\id PSA Yongkom Psalms proj#256 Jude Dagi / Akope Katupon / Steve Christensen 
\mt1 Buk Yook  
\c 1  
\ms1 Buk Mimo  
\mr Yook 1-41  
\cl Yook 1 
\toc1 Buk Yook 
\toc2 Buk Yook 
\q1
\v 1 Karub kane ye kuu arewadan yi inamen ye yoman yarokban o,  
\q1 ambarakmenabidan yi kiwaan ari dorokban o,  
\q1 damangkandimbon ari nenkowe diborokban kuu,  
\q2 Godbed amun kerunoon.   
\q1
\v 2 Ye kubi dowaken kuu \nd Yariman\nd* ye amob yaa kerene,  
\q2 aronkiyiib amkiyiib kuu kimingke andangke meenmembirimaan.   
\q1
\v 3 Ye kuu at ok kebed yaa kibiniwen id iri aron yaa kuu irembirimaan areb,  
\q1 ye kuu biid nuubne nombirimokban areb.  
\q2 Komo ambangkaneen kuu yiminmo keraneen.   
\q1
\v 4 Kumban arewa kamidan kuu kwamunemban.  
\q2 Yi kuu nuubbed yob aom aab wure kanwinimaan areb.   
\q1
\v 5 Kwani kowe, arewa kamidan kuu wengyundi yaron ari kuu doraibban,  
\q2 kwane, ambarakmidan kuu yorokmodanbed nedbimbon ari kuu doraibban.   
\q1
\v 6 Amborom kuu \nd Yarimanbed\nd* yorokmodan yi dobiri kiwaan kuu oone wedme kerendobirimaan,  
\q2 kumban arewa kamidan kuu monmari ye kiwaan ari weniib.   
\c 2  
\cl Yook 2 
\toc1 Buk Yook 
\toc2 Buk Yook 
\q1
\v 1 Ambibkin ambibkindan kuu komande wunekare wabkad keri dowad inamen nekwimaib?  
\q2 Kwane, komande yi kuu idiib kerindeban ye inamen nekwe nuubnaan kamiib?   
\q1
\v 2 Okad yiri ye kingdan korem menebe ibonmo dabokne inamen nekwe manmo keriib,  
\q2 \nd Yariman\nd* yoom yembed Kinoonman yoom yaa.   
\q1
\v 3 Yimbed yedmimaib, “Nub yaa korok kere ooni ye amob domokbem,  
\q2 yimbed saenbed nub yerengkiwen kuu benkirare obon kerem.” andimaib.   
\q1
\v 4 Ewen arimbed dibeen ye \nd Yariman\nd* Godbed  
\q2 yi yaa ambon kamende damangkandimaan.   
\q1
\v 5 Kwamekore ye norin arud yaambed yi yaa ongkandimaan.  
\q2 Kwane, ye arud darewoob yaambed yi yaa uniwon karakwon kerundimaan.   
\q1
\v 6 Kuye weng dandimaan kuu, “Neka nembed ne King kuu,  
\q2 ne aangko karadkono Saiyon arimbed nenkonaane oone doreen.” andimaan.   
\q1
\v 7 Kuye Kingbed yedmoon, “Nembed \nd Yariman\nd* ye amoweng kee baande daandaniin kei.  
\q1 Yembed ne yaa yedmoon, ‘Eb kuu ne Dana,  
\q2 kibikee ne kuu Ewambe keraan kii.   
\q1
\v 8 ‘Ne yaa kaamowaneeb kuu,  
\q2 ambibkin ambibkin korem kuu ebman ongmeni,  
\q2 okad yimin yimin kangkon kabdaniin.   
\q1
\v 9 ‘Ebbed oonaneeb ye aromkono kuu kamkonomo, awuri areb,  
\q2 kowe okad nunungbed meneki domokbe barad baradmo keremoon areb,  
\q2 ebbed yi yeene monmaraneeb.’” andoon.   
\q1
\v 10 Kwani kowe, kingdan, yiib kuu meeni kangdomiib meenime,  
\q2 okad kiri ooniibdan, yiib kuu ongkandi weng dakmaan kuu awinime.   
\q1
\v 11 Uniyiibbed \nd Yariman\nd* ye deme kuu awinime,  
\q2 une kiringmiyiibbed ye yaa kubime.   
\q1
\v 12 Ye Dana Mingki yaa bumangke yaningko kankoonime,  
\q2 kwanaibban kuu arud wandene,  
\q2 yiib wadkeri kuu wedyambed nare monmaraneen.  
\q1 Amborom kuu ye arud kuu kudmeniibban yurendimaan kowe.  
\q1 b Kane kane kuu Dana Mingkimbed kukbimaanbon aombed dobaraniib kuu yi korem kuu amun kerundaneen kii.   
\c 3  
\cl Yook 3 
\toc1 Buk Yook 
\toc2 Buk Yook 
\d Dewid ye yook. Ye dana Absalom yaambed kombiri wonoon yaron aombed wongkoon.  
\q1
\v 1 O \nd Yariman\nd*, ne bondan kuu yemoon!  
\q2 Ne yaa manmo keriwendan kuu yemoon!   
\q1
\v 2 Nimakarub yemoon kuu ne dowad kamune yedmimaib,   
\qr “Ye kuu Godbed arudbon aom kuu nenyeedaraanban.” andimaib. \it Selah\it*  
\q1
\v 3 O \nd Yariman\nd*, eb kuu kwamunemban, ebbed ne kombe areb kerimaab,  
\q2 ebbed ne yaa nambiri kaweneb arudkono kangdom kawimaab.   
\q1
\v 4 \nd Yariman\nd* yaa awawe ande baandaina,  
\q2 yembed ye aangko karadmo arimbed inanduwimaan. \it Selah\it*   
\q1
\v 5 Amnoon doboob kuu ne kuu yiri angkimbaraina waraana yaro dembimain,  
\q2 amborom kuu \nd Yarimanbed\nd* awawaane yiminmo dobirimain kowe.   
\q1
\v 6 Ne yaa bon kere kanawanewande kebeniwendan tausen yemooniib kuyaa kuu  
\q2 ne unainban.   
\q1
\v 7 O \nd Yariman\nd*, ne God, yeedere mene ne nen burudanduwe!  
\q1 Ne bondan korem kuu yi mongodkono aangkeneb,  
\q2 arewadan ne yaa manmo keriwen kuu yi ningkambo domangke.   
\q1
\v 8 Arudbon yaa burudande nenmini ye karub kuu \nd Yariman\nd*, yembedmo.  
\q2 Kowe, eb karuwa nimaya yaa amun amun kerunde. \it Selah\it*   
\c 4  
\cl Yook 4 
\toc1 Buk Yook 
\toc2 Buk Yook 
\d Yook ambo bi ye karub yeman. Nongbed wangki yemaniib. Dewid ye yook.  
\q1
\v 1 O ne nen koromone dorondandi ye God,  
\q2 eb yaa baandaka inanduwe.  
\q1 Ne dabab aom wanaan kuu ebbed awawi kawewen.  
\q2 Kowe, ne yaa mimyob keeweneb ne kurikuri wengambere.   
\q1
\v 2 O karuwa nimaya, yiib kuu aron komoyiibbed naningko nambiriyiib yaa damangkawembaraniib?  
\q2 Yiib kuu aron komoyiibbed idiibban yeman yaa dowakeniib kerenib iranmi yeman yaa onmembaraniib? \it Selah\it*   
\q1
\v 3 Kumban kaadkerime! \nd Yariman\nd* kuu ye kiwaan arimo doriibdan kuu ben yeka ye dowad angkara nongkoboon.  
\q2 Kowe, nembed \nd Yariman\nd* yaa baandaniin kuu wengamberewaneen.   
\q1
\v 4 Uniyiib kiringmime, ambarakmaib.  
\q2 Yiib angkimbon ari angkibka,  
\q2 yiib mimyob aom andangke darobe iwari kerime. \it Selah\it*   
\q1
\v 5 Yorokmo ye munob koni yeman konime,  
\q2 \nd Yariman\nd* yaamo angkumone dobirime.   
\q1
\v 6 Nimakarub yemoonbed yedmimaib, “Kanembed nub yaa amun kerundaneen? Dowan!” andimaib.  
\q2 O \nd Yariman\nd*, eb murubia ye nambiri kuu nub yaa nambere yurok.   
\q1
\v 7 Ne niindem aom kuu ebbed kubi darewoob onduknewewen.  
\q2 Kuu yimbed animan id yemoon ire wanabe wain ok yemoon ongmenib kubimaib kuu burudande arimbed kawewen.   
\q1
\v 8 Ne yiri angkimain kuu yewenubmo unuk angkimain,  
\q2 amborom kuu o \nd Yariman\nd*,  
\q2 ebbedmo ne nen kangkurudmo kebene oonewimaab.   
\c 5  
\cl Yook 5 
\toc1 Buk Yook 
\toc2 Buk Yook 
\d Yook ambo bi ye karub yeman. Yurin yeman. Dewid ye yook.  
\q1
\v 1 O \nd Yariman\nd*, eb kuu ne weng ke dakmandamaan kee wengambere.  
\q2 Ne kirindobi wareki keyaa meene.   
\q1
\v 2 Ne King, ne God,  
\q2 ne awawi kawi dowad eb yaa ke baandaan kee wengamberewe,  
\q2 amborom kuu eb yaa kurikuri kerimain kowe.   
\q1
\v 3 O \nd Yariman\nd*, amkimo kaimbed ne weng dakmaina wengambirimaab,  
\q2 amkimo kaimbed ne dowaken kaamobi kuu benmene eb arinambo ari nongkobekori,  
\q2 anam kwanuwaneeb andi ye meenimbed meedmimain kii.   
\q1
\v 4 Eb kuu inamen arewa yaa dowakenban ye God,  
\q2 arewa kaimaibdan kuu eb arinambo ari dobirindeban.   
\q1
\v 5 Kerengkan kamiibdan kuu eb indob ari dobirindeban,  
\q2 ambarakmidan kuyaa kuu arud wandeneb dowakenban anam kerewen.   
\q1
\v 6 Dudi weng dakmenabidan kuu ebbed monmaraneeb.  
\q1 Kumka o kuman yenbandidaniib birandidaniib kuyaa kuu \nd Yariman\nd* kuu komyeng baeb areb keroon.   
\q1
\v 7 Kumban eb womoniyiibban ye mimyob dowaken yaambed ne kuu eb ambiwoom awudaraniin,  
\q1 eb kurikuri ambib karadmo yaa bumangkaniin, ewaningko kankooni dowad.   
\q1
\v 8 O \nd Yariman\nd*, ne kuu bondaniib kowe,  
\q2 eb yorokmo dobiri yaambed ne nen kinban weneneb,  
\q2 yorokmo dobiri ye kiwaan ebbed ongmewen kuu korobe korokbewe.   
\q1
\v 9 Ne bondan yi dakmi ye weng kuu anam ande awini yemanban,  
\q2 yi niindem aom kuu monmari ye inamen kumbedmo.  
\q1 Yi mongkodem kuu dabunindo ye bobkonombon areb,  
\q2 kwane yi ongbed birandimaib.   
\q1
\v 10 O God, yi yaa wengyunde dabab konde.  
\q2 Yi wunonwanon weng kumbed yika yi meren monmarime.  
\q1 Yi ambarakmi yemoon kumbed ben ambibkin bunangka kirarundeneb ika mini kuu amob ande,  
\q2 amborom kuu eb yaa wabkad keriwen kowe.   
\q1
\v 11 Kumban kane kane yi kuu ebbed kukbimaabbon aombed dobirimaib kuu kubime,  
\q2 kwane yi kuu kubi yook wingkime.  
\q1 God, eb oonendi kumbed yi ari dabunende.  
\q2 Yi kuu eb yaa mimyob dowaken keebdiwen kowe, kwananeeb kuu eb yaa kubaniib kii.   
\q1
\v 12 O \nd Yariman\nd*, anam kuu ebbed yorokmodan kuu amun kerundimaab,  
\q2 kwane eb womoniyiibban ye mimyob dowaken kumbed yi yaa kuu yirim areb kanawanewandundimaab.   
\c 6  
\cl Yook 6 
\toc1 Buk Yook 
\toc2 Buk Yook 
\d Yook ambo bi ye karub yeman. Nongbed wangki yemaniib. \em Seminit\em* ye kiwaan wingki yeman. Dewid ye yook.  
\q1
\v 1 O \nd Yariman\nd*, eb norin wande ne yaa dedmone daawaab,  
\q2 eb arudbed ne arewa kami yaa didangkaab.   
\q1
\v 2 O \nd Yariman\nd*, naromkono kuu dowan kowe, ne yaa mimyob keewe.  
\q2 O \nd Yariman\nd*, ne kono aom kuu banabeen kowe, ongmewe.   
\q1
\v 3 Kwane, ne kingkin kumundin kuu dabab keroon.  
\q2 O \nd Yariman\nd*, komo aron arimbed eb awawi kuu ne yaa mananeen?   
\q1
\v 4 O \nd Yariman\nd*, ika mene ne nen bobni yaa kuu burudande obon keruwe.  
\q2 Eb womoniyiibban ye mimyob dowaken kumbed burudande obon keruwe.   
\q1
\v 5 Dukniwendan kuu eb yaa meendobimokban, dowan.  
\q2 Kane kanembed bobkonombon aom doriib kuu ewaningko kankoonimaib dee? Dowan!   
\q1
\v 6 Ne kuu warekembiri kumbed wuudne aromkonoyiibban keraan.  
\q2 Amnoom doboob kuu ne angkimbon ari yuudaneni,  
\q2 ne ambongkoni yeman kuu inokbed deendimaan.   
\q1
\v 7 Ne indob kuu inok wembiri kumbed yiminban keroon.  
\q2 Nindob kuu ne bondanbed kwamiib kumbed wuudne kirobeen.   
\q1
\v 8 Yiib arewa ambangkidan korem, ne yaa angkanime,  
\q2 amborom kuu \nd Yarimanbed\nd* ne yuudi kuu wengamboroon kii.   
\q1
\v 9 \nd Yariman\nd* yaa mimyob keewe awawe ande baandaan kuu wengamboroon.  
\q2 Ne kurikuri yaa kuu \nd Yariman\nd* wengamberene ee yimin andoon.   
\q1
\v 10 Ne bondan korem kuu karak bobnenib yi niindem aom kuu dabab kerundaneen,  
\q2 kwane yi kuu kudmeniibban wedyambed yidbobne koronde ika wananiib.   
\c 7  
\cl Yook 7 
\toc1 Buk Yook 
\toc2 Buk Yook 
\d Dewid ye \em sigaiyon\em* ye yook, \nd Yariman\nd* yaa wingkoon, Benjaminman Kus ye dowad.  
\q1
\v 1 O \nd Yariman\nd* ne God, ebbed kukbimaabbon aombed dobirimain kowe,  
\q2 ne nen kane kanembed nenmo yariibdan yi dingki ari kowaab, yi yaa kuu ne nen burudande obon keruwe.   
\q1
\v 2 Ne nen burudande obon keruwaabban kuu, yi kuu ne yaa laiyonbed aye worobe kurubkurub keremoon areb kamaniib,  
\q2 kwane ne nen wananiib kuu karub maambed ne nen yi yaa burudande obon keruwaanban.   
\q1
\v 3 O \nd Yariman\nd* ne God, ne kuu komo kamaan?  
\q2 Ne dingki aom kuu ambarakmiyiib dee?   
\b  
\q2
\v 4 Ne angkodmi nende ye bondan yaa kondaan dee?  
\q2 Ne yaa manmo keroonman kuu idiibban kumbed anbande ye yiribman yid baan dee? Dowan!   
\q1
\v 5 Kwane ambarakmako wedmebka, korondebko ne bondanbed nenmo menenib awinewe nendime,  
\q2 kwane korondebko ne wadkeri monmarenib  
\q2 ne id kan okad kuri keende winime. \it Selah\it*   
\q1
\v 6 O \nd Yariman\nd*, eb norin yaambed yaro dembe.  
\q2 Ne bondanbed norin wandiwen yaa kuu ebbed yaro dore kebene.  
\q2 Ne God, ebbed kwane ne dowad yaro dembe. Eb kuu wengyundi yaron kowewen.   
\q1
\v 7 Kwane, ambibkindan korem nedbiwen kuu ewiib yaa menebe awanewandime.  
\q2 Ewen arimbed yi yaa oonende.   
\q1
\v 8 \nd Yarimanbed\nd* ambibkindan korem yaa wengyundok.  
\q1 O \nd Yariman\nd*, ne yorokmo dobiriyiib aadidmiyiibbaniib kuyaambed ne yaa wengyundeneb ma ambarakmindo ande.   
\q1
\v 9 O God yorokmo, eb kuu nimakarub yi inamen aomiib niindem aomiib kuu andangke darobimaab kowe,  
\q2 arewadan yi kamenabi kuu ben mene dowan kere.  
\q2 Kwane, yorokmodan kuu ben komombed ma yaanban aom nongkobe.   
\q1
\v 10 Ne dorondandi ye kombe kuu God,  
\q2 kaneya yi niindem aom kuu kangdommo kuu yembed ben burudande obonmo kerundimaan.   
\q1
\v 11 God kuu yorokmo wengyundi ye karub,  
\q2 ye kuu aron mimim korem arud wandimaan ye God.   
\q1
\v 12 Arewadan kuu amonombaibban keraniib kuu,  
\q2 Godbed ye kerewang kande deedmene,  
\q2 ye anangkab kande nikbe yekbad uunaneen.   
\q1
\v 13 Kwane, kabonman ye kumana anaya kuu nekwoon,  
\q2 kwane ye ana yumbuyiib kuu ben ware boknoon.   
\q1
\v 14 Arewaman kuu inamen arewa meendobene,  
\q2 yena yaa dabab kondi ye inamen kowene birandimaan.   
\q1
\v 15 Yembed dem ongme kwane nidke ben angka kiranmimaan kumban,  
\q2 yeka dem ongmoon kuyaom kombirimaan.   
\q1
\v 16 Dabab kondi ye inamen kowimaan kuu ika ye ari menebimaan,  
\q2 kwane ye monmari ye inamen kowimaan kuu yeka yemeren monmarimaan.   
\q1
\v 17 \nd Yariman\nd* kuu yorokmo ambangkimaan kowe ye yaa eso andeni,  
\q2 Korem Burudandoon Arimbed Ye \nd Yariman\nd* yaa aningko kankooni ye yook wingkaan.   
\c 8  
\cl Yook 8 
\toc1 Buk Yook 
\toc2 Buk Yook 
\d Yook ambo bi ye karub yeman. \em Gitit\em* ye kiwaan wingki yeman. Dewid ye yook.  
\q1
\v 1 O \nd Yariman\nd*, nub Yariman,  
\q2 ewaningko kuu nambiri manimanandewiib, okad kiri ye kumkam korem burudande arimbed keroon kii!  
\q1 Eb nambiri kuu Ewen burudande arimbed kowewen.   
\q1
\v 2 Ebbed nekwaawe dana monowiib dana danayiib ewaningko kankooni ye yook wingkimaib,  
\q2 amborom kuu eb kuu bondaniib kowe,  
\q2 eb bondaniib kakman konde yenbandidaniib kuu ebbed kebenendaneeb.   
\q1
\v 3 Ambidiib Eweniib kuu ebman, eb dingkimbed ongmenabewen,  
\q2 kwane woodiib mindongiib kuu ebbed ongmenabe nongkobewen.  
\q1 Kuyaa wedme meendobimain kumbed   
\q1
\v 4 kwane kaamonimain, “Nimakarub kuu kaneyakob eb kuu yi yaa meenmo doreeb?  
\q2 Yi dana kuu kaneyakob eb kuu yi yaa oone doreeb?” andimain.   
\q1
\v 5 Engyus yi dobiri yaromkono kuu ari, nimakarub yi dobiri yaromkono arebban kuned,  
\q2 nimakarub yiman kuu engyus yiman areb ebbed kowewen.  
\q1 Kwane, eb kuu nimakarub yaa nambiriyiib dobiri manimanandewiib bangkandewen.   
\q1
\v 6 Yi kuu ebbed ben eb dingkimbed ongmenabewen ye kumkam oonidan ongmewen,  
\q2 kwane kumkam korem ben yi dabderem yiri nongkobewen,   
\q1
\v 7 sibi koremiib buromakau koremiib dingkan kiiwiib   
\q1
\v 8 ayari oniib ok yiri ooniib karamok yiri dingkan koremiib kui.   
\q1
\v 9 O \nd Yariman\nd*, nub Yariman,  
\q2 ewaningko kuu nambiri manimanandewiib, okad kiri ye kumkam korem burudande arimbed keroon kii!   
\c 9  
\cl Yook 9 
\toc1 Buk Yook 
\toc2 Buk Yook 
\d Yook ambo bi ye karub yeman. “Dana Bobnoon” ye yook ye kiwaan yaambed wingki yeman. Dewid ye yook.  
\q1
\v 1 O \nd Yariman\nd*, ne niindem aom kumundin kumbed ewaningko kankoonaniin,  
\q2 kwane binangke eb kuu anam andi yeman korokbendewen kuu dakmaniin.   
\q1
\v 2 Eb yaa dowakeniib kubiyiib kerubdaniin,  
\q2 Korem Burudandoon Arimbed Ye God, ne kwane ewaningko yaa kubebdeni wingkaniin.   
\q1
\v 3 Eb angkaderewen kowe, ne bondan kuu yiminban kere ika winiwen,  
\q2 kwane yi kuu kirobe dukne winiwen.   
\q1
\v 4 Amborom kuu eb kuu kangdod yumbon ari kuu dibere yorokmombed wengyundimaab kowe,  
\q2 ne inamen kuu ebbed wengyunde ee yimin andewen.   
\q1
\v 5 Ebbed ambibkin maa maadan yaa kamkono weng kondeneb, arewa kamiibdan kuu ben monmarewen,  
\q2 kwane yi aningko kuu arewen kumbed dowan keroon, aron korem ye dowad.   
\q1
\v 6 Aron korem ye monmari kuu bondan yaa meneboon,  
\q2 kwane yi kambong kuu ebbed monmarewen,  
\q2 kedi, yi aningko kuu nonondande dowan keroon kii.   
\q1
\v 7 Kumban \nd Yariman\nd* kuu aron korem oonembaraneen,  
\q2 kwane ye dibere kangdod kondimbon kuu nekwoon.   
\q1
\v 8 Ye kuu okad yiridan ben yorokmombed wengyundaneen,  
\q2 kwane ye kuu ambibkin mimimdan yaa konomdangmo wengyundaneen.   
\q1
\v 9 \nd Yariman\nd* kuu dabab wayiroondan yi ben kukbimbonman,  
\q2 kwane ye kuu yobdood meneboon yaa aromkonoyiib dobirimbonman.   
\q1
\v 10 O \nd Yariman\nd*, eb yikaaddan kuu eb yaambed yonenib ebbed kwananeeb ande inamen kowaniib,  
\q2 amborom kuu eb ande miniwendan kuu eb kuu yi yaa angkurom korokbaabban kowe.   
\q1
\v 11 \nd Yariman\nd* kuu Sayion arimbed oone dobirimaan, ye yaa kubene wingkime,  
\q2 kwane yembed komo ambangkoon kuu ambibkin mimimdan aom yaa dakmime.   
\q1
\v 12 Amborom kuu kumka o kuman kamiibdan yaa kakman inandi ye God kuu dabab meneboondan yaa meenimaan,  
\q2 yi kuu ye yaa kwane baandimaan kowe yi yaa akmen naknod kere nonondandimokban kui.   
\q1
\v 13 O \nd Yariman\nd*, ne bondanbed durud yewed ke kawiwen kee wedmende.  
\q2 Mimyob keeweneb bobni ye ambongko yaa kee nenkone burudande.   
\q1
\v 14 Kwanebko, Saiyon ye mungkan Yerusalem yu kuuk ambongkodem aombed  
\q2 ewaningko kankooni weng korem dakmeni,  
\q2 bobni yaa burudande bindi ye kiwaan ebbed ongmewen ye dowad kuba.   
\q1
\v 15 Ambibkin mimim kuu yi bondan kirobime andi ye dem nidkiwen kuu yika kuri kirobiwen,  
\q2 kwane yi yon kuu yika yi kawaad nong kowe bikniwen kumbed awindoon.   
\q1
\v 16 \nd Yariman\nd* kuu ye wengyundi yorokmo kumbed ye inamen korokboon,  
\q2 kwane arewa kamidan kuu yika yi dingkimbed komo ambangkiwen kumbed kawaad nongbed awindemoon areb keriwen.   
\qr Higaiyon. \it Selah\it*  
\q1
\v 17 Arewa kamidan kuu ika bobkonombon yiri wananiib,  
\q2 God yaa wunekare nonondandiwen ye ambibkin mimimdan korem kui.   
\q1
\v 18 Kibikee kamboknondan kuu awandiyiibban kumban Godbed aron korem yi yaa nonondandaanban,  
\q2 Godbed kwananeen ande meeni ye inamen kuu kibikee yobdood meneboondan yaa kuu dowan, kumban aron ari kuu kuye inamen kuu ika awinaniib.   
\q1
\v 19 O \nd Yariman\nd*, yaro dembe.  
\q2 Korondaawa kangdod aom kuu karubbed eb kan kubunaib.  
\q2 Ambibkin mimimdan kuu eb kerebiri arimbed kangdod kerunde.   
\q1
\v 20 O \nd Yariman\nd*, yi kuu ongmendebko unime.  
\q2 Korokbendebko, ambibkin mimimdan kuu nimakarub dokmenmo kuu yikaadkerime. \it Selah\it*   
\c 10  
\cl Yook 10 
\toc1 Buk Yook 
\toc2 Buk Yook 
\q1
\v 1 O \nd Yariman\nd*, komoyiibkob eb kuu ambab angkambed kwane doreeb?  
\q2 Komoyiibkob dabab kandimaub yaron ari kuu biknekoreb wedmendimokban kerimaab?   
\q1
\v 2 Arewa kamembiri ye karub kuu ye kerengkan kumbed kamboknondan yenbande yarimaan kowe,  
\q2 ye kuu yena yaa wunonwanon ye inamen meenimaan kumban ebbed ye nen kuye inamen ye dabab aom kowe.   
\q1
\v 3 Arewa kamembiri ye karub kuu ye inamen dowaken arewa kuyaa kerengkan kaimaan,  
\q2 kwane yembed kirimdan yaa amun kerundekore \nd Yariman\nd* yaa butun kaimaan.   
\q1
\v 4 Arewa kamembiri ye karub kuu ye kerengkan kaimaan kumbed God ande onmimokban,  
\q2 kwane ye meeni inamen aom kuu God yaayiib ma meenimokban.   
\q1
\v 5 Arewa kamembiri ye karub kuu yiribman bi ye kiwaan ongimaan kuu yiminmo kerimaan kuned,  
\q2 eb wengyundi ye inamen kuu arimo, ye kuu kuyaa wedme yekaadkerindeban,  
\q2 kwane ye bondan yaa kuu wooyo ande ambon baandimaan.   
\q1
\v 6 Kwane, yeka yemeren yedmimaan, “Komombed ne kuu ma nen yiri kubunaanban,  
\q2 aron korem kubimo dobaraniin, ne yaa dabab ma manaanban.” andimaan.   
\q1
\v 7 Ye mongkodkono aom kuu butun kamiyiib dudanabiyiib yenbandaniin andiyiib kumbedmo,  
\q2 kwane dabab kondiyiib arewa kamiyiib ye weng kuu kirod dakmaneenmo.   
\q1
\v 8 Ye kuu kambong diambed kakubuk bikne meedmimaan,  
\q2 kwane biknimbon yaambed ambarakmiyiibbandan ogood kuyaa kumka yimaan,  
\q2 kwane yewed kondandameendan yaa kuu yemyeb bikne keendombirimaan.   
\q1
\v 9 Ye kuu laiyon areb biknimbon yaambed kakubuk bikne meedmimaan,  
\q2 kwane ye kuu angkimbere meedmene kamboknondan awindande kaimaan,  
\q2 kwane awindekore ye oon bi ye men aom kamobe be irin wenemoon areb kamimaan.   
\q1
\v 10 Kamboknondan kuu yembed ben yiri kiradme yob beengkemoon areb kamimaan,  
\q2 kwane yi kuu ye aromkonombed ben yiri kubunimaan.   
\q1
\v 11 Arewa kamembiri ye karubbed yeka yedmimaan, “God kuu nonondandoon,  
\q2 ye murubia kuu kebenekore wedmewimokban.” andimaan.   
\q1
\v 12 O \nd Yariman\nd*, yaro dembe! Eb dingki kankoone yire.  
\q2 O God, dabab kandiwendan yaa nonondandundaab.   
\q1
\v 13 Arewa kamembiri ye karub kuu komande God yaa butun kaimaan?  
\q2 Komande yekareb yedmimaan, “Nembed komo kamiin yaa kuu ye kuu wengyundaanban.” andimaan?   
\q1
\v 14 Kumban, o God, eb kuu dabab menebiyiib mimyob wandiyiib yaa kuu wedmimaab,  
\q2 kuyaa kuu ben awandi ye dowad meenimaab.  
\q1 Dabab kandoonman kuu yekareb eb dingki ari kowimaan,  
\q2 kwane anenabdan yaa kuu ebbed awandimaab.   
\q1
\v 15 Arewa kamembiri ye karub ye aromkono kuu ebbed domangke nen angkadere.  
\q2 Ye arewa kamembiri kuu ebbed wengyunde dabab kone yemoon keraneeb kumbed ye inamen arewa kuu dowan keraneen.   
\q1
\v 16 \nd Yariman\nd* kuu aron korem korem ye king keroon,  
\q2 kwane ye weng wengambaraibban ye ambibkindan kuu ye okad ambab angkambed duknaniib.   
\q1
\v 17 O \nd Yariman\nd*, dabab kandiwendan yi meeni dowaken kuu ebbed wedmeneb,  
\q2 ebbed yi yaa kube ongkandeneb yimbed eb yaa baandi kuu ebbed wengamberendimaab.   
\q1
\v 18 Anenabdaniib dabab wayiroondaniib kuu ebbed dorondarundimaab,  
\q2 okad yiridanbed uniwon karakwon kondi kuu dowan kerok anded.   
\c 11  
\cl Yook 11 
\toc1 Buk Yook 
\toc2 Buk Yook 
\d Yook ambo bi ye karub yeman. Dewid ye yook.  
\q1
\v 1 \nd Yarimanbed\nd* kukbimaanbon aombed dobirimain.  
\q2 Kowe, inamen arewaman, eb kuu kanekob ne yaa kuu ke yedmewewen kei,  
\q1 “Ayari on areb ewaangko ari wanwene.   
\q1
\v 2 Kedi, wedme. Arewa kamembiridan kuu yi ana ben yekbad yaa dedmobenib,  
\q2 yi anangkab angkokbimaib.  
\q1 Yi kuu kumun aombed niindem aom yorokmo kere doriibdan yaa  
\q2 baradmande doriib.   
\q1
\v 3 Kwane, ambokab yiri ye inamen monmarimaib kowe,  
\q2 yorokmodan kuu komo keraniib?” andewen, komarewa kii?   
\q1
\v 4 \nd Yariman\nd* kuu ye kurikuri ambib karadmo aom doreen,  
\q2 kwane \nd Yariman\nd* kuu ye dibere oonimbon Ewen ari dibeen.  
\q1 Ye kuu nimakarub korem yaa ongme keendombirimaan,  
\q2 ye indob kuu nimakarub yi niindem aom andangkimaan.   
\q1
\v 5 \nd Yariman\nd* kuu yorokmodan yi niindem aom andangkimaan,  
\q2 kumban arewa kamembiridaniib yenbandi yaa dowaken keriwendaniib yaa kuu ye kingkinbed arud wandembirimaan.   
\q1
\v 6 Arewa kamembiridan yaa kuu amoyidkowiib bod sulfaa yumbuyiib  
\q2 kiradmaneene am areb yi ari kirobaneen.  
\q2 Kwane, nimin kaiyiib ye nuub kumbed yi yaa wurumembirimbon aom nongkobaneen.   
\q1
\v 7 Amborom kuu \nd Yariman\nd* kuu yorokmo,  
\q2 ye dowaken darewoob kuu yorokmo kamime anded,  
\q2 kwane kangdommo doriibdan kuu ye murubia wedmaniib.   
\c 12  
\cl Yook 12 
\toc1 Buk Yook 
\toc2 Buk Yook 
\d Yook ambo bi ye karub yeman. \em Seminit\em* ye kiwaan wingki yeman. Dewid ye yook.  
\q1
\v 1 \nd Yariman\nd*, awawe. Eb kerekmen yaa doriibdan kuu dowan,  
\q2 anam anam yaa ma korondiyiibban awinimo doriibdan kuu nimakarub aombed wenebe dowan keriwen.   
\q1
\v 2 Nimakarub korem kuu yi dia doriibdan yaa birandimaib,  
\q2 kwane kobkob weng kuu yi mongkodem aombed menebimaan birandi ye dowad.   
\q1
\v 3 Kwane, kobkob weng dakmidan kuu \nd Yarimanbed\nd* kebenendok.  
\q2 Kwane, kane kanembed kerengkan kame   
\q1
\v 4 “Nubkareb aromne dakmenabanuub kumbed yena yaa burudandande yi korok keranuub.  
\q2 Nub komo dakmandamuub kuu kumbedmo, karub maambed kebendaanban.” ande dakmimaib kuu \nd Yarimanbed\nd* kebenendok.   
\q1
\v 5 \nd Yarimanbed\nd* yedmoon, “Kamboknondan kuu arewa kamidanbed ben dabab wayiroon kuyiib  
\q2 yenbandiwendan wareki kamiib kuyiib wedmaan kowe,  
\q2 kibireb kee yaro dobaraan.  
\q1 Yaro dobere yi dowaken yaambed dorondande awandaniin.” andoon.   
\q1
\v 6 Kwane, \nd Yariman\nd* ye weng kuu karadmo, ma arewayiibban.  
\q2 Ye weng kuu bot silvaa kande nengkanabi yeman aom kamone  
\q2 yankoren anam keri dowad nengke ika ika kame ediib kerimaib kwane areb, karadmo kai.   
\q1
\v 7 O \nd Yariman\nd*, ebbed nub ben ongme oonaneeb,  
\q2 kwane kuye arewa kamidan yaa kuu ebbed nub ben dorondandaneeb, aron korem.   
\q1
\v 8 Inamen miin arewa kuu nimakarub inamen amun ande kamiib kumbed  
\q2 arewa kamidan kuu okad kuyaa nubkob ande kerengkan kame yarimaib.   
\c 13  
\cl Yook 13 
\toc1 Buk Yook 
\toc2 Buk Yook 
\d Yook ambo bi ye karub yeman. Dewid ye yook.  
\q1
\v 1 O \nd Yariman\nd*, eb kuu aron komoyiib ne yaa meenaabban?  
\q2 Aron korem nonondanduwaneewoo?  
\q2 Aron komoyiib ne yaa angkurom korokbewaneeb?   
\q1
\v 2 Aronkiyiib amnoomiib mimyob wandimain kowe,  
\q2 aron komoyiib ne inamen aom dabab kandembaraniin?  
\q2 Aron komoyiib ne bonman kuu ne burudande doraneen?   
\q1
\v 3 O \nd Yariman\nd* ne God, ne yaa wedmewe inanduwe.  
\q2 Ne id yaa aromkono konebko nindob yimin kerok. Kwanaabban kuu angke bobnaniine,   
\q1
\v 4 ne bonmanbed “Ye kuu nembed bidkonaan.” ande yedmaneene  
\q2 ne bondanbed ne kombaraan yaa kubaniib kii.   
\q1
\v 5 Kumban ne kuu eb womoniyiibban ye mimyob dowaken yaa angkimbaraneen andimain,  
\q2 kwane ne niindem aom kuu bobni yaa burudande bindi ye kiwaan ebbed ongmewen ye dowad kubimain.   
\q1
\v 6 Ne kuu \nd Yariman\nd* yaa wingkaniin,  
\q2 amborom kuu ye kuu ne yaa amunmo kamoon kowe.   
\c 14  
\cl Yook 14 
\toc1 Buk Yook 
\toc2 Buk Yook 
\d Yook ambo bi ye karub yeman. Dewid ye yook.  
\q1
\v 1 Inameniibbandan kuu yi niindem aom kuu  
\q2 “Godiibban, dowan.” ande yedmimaib.  
\q1 Yi kuu yorokmomban, unitab, yi ambangki kuu komyengiib,  
\q2 yi kuyaa mimo kanembed ma amun kamimokban.   
\q1
\v 2 \nd Yariman\nd* kuu Ewen arimbed kiri nimakarub korem yaa kerendeen,  
\q2 ye kuu karub mim mim kanembed inamen kande God ye kiwaan yaa onme dobiridan kuu wedmanded.   
\q1
\v 3 Kumban yi korem kuu amonombe yangmad kere kimyen wenebiwen,  
\q2 kwane yi kuu ibonmo yorokmoyiibban unitab keriwen.  
\q1 Yi mim kuyaa kuu kanembed ma amun kamimokban,  
\q2 korem dowan kai.   
\q1
\v 4 Arewa kamidan kuu ma kaadkeraniib dee?  
\q2 Kedi, yi kuu om anemoon areb ne karuwa nimaya monmarimaib,  
\q2 kwane yi kuu \nd Yariman\nd* yaa ma baandimokban.   
\q1
\v 5 Kumban yi kuu unimbed de derendande onekandoon,  
\q2 amborom kuu God kuu yorokmodan yoom doreen kowe.   
\q1
\v 6 Arewa kamidan, yiib kuu kamboknondan yi inamen kowiwen yaa kebenimaib,  
\q2 kumban yi kuu \nd Yarimanbed\nd* kukbimaanbon aombed dobirimaib.   
\q1
\v 7 O, Israeldan yi bondan burudande obon kerundi ye karub kuu aangko Saion arimbed angkadere monok.  
\q2 Kuyaron kuu \nd Yarimanbed\nd* ye nimaya karuwa ben obonmo kerunde yiminmo kerundaneen.  
\q2 Kwanoka Yekob ye meed Israeldan kuu dowaken kere kubime.   
\c 15  
\cl Yook 15 
\toc1 Buk Yook 
\toc2 Buk Yook 
\d Dewid ye yook.  
\q1
\v 1 O \nd Yariman\nd*, eb kurikuri ambib aom aomni kuu kane kuu yimin?  
\q2 Ewaangko karadmo ari dobiri kuu kane kuu yimin?   
\q1
\v 2 Kuye karub kuu ambarakmoon ande kadwoniyiibban,  
\q2 kwane ye kuu yorokmo yaambed ambangkene,  
\q2 ye niindem aom kuu anammo kumbed anammo dakmimaan.   
\q1
\v 3 Kwane ye kuu wengamborokbandimokban,  
\q2 ye kuu ye dia doriibdan yaa ma ambarakmendimokban,  
\q2 kwane ye angkodmi yaa kobkob daanubdaanab kamimokban.   
\q1
\v 4 Kwane ye kuu arewa kamimaibdan yaa kuu odkeneb kerimaan,  
\q2 kumban kane kane \nd Yariman\nd* yaa uniwendan kuu yi aningko kankoonimaan.  
\q1 Kwane ye amob ongmoon kuu no awinaneen,  
\q2 kuye amob awinaneen kumbed dabab menebaneen kuned.   
\q1
\v 5 Ye kuu od bangkandekore ika ari iniyiib yedme kandaanban,  
\q2 kwane ye kuu arewa kamidan yi od yemyeb kandene ambarakmindoman yaa ambarakmoon ande yedmaanban.  
\q1 Kane ye kuu keamune kamaneen kuu  
\q2 kiringmaanban kangdommo keraneen.   
\c 16  
\cl Yook 16 
\toc1 Buk Yook 
\toc2 Buk Yook 
\d Dewid ye \em miktam\em* ye yook.  
\q1
\v 1 O God, ne nen dorondande,  
\q2 amborom kuu ebbed kukbimaabbon aombed dobirimain kowe.   
\q1
\v 2 Nembed \nd Yariman\nd* yaa yedmaan, “Eb kuu ne Yariman,  
\q2 kumkam amun ne yaa dangoon kuu eb yaambedmo.” andaan.   
\q1
\v 3 Karadmodan okad kiri doriib kuu  
\q2 nambiri manimanandewiib,  
\q2 ne kubi dowaken korem kuu yi yaa angkeen.   
\q1
\v 4 Kane kane god yena yaa winimaib yi mimyob wandi kuu  
\q2 maa ariyiib kan dabokne wananeen.  
\q1 Yi god yaa dingkan aye nengke baeb kone umkan onduknimaib kuu wene daboknainban,  
\q2 kwane yi god yi aningko kankoonainban.   
\q1
\v 5 \nd Yariman\nd*, ne dobiriyiib yumboniib kuu ebbed ongmewen.  
\q2 Ari ne komo keraniin kangkon ebbed ooneeb.   
\q1
\v 6 Okad yimin yaa nariwen kuu ne dowaken yaambed ongmiwen.  
\q2 Anam kuu nokad kawewen kuu kubimo yeman.   
\q1
\v 7 Ne kuu \nd Yariman\nd* yaa kubaniin, yembed kedmengkawimaan kowe,  
\q2 kwane amnoom kangkon ne inamen meeni ye kiwaan kumbed inamen amun korokbewimaan.   
\q1
\v 8 Ne kuu \nd Yariman\nd* kuu barang darewoob ande meenimain.  
\q2 Ye kuu ne dingki wiwi angka doreen kowe,  
\q2 ne kuu kiringmaanban kangdommo keraniin.   
\q1
\v 9 Kwane kowe, ne mimyob kuu kubeena ne ong kangkon kubeen.  
\q2 Ne id kangkon uniyiibban dobaraneen.   
\q1
\v 10 Amborom kuu ebbed ne kuu bobkonombon yiri aron korem domowawe deendainban,  
\q2 kwane korondaawe eb Karadmoman kuu bobne deendaanban.   
\q1
\v 11 Ebbed wadkeri ye kiwaan kuu korokbewewen.  
\q2 Kwane eb arinambo arimbed ne yaa kubi kawaneeb,  
\q2 aron korem ye kubiyiib eb dingki wiwi angkambed kui.   
\c 17  
\cl Yook 17 
\toc1 Buk Yook 
\toc2 Buk Yook 
\d Dewid ye kurikuri yook.  
\q1
\v 1 O \nd Yariman\nd*, wengyundi amun kawe ande kaamobdako wengambere.  
\q2 Ne baandi kee wengambere.  
\q1 Ne kurikuri kee wengambere,  
\q2 ne weng kee birandi ye inamen yaambed dembindo kowe.   
\q1
\v 2 Ebbed ne dowad wengyunde ma ambarakmindo ande,  
\q2 ewindobbed yorokmo kiwaan wedme.   
\q1
\v 3 Eb kuu ne niindem aom wedmene amnoombed andangkewe,  
\q2 kombon darobewimaab kumban ambarakmi maa ma wedmaabban.  
\q1 Ne inamen kowaan kuu ne wengbed ambarakmain andaan,   
\b  
\q2
\v 4 okad yiridan kwamunemban.  
\q1 Eweng awine kandaan kowe,  
\q2 yeremboromdan yi kiwaan yaa kangkadmimain.   
\q1
\v 5 Ne kuu eb kiwaan yirimo dodkanmo weniin,  
\q2 ne yon kuu ma monkare kimyen angka ma dodkan winindo.   
\q1
\v 6 O God, ne kuu eb yaa baandimain,  
\q2 amborom kuu ebbed inanduwimaab kowe,  
\q1 kerendem kawe ne kurikuri wengambere.   
\q1
\v 7 Kane kane yi bondan yaambed kirokmone ebbed kukbimaabbon aombed dobirimaib kuu,  
\q2 eb dingki wiwimbed ben burudande bindimaab kowe,  
\q2 eb womoniyiibban ye mimyob dowaken miin darewoob yi yaa korokbende,  
\q2 kukuu binangki yeman, miin darewoob anam kowe.   
\q1
\v 8 Ewindobbed ebka dorondandemoon areb ne nen dorondande.  
\q2 On ayam yu mana kuu yu dongkon dem aom nen biknemoon areb ne nen bikne.   
\q1
\v 9 Arewa kamidanbed nenbandande kamiib yaa kuu kwane dorondande,  
\q2 ne neene kowandamiibdan ne kanawanewandiwen yaa kui.   
\q1
\v 10 Yi mimyob keendi kuu dowan kai,  
\q2 yi kuu kerengkan kami ye wengmo dakmimaib.   
\q1
\v 11 Yi kuu ne kerewenmo miniwen kumbed kibikee ne kanawanewandiwen,  
\q2 kwane kereknenmo dorenib ne nen okad yiri korarande doriib.   
\q1
\v 12 Yi kuu laiyonbed dingkan mungi bobnemoon areb doriib,  
\q2 laiyon darewoobbed biknimbon aombed kerekne diberemoon areb kui.   
\q1
\v 13 O \nd Yariman\nd*, yaro dembe! Yi durunde yenbande ben yiri kubudere.  
\q2 Eb kerewangbed arewa kamidan yaa ne nen burudande angka kowe.   
\q1
\v 14 O \nd Yariman\nd*, eb dingkimbed karub kwamenabimaib yaa ne nen burudande angka kowe,  
\q2 okad kiridan okad yiri ye wadkeri ye kakmanmo kandi dowad kwanimaibdan yaa kui.  
\q1 Ebbed bobne komberewendan yaa kuu animan bangkandaawe ane mikmonaiwe yi mungi dowan kerimaan,  
\q2 kwane yi meed kangkon yiminmo dobirimaib,  
\q2 kwane kuye bangkandembiri yeman kuu yi awoya yaa kangkon angkeen.   
\q1
\v 15 Kwane, ne kuu yorokmo dobiri yaambed eb murubia wedmaniin.  
\q2 Kwane ne kuu unuk yirimbed yaro dembaniin kuu eb kuru wedmeni kubaniin.   
\c 18  
\cl Yook 18 
\toc1 Buk Yook 
\toc2 Buk Yook 
\d Yook ambo bi ye karub yeman. \nd Yariman\nd* ye dememan Dewidbed wongkoon. \nd Yarimanbed\nd* Dewid ye bondan koremiib Sooliib yaambed ye nen burudande angka kowoon kumbed keye yook wingkoon, \nd Yariman\nd* yaa.  
\q1
\v 1 O \nd Yariman\nd*, eb kuu ne aromkono, eb yaa mimyob dowaken keebdaan.   
\q1
\v 2 \nd Yariman\nd* kuu ne aromkonombon, ye kuu ne aromne angkumonimbon, ye kuu arud barang yaambed ne nen burudande angka kowi ye karub.  
\q1 Ne God kuu ne aromkonombon, yembed kukbimaanbon aombed dobirimain.  
\q1 Ye kuu ne kombe, ye kuu bobni yaa ne nen burudande bindi yaromkono, ye kuu ne dorondarimbon.   
\q1
\v 3 \nd Yariman\nd* kuu amunmo kowe yaningko kankooni kuu yimin.  
\q2 Ne kuu ye yaa baandimain kowe,  
\q2 ne bondan yaa ne nen burudande angka kowimaan.   
\q1
\v 4 Bobni ye kibin abakbed ne kuu yerengkoon,  
\q2 kwane monmari ye barang kuu urok yuknemoon areb ne burudandoon.   
\q1
\v 5 Bobkonombon ye kibin abakbed ne yaa kanawanewawoon,  
\q2 kwane bobni ye warabbed ne kebenewoon.   
\q1
\v 6 Ne mimyob wande miin yiminban keraan kumbed \nd Yariman\nd* yaa baandaan,  
\q2 kwane ne God yaa awawok ande komkaan.  
\q1 Kwane, ye kurikuri ambib aombed ne weng kuu wengamboroon,  
\q2 ne baandi kuu wene ye kerendem aom aomnoon.   
\q1
\v 7 Okad kuu binangkiyiib dowodkiyiib keruune,  
\q2 aangko angkumonimbon kuu ben kiringmeen.  
\q2 Yi binangkiwen kuu Godbed norin wandoon kowe.   
\q1
\v 8 Amareng kuu ye kiringkono dembed dembenaboon,  
\q2 kwane dene dowan keri ye amoyiib amoyidkowiib kuu  
\q2 ye mongkodembed dembenaboon.   
\q1
\v 9 Ye kuu ambid birinde kan yone yiri kamonoon,  
\q2 kwane ye yon dad dabderem yiri kuu wiib kumun miriknimbonmo.   
\q1
\v 10 Ye kuu engyu burawiib arimbed dibere wanwonoon,  
\q2 kwane ye kuu nuub arimbed wanwonoon.   
\q1
\v 11 Ye kuu kumun kande ye dabuni yeman kerundoon,  
\q2 ye dabuni yeman kuu ambid ye amokambid.   
\q1
\v 12 Ye kerebiri ye nambirimbon kumaombed wiib yeeduruune  
\q2 am boyareb yurukmo kuyiib amoyidkowiib angkadereboon.   
\q1
\v 13 \nd Yariman\nd* kuu Ewen arimbed nambad areb baandoon,  
\q2 kwane Korem Burudandoon Arimbed ye God ye weng yuud kuu derendaroon.   
\q1
\v 14 Ye ana barandoona bondan kuu kirokmone buyokbayok keriwen,  
\q2 kwane imak aande yenbandoona kirokmone dawariwen.   
\q1
\v 15 O \nd Yariman\nd*, eweng kamkono ongkandewen,  
\q2 kwane eb kiringkono dem aombed inum nareewa yeedereboon kumbed  
\q1 karamok niindem yiri kankubunimbon kuu dokmenmo kereene,  
\q2 kwane okad yu angkumonimbon kwangkon dokmenmo kereen.   
\q1
\v 16 Ye kuu ari kaimbed yiri yirene arudbon aombed ne nendoon,  
\q2 ne kuu ok niindem yirimbed nen wandune kowoon kui.   
\q1
\v 17 Yembed ne bonman aromkono darewoowiib yaa nen burudande angka kowoon,  
\q2 ne bondan aromkonoyiib ne arebban kuyaa kui.   
\q1
\v 18 Ne kuu dabab aom aomnaan kumbed yimbed nenbandande miniwen,  
\q2 kumban \nd Yarimanbed\nd* yone awawoon.   
\q1
\v 19 Arudbon aom kuu yembed ne awawe nen angka kowoon,  
\q2 ye kuu ne yaa dowaken keewoon kowe nen burudande kowoon.   
\q1
\v 20 \nd Yarimanbed\nd* ne yorokmo kaimain yaambed amun keruwoon,  
\q2 kwane ne kuu darobe wedmoonka koromiibban dobman kowe ne yaa kakman amun keewoon.   
\q1
\v 21 Amborom kuu ne kuu \nd Yariman\nd* ye kiwaan arimo winimain,  
\q2 ne kuu ne God yaa ma amonombe koronde winindo kowe arewa kamindo.   
\q1
\v 22 Yembed dakmenaboon ye amob korem kuu ne wedmoni awine kandaan,  
\q2 kwane yembed wongkanaboon ye amob kuu ne ma wengamberedandindo.   
\q1
\v 23 Ye yekaad ne kuu karub maambed ambarakmoon ande kadwonimokban,  
\q2 kwane ne kuu ambarakmi yaa kangkadmimain.   
\q1
\v 24 \nd Yarimanbed\nd* ne yorokmo kaimain yaambed kakman amun kawoon,  
\q2 ye indob arimbed ne ma ambarakmindo kuyaambed kui.   
\q1
\v 25 O God, kane kane yi kuu eb yaa ma korondiyiibban doriib kuu ebbed yi yaa ma korondiyiibban ye dobiri kiwaan kuu korokbendimaab,  
\q2 kwane kane kane kuu karub maambed ambarakmoon ande kadwonokban kuu eb karub maambed ambarakmoon ande kadwonaanban ye kiwaan kuu yi yaa korokbendimaab,   
\q1
\v 26 kwane kane kane kuu karadmo doriib kuu eb karadmo dobiri ye kiwaan yi yaa korokbendimaab,  
\q2 kumban unitabdan yaa kuu eb kuu inamen kan bikniwen yaa darobi ye karub korokbendimaab.   
\q1
\v 27 Kane kane yika kan kubunimaib kuu ebbed ben burudande obon kerundimaab,  
\q2 kumban kane kane kerengkan kamimaib kuu ebbed ben yiri kubunimaab.   
\q1
\v 28 Eb kuu ne kiwaan yurimaab,  
\q2 o \nd Yariman\nd* ne God, eb kuu kumun aom doriin kuu kan amonombe nambiri kerimaab.   
\q1
\v 29 Eb aromkonombed kawaneewa bondan yemoon kuu yeene burudandaniin kuu yimin,  
\q2 kwane ne Godbed neyiib yaa doreen kuu aromnewaneena yi aromne angkumonimbon korongberenande aomnaniin kuu yimin.   
\q1
\v 30 Ma, God kee ye kiwaan kuu demkoronmo,  
\q2 \nd Yariman\nd* ye weng kuu karadmo.  
\q1 Kane kane kuu ye kukbimaanbon aombed dobirimaib kuu,  
\q2 ye kuu yi kombe keroon.   
\q1
\v 31 Kedi, kane kuu God? \nd Yariman\nd* yembedmo!  
\q2 Kane kuu yone aromnimbon? Nub God yembedmo!   
\q1
\v 32 Ne yaa aromkono kawi ye karub kuu God,  
\q2 kwane yembed ne dobiri ye kiwaan kuu demkoronmo ongmimaan.   
\q1
\v 33 Ye kuu ne yon kuu diiya ye yon areb ongmimaan,  
\q2 kwane ye kuu ne ongmaane aangko arimbed yarebimain, kombirimokban.   
\q1
\v 34 Yembed ana nangmi dowad kedmengkawimaan,  
\q2 kowe ne dingki kuu anangkab aromkono kuu nikbimain.   
\q1
\v 35 Ebbed ne nen burudande angka kowi kuu kombe areb, ebbed ne nen dorondandimaab,  
\q2 kwane eb dingki wiwimbed ne awawaawe yiminmo dobirimain.  
\q2 Eb kuro yiri ambokibine awawewen kumbed aningko darewoowiib keraan.   
\q1
\v 36 Kiwaan ari wanaan kuu ebbed yirimbonmo ongmimaab,  
\q2 kowe ne kuu kombirimokban.   
\q1
\v 37 Ne bondan kuu nembed yondem kerenden wene burudande awingkandaan.  
\q2 Ne kuu yinmone korondindo, yi monmaraan kumbed ika manaan.   
\q1
\v 38 Nembed yi yeene beengkaan kowe,  
\q2 yi kuu yaro dembindeban keriwen,  
\q2 kwane yi kuu ne yon dad dabderem aom kirobiwen.   
\q1
\v 39 Ana nangmi dowad ebbed aromkono ne yaa kawewen,  
\q2 kwane ebbed ne bondan ben ne yon yiri nongkobeewe ne yaa bumangkiwen.   
\q1
\v 40 Ebbed ne bondan ben amonombeewe kirokmoniiwe  
\q2 yeene monmaraan.   
\q1
\v 41 Yi kuu awandi dowad baandiwen kumban karub maa kanembed yi kuu ma ben burudande awandindo,  
\q2 kwane \nd Yariman\nd* yaa baandiwen kumban ye kuu yi yaa ma awandindo dowan.   
\q1
\v 42 Nembed yi kuu dore yon dowood dararaana ingkud nuubbed wuruwemoon areb keriwen,  
\q2 kwane nembed yi kuu ben kubudaraane birin kiwaan ari dore boknemoon areb keriwen.   
\q1
\v 43 Karubbed ne nande kamiwen kuu ebbed ne nen burudande angka kowewen.  
\q2 Ebbed ne kuu ambibkin maa maa yi korok nen kinewen,  
\q2 kwane nimakarub yi ne ma nekaadkerundindo kuu ne dabderem yiri doriib.   
\q1
\v 44 Yi kuu ne yaa wengambirimaib kuu no awine kandimaib,  
\q2 kwane owoddan kuu ne yaa unewe ika anuk irinambenimaib.   
\q1
\v 45 Yi arudkono kuu dowan kerimaib,  
\q2 kwane yi kuu yi aromne angkumonimbon yaambed neyiib yaa kiringmiyiib minimaib.   
\q1
\v 46 \nd Yariman\nd* kuu doreen kii! Ne yaa yone aromni ye God yaningko kankoonem!  
\q2 Ne nen bobni yaa burudande bindi ye God yaningko kankoonem!   
\q1
\v 47 Ye kuu ne bondan yaa kakman kondimaan ye God,  
\q2 kwane ye kuu ambibkin maa maa ben ne dabderem yiri nongkobimaan ye God,   
\b  
\q2
\v 48 kwane ye kuu ne bondan yaambed ne nen burudande angka kowimaan ye God.  
\q1 Eb kuu ne bondan yaambed ne nen burudande aningko darewoob arimbed kawewen,  
\q2 kwane eb kuu yeremboromdan yaambed ne nen burudande angka kowewen.   
\q1
\v 49 Kwamunewen kowe, o \nd Yariman\nd*, ambibkin korem aom kuu eb yaa kubebdaniin,  
\q2 kwane ewaningko kankoone wingkaniin.   
\q1
\v 50 Godbed king kerunoon ye karub yaa burudande dori arimbed bangkanoon,  
\q2 kwane ye kuu yembed kinoonman yaa womoniyiibban ye mimyob dowaken keenimaan,  
\q2 Dewid yoom ye awoya ari yoom yaa aron korem keendimaan kui.   
\c 19  
\cl Yook 19 
\toc1 Buk Yook 
\toc2 Buk Yook 
\d Yook ambo bi ye karub yeman. Dewid ye yook.  
\q1
\v 1 Ambidiib mindong yi dangimboniib kuu God ye nambiri dianmo korokbimaib,  
\q2 kwane yi kuu ye dingkimbed ongmenaboon yaa kuu korobe dakmimaib.   
\q1
\v 2 Aronki mimim kuu kwane dakmembirimaib,  
\q2 amnoom mimim kangkon kaadkeri ye kerekmen ye weng kwane dakmembirimaib.   
\q1
\v 3 Kukuu dakmiyiibban, kwane wengiibban,  
\q2 kwane yi weng yuud kuu maambed wengambirimokban.   
\q1
\v 4 Kuned yi weng yuk kuu bid yimin yimin yaa angkane wenebimaan,  
\q2 yi weng kangkon bid yimin yimin yaa wenebimaan.  
\q1 Ambid aom kuu yembed aron ye yumbon ongme kowoon.   
\b  
\q2
\v 5 Aron yeedirimaun kuu karub wonong mokaid awanande ye angkimbon aombed angkaderemoon areb kui.  
\q2 Yu kuu kabani yaa burudandunindeban ye karubbed kubene kabanimaan areb.   
\q1
\v 6 Kwane yu kuu ambid dungkun angkarambed daadere  
\q2 dokbe angkara kubunimaun.  
\q2 Yu nambiri yaa kuu barang maa ma biknimokban.   
\q1
\v 7 \nd Yariman\nd* ye amob kuu demkoronmo,  
\q2 kingkin yaa aromkono yeeb konimaan.  
\q1 \nd Yarimanbed\nd* komo kamoon ye weng kuu anam anammo,  
\q2 mengmengiibban iwari doriibdan ben meeni kangdomdan kerundimaan.   
\q1
\v 8 \nd Yariman \nd* ye kongamki yamob kuu yorokmo,  
\q2 niindem aom kubi kondimaan.  
\q1 \nd Yarimanbed\nd* kwanime andi ye weng kuu karadmo,  
\q2 kiwaan amunmo korokbimaan.   
\q1
\v 9 \nd Yariman\nd* yaa une bumangki kuu amun,  
\q2 kuye inamen kuu aron korem angkimbaraneen.  
\q1 \nd Yariman\nd* ye wengyundi kuu yiminmo,  
\q2 yi korem kuu yorokmo.   
\q1
\v 10 Ye amob yaa kuu bobne kombiri yeman, bod gold arebban,  
\q2 bod gold yankorenmo yemoon yaa kangkon burudandiwen.  
\q1 Ye amob kuu ambod miin amuniib, in ok ambod arebban,  
\q2 in ok ambodmo yaa burudandiwen.   
\q1
\v 11 Yi yaambed eb demedan kuu ongkandoon,  
\q2 kwane ye amob be amuknaniib kuu kakman amun darewoob kandaniib.   
\q1
\v 12 Kanembed yeka ye ambarakmi kuu wedmenaneen? Dowan.  
\q2 Nekaadkerunindo ye ambarakmi kuu ebbed are nonondande.   
\q1
\v 13 Eb deme karub nembed kwane inamen ongme ambarakmaniin andaka ebbed kebenewe.  
\q2 Korondaawe kuye ambarakmi kuu ne yaa oonewaan.  
\q1 Kwananeeb kuu karub maambed ne yaa ambarakmoon ande kadwoniyiibban keraniin,  
\q2 kwane ebbed wengyunde miin wabkad kerewen andaabban.   
\q1
\v 14 Kwane, eb indob ari kuu ne mongkodkonombed weng dakmeni ne niindem aombed meenako eb kubi dowaken kerok,  
\q2 o \nd Yariman\nd*, ne aromkonombon, kwane ne biddi ye karub.   
\c 20  
\cl Yook 20 
\toc1 Buk Yook 
\toc2 Buk Yook 
\d Yook ambo bi ye karub yeman. Dewid ye yook.  
\q1
\v 1 Kwane dabab kandebka \nd Yarimanbed\nd* inandubdok,  
\q2 kwane Yekob ye God yaningko yaambed dorondarubdok.   
\q1
\v 2 Yembed kurikuri boyambiwoombed awabdok,  
\q2 kwane aangko Saiyon yaambed eb nen angkumonok.   
\q1
\v 3 Ebbed God yaa bangkanimaab korem kuu yembed ika meenok,  
\q2 kwane ebbed dingkan aye nengke agedmo kere baeb koni yeman bangkanimaab kuu yembed ee yimin andok.\it Selah\it*   
\q1
\v 4 Eb niindem aombed komo yaa dowakeniib kerewen kuu yembed kabdok,  
\q2 kwane inamen ongmenabewen korem kuu yembed ongmoko anam kerok.   
\q1
\v 5 Ebbed bondan nangme burudande doraneeb kuu kube komkenub,  
\q2 burudandewen kii andi ye ebkad barad kankoonenub nub God ewaningko yaambed kubanuub.  
\q1 Yiib kaamoni korem kuu \nd Yarimanbed\nd* ee yimin ande awandok.   
\q1
\v 6 Ne nekaad \nd Yarimanbed\nd* kinoonman kuu ye bondan yaa nen burudande angka kowimaan,  
\q2 kwane Ewen karadmo arimbed ye kinoonman yaa inandimaan,  
\q2 ye dingki wiwi ye aromkono, nen burudande angka kowi ye aromkono kumbed kui.   
\q1
\v 7 Yena kuu ana nangmidan seriot arimbed dobere nangmimaib kuu nub yaa awandaniib ande meedmimaib,  
\q2 yena kuu ana nangmidan hoos arimbed dibere nangmimaib kuu nub yaa awandaniib ande meedmimaib,  
\q2 kumban nub kuu \nd Yariman\nd* nub God kumbed nub yaa awandaneen ande meedmimaub.   
\q1
\v 8 Yi kuu ben kubunaneene kirobaniib,  
\q2 kumban nub kuu yaro dembenub kangdommo dobaranuub.   
\q1
\v 9 O \nd Yariman\nd*, king kuu nen burudande angka kowe!  
\q2 Nub baandubka inande!   
\c 21  
\cl Yook 21 
\toc1 Buk Yook 
\toc2 Buk Yook 
\d Yook ambo bi ye karub yeman. Dewid ye yook.  
\q1
\v 1 O \nd Yariman\nd*, eb aromkono ye dowad king kuu kuboon.  
\q2 Ebbed awanenewen kowe kubi darewoob keroon!   
\q1
\v 2 Ye niindem aombed komo yaa dowakeniib keroon kuu ebbed ee yimin ande konewen,  
\q2 kwane ye wengbed komo kaamobdoon kuu konewen, ma korondindo. \it Selah\it*   
\q1
\v 3 Ebbed ye yaa yewudmo amun kerune angkodmeneneb,  
\q2 ye korok ari kuu dereni yeman bod gold yankorenmombed ongmiwen kumbed kan derenenewen.   
\q1
\v 4 Yembed wadkeri dowad kaamobdoone konewen,  
\q2 aron yemooniib, aron korem korem kui.   
\q1
\v 5 Ebbed awanenewen yaambed ye nambiri kuu darewoob keroon,  
\q2 kwane ebbed ye ari dobiri manimanandewiib nambiriyiib bangkanewen.   
\q1
\v 6 Ebbed aron korem ye amun keruni konewen,  
\q2 kwane yeyiib yaa doreeb kowe kubimo doreen.   
\q1
\v 7 Amborom kuu king kuu \nd Yariman\nd* yaambed inamen angkumone doreen,  
\q2 kwane Korem Burudandoon Arimbed Ye God ye womoniyiibban ye mimyob dowaken yaambed ye kuu ma kiringmaanban.   
\q1
\v 8 Eb dingkimbed eb bondan korem awingkandaneeb,  
\q2 kwane kane kane eb yaa arud wandembiriwen kuu eb dingki wiwimbed yire awingkandaneeb.   
\q1
\v 9 Eb mananeeb yaron ari kuu yi ben amot nimin darewoowiib denemoon areb kerundaneeb.  
\q1 \nd Yarimanbed\nd* norin wandaneen kumbed yi ben yoobkaneene  
\q2 ye amotbed yi dene kubunaneen.   
\q1
\v 10 Ebbed yi awoya ben monmaraneewe okad arimbed dowan keraniib,  
\q2 kwane yi yumbon kuu nimakarub kumaom kuu dowan keraneen.   
\q1
\v 11 Yi kuu eb yaa bon keri ye inameniib birandi ye inamen arewayiib ongmiib kumban,  
\q2 yi kuu ma kamindeban keraniib,   
\q1
\v 12 amborom kuu ebbed yi yaa eb ana baradmaneeb kumbed  
\q2 yi kuu angkurom korokbebde kirokmonaniib kii.   
\q1
\v 13 O \nd Yariman\nd*, ewaromkono yaambed aningko ariyiib kerok.  
\q2 Nub kuu eb aromkono dowad yook wingkenub ewaningko kankoonanuub.   
\c 22  
\cl Yook 22 
\toc1 Buk Yook 
\toc2 Buk Yook 
\d Yook ambo bi ye karub yeman. “Amkimo Ye Diiya Yingki” ye yook ye kiwaan yaambed wingki yeman. Dewid ye yook.  
\q1
\v 1 Ne God, ne God, eb kuu komande domowewen?  
\q2 Komande ambab kerewen kumbed dabab ne yaa monoon kuyaa kuu ne nen burudande angka kowaabban?  
\q2 Komande ambab kerewen kumbed wareki kaimain kuu wengambirimokban kerewen?   
\q1
\v 2 O ne God, aronkimbed eb yaa baandembaraan kumbed ebbed inanduwindo,  
\q2 amnoom kangkon eb yaa baandembaraan, ma iwari kerindo.   
\q1
\v 3 Kuned eb kuu king ye dibirimbon arimbed dibere karadmoman kerewen,  
\q2 kwane ewaningko kuu Israeldanbed kankoonimaib.   
\q1
\v 4 Nub awoya kuu eb yaamo angkumone dobiriwen,  
\q2 kwane angkumone dobiriwen kumbed arud ye barang yaa ben burudande angka nongkobewen.   
\q1
\v 5 Eb yaa baandiwen kumbed arud ye barang yaa ben burudande angka nongkobewen,  
\q2 kwane eb yaamo angkumone dobiriwen kowe ebbed kwananeeb ande meedmiwen kuu anam id keroon.   
\q1
\v 6 Kumban ne kuu karubban wodam,  
\q2 nimakarub korembed kan angka karenib arewa anduwimaib.   
\q1
\v 7 Kane kane ne yaa wedmewimaib yi korem kuu ambonbaawimaib,  
\q2 kwane yi kuu damangkawe yi korok waaburukme yedmimaib,   
\q1
\v 8 “Ye kuu \nd Yariman\nd* yaambed angkumone doreen kowe,  
\q2 korondubko \nd Yarimanbed\nd* arud ye barang yaa nen burudande angka kowok.  
\q1 Ye kuu \nd Yariman\nd* yaa kwane kubenoon kowe,  
\q2 korondubko \nd Yarimanbed\nd* arud ye barang yaa nen burudande angka kowok.” andimaib.   
\q1
\v 9 Kuned ebbed ne kuu ena yu kabeyob aombed nen angkaderewen,  
\q2 kwane ena yu muk aniin yaa kuu  
\q2 ebbed ne kuu eb yaambed angkumone dobiri yeman ongmewewen.   
\q1
\v 10 Woonaan yirimbed ne kuu eb yaambed yone dobaraan,  
\q2 kwane ena yu kabeyob kumaombed eb kuu ne God kerewen.   
\q1
\v 11 Ne yaa ambab keraab,  
\q2 amborom kuu dabab manandamoon kumban  
\q2 karub maambed ma awawaanban kowe.   
\q1
\v 12 Ne bondan kuu ne yaa awanewandiwen,  
\q2 yi kuu Basan ye buromakau ambi arudiib areb ne yaa kanawanewandiwen.   
\q1
\v 13 Yi kuu laiyonbed dingkan anande kabang angke yaremoon areb,  
\q2 ne yaa yi mongkodkono danduwimaib.   
\q1
\v 14 Naromkono dowan, ok kan ondukne wenebe dowan keremoon areb keraan,  
\q2 kwane ne kono ingkanaboon kuu wadmenaboon.  
\q1 Ne mimyob kuu koronde in areb yawaak keroon,  
\q2 kwane koronde okmo keremoon areb keroon.   
\q1
\v 15 Naromkono kuu dowan, yongkonbon areb keroon,  
\q2 kwane ne ong kuu mongkodkono yaa karangkoon.  
\q2 Ebbed ne kuu bobnok ande okad yiri kowewen.   
\q1
\v 16 Ne bondanbed anon arewa areb ne yaa awanewandiwen,  
\q2 kwane yi kuu arewa kamidan yemoon, ne yaa kanawanewandiwen,  
\q2 kwane yimbed ne dingkia yona kuu kaare dem nabangkenabiwen.   
\q1
\v 17 Ne kono korem kuu nembed kimingki kuu yimin,\f + \fr 22:17 \ft  Ye bondanbed ye nen angkara angkara bingiwen kumbed kamune keroon. \f*  
\q2 nimakarub kuu ne yaa nengmowenib ningkirud kamewimaib.   
\q1
\v 18 Yimbed nebkad kande yikareb kuyaom nekwiwen,  
\q2 kwane bot yaa aningkoyiib kuu kirare ebkad mimo karub mimombed kandimo kandimo kamiwen.   
\q1
\v 19 Kumban, o \nd Yariman\nd*, eb kuu ne yaa ambab keraab,  
\q2 o ne Aromkonoman, kirod mene awawe.   
\q1
\v 20 Kerewang ye arud yaa ne wadkeri kuu nen angka kowe.  
\q2 Ne wadkeri kuu dowakeniib keraan kowe, ne bondan anon arewa areb yi aromkono yaa kuu ne nen angka kowe.   
\q1
\v 21 Laiyon yi mongkodkono aom kuu ne nen angka kowe.  
\q2 Kwane, oksen kiib yi durub yaa kuu ne nen angka kowe.   
\q1
\v 22 Nembed ewaningko kuu ne ambibkindan yaa daandaniin,  
\q2 kwane ne kuu nedbimaibdan kumaombed ewaningko kankoonaniin.   
\q1
\v 23 \nd Yariman\nd* yaa unimaibdan, yiib kuu ye aningko kankoonime!  
\q2 Yekob yawoya korem, yiib kuu ye yaa nambiri konime!  
\q2 Israeldan korem, yiib kuu ye yaa bumangkime!   
\q1
\v 24 Amborom kuu kane kane durud yewed kandiwen kuu  
\q2 yembed yi yaa ma arewa ande wunekarindo.  
