\id MIC 
\ide UTF-8
\h Nabi Mike Sora
\toc1 Nabi Mike Alaa Falan Naxan Sɛbɛ
\toc2 Mike
\mt1 Mike
\mt2 Nabi Mike Alaa Falan Naxan Sɛbɛ
\ip Nabi Mike nun Nabi Esayi yi walima waxati kedenni, fɔ ɲɛɛ kɛmɛ solofere ɲɛɛ tonge naanin ɲɔxɔn benun Yesu xa bari. A yi falan tima Yuda kaane nan xa, Asiriya yamanan sofane yi kɔnkɔxi e xili ma waxatin naxan yi.
\ip Nabi Mike yi Yuda kaane rakolonma a e yamanan nun e manga taan Yerusalɛn fa luma nɛn alo Samari, Isirayila yamanan manga taana. A lixi Yuda nun Isirayila bata yi taxun. Samari taan suxi nɛn yɛngɛni ɲɛɛ kɛmɛ solofere ɲɛɛ mɔxɔɲɛn nun firin benun Yesu xa bari. Nabiin yi yamaan nakolonma gbalo famatɔɔn nan ma fe ma naxan yi fama e yulubine saranna ra. E yulubin ne findixi tinxintareyaan nan na muxune tagi. A mɔn yi falan tima nabine xili ma naxanye yamaan yanfama e falane xɔn, naxan yɛtɛ a ligama muxune mi nɔɛ e kii masarɛ. Mike yi e rakolon e yi lan e xa sigan ti kii naxan yi, a naxa, “Tinxinyaan liga, hinanna yi rafan i ma, i yi sigan ti i ya Ala xɔn yɛtɛ magodoni.” (Mike 6.8) En fan lan nɛn na xa lu en xunni, en yi a suxu.
\ip Mike a falama a yamaan xa nɛn a Ala fama e rakisideni nɛn a na mangan dɔxɔ naxan barima Dawuda bɔnsɔnni Bɛtɛlɛmi taani. Na feen sɛbɛxi Mike 5.1-4 kui. Na nan a liga muxune yi Alaa Muxu Sugandixin legedenma Bɛtɛlɛmi taani ɲɛɛ kɛmɛ solofere na falan xanbi ra. Na feen sɛbɛxi Matiyu 2.6 kui.
\c 1
\p
\v 1 Alatala falan naxanye ti Mike Moreseti kaan xa Manga Yotami nun Manga Axasi nun Manga Xesekiya waxatine yi, Yuda yamanan mangane. A fe tooni ito nan ti alo xiyena lan Samari taan nun Yerusalɛn taane fe ma.
\b
\q
\v 2 Ɛ tuli mati,
\q ɛ tan siyane birin!
\q I tan bɔxɔna, i tuli mati,
\q e nun muxun naxanye birin a yi.
\q Marigina Alatala sereyaan bama nɛn ɛ xili ma.
\q Marigin nan a falama
\q keli a Batu Banxi sariɲanxini.
\s Ala Samari taan nun Yerusalɛn taan makitima nɛn
\q
\v 3 A mato,
\q Alatala minima a dɔxɔdeni.
\q A godoma,
\q a sigan tima bɔxɔn yire matexine fari.
\q
\v 4 Geyane xulunma ayi a sanna bun ma,
\q lanbanne yibɔma e tagi
\q alo kumin dɛngbɛn tɛɛn ma,
\q alo ige bɔxɔnxin tintinna ra.
\q
\v 5 Na birin Yaxuba yamaan murutɛna fe ra,
\q Isirayila yamaan yulubine fe ra.
\q Nde Yaxuba yamaan namurutɛxi?
\q E manga taa Samari kaane xa mi a ra ba?
\q Nde tixi Yuda yɛɛ ra suxure batuni?
\q E manga taa Yerusalɛn kaane xa mi a ra ba?
\q
\v 6 Ala naxa, “N Samari taan findima nɛn taa xɔnna ra burunna ra,
\q manpa bili nakɔ yirena.
\q N na a banxi gɛmɛne ragodoma nɛn lanbanne yi,
\q n yi a banxine sandɔxɔne ramini kɛnɛnni.
