\id LAM 
\ide UTF-8
\h Mawuga Xuine Sora
\toc1 Mawuga Falane Lan Yerusalɛn Kala Fe Ma
\toc2 Mawuga Xuine
\mt1 Mawuga Xuine
\mt2 Mawuga Falane Lan Yerusalɛn Kala Fe Ma
\ip Mawuga xuini itoe findixi muxuna nde ɲande sigin nan na lan Yerusalɛn taan kala feen ma. Yanyina nde, Nabi Yeremi nan a sɛbɛxi a to Yerusalɛn kala feen to. Ɲɛɛ kɛmɛ suulun ɲɛɛ tonge solomasɛxɛ e nun solofere benun Marigi Yesu xa bari, Babilɔn mangan Yerusalɛn taan suxu nɛn yɛngɛni. A yi tɛɛn so taan na, a yi Ala Batu Banxin kala, a yi mangan suxu e nun yamanan muxune fɔxɔ kedenna, a siga e ra a yamanani. Yuda yamanan yi ɲan.
\ip Mawuga xuini itoe kui, fala ɲaxumɛ tiina nde wugama Yerusalɛn taan kala feen na e nun Yuda yamanan naxɔri fe ma. Gbalo gbeen naxan a yamaan sɔtɔ, a wugama na nan ma.
\ip Gbalon naxan Alaa yamaan sɔtɔxi, Isirayila kaane kala xɔnna nan na ra. Koni e laxi a ra fa fala Alaa hinanna gbo dangu a xɔlɔn na. Nanara, e luma a maxandɛ. (Mawuga Xuine 3.22-23)
\c 1
\s Yerusalɛn taan luxi nɛn alo kaɲa gilɛ rabeɲinxina
\q
\v 1 Ee! Yerusalɛn bata rabeɲin,
\q taani ito naxan yi rafexi nun.
\q Ee! A bata lu alo kaɲa gilɛna!
\q A tan naxan yi findixi taa sɛnbɛmaan na siyane yɛ,
\q a tan naxan yi findixi manga taan na yamanane xun na,
\q a bata findi konyin na to.
\q
\v 2 A kɔɛɛn ɲanma wugɛ,
\q a yɛɛgen bata a xadene maxa.
\q A xanuntenne mi fa a madɛndɛnma.
\q A xɔyine birin bata e mɛ a ra,
\q e findi a yaxune ra!
\q
\v 3 Yuda yamaan birin bata xali konyiyani,
\q e ɲaxankataxi, e rayarabixi.
\q E bata sa dɔxɔ siya gbɛtɛne konni
\q e mi matabu yo sɔtɔma.
\q E sagatan muxune birin bata sa e li tɔrɔni.
\q
\v 4 Sunun nan Siyon taan kirane xɔn,
\q bayo muxu yo mi fa fama a sanle yi.
\q Taan so dɛɛne birin bata kala,
\q a saraxaraline e kutunma,
\q a sungutunne sunuxi.
\q Siyon taan bata rafe sɔxɔlɛ gbeen na!
\q
\v 5 A yɛngɛfane bata sɛnbɛn sɔtɔ a xun na.
\q A yaxune bata lu bɔɲɛ xunbenli.
\q Bayo Alatala bata taan muxune lu sununi
\q masɔtɔ e Ala matandi wuyaxine xɔn.
\q Yaxune bata e diine suxu siga e ra konyiyani,
\q e yɛngɛfane yi siga e ragbɛngbɛnɲɛ.
\q
\v 6 Siyon taana binyen birin bata kala.
\q A kuntigine bata e gi alo xɛnle
\q naxanye mi e dɛgede sɔtɔma,
\q e xadanxin sigama e giyɛ donsone bun.
\q
\v 7 Yerusalɛn kaane nɛma na xun xɔn sigama tɔrɔni,
\q e mirima e waxati danguxin nafunle birin ma.
\q A yamaan to sa a yaxune sagoni,
\q muxu yo mi fa a mali.
\q A yaxune yi a matoma nɛn,
\q e gele a kala kiin ma.
\q
\v 8 Yerusalɛn kaane bata yulubin liga han!
\q Nanara, taan bata findi yire xɔsixin na.
\q Naxanye birin yi a binyaxi,
\q ne fa a rayelefuma nɛn.
\q A bata lu
\q alo e muxu ragenla nan toma,
\q naxan kutunma tɔrɔni,
\q a a makuya.
\q
\v 9 A xɔsin bata sa a domaan na.
\q A mi a mirixi a raɲan kii ma.
\q A kala feen bata a ratɛrɛna.
\q Muxu yo mi a madɛndɛnma.
