v 3 Žónḻe'egak yegw ka' žax̱to', X̱anto' Dios.
\q1 Žónḻe'egaken žax̱to', na' ẕnnégaken zižje.
\b
\q1
\v 4 X̱anžon', Bennen' zoe' ya'abá, napže' yeḻa' wak
\q1 ka nak da' zej nape yegw ka' žónḻe'egaken žax̱to',
\q1 na' ka nak da' nape nis ẕgo'nen che nisdo'.
\b
\q1
\v 5 Chochḻe'e zej nak da' ka' wnnakzo', X̱anto' Dios.
\q1 La'y nakkze yodo' chio' to chi'ize.
\c 94
\q1
\v 1 X̱ana' Dios, Le' žezi'kzo' wzón benne' ka'.
\q1 Le' žebéj yichjo' benne' wen da' ẕinnj ka'.
\q1
\v 2 Ẕchi'a ḻažo'o Le' da' žongak yógo'te benne' ka'.
\q1 Wzó ža', bsaka' benne' ka' kan žaḻa' gak chégake', benne' ka' ẕka'n ẕen kwíngake'.
\q1
\v 3 X̱ana' Dios, ¿to chi'ize gongak benne' wen da' ẕinnj ka' ki?
\q1 ¿To chi'ize yebégekle benne' ẕbej yíchjgake' Le'?
\q1
\v 4 ¿To chi'ize wká'n ẕen kwíngake', na' nne zí'gake'?
\q1 ¿To chi'ize wká'n ẕen kwingak benne' ka' žebéj yíchjgake' Le'?
\q1
\v 5 Benne' ki ẕžia yí'gake' benne' chio' ka', X̱ana' Dios
\q1 na' žsaka' zí'gake' benne' ka' wžekzo' Le'.
\q1
\v 6 Žótgake' no'le wzebe ka', na' benne' zi'to' ka',
\q1 na' žóngake' ga gatgak bi' wzebe ka'.
\q1
\v 7 Ẕnnágake': “Bi be ẕḻe'el Dios, X̱angak benne' ka',
\q1 dan' Dios chegak benne' Israel ka' bi ži'e wnné yoe chégake'.”
\b
\q1
\v 8 Le chejní'il, ḻe'e, benne' ḻaẕdo' zide ka', ḻe'e, benne' nat ḻaže' ka'.
\q1 ¿To chi'ize bi chejní'ilele?
\q1
\v 9 Dios bene' nagžo.
\q1 ¿Bi ženle' da' ẕnnale?
\q1 Dios bene' yej ḻawžo.
\q1 ¿Bi ẕḻe'ele' da' žonle?
\q1
\v 10 Dios žsaka' zi'kze' benne' yež ka'.
\q1 ¿Bi tiḻe' ḻe'e?
\q1 Dios nake' Bennen' ẕzejni'ile' benách ka'.
\q1 ¿Bi gákbe'ele' da' yo'o yichj ḻáẕdo'le?
\q1
\v 11 X̱anžo Dios nnezkzle' da' yo'o yichj ḻáẕdo'gak yógo'te benách.
\q1 Nnezle' zej naken da' yaḻze.
\b
\q1
\v 12 X̱ana' Dios, ba nez ẕen naken che bennen' ẕzejni'ilo' Le',
\q2 na' žsedlo' ḻe' ka nak da' bchi'lo' neto'.
\b
\q1
\v 13 Ga'n bennen' chawe' kate' za' ža gak bi da' sake'e,
\q1 na' ža na' gáche'gak benne' wen da' ẕinnj ka' yežw ba.
\b
\q1
\v 14 Batkle kwej yichj X̱anžo Dios benne' chie' ka',
\q1 na' bi wsán ḻaže'e benne' ka' ba wžekze' Ḻe',
\q1
\v 15 san gone' ga wchi'a ḻáže'gak benne' ka' ḻo da' naken chawe',
\q1 na' yógo'te benne' ḻi ḻaže' ka' si' ḻo ná'gaken'.
\q1
\v 16 ¿Noẕkze benne' gákḻene' neda' nich tíḻ-ḻenžo benne' wen da' ẕinnj ka'?
\q1 ¿Noẕkze benne' gónḻene' neda' tẕen nich wžía yi'žo benne' wen da' ẕinnj ka'?
\q1
\v 17 Chela' bi gokḻen X̱anžon' neda',
\q1 ba bejgacha'a yežw ba.
\b
\q1
\v 18 Kate' wnnía': zoa' chejchégoa'a, na' Le', X̱ana' Dios,
\q1 ḻo yeḻa' ži'i ḻaže' chio' gókḻeno' neda'.
\q1
\v 19 Kate' ži'a wnné yoe, na' že' zedla',
\q1 žeyón ẕenkzo' neda', na' žono' ga žebéḻe'ela'.
\q1
\v 20 Batkle gako' toze ḻen benne' ka' ẕchi'a ḻáže'gake' benách ka' ḻo da' bi nak chawe',
\q1 benne' ka' ẕzóagake' cheḻa'ale da' naken chawe', na' da' bchi'lo' Le' neto'.
\b
\q1
\v 21 Benne' ki žóngake' toze diža' bi da' góngake' che no benne' nake' chawe',
\q1 na' ẕchóggake' chie' gate', na' bi be ẕia nbage'e,
\q1
\v 22 san X̱anžo Dios nake' ka to yo'o gan zoa chawa'a.
\q1 Dios chia' nake' ka to yej x̱e da' žon chochen neda'.
\q1
\v 23 Ḻe' yebi'e chegak benne' wen da' ẕinnj ka' ka nakkze da' ẕinnj da' béngake'.
\q1 Wžía yi'e benne' ka' ni'a che da' bi nak chawe' da' žóngake'.
\q1 X̱anžo Dios wžía yi'e benne' wen da' ẕinnj ka'.
\c 95
\q1
\v 1 Le da ḻe'e, wká'n ẕenžo X̱anžo Dios.
\q1 Ḻen yeḻa' žebele goḻžo che Bennen' ẕzoa choche' žo'o nich yelažo.
\q1
\v 2 Chejžo ḻawe' Ḻe', na' ye'žo-ne': “Žóx̱keno'.”
\q1 Ḻen yeḻa' žebele goḻžo da' we ḻawžo Ḻe'.
\q1
\v 3 X̱anžon' nake' Dios ẕente,
\q1 na' nake' Benne' wnná bia' ẕénḻe'eže ka dios ka' chegak benách ka'.
\q1
\v 4 Ẕnna bi'e dot yežlyó nga,
\q1 gan nak gže', na' gan nak sibe ḻaw ya'a ka'.
\q1
\v 5 Ẕnna bi'e nisdo', da' benkze' Ḻe',
\q1 na' ḻezka' yežlyó nga da' bene' Ḻe'.
\q1
\v 6 Le da, wká'n ẕenžo-ne', na' wzóa ẕibžo ḻawe'.
\q1 Wzóa ẕibžo ḻaw X̱anžon', Bennen' bene' žo'o.
\q1
\v 7 Ḻe' nake' Dios chežo, na' nakžo chie' Ḻe'.
\q1 Nakžo benne' ka' žape chi'ikze', na' nakžo ka ẕíla'do' chie' ka'.
\b
\q1
\v 8 Ẕnna X̱anžon': “Cha' žénlele chi'a na'a ža,
\q1 bi gonle zide ḻáẕdo'le kan bengak x̱a x̱to'le ka' gan nzin' Meriba,
\q1 na' kan béngake' ḻo ža na' ḻe'e latje dach gan nzin' Masah,
\q1
\v 9 gan bcha'agak x̱a x̱to'le ka' neda',
\q1 na' béngake' ga bža'a neda' ḻa'kze bḻé'egekle' yógo'te da' ẕen ka' da' bena'.
\q1
\v 10 Choplalj yiz bzoela' benne' ka',
\q1 na' wnnía': zej nake' benne' žebéj yíchjgake' neda', na' bi žóngake' kan bchi'la' ḻégake'.
\q1
\v 11 Che ḻen, ḻo yeḻa' ẕža'a chia' ben chocha' x̱tiža'a,
\q1 na' wnnía': bi chó'ogake' gan yezí' ḻáže'gake' tẕen ḻen neda'.”
\c 96
\q1
\v 1 Le goḻ che X̱anžo to da' kob.
\q1 Le goḻ che X̱anžon', ḻe'e zoale do ẕente yežlyó.
\q1
\v 2 Le goḻ che X̱anžon', na' le wká'n ẕen La la'y chie'.
\q1 Tža tža le wzenle benách ka' kan žeslé' žo'o.
\q1
\v 3 Le wzenle benne' zi'to' ka' ka nak yeḻa' ẕen chie',
\q1 na' benne' yógo'te yež ka' kan nak da' ẕen da' bene'.
\q1
\v 4 Ẕente nak X̱anžon', na' žaḻa' wká'n ẕénḻe'ežo-ne'.
\q1 Žaḻa' gapžo Ḻe' ba la'ne, na' kege dios ka' chegak benách ka'.
\q1
\v 5 Zej nakze yógo'te dios ka' lo'a ka',
\q1 san X̱anžo Dios bene' ya'abá na'le.
\q1
\v 6 Nape' Ḻe' yeḻa' wak, na' yeḻa' wnná bia'.
\q1 Nža' yodo' chie' yeḻa' ẕen, na' yeḻa' x̱tan.
\q1
\v 7 Le wká'n ẕen X̱anžon', ḻe'e zoale dot yežlyó nga.
\q1 Le wká'n ẕen yeḻa' ẕen chien', na' yeḻa' wak chien'.
\q1
\v 8 Le gape ba la'ne X̱anžon' kan žaḻa' gonžo.
\q1 Le yedjwá' da' wnéẕjwle na' le cho'o yodo' x̱tan chie'.
\q1
\v 9 Le wká'n ẕen X̱anžon' dan' nake' la'y, na' x̱tanḻe'e.
\q1 Le žebe ḻawe' Ḻe', ḻe'e zoale dot yežlyó nga.
\q1
\v 10 Le ye' yež ka': “Nak X̱anžon' Benne' Wnná Bia' Ẕen.
\q1 Bzoa choche' yežlyó nga, na' bi gak no benne' wtén'.
\q1 Wchi'a ḻaže'e benne' ka' ḻo da' naken chawe'.”
\q1
\v 11 Le yebele, ḻe'e, zoale ya'abá, na' yežlyó nga.
\q1 Le nne, ḻe'e, nisdo', na' bia ka' zoale ga na'.
\q1
\v 12 Le yebele, ḻe'e, yix̱e', na' bia ka' zoale ga na',
\q1 na' ḻe'e, yag ka' zej zen ḻo ya'a ka'.
\q1 Le nne zižje ḻo yeḻa' žebele chele,
\q1
\v 13 ḻaw X̱anžon' kate' yide'.
\q1 Yide' nich wchi'a ḻaže'e benách ka' ḻo yežlyó nga.
\q1 Nna bi'e benne' ka' do ẕente yežlyó.
\q1 Nna bi'e ḻégake' ḻo da' naken chawe', na' ḻo da' naken dot da' li.
\c 97
\q1
\v 1 Nak X̱anžon' Benne' Wnná Bia' Ẕen.
\q1 ¡Le yebele, ḻe'e zoale yežlyó!
\q1 ¡Le yebele, ḻe'e zoale žoa'a nisdo'!
\q1
\v 2 Zej nyechjle bejw, na' da' choḻ Ḻe'.
\q1 Ḻo da' naken dot da' li, na' da' chawe' ẕnna bi'e.
\q1
\v 3 Ẕnežw yi' gan žeje' Ḻe',
\q1 da' wzeyen benne' ka' bi ẕḻé'egekle' Ḻe' chawe'.
\q1
\v 4 Yes wzió' chie' ka' žsa'ní'gaken yežlyó.
\q1 Yežlyó nga ẕḻe'elen, na' žẕon'.
\q1
\v 5 Želángak ya'a ka' ka china' bez ḻaw X̱anžon',
\q1 ḻaw X̱angak benne' ka' nníta'gake' dot yežlyó nga.
\q1
\v 6 Ẕḻoe'e ḻaw ya'abá da' chawe' chie',
\q1 na' benne' yógo'te yež ẕḻé'egekle' yeḻa' ẕen chie'.
\q1
\v 7 Yedoé'egekle benne' ka' ẕka'n ẕéngake' lo'a ka',
\q1 benne' ka' ẕka'n ẕen kwíngake' ni'a chegak lo'a ka' chégake'.
\q1 Yógo'te dios chegak benne' ka' wzóa ẕíbgaken ḻaw X̱anžo Dios.
\q1
\v 8 Béngekle benne' ka' nníta'gake' yež Sión, na' bebégekle'.
\b
\q1 Bebégekle benne' ka' nníta'gake' yežlyó Judá,
\q1 ni'a che da' bchi'a ḻažo'o Le', X̱anto' Dios.
\q1
\v 9 Ẕente nako' Le', X̱anto' Dios, ḻawle dot yežlyó.
\q1 Ẕenže nako' Le' ka yógo'te dios chegak benách ka'.
\b
\q1
\v 10 Nol-le ḻe'e nží'ilele X̱anžon', le ža'a da' ẕinnj.
\q1 Ḻe' žape chi'e yeḻa' nban chegak benne' chie' ka'.
\q1 Žeslé' ḻégake' ḻo na'gak benne' wen da' ẕinnj ka'.
\q1
\v 11 Yeḻa' baní' chie' zóaḻenen benne' chawe' ka',
\q1 na' yeḻa' žebele chie' zóaḻenen benne' ḻi ḻaže' ka'.
\b
\q1
\v 12 Le yebele ḻe'e, benne' chawe' ka', ḻaw X̱anžon'.
\q2 Le wsá' ḻaže' da' ẕen da' ben Dios,
\q2 na' le wká'n ẕen La la'y chie'.
\c 98
\q1
\v 1 Le goḻ che X̱anžon' to da' kob dan' bene' da' žonen ga žebanlžo.
\q1 Ḻen yeḻa' waḻe chie', na' yeḻa' wak la'y chie' bzex̱jwe' benne' ka' ẕží'igake' chie'.
\q1
\v 2 X̱anžon' bzenle' benách ka' kan žeslé' ḻégake'.
\q1 Bzenle' benne' yež ka' ka nak da' chawe' chie'.
\q1
\v 3 Bene' da' bchebe ḻaže'e gone' chegak benne' Israel ka' ni'a che yeḻa' ḻi ḻaže', na' yeḻa' nži'il chie'.
\q1 Yógo'te benách bḻé'egekle' da' ben Dios ni'a chežo.
\q1
\v 4 Le goḻ ḻen yeḻa' žebele ḻaw X̱anžon', ḻe'e zoale dot yežlyó nga.
\q1 Le wká'n ẕene' Ḻe' ḻen da' goḻ-le.
\q1 Ḻo yeḻa' žebele chele, le kwéžeya'a.
\b
\q1
\v 5 Le goḻ da' we ḻawle X̱anžon'.
\q2 Le goḻ ḻen da' ka' žóḻ-ḻenle, da' ka' chinnle.
\b
\q1
\v 6 Le wkwéž lozgak bia ka', na' yezika' da' ka' ẕgol-le,
\q1 na' le kwéžeya'a ḻo yeḻa' žebele chele ḻaw X̱anžon', Bennen' ẕnna bi'e žo'o.
\q1
\v 7 Le nne, nisdo', na' bia ka' zoale ga na'.
\q1 Le goḻ, ḻe'e, yežlyó, na' ḻe'e zoale ga na'.
\q1
\v 8 Le kapa' na'le, ḻe'e, yegw ka'.
\q1 Le goḻ ḻo yeḻa' žebele, ḻe'e, ya'a ka', ḻaw X̱anžon',
\q1
\v 9 dan' yide' yedjnná bi'e yežlyó nga.
\q1 Nna bi'e benne' ka' nníta'gake' do ẕente yežlyó ḻen da' nak chawe',
\q1 na' benách yógo'te yež ka' ḻen da' naken dot da' li.
\c 99
\q1
\v 1 Nak X̱anžo Dios Benne' Wnná Bia' Ẕen,
\q1 na' žẕízegak yógo'te benne' ka' ni'a chie' Ḻe'.
\q1 Ži'e latje blo chie' dan' zoan ḻáwlegak kerubín ka', na' žẕo' yežlyó nga.
\q1
\v 2 Ẕente nak X̱anžon' ḻaw Ya'a Sión.
\q1 Nake' ẕen ḻáwlegak yógo'te yež ka'.
\q1
\v 3 Le wká'n ẕen La la'y che X̱anžon' da' naken ẕen,
\q1 na' da' žaḻa' žébežo.
\b
\q2 La'y nake' Ḻe'.
\b
\q1
\v 4 Le', Benne' Wnná Bia' Ẕente, nži'ilo' da' nak chawe'.
\q1 Bzoa chocho' da' naken dot da' li.
\q1 Beno' da' naken chawe', na' da' naken dot da' li ni'a chegak ẕa'só Jakob ka'.
\b
\q1
\v 5 ¡Le wká'n ẕen X̱anžo Dios!
\q2 ¡Le wzóa ẕible ḻawe' Ḻe' gan ži'e ẕnna bi'e dan' nake' la'y!
\b
\q1
\v 6 Moisés, na' Aarón gókgake' bx̱oz chie' ka'.
\q1 Samwel goke' to benne' bcháḻjḻene' Ḻe'.
\q1 Wnnábgekle' X̱anžo Dios to, na' Ḻe' bechebe'.
\q1
\v 7 Bcháḻjḻene' benne' ka' to ḻo bejw gasj.
\q1 Béngake' da' wnnakze' Ḻe', na' da' bchi'le' ḻégake'.
\b
\q1
\v 8 Le', X̱anto' Dios, bechebo' chegak benne' ka'.
\q1 Bḻoe'elo' ḻégake' nako' Dios, na' ženít ḻawo'o Le' chegak benne' ka',
\q1 ḻa'kze žono' ga ẕzáka'gake' ni'a che doḻa' da' nbága'gake'.
\b
\q1
\v 9 ¡Le wká'n ẕen X̱anžo Dios!
\q2 ¡Le wzóa ẕible ḻawe' Ḻe' ḻaw ya'a la'y chie', dan' la'y nak X̱anžo Dios!
\c 100
\q1
\v 1 Le goḻ ḻaw X̱anžo Dios, ḻe'e zoale dot yežlyó nga.
\q1
\v 2 Le wká'n ẕen Ḻe' ḻen yeḻa' žebele chele.
\q1 Le da ḻawe' Ḻe', žoḻ-le ḻen yeḻa' žebele.
\q1
\v 3 Batkle gaḻ ḻáže'le X̱anžon' nakkze' Dios.
\q1 Ḻe' bene' žo'o, na' nakžo chekze' Ḻe'.
\q1 Nakžo benách chie' ka', na' ẕíla'do' chie' ka'.
\q1
\v 4 Le cho'o yodo' chie', na' ye'le-ne': “Žóx̱keno'”,
\q1 na' ḻo ẕchil chen, we ḻawle Ḻe'.
\q1 Le yi'e: “Žóx̱keno'”, na' le wká'n ẕen La la'y chie'.
\q1
\v 5 Chawe' nak X̱anžon' na' sóateze yeḻa' ži'i ḻaže' chie'.
\q1 Yeḻa' ḻi ḻaže' chie' soan to chi'ize.
\c 101
\q1
\v 1 Góḻteza' kan zej nak yeḻa' ži'i ḻaže', na' yeḻa' ḻi ḻaže' chio'.
\q1 Góḻteza' chio' Le', X̱ana' Dios.
\q1
\v 2 Žak ḻaža'a gona' da' naken ḻi ḻaže'.
\q1 ¿Batx̱ yido' gákḻeno' neda'?
\q1 Dot ḻaža'a goḻkza' ḻo ližkza' neda'.
\q1
\v 3 Batkle ko'o ḻaža'a gona' to da' ẕinnj.
\q1 Bi ẕḻe'ela' chawe' da' žongak benne' ka' ẕbej yíchjgake' Dios.
\q1 Batkle wa'a latje bíga'gake' gan zoa' neda'.
\q1
\v 4 Wkwasa' ḻo yichj ḻáẕda'wa' da' ẕinnj,
\q1 na' bi ko'o ḻaža'a gona' da' bi nak chawe'.
\q1
\v 5 Wnnita'a cheḻa'ale benne' ka' ẕnnégake' chegak benne' yoble ka' bagáche'ze.
\q1 Bi wa'a latje soaḻen neda' to benne' ẕka'n ẕen kwine', bennen' ẕži'e che Dios.
\q1
\v 6 Ḻe'ela' chawe' benne' ka' zej nake' ḻi ḻaže' ḻaw Dios, nich gónḻengake' neda' tẕen.
\q1 Benne' ka' zej nake' dot ḻaže' góngake' žin chia'.
\q1
\v 7 Bi wa'a latje no benne' žon ḻáže'le' choe'e liža'.
\q1 Bi wa'a latje to benne' wen ḻaže' soe' gan zoa'.
\q1
\v 8 Tža tža wnnita'a žize benne' wen da' ẕinnj ka', benne' ka' nníta'gake' ḻo yežlyó chia'.
\q1 Wkwasa' yógo'te benne' wen da' ẕinnj ka' ḻo yež che X̱anžo Dios.
\c 102
\q1
\v 1 X̱ana' Dios, benle da' ẕnnabla' Le',
\q1 na' bze nag da' žḻiža' Le'.
\q1
\v 2 Bi wkache' ḻawo' Le' ḻawa' neda', dan' že' zedla'.
\q1 Bze nag chia', na' bechebe chia' kate' žḻiža' Le'.
\q1
\v 3 Nak yeḻa' nban chia' ka žen che yi' da' ẕnitlen.
\q1 Yo'o da' ḻa ḻo žit chia' ka to yi' da' žáḻa'ḻe'en.
\q1
\v 4 Žedó ḻaža'a, na' nak ḻáẕda'wa' ka to yix̱e' nkwaden,
\q1 na' biž ẕnnan gawa' yet.
\q1
\v 5 Dan' ẕbeže wé'ḻi'a ba nžítḻi'a.
\q1
\v 6 Naka' ka to lab ẕlaba' to ḻo yežlyó biž,
\q1 na' ka to bedkoke žíaba' ḻawle to yo'o nyinnj.
\q1
\v 7 Žata'a yele, san bi ẕtasa'.
\q1 Naka' ka to byinne žíaba' tozba' yichjo'o sibe.
\q1
\v 8 Tža tža ẕnne zí'tezgak benne' ka' bi ẕḻé'egekle' neda' chawe'.
\q1 Benne' ka' ẕžá'agake' neda' ẕkóngekle' žin la' kate' ẕnne zí'gake' che no benne'.
\q1
\v 9 Kate' žawa' yet, naken ka žawa' de,
\q1 na' nis ẕbeža' nchix̱en da' že'ja'.
\q1
\v 10 Ki žaken dan' ẕžo'o neda', na' žsaka' zi'o neda'.
\q1 Bkwaso' neda', na' bžo'no' neda'.
\q1
\v 11 Nak yeḻa' nban chia' ka to ẕoḻ da' ẕdezen,
\q1 na' naka' ka to yix̱e' da' ba nbižen.
\q1
\v 12 Le', X̱ana' Dios, to chi'ize zo'.
\q1 Chejsá' ḻáže'gak yógo'te benách ka' La la'y chio'.
\q1
\v 13 Bezó ža', na' beyache' ḻaže'l benne' yež Sión ka',
\q1 dan' ba bžin ža yenít ḻawo'o chégake'.
\q1
\v 14 Neto', wen žin chio', nži'ilto' yej ka' che yežen'.
\q1 Žékelto' zi' dan' nbia yin'.
\q1
\v 15 Benne' yógo'te yež ka' gápegake' La la'y chio' ba la'ne, X̱anto' Dios.
\q1 Žébegak yógo'te benne' wnná bia' ka' yeḻa' ẕen chio',
\q1
\v 16 kate' yechiso' yež Sión, X̱anto' Dios, na' ḻé'egekle' yeḻa' ẕen chen,
\q1
\v 17 dan' wzé nago' da' ẕnnábgekle benne' ka' wléj yichjo'
\q1 na' biž wzó' cheḻa'ale da' žáta'yoegekle' Le'.
\b
\q1
\v 18 Bzoj da' ni nich góḻgaken benne' ka' za' ḻá'gake',
\q1 na' benne' ka' za' gáljgake' we ḻáwgake' X̱anžo Dios.
\q1
\v 19 Gan zoa X̱anžon' ya'abá bwie'.
\q1 Gan zoe' ya'abá bḻe'ele' yežlyó nga,
\q1
\v 20 nich yenle' chegak benne' ka' ẕbeže nyáche'gake',
\q1 benne' ka' zej nyejwe' liž ya,
\q1 na' yeslé' benne' ka' ba nžog chégake' gátgake',
\q1
\v 21 nich wzéngekle' benne' yež Sión ka' kan nak ẕen La la'y che X̱anžo Dios,
\q1 nich we ḻáwgake' Ḻe' ḻo yež Jerusalén,
\q1
\v 22 kate' ḻa'gak benách yógo'te yež ka',
\q1 nich wká'n ẕéngake' X̱anžo Dios.
