\id HEB heb 
\h Hebreos 
\toc1 Tu yech par lo rë men Hebreo 
\toc2 Hebreos 
\toc3 He. 
\mt1 Tu yech par lo rë men Hebreo 
\c 1  
\s1 Rë zhë re', kidi'zh Dios lo rë men por Xga'n Me 
\p  
\v 1 Chi tiemp, nayax wëlt no nayax mod, midi'zh Dios lo rë xuz be xa' tiemp por rë profet, xa' midi'zh por Dios.  
\v 2 Per nal, rë zhë lult re', Dios midi'zh lo be por Xga'n Me, porke ya' Xga'n Dios mila' Dios rë kwa'n nzho, no por Xga'n Me ngulo Me rëi.  
\v 3 Kuze' lë' Xga'n Dios kinu yub yalnazhon che'n Dios kwa'n maska ñaz bël, no tugaka Xga'n Dios Me nak yubska Dios, mbaino nzen Xga'n Dios rë kwa'n nzho kun widi'zh nazhon che'n Me. No or milox mitsumbe Xga'n Dios be lo rë kwa'n nzë'b xki be lo Dios, nguzob Me lad direch che'n Xuz Me Dios, Me nzho lo yibë', Me nile' mandad lo rë. 
\s1 Más tsak Xga'n Dios lo rë ganj 
\p  
\v 4 Kuze', más tsak Xga'n Dios lo rë ganj, porke más tsak xmod ngululë Dios Xga'n Dios lo rë ganj,  
\v 5 porke lalta' nagat gab Dios se' lo tu rë ganj: 
\q1 Lu nak Xga'na; nalse Lu zon par le'l mandad lo rë. 
\m Mbaino ni naga ska di'zh Dios se' lo ni tu rë ganj: 
\q1 Na nak Xuzal, 
\q1 no lu nak Xga'na. 
\m  
\v 6 Per or mixë'l Dios tugaka Xga'n Dios lo yizhyuo re', se' mile' Me mandad: 
\q1 Rë nak ganj da zuxib lo Xga'na. 
\m  
\v 7 Ter se' mize't Dios rë ganj che'n Dios: 
\q1 Mile' Dios nak rë ganj, nela or nzo mbi gat nilu'te. 
\q1 No rë xa' nile' zhi'n nazhon che'n Dios, 
\q1 nilu' bixa' nela bël ga'. 
\m  
\v 8 Per or mize't Dios Xga'n Dios, se' nzhab Me: 
\q1 Lu nak Dios; 
\q1 nayot zhë lox le'l mandad, 
\q1 mbaino dox nali le'le. 
\q1  
\v 9 Nixo'byekal nile'l rë kwa'n nzhakla Dios, 
\q1 mbaino niyi'l ninel rë kwa'n nile' nzhak nayi'lazh men lo Dios. 
\q1 Kuze', lë' Dios che'nal ngulel. 
\q1 No más mile' Dios nizak laxto'l lo rë xa' nichë'lal. 
\m  
\v 10 No nu se' nzobni' lo Yech che'n Dios: 
\q1 No Lu, Señor, dizde or galo mizuxkwa'l rë kwa'n nzen yizhyuo. 
\q1 Mbaino mis Lu mizuxkwa' yibë'. 
\q1  
\v 11 Rë kure' lox nela nilox tu lar ga', 
\q1 per Lu naban par dubta'. 
\q1  
\v 12 Rë kure' tuzhal nela nituzh men tu lar ga', 
\q1 no kubile nela nigubi men tu lar go'x, 
\q1 per Lu, nayot yitlol. 
\m  
\v 13 No ngayot ngab Dios lo ni tu rë ganj che'n Dios: 
\q1 Guzob lad direch da, 
\q1 lu' le' mandad, 
\q1 haxta or zhin zhë len, 
\q1 che'ptsa (bi'ch laka) gak rë xa' nidilal xan ni'l. 
\m  
\v 14 ¿Taxa nanet go, nab tsa sprit nak rë ganj che'n Dios, rë ganj nixë'l Dios par gaknu rë men, xa' ngule la Dios par ban kun Dios par dubta'? 
\c 2  
\s1 Nala't be Jesukrist, tugaka Me nigo' be lo kwa'n nzë'b xki be 
\p  
\v 1 Kuze' zilita' ñal yila be widi'zh che'n Dios kwa'n mbin la be; nes par naro' be lo nez che'n Dios.  
\v 2 No chi lë'ka ngwayila rë men Israel rë widi'zh kwa'n mila' Dios lo bixa' por rë ganj che'n Me, mbaino chi ñal ka mizakzi Dios rë xa' nangont widi'zh re',  
\v 3 no nal, ¿xmod le' be gan or zakzi Dios rë men nzë'b xki lo Me, chi lë' be le' naya' lo yalnazhon che'n Dios kwa'n nigo' men lo rë kwa'n nzë'b xki men lo Dios? Porke yub Señor Jesukrist mila' widi'zh re' lo rë men che'n Me, mbaino lë' men che'n Me midi'zhe lo be.  
\v 4 No yub Dios milu' walika rë kwa'n milu' bixa' lo go por rë lo yalnazhon kwa'n mile' Dios mia'n xe rë men por lë' bixa'. Mbaino nu por Sprit che'n Dios, ndi'z Dios yalnazhon xid rë go, dike xmod ngokla Sprit che'n Dios. 
\s1 Jesukrist mixa'l nez par zhin be lo Dios 
\p  
\v 5 Dios nangazot rë ganj, par le' bixa' mandad lo yizhyuo kwa'n laore yo kwa'n kidi'zh no nal re'.  
\v 6 Nela xmod nzobni' ka xtu plo lo Yech che'n Dios: 
\q1 ¿Kwan nak tu men, par tsila go xa'?; 
\q1 mbaino, ¿chon dox nizob xigab yek go por lë' xa'? 
\q1  
\v 7 Pla tsa ngubizh mile' go natsakt xa' be's nela tsak rë ganj che'n go, 
\q1 per nal ngulitsya go xa' kun rë yalnazhon che'n go. 
\q1  
\v 8 Rë kwa'n nzho mila' go ya' xa'. 
\m No or mila' Dios rë kwa'n ya' xa', kuba' nilu', yent ra' kwan nangaza' Dios ka' xa', no ter nagat ne be, lë' Dios mila' rëi ya' xa'.  
\v 9 Per nane be, lë' Jesús, Me mile' Dios tu tiemp, natsakt be's nela xmod tsak rë ganj che'n Dios. Por nazhi' Dios rë men, xigab che'n Dios ngok ngut Jesukrist par rë men yizhyuo ya wen, per nal ngulitsya Dios Jesukrist kun rë yalnazhon por ngut Me nela xmod ngokla Dios. 
\p  
\v 10 Dios nak Me mizuxkwa' no nikina rë kwa'n nzho, no por dox nazhi' Dios men yizhyuo, ngokla Me dox nguzakzi Jesukrist, nes par gak ko' Jesukrist met lo rë kwa'n nzëb xki met lo Dios, par nayax men gak xmë'd Dios, par gal bixa' yalnazhon kwa'n kinu Dios tutsa kun Jesukrist, Me tugaka mixa'l nez par zhin men lo Dios.  
\v 11 Porke tutsa nak Jesukrist kun rë men che'n Me, rë xa' mimbe por lë' Me, kuze' gat nitulat Me, nzhab Me: “Wecha”, lo rë men re'.  
\v 12 Nela xmod nzobni' ka lo Yech che'n Dios: 
\q1 Lë' Da dizh lo rë wecha, dox nazhon Go, 
\q1 mbaino xid rë men che'n Go, kë'n kant kwa'n nidi'zh dox wen Go. 
\m  
\v 13 No xtu plo nzobni': 
\q1 Na nane ka, nab tsa Dios gak gaknu da. 
\m No nu se'ga' nzobni': 
\q1 Lë'da nzo re' kun rë men da, xa' mine' Dios. 
\p  
\v 14 Nela nak rë men xa' nibezh Dios gak xmë'd Dios, men yizhyuo bixa'; se'ska Jesukrist, nu men yizhyuo Me nela lë' bixa'; no por ngut Me, mizubchi Me yalnizhe'b kwa'n nigo Mizhab yek men, nizheb men gat men por nzë'b xki men.  
\v 15 Se' mile' Jesukrist par yentra' kwan zheb men gat men, porke nzho men dub naban xa' yizhyuo re', nizheb xa' gat xa', no Mizhab nigo kure' yek xa'.  
\v 16 No por nak Jesukrist tu men yizhyuo, nangayi'dt Me par gaknu Me rë ganj che'n Dios; lë' Me mbi'd par gaknu Me rë men xa' yila Dios nela Abraham ga',  
\v 17 kuze' mile' Dios nak Me nela tu rë be re', rë xa' nigolë Me wech Me, par nak Me ngulëi' ro che'n Dios, xa' nilats laxto' rë men, no wen xa' por nile' xa' kwa'n nzhakla Dios, nes par ko' xa' rë men lo rë kwa'n nzë'b xki men lo Dios.  
\v 18 No por nguzakzi yub Me, mbaino nguzenbe' Mizhab Me (miwi' Mizhab xmod nak Me) par ngale' Me kwa'n gat lë', kuze', nzhak nzhaknu Me rë men, xa' nzhakla Mizhab kide, par le' xa' kwa'n gat lë'. 
\c 3  
\s1 Más tsak Jesús lo Muisés 
\p  
\v 1 Rë go wech no bizan, men che'n Jesukrist nela da ga', bitsila go cho nak Jesukrist: lo Me mika'b Dios di'zh Me widi'zh che'n Dios lo be, mbaino nak Me ngulëi' ro lo be, Me kwa'n nidi'zh be ñila be.  
\v 2 Jesukrist mile' rë kwa'n nzhab Dios lo rë zhi'n nazhon kwa'n mika'b Dios lo Me, nela mile' Muisés rë kwa'n nzhab Dios lo xa' lo rë zhi'n nazhon kwa'n mizo Dios xa' lo rë men Israel, xa' ngok men che'n Dios.  
\v 3-4 Nela rë yo', por tu men ngokxao'we; rë kwa'n nzho, por Jesukrist ngokxao'we, no yub ska Dios Me. Kuze', ngok xigab che'n Dios, más ñal di'zh men wen por Jesukrist ke por Muisés, nela nak tu men xa' nichao' yo'; más tsak xa' ke yo' kwa'n nichao' xa'.  
