\id SNG  
\ide UTF8
\h TANG KO PITANG 
\toc3 Tng 
\toc1 TANG KO PITANG 
\toc2 Tang Ko Pitang 
\mt1 TANG KO PITANG  
\is1 Murung’agen e Re Ke Babyor Ney  
\ip \bk Fare ke Babyor ni Tang Ko Pitang\bk* e bogi tang ni tangin e gamar, tin yo’or riy e thin rok be’ nib mo’on ngak be’ nib pin ni gamaren, nge thin rok fare pin ngak fare mo’on ni gamaren. Ku yima yog fithingan e re ke babyor ney ni \add Tang ku Solomon\add*, ni bochan e aram fithingan ni Hebrew.  
\ip Pi tang ney u lanyan’ e girdi’ ni Jew e be dag rogon e tha’ u thilin Got nge girdi’ rok, ma lanyan’ e Kristiano e be dag rogon e tha’ u thilin Kristus nge Galasiya rok.  
\is1 Gathon e Re Ke Babyor Ney  
\io1 Bin m’on e Tang 1:1—2:7  
\io1 Bin l’agruw e Tang 2:8—3:5  
\io1 Bin dalip e Tang 3:6—5:1  
\io1 Bin aningeg e Tang 5:2—6:3  
\io1 Bin lal e Tang 6:4—8:4  
\io1 Bin n’el e Tang 8:5–14  
\c 1  
\p
\v 1 Bin th’abi fel’ e tang rok Solomon.   
\s1 Bin m’on e tang  
\sp Fare Pin  
\q1
\v 2 Dep’ilugnam e ke tharayeg ko \add kiss\add*;  
\q2 adag rom e kabfel’ ko wayin.   
\q1
\v 3 Gasliw ni fel’, er bon dugum;  
\q2 ra nog fithingam me yib ngan’uy.  
\q2 Dariy reb e ppin nrayag rok ni tel ir ndabi adagem.   
\q1
\v 4 Mu fekeg nggu un ngom, ngad milgow nga darow;  
\q2 ngam mmang pilung rog ma ga fekeg nga senggil rom.  
\q1 Gadow ra felfelan’ u ta’bang,  
\q2 ngad unumew ngad talubgow nga aer, ngad li’ew gadow ko adag.  
\q2 Arfan ngay ni urngin e ppin ma ba adagem!   
\q1
\v 5 Pi’in ppin nu Jerusalem, gu ba lumor machane gub pidorang,  
\q2 ni gub lumor ni bod e pi tent u daken e ted u Kedar,  
\q2 machane fel’ngig e bod e kateng ko naun rok Solomon ni tafen e pilung.   
\q1
\v 6 Dab mu lik’ath ngog ni bochan rama’eg,  
\q2 ya yal’ e ke butbut’ nigeg.  
\q1 Pi pumo’on ni walageg e ra damumuwgad ngog  
\q2 ra tedgag ko maruwel u milay’.  
\q2 Ni dakriy e ngiyal’ ni nggu aywegneg.   
\q1
\v 7 Adag rog, mog ngog,  
\q2 Bu uw e gin ni ngam waliy e gamanman rom ngay ngar abichgad?  
\q2 Uw e gin yad ra gif ngay ko yal’ ni msiw’?  
\q1 Mang ni ngar gu changar nigem u  
\q2 fithik’ e yu ran’ i gamanman rok boch e tagafal gamanman?   
\sp Fare Mo’on  
\q1
\v 8 Th’abi pidorang u fithik’ e ppin, mog damnang ko uw?  
\q1 Mman ngam lek fa ran’ i gamanman;  
\q2 ngam pir’eg e gin nge abich e kaming rom riy  
\q2 u charen fapi tent ko pi tagafal gamanman.   
\b  
\q1
\v 9 Gur, adag rog, e gama pug e fan ko pi pumo’on  
\q2 ni bod ba os ni bpin nma tu’langnag e pi os ni pumo’on  
\q1 nma girengiy e \add chariot\add* rok Farao.   