\q1 Ye kuu yi yaa ye murubia kan yeknindo,  
\q2 ma nub yaa awande ande baandiwen ye weng kuu yembed wengamboroon.   
\q1
\v 25 Ebbed ne niindem aom kubi kerunaneewe kadaareb nedbiwen aom ewaningko kankoonaniin.  
\q2 Eb yaa bumangkiwendan yi arinambo arimbed kwananiin ande amob ongmaan ye weng kuu anammo kwane keraniin.   
\q1
\v 26 Kamboknondan kuu ane mikmonaniib.  
\q2 Kane kane \nd Yariman\nd* ande onmimaib kuu ye aningko kankoonaniib.  
\q2 Kubi dowaken kuu yiib niindem aom aron korem angkimborok!   
\q1
\v 27 Bid yimin yimin koremdan kuu \nd Yariman\nd* yaa ika meene ye yaa amonombaniib.  
\q1 Ambibkin mimim koremdan kuu ye yaa bumangkaniib.   
\q1
\v 28 Ooni yaromkono kuu \nd Yariman\nd* yeman,  
\q2 kwane yembed ambibkindan oonendimaan.   
\q1
\v 29 Okad kiri yiribman yemoondan kuu orok anenib ye yaa kurikuri kamaniib,  
\q2 duknaniibdan korem kuu ye yaa bumangkaniib,  
\q2 yika yi wadkeri ma amuknindebandan kui.   
\q1
\v 30 Nimakarub amaan ari dobaraniibdan kuu ye yaambed awine dobaraniib,  
\q2 kwane amaan ari dobaraniibdan yaa kuu \nd Yariman\nd* ye dowad dakmaniib.   
\q1
\v 31 Yi kuu ye yorokmo kerekmen ye dowad  
\q2 mokaid woonindodan yaa dakmaniib,  
\q2 yembed kwanoon ye weng dakmaniib.   
\c 23  
\cl Yook 23 
\toc1 Buk Yook 
\toc2 Buk Yook 
\d Dewid ye yook.  
\q1
\v 1 \nd Yariman\nd* kuu ne nen dorondare oonimaan ye karub kowe,  
\q2 ne yaa komo dowan keroon kuu yembed nekwawimaan.   
\q1
\v 2 Yembed ne nen animan yewudmombon aom kowaana yiidkimain,  
\q2 kwane yembed yewenub ye ok dewenebuun kebed yaa ne nen kinban winimaan.   
\q1
\v 3 Yembed ne kingkin nen ikakman aromnimaan,  
\q2 kwane yorokmo ye kiwaan arimo ne nen kinban winimaan,  
\q2 ye aningko kankooni dowad.   
\q1
\v 4 Kumun doromod bobnin aom wananiin kangkon,  
\q2 eb kuu ne yoom kowe,  
\q1 arewa yaa ma unainban.  
\q1 Eb kungkangiib arud ye barang yaambed dorondandi yemaniib kuu,  
\q2 awawimaib kowe kubimain.   
\q1
\v 5 Eb kuu ne bondan yi kerebiri arimbed  
\q2 ne dowad orok ongmimaab.  
\q1 Ne nen kine ne korok ari kuu oiyo bunewen,  
\q2 kwane ne dobiri yaa kuu yiminmo bangkawimaab.   
\q1
\v 6 Anam kuu eb amun amuniib womoniyiibban ye mimyob dowakeniib kuu  
\q2 ne wad dobiri aom kwane aron korem angkimbaraneen.  
\q1 b Kwane, ne kuu \nd Yariman\nd* yambiwoom kwane doberembaraniin, aron korem.   
\c 24  
\cl Yook 24 
\toc1 Buk Yook 
\toc2 Buk Yook 
\d Dewid ye yook.  
\q1
\v 1 Okad korem kuu \nd Yariman\nd* yeman, okad ari kumkam korem kwangkon.  
\q2 Bid yimin yimin kuu yeman, kane kane okad ari doriib kwangkon.   
\q1
\v 2 Amborom kuu yembed okad yu angkumonimbon kuu karamok niindem yirimbed ongme kowoon,  
\q2 kwane okad yu yumbon kuu ok wedyirimbed ongme kowoon.   
\q1
\v 3 Kanembed \nd Yariman\nd* ye aangko ari kawananeen kuu yimin?  
\q2 Kanembed \nd Yariman\nd* ye karadkonombon ari dobaraneen kuu yimin?   
\q1
\v 4 Kuye karub kuu ambarakmiyiibban ye dingkiyiib inamen karadmoyiib kumbed kui,  
\q2 kwane ye kuu dudi god yi kuruwak yaa bumangkindo,  
\q2 kwane ye kuu birande amob ongmindo.   
\q1
\v 5 Ye kuu \nd Yarimanbed\nd* amun kerunaneen,  
\q2 kwane ye kuu ye nen bobni yaa burudande bindi ye Godbed ongmaneene ambarakmoon ande kadwoniyiibban ye karub keraneen.   
\q1
\v 6 Kwane areb kuu God ye kiwaan ari dobarandamiibdan kukui,  
\q2 o Yekob ye God, eb murubia ari dobarandamiibdan kukui. \it Selah\it*   
\q1
\v 7 O kuuk ambongko, yiibka daadmime.  
\q2 O unyeman ye ambongko kui, yiib kuu daadmime.  
\q2 Kwanibko, nambiri ye King kuu mene kumaom aomdorok.   
\q1
\v 8 Nambiri ye King kee kane?  
\q2 Ye kuu \nd Yariman\nd*, kanangkodiib aromkonoyiib kui,  
\q2 ye kuu \nd Yariman\nd*, ye ana nangmi kuu aromkonomo kui.   
\q1
\v 9 O kuuk ambongko, yiibka daadmime.  
\q2 O unyeman ye ambongko kui, yiib kuu daadmime.  
\q2 Kwanibko, nambiriyiib ye King kuu mene kumaom aomdorok.   
\q1
\v 10 Nambiriyiib ye King kee, ye kuu kane?  
\q2 Ye kuu Ana Nangmidan Yemoon Ye \nd Yariman\nd*,  
\q2 ye kuu nambiriyiib ye King.   
\c 25  
\cl Yook 25 
\toc1 Buk Yook 
\toc2 Buk Yook 
\d Dewid ye yook.  
\q1
\v 1 O \nd Yariman\nd*, eb yaa ne wadkeri kuu kan kabdaan.   
\b  
\q2
\v 2 O ne God, eb yaambed angkumone doriin.  
\q1 Korondaawa yenambed ne nen karak ari kowaib.  
\q2 Kwane, korondaawa ne bondanbed ne nen burudande doraib.   
\q1
\v 3 Kane kane ebbed kwananeeb ande meedmimaib kuu  
\q2 karak ari ma ben nongkobaabban.  
\q1 Kumban kane kane idiibban kumbed birandimaib kuu  
\q2 karak ari ben nongkobaneeb.   
\q1
\v 4 O \nd Yariman\nd*, eb kiwaan kuu ne korokbewe.  
\q2 Kwane, eb inamen kuu kedmengkawe.   
\q1
\v 5 Eb anam anam yaambed ne nen kinban weneneb kedmengkawe.  
\q2 Amborom kuu eb kuu ne nen bobni yaa burudande bindi ye God kowe.  
\q2 Kwane, amkimombed wene amnoom kuu ebbed kwananeeb ande meedme dobirimain.   
\q1
\v 6 O \nd Yariman\nd*, eb mimyob keende kakman are nonondandiyiib womoniyiibban ye mimyob dowakeniib kuu ika meene.  
\q2 Amborom kuu kuye inamen kuu unyeman anukbed ongmewen kowe.   
\q1
\v 7 Ne kewed yaa komo komo ambarakmaan kuu ika meendobaab, nonondande.  
\q2 Ne wabkad kamaan kwangkon ika meendobaab, nonondande.  
\q1 O \nd Yariman\nd*, eb womoniyiibban ye mimyob dowaken yaambed ne yaa ika meendobe.  
\q2 Amborom kuu eb kuu amun yeman kowe.   
\q1
\v 8 \nd Yariman\nd* kuu amunmo, ye kuu kangdommo.  
\q2 Kwane kowe, yembed ambarakmidan kuu ye kiwaan korokbende kedmengkandimaan.   
\q1
\v 9 Yembed yika kankubune yiri keriwendan yaa yorokmo kerekmen yaambed korokbendene,  
\q2 ye kiwaan kedmengkandimaan.   
\q1
\v 10 Kane kane \nd Yariman\nd* ye amowiib wengiib kuu awine kandimaibdan kuyaa kuu,  
\q2 ye kiwaan korem kuu womoniyiibban ye mimyob dowaken yeman, kwane yi kuu ma korondiyiibban no awandi yeman.   
\q1
\v 11 Ne ambarakmi kuu miin darewoob kuned,  
\q2 o \nd Yariman\nd*, ewaningko ye dowadbed,  
\q2 ne ambarakmi kuu are nonondande.   
\q1
\v 12 \nd Yariman\nd* yaa une bumangkimaibdan, yi kuu kane kane?  
\q2 Yi kuu kedmengkandaneene kiwaan kinoon arimo wananiib.   
\b  
\q2
\v 13 Kwane, yi kuu ongmendaneene wad dobaraniib kuu yiminmo dobaraniib.  
\q2 Kwane, okad kinoon kuu yi awoya yiman keraneen.   
\q1
\v 14 Kane kane \nd Yariman\nd* yaa une bumangkimaib kuu yembed inamen kan biknoon kumbed yi yaa korokbendaneen,  
\q2 kwane amob weng ongmoon kuu yi yaa korokbendaneen.   
\q1
\v 15 \nd Yarimanbed\nd* awawok andi dowad ye yaa kereknembirimain,  
\q2 amborom kuu yembedmo arud yaa ne nen burudandimaan kowe.   
\q1
\v 16 Ne kirimo obonmo angkon dabawiib keraan kowe,  
\q2 ne yaa murubia kaweneb ne yaa mimyob keewe kakman are nonondande.   
\q1
\v 17 Dabab ne niindem aom kuu yemoon keroon,  
\q2 kowe ne meendobimo yiminban keraan kuu obon keruwe.   
\q1
\v 18 Ne dabawiib yiminban keraan kuyiib kuu wedmewe awawe.  
\q2 Kwane, ne ambarakmi korem kuu are kankorare nonondande.   
\q1
\v 19 Ne bondan kuu yemoon keroon kowe, yi yaa wedme.  
\q2 Kwane, yi kuu ne yaa arud miin darewoob wandembirimaib kuyaa wedme.   
\q1
\v 20 Ne wadkeri kuu nen amukne ooneneb yi yaambed ne nen burudande angka kowe.  
\q2 Kwane, korondaawe yenambed ne nen karak ari kowaib,  
\q2 amborom kuu ne kuu ebbed kukbimaabbon aombed dobirimain kowe.   
\q1
\v 21 Ne dobiriyiib inameniib kuu ibmo amunmoyiib angkon ne dobiri kangdommoyiib kumbed ne nen dorondandok,  
\q2 amborom kuu ebbed kwananeeb ande meedme doriin kowe.   
\q1
\v 22 O God, Israeldan kuu yi dabab kandiwen korem yaambed kuu  
\q2 ebbed ben burudande angka nongkobe.   
\c 26  
\cl Yook 26 
\toc1 Buk Yook 
\toc2 Buk Yook 
\d Dewid ye yook.  
\q1
\v 1 O \nd Yariman\nd*, ne dowad ebbed wengyundeneb ma ambarakmindo ande,  
\q2 amborom kuu ne kuu ambarakmoon kii ande kadwoniyiibban ye dobiri yaambed dobaraan kowe.  
\q1 Ne kuu kirokkarokiibban \nd Yariman\nd* yaambed yone dobaraan.   
\q1
\v 2 O \nd Yariman\nd*, ne inamen andangke.  
\q2 Kwane, ne nen komboon darobewe.  
\q2 Ne dowakeniib inameniib kuu wengyunde.   
\q1
\v 3 Amborom kuu eb womoniyiibban ye mimyob dowaken kuu ne arinambo ari angkeen,  
\q2 kwane ne kuu eb anam anam yaambed yarembirimain.   
\q1
\v 4 Ne kuu birandidan yoom dibirimokban,  
\q2 kwane aadidmidan yoom daboknenwimokban.   
\q1
\v 5 Ne kuu arewa kamimaibdan yi nedbi yaa kuu kangkadmimain,  
\q2 kwane ne kuu arewa kamembirimaibdan yoom dibiri kuu wunekarundimain.   
\q1
\v 6 O \nd Yariman\nd*, ne kuu ambarakmoon kii ande kadwoniyiibban kumbed dingki okeni,  
\q2 eb dowad bod wuube dingkan aye nengke baeb konimbon ye deme awinimain.   
\q1
\v 7 Kwanimain kuu ewaningko kankooni ye weng baandimain,  
\q2 kwane ebbed komo komo kamenabi manimanandeb kuu daandimain.   
\q1
\v 8 O \nd Yariman\nd*, ebbed doreeb yambib kuu dowakeniib kerimain,  
\q2 eb nambirimo derenkoroonbon kui.   
\q1
\v 9 Ne kingkin kuu ambarakmidan yoom ben angkanaab,  
\q2 kwane ne wadkeri kangkon kuman yenbandimaibdan yoom ben angkanaab.   
\q1
\v 10 Yi inamen aom kuu wunonwanon kami miin arewayiib,  
\q2 kwane yi dingki wiwi aom kuu od yemyeb kandene ambarakmindoman yaa ambarakmoon ande yedmi yeman yemooniib kii.   
\q1
\v 11 Kumban ne kuu ambarakmoon kii ande kadwoniyiibban ye kerekmen yaambed doriin,  
\q2 kowe ne nen arud yaa burudande angka koweneb ne yaa mimyob keewe kakman are nonondande.   
\q1
\v 12 Ne yon yiri kuu okad dabonmo arimbed doriin,  
\q2 kwane kadaareb nedbaniib aom kuu \nd Yariman\nd* yaningko kankoonaniin.   
\c 27  
\cl Yook 27 
\toc1 Buk Yook 
\toc2 Buk Yook 
\d Dewid ye yook.  
\q1
\v 1 \nd Yariman\nd* kuu ne kiwaan ari weniin yaa nambirimaan ye karub,  
\q2 kwane ye kuu ne nen bobni yaa burudande nendi ye karub,  
\q2 kowe kane yaambed ne kuu unaniin? Dowan!  
\q1 \nd Yariman\nd* kuu ne wadkeri ye aromne angkumonimbon,  
\q2 kowe kane yaambed ne kuu unaniin? Dowan!   
\q1
\v 2 Arewa kamidanbed ne damburune monmari dowad ne nande kamaniib kuu  
\q2 yimbedmo boknandenib kirobaniib,  
\q2 ne bondaniib ne yaa manmo keriwendaniib kukui.   
\q1
\v 3 Ana nangmidanbed ne kuu kanawanewande kebenaniib kuu  
\q2 ne niindem aom kuu unainban.  
\q1 Kwane, ne yaa ana wandaniib kuned  
\q2 ne kangkon kangdommo dobaraniin.   
\q1
\v 4 \nd Yariman\nd* yaa barang mimo kaamonimain,  
\q2 nembed kereknain kuu kei,  
\q1 \nd Yariman\nd* yambiwoom kumaombed dibara,  
\q2 ne wad dobaraniin ye aron korem,  
\q1 kwane ne dowaken kuu \nd Yariman\nd* ye manimani amun kai yaa wedma,  
\q2 kwane ne dowaken kuu ye kurikuri ambiwoombed ye kiwaan onma.   
\q1
\v 5 Amborom kuu dabab kandi yaron kuu  
\q2 yembed ne nen yambiwoombed dorondandaneen,  
\q1 kwane yembed ye kurikuri ambiwoombed ne nen biknaneen,  
\q2 kwane yembed ne nen aromkonombon ari kowaneen.   
\q1
\v 6 Kwananeen kuu ne korok kuu Godbed nenkoonene  
\q2 bondan kanawanewandiwen yaa kuu ne nen burudande ari kowaneen.  
\q1 Ye kurikuri ambib yaa kuu nembed kube baandeni dingkan aye nengke baeb konaniin,  
\q2 kwane \nd Yariman\nd* yaa yook wingkeni yaningko kankoonaniin.   
\q1
\v 7 O \nd Yariman\nd*, baandako wengambere.  
\q2 Ne yaa mimyob keewe kakman are nonondandeneb inanduwe.   
\q1
\v 8 Ne niindem aom kuu eb dowad yedmoon, “Ye murubia ari dobiri kiwaan onme.” andoon,  
\q2 kowe, o \nd Yariman\nd*, eb murubia ari dobiri kiwaan onmiin.   
\q1
\v 9 Eb murubia kuu ne yaa biknewaab.  
\q2 Kwane, eb deme karub ne yaa arud wande korondaab.  
\q1 O God, ne nen bobni yaa burudande bindi ye karub,  
\q2 eb kuu ne awawi ye karub kowe,  
\q2 wunekaruwaab, ne yaa domowe wanaab.   
\q1
\v 10 Nambe ena domowe wananiib kuu  
\q2 \nd Yarimanbed\nd* angkodmewaneen.   
\q1
\v 11 O \nd Yariman\nd*, eb kiwaan kedmengkawe.  
\q2 Ne kuu ne nen yiri kubunandamiibdaniib kowe,  
\q2 kiwaan yorokmo arimbed ne nen kinban wene.   
\q1
\v 12 Korondaawa ne bondan yi dingki ari kombarain.  
\q2 Amborom kuu kwane wedmaan kii ande dudi weng dakmidan kuu ne yaa manmo kerenib,  
\q2 ne dowad naniib ande kamiib.   
\q1
\v 13 Ne anam andaan kuu okad ari wad dobaraniin kumbed  
\q2 ne kuu \nd Yariman\nd* ye amun amun wedmaniin.   
\q1
\v 14 \nd Yariman\nd* yaa meedme dobirime.  
\q2 Aromne arudnime,  
\q2 kwane \nd Yariman\nd* yaa meedme dobirime.   
\c 28  
\cl Yook 28 
\toc1 Buk Yook 
\toc2 Buk Yook 
\d Dewid ye yook.  
\q1
\v 1 O \nd Yariman\nd*, eb yaa baandaan.  
\q2 Ne aromkonombon, eb kuu ne yaa wunekaraab, inanduwe.  
\q1 Amborom kuu inanduwaabban keraneeb kuu  
\q2 ne kuu bobkonodem yiri kubune dangiwendan areb keraniin kowe.   
\q1
\v 2 Ne awawi dowad eb yaa baandaan kuu wengamberewe.  
\q2 Ne dingki kuu eb kurikuri ambiwoom ye Yumbon Miin Karadmo Anam yaa benkoobe baandaan kui.   
\q1
\v 3 Ne kuu ambarakmidan yoom dabokne indore wanaab,  
\q2 arewa kamimaibdan yoom kui.  
\q1 Yi kuu angkodmendi weng yi dia doriibdan yaa dakmimaib kumban,  
\q2 angkara kuu yi niindem aom kuu arud wandembirimaib.   
\q1
\v 4 Yimbed kwanimaib ye dowad man inende.  
\q2 Kwane, yimbed arewa kamimaib ye dowad man inende.  
\q1 Yi dingkimbed komo ambangkiwen kuu kwanemo man inende.  
\q2 Kwane, kakman anam yi yaa man inende.   
\q1
\v 5 Amborom kuu \nd Yarimanbed\nd* komo ambangkooniib  
\q2 ye dingkimbed komo ongmenabooniib kuu yi ma meendobindo,  
\q1 kowe yembed yi ben yiri kubunaneen,  
\q2 kwane yembed yi ben ikakman ma ari nongkobaabban.   
\q1
\v 6 \nd Yariman\nd* yaa amun kerunem!  
\q2 Amborom kuu ne awawi ye dowad baandaan kuu wengamberewoon kowe.   
\q1
\v 7 \nd Yariman\nd* kuu ne aromkono angkon ne kombe.  
\q2 Ne inamen kuu ye yaa yone kowaine yembed awawimaan.  
\q1 Kwane kowe ne niindem aom kuu kubimbed ware kandoon,  
\q2 kwane ne kuu eso andi yookbed wingkaniin.   
\q1
\v 8 \nd Yariman\nd* kuu ye karuwa nimaya yi aromkono,  
\q2 kwane ye kuu yembed kinoon ye karub ye dowad aromne dorondandi ye karub.   
\q1
\v 9 Eb karuwa nimaya kuu ben burudande binde.  
\q2 Ebbed kingkewendan kuu amun kerunde.  
\q1 Yi ben dorondare oone.  
\q2 Yi ben amukne, aron korem.   
\c 29  
\cl Yook 29 
\toc1 Buk Yook 
\toc2 Buk Yook 
\d Dewid ye yook.  
\q1
\v 1 \nd Yariman\nd* yaningko kankoonime, o engyus yiib kui,  
\q2 \nd Yariman\nd* yaningko kankoonime, ye kuu nambiriyiib aromkonoyiib kowe.   
\q1
\v 2 \nd Yariman\nd* yaningko kankoonime, ye kamenabi kuu nambiriyiib kowe.  
\q2 \nd Yariman\nd* yaa kurikuri kamime, ye karadmo doreen kuu nambiriyiib kowe.   
\q1
\v 3 \nd Yariman\nd* ye weng yuud kuu ok korem yi animarimbed dewenebimaan.  
\q2 Nambiri ye God kuu nambad kamimaan.  
\q2 \nd Yarimanbed\nd* ok miin darewoob animari nambad kamimaan.   
\q1
\v 4 \nd Yariman\nd* ye weng yuud kuu aromkonoyiib,  
\q2 \nd Yariman\nd* ye weng yuud kuu manimanandeb.   
\q1
\v 5 \nd Yariman\nd* ye weng yuud kuu at sidaa baangkimaan,  
\q2 anamaa, \nd Yarimanbed\nd* Lebanon ye at sidaa domabangkaana kurubkurub kerimaan.   
\q1
\v 6 Yembed Lebanon ye aangko aangko kuu ongmaana buromakau mana areb korongberenandimaib,  
\q2 kwane aangko Heemon kwangkon ongmaana oksen kiib ingkod areb korongberenandimaan.   
\q1
\v 7 \nd Yariman\nd* ye weng yuud kuu imakiib baandimaan.   
\q1
\v 8 \nd Yariman\nd* ye weng yuud kuu amboon kan kiringmimaan,  
\q2 kwane \nd Yarimanbed\nd* amboon Kades kwangkon kan kiringmimaan.   
\q1
\v 9 \nd Yariman\nd* ye weng yuud kuu at ook ben awumbe nidmingkene,  
\q2 dura kwangkon bongme obonmo kerimaan.  
\q1 Kwane, ye kurikuri ambiwoom kuu kumaom doriibdan korembed “Ye yaa nambiriyiib kerok” ande baandimaib.   
\q1
\v 10 \nd Yariman\nd* kuu niindem yiri ye ok korem yaa korok kere oonimaan.  
\q2 \nd Yariman\nd* kuu king kere oonimaan, aron korem.   
\q1
\v 11 \nd Yarimanbed\nd* ye karuwa nimaya yaa aromkono kondimaan,  
\q2 kwane \nd Yarimanbed\nd* yi kuu yewenuwiibbed amun amun kerundimaan.   
\c 30  
\cl Yook 30 
\toc1 Buk Yook 
\toc2 Buk Yook 
\d Dewid ye yook. Kurikuri boyambib darewoob ambongko nande God yaa konande wingki ye yook.  
\q1
\v 1 O \nd Yariman\nd*, ewaningko kankoonaniin,  
\q2 amborom kuu ne kuu niindem yiri kombaraana ebbed nen burudande ari kowewen kowe,  
\q2 ne bondan ne yaa ambon kamewindo.   
\q1
\v 2 O \nd Yariman\nd* ne God, nembed eb yaa awawe ande baandaana,  
\q2 ongmeweewe wad dobaraan.   
\q1
\v 3 O \nd Yariman\nd*, ne kuu bobkonombon yirimbed ebbed nen kone dembewen,  
\q2 kwane ne kuu bobni ye dem yiri kombarandamaan kumban ebbed kebene nen kone awinewewen.   
\q1
\v 4 Ye karadmodan, yiib kuu \nd Yariman\nd* yaa aningko kankooni yook wingkime,  
\q2 kwane ye aningko karadmo kankoone eso andime.   
\q1
\v 5 Amborom kuu ye arud kuu aron dukmen manambed dowan kerimaan,  
\q2 kwane ye dowaken kuu wooni yaronbed wene bobni kumbed angkimbaraneen.  
\q1 Amnoom kuu ne kuu ameng kamenabe wene amkimo kuned,  
\q2 amkimo kerimaan kuu kubi kanminimaan.   
\q1
\v 6 Nembed yiminmo uniyiibban dobaraan kumbed yedmaan,  
\q2 “Ne kuu kumkam komombed ma kebewaanban.” andaan.   
\q1
\v 7 O \nd Yariman\nd*, eb ne yaa dowaken keewe amun keruwewen kuu,  
\q2 ne kuu aangko areb ma kiringmi yemanban dobiri kangdommo keruwewen.  
\q1 Kumban eb kuu ne yaa koronde wenewen kuu,  
\q2 ne kuu domangke ok wanaan kii.   
\q1
\v 8 O \nd Yariman\nd*, eb yaa baandaan,  
\q2 Yariman yaa ne awawi ye dowad baandaan.   
\q1
\v 9 Ne kuu monmaraneen kuu karub maambed barang maa kandaneen? Dowan.  
\q2 Bobnaniin kangkonoo?  
\q1 Dukniwendanbed ewaningko kankoonaniiwoo? Dowan.  
\q2 Ebbed ma korondiyiibban eweng awine dobirimaab ye weng kuu yimbed dakmaniiwoo? Dowan.   
\q1
\v 10 O \nd Yariman\nd*, wengamberewe mimyob keewe kakman are nonondande.  
\q2 O \nd Yariman\nd*, ne awawi ye karub kere.   
\q1
\v 11 Ne yuudi kamiin kee ebbed kande amonombe kube andenabi yeman kerewen,  
\q2 kwane ne yuudi yebkad boronaan kuu ebbed biande kubimbed inwaruwewen.   
\q1
\v 12 Kwanewen kumbed iwari dobiri yaa korondeni ne niindem aombed kubiyiib kere ewaningko kankooni ye yook wingkimain.  
\q2 O \nd Yariman\nd* ne God, ne kuu eb yaa eso kamaniin, aron korem.   
\c 31  
\cl Yook 31 
\toc1 Buk Yook 
\toc2 Buk Yook 
\d Yook ambo bi ye karub yeman. Dewid ye yook.  
\q1
\v 1 O \nd Yariman\nd*, ebbed kukbimaabbon aombed dobirimain,  
\q2 korondaawe ne yaa karak kawaib.  
\q2 Eb yorokmo kerekmen yaambed ne nen burudande angka kowe.   
\q1
\v 2 Ne yaa eb kerendem kowe wengamberewe.  
\q2 Kirod mene ne nen angka kowe.  
\q1 Ne nen bikneneb aromne angkumoni ye karub kere.  
\q2 Ne nen dorondandi ye karub kere.   
\q1
\v 3 Eb kuu ne aromkonombon, eb kuu ne aromne angkumonimbon kowe,  
\q2 ewaningko kankooni dowad ne nen kinban weneneb eb kiwaan ari kowe.   
\q1
\v 4 Dabab kawi yeman warab areb ongmiwen kuyaa ne nen angka kowe,  
\q2 amborom kuu eb kuu ne yone biknimbon.   
\q1
\v 5 Eb dingki ari kuu ne kingkin kowaan.  
\q2 O \nd Yariman\nd*, anam anam ye God, ne bidde.   
\q1
\v 6 Dudi god kuu karub ma awandindeban, kwane yi kuruwak yaa bumangkimaibdan yaa kuu kongendimain,  
\q2 kwane \nd Yariman\nd* yaa angkumone doriin.   
\q1
\v 7 Eb womoniyiibban ye mimyob dowaken yaa kuu dowaken kereni kubaniin,  
\q2 amborom kuu durud yewed kandaan kuu wedmeneb,  
\q2 dabab kande miin kubiyiibban keraan kuu ebkaadkerewen kowe.   
\q1
\v 8 Ebbed ne nende bondan yi dingki ari kowindo,  
\q2 ma, ebbed ne nende dewenebimbon aom kowewen.   
\q1
\v 9 O \nd Yariman\nd*, ne niindem aom miin kubiyiibban keraan kowe,  
\q2 ne yaa mimyob keewe.  
\q1 Kedi, ne indob kuu mimyob kowi ye amengbed wuud keroon,  
\q2 kwane ne idiib kingkiniib kuu mimyob wandoon.   
\q1
\v 10 Ne wad dobaraan kuu miin kubiyiibbaniib kumbedmo,  
\q2 kwane ne weeb korem kuu wareki kamembirimain.  
\q1 Dabab ne yaa meneboon kowe naromkono dowan keroon,  
\q2 kwane ne kono kuu wuud kere wonoon.   
\q1
\v 11 Ne kuu bondan yemooniib kowe nimakarub kuu ne dowad miin arewa ande ambodiibban keruwiwen,  
\q2 ne dia doriibdan kuu kuye inamen burudande ne yaa odkeneb anam keriwen.  
\q1 Nangkodmia kuu uni darewoob keruwiwen,  
\q2 kwane kane kane kiwaan arimbed wedmewimaib kuu kirokmone winimaib.   
\q1
\v 12 Ne kuu yimbed bobnoon ande nonondanduwimaib,  
\q2 kwane ne kuu nongdomatom areb keraan.   
\q1
\v 13 Wengambaraan kuu ne dowad nimakarub yemoon koraaweng weng dakmimaib,  
\q2 “Ye kuu uniwon karakwon kumbed kanawanewandoon.” andimaib.  
\q1 Ne bondan kuu ne dowad wunonwanon kamiib,  
\q2 kwane yi kuu ne dowad nuubnaan kamiib kii.   
\q1
\v 14 Kumban, o \nd Yariman\nd*, ne kuu eb yaambed yone doriin,  
\q2 kwane “Eb kuu ne God.” ande yedmimain.   
\q1
\v 15 Ne dobiri yaron kuu ebbed kinewen,  
\q2 kowe ebbed ne bondan yaambed ne nen burudande angka kowe,  
\q2 ne nenbandande kerewenmo yarimaibdan kui.   
\q1
\v 16 Eb nambiri kuu eb deme karub ne yaa yure.  
\q2 Eb womoniyiibban ye mimyob dowaken yaambed ne nen burudande angka kowe.   
\q1
\v 17 O \nd Yariman\nd*, eb yaa baandimain kowe,  
\q2 korondaawe ne yaa karak kawaib.  
\q1 Kumban arewa kamimaibdan kuu karak kandime,  
\q2 kwane bobkonombon yiri iwarimo dangime.   
\q1
\v 18 Yi dudanabi weng kuu kebende,  
\q2 amborom kuu yimbed kerengkan wengiib nubkob andi ye wengiib  
\q2 yorokmodan ben kubune manmo kere dakmimaib kowe.   
\q1
\v 19 Eb amun amun kami kuu darewoob.  
\q2 Kuye inamen kuu kane kane eb yaa une bumangkimaib yi dowad kan kowimaab.  
\q1 Kuye inamen kuu ebbed nimakarub yi indob arimbed  
\q2 kane kane ebbed kukbimaabbon aombed doriibdan yi dowad kan kowimaab.   
\q1
\v 20 Ebbed kukbimaabbon aombed doriibdan kuu  
\q2 nimakarub yi wunonwanon kamiib yaambed ben eb kerebiri ari nongkobe oonimaab.  
\q1 Ebbed kukbimaabbon aombed doriibdan kuu  
\q2 kadwoni weng yaambed ben eb oonimbon aom nongkobe oonimaab.   
\q1
\v 21 \nd Yariman\nd* yaningko kankoonem,  
\q2 amborom kuu ne kuu bondanbed kanawanewandiwen ye siti aom dobaraan kumbed  
\q2 yembed ye womoniyiibban ye mimyob dowaken korokbewoone kukuu yeka mamaa andaan.   
\q1
\v 22 Ne unimbon aombed yedmaan,  
\q2 “Eb indob arimbed kuu ne kuu kan angka karewen kii.” andaan.  
\q1 Kuned eb yaa baandaan kuu wengamberewen,  
\q2 eb yaa awawe ande baandaan kui.   
\q1
\v 23 Yembed yorokmo kerundoondan, yiib korem kuu \nd Yariman\nd* yaa mimyob dowaken keenime!  
\q2 Korondiyiibban anam ande doriibdan kuu \nd Yarimanbed\nd* dorondare awandimaan,  
\q2 kumban kerengkan kamiibdan kuu yembed kumundinmo ine dabab kondimaan.   
\q1
\v 24 Kane kane \nd Yariman\nd* ye dowad yembed kwananeen ande meedmiibdan,  
\q2 yiib korem kuu aromkono kerenib arudkono awinime.   
\c 32  
\cl Yook 32 
\toc1 Buk Yook 
\toc2 Buk Yook 
\d Dewid ye yook. \em Maskil\em* ye yook.  
\q1
\v 1 Kane kane yi wabkad kami yaa are nonondandoon kuu yi kuu amun kerundoon,  
\q2 kane kane yi ambarakmi kuu are nonondandoon kangkon.   
\q1
\v 2 Kane kane yaa \nd Yarimanbed\nd* arewadan ande yedmindo kuu amun kerundoon,  
\q2 kane kane yi niindem aom kuu dudanabiyiibban kui.   
\q1
\v 3 Ne ambarakmi dakmokban keraan kuu  
\q2 amkimombed wene amnoom kuu wareki kamembirimain kumbed  
\q2 wuudne aromkonoyiibban keraan.   
\q1
\v 4 Amborom kuu awingyawiib amnoomiib kuu  
\q2 eb dingkimbed ne arewa kami naawonmo didangkawembirimaab,  
\q1 kowe ne aromkono kuu dowan keroon,  
\q2 am kaine niminmo kere mongkobon nuubnemoon areb keroon kui.\it Selah\it*   
\q1
\v 5 Kwanoona ne kuu ne ambarakmi ben eb yaa dakmaan,  
\q2 ne arewa kami kuu eb yaa ben bikderebindo kui.  
\q1 Neka nemeren yedmaan, “Ne wabkad kami kuu  
\q2 \nd Yariman\nd* yaa dakmaniin.” andaan.  
\q1 Kwane ebbed ne ambarakmi are nonondandeewe  
\q2 ne ambarakmi dowad ne meendobi arewa kuu dowan keroon.\it Selah\it*   
\q1
\v 6 Kwani kowe, kane kane eb kerekmen ye kiwaan ari doriib kuu  
\q2 aroniib keroka yi korem eb yaa kurikuri kerime.  
\q1 Anam kuu kwananiib kuu urok areb dabab yemoon menebaneen kuu  
\q2 kubunokban keraniib.   
\q1
\v 7 Eb kuu ne biknimbon,  
\q2 dabab menebaneen kuu ebbed ne nen burudande angka koweneb,  
\q2 burudande bindi ye yook yemoon kai bangkawaneeb.\it Selah\it*   
\q1
\v 8 Yarimanbed yedmoon, “Nembed eb dobiri dowad kiwaan amun korokbebdeni kedmengkabdaniin,  
\q2 kwane nembed ongkabde oonebdaniin kii.   
\q1
\v 9 Hoos o donki yi inamen areb keraib,  
\q2 yi kuu inameniibban kowe.  
\q1 Kwane yi kuu korok ari abakiib mongkod aom buniib nong kuyiib kuyaambed awine nenwini kumbed yimin,  
\q2 kwanaabban kuu ewiib yaa manaibban.” andoon.   
\q1
\v 10 Arewa kamidan yaa kuu kubiyiibban yemoon menebimaan,  
\q2 kumban kane kane \nd Yariman\nd* yaambed yone doriib kuu  
\q2 ye womoniyiibban ye mimyob dowaken kumbed yi yaa kanawanewandimaan.   
\q1
\v 11 Yorokmodan, yiib kuu \nd Yariman\nd* yaa dowaken kere kubime!  
\q2 Kwane, niindem aom kangdommo doriibdan, yiib kuu ye yaa kube baandime!   
\c 33  
\cl Yook 33 
\toc1 Buk Yook 
\toc2 Buk Yook 
\q1
\v 1 Yorokmodan, \nd Yariman\nd* yaa kubimbed wingkime,  
\q2 kangdommo doriibdanbed ye aningko kankooni kuu yimin kowe.   
\q1
\v 2 \nd Yariman\nd* yaa aab wangke ye aningko kankoonime,  
\q2 kwane ye yaa nong angko angkoyiib ye laiya wangke wingkime.   
\q1
\v 3 Yook yewewiib ye yaa wingkime,  
\q2 mengmeng kaadkeriyiibbed wangkime, kwane kube baandime.   
\q1
\v 4 Komoyiibkob, \nd Yariman\nd* ye weng kuu yorokmo angkon anammo,  
\q2 kwane yembed komo komo kamandameen kuu korondiyiibban kwane kuyaamo awinaneen.   
\q1
\v 5 \nd Yariman\nd* kuu yorokmo dobiriyiib wengyundi anammoyiib yaa dowaken darewoob keroon,  
\q2 kwane ye womoniyiibban ye mimyob dowaken kuu okad yimin yimin yaa derendaroon.   
\q1
\v 6 \nd Yariman\nd* kuu wengmo no dakmoon kuyaambed Eweniib ambidiib kuu kwane keroon,  
\q2 kwane yembed inum naroona mindongiib wood awene kuyiib kuu dange wonoon.   
\q1
\v 7 Yembed karamok be wenorimaan,  
\q2 kwane yembed karamok niindem yiri kuu be yi dangimbon aom nongkobimaan.   
\q1
\v 8 Okad kumundin aom nimakarub korem kuu \nd Yariman\nd* yaa unime,  
\q2 kwane okad yiridan korem kuu ye yaa bumangkime.   
\q1
\v 9 Amborom kuu ye kuu wengmo yedmoona okad kuu andoween,  
\q2 kwane yembed kwanok ande yedmoona kangdommo kereen.   
\q1
\v 10 Okaddan yi inamen nekwimaib kuu \nd Yarimanbed\nd* kebenendimaan,  
\q2 kwane yi inamen nekwi kiwaan kuu yembed monmarimaan.   
\q1
\v 11 Kumban \nd Yariman\nd* ye inamen ongmoon kuu kamkonomo angkimbaraneen, aron korem.  
\q2 Ye dowaken yaambed inamen ongmoon kuu nimakarub yimin andowoon yiri dobiriwen yaronbed wene yimin wandi yaron kuu angkimbaraneen.   
\q1
\v 12 Ambibkindan kaneya yi God kuu \nd Yariman\nd* keriwen kuu amun kerundoon,  
\q2 yi kuu yembed kinene yeka ye dowad yumbon ongmoon kui.   
\q1
\v 13 \nd Yariman\nd* kuu Ewen arimbed yiri keendombere,  
\q2 nimakarub korem wedmendimaan.   
\q1
\v 14 Ye dibirimbon arimbed kerendombirimaan,  
\q2 okad yiri doriibdan korem yaa.   
\q1
\v 15 Yi korem meendobi niindem aom ongmoonman,  
\q2 yembed yi kamenabi korem kuu darobe yekaadkerundimaan kui.   
\q1
\v 16 King kane kuu ye ana nangmidan yemoon kumbed bobni yaa ma nen burudande angka kowaibban,  
\q2 kwane kanangkod kere ana nangmimaan ye karub kuu ye aromkono darewoob kumbed bobni yaa burudande kombiri wanaanban.   
\q1
\v 17 Hoos nandaneen kwangkon bobni yaa burudande kombiri wanaanban,  
\q2 kwane hoos kuu aromkono darewoowiib kumban kuye aromkono kumbed bobni yaa ma burudande kombiri wanaanban.   
\q1
\v 18 Kumban kane kane yi kuu \nd Yariman\nd* yaa une bumangkimaib kuu, yembed yi yaa oone kerendombirimaan,  
\q2 kwane kane kane God ye womoniyiibban ye mimyob dowakenbed awawaneen ande meedmimaib kuu yembed yi kuyaa oone kerendombirimaan.   
\q1
\v 19 Kwanimaan kuu bobni yaa burudande binda anded,  
\q2 kwane am kainoona animaniibban keri yaa awanda anded kui.   
\q1
\v 20 Nub kuu \nd Yariman\nd* ye dowad yembed kwananeen ande meedmo doruub,  
\q2 ye kuu nub awandi ye karub, ye kuu kombe areb nub dorondandi ye karub kowe.   
\q1
\v 21 Kedi, nub kuu ye yaambed kubi darewoob kerimaub,  
\q2 komoyiibkob, nub kuu ye aningko karadmo yaambed yone doruub kowe.   
\q1
\v 22 O \nd Yariman\nd*, eb womoniyiibban ye mimyob dowaken kumbed nub yaa angkimborok,  
\q2 nub kuu ebbed kwananeeb ande meedmo doruub kuyaambed kwanok.   
\c 34  
\cl Yook 34 
\toc1 Buk Yook 
\toc2 Buk Yook 
\d Dewid ye yook. Abimelek ya arinambo ari warudki areb iraroona Abimelekbed nen kowoona wonoon kumbed wongkoon.  
\q1
\v 1 Ne kuu aron korem \nd Yariman\nd* yaa amun kerunimamaniin,  
\q2 kwane ye aningko kankooni weng kuu korondiyiibban dakmembaraniin.   
\q1
\v 2 Ne kingkiniib kumbed \nd Yarimanbed\nd* komo komo kamenaboon ye weng yaa kerengkan kamaniin,  
\q2 kwane kane kane yenambed ben kubuniwendan kuu wengamberekorib kubaniib.   
\q1
\v 3 Yiib kuu minibko \nd Yariman\nd* ye yirin darewoob dakmendem,  
\q2 kwane ye aningko kuu nub ibonmo kankoonem.   
\q1
\v 4 Ne kuu \nd Yariman\nd* yaa awawe ande kurikuri keraana inanduwoon,  
\q2 kwane nembed unimain korem yaa kuu ne nen obon keruwoon.   
\q1
\v 5 Kane kane ye yaambed yone dobiriwen kuu kubembiriwen,  
\q2 kwane karak ye kubun kumbed yi murubia ma kebenaanban dowan.   
\q1
\v 6 Ne durud yewed aombed \nd Yariman\nd* yaa baandaana wengamberewoon,  
\q2 kwane dabab ne yaa meneboon korem yaa kuu yembed nen obon keruwoon.   
\q1
\v 7 \nd Yariman\nd* yaa une bumangkimaibdan kuu ye engyumbed dorondandimaan,  
\q2 kwane kuye engyumbed yi ben burudande angka nongkobimaan.   
\q1
\v 8 \nd Yariman\nd* ye inamen ye ambod kande wedme amun kai kii andime.  
\q2 Kane kane yembed kukbimaanbon aombed dobaraniib kuu amun kerundaneen.   
\q1
\v 9 \nd Yarimanbed\nd* karadmo kerundoondan, yiib kuu ye yaa une bumangkime,  
\q2 amborom kuu ye yaa une bumangkidan kuu yi yaa kuu ma dowan keraanban.   
\q1
\v 10 Laiyon ingkod kuu animaniibban keraniib kuu mungimo wuud keraniib kumban,  
\q2 \nd Yariman\nd* yaa awande ande kurikuri keridan kuu amunmo dobaraniib.   
\q1
\v 11 Ne danaya, mene ne yaa wengambirime,  
\q2 kwanibko nembed \nd Yariman\nd* yaa une bumangki ye kiwaan kedmengkanda.   
\q1
\v 12 Yiib kane kane wad dobiri yaa dowakeniib kerenib  
\q2 aronki yemoon amunmo dobarandamibka,   
\q1
\v 13 yiib kuu weng arewa dakmi yaa kuu kangkadmenib  
\q2 dudanabi weng yiib mongkodem aombed dembi kuu kebenenib   
\q1
\v 14 kami arewa yaa amonombenib amun amun kamenabenib  
\q2 yena yoom yewenubmo dobiri kerekmen yaambed doberenib kuyaa meeni darewoob kerime.   
\q1
\v 15 \nd Yariman\nd* ye indob kuu yorokmo kame doriibdan yaa kerenombirimaan, yi awandi dowad,  
\q2 kwane ye kerendem kuu yi baandi yaa nandimaan.   
\q1
\v 16 Arewa kamidan yaa kuu \nd Yariman\nd* ye murubia kande yangmad kerimaan,  
\q2 kwane yi aningko araneene yenambed yi yaa ma meenaibban.   
\q1
\v 17 Yorokmodan kuu baandaiwe \nd Yarimanbed\nd* wengambirimaan,  
\q2 kwane yi yaa dabab menebaane yembed ben burudande obon kerundimaan.   
\q1
\v 18 Mimyob wandi miin yiminban kerimaibdan kuu \nd Yarimanbed\nd* yi dia mene dobirimaan,  
\q2 kwane kane kane yenambed ben kubune inamen korem monmarimaibdan kuu yembed ben burudande obon kerundimaan.   
\q1
\v 19 Yorokmoman kuu dabab yemoon menebimaan,  
\q2 kumban \nd Yarimanbed\nd* kuye dabab korem yaambed ye nen burudande obon kerunimaan.   
\q1
\v 20 Ye kono korem kuu oonimaan,  
\q2 ma domokbaanban.   
\q1
\v 21 Arewa kamidan kuu arewambed monmaraneene duknaniib,  
\q2 kwane yorokmodan yi bondan kuu wengyunde ukum kondaneen.   
\q1
\v 22 Kumban \nd Yariman\nd* kuu ye demedan biddimaan,  
\q2 kwane kane kane yembed kukbimaanbon aombed dobaraniib kuu yembed wengyunde ukum kondaanban.   
\c 35  
\cl Yook 35 
\toc1 Buk Yook 
\toc2 Buk Yook 
\d Dewid ye yook.  
\q1
\v 1 O \nd Yariman\nd*, kaneya yi kuu ne yaa manmo kerimaib kuyaa kuu ebbed yi yaa manmo kerunde.  
\q2 Kwane, kaneya ne yaa nangmiwen kuyaa kuu ebbed yi yaa nangmende.   
\q1
\v 2 Eb kombeyiib kiyamiib be nekwe.  
\q2 Kwane nekwekoreb yaro dembeneb awawi dowad mene.   
\q1
\v 3 Eb maradiib ana nangmi ye daayiib benkoobe,  
\q2 ne nenbandande kerewenmo yarimaibdan yaa.  
\q1 Yedmewebka niindem aom anam anda,  
\q2 “Ne kuu eb nen bobni yaa burudande bindi ye God” ande yedmewe.   
\q1
\v 4 Ne nenbande kowande kamiibdan kuu  
\q2 yi aningko kankubunebko karak kandime.  
\q1 Ne yaa wunonwanon kamiibdan kuu  
\q2 ben angkurom kondebko karak ye kubun aom dobirime.   
\q1
\v 5 Yi kuu norok kab areb nuubbed awune kanwinimaan areb kwane kerok,  
\q2 kukuu \nd Yariman\nd* ye engyumbed wangmenmo wonok.   
\q1
\v 6 Yi wini ye kiwaan kuu kumun kere kerebbonmo kerok,  
\q2 kukuu \nd Yariman\nd* ye engyumbed yenbandande kerewenmo yarok.   
\q1
\v 7 Ne kuu yi yaa ma abdon kamindo kumban yi kuu ne dowad kawaad nong kowiwen,  
\q2 kwane ne kuu yi yaa ma abdon kamindo kumban yi kuu ne dowad dem nidke awod kebengkiwen.   
\q1
\v 8 Kudmeniibban ye monmarimbed yi yaa mene kebendok,  
\q2 kwane yika yi kawaad nong kowiwen kumbed awinde bedmendok,  
\q2 kwane yika dem ongmiwen kuri kirobime, yi monmari dowad.   
\q1
\v 9 Kwananeen kuu ne kingkin aom \nd Yariman\nd* yaa kubeni,  
\q2 yembed yi yaambed ne nen burudande angka kowaneen yaa dowakeniib keraniin.   
\q1
\v 10 Ne inamen korem kumbed baandaniin,  
\q2 “O \nd Yariman\nd*, kanembed eb yaa iibmo keroon? Dowan!  
\q1 Kamboknondan kuu aromkonodanbed yenbandimaib kuu ebbed yi ben burudande angka nongkobimaab,  
\q2 kwane kamboknondaniib awandime ande meeniibdaniib kuu yidbidan mene yi yiribman bimaib kuu ebbed yi ben burudande angka nongkobimaab.   
\q1
\v 11 Mimyob keendiyiibban kangdod aom dudanabimaibdan menenib  
\q2 kumkam ne ma kaadkerindo ye dowad ne yaa kaamowimaib.   
\q1
\v 12 Ne amun kamaan ye dowad kuu yimbed arewambed inanduwenib,  
\q2 ne nen kubunaiwe ne niindem aom yiminban kerimain.   
\q1
\v 13 Kuned yi kuu anikad kandimaib kuu mimyob wandi ye ebkad boroneni,  
\q2 animan koronde neka kankubuneni,  
\q2 kurikuri kamimain kumban Godbed ma inandimokban.   
\q1
\v 14 Ne angkodmi maa o ne daman maa anikadiib areb yi dowad yuudemoon areb kerimain,  
\q2 kwane awaan bobnaune yuudemoon areb yi dowad ne korok wan yiri kubune yuudi ameng kamimain.   
\q1
\v 15 Kumban ne yaa dabab meneboon kuu yi kuu kube nedbiwen,  
\q2 kwane nenbandidan kuu ne koron kumbed nedbe ne yaa manmo keriwen.  
\q2 Yi kuu womoniyiibban ne yaa wengamborokbanabimaib.   
\q1
\v 16 Yi kuu God ye kiwaan yikaadbandan areb arewa keruwe damangkawenib,  
\q2 ne yaa ningkambo kabang kamenib arud darewoob wandiwen.   
\q1
\v 17 O \nd Yariman\nd*, aron komoyiib awawokban kere no keewombaraneeb?  
\q2 Yi monmari yaambed ne wadkeri nen burudande angka kowe.  
\q2 Laiyon areb keriwendan keyaambed ne nen burudande angka kowe.   
\q1
\v 18 Kee kwananeeb kuu kadaareb nedbiwen aombed eb yaa eso andaniin,  
\q2 kwane kadaareb yemoon aombed ewaningko kankoonaniin.   
\q1
\v 19 Korondaawa ne yaa idiibban bon keriwendanbed ambon kamewaib.  
\q2 Kwane korondaawa ne yaa ogoodmo arud wandiwendanbed dabab ne yaa meneboon ye dowad kubaib.   
\q1
\v 20 Yi kuu yewenub ye dowad ma dakmimokban,  
\q2 kwane yi kuu dudi ye kadwoni weng ongmimaib,  
\q2 kane kane nuwokad aombed iwarimo doberem ande doriib yaa.   
\q1
\v 21 Ne bondan kembed ne yaa baande yedmimaib,  
\q2 “Ai, ai, kee kamune kamoon kuu nuwindobbed wedmenuwen kii!” andimaib.   
\q1
\v 22 O \nd Yariman\nd*, korem kuyiib kuu wedmewen kowe iwari keraab.  
\q2 O \nd Yariman\nd*, eb kuu kwamune ne yaa ambab keraab.   
\q1
\v 23 Yaro dembe. ne angkumone kebeni dowad yaro mene!  
\q2 Ne God, ne Yariman, ne dowad koromoni weng nekwe!   
\q1
\v 24 O \nd Yariman\nd* ne God, eb yorokmo kerekmen yaambed ne dowad wengyunde ambarakmindo ande.  
\q2 Kwane korondaawa ne bondanbed ambon kamewaib.   
\q1
\v 25 Korondaawa yi kekamune meenaib, “Ai, nub dowaken keruwen kuu kanduwen kii!” andaib.  
\q2 Kwane korondaawa yi kekamune ne dowad yedmaib, “Nubbed ye monmaruwen dowan!” andaib.   
\q1
\v 26 Kane kane ne dabab kandaan yaa kubaniib kuu  
\q2 yi korem ben karak kondoko kerebkarab kamime.  
\q1 Kwane, kane kanembed ne nen yiri kubune yika yi aningko kankoonaniib kuu  
\q2 yi dobiri aom kuu karakiib derendaroko kubuniibban ye aningko kandok.   
\q1
\v 27 Kumban kane kane Godbed ne dowad wengyunde ambarakmindo andoon yaa kubaniib kuu  
\q2 dowakeniib kere kube baandime.  
\q1 Yi kuu kekamune yedmimamime, “\nd Yariman\nd* yaningko arimbed kerok,  
\q2 yembed ye dememan amunmo dobirimaan kuyaa kubimaan kii.” andimamime.   
\q1
\v 28 Eb inamen yorokmo kuu dakmendaniin,  
\q2 kwane amkimombed wene amnoom kuu ewaningko kankoonaniin.   
\c 36  
\cl Yook 36 
\toc1 Buk Yook 
\toc2 Buk Yook 
\d Yook ambo bi ye karub yeman. \nd Yariman\nd* ye dememan Dewidbed wongkoon.  
\q1
\v 1 God yaambed weng kuu ne niindem aom meneboon, arewa kamidan yi ambarakmenabi ye dowad,  
\q2 kedi yi inamen aom kuu God yaa unimokban.   
\q1
\v 2 Amborom kuu ambarakmimbed “Eb kuu karub amun.” andaane yeka ye indob arimbed kerengkan kamimaan kowe,  
\q2 ye ambarakmi ma wedmindo, kuyaa kongenindo.   
\q1
\v 3 Ye mongkodkonombed dakmimaan ye weng kuu yena yaa bon kerundi ye weng angkon dudanabi weng,  
\q2 kwane ye kuu inamen kangdomiib kami amuniib yaa korondoon dowan.   
\q1
\v 4 Ye angkimbon arak ari angkimaan kwangkon yena yaa bon kerundi ye inamen kowimaan,  
\q2 kwane “Arewa kami ye kiwaan ari dobara.” ande kwanimaan,  
\q2 kwane ye kuu inamen arewa yaa kangkadmimokban.   
\q1
\v 5 O \nd Yariman\nd*, eb womoniyiibban ye mimyob dowaken ye ambab kuu daane ewen ari nandoon,  
\q2 kwane eb ma korondiyiibban eweng awini ye ambab kuu daane ambid ari nandoon.   
\q1
\v 6 Eb yorokmo kerekmen kuu aromkono darewoob ye aangko areb,  
\q2 kwane eb wengyundi kuu karamok ye niindem ambab yiri areb.  
\q1 O \nd Yariman\nd*, nimakaruwiib dingkaniib oonendimaab.   
\b  
\q2
\v 7 O God, eb womoniyiibban ye mimyob dowaken kuu miin manimanandeb anam!  
\q1 Nimakarub kuu eb buraab ye kubun kurumbon areb ebbed kukbimaabbon aombed doriib.   
\q1
\v 8 Yi kuu ewambiwoom animan yiminmo kumbed orok animaib,  
\q2 kwane ebbed yi yaa kubembirimaab ye ok awaan yaambed ok kondimaab.   
\q1
\v 9 Amborom kuu eb yaambed wadkeri ye ambokab ye ok meneboon,  
\q2 kwane eb nambiri yuroon kumbed wad dobere wedmuub.   
\q1
\v 10 Eb womoniyiibban ye mimyob dowaken kuu kane kane eb yaa yikaadkeriwendan kuyaa kwane kondembere.  
\q2 Kwane eb inamen yorokmo kuu kane kane niindem aom kangdommo doriibdan kuyaa bangkandembere.   
\q1
\v 11 Kerengkandan kuu ne yaa mene bon keruwaib,  
\q2 kwane arewa kamidan kuu ne yaa nangmaiwe kombiri wanain.   
\q1
\v 12 Wedmime, arewa kamidan kuu yiri kirobe dangiwen,  
\q2 yi kuu ben yiri kiraroone ika dembindeban keriwen.   
\c 37  
\cl Yook 37 
\toc1 Buk Yook 
\toc2 Buk Yook 
\d Dewid ye yook.  
\q1
\v 1 Arewa kamidan yaa meendobembaraib,  
\q2 kwane ambarakmidan yi dobiri amun yaa wungkandaib.   
\q1
\v 2 Amborom kuu yi kuu kereekbed aron doboobban nuubne koknemoon areb kerimaib,  
\q2 kwane yi kuu arub koknimaan areb aron doboobban ari duknaniib kowe.   
\q1
\v 3 \nd Yariman\nd* yaa angkumone doberenib amun amun kamenabime,  
\q2 kwane okad kirikee doberenib korondiyiibban ye weng awinime.   
\q1
\v 4 Yiibkareb \nd Yariman\nd* yaambed kubenime,  
\q2 kwananiib kuu yembed yiib niindem aom meenmiib yeman kuu kondaneen.   
\q1
\v 5 Yiib wad dobiri kerekmen kumundin kuu \nd Yariman\nd* yaa konime,  
\q2 kwane ye yaambed yone dobirime. Kwananiib kuu yiib yaa awandaneen.   
\q1
\v 6 Yembed yiib yorokmo kerekmen kuu ben ongmaneene warewini ye namberemoon areb keraniib,  
\q2 kwane yiib kangdod weng anam kuu kan ongmaneene aronkob yaa yuremoon areb keraneen.   
\q1
\v 7 \nd Yariman\nd* yarinambo ari kuu iwari kerenib yembed kwananeen ande yodbirimban ema meedmime,  
\q2 kwane kane kane arewa kamaniib kuu yimin keraneen kuyaa meendobembaraib,  
\q2 yimbed inamen arewa ongmenib kwane ambangkaniib kuyaa kui.   
\q1
\v 8 Norina aruda yaa kuu deerewandekorib amonombime,  
\q2 kwane meendobembaraib, meendobembaraniib kumbed arewa kamaniib kowe.   
\q1
\v 9 Amborom kuu arewa kamidan kuu yi yumbon yaambed nadme ben kiradmaneen kumban,  
\q2 kane kane \nd Yarimanbed\nd* ari kwananeen ande meedmaniib kuu okad kuyaom yumbon kandaniib.   
\q1
\v 10 Aron dukmenmo arimbed arewa kamidan kuu ma dobaraibban dowan,  
\q2 kwane yiib kuu yi ande onmaniib kumban yi kuu ma wedmaibban.   
\q1
\v 11 Kumban yika kankubuniwendan kuu okad kuyaom yumbon kandenib  
\q2 yewenubmo kube dobaraniib.   
\q1
\v 12 Arewa kamidan kuu yorokmodan yaa wunonwanon kamenib,  
\q2 arud wande ningkambo kabang kamendimaib.   
\q1
\v 13 Kumban \nd Yarimanbed\nd* arewa kamidan yaa ambon kamendimaan,  
\q2 amborom kuu ye yekaad yi ben wengyundi yaron kuu menuun kowe.   
\q1
\v 14 Arewa kamidan kuu yi kerewang ben biangkenib  
\q2 anangkab be angkokbimaib kuu,  
\q1 kamboknondaniib awandime ande meeniibdaniib yaa ben kubudiri dowad,  
\q2 kwane kangdommo doriibdan yenbandi dowad kui.   
\q1
\v 15 Kumban yikareb yi kerewangbed yi mimyob yaa dem nabangkaniib,  
\q2 kwane yi anangkab kuu domabangkaniib.   
\q1
\v 16 Yorokmodanbed amunmo dobere yiribman yemoonban bemoon areb yiribman yemoonban be dobaraneeb kuu amun,  
\q2 arewa kamidan yemoonbed birande yiribman yemoon bemoon areb yiribman yemoon kai be dobaraneeb arebban.   
\q1
\v 17 Amborom kuu arewa kamidan yi aromkono kuu monmaraneen,  
\q2 kumban \nd Yarimanbed\nd* yorokmodan yaa angkumone awandimaan.   
\q1
\v 18 \nd Yariman\nd* kuu ambarakmiwen kii ande kadwondiyiibbandan yi weeb kuu yekaadkeroon,  
\q2 kwane yi yumbon kandiwen kuu aron korem kwane angkimbaraneen.   
\q1
\v 19 Monmare arewa keri yaron ari keranuun kuu yi kuu karak kandaibban,  
\q2 yongkonbi kere animaniibban aron keranuun kuned yi kuu animan yemooniib keraniib.   
\q1
\v 20 Kumban arewa kamidan kuu monmaraneene duknaniib,  
\q2 kwane \nd Yariman\nd* ye bondan kuu at wuung nong wuung areb,  
\q2 erebnarimban dowan keraniib, amareng areb are wene kirodmo dowan keraniib.   
\q1
\v 21 Arewa kamidan kuu araben kandimaib kuu angkon ika inendimokban,  
\q2 kumban yorokmodan kuu nindorokiibbed kondimaib.   
\q1
\v 22 Kane kane \nd Yarimanbed\nd* amun kerundaneen kuu okad kumaom yumbon kandaniib,  
\q2 kumban kane kane yembed butun kerundaneen kuu yumbon kuyaambed nadme ben kiradmaneen.   
\q1
\v 23 Kwane \nd Yarimanbed\nd* karub maa ye dobiri kerekmen yaa amun ande dowakeniib keraneen kuu,  
\q2 ye yon dodki kuu kangdommo kerunaneen.   
\q1
\v 24 Kuye karub kuu boknandaneen kuu kombaraanban,  
\q2 amborom kuu \nd Yarimanbed\nd* ye dingki yaa awinene ongmaneene kangdommo dobaraneen kowe.   
\q1
\v 25 Anuk kuu ne kuu kewedman kere kibikee ne kuu kiomnaan,  
\q2 kuned ne kuu ma wedmaane yorokmodan kuu korem domondindo,  
\q2 kwane ma wedmaane yi danambed animaniibban keroona ma kaamobenmo yarindo.   
\q1
\v 26 Yorokmodan kuu aron mimim nindorokiibbed munob bangkandenib araben kondimaib,  
\q2 kwane yi dana kuu amun kerundi yeman.   
\q1
\v 27 Arewa yaa koronde amonombe amun kamime,  
\q2 kwananiib kumbed okad kuyaom kuu aron korem dobaraniib.   
\q1
\v 28 Amborom kuu \nd Yariman\nd* kuu wengyundi anam yaa dowakeniib kerunoon,  
\q2 kwane kane kane ye yaa korondiyiibban ye weng awine doriibdan kuu yembed ma domondaanban.  
\q1 Yi kuu aron korem dorondandaneen,  
\q2 kumban arewadan yi dana meed kuu yumbon kuyaambed nadme ben kiradmaneen.   
\q1
\v 29 Yorokmodan kuu okad kuyaom yumbon kandenib  
\q2 kuyaom aron korem dobaraniib.   
\q1
\v 30 Yorokmoman ye weng dakmimaan kuu inamen kangdommo,  
\q2 kwane ye weng kuu wengyundi anam yaambed dakmimaan.   
\q1
\v 31 Ye God ye amob kuu ye niindem aom kowe,  
\q2 ye yon kuu kereeb beresare kombirimokban.   
\q1
\v 32 Arewa kamidan kuu yorokmodan yi dowad biknimbon aombed yemyeb dibere meedmimaib,  
\q2 yi wadkeri monmari dowad.   
\q1
\v 33 Kumban \nd Yariman\nd* kuu yorokmodan domondaane bondan yi aromkono aom awunaibban,  
\q2 kwane ye kuu yorokmodan domondaane bondanbed kangdod aombed wengyunde ukum kondaibban.   
\q1
\v 34 \nd Yariman\nd* yaa meedmenib  
\q2 ye kiwaan yaambed winime.  
\q1 Yembed yiib aningko kankoonaneene okad kuyaom yumbon kandaniib,  
\q2 kwane arewa kamidan kuu yi yumbon yaambed nadme ben kiradmaneen kuu yiibka wedmaniib.   
\q1
\v 35 Ne kuu wedmaane mimyob keendiyiibban kere arewa kamenabi ye karub kuu  
\q2 at yeeb kumbed ye okad anam yirimbed kirod kaine yiminmo amnemoon areb kamoon.   
\q1
\v 36 Kumban aron doboobban arimbed bobnoon kuu korem dowan keroon.  
\q2 Ne kuu ye ande onmaan kumban ye kuu ma wedmenindo.   
\q1
\v 37 Ambarakmiwen kii ande kadwondiyiibban yimo doriibdan yi dobiri yaa kuu ongme meene wedmendime,  
\q2 kwane kangdommo doriibdan yi dobiri yaa andangke meene wedmime.  
\q1 Amborom kuu kane kanembed yewenubmo dobiri ye kiwaan arimbed doriib kuu ari danayayiib awoyayiib keraniib.   
\q1
\v 38 Kumban ambarakmidan korem kuu monmaraneen,  
\q2 kwane arewa kamidan yi danaya awoya kuu yi yumbon yaambed nadme ben kiradmaneen.   
\q1
\v 39 Yorokmodan ben bobni yaa burudande bindi ye kiwaan kuu \nd Yarimanbed\nd* ongmoon,  
\q2 yi yaa dabab minimaan kuu yembed awande dukmondimaan.   
\q1
\v 40 \nd Yarimanbed\nd* yorokmodan kuu awandene arud ye barang yaambed ben angka nongkobimaan,  
\q2 kwane yembed arewa kamidan yaambed dorondandene yi ben angka nongkobimaan,  
\q2 amborom kuu yi kuu yembed kukbimaanbon aombed dobirimaib kowe.   
\c 38  
\cl Yook 38 
\toc1 Buk Yook 
\toc2 Buk Yook 
\d Dewid ye yook. Kaamoni yeman.  
\q1
\v 1 O \nd Yariman\nd*, eb norin wande ongkawaab,  
\q2 kwane eb arud wande ne yaa didangkewaab.   
\q1
\v 2 Amborom kuu eb ana kumbed ne yaa nabangkoon,  
\q2 kwane eb dingki kumbed ne nen kubunewen.   
\q1
\v 3 Ebbed ne yaa norin wandewen kowe ne id kuu yiminban keroon,  
\q2 kwane ne niindem aom kuu korem amuniibban keroon, ne ambarakmaan kowe.   
\q1
\v 4 Ne ambarakmimbed ne nen dabuknandoon,  
\q2 kukuu dabab darewoob kanyarindeban kwane areb keroon.   
\q1
\v 5 Ne yaa kad yaa bobbob kuu yingkenabe miin arewa keroon,  
\q2 amborom kuu inameniibban kamaan kowe.   
\q1
\v 6 Ne kuu nikbe kan kubune yiminban keraan,  
\q2 kwane amkimombed wene amnoom kuu yuudi ameng kame yarebimain.   
\q1
\v 7 Ne id kuu yewed ye niminbed naawonmo denobembirimaan,  
\q2 kwane ne niindem aom kuu korem amuniibban keroon.   
\q1
\v 8 Ne kuu meenindeban kereni yob beengkemoon areb keraan,  
\q2 kwane niindem aom miin yiminban kereni wareki kamimain.   
\q1
\v 9 O \nd Yariman\nd*, nembed komo komo kamandamiin ye inamen korem kuu eb arinambo ari dianmo dangoon,  
\q2 kwane ne inum narimain kuu eb ebkaad, biknindo.   
\q1
\v 10 Ne mimyob kuu kurungkurung deeroon,  
\q2 kwane naromkonoyiibban dowan keraan,  
\q2 kwane ne indob kuu wud dabuneen.   
\q1
\v 11 Ne arewa keraan kumbed ne mimyob dowaken keendaandaniib nangkodmiayiib kuu bongwawimokban keriwen,  
\q2 kwane ne karubkim kangkon ambab angkambed dobirimaib.   
\q1
\v 12 Kane kanembed ne yaa nenbande kowandamiib kuu ne dowad kawaad nong kowe bikniwen,  
\q2 kwane kane kanembed nenbandandamiib kuu ne dowad ye nen monmarem ande kamiib,  
\q2 amkimombed wene amnoom kuu wunonwanon kamimaib kui.   
\q1
\v 13 Ne kuu kerendem warudki wengambirimokbanman areb,  
\q2 kwane ne kuu wengwaab dakmimokbanman areb.   
\q1
\v 14 Anamaa, ne kuu karub maa wengambirimokbanman areb kereni,  
\q2 ye mongkod dande inandimokbanman areb keraan.   
\q1
\v 15 O \nd Yariman\nd*, ne kuu eb ande meedmiin,  
\q2 o \nd Yariman\nd* ne God, ebbed ne yaa inanduwaneeb.   
\q1
\v 16 Amborom kuu nembed yedmaan, “Ne yon kereeb beresare kombaraniin kuu,  
\q2 yi kuu domondaawe ne yaa ambon kamewenib ne nen kubune yika kankoonaib.” andaan.   
\q1
\v 17 Kedi, ne kuu kombarandamiin,  
\q2 kwane ne yaa yewed kuu ma womoniyiibban angkeen.   
\q1
\v 18 Ne ambarakmi kuu God yaa dakmaan,  
\q2 kwane ne ambarakmi wedmeni meendobembere yiminban keraan.   
\q1
\v 19 Kumban ne bondan kuu korereyiibban amunmo angkon aromkonoyiib,  
\q2 kwane idiibbanbed ne yaa arud wandiwendan kuu yemoon.   
\q1
\v 20 Kane kane ne amun kami yaambed arewa kamewimaib kuu,  
\q2 amun kami ye kerekmen yaa wanaine ne yaa wengamborokbanabimaib.   
\q1
\v 21 O \nd Yariman\nd*, ne yaa domowaab,  
\q2 o ne God, ne yaa ambab keruwaab.   
\q1
\v 22 O \nd Yariman\nd*, ne nen burudande angka kowi ye karub,  
\q2 kirod mene awawe.   
\c 39  
\cl Yook 39 
\toc1 Buk Yook 
\toc2 Buk Yook 
\d Yook ambo bi ye karub yeman. Yedutun ye dowad wongkoon. Dewid ye yook.  
\q1
\v 1 Nembed yedmaan, “Ne dobiri kerekmen kuu nekareb kangkadmaniin,  
\q2 kwane ne weng dakmi yaambed ambarakmain.  
\q1 Arewa kamidaniib ne arinambo ari keraniibbed kuu  
\q2 weng ma dakmainban.” andaan.   
\q1
\v 2 Ne kuu ne mongkodkono kebene iwari kereni,  
\q2 weng maa ma dakmokban kerimain, weng amun kangkon.  
\q2 Kwanimain kumban ne mimyob wandi kuu darewoob arimbed keroon.   
\q1
\v 3 Ne niindem aom kuu nimin denobimaan,  
\q2 kwane meendobaine amot areb denimaan.  
\q1 Kwanekori yedmaan,   
\q1
\v 4 “O \nd Yariman\nd*, ne aron yimin wandaneen kuu korokbewe.  
\q2 Kwane, weeb komoyiib ari dobaraniin kangkon korokbewe.  
\q2 Kwananeeb kuu ne wad dobiri kuu aron dukmenmo yeman ande nekaadkeraniin.” andaan.   
\q1
\v 5 Kedi, ebbed ne weeb ongmewen kuu kumunkingkaniin kuu dingki mimo angkarambed wene angkara areb kumbedmo,  
\q2 kwane ne wooneenbed wene bobnaniin ye weeb kuu eb yaambed kuu barang anamban areb miin dukmen mana.  
\q2 Nimakarub mimim yi dobiri ye weeb kuu eb yaambed kuu inum koni mimo areb kumbedmo.\it Selah\it*   
\q1
\v 6 Anam kuu nimakarub dewenebimaib kuu kuruwakmo areb barang darewoobban.  
\q2 Anam kuu komo komo ambangkimaib kuu ma id kerimokban.  
\q2 Kwane, yi kuu yiribman yemoon bimaib kumban, ari duknaniiwe yi yiribman kanembed baniib kuu yikaadban.   
\q1
\v 7 Kwane kowe, \nd Yariman\nd*, kibikee komo dowad kereknaniin?  
\q2 Ne meeni amaan ari kwananeen ande meenaan kuu eb yaamo.   
\q1
\v 8 Ne ambarakmi korem yaa kuu awaweneb nen angka kowe.  