\q
\v 7 A suxurene birin yibɔma nɛn dungi dungin na.
\q Tɛɛn nan e kide se ralixine ganma.
\q N na a batu seene birin kalama nɛn,
\q e naxanye malanxi yalundene sarene xɔn,
\q e mɔn sa findima nɛn yalundene saren na.”\f + \fr 1.7\fr* \fk Yalundene\fk* nan yi walima mɛn kaane kidene yi e gbetin sɔtɔ kiden seene sɔtɔ feen na. Yaxune na yi mɛn kaane suxurene tongo yɛngɛni, e yi sa e batuma e konna kide yirene nin. Mɛn yi findi yalunde yire firinden na a naxan ma fe fala.\f*
\b
\q
\v 8 Nanara, n wugama nɛn,
\q n gbelegbele,
\q n san yigenla nun n nagenla yi sigan ti.
\q N gbelegbelema nɛn alo kankona.
\q N kutun alo xutunxunbane.
\q
\v 9 Amasɔtɔ Samari kaane furen mi yalanma.
\q A bata Yuda yamanan li.
\q A bata n ma yamaan taan so dɛɛn li
\q han Yerusalɛn taana.
\q
\v 10 Ɛ nama a fala Gati taani.
\q Ɛ nama a wuga!
\q Ɛ makutukutu burunburunni Beti-Leyafira taani.\f + \fr 1.10-15\fr* Nabi Mika yirene xinle falama naxan nun a falane bunne maliga alogo a falan xa ɲaxun. Misaala ra, Beti-Leyafira bunna nɛɛn “burunburun yirena.” A taan naxanye xinle falama, Asiriya kaane kɔnkɔxi na taane nun e rabilinne ma.\f*
\q
\v 11 Safiri kaane, ɛ yagixin nagenla xa dangu!
\q Saanan kaane, ɛ nama susu minɛ.
\q Beti-Hayeseli taan sununi,
\q e mi ɛ maliyɛ.
\q
\v 12 Maroti kaane xaminxi e hɛrina fe ra,
\q bayo Alatala bata gbalon nagodo,
\q han Yerusalɛn taan so dɛna.
\q
\v 13 Ɛ tan Lakisi kaane,
\q ɛ soone nun wontorone yitɔn!
\q Ɛ tan nan Siyon kaane tixi yulubin ma
\q bayo Isirayila kaane yulubin naxanye ligama
\q e ne toxi ɛ konna nan singe yi.
\q
\v 14 Nanara, Yuda kaane,
\q ɛ masigama nɛn Moreseti-Gati taan na.
\q Akisibu taan findima luti ratixin nan na
\q Isirayila mangane yɛɛ ra.
\q
\v 15 Ala naxa, “Ɛ tan Maresa kaane,
\q n mɔn ɛ yɛngɛfaan nafama nɛn ɛ xili ma.
\q Isirayila manga binyena a gima nɛn
\q a sa a luxun Adulan faranna ra.
\q
\v 16 Ɛ xunna bi ɛ rafan dii xɛmɛne wuga feen na!
\q Ɛ xunna gbanan alo dugan xun xɔnna,
\q amasɔtɔ e sigama nɛn ɛ diine ra pon!”
\c 2
\s Fe ɲaxin saranna nun tuli sana
\q
\v 1 Gbalon na kanne xa,
\q naxanye hakɛn mirima,
\q e fe ɲaxini tɔn e sadeni.
\q Kuye nɛma yibama
\q e yi sa a liga,
\q amasɔtɔ na fɛrɛna e xa.
\q
\v 2 E mila xɛɛne xɔn,
\q e yi e tongo,
\q e kunfa banxine xɔn,
\q e yi e kansun.
\q E muxune nun e denbayane nun e kɛɛne suxu.
\q
\v 3 Nanara, Alatala ito nan falaxi, a naxa,
\q “A mato,
\q n gbalon nan nafama bɔnsɔnni ito ma.
\q Ɛ mi ɛ xunna raminɛ a bun mumɛ!
\q Ɛ mi fa sigan tima xunna kenli,
\q amasɔtɔ tɔrɔ waxatin na a ra.