\q A a falama, a naxa,
\q “Alatala, n ma tɔrɔn mato,
\q bayo n yaxun bata nɔɔn sɔtɔ.”
\q
\v 10 A yɛngɛfane bata a nafunle birin tongo.
\q A bata siya gbɛtɛne to soɛ a yire sariɲanxini
\q i tɔnna dɔxɔ naxanye ma,
\q a e nama so i ya yamaan malanni.
\q
\v 11 Taan muxune birin kutunma,
\q e donseen fenma,
\q e e se kɛndɛne masarama balon na
\q alogo e xa lu e nii ra.
\b
\q E a falama, e naxa, “Alatala, a mato,
\q i yi a rakɔrɔsi
\q n nayarabixi kii naxan yi.
\q
\v 12 Ɛ tan naxanye birin dangun kiraan xɔn,
\q feni ito mi ɛ sɔtɔxi.
\q Ɛ a mato ki faɲi
\q xa sɔxɔlɛni ito sifan muxu gbɛtɛ ma,
\q alo sɔxɔlɛn naxan n halagima.
\q Alatala nan a saxi n fari a xɔlɔ gbeen lɔxɔni.
\q
\v 13 A bata tɛɛn nagodo
\q keli kore n xɔnne gan xinla ma.
\q A bata yalaan nati n yɛɛ ra,
\q a yi n naxɛtɛ xanbin na,
\q a yi n findi muxu rabeɲinxin na
\q n lu furaxi waxatin birin.
\q
\v 14 A bata n yulubine xidi n kɔɛɛn ma
\q alo goron tongo gbelemɛna.
\q A bata e maxidi,
\q a yi e singan n kɔɛ.
\q Marigin bata n sɛnbɛn ɲan,
\q a yi n sa muxune sagoni,
\q n mi nɔɛ tiyɛ naxanye yɛɛ ra.
\q
\v 15 Sofa kɛndɛn naxanye birin yi n yii,
\q Marigin bata a mɛ ne birin na.
\q A bata ganla malan n xili ma
\q alogo e xa n ma sofa banxulanne halagi.
\q Marigin bata Yuda yamani butuxun ki faɲi.
\q
\v 16 Nanara, n wugama,
\q yɛɛgen bata n yɛɛn xɔnna rafe.
\q Naxan nɔɛ n madɛndɛnɲɛ,
\q a yi n niini fan n ma,
\q na bata a makuya n na.
\q N ma diine bata yigitɛgɛ,
\q bayo yaxune bata nɔɔn sɔtɔ.”
\b
\q
\v 17 Siyon kaane bata e yiini bandun muxune ma
\q koni muxu yo mi e madɛndɛnma.
\q Alatala bata yamarin fi
\q Yaxuba bɔnsɔnna rabilinna siyane ma
\q a e xa a yɛngɛ.
\q Yerusalɛn taan bata findi se xɔsixin na e tagi.
\b
\q
\v 18 Yamaan yi a fala,
\q e naxa, “Alatala nan tinxin,
\q bayo nxu bata murutɛ a ma.
\q Nayi, ɛ tuli mati, ɛ tan siyane birin,
\q ɛ n ma sɔxɔlɛn mato.
\q Nxɔ dii sungutunne nun nxɔ dii banxulanne bata siga konyiyani.
\q
\v 19 Nxu bata nxu xɔyine xili,
\q e yi nxu yanfa.
\q Nxɔ saraxaraline nun nxɔ fonne birin bata faxa taani,
\q e yi donseen fenma waxatin naxan yi
\q alogo e xa lu e nii ra.
\q
\v 20 Alatala, a mato,
\q nxu ɲaxankataxi kii naxan yi,
\q han nxu kuine e raminima.
\q Nxu bɔɲɛn bata kala nxu kui,
\q bayo nxu bata murutɛ i ma mumɛ!
\q Nxɔ diine bata faxa silanfanna ra tandeni\f + \fr 1.20\fr* \fk Silanfanna:\fk* Sofane yɛngɛso dɛgɛmana.\f*
\q sayaan nan mɔn a ra banxini.
\q
\v 21 Muxune nxu kutun xuiin mɛma,
\q koni muxu yo mi nxu madɛndɛnma.
\q Nxu yaxune birin bata nxɔ sɔxɔlɛna fe mɛ!
\q Ala, i naxan ligaxi nxu ra,
\q e sɛwaxi na nan na.
\q I bata lɔxɔn nafa,
\q i naxan ma fe fala.
\q Tin nxu yaxune xa lu
\q alo nxu tan!
\q
\v 22 E fe ɲaxine birin mato,
\q e birin xa saran e ra
\q alo i nxu saranxi nxu yulubine ra kii naxan yi!
