\id EPH - Biblica® Open Kiyombe Contemporary New Testament and Psalms 2002
\ide UTF-8
\h EFESO
\toc1 Nkanda Polo kuidi basi Efeso
\toc2 Efeso
\toc3 Efeso
\mt2 Nkanda Polo kuidi basi
\mt1 Efeso
\c 1
\s1 Zimboti
\p
\v 1 Polo, mvuala wu Yesu Klisto mu luzolo lu Nzambi, fidisidi nkanda kuidi banlongo badi ku Efeso ayi kuidi bobo badi bakuikama mu Yesu Klisto.
\p
\v 2 Bika Nzambi Dise dieto ayi Pfumu eto Yesu Klisto baluvana nlemvo ayi ndembama.
\ms1 LUVULUSU LUIDI MU KLISTO
\s1 Nlemvo wu Nzambi mu Klisto.
\q1
\v 3 Bika Nzambi kakemboso,
\q1 niandi Dise di Pfumu eto Yesu Klisto !
\q1 Niandi wutusakumuna mu zitsakumunu zioso
\q1 zi phila mu phila zi kipheve mu Diyilu mu Klisto.
\q1
\v 4 Tuamina tula zifundasio zi ntoto,
\q1 Nzambi wutusobula mu niandi
\q1 mu diambu tuba banlongo
\q1 ayi batu bakambulu tsembolo va ntualꞌandi
\q1
\v 5 Bu didi ti niandi wutuzola,
\q1 wutukubika tona thama
\q1 muba bana bandi
\q1 mu Yesu Klisto ;
\q1 boso buididi luzolo luandi.
\q1
\v 6 Mu diambu tusanisina
\q1 Nkembo wu nlemvo wu katuvanina
\q1 mu kiluzolo kiandi.
\q1
\v 7 Mu niandi, beto tukudulu mu menga mandi ;
\q1 tutambudila nlemvo mu masumu meto
\q1 boso buididi kimvuama ki nlemvoꞌandi.
\q1
\v 8 Wowo Nzambi kadukula mu
\q1 buwombo, mu beto, mu nzila
\q1 yi nzayulu ayi diela di phila mu phila.
\q1
\v 9 Niandi wutuzabikisa matsueki ma luzolo luandi
\q1 boso bubela lukanu luandi lumboti
\q1 lukakitezila mu niandi.
\q1
\v 10 Mu diambu di dedikisa luawu
\q1 zithangu bu ziela fuana :
\q1 kutikisa va kimosi bima bioso mu Klisto
\q1 biobi bidi ku diyilu ayi biobi bidi va ntoto
\q1
\v 11 Mu diambu diandi beto tutambudi kuku kieto ki phulusu
\q1 boso buididi lukanu lu mutu wowo
\q1 wumvanganga bima bioso
\q1 mu luzolo luandi veka.
\q1
\v 12 Mu diambu tusanisina nkembo andi,
\q1 beto tuba batheti mu
\q1 tula diana dieto mu Klisto.
\q1
\v 13 Mu niandi beno mamveno,
\q1 bu lumana wa mambu ma kiedika,
\q1 Nsamu wumboti wu phulusu eno,
\q1 mu niandi luwilukila ayi lutudulu dimbu,
\q1 pheve yinlongo yoyo yivanunu tsila.
\q1
\v 14 Pheve yinlongo yidi dimbu mu kutumonisa
\q1 ti tuela tambula kiuka kieto mu diambu
\q1 di khudulu yi batu bobo Nzambi,
\q1 kakibakila mu diambu di sanisina nkembo andi.