\q
\v 4 Na lɔxɔni, sandani ito falama nɛn ɛ xili ma,
\q e ɛ magelema nɛn mawuga sigini.
\q E naxa, ‘En bata kala fefe,
\q n ma yamaan kɛ bɔxɔn bata yitaxun gbɛtɛye ra.
\q E bata a ba n yii,
\q e bata en ma xɛɛne so yanfantenne yii!’ ”
\q
\v 5 Nanara, muxu yo mi bɔxɔna nde maligɛ
\q i tan kɛɛn na Alatala yamani.
\s Naxanye Nabi Mike matandima
\q
\v 6 E waliyiya falan tima n xili ma iki,
\q e naxa, “Ɛ nama waliyiyaan fala!
\q Waliyiya falani ito nama ti de!
\q A findima yagin nan na!”
\q
\v 7 Ɛ tan Yaxuba bɔnsɔnna,
\q a lan ɛ xa na fala ba?
\q Diɲan ɲanɲɛ Alatala yi ba?
\q A darixi na ligɛ ba?
\q Ala naxa,
\q “N ma falane fan na kanna xa
\q naxan kɛwanle fan.
\q
\v 8 Ɛ bata keli n ma yamaan xili ma
\q waxati dɔnxɛni ito yi alo yaxune.
\q Ɛ muxune gubane bama e ma
\q naxanye xɛtɛmatɔ a ra
\q keli yɛngɛni bɔɲɛ xunbenli.
\q
\v 9 Ɛ n ma yamaan ɲaxanle kedima e rafan banxine yi.
\q Ɛ n ma binyen ba e diine ma habadan.
\q
\v 10 Ɛ keli, ɛ siga,
\q amasɔtɔ ɛ matabude mi ito ra,
\q bayo ɛ yamanan bata raharamu.
\q A findima tɔrɔn nan na
\q naxan magaxu han!
\q
\v 11 Xa muxuna nde a gima foyen fɔxɔ ra
\q a wule waliyiya falane ti, a naxa,
\q ‘I fama dɔlɔn nun manpaan sɔtɔdeni nɛn!’
\q Na nabi sifan nan yi lanɲɛ yamani ito ma yati!”
\b
\q
\v 12 “N na ɛ birin malanma nɛn Yaxuba bɔnsɔnna.
\q N na ɛ tan muxu dɔnxɛne xun lanma nɛn,
\q naxanye luxi Isirayila bɔnsɔnni.
\q N na ɛ malanma nɛn
\q alo yɛxɛɛne sansanna kui,
\q alo xuruse kuruna e dɛgedeni.
\q Gali gbeen sɔnxɔ xuiin yi mini na.
\q
\v 13 Naxan kiraan nabama,
\q na tima nɛn e yɛɛ ra.
\q E kiraan nabama nɛn, e mini.
\q E mangan bata ti e yɛɛ ra,
\q Alatala nan e xunna ra.”
\c 3
\s Yɛɛratine sɔnne
\q
\v 1 N bata a fala, n naxa,
\q “Yaxuba bɔnsɔn mangane
\q Isirayila bɔnsɔn kuntigine,
\q ɛ tuli mati iki!
\q Ɛ tan xa mi lan
\q ɛ sariyan kolon ba?
\q
\v 2 Fe faɲin naɲaxu ɛ tan naxanye ma,
\q a ɲaxin yi rafan ɛ ma,
\q ɛ muxune kidin nun e suben bama e ma
\q han e xɔnna.
\q
\v 3 Ɛ n ma yamaan suben donma,
\q ɛ yi e kidin ba,
\q ɛ yi e xɔnne yigira,
\q ɛ yi e yisɛgɛ
\q alo suben naxan sama tunden kui.”
\q
\v 4 Nanara, mangane na gbelegbele Alatala ra,
\q a mi e yabima.
\q A yɛtagin luxunma nɛn e ma na waxatini,
\q e kɛwali ɲaxine fe ra.
\s Wule nabine sɔnne
\q
\v 5 Alatala ito nan falaxi lan nabine fe ma
\q naxanye n ma yamaan nalɔma ayi, a naxa,
\q “Donseen nɛma e dɛ,
\q e muxune xibaruma bɔɲɛ xunbenla nan na.
