\id REV Zapoteco de Albarradas 
\h Ni balüü Jesucrist loj San Juan 
\toc1 Ni balüü Jesucrist loj San Juan 
\toc2 Ni balüü Jesucrist loj San Juan 
\toc3 Ap 
\mt1 Ni balüü Jesucrist loj San Juan 
\c 1  
\p  
\v 1 Ni ne ree na̱j ni ma balüü Dios loj Jesucrist din në laaman gulüü laan loj ree xbejnman, din gagbee reeman conin ma zidyob gac. Abiꞌ Jesucrist guxhaal xianjlaman din gulüüman ni guin ree lon, naj Waj xbejn Jesucrist, bén cayüjn laaman sirv.  
\v 2 Abiꞌ canin ni diidxli xcwent xtiidx Dios, xcwent Jesucrist në xcwent gra ree ni baguian. 
\p  
\v 3 Xiquilbaa ree bén ni rool, në ree bén rucaagdiajg në ree bén ridxgaꞌ ni ca loj guiꞌch guie ni rugojn xcwent ree ni gac, din ma zidyob gac reen. 
\s1 Rxhiaal San Juan guiꞌch loj guigajdx ree yadoo 
\p  
\v 4 Naj Waj cucan guiꞌch guie par lëjt najdi xbejn Cristo, lëjt bén naban ree loj guigajdx ree xguiedx Asia. Dux Dad ree Dios, bén guiꞌt bén na̱j Dios diizd gocli në yan, në guigajdx ree sprijt zaꞌ lod canabeeman, në Jesucrist, laa reeman güünleꞌ lëjt yabeꞌcdxe tëë reeman luxdoodi.  
\v 5 Jesucrist been gra ni na̱j güünman, laa tëëman goc bén yaloj baban loj ree bengüt abiꞌ laaman rniabee gra ree bén rniabee loj guidxliuj. Laaman rën dunuj ree abiꞌ con xrejnman basiaman dux tol ree  
\v 6 abiꞌ beenman dunuj ree ziꞌc bén rniabee, been tëëman dunuj ree bixhioz rüjn sirv xDadaman Dios. Zeel Jesucrist rayalaman respejt në guialrniabee zianczi. Amén. 
\p  
\v 7 ¡Gol gogbee guial guiꞌtaman loj za̱j! Gra ree bejn guguiaa laaman xt ree bén ni guliiz lans cwëꞌlënman, abiꞌ gra ree bénguidxliuj goon daꞌt chi guguiaa reeman laaman. Laan na̱j diidxli. Zian gac. 
\p  
\v 8 Dux Dad ree Dios bén rajp gra guialrniabee. Laaman guiꞌt, laaman na̱j Dios diizd guiaꞌxchej, në yan, laaman rëb por laagajcaman: “Naj na̱j ziꞌc lejtr A con Z, lejtr ni rzuloj në ni rlioxnë alfabeto, naj caꞌ gra guialrniabee.” 
\s1 Baguiaa San Juan xguialrniabee Cristo 
\p  
\v 9 Naj Waj tijb ree lasaꞌdi bén rliladx Jesucrist. Tijbzi nadxuꞌ ree loj xguialrniabeeman, tijbzi cayzaagdiaj ree abiꞌ caydaan ree por laaman. Naj guyuꞌn ladxguiib loj yuj rigaꞌ loj nijsdoo lod la Patmos guial rtiechan xtiidx Dios në gra ree ni ragbeen xcwent Jesucrist.  
\v 10 Chi yuꞌn ladxguiib loj yuj rigaꞌ loj nijsdoo guin, guyu tijb dumingw chi guzaꞌcan ziꞌc bén rnieꞌxhchaal por xguialrniabee xSprijt Dios, abiꞌ xichan biguiejnan ziꞌc chaꞌ trompejt abiꞌ biguien rejs daꞌt chaꞌ tijb  
\v 11 bén ni rëb: 
\p ―Naj na̱j ziꞌc lejtr A con Z, lejtr ni rzuloj në ni rlioxnë alfabeto, din tijbzi naj na̱j bén rniabee. Bacaa loj guiꞌch gra ni cuguiaal dxel guixhiaalil guiꞌch guin loj guigajdx cwaa ree da bejnan bén zojb ree niz Asia, luguiedx Éfeso, Esmirna, Pérgamo, Tiatira, Sardis, Filadelfia në Laodicea. 
\p  
\v 12 Dxel chi badxiꞌ lon par guguian chunin rnieenë naj dxel baguian gajdx ree candeler or.  
\v 13 Abiꞌ galay ree candeler guin baguian tijb ni na̱j ziꞌc tijb bejn, najcwaman tijb lajd yool xt guiaꞌman, abiꞌ naxii tijb cinch or luxdooman.  
\v 14 Naquichbëj guijcaman ziꞌc na̱j guidxlad xiil, ziꞌc na̱j guiajnayaag naquich na̱j guidxguijcaman abiꞌ ziꞌc bajl reꞌcriani guiaalojman.  
\v 15 Abiꞌ guiaꞌman rdiinan bachaꞌ ziꞌc guiib ni la bronce chi yuꞌn loj guij, abiꞌ chaꞌman na̱j rejs ziꞌc rüjn nijs naquieꞌ chi rguiajtan.  
\v 16 Guiáad yaaman ladbee caꞌman gajdx bajl xanyabaa. Abiꞌ roꞌman ririi tijb Espad ni nadoxh daꞌt grop lad, guiáad lojman rulaa bachaꞌ ziꞌc chi rusni gubijdx gojl daꞌt. 
\p  
\v 17 Dxel chi baguian laaman biajban guiaꞌman ziꞌc bengüt. Per laaman guxhoob yaa ladbeeman guican, naman: 
\p ―Ad rdxebil, naj na̱j bén rniabee diizd guiaꞌxchej abiꞌ par tiblayaa.  
\v 18 Ma güjtan, per yan ma babanan, abiꞌ ma nabanan tiblayaa, abiꞌ naj rniabee guialgüjt në gabijl.  
\v 19 Yan bacaa ni ma baguiaal në ni cuguiaal në ni qui gacri.  
\v 20 Ni në rën guiëb guigajdx ree bajl xanyabaa ni baguiaal yan ladbee, në guigajdx ree candeler or. Guigajdx ree bajl xanyabaa guin rën guiëban gajdx ree bén rniabee guigajdx cwaa ree da bejnan niz Asia, abiꞌ guigajdx candeler or guin rën guiëban guigajdx cwaa ree da bejnan. 
\c 2  
\s1 Diidx par ree bén Éfeso 
\p  
\v 1 ’Yan bacaa ni guixhiaalil loj bén rniabee ree da bejnan luguiedx Éfeso. Bacaa: “Bén ni ziza galay ree candeler or, bén ni caꞌ gajdx ree bajl xanyabaa con yaa ladbeeman, laaman na lojdi:  
\v 2 Naj ragbee xhie cayüjndi. Naj ragbee xhie tarbajw cadëdidi, ragbee tëën guial ad ralenyaꞌtidi. Naj ragbee guial ad rdaantidi bén mal ree, abiꞌ ma beendi prueb bén na ree na̱j xi apóstoles Jesucrist majsi achut na̱j reeman abiꞌ ma gogbeedi guial ganax diidx rusquiee rniee reeman.  
\v 3 Naj ragbee guial rajpidi pacens abiꞌ ma guzagdiajdi guial rëndi naj sin guial yalenyaꞌdi.  
\v 4 Per yuꞌ ni ad ruladxtan rüjndi: guial ad rëntridi naj ziꞌc guiaꞌxchej.  
\v 5 Gol basaaladx xhienaag guyëndi naj guiaꞌxchej guial ziꞌc cayüjndi yan. Gol bayüjn xgab, gol been ziꞌc beendi guiaꞌxchej, bal id züjndi zian, nayob gaxhalan casti par lëjt abiꞌ ad zajctridi biani par los demazri ree bejn, bal id zayüjndi xgab.  
\v 6 Per yuꞌ ni cayüjndi ziꞌc rayal, guial rdxeꞌchidi ni rüjn ree ben nicolaítas, ziꞌcgajc rdxeꞌchan por ni rüjn reeman.  
\v 7 Bén rën ree gucaagdiajg, gol bacaagdiajg ni rniee xSprijt Dios par ree da bejnan: Bén ni güün gan loj dol, naj gudë ni gawaman ni rtia loj yag ni runee guialnaban ni zojb xanyabaa lod zojb Dios.” 
\s1 Diidx par ree bén Esmirna 
\p  
\v 8 ’Yan bacaa ni guixhiaalil loj bén ni rniabee ree da bejnan luguiedx Esmirna. Bacaa: “Bén rniabee diizd guiaꞌxchej në par tiblayaa, bén ni güt abiꞌ babanman stijb, laaman na lojdi:  
\v 9 Naj ragbee xhienaag cadëdidi tarbajw por ni rüjn bejn lëjt, ragbee tëën loj guialprob ni nabandi majsi diidxli najdi benrijcw guial ma zinalidi xtiidx Dios, abiꞌ ragbeen xhienaag rnieeguijdx bejn lëjt, bén ni na ree na̱j reeman bén Israel xbejn Dios majsi laa reeman na̱j xbejn xindxab.  
\v 10 Ad rdxebtidi guialzi ni tëdidi din xindxab güünx gan din cuꞌ ree bejn tioꞌp choondi ladxguiib par guiguien guial diidxli zinalidi xnejz Dios. Chii dxej tëdidi guialzi guin ree, per gol guzujdxiꞌch xt dxej guiëtidi, abiꞌ naj yazaladx lëjt guialnaban tiblayaa.  
\v 11 Bén rën ree gucaagdiajg gol bacaagdiajg ni na xSprijt Dios par ree da bejnan: Bén güün gan loj dol, achetri güün guialgüjt ni rarojp laaman.” 
\s1 Diidx par ree bén Pérgamo 
\p  
\v 12 ’Yan bacaa ni guixhiaalil loj bén rniabee ree da bejnan luguiedx Pérgamo. Bacaa: “Bén caꞌ espad ni nadoxh grop lad roꞌ, laaman na lojdi:  
\v 13 Naj ragbee guial luguiedx zojbidi xindxab rniabee ni. Per majsi zian lëjt zaꞌdxiꞌchidi con naj ad rucwëëzt rliladxidi naj niꞌqui lën ree dxej ni bagüjt reeman Antipas, tijb ree xcompniaridi bén ad bacwëëzt bililadx naj, bén bagüjt reeman ladxidi lod rniabee xindxab.  
\v 14 Per yuꞌ ree ni ad ruladxtan rüjndi. Tijb ni ad ruladxtan rüjndi na̱j guial lojdi noꞌch ree bén ad rusaꞌnt ni basiid Balaam bejn ree, bén rëb loj Balac xhienaag guzaalguiiwaman bén Israel ree din gaw reeman guialraw ni ma gurej loj ree xdios Balac guin, në par been reeman graloj ree nidxuudx con ree bén ad najt lacheel reeman.  
\v 15 Stijb ni ad ruladxtan na̱j guial lojdi noꞌch ree bén ad rucwëëzt rüjn ziꞌc rüjn ree bén nicolaítas.  
\v 16 Zeel gol bayüjn xgab por ni rüjndi, bal id züjndi zian nayob gaxhalan casti din günan guialguxtis con laa reeman con espad ni ririi roꞌn.  
\v 17 Bén rën ree gucaagdiajg, gol bacaagdiajg ni na xSprijt Dios par ree da bejnan: Bén rüjn gan loj dol, naj gudë mana gawaman, guialraw xanyabaa ni ad nünbeet ree bejn. Gudë tëën tijb guiaj naquichdoo lod ca laj cübaman ni achutczi ragbee, tijbzi bén tiaꞌ guiaj guin gagbee.” 
\s1 Diidx par ree bén Tiatira 
\p  
\v 18 ’Yan bacaa ni guixhiaalil loj bén rniabee ree da bejnan luguiedx Tiatira. Bacaa: “Xiꞌn Dios, bén reꞌcriani guiaaloj ziꞌc bajl, bén rdiin bachaꞌ guiaꞌ ziꞌc guiib ni la bronce, laaman na lojdi:  
\v 19 Naj ragbee ni cayüjndi, ragbeen xhienaag rëndi naj, xhienaag rliladxidi naj, xhie cayüjndi por naj abiꞌ ad ralenyaꞌtidi. Naj ragbee guial mazri zagdxe cayüjndi yan guial loj guiaꞌxchej,  
\v 20 Per yuꞌ ni ad ruladxtan cayüjndi: Rdaandi Jezabel, béngunaa ni na rudëëd xtiidx Dios. Abiꞌ rtiëjbidi rulüüman da bejn reen dxel ruzaalguiiwaman laa reeman rüjn reeman ni dxuudx ree con ree bén ad najt lacheel reeman, abiꞌ raw reeman guialraw ni ma gurej loj ree xdios ree bénguidxliuj.  
\v 21 Ma badën tiamp din yayüjnman xgab, din gusaꞌn xguialdxuudxaman, per ad rëntaman.  
\v 22 Zeel yan gaxhalan guialguijdx par laaman, gaaman gagxuuman. Abiꞌ bén rüjn ree ziꞌc rüjnman, bal id reeman guchaa mod ni naban reeman ziangajc zroꞌ na̱j guialzi ni tëd reeman,  
\v 23 gugüjtan gra ree bén ma been xgab guiban ziꞌc naban béngunaa guin. Zian gagbee ree da bejnan guial naj ragbee xhie yuꞌ guijc bejn xhie tëë yuꞌ luxdooman, xhie xgab rüjnman. Naj gune lëjt ni rayalidi bal gonin rüjndi.  
\v 24 Par gra ree da bejnan bén zojb ree luguiedx Tiatira, lëjt bén ad zinalt ree ziꞌc rusiid Jezabel guin bejn ree, lëjt guial na reeman ad ragbeetidi xt ni bigra xcwent xindxab guial ad ridxgaꞌtidi laa reeman, achetri ni ganin lojdi,  
\v 25 tijbzi ni rnin lojdi: Gol guzujdxiꞌch loj ni ma ragbeedi xt chi guialan stijb.  
\v 26 Bén güün gan loj dol, abiꞌ gusnuu güünman ziꞌc rënan guidib tiamp ni guibanman, naj gudë guialrniabee lojman din nabeeman loj ree nacion.  
\v 27 Nabeeman loj ree nacion guin ziꞌc tijb bén ni caꞌ tijb var guiib, ziꞌczi rliaꞌ bejn tijb guiajs zian güünnëman bén ni ad rënt ree guzoob diidx. Gudën guialrniabee guin lojman ziꞌc banee da Dadanan lon,  
\v 28 gudë tëën lojman bajl xanyabaa ni rliejn rsildoo.  
\v 29 Bén rën ree gucaagdiajg, gol bacaagdiajg ni rëb xSprijt Dios par ree da bejnan.” 