\q1
\v 23 X̱anžo Dios bzex̱jwe' yeḻa' waḻe chia',
\q1 na' yeláte'ze ka bete' neda'.
\q1
\v 24 Naž wnnía': “Dios chia', bi goto' neda', kate' bi na' gola'.
\q1 Le' to chi'ize zo'.”
\b
\q1
\v 25 Ža ni'te bzo' yežlyó nga, na' ḻen no'o beno' ya'abá.
\q1
\v 26 Kwia yi'gak da' ka', san sóatezo' Le'.
\q1 Te chegak yógo'te da' ka' kan žeywé to laže'.
\q1 Kan ẕcha'to' ẕato' žeza', wchó'o da' ka',
\q1
\v 27 san bi ẕcha' kwino', na' batkle te chio'.
\q1
\v 28 Gape chi'o ẕi'nto' neto', benne' wen žin chio' ka',
\q1 na' wzóa chochkzo' ẕa'sóto' ka' ḻawo' Le'.
\c 103
\q1
\v 1 We ḻawa' X̱anžo Dios ḻen dot yichj ḻáẕda'wa'.
\q2 We ḻawa' La la'y chie' ḻen dot da' naka'.
\q1
\v 2 We ḻawa' X̱anžon' ḻen dot yichj ḻáẕda'wa',
\q2 na' bi gaḻ ḻaža'a da' chawe' da' bene' chia'.
\b
\q1
\v 3 Ženít ḻawe' yógo'te doḻa' da' nbaga'a.
\q1 Žeyone' neda' chegak yógo'te yižwé' ka' da' yoa'a.
\q1
\v 4 Žape chi'e neda' nich bi gata'.
\q1 Ḻo yeḻa' ži'i ḻaže' chie', na' yeḻa' žeyache' ḻaže' chie' ẕka'n chawe'e neda'.
\q1
\v 5 Ẕzanḻi'e da' chawe' ka' da' žákgaken chia'
\q1 nich yeyaka' ka to benne' yiz kwide', na' benne' waḻe kan žak che to bsia.
\q1
\v 6 X̱anžo Dios ẕchi'a ḻaže'e da' žak chegak benne' ka' ẕzáka'ḻe'egake',
\q1 na' ẕka'n chawe'e ḻégake'.
\q1
\v 7 Bḻoe'ele' Moisés da' ka' wló'o ḻaže'e gone',
\q1 na' bi'e latje benne' Israel ka' bḻé'egekle' da' ẕen ka' da' bene'.
\q1
\v 8 X̱anžon' žeyache' ḻáže'le', na' nži'ile' benách ka'.
\q1 Nake' ẕen ḻaze', na' nží'iḻe'ele' benách chie' ka'.
\q1
\v 9 Bi ẕtiḻkze' žo'o, na' kegé to chi'ize ẕže'e žo'o.
\q1
\v 10 Bi žebi'e chežo ka nak ẕia da' nbága'žo,
\q1 na' bi na' wžía yi'e žo'o ni'a che x̱tóḻa'žo.
\q1
\v 11 Ka nak sibe ya'abá ḻawle yežlyó,
\q1 kikze nak yeḻa' ži'i ḻaže' ẕen chie' ḻen benne' ka' žápegake' Ḻe' ba la'ne.
\q1
\v 12 Ka nak zi'to' gan ẕḻa' wbíž, na' gan ženen,
\q1 kikze ẕkwase' zíto'le doḻa' da' nbága'žo.
\q1
\v 13 Kan nak x̱a x̱kwide' ka' ži'i ḻaže' ḻen ẕi'nkze' ka',
\q1 kikze nak X̱anžon' ži'i ḻaže' ḻen benne' ka' žápegake' Le' ba la'ne.
\q1
\v 14 Ḻe' nnézkzele' kan nakžo ḻo beḻa' žen chežo.
\q1 Žejsá' ḻaže'e nakžo bix̱te yo.
\q1
\v 15 Ka nak yeḻa' nban chežo, nakžo ka to yix̱e'.
\q1 Ẕgolžo ka žak che to yeje yix̱e'.
\q1
\v 16 Kate' ẕde be' ga na', na' ẕnitlen,
\q1 na' biž zoa no benne' žejsá' ḻaže'e chen,
\q1
\v 17 san ka nak chegak benne' ka' žx̱en ḻáže'gake' X̱anžon',
\q1 yeḻa' ži'i ḻaže' chie' zóaḻenen ḻégake' to chi'ize,
\q1 na' da' chawe' chie' zóaḻenkzen yógo'te ẕa'sógake',
\q1
\v 18 benne' ka' žóntezgake' kan ẕnna diža' dan' bénḻene' ḻégake',
\q1 na' benne' ka' žóngake' kan wnnakze' Ḻe'.
\q1
\v 19 Bzoa X̱anžon' latje chie' ya'abá gan ži'e ẕnna bi'e.
\q1 Nakkze' Benne' Wnná Bia' Ẕen ḻáwlegak da' zej den.
\q1
\v 20 Le wká'n ẕen X̱anžon', ḻe'e, wbás che ya'abá ka'.
\q1 Nakle wbás waḻe, na' chochḻe'e, na' žonle kan ẕnne',
\q1 na' ẕze nagle da' ži'e ḻe'e.
\q1
\v 21 Le wká'n ẕen X̱anžon', ḻe'e, wbás che ya'abá ka' žejle ḻo wdiḻe.
\q1 Nakle wbás wen žin chie' ka', na' žonle kan žénele' Ḻe'.
\q1
\v 22 Le wká'n ẕen X̱anžon', yógo'tele ḻe'e, ben Dios ḻe'e,
\q1 na' zoale yógo'te latje gan ẕnna bi'e Ḻe'.
\b
\q2 We ḻawa' X̱anžon' ḻen dot yichj ḻáẕda'wa'.
\c 104
\q1
\v 1 We ḻawa' X̱anžo Dios ḻen dot yichj ḻáẕda'wa'.
\b
\q1 Ẕente nako' Le', X̱ana' Dios.
\q1 Laže' da' nako' naken yeḻa' x̱tan, na' yeḻa' ẕen.
\q1
\v 2 Ẕwakw kwino' yeḻa' baní' ka ẕa lano'.
\q1 Bzaḻo'o ya'abá ka to yo'o laže' chio'.
\q1
\v 3 Beno' ližo' ḻawle nis da' žen' ža'le.
\q1 Ẕkonlo' žin bejw ka' ka to karreta gan ži'o Le', dan' ẕden ḻo be'.
\q1
\v 4 Ẕkonlo' žin be' žaken ka wbás chio',
\q1 na' yes wzió' ka' ka wen žin chio' ka'.
\q1
\v 5 Bzoa chocho' yežlyó nga ḻo lenen,
\q1 na' bi be gak wkwasen'.
\q1
\v 6 Bwako' yežlyó nga ḻen nisdo' ka žon to benne' žakwe' ẕa lane',
\q1 na' nisen' bwakwn ya'a ka'.
\q1
\v 7 Kate' btiḻo' nisen', na' beẕonnjen.
\q1 Bebigan' kate' benlen wnnó' zižje.
\q1
\v 8 Nisen' dan' bwakwn ya'a ka' bejsóan ḻo yegw ka',
\q1 na' bžinen latjen' da' beno' Le' che nisen'.
\q1
\v 9 Bzo' gan ze ḻaw chejsóan, na' gan biž gak ten,
\q1 nich biž yewakwn yežlyó bižen'.
\q1
\v 10 Beno' bej ka', da' ka' žáljgaken žoa'a yégodo' ka',
\q1 na' yegw ka' ẕdégaken ládjwgak ya'a ka'.
\q1
\v 11 Ḻo yegw ka' že'jgak bia yix̱e' ka' nis,
\q1 na' ẕdoan yeḻa' ẕbiḻe nis chegak burro yix̱e' ka'.
\q1
\v 12 Byínnedo' ka' žóngakba' x̱ó'ngakba' ka' ḻo yag ka' zégaken žoa'a yegw ka',
\q1 na' žóḻgakba' ládjwgak ni'a ná'gaken ka'.
\q1
\v 13 Žseḻo'o yejw ẕan ya'abá dan' žaken ḻaw ya'a ka',
\q1 na' želje yežlyón' ḻen da' chawe' da' žono'.
\q1
\v 14 Žesgolo' yix̱e' da' žawgak bia yix̱e' ka',
\q1 na' kwando' ka', da' ka' žawgak benách ka',
\q1 na' da' ka' ẕkóngekle benne' ka' žin nich góngake' yeḻa' waw,
\q1
\v 15 na' uba ka', da' ka' žóngake' x̱is uba waḻ dan' žonen ga žebégekle benne' ka',
\q1 na' olibo ka', da' ka' žóngake' set dan' ẕgó'ogake' yíchjgake',
\q1 na' ẕoa' da' žóngake' yet nich sóagake' nbángake'.
\q1
\v 16 Yag sedro ka' da' zej zen ḻaw Ya'a Líbano ẕzí'gaken nis yejw.
\q1 Zej naken chio', X̱anto' Dios, dan' gozo' ḻégaken.
\q1
\v 17 Ḻo yag ka' žẕíagak byínnedo' ka' x̱ó'ngakba' ka',
\q1 na' ḻo ni'a ná'gaken že'gak liž byinne sigwenya ka'.
\q1
\v 18 Zej zoa chibo yix̱e' ka' ḻaw ya'a ẕen ka',
\q1 na' ḻo bloj ka' ẕangak ya'a ka' zej zoa bẕižo' ka'.
\q1
\v 19 Beno' byo' dan' ẕḻoe'elen to byo' to byo' che yiz,
\q1 na' wbíž nnezlen kate' žaḻa' yenen.
\q1
\v 20 Beno' yel, na' kate' ba goḻen,
\q1 na' ẕžojgak bia yix̱e' ka'.
\q1
\v 21 Ẕbéžeya'agak bež yix̱e' ka', žíljgakba' da' gáwgakba'.
\q1 Žíljgakba' bia ka' wnnakzo' gáwgakba'.
\q1
\v 22 Kate' ẕḻa' wbíž, na' žeyéjgakba' ḻo bloj chégakba', gan ẕtásgakba' te ža.
\q1
\v 23 Naž ẕžojgak benne' ka', na' žjake' wen žin,
\q1 na' žóngake' žin na' zejte žen wbíž.
\q1
\v 24 X̱anto' Dios, da' zante zej nak da' beno'.
\q1 Ḻen yeḻa' žejní'il ẕente chio' beno' da' ka'.
\q1 Nža' yežlyó nga da' ka' beno' Le'.
\q1
\v 25 Zoa nisdo' ga na', dan' naken ẕen, na' zil-ḻe'e,
\q1 gan zej yo'o bia zante ka', biado' ka', na' bia ẕen ka'.
\q1
\v 26 Ḻo nisdon' zej nnita' barkw ẕen ka',
\q1 na' zoa bia ẕen ḻo nisdon', bian' beno' Le', nzi' laba' lebiatán.
\q1
\v 27 Yógo'te bia ka' žx̱en ḻáže'gakba' Le',
\q1 nich gonno' da' gáwgakba' kate' gaḻa' chégakba'.
\q1
\v 28 Ẕneẕjon' chégakba', na' ẕzí'gakban'.
\q1 Žónnḻi'o da' žáwgakba', na' žéljgeklba'.
\q1
\v 29 Kate' bi žape chi'o ḻégakba', na' ẕžébegakba'.
\q1 Kate' žekwaso' be' žeká'gakba', na' žátgakba', na' žeyákgakba' bix̱te yo,
\q1
\v 30 san kate' žeseḻo'o be' chio', na' žebángakba'.
\q1 Ẕneẕjo' yeḻa' nban kob chegak da' ka' zej zoan ḻo yežlyó nga.
\b
\q1
\v 31 To chi'ize ga'n ẕen X̱anžo Dios.
\q1 Žaz ḻaže' X̱anžon' da' ka' benkze' Ḻe'.
\q1
\v 32 Ẕwie' yežlyó nga, na' žẕon'.
\q1 Ẕgane' ya'a ka', na' ẕžoj žen che yi' ga na'.
\q1
\v 33 Goḻkza' che X̱anžon' x̱ak zoa' nbana'.
\q1 Yógo'te ža zoa' nbana' goḻa' da' we ḻawa'a Dios chia'.
\q1
\v 34 Žak ḻaža'a chaz ḻaže' X̱anžon' da' ka' ẕlab ḻaža'a,
\q1 na' žebézela' ni'a che X̱ana' Dios.
\q1
\v 35 Kwia yi'gak benne' doḻa' ka' nníta'gake' yežlyó nga,
\q1 na' biž soagak benne' ka' ẕbej yíchjgake' Dios.
\b
\q2 We ḻawa' X̱anžo Dios ḻen dot da' naka'.
\q2 ¡Ga'n ẕen X̱anžon'!
\c 105
\q1
\v 1 ¡Le wká'n ẕen X̱anžo Dios!
\q2 ¡Le wká'n ẕen La la'y chie'!
\q2 Le wzenle benne' yógo'te yež ka nak da' ẕen da' bene'.
\q1
\v 2 ¡Le goḻ chie'! ¡Le goḻ da' wká'n ẕenle Ḻe'!
\q2 ¡Le wcháḻj chegak da' ẕente ka' da' bene'!
\q1
\v 3 ¡Le yebele ḻo da' nak chie' Ḻe'!
\b
\q1 Yógo'te benne' ka', benne' žápegak X̱anžon' ba la'ne, žaḻa' yebéḻe'egekle'.
\q1
\v 4 Le nnable X̱anžon' gákḻene' ḻe'e.
\q1 Tža tža le wx̱én ḻaže' X̱anžo Dios.
\b
\q1
\v 5-6 Ḻe'e, ẕa'só Bran, wen žin che X̱anžon', na' ḻe'e, ẕa'só Jakob, bennen' wžíe',
\q1 le wsá' ḻaže' chegak yeḻa' wak ka', na' da' ẕente ka' da' bene' Ḻe',
\q1 na' kan bchi'a ḻaže'e ḻe'e.
\q1
\v 7 Ḻe' nake' X̱anžon', na' Dios chežo.
\q1 Ḻe' ẕnna bi'e benne' ka' nníta'gake' dot yežlyó.
\q1
\v 8 Ḻa'kze te chegak to mil kwe' benne' ka',
\q1 batkle gaḻ ḻaže'e da' wchebe ḻaže'e gone' ḻo diža' da' bene',
\q1
\v 9 dižan' da' bénlene' Bran,
\q1 dan' bzetj kwine' katen' bi da' bchebe ḻaže'e gone' che Isaak,
\q1
\v 10 na' bzoa chochen' ka to da' wnnakze' gon Jakob,
\q1 dižan' da' žaḻa' góntezegak benne' Israel ka' ka ẕnnan,
\q1
\v 11 dan' bene' katen' wnné': “Chele ḻe'e gonna' yežlyó chegak benne' Kanaán ka',
\q1 dan' gaken to da' wdele ḻo na'gak ẕa'sóle ka'.”
\q1
\v 12 Katen' wnníta'gake' nbabze benne' ka',
\q1 na' wdágake' ḻo yežlyó nga ka benne' zi'to' ka',
\q1
\v 13 na' wdégake' to yež yetó yež,
\q1 na' to yežlyó yetó yežlyó,
\q1
\v 14 bi be' Dios latje no benne' bi da' gone' chegak benách chie' ka',
\q1 na' ni'a chégake' btiḻe' benne' wnná bia' ka'.
\q1
\v 15 Gože' ḻégake': “Bi be gonle chegak benne' ka' wžía',
\q1 na' bi gonle ẕia benne' ka' ẕcháḻjgake' ḻo wlaza' neda'.”
\q1
\v 16 Bene' ga gota' to wbín ḻo yežlyón',
\q1 na' beké'e yógo'te da' gáwgake',
\q1
\v 17 san bseḻe'e to benne' wnežwe' ḻáwgake',
\q1 bennen' nake' Jwsé, bi' na' béte'gake'-be'
\q1 nich gakbe' bi' ndo'w che to benne' zi'to'.
\q1
\v 18 Bséjwgake' ní'abe' ḻo yežw ka' ladjw blag ka',
\q1 katen' bséjwgake'-be' liž ya ḻo yežlyó Egipto,
\q1
\v 19 na' zejte goḻa' gok li da' wnná Jwsé žaḻa' gaken.
\q1 Ki goken, bḻoe'el x̱tiža' X̱anžon' wnnabe' da' li.
\q1
\v 20 Naž benne' wnná bia' che yežlyó Egipton' bseḻe'e to benne' bsane' Jwsé na'.
\q1 Bennen' ẕnna bi'e yež zan bsane'-be'.
\q1
\v 21 Bzoe'-be' nich gakbe' x̱angak benne' ka' nníta'gake' liže',
\q1 na' nich nna bia'be' yógo'te da' nape' ḻe',
\q1
\v 22 na' nich tiḻbe' benne' ẕen ka' che benne' wnná bian' ka žaz ḻáže'kzbe',
\q1 na' nich wzejni'ilbe' benne' gole ka' che yežlyó Egipton' nich gákgake' benne' sina' ka'.
\q1
\v 23 Wdé na' bžingak benne' Israel ka' ḻo yežlyó Egipton',
\q1 na' wzóa Jakob ḻo yežlyó chegak ẕa'só Kam ka'.
\q1
\v 24 Wyánḻe'egak benne' ka' che X̱anžon' ḻo yežlyón',
\q1 na' bene' ga gókgakže' waḻe ka zej nak benne' ka' bi bḻé'egekle' ḻégake' chawe'.
\q1
\v 25 Ben Dios ga bža'agak benne' Egipto benne' chie' ka',
\q1 na' béngake' benne' wen žin chie' ka' ẕia.
\q1
\v 26 Bseḻe'e Moisés, wen žin chie', ḻawgak benách chie' ka' tẕen ḻen Aarón, bennen' wžíe' Ḻe'.
\q1
\v 27 Dios bi'e benne' chope' ki latje béngake' yeḻa' wak ka' che ya'abá,
\q1 na' yeḻa' wak ẕen ka' ḻo yežlyó chegak ẕa'só Kam ka'.
\q1
\v 28 Bseḻa' Dios to da' choḻ dan' bwakwn dot yežlyón',
\q1 san benne' Egipto ka' bi béngake' da' wnnakze' Ḻe'.
\q1
\v 29 Naž bene' ga beyák nis yegw chegak benne' ka' žen,
\q1 na' bete' yógo'te bel ka' zej zoaba' ḻo yegw ka'.
\q1
\v 30 Besché'e yežlyó chégake' blož ka' ga bžinte wnníta'gakba' ḻo liž benne' wnná bian'.
\q1
\v 31 Wnnaze Dios, na' bḻa'gak zante bi'a che bež ka',
\q1 na' bi'a las ka' dot ḻo yežlyó chegak benne' ka'.
\q1
\v 32 Ḻo wláz nis yejw bseḻe'e yej nis ḻo yežlyón',
\q1 na' ḻezka' yi' da' bzeyen dot yežlyó chégaken'.
\q1
\v 33 Bchinnje' yógo'te lba uba, na' yag higo chégake' ka',
\q1 na' bdichje' yógo'te yag ka' zej zen ḻo yežlyón'.
\q1
\v 34 Wnnaze', na' bḻa'gak biche' zo ka',
\q1 bia ka' bi gak no benne' wlabe' ḻégakba',
\q1
\v 35 na' bdáwgakba' dot yix̱e' ya'a ḻo yežlyó chégaken',
\q1 na' bdáwgakba' dot linne da' žonn yežlyón'.
\q1
\v 36 Naž bete' bi' byo nežw ka' chegak benne' Egipto ka',
\q1 x̱kwide' ka' zej nakbe' bi' wak ka' chégake'.
\q1
\v 37 Bebeje' benne' chie' ka' ga na' zej noe'e mežw plat, na' mežw oro zan.
\q1 Bi wzóa no benne' ládjwgake', benne' bi zoe' chawe'.
\q1
\v 38 Bebégekle benne' Egipto ka' katen' bžójgake' ga na', dan' bžébeḻe'egake' ḻégake'.
\q1
\v 39 Bzaḻa' Dios to bejw da' wló'on benne' chie' ka' ẕoḻ,
\q1 na' to yi' da' bsa'nín' ḻégake' žel.
\q1
\v 40 Wnnábgekle' Dios, na' bseḻe'e bežjw yix̱e' ka' nich gáwgake'-ba',
\q1 na' bene' ga béljegekle' yet da' bžojen ya'abá.
\q1
\v 41 Bsaljwe' to yej x̱e, na' bžoj nis
\q1 da' wdén ḻo yežlyó bižen' ka to yegw nis.
\q1
\v 42 Ki ben Dios dan' bejsá' ḻaže'e diža' la'y chie'
\q1 da' bchebe ḻaže'e gone' che Bran, wen žin chien'.
\q1
\v 43 Bebeje' benne' ka' wžíe' ḻo yežlyó Egipton',
\q1 na' bebégekle' dan' gok yeḻa' ba nez ẕen chégake'.
\q1
\v 44 Bneẕjwe' benne' chie' ka' yežlyó chegak benne' yezika' yež ka',
\q1 na' da' wdápegak benne' yež ka' beyaken chegak benne' chie' ka',
\q1
\v 45 nich gápegake' x̱tiže'e ba la'ne,
\q1 na' góngake' ka nak da' wnnakze' Ḻe'.
\b
\q2 ¡Ga'n ẕen X̱anžo Dios!
\c 106
\q1
\v 1 ¡Ga'n ẕen X̱anžo Dios!
\b
\q1 Le ye' X̱anžo Dios: “Žóx̱keno'”, dan' nake' chawe',
\q1 na' dan' žeyache' ḻáže'tezle' žo'o.
\q1
\v 2 ¿Noẕkze benne' gak wḻoe'ele' kan zej nak yeḻa' wak ẕente ka' da' ben X̱anžon'?
\q1 ¿Noẕkze benne' gak wká'n ẕene' Ḻe' kan žaḻa' gonžo?
\q1
\v 3 Ba nez ẕen naken chegak benne' ka' žóngake' da' chawe',
\q1 benne' ka' žóntezgake' da' žénele' Ḻe'.
\b
\q1
\v 4 Bejsá' ḻaže' chia', X̱ana' Dios, kate' žon chawo'o benne' chio' ka'.
\q1 Da yesló' neda', nich gak ḻe'ela'
\q1
\v 5 da' chawe' da' gono' ni'a chegak benne' ka' wžío' Le',
\q1 na' nich yebela' kate' gak chegak benne' chio' ka' yeḻa' ba nez,
\q1 na' nich yebéḻenla' benách chio' ka'.
\q1
\v 6 Bento' doḻa' tḻebe kan bengak x̱a x̱na' wdé cheto' ka'.
\q1 Bento' da' ẕinnj, na' bento' da' bi naken chawe'.
\q1
\v 7 Kate' wnníta'gak x̱a x̱na' wdé cheto' ka' ḻo yežlyó Egipton',
\q1 bi blab ḻáže'gake' chegak yeḻa' wak che ya'abá ka' da' beno' Le'.
\q1 Bi bejsá' ḻáže'gake' ka beyache' ḻáže'ḻe'elo' ḻégake',
\q1 san bží'igake' chio' žoa'a nisdon' nzin' Nisdo' X̱na.
\b
\q1
\v 8 San Dios beslé' benách chie' ka' nich ga'n ẕen La la'y chie',
\q1 na' nich wḻoe'ele' ḻaw ka nak yeḻa' wak chie' Ḻe'.
\q1
\v 9 Btiḻe' Nisdo' X̱na na', na' bebižen.
\q1 Wdegak benách chie' ka' gachje ḻawle nisdon' ḻo yo biž.
\q1
\v 10 Beslé' benách chie' ka' ḻo na'gak benne' ka' bi bḻé'egekle' ḻégake' chawe',
\q1 na' bebeje' ḻégake' ḻo na'gak benne' ka' bsaka' zí'gake' ḻégake'.
\q1
\v 11 Naž nisdon' bwakwn benne' ka' bi bḻé'egekle' ḻégake' chawe'.
\q1 Bi bga'n nitó benne' chegak benne' ka'.
\q1
\v 12 Naž benne' chie' ka' bejḻé'gake' x̱tiža' Dios,
\q1 na' béḻgake' da' be ḻáwgake' Ḻe'.
\b
\q1
\v 13 Ka' gaze goḻ ḻáže'gake' da' ka' bene'.
\q1 Bi wlézgake' nich ḻé'egekle' da' gon Dios,
\q1
\v 14 san wzé ḻáže'gake' to da' ẕinnj ḻo latje dachen',
\q1 na' béngake' ga bža'a Dios ḻe'e yix̱en'.
\q1
\v 15 Wdé na' bneẕjw Dios da' wnnábgekle' Ḻe',
\q1 san bseḻe'e ládjwgake' to da' beten zángake'.
