\id 2TH 2 Thessalonians 1 Lachixio Zapotec USFM output from Final pdf Aug 2010 
\h 2 Tesalonicenses 
\toc1 Carta rrucu nú uquieꞌe San Pablo lu bee bene eyeche Tesalónica enu nzeli arquiꞌ Jesucristo 
\toc2 2 Tesalonicenses 
\toc3 2 Ts 
\mt1 Carta rrucu nú uquieꞌe San Pablo lu bee bene eyeche Tesalónica enu nzeli arquiꞌ Jesucristo 
\c 1  
\s1 Lunú niarquiꞌ Pablo nú cha nzeꞌca lu cuendaꞌ bee bene 
\p  
\v 1 Liꞌá Pablo, cuna Silvano nu Timoteo, rquieꞌeru carta quieꞌ luhua, liꞌihua bee bene Tesalónica enu nzeli arquiꞌ Jesucristo, liꞌihua enu neca tucunecatse cuna Diose Pa liñibe nu cuna Jesucristo enu rnibiyaꞌ.  
\v 2 Nu Diose Paꞌahua cuna Jesucristo enu rnibiyaꞌ riꞌi nú cha nzeꞌca lu cuendaꞌhua cuna nú nzuxe arquiꞌhua. 
\s1 Rdeteꞌ Pablo cheꞌtsa lu Diose 
\p  
\v 3 Bee saꞌa enu nzeli arquiaꞌahua Jesucristo ye yeꞌe rdeteꞌru cheꞌtsa lu Diose equie cuendaꞌhua, xne scua riala nú riꞌiru, xne ye yeꞌe másela nze chililá arquiꞌhua Jesucristo, nu leꞌca cada tucuhua maselá secahua bee saꞌhua.  
\v 4 Nu chiquiꞌ ñia nzu arquiꞌru rniru lu cuendaꞌhua ante lu beelá bee beneꞌ Diose, nu rniru lubeella equie nú xa nzelí arquiꞌhua nu xa nzuquie arquiꞌhua añinzuca nú rriꞌinu bee bene liꞌihua lunú rriꞌinu bee bene liꞌihua, nu lunú nehuana secahua.  
\v 5 Nucuaꞌ rlubeꞌ nú rlualu Diose tucu nú necane. Xne liꞌihua bee enu nehuana seca riala nú atiꞌhua elu rnibiyaꞌnu. 
\p  
\v 6 Nu lunú rlualu Diose tucu nú necane, enzeꞌe riꞌinu nú nehuana zeca bee bene enu rriꞌi nú nehuana secahua.  
\v 7 Nu liꞌihua bee enu nehuana seca nee, liquiꞌnu nú tselachiaꞌahua bichia chenu riña zeca Jesucristo enu rnibiyaꞌ, nzeꞌtanu enza liñibe leta ellieꞌnu nú xi neca quii neca cuna bee ángeleꞌnu enu chiquiꞌ rluꞌcu poder.  
\v 8 Che deteꞌnu castiya bee bene enu la niarquiꞌ chulu Diose nu cuna lubee bene enu lá niarquiꞌ chili arquiꞌ bedichiaꞌ nzeꞌcaꞌ Jesucristo enu rnibiyaꞌ luaꞌahua.  
\v 9 Bee benequieꞌ zeca castiya nú leca xunga laxu, nu la yala cuaꞌa beei elu nzucu Diose xne chiquiꞌ rnibiyaꞌnu.  
\v 10 Scua aca bichia chenu riña zeca Jesucristo enu rnibiyaꞌ para nú luꞌcu bee beneꞌnu ulaꞌna lunu, nu zecalullieꞌ ye beella lunu, nu leꞌca liꞌihua enu uyali arquiꞌ stichiaꞌnu nú uniru luhua. 
\p  
\v 11 Enzeꞌe ye yeꞌe rnacuꞌru lu Diose equie cuendaꞌhua, nú riꞌinu elietsa luhua nú huañihua tucu nú rialane tucu nú ubixianu liꞌihua nú huañihua. Nu leꞌca rnacuꞌru lunu nú riꞌinu elietsa luhua cuna poder nú rluꞌcunu nú yalu ye elliebacuꞌ nzeꞌca nú rriꞌihua, nu cuna ye beelá beenú rriꞌihua, equie nú nzeli arquiꞌhua liꞌinu.  
\v 12 Nu scua zucuꞌ ayahua Jesucristo enu rnibiyaꞌ luaꞌahua nu liꞌinu zucuꞌ ayanu liꞌihua equie nú secanu liꞌihua nu seca Diose liꞌihua. 