\c 3  
\s1 Diidx par ree bén Sardis 
\p  
\v 1 ’Yan bacaa ni guixhiaalil loj bén rniabee ree da bejnan luguiedx Sardis. Bacaa: “Bén naban con guigajdx ree xSprijt Dios abiꞌ caꞌman gajdx bajl xanyabaa, laaman na lojdi: Naj ragbee gra ni cayüjndi ragbee tëën guial ma güjtidi, majsi par ree bejn nabandi.  
\v 2 Zeel gol batieꞌch xbacaalidi, gol been naguiejn chitëë nit ni sta cayüjndi, din naj ruguian guial ad cayüjntidi xnejz delant loj da Dadan Dios.  
\v 3 Gol basaaladx ni ma biguiejndi në ni ma basiididi, abiꞌ gol been zian, gol bayüjn xgab ziꞌc ni cayüjndi. Din bal id zatieꞌch xbacaalidi ziꞌc cayüjndi, dxel ziꞌc riꞌt tijb béngubaan ziangajc chi gagbeedi ma biꞌt casti par lëjt.  
\v 4 Per luguiedx Sardis, yuꞌ tioꞌp choon ree bejn sta naya, laa reeman na̱j bén gacw lajd naquich abiꞌ sa reeman con naj, din rayal reeman laan.  
\v 5 Bén güün gan loj dol, chi guidxin hor, zian gacwaman lajd naquich abiꞌ ad zuseꞌn tëëtan lajman loj xlibr guialnaban. Abiꞌ delant loj Dios në loj ree anjl guien guial laaman na̱j da bejnan.  
\v 6 Bén rën ree gucaagdiajg, gol bacaadiajg ni rëb xSprijt Dios par ree da bejnan.” 
\s1 Diidx par ree bén Filadelfia 
\p  
\v 7 ’Yan bacaa ni guixhiaalil loj bén rniabee ree da bejnan luguiedx Filadelfia. Bacaa: “Bén naya nali, bén na̱j diidxli, bén rajp guialrniabee loj gra ziꞌc gojp rey Davi guialrniabee, tijbzi laaman rajp guialrniabee par guixhialaman tijb nejz ni achut zajc gusiaaw o gusiaawaman tijb nejz ni achut zajc guixhial, laaman na lojdi:  
\v 8 Naj ragbee gra ni cayüjndi. Gol gogbee guial majsi ad rajptidi guialrniabee, per naj ma guxhal tijb nejz din guitieꞌchidi da diidxan sin guial chu gutëë lojdi, din zinalquidi da diidxan abiꞌ ad goct rëbidi guial ad najtidi da bejnan.  
\v 9 Lëjt guguiaa ni günan con ree xbejn xindxab bén rëb ree na̱j reeman bén Israel xbejn Dios, abiꞌ rusquieezi reeman. Guguiaadi ni günan laa reeman, guidgazuxib reeman lojdi, gagbee tëë reeman xhienaag rënan lëjt.  
\v 10 Abiꞌ ziꞌc ma bazoobidi diidx gapidi pacens guial chinalidi da diidxan, ziangajc ganan lëjt chi guidxin dxej guiꞌt guialzi loj guidib guidxliuj, ziꞌc tijb prueb par gra ree bénguidxliuj.  
\v 11 Nayob guialan loj guidxliuj stijb. Gol guzujdxiꞌch loj ni ma ragbeedi chitëë tiaꞌ ben ren ni rayalidi.  
\v 12 Bén güün gan loj dol, naj gudë lojman tijb luar zojbloj lën yadoo zojb xanyabaa lod naban da Dadan Dios, ni guibanman tiblayaa. Dxel tiblajtaman guca laj da Dadan Dios con lan nicüb, con laj ladx da Dadan Dios ni la Jerusalén cüb ni na̱j xanyabaa lod zojbaman.  
\v 13 Bén rën ree gucaagdiajg, gol bacaagdiajg ni rëb xSprijt Dios par ree da bejnan.” 
\s1 Diidx par ree bén Laodicea 
\p  
\v 14 ’Yan bacaa ni guixhiaalil loj bén rniabee ree da bejnan luguiedx Laodicea. Bacaa: “Bén ni rüjn cumplid xtiidx, bén ni been gra ni rayal güünman, bén na̱j diidxli, bén rniabeenë Dios diizd gocli chi gad guidxliuj gacchaaw, laaman na lojdi:  
\v 15 Naj ragbee gra ni cayüjndi. Ad najtidi ziꞌc nijs nayaag o ziꞌc nijs laa. ¡Balzianclaa tiblayaa niajquidi ziꞌc nijs nayaag o ziꞌc nijs laa!  
\v 16 Per lëjt najdi ziꞌc nijs nayool, niꞌqui nadxaꞌ niꞌquidza nayaagt, dxel ziꞌc laa rabëë gajc roꞌ bejn nijs nayool guin, zian ma rënan gabëladxan lëjt.  
\v 17 Lëjt rëb guial najdi benrijcw, rajpidi gra abiꞌ achet ryaadxidi. Per ad ragbeetidi guial achet rajpidi, najdi bénprob, bén zibëël, achet sirv lëjt, najdi bénlutiaꞌp niz lon guial ad nabantidi xnejz.  
\v 18 Zeel rnin lojdi, ziꞌc rzii bejn ganax or, zian gol been naguiejn gapidi gra da yudaran, din gaquidi rijcw delant lon. Abiꞌ ziꞌc chi rzii bejn lajd naquich din guiguienman naya, zian gol bayüjn xgab din guiguieꞌch xguialxtudi abiꞌ guiguiendi naya delant lon. Në chi rzii bejn tijb rumed par guiaaloj bejn din guguiaaman zagdxe, zian gol been naguiejn din gapidi da guial rigniaꞌn din guguiaadi zagdxe.  
\v 19 Rdilnëꞌn abiꞌ ruzuxnejzan gra ree bén rënan. Zeel gol baguꞌ luxdoodi gol bayüjn tëë xgab xhienaag nabandi.  
\v 20 Gol gogbee guial naj cabedx lëjt, ziꞌc chi rniee tijb bejn rulidx stijb bejn. Cabëësan chu guidxgaꞌ naj, ziꞌc chi rguꞌ bejn stijb bejn din gaw reeman tijbzi. Abiꞌ bén guidxgaꞌ naj ma nabannëꞌn laaman abiꞌ laaman nabannëman naj.  
\v 21 Bén güün gan loj dol naj gudë cwëꞌn cweman lod canabeen, ziꞌcgajc naj chi gulox benan gan loj dol, gure cwëꞌ da Dadan Dios lod canabeeman.  
\v 22 Bén rën ree gucaagdiajg, gol bacaagdiajg ni na xSprijt Dios par ree da bejnan.” 
\c 4  
\s1 Rlies reeman xvalor Dios xanyabaa 
\p  
\v 1 Chi gulox bacan diidx guie ree, baguian niz ladia dxel baguian tijb port naxal xanyabaa. Abiꞌ bén guneenë gajc naj diizd guiaꞌxchej bén na̱j chaꞌ ziꞌc trompejt, laaman na lon: 
\p ―Wëꞌp guie din gulün lüj ni gac ree chi ma gojc ree ni rnin lojl. 
\p  
\v 2 Loj hor zii gajc por xguialrniabee xSprijt Dios, chi gogbeen ma zaꞌn xanyabaa yagaj baguian tijb yagxhil zagdxe ziꞌc xi yagxhil tijb rey, lojn zojb tijb bejn.  
\v 3 Abiꞌ bén zojb loj yagxhil guin rulaaman bachaꞌ ziꞌc ree guiaj zagdxe ni lasajc wayëjx, ni la jaspe në cornalina. Abiꞌ guijc yagxhil guin ca tijb guidguj ni rulaa bachaꞌ ziꞌc guiaj zagdxe ni la esmeralda.  
\v 4 Abiꞌ gadëd roꞌ yagxhil guin baguian zagajlbitap ree yagxhil zagdxe abiꞌ loj ree yagxhil guin zojb ree gajlbitap ree bengol najcw reeman lajd naquich yuꞌ coron or guijc reeman.  
\v 5 Abiꞌ lod zaꞌ yagxhil ni zaꞌ galay los demasri ree yagxhil guin, yagaj ririi ree bachaꞌ ziꞌc chi rëꞌp nijs në ree naquieꞌ ziꞌc chi rbidxaꞌ guziaaw. Abiꞌ delant loj yagxhil guin reꞌc gajdx ree guij ni na̱j ree guigajdx xSprijt Dios.  
\v 6 Baguia tëën delant loj yagxhil guin ziꞌc nijsdoo, per nayadxujn ziꞌc tijb guiaawajn. 
\p Abiꞌ cwëꞌ yagxhil guin zaꞌ tajp ree be, tijb gaj reeb zaꞌ tib xquin gaj yagxhil guin abiꞌ guidib niz xijch reeb në niz loj reeb yuꞌ guiaaloj reeb.  
\v 7 Tijb reeb na̱j ziꞌc beedx, be barojp guin na̱j ziꞌc goꞌn, be bayon guin na̱j lojb ziꞌc loj bejn, be badajp guin na̱j ziꞌc bisia ni cazuj.  
\v 8 Tijb gaj ree be guin yuꞌ xhoꞌp xhiil reeb, abiꞌ xijch xhiil reeb në lën xhiil reeb yuꞌ zien daꞌt guiaaloj reeb. Abiꞌ dxej guiaal ad rucwëëzt rëb reeb: 
\q1 Naya nalil, naya nalil naya nalil najl dux Dadan Dios, 
\q1 lüj guial caꞌl gra guialrniabee, 
\q1 lüj guial najl Dios diizd guiaꞌxchej në yan abiꞌ guiꞌtil. 
\p  
\v 9 Beegaj chi rlies ree be guin xvalor bén ni zojb loj yagxhil guin, bén naban tiblayaa, beegaj ruzaꞌt reeb laaman zagdxe rudëëd reeb quixtëë lojman,  
\v 10 guigajlbitap ree bengol zojb yagaj, bazuxib reeman lojman, bén ni zojb loj yagxhil abiꞌ nabanman tiblayaa, abiꞌ ruzuxib reeman lojman rudxiib xcoron reeman niz lojman, rëbgaj reeman: 
\q1  
\v 11 Dux Dad ree Dios, lüj rayal guiyaꞌp respejt, 
\q1 diidxzaꞌc në guialrniabee. 
\q1 Din lüj beenchaaw gra ni yuꞌ 
\q1 abiꞌ lüj rëb guial chuꞌ gra ni yuꞌ, 
\q1 abiꞌ yuꞌ reen. 
\c 5  
\s1 Tijb guiꞌch ni nadüüb con bén na̱j ziꞌc xi xiil Dios 
\p  
\v 1 Dxel baguian guial bén zojb loj yagxhil zagdxe ni na̱j ziꞌc xyagxhil tijb rey, caꞌman tijb guiꞌch yaaman ladbee. Guiꞌch guin ziꞌc lojn ziꞌc xijchan ca lejtr abiꞌ nadüüban, abiꞌ naguiidan con gajdx se chitëë chu guixhial laan.  
\v 2 Loj hor guin baguian tijb anjl bén gojl daꞌt, rbidxaꞌman rejs rëbaman: 
\p ―¿Chu rayal chiquied ree se guie abiꞌ guixhial loj guiꞌch guie? 
\p  
\v 3 Per niꞌqui xanyabaa, niꞌqui loj guidxliuj, niꞌqui lën liuj ad bidxejlt bén ni rayal guixhial guiꞌch guin, niꞌqui par guguiaaman ni ca loj guiꞌch guin.  
\v 4 Abiꞌ naj dád binan chi baguian guial achut rdxejl guixhial loj guiꞌch guin në par guguiaaman ni ca loj guiꞌch guin.  
\v 5 Dxel na tijb ree bengol guin lon: 
\p ―Ad roonl, baguiaa nial ma yuꞌ tijb bén ni rayal guixhial loj guiꞌch guin abiꞌ chiquiedaman guigajdx se guin din ma beenman gan loj gra, laaman bén na̱j ziꞌc tijb beedx loj xdiaa Judá por guialrniabee ni rajpaman, laaman za loj xdiaa rey Davi. 
\p  
\v 6 Abiꞌ chi baguian, dxel baguian guial galay lod zaꞌ yagxhil zagdxe ni na̱j ziꞌc xyagxhil tijb rey, lod zaꞌ guidap ree be guin galay ree bengol ni rigaꞌ yagaj, zaꞌ tijb bén na̱j ziꞌc xi xiil Dios rguien xsen lod bidxeelguijdxaman chi gütaman. Abiꞌ yuꞌ gajdx xcajchaman con gajdx guiaalojman, guigajdx guiaalojman na̱j guigajdx xSprijt Dios bén rxhiaalaman guidib guidxliuj.  
\v 7 Bibig bén na̱j ziꞌc xiil guin cwaꞌman guiꞌch guin ladxaa bén zojb loj yagxhil guin.  
\v 8 Chi cwaꞌman guiꞌch guin, guidap ree be zaꞌ gajxh cwëꞌ yagxhil guin në gra guigajlbitap ree bengol guin bazuxib reeman lojman. Tijb gaj ree bengol guin caꞌ reeman tijb gaj arp caꞌ tëë reeman cojp or ni guidxa goxyaal, goꞌxh guin na̱j xtiidx ree xbejn Cristo chi rbejdx rniab reeman Dios.  
\v 9 Bengol guin ree rool reeman tijb cant cüb ni rëb: 
\q1 Lüj rayal tiaꞌ guiꞌch guin 
\q1 abiꞌ guixhialil se ni naguiidnën. 
\q1 Din lüj güjtil 
\q1 abiꞌ con xrejnl ni guxhieꞌl gudijxil 
\q1 por graloj bejn din gac reeman xbejn Dios, 
\q1 achet güünan xhietëëz diidx rniee reeman, 
\q1 o xhie loj diaa, o xhie guiedx o xhie nacion zëëd reeman. 
\q1  
\v 10 Beenl laa reeman rey 
\q1 been tëël laa reeman bixhioz par dux Dad ree Dios, 
\q1 abiꞌ laa reeman nabee loj guidxliuj. 
\p  
\v 11 Baguia tëën biguiejn tëën chaꞌ zien ree anjl gadëd roꞌ yagxhil zagdxe guin con guidap ree be guin në ree bengol guin. Abiꞌ bénguixiujczi na̱j reeman por mil na̱j reeman.  
\v 12 Abiꞌ dád rejs rniee reeman rëb reeman: 
\q1 Bén na̱j ziꞌc xi xiil Dios, bén güt, 
\q1 laaman rayal tiaꞌ guialrniabee, 
\q1 laaman rayal gap guialnazaꞌc, 
\q1 quiarguiejn, në gojl, 
\q1 respejt, guzaꞌt reeman laaman zagdxe, 
\q1 guilies tëë reeman xvaloraman. 