\s1 Lusambulu lu Polo mu diambu di basi Efeso
\p
\v 15 Diawu tona mamvama bu ndiwilu buididi minu kieno mu Pfumu Yesu ayi luzolo luidi yeno mu banlongo boso ; 
\v 16 ndivonganga ko mu kuluvutudilanga matondo kuidi Nzambi. Ndieti kulutebukilanga moyo mu zitsambulu ziama ; 
\v 17 mu diambu Nzambi yi Pfumuꞌeto Yesu Klisto, dise di nkembo kaluvana pheve yi nzayulu ayi yi tsongolo muingi lunzaba bumboti, 
\v 18 muingi kakienzula diela dieno ayi lusudika boso buididi diana diodi Nzambi kalutedila ayi boso buididi kimvuama ki nkembo wu kiuka kiandi va khatitsika banlongo ; 
\v 19 ayi boso buididi bunneni bu lulendo lolo luidi mu beto tuwilukila ; boso buididi lulendo lu zingolo ziandi. 
\v 20 Wumonisa lulendo beni bu kafulukisa Klisto mu bafua ayi bu kamvuandisa va koko kuandi ku lubakala, mu Diyilu ; 
\v 21 va yilu luyalu loso, kikulutu kioso, lulendo loso, kipfumu kioso ayi va yilu dizina dioso dizabikini ; bika sia ti mu tsungi yayi kaka vayi nate mu tsungi yela kuiza. 
\v 22 Wutula bima bioso ku tsi bitambi biandi ayi wumbieka Pfumuyi bima bioso mu Dibundu. 
\v 23 Dibundu diawu nitu andi, fuluka ku mutu wowo wumfulusanga bima bioso mu bibuangu bioso.
\c 2
\s1 Tuba bafua vayi tufuluka
\p
\v 1 Mu thama beno bu luba bafua mu zinzimbala zieno ayi mu masumu meno ; 
\v 2 mu mawu beno ludiatila boso buididi ntoto wawu ayi boso buididi Pfumu yi lulendo lu mbimbi, pheve yinsalanga mu batu badi matingu.
\p
\v 3 Beto mamveto, tuba banga bawu ; tuzingila boso bubela zinzinunu zieto zi kinsuni ayi tudukisa luzolo lu nsuni ayi lu mayindu meto. Mu kimutu beto tuba batu bobo zinganzi zi Nzambi zifueti buila banga batu bankaka.
\p
\v 4 Vayi Nzambi nkua kimvuama mu kiadi mu diambu di luzolo lunneni lolokatuzodila ; 
\v 5 wutuzingisa va kimosi ayi Klisto ; beto bobo tuba bafua mu diambu di zinzimbala zieto. Mu nlemvo luvukila. 
\v 6 Wutufulukisa va kimosi ayi niandi ayi wutuvuandisa va kimosi, mu Diyilu, mu Klisto Yesu 
\v 7 mu diambu katumonisa mu zitsungi ziela kuiza bunneni bu kimvuama ki nlemvo andi mu diambu di mamboti mandi kuidi beto mu Klisto Yesu.
\p
\v 8 Bila mu nlemvo luvukila ; mu nzila yi minu. Luvulusu beni lusia ba kuidi beno ko vayi didi dikaba di Nzambi. 
\v 9 Bika sia ti mu mavanga luvukila muingi mutu kabika kuandi kukiniemisa. 
\v 10 Bila beto tuidi bivangu biandi ; tuvangu mu Klisto Yesu mu diambu di vanganga mavanga mamboti momo Nzambi kakubika tona thama muingi tusadila mawu.
\s1 Beto boso tuidi mutu wumosi mu Klisto
\p
\v 11 Diawu, lutebuka moyo ti beno luba Bapakanu mu nsuni, baba kulutedilanga batu bakambu zengo kuidi bobo baba tedilanga bazengo. Nzengolo beni yivangimina, mu nitu, mu mioko mi batu. 
\v 12 Lutebuka moyo ti mu thangu beni, beno luba bavambana ayi Klisto, lusia ba minsua mu vuanda mu divula di Iseli ko bila luba banzenza mu zinguizani ziozi zivanunu tsila ; luba batu basobolo kuidi Nzambi ko bila luba banzenza mu zinguizani zi Nzambi zivanunu tsila ; luba batu bakambulu diana ayi bakambulu Nzambi va ntoto.
