\id HEB NT0013.HE1 YAWEYUHA DEIBLERS TFR DP-DEC 21-APR-86 \h HIBULU \toc1 Hibulu wewenasitoka luhuwa je biye \toc2 HIBULU \mt1 Hibulu wewenasitoka luhuwa je biye \c 1 \s1 Omailimo ipalada epala le aila jekaiyoko gala lo limibo. \p \v 1 Adaya Omaimidana epaloti ga likaka abo wewenasidaya depalo le aila jekaiyoko latatelesidaya ga aito-aitomidana ito anuwa aito-aitomidana dilipi-liki wiwa wiwa ae. \v 2 Ito onawa suwekolo noiyoko, oloti minudawo onawaloya ipalada epala le aila jekaiyoko emo gala maya lo soto moloko lo limiye. Ipaladaya muki nesaya le sa-etibo we netiye loko loetaibo wemidana adeugoya muki yowanu maya molokaiyoko muki saina-maina le soto piye. \v 3 Sakokoya Omaimidana lamedala onowelakiya emotoka soto pibo ne. Ito Omailimo minoko leko ibomidana makoko aweyaha oko emotokaya minokainako, yamuya eimola abuhalalo molo elenedanaki lokaka noibo gayamo muki nesaloya ilimeko le sawa jekaka noiye. Emokahoya lihimate nokalawe oletokaka yowanuya leko le suwoletokadanaki isaloka uliki we napamidana ade lamawakalokaya woko mino moloko ne. \v 4 Woko okananipoki we mukisida kohaido huloko nebo wemidana uliwayamo okananipoki wewenasida dulinipomidana kohaido huloko nebo uliwaya liye. \s1 Ipalamamo muki okanaki wesida asebetokaka noibo ga. \p \v 5 Ito okananipoki wesida asebetaibomidana monawaya sakoya ne: Omailimo ipalada ga lo mibomidana oko okanaki we makomidana sa-loko lo mamiye. Ga makoya ipaladaya sa-loko lo miye: \p Emoya ipane maya minaninako, olotiya ilime soto molokoe. \m Ito ga makoya sako ne: \q1 Nemoya ahola lolo oko minoyoko emoya ipane lolo oko netiye. \m \v 6 Makoya minoko ada ipalada maya oli hiyoko maya mikauka lemekolo noiyoko, ipalada gala maya sa-liki luhuwa ji-minaboma ne: \q1 Omaimidana okanaki wela mukisiya oli miki monoka litae. \m \v 7 Ito okananipoki wesidamuya sa-loko luhuwa jeneboma ne: \q1 Omailimo lokaiyoko okananipoki wesida weunipoya le wili jeko lasikidana iki lolosa jiki minikaka niae. Ito le elekele oluhola lolo obetokaiyoko jo ulumakidana lolo iki minikaka niae. \m \v 8 Sa-oneboya, ipaladamuya sa-loko luhuwa jeneboma ne: \q1 Omaiya emo onowelaki siya elewoleyalo mino-loko woko minakolane. Ito elewoleyakamidana oijola maya le-minadanaki ohokauka wewenasidaya le wehe loko ujapa obetokaka noane. \v 9 Emokahoya wehe loko minokaka nesamugoya elekaka noane. Ito lahelamibo nesamuya osele elokaka noiye. Yamuya Omaimo elowa jitadawo netupa hiletokaiyoko, muki wewenautiya yoweko minane. \m \v 10 Ito ipaladamuya ga mako sa-loko loneboma ne: \q1 We napalika, emoya ada mikamidana ahodawa moladawoma ne. Ito okulumauya emoka adeka luhuwa maya minae. \q1 \v 11 Okulumasiya miniki aha nesa lolo ikilae. Ito emoya mino-loko woko elewole oko minakolane. Edimoya olo jikaka lawolawokidana iki minikanako, alikaya wiki asehawa likilae. \v 12 Sa-iki minadeko emokahoya le elewekeko le molakolane. Sa-okadeko edimoya wiki aito aweyahago ikilae. Sa-itaboya, emoya minadawo aweyaha okogo minakolane. Ito melekekahe ito onawakaheya ma woko suwametibo ne. \m \v 13 Ito Omaimo ipalada lo mibo ga makoya sa-loko ne: \q1 Niseko nade lamawakaloka mino-loko woko minadeko, muki ulakalo wesidaya dilipe nupa oko le ika heumauka molokoyoko minakilae. \m \v 14 Sa-lokoya okananipoki wesida lo bamibo nenako, okananipoki we muki weunipoki nesaya Omaimidana elekelelaya olisauti lilimekakamidana wehe loko le sa-etudawo wewena lilimi wati itae lokogo doli hekaka noibo ne. \pi1 \bd 5\bd* Sam 2:7; 2 Sam 7:14; 1 Klo 17:13 \bd 6\bd* Dut 32:43; Sam 97:7 \pi1 \bd 7\bd* Sam 104:4 \bd 8-9\bd* Sam 45:6-7 \bd 10-12\bd* Sam 102:25-27; \bd 13\bd* Sam 110:1 \c 2 \s1 Olisauti lilimekaka nesaya yoweko ne. \p \v 1 Ipalada monawalaya aseko nenako, yamuya lemoya opa lahelamibo anugu wokatune loko monoka eludawo maya aku le ohatama oko labuha moloko elekogo minatune. \v 2 Eli-minahe. Okananipoki wesida depauti Mosesemamo luhuwa jibo galimoya niseko ulolotokaiyoko, wewenasiya okananipoki wesida ganipo auta okaka ito eli hulikaka pelesa jekakamidana monawa maya soto pekaiyoko, lihimawaki nenako, yamidana apila malokaya lihimawaya aloma likaboma ne. \v 3 Yamuya lemoda olisauti lilimekaka nesaya saina napaya neboya, nena nena oko hulikuniyoko woko aha nesa lolo etibo ne. Ito eimola We napalimo adaya olisauti lilimekaka gaya lo soto molaiboya datadunu eli wehe liki eli-minabo wesiya li limi limi ayoko elewole oneboma ne. \v 4 Sa-noiyoko, Omaimo ane aitomidana ito elewoleyalamidana nesalamu saina ohatama le soto molokadanaki, ganipoya le sawa jidanaki weuna oluholoti monokamidana elewoleya eimola libotoka molaibotoka oko ona moloko limiye. \s1 Jisesiya olisauti lilimekakamidana we napaya ne. \p \v 5 Ito mika mako soto pitibomidana gawaya noloboya Omailimo okananipoki wesida ujapa iki li momoga itae loko lobetamiye. \v 6 Edimokumuya monoka bukuguya we makolimo Omailimo lo mibo aya lo soto moloko sa-loko liye: \q1 Yamidana wewenasidaya nenaha iyoko ele bekaka noane. Ito yamidana wewenasidaya awopilaka mudaidoko nenahamuya dilipe wati okaka noane. \v 7 Ya onawa minawasiya okananipoki wewenasikuti limiki minatae loko lobetadawo ne. Oliwaki nesadunu ito lamedamidana ulikadunu le elewole okaka adakolikidana olo jebetadawoma ne. \v 8 Sa-okadanakiya, muki nesasida maya le i heumauka molokane. \m Omailimo muki nesaya wewenasida diuka molaiboya muki nesa ona molamidanaki wasawakiya le beko suwiye. Sakoko oloti maya yupekaya muki nesaya wewenasida diuka molokaiyoko neyoko mudamudawoya, \v 9 Jisesida monawalaya mudako elekaka noune. Onawa minawaya okananipoki wewenasikuti lemeko nedanaki, miluma eleko helibomuye loko lamedalaki ito uliya napaki miboya le uka jekadanaki ne. Ito okananipoki wewenasikuti lemeko neboya, Omaimidana nasahilila limitiye loko lokaiyoko, emoya helekaka ekesamidana lemo muki wewenamuye loko elibo ne. \v 10 Omailimoya muki nesaya eimolalo jigi iki minatae loko emoya ahonipo lolo onedanaki, emo muki oluwale ipalalesida maya onowelaki lameda bituwe loko eliye. Sa-noidanaki olisauti dilimekakamidana we napa maya miluma yowanu lekoko wehe lokogo minatane loko Jisesida loetaibolimoya etokaiye. \p \v 11 Ito duka le lalo okaka noibo we nebo ito dilipi lalo abo wewena minaboya edimoya ahonipo makoko nenako, yamuya Jisesimamo oluho unamotane letuwe loko owane helamoko letubo ne loko elibo maya ne. \v 12 Yamuya Jisesikaho Omaimidana lo mibo gaya sa-loko ne: \q1 Nemoya oluho unamotane loko lo bekodanaki monoka elebo wewenane yuhasida luwawanipouya nama loko epoka letuwe. \v 13 Ito emo Omaimu libo ga makoyakiya sa-loko ne: \q1 Nemoya emotoka jego oko minakoloe. \m Ito ga makokiya sa-loko ne: \q1 Maya nemoki ito Omailimo nimibo oluhokiya lemo mukiya minune. \p \v 14 Ito Omaimidana oluhola edimoya dupa milawaki wewenaya minikaka nianako, Jisesimamo asako lemo lupakidana le kolaiye. Ito eimolaya nohelidanaki helekaka ahola olohamidana abuha-wowolamaki le aha nesa lolo okaiyoko, \v 15 helekaka nesamu domoda wokaka nesalimoma nala jekaiyoko miniki liki abo onawanipo nalau minabo wewenasida nalauti olutobetatuwe loko yamidana nesa lolo iye. \v 16 Aya nesaya okanaki wesida dilipe wati etuwe loko samiye. Lemo Aebalahamuda awopilalale yuha minudawo wewenaya lilime wati okaka noiye liki monoka bukugu luhuwa ji-minaboma ne. \v 17 Ito Jisesiya Omaitoka jokila he mekaka wete napa ukala lemekakamidana ito Omaimidana omudalo emo le emesalo moloko minoko yowanu elewole oko lekakamidana minatiye loko, wewena lemo lihimate nokalawe etibomu unala mota lemokiya makoko aweyaha itae loko loetoneboma ne. Ito anu lumawa mako minamibo ne. \v 18 Sa-ibo nenako, yamidana monawaya sakoya ne: Eimolaya miluma elidanaki mulunau hibo nenako, yamuya lemo wewenatokaya muluteu hekaka nesaya niseko hetokadeko, lilime wati etibo ne. \pi1 \bd 6-8\bd* Sam 8:4-6 \bd 12\bd* Sam 22:22 \bd 13\bd* Aes 8:17-18 \c 3 \s1 Jisesida uliwalimoya Moseseda asetone. \p \v 1 Sa-onebo nenako, monoka wewenalita okulumau nesalo lesa molo libibo wewenalitaya, edimo ele elewole okaka noudawomidana monoka wetome okaka noibo we ito Omaitoka jokila he mekaka noibo we napa Jisesidaya muda-eli wehe liki mudalo. \v 2 Omailimo aya yowanu litiye loko lo moloetaiboto Moseseya aya yowanuya Omaimidana wewenala yuhaloka nedanaki, Omailimo libotogo neboya Jisesi maya ayamidana oko emesalo moloko mino-loko woko lene. \v 3 Numuda vokaka noibo wemidana uliwalimoya numudamidana asetokaka noiye. Sa-okaka noinako, ayamidana oko Jisesida uliwalimo Moseseda asetoko lamedalakiya ne. \v 4 Ito numuda le soto molokaka wewenalika vokaka nesa maya neboya, muki yatoka nesahena le soto molokaka weya Omai makokoya ne. \v 5 Ito Mosesekahoya Omaimidana numudala aweyaha iki minabo wewenasitokaya nedanaki, Omailimo libotogo elekele yowanu le emesalo moloko leko nedanaki, Omailimo gala lo soto molatibomu ohuwa hukokaka iye. \v 6 Sako neboya, Kalaestikaho Omaimidana ipalamoya Omaimidana numudala lolo iki minabo wewenasitokaya ujapa oletaidanaki Omailimo libotogo elewole oko yowanu lekaka noiye. Ito saina-maina le lolowa oletaibomuya ubolo minudanaki, muluteuka wati ideko