\p  
\v 13 Dxel biguiejnan chaꞌ gra ree ni been Dios, ziꞌc ni yuꞌ ree xanyabaa, loj guidxliuj në ni yuꞌ ree lën liuj në ree ni yuꞌ loj nijsdoo, rëb reen: 
\q1 Bén zojb loj xyagxhil guialrniabee në bén na̱j ziꞌc xi xiilaman, 
\q1 par laa reeman na̱j 
\q1 respejt, diidxzaꞌc, guialrniabee, 
\q1 abiꞌ guilies reeman xvalor reeman 
\q1 zianczi në par tiblayaa. 
\p  
\v 14 Chi gulox rëb reen zian, dxel guidap ree be zaꞌ yagaj rëb reeb: 
\p ―Amén. 
\p Abiꞌ guigajlbitap ree bengol zaꞌ yagaj bazuxib par gap reeman laaman respejt, bén ni naban zianczi në par tiblayaa. 
\c 6  
\s1 Guigajdx ree se 
\p  
\v 1 Dxel baguian biquied bén na̱j ziꞌc xi xiil Dios se yaloj guin, abiꞌ ziꞌc chi rbidxaꞌ guziaaw zian biguiejnan gunee tijb ree be guin, rëbib: 
\p ―¡Guda! 
\p  
\v 2 Dxel baguian gulentie tijb way naquich, abiꞌ bén dxiib laab caꞌman tijb xi arcw flejch. Abiꞌ cwaꞌman tijb coron guial ma beenman gan, dxel briiman persi ziguieenman gan mazri. 
\p  
\v 3 Chi biquied bén na̱j ziꞌc xi xiil Dios se barojp guin biguiejnan rëb be barojp guin: 
\p ―¡Guda! 
\p  
\v 4 Dxel gulentie tijb way xnia, abiꞌ bén dxiib laab caꞌman tijb espad naroob në guialrniabee par gustijlaman bejn ree loj guidxliuj din gugüjt lasaꞌ reeman. 
\p  
\v 5 Chi biquied bén na̱j ziꞌc xi xiil Dios se bayon, biguiejnan rëb be bayon guin: 
\p ―¡Guda! 
\p Dxel baguian gulentie tijb way yaꞌs, abiꞌ bén dxiib laab caꞌman tijb xijglibr.  
\v 6 Abiꞌ galay guidap ree be guin biguiejnan chaꞌ tijb bén rëb: 
\p ―Tib quil trigo lasajcan tib dxej dxiin abiꞌ choon quil cebada lasajcan tibdxej dxiin, per ache güünl sejt në vin. 
\p  
\v 7 Chi biquied bén na̱j ziꞌc xi xiil Dios se badajp guin, biguiejnan rëb be badajp guin: 
\p ―¡Guda! 
\p  
\v 8 Dxel baguian gulentie tijb way naguiëch, abiꞌ bén dxiib laab laman guialgüjt, abiꞌ zinal gabijl laaman. Cwaꞌ reeman guialrniabee par gugüjt reeman tib part loj tajp lalaꞌ ree bénguidxliuj. Yuꞌ reeman guiët por wadijl, o por guialrliaan, o por guialguijdx, o por ree be doxh yuꞌ loj guidxliuj. 
\p  
\v 9 Chi biquied bén na̱j ziꞌc xi xiil Dios se bagaay guin, baguian xan altar zaꞌ ree xsprijt ree bén bagüjt reeman guial bililadx reeman guzujdxiꞌch tëë reeman loj xtiidx Dios.  
\v 10 Abiꞌ rbidxaꞌ reeman rejs rëb reeman: 
\p ―Dios, Dad bén rniabee, lüj na̱j bén naya nali abiꞌ rüjnl ziꞌc rayal, ¿za plact gaglaal par güün xguialguxtisil con ree bén ni bagüjt dunujn loj guidxliuj din yaguijx reeman ni been reeman? 
\p  
\v 11 Dxel tijb gaj reeman cwaꞌ tijb lajd naquich, abiꞌ bagojn reeman laa reeman din cwëz reeman stibdaꞌn yazaꞌ lasaꞌ reeman, din ryaadxri guiët ree xcompniar reeman ziꞌc güt reeman, bén ni cayüjn gajc ree sirv Dios. 
\p  
\v 12 Chi baguian biquied bén na̱j ziꞌc xi xiil Dios se baxoꞌp guin, dxel guxu rejs daꞌt abiꞌ gubijdx gojcan nagas ziꞌc tijb lajd yaꞌs. Guiáad bëëw gojcan naxnia ziꞌc rejn,  
\v 13 abiꞌ ree bajl xanyabaa biajb reen loj guidxliuj ziꞌc ryajb ree higo ni yaꞌ loj yag higo chi rbiꞌ bidoxh.  
\v 14 Dxel gunidloj xanyabaa ziꞌc tijb guiꞌch ni rdüüb, abiꞌ gra ree guiaꞌ në ree yuj rigaꞌ ree loj nijs bachaa xliajt reen.  
\v 15 Abiꞌ ree rey në gra ree bén rniabee loj guidxliuj, në ree bén rniabee ree suldad në ree bén rijcw, në ree bén yuꞌ gojl par gra, në ree bén na̱j ziꞌc bén nadoꞌ, në ree bén ad najt ziꞌc bén nadoꞌ, gra reeman baquieꞌchloj lën guiajbiliaa në lën ree yalaj.  
\v 16 Abiꞌ rëb reeman loj ree guiaꞌ në loj ree yalaj: 
\p ―Gol biajb du guijcan, gol baquieꞌch tëë dunujn loj bén zojb loj xyagxhil guialrniabee në loj xcasti bén na̱j ziꞌc xi xiil Dios,  
\v 17 din ma bidxin dxej doxh ni gudëëd reeman casti, abiꞌ, ¿chu zajc taan casti guin? 
\c 7  
\s1 Tibgayuu tiuubitap mil ree bén Israel 
\p  
\v 1 Chi gulox baguian ni guin ree, baguian tajp ree anjl zaꞌ reeman guidap xquin guidxliuj par gucwëëz reeman bi ni zëëd guidap xquin, chitëë guibiꞌ bi loj guidxliuj, niꞌqui loj nijsdoo, niꞌqui ree loj yag.  
\v 2 Dxel baguian stijb anjl zëëdaman niz lod rliejn gubijdx, caꞌman xse Dios naban. Abiꞌ dád rejs guneenëman guidap ree anjl guin, bén ni caꞌ ree guialrniabee par güün reeman ni güün reeman con guidxliuj në con nijsdoo,  
\v 3 rëbaman loj reeman: 
\p ―Ad xhie güündi guidxliuj, niꞌqui nijsdoo, niꞌqui ree yag, xt chi ma gulox bacaa ree xse dux Dios ree lucwaj ree xbejnman. 
\p  
\v 4 Dxel biguiejnan bël reeman cwa se guin lucwaj. Por gra ree bén Israel, tibgayuutiuubitap mil reeman cwa se guin lucwaj.  
\v 5 Din chiptioꞌp mil ree bén zëëd loj xdiaa Judá cwa se guin, në chiptioꞌp mil ree bén zëëd loj xdiaa Rubén në chiptioꞌp mil ree bén zëëd loj xdiaa Gad.  
\v 6 Në chiptioꞌp mil ree bén zëëd loj xdiaa Aser, në chiptioꞌp mil ree bén zëëd loj xdiaa Neftalí, në chiptioꞌp mil ree bén zëëd loj xdiaa Manasés,  
\v 7 con chiptioꞌp mil ree bén zëëd loj xdiaa Simeón, chiptioꞌp mil ree bén zëëd loj xdiaa Leví, në chiptioꞌp mil ree bén zëëd loj xdiaa Isacar,  
\v 8 chiptioꞌp mil ree bén zëëd loj xdiaa Zabulón, chiptioꞌp mil ree bén zëëd loj xdiaa José, chiptioꞌp mil ree bén zëëd loj xdiaa Benjamín cwa se guin lucwaj reeman. 
\s1 bénguixiuj najcw lajd naquich 
\p  
\v 9 Dxel baguian bénguixiuj ree, per bénguixiuj ree niꞌqui chut zajc gulab laa reeman, bén ni za ree gadxagayaa guiedx, gadxagayaa diaa, bén rniee ree gadxagayaa diidx bén za ree gra lad në gadxagayaa nacion. Zaꞌ reeman delant loj xyagxhil bénrniabee në delant loj bén na̱j ziꞌc xi xiilaman. Najcw reeman lajd naquich caꞌ tëë reeman zijn.  
\v 10 Abiꞌ rëb reeman rejs daꞌt: 
\q1 Dunujn rayaꞌpan perdon por dux Dadan Dios 
\q1 bén zojb loj xyagxhil guialrniabee 
\q1 në por bén na̱j ziꞌc xi xiilaman. 
\m  
\v 11 Abiꞌ gadëd roꞌ yagxhil guin con guidap ree be ni zaꞌ yagaj con guigajlbitap ree bengol, gadëd yagaj zaꞌ gra ree anjl abiꞌ bazuxib reeman delant loj xyagxhil Dios xt basajb guijc reeman liuj par gap reeman laaman respejt,  
\v 12 rëb reeman: 
\q1 ¡Amén! guialrniabee, gojl, 
\q1 guialrajc, respejt, diidxzaꞌc, 
\q1 guialrlies xvaloraman në quixtëë, 
\q1 na̱j reen par dux Dad ree Dios zianczi në par tiblayaa. Amén. 
\p  
\v 13 Loj hor zii tijb ree bengol guin gunabdiidx lon: 
\p ―¿Chu ree bén ni najcw lajd naquich guin, ban tëë ree bénan? 
\p  
\v 14 Badxiꞌnan rën: 
\p ―Ad ragbeetan Dad, lüj ragbee. 
\p Dxel naman lon: 
\p ―Laa reeman na̱j bén guzagdiaj daꞌt abiꞌ naquich xab reeman guial ma naya reeman ma biquied xtol reeman con xrejn bén na̱j ziꞌc xi xiil Dios.  
\v 15 Zeel zaꞌ reeman delant xi yagxhil Dios, abiꞌ dxej guiaal cayüjn reeman sirv lod zojbaman. Abiꞌ bén zojb loj yagxhil guin ma zaꞌman con laa reeman, abiꞌ laaman gap laa reeman.  
\v 16 Ad yuꞌtri dxej guiliaan reeman, ad zeꞌc tëët reeman nijs, ad zudxüü tëët gubijdx laa reeman, ad zagnalaa tëët reeman.  
\v 17 Din bén na̱j ziꞌc xi xiil Dios bén zaꞌ galay lod zaꞌ xi yagxhil Dios, laaman gap laa reeman ziꞌc tijb bén rajp ree xiil abiꞌ chinëman laa reeman lod rajch nijs ni runee guialnaban. Dxel Dios laaman gutiaa loj reeman gra ree nijs brii loj reeman chi biin reeman. 
\c 8  
\s1 Guigajdx se 
\p  
\v 1 Chi biquied bén na̱j ziꞌc xi xiil Dios se ni goc gajdx guin, bayajcdxe xanyabaa cost garol hor.  
\v 2 Dxel baguian gajdx ree anjl zaꞌ reeman delant loj Dios, cwaꞌ reeman gajdx trompejt.  
\v 3 Dxel biꞌt stijb anjl con tijb chaabacwi ni or, guzuliman delant lo altar guin abiꞌ yuꞌ bén badëëd zien yaal din cuꞌman goxyaal guin loj altar or ni zaꞌ delant loj yagxhil zagdxe ni na̱j ziꞌc xyagxhil tijb rey, din tijbzi chëꞌpnë goxyaal guin xtiidx gra ree xbejn Dios, diidx ni rniee reeman chi rbejdx rniab reeman laaman.  
\v 4 Dxel diizd ladxaa anjl guin brii goxyaal guin con ree xtiidx ree xbejn Dios, diidx ni rniee reeman chi cabejdx canab reeman laaman, abiꞌ wëꞌp reen niz loj Dios.  
\v 5 Dxel bacha anjl guin chaabacwi guin guij ni yuꞌ loj altar guin abiꞌ bazurlojman laan loj guidxliuj. Abiꞌ dád rejs guridxaꞌ guziaaw, gojc naquieꞌ, wëꞌp nijs, abiꞌ biꞌt xudoxh. 
\s1 Trompejt ree 
\p  
\v 6 Dxel guigajdx ree anjl ni caꞌ ree trompejt guin, guzujchaaw reeman par gucwejdx reeman laan. 
\p  
\v 7 Chi bacwejdx anjl yaloj guin trompejt ni caꞌman, biajb guiajyabaa loj guidxliuj noꞌchan bajl në rejn. Dxel cost gurol guidxliuj weꞌc con ree yag në ree guiꞌxh nagaꞌ yuꞌ lojn. 
\p  
\v 8 Chi bacwejdx anjl barojp guin trompejt ni caꞌman, dxel ziꞌc na̱j guiaꞌroꞌ ni cacaguij na̱j ni biajb loj nijsdoo, abiꞌ cost garol nijsdoo bayajcan rejn loj hor guin.  
\v 9 Abiꞌ cost garol ree be ni naban loj nijsdoo güjt reeb abiꞌ cost garol ree barcw ni yuꞌ loj nijsdoo gunidloj. 
\p  
\v 10 Chi bacwejdx anjl bayon guin trompejt ni caꞌman, dxel biajb bajl xanyabaa ni naroob ni cacaguij ziꞌc chi rtiaguij guied, loj cost garol guiiw ni yuꞌ në cost garol ree lod rajch nijs biajban.  
\v 11 Bajl xanyabaa ni biajb lan Ajenjo, abiꞌ cost garol nijs guin ree gojc nala abiꞌ dád zien ree bejn güjt guial bayajc ree nijs guin nala. 
\p  
\v 12 Chi bacwejdx anjl badajp guin trompejt ni caꞌman, abiꞌ cost garol gubijdx bicajy, cost garol bëëw në cost garol ree bajl xanyabaa bicajy. Abiꞌ guial bicajy reen, dxel cost garol dxej në guiaal ad basnit. 
\p  
\v 13 Laꞌtgaj cuguian ni guin ree, biguiejnan ziꞌc chi rzuj tijb bisia xanyabaa. Dxel biguiejnan chaꞌ tijb anjl rbixdiajman rëbaman: 
\p ―¡Prob, per prob, per probza ree bén ni yuꞌ loj guidxliuj por zachoon trompejt ni ryaadx gucwejdx za choon ree anjl! 
\c 9  
\p  
\v 1 Chi bacwejdx anjl bagaay guin trompejt ni caꞌman, dxel baguian ziꞌc tijb bajl xanyabaa ni biajb loj guidxliuj, abiꞌ bajl xanyabaa guin cwaꞌn guiibliaw par guixhialan roꞌ bizë ni ad yuꞌt lod rliox.  
\v 2 Chi guxhalan roꞌ bizë guin tijb goꞌxh yoꞌxhchab brii lën bizëë guin ziꞌc chi ririi goꞌxh lën tijb horn naroob, xt bascajy goꞌxh guin gubijdx në bi.  
\v 3 Abiꞌ lën goꞌxh guin brii ree biꞌtsu abiꞌ bireꞌch reeb loj guidxliuj, abiꞌ cwaꞌ reeb guialrniabee par gac reeb bedoxh ziꞌcgajc nixüb.  
