\id NAM 
\ide UTF-8
\h Nabi Nahun Sora
\toc1 Nabi Nahun Alaa Falan Naxan Sɛbɛ
\toc2 Nahun
\mt1 Nahun
\mt2 Nabi Nahun Alaa Falan Naxan Sɛbɛ
\ip Nabi Nahun yi kawandi bama Niniwa taan kala feen nan ma Asiriya yamanan manga taana. Isirayila yamanan sogeteden kɔmɛn fɔxɔn nan yi suxi yɛngɛni Asiriya kaane xɔn na waxatini. Gbalotɔ gbeen nan yi Niniwa kaane ra naxanye yi siyane nɔma yɛngɛni e muxu wuyaxi faxa ɲaxankatani. Nabi Nahun Kitabun yireni ito sɛbɛxi nɛn yanyina nde ɲɛɛ kɛmɛ sennin benun Marigi Yesu xa bari. Yanyina nde e nun Nabi Sofoni nun Nabi Yeremi nan yi walima e bode xɔn.
\c 1
\p
\v 1 Waliyiya falan ni ito ra Niniwa taan xili ma, Nabi Nahun Elekosi kaan fe toon naxan ti alo xiyena, a yi a sɛbɛ.
\b
\q
\v 2 Alatala a yamaan namarama xɔxɔlɔnna nin.\f + \fr 1.2\fr* Ala \fk xɔxɔlɔn,\fk* bayo e nun a yamaan bata yi layirin xidi alo futun xidima kii naxan yi. Na kui, Ala a yamaan masuxuma alo xɛmɛna a ɲaxanla makantanma kii naxan yi. A mi tinma a xa bira se gbɛtɛ fɔxɔ ra a batu xinla ma, a mɔn mi tinma yama xɔɲɛn xa a raxɔri. Na feen mato Xɔrɔyaan 20.5 kui.\f*
\q A gbeen ɲɔxɔma nɛn.
\q Alatalaa xɔlɔn gbo,
\q a gbeen ɲɔxɔma nɛn.
\q A yɛngɛfane saranna fima nɛn,
\q a fitinaxin yi a gbeen ɲɔxɔ a yaxune ma.
\q
\v 3 Alatala mi xɔlɔn xulɛn,
\q a sɛnbɛn gbo!
\q Alatala mi yulubi kanna yatɛma tinxinden na mumɛ!
\q Alatala dangu funfun findixi
\q wuluwulu gbeen nun foye kala tiin nan na.
\q Kundaan yi findi gbangbanna ra a sanna bun.
\q
\v 4 A na falan ti fɔxɔ igen xili ma,
\q a xara, baane birin yi xɔri.
\q Basan nun Karemele yamanane sɛxɛne yi gbeeli,
\q Liban yamanan wudi fugene yi lisi a ra.
\q
\v 5 A geyane birin yimaxama nɛn a yɛɛ ra,
\q yire matexine birin yi xuya ayi.
\q Bɔxɔn yi xuruxurun a yɛtagi,
\q e nun dunuɲa nun a yi seene birin.
\q
\v 6 Nde nɔɛ tiyɛ a xɔlɔn yɛɛ ra nayi?
\q Nde kisɛ a xɔlɔn gbalon ma?
\q A fitinan sigama ayi alo tɛɛna
\q hali gɛmɛne a e birin ganma.
\b
\q
\v 7 Alatala fan.
\q Luxunden nan a tan na tɔrɔ waxatine yi.
\q A yengi muxune xɔn
\q naxanye na e yigiya a yi.
\q
\v 8 Koni a yaxune dɔxɔden kalama nɛn
\q alo fufaan na dangu na xun ma.
\q A yi a yɛngɛfane kedi han laxira dimini.
\b
\q
\v 9 Ɛ feen mundun yitɔnma Alatala xili ma?
\q A tan nan halagin tima fefe!
\q Ɲaxankatan firinden mi ɛ lima.