\v 5 Mile' Muisés rë kwa'n nzhakla Dios, dub miwi' xa' lo rë men che'n Dios, nela tu mos xa' nile' kwa'n nzhab xa' nile' mandad lo xa'. Por mbin Muisés ro' Dios, mile' Dios midi'zh Muisés kwa'n laore le' Dios por Jesukrist.  
\v 6 Per se'gaka kile' Jesukrist kwa'n nzhakla Dios, dub kikina Me rë men che'n Dios, nela xga'n galo tu men, lë' xa' nikina más rë wech win xa'. No be nak wech win Jesukrist, lë' Me nikina be, chi lë' be se'gaka yila Me, di'zh bei lo rë men, lë' Me yë'd dub kimbëz be yë'd Me. 
\s1 Nagakt go nayi'lazh; bin go ro' Dios 
\p  
\v 7 Kuze', nela xmod nzobni' ka lo Yech che'n Dios: 
\q1 Chi lë' go gon kwa'n ne Dios nal, 
\q1  
\v 8 nagakt go nayi'lazh, nela pla xa' nkizë le'n yuo bizh. 
\q1 Nguzenbe' bixa' Da (miwi' bixa' xmod nak Da) no mikixian bixa' Da; 
\q1  
\v 9 ze' plo nguzenbe' rë xuz go Da. 
\q1 No ter une bixa' rë kwa'n nazhon milen za cho' li'n xid bixa'. 
\q1  
\v 10 Kuze', dub niyi'xian Da kun rë men ze', 
\q1 nzhapa lo bixa': 
\q1 “Dox zit nzo xigab che'n go lon, 
\q1 no gat nzhaklat go, li'be' go nez Da.” 
\q1  
\v 11 Orze' dub niyi' Da lo rë men ze', 
\q1 midizha por mis Da: 
\q1 “Nayot zhë yo bixa' plo kinun, 
\q1 par xax bixa' lo rë kwa'n ngwazha bixa'.” 
\p  
\v 12 Kuze', rë go wech no bizan, bikina go go, par nayo rë xigab gat lë' yek go, napa' la' go Dios Me ngwayila go, no Dios Me kinu yalnaban par dubta'.  
\v 13 Más wen zilita' haxta plo gak, gaknu go wech tu go kun xtu go, par nagak go men nayi'lazh, xa' gat nzhont ro' Dios, rë xa' nix laka nile' rë kwa'n gat lë', rë kwa'n nayi' par lo Dios.  
\v 14 Per chi zo be wen lo widi'zh che'n Dios kwa'n ngwayila be dizde or galo, orze' lë' be gal kwa'n nazhon kwa'n kinu Jesukrist par be.  
\v 15 Nela nzobni' ka lo Yech che'n Dios: 
\q1 Chi lë' go gon kwa'n ne Dios lo go nal, 
\q1 nagakt go nayi'lazh nela rë men nguzenbe' Da, 
\q1 no miki'xian bixa' Da. 
\m  
\v 16 No nal, ¿cho rë xa' mbin widi'zh che'n Dios per ngok nayi'lazh bixa'? Gat rë xa' ngulo' Muisés lazh men egiptoi, rë xa' ze' ngok sa'.  
\v 17 Mbaino, ¿cho lo rë xa' miyi' Dios dub cho' li'n? Gat lo rë xa' mile' kwa'n gat lë' lo Diose, kuze' ngut bixa' le'n yuo bizh.  
\v 18 No, ¿par cho rë men nzhab Dios: Nayot bixa' plo kinu Dios yo bixa' par gax ga' yë'd laxto' bixa' lo rë kwa'n nizak bixa'? Rë xa' nangont ro' Diose.  
\v 19 No nane ka be, nangayot ka bixa' plo kinu Dios ngaxax bixa' lo rë kwa'n nizak bixa', por nangon bixa' ro' Dios. 
\c 4  
\p  
\v 1 Nal, naki'n kina be be, lë'ga' naxa'l plo mila' Dios di'zh gak yo be par xax be lo rë kwa'n nzho'b tich be; napa' nzho go nagakt yo re',  
\v 2 porke lë' be mbin widi'zh che'n Dios kwa'n nigo' men lo rë kwa'n nzë'b xki men; se'ska mbin rë xa' ze'i, per yent cho kwente, porke nangayilat bixa'i.  
\v 3 Per be, xa' ngwayila kwa'n mila' Dios di'zh, lë' Dios le' xax be lo rë kwa'n nzho'b tich be. Nane be kinu Dios lugar re', porke midi'zh Mei or mikixian rë men ze' Me, mbaino tutsa nzhab Me, nayot yo bixa' plo kinu Me par xax bixa' lo rë kwa'n nzho'b tich bixa'. 
\p No ter nangayot bixa' plo kinu Dios re', per dizde or mizuxkwa' Dios yizhyuo, lë Me nzho la re',  
\v 4 porke xtu plo se' nzobni' lo Yech che'n Dios: 
\q1 Zhë gazh mixax Dios lo rë kwa'n mile' Me. 
\m  
\v 5 No biwi' go xtu wëlt, se'ska midi'zh Dios: 
\q1 Nayot yo bixa' plo kinun xax bixa'. 
\m  
\v 6 Per se'gaka naxa'l plo le' Dios, xax rë men lo rë kwa'n nzho'b tich bixa', rë men xa' kwezh Me gak men che'n Me; no ter lo rë xa' galo laka mila' Dios di'zh kure', nangayot bixa' re' por nangon bixa' ro' Me.  
\v 7 Kuze' ngule Dios xtu zhë kwa'n nize't Me nela “Nalzhë” ga', porke or nded nayax li'n, midi'zh Dios xtu wëlt por Dabi, or mile' Dios midi'zh Dabi kure': 
\q1 Nalzhë, chi lë' go gon widi'zh che'n Dios, 
\q1 nale't go naya' lo Me. 
\m  
\v 8 No chi Josué ngale' ngaxax rë men Israel lo rë kwa'n nizak bixa', orze' nangaze'tra' Dios: “Yo tu plo xax men lo rë kwa'n nizak men.”  
\v 9 Kuze' nane be, mer la zhin zhë yo be plo le' Dios xax be lo rë kwa'n nizak be.  
\v 10 Kure' nilu', rë men xa' nguio plo kinu Dios re', yentra' kwan jwalt le' bixa' par ya'n bixa' wen lo Dios, nela Dios, yentra' kwa'n jwalt le' Me lo rë kwa'n ngulo Me yizhyuo re'.  
\v 11 Kuze' ñal le' pa' be par le' be gan, yo be plo le' Dios xax be lo rë kwa'n nizak be, neu namás napa' zak tu rë go nela kwa'n nguzak rë xa' ze', xa' nangont ro' Dios.  
\v 12 Tutsa xigab le' be yo be plo kinu Dios re', porke kwa'n nidi'zh Dios lo be, lë'i kinu yalnayë' yalnaban no nazhone, no más nzho loi lo tu spad kwa'n nzho lo rop tich; no ña'ze haxta plo más na'ch le'n alm che'n men, no le'n sprit che'n men, nela tu spad dox nzho lo ña'ze haxta le'n wes. Kuze', por widi'zh che'n Dios, nane be xa nak be, mbaino haxta plo nizhin xigab che'n be.  
\v 13 No yent cho tu kwa'n ngulo Dios gak yuka'ch lo Dios; rëi zhë laka nilu' lo Me, Dios Me nadedt lë' be za' kwent rë kwa'n nile' be. 
\s1 Ñal zubi be dub la be lo Jesukrist, Me nak ngulëi'ro che'n be 
\p  
\v 14 Nalse kinu be tu ngulëi', walika ngulëi' ro; lë' Me ngwa yub lo yibë' par ngwaxo Me ren che'n Me por rë men; Me re' Jesukrist, Me nak tugaka Xga'n Dios; kuze' ñal wen zo be lo Me,  
\v 15 porke lë' ngulëi' ro che'n be, Me dox tsak, walika nizine laxto' Me be or naxek ra' be lo kwa'n gat lë' por Mizhab, porke haxta lë' Me nguzenbe' Mizhab Me (miwi' Mizhab xmod nak Me), per nangayot ngale' Me kwa'n gat lë'.  
\v 16 Kuze', gat ñalt zhe'b be or zubi be lo Jesukrist, Me nile' mandad lo rë. Lë' be nane ka, dox nazhi' Me be mbaino nizine laxto' Me be, nes gaknu Me be rë or nizak be tu kwa'n. 
\c 5  
\p  
\v 1 Rë ngulëi' ro, Dios ngule bixa' xid más rë ngulëi', par za' bixa' rë gon no rë ma che'n rë men Israel lo Dios, par namás tsao'we lo rë kwa'n nzë'b xki men.  
\v 2 No por nagakt le' rë ngulëi' ba' kwa'n nzhakla Dios, kuze' nilats laxto' bixa' rë men xa' nile' kwa'n nayi' par Dios sin nane bixa'i, mbaino rë xa' nix laka nile' kwa'n gat lë' lo Dios, ter nane xa' nayi'y.  
\v 3 No por mis xtol rë ngulëi' ro, naki'n yub bixa' za' gon che'n bixa' lo Dios, nela xmod niza' bixa' rë ma par gon che'n más rë men Israel, par tsao' Dios lo rë kwa'n nzë'b xki bixa'. 
\p  
\v 4 No nu, yent cho tu men kwe yub xa' xa', gak xa' ngulëi' ro; nab tsa Dios gak le' kure', nela xmod mizo Dios Aarón.  
\v 5 Se'ska Jesukrist nangabet yub Me Me, nak Me ngulëi' ro; yub Dios mizo Me nak Mei, porke se' nzhab Dios: 
\q1 Lu nak Xga'na, 
\q1 nalzhë ngulen Lu, 
\q1 Lu le' mandad. 
\m  
\v 6 Mbaino xtu plo, se' nzobni': 
\q1 Lu nak ngulëi'ro par dubta', nela ngok Melquisedec. 
\m  
\v 7 Or miban Jesukrist yizhyuo re', dox mina'b Me lo Dios, haxta nguruzhië Me no mbi'n Me lo Dios, gaknu Dios Me, nazhebt Me lo yalgut; Dios Me ngak ngago' Jesukrist lo yalgut. Per mbin Dios kwa'n una'b Jesukrist por mile' Jesukrist rë kwa'n nzhakla Dios.  
\v 8 No ter nak Jesukrist Xga'n Dios, per lo rë kwa'n nguzakzi Me, mitse'd Me mbin Me ro' Dios,  
\v 9 no por milo'x Jesukrist, mile' Me rë kwa'n nzhakla Dios, kuze' lë' Me niza' yalnaban par dubta' ka' rë men xa' nzhon ro' Me,  
\v 10 orze' mizo Dios Me, nak Me ngulëi' ro par dubta', nela ngok Melquisedec ga'. 