\q Nxu kutunma waxatin birin,
\q nxu bɔɲɛn tɔrɔxin na ra yati.”
\c 2
\s Ala bata a yamaan kala
\q
\v 1 Ee! Marigin bata a xɔlɔn nagodo Siyon taan ma alo kundana,
\q a yi Isirayilaa binyen nadin bɔxɔni
\q keli kore xɔnna ma!
\q A san tidena fe mi rabiraxi a ma a xɔlɔn lɔxɔni.
\q
\v 2 Marigin bata Yaxuba bɔnsɔnna dɔxɔdene birin naxɔri,
\q a mi kininkinin!
\q A fitinaxin bata Yuda yamanan taa makantanxine birin kala.
\q A bata e mangayaan nun e kuntigine birin nabira
\q a yi e rayarabi.
\q
\v 3 A bata Isirayila yamaan sɛnbɛn birin kala a xɔlɔ gbeeni.
\q Yaxun to so,
\q a mi tin a yamaan maliyɛ.
\q Koni a xɔlɔn luxi nɛn
\q alo a tɛɛ gbeen nan nakeli Yaxuba bɔnsɔnna xili ma
\q naxan a rabilinna birin gan.
\q
\v 4 A bata a xanla bandun alo yaxuna,
\q a yi a yiifanni te e xili ma alo yɛngɛfana.
\q Muxun naxanye birin nayabu, a yi ne birin faxa.
\q A bata a xɔlɔn nagodo Ala Batu Banxin ma Siyon taani
\q alo tɛɛna.
\q
\v 5 Marigin bata lu alo yaxuna.
\q A bata Isirayila yamanan naxɔri.
\q A bata a manga banxine birin naxɔri,
\q a yi a taa makantanxine birin kala.
\q A bata wugan nun sunun nagbo ayi Yuda bɔnsɔnna xa.
\q
\v 6 A bata so a sansanna kui karahanni,
\q a yi en nun a tan naralanden kala.
\q Alatala bata sali lɔxɔne nun Matabu Lɔxɔne raɲinan Siyon kaane ra,
\q a fitinaxin yi a mɛ mangane nun saraxaraline ra a xɔlɔni.
\q
\v 7 Marigin bata a mɛ a saraxa ganden na,
\q a yi a yire sariɲanxin nabeɲin.
\q A bata taan manga banxine lu yaxune yii.
\q Yaxune bata e sɔnxɔ xuini te Alatalaa banxini
\q alo sali lɔxɔn nan yi a ra nun.
\q
\v 8 Alatala bata a ragidi
\q a xa Siyon taan makantan yinne rabira.
\q A bata lutin bandun alogo a xa e birin sa yɛlanni
\q a mi a yɛtɛ ratangama a raxɔri feen ma.
\q A bata taan makantan yinne radinɲɛ ayi, e birin yi bira.
\q
\v 9 Taan so dɛɛne bata godo bɔxɔn bun.
\q Ala bata e balan wurene bolon, e kala.
\q A mangan nun a kuntigine bata xali siya gbɛtɛne konni,
\q sariya mi fa na sɔnɔn!
\q Hali a nabine yɛtɛɛn mi fa fe toon tima sɔnɔn fata Alatala ra.
\q
\v 10 Siyon taan fonne dɔxi bɔxɔni, e birin dunduxi.
\q E bata burunburunna sa e xunni,
\q e sunu dugine ragodo e ma.
\q Yerusalɛn sungutunne bata e xun sin bɔxɔn ma.
\b
\q
\v 11 N yɛɛne bata xadan wugɛ,
\q n kuina a raminima.
\q N bɔɲɛn bata kala
\q masɔtɔ gbalon ma naxan n ma yamaan sɔtɔxi.
\q Bayo diidine nun dii futene fugama a ra taan yama malandene yi.
\q
\v 12 E e ngane maxɔdinma, e naxa,
\q “Donseen nun minseen minɛn?”
\q E fugama a ra taan yama malandene yi
\q alo muxu maxɔlɔxine,
\q e niin bama e ngane yii kanke.
\b
\q
\v 13 N mi fa a kolon n naxan falɛ ɛ xa.
\q Yerusalɛn kaane, n na ɛ sama nanse ma?
\q N na ɛ misalɛ seen mundun ma, n yi ɛ madɛndɛn,
\q ɛ tan Siyon taa faɲi kaane?
\q Bayo i ya tɔrɔn gbo alo fɔxɔ igena.
\q Nde nɔɛ i dandanɲɛ?
\q
\v 14 Ɛ nabine wule fe toone nun fe fuune nan tun yɛbaxi ɛ xa alo xiyene.