\q2 Kwane domowaawe inameniibbandanbed damangkawaib.   
\q1
\v 9 Ne kuu iwari keraan, ne mongkod dande weng dakmainban,  
\q2 amborom kuu ke dabab kandaan kee ebka ebbed kwamune ambangkewen kowe.   
\q1
\v 10 Ebbed ne yaa ukum kawewen kuu kan angkane.  
\q2 Ne kuu eb dingkimbed woweewe korem yiminban keraan.   
\q1
\v 11 Ebbed nimakarub yi ambarakmi dowad ongkandeneb didangkimaab,  
\q2 kwane ebbed yi yiribman kuu amberodbed ane dowan keremoon areb kerundewen.  
\q2 Nimakarub mimim yi kuu inum koni mimo areb barang miin embeng mana.\it Selah\it*   
\q1
\v 12 O \nd Yariman\nd*, ne kurikuri weng wengambere.  
\q2 Ne awawe ande baandaan kuu wengambere.  
\q2 Ne ameng kami yaa kuu kerendem warudki areb keruwaab.  
\q1 Amborom kuu ne yaa arud wandewen kumbed ne kuu eb yaa owodman areb keraan,  
\q2 nawoya yiri areb norodman keraan kui.   
\q1
\v 13 Ne yaa ebbed arud wande indob korarewen kuu womone.  
\q2 Kwanebko ne angkon ika kuba.  
\q2 Kwanaabban kuu ne kuu kimyen wene bobnaniin.   
\c 40  
\cl Yook 40 
\toc1 Buk Yook 
\toc2 Buk Yook 
\d Yook ambo bi ye karub yeman. Dewid ye yook.  
\q1
\v 1 Ne kuu yodbirimban emamo \nd Yariman\nd* yaa meedmaan,  
\q2 kwane ye kuu amonombene ne baandi yaa wengamboroon.   
\q1
\v 2 Yembed monmari ye dem yirimbed ne nen angka kowoon,  
\q2 birin yerekbon yirimbed kui.  
\q1 Yembed ne yon kuu dumnad ari ongmene  
\q2 kamkonombon ari dori yeman kawoon.   
\q1
\v 3 Kwane, yembed ne niindem aom yook yeweb kowoon,  
\q2 nub God yaningko kankooni ye yook kui.  
\q1 Yemoon kuu wedmekorib unenib  
\q2 \nd Yariman\nd* yaa angkumone dobaraniib.   
\q1
\v 4 Kane kanembed \nd Yariman\nd* yaambed yone dobiriwen kuu amun kerundoon,  
\q2 yi kuu kerengkandan yaambed yone dobirindo,  
\q2 God anam yaa koronde dudi god yaa winiwendan yaambed yone dobirindo kui.   
\q1
\v 5 O \nd Yariman\nd* ne God,  
\q2 binangke eb kuu anam andi yeman korokbewen kuu yemoon.  
\q1 Ebbed nub dowad komo komo meene ongmenabewen kuu,  
\q2 karub maambed angkon ika eb yaa kimingkaanban.  
\q1 Kuye dowad nembed dakmenabaniin kuu,  
\q2 dakme dowan kerindeban, yi kuu yemoon kowe.   
\q1
\v 6 Eb yaa dingkan aye nengke baeb koniyiib animan munob koniyiib kuu eb dowakenban,  
\q2 kwane eb kuu eb yaa dingkan kumundin nengke agedmo kere baeb koniyiib ambarakmi aari dowad dingkan aye agedmo kere baeb koniyiib kamime ande kowindo,  
\q2 kumban ne kerendem kuu nandewen.   
\q1
\v 7 Kowe, nembed yedmaan, “Ne kuu kei, ke manaan kei.  
\q2 Buk bedmiwen kuu ne dowad wongkoon.   
\q1
\v 8 O ne God, eb dowaken yaambed ambangkande meenaan.  
\q2 Eb amob kuu ne niindem aom angkeen.” andaan.   
\q1
\v 9 Ne kuu yorokmo keri ye kerekmen kadaareb nedbimaib aombed dakmimain,  
\q2 kwane ne mongkodkono karangkimokban,  
\q2 o \nd Yariman\nd*, kuyaa kuu ebkaadkerewen kii.   
\q1
\v 10 Eb yorokmo kerekmen kuu ne niindem aom kan biknimokban,  
\q2 ma, eb korondiyiibban eweng awinaneeb andiyiib ebbed bobni yaa burudande bindiyiib kuu dakmimain.  
\q1 Ne kuu kadaareb nedbimaib yaa kuu eb womoniyiibban ye mimyob dowakeniib anam anamiib kuu ben aadidmimokban.   
\q1
\v 11 O \nd Yariman\nd*, eb mimyob keendi kuu kawe, ebka amuknaab.  
\q2 Kwane, eb mimyob dowakeniib anam anamiib kumbed ne nen dorondaruwok, aron korem.   
\q1
\v 12 Kimingkindeban ye dabab yemoon kuu ne yaa awanewandoon,  
\q2 kwane ne ambarakmimbed ne yaa burudandoon kowe wedmindeban keraan.  
\q1 Ne ambarakmi kuu yemoon, ne korok ari awung kimingkindeban kwamune arebban,  
\q2 kwane ne niindem aom kuu korem yiminban keroon.   
\q1
\v 13 O \nd Yariman\nd*, dowakeniib kerebka ne nen angka kowe.  
\q2 O \nd Yariman\nd*, kirod mene awawe.   
\q1
\v 14 Ne nenbande kowandamiibdan kuu yi korem kuu  
\q2 karak kondene kerebkarab kerundok.  
\q1 Ne nen monmarande kamiibdan kuu yi korem kuu  
\q2 ben angkurom kondene yi aningko kankubunok.   
\q1
\v 15 Ne yaa damangkawe yedmimaib, “Aha! Aha!” andimaibdan kuu  
\q2 karak kandenib yika wedmenib binangkime.   
\q1
\v 16 Kumban kane kane eb ande onmiib kuu,  
\q2 eb yaa dowakeniib kerenib kubebdime.  
\q1 Kwane kane kane ebbed bobni yaa burudande bindi yaa dowakeniib keriwen kuu,  
\q2 yedmimamime, “\nd Yariman\nd* yaningko ye yirin darewoob kerok.” andimamime.   
\q1
\v 17 Kuned ne kuu kamboknon kereni awawe ande doriin kowe,  
\q2 \nd Yariman\nd* kuu ne yaa meenewok.  
\q1 Eb kuu ne awawi ye karub, angkon ne nen burudande angka kowi ye karub.  
\q2 O ne God, mokaid amaanbed andaab.   
\c 41  
\cl Yook 41 
\toc1 Buk Yook 
\toc2 Buk Yook 
\d Yook ambo bi ye karub yeman. Dewid ye yook.  
\q1
\v 1 Kanembed kamboknondan yaa meendene amun kamendimaan kuu ye kuu Godbed amun kerunoon.  
\q2 Ye yaa dabab mananeen kuu \nd Yarimanbed\nd* awanene nen angka kowaneen.   
\q1
\v 2 \nd Yarimanbed\nd* ye nen dorondarene ye wadkeri kande kukbaneen,  
\q2 kwane ye kuu okad yiri dobaraneen kuu \nd Yarimanbed\nd* amun kerunaneen,  
\q2 kwane ye bondanbed yi dowaken yaambed ye yaa komo kamenandamiib kuyaa kuu \nd Yarimanbed\nd* domonenaanban.   
\q1
\v 3 Ye kuu anikad angkimbaraneen kuu \nd Yarimanbed\nd* aromkono konaneen,  
\q2 kwane anikad angkeen yiri kuu ongmaneene wadkeraneen.   
\q1
\v 4 Kuned nembed yedmaan, “O \nd Yariman\nd*, eb yaa ambarakmaan kowe,  
\q2 ne yaa mimyob keewe ongmewebko wadkera.” andaan.   
\q1
\v 5 Ne bondanbed ne yaa arud wandenib ne dowad dakmimaib,  
\q2 “Aron komo arimbed bobnaneenkob yaningko kuu dowan keraneenka?” andimaib.   
\q1
\v 6 Yi kuyaom kuu mimo yembed neyiib yaa mene wedmewimaan kuu,  
\q2 dudi weng dakmene ne weng kande amonombe weng arewa ongmene  
\q2 bunangka wene kwane dakmen yarimaan.   
\q1
\v 7 Ne bondan korem kuu nedbenib kongewe koraaweng dakmenabimaib,  
\q2 kwane yimbed ne dowad miin arewa kerok ande meenenib   
\q1
\v 8 yedmimaib, “Ye kuu karakiib ye bobobbed aye kowoon kowe,  
\q2 ye kuyaa yiri angkeen kuu ika ma dembaanban.” andimaib.   
\q1
\v 9 Nangkodmi anam, ye yaambed yone dobaraan,  
\q2 ye kuu ne om animan animaan kuned,  
\q2 ye kangkon ne yaa manmo keroon.   
\q1
\v 10 Kumban, o \nd Yariman\nd*, eb kuu ne yaa mimyob keewe  
\q2 ne nen ongmebko wadkera. Kwanebko nembed ne bondan yaa ingka.   
\q1
\v 11 Ne bondan kuu ne yaa nangme dorindeban keriwen kowe,  
\q2 nekaadkeraan eb kuu ne yaa dowakeniib keruwewen.   
\q1
\v 12 Ne inameniib dobiriyiib dakmiyiib kuu ibmo kowe ebbed ne nenkooneneb,  
\q2 eb arinambo ari aron korem yeman kowewen.   
\q1
\v 13 \nd Yariman\nd*, Israeldan yi God kui, ye yaa amun kerunok,  
\q2 yimin andowoon yirimbed wene aron korem korem kui.  
\q2 Anam kwanok. Anam kwanok.   
\c 42  
\ms1 Buk Ayoob  
\mr Yook 42-72  
\cl Yook 42 
\toc1 Buk Yook 
\toc2 Buk Yook 
\d Yook ambo bi ye karub yeman. \em Maskil\em* ye yook Korah ye awoyambed wongkiwen.  
\q1
\v 1 O God, diiyambed ok moom bobnekore okmanambon yaa anande wenemoon areb  
\q2 kwane ne kingkin kuu eb ande onmeen.   
\q1
\v 2 Ne kingkin kuu God yaa ok moom areb keroon, wad doreen ye God yaa kui.  
\q2 Aron komo arimbed Godiib yaa wene durunenaniin?   
\q1
\v 3 Yenambed amkimombed wene amnoom kuu ne yaa yedmimaib,  
\q2 “Eb God kuu kuna? Dowan!” andimaib kowe,  
\q1 ne kuu amnoomiib awingyawiib  
\q2 animan koronde inokmo wimain.   
\q1
\v 4 Anuk kuu nembed kadaareb bindore  
\q2 God ye kurikuri ambib yaa kinban winimain,  
\q1 kukuu kube baandiyiib eso ande baandiyiib  
\q2 ne yoom kadaareb yoom God ye orokbon winimaub.  
\q1 Kuyaa kuu kibikee ika meenekori  
\q2 ne mimyob wandi kuu God yaa koneni ye yaa baandimain.   
\q1
\v 5 O ne kingkin, eb komande yerene no kubokban kerewen?  
\q2 Komande ne niindem aom monmareeb?  
\q1 Kedi, God yaningko kankoonaniin kowe, God yembed ari kwananeen ande meene.  
\q2 Ye kuu neyiib yaa doberene awawimaan ye karub, ye kuu ne God.   
\q1
\v 6 Ne kingkin kuu miin kubiyiibban keroon.  
\q2 Kwane kowe, ne kuu okad Yooden yaambed eb yaa ika meenaniin,  
\q2 aangko Heeman yaambed, aangko Misaa yaambed kui.   
\q1
\v 7 Ok niindem yirimbed okad niindem yiri yaa baandemoon areb,  
\q2 eb ok benbon ye kuweng kumbed kui,  
\q1 eb umbakiib oknondokiib korem kumbed ne ari beengkaiwe,  
\q2 korem yiminban kerimain.   
\q1
\v 8 Aronki kuu \nd Yarimanbed\nd* ye womoniyiibban ye mimyob dowaken keewok,  
\q2 amnoom kuu ye yook kuu ne yaa angkimborok,  
\q2 kukuu kurikuri yeman ne wadkeri ye God yaa kui.   
\q1
\v 9 Ne kuu God ne aromkonombon yaa kaamonimain,  
\q2 “Eb komande ne nonondanduwewen?  
\q1 Komande ne bondanbed yobdood keruwaiwe  
\q2 ne kuu kwane yuudi ameng kamembirimain?” andimain.   
\q1
\v 10 Ne bondanbed ne yaa damangkawimaib,  
\q2 amkimombed wene amnoom kwane yedmimaib,  
\q1 “Eb God kuu kuna? Dowan!” andimaib,  
\q2 kowe kono domabangki ye yewed areb kuyiib keraan.   
\q1
\v 11 O ne kingkin, eb komande yerene no kubokban kerewen?  
\q2 Komande ne niindem aom monmareeb?  
\q1 Kedi, God yaningko kankoonaniin kowe, yembed ari kwananeen ande meene.  
\q2 Ye kuu neyiib yaa doberene awawimaan ye karub, ye kuu ne God.   
\c 43  
\cl Yook 43 
\toc1 Buk Yook 
\toc2 Buk Yook 
\q1
\v 1 O God, ne dowad ebbed wengyundeneb ma ambarakmindo ande.  
\q2 Kwane ne kangdod weng koromoneneb God ye kiwaan yikaadbandan yaa kebende.  
\q2 Kwane birande arewa kamenabidan yaa kuu ne nen burudande angka kowe.   
\q1
\v 2 Eb kuu God ne dore angkumonimbon kowe,  
\q2 komande ne yaa wunekarewen?  
\q1 Komande ne bondanbed yobdood keruwaiwe  
\q2 ne kuu kwane yuudi ameng kamembirimain?   
\q1
\v 3 Eb nambiriyiib anam anamiib kuu ben yure kowe.  
\q2 Korondebko yimbed ne nen kinban winime.  
\q1 Korondebko yimbed ne nen eb aangko karadmo ari winime,  
\q2 eb dobirimbon yaa kui.   
\q1
\v 4 Kwananeen kuu ne kuu God ye bot wuubimbon yaa wananiin,  
\q2 Godiib yaa kui, ye kuu ne kubi ye ambokab kui.  
\q1 Ne kuu haap wangkeni ewaningko kankoonaniin,  
\q2 o God ne God.   
\q1
\v 5 O ne kingkin, eb komande yerene no kubokban kerewen?  
\q2 Komande ne niindem aom monmareeb?  
\q1 Kedi, God yaningko kankoonaniin kowe, yembed ari kwananeen ande meene.  
\q2 Ye kuu neyiib yaa doberene awawimaan ye karub, ye kuu ne God.   
\c 44  
\cl Yook 44 
\toc1 Buk Yook 
\toc2 Buk Yook 
\d Yook ambo bi ye karub yeman. \em Maskil\em* ye yook Korah ye awoyambed wongkiwen.  
\q1
\v 1 O God, nubka kub kerendembed wengamburuwen,  
\q2 kwane nub awoyambed unyeman yiri yi dobiriwen yaron yaambed  
\q2 ebbed komo kamewen kuu nub yaa daandiwen.   
\q1
\v 2 Eb dingkimbed ambibkin maa maadan ben angkanekoreb,  
\q2 nub awoya ben kuri nongkobewen.  
\q1 Ebbed nimakarub kuyaa dobiriwen kuu dore boknekoreb  
\q2 nub awoya ongmendeewe amunmo dobiriwen.   
\q1
\v 3 Kedi, nub awoya kuu yi kerewang yaromkono yaambed burudande okad kandindo,  
\q2 kwane yi dingkimbed nangbe burudandindo.  
\q1 Kukuu eb dingki wiwi yaromkonombed kwane burudande okad kandewen,  
\q2 kwane eb murubia ye nambirimbed nangbe burudandewen,  
\q2 amborom kuu ebbed yi yaa dowakeniib kerundewen kowe.   
\q1
\v 4 Eb kuu ne God ne king,  
\q2 Yekob ye awoya ari yi dowad inamen ongmaawe yi bondan yaa nangbe burudandimaib.   
\q1
\v 5 Eb yaambed dore nub bondan kuu ika yenbanden winimaub,  
\q2 kwane ewaningko yaambed nub manmo kerimaibdan kuu nubbed nangbe burudandimaub.   
\q1
\v 6 Kedi, ne anangkab kuyaambed nangbe burudanda ande meenimokban,  
\q2 kwane nembed nangbe burudandimain kuu ne kerewangbedban.   
\q1
\v 7 Anam kuu ebbed nub bondan yaa nangbe burudandi yaromkono kondimaab,  
\q2 kwane ebbed nub yaa manmo keriwendan yaa karak kondimaab.   
\q1
\v 8 God, eb dowad kerengkan kamimaub, amkimombed wene amnoom,  
\q2 kwane ewaningko aron korem kankoonimamanuub.\it Selah\it*   
\q1
\v 9 Kumban kibikee eb kuu nub yaa wunekareneb ben yiri kubunewen,  
\q2 kwane eb kuu nub ana nangmidan yoom ma wanaibban.   
\q1
\v 10 Nub bondan miniiwe ebbed nub ongmendeewe ikakman kirokmonuwen,  
\q2 kwane nub yaa manmo keriwendan kuu nub yaa nangbe nub yiribman biwen.   
\q1
\v 11 Ebbed nub ongmendeewe sibi yeen anemoon areb keriwen,  
\q2 kwane ebbed nub ben bokesawareewe ambibkin maa maa yaa wenebuwen.   
\q1
\v 12 Eb nimakarub kuu od embeng mana yeman ben berengkewen,  
\q2 kwane yi ben berengkewen kuu ari ma idiib kerindo dowan.   
\q1
\v 13 Ebbed nub ben ongmendeewe nub dia doriibdan yi indob arimbed dedmone dandi yeman keriwen,  
\q2 kwane yi kuu nub yaa damangkande ambon kamendimaib.   
\q1
\v 14 Ebbed nub ben ongmendeewe ambibkin maa maadanbed nub dowad nongdomatomdan andimaib,  
\q2 yi kuu nub yaa mungkuwande korok waaburukmimaib.   
\q1
\v 15 Ne karak kuu ne arinambo ari angkimbirimaan, amkimombed wene amnoom,  
\q2 kwane ne murubia kuu karakmo kerimaan,   
\q1
\v 16 amborom kuu ne yaa dedmone dawimaibdanbed damangkawimaib kowe,  
\q2 ne bondan kui, inande dabab kawimaibdan kui.   
\q1
\v 17 Korem kee nub yaa kwane menebimaan kumban,  
\q2 nub kuu eb yaa nonondandimokban kere  
\q2 eb amob weng yaa korondimokban.   
\q1
\v 18 Nub niindem aom kuu eb yaa ma koronde ika winindo,  
\q2 kwane nub kuu eb kiwaan ari koronde kimyen winindo.   
\q1
\v 19 Kumban ebbed nub kuu dore beengkeneb nuwokad kan amonombe dura anon arewa yi okad areb kerundewen.  
\q2 Kwanekoreb, nub kuu kumun darewoob kumbed kebenendewen.   
\q1
\v 20 Nub kuu nub God yaningko nonondandunekorub  
\q2 oworan yi god yaa bumangkuwen karen,   
\q1
\v 21 anam kuu God kuu kuyaa wedme yekaadkeroon karen,  
\q2 ye kuu biknoon ye inamen korem yekaadkeroon kowe.   
\q1
\v 22 Kuned eb dowadbed amkimombed wene amnoom kuu bobni yaa wedmimaub,  
\q2 kwane nub kuu sibi areb ogoodmo yenbandi kuu yimin andimaib.   
\q1
\v 23 O \nd Yariman\nd*, yaro dembe! Komande angkimaab?  
\q2 Ebkareb yaro dembe! Nub yaa aron korem wunekarundaab.   
\q1
\v 24 Eb komande murubia kan yereknekoreb  
\q2 nub durud yewediib nub yaa yenbandiyiib ye dowad ma awandindo kerewen?   
\q1
\v 25 Nub kuu bobni ye dungkun yaa doruwen,  
\q2 kwane nub id kuu okadbed yobdoodmo awineen.   
\q1
\v 26 Dembe, nub awande.  
\q2 Eb womoniyiibban ye mimyob dowaken ye dowad nub bidde.   
\c 45  
\cl Yook 45 
\toc1 Buk Yook 
\toc2 Buk Yook 
\d Yook ambo bi ye karub yeman. “Bingko Wuung” ye yook ye kiwaan yaambed wingki yeman. \em Maskil\em* ye yook Korah ye awoyambed wongkiwen. Wonong awani ye yook.  
\q1
\v 1 Ne mimyob aom manimani inamenbed dembe yiminmo kereni  
\q2 king yaa komkum dakmaan.  
\q2 Ne ong kuu komkum kami niidiib dowad moo kai kerembirimaan.   
\q1
\v 2 O king, eb kuu miin kerengkabdimbon kai, yena korem arebban,  
\q2 kwane kabamoon kondoon ye mimyob dowaken keendi weng kuu eb mongkod aombed menebimaan,  
\q2 Godbed amun kerubdoon aron korem kowe.   
\q1
\v 3 O king kanangkod aromkonoyiib, eb kerewang kande inware.  
\q2 Kwane eb dobiri manimanandewiib nambiriyiib kuu korokbende.   
\q1
\v 4 Eb dobiri manimanandeb kumbed hoos ari dibere wene burudande dore,  
\q2 anam anamiib ebka kankubune dobiriyiib yorokmo dobiriyiib korokbi ye dowad.  
\q2 Eb dingki wiwi ye aromkono kumbed warekandi ye kami kuu ongmenabe.   
\q1
\v 5 Eb ana kuu yidkang arudiib,  
\q2 kwane yi kuu eb bondan yi niindem karewandimaan.  
\q2 Ambibkin maa maadan kuu ebbed nangme burudande eb yondad dabderem yiri nongkobimaab.   
\q1
\v 6 O God, eb dibere oonimbon kuu aron korem angkimbaraneen,  
\q2 kwane eb ooni ye inamen kuu wengyundi anammo.   
\q1
\v 7 Eb kuu yorokmo kerekmen yaa dowaken darewoobmo kereneb arewa kami yaa miin dowakeniibban anam kerimaab kowe,  
\q2 God, eb God kumbed eb nen ari kowoone, eb angkodmia kuu yirimo keriwen.  
\q2 Yembed eb yaa kubimaan ye oiyo eb ari bunoon kumbed eb nen ari kowoon kui.   
\q1
\v 8 Eb ebkad doboob korem kuu meer baewiib alo baewiib kasia baewiib,  
\q2 kwane king ye ambib aiforimbed yenbiwen kuyaambed  
\q2 nongiib ye wangki yemaniib wingkenib kubi kabdimaib.   
\q1
\v 9 King maa maa yi nimadana ebbed awadmewen kuu aningko darewoowiib,  
\q2 kwane eb dingki wiwi angka kuu king maa ye mungkan awanandameeb kumbed doruun, yu kuu Ofiaa ye bot goldbed inwareen.   
\q1
\v 10 O king maa ye mungkan, nembed komo ke yedmandamiin kee kande niindem aom kowe.  
\q2 Kub ambibkindaniib karubkimiib kuu nonondande.   
\q1
\v 11 Kedi, nub king kuu kub manimani yaambedmo boknoon kii.  
\q2 Kedi, ye kuu kub yariman kowe, ye aningko kankoone.   
\q1
\v 12 Taiya ye king ye mungkan kuu munob yeman bangkabdanuun,  
\q2 kwane yiribman yemoondan kuu kubende ande kub yaa amun amun kamebdaniib.   
\q1
\v 13 King maa ye mungkan kui, yu kuu manimani ye ebkad inware yu wadnarimbon aom doruun,  
\q2 kwane yu ebkad kuu bot goldiib angkabiwen kumbed inwareen.   
\q1
\v 14 Yu kuu kwane angkabiwen ye ebkadiib inwareen kuyiib kumbed yu kuu nen kingiib yaa wananiib,  
\q2 o king, yu yoman kuu yu nima koyu amborongaadbed mananiiwe, ewiib yaa ben mananiib.   
\q1
\v 15 Yi kuu kubiyiib dowakeniibbed ben kinban wananiib,  
\q2 kwane yi kuu king ye ambib aom aomnaniib.   
\q1
\v 16 O king, eb karub dana meed kuu eb awodkia areb king keraniib,  
\q2 kwane ebbed yi kuu ben okad maa maa yi korok ongmendaneeb.   
\q1
\v 17 Nembed nimakarub yaro dobere dobere yaro wananiib korem aom eb yaa meeni yeman kuu ongmaniin.  
\q2 Kwani kowe, ambibkin korem kuu aron korem korem ewaningko kankoonaniib.   
\c 46  
\cl Yook 46 
\toc1 Buk Yook 
\toc2 Buk Yook 
\d Yook ambo bi ye karub yeman. \em Alamot\em* ye kiwaan wingki yeman. Yook kuu Korah ye awoyambed wongkiwen.  
\q1
\v 1 God kuu nub ben kukbimaanbon angkon nub aromkono,  
\q2 kwane dabab aron yaa kuu awandande nekwimbed doreenmo.   
\q1
\v 2 Kwana kowe, dowodki mananeene okad amonombanuun yaa o  
\q2 aangko aangko dande karamok yiri kirobaniib yaa kuu nub kuu unaubban.   
\q1
\v 3 Karamok umbakiib kuwengiib ok kamokiib kamanuun o  
\q2 kuye arud kumbed aangko aangko kiringmaniib kangkon unaubban.\it Selah\it*   
\q1
\v 4 God ye siti aombed kubi kanminimaun ye ok awaan angkuun,  
\q2 kuye siti kuu karadmombon, Korem Burudandoon Arimbed Ye God kuyaa doreen kui.   
\q1
\v 5 Kuyaom kuu Godbed doreen kii, kuye siti kuu komombed ma monmaraanban.  
\q2 Warewinimbed God kuu awande oonendaneen.   
\q1
\v 6 Ambibkin maa maa kuu yirinde baandiiwe, angkon oonimbon maa maa kirobiiwe,  
\q2 God ye baandi kuweng daandeene okad kuu okmo kereen.   
\q1
\v 7 Ana nangmidan yemoon ye \nd Yariman\nd* kuu nuwiib doreen,  
\q2 Yekob ye God kuu nub dorondandi ye karub.\it Selah\it*   
\q1
\v 8 Yiib menenib \nd Yariman\nd* ye ambangkanabi kee wedmime,  
\q2 okad ari ke monmarenaboon kee wedmime.   
\q1
\v 9 Yembed okad yimin yimin yaa kuu ana nangmi kebenimaan,  
\q2 kwane yembed anangkab domabangkene marad ben monmarene  
\q2 kombe kuu amotbed denimaan.   
\q1
\v 10 Yembed yedmimaan, “Ne kuu God kowe iwari kerenib wedme meendobe kaadkerime.  
\q2 Ne aningko kuu ambibkin korem ye nimakarubbed kankoonaniib,  
\q2 kwane ne aningko kuu okad korem yaambed kankoonaniib.” andimaan.   
\q1
\v 11 Ana nangmidan yemoon ye \nd Yariman\nd* kuu nuwiib yaa doreen,  
\q2 Yekob ye God kuu nub dorondandi ye karub.\it Selah\it*   
\c 47  
\cl Yook 47 
\toc1 Buk Yook 
\toc2 Buk Yook 
\d Yook ambo bi ye karub yeman. Yook kuu Korah ye awoyambed wongkiwen.  
\q1
\v 1 Ambibkin koremdan, yiib dingki wangkime,  
\q2 God yaa kubiyiibbed baandime.   
\q1
\v 2 Amborom kuu Korem Burudandoon Arimbed Ye \nd Yariman\nd* kuyaa kuu unime andi yeman,  
\q2 ye kuu King miin darewoob arimbed okad korem oonimaan kui.   
\q1
\v 3 Yembed ambibkin maa maa ben nub ooni dabderem yiri keroon,  
\q2 yi kuu nub yon dabderem yiri ben nongkoboon.   
\q1
\v 4 Yembed nub yumbon kuu nub dowad kine kowoon,  
\q2 kukuu nub okad kui,  
\q2 kuyaa kuu Godbed mimyob dowaken keenoonman Yekobbed kerengkan keroon.\it Selah\it*   
\q1
\v 5 God kuu kube komkimaib ye kidangkambed daanoon,  
\q2 ku \nd Yariman\nd* kui, ye kuu kibi komkimaib kumbed daanoon.   
\q1
\v 6 God yaa ye aningko kankooni yook wingkime, kuye yook wingkime,  
\q2 nub King yaa ye aningko kankooni yook wingkime, kuye yook wingkime.   
\q1
\v 7 Kedi, God kuu okad kumundin ye king,  
\q2 ye yaa yook kangdommombed ye aningko kankoone wingkime.   
\q1
\v 8 Godbed ambibkin korem kuu oonimaan,  
\q2 God kuu ye dibere oonimbon karadmo arimbed dibeen.   
\q1
\v 9 Ambibkindan yi korok korok kuu  
\q2 Abraham ye God ye nimakarub yoom nedbimaib,  
\q1 amborom kuu okad yiridan yaa oonidan kuu God yeman kowe,  
\q2 ye yaa darewoobmo aningko kankooni yeman.   
\c 48  
\cl Yook 48 
\toc1 Buk Yook 
\toc2 Buk Yook 
\d Yook ambo bi ye karub yeman. Yook kuu Korah ye awoyambed wongkiwen.  
\q1
\v 1 \nd Yariman\nd* kuu aningko darewoowiib, ye kuu korem yena arebban, ye aningko kumbedmo kankooni yeman,  
\q2 nub God ye siti aombed, ye aangko karadmo arimbed kui.   
\q1
\v 2 Aangko Saiyon ari kuu manimanandeb kii,  
\q2 kuyaa kuu okad kumundinbed kubimaun,  
\q1 kukuu karadmo anam kai,  
\q2 kukuu darewoob arimbed ye King ye siti kui.   
\q1
\v 3 God kuu yu dorondandimbon aom doreen,  
\q2 kwane yeka korokboon kuu ye kuu yu dowad aromne angkumonimbon keroon.   
\q1
\v 4 Kedi, king maa maa mene nangmi dowad daboknenib  
\q2 ibonmo mene dia keriwen kuu   
\q1
\v 5 kuye siti wedmekorib binangkiwen,  
\q2 kwane uniwon karakwon kere kirokmoniwen.   
\q1
\v 6 Kwane yi kuu unimo keriwen,  
\q2 yi kuu wonong dana woonande yewed kandimaun areb keriwen.   
\q1
\v 7 O God, ebbed yi ben monmarewen,  
\q2 yi kuu aron dembimaun angka ye nuubbed Taasisdan yi motod baangkenu kurubkurub keremoon areb keriwen.   
\q1
\v 8 Godbed kwanoon kuu kwane wengamburuwen,  
\q2 kwane nubka wedmuwen.  
\q1 Ana nangmidan yemoon ye \nd Yariman\nd* ye siti aom,  
\q2 nub God ye siti kui,  
\q2 yembed yu kuu ongmendaane komombed ma monmaraanban yeman kereen aron korem.\it Selah\it*   
\q1
\v 9 O God, eb womoniyiibban ye mimyob dowaken yaa meendobembere kubimaub,  
\q2 eb kurikuri ambib aombed.   
\q1
\v 10 O God, eb yirin kuu okad yimin yimin yaa derendaroon kwamune areb kuu,  
\q2 ewaningko kankooni kangkon derendaroon.  
\q2 Kwane eb dingki wiwi kuu ambangki yorokmoyiib kumbedmo.   
\q1
\v 11 Eb wengyundi kuu anammo kowe,  
\q2 aangko Saiyondan kuu kubimaib,  
\q2 ambibkin Yudadan kangkon kubimaib.   
\q1
\v 12 Aangko Saiyon yu siti Yerusalem awanewande dewenebime,  
\q2 kukbiri ye ambib kongam kuu kimingkime,   
\q1
\v 13 siti kuuk yaa ongme andangkime,  
\q2 aromne angkumonimbon korem wedmenabime.  
\q2 Kwananiib kumbed yiibbed komo komo wedmiwen kuu yiib awoya ari yaa daandaniib.   
\q1
\v 14 Kedi, God kee nub God aron korem korem,  
\q2 kwane ye kuu nub ben kinban winimamaneen aron korem.   
\c 49  
\cl Yook 49 
\toc1 Buk Yook 
\toc2 Buk Yook 
\d Yook ambo bi ye karub yeman. Yook kuu Korah ye awoyambed wongkiwen.  
\q1
\v 1 Ambibkin koremdan, weng kee wengambirime,  
\q2 kane kane okad kiri doriib, yiib korem ke wengambirime,   
\q1
\v 2 aningkoyiibbandaniib aningko ariyiibdaniib,  
\q2 yiribman yemoondaniib kamboknondaniib, yiib korem kui.   
\q1
\v 3 Ne mongkodkonombed meeni kangdom ye weng dakmaniin,  
\q2 kwane ne niindem aombed weng menebaneen kumbed kaadkeri kuu kondaniin.   
\q1
\v 4 Ne kerendem kuu ongkandi weng yaa kowe wengambaraniin,  
\q2 kwane haawiibbed wangkeni weng yobdood ye id kuu kedmengkandaniin.   
\q1
\v 5 Ne yaa aron arewa mananuun kuu komande unaniin? Dowan, unainban.  
\q2 Arewa kame birandimaibdanbed ne yaa kanawanewandaniib kuned unainban.   
\q1
\v 6 Kane kane yi yiribman yemoon yaa yone  
\q2 nub kuu yiminmo ande kerengkan kamimaibdan kumbed manmo keruwaniib kangkon unainban.   
\q1
\v 7 Karub kanembed karub maa ye wadkeri dowad ma biddindeban,  
\q2 kwane yembed karub maa ye dowad God yaa ma moonindeban.   
\q1
\v 8 Wadkeri ye dowad biddi kuu yeka mamaa,  
\q2 odbed kowi kuu yiminban.   
\q1
\v 9 Biddaneen kuu aron korem ari wad doberembaraneen,  
\q2 kwane biddaneen kuu ma deendaanban.   
\q1
\v 10 Kedi, wedmuub kuu meeni kangdomdan kuu duknaniib,  
\q2 inameniibbandaniib awon korokdaniib kangkon duknaniib,  
\q2 kwane yi korem kuu duknenib yi yiribman kuu yena yaa kirarundaniib.   
\q1
\v 11 Yi bobkonombon kuu yi dobirimbon keraneen aron korem,  
\q2 kuyaa dobaraniib yaron kuu yimin wandaanban,  
\q2 yi yirin kumbed yi okad kuu yika yi aningkoyiib ande kowaniib kuned.   
\q1
\v 12 Kukei, karub kuu ye yiribman yemooniib kuned doberembaraanban,  
\q2 ye kuu dingkan areb, ye kangkon bobnaneen.   
\q1
\v 13 Inameniibbandan yi dobiri kiwaan kukui,  
\q2 kwane yi yoman wene yi weng yaa amun andimaibdan kangkon kwamunemo dobirimaib.\it Selah\it*   
\q1
\v 14 Yi kuu sibi areb, yika oonaibban, bobni yaromkonombed dedmondaneene bobkonombon yiri wene dobaraniiwe,  
\q2 bobnimbed yi yaa oonaneen.  
\q1 Kwane aron dukmen arimbed yi kuu yorokmodanbed oonendaniib.  
\q2 Yi id kuu bobkonombon yirimbed deendaneen,  
\q2 kowe yi kingkin kuu ambiwiibban keraniib.   
\q1
\v 15 Kumban Godbed ne wadkeri kuu bobkonombon yirimbed biddaneen,  
\q2 amanaa, ne kuu yekareb yeyiib yaa nenwananeen.\it Selah\it*   
\q1
\v 16 Kwane, karub maa kuu yiribman yemooniib keroko binangke unaib,  
\q2 ye ambiwoom korem amun amunmo yidware wonoka kuyaa meenaib.   
\q1
\v 17 Amborom kuu ye bobnaneen kuu ye yiribman kuyiib yeka ma be wanaanban,  
\q2 ye ambiwoom korem amun amunmo yidwaroon kuyiib bobkonombon yiri ben kubunaanban.   
\q1
\v 18 Ye kwane doreen kuu yekareb yemeren nekob yimin ande kubimaan.  
\q2 Ye kuu yiminmo keraneen kuu yenambed ye aningko kankoonaniib kuned,   
\q1
\v 19 ye kuu yambe yawoya awoya yaa daboknendaneen,  
\q2 yi kuu kumun aommo doberembaraniib kui.   
\q1
\v 20 Yiribman yemoondan kuu kaadkeri inameniibban keraniib kuu  
\q2 dingkan areb, yi kangkon duknaniib.   
\c 50  
\cl Yook 50 
\toc1 Buk Yook 
\toc2 Buk Yook 
\d Asaf ye yook.  
\q1
\v 1 Aromkonomo Ye God, \nd Yariman\nd* kui, yembed dakmene okaddan yaa minime ande baandimaan,  
\q2 aron daminimaunbed wene aron kubunimaun korem yaa kui.   
\q1
\v 2 Aangko Saiyon, yu manimanandeb kuu demkoronmo kui,  
\q2 yu yaambed God kuu yure kowimaan.   
\q1
\v 3 Nub God kibireb meneen kii, ye kuu iwari dobaraanban,  
\q2 kwane ye meneen ye kiwaan ari kuu amotbed denobenmo meneen,  
\q2 kwane nuuwa amayiib bare kanmene ye kuu kanawanewandeen.   
\q1
\v 4 Yembed Ewen ariyiib okad yiriyiib yaa mene wedmime ande baandoon,  
\q2 ye nimakarub ben wengyundi dowad.   
\q1
\v 5 Kwane yedmoon, “Ne kiwaan ari doriibdan kuu ne yaa ben minime.  
\q2 Kane kanembed dingkan aye nengke ne yaa baeb konenib amob weng ongmiwendan kui.” andoon.   
\q1
\v 6 Kwane Ewen kuu ye yorokmo kerekmen kan dakme baandimaun,  
\q2 amborom kuu God yekareb kangdod kerundi ye karub keroon kowe.\it Selah\it*   
\q1
\v 7 Kwane yedmoon, “O ne nimakarub, wengambiriiwa kekane dakma.  
\q2 O Israeldan, yiib kui, yiib yaa manmo kereni kangdod weng dakma.  
\q2 God ne kei, ne kuu yiib God kii.   
\q1
\v 8 Yiibbed womoniyiibban dingkan aye nengke baeb konenib dingkan yena ben kumundin nengke denobe dowan kerimaib kuned,  
\q2 kuyaa kuu ne kuu ongkandi wengiib kerindo.   
\q1
\v 9 Yiibbed yiib buromakau ambi kuuk aombed kawi kuyaa ma meenindo, yiminmo doriin kowe.  
\q2 Yiibbed yiib naningkod ambi kuuk aombed bangkawi kangkon kuyaa ma meenindo,   
\q1
\v 10 amborom kuu dura ye dingkan korem kuu nemanmo,  
\q2 buromakau yemoon kai koodbon tauseniib arimbed doriib kangkon neman.   
\q1
\v 11 Aangko aangko ari ayari on korem kuu nekaad,  
\q2 kwane dabonmo ye okad ye dingkan kuu nemanmo.   
\q1
\v 12 Ne kuu mungiyiib keraan karen, yiib yaa ma kaamonindo karen,  
\q2 amborom kuu okad kumundiniib kumkam korem dangooniib kuu nemanmo.   
\q1
\v 13 Buromakau yom animainoo? Dowan.  
\q2 Naningkod yi umkan animainoo? Dowan kii!   
\q1
\v 14 Ne yaa eso andi dowad munob bangkawi yeman bangkawime.  
\q2 Korem Burudandoon Arimbed Ye God, ne dowad yiibbed kwane kamanuub ande amob weng ongmiwen kuu kwane kamime.   
\q1
\v 15 Dabab aron aom kuu ne yaa baandime.  
\q2 Kwananiib kuu nembed yiib ben burudande angka nongkobaniine ne aningko kankoonaniib.” andoon.   
\q1
\v 16 Kumban arewa kamidan yaa kuu Godbed kamune yedmoon,  
\q2 “Yiibbed ne amob ben yena yaa daandaniib kuu yimin dee? Dowan!  
\q2 Kwane ne amob weng kuu yiib mongkodkonombed dakmaniib kuu yimin dee? Dowan!   
\q1
\v 17 Kedi, nembed inamen arewa didangkimain kuyaa kuu yiibbed arud wandembirimaib,  
\q2 kwane ne weng kuu yiibbed wunekare anuk korarimaib.   
\q1
\v 18 Yiib kuu yid bidan wedmaniib kuu karub amun andimaib,  
\q2 kwane yiib kuu nenem kamidan yoom daboknimaib.   
\q1
\v 19 Yiib mongkodkono aombed inamen arewa menebimaan,  
\q2 kwane yiibka yiib ong kuu birandi yeman kerundimaib.   
\q1
\v 20 Yiib kuu yiib ambanga oniya damana yaa manmo keri ye weng dakmimaib,  
\q2 kwane eb ena anam yu dana meed yaa kuu wengamborokbanabimaib.   
\q1
\v 21 Yiib kuu kwamimaib kuned ne kuu iwari keraan.  
\q2 Yiibbed meeniwen kuu God kuu nub areb ande meeniwen.  
\q1 Kumban nembed yiib yaa ongkandeni,  
\q2 yiib yoom kiring ine yiib dowad ambarakmiwen kii ande kangdod weng dakmaniin.   
\q1
\v 22 “Kane kane ne yaa naknod keriwen, yiib kuu weng ke yaa meenime.  
\q2 Kwanaibban kuu nembed ben biringke kurubkurub kamaniin,  
\q2 karub maa yiib ben ma dorondandaanban.   
\q1
\v 23 Kane kane ne yaa eso andi dowad munob bangkawimaan kuu ne aningko kankoonimaib,  
\q2 kwane kane kane yorokmo dobiri ye kiwaan ari doriib kuu  
\q2 nembed bobni yaa ben burudande bindaniin.” andoon.   
\c 51  
\cl Yook 51 
\toc1 Buk Yook 
\toc2 Buk Yook 
\d Yook ambo bi ye karub yeman. Dewid ye yook. Yembed Batseba yoom nenem kamoone profesiman Natanbed mene ongkanoon kumbed wongkoon.  
\q1
\v 1 O God, eb womoniyiibban ye mimyob dowaken yaambed  
\q2 mimyob keewe kakman are nonondande.  
\q1 Eb mimyob keendi darewoob kerekmen yaambed  
\q2 ne wabkad kami kuu are kankare.   
\q1
\v 2 Ne arewa kami korem kuu oke dowan kere.  
\q2 Kwane nambarakmi are koroomiibban kai areb kere.   
\q1
\v 3 Kedi, ne wabkad kami kuu wedme nekaadkeraan,  
\q2 kwane nambarakmi kuu ne kiringkono ari angkeen.   
\q1
\v 4 Eb yaamo ambarakmaan,  
\q2 kwane eb indob arimbed miin arewa kamaan.  
\q1 Kowe ne dowad dakmimaab kuu anammo kerimaan,  
\q2 kwane nambarakmi wengyundimaab kuu weng anammo andimaab.   
\q1
\v 5 Kedi, ne kuu woonaan yaambed ambarakmimain,  
\q2 kwane enambed ne nendeen yaron kuu ne kuu ambarakmi ye karub.   
\q1
\v 6 Kedi, eb dowaken kuu nub niindem aom kuu anam anam kumbed yurok andimaab,  
\q2 kwane ebbed meeni kangdom ne niindem aom kedmengkawimaab.   
\q1
\v 7 Ambarakmi aari kiwaan ebbed ongmewen yaambed aruwebko niindem aom koroomiibban kera.  
\q2 Kwane ne niindem aom okewebko karadmo dangkorong kera.   
\q1
\v 8 Ongmewebko kubi dowakeniib kera.  
\q2 Kwane ne kono ebbed beengkewen kuu ongmebko kubok.   
\q1
\v 9 Ne ambarakmi yaa eb murubia kan biknekoreb,  
\q2 nembed arewa kamenabaan korem kuu are kankare.   
\q1
\v 10 O God, ne niindem aom yeweb karadmo ongme.  
\q2 Kwane ne inamen kuu kangdommo kerune.   
\q1
\v 11 Eb arinambo yaa kuu ne kan angka karaab,  
\q2 kwane eb Kingkin Karadmo ne yaa kuu ebka kandaab.   
\q1
\v 12 Ebbed ongmewebko ebbed nimakarub ben bobni yaa burudande bindi kerekmen yaa ika kuba.  
\q2 Kwane ebbed ne nen angkumoneneb ne yaa inamen nindorokiib kawe.   
\q1
\v 13 Ne yaa kwamebko wabkaddan yaa eb kiwaan kedmengkanda.  
\q2 Kwananiin kuu ambarakmidan kuu amonombe eb yaa anam andaniib.   
\q1
\v 14 O God, eb kuu ne nen bobni yaa burudande bindi ye God,  
\q2 ne kuu karub ma aye kowaan ye kakman kuu are nonondande.  
\q2 Kwananeeb kuu ne mongkodkonombed eb yorokmo kerekmen dowad kube yook wingkaniin.   
\q1
\v 15 O Yariman, ne mandakad dande.  
\q2 Kwanebko ne mongkodkonombed ewaningko kankooni weng dakma.   
\q1
\v 16 Eb kuu dingkan aye nengke baeb kabdi yaa kuu kubokban,  
\q2 dingkan aye kumundin nengke dene baeb kabdi yaa kangkon eb kubokban,  
\q2 kuyaa kubimaab karen bangkabdimain karen.   
\q1
\v 17 God ye kubi dowaken keri yeman kuu yiibka kankubuni.  
\q2 O God, kane kane kuu yika kankubunenib God ebbedmo yimin andimaib  
\q2 kuu ebbed yi yaa wunekaraabban.   
\q1
\v 18 Eb kubi dowaken yaambed Saiyon yaa amun kameneb awande.  
\q2 Kwane Yerusalem yu kuuk kuu angkon ika yenbe ongme.   
\q1
\v 19 Kwananeeb kuu yorokmo kerekmen yaambed eb yaa dingkan aye nengke baeb kabdaniiwe kubaneeb,  
\q2 dingkan aye nengke baeb kabdiyiib dingkan aye kumundin nengke dene baeb kabdiyiib kui.  
\q2 Kwane buromakau kuu eb bot wuubimbon arimbed baeb kabdi dowad nengkimamaniib.   
\c 52  
\cl Yook 52 
\toc1 Buk Yook 
\toc2 Buk Yook 
\d Yook ambo bi ye karub yeman. \em Maskil\em* ye yook Dewidbed wongkoon. Idomman Doegbed Sauliib yaa wenene yedmenoon, “Dewid kuu Ahimelek yambiwoom wonoon” andoon kumbed wongkoon.  
\q1
\v 1 Aromkonoman, eb komande arewa kami yaa kerengkan kamimaab?  
\q2 God ye womoniyiibban ye mimyob dowaken kuu amgimombed wene amnoom kwane angkimbirimaan.   
\q1
\v 2 Eb ong kuu monmari yeman nuubnaan kamimaan.  
\q2 Ye kuu yukud ye arud kwane.  
\q2 Eb kuu birandi kerekmen yaambed dakmimaab kui.   
\q1
\v 3 Eb kuu arewa kami yaa dowaken kerimaab, amun kami yaa arebban,  
\q2 kwane eb kuu dudi weng dakmi yaa dowaken kerimaab, weng anam dakmi yaa arebban.\it Selah\it*   
\q1
\v 4 O birandi ye karub,  
\q2 eb kuu yewed kondi weng yaamo dowaken kerimaab.   
\q1
\v 5 Kwana kowe, eb kuu eb kombon ambiwoom aromkonomo awine karangkaneeb kumban,  
\q2 Godbed awinebde bingewande biringke biangkande irindore aron korem ye monmarimbon yiri kubunaneen.  
\q2 Eb kuu yembed nen wad doriibdan yi okad arimbed biande koraraneen kui.\it Selah\it*   
\q1
\v 6 Kwane, yorokmodan kuu wedme unenib  
\q2 ye yaa ambon kamene yedmaniib,   
\q1
\v 7 “Karub kee Godbed kukbimaanbon aombed dobirindo,  
\q2 ye kuu ne yiribman yaambed yonene yiminmo dobaraniin andene  
\q2 yena yaa monmari ye kiwaan aromkonomo wonoon.” andaniib.   
\q1
\v 8 Kumban ne kuu God yambiwoom at olif  
\q2 biid awene amun amun kamemoon areb kwane kamiin.  
\q1 Ne kuu God ye womoniyiibban ye mimyob dowaken kuyaambed yone dobaraniin aron korem korem.   
\q1
\v 9 O God, ebbed komo komo kamenabewen kuyaa kuu aron korem eso andimamaniin,  
\q2 kwane eb kuu amun kowe eb ande meedmaniin,  
\q2 eb karadmodan yi arinambo arimbed.   
\c 53  
\cl Yook 53 
\toc1 Buk Yook 
\toc2 Buk Yook 
\d Yook ambo bi ye karub yeman. \em Mahalat\em* ye kiwaan wingki yeman. \em Maskil\em* ye yook Dewidbed wongkoon.  
\q1
\v 1 Inameniibbandan kuu yi niindem aom yedmimaib,  
\q2 “Godiibban dowan.” andimaib.  
\q1 Yi inamen kuu nengkidme arewamo kerenib yi dobiri kiwaan kuu miin arewamo,  
\q2 kwane yi korem kuu ma amun kamimokban.   
\q1
\v 2 God kuu Ewen arimbed nimakarub yaa yiri wedmimaan,  
\q2 kuu karub maa kanembed id anam kaadkerekore  
\q2 God ande onmaneen manok anded.   
\q1
\v 3 Kumban yi korem kuu God yaa angkurom korokbeniwen,  
\q2 kwane yi korem kuu yika yi inamen ben nengkidme arewamo meenimaib.  
\q1 Yi kumaom kuu kane maambed amun kamimokban,  
\q2 korem dowan anam.   
\q1
\v 4 Yembed yedmoon, “Arewa kamidanbed ne nimakarub yeene nongkobiwen,  
\q2 kowe ne nimakarub kuu animan ane dowan keremoon areb keriwen.  
\q1 Arewa kamidan kee ne yaa ma baandindo.  
\q2 Yi kuu ma kaadkeraniiwoo? Dowan!” andoon.   
\q1
\v 5 Yi dobiri yaa kuu uni yemaniibban kumban yi kuu uni miin darewoob keriwen,  
\q2 amborom kuu Godbed ye nimakarub yi bondan yeene nongkobene yi kono kuu ben bokesawaroon.  
\q1 Godbed yi yaa wunekaroon kowe  
\q2 Israeldanbed yi kuu yenbande karak kondiwen kui.   
\q1
\v 6 O, Israeldan ben yi bondan burudande obon kerundi ye karub kuu aangko Saion arimbed angkadere monok.  
\q2 Kuyaron kuu God ye nimakarub ben obonmo kerunde yiminmo kerundaneen.  
\q2 Kwanoko Yekob ye meed Israeldan dowaken kere kubime.   
\c 54  
\cl Yook 54 
\toc1 Buk Yook 
\toc2 Buk Yook 
\d Yook ambo bi ye karub yeman. Nongbed wangki yemaniib. \em Maskil\em* ye yook Dewidbed wongkoon. Sifdanbed Sauliib yaa wene yedmiwen, “Dewid kuu nuwokad aom aomne biknoon.” andiwen kumbed wongkoon.  
\q1
\v 1 O God, ewaningko yaromkono yaambed ne nen burudande angka kowe.  
\q2 Eb aromkonombed ne dowad ebbed wengyundeneb ma ambarakmindo ande.   
\q1
\v 2 O God, ne kurikuri weng kee wengambere.  
\q2 Ne mongkodkono aombed ne weng kee wengambere.   
\q1
\v 3 Amborom kuu noroddanbed ne yaa nandamiib,  
\q2 kwane yeremboromdanbed ne nenbande kowi kiwaan onmiib,  
\q2 yi kuu God yaa meenimokban kui.\it Selah\it*   
\q1
\v 4 Kedi, God kuu ne awawi ye karub,  
\q2 \nd Yariman\nd* kuu ne awawaane yiminmo dobirimain ye karub.   
\q1
\v 5 Ne yaa yemyeb darobidanbed ne yaa arewa kamenabi kuu yembed amonombe yi yaa kerundok.  
\q2 God, eb korondiyiibban eweng awinimo dobiri ye kerekmen yaambed yi ben monmarunde.   
\q1
\v 6 O \nd Yariman\nd*, eb yaa nindorokiibbed munob koni yeman kabdaniin.  
\q2 Kwane ewaningko kankoonaniin,  
\q2 amborom kuu eb kuu amunmo kowe.   
\q1
\v 7 Kedi, dabab ne yaa meneboon korem kuu yembed ne nen burudande angka kowoon,  
\q2 kwane wedmaane yembed ne bondan ari boknoon.   
\c 55  
\cl Yook 55 
\toc1 Buk Yook 
\toc2 Buk Yook 
\d Yook ambo bi ye karub yeman. Nongbed wangki yemaniib. \em Maskil\em* ye yook Dewidbed wongkoon.  
\q1
\v 1 O God, ne kurikuri weng kee wengambere.  
\q2 Ne kaamoni keyaa wengamberedandaab.   
\q1
\v 2-3 Wengamberewekoreb inanduwe.  
\q2 Ne niindem aom dabab kawoon.  
\q1 Bondan yi weng wengambereni,  
\q2 arewa kamidan yi indob nengmoniwen kumbed kirokkarok kere miin yiminban keraan.  
\q1 Amborom kuu yimbed ne yaa durud yewed kawenib,  
\q2 arud wanduwe wungkawimaib kowe.   
\q1
\v 4 Durud yewed kuu ne niindem aom angkeen,  
\q2 kwane bobnaniin ande uniwon karakwon keraan.   
\q1
\v 5 Uniyiib kiringmiyiib kamembirimain,  
\q2 kwane une komyengiib warekandaan.   
\q1
\v 6 Kowe nembed yedmaan, “O, ne kuu on arud areb burawiib karen  
\q2 kimyen wanweneni yiidkaan karen.   
\q1
\v 7 Ne kuu ambab angka kombiri weneni  
\q2 amboon angka dobaraan karen kui.\it Selah\it*   
\q1
\v 8 Ne kuu kirodmo weneni ne nen kukbimaanbon aom aomnaan karen kui,  
\q2 nuuwa ama darewoob arewa kameen yaa ambab yaambed wanaan karen kui.” andaan.   
\q1
\v 9 O \nd Yariman\nd*, Yerusalem aom wedmaan kuu yeremborom ye inameniib arud wandiyiib menebeen kowe,  
\q2 arewa kamidan kuu ben kerebkarab kerunde.  
\q2 Kwane yi weng dakmi kuu weng maa maa areb kerunde.   
\q1
\v 10 Yi kuu aronkiyiib amkiyiib yenbandem ande kuuk angkara yaa dewinimaib,  
\q2 kwane kuuk aom kuu arud wandembiriyiib damangkandi inameniib angkeen.   
\q1
\v 11 Siti aom kuu monmari ye inamenbed kwane ambangkimaan,  
\q2 kwane siti kiwaan ari kuu benkubune dabab kondi ye inameniib dudenabiyiib kumbed ma korondimokban, kwane dewenebimaib.   
\q1
\v 12 Ne bonmanbed damangkawoon karen, ingkaniyiibban no kwane kandaan karen.  
\q2 Kwane arud wanduwoonman ne yaa manmo keroon karen, ye yaa biknaan karen.   
\q1
\v 13 Nangkodmi amun, ne yoom dabokne yari ye karub kui, eb kuu ne areb kumban,  
\q2 anam kuu ebbed ne yaa manmo keruwewen kii!   
\q1
\v 14 Anuk kuu eb yoom mene kube dabokne yonendimaub,  
\q2 kadaareb numun God ye kurikuri ambib yaa yarimaub yaron arimbed kui.   
\q1
\v 15 Ne bondan kuu kawonwengiibban duknime,  
\q2 kwane wad kumbed bobkonombon yiri kubunime,  
\q2 amborom kuu inamen miin arewa kuu yi niindem aom angkeen kowe.   
\q1
\v 16 Kumban ne kuu God yaa baandaine,  
\q2 \nd Yarimanbed\nd* ne nen burudande angka kowimaan.   
\q1
\v 17 Amkimo aronkob oobne kwane ne kuu warekiyiib baandaine,  
\q2 ne weng wengambirimaan.   
\q1
\v 18 Ne yaa bon kere nangbimaib kuu  
\q2 yembed ne nen burudande angka kowimaan,  
\q2 yemoon kuu ne yaa manmo keruwiwen kuned.   
\q1
\v 19 Andowoon yirimbed wene aron korem oonimaan ye God,  
\q2 yembed yi weng wengamberendekore durud yewed kondaneen.\it Selah\it*  
\q1 Yi kuu yi arewa kami ye inamen yaa ma amonombindo,  
\q2 kwane yi kuu God yaa ma unindo.   
\q1
\v 20 Nangkodmi amun kuu anukbed ye yoom yewenubmo dobiriwendan kuu kibikee yenbandimaan,  
\q2 kwane ye amob weng ongmoon kuu yekareb dookboon.   
\q1
\v 21 Ye weng kuu dabere windane amun amun dakmimaan kumban,  
\q2 ye niindem aom kuu ana nangmi ye inameniib angkeen.  
\q1 Ye weng kuu dabere windane yewenub weng areb dakmimaan kuned,  
\q2 anam kuu ye weng kuu arud kere ana nangmi ye inamen kerundi ye weng kerimaan.   
\q1
\v 22 Yiib dabab kuu \nd Yariman\nd* yaa bangkanibko  
\q2 yembed yiib ben angkumone awandok.  
\q2 Yembed yorokmodan kuu domondaane kirobaibban.   
\q1
\v 23 Kuned, o God, arewa kamidan kuu ebbed ben kubudere  
\q2 dem kongdem yiri nongkobe.  
\q1 Kuman yenbandidaniib birandidaniib kuu  
\q2 yi wad dobiri yaron kuu wedyambed naraneewa duknaniib.  
\q1 b Kumban ne kuu eb yaambed yone dobaraniin.   
\c 56  
\cl Yook 56 
\toc1 Buk Yook 
\toc2 Buk Yook 
\d Yook ambo bi ye karub yeman. “On Arud At Amaan Angka Dibeen” ye yook ye kiwaan yaambed wingki yeman. \em Miktam\em* ye yook Dewidbed wongkoon. Filistiadanbed Gat angkambed awinenoon kumbed wongkoon.  
\q1
\v 1 O God, karub yenambed ne nande kerewenmo yarimaib,  
\q2 kwane yimbed aronki doboob ne nenbandande kamimaib kowe,  
\q2 ne yaa mimyob keeweneb awawe.   
\q1
\v 2 Ne bondan kuu aronki doboob ne nande kerewenmo yarimaib,  
\q2 kwane yemoon kuu kerengkanbed ne nenbandenmo yarebimaib.   
\q1
\v 3 Ne unaniin kuu  
\q2 eb yaambed yone dobaraniin.   
\q1
\v 4 God yaa kui, ye weng yaambed kubimain.  
\q2 God yaambed yone dobirimain kowe, ma unainban.  
\q2 Duknaniib ye nimakarubbed ne yaa komo kamaniib kuyaa meenainban.   
\q1
\v 5 Aronki doboob kuu ne weng kuu yimbed ben nengkidme weng arewa keruwimaib,  
\q2 kwane yi kuu ne yaa nuubnaan kamembirimaib.   
\q1
\v 6 Yi kuu wunonwanon kamenib yemyeb darobenib  
\q2 ne yarebi korem yaa keewombirimaib,  
\q2 ne dowad nindorokiibbed ayem ande kaimaib.   
\q1
\v 7 O God, korondaawa yi kirokmone wanaib.  
\q2 Kwane noroddan, ne bondan kui, yi kuu eb norin aombed ben kubune.   
\q1
\v 8 Ne kirokkarok kamimain kuu wongkewen.  
\q2 Kwane ne inok wanabi kuu eb awong aom kambungkewen.  
\q2 Korem kuu eb buk aom kowewenoo? Anamaa.   
\q1
\v 9 Nembed awawe ande baandaniin kuu  
\q2 ne bondan kuu ika angkurom korokbe korondaniib.  
\q2 Kwane wedmeni nekaadkeraniin kuu God kuu ne dowad doreen kii.   
\q1
\v 10 God yaambed yone dobirimain kii, ye weng kuu amunmo andimain.  
\q2 \nd Yariman\nd* yaa kui, ye weng kuu amunmo andimain.   
\q1
\v 11 God yaambed yone dobirimain kowe, ma unainban.  
\q2 Nimakarubbed ne yaa komo kamaniib kuyaa meenainban.   
\q1
\v 12 O God, ne kuu eb yaa amob weng ongmaan kumbed kwane ambangkaniin.  
\q2 Eso ande munob koni yeman kuu eb yaa bangkabdaniin.   
\q1
\v 13 Amborom kuu ebbed ne nen bobni yaa burudande angka kowewen.  
\q2 Kwane ebbed ne yon kuu boknande kombaraan ande awawewen.  
\q1 Kwanewen kuu eb arinambo arimbed dodkanmo wonok andewed,  
\q2 wad doriibdan yaa yuroon ye nambiri aombed.   
\c 57  
\cl Yook 57 
\toc1 Buk Yook 
\toc2 Buk Yook 
\d Yook ambo bi ye karub yeman. “Monmaraib” andi ye yook ye kiwaan yaambed wingki yeman. \em Miktam\em* ye yook Dewidbed wongkoon. Saul yaa kombiri wenene aangko dem aom biknoon kumbed wongkoon.  
\q1
\v 1 Mimyob keewe. O God, mimyob keewe.  
\q2 Komoyiibkob, ebbed kukbimaabbon aombed dobirimain.  
\q1 On ayam yu dongkon dem areb ebbed kukbimaabbon aombed dobaraniine  
\q2 wene neene monmari yaron dowan keranuun.   
\q1
\v 2 Korem Burudandoon Arimbed Ye God yaa baandimain,  
\q2 ne dowad dowakeniib kere ambangkaane idiib kerimaan ye God yaa kui.   
\q1
\v 3 Yembed Ewen arimbed inanduwe ne nen burudande angka kowimaan,  
\q2 ne nande kerewenmo yarimaibdan yaa ongkandimaan.\it Selah\it*  
\q2 Godbed ye womoniyiibban ye mimyob dowaken keewimaan kwane ye weng ne dowad yedme kowoon kuu korondimokban awinimaan.   
\q1
\v 4 Ne kuu laiyon yi kidaom keraana kanawanewandiwen kii.  
\q2 Kwane ne kuu karub yeene komkad animaib ye dingkan yi numun angkaan.  
\q1 Kukuu ne bondan kui, yi ningkambo kuu maradiib anayiib yi arud areb,  
\q2 kwane yi ong kuu kerewang ye arud areb.   
\q1
\v 5 O God, Ewen burudande ewaningko ariyiib kerok,  
\q2 eb nambiri kuu okad korem yaa yurok.   
\q1
\v 6 Ne bondan kuu ne yon dowad oon bi ye men kande kiwaan yaa kurune kebenimaib,  
\q2 kwane ne kuu miin kubiyiibban aromkonoyiibban keraan.  
\q1 Yimbed ne kiwaan yiri kuu dem nidkiwen kumban,  
\q2 yika yikareb yi dem nidkiwen yiri kirobiwen.\it Selah\it*   
\q1
\v 7 Ne niindem aom kuu kiringmiyiibban kangdommo,  
\q2 o God, ne niindem aom kuu kiringmiyiibban kangdommo kui.  
\q2 Ne kuu yook wingkeni kuwengiib ongmaniin.   
\q1
\v 8 O ne kingkin, yaro dembe!  
\q2 Haap yoom laiya\f + \fr 57:8 \ft  Laiya kuu gita areb. \f* yoom yaro dembime!  
\q2 Yiiwiib wangke wingkani aron kakmendaniine awawini nambere wananuun.   
\q1
\v 9 O \nd Yariman\nd*, ne kuu ambibkin korem aombed ewaningko kankoonaniin,  
\q2 kwane ne kuu ambibkin maa maadan aombed eb dowad yook wingkaniin.   
\q1
\v 10 Amborom kuu eb womoniyiibban ye mimyob dowaken kuu miin darewoob kai,  
\q2 kukuu kawene Eweniib badmene durunoon,  
\q2 kwane eb anam anam kuu ambid ariyiib kawene badmene durunoon kii.   
\q1
\v 11 O God, Ewen burudande ewaningko ariyiib kerok,  
\q2 eb nambiri kuu okad korem yaa yurok.   
\c 58  
\cl Yook 58 
\toc1 Buk Yook 
\toc2 Buk Yook 
\d Yook ambo bi ye karub yeman. “Monmaraib” andi ye yook ye kiwaan yaambed wingki yeman. \em Miktam\em* ye yook Dewidbed wongkoon.  
\q1
\v 1 O aromkonomo oonidan, yiib kuu weng yorokmo dakmimaiwoo?  
\q2 Yiib kuu nimakarub yaa anammo wengyundimaiwoo?   
\q1
\v 2 Dowan! Yiib niindem aom kuu yorokmomban unitab ye inamen ongmenabimaib,  
\q2 kwane yiib dingkimbed yeremborom ye inamen yaambed okad yiridan yaa ambangkimaib.   
\q1
\v 3 Arewa kamidan kuu yi wooniwen yirimbed kwane abdon yaa winimaib,  
\q2 yi dana mana yaambed kwane wabkad kere dudanabimaib.   
\q1
\v 4 Yi weng ambod kuu niin ye ambod arewa kwamune areb.  
\q2 Yi kuu weng amun yaa kened warudki areb kerenib niinbed domonande kaimaib areb kerimaib.   
\q1
\v 5 Yi kuu yi korok korok yi weng yaa ma meenimokban,  
\q2 korok korok miin amun kuned.   
\q1
\v 6 O God, yi mongkodkono aom ningkambo kuu wowe domangke.  
\q2 O \nd Yariman\nd*, yi kuu laiyon ye ningkambo yidkangiib areb kowe yi arud yeman domangke ben kiradme.   
\q1
\v 7 Yi kuu domondebko, ok keekne dowan keremoon areb kerime.  
\q2 Kwane yi ana baradmibka, yi anamo dingkanabok.   
\q1
\v 8 Yi kuu dudubkorokbed ema irin wanaane okmo keremoon areb kerime.  
\q2 Bob dana woonimaib kwane aron nambiri wedmokban kerime.   
\q1
\v 9 Atok kokiib o okiib kumbed nengkaiwe  
\q2 dini yeman amot yumbu ari nowaiwe nimin kerindo mokaid areb,  
\q2 arewa kamidan kuu kirodmo are ben kiradmaneen.   
\q1
\v 10 Yorokmodan yi dowad arewa kamidan keyaa kwane ingkandaneen kuu kubaniib,  
\q2 yorokmodan kuu arewa kamidan yi umkan aom yi yon okaniib kumbed kubaniib kui.   
\q1
\v 11 Kwananeene nimakarubbed yedmaniib,  
\q2 “Anam kuu yorokmodan kuu kakman amun bangkandimaan,  
\q2 anam kuu okad yiridan wengyundi ye God kuu doreen kii!” andaniib.   
\c 59  
\cl Yook 59 
\toc1 Buk Yook 
\toc2 Buk Yook 
\d Yook ambo bi ye karub yeman. “Monmaraib” andi ye yook ye kiwaan yaambed wingki yeman. \em Miktam\em* ye yook Dewidbed wongkoon. Saulbed Dewid aye kowime ande karub ben nongkoboona wene ye ambib yaa kerenombiriwen kumbed wongkoon.  
\q1
\v 1 O God, ne bondan yaambed ne nen burudande angka kowe.  
\q2 Ne yaa manmo keriwendan kuu ebbed dorondaruwe.   
\q1
\v 2 Arewa kamidan yaambed ne nen burudande angka kowe.  
\q2 Kwane kuman yenbandidan yaa kuu ebbed dorondaruwe.   
\q1
\v 3 O \nd Yariman\nd*, kedi, yi kuu ne nande bikne dibo meedmiib kuu wedme!  
\q2 Naawonmo yenbandidan kuu ne dowad nuubnaan kamiib kii,  
\q2 ne yi yaa ma wabkad kerindo o ma ambarakmindo kuned.   
\q1
\v 4 Ne kuu ma ambarakmindo kumban yi kuu ne nande nekwiwen.  
\q2 Kowe, awawi dowad yaro dembe. Dabab ne yaa kee menebeen kuu wedme.   
\q1
\v 5 O ana nangmidan yemoon ye \nd Yariman\nd* God, Israeldan yi God kui,  
\q2 ebkareb yaro dembeneb ambibkin korem yaa dabab konde.  
\q2 Kwane ambodangidan arewa yaa mimyob keendaab.\it Selah\it*   
\q1
\v 6 Yi kuu oobne yaambed ika mene anon yi norin ningkiad kowemoon areb kerenib,  
\q2 siti aom yenbandande onmenmo dewenebimaib.   
\q1
\v 7 Yi mongkodkono aombed wiin kami areb weng arewa menebe dakmimaib kuu wedme.  
\q2 Yi ong kuu kerewang areb, arud weng dakmimaib kui.  
\q2 Kwane yimbed yedmimaib, “God kuu nub weng wengambirimokban.” andimaib.   
\q1
\v 8 Kumban, o \nd Yariman\nd*, ebbed yi yaa ambon kamendimaab,  
\q2 kwane ambibkin koremdan kuyaa ambon baandimaab.   
\q1
\v 9 O God, ewaromkono kumbed eb yaa angkumone doriin,  
\q2 eb kuu ne dore aromnimbon.   
\q1
\v 10 Ne God kuu ye womoniyiibban ye mimyob dowaken yaambed neyiib yaa mene durunewaneen.  
\q2 Kwane yembed ne bondan burudande doraneene wedmaniin.   
\q1
\v 11 Kumban, o \nd Yariman\nd* nub dorondandi ye karub, yi kuu bobmo yenbandaab.  
\q2 Yeene nongkobaneeb kuu ne nimakarub kuu eb bondan yaa ukum kondewen kuu nonondandaniib.  
\q1 Ewaromkonombed ben kubudere ongmendebko kirinwan yarime.   
\q1
\v 12 Yi mongkodkono aombed menebimaan kuu ambarakmi yeman,  
\q2 yi weng dakmi kui, kuu kwamunemo kowe,  
\q2 yi kerengkan kami kuyaambed yi arewa kami kuu korokbende.  
\q1 Yi kuu budun kamiyiib dudanabiyiib dakmimaib kowe,   
\b  
\q2
\v 13 arud wande yenbandebko dowan kerime.  
\q2 Kwane yenbandebko korem dowan kerime.  
\q1 Kwananeeb kumbed okad yimin yimin yaa kuu yikaadkere  
\q2 Godbed Yekob ye awoya ari yaa kuu oonimaan andaniib.\it Selah\it*   
\q1
\v 14 Yi kuu oobne yaambed ika mene anon yi norin ningkiad kowemoon areb kerenib,  
\q2 siti aom yenbandande onmenmo dewenebimaib.   
\q1
\v 15 Yi kuu animan anande kirinwe dewenebimaib,  
\q2 kwane mikmonindo kerimaan kuu anon keeng areb kabang angkimaib.   
\q1
\v 16 Kumban ne kuu ewaromkono ye dowad yook wingkaniin,  
\q2 kwane amkimo kuu eb womoniyiibban ye mimyob dowaken ye dowad kube wingkaniin,  
\q1 amborom kuu eb kuu ne dore aromnimbon,  
\q2 kwane dabab ne yaa menebimaan kuu ebbed kukbimaabbon aombed dobirimain.   
\q1
\v 17 O ne aromkono kawi ye karub, ewaningko kankoonaniin.  
\q2 O God, eb kuu ne dore aromnimbon, eb kuu ne yaa womoniyiibban ye mimyob dowaken keewimaab ye God.   
