\id 2JN - Zanaki 2 John
\ide UTF-8
\h 2 Yohana
\toc3 2 Yohana
\toc2 2 Yohana
\toc1 Enyaarubha ya kabhiri ya Yohana
\mt2 Enyaarubha ya kabhiri ya
\mt1 Yohana
\imt Obhutaangiro
\ip Yohana akakaama enyaarubha yino kumukari omusorwa hamwe na abhaana bhaaye. Kwa amangʼana gayo yaari arakeerenerya ekanisa. Kyaamwe akabhuga enyaarubha yiyo yaari kwiiguru ya abhiikirirya bhoosi. Munyaarubha yaaye ya kabhiri, Yohana arageenderera okubhatoongera ekoro abhiikirirya okubha bhiikare kwo okumenyeekererya obhuheene no obhuseegi. Kweeki arageenderera okubharekya iguru ya abheegya bho orurimi. Arakumiirirya abhiikirirya bhabhe meeso na bhagumire mubhwiikirirya bhwe eheene.
\c 1
\s Obhukeerya
\p
\v 1 Enye omukaruka we ekanisa, nirakukaamira awe omusubhaati wuno osorirwe na Taatabhugya, hamwe na abhaana bhaazo\f + \fr 1:1 \fr*\fk Omusubhaati wuno osorirwe na Taatabhugya, hamwe na abhaana bhaazo\fk*\ft , obhugazuro bhwaku ni kanisa endebhe hamwe na abhiikirirya bhaaye.\ft*\f* bhano nikubhaseega kwe eheene. Etari enye omweene, nawe na abhaandi bhoosi bhano bhamenyiri obhuheene. 
\v 2 Nirabhaseega kwo okubha etwe na neemwe tumenyiri obhuheene, kweeki turageenderera okubhumenya kirakeego.
\p
\v 3 Orubhaango, ebhigoongi no omureembe okurwa ku Taata Taatabhugya no Omwaana waaye Yeesu Krisito, bhibhe etwe twoosi bhano tukutuniirira obhuheene no obhuseegi.
\s Okuseegana nikwo okwiigwa emigiro gya Taatabhugya
\p
\v 4 Nikazomererwa bhukongʼu kurora abhaana bhaazo abhamwe bharatuniirira enzira yo obhuheene, kyeego Taata Taatabhugya akatuswaagya. 
\v 5 Bhoono, omusubhaati omuseegwa, munyaarubha yino, nirakusabha kubha wiigwe obhuswaagyo bhuno bhukubhuga tuseegane. Emigiro giyo gitari mihya, nawe ni giryagirya gino twaari nagyo kweema hano mwaataangiri okwiikirirya.\f + \fr 1:5 \fr*\xt Rora Yohana 13:34.\xt*\f* 
\v 6 Okuseegana nikwo okwiigwa obhuswaagyo bhwa Taatabhugya. Obhuswaagyo bhuno mukiigwa okurwa obhweemero nikwo okwiikara kwo obhuseegi.
\s Obhurekya iguru ya abhangʼeenererya
\p
\v 7 Niragaamba ego kwo okubha abhangʼeenererya bhaaru bharweereeri mukyaaro. Bharabhuga kubha Yeesu Krisito akaaza mukyaaro akabha atana omubhiri gwo omuutu.\f + \fr 1:7a \fr*\xt Rora 1 Yohana 4:2-3.\xt*\f* Omuutu wowoosi wuno akubhuga ego ni mungʼeenererya, kweeki ni mwaangi wa Krisito.\f + \fr 1:7b \fr*\fk Mwaangi wa Krisito\fk*\ft , obhugazuro bhwaku ni \ft*\fqa wuno akwaanga emirimo gya Krisito.\fqa*\f* 
\v 8 Ambe, mwiiriihe abheene, okubha emirimo gyeetu\f + \fr 1:8 \fr*\fk Emirimo gyeetu\fk*\ft , amakaamo agaandi ge Ekiyunaani garabhuga, \ft*\fqa emirimo gyeenyu.\fqa*\f* gitaaza kubhura bhusa, nawe musuungʼaane okurwa ku Taatabhugya amariho amazomu. 
\v 9 Wowoosi wuno atakugeenderera kugwaata ameegyo ga Krisito, kweeki aragakyoosya, wuyo atana obhumwe na Taatabhugya. Nawe, wuno akugeenderera okugwaata ameegyo ga Krisito, wuyo ano obhumwe na Taata Taatabhugya no Omwaana waaye woosi. 
\v 10 Eraabhe wowoosi araaza kweemwe wuno atakweegya ameegyo gayo, mutamuginihya muziinyuumba zyeenyu, naabhe mutamukeerya kyo Omukrisito omurikyeenyu. 
\v 11 Omuutu wowoosi wuno akumukeerya ego, ari hamwe neewe mubhibhi bhino akukora.
\s Amangʼana go okuraga
\p
\v 12 Nina amangʼana maaru go okukaama, nawe nitakweenda kukaama gayo kunyaarubha. Ndiisiga kuuza kweemwe okubhataarira no okukeerenia hamwe neemwe obhusyo kwo obhusyo, okubha obhuzomererwa bhweetu bhukuunaane.
\p
\v 13 Abhaana bha musubhaati waazo wuno asorirwe na Taatabhugya,\f + \fr 1:13 \fr*\fk Abhaana bha musubhaati waazo wuno asorirwe na Taatabhugya\fk*\ft , obhugazuro bhwaku ni \ft*\fqa bhiikirirya bhe ekanisa endebhe.\fqa*\f* bharakukeerya.