\v 4 Per gunabee reeman laa reeb chitëë xhie güün reeb guixyaꞌ ree, niꞌqui ree yag, niꞌqui ree guiꞌxh nagaꞌ. Naabzi ree bén ni ad yuꞌt ree xse Dios lucwaj.  
\v 5 Per ad par gugüjtt reeb bejn, naabzi par sagdiaj reeman gaay bëëw. Abiꞌ lod rudidxaꞌ reeb riyajnan ziꞌc ryajn lod rudidxaꞌ nixüb.  
\v 6 Lën ree dxejzii quiil ree bejn guialgüjt, per ad zadxejlt reeman laan. Guiën reeman guiët reeman per ad zëjtt reeman. 
\p  
\v 7 Biꞌtsu guin ree na̱j reeb ziꞌc na̱j ree way ni ma zaꞌ par che reeb loj wadijl, guijc reeb yuꞌ ziꞌc coron or, abiꞌ loj reeb na̱j ziꞌc loj bejn.  
\v 8 Abiꞌ guidxguijc reeb na̱j ziꞌc guidxguijc béngunaa, guiáad dxidlay reeb na̱j ziꞌc dxidlay beedx.  
\v 9 Guidib luxdoo reeb nadaꞌcwan ziꞌc guiib, abiꞌ xhiil reeb rüjnan naquieꞌ ziꞌc rajc naquieꞌ chi ruxüünnë ree way carrejt loj wadijl.  
\v 10 Abiꞌ xbaan reeb na̱j ziꞌc xbaan ree nixüb, abiꞌ con lupuntan rudidxaꞌ reeb. Con xbaan reeb yuꞌ reeb gojl par gusagdiaj reeb bejn ree loj gaay bëëw.  
\v 11 Anjl ni rniabee bizë ni ad yuꞌt lod rliox laaman rniabee ree biꞌtsu guin. Anjl guin con diidx Hebreo laaman Abadón, abiꞌ con diidx grieg laaman Apolión, diidx guin ree rën guiëb reen bén ruloox. 
\p  
\v 12 Zian rliox guialzi yaloj, dxel guiꞌt zatioꞌp guialzi. 
\p  
\v 13 Chi bacwejdx anjl baxoꞌp trompejt ni caꞌman, dxel biguiejnan tijb chaꞌ bejn briin galay ree cajch ni zaꞌ guidap xquin altar or ni zaꞌ delant loj Dios.  
\v 14 Chaꞌ bén biguiejnan rëbaman loj anjl baxoꞌp bén caꞌ trompejt guin: 
\p ―Baslaa guidap ree anjl ni naxii roꞌ guiiw roꞌ ni la Eufrates. 
\p  
\v 15 Zian bidxin or, bidxin dxej, bidxin bëëw në ijz ni na̱j par laa guidap ree anjl guin din gugüjt reeman garol ree bénguidxliuj.  
\v 16 Abiꞌ biguiejnan bël na̱j xsuldad reeman bén dxiib ree way. Na̱j reeman tioꞌpgayuu millon.  
\v 17 Ze baguian way guin ree con ree bén dxiib laa reeb: Bén dxiib ree way guin, guidib luxdoo reeman nadaꞌcw guiib culor xnia, ni sul në ni naguiëch. Abiꞌ guijc ree way guin na̱j reen ziꞌc guijc ree beedx, abiꞌ roꞌ reeb ririi bajl, goꞌxh në azufre.  
\v 18 Abiꞌ garol ree bénguidxliuj güjt por bajl guin, goꞌxh guin në azufre guin ni ririi roꞌ reeb.  
\v 19 Con roꞌ ree way guin rugüjt reeb bejn ree, abiꞌ con xbaan reeb rucheelguijdx reeb din lupunt xbaan reeb najn ziꞌc guijc bëël. 
\p  
\v 20 Per los demasri ree bén ni ad güjtt por ree guialzi guin, ad basaꞌnt reeman ni mal rüjn reeman. Ad bacwëëzt rën reeman xindxab ree con ree Dios ni na̱j or, plajt, bronce në ree dios guiaj con ree dios yag, dios ni ad rajct ruguiaa, ad rajct riguiejn ad rajc tëët rza reeman.  
\v 21 Ad bacwëëz tëët rugüjt reeman bejn ree, ad basaꞌn tëët reeman guialbidxaa, ad basaꞌn tëët reeman ni dxuudx ni rüjn reeman con bén ad najt lacheel reeman, ad basaꞌn tëët reeman guialgubaan. 
\c 10  
\s1 Tijb anjl caꞌ guiꞌch 
\p  
\v 1 Dxel baguian stijb anjl bén gojl daꞌt, zidguiajtaman xanyabaa lën tijb za̱j abiꞌ guijcaman dxiib tijb guidguj. Lojman na̱j ziꞌc gubijdx, abiꞌ guiaꞌman na̱j ziꞌc tioꞌp bajl ziool.  
\v 2 Dxel caꞌman tijb librdoo naxal lojn. Abiꞌ bazuj guiaꞌ ladbeeman loj nijsdoo, abiꞌ guiaꞌman lad ruvejs bazujman laan loj guidxliuj.  
\v 3 Dxel guridxaꞌman rejs daꞌt ziꞌc rbidxaꞌ beedx, chi guridxaꞌman guridxaꞌ gajdx ree guziaaw.  
\v 4 Chi gulox guridxaꞌ gajdx ree guziaaw guin, ma nucan ni rëb guigajdx ree guziaaw guin chi biguiejnan chaꞌ tijb bén na lon diizd xanyabaa: 
\p ―Ad gucaal ni gunee guigajdx ree guziaaw guin, din ad rayalt gagbee ree bejn laan. 
\p  
\v 5 Abiꞌ anjl ni baguian zaꞌli loj nijsdoo në loj guidxliuj gules yaa ladbeeman xanyabaa,  
\v 6 abiꞌ badëë xtiidxaman por bén naban tiblayaa, bén been xanyabaa, guidxliuj në nijsdoo, në gra ni yuꞌ xanyabaa, loj guidxliuj në loj nijsdoo guial ad zaglaatri gac ni rayal gac.  
\v 7 Din chi gucwejdx anjl ni goc gajdx trompejt ni caꞌman dxel ma bidxin dxej gac ziꞌc na̱j xixgab Dios, ziꞌc bagojnman loj ree bén badëë xtiidx Dios loj ree bejn bén ni rüjn ree sirv lojman. 
\p  
\v 8 Dxel zatijb gaj gunee bén ni guneenë naj diizd xanyabaa, naman: 
\p ―Wej bicaꞌ librdo ni zojbyal loj ladxaa anjl ni zaꞌ loj nijsdoo në loj guidxliuj. 
\p  
\v 9 Dxel wan lod zaꞌ anjl guin, rën lojman din guneeman librdo guin lon, dxel naman lon: 
\p ―Cwaꞌn gudawan. Roꞌl guiatan nejxh ziꞌc dxijn, per lënl nala yaban. 
\p  
\v 10 Dxel cwaꞌn librdo guin ladxaa anjl guin, abiꞌ gudawanan. Roꞌn biguiajtan nejxh ziꞌc dxijn, per chi gulox gudawanan nala biguiajtan lënan.  
\v 11 Dxel bagojn reeman naj guial gusnuu gugojnan bejn ree ni na Dios gac con zien ree nacion, rey ree në ree guiedx, xhietëëz diidx rniee reeman. 
\c 11  
\s1 Tioꞌp ree testiw 
\p  
\v 1 Abiꞌ baneeman tijb var ni rtiaꞌbeenë bejn, naman lon: 
\p ―Bisu bicaꞌbee xyadoo Dios në altar, dxel gulabil bén cayajp ree Dios respejt lën yadoo guin.  
\v 2 Per ad tiaꞌbeel luleꞌ yadoo guin din luleꞌ guin ma badëë Diosan loj ree bén ad najt ree bén Israel, laa reeman na̱j bén gusagdiaj ree bén Jerusalén loj choon ijz garol.  
\v 3 Abiꞌ naj gaxhalan tioꞌp ree da bejnan din guzaꞌt reeman naj. Grop reeman gacw lajd yaꞌs, abiꞌ laa reeman guiniee da diidxan choon ijz garol. 
\p  
\v 4 Grop ree bén guin na̱j grop ree yag olivo në grop ree candeler ni zaꞌ loj dux Dad ree Dios bén rniabee loj guidxliuj.  
\v 5 Bal chu bén rën güünnë laa reeman xhienin, roꞌ reeman grii bajl din gugüjt reeman bén rdxeꞌch ree laa reeman. Zian guiët ree bén rën güün laa reeman xhienin.  
\v 6 Grop ree bén guin rajp reeman guialrniabee par gusiaaw reeman xanyabaa chitëë gal guia loj choon ijz garol guin chi guiniee reeman da diidxan. Rajp tëë reeman guialrniabee par guchaa reeman nijs gacan rejn, abiꞌ zajc guiniab reeman din guiꞌt graloj guialzi loj guidxliuj bëltëëz volt rën reeman.  
\v 7 Per chi ma bayaaloj tiamp ni guiniee reeman da diidxan, dxel tijb monstruo, tijb be doxh grii lën bizë ni ad rlioxt, be guin caꞌpnë laa reeman abiꞌ güünb laa reeman gan abiꞌ gugüjtib laa reeman.  
\v 8 Dxel gaa xcuerp reeman lunejz luguiedx Jerusalén lod güt xdad reeman Jesucrist loj crüjz, luguiedx ni na̱j yan ziꞌcgajc Sodoma në Egipto.  
\v 9 Dxel graloj ree bejn bén rniee ree gadxagayaa diidx, bén gralad ree, bén za graloj ree nacion zuguiaa reeman gaa xcuerp ree bén guin lunejz choon dxej garol, per ad zatiëjbt reeman guiguieꞌch ree bén guin.  
\v 10 Abiꞌ ree bén naban loj guidxliuj dád yabaa reeman guial ma güjt ree bén guin, abiꞌ guial tant yabaa reeman xt yazaladx reeman xhie renin loj lasaꞌ reeman, din par laa reeman dád basagdiaj ree bén guin laa reeman.  
\v 11 Per chi ma bayaaloj choon dxej garol guin, yasban Dios bén guin ree dxel chixche reeman abiꞌ gra ree bén guguiaa dád guidxeb reeman.  
\v 12 Dxel dád rejs biguien chaꞌ tijb bén ni gunee xanyabaa, rëbaman loj grop ree bén guin: 
\p ―Gol wëꞌp guie. 
\p Abiꞌ wëꞌp reeman xanyabaa lën tijb za̱j delant loj gra ree bén rdxeꞌch laa reeman.  
\v 13 Hor ni bayëꞌp reeman xanyabaa biꞌt tijb xudoxh abiꞌ zien ree ni bizeꞌn luguiedx guin abiꞌ gajdx mil bejn güjt. Guiáad gra ree bén ad güjtt dád bidxeb reeman abiꞌ gules reeman xvalor Dios bén yuꞌ xanyabaa.  
\v 14 Zian rliox guialzi rarojp, dxel laa zëëd gajc guialzi ni rayon. 
\s1 Trompejt ni goc gajdx 
\p  
\v 15 Chi bacwejdx anjl ni goc gajdx guin trompejt ni caꞌman, dxel rejs daꞌt biguien chaꞌ ree bejn xanyabaa rëb reeman: 
\q1 Ma bidxin dxej yayaꞌn gra xguialrniabee 
\q1 guidxliuj loj dux Dad ree Dios 
\q1 në loj Jesucrist abiꞌ nabee reeman zianczi në tiblayaa. 
\m  
\v 16 Guigajlbitap ree bengol zojb loj xyagxhil reeman delant loj Dios, bazuxib reeman xt basajb loj reeman liuj gojp reeman laaman respejt,  
\v 17 rëb reeman: 
\q1 Dux Dadan Dios, lüj rajp gra guialrniabee 
\q1 abiꞌ najl Dios yan në diizd gocli abiꞌ guiꞌtil. 
\q1 Quixtëë lüj guial ma culüü xguialrniabee naroobil ni rajpil 
\q1 abiꞌ ma guzulojl canabeel. 
\q1  
\v 18 Bénguidxliuj ree bidxeꞌch reeman, 
\q1 per ma bidxin dxej gulüü xguialrdxeꞌchil. 
\q1 Ma bidxin dxej güün xguialguxtisil con ree bengüt 
\q1 par gudëël ni rayal tiaꞌ ree xbejnl 
\q1 bén badëëd ree xtiidxil, në ree bén bililadx lüj. 
\q1 Në ree bén rajp lüj respejt. 
\q1 Ma bidxin dxej ziꞌc ree benzojbloj në ree bén ad zojblojt tiaꞌ reeman ni rayal reeman, 
\q1 dxel gunidlojl bén ruxhiin ree loj guidxliuj. 
\p  
\v 19 Chi gulox rëb reeman zian, bixal xyadoo Dios xanyabaa dxel biguien xcaj promejs ni been Dios diizd gocli. Dxel guzuloj rëꞌp nijs, rajc naquieꞌ, rëëz guziaaw, biꞌt xudoꞌxh abiꞌ dád zroꞌ biajb guiajyabaa. 
\c 12  
\s1 Tijb béngunaa në tijb dragon 
\p  
\v 1 Dxel gojc tijb sen roꞌ xanyabaa. Balüüloj tijb béngunaa nadüübaman gubijdx, abiꞌ nuzuj guiaꞌman loj bëëw abiꞌ guijcaman yuꞌ coron ni gocchaaw con chiptioꞌp bajl xanyabaa.  
\v 2 Yuꞌ xiꞌn béngunaa guin abiꞌ rbixdiajman ragnaa lënman guial ma gal xiꞌnman.  
\v 3 Per gojc stijb sen xanyabaa. Balüüloj tijb dragon roꞌ, tijb bedoxh najb culor xnia. Yuꞌ gajdx guijquib, chii xcajchib yuꞌ tëë tijb coron tijb gaj guijquib.  
\v 4 Abiꞌ con xbaanb bazaalib cost garol bajl xanyabaa loj guidxliuj. Dxel guzujb loj béngunaa guin din gawib xiꞌnman naabzi galix.  
\v 5 Gojl xiꞌn béngunaa guin tijb xindo niguiaaw, abiꞌ laax nabee loj guidxliuj con tijb var guiib. Dxel biquied reeman laax loj xniaax, bidxinx lod zojb Dios lod canabeeman.  
\v 6 Abiꞌ béngunaa guin baxüünman par niz lod na̱j ganax yujbidx, lod ma beenchaaw Dios par laaman, lod gudëëd reeman ni gawaman choon ijz garol. 
\p  
\v 7 Dxel guyu wadijl xanyabaa, anjl ni la Miguel con ree xi anjlaman gudijlnë reeman dragon guin con ree xi anjlib.  
\v 8 Per ad beent be guin gan con ree xi anjlib loj anjl Miguel con ree xi anjlaman, dxel ad gojctri nibajn be guin xanyabaa con ree xi anjlib.  
