\id 3JN - Projet Kiyaka
\ide UTF-8
\toc3 3Yo
\toc2 Watatu wa Yowani
\toc1 Mukanda wa tatu wa Yowani
\mt2 Mukanda wa tatu wa Yowani
\mt1 3Yowani
\c 1
\s1 Mboti
\p
\v 1 Meni, Mbuta wa dibundu, kwena muzitu Kayusi\f a \fr 1:1 \fr*\ft Kayusi: tala muna Mhb 19:29; Lom 16:23; 1Ko 1:14. \ft*\f* wuna yisi zola yi kyedika kyosu.
\p
\v 2 Muzitu, kilomba kyama kyenina ni moosu makala kitoku kikuma kya ngeyi amana wakala phi yi lutu lwa kitoku bwosu bwenina muna moya waku. 
\v 3 Kikuma baphangi batudiki amana batiki kimbangi kitadidini kyedika kina kyenina mwena ngeyi yi mutindu wuna wisi dyatila ngeyi mu kyedika. Kyesi kya lawu ngyukikini. 
\v 4 Heku kima kifwani kyapheka kyesi kya lawu, ho ka kuyuka ku ni bana bama babati dyatila buna dyenina kyedika.
\s1 Kwikama dya Kayusi
\p
\v 5 Muzitu watondama, muna moosu mana wisi hanga kikuma kya baphangi keti kikuma kya banzenza, bwabuna bwisi songila lukwikilu lwaku. 
\v 6 Bakutidini kimbangi kya lungongu lwaku ku thwala ya Dibundu. Yihakana ni basadisa mu kulanda kitambu kya bawu buna bufwani muna mutindu wa Nzambi. 
\v 7 Kikuma, babwi mu nzila kikuma kya kisalu kya zina dya Kidisitu, konda kutambwasa kima ku moku ma batu ba hika. 
\v 8 Disongidila ni tufweti basadisa batu ba mutindu wuna, ndangu twasala ha kimosi mu kumwangisa kwa kyedika.
\s1 Tyotefi yi Temetidiyosi
\p
\v 9 Kisyati kya khufi yisonikini kwena Dibundu; kaasi Thyotefi, yandi wisi zola mu kutwadisaka byosu, kisiku simbidila keti dyambu dimosi muna mamana yisi zimbula. 
\v 10 Yi hakana, tangwa yikwísa, yítungulula mbi yina babati hanga, yandi wuna wubati huna mambu yi kuzonzaka mambu ma mbi kikuma kya betu. Kaasi ka moosu ku: kisiku zola ni kayambaka baphangi, yi bana bazodi mu kubatambula, yandi kabati bakakidila mu kubanwanisaka yi kubalubulaka mu Dibundu.
\p
\v 11 Muzitu wama, sokululaku mambu ma mbi kaasi mana menina ma bukheti. Wuna wisi hanga mambu ma mboti kenina wa Nzambi; wuna wisi hanga mambu ma mbi kamuzayiku Nzambi.
\p
\v 12 Boosu babati ta kimbangi kya Temetidiyosi. Kyawu-meni kyedika kibati ta kimbangi kikuma kya yandi. Betu phi, kimbangi kya bukheti tubati ta kikuma kya yandi amana wuzayibwa ni kimbangi kyetu kyenina kya kyedika.
\s1 Mboti za tsuka
\p
\v 13 Yilenda kala yi mambu ma lawu mana pfwani yikusonikina kaasi yilendamoku sonika ku kisyati yi kazasa. 
\v 14 Tsini kivuvu ni ka thama ku yikṵ́mona amana twaménasana ha munwa munwa.
\p
\v 15 Yambula ngemba yakala ha kimosi yi ngeyi.
\p Banduku baku mboti bakuhekini. Hana mboti kwena banduku, kosu mutu muna zina dyandi.