\id OBA  
\ide UTF8
\h OBADIAH 
\toc3 Oba 
\toc1 BABYOR NI OBADIAH 
\toc2 Obadiah 
\mt2 BABYOR NI  
\mt1 OBADIAH  
\is1 Murung’agen e Re Ke Babyor Ney  
\ip \bk Fare Babyor ni Obadiah\bk* e ni yoloy u ba ngiyal’ u tomuren nike waer yu Jerusalem ko mael, ko duw ni 586 B. C. Ma yu Edom nike n’uw nap’an ni to’ogor rok yu Judah ma bay ko yimuch-ni-ngek u Judah e felfelan’ ni bochan e ke waer yu Jerusalem. Yu Edom e ra ayuweged e girdi’ ni m’ag e mael nga Jerusalem ma ku yad un ko pi girdi’ nem ngar laged e tin ni yad ba’adag ni bay u Jerusalem. Me yi’iynag Obadiah ni bayi gechignag Got yu Edom nge pi nam ni to’ogor rok yu Israel.  
\is1 Gathon e Re Ke Babyor Ney  
\io1 Yu Edom nni gechignag 1–14  
\io1 Fare rran rok Somol 15–21  
\c 1  
\p
\v 1 Irera’ e tin ni yi’iynag Obadiah — ni aram e n’en ni yog \nd SOMOL\nd* ni Th’abi Tolang u murung’agen e nam nu Edom.  
\s1 I \nd SOMOL\nd* e bayi gechignag yu Edom  
\q1 I \nd SOMOL\nd* e l’oeg e mal’og rok nge yan ko pi nam,  
\q2 ma kad rung’aged e thin rok:  
\q2 “Da fal’egned rogdad! Ngad m’aged e mael nga Edom!”   
\q1
\v 2 I \nd SOMOL\nd* e be ga’ar ngak yu Edom,  
\q2 “Bay gu me’waer nigem;  
\q2 bayi gubin e girdi’ me dabuyem.   
\q1
\v 3 Tolngan’ rom e ir e ke ban nigem.  
\q1 Tochuch rom e kan yororiy ko war nib el;  
\q2 tafnam e bay ngalang u fithik’ e pi burey,  
\q1 ma kam ga’ar u wun’um,  
\q2 ‘Mini’ e rayag rok ni girngiyeg nga but’?’   
\q1
\v 4 Yug aram rogon ni kam ngongliy tafnam  
\q2 ni bod feni tolang tafen e arche’ ni \add eagle\add*  
\q2 ni yira ga’ar ke ma’thuk nga fithik’ e t’uf,  
\q1 ma ngug girngiyem nga but’.   
\b  
\q1
\v 5 “Fa’anra yib e pi moro’ro’ nnep’,  
\q2 ma kemus ni tin yad ba’adag e yad ra fek.  
\q1 Nap’an nra kunuy e girdi’ e \add grape\add*,  
\q2 ma gubin ngiyal’ ni yad ma pag buchu’uw.  
\q1 Machane pi to’ogor rom e kar feked rom ni gubin.   
\q1
\v 6 Gimed e pi’in owchen Esau, ka ni leag u yargal e pi machaf romed.   
\q1
\v 7 Pi’in gimed ngabang e kar ban niged gimed;  
\q2 kar tulfed gimed nga wuru’ e nam romed.  
\q1 Girdi’ ni urmed nib gapas thilmed e kar koled gimed e chiney.  
\q2 Fapi fager ni um abichgad u ta’bang e kar ted e wup ni ngam awgad ngay;  
\q2 yad be yognem ni yad be ga’ar, ‘Bu uw fapi luguy rok?’   
\b  
\q1
\v 8 “Rofen nem ni nggu gechignag yu Edom,  
\q2 e bay gu thang mit e pi pumo’on riy nib llowan’,  
\q2 mug chuweg gubin e gonop rorad.   
\q1
\v 9 Girdi’en e cham nu Teman e bay rrusgad,  
\q2 ma gubin e salthaw nu Edom ni bay ni thang e fan rorad.   