\q Koni xa naxanye mi e kima donseni
\q e yɛngɛn nan nakelima ne ma.
\q
\v 6 Nanara, kɔɛɛn soma nɛn ɛ ma
\q ɛ mi fa fe toon tima alo xiyena,
\q dimin yi so,
\q fe yo mi fa makɛnɛnma ɛ xa.
\q Sogen birama nɛn na nabine mabinni,
\q kɛnɛnna yi findi dimin na e xa.”
\q
\v 7 Sayibane yagima nɛn
\q e nun naxanye birin waliyiya falane tima.
\q Ne e yɛtagine luxunma nɛn yagini
\q amasɔtɔ Ala mi e yabima.
\q
\v 8 Koni n tan, n lugoxi sɛnbɛn na
\q e nun Alatalaa Nii Sariɲanxin
\q nun kiti sa kɛndɛn nun fangana
\q alogo n xa Yaxuba bɔnsɔnna Ala matandine yita a ra
\q e nun Isirayila bɔnsɔnna yulubina.
\q
\v 9 Nayi, ɛ tuli mati ito ra,
\q Yaxuba bɔnsɔn mangane,
\q ɛ tan Isirayila bɔnsɔn kuntigine,
\q kiti kɛndɛn naɲaxu ɛ tan naxanye ma
\q ɛ yi fe faɲine birin yifu,
\q
\v 10 ɛ tan naxanye Siyon taan tima wunli,
\q ɛ yi Yerusalɛn ti gbaloni.
\q
\v 11 Mɛn mangane kitin sama,
\q e dimi yi seen nasuxu mayifuni.
\q Mɛn saraxaraline xaranna tima,
\q alogo e xa e saren sɔtɔ.
\q Mɛn nabine fe famatɔne xibarune falama,
\q alogo e xa gbetin sɔtɔ.
\q Anu, e mɔn fa e diganma Alatala yi,
\q e susu a falɛ, e naxa,
\q “Alatala mi en tagi ba?
\q Tɔrɔ yo mi fama en ma.”
\q
\v 12 Nanara, ɛ tan ma fe ra,
\q Siyon taani buxama nɛn alo xɛɛna,
\q Yerusalɛn findima nɛn taa xɔnna ra.
\q Ala Batu Banxin tixi geyaan naxan ma,
\q na findima nɛn fɔtɔnna yire matexin na.
\c 4
\s Bɔɲɛ xunbeli manga taana
\q
\v 1 Waxati famatɔni
\q Alatala Batu Banxin geyaan naxan fari
\q na danguma nɛn geyane birin na,
\q a lu geyane birin xun ma,
\q siyane yi lu fɛ a ma han!
\q
\v 2 Siya wuyaxine fama nɛn,
\q e a fala, e naxa,
\q “Ɛ fa, en siga,
\q en te Alatalaa geyaan ma,
\q Yaxubaa Alaa banxini.
\q A xa en xaran a sigati kiine ma,
\q alogo en xa bira a kirane fɔxɔ ra.”
\q Amasɔtɔ sariyan minima nɛn Siyon yi
\q Alatalaa falan minima nɛn Yerusalɛn yi.
\q
\v 3 A findima nɛn kitisaan na siya wuyaxin tagi.
\q A yɛngɛne ɲanma nɛn yama sɛnbɛmane tagi
\q hali naxanye makuya.
\q E e silanfanne bɔnbɔma nɛn,\f + \fr 4.3\fr* \fk Silanfanna:\fk* Sofane yɛngɛso dɛgɛmana.\f*
\q e findi ɲinge kenne ra,
\q e tanbane yi rafala wɔlitɛne ra.
\q Siya yo mi fa silanfanna tongoma gbɛtɛ xili ma,
\q yɛngɛn mi fa maxaranɲɛ mumɛ.
\q
\v 4 Birin dɔxɔma nɛn a manpa binla nun a xɔdɛ binla bun,
\q muxu yo mi fa e magaxu,
\q amasɔtɔ Alatala Sɛnbɛn Birin Kanna bata falan ti.
\q
\v 5 Siyane birin sigan tima e gbee ala nan xili yi.
\q Koni en tan sigan tima Alatala nan xili yi en ma Ala
\q waxatin birin han habadan!
