\id PSA 
\ide UTF-8
\h Yaburin Sora
\toc1 Nabi Dawudaa Bɛtine
\toc2 Yaburina
\mt1 Yaburina
\mt2 Nabi Dawudaa Bɛtine
\ip Isirayila manga Dawuda nan Kitabun yireni ito sɛbɛxi naxan xili “Nabi Dawudaa Yaburina.” Sora yo sora bɛti keden na a ra muxune yi naxan bama Ala batu waxatine yi. Yamaan yi salima waxatin naxan yi, e Ala batu, e yi bɛtina ndee bama nɛn Ala Batu Banxin kui. Dɛnkɛlɛya muxu kedenna fan yi nɔɛ nɛn bɛtine bɛ a konni a nɛma Ala maxandɛ waxatin naxan yi. Bɛtini itoe findixi Ala matɔxɔn nun Ala maxandin nan na.
\ip Bɛti kɛmɛ tonge suulun nan malanxi Kitabun yireni ito kui Isirayila fonne yi naxanye bama salideni. Dawuda mi na ndee sɛbɛxi, koni e malanxi a xinla bun bayo a tan nan a wuyaxi sɛbɛ, a mɔn yi muxune yamari e xa bɛtine yitɔn a mangaya waxatini.
\ip Iki a yitaxunxi dɔxɔde suulun nan na. Yaburin Yire Singena: Keli a sora 1 ma han 41. A Yire Firindena: Keli a sora 42 ma han 72. A Yire Saxandena: Keli a sora 73 ma han 89. A Yire Naanindena: Keli a sora 90 ma han 106. A Yire Suulundena: Keli a sora 107 ma han 150.
\ip Yaburin sora kɛmɛ tonge suulunna yɛ, falana nde sɛbɛxi sora kɛmɛ nun nde xunna ra naxan e keliden yitama en na hanma e ba kiina hanma maxa seen naxanye lan e ma. Falan bun tiina nde mɔn sɛbɛxi ndee tagini naxan e ba kiin yɛbama. Ne bunne mi fa kolon ki faɲi bayo e sɛbɛn bata ɲɛɛ wuli saxan ti fayida.
\ip Bɛti siya fu nun firin nan kolonxi Nabi Dawudaa Yaburin kui:
\ip 1) Tantun bɛtin naxanye Alaa gboon nun a fanna fe falama. (Misaala: sora 8, 19, 33, 100, 103-105, 111, 113, 114, 117, 135, 136, 145-149)
\ip 2) Alaa mangayana fe bɛtine, naxanye a falama e naxa, “Mangan nan Alatala ra.” (Misaala: 47, 93, 96 han 99)
\ip 3) Mangana bɛtine, Ala maxandina mangan xa hanma mangana Ala maxandina. (Misaala: 2, 18, 20, 21, 45, 72, 89, 101, 110, 144)
\ip 4) Ala Batu Banxini so bɛtine. (Misaala: 15, 24)
\ip 5) Isirayila kaane yi Higi yisiga bɛtini itoe nan bama e nɛma yi sigɛ sanla nde rabadeni Yerusalɛn taani. (Misaala: 84, 91, 121, 122)
\ip 6) Siyon geyaan bɛtini itoe findixi yiren matɔxɔn nan na dɛnaxan sugandixi Ala Batu Banxin tiden na Yerusalɛn taani. (Misaala: 46, 48, 76, 87, 132)
\ip 7) Bɛtini itoe findixi kawandin nan na tinxin muxune xa. (Misaala: 14, 50, 53, 75, 81, 95)
\ip 8) Bɛtini itoe findixi xaranna nan na dɛnkɛlɛya yamaan xa. (Misaala: 1, 37, 49, 73, 78, 112, 119, 127, 133)
\ip 9) Yamaan bɛtini itoe bama tɔrɔ waxatin nin, naxanye findixi Ala maxandin na ɲaxankatani. (Misaala: 12, 44, 58, 60, 74, 79, 80, 83, 85, 90, 94, 106, 108, 123, 126, 137)
\ip 10) Tɔrɔn sifan birin nɔɛ a ligɛ nɛn dɛnkɛlɛya muxun yi fa Ala ma. Mawuga bɛtini itoe nan wuya Yaburin kui. (Misaala: 5-7, 13, 17, 22, 25, 26, 28, 31, 35, 38, 39, 41-43, 51, 54, 57, 59, 61, 63, 64, 69-71, 86, 88, 102, 109, 120, 130, 140-143)
\ip 11) Dɛnkɛlɛya muxuna Ala nuwali sama wali faɲin kolon bɛtini itoe nan na, a na a xunba hanma a na a yulubin xafari. (Misaala: 9-10, 30, 32, 34, 40.1-12, 92, 107, 116, 118)
\ip 12) Dɛnkɛlɛya muxun limaniya bɛtini itoe nan bama, a yi a sɛwan nun a bɔɲɛ xunbenla mayita. (Misaala: 3, 4, 11, 16, 23, 62, 131, 139)
\ib
\ip Marigi Yesu fan Yaburin tantun bɛtine ba nɛn. (Maraka 14.26) A mɔn nde a fe fala nɛn a xaranna kui. (Maraka 12.10 nun 36) A mɔn yi nde fala a Ala maxandini. (Maraka 15.34, e nun Luka 23.46)
\ip Alaa Muxu Sugandixin Yesu a fe sɛbɛxi Yaburin yire wuyaxi yi. Yesu a tɔrɔne sɛbɛxi yireni itoe yi: Yaburin 22 e nun Yaburin 69. Na feene fan sɛbɛxi Matiyu yire wuyaxi yi, alo Matiyu 27.34-48. Yesu keli fena sayani e nun a binyena fe sɛbɛxi yireni itoe yi: Yaburin 16, nun Yaburin 110 e nun Yaburin 118. Xɛra Piyɛri ne nan ma fe falaxi Kɛwanle sora 2 nun 4 kui. Yaburi Kitabun yirena fe falaxi Ningila Yesu kui dangu dɔxɔɲa ma kɛmɛ ra.
\ip Kitabun yireni ito nɔɛ dɛnkɛlɛya muxune maliyɛ nɛn ki faɲi. A fe firin yitama en na. A singena, a lanma en xa Ala matɔxɔ, bayo a xanuntenyaan nun a sɛnbɛn gbo. A ɲɔxɔn mi na. A firindena, a lanma adamadiin xa a tɔrɔn birin yita Ala ra alogo a xa en madɛndɛn. Ala waxi a xɔn en xa en kui feene yita a ra.
\ip Dawudaa Yaburin findixi Isirayila kaane Ala maxandine nun Marigi Yesu Ala maxandine nun dɛnkɛlɛya muxu singene Ala maxandine nan na. (Xɛrane 4.24-26) Yaburin mɔn nɔɛ findɛ nɛn en fan ma Ala maxandine ra en na e fala Ala xa waxatin naxan yi.
\c 1
\ms Yaburin Yire Singena: Keli Sora 1 ma han 41
\s Kira firinna
\q
\v 1 Sɛwan na kanna xa,
\q naxan mi muxu ɲaxine maxadi xuine suxuma,
\q naxan mi birama yulubitɔne kiraan fɔxɔ ra,
\q naxan mi a sama magele tiine fari.
\q
\v 2 Na kanna sɛwama nɛn
\q Alatalaa sariyan suxudeni,
\q a a xaxili lu Alaa sariyan xɔn kɔɛɛn nun yanyin na.
\q
\v 3 A sabatima nɛn
\q alo wudi binla naxan xude dɛni,
\q a bogima nɛn a waxatini,
\q a dɛɛne mi xarɛ.
\q Na kanna na fefe suxu,
\q a sɔnɔyama nɛn a xa.
\b
\q
\v 4 Koni muxu ɲaxine mi na kiini mumɛ,
\q e luxi nɛn
\q alo foyen se dagin naxan xalima.
\q
\v 5 Nanara, muxu ɲaxine yalagima nɛn kiti sa waxatini,
\q yulubitɔne mi tiyɛ tinxin muxune yɛ.
\q
\v 6 Alatala a ɲɔxɔ luma nɛn tinxin muxune xɔn,
\q koni muxu ɲaxine kiraan sigama gbalon nin.
\c 2
\s Alaa manga sugandixina
\q
\v 1 Nanfera siyane murutɛma?
\q Nanfera yamanane muxune yanfa fuune soma?
\q
\v 2 Dunuɲa mangane bata tondi,
\q kuntigine bata e malan
\q Alatala nun a muxu sugandixin xili ma.
\q
\v 3 E naxa, “En xa en yɛtɛ ba e nɔɔn bun,
\q en xa en xunna ba e yamarin bun.”
\b
\q
\v 4 Marigin naxan ariyanna yi
\q na gelema e ma.
\q
\v 5 A fitinaxin yi falan ti e xili ma,
\q a e magaxu a xɔlɔni,
\q
\v 6 a naxa, “N bata n ma mangan dɔxɔ
\q n ma geya sariɲanxin fari Siyon yi.”
\b
\q
\v 7 Mangan fan naxa,
\q “Alatala bata naxan nagidi,
\q n na a ralima nɛn:
\q a naxa n na,
\q ‘N ma dii xɛmɛn nan i tan na.
\q N bata findi i fafe ra to.
\q
\v 8 N maxɔdin,
\q n siyane soma nɛn i yii i kɛɛn na,
\q bɔxɔn danne birin yi findi i gbeen na.
\q
\v 9 I e nɔma nɛn mangaya wure dunganna ra,
\q i yi e rayensenɲɛ ayi alo fɛɲɛna.’ ”
\b
\q
\v 10 Nayi, ɛ tan mangane,
\q ɛ xaxili fen.
\q Ɛ tan dunuɲa kuntigine,
\q ɛ kawandin namɛ.
\q
\v 11 Ɛ Alatala batu, ɛ gaxu a yɛɛ ra,
\q ɛ sɛwa, ɛ xuruxurun.
\q
\v 12 Ɛ dii xɛmɛn mafan,
\q alogo a nama xɔlɔ, a yi ɛ raxɔri.
\q Bayo, a bɔɲɛn mafura tɛ.
\q Sɛwan ne xa, naxanye e yigiya a ma.
\c 3
\s Ala nan marakisi tiin na
\d Dawudaa bɛtina, a to a gi a dii Abisalomi bun.
\q
\v 1 Alatala, n yɛngɛfane bata wuya ayi.
\q E gbegbe bata keli n xili ma!
\q
\v 2 E n ma fe falama,
\q e naxa, “Ala mi a malima.”
\qr Bɛti xuini te.
\b
\q
\v 3 Koni, Alatala,
\q i tan nan n ma yɛ masansan wure lefaan na.
\q I binyen fima n ma,
\q e nun xunna kenla.
\q
\v 4 N na n xuini tema Alatala ma,
\q a yi n yabi keli a geya sariɲanxini.
\qr Bɛti xuini te.
\b
\q
\v 5 N na n sa, n yi xi, n yi xulun
\q bayo Alatala n kantanma.
\q
\v 6 N mi gaxuɛ yaxu wuli wuyaxin yɛɛ ra,
\q naxanye n nabilinxi yiren birin yi.
\q
\v 7 Alatala keli! N nakisi, n ma Ala.
\q N yaxune birin dɛɛne bɔnbɔ,
\q i yi muxu ɲaxine ɲinne magira.
\q
\v 8 Marakisi Tiin nan Alatala ra!
\q Ala xa a yamaan baraka.
\qr Bɛti xuini te.
\c 4
\s Yigi sana Ala yi
\d Dawudaa bɛtina, bɛti baane kuntigin xa. A xa ba maxase luti kanne ra.
\q
\v 1 N ma Ala tinxinxina,
\q n na i xili, i xa n yabi.
\q N ma tɔrɔni, i xa n mali.
\q Kininkinin n ma,
\q i yi n ma maxandin namɛ.
\b
\q
\v 2 Ɛ tan adamadiine,
\q ɛ n ma binyen findima yagin na
\q han waxatin mundun yi?
\q Ɛ fatama fe fuune nun wulene ma
\q waxatin mundun yi?
\qr Bɛti xuini te.
\q
\v 3 Ɛ xa a kolon,
\q a Alatala bata muxu tɔgɔndiyaxine sugandi a yɛtɛ xa.
\q N na Alatala maxandi,
\q a n xuiin mɛma nɛn.
\q
\v 4 Ɛ gaxu, ɛ fata yulubi ligan ma.
\q Ɛ na ɛ sa, ɛ raxara,
\q ɛ bɔɲɛn namiri.
\qr Bɛti xuini te.
\q
\v 5 Ɛ saraxan ba Ala xa tinxinni.
\q Ɛ yigin sa Alatala yi.
\b
\q
\v 6 Muxu wuyaxi naxa,
\q “Nde hɛrin yitɛ en na?
\q Alatala, i nɔrɔn xa godo nxu ma!”
\q
\v 7 Koni i bata n bɔɲɛn nasɛwa han,
\q dangu se xaba waxatin lugon sɛwan na.
\q
\v 8 N na n sa,
\q n xima bɔɲɛ xunbenla nin,
\q amasɔtɔ i tan Alatala nan tun n makantanma.
\c 5
\s Ala xa en natanga
\d Dawudaa bɛtina, bɛti baane kuntigin xa. A xa ba xulenna ra.
\q
\v 1 Alatala, i tuli mati n fala xuine ra,
\q i yi i tuli mati n kutun xuiin na.
\q
\v 2 N ma Ala nun n ma mangana,
\q i tuli mati n ma wuga xuiin na.
\q N ni i tan nan maxandima.
\b
\q
\v 3 Alatala, xɔtɔnni i n xuiin namɛma.
\q Xɔtɔnni, n na n yitama i ra,
\q n yi i ya yabin mamɛ.
\q
\v 4 Ala mi i tan na
\q fe ɲaxin nafan naxan ma.
\q I mi tinɲɛ muxu ɲaxi yo ra i yɛtagi.
\q
\v 5 Wasodene mi tiyɛ i yɛtagi.
\q I fe ɲaxi rabane birin naɲaxuma nɛn.
\q
\v 6 I wuledene halagima nɛn.
\q Alatala faxa tiine nun yanfantenne raɲaxuma nɛn.
\q
\v 7 Koni n tan soma nɛn i konni
\q i ya hinan gbeen xɔn ma,
\q n ni i batuma nɛn i ya Banxi Sariɲanxini.
\b
\q
\v 8 Alatala, ti n yɛɛ ra i ya tinxinni n yaxune e fe ra.
\q I ya kiraan yita n na.
\q
\v 9 N mi lɛ n yaxune fala xui yo ra,
\q e waxi fe kalan nan tun xɔn ma.
\q E kɔɛ yinle rabixi alo gaburuna,
\q yanfa falane nan e lɛnne ma.
\q
\v 10 Ala, e yalagi,
\q e kɔtɛne xa findi e yɛtɛ bira xunna ra.
\q E kedi i yɛtagi e matandine fe ra,
\q bayo e bata murutɛ i ma.
\q
\v 11 Koni ne birin xa ɲaxan,
\q naxanye e luxunxi i yi.
\q E xa bɛtin ba sɛwani habadan!
\q Na muxune ratanga
\q i xinla rafan naxanye ma,
\q e yi sɛwa i ya fe ra!
\q
\v 12 Alatala, i tinxin muxune barakama nɛn,
\q i yi e rabilin fanna ra
\q i yi e ratanga
\q alo yɛ masansan wure lefana.
\c 6
\s Ala maxandin tɔrɔ waxatini
\d Dawudaa bɛtina, bɛti baane kuntigin xa. A xa ba maxase luti kanne ra e nun kondenna luti solomasɛxɛ kanna ra.
\q
\v 1 Alatala, i nama n maxadi xɔlɔni!
\q I nama fitina n xili ma,
\q i n ɲaxankata!
\q
\v 2 Alatala, kininkinin n ma,
\q n bata xadan!
\q Alatala, n nakɛndɛya,
\q bayo fanga mi fa n na.
\q
\v 3 N niin tɔrɔxi han!
\q Alatala, han waxatin mundun yi?
\b
\q
\v 4 Alatala, fa n kantan.
\q N niin nakisi i ya hinanni.
\q
\v 5 Muxe mi e mirɛ i tan ma sayani.
\q Nde nɔɛ i tantunɲɛ laxira yi?
\q
\v 6 N bata xadan kutundeni,
\q n ma sadeni kunxi yɛɛgen na kɔɛ yo kɔɛ,
\q n wugama han n ma xunbunsaan yi yikun.
\q
\v 7 Sunun bata n yɛɛni fɔrɔ.
\q Wugan bata n yɛɛne buturun n yaxune fe ra.
\b
\q
\v 8 Ɛ makuya n na,
\q ɛ tan fe ɲaxi rabane!
\q Bayo Alatala n wuga xuiin mɛma.
\q
\v 9 Alatala bata n ma mayandi xuiin mɛ,
\q Alatala mɔn bata n ma maxandin suxu.
\q
\v 10 N yaxune birin yagima nɛn,
\q e yarabi.
\q E kuisanxin xɛtɛma nɛn mafurɛn!
\c 7
\s Ala maxandin malina fe ra
\d Dawudaa mawugan bɛtina, a naxan baxi Alatala xa Kusi Bunyamin kaana fe ra.
\q
\v 1 Alatala n ma Ala,
\q n bata n luxun i yi.
\q N xunba, i yi n nakisi
\q ne birin ma naxanye n fɔxɔ ra.
\q
\v 2 Yaxune nama n yibɔ alo yatana,
\q naxan ma se suxi mi xunbɛ.
\q
\v 3 Alatala n ma Ala,
\q e n kansunma naxan na,
\q xa n sɔnna na a ra,
\q
\v 4 xa n bata fe ɲaxin dɔxɔ muxun na,
\q nxu nun naxan dɔxi bɔɲɛ xunbenli,
\q xa n bata n yɛngɛfaan muɲa tɔɲɛgɛni,
\q
\v 5 nayi, i xa tin n yaxune xa n kedi,
\q e yi n suxu,
\q e yi n mabodon,
\q e yi n fatin lu saxi gbangbanni.
\qr Bɛti xuini te.
\b
\q
\v 6 Alatala keli i ya xɔlɔni,
\q keli n yaxu xaɲɛne xili ma.
\q Keli, n ma Ala,
\q i sariya kɛndɛn sa!
\q
\v 7 Siyane malanxin xa i rabilin,
\q i mangayaan liga e xunna.
\q
\v 8 Alatala xa siyane makiti.
\q Alatala, i xa n ma kitin sa n ma tinxinni,
\q bayo fɛ yo mi n na.
\q
\v 9 Danna sa muxu ɲaxine gbalone ra!
\q I xa tinxin muxune ratanga,
\q i tan Ala tinxinxina,
\q i tan naxan muxun bɔɲɛne nun sɔndɔmɛne rakɔrɔsima.
\b
\q
\v 10 Ala nan n yɛ masansan wure lefaan na.
\q A muxu sɔndɔmɛ faɲine rakisima nɛn.
\q
\v 11 Ala nan kitisa tinxinxin na.
\q Ala na a ra naxan xɔlɔma waxatin birin.
\q
\v 12 Xa muxu ɲaxin mi tubi Ala ma,
\q a silanfanna raxanxanma nɛn,\f + \fr 7.13\fr* \fk Silanfanna:\fk* Sofane yɛngɛso dɛgɛmana.\f*
\q a yi a xanla ba a woli xinla ma.
\q
\v 13 Ala bata a faxa ti seene tongo,
\q a a xalimakunle findi tɛɛn na.
\q
\v 14 Naxan lugoxi tinxintareyaan na,
\q a mɔn nafexi gbalon na,
\q a raɲanna nan wulen na.
\q
\v 15 A yinla gema a a ratilin,
\q a yɛtɛɛn yi bira a kui.
\q
\v 16 A tɔrɔn nun gbalon nakeli,
\q ne yi xɛtɛ a ma.
\b
\q
\v 17 N na Alatala tantunma a tinxinna fe ra.
\q N bɛtin bama nɛn Kore Xɔnna Alatala xinli.
\c 8
\s Alaa binyena adamadiin xa
\d Dawudaa bɛtina, bɛti baane kuntigin xa. A xa ba Gati kaane kondenna ra.
\q
\v 1 Nxu Marigina Alatala,
\q i tan nan xili gbee kanna ra bɔxɔn birin yi!
\q I bata i ya nɔrɔn nate
\q han kore xɔnna ma!
\q
\v 2 I bata diidine nun dii ɲɔrɛne yamari
\q e yi i matɔxɔ
\q alogo i yaxune xa e dundu,
\q e nun yɛngɛfane nun gbeeɲɔxɔ tiine.
\b
\q
\v 3 N na koren mato
\q i naxan nafalaxi i yiin na,
\q kiken nun sarene
\q i naxanye dɔxi e yirene yi, n naxa,
\q
\v 4 “Nanse daɲɔxɔn na,
\q i to i yengi dɔxi a xɔn?
\q Nanfera i ɲɔxɔ luxi adamadiin xɔn?”
\q
\v 5 I a daxi nɛn,
\q a nɔrɔn yi maso malekane ra.
\q I binyen nun xunnayerenna fi a ma.
\q
\v 6 I bata yamarin so a yii
\q i ya dali seene birin xunna.
\q I bata seen birin lu a sanna bun:
\q
\v 7 alo xuruse kurune nun ɲinge kurune
\q nun burunna subene
\q
\v 8 nun xɔline nun yɛxɛne
\q e nun niimaseen naxanye fɔxɔ igeni.
\b
\q
\v 9 Nxu Marigina Alatala,
\q i tan nan xili gbee kanna ra bɔxɔn birin yi!
\c 9
\s Barika birana Ala xa
\d Dawudaa bɛtina, bɛti baane kuntigin xa. A xa ba alo “Dii Xɛmɛ Faxan” bɛtina.
\q
\v 1 Alatala, n ni i tantunma nɛn n bɔɲɛn ma feu!
\q N ni i ya kabanako feene yɛbama nɛn.
\q
\v 2 N ɲaxanma nɛn n sɛwa i ya fe ra.
\q Kore Xɔnna Ala,
\q n tantun bɛtin bama i xa nɛn.
\q
\v 3 N yaxune xɛtɛma e giyɛ nɛn i yɛɛ ra,
\q e dagalanɲɛ ayi, e ɲan.
\q
\v 4 Bayo i bata n xun mayɛngɛ kitin bolon,
\q i bata dɔxɔ i ya mangaya gbɛdɛni,
\q i yi kitin sa tinxinni.
\q
\v 5 I bata falan ti siya gbɛtɛne xili ma,
\q i mɔn yi muxu ɲaxine raxɔri,
\q muxe mi fa e mirima e xinle ma sɔnɔn habadan!
\q
\v 6 Yaxune bata ɲan fefe,
\q i bata e taane kala.
\q Ɲinan bata ti e ma feu!
\q
\v 7 Koni Alatala nan mangan na habadan,
\q a mangaya gbɛdɛn dɔxi kiti sa xinla ma.
\q
\v 8 A dunuɲa makitima tinxinni.
\q A sariya kɛndɛn sama yamane xa.
\q
\v 9 Muxu yigbɛtɛnxine faran makantanxin nan Alatala ra,
\q e luxundena tɔrɔ waxatine yi.
\q
\v 10 Naxanye i tan kolon,
\q ne e yigi sama i yi nɛn,
\q bayo naxan na i fen,
\q Alatala, i mi i mɛ na ra mumɛ!
\b
\q
\v 11 Ɛ Alatala tantun bɛtin na,
\q naxan dɔxi Siyon yi, a manga taani!
\q Ɛ a wali faɲine rali siyane ma!
\q
\v 12 Ala nan wuli bɔxɔnxin gbeeɲɔxɔ tiin na.
\q A mi ɲinanɲɛ a xɔn ma.
\q A yengi dɔxi yiigelitɔne wuga xuiin xɔn ma.
\b
\q
\v 13 Alatala, kininkinin n ma!
\q A mato
\q n yaxune n nayarabima kii naxan yi,
\q i tan naxan n bama faxan dɛ.
\q
\v 14 Nanara, n ni i tantunɲɛ Siyon kaane yɛtagi,
\q n yi sɛwa i ya marakisina fe ra.
\b
\q
\v 15 Siyane bata yinla ge,
\q e bira a kui,
\q e bata e suxu e yɛtɛ luti ratixine ra.
\q
\v 16 Alatala bata a yɛtɛ yita a kiti kɛndɛne xɔn ma.
\q Muxu ɲaxin tan suxuma a kɛwanle nan na.
\qr Maxase xuina. Bɛti xuini te.
\q
\v 17 Muxu ɲaxine sigama laxira yi,
\q e nun siyaan naxanye birin e mɛxi Ala ra.
\q
\v 18 Ala mi tɔrɔ muxune rabeɲinɲɛ mumɛ!
\q Yiigelitɔne mi yigitɛgɛma.
\b
\q
\v 19 Alatala, keli!
\q Adamane nama nɔɔn sɔtɔ!
\q Siyane xa makiti i yɛɛ xɔri!
\q
\v 20 Alatala, gaxun nagodo e ma!
\q E xa a kolon fa fala daɲɔxɔn nan tun e ra.
\qr Bɛti xuini te.
\c 10
\s Ala maxandina malina fe ra
\q
\v 1 Alatala, nanfera i makuyaxi nxu ra?
\q I luxunma nxu ma tɔrɔ waxatine yi nanfera?
\q
\v 2 Muxu ɲaxine bata waso ayi,
\q e mɔn yiigelitɔne bɛsɛnxɔnyama.
\q A e suxu a kɔtɛne ra.
\q
\v 3 A kanbama a nata ɲaxine yi.
\q Kumadena Alatala raɲaxuma,
\q a a mɛ a ra.
\q
\v 4 Muxu ɲaxina a falama dɛ ɲaxun na, a naxa,
\q “Ala mi muxe yulubine saranma e ra!
\q Ala mi na!”
\q A a miriyaan birin nan na ra.
\q
\v 5 A feen birin nasɔnɔyama.
\q A mi i ya kitine suxuma,
\q a mɔn yoma a yaxune ma.
\q
\v 6 A a falama a yɛtɛ ma, a naxa,
\q “N mi fulɛ mumɛ,
\q n mi luyɛ tɔrɔni mumɛ!”
\q
\v 7 A dɛɛn nafexi dangane nun wulene
\q nun fala xui xɔlɛne nan na.
\q A fe ɲaxin nun tɔrɔ feen nan tun falama.
\q
\v 8 A a luxunma banxidɛne ra,
\q a sɔntarene legedenma e faxa feen na.
\q A yɛɛ masama fangatarene ma wundoni.
\q
\v 9 A legedenna tima a luxundeni
\q alo yatana.
\q A saxi, a yiigelitɔne legedenma,
\q a e suxu a lutin na,
\q a e bubu, a e xali.
\q
\v 10 Fangatarene e felenma e bira,
\q e lu a nɔɔn bun ma.
\q
\v 11 A yi a fala a yɛtɛ ma, a naxa,
\q “Ala a fe mi a yi!
\q A bata a yɛɛne raxi. A mi n toɛ!”
\b
\q
\v 12 Alatala, keli! I fangan mayita, Ala!
\q I nama ɲinan yiigelitɔne ma!
\q
\v 13 Nanfera muxu ɲaxina Ala raɲaxuma,
\q a yi a fala a yɛtɛ ma, a naxa,
\q “Ala mi n ɲaxankatɛ?”
\q
\v 14 Koni i tan Ala,
\q i tɔrɔn nun sɔxɔlɛn toma yati!
\q I xaxili luma nɛn ne xɔn ma mali xinla ma.
\q Fangatarene bata e yɛtɛ taxu i tan na.
\q Kiridi mali tiin nan i tan na.
\q
\v 15 Muxu ɲaxin fangan kala,
\q i yi a ɲaxankata a fe ɲaxine fe ra
\q han i yi a raxɔri.
\q
\v 16 Alatala nan mangan na habadan.
\q Suxure batune raxɔrima nɛn a bɔxɔn ma.
\q
\v 17 Alatala, i yiigelitɔne maxandi xuiin mɛma nɛn,
\q i yi e bɔɲɛn sɛnbɛ so.
\q I yi e wuga xuiin namɛ.
\q
\v 18 I xa sariya kɛndɛn sa kiridine xa
\q e nun muxu ɲaxankataxine.
\q Nanara, daɲɔxɔn mi fa magaxun tiyɛ sɔnɔn.
\c 11
\s Alatala en yigina
\d
\v 1 Dawudaa bɛtina bɛti baane kuntigin xa.
\q N bata Alatala findi n luxunden na.
\q I mɔn a falama n xa nanfera
\q nayi fa fala, “Tugan alo xɔlina,
\q i siga geyaan ma,
\q
\v 2 amasɔtɔ a mato,
\q muxu ɲaxine bata e xanle ba,
\q e e xalimakunle ti muxu sɔndɔmɛ faɲine ra
\q e bun xinla ma dimini.
\q
\v 3 Xa sariya mi fa na,
\q tinxin muxune nɔɛ nanse ligɛ?”
\b
\q
\v 4 Alatala a Batu Banxi Sariɲanxini.
\q Alatala a manga gbɛdɛni ariyanna yi.
\q A adamadiine xun matoma a ra
\q a e rakɔrɔsima a yɛɛn na.
\q
\v 5 Alatala tinxin muxune nun muxu ɲaxine rakɔrɔsima.
\q Gbalo feen nafanxi naxanye ma,
\q a ne raɲaxuma a niin birin yi nɛn.
\q
\v 6 A tɛɛ wolonna nun dole tɛɛn nagodoma nɛn muxu ɲaxine ma.
\q A e tɔrɔma foye wolonna ra nɛn.
\q
\v 7 Alatala tinxin,
\q tinxinyaan nafan a ma.
\q Muxu faɲine a yɛtagin toma nɛn.
\c 12
\s Ala maxandina malina fe ra
\d Dawudaa bɛtina, bɛti baane kuntigin xa. A xa ba kondenna luti solomasɛxɛn na.
\q
\v 1 Alatala, nxu mali,
\q bayo muxu tɔgɔndiyaxine bata ɲan.
\q Dɛnkɛlɛya muxu yo mi fa adamadiine yɛ.
\q
\v 2 Birin wulen falama a boden xa.
\q E e bode yanfa wule matɔxɔn xɔn.
\q
\v 3 Alatala, na muxune dɛɛn suxu
\q naxanye wule matɔxɔn tima,
\q e nun muxu dɛ raɲaxuxine,
\q
\v 4 naxanye a falama, e naxa,
\q “Nxu nɔɔn sɔtɔma nxu fala xuine nan xɔn.
\q Nxu dɛɛn fatan han!
\q Nde nxu nɔɛ?”
\q
\v 5 Awa, Alatala naxa,
\q “Bayo yiigelitɔne ɲaxankataxi,
\q e nun tɔrɔ muxune wugama,
\q nba iki, n bata keli,
\q n na e ratangama nɛn
\q naxanye raɲaxuxi.”
\q
\v 6 Alatalaa falane,
\q fala sariɲanxin nan e ra
\q alo gbeti fixɛna
\q naxan nasɛnsɛnxi sulun tɛɛn\f + \fr 12.7\fr* \fk Sulun tɛɛn\fk* mɔn falama yirena nde yi fa fala “\fk Furu tɛɛna\fk*.”\f* na
\q han sanɲa ma solofere.
\q
\v 7 Alatala, i nxu kantanɲɛ,
\q i nxu ratanga muxu sifani itoe ma habadan.
\q
\v 8 Na muxu ɲaxine e kanbama yiren birin yi
\q bayo Adamadiine fe fuune yatɛxi.
\c 13
\s Ala maxandina malina fe ra
\d Dawudaa bɛtina, bɛti baane kuntigin xa.
\q
\v 1 Alatala, han waxatin mundun yi?
\q I ɲinanɲɛ n xɔn han habadan?
\q I yɛtagin luxunɲɛ n ma han waxatin mundun yi?
\q
\v 2 N niin xa tɔrɔ,
\q n bɔɲɛn yi fɛriɲɛn sunuxi
\q han waxatin mundun yi?
\q N yaxuna n fari
\q han waxatin mundun yi?
\q
\v 3 Alatala n ma Ala,
\q n mato, i n yabi.
\q N fangan xun masa,
\q xa na mi a ra, n faxama nɛn.
\q
\v 4 N yaxun yi a fala,
\q a naxa, “N bata a nɔ.”
\q N yaxune sɛwama nɛn
\q n na bira waxatin naxan yi.
\b
\q
\v 5 N tan n yigin saxi i ya hinanna nin,
\q sɛwana n bɔɲɛni i ya kisina fe ra.
\q Alatala, n bɛtin bama i xa nɛn
\q amasɔtɔ i bata fe faɲin liga n xa.
\c 14
\s Muxuna ɲaxuyana
\r Yaburin 53.1-6
\d
\v 1 Dawudaa bɛtina bɛti baane kuntigin xa.
\q Xaxilitarena a falama a bɔɲɛni,
\q a naxa, “Ala mi na.”
\q E birin yifu,
\q e haramu feene ligama.
\q Muxu yo mi a faɲin nabama.
\q
\v 2 Alatala a yɛɛn nagodoma adamadiine ma
\q keli ariyanna yi,
\q a xa a to,
\q xa nde na naxan xaxili sɔtɛ,
\q a yi Ala fen.
\q
\v 3 Koni birin bata kiraan beɲin,
\q e ɲaxu ayi.
\q Muxu yo mi a faɲin nabama
\q hali muxu keden pe!
\b
\q
\v 4 Fe ɲaxi rabane mi fe kolon ba?
\q E n ma yamaan tɔnɔn donma
\q alo donsena,
\q koni e mi Alatala xandima mumɛ!
\q
\v 5 Awa nayi, e gaxuma nɛn,
\q e xuruxurun.
\q Amasɔtɔ Ala tinxin muxune xɔn.
\q
\v 6 Ɛ tan fe ɲaxi rabane yiigelitɔne
\q fe yitɔnxine kalama
\q koni Alatala nan e maratangaden na.
\b
\q
\v 7 Nde kelɛ Siyon yi a Isirayila rakisi?
\q Alatala mɔn na a yamaan sɛnbɛ so,
\q Yaxuba bɔnsɔnna sɛwama nɛn,
\q Isirayila yi ɲaxan!
\c 15
\s Alaa muxuna
\d
\v 1 Dawudaa bɛtina.
\q Alatala nde nɔɛ luyɛ i ya yire sariɲanxini?
\q Nde luyɛ i ya geya sariɲanxin fari?
\b
\q
\v 2 Fɛ mi naxan kɛwanle ra,
\q a tinxin, a ɲɔndin falama
\q fata a sɔndɔmɛn na.
\q
\v 3 A mi bonne xili kalama,
\q a mi fe ɲaxi yo ligama a dɔxɔ boden na,
\q a mɔn mi a rayagima.
\q
\v 4 Ala bata naxanye raɲaxu,
\q a mɛma nɛn ne ra.
\q Koni a Alatala yɛɛragaxu muxune binyama nɛn.
\q Hali a tɔrɔ,
\q a fala xuiin nakamalima nɛn.
\q
\v 5 A muxune dolima
\q koni e mi se sama a fari a raxɛtɛdeni.
\q A mi dimi yi seene rasuxuma
\q alogo a xa wulen sa sɔntaren xun ma.
\q Naxan na feni itoe liga,
\q na mi mamaxɛ mumɛ.
\c 16
\s Ala maxandina yigina fe ra
\d
\v 1 Dawuda Ala maxandi faɲina.
\q Ala, n kantan,
\q bayo n bata n luxun i yi.
\q
\v 2 N bata a fala Alatala xa, n naxa,
\q “N Marigin nan i tan na.
\q Se faɲi gbɛtɛ mi n yii ba i tan na.”
\q
\v 3 N sɛwaxi
\q yamanan muxu sariɲanxi gbeene nan ma fe ra.
\q
\v 4 Naxanye suxurene batuma,
\q ne tɔrɔyaan gboma ayi nɛn.
\q Koni n tan mi saraxan bɛ e xa,
\q n dɛ mi e xinle falɛ.
\q
\v 5 Alatala, i tan nan keden pe n yii,
\q i maragidi faɲin fima n ma.
\q N ma dunuɲa yi gidina i tan nan yii.
\q
\v 6 Ala naxan soxi n yii,
\q na rafan n ma,
\q n bata sɛwa n ma kɛɛ sɔtɔxin na.
\q
\v 7 N barikan birama Alatala xa
\q naxan n kawandima.
\q Hali kɔɛɛn na, n xaxili sɔtɛ.
\q
\v 8 N xaxili Alatala xɔn ma waxatin birin,
\q bayo a n dɛxɔn ma,
\q sese mi n mamaxɛ.
\q
\v 9 Nanara, n bɔɲɛn sɛwaxi,
\q n niin yi yifan n ma,
\q n yi n matabu bɔɲɛ xunbenli.
\q
\v 10 Amasɔtɔ, i mi i mɛ n na,
\q n siga laxira yi.
\q I mi tinɲɛ
\q i ya muxu tɔgɔndiyaxin yi kun gaburun kui.
\q
\v 11 I nii rakisi kiraan yitama n na nɛn,
\q nanara n sɛwama nɛn i yɛtagi han!
\q Nii fanna mi ɲanɲɛ i dɛxɔn ma habadan!
\c 17
\s Sɔntarene Ala maxandina
\d
\v 1 Dawudaa Ala maxandina.
\q Alatala, n ma maxandin namɛ tinxinyana fe ra.
\q I tuli mati n wuga xuiin na!
\q I tuli mati n ma maxandi xuiin na,
\q wule mi naxan yi.
\q
\v 2 I n xun mafala kitin bolon
\q amasɔtɔ naxan tinxin,
\q i na kolon.
\q
\v 3 I na n bɔɲɛni feene fɛsɛfɛsɛ,
\q i na n nakɔrɔsi kɔɛɛn na,
\q i na n kɛɲaan fɛsɛfɛsɛ,
\q i mi fɛ yo toɛ n na.
\q N mi tinɲɛ
\q fala ɲaxin yi mini n dɛ
\q
\v 4 alo muxu gbɛtɛne kɛwanle kii naxan yi.
\q N bata i ya yamarin suxu.
\q N mɔn mi biraxi gbalotɔne kirane fɔxɔ ra.
\q
\v 5 N sigan tima i ya kirane nan xɔn ma tun,
\q han iki, n munma dagalanɲɛ ayi singen.
\b
\q
\v 6 Ala, n na i maxandima
\q amasɔtɔ i n yabima nɛn,
\q nanara i firifiri n xɔn ma,
\q i yi i tuli mati n ma maxandi xuiin na.
\q
\v 7 I ya kabanako hinanna yita nxu ra,
\q i tan naxan muxune rakisima e yaxune ma
\q naxan na a luxun i yi.
\q
\v 8 N natanga alo i yɛɛne.
\q N luxun
\q alo tɔxɛ diin soma a nga gabutɛne bun ma kii naxan yi.
\q
\v 9 Nanara, muxu ɲaxine mi n liyɛ,
\q n yaxu ɲaxin naxanye n nabilinni.
\q
\v 10 Kininkinin yo mi e yi,
\q e falan tima yandan na.
\q
\v 11 E bata fa n fɔxɔ ra iki,
\q e n nabilinni.
\q E yɛɛne tixi n na e fɛrɛn fenma
\q e n nabira bɔxɔni.
\q
\v 12 E ligaxi alo yatana
\q xɔɔyi se xɔnla naxan na,
\q alo yata gbeen naxan n legedenma luxunni.
\b
\q
\v 13 Keli Alatala!
\q N yaxune yɛngɛ, i yi e nɔ.
\q N natanga muxu ɲaxine ma i ya silanfanna ra.
\q
\v 14 Alatala, n natanga na dunuɲa muxu sifane ma
\q naxanye e kɔntɔnna sɔtɔma e siimayani.
\q E ralugo na kɔntɔnna ra ken
\q i naxan namaraxi e xa,
\q e diine fan xa wasa a ra,
\q a dɔnxɛn mɔn yi lu e mamandenne xa!
\q
\v 15 Koni n na i yɛtagin toma nɛn tinxinni,
\q n na xulun, n wasa i yɛtagin na.
\c 18
\s Barika birana nɔ sɔtɔna fe ra
\r Samuyɛli Firinden 22.1-51
\d Alatalaa walikɛɛn Dawudaa bɛtin bɛti baane kuntigin xa. A bɛtini ito baxi nɛn Alatala to a ba a yaxune birin yii e nun Sɔli yii.
\q
\v 1 Alatala n fangana, n bata i xanu!
\q
\v 2 Alatala nan n kantan fanyen na,
\q n ma yinna, n xunba muxuna.
\q N ma Ala nan n kantan gɛmɛ gbeen na,
\q n na n luxunma naxan yi.
\q A tan nan n yɛ masansan wure lefaan na,
\q e nun marakisi tiina
\q naxan luxi
\q alo n ma faran makantanxina.
\q
\v 3 Alatala xa tantun!
\q N na a xili,
\q a yi n nakisi n yaxune ma.
\q
\v 4 Sayaan gbalon bata yi n nabilin nun,
\q halagin bata yi lu n xun ma nun
\q alo ige xunfanna.
\q
\v 5 Laxira gbalon bata yi n nabilin nun.
\q Bilinganna bata yi a lutin nati n yɛɛ ra nun.
\q
\v 6 N na Alatala xili nɛn n ma tɔrɔni,
\q n yi n xuini te n ma Ala ma malina fe ra.
\q A yi n xuiin mɛ a Batu Banxini,
\q a yi a tuli mati n gbelegbele xuiin na.
\b
\q
\v 7 Nanara, bɔxɔn yi xuruxurun,
\q a yimaxa, geyane bunne yi siga,
\q e xɛtɛ, e xuruxurun Ala xɔlɔn bun.
\q
\v 8 A liga alo tutin nan minima a ɲɔɛ yinla ra.
\q Halagi ti tɛɛ dɛgɛn nun tɛɛ wolonne yi mini a dɛ.
\q
\v 9 A yi kuyeni bɔ firinna ra, a godo
\q a sanne tixi kunda fɔrɛn fari.
\q
\v 10 A te maleka gubugubu kanna fari,
\q a tugan xulɛn,
\q a siga foyeni.
\q
\v 11 A a luxun dimini,
\q kunda fɔrɛn nun tule igen yi a rabilin kore.
\q
\v 12 Kundaan yi mini a nɔrɔni.
\q Balabalan kɛsɛne nun galanna yi godo.
\q
\v 13 Alatala yi a galanna xuiin namini keli kore,
\q Kore Xɔnna Ala yi a xuiin namini.
\q
\v 14 A yi a xalimakunle woli a yaxune ma
\q a e raxuya ayi.
\q A e birin nagi kuye sarinna ra.
\q
\v 15 Alatala to falan ti e xili ma,
\q a sɔnxɔ e ma xɔlɔni,
\q fɔxɔ igen xɔnna yi mini kɛnɛnni
\q bɔxɔ xɔnne yi to.
\b
\q
\v 16 Ala yi a yiini bandun keli kore,
\q a n suxu, a yi n ba igen tilin yireni.
\q
\v 17 A n xunba n yaxu sɛnbɛ kanne yii,
\q n yɛngɛfaan naxanye fangan yi gbo n xa nun.
\q
\v 18 E n yɛngɛ nɛn,
\q n yi gbaloni waxatin naxan yi,
\q koni Alatala yi n natanga.
\q
\v 19 A n ba nɛn gbalo yireni,
\q a n nakisi amasɔtɔ n tan a kɛnɛnxi.
\q
\v 20 Alatala bata n kɔntɔnna fi n ma tinxinyani,
\q a n saren fi amasɔtɔ n kɛwanle sariɲan.
\q
\v 21 N bata sigan ti Alatala a kirane xɔn,
\q n mi n makuyaxi Ala ra.
\q
\v 22 N bata a kitine birin suxu,
\q n mi tondixi a tɔnne suxɛ.
\q
\v 23 Fɛ yo mi n na a yɛɛ ra yi,
\q bayo n bata n yɛtɛ ratanga hakɛn ma.
\q
\v 24 Nanara, Alatala bata n kɔntɔnna fi n ma
\q amasɔtɔ n tinxin,
\q n kɛwanle sariɲan a yɛɛ ra yi.
\b
\q
\v 25 Naxan na tinxin i xa,
\q i tinxinma nɛn na kanna xa.
\q Fɛ yo mi naxanye ra,
\q i ya fɛtareyaan yitama nɛn ne ra.
\q
\v 26 I sariɲanma nɛn ne xa
\q naxanye na sariɲan,
\q koni i ɲaxuma nɛn na muxune ra
\q naxanye ɲaxu.
\q
\v 27 Bayo i tan nan yiigelitɔne rakisima,
\q i mɔn yi wasodene ragodo.
\q
\v 28 Alatala, i tan nan kɛnɛnna fima n ma,
\q n ma Ala, i yi n ba dimini.
\q
\v 29 N ganla yɛngɛma nɛn i tan barakani.
\q I tan yi, n tuganma yinna xun ma.
\q
\v 30 Alaa kirane kamalixi feu!
\q Alatalaa falane tinxin.
\q Naxanye na e luxun a yi,
\q a ne kantanma nɛn alo wure lefana.
\b
\q
\v 31 Alatala nan keden Ala ra.
\q Nde en kantan fanyen na,
\q ba en ma Ala ra?
\q
\v 32 A tan nan Ala ra
\q naxan fangan fima n ma
\q naxan n kantanma kira yi.
\q
\v 33 A n sanne sɛnbɛ soma nɛn
\q alo xɛnla, a n nate geyane fari.
\q
\v 34 A bata n maxaran yɛngɛn ma,
\q nanara n nɔxi sulan xali xɔdɛxɛn bandunɲɛ.
\q
\v 35 I bata n yɛ masansan wure lefaan so n yii,
\q i yi n nakisi.
\q I bata i yengi sa n xɔn ma,
\q i ya maliin bata n nagbo.
\q
\v 36 I kirani tɔn n xa
\q alogo n nama bira.
\b
\q
\v 37 Koni n biraxi n yaxune fɔxɔ ra,
\q n yi e suxu.
\q N mi xɛtɛ e fɔxɔ ra han e ɲan.
\q
\v 38 N na e rabirama nɛn
\q han e mi fa kelɛ sɔnɔn,
\q e yi bira n sanna bun ma.
\q
\v 39 I sɛnbɛn soma n yii yɛngɛ so feen nan na,
\q i n yaxune sa n bun ma.
\q
\v 40 I a liga
\q n yaxune yi e gi n bun ma,
\q n bata ne kala naxanye yi n naɲaxuma.
\q
\v 41 E wugama nɛn malina fe ra,
\q koni muxu yo mi e rakisɛ.
\q E Alatala xilima nɛn
\q koni a mi e yabima.
\q
\v 42 N na e yilunburunma nɛn
\q alo gbangbanna
\q foyen sigama naxan na.
\q N mɔn yi ti e fari
\q alo bɛndɛna kiraan xɔn.
\b
\q
\v 43 I bata n natanga yama murutɛxin ma,
\q i yi n findi siyane xunna ra.
\q N mi yi muxun naxanye kolon,
\q n bata nɔɔn sɔtɔ ne xun na.
\q
\v 44 Xɔɲɛne e xinbi sinma n bun ma iki,
\q e na n fala xuiin mɛ,
\q e yi a suxu.
\q
\v 45 E yii xudin tuma ayi,
\q e fa xuruxurunɲɛ keli e yinne ra.
\b
\q
\v 46 Alatala na yi!
\q Tantunna xa fi n natangamaan ma!
\q N nakisimana Ala xa batu!
\q
\v 47 A tan Ala nan n gbeen ɲɔxɔma,
\q naxan siyane luma n sɛnbɛn bun ma.
\q
\v 48 A n natangama n yaxune ma.
\q I tan nan n natexi n yaxune xun ma,
\q i mɔn yi n xunba gbalotɔne yii.
\q
\v 49 Nanara, n na i tantunma siyane tagi.
\q Alatala, n na i xinla tantunma nɛn bɛtini.
\q
\v 50 Ala nɔ sɔtɔn nagidima a mangan ma han!
\q A a hinanna yita a muxu sugandixin na,
\q Dawuda nun a yixɛtɛne habadan.
\c 19
\s Alaa nɔrɔn nun a sariyana
\d Dawudaa bɛtina, bɛti baane kuntigin xa.
\q
\v 1 Kore xɔnna nan Ala a nɔrɔn mayitama.
\q Koren nan Ala a wanla makɛnɛnma.
\q
\v 2 Yanyin kawandin bama lɔxɔ yo lɔxɔ.
\q Dimin xaxili fima kɔɛ yo kɔɛ.
\q
\v 3 Xui yati mi a ra,
\q falane fan mi a ra.
\q Tunla mi e xuiin mɛma.
\q
\v 4 Koni, hali na,
\q e fala xuiin bɔxɔn birin lima,
\q e falane yi siga han dunuɲa danna.
\q Ala nan banxin nafalaxi sogen xa kore.
\q
\v 5 Sogen minima nɛn
\q alo xɛmɛn naxan minima a banxini
\q siga futu xidideni,
\q alo fangamaan naxan sigan tima a yɛtɛna a kiraan xɔn.
\q
\v 6 A minima sogetedeni,
\q a sa ɲan sogegododeni.
\q Sese mi luxunɲɛ a xɔlɔn ma.
\qr Bɛti xuini te.
\b
\q
\v 7 Alatalaa sariyan kamalixi,
\q a muxun nii yifanma a ma.
\q Ɲɔndin nan Alatalaa maxadi xuine ra.
\q E xaxilitarene findima xaxilimane ra.
\q
\v 8 Alatala fe ragidixine tinxin.
\q A muxun bɔɲɛn nasɛwama nɛn.
\q Alatalaa yamarine nɔrɔxi.
\q A muxun xaxinla rabima nɛn.
\q
\v 9 Alatala a yɛɛragaxun sariɲan.
\q A buma habadan.
\q Ɲɔndin nan Alatalaa kitine ra,
\q e tinxin feu!
\q
\v 10 E fisa xɛmaan xa,
\q e fan xɛma faɲine birin xa.
\q E ɲaxun kumin xa,
\q dangu kumi xinden na.
\qr Bɛti xuini te.
\q
\v 11 I ya walikɛɛn xaxili sɔtɔma nɛn e xɔn.
\q A tɔnɔn gbegbe sɔtɔma nɛn e xɔn.
\q
\v 12 Nde nɔɛ a yɛtɛna tantanne birin kolonɲɛ?
\q I xa n ma hakɛ luxunxine mafelu.
\q
\v 13 N natanga tondin ma,
\q a nama n nɔ.
\q Nayi, n findima muxu dɛfexin na nɛn
\q naxan mi matandi ɲaxin tiyɛ.
\q
\v 14 Falan naxanye minima n dɛ,
\q e nun miriyaan naxanye n bɔɲɛni,
\q Alatala xa ne rasuxu sɛwani,
\q n kantan fanyena
\q e nun n xunbamana.
\c 20
\s Ala xa mangan baraka
\d Dawudaa bɛtina, bɛti baane kuntigin xa.
\q
\v 1 Alatala xa i yabi
\q i tɔrɔni waxatin naxan yi.
\q Yaxubaa Ala xa i ratanga.
\q
\v 2 Ala xa a maliin nagodo i ma
\q keli a yire sariɲanxini,
\q a xa i mali keli Siyon Geyaan fari.
\q
\v 3 Ala xa i ya kiseene birin nasuxu,
\q a mɔn yi sɛwa i ya saraxa gan daxine birin na.
\qr Bɛti xuini te.
\q
\v 4 Ala xa i bɔɲɛn waxɔn feene so i yii,
\q a mɔn yi i ya fe yitɔnxine birin nasabati.
\q
\v 5 Nanara, nxu sɔnxɔɛ sɛwani i ya nɔ sɔtɔna fe ra.
\q En yi en gbee taxamaseri dugine rate Ala xinli.
\q Alatala xa tin i ya maxandin birin ma.
\b
\q
\v 6 N na a kolon yati,
\q Alatalaa muxu sugandixin nakisima nɛn.
\q A a yabima nɛn
\q keli a ariyanna sariɲanxini,
\q a yi a rakisi a sɛnbɛn na.
\q
\v 7 Ndee yigin sama e yɛngɛ so wontoroni,
\q bonne yi e yigin sa e soone yi,
\q koni en tan yigin saxi Alatala xinla nin,
\q en ma Ala.
\q
\v 8 Na kanne tantanma nɛn e bira,
\q koni en tan kelima nɛn, en ti ken!
\q
\v 9 Alatala xa mangan nakisi!
\q I xa nxu yabi,
\q nxu na i maxandi waxatin naxan yi!
\c 21
\s Ala tantunna mangan xɔn
\d Dawudaa bɛtina, bɛti baane kuntigin xa.
\q
\v 1 Alatala, mangan bata sɛwa i fangan na.
\q A sɛwan gbo bayo i bata a rakisi.
\q
\v 2 A waxi naxan xɔn, i tinxi na ma.