\q1
\v 16 Bgé'egekle' Moisés gan wnníta'gake',
\q1 na' ḻezka' Aarón, Bennen' wžé X̱anžo Dios na'kze.
\q1
\v 17 Naž wyaljw yežlyón', na' bwakwn Datán,
\q1 na' ḻezka' benne' ka' bénḻengake' Abiram tẕen.
\q1
\v 18 Naž wẕén yi' gan zej ndobe benách chie' ka',
\q1 dan' bzeyen benne' wen da' ẕinnj ka'.
\q1
\v 19 Béngake' to lo'a ẕan Ya'a Horeb da' goken to bež da' naken ya oro,
\q1 na' bzoa ẕíbgake' ḻaw lo'a oro na'.
\q1
\v 20 Ki bebéj yíchjgake' Dios, Bennen' zoe' ya'abá,
\q1 nich wká'n ẕéngake' to lo'a oro, da' naken ka to bež žawba' yix̱e'.
\q1
\v 21 Goḻ ḻáže'gake' Dios, Bennen' beslé' ḻégake',
\q1 Bennen' bene' yeḻa' wak ẕente ka' ḻo yežlyó Egipton',
\q1
\v 22 na' bene' yeḻa' wak ka' che ya'abá ḻo yežlyó chegak ẕa'só Kam ka',
\q1 na' da' ka' ẕchébegaken žo'o žoa'a Nisdo' X̱na.
\q1
\v 23 Naž gok ḻaže' Dios wžía yi'e benne' chie' ka',
\q1 san Moisés, bennen' wžé Dios, bzoa kwine' ḻaw Dios
\q1 nich wzóa žie' yeḻa' ẕža'a che Dios,
\q1 na' bene' ga bi wžía yi' Dios benne' ka',
\q1
\v 24 san bzóagake' cheḻa'ale yežlyó x̱tanḻe'e dan' gónele Dios wneẕjwe' ḻégake',
\q1 na' bi bejḻé'gake' x̱tiža' Dios.
\q1
\v 25 Wnnétezgake' che Dios ḻo yo'o laže' chégake' ka',
\q1 na' bi bze nággake' da' wnná X̱anžo Dios.
\q1
\v 26 Che ḻen bzetj kwine' gone' benne' ka' ẕia,
\q1 gone' ga gatgak benne' ka' ḻo latje dachen',
\q1
\v 27 na' gone' ga yedoé'egekle benách chie' ka' ḻawgak benne' ka' wnníta'gake' yežlyón',
\q1 na' yeslase' ḻégake' ladjw benne' ka'.
\q1
\v 28 Naž béngake' toze diža' ḻen benne' ka' ẕka'n ẕéngake' lo'a dan' nzin' Baal-peor.
\q1 Bdáwgake' biado' ka' bétgake' ḻawgak dios gat ka'.
\q1
\v 29 Béngake' ga bža'a Dios ni'a che da' béngake',
\q1 na' bḻa' to yižwé' ẕen da' beten zangak benne' ka'.
\q1
\v 30 Naž wzó ža' Finées, to bx̱oz, na' bete' to benne'
\q1 ne žone' doḻa', na' wžé' ži yižwé' ẕen na'.
\q1
\v 31 Dan' ben Finées wẕí' Dios ka to da' žeyón chawen' benne' ka',
\q1 dan' wḻoé'e ḻawn ḻawgak yógo'te kwe' benne' ka'.
\q1
\v 32 Ḻezka' béngake' ga bža'a Dios žoa'a bej nis da' nzin' Meribá,
\q1 na' bi gok chawe' che Moisés ni'a che dan' béngake'.
\q1
\v 33 Ni'a che dan' béngake' gok Moisés yichj ža'a,
\q1 na' wdetle ben Moisés da' kegle.
\q1
\v 34 Kate' wyó'ogake' ḻo yežlyó nga bi bchínnjgake' yež ka',
\q1 kan bchi'le Dios ḻégake' góngake',
\q1
\v 35 san bénḻengake' benne' yež ka' tẕen,
\q1 na' bsédgekle' góngake' ka žongak benne' yež ka',
\q1
\v 36 na' bka'n ẕéngake' lo'a ka' chegak benne' ka',
\q1 dan' benen ga bžia yi' Dios benne' chie' ka'.
\q1
\v 37 Bétgake' bi' byodo' ka', na' bi' no'le chégake' ka' ḻawgak lo'a chegak be' x̱iwe' ka',
\q1
\v 38 na' bláljgake' žen chegak bi' že'ndo' ka',
\q1 bi' ka' bi na' góngakbe' doḻa', bi' ka' bétgake' ḻawgak lo'a ka' chegak benne' Kanaán ka',
\q1 na' gok sban yežlyón' ni'a che žen chegak x̱kwide' ka'.
\q1
\v 39 Da' ka' béngake' bka'ngaken ḻégake' sban,
\q1 na' wléj yíchjgake' Dios ḻen da' béngake'.
\q1
\v 40 Che ḻen bžá'aḻe'e Dios benách chie' ka',
\q1 na' bi bḻe'ele' chawe' benne' ka' zej nake' chekze'.
\q1
\v 41 Naž bdie' benne' chie' ka' ḻo na'gak benne' yež ka',
\q1 na' benne' ka' ẕžá'agake' benách ka' che Dios wnná biá'gake' ḻégake'.
\q1
\v 42 Benne' ka' bi ẕḻé'egekle' ḻégake' chawe' bsaka' zí'gake' benách ka' che Dios.
\q1 Bzéx̱jwgake' ḻégake' ḻo yeḻa' wnná bia' chégake'.
\q1
\v 43 Zante chi'i Dios beslé' benách chie' ka'
\q1 san bží'igake' che da' ka' gože' ḻégake',
\q1 na' wbága'gake' doḻa' dan' béngake' da' ẕinnj.
\q1
\v 44 Ḻa'kze ki béngake', kate' wžé' zédgekle', Dios bwie' da' wẕáka'gake',
\q1 na' benle' che da' bḻížgake' Ḻe',
\q1
\v 45 na' bejsá' ḻaže'e dižan' da' bénlene' benne' ka',
\q1 na' beyát ḻaže'e che yeḻa' ẕža'a chie' dan' ẕente nak yeḻa' žeyache' ḻaže' chie'.
\q1
\v 46 Ḻezka' bene' ga beyache' ḻáže'gekle benne' ka' benách chie' ka',
\q1 benne' ka' bché'gake' ḻégake' zej nžeje'.
\b
\q1
\v 47 Beslá neto', X̱anto' Dios.
\q1 Bebéj neto' ladjw benne' zi'to' ka',
\q1 nich wká'n ẕento' La la'y chio' Le',
\q1 na' nich yebéḻe'elto' ḻo da' žoḻto' chio'.
\b
\q1
\v 48 ¡Ga'n ẕen X̱anžon',
\q2 Bennen' nake' Dios chegak benne' Israel ka',
\q2 ža ni'te, na' to chi'ize!
\b
\q1 Yógo'te benne' ka' žaḻa' nnágake':
\q1 “Ka'kze gaken.”
\b
\q2 ¡Ga'n ẕen X̱anžo Dios!
\c 107
\q1
\v 1 ¡Le wká'n ẕen X̱anžon', dan' nake' Benne' chawe'!
\q2 ¡To chi'ize nake' Benne' ži'i ḻaže'!
\b
\q1
\v 2 Da' ni žaḻa' nnagak benne' ka' ba beya'w X̱anžon',
\q1 benne' ka' beslé' ḻo na'gak benne' ka' bi ẕḻé'egekle' ḻégake' chawe'.
\q1
\v 3 Bebeje' ḻégake' ládjwgak benne' yež zi'to' ka',
\q1 yež ka' zej žen' gan ẕḻa' wbíž, na' gan ženen,
\q1 na' gan za' be' zag, na' gan ẕde wbíž byo' zag ka'.
\b
\q1
\v 4 Baḻ benne' ka' wdágake' ḻe'e yix̱e' gan bi zoa nez,
\q1 na' bi bžéḻgekle' yež gan sóagake'.
\q1
\v 5 Wdóngake', na' wbíḻgake',
\q1 na' biž wzóa da' wx̱én ḻáže'gake'.
\b
\q1
\v 6 Naž ḻo da' wẕáka'gake' bḻížgake' X̱anžon',
\q2 na' beslé' ḻégake' ḻo da' wẕáka'gake'.
\b
\q1
\v 7 Bnnite'e ḻégake' to nez ḻi,
\q1 nich chjake' to yež gan sóagake'.
\b
\q1
\v 8 Žaḻa' we ḻáwgake' X̱anžon'
\q2 dan' beyache' ḻáže'le' ḻégake'.
\q2 Bene' chégake' da' ka' žóngaken ga žebánležo.
\b
\q1
\v 9 Ẕwe'je' benne' ka' ẕbíḻgake',
\q1 na' ẕwawe' benne' ka' ẕdóngake' nich sí'gake' da' chawe' chie'.
\b
\q1
\v 10 Baḻ benne' ka' wnníta'gake' ḻo da' choḻ, na' gan gok ẕož gátgake'.
\q1 Gókgake' ka benne' zej nyejwe' liž ya gan zej nžeje' do ya, na' ẕzáka'ḻe'egake',
\q1
\v 11 dan' bží'igake' che x̱tiža' X̱anžon',
\q1 na' bzóagake' cheḻa'ale da' bzejní'il Dios ẕente ḻégake'.
\q1
\v 12 Bedó ḻáže'gake' ḻo žin zi'iḻe'e da' béngake'.
\q1 Bchégwgake' ẕan ywa' da' zej noe'e,
\q1 na' bi wzóa no benne' gákḻene' ḻégake'.
\b
\q1
\v 13 Naž ḻo da' wẕáka'gake' bḻížgake' X̱anžon',
\q2 na' beslé' ḻégake' ḻo da' wẕáka'gake'.
\b
\q1
\v 14 Naž bebeje' benne' ka' ḻo da' choḻ, na' gan gok ẕož gátgake,
\q1 na' bzoẕje' do ya ka' da' zej nžeje'.
\b
\q1
\v 15 Žaḻa' we ḻáwgake' X̱anžon' dan' beyache' ḻáže'le' ḻégake'.
\q2 Bene' chégake' da' ka' žóngaken ga žebánležo.
\b
\q1
\v 16 Bchinnje' dan' bséjwgaken benne' ka' da' zej naken ya bronse,
\q1 na' bzoẕje' bar ya ka' da' byéchjgeklen ḻégake'.
\b
\q1
\v 17 Baḻ benne' ka' wdá'gake' yižwé' ka',
\q1 na' wẕáka'gake' ni'a che doḻa' wbága'gake',
\q1 na' ni'a che da' ẕinnj ka' da' béngake'.
\q1
\v 18 Bgótgekle' da' že'j žáwgake', na' wzóagake' gátgake'.
\b
\q1
\v 19 Naž ḻo da' wẕáka'gake' bḻížgake' X̱anžon',
\q2 na' beslé' ḻégake' ḻo da' wẕáka'gake'.
\b
\q1
\v 20 Ḻe' bseḻe'e x̱tiže'e chegak benne' ka', na' beyone' ḻégake',
\q1 na' beslé' ḻégake' ḻo yeḻa' got.
\b
\q1
\v 21 Žaḻa' we ḻáwgake' X̱anžon' dan' beyache' ḻáže'le' ḻégake'.
\q2 Bene' chégake' da' ka' žóngaken ga žebánležo.
\b
\q1
\v 22 Žaḻa' yé'gake' Ḻe': “Žóx̱keno'”,
\q1 na' gótgake' bia beždo' ka' ḻawe' Ḻe',
\q1 na' ḻo yeḻa' žebele chégake' žaḻa' góḻgake',
\q1 na' wzéngekle' benách ka' kan nak da' bene'.
\b
\q1
\v 23 Baḻ benne' ka' wdégake' ḻo nisdo' ḻo barkw ẕen ka',
\q1 benne' ka' žóngake' žin ḻo nisdo'.
\q1
\v 24 Bḻé'egekle' da' ẕen ka' da' žon X̱anžon',
\q1 da' ka' žone' ḻo nisdo', da' žóngaken ga žebánležo.
\q1
\v 25 Wnnaze X̱anžon', na' wzó ḻaw žak be' bdone',
\q1 na' wyás nis ẕgó'nḻe'en ḻo nisdo'.
\q1
\v 26 Wžengak barkw ka' ka ḻaw ya'a ẕen da' naken nisdo',
\q1 na' bedínngaken ḻo da' naken gže'l ḻaw nisdon'.
\q1
\v 27 Bejchégwgake' na' bejlétgake' nile bejlétgake' na'le kan žongak benne' ka' želzožle',
\q1 na' da' zej nsedle' bi gókḻenen ḻégake'.
\b
\q1
\v 28 Naž ḻo da' wẕáka'gake' bḻížgake' X̱anžon',
\q2 na' beslé' ḻégake' ḻo da' wẕáka'gake'.
\b
\q1
\v 29 Ḻe' bzoa žie' be' bdone' dan' žaken,
\q1 na' wžé' ži nis da' ẕgo'nen che nisdon'.
\q1
\v 30 Bebéḻe'egekle' dan' bga'n ži nis ẕgo'nen,
\q1 na' Dios bchi'e ḻégake' dot chawe' gan zjake'.
\b
\q1
\v 31 Žaḻa' we ḻáwgake' X̱anžon' dan' beyache' ḻáže'le' ḻégake'.
\q2 Bene' chégake' da' ka' žóngaken ga žebánležo.
\b
\q1
\v 32 Žaḻa' wzéngekle' benne' ka' zej ndobe' chie' Ḻe' ka nak yeḻa' ẕen chie',
\q1 na' we ḻáwgake' Ḻe' gan zej ndobe benne' gole ka', benne' ẕnna biá'gake'.
\b
\q1
\v 33 Ben X̱anžon' ga wbižgak yegw nis ka',
\q1 na' bsejwe' bej nis ka'.
\q1
\v 34 Gan goc yo ya'a beyonen' yo biž,
\q1 ni'a che da' bi nak chawe' da' bengak benne' ka' wnníta'gake' ga na'.
\b
\q1
\v 35 Gan nak yo biž beyonen' yo nis,
\q1 na' yo yej beyonen' gan žaḻ nis.
\q1
\v 36 Bnnite'e benne' ka' ga na', benne' wdóngake',
\q1 na' béngake' to yež gan sóagake'.
\q1
\v 37 Gózgake' yežlyón' na' bedá'gake' lba uba ka' ga na',
\q1 na' bezí'ḻe'egake' linne chen.
\q1
\v 38 Dios ben chawe'e benne' ka', na' wyánḻe'egak x̱kwide' chégake' ka',
\q1 na' bene' ga bgóleḻe'egak bia yix̱e' chégake' ka'.
\b
\q1
\v 39 Kate' benne' wnná bia' ka' bsaka' zí'gake' benne' ka',
\q1 na' wdetlen wnná biá'gake' ḻégake',
\q1 na' béngake' ḻégake' da' ẕia,
\q1
\v 40 bka'n Dios benne' wnná bia' ka' ka'ze,
\q1 na' bene' ga wdágake' ḻe'e latje dach gan bi zoa nez.
\q1
\v 41 Beslé' benne' yache' ka' ḻo yeḻa' yache' chégake',
\q1 na' bzánḻi'e ẕi'ngak benne' ka' ka žangak ẕila' ka'.
\q1
\v 42 Kate' bḻé'egekle benne' chawe' ka' da' ki, na' bebéḻe'egekle',
\q1 san benne' wen da' ẕinnj ka' bi be gok nnágake'.
\q1
\v 43 Benne' sina' ka' žaḻa' wláb ḻáže'gake' che da' ki,
\q1 na' žaḻa' yeyónbia'gake' ka nak yeḻa' ži'i ḻaže' ẕen che X̱anžon'.
\c 108
\q1
\v 1 Zoakze ḻáẕda'wa', Dios.
\q1 Zoakze ḻáẕda'wa' nich goḻkza' da' we ḻawa' Le'.
\q1
\v 2 Bebán, be' da' nakkza', na' le yebán, ḻe'e ẕgoḻ-le da' žóḻ-ḻento' ka', na' arpa ka'.
\q1 Zildo' yebankza'.
\q1
\v 3 Wká'n ẕenkza' Le' ladjw benne' chio' ka', X̱ana' Dios.
\q1 Goḻkza' chio' ḻawgak benne' yógo'te yež ka',
\q1
\v 4 dan' yeḻa' žeyache' ḻaže' chio' nakžen ẕen ka ya'abá,
\q1 na' da' li chio' nakžen ẕen ka bejw gasj ka'.
\b
\q1
\v 5 ¡Ga'n ẕenkzo' ya'abá, Dios!
\q2 ¡Yeḻa' ẕen chio' ẕḻa' ḻawn dot yežlyó nga
\q1
\v 6 nich lagak benne' ka' nži'ikzlo' Le'!
\b
\q1 Beslá ḻégake' ḻen yeḻa' wak chio', na' bechebe chia'.
\b
\q1
\v 7 Ḻo latje la'y chie' wnná Dios: “Yebekzla' neda'.
\q1 Chisa' chele yežlyó chegak benne' Sikem ka',
\q1 na' wžix̱a' chele yežlyó da' žen' kwit yegw Sukot.
\q1
\v 8 Yežlyó Galaad naken chia',
\q1 na' yežlyó chegak ẕa'só Manasés.
\q1 Yežlyó chegak ẕa'só Efraín naken ka to ḻapa' da' žape chi'in yichja'.
\q1 Yežlyó chegak ẕa'só Judá naken gan ẕnna bi'a.
\q1
\v 9 Yežlyó chegak benne' Moab ka' naken ka to ẕiga' ya da' nžan' nis wná'a.
\q1 Ḻo yežlyó chegak benne' Edom ka' cho'na' ẕela' gol.
\q1 Si'a ba nez yežlyó chegak benne' Filistea ka'.”
\b
\q1
\v 10 ¿Noẕ benne' wchi'e neda' nich tíḻ-ḻena' yež zoa to ze'e sibe da' žape chi'in?
\q1 ¿Noẕ benne' wchi'e neda' nich tíḻ-ḻena' benne' Edom ka'?
\q1
\v 11 ¿Kege Le' wchi'o neda', Dios?
\q1 Le' bzoakzo' neto' cheḻa'ale,
\q1 na' bi wyéjḻeno' benne' cheto' ka', benne' ka' žjake' ḻo wdiḻe.
\q1
\v 12 Gokḻen neto' nich gak tíḻ-ḻento' benne' ka' ẕdíḻ-ḻengake' neto',
\q1 dan' dáche'ze gak gákḻengak benne' ka' neto'.
\b
\q1
\v 13 To ẕen ḻen Dios gonžo to da' ẕenḻe'e,
\q1 na' Ḻe' wlage' benne' ka' ẕdíḻ-ḻengake' žo'o.
\c 109
\q1
\v 1 X̱ana' Dios, ẕka'n ẕena' Le'.
\q1 Bi ga'no' žize,
\q1
\v 2 dan' benne' ka' bi zej nake' chawe', na' benne' wen ḻaže' ka', ẕnnégake' chia' neda'.
\q1 Ẕnnégake' chia' da' wen ḻaže'.
\q1
\v 3 Ḻo yeḻa' ẕža'a chégake' zej nyechjle' neda', na' ẕnnégake' chia'.
\q1 Ẕdíḻ-ḻengake' neda', na' bi be bena' chégake'.
\q1
\v 4 Ḻa'kze bži'ila' benne' ka', na'a žéchjgekle' neda', na' ẕdíḻ-ḻengake' neda',
\q1 san neda' ẕnnabla' Le' gon chawo'o benne' ka'.
\q1
\v 5 Ḻa'kze bena' neda' da' chawe' chegak benne' ka', žóngake' neda' ẕia.
\q1 Ḻa'kze bži'ila' ḻégake' bi ẕḻé'egekle' neda' chawe'.
\q1
\v 6 Bzoa to benne' wen da' ẕinnj nich wchi'a ḻaže'e benne' ka' bi zej nake' chawe',
\q1 na' ben ga soa to benne' wži'e chégake', bennen' wḻoe'ele' ḻaw ẕia da' zej nbage'e.
\q1
\v 7 Katen' wchi'a ḻaže'e ḻégake', ben ga gak bia' ẕia da' zej nbage'e.
\q1 Bḻoe'el naken doḻa' da' ẕnnábgake' ḻawo' Le'.
\q1
\v 8 Ben ga gakgak nbabze ža sóagake' nbángake',
\q1 na' benn che benne' yoble da' wdápegake'.
\q1
\v 9 Bka'n ẕí'ngake' ka' bi' wzebe ka',
\q1 na' ga'ngak ẕó'legake' no'le wzebe.
\q1
\v 10 Ben ga gakgak ẕí'ngake' ka' benne' ẕdágakze'
\q1 nich nnábgekle' no benne' bi da' gonne' chégake',
\q1 na' ben ga žéḻgake' yet da' gáwgake' zíto'le gan zoa lížgake' da' nbia yin'.
\q1
\v 11 Ben ga cho'o da' nápegake' ḻo na' bennen' bsane' ḻégake' mežw.
\q1 Ben ga yeka'gak benne' zi'to' ka' da' ka' béngake'.
\q1
\v 12 Ben ga bi soa no benne' yeyache' ḻáže'le' ḻégake',
\q1 na' bi soa no benne' yeyache' ḻáže'le' bi' wzebe chégake' ka'.
\q1
\v 13 Ben ga kwia yi'gak ẕa'sógake' ka',
\q1 na' biž soa no ẕa'sógake', bin' labe' kan légake'.
\q1
\v 14 Bejsá' ḻaže' che da' ẕinnj da' bengak x̱a x̱tó'gake', X̱ana' Dios,
\q1 na' bi wsoḻo' doḻa' da' wbága'gak x̱ná'gake'.
\q1
\v 15 Bejsá' ḻáže'teze da' ẕinnj da' béngake',
\q1 san biž chejsá' ḻažo'o benne' ka',
\q1
\v 16 dan' bi bejsá' ḻáže'gake' yeyache' ḻáže'gekle' ljéžgake' ka'.
\q1 Bsáka'gake' benne' yache' ka', na' benne' gax̱jw ka',
\q1 na' benne' ka' wẕáka'gake', na' bétgake' ḻégake'.
\q1
\v 17 Wyáz ḻáže'gake' wnnégake' chegak benách ka'.
\q1 Ben ga nnégak benách ka' chégake'.
\q1 Bi gok ḻáže'gake' nnábgake' gak chawe' chégake'.
\q1 Ben ga bi soa no benne' nnable' gak chawe' chégake'.
\q1
\v 18 Da' ẕia da' žóngake' naken ka to da' žákwgake',
\q1 dan' wyó'on ḻé'egake' ka nis da' wé'jgake',
\q1 na' wyó'on žit chégake' ka set da' bdáwgake'.
\q1
\v 19 Ben ga tá'tezen ḻégake' ka to laže' yicha' da' nákwgake',
\q1 na' ka to x̱páygake' da' nžejen ḻí'agake'.
\b
\q1
\v 20 Da' ni gaken chégake' to da' yebí'i X̱anžo Dios chegak benne' ka' ẕdíḻ-ḻengake' neda',
\q1 na' da' chiẕjwe' benne' ka' ẕnnégake' chia'.
\b
\q1
\v 21 X̱ana' Dios, gokḻen neda' nich gak chia' da' chawe'.
\q1 Beslá neda' dan' žeyache' ḻáže'ḻe'e'lo' benách ka',
\q1
\v 22 na' dan' ẕzáka'ḻi'a, na' žiážjela',
\q1 na' žak zi' ḻáẕda'wa'.
\q1
\v 23 Ẕde chia' kan ẕde che to ẕoḻ kate' žen wbíž.
\q1 Žak chia' kan žak che to biche' zo katen' ẕche' to be' ḻeba'.
\q1
\v 24 Žat ẕiba' dan' žona' wbás,
\q1 na' nžítḻi'a dan' bi be žawa'.
\q1
\v 25 Naka' ka to da' žon dítjgekle'.
\q1 Ẕwíagake' neda', na' ẕta yíchjgake' nich gon dítjgekle' neda'.
\q1
\v 26 Gokḻen neda', X̱ana' Dios.
\q1 Beslá neda' dan' žeyache' ḻáže'lo' benách ka'.
\q1
\v 27 Ben ga gákbe'egekle' Le' žákḻeno' neda',
\q1 na' Le', X̱ana' Dios, benkzo' da' ni.
\q1
\v 28 Bi be žéke'la' cha' ẕnnégake' chia', cha' Le' žon chawo'o neda'.
\q1 Wzó ža', na' ben ga yedoé'egekle benne' ka' bi ẕḻé'egekle' neda' chawe',
\q1 san ben ga yebela' neda', benne' wen žin chio'.
\q1
\v 29 Ben ga yedoé'egekle benne' ka' ẕdíḻ-ḻengake' neda',
\q1 na' ben ga chíx̱gekle' to chi'ize.
\b
\q1
\v 30 Dot ḻaža'a goḻkza' da' we ḻáwḻi'a X̱anžo Dios.