\s1 ¡Taxa gat zobyek go kwa'n más jwals lo widi'zh che'n Jesukrist! 
\p  
\v 11 Nayaxra' widi'zh che'n Jesukrist nzhakla no ne no lo go, per dox nad go par zobyek goi.  
\v 12 Ter nzhala ñila go widi'zh che'n Jesukrist, haxta ñal ngak la go xa' nilu'i lo men; per nal, lë'la men naki'n lu' kwa'n más jwals lo widi'zh che'n Jesukrist lo go. Nak go nela tu më'do' kwa'n se'gaka nzho chich, maska go ngak nela tu men ro xa' nzhao rë kwa'n.  
\v 13 Men xa' nagakt zobyek kwa'n más jwals lo widi'zh che'n Jesukrist, gakt libe' xa' xmod nimbe men lo Dios; nak xa' nela tu më'do' kwa'n se'gaka nzho chich ga'.  
\v 14 Per men xa' nzhak nane kwan wen no kwan gat lë't, porke mië' la xa' naban xa' lo kwa'n wen, no nak xa' nela tu men ro, xa' nzhao rë kwa'n. 
\c 6  
\p  
\v 1 Kuze', naki'n le' pa' be par ro'b be lo rë che'n Jesukrist. Nadi'zhtra' be rë kwa'n dox jwals kwa'n mitse'd la be, nela widi'zh kwa'n la' men rë kwa'n gat lë' nak men lo Dios, no widi'zh kwa'n naki'n wi' men nab tsa lo Dios par mbe men.  
\v 2 Go nane la chon nzhaklëi' men, no chon nixo'b men ya' men yek xtu men; mbaino nane la go, lë' zhë zhin, lë' rë men ngut ruban; no nu nane go, lë' Dios gab xmod gak kun kad men par dubta' por rë kwa'n mile' bixa'.  
\v 3 Kuze', naki'n le' pa' be par ro'b be lo rë che'n Jesukrist chi lë' Dios ziyël.  
\v 4 Nin lo go chon naki'n ro'bra' be lo rë kwa'n nak che'n Jesukrist. Nzho men nizini Dios yek, no mile' Dios une bixa' rë kwa'n wen che'n Dios, mbaino miza' Dios, Sprit che'n Dios nzho laxto' bixa'.  
\v 5 Rë men re' nize'n bixa' walika widi'zh che'n Dios, no xmod nak yizhyuo nazhon kwa'n kinu Dios par lë' bixa';  
\v 6 chi tuli mila' bixa' widi'zh che'n Dios por Jesukrist, orze' nagaktra' yubre bixa' lo Jesukrist nela or galo, porke nak bixa' nela xa' mikë' Jesukrist lo krus, no nu nile' bixa' par le' xtu men naya' lo Jesukrist.  
\v 7 Bile' go xigab che'p: yuo kwa'n nzo yiu lo, chi lë' yuo ze' niza' yalgo'n wen par xa' nzha'ne, orze' nile' Dios nazhon nzha yuo ze';  
\v 8 per chi lo yuo ze' nilen pura ya yich no kun más rë ya o yix kwa'n nazu't, orze' yent kwan zu'i no nzho rriez zhi'bde Diose, mbaino yëke. 
\s1 Naya'lt laxto' Dios rë kwa'n wen kile'u por lë' Dios 
\p  
\v 9 Per rë go wech no bizan xa' nazhi' da, ter sa' midi'zh no lo go, per nane ka no, lë' rë kwa'n wen zhin lo go, kure' nak ban go dubta' kun Dios,  
\v 10 porke Dios nile' kwa'n ñal or nzhab Dios xmod gak kun kad men, no naya'lt laxto' Dios rë kwa'n mile' go, nazhi' go Dios or ngoknu go más rë wech be, par más yila bixa' widi'zh che'n Dios, no se'gaka kile' goi nal.  
\v 11 Per nzhakla no, tu ga' go se'gaka bilu' go kun dub laxto' go kwa'n kile' go por Dios haxta zhë lult, nes par rulo kwa'n kimbëz go, kwa'n kinu Dios par go.  
\v 12 No gat nzhaklat no cha'b go; gok go nela xmod ngok rë xa' nzhala: zilita' ngwayila bixa' widi'zh che'n Dios, mixek bixa' haxta mizhin rë kwa'n wen lo bixa', rë kwa'n mila' Dios di'zh, za' Dios ka' bixa'. 
\p  
\v 13 Porke yentra' cho xtu más tsak lo Dios par ze't Dios, kuze', or mila' Dios di'zh par Abraham, mis lë Dios mize't Dios,  
\v 14 nzhab Dios: 
\q1 Walikai, dox len yal wen, 
\q1 mbaino dox len yar rë benal. 
\m  
\v 15 Por mixek Abraham ngulëz xa', kuze' une xa' rë kwa'n mila' Dios di'zh za' Dios ka' xa'.  
\v 16 Or nila' tu men di'zh le' xa' tu kwa'n, orze' nize't xa' lë xtu xa' más tsak lo xa', par lu' walika kwa'n kidi'zh xa'; no or nize't xa' lë men ze', orze' nagaktra' chë' xa' kwa'n midi'zh xa'.  
\v 17 Kuze', por nzhakla Dios, ne rë ben che'n Abraham, lë' bixa' gal rë kwa'n mila' Dios di'zh par Abraham, mbaino par nane bixa', nagakt chë' Dios kwa'n mile' la Dios xigab ka' bixa', kuze' or midi'zh Diose, mize't Me mis lë Me.  
\v 18 Sa' mile' Dios par ya laxto' be, zubi be lo Dios: Mila' Me di'zh, le' Me ban be nazhon, mbaino nu mila' Me di'zh, chi lë' Me nale'i, yub Me zakzi Me. Mbaino nane be walika kure', porke nagakt kë' Dios mbël.  
\v 19 No kwa'n kimbëz be re', nile' naye nizo be kun Dios, nela tu bark naye nzen ganch che'ne; no lo Me nizubi be re' nak yub Jesukrist, Me nguio lo yibë' haxta plo nzob Xuz Me Dios.  
\v 20 Ze' nguio Jesukrist por be, par mixa'l Me nez ded be, nez kwa'n nizhin lo Dios, Xuz Jesukrist, porke lë' Jesukrist nak ngulëi' ro par dubta', nela ngok Melquisedec. 
\c 7  
\s1 Jesukrist nak ngulëi'ro nela ngok Melquisedec 
\p  
\v 1 Ngok Melquisedec rey yezh Salem, mbaino nu ngok xa' ngulëi' ro che'n Dios, Me nzho lo yibë'. Or ñë'd Abraham di ndil xa' kun pla rë rey, orze' ngwachë'l lo Melquisedec xa', par mina'b xa' lo Dios, más nazhon ban Abraham,  
\v 2 no miza' Abraham che'p rë kwa'n ngulat xa' lo dil ka' Melquisedec. No galo laka, widi'zh Melquisedec gab: “Rey, xa' nile' kwa'n nali”, per por nu nak xa' rey lo rë men yezh Salem, nu gab widi'zh re': “Rey, xa' nile' nizi men chul dizde le'n laxto' men.”  
\v 3 Gat nzobni't lo Yech che'n Dios cho ngok xuz Melquisedec no cho ngok xna' xa', mbaino cho ngok rë melizh xa'; no ni gat nzobni't pok ngol xa' no pok ngut xa'. Kure' nilu' nak xa' nela nak Xga'n Dios, Me nak ngulëi' ro par dubta'. 
\p  
\v 4 No biwi' go, ¡tatu men tsak Melquisedec! Haxta xuz be Abraham miza' che'p rë kwa'n milat xa' lo dil, ka' xa' re'.  
\v 5 No lo yech che'n Muisés nzobni', naki'n nab tsa rë ngulëi', xa' nzë ben che'n Leví, ñal ka' bixa' che'p rë kwa'n nak che'n más rë men Israel, no ter nu ka más rë men Israel re' nzë ben che'n Abraham nela rë ngulëi'.  
\v 6 Per Melquisedec, ter gat nzët xa' ben che'n Leví, per miza' Abraham che'p rë kwa'n nak che'n Abraham ka' xa', mbaino mina'b Melquisedec lo Dios, más nazhon ya Abraham, no ter lo Abraham mila' Dios di'zh.  
\v 7 No rë men nane, xa' más tsak, ñal na'b lo Dios por xa' natsakt be's, ya xa' wen.  
\v 8 No nu xa' nika' che'p rë kwa'n nak che'n más rë men yizhyuo re', men nzhat bixa'; per or nize't Dios Melquisedec lo Yech che'n Dios, nidi'zh Dios xa' nela tu xa' se'gaka naban nal re'.  
\v 9 Kuze', or miza' Abraham che'p kwa'n nka' Melquisedec, gak gab be, nu Leví miza'i, ter rë ngulëi' xa' nzë ben che'n Leví nak rë xa' nika' che'p rë kwa'n nak che'n más rë men Israel.  
\v 10 Se' ngok rë kure', porke rë xa' re' nzë ben che'n Abraham, no or ngwachël lo Melquisedec Abraham, gak gab be, rë xa' re' nzo la kun Abraham orze'. 
\s1 Mizo Dios xtu ngulëi'; rë xa' galo, ngak ngatsimbe bixa' men 
\p  
\v 11 Nane be, lo rë men Israel mila' Dios ley kwa'n miza' Dios nka' Muisés; mbaino por ley, mizo Dios rë xa' nak ngulëi', xa' nzë ben che'n Leví. No chi ngak ngatsimbe rë ngulëi' re' más rë men Israel, rë xa' nzë'bxki lo Dios por nangale' bixa' kwa'n nzobni' lo ley che'n Muisés, orze' gat naki'ntra' ngazo Dios xtu ngulëi', xa' nak nela Melquisedec.  
\v 12 Per nane be, nangakt nangatsimbe bixa' más rë men, porke mizo Dios xtu ngulëi' kub, nela Melquisedec. Mbaino or michë' Dios ngulëi', nu ley naki'n michë' Me,  
\v 13 porke Jesukrist, Me nak ngulëi' nela Melquisedec, gat nzët Me ben che'n Aarón, mbaino ni tu rë men nzë ben che'n Me nangakt bixa' ngulëi',  
\v 14 porke rë men nane, lë' Señor Jesukrist nzë ben che'n Judá, no or midi'zh Muisés kwent che'n rë ngulëi', nangaze'tta' xa' rë men ben che'n Judá. 
