\id 2JN - Projet Kiyaka
\ide UTF-8
\toc3 2Yo
\toc2 Wazodi wa Yowani
\toc1 Mukanda wa zodi wa Yowani
\mt2 Mukanda wa zodi wa Yowani
\mt1 2Yowani
\c 1
\s1 Mboti
\p
\v 1 Meni mbuta wa dibundu, kwena Ngudi wuna wásolama yi kwena bana bandi bana yisi zola muna kyedika kyosu. Ka meni ku lwesi yisi luzola, kaasi boosu phi babana bazayini kyedika, 
\v 2 kikuma, mwena betu kyedika kyisi nangina amana kyazíngila mwena betu mvula yi mvula. 
\v 3 Yambula Nzambi Tata yi Yesu Kidisitu, Mwana wa Tata, batuheka khenda, kyadi yi ngemba muna kyedika yi lungongu.
\s1 Kyedika yi lungongu
\p
\v 4 Yenina yi kyesi mu kumona bana baku babana bisi dyatila mu kyedika, bwosu buna wenina mukuku wuna twátambula kwena Tata. 
\v 5 Amana buthwena, Ngudi watondama, yikulombini bwabu: tudizolenu betu yi betu. Heku ni mukuku wa pha wawuna mbati kusonikina; wawuna twátambula tuka ku luyandiku\f a \fr 1:5 \fr*\ft Tala muna Ywn 13:34; 15:12, 17. \ft*\f*. 
\v 6 Amana lungongu lulombini kuzingila bwosu myenina mikuku meni mina. Wawuna mukuku wuna wulufwani mu kudyatila, bwosu buna lwáyukilabwa tuka ku luyandiku.
\p
\v 7 Kikuma, bakwa bukamvi lawu bamwangani mu tsi; bisi bwisa mu kutambwasa ni Yesu Kidisitu wisa mu kimutu. Mwamuna bwisi lubukila bukamvi bwa bawu, Mutendi wa Kidisitu. 
\v 8 Dikengenu benu benu, ndangu lutotisaku kibundu kya kisalu kyetu, kaasi lwatambula lufutu lwenu buna bufwanini.
\p
\v 9 Wosu wuna wakonda nangina muna malongi ma Kidisitu, kaasi kabati hitikisa, keku mu kithwadi yi Nzambi. Wuna wisi nangina muna malongi mamana kenina mu kithwadi yi Tata yi Mwana. 
\v 10 Ho mutu kisa kwena benu amana kalunatiniku malongi mama, lumutambwasaku kuna nzu yenu amana bwisenu phi mu kumuheka mboti; 
\v 11 mukuma wuna wamúheka mboti kakítuka kima kimosi yi mihangu myandi mya mbi.
\s1 Ndongisila za tsuka
\p
\v 12 Mbatanana yenina yi mambu ma lawu ma kulusonikina, nzodikiku ni yihangilabwa ku kisyati yi kazasa\f b \fr 1:12 \fr*\ft kazasa: mamba mana bakala sonikina mikanda. \ft*\f*. Yenina yi kivuvu kya kukwisa kwakuna mu kimwesa mutu, ndangu kyesi kyetu kyakala kyalungila.
\p
\v 13 Bana ba phangi waku wa Mukhetu, wuna phi wásolama, mboti bakuhekini.