\p
\v 13 Vayi buabu, mu Klisto Yesu ; beno lutuama ba thama ayi Nzambi vayi luyikidi bafikama mu diambu di menga matengula Klisto.
\p
\v 14 Bila niandi ndembama yeto. Niandi wukitula Bayuda ayi Bapakanumutu wumosi ayi niandi wutiolumuna baka ki kithatu kioki kiba vambisa. 
\v 15 Bila mu nsuni andi niandi wuvonda mina va kimosi ayi zithumunu ziandiayi minsiku miandi. Diodi divangimina mu diambu di vanga mu niandi veka mutu wumosi wumona wuntotukila mu batu buadi. Buawu bobo kakotisila ndembama. 
\v 16 Mu diambu kabaka bu vutudila, mu nzila yi dikulusi, nguizani yi bawu buadi mu nitu yimosi kuidi Nzambi bu kavondila kimbeni kiawu va dikulusi.
\p
\v 17 \qt Klisto wuyiza ayi wusamuna ndembama kuidi beno luba thama ayi wusamuna ndembama kuidi bobo baba bafikama.\qt* 
\v 18 Bila, mu diambu diandi, beto yawu tubeki minsua mu kota kuidi Tata mu Pheve yimosi.
\p
\v 19 Diawu, beno lusiedi diaka banzenza ko voti minkibi ko, vayi lueka buabu basi tsi va kimosi ayi banlongo ayi basi nzo yi Nzambi. 
\v 20 Beno lutungu va yilu fundasio yi bamvuala ayi mimbikudi. Yesu Klisto, niandi ditadi di mfunu di fuma.
\p
\v 21 Mu niandi nzo yoso yibundusulu va kimosi ayi yilembo yundukamu diambu yiba Nzo yi Nzambi yinlongo mu Pfumu. 
\v 22 Ayi mu niandi, beno lulembo tungulu va kimosi mu diambu lukituka nzo yimvuandanga Nzambi mu Pheve.
\c 3
\s1 Kisalu ki Polo
\p
\v 1 Mu diambu dieno beno Bapakanu, diawu minu Polo ndididi wukangama mu nloko wu Klisto. 
\v 2 Bila ndimbanza luwa phila yididi kisalu ki nlemvo kioki Nzambi kaphana mu diambu dieno. 
\v 3 Mu tsongolo, niandi wunzabikisa matsueki ma lukanu luandi. Mawumomo ndilusudikisidi mu zindambu zi mambu manneni. 
\v 4 Beno tanga wawu buna ma lusudika bumboti boso buididi diela diamamu diambu di matsueki momo ma Klisto. 
\v 5 Muaki mu zitsungi zikhulu Nzambi kasia tuama zabikisa matsueki beni kuidi batu ko banga phila kazabikisidi mawu buabu mu lusadusu lu pheve Yinlongo kuidi bamvuala bandi ayi kuidi mimbikudi miandi.
\p
\v 6 Dinsueki beni diawu diadi : mu diambu di Nsamu Wumbote, Bapakanu mu kithuadi kiawu ayi Yesu Klisto, babeki minsua va kimosi ayi Bayuda mu tambula kiuka kimosi kioki Nzambi kalembo lundila batu bandi. Beka binama binitu yimosi ayi bafubikini mu tsila yoyo Nzambi kavana mu Klisto Yesu. 
\v 7 Minu ndiyika kisadi ki Nsamu beni Wumboti boso buididi dikaba di nlemvo wu Nzambi ; nlemvo wowo kaphana mu lulendo luandi. 
\v 8 Nyinga, minu ndidi mutu wulutidi kambu minsua mu banlongo bosovayi Nzambi wuphana nlemvo wowo, wu samunina kuidi Bapakanu kimvuama ki Klisto bu kabulendi tezakana ko. 
