\id REV - Yaminahua NT -Peru 2008 (DBL -2013) 
\h APOCALIPSIS 
\toc1 Jesucristo Juan Õimani Keskara 
\toc2 Apocalipsis 
\toc3 Ap. 
\mt1 Jesucristo Juan Õimani Keskara 
\c 1  
\s1 Afara afeskara ixiai anori Jesucristo Juan tãpimani 
\p  
\v 1-2 Efe yora mĩshtichi, iskaratĩa ẽ mato kirika kenexõ fomai mã tãpinõ. Ẽkĩa Juan ẽ mato kirika kenexõ fomai. Nai mẽraxõ Epa Niospa Jesucristo yoini afe keskara a inõpokoaifo nãmãnoafo a yonoxomisfo tãpimaximãkai. Askafaito nikakĩ Jesús ãfe ãjiri ekeki nĩchia. Anoxori ea ãjirinĩ yoinõ afe keskara ikimãkai nãmãnoafo. Ea õimanaito mẽ õia a inõpokoaifo xafakĩakõi. Askaito õikĩ ẽ kirika kenea a inõpokoaifo anori a Niospa Jesús yoia anorikõi mã tãpisharakõinõ. 
\p  
\v 3 Na ẽ mato yoiai ikataima. A inõpokoai ẽ mato yoiai na kirika ano. Nã õikani fetsafori inimanõfo. Askatari a nikaifori chanĩmara fakanax, afori inimaxikani. Nã ẽ mato yoiai keskai mã samamashta iki. Ea nikasharakãfe. 
\s1 Juan a ichanãmisfo anoafo siete Nios yoiti pexe anoa ato kirika kenexõ fomani tãpinõfo 
\p  
\v 4-5 Nã Asia mai anoafo a Nios Ifofaafo tii siete pexefo anoafo ẽ mato kirika kenexõ fomai. A ẽ mato yoiai anori õisharakõikãfe. Afetĩama Epa Nios niyopaofinixakĩ iskaratĩa nia. Epa Nios nĩpanaka. Ãfe Yõshi Sharari afe itiani. Nãskakẽ Epa Nios feta ãfe Yõshi Sharapa, ãfe Fake Jesucristo mato noikĩ mãto õiti mẽra mato shinãmasharapainõ afanã mãto õiti fekaxtefanõma. Nãskakẽ nõko Ifo Jesucristo Niospa meka noko yoimis chanĩmakõi. Jesúsfi Niospa Fakekõifekẽ retenifo. Mã retexõ maifafiafono Apa Niospa anã otofani anã nanakama. Fato fetsa askayomisma. Nãskaxõ Apa Nios fe rafexõ a xanĩfofo maitio anoafo ato ĩkixii xanĩfokõi ixõ. Aatofi noko noikõiakĩ, ãfe imi foax noko nãxoni Satanás chaka nõko ifo inõma.  
\v 6 Nõ aõnoax nõ Epa Nios afe yorakõi ixõ noko yonomapaiyai keskafakĩ nõ anõ. Nõ askai afe yorakõifo ixõ nõri yora fetsafo nõ kĩfixotiro Epa Niospa noko nikai. Nãskarafoskõi nõko Ifo Jesucristo noko imai. Nãskakẽ keyokõi yorafãfe aõxõ iskafakakĩ yoipakenakafo: “Aicho, tsoa fetsakai na Jesús keskarama. Nã fisti sharafinakõia. Ares fisti nõko Ifo nĩpanaka. Ares fisti keyokõi yorafo ato ĩkipakenaka,” ixõ yoipakenakafo. Askapakexapainõ. 
\p  
\v 7 Õikapo. Oa nai kõi keskara sharakõi nõko Ifo Jesús oaito keyokõi yorafãfe õixikani. Askatari a retenifãferi õikani, akiki rãfixikani. Oaito õikani keyokõi yorafo a Ifofamisfomafo, “¿Afeskakĩ nõ Jesús Ifofamismamẽ?” ikanax oiaxikani, shinãmitsakõixikani. 
\p  
\v 8 Epa Niospa yoia: “Afara onifataima ẽ iyopaoni. Ẽfi nĩpanakakĩ. Afetĩara na nõko mai keyoai eres fisti ẽ ato yoitiro. Nãskaxõ ẽ afama mĩshti famis. Akka ẽ niyopaoni. Nãskatari ẽ nĩpanaka,” ixõ nõko Ifo Niospa yoia. 
\s1 Nõko Ifo Jesucristo ãakõi oa namakẽ õiai keskara Juan õimani 
\p  
\v 9 Ẽkĩa Juan, ẽ mãto ochikõi. Nãskax mãri Jesús Ifofaax mã efe yorakĩ. Askax mã aõnoax omiskõifikĩ, mã tenemis. Nãskariai ẽri aõnoax omiskõifikĩ ẽ tenei. Ẽ Niospa meka ato yoita Jesúsnoari ẽ ato yoimis. Ea nikakaspakakĩ, ãto xanĩfãfe sorarofo ea achimaxõ, fakafã nakirafe ea ato nĩchimana ãfe nãsimã, ãfe ane Patmos ano.  
\v 10 Ẽ mato yoinõ, ea nikakãfe. Anoxõ iskafani. A Jesús otoni penata, nomĩkonõ, Niospa Yõshi Sharapa ea ĩkixõ a ea tãpimapaiyai ea õimana. Oa namakẽ nõ õimis keskara xafakĩakõi ea õimana. Askata ea kachiorixori fãsikõi oa xãaiti keskarato ea yoiaito ẽ nika.  
\v 11 “Nã mĩ õiaifo fetsafo kenexõfe. A kirika kenexõ Jesús Ifofamisfo tii ato fomafe. A siete Nios yoiti pexe anoafo Asia anoa ato fomafe, afãfe õinõfo. A Nios Ifofamisfo a pexe tii Efeso anoafo fomata, Esmĩrnã anoafo fomata, Pérgamo anoafo fomata, Tiatira anoafo fomata, Sardis anoafo fomata, Filadelfia anoafo fomata, Laodicea anoafori nã mĩ õiaifo ato kirika kenexõ ato fomafe,” ea faa. 
\p  
\v 12 Ea askafaito ẽ fesoakekafã ẽ õia tsõa ea yoimãkai ixõ. Ẽ õia siete oa rãpari efapa õta keskara oro ẽ õia.  
\v 13 Nãskai rãpari nakirafe feronãfake xanĩfo finakõia nia keskara ẽ õia. Ãfe tari ãfe tae fepokõia, ãfe sĩtorari orokõi aõ nonexemea ika.  
\v 14 Askata ãfe foo oxokõi. Askatari ãfe fero oa chii keskara xafakĩakõi. (Nãskarifiakĩ xafakĩakõi Jesús noko õitiro a nõ shinãi keskara.)  
\v 15 Askatari ãfe taeri chaxasharakõia ika. Ãfe mekari oa oi kaya feaito nõ nikamis keskarakõi.  
\v 16 Ãfe põya kayakai aõri ãfe mifi kamaki siete fishi keskara ika. Ãfe ana keno chainipa keskara aostamea ika. Askatari ãfe femãnã fafekõi oa xini nõ õimis keskara ika. 
\p  
\v 17 Nãskara õi ẽ pakea, oa nai keskara. Ẽ askaito õikĩ ea ramã ãfe mifi kayakai aõxori. Ẽ askaito ea yoia iskafakĩ: “Rateyamafe. Ẽ Jesúski. Afara onifataima ẽ iyopaoniki. Ẽfi anã nanakamaki.  
\v 18 Iskaratĩari ẽ nia. Mẽ nafianixakĩ, iskaratĩa ẽ nia. Ẽ anã nanakama. Ẽ anã afeska pishta nakama. Eres fisti ẽ ato namata, chiifã mẽra ẽ ato potatiro a ea nikakaspamisfo.  
\v 19 Nãskakẽ a mĩ taefakĩ õiafo kirikaki kenefe. Askatari na mĩ iskaratĩa õiaifori kirikaki kenefe. Askatari a chipo ixiaifori kenefe.  
\v 20 Ẽ mia yoinõ afeskai siete fishimẽ ẽfe mẽke kayakai aõri; askatari afeskai siete rãpari oro keskara otamãki. Na siete fishi mĩ õiai nãato noko shinãmamis siete Niospa meka yoimisfo Nios yoiti pexe mẽranoa ichanãmisfo. Askatari nã siete rãpari keskara mĩ õiai nãatori noko shinãmamis siete Nios yoiti pexe mẽranoax ichanãmisfo Nios Ifofakanax,” ixõ ea faa. 
\c 2  
\s1 Jesús a Ifofaafo Efeso anoafo ato yoini taekõifakĩ 
\p  
\v 1 Jesús ea yoia iskafakĩ: “Efeso anoxõ a ea Ifofaafo a ato Niospa meka yoimisto na kirika ato anexonaito nikanõfo, iskafakĩ kenexõfe: ‘Ẽkĩa mãto Ifo Jesús keyokõi yorafo ẽfe Epa Niospa meka yoimisfo ẽ ato kexetaifaa. A ẽ mato yoiai anori ea nikasharakõikãfe.  
\v 2 A mã ikai keskara mẽ tãpia, mẽ mato õi. Mãfi eõxõ fãsi yonosharakõimiskĩ. Afara fetsa afeskara afiaito mã tenekõimis. A yorafãfe afarafo chakafamisfo anorikai mã tãpipaimisma. Akiki mã inimapaimisma afara chakafaifono, nãskax mã ato fe rafekaspamis. Yora fetsafãferi mato yoikĩ iskafakani: “Cristo ea nĩchia ẽ mato yoinõ,” ixõ mato yoiaifãfe, “Nõ ato nikayonõ,” ixõ mã ato nikataifaa. Fanĩrira mato yoiaito anã chanĩki yoimara mã faima mẽ mato õia mã askafaito. Anorima yoi ãa chanĩmisfo mã mã tãpia.  
\v 3 Nãskax mã eõnoax omiskõikĩ mã tenemis ea potakaspakĩ.  
\v 4 Mã anori shara shinãfimiskẽ ẽ anã meka fetsari yoinõ. Taefakĩ mã ea noiyopaonixakĩ anã iskaratĩa mã ea anã noisharaima. Mã mã ea shinãmaki fetsea.  
\v 5 Shinãsharakãfe a mã taefakĩ shinãyopaoni anori. A ea noikĩ mã taefani keskafakĩ anã ea noikãfe. Askatari mã ranã mã nõinãyopaoni keskakõikãfe. Akka mã ea tanaima, oa chii nokaito nõ anã kẽtefatiro keskafakãfe ea shinãkĩ. Mã ea Ifofasharayamainokai chipo tsõa anã mato tanaima. Mã ichanãi ano anã tsoakai mato fe ichanãima.  
\v 6 Mã askafixõ afara fetsa mã shara famis. A feronãfake ãfe ane Nĩkoraita fanĩrira yoiaito nikakakĩ atirifãfe mato anoxõ nikakaxõ, afãferi chakafamisfo keskafakĩ ẽri ato noikaspai. A ẽ noikaspai keskafakĩ mãri efeta noikaspai.  
\v 7 Mã pachoyakĩ ea nikakõikãfe. Niospa Yõshi Sharapa mato yoiaito nikasharakõikãfe. Satanás mato fanĩrira shinãmapaimiskĩ. A Satanás finõinĩfofã ea kachikiri fatama ea Ifofasharakõiaito, aafi Epa Nios ano ẽ ikimaxii efe isharapakexanõ,’ ” ixõ Jesús ea yoia anori Efeso anoafo a chanĩmara faafo ato ẽ kenexonõ. 
\s1 Jesús Ifofaafo Esmĩrnã anoafo ato yoini 
\p  
\v 8 Anã Jesús ea yoia iskafakĩ: “A ea Ifofamisfo Esmĩrnã anoafo a ato Niospa meka yoimis ẽ yoinõ ea kirika kenexõfe iskafakĩ: ‘Ẽkĩa mãto Ifo Jesús ẽ mato yoi mã tãpinõ. Ea nikasharakãfe. Nã afama mĩshti onifataima ẽ iyopaoni. Iskaratĩa ẽ nĩpanaka. Mẽ nayofinixakĩ ẽ anã nanakama. Ẽ mato nonori yoi iskafakĩ:  
\v 9 Mã omiskõiaito mẽ õi. Askatari mã afaayafoma. Mã askafiaino ẽ mato fe ikano, ea keskarari mã shara itiro. Mẽ tãpia matoõnoa yora fetsafãfe meka chakayoiaifãfe. “Nõ judeofo, nõ Nios Ifofamis,” ikaxõ yoiaifo afokai efe yorafoma. Afofi Satanás yorafoki.  
\v 10 Akka a inõpokoai ẽ mato yoinõ. Satanás ifofaafãfe fatora fetsa fisti mato karaxa mẽra ikimaxikani mã ea shinãmakimãkai õixikakĩ. A mato mesenifaifono rateyamakãfe. Ea shinãmakitama nonori shinãkãfe iskafakĩ: “Ea retefiaifono ẽ meseima, ẽ Nios ari kai. Ẽfe Ifãfe ea potanakama. Ẽ ẽfe Ifo noikĩ finakõifafãini,” ixõ yoikãfe. Mã askax, nakẽ, ẽ mato ĩkipakenaka mã efe ĩpaxanõ.  
\v 11 Mã pachoyakĩ nikasharakõikãfe Niospa Yõshi Sharapa mato yoiaito mã Jesús Ifofakĩ. Fetsa omiskõifikĩ ea shinãmakiyamaito Satanás afeskafatiroma. Nãskax naax a omiskõipakenakafo mẽra katiroma,’ ” ixõ anori Jesús ea yoia a Ifofaafo Esmĩrnã anoafo ẽ ato kenexonõ. 
\s1 Jesús Pérgamo anoafo a chanĩmara faafo ato yoini 
\p  
\v 12 Anã Jesús ea yoia iskafakĩ: “A ea Ifofamisfo Pérgamo anoafo a ato Niospa meka yoimis a ẽ yoipaiyai anori ẽ yoinõ ea kirika kenexõfe tãpinõfo. Iskafakĩ kenefe: ‘Ẽkĩa mãto Ifo Jesús ẽ mato yoi mã tãpinõ. Ẽfe meka oa keno chainipa takairafe ikikõiai keskaraxõ, ẽfe mekapas a ea noikaspaifo tii ẽ ato chakafatiro kopikĩ.  
\v 13 Mẽ tãpia a pexe rasi Pérgamo ano mã ika. A Pérgamo anoafãfe Satanás nikakõikani. Askaito õi mã mesemisma, ea Ifosharafai. “Jesús nõko Ifokõi,” ixõ mã ato yoimis. A ea Ifofamis fetsa ãfe ane Antipas eõnoa ato yoimis õikĩ mã reteafo noikaspakakĩ. Mã reteaifãfe õifiax mã atoki meseima, mã ea chai faama. Mãto õiti mẽra mã shinãsharakõi. “Noko retefiaifonokai nõko Ifo Jesús nõ chai faima,” ixõ mã yoimis. Anori mã shinãi sharakõi.  
\v 14-15 Akka nãno afara fetsa a sharama ẽ mato yoipai. Fatora mã fetsa a Balaam afara chaka yoini keskara mã shinãmakikaspai. Akka taeyoi xanĩfo Balac israelifo chakana famapaini. Nãskaxõ Balaam yõkani: “¿Afeskaxõ mĩ kaifo ẽ ato chakana famatiromẽ?” faito, Balaam kemani iskafakĩ: “Mĩ ato yoitiro mĩ fista mẽra ato ikikixiki. Nã mã akai keskarari akairi anõfo. Nã nõko niosra ixõ afara onifaxõ a mã piai mã inãmis. Nã israelifãfe pikanax chakananõfo mãto fista mẽranoax. Askatari ãto ãfima fe ikanax chakananõfo,” fani. Iskaratĩari nãskarafori mã fisti rasi chakanafo nã Nicolaitafãfe ato afara chaka tãpimanaifo keskara ikafo.  
\v 16 Nãskakẽ anã iskaratĩa askafayamakãfe. Nios Ifofakãfe, anã shinãkãfe. Mãto chaka xatekãfe shinãmitsayanã. Akka mã chaka xateyamaito, ẽ matoki samamashta nokoxõ ẽfe mekapa ẽ mato kopikĩ chakafatiro mã omiskõinõ. Ẽfe mekafi oa keno ikiai keskarakõikĩ.  
\v 17 Mã pachoyaki ea nikakãfe. Niospa Yõshi Sharapa eõnoa mato yoiaito, nikasharakãfe. Satanás mato chakafamapai. Fẽtsa Satanás nikayamaxõ ea kachikiri faamano, nã ẽ kexesharaxii nã ẽfe Epa israelifo kexesharani keskafakĩ. Shinãkapo. Epa Niospa israelifãfe ãto xinifo a piaifo ato inãni fonãikaifãfe afaa piamaifãfe Epa Niospa nai mẽraxõ ato põtani oa misi keskarafo ãfe ane mãnã nã pinõfo ato põtapaoni pena tii ato noikĩ. Nãskafakĩri nã ea chanĩmara faafo ea Ifo sharakõi faifo ẽ ato inãxii ẽfe Yõshi Shara isharapakexanõfo. Ea õiyamafiaifono pena tii ẽ ãto õiti xafasharakõi faxotiro. Askatari mã ea Ifo sharafaifono isharakõiyanã mã ea chanĩmara faino, akka ẽ mato ane fetsafaxõi tsõa tãpimisma, nã fiai fistichi tãpitiro. Tokiri oxosharakõikĩ nã tokiriki mã mãto ane kenea mãto ane fena ẽ mato inãxii. Nãskakẽ ea tãpisharakõixikani. Mã õitisharayakõi ixii,’ ” ixõ Jesús anori ea yoia a chanĩmara faafo Pérgamo anoafo ẽ ato kenexonõ. 