mino-loko wetudawoya Omaimidana numudala lolo iki minae loko letiye. \pi1 \bd 2\bd* Nam 12:7 \s1 Omailoka woko aso jelekakawau woko kolatudawo ga. \p \v 7 Kalaestiya muki nesasida asebetoko nenako, yamuya Omai weuna oluholimo libo ga monoka bukuguya sa-liki luhuwa ji-minabo maya lemo nesate lolo oneyoko elekaka noune: \q1 Olotiya edimo Omaimidana onola maya eli-minataboya, \q1 \v 8 aha yanala minamibotoka mumusopa mikaloya Isilaelo wewenasi lukaha iki mesaha jedanaki Omailimo auha lemametihe liki lahelamibo nesa lolo iki minabokidana iki duka heko li lokadeko minamilo. \q1 \v 9 Yalokaya latatipole maya meleke 40-pala oko nowiyoko sainahena lolo-halo okaka oboya mudaikaka abo neboya, hokoliya adanaki auha lemametihe liki lahelamibo nesa lolo ikaka i-minabo ne. \q1 \v 10 Sa-ikayoko nenako, nemoya mesaha jekoko edimokumuya sa-loko lo-minobo ne: Edimoya muki yupekaya opa-napa nesamugo data kikaka i-minabo ne. Sa-ikiki anune maya mudai wehe liki mudamabo ne. \v 11 Sa-ikayoko, mesaha jebetodanaki sa-loko lo hukoko lo-minobo ne: Mino aso jelekaka nesaneuya edimo wiki hilamitabo ne. \m \v 12 Wewenanelita, edimotokatiya wewena mako duka wehe lametiboki minikiki monoka eli hulikiki elewole we Omaimidana demesa mikatae liki ujapa iki minalo. \v 13-14 Lemo adaya ele elewole okaka udawoya le ikitoko le-minoko woko hetatudawoya lemo adaya Kalaestida nasahilila ona moloko leminudawo wewena lolo okaka udawo nenako, muki yupekaya onawanipo aha neyoko lahelamibo nesalimo muluteu hekakakumuye loko we makolimo edimotokati okepa jekoko uka heko li lokatiye liki, emo ata lideko emo ata lideko iki luhawatipo maya li ikitiki minalo. \p \v 15 Yamuya monoka bukuguya ga mako sa-loko ne: \q1 Edimoya olotiya Omaimidana onola eli-minataboya, edimo lukaha ikiki mesaha jebomidana iki dukaya hiki li lamilo. \m \v 16 Yaya nakaha wewenasiya Omaimidana onola eli hulikiki pelesa jikaka abo ne. Mosesekaho dilipe omutiyoko Ijipi mikaukati nisebo wewenasiya sabo ne. \v 17 Ito Omailimoya nakaha wewenamuya elibo lahelamiyoko meleke 40-pala wibo ne. Edimoya lahelamibo nesa yanala minamibotoka mumusopa mikaloka wikadanaki heli esa abo wewenamuya sa-ibo ne. \v 18 Sa-okaiyoko nakaha wewenamu sa-loko lo hukoko libo ne: Nemo elekaka nesaneuya wiki hilamikilae. Sa-loko libo gaya eli hulikiki pelesa jikaka wewenamuya liye. \v 19 Yamuya sa-loko ele-minune: Edimoya monoka eli hulikiki yogo-yogo jikaka abomuye liki mino elikaka ebatoka maya wiki lamae. \pi1 \bd 7-11\bd* Sam 95:7-11 \bd 15\bd* Sam 95:7-8 \bd 16-18\bd* Nam 14:1-35 \c 4 \p \v 1 Mino elekaka ebakuya wiki minatae loko lo mololetonebo maya ne. Sa-loko lonebo ga maya woko aha nesa lolo amiye. Sa-onenako, edimokukatiya wewena mako usekatiye loko domoda wetiye. \v 2 Sa-etiboya, ahamu minamiye. Gala lalo maya Mosesekaho lo bibomidana oko lo limiye. Sa-oneboma neboya, Juda wewenasiya aya ga maya elikiki li dukau molabo minamiye, eleyoko woko aha nesa lolo okaiye. \v 3 Lemo monoka ele elewole oko ele-minudawolalitaya mino elekaka nesauya woko hetokaka noune. Yatoka nesamuya Omaimidana gala eli hulabomuye loko sa-loko liye: \q1 Edimoya mesaha jebetodanaki sa-loko lo hukoko loe: Edimosiya mino elekaka ebaneu maya wiki lamitabo ne. \m Omailimo maya mikaya le api oko lolo okadanaki muki nesa lolo oko suwoko aso jeleko nebototi alikaya aya ga maya liye. \v 4 Yamuya muki nesa le soto nomolaiyoko, 7-pala onawaya wokaiyoko, yauya monoka bukuguya ga mako sa-loko ne: Omailimoya muki nesa lolo oko suwokadanaki onawa 7-niloya aso jeliye. \v 5 Sa-okaiyoko, isalokaya sa-loko liye: Nemoya mino elekaka ebaneuya edimo wiki mini elamitae, loko liye. \v 6 Lemo wewenalita Omaimidana mino elekaka nesalauya woko hetatudawo anuwaya aha ne. Sa-oneboya, hapaya woko hetokakamidana gala lalo lo bibo wewenasiya eli hulikiki wiki hetamabo nenako, \v 7 yamuya olotiya woko hetatudawo onawaya aku molokadanaki, alikaya Dewitida atauka lobo gaya molokaiyoko, sa-loko liye: \q1 Edimoya olotiya Omaimidana onola elitaboya dukau hiki li likiki minamilo. \m \v 8 Josuwakahoya aya aso jelekaka numuda eba lalo le soto molatidanako, Omailimoya alikaya aito mino elekaka onawamuya lametine. \v 9 Sa-onenako, yamuya sa-loko eletune: \v 10 Omailimo yowanu leko suwokadanaki aso jelibomidana iki wewena makolita Omailimo aso jelibotoya mini molataboya yowanunipo li-liki niwitabototiya aso jelikaka imi wikilanako, yamuya lemo Omaimidana wewenala yuha aso jelekaka holi makoya aha ne loko ele-minune. \v 11 Ito wewena mako lemotokati abuha molamideko lahelamibo nesamuye loko hapa wewenasi lukaha anu moliki wabotoya emoki wokatiye. Omailimo mino aso jelekaka noibotokaya woko minatune loko labuha molatune. \p \v 12 Eli-minahe: Omaimidana gala ele hulokakakumuya ga mako sa-loko eletune: Omaimidana galaya elewole oko minokakamidana ne. Ito abuha-wowolaki ne. Ito emita mako emesaloka ito omudaloka epawa nebo emitaya aseko nenako, yadunuya weutehena ito lukatehena labuhatehenakiya adoha nesa leko helewetokaka noiye. Sa-okadanaki lukamo elekakawa ito ele wati okakawamidana monawaya le soto molokaka noiye. \v 13 Ito muki nesa le soto molaibo nenako, Omaimidana omudaloya nakaha nesalimo halukeko minatiye. Omaimidana omudaloya muki nesaya mako wasau minamiye. Omudaloya muki nesahena maya aha sotogoya ne. Sa-onenako, eimola omudalaloya muki nesa oko moloko okaka noudawo nesamuya obi yowanuya lekoloune. \pi1 \bd 3\bd* Sam 95:11 \bd 4\bd* Jen 2:2 \bd 5\bd* Sam 9:11 \bd 7\bd* Sam 95:7-8 \pi1 \bd 8\bd* Dut 31:7; Jos 22:4 \bd 10\bd* Jen 2:2 \s1 Jisesiya lemo olisateloya Omaitoka jokila he mekaka we napateya ne. \p \v 14 Lemo olisateloya Omaitoka jokila he mekaka wete mako nebo we, Omaimidana ipala Jisesiya okulumauya yoweko ne. Sakoya minoletonenako, monokala lokaka noudawoya le ikitoko le-minatune. \v 15 Ito olisatemu Omaitoka jokila he mekaka we napateya eda lelaibo nesamuya mudalelo hulamiye. Lemotokaya muluteu hekaka nesa soto pekaka noibomidana oko emodaya aito-aitomidana wavu-leko soto penebo neboya, lihimala makokomaki minamibo ne. \v 16 Sa-onebo nenako nasahilila lekaka siyalo maya oli lemamideko yowetune. Sa-nokoya saina makolimo lomudaloka nonisideko maya, emokaho nasahili oletoko ukala lemeko lilime wati etiye. \c 5 \p \v 1 Ito lemo mikauka wewenalokati olisatelo Omaitoka jokila hi mikaka we napae loko dilipe eto ibo wewenasida monawanipomu letuniyo. Edimoya muki wewenamuye liki Omaimidana omudaloka soto pikiki lihimanipomuya Omaitoka jokila hi mika ito uda ji mika itae loko sa-obetaiye. \v 2 Edimo yamidana wewenaya abuha-wowonipoki minamiyoko, nei moloko opa minoko woko opa udawo wewena lemokumu hulu iki miniki milumate eli litikaka niae. \v 3 Maloka wewenaya abuha-wowonipo lamabomuye liki wewenasida lihimanipomu ito edimonipo lihimanipomu saina-maina uda ji mitae loko lobetonebo maya ne. \v 4 Ito aya yoweko nebo yowanuya we makomidana ukalauti galalo nehekala, Omaitoka jokila he mekaka we napaya Omailimo ilime eto oetokadanaki, yowanu ga loetokaiyoko wati oko lekolaiye. Ito Moseseda yatola Elonida maya hapa yeimalokaya ayamidana yowanuya mibo maya ne. \p \v 5 Ito Kalaestikahoya asako eimolamuya yoweko elekadanaki Omaitoka jokila he mekaka we napa lolo amibo ne. Omailimoya sa-loko lo mekaiyoko Omaitoka jokila he mekaka we lolo ibo maya ne: \q1 Emoya ipanema minaniyo, olotiya ilime soto molokoe. \m \v 6 Loko lokoko, ga makoki sa-loko lo miye: \q1 Emoya Melekisedekida aweyahalalo sakoya Omaitoka jokila he mekaka we mino-loko woko minowa minowa oko minatane. \p \v 7 Jisesikaho maya mikauka nebo yupeka maya helekakakuti aku dilipe sinokaka elewoleyaki nebo welimoya ju napa loko omuda nouvala lemo jiyoko wako adoha loetaiye. Sa-okaiyoko nenako, Omaimidana iguka lemeko nebomuye loko ele miye. \v 8 Omaimidana ipalama neboya, opaya miluma-aluma elekadanaki ele lekakamidana monawaya Omailimo api-napi oetaiyoko ele wehe liye. \v 9 Sa-okadanaki wehe lokogo minokaka we lolo okadanaki muki emo gala eli lebo wewenasitoka olisauti dilipekaka nesaya lumawa minametibomidana ahonipo lolo okaiyoko, \v 10 lemo olisatemu Omaitoka jokila he mekaka we Melekisedekida aweyahalalo netiye loko Omailimoya loetaiye. \pi1 \bd 3\bd* Liv 9:7 \bd 4\bd* Eks 28:1 \bd 5\bd* Sam 2:7 \bd 6\bd* Sam 110:4 \pi1 \bd 7\bd* Mat 26:36-46; Mak 14:32-42; Luk 22:39:46 \s1 Monoka hulikatae loko data libo. \p \v 11 Yamidana gawaya muki neboya, edimoya elekakatipoya minawa minokaiyoko, lo libituwe loko elobo maya eda nelokaiye. \v 12 Eli-minahe. Edimoya onawa hana monoka eliwa eliwa iki minabolitaya maloka wewenasidaya wetome-katome iki li betidanako, wehe letidawo neboya, edimoya yamidana monoka api okakawa aku lo libekakawaloya mini molikae. Edimoya dukamidana elewole nodenesala namitaboto minae. Edimoya aha dotipolesida amidanipo niki minatabo nesa likae. \v 13 Sa-iminanako, amida nikaka niabo wewenamuya oluho aida minae loko lobetatune. Yamidana wewenasiya wehe liki minikakamidana monawaya ma eli wehe lamae. \v 14 Sa-niaboya, olopa wewenaya elewole nodenesaya edimo nesanipo ne. Duka data golotokaiyoko, lahelamibo nesamu ito saina lalomu