\b
\q
\v 6 Alatalaa falan ni ito ra,
\q a naxa, “Na lɔxɔni,
\q n sankalatɔne malanma nɛn.
\q Naxanye yi suxi yɛngɛni
\q n yi ne xun lan,
\q n tɔrɔn nagidixi naxanye ma.
\q
\v 7 N sankalatɔne findima n ma yama dɔnxɛn na nɛn.
\q Naxanye yi xuyaxi ayi,
\q na muxune yi findi siya sɛnbɛmaan na.
\q Alatala dɔxɔma nɛn e xun na Siyon geyani
\q keli na waxatin ma han habadan.
\q
\v 8 I tan, Siyon taan sanganso matexina,
\q i tan naxan yamaan makantanma
\q alo xuruse rabaan nun a kuruna,
\q i fama nɛn sɛnbɛn sɔtɔdeni
\q naxan yi i yii a fɔlɔni.
\q Yerusalɛn mɔn findima nɛn manga taan na.”
\b
\q
\v 9 Nanfera iki i gbelegbelema?
\q Manga mi fa i konni ba?
\q I kawandi muxun bata lɔ ayi ba,
\q alogo sɔxɔlɛn xa i li
\q alo ɲaxanla naxan tinna ma?
\q
\v 10 Siyon kaane, ɛ tɔrɔ,
\q ɛ gbelegbele
\q alo ɲaxanla naxan diin barima.
\q Amasɔtɔ iki ɛ minima nɛn ɛ taani
\q ɛ sa dɔxɔ burunna ra.
\q Ɛ sigama nɛn han Babilɔn taani.
\q Ɛ sa xɔrɔyama mɛnna nin,
\q Alatala sa ɛ xunbama mɛnna nin ɛ yaxune yii.
\q
\v 11 Iki siya wuyaxine e malanma i xili ma.
\q E a falama, e naxa,
\q “En fu e taan ma,
\q en xa Siyon kalaxin to!”
\q
\v 12 Koni e mi Alatala miriyaan kolon.
\q E mi a fe ragidixine famuma.
\q E mi a kolon a e malanma nɛn
\q alo malo xidine lonna ma.
\q
\v 13 Siyon kaane, ɛ keli,
\q ɛ maala bɔnbɔ!
\q N sɛnbɛn fima nɛn ɛ ma
\q alo wure fenne turaan ma
\q alo a torone na findi sulan na.
\q Ɛ yama wuyaxi yilunburunma nɛn,
\q e bata yi seen naxanye sɔtɔ yɛngɛni,
\q ɛ ne rasariɲan Alatala xa,
\q ɛ yi e nafunla so bɔxɔn birin kanna yii.
\c 5
\q
\v 1 Iki, ɛ ganle malan, taa yɛngɛ sone!
\q Yaxune bata ɛ rabilin!
\q E bata Isirayila kuntigin yɛtagi garin dunganna ra.
\s Mangan barima nɛn Bɛtɛlɛmi yi
\q
\v 2 I tan, Bɛtɛlɛmi-Efarata taana,
\q i tan xurun Yuda taane tagi,
\q koni naxan mangayaan ligama Isirayila xun na
\q n tan xa, na minima i tan nin.
\q A bɔnsɔnna fɔlɔxi xabu waxati danguxine yi,
\q xabu singe ra fonne waxatina.
\q
\v 3 Nanara, Ala Isirayila yamanan nabeɲinma nɛn
\q han naxan diin barima na yi diin bari.
\q A ngaxakeden dɔnxɛne mɔn yi xɛtɛ Isirayila yi.
\q
\v 4 A kelima nɛn, a yi a xuruse kurun naba
\q Alatala sɛnbɛni,
\q Alatala xili binyeni, a Ala.
\q E luma nɛn bɔɲɛ xunbenli,
\q amasɔtɔ a binyama nɛn han bɔxɔn danne.
\q
\v 5 A tan yɛtɛɛn nan findima e bɔɲɛ xunbenla ra.
\b
\q Asiriya kaane na fa en ma bɔxɔni
\q e yi so en ma manga banxine kui,
\q en yɛɛrati solofere nan nakelima e xili ma
\q hali yamaan kuntigi solomasɛxɛ.