\q1 Wká'n ẕena' Ḻe' ládjwgak benne' zan ka'.
\q1
\v 31 Ḻe' zoe' kwit ḻi ža chegak benne' yache' ka',
\q1 nich yeslé' be' da' zej nakkze' ḻo na'gak benne' ka' ẕchóggake' chégake' gátgake'.
\c 110
\q1
\v 1 X̱anžo Dios gože' X̱ana':
\q1 “Wžé' kwita' ḻi ža gan ži'a neda',
\q1 na' zejte ža gona' ga benne' ka' bi ẕḻé'egekle' Le' chawe' wzóa ẕíbgake' x̱ni'o.”
\b
\q1
\v 2 Gan zo' yež Sión, gonn X̱anžon' yeḻa' wnná bia' chio'.
\q1 Ẕnne': “Wnná bia' benne' ka' ẕdíḻ-ḻengake' Le'.
\q1
\v 3 Ḻo ža kate' wzetjo' benne' ka' bi ẕḻé'egekle' ḻe' chawe',
\q1 dot ḻáže'gak benne' chio' ka' wdé kwíngake' ḻo no'o,
\q1 ka žon x̱le'l zílele, da' žakwn ya'a la'y chia' ka'.
\q1 Kikze yeyák yiz kwide' chio' tža tža.”
\q1
\v 4 Bchebe ḻaže' X̱anžon', na' bi wché'e x̱tiže'e, wnné':
\q1 “To chi'ize nako' bx̱oz kan gok bx̱oz Melkisedek.”
\q1
\v 5 Zoa X̱anžon' kwito' ḻi ža gan zo'.
\q1 Kate' že'e, na' wžía yi'e benne' wnná bia' ka'.
\q1
\v 6 Choge' chegak benne' yógo'te yež ka' gátgake', na' gote' benne' zante yež ka'.
\q1 Wžía yi'e benne' ka' ẕnna biá'gake' do ẕente yežlyó.
\q1
\v 7 Ye'je' nis yégodo' da' zoan žoa'a nez,
\q1 na' yeyák yeḻa' waḻe chie'.
\c 111
\q1
\v 1 Dot ḻaža'a wká'n ẕena' X̱anžo Dios tẕen ḻen benne' chawe' ka',
\q1 benne' zej ndobe' chie' Ḻe'.
\q1
\v 2 Da' ẕenḻe'e zej nak da' ka' ben X̱anžo Dios,
\q1 na' yógo'te benne' ka', benne' žaz ḻáže'gake' da' ka' žone' ẕlab ḻáže'gake' da' ka'.
\q1
\v 3 Yeḻa' baní', na' yeḻa' ẕen zej nžagen da' žone' Ḻe',
\q1 na' to chi'ize zoa da' chawe' chie'.
\q1
\v 4 Žone' ga žejsá' ḻáže'žo yeḻa' wak ẕente da' žone'.
\q1 X̱anžo Dios nake' ẕen ḻaže', na' žeyache' ḻáže'le' benách ka'.
\q1
\v 5 Ẕwawe' benne' ka' ẕžébegake' Ḻe',
\q1 na' to chi'ize žejsá' ḻaže'e diža' da' bénḻene' benách ka'.
\q1
\v 6 Bḻoe'ele' benne' chie' ka' yeḻa' ẕen che da' bene'.
\q1 Ẕneẕjwe' benne' chie' ka' da' zej nape benne' zi'to' ka'.
\q1
\v 7 Ḻi ḻaže', na' chawe' zej nak da' ka' žone'.
\q1 Ḻi ḻaže' zej nak yógo'te da' ka' wnnakze' Ḻe'.
\q1
\v 8 To chi'ize zóatezgak da' ka' bchi'le' žo'o.
\q1 Ḻo da' li, na' ḻo da' ḻi ḻaže' bene' yógo'tegaken.
\q1
\v 9 Bsele'e to benne' weslá nich beslé' benne' chie' ka'.
\q1 To chi'ize bzoa choche' x̱tiže'e da' bénḻene' žo'o.
\q1 Da' ẕen, na' da' ẕžébežo nak La la'y chie'.
\q1
\v 10 Nich so ḻawžo gápežo yeḻa' žejni'ile, žon byene žébežo X̱anžo Dios.
\q1 Žejní'igekle binlo yógo'te benne' ka' žóngake' ka nak da' wnnakze' Ḻe'.
\q1 To chi'ize žaḻa' wká'n ẕenžo Ḻe'.
\c 112
\q1
\v 1 ¡Ga'n ẕen X̱anžo Dios!
\b
\q1 Ba nez ẕen naken che bennen' ẕžebe' X̱anžo Dios,
\q1 na' žaz ḻaže'e gone' da' bchi'le' žo'o.
\q1
\v 2 Ẕa'só bennen' nna biá'gake' yežlyó nga,
\q1 na' gak chawe' chegak benne' chawe' ka'.
\q1
\v 3 Da' zan da' de, na' yeḻa' wnni'a zej yo'on liž bennen'
\q1 na' to chi'ize zoa da' chawe' da' žone'.
\q1
\v 4 Žsa'ní' to yi' ḻo da' choḻ gan zej nnita' benne' ḻi ḻaže' ka',
\q1 benne' ka' zej nake' ẕen ḻaže', na' chawe',
\q1 na' žeyache' ḻáže'gekle' benách ka'.
\q1
\v 5 To benne' chawe' žeyache' ḻáže'le' benách ka', na' žsane' ḻégake' mežw.
\q1 Ḻo da' chawe' ẕkonle' žin da' yo'o ḻo ne'e.
\q1
\v 6 Che ḻen bi be wkwás ḻe' ḻo latje gan zoe',
\q1 na' to chi'ize chejsá' ḻáže'gak benách ka' ḻe'.
\q1
\v 7 Bi žebe' kate' yenle' žak da' bi nak chawe' che da' yo'on ḻo ne'e.
\q1 Ẕga'n choch ḻáẕda'we' dan' žx̱en ḻaže'e X̱anžo Dios.
\q1
\v 8 Zoa chawe' ḻáẕda'we', na' bi be ẕžebe'
\q1 na' zejte ža ḻe'ele' gak kan žak ḻaže'e chegak benne' ka' bi ẕḻé'egekle' ḻe' chawe'.
\q1
\v 9 Ẕchise' da' nape', na' ẕneẕjwe' da' gákḻenen benne' yache' ka',
\q1 na' to chi'ize zoa da' chawe' da' žone'.
\q1 Ga'n ẕen yeḻa' wnná bia' chie'.
\q1
\v 10 Ḻe'el benne' wen da' ẕinnj da' ni na' ge'ele ḻe'.
\q1 Gáwya'ate laye'e, na' kwe' zedle'.
\q1 Nitle da' ẕze ḻáže'gak benne' wen da' ẕinnj ka'.
\c 113
\q1
\v 1 ¡Ga'n ẕen X̱anžo Dios!
\q2 Ḻe'e, wen žin chie', ¡le wká'n ẕen La la'y chie'!
\q1
\v 2 ¡Ga'n ẕen La la'y che X̱anžo Dios, na'a ža, na' to chi'ize!
\q1
\v 3 ¡Ga'n ẕen La la'y che X̱anžo Dios, gan ẕḻa' wbíž ga žinte gan ženen!
\q1
\v 4 ¡Ga'n ẕen X̱anžo Dios ḻawle yógo'te yež ka', na' ḻawle ya'abá že' yeḻa' ẕen chie'!
\b
\q1
\v 5 ¿Noẕkze benne' nake' ẕen ka nak X̱anžo Dios,
\q1 Bennen' ẕnna bi'e ya'abá na'le?
\q1
\v 6 Dios žon kwine' gax̱jw ḻaže' nich gak ḻe'ele'
\q1 da' de ẕan ya'abá, na' ḻo yežlyó.
\q1
\v 7 Dios žechise' benne' yache' ḻo bix̱te yo,
\q1 na' žebeje' benne' nyache' ḻaže' ḻo da' ẕzáka'ḻi'e,
\q1
\v 8 na' žone' ga že'gak benne' ki ladjw benne' blo ka',
\q1 benne' ka' ẕnna biá'gake' benne' chie' ka'.
\q1
\v 9 Žone' ga zoa no'le wbíž ládjwgak x̱kwide' chekze' ka'.
\q1 Žebele no'len' dan' nake' x̱na'gak x̱kwide' chie' ka'.
\b
\q2 ¡Ga'n ẕen X̱anžo Dios!
\c 114
\q1
\v 1 Kate' bžojgak benne' Israel ka' ḻo yežlyó Egipto,
\q1 bžojgak ẕa'só Jakob ḻo yežlyó chegak benne' zi'to' ka'
\q1
\v 2 na' gokgak ẕa'só Judá ka to yo'o gan ẕbez Dios,
\q1 na' gokgak benne' Israel ka' gan ẕnna bi'e.
\q1
\v 3 Bḻe'el Nisdo' X̱na da' ni, na' bẕonnjen,
\q1 na' wdé x̱kože'l yegw Jordán.
\q1
\v 4 Wx̱íte'gak ya'a ẕen ka' kan žx̱íte'gak chib ka',
\q1 na' wx̱íte'gak ya'ado' ka' kan žx̱íte'gak chibdo' ka'.
\q1
\v 5 ¿Biẕ gok chio', nisdon', dan' bẕonnjo'?
\q1 ¿Biẕ gok chio', yegw Jordán, dan' wdío' x̱kože'l?
\q1
\v 6 Ḻe'e, ya'a ẕen ka', ¿biẕ chen' wx̱íte'le ka žx̱íte'gak chib ka'?
\q1 Ḻe'e, ya'ado' ka', ¿biẕ chen' wx̱íte'le kan žx̱íte'gak chibdo' ka'?
\q1
\v 7 Žẕo' yežlyó ḻaw X̱anžo Dios, ḻaw Dios na' che Jakob.
\q1
\v 8 Dios na'kze bene' ga beyák yej x̱en' to bej nis,
\q1 na' bene' ga beyák yej to gan žaḻ nis.
\c 115
\q1
\v 1 Kege kwinto', X̱anto' Dios, kege kwinto', san Le'
\q1 žaḻa' wká'n ẕento' ni'a che yeḻa' ži'i ḻaže' chio', na' yeḻa' ḻi ḻaže' chio'.
\b
\q1
\v 2 ¿Biẕ chen' ẕnnábgekle benne' zi'to' ka' neto'?
\q1 Ẕnnágake': “¿Gaẕ zoa Dios chele?”
\q1
\v 3 Dios chežo zoe' ya'abá.
\q1 Žone' da' žaz ḻáže'kze' gone'.
\q1
\v 4 Dios ka' chegak benne' zi'to' ka'
\q1 zej naken lo'a ka' da' zej naken plat, na' oro,
\q1 da' ka' nongak ḻo na'gak benne' ka'.
\q1
\v 5 Zoa žoá'agaken, san bi ẕnnégaken.
\q1 Zoa yej ḻáwgaken, san bi ẕḻé'egeklen.
\q1
\v 6 Zoa nággaken, san bi žéngeklen.
\q1 Zoa ẕína'gaken, san bi ẕḻé'egeklen.
\q1
\v 7 Zoa ná'gaken, san bi be ẕtágaken.
\q1 Zoa ní'agaken, san bi ẕdágaken.
\q1 Bi ẕžoj chí'igaken lbá'gaken.
\q1
\v 8 Kan zej naken, nakgak benne' ka' béngake' lo'a ka',
\q1 na' ḻezka' benne' ka' žx̱en ḻáže'gake' ḻégaken.
\q1
\v 9 Le wx̱én ḻaže' X̱anžon', ḻe'e, benne' Israel ka'.
\q1 Ḻe' žákḻene' ḻe'e, na' žape chi'e ḻe'e.
\q1
\v 10 Le wx̱én ḻaže' X̱anžon', ḻe'e, bx̱oz ka' che Dios, ḻe'e nakle ẕa'só Aarón.
\q1 Ḻe' žákḻene' ḻe'e, na' žape chi'e ḻe'e.
\q1
\v 11 Le wx̱én ḻaže' X̱anžon', nole ḻe'e ẕka'n ẕenle Ḻe'.
\q1 Ḻe' žákḻene' ḻe'e, na' žape chi'e ḻe'e.
\q1
\v 12 X̱anžon' žejsá' ḻaže'e žo'o, na' gon chawe'e žo'o.
\q1 Gon chawe'e benne' Israel ka'.
\q1 Gon chawe'e bx̱oz chie' ka' zej nake' ẕa'só Aarón.
\q1
\v 13 Gon chawe'e benne' ka' žápegake' Ḻe' ba la'ne,
\q1 benne' blo ka', na' benne' gax̱jw ḻaže' ka'.
\q1
\v 14 Gon X̱anžon' ga changak ẕi'nle ka',
\q1 na' changak ẕi'ngak x̱kwide' byo chele ka'.
\q1
\v 15 X̱anžon' gon chawe'e ḻe'e.
\q1 Benkze' Ḻe' ya'abá, na' yežlyó nga.
\q1
\v 16 Che toze X̱anžon' nak ya'abá,
\q1 san bneẕjwe' benne' ka' yežlyó nga.
\q1
\v 17 Benne' gat ka' bi gak we ḻáwgake' X̱anžon',
\q1 na' bi gak benne' ka' zej die' yežw ba,
\q1
\v 18 san žo'o, benne' ban ka', wká'n ẕenžo X̱anžon', na'a ža, na' to chi'ize.
\b
\q2 ¡Le wká'n ẕen X̱anžon'! ¡Ga'n ẕen Ḻe'!
\c 116
\q1
\v 1 Nži'ila' X̱anžo Dios dan' benle' chi'a,
\q1 na' dan' wnnabla' Ḻe'.
\q1
\v 2 Dan' bze nage' chia',
\q1 che ḻen wḻiža' Ḻe' x̱ak zoa' nbana'.
\q1
\v 3 Wžé' zedla' ni'a che yeḻa' got,
\q1 na' wžeba' zoa' choa'a ḻo yi' gabíl.
\q1 Wžé' zedla', na' wẕáka'ḻi'a.
\q1
\v 4 Naž bḻiža' X̱anžo Dios, na' wnnía':
\q1 “X̱ana' Dios, beslá be' da' nakkza'.”
\q1
\v 5 X̱anžo Dios nake' chawe', na' ži'i ḻaže'.
\q1 O', Dios chežo žeyache' ḻáže'le' žo'o.
\q1
\v 6 Žape chi'ikze X̱anžon' benne' gax̱jw ḻaže' ka'.
\q1 Katen' wžé' zedla' beslé' neda'.
\q1
\v 7 Ḻe' ben choche' neda', na' na'a zoa' chawe',
\q1 dan' X̱anžon' žon chawe'e neda'.
\b
\q1
\v 8 Le', X̱ana' Dios, besló' neda' ḻo na' yeḻa' got,
\q1 nich biž kweže we'a, na' nich bi chejchégoa'a.
\b
\q1
\v 9 Gona' da' ye' X̱anžo Dios neda'
\q1 gan zej nnita' benne' ka' zej zoe' nbángake'.
\q1
\v 10 Bejḻi'a chie', na' bchaḻja' chie' ḻa'kze wẕáka'ḻi'a,
\q1
\v 11 na' ḻo yeḻa' ẕžebe chia', wnnía':
\q1 “Zej nak yógo'te benne' ka' benne' wen ḻaže' ka'.”
\q1
\v 12 ¿Biẕkze gak yebi'ikza' che X̱anžo Dios
\q1 ni'a che yógo'te da' chawe' da' bene' chia'?
\q1
\v 13 Si'a ḻo ne'e Ḻe' yeḻa' weslá,
\q1 na' wḻiža' La la'y che X̱anžo Dios.
\b
\q1
\v 14 Na'a gona' da' ka' wchebe ḻaža'a ḻaw X̱anžon'.
\q2 Gonan' ḻawgak yógo'te benne' chie' ka'.
\b
\q1
\v 15 X̱anžo Dios ži'e wnné yoe
\q1 ni'a chegak benne' chie' ka' dan' žátgake'.
\b
\q1
\v 16 X̱ana' Dios, da' li naka' wen žin chio'.
\q1 Naka' wen žin chio', na' ẕi'n no'le wen žin chio'.
\q1 Le' bzoẕjo' da' bžejen neda'.
\q1
\v 17 Da' wká'n ẕena' Le' gaken ka to biado' da' gota' ḻawo' Le',
\q1 na' wká'n ẕena' La la'y chio' Le', X̱ana' Dios.
\b
\q1
\v 18 Ḻaw X̱anžo Dios gona' da' ka' bchebe ḻaža'a chie'.
\q2 Gonan' ḻawgak yógo'te benne' chie' ka'.
\b
\q1
\v 19 Gonan' ḻa' ḻi'a liž X̱anžo Dios
\q1 dan' žen' ḻo yež Jerusalén.
\b
\q2 ¡Ga'n ẕen X̱anžo Dios!
\c 117
\q1
\v 1 ¡Le wká'n ẕen X̱anžo Dios, ḻe'e, benách yež ka'!
\q2 ¡Le wká'n ẕene' Ḻe', ḻe'e, yógo'te benách ka'!
\b
\q1
\v 2 Ẕente nak yeḻa' ži'i ḻaže' chie', na' kan nži'ile' žo'o, na' to chi'ize zoa yeḻa' ḻi ḻaže' chie'.
\b
\q2 ¡Le wká'n ẕen X̱anžon'! ¡Ga'n ẕen Ḻe'!
\c 118
\q1
\v 1 ¡Le wká'n ẕen X̱anžo Dios dan' nake' chawe',
\q2 na' dan' to chi'ize žeyache' ḻáže'le' žo'o!
\b
\q1
\v 2 Žaḻa' nnagak benne' Israel ka':
\q1 “¡To chi'ize žeyache' ḻáže'le' žo'o!”
\q1
\v 3 Žaḻa' nnagak ẕa'só Aarón ka':
\q1 “¡To chi'ize žeyache' ḻáže'le' žo'o!”
\q1
\v 4 Žaḻa' nnagak benne' ka' ẕžébegake' X̱anžo Dios:
\q1 “¡To chi'ize žeyache' ḻáže'le' žo'o!”
\q1
\v 5 Katen' wžé' zedla' bḻiža' X̱anžo Dios.
\q1 Bechebe X̱anžon', na' beslé' neda' ḻo dan' bex̱wn neda'.
\q1
\v 6 Zoaḻen X̱anžon' neda', na' batkle žeba'
\q1 bi da' gongak benne' ka' chia' neda'.
\q1
\v 7 Zoaḻen X̱anžon' neda', na' Ḻekze' žákḻene' neda'.
\q1 Che ḻen ḻe'ela' chejchégwgak benne' ka' ẕdíḻ-ḻengake' neda'.
\q1
\v 8 Chawe' nak wx̱én ḻáže'žo X̱anžo Dios,
\q1 na' kege wx̱én ḻáže'žo benne' ka'.
\q1
\v 9 Chawe' nak wx̱én ḻáže'žo X̱anžo Dios,
\q1 na' kege wx̱én ḻáže'žo benne' wnná bia' ka'.
\q1
\v 10 Byéchjgekle benne' yógo'te yež ka' neda',
\q1 san ḻo La la'y che X̱anžo Dios bžia yi'a benne' ka'.
\q1
\v 11 Byéchjgekle' neda', na' bséjwgake' neda' le'jle,
\q1 san ḻo La la'y che X̱anžo Dios bžia yi'a benne' ka'.
\q1
\v 12 Byéchjgekle' neda' ka žongak bzoje ka',
\q1 na' gok yeḻa' ẕža'a chégake' ka to yi' da' ẕzeyen yix̱e' yeche' biž,
\q1 san ḻo La la'y che X̱anžo Dios bžia yi'a benne' ka'.
\q1
\v 13 Bžíga'gake' neda' nich chejchégoa'a
\q1 san gokḻen X̱anžo Dios neda'.
\q1
\v 14 Nak X̱anžo Dios ka to yo'o gan zoa chawa'a,
\q1 na' góḻteza' chie' Ḻe', dan' Ḻekze' žeslé' neda'.
\q1
\v 15 Žoḻgak benne' chawe' ka' ḻo yeḻa' žebele chégake' dan' žeslá X̱anžon' ḻégake'.
\q1 Ḻen yeḻa' wak ẕen žon X̱anžo Dios da' ẕente ka'.
\q1
\v 16 Ẕente nak yeḻa' wak che X̱anžo Dios.
\q1 Da' ẕente ka' žon yeḻa' wak ẕen che X̱anžon'.
\q1
\v 17 Bi gata', san soa' nbana',
\q1 na' wzenla' benne' ka' ka zej nak da' ka' ben X̱anžon'.
\q1
\v 18 Bsaka' zi'ḻe'e X̱anžon' neda',
\q1 san bi bdie' neda' ḻo na' yeḻa' got.
\q1
\v 19 Bsaljw gan cho'ogak benách ka' yodo' che X̱anžo Dios,
\q1 na' choa'a ga na', na' wká'n ẕena' X̱ana' Dios.
\q1
\v 20 Zoa nga gan žo'ožo ḻaw X̱anžo Dios,
\q1 na' žo'ogak benne' chawe' ka' nga.
\b
\q1
\v 21 Wká'n ẕena' Le', X̱ana' Dios, dan' benlo' chia',
\q1 na' besló' neda' ḻo dan' goken chia'.
\q1
\v 22 Yej na' da' bzoagak benne' wen yo'o ka' cheḻa'ale,
\q1 beno' Le' ga naken yej blo.
\b
\q1
\v 23 Da' ni benkze X̱anžon', na' žonen ga žebanlžo.
\b
\q1
\v 24 Ža ni naken ža da' ben X̱anžon'.
\q2 Yebéḻe'elžo, na' soažo ḻo yeḻa' ba nez ḻo ža ni.
\b
\q1
\v 25 X̱anto' Dios, žáta'yoela' Le' yesló' neto' na'a.
\q1 Žáta'yoela' Le', X̱anto', gon chawo'o neto'.
\b
\q1
\v 26 ¡Ga'n ẕen bennen' ze'e ḻo wláz X̱anžo Dios!
\q2 Ḻo liž X̱anžo Dios ẕnnablto' Ḻe' gon chawe'e ḻe'e.
\b
\q1
\v 27 X̱anžon' nakkze' Dios, na' ba bsa'ni'e žo'o.
\q1 Le wchéj biado' ka' gótele ḻawe' Ḻe' ḻawgak loz bkog la'y.
\b
\q1
\v 28 Nako' Le' Dios chia', na' wká'n ẕena' Le'.
\q2 X̱ana' Dios, žoe ḻawa' Le'.
\b
\q1
\v 29 ¡Le wká'n ẕen X̱anžo Dios dan' nake' chawe',
\q1 na' dan' to chi'ize žeyache' ḻáže'le' žo'o!
\c 119
\s1 Da' žon da' bchi'le X̱anžo žo'o
\q1
\v 1 Ba nez ẕen naken chegak benne' ka' žóntezgake' da' naken dot da' li,
\q1 benne' ka' žóntezgake' ka ẕnna da' wnná X̱anžo Dios.
\q1
\v 2 Ba nez ẕen naken chegak benne' ka' žóntezgake' ka žsedle diža' chie' žo'o,
\q1 na' dot yichj ḻáẕdo'gake' žóngake' kan ẕnnan.
\q1
\v 3 Benne' ki batkle žóngake' da' ẕinnj,
\q1 benne' ka' žóntezgake' ka ẕnna Dios žaḻa' góngake'.
\q1
\v 4 Le', X̱anto' Dios, bzejni'ilo' neto',
\q1 nich bento' dot kan zej nak da' ka' wnnakzo' Le'.
\q1
\v 5 Žak ḻáže'ḻi'a gónteza' kakze ẕnna x̱tižo'o,
\q1
\v 6 na' batkle yedoe'ela',
\q1 cha' kwi'a wnné yoe gona' ka nak da' wnnakzo' Le'.
\q1
\v 7 Ḻo yeḻa' ḻi ḻaže' chia' wká'n ẕena' Le'
\q1 kate' ba bsedla' da' bchi'a ḻažo'o, da' naken chawe'.
\q1
\v 8 Gónteza' ka nak da' ka' ẕchi'lo' neto',
\q1 na' batkle kwej yichjo' neda'.
\s1 Žaḻa' gonžo da' wnnakze Dios
\q1
\v 9 ¿Nakx̱ gak gon to benne' kwide' da' naken chawe'?
\q1 Žaḻa' góntezbe' ka ẕnna x̱tižo'o.
\q1
\v 10 Dot ḻaža'a žon byena' gona' da' ẕnnakzo' Le'.
\q1 Bi go'o latje wzóa' cheḻa'ale dan' wnnó'.
\q1
\v 11 Ḻo yichj ḻáẕda'wa' žónteza' ka nak da' ẕnno' Le'
\q1 nich bi gona' doḻa', na' bi wži'a chio' Le'.
\q1
\v 12 La'y nako' Le', X̱ana' Dios.
\q1 Bsedle neda' da' ẕchi'lo' neto'.