\s1 Jesús a Tiatira anoafo a Ifofamisfo ato yoini 
\p  
\v 18 Anã Jesús ea yoikĩ iskafaa: “Ea Ifofaafo Tiatira anoafo Niospa meka ato yoimis a ẽ yoipaiyai anori ẽ yoinõ ea kirika kenexõfe iskafakĩ: ‘Ẽkĩa ẽ mãto Ifo Jesús ẽ mato yoisharapai mã tãpinõ. Ẽfe fero oa chii xoisai keskara. Nãskakẽ ẽ mato tãpikõia. Ẽfe taeri nã keno fakka fakka ikai keskara. Nãskakẽ ẽ mato yoikĩ iskafai:  
\v 19 “Mẽ mato tãpia, nã mã afara shara famis. Mã nõinãkõi. Askatari mã ea chanĩmara faxõ mã ea Ifokõi famis. Nãskakẽ fetsafori mã noisharakõimis ato kexesharayanã. Mã omiskõifikĩ eõxõ mã tenekõimis. Mã ea chanĩmara fakĩ taefanitĩa mã fetsafo sharafamis. Nãskakẽ iskaratĩari mã ato noisharataifaa.  
\v 20 Mã mã askafimisno afara fetsa ẽ mato yoinõ a ẽ fichipaiyaima mã anã fichipainõma. Akka kẽro fisti mato fe ichanãxõ, ‘Ẽ Niospa meka ẽ mato yoinõ, ea nikakãfe,’ ixõ mato yoipaikĩ, ẽfe mekakõi mato yoima. Nã kẽro Jezabel fanĩrira mato yoikĩ ãa mato pãramis. Mã Jesús Ifofafiamiskẽ mato pãramis iskafakĩ: ‘Mãto ãfimafo chotakãfe; kẽrofãferi mãto fenemafo chotamakãfe,’ mato famis. Askatari mato yoimis iskafakĩ: ‘Afara fetsa yora fakaxõ, nã nõko niosra ixõ, a mã piai ispaxõ nõko nios nõ inãira ixõ, ano fisti ichanãxõ, mã pitiro,’ ixõ na kẽro Jezabel mato yoikĩ mato pãramis.  
\v 21 A kẽromã fanĩrira mato yoimis mẽ yoitaifamis anã chakafanõma. Ẽ yoifiaitokai ãfe chaka xatepaima.  
\v 22 Ẽ yoifiaino ea nikayamaito õikĩ ẽ isinĩ imaxii rakatsax omiskõinõ. Askata a fetsafori a keskara a sharashinãifoma ãto chaka xateyamaifãfe ẽ ato omiskõimani.  
\v 23 A kẽromã shinãi keskarari shinãifo ẽ ato retexii. Ẽ askafaito, õikani a ea Ifofamisfo mai fetsafo arixõ tãpitirofo ẽ keyokõi yorafo ẽ tãpisharakõia. Mãto õitinĩ a mã shinãi anori mẽ tãpikõia. Tsõakai afaa pishta ekeki onetiroma. Ẽ keyokõi tãpikõia. Nãskakẽ mã afarafo shara famis ẽ mato shara faxii kopifakĩ. Akka a afarafo chakafamisfo ẽ ato omiskõimaxii kopikiri.  
\v 24 Efe yora mĩshtichi Tiatira anoafãfe, mã atiri nã kẽromã mato fanĩrira yoipaiyai anori mã nikamisma. Satanás ato tãpimamis keskara mã anori shinãpaima. Askara shara. Nãskakẽ ẽ anã mato afaa fetsa yoima.  
\v 25 Nãskakẽ ẽ anã fistiri mato yoi. Na eõnoa mã tãpimis anori shinãmakiyamakãfe. Ẽ mato ifiyoai mã eõnoa tãpimis anori shinãmakipaiyamakãfe.  
\v 26-28 Fẽtsa Satanás finõkõixõ, ea fisti Ifokõifaax mã naax nã efe nĩpanaka. Ẽ ato xanĩfo imaxii. Epa Niospa ea xanĩfokõi ima keyokõi ẽ ato ĩkinõ. Nãskarifakĩ ẽ ato xanĩfo imatiro efeta na maitio anoafo ato ĩkinõfo, mitsisipakõixõ. Akka a fetsafãfe ẽfe meka shara nikakaspaifãfe nõ ato omiskõimaxii. Oa nõ kesho kerexkai nõ yamĩ moshaino moshitiro keskara afeskaxõ nõ anã shara fatiroma. Nãskarifakĩ nã nikayospamisfo nõ ato omiskõimanaitĩa tsoa pishta ato timamatiroma nanõfoma. Mã penaino, fishifã fisti fafeaito, keyokõichi yorafãfe õitirofo. Aa keskara ẽ anã oxii ea õisharanõfo. Ẽ anã nokoxõ, ẽ ato yoixii nã ea Ifofamisfo efe isharapakexanõfo.  
\v 29 Mã pachoyakĩ ea nikasharakãfe. Niospa Yõshi Sharapa mato yoiai keskara nikasharakãfe,” ’ ” ixõ Jesús anori ea yoia a Ifofaafo Tiatira anoafo ẽ ato kenexonõ. 
\c 3  
\s1 Jesús Sardis anoafo a chanĩmara faafo yoini 
\p  
\v 1 Askata anã Jesús ea yoia iskafakĩ: “A ea Ifofamisfo Sardis anoafo a ato Niospa meka yoimis a ẽ yoipaiyai anori ẽ yoinõ ea kirika kenexõfe iskafakĩ: ‘Ẽkĩa mãto Ifo Jesús ẽ mato yoi mã tãpinõ. Niospa Yõshi Shara efe ika. Ẽfi Nios yoimisfãfe ãto xanĩfokõiki. Ẽ mato yoi iskafakĩ: Mã ika keskara mẽ tãpimis. Yorafãfe matoõnoa iskafakĩ yoimisfo: “Nafo shara ikafo. Na Sardis anoafãfe mã Jesús Ifofakõinafo,” ixõ matoõnoa yoimisfo. Mã isharamis keskara õikani. Mãri shinãmis iskafakĩ: “Nõ shara ikara” ifiax mã shara ikama. Mã ea Ifofasharakõiama.  
\v 2 Akka mã mã ea shinãmakia. Askakakĩma, anã a mã shinãyopaoni anori shinãkãfe. Mẽ tãpia Epa Niospa mato imapaiyai keskara mã isharakõiama. Ẽ mato yoiai keskara mã akama. Mã eõxõ asharayopaoni anã iskaratĩa mã anã askafaima. Mã ea shinãmakipai. Nãskakẽ afianã ea shinãsharainĩfofãkãfe.  
\v 3 Nã mã ẽfe meka mãto õiti mẽra mã shinãyopaoni keskafakĩ anã shinãkãfe. A mã chakafamis keskara shinãkakima; ea Ifo shara fakãfe. Akka mã ea shinãyamaito ẽ matoki samama nokorisatiro mato omiskõimaxiki. Oa yometso tsõa tãpiamano ãto pexe mẽra ikirisatiro keskai, ẽ matoki nokorisataxii mato omiskõimaxiki.  
\v 4 Askafiax a mato fe ichanãmisfo fisti rasi a Sardis ano ikafãfe chakafamisfoma. Nõko rapati choshtakõi nõ pekaxõ fatiro fetsa fena shara safexiki. Nãskafakĩri atirito mã chaka shinãpaoni keskara mã anã shinãima, mã mã pota. Nãskaxõ mẽstekõi mã eõnoa shinãi. Nãskaxõ rapati fenasharakõi keskara ẽ mato õitiro. Mã askano, mã ea ano nokoaito ẽ mato rapati oxokõi sharakõi inãxii mã efe ĩpaxanõ. Mã isharakõimisxakĩ mã efe rafepakenaka. Nã ẽ keskara shara ixikãki.  
\v 5 Tsoa ẽfe meka shinãmakitama ea Ifofakaxõ, eõxõ Satanás finõkanax afo efe isharakõipakenakafo. Afori ẽ ato rapati oxokõi sharakõi inãxii. Askaifãferi ẽfe Epa Niospa a ea Ifofaafo tii ãto ane tii kirikaki kenea. Nãskaxõ ãto ane kenea kirikaki a ea Ifofaifãfe tãpinõfo efe nĩpaxakãki. Askaifãfe ẽ ãto ane soanakama. Epa Nios feta ãfe ãjirifãfe õiaifono ẽ ato yoixii iskafakĩ: “Nafofi efe yorafokĩ,” ixõ ẽ ato yoixii.  
\v 6 Mã pachoyakĩ ea nikasharakãfe. Niospa Yõshi Sharaõxõ eõnoa a ea Ifofaafãfe yoiaito nikasharakõikãfe,’ ” ixõ anori ea Jesús yoia a Ifofaafo Sardis anoafo ẽ ato kenexonõ. 
\s1 Jesús Filadelfia anoafo a chanĩmara faafo yoini 
\p  
\v 7 Askata anã Jesús ea yoia iskafakĩ: “A ea Ifofaafo Filadelfia anoafo a ato Niospa meka yoimis a ẽ yoinõ ea kirika kenexõfe iskafakĩ: ‘Ẽkĩa mãto Ifo Jesús ẽ mato yoi mã tãpinõ. Ẽ afaa pishta chakafamisma. Ẽ sharafinakõia. Ẽfe meka chanĩmakõi. Nã fichipaiyai afama mĩshti sharafo ãfe pexe ano fapaoni, xanĩfo David. Akka ãfe pexe fepoti chamisyano tsoa ikitiroma ipaoni, chamismaisax. Akka ato ikimanaino ikitirofo. Akka ato ikimayamaino tsoa ikitiroma. Nãskarari mã Nios ano ikipai mã ikitiroma ẽ mato ikimayamaino ẽmãi chamis keskaraxõ. Akka ẽ mato ikimanaino mã ikitiro Nios ano. Akka fetsafãfe ikikãfe mato faifono mã Nios ano ikitiroma. Eres fistichi ẽ mato ikimatiro.  
\v 8 A mã imis keskara mẽ tãpia. Mã yora ichapayamafiaxõ mã shinãsharakõimis. A ẽ yoimis keskara mã ato tãpimatiro a mã amis keskara eõnoa. A ẽ yoimis anori tsõa mato xĩtitiroma. Yora fetsafãfe mato yoiaifo mã metsanima. Mato askafafiaifono ẽfe meka mã shinãmakimisma. “Na Jesús nõko Ifo,” mã ea famis.  
\v 9 Fetsafãfe chanĩkakĩ mato yoimisfo iskafakĩ: “Nõ judeofo,” ixõ mato yoimisfo. Afokai Niospa afe yorafoma, Epa Nios chanĩmara faxoma. Afãfe Satanás ifofamisfo. Nãskakẽ ẽfe Epa fe nõ ãto kaifoma. Afofi ãa chanĩmisfo. Shinãkãfe. Nã yorafo ẽ ato yoimaxii iskafakĩ yoinõfo: “Nõkai shara shinãima. Nõ afama. Chanĩma, Niospa ãfe Fake mato noisharakõimis,” ratokonõ mai chachikaxõ iskafakĩ mato yoixikani.  
\v 10 A ẽ mato yoimis anori mã isharakõia omiskõifikĩ mã tenekõimis ẽfe meka nikakatsaxakĩ. Mã eõnoax omiskõifikĩ mã tenekõimis. Nãskakẽ mã ea shinãmakimismano ẽ mato kexesharaxii a omiskõiai nokoaino nã maitio. Keyokõi omiskõixikani ea Ifofayamakanax.  
\v 11 Ẽ anã samama oxii matoki. Ea shinãmakiyamakãfe. Mã ea Ifofakĩ ea chaifayamakãfe. Mã ea chaifayamaino eõxõ Epa Niospa mato inãpaiyai keskara mato inãi fetsafãfe finõfoma.  
\v 12 Fetsa omiskõikĩ ẽfe meka shinãmakitama tenekõifai ea Ifo sharakõi faxõ ato Satanás finõkõia. Nãskakẽ a ẽfe Epa Nios ika ano, ẽ ato imasharapakenaka. Anoax anã faki fonakafoma. Nãskakẽ ẽ afo tãpimaxii afomãi Epa Niospa yorafokẽ. Askaxõ ẽ ato yoixii iskafakĩ: “Nono Epa Nios ikano, nofe mã ipanaka,” ẽ ato faxii. A Niospa yorafo, judeofo, Jerusalén ano ipaonifo. Akka iskaratĩa Epa Nios ika ari Jerusalén fena. Jerusalén fena nai mẽra. Nai mẽra ifiax, chipo nãmã fotoxii. Akka fetsafo ea shinãmakikanaxma afo ano ipanakafo. Nãskakẽ fotoxõ ẽfe Epa ane ẽ atoki nẽtaxii. Askatari Jerusalén fenapa aneri ẽ atoki nẽtaxii. Askatari ẽfe ane fenari tsõa nikayomisma ẽ atoki nẽtaxii keyokõichi tãpinõfo ẽ ãto Ifokẽ.  
\v 13 Mã pachoyakĩ ea nikasharakõikãfe. A Niospa Yõshi Sharapa ato shinãmanaino yoiaifo anori nikasharakõikãfe,’ ” ixõ Jesús ea anori yoia a Ifofaafo Filadelfia anoafo ẽ ato kenexonõ. 
\s1 Jesús Laodicea anoafo a chanĩmara faafo ato yoini 
\p  
\v 14 Askata anã Jesús ea yoia iskafakĩ: “A ea Ifofaafo Laodicea anoafo a ato Niospa meka yoimis a ẽ yoipaiyai anori ẽ yoinõ ea kirika kenexõfe iskafakĩ: ‘Ẽkĩa mãto Ifo Jesús ẽ mato yoi mã tãpinõ. Epa Niospa ea amapaiyai keskara ẽ fakatsaxakĩ ãfe meka yoinõ. Epa Niospa yoipaiyai keskara ẽ keyokõi yoimis. Ẽ chanĩkima yoimis. Epa Niospa onifani tii keyokõi ẽfi ãto xanĩfokõikĩ. Ẽ mato iskafakĩ yoi:  
\v 15-16 Mã amis keskara mẽ tãpia. Ea kachikiri fayamakaxõ akka askafixõ ẽ mato amapaiyai keskara mã fichipaikõiama. Askara sharama. Afara matsishara nõ nĩskakĩ nõ inimayanã nõ ayatiro. Askatari afara xana shara mã matsikẽ nõ inimayanã ayatiro. Askafixokai afara katsa nõ inimayanã ayatiroma. Katsa meei nõ anãpaketiro. Nãskarifiai ranãri yorafo afara xana keskarafo. Ea Ifo sharakõi faafo. Akka ranãri afara matsi keskarafo. Ẽfe meka tãpisharafoma. Ẽ atoõnoax rafanã ikõini. Askafiaxkai mãkai xana yafi matsi keskarama. Mã katsa keskara. Afara katsa meekĩ nõ anãpaketiro keskara ẽri mato askafai. Nãskakẽ ẽ mato potaxii oa ẽ anãpakeai keskafakĩ.  
\v 17 Akka mã yoimis iskafakĩ: “Ẽ afara ichapaya. Ẽ afaa yopaima. Ẽ Niospa mekari tãpifinakõia,” ixõ, anori mã yoifiax mã tãpiama mã chaka imis. Ooa. Ea mã yopafikĩ mã kakapaimis. Niospa ãfe Yõshi Sharapa mato imapaiyai keskara mã ikama. Mã katsa keskarakĩ. Mã imis keskara mẽ tãpia. Akka ẽkai askara fichipaima. Askafixõ ẽ matoõnoa shinãi keskara mãkai tãpiama. Mã nã fẽxo keskarafo. Fẽxo afara õitiroma. Nãskarifiai mãri ẽfe mekakõi nikasharamisma. Mã yora chitoria keskarafo. Akka mã tãpiama mã chitoria keskara. Yora chitoriato rapati yopai chitoria ixikima. Nãskarifiakĩ mã ea yopaima keskara ea yopafikĩ.  
\v 18 Akka ẽ mato yoisharapai mã afara chakafamis keskara mã anã anõma. Ea yõkakãfe ẽ mato tãpimanõ afeskax mã ea keskara itiromãkĩ. Eres fisti ẽ mato imasharatiro. Akka mã chitoria keskara. Akka ẽ mato rapati safemasharatiro mã anã rãfinõma. Akka rapati ẽ mato yoitamaroko mã afara chakafamis ẽ mato yoi. Akka ẽ mãto õiti fetsafaxotiro ea keskara shara mã inõ. Akka a afara mã chakafamis ẽ xafakĩa õia. Mã fẽxo keskarakõi imis. Nãskakẽ ea yõkakãfe ẽ mato sharafanõ, ẽfe meka ẽ mato tãpimasharanõ.  