\q1
\v 10 Piyan lolgem e rib fel’usun u daken linglingim  
\q2 ma ke puf nga daken bilel’ugnam ni bod e churwo’.   
\q1
\v 11 Machane bay da ngongoliyew bikiyi chen ni fakam nib gol  
\q2 ni bay e nunuw riy ni silber.   
\sp Fare Pin  
\q1
\v 12 Pilung rog e kethig nga daken e sofa rok,  
\q2 ma florida rog e ke sugnag fithik’ e nifeng ko fel’ bon.   
\q1
\v 13 Adag rog e bfel’ bon dugun ni bod e \add myrrh\add*  
\q2 nib thig nga daken ngarngoreg.   
\q1
\v 14 En ni adag rog e bod e floras u mapan  
\q2 ni be puf u lan e milay’ ni \add grape\add* u Engedi.   
\sp Fare Mo’on  
\q1
\v 15 Adag rog, ri gab pidorang;  
\q2 be gal ra’en e adag u lan marwam!   
\sp Fare Pin  
\q1
\v 16 Gamareg to’, ri gab picho’ay;  
\q2 ni ri gama felfelan’ nigeg!  
\q1 Pan ni galunglung e nge mang tagil’dow;   
\q2
\v 17 \add cedar\add* e bay i mang ren e naun rodow,  
\q2 ma gek’iy ni \add cypress\add* e nge mang tenjo riy.   
\c 2  
\q1
\v 1 I gag e kemus ni gu ba floras u ma’pan u Sharon,  
\q2 ni floras ni giyab nu loway.   
\sp Fare Mo’on  
\q1
\v 2 Ni bod ba floras ni giyab u fithik’ e rchangal  
\q2 e aram rogon e en gamow u fithik’ e pi’in ni ppin.   
\sp Fare Pin  
\q1
\v 3 Bod rogon bake arfath u fithik’ e gek’iy u loway,  
\q2 aram rogon e an gamow ni yira ta’rebnag ko pi pumo’on.  
\q1 Adagen an’ug ni ngu par nga taglul’en,  
\q2 ma wom’ngin e ba athibthib u langag.   
\q1
\v 4 I fekeg ko senggil ni tagil e madnom rok  
\q2 me tining e flak ko adag nga dakennag.   
\q1
\v 5 Mu pi’ e \add raisin\add* ngog nge sul gelngig  
\q2 nge arfath ni nge pasig nigeg!  
\q2 Ke m’aynag e darngal gelngig.   
\q1
\v 6 Ku gu teyay’ ko ba ni gil’ay i pa’,  
\q2 ma ba’ ni mat’aw i pa’ e ke longobiyeg.   
\q1
\v 7 Mmicheged ngog, gimed e ppin nu Jerusalem,  
\q2 mmicheged u daken e \add deer\add* nib machreg nge \add gazelle\add*  
\q2 ni dab mmagawon niged e adag romow.   
\s1 Bin l’agruw e tang  
\sp Fare Pin  
\q1
\v 8 Kug rung’ag laman e en ni gamareg.  
\q1 Nike yib ni be mil u daken e pi burey,  
\q2 ni kemus macharngin ni be th’ab e pi ted i yib ngog.   
\q1
\v 9 Adag rog e bod e \add gazelle\add*,  
\q2 fa \add deer\add* ni kabbitir.  
\q1 Ba’aram nib sak’iy u charen e rungrung.  
\q2 Ni be changar u winda nga naun me damit u thilin e sagel.   
\q1
\v 10 Gamareg mu non ngog.  
\sp Fare Mo’on  
\q1 Adag rog, ere moy;  
\q2 mu’un ngog to’.   
\q1
\v 11 Ke m’ay ngil’an e garbeb; ma ke tal e nuw’;   
\q2
\v 12 ma go’ ke puf e flores u ba’nem e binaw.  
\q1 Iraray ngil’an e tang;  
\q2 tang ko \add dove\add* e ka ni rung’ag u lan e yungi flang.   
\q1
\v 13 Ke tabab e maloel ko \add fig\add*;  
\q2 ma mak’uf ko \add grape\add* e ke fal’eg bon e nifeng.  