\q
\v 10 Amasɔtɔ e luma nɛn ɲali ɲansanne yi,
\q e xunne kelima nɛn e dɔlɔne ra,
\q e yi halagi alo sɛxɛ xaren na gan fefe!
\q
\v 11 Niniwa kaane,
\q muxuna nde minixi ɛ tan nan yɛ
\q naxan fe ɲaxini tɔnma Alatala xili ma,
\q naxan maxadi ɲaxine tima.
\b
\q
\v 12 Alatala ito nan falaxi, a naxa,
\q “Hali e kamalixi,
\q e na wuya ki yo ki,
\q e raxɔrima nɛn, e ɲan.
\q Yuda kaane,
\q xa n bata tɔrɔn nagidi ɛ ma iki,
\q na ligaxi nɛn
\q alogo ɛ nama fa tɔrɔ sɔnɔn.
\q
\v 13 N na ɛ xunbama nɛn konyiyani iki,
\q n yi yɔlɔnxɔnne yibolon,
\q e ba ɛ ma.”
\b
\q
\v 14 Niniwa kaane,
\q Alatala ito nan yamarixi ɛ fe yi, a naxa,
\q “Ɛ bɔnsɔnna muxu yo mi luyɛ.
\q N na ɛ wudi suxurene
\q nun ɛ wure suxurene kalama nɛn ɛ kidene yi.
\q N yi ɛ gaburune yitɔn,
\q bayo sese mi ɛ ra.”
\q
\v 15 Ɛ mi a to,
\q xɛraan sigan tima geyane fari,
\q naxan fama xibaru faɲin na
\q naxan bɔɲɛ xunbenla a fe ralima.
\q Yuda kaane, ɛ sanle raba,
\q ɛ dɛ ti xuine rakamali.
\q Amasɔtɔ halagi tiin mi fa danguma ɛ konni.
\q A bata raxɔri fefe!
\c 2
\b
\q
\v 1 Niniwa kaane,
\q halagi tiine bata keli ɛ xili ma.
\q Ɛ yinna makantan,
\q ɛ yɛɛn ti kirane ra,
\q ɛ tagi xidi yɛngɛ so xinla ma,
\q ɛ fangan birin malan.
\q
\v 2 Amasɔtɔ Alatala mɔn binyen soma nɛn
\q Yaxuba bɔnsɔnne yii e nun Isirayila bɔxɔna,
\q hali halagi tiine to bata yi so na kaladeni
\q e yi e manpa binle ɲan.
\b
\q
\v 3 Yaxu sofani itoe yɛ masansan wure lefane gbeeli.
\q E sofa wɛkilɛxine maxidixi dugi gbeele nin.
\q Wurene mayilenma e wontorone ma,
\q e na e yitɔn yɛngɛso lɔxɔn xili yi,
\q e yi tanbane tongo.
\q
\v 4 Yɛngɛ so wontorone e gima taan kirane xɔn han!
\q E gixin sigama yama malandene yi.
\q E mayilenma alo xaye xidi dɛgɛne,
\q e xulun alo kuye sarinna.
\b
\q
\v 5 A bata a sofa yɛbaxine maxili,
\q koni e fama dagalanɲɛ ayi.
\q E e gima siga taan nabilinna yinna ma,
\q e luxun e yɛ masansan wurene bun.
\q
\v 6 Taan so dɛɛne bata rabi baan mabinni,
\q manga banxin fan birama.
\q
\v 7 Feen bata ragidi,
\q e bata taan muxune suxu,
\q e siga e ra konyiyani.
\q Taan konyi gilɛne yi lu kutunɲɛ
\q alo ganbane,
\q e siga e kanken makudunɲɛ sununi.
\q
\v 8 Niniwa taan luxi nɛn
\q alo ige sa sena
\q igen minima naxan na.
\q E a falama a muxu gixine xa,
\q e naxa, “Ɛ ti! Ɛ ti!”