\c 60  
\cl Yook 60 
\toc1 Buk Yook 
\toc2 Buk Yook 
\d Yook ambo bi ye karub yeman. “Amob Weng Ye Bingko Wuung” ye yook ye kiwaan yaambed wingki yeman. \em Miktam\em* ye yook Dewidbed wongkoon. Kedmengkandi yeman. Yembed Aramdan Naharaimiib Sobayiib yaambed miniwen yaa nangboona Yoab ikakman menene Karam Dabon kan kubuneen yiri Idomdan 12 tauseniib yenbandoona dukniwen kumbed wongkoon.  
\q1
\v 1 O God, eb kuu nub yaa wunekarundekoreb mene boketawarewen.  
\q2 Kwane eb kuu nub yaa arud wandewen kumban, kibireb kee nuwiib yaa ikakman mene amun kerunde.   
\q1
\v 2 Ebbed okad kuu nan yobeewa domokbe nandeen.  
\q2 Okad kuu nandeen kowe, ebbed okad bunge bangkanaboon kuu ongmebko amun keruk.   
\q1
\v 3 Eb nimakarub yaa kuu yobdood aron kondewen,  
\q2 kwane ebbed wain okbed awarak ayemoon areb komborok komborok dodkanmo wini ye dabab nub yaa kondewen.   
\q1
\v 4 Kumban kane kane yi kuu eb yaa une bumangkimaib kuu “Neyiib yaa minime” andewen,  
\q2 bondan yi ana yaambed kirokmoni ye dowad.\it Selah\it*   
\q1
\v 5 Nub inandundeneb eb dingki wiwimbed nub ben burudande angka nongkobe.  
\q2 Kwananeeb kuu eb mimyob dowaken keendimaabdan nub kuu dabab yaa koronde yewenubmo dobaranuub.   
\q1
\v 6 God kuu ye karadmombon aombed yedmoon,  
\q2 “Nembed ne bondan burudande doreni, okad Sekem kuu ne nimakarub yaa numbere kondaniin,  
\q2 kwane Sukot dabon yiri kwangkon nekwane kumunkingkaniin, numbere kondi dowad.   
\q1
\v 7 Gilead kuu neman, Manase kwangkon neman,  
\q2 Efraim kuu ne topi kamkono,  
\q2 Yuda kuu ne king yaromkono yobdoodmo ooni yeman.   
\q1
\v 8 Moab kuu ne dingki oki yeman ye kobukmo yabad.  
\q2 Idom ari kuu ne yonkad koraraan.  
\q2 Filistia ari kuu nembed burudande doraan kumbed komkaan.” andoon.   
\q1
\v 9 Kanembed ne nen siti bot kuukiib aom aomnaneen?  
\q2 Kanembed ne nen ambibkin Idom aom wananeen?   
\q1
\v 10 O God, ebbedmo yimin. Eb komande nub wunekarundewen?  
\q2 O God, eb komande nub ana nangmidan yoom wanaibban?   
\q1
\v 11 Nub bondan yaa nangmi dowad nub awande,  
\q2 amborom kuu karub ye aromkono awandaniiwe nangmanuub kuu korem yiminban.   
\q1
\v 12 Nub kuu Godiib kumbed burudande doranuub,  
\q2 kwane yembed nub bondan ari dorene ben kubunaneen.   
\c 61  
\cl Yook 61 
\toc1 Buk Yook 
\toc2 Buk Yook 
\d Yook ambo bi ye karub yeman. Nongbed wangki yemaniib. Dewid ye yook.  
\q1
\v 1 O God, ne baandi kee wengambere.  
\q2 Ne kurikuri weng kee wengambere.   
\q1
\v 2 Ne kuu okad yimin yimin yaambed eb yaa baandimain.  
\q2 Ne niindem aom bobne kombirikin keroon kumbed eb yaa baandimain.  
\q1 Ne nen kinbanmo dumnad ambab ne arebban ari nen wene.   
\b  
\q2
\v 3 Kedi, eb kuu ne kukbimaabbon,  
\q2 eb kuu bondan yaa kukbiri ye boyambib kongam aromkonoyiib kui.   
\q1
\v 4 Ne dowaken kuu eb kurikuri ambib kombon aombed aron korem dobara.  
\q2 Kwane eb buraab dabderem aombed ne kukbimaabbon kerande meenaan.\it Selah\it*   
\q1
\v 5 O God, ne amob weng ongmenabaan kuu ebbed wengamberewen,  
\q2 kwane kane kane eb yaa une bumangkiwen yi yumbon ongmewen kuu ne yaa kangkon kawewen.   
\q1
\v 6 King ye wadkeri ye aron kuu irinari daane.  
\q2 Ye weeb kuu yawoya yemoon yeman kerok.   
\q1
\v 7 Ye kuu God ye kerebiri arimbed aron korem oone diborok.  
\q2 Eb womoniyyibban ye mimyob dowakeniib anam anamiib kuu ye yaa dorondari yeman ongmene.   
\q1
\v 8 Kwananeeb kuu nembed ewaningko kankoone wingkeni  
\q2 aron mimim kuu ne amob weng ongmenabaan yaamo kamembaraniin.   
\c 62  
\cl Yook 62 
\toc1 Buk Yook 
\toc2 Buk Yook 
\d Yook ambo bi ye karub yeman. Yedutun ye dowad. Dewid ye yook.  
\q1
\v 1 Ne kingkin kirokkarok kami kuu God yaambedmo dowan kereni yewenub kerimain,  
\q2 ne nen burudande bindi kiwaan kuu yembed ongmoon.   
\q1
\v 2 Yembedmo kuu ne aromkonombon kwane angkon ne nen burudande angka kowi ye karub,  
\q2 kwane ye kuu ne dore aromnimbon kowe, ne kuu yenambed ma nen kiringmaibban.   
\q1
\v 3 Yiib kane? Aron komoyiib ne nenbandande kamimaib?  
\q2 Ne kuu kuuk dandemoon areb o ambib nandande kamemoon areb aromkonoyiibban kuned,  
\q2 yiib korem kuu ne nen yiri koraraniib dee?   
\q1
\v 4 Yi inamen darewoob kuu nembed deme yumbon ari kai kandaan dowadbed  
\q2 ne nen yiri kubunandamiib.  
\q1 Yi dowaken darewoob kuu dudanabi,  
\q2 kwane amun kerundi weng dakmimaib kumban yi niindem aombed arewa kerundande meenimaib.\it Selah\it*   
\q1
\v 5 O ne kingkin, eb kirokkarok kami kuu God yaambedmo dowan kereneb yewenubmo kere.  
\q2 Amborom kuu yembed kwananeen andi ye inamen kuu ye yaambed minimaankob kandimain kowe.   
\q1
\v 6 Yembedmo kuu ne aromkonombon kwane angkon ne nen burudande angka kowi ye karub,  
\q2 kwane ye kuu ne dore aromnimbon kowe, ne kuu yenambed ma nen kiringmaibban.   
\q1
\v 7 Ne nen burudande bindi kiwaan angkon kwane aningko amun arimbed kandaan kuu God ye yaambedmo,  
\q2 kwane ye kuu ne aromkono kaimbon kwane ne nen kukbimaanbon.   
\q1
\v 8 O nimakarub, aron korem ye yaambed yone doberembirime.  
\q2 Yiib niindem aom kuu komo komo dabawiib keriwen kuu ye yaa daanime,  
\q2 amborom kuu God kuu nub ben kukbimaanbon.\it Selah\it*   
\q1
\v 9 Kubuniibban kumbed wooniwendan kuu meeni yemanban,  
\q2 aningko darewoob ariyiib kumbed wooniwendan kwangkon id keri yemanban.  
\q1 Yi dabab kuu awine wedmanuub kuu God ye kerekmen yaambed kuu dowan kai,  
\q2 yi korem kuu inum nimaub kwane arebmo.   
\q1
\v 10 Idiibbanbed dedmone od kawe andi ye inamen kuyaambed yone dobaraib,  
\q2 kwane yid bimaib ye yiribman kuyaa kerengkan kamaib.  
\q1 Yiib yiribman yemoon kuu ari kere winibko  
\q2 kuyaa meendobe kuyaamo kowaib.   
\q1
\v 11 Godbed weng keyiib kee mimo dakmoon,  
\q2 kwane weng ayoob wengambaraan kuu kei,  
\q1 o God, eb kuu aromkonoyiib,   
\b  
\q2
\v 12 o \nd Yariman\nd*, eb kuu womoniyiibban mimyob dowaken keendimaab.  
\q1 Anam kuu ebbed nimakarub mimim korem yaa komarewa ambangkaniib kuu  
\q2 kwamunemo kakman inande kakman bangkandaneeb.   
\c 63  
\cl Yook 63 
\toc1 Buk Yook 
\toc2 Buk Yook 
\d Dewid ye yook. Yuda amboon aom doboroon ye dowad wongkoon.  
\q1
\v 1 O God, eb kuu ne God,  
\q2 nindorokiibbed eb ande kerekberenmo yarimain,  
\q1 kwane ne kingkin kuu ok moom bobnemoon areb kerimain,  
\q2 kwane ne id kuu eb ande awawe andimaan,  
\q1 koknenu wuudne yiminban ye okad aombed kui,  
\q2 okiibban ye okad aombed eb ande kerekberenmo yarimain kui.   
\q1
\v 2 Eb kurikuri ambib aombed wedmebdeni,  
\q2 eb aromkonoyiib nambiriyiib wedmaan.   
\q1
\v 3 Eb womoniyiibban ye mimyob dowaken kuu darewoob arimbed, kuyiibban kumbed nub kuu wad dobirindeban kowe,  
\q2 ne mongkodkonombed ewaningko kankoonaniin.   
\q1
\v 4 Ne wad dobaraniin ye aron korem kuu eb yaa amun kerubdimamaniin,  
\q2 kwane ne dingki benkoobeni eb yaa kurikuri kamimamaniin.   
\q1
\v 5 Ebbed animan ambod miin amun yeman bangkawaawe ane mikmonimain,  
\q2 kwane wingkanabiyiibbed ewaningko kankoonimain.   
\q1
\v 6 Ne angki arakbon arimbed eb yaa meenimain,  
\q2 kwane miriknimaanbed wene aron dembe yurimaun kuu eb yaa kabakimain.   
\q1
\v 7 Eb kuu ne awawimaab kowe,  
\q2 eb dingki kurumbon aombed\f + \fr 63:7 \ft  Ibru wengbed yedmoon kuu “eb buraab ye kubun kurumbon aombed”. \f* kube wingkimain.   
\q1
\v 8 Ne kuu eb yaa kine angkanaan,  
\q2 kwane eb dingki wiwimbed awawaawe yiminmo dobirimain.   
\q1
\v 9 Kane kanembed ne neene kowi ye kiwaan onmiib kuu ben monmarundaneen,  
\q2 yi kuu ben bobkonombon yirimbed mangkaneen.   
\q1
\v 10 Yi kuu kerewangbed yenbandaneene duknaniiwe,  
\q2 dura anon yi animan keraniib.   
\q1
\v 11 Kumban king kuu God yaambed kubaneen,  
\q2 kwane kane kanembed God yaningko yaambed amob weng ongmaniib kuu yi korem kuu ye aningko kankoonaniib.  
\q2 Kumban dudanabidan yi mongkodkono kuu kebenendaneen.   
\c 64  
\cl Yook 64 
\toc1 Buk Yook 
\toc2 Buk Yook 
\d Yook ambo bi ye karub yeman. Dewid ye yook.  
\q1
\v 1 O God, dabab kandaan ye weng dakmaan kee wengamberewe.  
\q2 Bondanbed ne yaa nande arewa kamiib yaa kee dorondaruwe.   
\q1
\v 2 Arewa kamidanbed nenbandande nuubnaan kami yaa kuu ne nen kimyen yaa kowe,  
\q2 yi yirinde baandi yaa kui.   
\q1
\v 3 Yi weng arud dakmi kuu kerewang areb,  
\q2 kwane yi weng kookiib kuu ana areb dedmone dakmimaib.   
\q1
\v 4 Yi kuu yenbandi ye biknimbon yirimbed ma ambarakmindoman yaa monbenimaib,  
\q2 kwane yi kuu uniyiibban kenambun kwane monbenimaib.   
\q1
\v 5 Yikareb wunonwanon kamem andi ye weng ongmimaib,  
\q2 yimbed kawaad nong nongkobe bikderebiwen ye dowad dakmimaib,  
\q2 “Kwane kanembed wedmendaneen? Dowan!” andimaib.   
\q1
\v 6 Yi kuu wunonwanon kamenib yedmimaib,  
\q2 “Inamen ongmuwen kuu demkoronmo kii!” andimaib.  
\q1 Anam kuu nimakarub yi niindem aom meeni kuu karub maambed wedmindeban.   
\q1
\v 7 Kumban Godbed yi yaa anambed amkandaneen,  
\q2 kudmeniibban yi kuu yeene ben yiri kiradmaneen.   
\q1
\v 8 Yi weng arewa kuu yika ikakman mene arewa kerundene monmaraneen,  
\q2 kwane yi yaa wedmendaniibdan korem kuu korok waaburukme ambon kamendaniib.   
\q1
\v 9 Kwananeene nimakarub korem kuu unaniib,  
\q2 kwane yi kuu Godbed kwane ambangkoon yaa dakmenabenib,  
\q2 kuyaa konomdangmo meenembaraniib.   
\q1
\v 10 Yorokmodan kuu \nd Yariman\nd* yaambed kubenib,  
\q2 yembed kukbimaanbon aombed dobaraniib.  
\q2 Kane kane yi niindem aom kangdommo doriib kuu ye aningko kankoonime.   
\c 65  
\cl Yook 65 
\toc1 Buk Yook 
\toc2 Buk Yook 
\d Yook ambo bi ye karub yeman. God yaningko kankooni ye yook. Dewid ye yook.  
\q1
\v 1 O God, Sayion aom kuu ewaningko kankooni deme angkeen,  
\q2 kwane eb yaa amob weng ongmenabuwen kuu kwane id keraneen.   
\q1
\v 2 O kurikuri kami yaa wengambirimaab ye karub,  
\q2 eb yaa nimakarub korem kuu menebaniib.   
\q1
\v 3 Ambarakmenabuwen kumbed meendobi darewoob kere miin yiminban keruwen kuu  
\q2 ebbed nub ambarakmi are nonondandewen.   
\q1
\v 4 Kane kane ebbed kingkeneb eb kurikuri ambib ye kuuk aom dobiri dowad dia ben menebewen kuu  
\q2 amun kerundoon kii!  
\q1 Eb kurikuri ambib ye amun amun kuu nub yaa miknemoon areb kerundoon,  
\q2 eb kurikuri ambib karadmo yaambed kui.   
\q1
\v 5 O God nub ben burudande bindi ye karub, ebbed yorokmo ye ambangki binangki yeman kumbed nub yaa inandundimaab.  
\q1 Eb kuu okad yimin yimin yaa doriibdan korem yi awandaneeb andi ye karub,  
\q2 karamok ari motodbed yarebimaibdan yi kangkon.   
\q1
\v 6 Ebbed aangko ongmenabewen kuu ebka eb aromkonombed,  
\q2 ebka eb aromkono inwarewen kumbed kwanewen.   
\q1
\v 7 Karamok beengkanabiib kuu ebbed ongmaawa kurune angkimbirimaun,  
\q2 kuu ok umbak beengkanabiib kui.  
\q2 Ambibkin maa maa korem kwangkon yi yirinde baande kuu ongmaawe kurune yemyeb kerimaib.   
\q1
\v 8 Ambab angka doriibdan kuu eb kami yeka mamaa yaa binangkiwen.  
\q2 Ebbed komo ambangkewen kumbed  
\q2 aron dembimaun angka ye okaddaniib aron kubunimaun angka ye okaddaniib kuu eb dowad kube baandimaib.   
\q1
\v 9 Ebbed okad oonendeneb ok kondimaab,  
\q2 kwane id iri yeman yemoon bangkandimaab.  
\q1 O God, eb ok awaan kuu yiminmo dembeen,  
\q2 nimakarub yi yongbon id yemoon bangkandi dowad,  
\q2 amborom kuu ebbed kwanok ande yedmewen kowe.   
\q1
\v 10 Ebbed am bangkandimaab kowe,  
\q2 yi yongbon kidbon yiri bid benkubune wuneen yiri kuu okmanambon areb keraune,  
\q2 mongkobon aangko kuu ben kubunebaune,  
\q2 kab kibingkiwen yokad kuu yawinok keraune,  
\q2 idiib irimaun kuu ebbed amun kerundimaab.   
\q1
\v 11 Weeb mimim aom kuu yongbon kuu ebbed ongmaawe animan yemoon kaimbed wandimaib,  
\q2 kwane kuna kuna wenebimaab kuu animan id yiminmo kerundimaab.   
\q1
\v 12 Dura angka kuu animan id yiminmo,  
\q2 kwane koodbon koodbon yaa kuu kubimo.   
\q1
\v 13 Dura ye kereekbon kuu dingkan kab yewuudmo anengkanan yarebiib,  
\q2 kwane dabon kankubuneen yiri kuu animan id keene wonoon,  
\q2 kwane yi kuu kube baandimaib, ee, kube wingkimaib.   
\c 66  
\cl Yook 66 
\toc1 Buk Yook 
\toc2 Buk Yook 
\d Yook ambo bi ye karub yeman. Yook, God yaningko kankooni yook kui.  
\q1
\v 1 Okad yiridan korem, God yaa kubenib komkime!   
\b  
\q2
\v 2 Yaningko ye nambiri ye dowad wingkime,  
\q2 yaningko kankoone nambiri konime!   
\q1
\v 3 God yaa yedmime, “Ebbed ambangkanabewen kuu yeka mamaa yoo!  
\q2 Eb aromkono kuu miin darewoob kowe,  
\q2 eb bondan kuu unebde ika anuk irinambenimaib.   
\q1
\v 4 Okad yiridan korem kuu eb yaa bumangkenib,  
\q2 eb yaa kube wingkimaib,  
\q2 ewaningko kankoone wingkimaib kui.” andime. \it Selah\it*   
\q1
\v 5 Godbed komo kamoon kuu mene wedmime.  
\q2 Nimakarub yi dowad yembed ambangkoon kuu yeka mamaa yoo!   
\q1
\v 6 Yembed karamok kuu yedmoone andokbe okad kamkonombon kereen,  
\q2 kwane yine anuk kere ari kere keruuna yi kuu wedyirimbed yonka winiwen.  
\q2 Kowe, yiib minibko ye yaa kubem.   
\q1
\v 7 Ye aromkonombed aron korem oonimaan,  
\q2 kwane ye indob kuu ambibkin koremdan yaa keendombirimaan.  
\q2 Kowe, wabkaddan kuu ye yaa bon keraib.\it Selah\it*   
\q1
\v 8 O ambibkin koremdan, nub God yaningko kankoonem,  
\q2 kwane yaningko kankooni ye kuweng derendaroko yemoon kuu wengambirime.   
\q1
\v 9 Yembed nub oonendoone wad doburuwen,  
\q2 kwane yembed nub ongmendoone nub yon kuu kereeb beresare kombirindo.   
\q1
\v 10 O God, ebbed nub yaa komboon kaamobendewen,  
\q2 kwane bot silvaa nengke yankorenmo kerok andemoon areb ebbed nub kuu darobendewen.   
\q1
\v 11 Ebbed nub kuu oon bi ye men aombed bemoon areb kerundewen,  
\q2 kwane ebbed nub angkurom angka dabab nongkobewen.   
\q1
\v 12 Ebbed karub yedmeewa yi hoos arimbed nub korok ari dore beengkanmo dewiniwen,  
\q2 kwane nub kuu amoyiib urokiib aom awune dewunuwen,  
\q2 kumban ebbed nub kuu benmene yiminmo kerundewen.   
\q1
\v 13 Ne kuu dingkan nengke agedmo kere baeb koni yemaniib eb kurikuri ambib yaa benmeneni,  
\q2 amob weng ongmaan kuu kwananiin.   
\q1
\v 14 Kukuu anukbed ne yaa dabab monoone,  
\q2 ne mongkodkonombed dakme ongme kowaan yeman kui.   
\q1
\v 15 Nembed dingkan kowiib yeene nengke baeb eb yaa bangkabdaniin,  
\q2 sibi ambiyiib buromakau ambiyiib naningkod ambiyiib munob bangkabdaniin.\it Selah\it*   
\q1
\v 16 Kane kane God yaa bumangke unimaibdan, yiib kuu mene wengambirime.  
\q2 Kwanibko yembed ne dowad komo kamoon kuu yiib yaa yedmenda.   
\q1
\v 17 Ne mongkodkonombed ye yaa baandaan,  
\q2 kwane ne ongbed yaningko kankoonaan.   
\q1
\v 18 Ne niindem aom ambarakmi inamen yaa kube amuknaan kuu anam keraneen kuu,  
\q2 Yariman kuu ne yaa wengamberewaanban.   
\q1
\v 19 Kumban anam kuu God kuu ne wengamberewoon,  
\q2 kwane ne kurikuri ye yaa kuu wengamboroon.   
\q1
\v 20 God yaningko kankoonem,  
\q2 ne kurikuri weng wunekarindo,  
\q2 kwane ne yaa ye womoniyiibban ye mimyob dowaken keewoon kuu anwandindo kowe.   
\c 67  
\cl Yook 67 
\toc1 Buk Yook 
\toc2 Buk Yook 
\d Yook ambo bi ye karub yeman. Nongbed wangki yemaniib. Yook, God yaningko kankooni yook kui.  
\q1
\v 1 God, eb nub yaa mimyob keende amun kerunde,  
\q2 eb murubia kuu nub yaa konde.\it Selah\it*   
\q1
\v 2 Kwananeebkob eb dowaken okad yiri ye ambibkin koremdan yaa kuu yikaadkeraniib,  
\q2 kwane ambibkin korem kuu bobni yaa burudande bindi ye kiwaan ebbed ongmewen kuu wedme yikaadkeraniib.   
\q1
\v 3 O God, ewaningko kuu ambibkin koremdan kankoonime,  
\q2 ambibkin koremdan kuu ewaningko kankoonime.   
\q1
\v 4 Ambibkin koremdan kuu kubenib kubi yookiib wingkime,  
\q2 amborom kuu ebbed nimakarub korem yaa kuu kangdommo wengyundeneb,  
\q2 okad yiri ye ambibkin koremdan kuu ebbed ben kinban winimaab kowe.\it Selah\it*   
\q1
\v 5 O God, ewaningko kuu ambibkin koremdan kankoonime,  
\q2 ambibkin koremdan kuu ewaningko kankoonime.   
\q1
\v 6 Okad kuu animan kab ire amnoon,  
\q2 God, nub God, yembed nub yaa amun kerundoon kui.   
\q1
\v 7 Godbed nub yaa amun kerundoon,  
\q2 kowe okad kunaya kunaya nimakarub korem kuu ye yaa bumangke unaniib.   
\c 68  
\cl Yook 68 
\toc1 Buk Yook 
\toc2 Buk Yook 
\d Yook ambo bi ye karub yeman. Dewidbed wongkoon. Yook, God yaningko kankooni yook kui.  
\q1
\v 1 God yaro dorok. Ye bondan kuu buyokbayok kerime,  
\q2 kwane God yaa arud wandembiridan kuu ye yaa kirokmone wenebime.   
\q1
\v 2 Amareng nuubbed awune kanwenemoon areb kuu,  
\q2 ebbed eb bondan ben wuurewarebko wenebime.  
\q1 In kuu amot ye niminbed dene okmo keremoon areb kuu,  
\q2 arewa kamenabidan kuu God ye arinambo ari ben monmaroko duknime.   
\q1
\v 3 Kumban yorokmodan kuu dowakenmo kerenib,  
\q2 God ye murubia ari kubime,  
\q2 kwane yi kuu kube ningyak kowime.   
\q1
\v 4 God yaa yook wingkime, yaningko kankooni yook wingkime.  
\q2 Wiib arimbed seriot areb yarimaan ye God yaningko kankoonime.  
\q1 Ye aningko kuu \nd Yariman\nd*,  
\q2 ye arinambo arimbed kubime.   
\q1
\v 5 Ye kuu anenabdan yi ambe, kwane ye kuu iribdan yi dowad yorokmo wengyundi ye karub,  
\q2 kukuu God ye kowe yambib karadmo aom dibeen kui.   
\q1
\v 6 Godbed karubkimiibban obon keriwendan be karubkimiib ongmimaan,  
\q2 yenambed yenbande ben wii aom kamobiwendan kuu yembed ben angka nongkobaane yookiib wingkenabe wenebimaib.  
\q2 Kumban wabkaddan kuu koknoon amiibban ye okad aom dobirimaib.   
\q1
\v 7 O God, ebbed eb nimakarub bin yeederekoreb,  
\q2 amiibban ye amboon angka dewenewen kuu,\it Selah\it*   
\q1
\v 8 okad kuu kiringmeena,  
\q2 ambid arimbed amiib kubuderebeen,  
\q1 God, aangko Sainai ye God monoon kowe,  
\q2 God, Israeldan yi God kui.   
\q1
\v 9 O God, ebbed am yiminmo kondewen,  
\q2 kwane ebbed Israeldan yaa kondewen ye okad koknoon kuu yiminmo ongmewen.   
\q1
\v 10 Kwaneewe eb nimakarubbed kwaom ambib yenbekorib dobiriwen.  
\q2 O God, eb yiminmo kerundi yaambed kwane kamboknondan yaa bangkandewen.   
\q1
\v 11 Kwane, \nd Yarimanbed\nd* weng yuk kowoona,  
\q2 nima yemoon kaimbed kan yare daandiwen kukei,   
\q1
\v 12 ana nangmidaniib yi kingdaniib kuu kirokmoniwen, kedi kirokmoniwen kii,  
\q2 kowe nima ambiwoom dibiib kuu king king yaa nangbe boon ye yiribman be wenorekorib numbere yi mimim biwen, kui.   
\q1
\v 13 Yiib yena kuu sibi yaa oonimbon aombed no unuk dangiwen,  
\q2 kumban odamod maa kei, on arud kuruwak bot silvaambed yone ongmiwen,  
\q2 kwane yu buraab kuu od gold kawurimbonbed yone ongmiwen.   
\q1
\v 14 Aromkonomo Ye Godbed kingdan kuu be buyokbayok kamoon kuyaron kuu,  
\q2 aangko Salmon arimbed wiiwam kubudoroon areb keriwen.   
\q1
\v 15 Okad Basan yu aangko aangko kuu manimanandeb,  
\q2 kwane okad Basan yu aangko aangko kuu aangko kongam ingkiringangkarangbon.   
\q1
\v 16 O aangko kongam kongam, yiib komande wungkande nengmone doriib,  
\q2 Godbed kwarimbed ooni dowad kinoon ye aangko yaa?  
\q2 Kuyaa kuu \nd Yariman\nd* yeka aron korem doberembaraneen kui.   
\q1
\v 17 God ye seriot kuu yewudmo,  
\q2 ye kuu seriot tausen yemooniib,  
\q2 kwane \nd Yariman\nd* kuu Sainai arimbed menemoon areb karadmo mene wedaom doboroon.   
\q1
\v 18 Ebbed ari daanewen kuu  
\q2 nangme awinendiwendan kuu ebbed kinban weneewe eb yomanmo winiiwe,  
\q2 munob bangkandi yeman kuu karub yenambed bangkabdiwen,  
\q1 wabkaddan yi kwangkon bangkabdiwen.  
\q2 O \nd Yariman\nd* God, kwanewen kumbed eb kuu kwari dobara andewed.   
\q1
\v 19 Yariman, nub ben bobni yaa burudande bindi ye God, ye yaa amun kerunem,  
\q2 ye kuu nub dabab kuu aron mimim kankarinimaan kowe.\it Selah\it*   
\q1
\v 20 Nub God kuu bobni yaa burudande bindi ye God,  
\q2 \nd Yariman\nd* Ambengkan yaambed bobni yaa burudande obon kerundi ye kiwaan angkeen.   
\q1
\v 21 Anam kuu Godbed ye bondan yi korok kuu baangkanabaneen,  
\q2 deerewandiyiibban arewa kamembiridan yi korok ambokibim awungiib arimbed kui.   
\q1
\v 22 Yarimanbed yedmoon, “Nembed yiib bondan kuu Basan angkambed be mananiin,  
\q2 kwane nembed yi kuu karamok niindem yirimbed kangkon be mananiin,   
\q1
\v 23 yiib kuu yiib bondan yi umkan animari dore binburunaniiwe  
\q2 yiib anon kangkon kwane yi umkan ananiib.” andoon.   
\q1
\v 24 O God, eb dowad kowekadwe kamenmo wene kurikuri boyambib darewoob yaa weniibdan kuu wedmuwen kii,  
\q2 ne God ne King ye dowad kui.   
\q1
\v 25 Yook wingkidan kuu ibduruk weniib,  
\q2 kuweng wangkanabidan kuu yoman anuk weniib,  
\q2 yi yoom weniibdan kuu nima koyu tambarin wangkanabiib kii.   
\q1
\v 26 “Kadaareb yemoon nedbiwendan, yiib kuu God yaningko kankoonime,  
\q2 Israeldan nedbiwen kui, yiib kuu \nd Yariman\nd* yaningko kankoonime.” ande wingkaib.   
\q1
\v 27 Kuro kuyaa kuu amyenimbon embeng Benjamindanbed nedbiwendan kuu ben kinban weniib,  
\q2 yaro kuyaa kuu Yudadan yi korok korok yemoon kai weniib,  
\q2 yaro kuyaa kuu Sebulundaniib Naftalaidaniib yi korok korok weniib kii.   
\q1
\v 28 O God, ebbbed nub dowad ambangkewen ye aromkono kuu,  
\q2 o God, ebka nub yaa korokbende.   
\q1
\v 29 Yerusalem aombed eb kurikuri boyambib darewoob kuu doruun kowe,  
\q2 kingdan kuu munob bangkandi yeman eb yaa be bangkabdimaib.   
\q1
\v 30 Dingkan kiib darewoob bingkodem aom doriib\f + \fr 68:30 \ft  Kuye weng id angkara kuu Idyipdan. \f* yaa weng kamkonomo daande.  
\q2 Yi kuu buromakau ambi yemoon arudiib nimingkemoon areb, ambibkin maa maadan kuu buromakau mana arebmo.  
\q1 Weng kamkonomo kondebko eb yaa bumangkenib od silvaa dareb dareb bangkabdime.  
\q2 Ambibkindan kane kane ana nangmi yaa dowakeniib keriwen kuu ebbed ben buyokbayok kameewo wenebime.   
\q1
\v 31 Idyipdan yi korok darewoobbed ye korok yena benyuraneene mananiib,  
\q2 kwane Kusdan kuu yika benkubune God ye dabderem yiri dobaraniib.   
\q1
\v 32 O okad yiri yu ambibkin koremdan, God yaa yook wingkime,  
\q2 Yariman yaningko kankoone wingkime,\it Selah\it*   
\q1
\v 33 unyemanbed ongmoon ye ambid arimbed deweneboon ye karub yaa kui.  
\q2 Kedi, yembed nambad areb aromkonomo baandimaan.   
\q1
\v 34 God kuu aromkonoyiib ande baandime.  
\q2 Ye dobiri manimanandewiib Israeldan yaa oonimaan,  
\q2 kwane ye aromkono kuu ambid arimbed.   
\q1
\v 35 O God, eb kurikuri boyambib darewoob aom doreeb kuu binangke ewaningko kankooni yeman.  
\q2 Israeldan yi God yekareb nimakarub yaa aromkonoyiib arudkonoyiib bangkandimaan.  
\q2 God yaningko kankoonem!   
\c 69  
\cl Yook 69 
\toc1 Buk Yook 
\toc2 Buk Yook 
\d Yook ambo bi ye karub yeman. “Bingko Wuung” ye yook ye kiwaan yaambed wingki yeman. Dewidbed wongkoon.  
\q1
\v 1 O God, ne nen burudande angka kowe,  
\q2 amborom kuu ok kuu derebe yukne nandameen kowe.   
\q1
\v 2 Ne kuu birinbon dareb yiri kubunaan,  
\q2 kuyaa kuu yon dore aromnikinban kii.  
\q1 Ne kuu ok kaba dareb yiri kubunaan,  
\q2 urokbed derebe yukne kanwanandamuun kui.   
\q1
\v 3 Ne kuu awawime ande komkimain kumbed ne kiwadkok kuu kiwandoon.  
\q2 Ne kuu God ande onmoni nindob yidnoon.   
\q1
\v 4 Kane kane ne yaa ogoodmo idiibbanbed arud wandembiriwendan kuu  
\q2 kimingke yemoon kai keroon, ne awung kimingki arebban.  
\q1 Kane kane ne yaa ogoodmo idiibbanbed bon keriwendan kuu  
\q2 aromkonoyiib, yi kuu ne neene monmarem ande kamiib kui.  
\q1 Nembed yid bindo kumbed  
\q2 ongmok ande dedmobimaib.   
\q1
\v 5 O God, ne inamen arewa kuu ebkaadkerewen,  
\q2 kwane ne ambarakmi kuu eb yaambed kuu ma bikniyiibban.   
\q1
\v 6 O ana nangmidan yemoon ye \nd Yariman\nd* God,  
\q2 kane kane eb yaa amaan ari kwananeen ande meedmiibdan kuu  
\q2 neyiib kowe yenambed yi yaa karak kondaib.  
\q1 O Israeldan yi God,  
\q2 kane kane eb ande onmiibdan kuu  
\q2 neyiib kowe yenambed yi aningko ben kubunaib.   
\q1
\v 7 Amborom kuu ne kuu eb dowadbed damangkawe irinyowaiwe,  
\q2 ne kuu karak bobnimain.   
\q1
\v 8 Kowe, ne aaroka yaa kuu ne kuu norodman keraan,  
\q2 nena anam yu karub dana meed yaa kuu owodman keraan kui.   
\q1
\v 9 Amborom kuu ewambiwoom ye nindorok kumbed aikmewembirimaan,  
\q2 kwane damangkandi weng yimbed eb yaa damangkabdiwen kuu ne yaa monoon kii.   
\q1
\v 10 Ne kuu inok we animan koronde God yaa meenimain kuu  
\q2 ne yaa damangkawe irinyowimaib.   
\q1
\v 11 Ne kuu yuudi dowad ebkad karong korobmo deebimain kuu  
\q2 nimakarubbed daawi yeman kerimaib.   
\q1
\v 12 Kane kane siti kuuk ambongko yaa dibirimaib kuu damangkawimaib,  
\q2 kwane awarak yimaundanbed ne dowad damangkawi yook wingkimaib.   
\q1
\v 13 Kumban, o \nd Yariman\nd*, eb kubi dowaken keri yaron arimbed  
\q2 eb yaa kurikuri kamimain kowe,  
\q1 o God, eb womoniyiibban ye mimyob dowaken darewoob yaambed  
\q2 inanduweneb ma korondiyiibban ye inamenbed awine ne nen burudande angka kowe.   
\q1
\v 14 Domowaawe birinbon yiri kubunain,  
\q2 nen burudande angka kowe.  
\q1 Kane kane ne yaa arud wandembirimaib yaa  
\q2 ne nen burudande angka kowe,  
\q2 ok kaba dareb yiri areb kuyaa kui.   
\q1
\v 15 Korondaawe ne kuu urokbed nen yuknaun,  
\q2 o ok kaba dareb yiri ne nen anukmunaun,  
\q2 o dem yiri kubunaine winderaun.   
\q1
\v 16 O \nd Yariman\nd*, eb womoniyiibban ye mimyob dowaken kuu amunmo kowe kuyaambed inanduwe.  
\q2 Eb mimyob darewoob kawewen yaambed ne yaa wedmewe.   
\q1
\v 17 Eb deme karub ne yaa murubia kan yeknaab,  
\q2 kwane ne kuu dabab kandaan kowe kirod inanduwe.   
\q1
\v 18 Dia mene ne bidde,  
\q2 ne kuu bondaniib kowe.   
\q1
\v 19 Eb kuu ebkaadkerewen ne bondanbed ne nen irinyowenib damangkawenib karak kawimaib,  
\q2 yi kuu wedmende doreeb kui.   
\q1
\v 20 Damangkawiwen kumbed kubiyiibban kereni  
\q2 ne niindem aom miin yiminban keraan.  
\q1 Mimyob keewidan ande onmaan kumban ma wedmindo,  
\q2 kwane ne mimyob wandi kankubunidan ande onmaan kumban ma wedmindo.   
\q1
\v 21 Ne bondanbed naniman ari mung kookiib dabokenib,  
\q2 ok moomiib keraan yaa kuu kookiib ye ok kawimaib.   
\q1
\v 22 Kowe, yi orokbon arak kumbed kawaad areb kerundok,  
\q2 kwane yi yoom yone doriibdan yaa warab areb kerundok.   
\q1
\v 23 Kwane, yi indob kuu wiiwiib yonoko wedmindeban kerime,  
\q2 kwane yi angkurom kuu aron korem nikmingkandok.   
\q1
\v 24 Yi ari kuu eb norin arud onduknende.  
\q2 Kwane yi kuu eb arud amoyiib denobeen kumbed ben dabuknandok.   
\q1
\v 25 Kwane, yi yumbon kuu korem obonmo kerok,  
\q2 kwane yi kombon ambiwoom kuu karub maa ma doborokban kerok.   
\q1
\v 26 Amborom kuu kane kane ebbed ukum kondewendan kuu yimbed yenbandaiwe,  
\q2 kwane ebbed durud yewed kondewendan yi weng kuu yimbed kanyare daandimaib kowe.   
\q1
\v 27 Yi ambarakmi kuu wuubenmo daanekoreb ukum darewoob konde.  
\q2 Kwane yorokmo dobiri ye kiwaan ebbed ongmewen kuu yi kuu kandaib.   
\q1
\v 28 Kwane, yi aningko wadkeri buk aom kuu are daadme.  
\q2 Kwane, yi kuu yorokmodan yi aningko yaa wongke daboknaab.   
\q1
\v 29 Ne kuu yewediib niindem aom miin yiminban keraan,  
\q2 o God, bobni yaa burudande bindi ye kiwaan ebbed ongmewen kumbed ne nen dorenare.   
\q1
\v 30 Ne kuu God yaningko kankooni ye yook wingkaniin,  
\q2 kwane ye yaa eso ande nambiri konaniin.   
\q1
\v 31 Kwananiin kuu \nd Yarimanbed\nd* kubi darewoob keraneen,  
\q2 oksen aye nengke baeb koni arebban,  
\q2 buromakau ambi duruwiib biridiib kumundin nengke baeb koni arebban kui.   
\q1
\v 32 Dabab meneboondan kuu kwane wedmenekorib kubaniib,  
\q2 yiib kane kane God ande onmiibdan, yiib niindem aom kuu kubimbed angkimborok!   
\q1
\v 33 Kamboknondan yi weng kuu \nd Yarimanbed\nd* wengambirimaan,  
\q2 ye nimakarub bondan yi dabderem yiri doriib kuu yangmadandimokban.   
\q1
\v 34 Kwane, Eweniib okadiib kuu ye aningko kankoonime,  
\q2 karamokiib yu kumkam koremiib kwangkon ye aningko kankoonime.   
\q1
\v 35 Amborom kuu Godbed Saiyon kuu arud ye barang yaambed burudande nendene,  
\q2 Yudadan yi siti kuu ika yenbenabaneen kowe.  
\q1 Kwananeene ye nimakarub kuu kuyaombed nekwane dobere oonaniib,   
\b  
\q2
\v 36 ye demedan yi meed kuu kuye okad kuu yiman keranuun kui,  
\q2 ye yaa mimyob dowaken keenimaibdan kuu kuyaa dobaraniib kui.   
\c 70  
\cl Yook 70 
\toc1 Buk Yook 
\toc2 Buk Yook 
\d Yook ambo bi ye karub yeman. Dewidbed wongkoon. Kaamoni yeman.  
\q1
\v 1 O God, ne kuu burudande nende.  
\q2 O \nd Yariman\nd*, kirodmo mene awawe.   
\q1
\v 2 Kane kanembed ne nande kamiibdan kuu  
\q2 karak kondeneb kerebkarab kerunde.  
\q1 Kane kanembed ne monmarandamiibdan korem kuu  
\q2 ben amonombesaroko ikakman winibko irinyonde aningkoyiibban kerundok.   
\q1
\v 3 Kane kanembed ne kande iningkuk yeman keriwen kuu  
\q2 karak kondoko ikakman winime.   
\q1
\v 4 Kumban kane kanembed eb ande onmiibdan kuu,  
\q2 eb yaa dowakeniib kere kubime,  
\q1 kwane kane kanembed bobni yaa burudande bindi ye kiwaan ebbed ongmewen kuyaa dowaken darewoob kowiwen kuu,  
\q2 kekane yedmimamime, “God yaningko darewoob arimbed kerok!” andimamime.   
\q1
\v 5 Kumban ne yaa dabab meneboon, nangkon kamboknon keraan,  
\q2 o God, ne yaa kirod mene!  
\q1 Eb kuu ne awawi ye karub, eb kuu ne nen burudande angka kowi ye karub,  
\q2 o \nd Yariman\nd*, erebnaraab, kibireb mene!   
\c 71  
\cl Yook 71 
\toc1 Buk Yook 
\toc2 Buk Yook 
\q1
\v 1 O \nd Yariman\nd*, ebbed kukbimaabbon aombed dobirimain,  
\q2 korondaawe ne yaa ma karak kawaib.   
\q1
\v 2 Eb yorokmo kerekmen yaambed ne nen burudande angka kowe.  
\q2 Ne yaa eb kerendem kowe wengamberewe mene ne nen angka kowe.   
\q1
\v 3 Ne nen kukbimaabbon aombed aromne angkumoni ye karub kere.  
\q2 Ewiib yaa mini ye kiwaan kuu ma kebeniyiibban kerok.  
\q1 Eb kuu ne aromkonombon, eb kuu ne aromne angkumonimbon kowe,  
\q2 ne dowad ye nen burudande angka kowa andi ye weng dakme.   
\q1
\v 4 O ne God, arewa kamenabidan yi dingki dem aom kuu ne nen burudande angka kowe,  
\q2 yenbandi kuu yi iningkuk areb kerimaibdaniib yorokmombandaniib yaa kui.   
\q1
\v 5 O \nd Yariman\nd* Ambengkan, ebbed kwananeeb ande meedme doriin,  
\q2 kwane ne kewed yaambed mene kibikee eb yaamo angkumone doberembirimain.   
\q1
\v 6 Ne wooneen yaambed mene kibikee eb kuu ne yaa doreeb kowe yiminmo dobaraan,  
\q2 kwane ebbed nena yu kabeyob aombed ne nen angkaderewen.  
\q2 Ne kuu aron korem ewaningko kankoonimamaniin.   
\q1
\v 7 Yemoon yi indob arimbed ne kuu dud korokbi yeman areb keraan,  
\q2 kumban eb kuu ne dowad kukbimbon aromkonoyiib kerewen.   
\q1
\v 8 Ne meeni aom kuu ewaningko kankooni ye inamenmo,  
\q2 kwane aronki doboob kuu eb nambiri ye wengmo dakmembirimain.   
\q1
\v 9 Kiomnaniin kuu ne nen kan angka koraraab.  
\q2 Aromkonoyiibban keraniin kuu domowaab.   
\q1
\v 10 Amborom kuu ne bondan kuu ne yaa manmo kere dakmimaib,  
\q2 kwane ne dowad nuwaron keruko aye kowem andidan kuu nuubnaan kamiib.   
\q1
\v 11 Yimbed ne dowad kekamune dakmimaib, “God kuu ye yaa domonenoon.  
\q2 Karub maambed ye nen burudande angka kowaanban kowe ye yoman kerenenmo yarenub awinenem.” andimaib.   
\q1
\v 12 O God, ambabbed dobaraab,  
\q2 o ne God, awawi dowad kirod mene.   
\q1
\v 13 Ne yaa manmo keriwendan kuu karak konde monmare.  
\q2 Ne yaa arewa keruwandamiibdan kuu  
\q2 damangkande irinyonde aningkoyiibban kerunde.   
\q1
\v 14 Kumban ne kuu ebbed ari kwananeeb ande meedmembirimain, korondainban,  
\q2 kwane ewaningko kankoonimain kuye inamen kuu kaine darewoob kere weneen.   
\q1
\v 15 Eb yorokmo kerekmen ye dowad daandembaraniin,  
\q2 bobni yaa burundande bindi ye kiwaan ebbed ongmewen kuu ne kuu kumunkingkindeban kumban,  
\q2 kuye dowad kuu aronki doboob daandembaraniin.   
\q1
\v 16 O \nd Yariman\nd* Ambengkan, ebbed ewaromkonoyiib kwane ambangkanabewen kuu mene baande daandaniin,  
\q2 kwane eb yorokmo kerekmen ye dowad baande daandaniin, ebmanmo kui.   
\q1
\v 17 O God, ne kuu ne kewed yaambed mene kibikee ebbed kedmengkawimaab,  
\q2 kwane kuyaronbed mene kibikee binangke eb yaa anam andi yeman ongmenabewen kuu daandimain.   
\q1
\v 18 O God, kiomne wok bandaniin kuu domowaab,  
\q2 kwane eb aromkonomo dobiri ye wengiib eb kuu korem burundandewen arimbed ye God ye wengiib kuu  
\q2 ari ari ye nimakarub yaa daande dowan keraniin kumbed bobnaniin kuu yimin.   
\q1
\v 19 O God, eb yorokmo kerekmen kuu kwane kawene ambid aommo doroon,  
\q2 o God, eb kuu kami miin darewoob ambangkanabewen kowe,  
\q2 kane kuu eb areb keroon? Dowan!   
\q1
\v 20 Ebbed dabawiib durud yewediib yemoon ben ne bangkawewen kumban,  
\q2 ongmewaneewe wadkeraniin,  
\q1 kwane dem kongdem yiri areb dobaraan kumban,  
\q2 ebbed ne ika nen kawene kowaneeb.   
\q1
\v 21 Ne kuu aningkoyiib kuned ebbed angkon naningko kuu darewoob arimbed keruweneb,  
\q2 ne mimyob wandi kuu ika kankubunaneeb.   
\q1
\v 22 O ne God, eb korondiyiibban no awinembiri ye inamen awinimaab ye dowad,  
\q2 haabbed wangke ewaningko kankoonaniin.  
\q1 O Israeldan yi God Karadmo,  
\q2 laiyambed wangke ewaningko kankoone wingkaniin.   
\q1
\v 23 Ewaningko kankoone wingkaniin kuu  
\q2 komke kubaniin,  
\q2 biddewen ye karub nembed kui.   
\q1
\v 24 Aronki doboob kuu eb yorokmo kamenabi kuu daandembaraniin,  
\q2 amborom kuu kaneyambed ne nenbandandamiibdan kuu  
\q2 karak kondene kerebkarab kerundoon kowe.   
\c 72  
\cl Yook 72 
\toc1 Buk Yook 
\toc2 Buk Yook 
\d Solomonbed wongkoon.  
\q1
\v 1 O God, eb wengyundi ye kiwaan kuu king yaa kedmengkane.  
\q2 Ye kuu king ye mingki kowe ye yaa eb yorokmo kerekmen kuu kedmengkane.   
\q1
\v 2 Kwaneewo ye kuu eb nimakarub yaa yorokmo kerekmen yaambed wengyundok,  
\q2 kwane eb nimakarub yaa dabab wayiroondan kuu anammo wengyundok.   
\q1
\v 3 Kwane, aangko aangko angka kuu yewenubmo dobiri deedere wonok,  
\q2 kwane koodbon koodbon kuu yorokmo dobiri ye yob irok.   
\q1
\v 4 King kuu dabab wayiroondan yaa koromone dakmok,  
\q2 kwane ye kuu kamboknondan yi dana meed ben arud ye barang yaa dorondarok,  
\q2 kwane ye kuu dabab kondi ye karub kan yob beengkemoon areb kerunok.   
\q1
\v 5 O God, aron yurembirimaun yaron kuu nimakarub kuu eb yaa une bumangkime,  
\q2 wood angkimbirimaun yaron kui, awo awo andowoon anukbed mene aron yeenbon ari kui.   
\q1
\v 6 King kuu mongkobon angka am manauna kirod iremoon areb kerok,  
\q2 kwane ye kuu okad ari am manauna aya nonga kainemoon areb kerok.   
\q1
\v 7 Ye dobaraneen yaron niindem aom kuu Godbed yorokmodan yaa yiminmo kerundok,  
\q2 kwane yewenubmo dobiri kuu yi yaa yiminmo kerok, kwane wene wood kuu dowan keranuun.   
\q1
\v 8 Yembed oonaneen ye ambibkin kuu kwane karamok maambed wene maayiib nanduk,  
\q2 kwane ok awaan Yufretesbed wene bid yimin wandaneen yaa keruk.   
\q1
\v 9 Amiibban ye amboon angka doriibdan kuu king yaa bumangkime,  
\q2 kwane ye bondan kuu ye yaa bumangke korok ben kibingkenib ye dabderem yiri dobirime.   
\q1
\v 10 Taasisdan yi kingiib dudbi dudbi ku dangeendan yi kingdaniib kuu ooni ye kakman od kuu ye yaa bangkanime,  
\q2 kwane Sibadan yi kingiib Sebadan yi kingiib kangkon nub yaa kubende andi ye munob koni yeman bangkanime.   
\q1
\v 11 Kingdan korem kuu ye yaa bumangkime,  
\q2 kwane ambibkin korem kuu ye demedan kerime.   
\q1
\v 12 Kedi, awawe ande baandi ye karub kuu kingbed awanenaneen,  
\q2 dabab wayiroondan kane kane yi yaa awandi ye karuwiibban kuyaa kui.   
\q1
\v 13 Kamboknondaniib yiminban kerenib awande andidaniib yaa kuu yembed mimyob keendaneen,  
\q2 kwane yiminban kerenib awande andidan kuu yembed bobni yaa burudande bindaneen.   
\q1
\v 14 Yi kuu yembed yobdoodmo dabab bangkandidaniib yeremboromdaniib yaa dorenare bindaneen,  
\q2 amborom kuu yi wadkeri kuu miin yekareb amun yeman ande meenimaan kowe.   
\q1
\v 15 Ye kuu weeb yemoon kwane doberemborok!  
\q2 Kwane Siba ambibkin ye bot gold kuu ye yaa bangkanok.  
\q1 Ye dowad nimakarub womoniyiibban aron korem kurikuri kamembirime.  
\q2 Kwane aronki doboob kuu ye yaa amun kerunime.   
\q1
\v 16 Bidambib kumundin aom kuu wiit yob kuu yewudmo kerok.  
\q2 Aangko aangko dungkun ari kwangkon awuune angkara kere angkara kere kamok.  
\q1 Kuye wiid yob kuu Lebanon yu at yemoon areb yemoon kai kerok.  
\q2 Kwane nimakarub kuu yi kambong aom kuu yidwarok,  
\q2 kereekbon angka kuu kereek yemoon kwamune areb kerok.   
\q1
\v 17 Ye aningko kuu aron korem yirin kame angkimborok,  
\q2 aron ku angkimbaranuun yaron ye doboob areb kuu kwane angkimborok.  
\q1 Ye yaambed ambibkin koremdan kuu amun kerundok,  
\q2 kwane yi kuu ye dowad ye kuu amun kerunoonman andime.   
\q1
\v 18 \nd Yariman\nd* God, Israeldan yi God kui, ye yaa amun kerunok.  
\q2 Yembedmo binangke ye yaa anam andi yeman ongmenabimaan.   
\q1
\v 19 Ye aningko nambiriyiib yaa amun kerunemborok, aron korem korem.  
\q2 Kwane okad kumundin kiri kee ye nambiri kwane derendarok.  
\q2 Anam kwanok. Anam kwanok.   
\p
\v 20 Kwamune kumbed Yesi ye mingki Dewid ye kurikuri kame dowan keroon.   
\c 73  
\ms1 Buk Ayoobmim  
\mr Yook 73-89  
\cl Yook 73 
\toc1 Buk Yook 
\toc2 Buk Yook 
\d Asaf ye yook.  
\q1
\v 1 Anamaa, God kuu Israeldan yaa amun amun kamimaan,  
\q2 kane kane yi niindem aom kuu karadmo keroondan yaa kui.   
\q1
\v 2-3 Kumban miin arewa kamiibdan kuu yiminmo doriiwe wedmeni,  
\q2 kerengkandan kee amunmo doriib kumbed yi areb kera ande kamaan kowe,  
\q1 ne kuu kiwaan amun ari koronde kimyen kere beresarok andaan,  
\q2 kwane ne yon kuu dore at wande komborok andaan kii.   
\q1
\v 4 Yi kuu dabawiibban amunmo doriib,  
\q2 yi id yaa kuu bobob aweneyiibban kirikmo.   
\q1
\v 5 Nimakarub yena korem yaa kuu yobdood menebimaan kuned kerengkandan kee dowan.  
\q2 Nimakarub yena korem yaa kuu dabab menebimaan kuned kerengkandan kee dowan.   
\q1
\v 6 Kwani kowe, yi kerengkan kami kuu kongkono yaa itoob derenemoon areb keroon.  
\q2 Yi kuu yeremborom ye inamen yaamo meenimaib.   
\q1
\v 7 Inamen arewa kuu yi niindem aom kaine kob areb yingkoon.  
\q2 Inamen ongmenabimaib kuu miin arewa angkon yemoon kai.   
\q1
\v 8 Yi kuu damangkandenib dabab kondi dowad dakmenabimaib,  
\q2 kwane yi kerengkan inamen yaambed kwane dakmimaib.   
\q1
\v 9 Yi mongkodkonombed Ewen yaa weng arewa dakmimaib,  
\q2 kwane yi ongbed kerengkan weng dakmimaib kuu korokdan yi weng areb daande yarimaun.   
\q1
\v 10 Kwani kowe, God ye nimakarub kuu keyaa ikakman manaiwa,  
\q2 dabab yemoon kuu miin arewa kamenabidanbed yi ari kuu kapus aom ok demboon areb onduknimaib kii.   
\q1
\v 11 Yi kuu kwane yedmimaib, “God kuu komo kere yekaadkeraneen? Dowan!  
\q2 Korem Burudandoon Arimbed Ye God kuu inamen kaadkeriyiib dee? Dowan!” andimaib.   
\q1
\v 12 Kedi, miin arewa kamenabidan yi kuu kwamunemo areb,  
\q2 yi kuu meendobembiriyiibban, kwane yi yiribman yemoon kuu ariyiib dabokne bimaib.   
\q1
\v 13 Anamaa, yorokmo inamenmo awineni  
\q2 ambarakmi korem yaa kangkadmimain kuu idiibban ande meenaan,   
\q1
\v 14 amborom kuu aronki doboob kuu ne yaa dabab menebaane,  
\q2 amkimo korem kuu ne kuu ukum kawe didangkewimaan kowe.   
\q1
\v 15 Nembed “Yi inamen arewa kande dakmaniin.” ande yedmaniin kuu,  
\q2 God ye nimakarub yaa ambarakmaniin.   
\q1
\v 16 Kwane korem kee id kandande kamaan kuu,  
\q2 ne yaa yiminban keroone miin kubiyiibban keraan.   
\q1
\v 17 Kuned ne kuu kwane wene God ye kurikuri boyambib aom aomneni  
\q2 miin arewa kamenabidan kee yi yaa yeenbon ari komo keraneen kuu nekaadkeraan.   
\q1
\v 18 O God, anam kuu ebbed yi kuu beneb okad kereewiib ari nongkobewen,  
\q2 anam kuu ebbed yi kuu nadme monmarimbon yiri ben kiradmaneeb.   
\q1
\v 19 Yi kuu kudmeniibban monmaraneen kumbedmo,  
\q2 urokbed yukne yeemoon areb yi kuu kudmeniibban ye uni maa maambed dukne dowan keraniib.   
\q1
\v 20 Kwane karub maa kiyuum we dembene aa kiyuummo, idiibban andemoon areb,  
\q1 o \nd Yariman\nd*, eb kwane yaro dembaneeb kuu,  
\q2 ebbed yi kuu wurukbandan ande yi yaa angkurom korokbendaneeb.   
\q1
\v 21 Ne niindem aom miin yiminban kereni  
\q2 ne mimyob yaa kuu maradbed kaaremoon areb keroon yaron kuu,   
\q1
\v 22 ne kuu nonoon kere meenindeban kereni  
\q2 eb arinambo arimbed ne kuu inameniibban ye dingkan areb keraan.   
\q1
\v 23 Kuned ne kuu eb yoommo doberembirimain,  
\q2 kwane ebbed ne kuu ne dingki wiwi angkambed awinewe yarimaab.   
\q1
\v 24 Kwane, eb kedmengkawi yaambed ongkawe nen kinban winimaab,  
\q2 kwanekoreb eb nambiri aom nenwananeeb.   
\q1
\v 25 Ne kuu Ewen aom kuu karub maayiibban, ebbedmo.  
\q2 Kwane ne kuu okad kiri ye barang maa yaa meenimokban, ne dowaken kuu eb yaamo angkeen.   
\q1
\v 26 Ne idiib mimyowiib kuu dowan keraneen kumban,  
\q2 God ebbedmo kuu ne niindem aom aromni ye karub,  
\q2 aron korem dobiri ye yumbon keruwi ye karub kuu ebbedmo.   
\q1
\v 27 Kedi, kane kane eb yaa ambab keriwendan kuu korem duknaniib,  
\q2 kwane kane kane eb yaa korondaniib kuu ebbed monmaraneeb.   
\q1
\v 28 Kumban nembed wedmaan kuu God ye dia dobiri kuu amun.  
\q2 Ne kuu Ambengkan Ye \nd Yariman\nd* ye kukbimaanbon aombed doriin,  
\q2 kwane nembed ebbed komo komo kamenabewen korem kuu dakmaniin.   
\c 74  
\cl Yook 74 
\toc1 Buk Yook 
\toc2 Buk Yook 
\d Asaf ye \em Maskil\em* ye yook.  
\q1
\v 1 O God, komarewako kee nub kuu aron korem domondewen?  
\q2 Komande eb ooni ye sibi areb nub yaa kuu eb norinmo womoniyiibban keendembirimaab?   
\q1
\v 2 Eb nimakarub unyemanbed amoddoon kuyaa ika meene,  
\q2 ambibkin mimodan ebbed kinewe biddoon kuyaa kui.  
\q2 Aangko Saiyon kurin anuk doberewen kuyaa ika meene.   
\q1
\v 3 Bondan kuu eb kurikuri boyambib monmariwen kowe,  
\q2 aron doboobmo angkuun ye boyambib bob keyaa yaro dodkanmo mene.   
\q1
\v 4 Eb yoom nedbimaubbon yaa kuu eb bondanbed wene baankone komkiwen,  
\q2 kwane yi flaekiib mane kan daaniwen.   
\q1
\v 5 Yi kuu at dengkoridan areb,  
\q2 at nimingkaan aom dengke aremoon areb keriwen kowe,   
\q1
\v 6 eb kurikuri boyambiwoombed kowod yone winiwen yaa ayiib nongkobe kuruwakiib ongmenabiwen kuyaa kuu  
\q2 yi kapakiib hamayiibbed wowe monmariwen.   
\q1
\v 7 Kwane yimbed eb kurikuri boyambib kuu amotbed kowiiwa dene kubuneen,  
\q2 kwane ewaningkoyiib angimboroon ye kurikurimbon kuu monmare yon dowod yeman kerundiwen.   
\q1
\v 8 Nub dowad yikareb yedmiwen, “Nub kuu yi ben kumundin yob beengkemoon areb kerundem!” andiwen.  
\q2 Kwane, nuwambibkin aom God yaa kurikurimbon korem kuu amotbed nengkiiwe denobeen.   
\q1
\v 9 Nub yaa kuu dud maa ma korokbindo,  
\q2 kwane nub kumaom kuu profesiman mim ma doborokban,  
\q2 kwane aron arewa kee aron komoyiib kwane awinaneen kuu nub keyaa karub kanembed ma yekaadkerindo.   
\q1
\v 10 O God, aron komoyiibbed kwane eb bondan kuu eb yaa damangkabdaniib?  
\q2 Yi kuu kwamune aron korem ewaningko monmaraniiwoo?   
\q1
\v 11 Komoyiibkob eb dingki, dingki wiwi kui, yire ambangkokban kerewen?  
\q2 Eb dingki bedme warewen kuu ben yire yi monmare.   
\q1
\v 12 Kumban, o God, unyeman yirimbed eb kuu ne king kerewen,  
\q2 kwane ebbed okad kirimbed arud ye barang yaa burudande bindimaab.   
\q1
\v 13 Ewaromkonombed karamok kuu kan angkara angkara kere kowewen,  
\q2 kwane omyere dareb dareb yi korok kuu baangkanabewen.   
\q1
\v 14 Ebbed omyere kambari maa yaningko Lewaiyatan ye korok korok kuu beengkanabekoreb,  
\q2 ye ida yoma kada kuu amiibban ye amboon ye dingkan yaa bangkandeewa aniwen.   
\q1
\v 15 Ebbed ok kirubdemiib okmanamboniib kuu ongmenabewenkob menebuun,  
\q2 kwane ebbed menebimaun ye ok awaan kuu ben okiibban bidmo kere kokderebewen.   
\q1
\v 16 Awingyab kuu ebman, amnoom kangkon ebman,  
\q2 kwane woodiib aroniib kuu ebbed ongmenabe nongkobewen.   
\q1
\v 17 Ebbed okad kuu yu yiminmo andi yaambed ongmenabe nongkobewen,  
\q2 kwane ebbed yongkonbi yaroniib amaroniib ongmenabewen.   
\q1
\v 18 O \nd Yariman\nd*, bondanbed damangkabdiwen kuyaa ika meene.  
\q2 Kedi, inameniibbandan ewaningko monmariwen kuyaa ika meene.   
\q1
\v 19 Kwane, nub kuu on arud areb arudiibban aromkonoyiibban keruwen kuu arud dingkan areb keriwendan yi dingki ari nongkobaab,  
\q2 kwane dabab wayiroondan ebbed ooneeb kuyaa kuu aron korem nonondandaab.   
\q1
\v 20 Eb amob weng nub dowad ongmewen kuyaa kuu meene ongme awine,  
\q2 amborom kuu okad keyaom kee bendom mirikni miriknimbon kuu yeremboromdaniib diiriwen kowe.   
\q1
\v 21 Kwane korondaawe, dabab wayiroondan kuu ika mene karak kandaib,  
\q2 kwane kamboknondaniib yiminban kerenib awande andidaniib kuu ewaningko kankoonime.   
\q1
\v 22 O God, yaro dore. Ebka eb dowad koromone dakme.  
\q2 Inameniibbandan kuu aronki doboob damangkabdimaib kuyaa ika meene.   
\q1
\v 23 Eb yaa manmo keriwendanbed yirinde baandimaib kuyaa nonondandaab,  
\q2 kwane eb bondanbed womoniyiibban baankone komkimaib kuyaa kangkon nonondandaab.   
\c 75  
\cl Yook 75 
\toc1 Buk Yook 
\toc2 Buk Yook 
\d Yook ambo bi ye karub yeman. “Monmaraib” andi ye yook ye kiwaan yaambed wingki yeman. Asaf ye yook. God yaningko kankooni ye yook.  
\q1
\v 1 O God, nub kuu eb yaa eso anduub,  
\q2 amborom kuu eb kuu dia doreeb kowe.  
\q2 Binangke eb yaa anam andi yeman ambangkanabewen kuu nimakarub kuu dakmimaib.   
\q1
\v 2 Ebbed kwane dakmeeb, “Nembed aron kuu kine kowaan,  
\q2 yorokmo wengyundi ye karub kuu ne kei.   
\q1
\v 3 Kwane, okadiib yu nimakarub koremiib kiringmaniib kuu  
\q2 nembed ambokab yiri kuu yobdoodmo awinaniin.\it Selah\it*   
\q1
\v 4 Nembed kerengkandan yaa yedmaan, ‘Kibikbed ari kuu ma kerengkan kamaib.’ andaan,  
\q2 kwane miin arewa kamenabidan yaa yedmaan, ‘Yiib aromkono yaa kerengkan kamaib.   
\q1
\v 5 Yiib aromkono yaa miin kerengkan kamaib.  
\q2 Kwane yiib kuu wabkad kere kerengkan kamaib.’ andaan.” andoon.   
\q1
\v 6 Karub maa kane aron dembimaun angkambed o aron kubunimaun angkambed  
\q2 o amiibban ye amboon angkambed karub maa yaningko kankoonaanban.   
\q1
\v 7 Kumban kukuu wengyundimaan ye God,  
\q2 yembed maa kuu nen kubudere maamo yaningko kankoonimaan.   
\q1
\v 8 \nd Yariman\nd* ye arud kuu wain ok kamokiib areb,  
\q2 ambodmo kandene kook yeman yenayiib dabokne ongmene kabus aom bunoone daadere demboone,  
\q1 onduknoone miin arewa kamenabidan okad yimin yimin yaa doriib kuu  
\q2 yi korem kuu anenmo kawene kibin yirimo keriwen.   
\q1
\v 9 Kumban ne kuu God ye dowad aron korem dakmembaraniin,  
\q2 kwane ne kuu Yekob ye God yaningko kankoone yook wingkaniin.   
\q1
\v 10 Yembed miin arewa kamenabidan yi aromkono kuu kan kubune dowan keraneen,  
\q2 kumban yorokmodan yi aromkono kuu darewoob arimbed kerundaneen.   
\c 76  
\cl Yook 76 
\toc1 Buk Yook 
\toc2 Buk Yook 
\d Yook ambo bi ye karub yeman. Nongbed wangki yemaniib. Asaf ye yook. God yaningko kankooni ye yook.  
\q1
\v 1 Yuda aom kuu God yikaadkeriwen,  
\q2 kwane Israel aom kuu ye aningko kuu darewoob arimbed kii.   
\q1
\v 2 Ye kombon ambib kuu Salem aom,  
\q2 kwane ye dobirimbon kuu aangko Saiyon ari.   
\q1
\v 3 Kuyaambed bondan yi ana yumbuyiib kuu yembed domangkoon,  
\q2 yi kombeyiib kerewangiib ana nangmi ye kumaniib kangkon domangkoon.\it Selah\it*   
\q1
\v 4 O God, eb nambiri kuu yeka mamaa kii,  
\q2 eb nambiri kuu darewoob arimbed, aangko ari nedbiwen ye bondan yemoon arebban.   
\q1
\v 5 Yi kanangkoddan kuu no yenbande nongkobeneb yi yiribman ben wenorewen,  
\q2 kwane yi kuu yeenbon unuk dangemoon areb keriwen, ika wad yeedaraibban.  
\q1 Yi ana nangmidan kumaom kuu  
\q2 karub mim maa kwane ye dingki ma yiraanban.   
\q1
\v 6 O Yekob ye God, eb ongkandi kumbed,  
\q2 yi hoosiib seriotiib kuu yeenbon unuk dangemoon areb keriwen.   
\q1
\v 7 Unebdi ye karub kuu ebbedmo.  
\q2 Eb norin wandaneeb kuu kanembed koromone eb kiringkono ari dobaraneen? Dowan!   
\q1
\v 8 Ewen arimbed kangdod weng dakmewen kumbed,  
\q2 okad kiridan korem kuu eb konob une iwari keriwen.   
\q1
\v 9 O God, kukuu dabab wayiroondan arudbon yaa burudande bindi dowad  
\q2 ebbed yaro dore wengyundandewen yaron arimbed kwanoon.\it Selah\it*   
\q1
\v 10 Kedi, eb bondan yi norin eb yaa wandimaib kuu idiibban kerimaan kowe eb yirin kuu darewoob arimbed kerimaan.  
\q2 Kwane kuye norin dungkun kuu kan amonombe king ye korok ari dereni yeman areb ongmeneb derenimaab.   
\q1
\v 11 Yiib \nd Yariman\nd* God yaa wiim aangki weng ongmime, kwamunemo ambangkime.  
\q2 Ambibkin dia dia mimim koremdan kuu  
\q2 mim ye yaamo uni yemanman yaa munob koni yeman bangkanime.   
\q1
\v 12 Yembed nimakarub yi korokdan kuu ben kubunimaan,  
\q2 kwane okad yiri ye kingdan kuu ye yaa unenimaib.   
\c 77  
\cl Yook 77 
\toc1 Buk Yook 
\toc2 Buk Yook 
\d Yook ambo bi ye karub yeman. Jedutun ye dowad Asafbed wongkoon. God yaningko kankooni ye yook.  
\q1
\v 1 Ne kuu God yaa awawok ande baandeni,  
\q2 God wengamberewok ande baandaan.   
\q1
\v 2 Dabab ne yaa meneboon kuu Yariman ande manaan,  
\q2 kwane amnoom doboob kuu dingki benkoobe ninabaan kuned,  
\q2 barang maa kuu ne mimyob wandi yaa kuu ma kankubunindo.   
\q1
\v 3 God yaa meenekori kwane warekaan,  
\q2 kwane ye kuyaamo meendobiine ne kingkin kuu miin aromkonoyiibban keroon.\it Selah\it*   
\q1
\v 4 Ne yaa kuu unuk angkaab ande kebenewen,  
\q2 kwane ne niindem kuu dabab waroon kumbed dakmindeban keraan.   
\q1
\v 5 Anuk dobaraan yaamo meendobaan,  
\q2 weeb unyeman anuk yiri yaa kui.   
\q1
\v 6 Anukbed amnoom yaa yook wingkaan kuu ika meenaan,  
\q2 kwane ne niindem aom meendobeni nekareb kaamobimain kuu kei.   
\q1
\v 7 “Yariman kuu aron korem wunekaraneen dee?  
\q2 Ye amun amun kamendi kuu angkon amaan ma korokbendaanban dee?   
\q1
\v 8 Ye womoniyiibban ye mimyob dowaken keendi kuu korem dowan keroon dee?  
\q2 Ye weng kunduk kuu aron korem kwane idiibban keroon dee?   
\q1
\v 9 God ye mimyob keende kakman are nonondandi kuu dowan keroon dee?  
\q2 Yembed norin wandoon kumbed mimyob keendimokban keroon dee?” andaan.\it Selah\it*   
\q1
\v 10 Kwane nembed yedmaan, “Ne niindem aom miin yiminban keraan ye id kuu kei.  
\q2 Korem Burudandoon Arimbed Ye God ye dingki wiwimbed nub yaa awandimokban keroon.” andaan.   
\q1
\v 11 \nd Yarimanbed\nd* komo komo kamenaboon kuu nembed ika meenaniin,  
\q2 o God, anam kuu binangke ewaningko kankooni yeman ebkareb ongmenabewen kuu ika meenaniin.   
\q1
\v 12 Komo komo ambangkanabewen korem kuu nembed ika ne niindem aom meendobeni,  
\q2 ewaromkonombed komo komo kamenabewen korem kuu kwane andangke meenaniin.   
\q1
\v 13 O God, eb dobiri ye kiwaan kuu karadmo.  
\q2 Kedi, god maa kuu nub God darewoob arimbed kwamune arewiib ma keroon dee? Dowan!   
\q1
\v 14 Eb kuu binangke ewaningko kankooni yeman ongmenabimaab ye God,  
\q2 ewaromkono kuu ambibkin maa maa koremdan yaa korokbimaab.   
\q1
\v 15 Eb dingki aromkonombed eb nimakarub biddewen,  
\q2 Yekob ye awoya ariyiib Yosef ye awoya ariyiib kui.\it Selah\it*   
\q1
\v 16 O God, ok ariyiib ok yiriyiib kuu wedmebdiwen,  
\q2 eb wedmebdekorib une kiringmiwen,  
\q2 ok niindem yiri kangkon kwaneen.   
\q1
\v 17 Wiib arimbed am menebuune,  
\q2 ambid ari kuu nambad kamoone,  
\q2 eb imak kuu ana baradmemoon areb anuk kere ari kere kamoon.   
\q1
\v 18 Eb amkuni kuweng kuu kibin nuub aombed meneboone,  
\q2 eb imakbed okad kumundin kuu yuroone,  
\q2 okad kumundin kuu kiringmiyiibbed yobeen.   