\q I bata a maxandin yabi.
\qr Bɛti xuini te.
\q
\v 3 I bata a rasɛnɛ duba faɲine ra,
\q i mɔn yi xɛma mangaya taxamasenna so a xun na.
\q
\v 4 A maxɔdinna ti nɛn a siimayana fe ra,
\q i yi sii xunkuyen so a yii,
\q naxan luma habadan.
\q
\v 5 A binyen bata gbo ayi fata i ya marakisin na.
\q I nɔrɔn nun xunnayerenna fixi nɛn a ma.
\q
\v 6 I a barakama habadan!
\q I a ralugoma sɛwan na i yɛtagi.
\q
\v 7 Bayo Mangan yigin saxi Alatala nin,
\q a kantanxi Kore Xɔnna Ala hinanna nan baraka yi.
\b
\q
\v 8 I tan i yaxune birin suxuma nɛn.
\q Naxanye i raɲaxuxi,
\q i ne suxuma nɛn i fangan na.
\q
\v 9 I na mini kɛnɛnni waxatin naxan yi,
\q i e ɲanma nɛn alo sulun tɛɛna.\f + \fr 21.10\fr* \fk Sulun tɛɛn\fk* mɔn falama yirena nde yi fa fala “\fk Furu tɛɛna\fk*.”\f*
\q Alatala xɔlɔxina e halagima nɛn
\q tɛɛn yi e gan.
\q
\v 10 I e yixɛtɛne raxɔrima nɛn dunuɲa yi,
\q e nun e bɔnsɔnne adamadiine yɛ.
\q
\v 11 Hali e fe ɲaxini tɔn i xili ma,
\q e mɔn yi e miri kɔtɛ ɲaxine ma,
\q e fulama nɛn.
\q
\v 12 Bayo, i na i ya xalimakunle ti e ra,
\q e e xun xanbi soma nɛn, e yi e gi.
\q
\v 13 Alatala xa batu a sɛnbɛ gbeena fe ra.
\q Nxu bɛtin bama nɛn,
\q nxu yi i tantun i fangana fe ra.
\c 22
\s Wugan nun tantunna
\d Dawudaa bɛtina, bɛti baane kuntigin xa. A xa ba alo bɛtin naxan xili: “Xɔtɔnna Xɛli Gilɛna.”
\q
\v 1 N ma Ala! N ma Ala!
\q I n nabeɲinxi nanfera?
\q Nanfera i ya marakisin makuyaxi n na?
\q Nanfera i mi n kutun xuiin namɛma?
\q
\v 2 N ma Ala, n ni i xilima yanyin na,
\q koni i mi n yabima.
\q Hali kɔɛɛn na, n mi n dundɛ.
\q
\v 3 Koni i tan sariɲan,
\q i ya mangaya gbɛdɛn nabilinxi Isirayilaa tantunna ra.
\q
\v 4 Nxu benbane yigin saxi i tan nan yi.
\q E e yigin sa i yi,
\q i yi e ratanga.
\q
\v 5 E to e xui ramini i ma,
\q i yi e xɔrɔya.
\q E yigin saxi i yi,
\q nanara, e mi yagixi.
\q
\v 6 Koni daɲɔxɔ mi fa n tan na sɔnɔn.
\q N ligaxi nɛn alo kunla
\q adamadiin naxan naɲaxuxi
\q yamaan naxan bɔtɛ raba.
\q
\v 7 Naxanye na n to,
\q e yo n ma.
\q E yi e dɛɛn bɛtɛxun,
\q e e xunne yimaxa.
\q
\v 8 E naxa, “A tan naxan Alatalaa fe yi,
\q Alatala a ratangama ba?
\q Xa a rafan Alatala ma,
\q a xa a xunba.”
\q
\v 9 Koni i tan nan n naminixi nga kuini,
\q i yi n sa nga kanken ma.
\q
\v 10 Xabu n bari lɔxɔni,
\q n taxuxi i ra.
\q N ma Ala nan i ra,
\q xabu n yi nga kuini waxatin naxan yi han iki.
\q
\v 11 I nama i makuya n na.
\q Tɔrɔn bata maso n na,
\q muxu yo mi na yi
\q naxan n maliyɛ.
\b
\q
\v 12 N yaxune n nabilinxi
\q alo turane,
\q alo Basan yamanan tura xaɲɛne.
\q
\v 13 E dɛɛne yibixi alo yatane,
\q e wurundunma n ma,
\q e xa n yibɔ.
\q
\v 14 N fangan bata ɲan
\q alo ige bɔxɔnxina.
\q N xɔnne birin bata ba e bode ra.
\q N bɔɲɛn bata liga
\q alo dolen na yilo.
\q
\v 15 N fangan bata ɲan feu!
\q N lɛnna xaraxin bata kankan n dɛ.
\q I bata n sa faxa bɛndɛni.
\q
\v 16 Muxu ɲaxi ganla bata n nabilin
\q alo barene.
\q E bata n yiine nun n sanne mabɔ.
\q
\v 17 N xɔnne birin kɛnɛnni.
\q E yɛɛne kankanxi n na.
\q
\v 18 E bata masɛnsɛnna ti n ma dugine fe ra,
\q e xa e yitaxun e bode tagi.
\q
\v 19 Alatala, i nama i makuya n na!
\q N ma sɛnbɛmaan nan i tan na.
\q N mali iki sa!
\q
\v 20 N niin xunba silanfanna yii.
\q N natanga bareni itoe ma.
\q
\v 21 N nakisi yatani itoe ma.
\q N nakisi burunna turaan fenne ma.
\b
\q
\v 22 N na i xinla ralima nɛn ngaxakedenne ma.
\q N ni i matɔxɔ nɛn yamaan yɛ.
\q
\v 23 Ɛ tan naxanye gaxu Alatala yɛɛ ra,
\q ɛ a matɔxɔ.
\q Ɛ tan Yaxuba bɔnsɔnna,
\q ɛ a binya.
\q Ɛ tan Isirayila kaane,
\q ɛ gaxu a yɛɛ ra.
\q
\v 24 Bayo, a mi a mɛxi yiigelitɔne tɔrɔne ra,
\q a mi a rabeɲinma.
\q A mi a yɛtagin luxunma a ma.
\q Fɔ a a xandi xuiin namɛ.
\q
\v 25 N ni i tantunma yamaan malan gbeeni.
\q N na n ma dɛ ti xuine rakamalima nɛn
\q i yɛɛ ragaxu muxune yɛɛ xɔri.
\q
\v 26 Yiigelitɔne xa e dɛge,
\q e lugo.
\q Naxanye Alatala fenma,
\q ne xa a matɔxɔ.
\q Ala xa siimayaan fi ɛ ma habadan!
\q
\v 27 Bɔxɔn danna muxun birin
\q e xaxili luma nɛn Alatala xɔn,
\q e yi e yɛɛ rafindi a ma.
\q Siyane bɔnsɔnne birin a batuma nɛn.
\q
\v 28 Bayo, Alatala nan mangan na siyane xun na.
\q
\v 29 Nafulu kanne fan fama nɛn e dɛgedeni,
\q e a batu.
\q Naxanye birin xɛtɛma bɛndɛni,
\q ne xinbi sinma nɛn a bun ma,
\q naxanye mi nɔɛ e niin nakisɛ.
\q
\v 30 Waxati famatɔɔn muxune walima a xa nɛn
\q Marigina a fe falama nɛn mamandenne xa.
\q
\v 31 A tinxinyaan fama nɛn nalideni muxune ma
\q naxanye munma bari,
\q Ala bata na ragidi.
\c 23
\s Alatala nan n kantanma
\d
\v 1 Dawudaa bɛtina.
\q Alatala n masuxuma
\q alo xuruse rabana a xuruseene kantanma kii naxan yi.
\q Nanara, n mi dasɛ sese ra.
\q
\v 2 A matabuden fi n ma
\q sɛxɛ ɲingi faɲin dɛnaxan yi.
\q A yi siga n na
\q ige xunbenla dɛxɔn ma.
\q
\v 3 A bata n nii yifan n ma.
\q A n xalima kira tinxinxin xɔn ma nɛn
\q a xinla fe ra.
\b
\q
\v 4 Hali n so sayaan tilinna dimin xɔrɛ ra,
\q n mi gaxuɛ sese yɛɛ ra
\q amasɔtɔ i tan Ala n xɔn ma.
\q I ya gbengbetenna n nakantanma
\q i ya dunganna n gbɛngbɛnma.
\q
\v 5 I bata donseen nafala n xa
\q n yaxune yɛɛ xɔri,
\q i yi n masuxu
\q alo xɔɲɛ binyena,
\q i turen sa n xunni.
\q I bata n ma igelengenna rafe
\q han a bɔxɔnɲɛ a ma.
\q
\v 6 Yati, i ya fanna
\q nun i ya hinanna birama n fɔxɔ ra nɛn
\q n siin sogen birin yi.
\q N luma nɛn Alatalaa banxin kui
\q han n siin soge dɔnxɛna.
\c 24
\s Manga binyena
\d
\v 1 Dawudaa bɛtina.
\q Alatala nan gbee bɔxɔn nun ayi seene birin na
\q e nun dunuɲa nun muxun naxanye birin dɔxi a yi.
\q
\v 2 Amasɔtɔ a tan nan bɔxɔn dɔxi igen tagi.
\q A yi a dɔxɔ igene fari.
\b
\q
\v 3 Nde lan a te Alatala geyaan fari?
\q Nde tiyɛ a yire sariɲanxini?
\q
\v 4 Naxanye sariɲan e kɛwanle nun e sɔndɔmɛne yi,
\q naxanye mi suxurene batuma,
\q xanamu naxanye mi e kɔlɔma wuleni,
\q
\v 5 Alatala ne barakama nɛn.
\q Marakisi Tiina Ala yoon fima e ma nɛn.
\q
\v 6 Muxu sifani itoe nan Ala fenma,
\q naxanye Yaxubaa Ala yɛtagin fenma.
\qr Bɛti xuini te.
\b
\q
\v 7 Yinna\f + \fr 24.7\fr* Ala Batu Banxin nabilinna \fk yinna\fk* nan na ra.\f* dɛɛne xa rabi fefe,
\q dɛ fonne xa rabi mumɛ,
\q nanara Manga Binyen soɛ.
\q
\v 8 Nde Manga Binyeni ito ra?
\q Alatala na a ra
\q fangamaan nun sɛnbɛmana!
\q Alatala na a ra
\q naxan sɛnbɛn gbo yɛngɛni.
\q
\v 9 Yinna dɛɛne xa rabi fefe,
\q dɛ fonne xa rabi mumɛ,
\q nanara Manga Binyen soɛ.
\q
\v 10 Nde Manga Binyeni ito ra?
\q Alatala Sɛnbɛn Birin Kanna,
\q a tan nan manga binyen na.
\qr Bɛti xuini te.
\c 25
\s Maxandina maratanga fena
\d
\v 1 Dawuda gbeena.
\q Alatala, n bata i maxandi n niin birin na.
\q
\v 2 N ma Ala,
\q n yigin saxi i tan nan yi.
\q N nama yagi.
\q I nama tin n yaxune yi n nɔ,
\q e sɛwa.
\q
\v 3 Naxan na a xaxili ti i ra,
\q na kanna mi yarabima mumɛ!
\q Koni naxanye yanfan soma,
\q ne yagin sɔtɔma nɛn.
\b
\q
\v 4 Alatala, kiraan yita n na,
\q i xa n xaran i ya kiraan ma.
\q
\v 5 N xa sigan ti i ya ɲɔndini,
\q n xaran.
\q Amasɔtɔ n nakisima Ala nan i tan na.
\q N xaxili tixi i ra fɛriɲɛn gbɛn!
\q
\v 6 Alatala, i xaxili lu i ya kininkininna nun hinanna xɔn
\q bayo e yi na xabu a fɔlɔni.
\q
\v 7 I nama i miri n ma foningeya yulubine nun matandine ma!
\q N suxu i ya hinanni,
\q amasɔtɔ i fan, Alatala.
\b
\q
\v 8 Alatala fan, a mɔn tinxin,
\q nanara a yulubi kanne xaranma a kirane ma.
\q
\v 9 Naxan a yɛtɛ magodoma,
\q a a sariyan nabirama na ma.
\q A mɔn a xaranma a sagoon na nɛn.
\q
\v 10 Naxanye a layirin maxadine suxi,
\q Alatala hinan,
\q a mɔn lannayaan nabama
\q ne nan xa kiin birin yi.
\q
\v 11 Alatala, n hakɛne mafelu i xinla a fe ra,
\q amasɔtɔ a gbo.
\b
\q
\v 12 Nde gaxuma Alatala yɛɛ ra?
\q A kiraan yitama na kanna ra
\q a lan a xa sigan ti naxan xɔn.
\q
\v 13 Na kanna sabatima nɛn a siimayani,
\q bɔxɔn yi findi a diine kɛɛn na.
\q
\v 14 Alatala a wundone makɛnɛnma nɛn
\q a yɛɛ ragaxu muxune xa.
\q A a layirin yitama e ra nɛn.
\q
\v 15 N yɛɛn tixi Alatala ra waxatin birin,
\q bayo a tan nan n natangama suxu yalaan ma.
\b
\q
\v 16 Ala, yandi, kininkinin n ma
\q amasɔtɔ n kedenna na a ra,
\q n tɔrɔxi.
\q
\v 17 Nii yifɔrɛn bata n yili,
\q n namini na tɔrɔni.
\q
\v 18 I miri n ma tɔrɔne
\q nun n ma sɔxɔlɛne ma,
\q i yi n ma yulubine xafari.
\q
\v 19 A mato, n yaxune wuya,
\q e n naɲaxuxi kati!
\b
\q
\v 20 N niin nakantan,
\q i yi n xunba.
\q N nama yarabi,
\q amasɔtɔ n bata n luxun i yi.
\q
\v 21 N ma fɛtareyaan
\q nun tinxinyaan xa n kantan
\q amasɔtɔ n xaxili tixi i tan nan na.
\q
\v 22 Ala, i xa Isirayila xunba a tɔrɔne birin yii!
\c 26
\s Sɔntarena Ala maxandina
\d
\v 1 Dawuda gbeena.
\q Alatala, n ma kitin sa
\q amasɔtɔ fɛ yo mi n kɛwanle ra,
\q n yigin mɔn i yi feu!
\q
\v 2 Alatala, n fɛsɛfɛsɛ,
\q i yi n mato,
\q n sɔndɔmɛn nun bɔɲɛn nakɔrɔsi.
\q
\v 3 I ya hinanna n yi waxatin birin yi,
\q n sigan tima i ya lannayani!
\q
\v 4 N tan mi n magodɛ fuyantenne fɛma,
\q nxu nun nafigine mi fe kedenni.
\q
\v 5 Fe ɲaxi raba yamaan mi rafan n ma.
\q N mi dɔxɛ muxu ɲaxine fɛma.
\q
\v 6 Alatala, n bata n yiin naxa sɔntareyani,
\q n yi so i batudeni,
\q
\v 7 n barikan bira i xa n xui yitexin na,
\q n yi i ya kabanako feene fala.
\q
\v 8 Alatala, i ya banxin nafan n ma,
\q i nɔrɔn dɛnaxan yi.
\b
\q
\v 9 I nama nxu nun hakɛ kanne faxa nxu bode xɔn,
\q i nama nxu nun faxa tiine raɲanna findi kedenna ra.
\q
\v 10 Na muxune fe ɲaxin ligama,
\q e dimi yi seene rasuxu mayifuni.
\q
\v 11 Koni, n tan, fɛ yo mi n kɛwanle ra.
\q N xunba, i diɲa n ma!
\q
\v 12 N tixi tinxinni ken!
\q N na Alatala tantunma nɛn a yama gbeeni.
\c 27
\s Marakisi Tiina Alatala
\d
\v 1 Dawuda gbeena.
\q Alatala nan n ma kɛnɛnna nun n ma kisin na.
\q N xa gaxu mundun yɛɛ ra?
\q Alatala nan n ma dunuɲa yi gidin
\q xun mayɛngɛ muxun na.
\q Nde n magaxuɛ?
\q
\v 2 Muxu ɲaxine na keli n xili ma
\q alogo e xa n halagi,
\q yaxune na n yɛngɛ,
\q e tan nan dagalanma ayi nɛn,
\q e bira.
\q
\v 3 Hali sofa ganla na n nabilin,
\q n bɔɲɛn susuma nɛn.
\q Hali yɛngɛ gbeen na keli n xili ma
\q n yigin tixi.
\b
\q
\v 4 N bata Alatala maxɔdin fe keden ma.
\q N fe keden peen nan fenma.
\q N lu Alatalaa banxin kui
\q han n siin soge danna.
\q N Alatala wali faɲin kolon,
\q n yi lu a batuɛ a banxini.
\q
\v 5 Amasɔtɔ a n namarɛ nɛn
\q a banxini tɔrɔ waxatini.
\q A n luxunɲɛ nɛn a Batu Banxini.
\q A n natema nɛn geyaan xuntagi.
\q
\v 6 A xunna kenla fima n ma nɛn
\q n yaxune tagi.
\q N saraxane bama nɛn Ala Batu Banxini,
\q n sɔnxɔ sɛwani.
\q N bɛtin bama nɛn,
\q n na Alatala tantun.
\b
\q
\v 7 Alatala, i tuli mati n xuiin na,
\q n na i xili waxatin naxan yi.
\q Kininkinin n ma, i yi n yabi!
\q
\v 8 N bɔɲɛn waxi i fen feni.
\q Alatala, n ni i fenma,
\q
\v 9 i nama i yɛtagi luxun n ma!
\q I nama i ya walikɛɛn kedi xɔlɔni.
\q I bata findi n mali muxun na.
\q I nama n nabeɲin,
\q i nama i mɛ n na,
\q n nakisimana Ala.
\q
\v 10 Hali nga nun n fafe n nabeɲin,
\q Alatala n yisuxuma nɛn.
\b
\q
\v 11 Alatala, n xaran sigati kiin ma.
\q Ti n yɛɛ ra kira faɲin xɔn ma,
\q amasɔtɔ n yaxune wuya.
\q
\v 12 I nama n so n yaxune yii,
\q amasɔtɔ wule serene bata keli n xili ma,
\q e e kɔnkɔma n ma.
\q
\v 13 N mɔn laxi ito ra:
\q n na Alatalaa nɛmaan toma nɛn dunuɲa yi.
\q
\v 14 I xaxili ti Alatala ra!
\q I sɛnbɛ so! I bɔɲɛn xa limaniya!
\q I xaxili ti Alatala ra!
\c 28
\s Ala maxandina malina fe ra
\d
\v 1 Dawuda gbeena.
\q Alatala n ma fanyena,
\q n bata i xili.
\q I tuli mati n na!
\q Xa i mi n yabi,
\q n sama laxira faxa muxune fari nɛn.
\q
\v 2 N ma mayandi xuiin mɛ malina fe ra,
\q n bata n yiini te
\q i Batu Banxin yire sariɲanxin mabinni.
\q
\v 3 I nama nxu nun muxu ɲaxine yalagi nxu bode xɔn,
\q fe ɲaxi rabane naxanye fala faɲine tima
\q koni maraɲaxuna e bɔɲɛne yi.
\q
\v 4 E kɛwanle saranna fi,
\q e nun e wali ɲaxine
\q e bata naxanye liga.
\q A liga e ra naxan lan e kɛwanle ma.
\q E lan e xa naxan sɔtɔ, na so e yii!
\q
\v 5 E xaxili mi luxi Alatalaa wanle xɔn ma,
\q hanma a yiine bata naxan da.
\q Nanara, a e kalama nɛn
\q a e ɲan habadan.
\b
\q
\v 6 Barikan bira Alatala xa,
\q a bata n ma mayandi xuiin mɛ.
\q
\v 7 Alatala nan n sɛnbɛn na.
\q A n xun mayɛngɛma
\q alo wure lefana.
\q N yigin saxi a fari,
\q bayo a n malima.
\q Nanara, n bɔɲɛn bata rafe sɛwan na.
\q N na a tantunma nɛn bɛtine yi.
\q
\v 8 Alatala nan a yamaan sɛnbɛn na,
\q e nun yigiya kantanxina a muxu sugandixin xa.
\q
\v 9 I ya yamaan nakisi,
\q i mɔn yi e baraka.
\q Findi e gbɛngbɛn muxun na,
\q i yi i yengi dɔxɔ e xɔn ma habadan!
\c 29
\s Alatala Sɛnbɛn Birin Kanna
\d
\v 1 Dawudaa bɛtina.
\q Ɛ tan malekane,
\q ɛ fa Alatala tantun,
\q ɛ a tantun a binyen nun a sɛnbɛna fe ra.
\q
\v 2 Ɛ binyen fi Alatala ma a xinla fe ra,
\q ɛ Alatala batu a nɔrɔ sariɲanxini.
\b
\q
\v 3 Alatala xuiin mɛma fɔxɔ igene yi,
\q Ala binye kanna sarinma,
\q Alatala a xuiin nasigama ige gbeene xun ma.
\q
\v 4 Alatala xuiin sɛnbɛn gbo,
\q Alatala xuiin nɔrɔxi.
\q
\v 5 Alatala xuiin suman binle yigirama,
\q hali suman wudin naxanye Liban yamanani.
\q
\v 6 Ala Liban geyane ratuganma
\q alo ɲinge diina,
\q e nun Siriyon geyana
\q alo burunna ɲingena.
\q
\v 7 Alatala xuiin sigama ayi
\q alo kuye sarinna.
\q
\v 8 Alatala xuiin tonbon yirene yimaxama,
\q a Kadesi tonbonni maxa.
\q
\v 9 Xɛnle diin xalima Alatala xuiin ma,
\q a mɔn yi warine dɛɛne rayolon,
\q yamaan birin sɔnxɔma a Batu Banxini,
\q e naxa, “Binyen xa fi a ma!”
\b
\q
\v 10 Alatala dɔxi fufane xun na.
\q A mangayaan na habadan!
\q
\v 11 Alatala nan sɛnbɛn fima a yamaan ma,
\q a bɔɲɛ xunbeli barakan sa e yi.
\c 30
\s Barika birana Ala xa
\d Dawudaa bɛtina. Sigi sariɲanxina. Batu Banxin nasariɲan bɛtina.
\q
\v 1 Alatala, n ni i batuma,
\q amasɔtɔ i bata n yite.
\q I mi tin
\q n yaxune yi e xunnayeren n xun na.
\q
\v 2 Alatala n ma Ala,
\q n ni i mafan nɛn malina fe ra,
\q i yi n nakɛndɛya.
\q
\v 3 Alatala i n niin masiga nɛn laxira ra,
\q i n faxamatɔɔn nakisi.
\q
\v 4 Alatalaa tɔgɔndiya muxune birin xa bɛtin ba a xa!
\q Ɛ a matɔxɔ a wali sariɲanxine fe ra!
\q
\v 5 Bayo, a xɔlɔn mi xunkuya,
\q koni a marafanna luma nɛn muxun siin sogen birin.
\q Wuga xuiin minima nɛn kɔɛɛn na,
\q koni sɛwan fama nɛn xɔtɔnni.
\b
\q
\v 6 N yi laxi n ma hɛrin na waxatin naxan yi
\q n naxa, “Sese mi n yimaxɛ!”
\q
\v 7 Alatala, n to yi i ya xanuntenyani,
\q i n lu nɛn fangani alo geyana.
\q Koni i to i yɛtagin luxun n ma,
\q na yi n kɔntɔfili.
\q
\v 8 N yi i tan Alatala xili,
\q n yi Marigin mafan,
\q
\v 9 n naxa, “N na faxa,
\q i tɔnɔn mundun sɔtɔma nayi?
\q N na sa gaburun kui,
\q tɔnɔn mundun na ra?
\q Faxa muxune nɔɛ i tantunɲɛ ba?
\q E nɔɛ i ya lannayaan matɔxɛ ba?
\q
\v 10 Alatala, i tuli mati n na,
\q i kininkinin n ma!
\q Alatala, n mali!”
\q
\v 11 I bata n ma nimisan maxɛtɛ sɛwan na.
\q I n makininkininna ba n ma,
\q i yi n nabilin sɛwan na.
\q
\v 12 Nanara, n mi n dundɛ,
\q n bɛtin bama i xa nɛn.
\q Alatala n ma Ala,
\q n barikan birama i xa nɛn habadan!
\c 31
\s Yigi sa fena Ala fari
\r Yaburin 71.1-3
\d Dawudaa bɛtina, bɛti baane kuntigin xa.
\q
\v 1 Alatala, n bata n luxun i yi.
\q I nama tin n yi yarabi!
\q N natanga i ya tinxinyana fe ra.
\q
\v 2 I tuli mati n na,
\q i yi n xunba iki sa!
\q Findi n yigiya gɛmɛn na,
\q e nun n makantan yinna.
\q
\v 3 N ma gɛmɛ gbeen nun
\q n ma yinna nan i tan na.
\q Ti n yɛɛ ra,
\q i yi n maxaran i xinla a fe ra.
\q
\v 4 N natanga na luti ratixin ma n yɛɛ ra,
\q bayo i tan nan n xun mayɛngɛma.
\b
\q
\v 5 N bata n niin so i yii,
\q n xunba Alatala, lannaya Ala.
\q
\v 6 N bata ne raɲaxu
\q naxanye suxure fufafune batuma,
\q koni n tan yigin saxi Alatala nan fari.
\q
\v 7 N sɛwama nɛn,
\q n ɲaxan i ya hinanna fe ra,
\q bayo, i bata n ma tɔrɔne to,
\q i n sɔndɔmɛna sɔxɔlɛn kolon.
\q
\v 8 I mi n soxi n yaxune yii,
\q koni i n xɔrɔyaxi nɛn.
\b
\q
\v 9 Alatala, kininkinin n ma,
\q amasɔtɔ n tɔrɔni.
\q N bata xadan wugɛ.
\q Sunun bata n niin nun n fatin natagan.
\q
\v 10 Sunun bata n ma dunuɲa yi gidin ɲan,
\q wugan yi nde ba n siin na.
\q N fangan bata ɲan n yi n ma tɔrɔne fe ra.
\q N xɔnne bata yelefu ayi.
\q
\v 11 N yaxune birin,
\q katarabi n dɔxɔ bodene ma,
\q ne n nayarabima.
\q N xɔyine bata gaxu n yɛɛ ra,
\q e na n to kiraan xɔn ma,
\q e e gi n yɛɛ ra.
\q
\v 12 E birin bata ɲinan n xɔn ma
\q alo n faxaxin na a ra.
\q N bata lu alo fɛɲɛ kalaxina.
\q
\v 13 N bata yaxu wuyaxi kɔyɛkɔyɛn xuiin mɛ,
\q gbalona n nabilinni.
\q E feene yitɔnma lan n faxa feen ma.
\b
\q
\v 14 Alatala, n tan yigin saxi i tan nin,
\q n naxa, “I tan nan n ma Ala ra.”
\q
\v 15 N ma waxatine i sagoni.
\q N natanga n yaxune ma
\q naxanye n bɛsɛnxɔnyama.
\q
\v 16 I nɔrɔn xa godo i ya walikɛɛn ma,
\q n nakisi i ya hinanni.
\q
\v 17 Alatala, n bata n xui ramini i ma,
\q i nama tin n yi rayarabi.
\q Ala xa muxu ɲaxine yarabi,
\q Ala xa e dunduxin nagodo laxira yi.
\q
\v 18 Na wule xɛlɛne radundu,
\q na wasode yandaxine birin
\q naxanye fala ɲaxin tima tinxin muxune ma.
\b
\q
\v 19 I ya nɛmaan makabɛ,
\q i bata naxan namara i yɛɛragaxu muxune xa!
\q Muxun birin yɛtagi,
\q i ya fanna fima ne ma nɛn
\q naxanye luxunxi i yi.
\q
\v 20 I bata e yigiya i fɛma,
\q i e kantanma muxune fe yitɔnxine ma.
\q I bata e ratanga wule xɛlɛne ma.
\q
\v 21 Barikan bira Alatala xa!
\q N yi rabilinxi yaxune ra waxatin naxan yi
\q n yɛngɛ xinla ma,
\q a yi a hinanna yita n na.
\q
\v 22 N ma gaxuni, n yi a fala,
\q n naxa, “I bata n kedi i yɛtagi.”
\q Koni n to n xuiin namini i ma
\q malina fe ra,
\q i yi n ma mayandi xuiin mɛ.
\b
\q
\v 23 Ɛ tan tɔgɔndiya muxune birin xa Alatala xanu!
\q Alatala dɛnkɛlɛya muxune ratangama nɛn,
\q koni a yandadene sare fima nɛn
\q alo a lan kiinde.
\q
\v 24 Ɛ tan naxanye birin yigi saxi Alatala fari,
\q ɛ sɛnbɛn so, ɛ bɔɲɛ ragidi.
\c 32
\s Yulubi xafari fena
\d
\v 1 Dawudaa fala ɲaxumɛna.
\q Sɛwan na kanna xa
\q naxan ma matandine bata mafelu
\q naxan yulubine bata xafari.
\q
\v 2 Sɛwan na adaman xa
\q Alatala bata diɲa naxan hakɛn ma
\q e nun mayifu mi naxan yi.
\q
\v 3 N to munma yi n ti n hakɛne ra nun,
\q fɛriɲɛn gbɛn kutunne yi n nayelefuma.
\q
\v 4 I ya tɔrɔn yi n fari kɔɛɛn nun yanyin na.
\q Fangan yi ɲan n na
\q a liga alo n tonbon yiren nin.
\qr Bɛti xuini te.
\b
\q
\v 5 Awa, n yi n ti n yulubine ra i xa.
\q N mi n ma hakɛ yo luxun i ma.
\q N naxa, “N na n tima nɛn
\q n ma matandine ra Alatala xa.”
\q Awa, i yi n hakɛne nun yulubine birin ba n ma.
\qr Bɛti xuini te.
\b
\q
\v 6 Nanara, muxu tɔgɔndiyaxine birin xa i mafan a waxatini,
\q alogo fufaan na fa,
\q a nama e li.
\q
\v 7 N luxunden nan i tan na.
\q I tan nan n natangama tɔrɔn ma,
\q yamaan birin yi xɔrɔya bɛtine ba.
\qr Bɛti xuini te.
\b
\q
\v 8 Nanara, n na ɛ xaranma kiraan ma
\q ɛ birɛ naxan fɔxɔ ra.
\q N na ɛ kawandima,
\q n yi n yengi sa ɛ xɔn.
\q
\v 9 I nama findi daxun na
\q alo soona hanma sofanla
\q naxanye mi sigɛ
\q fɔ karafen na bira e ma.
\b
\q
\v 10 Muxu ɲaxine tɔrɔn gbo.
\q Koni naxanye e yigi saxi Alatala yi,
\q a ne rabilinma nɛn hinanna ra.
\q
\v 11 Ɛ tan tinxin muxune xa ɲaxan Alatala a fe ra,
\q ɛ sɛwa, ɛ bɛtin ba,
\q ɛ tan muxu sɔndɔmɛ faɲine.
\c 33
\s Tantun bɛtina
\q
\v 1 Ɛ bɛtin ba sɛwani Alatala xa,
\q ɛ tan naxanye tinxin!
\q Muxu faɲine lan e xa a tantun.
\q
\v 2 Ɛ barikan bira Alatala xa bɔlɔnna ra,
\q ɛ barikan bira a xa kondenna ra.
\q
\v 3 Ɛ bɛti nɛnɛn ba a xa.
\q Ɛ maxa seene maxa ki faɲi,
\q ɛ yi ɛ xuini te a ma.
\b
\q
\v 4 Ɲɔndin nan Alatalaa falan na.
\q A kɛwanle birin kamalima tinxinna nin.
\q
\v 5 Tinxinyaan nun sariya suxun nafan Alatala ma,
\q dunuɲa birin wasaxi a hinanna ra.
\q
\v 6 Alatala kore xɔnna daxi a fala xuiin barakan nin,
\q e nun yanban seene a dɛ xuiin na.
\q
\v 7 A fɔxɔ igene birin malanma yire kedenni,
\q a fufane ramara.
\b
\q
\v 8 Bɔxɔn birin xa gaxu Alatala yɛɛ ra!
\q Dunuɲa muxune birin xa a binya!
\q
\v 9 A falan nan tixi,
\q dunuɲa yi da.
\q A yamarin fi,
\q seen birin yi taran na.
\q
\v 10 Alatala siyane natane kalama nɛn.
\q A mi tinɲɛ siyane yi e miriyane rawali.
\q
\v 11 Koni Alatalaa fe ragidixine luma nɛn habadan!
\q A miriyane yi lu habadan!
\b
\q
\v 12 Sɛwan na siyaan xa
\q naxan ma Ala findixi Alatala ra.
\q Sɛwan na muxune xa
\q Alatala bata naxanye sugandi!
\q
\v 13 Alatala a yɛɛ ragodoma keli ariyanna yi,
\q a muxune birin mato.
\q
\v 14 Keli a mangaya yireni,
\q a dunuɲa muxune birin xun mato a ra.
\q
\v 15 A e sɔndɔmɛne rafixa,
\q a a xaxili lu e kɛwanle birin xɔn.
\b
\q
\v 16 Manga yo mi kisɛ a ganla sɛnbɛn ma.
\q Sofa yo mi ratangɛ a fangan xɔn.
\q
\v 17 Xunba se mi soon na yɛngɛni,
\q a fangan na gbo ki yo ki,
\q a mi marakisin tiyɛ.
\q
\v 18 Koni Alatala yɛɛn tixi a yɛɛragaxu muxune ra,
\q naxanye e xaxili tixi a hinanna ra.
\q
\v 19 A ne rakisima sayaan ma nɛn,
\q a mɔn yi e niine rakisi fitina kamɛn ma.
\b
\q
\v 20 En xaxili tixi Alatala nan na.
\q A tan nan en mali muxun na
\q e nun en yɛ masansan wure lefana.
\q
\v 21 En bɔɲɛne sɛwaxi a tan nan ma fe ra,
\q bayo en bata en yigi sa a xili sariɲanxini.
\q
\v 22 Alatala, i ya hinanna xa lu nxu xɔn
\q bayo nxu nxu yigi saxi i tan nin.
\c 34
\s Ala fan
\d Dawuda gbeena. A to a yɛtɛ findi fatɔɔn na Abimeleki fɛma, naxan a kedi.
\q
\v 1 N barikan birama Alatala xa waxatin birin,
\q n lu a tantunɲɛ!
\q
\v 2 N na Alatala matɔxɔma n sɔndɔmɛni.
\q Tɔrɔ muxune yi a mɛ, e ɲaxan.
\q
\v 3 En xa Alatala gbona fe fala!
\q En na a xinli te en bode xɔn!
\b
\q
\v 4 N bata Alatala xandi,
\q a yi n yabi,
\q a gaxun birin ba n yi.
\q
\v 5 Naxanye yɛɛn tixi a tan na,
\q ne sɛwama nɛn,
\q e mi yarabɛ mumɛ!
\q
\v 6 N tan yiigelitɔna n xui ramini nɛn Alatala ma,
\q a yi n xuiin mɛ,
\q a yi n nakisi gbalon ma.
\b
\q
\v 7 Alatalaa malekana a yɛɛragaxu muxune rabilinma nɛn,
\q a yi e kantan.
\q
\v 8 A mato,
\q i a kolonɲɛ a Alatala fan.
\q Sɛwan na kanna xa
\q naxan na a luxun i tan yi.
\q
\v 9 Ɛ gaxu Alatala yɛɛ ra,
\q ɛ tan a yama sariɲanxina,
\q bayo naxan na gaxu a yɛɛ ra,
\q na makoon fanma nɛn.
\q
\v 10 Hali yatane,
\q kamɛna e suxuma nɛn,
\q koni naxanye Alatala fenma,
\q ne mi dasɛ se faɲi yo ra.
\b
\q
\v 11 N ma diidine, ɛ fa,
\q ɛ fa ɛ tuli mati n na.
\q N xa ɛ xaran Alatala yɛɛragaxun ma.
\q
\v 12 Ndee waxi siimayaan xɔn?
\q Ndee waxi siimaya xunkuyen nun sɛwan xɔn?
\q
\v 13 Nayi, ɛ fala ɲaxine yiba,
\q e nun wulena.
\q
\v 14 Ɛ ɛ xun xanbi so fe ɲaxini,
\q ɛ fe faɲin liga.
\q Ɛ bɔɲɛ xunbenla fen,
\q ɛ lu a fɔxɔ ra.
\b
\q
\v 15 Alatala yɛɛn muxu tinxinxine ra,
\q a tuli matixi e xuiin na.
\q
\v 16 Alatala xun xanbi soxi fe ɲaxi rabane yi.
\q E na faxa,
\q ɲinan tima e xɔn nɛn sinma!
\q
\v 17 Tinxin muxune na e mawuga Alatala xa,
\q a tuli matima e ra nɛn,
\q a e xunba e tɔrɔne birin yi.
\q
\v 18 Alatala luma nɛn ne xɔn
\q naxanye bɔɲɛn kalaxi.
\q A yigitɛgɛtɔne rakisi.
\b
\q
\v 19 Tɔrɔ wuyaxi tinxin muxun lima nɛn,
\q koni Alatala a bama nɛn e birin yi.
\q
\v 20 Ala a xɔnne birin kantanma nɛn,
\q hali keden, a mi girɛ.
\q
\v 21 Fe ɲaxin nan muxu ɲaxin faxama.
\q Tinxin muxune yaxune yalagima nɛn.
\q
\v 22 Alatala a walikɛne niin xunbama nɛn.
\q Naxan na a luxun a yi,
\q na mi yalagɛ mumɛ!
\c 35
\s Ala maxandina malina fe ra
\d
\v 1 Dawuda gbeena.
\q Alatala, n kiti muxun makiti.
\q I n yɛngɛfaan yɛngɛ.
\q
\v 2 Keli, i ya wure lefane tongo
\q i fa n mali.
\q
\v 3 I ya tanban nun bunbini te ne xili ma
\q naxanye n fɔxɔ ra.
\q A fala n xa,
\q a i tan nan n nakisima.
\q
\v 4 Ala xa ne rayagi a e rayarabi,
\q naxanye katama n faxa feen na!
\q Naxanye fe ɲaxine yitɔnma n xili ma,
\q Ala xa ne yɛ yifu a e raxɛtɛ!
\q
\v 5 E xa liga
\q alo foyen sigama se dagin naxan na.
\q Alatalaa malekan xa e kedi.
\q
\v 6 Ala xa e kirani fɔrɔ,
\q a salaxunɲɛ ayi,
\q Alatalaa malekan yi e sagatan.
\q
\v 7 E lutin natixi nɛn n yɛɛ ra fuu!
\q E yili ratilinxin ge n suxu feen na.
\q
\v 8 Nanara, e xa e tɛrɛna halagin na,
\q e suxu e luti ratixin na,
\q e bira, e faxa.
\q
\v 9 Nayi, n niin sɛwama nɛn Alatala ra.
\q N ɲaxan a marakisina fe ra.
\q
\v 10 N na falɛ n bɔɲɛn ma feu!
\q N naxa, “Muxu yo mi luxi
\q alo i tan Alatala.
\q I yiigelitɔne ratangama fanga kanne ma.
\q I tɔrɔ muxune ratanga ne ma
\q naxanye e yigbɛtɛnxi.”
\b
\q
\v 11 Muxu ɲaxine n kansunma.
\q E sɔnne sama n na,
\q n mi naxanye fe kolon mumɛ!
\q
\v 12 E n ma fanna ɲɔxɔ a ɲaxin na.
\q N yifuxin yi lu.
\q
\v 13 Koni e yi furaxi waxatin naxan yi,
\q n yi n maxidima sunun nin.
\q N yi n yɛtɛ magodo sun suxuni.
\q N ma maxandi xuiin to mi yabi,
\q
\v 14 n sunuxin yi lu e fe ra
\q alo n xɔyina hanma
\q alo ngaxakedenna nan yi e ra nun.
\q N xun sinxin yi lu nimisani
\q alo n nga nan yi a ra.
\q
\v 15 Koni tɔrɔn to n tan li,
\q e birin yi ɲaxan.
\q E e malan n xili ma.
\q N yɛngɛfane,
\q n mi yi naxanye kolon,
\q ne yi lu n tɔrɛ tun!
\q
\v 16 E n naɲaxu, e n magele.
\q E e ɲinne raxinma n xili ma.
\q
\v 17 Marigina, i yɛɛn sama e xɔn
\q han waxatin mundun yi?
\q N niin natanga e yɛngɛni,
\q i n nakisi yatani itoe ma!
\q
\v 18 Nayi, n barikan birama nɛn i xa yamani.
\q N ni i matɔxɔ e birin yɛtagi.
\b
\q
\v 19 I nama tin
\q n yaxu wuledene yi ɲaxan n ma fe ra.
\q Naxanye n naɲaxuxi fuuni,
\q ne nama gele n ma.
\q
\v 20 E mi ngaxakedenya fala tima,
\q fɔ e yi bɔɲɛ xunbelitɔne kansun wulen na.
\q
\v 21 E feene falama n xun ma,
\q e sɔnxɔ, e naxa,
\q “Yɔ! I naxan ligaxi nxu bata a to!”
\q
\v 22 Alatala, i tan bata ne to,
\q nayi, i nama i dundu.
\q Marigina, i nama i makuya n na!
\q
\v 23 Marigina, keli, i yi n xun mayɛngɛ.
\q N ma Ala, n ma yɛngɛn so.
\q
\v 24 Alatala n ma Ala,
\q yoon fi n ma bayo i tinxin.
\q I nama tin
\q n yaxune yi ɲaxan n ma fe ra.
\q
\v 25 I nama tin e yi a fala, e naxa,
\q “Yɔ! Nxu bata a manɔ!
\q Nxu yi waxi na nan tun xɔn ma!”
\q
\v 26 Muxun naxanye sɛwama n tɔrɔ feen na,
\q Ala xa ne rayagi, a e yifu.
\q Ala xa ne rayagi, a yi e rayarabi
\q naxanye e yɛtɛ yitema n ma.
\q
\v 27 Naxanye waxi n xɔrɔyaxin to feni,
\q ne xa sɔnxɔ sɛwani,
\q e naxa, “Alatala gbo!
\q A bata sɛwa a walikɛna yɛɛ ra sigan na.”
\q
\v 28 Nayi, n ni i ya tinxinyana fe falama nɛn,
\q n yi i tantun fɛriɲɛn gbɛn!
\c 36
\s Muxu ɲaxina
\d Alatalaa walikɛɛn Dawudaa bɛtina, bɛti baane kuntigin xa.
\q
\v 1 Yulubin falan tima muxu ɲaxin xa a bɔɲɛni.
\q A mi gaxuma Ala yɛɛ ra mumɛ!
\q
\v 2 Bayo a lugoxi a yɛtɛ ra
\q a mi nɔɛ a yulubine kolonɲɛ,
\q a a mɛ e ra.
\q
\v 3 A falane ɲaxu,
\q wulen nan gbansan e ra.
\q A mi fa xaxilimaya feeye rabama.
\q A mi fe faɲi ligama.
\q
\v 4 A nɛma saxi a saden ma,
\q a fe ɲaxine mirima,
\q a kira kobine natama,
\q a mi a mɛma fe ɲaxi yo ra.
\b
\q
\v 5 Alatala, i ya hinanna gbo
\q han ariyanna,
\q i ya lannayaan gbo han kore.
\q
\v 6 I ya tinxinna gbo alo geyane.
\q I ya kiti sa kiin tilin alo fɔxɔ igena.
\q Daɲɔxɔne nun subene i tan nan yii, Alatala.
\q
\v 7 Ala, i ya hinanna kɛndɛ han!
\q Adamadiine birin luxunden sɔtɔma nɛn i yi
\q alo tɔxɛ diine e nga gabutɛne bun kii naxan yi.
\q
\v 8 E lugoma i ya donse gbeen nan na.
\q E e min i ya fanni alo xudena.
\q
\v 9 Niin binla i tan nan yi.
\q Nxu bata kɛnɛnna to i ya kɛnɛnna xɔn.
\q
\v 10 I xa hinan ne ra
\q naxanye i kolon.
\q I ya tinxinyaan yita sɔndɔmɛ faɲi kanne ra.
\q
\v 11 I nama tin yandadene yi n yɛngɛ,
\q hanma muxu ɲaxine yi n kedi.
\q
\v 12 A mato,
\q fe ɲaxi rabane bata bira.
\q E saxi, e mi nɔɛ kelɛ.
\c 37
\s Muxu ɲaxin nun muxu faɲin kɔntɔnna
\d
\v 1 Dawuda gbeena.
\q I nama xamin muxu ɲaxine ra.
\q I nama i sa fe ɲaxi rabane ma.
\q
\v 2 E tununma nɛn xulɛn
\q alo sɛxɛ xarena.
\q E faxama nɛn
\q alo si seen naxan bata lisi a ra.
\b
\q
\v 3 I yigin sa Alatala yi,
\q i yi fe faɲin naba.
\q Nayi, i luyɛ yamanani nɛn,
\q i yi sabati bɔɲɛ xunbenli.
\q
\v 4 I xa sɛwa Alatala yi
\q nanara a i bɔɲɛn waxɔn feene ligɛ i xa.
\b
\q
\v 5 Bira Alatalaa kiraan nan xɔn.
\q I yigin sa a yi.
\q Nanara a i maliyɛ.
\q
\v 6 I ya tinxinyaan
\q nun sariya suxun makɛnɛnma nɛn
\q a tan barakani alo yanyi tagi sogena.
\b
\q
\v 7 I xa diɲa, i Alatala legeden.
\q I nama xamin na muxune ra
\q naxanye sabatima,
\q naxanye e fe yitɔnxine rasɔnɔyama a ɲaxin na.
\q
\v 8 I nama xɔlɔ, i nama fitina,
\q i nama xamin.
\q Ne i birama tɔrɔni nɛn.
\q
\v 9 Muxu ɲaxine ɲanma nɛn,
\q koni naxanye e yigin sama Alatala yi,
\q bɔxɔn luma ne nan xa.
\b
\q
\v 10 A mi buma muxu ɲaxine yi tunun.
\q Ɛ ɛ yɛɛ rakoɲinma e ma nɛn,
\q koni ɛ mi e toɛ.
\q
\v 11 Naxanye limaniyaxi,
\q bɔxɔn luma ne xa nɛn, e yi sabati,
\q e bɔɲɛ xunbenla sɔtɔ.
\b
\q
\v 12 Muxu ɲaxin fe ɲaxin nan yitɔnma tinxin muxun xili ma,
\q a a ɲinne raxin a xili ma.
\q
\v 13 Koni Marigin gelema muxu ɲaxine ma,
\q amasɔtɔ a a kolon,
\q e fitina lɔxɔn mi fa buma.
\b
\q
\v 14 Muxu ɲaxine bata e silanfanne botin,
\q e e xanle ba,
\q e xa yiigelitɔne nun tɔrɔ muxune yɛngɛ,
\q e xa muxu faɲine faxa.
\q
\v 15 Koni, e sɔxɔnma e gbee silanfanne nan na.
\q E xanle yi gira.
\q
\v 16 Se xurin naxan tinxin muxun yii,
\q na fisa muxu ɲaxine bannayaan xa.
\q
\v 17 Amasɔtɔ muxu ɲaxine sɛnbɛn kalama nɛn,
\q koni Alatala tinxin muxune ratangama nɛn.
\b
\q
\v 18 Alatala yengi dɔxi sɔntarene xɔn.
\q E kɛɛn luma nɛn habadan.
\q
\v 19 E mi tɔrɛ waxati xɔdɛxɛne yi.
\q Fitina kamɛn na so,
\q e tan lugoma nɛn.
\b
\q
\v 20 Koni muxu ɲaxine faxama nɛn.
\q Alatala yaxune yi tunun
\q alo xɛɛn fugene.
\q E lɔma ayi nɛn alo tutina.
\q
\v 21 Muxu ɲaxin donla tongoma nɛn,
\q a mi a fiyɛ.
\q Koni tinxin muxun kiin tima fonisireyaan nin.
\q
\v 22 Ala naxanye barakama,
\q bɔxɔn luma ne xa nɛn.
\q Koni a naxanye dangama,
\q ne ɲanma nɛn.
\b
\q
\v 23 Alatala nan muxun sigati kiin nagidima
\q a lu na kiraan xɔn
\q naxan nafan a ma.
\q
\v 24 Xa a dagalanɲɛ ayi,
\q a mi birɛ,
\q amasɔtɔ Alatala a malima.
\b
\q
\v 25 Dii mɛsɛn nan yi n na,
\q koni iki n bata fori.
\q N siin bata waxati xunkuye sɔtɔ.
\q Koni n munma tinxin muxun nabeɲinxin to singen,
\q hanma a diine yi donseen maxandi.
\q
\v 26 A kiin tima fonisireyaan nan na waxatin birin yi,
\q a mɔn bonne dolima.
\q Dubana a diine xa.
\b
\q
\v 27 Ɛ xun xanbi so fe ɲaxini,
\q ɛ fe faɲin naba,
\q nanara i mamandenne luyɛ bɔxɔn ma habadan!
\q
\v 28 Amasɔtɔ sariya suxun nafan Alatala ma.
\q A mi a muxu tɔgɔndiyaxin nabeɲinɲɛ.
\q A a kantanma nɛn habadan.
\q Koni muxu ɲaxine mamandenne tan ɲanma nɛn.
\b
\q
\v 29 Tinxin muxune bɔxɔn sɔtɔma nɛn
\q alo kɛɛna, e lu na yi habadan.
\q
\v 30 Tinxin muxun xaxilimaya falane nan tima.
\q Sariyan nan a falan na.
\q
\v 31 A Alaa sariyan namarama a bɔɲɛni nɛn.
\q A mi tantanma a fe yi mumɛ!
\b
\q
\v 32 Muxu ɲaxin tinxin muxun legedenma
\q a faxa feen nan na.
\q
\v 33 Koni Alatala mi a luyɛ a yaxune sɛnbɛn bun ma.
\q A mi tinɲɛ a yalagi feen ma,
\q a na kiti waxatin naxan yi.
\b
\q
\v 34 Ɛ ɛ xaxili ti Alatala ra,
\q ɛ yi lu a kiraan xɔn.
\q A ɛ yitema nɛn,
\q a yamanan so ɛ yii.
\q Ɛ a toma nɛn nayi muxu ɲaxine bata ɲan.
\b
\q
\v 35 N yi muxu ɲaxina nde kolon nun,
\q gbalotɔɔn nan yi a ra
\q naxan bata yi sabati
\q alo wudi gbeena.
\q
\v 36 Koni a danguxi nɛn,
\q a lɔ ayi feu!
\q N yi a fen, koni n mi a to.
\b
\q
\v 37 I xaxili lu sɔntaren xɔn.
\q I yɛɛn sa muxu faɲin xɔn.
\q Bɔɲɛ xunbelitɔɔn mayixɛtɛne sɔtɔma nɛn.
\q
\v 38 Koni yulubi kanne kalama nɛn feu!
\q E bɔnsɔnna birin yi raxɔri.
\b
\q
\v 39 Alatala tinxin muxune rakisima nɛn.
\q E yigiya makantanxin nan a tan na tɔrɔ waxatine yi.
\q
\v 40 Alatala e malima nɛn a e ratanga.
\q A e ratanga muxu ɲaxine ma nɛn,
\q a e rakisi,
\q amasɔtɔ e luxunxi a yi.
\c 38
\s Tɔrɔ muxuna maxandina
\d Dawudaa bɛtina. Maxandina.
\q
\v 1 Alatala, i nama n maxadi xɔlɔni!
\q I nama fitina n xili ma,
\q i n ɲaxankata.
\q
\v 2 I bata n maxɔlɔ i ya xalimakunla ra.
\q I yi n nabira.
\q
\v 3 Kɛndɛya mi fa n fatini i ya xɔlɔna fe ra.
\q N gbindin mi yalan n yulubina fe ra.
\q
\v 4 N hakɛne bata gbo ayi n xun ma
\q han a radangu ayi,
\q alo goronna naxan binya n mi a nɔɛ.
\q
\v 5 N ma korone bata kun,
\q e xirin yi mini.
\q Amasɔtɔ daxun nan yi n na nun.
\b
\q
\v 6 N bɔɲɛn bata kala
\q han n yi n xun sin.
\q N lu wugɛ n bɔɲɛni fɛriɲɛn gbɛn!
\q
\v 7 N fatin birin wolonxi n ma kati!
\q Kɛndɛya yo mi fa n fatini.
\q
\v 8 N bata yelefu bɔxɔn ma,
\q n bata kala feu!
\q N bɔɲɛn tɔrɔxi, n kutunma,
\q amasɔtɔ n sɔxɔlɛxi.
\b
\q
\v 9 Marigina, n naxan fenma,
\q i na kolon.
\q I bata n kutun xuiin birin mɛ.
\q
\v 10 N bɔɲɛn dinma,
\q n fangan bata ɲan.
\q N yɛtagin bata yitɔɲɔn.