\q1 Adag rog, ere moy;  
\q2 mu’un ngog to’.   
\q1
\v 14 Ga bod ba \add dove\add* ni be mith  
\q2 u thilin e war.  
\q1 Mu pageg nguguy fel’ngin owchem  
\q2 mu gu rung’ag lingum ni rib simunguy.   
\b  
\q1
\v 15 Mu kol e pi \add fox\add*, nochi \add fox\add* ni pa’chichig,  
\q2 u m’on ni ngar gathayed e woldug rodow ni \add grape\add* nike k’uf.   
\sp Fare Pin  
\q1
\v 16 Adag rog e ba milfan ngog, ma bmilfag ngak.  
\q1 Ma durwi’iy e gamanman rok u fithik’ e floras ni giyab,   
\q2
\v 17 nge taw ko ngiyal’ nike yib nifngen e kadbul  
\q2 ma ke chuw e lumor.  
\q1 Mu sul to’, ni bod ba \add gazelle\add*,  
\q2 ma bod rogon ba fak e \add deer\add* u daken e burey nu Bether.   
\c 3  
\q1
\v 1 Gubin e nep’ ni gu ra mol nga chob rog  
\q2 mu gu lik’aynag e cha’ ni gu ba’adag;  
\q2 ug sapnag fare mo’on, ma da gu pir’eg.   
\q1
\v 2 Ug mogow u lan e binaw i yan,  
\q2 u gu th’ab e yupa’ i kanawo’ ni ba ga’ nge kanawo’ ni achig.  
\q1 Ni gu be sapnag e cha’ ni gu ba’adag.  
\q2 Ug changar i yan, ma da gu pir’eg.   
\q1
\v 3 Pi pumo’on ni matanagin e binaw e ra guyed gag.  
\q2 Mu gu fithrad, “Ka mu piri’egged e en ni gamareg?”   
\q1
\v 4 Ma yug nap’an e gu pagrad, mu gu pir’eg fare mo’on.  
\q1 Mu gu kol ni da kug pag nge yan  
\q2 nge mada’ ko ngiyal’ ni kug fek nga naun rok e chitnag,  
\q2 ko re senggil nni gargelegneg riy.   
\b  
\q1
\v 5 Mmicheged ngog, gimed e ppin nu Jerusalem;  
\q2 mmicheged u daken e \add deer\add* nib machreg nge \add gazelle\add*  
\q2 ni dab mmagawon niged e adag romow.   
\s1 Bin dalip e tang  
\sp Fare Pin  
\q1
\v 6 Be mang e biney ni be yib u daken e ted ni \add desert\add* ni bod ba rumog ni ath,  
\q2 nib boni \add incense\add* nge \add myrrh\add* ni bfel’ bon,  
\q2 ni fare \add incense\add* nni chuw’iy ko pi tachuway’?   
\q1
\v 7 Ke yib Solomon, ni yibe fek u daken tagil’ nib pilung;  
\q2 nel’ i ragag e salthaw ni kan yarmiy ni matnag rok,  
\q2 ni tin th’abi falu’ e salthaw u lan yu Israel.   
\q1
\v 8 Yad gubin ni yad ba salap ko saydon;  
\q2 ni riyad ba cheag ko mael.  
\q1 Ra bagyad ma bay e saydon rok,  
\q2 ni ka ra fal’eged rograd ko cham nma yib nnep’.   
\q1
\v 9 I Solomon ni Pilung e yibe fek u daken tagil’ nib pilung  
\q2 nni ngongliy ko tin th’abi fel e ren.   
\q1
\v 10 Ra reb e ren riy ma kan ing ko silber;  
\q2 ma nga daken e bay e mad riy ni kan nunuwnag ko gol.  
\q1 Ma gayul riy e ka ni upnguy ko mad ni \add purple\add*,  
\q2 ni bfel’ ya’an e wup riy ni ngongliy e ppin nu Jerusalem.   
\q1
\v 11 Ppin nu Zion, mired ngam guyed Solomon ni Pilung.  