\v 9 Ayi mu diambu di sudikisa bumboti va meso ma batu boso, buevi Nzambi, mutu wuvanga bima bioso, kalembo dukisila matsueki momo masueko thama ; 
\v 10 muingi buabu, mu nzila yi Dibundu, minyadi ayi bakulutu boso badi mu diyilu bazaba buididi diela di Nzambi mu ziphila zioso ; 
\v 11 banga bu kakubikila mawu tona thama momo malembo dedakana mu Klisto Yesu, Pfumu eto. 
\v 12 Mu diambu diandi ayi mu diambu di minu mu niandi buabu tubeki minsua mu telama va zizi ki Nzambi mu diana dioso. 
\v 13 Diawu ndikululomba, lubika vonga mu diambu di ziphasi ziama ziozindilembo moni mu diambu dieno ; bila ziawu zidi nkemboꞌeno.
\s1 Zaba luzolo lu Nzambi
\p
\v 14 Diawu ndieta fukimina, va ntuala Tata ; 
\v 15 bila mu niandi makanda moso ma batu bawilukila madi va ntoto ayi ku diyilu batambudila dizina. 
\v 16 Ndinkulombanga, boso buididi kimvuama ki nkemboꞌandi, mu diambu kalukindisa mu lulendo mu nzila yi Pheve andi mu matedi mutu wu khati. 
\v 17 Ayi mu diambu di Klisto kavuanda mu mintima mieno mu minu. Ndinlombanga diaka ti beno lumena mianzi ayi lutungu bumboti mu luzolo. 
\v 18 Buna buawu bobo lulenda baka bu sudikila va kimosi ayi banlongo boso phila luzolo lu Klisto luididi siadila, kula, phinda ayi zangama, 
\v 19 ayi zabila luzolo beni ti luawu luviatukidi nzayulu yoso ayi muingi luba bafuluka mu kinzambi kioso ki Nzambi.
\p
\v 20 Bika mutu wowo wulenda vanga mu buwombo-wombo viokila momo tueti lombanga voti tueti yindulanga boso buididi lulendo luandi lolo lueti sala mu beto, 
\v 21 katambula nkembo mu Dibundu ayi mu Klisto Yesu mu zitsungizioso ayi mu mimvu mioso ! Ameni.
\c 4
\ms1 LUZINGU LU DIBUNDU DIMONA
\s1 Tukeba kithuadi
\p
\v 1 Minu Polo, ndidi mu nloko mu diambu di Pfumu ndikululeba, ludiatila mu khadulu yifuanikini ayi mbila yoyo kalutedila. 
\v 2 Bika luba batu bazebi kukikulula ; badi nlembami ayi mvibudulu. Bika, mu luzolo, kadika mutu kazaba kanga ntima mu diambu di ndiandi. 
\v 3 Lunuana ngolo mu keba kithuadi mu Pheve Yinlongo, mu nzila yi ndembama. 
\v 4 Nitu yidi yimosi kaka ayi Pheve yidi yimosi kaka. Bobuawu Nzambi wulutela ku diana dimosi.
\p
\v 5 Pfumu yidi yimosi kaka, minu kidi kimosi kaka ayi mbotokolo yidi yimosi kaka. 
\v 6 Nzambi widi wumosi kaka, niandi dise di babo, wunyadilanga batu boso, wunsalanga mu babo ayi widi mu babo.
\p
\v 7 Vayi kadika mutu mu beto wutambula nlemvo boso bubela dikaba di Klisto. 
\v 8 Diawu katubila :
\q1 \qt Bu kakuma ku Diyilu, wunata basi nloko\qt*
\q1 \qt ayi wuvana batu makaba.\qt*
\p
\v 9 Vayi diambu diadi : wukuma ku Diyilu buevi dinsundula e ? Dinsundula wutuama kuluka kuna tsi ntoto. 