monawa eli wehe likaka niabo wewenasida nesanipoya ne. \pi1 \bd 12-13\bd* 1 Kol 3:2 \c 6 \p \v 1 Yamuya lemoya sakoe loko Kalaestida gala api okakawaya api iboku lokaka nesaya molokuniyoko minadeko, ga elewoleya lolo o-loko lokakamidana anuguya kolo metune. Monoka ulawa api okakawaya minawasi moludanaki tolowa okaka yowanuloti lukate le wili jekaka ito Omaimu ele elewole okaka, \v 2 ito noku udokaka, ito madonipolo ladete moloko maku bekaka ga, ito hele-minudawokuti sinokaka ga, ito lihimanipo molobetomo wowa wowa okaka gaya nenahamu aku api etune. \v 3 Sakoko Omailimo elideko wehe lideya maya ga makokumu eletune. \v 4 Sa-etudawoya nenahamuye. Monokalimoya maloka wewenasida duka he lameda lokaiyoko, okulumauti nodenesa niki ele, ito Omaimidana weuna oluhola maya ilimi sae, \v 5 ito Omaimidana gala alika soto pitibo onawamidana elewole abuha-wowomu elowa jiki wati ikae. \v 6 Omaimidana wewenala sa-iki minabosiya monokaya lina hulataboya, Omaimidana ipaladaya aku yoho yaha yalo kohakiki aku ulana molitabo elitibo nenako, ahamuya duka li wili jikadeko aku dilipe lalo etibo anuwa minamiye. \v 7 Sa-onenako, yamuya koha moloko ga mako lo libituyo. Mika makomalokaya muki yupekaya go jekogo nedanaki, jeko eha jekaiyoko, aya mikalo wewenaya yuhainau nihileyoko, nodenesanipoya soto pekaka noiboya, Omaimidana makulaloya saina ihilawaya wati oko soto pekaka noiye. \v 8 Ito apila malokaya liliha asowalaki nesago luwemo wetibo nesamuye loko ahali mika lolo okadanaki Omailimo auha libo mikaya nenako, asakogoya ahali mika lolo oko minadeko jolimo lekolaiye. Yatoka mikamu noloboya maya mikamu lamoe. Lemo wewenamuya lo moloko noloyo, elilo. \p \v 9 Wewenanele yuhalita, nemo ga maya noloboya edimo latila itae loko lamoe. Olisauti dilimibomidana ihilawa lalo maya edimotoka mino-loko woko netiye loko ele-minodanaki noloe. \v 10 Sa-oko noloboya, Omailimo mako le opa amiye. Edimoya emokumuye liki yowanuwa likadanaki wewenala yuhasida duka bikiki dilipi wati adanaki nasahili ibitikaka abo ito olotiki nilabomuya emolakaho yamuya ata molamekolaiye. \v 11 Edimo mukisiya makoko aweyahago iki lolo iki moliki ikadeko, limitibo nesaya letune liki ubolo i-miniki datagoya ameme i-liki niwideko onawama suwetiye loko yamuya noloe. \v 12 Ito edimoya osele amiki maloka wewenasiya eli elewole adanaki osele delamiyoko ewa i-minadanaki, saina-maina lo molobetaibo nesa likaka niabo wewenasi anu wili-minabotoya demesalo moliki sa-iliki witae loko noloe. \pi1 \bd 8\bd* Jen 3:17-18 \s1 Le lolowa oletaibo nesamu ewa oko ubolo minatudawo. \p \v 13 Yamuya ga mako sa-loko ne: Aebalahamudama Omailimo saina mako imituwe loko lo moloetaidanaki we napa makomidana ulilaloya lo hukoetatuwe loko eliboya, ohu jekadanaki eimola ulilalo elewole oko lo hukoetaiye. \v 14 Sa-loko lo hukoetokadanaki sa-loko lo miye: Emodaya aha nasahiliki makukiya oha emeko oha emeko ekoloe. Sa-okodanaki emo awopilakale yuhasidaya dilipe obe lekoloe. \v 15 Ito Aebalahamudaya sa-loko Omailimo ga lo moloetaibomuye loko osele elemiyoko ewa oko mino-loko yoweko aya nesaya watiya neyoko mudaiye. \v 16 Lemo wewenalitaya lade yoweko wewena makomidana omudaloya lo hukokaka ga noludanaki lemokuti we napamidana ulilalo lokuniyoko pelesa jekakamidana minamiye. \v 17 Yamuya Omailimo ga mako lo molobetaibo wewenaya Omaimo alikaya uka le wili jeko aito ga letihe liki data lowe kikatae loko ukadunu elibo maya elewole okaiyoko liye. Ya nesamidana monawa le soto mololibetatuwe loko lo molobetaibo gamidana mupilaloya le elewole oko lo hukokaka gaya koha moloko liye. \v 18 Sa-okaibo nenako, Omaiya suwaki namaki gala minamibo welimo ga loweya le elewole oko liboya le sawa jekoko lemekaiyoko, eimola amaekuka woko minudawo wewenaya saina-maina le lolowa oletaibo nesamidana watiyamuya labuha moloko letune loko ubolo minoko ewa oko ele-minune. \v 19 Le anuwalo mololetaibo nesamu labuha moloko ubolo minudawo lukateya ahodamidana nedanaki, okulumamidana oho ulauya Omaimidana omudaloya lilime-loko yowekaka noiye. \v 20 Yaloya lemokumuye loko le omutoletokaka we Jisesiya le omutoletoko ulau wo helibo weya Melekisedekida aweyahalalo emo olisatemu Omaitoka jokila he mekaka we lolo okadanaki elewole oko mino-loko woko minakolaiye. \pi1 \bd 14\bd* Jen 22:16-17 \bd 19\bd* Liv 16:2 \bd 20\bd* Sam 110:4 \c 7 \s1 Melekisedekiya Omaimitoka jokila he mekaka we nebo ga. \p \v 1 Ito Melekisedekida monawalamuya lo libituyo. Emoya Saleme ebatokaya uliki we napa ito Omai we napamidana jokila he mekaka we ne. Sa-noiyoko, Aebalahamukaho ulinipoki ulalalo wesida maya kohaidokoko aha nisekaiyoko Melekisedekiteya wiki anuloka hotula ikaidanaki Aebalahamuda maya maku miye. \v 2 Maku mekaiyoko, Aebalahamumamo lowauti wau nesahena leko nisibo maya lepeko ona molokadanaki saina 10 10 oko nebokuti maya ona moloko Melekisedekida maya meika meika iye. Ito Melekisedekida uliwamidana monawaya lemo ateukatiya wehe loko minokaka wemidana ulilaki weya ne. Ito Saleme ebamidana uliki we nebomuye loko, ulila makoya lemo ateukatiya hulu we napae loko ne. \v 3 Melekisedekida aholale dolale ito latalelesida dulinipoya luhuwa makomauya minamiye. Emo monawalamu ohu jeha ohu jeha ohu jiki li soto molamabo ne. Emoya minoko leko ibolawa ito api ibolawaki ito minoko helibolawakiya minamibo nenako, Omai ipalada jokila he mekaka weya mino-loko woko ahaya ne. \p \v 4 Maya mudalo. Melekisedekiya we napa lolo oko neyoko, latate Aebalahamuya we napa nebo welimoya lowauti wau nesa lalogoya lepeko ona moloko saina 10 10 nebokuti Melekisedekidaya makoko makoko miye. \v 5 Liwaeda awola malokaya Omaitoka jokila hi mikaka we lolo iki minabo weya Aebalahamukuti wewena lolo abo neboya, wewenanipouti saina mainanipo muki o molaibo 10 10 nebokuti makoko makokoya li litae liki li molabo ga li nupa abokutiya li hukibitiki lae. \v 6 Ito Melekisedekiya Liwaeda nalalauti soto pamibo welimoya Aebalahamuda sainala muki 10 10 nebokutiya makoko makoko oko liye. Sa-noidanaki Omailimo lo moloetaibo nesaya le mekaiyoko libo we Aebalahamuda makuya miye. \v 7 Ito we napasiya wewena malokasida maku bikaka niabo nesamuya wewena makolimo elamoe loko lamekolaiye. Ito Melekisidekahoya Aebalahamuda maku mibo nenako, Melekisidekahoya Aebahamamuda aseko ne loko noelune. \v 8 Malokaya uda ji mikaka niabo wesiya miniki helitabo wewenasiya wewenasida nesanipo 10 10 oko nebokutiya makoko makoko iki likaka niae. Ito malokaya aya nesa 10 10 oko nebokuti makoko makoko oko libo we Melekisedekidamuya minowa minowa oko nebo we liki luhuwa ji-minabo ne. \v 9-10 Nemoya eloboya sa-okaiye: Melekisedeki Aebehamauki hotula niaiyoko, Liwaekahodina ito awolamolatadinaki oladawa Aebalahamuda ukalau minamibo ilekaiye mibo elene. Sa-okaiyoko, Liwaekahokiya asitoti uvamina 10 10 nebokuti Liwaeya latalada ukauka aha neyoko makoko makoko iki likaka wesida latanipoya lolo oko minoko Aebalahamuda omudaloka nedanaki muki nesahena maya Melekisidekida le mibo nesa lolo okaiye. \p \v 11 Liwaeda awopilalalesiya Omaitoka jokila hi mekaka yowanumidana laloya Omailimo lo hukoko libo gaya Isilaelo wewenasida biboya, ito edimo gaya Omaitoka jokila hi mikaka weya omu wilebolimoya Omaimidana omudaloya woko wehe lokogo minatudawo nesamidana le soto molatidanako, alikaya uda jekaka we mako aitomidana Melekisedekida nalalautiya nenahamu soto petine. Jisesiya soto pekadanaki Elonikaho oko moloko okaka ibomidana oko minamiye. Emo Melekisedekaho oko moloko okaka ibotoya soto penebomuya noloe. \v 12 Ga mako yamidana monawaya sako ne: Omaitoka jokila he mekaka yowanu asehawa maya le huloko ohatama mako le soto molabo nenako, minawamidana galawa lo hukoko libo gaya ayamidana oko le huloko oneyoko ohatamamidana mako soto pekaiye. \v 13 Ito lo hukoko libo galimoya Jisesitoka woko lekaiyoko, uda jikaka monoka numuda napau yowanu libo we Liwaeda awopilalale yuhaloka libitabo wesida nalanipouti soto pamiye. Jisesiya aito nalauti soto peneboya, aya nalauti makolimo Omaitoka jokila hi mikaka monoka numuda napauya yowanu lamabo ne. \v 14 We napateya Liwaeda nalalauti nehekala, unala Judada nalalauti soto penebolawa maya alo muki ele suwoko ele-minune. Ito Juda wewenasi Omaitoka jokila hi mikaka yowanu litabomu Mosesekaho ga mako lamibo ne. \pi1 \bd 1\bd* Jen 14:17-20 \bd 5\bd* Nam 18:21 \s1 Jisesi maya Melekisedekida aweyaha lolo oko soto pibo ga. \p \v 15 Ito Omaitoka jokila he mekaka we ohatamamidana monawala mako sakoya soto pe lalo okaiye. Omaitoka jokila he mekaka we mako Jisesima Melekisedekida aweyaha lolo oko soto pekaiye. \v 16 Emoya aha wewenasi laboto Omaitoka jokila he mekaka we lolo amiye. Emoya elewole oko minokakamidana abuha-wowola Omaitoka jokila he mekaka etibo we minakolaiye. \v 17 Emokumu monoka bukuguya sa-liki luhuwa ji-minaboma ne: Emoya Melekisedekida aweyahala lolo oko Omaitoka jokila he mekaka we mino-loko woko minakolaiye, liki ji-minaboma ne. \v 18 Yamuya hapaya li hukiki labo gaya olisauti lilimekakakumu laboya, abuha minamiboto watiya ga mako le soto molamiboyae liki li suwi maloka molae. \v 19 Mosesekaho lo hukoko libo galimoya Omaimidana omudaloka