\q1 Ke tay fare te’elyaw ko pilung ni chitiningin e tay nga daken lolgen  
\q2 fa rofen nmadnom ko mabgol rok,  
\q2 ni rofen ni felfelan’ nge puw ufan.   
\c 4  
\sp Fare Mo’on  
\q1
\v 1 Adag rog, ri gab pidorang!  
\q1 Be galgal e adag u marwam u fon fagi mad u owchem.  
\q1 Ma piyan lolugem e be churu’ ni bod ba ran’ i kaming  
\q2 ni be og i yib nga pe’ning ko fapi burey nu Gilead.   
\q1
\v 2 Nguwelem e ta’reb feni weach ko saf  
\q2 ni kafinn th’ab bunu’en ka ni maluknag.  
\q1 Ma dariy reb nike mul,  
\q2 ma ba ta’reb foyen.   
\q1
\v 3 Dap’il’ugnam e bod bang i mad nrow;  
\q2 ma kabfel’ boch ya’an ni ga ra non.  
\q1 Be galgal ra’en linglingim u fon fare gi mad u owchem.   
\q1
\v 4 Blel’ugnam e bod e wulyang ku David,  
\q2 nib pulpulo’ ma ba pach,  
\q2 ni bay bikiy i churwa’ ni be gafgaf riy ni bod rogon bbiyu’ yang i \add shield\add*.   
\q1
\v 5 Thuthum e bod e \add gazelle\add*,  
\q2 ni gowa l’agruw i \add deer\add* ni athlog ni yow be kay e pan u fithik’ e floras ko giyab.   
\q1
\v 6 Bay gu par u daken e burey ni \add myrrh\add*,  
\q2 ni burey ko \add incense\add*,  
\q2 nge taw ko ngiyal’ nike yib nifngin e kadbul  
\q2 ma ke chuw e lumor.   
\q1
\v 7 Adag rog, ri gab pidorang;  
\q2 ni dabiyag i yog fel’ngim!   
\b  
\q1
\v 8 Male’ rog, moy ngad chuwgow ko pi Burey nu Lebanon;  
\q2 moy ngad chuwgow u Lebanon.  
\q1 Mu chuw u p’ebgul e Burey nu Amana,  
\q2 ngu p’ebgul e Burey nu Senir nge Burey nu Hermon,  
\q2 ko gin ma par e layon nge \add leopard\add* riy.   
\q1
\v 9 Rogon e changar u owchem, i gur athibon an’ug ma male’ rog,  
\q2 nge fa ke churwa’ ni ka mu the’ nga bilel’ugnam  
\q2 e ke kal nga adig.   
\q1
\v 10 Adag rom e ba felan’ug ngay,  
\q2 i gur athibon an’ug ma male’ rog.  
\q1 T’ufeg rom e kabfel’ ko wayin;  
\q2 ma florida rom e kabfel’ bon ko urngin mit e fangur.   
\q1
\v 11 Lamen e \add honey\add* dap’ilugnam to’,  
\q2 ma blothem e milik nge \add honey\add* rog.  
\q1 Mad rom e bay urngin e fel’ bon nu Lebanon riy.   
\b  
\q1
\v 12 Athibon an’ug, ma male’ rog, e ba milay’ nib ling,  
\q2 ba milay’ ni ka ni rungrunguy, ba alublub ni go’ gag ngay;   
\q2
\v 13 u rom e ma dammal e woldug riy.  
\q1 Ni bang i gak’iy ni \add pomegranate\add* nni yung  
\q2 ni k’uf ma tin th’abi felel’ e wom’ngin.  
\q1 De lich e \add henna\add* nge \add nard\add* riy,   
\q2
\v 14 nge \add saffron\add*, \add calamus\add*, nge \add cinnamon\add*,  
\q2 ara pi \add incense\add* ni gubin mit.  
\q1 \add Myrrh\add* nge \add aloe\add* e ma tugul u rom  
\q2 nib sug ko tin th’abi fel’ bon e fangur.   
\q1
\v 15 Pi alublub e ma tarannag fare milay’,  
\q2 nge ran ni be yan,  
\q2 nge yoch pa’ i lul’ ni be yib ko pi burey nu Lebanon.   