\q E mi ɛ hakɛne makɛnɛnxi ɛ xa alogo ɛ xa ratanga konyiyaan ma.
\q E waliyiya wule falane nun yanfa falane nan tun tixi ɛ xa.
\q
\v 15 Dangu muxune birin e yiin bɔnbɔma ɛ fe ra,
\q e kolin ɛ kala kiin ma,
\q e yi e xunni maxa Yerusalɛn kaane magele feen na.
\q E yi a fala, e naxa, “A yi falama taani ito nan ma ba,
\q fa fala a taan naxan ma tofanna kamalixi,
\q bɔxɔn birin sɛwa xunna?”
\q
\v 16 Ɛ yaxune birin dɛni bixi ɛ xili ma han!
\q E kolinma ɛ kala kiin ma, e yi e ɲinne raxin ɛ xili ma
\q e naxa, “Nxu bata e gerun!
\q Nxu yi lɔxɔni ito nan mamɛma yɔ!
\q A bata a li, nxu bata a to!”
\q
\v 17 Alatala naxan nagidi,
\q a bata na liga.
\q A bata a falan nakamali,
\q a feen naxan yamari xabu a fɔlɔni.
\q A bata halagin ti kininkinintareyani.
\q A bata tin
\q ɛ yaxune yi e xunnayeren ɛ xun na,
\q a yi ɛ yaxune sɛnbɛn fari sa.
\b
\q
\v 18 Yamaan bata e wuga xuini te
\q Marigin ma e bɔɲɛn ma feu!
\q Hali ɛ taan yinna, a xa a yɛɛgen namini
\q kɔɛɛn nun yanyina alo baa igena.
\q Ɛ nama ɛ matabu, ɛ yɛɛgen nama dan de!
\q
\v 19 Ɛ keli, ɛ gbelegbele kɔɛna ngaan na.
\q Ɛ yi ɛ bɔɲɛ yi feen fala Marigin yɛtagi alo ɛ igen nan bɔxɔnma.
\q Ɛ yiine ti a xa alogo a xa ɛ diidine rakisi
\q naxanye fugama a ra kamɛn ma kira xunne ma.
\b
\q
\v 20 Alatala, a mato, i yi a rakɔrɔsi
\q i ito ɲɔxɔnna ligaxi muxun naxanye ra!
\q Ɲaxanle lan ba, e xa e bari diine don
\q e dii ɲɔrɛn naxanye xanuxi?
\q A lan ba, i ya saraxaraline nun i ya nabine xa faxa
\q Marigina yire sariɲanxini?
\q
\v 21 Diidine nun fonne birin biraxi bɔxɔni kirane xɔn.
\q N ma sungutunne nun n ma banxulanne bata faxa yɛngɛni.
\q I bata faxan ti i ya xɔlɔ gbeen lɔxɔni,
\q i yi muxune kɔɛ raxaba hinantareyani.
\q
\v 22 I bata gaxun nafa n ma sa keli yiren birin yi,
\q alo yamaan na maxili sali lɔxɔni.
\q Alatalaa xɔlɔn lɔxɔni,
\q muxu yo mi a yimini,
\q muxu yo mi lu a nii ra.
\q N naxanye xanuxi, n diidin naxanye maxuru,
\q n yaxune bata ne raxɔri.
\c 3
\s Yigitɛgɛn nun yigina fe
\q
\v 1 Muxun nan n na,
\q naxan ɲaxankatan toxi
\q Alaa xɔlɔn sɛnbɛn bun ma.
\q
\v 2 A n gbɛngbɛn nɛn a yɛɛ ra,
\q a yi n nasiga ti dimini,
\q kɛnɛn mi dɛnaxan yi.
\q
\v 3 A luma a sɛnbɛn nakelɛ n tan xili ma waxatin birin!
\b
\q
\v 4 A bata n fatin nun n fati kidin mafasa,
\q a yi n xɔnne gira.
\q
\v 5 A bata n nabilin xɔlɛn nun ɲaxankatane ra feu!
\q
\v 6 A bata n lu dimini,
\q alo muxun naxanye bata faxa
\q to mi na ra.
\b
\q
\v 7 Ala bata n nabilin yinna ra,
\q n mi fa nɔɛ minɛ,
\q a yi n xidi yɔlɔnxɔn binyene ra.
\q
\v 8 Hali n xinla ti n mali feen na han,
\q a mi a tuli matima n ma maxandin na.
\q
\v 9 A bata kiraan bolon n yɛɛ ra gɛmɛ fɛrɛnne ra,
\q a yi n ti kira yifuxin xɔn.