\q
\v 11 N xɔyine nun n dɔxɔ bodene mi fa fama n fɛma
\q amasɔtɔ n ma furen xɔn.
\q Hali n kon kaane bata e makuya n na.
\q
\v 12 Naxanye waxi n faxa feni,
\q ne bata lutin nati n yɛɛ ra.
\q Naxanye waxi n maxɔlɔ feni,
\q ne n kala feen falama.
\q E mi xadanma fe ɲaxi yitɔndeni.
\q
\v 13 N bata liga alo tuli xɔrina,
\q n mi fe mɛma.
\q N bata liga alo bobona,
\q n mi fala tima.
\q
\v 14 N bata liga
\q alo muxun naxan mi yabin tiyɛ
\q amasɔtɔ a mi fe mɛma.
\b
\q
\v 15 Koni Alatala, n xaxili tixi i tan na.
\q I n yabima nɛn, Marigina n ma Ala.
\q
\v 16 N naxa, “I nama tin
\q n yaxune yi e xunnayeren n na,
\q e nama ɲaxan n ma tɔrɔn na.”
\q
\v 17 N biramatɔɔn na a ra.
\q N xɔlɛni waxatin birin.
\q
\v 18 N bata n ti n hakɛne ra,
\q n yulubine bata n naxamin kati!
\q
\v 19 N yaxune tan kɛndɛ,
\q e yixɔdɔxɔ.
\q E wuya
\q naxanye n naɲaxuxi fuu!
\q
\v 20 Naxanye fe faɲin saranma fe ɲaxin na,
\q ne n tɔrɔma,
\q amasɔtɔ n tan a faɲin nan fɔxɔ ra.
\b
\q
\v 21 Alatala, i nama n nabeɲin.
\q N ma Ala, i nama i makuya n na.
\q
\v 22 N Marigina, n nakisimana,
\q n mali iki sa!
\c 39
\s Tɔrɔ muxun ti fena a hakɛn na
\d Dawudaa bɛtina, bɛti baane kuntigin xa, Yedutun xa.
\q
\v 1 N bata a fala, n naxa,
\q “N na n kɛwanle rakɔrɔsima nɛn,
\q alogo n dɛ xuiin nama n bira yulubini.
\q N mi fa fala yo tiyɛ muxu ɲaxine yɛɛ xɔri.”
\q
\v 2 N yi n dundu,
\q n yi n naxara,
\q n mi yi fala yo tima
\q hali fe faɲina,
\q koni n ma sɔxɔlɛn yi siga fari sɛ tun!
\q
\v 3 N bɔɲɛn yi wolon n kui.
\q N to yi n mirima a ma,
\q a yi n kuiin gan fɔlɔ
\q alo tɛɛna.
\q N yi falan ti fɔlɔ, n naxa,
\q
\v 4 “Alatala,
\q n siin soge dɔnxɛn yita n na
\q e nun a yatɛ saxina.
\q I xa n nakolon
\q a n ma siimayaan mi buma.”
\q
\v 5 I tan nan n ma lɔxɔne yatɛn nadungixi ayi.
\q Sese mi n siin waxatin na
\q i yɛɛ ra yi.
\q Adamadiin birin buma nɛn
\q alo foyedin gbansan!
\qr Bɛti xuini te.
\b
\q
\v 6 Nininna nan gbansan a tan na.
\q Muxuna a masigama,
\q a feen ligama koni fuyan!
\q A nafunla malanma,
\q koni naxan a sɔtɛ a xanbi
\q a mi na kolon.
\q
\v 7 Marigina, n fa n xaxili tima nanse ra nayi?
\q N na n yigin sama i tan nan yi.
\q
\v 8 N nakisi n yulubin birin ma.
\q I nama tin daxune yi gele n ma.
\q
\v 9 N yi dunduxi nɛn.
\q N mi yi fala yo tima.
\q Amasɔtɔ i tan nan ito ligaxi n na.
\q
\v 10 I ya furen ba n ma,
\q benun i xa n naɲan tɔrɔni.
\q
\v 11 I muxun maxadima a hakɛna fe ra
\q i yi a hakɛn saran a ra.
\q I muxuna nafunle kalama alo xiine.
\q Adamadi yɛtɛɛn ligaxi nɛn alo foyedina.
\qr Bɛti xuini te.
\b
\q
\v 12 Alatala, n ma maxandi xuiin mɛ.
\q I yi i tuli mati n ma mawuga xuiin na.
\q N na wuga, i nama i dundu.
\q I ya xɔɲɛn nan tun n tan na sigatini,
\q alo n benbane yi kii naxan yi.
\q
\v 13 N yiba singen
\q alogo n xa sɛwa benun n xa dangu,
\q benun n xa faxa.
\c 40
\s Tantun Bɛtina
\d Dawudaa bɛtina, bɛti baane kuntigin xa.
\q
\v 1 N diɲa nɛn Alatala maliin legedendeni,
\q a yi a tuli mati,
\q a yi n ma mawuga xuiin mɛ.
\q
\v 2 A n ba yili ɲaxin na,
\q a n ba boron nun bɛndɛni.
\q A yi n ti fanyen fari,
\q a san tide faɲin fi n ma.
\q
\v 3 A yi n xaran bɛti nɛnɛn ma,
\q n na en ma Ala tantunma naxan na.
\q Muxu wuyaxi na toma nɛn
\q e yi gaxu a yɛɛ ra,
\q e mɔn yi e yigin sa Alatala yi.
\b
\q
\v 4 Sɛwan na kanna xa,
\q naxan na a yigi sa Alatala yi,
\q naxan mi kidene batuma,
\q naxan mi a sama suxure batune ma.
\q
\v 5 I ya wali faɲine wuya ayi!
\q Alatala, n ma Ala, i ɲɔxɔn mi na!
\q I bata kabanako fe wuyaxi yitɔn nxu xa!
\q N mi nɔɛ e fe falɛ,
\q e yatɛn bata gbo ayi!
\q
\v 6 I mi waxi saraxan nun kiseen xɔn gbansan,
\q fɔ i n tunle raba ayi.
\q I mi yi saraxa gan daxine
\q nun yulubi xafari saraxane gbansan fɔxɔ ra.
\q
\v 7 Nanara, n naxa, “N tan ni i ra.
\q N bata fa.
\q N ma fe sɛbɛxi Kitabuni.
\q
\v 8 N ma Ala, i sagoon nafan n ma!
\q I ya sariyan namaraxi n bɔɲɛni.”
\q
\v 9 N tinxinyaan nalima nɛn i ya yamani.
\q Alatala, i a kolon,
\q n mi n dundɛ.
\q
\v 10 N mi i ya tinxinyaan namaraxi n kedenna xa.
\q N ni i ya ɲɔndin nun marakisina fe falama nɛn.
\q N mi i ya hinanna nun i ya lannayaan luxunɲɛ yamaan ma.
\b
\q
\v 11 I nama tondi kininkininɲɛ n ma, Alatala.
\q I ya hinanna nun lannayana n marama nɛn waxatin birin.
\s Ala maxandina malina fe ra
\r Yaburin 70
\q
\v 12 Amasɔtɔ, n ma tɔrɔne bata wuya
\q han e mi yatɛ!
\q N hakɛne bata n suxu,
\q n mi fa se toma.
\q E wuya dangu n xunsɛxɛne ra.
\q Bɔɲɛ yixɔdɛxɛ mi fa n yi sɔnɔn.
\q
\v 13 Yandi, Alatala, n nakisi!
\q Alatala, fa n mali iki sa!
\q
\v 14 Ala xa ne yarabi
\q naxanye katama n faxa feen na,
\q a e yɛ yifu fefe!
\q Ala xa ne raxɛtɛ marafɛyani
\q n ma tɔrɔyaan nafanxi naxanye ma.
\q
\v 15 Ala xa ne ratɛrɛna e yagin na,
\q naxanye a falama n ma,
\q e naxa, “Yɔ! I suxi yati!”
\q
\v 16 Naxanye birin i tan fenma,
\q i xa ne birin nasɛwa.
\q I ya kisin xɔnla naxanye ra,
\q ne xa lu a falɛ,
\q e naxa, “Alatala gbo!”
\q
\v 17 Koni, yiigelitɔɔn nun tɔrɔ muxun nan n tan na.
\q N Marigin nama ɲinan n xɔn.
\q I tan nan n maliin nun n ma maratanga tiin na.
\q Ala, i nama buyɛ ayi.
\c 41
\s Furetɔna Ala maxandina
\d Dawudaa bɛtina, bɛti baane kuntigin xa.
\q
\v 1 Sɛwan na kanna xa
\q naxan yengi dɔxi sɛnbɛtarene xɔn.
\q Alatala na kanna xunbama tɔrɔ waxatine yi nɛn.
\q
\v 2 Alatala a ratangama nɛn
\q a a niin nakisi.
\q A a barakama nɛn bɔxɔn ma.
\q A mi a luyɛ a yaxune sɛnbɛn bun ma.
\q
\v 3 Alatala a malima nɛn,
\q furen na a li waxatin naxan yi,
\q a a rakɛndɛya.
\b
\q
\v 4 N na a fala nɛn, n naxa,
\q “Alatala, diɲa, i n nakɛndɛya,
\q bayo n bata yulubin liga i ra.”
\q
\v 5 N yaxune fala ɲaxine tima n ma,
\q e naxa, “A faxama waxatin mundun yi,
\q a xinla yi lɔ ayi?”
\q
\v 6 Naxanye fama n xɔntɔndeni,
\q ne fala faɲine nan tima n xa nafigiyani.
\q Koni, a dɛntɛgɛ ɲaxini tɔnma n ma fe ra,
\q a yi mini a ralideni yiren birin yi.
\b
\q
\v 7 Naxanye birin n naɲaxuxi,
\q ne kɔyɛkɔyɛnma e bode xa n ma fe ra.
\q E mirixi a ɲaxin nan ma n ma fe yi.
\q
\v 8 E naxa, “Fure ɲaxin bata a suxu!
\q A mi fa kelɛ a sadeni feu!”
\q
\v 9 Hali n lanfa faɲina,
\q n yi laxi naxan na,
\q nxu nun naxan yi donseen donma nxu bode xɔn,
\q na bata keli n xili ma.
\b
\q
\v 10 Alatala, kininkinin n ma,
\q i yi n nakeli sɔnɔn,
\q nanara n na n yaxune donla saranɲɛ.
\q
\v 11 N na a kolon
\q fa fala n bata i kɛnɛn
\q bayo e mi n nɔɛ.
\q
\v 12 I n malima nɛn
\q amasɔtɔ n tinxin.
\q I yi n lu i yɛtagi habadan!
\b
\q
\v 13 Barikan xa bira Alatala xa, Isirayilaa Ala!
\q Habadan han habadan! Amina! Amina!
\c 42
\ms Yaburin Yire Firindena: Keli Sora 42 ma han 72
\s Yigi sana Ala yi
\d Koraa diine fala ɲaxumɛna. Bɛti baane kuntigin xa.
\q
\v 1 Ala, i xɔnla n niin suxuma
\q alo ige xunbenla xɔnla xɛnla suxun kii naxan yi.
\q
\v 2 Habadan Ala xɔnla n niin suxuma nɛn
\q alo min xɔnla.
\q N sigama waxatin mundun yi
\q n sa ti Ala yɛtagi?
\q
\v 3 N wugama kɔɛɛn nun yanyin na.
\q N baloma yɛɛgen nin.
\q N yaxune n maxɔdinma waxatin birin
\q e naxa, “I ya Ala minɛn yi?”
\q
\v 4 Waxati danguxine fe na rabira n ma,
\q n bɔɲɛn yi kala.
\q Nxu nun yamaan nan yi sigama Alaa banxini,
\q n yi tima e yɛɛ ra,
\q e sɛwaxin sɔnxɔma,
\q e barikan birama Ala xa ɲaxan nin.
\q
\v 5 Nanfera n niin sɔxɔlɛxi?
\q Nanfera n bɔɲɛn sunuxi?
\q N xa n yigi sa Ala yi.
\q N mɔn a tantunma nɛn.
\q N kisi muxun nun n ma Ala nan a ra.
\b
\q
\v 6 Koni iki, n niin sɔxɔlɛxi,
\q nanara n na n mirima i ma Yurudɛn bɔxɔni,
\q Xerimon geyane xuntagi,
\q e nun Misari geyaan ma.
\q
\v 7 Fufaan sama fufaan fari n xili ma,
\q igen xuxu xuiin yi gbo ayi a surundeni.
\q I xunfan gbeene radangu n xun ma,
\q gbalon yi keli n xili ma alo walanna.
\q
\v 8 Alatala xa a hinanna mayita yanyin na
\q alogo n yi xi bɛtin bɛ a xa kɔɛɛn na.
\q N ma dunuɲa yi gidin Ala nan maxandima.
\q
\v 9 N na a falama n natangamana Ala nan xa,
\q n naxa, “Nanfera i ɲinanxi n xɔn ma?
\q Nanfera n luma tɔrɛ n yaxune yii?”
\q
\v 10 N niin tɔrɔxi n yaxune xɔn
\q amasɔtɔ e fɛriɲɛnma n maxɔdinɲɛ nɛn,
\q e naxa, “I ya Ala minɛn?”
\q
\v 11 Nanfera n niin sɔxɔlɛxi?
\q Nanfera n bɔɲɛn sunuxi?
\q N xa n yigin sa Ala yi.
\q N mɔn a tantunma nɛn
\q n ma Ala, n nakisimana.
\c 43
\q
\v 1 Ala, yoon fi n ma,
\q i n xun mayɛngɛn so dɛnkɛlɛyatare yamaan xili ma.
\q N natanga wuledene nun muxu ɲaxine ma!
\q
\v 2 N kantan muxun nan i tan na.
\q Nanfera i n nabeɲinma?
\q Nanfera n sunuxin luma tɔrɛ muxu ɲaxine xɔn?
\q
\v 3 I ya kɛnɛnna nun i ya ɲɔndin nafa n ma!
\q E xa ti n yɛɛ ra,
\q siga i ya geya sariɲanxin fari i yɛtagi.
\q
\v 4 Nayi, n sigama nɛn Alaa saraxa ganden dɛxɔn,
\q Ala naxan findixi n ma sɛwan nun n ma ɲaxanna ra.
\q N na n ma bɔlɔnna maxa
\q n tantun bɛtin ba i tan Ala xa,
\q n ma Ala.
\q
\v 5 Nanfera n niin sɔxɔlɛxi?
\q Nanfera n bɔɲɛn sunuxi?
\q N xa n yigin sa Ala yi.
\q N mɔn a tantunma nɛn
\q n ma Ala, n nakisimana.
\c 44
\s Maratangana Ala maxandina
\d Koraa diine fala ɲaxumɛna, bɛti baane kuntigin xa.
\q
\v 1 Ala, nxu bata a mɛ nxu tunle ra.
\q Nxu benbane bata yi a fala nxu xa nun,
\q i fe gbeen naxanye liga e xa na waxatini,
\q lɔxɔn naxanye bata xunkuya.
\q
\v 2 I tan nan siya dɛnkɛlɛyatarene kedi i sɛnbɛni,
\q i mɔn yi nxu benbane radɔxɔ na.
\q I siya gbɛtɛne raxuya ayi nɛn,
\q i yi nxu benbane rasabati.
\q
\v 3 E mi na bɔxɔn sɔtɔxi e silanfanne xa ra!
\q E mi a nɔxi e yɛtɛ fangan xan xɔn.
\q E a nɔxi i yɛtɛ fangan nan xɔn ma,
\q i fangana, e nun i lu fena e xɔn,
\q bayo e rafan i ma.
\q
\v 4 N ma mangan nun n ma Ala nan i tan na.
\q I tan nan nɔ sɔtɔn nagidima Yaxuba bɔnsɔnna xa.
\q
\v 5 Nxu nxu yaxune raxɛtɛma i tan nan baraka yi.
\q Nxu e nɔ i xinli.
\q
\v 6 N yigin mi saxi n ma xanla xan yi.
\q N ma silanfanna mi a ra
\q naxan nɔɔn fima n ma.
\q
\v 7 Koni i tan nan nɔɔn fima nxu ma nxu yaxune ma.
\q I tan nan ne rayarabima,
\q naxanye nxu raɲaxuxi.
\q
\v 8 Nxu Ala nan matɔxɔma waxatin birin,
\q nxu i tan nan xili tantunma habadan!
\qr Bɛti xuini te.
\b
\q
\v 9 Koni iki, i bata i mɛ nxu ra,
\q i yi nxu rayarabi.
\q I mi fa minima nxɔ ganle fɔxɔ ra sɔnɔn.
\q
\v 10 I bata nxu ragi nxu yaxune yɛɛ ra,
\q e yi nxu yii seene birin tongo.
\q
\v 11 I bata nxu rabeɲin
\q alogo e xa nxu faxa alo yɛxɛɛne.
\q I bata nxu raxuya ayi yamana gbɛtɛne ma.
\q
\v 12 I bata i gbee muxune mati sare xurin na
\q alo dɛ mi seen naxan na.
\q
\v 13 I bata nxu rayarabi nxu dɔxɔ bodene yɛtagi,
\q nxu rabilin muxune yi nxu makonbi,
\q e nxu magele.
\q
\v 14 I bata nxu findi gelema seen na siyane yɛ.
\q E e xunne yimaxama nxu mageledeni.
\q
\v 15 N fɛyani waxatin birin.
\q N bata yagi
\q
\v 16 xɔnnantenne falane xɔn
\q naxanye n bɛsɛnxɔnyama,
\q e nun n yaxun naxanye e gbeen ɲɔxɔma n na.
\b
\q
\v 17 Ito birin ligaxi nxu ra nɛn,
\q hali nxu to mi ɲinanxi i xɔn ma,
\q hanma nxu yi i ya layirin kala.
\q
\v 18 Nxu mi xɛtɛxi i fɔxɔ ra.
\q Nxu munma yi fata i ya kiraan na.
\q
\v 19 Koni hali na,
\q i nxu lu nɛn kankone bun.
\q I nxu rabeɲin banban dimini.
\q
\v 20 Xa nxu yi ɲinan nxɔ Ala xinla ma nun,
\q nxu yi ala gbɛtɛne batu,
\q
\v 21 i yatin yi na kolonma nɛn nun
\q amasɔtɔ i nxu miriya wundone kolon.
\q
\v 22 Koni e nxu faxama i tan nan ma fe ra fɛriɲɛn gbɛn!
\q E nxu ligama
\q alo yɛxɛɛn naxan faxa daxi a ra!
\b
\q
\v 23 Xulun Marigina! Nanfera i xima?
\q Keli, i nama i mɛ nxu ra habadan!
\q
\v 24 Nanfera i i yɛtagin luxunma nxu ma?
\q I nama ɲinan nxɔ tɔrɔne nun marayarabine xɔn!
\q
\v 25 Nxu niine bata bira gbangbanni,
\q nxu gbindin mi fa nɔɛ kelɛ bɔxɔn ma.
\q
\v 26 Keli, i fa nxu mali!
\q Nxu xunba i ya hinanna nin!
\c 45
\s Mangana ɲaxalandin ti bɛtina
\d Koraa diine fala ɲaxumɛna, bɛti baane kuntigin xa. A xa ba alo bɛtin naxan xili: “Fuge Faɲine.” Xanuntenya sigina.
\q
\v 1 Fala faɲine bata n bɔɲɛn nasɛwa.
\q Nanara, n bɛtini ito bama mangan xa.
\q N dɛni xaxi bɛtina fe ra
\q alo sɛbɛli ti faɲina xayen kii naxan yi.
\b
\q
\v 2 I tofan adamadiine birin xa,
\q i fatan fala ɲaxumɛn tiyɛ,
\q bayo Ala i barakama nɛn habadan!
\q
\v 3 I ya silanfanna sɔti i dɛxɔn, sɛnbɛmana.
\q Xunnayerenna nun binyena i tan nan xa!
\q
\v 4 Siga soon fari xunnayerenni,
\q i sa nɔɔn ti
\q ɲɔndin nun yɛtɛ magodon nun tinxinyana fe ra.
\q I fangan xa fe magaxuxine makɛnɛn!
\q
\v 5 I ya xalimakuli ralemunxine xa i yaxune bɔɲɛne yisɔxɔn.
\q Siyane birama nɛn i sanne bun.
\b
\q
\v 6 Ala, i luma nɛn i ya mangaya gbɛdɛni habadan!
\q I ya mangaya taxamasenna nan tinxinyaan na.
\q
\v 7 Tinxinna nan nafan i ma.
\q A ɲaxin mi rafan i ma.
\q Na nan a toxi Ala, i ya Ala bata i sugandi.
\q A mɔn bata i ya sɛwan fari sa
\q dangu bonne ra.
\q
\v 8 Latikɔnɔnna nun se xiri ɲaxumɛne i ya dugine yi.
\q Maxa se maxane i rasumunma mangane banxine yi
\q naxanye maxidixi sama ɲinne ra.
\q
\v 9 Mangane dii tɛmɛne ɲaxalandi tiine yɛ.
\q I ya batɛn tixi i ya mangaya gbɛdɛn yii fari fɔxɔni.
\q A maxidi seene rafalaxi xɛma faɲin nan na.
\q
\v 10 Mangana ɲaxalandina,
\q i tuli mati n ma falan na.
\q Ɲinan i kon kaane nun i bari bodene xɔn ma.
\q
\v 11 I xɔnla bata mangan suxu i ya tofanna fe ra.
\q I ya kuntigin na a ra, i xa a binya.
\q
\v 12 Tire kaane fama kiseene ra i xa nɛn.
\q Nafulu kanne i ya fanna fenma nɛn.
\b
\q
\v 13 Binyen birin mangana dii tɛmɛn xa mangayani.
\q A doma gbeen nafalaxi xɛma dugin nan na.
\q
\v 14 E nun a doma rayabuxin nan sigan mangan fɛma
\q ɲaxalandi tiine biraxi a fɔxɔ ra a tideni.
\q
\v 15 E so mangana genla ma sɛwan nun ɲaxan nin.
\b
\q
\v 16 I tan mangana,
\q i dii xɛmɛ wuyaxi sɔtɔma nɛn
\q naxanye luma mangayani i benbane funfuni.
\q I e findima kuntigine ra nɛn bɔxɔn birin xun na.
\q
\v 17 N ni i findima xili kanna ra habadan.
\q Muxun birin i matɔxɔma nɛn
\q habadan han habadan.
\c 46
\s En fangana Ala nan na
\d Koraa diine Ala tantun sigina, bɛti baane kuntigin xa. Sungutunne xa a ba.
\q
\v 1 Ala nan en yigiyaan na
\q e nun en fangana.
\q A yitɔnxi mali ti feen na tɔrɔ waxatine birin yi.
\q
\v 2 Nanara, hali bɔxɔn xuruxurun,
\q geyane yi bira fɔxɔ ige tilinxine yi,
\q en mi gaxuɛ.
\q
\v 3 Hali fɔxɔ igene xuxu,
\q geyane fan yi yimaxa gbaloni
\q en mi gaxuɛ.
\qr Bɛti xuini te.
\b
\q
\v 4 Xudena Alaa taani
\q naxan a muxune rasɛwama
\q naxan findixi Kore Xɔnna Ala dɔxɔde sariɲanxin na.
\q
\v 5 Ala na taani,
\q a mi yimaxɛ mumɛ!
\q Kuye nɛma yiba,
\q Ala bata taan mali,
\q
\v 6 siyane yi sɔnxɔn nate,
\q mangayane yi yimaxa.
\q Ala na a xuini te,
\q bɔxɔn yi xuruxurun.
\q
\v 7 Alatala Sɛnbɛn Birin Kanna nan en xɔn.
\q Yaxubaa Ala nan en ma faran makantanxin na.
\qr Bɛti xuini te.
\b
\q
\v 8 Ɛ fa Alatala a wanle mato,
\q a gbalon naxanye rakelixi bɔxɔn ma.
\q
\v 9 A yɛngɛne ɲanma
\q han bɔxɔn danna birin yi.
\q A xanle yigirama,
\q a tanbane kala,
\q a yi yɛ masansan wure lefane gan.
\q
\v 10 A yi a fala, a naxa,
\q “Ɛ ɛ raxara,
\q ɛ yi a kolon a n tan nan Ala ra.
\q N batuma nɛn siyane tagi.
\q N yi batu bɔxɔn birin yi.”
\q
\v 11 Alatala Sɛnbɛn Birin Kanna en tan nan xɔn.
\q Yaxubaa Ala nan en ma faran makantanxin na.
\qr Bɛti xuini te.
\c 47
\s Ala fisamanten mangana
\d Koraa diine bɛtina, bɛti baane kuntigin xa.
\q
\v 1 Ɛ tan, siyane birin xa ɛ yiin bɔnbɔ,
\q ɛ sɔnxɔ, ɛ xuini te sɛwani Ala xa!
\q
\v 2 Alatala, Kore Xɔnna Ala magaxu han!
\q Manga gbeen na a ra dunuɲa birin xun na!
\q
\v 3 A bata nɔɔn fi en ma siyane xun na,
\q a yamane raso en ma nɔɔn bun.
\q
\v 4 A bɔxɔn sugandi nɛn nxu xa,
\q Yaxuba bɔnsɔnne sabatima
\q dɛnaxan yi,
\q a naxanye xanuxi.
\qr Bɛti xuini te.
\b
\q
\v 5 Ala bata dɔxɔ a mangaya gbɛdɛni.
\q Yamaan sɔnxɔma sɛwani,
\q xɔta xuine yi mini Alatala xa.
\q
\v 6 Tantun bɛtin ba Ala xa,
\q bɛtine ba han!
\q Tantun bɛtin ba en ma mangan xa,
\q bɛtine ba han!
\q
\v 7 Ala nan mangan na dunuɲa birin xun na,
\q ɛ a tantun bɛtini.
\q
\v 8 Ala dɔxi a manga gbɛdɛ sariɲanxini,
\q a mangayaan nabama siyane xun na.
\q
\v 9 Siyane mangane sama nɛn
\q Iburahimaa Alaa yamaan fari.
\q A tan nan gbee dunuɲa ganle birin na.
\q Ala gbo han!
\c 48
\s Siyon Ala gbee taana
\d Koraa diine bɛtina. Sigi sariɲanxina.
\q
\v 1 Alatala gbo,
\q a lan a xa matɔxɔ
\q a gbee taani geya sariɲanxin fari.
\q
\v 2 Siyon, Alaa geyana,
\q a mate, a tofan,
\q dunuɲa birin sɛwama a fe ra.
\q A mate
\q alo bɔxɔne birin manga taana
\q Manga Gbeen dɔxi dɛnaxan yi.
\q
\v 3 Ala a yengi sama nɛn a taa makantanxin xɔn,
\q a bata a yɛtɛ findi a kantanmaan na.
\b
\q
\v 4 Mangane to e malan Siyon yɛngɛ xinla ma,
\q
\v 5 e yi a to, e kabɛ,
\q e gaxu, e yi e gi.
\q
\v 6 Xuruxurunna nun kuisanna yi e suxu na,
\q alo ɲaxanla kuiin na keli a ra,
\q
\v 7 alo kunkibane na kɔntɔfili foye gbeena fe ra.
\q
\v 8 Ala kabanako feen naxanye ligaxi,
\q nxu bata ne mɛ.
\q Iki, nxu bata ne to Alatala Sɛnbɛn Birin Kanna taani.
\q A na taan nakisima nɛn habadan!
\qr Bɛti xuini te.
\b
\q
\v 9 Nanara, Ala nxu nxu mirima i ya hinanna ma i Batu Banxini.
\q
\v 10 I tan xili kanna tantunma dunuɲa yiren birin yi.
\q I mangayaan ligama tinxinyaan na.
\q
\v 11 Yamaan xa ɲaxan Siyon geyaan fari,
\q Yuda taa kaane xa sɛwa
\q i ya kitisana fe ra!
\q
\v 12 Ɛ bilin Siyon ma,
\q ɛ yi a kondene yatɛ.
\q
\v 13 Ɛ ɛ xaxili lu a yinna xɔn ma,
\q ɛ mɔn yi a sangansone mato,
\q nanara ɛ a falɛ mayixɛtɛ famatɔne xa,
\q ɛ naxa, 
\v 14 “Ala ito,
\q nxɔ Ala na a ra habadan!
\q A tima nxu yɛɛ ra nɛn han a raɲanni.”
\c 49
\s Nafulu fuyanna fe
\d Koraa diine bɛtina, bɛti baane kuntigin xa.
\q
\v 1 Ɛ ito mɛ, ɛ tan siyane,
\q ɛ tuli mati
\q ɛ tan muxun naxanye birin dunuɲa yi.
\q
\v 2 Fanga kanne nun tɔrɔ muxune,
\q nafulu kanne nun yiigelitɔne,
\q birin xa a tuli mati.
\q
\v 3 N fekolonna falane nan tima,
\q n mirine xaxili faɲin nan fima.
\q
\v 4 N na n xaxinla rasigama sandan nan xɔn,
\q n yi a yɛba, n nɛma n ma bɔlɔnna maxɛ.
\q
\v 5 Nanfera n gaxuma gbalo lɔxɔne yɛɛ ra,
\q hakɛ kan yanfantenne n nabilinma waxatin naxan yi?
\q
\v 6 E yigin saxi e se kanyaan nan ma,
\q e mɔn yi e kanba e nafulu kanyani.
\q
\v 7 Muxun mi nɔɛ a boden xunbɛ.
\q A mi nɔɛ a niin saren soɛ Ala yii.
\q
\v 8 Amasɔtɔ muxun niin xunbaan xɔdɔxɔ!
\q A mi nɔɛ a saren fiyɛ,
\q
\v 9 alogo a xa bu habadan, a mi faxa.
\q
\v 10 Amasɔtɔ, en birin a kolon xaxilimane fan faxama
\q e nun daxune nun kɔmɔne.
\q E birin e nafunle luma muxu gbɛtɛne nan yii.
\q
\v 11 Gaburun yi findi e habadan banxin na,
\q e luma dɛnaxan yi, dan mi naxan na,
\q hali bɔxɔn to yi e yii e yɛtɛ ra.
\q
\v 12 Muxuna gboon mi a rabuyɛ.
\q A fan faxama nɛn alo subene.
\b
\q
\v 13 Muxun naxanye laxi e yɛtɛ ra fuyan nin,
\q e sigaden nan na ra,
\q naxanye wasaxi e nafunle ra,
\q ne raɲanma na kii nin.
\qr Bɛti xuini te.
\q
\v 14 E rasigama laxira yi nɛn
\q alo yɛxɛɛn naɲanna to faxan na.
\q Sayaan yi e gbindine don.
\q Muxu faɲine nɔɔn sɔtɔma nɛn e xun na sinma,
\q e tofanna yi kala,
\q e siga gaburuni.
\q
\v 15 Koni Ala n niin xunbama nɛn laxira yi yati!
\q A yi n xali.
\qr Bɛti xuini te.
\b
\q
\v 16 Muxun na nafunla sɔtɔ,
\q a nafunli gbo ayi,
\q i nama gaxu,
\q
\v 17 bayo a mi sese xalima a yii laxira yi.
\q A hɛrisigɛn mi birama a fɔxɔ ra.
\q
\v 18 Hali duba diin nan yi a ra a dunuɲa yi gidini,
\q hali a to matɔxɔxi,
\q a yi sabatixi waxatin naxan yi,
\q
\v 19 a sama a benbane fari nɛn laxira yi.
\q Ne mi fa dunuɲa toma sɔnɔn.
\q
\v 20 Nafulu kanna naxan xaxili xurun,
\q na maliga xuruseen nan na,
\q naxan faxamatɔ a ra.
\c 50
\s Saraxan naxan Ala kɛnɛn
\d
\v 1 Asafi a bɛtina.
\q Fangamana, Marigina Alatala falan tima,
\q a dunuɲa muxune birin maxili,
\q sa fɔlɔ sogetedeni
\q han sa dɔxɔ sogegododen na.
\q
\v 2 Alaa nɔrɔn mayilenma keli Siyon yi
\q na taa kamalixi tofaɲina.
\q
\v 3 En ma Ala fama,
\q a mi dunduxi.
\q Kala ti tɛɛ gbeena a yɛɛ ra,
\q foye gbeena a rabilinxi.
\q
\v 4 A koren nun bɔxɔn xilima
\q e xa findi seren na a yamaan makitideni.
\q
\v 5 A yi a fala, a naxa,
\q “N ma muxu tɔgɔndiyaxine malan n fɛma,
\q naxanye layirin xidixi n xɔn ma saraxa baan na.”
\q
\v 6 Koren xɔnna a tinxinyaan nalima nɛn,
\q bayo Ala yɛtɛɛn nan kitisaan na.
\qr Bɛti xuini te.
\b
\q
\v 7 “N ma yamana, ɛ ɛ tuli mati,
\q n falan tima nɛn.
\q Isirayila, n na ɛ maxadima,
\q bayo Ala nan n tan na, ɛ Ala.
\q
\v 8 N mi ɛ maxadima ɛ saraxane xan ma fe ra.
\q Ɛ saraxa gan daxine bama n xa waxatin birin.
\q
\v 9 Koni, n mi turaan xa tongoma ɛ sansanne yi
\q xanamu kɔtɔn naxan ɛ kulane yi.
\q
\v 10 Amasɔtɔ n gbeen nan burunna subene birin na.
\q N gbeen nan ɲingene ra
\q naxanye geya wuli wuyaxine ma.
\q
\v 11 N tan nan xɔline ngaan kanna ra
\q naxanye geyane ma
\q e nun niimaseen naxanye birin fixɛne ma.
\q
\v 12 Xa kamɛn yi n suxun nɛn nun,
\q n mi na falɛ i xa,
\q amasɔtɔ n tan nan gbee dunuɲa
\q nun ayi seene birin na.
\q
\v 13 N ɲinge suben donɲɛ ba?
\q Ɛn-ɛn de!
\q Xanamu n siin wunla min?
\q Ɛn-ɛn de!
\q
\v 14 Nanara, barika biran xa findi ɛ saraxan na Ala xa.
\q Ɛ ɛ dɛ ti xuine rakamali Kore Xɔnna Ala xa.
\q
\v 15 N xili tɔrɔ waxatini.
\q N ni i kantanma nɛn, i yi n binya.”
\b
\q
\v 16 Koni Ala a falama muxu ɲaxine xa nɛn,
\q a naxa, “Nanfera ɛ xɛtɛma n ma tɔnne falan ma,
\q ɛ yi n ma layirina fe fala,
\q
\v 17 koni n ma xaranna mi rafan ɛ ma?
\q Ɛ mɛxi n ma falane ra!
\q
\v 18 Ɛ nun muɲadene na a ra.
\q Ɛ nun yalundene na a ra.
\q
\v 19 Ɛ fala ɲaxin nan tun tima.
\q Ɛ wulen nan tun falama.
\q
\v 20 Ɛ ngaxakedenne kansunma waxatin birin yi.
\q Ɛ katama e tɔɲɛgɛdeni.
\q
\v 21 Ɛ bata ito birin liga
\q n mi fala ti.
\q Nanara, ɛ mirixi a n fan ligaxi
\q alo ɛ tan.
\q Koni iki, n na ɛ maxadima,
\q n yi a yɛba ɛ xa.”
\b
\q
\v 22 “Iki, ɛ ito famu,
\q ɛ tan naxanye Ala bɔtɛ rabaxi.
\q Xa na mi a ra,
\q n na ɛ raxɔrima nɛn.
\q Muxu yo mi ɛ xunbɛ.
\q
\v 23 Naxan na saraxa baan findi barika biran na,
\q na nan n binyaxi.
\q Naxan na siga kira faɲin xɔn,
\q n na Ala kisin yitama nɛn na ra.”
\c 51
\s Yulubi ratina
\d Dawudaa bɛtina, bɛti baane kuntigin xa. A naxan ba Nabi Natan to fa a fɛma a yalunyaan ligaxina e nun Batiseba.
\q
\v 1 Ala, diɲa n ma i ya hinanna nin.
\q N ma matandine mafelu
\q i ya kininkinin gbeeni!
\q
\v 2 N hakɛne birin ba n ma.
\q I yi n yulubine xafari.
\q
\v 3 N na n ma matandine kolon.
\q N na n mirima n yulubine ma waxatin birin.
\q
\v 4 N na i tan nan keden yulubi tongoxi.
\q N naxan nabaxi,
\q na ɲaxu i yɛɛ ra yi.
\q Nanara, i na falan ti,
\q i tan nan tinxin,
\q i na kitin sa, i yoon sɔtɔ.
\q
\v 5 N barixi hakɛn nin yati!
\q Yulubi kanna nan yi n na
\q xabu nga fudikan na a ra.
\q
\v 6 I waxi ɲɔndin nan xɔn ma n sɔndɔmɛni yati!
\q I n xaranma fekolonna ma n bɔɲɛni.
\b
\q
\v 7 N yulubin ba n ma
\q nanara n sariɲanɲɛ.
\q I xa n maxa nanara n fixɛ
\q dangu balabalan kɛsɛn na.
\q
\v 8 N mɔn xa sɛwa n ɲaxan.
\q I bɔɲɛn naxan kalaxi,
\q na mɔn xa sɛwa.
\q
\v 9 I yɛɛn ba n yulubine ra,
\q i yi n mafelu n hakɛne birin na.
\q
\v 10 Ala, bɔɲɛ sariɲanxin sa n yi.
\q I mɔn yi n xaxili ragidi.
\q
\v 11 I nama n kedi i yɛtagi.
\q I nama i ya Nii Sariɲanxin ba n yi.
\q
\v 12 I mɔn xa kisin sɛwan fi n ma.
\q Xaxili faɲin xa n mali.
\b
\q
\v 13 Nanara, n matandi tiine xaranɲɛ
\q i ya kirane ma,
\q yulubi kanne yi xɛtɛ i ma.
\q
\v 14 N nakisimana, Ala,
\q n nakisi n ma faxa tixin ma.
\q Ala, yandi n xunba,
\q alogo n xa i ya tinxinyaan nali bɛtini.
\q
\v 15 Marigina, na liga n xa,
\q n xa i tantun.
\q
\v 16 Saraxan mi rafan i ma,
\q xa na mi a ra,
\q n yi a bama i xa nɛn nun.
\q Saraxa gan daxin mi i kɛnɛnɲɛ.
\q
\v 17 Yɛtɛ magodon nan Ala rafan saraxan na.
\q Ala, i mi na kanna rabeɲinɲɛ
\q naxan nimisaxi a bɔɲɛni a tubi.
\b
\q
\v 18 Tin, i Siyon nasabati.
\q I mɔn xa Yerusalɛn yinna ti.
\q
\v 19 Na waxatini,
\q tinxin saraxane rafanma i ma nɛn.
\q Saraxa gan daxine yi i kɛnɛn.
\q Na waxatini,
\q nxu yi turane rali i xa i ya saraxa ganden fari.
\c 52
\s Ala xa wuleden makiti
\d Dawudaa fala ɲaxumɛna, bɛti baane kuntigin xa. A naxan ba, Dowegi Edɔn kaan to siga Sɔli fɛma, a naxa, “Dawuda bata siga Aximeleki a banxini.”
\q
\v 1 Ee! Muxu gbeena!
\q Nanfera i kanbama i ya fe ɲaxine yi?
\q Alaa hinanna luma nɛn habadan!
\q
\v 2 I feene yitɔnma bonne kala xinla ma.
\q I lɛnna luxi nɛn
\q alo filɛ xɛnxɛna.
\q Ee! Yanfantenna!
\q
\v 3 Fe ɲaxin nafan i ma dangu fe faɲin na.
\q Wulen nafan i ma dangu ɲɔndin na.
\qr Bɛti xuini te.
\q
\v 4 Ee! Wuledena!
\q Fala xɔlɛne rafan i ma!
\b
\q
\v 5 Nanara, Ala i raxɔrima nɛn habadan!
\q A i suxuma nɛn,
\q a i ba i konni.
\q A i bama nɛn kɛndɛ muxune yɛ dunuɲa yi.
\qr Bɛti xuini te.
\q
\v 6 Tinxin muxune ito toma nɛn,
\q e gaxu.
\q Nayi, e gelema i ma nɛn,
\q e naxa, 
\v 7 “Na xɛmɛn mato,
\q naxan mi Ala findi a kantanmaan na.
\q Koni a yigin saxi a nafulu gbeen nin.
\q A fangan sɔtɔxi a boden kalan nan xɔn.”
\b
\q
\v 8 Koni, n tan luxi nɛn
\q alo Oliwi wudin naxan sabatima Alaa banxini.
\q N yigin saxi a hinanna nin
\q habadan han habadan!
\q
\v 9 N ni i tan Ala tantunma nɛn
\q i ya wanla a fe ra habadan!
\q N ni i xinla binyama nɛn
\q i ya tɔgɔndiya muxune yɛ,
\q bayo i tan fan!
\c 53
\s Muxuna ɲaxuyana
\r Yaburin 14.1-7
\d Dawudaa fala ɲaxumɛna, bɛti baane kuntigin xa. A xa ba xulenna ra.
\q
\v 1 Xaxilitarena a falama a bɔɲɛni,
\q a naxa, “Ala mi na.”
\q E birin yifu,
\q e haramu feene ligama.
\q Muxu yo mi a faɲin nabama.
\b
\q
\v 2 Ala a yɛɛn nagodoma adamadiine ma
\q keli ariyanna yi,
\q a xa a to xa nde na
\q naxan xaxili sɔtɛ, a Ala fen.
\q
\v 3 Koni birin bata kiraan fata,
\q e ɲaxu ayi.
\q Hali keden pe mi a faɲin ligama.
\q
\v 4 Fe ɲaxi rabane mi fe kolon ba?
\q E n ma yamaan tɔnɔn donma
\q alo donsena,
\q koni e mi Ala xandima mumɛ!
\q
\v 5 Awa nayi, gaxun ne suxuma nɛn
\q e tan naxanye mi yi gaxuma.
\q Ala e kalama nɛn,
\q a e rayarabi
\q bayo e raɲaxu a ma.
\b
\q
\v 6 Nde kelɛ Siyon yi a Isirayila rakisi?
\q Ala mɔn na a yamaan sɛnbɛ so,
\q Yaxuba bɔnsɔnna sɛwama nɛn,
\q Isirayila yi ɲaxan!
\c 54
\s Ala maxandin maratanga feen na
\d Dawudaa fala ɲaxumɛna, bɛti baane kuntigin xa. A xa ba kondenne ra. Dawuda bɛti naxan ba, Sifi kaane to siga Sɔli fɛma e naxa, “Dawuda luxunxi nxu tagi.”
\q
\v 1 Ala, n nakisi i sɛnbɛn na.
\q N xun mafala kitin bolon!
\q
\v 2 Ala, n ma maxandi xuiin namɛ.
\q I tuli mati n fala xuine ra!
\q
\v 3 Xɔɲɛne bata keli n xili ma.
\q Gbalotɔne katama n faxa feen na.
\q E mi e mirima Ala ma.
\qr Bɛti xuini te.
\b
\q
\v 4 Koni Ala nan n mali muxun na.
\q Marigin nan n niin kantanma.
\q
\v 5 A n yaxune fe ɲaxine raxɛtɛ e ma.
\q E halagi amasɔtɔ i lannayaan nabama.
\q
\v 6 Nayi, n ɲɛnige ma saraxan bama i xa nɛn,
\q n yi i tan Alatala tantun amasɔtɔ i fan.
\q
\v 7 Bayo, i tan nan n baxi n ma tɔrɔne yi,
\q n yi n yaxune biraxin to.
\c 55
\s Muxu yanfaxina Ala maxandina
\d Dawudaa fala ɲaxumɛna, bɛti baane kuntigin xa. A xa ba kondenne ra.
\q
\v 1 Ala, n ma maxandi xuiin namɛ.
\q I nama i xun xanbi so n ma mawugani!
\q
\v 2 I tuli mati n na,
\q i yi n yabi.
\q Xaminna bata n suxu
\q han n kuisan
\q
\v 3 n yaxune fala xuine fe ra.
\q Muxu ɲaxine n yigbɛtɛnma,
\q e n tɔrɔma.
\q E bata xɔlɔ n ma,
\q e yi n naɲaxu.
\q
\v 4 N bata kɔntɔfili.
\q Sayaan gbalon bata n xun matugan.
\q
\v 5 Gaxun nun xuruxurunna bata n suxu.
\q Gbalon yi n nabilin.
\q
\v 6 Xa gabutɛɛn yi n ma nun
\q alo ganbana,
\q n yi tuganma nɛn nun
\q n sa dɔxɔden fen.
\q
\v 7 N yi n gima nɛn,
\q n siga yire makuyeni.
\q N yi lu burunna ra.
\qr Bɛti xuini te.
\q
\v 8 N yi maratangaden fenma nɛn mafurɛn
\q n keli foye gbeen nun gbalon bun.
\b
\q
\v 9 Muxu ɲaxine raxuya ayi, Marigina,
\q e fala xuine yifu!
\q Bayo, n gbalon nun yɛngɛn toma taani han!
\q
\v 10 Kɔɛɛn nun yanyin na,
\q e taan nabilinma,
\q hakɛn nun yɛngɛne nan taani.
\q
\v 11 Kala tiin gboma ayi taani.
\q Bɛsɛnxɔnyaan nun mayifuun nan taani.
\q
\v 12 Xa yaxun nan tun yi n makonbima nun,
\q n yi diɲama a bun ma nɛn.
\q Xa n naɲaxu muxun nan tun yi a yɛtɛ yigboma n yɛ nun,
\q n yi n luxunma a ma nɛn nun.
\q
\v 13 Koni i tan na a ra, n lanfana,
\q n bodena, n xɔyi kɛndɛna!
\q
\v 14 En ma lanfamayaan yi ɲaxun Alaa banxini
\q en yi sigan tima yamaan yɛ waxatin naxan yi.
\q
\v 15 Sayaan xa n yaxune ratɛrɛna,
\q e kɛndɛn yi siga laxira yi.
\q Bayo fe ɲaxina e yi e konni.
\b
\q
\v 16 Koni n bata Ala xili,
\q Alatala n nakisima nɛn.
\q
\v 17 N ma mawugan nun kutun xuina a lima nɛn.
\q Xɔtɔnna nun yanyin nun ɲinbanna ra,
\q a n xuiin mɛma.
\q
\v 18 A n niin natangama,
\q n yi keli yɛngɛni hɛrini
\q hali n yaxune to yi wuya!
\q
\v 19 Habadan mangana Ala a tuli matima nɛn,
\q a yi n yaxune rabira.
\qr Bɛti xuini te.
\q Amasɔtɔ e bata tondi tubɛ.
\q E mɔn mi gaxuxi Ala yɛɛ ra.
\q
\v 20 N lanfana a xɔyine yɛngɛma.
\q A a layiri xidixine kalama.
\q
\v 21 A fala xuiin ɲaxun fɛnɛn xa
\q koni maraɲaxuna a bɔɲɛni.
\q A fala xuine salaxun alo turena.
\q Koni e sɛgɛn tima
\q alo silanfan xɛnxɛna.
\q
\v 22 I ya kɔntɔfinle lu Alatala ma.
\q A i malima nɛn.
\q A mi tinɲɛ tinxin muxun yi bira mumɛ!
\q
\v 23 Koni i tan, Ala,
\q i na muxu faxane nun wuledene faxama nɛn
\q benun e siin tagiin xa a li.
\q N tan mabinni,
\q n na n yigi sama i tan nin.
\c 56
\s Yigi sana Ala yi
\d Dawudaa maxandi ɲaxumɛna. Bɛti baane kuntigin xa: a xa ba alo bɛtin naxan xili, “Ganban Wudi Makuyeni” a naxan ba Filisitine to a suxu Gati taani.
\q
\v 1 Ala, kininkinin n ma
\q amasɔtɔ e n yɛngɛma.
\q N yaxune n bɛsɛnxɔnyama fɛriɲɛn gbɛn!
\q
\v 2 Fɛriɲɛn gbɛn n yaxune n yɛngɛma.
\q N yɛngɛfane bata wuya ayi,
\q e waso.
\q
\v 3 N na gaxu waxatin naxan yi,
\q n na n yigi sama i tan nan yi.
\q
\v 4 N na Alaa fala kamalixine matɔxɔma,
\q n yi n yigi sa a yi,
\q nanara n mi gaxuɛ mumɛ!
\q Daɲɔxɔn dɔrɔnna nanse ligɛ n na?
\b
\q
\v 5 Fɛriɲɛn gbɛn n yaxune n tɔrɔma.
\q E n ɲaxankata feni tɔnma waxatin birin!
\q
\v 6 E e malanma luxundene yi,
\q e yɛɛne tixi n na, n nɛɛn dɛdɛ.
\q E yengi a ma e n faxɛ.
\q
\v 7 I nama tin e rakisi feen ma e fe ɲaxine ma.
\q Ee! Ala! I xɔlɔxin xa na muxune rabira.
\q
\v 8 N ma sunun yatɛ.
\q N yɛɛgena fe xa rabira i ma.
\q I xaxili mi dɔxi e xɔn ba?
\b
\q
\v 9 N na i xili waxatin naxan yi,
\q n yaxune xɛtɛma n fɔxɔ ra nɛn,
\q n yi a kolon a Ala n xɔn.
\q
\v 10 N na Ala matɔxɔma a falane fe ra!
\q N na Alatala matɔxɔma!
\q
\v 11 N yigi saxi Ala nin,
\q n mi gaxuɛ mumɛ!
\q Adamadiin nanse ligama n na?
\b
\q
\v 12 Ala, n dɛ xuiin naxan tongoxi,
\q n na a rakamalima nɛn.
\q N na barika bira saraxan bama i xa nɛn.
\q
\v 13 Amasɔtɔ i bata n ba sayani,
\q i yi n natanga biran ma.
\q Nanara, n sigan tima Ala yɛtagi
\q n ma siimayani.
\c 57
\s Ala maxandina malina fe ra
\r Yaburin 108.1-5
\d Dawudaa maxandi ɲaxumɛna, bɛti baane kuntigin xa. A xa ba alo bɛtin naxan xili, “I Nama Halagin Ti” Dawuda naxan ba a to a gi Sɔli bun, a sa a so faran yinla ra.
\q
\v 1 Kininkinin n ma!
\q Ee! Ala! Kininkinin n ma!
\q Amasɔtɔ n niin marakisin fenma i tan nan yii.
\q N xa luxunden sɔtɔ i gabutɛɛn bun,
\q han yihadin yi dangu.
\q
\v 2 N bata Kore Xɔnna Ala maxandi
\q naxan n ma feene rasɔnɔyama.
\q
\v 3 A n yabima nɛn keli ariyanna yi,
\q a n nakisi.
\q A ne mafalama nɛn
\q naxanye n yɛngɛma.
\qr Bɛti xuini te.
\q Alaa hinanna nun a lannayaan yitama n na nɛn.
\q
\v 4 Yatane bata n nabilin,
\q n saxi adamadi ɲaxine tagi.
\q E ɲinne ligaxi nɛn
\q alo tanbane nun xalimakunle.
\q E lɛnne ligaxi nɛn
\q alo silanfan xɛnxɛne.
\q
\v 5 Ala, i ya binyen xa mayita kore xɔnna ma,
\q a yi bɔxɔn nafe!
\b
\q
\v 6 E bata yalaan nati n yɛɛ ra n suxu xinla ma,
\q e yi n nayagi.
\q E bata yinla ge n yɛɛ ra,
\q koni e tan yɛtɛɛn bata bira a kui.
\qr Bɛti xuini te.
\q
\v 7 Ala, n xaxili ragidixi yati!
\q N bɛtin bama nɛn, n yi i tantun!
\q
\v 8 N xulunma nɛn sinma,
\q n yi n ma bɔlɔnna nun kondenna maxa!
\q N kurunma bɛtin bɛ nɛn subaxa!
\q
\v 9 Marigina, n ni i tantunma nɛn siyane yɛ.
\q N bɛtin bama i xa nɛn bɔnsɔnne tagi.
\q
\v 10 I ya hinanna gbo han ariyanna.
\q I ya lannayaan texi han kore xɔnna.
\q
\v 11 Ala i ya binyen xa mayita kore xɔnna ma,
\q a yi bɔxɔn nafe!
\c 58
\s Ala nan kitisa tinxinxin na
\d Dawudaa maxandi ɲaxumɛna, bɛti baane kuntigin xa. A xa ba alo bɛtin naxan xili: “I Nama Halagin Ti.”
\q
\v 1 Ɛ tan muxu gbeene,
\q ɛ falane mi tinxin feu!
\q Ɛ nɔɛ adamadiine makitɛ tinxinni ba?
\q
\v 2 Ɛn-ɛn de! Tinxintareyana ɛ bɔɲɛni,
\q ɛ gbalon nakelima bɔxɔn ma.
\q
\v 3 Xabu e bari waxatini, e ɲaxu.
\q Wuledene lɔxi ayi xabu e bari lɔxɔni.