\sp Fare Pin  
\q1
\v 16 Nifengin e lel’och, mu od.  
\q1 Nifengin e yimuch, mu tanfengnag e milay’ rog;  
\q2 ma ga sugnag fithik’ e nifeng ko fel’ bon.  
\q1 Mu pag gamareg nge yib ko milay’ rok  
\q2 nge kay e tin thabi fel’ u wom’ngin.   
\c 5  
\sp Fare Mo’on  
\q1
\v 1 Kagub ngalan e milay’ rog,  
\q2 male’ rog, ma athibon an’ug.  
\q1 Gu be kunuy e pi \add spices\add* rog nge \add myrrh\add*;  
\q2 gu be kay e \add honeycomb\add* nge \add honey\add* rog;  
\q2 ma gu be unum e wayin rog nge milik.  
\sp Fapi Fager  
\q1 Gal fager mu abichgow migimew be garbod  
\q2 nge mada’ ko ngiyal’ ni ka mu chinggow ko adag romew.   
\s1 Bin aningeg e tang  
\sp Fare Pin  
\q1
\v 2 Ngiyal’ ni gu be mol, ma ba od lanin’ug.  
\q1 Mug lik’ay ni be tugtuguy gamareg e mab.  
\sp Fare Mo’on  
\q1 Mu pageg to’ nggub nga naun’,  
\q2 gur fiti lanin’ug ma \add dove\add* rog.  
\q1 Ke garda’ lolgeg ko wa’ngachol,  
\q2 ma ke monur piyan lolgeg ko garayuw.   
\sp Fare Pin  
\q1
\v 3 Ku gu mu’ i luf madag;  
\q2 are mangfan ngku ni gun’ bayay?  
\q1 Ku gu luknag rifrifen eg;  
\q2 are mangfan ni ngkug alitnag bayay?   
\b  
\q1
\v 4 Gamareg e ke tay pa’ ko mab,  
\q2 ma kugu t’on ko felfelan’ nike chugur ngog.   
\q2
\v 5 Ma ku gu fal’eg rogog ni nggu pag nga naun.  
\q1 Ke sug e \add myrrh\add* u pa’ag,  
\q2 buglipa’ag e ke garda’ ko \add myrrh\add*,  
\q2 ni ggogoy e man’ ko mab.   
\q1
\v 6 Gu bing e mab ngak gamareg,  
\q2 ma dakimo’ nike yan.  
\q1 Kargum’ ni bochan ni nggu rung’ag laman!  
\q1 U gu changarnag i yan mada gu pir’eg;  
\q2 U gu pining made fulweg lungug.   
\b  
\q1
\v 7 Pi tamatnag ko binaw e ra pir’eged gag;  
\q2 miyad pirdi’iyeg ngar maad’adgad ngog;  
\q2 fapi matnag ni yad bay ko yoror ko binaw a ra gochthiyed e thal ni wuru’ e mad rog.   
\q1
\v 8 Mmicheged ngog, gimed e ppin nu Jerusalem,  
\q2 ni fa’anra mu pir’eged e en gamareg,  
\q2 migmed yog ngak ni kug m’ar ni gube yik’ nga chogowen.   
\sp Fapi Fager  
\q1
\v 9 Re pin th’abi pidorang u fithik’ e ppin,  
\q2 mog en gamarem, yu gub thil u fithik’ gubin e girdi’?  
\q1 Ri mang e rib fel’ rok e re mo’on nir  
\q2 ni thingar gu michmichgad ngom?   
\sp Fare Pin  
\q1
\v 10 En gamareg e ba pichoay ma ba gel;  
\q2 yigo’ ir u fithik’ ragag e biyu’.   
\q1
\v 11 Lolgen e bod e bin th’abi fel’ e gol;  
\q2 ma piyen lolugen e ba m’ingm’ing’,  
\q2 ni ba galunglung ni gowa ba arche’ ni gapluw.   
\q1
\v 12 Lan owchen e bod yochi \add dove\add* u charen yoch pa’ i lul,  
\q2 ni kani luknag ko milik ni bfel’ tagil’ u charen e lul’.   