\q1
\v 19 Kiwaan ongmewen kuu karamok aombed dewuneen,  
\q2 karamok niindem yirimbed kiwaan ongmenabewen kui,  
\q2 kuned eb yon yumbon kuu karub maa ma wedmindo kii.   
\q1
\v 20 Eb nimakarub kuu sibi oonidan areb ben kinban wenewen,  
\q2 Moses yoom Eeron yoom yaambed kui.   
\c 78  
\cl Yook 78 
\toc1 Buk Yook 
\toc2 Buk Yook 
\d \em Maskil\em* ye yook Asafbed wongkoon.  
\q1
\v 1 O ne karuwa nimaya, ne kedmengkandi kuu wengambirime.  
\q2 Ne mongkodkonombed dakmandamaan keyaa yiib kerendem kowe wengambirime.   
\q1
\v 2 Ne mongkod doombereni kuruwak wengbed dakmaniin,  
\q2 unyemanbed biknoon ye inamen kuu kedmengkaniin.   
\q1
\v 3 Wengambere nubkaadkeruwen ye weng,  
\q2 nuwambeyambed nub yaa daandiwen ye weng kui,   
\q1
\v 4 kuye weng kuu nub danaya yaa bikderebaubban,  
\q2 nub meed yaa kwane daandanuub kii,  
\q1 \nd Yariman\nd* yaningko kankooni ye ambangkanabi ye wengiib  
\q2 ye aromkono ye wengiib binangke yaningko kankooni yeman ongmenaboon ye wengiib kui.   
\q1
\v 5 Kedi, yembed kwanime andi ye wengiib amob wengiib Yekob ye awoya ari yaa bangkandoon,  
\q2 Israeldan yaa kui.  
\q1 Kuye weng kuu yembed nub awoya yiri yaa kuu  
\q2 “Yiib dana meed yaa kedmengkandime.” ande yedmoon.   
\q1
\v 6 Kwamiwed kwane yi dana meed kuu kuye weng yikaadkeraniib,  
\q2 yi dana meed mogeed wanabindo kangkon yikaadkeraniib kii,  
\q2 kwane yi kuu yika yi dana meed yaa kedmengkanden wananiib.   
\q1
\v 7 Kee kwane kamaniib kumbed God yaa angkumone doberenib,  
\q2 ye ambangki yaa nonondandaibban kerenib,  
\q2 yembed kwamime andi ye weng kuu awinaniib.   
\q1
\v 8 Yi kuu yi awoya areb keraibban,  
\q2 amborom kuu yi awoya kuu bot korok kere wabkad keriwen kowe,  
\q2 yi awoya kuu God yaa korondenib  
\q2 god maa maa yi yoman winiwen.   
\q1
\v 9 Efraimdan kuu anangkawiib nekwiwen kuned,  
\q2 ana nangmi aron muneen ari kuu kirokmone ikakman winiwen.   
\q1
\v 10 Yi dowad Godbed amob weng ongmoon kuu korondenib  
\q2 ye amob yaa wunekare dobiriwen.   
\q1
\v 11 Yi kuu yembed komo komo kamenaboon kuyaa nonondandiwen,  
\q2 God ye aromkono wedmi yeman yi yaa kedmengkoon kui.   
\q1
\v 12 Yembed binangke ye aningko kankooni yeman yi awoya yi murubia arimbed kedmengkoon,  
\q2 Idyip ambibkin yiri bidambib Soon aombed.   
\q1
\v 13 Yembed karamok kuu domokbe angkara angkara kerekore yi kuu wedyiri bid ari ben kinban yanoon,  
\q2 yembed ongmoona ok kuu wan yaro anuk yine ari yine kameen kui.   
\q1
\v 14 Kwane, aronki kuu wiibbed kowe ben dore wenene,  
\q2 amnoom doboob kuu amot denenmo wene yure wanaana kuyaambed kerenenmo winimaib.   
\q1
\v 15 Yembed amiibban ye ambon angkambed bot dumnad baangkenabe daadmekore,  
\q2 ok ongmoone karamok awaan areb darebmo menebuune yi yaa bangkandoon.   
\q1
\v 16 Yembed okmanambon ongmoona bod dumnad aombed menebuun kui.  
\q2 Yembed ok ongmoone ok awaan areb wenebuun kui.   
\q1
\v 17 Kumban yi kuu ambarakmi yaa deerewandindo, no kwane God yaa ambarakmembirimaib,  
\q2 kowe amiibban ye amboon angkambed Korem Burudandoon Arimbed Ye God yaa kuu wabkad keriwen.   
\q1
\v 18 Kwane, yimbed mungi darewoob bobniwen ye animan nub yaa bangkandok ande kaamoniwen kumbed  
\q2 dowakeniib kere God yaa komboon kaamobiwen.   
\q1
\v 19 Yi kuu God yaa dowakeniibban kerenib yedmiwen,  
\q2 “God kuu amboon angkambed animan kuu nub yaa bangkandi yaromkonoyiib dee?   
\q1
\v 20 Kedi, yembed bot dumnad wowoone ok darebmo menebuune  
\q2 okmanambon ongmoona ok awaan areb wenebeen kuned,  
\q1 ye kuu nub yaa animan bangkandi yaromkonoyiib dee?  
\q2 Ye kuu ye nimakarub yaa dingkan yom bangkandi yaromkonoyiib dee?” andiwen.   
\q1
\v 21 Kwanandiiwe \nd Yariman\nd* kuu wengamberekore norin darewoob wandoon.  
\q2 Kowe Yekob ye awoya ari yaa kuu ye amot baandoone denemoon areb keroon,  
\q2 ye arud Israeldan yaa darewoob arimbed keroon kui.   
\q1
\v 22 Amborom kuu yi kuu God yaa anam andindo,  
\q1 kwane yi kuu yembed nub awande oone bindaneen ande meenindo.   
\q1
\v 23 Kumban ye kuu ambid ari yedme kowoona  
\q2 ambid ambongko nanaboona   
\q1
\v 24 yembed yi ani dowad om mena kuu am areb ben kubudoroon,  
\q2 Ewen ye animan kuu yi yaa bangkandoon kui.   
\q1
\v 25 Kuye nimakarub kuu engyus yi animan aniwen,  
\q2 kwane yembed animan yiminmo bangkandoon kii.   
\q1
\v 26 Yembed ambid ari kuu nuub ongmoone aron dembimaun angkambed monoone  
\q2 ye aromkonombed nuub ongmoone kurimbed monoon.   
\q1
\v 27 Yembed yi yaa dingkan yom yewudmo kuu am areb ben kubudoroon,  
\q2 kukuu ayari on kuu karamok yu kubuk kimingkinban areb yemoon kai bangkandoona,   
\q1
\v 28 kuye ayari on kuu yi doriib wedangkambed kubudiriwen,  
\q2 yi ambib kombon dobere dobere kidangka kubudiriwen kui.   
\q1
\v 29 Kowe, yi kuu ane mikmoniwen kumban animan dowan kerindo,  
\q2 kwane Godbed komo yi dowaken darewoob keriwen kuu kwane bangkandoon kii.   
\q1
\v 30 Kumban yi kuu mogeed mikmonindo ane dibiib,  
\q2 animan kuu domonde aniib kui,   
\q1
\v 31 kumbed God ye norin kuu yi yaa darewoob arimbed keroone,  
\q2 yi aromkonoyiibdan kuu yeene nongkoboon,  
\q2 Israeldan yi kewed yenbandoone kubudiriwen kui.   
\q1
\v 32 Kwamune keroon kumban yi kuu yi ambarakmi yaa deerewandindo,  
\q2 kwane yembed binangke ye aningko kankooni yeman ongmenaboon kuned ye yaa anam andindo.   
\q1
\v 33 Kowe, yembed yi dobiri yaron kuu dukmenmo naroone yi inamen ongmiwen kuu idiibban kere dukniwen,  
\q2 yi dobiri ye weeb kuu dukmenmo naroone kudmeniibban uniwon karakwoniib kumbed yoworiwen.   
\q1
\v 34 Aron kunayambed Godbed yi yenbandoon kuu yoworindodan kuu ye ande onmenib,  
\q2 nindorokiibbed ye yaa ika amonombenib ye kiwaan ari doberem ande kamiwen.   
\q1
\v 35 Kwane, yimbed ika meeniwen kuu God kuu yi aromkonombon,  
\q2 kwane ika meeniwen kuu Korem Burudandoon Arimbed Ye God kuu yi biddi ye God.   
\q1
\v 36 Kumban yi kuu ye yaa yi mongkodkonombed birane aadidmimaib,  
\q2 kwane yi ongbed dudi wengmo dakmenabimaib.   
\q1
\v 37 Kedi, yi niindem aom kuu ye yaa kowindo,  
\q2 kwane ye amob weng yi dowad ongmoon kuu awinindo kimyen winiwen.   
\q1
\v 38 Kuned God kuu yi yaa mimyob kowekore,  
\q2 yi ambarakmi kuu are nonondandoon,  
\q2 yi kuu yembed ben monmarindo.  
\q1 Aron yemoon kuu ye norin kuu yeka kan kubunoon,  
\q2 kwane ye norin kuu darewoob arimbed kowindo.   
\q1
\v 39 Ye kwamune meenimaan, yi kuu okad yiridanmo andimaan,  
\q2 kwane yi kuu nuub embengmo menene burudande wene dowan keremoon areb keriwen.   
\q1
\v 40 Aron yemoon kuu yi kuu amboon angkambed God yaa wabkad kerunimaib,  
\q2 kwane aron yemoon kuu yi kuu ye yaa abdon kerunaiwe miin kubiyiibban kerimaan kii.   
\q1
\v 41 Ikakman ikakman God kuu kandunib komboon kaamobeni yeman kerembirimaib,  
\q2 kwamaiwe Israeldan yi God Karadmo kuu yewed kandimaan.   
\q1
\v 42 Ye aromkono korokboon kuyaa nonondandiwen,  
\q2 yembed dabab bangkandimaibdan yaambed yi kuu biddoon yaroniib,   
\q1
\v 43 yembed Idyip yirimbed dud kedmengkoon yaroniib,  
\q2 yembed bidambib Soon aombed binangke ye aningko kankooni yeman ongmenaboon kuyaa kuu nonondandiwen kui.   
\q1
\v 44 Yembed yi ok awaan kan amonombe umkanmo keroona,  
\q2 Idyipdan kuu yika yi okmanambon yaa anindeban keriwen.   
\q1
\v 45 Yembed wadmung yemoon kai yedme kowoona Idyipdan yaa durud yewed kondiwen,  
\q2 kwane kot kangkon yedme kowoona yi kumkam monmariwen.   
\q1
\v 46 Yembed kwane ed yedme kowoone yongbon kab biid kuu korem aniwen,  
\q2 kowe Idyipdan kuu deme awiniwen kuu idiibban keroon.   
\q1
\v 47 Yembed kwane nong yowiib nongiib kuu am yurukmo bot areb keroon kumbed monmaroon,  
\q2 kwane yi yedob yob kuu wood nurok yurukmombed kirobe monmaroon.   
\q1
\v 48 Yembed kwane yi buromakau kuu am yurukmo bot areb keroon kumbed yenbandoone dukniwen,  
\q2 kwane yi amongkob dingkan kuu imakbed yoon.   
\q1
\v 49 Yembed kwane ye norin nimin darewoob yi ari kan onduknoon,  
\q2 ye arud darewoowiib ye kongendi darewoowiib ye yobdood darewoowiib kui,  
\q2 kukuu yiwed yowori ye engyus areb yi yaa menebiwen.   
\q1
\v 50 Yembed ye norin kuu awine yinmonindo, kumundinmo yi yaa kan kowoon,  
\q2 kwane yi wadkeri kuu ma domondindo,  
\q2 no kwamune yenbande kiraroon bobmo.   
\q1
\v 51 Kowe Idyipdan yi wonob dana korem kuu yeene nongkoboon,  
\q2 yob kowi yaromkono ibduruk korokbi dana kuu Idyipdan yi ambiwoom kuu dowan keroon kui.   
\q1
\v 52 Kumban Godbed ye nimakarub kuu sibi nimingkemoon areb ben angkanoon,  
\q2 kwane yembed yi kuu sibi areb ben amboon angkarambed angkara kinban dewonoon.   
\q1
\v 53 Yembed amunmo binwonoon, kowe yi kuu uniyiibban winiwen,  
\q2 kumban karamokbed yi bondan kuu yuknuune kubuniwen.   
\q1
\v 54 Kwanikob yembed yi kuu ye ambibkin karadmo angkara be monoon,  
\q2 koodbon okad yembed nangme dore kandoon ari kui.   
\q1
\v 55 Yembed ambibkin yenadan kuyaom doriib kuu yenbande dariroona kirokmone wenebiwen,  
\q2 kwane yi dowad bid nekwe bangkandoone okad kuu yiman kereen,  
\q2 Israeldan yi amyenimbon yi bidambib kerundoone kwari dobiriwen kui.   
\q1
\v 56 Kumban yi kuu Korem Burudandoon Arimbed Ye God yaa komboon kaamone wedmenib,  
\q2 ye yaa wabkad kerenib ye amob awinokban keriwen.   
\q1
\v 57 Yi kuu yi awodkiya areb God yaa angkurom korokbenib koronde kimyen winiwen,  
\q2 yi kuu ana unitabbed barandaiwe kimyen wenemoon areb keriwen kui.   
\q1
\v 58 Amborom kuu yi kuu aangko aangko arimbed dudi god yi kurikurimbon ongmenabiwen kumbed ye yaa norin koniwen,  
\q2 kwane yi dingkimbed ongmenabiwen ye dudi god yi aningko benkoobimaib kumbed God kuu amban nenem kamauna ambimbed koren kamemoon areb keroon.   
\q1
\v 59 God kuu kwane wengamberekore norin darewoob wandene,  
\q2 Israeldan kuu kumundinmo wunekaroon.   
\q1
\v 60 Kowe, ye kuu ye dobirimbon Sailo angka kuu koronde wonoon,  
\q2 nimakarub yoom dobiri ye ambib kombon yenboon kuyaa kui.   
\q1
\v 61 Kwane, God ye amob weng ongmoon kumaom kowiwen ye boks karadmo kuu kanwinime andoone arewadanbed kanwiniwen,  
\q2 ye aromkonoyiib nambiriyiib kuu ye nimakarub yaa angkeen ande korokbi yeman kuu bondan yi dingki aom kowoon kui.   
\q1
\v 62 Kwane, yembed yumbon ongmoone kandiwen ye nimakarub yaa norin darewoob wandoon kowe,  
\q2 kerewangbed yenbandimbon aom nongkoboon.   
\q1
\v 63 Kwane, ye nimakarub yi kewed kuu amotbed dene kubunuune  
\q2 koyu kuu ma awadmindo.   
\q1
\v 64 Kwane, God dore Yuudan dore wedyiri dobiridan kuu kerewangbed yeene yuriiwe,  
\q2 yi nima irib kuu binangke kingkin domoniwen kumbed ameng kirindiinban keriwen.   
\q1
\v 65 Wene yimin arimbed Yariman kuu unuk angkimbon yirimbed dembemoon areb yaro demboon,  
\q2 ana nangmi karub wain ok ane warudki keremoon areb aromkonomo demboon kui.   
\q1
\v 66 Kwane dembekore, ye bondan kuu yenburoona ika winiwen,  
\q2 yimin wandaanban ye karak darewoob keendoon kui.   
\q1
\v 67 Kwane, Yosef ye amyenimbon kuu yembed akmendandundoon,  
\q2 Efraim ye amyenimbon kuu kingkindo kui.   
\q1
\v 68 Kumban ye kuu Yuda ye amyenimbon kingkoon,  
\q2 yi bidambib kuu yembed mimyob dowaken keendimaan ye aangko Saiyoniib kowe.   
\q1
\v 69 Ye kurikuri boyambib kuu Ewen areb kamkonomo yenboon,  
\q2 okad kumundin angkimbaraneen areb kwane aron korem angkimbaraneen ande kowoon.   
\q1
\v 70 Ye kangkon ye deme karub Dewid kinekore,  
\q2 sibi oonimbon yaambed nendoon.   
\q1
\v 71 Godbed Dewid kuu sibiyiib yi manayiib oonoon yaambed nen menene  
\q2 God ye nimakarub, Yekob ye awoya ari kui, yi yaa kuu ooni ye korok kerunoon,  
\q2 yembed yi dowad yumbon ongmoondan kui, Israeldan kui.   
\q1
\v 72 Kowe, Dewidbed ma aadidmiyiibban kere ye inameniib dakmiyiib dobiriyiib ibmo keroon kumbed yi kuu oonoon,  
\q2 kwane ye inamen indengandeng mengmeng kumbed ben kinban winimaan kii.   
\c 79  
\cl Yook 79 
\toc1 Buk Yook 
\toc2 Buk Yook 
\d God yaningko kankooni ye yook Asafbed wongkoon.  
\q1
\v 1 O God, eb yaa yikaadban ye ambibkin maa maadan kuu ebbed nub yaa kondewen ye okad aom ana nangme awudiriwen,  
\q2 kwane yimbed eb kurikuri boyambib karadmo kuu monmare yon dowod yeman kerundiwen,  
\q2 kwane yimbed Yerusalem aom ambib monmare arewa keriwen kii.   
\q1
\v 2 Yimbed eb demedan yi bob id kuu ayari on yi animan yeman bangkandiwen,  
\q2 kwane eb karadmodan yi bob id kuu okad yiri dingkan yiman keriwen.   
\q1
\v 3 Yimbed Yerusalem aom kuu nimakarub yeenembiri ye umkanbed ok areb bune awanewandoon,  
\q2 kwane bob id mangkanabaneen ye karuwiibban keroon.   
\q1
\v 4 Nub kuu nub dia doriibdanbed dandi yeman kerenib,  
\q2 nub yaa ambon baande damangkandimaib.   
\q1
\v 5 O \nd Yariman\nd*, aron komoyiib nub yaa norin keendembaraneeb? Aron korem dee?  
\q2 Aron komoyiib koren areb kerewen kumbed norin niminiib wandaneeb?   
\q1
\v 6 Eb yaa yikaadban ye ambibkin maa maadan yi ari kuu eb norin ondukne.  
\q2 Eb yaa baandimokban ye ambibkin maa maadan yi ari kangkon eb norin ondukne.   
\q1
\v 7 Amborom kuu yimbed Yekob ye awoya ari nub korem yenbandenib  
\q2 nuwambibkin monmariwen kowe.   
\q1
\v 8 Nub awoya yiri yi ambarakmi yaambed nub yaa bon kere dabab kondaab,  
\q2 kwane eb mimyob kowi kara kuu kirod nub yaa mene awandok,  
\q2 amborom kuu nub kuu ben kubune miin yirimo kerundiwen kowe.   
\q1
\v 9 O nub Bobni Yaa Burudande Bindi Ye God, nub yaa awande,  
\q2 ewaningko nambiriyiib keruni dowadbed.  
\q1 Nub kuu bondan yaa burudande bindeneb nuwambarakmi are nonondande,  
\q2 ewaningko ye dowadbed.   
\q1
\v 10 Eb yaa yikaadban ye ambibkin maa maadan kee  
\q2 nub dowad “Yi God kuu kuna?” ande kamimaib kuu ebbed kebene.  
\q1 Yimbed eb demedan yenbande umkan kowiwen kuu ebbed kakman kowaneeb kuu,  
\q2 yi yaa korokbebko yikaadkerime, nub kerebiri arimbed.   
\q1
\v 11 Yimbed nub yena awingke benwiniwendan yi wareki kuu yangmadandaab.  
\q2 Kane kane dukni yeman andiwendan kuu eb aromkono darewoobbed ben angka nongkobe.   
\q1
\v 12 O Yariman, nub dia doriibdan yi ari kuu  
\q2 yimbed eb yaa dabdi yeman kere dabab bangkabdiwen kuu  
\q2 neman inandunde ediib kerunde.   
\q1
\v 13 Eb nimakarub nub kuu eb kereek amun ari ye sibi areb kowe, yi yaa neman inandunde ediib kerundaneeb kuu,  
\q2 ewaningko aron korem kankoonembaranuub,  
\q1 awoya yaro dobere dobere yaro wananiib korem kuu  
\q2 ewaningko kankooni ye weng dakmembaraniib kui.   
\c 80  
\cl Yook 80 
\toc1 Buk Yook 
\toc2 Buk Yook 
\d Yook ambo bi ye karub yeman. “Amob Weng Ongmoon ye Bingko Wuung” ye yook ye kiwaan yaambed wingki yeman. God yaningko kankooni ye yook Asafbed wongkoon.  
\q1
\v 1 O Israeldan Oonimaabman, nub wengamberende.  
\q2 Yosef ye awoya ari kuu sibi oonemoon areb ben kinban winimaabman,  
\q2 engyus burawiib yi kidangkambed king ye dibere oonimbon ari diberewenman kui, eb kuu yure.   
\q1
\v 2 Efraima Benjamina Manaseya yi arinambo ari kuu eb aromkono korokbe.  
\q2 Yaro dembe nub kuu arudbon yaa burudande binde!   
\q1
\v 3 O God, yumbon kanduwen kwarimbed komburuwen kuu ebbed nub ongmendebko ika kandem.  
\q2 Eb murubia kuu nub yaa konde.  
\q2 Kwananeeb kuu nub kuu arudbon yaa burudande bindaneeb.   
\q1
\v 4 O Ana Nangmidan Yemoon Ye \nd Yariman\nd* God,  
\q2 aron komoyiib eb nimakarub yi kurikuri kebendeneb  
\q2 yi yaa norin wandundaneeb?   
\q1
\v 5 Ebbed yi yaa kuu animan areb mimyob wandembiri yeman kondimaab,  
\q2 kwane yi mimyob wandembiri yeman kuu meneki wongdemaombed kumundinmo kondewen.   
\q1
\v 6 Ebbed nub kuu ongmendeewa nub dia doriibdanbed nub yaa manmo kerundimaib,  
\q2 kwane nub bondanbed nub yaa damangkandimaib kii.   
\q1
\v 7 O Ana Nangmidan Yemoon Ye God, yumbon kanduwen kwarimbed komburuwen kuu ebbed nub ongmendebko ika kandem.  
\q2 Eb murubia kuu nub yaa konde.  
\q2 Kwananeeb kuu nub kuu arudbon yaa burudande bindaneeb.   
\q1
\v 8 Eb kuu nong yob kab kuu Idyip aombed kanmeneneb,  
\q2 ambibkin yenadan yenburekoreb kwari kibinewen.   
\q1
\v 9 Okad kwari kuu ebbed kab kaini dowad arewen,  
\q2 kwane kab kuu yumburum kubunebene dembe derendaroon.   
\q1
\v 10 Kwane aangko aangko kuu ye kubunbed dabunoon,  
\q2 kwane ye nondong ye kubundem yirimbed at sidaa darewoob yemoon kuu doronoon.   
\q1
\v 11 Ye nondong kuu karamok darewoob angka danganabe weneboon,  
\q2 kwane ye yumburum kuu ok Yufretes angka weneboon.   
\q1
\v 12 Eb komande ye kuuk kuu bongmeebkob,  
\q2 kane kane dewenebiib kuu yi korem kuu nong yob kee wadmimaib?   
\q1
\v 13 Dura awon kiib ambimbed monmare arewa kerunaiwe,  
\q2 kiib dingkanbed kuyaa anengkanabimaib.   
\q1
\v 14 O Ana Nangmidan Yemoon Ye God, nub yaa angkon ika mene!  
\q2 Ewen arimbed yiri kerekne wedmende!  
\q1 Nong keyaa kee keenombere oone,   
\b  
\q2
\v 15 kab eb dingki wiwi angkambed kibinewen kui,  
\q2 amnindo ye nong kuk ebbed ongmeewa aromne kainoon kui.   
\q1
\v 16 Nong ebbed kibinewen kuu nare korariwen,  
\q2 kwane amotbed nengkiwen kii.  
\q2 Ebbed kamkono ongkandewen yaa kumbed yi kuu dukniwen.   
\q1
\v 17 Eb dingki wiwi angkambed doreen ye karub kuu eb dingki kwari kowe,  
\q2 karub ye mingki kee ebka eb dowad aromnewen kui.   
\q1
\v 18 Kwananeeb kuu nub kuu eb yaa koronde wanaubban.  
\q2 Nub kuu bobnemoon areb keruwen kowe ben aromkono konde.  
\q2 Kwananeeb kuu ewaningko yaa baandanuub.   
\q1
\v 19 O Ana Nangmidan Yemoon Ye \nd Yariman\nd* God, yumbon kanduwen kwarimbed komburuwen kuu ebbed nub ongmendebko ika kandem.  
\q2 Eb murubia kuu nub yaa konde.  
\q2 Kwananeeb kuu nub kuu arudbon yaa burudande bindaneeb.   
\c 81  
\cl Yook 81 
\toc1 Buk Yook 
\toc2 Buk Yook 
\d Yook ambo bi ye karub yeman. \em Gitit\em* ye kiwaan wingki yeman. Asaf ye yook.  
\q1
\v 1 Nub aromkono kondi ye God yaa kubi yook wingkem,  
\q2 Yekob ye God yaa kubimbed baandime!   
\q1
\v 2 Yook andowe wingkime, tambarin wangkime,  
\q2 kuweng amuniib ye laiyayiib haawiib wangkime.   
\q1
\v 3 Kwane wood yeeb naruka sibi durubbed kibi kuu baandime,  
\q2 nub orokbon arimbed kumundin wood keruka kibi kangkon baandime,   
\q1
\v 4 amborom kuu Israeldan yaa kwanime ande yedme kowoon,  
\q2 kukuu Yekob ye Godbed ye amob weng ongmoon.   
\q1
\v 5 Kuye amob ongmoon kuu Yosef ye awoya ari yaa ika meenime andi yeman,  
\q2 Idyipdan yaa bon keroon yaron arimbed ongmoon kui.  
\q1 Weng yuud ma nekaadban kumbed dawoon,   
\q1
\v 6 “Nembed yiib kandom ari dabab kuu ben kiradmaan kii,  
\q2 kwane yiib dingki aom deme yobdood kuu nembed ben angka nongkobaan.   
\q1
\v 7 Yiib durud yewed wandi yaa kuu ne yaa baandiiwe yiib kuu ben angka nongkobaan.  
\q2 Kwane nembed yiib yaa kuu amkuni ye wiib aombed inandaan,  
\q2 kwane yiib kuu ok Meriba yaambed komboon kaamondaan.\it Selah\it*   
\q1
\v 8 O ne nimakarub, wengambiribko ongkandi weng danda.  
\q2 Kumban, o Israeldan, ne weng kuu wengambere awine kandaniib dee?   
\q1
\v 9 Yiib kuu norod ye god maa ye yoman yaa ma wanaib,  
\q2 kwane oworan yi god maa yaa ma bumangkaib.   
\q1
\v 10 \nd Yariman\nd* ne kei, nembedmo kuu yiib God,  
\q2 yiib ben Idyip aombed angkadaraanman kuu ne kei.  
\q2 Yiib mongkod daandibko nembed yiminmo bangkanda.   
\q1
\v 11 “Kumban ne nimakarub kuu ne yaa wengamberedandiwen,  
\q2 Israeldan kuu ne weng awine kandindo kui.   
\q1
\v 12 Kowe nembed yi kuu yi niindem kamkono ye kerekmen kuyaambed kwane winime ande domondaan,  
\q2 yi yaa kuu yiibka yiib inamenmo awinime ande domondaan kui.   
\q1
\v 13 “O, ne dowaken kuu ne nimakarub ne yaa wengambaraniib andid,  
\q2 Israeldan ne yoman mananiib kuu ne dowaken darewoob kui.   
\q1
\v 14 Kwananiib kuu kirodmo yi bondan ben kubunaniin,  
\q2 yi yaa manmo keriwendan yaa kuu ne dingkimbed kebenaniin kui.   
\q1
\v 15 Kane kane \nd Yariman\nd* yaa arud wandembirimaib kuu ye yaa unene ika anuk irinambenaniib,  
\q2 kwane ukum kandaniib kuu aron korem kwane angkimbaraneen.   
\q1
\v 16 Kumban, Israeldan, yiib yaa wiit yob amun yeman kuu bangkandembaraniin,  
\q2 kwane dumnad yaa ye in ambodbed kondaniine yiib kuu ane mikmonaniib.” andoon.   
\c 82  
\cl Yook 82 
\toc1 Buk Yook 
\toc2 Buk Yook 
\d God yaningko kankooni ye yook Asafbed wongkoon.  
\q1
\v 1 God kuu kadaareb nedbiwen aom kuu yembed korok kere doreen,  
\q2 yembed ambibkindan yena yi korok korok yaa wengyundimaan kui.   
\q1
\v 2 Yiib kuu aron komoyiib inamen yorokmomban kumbed wengyundaniib?  
\q2 Aron komoyiib miin arewa kamidan yaa kubenib yi weng kande wengyundaniib?\it Selah\it*   
\q1
\v 3 Wuud keriwendaniib anenabdaniib yi inamen amun yaa kuu koromone daandime,  
\q2 kamboknondaniib dabab wayiroondaniib yaa kangkon kwanime.   
\q1
\v 4 Wuud keriwendaniib awande ande kamiibdaniib kuu ben angka yeknime,  
\q2 arewa kamenabidan yi dingki dem aom kuu yi ben burudande angka nongkobime.   
\q1
\v 5 Kuye korok korok kuu korem ma yikaadban, kwane yi kuu korem ma id kandimokban,  
\q2 kwane yi kuu kumun aom yarebemoon areb keriwen.  
\q2 Okad ambokab korem kuu kiringmeen kii.   
\q1
\v 6 “Nembed yedmaan, ‘Yiib kuu goddan kii,  
\q2 yiib korem kuu Korem Burudandoon Arimbed ye God ye meed.’ andaan.   
\q1
\v 7 Kumban yiib kuu nimakarub areb duknaniib,  
\q2 yiib kuu okaddan yi korok korem areb no duknaniib kui.” ande yedmoon.   
\q1
\v 8 O God, yaro dembeneb okaddan kuu wengyunde,  
\q2 amborom kuu ambibkin koremdan kuu ebman kowe.   
\c 83  
\cl Yook 83 
\toc1 Buk Yook 
\toc2 Buk Yook 
\d God yaningko kankooni ye yook Asafbed wongkoon.  
\q1
\v 1 O God, komo keroon yaa kuu iwari keraab,  
\q2 o God, iwari keraab, kwane kuyaa kuu yangmadandaab.   
\q1
\v 2 Kedi, eb bondan kuu yirinde baande kamiib,  
\q2 eb yaa arud wandembirimaibdan kuu wabkad keriwen kui.   
\q1
\v 3 Yi kuu eb nimakarub yaa inamen bangbangbed nuubnaan kamiib,  
\q2 kane kane yaa ebbed bobne komberewendan yaa kuu yimbed wunonwanon kamiib kui.   
\q1
\v 4 Yikareb yedmimaib, “Minibko nub kuu yi yeene monmarubko yi ambibkindan dowan kerok,  
\q2 kwane yi korem yenbandubko ambibkin Israel andi kuu okaddanbed korem nonondandundime.” andimaib.   
\q1
\v 5 Yi kuu weng mimo kan kowe inamen ongmenib,  
\q2 eb yaa bon keri ye amob weng ongmiwen.   
\q1
\v 6 Yi kuu Idomdaniib Ismaeldaniib  
\q2 Moabdaniib Hagaadaniib   
\q1
\v 7 Gebaldaniib Amondaniib Amelekdaniib  
\q2 Filistiadaniib Taiyadaniib kui.   
\q1
\v 8 Asiriadan kwangkon yi yaa dabokniwen,  
\q2 aromkono darewoob arimbed kerundi dowad Lot ye awoya ari yaa kui.\it Selah\it*   
\q1
\v 9 Midiandan arewa kerundewen kwamune areb yi yaa kerunde.  
\q2 Sisera yoom Jabin yoom yaa ok Kison yirimbed arewa kerundewen kwamune areb yi yaa kerunde.   
\q1
\v 10 Yi ayoob kuu Endoo angkambed dukniwen,  
\q2 kumban mangkindo oyareb andiiwe okad kuri dange deendiwen.   
\q1
\v 11 Eb bondan yi korok korok kuu ebbed Oreb yoom Seeb yoom yaa komarewa kamendewen kuu kwane arebmo kwane kamende.  
\q2 Yi kuu Seba yoom Salmuna yoom ebbed yeene nongkobewen areb kerime.   
\q1
\v 12 Yi ayoob yedmiwen kuu, “God ye bidambib kumbed  
\q2 Israeldanbed yi sibi kabungke kainderebi yeman kuu be nubka oonem.” andiwen.   
\q1
\v 13 O ne God, yi kwane ben buyokbayok kamebko ingkudmanandeb areb o  
\q2 nati kurukab areb nuubbed awuune ben winimaan areb kerime.   
\q1
\v 14 Amotbed dura nengke korem denuun areb o  
\q2 amot yumbumbed aangkombon denobenmo yaruun areb kuu   
\q1
\v 15 yi kuu amaa nuuwaa nambadaa areb eb arud wande yenbure wene.  
\q2 Kwane yi kuu uniwon karakwon kerunde.   
\q1
\v 16 O \nd Yariman\nd*, yi murubia ari korem kuu karakbed kebendebko,  
\q2 eb ande onmime.   
\q1
\v 17 Yi kwamune yimin wandaanban ye karak kandenib yi niindem aom miin yiminban kerime,  
\q2 kwane yi aningko yirimo kowebko duknime.   
\q1
\v 18 Yi kwamune yikaadkerime, ewaningko kuu \nd Yariman\nd*,  
\q2 ebbedmo kuu okad kumundin burudande arimbed ye God kui.   
\c 84  
\cl Yook 84 
\toc1 Buk Yook 
\toc2 Buk Yook 
\d Yook ambo bi ye karub yeman. \em Gitit\em* ye kiwaan wingki yeman. Korah ye karub dana meed yi yook. God yaningko kankooni ye yook.  
\q1
\v 1 O Ana Nangmidan Yemoon Ye \nd Yariman\nd*,  
\q2 eb dobirimbon kuu yeka mamaa manimanandeb kii!   
\q1
\v 2 Ne mimyob buruwandoone ne bobne kombaraan,  
\q2 \nd Yariman\nd* ye kurikuri boyambib ye kuuk wirinimbon ye dowad.  
\q1 Ne niindem aomiib ne idiib kuu  
\q2 wad doreen ye God yaa kube wingkaan.   
\q1
\v 3 On yiwonkib kuu amunbon ari wedmenu yu ambib yenbeen,  
\q2 kwane on berekmad kangkon kuyaa yu ami ongmeen,  
\q2 yu wini kanuun ye dowad.  
\q1 Kukuu eb yaa dingkan aye nengke baeb kabdi yeman diambon kui,  
\q2 o Ana Nangmidan Yemoon Ye \nd Yariman\nd*, ne King, ne God.   
\q1
\v 4 Kane kane eb ambiwoom doriib kuu amun kerundewen.  
\q2 Yi kuu ewaningko kankoonembirimaib.\it Selah\it*   
\q1
\v 5 Kane kane yi aromkono eb yaambed kandimaib kuu amun kerundewen,  
\q2 kane kane yi niindem aom Godiib yaa wenem ande inamen ongmiwen kui.   
\q1
\v 6 Yi kuu kiwaan wedya wene inok wi ye kankubunen yaa nandiwen,  
\q2 kumban kuyaa kuu kirubdem okbon ande meene kubimaib,  
\q2 yi kuu am kubudoroon kumbed amun kerundoon yokad ande meenimaib kui.   
\q1
\v 7 Yi yaa komo komo meneboon kuu God yaromkonomo awine yarebiwen kowe,  
\q2 yi mimim korem kuu Saiyon aom God ye arinambo ari miniwen.   
\q1
\v 8 O Ana Nangmidan Yemoon Ye \nd Yariman\nd* God, ne kurikuri weng kee wengambere.  
\q2 O Yekob ye God, ne yaa wengamberewe.\it Selah\it*   
\q1
\v 9 O God, nub dorondari karub yaa wedmene.  
\q2 Ye ari oiyo bune kinewen ye karub yaa kubi dowaken keene.   
\q1
\v 10 Eb kurikuri boyambib ye kuuk wirinimbon aom aronki mimo dobiri kuu miin amun yeman,  
\q2 aronki tauseniib bunangka dobiri arebban.  
\q1 Amun yeman ande meenaan ye deme embeng mimo kukei, ne God yambib ambongko aomnimbon yaa ooni,  
\q2 kukuu arewa kamenabidan yi kombon aombed deme darewoob awini arebban.   
\q1
\v 11 Amborom kuu \nd Yariman\nd* God kuu aron ye nambiri areb, ye kuu kombe areb,  
\q2 \nd Yariman\nd* kuu kubi dowakeniib aningko kankooniyiib bangkandimaan.  
\q1 Komo komo amun kuu yeka kirim kere amuknindo,  
\q2 kane kane kangdommo doriib kuyaa kwane bangkandimaan.   
\q1
\v 12 O Ana Nangmidan Yemoon Ye \nd Yariman\nd*,  
\q2 eb yaambed angkumone doreenman kuu amun kerunewen kii!   
\c 85  
\cl Yook 85 
\toc1 Buk Yook 
\toc2 Buk Yook 
\d Yook ambo bi ye karub yeman. Korah ye karub dana meed yi yook. God yaningko kankooni ye yook.  
\q1
\v 1 O \nd Yariman\nd*, eb bidambib yaa kubi dowaken darewoob keendewen,  
\q2 kwane Yekob ye awoya ari kuu awande ongmendeewa amun yiminmo keriwen.   
\q1
\v 2 Eb nimakarub yi ambarakmi kuu are nonondandundewen,  
\q2 yi ambarakmi kuu korem dabunewen kui.\it Selah\it*   
\q1
\v 3 Yi yaa norin kowewen korem kuu deerewandewen,  
\q2 kwane arud denobewen kuu korondewen.   
\q1
\v 4 O nub Bobni Yaa Burudande Bindi Ye God, nub ikakman ongmendebko amunmo doberem,  
\q2 kwane nub yaa kongendewen kuu korondene.   
\q1
\v 5 Eb kuu nub yaa aron korem arud kowembaraneewoo?  
\q2 Eb norin kuu nimakarub yaro dobere dobere yaro wananiib korem aom angkimbaraneenoo?   
\q1
\v 6 Eb nimakarub eb yaa kubi dowad kuu,  
\q2 ebbed nub ikakman ongmendaneewe amunmo dobaranuuwoo? Anamaa.   
\q1
\v 7 O \nd Yariman\nd*, eb womoniyiibban ye mimyob dowaken kuu nub yaa korokbende.  
\q2 Kwane, nub kuu bobni yaa burudande binde.   
\q1
\v 8 \nd Yariman\nd* Godbed komo yedmaneen kuu wengambaraniin,  
\q2 yembed yewenubmo dobaraniib andi ye weng kunduk yedme kowaneen, ye karuwa nimaya yaa, ye karadmo kerundoondan yaa kui.  
\q2 Kwane, yi yaa kuu inameniibban ye dobiri yaa ika wanaib ande kebenendaneen.   
\q1
\v 9 Anam kuu kane kane ye yaa une bumangkimaib kuu yembed bobni yaa burudande bindi dowad yaro nekwoon.  
\q2 Kwananeen kuu ye nambiri kuu nub okad kwari angkimbaraneen.   
\q1
\v 10 Womoniyibban ye mimyob dowakeniib ma korondaanban awinaneen andiyiib kuu dabokniwen,  
\q2 yorokmo dobiriyiib yewenubmo dobiriyiib kangkon dabokniwen.   
\q1
\v 11 Nimakarub yi ma korondiyiibban ye weng awinimaib ye kerekmen kuu okad yirimbed daanaane,  
\q2 God ye yorokmo dobiri kerekmen kuu Ewen arimbed kan kiri kowe kereknimaan.   
\q1
\v 12 Anamaa, komo komo amun kuu \nd Yarimanbed\nd* bangkandaneene,  
\q2 nub okad yiri kuu animan kab yeere id yemoon keraneene wandanuub.   
\q1
\v 13 Yorokmo dobiri ye kerekmen kuu king meneen ande baandi ye karub areb God ye arinambo ari wenene,  
\q2 ye dodkanmo mini ye kiwaan nekwimaan.   
\c 86  
\cl Yook 86 
\toc1 Buk Yook 
\toc2 Buk Yook 
\d Dewid ye kurikuri weng.  
\q1
\v 1 O \nd Yariman\nd*, wengamberewe inanduwe,  
\q2 amborom kuu ne kuu dabab wayiroone awawime ande kamimain kowe.   
\q1
\v 2 Ne wadkeri kuu oone, amborom kuu eb dowad yaamo doriin kowe.  
\q2 O ne God, eb deme karub ne kei,  
\q2 ne eb yaa angkomone doriin kowe ne nen dorondare.   
\q1
\v 3 O Yariman, ne yaa mimyob keewe,  
\q2 amborom kuu aronki doboob kuu eb yaa baandimain kowe.   
\q1
\v 4 Eb deme karub ne yaa kuu kubi kanmene,  
\q2 amborom kuu, o Yariman, eb yaa kuu  
\q2 ne wadkeri kankoonimain kowe.   
\q1
\v 5 O Yariman, eb kuu amunmoman kuda, eb kuu ambarakmi are nonondandi ye karub,  
\q2 kwane kane kane eb yaa baandimaibdan kuu womoniyiibban ye mimyob dowaken yiminmo keendimaab.   
\q1
\v 6 O \nd Yariman\nd*, ne kurikuri kee wengambere.  
\q2 Mimyob keewe ande baandaan yaa kuu wengambere inande.   
\q1
\v 7 Ne dabab kandi yaron ari kuu eb yaa baandaniin,  
\q2 amborom kuu inanduwaneeb kowe.   
\q1
\v 8 O Yariman, goddan kuyaom kuu ma kanembed eb arewiibban, ebbedmo ari.  
\q2 Kwane, eb kamenabi yaa kuu kumun kinindeban.   
\q1
\v 9 O Yariman, ambibkin koremdan kuu ebbed ongmenabewen kowe,  
\q2 mene eb arinambo ari ewaningko kankoonaniib,  
\q2 kwane yi kuu ewaningko yaa nambiri kankowaniib.   
\q1
\v 10 Amborom kuu eb kuu darewoob arimbed, ebbed miin amun yeka mamaa kamenabimaab kowe.  
\q2 Ebbedmo kuu God.   
\q1
\v 11 O \nd Yariman\nd*, eb kara kedmengkawe.  
\q2 Kwananeeb kuu ne kuu eb anam anam yaambed dobaraniin.  
\q1 Ne niindem aom andokbiyiibban ye inamen kawe.  
\q2 Kwananeeb kuu ne kuu ewaningko yaa une bumangkaniin.   
\q1
\v 12 O ne Yariman God, ne niindem aom kumundin kumbed eb yaa kubaniin,  
\q2 kwane ewaningko yaa kuu aron korem nambiri kankowaniin.   
\q1
\v 13 Amborom kuu eb womoniyiibban ye mimyob dowaken ne yaa minimaan kuu miin darewoob kii,  
\q2 kwane ebbed ne kuu bobkonombon kongdem yirimbed nen angka kowewen.   
\q1
\v 14 O God, nubbedmo yimin andidanbed nandamiib kii,  
\q2 yi kuu yeremboromdan kumbed ne neene kowande onmiib,  
\q2 yi kuu eb yaa meenimokbandan kui.   
\q1
\v 15 Kumban, o Yariman, eb kuu mimyob keene kakman are nonondandi ye God, eb kuu kabamoon kondoon ye mimyob dowaken keendi ye God,  
\q2 eb kuu kirod arud wandi ye karubban, eb kuu womoniyiibban ye mimyob dowakeniib ma korondiyiibban no awinembiriyiib yiminmo ye karub kui.   
\q1
\v 16 Ne yaa amonombeneb mimyob keewe kakman are nonondande.  
\q2 Eb deme karub ne yaa kuu eb aromkono kawe.  
\q2 Kwane, eb deme wonong yu karub dana ne kuu bobni yaa burudande nende.   
\q1
\v 17 Ne yaa amun amun kamimaab ye dud kuu korokbewe.  
\q2 Kwanebko ne bondan kuu wedmekorib karak bobnime.  
\q2 O \nd Yariman\nd*, ebbed awaweneb ne mimyob wandaan kuu kankubunewen kuda.   
\c 87  
\cl Yook 87 
\toc1 Buk Yook 
\toc2 Buk Yook 
\d Korah ye karub dana meedbed wongkiwen. Yook, God yaningko kankooni ye yook kui.  
\q1
\v 1 Ye siti yenboon ye ambokab kuu aangko aangko karadmo arimbed kii.   
\b  
\q2
\v 2 \nd Yariman\nd* kuu Saiyon ye siti ye kuuk ambongkombon korem yaa mimyob dowaken kowimaan,  
\q2 Yekob ye awoya ari korem yi ambib yaa arebban.   
\q1
\v 3 O God ye siti, kub dowad  
\q2 weng amun manimanandewiib dakmimaib.\it Selah\it*   
\q1
\v 4 “Idyipdan\f + \fr 87:4 \ft  Hibru wengbed wongkiwen kuu “Rehab”, kukuu Idyip ye weng id angkara andi yeman. \f* yoom Babilondan yoom kuu ne yaa anam andaniib kowe,  
\q2 ne karuwa nimaya andaniin.  
\q1 Filistiadaniib Taiyadaniib Kusdaniib kangkon  
\q2 ‘Yi kambong anam kuu Saiyon.’ ande yedmaniin.” ande yedmoon.   
\q1
\v 5 Anamaa, Saiyon yu dowad kwamune yedmaniib, “Nimakarub keyiiwa yakuyiib kuu yu aombed wooniwen,  
\q2 kwane Korem Burudandoon Arimbed ye God kuu yekareb kumbed yu yaa yumbon kondaneene doberembaranuun.” andaniib.   
\q1
\v 6 \nd Yarimanbed\nd* kwane nimakarub korem yi aningko wongkaneen ye buk aom kuu,  
\q2 “Ye kee Saiyon aombed wooneen.” ande wongkaneen.\it Selah\it*   
\q1
\v 7 Yi kuu kube andenabe yook wingkane  
\q2 “Nub yaa amun kerundi korem kuu eb yaambed meneboon.” ande kamaniib.   
\c 88  
\cl Yook 88 
\toc1 Buk Yook 
\toc2 Buk Yook 
\d Yook, God yaningko kankooni yook Korah ye karub dana meed yiman kui. Yook ambo bi ye karub yeman. \em Mahalat leanot\em* ye kiwaan wingki yeman. \em Maskil\em* ye yook Esraman Hemanbed wongkoon.  
\q1
\v 1 O \nd Yariman\nd*, ne bobni yaa burudande nendi ye God,  
\q2 aronkiyiib amkiyiib kuu eb arinambo ari baandimain.   
\q1
\v 2 Korondewo ne kurikuri kee eb arinambo ari monok,  
\q2 eb kerendem kan amonombe ne yaa koweneb ne baandi wengambere.   
\q1
\v 3 Kedi, ne niindem aom kuu dabab yemoon demboon,  
\q2 kwane ne kuu bobniin dia keroon.   
\q1
\v 4 Ne ande yoworandamiibdan kuyaom kuu ye kuu ma ande yedmimaib,  
\q2 Ne kuu aromkono korem wonoonman areb keraan.   
\q1
\v 5 Ne kuu nenwene dukniwendaniib yaa kowiwen,  
\q2 ne kuu bobnoonman ye bobkonombon yiri angkimberemoon areb keraan kui.  
\q1 Ebbed ma meenewindo ye karub areb keraan,  
\q2 eb awawe oonewi kuu ne yaa menebokban kui.   
\q1
\v 6 Ebbed ne kanduneb dem ambab yiri kaanewen,  
\q2 dem kumunmo kongdem yiri kui.   
\q1
\v 7 Eb norin kuu dabawiib ne ari kereknewen,  
\q2 oknondok areb eb arud kuu ne ari dabunewen kui.\it Selah\it*   
\q1
\v 8 Ebbed ne angkodmia kuu ambengkandeneb  
\q2 ongmeweewa yi kuu ne yaa akmendanduwiwen.  
\q1 Ne kuu wii aom kaanemoon areb kereni bunangka angkadirinban keraan.   
\b  
\q2
\v 9 Ne mimyob wandembaraan kumbed ne indob kuu aromkonoyiibban keroon.  
\q1 O \nd Yariman\nd*, aronki korem eb yaa baandimain,  
\q2 kwane ne dingki kuu eb yaa benkoobe baandimain.   
\q1
\v 10 Binangke eb kuu anam andi yeman kuu dukniwendan yi dowad ongmaneewoo? Dowan!  
\q2 Dukniwendan kuu yaro dembe ewaningko kankoonaniiwoo? Dowan!\it Selah\it*   
\q1
\v 11 Eb womoniyiibban ye mimyob dowaken ye weng kuu bobkonombon yiri daandaniiwoo? Dowan!  
\q2 Eb ma korondiyiibban no awinembiri ye kerekmen ye weng kuu monmarimbon yiri daandaniiwoo? Dowan!   
\q1
\v 12 Binangke eb kuu anam andi yeman kuu kumunbon aom doriibdan kuu yikaadoo? Dowan!  
\q2 Eb yorokmo kamenabi kuu korem nonondandimbon aom doriibdan kuu yikaadoo? Dowan!   
\q1
\v 13 Kumban, o \nd Yariman\nd*, eb yaa awawe ande baandimain,  
\q2 amkimo kuu eb yaa kurikuri kamimain.   
\q1
\v 14 O \nd Yariman\nd*, komandewed ne kuu akmendanduwewen?  
\q2 Komandewed ne yaa kuu wedme yangmad danduwewen?   
\q1
\v 15 Ne kuu kewed yaambed mene kibikee ne ari dabawiibmo kereni mene bobni dia keroon,  
\q2 kwane uniwon karakwon yeman ongmenabewen kumbed durud yewed kandeni miin yiminban keraan.   
\q1
\v 16 Arud denobewen kumbed neene kan yiri kowoon,  
\q2 kwane uniwon karakwon yeman ongmenabewen kumbed neene monmarewen.   
\q1
\v 17 Kuyeman kuu aronki doboob ne yaa urok areb derebe kanawanewandoon,  
\q2 kwane ne nen yukne dowan keroon.   
\q1
\v 18 Eb kuu yubudkawidaniib nangkodmiayiib kuu ben ambab angka nongkobewen,  
\q2 kwane kumun aommo nembirimo keraan.   
\c 89  
\cl Yook 89 
\toc1 Buk Yook 
\toc2 Buk Yook 
\d \em Maskil\em* ye yook Esraman Itanbed wongkoon.  
\q1
\v 1 Ne kuu \nd Yariman\nd* ye womoniyiibban ye mimyob dowaken ye dowad aron korem yook wingkaniin,  
\q2 kwane eb ma korondiyiibban eweng awini ye kerekmen kuu nimakarub yaro dobere dobere yaro wananiib korem aom ne mongkodkonombed kedmengkandaniine yikaadkeraniib.   
\q1
\v 2 Kedi, nembed yedmaan, “Eb womoniyiibban ye mimyob dowaken kuu darewoob ari kere weneen aron korem,  
\q2 kwane eb ma korondiyiibban eweng awini ye kerekmen kuu ebbed yumbon ongmewen kuu Ewen arimbed kii.” andaan.   
\q1
\v 3 Ebbed yedmewen, “Nembed kinaanman yaa kuu amob weng ongmaan.  
\q2 nembed ne deme karub Dewid yaa yedme koweni yedmenaan kuu kei,   
\q1
\v 4 ‘Nembed eb yob dowad aron korem ye yumbon konaniin,  
\q2 kwane eb dibere ooni ye yumbon kuu nimakarub yaro dobere dobere yaro wananiib korem aom kwane angkimbaraneen.’ andaan.” andoon.\it Selah\it*   
\q1
\v 5 O \nd Yariman\nd*, binangke eb yaa anam andi yeman ongmenabewen kuyaa kuu Ewen aridanbed miin amun yeman andimaib,  
\q2 kwane eb ma korondiyiibban eweng awini ye kerekmen kuu karadmodan\f + \fr 89:5 \ft  Kuye “karadmodan” kuu engyus. \f* nedbenib miin amun yeman andimaib.   
\q1
\v 6 Kedi, ambid ari karub kane kuu \nd Yariman\nd* yaa ma ibnaneen? Dowan.  
\q2 Ewen ari karub kane kuu \nd Yariman\nd* yaa ma ibnaneen? Dowan.   
\q1
\v 7 Karadmodan nedbimaib kuu yi korem God yaa uni darewoob kerimaib,  
\q2 kwane yembedmo kuu unimbonman, kwane kane kane ye yaa awanewandiwendan korem kuu ye arebban.   
\q1
\v 8 O Ana Nangmidan Yemoon Ye \nd Yariman\nd* God, eb areb kuu kane? Dowan.  
\q2 O Aromkonomo Ye \nd Yariman\nd*, eb ma korondiyiibban eweng awini ye kerekmen kuu eb yaa kanawanewandoon.   
\q1
\v 9 Eb kuu karamok oknondokiib yaa kuu oonimaab.  
\q2 Kwane oknondok kubune daane kaimaun kuu ebbed ben kubunebimaab.   
\q1
\v 10 Ebbed Rehab\f + \fr 89:10 \ft  Rehab kuu karamok yu omyere maa, ye weng id angkara kuu “niida kurudayiibban miin arewa ye inamen”. \f* kuu dore bunbeewe bobnoon,  
\q2 kwane eb dingki aromkonombed eb bondan kuu ben buyokbayok kerundewen.   
\q1
\v 11 Eweniib ambidiib kuu ebman, okad kangkon ebman,  
\q2 kwane ebbed okadiib yu kumkam koremiib ongmenabewen.   
\q1
\v 12 Kwane, ebbed kariyiib kiriyiib kuu ongmenabewen.  
\q2 Aangko Taboo yoom aangko Heemon yoom kuu ewaningko ye dowad kubi yook wingkimaib.   
\q1
\v 13 Eb dingki kuu aromkono kaiyiib,  
\q2 eb dingki birid kangkon aromkonoyiib, eb dingki wiwi kuu nambiriyiib.   
\q1
\v 14 Yorokmo dobiriyiib anammo wengyundiyiib kuu eb dibere oonimbon ye ambokab,  
\q2 kwane womoniyiibban ye mimyob dowakeniib anam anamiib kuyaambed kwane ambangkimaab.   
\q1
\v 15 Kane kane eb yaa kube baandimaib kuu amun kerundimaab,  
\q2 o \nd Yariman\nd*, yi kuu eb arinambo ari eb nambiri aom winimaib kui.   
\q1
\v 16 Yi kuu aronki doboob ewaningko yaa kubimaib,  
\q2 kwane yi kuu eb yorokmo kerekmen yaambed benkoobimaab.   
\q1
\v 17 Amborom kuu ebbedmo kuu yi aromkono ye nambiri,  
\q2 kwane eb kubi dowaken yaambed nub aromkono kuu arimbed kondewen.   
\q1
\v 18 Kedi, nub dorondari ye karub kuu \nd Yarimanbed\nd* oonoon,  
\q2 nub king kuu Israeldan yi God Karadmo ye karub kui.   
\q1
\v 19 Anuk kuu ebbed eb karadmodan yaa wane angkadere daandewen,  
\q1 “Nembed ana nangmi yekaad ye karub yaa awanenaan,  
\q2 nembed nimakarub kuyaombed kinaanman kuu nen aningko arimbed konaan kui.   
\q1
\v 20 Ne deme karub Dewid wedmenaan.  
\q2 Ne oiyo karadmombed ye ari bune kinaan.   
\q1
\v 21 Ne dingkimbed awanenembaraniine kangdommo doberembaraneen,  
\q2 kwane ne dingkimbed aromkono konembaraniin.   
\q1
\v 22 Bondan kuu ye yaa bironaibban,  
\q2 kwane miin arewa kamenabi ye karub kuu ye yaa dabab wayiraanban.   
\q1
\v 23 Nembed ye arinambo arimbed ye bondan kuu dore bunbeni,  
\q2 ye yaa manmo keriwendan kuu yengkadmaniin.   
\q1
\v 24 Ne ma korondiyiibban weng awini ye inameniib womoniyiibban ye mimyob dowakeniib kuu ye yaa angkimbaraneen,  
\q2 kwane naningko yaambed ye aromkono kuu arimbed konaniin.   
\q1
\v 25 Nembed karamok kande ye oonimbon aom kowaniin,  
\q2 kwane ok awaan ari ben ye oonimbon aom nongkobaniin.   
\q1
\v 26 Yembed ne yaa baande yedmaneen, ‘Eb kuu ne Ambe,  
\q2 ne God, ne Bobni Yaa Burudande Nendi Ye Karub, ne aromkonombon.’ andaneen.   
\q1
\v 27 Nembed ye angkon ne wonob dana areb kine kowaniin,  
\q2 kwane ye kuu okaddan yi king korem burudande aningko arimbed konaniin.   
\q1
\v 28 Aron korem ye yaa womoniyiibban ye mimyob dowaken keenembaraniin,  
\q2 kwane ye yaa amob weng ongmaan kuu dowan keraanban.   
\q1
\v 29 Nembed ye awoya ari yaa kuu aron korem ye yumbon kondaniin,  
\q2 ye dibere ooni ye yumbon kuu Ewen areb aron korem angkimbaraneen kui.   
\q1
\v 30 Kumban ye dana meed kuu ne amob yaa wunekaraniib  
\q2 o yi kuu wongkaan ye amob yaa awinaibban keraniib   
\q1
\v 31 o dakmaan ye amob yaa domokbaniib  
\q2 o kwanime andi ye amob yedme kowaan yaa korondaniib kuu,   
\q1
\v 32 nembed yi ambarakmi dowad atdebokbed ukum kondeni  
\q2 yi arewa kami dowad nong yikyikiibbed wangkaniin.   
\q1
\v 33 Kumban ne mimyob dowaken Dewid yaa keenaan kuu angkon neka kandainban,  
\q2 kwane ne ma korondiyiibban weng awini ye kerekmen ye yaa angkeen kuu bongmainban.   
\q1
\v 34 Amob weng ongmaan kuu domokbainban,  
\q2 kwane ne mongkodkonombed komo dakmaan kuu kan kimyen kerainban.   
\q1
\v 35 Naningko karadmo yaambed mimo yedme kowaan,  
\q2 kukuu Dewid yaa biranainban andi yeman kui,   
\q1
\v 36 Nembed ye awoya ari yaa kuu aron korem ye yumbon kondaniin,  
\q2 ye dibere ooni ye yumbon kuu aron diberembirimaun areb ne arinambo ari angkimbaraneen kui.   
\q1
\v 37 Kukuu wood diberembirimaun areb aron korem angkimbaraneen,  
\q2 kwane wood ambid aom diberembirimaun kuu God ye weng yaa anam ande wedmi yeman.” andoon.\it Selah\it*   
\q1
\v 38 Kumban, o God, ebbed nub king kuu wunekare kan angka korarewen,  
\q2 ebbed ye ari oiyo bune kinewenman yaa arud darewoob wandewen kui.   
\q1
\v 39 Eb deme karub yaa amob weng ongmewen kuu kibikbed ari kuu awinainban andewen,  
\q2 kwane king keroon ye kuru ye korok ari dereni yeman kuu monmare ingkud yiri korarewen.   
\q1
\v 40 Ebbed ye siti kuuk kuu bongmeneb  
\q2 ye aromne angkumonimbon korem monmareewe ambib bob areb kereen.   
\q1
\v 41 Ye aromkono dowan kowe korem kane kane kuyaa dewene burudandimaib kuu ye yiribman ogoodmo yid bimaib,  
\q2 kwane ye dia doriibdanbed damangkanimbon keruniwen.   
\q1
\v 42 Ebbed ye bondan kuu awande aromkono kondewen,  
\q2 kwane ebbed ye yaa kwamewen kowe ye bondan korem kuu kubiwen.   
\q1
\v 43 Ebbed ye kerewang arud kuu dingkekoreb,  
\q2 ana nangmi yaa kuu awanenindo kerewen.   
\q1
\v 44 Ebbed ye nambiri kuu kan korarekoreb,  
\q2 ye dibere oonimbon kuu kan okad yiri korarewen.   
\q1
\v 45 Ebbed ye kewed yaa yaromkono kuu monmare kiomnoon ye karub areb kerunekoreb,  
\q2 karakmo kerunewen.\it Selah\it*   
\q1
\v 46 O \nd Yariman\nd*, aron komoyiib? Eb kuu ne yaa aron korem kwane biknembaraneeb dee?  
\q2 Eb norin kuu aron komoyiib amot areb denembaraneen?   
\q1
\v 47 Ne wadkeri kuu kirodmo dowan keraneen kuyaa ika meene.  
\q2 Kedi, nimakarub korem kuu idiib kerindeban ye dowad ongmenabewen kii!   
\q1
\v 48 Karub kuu komo kere dobere bobni wedmokban kerene,  
\q2 bobni yaromkono yaa kuu burudandaneen? Dowan!\it Selah\it*   
\q1
\v 49 O \nd Yariman\nd*, anuk kuu ma korondiyiibban weng awini ye inamen Dewid yaa yedme kowewen kumbed  
\q2 eb mimyob dowaken darewoob keenewen kuu kuna?   
\q1
\v 50 O Yariman, eb demedan yaa damangkandiwen kuyaa ika meene.  
\q2 Ambibkin yemoondanbed ne yaa damangkawiwen kumbed ne niindem aom yiminban keraan kuyaa ika meene.   
\q1
\v 51 O \nd Yariman\nd*, eb bondanbed damangkawiwen kuyaa ika meene.  
\q2 ebbed ye ari oiyo bune kinewenman komo komo kamenaboon yaa damangkaniwen kuyaa ika meene.   
\q1
\v 52 \nd Yariman\nd* yaa aron korem amun kerunemborok!  
\q2 Anam kwanok, kedi, anam kwanok.   
\c 90  
\ms1 Buk Kaning  
\mr Yook 90-106  
\cl Yook 90 
\toc1 Buk Yook 
\toc2 Buk Yook 
\d God ye karub Moses ye kurikuri weng.  
\q1
\v 1 O Yariman, andowoon yirimbed nimakarub yaro dobere dobere yaro wananiib korem aom kuu  
\q2 eb kuu nub dobirimbon kere doreeb.   
\q1
\v 2 Aangko aangko ongmenabindo yaron  
\q2 o ebbed bidiib okad kumundiniib ongmenabindo yaron,  
\q2 aron korem anuk doberewenbed mene aron korem ambab ari dobaraneeb kui, eb kuu God.   
\q1
\v 3 Ebbed kinewen yaron ari keraune nimakarub kuu angkon ika okad kerimaib,  
\q2 kwane “O karuwa nimaya, ikakman okad kerime.” ande yedmimaab.   
\q1
\v 4 Kedi, ebbed meenimaab kuu weeb 1,000iib kuu  
\q2 kinon areb aronki mimo kibikee dowan keroon,  
\q2 kukuu amnoom kereknembiridanbed awas kaningiib kereknimaib ye aron ye doboob areb.   
\q1
\v 5 Yi kuu urok areb oronde ben mangkan weneewe dukniwen.  
\q2 Yi kuu amkimo kereek biid yeeb yeedirimaan areb,   
\q1
\v 6 kereek kuu amkimo biid yeeb yeedirimaan kuned,  
\q2 oobnon angka kuu nuubne kombere koknimaan kui.   
\q1
\v 7 Kedi, nub kuu eb norinbed yeene monmarimaab,  
\q2 kwane eb kongendaawe uniwon karakwon kerimaub.   
\q1
\v 8 Nub ambarakmi kuu ben eb murubia ari yurewen,  
\q2 nub yemyeb ambarakmenabi kuu eb kerebiri ye nambiri ari ben nongkoboon kui.   
\q1
\v 9 Kedi, eb norin kumbed nub wad dobiri yaron kuu dukmenmo narimaab,  
\q2 nub kuu wad dobiri yaron dowan kerimaub kuu warekiyiib kamimaub.   
\q1
\v 10 Nub dobiri ye weeb kuu weeb 70yiib,  
\q2 o dobiri yaromkonoyiib keranuub kuu weeb 80yiib dobaranuub.  
\q1 Kumban nub weeb doburuwen aom kuu kuna kuu weeb amun ande meenimaub kangkon deme yobdoodiib dabab yemooniib,  
\q2 kedi, weeb kuu kirodmo dowan kere wanaune nub kuu domonde winimaub.   
\q1
\v 11 Kane kuu eb norin yaromkono wedmoon?  
\q2 Eb norin wedmaneen kuu eb yaa unaneen,  
\q2 eb yaa uni kuu yimin kui.   
\q1
\v 12 Nub yaa kedmengkandebko nub dobiri ye aronki kuu yemoonban meene kaadkerem,  
\q2 kwananuub kuu God ye kerebiri ari meeni kangdomiib keranuub.   
\q1
\v 13 O \nd Yariman\nd*, ika mene! Aron komoyiib kwane manaabban keraneeb?  
\q2 Eb demedan nub yaa kuu mimyob keende.   
\q1
\v 14 Amkimo korem eb womoniyiibban ye mimyob dowaken keendebko kubimo kerem,  
\q2 kwananeeb kuu kubi yook wingkane nub aronki korem kube doberembaranuub.   
\q1
\v 15 Nub yaa dabab kondewen ye aronki kimingkeneb aronki ibmo kwamune areb kubi kondembere.  
\q2 Miin arewambed nub dabuknandoon ye weeb kimingkeneb aronki ibmo kwamune areb kangkon kubi kondembere.   
\q1
\v 16 Eb ambangkenabi kuu eb demedan yaa korokbenande.  
\q2 Eb dobiri manimanandeb yiyiib yi danayayiib yaa korokbenande.   
\q1
\v 17 Nub Yariman God ye kubi dowaken kuu nub yaa angkimborok.  
\q2 Komo ambangkimaub kuyaa kuu amun ande.  
\q2 Eyokee, komo ambangkimaub kuyaa kuu amun ande.   
\c 91  
\cl Yook 91 
\toc1 Buk Yook 
\toc2 Buk Yook 
\q1
\v 1 Karub kane kuu Korem Burudandoonman ye dorondarimbon aom dobaraneen kuu  
\q2 Aromkono Koremman ye kubun aom kwane dobaraneen.   
\q1
\v 2 Nembed \nd Yariman\nd* yaa yedmaniin, “Ne kukbimaabbon, ne aromne angkumonimbon,  
\q2 ne God, eb yaambed angkumone doriin.” andaniin.   
\q1
\v 3 Anam kuu yembed eb kuu arud ye barang ye kawaad nong yaa nen angka kowaneen,  
\q2 kwane dukni yeman ye bob anikad yaa kangkon eb kuu nen angka kowaneen.   
\q1
\v 4 Ye buraab kumbed eb kuu kankowe dabunaneen,  
\q2 kwane ye buraabdem aombed eb kuu kukbaneen,  
\q2 ye ma korondiyiibban weng awini ye inamen kuu eb kombe areb eb aromne angkumonimbon areb kui.   
\q1
\v 5 Amnoom ye arud barang yaa kuu eb unaabban,  
\q2 kwane awingyabbed barandi ye ana yaa kangkon unaabban.   
\q1
\v 6 Dukni yeman amnoombed yareboon yaa unaabban,  
\q2 kwane monmari yeman aronkob angka yenbandimaan yaa kangkon unaabban.   
\q1
\v 7 Karub 1,000iib kuu eb dia yowore kuburiwen keraneen  
\q2 o karub 10,000iib kuu eb wiwi angka yowore kuburiwen keraneen kuu  
\q2 arud barang maambed eb yaa ma dia keraanban.   
\q1
\v 8 Eb kuu eb indobmo kerekne wedmaneewe,  
\q2 miin arewa kamenabidan yaa ukum kondaneen.   
\q1
\v 9 Kedi, \nd Yariman\nd* kuu eb kukbimaanman.  
\q2 Korem Burudandoon Arimbed Ye God ye kerekmen yaambed doreeb kowe,   
\q1
\v 10 arud ye barang kuu eb yaa ma mene aanban,  
\q2 monmari yeman kuu ewambib dia ma manaanban kui.   
\q1
\v 11 Amborom kuu Godbed ye engyus eb dowad ben yuraneena  
\q2 eb kuna kuna wini ye dowad kerebdombere oonaniib kowe.   
\q1
\v 12 Eb kuu yi dingkimbed awine kankoonaniib,  
\q2 eb yon kuu bot arimbed enbandaan andiwed.   
\q1
\v 13 Ebbed laiyoniib niin arud niin kobrayiib kuu dore bunganeeb,  
\q2 laiyon arudiib niin arud niin kambariyiib kangkon dore bunganeewe duknaniib.   
\q1
\v 14 \nd Yarimanbed\nd* yedmoon, “Ye kuu ne yaa mimyob dowaken keewimaan kowe, arud ye barang yaa kuu ye nen angka kowaniin.  
\q2 \nd Yariman\nd* kuu ne God ande yedmimaan kowe, ye nen dorondaraniin kii.   
\q1
\v 15 Ye kuu ne yaa baandaneene nembed inandunaniin.  
\q2 Dabawiib keraneene ne kuu ye yaa dobere awanenaniin.  
\q2 Ye kuu bobni yaa burudande nendeni ye aningko kuu arimbed kankoonaniin.   
\q1
\v 16 Aron doboob ye dobiri konaniine kubimo dobaraneen,  
\q2 kwane bobni yaa burudande bindi ye kiwaan nembed ongmaan kuu korokbenaniin kii.” andoon.   
\c 92  
\cl Yook 92 
\toc1 Buk Yook 
\toc2 Buk Yook 
\d Yook, God yaningko kankooni yook kui. Sabat aron ari wingki yeman.  
\q1
\v 1 \nd Yariman\nd* yaa eso andi kuu amun,  
\q2 o Korem Burudandoon Arimbed Ye God, ewaningko kankooni ye yook wingki kuu amun kii.   
\q1
\v 2 Amkimo korem eb womoniyiibban ye mimyob dowaken daandi kuu amun,  
\q2 amnoom korem eb ma korondiyiibban weng awini ye kerekmen daandi kangkon amun kii.   
\q1
\v 3 Ewaningko kankooni dowad nong angko angkoyiib ye laiya wangki kuu amun,  
\q2 ewaningko kankooni dowad kuweng amuniib ye haap wangkenabi kangkon amun kii.   
\q1
\v 4 O \nd Yariman\nd*, eb ambangkenabi kumbed kubaan kuda.  
\q2 Eb dingkimbed komo komo kamenabewen kuye dowad kubi yook wingkaniin.   
\q1
\v 5 O \nd Yariman\nd*, eb kamenabi kuu miin darewoob arimbed!  
\q2 Eb meeni inamen kuu miin indengandengmo.   
\q1
\v 6 Inameniibbandan kuu yikaadban,  
\q2 awon korokdan kangkon kaadkerindeban yeman kukei,   
\q1
\v 7 miin arewa kamenabidan kuu kereek areb yemoon yeedere kainimaib,  
\q2 kwane ambarakmidan kuu yiribman yemoon kerimaib kumban,  
\q2 yi kuu aron korem dowad ben monmare dowan keraneen.   
\q1
\v 8 Kumban, o \nd Yariman\nd*, eb kuu aningko darewoob arimbed kwane aron korem doberembaraneeb.   
\q1
\v 9 O \nd Yariman\nd*, eb bondan kuu duknaniib kuda,  
\q2 yi korem kuu monmare dowan keraneen kii,  
\q2 kwane ambarakmidan korem kuu buyokbayok keraniib.   
\q1
\v 10 Ebbed ne aromkono kuu oksen kiib areb darewoob arimbed kankonewen,  
\q2 kwane oiyo yeweb kuu ne ari bune kinewen.   
\q1
\v 11 Ne indobbed wedmendaan ne bondan kuu Godbed nangme burudande doroon,  
\q2 kwane ne kerendembed wengambaraan miin arewadan ne yaa manmo keriwen kuu nangmoone ikakman kirokmone winiwen.   