\q
\v 4 E xɔlɛn luxi nɛn alo saɲin xɔlɛna,
\q alo fɔdɔgɔɔn naxan mi saɲi suxun xuiin mɛma,
\q
\v 5 naxan mi a kanna xuiin namɛma.
\q Saɲi suxun na fatan kiki,
\q a mi nɔɛ a suxɛ.
\qr Bɛti xuini te.
\b
\q
\v 6 Ala, i xa e ɲinne magira e dɛ!
\q Alatala, i xa na yatane dɛɛn kala!
\q
\v 7 E xa ɲan alo igen naxan bɔxɔnma.
\q E tanbane xa yelefu ayi.
\q
\v 8 E xa liga
\q alo korosiraan naxan fati tununma ayi lingini,
\q alo diin naxan faxaxi barixi, a mi sogen to.
\q
\v 9 Tansin xindena hanma a xarena,
\q ne ganma nɛn tunden bun.
\q Foyen ɲaxudene fan xalima nɛn,
\q a e raxɔri.
\qr Bɛti xuini te.
\b
\q
\v 10 Tinxin muxune ɲaxanma nɛn
\q bayo a gbeen ɲɔxɔma nɛn.
\q E fama e sanna maxadeni nɛn
\q muxu ɲaxine wunla ra.
\q
\v 11 Nayi, adamadiine yi a fala,
\q “Ala tinxin muxune saren fima yati!
\q Ala na yatigi, naxan dunuɲa makitima!”
\c 59
\s Ala maxandina marakisina fe ra
\d Dawudaa maxandi ɲaxumɛna, bɛti baane kuntigin xa. A xa ba alo bɛtin naxan xili: “I Nama Halagin Ti,” a naxan ba Sɔli to sofane xɛ e xa sa e luxun Dawuda yɛɛ ra a banxini a faxa xinla ma.
\q
\v 1 N ma Ala, n xunba n yaxune yii.
\q N natanga ne ma
\q naxanye kelixi n xili ma!
\q
\v 2 N xunba fe ɲaxi rabane yii.
\q N nakisi na muxu faxane ma!
\q
\v 3 A mato,
\q e n legedenma n faxa feen na.
\q Sɛnbɛmane e malanma n xili ma.
\q N mi i matandixi,
\q n mi yulubi ligaxi, Alatala.
\q
\v 4 N sɔnna mi a ra,
\q koni e yitɔnxi e xa n yɛngɛ.
\q Keli, i fa n mali!
\q Yandi n mato!
\q
\v 5 Alatala, Ala Sɛnbɛn Birin Kanna,
\q Isirayilaa Ala, keli!
\q I yi siya dɛnkɛlɛyatarene fe ɲaxine saran e ra.
\q I nama diɲa yanfanten ɲaxine ma mumɛ!
\qr Bɛti xuini te.
\b
\q
\v 6 E fama ɲinbanna ra.
\q E xaɲɛ alo barene taan xun xɔn.
\q
\v 7 I tuli mati e konbi ti xuine ra.
\q E lɛnne luxi nɛn e dɛ
\q alo silanfanne,
\q e mɔn a falama, e naxa,
\q “Nde nɔɛ en ma falan mɛ?”
\q
\v 8 Koni Alatala, i gelema e ma.
\q I siya dɛnkɛlɛyatarene birin magelema.
\q
\v 9 Ala n sɛnbɛna,
\q n xaxili tixi i tan nan na.
\q I tan nan n ma faran makantanxin na.
\b
\q
\v 10 N ma hinantenna Ala,
\q a tima n yɛɛ ra nɛn.
\q A a liga,
\q n na n yɛɛn nagodo n yaxune ma.
\q
\v 11 Koni, i nama e faxa,
\q Marigina, nxu yɛ masansan wure lefana.
\q Nanara, n ma muxune mi ɲinanɲɛ.
\q E raxuya ayi i sɛnbɛni,
\q i yi e nɔ.
\q
\v 12 Bayo yulubi falane e dɛ
\q e xa suxu e yɛtɛna wasona fe ra!
\q Bayo e dangane tima
\q e wulene falama,
\q
\v 13 e ɲan i ya xɔlɔni!
\q E ɲan fefe! Sese nama lu!
\q Nayi, birin a kolonma nɛn fa fala
\q Ala mangayaan nabama Yaxuba bɔnsɔnna xun na
\q han bɔxɔn danna birin.
\qr Bɛti xuini te.
\b
\q
\v 14 E fama ɲinbanna ra.
\q E xaɲɛ alo barene taan xun xɔn.
\q
\v 15 Barene nɛma donse fenni,
\q xa e mi lugo,
\q e wurundunma nɛn.
\q
\v 16 Koni n tan i sɛnbɛn matɔxɔma nɛn bɛtini.
\q Xɔtɔnni, n na n ma bɛti xuini tema nɛn
\q i ya hinanna fe ra.
\q Bayo, n ma faran makantanxin nan i tan na,
\q n na n yigiyama dɛnaxan yi tɔrɔ waxatine yi.
\q
\v 17 N sɛnbɛna,
\q n bɛtin bama i xa nɛn.
\q I tan Ala nan n ma faran makantanxin na
\q n ma hinantenna Ala.
\c 60
\s Ala maxandina nɔ ti fena
\r Yaburin 108.7-14
\d Dawudaa maxandi ɲaxumɛna, bɛti baane kuntigin xa, a xa ba alo bɛtin naxan xili: “Gabalan Fugaxina Sereyana.” A xa ba xaran feen na. Dawuda bɛtini ito nan ba a to Arami kaane yɛngɛ naxanye keli Mesopotamiya yamanan nun Soba yamanani, Yowaba yi xɛtɛ, a Edɔn kaa wuli fu nun firin faxa Fɔxɔ Lanbanni.
\q
\v 1 Ala, i bata i mɛ nxu ra,
\q i yi gbalon nakeli nxu ma.
\q I bata xɔlɔ nxu ma.
\q Koni iki, i mɔn xa nxu yitɔn.
\q
\v 2 I bata bɔxɔn naxuruxurun,
\q a yibɔ.
\q I mɔn xa a tugun a bode ra,
\q a nama xuya ayi.
\q
\v 3 I bata waxatine raxɔdɔxɔ i ya muxune ma.
\q Nxu dagalanma ayi
\q alo nxu minxin na a ra.
\q
\v 4 Koni naxanye gaxuxi i yɛɛ ra,
\q i bata taxamasenni te ne xa,
\q naxan e ratangama xalimakunle ma.
\qr Bɛti xuini te.
\b
\q
\v 5 I xa i xanuntenne kantan
\q i yi e rakisi i sɛnbɛni.
\q I yi nxɔ maxandin yabi.
\q
\v 6 Ala bata falan ti a yire sariɲanxini,
\q a naxa, “N nɔɔn tima nɛn,
\q n Siken taani taxun,
\q n yi Sukɔti lanbanna danne sa.
\q
\v 7 N tan nan gbee Galadi bɔxɔn nun Manase ra.
\q Efirami kaane findixi n ma yɛngɛsone nan na.
\q Yuda luxi nɛn
\q alo n ma mangaya dunganna.
\q
\v 8 Koni n ma konyin nan Moyaba yamanan na.
\q N tan nan Edɔn yamanan kanna ra.
\q N yɛngɛ sɔnxɔni tema Filisiti yamanani.”
\q
\v 9 Ala, nde sigama n na na taa makantanxini?
\q Nde tima n yɛɛ ra siga Edɔn yi?
\q
\v 10 Ala, i tan xa mi i mɛxi nxu ra ba?
\q I mi fa nxɔ ganla fɔxɔ ra sɔnɔn ba?
\q
\v 11 Nxu mali yaxune yɛngɛdeni!
\q Sese mi adamana maliin na.
\q
\v 12 Koni Ala na lu en xɔn,
\q en nɔɔn sɔtɔma nɛn.
\q A tan nan en yaxune halagima.
\c 61
\s Ala, n xa lu i fɛma
\d Dawudaa bɛtina, bɛti baane kuntigin xa. A xa ba kondenne ra.
\q
\v 1 Ala n ma mawuga xuiin mɛ.
\q I tuli mati n ma maxandi xuiin na.
\q
\v 2 N yigitɛgɛxin bata n xui ramini i ma wulani.
\q N xali na geyaan fari
\q naxan mate n xa.
\q
\v 3 Amasɔtɔ i tan nan n yigiyaden na,
\q e nun yinna
\q naxan n natangama n yaxune ma.
\q
\v 4 N waxi lu feni i konni waxatin birin yi.
\q N xa luxunden sɔtɔ i gabutɛne bun ma.
\qr Bɛti xuini te.
\q
\v 5 Ala, i bata n dɛ ti xuine mɛ.
\q I bata na kɛɛn so n yii
\q i naxan namaraxi i ya yɛɛragaxu muxune xa.
\b
\q
\v 6 Ala xa mangan siin xun masa,
\q a xa bu han!
\q
\v 7 Ala xa mangan sabati a yɛtagi habadan!
\q A ratanga i ya hinanna nun i ya lannayaan nin.
\q
\v 8 Nanara, n tantun bɛtin bɛ i xinli waxatin birin,
\q n yi n dɛ ti xuine rakamali lɔxɔ yo lɔxɔ.
\c 62
\s Ala nan bɔɲɛ xunbenla fima
\d Dawudaa bɛtina, bɛti baane kuntigin xa Yedutun xa.
\q
\v 1 N bɔɲɛn saxi Ala nan baraka yi,
\q a tan nan n nakisima.
\q
\v 2 A tan kedenna nan n kantan fanyen na,
\q n nakisimana.
\q N ma faran makantanxin nan a ra.
\q Yaxune mi n nɔɛ mumɛ!
\q
\v 3 Han waxatin mundun yi,
\q ɛ luyɛ fuyɛ muxune ma?
\q Ɛ tan e rabirama
\q alo banxi xɔnna hanma langa fonna?
\q
\v 4 E waxi muxune ragodo feni tun,
\q keli a binyeni.
\q E e yoron wuleni.
\q E duban tima e dɛni,
\q koni e dangan tima e bɔɲɛni.
\qr Bɛti xuini te.
\b
\q
\v 5 N bɔɲɛ xunbenla sɔtɔma Ala nan xɔn.
\q A tan nan n yigin na.
\q
\v 6 A tan nan n kantan fanyen na,
\q n nakisimana.
\q N ma faran makantanxin nan a ra.
\q Yaxune mi n nɔɛ mumɛ!
\q
\v 7 N ma kisin nun n ma binyena Ala nan yii.
\q N kantan fanyen sɛnbɛmaan nan Ala ra.
\q N ma yigiyana a tan nan na.
\q
\v 8 Yamana, ɛ ɛ yigin sa a yi waxatin birin!
\q Ɛ yi ɛ kɔntɔfinle so Ala yii,
\q amasɔtɔ en yigiyaden nan Ala ra.
\qr Bɛti xuini te.
\b
\q
\v 9 Adamadiine ligaxi nɛn alo foyedina.
\q A xungbeen nun a xurina, sese mi e ra.
\q Hali e rate sikeela fari, e yelefu.
\q E malanxin yelefu foyedin xa.
\q
\v 10 I nama i yigin sa gbalo feene yi.
\q I nama i waso se muɲaxini.
\q Hali nafunla gbo i yii han,
\q i nama i yigin sa a yi!
\q
\v 11 Ala luma a falɛ,
\q fa fala a tan nan gbee fangan na.
\q
\v 12 I gbeen nan hinanna ra, n Marigina.
\q Bayo i tan muxun kɔntɔnna fima nɛn
\q alo a kɛwanla.
\c 63
\s Alaa hinanna fisa siimayaan xa
\d Dawudaa bɛtina, a yi Yuda tonbon yireni waxatin naxan yi.
\q
\v 1 Ala, n ni i fenma,
\q n ma Ala nan i tan na.
\q I xɔnla n sɔndɔmɛn na.
\q I xɔnla n fati bɛndɛn ma
\q alo min xɔnla n suxuma
\q tonbonni ito yi kii naxan yi,
\q bɔxɔ magenla, ige mi dɛnaxan yi.
\q
\v 2 N xa i to i ya yire sariɲanxini.
\q N yi i sɛnbɛn nun binyeni gbɛ.
\q
\v 3 I ya hinanna fisa siimayaan xa.
\q Nanara, n na i batuma.
\q
\v 4 N barikan birama i xa nɛn
\q n ma siimayaan birin yi,
\q n na n yiine yite i maxandideni.
\q
\v 5 N nii yifanma n ma nɛn,
\q alo n na wasa donse hagigɛne ra.
\q N yi i tantun sɛwa bɛtine yi.
\b
\q
\v 6 N nɛma saxi n ma saden ma,
\q n na n mirima i ma.
\q N xaxili luma i xɔn nɛn kɔɛɛn birin na.
\q
\v 7 Amasɔtɔ i tan nan n mali muxun na,
\q n sɛwa bɛtin ba i nininna bun ma.
\q
\v 8 N bata kankan i ma,
\q i yiin nan n natangama.
\q
\v 9 Naxanye katama n faxa feen na,
\q ne faxama nɛn.
\q
\v 10 E faxama silanfanna ra nɛn yɛngɛni,
\q kankone yi e binbine don.
\q
\v 11 Nayi, Mangan sɛwama nɛn Ala yi.
\q Naxanye e kɔlɔma Ala xinli,
\q ne a matɔxɔma nɛn.
\q Koni wuledene dɛɛne raxutuma nɛn.
\c 64
\s Ala maxandin maratangana fe ra
\d Dawudaa bɛtina, bɛti baane kuntigin xa.
\q
\v 1 Ala, i tuli mati n ma mawuga xuiin na!
\q N bata gaxu n yaxune yɛɛ ra.
\q N niin natanga!
\q
\v 2 N luxun muxu ɲaxine ma
\q naxanye e bode toma wundoni,
\q e nun fe ɲaxi raba ganla.
\q
\v 3 E lɛnne xanxan alo silanfanna.
\q Fala ɲaxine minima e dɛ
\q alo xalimakuli ralemunxina.
\q
\v 4 E e xanle tima sɔntaren na wundoni.
\q E mafura bunna tiyɛ, e mi gaxuma.
\q
\v 5 E e bode rawɛkilɛma kɛwali ɲaxin ma.
\q E e bode toma,
\q e lutine ratima dɛnaxan yi.
\q E naxa, “Nde nɔɛ e toɛ?”
\q
\v 6 E tinxintareyani tɔnma, e naxa,
\q “En ma kɔtɛ yitɔnxin mi fulɛ mumɛ!”
\q Muxun kui feene kolon naxɔlɔ!
\b
\q
\v 7 Koni Alaa xalimakunle wolima e ma nɛn,
\q a e li keden na.
\q
\v 8 E gbee fala xuine xɛtɛma e ma nɛn,
\q e yi halagi.
\q Naxan yo na e to,
\q ne e xunne yimaxama nɛn e mageledeni.
\q
\v 9 Nayi, gaxun adaman birin suxuma nɛn.
\q E e xaxili lu Ala a wanla xɔn,
\q e yi a fe rabaxine famu.
\q
\v 10 Tinxin muxune xa sɛwa Alatala yi,
\q e yi a findi e luxunden na.
\q Muxu sɔndɔmɛ faɲin birin xa a matɔxɔ.
\c 65
\s Tantunna nun barika birana
\d Dawudaa bɛtina, bɛti baane kuntigin xa. Sigi sariɲanxina.
\q
\v 1 Ala, a lan yamaan yi i tantun Siyon yi,
\q nxu mɔn yi nxu dɛ ti xuine rakamali.
\q
\v 2 I tan naxan maxandi xuine ramɛma,
\q muxun birin fama nɛn i fɛma.
\q
\v 3 Hakɛne to sɛnbɛn sɔtɔ nxu xun ma
\q i yi nxɔ matandine mafelu.
\q
\v 4 Sɛwan ne xa,
\q i bata naxanye sugandi
\q e xa lu i konni!
\q Nxu bata lugo i ya banxin fe faɲine ra,
\q i Batu Banxi Sariɲanxina.
\b
\q
\v 5 I nxɔ maxandin yabima
\q kabanakoon nan na tinxinni.
\q Ala nxu rakisimana,
\q bɔxɔn danna muxun birin yigina i tan nan na,
\q e nun naxanye fɔxɔ igen kidi ma pon!
\q
\v 6 I sɛnbɛn bata geyane da
\q bayo fangamaan ni i ra.
\q
\v 7 I bata baan xuini ti,
\q i yi a walanne raxara.
\q I mɔn yi siyane masabari.
\q
\v 8 Dunuɲa birin gaxuma i ya kabanakone yɛɛ ra.
\q Keli sogetedeni han sogegododeni,
\q e birin bɛtin bama i xa sɛwani.
\b
\q
\v 9 I yengi dɔxi bɔxɔn xɔn
\q i yi tule igen sa a ma, han a ramɔ.
\q Alaa xuden nafexi igen na,
\q alogo donseen xa sɔtɔ.
\q I tan nan na ragidixi.
\q
\v 10 I tule gbeen nafama xɛɛ bixine ma
\q bɔxɔn yi xunbeli, a yogon igen na.
\q I tan barakan sama xɛɛni, a sabati.
\q
\v 11 Xɛɛ xaba waxatini,
\q i ya fanna warama ayi nɛn.
\q I na dangu dɛnaxan yi,
\q mɛnna yi sabati.
\q
\v 12 Fixɛne fanma e nun fiile.
\q Geyane rayabuma nɛn han!
\q
\v 13 Xuruseene yiriwama nɛn fixɛne ma.
\q Lanbanne yi rafe siseene ra.
\q Na birin yi findi bɛti ba xunna ra
\q e nun sɛwa sɔnxɔna.
\c 66
\s Barika birana Ala xa
\d
\v 1 Sigi sariɲanxina. Tantun bɛtina. Bɛti baane kuntigin xa.
\q Dunuɲa muxun birin xa sɔnxɔ sɛwani Ala xa!
\q
\v 2 Ɛ a xinla binya bɛtin ba!
\q Ɛ tantun gbeen fi a ma!
\q
\v 3 Ɛ a fala Ala xa,
\q “I ya kabanako wanle magaxu!
\q I sɛnbɛn gbo han!
\q Nanara, i yaxune gaxuxin felenxi i bun ma.
\q
\v 4 Muxun birin i batuma dunuɲa yi,
\q e tantun bɛtin ba i xa.
\q E i xinla tantunma bɛtini.”
\qr Bɛti xuini te.
\b
\q
\v 5 Ɛ fa be!
\q Ɛ a mato Ala bata naxan liga!
\q A wanle magaxu adamadiine yɛ han!
\q
\v 6 A fɔxɔ igen findi nɛn yire yixaren na,
\q en benbane yi gidi baan tagi e sanni.
\q Nayi, en xa ɲaxan a tan yi.
\q
\v 7 A mangayaan nabama a sɛnbɛni habadan!
\q A yɛɛn tixi siyane ra,
\q nanara muxu yo nama murutɛ.
\qr Bɛti xuini te.
\b
\q
\v 8 Siyane, ɛ barikan bira en ma Ala xa!
\q Ɛ a tantun xuini te!
\q
\v 9 A bata siimayaan fi en ma,
\q a mi tin en yi bira.
\q
\v 10 Ala i nxu rasariɲanma
\q sulun tɛɛni alo wure gbetina.\f + \fr 66.10\fr* \fk Sulun tɛɛn\fk* mɔn falama yirena nde yi fa fala “\fk Furu tɛɛna\fk*.”\f*
\q
\v 11 I a liga nɛn nxu yi suxu,
\q i mɔn yi goron gbeen sa nxu xun ma.
\q
\v 12 I tin nɛn nxu yaxune yi ti nxu fari.
\q Nxu yi dangu ige tilinxin nun tɛɛni.
\q Koni, i fa nxu ra dahamu bɔxɔni.
\b
\q
\v 13 N fama saraxa gan daxin na nɛn i ya banxini.
\q N bata dɛ xuiin naxan tongo i xa,
\q n na rakamalima nɛn.
\q
\v 14 Dɛ ti xuini itoe falaxi nɛn
\q n yi tɔrɔni waxatin naxan yi.
\q
\v 15 N sube turaxine bama saraxa gan daxin na nɛn,
\q n yi kontonne ba,
\q e tutin yi te kore.
\q N turane nun kɔtɔne fan bama nɛn.
\qr Bɛti xuini te.
\b
\q
\v 16 Ɛ fa be! Ɛ ɛ tuli mati,
\q ɛ tan naxanye birin gaxu Ala yɛɛ ra.
\q A bata naxan liga n xa,
\q n na a falama ɛ xa nɛn.
\q
\v 17 N bata a xili malina fe ra,
\q n yi a batu n dɛ xuiin na.
\q
\v 18 Xa hakɛn yi ramaraxi n bɔɲɛni nun,
\q Marigin mi yi a tuli matima n xuiin na nun.
\q
\v 19 Koni Ala yatin bata n namɛ,
\q a a tuli mati n ma maxandi xuiin na.
\q
\v 20 N barikan birama Ala xa
\q amasɔtɔ a mi a mɛxi n ma maxandi xuiin na.
\q A mi a hinanna baxi n yii.
\c 67
\s Siyane birin xa Ala tantun
\d Tantun bɛtina, bɛti baane kuntigin xa. A xa ba kondenne ra. Sigi sariɲanxina.
\q
\v 1 Ala xa kininkinin en ma,
\q Ala xa en baraka.
\q Ala nɔrɔn xa godo en ma.
\qr Bɛti xuini te.
\q
\v 2 Nanara, dunuɲa birin i ya kiraan kolonɲɛ,
\q siyane birin yi i ya marakisin kolon.
\q
\v 3 Siyane xa i tantun Ala,
\q siyane birin xa i tantun!
\q
\v 4 Muxune xa ɲaxan,
\q e bɛtin ba sɛwani,
\q amasɔtɔ i siyane makitima tinxinna nin.
\q I tixi dunuɲa muxune birin yɛɛ ra.
\qr Bɛti xuini te.
\b
\q
\v 5 Siyane xa i tantun Ala,
\q siyane birin xa i tantun!
\q
\v 6 Nayi, bɔxɔn donse gbegbe fima.
\q Ala, en ma Ala en barakama nɛn.
\q
\v 7 Ala en barakama nɛn,
\q bɔxɔn danna muxun birin yi gaxu a yɛɛ ra.
\c 68
\s Alaa nɔna Isirayila xa
\d Dawudaa bɛtina, bɛti baane kuntigin xa. Sigi sariɲanxina.
\q
\v 1 Ala xa keli,
\q a yi a yaxune raxuya ayi.
\q Naxanye a raɲaxuxi,
\q ne yi e gi a bun.
\q
\v 2 E kedi,
\q alo foyen sigama tutin na kii naxan yi.
\q E xa ɲan Ala yɛtagi
\q alo dolen na lo tɛɛni.
\q
\v 3 Koni tinxin muxune xa ɲaxan,
\q e sɛwa Ala yɛtagi.
\q E xa gele ɲaxanni.
\q
\v 4 Bɛtin ba Ala xa,
\q a xinla xa tantun bɛtini.
\q Naxan fama kundani,
\q ɛ na rasɛnɛ!
\q A xili nɛn Alatala.
\q En xa en sɛwa xuini te a yɛɛ ra!
\q
\v 5 Ala naxan a kon sariɲanxini,
\q kiridine fafe na a ra,
\q kaɲa gilɛne xun mayɛngɛn na a ra.
\q
\v 6 Ala denbayaan fima denbayatarene ma,
\q A kasorasane xɔrɔyama,
\q e mini bɛtin bɛ.
\q Koni murutɛ muxune luma bɔxɔ yidunduxin nin.
\b
\q
\v 7 Ala, i to ti i ya yamaan yɛɛ ra,
\q i siga na tonbon yireni.
\qr Bɛti xuini te.
\q
\v 8 Bɔxɔn yi xuruxurun,
\q koren yi rabi Ala yɛɛ ra,
\q Sinayi Geyana Ala,
\q Isirayilaa Ala.
\q
\v 9 Ala, i tule gbeen nafa nɛn,
\q i ya bɔxɔn mɔn yi xɛtɛ a kiini.
\q
\v 10 I ya yamaan yi dɔxɔ na,
\q I yi yiigelitɔne ki i ya nɛmana fe ra.
\q
\v 11 Marigin bata feni ito xibarun fi,
\q ɲaxalan gali gbeen yi siga a ralideni, e naxa,
\q
\v 12 “Mangane nun sofane e gima!
\q E e gima!
\q Nxu tan ɲaxanle yi yɛngɛ yi se tongoxine yitaxun.
\q
\v 13 Ɛ tan naxanye fan luxi xuruseene dɛxɔn,
\q ɛ a mɛ,
\q Ala a yamaan suturama nɛn
\q alo ganba tofaɲina
\q naxan gabutɛye rafalaxi gbetin nun xɛma faɲin na.”
\q
\v 14 Ala Sɛnbɛ Kanna to na mangane raxuya ayi,
\q e yolon alo balabalan kɛsɛna Geya Fɔrɛn ma.
\b
\q
\v 15 Basan yamanan geyane gbo!
\q Yire matexi wuyaxi e ma.
\q
\v 16 Nanfera ɛ Alaa geya sugandixin matoma xɔxɔlɔnni,
\q Ala yɛtɛɛn dɔxi dɛnaxan yi?
\q Alatala luma dɛnaxan yi habadan!
\q
\v 17 Marigin bata fa a yire sariɲanxini
\q keli Sinayi Geyaan ma
\q e nun a yɛngɛ so wontoro wuli wuli wuyaxi.
\q
\v 18 Marigina Alatala, i bata te kore,
\q muxu suxine biraxi i fɔxɔ ra.
\q I yi kiseene rasuxu adamadiine ra,
\q hali muxu murutɛxine,
\q i yi dɔxɔ na yi.
\q
\v 19 Barikan xa bira Marigin xa lɔxɔ yo lɔxɔ,
\q en ma goronna saxi naxan xun ma,
\q Ala en nakisimana.
\qr Bɛti xuini te.
\q
\v 20 En ma Ala, Ala na a ra
\q naxan muxune rakisima.
\q En Marigina Alatala na a ra
\q naxan en bama sayani.
\q
\v 21 Ala yatina a yaxune xunne yibɔma nɛn
\q naxanye kankanxi e sɔnne ma.
\q
\v 22 Marigin bata a fala, a naxa,
\q “N fama nɛn ɛ yaxune ra keli Basan yi.
\q N fama e ra nɛn sa keli fɔxɔ igen xɔnna ma
\q
\v 23 alogo ɛ xa ɛ sanne sin e wunli
\q ɛ barene fan yi e wunla kɔn han e wasa.”
\b
\q
\v 24 Ala, nxu bata i ya yamaan famatɔɔn to.
\q I ya yamaan soma yire sariɲanxini
\q i tan n ma Ala nun n ma mangana.
\q
\v 25 Bɛti baane yɛɛn na,
\q maxa se maxane xanbin na,
\q sungutunne wɔsɔwɔsɔnne maxama ne tagi.
\q
\v 26 Barikan bira Ala xa a malan gbeeni.
\q Isirayila bɔnsɔnna birin xa Alatala tantun.
\q
\v 27 Bunyamin bɔnsɔnna,
\q dɔnxɛ ra barin tixi e yɛɛ ra.
\q Yuda bɔnsɔnna mangane fan fama,
\q e sɔnxɔma e nun Sabulon mangane
\q nun Nafatali mangane.
\b
\q
\v 28 Ala, i sɛnbɛn nagodo,
\q i sɛnbɛn mayita, Ala,
\q alo waxati danguxini.
\q
\v 29 I Batu Banxin Yerusalɛn taani,
\q mangane fama kiseene ra i xa na yi.
\q
\v 30 I xa falan ti Misiran bɔxɔn xili ma
\q naxan nun sube xaɲɛn maliga sɛxɛni.
\q Misiran luxi nɛn alo tura ganla
\q siya gbɛtɛne biraxi naxan fɔxɔ ra
\q alo ɲinge diine.
\q E ragodo han e fa mudu gbetin na.
\q Na siya yɛngɛ ralanne raxuya ayi!
\q
\v 31 Xɛrane kelima nɛn Misiran yamanani,
\q Kusi kaane yi e yiine ti Ala xa a maxandideni.
\b
\q
\v 32 Dunuɲa yamanane,
\q ɛ bɛtin ba Ala xa,
\q ɛ Marigin tantun bɛtini.
\qr Bɛti xuini te.
\q
\v 33 A masiga tima kore xɔnna ma
\q xabu waxati xunkuye.
\q A galan xuiin naminima fangani.
\q
\v 34 Ɛ Ala sɛnbɛna fe rali,
\q a mangayaan nabama Isirayila xun na.
\q A sɛnbɛn kore xɔnna ma.
\q
\v 35 Ala na mini a Yire Sariɲanxini,
\q a magaxu han!
\q Isirayilaa Ala sɛnbɛn fima a yamaan ma nɛn
\q e nun fangana.
\q Barikan xa bira Ala xa!
\c 69
\s Sɔxɔlɛ maxandina
\d Dawudaa bɛtina, bɛti baane kuntigin xa. A xa ba alo bɛtin naxan xili: “Fuge Faɲine.”
\q
\v 1 Ala, n nakisi!
\q Igen bata te han n kɔɛɛn bun ma.
\q
\v 2 N bitinma boro tilinxini.
\q San tide yo mi na yi.
\q N tilinna xɔrɛ ra.
\q N na n maminma fufani.
\q
\v 3 N bata xadan xili tideni n mali feen na.
\q N kɔɛ yinla nan fa n xɔlɔma.
\q N yɛɛne bata xadan,
\q e bata bu i yɛɛ ra kira yi.
\q
\v 4 Naxanye n naɲaxuxi fuuni,
\q ne wuya dangu n xunsɛxɛn na.
\q A gbegbe wama n faxa feni,
\q naxanye n yaxuyaxi fuu!
\q N mi naxan muɲaxi n na raxɛtɛ ba?
\b
\q
\v 5 N yi daxuyani kii naxan yi,
\q i na kolon
\q Ala, n sɔnna mi luxunxi i tan ma.
\q
\v 6 Marigina Alatala Sɛnbɛn Birin Kanna,
\q n nama ne rayagi
\q naxanye yigi saxi i yi.
\q Isirayilaa Ala,
\q n nama findi ne yarabi muxu ra,
\q naxanye i batuma!
\q
\v 7 E n konbima i tan nan ma fe ra.
\q N bata yagi han!
\q
\v 8 N bata liga
\q alo xɔɲɛna ngaxakedenne xa,
\q alo fa muxuna n xabilani.
\q
\v 9 I ya banxina fe xaminna n ma,
\q han a n ganma alo tɛɛna.
\q Nanara, e i konbin naxanye tima,
\q ne n tan nan lima.
\q
\v 10 N na wuga, n yi sunna suxu,
\q yamaan yi n konbi.
\q
\v 11 N na kasa dugin nagodo n ma sununi,
\q yamaan yi sabaan so n na.
\q
\v 12 Naxanye batuma taan so dɛɛn na
\q ne n nafɛyama.
\q Dɔlɔ minne sigin sama, e n magele.
\b
\q
\v 13 Koni Alatala, n na i tan nan maxandima.
\q I ya hinan gbeen waxatin ni i ra n xa.
\q Ala, n yabi i ya marakisi barakaxini.
\q
\v 14 N xunba, n nama bitin boroni.
\q N xunba n yaxune yii, n ba tilinni.
\q
\v 15 I nama tin fufaan yi sa n xun ma.
\q I nama tin n yi n mamin tilinni,
\q hanma n bitin gaburun na.
\q
\v 16 N ma Alatala, n yabi
\q i ya hinanna nun i ya fanni.
\q I firifiri n binni i ya kininkinin gbeeni.
\q
\v 17 I nama i yɛtagin luxun i ya walikɛɛn ma.
\q N yabi iki sa! Bayo n tɔrɔxi.
\q
\v 18 Fa n fɛma i yi n nakisi.
\q N xunba n yaxune yii.
\q
\v 19 I a kolon n konbima kii naxan yi,
\q n nayagima, n nayarabima.
\q I n yaxune birin toma.
\q
\v 20 Konbin bata n bɔɲɛn kala
\q han n yigitɛgɛ.
\q N yengi yi kininkininna a fe ma nun
\q koni se mi na.
\q N yengi yi madɛndɛnna nan ma nun,
\q koni n mi se to.
\q
\v 21 E dabarin sama n ma donseni.
\q Min xɔnla to n suxu,
\q e minse xɔlɛn so n yii.
\b
\q
\v 22 Ala xa e ɲaxaɲaxane findi luti ratixin na e yɛɛ ra.
\q Ala xa e hɛrin findi e suxu xunna ra.
\q
\v 23 E yɛɛne xa rafɔrɔ ayi,
\q e yi danxu!
\q E fanne xa ba a ra waxatin birin!
\q
\v 24 I xa fitina e xili ma,
\q i ya xɔlɔ gbeen yi e li.
\q
\v 25 E dɔxɔden xa kala.
\q Muxe nama lu e bubune kui.
\q
\v 26 Bayo, i naxanye tɔrɔxi,
\q e ne ɲaxankatama.
\q I naxanye ɲaxankataxi,
\q e ne fe falama sɛwani.
\q
\v 27 I xa e magi e hakɛne birin na.
\q E nama i ya kisin sɔtɔ mumɛ!
\q
\v 28 Ala xa e xinle ba nii rakisin kitabun kui.
\q E nama basan tinxin muxune xinle ra.
\b
\q
\v 29 Koni n xɔlɛni, n mɔn yigitɛgɛxi.
\q Ala, i ya marakisin xa n natanga!
\q
\v 30 N na Ala xinla matɔxɔma bɛtini nɛn.
\q N yi a gboon nali,
\q n barikan bira a xa.
\q
\v 31 Na Alatala kɛnɛnma nɛn
\q dangu ɲinge baan na a xa,
\q dangu tura kamalixin baan na saraxan na.
\q
\v 32 Yiigelitɔne a toma nɛn, e sɛwa.
\q Ɛ tan naxanye Ala fenma,
\q Ala xa siimayaan fi ɛ ma.
\q
\v 33 Alatala tuli matixi tɔrɔ muxune ra.
\q A mi ɲinanma muxu suxine xɔn
\q a gbeen naxanye ra.
\b
\q
\v 34 Koren nun bɔxɔn nun fɔxɔ igena
\q e nun e yi seene,
\q e birin xa Ala matɔxɔ.
\q
\v 35 Ala Siyon taan nakisima nɛn.
\q A Yuda taane tima nɛn.
\q A mɔn yi a yamaan nadɔxɔ na yi,
\q e mɔn yi findi a gbeen na.
\q
\v 36 Na findima a walikɛne mamandenne kɛɛn na nɛn.
\q Naxanye Ala xanuxi, ne yi lu na yi.
\c 70
\s Ala maxandina malina fe ra
\r Yaburin 40.13-17
\d Dawudaa bɛtina, bɛti baane kuntigin xa. Maxandina.
\q
\v 1 Ala, n nakisi!
\q Alatala, fa n mali iki sa!
\q
\v 2 Ala xa ne yarabi
\q naxanye n faxa feni tɔnma,
\q e yifu.
\q Ala xa ne raxɛtɛ marafɛyani
\q n ma tɔrɔn nafanxi naxanye ma.
\q
\v 3 E yagixin xa xɛtɛ naxanye a falama,
\q e naxa, “Yɔ! I suxi!”
\q
\v 4 Naxanye birin i tan fenma,
\q i xa ne birin nasɛwa.
\q Naxanye waxi i ya kisi feen xɔn,
\q ne xa lu a falɛ,
\q “Ala gbo!”
\q
\v 5 Koni, yiigelitɔɔn nun tɔrɔ muxun nan n tan na.
\q Ala, fa n fɛma mafurɛn!
\q I tan nan n malimaan nun n natangamaan na.
\q Alatala, i nama buyɛ ayi.
\c 71
\s Fonna Ala maxandina
\r Yaburin 31.1-4
\q
\v 1 Alatala, i tan nan n luxunden na.
\q I nama tin n yi yagi!
\q
\v 2 N natanga i yi n xunba
\q amasɔtɔ i tinxin.
\q I tuli mati n na i yi n nakisi!
\q
\v 3 Ala, findi n kantan fanyen na,
\q n luxundena,
\q n luma sigɛ dɛnaxan yi.
\q Yamarin fi, i yi n nakisi.
\q Amasɔtɔ, n kantan fanyen nun
\q n ma yinna nan i tan na.
\q
\v 4 N ma Ala,
\q n natanga muxu ɲaxine sɛnbɛn ma,
\q i n ba hakɛ kanne nun gbalotɔne yii.
\q
\v 5 N Marigina Alatala,
\q n yigin na i tan na.
\q N bata n yigin sa i yi
\q xabu n dii ɲɔrɛyani.
\q
\v 6 I n masuxi
\q xabu n yi n nga kui waxatin naxan yi.
\q I tan nan a liga n yi bari,
\q nanara n ni i tantunma.
\q
\v 7 N findixi misaala nan na a wuyaxi xa,
\q amasɔtɔ n yigiya sɛnbɛmaan nan i tan na.
\q
\v 8 N ni i tantunma nɛn fɛriɲɛn gbɛn!
\q N yi i ya nɔrɔn matɔxɔ.
\b
\q
\v 9 I nama i mɛ n na
\q amasɔtɔ iki, n bata fori.
\q I nama n nabeɲin
\q amasɔtɔ n fangan bata ɲan.
\q
\v 10 N yaxune n mafalama.
\q Naxanye waxi n faxa feni,
\q ne e bode toma.
\q
\v 11 E naxa, “Ala bata a rabeɲin.
\q En siga a fɔxɔ ra en yi a suxu.
\q A xunba muxu mi na yi.”
\q
\v 12 Ala, i nama i makuya n na.
\q N ma Ala, i mafura, i fa n mali!
\q
\v 13 Ala xa ne yarabi, e ɲan,
\q naxanye n kansunma.
\q Ala xa ne yagi, e xun nagodo
\q naxanye waxi n maxɔlɔ feni.
\q
\v 14 N xaxili tixi i ra tun!
\q N mɔn sigama i tantunɲɛ tun!
\q
\v 15 N ni i ya tinxinyaan matɔxɔma nɛn fɛriɲɛn gbɛn!
\q E nun i ya marakisina,
\q hali n to mi e birin kolon.
\q
\v 16 Marigina Alatala,
\q n fama i sɛnbɛn barakani,
\q n ni i tan keden peen nan ma tinxinyaan matɔxɔma.
\b
\q
\v 17 Ala, xabu n xurun waxatin naxan yi,
\q i n xaran nɛn.
\q N mɔn i ya kabanakone matɔxɔma tun!
\q
\v 18 Ala, iki, n bata fori,
\q n xunsɛxɛn fan bata fuga.
\q Koni i nama n nabeɲin
\q fɔ n xa i sɛnbɛn nali iki muxune ma,
\q n yi i ya fangana fe yɛba
\q mayixɛtɛ famatɔne birin xa.
\q
\v 19 Ala, i ya tinxinyaan bata kore li!
\q I bata kabanako fe wuyaxi liga.
\q Nde ligaxi alo i tan?
\q
\v 20 Hali i to tɔrɔn nun xɔlɛ gbeen nafa n ma,
\q i mɔn n niin naxɛtɛma n yi nɛn.
\q Hali n sa gaburun tilinxini bɔxɔn bun,
\q i n natema nɛn mɔn.
\q
\v 21 I n ma xunnayerenna ragboma ayi nɛn,
\q i mɔn yi n madɛndɛn.
\q
\v 22 N na i tantunma nɛn kondenna ra
\q i ya lannayana fe ra, n ma Ala.
\q N tantun bɛtin bama i xa nɛn bɔlɔnni,
\q Isirayila Sariɲantɔna.
\q
\v 23 N sɔnxɔma nɛn sɛwani
\q n nɛma bɛti baani waxatin naxan yi
\q amasɔtɔ i bata n xunba.
\q
\v 24 N ni i ya tinxinyaan matɔxɔma nɛn fɛriɲɛn gbɛn!
\q Amasɔtɔ naxanye yi waxi n tɔrɔ feni,
\q ne bata yagi, e yarabi.
\c 72
\s Ala maxandina mangan xa
\d
\v 1 Sulemani gbeena.
\q Ala, mangan xaran i ya kitisa kɛndɛn na.
\q I ya tinxinyaan yita n tan mangana diin na.
\q
\v 2 Nanara, a i ya yamaan makitɛ tinxinni.
\q A sariya kɛndɛn sa yiigelitɔne xa.
\q
\v 3 Ala xa bɔxɔn nasabati yamaan xa.
\q Ala xa tinxinyaan sabati yamanani.
\q
\v 4 Mangan xa sariya kɛndɛn sa yiigelitɔne xa.
\q A xa tɔrɔ muxune diine rakisi,
\q a yi e yɛngɛfane rayensenɲɛ ayi.
\q
\v 5 I ya mangayaan xa magaxu ayi
\q han mamandenne mamandenne
\q fanni sogen tema
\q fanni kiken mɔn dɛgɛma.
\b
\q
\v 6 Mangan fanna xa liga
\q alo tulena xɛɛne ma,
\q a xa liga
\q alo tule igen nɛɛn fɛ bɔxɔn ma.
\q
\v 7 Tinxin muxune xa sabati mangan waxatini.
\q Ala xa hɛri gbeen fi fanni kiken dɛgɛma.
\q
\v 8 A mangayaan gboma ayi nɛn
\q sa fɔlɔ sogeteden na
\q han sa dɔxɔ sogegododen na.
\q Fɔlɔ Efirati baan ma
\q han sa dɔxɔ bɔxɔn danna ra.
\q
\v 9 Naxanye wulani
\q ne e xinbi sinma a bun ma nɛn.
\q A yaxune e sama bɔxɔn ma nɛn a bun ma.
\q
\v 10 Tarasisi mangane fama kiseene ra nɛn a fɛma
\q e nun fɔxɔ ige tagi bɔxɔne.
\q Saba nun Sɛba mangane mudun fima a ma nɛn.
\q
\v 11 Mangan birin e xinbi sinma a bun ma nɛn.
\q Siyane birin wanla kɛma a xa nɛn.
\q
\v 12 A tɔrɔ muxune xunbama nɛn
\q naxanye na a xili,
\q e nun yiigelitɔ rabeɲinxine.
\q
\v 13 A kininkininma sɛnbɛtarene nun tɔrɔ muxune ma nɛn.
\q A tɔrɔ muxune niin nakisi.
\q
\v 14 A e xɔrɔyama nɛn mayigbɛtɛnna nun gbalon ma,
\q bayo a e yatɛxi.
\q
\v 15 Ala xa mangan bu!
\q Ala xa xɛmaan fi a ma keli Saba yamanani.
\q Yamaan xa Ala maxandi a xa waxatin birin!
\q E xa duba a xa fɛriɲɛn gbɛn!
\q
\v 16 Ala xa donseen wara ayi bɔxɔni.
\q Geyane xa rafe siseene ra.
\q E xa bogi alo naxanye Liban yamanani.
\q Taa kaane xa sabati alo sɛxɛna.
\q
\v 17 Ala xa mangan findi xili kanna ra habadan!
\q A xinla xa bu alo sogena.
\q Siyane birin duban sɔtɔma nɛn a barakani.
\q E fan yi duba a xa.
\b
\q
\v 18 Barikan xa bira Marigina Alatala xa,
\q Isirayilaa Ala!
\q A tan keden peen nan kabanako feene ligama.
\q
\v 19 Barikan xa bira a xa habadan!
\q Ala xa dunuɲa birin nafe a binyen na!
\q Amina! Amina!
\b
\d
\v 20 Yese a dii xɛmɛn Dawuda maxandine danna ni i ra.
\c 73
\ms Yaburin Yire Saxandena: Keli Sora 73 ma han 89
\s Alaa tinxinyana fe
\d
\v 1 Asafi a bɛtina.
\q Ala fan Isirayila ra han!
\q A fan bɔɲɛ sariɲanxi kanne ra.
\q
\v 2 Koni fayida n bata yi tantan,
\q n kiraan beɲin.
\q
\v 3 Amasɔtɔ n yi wasodene maxɔxɔlɔnma nun
\q n muxu ɲaxine sabatixin to waxatin naxan yi.
\q
\v 4 E mi kɔntɔfilixi sese ra mumɛ!
\q E fatine fan, e kɛndɛ.
\q
\v 5 E mi sɔxɔlɛxi sese ra alo bonne.
\q Adamadiine tɔrɔne mi e tan lima.
\q
\v 6 Nanara, wasona e yi
\q alo ɲɛrɛn muxune kɔɛ.
\q Gbalona e yi alo domaan muxune ma.
\q
\v 7 Turena e fatini
\q han e yɛtagin bata yikusin.
\q Fe ɲaxin nan e bɔɲɛni han!
\q
\v 8 E gelen muxune ma,
\q e fala ɲaxine ti.
\q E muxune ɲaxankatama wasoni.
\q
\v 9 E fala ɲaxine tima Ala ma,
\q e dɛ ɲaxu falane dunuɲa birin yi.
\b
\q
\v 10 Nanara, yamaan biraxi e fɔxɔ ra,
\q e falane xɔnla yi e suxu
\q alo igen min daxina.
\q
\v 11 E naxa, “Ala nanse kolon?
\q Kore Xɔnna Ala nɔɛ na kolonɲɛ di?”
\q
\v 12 Muxu ɲaxine na kii nin.
\q E bɔɲɛn saxi waxatin birin,
\q e lu nafunla sɔtɛ tun!
\q
\v 13 Nayi, n luxi tinxinyani nɛn fuu!
\q N yi n yɛtɛ rasariɲan fuyan!
\q
\v 14 N tɔrɔxi lɔxɔ yo lɔxɔ!
\q I n hakɛn saranma n na xɔtɔn yo xɔtɔn!
\q
\v 15 Xa n yi falan ti alo e tan,
\q nayi, n yi i ya muxune yanfama nɛn nun.
\b
\q
\v 16 Nanara, n yi kata feni ito famudeni,
\q koni, a yi xɔdɔxɔ n ma.
\q
\v 17 Han n so Alaa yire sariɲanxini waxatin naxan yi,
\q n yi n miri e raɲan kiin ma.
\q
\v 18 Ala, i e tima yire salaxunxin nin,
\q e birama dɛnaxan yi, e kala.
\q
\v 19 Nba, e halagima nɛn mafurɛn,
\q gbalon yi e ɲan sasa!
\q
\v 20 E luxi nɛn alo xiyena
\q naxan ɲinanma muxun na xɔtɔnni.
\q Marigina, i na keli waxatin naxan yi,
\q e tununma nɛn.
\b
\q
\v 21 N bɔɲɛn yi sɔxɔlɛxi waxatin naxan yi,
\q n niin yi sunuxi,
\q
\v 22 n yi daxuyaan nun xaxilitareyani.
\q N yi luxi i yɛɛ ra yi alo subena.
\q
\v 23 Koni hali na,
\q n yi i fɔxɔ ra waxatin birin,
\q i yi n yii rasuxu,
\q
\v 24 i ti n yɛɛ ra i ya maxadine xɔn,
\q i yi n nasuxu binyen nin.
\q
\v 25 Nde n malima kore xɔnna ma,
\q ba i tan na?
\q Bayo i bata lu n xɔn,
\q n fa waxi nanse gbɛtɛ xɔn dunuɲa yi?
\q
\v 26 N fati bɛndɛn nun n niin taganɲɛ nɛn,
\q koni Ala nan n niin sɛnbɛn na
\q e nun n kɛɛna habadan!
\q
\v 27 Naxanye e makuyaxi i ra,
\q ne yatin halagima nɛn.
\q Naxanye e mɛxi i ra, i yi ne raxɔri.
\q
\v 28 Koni a rafan n tan ma,
\q n yi n maso Ala ra.
\q N bata Marigina Alatala findi n yigiyaan na,
\q alogo n xa i ya wali faɲine birin nali!
\c 74
\s Ala xa Isirayila xunba
\d
\v 1 Asafi a fala ɲaxumɛna.
\q Ala, nanfera i mɛxi nxu ra habadan?
\q Nanfera i xɔlɔma i ya yama kantanxin ma?
\q
\v 2 I xaxili lu i ya yamaan xɔn ma,
\q i naxan xunba xabu waxati xunkuye,
\q bɔnsɔnna naxan findixi i gbeen na.
\q I nama ɲinan i dɔxɔden Siyon Geyaan xɔn.
\q
\v 3 I xun ti taa xɔnni ito ra.
\q Nxu yaxune bata kala gbeen ti yire sariɲanxini.
\q
\v 4 Nxu yi naralanma i ra dɛnaxan yi,
\q I yaxune sɛwaxin bata sɔnxɔn nate mɛnni.
\q E yi e taxamasenne yite na yi.
\q
\v 5 E liga mɛnni alo xɛɛ sɛgɛne
\q naxanye fɔtɔn wudine sɛgɛma e bunbine ra.
\q
\v 6 E na sawura wudi tofaɲine birin kala
\q e bunbine nun e dɛgɛmane ra.
\q
\v 7 E tɛɛn so i ya Yire Sariɲanxin na,
\q a gan fefe.
\q E yi i xinla batuden naharamu.
\q
\v 8 E yi a mirixi, e naxa,
\q “En ne birin naxɔrima nɛn feu!”
\q E yi Ala batudene birin gan yamanani.
\q
\v 9 Nxu mi fa kabanako taxamasenne toma.
\q Nabi yo mi fa na sɔnɔn.
\q Nxu mi a kolon na buma han waxatin mundun.
\b
\q
\v 10 Ala, i yaxune i magelen danma waxatin mundun yi?
\q E luma i xili kalɛ nɛn ba,
\q han habadan?
\q
\v 11 I tondixi nxu maliyɛ nanfera?
\q I yiini bandun, i yi e raxɔri!
\q
\v 12 Ala, i tan nan nxɔ mangan na
\q xabu a fɔlɔni.
\q I tan nan marakisi tiin na dunuɲa yi.
\q
\v 13 I tan nan fɔxɔ igene yitaxun i sɛnbɛni.
\q I mɔn yi ige yi sube ɲaxine xunne yibɔ.
\q
\v 14 I tan nan ige yi sube magaxuxin xunne kala.
\q I yi a so burunna subene yii donseen na.
\q
\v 15 I tan nan tigine nun xudene ramini.
\q I tan nan baane yixara.
\q
\v 16 I tan nan gbee yanyin nun kɔɛɛn na.
\q I bata sogen nun kiken dɔxɔ e yirene yi.
\q
\v 17 I tan nan dunuɲa danne rafalaxi.
\q I soge furen nun ɲɛmɛn da.
\b
\q
\v 18 Koni Alatala, i xaxili lu ito xɔn ma:
\q i yaxune gelema i ma!
\q Xaxilitarene i xili kalama!
\q
\v 19 I nama i ya yamaan nabeɲin
\q alo ganbana sube xaɲɛne yii!
\q I nama ɲinan i ya muxune xɔn mumɛ,
\q naxanye tɔrɔxi.
\q
\v 20 I xaxili lu i ya layirin xɔn ma,
\q bayo bɔxɔn yire yi fɔrɛne rafexi gbalotɔne ra.
\q
\v 21 I nama tin muxu ɲaxankataxine yi yarabi,
\q alogo yiigelitɔne nun tɔrɔ muxune xa i xinla matɔxɔ.
\q
\v 22 Ala, keli i yi i yɛtɛ xun mayɛngɛ!
\q I xaxili lu a xɔn,
\q a xaxilitarene i magelema fɛriɲɛn gbɛn!
\q
\v 23 I nama ɲinan i yaxune sɔnxɔ xuiin ma,
\q i yɛngɛfane e xuini tema mumɛ!
\c 75
\s Ala nan kitisaan na
\d Asafi a bɛtina, bɛti baane kuntigin xa, a xa ba alo bɛtin naxan xili, “I Nama Halagin Ti.” Sigi sariɲanxina.
\q
\v 1 Ala, nxu bata i tantun.
\q Nxu i tantunma han!
\q Nxu i maxandima i xinli,
\q nxu yi i ya kabanakone fe fala.
\q
\v 2 I naxa, “N bata kiti sa lɔxɔn sa.
\q N kiti faɲin sama nɛn.
\q
\v 3 Bɔxɔn xuruxurunma waxatin naxan yi,
\q a niimaseene birin yi xuruxurun,
\q n tan nan a san bundɔxɔn xɔdɔxɔma ayi ken!
\qr Bɛti xuini te.
\q
\v 4 N bata a fala wasodene xa,
\q ‘Ɛ nama ɛ yɛtɛ yigbo!’
\q N bata a fala muxu ɲaxine xa,
\q ‘Ɛ nama ɛ kanba ɛ sɛnbɛn xɔn!
\q
\v 5 Ɛ nama ɛ kanba ɛ sɛnbɛn xɔn
\q kore xɔnna xili ma!
\q Ɛ nama waso falane ti!’ ”
\b
\q
\v 6 Amasɔtɔ xun mayɛngɛn mi kelima
\q sogeteden binna xan na
\q hanma sogegododen binni hanma burunna ra.