\q1
\v 13 Linglingin e bod feni fel’usun bang i milay’  
\q2 nib sug ko \add herbs\add* nge \add spices\add*.  
\q1 Dap’iligun e bod e floras ni giyab,  
\q2 nib monur ko \add myrrh\add* nib renran.   
\q1
\v 14 Rifrifen pa’ e rib fel’ i chamay,  
\q2 baye luwaw riy nni ayliy e malang ni galgal ngay.  
\q1 Downgin e bpach ni bod e \add ivory\add*,  
\q2 ni kan ayliy ko \add sapphire\add*.   
\q1
\v 15 L’agruw raba’ i ay ni duga’ ni \add marble\add*  
\q2 u daken rifrifen ay ni gol.  
\q1 Feni picho’ay e bod e burey nu Lebanon  
\q2 nge gek’iy riy ni \add cedar\add* nib mal’eg.   
\q1
\v 16 Rib athib l’ugun ni yira \add kiss\add* nag;  
\q2 gubin ban’en ni rarogon ma kagum’ ni bochan.  
\q1 Ppin nu Jerusalem, irera’ rogon e en gamareg.   
\c 6  
\sp Fapi Fager  
\q1
\v 1 Gur e an th’abi pidorang u fithik’ e ppin,  
\q2 bu uw e gin ke yan gamarem ngay?  
\q1 Mog ngomad e ra pa’ i kanawo’ nike sor gamarem ngay,  
\q2 ya nge yag ni nggu ayuweged gur i gay.   
\sp Fare Pin  
\q1
\v 2 En ni gamareg e ke yan ko milay’ rok,  
\q2 ko gin ma tugul e gek’iy ni \add balsam\add* riy.  
\q1 Be durwi’iy e gamanman rok u milay’  
\q2 ma be kunuy e flores ni giyab.   
\q1
\v 3 En ni adag rog e ba milfan ngog, ma ba milfag ngak;  
\q2 be durwi’iy e gamanman rok u fithik’ e giyab.   
\s1 Bin lal e tang  
\sp Fare Mo’on  
\q1
\v 4 Adag rog, rigab pidorang ni bod fel’ngin yu Jerusalem,  
\q2 ma bfel’usum ni bod fare binaw nu Tirzah,  
\q2 ga bod e pi binaw ni felel’, ni be un e fan rog ngom.   
\q1
\v 5 Mu chefeg e changar rom rog nga orel;  
\q2 ya be fek e fan rog.  
\q1 Piyan lolgem e be churu’ ni bod ba ran’ i kaming  
\q2 ni be ’og i yib nga p’ening ko burey nu Gilead.   
\q1
\v 6 Nguwelem e ta’reb feni wech nga ba ran’ i saf  
\q2 ni kafinn luknag.  
\q1 Dariy reb riy nib mul;  
\q2 ma gubin nib ta’reb foyin.   
\q1
\v 7 Linglingim e be mat’ ram’en u fon fagi e mad u owchem.   
\q1
\v 8 Ngan pag e en pilung nge yag ngak nel’ i ragag e \add queen\add*, nge meruk i ragag e ppin rok  
\q2 nge rugod ni dabiyag i the’eg!   
\q1
\v 9 Ma kabm’on u wun’ug ta’reb,  
\q2 ni ir e bod fini pidorang ba \add dove\add*.  
\q1 Kari mus ni ta’reb rok e chitiningin,  
\q2 ni ir e th’abi t’uf rok e chitiningin.  
\q1 Urngin e ppin ni yad ma changar ngak ma yad ma yog e sorok ngak;  
\q2 pi le’engin e pilung nge ku boch e ppin e yad ma yon’ tangin nib sorok.   
\b  
\q1
\v 10 Mini’ e ray nra changar ma bod ni be puf e woch?  
\q1 Rib pidorang ma ba gal ra’en,  
\q2 ni be maluplup ni gowa yal’ ara pul.   
\q1
\v 11 Ku gub nga p’ening u fithik’ e gek’iy ni keal  
\q2 ni ngguy e gek’iy ni kafni for u loway,  
\q2 mug guy yuwan e \add grape\add* ni kafni sum  
\q2 nge mak’uf ko \add pomegranate\add*.   