\q1
\v 13 Ḻen žoá'akza' bzenla' benne' ka'
\q1 ka nak da' bchi'a ḻažo'o.
\q1
\v 14 Žebéḻe'ežela' žónteza' ka žsedle diža' chio' neto',
\q1 ka ẕbégekle benne' ka' zej nápḻi'e yeḻa' wnni'a.
\q1
\v 15 Wláb ḻaža'a ka nak da' wnnakzo' Le',
\q1 na' wsedla' binlo da' ẕnno' žaḻa' gonto'.
\q1
\v 16 Yebéḻe'ela' gona' ka nak da' ži'o neto',
\q1 na' bi gaḻ ḻaža'a kan ẕnna x̱tižo'o.
\s1 Žebelžo žonžo ka ẕnnakze Dios
\q1
\v 17 Ben chawe' neda', wen žin chio', na' soa' nbana',
\q1 na' gónteza' ka ẕnna x̱tižo'o.
\q1
\v 18 Bsaljw yej ḻawa' nich ḻe'ela'
\q1 da' ẕente da' nyejwn ḻo da' wnnakzo' Le'.
\q1
\v 19 Naka' ka to benne' ẕdaze' ḻo yežlyó nga.
\q1 Bzejní'il neda' da' ẕchi'lo' neto'.
\q1
\v 20 Žedó ḻaža'a dan' dot ḻaža'a
\q1 žak ḻaža'a gónteza' da' ẕchi'a ḻažo'o.
\q1
\v 21 Ẕdiḻo' benne' ka' ẕka'n ẕen kwíngake', benne' wen da' ẕinnj ka',
\q1 benne' ka' ẕzóagake' cheḻa'ale da' wnnakzo' Le'.
\q1
\v 22 Bi go'o latje no benne' nne zi'e chia', na' wka'ne' neda' ka'ze,
\q1 dan' žónteza' ka žsedlo' neto'.
\q1
\v 23 Ḻezka' benne' wnná bia' ka' wnnégake' chia',
\q1 san neda', wen žin chio', ẕlab ḻaža'a ka nak x̱tižo'o.
\q1
\v 24 Da' žaz ḻaža'a naken da' žsedle diža' chio' neto',
\q1 na' ẕzejni'ilen neda'.
\s1 Dot ḻáže'žo gonžo da' ẕnnakze Dios
\q1
\v 25 Že' be' da' nakkza' zedle dan' zoa' gata'.
\q1 Bzoa choch yichj ḻáẕda'wa' ḻen x̱tižo'o.
\q1
\v 26 Bḻoe'ela' Le' da' žona', na' bezi'o neda'.
\q1 Bsedle neda' da' ẕnna x̱tižo'o.
\q1
\v 27 Bzejní'il neda' nich gak gona' da' ẕchi'lo' neto',
\q1 nich wláb ḻaža'a ka zej nak da' ẕente ka' da' beno'.
\q1
\v 28 Žedó ḻaža'a dan' žak nyache' ḻaža'a.
\q1 Ben choch neda' ḻen x̱tižo'o.
\q1
\v 29 Bi go'o latje gaka' benne' wen ḻaže',
\q1 na' ḻo yeḻa' žeyache' ḻaže' chio' bsedle neda' da' wnnakzo' Le'.
\q1
\v 30 Ben byena' gona' da' naken dot da' li,
\q1 na' ži'a wnné yoe gona' da' bchi'a ḻažo'o.
\q1
\v 31 Žónteza' ka žsedle diža' chio' neto'.
\q1 X̱ana' Dios, bi go'o latje yedoe'ela'.
\q1
\v 32 Gónteza' ka zej nak da' ka' wnnakzo' Le',
\q1 kate' wzejní'iželo' neda'.
\s1 Žénelžo chejni'ilžo x̱tiža' Dios
\q1
\v 33 X̱ana' Dios, bsedle neda' nich gona' ka ẕnna x̱tižo'o,
\q1 na' gónteza' ka naken na' zejte ža gata'.
\q1
\v 34 Bzejní'il neda', na' gónteza' da' bchi'lo' neto',
\q1 na' dot ḻaža'a gona' ka ẕnnan.
\q1
\v 35 Bḻoe'el neda' nich gona' da' wnnakzo' Le',
\q1 dan' žak ḻáže'kza' gona' ka naken.
\q1
\v 36 Ben ga chaz ḻaža'a gona' ka žsedle diža' chio' neto',
\q1 nich bi dan ḻaža'a yeḻa' gape.
\q1
\v 37 Bi go'o latje wká'n ẕena' lo'a ka'.
\q1 Ben choch yichj ḻáẕda'wa' nich gona' ka ẕnna x̱tižo'o.
\q1
\v 38 Ben ka ẕnna x̱tižo'o da' bchebe ḻažo'o chia' neda',
\q1 wen žin chio', nich žeba' Le'.
\q1
\v 39 Bde cheḻa'ale da' ẕnnégake' chia', dan' ẕžeba',
\q1 dan' chawe' zej nak x̱tižo'o ka'.
\q1
\v 40 Žak ḻaža'a gona' da' bchi'lo' Le' neto'.
\q1 Ben choch yichj ḻáẕda'wa' ḻen da' chawe' chio'.
\s1 Žx̱en láže'žo x̱tiža' Dios
\q1
\v 41 Da, yeyache' ḻáže'lo' neda', X̱ana' Dios.
\q1 Da, yesló' neda', ka bchebe ḻažo'o gono'.
\q1
\v 42 Žecheba' ḻaw bennen' ẕka'ne' neda' ka'ze, ẕnnia':
\q1 “Žx̱en ḻaža'a x̱tižo'o, X̱ana' Dios.”
\q1
\v 43 Ben ga sóateza' wchaḻja' diža' da' li chio',
\q1 dan' žx̱en ḻaža'a da' ẕchi'a ḻažo'o.
\q1
\v 44 Gónteza' kan ẕnna da' wnnakzo' Le'.
\q1 To chi'ize góntezan'.
\q1
\v 45 Lakza' neda' dan' ži'a wnné yoe
\q1 gónteza' da' wnnakzo' Le'.
\q1
\v 46 Wchaḻjkza' diža' chio' ḻawgak benne' wnná bia' ka',
\q1 na' batkle yedoe'ela'.
\q1
\v 47 Yebéḻe'ekzla' gona' da' wnnakzo' Le',
\q1 dan' nží'iḻe'elan'.
\q1
\v 48 Žechebe ḻaža'a gona' da' bchi'lo' neto',
\q1 dan' nži'ila', na' wláb ḻaža'a ka ẕnna x̱tižo'o.
\s1 Zoakze x̱tiža' Dios
\q1
\v 49 Bejsá' ḻaže' da' wchebe ḻažo'o chia' neda',
\q1 wen žin chio', dan' žx̱en ḻaža'an.
\q1
\v 50 Katen' wẕáka'ḻi'a, wzóa to da' beyón ẕenen neda',
\q1 dan' ben choch x̱tižo'o yichj ḻáẕda'wa'.
\q1
\v 51 Benne' ka' ẕka'n ẕen kwíngake' ẕnnégake' chia',
\q1 san batkle wsana' da' wnnakzo' Le'.
\q1
\v 52 Chejsá' ḻaža'a ka nak da' bchi'a ḻažo'o ža ni'te,
\q1 dan' žeyón ẕenen neda', X̱ana' Dios.
\q1
\v 53 Ẕža'a neda', na že' zedla' ni'a chegak benne' ka' žóngake' da' ẕinnj,
\q1 benne' ka' ẕzóagake' cheḻa'ale da' wnnakzo' Le'.
\q1
\v 54 X̱tižo'o naken to da' žoḻa'
\q1 kate' ne zoa' to yežlyó da' žen' zi'to' ga zoa laža'.
\q1
\v 55 Žel chejsá' ḻaža'a La la'y chio', X̱ana' Dios,
\q1 na' gónteza' ka ẕnna da' wnnakzo' Le'.
\q1
\v 56 Gaken yeḻa' ba nez ẕen chia'
\q1 dan' gónteza' da' bchi'lo' Le' neto'.
\s1 Ẕdan ḻáže'žo x̱tiža' X̱anžo
\q1
\v 57 Da' ẕdan ḻaža'a nakkzo' Le', X̱ana' Dios.
\q1 Wnnakza' gónteza' ka ẕnna x̱tižo'o.
\q1
\v 58 Dot ḻaža'a ẕnnabla' Le' yido' gákḻeno' neda'.
\q1 Beyache' ḻaže'l neda' kan wnnakzo' gono'.
\q1
\v 59 Bwia' binlo ka zej nak da' ka' bena',
\q1 na' da' yoble žona' ka žsedle diža' chio' neto'.
\q1
\v 60 Ben byena', na' bi wžeḻ-la'
\q1 gónteza' ka nak da' wnnakzo' Le'.
\q1
\v 61 Do yeḻj chegak benne' wen da' ẕinnj ka' nžejen neda',
\q1 san bi na' gaḻ ḻaža'a ka ẕnna da' bchi'lo' neto'.
\q1
\v 62 Žel žeyasa' na' ẕka'n ẕena' Le'
\q1 dan' chawe' nak da' ẕchi'a ḻažo'o.
\q1
\v 63 Naka' toze ḻen yógo'te benne' ka' ẕžébegake' Le',
\q1 benne' ka' žóntezgake' ka nak da' wnnakzo' Le'.
\q1
\v 64 X̱ana' Dios, nža' yežlyó yeḻa' žeyache' ḻaže' chio'.
\q1 Bsedle neda' gona' ka ẕnna x̱tižo'o.
\s1 Da' zaka' da' wnnakze Dios
\q1
\v 65 Žon chawo'o neda', wen žin chio'.
\q1 X̱ana' Dios, žonon' ka ẕnnakze x̱tižo'o.
\q1
\v 66 Bsedle neda' da' nak chawe' nich chejni'ilan',
\q1 dan' žejḻi'a da' wnnakzo' Le'.
\q1
\v 67 Néžwte ka bzex̱jo' neda' wdía' cheḻa'ale,
\q1 san na'a žónteza' ka ẕnna x̱tižo'o.
\q1
\v 68 Nako' chawe', na' ẕnno' gon chawo'o neto'.
\q1 Bsedle neda' nich gona' ka ẕnna x̱tižo'o.
\q1
\v 69 Benne' ka' ẕka'n ẕen kwíngake' wnnégake' chia' da' wen ḻaže',
\q1 san dot ḻaža'a gónteza' da' bchi'lo' neto'.
\q1
\v 70 Bi yo'o yeḻa' žejní'il ḻo ḻáẕdo'gak benne' ka'
\q1 san neda' žaz ḻaža'a gona' da' wnnakzo' Le'.
\q1
\v 71 Chawe' nak bzex̱jo' neda',
\q1 nich wsedla' gona' ka ẕnna x̱tižo'o.
\q1
\v 72 Nákḻe'eže chawe' da' bchi'lo' neda',
\q1 ka zante mil mežw oro, na' plat.
\s1 Nak chawe' da' wnnakze Dios
\q1
\v 73 Ḻen na'kzo' beno' neda' káteze naka'.
\q1 Bzejní'il neda' nich wsedla' gona' da' wnnakzo' Le'.
\q1
\v 74 Benne' ka' ẕžébegake' Le' ḻé'egekle' neda',
\q1 na' yebégekle' dan' žx̱en ḻaža'a gak kan ẕnna x̱tižo'o.
\q1
\v 75 X̱ana' Dios, nnezla' nak chawe' kan ẕchi'a ḻažo'o,
\q1 na' ḻo yeḻa' ḻi ḻaže' chio' bsaka' zi'o neda'.
\q1
\v 76 Na'a ḻo yeḻa' žeyache' ḻaže' chio' beyón ẕen neda'
\q1 káteze nak da' bchebe ḻažo'o gono' chia' neda', wen žin chio'.
\q1
\v 77 Beyache' ḻaže'l neda' nich soa' nbana'
\q1 dan' žaz ḻaža'a gona' da' wnnakzo' Le'.
\q1
\v 78 Ben ga yedoé'egekle benne' ka' ẕka'n ẕen kwíngake',
\q1 dan' ẕnnégake' chia', na' bi be bena' chégake',
\q1 san neda' wláb ḻaža'a ka nak da' bchi'lo' Le' neto'.
\q1
\v 79 Ben ga ḻa'gak benne' ka' ẕžébegake' Le', nich yéngekle' chia',
\q1 na' wsédgekle' da' žsedle diža' chio' neto'.
\q1
\v 80 Ben ga gona' dot ḻaža'a ka ẕnna x̱tižo'o,
\q1 nich batkle yedoe'ela'.
\s1 Gon Dios kan ẕnna x̱tiže'e
\q1
\v 81 Že' zedle be' da' nakkza' dan' ẕbeza' ža yido' yesló' neda'.
\q1 Žx̱en ḻaža'a gaken kan ẕnna x̱tižo'o.
\q1
\v 82 Že' bxin yej ḻawa' dan' žénela' yenla' da' nno',
\q1 na' ẕnnia': ¿Batx̱kze yeyón ẕeno' neda'?
\q1
\v 83 Ẕbiža' ka to že'e yid dan' naḻan' ḻaw yi',
\q1 san bi na' gaḻ ḻaža'a gona' ka ẕnna x̱tižo'o.
\q1
\v 84 ¿Balx̱ ža soa' nbana' neda', wen žin chio'?
\q1 ¿Batx̱kze gono' zi' benne' ka' ẕbia ḻáže'gake' neda'?
\q1
\v 85 Benne' ka' ẕka'n ẕen kwíngake' bché'ngake' to yežw gan chejbix̱a' neda'.
\q1 Batkle žóngake' ka ẕnna dan' wnnakzo' Le'.
\q1
\v 86 Yógo'te da' bchi'lo' Le' neto' naken dot da' li.
\q1 Gokḻen neda' dan' ẕbia ḻáže'gake' neda', na' bi be bena' chégake'.
\q1
\v 87 Yeláte'ze bétgake' neda',
\q1 san bi na' wsana' gona' da' wnnakzo' Le'.
\q1
\v 88 Ḻo yeḻa' žeyache' ḻaže' chio' ben choch yichj ḻáẕda'wa',
\q1 nich gónteza' ka žsedle diža' chio' neto'.
\s1 Žejḻe'žo x̱tiža' X̱anžo
\q1
\v 89 X̱ana' Dios, to chi'ize zoa x̱tižo'o ya'abá na'le.
\q1
\v 90 Yeḻa' ḻi ḻaže' chio' žinen chegak yógo'te kwe' benách ka'.
\q1 Le' bzoa chochkzo' yežlyó, na' zoakzen.
\q1
\v 91 Ni'a che da' wnnakzo' zej nnita' yógo'te da' zej de,
\q1 na' yógo'ten žóngaken žin chio'.
\q1
\v 92 Chela' bi wyáz ḻaža'a da' wnnakzo' Le'
\q1 bache wnitla' ni'a che da' wẕáka'ḻi'a.
\q1
\v 93 Batkle gaḻ ḻaža'a da' bchi'lo' neto',
\q1 dan' ni'a chen ba ben chocho' neda'.
\q1
\v 94 Beslá neda' dan' naka' neda' chio' Le'
\q1 na' žon byena' gona' kan ẕnna x̱tižo'o.
\q1
\v 95 Benne' wen da' ẕinnj ka' bwíagake' neda' nich gak wžía yí'gake' neda',
\q1 san neda' ẕlab ḻaža'a da' žsedle diža' chio' neto'.
\q1
\v 96 Ba bḻe'ekzla' ẕde chegak yógo'te da' zej de yežlyó,
\q1 san da' ka' wnnakzo' Le' batkle te chégaken.
\s1 Nži'ilžo x̱tiža' X̱anžo
\q1
\v 97 Dios, nží'iḻe'ela' da' žsedlo' neto'.
\q1 Dot ža ẕlab ḻaža'a ka ẕnnan.
\q1
\v 98 Ni'a che da' bchi'lo' neto', beno' ga žejní'ižela' ka benne' ka' ẕžá'agake' neda'
\q1 dan' zóaḻenteze da' wnnakzo' neda'.
\q1
\v 99 Žejní'ižela' ka benne' ka' žsédgekle' neda'
\q1 dan' ẕlab ḻaža'a da' žsedle diža' chio' neda'.
\q1
\v 100 Ba žejní'ižela' ka benne' gole ka'
\q1 dan' žónteza' ka ẕnna da' bchi'lo' Le' neto'.
\q1
\v 101 Ben byena' bi be gona' da' bi nak chawe',
\q1 nich gónteza' ka ẕnna x̱tižo'o.
\q1
\v 102 Bi bsana' žona' kan bchi'a ḻažo'o
\q1 dan' bsedlo' Le' neda'.
\q1
\v 103 X̱tižo'o naken ka to da' ẕix̱ḻe'e ḻo žoa'a.
\q1 Nakžen ẕix̱ ka nak da' ẕix̱ che bez ḻo žoa'a.
\q1
\v 104 Ni'a che da' wnnakzo' Le' naka' benne' sina'.
\q1 Che ḻen bi ẕḻe'ela' chawe' yógo'te da' wen ḻaže'.
\s1 X̱tiža' Dios žsa'ní' žo'o
\q1
\v 105 Ka to yi' nak x̱tižo'o gan ẕda',
\q1 dan' žsa'nín' nez da' ẕzá'ḻena'.
\q1
\v 106 Bzetja' La la'y chio', Dios, na' bchebe ḻaža'a
\q1 gónteza' ka bchi'a ḻažo'o da' naken chawe'.
\q1
\v 107 X̱ana' Dios, ẕzáka'ḻi'a.
\q1 Ben choch neda' káteze bchebe ḻažo'o gono'.
\q1
\v 108 X̱ana' Dios, žáta'yoela' Le' si'o da' žoe ḻawa' Le'.
\q1 Bsedle neda' gona' ka bchi'a ḻažo'o.
\q1
\v 109 Že' zédtezla' dan' zoa' gata',
\q1 na' bi na' gaḻ ḻaža'a gona' da' wnnakzo' Le'.
\q1
\v 110 Benne' wen da' ẕinnj ka' bzáljgake' do yeḻj nich senen neda',
\q1 san neda' bi bsana' žona' da' bchi'lo' Le' neto'.
\q1
\v 111 Ba wžía' da' žsedle x̱tižo'o neda' nich gaken da' gápekza' to chi'ize,
\q1 dan' nak x̱tižo'o da' ẕdan ḻáže'ḻi'a.
\q1
\v 112 Zoakze ḻáẕda'wa' gónteza' ka ẕnna x̱tižo'o
\q1 na' zejte ža gata'.
\s1 Ẕga'nžo chawe' ni'a che x̱tiža' X̱anžo
\q1
\v 113 Bi ẕḻe'ela' chawe' benne' ka' ẕḻoé'ezele kwíngake' chawe',
\q1 san nži'ila' da' wnnakzo' Le'.
\q1
\v 114 Nako' Le' ka to yo'o gan ẕga'na' chawe', na' ka to da' žape chi'in neda',
\q1 dan' žx̱en ḻaža'a gaken ka ẕnna x̱tižo'o.
\q1
\v 115 Le kwas gan zoa', ḻe'e, benne' wen da' ẕinnj ka',
\q1 dan' gónteza' ka bchi'le Dios chia' neto'.
\q1
\v 116 Ben choch neda' káteze ẕnna x̱tižo'o, na' soa' nbana',
\q1 na' bi yedoe'ela' ni'a che dan' žx̱en ḻaža'a.
\q1
\v 117 Ben choch neda', na' la', na' chaz ḻáže'teza' x̱tižo'o.
\q1
\v 118 Blej bchochj yógo'te benne' ka' bi žóngake' kan ẕnna x̱tižo'o
\q1 dan' nak yeḻa' žejní'il chégake' da' wen ḻaže'.
\q1
\v 119 Yógo'te benne' wen da' ẕinnj ka' zej nake' ka bebe ḻo yežlyó nga.
\q1 Che ḻen nži'ila' da' žsedle diža' chio' neto'.
\q1
\v 120 Žẕize beḻa' žen chia' dan' ẕžeba' Le',
\q1 san žapa' ba la'ne da' ẕchi'a ḻažo'o, da' naken chawe'.
\s1 Žaḻa' gonžo ka ẕnna x̱tiža' X̱anžo
\q1
\v 121 Žona' ka nak da' bchi'a ḻažo'o, da' naken chawe'.
\q1 Bi wdío' neda' ḻo na'gak benne' ka' žsaka' zí'gake' neda'.
\q1
\v 122 Bchebe ḻažo'o chia' gon chawo'o neda'.
\q1 Bi go'o latje benne' ka' ẕka'n ẕen kwíngake' wsaka' zí'gake' neda'.
\q1
\v 123 Gok yej ḻawa' dan' ẕbeza' yido' yesló' neda',
\q1 na' wchi'a ḻažo'o neto' kan ẕnna x̱tižo'o.
\q1
\v 124 Ḻo yeḻa' žeyache' ḻaže' chio' ben chawe' neda',
\q1 wen žin chio', na' bsedle neda' gona' ka ẕnna x̱tižo'o.
\q1
\v 125 Bzejní'il neda', wen žin chio',
\q1 nich gónbi'a da' žsedle diža' chio' neto'.
\q1
\v 126 X̱ana' Dios, ba bžin ža bi da' gono',
\q1 dan' bzóagake' cheḻa'ale da' wnnakzo' Le'.
\q1
\v 127 Che ḻen neda' nží'ižela' da' bchi'lo' neto',
\q1 ka ya oro, na' ka da' záka'že ka ya oron'.
\q1
\v 128 Che ḻen žekla' záka'že da' wnnó' ka yógo'te da' de,
\q1 na' bi ẕḻe'ela' chawe' yógo'te da' zej naken da' wen laže'.
\s1 Žak ḻáže'žo gonžo kan ẕnna x̱tiža' Dios
\q1
\v 129 Žebanlto' ka žsedle diža' chio' neto'.
\q1 Che ḻen dot ḻaža'a žónteza' ka ẕnnan.
\q1
\v 130 Kate' no benne' bi gak chejni'ile' x̱tižo'o, x̱tižo'o na'kze žsa'nín' ḻe'.
\q1 Ẕzejni'ilen benne' gax̱jw ḻaže' ka'.
\q1
\v 131 Wsalja' žoa'a, na' kwez ḻaža'a
\q1 dan' žak ḻaža'a gónbi'a da' wnnakzo' Le'.
\q1
\v 132 Bwia neda', na' beyache' ḻaže'l neda',
\q1 kan žóntezo' chegak benne' ka' zej nži'ile' Le'.
\q1
\v 133 Ben ga gónteza' ka ẕnna x̱tižo'o,
\q1 na' bi go'o latje da' ẕinnj nna bian' neda'.
\q1
\v 134 Beslá neda' ḻo na'gak benne' yichj ža'a ka',
\q1 na' gónteza' ka nak da' bchi'lo' neto'.
\q1
\v 135 Ben chawe' neda', wen žin chio',
\q1 na' bsedle neda' gona' ka ẕnna x̱tižo'o.
\q1
\v 136 Nis wžeža' goken ka to yegw nis
\q1 dan' bi žongak benne' ka' da' wnnakzo' Le'.
\s1 Ḻi ḻaže' nak da' ẕnnakze X̱anžo
\q1
\v 137 X̱ana' Dios, chawe' nako' Le',
\q1 na' ḻi ḻaže' nak ka ẕchi'a ḻažo'o neto'.
\q1
\v 138 Da' žsedle diža' chio' neto', dan' bdion' ḻo na'to',
\q1 naken da' li, na' ḻi ḻaže'.
\q1
\v 139 Žedó ḻaža'a dan' žé'ḻi'a wnné yoe
\q1 dan' goḻ ḻáže'gak benne' ka' bi ẕḻé'egekle' neda' chawe' ka ẕnna x̱tižo'o.
\q1
\v 140 Dot da' li nak x̱tižo'o,
\q1 na' neda', wen žin chio', nži'ilan'.
\q1
\v 141 Naka' gax̱jw ḻaže', na' ẕzóagake' neda' cheḻa'ale,
\q1 san bi na' gaḻ ḻaža'a da' wnnakzo' Le'.
\q1
\v 142 To chi'ize zoa da' ẕchi'a ḻažo'o,
\q1 na' da' li nak da' bchi'lo' neto'.
\q1
\v 143 Da' ẕzáka'ḻi'a, na' da' zede zej nox̱en neda',
\q1 san žaz ḻaža'a da' wnnakzo' Le'.
\q1
\v 144 To chi'ize nak ḻi ḻaže' da' žsedle diža' chio' neto'.
\q1 Bzejní'il neda', na' soa' nbana'.
\s1 Žaḻa' wláb ḻáže'žo da' wnnakze Dios
\q1
\v 145 Dot ḻaža'a žḻiža' Le', X̱ana' Dios.
\q1 Ben chawe' neda', na' gónteza' ka ẕnna x̱tižo'o.
\q1
\v 146 Žḻiža' Le'. Gokḻen neda',
\q1 na' gónteza' ka žsedle diža' chio' neto'.