\v 19 Akka ẽ mato noiyamakĩ ẽ anori mato yoikeranama. Askatamaroko ẽ mato keyokõi noikõi. Nãskakẽ ẽ mato omiskõimatiro tãpimakĩ mã chaka xatenõ. Nãskaxõ nãfori ẽ ato yoisharapai ea Ifo shara fanõfo. Akka a mã chaka shinãmis keskara anã shinãyamakãfe. Iskaratĩa ẽfe meka nikakõikãfe ẽ mato yoiai keskara axikakĩ mãto chaka xatekãfe.  
\v 20 Shinãkapo efe yora mĩshtichi. Akka a yora pexe mẽra ikipaikĩ ĩkisi pexe ifo kenatoshitiro pexe ifãfe ikimanõ. Nãskarifiai ẽ mato ano nokoxõ mato yoikĩ iskafaxii: “Ẽ mefe rafepai,” ixõ ẽ mato yoimis. Fẽtsa ãfe shinã mẽraxõ ea nikaxõ ea yoi: “Ifo, emẽra ikife. Ẽ mia fichipai,” ixõ anori yoiaito ẽ a mẽra ikiax ẽ afe rafei. Ari efe rafei.  
\v 21 Fẽtsa afara chakafakĩ xatexõ ea Ifosharafai nã ẽfe Epa Nios ika ano efe ipasharatiro. Nãato Satanás finõa. Ẽfi xanĩfokõikĩ ari efe xanĩfo itiro. Ẽ Satanás yafi niafaka chakafo finõkõia. Ẽfe Epa Nios ika ano afe xanĩfokõi ẽ ika. Nãskarifiai fẽtsa ãfe chaka kachikiri fakĩ, ea Ifosharafaxii ẽ ika anoax ari efe xanĩfo ipaxatiro.  
\v 22 Mã pachoyakĩ ea nikakãfe. Niospa Yõshi Sharapa ea yoiai keskara nikasharakãfe,’ ” ixõ ea anori Jesús yoia a Ifofaafo Laodicea anoafo ẽ ato kenexonõ. 
\c 4  
\p  
\v 1 Akka nã ea taefakĩ yoia, mẽ kenekĩ mitoano, ea anã yoiaito ẽ nika. Ea iskafaito ẽ anã õia nai mẽraxõ oa pexe fepoti fepekemea keskaraxõ. Ẽ nika afia ẽ nika keskara xãaiti ãfe oi efapa keskarato ea yoia anã ea iskafakĩ: “Niri ekeki mãpeferafe,” ea faa. Oa namakẽ õia keskara ẽ õia ea iskafaito: “Nafo ẽ mia ispanõ nafo afarafo chipo ixiaifo ẽ mia ispanõ,” ea faa. 
\p  
\v 2 Ea askafaito samama Niospa Yõshi Sharapa ea õimana ãfe tsaoti efapa sharakõi ea õimana a xanĩfãfe tsaoti ano tsaokẽ ẽ õia.  
\v 3 A ẽ õimismafo ẽ õia sharakõifo. Nãskakẽ ẽ tãpia. Nioskõirokomẽ ẽ faa. Askaito ẽ õia fafesharakõiaito. Iskara ẽ õia. Tokiri rafe ãto ane jaspe fe cornãlinã nã rafesharakõi fakka fakka sakõini. Nãskara ãfe femãnã ẽ õia. A ãfe tsaoti ano oa nãfa fai nana keskara ẽ õia fafesharakõiaito.  
\v 4 Nã nõko Ifo tsaoa ano a kematai veinticuatro tsaotifo ẽ õia. A tsaoti kamaki feronãfakefo tsaoafo ikafo. Nã feronãfakefo Jesús Ifofamisfo ikafo. Afãfe nã ato chanĩmara faifo ato kexemisfo ipaonifo. Ãto rapati oxo sharakõifo mãmãi ato Niospa ãfe chaka soaxonikẽ. Askatari xanĩfãfe maiti keskara oro sharakõi safeafo ika.  
\v 5 A ãfe tsaoti anoax kana peeitaitani oa kana piishikai keskara a mẽranoa ẽ nika. A fesoa anori siete rãpari xofisaito ẽ õia. A ẽ õiaino Epa Niospa ea shinãmana iskafakĩ: “A Epa Nios tsaoano rãpari otaito ẽ õia keskara, nãskarifakĩ Epa Niospa ãfe Yõshi Shara nokoki nĩchiarokomẽ nofe rafenõ,” ixõ ẽ shinã. 
\p  
\v 6 Askatari a fesoa anori oa fakafã keskara fakka fakka ikaito ẽ õia, oke mẽra xafakĩakõi ika. Askatari a nõko Ifãfe ãfe tsaoti ano a onifanifo cuatro ano niafo ika. Askai fero ichapayafo. Takairafe fero neeafo.  
\v 7 Oa poomã femãnã keskara fetsa ita, fetsari oa fakka fene femãnã keskara ita, fetsari oa yõra femãnã keskara ita, fetsari oa tete yoyai keskara ika.  
\v 8 Askakani ãto pei ichapa seis ika, fisti rasi pei ichapayafo. Askai ãto fero rasi ato neei fetsea ika. Penachãi fanãita, fakishchãiri fanãiki xatepakenakafoma. Fanãiyanã iskafakani: 
\pi1 Sharafinakõia, sharafinakõia, sharafinakõia, nõko Nios sharafinakõi. Nõko Niospa afama mĩshti famis nã apaiyaifo. Epa Nios niyopaofinixakĩ, nãskakẽ iskaratĩa nia. Askatari Epa Nios afeska pishta nakama, 
\m ikax fanãikaifo. 
\p  
\v 9-10 Nãskakẽ aõnoax fanãikafo iskakani: “Epa Niosi, mĩ fisti nõko Ifo. Fato fetsakai na mĩ ikai keskarama. Mĩfi nĩsharapakenakaki. Mĩ sharakõi. Mĩ afaa pishta chakafamisma. Mĩ askaito nõ mia Ifofasharakõi. Aicho Epa Niosi. Fato fetsakai mia keskarama,” ixõ Nios fanãkafo. Mã askafono nã Jesús Ifofamisfo veinticuatro xanĩfofo nõko Ifo Nios ãfe tsaotiki tsaoano a nãmã feopakefofãnafo. Feopakefofãkata, ãto maiti tsekakata feofafo Nios nãmã mãmãi askafakatsaxakakĩ. Nãskaxõ yoiafo iskafakakĩ: “Nõko Ifo Nios mĩ noko maiti inã keskari fakĩ nõri miari mini. Mĩ noko inãfikẽ nõ mia fãsi noikĩ na maitifo nõ mia mini. Meres fisti mĩ noko ĩkitiro. Mĩ noko ifimis. Akka mĩ nõko Ifokõi itiro.  
\v 11 Mĩ afaa chakafatamaroko mĩ sharakõifamis. Akka mĩõnoa fisti nõ yoitiro iskafakĩ: 
\pi1 Mĩ nõko Ifokõi. Mĩ nõko Nios. Tsoa fetsakai mia keskarama shara. Mĩ isharapakenaka. Mĩkai afaa chakafamisma. Nãskakẽ nõ mia fãsi noi. Mĩ shinãmãs mĩ afama mĩshti fatiro. Mĩ keyokõi onifani. Mĩ apaiyai keskara mĩ keyokõi onifani ato nimapakexakĩ,” 
\m ixõ nã Jesús Ifofamisfãfe veinticuatro xanĩfofofãfe yoimisfo. 
\c 5  
\s1 Jesús kirika kataramea tsomaxõ ato yoiyoni afeskaximãkai chipo 
\p  
\v 1 Askata ẽ anã õia oa ẽfe namapa õia keskara nã ẽ mato yoinõ. Nã mifi kayakai aõri nõko Ifo Nios tsaoano ẽ õia kirika kataramea takai rafe kenea ẽ õia, siete taxtati aõ neekẽ.  
\v 2 Niospa ãjiri finasharakõia ẽ õia. Fãsikõi mekayanã iskafakĩ yoia: “Na kirika taxtatinĩ taxta afeskaxõ tsõa õitiroma. Nã xanĩfo afaa chakafamisma fistichi fẽpetiro õixii. ¿Fato xanĩfãfe afaa chakafamismato fẽpetiromẽ nõ õinõ?” ixõ yoia. 
\p  
\v 3 Askafixõ tsõa fẽpetiroma nai mẽranoa ikafãferi fẽpetirofoma. Askatari a nãmã ikafãferi, Niospa ãjirifãferi fẽpetirofoma a mẽra õixikakĩ.  
\v 4 Nãskakẽ ẽ oiai finakõiyanã iskafakĩ yoia: “¡Ooa! Xanĩfo afaa chakafamisma tsõa fichiama na kirika noko fẽpexopanã a mẽra nõ õipanã,” ixõ ẽ shinã.  
\v 5 Askata nã veinticuatro xanĩfofofãfe Jesús Ifofamis fẽtsa ea iskafaa: “Oiayamafe. Õipo. Nõko Ifo oa ono nia. Cristo fisti nõko xanĩfo finakõi. Afama mĩshti atiro. Tsoa a keskarakõima. Nõko xinifãfe ãto xanĩfo ipaoni David ãfe fena Jesús. David xanĩfo finakõia ipaofinikẽ, Jesús finõkõia. Keyokõi ato finõa. Satanás finõta, a xanĩfo fetsafori ato finõkõia Jesús. Iskaratĩa nono Epa Nios fe ika. Nãskakẽ na siete taxtati Jesús noko fẽpexotiro nã kirika nõ õinõ. Nãskakẽ anã oiayamafe,” ea faa. 
\p  
\v 6 Nãskakẽ nãnoa ovejanã fake ẽ õia ãfe mãxo sieteya, ãfe ferori nãskara ika. Reteafo keskarafiax Niospa tsaoti ano nia ika. Nãnoa nã Niospa onifani cuatrofo feta a veinticuatro Nios Ifofaafo xanĩfofofãfe foaketefayakenafo ika. Tsoa fetsakai a keskarama. Nãato afama mĩshti fatiro. Nã fero sietefãfe noko shinãmani Niospa ãfe Yõshi Shara nĩchiano keyokõi nã maitio ano inõ.  
\v 7 Akka Epa Niospa nã kirika ãfe mifi kayakai aõri tsomakẽ Jesús fĩa.  
\v 8 Fĩxõ tsomano nã cuatro Niospa onifanifo fe nã veinticuatro xanĩfofo Jesús Ifofamisfo a nãmã feopakefofãnafo. Nãfãfe maneti yafi kechofo tsomafo. Nã kechofo oro fakka fakka ikai keskara mẽranoax otano ãfe kõi nofe nakas shara nai mẽra foai keskara. Nãskarifiai nã Nios Ifofamisfãfe kĩfiaifono Epa Niospa nikamis.  
\v 9-10 Akka nã fanãikaifo tsõa nikayomisma fanãikani, iskakani: 
\pi1 Mĩ afaa chakafayamafiamiskẽ mia retenifo. Mĩ noko nãxoni, mĩ imi foni Satanás anã nõko ifo inõma Epa Nios ãfe fakefo nõ inõ. Nãskakẽ mĩ fistichi fitiro kirika kenea fẽpexiki noko tãpimaxiki. Mĩõnoax nã mia chanĩmara faafo tii maifo tii anoafo Niospa yora itirofo meka fetsa fetsatapafãfe mekakani. Nãskakẽ nãfãferi fetsafo mĩ meka shara ato tãpimanano, mĩ ato amapaiyai keskara anõfo. Askatari nã maifo tii anoafo xanĩfo mefe ixikani, 
\m ikax fanãikafo. 
\p  
\v 11 Askatari ẽ õia Niospa ãjirifo ichapakõifo tsõa ato tanatiroma ichapakõi fanãikaifãfe ẽ ato nika. Nios xanĩfo tsaoti ano nã Niospa onifaa cuatrofo fe nã xanĩfofo veinticuatrofo feta nakifayakenafo.  
\v 12 Fãsikõi fanãikani iskafo: 
\pi1 Niospa Fake Jesús oveja fake keskara yorafo nãxõa ãto chaka soaxoxikĩ. Akka keyokõi nã maitio anoafo ato ĩkitiro, keyokõi nai mẽranoafori ato ĩkitiro, nõko mai anoafori ãfenã, keyokõi tãpikõiakĩ, afama mĩshti atiro, keyokõichi mĩ sharakõira fapanakafo. Mĩ fisti nõko Ifo itiro. Aicho, mĩ nõko Ifo mĩ isharakatsaxakĩ mĩ nĩpanakara, 
\m ikax fanãikafo. 
\p  
\v 13 Askata ẽ nika keyokõi nai mẽranoafo tii fanãikaifono, mai anoafori fanãikaifono ẽ nika. Mai mẽranoafori ẽ nika. Fakafã anoafori fanãikaifono iskakani: 
\pi1 Epa Nios ãfe tsaoti ano tsaoa, ãfe Fake Jesús oveja fake keskara, nã rafe nõko Ifo isharakõimisfo. Keyokõichi mã sharakõira ato fapanakafo. Mares fisti mã nõko Ifo itiro. Mã afama mĩshti atiro. Nãskara mã ĩpanaka, 
\m ikanax fanãikafo. 
\p  
\v 14 Askatari nã cuatro Niospa onifafãfe yoiafo iskafakakĩ: “¡Aicho! Askapainõra,” fata, nã veinticuatro xanĩfofo Nios nãmã feopakefofãnafo. Afãferi Epa Nios yafi Jesús yoisharakani. 
\c 6  
\s1 Nã siete taxtati 
\p  
\v 1 Nãskata ẽ namakẽ õiai keskara ẽ anã õia. Jesús oveja fake keskara nãato noko nãxoni nãato nã kirika ãfe taxtati fisti fẽpeaito ẽ õia. Fẽpeaino ẽ nika nã cuatro Nios onifaa fetsa fãsikõi mekaito nai tiri ikai keskara: “Niri ofe,” ikaito. 
\p  
\v 2 Askaino kamayo oxo chaima nia ẽ õia. Nã kamayo kamaki fẽtsa kati tsomax tsaoano xanĩfãfe maiti Niospa maimana. Nãnoax kamayonõ kaa fetsafo ĩkipai xanĩfo ixiki. Tsoa pishtakai nẽtefatiroma. 
\p  
\v 3 Askata Jesús anã kirika taxtati fetsa fẽpea. Fẽpeaino nã cuatro Niospa onifani fetsa ẽ nika iskaito: “Niri ofe,” ikaito. 
\p  
\v 4 Nãskafaino kamayo fetsari õshi nokotoshia. Nã kamayo kamaki tsaoa fetsari ẽ õia. Keno chainipa Niospa inã aya katanõ maifo tii anoafo ato shinãmatanõ anã isharanõfoma noikaspa faatanãkanax retenãnõfo. 
\p  
\v 5 Askatafata Jesús anã kirika taxtati fetsa fẽpea. Fẽpeaino nã cuatro Nios onifaa fetsa ẽ nika iskafakĩ yoiaito: “Niri ofe,” ikaito. Anori yoiaino kamayo fetsa fisokõi nokotoshiaito ẽ õia. A kamaki tsaoa aõ kilo tanati tsomax.  
\v 6 Nã cuatro Niospa onifani anoax mekaito ẽ ãfe meka nika iskaito: “Kori texe fayamanõ, feronãfãke pena fisti yonoxõ kori fixõ trigo kilo fisti fikĩ kopifatiro. Askayamakĩ tres kilo xiki fitiro. Kori texefayamaxõ afaa fetsa fitiroma. Nãskakẽ xini yafi nã uva fimi ene chakanafayamafe. Akka mã texefayamax mã fonãiki omiskõixii,” ixõ yoia. 
\p  
\v 7 Askata Jesús anã kirika ãfe taxtati fetsa fẽpea. Fẽpeaino ẽ nika na cuatro Nios onifani fetsa, “Niri ofe,” ikaito. 
\p  
\v 8 Anori askafaino kamayo fetsa pãshikõi nokotoshiaito ẽ õia. Nã kamayo kamaki fetsa tsaoa ika ãfe ane Ato Namamis. Nãato yorafo namatiro. “Ẽ yorafo namapaira,” faito, “Ẽje. Mĩ ato namatiro,” Niospa faa. Askafaito nã ato namamisto yora fetsafoya ato retenãmai. Akka atiri ato fonĩ namai, atiri pae fetsa fetsatapafãfe ato namaxii, atiri yoinã põfefãfe ato yokakani. Akka yora kayakõi ato namaxiai ẽ õia tsõa ato tanãtiroma. 