\q1
\v 12 Gu da’da’ make thum an’ug ngom  
\q2 ni bod be’ u daken e \add chariot\add* nike th’ab mirin nga mit e mael.   
\sp Fapi Fager  
\q1
\v 13 Mu churu’! Mu churu’!  
\q1 Gur fare rugod nu Shulam,  
\q1 Ngguyed gur ni ga be churu’.  
\sp Fare Pin  
\q1 Mangfan ni gimed ba’adag ni ngu’um yaliyedgag  
\q2 ni gu be churu’ u p’eowchen e girdi’ ni be sap?   
\c 7  
\sp Fare Mo’on  
\q1
\v 1 I gur re rugod ni dabiyag i yog fel’ngim!  
\q2 Rifrifen em e rib gamog u lan e \add sandal\add*.  
\q1 Rogoni thir daken ayim  
\q2 e bod e maruwel rok be’ nib salap ko dumow m’uw.   
\q1
\v 2 Totham e kalas ko wayin  
\q2 ke sug be map nga but’.  
\q1 Bay ba thum i \add wheat\add* urom,  
\q2 nib liyeg e giyab.   
\q1
\v 3 Thuthum e bod l’agruw i \add deer\add* ni athlog.  
\q2 Bod l’agruw i \add gazelles\add*.   
\q1
\v 4 Blel’ugnem e bod ba wulyang ni \add ivory\add*.  
\q1 Ma lan owchem e bod yung i lipath u lan e binaw nu Heshbon,  
\q2 nib chuchugur ko garog ko fare binaw nib gilbugwan.  
\q1 Ma p’ethungum e rib fel’usun ni bod e wulyang nu Lebanon  
\q2 nib suwon ni matnag nu Damascus.   
\q1
\v 5 Ba puw owchem ngalang ni bod e burey ni Karmel.  
\q1 Piyan lolgem ni kan l’ang e be gal ra’en ni bod e bin th’abi fel e \add satin\add*;  
\q2 feni gamog e rayag ni kal nga adin ba pilung.   
\b  
\q1
\v 6 Ri gab gamog, ma rigab pidorang;  
\q2 ma rib langob e felfelan’ ko adag rom.   
\q1
\v 7 Ri bfel’ i tay kenginam nge mithmith rom ni bod bake niw,  
\q2 ma thuthum e ruw ngun i wom’ngin.   
\q1
\v 8 Bay gu wan u kenggin nga lang,  
\q2 nggu t’ar wom’ngin.  
\q1 Thuthum e bod l’agruw punug i \add grape\add* u lanin’ug,  
\q2 ma pogofan rom e bod bon e arfath,   
\q2
\v 9 ma langam e bod e bin th’abi fel’ e wayin.  
\sp Fare Pin  
\q1 Ere mu pag e wayin nge map’ nib puluw ko en gamareg,  
\q2 nge map’ nga daken dap’ilugun nge nguwalen.   
\q1
\v 10 Bmilfag ko en ni gamareg, ma beyim’ ni bochag.   
\q1
\v 11 Moy to’, nga darow nga wuru’ e binaw  
\q2 ngad pirew reb e nep u lan e flang.   
\q1
\v 12 Bay da odgow nri kakadbul ngad yalyew e \add grape\add*  
\q2 ngad guyew ko ke chugur ni nge tugul,  
\q2 fa kepuf e floras riy  
\q2 nge \add pomegranate\add* ko ke k’uf fa.  
\q1 Mu rom e bay gu pi’ ngom riy e adag nge t’ufeg rog.   
\q1
\v 13 Rayag ni ngam faray bon e \add mandrake\add*,  
\q2 ma urngin e tin th’abi fel u wom’ngin e gek’iy e bayu taga’ mab rodow.  
\q1 Fitilanin’ug, kug cha’riy ni fanam e tin kakrom e felfelan’ nge tin be’ech.   