\v 10 Mutu wowo wukuluka, niandi kuandi wukuma ku yilu vioka diyilu mu diambu kawesa bima bioso.
\p
\v 11 Bila niandi wuvana dikaba kuidi bankaka mu ba bamvuala, bankakamimbikudi, bankaka minsamuni mi Nsamu Wumboti, bankaka mimvungi\f + \fr 4.11 \fr*\ft Minsekudi minkaka misonika pasitele va buangu ki Mvungi.\ft*\f* ayi bankaka minlongi. 
\v 12 Wuvanga buawu mu diambu di fuanisa banlongo mu sala kisalu kiawu ayi mu diambu di thungulu yi nitu yi Klisto ; 
\v 13 nate beto boso tuela tula mu kithuadi kimosi mu minu ayi mu zaba bumboti Muana Nzambi ayi mu tula mu tezo ki mutu wuyunduka ; mutu wowo wudedikini mu khudulu yiduka yi Klisto.
\p
\v 14 Buna tulendi buela ba bana balezi ko, bobo bannatungu ayi bandiengosongo kuidi yoso-yoso pheve yi malongi meti singimina mu luvunulu batu ayi mu diela diawu di mbimbi di sadila zinzila zimbimbi mu diambu di zimbisa batu.
\p
\v 15 Vayi beto zingilanga boso buididi mu luzolo, buna tuela yunduka mu mamo nate kuidi Klisto ; niandi ntu wu Dibundu.
\p
\v 16 Mu niandi nitu yimvimba yidi yiyikakana ayi yibundana bumboti mu madikulu madi mu nitu. Buna kadika nama bu kieti sala kisalu kiandi mu bufuana, nitu yimvimba yilembo yunduka ayi yilembo tungu yawu veka mu luzolo.
\s1 Luzingu lumona mu Klisto
\p
\v 17 Tala diambu ndikulukamba ayi ndibuela vutudila mu Pfumu ti : lubika buela diatila banga Bapakanu, banlandakananga mayindu mawu ma buvungisi 
\v 18 ayi diela diawu didi mu tombi. Diawu badidi banzenza mu luzingu lu Nzambi mu diambu di buvulu buidi mu bawu, buntotukilanga mu mintimamiawu midi banga matadi. 
\v 19 Bazimbisa mambu moso momo ma kimutu ; bakiyekula mu vanganga mambuma tsoni mu diambu bavanga mambu moso masumuka ma phila mu phila.
\p
\v 20 Vayi buawu ko beno lulongukila Klisto. 
\v 21 Bila beno lusudika mambu momo batuba mu diambu diandi ayi momo balulonga mu niandi mu phila yi mambu ma kiedika madi mu Yesu. 
\v 22 Buna lubika nzingulu eno yi khulu, luloza kimutu kieno kikhulu kiokizinzinunu zi luvunu zilembo bivisa. 
\v 23 Vayi lukituka bamona mu pheve yi diela dieno. 
\v 24 Bika luvuata mutu wumona, wuvangulu boso bubela mayindu ma Nzambi, mu busonga ayi mu bunlongo bu kiedika.
\s1 Luzingu mu luzolo
\p
\v 25 Diawu lubika vunasana beno na beno, vayi, bika kadika mutu katuba mambu ma kiedika kuidi ndiandi, bila beto boso tuidi binama bi nitu yimosi. 
\v 26 Enati fuema lufuemini, lukeba tala luedi vola masumu ; lubika lunda nganzi nate va masika. 
\v 27 Lubika vana satana diluaku.
\p
\v 28 Mutu wowo wubedi yibanga bika kabika buivi ; vayi bika kasala ayi kasala mu mioko miandi kisalu kioki kidi kifuana mu diambu kabakabiobi kafueti kabudila bobo badi basukama.