wehe lokogo minatudawo nesago le soto pe-loko wamiye, ito yamidana asetoko ohatama Omaitoka jokila he mekakakuti saina lalomu ubolo minoko ujapa oko minokakamidana watiya le soto molaibolimoya anute wileletokaiyoko Omaimidana omudaloka wokaka noune. \p \v 20 Ohatama Omaitoka jokila he mekaka nesalimo Jisesitoka soto piboya Omailimo le elewole oko lo hukoetaiboto elewole abuha-wowolakiya le soto pe miye. Edimo omutiki Omaitoka jokila hi mikaka wesiya li elewole iki li hukiki lamadanaki aha Omaitoka jokila hi mikaka we lolo iki minae. \v 21 Ohatamaya le elewole oko lo hukoetaibotoya Jisesiya Omaitoka jokila he mekaka we wehe loko lolo oko ne. Jisesidaya luhuwa ga mako Omailimo lo miboya mako sa-loko ne: \q1 We napamo le elewole oko lo hukaidanaki emoya Omaitoka jokila he mekaka we mino-loko woko elewole oko minatane loko libo gaya hulamekolaiye. \m \v 22 Monawaya sakoya minokaiyoko, Jisesi maya lo mutihekaka ga yoweko nebo gamidana le elewole etibo weya lolo iye. \p \v 23 Ito omutiki minabo Omaitoka jokila hi mikaka wesi yowanu koli miki likili heliki wiwi niayoko, mini ayalo ayalo iki muki wewenasi li-liki wi-minae. \v 24 Sa-iminaboya, Jisesiya elewole oko minokaka we nebokumuye loko Omaitoka jokila he mekaka yowanuya kolo meko minowa minowa oko minakolaiye. \v 25 Sa-onebo nenako, elewole oko minokakauya netibo wemamo muki yupekaya Omaitoka lemodamu wako lokaka noinako, emoya olisauti dilimekaka yowanuya leko Omaimidana omudalo wati oko wokaka noudawo we lilime elewole etibo nesaya noliye. \p \v 26 Lilime wati wati okaka we Jisesiya lemo olisatemu Omailoka jokila he mekaka weya ne. Emoya eto oko minoko olisala minamibo we uka laloki lahelamibo nesahena lolo-halo abo wewenaki makoko lelilo koloko lolo amidanaki, wehe loko nebo we okulumau muki kohaido suwoko nebo we neyoko wati one. \v 27 Jisesiya Omaitoka jokila hi mikaka we asehawakidana minamiye. Edimoya muki yupekaya edimonipo lihimanipomuye liki ada Omaitoka jokila hi mikadanaki, alikaya wewenasida lihimanipomuya jokila hi mikaka niaboya, Jisesiya lihimala minamibomuye loko jekaka amiye. Eimolaya ukala obohalaya Omaitoka mekadanaki uda makokoya je mekaiyoko woko suwiye. \v 28 Mosesekaho lo hukoko libo galoya dukamo opa ibo wewenaya Omaitoka jokila hi mikaka weya aha minatae loko lobetaiboya, Mosesekaho lo hukoko libo ga mupilaloya Omailimo le elewole oko lo hukokaka gamoya ipaladaya ilime eto okaiyoko wokoya wehe lokogo nebo weya mino-loko woko minakolaiye. \pi1 \bd 17\bd* Sam 110:4 \bd 21\bd* Sam 110:4 \bd 27\bd* Liv 9:7 \c 8 \s1 Jisesiya lo mutihekaka ga ohatamamidana Omaitoka jokila he mekaka weya ne. \p \v 1 Ga lalo maya noloboya madona le nupa okoya sako ne: Lemo olisatemu jokila he mekaka we napaya okulumau Omaimidana oliwaki siyalo amaitoka ade lamawakaloka woko ne. \v 2 Emo eto onebo monoka numudala ito monoka numuda wehe lokouya, lemokumu Omailoka lokaka noibolimoya Omailoka jokila he mekaka yowanuya lolo okaiye. \v 3 Ito muki Omaitoka jokila hi mikaka abo we napaya lahulu liki nodenesa koha jikaka itae liki dilipi eto ikaka ae. Yamuya lemo olisatemu jokila he mekaka we Jisesikiya Omaimidana uda je miboto nebo we ne. Okulumau monoka numuda napau ito monoka numuda lalo napauya lemodamuye loko Omailoka lokaka noibolimoya Omaitoka jokila he mekaka ibo yowanu lolo okaiye. Monoka numuda lalo napaya wewenasi vamae, We napatelimo eimola le soto piye. \v 4 Ito maya mikauka Mosesekaho lo hukoko libo galoya jokila hi mikaka weya aha minaboya, Jisesiya jokila hi mikaka wesida nalanipouti soto pamibo nenako, emoya olotiya aha maya mikauka minatidanako, olisatemuya Omaitoka jokila he mekaka weya minametibo ne. \v 5 Sa-etidawo neboya, edimoya lawo-lawo numuku yowanu likaka niaboya aha aweyahaya ne. Ito yowanu lalowaya okulumauka ne. Yamidana sakoya Mosesekaho monoka numudaya go numudakidana vetue loko sa-noiyoko, Omailimo sa-loko lo miye: Ele-minape. Weuhau maya aweyaha oko ilipobomidana oko muki nesaya lolo o loko loetaiye. \v 6 Sa-oneboya, ohotama lo mutihibo gaya yoweko nebo ga maya eimola ohatama ga lo molaiboya yoweko nebo galimoya ulawa lolo okaiyoko le soto molaibo nenako, go numuda vetibokumu ga loetaiboya, Jisesikahoya Omaiki wewenaki dilipe nupa etuwe loko lo mutihibo ga ohatamalimoya yoweko ne. Asakoya uda jekaka yowanuya eimola lekaka noibolimoya adoha nesa leko muki Omaitoka jokila hi mikaka wesida yowanunipoya kohaidoko ne. \p \v 7 Ito hapa lo mutihibo ga maya aha wati oko netidanako, alikaya lo mutihibo ga ohatama mako soto pitiye loko ga mako soto pametibo ne. \v 8 Sa-oneboya, Omailimo Juda wewenamuya eliyoko aha okaiyoko, ga mako sa-loko liboya monoka bukuguya sa-liki luhuwa ji-minabo maya ne: \q1 Yu makoya minoko edimo Isilaelo wewenaki ito Juda wewenakiya lo kohekaka ga ohatama mako lo libituwe. Yaya We napalimo sa-loko libo ne: \q1 \v 9 Ohatamalimo hapaya ahonipolesida Ijipi mikaukati dilipe-loko nisituwe loko dadelo lobo yupekaya edimoki ga lo kohekoko lobo ga minamiye. Edimoya ga liki kohikaka nesauya li wehe liki minamayoko, mudaido hulikobo ne. \q1 \v 10 Ito alikaya Isilaelo wewenaki ga lo kohekoko nemo ganeya lo hukoko datau molokoyoko lemekolaiye. Sakokoya dukauya luhuwa jekoyoko netiye. Sakokoya nemoya Omainipo minatuwe, ito edimoya wewenanele yuha minatae. \q1 \v 11 Ito edimo aha wewena minabo ito wewena napawa minabo mukisiya nemokumu eli suwiki elitabo nenako, yamuya wewena makolimo wewenaladahe ito ahaluwadahe enemane oko We napamidana monawala ele wehe lo loko monoka wetome-katome oko lo mamekolaiye. \q1 \v 12 Sa-obokumuya elikilae: Nemokahoya nukane beko lihimanipoya le hulakoloe. Sakoko lihimanipomuya aku nata kamekoloe loko We napalimo noliye. \m \v 13 Ito We napalimo loko mutihekaka gaya ohatama sa-loko lidanaki, hapa nebo gaya alo asehawa lokaiye loko liye. Sa-okainako, asehawa hulupa jibolimoya woko aha nesa lolo etibo ne. \pi1 \bd 1\bd* Sam 110:1 \bd 5\bd* Eks 25:40 \bd 8-12\bd* Jel 31:31-34 \c 9 \s1 Go numuda asehawalimoya monoka numuda lalo makomidana aweyaha oko ne. \p \v 1 Lo mutihekaka ga minawauya We napamidana monoka lokaka aya ne, ito monoka numudaya maya mikauka neboya, \v 2 aya monokamidana go numudaya sakiya vae: Omudaloya sahaya mako hiki hukikiki uliwaya eto oneboe liki lae, sa-liki labokuya lamu jo hanaki namabetakiya ne, ito sipamidana mupilaloya Omaimidana omudalo netibo beletiya ne. \v 3 Sa-ikiki wiki sahaya mako hiki hukaboya, uliwaya aseko eto onebo ebae liki lae. \v 4 Yauya nuwala jokiladunu Omaitoka jokila hi mikaka namabeta goludunu lolo aboya ne. Ito goludunu hiti-minabo bokisiguya lo mutihibo ga 10-pala maya ne. Sako ayauya mana nodenesamidana somola goludunu lolo abo mako ne. Ito Elonida akusalamakiya ayauya ne. Ito atapa ehada loweloya 10-pala lo maya luhuwa jekaiyoko ne. \v 5 Yowauya Omai lamedalamidana aweyaha nesala loweya lihima lepekaka siyalo maya okananipoloti moli hitikaidanaki minaiye. Yamidana gawaya hana minokatiye loko kolo meko lo suwametuwe. \p \v 6 Sa-ikiya saina molikayoko neyoko, numuda okepauya Omaitoka jokila hi mikaka wehenama muki yupeka yowiki yowanunipo likaka aboya, \v 7 numuda sahaya mako hiki lalada hulikabokuya Omaitoka jokila hi mikaka wesida we napanipokahogoya meleke makokomidana ulauya makoko yupekago yowekaka noiye. Sa-okadanaki meme janipohena ito bulumaka janipohena oladanipo maya lenedanaki yoweko eimola lihimalamu ito wewenasida lihimanipo aha obe-loko nebomuye loko lihimanipo le hulokaka namabetaloma olada maya kisemo wiye. \v 8 Sa-okaka noibo nenako, yamidana nesa monawamuya Omaimidana weuna oluholimoya sa-loko noliye: Numuda sahaya minawaya aha neyoko monoka numudamidana lina aseko eto onebokuya anu hi huki-minaboku wokaka anuya golotamibo ne. \v 9 Ito sahaya omudaloka nebolimoya oloti maya onawalo maya mikauka minudawo wewenalita aweyahateya ne. Sa-onenako, yaya mudakudanaki lahulu loko nodenesa maya o numukuya uda jeko wataina okakalimoya Omaimidana omudaloya wewenasida dukaya le wehe lametibo ne loko eletune. \v 10 Yalimoya lupaloka li molabo gagoya ne. Ito nodenesa nokaka ito lupa nokalawe okakamidana galagoya ne. Yatoka nesaya Omaimidana galalo soto pekaiyoko, wewenasiya emesalo moli-liki niwideko alikaya Kalaestikaho saina-maina le wehe letibo onawa soto pitiye loko lo molobetaibo ne. \p \v 11 Sa-oneboya, Kalaestikahoya saina watiya le soto molakolo yamidana Omaitoka jokila he mekaka we napaya soto piye. Go numuda asehawa viboya monoka numuda mako dadedunu vamabo ito maya mikauka minamibomidana aweyaha oko nebo ne. \v 12 Emoya bulumakatipo ito memetipolesida yamidana oladanipo nehekala, eimola oladalaki ito emo eto onebo go numuda sahayau yu makoko yoweko meina heko olisauti lilimibolimoya elewole oko mino-loko woko minakolaiye. \v 13 Eli-minahe, bulumakatipo ito memetipolesida oladanipo ito bulumaka akalewamidana lada dupalo litibo nesa lenebo wewenaloka tili tili ikadanaki dupaloka hilikayoko, lahelamiyoko minabolimoya edawaki nesa ne. \v 14 Sa-onenako, Kalaestikahoya mino-loko wowa wowa okaka Omaimidana weuna oluholimoya ilime wehe liyoko, uka epa laloki nebo nesaya Omaimidana