\c 8  
\q1
\v 1 Gu be athpeg ni fa’an mang e gur walageg ni pumo’on,  
\q2 ni chitnag e i tathuth nigem.  
\q1 Ma aram e fa’an gu ra mada’ nigem u kanawo’,  
\q2 ma gu ra farey owchem ma dariy be’ nra dabuy.   
\q1
\v 2 Gu ra fekem ko naun ko chitnag,  
\q2 ni cha’an ni fil gubin e tin gumnang ngog.  
\q1 Gu ra pi’ ngom e tin th’abi fel’ lamen e wayin  
\q2 ma ku arrogon logwen wom’ngin e gek’iy.   
\q1
\v 3 Ah manga gu teyey’ ko ba’ ni gil’ay i pa’am,  
\q2 ma ga yin’ e ba’ ni mat’aw nga dakenag.   
\b  
\q1
\v 4 Mmicheged ngog, gimed e ppin nu Jerusalem,  
\q2 ni dab magawon niged e adag romow.   
\s1 Bin n’el e tang  
\sp Fapi Fager  
\q1
\v 5 Mini’ e re rugod ney ni be yib u daken e ted i yib,  
\q2 ni yow ba mokol pa’ef e en ni gamaren?  
\sp Fare Pin  
\q1 U tan fare ke arfath e ug pugem riy,  
\q2 ko gin nni gargel nigem riy.   
\q1
\v 6 Mu ning an’um ko gubin e adag kemus ni birog e ngam bing ngay;  
\q2 dariy be’ ni ngamun’ ngalan ngorngorem kemus ni go’ gag.  
\q1 Adag e bod feni gel gelngin e yam’;  
\q2 amithun e adag e bod feni gel e yam’.  
\q1 Ma gabulbul e daramram riy  
\q2 nge gak’ ni bod ba nifiy nib gelmirin.   
\q1
\v 7 Ran e dabiyag ni nge thang;  
\q2 ma dariy ba sugbur nra tharey.  
\q1 Machane fa’anra guy be’ rogon ni nge chuwi’iy e adag ko machaf rok,  
\q2 ma kemus ni fanenikan e ra yib riy ngak.   
\sp Pi Pumo’on ni walagen fare Bpin  
\q1
\v 8 Bay walagmad ni bpin ni kab bitir,  
\q2 ni dawori yib thuthun.  
\q1 Mang e ngad rin’ed ni fan ngak  
\q2 u nap’an nra par nga puluwon be’?   
\q1
\v 9 Fa’an mang e ir bang i rungrung,  
\q2 ma gadad ra toy ba wulyang ni silber ni fen.  
\q1 Machane fa’an mang e ba garog,  
\q2 ma gadad ra rungrunguy ko ren ni \add cedar\add*.   
\sp Fare Pin  
\q1
\v 10 I gag e gu bang i rungrung,  
\q2 ma thuthug e wulyang riy.  
\q1 Adag rog e manang ni ir  
\q2 e gu ma pir’eg e felfelan’ nge gapas rok.   
\sp Fare Mo’on  
\q1
\v 11 I Solomon e bay bang i \add grape\add* ni fi’in  
\q2 u bang i n’en ni yima yog ni Baal Hamon.  
\q1 Bay girdi’en e woldug ni yad ma \add rent\add* nag rok;  
\q2 nra bagyad mma pi’ puluwon ni bbiyu’ yang e silber.   
\q1
\v 12 I Solomon e rib m’ag u wan’ e biyu’ rok e salpiy,  
\q2 ma girdi’en e milay’ e l’agruw mira’ay e birorad e f’oth;  
\q1 Bay bang e milay’ ni \add grape\add* nri gag e fi’ig!   
\q1
\v 13 Adag rog, mu pageg nggu rung’ag lungum u daken e milay’;  
\q2 pi’in gamad e yad be son ni ngar rung’agged lungum ni ka mu non.   
\sp Fare Pin  
\q1
\v 14 Adagen an’ug, moy, ni bod ba gamanman ni \add gazelle\add*,  
\q2 fa ba fak e gamanman ni \add deer\add* u daken e pi burey ni gin ma tugul e \add spice\add* riy.