\q1
\v 12 Yorokmodan kuu orom at areb kirodmo kaine amne amunmo dobaraniib,  
\q2 yi kuu Lebanon ye at sidaa areb amunmo kaine amnaniib kui.   
\q1
\v 13 Yi kuu at \nd Yariman\nd* yambib yaa kibingkemoon areb keraniib,  
\q2 yi kuu nub God ye kurikuri boyambib yu kuuk wirinimbon aom amunmo dobaraniib kui.   
\q1
\v 14 Yi kuu kiomnaniib kumban yowiib iremoon areb kere dobaraniib,  
\q2 yi kuu at nunungiib awoyeebmo areb aromkonoyiib dobaraniib kui.   
\q1
\v 15 Yi kuu kwane yedmaniib, “\nd Yariman\nd* kuu kangdommo,  
\q2 ye kuu nub aromkonombon, ye kuu ma arewayiibban.” andaniib.   
\c 93  
\cl Yook 93 
\toc1 Buk Yook 
\toc2 Buk Yook 
\q1
\v 1 \nd Yariman\nd* kuu oone doreen, ye kuu ebkad doboob inwaremoon areb dobiri manimanandewiibmo doreen.  
\q2 \nd Yariman\nd* kuu aromkono kan ebkad doboob inware kobaiknong boronemoon areb awine doreen.  
\q1 Okad kuu kan ongme kowoone yumbon kamkonoyiib kereen,  
\q2 kowe kan dewenebinban.   
\q1
\v 2 Eb dibere ooni yeman ye yumbon kuu kurin kurin anukbed ongmewen,  
\q2 eb kuu aron korem anukbed mene kibikee doreeb.   
\q1
\v 3 O \nd Yariman\nd*, karamok korem kuu baandiwen,  
\q2 karamok korem kuu kan ari kowe baandiwen,  
\q2 karamok korem kuu yi oknondok darewoob ben ari nongkobiwen.   
\q1
\v 4 Arimbed Doreen Ye God kuu aromkonoyiib,  
\q2 ok arud yemoon yi kuweng arebban,  
\q2 karamok yu oknondok kambari beengkimaun arebban kui.   
\q1
\v 5 O \nd Yariman\nd*, eb kerekmen korokbi ye weng kuu amonombaanban kwane angkimbaraneen.  
\q2 Ewambib kuu karadmo doruun,  
\q2 aron korem korem kwamunemo.   
\c 94  
\cl Yook 94 
\toc1 Buk Yook 
\toc2 Buk Yook 
\q1
\v 1 O \nd Yariman\nd*, eb kuu arewa kamenabi yaa kakman kondi ye God,  
\q2 o arewa kamenabi yaa kakman kondi ye God, eb angkadere.   
\q1
\v 2 O okaddan yaa Wengyundi Korok, yaro doreneb,  
\q2 kerengkandan komo kamenabiwen kuyaambed kakman ingkande.   
\q1
\v 3 O \nd Yariman\nd*, miin arewa kamenabidan kee komarewa?  
\q2 Miin arewa kamenabidan kuu aron komoyiib kubembaraniib?   
\q1
\v 4 Yi kuu nubbedmo yimin andi ye weng yemoon dakmenabimaib,  
\q2 miin arewa kamenabidan korem kuu kerengkan weng dakmimaib kumbedmo.   
\q1
\v 5 O \nd Yariman\nd*, yi kuu eb nimakarub ben yob beengkemoon areb kerundimaib,  
\q2 yi kuu ebbed yumbon kondewendan yaa dabab wayirimaib.   
\q1
\v 6 Yi kuu iribdaniib owoddaniib yeene nongkobimaib,  
\q2 kwane yi kuu anenabdan kuman yenbandaiwe duknimaib.   
\q1
\v 7 Yimbed kwane yedmimaib, “Nubbed komo kamuub kuu \nd Yariman\nd* ma wedmendokban,  
\q2 Yekob ye God kuu yangmadande doreen.” andimaib.   
\q1
\v 8 Israeldan yi inameniibbandan, yiib kuu kaadkerime!  
\q2 Awon korokdan kui, yiib kuu komo aron arimbed kaadkeraniib?   
\q1
\v 9 Kerendem ongmoon ye God kuu wengambirindebankowoo?  
\q2 Indob ongmoon ye God kuu wedmindebankowoo?   
\q1
\v 10 Ambibkin maa maadan didangkimaan ye God kuu ongkandindebankowoo?  
\q2 Nimakarub kedmengkandimaan ye God kuu kaadkerindokowoo?   
\q1
\v 11 \nd Yariman\nd* kuu nimakarubbed komo komo meenimaib kuu yekaad,  
\q2 kwane yi kuu inumni mimo areb kangkon yekaad.   
\q1
\v 12 O \nd Yariman\nd*, ebbed didangkewenman kuu amun kerunewen.  
\q2 Eb amob yaambed kedmengkanewenman kangkon amun kerunewen.   
\q1
\v 13 Kuye karub kuu ye yaa dabab menebaneen kuu ebbed nen awanenaneeb,  
\q2 miin arewa kamenabidan yi dowad dem nidke dowan keraneeb kumbed.   
\q1
\v 14 Amborom kuu \nd Yariman\nd* kuu ye nimakarub yaa domondaanban,  
\q2 yembed yumbon kondoondan yaa domondaanban kui.   
\q1
\v 15 Amaan ari kuu korok korokbed angkon ika yorokmo ye kerekmen yaambed wengyundaniib,  
\q2 kwane kangdommo doriibdan korem kuu kuye wengyundi yorokmo yaambed dukmonaniib.   
\q1
\v 16 Kanembed ne dowad yaro miin arewadan yaa manmo keraneen?  
\q2 Kanembed ne dowad ambarakmidan yaa manmo keraneen?   
\q1
\v 17 \nd Yariman\nd* kuu ne yaa ma awawindo karen,  
\q2 ne kuu aron yemoonban ari iwarimo kere bobnaan karen.   
\q1
\v 18 “Ne kuu kombarandamiin.” ande yedmaniin kuu  
\q2 o \nd Yariman\nd*, eb womoniyiibban ye mimyob dowaken kumbed angkumone nen kowaneeb.   
\q1
\v 19 Ne kuu uniyiib meeni darewoob keraan yaron kuu  
\q2 ebbed ne yaa mimyob keewe ne meeni darewoob kankubuneewe kubiyiib keraan.   
\q1
\v 20 Ooni ye inamen unitab arewa ye karub kuu eb yaa daboknaneenoo? Dowan.  
\q2 Manmo kerundi ye amob arewa ongmi ye karub kuu eb yaa daboknaneenoo? Dowan.   
\q1
\v 21 Yi kuu nedbenib yorokmodan yaa manmo kerimaib,  
\q2 kwane yi kuu ambarakmindodan yaa dudanabe ambarakmiwen kowe dukni yeman ande wengyundimaib.   
\q1
\v 22 Kumban \nd Yariman\nd* kuu ne aromne angkumonimbon keroon,  
\q2 ne God kuu ne aromkonombon, yeyiib yaa wanaine kukbimaan.   
\q1
\v 23 Yi ambarakmi ye dowad kakman kondene  
\q2 yi miin arewa kamenabi dowad monmaraneen,  
\q2 \nd Yariman\nd* nub Godbed yi yeene monmaraneen kui.   
\c 95  
\cl Yook 95 
\toc1 Buk Yook 
\toc2 Buk Yook 
\q1
\v 1 Minime, \nd Yariman\nd* yaa kube wingkem.  
\q2 Nub bobni yaa burudande bindi ye Aromkonoman yaa kube baandem.   
\q1
\v 2 Ye arinambo ari menenub eso andenub  
\q2 kube baandenub ye aningko kankooni yook wingkem.   
\q1
\v 3 Kedi, \nd Yariman\nd* kuu God darewoob arimbed,  
\q2 ye kuu god yena burudande King darewoob arimbed keroon.   
\q1
\v 4 Okad yu ambokab yiri kuu ye dingki dem aom awine oonoon,  
\q2 kwane aangko dungkun dungkun mana angka kangkon yeman.   
\q1
\v 5 Karamok kuu yeman, amborom kuu yembed ongmoon kowe.  
\q2 Kwane, ye dingkimbed okad kamkono ongmoon.   
\q1
\v 6 Aomnime, ye yaa bumangkane korok kankibine ye aningko kankoonem,  
\q2 kwane nub ongmenaboonman \nd Yariman\nd* yaa bumangkem.   
\q1
\v 7 Amborom kuu ye kuu nub God,  
\q2 kwane nub kuu ebka bangkandimaabdan ye nimakarub,  
\q2 nub kuu sibi areb yembed dorondare oonimaan.  
\q1 Kibikee, ye weng wengambiribka   
\b  
\q2
\v 8 Meriba yaambed kwaniwen areb kwane yiib niindem aom kamkono keraib,  
\q2 kwane Massa yaa amiibban ye amboon angka kangkon kwaniwen areb kwane keraib.   
\q1
\v 9 Kuyaa kuu yiib awoya yiri kuu nembed komo kamaan kuu wedmiwen kuned,  
\q2 ne yaa komboon darobe kaamone wedmiwen.   
\q1
\v 10 Weeb 40yiib kuu ne kuu yi yaa kongendembaraan,  
\q2 kwane nembed yedmaan, “Yi kuu niindem aom kimyen winimaibdan,  
\q2 kwane ne dobiri kerekmen kuu yangmadandimaib.” andaan.   
\q1
\v 11 Kowe norin wandeni amob weng ongmeni yedmaan,  
\q2 “Yi kuu ne yiidkimbon aom awunaibban.” andaan.   
\c 96  
\cl Yook 96 
\toc1 Buk Yook 
\toc2 Buk Yook 
\q1
\v 1 \nd Yariman\nd* yaa yook yeeb wingkime.  
\q2 Okaddan korem, \nd Yariman\nd* yaa yook wingkime.   
\q1
\v 2 \nd Yariman\nd* yaa wingkime, ye aningko kankoonime,  
\q2 aronki mimim kuu bobni yaa burudande bindi ye kiwaan ongmoon ye weng amun dakmembirime.   
\q1
\v 3 Ye nambiri ye weng kuu ambibkin mimim korem yaa daandime,  
\q2 ye ambangkenabi yeka mamaa kuu nimakarub korem yaa daandime.   
\q1
\v 4 Amborom kuu \nd Yariman\nd* kuu darewoob arimbed, ye aningko kankooni kumbedmo yimin,  
\q2 kwane ye kuu unenimbon, god yena arebban.   
\q1
\v 5 Ambibkin mimimdan yi god korem kuu kuruwak godmo,  
\q2 kumban \nd Yarimanbed\nd* Eweniib ambidiib ongmenaboon.   
\q1
\v 6 Nambiriyiib dobiri manimanandewiib kuu ye yaambed meneboon,  
\q2 kwane ye kuu ye kurikuri boyambiwoombed aromkonoyiib manimanandewiib doreen.   
\q1
\v 7 O ambibkin maa maa dabokniwendan korem, \nd Yariman\nd* yaa ee andime,  
\q2 \nd Yariman\nd* kuu nambiriyiib aromkonoyiib kuyaa kuu ee andime.   
\q1
\v 8 \nd Yariman\nd* yaningko kuu nambiri darewoowiib kowe kuyaa ee andime,  
\q2 munob koni yemaniib kanmene ye kurikuri boyambib yu kuuk wirinimbon aom awudirime.   
\q1
\v 9 \nd Yariman\nd* yaningko kankoonime, ye karadmo doreen kuu nambiriyiib kowe.  
\q2 okaddan korem, ye arinambo ari une kiringmime.   
\q1
\v 10 Ambibkin mimimdan yaa yedmime, “\nd Yariman\nd* kuu oone doreen.  
\q2 Okad kuu kan ongme kowoone yumbon kamkonoyiib kereen kowe kan dewenebinban.  
\q2 Kwane ye kuu ambibkin mimimdan yaa konomdangmo wengyundaneen.” andime.   
\q1
\v 11 Ambid kuu kubuko okad kuu kubi dowakeniib keruko  
\q2 karamok baanduko karamok yu dingkan korem kangkon baandibko   
\q1
\v 12 mongkobon korem kubibko mongkobon yu kumkam kangkon kubibko  
\q2 at kuu baandi yaa wengamberenib kwane kube wingkime.   
\q1
\v 13 Yi kuu \nd Yariman\nd* ye arinambo ari kwananiib, amborom kuu mananeen kowe.  
\q2 Okad yu kumkam yaa wengyundok mananeen kii.  
\q1 Ye kuu okad yu kumkam yaa yorokmo ye kerekmen yaambed wengyundene,  
\q2 nimakarub korem yaa aadidmiyiibban anammo wengyundaneen.   
\c 97  
\cl Yook 97 
\toc1 Buk Yook 
\toc2 Buk Yook 
\q1
\v 1 \nd Yariman\nd* kuu oone doreen kowe, okaddan kuu kubime,  
\q2 kwane dudbi dudbi angka doriibdan kangkon kubime.   
\q1
\v 2 Wiiwiib amnoom doromodiib kuu ye yaa awanewandiwen,  
\q2 kwane yorokmo ye kerekmeniib anammo wengyundiyiib kuu ye dibere oonimbon ye ambokab.   
\q1
\v 3 Ye arinambo ari kuu amoyiib denimaan,  
\q2 kwane kuye amotbed ye bondan kunaya doriib kuu denendimaan.   
\q1
\v 4 Ye imakbed okad kumundin kee nambirimaan,  
\q2 kwane okad kuu wedmekoru kiringmimaun.   
\q1
\v 5 \nd Yariman\nd* kuu aangko aangko dia keraane in yawaak kere okmo keremoon areb kerimaib,  
\q2 okad kumundin yu Yariman ye arinambo arimbed kui.   
\q1
\v 6 Eweniib ambidiib kuu ye yorokmo kerekmen yaa dakmimaib,  
\q2 kwane ambibkin koremdan kuu ye nambiri wedmimaib.   
\q1
\v 7 Kane kane kuruwak god yaa kurikuri kerimaib kuu yi korem yaa karak kondimaib,  
\q2 kuruwak god yaa kerengkan keriwendan yaa kui.  
\q1 Goddan korem, yi kuu ye yaa bumangke ye yaningko konkoonime.   
\q1
\v 8 Saiyon kuu wengamberekoru kubeen,  
\q2 kwane Yudadan yi kambong kambong kuu kubiyiib keriwen,  
\q2 amborom kuu, o \nd Yariman\nd*, ebbed wengyundewen kowe.   
\q1
\v 9 O \nd Yariman\nd*, eb kuu okad yu kumkam korem yaa Burudande Darewoob Arimbed Keroonman,  
\q2 ebbedmo kuu aningko darewoob arimbed, god yena arebban.   
\q1
\v 10 \nd Yariman\nd* yaa mimyob dowaken keenimaibdan, arewa yaa kuu wangdandunime.  
\q2 Kedi, ye kerekmen yaambed doriibdan kuu yembed dorondarimaan,  
\q2 kwane yi kuu yembed miin arewadan yi aromkono aom ben angka nongkobimaan.   
\q1
\v 11 Nambiri kuu yorokmodan ari yurene  
\q2 kubi kuu kangdommo doriibdan yaa kondimaan.   
\q1
\v 12 Kane kane yorokmo doriibdan, yiib kuu \nd Yariman\nd* yaa kubenib  
\q2 ye aningko karadmo kankoonime.   
\c 98  
\cl Yook 98 
\toc1 Buk Yook 
\toc2 Buk Yook 
\d God yaningko kankooni ye yook.  
\q1
\v 1 \nd Yariman\nd* yaa yook yeeb wingkime,  
\q2 amborom kuu binangke ye yaa anam andi yeman ongmenaboon kowe.  
\q1 Kwane ye dingki wiwi karadmombed  
\q2 bondan korem nangme burudande doroon.   
\q1
\v 2 \nd Yarimanbed\nd* bobni yaa burudande bindi ye kiwaan ongmoon kuu korokbene,  
\q2 ambibkin mimimdan yaa kuu ye yorokmo kerekmen korokbendoon.   
\q1
\v 3 Ye kuu Israeldan yi dowad ye womoniyiibban ye mimyob dowakeniib  
\q2 ye ma korondiyiibban weng awini ye inameniib ikakman meenoon.  
\q1 Bobni yaa buruande bindi ye kiwaan nub Godbed ongmoon kuu  
\q2 okad yimin yimin koremdan kuu wedmiwen.   
\q1
\v 4 Okad kumundindan, \nd Yariman\nd* yaa kube baandime,  
\q2 ye aningko kankooni dowad yook wingkenib kube komkime.   
\q1
\v 5 Haapbed \nd Yariman\nd* yaa wangkime,  
\q2 haapbed wangki kuwengiib wingkiyiib kamime.   
\q1
\v 6 Kibiyiib sibi duruwiibbed baandenib  
\q2 nub King, \nd Yariman\nd* kui, ye arinambo ari kube komkime.   
\q1
\v 7 Karamok kuu baanduko karamok yu dingkan korem kangkon baandibko  
\q2 okad baanduko okad kwari doriibdan korem kangkon baandime.   
\q1
\v 8 Ok awaan korem kuu dingki wowemoon areb kamime,  
\q2 kwane aangko aangko kuu ibmo kubi yook wingkime.   
\q1
\v 9 Yi korem kuu \nd Yariman\nd* ye arinambo ari wingkime,  
\q2 amborom kuu ye kuu okad yiri mene wengyundok meneen kowe.  
\q1 Yembed okad yu kumkam kuu yorokmo wengyundene  
\q2 ambibkin mimimdan yaa konomdangmo wengyundaneen.   
\c 99  
\cl Yook 99 
\toc1 Buk Yook 
\toc2 Buk Yook 
\q1
\v 1 \nd Yariman\nd* kuu oone doreen kowe,  
\q2 ambibkin mimimdan kuu une kiringmime.  
\q1 Ye kuu engyus burawiib yi kidangkambed king ye dibere oonimbon ari dibeen kowe,  
\q2 okad kuu kiringmuk.   
\q1
\v 2 Saiyon aom kuu \nd Yariman\nd* yaningko kuu darewoob arimbed,  
\q2 kwane ye kuu darewoob arimbed, ambibkin korem arebban.   
\q1
\v 3 Yi kuu ye aningko darewoob arimbed manimanandewiib kankoonime,  
\q2 ye kuu karadmo kowe.   
\q1
\v 4 King kuu aromkonoman, ye kuu anammo wengyundi yaa dowaken darewoob kerunoon.  
\q2 O King, ebbed konomdangmo ye kerekmen ongmewen,  
\q1 Yekob ye awoya ari kuyaom kuu  
\q2 anammo wengyundeneb yorokmo kamenabewen.   
\q1
\v 5 \nd Yariman\nd* nub God ye aningko kankoonime,  
\q2 ye yon kiriboon yirimbed ye yaa bumangke yaningko kankoonime,  
\q2 ye kuu karadmo kowe.   
\q1
\v 6 Moses yoom Eeron yoom kuu God dore Yuudan dore wedyiri dobiridan kuyaom kuu yiyiib.  
\q2 Samuel yangkon God yaa baandimaibdan kuyaom kuu yeyiib.  
\q1 Yi kuu \nd Yariman\nd* yaa baandiiwe  
\q2 yi yaa inandundoon.   
\q1
\v 7 Yembed wiib dodkono areb doreen aombed yi yaa daandoon,  
\q2 kwane yembed komo kamoon ye wengiib amob weng ongmooniib kuu  
\q2 kondoone awine ooniwen.   
\q1
\v 8 O \nd Yariman\nd* nub God,  
\q2 ebbed yi yaa inandundewen.  
\q1 Eb kuu Israeldan yi arewa kamenabi yaa ukum kowimaab kuned,  
\q2 eb kuu yi ambarakmi are nonondandi ye God.   
\q1
\v 9 \nd Yariman\nd* nub God yaningko kankoonenib  
\q2 ye aangko karadmo arimbed ye yaa bumangke yaningko kankoonime,  
\q2 amborom kuu \nd Yariman\nd* nub God kuu karadmo kowe.   
\c 100  
\cl Yook 100 
\toc1 Buk Yook 
\toc2 Buk Yook 
\d God yaningko kankooni ye yook. Eso andi yeman.  
\q1
\v 1 Okad kumundindan, \nd Yariman\nd* yaa kube komkime.   
\b  
\q2
\v 2 Kubi dowakeniibbed \nd Yariman\nd* yaa bumangke yaningko kankoonime.  
\q2 Kubi yookiibbed ye arinambo ari minime.   
\q1
\v 3 \nd Yariman\nd* kuu God ande yiibkaadkerunime,  
\q2 nub ongmenaboonman kuu yembedmo, kwane nub kuu yeman.  
\q2 Nub kuu ye karuwa nimaya, nub kuu sibi areb ye bangkandimbon aom doruub.   
\q1
\v 4 Eso andiyiibbed ye kurikuri boyambib yu kuuk wirinimbon ye ambongko aom awunem,  
\q2 kwane ye aningko kankooniyiibbed ye kurikuri boyambib yu kuuk wirinimbon aom awunem.  
\q2 Ye yaa eso andenub ye aningko kankoonem.   
\q1
\v 5 Amborom kuu \nd Yariman\nd* kuu amun,  
\q2 kwane ye womoniyiibban ye mimyob dowaken kuu dowan keraanban oonendembaraneen,  
\q2 kwane ye ma korondiyiibban weng awini ye inamen kuu nimakarub yaro dobere dobere yaro wananiib korem aom angkimbaraneen.   
\c 101  
\cl Yook 101 
\toc1 Buk Yook 
\toc2 Buk Yook 
\d Dewid ye yook. God yaningko kankooni ye yook.  
\q1
\v 1 Ne kuu eb womoniyiibban ye mimyob dowakeniib anammo wengyundiyiib ye dowad yook wingkaniin,  
\q2 o \nd Yariman\nd*, ewaningko kankooni yook wingkaniin.   
\q1
\v 2 Ne kuu ongme kaadkereni ambarakmoon kii ande dedmoniyiibban ye kerekmen yaambed dobaraniin.  
\q2 Komo aron arimbed ne yaa mananeeb?  
\q1 Nambiwoom dobaraniin kuu  
\q2 ne niindem aom ma aadikmiyiibbanbed dobaraniin.   
\q1
\v 3 Ne indob ari kuu karakiib arewa ye barang kuu  
\q2 ma dowakeniib kerainban.  
\q1 God yaa angkurom korokbeniwendan yi kamenabi yaa kuu kongendimain,  
\q2 yi kuu ne ma nen kimyen wanaibban kii.   
\q1
\v 4 Inamen unitawiibdan kuu ne yaa kuu ambab angka keraniib,  
\q2 inamen arewa korem kuu kangkadmaniin kui.   
\q1
\v 5 Kanembed ye dia doreenman yaa yemyeb wengamborokbanabaneen kuu  
\q2 nembed ye kuu kebenenaniin.  
\q1 Kanembed ye kuu nembedmo yimin ande kerengkan kamaneen kuu  
\q2 nembed ye kuu angkodmenainban.   
\q1
\v 6 Ne kuu ne ambibkindan anam andiwen yaa karub amun ande kereknaniin,  
\q2 kwananiine ne yoom dobaranuub.  
\q1 Kane ye kuu ambarakmoon kii ande dedmoniyiibban ye kerekmen yaambed dobaraneen kuu  
\q2 ne yaa awawaneen.   
\q1
\v 7 Karub kanembed ye kuu birandimaan kuu  
\q2 nambiwoom kuu yeyiib dobaraanban.  
\q1 Karub kanembed ye kuu dudanabimaan kuu  
\q2 ne arinambo ari dobaraanban.   
\q1
\v 8 Ne ambibkin ye arewa kamenabidan kuu  
\q2 amkimo korem kebenendaniin.  
\q1 Nembed arewa kamenabidan korem kuu  
\q2 \nd Yariman\nd* ye siti aombed ben bunangka kiradmaniin.   
\c 102  
\cl Yook 102 
\toc1 Buk Yook 
\toc2 Buk Yook 
\d Durud yewed kandoonman ye kurikuri weng. Ye kuu miin yiminban kerekore mimyob wandoon ye weng \nd Yariman\nd* yaa dakmoon.  
\q1
\v 1 O \nd Yariman\nd*, ne kurikuri kee wengamberewe.  
\q2 Ne awawe ande baandi kuu eb yaa monok.   
\q1
\v 2 Ne yiminban kere eb yaa baandaka  
\q2 eb murubia ne yaa kuu kan yeknaab.  
\q1 Eb kerendem kuu ne yaa kowe wengamberewe.  
\q2 Kwane eb yaa baandaka kirod inanduwe.   
\q1
\v 3 Ne wad dobiri yaron kuu amareng anwenemoon areb,  
\q2 kwane ne kono kuu amoyidkob denemoon areb keroon.   
\q1
\v 4 Ne niindem aom kuu kereek nuubne koknemoon areb keroon.  
\q2 Kedi, ne animan ani kuu nonondandimain.   
\q1
\v 5 Ne wareki darewoob kamimain kumbed  
\q2 yomiibban konokonomo keraan.   
\q1
\v 6 Ne kuu amboon angka on kanakana areb keraan,  
\q2 kwane ne kuu ambib bobbon aom on kamim areb nembirimo dobaraan.   
\q1
\v 7 Amnoom kuu angkande kaimain kumban unuk angkindeban keraan,  
\q2 kwane ne kuu wid angka ye on areb nembirimo keraan.   
\q1
\v 8 Aronki doboob kuu ne bondanbed ne yaa daawi yeman kerimaib,  
\q2 kwane kane kane ne yaa damangkawimaib kuu naningko kande butun yeman kerimaib.   
\q1
\v 9 Kedi, ne kuu yikbod kumbed naniman areb kere aneni,  
\q2 ne anande kaimain ye ok aom kuu ne inokiib kubudaraana animain.   
\q1
\v 10 Kwanimain kuu amborom kuu eb norin darewoob ne yaa wandewen kowe.  
\q2 Kedi, ebbed ne nendane kan angka korarewen.   
\q1
\v 11 Ne wad dobiri yaron kuu oobneya ye kuruwak areb,  
\q2 kwane ne kuu kereek nuubnemoon areb kere winimain.   
\q1
\v 12 Kumban, o \nd Yariman\nd*, eb kuu eb dibere oonimbon arimbed aron korem diberembirimaab,  
\q2 kwane eb yirin kuu nimakarub yaro dobere dobere yaro wananiib korem aom kwane angkimbaraneen.   
\q1
\v 13 Eb kuu dembeneb Saiyon yaa mimyob kowaneeb,  
\q2 amborom kuu ebbed yu yaa awandi yaron kuu muneen kowe,  
\q2 aron kinewen ari muneen kui.   
\q1
\v 14 Kedi, yu ambib ye bot bondanbed ben angka kirariwen kuyaa kuu eb demedan kuu mimyob keendimaib,  
\q2 yu monmarundiwen ye ingkud kuyaa kuu korem mimyob kowimaib.   
\q1
\v 15 Ambibkin mimimdan kuu \nd Yariman\nd* yaningko yaa une bumangkaniib,  
\q2 kwane okad yiridan yi king korem kuu eb nambiri yaa une bumangkaniib.   
\q1
\v 16 Amborom kuu \nd Yariman\nd* kuu angkon ika Saiyon yengbekore  
\q2 ye nambiriyiib angkadaraneen.   
\q1
\v 17 Ye kuu kamboknondan yi kurikuri yaa inandundaneen,  
\q2 yi kaamoni yaa kuu wunekaraanban.   
\q1
\v 18 Awoya awoya amaan ari yi dowad wongkibko,  
\q2 yi kuu \nd Yariman\nd* yaningko kankoonime andi ye weng kukei.   
\q1
\v 19 “\nd Yariman\nd* kuu ambab ari ye dobirimbon karadmo arimbed yiri keendomboroon,  
\q2 Ewen arimbed okad yiri wedme daroboon kui.   
\q1
\v 20 Kukuu wii aom kamobiwendan yi wareki wengamberekore,  
\q2 dukni yeman andiwendan yaa ben angka nongkobanded.” kwane wongkime.   
\q1
\v 21 Kwananeen kuu \nd Yariman\nd* yaningko kuu Saiyon aombed dakmenib  
\q2 Yerusalem aombed ye aningko kankoonaniib.   
\q1
\v 22 Ambibkin mimimdaniib oonimbon mimimdaniib kuu  
\q2 \nd Yariman\nd* yaa kurikuri kamande nedbaniib kuu kwananiib kii.   
\q1
\v 23 Ne kuu weeb yemoonban dobaraan kumbed ne aromkono kuu yembed dookboon,  
\q2 yembed ne wad dobiri yaron kuu nare dukmenmo keroon kui.   
\q1
\v 24 Kowe nembed yedmaan, “O ne God, ne mokaid doriin keyaombed ne nen angkanaab.  
\q2 Eb weeb kuu nimakarub yaro dobere dobere yaro wananiib korem aom wenembirimaun.   
\q1
\v 25 Yimin andowoon yiri kuu ebbed okad yu ambokab ongmenabewen,  
\q2 kwane ambidiib Eweniib kuu eb dingkimbed ongmenabewen.   
\q1
\v 26 Yi kuu monmaraneen kuned eb kuu dobaraneeb,  
\q2 yi kuu ebkad korobob keremoon areb keraniib kui.  
\q1 Yi kuu ebkad areb ebbed biangke ben kiradmekoreb  
\q2 yeweb ben debendaneeb.   
\q1
\v 27 Kumban eb kuu kwane doreebmo doberembaraneeb,  
\q2 kwane eb weeb kuu ma yimin wandaanban.   
\q1
\v 28 Eb demedan yi meed kuu uniyiibban kumbed dobaraniib,  
\q2 kwane yi awoya kuu eb arinambo ari ye yumbon aom dobaraniib.   
\c 103  
\cl Yook 103 
\toc1 Buk Yook 
\toc2 Buk Yook 
\d Dewid ye yook.  
\q1
\v 1 O ne kingkin, \nd Yariman\nd* yaningko kankoona,  
\q2 ne niindem aom kumundiniib ye aningko karadmo kankoona.   
\q1
\v 2 O ne kingkin, \nd Yariman\nd* yaningko kankoona,  
\q2 ne yaa awawi ye kerekmen yaa ma nonondandain.   
\q1
\v 3 Ye kuu ne ambarakmi korem are nonondandene  
\q2 ne bob anikad maa maa korem kuu ongmewimaan.   
\q1
\v 4 Kwane ye kuu ne bobneni bobkonombon aom angkimbarain andi ye dowad biddene,  
\q2 womoniyiibban ye mimyob dowakeniib mimyob keewe kakman are nonondandiyiib keewimaan.   
\q1
\v 5 Kwane ye kuu ne inamen dowaken yaa yiminmo amunmo keruwimaan,  
\q2 kowe on diba yaromkono areb ne yaa kuu kewed yaromkono dobiri kerekmen ika kawaane kwane dobirimain.   
\q1
\v 6 \nd Yarimanbed\nd* yorokmo ambangkimaan,  
\q2 kwane yembed dabab wayiroondan yi dowad anammo wengyundimaan.   
\q1
\v 7 Yembed ye dobiri kerekmen kuu Moses yaa korokbenoon,  
\q2 kwane ye kamenabi kuu Israeldan yaa korokbendoon.   
\q1
\v 8 \nd Yariman\nd* kuu mimyob kowi ye God, kabamoon kondoon ye mimyob dowaken keendi ye God,  
\q2 ye kuu kirodmo norin wandimokban, ye kuu mimyob dowaken darewoob keendi ye God.   
\q1
\v 9 Ye kuu nub yaa manmo kerundembaraanban,  
\q2 kwane ye norin kuu kwane kowe awinembaraanban.   
\q1
\v 10 Ye kuu nubbed komo ambarakmuwen ye dabab yaambed ukum kondindo,  
\q2 kwane ye kuu nubbed komo arewa kamenabuwen ye kakman yaambed inandindo.   
\q1
\v 11 Amborom kuu okadbed ari daane Ewen nandi ye ambab kumunkingki kwamune areb kuu,  
\q2 ye womoniyiibban ye mimyob dowaken kuu miin darewoob, ye yaa unimaibdan yaa.   
\q1
\v 12 Aron dembimaun angkambed wene aron kubunimaun angka keri ye ambab kwamune areb kuu,  
\q2 yembed nub ambarakmi kuu nub yaambed ben ambab angka kiradmoon.   
\q1
\v 13 Awodkimbed dana meed yaa mimyob kowimaan kwamune areb kuu,  
\q2 \nd Yarimanbed\nd* ye yaa unimaibdan yaa kangkon mimyob kowimaan.   
\q1
\v 14 Amborom kuu nub kuu komombed ongmenaboon kuu yekaad,  
\q2 nub kuu okad yiridanmo kangkon yekaad kowe.   
\q1
\v 15 Nimakarub kuu kekei, yi dobiri yaron kuu kereek areb aron dukmenmo.  
\q2 Yi kuu kainekorib kirodmo kiomne duknaniib, yi kuu dura angka ye nong wuung areb,   
\q1
\v 16 nuubbed mene wuure araane kokne dowan keremoon areb kii,  
\q2 kwane nong wuung demboon ye okad kuu nong wuung koknoon yaa ma meenimokban.   
\q1
\v 17 Kumban aron korem anuk doboroonbed mene aron korem ambab ari dobaraneen kumaom kuu  
\q2 \nd Yariman\nd* ye womoniyiibban ye mimyob dowaken kuu  
\q1 ye yaa unimaibdan yaa angkimbirimaan.  
\q2 Kwane ye yorokmo kerekmen kangkon yi awoya ari yaa angkimbirimaan,   
\q1
\v 18 kane kanembed amob weng yembed ongmoon kuu awinenib  
\q2 ye kongamki yamob kuyaa meene awinaniib kuu kuye mimyob dowaken kuu yi yaa kwane angkimbaraneen kui.   
\q1
\v 19 \nd Yarimanbed\nd* ye dibere oonimbon kuu Ewen arimbed nowoon,  
\q2 kwane ye oonimbon aom kuu kumkam koremiib.   
\q1
\v 20 \nd Yariman\nd* ye engyus, yiib kuu ye aningko kankoonime,  
\q2 aromkonodan kuu ye kwanime andi ye weng awine kwanimaib,  
\q2 ye weng awine kandimaibdan kui, yiib kuu ye aningko kankoonime.   
\q1
\v 21 \nd Yariman\nd* ye ana nangmidan Ewen ari doriib korem, ye aningko kankoonime,  
\q2 ye demedan kuu ye dowaken yaambed kwane ambangkimaib kui, yiib kuu ye aningko kankoonime.   
\q1
\v 22 \nd Yarimanbed\nd* komo komo ongmenaboon ye kumkam, yiib kuu ye aningko kankoonime,  
\q2 ye oonimbon aom doriibdan kui, ye aningko kankoonime.  
\q1 O ne kingkin, \nd Yariman\nd* yaningko kankoona.   
\c 104  
\cl Yook 104 
\toc1 Buk Yook 
\toc2 Buk Yook 
\q1
\v 1 O ne kingkin, \nd Yariman\nd* yaningko kankoona.  
\q1 O \nd Yariman\nd* ne God, eb kuu darewoob arimbed,  
\q2 kwane eb kuu nambiriyiib dobiri manimanandewiib inwarewen.   
\q1
\v 2 Ebka eb nambirimbed ebkad doboob areb kan dabunewen,  
\q2 kwane ebbed ambid kuu dabua areb kan batangne binge koweneb,   
\b  
\q2
\v 3 ambid ari ye ok arimbed eb dobirimbon kuu arumewen.  
\q1 Ebbed wiib ben eb seriot areb ongmeneb yarebimaab,  
\q2 kwane nuub kan ayari on areb ongmeneb kuye buraab arimbed wan yarebimaab.   
\q1
\v 4 Ebbed nuub kuu ben eb weng benbidan kerundimaab,  
\q2 kwane amot yumbu kuu ben eb demedan kerundimaab.   
\q1
\v 5 Ebbed okad yu ambokab ongmenabewen,  
\q2 kowe kan dewenebinban aron korem.   
\q1
\v 6 Kwanekoreb karamok kuu dabua areb kan okad ari dabunendewen,  
\q2 kowe ok kuu aangko aangko kebeneen.   
\q1
\v 7 Ok yaa ongkandewen kumbed kombiri wuneen,  
\q2 eb nambadbed baandewen kumbed ok kuu wan wenemoon areb wenebeen.   
\q1
\v 8 Ok kuu aangkombon ari korondenu  
\q2 kankubunen yiri dewenenu  
\q2 ebbed ongmenabewen ye yumbon kurimbed wuneen.   
\q1
\v 9 Ebbed karamok wene burudandindeban ye yumbon nongkobewen kowe,  
\q2 ok kuu ikakman okad kumundin dabunaunban.   
\q1
\v 10 Ebbed kirubdem ongmenabaawe ok kuu kankubunen yiri wenenu  
\q2 aangko yara yara kere yiri wenebimaun.   
\q1
\v 11 Ok wenebaune okad yu dingkan korem kuu animaib,  
\q2 donki kiib kangkon ok ane mikmonimaib.   
\q1
\v 12 Ayari onbed ok kaat yaa amiyiib yenbenabenib,  
\q2 at kwari kuu yookiib wingkanabimaib.   
\q1
\v 13 Eb dobirimbon arimbed am yedme kowaawe aangko aangko ari winimaun,  
\q2 kowe eb ambangkanabi yaambed yob iraane okad kubimaun.   
\q1
\v 14 Kereek kuu buromakau yi ani dowad ongmaawe dembimaan,  
\q2 kwane yongbon yeman nimakarub yi ani dowad ongmaawe dembimaun.  
\q1 Okad yirimbed animan yemoon dembimaib,   
\b  
\q2
\v 15 nimakarub ane yi niindem aom kubi ye wain ok ye nong yob dembaune,  
\q1 nimakarub kube murubia kankooni ye olif ambodiib ye at kuu yowiib iraune,  
\q2 aromkono kondi ye flawa ye wiit kuu yowiib irimaan kui.   
\q1
\v 16 \nd Yariman\nd* ye at kuu ok ane mikmonimaib,  
\q2 ambibkin Lebanon yu at sidaa yembed arumenaboon kui.   
\q1
\v 17 Kwari kuu onbed ami yenbenabimaib,  
\q2 kwane on dareb kawanmo kwangkon menebe at feer kwarimbed amiyiib yenbenabimaib.   
\q1
\v 18 Naningkod kiib kuu aangkodem kiibdeb kwarimbed doriib,  
\q2 kwane ba haireks kuu aangko kebed angkambed doriib.   
\q1
\v 19 Ebbed wood ku ongme kowewen kumbed amaroniib yongkonbi yaroniib kimingki yeman kereen,  
\q2 kwane aron yu kubuni kiwaan kuu yukaad.   
\q1
\v 20 Ebbed amnoom ku ongmewen kumbed minimaan,  
\q2 kwane dingkan kiib kuu amnoombed yarebimaib.   
\q1
\v 21 Laiyon kuu aye anem ande komkanabimaib,  
\q2 kwane yi animan onmimaib kuu Godbed bangkandimaan.   
\q1
\v 22 Aron yaro minimaun kuu yi kuu wene bikderebimaib,  
\q2 yi kuu yi angkimbon dem aom ikakman wene dibere unuk dangimaib kui.   
\q1
\v 23 Kwane nimakarub kuu wene yi demembon yaa deme awinaiwe  
\q2 kwane wene oobne miriknimaan.   
\q1
\v 24 O \nd Yariman\nd*, eb ambangkenabi kuu yemoon kai.  
\q2 Eb kuu meeni kangdommombed korem ongmenabewen,  
\q2 kwane okad kwari kuu ongmenabewen ye kumkam kuu yemoonmo muubniwen.   
\q1
\v 25 Karamok kuu yakui, yara yara kuu darewoob ambab,  
\q2 kwane kuri niindem yiri kuu okyiri dingkan yemoon kai, kimingkindeban,  
\q2 dingkan embengiib darewoowiib wad doriib kui.   
\q1
\v 26 Kwane motod kuu kwarimbed dewenebimaib,  
\q2 kwane kumaombed omyere darewoob lewaiyatan kuu ebbed ongmekoreb kaaneewe kuri iningkuk kamimaan.   
\q1
\v 27 Yi korem kuu ebbed animan maondaneewa ananuub manok ande dobirimaib,  
\q2 kwane ebbed aron anam arimbed bangkandimaab.   
\q1
\v 28 Animan bangkandaawa bimaib,  
\q2 kwane dowakeniib keraawa yiminmo kerimaib.   
\q1
\v 29 Eb murubia kan yeknaawa uniwon karakwon kerimaib,  
\q2 yi inum kuu ebka kandaawa yoworenib ikakman okad kerimaib.   
\q1
\v 30 Kumban ebbed eb inum yi yaa kondaawa yi wadkeri kuu andowe dobirimaib,  
\q2 kwane ebbed okad kumundin ongmendaawe yeeb areb ikakman kerimaun.   
\q1
\v 31 \nd Yariman\nd* ye nambiri kuu aron korem kwane angkimborok,  
\q2 \nd Yariman\nd* kuu yembed komo komo ambangkanaboon yaa kubok.   
\q1
\v 32 Yembed okad kumundin wedmendaana yuka kiringmimaun.  
\q2 Yembed aangko aangko yaa angkorondaane amarengiib dembimaan.   
\q1
\v 33 Ne wad dobaraniin yaron korem kuu \nd Yariman\nd* yaa yook wingkimamaniin.  
\q2 Aron komoyiib kwane okad kiri dobaraniin yaron kuu ne God yaningko kankooni yook wingkimamaniin.   
\q1
\v 34 Nembed \nd Yariman\nd* yaa kubimain kuu,  
\q2 ne meeni inamen yaa kuu yembed amun ande kubok.   
\q1
\v 35 Kumban ambarakmenabidan kuu monmare okad kiri kee dowan kerok.  
\q2 Kwane arewa kamenabidan kangkon dowan kerime.  
\q1 O ne kingkin, \nd Yariman\nd* yaningko kankoona.  
\q2 \nd Yariman\nd* yaningko kankoonime.   
\c 105  
\cl Yook 105 
\toc1 Buk Yook 
\toc2 Buk Yook 
\q1
\v 1 \nd Yariman\nd* yaa eso andime, ye aningko yaambed koromone dore baandime.  
\q2 Yembed komo komo kamenaboon kuu ambibkin mimimdan yaa daandime.   
\q1
\v 2 Ye yaa yook wingkime, ye aningko kankooni yook wingkime.  
\q2 Binangke ye yaa anam andi yeman ongmenaboon korem kuu dakmime.   
\q1
\v 3 Ye aningko karadmo yaa kubi darewoob kerime.  
\q2 \nd Yariman\nd* ande onmiibdan, yiib niindem aom kuu kubime.   
\q1
\v 4 \nd Yariman\nd* ande onmenib ye aromkono nub yaa kondok andime.  
\q2 Ye yaa kurikuri kere ye aningko kankoonembirime.   
\q1
\v 5 Binangke ye yaa anam andi yeman ongmenaboon kuyaa kuu ika meenime,  
\q2 kami yeka mamaayiib wengyundi wengiib kuyaa kangkon ika meenime.   
\q1
\v 6 O ye dememan Abraham ye awoya ari,  
\q2 o Yekob ye meed, Godbed kinoondan kui,   
\q1
\v 7 ye kuu \nd Yariman\nd* nub God,  
\q2 ye wengyundi weng kuu okaddan korem yaa angkimbaraneen.   
\q1
\v 8 Yi dowad amob weng ongmoon kuyaa aron korem meenimaan, nonondandaanban,  
\q2 Yembed kwamime andi ye weng yedme kowoon kuyaa meenaneen,  
\q2 nimakarub yaro dobere dobere yaro wananiib 1,000iib yaron doboob kuu,   
\q1
\v 9 Abraham yaa yedme kowoon ye amob weng kui,  
\q2 Aisek yaa kangkon yedme kowoon ye amob weng kui.   
\q1
\v 10 Amaanbed kuye amob weng kuu Yekob yaa ee awinem ande yedmoon,  
\q2 Israel yaa amob weng kee aron korem yeman ande yedmoon kukei,   
\q1
\v 11 “Eb yaa Keenan ambibkin kee nembed kabdaniin,  
\q2 kowe eb ambibkin keranuun.” andoon.   
\q1
\v 12 Kumban Yekob awene kuu yemoonban,  
\q2 yi kuu yemoonban anam, yi kuu ambibkin kumaom doriib kangkon noroddan.   
\q1
\v 13 Yi kuu kwane ambibkin maa kere ambibkin maa kere awerenmo yariwen,  
\q2 oonimbon maa kere oonimbon maa kere yariwen kui.   
\q1
\v 14 God kuu yi yaa karub yenambed dabab wayiraib ande kebenoon,  
\q2 kwane yi dowad king yena ongkande yedmoon,   
\q1
\v 15 “Nembed yi ari oiyo bune kinaandan kee angkorondaib,  
\q2 ne profesidan keyaa ma arewa kamendaib.” andoon.   
\q1
\v 16 Kwane yembed Keenan ambibkin kuyaa am yongkonbi kondoone  
\q2 yi kuu animaniibban keriwen.   
\q1
\v 17 Kwane karub maa kankowoona yedin wonoon,  
\q2 kukuu Yosef, ye kuu ye ayiyambed kan mooniwen, dabderem yiri dobere dememo awinembiri ye karub keri dowad.   
\q1
\v 18 Nenwiniwendanbed ye yon kuu seinbed borokiwen kumbed kubungkabawiib keroone,  
\q2 ye kongkono yaa kangkon seinbed borokiwen.   
\q1
\v 19 Kwane doboroonkob wene yembed komarewa keraneen ande dakmoon kuu anam id keroon,  
\q2 \nd Yarimanbed\nd* ye yaa daanoon ye weng kuu anam id keroon kui.   
\q1
\v 20 Kwane wii aom doreen kuu Idyipdan yi kingbed nen bunangka kowoon,  
\q2 ambibkin maa maa oonoonmanbed nen bunangka kowoone obon keroon kui.   
\q1
\v 21 Kwane kingbed ye kuu nen kowoona ambiwoom doriibdan korem yi korok keroon,  
\q2 kingbed ye kuu nen kowoona king ye yiribman korem oonoon kui.   
\q1
\v 22 Kwane deme konoona ye dowaken yaambed king ye dana meed kedmengkandene,  
\q2 king ye korok korok yaa meeni kangdom kuu kedmengkandoon.   
\q1
\v 23 Amaanbed Israel awene kuu Idyip aom awudiriwen,  
\q2 Yekob ye nimadana yoom kuu Hem okad yiri winiwen kui.   
\q1
\v 24 \nd Yarimanbed\nd* ye nimakarub kuu dana yemoon bangkandoona muubniwen,  
\q2 yi kuu ongmendoona yemoonmo keriwen, Idyipdanbed yi yaa bon keriwendan arebban.   
\q1
\v 25 Bondan kuu yembed ongmendoona ye nimakarub yaa arud wandembirimaib,  
\q2 bondanbed ye demedan yaa wunonwanon kamiwen kui.   
\q1
\v 26 Kwane yembed karub ayoob ben yuroon,  
\q2 ye dememan Moses yoom kinoonman Eeron yoom kui.   
\q1
\v 27 Yi kuu binangke God yaa anam andi yeman ongmenabiwen Idyip aombed,  
\q2 kami yeka mamaa kuu Hem okad aom ongmenabiwen kui.   
\q1
\v 28 Yembed Idyip ambibkin aom kuu kumunmo kerok ande yedme kowoona kumunmo keroon,  
\q2 kumban Idyipdan kuu ye weng yaa wabkad keriwen.   
\q1
\v 29 Yembed yi ok kuu kan amonombe umkan keroone,  
\q2 okyiri oon korem kuu dukniwen.   
\q1
\v 30 Idyipdan yi ambibkin aom kuu kod muubniiwe,  
\q2 yena kuu korok korok yi wadnari angkimbon aom awudiriwen.   
\q1
\v 31 Yembed yedme kowoona wadmung nimingkiwen yemoon menebiiwe  
\q2 kimiring menebe ambibkin kumundin aom muubniwen.   
\q1
\v 32 Yembed ongmoona ambibkin kumundin aom kuu  
\q2 am boyareb yurukmo kiroboone imakiib kamenaboon.   
\q1
\v 33 Yembed Idyipdan yi nong yob yongboniib yedob ayiib monmarene  
\q2 yi ambibkin ye at korem kuu monmaroone kurubkurub keriwen.   
\q1
\v 34 Yembed ed yedme kowoona menebiwen,  
\q2 yi kimingki kuu yiminban.   
\q1
\v 35 Kwane yimbed nong biid at biidiib mongkobon kawiib korem kuu  
\q2 anenib dowan korodkabmo kere winiwen.   
\q1
\v 36 Kwane yembed Idyipdan yi meed wonob dana korem kuu yenbande nongkoboon,  
\q2 kaine amni ye aromkono ibduruk korokbi yeman kuu dukniwen kui.   
\q1
\v 37 Kwanekore Israeldan kuu bin yaro angkane wonoon, yi kuu bot silvaayiib bot goldiib yemoon ben winiwen,  
\q2 kwane yi amyenimbon korem aom kuu karub maa ma komborok andindo.   
\q1
\v 38 Kwane Israeldan winiiwe Idyipdan kuu kubiwen,  
\q2 amborom kuu Israeldan yaa uniwen kowe.   
\q1
\v 39 Godbed wiib kandune aron ye nimin kebeni yeman yi ari kowene  
\q2 amnoom kuu amot yumbuyiib yi ari kondimaan.   
\q1
\v 40 Yimbed kaamoniiwe yembed on yaningko kweil benmonoon,  
\q2 kwane Ewen ari ye om animan bangkandoone ane mikmoniwen.   
\q1
\v 41 Yembed bod dumnad yaambed ok nandaana menebimaun,  
\q2 kwane ok kuu ok awaan areb kere okad koknoon angka wenebimaun.   
\q1
\v 42 Godbed kwamoon amborom kuu ye weng kunduk karadmo yaa ika meenoon kowe,  
\q2 ye dememan Abraham yaa konoon kui.   
\q1
\v 43 Kwane, yembed ye nimakarub kuu amboon aombed ben kubiyiibbed angkadoroon,  
\q2 yembed kinoondan kuu kube baandiyiib ben angkadoroon kui.   
\q1
\v 44 Kwane, yi yaa kuu ambibkin yenadan yi okad kondoon,  
\q2 kowe yi kuu yenambed deme yobdoodiib ambangkiwen ye kumkam ben ooniiwe yiman keroon.   
\q1
\v 45 Kwanoon kuu yembed wongkoon yamob awine kandime andene  
\q2 ye amob ben kongamkime anded.  
\q1 \nd Yariman\nd* yaningko kankoonime!   
\c 106  
\cl Yook 106 
\toc1 Buk Yook 
\toc2 Buk Yook 
\q1
\v 1 \nd Yariman\nd* yaningko kankoonime!  
\q1 \nd Yariman\nd* kuu amunmo kowe, ye yaa eso andem,  
\q2 amborom kuu ye womoniyiibban ye mimyob dowaken kuu aron korem angkimbaraneen kowe.   
\q1
\v 2 \nd Yariman\nd* ye kamenabi aromkonoyiib kuu kanembed dakme yimin keraneen?  
\q2 Ma, ye aningko kankooni ye weng korem kuu kanembed dakmaneen?   
\q1
\v 3 Anammo wengyundimaibdan kuu amun kerundoon,  
\q2 yorokmo dobirimaibdan kangkon amun kerundoon kii.   
\q1
\v 4 O \nd Yariman\nd*, eb nimakarub yaa kubi dowaken keendaneeb kuu ne yaa kangkon ika meene.  
\q2 Ebbed yi kuu arewa yaa burudande bindaneeb kuu ne yaa kangkon awawe.   
\q1
\v 5 Kwananeeb kuu kinewendan yiminmo dobaraniib kuu neyiib keraniin,  
\q2 kwananeeb kuu eb ambibkindan kubaniib kuu neyiib keraniin kii,  
\q2 kwananeeb kuu yumbon kondewendan ewaningko kankoonaniib kuu neyiib keraniin kii.   
\q1
\v 6 Nub kuu nub awoya yiri areb ambarakmuwen,  
\q2 kwane nub kuu wabkad kerenub miin arewa kamenabuwen.   
\q1
\v 7 Nub awoya yiri kuu Idyip aom dobiriwen kuu  
\q2 binangke eb yaa anam andi yeman ongmenabewen kuyaa kuu ma meenindo.  
\q1 Eb amun amun kamenabi yemoon yi yaa kamewen kuu ika meenindo keriwen,  
\q2 kwane yi kuu karamok Dodmo yaambed wabkad keriwen.   
\q1
\v 8 Kumban yembed yi kuu arewa yaa burudande bindoon, ye yirin kowi ye dowad.  
\q2 Ye aromkono darewoob korokbi dowad kwanoon.   
\q1
\v 9 Yembed karamok Dodmo yaa ongkandoone keekne bid kamkono kereen,  
\q2 kwane karamok kuu domokbe angkara angkara keroon kowe yembed yi kuu wedyiri bid koknoon ari ben kinban yanoon.   
\q1
\v 10 Kowe yembed yi yaa arud wandemboroonman yaa kuu burudande bindoon,  
\q2 kwane yembed yi bondan yi dingki dem aom kuu bidde ben angka nongkoboon.   
\q1
\v 11 Kwane yi bondan kuu karamokbed yeene yukneen,  
\q2 karub mimo ma ok ambe bid dorindo.   
\q1
\v 12 Kwanoon kumbed yi kuu ye weng kunduk yaa anam andenib  
\q2 ye aningko kankooni yook wingkiwen.   
\q1
\v 13 Kumban yembed komo kamoon yaa kuu yi kuu kirodmo nonondandiwen,  
\q2 kwane ye dowaken kuu kuna ande kaamonindo, yika inamen ongmenib kwane ambangkiwen.   
\q1
\v 14 Kwane, Idyip ye animan yaa moommo kerenib,  
\q2 amboon angka God yaa komboon kaamobiwen.   
\q1
\v 15 Kowe yimbed komo kaamoniwen kuu kondoon kumban,  
\q2 kwane kuyoom kuu bob anikad arewayiib kan kondoon.   
\q1
\v 16 Yi kuu ambib kombon yenbiwenbon aombed Mosesiib  
\q2 \nd Yariman\nd* ye kurikuri dememo awini ye karub Eeroniib yaa wungkandiwen.   
\q1
\v 17 Kowe okad kuu andokbe mongkod daadenu Detan kuu kan anukmuneen,  
\q2 kwane okadbed Abiram yoom ye yoman winiwendan yoom kuu ben mangkanabeen.   
\q1
\v 18 Yi yoman winiwendan kuu amotbed denoboon,  
\q2 amot yumbumbed arewa kamidan kee dene kubunoon kui.   
\q1
\v 19 Yimbed aangko Sainai angkambed buromakau mana ye kuruwak ongmiwen,  
\q2 kwane kuye dudi god ye kuruwak bot goldbed ongmiwen kuyaa kurikuri keriwen.   
\q1
\v 20 Kowe yi kuu Nambiriyiib Ye God yaa korondenib,  
\q2 buromakau ambi ye kuruwak yaa kurikuri kame kubiwen,  
\q2 kukuu kereek animaan ye dingkanmo kuda.   
\q1
\v 21 Godbed yi kuu arewa yaa burudande bindoon kuned,  
\q2 yi kuu ye yaa nonondandiwen.  
\q1 Ye kuu Idyip yirimbed ambangkanabi dareb dareb ongmenaboonman,   
\b  
\q2
\v 22 ye kuu Hem okad aombed kami yeka mama ongmenaboonman,  
\q2 ye kuu karamok Dodmo yaambed binangke ye yaa anam andi yeman ongmenaboonman kuned ye yaa nonondandiwen.   
\q1
\v 23 Kowe Godbed yi kuu monmaraniin ande yedmoon kumban,  
\q2 yembed kinoonman Mosesbed yaro God dore yi dore wedyiri doberene  
\q2 God ye norinbed yi kuu monmaradamoon kuu kebenande kamoon.   
\q1
\v 24 Amaanbed yi kuu okad amun kuyaa korondenib  
\q2 ye weng kunduk kuyaa anamban andiwen.   
\q1
\v 25 Yi kuu yi ambib kombon aombed mungkubmangkab kamiwen,  
\q2 kwane \nd Yariman\nd* ye weng kuu awine kandindo, korondiwen.   
\q1
\v 26 Kowe yembed ye dingki kankoone weng kamkono yedme kowoon kuu  
\q2 yi kuu amboon angkambed duknaniib kumbedmo andoon.   
\q1
\v 27 Weng ari yedme kowoon kuu yembed yi awoya ari ben buyokbayok kamaneena ambibkin yena angka dobaraniib,  
\q2 bidambib maa maa kuyaa boketawaraneene dobaraniib kui andoon.   
\q1
\v 28 Yi kuu dudi god maa Baal Peor yaa daboknenib,  
\q2 wadkeriyiibban ye dudi god yaa munob koni ye animan aniwen.   
\q1
\v 29 Yimbed kwane arewa kamenabiwen kumbed \nd Yarimanbed\nd* yi yaa norin wandoone,  
\q2 bob anikad miin arewa kuu kan dembe yenbandoon.   
\q1
\v 30 Kumban Finehasbed yaro dorene ambarakmoonman kuu kan wengyundene ukum kerunoona,  
\q2 kuyaambed bob anikad arewa kee Godbed kondoon kuu kebenoon.   
\q1
\v 31 Kwane Godbed Finehas yaa karub yorokmo ande yedmoon,  
\q2 kwane kuye weng kuu nimakarub yaro dobere dobere yaro wananiib korem aom kwane angkimbaraneen.   
\q1
\v 32 Aron maa Israeldanbed ok Meriba yaambed arewa kamiiwe \nd Yarimanbed\nd* arud wandoon,  
\q2 kwane yi arewa kami kumbed dabab kuu Moses yaa monoon,   
\q1
\v 33 amborom kuu yi kuu God ye Kingkin yaa wabkad keriwen kowe,  
\q2 Mosesbed yi yaa kenambunmo dakmoon.   
\q1
\v 34 \nd Yarimanbed\nd* yi yaa yedme kowoon kuu Keenan ambibkin aom doriibdan korem yeene nongkobime andoon kumban,  
\q2 koremban yenamo yenbandiwen.   
\q1
\v 35 Kwane, yi kuu Keenan ambibkin aom doriibdan yaa kan dabokenib,  
\q2 yi amowamob yaa awine kandenib,   
\q1
\v 36 yi kuruwak god yaa kurikuri kame yi aningko kankooniwen kowe,  
\q2 kuye kuruwak god kuu Israeldan yaa kawaad nong awinemoon areb kerundoon.   
\q1
\v 37 Israeldanbed yi karub danayiib nima danayiib kuu  
\q2 yeene kuruwak god, awad arewa kui, yi dingki aom nongkobiwen.   
\q1
\v 38 Yimbed ambarakmindodan ogood yenbandiiwe umkan kubudoroon,  
\q2 yi karub danayiib nima danayiib yi umkan kui.  
\q1 Yimbed yeene Keenandan yi kuruwak god yi dingki aom nongkobiwen kowe,  
\q2 ambibkin kuu umkan kubudoroon kumbed Godbed yi yaa angkurom korokbendi yeman keroon.   
\q1
\v 39 Yimbed kwane kamiwen kumbed yi kangkon Godbed angkurom korokbendi yeman keriwen,  
\q2 yi arewa kamenabi yaambed yi kuu nenemdan areb keriwen.   
\q1
\v 40 Kwana kowe, \nd Yariman\nd* ye norin kuu ye nimakarub yaa denoboon,  
\q2 yumbon kondoondan yaa kuu komyeng areb kerundoon kui.   
\q1
\v 41 Kowe yembed yi kuu ben ambibkin yenadan yi dingki ari nongkoboon kowe,  
\q2 yi yaa kuu arud wandembiridanbed ooniwen.   
\q1
\v 42 Yi yaa kuu yi bondanbed dabab dabab yobdoodmo bangkandiwen,  
\q2 kwane yi kuu yi bondan yi dabderem yirimbed doriib.   
\q1
\v 43 Yembed yi kuu aron yemoonmombed arewa yaa burudande bindimaan,  
\q2 kumban yi kuu wabkad kamembirimaib kowe,  
\q2 ambarakmi dem kongdem yiri kubunimaib.   
\q1
\v 44 Kwanimaib kumban ye yaa baandiiwe wengamboroon kuu  
\q2 yembed yi miin yiminban keriwen kuyaa wedmendoon.   
\q1
\v 45 Kwane amob weng ongmoon kuyaa kuu yi dowad ika meenekore,  
\q2 ye womoniyibban ye mimyob dowaken darewoob yaambed yi yaa ukum kondi kuu korondoon.   
\q1
\v 46 Kwane yembed yi bondan kuu ongmendoona yi bondan kuu yi yaa mimyob kowimaib,  
\q2 kane kanembed Israeldan awingkiwendan kui.   
\q1
\v 47 O \nd Yariman\nd* nub God, nub kuu arewa yaa burudande binde.  
\q2 Nub kuu ambibkin maa maa kumaom doruub kuu ben menebe.  
\q1 Kwananeeb kuu ewaningko karadmo yaa eso andenub,  
\q2 ewaningko kankoone kubi darewoob keranuub.   
\q1
\v 48 \nd Yariman\nd*, Israeldan yi God, ye aningko kankoonem,  
\q2 aron korem anuk doberewenbed mene aron korem ambab ari dobaraneeb kumaom kuu kwane kamem.  
\q1 Nimakarub korem kuu yedmime, “Anam kwanok.” andime.  
\q1 \nd Yariman\nd* yaningko kankoonime.   
\c 107  
\ms1 Buk Angko  
\mr Yook 107-150  
\cl Yook 107 
\toc1 Buk Yook 
\toc2 Buk Yook 
\q1
\v 1 \nd Yariman\nd* kuu amun kowe, ye yaa eso andem,  
\q2 amborom kuu ye womoniyiibban ye mimyob dowaken kuu aron korem angkimbaraneen kowe.   
\q1
\v 2 Ku yedmaan kuu \nd Yarimanbed\nd* biddoondan kuu kwane yedmime,  
\q2 bondan yi dingki dem aombed biddoondan kui.   
\q1
\v 3 Okad maa maa yaambed benmonoondan kui,  
\q2 kangkayiib kaomiib kariyiib kiriyiib yaambed benmonoondan kui.   
\q1
\v 4 Yena kuu amiibban ye amboon angka awerenmo yariwen,  
\q2 kwane siti yaa wini ye kiwaan onmiwen kuned ma wedmindo.   
\q1
\v 5 Yi kuu mungiyiib ok moomiib kumbed  
\q2 duknok andiwen.   
\q1
\v 6 Kwane yi kuu dabab kandiwen ye dowad \nd Yariman\nd* yaa baandiwen,  
\q2 kowe yembed yi miin yiminban keriwen yaa kuu awandoon.   
\q1
\v 7 Ye kangkon yi kuu ben kiwaan yorokmo arimbed  
\q2 kinban wenene siti yaa nandoon.   
\q1
\v 8 Yi kuu \nd Yariman\nd* ye womoniyiibban ye mimyob dowaken ye dowad ye yaa eso andime,  
\q2 kwane binangke ye yaa anam andi yeman ongmenaboon ye dowad kangkon eso andime.   
\q1
\v 9 Amborom kuu kane kane yi kuu moom bobniwen kuu bangkandoone ane mikmoniwen,  
\q2 kwane kane kane yi kuu mungi bobniwen kuu animan amun bangkandoone yiminmo keriwen kowe.   
\q1
\v 10 Yena kuu kumun aombed dobiriwen, kumun doromod bobnin aom kui,  
\q2 yi kuu wiidan, seinbed yerengki ye durud yewediib dobiriwen kui.   
\q1
\v 11 Amborom kuu yi kuu anukbed God ye weng yaa wabkad kerenib,  
\q2 Korem Burudandoon Arimbed ye God ye ongkandi yaa wunekariwen kowe.   
\q1
\v 12 Kwana kowe, yembed yi kuu ben deme yobdoodmo yaa kiraroon,  
\q2 kwane yi kuu komborok andiwen kuu yi kuu awandi ye karuwiibban.   
\q1
\v 13 Kwanekorib dabab kandiwen ye dowad \nd Yariman\nd* yaa baandiwen,  
\q2 kowe yembed yi miin yiminban keriwen yaa kuu awandoon.   
\q1
\v 14 Kwane yembed kumun doromod bobnin aom kuu yi ben angkaderene,  
\q2 yi yaa sein yerengkoon kuu buruwadmoon.   
\q1
\v 15 Yi kuu \nd Yariman\nd* ye womoniyiibban ye mimyob dowaken ye dowad ye yaa eso andime,  
\q2 kwane binangke ye yaa anam andi yeman ongmenaboon ye dowad kangkon eso andime.   
\q1
\v 16 Amborom kuu yembed wii ambongko broonsbed ongmiwen kuu wowe monmarene,  
\q2 yerengki yeman awurimbed ongmiwen kuu nare kiradmoon kowe.   
\q1
\v 17 Yena kuu yika wabkad keri ye inamen yaambed inameniibbandan kerenib,  
\q2 ambarakmenabiwen kumbed durud yewed kandiwen.   
\q1
\v 18 Kwane yi kuu animan korem yaa komyeng areb kerundekorib,  
\q2 bobni ambongko yaa winiwen.   
\q1
\v 19 Kwanekorib dabab kandiwen ye dowad \nd Yariman\nd* yaa baandiwen,  
\q2 kowe yembed yi miin yiminban keriwen yaa kuu awandoon.   
\q1
\v 20 Kwane yembed weng kowoon kumbed yi kuu ongmendoon,  
\q2 kwane yika monmari ye inamen yaa kuu burudande bindoon.   
\q1
\v 21 Yi kuu \nd Yariman\nd* ye womoniyiibban ye mimyob dowaken ye dowad ye yaa eso andime,  
\q2 kwane binangke ye yaa anam andi yeman ongmenaboon ye dowad kangkon eso andime.   
\q1
\v 22 Yi kuu munob konemoon areb ye yaa eso andime,  
\q2 kwane ye ambangkanabi kuu dakme kubi yookbed wingkime.   
\q1
\v 23 Yena kuu motod aombed karamok ari winiwen,  
\q2 yi kuu ok darewoob ari dewenenib berengke moonidan keriwen kui.   
\q1
\v 24 Yi kuu \nd Yariman\nd* ye ambangkanabi wedmiwen,  
\q2 binangke ye yaa anam andi yeman karamok niindem yiri ongmenaboon kui.   
\q1
\v 25 Amborom kuu yembed yedmoone nuuwa ama arewa kamene  
\q2 oknondok darewoob ambab ari ben daanebeen kowe.   
\q1
\v 26 Oknondokbed yi kuu kan ambid ari daanekoru kan niindem yiri kubunekoru kameen,  
\q2 kwane arud darewoob aom aomniwen kumbed aromkonoyiibban dubendebenmo keriwen.   
\q1
\v 27 Kwane yi kuu awarak yimaundan areb kanwene kudore kudore kamenib,  
\q2 inamen amun kandindeban keriwen.   
\q1
\v 28 Kwanekorib dabab kandiwen ye dowad \nd Yariman\nd* yaa baandiwen,  
\q2 kowe yembed yi miin yiminban keriwen yaa kuu ben angka nongkoboon.   
\q1
\v 29 Yembed nuuwa ama yaa yedmoone dowan keroon,  
\q2 kowe karamok yu oknondok kuu kan kubune yewenub kereen.   
\q1
\v 30 Yewenub keruune yi kuu kubiwen,  
\q2 kwane yembed ben kinban wene yimbed wirinande meeniwen yaa be monoon.   
\q1
\v 31 Yi kuu \nd Yariman\nd* ye womoniyiibban ye mimyob dowaken ye dowad ye yaa eso andime,  
\q2 kwane binangke ye yaa anam andi yeman ongmenaboon ye dowad kangkon eso andime.   
\q1
\v 32 Kwane yi kuu nimakarub nedbimaib aombed ye aningko kankoonenib,  
\q2 aamkono aamkono nedbimaib aombed ye aningko kankoonime.   
\q1
\v 33 Yembed ok awaan kuu amonomboone koknoonbon okad keruune,  
\q2 kirubdem menebenaun ye okad kuu kebenoone okad kamkonombonmo keruune,   
\q1
\v 34 yob irimaan ye okad kuu amonomboone kab kainindeban ye okad kereen,  
\q2 amborom kuu kuyaa doriibdan kuu miin arewa kamenabimaib kowe.   
\q1
\v 35 Angkon amaan yembed amaan koknoonbon okad kuu amonomboone ok bumbon ye okad keruune,  
\q2 okad kamkonobonmo kuu amonomboone kirubdem menebenaun ye okad keruune,   
\q1
\v 36 mungi bobniwendan kuu kuyaa ben monoone,  
\q2 yimbed siti yenbekorib dobiriwen.   
\q1
\v 37 Yi kuu mongkobon ongmekorib nong yob kab kibingkiiwe  
\q2 yob yemoonmo ire wonoone wandiwen.   
\q1
\v 38 Yembed yi yaa amun kerundoone yemoon ariyiib yidwaroon,  
\q2 kwane yi dingkan amongkob kangkon ma domondoona nombere yiri kubunindo yemoon ariyiib keriwen.   
\q1
\v 39 Amaanbed yi kuu nombere kamene yiri keroon,  
\q2 kwane dabab wayiriyiib miin yiminban keriyiib mimyob wandiyiib kumbed kan kubune yirimbed keriwen.   
\q1
\v 40 Yembed yi korok korok yi dowad miin arewa ande ambodiibban kerundekore,  
\q2 kiwaaniibban ye amboon yaa ben nongkoboone awerenmo yariwen.   
\q1
\v 41 Kumban yembed nub yaa awandok andidan kuu yi yaa dabab angkeen yaa benkoobekore,  
\q2 yi nimadana kuu ongmendoone sibi wad yemoon areb yemoon ariyiib keriwen.   
\q1
\v 42 Kangdommo dobiridan kuu kuyaa wedmekorib kubiwen,  
\q2 kumban arewa kamenabidan kuu mungkod karangkiwen.   
\q1
\v 43 Kanembed ye kuu meeni kangdomiib keroka weng anuk angkeen kuyaa kaadkerok.  
\q2 Kwane ye kuu \nd Yariman\nd* ye womoniyiibban ye mimyob dowaken kerekmen yaa meenok.   
\c 108  
\cl Yook 108 
\toc1 Buk Yook 
\toc2 Buk Yook 
\d Yook, God yaningko kankooni ye yook Dewidbed wongkoon.  
\q1
\v 1 O God, ne niindem aom kuu kiringmiyiibban kangdommo,  
\q2 ne kuu ne inamen koremiibbed wangke yook wingkaniin.   
\q1
\v 2 Haawiib laiyayiib, yiib kuu dembime!  
\q2 Yiiwiib wangke wingkeni aron kakmendaniine awawini nambere wananuun.   
\q1
\v 3 O \nd Yariman\nd*, ne kuu ambibkin korem aombed eb yaa eso andaniin,  
\q2 kwane ne kuu ambibkin maa maadan aombed ewaningko kankooni ye yook wingkaniin.   
\q1
\v 4 Eb womoniyiibban ye mimyob dowaken kuu miin darewoob, kukuu okad yirimbed kawene Ewen aom nandi ye kwane ambab arebban.  
\q2 Eb ma korondiyiibban weng awini ye kerekmen kuu daane ambid aom nandoon.   
\q1
\v 5 O God, Ewen burudande ewaningko ariyiib kerok.  
\q2 Eb nambiri kuu okad kumundin ari kerok.   
\q1
\v 6 Eb dingki wiwimbed nub kuu arewa yaa burudande binde awande.  
\q2 Kwananeeb kumbed mimyob dowaken keendewendan kuu ben angka nongkobaneeb.   