\q1
\v 147 Žasa' néžwte ka ža'ní', na' žḻiža' Le'.
\q1 Žx̱en ḻaža'a gak kan ẕnna x̱tižo'o.
\q1
\v 148 Kate' ba goḻe, ẕbeja' yele yej ḻawa',
\q1 nich wláb ḻaža'a ka nak da' wnnakzo' Le'.
\q1
\v 149 Ḻo yeḻa' žeyache' ḻaže' chio' benle chi'a.
\q1 X̱ana' Dios, ka nak da' bchi'a ḻažo'o ben choch neda'.
\q1
\v 150 Benne' ka' ẕbia ḻáže'gake' neda' zej nnita' góngake' chia' da' ẕinnj.
\q1 Bsángake' da' ka' bchi'lo' neto'.
\q1
\v 151 X̱ana' Dios, zo' Le' gawze gan zoa'.
\q1 Yógo'te da' wnnakzo' naken dot da' li.
\q1
\v 152 Ža ni'te ba nónbi'a da' žsedle diža' chio' neto',
\q1 dan' bzo' cheto' to chi'ize.
\s1 Da' wnnakze Dios žon chochen žo'o
\q1
\v 153 Bwia binlo ka ẕzáka'ḻi'a, na' beslá neda',
\q1 dan' bi na' gaḻ ḻaža'a da' wnnakzo' Le'.
\q1
\v 154 Bechebe ḻo wlaza' neda', na' beya'w neda'.
\q1 Ben choch neda' ḻen x̱tižo'o.
\q1
\v 155 Zedḻe'e gak lagak benne' ka' žebéj yíchjgake' Le',
\q1 dan' bi ẕbé'gake' wnné yoe góngake' ka ẕnna x̱tižo'o.
\q1
\v 156 X̱ana' Dios, žeyache' ḻáže'ḻe'elo' benách chio' ka'.
\q1 Ben choch neda' ka ẕnnakze x̱tižo'o gono'.
\q1
\v 157 Zanḻe'e zej nak benne' ka' ẕbia ḻáže'gake' neda', na' benne' ka' bi ẕḻé'egekle' neda' chawe',
\q1 san bi na' wsana' žona' ka žsedle diža' chio' neto'.
\q1
\v 158 Bi ẕḻe'ela' chawe' benne' ka' žebéj yíchjgake' Le',
\q1 benne' ka' bi žóngake' ka ẕnna x̱tižo'o.
\q1
\v 159 Bwia nga, X̱ana' Dios, ka nži'ila' da' bchi'lo' neto'.
\q1 Ḻo yeḻa' žeyache' ḻaže' chio', ben choch neda'.
\q1
\v 160 Dot da' li nak x̱tižo'o,
\q1 na' to chi'ize zoa da' ẕchi'a ḻažo'o Le'.
\s1 Žaḻa' wzóa kwinžo ḻo na' x̱tiža' Dios
\q1
\v 161 Benne' wnná bia' ka' ẕbia ḻáže'gake' neda', na' bi be bena' chégake',
\q1 san dot ḻaža'a žapa' x̱tižo'o ba la'ne.
\q1
\v 162 Žebéḻe'ežela' ḻo da' ẕnna x̱tižo'o
\q1 ka žebele bennen' žežeḻ-le' to yeḻa' wnni'a ẕente.
\q1
\v 163 Bi ẕḻe'ela' chawe', na' bi ẕzi'a da' wen ḻaže',
\q1 san nži'ila' da' bsedlo' neto'.
\q1
\v 164 Tža tža žoe ḻawa' Le'
\q1 dan' nak chawe' ka ẕchi'a ḻažo'o neto'.
\q1
\v 165 Ẕga'n cháwe'gac benne' ka' zej nži'ile' da' žsedlo',
\q1 na' bi be de da' gonen ga chejchégwgake'.
\q1
\v 166 X̱ana' Dios, ẕbeza' Le' yido' yesló' neda',
\q1 na' žónteza' ka nak da' wnnakzo' Le'.
\q1
\v 167 Dot ḻaža'a žónteza' da' žsedle diža' chio' neto',
\q1 na' nží'iḻe'ela' da' ẕnnan.
\q1
\v 168 Žónteza' ka ẕnna da' bchi'lo' neto', na' ka žsedle diža' chio' neto',
\q1 na' ẕḻé'ekzlo' yógo'te da' žona'.
\s1 Žebéḻenlžo x̱tiža' Dios
\q1
\v 169 X̱ana' Dios, benle da' žḻiža' Le'.
\q1 Bzejní'il neda' ka ẕnna x̱tižo'o gono'.
\q1
\v 170 Benle da' ẕnnaba' ḻawo' Le'.
\q1 Beslá neda' ka bchebe ḻažo'o gono'.
\q1
\v 171 We ḻáwteza' Le', X̱ana' Dios,
\q1 dan' bsedlo' neda' gona' ka ẕnna x̱tižo'o.
\q1
\v 172 Wcháḻjteza' ka nak x̱tižo'o
\q1 dan' chawe' nak da' bchi'lo' neto'.
\q1
\v 173 Wzóateze gákḻeno' neda'
\q1 dan' žon byena' gona' ka ẕnna da' wnnakzo' Le'.
\q1
\v 174 Žak ḻaža'a yesló' neda', X̱ana' Dios.
\q1 Žaz ḻaža'a da' bsedlo' neto'.
\q1
\v 175 Ben ga soa' nbana', na' wká'n ẕena' Le',
\q1 na' da' ẕchi'a ḻažo'o gákḻenen neda'.
\q1
\v 176 Ẕdía' cheḻa'ale kan ẕda to ẕila' nnitlba'.
\q1 Beyílj neda', wen žin chio', dan' bi na' gaḻ ḻaža'a da' ka' bchi'lo' neto'.
\c 120
\q1
\v 1 Kate' wžé' zedla' bḻiža' X̱anžo Dios,
\q1 na' Ḻe' gókḻene' neda'.
\b
\q1
\v 2 X̱ana' Dios, beslá neda' ḻo na'gak benne' wen ḻaže' ka'
\q1 na' ḻo na'gak benne' ka' bi zej nake' ḻi ḻaže'.
\b
\q1
\v 3 ¿Biẕ gonn Dios ḻe'e, benne' wen laže' ka'?
\q1 ¿Biẕ yeḻa' ba nez gaken chele kate' wdíe' ḻe'e ḻo da' wžía yin' benách ka'?
\q1
\v 4 Wsaka' zi'gak yag ntóche'do' chie' ka' ḻe'e,
\q1 na' yag ka' zoa yi' ḻáwe'lgaken.
\b
\q1
\v 5 Da' nyáche'ḻe'e žaken chia' neda'.
\q1 Zoakza' ladjw benne' Mesek ka', na' zoa' to yo'o laže' chegak benne' Sedar ka'.
\q1
\v 6 Schaḻe'e ba wzóa' ladjw benne' ki,
\q1 benne' ka' ẕzóagake' cheḻa'ale yeḻa' ẕga'n chawe'.
\q1
\v 7 Neda' žak ḻaža'a gata' yeḻa' ẕga'n chawe',
\q1 san kate' ẕchaḻja' chen, ẕdíḻ-ḻengak benne' ka' neda'.
\c 121
\q1
\v 1 Ẕchis ḻawa', na' ẕwia' da' žak ḻawgak ya'a sibe ka'.
\q1 ¿Gaẕ za' da' gákḻenen neda'?
\q1
\v 2 Da' gákḻenen neda' za' ḻo na' X̱anžo Dios,
\q1 Bennen' bene' ya'abá, na' yežlyó.
\q1
\v 3 Bi go'e latje chejchego'o,
\q1 na' bi tas Bennen' žape chi'ikze' le'.
\q1
\v 4 Bwia nga, batkle ẕnnan tas Bennen'.
\q1 Batkle tas Bennen' žape chi'ikze' benne' Israel ka'.
\q1
\v 5 X̱anžo Dios žape chi'e le'.
\q1 X̱anžo Dios zoe' kwito' ḻi ža gan gake' ẕoḻ chio'.
\q1
\v 6 Bi wzéy wbíž le' te ža, na' bi be gon byo' chio' žel.
\q1
\v 7 X̱anžo Dios gape chi'ikze' le' nich bi be da' ẕia gaken chio'.
\q1 Gape chi'ikze' yeḻa' nban chio'.
\q1
\v 8 X̱anžo Dios gape chi'ikze' le' kate' žežojo',
\q1 na' kate' žeyó'o, na'a ža, na' to chi'ize.
\c 122
\q1
\v 1 Bebéḻenla' tẕen benne' ka' góžgake' neda':
\q1 “Le cho'o ḻo yodo' che X̱anžo Dios.”
\q1
\v 2 Na'a zoažo nga.
\q1 Zežo lo'ole ze'e da' nyechjlen yež Jerusalén.
\q1
\v 3 Jerusalén naken to yež da' béngake',
\q1 na' naken x̱tanḻe'e, na' že'ḻe'en chawe'.
\q1
\v 4 Ḻo yežen' za'gak yógo'te kwe' benne' ka', benne' zej nake' che X̱anžo Dios.
\q1 We ḻáwgake' La la'y che X̱anžo Dios,
\q1 kan wnnakze' Ḻe' gongak benne' Israel ka'.
\q1
\v 5 Ẕdobgak benne' ka' ḻo yežen' nich wchi'a ḻáže'gake' benách Israel ka'
\q1 benne' ka' zej nbabe' ẕa'só Dabí, bennen' wnná bi'e.
\q1
\v 6 Le nnable Dios wka'ne' chawe' benne' Jerusalén ka'.
\q1 Ḻe' gon chawe'e benne' ka' zej nži'ile' yežen'.
\q1
\v 7 Ẕnnablto'-ne' gone' ga soa yeḻa' ẕga'n chawe' lo'ole ze'e dan' nyechjlen yež Jerusalén.
\q1 Gon chawe'e benne' ka' zej yoe'e yo'o ẕen ka' chen.
\q1
\v 8 Na'a, dan' nži'ila' bi' ljéža'do' ka', na' lježa' ka', ẕnnia':
\q1 “Gata' yeḻa' ẕga'n chawe' chele ḻo yež Jerusalén.”
\q1
\v 9 Dan' nži'ila' yodo' che X̱anžo Dios žon byena' gak chawe' chen.
\c 123
\q1
\v 1 Chis ḻawa', na' wia' gan zo', X̱ana' Dios,
\q1 gan zo' Le' ya'abá na'le.
\q1
\v 2 Ka žon to bi' byo wen žin ẕwíabe' bi da' nna x̱anbe',
\q1 na' ka žon to no'le wen žin ẕwíabe' bi da' nna no'le x̱anbe',
\q1 ki ẕwíažo bi da' nna X̱anžo Dios na' zejte yeyache' ḻáže'le' žo'o.
\q1
\v 3 Beyache' ḻaže'l neto', X̱anto' Dios.
\q1 Beyache' ḻaže'l neto' dan' žedó ḻáže'to'
\q1 dan' ẕbia ḻáže'gak benne' ka' neto'.
\q1
\v 4 Žedó ḻáže'to' dan' žon dítjgekle benne' wnni'a ka' neto'.
\q1 Benne' ka' ẕka'n ẕen kwíngake' ẕbia ḻáže'gake' neto'.
\c 124
\q1
\v 1 “Chela' bi gokḻen X̱anžo Dios žo'o”,
\q1 žaḻa' nnagak benne' Israel ka' na'a.
\q1
\v 2 “Chela' bi gokḻen X̱anžo Dios žo'o
\q1 kate' bdíḻ-ḻengak benne' ka' žo'o,
\q1
\v 3 na' bžia yí'gake' žo'o to chi'ize
\q1 ḻo yeḻa' ẕža'a ẕen chégake',
\q1
\v 4 na' gok chežo ka žak che to benne'
\q1 ẕkache' nisdo' ḻe', na' žoten ḻe'.”
\q1
\v 5 Chela' gok ki chežo, na' la' betten žo'o.
\q1
\v 6 Žaḻa' ye'žo X̱anžo Dios “žóx̱keno'”,
\q1 dan' bi bi'e latje benne' ka' wžía yí'gake' žo'o.
\q1
\v 7 Belažo kan želá to byinne ḻo yix̱jw che to benne' wezén byinne ka'.
\q1 Beká'a X̱anžon' yeḻa' wnná bia' chegak benne' ka', na' belažo.
\q1
\v 8 Nak X̱anžo Dios Bennen' benkze' ya'abá, na' yežlyó.
\q1 Ḻekze' žákḻene' žo'o.
\c 125
\q1
\v 1 Benne' ka' žx̱en ḻáže'gake' X̱anžo Dios zej nake' ka Ya'a Sión.
\q1 Bi gak no benne' wtén', san to chi'ize zoa chochen.
\q1
\v 2 Kan zej že' ya'a ka' da' nyéchjgeklen yež Jerusalén,
\q1 ki žon X̱anžo Dios, žape chi'ikze' benne' chie' ka', na'a ža, na' to chi'ize.
\q1
\v 3 Kege to chi'ize nna bia'gak benne' wen da' ẕinnj ka' ḻo yežlyó chegak benne' chawe' ka',
\q1 nich bi gakgak benne' chawe' ka' toze ḻen benne' wen da' ẕinnj ka', na' bi góngake' da' ẕinnj.
\b
\q1
\v 4 X̱ana' Dios, ben chawe' benne' chawe' ka',
\q1 na' benne' ka' zej nake' ḻi ḻaže'.
\b
\q1
\v 5 San benne' ka' žebéj yíchjgake' Dios nich góngake' da' ẕinnj,
\q1 X̱anžo Dios wkwase' benne' ka' tẕen ḻen benne' wen da' ẕinnj ka'.
\b
\q2 Ẕnnabla' Dios gata' yeḻa' ẕga'n chawe'
\q2 chegak benne' Israel ka'.
\c 126
\q1
\v 1 Kate' X̱anžo Dios beslé' žo'o ḻo na'gak benne' zi'to' ka',
\q1 na' begoé'e žo'o ḻo yež Sión, gókežo zoažo bichgale.
\q1
\v 2 Naž bẕížežo, na' be ḻawžo X̱anžo Dios.
\q1 Naž wnnagak benne' zi'to' ka':
\q1 “Da' ẕente ben Dios, X̱angak benne' ka', chégake'.”
\q1
\v 3 Da' likze, ẕenḻe'e nak da' ben X̱anžo Dios chežo žo'o.
\q1 Žak chežo yeḻa' ba nez ẕen.
\q1
\v 4 Beslá X̱anžon' žo'o ḻo na'gak benne' zi'to' ka'.
\q1 Naž bežinžo ḻo yežlyó chežo, kan žežín nis wba'w ḻo yegw biž ka'.
\q1
\v 5 Benne' ka' ẕbéžegake' kate' žázgake',
\q1 ḻo yeḻa' žebele chégake' yezí'gake' linne.
\q1
\v 6 Bennen' ẕbeže' kate' zeje' zjeze' binne cháwe'do' ka',
\q1 ḻo yeḻa' žebele yežine' zedjnoé'e linne chien'.
\c 127
\q1
\v 1 Cha' bi zoaḻen X̱anžo Dios benne' ka' žóngake' to yo'o dáche'ze gak žin da' góngake'.
\q1 Cha' bi žape chi'ikze X̱anžo Dios to yež, dáche'ze gak da' gongak benne' ka' žape chí'igaken'.
\q1
\v 2 Dáche'ze nak žasle zildo', na' žonle žin kate' ne ẕḻa' wbíž na' zejte ženen,
\q1 na' ḻo da' ẕzáka'le žezi'le da' gawle.
\q1 Žonn Dios da' gawgak benne' ka' nži'ile' x̱ak ẕtásgake'.
\q1
\v 3 Bwia nga, benn X̱anžon' chežo ẕi'nžo ka'.
\q1 Zej nakbe' to yeḻa' wnni'a ẕente.
\q1
\v 4 Ẕi'nžo ka', bi' žáljgakbe' kate' ne žonžo yiz kwide' chežo
\q1 zej nakbe' ka yag ntóche'do' ka' da' nox̱w to benne' žeje' ḻo wdiḻe.
\q1
\v 5 Ba nez ẕen naken che bennen' nox̱we' zante yag ntóche'do' ki.
\q1 Batkle yedoe'ele' ḻawgak benne' ka' ẕdíḻ-ḻengake' ḻe'
\q1 kate' yechebe' chekze' ḻaw bennen' ẕchi'a ḻaže'e ḻe'.
\c 128
\q1
\v 1 Ba nez ẕen naken chegak yógo'te benne' ka' žápegake' X̱anžo Dios ba' la'ne,
\q1 benne' ka' žóntezgake' kan ẕnnakze Dios.
\q1
\v 2 Kate' žawo' da' žezi'o che žin da' beno',
\q1 gak chio' yeḻa' ba nez ẕen, na' gak chawe' chio'.
\q1
\v 3 Gak ẕo'lo' ka to lba uba da' ẕbian da' ẕix̱ kwit ližo',
\q1 na' ẕi'no' ka' gákgakbe' ka yag olibo ka' zej zen žoa'a gan žawo'.
\q1
\v 4 Ki gon chawe' X̱anžon' bennen' žape' Ḻe' ba la'ne.
\q1
\v 5 Ẕnnabla' X̱anžon', Bennen' zoe' Ya'a Sión, gon chawe'e le',
\q1 nich ḻe'elo' gak chawe' che yež Jerusalén yógo'te ža so' nbano',
\q1
\v 6 na' nich ḻe'elo' ẕa'só' ka'.
\q1 Ẕnnabla' Dios gone' ga gata' yeḻa' ẕga'n chawe' chegak benne' Israel ka'.
\c 129
\q1
\v 1 “Ben zí'gake' žo'o katen' wzoažo yiz kwide' chežo”,
\q1 wak nnagak benne' Israel ka'.
\q1
\v 2 “Ben zí'gake' žo'o katen' wzoažo yiz kwide' chežo,
\q1 san bi bžia yí'gake' žo'o.
\q1
\v 3 Béngake' we' x̱kóže'žo katen' bdínngake' žo'o yid,
\q1 na' gokgak x̱kóže'žo ka yežlyó da' ẕde ya.”
\b
\q1
\v 4 Chawe' nak X̱anžo Dios.
\q2 Beslé' žo'o ḻo na'gak benne' ka' bsaka' zí'gake' žo'o.
\b
\q1
\v 5 X̱ana' Dios, ben ga chejchégwgak, na' wẕonnjgak
\q1 yógo'te benne' ka' ẕdíḻ-ḻengake' benne' Sión ka'.
\q1
\v 6 Ben ga gákgake' ka yíx̱e'do' ka' žíagaken yichjo'o,
\q1 da' ka' ẕbížgaken kate' ne zej nže'nen,
\q1
\v 7 na' bi soa no benne' yeké'en, na' bi gak no benne' gonen' to chejx̱ónnj.
\q1
\v 8 Bi nnagak benne' ka' ẕdégake' gan zej žian:
\q1 “Ẕnnablto' X̱anto' Dios gon chawe'e ḻe'e.
\q1 Ḻo La la'y che X̱anto' Dios ẕnnablto' gak chawe' chele.”
\c 130
\q1
\v 1 Ga že' zedla' ni žḻiža' Le', X̱ana' Dios.
\q1
\v 2 X̱ana' Dios, benle chia'.
\q1 Bze nag da' ẕnnabla' Le'.
\q1
\v 3 X̱ana' Dios, cha' ẕwio' binlo doḻa' da' nbága'to',
\q1 ¿noẕkze benne' ga'ne' chawe' ḻawo' Le'?
\q1
\v 4 San Le' ženít ḻawo'o cheto',
\q1 nich gapto' Le' ba la'ne.
\b
\q1
\v 5 Dot ḻaža'a žx̱en ḻaža'a X̱anžo Dios,
\q1 na' žx̱en ḻaža'a x̱tiže'e.
\q1
\v 6 Ẕbez ḻáže'ža' X̱anžo Dios, ka žongak benne' ka' žape chí'igake' to yež, ẕbez ḻáže'gake' cha'ní',
\q1 na' ka žongak benne' wape chi'i ka' ẕbez ḻáže'gake' cha'ní'.
\q1
\v 7 Benne' Israel ka' žaḻa' wx̱én ḻáže'gake' X̱anžo Dios
\q1 dan' žeyache' ḻaže'l X̱anžon' benne' chie' ka'.
\q1 Žape chi'e benne' ka' ḻo da' žongak benne' ka' bi ẕḻé'egekle' ḻégake' chawe'.
\q1
\v 8 Ḻe' yeya'we' benne' Israel ka' ḻo na' yógo'te doḻa' da' zej nbage'e.
\c 131
\q1
\v 1 X̱ana' Dios, ba bsana' yeḻa' ẕka'n ẕen kwin chia', na' ba bkwasa' yeḻa' žon ẕen kwin chia'.
\q1 Bi žilja' da' zej nak ẕen, da' ka' bi nak chia' wḻapa' na'a,
\q1
\v 2 san neda' bi be wnnía', na' wzoaza' žize,
\q1 kan žon to bi' že'n za' góẕe'be', na' ẕtasbe' ḻo na' x̱na'be'.
\q1 Nak be' nakkza' ka to bi' že'n za' góẕe'be'.
\b
\q1
\v 3 Le wx̱én ḻaže' X̱anžo Dios, ḻe'e, benne' Israel ka',
\q2 na'a ža, na' to chi'ize.
\c 132
\q1
\v 1 X̱ana' Dios, bejsá' ḻaže' kan gok che Dabí, na' kan wẕáka'ḻi'e,
\q1
\v 2 na' kan nak da' bchebe ḻaže'e gone' chio',
\q1 dan' bchebe ḻaže'e ḻawo' Le', Dios waḻe che Jakob.
\q1
\v 3 Wnné': “Batkle choa'a liža',
\q1 na' batkle gata'a ḻo da' žáte'la',
\q1
\v 4 na' batkle wsejwa' yej ḻawa',
\q1 na' batkle tasa',
\q1
\v 5 na' zejte ba bena' to latje gan ga'n X̱ana' Dios,
\q1 gan soakze Dios waḻe che Jakob.”
\q1
\v 6 Benlto' kak la'y gan yo'o diža' da' bénḻeno' x̱a gole wdé cheto' ka' wzóa ḻo yežlyó Efrata,
\q1 na' bežéḻ-lton' ḻo yežlyó che bennen' le' Jaar.
\q1
\v 7 Wnnato': “Le cho'o gan zoa Dios chežo,
\q1 na' wzóa ẕibžo ḻawe' Ḻe'.”
\q1
\v 8 Wzó ža', X̱anto' Dios,
\q1 ḻen kak la'y che yeḻa' wak chio',
\q1 na' da ḻaw ya'a gan soakzo' Le'.
\b
\q1
\v 9 Ben ga gongak bx̱oz chio' ka' da' naken chawe',
\q1 na' kwéžeya'a yógo'te benách chio' ka' ḻo yeḻa' žebele chégake'.
\b
\q1
\v 10 Dan' nži'ilo' Dabí, wen žin chio',
\q1 bi wzó' cheḻa'ale benne' wnná bian' wžío' Le'.
\b
\q1
\v 11 Da' likze bzetj kwin X̱anžo Dios,
\q1 na' bchebe ḻaže'e bi da' gone' che Dabí,
\q1 na' bi wnite' dan' wnné' gone'.
\q1 Wnné': “Gona' ga nna bia'gak ẕa'só' ka' gan ẕnna bia'kzo' le'.
\q1
\v 12 Cha' góntezegak ẕi'no' ka' ka nak x̱tiža'a dan' bénḻena' le',
\q1 na' ka nak x̱tiža'a dan' wsedla' le',
\q1 na' ẕi'no' ka' nna biá'tezegake' gan ẕnna bi'o le'.”
\q1
\v 13 Dan' wžé X̱anžo Dios yež Sión gok ḻaže'e soa ližkze' ga na',
\q1
\v 14 na' wnné': “Gákteze latje nga gan soakza' neda'.
\q1 Sóateza' nga dan' ki žaz ḻaža'a gona'.
\q1
\v 15 Gona' gáta'ḻe'e linne chegak benne' ka'.
\q1 Gona' ga yéljgekle benne' yache' ka' yet.
\q1
\v 16 Gona' ga gongak bx̱oz chia' ka' da' naken chawe'.
\q1 Kwéžeya'a yógo'te benách chia' ka' ḻo yeḻa' žebele.
\q1
\v 17 Ḻo latjen' gona' ga yeyák yeḻa' wnná bia' che Dabí.
\q1 Gona' ga soagak nbangak ẕa'só benne' wnná bian' ga na', bennen' wžía' neda'.
\q1
\v 18 Gona' ga chíx̱gekle benne' ka' bi ẕḻé'egekle' ḻégake' chawe',
\q1 san gona' ga diá'teze yeḻa' wnná bia' che Dabín'.”
\c 133
\q1
\v 1 Le wia nga, x̱tanḻe'e nak, na' cháwe'ḻe'e nak,
\q1 kate' zej ndobe benne' ka' che Dios, zej nake' toze.