\p  
\v 15 No zhë laka nilu', más tsak Jesukrist lo más rë ngulëi' xa' nzë ben che'n Leví, por nak Me nela Melquisedec,  
\v 16 porke mizhin ngok Me ngulëi', gat lë't por nzë Me ben che'n rë xa' nzhak ngulëi'ye, nela nzobni' lo ley; lë' Me nak ngulëi' por yalnazhon kwa'n kinu Me, naban Me par dubta',  
\v 17 porke se' nzobni' lo Yech che'n Dios: 
\q1 Lu nak ngulëi' par dubta', nela nak Melquisedec. 
\m  
\v 18 Kuze' ley kwa'n ngulo Dios galo, natsaktra'i, porke nangakta' ngale'i men nela xmod nzhakla Dios.  
\v 19 Ni tu men nangakt ngaban nambe lo Dios por ngokla xa' ngale' xa' rë kwa'n nzobni' lo ley che'n Muisés. Per nal, más tu kwa'n wen kimbëz be, ke lo kwa'n galo, no kwa'n wen re' nile' nizubi be más lo Dios. 
\p  
\v 20 No gat lë't nab kwa'n kimbëz be re', mbaino nu antis de zo Dios Jesukrist gak Me ngulëi' ro, mize't Dios lë Dios, lë' Dios le'i. No ter nangayot ngaze't Dios lë Dios or nguio más rë ngulëi',  
\v 21 per or ngok Jesukrist ngulëi' ro, se' nzhab Dios: 
\q1 Lë' Señor mila' di'zh kure', 
\q1 mbaino nachë't Me di'zh che'n Me or nzhab Me: 
\q1 “Lu nak ngulëi' ro par dubta'.” 
\m  
\v 22 Por kwa'n mila' Dios di'zh, le' Dios por Jesús, más tsake lo kwa'n mila' Dios di'zh or galo.  
\v 23 Tich guchin ngulëi' nguio, rë xa' nzë ben che'n Aarón; nangakt ngayo tutsa xa' por nzhat bixa'.  
\v 24 Per por dubta' naban Jesukrist, kuze' nayotra' zhë, yo xtu ngulëi' xkwent Me.  
\v 25 Kuze', nu par dubta' nigo' Jesukrist rë men lo kwa'n nazhe'b nzho bixa', rë xa' nizubi lo Dios por lë' Me, porke dubta' nzo Jesukrist par na'b Me lo Dios por rë men che'n Me. 
\p  
\v 26 Kuze' nal Jesús nak ngulëi' ro, Me naki'n zo lo be; nambe laxto' Me, yent cho dol nzhap Me, no ni tu kwa'n gat lë' ngale't Me; mbaino ngulo' Dios Me xid rë men nzë'b xki, no ñanu Dios Me lo yibë' plo más ya.  
\v 27 Gat nakt Jesukrist nela más rë ngulëi' ro. Zilita' nzhut bixa' ma par niza' bixa' gon lo Dios, galo laka por mis dol che'n bixa', orze' por dol che'n más rë men. Per Jesukrist, tutsa wëlt miza' Me yub Me par dubta', kun mis kwerp che'n Me, lo Dios, por kwa'n nzë'b xki rë men.  
\v 28 Walika naki'n be tu ngulëi' ro nela Me re', porke lo ley kwa'n mila' Dios lo Muisés nzobni', rë ngulëi' kwa'n yo por ley re', nix laka le' bixa' kwa'n gat lë'. Per or mila' Dios di'zh mize't Me lë Dios, lë' Me zo yub Xga'n Me gak ngulëi' ro, xa' le' lë'ska lë', rë kwa'n nzhakla Dios. 
\c 8  
\s1 Rë zhi'n nazhon kwa'n nile' rë ngulëi' men Israel, nake nela tu xkal tsa lo rë kwa'n nile' Jesukrist lo yibë' por be 
\p  
\v 1 Xid rë kwa'n kidi'zh no lo go, kwa'n más nzhakla no ne go: Kinu be tu ngulëi'ro, no Me re' Jesukrist; no nguzob Me lad direch che'n Dios, kile' Me mandad plo nzob Dios lo yibë'.  
\v 2 Nak Me ngulëi' ro le'n yado' kwa'n más nazhon, yado' kwa'n mis Dios michao', no gat lë't mene.  
\v 3 Rë ngulëi' ro kwa'n mizo Dios lo yizhyuo re', naki'n miza' bixa' gon, nu nzhut bixa' ma lo Dios. Kuze', nu ska Jesukrist naki'n miza' gon lo Dios.  
\v 4 No chi stubi nzo Jesukrist yizhyuo nal re', orze' ni gat ñal ngak Me ngulëi', porke lo yizhyuo re' nzho la rë ngulëi' xa' niza' gon lo Dios, nela xmod nina'b ley kwa'n mila' Dios lo Muisés,  
\v 5 ter nak rë zhi'n nazhon kwa'n nile' rë ngulëi' re' nela tu xkal ga', che'n rë kwa'n nzho lo yibë'; no nane be, nake kwa'n laore yi'd, porke or naga kuxkwa' Muisés yuo yid plo nidi'zh xa' kun Dios, nzhab Dios lo xa': 
\q1 Biwi' par le'l lë'tsa lë' rë kwa'n milun lol, yek yi' Sinaí. 
\m  
\v 6 Nal, más tsak zhi'n nazhon kwa'n nile' Jesukrist ke rë xa' nguio galo; no nu más tsak kwa'n mila' Dios di'zh par be por Jesukrist, ke lë'la kwa'n mila' Dios di'zh or galo,  
\v 7 porke chi ngaya'n nambe laxto' rë men por kwa'n mila' Dios di'zh galo, orze' gat naki'ntra' ngala' Dios di'zh xtu wëlt par rë men ze',  
\v 8 porke une Dios, nangont rë men che'n Me ro' Me, orze' se' midi'zh Dios lo Yech che'n Dios: 
\q1 Biwi'u, lë' zhë zhin, lë' Da la di'zh xtu wëlt par rë men Israel, 
\q1 mbaino par rë men Judá. 
\q1  
\v 9 Widi'zh kwa'n lan re' nagakte nela widi'zh kwa'n milan par rë xuz bixa', xa' nzhala, 
\q1 or nguzena ya' bixa' par ngulon bixa' lazh men Egipto. 
\q1 No por nangale' bixa' rë kwa'n milan di'zh lo bixa', kuze' milan bixa', nzhab Señor. 
\q1  
\v 10 No dispwes di rë zhë ze', nzhab Señor, 
\q1 se' gak widi'zh kwa'n lan par rë men Israel; 
\q1 nits ga' yo rë ley Da yek bixa', 
\q1 mbaino le'n laxto' bixa' zobni'ne. 
\q1 Orze' Na gak Dios che'n bixa', 
\q1 no lë' bixa' gak men da. 
\q1  
\v 11 No gat naki'ntra' lu' bixa' lo wech bixa', 
\q1 cho nak Dios, 
\q1 porke rë men libe' Da, 
\q1 dizde më'd win haxta men ngol. 
\q1  
\v 12 Por nilats laxto'n bixa', 
\q1 nawi'ta kwan nak bixa', 
\q1 mbaino nayotra' tsilan rë kwa'n nzë'b xki bixa'. 
\m  
\v 13 Or midi'zh Dios, la' Me di'zh xtu wëlt, kure' gab, nazu'tra' kwa'n mila' Dios di'zh or galo; mbaino or nazu'tra' tu kwa'n, ngok go'x lai, kaxche'p lë'i yitlo la. 
\c 9  
\s1 Yado' lo yizhyuo re', no yado' yibë' 
\p  
\v 1 No nal, lo kwa'n mila' Dios di'zh galo, kinui rë ley par xmod naki'n le' men rë zhi'n nazhon lo Dios, mbaino tu yo' plo le' men rë kure'.  
\v 2 Mbaino yo' re' ngok tu yo'yid kwa'n michao' rë men Israel, no chop le'n nake. Plo galo laka lë Plo Nazhon; ze' nzob tu kandeler no nzo tu mes plo nixo'b rë pan kwa'n nab tsa par Dios.  
\v 3 Per xtu le'ne, al xan laka plo nikë lar kwa'n nzë'b haxta lo yuo, lë Plo Dox Nazhon.  
\v 4 Ze' nzob tu biko' kwa'n nakxao' kun pura or, par nilazhya'l ngulëi' lo Dios. No nu ze' nax yin, tiche no le'ne naya' or; kure' nilu', lë' Dios mila' di'zh, nak bixa' men che'n Dios. Le'n yin ze' nzho tu yëts kwa'n nakxao' pura or, no zhëi di tu ben pan kwa'n lë maná; no nu bar che'n Aarón, kwa'n ngulen bixich ze' nzho le'n yin, mbaino kun rë tab ke plo mikë' Dios za chi' mandamient kwa'n mila' Dios lo Muisés.  
\v 5 Per tich yin re', nakxao' chop winab che'n ganj querubín che'n Dios; no rop querubín ze' nak nela tu señ ga', lë' Dios nzo ze'; no xi'l rop querubín ze' nizhë'l garol sao' tich yin. No tich yin re' naki'n chob ngulëi' ro ren che'n rë ma por rë kwa'n nzë'b xki rë men Israel. Per nal nayentra' di'zh no tuga' rë kure'. 
\p  
\v 6 No or ngokxao' yo' re' kun rë kwa'n nzho le'ne, orze' zilita' ño rë ngulëi' le'n yo' re', plo nazhon, par nile' bixa' rë zhi'n nazhon lo Dios.  
\v 7 Per xtu le'ne kwa'n ña'n xan laka plo dox nazhon, nab tsa ngulëi' ro ño ze', tutsa wëlt tu li'n; no nagakt yo xa' ze' chi nawei' xa' ren che'n ma par za' xa' gon lo Dios por rë kwa'n nzë'b xki xa', mbaino por rë kwa'n nzë'b xki rë men Israel por kwa'n nile' bixa', or gat ñanut laxto' bixa' chi nzë'bxki bixa'.  
\v 8 Por rë kure', lë' Sprit che'n Dios nilu' lo be, rë zhë kwa'n nguio rë ngulëi' le'n yo' yid plo mile' bixa' rë zhi'n nazhon lo Dios, se'gaka nayao' nez kwa'n niro' plo walika nzho Dios.  