\c 2  
\s1 Lubeꞌlu tucu bene enu rluꞌcu nú rnibiyaꞌ bezeꞌlu 
\p  
\v 1 Nee bee saꞌa enu nzeli arquiaꞌahua Jesucristo, equie cuendaꞌ nú nzeꞌta zeca Jesucristo enu rnibiyaꞌ luaꞌahua nu equie nú yeteꞌ saꞌahua cuna liꞌinu, nacua nu zequiaa luhua,  
\v 2 nú la zelahua nu chu zequienu bee bene liꞌihua, liꞌibeei enu rni nu uriñala bichia nu riña Jesucristo enu rnibiyaꞌ. La lliquihua chenu yeneꞌhua nú rni bee bene scua, urre bee enu rni nú tucu espíritu uni lubeei scua, urre nibeei nú liꞌi eꞌcuru uquieꞌeru tucu carta nú rni scua lubeei.  
\v 3 La zelahua nú ti zequienu liꞌihua, xne ante nú riña bichia zeꞌe rluti riñaxu bee bichia nú la zucuaꞌ bee bene Stichiaꞌ Diose. Che lubeꞌlu tucu bene enu riꞌi puro nú rriꞌi bezeꞌlu bene quieꞌ necala nú cha ebila.  
\v 4 Bene quieꞌ neca enu riꞌi cundra ye lunú neca cuendaꞌ Diose nu luꞌcu bee bene ulaꞌna lui, nu zucuꞌ ayai liꞌi hasta nú zucui liñi induꞌ Diose, nu ni nú necai Diose. 
\p  
\v 5 Ulluꞌcu arquiꞌhua nú scua unia luhua chenu uzucuaꞌa cuna liꞌihua.  
\v 6 Nu nee liꞌihua nediyaꞌlaꞌhua ti la zela nú chu lubeꞌlu nucuaꞌ sino que lubeꞌlu nucuaꞌ hasta chenu riña bichia nu riala nú lubeꞌlui.  
\v 7 Bee elliebacuꞌ nú nechá neca cuaꞌ necalane lu iliulabe, rriꞌitsia nú zela enu la zela nú acane scua. Chenu uzelala enu la zela nú acane scua,  
\v 8 che lubeꞌlu bene enu nechá rriꞌi cuaꞌ, nu Jesucristo cuna bii nú laatsianu utinu liꞌi nu cuna ellieꞌnu nú nzeꞌtanu nitilu liꞌi.  
\v 9 Bene enu necha rriꞌi cuaꞌ, lu cuendaꞌ bezeꞌlu entai, nu chiquiꞌ luꞌcui nú nibiyaꞌi. Nu riꞌi huaxi bee nú zecalullieꞌ bee bene, nu riꞌi bee milagro para nú zequienui bee bene.  
\v 10 Cuna ye clasiaꞌ beenú necha neca zequienui bee bene enu unitilula ante Diose equie nú lá zela beei nu lá niarquiꞌ beei chili arquiꞌ beei nú neli neca nú atsilaꞌa liꞌibeei.  
\v 11 Enzeꞌe tsanaꞌ Diose nu ye bee nucuaꞌ zequienu liꞌibeei, nú chili arquiꞌ beei lunú la neli neca.  
\v 12 Para nú ye beei zeca beei castiya, liꞌibeei enu lá chili arquiꞌ lunú neli neca, equie nú máse uyuꞌ arquiꞌ beei uriꞌi beei lunú nechá neca. 
\s1 Bee bene enu netsilaꞌala 
\p  
\v 13 Pero liꞌiru ye yeꞌe riala nú deteꞌru cheꞌtsa lu Diose equie cuendaꞌhua, bee saꞌa enu chiquiꞌ seca Jesucristo. Xne hasta huaꞌtu ucañila Diose liꞌihua para nú tsilaꞌahua lu castiya lunú leca xi nahua equie cuendaꞌ Espíritu Santo nu lunú uchili arquiꞌhua lunú neli neca.  
\v 14 Para nucuaꞌ ubixia Diose liꞌihua nú acahua bee beneꞌnu, chenu uniru luhua bedichiaꞌ nzeꞌcaꞌ Jesucristo enu rnibiyaꞌ para nú huañihua liñibe elu nzucunu. 
\p  
\v 15 Enzeꞌe bee saꞌa enu nzeli arquiaꞌahua Jesucristo utsutaꞌ arquiꞌhua uyanalahua lunú uzeteꞌru liꞌihua chenu ulluaꞌaru cuna liꞌihua, nú lunú unilaru luhua lu carta.  
\v 16 Nu Jesucristo enu rnibiyaꞌ luaꞌahua cuna Paꞌahua Diose enu seca liaꞌahua nu rduꞌnu ana arquiaꞌahua diqui tiembu enu uliquiꞌ luaꞌahua tucu nú neca nzeꞌca nzuculuaꞌahua, equie nú ñia nzeꞌcanu.  
\v 17 Liꞌinu duꞌnu ana arquiꞌhua nu riꞌinu elietsa luhua nú tsutaꞌ arquiꞌhua nihua nu riꞌihua puro nú neca nzeꞌca. 