\q
\v 7 Ala nan kitin sama.
\q A yi nde yalagi, a yi nde yoo sa.
\q
\v 8 Amasɔtɔ igelengenna suxi Alatala yii,
\q a rafexi a xɔlɛn na
\q alo dɔlɔ xɔdɛxɛna.
\q A a xɛlɛma nɛn,
\q muxu ɲaxine birin yi a min han a ɲan.
\b
\q
\v 9 Koni n na a fe falama nɛn bɛtine yi habadan!
\q N yi tantun bɛtin ba Yaxubaa Ala xa!
\q
\v 10 A muxu ɲaxine birin fangan kala,
\q a tinxin muxune xunna keli.
\c 76
\s Nɔ tiin nan Ala ra
\d Asafi a bɛtina, bɛti baane kuntigin xa. A xa ba kondenne ra. Sigi sariɲanxina.
\q
\v 1 Yuda kaane Ala kolon.
\q A xinla binyaxi Isirayila yi.
\q
\v 2 A konna Salemi taan nin,
\q a dɔxi Siyon Geyaan nin.
\q
\v 3 A a yaxune xalimakunle yigira mɛnna nin,
\q e nun yɛ masansan wure lefane nun e silanfanne
\q nun e yɛngɛ so seene birin.
\qr Bɛti xuini te.
\b
\q
\v 4 Ala, i tan nan sɛnbɛn birin kanna ra,
\q i nɔrɔxi dangu habadan geyane ra.
\q
\v 5 Sofa wɛkilɛxine birin bata bira,
\q e yii seene yi tongo yɛngɛni.
\q E fa saya xixɔnla nin.
\q Na sofa yo mi fa a yiini maxama.
\q
\v 6 Yaxubaa Ala, i na falan ti xɔlɔni,
\q soone nun soo ragine yi bira, e faxa.
\b
\q
\v 7 I tan nan magaxu, Ala.
\q I na xɔlɔ, nde nɔɛ tiyɛ i yɛɛ ra.
\q
\v 8 I to kitisa xuiin namini keli kore,
\q yamanan muxune yi gaxu,
\q e yi e dundu,
\q
\v 9 i to keli kiti bolondeni
\q alogo i xa yiigelitɔne rakisi.
\qr Bɛti xuini te.
\b
\q
\v 10 Hali muxune na xɔlɔ i ma,
\q na raɲanma tantunna nan ma i tan xa.
\q Naxanye na mini i ya xɔlɔn bun,
\q ne xaxili sɔtɔma nɛn.
\q
\v 11 I na i dɛ ti Alatala xa, i ya Ala,
\q i xa a rakamali.
\q Yamanan naxanye birin be rabilinni,
\q ɛ Alatala ki!
\q A lan birin xa gaxu a yɛɛ ra!
\q
\v 12 A tan kuntigi wasoxine ragodoma nɛn,
\q a yi dunuɲa mangane magaxu.
\c 77
\s Madɛndɛnna tɔrɔ waxatini
\d Asafi a bɛtina, bɛti baane kuntigin xa, Yedutun xa.
\q
\v 1 N bata n xuini te Ala ma.
\q N bata n ma mawuga xuini te,
\q a xa n xuiin namɛ.
\q
\v 2 N yi tɔrɔni waxatin naxan yi,
\q n Marigin maxandi nɛn.
\q Kɔɛɛn birin na, n yi n yiini te Ala ma,
\q koni n mi madɛndɛn.
\q
\v 3 Alaa fe to rabira n ma, n kutun.
\q N to n miri a ma, n xaxinla yi yifu.
\qr Bɛti xuini te.
\b
\q
\v 4 N yi xi n yɛɛ ra yi.
\q N xaminxi, n mi fala tima.
\q
\v 5 Nayi, n yi n miri waxati danguxine ma
\q e nun ɲɛɛ xunkuyene.
\q
\v 6 Bɛtine yi rabira n ma kɔɛɛn na.
\q N yi n miri n bɔɲɛni,
\q n maxɔdinna ti n xaxinli iki:
\q
\v 7 “Marigina a mɛma nxu ra nɛn ba,
\q han habadan?
\q Nxu mi fa a kɛnɛnma ba?
\q
\v 8 Marigina hinanna bata ɲan ba,
\q han habadan?
\q A tulisaan bata ɲan ba,
\q han habadan?
\q
\v 9 Ala bata ɲinan hinanna xɔn ma ba?
\q Ala bata a kininkininna ɲan a xɔlɔni ba?”
\qr Bɛti xuini te.
\b
\q
\v 10 N yi a fala, n naxa,
\q “Naxan n tɔrɔma, na ni ito ra:
\q Kore Xɔnna Ala mi fa a fangan yitama
\q alo a fɔlɔni.”
\q
\v 11 Alatala,
\q n xa i ya kɛwanle rabira n yɛtɛ ma.
\q I ya kabanako fe fonne yi rabira n ma.
\q
\v 12 N xa n miri i ya wanle ma.
\q N yi n xaxili lu i ya wali gbeene xɔn ma.
\b
\q
\v 13 Ala, i ya kiraan sariɲan.
\q Batu se yo mi gbo alo Ala.
\q
\v 14 Ala nan i tan na
\q naxan kabanako wanle kɛma.
\q I bata i sɛnbɛn mayita siyane tagi.
\q
\v 15 I bata i ya yamaan xunba i sɛnbɛni,
\q Yaxuba nun Yusufu bɔnsɔnne.
\qr Bɛti xuini te.
\b
\q
\v 16 Ala, igene to i to,
\q e yi xuruxurun.
\q Tilinne yi xuruxurun.
\q
\v 17 Tulen yi godo keli kore.
\q Galanna yi a xuiin namini kore.
\q Kuyen yi a ɲinna masɔxɔn yiren birin yi.
\q
\v 18 I ya kuye sarinna xuiin yi gbo ayi.
\q I ya kuyena ɲin masɔxɔnna yi dunuɲa birin yiyalan.
\q Bɔxɔn yi xuruxurun, a yi yimaxa.
\q
\v 19 I ya kiraan yi fɔxɔ igeni.
\q I gidi baa tilinxini, i san fɔxɔne mi toɛ.
\q
\v 20 I yi Nabi Musa nun Haruna ti i ya yamaan yɛɛ ra
\q alo xuruse rabaan tima yɛxɛɛ kurun yɛɛ ra kii naxan yi.
\c 78
\s Ala nun a yamana fe
\d
\v 1 Asafi a fala ɲaxumɛna.
\q N ma muxune,
\q ɛ ɛ tuli mati n ma xaranna ra,
\q ɛ yi n ma fala xuine ramɛ.
\q
\v 2 N sandane nan sama.
\q N wundo fonne nan yɛbama.
\q
\v 3 En bata feen naxanye mɛ,
\q en yi e to,
\q en fafane feen naxanye falaxi en xa,
\q
\v 4 en mi ne luxunɲɛ en ma diine ma.
\q En Alatala matɔxɔ feene
\q nun a sɛnbɛn nun a kabanako feene
\q falama en mamanden famatɔne xa.
\b
\q
\v 5 A bata tɔnne so Yaxuba bɔnsɔnna yii.
\q A mɔn yi sariyan so Isirayila yii.
\q A en fafane yamari,
\q a e xa e diine xaran na ma,
\q
\v 6 alogo muxu famatɔne xa e kolon.
\q Hali diin naxanye munma bari singen,
\q ne fan yi a fala e diine xa.
\q
\v 7 Nayi, e fan e yigi sama Ala fari nɛn.
\q E mi fa ɲinanma a wanle xɔn ma,
\q e yi a yamarine suxu.
\q
\v 8 Nayi, e mi luma
\q alo e benbane yi kii naxan yi nun.
\q Tengbesendene nun murutɛdene nan yi ne ra nun
\q naxanye mako mi yi Alaa fe yi,
\q e mi yi tɔgɔndiyaxi Ala ma.
\q
\v 9 Xanla yi Efirami bɔnsɔnna muxun naxanye yii,
\q ne e gi nɛn yɛngɛn lɔxɔni.
\q
\v 10 E Alaa layirin nabeɲin,
\q e tondi a sariyan suxɛ.
\q
\v 11 E ɲinan nɛn Ala kɛwanle xɔn,
\q a kabanako feen naxanye yitaxi e ra.
\b
\q
\v 12 A kabanako feene liga nɛn
\q e benbane yɛɛ xɔri
\q Misiran yamanani, Soyan yi.
\q
\v 13 A yi fɔxɔ igeni taxun a tagi
\q a yi e ragidi.
\q A yi a liga igene yi mate ayi e bode fari
\q alo banxi kankena.
\q
\v 14 A ti e yɛɛ ra yanyin na kundani.
\q A mɔn yi ti e yɛɛ ra kɔɛɛn na tɛɛ dɛgɛni.
\q
\v 15 A fanyeni bɔ tonbonni,
\q a yi tigin namini, e yi e min.
\q
\v 16 A yi xuden namini gɛmɛne yi,
\q igen yi godo alo baana.
\b
\q
\v 17 Koni e lu yulubin ligɛ a ra,
\q e murutɛ Kore Xɔnna Ala ma tonbonni.
\q
\v 18 E yi a nata, a e xa Ala bunba,
\q e yi e waxɔn donseen maxɔdin Ala ra.
\q
\v 19 E yi Ala mafala, e naxa,
\q “Ala nɔɛ donseen naminɛ tonbonni ito yi ba?
\q
\v 20 A to gɛmɛn bɔ,
\q igen nan mini ayi yati,
\q koni a nɔɛ burun nun suben soɛ a muxune yii ba?”
\b
\q
\v 21 Na ma, Alatala e xuiin mɛxina, a fitina.
\q A yi xɔlɔ Isirayila ma,
\q tɛɛn yi mini Yaxuba bɔnsɔnna xili ma.\f + \fr 78.21\fr* Na feen sɛbɛxi Yatɛne 11.1 kui.\f*
\q
\v 22 Amasɔtɔ e mi yi laxi Ala ra,
\q e mi yi e yigi saxi a marakisini.
\q
\v 23 Koni a yi kuyen yamari,
\q a koren dɛɛne xa rabi,
\q
\v 24 a yi Manna donseen nagodo e ma,
\q a ariyanna donseen so e yii.\f + \fr 78.24\fr* \fk Manna donsena\fk* a fe mato Xɔrɔyaan 16.13-15 nun 16.31 kui.\f*
\q
\v 25 Adamadiine yi malekane burun don.
\q Ala yi donseen nasiga e ma han e lugo.
\q
\v 26 Ala yi foyen nafa keli sogetede binna ra.
\q A mɔn yi foyen namini yiifanna ma a sɛnbɛn na.
\q
\v 27 A yi xɔline ragodo e ma
\q naxanye yi wuya alo baan mɛɲɛnsinna.
\q
\v 28 E yi yolon e daaxaden tagi e bubune rabilinni.
\q
\v 29 Yamaan yi e dɛge han e lugo.
\q E yi waxi naxan xɔn ma Ala na so nɛn e yii.
\q
\v 30 Koni benun e xa wasa, donseen mɔn yi e dɛ,
\q
\v 31 Ala yi xɔlɔ e ma, a yi e sɛnbɛmane faxa,
\q Isirayila banxulanne.
\b
\q
\v 32 Hali na birin to liga,
\q e mɔn lu nɛn yulubin ligɛ!
\q Hali a to kabanako feene liga e mi dɛnkɛlɛya.
\q
\v 33 Nayi, a yi e dunuɲa yi gidin lu fuuni,
\q han e yi faxa kuisanni.
\q
\v 34 A to ndee faxa,
\q a dɔnxɛne yi tubi,
\q e yi Ala fen sɔbɛɛn na.
\q
\v 35 A yi rabira e ma
\q fa fala Ala nan e kantan fanyen na,
\q a Kore Xɔnna Ala nan yi e xunba muxun na.
\b
\q
\v 36 Koni e falane mi yi fixaxi,
\q e yi wulen nan falama a xa.
\q
\v 37 E mako mi yi Alaa fe yi,
\q e mi yi tinxinxi Ala layirini.
\q
\v 38 Koni bayo a kininkinin,
\q a yi e hakɛne mafelu.
\q A mi e halagi.
\q A xɔlɔn lu dɔxɔɲa ma wuyaxi,
\q a mi fitina e xili ma.
\q
\v 39 A a kolon fa fala daɲɔxɔn nan tun e ra,
\q e siimayaan luxi nɛn alo foyedina
\q naxan danguma a mi xɛtɛ.
\q
\v 40 E murutɛ Ala ma nɛn tonbonni sanɲa ma wuyaxi.
\q A yi sunu e fe ra burunna ra sanɲa ma wuyaxi!
\q
\v 41 E yi Ala bunbama yɛ yo yɛ.
\q E yi a liga Isirayilaa Ala Sariɲanxin yi xɔlɔ.
\q
\v 42 E ɲinan nɛn a sɛnbɛ gbeen xɔn,
\q e nun a e xunba e yaxune yii lɔxɔn naxan yi.
\q
\v 43 E ɲinan nɛn a taxamasenne xɔn Misiran yi,
\q e nun a kabanako feen naxanye liga Soyan yi.
\b
\q
\v 44 A yi e baane findi wunla ra.
\q Ige yo mi yi na nun
\q Misiran kaane yi naxan minɲɛ.
\q
\v 45 A tugetuge xɔlɛne rasiga e ma
\q naxanye e don.
\q Xunɲɛne fan yi e bɔxɔn kala.
\q
\v 46 A e siseene so suɲɛne yii.
\q A bogiseen birin so tuguminne yii.
\q
\v 47 A yi e wudi binle kala balabalan kɛsɛne ra.
\q A yi e xɔdɛ binle kala xunbenla ra.
\q
\v 48 A yi e ɲingene faxa balabalan kɛsɛne ra.
\q Galanna yi e xuruseene faxa.
\q
\v 49 A fitinaxin yi a xɔlɔ ɲaxin
\q nun a bɔɲɛ teen nun a maraɲaxun nagodo e ma.
\q Halagi ti ganla nan yi ne ra.
\q
\v 50 A mi xɛtɛ a xɔlɔn fɔxɔ ra,
\q a mi tin e niine yi rakisi,
\q a yi e faxa fitina furene ra.
\q
\v 51 A yi dii sarane faxa Misiran denbayaan birin yi.
\q Xami a denbayane dii singene birin
\q naxanye singe e fangan mayita.
\b
\q
\v 52 A yi fa a yamaan na
\q keli Misiran yi alo xuruse kuruna.
\q A yi e kantan burunna ra.
\q
\v 53 A yi ti e yɛɛ ra, sese mi e sɔtɔ,
\q nanara e mi gaxu.
\q Koni fɔxɔ igen yi a ragali e yaxune ma.
\q
\v 54 A yi fa e ra a bɔxɔ sariɲanxini
\q na geyaan ma a naxan sɔtɔ a sɛnbɛn xɔn.
\q
\v 55 A siya gbɛtɛne kedi nɛn a yamaan yɛɛ ra,
\q a yi e bɔxɔne yitaxun e ra.
\q A yi Isirayila bɔnsɔnne rasabati e konne yi.
\q
\v 56 Koni e yi murutɛ Kore Xɔnna Ala ma,
\q e yi a bunba.
\q E mi e xaxili lu a maxadi xuine xɔn,
\q
\v 57 e yi e masiga a ra,
\q e yanfan ti alo e benbane.
\q E mi fa tinxinxi
\q alo xalimakuli yidɔxina.
\q
\v 58 E Ala raxɔlɔ nɛn e suxure batudene ra.
\q E yi Ala raxɔxɔlɔn e ala sawurane xɔn.
\b
\q
\v 59 Ala to na mɛ, a yi xɔlɔ han!
\q Nanara, a yi a mɛ Isirayila ra feu!
\q
\v 60 A yi a banxin nabeɲin naxan Silo yi,
\q a yi dɔxi adamadiine tagi dɛnaxan yi nun.
\q
\v 61 A yi tin a sɛnbɛ kankiraan yi suxu.
\q A nɔrɔn misaala yi so yaxune yii.
\q
\v 62 A yi tin a muxune yi faxa silanfanna ra,
\q a yi a xɔlɔ gbeen nagodo a muxune ma.
\q
\v 63 Tɛɛn yi e banxulanne gan,
\q han ɲaxalan dii ti sigine yi dan na fe ra.
\q
\v 64 Saraxaraline yi faxa silanfanna ra.
\q Koni yɛngɛn mi tin kaɲa gilɛne yi e wuga.
\b
\q
\v 65 Dɔnxɛn na, Marigin yi keli
\q alo a yi xiin nɛn.
\q A yɛngɛn so
\q alo sofa sɛnbɛmaan na manpaan min.
\q
\v 66 A mɔn yi a yaxune kedi.
\q A yi e rayarabi habadan!
\q
\v 67 A yi a mɛ Yusufu bɔnsɔnna ra.
\q A mi Efirami bɔnsɔnna sugandi.
\q
\v 68 A Yuda bɔnsɔnna nan sugandi
\q e nun a Siyon Geyaan naxan xanuxi.
\q
\v 69 A yi a Yire Sariɲanxin ti mɛnni
\q alo kore xɔnna nun bɔxɔ xɔnna
\q naxanye na habadan!
\b
\q
\v 70 A yi a walikɛɛn Dawuda sugandi.
\q A yi a ba yɛxɛɛ kulan dɛxɔn.
\q
\v 71 A yi a tongo xuruse kantandeni,
\q a yi a findi a yamaan kantanmaan na,
\q Yaxuba bɔnsɔnna,
\q a gbee muxune Isirayila.
\q
\v 72 Dawuda yi a ɲɔxɔ lu e xɔn ma ɲɛnige faɲini.
\q A ti e yɛɛ ra ki faɲi.
\c 79
\s Ala maxandina Yerusalɛn taan xunba feen na
\d
\v 1 Asafi a bɛtina.
\q Ala, siya gbɛtɛne bata i ya bɔxɔn yɛngɛ,
\q e so.
\q E bata i Batu Banxi Sariɲanxin naharamu.
\q E bata Yerusalɛn findi taa xɔnna ra.
\q
\v 2 E bata i ya walikɛne binbine so xɔline yii
\q e yi e don.
\q I ya muxu tɔgɔndiyaxine binbine bata lu burunna subene bun.
\q
\v 3 E bata e wunla ramini Yerusalɛn birin yi
\q alo igen bɔxɔnma.
\q Muxu yo mi luxi
\q naxan faxa muxune maluxunɲɛ.
\q
\v 4 Nxu rabilinna siyane fala ɲaxin tima nxu ma,
\q e nxu makonbi, e nxu magele.
\q
\v 5 Alatala, i luma xɔlɔxi nxu ma nɛn
\q han waxatin mundun?
\q I ya xɔlɔn luma nɛn alo tɛɛna
\q han waxatin mundun yi?
\q
\v 6 I ya xɔlɔn nagodo siyane ma
\q naxanye mi i batuma,
\q e nun yamanan naxanye mi i xinla binyama.
\q
\v 7 Amasɔtɔ e bata Yaxuba bɔnsɔnna nɔ,
\q e a bɔxɔn kala.
\b
\q
\v 8 I nama nxu tɔrɔ nxu benbane hakɛne fe ra.
\q I ya kininkininna xa nxu ralan iki sa!
\q Amasɔtɔ nxu makona a ma han!
\q
\v 9 Ala, nxu rakisi muxuna,
\q nxu mali i xinla binya feen na!
\q Nxu xunba,
\q i yi nxu mafelu nxu yulubine ra
\q i xinla a fe ra.
\q
\v 10 Nanfera siyane maxɔdinna tima,
\q e naxa, “E Ala minɛn?”
\q A yita siyane ra nxu yɛɛ xɔri
\q a i ya walikɛne faxa feen ɲɔxɔma nɛn.
\b
\q
\v 11 I tuli mati suxu muxune kutun xuiin na.
\q Naxanye yalagin bun,
\q ne ratanga i sɛnbɛ gbeen na.
\q
\v 12 Na siyane konbin naxanye ti i ma Marigina,
\q ne saranna fi na ra dɔxɔ solofere.
\q
\v 13 Nanara, nxu tan i ya yamana,
\q i naxan kantanma
\q alo i ya xuruse kuruna,
\q nxu i tantunɲɛ na yi habadan,
\q nxu i matɔxɔ waxati famatɔne birin yi.
\c 80
\s Ala xa en ma yamanan natanga
\d Asafi a bɛtina bɛti baane kuntigin xa, sereyana, a xa ba alo bɛtin naxan xili: “Fuge Faɲine.”
\q
\v 1 Isirayila kantan muxuna,
\q i tuli mati nxu ra.
\q I tan naxan tixi Yusufu bɔnsɔnna yɛɛ ra
\q alo xuruse kuruna,
\q i tan naxan dɔxi maleka gubugubu kanne tagi,
\q i yɛtɛ makɛnɛn nɔrɔni.
\q
\v 2 I sɛnbɛn yita
\q Efirami nun Bunyamin nun Manase bɔnsɔnne ra.
\q Keli, i fa nxu rakisi!
\q
\v 3 Ala, i mɔn xa nxu sɛnbɛ so,
\q i nɔrɔn nagodo nxu ma,
\q alogo nxu xa kisi.
\b
\q
\v 4 Alatala, Ala Sɛnbɛn Birin Kanna,
\q i luma xɔlɔxi i ya yamaan ma
\q han waxatin mundun
\q i tondi a maxandin yabɛ?
\q
\v 5 I bata e balon findi sɔxɔlɛn na,
\q i yi e igelengenne rafe yɛɛgen na.
\q
\v 6 I bata nxɔ bɔxɔn findi yɛngɛ so xunna ra
\q nxu rabilinna siyane xa.
\q Nxu yaxune nxu magelema.
\q
\v 7 Ala Sɛnbɛn Birin Kanna,
\q i mɔn xa nxu sɛnbɛ so,
\q i nɔrɔn nagodo nxu ma,
\q alogo nxu xa kisi!
\b
\q
\v 8 I fa nɛn wudi binla ra
\q sa keli Misiran yamanani.
\q I siyaan bonne kedi,
\q i yi na wudi binla si e bɔxɔni.
\q
\v 9 I yi yirena nde yitɔn a rasoliden na.
\q A salenne yi godo pon!
\q A yi yamanan nafe.
\q
\v 10 A nininna yi so geyane xun na.
\q A yiine yi so suman wudi gbeene xun na.
\q
\v 11 A yiine yi sigama han fɔxɔ igen xun ma,
\q e mɔn yi sigaxi han baan xun ma.
\q
\v 12 Nanfera i a langan kalaxi?
\q I tin dangu muxune birin yi a bogine muɲa?
\q
\v 13 Segune yi keli fɔtɔnni, e a kala,
\q burunna subene yi a don.
\q
\v 14 Sɛnbɛn Birin Kanna Ala, i mɔn xa fa.
\q I yɛɛ ragodo nxu ma keli ariyanna yi,
\q i yi nxu mato.
\q I ya yamaan nakisi
\q naxan findixi na wudi binla ra!
\b
\q
\v 15 I tan yɛtɛɛn naxan sixi,
\q i xa na ratanga!
\q A luxi nɛn
\q alo i tan yɛtɛɛn diin naxan nagboxi.
\q
\v 16 E bata a sɛgɛ, e a gan,
\q i ya yamaan kalama i ya xɔlɔn bun ma.
\q
\v 17 I yengi lu mangan xɔn ma
\q i tan yɛtɛɛn naxan dɔxi,
\q i tan yɛtɛɛn diin naxan nagboxi.
\q
\v 18 Nxu mi fa nxu xun xanbi soma i yi sɔnɔn.
\q Nxu rakisi nanara nxu i tantunɲɛ.
\q
\v 19 Alatala, Ala Sɛnbɛn Birin Kanna,
\q i mɔn xa nxu sɛnbɛ so,
\q i nɔrɔn nagodo nxu ma,
\q alogo nxu xa kisi!
\c 81
\s Ala nan en malima
\d Asafi gbeena, bɛti baane kuntigin xa. A xa ba Gati kaane kondenna ra.
\q
\v 1 Sɔnxɔ sɛwani en ma Ala xa,
\q en sɛnbɛna.
\q Ɛ xuini te Yaxubaa Ala xa!
\q
\v 2 Ɛ bɛti baan fɔlɔ,
\q ɛ tanbanne maxa,
\q e nun bɔlɔnna nun kondenna.
\q
\v 3 Kike nɛnɛn na te,
\q e nun kiken na kɔxɔ,
\q ɛ xɔtaan fe en ma sali lɔxɔne yi.
\q
\v 4 Sariyan nan ito ra Isirayila xa.
\q Yaxubaa Alaa yamarin nan ito ra.
\q
\v 5 A a so Yusufu a denbayaan yii nɛn
\q a Misiran yamanan yɛngɛ waxatin naxan yi.
\q En yi xuina nde mɛ
\q en mi yi naxan kolon,
\b
\q
\v 6 A naxa, “N bata goronne ba ɛ xun ma.
\q Ɛ bata goron binyen dɔxɔ.
\q
\v 7 Ɛ yi tɔrɔni waxatin naxan yi,
\q ɛ yi n xili n yi ɛ xunba.
\q N yi ɛ yabi foye gbeeni.
\q N yi ɛ kɛɲaan fɛsɛfɛsɛ Meriba igene yi.”
\qr Bɛti xuini te.
\b
\q
\v 8 “N ma yamana,
\q ɛ ɛ tuli mati n ma maxadi xuine ra.
\q Isirayila, xa ɛ yi n xuiin namɛ nun!
\q
\v 9 Ɛ nama Ala gbɛtɛ batu!
\q Ɛ nama ɛ xinbi sin ala gbɛtɛ yo xa!
\q
\v 10 Alatala nan n tan na,
\q ɛ Ala naxan faxi ɛ ra
\q sa keli Misiran yamanani.
\q Ɛ ɛ dɛɛne yibi, n xa ɛ ralugo.
\q
\v 11 Koni n ma yamaan mi e tuli matixi n na.
\q Isirayila mi tin n na.
\q
\v 12 Nayi, n yi e lu e tengbesenyani,
\q e yi bira e waxɔn feene fɔxɔ ra.
\q
\v 13 Xa n ma yamaan yi n xuiin namɛ nun,
\q xa Isirayila yi birɛ n ma kirane fɔxɔ ra nun,
\q
\v 14 n yi e yaxune yarabima nɛn nun mafurɛn!
\q N yi e yɛngɛfane halagima nɛn.
\q
\v 15 Naxanye Alatala raɲaxuxi
\q ne gaxuxine yi e felenma nɛn a bun ma.
\q E tɔrɔn mi yi ɲanma habadan!
\q
\v 16 N yi ɛ baloma nɛn malo faɲin nun kumin na.”
\c 82
\s Ala nan mangan na
\d
\v 1 Asafi a bɛtina.
\q Ala dɔxi a manga gbɛdɛni,
\q a tan nan kitin sama sɛnbɛmane tagi.
\q A yi a fala, a naxa,
\q
\v 2 “Ɛ luma kitin sɛ tinxintareyani
\q han waxatin mundun,
\q ɛ yi lu muxu ɲaxine rafisɛ bonne xa?
\qr Bɛti xuini te.
\q
\v 3 Ɛ xa sɛnbɛtarene nun kiridine xun mayɛngɛ kitin sa,
\q ɛ yi tinxin yiigelitɔne nun muxu ɲaxankataxine xa.
\q
\v 4 Ɛ xa sɛnbɛtarene nun tɔrɔ muxune ratanga,
\q ɛ e xunba muxu ɲaxine yii.”
\b
\q
\v 5 “Ɛ mi fe kolon,
\q ɛ xaxili mi na,
\q ɛ sigan tima dimin nin,
\q bɔxɔn bunne birin xuruxurunma.
\q
\v 6 N bata yi a fala, n naxa,
\q ‘Alane nan ɛ tan na.
\q Kore Xɔnna Alaa diine nan ɛ birin na.’
\q
\v 7 Koni ɛ faxama nɛn
\q alo adamadiin bonne,
\q ɛ bira alo kuntigin bonne.”
\b
\q
\v 8 Ala, keli, i fa dunuɲa makiti,
\q bayo i tan nan gbee siyane birin na.
\c 83
\s Isirayilaa Ala maxandina e yaxune to yi e tɔrɔma
\d Sigi sariɲanxina. Asafi a bɛtina.
\q
\v 1 Ala, i nama i dundu.
\q Ala, falan ti, i nama i raxara!
\q
\v 2 A mato, i yaxune bata keli.
\q Naxanye i raɲaxuxi, ne bata murutɛ.
\q
\v 3 E feene yitɔnma wundoni i ya yamaan xili ma.
\q I naxanye ratangaxi,
\q e sama e bode fari ne xili ma.
\q
\v 4 E naxa, “En sa e raxɔri,
\q alogo Isirayila xinla xa tunun dunuɲa yi.”
\b
\q
\v 5 E bata lan a ma,
\q e xa e malan i xili ma,
\q
\v 6 Edɔn kaane nun Sumayila bɔnsɔnna muxune
\q nun Moyaba kaane nun Hagari kaane
\q
\v 7 nun Gebala kaane nun Amonine nun Amalɛkine
\q nun Filisitine e nun Tire kaane.
\q
\v 8 Asiriya yamanan fan bata sa e fari,
\q alogo e xa Loti bɔnsɔnna muxune mali.
\qr Bɛti xuini te.
\b
\q
\v 9 A liga e ra
\q alo i a liga Midiyan kaane ra kii naxan yi,
\q alo i a liga Sisera nun Yabin na Kison xudeni
\q kii naxan yi.
\q
\v 10 E faxa nɛn En-Dɔri yi,
\q e yi kun bɔxɔn fari.
\q
\v 11 A liga e kuntigine ra
\q alo i Orebi nun Sebi liga kii naxan yi.
\q E mangane birin xa lu
\q alo Sebaxa nun Salamuna,
\q
\v 12 naxanye yi a falama, e naxa,
\q “Nxu xa Alaa bɔxɔne tongo nxu gbeen na.”
\b
\q
\v 13 Ala, e liga
\q alo wuluwunla na sɛxɛ xarene tongo,
\q alo foyen na se dagin xali,
\q
\v 14 alo tɛɛn fɔtɔnna ganma kii naxan yi,
\q alo tɛɛn tema geyane ma kii naxan yi.
\q
\v 15 E kedi i ya tule gbeen na.
\q E magaxu i ya foye gbeen na.
\q
\v 16 Alatala, e rayagi,
\q han e yi i xinla fen.
\q
\v 17 E xa lu yagin nun kuisanni habadan.
\q E xa yigitɛgɛ, e raxɔri.
\q
\v 18 E xa a kolon
\q fa fala i tan Alatala,
\q i tan keden peen nan Kore Xɔnna Ala ra,
\q naxan mangayaan ligama dunuɲa birin xun na.
\c 84
\s Ala Batu Banxini siga bɛtina
\d Koraa diine tantun bɛtina, bɛti baane kuntigin xa. A xa ba Gati kaane kondenna ra.
\q
\v 1 Alatala Sɛnbɛn Birin Kanna,
\q i luden nayabu n yi han!
\q
\v 2 Alatalaa banxin xɔnla n na han!
\q N bɔɲɛn nun n fati bɛndɛn sɛwa bɛtin bama
\q Habadan Ala xinla nan ma fe ra.
\q
\v 3 Hali tuntunne bata e tɛɛne sa i ya banxini,
\q debelenne fan bata na findi e konna ra,
\q alogo e diine xa maso i ya saraxa ganden na
\q Alatala Sɛnbɛn Birin Kanna,
\q n ma mangan nun n ma Ala.
\q
\v 4 Sɛwan na kanne xa
\q naxanye luma i ya banxini!
\q E i matɔxɔma nɛn waxatin birin!
\qr Bɛti xuini te.
\b
\q
\v 5 Sɛwan na kanne xa
\q naxanye sɛnbɛn kelima i tan yi,
\q naxanye xun tixi Ala Batu Banxin na.
\q
\v 6 E nɛma danguma Baka lanbanni,
\q mɛnna yi lu e xa alo tigi yirene.
\q Tule singen na fa, darane yi fe.
\q
\v 7 E sɛnbɛn yi siga fari sɛ,
\q han e yi ti Ala yɛtagi Siyon yi.
\q
\v 8 Alatala, Ala Sɛnbɛn Birin Kanna,
\q n ma maxandi xuiin namɛ.
\q Yaxubaa Ala, i tuli mati n na.
\qr Bɛti xuini te.
\b
\q
\v 9 Ala, nxɔ mangan mato,
\q nxu yɛ masansan wure lefana.
\q I ya muxu sugandixin nasuxu!
\q
\v 10 Soge kedenna i Batu Banxini,
\q na dangu xii wuli keden na yire gbɛtɛ yi.
\q A fisa n xa lu tixi i ya banxin so dɛɛn na gbansan
\q benun n xa sabati muxu ɲaxine konne yi.
\q
\v 11 Marigina Alatala luxi nɛn en xa
\q alo en ma sogen nun en yɛ masansan wure lefana.
\q Alatala nan hinanna nun binyen fima en ma.
\q Naxanye sigati kii kamalixi,
\q a hɛrin fima nɛn ne ma.
\q
\v 12 Alatala Sɛnbɛn Birin Kanna,
\q sɛwan na kanne xa
\q naxanye e yigin sama i tan yi.
\c 85
\s Ala xa bɔɲɛ xunbenla fi en ma
\d Koraa diine tantun bɛtina, bɛti baane kuntigin xa.
\q
\v 1 Alatala, i bata yi hinan i ya yamanan na.
\q I bata yi Yaxuba bɔnsɔnna sɛnbɛ so.
\q
\v 2 I bata yi i ya muxune hakɛne mafelu,
\q i yi e yulubine xafari.
\qr Bɛti xuini te.
\q
\v 3 I bata yi i ya xɔlɔn ɲan,
\q i yi xɛtɛ i ya xɔlɔ gbeen fɔxɔ ra.
\b
\q
\v 4 Ala, nxu rakisi muxuna,
\q i mɔn xa nxu sɛnbɛ so.
\q I nama fa lu xɔlɛ nxu ma.
\q
\v 5 I luma xɔlɔxi nxu ma nɛn ba
\q han habadan?
\q I ya xɔlɔn luma nɛn
\q han mayixɛtɛ nun mayixɛtɛ?
\q
\v 6 I mi fa nxu rakisima ba,
\q alogo i ya yamaan mɔn xa sɛwa i ya fe ra?
\q
\v 7 Alatala, hinan nxu ra,
\q i yi nxu rakisi.
\b
\q
\v 8 N waxi n tuli mati feni Ala ra, Alatala.
\q A bɔɲɛ xunbenla nan ma fe falama a yamaan xa,
\q a muxu tɔgɔndiyaxine,
\q xa e mi fa xɛtɛ e xaxilitareyaan ma sɔnɔn.
\q
\v 9 A fama a yɛɛragaxu muxune rakisideni iki sa!
\q A binyen yi lu en ma yamanani.
\q
\v 10 Hinanna nun lannayana e bode xɔn ma.
\q Tinxinyaan nun bɔɲɛ xunbenla yi rakafu.
\q
\v 11 Lannayaan sabatima nɛn bɔxɔni,
\q tinxinna yi godo keli kore.
\q
\v 12 Alatala hɛrin fima nɛn en ma yati,
\q en ma bɔxɔn sansine yi sabati.
\q
\v 13 Tinxinyaan tima nɛn Marigin yɛɛ ra,
\q a kirani tɔn a xa.
\c 86
\s Ala maxandina malina fe ra
\d
\v 1 Dawudaa Ala maxandina.
\q Alatala, i tuli mati n na,
\q i yi n yabi.
\q Amasɔtɔ yiigelitɔɔn nun tɔrɔ muxun nan n na.
\q
\v 2 N niin natanga,
\q amasɔtɔ n tɔgɔndiyaxi i ma.
\q I tan n ma Ala, i ya walikɛɛn nakisi,
\q naxan a yigi saxi i tan yi.
\q
\v 3 N Marigina, kininkinin n ma!
\q N fɛriɲɛnma i tan nan maxandɛ.
\q
\v 4 Marigina, i ya walikɛɛn nasɛwa,
\q amasɔtɔ n na n niin taxuxi i tan nan na.
\q
\v 5 Marigina, i tan fan! I diɲa!
\q Naxan na i maxandi,
\q i hinanma nɛn na ra han!
\q
\v 6 Alatala, i tuli mati n ma maxandi xuiin na,
\q n ma mawuga xuiin namɛ.
\q
\v 7 N nɛma tɔrɔni,
\q n yi i maxandi,
\q amasɔtɔ i yabin tima.
\q
\v 8 Marigina, ala yo mi luxi alo i tan.
\q I ya wanle ɲɔxɔn mi na.
\q
\v 9 Marigina, i siyaan naxanye birin daxi,
\q ne fama nɛn,
\q e yi e xinbi sin i yɛtagi,
\q e yi i xinla binya.
\q
\v 10 Amasɔtɔ i tan gbo,
\q i kabanako feene rabama.
\q I tan keden peen nan Ala ra.
\b
\q
\v 11 Alatala, i ya kiraan yita n na
\q alogo n xa sigan ti i ya ɲɔndini.
\q Na fe keden peen sa n bɔɲɛni,
\q alogo n xa i xinla binya.
\q
\v 12 Marigina, n ma Ala,
\q n ni i tantunma nɛn n bɔɲɛn ma feu!
\q N yi i xinla binya habadan!
\q
\v 13 I bata hinan n na han!
\q I yi n niin natanga sayaan ma.
\b
\q
\v 14 Ala, wasodene bata keli n xili ma,
\q gbalotɔ ganla waxi n faxa feni,
\q e miriya yo mi sigama i tan ma.
\q
\v 15 Koni Marigina, i tan nan Ala ra
\q naxan kininkinin,
\q i diɲa, i mi xɔlɔn xulɛn,
\q i ya hinanna nun i ya lannayaan gbo.
\q
\v 16 I yɛɛ rafindi n ma,
\q i yi hinan n na.
\q Sɛnbɛn fi n ma, n tan i ya walikɛna.
\q N nakisi, n tan i ya walikɛ ɲaxanla diina.
\q
\v 17 A yita n na, a i fan,
\q alogo naxanye n naɲaxuxi,
\q ne xa a to, e yagi.
\q Amasɔtɔ i tan Alatala bata n mali,
\q i yi n madɛndɛn.
\c 87
\s Siyane birin yigin Yerusalɛn nin
\d
\v 1 Koraa diine tantun bɛtina. Sigi sariɲanxina.
\q Ala bata a taan ti Geya Sariɲanxin fari.
\q
\v 2 Siyon taan nafan Alatala ma
\q Yaxuba bɔnsɔnna taane birin xa.
\q
\v 3 Muxune Alaa taan matɔxɔma han!
\qr Bɛti xuini te.
\b
\q
\v 4 Ala naxa,
\q “N Misiran kaane nun Babilɔn kaane sama nɛn
\q n kolon muxune fari e nun Filisiti kaane
\q nun Tire kaane nun Kusi kaane.”
\q N yi a fala, n naxa,
\q “Itoe fan barixi Siyon taan nin.”
\q
\v 5 E a falama nɛn Siyon taan ma
\q fa fala siyani itoe fan barixi mɛnna nin,
\q Kore Xɔnna Ala yɛtɛɛn yi a rasabati.
\q
\v 6 Alatala na siyane xinle sɛbɛ,
\q a a falama nɛn ndee ma, a naxa,
\q “Itoe fan barixi Siyon taan nin.”
\qr Bɛti xuini te.
\q
\v 7 E bodonma nɛn, e bɛtin ba.
\q E naxa, “Nxu yigin birin i tan nin.”
\c 88
\s Mawugana malina fe ra
\d Sigi sariɲanxina. Koraa diine tantun bɛtina, bɛti baane kuntigin xa. A xa ba xulenna ra. Esira yixɛtɛna nde Heman ma fala ɲaxumɛna.
\q
\v 1 Alatala, Ala naxan n nakisima,
\q kɔɛɛn nun yanyin na,
\q n gbelegbelema i tan nan na.
\q
\v 2 N ma maxandi xuiin xa i li.
\q I tuli mati n ma mawuga xuiin na!
\q
\v 3 Tɔrɔ wuyaxi bata n niini li,
\q sayaan bata maso n na.
\b
\q
\v 4 E n yatɛma
\q alo naxanye sigama gaburun na.
\q N fangan birin bata ɲan.
\q
\v 5 E bata n nabeɲin faxa muxune yɛ,
\q alo muxu faxaxine gaburun na,
\q alo i bata ɲinan naxanye xɔn,
\q i mi fa sese ligama naxanye xa.
\q
\v 6 I bata n woli ayi bilingan tilinxin na dimi gbeeni.
\b
\q
\v 7 I ya xɔlɔn bata gbo ayi n ma,
\q i n yigbɛtɛnma i sɛnbɛn na.
\qr Bɛti xuini te.
\q
\v 8 I bata n xɔyine makuya n na,
\q i bata n findi se ɲaxin na e yɛɛ ra yi.
\q N balanxi, n mi nɔɛ minɛ.
\q
\v 9 N yɛɛne bata wasa tɔrɔn na,
\q n ni i xilima lɔxɔ yo lɔxɔ,
\q Alatala, n na n yiine yibandunma i tan nan ma.
\b
\q
\v 10 I kabanako feen ligɛ faxa muxune xa ba?
\q Faxa muxune kelɛ ba,
\q e yi i tantun?
\qr Bɛti xuini te.
\q
\v 11 Muxuna i ya hinanna fe falɛ gaburun kui ba?
\q I ya lannayana fe falɛ halagi yireni ba?
\q
\v 12 I ya kabanako feene toɛ dimini ba?
\q Ɲinan tima binbine xɔn dɛnaxan yi,
\q i ya tinxinyaan kolonɲɛ mɛnni ba?
\b
\q
\v 13 Alatala, n bata i xili, n mali.
\q N ni i maxandima xɔtɔn yo xɔtɔn.
\q
\v 14 Alatala, nanfera i i mɛxi n na?
\q Nanfera i i yɛtagi luxunxi n ma?
\q
\v 15 Xabu n dii ɲɔrɛna,
\q n yi tɔrɔni.
\q N yi masoxi sayaan na.
\q Gaxun bata n yili,
\q n yigitɛgɛ.
\q
\v 16 I ya xɔlɔ gbeen bata godo n ma.
\q I n kuisan gbeen naxan ti,
\q na bata n halagi.
\q
\v 17 Kuisanne n nabilinxi waxatin birin
\q alo fufana, e bata n nabilin yiren birin yi.
\q
\v 18 I bata n lanfane nun n xɔyine makuya n na.
\q N fa dimin nan tun kolon.
\c 89
\s Ala nun Dawudaa layirina
\d Esira yixɛtɛna nde Etani a fala ɲaxumɛna.
\q
\v 1 N bɛtin bama nɛn waxatin birin
\q Alatala hinanna fe ra,
\q n yi i ya tinxinna fe fala
\q mayixɛtɛne nun mayixɛtɛne xa.
\q
\v 2 N yi a fala
\q a i ya hinanna luma nɛn habadan,
\q a i ya tinxinyaan buma nɛn
\q alo kore xɔnna.
\q
\v 3 I naxa, “N bata layirin xidi
\q n ma muxu sugandixin xa,
\q n bata n kɔlɔ n ma walikɛɛn Dawuda xa,
\q
\v 4 n naxa, ‘N ni i yixɛtɛne findima nɛn
\q mangane ra waxatin birin,
\q n yi e mangayaan lu han habadan.’ ”
\qr Bɛti xuini te.
\q
\v 5 Alatala, malekan naxanye ariyanna yi
\q ne tantun bɛtin bama i ya kabanakone fe ra,
\q e nun i ya tinxinyana fe ra.
\q
\v 6 Alatala, i tan ɲɔxɔn mi na kore xɔnna ma.
\q Nde luxi alo Alatala, alane yɛ?
\q
\v 7 Ala magaxu maleka sariɲanxine malanni,
\q naxanye a rabilinxi,
\q a makabɛ ne birin yɛɛ ra yi.
\q
\v 8 Alatala, Ala Sɛnbɛn Birin Kanna,
\q nde luxi alo i tan?
\q I sɛnbɛn nun i ya tinxinyana i rabilinxi.
\b
\q
\v 9 I tan nan fɔxɔ igen sɛnbɛn natima,
\q a walanne na te, i tan nan e ragodoma.
\q
\v 10 I tan nan Misiran halagixi,
\q i tan nan i yaxune raxuya ayi i sɛnbɛn na.
\q
\v 11 I tan nan gbee kore xɔnna nun bɔxɔ xɔnna ra.
\q I tan nan dunuɲa daxi
\q e nun a yi seene birin.
\q
\v 12 I tan nan kɔmɛn fɔxɔ nun yiifari fɔxɔn daxi.
\q Taboro nun Xerimon geyane sɔnxɔma sɛwani
\q i ya fe ra.
\q
\v 13 I sɛnbɛn gbo!
\q I fangan magaxu han!
\q
\v 14 I ya mangayaan sɛnbɛ soxi
\q tinxinyaan nun sariya kɛndɛn nan na.
\q Hinanna nun ɲɔndina i kɛwanle birin yi.
\b
\q
\v 15 Sɛwan na kanne xa
\q naxanye i batuma bɛtini,
\q e sigan ti kɛnɛnni i yɛtagi, Alatala.
\q
\v 16 E ɲaxanma nɛn i xinli waxatin birin,
\q e i ya tinxinyaan binya.
\q
\v 17 I tan nan findixi e binyen nun e sɛnbɛn na,
\q i yi nxu xunna keli i ya fanni.
\q
\v 18 Amasɔtɔ Alatala nan nxu xun mayɛngɛn na,
\q nxɔ mangan nan Isirayilaa Ala Sariɲanxin na.
\b
\q
\v 19 Lɔxɔna nde,
\q i ya tɔgɔndiya muxune fe toon ti nɛn
\q alo xiye,
\q i yi a fala e xa, i naxa,
\q “N bata sɛnbɛn fi sofana nde ma,
\q n bata banxulanna nde sugandi yamaan yɛ.
\q
\v 20 N bata Dawuda to, n ma walikɛna.
\q N yi n ma ture sariɲanxin susan a ma.
\q
\v 21 N ma fangan luma a yi nɛn,
\q n yi a sɛnbɛ so.
\q
\v 22 A yaxune mi a nɔɛ mumɛ,
\q tinxintaren mi a rayarabɛ mumɛ.
\q
\v 23 N na a yɛngɛfane halagima nɛn a yɛɛ xɔri,
\q naxanye a raɲaxuma,
\q n yi ne yɛngɛ.
\q
\v 24 N ma tinxinna nun n ma hinanna luma nɛn a xɔn,
\q a sɛnbɛn sɔtɔ n xinli.
\q
\v 25 N na a mangayaan nasigama nɛn
\q han fɔxɔ igena,
\q a yi nɔɔn ti baane xun na.”
\b
\q
\v 26 “A n xilima nɛn, a naxa,
\q ‘I tan nan n Fafe ra, n ma Ala,
\q n kantan fanyen naxan n nakisima.’
\q
\v 27 N na a findima nɛn n ma dii singen na,
\q naxan gbo mangane birin xa bɔxɔ xɔnna fari.
\q
\v 28 N hinan a ra habadan!
\q N layirin naxan xidi nxu tagi,
\q na mi kalɛ mumɛ!
\q
\v 29 N na a yixɛtɛna nde luma nɛn mangayani habadan!
\q Fanni kuyen daxi,
\q a mangayaan daxi.”
\b
\q
\v 30 “Xa a yixɛtɛne mi tin n ma sariyan suxɛ,
\q xa e mi bira n ma sariyane fɔxɔ ra,
\q
\v 31 e yi n ma tɔnne kala,
\q e tondi n ma yamarine suxɛ,
\q
\v 32 nayi, n na e murutɛ feene saranma e ra nɛn dunganna ra,
\q n yi e ɲaxankata e hakɛne fe ra.
\q
\v 33 Koni n ma hinanna luma nɛn Dawuda xɔn,
\q n mi n ma tinxinyaan kalama.
\q
\v 34 N mi n ma layirin kalɛ.
\q N na a tuli saxi naxan na,
\q n mi na maxɛtɛ.
\q
\v 35 N bata n kɔlɔ n ma sariɲanni
\q n mi wulen falama Dawuda xa,
\q
\v 36 a yixɛtɛne luma nɛn habadan,
\q a mangayaan buma nɛn n yɛtagi
\q alo sogena.
\q
\v 37 A buma nɛn mangayani habadan
\q alo kikena,
\q naxan kore xɔnna ma taxamasenna ra waxatin birin.”
\qr Bɛti xuini te.
\b
\q
\v 38 Koni i bata i mɛ a ra,
\q i yi a masiga i ra!
\q I bata xɔlɔ i ya manga sugandixin ma han!
\q
\v 39 I bata i ya layirin kala i naxan xidi
\q ɛ nun i ya walikɛɛn tagi.
\q I bata a mangaya taxamasenna rabira bɔxɔni.
\q
\v 40 I bata a taan yinne birin nabira.
\q I yi a yire makantanxine findi taa xɔnne ra.
\q
\v 41 Dangu muxune birin a muɲama,
\q a dɔxɔ bodene bata a raɲaxu.
\q
\v 42 I bata a yɛngɛfane sɛnbɛn gbo ayi.
\q I yi a yaxune birin nasɛwa.
\q
\v 43 I bata a yɛngɛ so seene sɛnbɛn ɲan.
\q I tondi a maliyɛ yɛngɛni.
\q
\v 44 I bata a nɔrɔn ba a yii,
\q i yi a mangaya gbɛdɛn nabira bɔxɔni.
\q
\v 45 I bata a banxulanyaan waxatini kala a ma,
\q i yi a rayagi han!
\qr Bɛti xuini te.
\b
\q
\v 46 Alatala, i mɔn i luxunma nɛn nxu ma
\q han waxatin mundun?
\q I ya xɔlɔn luma gbo ayi
\q alo tɛɛna han waxatin mundun?
\q
\v 47 A xa rabira i ma
\q a n ma siimayaan mi fa xunkuya.
\q I adamadiine birin daxi nɛn tun ba?
\q
\v 48 Nde luma a faxataren na,
\q a yi a yɛtɛ ratanga sayaan ma?
\qr Bɛti xuini te.
\q
\v 49 Marigina, i ya hinanna minɛn,
\q naxan yi na nun,
\q i i kɔlɔ naxan na Dawuda xa i ya tinxinni?
\q
\v 50 Marigina,
\q i miri i ya walikɛne yagin ma,
\q e nun yamaan naxanye birin goron n xun ma.
\q
\v 51 Alatala, i yaxune bata nxu rayagi,
\q e biraxi i ya muxu sugandixin fɔxɔ ra yiren birin.
\b
\q
\v 52 Barikan xa bira Alatala xa habadan!
\q Amina! Amina!
\c 90
\ms Yaburin Yire Naanindena: Keli Sora 90 ma han 106
\s Nabi Musaa bɛtina
\d
\v 1 Nabi Musa, Alaa xɛrana maxandina.
\q Marigina, i tan nan findixi nxu yigiyaden na,
\q keli waxati danguxine ma han habadan.
\q
\v 2 Benun geyane xa da,
\q benun bɔxɔ xɔnna nun dunuɲa yɛtɛɛn xa da,
\q xabu a fɔlɔni, han to,
\q han habadan i tan nan Ala ra.
\q
\v 3 I tan nan muxune raxɛtɛma bɛndɛni,
\q i yi a fala, i naxa,
\q “Adamadiine, ɛ xɛtɛ ɛ kelideni.”
\q
\v 4 Bayo ɲɛɛ wuli kedenna luxi nɛn i yɛɛ ra yi
\q alo xii keden danguxina,
\q alo kɔɛ kedenna.
\q
\v 5 I tan nan muxun niin bama,
\q a dangu alo xɔtɔn ma xixɔnla,
\q alo sɛxɛn naxan solima.
\q
\v 6 Xɔtɔnni, a ɲingi, a sabati,
\q ɲinbanna na maso,
\q a lisi a ra, a xara.
\b
\q
\v 7 I ya xɔlɔna nxu yigitɛgɛma nɛn,
\q a yi nxu ɲan.
\q
\v 8 I bata nxu hakɛne sa i yɛtagi.
\q I bata nxɔ wundo yulubine birin sa kɛnɛnni.
\q
\v 9 Nxu siin ɲanma nɛn i ya xɔlɔn bun ma.
\q Nxu nxɔ siimayaan toon ɲanɲɛ
\q alo kutunna.
\q
\v 10 Yanyina nde nxɔ siimayana,
\q ɲɛɛ tonge solofere nan tun a ra.
\q Xa a xunkuya ayi,
\q ɲɛɛ tonge solomasɛxɛ.
\q Koni lanbaranna nun tɔrɔn nan ne birin na.
\q A ɲanma nɛn xulɛn, nxu faxa.