\p  
\v 9-10 Nãskata Jesús ãfe kirika taxtamea anã fẽpea. Fẽpeaino nã Niospa meka ato yoifofãsafaifono fetsafãfe ato retefinifono mã otoafo ẽ õia. Epa Nios kĩfiti mĩsa ano nã Jesúsnoax nanifo ãto fero mẽshofo ichanãkanax fãsikõi mekaito ẽ nika iskai mekaifono: “Nõko Ifo Nios, mĩ keyokõi tãpikõia. Mĩ afama mĩshti fatiro. Mĩ shara famis. Mĩkai afaa chakafayomisma. Mĩ chanĩmakõi. Nã mia chanĩmara faafãfema mai anoafãfe noko retemisfo. Nãskakẽ, ¿afetĩa mĩ ato kopimẽ omiskõimakĩ?” ixõ yoiaifãfe ẽ nika.  
\v 11 Nãskakẽ nõko Ifãfe yoia isfakĩ: “Manayokãfe. Fena fena kakĩma. Fetsafori mato keskarafori eõxõ yonomisfo ixikani. Nãfori eõxõ nã yora chakafãfe ato retexikani. Akka mã ato retekĩ mitoafono mã nakanax mato ano nokoxikani keyokõi. Nãskakẽ nã ato retemisfo ẽ ato kopixii ato omiskõimakĩ omiskõipakenakafo mẽra ẽ ato potaxii afaramãi chakafamisfokẽ,” ixõ nõko Ifo ato yoia. Ato yoita rapati oxosharakõi chainipa ato inã, nãfãfemãi taeyoi nikanifono nã Epa Nios Ifofasharamisfo tii ato inã. 
\p  
\v 12 Askata Jesús anã kirika ãfe taxtati fetsa fẽpeaito ẽ õia. Fẽpeaino fãsikõi mai naya naya ika. Xini anã pee iyamaino, rapati fisokõichi fepoa keskara ika, fakishkõi. Oxeri õshikõi imi keskara ika.  
\v 13 Oa nefe kerexepato nokoki nefekĩ fana fimi yome mĩshti niriatiro keskara. Nãskarifiai fishifo nai mẽranoax mai ano pakei fetsea.  
\v 14 Askatari nai katarameake kafãkẽ ẽ anã õiama. Mãchifã fe mai toomãfã mai naya naya ikaino, anã ano ikama.  
\v 15 Nãskakẽ keyokõi mai anoafo ratekõiafo. Yorafãfe ãto xanĩfofori sorarofãfe ãto xanĩfofori ratekõiafo; afama mĩshtiyafori, yora mitsisipafori, ãto yonomatifori, fetsafori ifomaisfori keyokõi nãfo ratekõiafo. A tiiri mafa kini mẽra ikiafo. A tiiri mãchi keya ano ichoafo tokirinĩfã nãmã oneafo.  
\v 16-17 Askata fiisikafo iskayanã: “¡Ooa! Epa Nios nai mẽra ikato ãfe Fake Jesús fe iskaratĩa nokoki õitifishkikõina. ¿Nõ afeskatiromẽ omiskõiyamaxiki? Tsõakai Nios timamatiroma noko omiskõimayamanõ. Nã mãchi keya anoa tokirinĩfã nokoki pakepainõ Niospa noko fichinõma nõ omiskõinõma,” ixõ nã nikakaspamisfãfe yoiafo. 
\c 7  
\s1 Niospa ciento cuarenta y cuatro mil afe yorafo kexexii 
\p  
\v 1 Nãskata ẽ anã õia oa ẽfe namapa õia keskara nã ẽ mato yoinõ. Niospa ãfe ãjiri cuatro afe nai mẽra imisfo ẽ õia. Fetsa xini oaikiri nia, fetsa xini kaikiri nia, fetsa xini oaima anori nia, fetsa xini kaima anori nia. Askano nefe nishpapakekafana. Nefe nishpapakekafanaino keyokõi maifo tii anoa nii peifo takka takka ikama. Fakafãri anã poo ikama.  
\v 2 Nã cuatro Niospa ato yoiaito mai yafi fakafã chakafatirofo. Askata Epa Nios nipanakato ãfe ãjiri fetsa ẽ õia xini oaikirinoax oaito, nõko Epa Nios ãfe marakka fati feaito, a afe yorafo aõ marakka faxii keyokõichi tãpinõfo Niospa afe yorafokẽ. Nã Niospa ãjiri okĩ nã cuatro Niospa ãjiri fetsafori fãsikõi ato yoia iskafakĩ:  
\v 3 “Manayokãfe, nã Nios Ifofamisfo ĩkisi ãto femãnãki ãfe anefo keneyonõ nãfãfe Nios yonoxomisfoki keyokõichi tãpinõfo. Nãskakẽ fena ato chakana fayamakãfe. Mai anoafo fakafã anoafori, ififo ato chakana fayamakãfe. Chipo ato axikakĩ,” ixõ ato yoia. 
\p  
\v 4 Akka ẽ nika mã Niospa ãjirinĩ mã ato marakka faano ciento cuarenta y cuatro mil judeofãfe femãnãki.  
\v 5-8 Nõko xini Israel ãfe fakefo feronãfakefos doce inifo. Ato iyoakõichi ãfe ane Judá. Judá ãfe pefeta Rubén. Rubén ãfe pefeta Gad. Gad ãfe pefeta Aser. Aser ãfe pefeta Neftalí. Neftalí ãfe pefeta Manasés. Manasés ãfe pefeta Simeón. Simeón ãfe pefeta Leví. Leví ãfe pefeta Isacar. Isacar ãfe pefeta Zabulón. Zabulón ãfe pefeta José. José ãfe pefeta ato chipo fakekõi Benjamín. Nã doce feronãfake fisti rasi paxkakanax mã kaiafono nã doce feronãfake anoa Niospa ato katoni. Fetsa anoa doce mil faxõ ifita, fetsa anoari doce mil faxõ ifini. Nãato askafakĩ fetsa doce mil faxõ ato ifiketsani. Nãskakẽ mã afo yosikanax ciento cuarenta y cuatro mil inifo. 
\s1 Yorafã rasikõichi rapati oxokõi safeafo 
\p  
\v 9 Askata Epa Nios fe ãfe Fake Jesús nã oveja fake keskara nã tsaoafo ano yorafã rasi niafo tsõa ato tanatiroma. Nã maitio anoafo fisti rasi anoafo, xoko fetsafo, meka fetsayafo ikafo, rapati oxokõi chainipa safeafo ẽ õia fisti rasichi epe pei tsomafãfe.  
\v 10 Nãfãfe fãsikõi yoiafo iskafakakĩ: 
\pi1 Nõko Epa Nios feta ãfe Fake Jesús noko ifimis nõko Ifo Jesús oveja fake keskara nokoõnoax nani nõko chaka noko soaxoxikĩ nõ afe nĩpaxanõ, 
\m ixõ yoiafo.  
\v 11-12 Nãskata nõko Ifo xanĩfãfe tsaoti ano tsaoano ãfe ãjirifãfe foaketi fayakenafo ikafo. Nãskakẽ nã veinticuatro xanĩfofo fe nã Niospa onifanifo cuatrofo nõko Ifo tsaoano tsaoafo ikafo. Nãskafono nã ãjirifo nã nõko Ifo tsaoano ratokonõ mai chachipakefofãkanax feopakefofãnafo Nios yoisharakakĩ iskafakakĩ: 
\pi1 ¡Aicho! Chanĩmakõi, meres fisti mĩ isharapakemis. Meres fisti nokori mĩ imasharatiro. Mĩ keyokõi tãpia. ¡Aicho! Nã nõ yopai keskara mĩ noko axomis. Keyokõichi sharakõi mia fapanakafo. Mĩ afama mĩshti fatiro. Mĩ nãskapakenaka. Nãskaroko anõkĩ, 
\m ixõ yoiafo. 
\p  
\v 13 Nãskata nãnoa xanĩfo fẽtsa ea yõka: “¿Na yorafo rapati oxo chainipa safeafo tsoamẽ? ¿Fakiax feafomẽ, mĩ tãpiamẽ?” ixõ ea yõka.  
\v 14 “Maa. Ẽkai tãpiama. Mĩ tãpia. Mĩ ea yoitiro,” ẽ faito ea yoia iskafakĩ: “Yorafo omiskõiaifono na yorafori fãsi omiskõinifo. Akka omiskõiaifono Niospa ãfe Fãke Jesús ato nãxoni ãto chaka ato soaxoxiki. Ato chaka soaxõ mã ato imasharakõia. Nãskakẽ ato rapati oxo shara safemana.  
\v 15 Nãskakẽ Epa Nios ano iskaratĩa afe ikafo. Epa Niospa ato yonomana keskara axopakenakafo. Nãskakẽ ato kexefafãini afara chaka atoki nokoyamanõ.  
\v 16-17 Niospa ãfe Fake Jesús Epa Nios fe imis. Nãato ato kexepakenaka. Nãskakẽ anã fonãitama, anã nomipakenakafoma. Xinĩri anã ato pipanakama. Jesús ato kexeaino inimapakenakafo. Epa Niospa ãto õiti ato fepeaxoxii anã oianõfoma,” ixõ ea yoia. 
\c 8  
\s1 Nã taxtati mã keyoaino Jesús fẽpea 
\p  
\v 1 Mã kirika ãfe taxtati keyoano Jesús fẽpeaito ẽ õia namakẽ õiai keskara. Nã seis taxtati taefakĩ fẽpeyoa. Akka iskaratĩari fetsari fẽpea mã keyoaino. Fẽpeano Nios ika ano nai mẽranoax keyokõi nishparakafo. Media hora nishparakayoafo.  
\v 2 Nishparakaifono ẽ õia Niospa ãfe ãjirifo siete a ketaxamei niafãfe, nãfãfe Niospa ato yoimis keskara anõfo. Niospa ato tii maneti inã nã ato yoiaitĩa ãto maneti chãi chãisafanõfo.  
\v 3 Askata Niospa ãjiri fẽtsa sapa oro fakka fakka ikai keskara tsomax Epa Nios kĩfiti ano nia ẽ õia. Akka fẽtsa sapa kamaki nakas otaxõ naneaito ẽ õia. Nãskaxõ Nios kĩfiti mĩsa ano oro kamaki sapa faa.  
\v 4 Askano ãfe kõi nakas shara nai mẽra foa ãfe mifi kamaki sapa tsomano. Nãskarifiai Niospa yorafãfe kĩfiaifono Epa Nios ika ari nokoaito nikatiro.  
\v 5 Akka ẽ anã õia Epa Niospa ãfe ãjiri yoiaino, mĩsa kamakinoa chii fixõ ãfe sapa kamaki chii fospi faa. Fospi fata nai mẽraxõ mai ano pota. Askaino mai anoax nai fãsikõi tiiri ika pachakõi ika, kanari piishika mairi naya naya ika. Nãskakẽ nã chanĩmara faafoma tii ato omiskõimaxii. 
\s1 Ãjirifãfe maneti chãi chãisafaafo 
\p  
\v 6 Askata Niospa ãfe ãjirifãfe siete nã manetifo Niospa ato tii inã itipinĩsharafaafo chãi chãisafaxikãki. 
\p  
\v 7 Askata fẽtsa ãfe maneti chãi chãisafaino faka matsi tokoro efapafo imia osia nai mẽranoax keyopakea. Chiiri imiya osia nai mẽranoax mai ano pakea. Mãifã kaxke fetsa koofi keyoa ififoya. Akka ranãri texea. Akka fasifo kooi keyokõia. 
\p  
\v 8 Askata Niospa ãjiri fẽtsa ãfe manetiri chãi chãisafaino machi efapa chii xoisai keskara Niospa nai mẽraxõ nãmã pota. Fakafã mẽra pakea. Askaino fakafã kaxke fetsa imi keskara ika.  
\v 9 Nãskakẽ fakafã mẽranoax fafĩfo ranãri naafo. Askatari kanõanãfãfori ranãri kooafo. 
\p  
\v 10 Askata Niospa ãjiri fẽtsa atori ãfe maneti chãi chãisafaino fishi efapakõi xofisai chii keskara nai mẽranoax pakea fakafo mẽra. Akka faka fetsafo mẽrari pakeama. Askatari faka poyo poyo ikai ano pakea.  
\v 11 Nã fishifã ãfe ane Mokara famisfo. Nã fishi faka mẽra pakeano, faka moka paekõi ika. Nãskakẽ nã faka ayakanax yorafo ranãri nai fetseafo. 
\p  
\v 12 Askatari Niospa ãjiri fẽtsa ãfe manetiri chãi chãisafaino xinĩ anã chaxasharama. Õxeri anã chaxasharama. Askatari fishifãferi anã ranãrito chaxasharama. Nãskakẽ penafekẽ tsõa anã õisharatiroma. Fakish finakõia ika. Tsõa askara fakish õiyomisma. 
\p  
\v 13 Ẽ nãfo õiaino tetepafã keskara keya yoyaito ẽ nika. Fãsikõi mekayanã yoia iskafakĩ: “¡Ooa! Yorafãfe Nios nikakaspakanax omiskõikani finakõixikani. Niospa ãjiri tres fetsafãfe ãto maneti chãi chãisafaifono mai ano ikafo omiskõifinaxikani,” ixõ tetepafã keskarato yoia. 
\c 9  
\p  
\v 1 Askatari Niospa ãjiri fẽtsa ãfe maneti chãi chãisafaino nai mẽranoax oa fishi keskara nãmã pakeaito ẽ õia. Nãskata nã niafaka chakafo kinĩfã fakishifã mẽra ikafo ano kaa. Nã kinĩfã fepotiya. A mẽranoaxkai kãitirofoma. Akka nã nai mẽranoax nãmã pakea Niospa chavis inã aato kinĩfã fakishifã mẽranoa ato kãimanõ.  
\v 2 Fẽpeaino mafa kinĩfã mẽranoax kõinĩfã nai mẽra foa. Nãskakẽ xinĩ chaxasharama. Nai fakishkõi ika.  
\v 3 Askata nã kõinĩfã mẽranoax kõketsere keskara ichapa rasi mai ano fotoa. Niospa ato põfekõi ima nifo keskara inõfo.  
\v 4-5 Ẽ nika iskaito: “Mai anoa fasifo fanafo ififo chakana fayamakãfe. Akka nã Niospa yorafo femãnãki keneafo, ato tekayamakãfe. Akka nã keneamafo mã ato tekatiro. Akka ato reteyamakãfe. Ato retetamaroko cinco oxe ato amakãfe ato omiskõimakĩ,” ixõ ato yoia. Nãskakẽ kõketserefãfe ato tekafo nã chanĩmara faafoma nifo keskara paekõi meafo omiskõiafo.  
\v 6 Nãskakẽ kõketserefãfe cinco oxe ato omiskõimana nã chanĩmara faafomafo napaixikani, tenetirofoma mekani. Askafikanax nakanima. 
\p  
\v 7 Iskaratĩa na kõketserefo afe keskaramãkĩ ẽ mato yoinõ mã tãpinõ. Kamayofo itipinĩ faax a kamaki tsaoax katiro fetsafo reteikai. Nãskarifiai na kõketserefo nã kamayo keskarafo. Kamayo kamaki tsaoxõ fetsafo reteikai keskara ĩta, xanĩfãfe ãfe oro maiti maia keskara ĩta, ãto fẽso feronãfãke fẽso keskara ĩta,  
\v 8 ãto foo kẽrofãfe foo keskara ĩta, ãto piti poomãnã piti keskara ĩta,  
\v 9 ãto xochi ano rapati kerexkõi keskara safemanano ato tsakapaiyaifono a mẽra ikitiroma ĩta, ãto petafo pei pei ikĩ kamayonõ karo keskara niniaino pachakõi ĩta, fetsafo retenãifo keskara ĩta,  
\v 10 keyokõi tsitsisyafo. Ãto tsitsisi yora chachitiro nifo pae keskara. Ãto tsitsisi yorafo omiskõimatiro. Mã oxe cinco finõano anã ato omiskõimatirofoma.  
\v 11 Nã kinĩfã fakishifã mẽra niafaka chakafo ikafo anoa ãto xanĩfãfe ane israelifãfe mekapa Abadón famisfo. Griego mekapari Apolión famisfo. Nõko mekapari, “Yorafo Retemis,” nõ famis. 
\p  
\v 12 Akka taeyoi a omiskõiaifo mã finõfiano, akka nãno raferi a finakõia finõama. 
\p  
\v 13 Askata Niospa ãjiri fẽtsa ãfe maneti chãi chãisafaino, Epa Nios kĩfiti oro mĩsa shara ano fakka mãxo cuatro nia ika. Nã mĩsa nakirafenoax mekaito ẽ nika iskafakĩ ãfe ãjirinĩ yoiaino ãfe maneti tsomaxõ nika.  
\v 14 “Nã cuatro niafaka chakafo menexemexõ nã faka efapa Eufrates anoxõ manaifo ato mẽpetãfe fotanõfo,” ixõ ãfe ãjirinĩ yoia. 
\p  
\v 15 Nã tsekeafo penata Niospa ato yoiaino ichapakõi ato retenõfo. Nãskakẽ nã niafaka chaka cuatro Niospa itipinĩfani mai kaxke fetsa ano ikafo ato retexinõfo.  
\v 16 Ẽ nika dos cientos millones sorarofo kamayo kamaki tsaoafãfe fetsafo retexikakĩ. 
