\id TIT Zapoteco de Albarradas 
\h Guiꞌch par Tito 
\toc1 Guiꞌch guxhaal San Pabl loj Tito 
\toc2 Guiꞌch par Tito 
\toc3 Tit 
\mt1 Guiꞌch guxhaal San Pabl loj Tito 
\c 1  
\s1 Rxhiaal Pab xtiidx Dios 
\p  
\v 1 Naj Pab cayünan Dios sirv, naj najn xiapóstol Jesucrist par günan yudar bén ma na̱j ree par Dios xhienaag chililadx reeman laaman din gagbee tëë reeman diidxli xhienaag guiban reeman delant loj Dios,  
\v 2 din yuꞌguijc ree guial zian yayaꞌp ree guialnaban tiblayaa delant loj Dios. Diizd chi gad guidxliuj gacchaaw, rëbaman guial yazaladxaman guialnaban guin, abiꞌ dunuj ree rayagbee ree zagdxe guial ad rnieet Dios diidx rusquiee.  
\v 3 Abiꞌ chi bidxin dxej ni gule Dios guial gogbee ree bejn xtiidxaman laaman balüü xtiidx, abiꞌ naj bayal catiechan xtiidxzaꞌcaman laan na̱j ni guxhaalaman naj günan, bén ni rüjn dux tol ree perdon.  
\v 4 Cucan guiꞌch guie par lüj, Tito, guial najl ziꞌc da xiꞌnan guial tiblojzi raliduladx Jesucrist. Dux Dad ree Dios con Jesucrist bén güt por dux tol ree, yaya reeman lüj, güünleꞌ reeman lüj yabeꞌcdxe tëë reeman luxdool. 
\s1 Dxiin ni been Tito guiedx Creta 
\p  
\v 5 Naj basaꞌn lüj niz Creta din güünl ni ryaadx günan ni. Abiꞌ tijbgaj luguiedx gucaabeel bén ni nabee ree loj ree xbejn Cristo ziꞌc ma rnin.  
\v 6 Chi gucaabeel laa reeman rayal gucaabeel bén ni naban ree ziꞌc rayal chitëë chu guinieeguijdx laaman, bén ni yuꞌ tijbzi lacheel, rliladx tëë ree xiꞌnman Jesucrist, bén ni nünbee ree bejn guial ad nabant ree xiꞌnman ziꞌctzi rën reex ad najt tëët reex xin rusagloj.  
\v 7 Din bén rajp guialrniabee loj ree xbejn Cristo, lojman rigaꞌ gra ni na̱j por Dios, zeel rüjn naguiejn guibanman ziꞌc rayal. Ad rayalt güünman xgab guial tijbzi ni guiëbaman güün sirv, ad rayalt gacaman bénralenyaꞌ, ad rayalt gacaman benguꞌ, niꞌqui ben ruladx wadijl, ad zaguiil tëëtaman mod xhienaag tiaꞌman xmilia ree bejn.  
\v 8 Rayal gacaman bén ni gudëë lidx yayaꞌn ree bejn chi rüjnan naguiejn, bén ruladx güün ganax ni zagdxe, gac tëë nabee laagajcaman. Rayal gacaman benzaꞌc, guibanman ziꞌc rayal delant loj Dios në delant loj ree bejn, ad rayalt guibanman ziꞌctzi rënman.  
\v 9 Rayal chinalaman diidxli ni ma basiidaman, din chileꞌ gusiidaman bejn ree diidxzaꞌc guin ree din guzuxnejz tëëman bén ni rnieeguijdx ree xtiidxli Dios. 
\p  
\v 10 Din dád zien ree bén ad ruzoobt diidx yuꞌ. Ganax diidx rusquiee rniee reeman abiꞌ rusquiee reeman bejn ree, abiꞌ loj ree bén Israel ni rulüü ley loj reeman noꞌch mazri lasaꞌ ree ben guin.  
\v 11 Lasaꞌ ree bén guin ad rayaltri yatiëëb ree gulüü reeman bejn ree, din dád zien ree yu ma beendxa reeman gra tijb famil guial rulüü reeman laa reeman ni ad rayalt naabzi par güün reeman gan milia. 
\p  
\v 12 Tijb gajc bén ladx reeman bén rëb reeman na̱j bén badëë xtiidx Dios loj ree bejn, laaman rëb guial ree bén Creta ganax diidx rusquiee rniee reeman, dád nadoxh reeman, dád bén nala na̱j reeman abiꞌ achetczi rën reeman güün reeman.  