\v 9 Zianan zeel bazaal reeman dragon guin loj guidxliuj con ree xi anjlib. Dragon guin na̱j bëël gulal ni la xindxab në satanás xin rusquiee gra ree bénguidxliuj. 
\p  
\v 10 Dxel biguien chaꞌ tijb bejn rejs daꞌt diizd xanyabaa rëbaman: 
\p ―Ma bidxin dxej baslaa Dios dunuj ree, ma bidxin xguialrniabeeman chi nabeenëman Jesucrist, din ma biquied bén rbeꞌc xguialquia ree dux compniar ree, bén rdxinnë ree guialquia guin loj dux Dad ree Dios dxej guiaal.  
\v 11 Abiꞌ dux compniar ree been reeman gan por rejn ni guxhieꞌ bén na̱j ziꞌc xi xiil Dios në por ni rëb reeman xhienaag rliladx reeman xtiidx Dios, ad bidxebt reeman majsi niëjt reeman.  
\v 12 Zeel gol badxeꞌ luxdoodi nix gra ree bén zojb xanyabaa per, ¡probza lëjt bén zojb ree loj guidxliuj në ree be yuꞌ loj nijsdoo! Din ma biguiajt xindxab lod zojbidi, dád rdxeꞌchix guial ragbeex staꞌnz dxej rayaꞌn par laax. 
\p  
\v 13 Chi baguiaa dragon guin guial ma biajbib guidxliuj, dxel briinalib béngunaa na̱j xniaa xindo guin.  
\v 14 Dxel badëë reeman tioꞌp xiil béngunaa guin ziꞌc xiil bisiaroꞌ din gac suman loj bëël guin xt lod na̱j ganax yujbidx, lod gudëëd reeman ni gawaman choon ijz garol.  
\v 15 Abiꞌ gulëë roꞌ dragon guin tijb guiiw nijs din chinën béngunaa guin.  
\v 16 Per bixal loj guidxliuj persi guꞌn guibidx nijs gulëë roꞌ dragon guin. Zian been guidxliuj béngunaa guin yudar.  
\v 17 Dxel dád bidxeꞌch dragon guin béngunaa guin, abiꞌ zitilnëb staꞌn ree bén ni za loj xdiaaman, bén ruzoob ree xtiidx Dios zinal tëë reeman xtiidx Jesucrist. 
\c 13  
\s1 Tioꞌp ree bedoxh 
\p  
\v 1 Wej dragon guin bisub roꞌ nijsdoo. Abiꞌ naj baguia guial brii tijb monstruo loj nijsdoo, tijb bedoxh be yuꞌ gajdx guijc, chii xcajchib abiꞌ loj tijb gaj cajch guin yuꞌ tijb gaj coron, abiꞌ loj guigajdx guijquib ca tijb diidx ni rnieeguijdx Dios.  
\v 2 Bedoxh ni baguian na̱j ziꞌc tijb tigr, per guiaꞌb najn ziꞌc na̱j guiaꞌ ojs, abiꞌ roꞌb najn ziꞌc roꞌ beedx. Dxel dragon ni guzu roꞌ nijsdoo badëëdib loj monstruo guin xluarib lod rniabeeb abiꞌ guialrniabeeroꞌ caꞌb par nabeeb.  
\v 3 Tijb guijc monstruo guin baguian tijb lod nadxeelguijdx ni rulüü ad zusbajnt laab, per bayajc lod nadxeelguijdx guin abiꞌ gra ree bénguidxliuj badxaloj abiꞌ binal reeman monstruo guin.  
\v 4 Dxel gojp daꞌt reeman respejt dragon guin guial badëëdib guialrniabee loj monstruo guin gojp daꞌt tëë reeman respejt monstruo guin, rëb reeman: 
\p ―¿Chu na̱j ziꞌc monstruo guin abiꞌ chu zajc til con laab? 
\p  
\v 5 Monstruo guin gojcchaaw roꞌb par guilies xvalor gajquib, abiꞌ guinieeguijdxib Dios, gojpib guialrniabee par güünb zian loj choon ijz garol.  
\v 6 Abiꞌ guneeguijdxib Dios, guneeb diidxmal ree por laaman, por xyadooman në por gra ree bén zojb xanyabaa.  
\v 7 Gojp monstruo guin permis par sub contr ree xbejn Dios abiꞌ güünb laa reeman gan. Abiꞌ gojpib guialrniabee par nabeeb graloj ree bejn, bén ni rniee ree gadxagayaa diidx, bén gra lad ree, gra ree nacion.  
\v 8 Gra ree bén ad cat laj loj xlibr guialnaban diizd chi gad guidxliuj gacchaaw, loj xlibr bén na̱j ziꞌc xi xiil Dios bén güt por ree bejn, gra reeman gap daꞌt respejt monstruo guin.  
\v 9 Bén rën ree gucaagdiajg, gol bacaagdiajg.  
\v 10 Bén na̱j che ladxguiib, cheman ladxguiib. Bén na̱j guiët con espad, con espad guiëtaman. Zeel bén na̱j ree xbejn Dios ad yadxaguidi ad gucwëëz tëë chililadxidi Dios. 
\p  
\v 11 Dxel baguian stijb monstruo ren briib loj guidxliuj, yuꞌ tioꞌp xcajchib ziꞌc xcajch xiil, per chaꞌb na̱j ziꞌc chaꞌ dragon.  
\v 12 Abiꞌ lasaꞌgajc guialrniabee caꞌ monstruo ni brii loj nijsdoo lasaꞌgajcan caꞌb abiꞌ por laab gojp daꞌt ree bejn respejt monstruo ni brii loj nijsdoo, monstruo ni bayajc lod nadxeelguijdx ni rulüüczi gugüjt laab.  
\v 13 Abiꞌ monstruo ni brii loj guidxliuj në gajquib rüjn milagr naroob ree, xt rajc rniabeeb rguiajt bajl diizd xanyabaa xt loj guidxliuj delant loj ree bejn.  
\v 14 Zian rusquieeb bénguidxliuj ree por ree milagr ni rüjnb delant loj monstruo ni brii loj nijsdoo, abiꞌ rniabeeb rüjn ree bénguidxliuj tijb xfigur monstruo ni brii loj nijsdoo, monstruo ni bidxeelguijdx con espad abiꞌ gubajnb.  
\v 15 Abiꞌ monstruo ni brii loj guidxliuj xt gojpib guialrniabee par gudëëdib guialnaban loj xfigur monstruo ni brii loj nijsdoo, par guiniee figur guin në par gugüjtib gra ree bén ni ad rajpt respejt figur guin.  
\v 16 Gunabee tëë monstruo ni brii loj guidxliuj gra ree bejn, ziꞌc ree bengol ziꞌc ree xindoo, benrijcw ree në ree bénprob, bén na̱j ree ziꞌc bén nadoꞌ në ree bén ad najt ziꞌc bén nadoꞌ, din chuꞌ sen yaa reeman ladbee o lucwaj reeman.  
\v 17 Abiꞌ achut zajc sii o gutoꞌ ya bal id ca reeman sen guin, abiꞌ sen guin na̱j laj monstruo guin o xinumbrib. 
\p  
\v 18 Guie ryaadx guialrigniaꞌ. Bén rajp guialrigniaꞌ cwëë xcwentaman con xnumbr monstruo guin, abiꞌ numbr guin na̱j xhoꞌpgayuu gayojnbixhoꞌp. Con numbr guin ririi laj tijb bénguidxliuj. 
\c 14  
\s1 Cant ni biil tibgayuu tiuubitap mil ree bejn 
\p  
\v 1 Baguia tëën guial zaꞌ bén na̱j ziꞌc xi xiil Dios guijc dajn ni la Sión. Bén na̱j ziꞌc xi xiil Dios zaꞌman con tibgayuu tiuubitap mil ree bejn, graczi reeman ca lucwaj reeman laj bén na̱j ziꞌc xi xiil Dios në laj xDadaman.  
\v 2 Abiꞌ biguiejnan tijb naquieꞌ xanyabaa ziꞌc naquieꞌ rüjn zil daꞌt nijs, o ziꞌc rguien rbidxaꞌ guziaaw rejs daꞌt, o ziꞌc chi rusijdx zien ree bejn arp.  
\v 3 Dxel rool reeman tijb cant cüb delant loj yagxhil lod zojb bén rniabee në loj guidap ree be zaꞌ yagaj në loj ree bengol guin. Ad zileꞌt chu gusiid cant guin, naabzi ree bén tibgayuu tiuubitap mil guin, laa reeman na̱j bén gulaa loj ree bénguidxliuj.  
\v 4 Abiꞌ laa reeman na̱j ree xinguiaaw ni ad bagaalt béngunaa, gojc reeman naya abiꞌ zinal reeman bén na̱j ziꞌc xi xiil Dios bantëëz guin rejman. Laa reeman na̱j ree bén gulaa loj ree bénguidxliuj abiꞌ ziꞌc guialnazaꞌc yaloj ni rinë bejn loj Dios zian na̱j reeman delant loj Dios në delant loj bén na̱j ziꞌc xi xiil Dios.  
\v 5 Ad goct basquiee reeman, nayadxuj reeman delant loj Dios. 
\s1 Ruson ni badëë guiyon ree anjl 
\p  
\v 6 Dxel baguian tijb anjl rzujman xanyabaa con tijb ruson ni na̱j par tiblayaa par gugojnman gra ree bén naban loj guidxliuj, xhietëëz diidx rniee reeman, o xhietëëz loj diaa zëëd reeman, o xhietëëz ciuda o nacion zëëd reeman.  
\v 7 Dxel dád rejs gunee anjl guin rëbaman: 
\p ―Gol bidxeb Dios, gol gules xvaloraman, din ma bidxin hor yadëëd ree bejn cwent lojman. Gol gojp daꞌt respejt bén been xanyabaa, guidxliuj në nijsdoo në lod rajch nijs. 
\p  
\v 8 Dxel rëb stijb anjl: 
\p ―Ma biajb, ma biajb Babilonia din ziꞌc chi rusüdx tijb bejn stijb bejn, zian ma basquiee ciuda naroob guin gra ree bénguidxliuj guial güün reeman graloj ree nidxuudx, graloj ree dol roꞌ. 
\p  
\v 9 Dxel rejs daꞌt gunee anjl bayon guin rëbaman: 
\p ―Bal chu gap daꞌt monstruo guin respejt con xfigurib abiꞌ tiëbaman tia xsenb lucwajman o yaaman,  
\v 10 bén zii yayal xcasti naroob Dios, zroꞌ daꞌt gudëëdaman laaman casti. Abiꞌ sagdiajman loj bajl ni cayeꞌc azufre delant loj ree xianjl Dios në delant loj bén na̱j ziꞌc xi xiil Dios.  
\v 11 Ad yuꞌ tëët dxej yayüꞌ bajl guin. Niꞌqui radxe niꞌqui guiaal achet guialraziiladx par ree bén rajp daꞌt respejt monstruo guin con xfigurib, o bén ca ree xsenb.  
\v 12 Zeel bén na̱j ree xbejn Dios bén ruzoob ree xtiidxaman abiꞌ rliladx reeman Jesucrist, ad rayalt yalenyaꞌ reeman. 
\p  
\v 13 Biguiejn tëën chaꞌ bén ni na lon diizd xanyabaa: 
\p ―Bacaa ni ganin lojl: “Diizd yan xiquilbaa ree bén rëjt con guialrliladx Jesucrist.” 
\p Dxel rëb xSprijt Dios: “Walican din ma yaziiladx reeman xcwent ree guialzi ni gudëd reeman abiꞌ chinë reeman guialbenzaꞌc reeman.” 
\s1 Guialnazaꞌc ni runee guidxliuj 
\p  
\v 14 Dxel baguian tijb za̱j naquich abiꞌ loj za̱j guin zojb ziꞌc tijb bejn. Yuꞌ tijb coron or guijcaman abiꞌ yaaman caꞌman tijb hoz ni nadoxh roꞌ.  
\v 15 Dxel brii stijb anjl lën yadoo abiꞌ rejs daꞌt guneeman bén ni zojb loj za̱j guin rëbaman: 
\p ―Badxeꞌ xi hosil, batüüg ree guialnazaꞌc loj guidxliuj din ma gojl reen ma bidxin tiamp ni yadoꞌp reen. 
\p  
\v 16 Abiꞌ bén zojb loj za̱j guin badëëd xi hosaman loj guidxliuj abiꞌ batoꞌpaman guialnazaꞌc loj guidxliuj. 
\p  
\v 17 Dxel brii stijb anjl lën yadoo ni na̱j xanyabaa, caꞌ gajcaman tijb hoz ni nadoxh roꞌ.  
\v 18 Dxel niz loj altar brii stijb anjl bén rajp guialrniabee par bajl, abiꞌ dád rejs guneenëman bén caꞌ hoz ni nadoxh roꞌ guin, rëbaman lojman: 
\p ―Badxeꞌ xi hosil ni nadoxh roꞌ, batüꞌ ree uv ni yuꞌ loj guidxliuj din ma gojl reen ma gojl tiamp ni yadoꞌp reen. 
\p  
\v 19 Dxel badëëd anjl guin xi hosaman loj guidxliuj guin, abiꞌ batoꞌpaman uv guin ree loj guidxliuj. Abiꞌ badxeꞌman uv guin ree lod guixii reen, laan rën guiëb lod yuꞌ xcasti Dios.  
\v 20 Dxel xijch ciuda guin bixii ree uv guin abiꞌ lën lod bixii ree uv guin birii rejn. Rejn guin bixieꞌn loj guidxliuj ziꞌct choon gayuu kilometro abiꞌ wëꞌpan ziꞌct xt niz roꞌ ree way. 
\c 15  
\s1 Bén na̱j ree xi anjl Dios con guigajdx ree guialzi 
\p  
\v 1 Dxel baguian stijb senroꞌ xanyabaa, tijb sen ni diidxli badxaloj bejn: Baguian gajdx ree anjl con gajdx guialzi. Guialzi guin ree na̱j gajdx ni chigra gac din con guialzi guin ree gusiaaloj Dios xcastiman. 
\p  
\v 2 Baguia tëën ziꞌc nijsdoo, per najn ziꞌc tijb vidr xculor bajl. Dxel lojn zaꞌ ree bén been ree gan loj monstruo, loj figur con loj xnumbrib, caꞌ reeman arp ni badëëd Dios loj reeman.  
\v 3 Abiꞌ cayool reeman xcant Moisejs xbejn Dios në xcant bén ni na̱j ziꞌc xi xiil Dios, rëb cant guin: 
\q1 Naroob në ni diidxli radxaloj bejn 
\q1 na̱j ree ni rüjnl, dux Dadan Dios Bén rajp gra guialrniabee. 
\q1 Xnejz daꞌt në ziꞌc rayal rüjnl, 
\q1 lüj guial rniabeel gra ree bénguidxliuj. 
\q1  
\v 4 ¿Chu ad zadxebt lüj? 