\b
\q
\v 10 Ala luxi nɛn n xa
\q alo kanko gbeen naxan dɔxi n yɛɛ ra,
\q alo yatan na a luxun fɔtɔnni,
\q
\v 11 a yi n ba kiraan xɔn,
\q a n yibɔ,
\q a yi n lu halagixi.
\q
\v 12 A bata a xanla bandun
\q a yi a xalimakunle xun ti n na.
\b
\q
\v 13 A xalimakunle bata n gbingin sɔxɔn.
\q
\v 14 N bata findi magele seen na n ma yamaan birin xa,
\q n magele feen bata findi muxune sigi sa xunna ra lɔxɔ yo lɔxɔ.
\q
\v 15 Ala bata n nalugo sansi xɔlɛne ra,
\q a dabari igen findi n minseen na.
\b
\q
\v 16 A bata n karahan
\q n yi n ɲinne kala gɛmɛ xɔnne ra,
\q a yi n yibodon burunburunni.
\q
\v 17 A bata n ba bɔɲɛ xunbenli,
\q hɛrin yɛtɛɛn yi ɲinan n na.
\q
\v 18 N yi fa a fala, n naxa,
\q “Siimaya mi fa n xa sɔnɔn,
\q hanma n yigi yi tixi seen naxanye birin na fata Alatala ra.”
\b
\q
\v 19 N ma ɲaxankatana fe xa rabira i ma,
\q n lu na xun xɔn kii naxan yi,
\q n dabari igen nun se xɔlɛn naxanye sɔtɔ.
\q
\v 20 N na n miri ne ma,
\q n niin yi rafɔrɔ.
\q
\v 21 Koni miriyani ito nan fa n bɔɲɛni
\q alogo n xa yigin sɔtɔ:
\b
\q
\v 22 Alatalaa hinanna mi ɲanma,
\q a kininkininna mi a danna liyɛ.
\q
\v 23 Ala mɔn xɛtɛma e ma xɔtɔn yo xɔtɔn.
\q I ya lannayaan gbo han!
\q
\v 24 N na a falama nɛn n bɔɲɛni,
\q n naxa, “Alatala nan n kɛɛn na
\q nanara, n yigi saxi a yi.”
\b
\q
\v 25 Alatala fan muxun na,
\q naxan a xaxili tixi a ra,
\q naxan a fenma.
\q
\v 26 A lan muxun xa Alatalaa kisin mamɛ maraxarani.
\q
\v 27 A lan adamadiin xa xuru tɔrɔyaan bun
\q fɔlɔ a foninge waxatin ma.
\b
\q
\v 28 Xa Ala a ragidi a ma,
\q a lan a yi dɔxɔ a danna sabarini,
\q
\v 29 a yi a xinbi sin a yɛtagi burunburunni.
\q Waxatina nde a mɔn yigin sɔtɔma nɛn.
\q
\v 30 A xa a dɛɛn ti a bɔnbɔ muxun xa,
\q a yi wasa yarabin na!
\b
\q
\v 31 Amasɔtɔ, Marigin mi a mɛma adamadiine ra han habadan.
\q
\v 32 Hali a tɔrɔn nafa e ma,
\q a kininkininma e ma nɛn
\q bayo a hinanna gbo.
\q
\v 33 Alaa ɲɛnigen mi a ra,
\q a xa adamadiine tɔrɔ
\q a yi e ɲaxankata.
\b
\q
\v 34 Xa muxune yamanan kasorasane birin yibutuxun,
\q
\v 35 xa kiti kɛndɛn mi sama adamadiin xa
\q Kore Xɔnna Ala yɛɛ xɔri,
\q
\v 36 xa kitisane mi tin muxun xun mayɛngɛ kitin sɛ,
\q Marigin mi na toma ba?
\b
\q
\v 37 Nde nɔɛ fena nde falɛ,
\q a yi liga,
\q xa Marigin mi na feen yamari?
\q
\v 38 Gbalon nun hɛrin firinna birin mi fataxi
\q Kore Xɔnna Ala fala xuiin xan na ba?
\q
\v 39 Nayi, xa muxun bata yulubine liga,
\q a lu a nii ra,
\q na kanna xa a mawuga nanfera?
\b
\q
\v 40 En na en sigati kiine rakɔrɔsi,
\q en yi e fɛsɛfɛsɛ,
\q en yi xɛtɛ Alatala ma.
\q
\v 41 En Ala maxandi en bɔɲɛn ma feu,
\q en yi en yiine ti Ala xa kore xɔnna ma.
\q
\v 42 Yamaan yi Ala maxandi, e naxa,
\q “Nxu bata i matandi,
\q nxu yi murutɛ i ma,
\q i fan mi tinxi nxu mafeluyɛ!”