\p
\v 29 Bika mambu mambimbi mabika totukila mu miunu mieno. Vayi momo kaka madi mamboti, mafueni mu tunga minu boso buididi zitsatu ziawu mu diambu mamonisa mamboti kuidi batu bobo balembo wa mawu.
\p
\v 30 Lubika monisa pheve Yinlongo yi Nzambi kiadi bila mu Pheve beni Nzambi katudila dimbu kiandi mu beno mu diambu di lumbu ki khudulu.
\p
\v 31 Bika mambu ma ndudi, ma kikhesi, ma nganzi ayi ma yamikinina, ma mfingulu mabotuka mu beno va kimosi ayi mambu mamo mambimbi. 
\v 32 Bika kadika mutu kamonika mutu wumboti kuidi ndiandi ; lumonasanangakiadi, lulemvukilanga badieno banga bobo Nzambi kalulemvukila mu Klisto.
\c 5
\p
\v 1 Sumbu luidi bana bobo Nzambi keta zola, bika lusokudila Tata.
\p
\v 2 Ayi ludiatila mu luzolo banga bu tuzodila Klisto bu kakiyekula niandi veka kuidi Nzambi mu diambu dieto banga malasi ma tsudi yi kitoko ayi banga dikaba.
\p
\v 3 Kitsuza ayi zitsumukunu zinkaka zi phila mu phila ayi zitsatu mu baka bima bi phila mu phila, zibika monika mu beno boso buididi bufuana kuidi banlongo. 
\v 4 Ka diambu ko mambu matsoni, mambu ma buvungisi ayi malueya mabika monika mu beno bila masi fuana kuidi beno ko. Vayi bika, mu mambu meno, luzaba vutudilanga Nzambi matondo. 
\v 5 Bila luzebi kueno ti nkua kitsuza, nsumuki voti mutu wunzolanga baka bima bi phila mu phila (niandi dedikini ayi mutu wunsambilangabitumba) kalendi baka kiuka ko mu kipfumu ki Klisto ayi ki Nzambi.
\s1 Luzingu mu kiezila
\p
\v 6 Mutu kabika kuluvuna mu mambu ma phamba. Bila mu diambu di mambu ma phila yoyo, nganzi yi Nzambi yeta buila batu bobo bazolanga ko kuntumukina.
\p
\v 7 Diawu kadi fubakana ayi batu ba phila yoyo. 
\v 8 Bila bubedi, beno lubedi tombi vayi buabu lueka kiezila mu Pfumu. Bika ludiatila banga bana bakiezila ! 
\v 9 Bila kiezila kimbutanga mamboti, busonga ayi kiedika. 
\v 10 Luzaba sobulanga mambu moso meti monisanga Pfumu khini.
\p
\v 11 Lubika fubakana mu mavanga ma tombi ; momo mabutanga ko makundivayi bika lutumbudila mawu. 
\v 12 Bila mambu momo beta vanga mu kitsueki, tsoni madi mu yolukila mawu. 
\v 13 Vayi kiezila bu kiela totula mambu moso va nganda buna bosi mela monika. 
\v 14 Kiezila kiawu kintotulanga bima bioso va nganda. Diawu beta tubila ti :
\q1 Kotuka kuaku ngeyo wulembo leki tulu ;
\q1 fuluka mu tsi bafua,
\q1 ayi Klisto wela ku kienzula.
\p
\v 15 Diawu, lukeba mu diambu di phila yoyo lufueti diatila mu bufuana. Lubika ba banga bivungisi, vayi bika luba batu badiela. 
\v 16 Muaki lusadila thangu, bila bilumbu bi tueka bieka bimbimbi.
\s1 Luzingu mu Pheve
\p
\v 17 Diawu lubika ba banga bivungisi vayi lusudika bumboti boso buididiluzolo lu Pfumu.
\p
\v 18 Lubika kolongo malavu, bila mu mawu mueti totukila divunzi vayi bika luba bawala mu Pheve. 