\q1 ¿Chu ad zuzaꞌtt lüj zagdxe, dux Dadan Dios? 
\q1 Tijbzi lüj na̱j bén naya nali 
\q1 abiꞌ bénguidxliuj guiꞌt gap daꞌt reeman lüj respejt 
\q1 guial ma balüül bejn ree guial xnejz rüjnl. 
\m  
\v 5 Chi gulox baguian ni guin ree, dxel baguian bixal luar lod mazri nagleꞌ lën xyadoo Dios xanyabaa.  
\v 6 Abiꞌ lën yadoo guin brii gajdx ree anjl bén caꞌ ree gajdx ree guialzi, najcw reeman lajd naquich ni rdiin bachaꞌ, abiꞌ naxii tijb cinch or luxdoo reeman.  
\v 7 Abiꞌ tijb guidap ree be ni zaꞌ lod zaꞌ Dios, badëëb loj tijbgaj ree anjl guin tijb cojp or ni guidxa xcasti Dios bén naban guidib tiamp në par tiblayaa.  
\v 8 Abiꞌ lën yadoo guin gudxan xgoꞌxh xbachaꞌ Dios në xguialrniabeeman. Achut gojc niu lën yadoo guin xt chi ma gulox guigajdx ree guialzi ni zidnë ree anjl guin. 
\c 16  
\s1 Cojp ni guidxa ree xcasti Dios 
\p  
\v 1 Dxel biguiejnan chaꞌ bejn rejs daꞌt guneeman diizd lën yadoo guin, rëbaman loj guigajdx ree anjl guin: 
\p ―Gol chej, gol biglaꞌt xcasti Dios ni yuꞌ loj guigajdx ree cojp guin loj guidxliuj. 
\p  
\v 2 Dxel wej anjl yaloj guin, balaꞌtaman ni yuꞌ loj xcojpaman loj guidxliuj. Abiꞌ gra ree bén ni yuꞌ xsen montruo guin bén gop daꞌt ree respejt xfigurib, brii guiadxyoodx lad reeman, ni rdoob daꞌt. 
\p  
\v 3 Abiꞌ anjl barojp guin balaꞌtaman ni yuꞌ loj xcojpaman loj nijsdoo. Abiꞌ nijs guin bayajcan rejn ziꞌc xrejn tijb bengüt abiꞌ gra ree be naban loj nijs guin güjt. 
\p  
\v 4 Anjl bayon guin balaꞌtaman ni yuꞌ loj xcojpaman loj ree guiiw në lod rajch ree nijs abiꞌ nijs guin ree bayajc reen rejn.  
\v 5 Abiꞌ biguiejnan rëb anjl ni rniabee ree nijs guin: 
\p ―Xnejz na̱j ni cayüjnl në ziꞌc cayüjn xguialguxtisil, Dad Dios, lüj na̱j bén naya nali, najl Dios yan në diizd gocli.  
\v 6 Din bénguidxliuj ree guxhieꞌ reeman rejn bagüjt reeman xbejn reel në ree bén badëëd ree xtiidxil. Zeel ma badëëdil rejn guiëꞌ reeman, abiꞌ zian rayal reeman. 
\p  
\v 7 Abiꞌ niz loj altar biguiejnan chaꞌ stijb bén rëb: 
\p ―Walican, Dad Dios bén rajp gra guialrniabee. Xnejz në ziꞌc rayal cayüjn xguialguxtisil. 
\p  
\v 8 Abiꞌ anjl badajp guin balaꞌt ni yuꞌ loj xcojpaman loj gubijdx din guzeꞌcan bejn ree ziꞌc bajl.  
\v 9 Gra reeman weꞌc por xguialnalaa daꞌt gubijdx guin. Per niꞌqui zian ad bayüjnt reeman xgab por xtol reeman, ad bazaꞌtt reeman Dios zagdxe guneeguijdxli reeman laaman, laaman guial najman bén rniabee ree guialzi guin. 
\p  
\v 10 Anjl bagaay guin balaꞌtaman ni yuꞌ loj xcojpaman lod rbej monstruo ni rniabee guin, abiꞌ bicajy loj guidxliuj, abiꞌ xt rawyaꞌ lüdx ree bejn por guialzi ni cadëd reeman.  
\v 11 Per niꞌczi zian ad basaꞌnt reeman ni mal ni rüjn reeman, al mazri been reeman por guialzi ni gudëd reeman në por guiadx ni gudxib lad reeman, guneeguijdx reeman Dios bén zojb xanyabaa. 
\p  
\v 12 Anjl baxoꞌp guin balaꞌt ni yuꞌ loj xcojpaman loj guiiwroꞌ la Eufrates abiꞌ gubidx nijs loj guiiw guin. Zian bixal nejz din tëd ree rey bén zëëd ree lad lod rliejn gubijdx.  
\v 13 Dxel baguian roꞌ dragon guin, con roꞌ monstruo guin në roꞌ bén rusquiee rëb rudëë xtiidx Dios loj ree bejn brii choon ree sprijt mal ni na̱j ziꞌc bidx.  
\v 14 Guiyon ree sprijt guin na̱j xsprijt xindxab, abiꞌ rüjn reen milagr abiꞌ rej reen lod zaꞌ gra ree rey loj guidxliuj persi radoꞌp reeman din til reeman con Dios bén rajp gra guialrniabee, dxej ni guiꞌtaman guidguieenman gan loj gra reeman. 
\p  
\v 15 Rëb Jesucrist: 
\p ―Gol badxeꞌguijc guial dxejczi guialan ziꞌc chi riꞌt tijb xingubaan tijbzi golp. Xiquilbaa ree bén rbëz naj, bén zaꞌsin ree chi guialan din chitëë yayaꞌnxtu reeman ziꞌc chi rniaaz bén zaꞌ zibëël. 
\p  
\v 16 Sprijt mal guin ree batoꞌp gra ree rey ni yuꞌ loj guidxliuj tijb luar lod la Armagedón con diidx hebreo. 
\p  
\v 17 Abiꞌ anjl bagajdx guin balaꞌt ni yuꞌ loj xcojpaman loj bi, abiꞌ diizd lën yadoo ni yuꞌ xanyabaa niz lod zaꞌ xyagxhil bén rniabee, biguien rejs daꞌt chaꞌ bén rëb: 
\p ―Ma bayaaloj gojc ni rayal gac. 
\m  
\v 18 Abiꞌ guzuloj rëꞌp nijs, rajc naquieꞌ, rbidxaꞌ guziaaw dxel biꞌt xudoxh, tijb xudoxh ni ad goct wayiꞌt diizd guzuloj yuꞌ bejn loj guidxliuj, din xu guin na̱j ni mazczi ni doxh.  
\v 19 Abiꞌ gulaꞌ ciuda naroob guin gojcan choon lalaꞌ, dxel guidib guidxliuj bizeꞌn ree ciuda në ree guiedx. Abiꞌ Dios ad bayanladxtaman Babilonia par gudëë xcasti roꞌman loj ciuda naroob guin.  
\v 20 Abiꞌ gunijt ree gra yuj rigaꞌ loj nijsdoo në ree guiaꞌ.  
\v 21 Biajb tëë guiajyabaa guijc ree gra ree bénguidxliuj, dxel tijbgaj ree guiaj yabaa guin naꞌ reen cost tiuu quil. Abiꞌ ree bejn guneeguijdx reeman Dios, por ree guialzi guin, guial dád ni doxh gojc chi biajb ree guiajyabaa guin. 
\c 17  
\s1 Guialguxtis ni güün Dios con béngunaa dxuudx 
\p  
\v 1 Abiꞌ tijb guigajdx ree anjl guin biꞌtaman naman lon: 
\p ―Guda din gulün lüj casti ni rayal béngunaa dxuudx ni zojb loj nijsroꞌ,  
\v 2 laaman goc xtuu ree rey ni yuꞌ loj guidxliuj, abiꞌ ziꞌc rusüdx tijb bejn stijb bejn, zian bazaalguiiwaman bejn ree loj guidxliuj con ree ni ad rüjnt sirv ni rüjnman. 
\p  
\v 3 Abiꞌ por xSprijt Dios binë anjl guin naj lod na̱j ganax yujbidx. Ni baguian tijb béngunaa dxiibaman tijb monstruo xnia, abiꞌ guidib ladib ca diidxguijdx par Dios, yuꞌ gajdx guijquib con chii xcajchib.  
\v 4 Abiꞌ béngunaa guin najcwaman lajd murad në ni xnia, najcchaawnën ganax or në ree guiaj zagdxe në ree perl. Abiꞌ caꞌman tijb cojp or guidxa ree ni nabixhladx lojn në ree ni dxuudx ni rüjnman.  
\v 5 Abiꞌ lucwajman ca tijb letrer ni achutczi rigniaꞌ ni rën guiëban, rëb loj letrer guin: “Babilonia, ciuda naroob ni na̱j xniaa ree béngunaa dxuudx në xniaa ree ni dxuudx ni rajc loj guidxliuj,”  
\v 6 Dxel gogbeen guial rzüdx béngunaa guin con xrejn ree xbejn Dios, con xrejn ree bén ni güt guial gunee reeman xtiidx Jesús. Abiꞌ dád badxalon chi baguian zian.  
\v 7 Dxel na anjl guin lon: 
\p ―¿Chexc zeel dád radxalojl? Naj gusigniaꞌ lüj ni rën guiëb béngunaa ni baguiaal në monstruo ni dxiibaman, be ni yuꞌ gajdx guijc con chii xcajch.  
\v 8 Monstruo ni baguiaal, laab na̱j be guban gocli, per yan ad nabantrib. Per gulüülojb lën bizë ni ad yuꞌt lod rliox dxelri nidlojb tiblayaa. Abiꞌ ree bén naban loj guidxliuj, bén ni ad cat ree laj loj xlibr guialnaban diizd gocli chi gad guidxliuj gacchaaw, laa reeman yadxaloj chi guguiaa reeman monstruo ni guban gocli, be ad nabant yan per guiꞌtib. 
\p  
\v 9 ’Guie ryaadx quiarguiejn. Guigajdx guijc monstruo guin rën guiëban gajdx guiaꞌ lod zojb béngunaa guin  
\v 10 rën tëë guiëban gajdx ree rey. Gaay ree rey guin ma gudëëd xguialrniabee, abiꞌ bén baxoꞌp guin na̱j bén canabee yan. Dxelri nabee bén bagajdx guin, per ad xchejt nabeeman.  
\v 11 Abiꞌ monstruo ni guban gocli, abiꞌ yan ad nabantrib, laab gac rey baxujn, per loj gajc gajdx ree rey guin grii rey gac xhujn dxel yayalib lod rayalib casti par tiblayaa. 
\p  
\v 12 ’Guidxii cajch ni baguiaal rën guiëb chii ree rey ni ad wazulojt nabee. Per chi tiaꞌ reeman guialrniabee, ad xchejt nabee reeman con monstruo guin.  
\v 13 Abiꞌ guidxii ree rey guin yayaꞌn reeman diidx abiꞌ yayü xguialguxtis reeman con xguialrniabee reeman loj monstruo guin,  
\v 14 abiꞌ til reeman con bén na̱j ziꞌc xi xiil Dios. Per güün bén na̱j ziꞌc xiil guin laa reeman gan din laaman na̱j Dad loj gra ree dad, na̱j tëëman rey loj gra ree rey. Abiꞌ bén zaꞌ ree con bén na̱j ziꞌc xi xiil Dios, laa reeman na̱j bén bazoob xtiidx Dios, bén ma na̱j ree par laaman abiꞌ diidxli zinal reeman xnejz Dios. 
\p  
\v 15 Na tëë anjl guin lon: 
\p ―Nijs ni baguiaal lod zojb béngunaa dxuudx guin laan rën guiëb graloj ree bén rniee graloj ree diidx, bén gra lad ree, bén zëëd ree gra loj ree nacion.  
\v 16 Abiꞌ monstruo guin con guidxii xcajchib ni baguiaal, guidxeꞌch reeman béngunaa dxuudx guin, tioꞌnladx reeman laaman, gusaꞌn reeman zibëëlaman, gaw reeman xbëëlaman abiꞌ guzeꞌc reeman laaman.  
\v 17 Dios yazaladx loj guidxii ree rey guin quiarguiejn din güün reeman ziꞌc rënman. Yayaꞌn reeman diidx din yayü xguialrniabee reeman loj monstruo guin, xt gac cumplid ni rëb Dios gac.  
\v 18 Abiꞌ béngunaa ni baguiaal, laaman na̱j ciuda naroob ni rniabee ree rey yuꞌ loj guidxliuj. 
\c 18  
\s1 Biajb guiedx Babilonia 
\p  
\v 1 Chi gulox baguian ni guin ree, dxel baguian stijb anjl zidguiajtaman xanyabaa. Rajpaman zroꞌ guialrniabee, abiꞌ xbachaꞌman basni guidib guidxliuj,  
\v 2 abiꞌ rnieeman rejs daꞌt rëbaman: 
\p ―Ma biajb, ma biajb Babilonia ma na̱j ciuda naroob guin ziꞌc lidx ree xindxab, ziꞌc lidx ree graloj ree sprijt mal, ziꞌc lidx ree graloj ree be ni rzuj, bedxuudx ree be rbijxhladx ree bejn.  
\v 3 Din ziꞌc chi rusüdx bejn stijb bejn, zian ma batiaalguiiw ciudaroꞌ guin gra ree bénguidxliuj par güün reeman graloj ree ni dxuudx. Abiꞌ ree rey yuꞌ ree loj guidxliuj ma been reeman ni dxuudx guin ree con ciuda guin, abiꞌ ree bén rüjn negojs loj guidxliuj ma na̱j reeman rijcw por graczi ree ni dxuudx rajc ni. 
\p  
\v 4 Dxel biguiejnan chaꞌ stijb bén gunee diizd xanyabaa rëbaman: 
\p ―Gol brii loj ciuda guin, da bejn reen, chitëë goꞌchidi loj ree dol ni rajc ni chitëë tëdidi guialzi ni gac ree loj ciuda guin.  
\v 5 Din dád zien xtol reeman zeel ma bidxinan xt xanyabaa, abiꞌ Dios ad zayanladxtaman ni mal guin ree.  
\v 6 Gol beennë ciuda guin ziꞌcgajc beennën ben ren ree, gol been din yaguijxan xcastin tioꞌp volt mazri guial loj ni beennën bejn ree abiꞌ gol basagdiajn tioꞌp volt mazri guial loj ni basagdiajn ben ren ree.  
\v 7 Gol basagdiaj ciuda guin naya ziꞌc babaan chi beenan ni dxuudx ree, abiꞌ ziꞌc beenan xgab rëban: “Zooban guie ziꞌc tijb bén rniabee, ad najtan bén bizëjb ad yuꞌ tëët dxej chuꞌnayan.”  
\v 8 Zeel tijbzi dxej guidxajg lasaꞌ ree guialzi par ciuda guin, ziꞌc guialgüjt, guialrunaya, guialrliaan, dxel cheꞌcan con bajl. Din naroob xguialrniabee dux Dad ree Dios bén gudëëd casti ciuda guin. 