\p  
\v 17 Askata Epa Niospa oa namakẽ õia keskara ea õimana nã sorarofo yafi ãto kamayofo ẽ õia iskara. Ãto xochi ano oa chii ereai keskara kerexkõi ãto xochi ano safeafo ikafo. Askatari nanakõiri ika, chaxtari ika a aõ xorakomeafo. Akka a kamayofãfe ãto mapo poomã mapo keskarafo. Ãto ãxfa mẽranoax kõi fe chii ereai keskara.  
\v 18 Chii fe kõi xofisakĩ ãto ãxfa mẽranoax kãifaikĩ ato retepakeafo yorafo ichapakõi ranãri naafo.  
\v 19 Ãfe ãxfa feta ãfe tenẽri yorafo retetiro. Ãfe tene rono pae keskara. Ãfe tene mapoya ika. Não yorafo omiskõimana nanõfo. 
\p  
\v 20 Tsoa nayamafiaxõ ãto chaka xateafoma Epa Nios Ifofaxikakĩma. A niafaka chakafo ifofamisfo xateafoma. Nãskakẽ oro nimofo fakãta, a kerexkõi fakkai fakkaisai nimofo fakãta, keno ãfe ane bronce nimofo fakãta, ifi nimofo fakãta, tokiri nimofo fakãta; nãfo askafaxõ, “Nãfo nõko nios. Nõ aõ noi,” ixõ yoimisfo. Afãfe õiyamafiaifono, askatari mekayamafiaifono, askatari kafãsayamafiaifono, nãskakẽ afo kĩfimisfo. Epa Niospa nã ãto kaifo yafi yora fetsafo omiskõimafiaito õifikanax ãto chaka xateafoma Epa Nios Ifofapaikanima.  
\v 21 Ato retekakĩ xatemisfoma, askatari koshoiki xatemisfoma, askatari ãto ãfima chotamisfo, kẽrofãferi ãto fenema chotamamisfo, yometsoriai xatemisfoma nãfo xateafoma. Tsõa ãto chaka xateama. Nõko Ifo Jesús Ifofaxikakima. Nãfo chakakõifikaxõ ãto chaka xateafoma nõko Ifo Jesucristo Ifofasharaxikakima. 
\c 10  
\s1 Epa Niospa ãfe ãjirinĩ kirika tsoma 
\p  
\v 1 Askata ẽ õia Niospa ãfe ãjiri fetsa mitsisipakõi nai mẽranoax fotoaito, nai kõiya. Ãfe maiti nãfa fai keskara maia. Ãfe femãnã xinĩ chaxai keskara. Ãfe kishi rafe chii keskara.  
\v 2 Kirika fepekemea tsomax nia ika. Ãfe tae kayakai aõri fakafã femãkĩa paia. Akka ãfe tae oshkiori mai ano paia ika.  
\v 3 Askata ãfe meka poomã efapato meka keskara ẽ nika. Askatari ẽ nika naitiriki fetseaito.  
\v 4 Mẽ nikaxõ nã yoiafo keskara ẽ kenekerana. Akka nai mẽranoax Nios ika anoa meka fetsa ẽ nika ea yoiaito iskafakĩ: “Nã mĩ nika keskara ãto meka keneyamafe. Mĩ tsoa tãpimatiroma,” ixõ ea yoia. 
\p  
\v 5-7 Askata nã Niospa ãfe ãjirinĩ takai fetsa fakafã aõri paita takai fetsari mai ano paixõ anã yoia. Epa Nios nã nipanakato nai onifaa. Askatari nai mẽra ikafo onifaa. Askatari mai onifaa. Mai ano ikafori onifaa. Askatari fakafã onifaa. Fakafã mẽra ikafori onifaa. Nã Nioskõichi ãfe ãjiri yoia iskafakĩ: “Epa Niospa ea õiaino chanĩmakõi ẽ mato yoi. Epa Niospa anã manaima. Ãfe ãjiri fẽtsa ãfe maneti manekĩ chãi chãisafaino Epa Niospa axiai keskara ãfe meka yoimisfãfe yoiaifo keskara yorafãfe tãpinifoma. Iskaratĩa a Nios yoimisfãfe yoinifo keskara mã askakõia,” ixõ Niospa ãjirinĩ ea yoia. 
\p  
\v 8 Askata anã nai mẽranoax mekaito ẽ nika ea yoia iskafakĩ: “Oa Niospa ãjiri fakafãki paita mai ano paiax nia ano katãfe. Nã kirika kataramea fẽpexõ tsoma fĩatãfe,” ea faa. 
\p  
\v 9 Askata ẽ Niospa ãjiri ano kaxõ ẽ yoia iskafakĩ: “Nã kirika pishta ea inãfe,” ẽ faito, “Nakĩa, fife. Õixõ tãpikõife. Mã tãpikõixõ mĩ tãpitiro nã meka chanĩmakõi. Niospa meka shara. Askatari mĩ tãpitiro na meka yoiaifo keskara yorafo omiskõikani. Mĩri tãpixõ mĩ fãsi shinãtiro,” ea faa. 
\p  
\v 10 Nãskaxõ ẽ kirika pishta fita ẽ õia. Ea yoia keskara chanĩmakõi mẽ tãpikõia. Nã Niospa meka sharafinakõia. Nãskakẽ nã inõpokoai yoia keskara yorafo omiskõixikani. Nã õiax ẽ shinãmitsakõia.  
\v 11 Ẽ askano, anã ea yoia: “Niospa afe yorafo yoipaiyai keskara anã ato yoife. Afarafo ixiai yorafoõnoa yoife, manifetsafoõnoari yoife, xanĩfofoõnoari ato yoife,” ea faa. 
\c 11  
\s1 Nõko Ifo Jesús yorafo yoipaiyai anori feronãfake rafeta ato yoixikani 
\p  
\v 1 Askata na tanati metro keskara ea inãyanã ea yoia iskafakĩ: “Não Nios kĩfiti pexefã anoa ãfe chainipa yafi ãfe xãki tanatãfe. Anoxõ Nios kĩfiti mĩsari tanafe. Askatari a mẽranoax fanã ikanaifo ato tanasharafe afe tiito Epa Nios fanã ixokanimãkai, askatari afe tiixori kĩfikanimãkai ato tanasharafe.  
\v 2 Akka a ketokonõ mapoafo a israelifoma ato tanayamafe; afãfe na Jerusalén anoafo ato chakafakani oa fãkka nõ afara faanano fãkka peamanaino kãitiroma keskafakani ato. Cuarenta y dos oxe amaxõ ato askafaxikani.  
\v 3 Nãskakẽ nã feronãfake rafe ẽ ato nĩchixii. Nã rafeta nã ẽ ato yoipaiyai anori ato yoixikani. Un mil dos cientos sesenta pena ato yoixikani ẽfe meka. A rafeta ãto rapati chapokõi safexõ ato õimaxikani. A ato chakafamisfãfe, ato õikakĩ a afara chakafamisfo shinãxikani,” ixõ ea yoia. 
\p  
\v 4 Nãskakẽ Niospa afe yorafo yoipaiyai keskara nã rafeta yoimisfo. A rafe oa ifi olivo keskara. Ãfe xini fospia keskariai, a feronãfake rafe Niospa Yõshi Shara ato mẽra nanekõiafo. Askatari afia rafe oa rãpari õtai keskara. Mã fakishkẽ rãpari otakẽ nõ õisharakõitiro. Nãskarifakĩ nã rafeta Niospa Yõshi Sharaõxõ ato tãpimaxikani Niospa meka. Mã isharakõikaxõ ãto Ifãfe meka ato fe yorafo yoixikani.  
\v 5 Na Niospa meka yoimis rafe fetsafãfe ato chakafapaiyaifono, ãto axfa mẽranoax chii kãitiro ato koofaxii nanõfo. Nãskakẽ nã rafe tsõa ato chakafatiroma.  
\v 6 Epa Niospa ato yoiaino, nã rafeta ãto mekapa oi nesefatirofo anã fena oi iyamanõ nã ato yoiaifotĩa. Askatari faka yafi ĩa ãto mekapa fetsafatirofo oa imi keskara inõ. Askatari afara afeskarafapaikakĩ ãto mekapas afara meseni fetseaifo fatirofo pae fetsa fetsatapafori fatirofo. 
\p  
\v 7 A feronãfake rafeta mã ato yoikĩ senẽfaafono, a chakakõi mai kinĩfã mẽranoax Satanás shinãmanaino, tsekeinãkafã a feronãfake rafe retexii.  
\v 8 Mã reteafono, fãi nẽxpakĩa pakeax rakaxikani nã Jesús mastanifo ano, a Jerusalén ano. Nã Jerusalén anoafãfe nõko Ifo Jesús ãfe meka shinãmisfoma. Nãskakẽ nõ aõnoa yoitiro iskafakĩ: “Na Sodoma ano ikafo feta Egipto ano ikafãferi, afaa shinãpaonifoma. Nãskakẽ chakakõi ipaonifo anoafo. Nãskarakõi Jerusalén anoafori.” Nãskax nã feronãfake rafe Jerusalén anoax nakanax ãto yora fai nẽxpakĩa rakaxii.  
\v 9 Nãskakẽ yora fetsafo a mai fetsa ari ikafãfe, xoko fetsafãferi, meka fetsayafãferi, a feronãfake rafe rakafãfe ato õixikani. Nãskafono ãto xanĩfofofãfe, “Ato fena maifayamakãfe,” ixõ ato yoixikani ato noikaspakõikakĩ. Nãskakẽ tres nia ato õixikani.  
\v 10 Askaito õikani a mai ano ikafo atoki inimaxikani. Askakanax atoki inimakakĩ fista axikani. Aa ranã kaxpa afarafo inãnõnãxikani. Yoikani iskaxikani: “Anã na rafeta noko fekaxtefakanima kiki,” ikanax inimasharakõikani. “Anã nõko chaka noko yoikanima,” ikanax yoinãxikani. 
\p  
\v 11 Askafiaifono mã tres nia oxata nayoafono anã chipo Niospa ato otofaxii a feronãfake rafe. Askaito õikani a ato mãnão nikaxõ ato õiaifo, afo mesexikani, ratekõixikani, askaifãfe ato õikani.  
\v 12 Askata nã feronãfake rafe otokãta nai mẽranoax mekaito nikakani ato iskafaito: “Niri ekeki mãpeferakãfe,” ato faito nikakani a rafe ãto ferotaifi ronoinĩfofãkani nai kõi mẽra mãpefainifokani. Askaifãfe a ato noikaspaifãfe ato õikani.  
\v 13 Askata samama atoya mai naya naya iki finakõia. Pexefã rasi fisti rasi potaito ẽ õia. Askaino siete mil yorafo naafo. A naamafãferi ratekakĩ Nios yoiafo, “Nios mĩfi afama mĩshti fatirokĩ,” faafo. 
\p  
\v 14 Mã afo askayoa anã chipo finakõixii. 
\s1 Niospa ãjiri fẽtsa ãfe maneti chãi chãisa faa 
\p  
\v 15 Akka Niospa ãjirinĩ chipokõitakĩ nã sietepa ãfe maneti chãi chãisafaino, nai mẽra Epa Nios ika ariax fãsikõi mekaifãfe ẽ nika iskai mekaifãfe: 
\pi1 Iskaratĩa na nõko Ifo Cristo xanĩfokõi iki nãmãnoax nai mẽra ika keskarari ixii nãatixõ xanĩfo ĩpanaka, 
\m ixõ yoiafo.  
\v 16-17 Akka nã Jesús chanĩmara faafo ato kexemisfo nã veinticuatro feronãfakefo tsaokanax a Nios nãmã feopakefofã nafo Nioski inimayanã iskafafo: 
\pi1 ¡Aicho, mĩ fãsi sharakõiki! Mĩ afama mĩshti famiski. Mĩ Yõshi Sharapa ato ĩkinã. Afama mĩshti onifaaxma mĩ iyopaonixakĩ. Iskaratĩari mĩ nia.  
\v 18 A mai fetsa anoafãfe mia noikaspamisfo mikiki õitifishkikõikakĩ mefe ikaspakakĩ. Afama mĩshti chakafamisfo. Askaifãfe õikĩ, mĩri ato kopikĩ ato omiskõimaxii atoki õitifishkikõixõ. Akka a mia Ifofamisfo mĩ ato inãsharakõixii afara sharakõifo. Akka a mia yonoxoyanã mĩ meka mẽxotaima yoimisfo afo mĩ ato inãsharakõiketsaxii, a mia chanĩmara famisfo tii; keyokõi afaamaisfo ita, a xanĩfori a afama mĩshti ichapayafori mĩ ato inãsharakõixii a mia Ifofamisfo tii. Akka nã yorafo chakafamisfo, mĩ ato omiskõimaxii, a amẽranoax, omiskõimisfo mẽra mĩ ato potaxii, 
\m ixõ yoiafo. 
\p  
\v 19 Askata a Nios kĩfiti pexefã nai mẽranoax fepekemeaito ẽ õia. Nãnoa Niospa kafo ẽ õia, nã kafo mẽra a Niospa israelifo yoini kirika kenea nanea ika. Askatari ẽ õia kana pee ikaito nairi tiri ikaito ẽ nika, mĩamãfanẽri mai naya naya akaito ẽ õia, nai mẽranoaxri oi kaya ikaino, oi nami keyopakeaito ẽ õia. 
\c 12  
\s1 Kẽro yafi kapetafã keskara nai mẽranoa Juan õini 
\p  
\v 1 Askata ẽ afianã ẽfe namapa õia keskara ẽ mato yoinõ a ea Niospa ispaito ẽ õiafo nã inõpokoaifo õikĩ ẽ tãpinõ a tsõa õimismafo. Ẽ kẽro õia ãfe rapati oa xini pee ikai keskara safea ika nai mẽranoax. Oxe kamaki paiya keskara. Askatari ãfe maiti ano fishi doce aõ neafo.  
\v 2 Askata nã kẽro mã chaima fake kãikĩ, fãke pãefai.  
\v 3 Askainori fetsari ẽ õia a tsõa õiyomisma keskara nai mẽranoax. Nã Satanás oa ronofã keskara efapanãfakõi õshimãfa, askai mapo ichapayakõi siete mapoya, askai a ãto xanĩfokõichi maiti sharakõi keskara maiya siete faxõ, askatari ãfe mãxofori diez ika.  
\v 4 Askata ãfe tene fininĩfofã nai mẽshanãnaino nai mẽranoax fishi rasi pakea. (Naskarifakĩ Epa Niospa ãjirifo Satanás atiri ato chakana fama ato ĩkipaikĩ, “Ea ifofakãfe,” ixõ ato feparapaikĩ. Nãskakẽ a keskara niafaka chakafo ato ĩkinõ Niospa nãmã potani nãmãxõ ato ĩkinõ.) Nãskakẽ mã kẽro chaima fake kãiyaino, a ronofãnẽ kexei ãfe fake pĩapaikĩ kãiyaito.  
\v 5 Askata a kẽro fake kãi feronãfake mitsisipakõi. Nãskakẽ yorafo manifo tii, ato kexesharakõixii ãto xanĩfo finakõia ixii. Mẽstekõi ato yoisharakõixii nikasharakõinõfo. Askafiaito a fake yome rama afa kãiyaito ronõfãnẽ pipaiyaino Niospa ifirisafaa nai mẽranoax afe xanĩfokõi inõ.  
\v 6 Askaito õifaini afa ichoachãi tsõa istoma ano a Niospa afetĩama itipinĩ faxoni ano Satanás afeskafanõma arixõ Niospa kexenõ cuarenta y dos oxe akaino Niospa kexesharanõ. 
\p  
\v 7 Askatari ẽ anã õia Satanás ãfe inafo fe nã ãjiri Miguel ãfe inafo nai mẽranoax retenãpaiyaifono Satanás ato finõpaiyaino. Nãskaxõ Satanás Niosri finõpaini.  
\v 8-9 Akka Satanás ato finõpaifikĩ ato finõnima. Nãskakẽ fanĩ itirokẽma Niospa nãmã potani ãfe inafoya. Taeyoi ãjiri iyopaoni. Nãskaxõ nãato keyokõi yorafo maifo tii anoafo ato pãramis anorima ato yoikĩ chaka shinãnõfo, chaka nĩpaxakakĩ. 
\p  
\v 10 Askaito ẽ anã nika meka efapato mekai iskaito: “¡Aicho! Epa Niospa mã Satanás nirixõ nãmã potaki, mẽxotaima ãakõi noko fanĩrira pãrarifaito. Nãskakẽ Epa Niospa Satanás finõinĩfofana. Nãskakẽ Satanás anã nõko ifo ikima, anã fanĩrira noko shinãmanima, Epa Nios fisti nõko Ifokõi iki. Askatari ãfe Fake Jesucristori nõko Ifokõiri iki. Nã rafe nõko Ifokõi.  
\v 11 Nãskakẽ Jesús Ifofaxõ mẽxotaima nõ yoimis niri nai mẽra oyoxoma nõ yoiyopaoni nãmãxõ iskafakĩ: ‘Nõko Ifo Jesús, Niospa Fakekõi, oa oveja fake keskaraxõ noko nãxoni nõko chaka noko soaxoxiki,’ ixõ nõ yoimis mẽxotaima. Askatari nõ Niospa meka ato yoimis. Nãskai nõ meseima, ‘Noko retefiaifono, nõ inimasharai,’ ixõ anori mẽxotaima nõ yoimis. Askaxõ nõ Satanás finõinĩfofana.  