\v 9 Rë kwa'n ngok galo nak nela tu señ ga' par rë kwa'n nzhak nal re', porke rë gon no rë ma kwa'n miza' bixa' lo Dios, nangakt ngale'i, ngazi rë men ze', lë' bixa' nambe laxto' lo Dios.  
\v 10 Rë kure' mizu' namás par nane men kwan nguziyël Dios gao men no go men, mbaino xmod gaz men, o wanei cho xtu kwa'n nile' men par nimbe nab tsa kwerp che'n men; rë kure' midi' haxta or mile' Dios xtu mod, ban men lo Dios. 
\p  
\v 11 Per or mbi'd Jesukrist, Me nak ngulëi' ro nal, mbi'dla' Me rë yalnazhon par be, rë kwa'n nidi' par dubta'. No le'n yado' plo nile' Me rë zhi'n nazhon nal re', más nazhone, mbaino yent kwan jwalte, no gat lë't men yizhyuo mizuxkwa'i, lë'i nzë yibë'.  
\v 12 No nu or nguio Jesukrist mer plo nzob Dios, gat lë't ren che'n chib o ren che'n ngo'n miza' Me gon; yub ren pa' che'n Me miza' Me gon lo Dios; mbaino tutsa wëlt miza' Me ren che'n Me, ya nayotra' le' Mei, par ngulo' Me be lo rë kwa'n nzë'b xki be lo Dios.  
\v 13 Nzhala ze', ren che'n chib, o ren che'n ngo'n, mbaino kubde che'n rë bicerr kwa'n nizë'k bixa', nichob rë ngulëi' yek rë men gat nambet lo Dios par ña'n nambe nab tsa kwerp che'n rë men ze' lo Dios.  
\v 14 Per nane be, por ren che'n Jesukrist mitsimbe Me be haxta le'n laxto' be, kuze' nane be gat nzë'bxkitra' be lo Dios nela rë men se'gaka nile' rë kwa'n nazu't par tsimbe bixa' lo Dios. Kuze' nzhak niban be zilita' nela xmod nzhakla Dios, Me naban par dubta'. Rë ngulëi' dubta' niza' bixa' rë ma wen par gon lo Dios. Se'ta' or miza' Jesukrist yub Me nela tu gon ga' lo Dios, yenta' kwan nak Me lo Dios, ni tu kwa'n gat nzë'bxkit Me, porke lë' Sprit che'n Dios ngoknu Me, lë'ska lë' kwa'n mile' Me lo Dios or miban Me lo yizhyuo re'. 
\p  
\v 15 Kuze', lë' Jesukrist nak Me nidi'zh lo Dios por be, mbaino por lë' Me mila' Dios di'zh xtu wëlt par be. No ngut Jesukrist par miche' Me rë kwa'n nzë'b xki rë men, xa' miban lo kwa'n mila' Dios di'zh galo; no par rë xa' ngurezh Dios gak men che'n Me, gal bixa' yalnaban par dubta' kwa'n kinu Dios par lë' bixa'.  
\v 16 Kwa'n mila' Dios di'zh par be por Jesukrist nak nela tu yech kwa'n mila' tu men or gat xa', plo nzobni' rë kwa'n mila' xa' di'zh la' xa'. Per par tsak yech re', naki'n galo laka gat xa' mila'i.  
\v 17 No yent kwan tsak yech re' chi se'gaka naban xa' michao'we; lë'i tsak or ngut la xa'.  
\v 18 Kuze', or mila' Dios di'zh or galo par rë men Israel chi tiemp, naki'n mixo ren che'n rë ma.  
\v 19 No or milox midi'zh Muisés rë kwent che'n rë ley lo rë men Israel, orze' nka' xa' ren che'n pla bicerr kun ren che'n pla chib, no migoch xa'i kun nits, mbaino ngwaka' xa' che'p yich che'n mbëkxi'l kwa'n nilu' naxne, no mili'b xa'i yek tu ya kwa'n lë hisopo; orze' michob xa' ren lo yech plo nzobni' rë ley, mbaino yek rë men Israel,  
\v 20 orze' nzhab xa' lo rë men ze': 
\q1 Ren re' nilu', 
\q1 dizde nalzhë re' naki'n le' go rë kwa'n mila' Dios di'zh par go. 
\m  
\v 21 Se'ska michob Muisés ren tich yo'yid, no lo rë kwa'n naki'n rë ngulëi' or nile' bixa' zhi'n nazhon par Dios le'n yo'yid.  
\v 22 Lo ley kwa'n mila' Dios lo Muisés nzobni', kun ren che'n rë ma naki'n mbe rë nak kwa'n lo Dios, porke chi naxo ren, natsaot Dios lo rë kwa'n nzë'b xki men. 
\s1 Tutsa wëlt par dubta' mixo Jesukrist ren che'n Me 
\p  
\v 23 Kuze', naki'n ngut rë ma ze', no mixo ren che'n bima, par mimbe rë kwa'n nak nela tu xkal ga' che'n rë kwa'n nzho lo yibë'; per, par mimbe rë men xa' wei' Dios lo yibë', naki'n mixo ren kwa'n más tsak lo ren che'n rë ma,  
\v 24 porke nangayot Jesukrist le'n tu yo'yid kwa'n michao' ya' men, plo nzhab men lë dox nazhon, per nab tsa tu xkal nake che'n yado' yibë'; no nal yub pa' yado' yibë' nzho Me plo nina'b Me lo Dios por be.  
\v 25 Mbaino gat lë't garga'l mixo Jesukrist ren che'n Me, nela ngok kun rë ren che'n rë ma ga', or li'n kun li'n naki'n nguio rë ngulëi' ro par mixo bixa' ren che'n rë ma plo nzhab men lë dox nazhon.  
\v 26 No chi naki'n ngale' Jesukrist nela xmod nile' rë ngulëi' yizhyuo re', orze' nayax wëlt naki'n ngat Me, dizde or nguio yizhyuo. Per nal, rë zhë lult re', tutsa wëlt nguruxo'b Jesukrist yizhyuo re' par ngut Me nes miche' Me rë kwa'n nzë'b xki be lo Dios par dubta'.  
\v 27 Sa'ska, nela ño nzhat rë men tutsa wëlt, orze' tuga' bixa' ded lo Dios par gab Dios xmod gak kun kad bixa';  
\v 28 se'ska mixo Jesukrist ren che'n Me tutsa wëlt lo krus, par mizubchi Me rë kwa'n nzë'b xki nayax men lo Dios. No lë' Jesukrist yaxo'b xtu wëlt, per gat lë't par kubchi Me rë kwa'n nzë'b xki mene; lë' Me yaxo'b par za' Me yalnaban par dubta', ka' rë xa' kwa'n kimbëz dub la, yaxo'b Me xtu wëlt. 
\c 10  
\p  
\v 1 Porke ley kwa'n mila' Dios lo Muisés nak nela tu xkal tsa che'n rë kwa'n wen kwa'n laore zhin, per gat nakte nela widi'zh che'n Dios por Jesukrist; kuze', ley kun ren che'n rë ma kwa'n nixo li'n kun li'n, nagakt kubchiy par dubta' rë kwa'n nzë'bxki rë men, xa' nizubi lo Dios.  
\v 2 No chi lë' ley ngak ngatsimbe rë kwa'n nzë'bxki rë men re', orze' yentra' por kwan ngaza'ra' bixa' ren che'n rë ma, chi lë' bixa' nangazi se'gaka nzë'bxki bixa'.  
\v 3 Per or niza' bixa' gon kun ren che'n rë ma li'n kun li'n, nizu'i namás par nitsila bixa', lë' bixa' nzë'b xki lo Dios,  
\v 4 porke ren che'n rë ngo'n, no ren che'n rë chib, nayot kubchiy kwa'n nzë'b xki men. 
\p  
\v 5 Kuze', or mbi'd Jesukrist yizhyuo, nzhab Me lo Dios: 
\q1 Gat nzhaklatra'l ne' men rë ma lol, 
\q1 o más rë gon kwa'n nine' men lol, 
\q1 par che' rë kwa'n nzë'b xki bixa'. 
\q1 Kuze' mizol Da, 
\q1 kun yub kwerp Da len rë kuba'. 
\q1  
\v 6 No ngwachi'blal or nizë'k men rë ma lo biko' che'nal, 
\q1 mbaino gat ñotra' laxto'l más rë gon kwa'n nine' bixa' lol, 
\q1 par tsao' lo rë kwa'n nzë'b xki bixa'. 
\q1  
\v 7 Kuze' nin lol: 
\q1 “Lë' Da nzhal re' par len rë kwa'n nzhaklal, 
\q1 nela xmod nzobni' ka lo Yech che'nal por Da.” 
\m  
\v 8 Galo laka nzhab Jesukrist: “Ngwachi'blal or nizë'k men rë ma lo biko' che'nal, mbaino gat ñotra' laxto'l más rë gon nine' bixa' lol, par nitsao' lo rë kwa'n nzë'b xki bixa'”, ter lo ley nzobni', naki'n le' men rë kure'.  
\v 9 Per nu nzhab Jesukrist or miza' Me yub Me nela tu gon ga' lo Dios: “Lë' Da nzhal re' par len rë kwa'n nzhaklal, nela xmod nzobni' ka lo Yech che'nal por Da.” Sa' ngok mizubchi Jesukrist kwa'n nguio galo, no por ren che'n Me, ngulo Me xtu mod ya'n nambe men lo Dios.  
\v 10 Mitsimbe Dios be lo rë kwa'n nzë'b xki be por mile' Jesukrist kwa'n ngokla Dios; yub Me miza' Me kwerp che'n Me tutsa wëlt par dubta', or nkë Me lo krus por be. 
\p  
\v 11 Rë ngulëi' men Israel, se'gaka nile' bixa' rë zhi'n nazhon che'n Dios, mbaino mis lë'ska rë ma ze' niza' bixa' nayax wëlt gon lo Dios, ter nayot kubchi rë kure' kwa'n nzë'b xki men lo Dios.  
\v 12 Per Jesukrist, tutsa wëlt miza' Me yub kwerp che'n Me nkë lo krus par mizubchi Me rë kwa'n nzë'b xki be lo Dios par dubta', orze' nguzob Me lad direch che'n Dios lo yibë',  
\v 13 plo kimbëz Me zhin zhë, chi Dios rë xa' nidil Me, che'ptsa (bi'ch laka) gak bixa' xan ni' Me,  
\v 14 porke tutsa wëlt nkë Me lo krus par mitsimbe Me par dubta', rë xa' nak men che'n Me.  