\b
\q
\v 43 “I bata i yɛtɛ rabilin xɔlɔn na
\q alo domana, i yi nxu sagatan
\q i yi faxan ti kininkinintareyani.
\q
\v 44 I bata i yɛtɛ luxun kundani
\q alogo nxɔ maxandi xuine nama i li.
\q
\v 45 I bata nxu lu
\q alo ɲaman kurun na,
\q alo se kunxina siya gbɛtɛne tagi.”
\b
\q
\v 46 “Nxu yaxune birin dɛni bixi nxu xili ma han!
\q
\v 47 Fe magaxuxine nun yili gexine nan tun nxu yɛɛ ra,
\q e nun kalan nun gbalona.”
\q
\v 48 N yɛɛn xɔnna bata rafe yɛɛgen na
\q gbalona fe ra
\q naxan n ma yamaan sɔtɔxi.
\b
\q
\v 49 N yɛɛgen minima
\q dan mi naxan na,
\q n mi matabu sɔtɔma,
\q
\v 50 han Alatala yi a yɛɛ ragodo n ma
\q keli kore xɔnna ma, a n mato.
\q
\v 51 N yɛɛne n xɔlɔma
\q n na n ma taan sungutunne birin toma tɔrɔxi.
\b
\q
\v 52 Naxanye n yaxuyama fuyan,
\q ne bata n sagatan
\q alo e yi xɔliin nan fɔxɔ ra.
\q
\v 53 E bata n ɲɛɲɛn nagodo yili tilinxin na,
\q e yi gɛmɛne ragodo n xun ma.
\q
\v 54 Igen yi sa n xun ma,
\q n yi a fala,
\q n naxa, “N bata lɔ ayi!”
\b
\q
\v 55 Alatala, n na i xili nɛn yili tilinxin kui.
\q
\v 56 I bata n gbelegbele xuiin mɛ,
\q i nama i tunla ba n xili ti xuiin na malina fe ra.
\q
\v 57 N to i xili, i yi i maso n na
\q i yi a fala,
\q i naxa, “I nama gaxu!”
\b
\q
\v 58 Marigina, i bata n xun mayɛngɛ kitini,
\q i yi n niin xunba.
\q
\v 59 Alatala, i bata a to,
\q n ɲaxankataxi kii naxan yi.
\q N ma kitin sa n xa!
\q
\v 60 I bata a to,
\q e e gbeen ɲɔxɔma n na kii naxan yi,
\q e feen naxanye birin yitɔnxi n xili ma.
\b
\q
\v 61 Alatala, i bata e konbi ti xuine mɛ,
\q e nun e feen naxanye birin yitɔnxi n xili ma,
\q
\v 62 e falan tima n xili ma,
\q e n mafala fɛriɲɛn gbɛn!
\q
\v 63 E mato, e nɛma dɔxi,
\q e nɛma tixi,
\q n magele feen bata findi e sigi sa xunna ra.
\b
\q
\v 64 Alatala, e kɛwanle saran e ra,
\q alo a lan e fe raba kiin ma kii naxan yi.
\q
\v 65 E bɔɲɛne raxɔdɔxɔ ayi,
\q i ya dangan yi lu e ma.
\q
\v 66 Alatala, e sagatan i ya xɔlɔni
\q i yi e raxɔri dunuɲa yi!
\c 4
\s Yerusalɛn kala fena
\q
\v 1 Ee! Xɛmaan mi fa mayilenma!
\q Xɛmaan naxan yi fan,
\q na mi fa yanbanma!
\q Bɔxɔ bun nafunla naxanye yi rasariɲanxi Ala xa,
\q ne bata raxuya ayi kira xunne ra!
\q
\v 2 Siyon kaan naxanye yi yatɛxi dangu xɛmaan na
\q hali naxan nun e gbindin binyan lan,
\q ne bata fa yatɛ fɛɲɛne ra,
\q naxanye rafalaxi bɛndɛn na,
\q fɛɲɛ rafalan naxanye rafalaxi!
\q
\v 3 Hali kankone e xiɲɛn tima e diine xa
\q e diine yi e xiɲɛn min,
\q koni n ma yamaan tan bata lu
\q alo dii nga ɲaxina,
\q alo dangaranfulene tonbonni.\f + \fr 4.3\fr* Mɛn kaane \fk dangaranfulene\fk* yatɛxi dii nga ɲaxine nan na bayo e xɛlɛne bɔxɔn nan fari ma. Na feen mɔn sɛbɛxi Yuba 39.13-18 kui.\f*
\q
\v 4 Dii futene lɛnna kankanma e dɛ kankeni ige xɔnla ma.