\q
\v 6 E mangayaan ligama nɛn Asiriya yamanani
\q silanfanna ra e yii, e Nimirodi bɔxɔn tongo.
\q Mangana en xunbama nɛn Asiriya kaane yii,
\q e na sa so en yamanani
\q e na e sanna ti en ma bɔxɔni.
\q
\v 7 Nayi, Yaxubaa yamaan muxu dɔnxɛne luma nɛn
\q siya wuyaxin yɛ,
\q alo xiila naxan kelixi Alatala ma,
\q alo tulen naxan sama sɛxɛn yii ra,
\q naxanye mako mi adamadiine ma,
\q e yengi mi sese ma muxune yii.
\q
\v 8 Nayi, Yaxuba bɔnsɔnna muxu dɔnxɛne luma nɛn
\q siyane nun yama wuyaxine yɛ,
\q alo yatan burunna subene yɛ,
\q alo yata sɛnbɛmaan xuruse xunxurine yɛ.
\q A na dangu, a e suxu, a e yibɔ,
\q muxu yo mi e bama a yii.
\q
\v 9 Ɛ yiini te ɛ yaxune xili ma,
\q alogo ɛ yaxune birin xa raxɔri.
\b
\q
\v 10 Alatalaa falan ni ito ra, a naxa,
\q “Na lɔxɔni, n ni i ya soone bama nɛn i konni
\q n yi i ya wontorone ralɔ ayi.
\q
\v 11 N na i ya taane kalama nɛn i ya yamanani,
\q n yi i ya yire makantanxine birin nabira.
\q
\v 12 N kɔɛrayaan bama nɛn ɛ yɛ.
\q Yiimatone mi fa luma ɛ yɛ.
\q
\v 13 N na ɛ suxurene nun ɛ kide gɛmɛne bama nɛn ɛ yii.
\q Ɛ mi fa ɛ xinbi sinma ɛ yii funfun bun ma.
\q
\v 14 N na ɛ Asera kide gbindonne bama nɛn ɛ yii,
\q n yi ɛ taane halagi.
\q
\v 15 N fitinaxina n gbeen ɲɔxɔma nɛn xɔlɔni
\q siyane birin na naxanye mi n xuiin namɛxi.”
\c 6
\s Kitina Ala nun a yamaan tagi
\q
\v 1 Ɛ tuli mati Alatalaa falan na, a naxa,
\q “Ɛ keli, ɛ xun mafala,
\q geyane yi findi i ya kitin serene ra,
\q yire matexine xa i xuiin namɛ.
\q
\v 2 Geyane, ɛ Alatala kitin namɛ,
\q ɛ tuli mati,
\q ɛ tan bɔxɔn bunna naxanye mi yimaxɛ,
\q amasɔtɔ Alatala nun a yamaan kitini,
\q a waxi Isirayila makiti feni.
\q
\v 3 N ma yamana,
\q n nanse ligaxi ɛ ra?
\q N goronna mundun saxi ɛ xun ma?
\q Ɛ n yabi!
\q
\v 4 N bata ɛ ramini Misiran yamanani.
\q N bata ɛ xunba konyiya bɔxɔni.
\q N yi Musa rasiga,
\q a xa ti ɛ yɛɛ ra,
\q e nun Haruna nun Mariyama.
\q
\v 5 N ma yamana,
\q na feen xa rabira ɛ ma,
\q Moyaba mangan Balaki yi fe ɲaxin naxan falama,
\q e nun Beyori a dii Balami\f + \fr 6.5\fr* \fk Balaki nun Balami\fk* a fe sɛbɛxi Yatɛne 22 han 24 kui.\f* mɔn a yabi naxan na.
\q Ɛ sigan naxan ti
\q keli Sitimi yi han Giligali taani,
\q na feen xa rabira ɛ ma
\q alogo ɛ xa Alatalaa tinxin wanle kolon.”
\q
\v 6 N fama nanse ra n yii Alatala yɛtagi,
\q n yi n xinbi sin Ala matexin bun?
\q N xa fa, nxu nun saraxa gan daxine ba?
\q E nun ɲinge diin ɲɛɛ kedenne ba?