\v 19 Bika lukikindisanga mu minkunga mikubuku, mu minkunga mi sanisinaayi mu minkunga mi kipheve. Luyimbila ayi lusanisina Pfumu mu mintimamieno mimvimba. 
\v 20 Mu zithangu zioso, luvutudilanga Nzambi Tata matondo mu mambu mamo mu dizina di Pfumuꞌeto Yesu Klisto.
\s1 Zindubu kuidi babakala ayi baketo
\p
\v 21 Bika kadika mutu kakinzika ndiandi mu diambu di lukinzu luidi yeno mu Klisto. 
\v 22 Beno baketo, lukinzika babakala beno banga bu lueta kinzikila Pfumu. 
\v 23 Bila bakala niandi Pfumu yi nketo banga Klisto bu kadidi Pfumu yi Dibundu, nituꞌandi. Niandi Mvulusi wu dibundu beni. 
\v 24 Sumbu Dibundu didi ku tsi minsua mi Klisto, buawu bobo baketobafueti bedla ku tsi minsua mi babakala bawu mu mambu moso.
\p
\v 25 Beno babakala, luzola baketo beno banga Klisto bu kazodila Dibundu, bila wukiyekula mu diambu di Dibundu beni, 
\v 26 muingi kadikitula di nlongo mu mambu mandi ayi di vedila bu kamanisa ku disukula mu nlangu, 
\v 27 muingi kadimonisa kuidi niandi veka, Dibundu di kitoko, dikambulu ditona di mvindu, dikambulu minkanza, voti dikambulu diambu di phila yoyi vayi didi dinlongo ayi dikambulu tsembolo.
\p
\v 28 Bobuawu babakala bafueti zola baketo bawu banga bu beta zodila zinitu ziawu. Bila bakala diodi dieta zola nketo andi buna weta kukizola niandi veka. 
\v 29 Bila kuisi ko mutu weta lenda nitu andi. Vayi wukuyidikilanga, wukuyikebanga banga Klisto bu keta kebila Dibundu, 
\v 30 bila beto tuidi binama bi nitu andi.
\p
\v 31 \qt Diawu bakala kela bikila dise diandi ayi ngudi andi mu diambu di bundana ayi nketo andi, ayi, bawu buadi bela kituka nitu yimosi.\qt*
\p
\v 32 Disuama diodi didi dinneni ; vayi ndinyolukila mu diambu di Klisto ayi dibundu. 
\v 33 Vayi mu diambu dieno, bika kadika bakala kazola nketo andi bangabu keta kukizodila niandi veka ayi kadika nketo kakinzika bakala diandi.
\c 6
\s1 Zindubu kuidi bana ayi bambuta
\p
\v 1 Beno bana, lutumukina bambuta beno mu Pfumu bila buawu bufueni. 
\v 2 \qt Kinzika Dise diaku ayi ngudi aku bila wawu muina wutheti widi ayi tsila.\qt* Tala tsila beni yawu yayi : 
\v 3 \qt muingi wumona mamboti ayi wuzinga buwombo va ntoto.\qt*
\p
\v 4 Diawu, beno madisa lubika fuemisanga bana beno vayi luba yundudila mu kuba vananga zindongi ayi zindubu mu Pfumu.
\s1 Zindubu kuidi bapfumu ayi bavika
\p
\v 5 Beno bavika, lutumukina bapfumu zieno zi ntoto mu lukinzu ayi mu lukhuku mu kiedika kioso ki ntima banga kuidi Klisto. 
\v 6 Lusala kisalu kieno bika sia ti mu thangu zilembo ku lusungi bangati beno luntomba monisa batu khini, vayi banga bavika ba Klisto miomi mieta vanga luzolo lu Nzambi mu mintima mimboti. 
\v 7 Bika lusala kisalu kieno mu luzolo lumboti banga beno lunsadila Pfumuvayi bika batu. 