mekadanaki lemo oko moloko okaka udawomidana asehawa luka neboya, Kalaestida oladalalimo nokalawe oletoko lilime uliwi tokadeko, elewole Omaimidana elekelela oetatudawoya edawaki nesa minamiye. \p \v 15 Yamuya Kalaestiya sa-okadanaki lo mutihekaka gamidana awehawauya minudanaki lihima le soto moludawoutiya lilimituwe loko helibo ne. Ito sakoya nohelidanaki Omailimo lesa molaibo wewenasiya elewole oko minokaka maku litae loko lo mololetaiboya wehe liki litae loko Omaiki wewenakiya dilipe nupa okaka ga ohatamakiya le soto mololetokaiye. \p \v 16 Sa-iboya, elewole uvaminamidana anuwaya sakoya ne: Ahola helibomidana monawaya soto pekadekogo uvamina litabo anuwaya golotetiye. \v 17 Omuda ohatamaki netiboya uvaminamidana galaya aha minakolaiye. Helidekoya uvaminamu luhuwa jenebo ga maya soto pideko uvaminala maya ona moliki litae. \v 18 Yamuya sakoya lo kohekaka ga asehawamoya Jisesiya oladala kisekoko heliyoko wehe loneboma ne. \v 19 Yamidana monawaya sakoya ne: Mosesekaho lo hukoko libo ga luhuwa jeboya madonagoya lo soto molokaka idanaki, wewenasida lo beko suwidanaki, bulumaka janipomidana oladala maya noki le opa idanaki seida oijomidana lolowaloya meme jamidana upala molo lilikekadanaki, lo hukoko libo gamidana luhuwa jebo pepaki wehena ito menakipahena minabotokakiya tili tili iye. \v 20 Sakoya tili nobetaidanaki, sa-loko lo bekaka iye: Omailimoya lo kohekaka ga lo hukolibetaiboya maya oladalimoya le elewole oko netiye. \v 21 Ito Moseseya go numuda eto onebo ito eto onebo yowanulo lape nebo aya nesaloya ayamidana oko tili o suwiye. \v 22 Yamuya lo hukoko libo galoya memetipomidana bulumakatipomidana muki nesamidana oladaloti nokalawe okaka onebo ne. Ito oladaya liki wiki kisamidekoma lihimanipo li hulikaka itabo nesa lamiye. \pi1 \bd 2\bd* Eks 26:1-30; Eks 25:31-40; Eks 25:23-30 \bd 3\bd* Eks 26:31-33 \pi1 \bd 4\bd* Eks 30:1-6; Eks 25:10-16; Eks 16:33; Nam 17:8-10; Eks 25:16; Dut 10:3-5 \pi1 \bd 5\bd* Eks 25:18-22 \bd 6\bd* Nam 18:2-6 \bd 7\bd* Liv 16:2-34 \pi1 \bd 13\bd* Liv 16:15-16; Nam 19:9, 17-19 \bd 19\bd* Eks 24:6-8 \pi1 \bd 21\bd* Liv 8:15 \bd 22\bd* Liv 17:11 \s1 Lihimatemamo Kalaestida mupilalalo yowekaiyoko miluma eleko Omaitoka jokila he meko heliye. \p \v 23 Saina maina okulumau nebomidana aweyaha oko yatoka aha-namasida oladanipoloti sa-iki nokalawe jiki li uliwititae loko lonebo maya ne. Sa-oneboya, okulumau saina laloya Omaitoka jokila he mekakamidanaya eimola eto oko aitomidanadunu no jeko le ukulo letiye loko lonebo maya ne. \v 24 Sa-loko loneboma nenako, yatoka nesa monawamuya sa-loko eletune: Kalaestiya eto onebo monoka numuda napaya dadeloti vabo ito saina lalomidana aweyahawa nebokuya ma yowamiye. Emoya okulumau yowekadanaki Omaimidana omudalo lemokumuye loko le wehe loletaibo yowanuya lekaka noiye. \v 25 Ito Juda wewenasida Omaitoka jokila hi mikaka wesida we napanipokahoya melekeu melekeu yu makoko yupekagoya lina aseko eto onebo numukuya wokaka noiye. Sa-noidanaki eimola oladaladunu nehekala, aha nesamidana oladanipo lenedanaki yowekaka iboya, Kalaestiya eimola upalaya lemokumuye loko hulakoloya muki yupeka yowamibo ne. \v 26 Kalaestikaho upalaya muki yupeka lemokumuye loko huloletaibo minatidanako, emoya hapa maya mika soto pibototiya hele-loko wowa wowa etibo nenako, lasolama minametibo ne. Sa-oneboya, emoya sako samidanaki Omailimo molaibo onawa suwekolo noiyoko, yu makoko yupekaya emo upala nohulaidanaki lihimate suwetiye loko soto piboya wehe loko lina suwokaiye. \v 27 Wewenalita, yu makoko heletune loko ito yamidana mupilaloya lihimatemuya obi etune loko loletoneboma ne. \v 28 Kalaestiya asako muki wewenasida lihimanipoma emo mupilalalo yowekaiyoko, Omaimidana uda je meko heliye. Ito akuya lahelamibo nesa suwetiye loko nehekala, emokumu ubolo miniki ewa iki minikaka niabo wewenasida olisauti lilimekaka yowanu maya le suwetuwe loko alikaya aku soto pekolaiye. \pi1 \bd 28\bd* Aes 53:12 \c 10 \p \v 1 Mosesekaho lo hukoko libo galimoya alikaya saina ihilawa soto pitibomidana aweyaha oko ne. Sa-iboya, wehe loko watiya minamiye. Sa-onenako, Omaitoka jokila hi mikaka wesiya Mosesekaho lo hukoko libo galoya melekeu melekeu uda jikaka abolimoya Omai nebotoka alili nisikaka niabo wewenaya Omaimidana omudaloya wehe likigo minatabo anunipoya wilamibo ne. \v 2 Omailo monoka likaka niabo wewenasidaya dukau le ukulo letibo nesa minatidanako, wehe loko lukau lihimate minamibo minune likiki Omaitoka uda ji mikaka nesaya hulatabo e. \v 3-4 Sa-oneboya, uda ji mikaka nesatipoya memetipolesida ito bulumakatipolesida oladanipo kisebo maya lihimatipo suwetibo nesa laminako, uda ji mikaka niabo nesaya melekeu melekeu nijedanaki akuya lihimanipomuya elikaka niae. \p \v 5 Sa-iminabo nenako, Kalaestiya maya mikauka lemekolo noidanaki aholada lo mibo gaya sa-liki monoka bukugu luhuwa ji-minabo ne: \q1 Uda je mekaka nesaya aito-aitomidana umu helamiye. Sa-onenako, nemo nupaneya aya wewenasida lihimanipomu jokila he meko uda je mituwe loko le lolowa onetadawo \q1 maya ne. \q1 \v 6 Aito aito jadunu kohaikiki uda ji \q1 mikaka aboya omudakalokaya wehe lamibo ne. Lihimate suwetiye loko uda je mekaka nesamuya ma elamane. \q1 \v 7 Sa-okaiyoko sa-loko loe: Ele-minape. Omailika letadawotoka molatadawotoka etuwe loko minoe. Lo hukoko libo ga luhuwauya nemo gane jeboto letuwe loko minoe. \m \v 8 Emoya uda je mekaka noibo nesa aito aitomidanamu elemane loko, ito aito aito jadunu kohadanaki lihimate suwetiye liki Omaitoka jokila hi mikaka niabo nesaya mudao lalo amadawo ne loko liboya, aya Omaitoka jokila hi mikaka yowanuya Mosesekaho lo hukoko libotogo likaka aboya, \v 9 Jisesimamo kolo meko Omailika letadawotoka molatadawotoka nokoya nupane hulatuwe loko minoe, loko libo nenako, Omaitoka jokila he mekakamidana asehawaya le maloka molokadanaki, ohatamamidana le soto molaiye. \v 10 Yamuya Omaimidana galaloya Jisesi Kalaestida upalalimoya jokila he mekaiyoko, lemodaya muki lukate le uluwitoletokaiyoko minudawoya aku samekolaiye. Aloya lolo okaiyoko lina suwokaiye. \pi1 \bd 5-7\bd* Sam 40:6-8 \s1 Jisesikahoya oladaladunu yu makoko Omaitoka jokila he mekaiyoko galoya suwokaiye. \p \v 11 Ito Juda wewenalokati Omaitoka jokila hi mikaka we mukisiya muki yupekaya yowanunipo liki sini-minadanaki, Omaitoka uda jiwa jiwa iki minikaka niaboya, yatoka nesalimoya wewenasida lihimanipoya le suwobetamiye. \v 12 Sa-oneboya, Kalaestikahoya lihimate suwetiye loko eimola oladaladunu Omaitoka jokila he mekaiyoko suwokaiye. Sa-okainako, yamidana mupilaloya aku sametiye. Sa-okadanaki yoweko Omaimidana ade lamawakalokaya ne. \v 13 Sako yoweko minoko, Omailimo ulalalo wesidama dilipe ila heumauka molatibotoya ujapa one. \v 14 Sa-oneyo, yamuya sa-liki eli-minalo: Luka latakiya lilime eto onebo anuloya wokaka noudawo wewenaya Omaitokaya jokila makoko yupeka he mekadanaki, wehe lokaka anuloya lilime molokaiyoko, suwokaibo maya ne. \p \v 15 Ito Omaimidana weuna oluholimokiya aya ga maya lo soto moloko lo lemekaibo maya ne. Sa-ibo nesamuya emo galaya monoka bukuguya sa-loko ne: \q1 \v 16 Alikaya lo kohekaka ga lo soto molobetatubo gamuya We napamamo sa-loko noliye: Nemo lo hukoko lobo gaya le dukau molokoyoko, lemekadeko dukau luhuwa jekoyoko netibo ne. \m \v 17 Loko lokadanaki ayalo kolo meko sa-loko liye: \q1 Sakoko lahelamibo nesanipomu ito lihimanipomuya aku nata kamekoloe. \m \v 18 Sa-onenako, lihimateya alo le hulonebotoya lahelamibo nesamu Omaitoka jokila he mekaka nesaya asakogo suwokaiye. \pi1 \bd 11\bd* Eks 29:38 \bd 12\bd* Sam 110:1 \bd 16\bd* Jel 31:33 \bd 17\bd* Jel 31:34 \s1 Omaimidana omudalokaya woko monoka le ikitoko le-minatune. \p \v 19 Yamuya wewenanelita, Jisesida oladalimoya anu siyeletokaiyoko, lemoya Omaitoka eto oko nebotoka yowetudawomuya lukateu lalo noiye. \v 20 Monoka numuda napauya lawolawoya eimola upalakidana nebo nenako, yalimoya bolotoko le lowe lolo noiyoko, Omaitoka wokaka anu ohatamamidana elewole oko minokaka anuya eimolaya le golotoletaibo nenako, \v 21 ito emoya yoweko wokadanaki, Omaitoka jokila he mekaka wete napaya lolo okadanaki, Omaimidana wewenala yuha lemoda madoteloya ujapa we nenako, \v 22 yamuya lemoya ele elewole okoko luka le lolowa oko suwa nesa lamoko, ito lihimateki minuniyoko eda lelonebo nesa maya emo oladalaloti le huloletokaiyoko luka le wehe lo-minuniyoko, ito lukate obohateya no jeko le uluwitonebototi noku ududawotoya no jeletokadeko minoko Omaimidana omudaloya wetune. \v 23 Sa-nokoteya emo ga lo molaiboto emesalo molokaka noibo we nenako, emotoka woko le uka jekudanaki saina lalo letune loko ubolo minokaka noudawo nesaya le ikitoko ujapa o-minoko, \v 24 lukadunu emo uka mideko emo uka mideko oko minudanaki, yowanuguya emo ilime wati ideko emo ilime wati ideko oko minatune loko lukateya le lolowa okaka anuya ohu jeko minatune. \v 25 Sa-noudanaki, monokau le esa okakakuya maloka wewenasiya wamiki amanapa iki minikaka niabomidana samoko We napate maya nisitibo onawama aloya alili okainako, yamuya ele-minoko emo ilime elewole ideko emo ilime elewole ideko oko minokoteya labuhago moloko minatune. \p \v 26 