\v 15 No nu Sprit che'n Dios, midi'zh lë' kure' walika or mile' Me nguzobni' widi'zh re' lo Yech: 
\q1  
\v 16 Kure' nak kwa'n lan di'zh par lë' bixa', 
\q1 or lox rë kwa'n milan di'zh galo, nzhab Señor. 
\q1 Le'n laxto' bixa' zobni'n rë widi'zh Da, 
\q1 mbaino len, nits laka yo rë ley Da yek bixa'. 
\m  
\v 17 No nu nzhab Sprit che'n Dios: 
\q1 No ni nayora' tsilan rë kwa'n mia'l laxto' bixa' Da, 
\q1 por ngok nayi'lazh bixa' Lon, 
\q1 mbaino ya'l laxto'n rë kwa'n gat lë' nak bixa'. 
\m  
\v 18 Kuze', or mizhe' la rë kwa'n nzë'b xki men, gat naki'ntra' za' men rë ma par yao' lo rë kwa'n nzë'bxki men lo Dios. 
\s1 Ñal zubi be lo Dios 
\p  
\v 19 Kuze' nal, rë go wech no bizan, por ren che'n Jesukrist, yentra' kwan nika yo be lo Dios plo lë dox nazhon.  
\v 20 Lë' Jesukrist mixa'l xtu nez ded be, nez kwa'n kinu yalnaban par be par dubta'. Mixa'l Me nez re' or miza' Me yub kwerp che'n Me nela tu gon ga' lo Dios por be.  
\v 21 Jesukrist nak ngulëi' ro che'n be, Me nile' zhi'n nazhon lo Dios le'n yado' kwa'n walika yado' che'n Dios.  
\v 22 Kuze', ñal zubi be lo Dios kun dub laxto' be, porke nane be lë' Dios niwi' lo be nela tu men yent kwan nak por ñila be widi'zh che'n Me, widi'zh kwa'n nile' ña'n nambe laxto' be lo Dios no lo rë xigab kwa'n gat lë't ñi'd yek be; mbaino por mimbe dub be kun widi'zh che'n Dios, nak be nela tu men ngoz ga', lë' widi'zh che'n Dios nak nela nits nambe ga'.  
\v 23 Mbaino, ñal zo be wen lo widi'zh che'n Dios kwa'n ngwayila be, no gat ñalt le' be chop xigab lo kwa'n kimbëz be, porke lë' Dios ne' kwa'n gal be, kwa'n mila' Me di'zh ne' Me;  
\v 24 mbaino be men che'n Jesukrist, ñal wi' be xmod tsiro'b be la wech be par chizhi' be tu be kun xtu be; mbaino nu wi' be xmod le' be nab rë kwa'n wen.  
\v 25 No gat ñalt la' be nayatra' be plo nibin rë men che'n Jesukrist, nela xmod nak pla bixa'; per be kwa'n ñal le' be, la be yek más rë men che'n Jesukrist par más wen zo bixa' lo Dios, porke nzhazhin gax la zhë yubre Jesukrist, yi'd ka' Me rë men che'n Me. 
\p  
\v 26 Porke chi se'gaka kile' be kwa'n gat lë' ter mbin la be widi'zh che'n Jesukrist, orze' yent kwan zu' ngut Jesukrist por be.  
\v 27 Orze' nab tsa kimbëz be gab Dios kwan ñal be, orze' xë'l Me be le'n bël nazhe'b kwa'n lo'x rë men kwa'n niyi' nine Dios.  
\v 28 Porke chi tu xa' nagakla ra', gon kwa'n nzhab ley kwa'n mila' Dios lo Muisés, no nguio chop o chon xa' une walika kure', orze' ñal gat xa' re', no yent cho lats laxto' xa'.  
\v 29 Orze', ¿xmod nile' go xigab, yazë xa' nile' naya' lo Xga'n Dios, mbaino lo ren kwa'n mixo Xga'n Dios por men ze'? No por ren ze' mila' Dios di'zh, zhe' kwa'n nzë'b xki xa' re' lo Dios. No haxta nu nakap nidi'zh xa' nak Sprit che'n Dios, Me nazhi' men re'. ¡Bile' go xigab, tatu nazhe'b ñal men ze', zakzi xa'!  
\v 30 Porke nane la be, se' midi'zh Dios: “Kun Na kix xa' kwa'n mile' xa', Na gap kwan ñal xa'.” No nu nzhab Dios: “Lë' Da gap xmod gak kun tu ga' men Da.”  
\v 31 ¡Dox nazhe'b nzha men gal yalzi che'n Dios, Me kinu yalnaban par dubta' mbaino Me gak xë'l men tuli plo nazhe'b! 
\p  
\v 32 Bitsila go or galo laka, or laore mizini widi'zh che'n Dios yek go, tatu mixek go mizakzi men go por nak go men che'n Jesukrist,  
\v 33 porke nzho go, dox nakap midi'zh men nak go, mbaino dilant lo men milinu bixa'i go; mbaino nzho go dox mile' xigab por rë xa' mizakzi men nela go ga'.  
\v 34 No gat lë't nab milats laxto' go rë guchin go rë men che'n Jesukrist, xa' nzho lizhyi'be; haxta nu mizak laxto' go or milat men rë kwa'n kinu go, porke ñila go, lo yibë' nzho kwa'n más tsak par go, no kwa'n di' par dubta'.  
\v 35 Kuze' nale't go chop xigab chi nzo ka Dios kun go or nizakzi go por nak go men che'n Me, porke por kure', dox tu kwa'n wen ne' Dios ka' go, kwa'n mila' Dios di'zh.  
\v 36 Porke ñal xek go lo rë kwa'n nizak go, par se'gaka le' go kwa'n nzhakla Dios, par gal go kwa'n mila' Dios di'zh ne' Me ka' go,  
\v 37 porke se' nzobni' lo Yech che'n Dios: 
\q1 Kaxche'ptsa, mer la yë'd Me nak di'zh yë'd, 
\q1 nalë'tra'i be's. 
\q1  
\v 38 Rë xa' ngurezha, 
\q1 rë xa' nile' kwa'n ñal lon, 
\q1 ñal se'gaka yila bixa' Da. 
\q1 Per rë xa' nayera' laxto' yi'dkë ticha, 
\q1 nayot laxto'n bixa'. 
\m  
\v 39 Per be, gat nakt be men xa' nizheb por nak xa' men che'n Jesukrist, porke rë xa' nizheb, lë' xa' lox lo Dios; be men che'n Jesukrist, lë' Dios ne' yalnaban par dubta' ka' be, por dubta' ñila be widi'zh che'n Me. 
\c 11  
\s1 Tsila be rë men xa' walika ñila widi'zh che'n Dios 
\p  
\v 1 Or ñila men tu kwa'n mila' Dios di'zh par lë' xa', nane ka xa' lë' zhë zhin gap xa'i; no ter gat nilu'te lo xa', per lë' zhë zhin, lë'i ne xa'.  
\v 2 Rë xuz be xa' nzhala, wen une Dios bixa' por ngwayila bixa' kwa'n mila' Dios di'zh. 
\p  
\v 3 Nane be, nab tsa kun widi'zh che'n Dios mizuxkwa' Me rë kwa'n nzho; kuze' lo rë kwa'n niwi' be nal, ngokxao'we kun rë kwa'n gat nilu't lo men. 
\p  
\v 4 Por ñila Abel widi'zh che'n Dios, miza' Abel gon lo Dios kwa'n más kwa'n wen lo gon kwa'n miza' Caín; no por kuze', midi'zh Dios, lë' Abel nak tu men más nile' kwa'n nzhakla Dios lo wech xa'. Mbaino, miwi' Dios wen lo gon che'n Abel, no nal, ter ngut la Abel, per se'gaka ñët xa' por kwa'n mile' xa'. 
\p  
\v 5 Se'ska ngok kun Enoc, por ngwayila xa' Dios, dub naban xa' ñanu Dios xa'; nangatta' xa', no yentra' cho ngazhël xa'; mbaino lo Widi'zh che'n Dios nzobni', or naga wei' Dios xa' lo yibë', wen miwi' Dios lo xa',  
\v 6 porke gat ñot laxto' Dios, xa' gat ñila widi'zh che'n Dios, porke par zubi tu men lo Dios, naki'n yila xa', lë' Dios nzho, mbaino lë' Dios niza' kwa'n nazhon ka' men, men nikwa'n Dios.  
\v 7 No por ngwayila Noé widi'zh che'n Dios or nzhab Dios, lë' rë kwa'n gak, kwa'n nagat ne men, no orze' mile' xa' kwa'n nzhab Dios, michao' xa' tu yo' ya ro, par nangat rë xa' lizh xa'. No por ngwayila Noé Dios, nguruya' xa' xid rë men nayi'lazh; kuze' miwi' Dios wen lo xa'. 
\p  
\v 8 No por ngwayila ska Abraham Dios, or ngurezh Dios xa', mbin xa' ro' Dios, nguro' xa' lazh xa' par ña xa' lo yuo plo mila' Dios di'zh, za' Dios ka' xa'. No or nguro' xa', ni nane xa' plo ña xa'.  
\v 9 No por ngwayila Abraham Dios, miban xa' lo yuo nela tu men zit ga', yuo kwa'n nzhab Dios nak che'n xa', no or miban xa' loi, nab tsa yo' yid ngop xa', no sa'ga' miban Isaac no Jakob, porke se'ga' mila' Dios di'zh lo rë xa' re',  
\v 10 porke kimbëz Abraham, yo xa' tu yezh kwa'n di' par dubta', plo yub Dios mile' xigab xmod yuxkwa', mbaino plo yub Dios kuxkwa'.  
\v 11 No se'ska Sar, ngwayila xa' widi'zh che'n Dios; ter nangakt ngap xa' më'd mbaino nded la li'n xa' par kure', per por yalnazhon che'n Dios, ngok xa' xna' më'd, porke ngwayila xa', nadedt lë' Dios le' kwa'n mila' Dios di'zh lo xa'.  
\v 12 Kuze', ter ya dox la mengol Abraham, per miar xa' nela rë mbël ga' kwa'n nzhi'b lo yibë', no nela rë yux kwa'n nzhin ro' nitsdo' ga', kwa'n yent cho gak lab. 
\p  
\v 13 Rë men re' ngut bixa', nanganet bixa' rë kwa'n mila' Dios di'zh par lë' bixa'; per por ngwayila bixa' Dios, ter naga zhine lo bixa', lë' bixa' une lai, orze' mizi bixa', nak bixa' nela men zit ga', mbaino ka nzhaded bixa' yizhyuo re'.  
