\id NAM  
\ide UTF8
\h NAHUM 
\toc3 Nam 
\toc1 BABYOR NI NAHUM 
\toc2 Nahum 
\mt2 BABYOR NI  
\mt1 NAHUM  
\is1 Murung’agen e Re Ke Babyor Ney  
\ip \bk Fare Babyor ni Nahum\bk* e ba’ riy e thin rok Nahum ni profet ni be weliy murung’agen yu Nineveh ni waer ko mael ni gonap’an 650 e duw u m’on ndawori yib Kristus. Nineveh e fare binaw nib ga’ u Assyria, ma yu Assyria e ke n’uw nap’an ni i par ni to’ogor rok yu Israel. Nineveh ni waer ko mael e nnang ni gechig rok Got ngak yu Assyria, ni ba nam nib kireb e girdi’ riy ma ba tolangan’rad.  
\is1 Gathon e Re Ke Babyor Ney  
\io1 Gechig ni yib nga Nineveh 1:1–15  
\io1 Mul ni tay yu Nineveh 2:1—3:19  
\c 1  
\p
\v 1 Irera’ e thin ni murung’agen yu Nineveh, ni ragon e n’en ni pilyeg e changar rok Nahum nge guy, ni be’ nu Elkosh.   
\s1 Damumuw rok \nd SOMOL\nd* ngak yu Nineveh  
\q1
\v 2 I \nd SOMOL\nd* ni Got e dabiyag ni nge k’adan’ ko pi’in yad ma tagenging ngak;  
\q2 ma gechignag e pi’in yad ma togopluw ngak.  
\q2 Ma sulweg taban ngorad u fithik’ e damumuw rok.   
\q1
\v 3 I \nd SOMOL\nd* e ba sowath nma damumuw,  
\q2 machane ir e ba gel gelngin  
\q2 ma der ma pag e pi’in kireb ndabi gechig nagrad.  
\b  
\q1 Yungin ma yan \nd SOMOL\nd* riy e ma sum yungi yoko riy;  
\q2 pi manileng e aram e fiyath ni be tar u rifrifen ay.   
\q1
\v 4 I yog e n’en ni nge rin’ e day me mlik’ langgin!  
\q2 Me mlik’nag yu pa’ i lul.  
\q1 Yung i flang nu Bashan e go’ fengfeng daken,  
\q2 me mroray daken e Burey ni Karmel,  
\q2 me m’ay ra’en e floras nu Lebanon.   
\q1
\v 5 Pi burey e durru’ u p’eowchen \nd SOMOL\nd*;  
\q2 me ranran e yochi burey u p’eowchen.  
\q1 Fayleng e rur u nap’an ni m’ug \nd SOMOL\nd*;  
\q2 fayleng nge girdi’ riy e ra t’on gad.   
\q1
\v 6 Nap’an e ra damumuw, me mini’ e rayag ni fas?  
\q2 Mini e rayag ni fas u gelngin e damumuw rok?  
\q1 I pu’og e damumuw rok ni be daramram;  
\q2 me pilpil e war nge par ni bod e fiyath u p’eowchen.   
\b  
\q1
\v 7 I \nd SOMOL\nd* e rib manigil;  
\q2 ma yoror ko girdi’ rok u ngal’an e gafgow;  
\q2 ma ayweg e pi’in nra pigichelgad ngar sapgad ngak.   
\q1
\v 8 Ni bod rogon e lul’ ni sugbur nib tomgin me thang mit e pi to’ogor rok;  
\q2 me pag e pi’in yad ma togopluw ngak ngarm’ad.   
\q1
\v 9 Mang e ga be makathnag nib togopluw ngak \nd SOMOL\nd*?  
\q2 Bayi thangem.  
\q2 Dariy be’ nra togopluw ngak nib yo’or ko ta’ab yay.   
\q1
\v 10 Bod yu pa’ i rachangal nike ololoboch ko pan nike mlik’  
\q2 gimed e pi ta chingaw’ e bay ni urfiymed!   
\b  
\p
\v 11 Nineveh, uwur e yib be’ riy nib sug ko sasalap, ni i makath nib togopluw ngak \nd SOMOL\nd*.  
\v 12 Irera’ e n’en ni yog \nd SOMOL\nd* ngak e girdi’ rok ni piyu Israel: “Yug aram rogon nu Assyria e yad ba yargal ma yad ba yo’or, ma yira thirifrad u but’ ngar m’aygad. Girdi’ rog, gu pagmed ngam gafgowgad, machane dabkug rin’ bayay.”  
\v 13 Ma chiney e bay gu taleg gelngin yu Assyria u dakenmed mug th’ab e pi chen nikan michgiymed ngay.   
\p
\v 14 Irera’ e n’en ni duwgiliy \nd SOMOL\nd* u murung’agen yu Assyria: “Dabi yib owcharad ni nge ululiy ngachalrad iyan. Bay gu kirebnag e pi liyos ni bay u lan e Tempel ko pi got rorad. Gu be fal’eg rogon ba low ko yam’ ni fan ngak yu Assyria — dariy rogon ni ngkur pired ni yad bfos!   