Monokaloya li nupa amikakakumuya sa-liki elilo: Omaimidana gala watiyalimoya lemo lukate he lameda loletokadeko lahelametibo nesaya lemote lata eleko akuya le eto oko lekuniyokoma, lihimate suwetiye loko Omaitoka jokila he mekaka nesate mako minamiye. \v 27 Yamidana lihimawaya aha opa oliwaki jo napa epa ulumawamidana oli lemekadeko oli oko minakolune. Omaimidana lowa wela li lolo niabo wewenaya jo ulumalimo kohaidakolaiye. \v 28 We makolimo Mosesekaho lo hukoko libo gaya auta okaiyoko wewena lowesihe ito loweki makokisihe aya wemidana gala likayoko, lahelamibo monawa soto pekaiyoko, milumala elitamiki enemane iki kohai helikaka niae. \v 29 Yalimoya eda adoha oko neboya, we mako ekahilimo Omaimidana ipaladaya emesa mitibo, ito koheko lagoli oko minokakamidana galoya Omaimidana ipalakaho oladala kisibolimo ukala le uluwitibomuya mudalelo aha nesa etibo, ito nasahili ahola Omaimidana weuna oluhoya leko letatiboya Omaikaho nenaha oetatibo ne. Aya welimo lihimala edawaki napa-napa lekolaiye. \v 30 Eli-minahe. Wewena makolimo sa-loko yowanu ga liye: Lihima bekaka nesaya nemo yowanunemidana apila malokaya dupa delo wokaka nesaya ne. Aya nesalo le wili jekaka nesaya neimone nesane ne loko liye. Ito we napaya wewenalasitoka obi yowanu leko ona molobetakolaiye loko libo wemidana monawalamu elekaka noune. \v 31 Onawa napaloya elewole oko minokaka Omaimidana adelau wokaka nesalimo domoda wokaka nesa ne. \p \v 32 Sa-okaka nesa neyo, edimoya hapa yeikalaya saina-maina lolo iki minabomuya elilo. Ya yupekaya dukauya Omaimidana lelalimo heko hada olibetokaiyoko miluma-aluma eliki miniki osele yowanu liki minae. \v 33 Sakiya edimo onawa minawasi miluma-aluma elikayoko, muki wewenasida domudaloya edimoda liwi letiwi iki ulana molilibitae. Ito maloka yupekaya yamidana nesaya wewenatipolesiya lolo nilibitayoko, edimokiya ayalokaya wiki milumanipo elikaka abo maya ne. \v 34 Edimoya wewenatipole nala numuku minabokumuya mulutipouka okohimi okaka noibo nesa maya ne. Ito uvaminatipo hipo iki likayoko uvamina lalo minowa minowa okaka noibomidana molo-minune liki elikiki elowa jikaka abo ne. \v 35 Sa-ikaka i-minabo neyo, olotiya Omailoka jego oko minokaka nesatipo maya hulamilo. Ya nesalimoya minoko alikaya meinawa napa le libekolaiye. \v 36 Edimoya edawaki nesamidana ulauya hulu iki minikadeko, Omaimo letibotoka molatibotoka i-miniki Omailimo saina le lolowa olibetaibo nesamidana ihilawaya wehe liki litae. \v 37 Yatoka nesamuya monoka bukuguya Omailimo libo ga mako sa-liki luhuwa ji-minaboma ne: \q1 Onawa minawa mako nenako, aya onawaya su-noidekoya nisekolaiye. Ito nisitiye liki labo weya mino hana amoko enemane oko nisekolaiye. \q1 \v 38 Nemo nomudaloya lihimanipo minametibo minatabo wewenasiya eli elewole iki mini-liki witabo wewenasiya elewole iki minakilae. Ito malokasiya hulikiki wili jiki witaboya edimokumu ma elamekoloe. \m \v 39 Ito lemo osele-pasele oko minokaka noudawo wewenaya tolowa okaka anugu wewena minamune. Lemoya Jisesidamuya ele elewole okudanaki, lukateya olisauti lilimekakamidana aholaya minune. \pi1 \bd 22\bd* Liv 8:30; Iji 36:25 \bd 27\bd* Aes 26:11 \bd 28\bd* Dut 17:6; Dut 19:15 \pi1 \bd 29\bd* Eks 24:8 \bd 30\bd* Dut 32:35-36 \bd 37-38\bd* Hab 2:3-4 \c 11 \s1 Ele elewole okakatemidana monawa. \p \v 1 Omaimidanamu ele elewole okakatemidana monawaya sako ne: Omailimo saina le lolowa oletonebokumuya ele wehe lo-minudanaki, ya nesamuya ubolo o-minoko ito mudamudawo nesaya latadunu ele elewole o-minoko le ikitoko letune. \v 2 Monoka wewena hapa minabosiya eli elewole iki minikaka ayoko Omailimoya mudaido lalo okaka ibo ne. \v 3 Hapaya Omaimidana galaloya ma mikauka ito yowaya okulumauka nesakiya mudaokaka udawo nesa soto piboya mudamudawo nesauti soto pibo ne loko ele elewole ominudawoya wehe loko ele elewole o-minune. \p \v 4 Omailimoya Aeboloya ele elewole okaka we nebo nenako, Omailoka uda je miboya Omailimo eliboya dowa lokaiyoko nenako, yatola Kenidamuya elamiye. Aibolokaho ele elewole okaka ibolawaya Omailimo mudakaiyoko lihimala minamibo we nedanaki, uda je miyoko libomidana monawaya yaloya le soto molaiye. Ito Aeboloya helekaiboya, Omaimidanamu ele elewole oko nebokumuye loko lemoya elekuniyoko, emokahoya aha gama lo lemekaka noiye loko eletune. \v 5 Ito Inokuya ele elewole okaka we nebokumuye loko Omailimo muda-elo lalo okadanaki helametiye loko omuda ohatamaki ilime-loko okulumau yowiye. Sa-okaiyoko nenako, wewenalasiya ohu jitae. Ito okulumau owaha yowamiyoko emo monawalamuya Omaimidana omudaloya Inokuya wehe lone liki luhuwa ji-minaboma ne. \v 6 Omaiya elewole nesa ne liki ito emo monawalamuya dabuha moliki ohu jitabo wewenasidaya meinawa limitiye loko lukadunu ele ikitokoko emotoka mino molokaka etudawo nesa nenako, ele elewole amoko minokuniyoko Omailimoya mudalelatiboya ukauka lahelamo okatiye. \p \v 7 Ito Nowaya ele elewole okaka we nebokumuye loko Omailimo alika le soto molatibo nesaya owaha mudamiyoko, omutoko gawaya atalauka lo mekaiyoko elekadanaki wewenala yuhaki Omailimo libo nesaya lolo etibo yupeka maya lomuda letune lokadanaki sipi napa-napaya lolo iye. Sa-okoko maya mikauka wewenasida lihimanipomidana monawa lo soto molokadanaki, elewole oko lihimala minametibomidana ihilawa Omaimidanamu ele elewole udawokumuye loko letudawomidana ihilawa maya libo ne. \p \v 8 Aebalahamuya ele elewole okaka we minokaiyoko Omailimo mika makoya emo elewole uvamina emekolonako, emo mikakaya hulikoko woko aito mikaloka minatane loko lo mekaiyoko, elekoko ya nesae ito ma nesae lamidanaki ele opa o-hulikoko opaya wiye. \v 9 Sakoya Omaimidanamu ele elewole okaka we minokaiyoko mikala mako muda moloetaibo mikalo maya woko hetokadanaki, wau wewenasi abo nesa leko go numudaya molokoko udoko ne. Aesikite Jekopute maya aya lo molobetaibo nesamuya ewa iki minaidanaki go numukuya minikaka aiye. \v 10 Aebalahamudaya elewole ahodawaki eba mako sakoya soto pitiye loko Omailimoya anewa ilipekadanaki le soto molaibo ebamugo ewa oko nedanaki, lawo-lawo numukuya minokaka ibo ne. \v 11 Aebalahamuda menala Selama aloya iloho linako, Aebalahamuma oluho etatibo onawama alo suwiha, Omaimidanamu ele elewole ibokumuye loko abuha-wowola maya aku mekaiyoko, menala maya oluholaki ne. Omailimo omudalalo ga lo mekaiyoko aya galo emesalo molokaka noibo weya lo soto molakolaiye loko elewole oko elenedanaki sa-iye. \v 12 Ito yamuya wewena makokouti pu lokakamidana elewoleya suwokaiboku Aebalahamuda awolale yuhaya wavu-liki soto peboya aweyahawaya okulumalo sonohikidana minae, ito malokaya ela no ilikaka akekidanaya minaboya, wewenasi yatokaya lepiki suwamitabo nesa liki minae. \p \v 13 Wewena sakiya minabo wewenasiya Omaimidanamu eli elewole iki miniki heliki waboya edimo Omailimo saina lalo le lolowa obetaibo nesa lalo maya owaha lamadanaki aha hotoka neyoko mudaikadanaki, elowa jikigoya minae. Sa-iki minadanaki monawanipoya sa-liki ele: Lemoya maya mikauka aha wenoka wewena suda leko minune, liki eli-minae. \v 14 Gahena sa-liki likaka niabo wewenasiya ebanipo lalo mako li soto molakili dukau lalo eliki minabomidana monawaya alo soto pekaiye. \v 15 Sa-ikadanaki numudanipo ito ebanipo hulabokumuya ma miluma elikaka amae. Yamuya delaiboto minatidanako aku le wili jeko nisetune liki aha li wili jiki nisetidawo ne. \v 16 Sa-oneboya, sakoya minamiye. Edimosiya numuda ebanipo lalo mako likili yamugoya datanipo ele. Aya ebanipoya okulumauya nenako, yamugoya ele. Sa-ikiki Omaimuya Omaite liki likayoko eliboya ma upalo elamiye. Sa-iboya, nenahamuye. Emolakaho numuda ebanipo mako okulumau le lolowa obetaibokumuye. \p \v 17 Ito Aebalahamuya Omailimo mulunau hibomuki ele elewole okaka oko nebo wemuye loko ipala Aesikida maya kohako jokila he mituwe loko le lolowa iye. Emoya awolale yuhamu Omailimo lo moloetaibo galo ele libo we neboya, ipala makokoma kohako jokila he mituwe loko makoko nesaya abuha-wowo loko eliye. \v 18 Omailimoya Aesikitotiya awokale yuhaya soto pi-liki wikilae loko loetaibo ipalama neboya, aya ipamidana maya kohakoko Omaitoka jokila he mituwe loko ata elewole oko kiye. \v 19 Aebalahamukahoya ipala Aesikidamuya sa-loko atala kenetiye: Omailimoya Aesikidaya helenetibokutiya ilime sinatibo abuha-wowoya lene. Sa-onenako, helenebokuti ilime sinaibo ilekaiye loko anewaya lo hukoko liye. \v 20 Ito Aesikikaho Omaimidanamu ele elewole okaka ibokumuye loko saina mako alika soto pitibokumuya gawaya ipala lowe Isoko ito Jekopukosida maya ga lo bidanaki maku sakoya biye. \v 21 Ito Jekopuya ele elewole okaka we nebokumuye loko helekolo noidanaki, ipala lowesida maya maku nobidanaki, akusaladunu heko le ikitoko sinonedanaki, Omailoka lipe meko epoka liye. \v 22 Josepuya Omaimidanamu ele elewole okadanaki nebo weya helitibo onawa alili okaiyoko, Isilaelo wewenakumuya alikaya miniki Ijipi eba maya hulikiki witabokumuye loko elidanaki, eimola abuhalamu omutoko lo hukoko maya ebaya hulikiki wikili niki maya nemo abuhanekiya magoina liki witabotokaya wilo loko lo biye. \p \v 23 Ito Moseseya alika soto pekaiyoko, dolako aholakoya Omaimidanamu eli elewole aibokumuye loko oluhonipomuya