\q
\v 11 Nde nɔɛ i ya xɔlɔn sɛnbɛn kolonɲɛ,
\q a yi i binya
\q lan i ya xɔlɔn yatɛn ma?
\q
\v 12 Nxu xaran nxɔ siimayaan tɛngɛ,
\q alogo nxu xa sigan ti fe kolonni.
\b
\q
\v 13 Alatala, i ya xɔlɔn ɲanma waxatin mundun yi?
\q Kininkinin nxu tan i ya konyine ma.
\q
\v 14 Nxu ralugo i ya hinanni xɔtɔn yo xɔtɔn.
\q Nanara, nxu bɛtin bɛ,
\q nxu sɛwa nxu siin birin yi.
\q
\v 15 Nxu bata lu yagini waxati xunkuye.
\q Awa, iki sɛwa ɲɛɛne fi nxu ma
\q nxu naxan xasabi ligaxi tɔrɔni.
\q
\v 16 Nxu tan i ya konyine xa i ya wali gbeene to.
\q Nxɔ diine xa i ya binye magaxuxin to.
\q
\v 17 Marigina nxɔ Ala,
\q i ya fanna xa lu nxu xɔn.
\q Nxɔ wanle rasɔnɔya nxu xa,
\q yandi nxɔ wanle rasɔnɔya nxu xa.
\c 91
\s Ala nan en yigiya kɛndɛn na
\q
\v 1 Naxan na yigiya Kore Xɔnna Ala ma,
\q na bata lu Ala Sɛnbɛ Kanna makantanna bun.
\q
\v 2 N na a falama Alatala xa nɛn, n naxa,
\q “N yigiyaden nun n kantan yinna nan i tan na.
\q N ma Ala nan i tan na
\q n yigin saxi naxan yi.”
\q
\v 3 A i ratangama nɛn luti ratixine birin ma,
\q e nun faxa furene.
\q
\v 4 A i ratangama nɛn,
\q i yi i luxun a yi,
\q alo tɔxɛ ngana a gabutɛne soma
\q a diine xun na kii naxan yi.
\q A lannayaan yi findi i yɛ masansan wure lefaan na.
\q
\v 5 I mi gaxun kɔɛɛn gbalon yɛɛ ra,
\q hanma xalimakunla
\q naxanye wolima yanyin na.
\q
\v 6 I mi gaxuɛ fitina furene yɛɛ ra
\q naxanye i lima dimini,
\q hanma fure ɲaxin naxanye faxan tima yanyin na.
\q
\v 7 Muxu wuli kedenna faxama nɛn i dɛxɔn ma,
\q muxu wuli fu yi bira i rabilinni,
\q koni fefe mi ligɛ i tan na.
\q
\v 8 I i yɛɛn tima nɛn tun,
\q i yi muxu ɲaxine saranna to.
\q
\v 9 N bata n yigiya i tan ma Alatala.
\q I na Kore Xɔnna Ala findi i luxunden na,
\q
\v 10 fe ɲaxi yo mi i liyɛ.
\q Gbalo yo mi masoɛ i konna ra.
\q
\v 11 Ala yamarin fima nɛn a malekane ma i ya fe yi
\q alogo e xa i kantan i ya sigatiin birin yi.
\q
\v 12 E yi i tongo
\q alogo i nama i sanna din gɛmɛ yo ra.
\q
\v 13 I tima yatane nun saɲine fari nɛn.
\q I yi yata sɛnbɛmane nun saɲi ɲaxine yibodon.
\q
\v 14 Ala naxa, “N na kanna rakisima nɛn
\q bayo a n xanuxi.
\q N na ratangama nɛn
\q bayo a n kolon Ala ra.
\q
\v 15 A na n xili, n na a yabima nɛn.
\q N luma a xɔn ma nɛn tɔrɔni.
\q N na a xunbama nɛn,
\q n yi binyen sa a ma.
\q
\v 16 N yi siimaya xunkuye faɲin fi a ma,
\q n yi a yita a ra
\q a n tan nan a rakisima.”
\c 92
\s Tantun bɛtina
\d Tantun bɛtina. Sigi sariɲanxina. A xa ba Matabu Lɔxɔni.
\q
\v 1 A lan Alatala yi tantun.
\q Kore Xɔnna Ala,
\q a lan bɛtin xa ba i xa,
\q
\v 2 i ya hinanna fe yi fala xɔtɔn yo xɔtɔn,
\q i ya tinxinna fe yi fala kɔɛ yo kɔɛ,
\q
\v 3 bɛtine yi ba i xa kondenna nun bɔlɔn xuiin na.
\q
\v 4 Alatala, i kɛwanle bata n nasɛwa.
\q N sɛwa bɛtin bama nɛn i ya wanle fe ra.
\q
\v 5 Alatala, i ya wanle gbo de!
\q I miriyane tilin han!
\q
\v 6 Xaxilitaren mi ito kolon.
\q Daxun mi ito famuma.
\b
\q
\v 7 Fa fala, muxu ɲaxin kelima nɛn
\q alo sɛxɛ ɲaxina,
\q fe ɲaxi rabane birin sabatima nɛn,
\q koni habadan halagin nan e yɛɛ ra.
\q
\v 8 Amasɔtɔ i tan Alatala nan feen birin xun na habadan.
\q
\v 9 I yaxune ni i ra, Alatala,
\q i yaxune ni i ra, e halagima!
\q Fe ɲaxi rabane birin xuyama ayi nɛn.
\q
\v 10 I bata n sɛnbɛn gbo ayi
\q alo burunna ɲingena,
\q i yi ture faɲin susan n ma.
\q
\v 11 N na n yɛngɛfane yarabixin toma.
\q N na n yaxune wuga xuiin mɛma.
\b
\q
\v 12 Koni tinxin muxune sabatima nɛn
\q alo tugu binla.
\q E sɛnbɛn gboma ayi nɛn
\q alo suman binle Liban yamanani
\q
\v 13 alo wudin naxanye sixi Alatalaa banxini.
\q E sabatima nɛn en ma Alaa banxini.
\q
\v 14 E mɔn bogima
\q hali e to bata kɔxɔ.
\q E rafexi igen na, e xinde.
\q
\v 15 Na bata Alatalaa tinxinna yita.
\q A tan nan n kantan fanyen na,
\q fe ɲaxi yo mi a tan yi.
\c 93
\s Ala nan mangan na
\q
\v 1 Alatala nan mangan na,
\q a rabilinxi nɔrɔn nun fangan nan na.
\q Nanara, bɔxɔn dɔxi ken,
\q a mi yigisanma.
\q
\v 2 Ala, xabu a fɔlɔni,
\q i ya mangayaan na.
\q I na yi habadan!
\q
\v 3 Alatala, baane e xuini tema,
\q baane e xuini tema han!
\q Baane bata walanɲɛ ayi.
\q
\v 4 Alatala sɛnbɛn gbo kore xɔnna ma!
\q A gbo fɔxɔ igen mɔrɔnne xa.\f + \fr 93.4\fr* \fk Igen mɔrɔnne:\fk* alo foyen na so igeni.\f*
\q A dangu fɔxɔ igen xunfan gbeen na.
\q
\v 5 Alatala, i ya maxadi xuine luma nɛn habadan!
\q Sariɲanna lanxi i ya banxin nan ma, han habadan!
\c 94
\s Ala nan birin ma kitisaan na
\q
\v 1 Ala naxan gbeeɲɔxɔ tiin na, Alatala,
\q i tan Ala naxan gbeeɲɔxɔ tiin na,
\q i xa i yɛtɛ makɛnɛn.
\q
\v 2 Dunuɲa kitisana, keli,
\q i yi wasodene saran e kɛwanle ra.
\q
\v 3 Alatala, muxu ɲaxine luma ɲaxanɲɛ
\q han waxatin mundun yi?
\b
\q
\v 4 Fe ɲaxi rabane e yɛtɛ matɔxɔma kanba falane yi.
\q
\v 5 Alatala, e bata i ya muxune yigbɛtɛn.
\q E bata i ya yamaan nayarabi.
\q
\v 6 E kaɲa gilɛne nun kiridine nun xɔɲɛne faxama.
\q
\v 7 E yi a fala, e naxa,
\q “Alatala mi nxu toma.
\q Yaxubaa Ala mi a ɲɔxɔ luxi a xɔn.”
\b
\q
\v 8 Ɛ a liga ɛ yeren ma
\q ɛ tan xaxilitarene,
\q ɛ tan daxune,
\q ɛ xaxili sɔtɔma waxatin mundun?
\q
\v 9 Ala naxan en tunle rafalaxi,
\q a tan mi fala xuiin mɛma ba?
\q Ala naxan en yɛɛne rafalaxi,
\q a tan mi toon tiin ba?
\q
\v 10 A tan naxan siyane birin xuruma,
\q a mi e fe saranma e ra ba,
\q a tan naxan muxune xaranma fe kolonna ma?
\q
\v 11 Alatala muxune miriyane kolon,
\q a sese mi ne ra.
\b
\q
\v 12 Alatala, sɛwan na kanna xa
\q i naxan xuruma,
\q i naxan xaranma i ya sariyan xɔn.
\q
\v 13 I matabun fi a ma tɔrɔ lɔxɔne yi,
\q han yinli ge muxu ɲaxine yɛɛ ra.
\q
\v 14 Alatala mi a muxune rabeɲinma,
\q a mi a mɛma a kɛɛn na.
\q
\v 15 Kitine mɔn sama nɛn tinxinni,
\q sɔndɔmɛ faɲi kanne birin tinma nɛn na ma.
\b
\q
\v 16 Nde tiyɛ n xɔn muxu ɲaxine xili ma?
\q Nde kelɛ,
\q a ti n xɔn fe ɲaxi rabane xili ma?
\q
\v 17 Xa Alatala mi yi n mali nun,
\q n niin yi bama nɛn mafurɛn!
\q
\v 18 N to yi a falama, n naxa,
\q “N birama nɛn!”
\q Alatala, i yi n mali i ya hinanni.
\q
\v 19 N na kuisan,
\q i ya hinanna n niin lugoma nɛn sɛwan na.
\b
\q
\v 20 I mako mi kitisa tinxintarene ma,
\q naxanye muxune ɲaxankatama e tɔnne yi.
\q
\v 21 E e malanma tinxin muxune xili ma,
\q e yi sɔntarene yalagi, e faxa.
\q
\v 22 Koni Alatala bata findi n ma faran makantanxin na.
\q N ma Ala nan n kantan fanyen na
\q n nan n luxunma naxan yi.
\q
\v 23 A e hakɛne saranma e ra nɛn.
\q Alatala en ma Ala e raxɔrima nɛn e fe ɲaxine ma.
\c 95
\s Tantun bɛtina
\q
\v 1 Ɛ fa, en xa fa sɛwa bɛtin ba Alatala xa!
\q En sɔnxɔ sɛwani Ala xa,
\q en kantan fanyena, en nakisimana.
\q
\v 2 En fa a yɛtagi, en barikan bira a xa.
\q En yi a tantun sɛwa bɛtine yi.
\q
\v 3 Amasɔtɔ Alatala nan Ala gbeen na.
\q A tan nan manga gbeena alane birin xun na.
\q
\v 4 A tan nan gbee bɔxɔn bunne nun geyane xuntagine ra.
\q
\v 5 A tan nan gbee fɔxɔ igen na,
\q bayo a tan nan a daxi.
\q A tan nan bɔxɔ xɔnna rafalaxi.
\q
\v 6 Ɛ fa, en fa en xinbi sin,
\q en yi Ala batu.
\q En xa en xinbi sin Alatala bun
\q naxan en daxi.
\q
\v 7 Amasɔtɔ a tan nan en ma Ala ra.
\q En findixi a yamaan nan na
\q alo a xuruse kurun naxan nabama.
\b
\q Xa ɛ Ala fala xuiin mɛ to,
\q
\v 8 ɛ nama ɛ bɔɲɛni xɔdɔxɔ
\q alo ɛ benbane Meriba yi,
\q alo e naxanye liga na waxatini Masa yi tonbonni.\f + \fr 95.8\fr* Na fe mɔn sɛbɛxi Xɔrɔyaan 17.7 kui.\f*
\q
\v 9 E n matandi nɛn mɛnni,
\q e yi n mato,
\q hali e to bata yi n kɛwanle to.
\q
\v 10 N xɔlɔ na waxati muxune ma ɲɛɛ tonge naanin,
\q n yi a fala, n naxa,
\q “Yamani ito bɔɲɛn makuya n na,
\q e mi biraxi n ma kiraan fɔxɔ ra.”
\q
\v 11 Nayi, n yi n kɔlɔ n ma xɔlɔni n naxa,
\q “E mi soɛ n ma matabudeni mumɛ!”
\c 96
\s Ala nan mangane birin xun na
\r Taruxune Singen 16.12-33
\q
\v 1 Bɛti nɛnɛn xa ba Alatala xa!
\q Dunuɲa muxune birin xa bɛtin ba Alatala xa.
\q
\v 2 Bɛtin xa ba Alatala xa,
\q a xinla yi tantun!
\q Ɛ yi lu a raliyɛ waxatin birin yi
\q fa fala a bata en nakisi.
\q
\v 3 Ɛ a binyena fe fala siyane birin xa,
\q ɛ yi a kabanako feene rali muxune birin ma.
\q
\v 4 Alatala gbo,
\q a lan a xa matɔxɔ han!
\q A lan
\q a xa binya dangu alane birin na.
\q
\v 5 Siyane alane birin findixi ala fuune nan na,
\q koni Alatala tan bata koren da.
\q
\v 6 A rabilinxi nɔrɔn nun gboon nan na.
\q A yire sariɲanxin nafexi sɛnbɛn nun binyen nan na.
\b
\q
\v 7 Ɛ tan dunuɲa siyane birin,
\q ɛ fa Alatala tantun,
\q ɛ yi a tantun a binyen nun a sɛnbɛna fe ra.
\q
\v 8 Ɛ fa Alatala tantun a xili binyena fe ra.
\q Ɛ fa kiseene ra a Batu Banxini.
\q
\v 9 Ɛ Alatala batu a nɔrɔ sariɲanxini.
\q Dunuɲa muxune,
\q ɛ xuruxurun a yɛtagi.
\q
\v 10 Ɛ yi a fala siyane xa,
\q a Alatala nan mangan na.
\q Nanara, dunuɲa a kiini,
\q a mi yigisanma.
\q Ala siyane makitima tinxinna nin.
\b
\q
\v 11 Kore xɔnna nun bɔxɔ xɔnna xa sɛwa han!
\q Fɔxɔ igen xa a xuini te
\q e nun seen naxanye a xɔrɛ ra.
\q
\v 12 Burunna xa sɛwa e nun a yi seene birin.
\q Fɔtɔnna wudine birin xa sɔnxɔ sɛwani,
\q
\v 13 e sɔnxɔ Alatala yɛtagi,
\q amasɔtɔ a fama nɛn.
\q A fama nɛn a kitin sa dunuɲa yi.
\q A dunuɲa muxune makitima nɛn tinxinni,
\q a siyane kiti a ɲɔndini.
\c 97
\s Ala nan keden pe mangan na
\q
\v 1 Alatala nan mangan na!
\q Dunuɲa xa ɲaxan!
\q Ɛ sɛwa ɛ tan fɔxɔ ige tagi bɔxɔne!
\q
\v 2 A rabilinxi kundaan nun dimin nan na.
\q A mangayaan sɛnbɛ soxi tinxinyaan nun sariya kɛndɛn nan na.
\q
\v 3 Tɛɛna a yɛɛ ra,
\q naxan a yaxune ganma a rabilinni.
\b
\q
\v 4 A kuyen na a ɲinna masɔxɔn,
\q dunuɲa birin yi yalan.
\q Bɔxɔn yi a to a xuruxurun.
\q
\v 5 Geyane xuyama ayi Alatala yɛtagi,
\q dunuɲa birin Marigina,
\q alo kumi dolen na xulun.
\q
\v 6 Koren xɔnna a tinxinyaan nalima nɛn,
\q siyane birin yi a binyen to.
\q
\v 7 Suxure batune yagima nɛn,
\q naxanye suxurene matɔxɔma.
\q Alane birin e xinbi sinma nɛn a bun.
\q
\v 8 Siyon kaane a mɛma nɛn e sɛwa.
\q Yuda taane yi ɲaxan i ya kiti saxine fe ra, Alatala.
\q
\v 9 Alatala, i tan nan Kore Xɔnna Ala ra
\q dunuɲa birin xun na.
\q I tan gbo dangu alane birin na.
\b
\q
\v 10 Alatala rafan naxanye ma,
\q fe ɲaxin xa raɲaxu ne ma.
\q A tɔgɔndiya muxune kantanma nɛn,
\q a yi e xunba muxu ɲaxine yii.
\q
\v 11 Kɛnɛnna minima nɛn tinxin muxune xa,
\q muxu sɔndɔmɛ faɲine sɛwama nɛn.
\q
\v 12 Ɛ tan naxanye birin tinxin,
\q ɛ sɛwa Alatala a fe ra,
\q ɛ a xili sariɲanxin tantun.
\c 98
\s Ala nan mangan na
\d
\v 1 Tantun bɛtina.
\q Ɛ bɛti nɛnɛn ba Alatala xa.
\q A bata kabanako feene liga!
\q A en nakisima a sɛnbɛn nun a sariɲanna nan xɔn.
\q
\v 2 Alatala bata a marakisin nun tinxinna yita siyane ra.
\q
\v 3 A mi ɲinanxi a hinanna nun a tinxinna xɔn
\q Isirayila yamaan xa.
\q Bɔxɔn danne birin bata a to
\q a en ma Ala bata en nakisi.
\b
\q
\v 4 Dunuɲa muxune birin xa sɔnxɔ sɛwani Alatala xa.
\q Ɛ sɛwaxin yi sɔnxɔ han,
\q ɛ yi a tantun bɛtini!
\q
\v 5 Ɛ tantun bɛtine ba Alatala xa bɔlɔnna ra!
\q Ɛ bɔlɔnna nun tantun bɛti xuini te!
\q
\v 6 Ɛ xɔtane nun fenne fe.
\q Ɛ sɔnxɔ sɛwani mangan xa, Alatala.
\b
\q
\v 7 Fɔxɔ igen xa a xuini te
\q e nun seen naxanye birin a xɔrɛ ra.
\q Dunuɲa muxune birin xa e xuini te.
\q
\v 8 Baane xa e xuini te
\q alo yii bɔnbɔ xuina!
\q Geyane xa sɔnxɔ sɛwani e bode xɔn!
\q
\v 9 E sɛwa Alatala yɛtagi,
\q amasɔtɔ a fama nɛn.
\q A fama nɛn, a kitine sa dunuɲa yi.
\q A dunuɲa muxune makitima nɛn tinxinni,
\q a siyane kiti a ɲɔndini.
\c 99
\s Ala nan mangane birin xun na
\q
\v 1 Alatala nan mangan na.
\q Siyane xuruxurunma.
\q A mangaya gbɛdɛn maleka gubugubu kanne tagi.
\q Bɔxɔn xuruxurunma.
\q
\v 2 Alatala gbo Siyon yi!
\q A tan nan siyane birin xun na.
\q
\v 3 Birin xa i xinla tantun
\q naxan gbo, a magaxu.
\q Ala sariɲan han!
\q
\v 4 Mangan Ala sɛnbɛn gbo!
\q Sariya kɛndɛn nafan a ma.
\q I tan nan tinxinyaan daxi.
\q I tan nan sariya kɛndɛn
\q nun tinxinna saxi Yaxuba bɔnsɔnni.
\q
\v 5 Ɛ Alatala batu, en ma Ala.
\q Ɛ yi ɛ xinbi sin a manga gbɛdɛn san bun.
\q A sariɲan!
\b
\q
\v 6 Nabi Musa nun Haruna yi a saraxaraline yɛ.
\q Samuyɛli yi a maxandi muxune yɛ.
\q E yi Alatala maxandima,
\q a yi e yabi.
\q
\v 7 A yi falan tima e xa nɛn
\q keli kundani.
\q E yi na maxadi xuine nun tɔnne suxuma,
\q a yi naxanye soma e yii.
\q
\v 8 Alatala nxɔ Ala,
\q i tan yɛtɛɛn nan yi e yabima,
\q i findi Ala diɲaxin nan na e xa,
\q koni i e fe ɲaxine saran e ra nɛn.
\q
\v 9 Ɛ Alatala en ma Ala batu,
\q ɛ xinbi sin a geya sariɲanxin bun.
\q Amasɔtɔ Alatala en ma Ala sariɲan.
\c 100
\s Tantun Bɛtina
\d
\v 1 Tantun bɛtina, barika birana.
\q Dunuɲa muxune birin xa sɔnxɔ sɛwani Alatala xa.
\q
\v 2 Ɛ Alatala batu sɛwani.
\q Ɛ fa a yɛtagi, ɛ sɛwa bɛtine ba a xa!
\q
\v 3 Ɛ a kolon a Alatala nan Ala ra.
\q A tan nan en daxi.
\q A tan nan gbee en na.
\q A yamaan nan en tan na,
\q alo a xuruseen naxanye rabama.
\q
\v 4 Ɛ nɛma soma a Batu Banxini,
\q ɛ barikan bira a xa!
\q Ɛ a tantun a tanden ma!
\q Ɛ a tantun,
\q ɛ barikan bira a xa.
\q
\v 5 Amasɔtɔ Alatala fan,
\q a hinanna luma nɛn habadan!
\q A tinxinyaan luma nɛn
\q habadan han habadan!
\c 101
\s Mangana dɛ xui tongona Ala xa
\d
\v 1 Dawudaa bɛtina.
\q N bɛtini ito bama
\q i ya hinanna nun i ya sariya kɛndɛn nan ma fe ra.
\q Alatala, n tantun bɛtin bama i tan nan xa.
\q
\v 2 N katama nɛn
\q n xa lu kira kamalixin xɔn.
\q I fama n fɛma waxatin mundun yi?
\q N sigan ti tinxinni n ma banxini.
\q
\v 3 N mi tinɲɛ fe ɲaxin ma mumɛ!
\q N dɛnkɛlɛyatarene kɛwanle raɲaxuma nɛn.
\q Nxu mi sese malanɲɛ.
\q
\v 4 N mi findɛ tinxintaren na.
\q N mi fe ɲaxi yo rabɛ.
\q
\v 5 Naxanye muxune mafalan wundoni,
\q n ne dɛɛn suxuma nɛn.
\q Naxanye muxune matoma a ɲaxin na wasoni,
\q n mi diɲɛ ne ma mumɛ!
\q
\v 6 N na n yɛɛn tima nɛn muxu tɔgɔndiyaxine ra yamanani,
\q alogo e xa lu n fɛma.
\q Naxan na sigan ti tinxinni,
\q na luma nɛn n ma wanla ra.
\q
\v 7 Yanfanten yo mi luyɛ n konni.
\q Wule fala yo mi luyɛ n yɛtagi.
\q
\v 8 Xɔtɔn yo xɔtɔn
\q n muxu ɲaxine bama nɛn yamanani,
\q n fe ɲaxi rabane birin kedima nɛn Alatalaa taani.
\c 102
\s Tɔrɔ muxuna Ala maxandina
\d Tɔrɔ muxuna Ala maxandina sɔxɔlɛni, a a mawuga Alatala xa.
\q
\v 1 Alatala, i tuli mati n ma maxandin na.
\q I n ma mawuga xuiin namɛ!
\q
\v 2 I nama i yɛtagin luxun n ma
\q n nɛma tɔrɔni waxatin naxan yi!
\q I tuli mati n na.
\q N na i xili,
\q n yabi mafurɛn!
\q
\v 3 Amasɔtɔ, n siin ɲanmatɔɔn ni i ra
\q alo tutina.
\q N fatin ganma alo tɛɛ wolonna.
\q
\v 4 N bɔɲɛn xaraxi alo sɛxɛna.
\q Donse xɔli mi fa n na sɔnɔn.
\q
\v 5 Kutunna bata n doyen.
\q
\v 6 N bata liga
\q alo toxorona tonbonni,
\q alo kutunxunban taa xɔnni.
\q
\v 7 N mi xima.
\q N bata lu yɛɛ radunduni
\q alo xɔliin banxin fari.
\q
\v 8 N yaxune n konbima fɛriɲɛn gbɛn,
\q e fala xɔlɛn ti n ma,
\q e n xinla findi danga ti seen na.
\q
\v 9 N xube fuɲin nan donma.
\q N yɛɛgen bata basan n min igen na.
\q
\v 10 Amasɔtɔ i ya xɔlɔna fe ra,
\q i bata n tongo i yi n woli ayi.
\q
\v 11 N siin ɲanmatɔɔn ni i ra
\q alo nininna ɲinbanna ra.
\q N bata liga alo sɛxɛ xarena.
\b
\q
\v 12 Koni Alatala,
\q i tan nan mangan na habadan!
\q Mayixɛtɛne nun mayixɛtɛne i ya fe falama nɛn.
\q
\v 13 I kelima nɛn i kininkinin Siyon taan ma.
\q I diɲa waxatin bata a li a ma.
\q Waxati saxi yɛtɛɛn ni ito ra.
\q
\v 14 Hali taani ito gɛmɛne rafan nxu tan i ya walikɛne ma.
\q A gbangbanna yɛtɛɛn kininkininna nxu ma.
\q
\v 15 Siyane birin gaxuma Alatala yɛɛ ra nɛn.
\q Dunuɲa mangane birin yi gaxu i ya binyen yɛɛ ra.
\q
\v 16 Alatala mɔn na Siyon ti waxatin naxan yi,
\q a yi a yɛtɛ makɛnɛn a binyeni.
\q
\v 17 A a yɛɛ ra findi muxu ramɛxine ma,
\q a yi a tuli mati e maxandi xuiin na.
\q
\v 18 Na xa sɛbɛ mayixɛtɛ famatɔne xa,
\q alogo yama famatɔɔn xa Alatala matɔxɔ.
\q
\v 19 Alatala bata a yɛɛ ragodo
\q keli a yire sariɲanxini kore xɔnna ma.
\q A bata a yɛɛ ragodo dunuɲa ma
\q keli ariyanna yi.
\q
\v 20 Muxun naxanye kasoon na
\q a bata ne kutun xuine mɛ.
\q A bata na muxu yalagixine xɔrɔya,
\q
\v 21 alogo e xa Alatala xinla fala Siyon yi,
\q e yi a tantun Yerusalɛn taani,
\q
\v 22 siyane nun yamanane birin na e malan waxatin naxan yi Alatala batudeni.
\b
\q
\v 23 Marigin bata n sɛnbɛn ɲan n ma siimayani,
\q a yi n siin ɲan.
\q
\v 24 N yi a fala, n naxa,
\q “N ma Ala, i nama n faxa.
\q N munma fori. I tan luma nɛn habadan!
\q
\v 25 I bɔxɔ xɔnna da nɛn,
\q xabu a fɔlɔni.
\q I yii fɔxɔn nan kore xɔnna ra.
\q
\v 26 Ne birin danguma nɛn,
\q koni i tan luma nɛn na.
\q Ne birin forima nɛn,
\q e kala alo dugina,
\q i yi e masara.
\q
\v 27 Koni i tan luma nɛn i kiini waxatin birin.
\q I ya siimayaan mi ɲanɲɛ mumɛ!
\q
\v 28 Nxu tan i ya walikɛne diine luma nɛn i fɛma,
\q e yixɛtɛne fan yi sabati i yɛtagi.”
\c 103
\s Alaa hinanna
\d
\v 1 Dawuda gbeena.
\q N xa Alatala tantun n niin birin na!
\q N xa a xili sariɲanxin tantun n bɔɲɛn ma feu!
\q
\v 2 N xa Alatala tantun n niin birin na!
\q N nama ɲinan a wali faɲi yo xɔn.
\q
\v 3 A tan nan n mafeluma n hakɛn birin na.
\q A tan nan n nakɛndɛyama furen birin ma.
\q
\v 4 A tan nan n natangama sayaan ma,
\q a yi n nakamali hinanna nun kininkininni.
\q
\v 5 A tan nan siimaya faɲin fima n ma,
\q alogo n mɔn xa fangan sɔtɔ
\q alo singbinna.
\b
\q
\v 6 Alatala tinxin,
\q a tan nan kiti kɛndɛn sama muxu ɲaxankataxine xa.
\b
\q
\v 7 A bata a feene yita Nabi Musa ra,
\q a yi a kɛwanle yita Isirayila yamaan na.
\q
\v 8 Alatala kininkinin, a diɲa.
\q A mi xɔlɔn xulɛn. A hinanna gbo.
\q
\v 9 A xɔlɔxin mi en mafalɛ yɛyɛ!
\q A mi luyɛ xɔlɔxi han habadan!
\q
\v 10 A mi en suxuma en yulubine ra.
\q A mi en saranma en hakɛne ra.
\b
\q
\v 11 A hinanna gbo a yɛɛragaxu muxune yɛɛ ra yi,
\q alo kore xɔnna makuya bɔxɔ xɔnna ra kii naxan yi.
\q
\v 12 A bata en yulubine ba en ma,
\q a yi e makuya en na
\q alo sogeteden nun sogegododen tagi kuya kii naxan yi.
\q
\v 13 Alatala kininkininma a yɛɛragaxu muxune ma nɛn
\q alo fafan kininkininma a diine ma kii naxan yi.
\q
\v 14 A en da kiin kolon,
\q a kolon fa fala en kelixi bɛndɛn nin.
\b
\q
\v 15 Muxuna siimayaan luxi nɛn alo sɛxɛna,
\q a sabatima nɛn alo sɛxɛ fugena,
\q
\v 16 koni foye wolonna na sa a ma a xara ayi,
\q a yi ɲan hali a funfuna,
\q a mi luma na.
\q
\v 17 Koni Alatalaa hinanna luma nɛn
\q a yɛɛragaxu muxune xa habadan han habadan.
\q A tinxinna yi lu e diine diine xa,
\q
\v 18 xa e a layirin suxu,
\q e yi e miri a fe ragidixine ma
\q alogo e xa e rakamali.
\b
\q
\v 19 Alatala bata a mangaya gbɛdɛn nafala kore xɔnna ma.
\q A tan nan mangayani seene birin xunna.
\q
\v 20 Ɛ Alatala tantun, ɛ tan malekane.
\q Ɛ tan naxanye sɛnbɛ kanne ra,
\q naxanye a falane ligama,
\q naxanye a fala xuine suxuma.
\q
\v 21 Ɛ Alatala tantun,
\q ɛ tan a ganle kore xɔnna ma,
\q ɛ tan, a walikɛɛn naxanye a sagoon ligama.
\q
\v 22 Ɛ Alatala tantun,
\q ɛ tan a dali seene birin,
\q ɛ na lu dɛdɛ a mangayaan bun.
\q N xa Alatala tantun n niin birin na!
\c 104
\s Daala Mangan tantun fena
\q
\v 1 N xa Alatala tantun n niin birin na!
\q Alatala n ma Ala, i tan gbo de!
\q I tan marabɛri baxi nɔrɔn nun gboon nan na.
\b
\q
\v 2 A bata a yɛtɛ rabilin kɛnɛnna ra
\q alo doma gbeena.
\q A yi kore xɔnna yifulun
\q alo sɛnkɛna.
\q
\v 3 A bata a banxin ti igene fari kore xɔnna ma,
\q a yi kundane findi a masiga ti wontoron na,
\q a sigan tiin foyen nin.
\q
\v 4 A foyen findi a xɛraan na,
\q a tɛɛn findi a walikɛɛn na.
\q
\v 5 A bɔxɔn bɛtɛn sa ki faɲi.
\q A mi yigisanɲɛ mumɛ.
\q
\v 6 I bata tilinna radin bɔxɔn ma
\q alo domana,
\q igene yi te han geyane xuntagi.
\q
\v 7 Koni e yi e gi i ya xɔlɔn bun,
\q e yi e gi i ya galanna xuiin ma.
\q
\v 8 E yi godo lanbanne yi keli geyane ma,
\q han i yiren naxan yitɔnxi e xa.
\q
\v 9 I yi naninna sa
\q e mi danguɛ naxan na mumɛ,
\q alogo e nama fa sa bɔxɔn xun ma.
\b
\q
\v 10 I tigi igene ragima xude wunle xɔn
\q dangu geya longonne ra.
\q
\v 11 Burunna subene birin fa e minma mɛnna nin,
\q burunna sofanle fan yi fa min xɔnla ba na yi.
\q
\v 12 Xɔline e tɛɛne sama xude dɛɛn nin,
\q e yi sɔnxɔɛ wudine kɔɛ ra.
\q
\v 13 A yi tulen nafa geyane fari keli kore,
\q i kɛwanle yi bɔxɔni li.
\q
\v 14 A yi sɛxɛn namini xuruseene xa,
\q e nun sansine muxune xa,
\q alogo e xa balon sɔtɔ bɔxɔni,
\q
\v 15 e nun manpaan naxan e rasɛwama,
\q e nun turen naxanye e fatin nayabuma ayi,
\q e nun donseen naxanye e sɛnbɛ soma.
\q
\v 16 Hali Alatalaa wudi binle fan igen sɔtɔma
\q e makoon naxan ma,
\q Liban yamanan suman wudine
\q Ala naxanye sixi.
\q
\v 17 Xɔlidine e tɛɛne sama mɛnna nin.
\q Xɔli xungbene fan yi e tɛɛne sa na fɔfɔ binle yi.
\q
\v 18 Xɛnle fan luma geya matexine fari,
\q fanye ra siine yi e luxun gɛmɛ yinle ra.
\b
\q
\v 19 I bata kiken da waxatine yatɛ feen na.
\q Sogena a godo waxatin kolon.
\q
\v 20 I dimin da alogo kɔɛɛn xa so,
\q burunna subene birin e masiga tima waxatin naxan yi.
\q
\v 21 Yata sɛnbɛmane wurundunma
\q e balon fendeni
\q e e balon maxɔdinma Ala ma.
\q
\v 22 Sogen na te waxatin naxan yi,
\q e mɔn yi xɛtɛ,
\q e sa e sa e yinle ra.
\q
\v 23 Nayi, muxune yi mini,
\q e siga e wanle ra han ɲinbanna ra.
\q
\v 24 Alatala, i kɛwanle gbo,
\q I ne birin daxi fe kolonna nin.
\q Bɔxɔn nafexi i ya dali seene nan na.
\b
\q
\v 25 Fɔxɔ igen mato, a gbo.
\q Niimaseen sifan birin a yi,
\q a xurin nun a xungbena,
\q naxanye mi nɔɛ yatɛ kɔnin.
\q
\v 26 Kunkine sigama a tan nan xun ma.
\q E nun ige yi sube magaxuxine
\q i naxan daxi alogo e xa sabaan so a yi.
\q
\v 27 E birin yengi i tan nan ma donse feen na,
\q e makoon na bira a ma waxatin naxan yi.
\q
\v 28 I donseen soma e yii nɛn,
\q e yi a don.
\q I donseen so e yii
\q han e yi wasa.
\q
\v 29 I na i xun xanbi so,
\q e yigitɛgɛ.
\q I na e niin ba, e yi faxa.
\q E xɛtɛ bɛndɛni e kelixi dɛnaxan yi.
\q
\v 30 Koni i na niin bira e yi waxatin naxan yi,
\q e da, seen birin yi findi a nɛnɛn na bɔxɔn fari.
\b
\q
\v 31 Alatalaa binyen xa lu habadan!
\q Alatala xa sɛwa a kɛwanle fe ra!
\q
\v 32 Ala na bɔxɔn mato, a xuruxurun.
\q A na a yiin din geyane ra,
\q e tutin yi mini.
\q
\v 33 Fanni n nan n nii ra,
\q n bɛtin bama nɛn Alatala xa.
\q N tantun bɛtin bama n ma Ala xa nɛn n siin birin yi.
\q
\v 34 N ma bɛtin xa a kɛnɛn.
\q Amasɔtɔ n ma sɛwan kelima Alatala nin.
\q
\v 35 Ala xa yulubi kanne ɲan bɔxɔni.
\q Ala xa muxu ɲaxine ratunu.
\b
\q N xa Alatala tantun n niin birin na!
\q Tantunna Ala xa!
\c 105
\s Ala nun a yamana fe
\r Taruxune Singen 16.8-22
\q
\v 1 Ɛ Alatala tantun. Ɛ yi a maxandi.
\q A bata naxan liga, ɛ na fala siyane xa.
\q
\v 2 Ɛ bɛtin ba a xa,
\q ɛ yi a tantun bɛtine yi,
\q ɛ yi a kabanako feene birin fala.
\q
\v 3 Ɛ ɛ kanba a xili sariɲanxini.
\q Naxanye birin Alatala fenma,
\q ne xa sɛwa.
\q
\v 4 Ɛ ɛ yɛɛ rafindi Alatala nun a sɛnbɛn ma,
\q ɛ lu a fenɲɛ waxatin birin.
\q
\v 5 A wali faɲin naxanye ligaxi
\q e nun a kabanako feene
\q nun a kitin naxanye saxi,
\q ne fe xa rabira ɛ ma,
\q
\v 6 ɛ tan Iburahima bɔnsɔnna,
\q a walikɛne,
\q ɛ tan Yaxubaa diine,
\q Ala naxanye sugandixi.
\q
\v 7 A tan nan Alatala ra, en ma Ala.
\q A tan nan bɔxɔn birin kitisaan na.
\q
\v 8 A ɲɔxɔ luma a layirin xɔn ma nɛn
\q han habadan,
\q e nun a falane fe han mayixɛtɛ wuli keden,
\q
\v 9 e nun a layirin naxan xidi e nun Iburahima tagi,
\q a yi a kɔlɔ Isiyaga xa.
\q
\v 10 A mɔn yi a ragidi Yaxuba ma sariyan xɔn,
\q a findi habadan layirin na Isirayila kaane xa.
\q
\v 11 A naxa, “N Kanan yamanan soma nɛn
\q ɛ nun i yixɛtɛne yii ɛ kɛɛn na.”
\q
\v 12 E mi yi wuya nun.
\q Xɔɲɛ dando nan tun yi e ra na yamanani.
\q
\v 13 E yi kelima nɛn siyana nde yɛ
\q e siga nde gbɛtɛ yɛ,
\q e keli yamanana nde yi
\q e siga nde gbɛtɛ yi.
\q
\v 14 Koni a mi tinɲɛ
\q muxu yo xa e ɲaxankata.
\q A mangane rakolon nɛn e fe yi, a naxa,
\q
\v 15 “Ɛ nama fefe liga n ma muxu sugandixine ra.
\q Ɛ nama fefe ɲaxi liga n ma nabine ra.”
\b
\q
\v 16 Ala yi fitina kamɛn naso e yamanani,
\q a yi e donseen birin ɲan.
\q
\v 17 Koni Ala yi xɛmɛna nde rasiga a yamaan yɛɛ ra.
\q Yusufu nan yi na ra
\q naxan mati konyiyani.
\q
\v 18 E yi yɔlɔnxɔnna sa a sanne ma,
\q e wuren bira a kɔɛ.
\q
\v 19 Han na waliyiya falane yi kamali
\q a naxanye ti.
\q Alatalaa falan yi a yita
\q a a ɲɔndi.
\q
\v 20 Nanara, mangan yi a beɲin,
\q naxan yi siyane xun na,
\q na yi a xɔrɔya.
\q
\v 21 A yi Yusufu lu a yamanan xun na.
\q A yi lu mangan yii seene birin xun na,
\q
\v 22 alogo a xa a kuntigine matinxin a waxɔnna ra,
\q a yi na fonne xaran fe kolonna ma.
\q
\v 23 Nayi, Isirayila yi fa Misiran yi,
\q Yaxuba yi dɔxɔ Xami bɔnsɔnna yamanani.
\q
\v 24 Ala yi dii wuyaxi fi a muxune ma.
\q E sɛnbɛn yi gbo ayi dangu e yaxune ra.
\q
\v 25 A yi Misiran muxune bɔɲɛn masara,
\q Isirayila yamaan yi raɲaxu e ma.
\q E yi a walikɛne ɲaxankata feni tɔn.
\b
\q
\v 26 A yi a walikɛɛn Musa rasiga e ma
\q e nun Haruna, a naxan sugandixi.
\q
\v 27 E yi Alaa taxamaseri magaxuxine liga e yɛ,
\q e a kabanako fe wanle kɛ
\q Xami bɔnsɔnna yamanani.
\q
\v 28 Ala yi dimin naso na yamanani.
\q E mi yi nɔɛ na yamarin matandɛ.
\q
\v 29 A yi e igene findi wunla ra,
\q e yɛxɛne birin yi faxa.
\q
\v 30 E yamanan birin yi findi xunɲɛne ra.
\q Mangana banxin birin yi rafe xunɲɛne ra.
\q
\v 31 Ala yi xɛnne nun sosone yamari,
\q e yi mini yamanan birin yi.
\q
\v 32 A yi balabalan kɛsɛne ragodo e ma,
\q Galanna yi godo a yamanan birin yi.
\q
\v 33 Ala yi e manpa binle\f + \fr 105.33 \fr*\ft Wudi binla nde na yi, mɛn kaane naxanye sima, e yi naxanye bogi yitɔnma alo manpana e gbee kiini.\ft*\f* kala
\q a yi yamanan wudine birin magira.
\q
\v 34 A yi tuguminne fan yamari,
\q e yi fa,
\q suɲɛn naxanye mi yi nɔɛ yatɛ.
\q
\v 35 E yi yamanan se ɲingine birin don.
\q E yi e donseen birin don.
\q
\v 36 Ala yi e dii singene birin faxa yamanani,
\q naxanye findixi e yixɛtɛ sɛnbɛn na.
\b
\q
\v 37 A yi Isirayila yamaan namini Misiran yamanani,
\q e gbetin nun xɛmaan xali,
\q muxu yo mi bira e bɔnsɔnne yɛ.
\q
\v 38 Misiran kaane yi sɛwa e keli feen na,
\q bayo e yi gaxuxi e yɛɛ ra han!
\q
\v 39 Ala yi kundaan so a muxune xun na.
\q N yi tɛɛ dɛgɛn ti e yɛɛ ra
\q alogo a xa e lu kɛnɛnni.
\q
\v 40 E Ala maxɔdin,
\q a yi dɔmɛne nun donseene ragodo e ma
\q keli kore, e lugo.
\q
\v 41 A yi fanyen bɔ, igen yi mini a yi,
\q a yi godo tonbonni alo xude wunla,
\q
\v 42 bayo a fala sariɲanxina fe rabira nɛn a ma
\q a naxan ti Iburahima xa, a walikɛna.
\q
\v 43 A yi a yama sugandixin namini Misiran yi,
\q e ɲaxan, e sɔnxɔ sɛwani.
\q
\v 44 A yi siya gbɛtɛne bɔxɔn so e yii,
\q e yama gbɛtɛne wali xɔnna sɔtɔ e kɛɛn na,
\q
\v 45 alogo e xa a tɔnne suxu,
\q e yi a sariyan birin suxu.
\q Tantunna Alatala xa!
\c 106
\s Alaa fanna a muxune xa
\r Taruxune Singen 16.34-36
\q
\v 1 Tantunna Ala xa!
\q Ɛ Alatala tantun amasɔtɔ a fan.
\q A hinanna luma nɛn habadan!
\q
\v 2 Nde nɔɛ Alatalaa wali gbeene birin ma fe falɛ?
\q Nde nɔɛ tantunna birin fiyɛ a ma?
\q
\v 3 Sɛwan na kanne xa
\q naxanye a sariyane suxuma,
\q naxanye fe tinxinxin ligama waxatin birin.
\q
\v 4 Alatala, i nɛma i ya yamaan maliyɛ waxatin naxan yi,
\q i xaxili lu n xɔn ma.
\q I yi n fan mali
\q i nɛma e rakisɛ waxatin naxan yi,
\q
\v 5 alogo n xa i ya yama sugandixin sabatixin to,
\q alogo nxu nun i ya muxune xa sɛwa
\q nxu bode xɔn ma,
\q nxu birin yi nxu yɛtɛ matɔxɔ sɛwani.
\b
\q
\v 6 Nxu bata yulubin liga
\q alo nxu benbane a liga kii naxan yi.
\q Nxu bata hakɛne nun fe ɲaxine raba.
\q
\v 7 Nxu benbane to yi Misiran yamanani,
\q ne mi yi i ya kabanako fe wanle yatɛxi.
\q E ɲinan nɛn na waxatine birin xɔn ma
\q i yi hinanma e ra waxatin naxanye yi.
\q E yi murutɛ Gbala Baan dɛ.
\q
\v 8 Koni a yi e rakisi a xili binyena fe ra,
\q alogo a sɛnbɛ gbeena fe xa kolon.
\q
\v 9 A yi falan ti Gbala Baan xili ma,
\q a yi xara ken!
\q A yi e ragidi igen tilinxi yire xareni
\q alo tonbonna.
\q
\v 10 Ala yi e rakisi na muxune ma
\q naxanye yi e raɲaxuxi.
\q A yi e xunba e yaxune yii.
\q
\v 11 E yɛngɛ faane yi faxa igeni.
\q Muxu yo mi lu.
\q
\v 12 Nayi, e yi la a fala xuine ra,
\q e yi tantun bɛtine ba a xa.
\b
\q
\v 13 Koni Ala naxan ligaxi,
\q e ɲinan na xɔn mafurɛn,
\q e mi a mamɛ a yi feene rakamali,
\q
\v 14 Xɔɔyin yi e suxu tonbonni
\q e yi Ala bunba bɔxɔ xareni.
\q
\v 15 E naxan maxɔdin,
\q Ala yi na so e yii,
\q koni a yi furen fan nafa e ma.
\q
\v 16 E yi Nabi Musa maxɔxɔlɔn fɔlɔ,
\q e nun Haruna naxan nasariɲanxi Alatala xa.
\q
\v 17 Bɔxɔn dɛɛn yi rabi a Datan gerun.
\q A yi Abirami nun a muxune yɛ maluxun.
\q
\v 18 Tɛɛn yi e ganla gan,
\q a yi muxu ɲaxine suxu.
\b
\q
\v 19 E yi xɛmaan nafala ɲinge dii sawura suxuren na Horebe Geyaan ma,
\q e yi seen batu naxan nafalaxi wuren na.
\q
\v 20 E yi Ala binyen masara ɲinge dii sawuran na
\q naxan sɛxɛn donma.
\q
\v 21 E ɲinan Ala xɔn
\q naxan e rakisixi
\q naxan wali gbeene kɛ Misiran yamanani.
\q
\v 22 A kabanako feene liga Xami bɔnsɔnna yamanani,
\q e nun fe magaxuxine Gbala baani.
\q
\v 23 Ala yi a fala a e raxɔrima nɛn,
\q fɔ a muxu sugandixin Musa a ti a yɛtagi
\q alogo a xa xɛtɛ a xɔlɔn fɔxɔ ra,
\q alogo a nama e birin halagi.
\b
\q
\v 24 Awa, e yi e mɛ na bɔxɔ faɲin fan na
\q amasɔtɔ e mi yi laxi a falan na.
\q
\v 25 E yi lu a mafalɛ e bubune kui.
\q E mi Alatalaa falan namɛ.
\q
\v 26 Nanara, a yi a kɔlɔ e xili ma,
\q a e luma nɛn tonbonni e faxa,
\q
\v 27 a yi e yixɛtɛne raxuya ayi siyane yɛ,
\q a yi e raxuya ayi yamanane yi.
\q
\v 28 Alaa yamaan Baali-Peyori li waxatin naxan yi,
\q e yi saraxane don
\q naxanye yi bama ala fuune xa.
\q
\v 29 E kɛwanle yi Ala raxɔlɔ e ma
\q fure ɲaxin yi godo e ma.
\q
\v 30 Koni Finexasi yi keli,
\q a yi na feen dan,
\q na furen yi dangu.
\q
\v 31 Ala yi na yatɛ tinxinna ra a xa
\q waxati famatɔne yi han habadan.
\b
\q
\v 32 E yi Ala raxɔlɔ Meriba igene dɛ,
\q Musa yi tɔrɔn sɔtɔ e fe ra.
\q
\v 33 E yi a liga Musa xɔlɔxin yi falan ti xaxilitareyani.
\q
\v 34 E mɔn mi siya gbɛtɛne faxa
\q Alatala tɔnna sa naxanye fe yi.
\q
\v 35 E yi basan siyane ra,
\q e yi lu e namunne ligɛ.
\q
\v 36 E yi e suxurene batu.
\q Na nan findi e rabira xunna ra.
\q
\v 37 E yi e dii xɛmɛne nun dii tɛmɛne ba saraxane ra ɲinanne xa.
\q
\v 38 E diidine faxa naxanye mi fefe kolon.
\q E ne ba saraxane ra Kanan suxure kidene yi,
\q bɔxɔn yi xɔsi na faxane fe ra.
\q
\v 39 E yi e yɛtɛ xɔsi e kɛwanle xɔn.
\q E suxure feene yi lu alo yalunyana Ala mabinni.\f + \fr 106.39 \fr*Na luxi nɛn alo yalunyana Ala yɛɛ ra yi bayo Ala waxi a yamaan xa tinxin a xa alo ɲaxanla lan a xa tinxin a xɛmɛn xa kii naxan yi. \f*
\b
\q
\v 40 Nanara, Alatala yi xɔlɔ a yamaan ma.
\q E yi raɲaxu a ma.
\q
\v 41 A yi e rabeɲin siyane yii,
\q e yi raɲaxu naxanye ma,
\q ne yi nɔɔn sɔtɔ e xun na.
\q
\v 42 E yaxune yi e ɲaxankata,
\q e yi e rayarabi e sɛnbɛni.
\q
\v 43 A yi a muxune xunba sanɲa ma wuyaxi,
\q koni e yi lu murutɛ,
\q e lu kankanɲɛ e hakɛne ma.
\q
\v 44 Koni, a to e wuga xuiin mɛ,
\q a yi e tɔrɔyaan to.
\q
\v 45 A yi a miri a layirina fe ma.
\q A yi diɲa a hinanna a fe ra.
\q
\v 46 Ala yi a liga a naxanye a yamaan suxi
\q ne yi kininkinin e ma.
\b
\q
\v 47 Alatala nxɔ Ala, nxu rakisi.
\q I mɔn xa fa nxu ra keli siya gbɛtɛne yɛ,
\q alogo nxu xa i xili sariɲanxin tantun,
\q na yi findi nxu kanba xunna ra.
\b
\q
\v 48 Barikan xa bira Alatala xa,
\q Isirayilaa Ala habadan han habadan!
\q Yamaan birin xa a ratin “Amina.”
\q Tantunna Ala xa!
\c 107
\ms Yaburin Yire Suulundena: Keli Sora 107 ma han 150
\s Ala tantun bayo a fan
\q
\v 1 Ɛ Alatala tantun bayo a fan!
\q A hinanna luma nɛn habadan!
\q
\v 2 Alatala ɛ tan naxanye birin xunbaxi,
\q ɛ a fala,
\q a ɛ tan naxanye xunbaxi ɛ yaxune yii,
\q
\v 3 a faxi ɛ tan naxanye ra
\q sa keli yamana gbɛtɛne yi,
\q sa keli sogeteden nun sogegododen binni,
\q e nun kɔmɛn fɔxɔn nun yiifari fɔxɔn ma.
\b
\q
\v 4 Ndee bata yi lɔ ayi tonbon magaxuxini,
\q e mi yi fa kiraan toma siga taani
\q muxune dɔxi dɛnaxan yi.
\q
\v 5 Kamɛn nun min xɔnla yi e suxu,
\q e yigitɛgɛ.
\q
\v 6 Awa, e yi tɔrɔni waxatin naxan yi,
\q e yi e xui ramini Alatala ma,
\q a yi e xunba e tɔrɔni.
\q
\v 7 A yi ti e yɛɛ ra siga kira tinxinxin xɔn ma.
\q A siga e ra taani
\q muxune dɔxi dɛnaxan yi.
\q
\v 8 E xa Alatala tantun a hinanna fe ra,
\q e nun a kabanako feen naxanye ligaxi e xa.
\q
\v 9 A min xɔnla bama muxune ra,
\q a yi kamɛtɔne ralugo donse faɲine ra.
\b
\q
\v 10 Ndee yi dimin nun bɔɲɛ rafɔrɛn nin,
\q e ɲaxankataxin xidixi yɔlɔnxɔnna ra kasoon kui.
\q
\v 11 Amasɔtɔ e bata yi murutɛ Alaa falane ma,
\q e mi yi Kore Xɔnna Alaa maxadi xuine suxi.
\q
\v 12 Tɔrɔn yi e xadan,
\q e dagalanɲɛ ayi,
\q muxu yo mi e mali.
\q
\v 13 Awa, e yi tɔrɔni waxatin naxan yi,
\q e yi e xui ramini Alatala ma,
\q a yi e rakisi tɔrɔn ma.
\q
\v 14 A yi e ba dimin nun bɔɲɛ rafɔrɛni.
\q A yi e yɔlɔnxɔnne yibolon.
\q
\v 15 E xa Alatala tantun a hinanna fe ra,
\q e nun a kabanako feen naxanye ligaxi e xa.