\q1
\v 2 Naken ka to set da' ẕzoagak bx̱oz ka' yíchjgake', da' ẕdinnen žoa'a ḻáwgake',
\q1 kan wdinnen ḻo loẕe Aarón,
\q1 na' wdinnen gan bžinen ni'i ẕe'.
\q1
\v 3 Ẕdinnen kan ẕdinne x̱le'l ḻaw Ya'a Hermón, na' ḻaw Ya'a Sión.
\q1 X̱anžo Dios gon chawe'e benne' ka' nníta'gake' ga na',
\q1 na' gonne' chegak benne' ka' yeḻa' nban da' zejlí kanne.
\c 134
\q1
\v 1 Le wia nga, le wká'n ẕen X̱anžo Dios, ḻe'e, benne' wen žin ka' che X̱anžon',
\q1 zoale ḻo yodo' che X̱anžon' žel.
\q1
\v 2 Le wchís na'le ḻaw latje la'y,
\q1 na' le wká'n ẕen X̱anžo Dios.
\q1
\v 3 Ẕnnabla' X̱anžon', Bennen' zoe' Sión, gon chawe'e ḻe'e.
\q1 Ḻekze' bene' ya'abá, na' yežlyó.
\c 135
\q1
\v 1 ¡Le wká'n ẕen La la'y che X̱anžo Dios!
\q1 ¡Le wká'n ẕene' Ḻe', ḻe'e, wen žin ka' che X̱anžon',
\q1
\v 2 ḻe'e zoale ḻo yodo' che X̱anžo Dios, ḻo ḻi'a yodon' gan zoakze Dios!
\q1
\v 3 ¡Le wká'n ẕen X̱anžon' dan' nake' chawe'!
\q1 ¡Le goḻ da' wká'n ẕenle La la'y chie', dan' nake' ži'i ḻaže'!
\q1
\v 4 X̱anžo Dios wžíe' ẕa'só Jakob ka'.
\q1 Wžíe' ẕa'só Israel ka' nich gákgake' benne' chie' ka'.
\q1
\v 5 Nnézkzelžo ẕente nak X̱anžo Dios.
\q1 Nakže' ẕen ka yógo'te dios chegak benne' zi'to' ka'.
\q1
\v 6 Žon X̱anžon' yógo'te da' žénele' gone' ẕan ya'abá,
\q1 na' ḻo yežlyó, na' ḻo nisdo',
\q1 na' ḻo da' zoan gže' ẕan nisdon'.
\q1
\v 7 Žone' ga že' bejw do ẕente yežlyó.
\q1 Žone' ga žasgak yes wzió' kate' žak yejw.
\q1 Žone' ga žak be' gáte'teze.
\q1
\v 8 Ḻe' betkze' bi' byo nežw ka' chegak benne' Egipto ka'.
\q1 Gotgak bi' byo nežw ka' chegak benne' ka',
\q1 na' bia néžwdo' ka' chegak bia yix̱e' chégake' ka'.
\q1
\v 9 Bene' yeḻa' wak ka' che ya'abá, na' da' ẕente ka' kate' bchinnje' yežlyó Egipton',
\q1 da' ka' ben Dios che benne' Faraón,
\q1 na' chegak yógo'te benne' wen žin ka' che Faraón na'.
\q1
\v 10 Bžia yi'e benne' ka' chegak zante yež ka',
\q1 na' bete' benne' wnná bia' ka', benne' ẕenḻe'e ka'.
\q1
\v 11 Bete' Sehón, bennen' wnná bi'e benne' amorreo ka',
\q1 na' Og, bennen' wnná bi'e benne' Basán ka',
\q1 na' yógo'te benne' wnná bia'gake' benne' Kanaán ka'.
\q1
\v 12 Beké'e yežlyó nga ḻo na'gak benne' wnná bia' ka'.
\q1 Bneẕjwen' chegak benne' chie' ka', benne' Israel ka'.
\b
\q1
\v 13 X̱anto' Dios, to chi'ize zoa La la'y chio'.
\q1 Chejsá' ḻáže'tezgak benách ka' Le'.
\b
\q1
\v 14 X̱anžo Dios ẕchi'a ḻaže'e benne' chie' ka'.
\q1 Žeyache' ḻáže'le' žo'o, wen žin chie' ka'.
\q1
\v 15 Lo'a ka' chegak benne' zi'to' ka' zej naken ya oro, na' ya plat.
\q1 Zej naken da' ka' bengak benne' ka'.
\q1
\v 16 Zej de žoá'agaken san bi ẕnnégaken.
\q1 Zej de yej ḻáwgaken san bi ẕḻé'egeklen.
\q1
\v 17 Zej de nággaken san bi žéngeklen,
\q1 na' bi zóagaken nbángaken.
\q1
\v 18 Benne' ka' žóngake' lo'a ka' zej nake' kan nákgaken.
\q1 Ḻezka' zej nak benne' ka' žx̱en ḻáže'gake' ḻégaken.
\q1
\v 19 Ḻe'e, benne' ẕa'só Israel, ¡le wká'n ẕen X̱anžo Dios!
\q1 Ḻe'e, benne' ẕa'só Aarón, ¡le wká'n ẕen X̱anžo Dios!
\q1
\v 20 Ḻe'e, benne' ẕa'só Lebí, ¡le wká'n ẕen X̱anžo Dios!
\q1 Ḻe'e, nol-le ẕžébele X̱anžo Dios, ¡le wká'n ẕen X̱anžo Dios!
\q1
\v 21 Ḻe'e zoale yež Sión, ¡le we ḻaw X̱anžo Dios,
\q1 Bennen' zoakze' yež Jerusalén!
\b
\q2 ¡Ga'n ẕen X̱anžo Dios!
\c 136
\q1
\v 1 ¡Le wká'n ẕen X̱anžo Dios, Benne' chawen'!
\q1 Zóateze yeḻa' žeyache' ḻaže' chie'.
\q1
\v 2 ¡Le wká'n ẕen Dios, Bennen' nákḻe'eže' ẕen ka zej nak dios chegak benne' zi'to' ka'!
\q1 Zóateze yeḻa' žeyache' ḻaže' chie'.
\q1
\v 3 ¡Le wká'n ẕen X̱anžon', dan' nákḻe'eže' ẕen ka zej nak x̱angak benne' zi'to' ka'!
\q1 Zóateze yeḻa' žeyache' ḻaže' chie'.
\q1
\v 4 ¡Le wká'n ẕen toze' Ḻe' dan' žone' yeḻa' wak ẕen ka'!
\q1 Zóateze yeḻa' žeyache' ḻaže' chie'.
\q1
\v 5 ¡Le wká'n ẕen Ḻe', dan' benkze' ya'abá ḻen yeḻa' žejní'il chie'!
\q1 Zóateze yeḻa' žeyache' ḻaže' chie'.
\q1
\v 6 ¡Le wká'n ẕen Dios, Bennen' bzoe' yežlyó ḻawle nisdo'!
\q1 Zóateze yeḻa' žeyache' ḻaže' chie'.
\q1
\v 7 ¡Le wká'n ẕen Dios, Bennen' bene' wbíž, na' byo'!
\q1 Zóateze yeḻa' žeyache' ḻaže' chie'.
\q1
\v 8 Bene' Ḻe' wbíž nich wsa'nín' te ža.
\q1 Zóateze yeḻa' žeyache' ḻaže' chie'.
\q1
\v 9 Bene' byo', na' belj ka' nich wsa'ní'gaken žel.
\q1 Zóateze yeḻa' žeyache' ḻaže' chie'.
\q1
\v 10 ¡Le wká'n ẕen Dios, Bennen' bete' bi' byo nežw ka' chegak benne' Egipto ka'!
\q1 Zóateze yeḻa' žeyache' ḻaže' chie'.
\q1
\v 11 ¡Le wká'n ẕen Dios, Bennen' bebeje' benne' Israel ka' ḻo yežlyó Egipton'!
\q1 Zóateze yeḻa' žeyache' ḻaže' chie'.
\q1
\v 12 Bchi'e ḻégake' ḻen yeḻa' wak ẕen chie'.
\q1 Zóateze yeḻa' žeyache' ḻaže' chie'.
\q1
\v 13 ¡Le wká'n ẕen Dios, Bennen' ben chople' Nisdo' X̱na!
\q1 Zóateze yeḻa' žeyache' ḻaže' chie'.
\q1
\v 14 Bene' ga bdegak benne' Israel ka' gachj ḻawle nisdon'.
\q1 Zóateze yeḻa' žeyache' ḻaže' chie'.
\q1
\v 15 San bene' ga bkache' nisdon' Faraón, benne' wnná bi'e benne' Egipto ka', benne' ka' žjake' ḻo wdiḻe.
\q1 Zóateze yeḻa' žeyache' ḻaže' chie'.
\q1
\v 16 ¡Le wká'n ẕen Dios, Bennen' bchi'e benne' chie' ka' ladjw latje dach!
\q1 Zóateze yeḻa' žeyache' ḻaže' chie'.
\q1
\v 17 ¡Le wká'n ẕen Dios, Bennen' bete' benne' wnná bia' ka'!
\q1 Zóateze yeḻa' žeyache' ḻaže' chie'.
\q1
\v 18 Bete' benne' wnná bia' waḻe ka'.
\q1 Zóateze yeḻa' žeyache' ḻaže' chie'.
\q1
\v 19 Bete' Sehón, bennen' wnná bi'e benne' amorreo ka'.
\q1 Zóateze yeḻa' žeyache' ḻaže' chie'.
\q1
\v 20 Bete' Og, bennen' wnná bi'e benne' yež Basán ka'.
\q1 Zóateze yeḻa' žeyache' ḻaže' chie'.
\q1
\v 21 Bdie' yežlyó chegak benne' ka' ḻo na'gak benne' chie' ka'.
\q1 Zóateze yeḻa' žeyache' ḻaže' chie'.
\q1
\v 22 Bneẕjwen' chegak benne' Israel ka', benne' wen žin chie' ka'.
\q1 Zóateze yeḻa' žeyache' ḻaže' chie'.
\q1
\v 23 Žejsá' ḻaže'e žo'o kate' ẕdíḻ-ḻengak benne' ka' žo'o.
\q1 Zóateze yeḻa' žeyache' ḻaže' chie'.
\q1
\v 24 Beslé' žo'o ḻo na'gak benne' ka' bzéx̱jwgake' žo'o.
\q1 Zóateze yeḻa' žeyache' ḻaže' chie'.
\q1
\v 25 Ẕwawe' yógo'te da' zej zoan nbángaken.
\q1 Zóateze yeḻa' žeyache' ḻaže' chie'.
\b
\q1
\v 26 ¡Le wká'n ẕen Dios che ya'abá!
\q2 Zóateze yeḻa' žeyache' ḻaže' chie'.
\c 137
\q1
\v 1 Žoa'a yegw da' ẕden ḻo yežlyó Babilonia,
\q1 wže'žo ga na', na' wžeẕžo katen' bejsá' ḻáže'žo che yež Sión.
\q1
\v 2 Ḻo ni'a na' yag labada' žoa'a yegon'
\q1 bgáḻa'žo da' ka' ẕgoḻžo.
\q1
\v 3 Benne' ka' bché'gake' žo'o ka benne' zej ndo'w ka' wnnábgekle' žo'o goḻžo.
\q1 Benne' ka' bchínnjgake' yež chežo góžgake' žo'o yebelžo, na' wnnágake':
\q1 “Le goḻ cheto' da' ka' beḻ-le ḻo yež Sión.”
\q1
\v 4 ¿Nakx̱kze gak goḻžo da' wká'n ẕenžo X̱anžo Dios,
\q1 ga zoato' ḻo yežlyó ni chegak benne' zi'to' ka'?
\q1
\v 5 Cha' gaḻ ḻaža'a yež Jerusalén,
\q1 ẕnnabla' Dios gone' ga wnít na'a ḻi ža yeḻa' waḻ chen.
\q1
\v 6 Ẕnnabla'-ne' gone' ga ta' loža'a chichjla'
\q1 cha' bi chejsá' ḻaža'a che yež Jerusalén,
\q1 na' cha' bi wká'n ẕenan'.
\q1 Yežen' naken da' žaz ḻáže'ḻi'a.
\b
\q1
\v 7 X̱ana' Dios, bejsá' ḻaže' da' ẕinnj da' bengak benne' Edom ka'
\q1 ḻo ža katen' bchínnjgake' yež Jerusalén, na' wnnágake':
\q1 “¡Le wchinnjen! ¡Le wchinnjen, na' zejte ḻo lenen!”
\b
\q1
\v 8 Ḻe'e, benne' Babilonia ka', kwia yi'le.
\q1 Ba nez ẕen gaken che bennen' gone' chele kan benle ḻe'e cheto' neto'.
\q1
\v 9 Ba nez ẕen gaken che bennen' ke'e x̱kwide' chele ka'
\q1 na' wzoẕje' ḻégakbe' ḻo yej x̱e.
\c 138
\q1
\v 1 X̱ana' Dios, dot ḻaža'a we ḻawa' Le'.
\q1 Žóḻteza' da' žoe ḻawa' Le' ḻawgak dios ka' chegak benne' zi'to' ka'.
\q1
\v 2 Ẕzoa ẕiba' ḻo yodo' la'y chio',
\q1 na' ẕka'n ẕena' La la'y chio' dan' nako' ḻi ḻaže',
\q1 na' žeyache' ḻáže'lo' benne' chio' ka',
\q1 na' dan' bḻoe'elo' ḻaw nako' Benne' ẕente, na' ẕente nak x̱tižo'o.
\q1
\v 3 Kate' bḻiža' Le', na' gókḻeno' neda'.
\q1 Ḻen yeḻa' wak chio' ben chocho' neda'.
\q1
\v 4 Yógo'te benne' wnná bia' ka' nníta'gake' yežlyó nga we ḻáwgake' Le', X̱ana' Dios,
\q1 dan' ba béngekle' da' ẕnna x̱tižo'o.
\b
\q1
\v 5 Góḻgake' che da' ben X̱anžo Dios,
\q1 dan' ẕente nak yeḻa' ẕen che X̱anžon'.
\q1
\v 6 Ẕente nak X̱anžo Dios, na' žákḻene' benne' gax̱jw ḻaže' ka',
\q1 san bi žwi'e latje benne' ẕka'n ẕen kwine' žine' ḻawe' Ḻe'.
\b
\q1
\v 7 Kate' že' zedla', Le' žon chocho' neda'.
\q1 Ẕlago' benne' ka' bi ẕḻé'egekle' neda' chawe', na' ḻen yeḻa' wak chio' žesló' neda'.
\b
\q1
\v 8 Gon X̱anžo Dios da' wchebe ḻaže'e chia'.
\b
\q1 X̱ana' Dios, žeyache' ḻáže'tezlo' benne' chio' ka'.
\q1 Bi wsano' žono' žin da' wzó ḻawo' žonon'.
\c 139
\q1
\v 1 X̱ana' Dios, ba bwíakzo' neda' na' binlo nónbi'o neda'.
\q1
\v 2 Nnézkzelo' kate' ži'a, na' kate' ẕzo ža'a.
\q1 Zíto'le nnézkzelo' da' yo'o yichj ḻáẕda'wa'.
\q1
\v 3 Ẕwíakzo' da' žona', na' da' žezá' ḻaža'a.
\q1 Nnézkzelo' yógo'te da' žona'.
\q1
\v 4 Kate' bi na' wchaḻja',
\q1 ba nnézkzelo' Le', X̱ana' Dios, yógo'te da' nnia'.
\q1
\v 5 Gáte'tezle kwita' neda' zoakzo' Le', X̱ana' Dios,
\q1 na' no'o žon chochen neda'.
\q1
\v 6 Dan' ẕente nak da' nnezlo' Le' žonen ga žebanla'.
\q1 Nakḻe'en sina', na' bi gak chejni'ilan'.
\q1
\v 7 ¿Gaẕ gak cha'a zi'to' gan bi zoakze Be' La'y chio'?
\q1 ¿Gaẕ gak wẕonnja' gan bi zoakzo' Le'?
\q1
\v 8 Cha' kwena' sibe ẕan ya'abá, zoakzo' Le' ga na'.
\q1 Cha' yetja' ḻo da' gže' che yežlyó, zo' Le' ga na'.
\q1
\v 9 Chela' sáke'la' tia' ḻo be', na' cha'a zi'to' gan ẕḻa' wbíž,
\q1 o tia' yecheḻa'ale nisdo' gan žen wbíž,
\q1
\v 10 ḻezka' sóaḻeno' neda' ga na',
\q1 na' no'o ḻi ža gon chochen neda'.
\q1
\v 11 Chela' gak gona' ga wkache' da' choḻ neda',
\q1 o gona' ga yeyák choḻ baní' da' nyechjlen neda',
\q1
\v 12 da' choḻ na' bi gak wkachen' neda' ḻawo' Le',
\q1 na' yel yeyaken ka te ža ḻawo' Le'.
\q1 Lébeze ka zej nak da' choḻ, na' yeḻa' baní' ḻawo' Le'.
\q1
\v 13 Le' beno' da' ka' zej yo'on ḻo beḻa' žen chia'.
\q1 Le' bzo'o neda' ḻo ḻe'e x̱na'a.
\q1
\v 14 Wká'n ẕenkza' Le' dan' ẕente nak da' žono', na' žebanla' ka naken.
\q1 Dot ḻaža'a nnézkzela' naken ki.
\q1
\v 15 Bḻe'ekzlo' neda' kate' wyá'a žit yoa'a,
\q1 katen' wzóa' ḻo ḻe'e x̱na'a,
\q1 katen' bgola' ḻo da' bagáche'ze ga na'.
\q1
\v 16 Bḻe'elo' beḻa' žen chia' kate' wyá'n.
\q1 Yógo'te da' ki bzojon' ḻe'e yiche chio', na' wdé na' wyá'n,
\q1 na' yógo'ten gókgaken kan zej nyejwn.
\q1
\v 17 X̱ana' Dios, ẕente zej nak da' žezá' ḻažo'o gono'.
\q1 Da' zante zej naken.
\q1
\v 18 Cha' gak ḻaža'a wlaba' ka zej naken,
\q1 zej nyanen ka yož dan' žen' žoa'a yegw ẕen.
\q1 Kate' žebana', na' zóaḻenkza' Le'.
\q1
\v 19 X̱ana' Dios, da' likze goto' benne' wen da' ẕinnj ka'.
\b
\q1 Che ḻen le kwas gan zoa', ḻe'e, benne' wet benách ka'.
\b
\q1
\v 20 Ẕnnégake' chio' Le', Dios.
\q1 Benne' ka' bi ẕḻé'egekle' Le' chawe' ẕzétjgake' dáche'ze La la'y chio'.
\q1
\v 21 X̱ana' Dios, bi ẕḻe'ela' chawe' benne' ka' ẕzóagake' Le' cheḻa'ale,
\q1 na' ẕžá'aḻi'a benne' ka' ẕží'igake' chio' Le'.
\q1
\v 22 Dot ḻaža'a bi ẕḻe'ela' chawe' benne' ka'.
\q1 Žekla' ẕži'igak benne' ka' chekza' neda'.
\q1
\v 23 Bwíakze neda', X̱ana' Dios, na' bwia da' yo'on yichj ḻáẕda'wa'.
\q1 Bwia neda' nich nnezlo' da' ẕza' ḻaža'a.
\q1
\v 24 Bwia cha' zoaḻen to da' ẕinnj neda'.
\q1 Bzoa neda' ḻo nez chawe' chio' dan' zoan to chi'ize.
\c 140
\q1
\v 1 X̱ana' Dios, beslá neda' ḻo na'gak benne' wen da' ẕinnj ka'
\q1 nich bi gongak benne' yichj ža'a ka' neda' ẕia.
\q1
\v 2 Benne' ki žíljgake' da' ẕinnj da' góngake'.
\q1 Tža tža ẕdíḻ-ḻengake' benách ka'.
\q1
\v 3 Da' ẕnnágake' naken ka laye' bele da' zej ntochen'.
\q1 X̱tíža'gak benne' ka' zej naken ka nis snia che bele.
\q1
\v 4 X̱ana' Dios, bi go'o latje benne' wen da' ẕinnj ka' góngake' chia' da' ẕinnj.
\q1 Beslá neda' ḻo na'gak benne' yichj ža'a ka',
\q1 benne' ka' žon byéngake' chejchégoa'a.
\q1
\v 5 Benne' ka' ẕka'n ẕen kwíngake' wlékgake' to da' senen neda'.
\q1 Bzáḻjgake' do yeḻj žoa'a nez.
\q1 Wlékgake' da' ka' séngaken neda'.
\b
\q1
\v 6 Goža' X̱ana' Dios: “Le' nako' Dios chia'.
\q1 X̱ana' Dios, benle chi'a kate' žḻiža' Le'.
\q1
\v 7 X̱ana' Dios, nakkzo' Benne' weslá chia'.
\q1 Le' wdape chi'o yichja' ḻo ža gok wdiḻe.
\q1
\v 8 X̱ana' Dios, bi go'o latje gak kan žak ḻáže'gak benne' wen da' ẕinnj ka'.
\q1 Bi go'o ḻégake' latje góngake' da' ẕza' ḻáže'gake' nich bi wká'n ẕen kwíngake'.
\q1
\v 9 Zej nyechjle benne' wen da' ẕinnj ka' neda'.
\q1 Ben ga gak chegak benne' ka' kan žénegekle' góngake' chegak benne' yoble ka'.
\q1
\v 10 Ben ga yex̱jw yi' ḻo yichjgak benne' ka'.
\q1 Ben ga chejchazgak benne' ka' ḻo yin'.
\q1 Ben ga chejchazgake' ḻo da' gže'ḻe'e gan batkle yežójgake'.
\q1
\v 11 Bi go'o latje bennen' ẕnne zi'e ga'ne' ḻo yežlyó.
\q1 Ben zi' benne' yichj ža'a, dan' wžía yin' ḻe'.”
\q1
\v 12 Nnezla' yechebe X̱anžo Dios che no benne' gax̱jw ḻaže',
\q1 na' wzóa choche' da' ka' zej yo'on ḻo na'gak benne' yache' ka'.
\b
\q1
\v 13 Da' likze benne' chawe' ka' we ḻáwgake' La la'y chio',
\q1 na' benne' ḻi ḻaže' ka' sóagake' gan zo' Le'.
\c 141
\q1
\v 1 X̱ana' Dios, žḻiža' Le'. Da ka' gaze gákḻeno' neda'.
\q1 Benle chi'a kate' wḻiža' Le'.
\q1
\v 2 Ben ga kwen da' ẕnnabla' ḻawo' Le' ka to žen ẕix̱.
\q1 Wẕí' da' ẕchisa' ḻawo' Le' ka to biado' žota'-ba' ḻawo' Le'.
\q1
\v 3 X̱ana' Dios, wdape chi'i žoa'a
\q1 nich bi nnia' to da' bi nak chawe'.
\q1
\v 4 Bi go'o latje se ḻaža'a gona' to da' ẕinnj
\q1 nich bi gona' to da' bi nak chawe',
\q1 na' nich bi gáwḻena' benne' wen da' ẕinnj ka' tẕen che lni chégake'.
\b
\q1
\v 5 Cha' to benne' chawe' wsake'e neda', gaken chia' to da' chawe',
\q1 na' cha' tiḻe' neda', gaken chia' ka to da' ẕlaḻe'e ẕix̱ dan' ẕgo'e yichja',
\q1 na' nnábtezla' Dios gon chawe'e ḻe'.
\q1
\v 6 Kate' bíx̱jegak benne' blo ka' chegak benne' wen da' ẕinnj ka' ḻe'e ya'a yej ka',
\q1 na' gákbe'egekle benách ka' nak chawe' da' ẕnnia'.
\q1
\v 7 Gáslasgak žit chegak benne' ka' žoa'a yežw ba chégake'.
\q1 Gá'ngaken ka bcheko yo ka' gan ža'n beže.
\b
\q1
\v 8 Che ḻen ẕwia' gan zo' Le', X̱ana' Dios.
\q1 Žx̱en ḻaža'a Le'. Bi kwej yichjo' neda'.
\q1
\v 9 Bwia neda' nich bi sen do yeḻj chegak benne' wen da' ẕinnj ka' neda',
\q1 na' nich bi chejchaza' ḻo da' wlékgake'.
\q1
\v 10 Ben ga chejchazgak benne' wen da' ẕinnj ka' ḻo do yeḻj da' wlékgake',
\q1 x̱ak tia' neda' ga na' dot cháwe'do'.
\c 142
\q1
\v 1 Neda' ẕnnia' zižje, žḻiža' X̱anžo Dios.
\q1 Dot ḻaža'a ẕnnabla' X̱anžon' yeyache' ḻáže'le' neda'.
\b
\q1
\v 2 Ḻawo' Le' žawa' ẕia che da' žak chia'.
\q1 Ḻawo' Le' ẕḻoe'ela' že' zedla' neda'.