\q1
\v 7 God kuu ye karadmombon aombed yedmoon,  
\q2 “Nembed ne bondan burudande doreni okad Sekem kuu ne nimakarub yaa numbere kondaniin,  
\q2 kwane Sukot dabon yiri kwangkon nekwane kumunkingkaniin, numbere kondi dowad.   
\q1
\v 8 Gilead kuu neman, Manase kwangkon neman,  
\q2 Efraim kuu ne topi kamkono,  
\q2 Yuda kuu ne king yaromkono yobdoodmo ooni yeman.   
\q1
\v 9 Moab kuu ne dingki oki yeman ye kobukmo yabad.  
\q2 Idom ari kuu ne yonkad kiraraan.  
\q2 Filistia ari kuu nembed burudande doraan kumbed komkaan.” andoon.   
\q1
\v 10 Kanembed ne nen siti bot kuukiib aom aomnaneen?  
\q2 Kanembed ne nen ambibkin Idom aom wananeen?   
\q1
\v 11 O God, ebbedmo yimin. Eb komande nub wunekarundewen?  
\q2 O God, eb komoyiibkob nub ana nangmidan yoom wanaibban?   
\q1
\v 12 Nub bondan yaa nangmi dowad nub awande,  
\q2 amborom kuu karub ye aromkono awandaniiwe nangmanuub kuu korem yiminban kowe.   
\q1
\v 13 Nub kuu Godiib kumbed burudande doranuub,  
\q2 kwane yembed nub bondan ari dorene ben kubunaneen.   
\c 109  
\cl Yook 109 
\toc1 Buk Yook 
\toc2 Buk Yook 
\d Yook ambo bi ye karub yeman. God yaningko kankooni ye yook Dewidbed wongkoon.  
\q1
\v 1 O God, eb kuu nembed ewaningko kankoonimainman,  
\q2 iwari keraab,   
\q1
\v 2 amborom kuu arewa kamenabe birandimaibdan kuu  
\q2 ne yaa daawimaib,  
\q2 yimbed ne dowad dudi wengbed dakmiwen kui.   
\q1
\v 3 Ne yaa arud wandembiri wengbed ne kanawanewandiwen,  
\q2 kwane ne kuu yi yaa ma arewa kamindo kumbed yimbed nimaib.   
\q1
\v 4 Ne kuu yi yaa mimyob dowaken keendaan kumban yi kuu amonombe nembedmo arewa anduwiwen,  
\q2 kumban ne kuu kurikuri kamendi ye karub.   
\q1
\v 5 Ne kuu yi yaa amun amun kamaine inanduwe arewa kamimaib,  
\q2 kwane mimyob dowaken keendaan ye dowad arud wandembiriwen.   
\q1
\v 6 Arewaman maa kine nendebko ne bonman yaa manmo kerunok,  
\q2 kwane ambarakmoon kii ande dedmonde yedmendi ye karub nenmenebko ne bonman ye dingki wiwi angka doborok.   
\q1
\v 7 Ne bonman kuu wengyunde wedmibko anam ambarakmoon kerok.  
\q2 Kwane ye kurikuri kami kumbed amonombe ambarakmi yeman kerok.   
\q1
\v 8 Ye weeb kuu yemoonban kerok,  
\q2 kwane ye korok keri ye yumbon kandoon kuu karub maambed kandok.   
\q1
\v 9 Ye dana meed kuu awodkiyiibban kerime,  
\q2 kwane ye wonong kuu irib keruk.   
\q1
\v 10 Ye meed kuu kirinwanmo yare eekmenabidan kerime,  
\q2 kwane yi ambib arewa kereen kuyaom kuu koronde ben angka kirarime.   
\q1
\v 11 Ye dungkumiib angkeen ye karubbed ye yiribman korem bok,  
\q2 kwane yembed ambangkoon ye yiribman kuu noroddanbed dorebunbe bime.   
\q1
\v 12 Ye yaa mimyob dowaken keeni ye karuwiibban kerok,  
\q2 kwane ye meed ari awodkiyiibban keraniib kuyaa kuu mimyob keendi ye karuwiibban kerok.   
\q1
\v 13 Ye awoya ari kuu nare dowan kerok,  
\q2 kwane yi aningko kuu are dowan kerok, amaan ari dobaraniibdan kuu yi yaa nonondandundime.   
\q1
\v 14 Ye ambeya yi arewa kamenabi kuu \nd Yariman\nd* yarinambo arimbed kwane angkimborok,  
\q2 kwane ye ena yu ambarakmi kuu are dankaraib.   
\q1
\v 15 Kwane yi ambarakmi kuu aron korem \nd Yariman\nd* ye murubia ari angkimborok,  
\q2 kwananeen kuu yembed okaddan yaambed yi meenmi yeman kuu nare dowan keraneen.   
\q1
\v 16 Amborom kuu kuye karub kuu ma kubende amun kamande meenindo,  
\q2 kwane kamboknondaniib awandok andidaniib miin yiminban keriwendaniib kuu  
\q2 yembed yi yaa duknime ande yenbandimaan.   
\q1
\v 17 Ye dowaken darewoob kuu butun wengmo dakmembiri kowe,  
\q2 kuye butun kuu ikakman ye yaa menebok.  
\q1 Amun kerundi kuu ye dowakenban kowe,  
\q2 amun keruni kuu ye yaa ambab kerok.   
\q1
\v 18 Ye kuu aronki mimim korem ebkad derenimaan areb butun kamimaan,  
\q2 kwane aron yemoon ok animaan areb butun kamenabi kuu ye inamen aom aomderebimaan,  
\q2 kwane aron yemoon animan kowiib ane aromnimaan areb butun kami yaa meeni dowaken darewoowiib kerimaan.   
\q1
\v 19 Kowe kuye butun kuu ebkad doboob ye ari dabunemoon areb kerok,  
\q2 kwane kuye butun kuu kobaiknong boronemoon areb keremborok.   
\q1
\v 20 Ne yaa ambarakmoon kii ande dedmowe yedmewidan yaa kuu weng anuk angkeen kuu \nd Yarimanbed\nd* kwane kamok,  
\q2 ne yaa weng arewa daawimaibdan yaa kui.   
\q1
\v 21 Kumban, o \nd Yariman\nd* Ambengkan, eb yirin kowi dowad ne yaa kuu amun amun kame.  
\q2 Eb womoniyiibban ye mimyob dowaken kuu amun kowe, ne kuu arewa yaa burudande nende.   
\q1
\v 22 Amborom kuu ne kuu kamboknon kere awawe ande kamaan,  
\q2 kwane ne niindem aom kuu durud yewed kandaan.   
\q1
\v 23 Ne kuu oobneya ye kuruwak wene biknemoon areb kubuniibban keraan,  
\q2 kwane ne kuu ed yaa nuubbed wuure kankaremoon areb keraan.   
\q1
\v 24 Ne kuu animan koronde eb yaa kurikuri kerimain kumbed ne dangbo kuu wud kereni,  
\q2 ne id kuu kad kombere konokonomo keraan.   
\q1
\v 25 Ne kuu ne yaa ambarakmoon kii ande dedmowe yedmewidan yi damangkawimbon keraan,  
\q2 kwane yi kuu wedmewimaib kuu yi korok wamburukme damangkawimaib.   
\q1
\v 26 O \nd Yariman\nd* ne God, ne awawe.  
\q2 Ebka eb womoniyiibban ye mimyob dowaken kerekmen yaambed ne kuu arewa yaa burudande nende.   
\q1
\v 27 Kwane, eb dingkimbed ne dowad kwane ambangkaneeb ye yoman kuu yi yaa korokbendebko yikaadkerime,  
\q2 kukuu, o \nd Yariman\nd*, ebbed ne dowad kamaneeb kuu wedmaniib kui.   
\q1
\v 28 Yi kuu butun kamaniib kumban ebbed amun keruwaneeb.  
\q2 Yimbed nenbandaniib kuu yi yaa karak kondaneeb kumban,  
\q2 eb dememan ne kuu kubaniin.   
\q1
\v 29 Ne yaa ambarakmoon kii ande dedmowe yedmewidan kuu aningko arewayiib kerok,  
\q2 kwane yi yaa kuu karakbed ebkad doboob areb kan derene bedmok.   
\q1
\v 30 Ne mongkodkonombed \nd Yariman\nd* yaa eso darewoob andunaniin,  
\q2 kwane kadaareb yemoon kidangkambed ye aningko kankoonaniin.   
\q1
\v 31 Amborom kuu ye kuu awawime andi ye karub ye dingki wiwi angka doberene awanenimaan,  
\q2 ye yaa wengyunde bobni yeman andimaibdan yi dingki aom kuu burudande nendi dowad.   
\c 110  
\cl Yook 110 
\toc1 Buk Yook 
\toc2 Buk Yook 
\d God yaningko kankooni ye yook Dewidbed wongkoon.  
\q1
\v 1 \nd Yarimanbed\nd* ne Yariman yaa yedmoon,  
\q2 “Ne wiwi angkambed dibereewo,  
\q1 nembed eb bondan korem kuu  
\q2 ben eb yondad dabderem yiri kiriba.” andoon.   
\q1
\v 2 Eb ooni yaromkono kuu \nd Yarimanbed\nd* aangko Saiyon yaambed aromkono ariyiib daboknaneen,  
\q2 kwane yembed yedmaneen, “Ebbed eb bondan aom kuu ebbed oonaneeb.” andaneen.   
\q1
\v 3 Eb aromkono kuu nambiri karadmoyiib korokbaneen yaron ari kuu  
\q2 eb nimakarub kuu nindorokiibbed eb yoman wananiib.  
\q1 Amkimo ye nirok areb  
\q2 eb kewed yemooniib ewiib yaa mananiib.   
\q1
\v 4 \nd Yarimanbed\nd* ye inamen ma amonombaanban ye weng yedme kowoon,  
\q1 “Eb kuu Melkisedekbed God dore nimakarub dore wedyiri dobiri ye karub keroon areb kwane  
\q2 God dore nimakarub dore wedyiri dobiri ye karub aron korem dowad kerewen kii.” andoon.   
\q1
\v 5 Yariman kuu eb dingki wiwi angka doreen,  
\q2 kwane ye norin aron arimbed kingdan kuu beengke monmaraneen.   
\q1
\v 6 Yembed ambibkin mimimdan kuu wengyundenekore  
\q2 yenbande nongkobe wenore mim arimo keraneen,  
\q2 kwane yembed okad yiri ye korok korem kuu beengke monmaraneen.   
\q1
\v 7 Ye kuu kiwaan kebed angka ok manambed ananeen,  
\q2 kwana kowe, ye korok kuu ari kankoonaneen.   
\c 111  
\cl Yook 111 
\toc1 Buk Yook 
\toc2 Buk Yook 
\q1
\v 1 \nd Yarimanbed\nd* ye aningko kankoonime.  
\q1 Ne kuu ne niindem aom kumundin kumbed \nd Yariman\nd* yaa eso andaniin,  
\q2 kangdommo doriibdan nedbimaib aombed.   
\q1
\v 2 \nd Yariman\nd* ye ambangkanabi kuu darewoob arimbed,  
\q2 ye ambangkanabi yaa dowakeniib keriwendan kuu kuyaa andangke meendobimaib.   
\q1
\v 3 Ye kamenabi kuu nambiriyiib manimanandewiib,  
\q2 kwane ye yorokmo kerekmen kuu aron korem kwane angkimbaraneen.   
\q1
\v 4 Binangke ye yaa anam andi yeman ongmenaboon kuu nub yaa daandaane meenimaub, nonondandaubban.  
\q2 \nd Yariman\nd* kuu kabamoon kondoon ye mimyob dowaken keendi ye God,  
\q2 ye kuu nub yaa dabab menebaane mimyob kowi ye God.   
\q1
\v 5 Ye yaa unimaibdan yaa kuu yembed animan bangkandimaan,  
\q2 kwane yembed amob weng ongmoon kuyaa kuu aron korem meenembirimaan.   
\q1
\v 6 Yembed ye nimakarub yaa ye ambangkanabi yaromkono kuu korokbendoon,  
\q2 ambibkin yenadan yi okad kuu kande yi yaa kondoon kowe.   
\q1
\v 7 Ye dingkimbed ambangkanabi kuu anammo, yi kuu yorokmo,  
\q2 kwane ye kongamki yamob kuu angkumone dobiri yeman.   
\q1
\v 8 Yi kuu aron korem kwane dangembaraneen,  
\q2 yi kuu anamiibbed awinimaib, yi kuu yorokmoyiibbed awinimaib.   
\q1
\v 9 Yembed ye nimakarub biddi ye kiwaan ongmoon,  
\q2 kwane ye amob weng ongmoon kuu aron korem yeman yedme kowoon.  
\q2 Ye aningko kuu karadmo, ye aningko kuu binangke ye kuu darewoob arimbed andi yeman.   
\q1
\v 10 \nd Yariman\nd* yaa uneni kuu meeni kangdom ye ambokab,  
\q2 kwane kane kanembed ye kongamki yamob awinimaib kuu yi korem kuu inamen kaadkeri amun kandiwen.  
\q2 Ye yaningko kankooni kerekmen kuu aron korem kwane angkimbaraneen.   
\c 112  
\cl Yook 112 
\toc1 Buk Yook 
\toc2 Buk Yook 
\q1
\v 1 \nd Yariman\nd* ye aningko kankoonime.  
\q1 Karub kanembed \nd Yariman\nd* yaa unimaan kuu \nd Yarimanbed\nd* amun kerunoon,  
\q2 kwane karub kane kuu \nd Yarimanbed\nd* kwanime andi ye weng yaa dowaken darewoob keroon kuu \nd Yarimanbed\nd* amun kerunoon.   
\q1
\v 2 Kuye karub ye dana meed kuu okad yiri kuu aromkono darewoobdan keraniib,  
\q2 kwane ye ayowa ari kuu kangdommo dobaraniiwe amun kerundaneen.   
\q1
\v 3 Odamoda yiribman yemoona kuu ye ambiwoom dangoon,  
\q2 kwane ye yorokmo kerekmen kuu aron korem kwane angkimbaraneen.   
\q1
\v 4 Kuye karub kuu kangdommo doriibdan yi dowad kumun aombed namberemoon areb keroon,  
\q2 kwane ye kuu kabamoon kondoon ye mimyob dowaken keendene yena yi dabab yaa mimyob keendene yorokmo dobirimaan ye karub.   
\q1
\v 5 Karub kanembed kubiyiib od darewoob kondene nindorokiibbed od araben kondimaan kuu amunmo dobaraneen,  
\q2 yorokmo kerekmen yaambed deme awinimaan ye karub kui.   
\q1
\v 6 Amborom kuu ye kuu ma kan kiringmaanban kowe.  
\q2 Yorokmo ye karub kuu Godbed aron korem meenenaneen nonondandunaanban.   
\q1
\v 7 Ye kuu weng yuk arewa yaa kuu ma unaanban,  
\q2 kwane ye niindem aom kuu kiringmiyiibban kangdommo,  
\q2 \nd Yariman\nd* yaamo angkumone doreen.   
\q1
\v 8 Ye inamen kuu karub maambed ma nen kimyen wanaanban, ye kuu unaanban,  
\q2 yeenbon arimbed yembed ye bondan burudande doraneen.   
\q1
\v 9 Yembed nindorokiibbed kamboknondan yaa munob bangkandimaan,  
\q2 kwane ye yorokmo kerekmen kuu aron korem kwane angkimbaraneen,  
\q2 kwane ye kuu aningko darewoob arimbed kankoonaniib.   
\q1
\v 10 Kwane, arewa kamenabi ye karub kuu wedmenekore noriniib keraneen,  
\q2 kwane ye kuu ningkambo kabang kamene miin yiminban keraneen.  
\q2 Arewa kamenabidan yi meeni dowakeniib kuu idiibban keraneen dowan.   
\c 113  
\cl Yook 113 
\toc1 Buk Yook 
\toc2 Buk Yook 
\q1
\v 1 \nd Yariman\nd* ye aningko kankoonime.  
\q1 O \nd Yariman\nd* ye demedan, ye aningko kankoonime.  
\q2 \nd Yariman\nd* ye aningko kankoonime.   
\q1
\v 2 \nd Yariman\nd* ye aningko kuu amun kerundok,  
\q2 kibikiib aron koremiib.   
\q1
\v 3 Aron yaro minimaun angkambed wene aron kubunimaun kuye okad aombed  
\q2 \nd Yariman\nd* ye aningko kuu kankooni yeman.   
\q1
\v 4 \nd Yariman\nd* kuu ambibkin koremdan yaa kuu yembedmo darewoob arimbed.  
\q2 Ye nambiri kuu Ewen burudande darewoob arimbed keroon.   
\q1
\v 5 Kane kuu \nd Yariman\nd* nub God areb? Dowan.  
\q2 Ye kuu miin ambab arimbed dibere oonoonman.   
\q1
\v 6 Ye kuu dibere nikbe kan yiri kerene  
\q2 Eweniib okadiib yaa kerendombirimaan ye karub.   
\q1
\v 7 Yembed kamboknondan okad ingkud yiri dangiwen kuu benkoobimaan,  
\q2 kwane yembed nub yaa awandok andidan kuu yi yaa dabab angkeen yaa benkoobimaan.   
\q1
\v 8 Yi kuu ongmaane king ye karub dana meed yoom dibirimaib,  
\q2 yi ambibkin mimodan yi korok korok yoom dibirimaib kui.   
\q1
\v 9 Yembed nima kurong kuu ongmaane  
\q2 danayiib kere kubenib yi ambiwoom dobirimaib.  
\q1 \nd Yariman\nd* ye aningko kankoonime.   
\c 114  
\cl Yook 114 
\toc1 Buk Yook 
\toc2 Buk Yook 
\q1
\v 1 Israeldan Idyip aombed angkane winiwen yaron,  
\q2 Yekob ye awoya ari kuu yikaadban ye weng maa dakmimaibdan yaambed yaro winiwen yaron kui,   
\q1
\v 2 kuyaron kuu Yudadan kuu ye karadmodan keriiwe,  
\q2 Israeldan kuu ye nimakarub keriwen.   
\q1
\v 3 Karamok kuu wedmekoru kombere wuneen,  
\q2 kwane ok Yooden kuu yinmone ika daaneen,   
\q1
\v 4 kwane aangko aangko kuu sibi ambi areb korongbere nadmiwen,  
\q2 kwane koodbon koodbon kuu sibi mana areb korongbere nadmiwen.   
\q1
\v 5 O karamok, komoyiibkob kombere weneeb?  
\q2 O Yooden, komoyiibkob yinmone ika daaneeb?   
\q1
\v 6 O aangko aangko, komoyiibkob sibi ambi areb korongbere nadmiib?  
\q2 O koodbon koodbon, komoyiibkob sibi mana areb korongbere nadmiib?   
\q1
\v 7 O okad kumundin, Yariman ye arinambo arimbed kiringme,  
\q2 Yekob ye God ye arinambo arimbed kui.   
\q1
\v 8 Yembed dumnadbon kuu amonomboone ok bumbon kereen,  
\q2 kwane dumnad kamkonombon kuu amonomboone ok kirubdem yemoon ye okad kereen.   
\c 115  
\cl Yook 115 
\toc1 Buk Yook 
\toc2 Buk Yook 
\q1
\v 1 O \nd Yariman\nd*, nub yaamban,  
\q2 ewaningko yaamo kuu nambiri kabdi yeman,  
\q2 amborom kuu eb womoniyiibban ye mimyob dowakeniib ma korondiyiibban weng awiniyiib bangkandimaab kowe.   
\q1
\v 2 Ambibkin koremdan kuu komande nub dowad kwane kaamondimaib,  
\q2 “Yi God kuu kuna?” andimaib?   
\q1
\v 3 Kumban nub God kuu Ewen arimbed dibeen,  
\q2 kwane ye dowaken kunaya angkeen kuu kwamunemo ambangkimaan.   
\q1
\v 4 Kumban yi god kuu kuruwakmo, bot silvaayiib goldiib  
\q2 karub yi dingkimbed ongmenabiwenmo.   
\q1
\v 5 Yi kuu mongkodkonoyiib kumban dakmindeban,  
\q2 kwane yi kuu indowiib kumban wedmindeban,   
\q1
\v 6 kwane yi kuu kerendemiib kumban wengambirindeban,  
\q2 kwane yi kuu kiringkonoyiib kumban kuwindeban,   
\q1
\v 7 kwane yi kuu dingkiyiib kumban badmene kaadkerindeban,  
\q2 kwane yi kuu yoniib kumban yarindeban,  
\q2 kwane yi kuu yi kiwadkok weng wandindeban.   
\q1
\v 8 Kane kanembed kuruwak god ongmenabimaib kuu kuruwak god kuyareb keraniib,  
\q2 kane kanembed kuruwak god yaa angkumone dobirimaib kangkon kuruwak god kuyareb keraniib.   
\q1
\v 9 O Israeldan, \nd Yariman\nd* yaambed angkumone dobirime,  
\q2 yembed yiib kuu awandene dorondarimaan kowe.   
\q1
\v 10 O Eeron ye awoya ari, \nd Yariman\nd* yaambed angkumone dobirime,  
\q2 yembed yiib kuu awandene dorondarimaan kowe.   
\q1
\v 11 \nd Yariman\nd* yaa unimaibdan, \nd Yariman\nd* yaambed angkumone dobirime,  
\q2 yembed yiib kuu awandene dorondarimaan kowe.   
\q1
\v 12 \nd Yariman\nd* kuu nub yaa meenendimaan, kwane nub yaa amun kerundaneen.  
\q2 Yembed Israeldan yaa amun kerundaneen.  
\q2 Yembed Eeron ye awoya ari yaa amun kerundaneen.   
\q1
\v 13 Aningkoyiibbandaniib aningko darewoowiibdaniib, kaneyambed \nd Yariman\nd* yaa unimaib kuu  
\q2 yembed yiib yaa amun kerundaneen.   
\q1
\v 14 Yiib yaa kuu \nd Yarimanbed\nd*  
\q2 danaya yemooniib awoya yemooniib bangkandok.   
\q1
\v 15 Yiib kuu \nd Yarimanbed\nd* amun kerundok,  
\q2 Eweniib okadiib ongmenaboonman, yembed kui.   
\q1
\v 16 Ewen kuu \nd Yariman\nd* yeman,  
\q2 kumban okad kumundin kuu nimakarub yaa kondoon.   
\q1
\v 17 Dukniwendan kuu \nd Yariman\nd* yaningko kankoonimokban,  
\q2 iwarimo kere dangiwendan kui.   
\q1
\v 18 Kukuu nubbed \nd Yariman\nd* yaningko kuu kankoonimaub,  
\q2 kibikiib aron koremiib.  
\q1 \nd Yariman\nd* ye aningko kankoonime.   
\c 116  
\cl Yook 116 
\toc1 Buk Yook 
\toc2 Buk Yook 
\q1
\v 1 Nembed \nd Yariman\nd* yaa mimyob dowaken keenaan,  
\q2 amborom kuu ne wengiib awawe ande baandiyiib kuu wengamboroon kowe.   
\q1
\v 2 Yembed ye kerendem kuu ne yaa wengambarande kowimaan kowe,  
\q2 ne wad kee doriin yaron kuu ye yaa baandimamaniin.   
\q1
\v 3 Bobni ye kibin abakbed ne kuu yerengkoon,  
\q2 kwane bobkonombon yiri kubuni ye uniwon karakwon kuu ne yaa meneboon,  
\q2 kowe ne kuu miin yiminban kereni mimyob darewoob wandaan.   
\q1
\v 4 Kwamune kerekori, \nd Yariman\nd* yaningko yaa kowe baandaan,  
\q2 “O \nd Yariman\nd*, ne kuu kuyaa burudande nende!” andaan.   
\q1
\v 5 \nd Yariman\nd* kuu kabamoon kondoon ye mimyob dowaken keendi ye God,  
\q2 ye kuu yorokmo dobiri ye God,  
\q2 nub God kuu mimyob keendimaan.   
\q1
\v 6 \nd Yarimanbed\nd* mengmengiibban iwari doriibdan yaa kuu awande dorondarimaan,  
\q2 ne kuu dababbed kankubune yirimo keroon kuu yembed ne nen angka kowoon.   
\q1
\v 7 O ne kingkin, meeni darewoob keroon kuu koronde iwari kerok,  
\q2 amborom kuu \nd Yarimanbed\nd* amun kamewoon kowe.   
\q1
\v 8 O \nd Yariman\nd*, ebbed ne kuu bobni yaa burudande nendewen,  
\q2 kwane ne kuu ongmeewe ne inok wi kuu dowan keroon,  
\q2 kwane ne kuu awaweewe komborok andindo.   
\q1
\v 9 Ne kuu wad dobiridan yi ambibkin aom doriin kuu  
\q2 \nd Yariman\nd* ye arinambo ari amunmo dobiri ye kiwaan ari dodkanmo yarebaniin.   
\q1
\v 10 Nembed anam ande yedmaan kuu  
\q2 “Ne kuu dabab darewoowiib kii.” andaan.   
\q1
\v 11 Ne kuu binangke uniyiib keraan kumbed yedmaan,  
\q2 “Karub korem kuu dudanabidanmo kii.” andaan.   
\q1
\v 12 \nd Yarimanbed\nd* ne yaa amun amun kamembirimaan kuyaa kuu  
\q2 nembed komo inande konaniin?   
\q1
\v 13 Ne kuu \nd Yarimanbed\nd* arewa yaa burudande nendoon kuyaa eso andi dowad wain ok ye kabus nande ye yaa kankooneni,  
\q2 ye aningko kowe ye yaa baandaniin.   
\q1
\v 14 Kwane, ne kuu \nd Yariman\nd* ye dowad kwananiin andi ye weng yedme nongkobaan kuu awinaniin,  
\q2 ye nimakarub yi arinambo arimbed kwamunemo awinaniin kui.   
\q1
\v 15 \nd Yariman\nd* ye karadmodan ye indob arimbed kuu miin manimanandeb anam,  
\q2 kowe yi dukni kuu barang miin darewoob ande meenoon.   
\q1
\v 16 O \nd Yariman\nd*, anam kuu ne kuu eb dememan.  
\q2 Ne kuu eb dememan, eb deme wonong yu mingki kui.  
\q2 Ne kuu yerengkiwen kuu ebbed dudbere nen obon keruwewen.   
\q1
\v 17 Ne kuu eso andi dowad munob kabdi yeman kuu kabdeni  
\q2 ewaningko kowe eb yaa baandaniin.   
\q1
\v 18 Kwane, ne kuu \nd Yariman\nd* ye dowad kwananiin andi ye weng yedme nongkobaan kuu awinaniin,  
\q2 ye nimakarub yi arinambo arimbed kwamunemo awinaniin kui.   
\q1
\v 19 \nd Yariman\nd* ye kurikuri boyambib yu kuuk wirinimbon aombed kwananiin,  
\q2 o Yerusalem, kub kidangkambon aombed kui.  
\q1 \nd Yariman\nd* ye aningko kankoonime.   
\c 117  
\cl Yook 117 
\toc1 Buk Yook 
\toc2 Buk Yook 
\q1
\v 1 Ambibkin koremdan, \nd Yariman\nd* ye aningko kankoonime.  
\q2 Nimakarub korem, ye aningko kuu darewoob arimbed andime.   
\q1
\v 2 Amborom kuu ye womoniyiibban ye mimyob dowaken nub yaa keendimaan kuu miin darewoob anam,  
\q2 kwane \nd Yariman\nd* ye ma korondiyiibban weng awini ye kerekmen kuu aron korem angkimbaraneen.  
\q1 \nd Yariman\nd* ye aningko kankoonime.   
\c 118  
\cl Yook 118 
\toc1 Buk Yook 
\toc2 Buk Yook 
\q1
\v 1 \nd Yariman\nd* kuu amun kowe, ye yaa eso andem,  
\q2 amborom kuu ye womoniyiibban ye mimyob dowaken kuu aron korem angkimbaraneen kowe.   
\q1
\v 2 Israeldan kuu kwane yedmime,  
\q2 “Ye womoniyiibban ye mimyob dowaken kuu aron korem angkimbaraneen.” andime.   
\q1
\v 3 Eeron ye awoya ari kuu kwane yedmime,  
\q2 “Ye womoniyiibban ye mimyob dowaken kuu aron korem angkimbaraneen.” andime.   
\q1
\v 4 Kane kane kuu \nd Yariman\nd* yaa unimaib kuu kwane yedmime,  
\q2 “Ye womoniyiibban ye mimyob dowaken kuu aron korem angkimbaraneen.” andime.   
\q1
\v 5 Ne niindem aom kuu miin yiminban keroon kumbed \nd Yariman\nd* yaa baandaana,  
\q2 ne yaa inanduwe ne nen burudande obon kere ongmewoon.   
\q1
\v 6 \nd Yariman\nd* kuu ne yaa doreen kowe ne kuu unainban.  
\q2 Kedi, karub kuu ne yaa kuu komo keruwaniib? Dowan.   
\q1
\v 7 \nd Yariman\nd* kuu ne yaa doreen, ye kuu awawi ye karub.  
\q2 Kwana kowe, ne bondan yaa kuu nangme burudande doraneene wedmaniin.   
\q1
\v 8 \nd Yariman\nd* ye kukbimaanbon aom dobiri kuu miin amun,  
\q2 karub yaa angkumone dobiri arebban.   
\q1
\v 9 \nd Yariman\nd* ye kukbimaanbon aom dobiri kuu miin amun,  
\q2 korok korok yaa angkumone dobiri arebban.   
\q1
\v 10 Ambibkin koremdan kuu ne yaa bon kere kanawanewandiwen kumban,  
\q2 \nd Yariman\nd* yaningko yaambed yi aromkono nare monmaraan.   
\q1
\v 11 Yi kuu ne yaa kanawanewandiwen, eyokee, yi kuu ne kiwaan kebene kanawanewandiwen kumban,  
\q2 \nd Yariman\nd* yaningko yaambed yi aromkono nare monmaraan.   
\q1
\v 12 Yi kuu mong areb ne yaa kanawanewande nimingkiwen kumban,  
\q2 yi kuu yik deneene kirodmo kumunderemoon areb keriwen,  
\q2 \nd Yariman\nd* yaningko yaambed yi aromkono nare monmaraan.   
\q1
\v 13 Ne yaa kuu naawonmo ana nangmiiwe kombaraniin andaan,  
\q2 kumban \nd Yarimanbed\nd* awawoon.   
\q1
\v 14 \nd Yariman\nd* kuu ne aromkono angkon ne yook,  
\q2 kwane ye kuu ne nen burudande angka kowi ye karub keroon.   
\q1
\v 15 Kube komkiyiib burudande dori ye baandiyiib kuu  
\q2 yorokmodan yi ambib kombon aom kuweng ooneen kii.  
\q2 “\nd Yariman\nd* ye dingki wiwi yaromkonombed kwanoon kii!   
\q1
\v 16 \nd Yariman\nd* ye dingki wiwi kuu kankoone ari kaimbed keroon kii!  
\q2 \nd Yariman\nd* ye dingki wiwi yaromkonombed kwanoon kii!” ande kamiib.   
\q1
\v 17 Ne kuu bobnainban wad dobereni,  
\q2 \nd Yarimanbed\nd* komo komo ambangkanaboon kuu nembed ben dakmenabaniin.   
\q1
\v 18 \nd Yarimanbed\nd* ne yaa kuu naawonmo didangkawoon,  
\q2 kumban ne kuu nen bobni ari kowe korondoona bobnindo.   
\q1
\v 19 Yorokmodan awudirimaib ye kuuk wirinimbon ye ambongko kuu ne yaa nande.  
\q2 Kwanebko ne kuu awudereni \nd Yariman\nd* yaa eso anda.   
\q1
\v 20 Ambongko keyiib kee \nd Yariman\nd* yeman kii,  
\q2 kwane yorokmodan kuu ambongko kumbed aom awunimaib.   
\q1
\v 21 Eb kuu ne baandi yaa inanduwewen kowe, eb yaa eso andaniin,  
\q2 kwane eb kuu ne nen burudande angka kowi ye karub kerewen.   
\q1
\v 22 Bot kuu boyambib yenbidanbed kankorariwen kuu,  
\q2 ambib kumundin amun yenbi ye dongka bot keroon.   
\q1
\v 23 Kukuu \nd Yarimanbed\nd* kwane ongmoon kedi!  
\q2 Nub indob ari kee wedmuwen kowe, binangke kubi darewoob keruwen kii!   
\q1
\v 24 Kibik aron kee \nd Yarimanbed\nd* ongmoon,  
\q2 kowe nub kuu kuye dowad kubenub dowakeniib kamem.   
\q1
\v 25 O \nd Yariman\nd*, nub kuu arewa yaa burudande binde.  
\q2 O \nd Yariman\nd*, nub kuu ongmebko yiminmo doberem.   
\q1
\v 26 Karub kane ye kuu \nd Yariman\nd* yaningko yaambed mananeen kuu ye yaa amun kerunok.  
\q2 Kuye karub kuu \nd Yariman\nd* yambib yaa doruub kumbed amun kerunduub kii.   
\q1
\v 27 \nd Yariman\nd* kuu God,  
\q2 kwane yembed nambiri ongmoona nub ari yurendoon.  
\q1 Yiib dingki aom kuu ambuudiib awingkenib, God yaa kubi dowad nedbe God yaa koni ye bot wuubimbon yaa daane weniibdan yoom dabokne winime.   
\q1
\v 28 Eb kuu ne God, kwane eb yaa eso andaniin.  
\q2 Eb kuu ne God, kwane ewaningko kankoonaniin.   
\q1
\v 29 \nd Yariman\nd* kuu amun kowe, ye yaa eso andem.  
\q2 amborom kuu ye womoniiibban ye mimyob dowaken kuu aron korem kwane angkimbaraneen kowe.   
\c 119  
\cl Yook 119 
\toc1 Buk Yook 
\toc2 Buk Yook 
\d Alef  
\q1
\v 1 Kaneya yi kuu yi dobiri kerekmen kuu demkoronmo kuu amun kerundoon,  
\q2 \nd Yariman\nd* ye amob awine kandi kerekmen yaambed doriibdan kui.   
\q1
\v 2 Kaneya yi kuu ye kerekmen korokboon ye weng yaa awine kande doriib kuu amun kerundoon,  
\q2 yi meeni inamen kumundin kumbed ye ande onmiibdan kui.   
\q1
\v 3 Yi kuu angkon unitab ye inamen yaa ma awinimokban kerenib  
\q2 ye kiwaan arimo weniib kui.   
\q1
\v 4 Ebbed eb kongamki yamob dakme nongkobewen kuu,  
\q2 nubbed korem awine kande amukni dowad.   
\q1
\v 5 Ne dowaken darewoob kuu ne inamen kuu kangdommo kerok,  
\q2 ebbed wongkewen yamob awine kandi dowad.   
\q1
\v 6 Ebbed kwanime andi ye weng ongmewen kuu andangke meenaniin kuu  
\q2 ne kuu karak bobni yaa nen kowaibban.   
\q1
\v 7 Ne kuu eb wengyundi yorokmo yaa kaadkeraniin kuu  
\q2 ne niindem aom kangdommo kereni eb yaa eso andaniin.   
\q1
\v 8 Ne kuu ebbed wongkewen yamob awine kandaniin,  
\q2 ne kuu kumundin domowaab.  
\d Bet   
\q1
\v 9 Kewedman kuu komarewa kere ye dobiri kerekmen kuu karadmo keraneen?  
\q2 Ye kuu eb weng yaambed dobaraneen kumbed kii.   
\q1
\v 10 Ne kuu ne niindem aom kumundin kumbed eb ande onmiin,  
\q2 domowaawe ebbed kwanime andi ye weng kuu domonene kimyen wanain.   
\q1
\v 11 Eb weng kuu kube ne niindem aom awine amuknaan,  
\q2 eb yaa ambarakmain andi dowad.   
\q1
\v 12 O \nd Yariman\nd*, amun kerundi kuu eb yaa angkeen,  
\q2 ebbed wongkewen yamob kuu kedmengkawe.   
\q1
\v 13 Eb mongkodkonombed dakmewen yamob korem kuu  
\q2 nembed dakmenabaan.   
\q1
\v 14 Yiribman yemoon kai ye karubbed ye yiribman yaa kubemoon areb kuu  
\q2 eb kerekmen korokbewen ye weng awine kandi yaa kubaan.   
\q1
\v 15 Ne kuu eb kongamki yamob kuu kube meendobeni,  
\q2 eb dobiri kerekmen yaa kuu andangke meendobaniin.   
\q1
\v 16 Ne kuu ebbed wongkewen yamob yaa kubaniin,  
\q2 kwane eb weng kuu nonondandainban.  
\d Gimel   
\q1
\v 17 Eb dememan ne yaa amun amun kamewe.  
\q2 Kwananeeb kuu wad dobereni eb weng awine kande dobaraniin.   
\q1
\v 18 Ne indob nandebko  
\q2 manimanandeb ye weng eb amob aom kuu wedmenaba.   
\q1
\v 19 Ne kuu okad kari kee norod karub kowe,  
\q2 ebbed kwanime andi ye weng kuu ne yaa biknewaab.   
\q1
\v 20 Ne kuu ebbed dakmewen ye amob yaa moom dowakeniib kowembirimain kowe,  
\q2 ne niindem aom kuu yewed aneen.   
\q1
\v 21 Kerengkandan kuu butun kamendewen, yi yaa kuu ongkandimaab,  
\q2 kwane yi kuu ebbed kwanime andi ye weng yaa koronde kimyen winimaib.   
\q1
\v 22 Ne kuu eb kerekmen korokbewen ye weng yaa awinaan kowe,  
\q2 damangkawidaniib ne yaa daawidaniib ne yaa kuu ben kiradme.   
\q1
\v 23 Korok korok kuu nedbe diberenib ne yaa wengamborokbanabimaib kuned,  
\q2 eb dememan ne kuu ebbed wongkewen yamob yaa kube meendobembirimain.   
\q1
\v 24 Eb kerekmen korokbewen ye weng kuu dowaken darewoowiib keraan,  
\q2 kuye weng kuu ongkande inamen yaa awandidan areb.  
\d Dalet   
\q1
\v 25 Ne kuu nen okad yiri kankubunoon kowe,  
\q2 eb weng yaambed ne nen ongmebko wadkera.   
\q1
\v 26 Ne dobiri kerekmen dakmaana ebbed inanduwewen,  
\q2 ebbed wongkewen yamob kedmengkawe.   
\q1
\v 27 Eb kongamki yamob ye kerekmen kedmengkawebko kaadkera,  
\q2 kwananeeb kuu binangke eb yaa anam andi yeman yaa kuu kube meendobaniin.   
\q1
\v 28 Ne niindem aom kuu mimyob wandaan kumbed wuud kere wanaan,  
\q2 eb weng yaambed aromkono kawe.   
\q1
\v 29 Birandi ye inamen ne meeni aom angkeen kuu kankorare.  
\q2 Ne yaa kuu amun kame eb amob kedmengkawe.   
\q1
\v 30 Ne kuu inamen ongmeni ma korondiyiibban weng awini kerekmen yaambed doriin,  
\q2 ne kuu ebbed dakmewen ye amob awine kanda andaan.   
\q1
\v 31 Eb kerekmen korokbewen ye weng kuu kamkonomo awinaan,  
\q2 o \nd Yariman\nd*, ne kuu nen karak ari kowaab.   
\q1
\v 32 Ebbed kwanime andi ye weng ye kiwaan arimbed dodkanmo weniin,  
\q2 amborom kuu ne yaa kuu inamen kaadkeri ariyiib kawewen kowe.  
\d He   
\q1
\v 33 O \nd Yariman\nd*, ebbed wongkewen yamob awini ye kiwaan kedmengkawe.  
\q2 Kwananeeb kuu kuyamob kuu awine kande dobaraniine wene yimin wandaneen.   
\q1
\v 34 Ne yaa inamen kaadkeri kankawebko eb amob wengambere awineni  
\q2 ne niindem aom kumundin kumbed awine kanda.   
\q1
\v 35 Ne onmewebko ebbed kwanime andi ye weng kerekmen ye kiwaan arimbed dodkanmo wana,  
\q2 amborom kuu kuyaa kuu kubi dowakeniib kerimain kowe.   
\q1
\v 36 Eb kerekmen korokbewen ye weng yaa kuu ne mimyob nenduneb amonombe ari kowe.  
\q2 Ne kuu ongmewebko kirim ye inamen kuu koronda.   
\q1
\v 37 Kerengkan keri ye kumkam yaa kuu ne indob kuu kiwaan kimyen yaa nen kowe.  
\q2 Eb kerekmen yaa dobiri ye inamen ika kawebko awine aromna.   
\q1
\v 38 Eb dememan ne yaa ebbed weng kunduk kowewen kuu kwane awine.  
\q2 Kwananeeb kuu une bumangki ye inamen kuu darewoob keraniin.   
\q1
\v 39 Yi damangkawi weng yaa wengambere unaan kuu kankorare,  
\q2 amborom kuu ebbed dakmewen ye amob kuu amun kowe.   
\q1
\v 40 Kedi, eb kongamki yamob yaa kuu moom dowakeniib kowembirimain kii,  
\q2 Eb yorokmo kerekmen yaambed ne kuu ongmewebko wadkera.  
\d Waw   
\q1
\v 41 O \nd Yariman\nd*, eb womoniyiibban ye mimyob dowaken kuu ne yaa monok.  
\q2 Eb weng kunduk yaambed ne kuu arewa yaa burudande nende.   
\q1
\v 42 Kwananeeb kuu damangkawi ye karub yaa inandunaniin,  
\q2 amborom kuu eb weng yaa angkumone doriin kowe.   
\q1
\v 43 Ne kuu ebbed dakmewen ye amob yaambed kwananeen ande yedmaan kowe,  
\q2 eb amob ne mongkodkono ari angkeen kuu bingewande kanwanaab.   
\q1
\v 44 Kowe ne kuu eb amob yaamo awine kamembaraniin,  
\q2 aron korem korem.   
\q1
\v 45 Kwane ne kuu obonmo aombed wananiin,  
\q2 amborom kuu eb kongamki yamob awine dobiri kerekmen onmimain kowe.   
\q1
\v 46 Ne kuu eb kerekmen korokbewen ye weng kangkon kingdan yaa dakmendaniin,  
\q2 kwananiin kuned karak kandainban.   
\q1
\v 47 Kwane ne kuu ebbed kwanime andi ye weng yaa kubi dowakeniib kerimain,  
\q2 amborom kuu ne inamen mimyob korem kuu kuyaa kowaan kowe.   
\q1
\v 48 Ebbed kwanime andi ye weng kuu barang darewoob ande kankoonimain,  
\q2 kuyamob kuyaa kuu ne inamen mimyob korem kowaan,  
\q2 kwane ne kuu ebbed wongkewen yamob kuu kube meendobembaraniin.  
\d Zayin   
\q1
\v 49 Eb weng kunduk eb dememan ne yaa kawewen kuu ika meene,  
\q2 amborom kuu ebbed ne yaa kuu ari kwananeen andi ye inamen kawewen kowe.   
\q1
\v 50 Ne dabab kandaan yaa mimyob wandi kankubuni yeman kukei,  
\q2 eb weng kunduk yaambed ongmeweewa wadkeraan.   
\q1
\v 51 Kerengkandanbed ne yaa kuu naawonmo damangkawimaib,  
\q2 kumban ne kuu eb amob yaa koronde kimyen winimokban.   
\q1
\v 52 O \nd Yariman\nd*, eb amob unyeman anukbed dakme nongkobewen kuu ika meenaan,  
\q2 kowe ne mimyob wandi kuu kankubunoon.   
\q1
\v 53 Arewa kamenabidanbed eb amob yaa wunekariwen kuyaa kuu  
\q2 amot denemoon areb yi yaa naawonmo kongendaan.   
\q1
\v 54 Ebbed wongkewen yamob kuu ne yook kii,  
\q2 okad kari kee norod doriin yaron aombed kui.   
\q1
\v 55 O \nd Yariman\nd*, amnoom kuu ewaningko yaa ika meenimain,  
\q2 kwane eb amob awine dobaraniin.   
\q1
\v 56 Ne kwane awine dobara andi ye weng kukei,  
\q2 eb kongamki yamob kuu awine kandimain.  
\d Het   
\q1
\v 57 \nd Yariman\nd*, ne dobiriyiib yumboniib kuu ebbed ongmewen.  
\q2 Ne weng kunduk ongmaan kuu eb weng awine kandembara andaan.   
\q1
\v 58 Ne niindem aom kumundin kumbed eb kubi dowaken kuu ne yaa keewe.  
\q2 Eb weng kunduk yaambed kabamon kondewen ye mimyob dowaken keewe.   
\q1
\v 59 Ne dobiri kerekmen yaa andangke meendobaan kowe,  
\q2 amonombeni eb kerekmen korokbewen ye weng ye yoman dodkanmo weniin.   
\q1
\v 60 Ne kuu erebnarainban nindorokiibbed  
\q2 ebbed kwanime andi ye weng awine kandaniin.   
\q1
\v 61 Arewa kamenabidanbed ne kuu nen nongbed yerengkaniib kuu  
\q2 ne kuu eb amob nonondandainban.   
\q1
\v 62 Ebbed dakmewen ye amob kuu yorokmo kowe,  
\q2 amnomnom yaambed yeedereni eb yaa eso andaniin.   
\q1
\v 63 Ne kuu eb yaa unimaibdan yaa angkodmendimain,  
\q2 eb kongamki yamob awinimaibdan kangkon angkodmendimain.   
\q1
\v 64 O \nd Yariman\nd*, okad kari kee eb womoniyiibban ye mimyob dowaken kuu derendaroon.  
\q2 Ebbed wongkewen yamob kuu kedmengkawe.  
\d Tet   
\q1
\v 65 Eb dememan ne yaa kuu amunmo kamenabewen,  
\q2 o \nd Yariman\nd*, eb weng yaambed kwane kamewen kui.   
\q1
\v 66 Ebbed kwanime andi ye weng yaa anam andaan kowe,  
\q2 andangki amuniib inamen kaadkeriyiib kedmengkawe.   
\q1
\v 67 Dabab ne yaa minindo yaron anuk kuu ne kuu kimyen wanaan,  
\q2 kumban kibikee ne kuu eb weng awine kandimain.   
\q1
\v 68 Eb kuu amun, angkon eb kuu amunmo kamenabimaab,  
\q2 kowe ebbed wongkewen yamob kuu kedmengkawe.   
\q1
\v 69 Kerengkandanbed ne dowad dudanabi weng dakmiwen kuned,  
\q2 eb kongamki yamob kuu ne niindem aom kumundin kumbed awingkaniin.   
\q1
\v 70 Yi niindem aom kuu kamkonomo,  
\q2 kumban ne kuu eb amob yaa kubi dowakeniib kowaan.   
\q1
\v 71 Dabab ne yaa monoon kuu amun,  
\q2 amborom kuu kuyaambed ebbed wongkewen yamob kedmengkawoon kowe.   
\q1
\v 72 Eb mongkodkonombed dakmewen yamob kuu miin manimanandeb andaan,  
\q2 od gold tausen yemooniib od silvaa tausen yemooniib arebban.  
\d Yod   
\q1
\v 73 Ne kuu eb dingkimbed ongmewen, kwane ebbed ne id kuu wuub nimingkewen,  
\q2 kwane ebbed inamen kaweebkob ebbed kwanime andi ye weng kuu nekaadkeraan.   
\q1
\v 74 Ne kuu eb weng yaambed anam kwananeen ande meedme doriin kowe,  
\q2 eb yaa unimaibdan kuu ne yaa wedmewenib kubime.   
\q1
\v 75 O \nd Yariman\nd*, nekaad eb wengyundi weng kuu yorokmo kii,  
\q2 kwane eb ma korondiyiibban weng awini ye kerekmen yaambed eb kuu ne yaa didangke dabab kawewen.   
\q1
\v 76 Eb dememan ne yaa weng kunduk kowewen yaambed kwane ambangkoko,  
\q2 eb womoniyiibban ye mimyob dowaken kumbed ne mimyob wandi kankubunok.   
\q1
\v 77 Eb amob yaa kubi dowakeniib keendimain kowe,  
\q2 mimyob keewebko wad dobara.   
\q1
\v 78 Kerengkandanbed ne dowad dudanabi weng dakmimaib kumbed ne yaa ambarakmimaib kowe, ebbed yi yaa karak konde.  
\q2 Kumban ne kuu eb kongamki yamob yaa kube meendobaniin.   
\q1
\v 79 Eb yaa unimaibdan kuu neyiib yaa minime,  
\q2 eb kerekmen korokbewen ye weng yikaaddan kui.   
\q1
\v 80 Ebbed wongkewen yamob yaa kuu ne niindem aom ambarakmiyiibban kerok,  
\q2 kwananeen kuu ne kuu nen karak ari kowaibban.  
\d Kaf   
\q1
\v 81 Ebbed arewa yaa burudande nendi dowad ne niindem aom kuu moom dowakeniib koweni miin yiminban keraan,  
\q2 kumban eb weng yaa kwananeeb ande kowaan kii.   
\q1
\v 82 Ne kuu eb weng kunduk yaa kwanok ande onmoni nindob yidnoon,  
\q2 kwane yedmimain, “Komo aron arimbed ne mimyob wandi kuu kankubunaneeb?” andimain.   
\q1
\v 83 Ne kuu wain ok yeman ba kadbed ongmiwen amareng aom angkemoon areb keraan kumban,  
\q2 ne kuu ebbed wongkwewen yamob yaa nonondandainban.   
\q1
\v 84 Eb dememan ne kuu aron komoyiib kwane meedmaniin?  
\q2 Komo aron arimbed ebbed ne nenbandimaibdan yaa kuu ukum kondaneeb?   
\q1
\v 85 Kerengkandanbed ne kombiri dowad dem nidkanabiwen,  
\q2 kowe eb amob dookbiwen.   
\q1
\v 86 Ebbed kwanime andi ye weng korem kuu angkumone dori yeman.  
\q2 Karub kuu dudanabe nenbandimaib kowe awawe.   
\q1
\v 87 Yimbed okad kari kee ne kuu monmarok andiwen,  
\q2 kumban ne kuu eb kongamki yamob yaa ma wunekarindo.   
\q1
\v 88 Eb womoniyiibban ye mimyob dowaken yaambed ongmewebko wadkera.  
\q2 Kwananeeb kuu eb kerekmen korokbewen ye weng ebbed dakmewen kuu awinaniin.  
\d Lamed   
\q1
\v 89 O \nd Yariman\nd*, eb weng kuu aron korem kwane angkimbaraneen,  
\q2 eb weng kuu Ewen aombed kangdommo awine angkeen.   
\q1
\v 90 Eb ma korondiyiibban weng awini kerekmen kuu nimakarub yaro dobere dobere yaro wananiib korem aom kwane angkimbaraneen.  
\q2 Ebbed okad kee ongmeneb yumbon koweewa, kwamunemo angkimbureen.   
\q1
\v 91 Kumkam korem kuu ebbed dakmewen ye amob yaambed kwane dangoon,  
\q2 amborom kuu kumkam korem kuu eb deme yeman kowe.   
\q1
\v 92 Ne kuu eb amob yaa kubi dowakeniib kerindo karen,  
\q2 dabab ne yaa monoon kumbed bobnaan karen.   
\q1
\v 93 Eb kongamki yamob kuu ma nonondandainban,  
\q2 amborom kuu kuye amob yaambed ebbed ongmeweewa wadkeraan.   
\q1
\v 94 Ne kuu ebman kowe, ne kuu arewa yaa burudande nende,  
\q2 amborom kuu eb kongamki yamob awine dobiri kerekmen onmimain kowe.   
\q1
\v 95 Miin arewa kamenabidan kuu ne neene monmarem ande meedmiib,  
\q2 kumban ne kuu eb kerekmen korokbewen ye weng yaa andangke meendobaniin.   
\q1
\v 96 Nembed kumkam korem wedmaan kuu ye yiminiibmo kii,  
\q2 kumban ebbed kwanime andi ye weng kuu ye yiminiibban kii.  
\d Mem   
\q1
\v 97 O, eb amob kuu mimyob dowaken darewoob kerimain kii!  
\q2 Aronki doboob kuu kuyaamo meenme andangkembirimain.   
\q1
\v 98 Ebbed kwanime andi ye weng awinaan kumbed meeni kangdom keraan, ne bondan arebban,  
\q2 kedi, kuye weng kuu kwane awinembirimain kii.   
\q1
\v 99 Eb kerekmen korokbewen ye weng yaa kube meendobimain kowe,  
\q2 inamen niindem aom andangke bi kerekmen arimbed kandaan, ne kedmengkawiibdan arebban.   
\q1
\v 100 Eb kongamki yamob awine kandaan kowe,  
\q2 inamen kaadkeri arimbed kandaan, aamkono aamkono arebban.   
\q1
\v 101 Ne kuu arewa kami ye kiwaan kuu ma wanain ande wunekaraan,  
\q2 eb weng awine kandi dowad.   
\q1
\v 102 Ne kuu ebka kedmengkawewen kowe,  
\q2 ebbed dakmewen ye amob yaa kuu doombere angkanindo.   
\q1
\v 103 Eb weng ambod ne kandaan kuu maa kai kii,  
\q2 ne mongkodkono aom kuu in ye ambod kuu burudande arimbed keroon!   
\q1
\v 104 Eb kongamki yamob yaabed inamen kaadkeri kandimain,  
\q2 kwanekob ne kuu abdon kami kiwaan korem yaa kuu dowakenban odkenebmo kerimain.  
\d Nun   
\q1
\v 105 Eb weng kuu lem areb ne yonbed amunmo dodkan wini yaa nambiri yeman,  
\q2 eb weng kuu ne kiwaan yaa nambiri yeman kui.   
\q1
\v 106 Ebbed dakmewen ye amob yorokmo kuu awina ande kowaan,  
\q2 nangkon ee anam kwane awinaniin andaan.   
\q1
\v 107 Ne kuu durud yewed yemoon kandaan,  
\q2 o \nd Yariman\nd*, eb weng yaambed ongmewebko wadkera.   
\q1
\v 108 O \nd Yariman\nd*, ewaningko kankooni weng nindorokiibbed dakmaan kuyaa kuu ee yimin ande.  
\q2 Kwane ebbed dakmewen ye amob kuu kedmengkawe.   
\q1
\v 109 Ne kuu arudbon aom awunimain kuned,  
\q2 eb amob nonondandainban.   
\q1
\v 110 Miin arewa kamenabidan kuu ne dowad yi kawaad nong kowiwen kuned,  
\q2 ne kuu eb kongamki yamob yaa domonde kimyen winindo.   
\q1
\v 111 Eb kerekmen korokbewen ye weng wengambere aron korem awini ye yumbon kandaan,  
\q2 kuye weng kumbed ne niindem aom kubi darewoob kerunimaan.   
\q1
\v 112 Ebbed wongkewen ye amob kuu awine kanda ande nekwaan,  
\q2 aron korem, kwane wene yimin wandi yimin yaamo keraniin.  
\d Samek   
\q1
\v 113 Aadidmidan kuu naawonmo kongendimain,  
\q2 kumban eb amob yaa mimyob dowaken kowaan.   
\q1
\v 114 Eb kuu ne biknimbon kere ne kombe kii,  
\q2 eb weng yaambed kwananeeb ande meedmiin.   
\q1
\v 115 Miin arewa kamenabidan, ne yaa angkanime,  
\q2 kwananiib kuu ne Godbed kwanime andi ye weng kuu awinaniin.   
\q1
\v 116 Eb weng kunduk yaambed angkumone awawebko ne kuu doberembara,  
\q2 kwanebko ne kwananeeb andi kuu kombere monmarain.   
\q1
\v 117 Ne kuu ebbed wongkewen yamob yaa amun andi dowad angkumone awawe.  
\q2 Kwananeeb kuu arud ye barangbed ne kuu ma monmaraanban.   
\q1
\v 118 Ebbed wongkewen yamob yaa domonde kimyen winimaibdan kuu ebbed wunekarundimaab,  
\q2 amborom kuu yi birandi kuu dawangmo kaimaib kowe.   
\q1
\v 119 Okad kiri miin arewa kamenabidan kuu ebbed kemengkod aremoon areb kerewen,  
\q2 kwanekob ne kuu eb kerekmen korokbewen ye weng kuu mimyob dowaken kowimain.   
\q1
\v 120 Eb yaa uneni ne id kumundin kiringmimain,  
\q2 kwane eb wengyundi yaa unimain.  
\d Ayin   
\q1
\v 121 Ne kamenabaan kuu yorokmo anammo kerekmen yaambed kwamaan,  
\q2 kowe ne kuu ne bondan yaa nen kondaab.   
\q1
\v 122 Eb dememan ne yaa kuu amun amun kamebdaniin ande kowe.  
\q2 Korondaawa kerengkandanbed ne yaa dabab wayiraib.   
\q1
\v 123 Ebbed ne kuu arewa yaa burudande nende ande onmoni nindob yidnoon,  
\q2 kwane eb weng yorokmo yaa kangkon kwanimain.   
\q1
\v 124 Eb dememan ne yaa kuu eb womoniyiibban ye mimyob dowaken yaambed kame.  
\q2 Kwane ebbed wongkewen yamob kuu kedmengkawe.   
\q1
\v 125 Ne kuu eb dememan, inamen kaadkeri kankawe,  
\q2 eb kerekmen korokbewen ye weng nekaadkeri dowad.   
\q1
\v 126 O \nd Yariman\nd*, kuned kuu ebbed ambangki yaron kii,  
\q2 amborom kuu eb amob domabangkaib kowe.   
\q1
\v 127 Anamaa, ebbed kwanime andi ye weng kuu mimyob dowaken kowaan,  
\q2 bot gold arebban, bot gold yankorenmo arebban kui.   
\q1
\v 128 Kwanekob, inamen korem yaa kuu eb kongamki yamob kuu yiminmo ande wedmaan,  
\q2 kowe dudanabi kiwaan korem yaa kuu naawonmo kongendimain.  
\d Pe   
\q1
\v 129 Eb kerekmen korokbewen ye weng kuu manimanandeb amun kai,  
\q2 kowe ne kuu kwane awine kandimain.   
\q1
\v 130 Eb wengbed ambobimaan kuu nambiri kondimaan,  
\q2 kwane eb weng kuu mengmengiibban iwari doriibdan yaa inamen kaadkeri kondimaan.   
\q1
\v 131 Eb weng dowad ne mongkod daande moom kowembirimain,  
\q2 amborom kuu ebbed kwanime andi ye weng yaa moom dowakeniib kowembirimain kowe.   
\q1
\v 132 Ne yaa murubia kaweneb ne yaa mimyob keewe kakman are nonondande.  
\q2 Eb yaa mimyob dowaken keebdimaibdan yaa komo kamimaab kuu ne yaa kwamunemo kame.   
\q1
\v 133 Eb weng yaambed ne yon dodkanmo wini kerekmen yaa kangkadmewe.  
\q2 Korondaawa ambarakmimbed ne yaa ma oone dobaraan.   
\q1
\v 134 Karubbed ne yaa dabab kawembiri yaa kuu ne nen bidde obon kowe.  
\q2 Kwananeeb kuu eb kongamki yamob awine kandaniin.   
\q1
\v 135 Eb dememan ne yaa kuu kubi dowakeniib keewe amun keruwe.  
\q2 Kwane ebbed wongkewen yamob kuu kedmengkawe.   
\q1
\v 136 Nimakarub kuu eb amob kuu awine kandokban kowe,  
\q2 ne indob inok kuu ok mana areb menebimaan.  
\d Tsadhe   
\q1
\v 137 O \nd Yariman\nd*, eb kuu yorokmo,  
\q2 kwane eb wengyundi kuu kangdommo.   
\q1
\v 138 Eb kerekmen korokbewen ye weng kowewen kuu yorokmo,  
\q2 kuye weng kuu angkumone dobiri yeman kumbedmo.   
\q1
\v 139 Ne bondan kuu eb weng wunekare nonondandiwen kowe,  
\q2 anam ambarakmiwen kii ande ne niindem aom denobeen.   
\q1
\v 140 Eb weng kuu karadmo,  
\q2 kowe eb dememan ne kuu kuyaa mimyob dowaken kowimain.   
\q1
\v 141 Ne kuu yiri mana kere kwane akmendandiwen,  
\q2 kuned eb kongamki yamob kuu nonondandainban.   
\q1
\v 142 Eb yorokmo kerekmen kuu aron korem korem yeman,  
\q2 kwane eb amob kuu anammo.   
\q1
\v 143 Dabawiib durud yewediib ne ari meneboon,  
\q2 kumban ebbed kwanime andi ye weng yaa kuu kubi dowakeniib kowaan.   
\q1
\v 144 Eb kerekmen korokbewen ye weng kuu aron korem yorokmo yeman,  
\q2 inamen kaadkeri kuu kawebko wad dobara.  
\d Kwof   
\q1
\v 145 O \nd Yariman\nd*, ne niindem aom kumundin kumbed eb yaa baandaan kowe inanduwe.  
\q2 Ne kuu ebbed wongkewen yamob awine kandaniin.   
\q1
\v 146 Ne kuu eb yaa baandaan kowe, ne kuu arewa yaa burudande nende.  
\q2 Ne kuu eb kerekmen korokbewen ye weng awine kandaniin.   
\q1
\v 147 Ne kuu warindombed yaro dembeni eb yaa awawe ande baandimain,  
\q2 eb weng yaambed kwananeeb ande meedmiin.   
\q1
\v 148 Eb weng meenme andangki dowad  
\q2 ne kuu amki unuk angkimokban.   
\q1
\v 149 Eb womoniyiibban ye mimyob dowaken yaambed ne weng wengambere.  
\q2 O \nd Yariman\nd*, ebbed dakmewen ye amob yaambed ongmewebko wadkera.   
\q1
\v 150 Inamen arewa ongmenib ne nenbandande kamiibdan kuu ne dia keriwen kii,  
\q2 kumban yi kuu eb amob yaa ambab angka doriib.   
\q1
\v 151 O \nd Yariman\nd*, eb kuu ne dia,  
\q2 kwane ebbed kwanime andi ye weng korem kuu anammo.   
\q1
\v 152 Unyeman anukbed ne kuu eb kerekmen korokbewen yaambed nekaadkeraan kuu,  
\q2 ebbed kuye weng kuu aron korem kwane angkimbiri yeman ongmewen.  
\d Res   
\q1
\v 153 Dabab ne yaa monoon kuyaa wedmeneb ne nen burudande angka kowe,  
\q2 amborom kuu eb amob kuu ne nonondandimokban kowe.   
\q1
\v 154 Ne dowad koromoni weng nekweneb ne kuu bidde.  
\q2 Eb weng yaambed ongmewebko wadkera.   
\q1
\v 155 Arewa kamenabidan kuu arewa yaa burudande bindi kerekmen yaa ambab angka doriib,  
\q2 amborom kuu ebbed wongkewen yamob awine dobiri kerekmen onmimokban kowe.   
\q1
\v 156 O \nd Yariman\nd*, eb mimyob keende kakman are nonondandi kerekmen kuu miin darewoob arimbed,  
\q2 ebbed dakmewen ye amob yaambed ongmewebko wadkera.   
\q1
\v 157 Ne yaa dabab kawidaniib ne bondaniib kuu yemoon,  
\q2 kuned ne kuu eb kerekmen korokbewen ye weng yaa kuu koronde kimyen winimokban.   
\q1
\v 158 Koyabdan yaa kuu wedmendekori komyeng areb kerimain,  
\q2 amborom kuu yi kuu eb weng awinimokban kowe.   
\q1
\v 159 Eb kongamki yamob yaa mimyob dowaken kowimain kuu wedme.  
\q2 O \nd Yariman\nd*, eb womoniyiibban ye mimyob dowaken yaambed ongmewebko wadkera.   
\q1
\v 160 Eb weng korem kuu anammo,  
\q2 kwane ebbed dakmewen ye amob yorokmo korem kuu aron korem kwane angkimbaraneen.  
\d Sin   
\q1
\v 161 Korok korok kuu idiibbanbed ne yaa nenbandimaib,  
\q2 kumban ne kuu eb weng yaa binangke une kuu anammo kii andimain.   
\q1
\v 162 Ne kuu eb weng yaa kubimain,  
\q2 odamod miin darewoob wedme kandoon ye karub areb kerimain.   
\q1
\v 163 Ne kuu dudanabi yaa naawonmo kongendeni komyeng areb kerimain,  
\q2 kumban ne kuu eb amob yaa mimyob dowaken kowimain.   
\q1
\v 164 Ne kuu aronki mimo aom kuu ewaningko kankoone ediib kerimain,  
\q2 ebbed dakmewen ye amob yorokmo ye dowad.   
\q1
\v 165 Eb amob yaa mimyob dowaken kowimaibdan kuu yewenub darewoob kai kondimaab,  
\q2 kwane yi kuu komo yaambed ma boknande kombaraibban kii.   
\q1
\v 166 O \nd Yariman\nd*, ebbed nende burudande angka kowi kuu ne yaa monok ande meedmiin,  
\q2 kwane ne kuu ebbed kwanime andi ye weng yaambed kwane ambangkimain.   
\q1
\v 167 Eb kerekmen korokbewen ye weng kuu awine kandimain,  
\q2 kuyaa kuu mimyob dowaken miin darewoob kowimain.   
\q1
\v 168 Ne kuu eb kongamki yamowiib eb kerekmen korokbewen ye wengiib awine kandimain,  
\q2 amborom kuu ne dobiri kerekmen kumundin kuu ebkaadmo kowe.  
\d Taw   
\q1
\v 169 O \nd Yariman\nd*, ne baandi kuu wengambere.  
\q2 Eb weng yaambed inamen kaadkeri kuu kankawe.   
\q1
\v 170 Ne kaamoni kuu wengambere.  
\q2 Eb weng yaambed ne kuu arewa yaa burudande nende.   
\q1
\v 171 Ne mongkodkono kuu ewaningko kankooni wengbed diire darewoob kerok,  
\q2 amborom kuu ebbed wongkewen yamob kuu kedmengkawimaab kowe.   
\q1
\v 172 Eb weng dowad yook wingka,  
\q2 amborom kuu ebbed kwanime andi ye weng korem kuu yorokmo kowe.   
\q1
\v 173 Ne awawi dowad eb dingki kuyaa kowe,  
\q2 amborom kuu eb kongamki yamob kerekmen yaa kine kowaan kowe.   
\q1
\v 174 O \nd Yariman\nd*, ne kuu ebbed ne nen arewa yaa burudandi yaa kuu moom dowakeniib kowimain,  
\q2 kwane eb amob yaa kuu kubi dowakeniib kowimain.   
\q1
\v 175 Korondebko ewaningko kankooni dowad dobara,  
\q2 kwane ebbed dakmewen ye amob kuu ne yaa awawok.   
\q1
\v 176 Ne kuu sibi biknemoon areb awerendobenmo yarebiin kowe,  
\q2 eb dememan ne dowad mene kerekne onme,  
\q2 amborom kuu ne kuu ebbed kwanime andi ye weng kuu ma nonondandimokban kowe.   
\c 120  
\cl Yook 120 
\toc1 Buk Yook 
\toc2 Buk Yook 
\d Daane kawini ye yook.  
\q1
\v 1 Ne yaa dabab monoon kumbed \nd Yariman\nd* yaa baandaane,  
\q2 yembed inanduwoon.   
\q1
\v 2 O \nd Yariman\nd*, dudanabi mongkodkonoiib birandi ongiib yaa kuu  
\q2 ne nen burudande angka kowe.   
\q1
\v 3 O birandi ye karub, eb yaa kuu Godbed komo kamebdaneen?  
\q2 Angkon eb yaa kuu ariyiib komo kamebdaneen?   
\q1
\v 4 Yembed eb yaa kuu ana nangmi ye karub ye ana yidkangiibbed ukum kabdaneen,  
\q2 kwane nimin darewoowiib ye amoyidkowiibbed kangkon ukum kabdaneen kii.   
\q1
\v 5 Ne kuu ambibkin Mesek aombed norod doriin kowe, mimyowiiwee!  
\q2 Kedi, ne kuu Kedaadan yi ambib kombon kidangka dobaraan, kuu mimyowiiwee!   
\q1
\v 6 Yewenub keri kerekmen yaa odkeneb kamidan yoom kuu  
\q2 aronki yemoon kai dobaraan.   
\q1
\v 7 Ne kuu iwari yewenub dobiri ye karub,  
\q2 kumban yewenubmo doberem andimain kuu yimbed ana nangmem andimaib.   
\c 121  
\cl Yook 121 
\toc1 Buk Yook 
\toc2 Buk Yook 
\d Daane kawini ye yook.  
\q1
\v 1 Ne awawi kuu kuna yaambed mananeen ande kaamoneni,  
\q2 ne indob kankoone aangko aangko ari kereknain kii.   
\q1
\v 2 Ne awawi kuu \nd Yariman\nd* yaambed minimaan,  
\q2 Eweniib okadiib ongmenaboonman yaambed kui.   
\q1
\v 3 Ye kuu eb domobdaana kereeb beredare kombaraabban,  
\q2 kwane eb yaa oonebdimaanman kuu unuk angkaanban.   
\q1
\v 4 Kedi, Israeldan yaa oonendimaanman kuu  
\q2 unuk angkimokban no kwane kerekbere doberembirimaan.   
\q1
\v 5 \nd Yariman\nd* kuu eb yaa oonebdimaanman,  
\q2 kwane \nd Yariman\nd* kuu eb nen dorondarimaanman.   
\q1
\v 6 Aronki kuu aronbed ma aunban,  
\q2 kwane amki kuu woodbed kangkon ma aunban.   
\q1
\v 7 \nd Yarimanbed\nd* eb kuu nen amukmo biknaneen kowe kumkam maambed aanban,  
\q2 kwane eb wadkeri yaa kuu oone kerenombaraneen.   
\q1
\v 8 \nd Yarimanbed\nd* eb menebiyiib wenebiyiib kuu  
\q2 kibikbed wene aron korem kwane oone keebdombaraneen.   
\c 122  
\cl Yook 122 
\toc1 Buk Yook 
\toc2 Buk Yook 
\d Daane kawini ye yook Dewidbed wongkoon.  
\q1
\v 1 “\nd Yariman\nd* yambib yaa wenem.” anduwiwen kuu  
\q2 ne kuu kubi darewoob keraan.   
\q1
\v 2 O Yerusalem, kibireb kee nub kuu  
\q2 kub kuuk ambongko aom doruub.   
\q1
\v 3 Yerusalem siti yenbiwen kuu  
\q2 kande kobkokmo kande daboknenib yenbiwen.   
\q1
\v 4 Israeldan yi amyenimbon korem kuu kumaom daane winimaib,  
\q2 \nd Yariman\nd* ye amyenimbon kui.  
\q1 Yi kuu \nd Yariman\nd* yaa eso andande daane winimaib,  
\q2 Israeldan yi dowad amob weng ongmoon yaambed.   
\q1
\v 5 Kedi, kwarimbed dibere wengyundimbon kuu dangoon,  
\q2 Dewid ye awoya arimbed dibere oonimbon kui.   
\q1
\v 6 Yerusalem aom iwari yewenubmo keri dowad kurikuri kerime, kekane yedmime,  
\q2 “Kane kane kub yaa mimyob dowaken kowimaib yaa kuu yiminmo kerundok.   
\q1
\v 7 Kub siti kuuk aom kuu iwari yewenuwiib kerok.  
\q2 Kub korok korok yi ambibbon aom kuu yiminmo dobiriyiib kerundok.” andime.   
\q1
\v 8 Ne karubkimiib nangkodmiayiib yi dowadbed  
\q2 kwane dakmaniin, “Kub aom kuu iwari yewenubmo kerok.” andaniin.   
\q1
\v 9 \nd Yariman\nd* nub God ye ambib ye dowadbed  
\q2 ne kuu kub yiminmo dobere andi kiwaan onmaniin.   
\c 123  
\cl Yook 123 
\toc1 Buk Yook 
\toc2 Buk Yook 
\d Daane kawini ye yook.  
\q1
\v 1 O Ewen arimbed dibere oonimaabman,  
\q2 eb yaa ne indob kankoonimain.   