\p  
\v 9 Abiꞌ ree rey ni yuꞌ loj guidxliuj, bén babaa ree guial been reeman ni dxuudx con ciuda guin, zoon reeman, naya sagdiaj reeman chi guguiaa reeman goꞌxh ni cayeꞌcan.  
\v 10 Abiꞌ zijt su reeman chi guguiaa reeman casti ni cadëdan, dxel guiëb reeman: 
\p ―¡Probza lüj, probza lüj Babilonia, ciuda naroob ni guyu gojl par gra! Din tibrajtzi biꞌt casti par lüj. 
\p  
\v 11 Abiꞌ ree bén rüjn negojs loj guidxliuj zoon reeman zu tëë luxdoo reeman naya por ciuda guin, din achutri sii ni rutoꞌ reeman,  
\v 12 ziꞌc or, plajt, guiaj zagdxe ree, perl, lajd zagdxe ree, lajd sed ree culor murad con ni xnia, në graloj ree tabl ruree nejxh në graloj ree ni been reeman con ree tabl zagdxe, bronce, guiib con marmol në marfil.  
\v 13 Ad zajc tëëtri gutoꞌ reeman canel në graloj ree ni ruree nejxh, ad zajctri gutoꞌ reeman goxyaal, mirra, perfum, vin, sejt oliv, harin zagdxe, trigo, goꞌn, xiil, way, carrejt, ad zajc tëëtri ree gutoꞌ reeman bejn ree.  
\v 14 Abiꞌ guiëb reeman loj ciuda guin: 
\p ―¡Ad rajptril guialnazaꞌc ni bayuladx daꞌtil, tiblayaa ma banijtil ziꞌc gubanl con gra ree ni zaꞌc ni gopil! 
\p  
\v 15 Gra ree bén been negojs, bén gojc ree rijcw por ciuda guin, zijt su reeman guialrdxeb reeman casti ni cadëd ciuda guin. Zoon reeman, zazagdiaj reeman, zunaya reeman.  
\v 16 Abiꞌ guiëb reeman: 
\p ―¡Probza, probza ciuda naroob guin! Laan guial guzujchaawan con ree lajd zagdxe, lajd culor murad con ni xnia, laan guial guzujchaawan con or, con perl në con guiaj zagdxe  
\v 17 din, ¡tibrajtzi gunidloj gra ree guialnazaꞌc guin! 
\p Gra ree bén zë lën barcw, ziꞌcgajc xcapitan ree barcw, gra ree mariner në los demazri ree bén rüjn dxiin lën barcw, guzudxe reeman zijt  
\v 18 chi baguiaa reeman goꞌxh ni cayëꞌc ciuda guin, abiꞌ gurixdiaj reeman rëb reeman: 
\p ―¿Goc guyu tijb ciuda lasaꞌ ciuda roꞌ guie? 
\p  
\v 19 Abiꞌ baroob yuj guijc reeman, roon reeman abiꞌ guyunaya luxdoo reeman rëb reeman: 
\p ―¡Probza!, probza ciuda naroob guin por xguialnazaꞌcan gra ree bén been negojs bén rajp ree barcw gojc reeman rijcw, din tibrajtzi gunidlojn. 
\p  
\v 20 Dxel biguien chaꞌ bén na: 
\p ―Per lëjt bén zojb ree xanyabaa, lëjt najdi xi apóstoles Jesucrist, lëjt bén rudëëd ree xtiidx Dios në los demazri ree bén na̱j xbejn Dios, gol babaa por ni cazajc ciuda guin din zian cayüjn Dios xguialguxtisaman por ni beennë ciuda guin lëjt. 
\p  
\v 21 Abiꞌ tijb anjl gojl daꞌt, gulesaman tijb guiaj naroob, ziꞌc tijb guiaj mulin abiꞌ bazaalaman laan loj nijsdoo rëbaman: 
\p ―Ziꞌc bazalbin guiaj guie con guidib da gojlan zian nidoxh sac ciuda naroob Babilonia, abiꞌ achutri guguiaa Babilonia guin stijb.  
\v 22 Ad zaguientri ree chaꞌ arp, niꞌqui ree xinrucwejdx, niꞌqui ree bidxa, niꞌqui ree chaꞌ trompejt ad zaguientri loj ciuda guin. Achutri bejn güün dxiin ni, niꞌqui xnaquieꞌ mulin ad zaguientri ni.  
\v 23 Achetri guij cheꞌc loj ciuda guin, achutri guxhliaa. Gra ree bén been negojs loj ciuda guin ganax bén zojbloj gojc reeman loj guidxliuj, abiꞌ ciuda guin basquieen gra ree nacion con ree ni dxuudx ni beenan. 
\p  
\v 24 Abiꞌ loj ciuda guin bagüjt reeman bén badëëd ree xtiidx Dios, në ree bén rliladx Dios, abiꞌ por ciuda guin bagüjt reeman los demasri ree bén ma güjt loj guidxliuj. 
\c 19  
\p  
\v 1 Chi gulox baguian biguiejn tëën zian, dxel dád rejs biguiejnan chaꞌ zien daꞌt ree bén canee xanyabaa rëb reeman: 
\q1 ¡Quixtëë Dios! Por dux Dad ree Dios 
\q1 zëëd perdon, respejt në guialrniabee, 
\q1  
\v 2 din laaman waliman abiꞌ xnejz rüjn xguialguxtisaman, 
\q1 ma badëëdaman casti béngunaa dxuudx ni bazaalguiiw 
\q1 bénguidxliuj ree con ree xni malaman, 
\q1 ma been Dios guialguxtis con laaman persi baguijxaman ni bagüjtaman xbejnman. 
\p  
\v 3 Abiꞌ biguiejnan rëb reeman stijb: 
\p ―¡Quixtëë Dios! Ad yuꞌt dxej yayüꞌ goꞌxh ni cayeꞌc ciuda guin. 
\p  
\v 4 Abiꞌ guigajlbitap ree bengol con guidap ree be naban guin bazuxib reeman delant loj xyagxhil Dios par gap daꞌt reeman laaman respejt, rëb reeman: 
\p ―¡Quixtëë Dios! ¡Diidxzaꞌc guin ree na̱j par laaman! 
\p  
\v 5 Abiꞌ niz lod zaꞌ yagxhil guin biguiejnan chaꞌ bén rëb: 
\q1 Gradi ziꞌc bengol ziꞌc xindoo 
\q1 gol gules xvalor dux Dad ree Dios, 
\q1 lëjt rüjndi laaman sirv abiꞌ rajpidi laaman respejt. 
\s1 Xguialruxhliaa bén na̱j ziꞌc xi xiil Dios 
\p  
\v 6 Biguiejn tëën ziꞌc chi rguien chaꞌ zien daꞌt bejn, o ziꞌc xnaquieꞌ nijsroꞌ, o ziꞌc chi rbidxaꞌ daꞌt guziaaw, rebaman: 
\q1 ¡Quixtëë Dios! Din ma canabee dux Dad ree Dios, 
\q1 bén caꞌ gra guialrniabee. 
\q1  
\v 7 Yan yadxeꞌ du luxdoo ree zagdxe, yabaa ree yales tëë ree xvaloraman. 
\q1 Din ma bidxin dxej guxhliaa bén na̱j ziꞌc xi xiilaman 
\q1 abiꞌ bén gac lacheelaman ma zaꞌchaawaman. 
\q1  
\v 8 Najcwaman lajd zagdxe, ni naquich, naya rulaa tëën bachaꞌ. 
\m Din lajd naquich guin rën guiëban ni zagdxe ni been ree xbejn Dios. 
\p  
\v 9 Abiꞌ na anjl guin lon: 
\p ―Bacaa: “Xiquilbaa ree bén na̱j guiꞌt loj xguialruxhliaa bén na̱j ziꞌc xi xiil Dios.” 
\p Na tëë anjl guin: 
\p ―Ni guie ree na̱j xtiidxli Dios. 
\p  
\v 10 Dxel bazuxiban loj anjl guin par gaꞌp daꞌtan laaman respejt, per naman lon: 
\p ―Ad güünl zian. Din ziꞌcgajc lüj xmandadzi Dios cayguieen, ziꞌcgajc gra ree lasaꞌl bén wali ree rüjncwent xtiidx Jesucrist. Gojp daꞌt respejt Dios. 
\p Din por Jesús zëëd ni rniee ree bén rudëëd xtiidx Dios. 
\s1 Bén dxiib tijb way naquich 
\p  
\v 11 Dxel baguian zojbyal xanyabaa baguia tëën tijb way naquich. Bén dxiib laab laman: Bén ruzoob xtiidxaman në bén wali, din xnejz rüjn xguialguxtisaman në xwadijlaman,  
\v 12 guiaalojman rulaan bachaꞌ ziꞌc bajl abiꞌ zien ree coron yuꞌ guijcaman, tib lajtaman ca laj tijb bejn ni achut rigniaꞌ, tijbzi laaman ragbee xhie rën guiëban,  
\v 13 guidib rejnzi xabaman, abiꞌ laman Xtiidx Dios. 
\p  
\v 14 Abiꞌ ree xsuldadaman bén yuꞌ xanyabaa zinal reeman laaman dxiib reeman way naquich, najcw reeman lajd zagdxe ni naquich ni naya tëë.  
\v 15 Roꞌman ririi tijb espad ni nadoxh roꞌ, con espad guin gudëëdaman casti bénguidxliuj, në con var guiib nabeeman laa reeman. Ziꞌc rëꞌp bejn guijc uv par guixiin, zian gudëëdaman loj reeman casti naroob ni zëëd por Dios bén rajp gra guialrniabee.  
\v 16 Loj xcajpaman con cüdaman ca ree diidx ni rëb: “Rey bén rniabee loj ree rey në Dad bén rniabee loj ree dad.” 
\p  
\v 17 Dxel baguian tijb anjl zaꞌliman loj gubijdx, dád rejs rbidxaꞌman, rbejdxaman gra ree be ni rzuj xanyabaa, rëbaman: 
\p ―Gol guda, gol bachajg lasaꞌdi lod gunee Dios ni gawidi zroꞌ daꞌt,  
\v 18 ziꞌc xbëël ree rey, xbëël ree capitan, xbëël ree bén achut rüjn gan, ziꞌc xbëël ree way, xbëël ree bén rbib laa reeb, xbëël gra ree bejn, ziꞌc xbëël ree bén na̱j ziꞌc bén nadoꞌ në xbëël ree bén ad najt ziꞌc bén nadoꞌ, ziꞌc xi bëël ree bengol në ree xindoo. 
\p  
\v 19 Dxel baguian monstruo con ree rey yuꞌ loj guidxliuj në ree xsuldad reeman, nadxag lasaꞌ reeman par til reeman con bén dxiib way naquich guin con ree xsuldadaman.  
\v 20 Per laa reeman gunaaz reeman monstruo guin con bén rusquiee rëb rudëë xtiidx Dios loj ree bejn, bén rüjn milagr niz loj monstruo guin. Abiꞌ por ree milagr guin basquieeman bén guyu ree xsen monstruo guin gojp tëë reeman respejt xfigurib. Abiꞌ monstruo guin con bén rusquiee ni rëb rudëë xtiidx Dios loj ree bejn, grop reeman guidib naban reeman bazaal reeman laa reeman loj bajl lod cayeꞌc azufre.  
\v 21 Abiꞌ los demazri ree xbejn monstruo guin güjt reeman con espad ni ririi roꞌ bén dxiib way naquich guin, abiꞌ gudaw ree be ni rzuj xanyabaa laa reeman, xt gudxa lën reeb gudaw ree xbëël reeman. 
\c 20  
\s1 Ti mil ijz 
\p  
\v 1 Dxel baguian zidguiajt tijb anjl xanyabaa, caꞌman xguiibliaw bizë ni ad yuꞌt lod rliox, caꞌ tëëman tijb caden naroob.  
\v 2 Abiꞌ gunaazaman dragon, bëël gulal ni la xindxab në satanás, guxhiiman laab con caden guin por timil ijz.  
\v 3 Dxel bazaalaman laab lën bizë ni ad yuꞌt lod rliox abiꞌ basiaawdxiꞌchaman bizë guin chitëë gusquieeri reeb bejn ree loj guidxliuj xt chi ma bayaaloj timil ijz dxel yariib lën bizë guin tibladëd. 
\p  
\v 4 Dxel baguian yagxhil zagdxe ree lasaꞌ xyagxhil ree rey, lojn zojb ree bén ni ma cwaꞌ guialrniabee par güün reeman guialguxtis. Baguia tëën xsprijt ree bén ni biruꞌ yëjn guial gutieꞌch reeman xtiidx Dios në gra ni ragbee reeman por Jesús. Laa reeman ad gojpt respejt monstruo guin niꞌqui xfigurib abiꞌ ad cwëjbt reeman niu xsenb lucwaj reeman o yaa reeman. Abiꞌ baguian baban reeman stijb, dxel gunabee reeman con Cristo timil ijz.  
\v 5 Laan na̱j ni yaloj ni yaban ree bengüt, per stijb ree bengüt ad zabant reeman xt yazaꞌ timil ijz.  
\v 6 ¡Xiquilbaa ree bén yaban yaloj! Laa reeman ma naya niz loj Dios abiꞌ ad zayaltri reeman guialgüjt rarojp, laa reeman gac xbixhioz Dios con xbixhioz Cristo abiꞌ nabeenë reeman laaman timil ijz guin. 
\p  
\v 7 Chi ma bayaaloj timil ijz guin, dxel yarii xindxab guin lod nayaawix  
\v 8 Par gusquieex bejn ree guidib guidxliuj. Gusquieex Gog në Magog din guchajg lasaꞌ ree xbejn reeman din güün reeman wadijl. Abiꞌ guidoꞌp zien daꞌt reeman ziꞌc üx ni rigaꞌ roꞌ nijsdoo.  
\v 9 Gra lad guiꞌt reeman, guidoꞌp reeman gadëd lod zaꞌ ree xbejn Dios në gadëd roꞌ guiedx lod rënman. Per laaman diizd xanyabaa guixhiaalaman bajl ni guzeꞌc bén guin ree xt yadëj reeman.  
\v 10 Abiꞌ xindxab ni basquiee laa reeman laax chuꞌ loj bajl lod cayeꞌc azufre, lod ma zaꞌ monstruo con bén rusquiee rëb rudëë xtiidx Dios loj ree bejn, lod ad yuꞌt dxej yarii reeman lod sagdiaj tëë reeman dxej guiaal. 
\s1 Yadëëd ree bejn cwent loj Dios 
\p  
\v 11 Dxel baguian tijb yagxhil ziꞌc xi yagxhil rey, tijb yagxhil naroob ni naquich. Lojn zojb tijb bejn abiꞌ delant lojman biquied guidxliuj në xanyabaa, gunidloj reen tiblayaa.  