\q Diidine donseen maxɔdinma,
\q koni muxu yo mi se soma e yii.
\q
\v 5 Naxanye yi e baloma donse ɲaxumɛ faɲine ra,
\q kamɛn nan fa ne halagima taan xɔn.
\q Naxanye gboxi ɲaxunni,
\q ne ɲamani yegelenma e yiine ra.
\q
\v 6 N ma yamaan hakɛn gbo dangu Sodoma kaane\f + \fr 4.6\fr* \fk Sodoma\fk* findixi taan nan na fe ɲaxin yi gbo dɛnaxan yi Ala naxan halagi tɛɛn xɔn. Na feen mɔn sɛbɛxi Dunuɲa Fɔlɔn 19.1-29 kui.\f* yulubin na.
\q Na taan halagi sanɲa ma kedenna nin
\q muxu yo mi a yiin din a ra.
\q
\v 7 En ma kuntigine fatine yi sariɲan dangu balabalan kɛsɛn na,
\q e fati kidin yi fixa dangu nɔnɔn na.
\q E fatin yi mayilenma dangu gɛmɛ gbeeli faɲine ra
\q e yɛtagine yi tofan
\q alo gɛmɛ mamiloxi faɲine.
\q
\v 8 Koni iki, e yɛtagine fɔrɔ tigenna xa,
\q e mi fa kolon kirane xɔn.
\q E kidin nan tun fa bɔlixi e xɔnne ma,
\q e fati kidine fasaxi e ma alo firinne.
\q
\v 9 Muxun naxanye faxaxi yɛngɛni
\q ne fisa muxune xa
\q naxanye faxaxi kamɛn na
\q donse xɔnla naxanye ɲaxankatama,
\q naxanye doyenma donsetareyani.
\q
\v 10 Gbalon godo n ma yamaan ma waxatin naxan yi,
\q hali dii ngane ɲɛnigene to yi fan,
\q e e diine gan nɛn, e yi e don.
\b
\q
\v 11 Alatala bata a xɔlɔn mayita han a danna,
\q a fitinaxin bata yelin a xɔlɔ gbeen nagodɛ.
\q A bata tɛɛ gbeen nadɛgɛ Siyon taani
\q naxan taan ganxi han bɔxɔna.
\q
\v 12 Bɔxɔn mangane nun dunuɲa muxu yo mi yi laxi a ra
\q a yaxune nun yɛngɛfane yi nɔɛ soɛ nɛn
\q Yerusalɛn taan so dɛɛne ra.
\q
\v 13 Na ligaxi taan nabine yulubine nan ma fe ra
\q e nun a saraxaraline hakɛne
\q naxanye tinxin muxune faxa taani.
\q
\v 14 Iki e tununxin nan sigan tima taan xun xɔn alo danxutɔne.
\q Wunla bata e sariɲanna kala
\q han yii mi fa dinɲɛ e dugine ra.
\q
\v 15 Muxune yi lu sɔnxɔɛ e famatɔɔn na,
\q e naxa, “Ɛ masiga nxu ra,
\q ɛ tan muxu sariɲantarene!
\q Ɛ masiga, ɛ masiga!
\q Ɛ nama ɛ yiin din sese ra de!”
\q E lu e giyɛ,
\q e mi a kolon e sigɛ dɛdɛ.
\q Koni hali siya gbɛtɛne a falama nɛn, e naxa,
\q “E mi nɔɛ luyɛ nxu konni.”
\q
\v 16 Alatala yɛtɛɛn bata e raxuya ayi
\q a mi fa a ɲɔxɔ luma e xɔn mumɛ!
\q Nayi, muxu yo mi fa saraxaraline binyama,
\q muxu yo mi hinanma yamaan fonne ra.
\b
\q
\v 17 Nxu yɛɛne xadan nɛn nxu mali muxu fendeni fuuni.
\q Nxu yi tixi nxɔ kantan tidene yi,
\q nxu siyaan mamɛ
\q naxan mi yi nɔɛ nxu rakisɛ.
\q
\v 18 Yaxune yi nxu mamɛlɛnma nxu sigadene birin yi
\q alogo nxu nama mini taan xɔn.
\q Nxɔ dunuɲa raɲanna bata yi maso,
\q nxɔ siimayaan ɲanmatɔɔn nan yi a ra,
\q nxu raɲanna bata yi fa yati!
\q
\v 19 Nxu sagatan muxune yi mafura singbinna xa kore.
\q E nxu kedi nɛn geya longonne ra,
\q e yi dɔxɔ nxu yɛɛ ra tonbonni.