\c 3  
\s1 Naꞌcuhua lu Diose equie cuendaꞌru 
\p  
\v 1 Nee bee saꞌa enu nzeli arquiaꞌahua Jesucristo, unaꞌcuhua lu Diose equie cuendaꞌru para nú la leꞌe riꞌchia letse stichiaꞌ Jesucristo diqui bee luhuare nu zucuꞌ aya bee bene stichiaꞌnu, tucu nú ungae letahua, \fig 2 Tesalonicenses 3:1|src="CN02076B.TIF" size="COL" ref="2 Tesalonicenses 3:1" \fig* 
\v 2 leꞌca naꞌcuhua lu Diose para nú tsilaꞌanu liꞌiru lu bee bene enu necha rriꞌi, nu lu bee bene enu necuchi nehuañi xne laca ye bee bene nzeli arquiꞌ stichiaꞌ Jesucristo.  
\v 3 Pero Paꞌahua Diose siempre saꞌalunu stichiaꞌnu, liꞌinu riꞌinu elietsa luhua nú tsutaꞌ arquiꞌhua, nu acanuꞌnu liꞌihua lu ye nú nechá neca.  
\v 4 Nu liꞌiru nediyaꞌ nzeꞌcaꞌru nú Paꞌahua Diose rriꞌinu elietsa luhua nú rriꞌihua nu nzeriꞌiláhua lunú unilaru luhua.  
\v 5 Jesucristo riꞌi elietsa luhua para nú chenalahua elu secaꞌ Diose, nu riꞌinu elietsa luhua nú riquiꞌhua lu ye beenú xi nzeꞌta zecahua tucu nú uriquiꞌ Jesucristo. 
\s1 Rquiꞌña nú riꞌi bee bene riñaꞌ 
\p  
\v 6 Nee bee saꞌa enu nzeli arquiaꞌahua Jesucristo, enu rnibiyaꞌ luaꞌahua equie cuendaꞌ liꞌinu rnibiyaꞌru luhua nú chiuꞌuchuhua lu titse bee saꞌahua enu nebichiu la niarquiꞌ riꞌi riñaꞌ nu la nehuañi tucu nú uzeteꞌru liꞌihua.  
\v 7 Xne liꞌihua nediyaꞌlaꞌhua xa riala nú huañihua para nú huañihua tucu nú nehuañiru. Liꞌiru né alluaꞌaru letahua sin nú riꞌiru riñaꞌ.  
\v 8 Nu leꞌca lecati etaꞌ nú lia udaꞌcuru sino que bichia si rulaꞌ utiꞌqui arquiꞌru nu uriꞌiru riñaꞌ para nú la duꞌuru riñaꞌ luhua nú ariꞌihua elietsa luru para nú huañiru,  
\v 9 la necane nú la yala nacuꞌru nú riꞌihua elietsa luru sino que necane para nú ulubeꞌru luhua nú huañihua tucu nú nehuañiru.  
\v 10 Chenu ulluaꞌaru cuna liꞌihua uniru luhua: bene enu la niarquiꞌ riꞌi riñaꞌ, leꞌca la acu nzeꞌe.  
\v 11 Pero nee ubeneꞌru nu nuꞌ bee saꞌhua enu nebichiu letahua nu la niarquiꞌ riꞌi riñaꞌ nu rdeteꞌ ruꞌu beella elu la yala deteꞌ ruꞌu beella.  
\v 12 Equie cuendaꞌ Jesucristo enu rnibiyaꞌ luaꞌahua rniru nu rnibiyaꞌru lu bee bene cuaꞌ nú cuaꞌaxe beella nu zucuꞌlu beella nú riꞌi beella riñaꞌ para nú huañi beella. 
\p  
\v 13 Bee saꞌa enu nzeli arquiaꞌahua Jesucristo, la llacaꞌhua nú rriꞌihua nú neca nzeꞌca.  
\v 14 Tunu nuꞌ tá tucuhua enu la zucuꞌ lunú rniru lu carta quieꞌ, ubiꞌyahua ta nucuaꞌ nu la quieteꞌhualla para nú che tuꞌlla.  
\v 15 Pero la riꞌihua lulla xi rriꞌihua lu bene enu rlehua lu sino que xi neca tucu bichihua uniꞌhua lulla nú riꞌi nzeꞌcalla. 
\s1 Último bedichiaꞌ nú nequie lu carta quieꞌ 
\p  
\v 16 Nu Paꞌahua Diose enu rliquiꞌ nú nzuxe arquiaꞌahua, liꞌinu riꞌinu nú nzuxe arquiꞌhua ye bichia nu lu yeene. Nu Jesucristo nzu cuna yeehua. 
\p  
\v 17 Liꞌá Pablo leꞌca liꞌi eꞌcua rquieꞌa letra quieꞌ para nú riꞌá saludar liꞌihua, scua rriꞌá lu ye bee cartaa, scua rquieꞌa.  
\v 18 Nu Jesucristo enu rnibiyaꞌ riꞌinu nú cha nzeꞌca lu cuendaꞌ yehua. 
\p Amén