\q Koni muxu yo mi xɛtɛma.
\q
\v 9 Ɛ gbetin tongo!
\q Ɛ xɛmaan tongo!
\q Nafunla na naxan mi ɲanma.
\q A sifan birin malanxi na yi.
\q
\v 10 Kalan nun halagin nun bɔnɔna!
\q Bɔɲɛne bata kala,
\q xinbine yi sin.
\q Fatine birin yi xuruxurun,
\q yɛtagine birin yi yitɔɲɔn.
\b
\q
\v 11 Yatane sodeni ito luxi di,
\q dɛnaxan yi findixi yatadine dɛgeden na,
\q yatane nun e diine yi e gima dɛnaxan yi,
\q muxu yo mi e yikala?
\q
\v 12 Yatan yi subene faxama a diine xa,
\q a yi a se suxine kɔɛɛn bolon a gilɛɛn xa,
\q a luxunden nafe xɔɔyi seene ra
\q a soden nafe se suxine ra.
\q
\v 13 Alatala Sɛnbɛn Birin Kanna falan ni ito ra,
\q a naxa, “N bata keli ɛ xili ma!
\q N na ɛ yɛngɛ so wontorone ganma nɛn
\q e findi tutin na.
\q Ɛ banxulanne faxama nɛn silanfanna ra\f + \fr 2.14\fr* \fk Silanfanna:\fk* Sofane yɛngɛso dɛgɛmana.\f*
\q alo yata sɛnbɛmane.
\q N danna sa ɛ se tongon na yɛngɛne yi dunuɲa yi.
\q Muxu yo mi fa ɛ xɛrane xuiin mɛma sɔnɔn.”
\c 3
\q
\v 1 Gbalon faxa ti taani ito xa,
\q naxan nafexi wule falane nun gbalotɔne ra,
\q se tongoxine mi ɲanma dɛnaxan yi.
\q
\v 2 Bosa xuiin minima,
\q e nun soone nun yɛngɛ so wontorone gi xuina.
\q
\v 3 Soo ragine e gima siga yɛngɛni,
\q e silanfanne mayilenma,
\q e tanbane luxi alo kuye sarinna!
\q Muxu maxɔlɔxine yiren birin yi!
\q Binbine saxi e bode fari han!
\q Faxa muxune mi ɲanma mumɛ!\f + \fr 3.3\fr* Asiriya mangane yi faxa gbeen tima yɛngɛni. Waxatina nde e yi faxa muxune xunne sɛgɛma e dɛ e malan taa nɔxin yɛtagi misaala ra. Waxati gbɛtɛ e binbi wuyaxi sa e bode fari taan yɛtagi muxune magaxu xinla ma.\f*
\q Muxune e sanna radinma binbine ra.
\b
\q
\v 4 Na feene birin fataxi
\q yalundena yalunyaan kunfan nan na,\f + \fr 3.4\fr* Yanyina nde, \fk yalundeni\fk* ito findixi Niniwa taana ala ɲaxalanmaan nan na.\f*
\q ɲaxalan tofaɲin nun woyimɛ ɲaxanla
\q naxan ma yalunyaan yi siyane findima konyine ra,
\q a yama wuyaxi tirin a kɔɛrayani.
\q
\v 5 Alatala Sɛnbɛn Birin Kanna falan ni ito ra,
\q a naxa, “N bata keli i xili ma!
\q N na i ya dugin lenben soma nɛn i yɛtagin xunna,
\q n yi i ragenla yita siyane ra,
\q yamanane yi i ya yagitareyaan to.
\q
\v 6 N se xɔsixine wolima i ma nɛn,
\q n yi i rayagi, i findi misaala ra.
\q
\v 7 Nayi, naxan yo na i to,
\q na kanna a gima nɛn i ma,
\q a yi a fala, a naxa,
\q ‘Niniwa taan bata kala.
\q Nde kininkininɲɛ a ma?’