oluhote saina lalo nesa ne liki dumunipo adoha helekaiyoko, uliki we Peloda galamuya domoda wamiyoko, ukada loweki makokiya aya oluhonipo aidamidana maya ilimi haluki-minaiye. \v 24 Sa-ikaiyoko, Mosese maya napa lekoko Omaimidanamu ele elewole onedanaki Pelo oluwada ipalae loko letune liki labo maya o'e loko elamiyoko ele hulaiye. \v 25 Emokahoya lahelamibo nesamidana ele laloko mino hana oko minokaka amodemidana ele limiyoko, Omaimidana wewenala yuhakiya milumamidana adeu minayoko, edimokiya magoina koloko minatuwe loko eliye. \v 26 Sa-ikadanaki, Ijipi mikaukati moni uvaminanipohena ito mida numudanipohenamuya eli aha nesa lolo ikadanaki, Omailimo olisauti lilimitiye loko lo mololetaibo wemuye loko miluma elekaka nesamuya adoha nesa leko eliye. Sa-iyoko, mino-loko yoweko yamidana meinawa lituwe loko sa-iye. \v 27 Ito Mosesekaho Omaimidanamu ele elewole ibokumuya uliki we Peloda maya epauka lalo lamiboya, Mosesekahoya yatoka nesamu oli mamiyoko ele hulikoko Ijipi mika maya hulaiye. Sa-okadanaki, Omaimidana mudamo okakamidana nesaya eimola omudaladunu mudaibo elekaiyoko, elewole oko ne. \v 28 Ito Mosesekaho ele elewole ibokumuye loko lokaiyoko wau lekaka okanaki welimoya lemeko Isilaelo wewenasida ada oluhonipolesida maya esenipo vobetatiye liki sipisipi ja maya kohaikiki liki wiki numudanipomidana ateto ateto maya hili-liki wae. \p \v 29 Ito Isilaelo wewenasi Omaimidanamu eli elewole abokumuye liki ela no mako uliwa laho noe loko nebokuya waboya, aya no maya mino maloka maloka okaiyoko no akoloya wae. Sa-ikayoko neboya, Ijipi wewena maya asako aya noku akelo maya wetune liki nisebo maya, aya nolimoya yowalokati yomalokati niseko kohaidoko dilipe sima naiye. \p \v 30 Ito Isilaelo wewenasiya eli elewole abo wewena minae liki Omaimidana galaloya Jeliko numutoka ohowa hiki wego wego ikadanaki, 7-pala yupeka wokaiyoko pikulima huhu likayoko, aya Jeliko wewenasida oho lilinipo maya eimola ata eliboto lemeko udaiye. \v 31 Ito anulo mena mako Lehabukahoya ele elewole ibokumuye loko we lowesiya mika makomaloka wiki wewenasida monawanipo hukiki mudaikiliya lesa waibo wesidaya numudalau dilipe molokaiyoko, Omaimidana gala pelesa jikaka abo wewenasida maya Omailimo kohaidokadanaki Lehabudamagoya esewa voko huloetaiye. \p \v 32 Sabo nenako, sa-ibo nesamidana gawa malokaya nenae loko lo suwetuwe. Gidiyonile, Balakile, Samusonile, Jepitale, Dewitile, Samuweloleyaki Omaimidana epaloti ga likaka wesida ganipokiya lo suwekolo etidanako, lo-loko nowideko hana etine. \v 33 Edimo Omaimu eli elewole iki minikaka abo wewenamuye liki maloka wewena muki dilipi-liki lemeboya data likaka yowanu liki dilipi wehe ladanaki, Omailimo saina libituwe loko lo molobetaibomidana saina lalowa maya le. Ito malokasiya laiyoni okohimi ulasida depalo leyoko, \v 34 malokasiya jo epa ulumamidana li eha jeyoko, ito malokasiya lowa mupilalo niyowedanaki saboya helamae. Sakiya dabuha minamibolawa maya akuya dabuha molae. Ito malokasiya lowau dabuha moladanaki, mika malokatiya lowa wenipolesida maya kohaidiki asibitae. \v 35 Ito maloka menakipasiya Omaimidanamu eli elewole abokumuye loko Omailimo oluhonipole heli-minabokuti dilipe sinokadanaki, akuya dilipe donipole ahonipolesitoka dilipekolaiye. Ito maloka wewenasidaya oijo kohaidiki ulana molibitiki monoka hulikadeko hulobetatupe liki li bikayoko, alikaya aku sinakolune liki elikiki, eli aha nesa lolo ikadanaki hele. \v 36 Ito maloka wewenasidaya ulana nimolibitadanaki, ija nibitadanaki, seida oijoloti kohaidae. Ito maloka wewenasidaya dilo dadelo nala jikadanaki nala numukuya hulibitae. \v 37 Ito maloka wewenasidaya ehadaloti kohaidi hele. Ito maloka wewenasidaya dupanipo maya kohaidiki luwato je. Ito malokasidaya sopololoti kohaidi hele. Ito malokaya edimonipo Omaimidanamu eli elewole abokumuye liki doli hiki hulikayoko, wiki weuhauka ito ametokaya liwe hiki minadanaki ehada numukuka ito muligukaya udi mola mola iki minae. Sa-iki yaukaya wiki minadanaki, dupalo olo jitabo lawolawonipo minamiyoko nenako, sipisipi jasida ito meme jasida dupa esuwawa maya ololotiki olo jikadanaki, nodekumu heliki minadanaki, meusa oluhokidana miluma-aluma eliki minae. \v 38 Yamidana wewena malokaya nenahanipolotiya mikauka koliki minadeko woko wehe letine. \p \v 39 Yamidana wewenasiya muki eli elewole abokumuya Omaimo mudaiboya ukauka lahelepa adoha iye. Sa-okaiyoko, ahamuya saina libituwe loko lo molobetaibo nesa laloya maya mikauka minabo onawaloya ma li soto molamae. \v 40 Saboya, yamidana monawaya sakoya ne: Omailimoya lemotoka yowenebo nesaya lemekolo noiyoko nebo nesamuya edimosiya omutiki ya nesama lamae. Alika lemoki wehe lokogo le-minatudawo nesaya li soto molatae loko lobetonebo maya ne. \pi1 \bd 3\bd* Jen 1:1; Sam 36:6; Jon 1:3 \bd 4\bd* Jen 4:3-10 \bd 5\bd* Jen 5:21-24 \pi1 \bd 7\bd* Jen 6:13-22 \bd 8\bd* Jen 12:1-5 \bd 9\bd* Jen 35:27 \bd 11\bd* Jen 18:11-14; Jen 21:2 \pi1 \bd 12\bd* Jen 15:5; Jen 22:17; Jen 32:12 \bd 13\bd* Jen 23:4; 1 Klo 29:15; Sam 39:12 \pi1 \bd 17\bd* Jen 22:1-14 \bd 18\bd* Jen 21:12 \bd 20\bd* Jen 27:27-29, 39-40 \pi1 \bd 21\bd* Jen 47:31-48:20 \bd 22\bd* Jen 50:24-25; Eks 13:19 \bd 23\bd* Eks 1:22; Eks 2:2 \pi1 \bd 24\bd* Eks 2:10-12 \bd 27\bd* Eks 2:15 \bd 28\bd* Eks 12:21-30 \bd 29\bd* Eks 14:21-31 \pi1 \bd 30\bd* Jos 6:12-21 \bd 31\bd* Jos 6:22-25; Jos 2:1-21 \bd 32\bd* Jas 6:11-8:32 \pi1 \bd 32\bd* Jas 4:6-Jas 5:31; Jas 6:31-Jas 13:2; Jas 11:1-12:7; 1 Sam 16:1-1 Kin 2:11 \pi1 \bd 32\bd* 1 Kin 2:11; 1 Sam 1:1-1 Sam 25:1 \bd 33\bd* Den 6:1-27 \bd 34\bd* Den 3:1-30 \pi1 \bd 35\bd* 1 Kin 17:17-24; 2 Kin 4:25-37 \bd 36\bd* 1 Kin 22:26-27; 2 Klo 18:25-26 \pi1 \bd 36\bd* Jel 20:2; Jel 37:15; Jel 38:6 \bd 37\bd* 2 Klo 24:21 \c 12 \s1 We napalimoya oijolo mololetokaka noiye. \p \v 1 Omaimidanamu li elewole ikakamidana monawa li soto pebo wewena mukisiya li wego wego iki lilimi lagoli ikabo nenako, yamuya lowa-sawa niabo wewenasiya lolosa jikili sa-ikaka niabo nesamu ele-minoko eda lelokaka noibo nesaya ololoha oko le hulatune. Ito lahelamibo nesamidana nala likebo nesaki ololoha oko le hulatune. Sa-ominokote osele lelamideko anu lilipibotoya lolosa jeko wetune. \v 2 Sa-ominoko ele elewole okakakumuya le omutokaka ito yamidana saina lalo le soto molokaka we Jisesiya makimidana oko lomudaloka nedeko, emotoka muda wehe lo-minoko lolosa jetune. Emokaho elowa jitibo nesamuya aha nesae loko elekadanaki, yoho yaha yalo nohelideko lahelamibo we ne litahe loko owana napa helibo nesa maya aha nesaya lolo okaiyoko miluma elidanaki heliye. Sa-okadanaki, Omaimidana onowelaki siyalo maya ade lamawaka yoweko ne. \p \v 3 Lahelamibo nesahena ito hokoliyahena maya Jisesida lolo itabo maya ele hulikadanaki abuha molaiye. Sa-oneyo, edimosiya emokumu nieliki maya osele amilo. Sa-ikadeko dukatipoya wina okatiye. \v 4 Ito edimosidaya lahelamibo nesalimo dilipe udakolo noiyoko, dabuha moliki lowa hi nibiki, dupalokaya itihina ayoko olada mako owaha amiye. \v 5 Ito Omailimoya edimokumuya ipanele yuha minae loko lokadanaki, luhawatipo maya le ilitolibetaidanaki, ga mako lo libibo maya data molokaihe, olo. Sa-loko liye: \q1 Emo ipanelika Omailimo ilime wehe lekolo oijolo moladekoma, yamuya ele hulamo. \v 6 We napalimo ukala bekaka noibo wewenasida dilimeko dilipe wehe lokaka noiye. Ito mukilokaya oluhola lalo dilipe molaibosidaya oijo beko dilipe wehe lokaka noinako, lahelamibo nesamu auha emekadeko maya ukaka wina amideyo. \m \v 7 We napalimoya oijolo mololibetokadekoma, osele iki dukadunuya eli aha nesa lolo amilo. Ito we makolimo oluholada kohako ilime wehe lametibo nehe, sako minamiye. Muki wewenasiya oluhonipolesidaya kohaidiki dilipi wehe likaka niabo nesama nenako, Omailimo mudaiboya emo oluhola lolo ikayoko, dilipe wehe lekoloya oijolo mololibetokaka noiye. \v 8 Sakoya Omailimoya muki oluholalesidaya dilipe wehe lokaka noinako, edimosidaya sa-olibetamideko minataboya, oluhola lolo iki minamikilae. Ayauya lenenako anulo oluhone loko lekolaiye. \v 9 Ito ga mako letuyo. Maya mikaukati ahotelesiya oijolo moli limikayoko maya, demega lamoko demesalo moludawo nesa maya ne. Sa-ominudawo nesa maya nenako, lukateya ahoteda lo meko minuniyoko wehe lokaiye. Sakokoteya mino lalotoka moloko minatune. \v 10 Ahotelesiya edimonipo data elebotoya meleke amanamasi nowiyoko nowiyoko oijolo molilitikaka iki minikaka aboya, Omailimoya saina lalo limitiye loko ito eimola eto oko nebo ebatoka maya koliki minatae loko sa-oletakolaiye. \v 11 Oijolo mololetoko lilime lalo okaka noibo nesaya soto pekaiyoko maya, ada eludawotoya lelamiyoko milumawaki nesa lolo okaka noiye. Ito alikaya mino wehe lokaka noudawolimoya saina laloya lemotoka hulukiya netibo ne. \pi1 \bd 5-6\bd* Job 5:17; Plo 3:11-12 \s1 Omaimidana nasahilila maya mudai hulikatae loko data liye. \p \v 12 Sa-onenako, edimoya duka opa ibo nesalimo di dadeu jekoko limiki udatabo nesa nolideko maya, osele amiki dabuha moliki elewole ilo. \v 13 Monoka anugu wikili maya di lahelamibolimoya lina lahelamibo lolo oko suwokatiyo, monoka anuguya aku emesalo moliki niwideko wehe lokadekoma, Omaimidana anulaloya