\q1
\v 3 Kate' že' ḻáẕda'wa' zedḻe'e, Le', X̱ana' Dios, nnezlo' da' žaken chia'.
\q1 Wlékgake' to do yeḻj ḻo x̱neza', nich senen neda'.
\q1
\v 4 Ẕwia' kwitla', san bi zoa no benne' gákḻene' neda'.
\q1 Bi zoa no benne' gape chi'ikze' neda'.
\q1 Bi zoa no benne' kwi'e wnné yoe chia' neda'.
\q1
\v 5 Žḻiža' Le', X̱ana' Dios, ẕnnia':
\q1 “Žx̱en ḻaža'a tozo' Le'.
\q1 Tozo' Le' žaz ḻaža'a ḻo yežlyó nga.
\q1
\v 6 Benle da' žḻiža' Le', dan' ẕzáka'ḻi'a.
\q1 Beslá neda' ḻo na'gak benne' ka' ẕbia ḻáže'gake' neda', na' zej nakže' waḻe ka neda'.
\q1
\v 7 Bebéj neda' ḻo da' žaken chia' nich gak we ḻawa' Le'.
\q1 Benne' chawe' ka' chéchjgeke' neda' kate' gon chawo'o neda'.”
\c 143
\q1
\v 1 X̱ana' Dios, benle da' ẕnnia' ḻawo' Le'.
\q1 Bze nag da' ẕnnabla' Le'.
\q1 Da gákḻeno' neda' dan' nako' ḻi ḻaže', na' chawe'.
\q1
\v 2 Bi wchi'a ḻažo'o neda', wen žin chio', ka nak da' nbaga'a,
\q1 dan' ḻawo' Le' bi zoa no benne' nake' dot ḻi ḻaže'.
\q1
\v 3 Gokḻen neda' dan' benne' ka' ẕžá'agake' neda' ẕbia ḻáže'gake' neda'.
\q1 Yeláte'ze ka bétgake' neda'.
\q1 Béngake' ga naka' ka to benne' ẕde' ḻo da' choḻ kan žak chegak benne' gat ka'.
\q1
\v 4 Že' ḻáẕda'wa' zedḻe'e, na' žak nyache' ḻáže'ḻi'a.
\q1
\v 5 Žejsá' ḻaža'a kan gok ža ni'te.
\q1 Ẕlab ḻaža'a ka nak yógo'te da' beno'.
\q1 Žejsá' ḻaža'a ka nak da' ẕente da' beno'.
\q1
\v 6 Ẕchis na'a ḻawo' Le'.
\q1 Naka' ka to yežlyó biž, ẕbiḻa' Le'.
\q1
\v 7 Da ka' gaze gákḻeno' neda', X̱ana' Dios.
\q1 Dan' žedó ḻaža'a bi žel-lo' gákḻeno' neda'
\q1 nich bi gaka' ka to benne' yoe'e yežw ba.
\q1
\v 8 Zildo' ben ga chejsá' ḻaža'a žeyache' ḻáže'lo' benách chio' ka' dan' žx̱en ḻáže'kza' Le'.
\q1 Bzejní'il neda' ka žaḻa' gona' dan' žak ḻaža'a gona' da' žaz ḻažo'o Le'.
\q1
\v 9 X̱ana' Dios, beslá neda' ḻo na'gak benne' ka' ẕžá'agake' neda'.
\q1 Ẕzoa kwina' ḻo no'o nich gape chi'ikzo' neda'.
\q1
\v 10 Bsedle neda' nich gona' da' žaz ḻažo'o Le', dan' nako' Le' Dios chia'.
\q1 Bseḻa' Be' La'y chawe' chio' nich chi'e neda' ḻo nez chawe' chio'.
\q1
\v 11 Nich gak bian' nako' chawe', X̱ana' Dios, ben choch neda'.
\q1 Dan' nako' chawe', yesló' neda' ḻo da' žak chia'.
\q1
\v 12 Dan' nako' ḻi ḻaže', wžía yi'o benne' ka' ẕžá'agake' neda'.
\q1 Wžía yi'o benne' ka' žénegekle' wžía yí'gake' neda' dan' naka' neda' wen žin chio'.
\c 144
\q1
\v 1 ¡Ga'n ẕen X̱anžo Dios, Bennen' ẕzoa choche' neda'!
\q1 Ḻekze' žon choche' na'a nich gak cha'a ḻo wdiḻe.
\q1 Žon choche' x̱ben na'a nich tíḻ-ḻena' benne' wen da' ẕinnj ka'.
\q1
\v 2 Ḻekze' žeyache' ḻáže'le' neda', na' nake' ka to yo'o gan že' chawa'a.
\q1 Žon choche' neda', na' žeslé' neda'.
\q1 Žape chi'e neda', na' žx̱en ḻaža'a Ḻe'.
\q1 Žone' ga žongak benne' chia' ka' da' žapa' ḻégake'.
\b
\q1
\v 3 X̱ana' Dios, ¿biẕkze zej nak benne' ka', dan' žejsá' ḻažo'o chégake'?
\q1 ¿Biẕ zej nak benne' ka' dan' ži'o wnné yoe chégake'?
\q1
\v 4 Zej nak benne' ka' ka to da' ẕnitlen.
\q1 Zej nak ža chégake' ka to ẕoḻ dan' ẕdezen.
\q1
\v 5 X̱ana' Dios, bsaljw ẕan ya'abá. Betj gákḻeno' neda'.
\q1 Bta ya'a ẕen ka', na' žoj žen che yi'.
\q1
\v 6 Bzaḻa' yes wzió' ka', na' bsejw x̱nezgak benne' wen da' ẕinnj ka'.
\q1 Bse yag ntóche'do' chio' ka', na' bžia yi'-gake'.
\q1
\v 7 Gan zo' na'le, bze no'o, na' beslá neda' ḻo da' zedḻe'e gan ži'a.
\q1 Beslá neda' ḻo na'gak benne' zi'to' ka'.
\b
\q1
\v 8 Benne' ka' ẕnnátezegake' da' wen ḻaže',
\q2 na' ẕzétjgake' Dios katen' žon ḻáže'gake'.
\b
\q1
\v 9 X̱ana' Dios, goḻkza' chio' to da' kob, na' wgoḻa' da' žóḻ-ḻento'.
\q1 Ḻen da' žóḻ-ḻento' da' nwan' chi do goḻkza' chio'.
\q1
\v 10 Žonkzo' Le' ga žežojgak chawe' benne' wnná bia' ka'.
\q1 Besló' Dabí, benne' wen žin chio', ḻo ya ntoche' ka' chegak benne' wen da' ẕinnj ka'.
\q1
\v 11 Beslá neda' ḻo na'gak benne' zi'to' ka'.
\b
\q2 Benne' ka' ẕnnátezegake' da' wen ḻaže',
\q2 na' ẕzétjgake' Dios katen' žon ḻáže'gake'.
\b
\q1
\v 12 Ben ga gólegak bi' byo cheto' ka' kan ẕgólegak yag ka' ḻo yo bebe.
\q1 Ben ga gakgak bi' no'le cheto' ka' ka zej nak yag x̱tanḻe'e ka' nníta'gaken ḻi'a che to yo'o ẕen.
\q1
\v 13 Ben ga cha'gak ližto' ka' yógo'te kwe' linne cheto'.
\q1 Ben ga chanḻe'e bia yix̱e' cheto' ka',
\q1 nich gakgak bia yíx̱e'do' zanḻe'e ḻo yežlyó cheto'.
\q1
\v 14 Ben ga gakgak beže cheto' ka' bia waḻe ka' nich gónḻe'egakba' žin.
\q1 Ben ga bi wsángakba' bia že'ndo' ka' kate' bi na' žin byo' chégakba'.
\q1 Ben ga bi soa no benne' kweže nyache'e ḻo yež cheto'.
\b
\q1
\v 15 Ba nez ẕen naken chegak benne' ka' žaken ki chégake'.
\q2 Ba nez ẕen naken chegak benne' ka' X̱anžon' nake' Dios chégake'.
\c 145
\q1
\v 1 Wká'n ẕena' Le', Dios chia'.
\q1 Nako' Le' Benne' Wnná Bia' Ẕen chia'.
\q1 Wká'n ẕénteza' La la'y chio' to chi'ize.
\q1
\v 2 Tža tža wká'n ẕena' Le'.
\q1 Wká'n ẕénteza' La la'y chio' to chi'ize.
\b
\q1
\v 3 Ẕente nak X̱anžo Dios, na' nak chie' we ḻáwtezežo Ḻe'.
\q2 Batkle gak gónbia'žo ka ẕente nake'.
\b
\q1
\v 4 Yógo'te kwe' benne' chio' ka' yéngekle' da' beno' Le'
\q1 na' wzéngekle' yezika' benách ka nak da' ẕente na'.
\q1
\v 5 Wláb ḻaža'a ka nak yeḻa' ẕen che yeḻa' wak chio',
\q1 na' ka nak da' ẕente ka' da' beno'.
\q1
\v 6 Yógo'te benne' ka' wcháljgake' ka nak yeḻa' wak che da' ẕente da' beno',
\q1 na' neda' wzenla' ḻégake' ka nak yeḻa' ẕen chio'.
\q1
\v 7 Wzéngekle' ljéžgake' ka' ka nak yeḻa' ži'i ḻaže' ẕen chio',
\q1 na' góḻtezegake' kan nako' Le' chawe'.
\b
\q1
\v 8 X̱anžo Dios nake' ži'i ḻaže',
\q2 na' žeyache' ḻáže'le' benne' chie' ka'.
\q2 Nake' ẕen ḻaže', na' žeyache' ḻáže'ḻe'ele' žo'o.
\q1
\v 9 X̱anžo Dios žon chawe'e yógo'te benne' ka',
\q2 na' žeyache' ḻáže'le' yógo'te
\q2 da' zóagaken nbángaken, da' ka' bene' Ḻe'.
\b
\q1
\v 10 Yógo'te da' ka' beno' wká'n ẕéngaken Le', X̱anto' Dios
\q1 na' benne' chio' ka' we ḻáwgake' Le'.
\q1
\v 11 Ẕcháḻjgake' ka ẕente nak yeḻa' wnná bia' chio'.
\q1 Ẕcháḻjgake' ka nak yeḻa' wak ẕente chio'
\q1
\v 12 nich wzéngekle' yógo'te benne' ka' ka zej nak da' ẕente ka' da' beno',
\q1 na' ka nak yeḻa' ẕen che yeḻa' wnná bia' chio'.
\q1
\v 13 Yeḻa' wnná bia' chion' sóatezen,
\q1 na' nna bi'o yógo'te kwe' benách ka'.
\b
\q1
\v 14 Nox̱w X̱anžo Dios yógo'te benne' ka' žejchégwgake'.
\q2 Žechise' yógo'te benne' ka' zej ndo'e ḻo žin waḻe.
\b
\q1
\v 15 Yógo'te benne' ka' ẕbézgake' Le' gákḻeno' ḻégake',
\q1 na' Le' wneẕjo' da' gáwgake' kate' gaḻa' chen.
\q1
\v 16 Ḻo yeḻa' ži'i ḻaže' chio' ẕze no'o.
\q1 Ẕneẕjo' da' žiážjegekle yógo'te da' zóagaken nbángaken.
\b
\q1
\v 17 Chawe' nak X̱anžo Dios ḻo yógo'te da' žone',
\q1 na' ḻi ḻaže' zej nak yógo'te da' žone' Ḻe'.
\q1
\v 18 X̱anžo Dios zóateze' gákḻene' yógo'te benne' ka' žḻížgake' Ḻe',
\q1 yógo'te benne' gax̱jw ḻaže' ka' žḻížgake' Ḻe'.
\q1
\v 19 Gone' da' žak ḻáže'gak benne' ka' ẕžébegake' Ḻe'.
\q1 Ḻezka' yenle' chégake' kate' wḻížgake' Ḻe', na' yeslé' ḻégake'.
\q1
\v 20 X̱anžo Dios žape chi'ikze' yógo'te benne' ka' zej nži'ile' Ḻe',
\q1 san wžía yi'e yógo'te benne' ka' ẕbej yíchjgake' Ḻe'.
\q1
\v 21 Dot ḻaža'a wká'n ẕena' X̱anžo Dios.
\q1 Yógo'te benne' ka' žaḻa' we ḻáwgake' La la'y chie' to chi'ize.
\c 146
\q1
\v 1 ¡Ga'n ẕen X̱anžo Dios!
\q2 Dot ḻaža'a žoe ḻawa' X̱anžo Dios.
\b
\q1
\v 2 X̱ak zoa' nbana' wká'n ẕena' X̱anžo Dios.
\q1 Góḻteza' da' we ḻawa' X̱anžo Dios x̱ak zoa' nbana'.
\q1
\v 3 Bi wx̱én ḻáže'le benne' wnná bia' ka',
\q1 na' bi wx̱én ḻáže'le benne' waḻe ka', dan' bi gak yeslágake' ḻe'e.
\q1
\v 4 Žežój be' zej yoe'e, na' yeyákgake' bix̱te yo.
\q1 Ḻo ža na'kze nitle da' gok ḻáže'gake' góngake'.
\q1
\v 5 Ba nez ẕen naken che bennen', žakḻen Dios che Jakob ḻe',
\q1 bennen' žx̱en ḻaže'e X̱anžo Dios.
\q1
\v 6 Dios na'kze bene' ya'abá, na' yežlyó, na' nisdo',
\q1 na' yógo'te da' ka' zej nnitan' latje ka'.
\q1 Nake' Bennen' žónteze' da' ḻi ḻaže'.
\q1
\v 7 Ẕchi'a ḻaže'e benne' nyache' ḻaže' ka',
\q1 na' ẕwawe' benne' ka' ẕdóngake'.
\q1 X̱anžo Dios žeslé' benne' ndo'w ka'.
\q1
\v 8 X̱anžo Dios žeyone' yej ḻawgak benne' ḻo choḻ ka'.
\q1 X̱anžo Dios žechise' benne' ka' žejchégwgake'.
\q1 X̱anžo Dios nži'ile' benne' chawe' ka'.
\q1
\v 9 X̱anžo Dios žape chi'e benne' zi'to' ka'.
\q1 Žákḻene' bi' wzebe ka', na' no'le wzebe ka',
\q1 san ẕchinnje' da' žongak benne' wen da' ẕinnj ka'.
\q1
\v 10 Ḻe'e, benne' yež Sión, ẕnna bia'kze X̱anžo Dios.
\q1 Ẕnna biá'teze Dios to chi'ize.
\b
\q2 ¡Ga'n ẕen X̱anžo Dios!
\c 147
\q1
\v 1 ¡Le wká'n ẕen X̱anžo Dios!
\b
\q1 Nak chawe' goḻžo da' we ḻawžo Dios chežo.
\q1 Dot ḻáže'žo žaḻa' wká'n ẕenžo-ne'.
\q1
\v 2 X̱anžo Dios yeyone' yež Jerusalén.
\q1 Yechi'e benne' Israel ka' zej zoe' yež zi'to' ka'.
\q1
\v 3 Žeyone' benne' ka' nyache' ḻáže'gake',
\q1 na' ẕde'e ḻégake' laže' gan zej žia we' chégake'.
\q1
\v 4 Nnézkzele' baḻ belj ka' nníta'gaken.
\q1 To to belj ka' žwe'e lan.
\q1
\v 5 Ẕente nak X̱anžo Dios, na' nape' dot yeḻa' wak.
\q1 Bi be de da' bi žejni'ile' Ḻe'.
\q1
\v 6 X̱anžo Dios žákḻene' benne' gax̱jw ḻaže' ka',
\q1 san ẕzex̱jwe' benne' wen da' ẕinnj ka'.
\b
\q1
\v 7 ¡Le goḻ da' wká'n ẕenle X̱anžo Dios!
\q2 ¡Le goḻ, na' le wchínnj da' ka' ẕgoḻ-le ḻaw Dios chežo!
\b
\q1
\v 8 Ḻe' ẕnnite'e bejw ka' ẕan ya'abá.
\q1 Ḻe' žseḻe'e nis yejw ḻo yežlyó.
\q1 Ḻe' žone' ga žiagak yíx̱e'do' ka' ḻaw ya'a ka'.
\q1
\v 9 Ḻe' ẕneẕjwe' da' žawgak bia yix̱e' ka'.
\q1 Ẕneẕjwe' da' žawgak sechjdo' ka', bia ka' ẕbéžeya'agakba'.
\q1
\v 10 Da' žaz ḻaže'e bi naken yeḻa' waḻe chegak bžina' ka',
\q1 na' kege yeḻa' waḻe chegak benne' ka',
\q1
\v 11 san žaz ḻaže'e benne' ka' ẕžébegake' Ḻe',
\q1 na' benne' ka' žx̱en ḻáže'gake' Ḻe' nich yeyache' ḻáže'le' ḻégake'.
\b
\q1
\v 12 ¡Le wká'n ẕen X̱anžo Dios, ḻe'e zoale yež Jerusalén!
\q2 ¡Le wká'n ẕen Dios chele, ḻe'e zoale yež Sión!
\b
\q1
\v 13 Ḻe' ẕzoa choche' ze'e da' žape chi'in yež chele.
\q1 Žon chawe'e benne' ka' nníta'gake' yež chele.
\q1
\v 14 Ẕzoe' yeḻa' ẕga'n chawe' ḻo yežlyó chele.
\q1 Gónnḻi'e chele ẕoa' cháwe'ḻe'e.
\q1
\v 15 Žseḻe'e x̱tiže'e chegak benách yežlyó ka',
\q1 na' ka' gaze žak da' ẕnne'.
\q1
\v 16 Ẕwakwe' yežlyó ḻen bege' da' naken ka ẕila'.
\q1 Ẕzex̱jwe' x̱le'l yel ka de.
\q1
\v 17 Žone' ga žex̱jw yej nis ka yejdo' ka'.
\q1 ¿Noẕ benne' gak soele' da' zag chen?
\q1
\v 18 Ẕnnie', na' žeyaken nis.
\q1 Žone' ga žak be', na' žeyák begen' nis wbá'a.
\b
\q1
\v 19 Bzejni'ile' Jakob ka nak x̱tiže'e,
\q1 na' bdie' da' bsedle', na' da' ka' wnnakze' Ḻe' ḻo na'gak benne' Israel ka'.
\q1
\v 20 Bi na' gone' ki che nitó yež yezika',
\q1 na' benne' yež ka' bi žeyónbia'gake' x̱tiže'e.
\b
\q2 ¡Ga'n ẕen X̱anžo Dios!
\c 148
\q1
\v 1 ¡Le wká'n ẕen X̱anžo Dios!
\q2 ¡Le wká'n ẕen X̱anžon', ḻe'e, zoale ya'abá!
\q2 ¡Le wká'n ẕene' Ḻe', ḻe'e, zoale ža'le!
\b
\q1
\v 2 ¡Le wká'n ẕene' Ḻe', ḻe'e, wbás che ya'abá chie' ka'!
\q1 ¡Le wká'n ẕene' Ḻe', ḻe'e, benne' zante chie'!
\q1
\v 3 ¡Le wká'n ẕene' Ḻe', ḻe'e, wbíž, na' byo'!
\q1 ¡Le wká'n ẕene' Ḻe', ḻe'e, belj žsa'ni'le!
\q1
\v 4 ¡Le wká'n ẕene' Ḻe', le', ya'abá na'le,
\q1 na' ḻe'e, nis ka' zoale ḻawle ya'abá!
\q1
\v 5 ¡Le wká'n ẕen La la'y che X̱anžon',
\q1 dan' wnnekze' Ḻe', na' wzoale!
\q1
\v 6 Bene' ga zoale na'a, na' to chi'ize.
\q1 Wnnakze' chele ḻe'e to da' bi te chen.
\q1
\v 7 ¡Le wká'n ẕen X̱anžon' ḻo yežlyó,
\q1 ḻe'e, bia ẕen ka' zoale ḻo nisdo', na' ḻo nis zil,
\q1
\v 8 na' ḻe'e, yes wzió', na' yej nis, na' bege', na' bejw ka',
\q1 na' ḻe'e, be' bdone' ka', žonle ka ẕnnakze' Ḻe'!
\q1
\v 9 ¡Le wká'n ẕene' Ḻe', ḻe'e, ya'ado' ka', na' ya'a ẕen ka',
\q1 na' ḻe'e, yag ẕix̱ ka', na' yag sedro ka',
\q1
\v 10 na' ḻe'e, bia yix̱e' ka', na' bia ka' napgak benne' ka',
\q1 na' ḻe'e, bia snia ka', na' bia zej zoa x̱ílgakba'!
\q1
\v 11 ¡Le wká'n ẕene' Ḻe', ḻe'e, benne' wnná bia' ka',
\q1 na' yógo'te benne' gax̱jw ḻaže' ka',
\q1 na' ḻe'e, benne' blo ka', na' benne' wchi'a ḻaže' ka',
\q1
\v 12 na' ḻe'e, benne' byo wego' ka', na' no'le wego' ka',
\q1 na' ḻe'e, benne' gole ka', na' x̱kwide' ka'!
\q1
\v 13 ¡Le wká'n ẕen La la'y che X̱anžon'!
\q1 Ẕénḻe'eže nak La la'y chie' Ḻe' ka yógo'te lagak benne' ka'.
\q1 Yeḻa' ẕen chie' ẕḻa' ḻawn ḻo yežlyó, na' ya'abá.
\q1
\v 14 Ḻe' benne' yela' wak ẕen chegak benne' chie' ka'.
\q1 ¡Le wká'n ẕene' Ḻe', ḻe'e, benne' chie' ka', nakle ẕa'só Israel ka',
\q1 na' nakle benne' ka' nži'ile' Ḻe'!
\b
\q2 ¡Ga'n ẕen X̱anžon'!
\c 149
\q1
\v 1 ¡Le wká'n ẕen X̱anžo Dios!
\q1 ¡Le goḻ che X̱anžon' to da' kobe!
\q1 ¡Le wká'n ẕene' Ḻe' gan zej ndobe benne' chie' ka'!
\q1
\v 2 ¡Le yebele, ḻe'e, benne' Israel ka', ḻaw Dios, Bennen' bene' ḻe'e!
\q1 ¡Le yebele, ḻe'e, zoale yež Sión, ḻaw Dios, Bennen' nake' Benne' Wnná Bia' Ẕen chele!
\q1
\v 3 ¡Le wká'n ẕen La la'y che X̱anžon', na' wya'ale!
\q1 ¡Le wchoncho yid ka', na' le wchínnj da' ka' ẕgoḻ-le, nich we ḻawle Ḻe'!
\q1
\v 4 X̱anžo Dios žaz ḻaže'e benne' chie' ka'.
\q1 Žape' ba la'ne benne' gax̱jw ḻaže' ka', na' žeslé' ḻégake'.
\q1
\v 5 Žaḻa' yebégekle benne' chie' ka' ḻo yeḻa' ẕen chie',
\q1 na' góḻgake' ḻo yeḻa' žebele chégake' dot yele.
\q1
\v 6 Žaḻa' kwéžeya'agake', nich we ḻáwgake' Dios,
\q1 zej noe'e ya ntoche' ka' da' zej nla žop ḻa'aten,
\q1
\v 7 nich yezí'gake' wzón benne' zi'to' ka',
\q1 na' góngake' benách yež ka' ẕia,
\q1
\v 8 na' nich wchéjgake' benne' wnná bia' ka' do ya,
\q1 na' ḻezka' benne' waḻe ka',
\q1
\v 9 na' nich wžía yí'gake' benne' ka' ka wnnakze Dios gaken chégake'.
\q1 Da' ni gaken yeḻa' ba nez ẕen chegak benne' ka' che Dios.
\b
\q2 ¡Ga'n ẕen X̱anžon'!
\c 150
\q1
\v 1 ¡Le wká'n ẕen X̱anžo Dios!
\q1 ¡Le wká'n ẕen X̱anžon' ḻo yodo' la'y chie'!
\q1 ¡Le wká'n ẕen yeḻa' wak chie' ḻo ya'abá chie'!
\q1
\v 2 ¡Le wká'n ẕene' Ḻe' ni'a che da' ẕen da' bene'!
\q1 ¡Le wká'n ẕene' Ḻe' ni'a che yeḻa' ẕen chie'!
\q1
\v 3 ¡Le wká'n ẕene' Ḻe', wkwéẕele lozgak bia ka'!
\q1 ¡Le wká'n ẕene' Ḻe', chínnele da' žóḻ-ḻento' ka'!
\q1
\v 4 ¡Le wká'n ẕene' Ḻe', wchónchwle yid, na' wya'ale!
\q1 ¡Le wká'n ẕene' Ḻe', chínnele da' ka', na' wkwéẕele bžéjwdo' ka'!
\q1
\v 5 ¡Le wká'n ẕene' Ḻe', wtiḻ-le yado' ka'!
\q1 ¡Le wká'n ẕene' Ḻe', wtiḻ-le ya ẕen ka'!
\q1
\v 6 ¡Le wká'n ẕen X̱anžon', yógo'tele zoale nbanle!
\q1 ¡Le wká'n ẕen X̱anžo Dios!