\v 13 Abiꞌ waliman, zeel gudilë reeman con diidxdoxh din chileꞌ chinal reeman xtiidx Cristo ziꞌc rayal,  
\v 14 ad guidxgaꞌri reeman ni rbëëguijc ree bén Israel, ad güün teë reeman ni rniabee ree bén ni ma guroꞌnladx ree ni na̱j diidxli. 
\p  
\v 15 Bén naya ree xquiarguiejn, achet xgab mal rüjn reeman. Per ree bén rüjn ganax xgabdxuudx, bén ad rliladxt, achetczi xgab zagdxe rüjn reeman guial ad nayat xquiarguiejn reeman, ganax ree xgab mal yuꞌ guijc reeman.  
\v 16 Laa reeman rëb guial nünbee reeman Dios, per rëbzi reeman din ad rüjnt reeman ni rën Dios. Dád bendxuudx na̱j reeman rusagloj tëë reeman, niꞌqui tijb ni rüjn sirv ad rajct rüjn reeman. 
\c 2  
\s1 Ni rayal gulüü Tito 
\p  
\v 1 Per lüj Tito, balüü ree bejn gra ziꞌc tal na̱j xtiidxzaꞌc Dios.  
\v 2 Balüü ree bengol din guiban reeman zagdxe, gustëdguien reeman din gap bejn laa reeman respejt, guidib luxdoo reeman chililadx reeman, guiën reeman bejn ree, taan tëë reeman xhietëëz ni sac reeman.  
\v 3 Ziangajc ree béngunaa bengol rayal guiban reeman ziꞌc rayal guiban ree xbejn Cristo. Ad rayalt gü reeman xtiidx bejn, ad gac reeman benguꞌ. Rayal gulüü reeman bejn ree xhienaag na̱j ni zagdxe,  
\v 4 rayal gulüü reeman béngunaa guiag ree din guiën lacheel reeman con xiꞌn reeman,  
\v 5 din guiban tëë reeman naya delant loj Dios, nadëdguien, guinia lidx reeman, gac reeman benzaꞌc guzoob tëë reeman xtiidx lacheel reeman chitëë chu guinieeguijdx xtiidx Dios. 
\p  
\v 6 Ziangajc lüj Tito, badëë consejw loj ree xinguiaaw guiag din guiban reex nadëdguien.  
\v 7 Been naguiejn din güünl gra xnejz din guguiaa reex xhienaag güün reex ni na̱j zagdxe. Chi rulüül laa reex, balüü reex zagdxe ziꞌc rayal,  
\v 8 con ganax ree diidx zagdxe chitëë xhie gudxiib ree bejn guijquil, din yayaꞌnxtu ree bén ni rdxeꞌch dunuj ree guial achet yadxejl gudxiib reeman duguijc ree. 
\p  
\v 9 Badëë tëë consejw loj ree bén na̱j ree mojs din guzoob gra xtiidx xpatron reeman, gac reeman benzaꞌc ad yadxiꞌroꞌ reeman.  
\v 10 Ad cwan reeman xhie xieen xpatron reeman, gac reeman bén confians din guguiaa gra ree bejn xhienaag naban reeman guial nizaꞌcdxoon na̱j xtiidx dux Dad ree Dios bén rüjn dux tol ree perdon. 
\p  
\v 11 Abiꞌ Dios ma balüüman plact rënman dunuj ree, abiꞌ guial rënman dunuj ree zileꞌ gac gra ree bejn perdon.  
\v 12 Guial rënman dunuj ree rayagbee ree guial rayal yasaꞌn ree ni mal con ree ni ad rünjt sirv ni rayën ree yaguieen ree loj guidxliuj guie, din yabajn ree nadëdguien, ziꞌc rayal, ziꞌc rën Dios yabajn ree loj guidxliuj guie  
\v 13 laꞌtgaj caylëjz ree dxej zaꞌcdxoon ni gac cumplid xtiidxzaꞌcaman ziꞌc ma naman duloj ree guial guiꞌt dux Dios ree Dad Jesucrist con xguialrniabeeman, bén been perdon dux tol ree.  
\v 14 Laaman güt por dunuj ree din yabëëman dunuj ree loj gra dol abiꞌ basiaman dunuj ree din yayajc ree xbejnzaman abiꞌ yaguieen ree naguiejn yaguieen ree ganax ni zagdxe. 