\s1 Tapgin e gechig nga Edom  
\q1
\v 10 “Bochan e mororo’ nge thang pogofan  
\q2 ni um tay ngak pibe’ rom ni pi’in owchen Jakob,  
\q2 bay ni thirfem u but’ me m’ay fam ni manemus.   
\q1
\v 11 Mu gilaf ngam telem u orel  
\q2 u nap’an ni t’ar e pi to’ogor e garog rorad nga but’,  
\q1 ta’reb fanam kireb ngak e pi girdi’ nu bang nem  
\q2 ni kar feked e fla’ab u pa’ yu Jerusalem  
\q2 kar f’othed u dakenrad.   
\q1
\v 12 Thangri dab mu girig ngak  
\q2 pibe’ rom nu Judah ko buch wa’athan ni kar ted.  
\q1 Thangri dab mu felfelan’  
\q2 e rofen nem ni pil nga pa’rad.  
\q1 Thangri dab mu minmin ngorad  
\q2 ko buchbuchan’ ni kar ted.   
\q1
\v 13 Thangri dab mman ngalan e binaw ko girdi’ rog  
\q2 ngu’um girig ngorad ko gafgow ni kar awgad nga fithik’  
\q2 ma ga leag e fla’ab rorad  
\q2 e rofen nem ni kar gafgowgad.   
\q1
\v 14 Thangri dab mu sak’iy ko tamdardar ko kanawo’  
\q2 ni ngam kol e pi’in yad be guy rogon ni ngar thaygad.  
\q1 Thangri dab mu pi’rad nga pa’ e to’ogor  
\q2 e rofen nem nike buchbuchan’rad.   
\s1 I Got e ra pufthinnag e pi nam  
\q1
\v 15 “Ke chugur ko rofen ni Gag \nd SOMOL\nd*  
\q2 e nggu pufthinnag e pi nam.  
\q1 Edom, n’en ni kam rin’  
\q2 e bay ni rin’ ngom.  
\q2 Ngonglem e bayi sul ngom.   
\q1
\v 16 Girdi’ rog e kar unumed ba kap i gechig nib mo’oy  
\q2 u daken e burey rog nib thothup.  
\q1 Gubin e pi nam nib liyeg e kabgel e mo’oy  
\q2 ni yad ra unum ko fare kap ko gechig;  
\q2 yad ra unum nge m’ay miyad m’ay ngabang.   
\s1 Gel ni tay piyu Israel  
\q1
\v 17 “Machane daken e Burey nu Zion e ra mil bochiyad riy,  
\q2 ni aram e gin’en nra par nib thothup.  
\q1 Fapi girdi’ rok Jakob e bay ra tafnayed  
\q2 fare gi but’ nriyad e matawrad ni ngar tafnayed.   
\q1
\v 18 Girdi’ rok Jakob nge Josef e yad ra bod e nifiy,  
\q2 yad ra thang mit e girdi’ rok Esau  
\q2 ni bod e nifiy ni urfiy e chabung.  
\q2 Dariy reb i owchen Esau nra magach nib fos.  
\q1 I Gag \nd SOMOL\nd* e kugog e pi thin ney.   
\b  
\q1
\v 19 “Girdi’ ko yimuch u Judah e bay ra pired u Edom;  
\q2 ma pi’in yad bay u enggin e burey ko ngal e bay ra koled yu Filistia.  
\q1 Piyu Israel e bay ra tafnayed e gin nib milfan nga Efraim ngu Samaria;  
\q2 fapi girdi’ ko Benjamin e bay ra feked yu Gilead.   
\q1
\v 20 Fa raba’ i salthaw nib kalbus u wuru’ e nam ni girdi’en e lay ni lel’och yu Israel  
\q2 e bay ra sulod ngar koled yu Foenicia nge yan i mada’ ko lel’och u Zarefath.  
\q1 Fapi kalbus nu Jerusalem ni yad bay u Sardis  
\q2 e bay ra koled e yochi binaw ko yimuch u Judah.   
\q1
\v 21 Pumo’on ni falu’ nu Jerusalem  
\q2 e bay ra cham gad nga Edom ngar gagiyeg niged.  
\q1 Ma \nd SOMOL\nd* e ir e bayi pilung.”