\q
\v 16 A wure dɛɛne gira,
\q a yi wure gbelemɛne kala.
\b
\q
\v 17 Xaxilitaren nan yi ndee ra.
\q E yi tɔrɔma
\q e matandine nun e hakɛne nan ma fe ra.
\q
\v 18 E na donseen to,
\q e bɔɲɛ masiga ayi.
\q E yi maso sayaan na.
\q
\v 19 Awa, e yi tɔrɔni waxatin naxan yi,
\q e yi e xui ramini Alatala ma,
\q a yi e rakisi tɔrɔn ma.
\q
\v 20 A yi falan ti, a e rakɛndɛya.
\q A yi e ratanga gaburun ma.
\q
\v 21 E xa Alatala tantun a hinanna fe ra,
\q e nun a kabanako feen naxanye ligaxi e xa.
\q
\v 22 E xa barika bira saraxane ba Ala xa
\q e yi a wali faɲine fe fala,
\q e sɔnxɔ sɛwani.
\b
\q
\v 23 Ndee yi siga fɔxɔ igen xun ma kunkin kui,
\q e yulayaan naba fɔxɔ igen xun ma.
\q
\v 24 E yi Alatalaa wanle to,
\q a kabanako feene liga tilinna xun ma.
\q
\v 25 A yi foye gbeen yamari,
\q a yi fa fɔlɔ.
\q Fɔxɔ igen yi walanɲɛ ayi.
\q
\v 26 Igen mɔrɔnne yi lu kunkini tɛ pon,
\q a mɔn yi lu a ragodɛ tilinna ma.
\q E bata yi kɔntɔfili, e yigitɛgɛ.
\q
\v 27 E xun yi magi e ra,
\q e dagalanɲɛ ayi
\q alo muxun na a min.
\q E kɔtɛn birin yi findi fe fuun na.
\q
\v 28 Awa, e yi tɔrɔni waxatin naxan yi,
\q e yi e xui ramini Alatala ma.
\q A yi e ba e tɔrɔni.
\q
\v 29 A yi a liga foye gbeen yi a raxara.
\q Walanna yi a raxara fɔlɔ.
\q
\v 30 Fɔxɔ igen to a raxara,
\q e yi sɛwa.
\q A yi fa e ra e sodeni
\q e yi waxi dɛnaxan xɔn.
\q
\v 31 E xa Alatala tantun a hinanna fe ra,
\q e nun a kabanako feen naxanye ligaxi e xa.
\q
\v 32 E xa a batu yamaan malanni.
\q E mɔn xa a matɔxɔ fonne malanni.
\b
\q
\v 33 A tan nan baane masarama tonbonna ra,
\q a yi tigine findi bɔxɔ xaren na.
\q
\v 34 A bɔxɔ faɲin findi bɔxɔ kalaxin na
\q fɔxɔn dɛnaxan yi na kaane ɲaxuyana fe ra.
\q
\v 35 A mɔn yi tonbonna maxɛtɛ daraan na,
\q a yi bɔxɔ xaren findi tigi yiren na.
\q
\v 36 A yi fa kamɛtɔne ra, e dɔxɔ na,
\q e taan ti e luyɛ dɛnaxan yi.
\q
\v 37 E yi xɛɛne bi,
\q e manpa binle si,
\q e yi tɔnɔ gbeen sɔtɔ e yi.
\q
\v 38 A yi a yamaan baraka,
\q e yi wuya ayi,
\q a mi tin se yi ba e ɲingene ra.
\q
\v 39 A yamaan yatɛn to xurun fɔlɔ
\q e rayarabin nun tɔrɔn nun ɲaxankatan bun,
\q
\v 40 a yi na kuntigine raɲaxu
\q naxanye a yamaan lu,
\q e siga wulaan xun xɔn kira mi dɛnaxan yi.
\q
\v 41 Koni a yi tɔrɔ muxune ba e tɔrɔni,
\q a yi e denbayane rawuya ayi
\q alo e xuruseene.
\q
\v 42 Tinxin muxune yi na to,
\q e sɛwa,
\q koni muxu ɲaxine yi e dundu.
\q
\v 43 Naxan na findi xaxilimaan na,
\q a xa a yengi lu feni itoe birin xɔn,
\q a yi Alatalaa hinanna kolon.
\c 108
\s Ala maxandina malina fe ra lan yaxune fe ma
\r Yaburin 57.8-12 nun Yaburin 60.7-14
\d Dawudaa bɛtina. Sigi sariɲanxina.
\q
\v 1 Ala, n ma binyena,
\q n xaxili ragidixi yati!
\q N bɛtin bama nɛn, n yi i tantun!
\q
\v 2 N xulunma nɛn sinma,
\q n yi n ma bɔlɔnna nun kondenna maxa!
\q N kurunma bɛtin bɛ nɛn subaxa!
\q
\v 3 Alatala, n ni i tantunma nɛn siyane yɛ.
\q N bɛtin bama i xa nɛn bɔnsɔnne tagi.
\q
\v 4 I ya hinanna gbo han ariyanna.
\q I ya lannayaan texi han kore xɔnna.
\q
\v 5 Ala,
\q i ya binyen xa mayita kore xɔnna ma,
\q a yi bɔxɔn nafe!
\b
\q
\v 6 I xanuntenne xunba,
\q i yi e rakisi i sɛnbɛni.
\q I yi n yabi.
\q
\v 7 Ala bata falan ti a yire sariɲanxini,
\q a naxa, “N nɔɔn tima nɛn,
\q n Siken taani taxun,
\q n yi Sukɔti lanbanna danne sa.
\q
\v 8 N tan nan gbee Galadi bɔxɔn nun Manase ra.
\q Efirami kaane findixi n ma yɛngɛsone nan na.
\q Yuda luxi nɛn
\q alo n ma mangaya dunganna.
\q
\v 9 Koni n ma konyin nan Moyaba yamanan na.
\q N tan nan Edɔn yamanan kanna ra.
\q N yɛngɛ sɔnxɔni tema Filisiti yamanani.”
\b
\q
\v 10 Ala, nde sigama n na na taa makantanxini?
\q Nde tima n yɛɛ ra siga Edɔn yi?
\q
\v 11 Ala, i tan xa mi i mɛxi nxu ra ba?
\q I mi fa nxɔ ganla fɔxɔ ra sɔnɔn ba?
\q
\v 12 Nxu mali yaxune yɛngɛdeni!
\q Sese mi adamana maliin na.
\q
\v 13 Koni Ala na lu en xɔn,
\q en nɔɔn sɔtɔma nɛn.
\q A tan nan en yaxune halagima.
\c 109
\s Tɔrɔ muxuna mawugana
\d
\v 1 Dawudaa bɛtina, bɛti baane kuntigin xa.
\q Ala, n naxan tantunma, i nama lu dunduxi!
\q
\v 2 Amasɔtɔ muxu ɲaxine nun wuledene n mafalama.
\q E wulene sama n xun ma.
\q
\v 3 E mɔn fala ɲaxine tima lan n ma.
\q E n yɛngɛma na kiini fuu!
\q
\v 4 N tan e xanuxi,
\q e tan n tɔɲɛgɛma.
\q Koni n tan Ala maxandima.
\q
\v 5 E n ma fe faɲin saranma fe ɲaxin na,
\q e n ma xanuntenyaan saran xɔnnantenyaan na.
\b
\q
\v 6 E a falama n ma e naxa,
\q “Gbalo feen xa sa a xun ma,
\q muxuna nde yi a tɔɲɛgɛ.
\q
\v 7 A na makiti, a yi yalagi.
\q A Ala maxandi xuine yi yatɛ hakɛn na.
\q
\v 8 Ala xa a siin ɲan mafurɛn,
\q muxu gbɛtɛ yi a tiden tongo.
\q
\v 9 Ala xa a diine findi kiridine ra,
\q a ɲaxanla yi findi kaɲa gilɛn na!
\q
\v 10 Ala xa a diine findi sigatine nun xandi tiine ra,
\q e yi makuya e banxi xɔnne ra.
\q
\v 11 Ala xa a doli faan siga a yii seene birin na,
\q xɔɲɛne yi a wali xɔnne birin tongo.
\q
\v 12 Ala xa muxe nama fa hinan a ra sɔnɔn,
\q hanma muxe yi e yengi dɔxɔ a kiridine xɔn ma.
\q
\v 13 Ala xa a yixɛtɛne birin halagi,
\q e xinle yi lɔ ayi habadan.
\q
\v 14 Alatala xa a xaxili lu a benbane hakɛne xɔn ma.
\q Alatala nama a nga yulubine xafari mumɛ!
\q
\v 15 Alatala xa a yengi lu e hakɛne xɔn ma waxatin birin,
\q koni Ala xa ɲinan xa ti e fe xɔn ma fefe!
\q
\v 16 Bayo xɛmɛni ito mi findixi hinanten na
\q a yi yiigelitɔne nun tɔrɔ muxune ɲaxankatama,
\q han a yi muxu sunuxin faxa.
\q
\v 17 Danga tiin yi rafan a ma,
\q Ala xa ne raxɛtɛ a ma.
\q A mi yi rafan a ma
\q a xa duba muxe xa,
\q Ala xa duban masiga a ra.
\q
\v 18 A yi rabilinxi a danga xuine ra
\q alo a dugina.
\q Ala xa a gbee dangana a li
\q alo igena a fatin ma,
\q e nun alo turena a xɔnne yi.
\q
\v 19 A dangane xa lu a fari
\q alo a dugina a ma.
\q E lu a ma waxatin birin
\q alo a tagi xidina.”
\q
\v 20 Alatala xa n tɔɲɛgɛ muxune saran na kii nin
\q e nun naxanye n mafalama.
\b
\q
\v 21 Awa, Marigina Alatala,
\q n mali i xili binyena fe ra.
\q Amasɔtɔ i ya hinanna gbo,
\q n xunba.
\q
\v 22 Yiigelitɔɔn nun tɔrɔ muxun nan n na,
\q n niin sunuxi.
\q
\v 23 N tununmaan ni i ra
\q alo nininna ɲinbanna ra.
\q E n kedima alo suɲɛna.
\q
\v 24 N xinbi xudine bata tuyɛ ayi sun suxuni.
\q N bata doyen, n xɔsi.
\q
\v 25 E na n to, e yi e xunni maxa,
\q e n magele.
\q
\v 26 Alatala n ma Ala, n mali,
\q i n nakisi i ya hinanni,
\q
\v 27 alogo e xa a kolon
\q a i tan Alatala nan na ligaxi i sɛnbɛni.
\q
\v 28 E tan n dangama nɛn,
\q i tan yi barakan sa n ma fe yi.
\q E na keli n xili ma, e yagima nɛn,
\q n tan, i ya walikɛɛn yi sɛwa.
\q
\v 29 Ala xa n tɔɲɛgɛ muxune yalagi.
\q Ala xa yagin so e xunna alo dugina.
\q
\v 30 N nan n xuini tema nɛn,
\q n na Alatala tantun han!
\q N yi a matɔxɔ yamani.
\q
\v 31 Amasɔtɔ a keli nɛn
\q a ti tɔrɔ muxun xɔn,
\q a yi a rakisi a yalagi muxune ma.
\c 110
\s Alaa manga sugandixina
\d
\v 1 Dawudaa bɛtina.
\q Alatalaa falan ni ito ra n marigin xa,
\q a naxa, “Dɔxɔ n yiifanna ma,
\q han n yi i yaxune sa i sanna bun ma.”
\q
\v 2 Alatala xa i ya mangayaan sɛnbɛn gbo ayi
\q fɔlɔ Siyon ma,
\q i yi i yaxune nɔ i rabilinni.
\q
\v 3 I na i ya ganla xili,
\q i ya yamana a sɔbɛ soma nɛn.
\q I ya banxulanne yi fa i ma xunna kenla nun sariɲanni
\q alo xiila subaxani.
\q
\v 4 Alatala bata a kɔlɔ,
\q a mi a xuiin maxɛtɛma, a naxa,
\q “Saraxaraliin nan i ra habadan,
\q alo Mɛlikisedeki yi kii naxan yi.”
\b
\q
\v 5 Marigina i xɔn.
\q Xa a xɔlɔ lɔxɔn naxan yi,
\q a mangane halagima nɛn.
\q
\v 6 A siyane makitima nɛn,
\q binbine yi lu yiren birin yi.
\q A dunuɲa mangane birin nɔma nɛn.
\q
\v 7 Mangana a minma nɛn xudeni kira yi,
\q a xunna keli.
\c 111
\s Ala tantun
\q
\v 1 Tantunna Ala xa!
\q N na Alatala tantunma nɛn n bɔɲɛn ma feu,
\q muxu faɲine nun yamaan yɛ.
\q
\v 2 Alatala kɛwanle gbo!
\q E rafan naxanye ma,
\q ne maɲɔxɔnma e ma.
\q
\v 3 A kɛwanle magaxu, e gbo.
\q A tinxinyaan luma nɛn habadan.
\q
\v 4 A bata a kabanako feene rabira en ma.
\q Alatala diɲa, a kininkinin.
\q
\v 5 A balon fima nɛn a yɛɛragaxu muxune ma.
\q A mi ɲinanma a layirin xɔn mumɛ!
\q
\v 6 A bata a sɛnbɛn yita a muxune ra,
\q a yi xɔɲɛne bɔxɔn so e yii.
\q
\v 7 Ɲɔndin nun sariya kɛndɛna a kɛwanle yi.
\q Lannayana a fe ragidixine birin yi.
\q
\v 8 E na waxatin birin,
\q lannayaan nun tinxinna nan e ra.
\q
\v 9 A bata a muxune xɔrɔya,
\q a yi habadan layirin xidi e xɔn ma.
\q A xinla sariɲan, a magaxu.
\q
\v 10 Fe kolonna fɔlɔma Alatala yɛɛragaxun nan ma.
\q Xaxilimaan nan ne ra naxanye na ligama.
\q Tantunna a xa habadan!
\c 112
\s Muxu faɲina sɛwana fe
\q
\v 1 Tantunna Ala xa!
\q Sɛwan na kanna xa
\q naxan gaxuma Alatala yɛɛ ra,
\q a yamarine yi rafan a ma.
\q
\v 2 A diine sɛnbɛn sɔtɔma nɛn yamanani.
\q Muxu faɲine yixɛtɛne duban sɔtɔma nɛn.
\q
\v 3 E hɛrin nun nafunla sɔtɔma nɛn,
\q e sabatima nɛn tinxinyani habadan.
\q
\v 4 Kɛnɛnna tima nɛn muxu faɲine ma dimini,
\q naxanye kininkinin e mɔn tinxin.
\q
\v 5 A lan muxune xa donla so fonisireyani,
\q a yi a feene raba tinxinni.
\q
\v 6 Bayo tinxin muxun mi tantanɲɛ mumɛ!
\q Yamaan mi ɲinanɲɛ a fe xɔn habadan!
\q
\v 7 A mi gaxun xibaru ɲaxina fe ra.
\q A xaxili ragidi,
\q a yigi saxi Alatala nan fari.
\q
\v 8 A bɔɲɛn mi xuruxurunma,
\q a mi gaxuma.
\q Dɔnxɛn na,
\q a a yaxune biraxin toma nɛn.
\q
\v 9 A tan nan tɔrɔ muxune kima fonisireyani.
\q A tinxinyaan luma nɛn habadan!
\q A sɛnbɛn xun masama nɛn binyeni.
\q
\v 10 Muxu ɲaxin na na to,
\q a xɔlɔma nɛn,
\q a sunu, a yi a ɲinna raxin.
\q Muxu ɲaxin waxɔn feene kalama nɛn.
\c 113
\s Ala nan tɔrɔ muxune malima
\q
\v 1 Tantunna Ala xa!
\q Ɛ tan Alatalaa walikɛne,
\q ɛ a matɔxɔ,
\q ɛ Alatala xinla matɔxɔ!
\q
\v 2 Alatala xinla xa tantun
\q fɔlɔ iki ma han habadan!
\q
\v 3 Sa fɔlɔ sogeteden mabinna ma
\q han sa dɔxɔ sogegododen binna ra,
\q birin xa Alatala xinla matɔxɔ.
\q
\v 4 Alatala nan siyane birin xun na.
\q A binyen tema han kore xɔnna.
\b
\q
\v 5 Nde luxi alo Alatala,
\q a tan naxan dɔxi ariyanna yi,
\q
\v 6 a tan naxan a yigodoma,
\q a kore xɔnna nun bɔxɔ xɔnna mato?
\q
\v 7 A sɛnbɛtarene rakelima,
\q a tɔrɔ muxune ba e tɔrɔni.
\q
\v 8 A yi e radɔxɔ muxu gbeene fɛma a yamani.
\q
\v 9 A gbantan findi dii barin na,
\q a yi a findi dii nga sɛwaxin na.
\b
\q Tantunna Alatala xa!
\c 114
\s Halagi Tiin Dangu Lɔxɔn Sanla
\q
\v 1 Isirayila to mini Misiran yamanani,
\q Yaxuba yixɛtɛne to keli yamanani
\q e yi xɔɲɛyani dɛnaxan yi,
\q
\v 2 Yuda yi findi Alaa yama sariɲanxin na.
\q Isirayila yi findi a gbeen na.
\b
\q
\v 3 Fɔxɔ igen to a to, a yi a gi,
\q Yurudɛn Baan yi xɛtɛ a xanbi ra.
\q
\v 4 Geyane yi tugan alo kontonne
\q yire matexine fan yi tugan
\q alo yɛxɛɛ diine.
\q
\v 5 Fɔxɔ igena, nanfera i i gima?
\q Yurudɛn baana,
\q nanfera i xɛtɛma i xanbi ra?
\q
\v 6 Ɛ tan geyane, nanfera ɛ tuganma
\q alo kontonne,
\q ɛ tan yire matexine,
\q nanfera ɛ tuganma alo yɛxɛɛ diine?
\b
\q
\v 7 Bɔxɔn xa xuruxurun Marigin yɛɛ ra,
\q Yaxubaa Ala.
\q
\v 8 A tan naxan fanyene findi darane ra,
\q a yi gɛmɛ gbeen findi tigin na.
\c 115
\s Binyen xa fi Ala nan keden ma
\r Yaburin 135.15-20
\q
\v 1 Alatala, nxu tan mi a ra de!
\q I tan nan xili xa binya
\q i ya hinanna nun lannayana fe ra.
\q Nxu tan mi a ra!
\q
\v 2 Nanfera siyane maxɔdinna tima,
\q e naxa, “E Ala go?”
\q
\v 3 En ma Ala ariyanna yi.
\q Naxan nafan a ma,
\q a na nan ligama.
\b
\q
\v 4 Gbetin nun xɛmaan nan tun e tan ma suxurene ra!
\q Muxune nan ne rafalaxi.
\q
\v 5 E dɛ na, koni e mi fala tima.
\q E yɛɛne na, koni e mi sese toma.
\q
\v 6 E tunle na, koni e mi fefe mɛma.
\q E ɲɔɛɛn na, koni e mi sese xiri mɛma.
\q
\v 7 E yiine na, koni e mi nɔɛ seen suxɛ.
\q E sanne na, koni e mi nɔɛ sigan tiyɛ.
\q E mi nɔɛ xui yo raminɛ.
\q
\v 8 Naxan na e rafala,
\q a a yigin sa e yi,
\q na fan luma nɛn alo e tan.
\b
\q
\v 9 Ɛ tan Isirayila yamana,
\q ɛ yigin sa Alatala nin,
\q a tan nan ɛ malima
\q alo yɛ masansan wure lefana.
\q
\v 10 Ɛ tan saraxaraline,
\q ɛ yigin sa Alatala nin,
\q a tan nan ɛ malima
\q alo yɛ masansan wure lefana.
\q
\v 11 Ɛ tan a yɛɛ ra gaxu muxune,
\q ɛ yigin sa Alatala nin,
\q a tan nan ɛ malima
\q alo yɛ masansan wure lefana.
\b
\q
\v 12 Alatala a ɲɔxɔ luma en xɔn ma nɛn,
\q a en baraka.
\q A Isirayila yamaan barakama nɛn
\q e nun a saraxaraline.
\q
\v 13 Alatala a yɛɛ ra gaxu muxune birin barakama nɛn,
\q muxudine nun muxu gbeene.
\q
\v 14 Alatala xa diine fi ɛ nun ɛ diine ma.
\q
\v 15 Alatala xa ɛ baraka
\q naxan koren nun bɔxɔn daxi!
\b
\q
\v 16 Alatala nan gbee ariyanna ra,
\q koni a bata bɔxɔn taxu adamadiine ra.
\q
\v 17 Faxa muxune xa mi Alatala tantunma de!
\q
\v 18 Koni en tan nan barikan birama a xa
\q iki e nun habadan.
\b
\q Tantunna Alatala xa!
\c 116
\s Muxu rakisixina Ala tantunna
\q
\v 1 N bata Alatala xanu
\q amasɔtɔ a n ma maxandi xuiin namɛma.
\q
\v 2 N na a xili waxati yo yi,
\q a a tuli matiyɛ n na.
\q
\v 3 Sayaan gbalon bata yi n nabilin nun,
\q n bata yi maso gaburun na nun,
\q gaxun nun kuisanna bata yi n li nun,
\q
\v 4 n yi Alatala maxandi a xinla ra,
\q n naxa, “Alatala, n nakisi!”
\b
\q
\v 5 Alatala diɲa, a tinxin.
\q En ma Ala kininkinin han!
\q
\v 6 Alatala muxu bɔɲɛ fixɛne nan natangama.
\q N sɛnbɛn bata yi ɲan,
\q a yi n nakisi.
\q
\v 7 N bɔɲɛn xa xunbeli,
\q amasɔtɔ Alatala bata fe faɲin liga n xa.
\q
\v 8 Ala bata n niin natanga sayaan ma.
\q A bata n yɛɛgen fitan n yɛtagi.
\q A mi tinxi n bira.
\q
\v 9 N sigan tima nɛn Alatala yɛtagi dunuɲa yi.
\b
\q
\v 10 N dɛnkɛlɛyaxi,
\q nanara n yi falan ti,
\q n naxa, “N tɔrɔxi ki faɲi!”
\q
\v 11 N yi gaxuni waxatin naxan yi,
\q n yi a fala, n naxa,
\q “Adamadiine birin wule!”
\q
\v 12 N fa nanse soma Alatala yii
\q lan na fe faɲine birin ma
\q a bata naxanye liga n xa?
\q
\v 13 N minse saraxan bama nɛn a xa a marakisina fe ra
\q n yi Alatala maxandi a xinla ra.
\q
\v 14 N nan n dɛ xuine rakamalima nɛn
\q yamaan birin yɛɛ xɔri
\q n naxanye tongo Alatala xa.
\b
\q
\v 15 Alatalaa tɔgɔndiya muxuna nde na faxa
\q na a tɔrɔma nɛn han!
\q
\v 16 Alatala, i ya walikɛɛn nan n na,
\q i ya walikɛ ɲaxanla naxan barixi.
\q I bata n naxɔrɔya.
\q
\v 17 N barika bira saraxan bama i xa nɛn
\q n yi Alatala maxandi a xinla ra.
\q
\v 18 N nan n dɛ xuine rakamalima nɛn
\q yamaan birin yɛɛ xɔri
\q n naxanye tongo Alatala xa,
\q
\v 19 Alatalaa banxin tanden ma,
\q Yerusalɛn taani.
\b
\q Tantunna Alatala xa!
\c 117
\s Ala tantun fena
\q
\v 1 Siyane birin xa Alatala tantun!
\q Yamane birin xa a batu!
\q
\v 2 Amasɔtɔ a hinanna gbo han!
\q Alatalaa lannayaan mi ɲanma habadan!
\b
\q Tantunna Alatala xa!
\c 118
\s Barika birana Ala xa
\q
\v 1 Alatala xa tantun amasɔtɔ a fan.
\q A hinanna luma nɛn habadan!
\q
\v 2 Isirayila muxune xa a fala, e naxa,
\q “A hinanna luma nɛn habadan!”
\q
\v 3 Alaa saraxaraline xa a fala, e naxa,
\q “A hinanna luma nɛn habadan!”
\q
\v 4 Alatala yɛɛ ra gaxu muxune xa a fala,
\q e naxa, “A hinanna luma nɛn habadan!”
\b
\q
\v 5 N yi tɔrɔni waxatin naxan yi,
\q n yi n xui ramini Alatala ma.
\q A yi n yabi, a n xɔrɔya.
\q
\v 6 Alatala n xɔn, n mi gaxuɛ mumɛ!
\q Adamadiine nɔɛ nanse ligɛ n na?
\q
\v 7 Alatala n xɔn, a tan nan n malima.
\q N na n yaxune biraxin toma nɛn.
\q
\v 8 A fisa muxun yi a yigin sa Alatala yi
\q benun a xa a yigin sa adamadiine yi.
\q
\v 9 A fisa muxun yi a yigin sa Alatala yi
\q benun a xa a yigin sa mangane yi.
\b
\q
\v 10 Siyane birin bata yi n nabilin yɛngɛni nun,
\q koni n na e birin halagi nɛn Alatala barakani!
\q
\v 11 E yi n nabilinxi yiren birin yi nun,
\q koni n na e birin halagi nɛn Alatala barakani!
\q
\v 12 E so nɛn n xun na
\q alo kumi ɲɛɲɛne,
\q koni e raxɔri nɛn mafurɛn
\q alo tɛɛn na sɛxɛ xaren gan,
\q n yi e halagi Alatala barakani.
\q
\v 13 E yi n nadinma nɛn
\q alogo n xa bira,
\q koni Alatala yi n mali.
\q
\v 14 Alatala nan n sɛnbɛn na,
\q n ma bɛtina.
\q A tan nan n nakisixi.
\b
\q
\v 15 Muxu tinxinxine bata e sɛwa xuini te
\q kisina fe ra, e naxa,
\q “Alatala sɛnbɛn gbo!
\q
\v 16 Marigin bata nɔɔn ti a sɛnbɛni!
\q Alatala sɛnbɛn gbo!”
\b
\q
\v 17 Nayi, n mi faxama,
\q n luma nɛn n nii ra,
\q n yi a fala Alatala naxan ligaxi n xa.
\q
\v 18 Alatala bata yi n saran n hakɛne ra,
\q koni a mi tinxi n faxa.
\q
\v 19 Alaa banxin dɛɛne xa rabi n xa.
\q N xa so, n yi Alatala tantun.
\q
\v 20 Alatalaa banxin dɛɛn ni i ra,
\q tinxin muxune soon dɛɛn naxan na.
\q
\v 21 Ala, n ni i tantunma nɛn,
\q amasɔtɔ i bata n yabi,
\q bayo i bata n nakisi.
\b
\q
\v 22 Banxi tiine e mɛ gɛmɛn naxan na,
\q na bata findi banxin gɛmɛ fisamantenna ra.
\q
\v 23 Alatala nan na ligaxi,
\q kabanako feen nan na ra en yɛɛ ra yi.
\q
\v 24 Alatala toon lɔxɔn nan nagidixi,
\q en ɲaxan, en sɛwa a fe ra.
\b
\q
\v 25 Alatala, fa nxu rakisi,
\q Alatala, tin, nxu xa nɔɔn ti.
\q
\v 26 Naxan fama Alatala xinli,
\q Ala xa na baraka!
\q Nxu dubama ɛ xa Alatalaa banxini.
\q
\v 27 Alatala nan Ala ra,
\q a bata en lu a kɛnɛnyani.
\q Ɛ ɲɔxɔnde dɛɛne suxu ɛ yii,
\q ɛ fa sanla raba
\q siga han saraxa ganden nabilinni.
\q
\v 28 I tan nan n ma Ala ra,
\q n ni i tantunma nɛn.
\q I tan nan n ma Ala ra,
\q n ni i batuma nɛn.
\b
\q
\v 29 Ɛ Alatala tantun, bayo a fan.
\q A hinanna luma nɛn habadan!
\c 119
\s Sɛwana Alaa sariyana fe ra
\q
\v 1 Sɛwan na kanne xa
\q fɛ mi naxanye kɛwanle ra,
\q naxanye sigan tima Alatalaa sariyan xɔn.
\q
\v 2 Sɛwan na kanne xa
\q naxanye birama a maxadi xuine fɔxɔ ra,
\q naxanye a fenma e bɔɲɛn ma feu!
\q
\v 3 E mi fe ɲaxin ligan mumɛ!
\q E sigan tima Alaa kiraan xɔn ma.
\q
\v 4 Ala, i bata i ya fe ragidixine so nxu yii
\q alogo e xa suxu ki faɲi.
\q
\v 5 A yi lan nun, n sigati kiin xa tinxinɲɛ ayi
\q alogo n xa i ya tɔnne suxu.
\q
\v 6 N na n xaxili lu i ya yamarine birin xɔn ma,
\q n mi yagɛ mumɛ!
\q
\v 7 N na i tantunma nɛn n bɔɲɛ fixɛn na,
\q n nɛma i ya kiti tinxinxine fe xaranɲɛ.
\q
\v 8 N na i ya tɔnne suxuma nɛn.
\q I nama n nabeɲin mumɛ!
\b
\q
\v 9 Banxulanna a kɛwanle rasariɲanma di?
\q Fɔ a xa i ya falan nan suxu.
\q
\v 10 N kataxi
\q n xa i fen n bɔɲɛn ma feu!
\q I nama tin n yi i ya yamarine beɲin.
\q
\v 11 N bata i dɛ xuiin namara n bɔɲɛni,
\q alogo n nama yulubin liga i tan na.
\q
\v 12 Alatala, n barikan birama i xa.
\q N xaran i ya tɔnne ma.
\q
\v 13 N nan n xuini tema nɛn,
\q n xɛtɛ i ya kiti saxine ma.
\q
\v 14 N sɛwaxin nan i ya maxadi xuine suxuma,
\q alo n na nafulu gbeen sɔtɔ.
\q
\v 15 N na n mirima i ya fe ragidixine ma,
\q n yi i ya xaranne fɛsɛfɛsɛ.
\q
\v 16 I ya tɔnne n kɛnɛnxi.
\q N mi ɲinanɲɛ i ya falan xɔn ma mumɛ!
\b
\q
\v 17 Fe faɲin liga i ya walikɛɛn xa,
\q alogo n xa lu n nii ra,
\q n yi i ya falan suxu.
\q
\v 18 N yɛɛne rabi
\q alogo n xa i ya sariyan magaxune to.
\q
\v 19 Xɔɲɛn nan n na dunuɲa ito yi!
\q I nama i ya yamarine luxun n ma.
\q
\v 20 A rafan n ma
\q n xa lu i ya kiti saxine bun waxatin birin.
\q
\v 21 I falan tima nɛn muxu dangaxi wasoxine xili ma
\q naxanye e masigama i ya yamarine ra.
\q
\v 22 Marayagin nun maraɲaxun ba n ma,
\q bayo n bata i ya maxadi xuine suxu.
\q
\v 23 Mangane bata e malan n xili ma,
\q koni n tan i ya walikɛna a mirima i ya tɔnne nan ma.
\q
\v 24 I ya maxadi xuine n kɛnɛnxi,
\q e tan nan n maxadima.
\b
\q
\v 25 N saxi burunburunni.
\q Siimayaan fi n ma,
\q alo i a falaxi kii naxan yi.
\q
\v 26 N bata n ti n kɛwanle ra,
\q i yi n yabi.
\q N xaran i ya tɔnne ma.
\q
\v 27 N mali n xa i ya fe ragidixine kolon,
\q alogo n xa n miri i ya kabanako feene ma.
\q
\v 28 N niin wugama sɔxɔlɛni.
\q N nakeli alo i a falaxi kii naxan yi.
\q
\v 29 Wulen masiga n na,
\q i yi n xaran i ya sariyan ma i ya hinanni.
\q
\v 30 N bata wa a xɔn, n xa tɔgɔndiya,
\q n yi tin i ya kiti saxine ma.
\q
\v 31 Alatala, n bata bira i ya maxadi xuine fɔxɔ ra.
\q I nama tin, n yi yagi.
\q
\v 32 N biraxi i ya yamarin kiraan fɔxɔ ra.
\q Amasɔtɔ i bɔɲɛ xunbenla fima n ma.
\b
\q
\v 33 Alatala, n xaran i ya tɔnne bunne ma,
\q alogo n xa e suxu waxatin birin.
\q
\v 34 Xaxinla fi n ma,
\q alogo n xa i ya sariyan suxu n bɔɲɛn ma feu!
\q
\v 35 N ti i ya yamarine kiraan xɔn,
\q amasɔtɔ na n kɛnɛnxi.
\q
\v 36 I ya maxadi xuine sa n bɔɲɛni,
\q alogo n nama bira nafunla fɔxɔ ra.
\q
\v 37 N xun xanbi so fe kobine yi,
\q alogo n xa siimayaan sɔtɔ i ya kiraan xɔn.
\q
\v 38 I dɛ xuiin naxan tongoxi i yɛɛragaxu muxune xa,
\q na rakamali n tan i ya walikɛɛn xa.
\q
\v 39 N natanga yagine ma
\q n gaxuma naxanye yɛɛ ra.
\q Amasɔtɔ i ya kiti saxine fan.
\q
\v 40 N waxi i ya fe ragidixine suxu feni han!
\q N xa siimayaan sɔtɔ i ya tinxinni.
\b
\q
\v 41 Alatala, i ya hinanna xa n li.
\q N nakisi alo i dɛ xui tongoxi kii naxan yi.
\q
\v 42 N xa nɔ n konbi muxune yabideni,
\q bayo n na n yigi saxi i ya falan nin.
\q
\v 43 Tin n xa lu ɲɔndin falɛ waxatin birin,
\q amasɔtɔ n xaxili tixi i ya kitin nan na.
\q
\v 44 N ni i ya sariyan suxuma nɛn waxatin birin,
\q habadan han habadan.
\q
\v 45 N luma nɛn xɔrɔyani,
\q Amasɔtɔ n ni i ya fe ragidixine suxi.
\q
\v 46 N ni i ya maxadi xuine fe falama mangane xa nɛn.
\q N mi yagɛ na ra mumɛ!
\q
\v 47 I ya yamarine n kɛnɛnxi,
\q e rafan n ma.
\q
\v 48 N na n yiine tima i ya yamarine bun ma nɛn,
\q e rafan n ma.
\q N yi lu n mirɛ i ya tɔnne ma.
\b
\q
\v 49 I xaxili lu i ya falan xɔn ma
\q n tan i ya walikɛna fe yi,
\q bayo i bata yigin fi n ma.
\q
\v 50 N yi tɔrɔni waxatin naxan yi,
\q i n madɛndɛn nɛn
\q amasɔtɔ n bata kisi i dɛ xuiin ma.
\q
\v 51 Wasodene n magelema han,
\q koni n mi i ya sariyan fataxi mumɛ.
\q
\v 52 Alatala, n na n mirima i ya kiti saxine ma.
\q Waxati danguxine yi,
\q ne nan yi n madɛndɛnma.
\q
\v 53 N na muxu ɲaxine to
\q naxanye e mɛma i ya sariyan na,
\q n xɔlɔma nɛn han.
\q
\v 54 I ya tɔnne findixi bɛti ba xunna nan na n xa,
\q n xɔɲɛyani dɛnaxan yi.
\q
\v 55 Alatala, n na n mirima i ma kɔɛɛn na,
\q alogo n xa i ya sariyan suxu.
\q
\v 56 N gbeen findixi i ya fe ragidixine suxu feen nan na.
\b
\q
\v 57 Alatala, n gbeen findixi naxan na,
\q na ni ito ra,
\q i ya falan suxu feen na a ra.
\q
\v 58 N ni i maxandima n bɔɲɛn ma feu!
\q Kininkinin n ma,
\q alo i bata dɛ xuiin tongo kii naxan yi.
\q
\v 59 N bata n miri n yɛtɛ kɛɲaan ma,
\q n waxi bira feni i ya maxadi xuine fɔxɔ ra.
\q
\v 60 N ni i ya yamarine suxuma nɛn mafurɛn,
\q n mi buma.
\q
\v 61 Muxu ɲaxine bata lutin nati n yɛɛ ra,
\q koni n mi ɲinanma i ya sariyan xɔn ma.
\q
\v 62 N kelima nɛn kɔɛ tagini i tantundeni
\q i ya kiti tinxinxine fe ra.
\q
\v 63 N xɔyine nan i yɛɛragaxu muxune ra,
\q e nun naxanye i ya fe ragidixine suxuma.
\q
\v 64 Alatala, dunuɲa rafexi i ya hinanna nan na,
\q n xaran i ya tɔnne ma.
\b
\q
\v 65 Alatala, i bata i ya falan nakamali,
\q i fe faɲin naba n tan i ya walikɛɛn xa.
\q
\v 66 N xaran xaxilimayaan nun fe kolonna ma,
\q amasɔtɔ n laxi i ya yamarine ra.
\q
\v 67 Benun n xa tɔrɔ waxatin naxan yi,
\q n bata yi tantan,
\q koni iki, n bata i ya falan suxu.
\q
\v 68 I fan, i kɛwanle fan!
\q N xaran i ya tɔnne ma.
\q
\v 69 Muxu wasoxine bata wulen sa n xun ma.
\q Koni i ya fe ragidixine suxi n xɔn ma
\q n bɔɲɛn ma feu!
\q
\v 70 E bɔɲɛne mi fan,
\q koni i ya sariyana n tan kɛnɛnxi.
\q
\v 71 A rafan n ma, n tɔrɔ,
\q alogo n xa nɔ i ya tɔnne kolonɲɛ.
\q
\v 72 I ya sariyan nafan n tan ma
\q dangu xɛmaan nun gbetin wuli wuyaxin xa.
\b
\q
\v 73 I tan nan n daxi,
\q i yi n namara,
\q nayi xaxinla fi n ma,
\q alogo n xa i ya yamarine xaran.
\q
\v 74 I yɛɛragaxu muxune sɛwama nɛn
\q e na n to waxatin naxan yi,
\q a n laxi i ya falan nan na.
\q
\v 75 Alatala, n na a kolon
\q a i tinxin kiti sadeni.
\q I n nayagi nɛn amasɔtɔ i tinxin.
\q
\v 76 I ya hinanna xa n nii yifan n ma
\q alo i dɛ xuiin tongoxi
\q n tan i ya walikɛɛn xa kii naxan yi.
\q
\v 77 Kininkinin n ma
\q alogo n xa lu n nii ra,
\q amasɔtɔ i ya sariyana n kɛnɛnxi.
\q
\v 78 Ala xa muxu wasoxine rayagi,
\q yo mi naxanye xa,
\q naxanye n tɔrɔma.
\q Koni n na n mirima i ya fe ragidixine nan ma.
\q
\v 79 Ala xa a yɛɛragaxu muxune maso n na,
\q naxanye birin i ya maxadi xuine kolon.
\q
\v 80 N xa i ya tɔnne suxu n bɔɲɛn ma feu,
\q alogo n nama yagi.
\b
\q
\v 81 Ala, n bata xadan i mamɛdeni n nakisi feen na.
\q N bata n yigi sa i ya falani.
\q
\v 82 N yɛɛne bata bu i yɛɛ ra kira yitoɛ
\q i dɛ xuina fe ra,
\q n yi a fala, n naxa,
\q “I n malima waxatin mundun yi?”
\q
\v 83 N bata liga
\q alo manpaan sa labana tɛɛn xun ma
\q naxan xaraxi ayi.
\q Koni hali na,
\q n mi ɲinanxi i ya tɔnne xɔn.
\q
\v 84 N mɔn xa i legeden han waxatin mundun yi?
\q I na muxune makitima waxatin mundun yi
\q naxanye n bɛsɛnxɔnyama?
\q
\v 85 Muxu wasoxin naxanye mi i ya sariyan suxi
\q ne bata yinla ge n yɛɛ ra n suxu feen na.
\q
\v 86 I ya yamarine birin tinxin.
\q Muxune n tɔɲɛgɛma, n mali.
\q
\v 87 A yi fa luxi ndedi n xa faxa,
\q koni n mi i ya fe ragidixine rabeɲinɲɛ mumɛ!
\q
\v 88 N nakisi i ya hinanni,
\q alogo n xa i ya maxadi xuine suxu.
\b
\q
\v 89 Alatala, i ya falan luma nɛn habadan.
\q A luma nɛn ariyanna yi habadan.
\q
\v 90 I ya tinxinyaan luma nɛn mayixɛtɛne birin xa.
\q I bata bɔxɔn dɔxɔ a dɔxɔdeni.
\q A mɔn luma mɛnna nin.
\q
\v 91 Seene birin mɔn daxi i ya maragidini han to,
\q bayo e birin walima i xa.
\q
\v 92 Xa i ya sariyan mi yi n kɛnɛnxi nun,
\q n yi faxama nɛn n ma tɔrɔni.
\q
\v 93 N mi ɲinanɲɛ i ya fe ragidixine xɔn mumɛ,
\q amasɔtɔ i n nakisixi e tan nan xɔn.
\q
\v 94 Bayo n ni i ya fe ragidixine fenma,
\q i tan nan gbee n na, n nakisi.
\q
\v 95 Muxu ɲaxine n legedenma n faxa feen na.
\q Koni n na n ɲɔxɔ luma nɛn i ya maxadi xuine xɔn.
\q
\v 96 N bata a kolon danna feen birin ma,
\q koni i ya yamarin tan dan mi na.
\b
\q
\v 97 I ya sariyan nafan n ma han!
\q N na n mirima a ma fɛriɲɛn gbɛn!
\q
\v 98 I ya yamarina n findima xaxilimaan na
\q dangu n yaxune ra,
\q bayo a n yii waxatin birin.
\q
\v 99 N dangu n karamɔxɔne birin na,
\q amasɔtɔ n luma n mirɛ i ya maxadi xuine ma.
\q
\v 100 Xaxinla naxan n ma
\q na gbo xɛmɛ fonne gbeen xa,
\q amasɔtɔ n ni i ya fe ragidixine suxi.
\q
\v 101 N bata tondi sigɛ kira ɲaxin birin xɔn,
\q alogo n xa i ya falan suxu.
\q
\v 102 N mi n masigama i ya kiti saxine ra,
\q amasɔtɔ i tan yɛtɛɛn nan n xaranma.
\q
\v 103 I dɛ xuine ɲaxun kumin xa.
\q
\v 104 N xaxinla sɔtɔma i ya fe ragidixine nin,
\q nanara mayifu fe yo mi fa rafan n ma.
\b
\q
\v 105 I ya falan findixi kɛnɛnna nan na
\q n sanna bun ma,
\q naxan n siga kirani yalanma.
\q
\v 106 N dɛ xuiin naxanye tongoxi i xa,
\q n bata n kɔlɔ
\q n ne rakamalima nɛn,
\q n yi i ya kiti tinxinxine suxu.
\q
\v 107 Alatala n ma mantɔrɔne bata gbo ayi han.
\q N nakisi
\q alo i a fala n xa kii naxan yi.
\q
\v 108 Alatala, n ma tantun xuiin nasuxu,
\q i yi n xaran i ya kiti saxine ma.
\q
\v 109 N niin gbalon dɛ waxatin birin,
\q koni n mi ɲinanma i ya sariyan xɔn.
\q
\v 110 Muxu ɲaxine bata lutin nati n yɛɛ ra,
\q koni n mi n masigama i ya fe ragidixine ra.
\q
\v 111 I ya maxadi xuine nan n kɛɛn na habadan,
\q e tan nan n bɔɲɛn nasɛwama.
\q
\v 112 N bata a ragidi n bɔɲɛni
\q n xa i ya tɔnne suxu, han n faxa.
\b
\q
\v 113 Nafigine mi rafan n ma,
\q koni i ya sariyan tan nafan n ma.
\q
\v 114 N yɛ masansan wure lefaan nan i tan na.
\q N bata n yigi sa i ya falani.
\q
\v 115 Ɛ tan fe ɲaxi rabane,
\q ɛ ɛ masiga n na,
\q alogo n xa n ma Alaa yamarine suxu.
\q
\v 116 N sɛnbɛ so
\q alo i bata a fala kii naxan yi,
\q i nama n yigitɛgɛ.
\q
\v 117 Findi n yigin na alogo n xa kisi,
\q n yi i ya tɔnne binya waxatin birin.
\q
\v 118 Naxanye e masigama i ya tɔnne ra,
\q i ne makuyama i ra nɛn,
\q bayo e yanfan nan tun tima.
\q
\v 119 I muxu ɲaxine birin wolima ayi nɛn kurun na,
\q nanara i ya maxadi xuine rafanxi n ma.
\q
\v 120 N bata gaxu i yɛɛ ra,
\q n xuruxurun.
\q I ya kiti saxine bata n magaxu han!
\b
\q
\v 121 N tinxinna nun sariya kɛndɛn ligama,
\q i nama n nabeɲin n yaxune yii.
\q
\v 122 I ya walikɛɛn xaxili ragidi
\q a i fe faɲin ligama a xa nɛn,
\q i nama tin
\q wasodene xa n ɲaxankata sɔnɔn.
\q
\v 123 N yɛɛne bata bu i yɛɛ ra kira yitoɛ n nakisi feen na,
\q alo i dɛ xui tinxinxin naxan tongo n ma fe yi.
\q
\v 124 N suxu i ya hinanni,
\q i yi n xaran i ya tɔnne ma.
\q
\v 125 Xaxinla fi n ma
\q amasɔtɔ i ya walikɛɛn nan n na,
\q alogo n xa i ya maxadi xuine kolon ki faɲi.
\q
\v 126 Alatala, i ya wanla kɛ waxatin nan ito ra,
\q amasɔtɔ yamana i ya sariyan kalama.
\q
\v 127 Nanara, i ya yamarine rafan n ma xɛma faɲin xa.
\q
\v 128 Nanara, n biraxi i ya fe ragidixi tinxinxine fɔxɔ ra.
\q Mayifu feene mi rafan n ma.
\b
\q
\v 129 Kabanako feen nan i ya maxadi xuine ra.
\q Nanara, n na e suxuma n niin birin na.
\q
\v 130 I ya falane nan kɛnɛnna fima,
\q e tan nan xaxinla fima xaxilitaren ma.
\q
\v 131 I ya yamarine xɔnla n suxuma
\q alo min xɔli gbeen naxan n dɛɛn naxarama.
\q
\v 132 I yɛɛ rafindi n ma, i yi kininkinin n ma,
\q alo i darixi a ligɛ kii naxan yi muxune xa
\q i xinla rafan naxanye ma.
\q
\v 133 N sigati kiin sɛnbɛ so i dɛ xui tongoxine xɔn,
\q i nama tin fe ɲaxi yo xa n nɔ.
\q
\v 134 N xunba ɲaxankatatiine ma,
\q alogo n xa i ya fe ragidixine suxu.
\q
\v 135 I nɔrɔn xa godo i ya walikɛɛn ma,
\q i yi n xaran i ya tɔnne ma.
\q
\v 136 N yɛɛgen minima alo baana,
\q amasɔtɔ yamaan mi i ya sariyan suxuma.
\b
\q
\v 137 Alatala, i tinxin,
\q i ya kiti saxine fan tinxin.
\q
\v 138 I ya maxadi xuine fixi tinxinna nun lannayaan nin.
\q
\v 139 N na a to,
\q n yaxune ɲinanma i fala xuiin xɔn,
\q na xɔlɔma n ma nɛn han!
\q
\v 140 I mi i dɛ xuiin kalɛ mumɛ!
\q E rafan n tan i ya walikɛɛn ma.
\q
\v 141 N mi yatɛxi bonne yɛ,
\q e bata n naɲaxu,
\q koni n mi ɲinanma i ya fe ragidixine xɔn.
\q
\v 142 I ya tinxinyaan luma nɛn habadan!
\q Ɲɔndin nan i ya sariyan na.
\q
\v 143 Tɔrɔn nun kuisanna bata n yili,
\q koni i ya yamarine n kɛnɛnxi.
\q
\v 144 I ya maxadi xuine tinxin waxatin birin.
\q Xaxinla fi n ma
\q alogo n xa siimayaan sɔtɔ.
\b
\q
\v 145 N bata n xui ramini i ma n bɔɲɛn birin na.
\q Alatala n yabi
\q alogo n xa i ya tɔnne suxu!
\q
\v 146 N bata n xui ramini i ma.
\q N nakisi
\q alogo n xa i ya maxadi xuine suxu.
\q
\v 147 N kurunma i maxandɛ, n mali.
\q N yigi saxi i ya falan nin.
\q
\v 148 N xima n mirɛ i dɛ xui tongoxine ma nɛn.
\q
\v 149 Alatala, i hinan.
\q N xuiin namɛ,
\q alogo n xa siimayaan sɔtɔ i ya kiti saxin xɔn.
\q
\v 150 N nabilinna muxune biraxi fe ɲaxine fɔxɔ ra,
\q e yi e masiga i ya sariyan na.
\q
\v 151 Koni i tan Alatala, i maso n na.
\q Ɲɔndin nan i ya yamarine birin na.
\q
\v 152 N na a kolon xabu waxati xunkuye
\q a i ya maxadi xuine luma nɛn habadan.
\b
\q
\v 153 Ala, n ma tɔrɔn mato i yi n xunba,
\q amasɔtɔ n mi ɲinanxi i ya sariyan xɔn.
\q
\v 154 N xun mayɛngɛ kitin sa,
\q i yi n xunba,
\q n yi siimayaan sɔtɔ
\q alo i a falaxi kii naxan yi.
\q
\v 155 Muxu ɲaxine tan mi kisima,
\q amasɔtɔ e mi biraxi i ya tɔnne fɔxɔ ra.
\q
\v 156 Koni Alatala, i ya kininkininna gbo,
\q n xa siimayaan sɔtɔ i ya kiti saxine xɔn.
\q
\v 157 N yaxune wuya
\q naxanye n bɛsɛnxɔnyaxi,
\q koni n mi i ya maxadi xuine beɲinma.
\q
\v 158 N na i ya fala suxutarene to,
\q na n xɔlɔma nɛn.
\q
\v 159 Alatala, a mato i ya fe ragidixine rafan n ma,
\q n xa siimayaan sɔtɔ i ya hinanni.
\q
\v 160 Ɲɔndin nan i ya falan birin na.
\q I ya kiti tinxinxine luma nɛn habadan!
\b
\q
\v 161 Mangane bata n ɲaxankata fu,
\q koni n gaxuma i tan nan keden ma fala yɛɛ ra.
\q
\v 162 N sɛwaxi i dɛ xui tongoxine fe ra,
\q alo n na nafulu gbeen sɔtɔ.
\q
\v 163 Wulen mi rafan n ma,
\q koni i ya sariyan nafan n ma.
\q
\v 164 N ni i tantunma nɛn
\q dɔxɔɲa ma solofere lɔxɔ yo lɔxɔ
\q i ya kiti tinxinxine fe ra.
\q
\v 165 Bɔɲɛ xunbeli gbeen na kanne xa
\q i ya sariyan nafan naxanye ma,
\q sese mi na kanne ratantanɲɛ.
\q
\v 166 Alatala, n yigi saxi i tan nan ma marakisi yi,
\q n luma nɛn i ya yamarine suxɛ.
\q
\v 167 N na i ya maxadi xuine suxuma nɛn n niin birin na,
\q bayo e rafan n ma ki faɲi.
\q
\v 168 N bata i ya fe ragidixine
\q nun i ya maxadi xuine suxu,
\q i n kɛwanle birin kolon.
\b
\q
\v 169 Alatala, n ma mawuga xuiin xa i li.
\q Xaxinla fi n ma
\q alo i a falaxi kii naxan yi.
\q
\v 170 I tuli mati n ma maxandi xuiin na,
\q i yi n nakisi
\q alo i bata dɛ xuiin tongo kii naxan yi.
\q
\v 171 N ni i tantunma nɛn waxatin birin,
\q amasɔtɔ i bata n xaran i ya tɔnne ma.
\q
\v 172 N bɛtin bama nɛn
\q lan i dɛ xui tongoxina fe ma,
\q amasɔtɔ i ya yamarine birin tinxin.
\q
\v 173 N mali i sɛnbɛn nin,
\q amasɔtɔ n bata i ya fe ragidixine nan sugandi.
\q
\v 174 Alatala, i ya marakisin xɔnla n na!
\q I ya sariyana n kɛnɛnxi.
\q
\v 175 N xa siimayaan sɔtɔ
\q alogo n xa i matɔxɔ,
\q i ya kiti saxine yi n mali.
\q
\v 176 N bata tantan kiraan ma
\q alo yɛxɛɛn naxan lɔxi ayi.
\q Fa n tan i ya walikɛɛn fen,
\q amasɔtɔ n mi ɲinanxi i ya yamarine xɔn.
\c 120
\s Ala maxandina malina fe ra
\d
\v 1 Ala Batu Banxi yisiga bɛtina.
\q N yi tɔrɔni waxatin naxan yi,
\q n yi n xui ramini Alatala ma,
\q a yi n yabi.
\q
\v 2 Alatala n nakisi wuledene nun yanfantenne ma.