\v 8 Bila luzebi ti Pfumu wela futa kadika mutu mu dioso-dioso diambudi bumboti diela vanga mutu, kaba mvika voti mutu wu kiphuanza.
\p
\v 9 Beno bapfumu bobuawu luvangila bavika baeno. Lubika kuba yamisa bila ayi beno ayi bawu Pfumu yimosi kaka yidi yeno, yoyo yidi ku diyilu. Bila niandi katalanga bizizi bi batu ko.
\s1 Luvuata binduanina bi Nzambi
\p
\v 10 Mu manisa, bika lukikindisanga mu Pfumu ayi mu lulendo lu zingolo ziandi.
\p
\v 11 Bila kioki luvuata binduanina bioso bi Nzambi muingi lubakabu telimina va ntuala luvunu lu satana. 
\v 12 Bila mvita yeto yisi yi nsuni ko ayi yi menga ko, vayi tueti nuanisanga bikulutu, bipfumu, batu ba lulendo badi mu tombi ayi tunuanisanga ziphevi zimbimbi zidi mu tsi yi kipheve.
\p
\v 13 Diawu lubonga binduanina bioso bi Nzambi, mu diambu lubaka bu kukitabila mu lumbu kimbimbi ayi bu lumeni nunga lutelama nanguinate kuna tsuka. 
\v 14 Diawu, lutelama, lukanga kiedika mu luketo lueno banga sentila\f + \fr 6.14 \fr*\fq Sentila\fq*\fqa  : \fqa*\ft nsinga wowo babakala bamvuatilanga phatula.\ft*\f* ayi bika luvuata busonga bu Nzambi banga kikhutu kisengo\f + \fr 6.14 \fr*\fq Kikhutu kisengo\fq*\fqa  : \fqa*\ft kimvuatanga masodi mu thangu yi mvita.\ft*\f*. 
\v 15 Bika bufula bu longa Nsamu wumboti wu ndembama buba zisapatu mumalu meno.
\p
\v 16 Bika va yilu mambu moso, lubonga minu banga nkaku wowo lulendazimina madionga moso ma mbazu mamfidisanga mutu wu mbimbi. 
\v 17 Bika phulusu luba budu kisengo mu mintu mieno ayi mambu ma Nzambi maba mbedi yi Pheve.
\s1 Lutelo mu diambu di sambila
\p
\v 18 Mu lusadusu lu Pheve, lusambila zitsambulu zioso zi phila mu philaayi zindombolo mu zithangu zioso. Luvanga buawu mu thatumunu yingoloayi lubika vonga. Lusambidila banlongo boso. 
\v 19 Bika lutsambidila mu diambu di mu thangu ndinzibula munu, ndibaka mambu mafueni, momo ndilenda tuba mu diambu di samuna mu kibakala matsueki ma Nsamu Wumbote. 
\v 20 Mu diambu di Nsamu wumboti beni ndididi mvuala, mvuala wowo widiwukangama mu zisieni. Lusambila mu diambu ndisamuna wawu mu kibakalabanga mu phila mfueti kuwuyolukila.
\s1 Zimboti
\p
\v 21 Mu diambu di luzaba phila ndididi ayi mambu ndilembo vangi, buna khombꞌeto wu luzolo Titsike, widi kisadi kikuikama mu kisalu ki Pfumu, wela ku lukamba mambu moso madi mu diambu diama. 
\v 22 Mu bila kioki ndilufidisidi niandi muingi kalukamba zitsangu zieto ayi kabomba mintima mieno.
\p
\v 23 Bika Nzambi Tata ayi Pfumu Yesu Klisto bavana bakhomba zioso ndembama, luzolo ayi minu. 
\v 24 Bika nlemvo wuba kuidi babo bobo banzolanga Pfumu eto Yesu Klisto mu luzolo lu kiedika.