\q
\v 7 Alatala konton wuli wuyaxine rasuxɛ ba?
\q Ture saraxan naxan gbo xude wuli wuli wuyaxine igen xa ba?
\q N na n ma dii singen soɛ a yii n hakɛne saren na ba?
\q Diin naxan minixi n fatini,
\q na findɛ niin xunbaan na yulubine fe ra ba?
\q
\v 8 Adamadina,
\q a bata a yita i ra naxan fan,
\q Alatala naxan maxɔdinma i ra:
\q Tinxinyaan liga,
\q hinanna yi rafan i ma,
\q i yi sigan ti i ya Ala xɔn yɛtɛ magodoni.
\s Isirayila kaane yulubine saranna
\q
\v 9 Alatala a xui raminima taan muxune ma,
\q xaxilimana a xinla ratinma nɛn.
\q Ɛ tuli mati falan na
\q naxan yamaan yulubine saranna ralixi
\q e nun naxan a fe ragidixi.
\q
\v 10 Nafunla naxan sɔtɔxi a ɲaxin na
\q na mɔn muxu ɲaxine banxine kui ba,
\q e nun ligase tinxintaren naxan dangan nafama?
\q
\v 11 N luyɛ n mi a fe saran na kanna ra ba,
\q naxan sikeli tinxintaren nawalima
\q se liga se dɛfetaren naxanye bɛnbɛli kui?
\q
\v 12 Taan nafulu kanne gbalon ligama,
\q a muxune wulen falama.
\q E dɛɛn yanfan tima.
\q
\v 13 Nanara, n tɔrɔn nagodoma nɛn i ma,
\q n yi i kala i yulubine fe ra.
\q
\v 14 I tan, i dɛgema nɛn i mi lugo.
\q Kamɛni i kuiin bɔrɔxɔma nɛn.
\q I sena ndee ramarama nɛn,
\q koni sese mi luma.
\q I na naxan namara,
\q n na kalama nɛn yɛngɛni.
\q
\v 15 I seen sima nɛn,
\q koni i mi a xabama.
\q I oliwi turen bama nɛn,
\q koni i mi a turen nawalima.
\q I manpa bogi igen bama nɛn,
\q koni i mi a minma.
\b
\q
\v 16 I Manga Omiri a sariyane nan suxuma
\q e nun Manga Axabi a denbayaan misaale birin,\f + \fr 6.16\fr* Isirayila mangane nan yi \fk Omiri nun Axabi\fk* ra naxanye yi sɔn ɲaxu. E fe sɛbɛxi Mangane Singen 16.23-33 kui.\f*
\q i bira e kawandi xuine fɔxɔ ra.
\q Nanara, n halagin nagidixi i ma,
\q n na i ya muxune findima nɛn gele ma feen na
\q e nun yagina siyane tagi.
\c 7
\s Nabina mawuga xuina
\q
\v 1 Gbalona n xa!
\q Amasɔtɔ n sunuxi
\q alo naxan se bogin fenma a xɔri makentun waxatini.
\q A dondaxin se mi fa na,
\q hali xɔdɛ bogi keden pe
\q naxan yi ɲaxunɲɛ n dɛ.
\q
\v 2 Tɔgɔndiya muxune bata ɲan yamanani na kiini.
\q Muxu faɲi yo mi fa luxi.
\q E birin dɔxi e bode yɛɛ ra faxa ti xinla ma.
\q Birin lutin natima a ngaxakedenna yɛɛ ra.
\q
\v 3 E yiine fatan fe ɲaxin ligɛ.
\q Mangane seen nan fenma,
\q kitisane dimi yi seene rasuxuma mayifuni,
\q kuntigine e waxɔn feen falama,
\q e birin yi malan na feen ma.
\q
\v 4 Naxan fisamantenna ra e yɛ,
\q na ɲaxu alo ɲanla.
\q Naxan tinxin e tagi,
\q na fe raxɔlɔ sansanna ɲali kanna xa.
\q Ɛ kantan tiine bata ɛ rakolon lɔxɔn naxan ma fe ra,
\q ɛ kɛwanle saranna sɔtɔma lɔxɔn naxan yi,
\q na bata li.