\v 12 Nãskakẽ mãri nono nai mẽranoax inimakãfe Niosnoax. Nã chanĩmara faafãfe Jesúsxõ mã Satanás finõkõiafo. Akka Satanás Niospa nãmã potani nai mẽraxõ. Askafaino õitifishkiki nãmã fotoxõ yorafo chakafapaikõi. ¡Ooa! Yorafo ono mai anoax fe fakafã mẽranoaxri omiskõikani. Satanás mã tãpia afetĩara Jesús mai ano fotoai tsõa anã afaa chakafanõma. Nãskara mã tãpiax Satanás õitifishkikõikĩ keyokõi maifo anoafo ato chakafamapai omiskõinõfo Jesús fe ĩpaxanõfoma,” ixõ nai mẽranoax mekaito ẽ nika. 
\p  
\v 13 Mã afo nikakĩ ẽ anã õia afia ẽ õiyoa keskara. Mã Niospa Satanás nãmã potano, Satanás shinãkĩ iskafai: “Na kẽro ẽ akiki nokoxõ omiskõimanikai,” ixõ shinãki Satanás chĩfafaina.  
\v 14 Nãskakẽ Niospa nã kẽro tetepafã pei keskara inã aõ katanõ tsõa istoma ano. Nã afetĩama Epa Niospa itipinĩ faxoni ano mã kaxõ anoxõ piinõ cuarenta y dos oxe akĩ, nã niafaka chakata ronõfã keskarato afeskafanõma.  
\v 15 A kẽro ari ikano chakafapaikai Satanás ari kai. Mã kaxõ chaima nikaxõ ãfe axfapa faka siiakĩ faka faipafãnẽ iyotanõ ãsapaikĩ.  
\v 16 Askafaito õikĩ Niospa mai kaxkexoni a mẽra faka faipafã ikikaitanõ a kẽro afeskafanõma.  
\v 17 Nãskaito õi Satanás a kẽroki õitifishkikõina. Nãskax nã kẽromã ãfe fakefoki kaa ato retepai, nãfãfemãi Niospa meka nikakõisharaifono isharakõiyanã Jesús Ifofasharakõiyanã.  
\v 18 Askata ẽ anã õia Satanás fakafã kesemẽ nia. 
\c 13  
\s1 Fakafã mẽranoax yoinã keskara mesekõi kãinãkafana 
\p  
\v 1 Askata ẽfe namapa ẽ õia keskara afianã ẽ mato yoi. Ẽ õiaino fakafã mẽranoax yoinã keskara mesekõi kãinãkafanaito ẽ õia. Nã yoinã põfe keskaraõnoa ẽ mato yoinõ. Ea nikasharakãfe. Nã fistifiax mapo ichapaya, siete mapoya. Askatari ãfe mãxo rasi diezya. A ãfe mãxo rasi xanĩfãfe maiti maimakĩ fetsa. Nãskaxõ Epa Nios mekafakĩ chakakõi faa. Ãfe femãnãfoki ane fetsafo chakakõifo nẽta.  
\v 2 Askai oa poomã keskara ãfe yora. Askatari ãfe tae oa osopa tae keskara. Askatari oa poomã axfa keskara. Nãskara Niospa ea õimana ẽ tãpinõ a feronãfãke Satanáõxõ tãpikifinakõia, oa xanĩfo finakõia keskara ixii nãmãnoax. Satanás ãfe yõshi inãno ato yoimis ixii, afama mĩshti fakĩ fetsaki ato õimaxii.  
\v 3 Ãfe mapo fetsa ano mã mãpeafiafono anã otoax afianã nia. Nã mai tio anoxõ yora rasichi õikani askaito: “Kee, ¿afeskax otoamẽ mã nãkõina nõ õia?” ixõ yoikani. Nãskaito õikĩ ifofaxikani.  
\v 4 Nãskakẽ ifofakaxõ yoikani Satanás iskafakĩ: “Mĩ fãsi sharakõi. Mĩ afama mĩshti famis,” fakaxõ ifofakani. “Nãskaxõ nã yora põfekõi inõ mĩ yõshi mĩ inã nõko xanĩfokõi inõ. Nãskaxõ nõ mia chai faima,” fakaxõ yoikani. Askatari oa yoinã keskara akiki inimakakĩ fanãixokani iskafakakĩ: “Mia keskarakai tsoama. Mĩ fãsi sharakõi. Miakai tsõa chakafatiroma. Mĩ fistichi ato finõkõia,” fakaxõ yoikani fanãikakĩ. 
\p  
\v 5 Askatari anã Nios chakakõifakĩ yoia iskafakĩ: “Fato fetsakai ea keskarama. Ẽ Nios finõkõia,” ikax, ãa chanĩ Nios chakafakĩ finakõimis. Nãskafekẽ Niospa yoixii: “Cuarenta y dos oxe finõta mĩ anã afaa fatiroma xanĩfokõixõ afara fetsafo sharafakĩ.”  
\v 6 Nios noikaspakĩ mekafakĩ fetsaito ẽ nika iskafaito: “Fato Nioskai nai mẽra ikama. Anã ano Niosma. Mã kaxpakõi mã Nios Ifofai,” ixõ yoia. “A yora namisfãfekai fato Nios Ifofamisma,” ato fakĩ fetsai.  
\v 7 Askatari Satanás ifofakaxõ ato afara shinãmãnaino yorafãfe a Jesús Ifofamisfo ato finõpaikĩ ato retepaikani ãto xanĩfo ipaikakĩ. Askatari maitio anoafo, xoko fetsafo, meka fetsafoya keyokõi ãto xanĩfo ikani a feronãfake xanĩfo chakakõi a Satanás yõshi a mẽra nanea.  
\v 8 Askafaxõ yoisharaxikani akiki inimakakĩ: “Mĩ fãsi finakõia, mĩ nõko nioskõi,” ixõ yoixikani akiki inimakakĩ. Askaifãfe tãpixõ nõko Ifo Niospa atoki kirika keneama a Ifofaafãfema õikĩ. Mai onifataima mã tãpixõ Niospa ãto anefo ãfe kirikaki keneni fatofãfe Jesús Ifofaimãkai. Akka nã Jesús ovejanã fake keskara noko nãxoni noko ĩkipakexakĩ. 
\p  
\v 9 Mã pachoyakĩ ea nikasharakãfe.  
\v 10 “Nã Satanás ifofaafãfe mato karaxa mẽra ikimakaki mato ikimaxikani. Askatari mato kenopa retekakĩ mato retexikani.” Nãskakẽ efe yora mĩshtichi, shinãchakayamakãfe. Nã nõ Jesús chanĩmara faafo tii nõ omiskõifikĩ, nõ tenekõixii nõko Ifo Jesús shinãmakitama. 
\p  
\v 11 Askatari ẽ anã õia oa namakẽ õia keskara. Mai mẽranoax kãinãkafanaito ẽ õia yoinã põfe fetsa keskara. Ãfe mãxo tiixo pishta rafe oveja fakenã keskara. Askai fãsikõi mekai oa poomã keskara ãfe meka mẽxakõi chai potai. Askaito ẽ õia.  
\v 12 Akka nã yoinã põfe taeyoi fakafã mẽranoax kãiyaito afama mĩshti atiroxakĩ nãato yoiaino nã rama oatori afama mĩshti atiro nã fẽtsa aka keskafakĩri nãskaxõ yorafo tii ĩkitiro. Keyokõi maifo tii anoafo ato yoia iskafakĩ: “A yoinã keskara mã mapoki rerafo mã nayofiax afianã mã otoa nã fisti ifofakãfe. ‘Na nõko ifora,’ fakãfe,” ixõ ato yoia.  
\v 13 Afama mĩshti tsõa atiroma keskara ato ispa yorafãfe chanĩmara fanõfo. Nãskata yorafãfe ãto ferotaifi nai mẽranoa chii fotomana.  
\v 14 Satanáõxõ nãskarifakĩ yorafo pãra niosra fanõfo. Askafata ato yoia: “Nã yoinã põfe keskara retefiafono mã otoa nã nimofonõfã faxõ inãkãfe a keskara faxõ,” ixõ ato yoia.  
\v 15 Nãnori ato yoiaino mã nimofonõfã mãpeakano xãkaitiroma. Askafiano Satanáõxõ xãkaima mekanõ, askatari a siete mapoya mekayamaifo ato retenõ.  
\v 16 Askata anã ato yoia iskafakĩ: “Maitio ikafãfe ãto mẽke kayakai aõri kenenõfo askayamakĩ ãto femãnãki kenenõfo.” Nã yoinã põfe keskara fakafã mẽranoax kãiato ãfe ane keneyamakĩ ãfe número ato kenemana. Keyokõi ato kenemana. Fakefo kenemata, xinifori kenemata, afama mĩshtifoyari kenemata, afaamaisfori kenemata, inafomari kenemata, inafori kenemana. Tsoa pishta finõmanama. Keyokõi nã yoinã põfe keskarato ãfe ane atoki kenemana.  
\v 17 Tsõa nã ane keneyamaxõ afaa fitiroma. Askatari afaa inãmitsatiroma a piaifori tsõa fitiroma, a rapati yopaifori tsõa fitirofoma. 
\p  
\v 18 Nãskakẽ Niosxõ shinãsharatirofo nã yoinã põfe keskara ãfe número tãpitirofo. Ãfe número tãpixõ ãfe aneri tãpitirofo. Nã yoinã põfe keskarafiax feronãfakekõi, ãfe número seiscientos sesenta y seis. 
\c 14  
\s1 Jesús chanĩmara faafo ciento cuarenta y cuatro mil akiki fanãikani 
\p  
\v 1 Askata ẽfe namapa ẽ õia keskara afianã ẽ mato yoinõ. Nã Jesús ovejanã fake keskara mãchifã ãfe ane Sión ano nia ẽ õia. Askatari ciento cuarenta y cuatro mil afe yorafo afe niafo ika. Ãfe ane Jesús yafi Epa Nios ãto ane femãnãki kenea ẽ õia.  
\v 2 Nãskatari nai mẽranoa meka efapakõi ẽ nika. Faka põoitifã keskara ẽ nika, nai tiri ikai keskarari pachakõi ẽ nika. Meka efapari ẽ nika yora ichapa fanãikanaifono ãto manetiya ichapa rasi fanãikanaifãfe ẽ nika. Nã manetinĩ ãfe ane arpa.  
\v 3 Fana fena tsõa nikayomisma Epa Nios ferotaifi fanãixõafo. Nãnoxori nã cuatro Niospa onifanifãfe nikakani. Askatari nã veinticuatrofãfe nikakani. Nã ciento cuarenta y cuatro mil nono mai anoa Jesús ato ifini, nãfãfe na fana fena tãpitirofo. Tsoa fẽtsakai tãpitirofoma.  
\v 4 Nã ciento cuarenta y cuatro mil yorafãfe nõko Ifo Jesús Ifokõi famisfo. Afara chaka shinãtamaroko Jesúsnoa shinãfafãikani. Aato ato ifimis ato nãxonixakĩ Epa Nios yafi ãfe Fake Jesús Ifokõi fakanax ãfe yora inõfo. Ato iyopaiyai ari afe fomisfo. Ato katoa afe yorakaxõ ato yoiai keskara anõfo.  
\v 5 “Nãfãfe chanĩkĩ yoimisra,” ixõkai tsõa atoõnoa yoitiroma. Jesúsnoax isharamisfo. Aõxõ afaa chakafamisfoma. 
\s1 Niospa ãfe ãjiri trespa yoiafo 
\p  
\v 6 Askata ẽ õia Niospa ãjiri fẽtsa nai mẽra ika fãsi keyakõi yoyakĩ keyokõi yorafo maifo tii anoafo ato meka shara yoia. Yorafo keyokõi yoita, xoko fetsafo tii yoita, nã meka fetsa fetsatapafãfe meka yoimisfori yoita, nã mani fetsafo tiiri ato meka shara yoia. Epa Nios nipanakaõnoa ato yoia.  
\v 7 Mekakĩ fãsikõi ato yoia iskafakĩ: “Nios shinãkãfe. Nikakõikãfe. A noikõikãfe. ‘Mĩ sharakõi, mĩ afama mĩshti mĩ atirora,’ fakãfe. Iskaratĩa Niospa nã keyokõi chakafamisfo ato omiskõimani. Nãato nai onifani, mairi onifani, fakafãri onifani, faka sharari onifani. Nãskakẽ a noikãfe: ‘Mĩ nõko Ifo Nios sharakõi,’ fakãfe,” ato faa. 
\p  
\v 8 Askata Niospa ãjiri fẽtsa mã mekai keyoano fetsari nokotoshixõ iskafakĩ yoia: “Babilonia ano pexe rasi iyopaoni. Iskaratĩa anã ano tsoa ikama. Nãnoxõ yorafãfe afara chaka shinãpaonifo. Fetsafori afara chaka ato famapaonifo ato keskara inõfo. Askaifãfe Epa Niospa ato omiskõimani anã ano inõfoma. Nãskakẽ Babilonia anã anoma,” ixõ Niospa ãjirinĩ nai mẽra ikato yoia. 
\p  
\v 9-11 Askata afianã Niospa ãjiri fetsari nai mẽranoax nokotoshixõ meka fãsikõi yoia iskafakĩ: “Fẽtsa nã yoinã põfe keskara yafi ãfe nimofo keskara nikakõikĩ yoimis iskafakĩ: ‘Nã ẽfe nioskõi,’ ixõ anori yoikĩ ãto mẽkeki kenenifo, askayamakĩ ãto femãnãki na yoinã põfe keskarato ãfe ane keneafãfe Epa Nios atoki õitifishkikõixii. Nãfo Niospa ato fãsi kerexkai omiskõimaxii. Chii mẽra ato potafianokai keyonakafoma. Jesús ãfe ãjirifo sharakõifo feta õiaino a omiskõipakenakafo mẽra Niospa ato potaxii chakamãi famisfono, Nios nikakaspakakĩ. Pae meekakĩ xatenakafoma. Tsõa ato ifitiroma, nã yoinã põfe keskarato ãfe ane ãto mẽkeki keneafono, askayamakĩ ato femãnãki keneafo. Nãskakẽ pena tii ita, fakishchãi ita, omiskõixikani tenepakenakafoma,” ixõ Epa Niospa ãfe ãjirinĩ yoia. 
\p  
\v 12 Nãskakẽ efe yora mĩshtichi, mãto õiti inimamasharakãfe. Omiskõifikĩ tenekãfe. Niospa noko yoini keskara akãfe. Nõko Ifo Jesús kachikiri fayamakãfe. 
\p  
\v 13 Askata ẽ meka nika nai mẽraxõ ea yoiaito: “Ẽ mia yoiai keskara kenefe. Fatorafo nõko Ifo Jesúsnoax nai, inimakõixikani,” ixõ ea yoia. “Chanĩmakõi. Mã nakanax anã omiskõitirofoma. Epa Niospa ato ama keskara akõikanax, nãskakẽ inimakõixikani. Nãfãfe fetsafo shara faxomisfono Nios atoki inimasharaxii. Akka Epaki nokoafono ato inãsharaxii,” ixõ Niospa Yõshi Sharapa yoia. 
\s1 Nã chakafamisfoki Nios õitifishkikõikĩ maifo tii anoafo ato ichanãfai ato omiskõimaxii 
\p  
\v 14 Akka ẽfe namapa õia keskara afianã ẽ mato yoinõ. Ẽ afara fetsa õia nai kõi oxokõi kamaki feronãfake tsaokẽ ẽ õia. Ẽ õikĩ iskafaa: Xanĩfãfe maiti orokõi maiya, askatari keno extea ikikõi tsoma ika.  
\v 15 Akka ãfe ãjiri fetsa Nios kĩfiti pexefã anoax kaxõ fãsikõi yoia iskafakĩ: “Nã maifo tii ano mã fanafo õshia. Nãskakẽ iskaratĩa mã fanafo chetekani. Akka mĩ keno exteato taxtexõ ichafafe,” faa. Nãnori yoifikĩ fanakõifoõnoa yoiama. Niospa yorafoõnoa yoia iskafakĩ: “Iskaratĩa keyokõi Jesús chanĩmara faafo tii ifife Epa Nios fe ika anoax ichanãkanax afe ĩpaxanõfo,” ixõ yoia. 
\p  
\v 16 Askata nã nai kõi kamaki tsaoato ãfe kenopa fanafo taxtea keskafakĩ ãfe sharaõxõ a chanĩmara faafo tii ifia afe ĩpaxanõfo. 
\p  
\v 17 Askata ẽ õia nai mẽranoa ãjiri fetsari Nios kĩfiti pexefã anoax kaito, aatori keno extea ikiai tsomax.  