\v 12 Dxel baguian guial delant loj yagxhil guin lod zojb Dios, ni zaꞌ ree bengüt, ziꞌc ree bengol ziꞌc ree xindobëz. Abiꞌ bixal loj ree libr, dxel bixal loj stijb libr ni la xlibr guialnaban. Dxel been Dios xguialguxtisaman con ree bengüt guin ziꞌc ca loj ree libr guin xcwent ree ni been reeman.  
\v 13 Nijsdoo bayü xbengütan, abiꞌ guialgüjt bayü xbengütan, abiꞌ ree bengüt ni zaꞌ lod cabëz reeman guidxin dxej ni yadëëd reeman cwent loj Dios, bibig reeman yagaj din güün xguialguxtis Dios con laa reeman bal conin been reeman.  
\v 14 Dxel guialgüjt con lod guzu ree bengüt gulëjz reeman guidxin dxej yadëëd reeman cwent loj Dios, grop reen bazaal reeman loj bajl, bajl guin na̱j guialgüjt barojp.  
\v 15 Abiꞌ loj gajc bajl guin bayal ree bén ad cat laj loj xlibr guialnaban. 
\c 21  
\s1 Xanyabaa cüb con guidxliuj cüb 
\p  
\v 1 Chi gulox baguian ni guin ree, dxel baguian tijb xanyabaa cüb con tijb guidxliuj cüb, din xanyabaa con guidxliuj ni guyu diizd yaloj ma gunijt reen, ziangajc nijsdoo.  
\v 2 Dxel baguian Jerusalén cüb, xguiedx naroob Dios zidguiajtan xi xanyabaa Dios. Dád zaꞌchaawan ziꞌc rzujchaaw tijb biingunaa chi ma guxhliaam con xin gac lacheelim.  
\v 3 Abiꞌ dád rejs biguiejnan chaꞌ bén gunee lod zaꞌ xyagxhil Dios, rëbaman: 
\p ―Ma zaꞌ Dios con ree bejn, guibannëman laa reeman abiꞌ laa reeman gac xbejnman, guiáad laaman suman con laa reeman abiꞌ gacaman xDios reeman.  
\v 4 Laaman gutiaa loj reeman nijs biin reeman, dxel achetri guialgüjt chuꞌ, guialroon, guialrunaya në guialzi, din gra ree ni guyu gocli ma gudëd reen. 
\p  
\v 5 Abiꞌ bén zojb loj yagxhil guin, naman: 
\p ―Gra cayünan nicüb. 
\p Na tëëman: 
\p ―Bacaa ree diidx guie, din laa reen na̱j diidxli ni rayal chililadx bejn. 
\p  
\v 6 Dxel naman: 
\p ―Ma gojc ni rayal gac. Naj na̱j ziꞌc A con Z, din tijbzi naj rniabee diizd guiaꞌxchej në par tiblayaa. Bén reꞌc nijs, naj yazaladx nijs lojman nijs ni ririi lod rajch nijs ni runee guialnaban. 
\p  
\v 7 Bén ni güün gan loj dol, laaman yayal gra ree ni guin. Abiꞌ naj gac xDiosaman guiáad laaman gac da xiꞌnan.  
\v 8 Per ree bén rdxeb sudxiꞌch loj ni rliladx reeman naj, bén ad rliladxt ree naj, bén ruladx ree güün ganax ni mal, bén rugüjt ree bejn, bén rüjn ree nidxuudx con ree bén ad najt lacheel reeman, bén rüjn ree guialbidxaa, bén rën ree ni naladx reeman na̱j ree Dios, në gra ree bén rusquiee, laa reeman rayal loj bajl lod cayeꞌc azufre, bajl guin na̱j guialgüjt rarojp. 
\s1 Jerusalén cüb 
\p  
\v 9 Dxel tijb guigajdx ree anjl bén caꞌ ree guigajdx ree cojp ni guidxa guigajdx ree guialzi bigra guin, biꞌtaman lod zaꞌn, naman lon: 
\p ―Guda, din gulün lüj biinxdüb ni gac lacheel bén na̱j ziꞌc xi xiil Dios. 
\p  
\v 10 Abiꞌ por Sprijt binë anjl guin naj guijc tijb guiaꞌ naroob, guijc tijb guiaꞌ ya. Ni balüüman naj Jerusalén, xciuda naroob Dios zidguiajtan xi xanyabaa Dios.  
\v 11 Rulaan bachaꞌ por xbachaꞌ Dios. Abiꞌ bachaꞌ guin na̱j ziꞌc xbachaꞌ tijb guiaj lasajc, guiaj zagdxe ni la Jaspe, nayni ziꞌc tijb vidr.  
\v 12 Gadëd roꞌ ciuda guin na̱j tijb zeꞌ naroob, tijb zeꞌ ya con chiptioꞌp ree port, abiꞌ tijb gaj roꞌ ree port guin zaꞌ tijb gaj ree anjl. Lad ree port guin ca ziꞌc la guidxiptioꞌp cwaa ree bén Israel, tijb gaj lad port guin ca ziꞌc la tibcwaa gaj reeman.  
\v 13 Choon ree port guin na̱j niz lod rliejn gubijdx, abiꞌ choon reen na̱j niz lod rëëz gubijdx, za choon ree port guin na̱j niz lad norte, za choonan na̱j niz lad sur.  
\v 14 Abiꞌ con chiptioꞌp guiaj na̱j xcimiant zeꞌ guin, dxel loj ree guiaj guin ca laj ree guidxiptioꞌp ree xi apóstoles bén na̱j ziꞌc xi xiil Dios. 
\p  
\v 15 Anjl ni guneenë naj caꞌman tijb var or din tiaꞌbeenëman ciuda guin con ree port guin con zeꞌ guin. 
\p  
\v 16 Ciuda guin najn ni cuadrad, ziꞌcgajc zioolan ziangajc gulajgan. Cwaꞌbee anjl guin laan con var or ni caꞌman, xi mididan na̱j tioꞌp mil tioꞌp gayuu kilometro, ziꞌc guyoolan ziangajc yan, ziangajc gulajgan.  
\v 17 Dxel cwaꞌman midid zeꞌ guin, abiꞌ zeꞌ guin najn gayojnbitap mejtr ziꞌc na̱j xmidid bénguidxliuj ziꞌc bareꞌxh anjl guinan. 
\p  
\v 18 Zeꞌ guin gojcnën guiaj ni la Jaspe, abiꞌ ciuda guin najnën ganax or, ziꞌcgajczi na̱j vidr nayni.  
\v 19 Xguiaj cimiant zeꞌ guin najcchaawnën gadxagayaa ree guiaj zagdxe. Guiaj yaloj guin najcchaawnën con guiaj ni la Jaspe, guiaj barojp guin najcchaawnën guiaj ni la zafiro, guiaj bayon guin najcchaawnën guiaj ni la ágata, guiaj badajp guin najcchaawnën guiaj ni la esmeralda,  
\v 20 guiaj ni bagaay guin najcchaawnën guiaj ni la ónice, guiaj ni baxoꞌp guin najcchaawnën guiaj ni la cornalina, guiaj bagajdx guin najcchaawnën guiaj ni la crisólito, guiaj goc xhujn najcchaawnën con guiaj ni la berilo, guiaj goc gaa najcchaawnën guiaj ni la topacio, guiaj ni goc chii najcchaawnën guiaj ni la crisoprasa, guiaj ni goc chiptib najcchaawnën guiaj ni la jacinto, guiaj ni goc chiptioꞌp najcchaawnën guiaj ni la amatista.  
\v 21 Gra guidxiptioꞌp ree xport ciuda guin gojcnë reen con chiptioꞌp ree perl, tijb gaj perl guin najnë tijbgaj port. Abiꞌ nejz naroob ni naa galay ciuda guin najn ganax or, ziꞌc tal na̱j tijb vidr ni rdëd biani grop xijch. 
\p  
\v 22 Niꞌqui tijb yadoo ad baguiatan loj ciuda guin din dux Dad ree Dios bén caꞌ gra guialrniabee con bén na̱j ziꞌc xi xiilaman, laa reeman na̱j xyadoo ciuda guin.  
\v 23 Abiꞌ loj ciuda guin ad rüjnt naguiejn gusni gubijdx niꞌqui bëëw, din xbachaꞌ Dios rusni ni abiꞌ bén na̱j ziꞌc xi xiilaman laaman na̱j bajl ni.  
\v 24 Bén zëëd ree lod rent lod ren sa reeman loj bachaꞌ guin, bén ma na̱j ree perdon. Abiꞌ ree rey loj guidxliuj guie guidnë xguialzaꞌcdxoon reeman loj ciuda guin.  
\v 25 Xport ciuda guin ad yuꞌt dxej yaaw reen radxe, abiꞌ ni ad zut guiaal.  
\v 26 Gra xguialzaꞌcdxoon con gra xguialzagdxe ree bén zëëd lood rent lood ren, guidxin reen loj ciuda guin.  
\v 27 Per ad yuꞌt dxej chuꞌ ni dxuudx loj ciuda guin, niꞌqui ree bén rüjn ni dxuudx niꞌqui ree bén rusquiee, bén cazi ree laj loj xlibr guialnaban ni caꞌ bén na̱j ziꞌc xi xiil Dios, laaz reeman chuꞌ loj ciuda guin. 
\c 22  
\p  
\v 1 Balüü tëë anjl guin lon tijb guiiw naya ni razaladx guialnaban, naynidxuj ziꞌc tijb guiaawajn. Ririi nijs guin lod zaꞌ xyagxhil Dios con bén na̱j ziꞌc xi xiilaman,  
\v 2 abiꞌ zën galay loj nejz naroob ni naa galay ciuda guin. Galay nejz guin naa guiiw guin, abiꞌ grop lad guiiw guin zojb yag ni runee guialnaban ni rtia chiptioꞌp loj ninejxh, gazobëëw ridxaa ninejxh ni rtia lojn. Abiꞌ ree xbalag yag guin rüjn reen sirv par gac bejn nadaan.  
\v 3 Achetri ni mal chuꞌ ni, abiꞌ Dios con bén na̱j ziꞌc xi xiilaman cwe loj xi yagxhil reeman guiáad ree xbejn reeman gap daꞌt laa reeman respejt.  
\v 4 Abiꞌ ni guguiaaloj reeman Dios, bén ni ca ree lajman lucwaj.  
\v 5 Achetri guiaal chuꞌ ni, ad ryaadxt bajl niꞌqui gubijdx din dux Dad ree Dios gusni ni, abiꞌ ma nabee reeman tiblayaa con laaman. 
\s1 Ma zidyob guiꞌt Jesucrist 
\p  
\v 6 Dxel na anjl guin lon: 
\p ―Diidx guie ree na̱j ni diidxli ni rayal chililadx ree bejn. Abiꞌ Dios bén razaladx diidx loj ree bén rudëëd xtiidxaman loj ree bejn, laaman guxhaal xi anjl din gulüüman bejn ree ni ma zidyob gac.  
\v 7 Dad Jesucrist rëb guial nayob guiꞌtaman. 
\p ¡Xiquilbaa ree bén ridxgaꞌ ni ca loj libr guie ni rugojn ni gac! 
\p  
\v 8 Naj Waj, baguian biguiejn tëën ni guin ree. Abiꞌ chi gulox baguian biguiejn tëën ni guin ree, dxel bazuxiban par gaꞌp daꞌtan respejt anjl ni balüü ree ni guin lon.  
\v 9 Per naman lon: 
\p ―Ad güünl zian. Din naj ziꞌcgajc lüj, xmandadzi Dios cayguieen, ziꞌcgajc ree xcompniaril bén rudëëd ree xtiidx Dios, në ree bén ridxgaꞌ ree ni ca loj libr guie. Zeel Dios gojp daꞌt respejt. 
\p  
\v 10 Na tëëman lon: 
\p ―Ad guquieꞌchil diidx ni zëëd ree loj libr guie, diidx ni rugojn ree ni gac, din ma zidyob gac reen.  
\v 11 Gol basaꞌn ree ben mal con xni mal reeman, abiꞌ ree bén naban nadxuudx zu naban reeman nadxuudx bal zian ruladx reeman. Per bén rüjn ree ziꞌc rayal gusnuu güün reeman ziꞌc rayal abiꞌ ree bén naban ziꞌc rën Dios gusnuu guiban reeman ziꞌc rën Dios. 
\p  
\v 12 Rëb Jesucrist: 
\p ―Gol badxeꞌguijc guial nayob guialan, abiꞌ guidneꞌn ni rayal tijbgaj bejn bal gonin been tijbgajman.  
\v 13 Naj na̱j ziꞌc lejtr A con lejtr Z, lejtr ni rzulojnë ni rlioxnë tëë alfabeto, din tijbzi naj rniabee diizd guiaꞌxchej në par tiblayaa. 
\p  
\v 14 Xiquilbaa ree bén ni na̱j ziꞌc ree bén ma gudiib xab guial ridxgaꞌ reeman xtiidx Dios, din gac chuꞌ reeman niz roꞌ xport ciuda guin din gap tëë reeman derejch gaw reeman ni nejxh ni rtia loj yag runee guialnaban.  
\v 15 Abiꞌ xijch ciuda guin yayaꞌn ree benguijdx, bén rüjn ree guialbidxaa, bén rüjn ree ni dxuudx con ree bén ad najt lacheel reeman, bén rugüjt ree bejn, bén ni rajp ree respejt ni naladx reeman na̱j dios, në ree bén ruladx cwëëguijc ni rusquiee rniee tëë reeman diidx rusquiee ree.  
\v 16 ―Naj Jesús ma guxhal da anjlan din gugojnman lëjt gra ree ni guie din guiëbidi laan loj gra ree bén rliladx naj. Naj na̱j quijb xdiaa rey Davi, loj xdiaaman zialan. Naj na̱j ziꞌc bajl nayni ni rliejn rsildoo. 
\p  
\v 17 XSprijt Dios con biinxdüb ni gac lacheel bén na̱j ziꞌc xi xiil Dios rëb reeman: 
\p ―Guda. 
\p Abiꞌ bén riguiejn rniee reeman zian, rëb gajcaman: 
\p ―Guda. 
\p Chutëëz bén reꞌc nijs, gol guda, abiꞌ bén rën zajc guiëꞌman nijs runee guialnaban lagajzi. 
\p  
\v 18 Gra ree bén riguiejn ree diidx ni zëëd loj libr guie ni gac, naj rni lojdi bal chu bén gucaa guijc ni zëëd loj libr guie, ziangajc zusroꞌ Dios guialzi ni zëëd loj libr guie par laaman.  
\v 19 Ziangajc bal chu chiquied xhie diidx guijc ree diidx ni zëëd loj libr guie ni gac ziangajc chiquied Dios guijc ni rayalaman loj yag runee guialnaban ni ruzaꞌt libr guie ad zayu tëëtaman loj xciuda Dios ni ruzaꞌt libr guie. 
\p  
\v 20 Bén ragbee guial diidxli na̱j gra ree ni guie, rëbaman: 
\p ―Walin, nayob guialan. 
\p Zian gacan Dad Jesús, ¡Guda! 
\p  
\v 21 Dad Jesús güünleꞌ gradi. Amén.