\p  
\v 15 Gra ni ma rnin lojl balüün laa reeman sin guialrdxeb badëëd reeman consejw, bazuxnejz reeman con guialrniabee ni caꞌl. Ad tiëbil gusagloj reeman lüj. 
\c 3  
\s1 Ni rayal güün ree bén rliladx Jesucrist 
\p  
\v 1 Basaaladx reeman din güün reeman ni rëb ree bén rniabee laa reeman në ni rëb ree guxtis, gac reeman bén nacaagdiajg susin tëë reeman par güün reeman ni na̱j zagdxe.  
\v 2 Ad guinieeguijdx reeman bejn ree, ad quiil reeman wadijl, gac reeman benzaꞌc në bénchaawladx con chutëëz bénan. 
\p  
\v 3 Gocli nëgajc dunujn baguieenan ziꞌctzi bayënan, ad bazoobtan diidx, badxuꞌn loj nejz mal, baguieenan ni bayëntzan në ziꞌctzi na̱j dux xgaban. Baguieenan ganax ni ad najt zagdxe, bayajcan bén nadëdloj, bidxeꞌch ree bejn dunujn abiꞌ badxeꞌch gajcan laa reeman.  
\v 4 Per chi bidxin dxej dux Dad ree Dios bén baguijx por dux tol ree, balüüman loj ree bejn guial najman benzaꞌc rën tëëman bejn.  
\v 5 Laaman been dux tol ree perdon, per ad guial baguieent ree xhie ni rüjn sirv, guial bayaman dunuj ree. Laaman basia dunuj ree yan ma nayajc ree naya delant lojman, abiꞌ por xSprijtaman ma rayaꞌp ree guialnaban cüb.  
\v 6 Por Dad Jesucrist bén baguijx por dux tol ree, Dios bazaladx dunuj ree zroꞌ daꞌt xSprijtaman.  
\v 7 Dxel ziꞌcgajc laaman ma nulabaman dunuj ree sin dol guial najman benzaꞌc, yayal ree guialnaban tiblayaa ni ralëjz ree. 
\p  
\v 8 Laan na̱j diidxli. Zeel rënan gusnuu gugojnl diidx guie ree bén ni rliladx ree Dios din güün reeman naguiejn güün reeman ni na̱j zagdxe. Abiꞌ nine ree na̱j ni zojbloj në ni güün sirv par gra ree bejn.  
\v 9 Per ad guidxgaꞌl diidx ni ad rüjnt ree sirv ni rniee ree bejn, ad guidxgaꞌl xtiidx ree bén ni ru ree xgab mazri chunin na̱j diidxli xdiaa gulal ree bejn. Ad guidxgaꞌ tëël bén ni rdildiidx ree por xley Moisejs, din ad najtan ni zojbloj achet tëët lasajc ni rniee reeman, achetczi sirv rüjn ree ni guin. 
\p  
\v 10 Bal por tijb lëjt rzuloj rliaꞌ lasaꞌ ree xbejn Cristo, guneenëman tib volt o tioꞌp volt, abiꞌ bal id ruzoobaman xtiidxil mejorli babëëman lojdi.  
\v 11 Din lüj ragbee guial lasaꞌ ree bén guie ma guroꞌnladx reeman ni na̱j diidxli abiꞌ laagajc reeman cunijt laa reeman por xtol reeman. 
\s1 Ni rayal güün Tito 
\p  
\v 12 Chi gaxhalan Artemas o Tíquico lod zojbil, been daꞌt naguiejn tagnaj naj luguiedx Nicópolis, din ni ma benan xgab gadëëdan tiamp nayaag.  
\v 13 Been tëë yudar Apolos në licenciad Zena ziꞌctzi gaquil. Badëë gra ni ryaadx reeman din chinal xnejz reeman chitëë xhie guiyaadx reeman.  
\v 14 Në ree dux compniar ree rayal gusiid güün ni na̱j ni zagdxe, güün reeman yudar chi rüjn naguiejn güün reeman yudar chitëë guiban xliaꞌzi reeman. 
\s1 Diidx bigra ca ree loj guiꞌch guie 
\p  
\v 15 Gra ree bén zaꞌ con naj rugajpdioz reeman lüj. Bagajpdioz sii gra ree bén rën dunujn por guialrliladx ni rayaꞌpan. Dux Dad ree Dios güünleꞌ gradi. Amén.