\p
\v 15 Mu changar, ke yib bmal’og u daken e pi burey nike fek e thin ni bfel’! Ke yib ni nge weliy murung’agen e gapas! Gimed e girdi’ nu Judah, mmadnom niged e pi madnom romed ngam pi’ed ngak Got e n’en ni mu og niged ngak. Pi to’ogor e dakriy bi’id ni ku yad ra cham u lan tafenmed bayay. Ya yad gubin ni kan thang owcharad.\x - \xo 1:15 \xt Isa 52:7\x*   
\c 2  
\s1 Mul ni tay yu Nineveh  
\q1
\v 1 Nineveh, kan mael ngom!  
\q1 Fare gelngin ni nge biligem e ke yib.  
\q2 Mu fal’eg rogon e talin e cham rom!  
\q2 Mu matanagiy e kanawo’!  
\q2 Mu fal’eg rogom ko mael!  
\m (  
\v 2 I \nd SOMOL\nd* e nge fulweg e fla’ab rok yu Israel nga rogon, ni immoy u m’on ndawor i giliw nagrad e pi to’ogor rorad.)   
\q1
\v 3 Pi salthaw ni to’ogor romed e karfeked yungi \add shield\add* ni row  
\q2 ma karon’ed madan e salthaw nib row.  
\q1 Kar flaged rograd ni ngar chamgad!  
\q2 Pi \add chariot\add* rorad e be mat ni gowa nifiy!  
\q2 Ma pi os rorad e der paslag ko bukey.   
\b  
\q1
\v 4 Pi \add chariot\add* rorad e be mil nib mus mirin u daken e yupa’ i kanawo’,  
\q2 ni yad be yan ngu’ur sulod nib math’ marin u lukngun e binaw.  
\q1 Be matmat ra’en e pi \add chariot\add* nem ni gowa mol’  
\q2 ni be gachgech u but’ ni gowa uluch.   
\q1
\v 5 Ke yan e pong ko tayugang’ ko salthaw,  
\q2 yad be athamgiliy i dol’dol’nag e yan nga m’on.  
\b  
\q1 Pi’in karbad nni cham e ra gur niged yad ko fare yoror  
\q2 ngarbad ra suweged e \add shield\add* ngalang ni nge yororiyrad ko buthyoror.   
\q1
\v 6 Pi garog u charen e lul’ e go’ pil nge mab;  
\q2 me sug e marus u lan tafen e pilung.   
\q1
\v 7 Ni fek le’engin e pilung ni kalbus;  
\q2 me gowol e pi tapigpig rok ni bod e \add dove\add*  
\q2 mu’ur pirdi’iyed ngorngorrad u fithik’ e kirban’.   
\q1
\v 8 Gowa bangi ran ni puth e chabog riy  
\q2 e aram rogon e girdi’ nra milgad u Nineveh!  
\q1 Me yan lunguy ngalang ni yibe ga’ar, “Ngan tal! Ngan tal!”  
\q2 ma dariy be’ ni sul nga tomur.   
\b  
\q1
\v 9 Ni leag e silber!  
\q2 Ni leag e gol!  
\q1 Fare binaw e ba sug ko machaf!   
\b  
\q1
\v 10 Nineveh e ke mogothgoth, dakuriy be’ riy, kann’ag!  
\q2 Ke ranran e pi gum’ircha’ ni marus;  
\q2 ke dada’ e bug u ey, dakriy gelingiy;  
\q2 ke ol owchey.   
\b  
\q1
\v 11 Ere bu uw fare binaw e chiney  
\q2 ni fa’an gowa tafen e layon,  
\q2 ni aram e gin un durwi’iy pifak e layon riy,  
\q2 ni ku aram e gin ma yan e layon ni pumo’on nge ppin ngay  
\q2 ngu’ur ayweged pifakrad riy ni dabi buch ban’en rorad?   
\q1
\v 12 Fare layon e li’ k’on  
\q2 nge popof nge yochyang ni fan ngak le’engin nge pifak;  
\q2 me suguy tafen ko ufin nike popof.   
\b  
\p
\v 13 I \nd SOMOL\nd* ni Gubin ma Rayag Rok e be ga’ar, “I Gag e to’ogor romed! Bay gu urfiy e pi \add chariot\add* romed. Ma pi salthaw romed e bay ram’ad u fithik’ e mael, ma bay gu fek u pa’med urngin e tin mu feked rok e girdi’. Ma tin nge yog e pi tamal’og romed ni ngan rin’ e dab kun rung’ag.”   
\c 3  
\q1
\v 1 Ke riya’ fare binaw nib sasalap nib tathang e pogofan,  
\q2 nib sug ko fla’ab ni bay ni leag min giliwnag!   