\q
\v 20 E yi Alatalaa muxu sugandixin\f + \fr 4.20\fr* \fk Muxu Sugandixini\fk* ito findixi mangan nan na.\f* suxu
\q naxan yi luxi alo nxu niin yɛtɛna,
\q nxu yi nxu mirixi naxan ma fa fala
\q nxu yi nɔɛ dɔxɛ nɛn a nininna bun siyane yɛ.
\b
\q
\v 21 Edɔn kaane, ɛ sɛwa, ɛ ɲaxan,
\q ɛ tan naxanye dɔxi Yusu yamanani.
\q Igelengenni ito radanguma ɛ tan fan ma nɛn,
\q ɛ yi a dɔlɔ xɔlɛn min,
\q ɛ xun magi a ra,
\q ɛ ragenla yi lu.
\q
\v 22 Siyon kaane, ɛ kɛwanle bata yelin saranɲɛ ɛ ra.
\q Ɛ mi fa xalima konyiyani sɔnɔn!
\q Koni, ɛ tan Edɔn kaane,
\q Ala ɛ hakɛn saranma nɛn ɛ ra,
\q a yi ɛ yulubine ramini kɛnɛnni!
\c 5
\s Isirayila kaane Ala maxandina
\q
\v 1 Alatala, feen naxan nxu sɔtɔxi,
\q i nama ɲinan na xɔn.
\q I yɛɛn ti,
\q i yi a to e nxu rayarabima kii naxan yi.
\q
\v 2 Nxɔ kɛɛ bɔxɔn bata findi xɔɲɛne gbeen na,
\q nxɔ banxine bata lu muxu gbɛtɛye xa.
\q
\v 3 Nxu fafane mi fa be,
\q nxu bata findi kiridine ra.
\q Nxu ngane bata lu alo kaɲa gilɛne.
\q
\v 4 Nxu mi fa nɔɛ nxɔ igene minɲɛ
\q fɔ nxu a sara,
\q hali nxɔ yegene
\q fɔ nxu xa e sara nɛn.
\q
\v 5 Muxun naxanye nxu tɔrɔma,
\q ne nxu kɔɛɛn suxi.
\q Nxu bata xadan,
\q matabu mi nxu xa.
\q
\v 6 Nxu nxu yiin tima Misiran yamanan nun Asiriya yamanan xa
\q alogo nxu xa donseene sɔtɔ.
\q
\v 7 Nxu fafane bata yulubin liga,
\q e mi fa be.
\q Nxu tan nan fa e hakɛn goronna tongoma.
\q
\v 8 Konyine bata findi nxu kanne ra,
\q muxu yo mi na naxan nxu bɛ e yii.
\q
\v 9 Nxu sayaan nan dɛ,
\q nxu na mini donse fendeni
\q bayo mafu tiine burunna ra.
\q
\v 10 Kamɛn bata nxu suxu
\q han nxu fatin yi gan
\q alo nxu nɛma wonson tɛɛni.
\b
\q
\v 11 Nxu yaxune bata fu ɲaxanle
\q nun sungutunne ma Siyon taan nun Yuda taane yi.
\q
\v 12 E yɛtɛɛn bata kuntigine singan,
\q e mi binye yo sama fonne ma.
\q
\v 13 Diidine walima se dindeni.
\q Banxulanne yegene maxalima han e tagan.
\q
\v 14 Fonne mi fa e malanma taan so dɛɛn na,
\q diidine fan mi fa sigi sama.
\b
\q
\v 15 Sɛwan bata ɲan nxu bɔɲɛni,
\q nxɔ sumunne bata findi sunun na.
\q
\v 16 Xunna kenla bata ba nxu yii.
\q Gbalona nxu xa,
\q bayo nxu bata yulubin liga.
\q
\v 17 Nanara, nxu bɔɲɛn tɔrɔxi,
\q nxu mi fa fefe yigbɛma.
\q
\v 18 Siyon geyaan bata findi yire rabeɲinxin na
\q e nun kankone kurudena.
\b
\q
\v 19 Koni, Alatala,
\q mangan nan i tan na habadan,
\q i ya mangayaan sɛnbɛn luma nɛn
\q han mayixɛtɛ nun mayixɛtɛ.
\q
\v 20 Nanfera i ɲinanɲɛ nxu xɔn han habadan?
\q I nxu rabeɲinɲɛ nxu siin birin yi ba?
\q
\v 21 Alatala, nxu raxɛtɛ i ma,
\q nxu fan yi xɛtɛ i ma yati!
\q Nxu yi kii naxan yi a fɔlɔni,
\q i mɔn xa nxɔ fe yitɔn na kiini.
\q
\v 22 I bata i mɛ nxu ra ba fefe?
\q I xɔlɔxi nxu ma han a dangu ayi ba?