\v 14 Nane be, rë xa' nidi'zh sa', nali laka midi'zh bixa', lë' bixa' kikwa'n tu plo gak lazh bixa'.  
\v 15 No chi ngatsila bixa' lazh bixa' plo nguro' bixa', orze' ngak ngayubre bixa'.  
\v 16 Per nangayëkt bixa'; lë' bixa' mile' xigab, yo bixa' tu plo más tsak, kwa'n nzhin lo yibë'. Kuze' ño laxto' Dios, lë Dios, Dios che'n bixa', porke Dios ya kinu la tu plo gak lazh bixa'. 
\p  
\v 17 No Abraham, por ngwayila xa' widi'zh che'n Dios, miza' xa' tugaka Isaac, xa' nak xga'n xa', par ngat xa' lo Dios, nela tu gon ga', or nguzenbe' Dios xa' (or miwi' Dios xmod nak xa'), nabei, chi ziyël xa', za' xa' tugaka xga'n xa' kwa'n kinu xa', per nguziyël Abraham za' xa' xga'n xa', ter se' mila' Dios di'zh:  
\v 18 “Nabtsa por Isaac, gak yaral, par yo rë xa' gak ben che'nal.”  
\v 19 Porke nane Abraham, ke lë' Dios kinu yalnazhon, haxta nile' Dios niruban rë men ngut; no gab be, nguruban Isaac, orze' nguzenska Abraham xga'n xa' xtu wëlt. Kure' nak nela tu señ ga'.  
\v 20 No se'ska, por ñila Isaac widi'zh che'n Dios, kuze' midi'zh xa' widi'zh nazhon par Jakob no par Esaú.  
\v 21 No se'ska, Jakob, por ñila xa' Dios, dub pe'n nak xa', nzen xa' yek bordón che'n xa' par miza' xa' widi'zh nazhon par tuga' rë xga'n Che, mbaino nu midi'zh xa' lo Dios, nazhon Dios.  
\v 22 No Che, por ñila xa' widi'zh che'n Dios, dub naxiat xa', midi'zh xa' por Dios, lë' rë men Israel ro' lazh men Egipto; mbaino mila' xa' di'zh xmod gak kun rë wes che'n xa'. 
\p  
\v 23 No por ñila rë xuz Muisés, widi'zh che'n Dios, kuze' or ngol Muisés, nguluka'ch bixa' Muisés dub chon mbëo', porke une bixa', dox harmós më'd, no nangazhebt bixa' kwa'n mile' rey mandad, naki'n gat rë më'd xibyi'.  
\v 24 No se'ska Muisés, por ñila xa' widi'zh che'n Dios, or miro'b xa', nangaziyëlt xa' ngarulë xa' xga'n xcha'p rey Egipto,  
\v 25 lë'la ngule xa' zakzi xa' tutsa kun rë men che'n Dios, ke par ngaban xa' lo yalrrik kwa'n nidi' tu rratsa mbaino nile'i nzë'b xki men lo Dios,  
\v 26 porke par Muisés, más tsak zakzi xa' nela Jesukrist ga', ke par ngaban xa' lo rë yalrrik kwa'n nzho lazh men Egipto; porke lë' xa' kimbëz gal xa' kwa'n mila' Dios di'zh par lë' xa'.  
\v 27 Por ñila Muisés widi'zh che'n Dios, nguro' xa' lazh men Egipto, ngazhebt xa' ter miyi'xian rey Egipto kun lë' xa'; tutsa xigab mile' xa', wen nguzo xa' kun Dios, no chigab niwi' xa' lo Dios Me yent cho gak ne.  
\v 28 Por ñila Muisés widi'zh che'n Dios, mile' xa' lani kwa'n lë Pask, no nu mile' xa' mandad, mitsa' rë men Israel ren che'n rë mbëkxi'l ro' rë pwert lizh bixa', nes par nangut ganj xa' nzhut men, ni tu xga'n galo rë men Israel.  
\v 29 No por ñila rë men Israel widi'zh che'n Dios, nded bixa' sao' nitsdo' Naxne, nela lo yuo bizh ga'; no or ngokla rë men Egipto, nu bixa' ngaded, orze' miao'yo' bixa' le'n nitsdo', ngwap bixa'.  
\v 30 No por ñila rë men Israel widi'zh che'n Dios, mibil simient ke kwa'n nzho naka'n ro' yezh Jericó, or milox miza' bixa' wëlt gazh ngubizh, naka'n ta'i.  
\v 31 No Rahab, tu una' le'n kai (kwa' gal), por ñila xa' widi'zh che'n Dios, nangatta' xa' or ngut rë men Jericó, rë xa' gat nzhont ro' Dios, por ngoknu una' rë men Israel xa' ngwala'ch xmod nak yezh ze'. 
\p  
\v 32 ¿Kwanra' ganin lo go par zobyek go, xmod nak ñila men Dios? Naza'tra' ze'ta Gedeón, no Barac, mbaino Sansón, no Jefté, mbaino Dabi no Samuel, mbaino más rë xa' midi'zh por Dios chi tiemp.  
\v 33 Por ñila bixa' widi'zh che'n Dios, nzho xa' mile' gan lazh men or ndil bixa', no mile' bixa' mandad loi nela xmod nzhakla Dios, kuze' ngol bixa' kwa'n mila' Dios di'zh par lë' bixa'; no nzho bixa' mitsao' ro' mbe'zh;  
\v 34 mbaino nzho bixa' mitsiyal bël nazhe'b, no nzho bixa' mile' gan nangut men bixa' kun spad. Mbaino nzho bixa' yent jwers, per nguio jwers bixa', ngok bixa' dox naye lo yër, haxta michubla bixa' rë sondad xa' nzë xtu lazh men xa' nidil bixa'.  
\v 35 No nzho rë una' xa' nguruban rë melizh por ñila rë una' ze' Dios; no ter nzho bixa' ngut por mizakzi men bixa', per nangaziyëlt bixa' ngala't men bixa', porke nzhakla bixa' ban bixa' nazhon or ruban bixa'.  
\v 36 No nzho más bixa' nguzakzi, mixizhnu men bixa', no michël mene tich bixa'; mbaino nzho bixa' mili'b kun kaden, no ngulo men bixa' lizhyi'b.  
\v 37 No nzho bixa' ngut kun ke, no kun sierr, chop lë' ngok bixa' tuli. Más bixa' ngut kun spad, no nzho bixa' nkizë laba'i, lare'i; no ngok xab bixa' yid che'n mbëkxi'l no che'n chib, yentra' kwan kinu bixa'; no dox nalats nguzak bixa', mbaino nakap mili'nu men bixa'.  
\v 38 Gat ñalt rë men yizhyuo chë'l kun rë men re'; nkizë bixa' le'n rë yuo bizh plo yent men, no le'n rë yi', ni nane bixa' plo nzha bixa', ngok lizh bixa' le'n rë ye'r ke mbaino le'n rë ye'r yuo. 
\p  
\v 39 Rë xa' re', ter dox wen kwa'n mile' bixa' por ñila bixa' widi'zh che'n Dios, per nanganet bixa' kwa'n mila' Dios di'zh par lë' bixa',  
\v 40 porke Dios kinu la tu kwa'n tsak par rë be, kuze' nangalt bixa'i por be, porke tutsa gal be kun lë' bixa' kwa'n mila' Dios di'zh. 
\c 12  
\s1 Naki'n tsila be xmod nkizë Jesukrist 
\p  
\v 1 Nal nzo be sao' che'n rë xa' walika ngwayila Dios. Kuze', naki'n la' be tu lad rë kwa'n nika le' be rë kwa'n wen, mbaino la' be nakizëtra' be lo rë kwa'n gat lë' kwa'n nichël xi'd be, no xek be zë be nez che'n Dios kwa'n mine' Me zë tuga' be.  
\v 2 Naki'n wi' be xmod mile' Jesukrist, porke lë' Me mile', ngwayila be widi'zh che'n Dios, mbaino por lë' Me, le' be lë'tsa kwa'n nzhakla Dios. Or nguzakzi Jesukrist lo krus, nangatulat Me ngut Me sa', porke nane ka Me, or lox zak Me rë kure', lë' Me ne kwa'n nazhon, mbaino dox zak laxto' Me. Nal lë' Me nzob lad direch che'n Dios. 
\p  
\v 3 Kuze', bile' go xigab, tatu mixek Jesukrist or midi'zh rë xa' dox nzë'b xki, rë kwa'n gat ñal lo Me. Kuze', nayazhat go mbaino ni naya laxto' go por rë men re',  
\v 4 porke lë' go se'gaka kixek lo rë xa' nakap, gat le' xa' gan gut xa' go.  
\v 5 ¿Chi mia'l laxto' go rë widi'zh kwa'n ne Dios lo go por nak go xmë'd Me? Porke se' nzobni' lo Yech che'n Dios: 
\q1 Xmë'da, nayi'tal or tse'd Diosal or nile'l kwa'n gat ñalt, 
\q1 mbaino ni nacha'bal or kuzhië Dios yekal por kwa'n nakal, 
\q1  
\v 6 porke lë' Dios nitse'd rë men nazhi' Dios, 
\q1 mbaino nichël Diose tich rë xa' nak xmë'd Me. 
\m  
\v 7 Kitse'd Dios go nal re' por xmod nak go, par neu, walika xmë'd Dios go. O, ¿chi nzho tu men gat nitse'd xa' xmë'd xa' or nile' më'd tu kwa'n gat ñalt?  
\v 8 Per chi lë' Dios gat nitse'd go nela xmod nitse'd Dios rë xmë'd pa' Dios, orze' gat lë't xmë'd Dios go.  
\v 9 Lë' go nane ka, yizhyuo re', or ngok be më'd, mitse'd xuz be be mbaino mbin be ro' xa'. Per nal, más ñal gon be ro' Xuz be Me nzho lo yibë', par ban be dubta'.  
\v 10 Yizhyuo re', plo niban be che'ptsa, mitse'd xuz be be dike xmod zak xa' más wen. Per Dios nitse'd be par ya be wen, nes par gak be nela lë' Me.  
\v 11 Walikai, yent cho yo laxto' or mer kitse'd Dios tu men, porke dox yalnei. Per or nilox nitse'd Dios men, orze' nzhak nile' xa' kwa'n nzhakla Dios, mbaino dubta' chul nzho laxto' xa'. 
\s1 Chi lë' be la' widi'zh che'n Dios, lë' be zakzi 
\p  
\v 12 Or naban be yizhyuo re', nak be nela tu men xa' ngulo' tu karre ga', ngwazha ni' be no ya' be. Kuze' por rë kuba', naki'n wi' be nab tsa lo Dios par ka'la be.  