\q1
\v 2 Motoyil! Nga lingan e pi dumow,  
\q2 nge tayapyap ni be grilril,  
\q2 nge lingan e titimo’og ni be tay e pi os,  
\q2 nge lingan e \add chariot\add* ni be gril u kanawo’!   
\q1
\v 3 Girdi’en e yan u os e kar thay gad nga m’on ni cham,  
\q2 ma be mat ra’en e saydon nge sarey!  
\q1 Pi Idow e ke burey u but,  
\q2 ni bogi yam’ ni dabkiyag i the’eg urngin —  
\q2 be tun ay e girdi’ ngorad!   
\q1
\v 4 Nineveh ni fare gathar ni yibe gechignag.  
\q1 Nib gamog ma fel’ngin e ba sug ko yub,  
\q2 ma pingeg lanyan’ e pi nam nge m’agan’rad ngak miyad sib.   
\b  
\p
\v 5 I \nd SOMOL\nd* ni Gubin ma Rayag Rok e be ga’ar,  
\q1 “Nineveh i gur e bay gu gechig nigem!  
\q2 Bay gu chuweg gubin ban’en rom ngam par u tamilang  
\q2 mug pag e pi nam ngar guyed gur,  
\q2 u fithik’ gubin e tamra’ rom.   
\q1
\v 6 Bay gu tem u fithik’ e faneynikan  
\q2 mug tharayem ko tin sonogor.  
\q2 Bay i lik’ath e girdi’ ngom u fithik’ e tamdag.   
\q1
\v 7 Gubin e pi’in yad ra guyem ma yad ra sul riy nga tomur.  
\q2 Bay ra ga’ar gad, ‘Nineveh e dakriy waton u but’!  
\q2 Gur mini’ e ramoy bochu’uw i runguy rok ngak?’  
\q2 Gur, mini’ e ba’adag ni nge fal’eg lanyan’?’”   
\b  
\p
\v 8 Nineveh, gur e gabfel’ boch ngak yu Thebes, ni aram e tochuch nu Egypt? Ir ma immoy ba lul’ ni i yororiy ni bod bang i rungrung, fare lul’ ni Nile e i mang rungrung ngak.  
\v 9 Thebes e i gagyag nag yu Ethiopia nge yu Egypt, gelngin e dariy folen; yu Libya e yow nga barba’.  
\v 10 Girdi’ nu Thebes e kan fekrad ni kalbus nga wuru’ e nam. Gubin e m’ing ko kanawo’ ma go’ bay pifakrad riy ni kan li’rad karm’ad. Pi pumo’on ni tayugang’ rorad e kan chen nagrad kan fekrad kan graregrad u pa’ e pi to’ogor rorad.   
\p
\v 11 Nineveh, ku arrogom ni bay i math lanin’um ni bod be’ nib ching nag! Ma ku arita’ ni bay um guy rogon ni ngam mil rok e pi to’ogor rom.  
\v 12 Urngin e pi yoror rom ko mael e bod e gak’iy ni \add fig\add* nike lol wom’ngin, mu rurug fapi gek’iy me munugun wom’ngin nib pluw ngalan langam!  
\v 13 Pi salthaw rom e dariy ban’en nrayag rorad, ma nam rom e kem’ay gelngin u p’eowchen e pi to’ogor rom. Nifiy e bayi kirebnag e man’ ko garog rom.  
\v 14 Mu l’ing e ran ngam fel’eg rogom, mag gelnag e pi yoror rom ni fan ko mael! Mu athkuy e but’ ngan ngongliy e rengnga riy, mag fal’eg rogon e rengnga nge par!  
\v 15 Demturug ko mang e ga ra rin’, ma yira’ urfiyem nga mum’ fa ni thangem u fithik’ e mael. Bay ni thirif’em u but’ ni gowa woldug ni languy e asamning!  
\p Kam yo’orgad ni bod e asamning!  
\v 16 Kam yo’ornag e pi tasiyobay rom ke yo’or ko t’uf u lanelang! Machane chiney e darmoyed, ni bod e asamning ni kar pithged porad kar changaggad karanod.  
\v 17 Pi tolang rom e bod ba ran’ i asamning ni yad ma par u fithik’ i faran e rungrung u reb e rran nib garbeb. Machane nap’an nra yib e yal’ ngalang, miyad changag ngranod, ndariy be’ nim nang ko uw e karsorgad ngay.   
\p
\v 18 Pilung nu Assyria, pi governor rom e karm’ad, ma pi pilung e kar moled ni dariy n’umngin nap’an! Girdi’ rom e kar wearweargad u daken e pi burey, ma dariy be’ ni ku ra fulwegrad bayay nga tabnaw.  
\v 19 Dariy falayin e pi maad’ad rom, ma pi maad’ad rom e dabi fos. Gubin e pi’in yad ra rung’ag murung’agen e gafgow ni kam tay mar waywaygad ko fel’felan’. I mini’ e yag rok ni thay u tan pa’am ni dariy tungun e kireb ni um rin’ ngak?