\v 18 Afianã ãjiri fetsari Nios kĩfiti mĩsa anoax kaa. Nãato Niospa maifo tii anoa koatiro. Nãatori keno extea ikiai tsomax fãsikõi mekayanã yoia: “Nã uva fimi mã pachiaki. Mextexõ ichafafe,” ixõ yoia. Nãskarifakĩ Epa Niospa ãfe ãjiriõxõ a nikakaspamisfo ichanãfaxii.  
\v 19 Nãskata nã Niospa ãjirinĩ ãfe keno extea ikiai tsomaxõ uva xatexõ ãfe tsinĩti mẽra nanea ãfe ene fonõ. Nãskarifakĩ Niospa ãjirifãfe nã Niospa meka nikakaspamisfo ato ichanãfai. Akka Nios atoki õitifishkikõixõ ato omiskõimani.  
\v 20 Nios ika anoxõ ato omiskõimanama. Iskafakĩ ẽfe namapa ẽ õiai keskara ea õimana. Fetsafãfe ato retexikani ãto imi ichapa foxii. Askara tsõa õiyomisma. Ãto imifo kamayofo tesanãkõixii. Ãto imi chaikõi trescientos kilometros foxii. Ato imi noakõi un metro ixii, nakirafekõi. Nãskarifakĩ nã Epa Nios nikakaspamisfo omiskõixikani ato omiskõimanaitĩa. 
\c 15  
\s1 Epa Nios ãfe ãjiri siete afianã ato yoia mai anoafo ato omiskõimanõ 
\p  
\v 1 Askata anã ẽfe namapa ẽ õia keskara ẽ mato yoinõ. Afara fetsa tsõa õiyomisma nai mẽranoa ẽ õia. Ẽ ratekõia. Akka Nios nã yora nikayospafoki õitifishkiki. Nãskakẽ ãfe ãjiri siete ato yoia keyokõi mai anoafo ato omiskõimanõfo. Mã askafafono Epa Niospari ato omiskõimani. Akka anã tsoaki õitifishkixõ, Niospa ato omiskõimatiroma. 
\p  
\v 2 Askata ẽ õia fakafã feroikima raka chiiya osia keskara. Nãno yorafã rasi niafo ika. Nã yorafãfekai yoinã põfe keskara ifofaafoma; ãfe nimofori ifofaafoma; ãfe numerori ãto yoraki keneafoma. Nãfãfe ato finõkõiafo. Nã fakafã feroikima raka chiiya osia keskara a kesemẽ maniafo. Epa Nios ato tii maneti inãpakea. Nã maneti ãfe ane arpa.  
\v 3 Taeyoi Nios yonoxomiskõi Moisés ipaoni. Nã Moisés ãfe rãfifo finõkõiax fanãini keskara nãskarifiai ãto arpa tsomakaxõ Jesús shinãkakĩ fanãikani a Moisés fanãini keskara iskafakakĩ: 
\pi1 Ifo, mĩfi Nioski. Mĩ afama mĩshti atiro. Mĩ amis keskara sharakõi. Tsoa fẽtsakai atiroma. Mĩ mai fetsa anoafori keyokõiõnoax mĩ ãto xanĩfokõi ipanaka. Mĩ shinãmis keskara mẽstekõi ikõina.  
\v 4 Ifo, keyokõi mikiki mesekakĩ mia nikasharapainõfo. Mĩ afama mĩshti tsõa õiyomisma mĩ atiro. Keyokõi maitio anoafãfe anori yoipakexanõfo. Mĩ fistichikai afaa chakafamisma. Mĩ shara fisti famis. Afetĩara mĩ ato apaiyaitĩa mĩ ato omiskõimaxii a chakafamisfo. Chanĩmakõi mĩ ato askafaxii. Keyokõichi mã fẽkaxõ mia shinãkani inimayanã fanãikani, 
\m ixõ yoiaifãfe ẽ nika. 
\p  
\v 5 Askata afianã ẽ õia nai mẽranoa Nios ika anoa. Ea fẽpexona Nios ika ano ẽ õinõ.  
\v 6 Nios ika mẽranoax ãfe ãjiri siete ichanãfo. Rapati oxokõi chainipa choshtama fafeai safeafo, oro õshi keskarato xonexemeafo. Nãfãfe mai anoafo ato omiskõimakani omiskõinõfo.  
\v 7 Nãskakẽ nã cuatro Niospa onifaa fẽtsa Niospa ãfe ãjiri sietefo ato oro kecho inãakea. Nios nã nipanakato nã Ifofaafoma mai anoafoki õitifishkikõikĩ nã kechofo mẽra afara chakafo fospi faa nãskaxõ chipo atoki ãjirifãfe nachiakeaifono omiskõinofo.  
\v 8 Nios ika mẽra kõinĩfã nashfiai keskara. Niospa ãfe kerex shara a mẽra fospia. Nãskatari a mẽraxõ chaxasharai. Akka mai anoxõ nã Nios nikakaspamisfo Niospa ãjirifãfe ato omiskõimakani omiskõinõfo. Nãskakẽ a ato omiskõimanai xateamano tsoa Nios ika ano ikitirofoma. 
\c 16  
\s1 Nikayospafo Niospa ato omiskõimani omiskõinõfo 
\p  
\v 1 Askata Nios ika ariax fãsi mekaito ẽ nika. Niospa ãjirifo siete ato yoia iskafakĩ: “Niospa a nikakaspamisfo mai ano ikafo atoki õitifishkikĩ nã kechofo mẽra afara chakafo fospi faa atoki nachitakãfe,” ixõ ato yoia. 
\p  
\v 2 Nikakaxõ Niospa ãjiri fẽtsa taefakĩ ãfe kecho mẽranoa nai mẽraxõ mai ano nachia. Nãskatari nã yoinã põfe keskarato ãfe ane ãto mẽkeki keneyamãkĩ ãto femãnãki keneafo, ãfe nimofo keskarari ifofaafo nãfo kooyoi fetsekaxõ paekõi meexikani. 
\p  
\v 3 Askata afianã Niospa ãjiri fẽtsa ãfe kecho mẽranoa nai mẽraxõ fakafãnaki nachia. Mã nachiano fakafã õsinãtana nã yora reteafono ãfe imi foa keskara. Nãskakẽ keyokõi nã fakafã mẽranoax nai fetseafo. 
\p  
\v 4 Askata afianã Niospa ãjiri fẽtsa ãfe kecho mẽranoa nai mẽraxõ fakafoki nachia, askatari mai mẽranoax faka tsekeaifokiri nachia. Nachiaino fakafo fe mai mẽranoax faka tsekeaifo fe imi keskara osiafo.  
\v 5-6 Askatari Niospa ãfe ãjiri fetsa mekaito ẽ nika. Nã faka kexemisto iskafakĩ yoia: “Epa Niosi, mĩ tsoa onifataima mĩ iyopaoni. Nãskakẽ nã mĩ iyopaoni keskarari iskaratĩari mĩ nĩpanaka. Mĩ shara fisti amis. Aicho, iskaratĩa nã mia nikakaspamisfo mĩ ato omiskõimani chanĩmakõi. Ãto chaka xatekaxõ mĩ Fake Jesús Ifokõi fanõfo, mĩ meka ato yoimisfori nã Jesús Ifofaafãfema ato reteafo. Nãskakẽ nã mia Ifofaafoma mĩ kopikiri ato namai chanĩma. Mefe yorafo omiskõimamisfo. Nãskakẽ ato kopikiri nã mia Ifofaafoma mĩ ato omiskõimani omiskõinõfo. Chanĩmakõi ato omiskõimani,” ixõ Niospa ãjirinĩ yoia. 
\p  
\v 7 Askatari Nios nai mẽra ika anoa nã kĩfiti ano fistixõ Epa Nios kĩfimisfo anoa ẽ fetsa nika yoikĩ iskafaito: “Nõko Ifo Nios, mĩ ãjirinĩ yoia keskara chanĩmakõi. A mia nikakaspamisfo mĩ ato omiskõimatiro. Chanĩma, mĩ mẽstekõi ixõ mĩ ato omiskõimani,” ixõ yoia. 
\p  
\v 8 Askata Niospa ãjiri fẽtsa Nios ika arixõ ãfe kecho mẽranoa afara chaka xiniki nachia. Akiki nachiano xini chii keskara ikano yorafo koofafo.  
\v 9 Xini xanakõiaino yorafo koofafo. Kookani omiskõiafo. Mã tãpiyomisfo Niospa ato omiskõimafiaino ãto chaka xateafoma. Nios Ifofatamaroko. Iskafakĩ yoimisfo: “Niospa noko chakafai. Nios chakakõi,” ixõ yoiafo. “Nios shara. Afama mĩshti fatiro,” ixõkai tsõa anori yoipaikanima. 
\p  
\v 10 Askatari Niospa ãfe ãjiri fẽtsa Nios ika arixõ ãfe kecho mẽranoa nã yoinã põfe keskara chakakõikĩ afe ikafokiri atoki nachia. Nachiano nã yoinã põfe keskara ifofaafo ika ano fakishkõi ika. Nãskakẽ keyokõichi paekõi meafo, aripe iyanã.  
\v 11 Nãskai omiskõifikakĩ ãto chaka xateafoma. “Niospa noko iskafai. Nios chakakõi,” ikaxõ ãto chaka xateafoma. 
\p  
\v 12 Askatari anã Niospa ãjiri fẽtsari nai mẽraxõ ãfe kecho mẽranoa faka efapa ãfe ane Eufrates kamaki nachia. Mã nachiano nã Eufrates netsorisatana. Nãskakẽ xanĩfofo xini oaikirinoax fekani, mã Eufrates netsokõiano, ãto sorarofo feta pokeferakani. 
\p  
\v 13 Askatari ẽ niafaka chakakõifo tres fexko keskara ẽ õia. Fetsa ronõfã keskara nã Satanás ãfe ãxfa mẽranoax kãikaina, fetsari nã yoinã põfe keskarato ãfe ãxfa mẽranoax kãikaina, fetsari: “Ẽ Niospa meka ẽ mato yoimisra,” iki, a chanĩmisto ãfe ãxfa mẽranoax kãikaina.  
\v 14 Nã tres niafaka chakafãfe tsõa afaa õiyomisma keskara afama mĩshti yorafo ispafo. Keyokõi xanĩfofo a ano fokani ato ichanãfanõ nõko Ifo Jesús afe yorafo retenõfo. Nãskatari nõko Niospa afama mĩshti famisto afe yorafo ispaxii. 
\p  
\v 15 Askatari nõko Ifo Jesús ato yoiaito ẽ nika iskafakĩ ato yoia: “Ea nikakãfe. Yometso tsõa yoiyamano koshikõi pexe mẽra ikirisatiro afara onexikĩ. Nãskarifakĩ ẽ tsoa tãpimanima nã ẽ matoki nokoaitĩa. Ẽ matoki samamashta nokorisai. Mã itipinĩsharakaxõ ea manasharakanax inimasharaxikani. Akka tsoa itipinĩsharayamano ẽ matoki nokoaitĩa keyokõi yorafãfe ea õikani afãfekai ea Ifofasharama. Nãskakẽ rãfikõitirofo,” ixõ yoia. 
\p  
\v 16 Nãnori nõko Ifo Jesús yoifiano nã tres niafaka chakafãfe keyokõi xanĩfofo maifo tii anoafo ichanãfaa Niospa yorafo retepaikĩ. Ato ichanãfai nã mai ãfe ane israelifãfe mekapa Armagedón famisfo anoxõ. 
\p  
\v 17 Askata Niospa ãjiri fẽtsa anã nai mẽraxõ ãfe kecho mẽranoa nachia. Mã nachiano Epa Nios meka fãsikõi iskai: “Mẽ keyokõi aka,” ixõ yoiaito ẽ nika. 
\p  
\v 18 Askatari fãsikõi kana piishikai ita, afarafo pachakõifo ita, nai tiri iki ikai ita, mai naya naya ita, askarafokai tsõa õiyomisma. Nã feronãfake onifakĩ taefanitĩa tsõa mai naya naya iki finakõiaito askara tsõa õiyomisma.  
\v 19 Akka nã Babilonia anoax mai naya naya ikaino mai tres kaxketani. Maifo tii anoari ãto pexe rasi nã mai naya naya ikaino maokomea. Nã Babilonia anoafo anã Niospa shinãni afara chakafamisfono. Nãskakẽ atoki õitifishkikõikĩ ato omiskõimani omiskõinõfo.  
\v 20 Nãskatari nã mai toomãfã anoafo yamarisatana. Keyokõi mãchifãfori yamarisatana.  
\v 21 Nãskatari oi nami matsi tokorofo efapakõi ãfe efe cincuenta kilo nai mẽranoax yorafoki pakea. Askafiaito õikakĩ ãto chaka xateafoma. “Nios chakakõi. Na oi nami efapakõi nokoki potai,” ixõ yoiaifãfe ẽ nika. 
\c 17  
\s1 Mai fetsa anoafo kẽro feroma keskarafo 
\p  
\v 1 Askata anã ẽfe namapa ẽ õia. Afara afeskara ixiai keskara anã ea õimana. Nã Niospa ãjiri sietepa kecho tsomafo ikafo akka fistichi ea yoia: “Niri ofe. Na pexe ichapa rasi fakafãfo chaimashta anoafo chakakõifo. Kẽro feromakõi keskarafo Nios nikakaspakani.  
\v 2 Akka keyokõi xanĩfofo maifo tii anoafo ato fe chaka imisfo. Nãskakẽ atoõnoax afori chakakõifo ikafo. Nã kẽro feromakõi keskara ikafo chakafakani. Akka nã Niospa ato omiskõimaxiai keskara ẽ mia õimanõ,” ixõ ea yoia. 
\p  
\v 3 Ea askafaino ẽ anã namakẽ õia keskara ẽ õia. Epa Niospa Yõshi Sharaõxõ ãjirinĩ ea iyoa tsõa istoma ano ea iyoa. Nãnoa kẽro ẽ õia yoinã põfe õshikõi kamaki tsaokẽ. Nã yoinã põfekõi ãfe yora tiixõ ane ichapato kenea ika. Keyokõi nã anefo kenekĩ Nios mekafakĩ chakafaa. Nã yoinã põfe ãfe mapo sieteya. Ãfe mãxo diezya.  
\v 4 Nã kẽromã sama chainipa yafi nana õshi safea ika. Oro fakka fakka ikai keskara safea. Askatari makex keskara fakka fakka ikai sharashta yafi fetsa ãfe ane perla oxoshara, nãri safea ika. Nã kẽromã kecho oro tsoma a mẽra afara chakakõi naneato, a mẽra nanea keskara yorafo afara chakakõi fetsa fetsatapafo chakafama. Ãto mẽra nanexõ ato afara chaka shinãmana. Ato pãemata, chanĩmis ato imata, ãto ãfima chotamisfo ato imata, ãto fenema chotamamisfo ato imata, nãskara chakakõifos ato imamis.  
\v 5 Ãfe femãnãki kenea keskara tsõa tãpimisma. Iskara kenea: “Babilonia anoafo tsoa keskarafoma. Nã kẽro feromakõichi Nios nikakaspai keskarafo. Nãskakẽ fetsa fetsatapafo chakafakĩ finakõimisfo,” ixõ kenea.  
\v 6 Nã kẽro feroma keskarato Jesús chanĩmara faifo ichapakõi ato retea inimayanã. Nãskaito õikĩ tãpia. “Choo, na kẽromãtsi ato retemiski,” ixõ ẽ shinã.  
\v 7 Ẽ askaito Niospa ãjirinĩ ea iskafaa: “¿Afeskai mĩ ratemetsamaimẽ? Ẽ mia yoinõ, ea nikapo. Na kẽro yafi nã yoinã keskaraõnoa ẽ mia yoinõ. Na yoinã põfe keskara siete mapoya askatari diez mãxoya tsõakai askara tãpiyomisma. Akka iskaratĩa ẽ mia tãpimani.  
\v 8 Nã yoinã põfe mĩ õiai yoinãkõima. Nãfi xanĩfo efapa chakakõi. Nãato Nios nikakaspamis. Taeyoi niyopaoni. Anã iskaratĩa niama. Askafiax chipo nã niafaka chakafo kinĩfã mẽra ika anoax kaixii. Nãnoax kãifekẽ Epa Niospa a omiskõipakenakafo mẽra potaxii anã anoax faki kanakama. Akka nã taefakĩ mai onifakĩ taefanitĩa yorafãfe ãto anefo Niospa ãfe kirika keneni, nãfo afe ipanakafo. Akka a ãfe kirikaki ãto anefo keneama, afo Nios fe ipanakafoma. Nãfãfe yoixikani iskafakakĩ: ‘¡Kee, õikapo! Mã nafianixakĩ afianã mã otoa,’ ixõ yoixikani. 
\p  
\v 9 “Akka fẽtsa Niosxõ mẽstekõi shinãkĩ nãato nã ẽ rama kenea keskara tãpitiro. Nã yoinã põfeõnoa ẽ mato yoinõ, ea nikasharakãfe. Ãfe mapo siete mapokõima. Nã siete mapoxõ xanĩfoõnoa noko tãpimai. Nã ikafo siete mãchifã. Nãnori nã kẽro feroma ika.  
\v 10 Cinco xanĩfofo anã anoma. Mã nanifo. Fisti iskaratĩa nia. Fetsari chipo ixii xanĩfoi. A chipokõi xanĩfoxiai xanĩfoi chaima.  