\v 13 Nakizëtra' go lo kwa'n gat lë', nes par se'gaka ro'b go lo rë kwa'n nak che'n Dios kwa'n mitse'd go por Jesukrist. 
\p  
\v 14 No bile' pa' go par ya'n go wen kun rë men, mbaino bikwa'n go gak nela Dios ga', porke rë xa' gat nakt sa', nanet bixa' Dios.  
\v 15 Biwi' go napa' yo tu rë go ya'l laxto' go Dios, Dios Me nazhi' be. Mbaino nala't go yo tu rë go xa' le' tse'd go le' go kwa'n gat ñal, orze' ke'd goi más xa'.  
\v 16 No biwi' go, nayo tu rë go xa' niban kun cho la men, xa' gat lë't tsa', o xa' kwa'n yent kwan ña laxto', ter kwa'n nazhon la' xa', nela xa mile' Esaú. Por tu plat kwa'n ndao xa', mito xa' yalnazhon kwa'n ngol xa', por nak xa', xa' galo lo wech xa'.  
\v 17 No nane la go, or ngokla Esaú ngaza' xuz xa' tu widi'zh nazhon par lë' xa', per nangalt xa'i por gat ñal xa'i; no ter dox mbi'n Esaú por lë'i, per yentra' kwan ngak ngale' xa'. 
\p  
\v 18 Porke go, nangazubit go lo yi' nela rë men Israel, or nguzubi bixa' lo yi' kwa'n nagakt gal men, no plo nzobyol, maska nzha' bël, no nakao, mbaino nzo tu mbi dox kwa'n nazhe'b.  
\v 19 No ni nangon go ngurezh tu trompet, no ni chi Dios. Rë xa' mbin chi Dios, una'b bixa', une la nadi'zhtra' Dios lo bixa',  
\v 20 porke nangaxekt bixa' lo kwa'n mile' Dios mandad or nzhab Dios: “Wanei cho gal yi' re', ter mene o mai, lë' xa' gat kun ke o kun waz.”  
\v 21 Dox nazhe'b kwa'n une rë xa' nzhin ze', haxta yub Muisés nzhab: “Haxta nu da nixiz di nizheb da.” 
\p  
\v 22 Per go nguzubi go lo yi' kwa'n lë Sion, yezh che'n Dios, Me naban par dubta', plo lë Jerusalén kwa'n ña'n yibë', plo nzhin dox nayax ganj che'n Dios, nizak laxto' bixa' kidi'zh bixa' lo Dios dox nazhon Me;  
\v 23 kun rë men che'n Dios, rë xa' nak nela men galo ga', xa' nzobni' lë lo yibë'. Gose nguzubi go lo Yub Dios Me gab xmod gak kun rë men yizhyuo; mbaino nguio go xid rë sprit che'n rë xa' mile' kwa'n nzhakla Dios dub miban bixa' yizhyuo re', rë xa' mitsimbe la Dios.  
\v 24 Nal, lë' go nguzubi lo Señor Jesukrist, Me nidi'zh lo Dios por be, mbaino por lë' Me mila' Dios di'zh xtu wëlt par be, no por ren che'n Me, mimbe be lo kwa'n nzë'b xki be; gat nakte nela ren che'n Abel, ren kwa'n mina'b gat men kwa'n mbit xa'. 
\p  
\v 25 Neu namás, nale't go naya' lo Dios Me kidi'zh lo go, porke chi mizakzi Dios rë xa' nangont ro' Dios or nguruzhië Dios yek bixa' lo yizhyuo re', ¿kwan gab go zakzit Dios go, chi lë' go le' naya' or nidi'zh Dios lo go dizde lo yibë'?  
\v 26 No chi tiemp ze' mixiz yizhyuo or midi'zh Dios, per nal, se' nzhab Dios: 
\q1 Xtu wëlt, lë' Da le, 
\q1 gat lë't nab yizhyuo win, 
\q1 haxta nu yibë' len win. 
\m  
\v 27 Or midi'zh Dios, xtu wëlt lë' yizhyuo win, kure' gab, lë' zhë zhin, lë' rë kwa'n niwin kwa'n ngulo Dios; lë'i lox par ya'n nab tsa rë kwa'n nagakt win, rë kwa'n nzho lo yibë'.  
\v 28 No chi lë' be kinu tu lazh be kwa'n kub, kwa'n ne' Dios yo be plo nile' Me mandad, kuze' ñal za' be xkix lo Dios por rë kure', mbaino le' be rë kwa'n nzhakla Me kun yalnado', nela xmod ño laxto' Me,  
\v 29 porke lë' Dios che'n be nak nela tu bël kwa'n nilo'x rë kwa'n. 
\c 13  
\s1 ¿Xmod ñal ban men che'n Jesukrist? 
\p  
\v 1 Go, men che'n Jesukrist, dubta' bichizhi' go rë wech go.  
\v 2 Naya'lt laxto' go le' go wen lo rë xa' yi'dtsi' ma go, porke nzho xa', ter nanet xa' choi, per ganj che'n Dios mizhin lizh xa'.  
\v 3 Bitsila go gaknu go rë xa' nzho lizhyi'b, nela chigab nu go nzho kun lë' bixa'; no goknu go rë xa' kizakzi men, nela chigab kun go kile' bixa'i.  
\v 4 Rë men ñal ne, dox tsak kinu men tsa' men, mbaino rë xa' kinu tsa', ñal ban xa' nambe kun tsa' xa'; porke mis Dios gab xmod gak kun kad men xa' niban kun cho la men, mbaino xmod gak kun rë xa' kinu tsa' no nikizë kun xtu men.  
\v 5 Nawixt go gap go nayax dimi, sino bizak laxto' go kun kwa'n kinu tsa go, porke se' midi'zh Dios: “Nalan zë'bta' lu, mbaino ni nalan, ya'nal se'tsa.”  
\v 6 Kuze' ñal ro'b laxto' be porke nane ka be: 
\q1 Lë' Dios nzhaknu be, 
\q1 yent por kwan zheb be lo rë men. 
\p  
\v 7 Bitsila go rë xa' milu' widi'zh che'n Dios lo go, no mitse'd bixa' go xmod ñal ban go; no biwi' go xmod miban bixa', par nu go le'i.  
\v 8 Lë' Jesukrist di xa nak Me na'g, nak Me nal, mbaino se'ska gak Me dubta'.  
\v 9 Kuze', nayilat go kwa'n lu' xtu men lo go kwa'n gat nakt nela widi'zh che'n Dios kwa'n midi'zh Jesukrist; kuze' más ñal zo be wen lo rë kwa'n wen kwa'n nile' Dios por be por Jesukrist, ke par le' be rë ley kwa'n nidi'zh por kwa'n nzhao men o kwa'n nzho men, porke yent kwan ngazu' rë kuba' par rë xa' mile'i chi tiemp. 
\p  
\v 10 Lo yibë' kinu be tu biko', no ni tu rë ngulëi' xa' nikë zhi'n nela xmod nzobni' lo ley che'n Muisés, nagakt gao bixa' kwa'n nzhi'b lo biko' che'n be,  
\v 11 porke rë ngulëi' ro che'n rë men Israel, niza' bixa' nab tsa rë ren che'n rë ma par gon plo lë dox nazhon le'n yado' che'n Dios, mbaino lë' rë ma nigo' ren ze' nizë'k bixa' ma tu lad ro' yezh.  
\v 12 No sa' ska, Jesukrist ngut tu lad ro' yezh, par mizubchi Me kun ren pa' che'n Me kwa'n nzë'b xki rë men che'n Me lo Dios.  
\v 13 Kuze' nal, zubi be lo Jesukrist tu lad ro' yezh, par nu lo be di'zh men kwa'n midi'zh men lo Me,  
\v 14 porke yizhyuo re' gat kinut be lazh be kwa'n di' par dubta', kuze' kimbëz be lazh be kwa'n laore yo.  
\v 15 Kuze', gon kwa'n niza' be lo Dios nak, or niza' be xkix lo Dios por rë kwa'n mile' Jesukrist por be, no di'zh be lo rë men, lë' Jesukrist nile' mandad be.  
\v 16 No naya'lt laxto' go, le' go rë kwa'n wen, no gaknu go rë men kun kwa'n kinu go, porke nu ska kure' nak gon kwa'n ño laxto' Dios.  
\v 17 Mbaino bin go rë kwa'n ne rë xa' mizo Dios kina go, no bizob go xti'zh bixa', porke zilita' nikina bixa' go, porke lo bixa' na'b Dios kwent por go. Kuze', rë kwa'n ne bixa' bile' goi, par zak laxto' bixa'; per chi por xmod nak go dox zob xigab yek bixa', orze' yent kwan zu'i par go. 
\p  
\v 18 Zilita', bina'b go lo Dios por no, porke nizi no, yent kwan nak no lo Dios, porke dubta' nikwa'n no le' no kwa'n wen lo rë kwa'n.  
\v 19 Kwa'n más kina'ba lo go, bina'b go lo Dios par nayen laka xë'l Dios da lo go xtu wëlt. 
\s1 Lult rë widi'zh kwa'n mikë' xa' mixë'l yech re' 
\p  
\v 20 Dios Me nile', ña'n chul laxto' men, mile' Me nguruban Señor Jesukrist, Me nak Baxtor ro lo rë be; mbaino por ren che'n Jesukrist, ngok rë widi'zh kwa'n mila' Dios kun be, par dubta'.  
\v 21 Kuze', kina'ba lo Dios par le' Me ro'b go lo rë che'n Me, par le' go rë kwa'n nzhakla Dios; mbaino kina'ba, le' Dios kun go por Jesukrist, rë kwa'n nazhon kwa'n nzhakla Me par go. ¡Nal par dubta', ñal rë men di'zh nazhon Jesukrist! Sa' gake. 
\p  
\v 22 Rë go wech no bizan, kina'ba lo go, kun pasens bin go pla widi'zh kwa'n kinin lo go re' par kala go.  
\v 23 Bin go, lë' wech be Timoteo nguro' la lizhyi'b; no chi lë' xa' zhin re' lwega', lë'da yi'dnu xa' or yi'dtswi'n ma go.  
\v 24 Bidi'zh go wen lo rë xa' mizo Dios par kina go, mbaino lo más rë xa' nak men che'n Dios. Rë wech be por Jesukrist, xa' nzhin Italia, mixë'l tu widi'zh wen por Jesukrist, par rë go.  
\v 25 Kina'ba lo Dios, par le' Me ya rë go wen. Sa' gake.