\q
\v 3 Ɛ tan wuledene,
\q Ala nanse ligama ɛ ra,
\q a ɛ saranma nanse ra?
\q
\v 4 A lan a xa ɛ tɔrɔ
\q sofane xalimakunle nun tɛɛ wolonne nan na.
\b
\q
\v 5 Tɔrɔn na a ra n tan xa,
\q n lu ɛ tagi, ɛ tan Mesɛki kaane,
\q n dɔxɔ ɛ yɛ
\q alo Kedari bɔnsɔnna muxune wulaan kui.
\q
\v 6 N bata bu muxune tagi
\q bɔɲɛ xunbenla mi rafan naxanye ma!
\q
\v 7 N na bɔɲɛ xunbenla fe fala,
\q e tan yi yɛngɛn so.
\c 121
\s Ala nan en natanga muxun na
\d
\v 1 Ala Batu Banxi yisiga bɛtina.
\q N bata n yɛɛ rate geyane ma,
\q n naxa, “N ma maliin kelima minɛn yi?”
\q
\v 2 N ma maliin kelima Alatala nan ma
\q naxan ariyanna nun dunuɲa daxi.
\q
\v 3 A mi tinɲɛ, i yi bira.
\q I kantanmaan mi xiyɛ mumɛ.
\q
\v 4 Isirayila kantanmaan mi kinsanɲɛ,
\q a mi xiyɛ.
\b
\q
\v 5 Alatala i kantanma,
\q a i dɛxɔn ma alo i nininna.
\q
\v 6 Sogen mi fefe ligɛ i ra yanyin na,
\q kiken fan mi fefe ligɛ i ra kɔɛɛn na.
\q
\v 7 Alatala i kantanma nɛn fe ɲaxin birin ma,
\q a yi i niin natanga.
\q
\v 8 Alatala i kantanma nɛn i ya sigan nun xɛtɛni,
\q fɔlɔ iki ma han habadan.
\c 122
\s Yerusalɛn matɔxɔ bɛtina
\d
\v 1 Ala Batu Banxi yisiga bɛtina, Dawuda gbeena.
\q Sɛwan na a ra n xa, e na a fala n xa,
\q “En siga Alatalaa banxini!”
\q
\v 2 Iki, en tixi Yerusalɛn so dɛɛn na.
\q
\v 3 Yerusalɛn tixi ki faɲi
\q a banxine tugunxi e bode ra.
\q
\v 4 Alatalaa yamaan sigama mɛnna nin bɔnsɔn yɛɛn ma,
\q alo a sariyana a falaxi Isirayila xa kii naxan yi,
\q alogo e xa sa a xinla tantun.
\q
\v 5 Mangane kitin sama mɛnna nin
\q Dawudaa manga gbɛdɛn ma.
\q
\v 6 Ɛ Ala maxandi bɔɲɛ xunbenla fe ra Yerusalɛn xa.
\q Ala xa bɔɲɛ xunbenla fi a rafan muxune ma.
\q
\v 7 Ala xa bɔɲɛ xunbenla lu taani.
\q Ala xa hɛrin fi taa yi kaane ma.
\q
\v 8 Ngaxakedenne nun n xɔyine fe ra, n naxa,
\q “Ala xa bɔɲɛ xunbenla fi Yerusalɛn ma.”
\q
\v 9 N taana bɔɲɛ xunbenla nan fenma
\q Alatalaa banxina fe ra, en ma Ala.
\c 123
\s Ala xa hinan en na
\d
\v 1 Ala Batu Banxi yisiga bɛtina.
\q I tan naxan dɔxi kore xɔnna ma,
\q n na n yɛɛ ratema i tan nan ma,
\q
\v 2 alo konyine e yɛɛn tima e kanna ra kii naxan yi,
\q alo walikɛ ɲaxanla yɛɛne luma tixi a kanna ra kii naxan yi.
\q En na en yɛɛne tima
\q en ma Ala ra na kii nin, Alatala,
\q en yi a hinanna mamɛ.
\b
\q
\v 3 Hinan nxu ra, Alatala, hinan nxu ra,
\q amasɔtɔ e nxu raɲaxuxi han!
\q
\v 4 Nxu niin bata wasa fɛrɛ kanne nun
\q wasodene magele xuine ra.
\c 124
\s Ala nan a muxune ratangama
\d
\v 1 Ala Batu Banxi yisiga bɛtina, Dawuda gbeena.
\q Xa Alatala mi yi ti en xɔn nun,
\q Isirayila muxune fan xa a fala, e naxa,
\q
\v 2 “Xa Alatala mi yi ti en xɔn nun
\q yaxune yi en yɛngɛma waxatin naxan yi,”
\q
\v 3 e yi en ɲɛɲɛn gerunma nɛn nun
\q e xɔlɔ en xili ma waxatin naxan yi.
\q
\v 4 Nayi, walanna yi sigama en na nɛn nun,
\q fufaan yi en mamin,
\q
\v 5 ige xunfan gbeen yi sa en xun ma.
\b
\q
\v 6 En barikan bira Alatala xa,
\q a mi tinxi en yaxune yi en ɲan.
\q
\v 7 Nxu bata nxu sɔtɔ
\q alo xɔlina a sɔtɔma xɔli suxuna lutin na kii naxan yi.
\q Lutin bata bolon, nxu xɔrɔya!
\q
\v 8 En ma maliin kelima Alatala nan yii
\q naxan ariyanna nun dunuɲa daxi.
\c 125
\s Alaa muxune rakisi fena
\d
\v 1 Ala Batu Banxi yisiga bɛtina.
\q Naxanye e yigi sama Alatala yi,
\q na kanne ligaxi nɛn alo Siyon Geyana,
\q naxan luma a funfuni habadan,
\q a mi mamaxɛ mumɛ!
\q
\v 2 Yerusalɛn rabilinxi geyane ra kii naxan yi,
\q Alatala fan a muxune rabilinma na kii nin,
\q keli to ma han habadan!
\q
\v 3 Amasɔtɔ tinxintarene mi luyɛ
\q tinxin muxune yamanan xun na mumɛ,
\q alogo tinxin muxune fan nama fe ɲaxin liga.
\b
\q
\v 4 Alatala, fe faɲin naba na kanne xa
\q naxanye fan e nun naxanye sɔndɔmɛn fan.
\q
\v 5 Koni, naxanye kira tinxintarene fɔxɔ ra,
\q Alatala xa ne nun fe ɲaxi rabane ɲan
\q e bode xɔn ma.
\q Ala xa bɔɲɛ xunbenla fi Isirayila ma.
\c 126
\s Ala maxandina xunbana fe ra
\d
\v 1 Ala Batu Banxi yisiga bɛtina.
\q Alatala mɔn faxina en tan muxu suxine ra Siyon taani,
\q a liga nɛn en yɛɛ ra yi
\q alo xiyen na a ra!
\q
\v 2 En gele nɛn han,
\q en yi sɛwa bɛtine ba!
\q Siyaan bonne yi a falama nɛn, e naxa,
\q “Alatala bata fe gbeene liga e xa.”
\q
\v 3 Alatala bata fe gbeene liga en xa,
\q en birin bata sɛwa.
\b
\q
\v 4 Alatala, i mɔn xa nxɔ yamanan sɛnbɛ so
\q alo tulen fama igen na
\q xude wuli yixaren na kii naxan yi.
\q
\v 5 Naxanye sansiin wolima e wugama,
\q ne sɔnxɔma nɛn sɛwani se xabadeni.
\q
\v 6 Naxanye sigama wugɛ sansi wolideni,
\q ne xɛtɛma gelɛ nɛn malo xidine ra e xun ma.
\c 127
\s Ala wali faɲi kolonna
\d
\v 1 Ala Batu Banxi yisiga bɛtina, Sulemani gbeena.
\q Xa Alatala xa mi banxin tima,
\q banxi tiine wali fuun nan kɛma.
\q Xa Alatala xa mi taan makantan,
\q taa kantanne fe fuun nan xun na.
\q
\v 2 Ɛ kurunma walideni fuyan,
\q ɛ kɔɛ rasoma fuyan,
\q ɛ balon sɔtɔma tɔrɔn nin.
\q Anu, Ala balon soma a xanuntenne yii nɛn,
\q e saxi.
\b
\q
\v 3 Alatala diine fima muxune ma nɛn e kɛɛn na.
\q E findixi kɔntɔnna nan na
\q Alatala naxan fima.
\q
\v 4 Xɛmɛn dii xɛmɛn naxanye sɔtɔma banxulanyani,
\q ne ligaxi nɛn
\q alo xalimakunla sofaan yii kii naxan yi.
\q
\v 5 Sɛwan na xɛmɛn xa
\q xalimakuli wuyaxin naxan yii.
\q E nun a yaxune na kiti, a mi yagima.
\c 128
\s Duban Ala yɛɛragaxu muxune xa
\d
\v 1 Ala Batu Banxi yisiga bɛtina.
\q Sɛwan na kanne xa
\q naxanye gaxuma Alatala yɛɛ ra,
\q naxanye birama a kiraan fɔxɔ ra.
\q
\v 2 I wali xɔnna i makone fanma nɛn.
\q I sɛwama nɛn i mɔn yi sabati.
\q
\v 3 I ya ɲaxanla diine barima nɛn
\q alo wudi bili bogilana.
\q I ya dii xɛmɛne i ya tabanla rabilinma nɛn
\q alo oliwi wudi binle.
\b
\q
\v 4 Muxun naxan gaxuma Alatala yɛɛ ra,
\q na kanna dubani itoe nan sɔtɔma.
\q
\v 5 Alatala xa barakan sa i ya fe yi
\q keli Siyon yi!
\q Ala xa i Yerusalɛn sabatixin to
\q i siin birin yi!
\q
\v 6 Ala xa i i mamandenne to!
\q Ala xa bɔɲɛ xunbenla fi Isirayila ma.
\c 129
\s Ala maxandina Isirayila yaxune xili ma
\d
\v 1 Ala Batu Banxi yisiga bɛtina.
\q E n yɛngɛma xabu n dii ɲɔrɛ waxatini,
\q Isirayila kaane fan xa a fala, e naxa,
\q
\v 2 “E en yɛngɛma xabu en dii ɲɔrɛ waxatini,”
\q koni e mi en nɔ.
\q
\v 3 E bata n fanna makorondon,
\q alo xɛɛn bi daxina.
\q
\v 4 Koni Alatala tinxin,
\q a bata nxu nun muxu ɲaxine tagi bolon.
\b
\q
\v 5 Muxun naxanye Siyon naɲaxuxi,
\q Ala xa ne yagixin naxɛtɛ.
\q
\v 6 E xa liga
\q alo sɛxɛn naxan solima banxin fari,
\q sogen yi a xara ayi.
\q
\v 7 Muxun naxan a xabama
\q hali yii fe kedenna a mi a sɔtɔma,
\q hali xidi kedenna
\q a raxidi muxun fan mi a sɔtɔma.
\q
\v 8 Dangu muxune mi a falama e xa,
\q e naxa, “Alatala xa barakan sa ɛ fe yi.”
\q Hanma e naxa,
\q “Nxu dubama ɛ xa Alatala xinli.”
\c 130
\s Ala maxandina malina fe ra
\d
\v 1 Ala Batu Banxi yisiga bɛtina.
\q Alatala, n bata n xui ramini i ma tɔrɔni.
\q
\v 2 Marigina, n xuiin namɛ,
\q i yi i tuli mati n ma maxandi xuiin na.
\q
\v 3 Alatala, xa i nxu suxu nxu hakɛne ra,
\q Marigina, nde luma a yalagitaren na?
\q
\v 4 Koni i tan nan nxu mafeluma nxu hakɛne ra,
\q nxu yi gaxu i yɛɛ ra.
\b
\q
\v 5 N yengi saxi Alatala nan ma,
\q n niin taxuxi a ra,
\q n xaxili tixi a falan nan na.
\q
\v 6 N yengi tixi Marigin na
\q alo taa kantanne yengi kuye yibaan ma kii naxan yi.
\b
\q
\v 7 Isirayila, i yengi ti Alatala ra,
\q amasɔtɔ a hinan, a nɔɛ i xunbɛ nɛn.
\q
\v 8 A tan nan Isirayila rakisima a hakɛn birin ma.
\c 131
\s Ala maxandina limaniyani
\d
\v 1 Ala Batu Banxi yisiga bɛtina, Dawuda gbeena.
\q Alatala, n mi fa waso, n mi kanba.
\q N mi fa n xaxinla rasigama feene ma sɔnɔn,
\q naxanye gbo dangu n na,
\q naxanye magaxu n yɛɛ ra yi.
\q
\v 2 Koni n bata n xaxinla raxara,
\q n yi n sabari, n nii yifanxi n ma
\q alo dii ɲɔrɛna a nga fɛma.
\b
\q
\v 3 Isirayila, i yengi ti Alatala ra
\q fɔlɔ to ma han habadan!
\c 132
\s Dawudaa taan nan Alatala dɔxɔden na
\r Taruxune Firinden 6.41-42
\d
\v 1 Ala Batu Banxi yisiga bɛtina.
\q Alatala, Dawudaa fe xa rabira i ma,
\q e nun a tɔrɔne birin.
\q
\v 2 A tan nan a kɔlɔ Alatala xa,
\q a yi a dɛ ti Yaxubaa Ala Sɛnbɛmaan xa.
\q
\v 3 A naxa, “N mi soma n konni,
\q n mi n sama n ma saden ma,
\q
\v 4 n mi tinɲɛ n yi kinsan hanma n yi xi,
\q
\v 5 han n yiren fen Alatala xa,
\q Yaxubaa Ala Sɛnbɛmaan luma dɛnaxan yi.”
\b
\q
\v 6 Nxu bata a fe mɛ Efarata yi,
\q nxu bata a to Yaari taan nabilinni.
\q
\v 7 E naxa, “En siga Alaa banxini,
\q en yi en xinbi sin a san bun.”
\q
\v 8 Alatala, keli, i fa i dɔxɔdeni,
\q i tan nun i ya kankirana,
\q i sɛnbɛn naxan yi.
\q
\v 9 Ala xa i ya saraxaraline findi tinxin muxune ra,
\q i ya tɔgɔndiya muxune yi sɔnxɔ sɛwani.
\q
\v 10 I nama i ya manga sugandixin nabeɲin,
\q i ya walikɛɛn Dawuda fe ra.
\b
\q
\v 11 Alatala bata a kɔlɔ Dawuda xa,
\q a mi a kalɛ mumɛ! A naxa,
\q “N ni i ya dii xɛmɛna nde nan sugandima,
\q a ti i funfuni mangan na.
\q
\v 12 Xa i ya dii xɛmɛne n ma layirin suxu,
\q e nun n ma maxadi xuine,
\q n na e xaranma naxanye ma,
\q e diine fan dɔxɔma nɛn
\q i ya mangaya gbɛdɛni han habadan.”
\b
\q
\v 13 Alatala bata Siyon sugandi a dɔxɔden na.
\q
\v 14 A bata a fala, a naxa,
\q “N luma be nin habadan.
\q N waxi mangayaan liga feni be nin.
\q
\v 15 N baraka gbeen sama nɛn Siyon ma baloni,
\q n donseen so a tɔrɔ muxune birin yii.
\q
\v 16 N kisin fima nɛn a saraxaraline birin ma,
\q a tɔgɔndiya muxune yi sɔnxɔ sɛwani.
\q
\v 17 N mangana nde raminima nɛn
\q Dawuda yixɛtɛne yɛ mɛnni,
\q na yi lu n ma manga sugandixin funfuni.
\q
\v 18 N na a yaxune rayagima nɛn,
\q koni a mangayaan taxamasenna nɔrɔma nɛn han!”
\c 133
\s Ngaxakedenyana fe
\d
\v 1 Ala Batu Banxi yisiga bɛtina, Dawuda gbeena.
\q Fe faɲin na a ra e nun sɛwana,
\q ngaxakedenne na lu e bode xɔn bɔɲɛ xunbenli.
\q
\v 2 A luxi nɛn alo ture xiri ɲaxumɛn
\q naxan sama Haruna xunni,
\q a godo a dɛ xaben ma
\q han a domaan kɔɛɛn xɔn.
\q
\v 3 A luxi nɛn alo xiila
\q naxan kelin Xerimon geyaan fari
\q godo Siyon geyaan ma.
\q Amasɔtɔ Alatala habadan nii rakisin duban nagodoma mɛnna nin.
\c 134
\s Ala tantun fena
\d
\v 1 Ala Batu Banxi yisiga bɛtina.
\q Alatalaa walikɛne birin xa a tantun,
\q naxanye birin xima a batuɛ a banxini,
\q ɛ fa a tantun.
\q
\v 2 Ɛ ɛ yiine yite yire sariɲanxini,
\q ɛ Alatala tantun!
\q
\v 3 Alatala xa i baraka keli Siyon yi,
\q a tan naxan kore xɔnna nun bɔxɔ xɔnna daxi.
\c 135
\s Tantun bɛtina
\r Yaburin 115.4-11
\q
\v 1 Tantunna Ala xa!
\q Ɛ Alatala xinla tantun!
\q Ɛ tan Alatalaa walikɛne, ɛ a tantun.
\q
\v 2 Ɛ tan naxanye tixi Alatalaa banxini
\q naxanye en ma Alaa banxin tanden ma.
\q
\v 3 Tantunna Ala xa! Amasɔtɔ Alatala fan.
\q Ɛ a tantun bɛtine yi, amasɔtɔ a diɲa.
\q
\v 4 Alatala nan Yaxuba sugandixi a yɛtɛ xa,
\q a yi Isirayila findi a gbeen na.
\b
\q
\v 5 N na a kolon fa fala Alatala gbo,
\q en Marigin gbo alane birin xa.
\q
\v 6 Kore xɔnna nun bɔxɔ xɔnna ma,
\q fɔxɔ igene nun yire tilinxine birin yi,
\q naxan na rafan Alatala ma,
\q a na nan ligama.
\q
\v 7 A bata foyen nun tulen nakeli bɔxɔn danna ra,
\q a kuye sarinna ramini e nun tulena,
\q a foyen nakeli a ramaradeni.
\q
\v 8 A yi dii singene
\q nun xuruse dii singene faxa Misiran yamanani.
\q
\v 9 A yi kabanako feene liga ɛ tan Misiran kaane tagi,
\q Firawona nun a kuntigine birin xili ma.
\q
\v 10 A siya wuyaxine halagi,
\q a yi manga sɛnbɛmane faxa,
\q
\v 11 sa fɔlɔ Amorine Manga Sixɔn ma,
\q e nun Basan Manga Ogo
\q e nun mangan naxanye birin Kanan yamanani.
\q
\v 12 A yi e bɔxɔne so Isirayila yii e kɛɛn na,
\q a findi a yamaan kɛɛn na.
\b
\q
\v 13 Alatala, i xinla fe luma nɛn habadan!
\q Mayixɛtɛne nun mayixɛtɛne e xaxili luma i xɔn ma nɛn.
\q
\v 14 Alatala a muxune xun mayɛngɛ kitin sama nɛn.
\q A kininkinin a walikɛne ma.
\b
\q
\v 15 Gbetin nun xɛmaan nan tun siyane suxurene ra!
\q
\v 16 E dɛɛn na, koni e mi fala tima.
\q E yɛɛne na, koni e mi sese toma.
\q
\v 17 E tunle na, koni e mi fefe mɛma.
\q Niiraxili yo mi e yi.
\q
\v 18 Naxan na e rafala, a a yigin sa e yi,
\q na fan luma nɛn alo e tan.
\q
\v 19 Ɛ tan Isirayila yamana, ɛ Alatala tantun.
\q Ɛ tan saraxaraline, ɛ Alatala tantun.
\q
\v 20 Ɛ tan Lewi bɔnsɔnna, ɛ Alatala tantun.
\q Ɛ tan a yɛɛragaxu muxune, ɛ Alatala tantun.
\q
\v 21 Barikan bira Alatala xa Siyon yi,
\q a tan naxan luma Yerusalɛn taani.
\q Tantunna Ala xa!
\c 136
\s Barika birana Isirayilaa Ala xa
\q
\v 1 Ɛ Alatala tantun amasɔtɔ a fan.
\q A hinanna luma nɛn habadan!
\q
\v 2 Ɛ alane Ala tantun.
\q A hinanna luma nɛn habadan!
\q
\v 3 Ɛ marigine birin Marigin tantun.
\q A hinanna luma nɛn habadan!
\q
\v 4 A tan nan keden pe kabanako feene ligama.
\q A hinanna luma nɛn habadan!
\q
\v 5 A bata ariyanna rafala a xaxilimayani.
\q A hinanna luma nɛn habadan!
\q
\v 6 A bata bɔxɔn ti tilinne fari.
\q A hinanna luma nɛn habadan!
\q
\v 7 A bata yanban seene da kore xɔnna ma.
\q A hinanna luma nɛn habadan!
\q
\v 8 Sogen mangayaan ligama yanyin nan na.
\q A hinanna luma nɛn habadan!
\q
\v 9 Kiken nun sarene mangayaan ligan kɔɛɛn nan na.
\q A hinanna luma nɛn habadan!
\q
\v 10 A yi Misiran kaane dii singene faxa.
\q A hinanna luma nɛn habadan!
\q
\v 11 A ti Isirayila muxune yɛɛ ra
\q keli Misiran yamanani.
\q A hinanna luma nɛn habadan!
\q
\v 12 A na liga a sɛnbɛ gbeen nan na.
\q A hinanna luma nɛn habadan!
\q
\v 13 A yi Gbala Baani taxun a tagi.
\q A hinanna luma nɛn habadan!
\q
\v 14 A yi a muxune ragidi a tagi, Isirayila kaane.
\q A hinanna luma nɛn habadan!
\q
\v 15 A yi Firawona nun a sofane radin Gbala Baani.
\q A hinanna luma nɛn habadan!
\q
\v 16 A ti a muxune yɛɛ ra tonbonni.
\q A hinanna luma nɛn habadan!
\q
\v 17 A yi manga gbeene faxa.
\q A hinanna luma nɛn habadan!
\q
\v 18 A yi manga sɛnbɛmane faxa.
\q A hinanna luma nɛn habadan!
\q
\v 19 A yi Amorine manga Sixɔn faxa.
\q A hinanna luma nɛn habadan!
\q
\v 20 A yi Basan kaane manga Ogo faxa.
\q A hinanna luma nɛn habadan!
\q
\v 21 A yi e bɔxɔn so a yamaan yii e kɛɛn na.
\q A hinanna luma nɛn habadan!
\q
\v 22 A yi findi Isirayila kɛɛn na, a walikɛna.
\q A hinanna luma nɛn habadan!
\q
\v 23 A ɲɔxɔ lu nɛn en tan yiigelitɔne xɔn.
\q A hinanna luma nɛn habadan!
\q
\v 24 A yi en xɔrɔya en yaxune ma.
\q A hinanna luma nɛn habadan!
\q
\v 25 A tan nan donseen soma niimaseen birin yii.
\q A hinanna luma nɛn habadan!
\q
\v 26 Ɛ Ala tantun naxan kore!
\q A hinanna luma nɛn habadan!
\c 137
\s Isirayila muxu suxine fe
\q
\v 1 Nxu yi dɔxi Babilɔn xude dɛɛne yi waxatin naxan yi
\q nxu wugama, nxu yi lu nxu mirɛ Siyon ma.
\q
\v 2 Nxu yi nxɔ bɔlɔnne singan
\q na yamanan wudi tofaɲine ra.
\q
\v 3 Muxun naxanye nxu suxu,
\q ne yi bɛtine maxɔdin nxu ma.
\q Nxu ɲaxankata muxune yi sɛwa bɛtine maxɔdin nxu ma,
\q e naxa, “Ɛ Siyon bɛtina nde ba nxu xa.”
\q
\v 4 Nxu tan bɛtin bama Alatala xa di xɔɲɛ taani?
\b
\q
\v 5 Xa n ɲinan i xɔn Yerusalɛn,
\q Ala xa n yiifanna faxa n ma.
\q
\v 6 Xa n ɲinan i tan xɔn,
\q xa n mi lu Yerusalɛn yatɛ n ma sɛwan birin yi,
\q Ala xa n dɛɛn suxu!
\b
\q
\v 7 Alatala, Edɔn kaane fe xa rabira i ma,
\q e yi naxan falama Yerusalɛn suxu lɔxɔni,
\q e naxa, “Ɛ a kala, ɛ taan naxɔri fefe!”
\q
\v 8 I tan Babilɔn taana, i halagima nɛn fefe!
\q Sɛwan na kanna xa naxan i ya donla saranma
\q alo i a ligaxi nxu ra kii naxan yi,
\q
\v 9 naxanye ɛ dii futene tongoma
\q e yi e yigɔlɔn fanyen ma.
\c 138
\s Ala tantun fena
\d
\v 1 Dawuda gbeena.
\q Ala, n bata i tantun n bɔɲɛni fefe!
\q N bɛtin bama Ala yɛtagi.
\q
\v 2 N na n xinbi sinma i ya Banxi Sariɲanxin yɛtagi,
\q n yi i xinla tantun i ya hinanna nun i ya lannayana fe ra.
\q Amasɔtɔ i bata i dɛ xuiin nafisa i xinla yɛtɛɛn xa.
\q
\v 3 N ni i xili waxatin naxan yi,
\q i n yabi nɛn,
\q i yi n sɛnbɛ so, i n xaxili ragidi.
\b
\q
\v 4 Alatala, dunuɲa mangane birin i tantunma nɛn,
\q e na i ya falane mɛ waxatin naxan yi.
\q
\v 5 Alatala, e i kɛwanle matɔxɔma nɛn bɛtini,
\q amasɔtɔ i ya binyen gbo.
\q
\v 6 Hali Alatala to mate,
\q a yengi dɔxi muxu diɲaxine xɔn,
\q koni a yɛɛn tixi wasodene ra wulani.
\q
\v 7 Xa n sigan tima tɔrɔni,
\q i n nakisima nɛn,
\q i yi n yaxune yɛngɛ i sɛnbɛni,
\q n kisi i sɛnbɛn xɔn.
\q
\v 8 Alatala feene raɲanma a faɲin nan ma n xa.
\q Alatala i ya hinanna luma nɛn habadan!
\q I nama i wali xɔnne rabeɲin.
\c 139
\s Ala ɲɔxɔ luxi adamadiine xɔn
\d
\v 1 Dawudaa bɛtina, bɛti baane kuntigin xa.
\q Alatala, i bata n fɛsɛfɛsɛ, i n kolon.
\q
\v 2 I n sa waxatin nun n keli waxatin birin kolon.
\q Hali i makuya n na, i n ma miriyane birin kolon.
\q
\v 3 I a kolon n nɛma sigatini
\q hanma n nɛma saxi,
\q i n kɛwanle birin kolon.
\q
\v 4 Alatala, benun n xa falan ti waxatin naxan yi,
\q n naxan falama i na kolon ki faɲi.
\q
\v 5 I n nabilinni,
\q n yɛɛ ra e nun n xanbi ra.
\q N ni i tan nan yii.
\q
\v 6 Na fe kolonna magaxu n tan yɛɛ ra yi.
\q A dangu n na, n mi nɔɛ a yigbɛ mumɛ!
\b
\q
\v 7 N nɔɛ sigɛ minɛn,
\q n yi n luxun i ya Nii Sariɲanxin ma?
\q N sigan minɛn yi, n keli i tan yɛtagi?
\q
\v 8 Xa n te ariyanna yi, i na yi.
\q N na siga laxira yi, i na yi.
\q
\v 9 Hali n siga han sogetedeni,
\q hanma n sa dɔxɔ fɔxɔ igen xanbi ra,
\q
\v 10 i tima nɛn n yɛɛ ra mɛnna fan yi,
\q i mi n nabeɲinɲɛ mumɛ!
\q
\v 11 Xa n na a fala, n naxa,
\q “N xa n luxun dimini.
\q Kɛnɛnna xa findi kɔɛɛn na n nabilinni.”
\q
\v 12 Koni sese mi dimin na i tan yɛɛ ra yi,
\q kɔɛni yalan alo yanyina i tan yɛɛ ra yi.
\q Dimin nun yanyin birin lan i tan xa.
\b
\q
\v 13 I tan nan n sɔndɔmɛn daxi,
\q i tan nan n saxi nga fatini.
\q
\v 14 Ala, n ni i tantunma,
\q amasɔtɔ n da kiin magaxu,
\q i kɛwanle magaxu.
\q N na a kolon n niini ki faɲi.
\q
\v 15 N fati bɛndɛn mi yi luxunxi i tan ma,
\q i to yi n nafalama suturani
\q i yi n dama nga kui waxatin naxan yi.
\q
\v 16 I yi n toma benun n fatin xa yelin nafalɛ.
\q I bata yi n ma siimayaan xasabin sɛbɛ i ya kitabun kui,
\q benun a xa fɔlɔ waxatin naxan yi.
\q
\v 17 Ala, i ya miriyane famu raxɔlɔ n xɔn.
\q E xasabin wuya!
\q
\v 18 Xa n na e yatɛ, e wuya mɛɲɛnsinna xa.
\q N na xulun waxatin naxan yi,
\q n mɔn luma i tan nan fɛma.
\b
\q
\v 19 Ala, a yi lan nun i xa muxu ɲaxine faxa!
\q Faxa tiine, ɛ masiga n na.
\q
\v 20 E fala ɲaxine tima, e i xili kala.
\q I yɛngɛfane i xinla falama fuun nin.
\q
\v 21 Alatala, n mi muxune raɲaxuɛ ba
\q naxanye i raɲaxuma?
\q N bata n mɛ na muxune ra
\q naxanye murutɛxi i xili ma.
\q
\v 22 E mi rafan n ma mumɛ!
\q N bata e yatɛ yaxune ra.
\q
\v 23 Ala, n fɛsɛfɛsɛ i yi n bɔɲɛni feen kolon.
\q N mato, i yi n ma miriyane kolon.
\q
\v 24 A mato, xa n kira ɲaxin nan xɔn,
\q i siga n na habadan kira faɲin xɔn ma.
\c 140
\s Ala maxandina xunbana fe ra
\d Dawudaa bɛtina, bɛti baane kuntigin xa.
\q
\v 1 Alatala, n xunba muxu ɲaxine yii.
\q N natanga gbalotɔne ma.
\q
\v 2 E fe ɲaxi yitɔnna nin waxatin birin.
\q E yɛngɛ ralanna nin lɔxɔ yo lɔxɔ!
\q
\v 3 Fala xɔlɛne nan e lɛnne ma
\q alo saɲina.
\q E fala xuine xɔlɔ alo koson xɔlɛna.
\qr Bɛti xuini te.
\b
\q
\v 4 Alatala, n natanga muxu ɲaxine sɛnbɛn ma.
\q N nakisi gbalotɔne ma,
\q naxanye kataxi n nabira feen na.
\q
\v 5 Muxu wasoxine bata lutin nati n yɛɛ ra.
\q E bata e gbatune rati kiraan xɔn ma n suxu xinla ma.
\qr Bɛti xuini te.
\b
\q
\v 6 N bata a fala Alatala xa n naxa,
\q “N ma Ala nan i tan na.
\q Alatala n ma maxandi xuiin namɛ!”
\q
\v 7 Marigina Alatala, n nakisi sɛnbɛna,
\q i n xun mayɛngɛma yɛngɛ so waxatini.
\q
\v 8 Alatala, i nama tin
\q muxu ɲaxine waxɔn feen yi liga.
\q I nama tin e fe nataxine yi kamali,
\q e yi waso ayi.
\qr Bɛti xuini te.
\b
\q
\v 9 I nama tin n yaxune yi nɔɔn sɔtɔ.
\q Ala xa n yaxune gbalo falane so e xun na.
\q
\v 10 Ala xa tɛɛ wolonne bɔxɔn e ma.
\q Ala xa e woli ayi tɛɛni.
\q Ala xa e woli yinla kui
\q e mi nɔɛ tɛ naxan na.
\q
\v 11 Nafigine mi luma yamanani.
\q Ala xa yihadin so gbalotɔne xun na.
\b
\q
\v 12 N na a kolon
\q a Alatala kiti kɛndɛn sama tɔrɔ muxune xa,
\q a yi yiigelitɔne xun mayɛngɛ kitin sa.
\q
\v 13 Tinxin muxune i tantunma nɛn yati!
\q Muxu faɲine yi lu i yɛtagi.
\c 141
\s Ala maxandina ɲinbanna ra
\d
\v 1 Dawudaa bɛtina.
\q Alatala, n bata n xui ramini i ma,
\q fa n mali mafurɛn!
\q N na i xili, i tuli mati n na.
\q
\v 2 N ma maxandin xa lu
\q alo wusulanna i yɛtagi.
\q N yiine yitexin xa liga
\q alo ɲinbari ra saraxana.
\q
\v 3 Alatala i yengi dɔxɔ n fala xuiin xɔn,
\q i yi n dɛɛn kantan.
\q
\v 4 I nama tin n bɔɲɛn yi lu fe ɲaxini,
\q n nama fe ɲaxine liga nxu nun fe ɲaxi rabane.
\q Nxu nama nxu dɛge nxu bode xɔn.
\b
\q
\v 5 N tinma nɛn tinxin muxun yi n bɔnbɔ,
\q bayo hinanna na a ra.
\q A rafan n ma, a yi n kawandi.
\q Na luxi nɛn alo turen na susan n xunni.
\q N mi tondɛ na ma.
\q Koni n na Ala maxandima nɛn
\q fe ɲaxi rabane wanle xili ma.
\q
\v 6 E mangane radinma nɛn geyaan san bun fanyene ma,
\q muxu ɲaxine yi a kolon nayi
\q a ɲɔndin nan n ma falane ra.
\q
\v 7 Xɛɛn bima kiin de,
\q bɔxɔn yi buxa,
\q nxu xɔnne xuyama ayi na kiini laxira so dɛɛn na.
\b
\q
\v 8 Marigina Alatala,
\q n yɛɛn tixi i tan nan na.
\q N na n luxunma i tan nin,
\q i nama tin n faxa.
\q
\v 9 N natanga na lutine ma
\q e naxanye ratixi n yɛɛ ra
\q e nun fe ɲaxi rabane wosone.
\q
\v 10 Ala xa muxu ɲaxine suxu
\q e yɛtɛna luti ratixine ra,
\q koni n tan xa dangu bɔɲɛ xunbenli.
\c 142
\s Ala maxandina malina fe ra
\d Dawudaa fala ɲaxumɛna, a yi faranna ra waxatin naxan yi. Ala maxandina.
\q
\v 1 N na n xui raminima Alatala ma,
\q n yi a mafan.
\q
\v 2 N na n kɔntɔfili feene birin fala a xa,
\q n yi n ma tɔrɔne birin yita a ra.
\q
\v 3 Wɛkilɛn na ɲan n yi,
\q i tan n sigaden kolon.
\q N sigan tima kiraan naxan xɔn,
\q e bata woson nati n yɛɛ ra na xɔn ma.
\q
\v 4 N dɛxɔn to,
\q muxune mi e ɲɔxɔ luma n tan xɔn.
\q Luxunde yo mi fa n tan ma.
\q Muxu yo mi kɔntɔfilixi n ma fe ra.
\b
\q
\v 5 Alatala, n ni i tan nan mafanma.
\q N naxa, “I tan nan n luxunden na.
\q I tan nan findixi n gbeen na bɔxɔ xɔnna fari.”
\q
\v 6 I tuli mati n ma mawuga xuiin na.
\q Amasɔtɔ n bata xadan.
\q N xunba n sagatan muxune yii.
\q Amasɔtɔ e sɛnbɛn gbo n xa.
\q
\v 7 N namini kasoon na,
\q alogo n xa i xinla tantun.
\q Tinxin muxune yi n nabilin
\q bayo i bata fe faɲin naba n xa.
\c 143
\s Ala maxandina malina fe ra
\d
\v 1 Dawudaa bɛtina.
\q Alatala, n ma maxandi xuiin namɛ!
\q I tuli mati n xuiin na.
\q N yabi i ya tinxinna nun i ya hinanna nin.
\q
\v 2 I nama n tan i ya walikɛɛn makiti,
\q bayo muxu yo mi tinxin i tan yɛtagi.
\q
\v 3 N yaxuna n sagatanma,
\q a yi n nabira bɔxɔni,
\q a yi n lu dimini
\q alo muxu singe faxaxine.
\q
\v 4 Wɛkilɛn bata ɲan n yi,
\q n sɛnbɛ mi fa na sɔnɔn.
\q
\v 5 N na n mirima waxati danguxine ma.
\q I feen naxanye birin nabaxi,
\q n na n mirima ne ma,
\q n na n mirima i kɛwanle ma.
\q
\v 6 N na n yiine tima i tan nan xa.
\q N niin xaraxi i yɛtagi
\q alo bɔxɔ xarena.
\qr Bɛti xuini te.
\b
\q
\v 7 Alatala, n yabi iki sa!
\q N niin ɲanmatɔɔn na a ra.
\q I nama i yɛtagin luxun n ma.
\q Xanamu n sama faxa muxune fari nɛn.
\q
\v 8 Benun xɔtɔnni,
\q i xa n yabi i ya hinanni.
\q Amasɔtɔ n na n yigi saxi i tan nin.
\q A yita n na
\q n lan n xa sigan ti
\q kiraan naxan xɔn.
\q Amasɔtɔ n na n niin taxuxi i tan nan na.
\q
\v 9 Alatala, n xunba n yaxune yii.
\q N na n luxunxi i tan nan fɛma.
\q
\v 10 N xaran i sagoon ligan ma,
\q bayo n ma Ala nan i ra.
\q I ya Nii faɲin xa n xali bɔxɔ faɲini.
\q
\v 11 Alatala siimayaan fi n ma i xinla fe ra.
\q I xa n ba tɔrɔni i ya tinxinni.
\q
\v 12 N yaxune dɛ xidi i ya hinanni.
\q N yɛngɛfane halagi,
\q amasɔtɔ i ya walikɛɛn nan n na.
\c 144
\s Mangana Ala maxandina
\d
\v 1 Dawuda gbeena.
\q Barikan bira Alatala xa,
\q n kantan muxuna,
\q naxan n maxaranma yɛngɛ sodeni.
\q
\v 2 A tan nan hinanma n na,
\q n ma yinna,
\q n ma faran makantanxina,
\q n xunba muxuna,
\q e nun n yɛ masansan wure lefana.
\q N na n luxunma a tan nin.
\q A tan nan siyane luma n sanna bun.
\q
\v 3 Alatala, nanse muxun na
\q alogo i xa i ɲɔxɔ lu a xɔn?
\q Nanse adamadiin na
\q alogo i xa i miri a ma?
\q
\v 4 Adamadiin luxi nɛn alo foyedina.
\q A siimayaan luxi nɛn
\q alo nininna naxan danguma.
\q
\v 5 Alatala, kuyen tintin, i godo.
\q I yiin din geyane ra,
\q e tutin xa te.
\q
\v 6 Kuye sarinne rasiga,
\q i yi yaxune raxuya ayi.
\q I ya xalimakunle woli,
\q i yi e kedi.
\q
\v 7 I yiin nagodo keli kore,
\q i yi n ba tilinna ma.
\q N ba xɔɲɛne sɛnbɛn bun
\q
\v 8 naxanye wulen falama,
\q naxanye mi e fala xuine rakamalima.
\b
\q
\v 9 Ala, n bɛti nɛnɛn bama nɛn i xa,
\q n yi i tantun kondenna ra.
\q
\v 10 A tan nan mangane rakisima.
\q A tan nan a walikɛɛn Dawuda rakisima silanfanna ma.
\q
\v 11 N xunba,
\q i n ba xɔɲɛne sɛnbɛn bun ma,
\q naxanye wulen falama,
\q naxanye mi e fala xuine rakamalima.
\b
\q
\v 12 Ala xa en ma dii xɛmɛne rasabati
\q alo wudi binle.
\q Ala xa en ma dii tɛmɛne xa tofanɲɛ ayi
\q alo gɛmɛ sɛnbɛtɛn nayabuxin
\q naxanye manga banxine bun.
\q
\v 13 Ala xa en ma sagane rafe donseen sifan birin na.
\q Ala xa en ma xuruseene rawuya ayi xɛɛn ma,
\q dɔxɔɲa ma wuli keden han wuli fu.
\q
\v 14 Ala xa en ma ɲingene rasabati.
\q Ala xa en tanga yɛngɛn ma
\q alogo muxe nama suxu,
\q wuga xuiin yi te taani.
\q
\v 15 Sɛwan na yamaan xa,
\q na feene ligama naxanye xa.
\q Sɛwan na yamaan xa,
\q naxanye Ala findixi Alatala ra.
\c 145
\s Tantun bɛtina
\d
\v 1 Dawuda Ala tantunna.
\q N ma Ala, n ma mangana,
\q n ni i batuma.
\q N barikan birama i xa nɛn
\q habadan han habadan.
\q
\v 2 Lɔxɔ yo lɔxɔ n barikan birɛ i xa.
\q N ni i xinla tantunma nɛn
\q habadan han habadan.
\b
\q
\v 3 Alatala gbo, a lan a yi tantun.
\q A gboon dan mi na.
\q
\v 4 Mayixɛtɛne birin xa i ya wanle fe fala
\q mayixɛtɛ famatɔne xa,
\q e yi i kɛwanle fe yɛba e xa.
\q
\v 5 E i ya binye gbeen nun nɔrɔna fe fala.
\q N luma nɛn n mirɛ i ya kabanako wanle ma.
\q
\v 6 E xa i sɛnbɛ magaxuxina fe fala.
\q N tan i ya gbona fe falama nɛn.
\q
\v 7 E xa i ya nɛmana fe fala,
\q e yi i ya tinxinna fe rali sɛwani.
\b
\q
\v 8 Alatala diɲa, a kininkinin,
\q a mi xɔlɔn xulɛn, a hinanna gbo.
\q
\v 9 Alatala fe faɲin nabama muxun birin xa.
\q A kininkininma a daala birin ma.
\q
\v 10 Alatala, i ya dali seene birin i tantunma nɛn.
\q I ya tɔgɔndiya muxune birin barikan birama i xa nɛn.
\q
\v 11 E i ya mangayaan binyena fe falama nɛn.
\q E mɔn yi i sɛnbɛna fe yɛba
\q
\v 12 alogo muxun birin xa i kɛwanle kolon,
\q e nun i ya mangayaan binye gbeena.
\q
\v 13 I ya mangayaan findixi habadan mangayaan nan na.
\q I sɛnbɛn luma nɛn mayixɛtɛne nun mayixɛtɛne xun na.
\q Ala a dɛ xuine birin nakamalima,
\q a hinan a daala birin na.
\b
\q
\v 14 Alatala ne malima nɛn
\q naxanye biraxi,
\q a yi muxune rakeli
\q naxanye felenxi.
\q
\v 15 Birin yɛɛn tixi i tan nan na
\q alogo i xa donseen so e yii a waxatini.
\q
\v 16 I tan nan i yiin nabima,
\q i yi donseen so niimaseene birin yii.
\q
\v 17 Alatala feen birin ligama tinxinna nin.
\q A hinan a kɛwanle birin yi.
\q
\v 18 Alatala maso na muxune ra
\q naxanye a xilima,
\q naxanye birin a xilima ɲɔndini.
\q
\v 19 A a yɛɛragaxu muxune rafan feene ligama nɛn,
\q a e xuiin mɛ, a yi e rakisi.
\q
\v 20 Alatala muxune kantanma
\q a rafan naxanye birin ma.
\q Koni a muxu ɲaxine birin halagima nɛn.
\b
\q
\v 21 N na Alatala tantunma nɛn.
\q Dali seene birin xa a xili sariɲanxin tantun
\q habadan han habadan!
\c 146
\s Ala nan sɛnbɛtarene kantanma
\q
\v 1 Tantunna Ala xa!
\q N xa Alatala tantun n niini fefe!
\q
\v 2 Fanni n na n nii ra,
\q n na Alatala tantunma nɛn.
\q Fanni n daxi,
\q n na n ma Ala tantunma nɛn bɛtini.
\q
\v 3 Ɛ nama ɛ yigi sa mangane yi,
\q adamadiine nan ne ra.
\q Ɛ rakisi fɛrɛ yo mi ne xa.
\q
\v 4 E na faxa, e xɛtɛma nɛn bɛndɛni.
\q E fe yitɔnxine birin kalama na lɔxɔn yɛtɛɛn nin.
\q
\v 5 Sɛwan na kanna xa,
\q Yaxubaa Ala muxun naxan malima,
\q naxan a yigin sama Alatala yi, a Ala.
\b
\q
\v 6 A tan nan ariyanna nun dunuɲa daxi
\q e nun e yi seene birin.
\q A tinxinyaan luma nɛn han habadan.
\q
\v 7 A tan nan kiti kɛndɛn sama muxu ɲaxankataxine xa,
\q a donseen so kamɛtɔne yii.
\q Alatala nan kasorasane xunbama.
\q
\v 8 Alatala nan danxutɔne yɛɛne rabama ayi.
\q A tan nan muxu mafelenxine rakelima.
\q Tinxin muxune rafan Alatala ma.
\q
\v 9 Alatala nan xɔɲɛne kantanma.
\q A kaɲa gilɛne nun kiridine mali.
\q Koni a muxu ɲaxine fe yitɔnxine kalama nɛn.
\q
\v 10 Alatala nan habadan mangan na.
\q Siyon, a tan nan i ya Ala ra
\q habadan han habadan.
\b
\q Tantunna Ala xa!
\c 147
\s Ala tantun fena
\q
\v 1 Tantunna Alatala xa!
\q A lan tantun bɛtin xa ba en ma Ala xa.
\q Fe faɲin nan a tantunna ra e nun sɛwana.
\q
\v 2 Alatala mɔn Yerusalɛn tima nɛn.
\q A mɔn fama na muxu suxine ra nɛn
\q Isirayila kaan naxanye bata yi xuya ayi nun.
\q
\v 3 A muxune dandan
\q naxanye bɔɲɛye kalaxi.
\q A yi e maxɔlɔdene maxidi.
\q
\v 4 A tan nan sarene xasabin nagidima,
\q a yi e birin xili sa.
\q
\v 5 Nxu Marigin gbo,
\q a sɛnbɛn magaxu.
\q A xaxilimayaan dan mi na.
\q
\v 6 Alatala muxu limaniyaxine malima nɛn.
\q Koni a muxu ɲaxine rabirama nɛn bɔxɔni.
\b
\q
\v 7 Ɛ barika bira bɛtin ba Alatala xa.
\q Ɛ tantun bɛtin ba en ma Ala xa bɔlɔnna ra.
\q
\v 8 A tan nan kundani fulunxi kore xɔnna ma.
\q A yi tulen nafa bɔxɔni.
\q A yi sɛxɛn nasoli geyane ma.
\q
\v 9 A xuruseene balon nagidi e ma.
\q A xɔline dɛge
\q e na e xui ramini a ma waxatin naxan yi.
\q
\v 10 Soo kɛndɛne xa mi a kɛnɛnma.
\q A mi sɛwama muxun sɛnbɛn fan na.
\q
\v 11 Koni naxanye gaxuxi Alatala yɛɛ ra,
\q e xaxili tixi a hinanna ra,
\q ne nan a rasɛwama.
\b
\q
\v 12 Yerusalɛn kaane, ɛ Alatala binya.
\q Siyon kaane, ɛ Ala tantun.
\q
\v 13 Amasɔtɔ a bata taan so dɛɛn sɛnbɛ so,
\q a yi taa yi kaane baraka.
\q
\v 14 A tan nan bɔɲɛ xunbenla fima ɛ yamanan ma,
\q a balo faɲin fi ɛ ma.
\q
\v 15 A yi a dɛ xui tongoxine rafa bɔxɔn ma,
\q a falan yi siga ayi mafurɛn.
\q
\v 16 A kundani fulun
\q alo dugi fixɛna,
\q a ige xundin xuya bɔxɔn ma
\q alo xubena,
\q
\v 17 a balabalan kɛsɛn nagodo.
\q Nde nɔɛ a xunbenla raxanɲɛ?
\q
\v 18 Koni a falan ti nɛn,
\q ige xundin yi xuya ayi.
\q A foyen nafa, igene yi godo.
\q
\v 19 A yi a falane makɛnɛn Yaxuba bɔnsɔnna xɔn.
\q A bata tɔnne nun sariyane sɛbɛ Isirayila xa.
\q
\v 20 A mi na ɲɔxɔnna ligaxi siya gbɛtɛ yo xa.
\q E mi a sariyane kolon.
\b
\q Tantunna Alatala xa!
\c 148
\s Daala birin xa Ala tantun
\q
\v 1 Tantunna Ala xa!
\q Ɛ tan naxanye kore xɔnna ma,
\q ɛ Alatala tantun.
\q Ɛ tan naxanye kore,
\q ɛ a tantun.
\q
\v 2 Ɛ tan a malekane birin xa a tantun.
\q Ɛ tan a ganla birin,
\q ɛ a tantun.
\q
\v 3 Sogen nun kikena, ɛ a tantun.
\q Ɛ tan saren naxanye yilenma,
\q ɛ a tantun.
\q
\v 4 Ɛ a tantun,
\q ɛ tan naxanye ariyanna yi,
\q e nun ɛ tan
\q igen naxanye kore walaxan fari.
\q
\v 5 Ɛ Alatala xinla tantun!
\q Amasɔtɔ e daxi a yamarin nan bun ma.
\q
\v 6 A yi e ti e funfuni habadan han habadan.
\q A yi yamarin fi
\q naxan mi matandɛ mumɛ.
\b
\q
\v 7 Ɛ Alatala tantun bɔxɔ xɔnna fari,
\q ɛ tan ige yi sube magaxuxine,
\q ɛ tan fɔxɔ igen tilinne,
\q
\v 8 kuye sarinna, balabalan kɛsɛna,
\q kundaan nun ige xundina,
\q foye gbeen naxan a falan suxu,
\q
\v 9 ɛ tan geyane nun yire matexine,
\q wudi bogilane nun sumanne birin,
\q
\v 10 burunna subene nun xuruseene,
\q xɔline nun bubu seene,
\q
\v 11 bɔxɔn mangane nun siyane birin,
\q ɛ tan kuntigine
\q nun kitisaan naxanye birin bɔxɔn ma,
\q
\v 12 banxulanne nun sungutunne,
\q xɛmɛ fonne nun dii ɲɔrɛne,
\q
\v 13 ɛ birin xa Alatala xinla tantun!
\q A xili keden peen nan binyaxi.
\q A tan nan nɔɔn nabama bɔxɔn nun koren xun na.
\q
\v 14 A bata a tɔgɔndiya muxune sɛnbɛ so.
\q Isirayila muxune rafan a ma han!
\b
\q Tantunna Alatala xa!
\c 149
\s Tantun bɛtina
\q
\v 1 Tantunna Ala xa!
\q Ɛ bɛti nɛnɛn ba Alatala xa.
\q Ɛ a tantun a tɔgɔndiya muxune malanni.
\q
\v 2 Isirayila muxune, ɛ sɛwa,
\q a tan nan ɛ daxi.
\q Siyon muxune xa ɲaxan e mangan na.
\q
\v 3 E xa e bodon,
\q e yi Ala tantun,
\q e tanbanna nun bɔlɔnna maxa a xa.
\q
\v 4 Alatalaa muxune a kɛnɛnxi,
\q naxanye limaniyaxi,
\q a ne rakisima nɛn.
\q
\v 5 Tɔgɔndiya muxune xa ɲaxan,
\q e binyen fi Ala ma,
\q e sɔnxɔ sɛwani e sadene ma.
\q
\v 6 E xa lu Ala tantunɲɛ,
\q e yi silanfan dɛ firin kanna suxu e yii,
\q
\v 7 e e gbeen ɲɔxɔ siyane ra,
\q e siya gbɛtɛne ɲaxankata.
\q
\v 8 E yi yɔlɔnxɔnna sa e mangane ma,
\q e yi e kuntigine xidi wuren na.
\q
\v 9 E yi e ɲaxankata
\q alo e yalagi feen sɛbɛxi kii naxan yi.
\q A tɔgɔndiya muxune birin ma xunna kenla nan na ra.
\b
\q Tantunna Alatala xa!
\c 150
\s Ɛ Ala tantun
\q
\v 1 Tantunna Alatala xa!
\q Ɛ Ala tantun a yire sariɲanxini,
\q ɛ a sɛnbɛn tantun kore xɔnna ma.
\q
\v 2 Ɛ a tantun a wali gbeene fe ra.
\q Ɛ a tantun bayo a gbo han!
\q
\v 3 Ɛ a tantun xɔta xuiin na.
\q Ɛ a tantun bɔlɔnna nun kondenni.
\q
\v 4 Ɛ a tantun tanbanni
\q e nun sɛwa fare bodonni.
\q Ɛ a tantun maxa se luti kanne nun xulenne ra.
\q
\v 5 Ɛ a tantun kariɲanne ra.
\q Ɛ a tantun kariɲan xui gbeene ra.
\b
\q
\v 6 Niimaseene birin xa Alatala tantun!
\q Tantunna Ala xa!