\q N sa i madɛndɛn muxune sɔtɛ minɛn?”
\b
\q
\v 8 Ɛ tan Niniwa kaane,
\q ɛ taan fisa No-Amoni taan xa ba,\f + \fr 3.8\fr* Yanyina nde \fk No-Amoni\fk* taan findixi Tebe taan nan na Misiran yamanani Asiriya mangana nde naxan suxu yɛngɛni ɲɛɛ kɛmɛ sennin ɲɛɛ tonge sennin nun saxan benun Marigi Yesu xa bari.\f*
\q naxan yi baan dɛ,
\q igen naxan nabilinxi?
\q A yi makantanxi baan nan na,
\q igene nan yi a rabilinni
\q alo taan yinna.
\q
\v 9 Kusi yamanan nun Misiran yamanan nan yi e fangan na
\q dan mi naxan na.
\q Puti kaane nun Libiya kaane nan yi findixi e xɔyine ra.
\q
\v 10 Anu, na taan suxu nɛn yɛngɛni,
\q a muxune yi xali konyiyani.
\q Yaxune yi e dii futene yibutuxun
\q taan kira xunne birin na.
\q A kuntigi suxine yi yitaxun masɛnsɛnna xɔn,
\q a muxu gbeene birin yi xidi yɔlɔnxɔnna ra.
\q
\v 11 Ɛ fan xunne kelima nɛn dɔlɔ xɔlɛn na,
\q ɛ yi ɛ luxun ɛ yaxune bun,
\q ɛ fan yi yigiyaden fen.
\b
\q
\v 12 Ɛ yire makantanxine birin luma nɛn
\q alo xɔdɛn na mɔ.
\q Muxune na a yuguyugu,
\q a bogine yi lu yolonɲɛ e dɛ.
\q
\v 13 Ɛ ganla mato.
\q Ɲaxanle nan tun fa ɛ konni.
\q Ɛ yamanan so dɛɛne bata rabi ɛ yaxune xa mumɛ!
\q Tɛɛn bata ɛ taan so dɛɛne balan wurene gan.
\q
\v 14 Ɛ igen namara taani yɛngɛn yɛɛ ra!
\q Ɛ taan nabilinna yinni tɔn!
\q Ɛ bɛndɛn malan,
\q ɛ gbɛringbɛɛn namaxa!
\q Ɛ bitikidine rafala!\f + \fr 3.14\fr* \fk Bitikidin\fk* mɔn falama yirena nde yi fa fala “\fk Birikidina\fk*.”\f*
\q
\v 15 Nayi, tɛɛna ɛ ganma nɛn,
\q silanfanna yi ɛ raxɔri alo suɲɛne.
\q Ɛ wuya, ɛ wuya ayi alo suɲɛne!
\q Ɛ findi ganla ra alo tuguminne!
\q
\v 16 Ɛ yulane bata wuya ayi
\q dangu sarene ra kore.
\q Anu, ne fan luxi
\q alo tuguminne na tugan, e tunun.
\q
\v 17 Ɛ taan kantan muxune luxi
\q alo tuguminne,
\q ɛ kuntigine fan
\q alo tuguminne na wuya ayi.
\q E dɔxɔn sansanna ma xunbeli waxatini.
\q Sogen na te, e tugan,
\q e sigade mi kolon.
\b
\q
\v 18 Asiriya mangana,
\q i ya yɛɛratine bata xi habadan.
\q I ya sofa kuntigine mi fa e ramaxama.
\q I ya yamaan bata xuya ayi geyane xun xɔn,
\q muxu yo mi fa e malanɲɛ.
\q
\v 19 I ya furen dandan se mi na.
\q I maxɔlɔdene i faxama nɛn.
\q Naxan yo na i ya fe mɛ
\q na kanna a yiin bɔnbɔma nɛn sɛwani
\q bayo muxu yo mi na,
\q ɛ fe ɲaxin tɔrɔn munma naxan li
\q dan mi naxan na.