\q1
\v 2 Kedi, dabderem yiri dobere deme awinembiridan kuu nub yaa awande bangkandok andenib yi kangkoman yaa wedme meedmimaib areb,  
\q2 o dabderem yiri dobere deme awinimbiri ye wonong kuu ne yaa awawe kawe andenu yu kangko wonong yaa wedme meedmimaun areb kuu  
\q1 nub kangkon \nd Yariman\nd* nub God yaa wedme meedmimaub,  
\q2 kee kwananuuwe yembed mimyob keende awandaneen kumbed.   
\q1
\v 3 Nub yaa mimyob keende awande, o \nd Yariman\nd*, nub yaa mimyob keende awande,  
\q2 amborom kuu nub yaa kuu yemoonbed daandi yeman kerundiwen kowe.   
\q1
\v 4 Nub yaa kuu kerengkandanbed damangkandi weng yemoon kamendiwen,  
\q2 nubbedmo yimin andidanbed nub kuu daandi yeman kerundiwen kui.   
\c 124  
\cl Yook 124 
\toc1 Buk Yook 
\toc2 Buk Yook 
\d Daane kawini ye yook Dewidbed wongkoon.  
\q1
\v 1 Israeldan kuu kekane yedmime,  
\q2 “\nd Yariman\nd* kuu nub kerekmen yaamban karen.” andime.   
\q1
\v 2 Kedi, kekane yedmime, “Karub kuu nub yaa bon keriwen kumbed  
\q2 \nd Yariman\nd* kuu nub kerekmen yaamban karen,   
\q1
\v 3 yimbed nub kuu wad ben anukmungkemoon areb keriwen karen,  
\q2 yimbed nub yaa norin wandiwen kuyaron kui.   
\q1
\v 4 Kukuu urokbed nub ben yukneen areb keroon,  
\q2 kukuu ok awaanbed nub ben dabune kebenendeen areb keroon kui.   
\q1
\v 5 Kukuu ok arud darewoobbed  
\q2 nub ben are dabune kebenendeen areb keroon kii!” andime.   
\q1
\v 6 \nd Yariman\nd* ye aningko kankoonem,  
\q2 yembed nub kuu domondoone wene bondan yi arud ningkambo ari ma kowindo kowe.   
\q1
\v 7 Nub kuu ayari on areb bad karub ye kawaad unoon yaambed  
\q2 kombiri wenemoon areb keruwen.  
\q1 Kawaad kuu domokboon kowe,  
\q2 nub kuu obon keruwen kii.   
\q1
\v 8 Nub awandi ye karub kuu \nd Yariman\nd*,  
\q2 Eweniib okadiib ongmenaboon ye God kui.   
\c 125  
\cl Yook 125 
\toc1 Buk Yook 
\toc2 Buk Yook 
\d Daane kawini ye yook.  
\q1
\v 1 Kane kane yi kuu \nd Yariman\nd* yaa angkumone doriib kuu,  
\q2 aangko Saiyon areb keriwen, kiringmindeban ye aangko kui, kwane aron korem angkimbaranuun.   
\q1
\v 2 Aangko aangkombed Yerusalem kanawanewandiwen areb kwamune kuu,  
\q2 \nd Yarimanbed\nd* ye nimakarub kuu ben awanewandundoon,  
\q2 kibikbed kwane wene aron korem korem yeman kii.   
\q1
\v 3 Kedi, yorokmodan yaa kondoon ye okad kuu  
\q2 arewa kamenabidanbed oonimaib kuu ben kiradmaneen.  
\q1 Mok arewa kamenabidanbed kwane oonaniib kuu  
\q2 yorokmodan kuu yi yorokmo kerekmen yaa kuu koronde arewa kamaniib manok.   
\q1
\v 4 O \nd Yariman\nd*, amun kamenabidan yaa kuu amun amun kamende.  
\q2 Kwane kangdommo doriibdan yaa kangkon amun amun kamende.   
\q1
\v 5 Kumban kane kane yi kuu kimyen wene inamen unitab awinimaib kuu  
\q2 \nd Yarimanbed\nd* kuye arewa kamenabidan kuu ben kiradmaneen.  
\q1 Israel aom kuu iwari yewenuwiib kerok.   
\c 126  
\cl Yook 126 
\toc1 Buk Yook 
\toc2 Buk Yook 
\d Daane kawini ye yook.  
\q1
\v 1 Nub kuu bondanbed benwiniwen kumbed \nd Yarimanbed\nd* ikakman Saiyon yaa benmonoon kuu,  
\q2 nub kuu kiyuum wanabemoon areb kamuwen.   
\q1
\v 2 Kedi, nub mongkod aom kuu ambonbed diiroon,  
\q2 kwane nub ong ari kuu kubi yookmo wingkanabuwen.  
\q1 Kwane ambibkin yenadanbed dakmiwen,  
\q2 “\nd Yarimanbed\nd* yi yaa kuu kamenabi miin dareb dareb ambangkanaboon kii.” andiwen.   
\q1
\v 3 Ee, \nd Yarimanbed\nd* nub yaa kuu kamenabi miin dareb dareb ambangkanaboon kowe,  
\q2 nub kuu kubimo keruwen kii.   
\q1
\v 4 O \nd Yariman\nd*, nub karubkim bondanbed benwiniwendan yena kangkon benmene.  
\q2 Amiibban ye amboon kiri am menenu ok kirodmo wenebimaun areb yi kuu benmenebko kirodmo menebime.   
\q1
\v 5 Kaneya yi kuu kab kibenib inok wandaniib kuu,  
\q2 yi kuu kube baandenib id wandaniib.   
\q1
\v 6 Kane ye kuu kibingki dowad yob benwenene inok wandimaan kuu,  
\q2 ye kuu kube baandene id wande andedme ben minimaan keraneen.   
\c 127  
\cl Yook 127 
\toc1 Buk Yook 
\toc2 Buk Yook 
\d Daane kawini ye yook Solomonbed wongkoon.  
\q1
\v 1 \nd Yarimanbed\nd* ambib kuu yenbokban keraneen kuu,  
\q2 ambib yenbidanbed yi deme kuu idiibban dawangmo keraniib.  
\q1 \nd Yarimanbed\nd* siti kuu oone kerekborokban keraneen kuu,  
\q2 oone kerekbiridan yi kerekbiri kuu idiibban dawangmo keraniib.   
\q1
\v 2 Ebka eb aromkonombed amkimo kai kuu yaro dembeneb,  
\q2 wad dobiri kerekmen dowad deme yobdoodmo ambangkembirimaab,  
\q1 kwane wene amnoom kai kerimaun kuu idiibban dawangmo,  
\q2 amborom kuu \nd Yarimanbed\nd* kane yaa mimyob dowaken keenimaanman yaa kuu bangkanimaan, ye unuk angkoon yaron kangkon kwane bangkanimaan.   
\q1
\v 3 Dana kuu \nd Yariman\nd* ye kubi koni yeman,  
\q2 yi kuu kakman amun yembed kondimaan yeman.   
\q1
\v 4 Karub kewed yaambed dana wanabimaan kuu  
\q2 ana nangmi ye karubbed awingkoon ye ana areb.   
\q1
\v 5 Kwamune ye ana yemooniib keriwendan kuu  
\q2 amun kerundoon.  
\q1 Yi kuu kangdod yaa wananiib kuu  
\q2 yi bondanbed yi yaa karak kondaibban.   
\c 128  
\cl Yook 128 
\toc1 Buk Yook 
\toc2 Buk Yook 
\d Daane kawini ye yook.  
\q1
\v 1 \nd Yariman\nd* yaa unimaibdan korem kuu amun kerundoon,  
\q2 ye kiwaan ari weniibdan kui.   
\q1
\v 2 Yiib kuu deme awiniwen ye id kuu yiibka ananiib,  
\q2 kwane yiib kuu amun kerundaneene yiminmo dobaraniib.   
\q1
\v 3 Eb wonong kuu wain nong areb id yemoon irimaun,  
\q2 eb ambiwoom kuu.  
\q1 Kwane eb dana meed kuu olif maad areb yemoonmo kainaniib,  
\q2 eb arakbon kebed yaa kuu.   
\q1
\v 4 Kedi, \nd Yariman\nd* yaa unimaan ye karub kuu  
\q2 kwamunemo amun kerunaneen.   
\q1
\v 5 \nd Yariman\nd* kuu Saiyon angkambed amun kerubdok.  
\q1 Eb wad dobaraneeb ye aronki korem kuu  
\q2 wedmebko Yerusalemdan yiminmo dobiriyiib kerok.   
\q1
\v 6 Anamaa, eb dana meed yi dana meed wedmaneeb kuu anam id kerok.  
\q1 Israel aom kuu iwari yewenuwiib kerok.   
\c 129  
\cl Yook 129 
\toc1 Buk Yook 
\toc2 Buk Yook 
\d Daane kawini ye yook.  
\q1
\v 1 Israeldan kuu kekane yedmime,  
\q2 “Ne kewed yaambed mene kibikee yimbed dabab yemoon bangkawiwen.” andime.   
\q1
\v 2 Kedi, kekane yedmime, “Ne kewed yaambed mene kibikee yimbed dabab yemoon bangkawiwen,  
\q2 kumban yi kuu ne yaa ma nangme burudande dorindo.   
\q1
\v 3 Yimbed ne angkurom yaa kuu nong yikyikiibbed wangkanabiwen kumbed  
\q2 koodem areb kuburu doboob yemooniib keraan.   
\q1
\v 4 Kumban \nd Yariman\nd* kuu yorokmo,  
\q2 kedi, yembed kuye arewa kamenabidanbed ne nen yerengkiwen ye nong kuu nare burudande obon kawoon.” andime.   
\q1
\v 5 Kaneya yi kuu Saiyon yaa arud wandembirimaib kuu,  
\q2 yi korem yaa karak kondene yenbandoko ikakman winime.   
\q1
\v 6 Kwane yi kuu kereek ambib animari dembekore  
\q2 kirodmo nuubnoon kainindo areb kerime.   
\q1
\v 7 Yi kuu wande bi ye karubbed kuyaa yob ma wedmindo kuye kereek areb kerime,  
\q2 kwane yi kuu wiit yob andedmi ye karubbed kuyaambed ma andedmindo kuye kereek areb kerime.   
\q1
\v 8 Yi yaa dewenebe burudandandamiibdan kuu kekane yedmaib,  
\q2 “\nd Yariman\nd* ye amun kerundi kuu yiib ari kowok,  
\q2 kwane \nd Yariman\nd* yaningko yaambed yiib yaa amun kerunduub kii.” andaib.   
\c 130  
\cl Yook 130 
\toc1 Buk Yook 
\toc2 Buk Yook 
\d Daane kawini ye yook.  
\q1
\v 1 O \nd Yariman\nd*, ne miin yiminban keraan ye niindem aombed eb yaa baandaan.   
\b  
\q2
\v 2 O Yariman, ne weng kee wengamberewe.  
\q1 Eb kerendem kuu ne yaa kowe  
\q2 ne yaa mimyob keewe ande baandaan kuyaa wengambere.   
\q1
\v 3 O \nd Yariman\nd*, eb kuu kekamune ambarakmi ye yuun awinaneeb keraneen kuu,  
\q2 o Yariman, kanembed ma wad doraanban keraneen kii.   
\q1
\v 4 Kumban eb kuu ambarakmi are nonondandi kerekmeniib kowe,  
\q2 eb yaa unanuub kumbedmo yimin.   
\q1
\v 5 Ne kuu \nd Yariman\nd* ye awawi dowad meedmiin, ne inamen kumundiniib kumbed meedmiin kii,  
\q2 kwane ye weng yaambed kwananeen ande kowaan.   
\q1
\v 6 Ne inamen kumundiniib kumbed Yariman ye awawi dowad nindorokiibbed meedmiin,  
\q2 amnoom oone kerekbiridanbed awawini waruk ande meedmimaib arebban,  
\q2 anamaa, amnoom oone kerekbiridanbed awawini waruk ande meedmimaib arebban.   
\q1
\v 7 O Israeldan, \nd Yarimanbed\nd* kwananeen ande meedmime,  
\q2 amborom kuu \nd Yariman\nd* kuu womoniyiibban ye mimyob dowakeniib kowe,  
\q2 kwane ye kuu yiminmo biddi ye karub.   
\q1
\v 8 Yekareb yembed Israeldan kuu  
\q2 yi ambarakmi yaambed bidde baneen.   
\c 131  
\cl Yook 131 
\toc1 Buk Yook 
\toc2 Buk Yook 
\d Daane kawini ye yook Dewidbed wongkoon.  
\q1
\v 1 O \nd Yariman\nd*, ne niindem aom kuu kerengkan kerindo,  
\q2 angkon ne korok kankoone nembedmo yimin andokban,  
\q1 kwane ne burudande arimbed keriwendan inamen ongmiwen kuyaa kuu ne kuu ma wingkanambengkan kamindo,  
\q2 kwane ne inamen burudande arimbed keroon ye inamen kuyaa kangkon ne kuu ma wingkanambengkan kamindo.   
\q1
\v 2 Anamaa, ne kuu nangkem kere iwari keraan,  
\q2 dana awaan yu muk koronde yu yaa yone iwari keremoon areb keraan,  
\q2 kuye dana areb ne inamen kumundin kuu iwari keroon.   
\q1
\v 3 O Israeldan, \nd Yarimanbed\nd* kwananeen ande meedmime,  
\q2 kibikbed wene aron korem.   
\c 132  
\cl Yook 132 
\toc1 Buk Yook 
\toc2 Buk Yook 
\d Daane kawini ye yook.  
\q1
\v 1 O \nd Yariman\nd*, Dewid kuu ika meene.  
\q2 Yobdood wedmenaboon korem kuu ika meene.   
\q1
\v 2 Yembed \nd Yariman\nd* yaa weng kunduk yedme kowoon,  
\q2 Yekob ye God Aromkonomo kuyaa wiim aangke yedmoon kui.   
\q1
\v 3 Kekane yedmoon, “Nambiwoom awunainban,  
\q2 kwane ne angkimbon yaa wanainban,   
\q1
\v 4 kwane ne indob kuu konaina angkaanban,  
\q2 kwane ne indob ingkad kuu kande yaa dubunaanban,   
\q1
\v 5 wene \nd Yariman\nd* ye ambib arumi yumbon baamonekorid yimin keraneen,  
\q2 Yekob ye God Aromkonomo ye dobirimbon kui.   
\q1
\v 6 Kedi, God ye amob weng ongmoon ye boks ye weng kuu Efarata angkambed wengamburuwen,  
\q2 kwane wene Jearim ye mongkobon aombed wedmuwen.   
\q1
\v 7 God ye dobirimbon yaa wenem,  
\q2 ye dibere oonimbon yaa wenenub kurikuri kere ye aningko kankoonem.   
\q1
\v 8 O \nd Yariman\nd*, yaro dembe eb yiidkimbon yaa mene,  
\q2 eb aromkono korokbeneb amob weng ongmewen ye boks kuyiib kanmene.   
\q1
\v 9 Eb dore Yuudan dore wedyiri dobiridan kuu ongmendebko yorokmo kiwaanbed dobirime,  
\q2 kwane ebbed yorokmo kerundewendan kuu kubi ye yook wingkime.   
\q1
\v 10 Eb dememan Dewid ye dowad  
\q2 ebbed ye ari oiyo bune kinewenman yaa kuu eb murubia kan yeknaab.   
\q1
\v 11 \nd Yarimanbed\nd* Dewid yaa amob weng ongmoon,  
\q2 kuye amob kuu ikakman kandaanban, anammo angkimbaraneen kui.  
\q1 Kekane yedmoon, “Nembed eb yob yaambed  
\q2 mimo kine nendaniine king keraneen.   
\q1
\v 12 Eb karub dana meed kuu nembed ongmaan ye amob weng awine kandenib,  
\q2 ne kerekmen korokbaan ye weng yi yaa kedmengkandaniine awine kandaniib kuu,  
\q1 yi karub dana meed kuu eb dibere oonimbon arimbed  
\q2 aron korem dibaraniib.” andoon.   
\q1
\v 13 Kedi, \nd Yarimanbed\nd* Saiyon kuu kinoon,  
\q2 ne dobirimbon yeman ande dowakeniib keroon kui.   
\q1
\v 14 Kekane yedmoon, “Kekee ne yiidkimbon aron korem korem yeman,  
\q2 kuyaa kuu dowakeniib keraan kowe, nembed kwane dibere oonembaraniin.   
\q1
\v 15 Saiyon angka doriibdan kuu amun kerundaniine yiminmo dobaraniib,  
\q2 kwane yu kamboknondan kuu animan yiminmo bangkandaniin.   
\q1
\v 16 Ne dore Yuudan dore wedyiri dobiridan kuu ongmendaniina arewa yaa burudande bindi kerekmen yikaadkeraniib,  
\q2 kwane yu karadmodan kuu kubi yook naawonmo wingkaniib.   
\q1
\v 17 Kwarimbed Dewid ye aromkono kuu nembed kandune darewoob arimbed ongmaniin,  
\q2 kwane nembed ye ari oiyo bune kinaanman ye ooni yaromkono kuu ongmaniina aron korem kwane angkimbaraneen.   
\q1
\v 18 Nembed ye bondan kuu karak kaimbed kan derenendaniin,  
\q2 kumban ye kuu ongmaniina nambiri kai ye king keraneen.   
\c 133  
\cl Yook 133 
\toc1 Buk Yook 
\toc2 Buk Yook 
\d Daane kawini ye yook Dewidbed wongkoon.  
\q1
\v 1 Kedi, ayiyambed mene wengbiriyiibban weng mimo kere ibmo dobiri kuu  
\q2 amun angkon manimanandeb kii.   
\q1
\v 2 Kukuu God ye amob yaambed korok ari buni ye oiyo nekwiwen areb,  
\q2 nub korok ari bunaiwe,  
\q1 Eeron kui, ye ari bunaiwe,  
\q2 menebe kawene bomi yaa kere ye ebkad kongkono dem yaa dorimaan areb kii.   
\q1
\v 3 Kukuu aangko Heemon arimbed wood nurok  
\q2 aangko Saiyon ari menemoon areb.  
\q1 Amborom kuu \nd Yariman\nd* kuu Saiyon arimbed amun kerundimaan kowe,  
\q2 wadkeri aron korem kui.   
\c 134  
\cl Yook 134 
\toc1 Buk Yook 
\toc2 Buk Yook 
\d Daane kawini ye yook.  
\q1
\v 1 \nd Yariman\nd* ye demedan, yiib kuu \nd Yariman\nd* ye aningko kankoonime,  
\q2 kane kane \nd Yariman\nd* ye kurikuri boyambib aom amnoombed ambangkimaib kui.   
\q1
\v 2 Yiib dingki kuu ambib karadmo yaa benkoobenib,  
\q2 \nd Yariman\nd* ye aningko kankoonime.   
\q1
\v 3 \nd Yarimanbed\nd* yiib yaa kuu Saiyon arimbed amun kerundok,  
\q2 Eweniib okadiib ongmenaboonman yembed kui.   
\c 135  
\cl Yook 135 
\toc1 Buk Yook 
\toc2 Buk Yook 
\q1
\v 1 \nd Yariman\nd* ye aningko kankoonime!  
\q1 \nd Yariman\nd* ye aningko kankoonime,  
\q2 \nd Yariman\nd* ye demedan, ye aningko kankoonime.   
\q1
\v 2 Kane kane kuu \nd Yariman\nd* yambiwoom awunimaibdan,  
\q2 nub God yambib yu kuuk wirinimbon aom dobirimaibdan kui,   
\q1
\v 3 yiib kuu \nd Yariman\nd* ye aningko kankoonime,  
\q2 amborom kuu ye kuu amun kowe.  
\q1 Ye aningko yaa kubi yook wingkime,  
\q2 kukuu manimanandeb yeman kowe.   
\q1
\v 4 Kedi, \nd Yarimanbed\nd* yeka ye dowad Yekob kuu kine baamonoon,  
\q2 Israel kuu ye yaa bobne komboroon ye karub ande nendoone \nd Yariman\nd* yeman keroon kui.   
\q1
\v 5 Nekaad, \nd Yariman\nd* kuu miin darewoob arimbed.  
\q2 Nub Yariman kuu miin darewoob arimbed, god yena korem arebban.   
\q1
\v 6 \nd Yariman\nd* kuu komo komo ye dowaken kerimaan yaamo kwane ambangkimaan,  
\q2 ambid aomiib okad ariyiib karamok ariyiib karamok niindem yiriyiib korem yaa.   
\q1
\v 7 Yembed wiib kuu ongmaane okad yimin yimin yaambed daanimaib,  
\q2 kwane yembed am kuu imakiib ongmimaan,  
\q2 kwane yembed nuub kuu ye angkimbirimbon aombed nenkowaana minimaan kii.   
\q1
\v 8 Yembed Idyipdan yi wonob dana meed yenbandoone dukniwen,  
\q2 nimakarub yi wonob dana meediib dingkan yi wonob dana meediib kui.   
\q1
\v 9 O Idyipdan, yiib kingiib ye korok korokiib yaa kuu yembed manmo kerene  
\q2 dudiib binangke ye yaa anam andi yemaniib kuu yiib aom ongmenaboon.   
\q1
\v 10 Yembed ambibkin yemoon yeene monmaroon,  
\q2 kingdan aromkonoyiib kangkon yeene nongkoboon,   
\q1
\v 11 Amorodan yi king Sihoniib  
\q2 Basandan yi king Ogiib  
\q2 okad Keenan ye ambibkindan yi king koremiib kui.   
\q1
\v 12 Kwane yembed okad kuu ye nimakarub yaa kondoone yiman keroon,  
\q2 Israeldan yaa kondoone yiman keroon kui.   
\q1
\v 13 O \nd Yariman\nd*, ewaningko kuu aron korem kwane angkimbaraneen,  
\q2 o \nd Yariman\nd*, eb yirin kangkon nimakarub yaro dobere dobere yaro wananiib korem aom kuu kwane angkimbaraneen.   
\q1
\v 14 Amborom kuu \nd Yarimanbed\nd* ye nimakarub yi dowad wengyundekore yi kuu ambarakmindo andaneen,  
\q2 kwane ye demedan yaa mimyob keende awandaneen.   
\q1
\v 15 Ambibkin yena korem yi god kuu kuruwakmo, silvaayiib goldiib kumbed  
\q2 karub yi dingkimbed ongmenabiwen.   
\q1
\v 16 Yi kuu mongkodkonoyiib kumban dakmindeban,  
\q2 kwane yi kuu indowiib kumban wedmindeban,   
\q1
\v 17 kwane yi kuu kerendemiib kumban wengambirindeban,  
\q2 kwane yi kuu inum ma nimokban.   
\q1
\v 18 Kuruwak god ongmenabimaibdan kuu yika ongmenabiwen yeman kwamune areb keraniib,  
\q2 kwane kane kane kuruwak god yaa angkumone doriib kangkon yi areb keraniib.   
\q1
\v 19 O Israel ye awoya ari, \nd Yariman\nd* yaningko kankoonime.  
\q2 O Eeron ye awoya ari, \nd Yariman\nd* yaningko kankoonime.   
\q1
\v 20 O Livai ye awoya ari, \nd Yariman\nd* yaningko kankoonime.  
\q2 Kane kane \nd Yariman\nd* yaa une bumangkimaib kuu, \nd Yariman\nd* yaningko kankoonime.   
\q1
\v 21 Saiyon arimbed \nd Yariman\nd* yaningko kankoonime,  
\q2 Yerusalem aom doreenman yaningko kankoonime.  
\q1 \nd Yariman\nd* yaningko kankoonime!   
\c 136  
\cl Yook 136 
\toc1 Buk Yook 
\toc2 Buk Yook 
\q1
\v 1 \nd Yariman\nd* yaa eso andime, ye kuu amun kowe.  
\q2 Amborom kuu ye womoniyiibban ye mimyob dowaken kuu aron korem kwane angkimbaraneen.   
\q1
\v 2 Goddan korem yi God yaa eso andime.  
\q2 Amborom kuu ye womoniyiibban ye mimyob dowaken kuu aron korem kwane angkimbaraneen.   
\q1
\v 3 Yariman korem yi Yariman yaa eso andime.  
\q2 Amborom kuu ye womoniyiibban ye mimyob dowaken kuu aron korem kwane angkimbaraneen.   
\q1
\v 4 Yembedmo binangke ye yaa anam andi yeman ongmenabimaanman, ye yaa eso andime.  
\q2 Amborom kuu ye womoniyiibban ye mimyob dowaken kuu aron korem kwane angkimbaraneen.   
\q1
\v 5 Ye meeni kangdombed Ewen ongmoonman yaa kui.  
\q2 Amborom kuu ye womoniyiibban ye mimyob dowaken kuu aron korem kwane angkimbaraneen.   
\q1
\v 6 Yembed okad yu yumbon kuu ok wedyirimbed ongme kowoonman yaa kui.  
\q2 Amborom kuu ye womoniyiibban ye mimyob dowaken kuu aron korem kwane angkimbaraneen.   
\q1
\v 7 Yembed nambiri dareb dareb ongmenaboonman yaa kui.  
\q2 Amborom kuu ye womoniyiibban ye mimyob dowaken kuu aron korem kwane angkimbaraneen.   
\q1
\v 8 Aronki oonimaun ye aron kui.  
\q2 Amborom kuu ye womoniyiibban ye mimyob dowaken kuu aron korem kwane angkimbaraneen.   
\q1
\v 9 Amnoom oonimaib ye woodiib mindongiib kui.  
\q2 Amborom kuu ye womoniyiibban ye mimyob dowaken kuu aron korem kwane angkimbaraneen.   
\q1
\v 10 Idyipdan yi wonob dana meed yeene monmaroonman yaa kui.  
\q2 Amborom kuu ye womoniyiibban ye mimyob dowaken kuu aron korem kwane angkimbaraneen.   
\q1
\v 11 Yi numun aombed Israeldan ben angkadoroonman yaa kui.  
\q2 Amborom kuu ye womoniyiibban ye mimyob dowaken kuu aron korem kwane angkimbaraneen.   
\q1
\v 12 Ye dingki aromkonoyiib yiroon kumbed kui.  
\q2 Amborom kuu ye womoniyiibban ye mimyob dowaken kuu aron korem kwane angkimbaraneen.   
\q1
\v 13 Karamok Dodmo andokboonman yaa kui.  
\q2 Amborom kuu ye womoniyiibban ye mimyob dowaken kuu aron korem kwane angkimbaraneen.   
\q1
\v 14 Karamok kuu andokbe angkara angkara kerekore Israeldan kuu wedyiri benyanoon kui.  
\q2 Amborom kuu ye womoniyiibban ye mimyob dowaken kuu aron korem kwane angkimbaraneen.   
\q1
\v 15 Kumban yembed Feroyiib ye ana nangmidaniib karamok Dodmo yiri benkiradmoon kui.  
\q2 Amborom kuu ye womoniyiibban ye mimyob dowaken kuu aron korem kwane angkimbaraneen.   
\q1
\v 16 Ye nimakarub amboon angka ben kinban dewonoonman yaa kui.  
\q2 Amborom kuu ye womoniyiibban ye mimyob dowaken kuu aron korem kwane angkimbaraneen.   
\q1
\v 17 King dareb dareb yeene monmaroonman yaa kui.  
\q2 Amborom kuu ye womoniyiibban ye mimyob dowaken kuu aron korem kwane angkimbaraneen.   
\q1
\v 18 Kwane kingdan aromkonoyiib yeene nongkoboon kui.  
\q2 Amborom kuu ye womoniyiibban ye mimyob dowaken kuu aron korem kwane angkimbaraneen.   
\q1
\v 19 Amorodan yi king Sihon kui.  
\q2 Amborom kuu ye womoniyiibban ye mimyob dowaken kuu aron korem kwane angkimbaraneen.   
\q1
\v 20 Basandan yi king Og kangkon kui.  
\q2 Amborom kuu ye womoniyiibban ye mimyob dowaken kuu aron korem kwane angkimbaraneen.   
\q1
\v 21 Yi okad kandene ye nimakarub yaa kondoone yiman keroon kui.  
\q2 Amborom kuu ye womoniyiibban ye mimyob dowaken kuu aron korem kwane angkimbaraneen.   
\q1
\v 22 Ye demedan Israeldan yaa kondoone yiman keroon kui.  
\q2 Amborom kuu ye womoniyiibban ye mimyob dowaken kuu aron korem kwane angkimbaraneen.   
\q1
\v 23 Nub kuu benkubune yiri kerundiwen kuyaa wedme meenoonman yaa kui.  
\q2 Amborom kuu ye womoniyiibban ye mimyob dowaken kuu aron korem kwane angkimbaraneen.   
\q1
\v 24 Yembed nub kuu nub bondan yaambed ben obon kerundoon kui.  
\q2 Amborom kuu ye womoniyiibban ye mimyob dowaken kuu aron korem kwane angkimbaraneen.   
\q1
\v 25 Yembed wad dobiri yeman korem yaa animan bangkandimaan kui.  
\q2 Amborom kuu ye womoniyiibban ye mimyob dowaken kuu aron korem kwane angkimbaraneen.   
\q1
\v 26 Ewen ari doreen ye God yaa eso andime.  
\q2 Amborom kuu ye womoniyiibban ye mimyob dowaken kuu aron korem kwane angkimbaraneen.   
\c 137  
\cl Yook 137 
\toc1 Buk Yook 
\toc2 Buk Yook 
\q1
\v 1 Babilon ye ok kebed yaambed nub kuu diberenub,  
\q2 Saiyon dowad ika meenmende inok wanabimamuwen.   
\q1
\v 2 Kuyaambed at aningko wilo bokon bokon ari kuu  
\q2 nub haap ben kinamburuwen,   
\q1
\v 3 amborom kuu nub awingke biwendanbed yook wingkime ande yedmendiwen,  
\q2 nub yaa durud yewed kondiwendanbed kubi yook wingkime ande nangkande yedmiwen kui,  
\q2 “Saiyon yu yook mimo nub yaa wingke kondime.” ande yedmiwen kui.   
\q1
\v 4 Kumban komarewa kere nub kuu ogood ambibkin angkambed doruub kumbed  
\q2 \nd Yariman\nd* ye yook kuu wingkanabanuub?   
\q1
\v 5 O Yerusalem, kub nonondande korondaniin kuu  
\q2 ne dingki wiwimbed haap wangki kerekmen kuu nonondandoko,   
\q1
\v 6 ne ong kuu koraab yaa daboknok.  
\q2 Kub nonondande korondaniin kuu kwamunemo kerok.  
\q1 Yerusalem yaa kubi darewoob keraan, yena arebban,  
\q2 kumban kuye kubi kankubunaniin kuu kwamunemo kerok.   
\q1
\v 7 O \nd Yariman\nd*, Yerusalem monmariwen yaron ari  
\q2 Idomdanbed komo kamiwen kuu ika meene.  
\q1 Yimbed baande yedmiwen, “Yerusalem monmarime.  
\q2 Kumundinmo monmaribko ambukirimo kerok!” andiwen kui.   
\q1
\v 8 Babilondan, yiib kuu monmari dowad kinoon,  
\q2 yiibbed nub yaa arewa kamenabiwen kuyaa kuu  
\q2 karub kanembed ibmo inandundaneen kuu amun kerunaneen.   
\q1
\v 9 Kanembed yiib dana monob ben bot ari wowe monmaraneen kuu  
\q2 ye yaa kuu amun kerunaneen.   
\c 138  
\cl Yook 138 
\toc1 Buk Yook 
\toc2 Buk Yook 
\d Dewid ye yook.  
\q1
\v 1 O \nd Yariman\nd*, ne niindem aom kumundiniib kumbed eb yaa eso andaniin,  
\q2 kwane god yena yi arinambo arimbed eb yaa wingkani ewaningko kankoonaniin.   
\q1
\v 2 Ne kuu eb kurikuri boyambib karadmo yaa amonombe bumangkeni,  
\q2 eb womoniyiibban ye mimyob dowaken keewiyiib eb ma korondiyiibban weng awiniyiib ye dowad  
\q2 ewaningko yaa eso andaniin,  
\q1 amborom kuu ewaningkoyiib eb wengiib kuu arimbed kerundeewe miin darewoob keriwen,  
\q2 kumkam yena korem arebban kowe.   
\q1
\v 3 Eb yaa baandaan kuu ebbed inanduwewen,  
\q2 ebbed ne ongmeweewa arudkonomo kangdommo keraan kui.   
\q1
\v 4 O \nd Yariman\nd*, okad yiri ye king korem kuu eb weng dakmaneewe wengambaraniib kuu,  
\q2 eb yaa eso andaniib.   
\q1
\v 5 Kwane yi kuu \nd Yariman\nd* ye kerekmen dowad wingkaniib,  
\q2 amborom kuu \nd Yariman\nd* ye nambiri kuu miin darewoob kowe.   
\q1
\v 6 \nd Yariman\nd* kuu darewoob arimbed,  
\q2 kumban yirimodan yaa kuu awandi dowad kereknimaan,  
\q2 kumban kerengkandan kuu yekaad kuned ma awandaanban, yi yaa kuu ambab angka doreen kowe.   
\q1
\v 7 Ne kuu arewa dabab niindem aom yarebimain kumban,  
\q2 ebbed ne kuu ongmewaawa wadkerimain.  
\q1 Ne bondanbed ne yaa kuu arud wandimaib kuyaa kuu eb dingkimbed kebenimaab,  
\q2 kwane eb dingki wiwimbed ne kuu arewa yaa burudande nendimaab.   
\q1
\v 8 \nd Yarimanbed\nd* ne dowad ye weng kunduk kuu kwamune ambangkaneen.  
\q2 O \nd Yariman\nd*, eb womoniyiibban ye mimyob dowaken kuu aron korem kwane angkimbaraneen.  
\q2 Eb dingkimbed deme andowewen kuu korondaab ambangke dowan kere.   
\c 139  
\cl Yook 139 
\toc1 Buk Yook 
\toc2 Buk Yook 
\d Yook ambo bi ye karub yeman. God yaningko kankooni yook Dewidbed wongkoon.  
\q1
\v 1 O \nd Yariman\nd*, ne kuu  
\q2 ebbed andangke darobeweneb kaadkeruwewen.   
\q1
\v 2 Ne yiri dibirimainiib yaro dobirimainiib korem kuu ebkaadkerewen,  
\q2 eb kuu ambab angka doreeb kumban nembed inamen kowaan korem kwangkon ebkaadkerewen.   
\q1
\v 3 Ne dobiri kiwaaniib ne angki kerekmeniib korem kuu darobe ebkaadkerewen,  
\q2 ne kamenabi korem kuu ebkaadmo kerewen.   
\q1
\v 4 O \nd Yariman\nd*, ne mongkodkono ari weng aningko mimo mogeed dakmindo kumbed  
\q2 komo yedmandamiin korem kuu ebkaadmo kerewen.   
\q1
\v 5 Ne kebed angkara angkara korem kuu ebbed kanawanewande durunewen,  
\q2 kwane eb dingkimbed ne ari koweneb awawewen.   
\q1
\v 6 Ne yaa ebkaadkeruwewen ye kerekmen kuu miin manimanandeb kii, ne kuu kwamune meenindeban ii,  
\q2 kuye inamen kaadkeri kuu miin arimbed, nembed meendobe kabaki kuu yirimo.   
\q1
\v 7 Eb Kingkin yaambed wene kunaya biknaniin? Dowan.  
\q2 Eb kerebiri arimbed wene kunaya kombiri wananiin? Dowan.   
\q1
\v 8 Ewen ari daananiin kuu eb kuu kwari doreeb,  
\q2 kwane dukniwendan yi doriib yirimbed kawene angkaniin kangkon eb kuu kuri doreeb.   
\q1
\v 9 Ma, ne kuu wanwene aron yaro minimaun kuu burudande kwangkakoo kai wananiin,  
\q2 o karamok yara yane dobaraniin kuu,   
\q1
\v 10 kuyaa kwangkon eb dingkimbed ne nen kinban wananeeb,  
\q2 kwane eb dingki wiwimbed ne yaa angkumowaneene kangdommo dobaraniin.   
\q1
\v 11 Kekamune yedmaniin, “Anam kuu kumunbed ne kebenewaneene biknaniin,  
\q2 kwane nambiri ne yaa yuroon kuu amnoom kumunmo keraneen.” andaniin kuu,   
\q1
\v 12 kumun aom kuu yiminmo wedmaneeb,  
\q2 kwane amnoom kuu awingyab areb yuraneen,  
\q2 amborom kuu kumuniib nambiriyiib kuyaa kuu eb ma meenimokban kowe.   
\q1
\v 13 Kedi, ebbed ne id yaa kuu yeka yeka wuub nimingke nongkobewen,  
\q2 ebbed ne id kuu ne ena yu kabeyob aom wuub nimingkewen.   
\q1
\v 14 Ne kuu binangke une eb yaa anam andi yeman ongmewewen kowe eb yaa eso andaan.  
\q2 Eb ambangkanabi kuu manimanandewiib,  
\q2 kukuu anammo nekaad.   
\q1
\v 15 Ne kuu biknimbon aom ongmewewen,  
\q2 okad niindem yiri ongmewewen\f + \fr 139:15 \ft  “Biknimbon” kuyiib “okad niindem yiri” kuyiib yi weng id angkara kuu “ena yu kabeyob aom”. \f* kui,  
\q2 kuyaa kuu ne kono kono kuu ebkaad, ne yaa komo keroon kuu eb yaa ma biknindo.   
\b  
\q2
\v 16 Ne id kuu mogeed wuub nimingkindo yaron kuu wedmewewen.  
\q1 Ne wooni yaroniib bobni yaroniib wad doriin yaron koremiib kuu  
\q2 ne woonindo yaron anuk yirimbed  
\q2 ebbed kinekoreb eb buk aom wongkewen.   
\q1
\v 17 O God, eb meeni kuu miin manimanandewiib andaan kii.  
\q2 Yi korem kuu miin yemoon kai!   
\q1
\v 18 Ne kuu kwane kimingkembaraniin kuu  
\q2 kubuk mimim kimingki arebban, kimingke dorindeban.  
\q1 Kwane angke awari yaro dembaniin kuu domobdainban ewiib dobaraniin.   
\q1
\v 19 O God, miin arewa kamenabidan kuu yeene nongkobe!  
\q2 Yeremboromdan, yiib kuu ne yaa angkanime!   
\q1
\v 20 Kedi, yi kuu inamen arewa kumbed eb dowad dakmimaib,  
\q2 kwane eb bondan kuu ewaningko monmarimaib.   
\q1
\v 21 O \nd Yariman\nd*, eb yaa arud wandembirimaibdan kuu nembed yi yaa arud wandembirimainoo? Anamaa.  
\q2 Kwane, eb yaa manmo kerimaibdan kuu nembed yi yaa wunekare komyeng areb kerundimainoo? Anamaa.   
\q1
\v 22 Nembed yi yaa naawonmo arud wandembirimain kumbedmo,  
\q2 yi kuu ne bondan andimain.   
\q1
\v 23 O God, ne yaa kuu andangke darobeneb ne niindem aom kuu ebkaadkere.  
\q2 Kwane komboon kaamobeweneb ne inamen kabakanabi yi meendobi kuu ebkaadkere.   
\q1
\v 24 Kwane ne yaa kuu inamen arewa maayiib keroka kankorokbe.  
\q2 Kwane wadkeri aron korem ye dobiri kiwaan ari kuu ne nen kinban wene.   
\c 140  
\cl Yook 140 
\toc1 Buk Yook 
\toc2 Buk Yook 
\d Yook ambo bi ye karub yeman. God yaningko kankooni ye yook Dewidbed wongkoon.  
\q1
\v 1 O \nd Yariman\nd*, ne kuu miin arewa kamenabidan yaambed nen burudande angka kowe.  
\q2 Ne kuu yeremboromdan yaambed nen dorondare.   
\q1
\v 2 Yi kuu yi niindem aom inamen miin arewa ongmenabimaib,  
\q2 kwane yi kuu aronki korem kuu ana nangmi inamen bangkandimaib.   
\q1
\v 3 Kwane yi ong kuu niin yi ong areb kerenib “ssss” andimaib,  
\q2 kwane yi weng mongkodkono mandakadbed dembimaan kuu niindok arud ambod areb.\it Selah\it*   
\q1
\v 4 O \nd Yariman\nd*, ne kuu miin arewa kamenabidan yi dingki dem aombed nen burudande angka kowe.  
\q2 Ne kuu yeremboromdan yaambed nen dorondare.  
\q2 Yimbed ne kombiri ye inamen ongmiwen kui.   
\q1
\v 5 Kerengkandanbed kawaad nong ne kuu awinenok ande ongme daubiwen,  
\q2 kwane yimbed karub awingki ye men kuu kan batangne awinewande kamiwen,  
\q2 kwane yimbed ne kiwaan arimbed awinenok ande nongkobiwen.\it Selah\it*   
\q1
\v 6 O \nd Yariman\nd*, “Eb kuu ne God.” ande yedmimain.  
\q2 O \nd Yariman\nd*, ne yaa mimyob keewe awawe ande baandaan kuu wengamberewe.   
\q1
\v 7 O \nd Yariman\nd* Ambengkan, ne nen aromkonomo dorondarimaabman kui,  
\q2 ana nangmi yaron yaa kuu eb kuu ne korok yaa kombe areb kerimaab.   
\q1
\v 8 O \nd Yariman\nd*, arewa kamenabidan yi inamen dowaken yaambed kamandamiib kuu ee kwanime andaab,  
\q2 kwane yi inamen ongmiwen kuu kebene.  
\q2 Yi inamen ongmiwen kuu id keraneen kuu kerengkan keraniib kii.\it Selah\it*   
\q1
\v 9 Ne kanawanewande bon keriwendan yi korok ari kuu,  
\q2 yi butun kamiwen kuu ben ikakman nongkobebko,   
\q1
\v 10 amoyidkob niminiib yi ari kiroboko,  
\q2 yi kuu amot aom ben kiraroko,  
\q2 ika kawinindeban ye dem kongdem yiri ben kirarok.   
\q1
\v 11 Wengamborokbanabidan kuu nuwokad kuyaom kuu yumboniibban kerime,  
\q2 kwane yeremboromdan kuu arewa kaimbed kirodmo mene dabunde yenbande monmarok.   
\q1
\v 12 Yariman kuu dabab wayiroondan yaa koromone angkumondene,  
\q2 kamboknondan yaa wengyundi anammo kondimaan kuu nekaad.   
\q1
\v 13 Anam kuu yorokmodan kuu ewaningko yaa eso andaniiwe,  
\q2 kangdommo doriibdan kuu eb kerebiri arinambo arimbed dobaraniib kii.   
\c 141  
\cl Yook 141 
\toc1 Buk Yook 
\toc2 Buk Yook 
\d God yaningko kankooni ye yook Dewidbed wongkoon.  
\q1
\v 1 O \nd Yariman\nd*, eb yaa baandaan kii, kirod mene awawe.  
\q2 Ne baandi eb yaa kuu wengamberewe.   
\q1
\v 2 Ne kurikuri eb yaa ben kabdiin kuu baeb amun kabdi areb kerok.  
\q2 Ne dingki benkoobi kuu oobnon yaa ye dingkan aye nengke baeb kabdi areb kerok.   
\q1
\v 3 O \nd Yariman\nd*, ne mongkodkono yaa kangkadmi kerekmeniib ongme.  
\q2 Kwane ne mandakad ambongko yaa kuu weng amunmo dakmi dowad oone kerendombiri kerekmeniib ongme.   
\q1
\v 4 Korondaawa ne niindem aom kuu arewa kami aom kubunaan.  
\q2 Korondaawa ne kuu inamen arewa ambangkain.  
\q1 Kane kane kuu arewa kamenabimaib kuu,  
\q2 korondaawa yi orokbon yaa wene anain.   
\q1
\v 5 Korondebko yorokmomanbed ye mimyob dowaken keendi kerekmen yaambed ongkawe ukum kawok.  
\q2 Kukuu ne korok ari bune amun keruwi ye oiyo areb.  
\q2 “Yii, ne korok ari bunaab.” andainban.  
\q1 Arewa kamenabidanbed arewa kamenabimaib kuu kebenok ande kurikuri kamembirimain.   
\b  
\q2
\v 6 Yi wengyundi korok korok kuu aangko dungkun nare kubuneen yiri ben kiraraneen.  
\q2 Ne weng kuu amun kowe yi kuu wengambaraniib.   
\q1
\v 7 Okad kuu nidke aangke ben kiradmemoon areb  
\q2 yi kono kono kuu bobkonombon ambongko yaa ben kiradmaniiwe amone dange wananeen.   
\q1
\v 8 O \nd Yariman\nd* Ambengkan, ne indob kuu eb yaa nengmonaan.  
\q2 Ne kuu ebbed kukbimaabbon aom doriin kowe, ne kuu kan bobni ari kowaab.   
\q1
\v 9 Ne kuu yi kawaad nong ne dowad ben nongkobiwen kuyaambed nen burudande angka kowe.  
\q2 Ne kuu arewa kamenabidanbed ne kiwaan arimbed awinenok ande nongkobiwen kuyaambed nen burudande angka kowe.   
\q1
\v 10 Yimbed karub awingki ye men kan batangne awinewande kamiwen kumbed yika awinendoko,  
\q2 ne kuu amunmo deburudanda.   
\c 142  
\cl Yook 142 
\toc1 Buk Yook 
\toc2 Buk Yook 
\d \em Maskil\em* ye yook Dewidbed botdem aom bikne doboroon kumbed wongkoon. Kurikuri yook.  
\q1
\v 1 \nd Yariman\nd* yaa naawon baandaan,  
\q2 \nd Yariman\nd* yaa mimyob keewe awawe ande kankone baandaan.   
\q1
\v 2 Ne mungkubmangkab kuu kanmene ye yaa konaan,  
\q2 ne dabab kuu daanaan kui.   
\q1
\v 3 Ne niindem aom kuu wuudne yiminban keraan kuu,  
\q2 ne kiwaan korem kuu ebkaadmo.  
\q1 Ne yarimain ye kiwaan ari kuu  
\q2 karub yenambed kawaad nong awinewande kowiwen.   
\q1
\v 4 Ne wiwi angka wedme.  
\q2 Karub mim maa ne dowad ma meenewindo.  
\q1 Ne nen kukbimaan ye karub maayiibban dowan,  
\q2 ne wadkeri dowad kangkadmi ye karub maayiibban dowan.   
\q1
\v 5 O \nd Yariman\nd*, eb yaa baandaan.  
\q2 “Eb kuu ne kukbimaabbon,  
\q2 wad doruubdan kiri kee eb kuu ne yaa bangkawimaab ye karub.” andaan.   
\q1
\v 6 Ne kuu nen kubuniiwa yirimo keraan kowe,  
\q2 ne baandi yaa wengambere inanduwe.  
\q1 Ne nenbande kamiibdan kuu aromkono darewoowiib ne arebban kowe,  
\q2 yi yaambed ne nen burudande angka kowe.   
\q1
\v 7 Ne kuu wii aombed doberemoon areb keraan kuyaambed nen angka kowe.  
\q2 Kwanebko ewaningko yaa eso anda.  
\q1 Ebbed ne yaa amun amun kamaneeb kowe,  
\q2 yorokmodan kuu neyiib yaa menebe nedbaniib.   
\c 143  
\cl Yook 143 
\toc1 Buk Yook 
\toc2 Buk Yook 
\d God yaningko kankooni ye yook Dewidbed wongkoon.  
\q1
\v 1 O \nd Yariman\nd*, ne kurikuri wengamberewe.  
\q2 Mimyob keewe awawe ande baandaan kuu wengamberewe.  
\q1 Eb ma korondiyiibban weng awini kerekmeniib yorokomo kerekmeniib kuyaambed  
\q2 ne yaa inanduwe.   
\q1
\v 2 Eb dememan ne kuu wengyundi dowad nen wanaab,  
\q2 amborom kuu eb arinambo ari kuu karub maa ma yorokmo dobirindo kowe.   
\q1
\v 3 Kedi, bonman kuu nenbandoon,  
\q2 kwane yembed neene kan okad yiri irewaroon,  
\q1 kwane ongmoona kumun aom dobaraan,  
\q2 unyeman anukbed dukniwendan kumun aom doriib areb keraan.   
\q1
\v 4 Kowe ne niindem aom kuu wuudne miin yiminban keraan,  
\q2 kwane ne mimyob kuu unimbed yidne wonoon.   
\q1
\v 5 Ne kuu kurin kurin anuk ye aronki kuu meendobaan,  
\q2 ebbed kurin anuk ambangkanabewen yaa kuu kube meendobeni  
\q2 eb dingkimbed komo komo kamenabewen yaa andangke meendobaan kui.   
\q1
\v 6 Ne dingki kuu eb yaa benkoobe kurikuri keraan,  
\q2 kwane ne niindem aom kuu okad amiibbanbed ok moom kerimaun areb eb kerekmen yaa moommo keraan.\it Selah\it*   
\q1
\v 7 O \nd Yariman\nd*, ne kingkin kuu kombarandamoon kowe,  
\q2 kirodmo inanduwe.  
\q1 Ne yaa kuu eb murubia kan yekne biknaab.  
\q2 Kan yekne biknaneeb kuu bobkonombon yiri winiwen areb keraniin.   
\q1
\v 8 Ne kuu eb yaambed angkumone doriin kowe,  
\q2 amkimo kuu korondebko eb womoniyiibban ye mimyob dowaken kuu ne yaa kanmonok.  
\q1 Ne kingkin kuu eb yaa kankoone kabdaan kowe,  
\q2 ne dowad kiwaan anam kuu korokbewe.   
\q1
\v 9 O \nd Yariman\nd*, ne bondan yaambed ne nen burudande angka kowe.  
\q2 Ne kuu eb kukbimaabbon aom doriin.   
\q1
\v 10 Eb kuu ne God kowe,  
\q2 ne kedmengkawebko eb dowaken kuu ambangka.  
\q1 Eb Kingkin amun kumbed  
\q2 ne kuu okad dabonmo arimbed nen kinban wonok.   
\q1
\v 11 O \nd Yariman\nd*, ewaningko dowad ne ongmewebko wadkera.  
\q2 Eb yorokmo kerekmen yaambed ne dabab kandaan kuyaa ne nen burudande angka kowe.   
\q1
\v 12 Eb womoniyiibban ye mimyob dowaken yaambed ne bondan kuu kebene.  
\q2 Ne yaa dabab kawimaibdan korem kuu monmare,  
\q2 amborom kuu ne kuu eb dememan kowe.   
\c 144  
\cl Yook 144 
\toc1 Buk Yook 
\toc2 Buk Yook 
\d Dewid ye yook.  
\q1
\v 1 \nd Yariman\nd* ne aromkonombon yaningko kankoonem.  
\q2 Yembed ana nangmi dowad kedmengkawoon,  
\q2 ana nangmi kedmengki korem kui.   
\q1
\v 2 Ye kuu mimyob dowaken keewi ye God angkon ne aromne angkumonimbon,  
\q2 ye kuu ne aromkonoyiib dobirimbon angkon ne nen arewa yaa burudande angka kowi ye karub,  
\q1 ye kuu ne dorondari ye karub angkon ye kukbimaanbon aom doriin,  
\q2 kwane yembed ambibkin yena kuu ne dabderem yiri kerundimaan kui.   
\q1
\v 3 O \nd Yariman\nd*, nimakarub kuu kaneyakob eb kuu yi yaa oone doreeb?  
\q2 Yi dana kuu kaneyakob eb kuu yi yaa meenmo doreeb?   
\q1
\v 4 Karub mimim yi dobiri ye weeb kuu eb yaambed inum koni mimo areb kumbedmo.  
\q2 Yi kuu ayari on kuruwak dewene burudandemoon areb barang darewoobban.   
\q1
\v 5 O \nd Yariman\nd*, eb Eweniib ambidiib kuu biringke yiri kamene.  
\q2 Kwane aangko aangko kuu angkorondebko amarengiib dembok.   
\q1
\v 6 Imak kuu ben nongkobeneb bondan kuu bokne daware buyokbayok kerunde.  
\q2 Eb ana ben barambereneb yi kuu yenbandebko kirokmone winime.   
\q1
\v 7 Eb amaan ari kumbed eb dingki yireneb,  
\q2 ok darewoowiib noroddaniib yaambed  
\q2 ne kuu nen burudande angka kowe.   
\q1
\v 8 Yi mongkodkono kuu dudanabimbed yukne diiroon,  
\q2 kwane yi dingki wiwi kuu aadidmi awaan.   
\q1
\v 9 O God, ne kuu eb yaa yook yeeb wingkaniin,  
\q2 eb yaa nong angko angkoyiib ye laiya wangke wingkaniin.   
\q1
\v 10 Yembed kingdan yaa kuu ana nangme burudande dori bangkandimaan,  
\q2 kwane yembed ye dememan Dewid kuu arewa kamenabidan yi kerewang yaambed nen burudande angka kowimaan.   
\q1
\v 11 Ne kuu noroddan yaambed nen burudande angka kowe.  
\q2 Yi mongkodkono kuu dudanabimbed yukne diiroon,  
\q2 kwane yi dingki wiwi kuu aadidmi awaan.   
\q1
\v 12 Nub karub dana meed kuu ongmendebko  
\q2 kab amunmo dembe kainimaan areb kewed kerime.  
\q1 Nub nima dana meed kuu ongmendebko  
\q2 king ye ambiwoom dodkono manimanandeb ongmiwen areb kwane koyu kerime.   
\q1
\v 13 Nub animan nongkobimbon ambib ben ongmendebko  
\q2 animan mimim korem kuu diirok.  
\q1 Nub sibi kuu ongmendebko  
\q2 nub okad arimbed tausen tausen yemooniib kerime.   
\q1
\v 14 Nub oksen kuu ongmendebko  
\q2 mana yemooniib kerenib mana bobniyiibban yiminmo kerime.  
\q1 Bondanbed nub awingke ben wini kuu kebene.  
\q2 Nub kambong aom kuu miin yiminban kere baande komkiyiibban kerok.   
\q1
\v 15 Kwamune keriwendan kuu amun kerundoon,  
\q2 kaneya yi God kuu \nd Yariman\nd* kuu amun kerundoon kii!   
\c 145  
\cl Yook 145 
\toc1 Buk Yook 
\toc2 Buk Yook 
\d God yaningko kankooni ye yook Dewidbed wongkoon.  
\q1
\v 1 Ne God ne King, eb kubebde eb kuu darewoob arimbed andaniin,  
\q2 kwane ewaningko kuu aron korem korem kankoonaniin.   
\q1
\v 2 Aronki mimim korem ewaningko kankoonaniin,  
\q2 kwane eb kubebde eb kuu darewoob arimbed andaniin aron korem korem.   
\q1
\v 3 \nd Yariman\nd* kuu darewoob arimbed, ye aningko yaamo kankooni yeman.  
\q2 Ye inamen kuu darewoob arimbed kowe, karub mim kanembed kaadkerunindeban.   
\q1
\v 4 Awodkiya awaana kumbed eb ambangkanabi yaa kube kankooni weng kuu yi dana meed yaa dakmenabaniib,  
\q2 kwane yimbed eb kamenabi aromkonomo ye weng kangkon dakmenabaniib.   
\q1
\v 5 Yi kuu eb dobiri manimanandeb ye nambiri kwane dakmenabaniib kii.  
\q2 Eb ambangkanabi kumbed binangke eb yaa kubimaib ye weng kuu kube meendobaniin.   
\q1
\v 6 Eb kamenabi binangki yeman kuye aromkono ye weng kuu nimakarubbed kwane dakmenabaniib.  
\q2 Kwane nembed eb kuu darewoob arimbed ye weng kuu dakmenabaniin.   
\q1
\v 7 Eb amun amun yiminmo kamendimaab ye weng kuu nindorokiibbed dakme kubaniib,  
\q2 kwane eb yorokmo kerekmen ye dowad kubi yook wingkaniib.   
\q1
\v 8 \nd Yariman\nd* kuu kabamoon kondoon ye mimyob dowaken keendimaan angkon mimyob keende kakman are nonondandimaan,  
\q2 kwane ye norin arud kuu yodbirimban emambed angkon mimyob dowaken darebmoyiib.   
\q1
\v 9 \nd Yariman\nd* kuu nimakarub korem yaa amun amun kamendimaan,  
\q2 kwane ongmenaboon ye kumkam korem yi dabab kandimaib yaa kuu mimyob keende awandimaan.   
\q1
\v 10 O \nd Yariman\nd*, ongmenabewen ye kumkam korem kuu eb yaa eso andaniib,  
\q2 kwane eb karadmodan kuu eb kubebde eb kuu darewoob arimbed andaniib.   
\q1
\v 11 Yi kuu eb oonimbon ye nambiri ye wengiib,  
\q2 eb aromkono kai ye wengiib dakmenabaniib.   
\q1
\v 12 Kwane dakmaniib kumbed nimakarub korem kuu eb kamenabi aromkono kuyiib  
\q2 eb oonimbon ye nambiri manimanandeb kuyiib kuu yikaadkeraniib.   
\q1
\v 13 Eb oonimbon kuu dowan keraanban aron korem kwane angkimbaraneen,  
\q2 kwane ebbed korok kere ooni ye kerekmen kuu nimakarub yaro dobere dobere yaro wananiib korem aom kwane angkimbaraneen.  
\q1 \nd Yariman\nd* kuu ye weng kunduk korem kuu kwane kuyaamo ambangkimaan, ma korondaanban,  
\q2 kwane ongmenaboon ye kumkam korem yaa kuu mimyob dowaken keendimaan.   
\q1
\v 14 Kane kane kombiriwen kuu \nd Yarimanbed\nd* awande benkoobimaan,  
\q2 kwane kane kane dabab aom kande doriib kuu yembed ben angka nongkobimaan.   
\q1
\v 15 Wad doriib ye dingkaniib nimakaruwiib korem kuu eb kwananeeb ande kerebdombaraiwa,  
\q2 animan kuu aron anam arimbed yi yaa bangkandimaab.   
\q1
\v 16 Eb dingki kan yire yiminmo bangkandaawe,  
\q2 wad doriib ye dingkaniib nimakaruwiib korem kuu ane mikmonimaib.   
\q1
\v 17 \nd Yariman\nd* kuu ye kerekmen korem yaambed kuu yorokmo,  
\q2 kwane ongmenaboon ye kumkam korem yaa kuu mimyob dowaken keendimaan.   
\q1
\v 18 Kane kane yi kuu \nd Yariman\nd* yaa baandimaib kuu ye kuu yi korem diamo keroon,  
\q2 anam anam yaambed ye yaa bandimaibdan kui.   
\q1
\v 19 Kane kane yi kuu ye yaa une bumangkimaib kuu yembed yi dowaken yaa kuu id kerundi kondimaan,  
\q2 kwane yi baandi kuu wengamberende ben burudande angka nongkobimaan.   
\q1
\v 20 Kane kane yi kuu \nd Yariman\nd* yaa mimyob dowaken keenimaib kuu yembed yi yaa kerendombere oonendimaan,  
\q2 kumban arewa kamenabidan korem kuu yembed monmaraneen.   
\q1
\v 21 Ne mongkodkonombed \nd Yariman\nd* ye aningko kankooni weng dakmenabaniin,  
\q2 kwane wad doriib ye dingkaniib nimakaruwiib korem kuu ye aningko karadmo kankoonembaraniib aron korem korem.   
\c 146  
\cl Yook 146 
\toc1 Buk Yook 
\toc2 Buk Yook 
\q1
\v 1 \nd Yariman\nd* ye aningko kankoonime!  
\q2 O ne kingkin, \nd Yariman\nd* yaningko kankoona!   
\q1
\v 2 Ne wad dobaraniin yaron korem kuu \nd Yariman\nd* yaningko kankoonaniin.  
\q2 Ne wad dobaraniin yaron korem kuu ne God yaningko kankooni ye yook wingkaniin.   
\q1
\v 3 Korok korok yaambed angkumone dobaraib,  
\q2 duknaniib ye nimakarubbed yiib kuu bobni yaa burudande bindindeban kowe yi yaambed angkumone dobaraib.   
\q1
\v 4 Yi kingkin doombere wananiib kuu yi id koronde okad keraneen,  
\q2 kwane kuye aronki kwari yi inamen ongmiwen kuu dawangmo keraneen.   
\q1
\v 5 Kumban kane kane yi kuu Yekob ye Godbed awandimaan kuu amun kerundoon,  
\q2 \nd Yariman\nd* yi God ye dowad yembed kwananeen andimaibdan kui.   
\q1
\v 6 Yembed Eweniib okadiib ongmenaboon,  
\q2 karamokiib kumaom kumkam koremiib kangkon ongmenaboon.  
\q2 Yembed ma korondiyiibban weng awinembirimaan aron korem.   
\q1
\v 7 Yembed dabab wayiroondan yi dowad anammo wengyundimaan.  
\q2 Yembed mungimo keriwendan yaa animan bangkandimaan.  
\q1 \nd Yarimanbed\nd* wiidan kuu ben obon kerundimaan.   
\b  
\q2
\v 8 \nd Yarimanbed\nd* indob tutdan yi indob nandimaan.  
\q1 \nd Yarimanbed\nd* dababbed ben kibinoondan kuu benkoobimaan.  
\q2 \nd Yarimanbed\nd* yorokmodan yaa kuu mimyob dowaken keendimaan.   
\q1
\v 9 \nd Yarimanbed\nd* noroddan nub ambibkin aom doriib kuu kerendombere oonendimaan,  
\q2 kwane yembed awodkiyiibbandaniib iribdaniib kuu awandimaan,  
\q2 kumban arewa kamenabidan yi inamen ongmimaib kuu kebenimaan.   
\q1
\v 10 \nd Yariman\nd* kuu aron korem king kere oonembaraneen.  
\q2 O Saiyondan, ye kuu yiib God, nimakarub yaro dobere dobere yaro wananiib korem aom kwamunemo doberembaraneen.  
\q1 \nd Yariman\nd* ye aningko kankoonime!   
\c 147  
\cl Yook 147 
\toc1 Buk Yook 
\toc2 Buk Yook 
\q1
\v 1 \nd Yariman\nd* ye aningko kankoonime!  
\q1 Nub God ye aningko kankooni ye yook wingki kuu amun kii.  
\q2 Ye aningko kankooni kuu kubi yeman angkon konomdangmo.   
\q1
\v 2 \nd Yarimanbed\nd* Yerusalem kuu ikakman yenbeen,  
\q2 kwane yembed Israeldan buyokbayok keriwen kuu ika ben nedbe doroon.   
\q1
\v 3 Yembed yi mimyob wande miin yiminban keriwen kuu windandunde ongmimaan,  
\q2 kwane yi bob kuu yonende kebendimaan.   
\q1
\v 4 Ye kuu mindong mimo mimo kuu kimingke korem yekaadkeroon,  
\q2 kwane korem kuu yi aningkombed mimo mimo yeengkanandoon.   
\q1
\v 5 Nub Yariman kuu darewoob arimbed, kwane ye kuu aromkonomo.  
\q2 Ye meeni inamen kaadkeri kuu ye yimin yiminiibban kii.   
\q1
\v 6 Kane kane yi kuu benkubune yirimo keriwen kuu \nd Yarimanbed\nd* benkoobe awandimaan,  
\q2 kumban arewa kamenabidan kuu okad yiri ben kirarundimaan.   
\q1
\v 7 \nd Yariman\nd* yaa eso andiyiib yook wingkime.  
\q2 Nub God yaa haapbed wangke wingkime.   
\q1
\v 8 Yembed ambid kuu wiibbed kebenimaan.  
\q2 Yembed okad ari am bangkandimaan.  
\q2 Yembed koodbon koodbon ari kereek ongmaana dembenabimaan.   
\q1
\v 9 Yembed dingkan yaa kuu animan bangkandimaan,  
\q2 kwane on bungkun mana baandimaib kuu animan bangkandimaan.   
\q1
\v 10 Hoos ye aromkono yaa kuu God kuu kubi dowaken kerimokban,  
\q2 kwane karub ye yon yaromkono yaa kangkon God kubimokban.   
\q1
\v 11 Kumban kane kane yi kuu \nd Yariman\nd* yaa une bumangkimaib yaa kuu kubi dowaken kerimaan,  
\q2 kane kane yi kuu ye womoniyiibban ye mimyob dowaken monok ande meedmimaib kuyaa kubimaan kui.   
\q1
\v 12 O Yerusalem, yiib kuu \nd Yariman\nd* yaa kubenib ye kuu darewoob arimbed andime.  
\q2 O Saiyon, yiib kuu yiib God ye aningko kankoonime.   
\q1
\v 13 Amborom kuu Yerusalem yu kuuk ambongko kuu aromkono ariyiib ongmimaan,  
\q2 kwane kumaom doriibdan kuu amun kerundimaan kowe.   
\q1
\v 14 Yiib okad yimin yimin yaa kuu yembed yewenubmo kerundimaan,  
\q2 kwane wiit yob miin amun kumbed yiminmo bangkandimaan.   
\q1
\v 15 Yembed kwanime andi ye weng kuu okad yiri kowimaan,  
\q2 kwane komo dakmimaan ye weng kuu kirodmo kwamunemo kerimaan.   
\q1
\v 16 Yembed wiiwam yurukmo kuu okad yaa dabunimaan,  
\q2 kwane wood nurok yurukmo kuu derendarimaan,   
\q1
\v 17 kwane am yurukmo boyareb kuu yiri kiradmimaan kowe,  
\q2 karub kanembed kuyaa kuu man dobaraneen? Dowan.   
\q1
\v 18 Kwane yembed weng yedmaana bumone okmo kerimaan,  
\q2 kwane nuub kowaana ok yurukmo boyareb ku bumone okmo kere wenebimaun.   
\q1
\v 19 Yembed ye weng kuu Yekob yaa ben korokboon,  
\q2 ye amowiib kongamki yamowiib kuu Israel yaa ben korokboon kui.   
\q1
\v 20 Ambibkin yena yi dowad ye kuu kekamune ma kamindo,  
\q2 yi kuu ye amob ma yikaadkerindo.  
\q1 \nd Yariman\nd* ye aningko kankoonime!   
\c 148  
\cl Yook 148 
\toc1 Buk Yook 
\toc2 Buk Yook 
\q1
\v 1 \nd Yariman\nd* ye aningko kankoonime!  
\q2 Ewen arimbed \nd Yariman\nd* ye aningko kankoonime.  
\q2 Ambab ari kaimbed \nd Yariman\nd* ye aningko kankoonime.   
\q1
\v 2 Ye engyus korem, \nd Yariman\nd* ye aningko kankoonime.  
\q2 Ye ana nangmidan korem, \nd Yariman\nd* ye aningko kankoonime.   
\q1
\v 3 Aron yoom wood yoom, \nd Yariman\nd* ye aningko kankoonime.  
\q2 Yurimaib ye mindong, \nd Yariman\nd* ye aningko kankoonime.   
\q1
\v 4 Ewen, \nd Yariman\nd* ye aningko kankoone.  
\q2 Ok ambid animari, \nd Yariman\nd* ye aningko kankoone.   
\q1
\v 5 Yi korem kuu \nd Yariman\nd* ye aningko kankoonime,  
\q2 amborom kuu yembed weng yedme kowoona doriwen kowe.   
\q1
\v 6 Yembed yi yaa yumbon bangkandoona kangdommo kwane dobaraniib aron korem korem,  
\q2 yembed dowan kerindeban ye amob ongmoon kui.   
\q1
\v 7 Okad arimbed \nd Yariman\nd* ye aningko kankoonime,  
\q2 karamok ye omyereyiib karamok niindem yiri doriib ye dingkaniib   
\q1
\v 8 imakiib am yurukmo boyarewiib wiiwam yurukmoyiib wiiwiib  
\q2 ye weng yaambed kwamimaib ye nuub darewoowiib   
\q1
\v 9 aangko aangkoyiib koodbon koremiib  
\q2 yob irimaib ye ayiib at sidaa koremiib   
\q1
\v 10 kiib dingkaniib amongkob dingkaniib  
\q2 yiyiib ayari oniib   
\q1
\v 11 okad yiri ye kingdaniib ambibkin koremdaniib  
\q2 okad yiri ye korok korokiib okad yiri ye wengyundidaniib   
\q1
\v 12 kewediib koyuyiib  
\q2 aamkono aamkonoyiib danayayiib kui.   
\q1
\v 13 Yi korem kuu \nd Yariman\nd* ye aningko kankoonime,  
\q2 amborom kuu ye aningkomo kuu darewoob arimbed,  
\q2 kwane ye nambiri kuu okadiib Eweniib burudande arimbed.   
\q1
\v 14 Ye nimakarub yi dowad aromkono kaiman ongmoon,  
\q2 kuyaa kuu ye karadmodan korem kuu kube yirin kamaniib,  
\q2 Israeldan kui, \nd Yariman\nd* ye dia doriibdan kui.  
\q1 \nd Yariman\nd* ye aningko kankoonime!   
\c 149  
\cl Yook 149 
\toc1 Buk Yook 
\toc2 Buk Yook 
\q1
\v 1 \nd Yariman\nd* ye aningko kankoonime!  
\q1 \nd Yariman\nd* yaa yook yeeb wingkime,  
\q2 kwane yorokmodan kuu nedbe ye aningko kankooni dowad yook wingkime.   
\q1
\v 2 Israeldan kuu yi Ongmoonman yaa kubenime,  
\q2 kwane Saiyondan kuu yi King yaa kubi dowaken kerime.   
\q1
\v 3 Yi kuu andenib ye aningko kankoonime,  
\q2 kwane ye yaa kuu tamboriniib haawiib wangke wingkime.   
\q1
\v 4 Amborom kuu \nd Yariman\nd* kuu ye nimakarub yaa kubi dowaken keendimaan kowe.  
\q2 Kwane kane kane yi kuu dabab wayiroon kuu burudande dori kerekmen kondaneen.   
\q1
\v 5 Yorokmodan kuu kwane kondaneen kuyaa kuu kubi darewoowiib kerime,  
\q2 kwane yi angkimbon arimbed kubi yook wingkime.   
\q1
\v 6 Yi mongkodkonombed God yaningko kankoonembirime,  
\q2 kwane kerewang angkara arud angkara arud kuu yi dingki aom angkimborok.   
\q1
\v 7 Kukuu ambibkin yena yi arewa kamenabi yaa kakman kondi yeman,  
\q2 yi yaa ukum kondi yeman kui.   
\q1
\v 8 Kukuu yi kingdan ben seinbed yerengki yeman,  
\q2 yi korok korok kangkon awurimbed ben yerengke wii aom kambiri yeman kui.   
\q1
\v 9 Kukuu Godbed ukum kukui andoon kumbed yi yaa kwane kondi yeman.  
\q2 Ye yorokmodan kwananiib kuu aningko darewoob kandaniib.  
\q1 \nd Yariman\nd* ye aningko kankoonime!   
\c 150  
\cl Yook 150 
\toc1 Buk Yook 
\toc2 Buk Yook 
\q1
\v 1 \nd Yariman\nd* ye aningko kankoonime!  
\q1 God kuu ye karadmo dobirimbon aombed doreen kuye aningko kankoonime.  
\q2 Ye kuu mindong yi dangimbon aromkonoyiib arimbed doreen kuye aningko kankoonime.   
\q1
\v 2 Ye kamenabi aromkonoyiib ye dowad ye aningko kankoonime.  
\q2 Ye kuu korem burudande darewoob arimbed kowe ye aningko kankoonime.   
\q1
\v 3 Kibi baandenib ye aningko kankoonime.  
\q2 Haawiib laiyayiib wangkenib ye aningko kankoonime.   
\q1
\v 4 Tamborin wangke andenib ye aningko kankoonime.  
\q2 Nongbed wangki yeman wangkanabe yurin wurumenib ye aningko kankoonime.   
\q1
\v 5 Kuweng darewoob ye simbal wangkanabenib ye aningko kankoonime.  
\q2 Kuweng wenebi ye simbal wangkanabenib ye aningko kankoonime.   
\q1
\v 6 Inum nimaib ye dingkaniib nimakaruwiib kuu \nd Yariman\nd* ye aningko kankoonime.  
\q1 \nd Yariman\nd* ye aningko kankoonime!