li wehe liki monilo. \p \v 14 Edimoya muki wewenasitokaki hulu oko minatune liki ito duka laloki eto oko minatune likigo dabuha molalo. Ito duka huma jenebo wewenasiya miniki maya alika We napamidana mudamikilae. \v 15 Edimokutiya we makomidanaya Omaimidana nasahililalimo asetokatiyo, ujapa iki minalo. Saniki apitipolokaya oloha lahelametibo makolimo isilika okaka noibomidana oko dukamidana ekesa nesalimo elewole okadeko, muki wewenasiya duka opa okatiyo, ujapa ibitiki minalo. \v 16 Sa-nikiya edimotokatiya wewena mako ekahikaho Iso ibomidana okatiye. Pasidiyalo wewenasiya mini eto iki minamiki minikaka abomidana oko minokatiye. Isokahoya makoko nodenesamuye loko eimola makula ahulokati hulaiboma ne. \v 17 Sa-onebo maya nenako, edimotipolita monawalamuya alo eli-minae. Emoya alikaya aholatokati maku lituwe loko lokaiyoko aholakaho o'e loko lo mekaiyoko, aya nesahena lolo-halo iboya nena nenako maya aya nesaya woko aha nesa lolo etiye loko elekadanaki, wije oko awisa loneboma ne. \p \v 18 Edimoya Isilaelo wewena ileboya sa-ikiya Saenai bola li elikaka aweyaha amae. Ito Isilaelo wewenakidana iki jo ulumauya ma wiki hilamabo maya ne. Ito limu napa-napa viboku ito lubu jeneboku ito lasi ibokuya ma wamabo maya ne. \v 19 Edimoya Saenai bolalokatiya pikuli napa jebo ito onowa napa liboya elamabo maya ne. Ito aya ga elebolawasiya ga makoki elametune likadanaki datauya oijo hiki letikiki minaboma ne. \v 20 Ga sa-loko lo molaibo ga maya eleyoko eda delaiye: Wewena makoya aya bolalo monikadeko edimosiya ehadadunu kohaidi helitae. Ito jahenakiya asaikiya kohaidi helitae. \v 21 Sakoya yatoka oliwaki nesaya soto piyoko, Mosesemamo mudakadanaki, yatoka nesamuya nemo oline nemekaiyoko luwo-luwo joe loko liye. \p \v 22 Sa-oneboya, edimoya Jaiyoni bolalo nehekala, edimo Jaiyoni weuhauya Omaimidana numudala elewole oko minokakamidana ne eba Jelusalemukidana okulumau nebo ebatoya wiki hetikae. Sa-niadanaki, lepiki suwamitabo aweyaha iki okananipoki wewena minaboto, \v 23 ito eimola oluhola lalo ulinipo okulumau luhuwa je molaiboki elowa jiki li nupa iki minabotoya wiki hetikae. Sa-nikiya muki wewena lihimatemu ona mololetatibo we Omai nebotoka wiki hetikae. Ito wehe liki minabo wewenasitoka wiki minikakaloka dilipe molaibo wewenasida weunipoloka koli mebo maya ne. \v 24 Ito loko mutihibo ga ohatama maya le soto molokadanaki luwato nebo we Jisesitoka wiki hetikae. Ito Aeboloda koha helibo oladalalimoya yaloka paso loko liboto nehekala, Jisesikaho eimola oladala kisibolimoya leko yoweko saina lalomu lokaka noibo nesalo wiki hetikae. \p \v 25 Eli-minahe. Ga lo libekaka noibo wemidanaya eli hulikatayo, ujapa iki minalo. Hapa yeikalaya Mosesekaho maya mikauka nedanaki ga mako lo bekaiyoko, eli aha nesa iki eli hulabo wewenasitokaya oliwaki nesaya dupalo soto pibo maya ne. Sa-okainako, olotiya okulumau nedanaki gala lo nolimibo wemidana lemesa mekudanaki gala ele hulatudawomuya bekimi oletamideko aha minatupe. \v 26 Hapa ga noliyoko mima ibo ne. Sa-okaiyoko nenako, olotiya lomudaloya gala mako sa-loko lo molokaiye: Nemoya minoko aku maya mikayaki okulumakiya le momoga ekoloe, loko libo ne. \v 27 Saina maina le soto molaibo maya le momoga okoko le tolowa etuwe loko elekadanaki liye. Sakoya le tolowa okadeko, elewole oko momoga amoko netibo nesahenaya soto pekoko elewole oko mino-loko woko minakolaiye. \v 28 Lemoya ohola mako momoga ametibomidana mino-loko woko netibo nesaya le etoha ekolune. Aya nesamuya Omailoka epoka ludanaki oliwa mekaka oko Omailimo ele wati etibo nesa leko monokala loko minatune. \v 29 Yaya nenahamuye, Omaiteya jo jeko ludokaka weya nenako, yamuyae. \pi1 \bd 12\bd* Aes 35:3 \bd 13\bd* Plo 4:26 \bd 16\bd* Jen 25:29-34 \bd 17\bd* Jen 27:30-40 \pi1 \bd 18\bd* Eks 19:16-22; Eks 20:18-21; Dut 4:11-12; Dut 5:22-27 \pi1 \bd 20\bd* Eks 19:12-13 \bd 21\bd* Dut 9:19 \bd 24\bd* Jen 4:10 \bd 29\bd* Dut 4:24 \c 13 \s1 Oko moloko nouniyoko Omailimo ele wati etibo ga. \p \v 1 Monokauya unala yala emo uka miyoko emo uka miyoko ikaka niabo nesaya li aha nesa lolo amilo. \v 2 Wenoka wewenasida dilipi numudatipouka molatabo nesamuya osele delamideyo. Ito maloka wewenasiya wenoka wewena dilipe molupe likili okananipoki wewenasida maya dilipi moli-minaboma nenako loko noloe. \v 3 Maloka wewenatipolesidaya monokamuye liki dilipi nala numuku molabosidamukiya elideko edimosidaki dilipi molabo elitiye. Saniki weunipoki miniki dilipi lahelibo lahelamibo ibitabo wewena mukiya eliki minalo. \p \v 4 Anulo monikaka ito wesi mena ika iki olisa ikaka iki nimonebo wewenasidaya Omailimo lihima bitibo nenako, welo menalo minokaka nesatipoya wati nesa lolo noideko weki menaki koliki minatabo nesaya li opa amilo. \v 5 We napalimoya nemo ma hulolibetamekoloe, ito hulo aito olibetamekoloe loko libo nenako, dukatipoya moni uvaminalo dabuha molamilo. \v 6 Saina li-minabokumu lukaha amiki hulu ikigo li-minalo. Yamuya monoka bukuguya ga mako sa-liki luhuwa ji-minaboya ne: \q1 We napaya nilime lalo okaka we maya nenako, nemoya yatoka matoka nesamuya oli nemamekolaiye. Wewenasiya nemodaya lahelametibo nesa nenahama lolo initadeko opa etuwe. \m Lemoki aya luhuwa ji-minabo aya abuha-wowo le-minoko loko minatune. \p \v 7 Ujapa wetipo Omaimidana ga wetome iki li bikaka abo wemu data kiki iki minatae. Sa-nikiya monoka anugu niwiki helebolawasida diyakau mudali hali niki edimotoka demesalo moliki eli elewole iki minatae. \v 8 Jisesi Kalaestiya omutoko hapa yeikala nebo ito olotiya nebo, ito ayamidanago oko mino-loko woko minakolaiye. \v 9 Sa-ekolaiyo, aya ga maya eli-miniki maya aito-aitomidana ohatama ga li nibideko maya elamilo. Omaimidana nasahililalimo luhawatipoya le ikitokadeko wati ekolaiye. Saina nokakamidana ito namo okakamidanamu ga li hukiminabolimoya lilime wati amekolaiye. Ya anulo wabo wewenasidaya yatoka nesalimoya ma dilimamibo ne. \p \v 10 Lemodamuya Jisesima eimola upalaloti jokila he mekaka namabetautiya Juda wewenasi monokago li-minadanaki Omaimidana elekele itikaka niabo wewenasi natae loko ele bamiye. \v 11 Yamuya edimo alo eli-minae. Omaitoka jokila he mekaka we napalimoya bulumaka ja ito meme ja kohaikadanaki, oladanipoloti lahelamibo lihimanipolo Omaitoka jokila hi mikaka monoka numuda napau leko yowekaiyoko, jawa maya ohuloka hetokaya liki limiki jo ji hulikaka niae. \v 12 Ito Jisesiya asako eimola oladalalotiya wewena lukate le uluwitoletatuwe loko Jelusalemu numuda oho hetokaya kohaikayoko heliye. \v 13 Yamuya lemo asako Juda wewenasi jokila hi mikaka abo nesa hulikiki lepa mutiwa letune loko Jisesitoka wetune. Ito sa-udawokidana lemo elowa jeko makomasi lemoto nisideko yamidana Jisesiya upalo elibomidana oko lupalo molikadeko aha eletune. \v 14 Sa-loko noeleko sa-etune: Elewole eba mako lemotoka minamiye. Aha minoko soto pitibomuya ujapa okaka noune. \v 15 Sa-onenako, Jisesida uliwa le sawa jekokoteya lepadunuya Omaimidana kolo meko epoka loko minatudawolimoya lemo Omaitoka jokila he mekaka nesate lolo okadeko, le Jisesida maya mekuniyoko le Omaimidana ilipitiye. \v 16 Nasahiliki ito saina laloki moloko wewenasida betune liki data eli-minalo. Omailimoya yatoka nesamuya eliyoko emotoka jokila hi mebo nesa laloya lolo noiye. \p \v 17 Duliki wetiposida ganipo maya elikiki emesalo moliki digukaya limiki minalo. Edimo weutipoloya li wehe liki ujapa iki minikaka niae. Aya yowanunipomidana monawaya alikaya li soto molakili yowanuya nile. Yamuya yowanunipoya duka lalototi litae liki sakiya elekele ibitalo. Miluma eliki sa-itaboya, dukatipouka wati etibo nesaya edimotoka soto pamekolaiye. \p \v 18 Edimosiya lemodamuya Omailoka liki minalo. Lemoya eto okogo oko moloko etune loko labuha molokaka noune. Sakokoya lukauya lihima netibokumuya ohu jekaka noune. \v 19 Omailoka likaka nesadunu nilimi wati ikadeko, We napalimo aku nilime wati okadeko, edimotoka enemane oko wetuwe loko noloe. \pi1 \bd 2\bd* Jen 18:1-8; 19:1-3 \bd 5\bd* Dut 31:6,8; Jos 1:5 \bd 6\bd* Sam 118:6 \pi1 \bd 11\bd* Liv 16:27 \s1 Omaimidana epoka liye. \p \v 20 Hulu ahola Omaiya We napate Jisesiya eimola oladaladunu elewole oko minokakamidana kolokaka ga le soto molaibomuye loko sipisipi jalo ujapa we napa lolo ibo we helibokuti aku ilime sinaibo weya ne. \v 21 Emokahoya saina aito-aitomidana libeko dilipe lalo okadeko emokaho letibotoka molatibotoka iki eli litae loko noloe. Sa-nikiya emokaho ele wati etibo nesaya Jisesi Kalaestida abuha-wowolaloti le dukauya moladeyo. Emoya luhuwamidana aweyaha minadeko, epoka lowa lowa oko yowewa yowewa oko elewole oko netiye. Yotokoe. \s1 Wewenasida dupamu elaiyoko lo biye. \p \v 22 Wewenane yuhase, nemoya ga hana lo libamoe. Data leko luhawatipo le ikitetibo ga maya lo noliboyo, data ameme iki eli-minalo. \v 23 Ito lo libekoloyo, eli-minalo. Wewenate Timotida maya nalauti alo olutimikae. Sa-ikanako, emoya enemane oko nisekadeko, ilime-loko woko mudaidasiye. \v 24 Ujapa wetipo ito muki Jisesida wewenalasida dupamu nelokaiyoko noloyo, li bilo. Italiya mikaukati wewenatipolesiya dupamu delokaiyoko lo noliboe. \v 25 Omaimidana nasahilila edimotoka mino-loko woko minadeyo.