\q E kɔntɔfilima nɛn iki.
\q
\v 5 I nama la i adamadi boden na.
\q I nama i taxu i xɔyin na.
\q I nama falan ti
\q hali i ya ɲaxanla yɛɛ xɔri.
\q
\v 6 Amasɔtɔ dii xɛmɛna a baba rafɛyama,
\q dii tɛmɛne fan yi keli e ngane xili ma,
\q ɲaxanle fan yi keli e mamene xili ma.
\q Muxune yaxune kelima e denbayane yɛtɛɛn nin.
\q
\v 7 Koni n tan,
\q n na Alatala yɛɛ ra kira yitoma nɛn yigini,
\q n yi Ala mamɛ, n nakisimana.
\q N ma Ala n xui namɛma nɛn.
\s Ala maxandin nun yigina
\q
\v 8 I nama sɛwa n ma fe ra,
\q n yaxuna.
\q Amasɔtɔ xa n bira,
\q n kelima nɛn.
\q Xa n lu dimini,
\q Alatala findima nɛn kɛnɛnna ra n xa.
\q
\v 9 N na Alatalaa xɔlɔn naxanma nɛn,
\q amasɔtɔ n bata yulubin liga a ra,
\q han a yi n xun mayɛngɛ,
\q a yi n ma kitin sa.
\q A n naminima nɛn kɛnɛnni,
\q n yi a tinxinyaan to.
\q
\v 10 N yaxuna a toma nɛn,
\q a yi yagi han!
\q A tan naxan yi a falama n xa,
\q a naxa, “Alatala minɛn, i ya Ala?”
\q N yɛɛne a biraxin toma nɛn,
\q a yi yibodon,
\q alo boron kiraan xɔn.
\b
\q
\v 11 Taan nabilinna yinna mɔn na ti lɔxɔn naxan yi,
\q ndee mɔn sama nɛn ɛ bɔxɔn danne fari na waxatini.
\q
\v 12 Na lɔxɔni, muxune fama nɛn i fɛma,
\q keli Asiriya yi han Misiran taane yi,
\q keli Misiran yi sa dɔxɔ Efirati baan na,
\q keli Efirati baan na han fɔxɔ igena,
\q keli geyane birin ma.
\q
\v 13 Bɔxɔn kalama nɛn a muxune kɛwanle fe ra.
\b
\q
\v 14 I ya yamaan nagbɛngbɛn i ya dunganna ra,
\q i kurun naxan sɔtɔxi i kɛɛn na,
\q naxan sa dɔxi a danna burunna ra sɛxɛ faɲi yireni.
\q E yi e dɛge Basan nun Galadi yi
\q alo lɔxɔ danguxine.
\q
\v 15 N mɔn kabanako wanle yitama e ra nɛn
\q alo e mini waxatini Misiran yi.
\q
\v 16 Siyane a toma nɛn e yagi,
\q hali e sɛnbɛn to gbo.
\q E yiin sama nɛn e dɛ ra,
\q e tunle yi xɔri.
\q
\v 17 E burunburunna dunxunma nɛn
\q alo saɲina,
\q alo daliseen naxanye e bubuma bɔxɔni.
\q E minima nɛn xuruxurunɲɛ e luxundene yi,
\q e fa Alatala ma, en ma Ala.
\q E gaxuma nɛn i yɛɛ ra, e yilanyilan.
\b
\q
\v 18 Nde luxi alo i tan, Ala,
\q i tan naxan i ya yamaan muxu dɔnxɛne
\q yulubin xafarima,
\q i tan naxan murutɛn mafeluma?
\q I ya xɔlɔn mi buma han habadan
\q amasɔtɔ hinanna rafan i ma.
\q
\v 19 I mɔn kininkininma nɛn nxu ma,
\q i nxɔ hakɛne yibodonma nɛn i sanna bun,
\q i nxɔ yulubine birin wolima ayi nɛn
\q fɔ fɔxɔ igen tilinna ma.
\q
\v 20 I ya lannayaan yitama nɛn Yaxuba bɔnsɔnne ra
\q i yi hinan Iburahima yixɛtɛne ra,
\q alo i kɔlɔ kii naxan yi nxu benbane xa a singeni.