\v 11 Nã yoinã põfe keskara õshi ẽ mia yoia, ari yoinãkõima, xanĩfo chaka fetsa. Nã xanĩfo siete ipaonifo keskara nãri chakakõi. A iyopaonikai iskaratĩa anã xanĩfoma. Nãskakẽ nãri fetsafo fe omiskõipakenakafo mẽra kai anoax anã kãinakafoma. 
\p  
\v 12 “Askatari nã mãxo diez mĩ õiai mãxokõima. Nãõxõ diez xanĩfofo noko tãpimani. Nãfo xanĩfofo iyoafoma. Chipo mani fetsafo anoax nã diez ãto xanĩfofo itirofo. Na yoinã põfe keskara fe xanĩfo ixikani. Askafikanax xanĩfoi chai samaraka kanima.  
\v 13 Nãskakẽ nã diez xanĩfofofãfe shinãmisfo: ‘Na yoinã põfe keskara nõko xanĩfo iki kiki,’ ixõ shinãkani. Nãskakẽ, ‘Mĩ noko yoiai keskara nõ atiro,’ ixõ nã diez xanĩfofofãfe nã feronãfake yoinã põfe keskara yoikani.  
\v 14 Nãskaxõ nã feronãfake yoinã põfe keskarato nõko Ifo Jesús afe yorafoya noikaspai, xanĩfofo fetsafãferi ato noikaspaxikani. Nã yoinã põfe keskarato nã diez xanĩfofo feta Jesús yafi afe yorafo retepaikani. Retemapaifiaifono Jesús ato kanãxii. Niospa ato katoa afe yorafo kena a Ifofamisfo. Nãfãfe afara afeskarafiaito nõko Ifo kachikiri famisfoma. Nõko Ifo Jesús xanĩfo fetsafori ato ĩkitiro. Nõko Ifo finakõixõ keyokõi ato ĩkitiro. Akka tsõakai nõko Ifo Jesús finõtiroma,” ixõ nã Niospa ãjirinĩ ea yoia. 
\p  
\v 15 Askano afianã ea yoia iskafakĩ: “Na mĩ õiai nã kẽro feromakõi keskara, fakafã femãkĩa tsaoa nã fakafãkai fakafãkõima, askatari yorafo mai fetsa anoafo, meka fetsayafo.  
\v 16 Nã diez xanĩfofo feta nã xanĩfo yoinã põfe keskarato nã kẽro feroma keskarakaxõ noikaspakõixikani. Keyokõichi ãfe afara fĩaxikani anã aya inõma. Nãskakẽ anã tsoa nã kẽro feroma keskara fe ipaikanima. Poomãnã retexõ koshi pikĩ keyotiro. Nãskafakĩri nã diez xanĩfofo feta nã xanĩfo yoinã põfe keskarato nã kẽro feromakõi keskara chakafaxikani omiskõimayanã. Askafaxõ chĩi koofaxikani anã ninõma.  
\v 17 ‘Mĩ noko yoiai keskara nõ atiro,’ ixõ nã diez xanĩfofofãfe xanĩfo yoinã põfe keskara yoikani. Akka Niospa anori ato shinãmana a apaiyai keskara fanõfo. Askata taeyoi Niospa yoiyoni nã inõpokoai keskara nãskarakõi ixii.  
\v 18 Na kẽro feromakõi keskara mã õiai kẽrokõima, akka nã pexefã rasi Babilonia keskara. Babilonia anoa yorafo chakakõifo. Nãfãfe manifo tii anoa ato ĩkinãno ato chakafakani ato keskara ikaxõ,” ixõ Niospa ãjirinĩ ea yoia. 
\c 18  
\s1 Ãjiri fẽtsa yoia iskafakĩ: “Iskaratĩa Babilonia pexe rasi mã keyoa,” ixõ yoia 
\p  
\v 1 Askata anã ãjiri fetsa nai mẽranoax mai ano fotoaito ẽ õia. Epa Niospa yoia nã xanĩfo fẽtsari afama mĩshti atiro. Nãato chaxaito maifo tii anoxõ õikani.  
\v 2 Fãsikõi yoia iskafakĩ: 
\pi1 Pexefã rasi Babilonia anoafo mã keyoa, anã anoma. Iskaratĩa anã ano tsoa ikama, askatamaroko niafaka yõshi chakakõifo ano ika, askatari peya yõshi chakakõifori ano ika.  
\v 3 Nã kẽro chakapa yorafo ato mãmã pae ayamatiro keskafakĩ, nãskarifiakĩ nã Babilonia anoafãfe yora fetsafo mai fetsa anoafo ato afara chakafamafo ato keskara inõfo. Ãto xanĩfofori ato askafamafo. Askatari afara sharafos fichipaimisfo. Nãskakẽ a afama mĩshtifo ato minimisfo, afara ichapayakõifo, 
\m ixõ yoiaito ẽ nika. Niospa inapa askara ato yoia a Niospa keyoxiai a Babilonia anoafo. 
\p  
\v 4-8 Yoikĩ askafatanaino nai mẽranoax mekaito ẽ meka fetsa nika iskai mekaito: 
\pi1 Babilonia ano ikafãfe fãsi afara chakafakĩ finakõiafo. Nã afara chakafamisfo Epa Niospa ato õia chakakõifaifãfe. Nãskakẽ ato omiskõimaxii. Nã Babilonia anoafãfe fetsafo afara chakafamamisfono afori. Epa Niospa ato omiskõimakĩ finakõixii omiskõinõfo. Nã Babilonia ano ikafãfe ãto shinã mẽraxõ mã shinãfo iskafakakĩ: “Nõ Nios yopaima. Afara fetsafori nõ yopaima. Nõ isharakõimis. Oa xanĩfokõi isharamis keskara nõri nãskamis, xanĩfo keskara. Nõkai oa kẽro ifomafa keskarama. Nõ omiskõitiroma. Askatamaroko nõ isharapakenaka,” ixõ kakapaimisfãfe yoimisfo. Akka Epa Niospa ato fãsi omiskõimani omiskõikakĩ tenẽnõfoma. Akka nã ea chanĩmara faafãfe, ea nikasharakãfe. Epa Niospa mã ato samamashta omiskõimani anã isharayamanõfo. Atiri ẽ ato namai, atiri ẽ ato omiskõimani, a piaifori ato kẽyoi. Nãskakẽ fonãikani. Nãskatari atiri ẽ ato koofaxii kooi fetsenõfo. Tsõa atiroma keskara Epa Niospa afama mĩshti atiro. Nãskakẽ Epa Niospa mato yoi iskafakĩ: “Efe yora mĩshtichi, Babilonia anoafo keskara iyamakãfe. Ato fe rafeyamakãfe. Ato feta chakafayamakãfe ẽ ato omiskõimanai keskafakĩ, matori ẽ omiskõimanõma,” ixõ Epa Niospa ato yoixii kiki, 
\m ãjirinĩ faito ẽ nika. 
\p  
\v 9 Askano Babilonia kooaino mai fetsa anoafãfe ãto xanĩfofofãfe õikakĩ manoxikani. Nãfãferi Babilonia anoxõ afara chakafakĩ tãpinifo. Nãskakẽ ato feta Epa Nios chakafakakĩ potakani afara chakafaxikakĩ. Nã Babilonia anoa keskarafori afãfe afama mĩshti ichapa fimisfo.  
\v 10 Babilonia kooaino nã xanĩfofo ratekõixikani chai inoaxri fetsafo mesexikani. 
\pi1 ¡Ooa! Babilonia anoafo fato yora fetsafo keskarafoma. Mã tãpikõisharafikẽ samamashta Epa Niospa mato omiskõimani mã kooi fetsenõ. ¡Keexto! Koshikõi Babilonia mã kooi keyoa. Nõri iskayamapainõ, 
\m ixõ shinãkani xanĩfofofãfe ratekõiyanã. 
\p  
\v 11 Nãskatari maifo tii anoafo ãto afama mĩshtifo minimisfo oiaxikani shinãmitsakani. “¡Ooa! Mã Babilonia kooi keyoa. Iskaratĩa anã nõko afama mĩshtifo noko tsõa fĩatiroma.  
\v 12 Nõko oro õshishara fĩayamata, a kerexkõi fakkai fakkaisai fĩayamata, nõko tokirinĩ fakeshta fakkai fakkaisai fĩayamata, nõko tokiri fetsa ãfe ane perla fĩayamata, nõko sama sharafinakõia fĩayamata, nõko sama nana shara fĩayamata, sama fetsa fetsatapafo fĩayamata, nõko ifi nakas sharakõi fetsa fetsatapafo fĩayamata, tokiri keskara kerexkõi oxosharakõi ãfe ane mãrfil nãato afarafo onifaa fĩayamata, afe keskarara ifi sharakõifo fĩayamata, firo shara ãfe ane bronce fĩayamata, keno fetsa ãfe ane firo fĩayamata, tokiri ãfe ane mãrmõlo fĩayamata, nãfo kopikõifo noko anã fĩakanima.  
\v 13 Akka nõ pĩchamis afama mĩshtifoya osixõ, nã itsa sharafoya fetsa fetsatapafoya osixõ, afo noko tsõa fĩatiroma. Askatari a nakas shara ãfe ane incienso, fetsari mĩrra, fetsari pirofomã, fetsari vinõ, fetsari xini, fetsari arinã, fetsari trigo, askatari nõko yoinã inafori ovejari, kamayori, nõko karori, yonomatifori, nãfo noko anã tsõa fĩatiroma.  
\v 14 ¡Ooa! Babilonia anofãfe nã afara fetsa fetsatapafo fichipaikakĩ anã fitirofoma. Keyokõi afara sharafo fichipaikakĩ mã fimis anã anoma mã fenokõia anã mã fipanã. Mã afaa yopakima mã fimis. Mãkai anã fitiroma. Keyokõi nã mãtonã mã keyoa,” ixõ nã inãmitsamisfãfe yoixikani. 
\p  
\v 15 Nã mai fetsa anoa fẽkaxõ afama mĩshti minikaxõ kori ichapa fimisfãfe mã noko kaxõ chaima nĩxõ ato õikani, ratekõiyanã, oiakani, askatari shinãmitsakõikani.  
\v 16 Yoikĩ iskafaxikani: “¡Ooa! Fato fetsakai Babilonia anoafo keskarama. Ato fe yorafãfe rapati sharakõifo safeafo. Rapati õshi sharafo, askatari oro teoti safeafo, tokiri fakkai fakkaisai keskarari menexemeafo, perlari askari faafo.  
\v 17-19 Koshikõi na afama mĩshtisharafo mã keyokõia,” ixõ yoixikani. 
\p Nãskarifiai nã kanõanãfã ãfe ifofãfe shinãkani, a kanõanãfã mẽra fomisfãferi shinãkani, a kanõanãfã nexa yonomisfãferi shinãkani, a kanõanãfã mẽra fokaxõ, ato afama mĩshti minikaxõ kori fimisfãferi shinãkõikani. Babilonia kooaito chai ixõ õikani manokakĩ shinãxikani. “¡Ooa! Fato pexe fetsakai Babilonia keskarama. Na Babilonia fistiõxõ kanõanãfãnẽ ãfe ifofãfe kori ichapa fimisfo. Akka a aya imisfo koshikõi mã keyoa,” ixõ a kanõanãfãõ yonomisfãfe yoixikani. 
\p  
\v 20 Askaifono keyokõi Epa Nios ika anoafo inimakãfe. Babilonia anoafãfe a Jesús chanĩmara faafo ato omiskõimamisfo, Epa Niospa ato kopikĩ omiskõimaxii. Nãskakẽ keyokõi a Jesús chanĩmara faafo fe, Jesúsxõ ãfe meka yoipaonifo fe, a Niospa meka inõpokoai yoimisfori inimakãfe. 
\p  
\v 21 Akka Epa Niospa ãfe ãjiri fetsa mitsisipakõichi tokiri efapakõi fininĩfofãta fakafã mẽra potaxõ yoia iskafakĩ: “Na tokiri kerexkai ẽ potai keskafakĩ, nãskafakĩri Epa Niospa na pexe rasi anoafo Babilonia kerexkai omiskõimana kooi keyonõ. Mã keyokõikanax anã ano tsoa ikima.  
\v 22 Nãskakẽ anã Babilonia anoax manetifo, xãitifo, maneti fetsafori, afo anã tooxikama. Askatari anã tsoa fanãikama. Tsõakai anã ato nikatirofoma. Askatari a yonomisfo anã ano ikafoma. Askatari a aõ xiki reneaifo nõ anã nikatiroma.  
\v 23 Anã luzri õtapakenakama. Feronãfãke kẽro fiaino inimaifãfe mã nikamis keskara anã tsoa askara mã nikapakenakama. Babilonia anoa a inãmitsamisfãfe tãpikõikani. Nãfãfe ichapakõi fimisfo. Askatari koshoiti tãpixõ yora fetsafo pãramisfo. Askafikanax mã keyoafo. 
\p  
\v 24 “Babilonia anoafãfe a Niospa meka yoimisfo, fetsafori a Jesús chanĩmara faafo, fetsafori mai fetsa anoafo ato retemisfo Jesús õikaspakakĩ. Niospa meka mato yoipaifiaifono mã ato nikakaspamiskẽ, Niospa mato omiskõimana,” ixõ Niospa ãjirinĩ yoia. 
\c 19  
\s1 Nios ika anoax fanãiki iskakani: “¡Aicho! Nõko Ifo Nios sharakõi,” ikaxõ Niosnoa afara sharafo fanãikani 
\p  
\v 1-2 Askata nai mẽra ikafo ichapakõi ãto meka ẽ nika, fãsikõi iskaifãfe: 
\pi1 A fetsafãfe chakafamisfo Epa Niospa ato omiskõimani. Chanĩmakõi, ato omiskõimani. ¡Aicho! Nõko Ifo Nios fãsi sharakõi. Nãato nõko chaka noko soaxona nõ afe nĩpaxanõ. Aõnoa fisti nõ yoitiro iskafakĩ: “Mĩ nõko Ifokõi. Fato fetsakai mia keskarama afara sharafamis. Mĩ sharaõxõ mĩ afama mĩshti fatiro,” ixõ keyokõichi yoipakenakafo. Epa Niospa Babilonia anoafo atoõnoa iskafakĩ yoia: “Nã Babilonia anoafo nã kẽro feromakõi keskarafo. Nã chakafamisfoõxõ maifo tii ano ikafori ato chakafama. Nãskakẽ Babilonia anoafãfe ea fãsi chakakõi famisfo. Efe yorafori ato omiskõimakani nanõfo. Nãskakẽ ẽ ato kopia omiskõimakĩ,” ixõ Epa Niospa yoi, 
\m ixõ yoiaifãfe ẽ nika.  
\v 3 Afianã meka fetsari ẽ nika nai mẽranoafãfe yoiaifãfe iskafakakĩ: 
\pi1 ¡Aicho! Nõko Ifo fãsi sharakõi. Afaa chakafamisma. A chakafamisfo chanĩmakõi ato omiskõimani. Ato chiifã mẽra potano afo kooi nishpapakenakafoma, 
\m ixõ yoiaifãfe ẽ nika. 
\p  
\v 4 Askanori Epa Nios tsaoa ano nã veinticuatro xanĩfori nã Nios onifani cuatro a nãmã feopakekafakĩ iskafakĩ yoiafo: “Askapainõ. ¡Aicho! ¡Nõko Ifo fãsi sharakõi!” ixõ yoiaifãfe ẽ nika.  
\v 5 Askata Epa Nios tsaoa anoa ẽ meka fetsa nika iskafakĩ yoiaito: 
\pi1 Epa Nios yonoxomisfãfe xanĩfofofãfe askatari afamafofãfe mato Niospa yoia keskara mã apaikõimis. Mãri Epa Nios yoikãfe iskafakĩ: “¡Aicho! ¡Epa Niosi, mĩ sharafinakõia!” 
\m ixõ yoiaito ẽ nika. 
\s1 Feronãfake ãfiyakĩ fista atiro inimakĩ. Nãskarifakĩ Jesús nai mẽraxõ noko fista axoxii nokoki inimakĩ 
\p  
\v 6 Askatari ẽ anã nika yõrafã rasi mekaifãfe nã fakafã poo ikai keskara, askatari fãsikõi nai tiri ikai keskarari ẽ nika ãto meka: 
\pi1 ¡Aleluya! Nõko Ifo Nios tsõa atiroma keskara afama mĩshti fatiro. Nã nõko Xanĩfo finakõia. Maifo tii anoafo noko ĩkitiro. ¡Aicho! ¡Nõko Ifo Nios sharafinakõia!  
\v 7-8 Akka feronãfãke kẽro fiaino nã kẽro inimakõi itipinĩsharatiro ãfe fene fe fianãxiki. Nãskarifiai nõko Ifo Jesús fe iskaratĩa afe yorafo afe ipanakafo. Akka afe yorafo mã itipinĩsharafo afe ipaxakakĩ. Akka ãfinĩ ãfe fene inimamapai itipinĩsharatiro. Sama fena sharakõi patsaxõ safetiro afe fianãxikĩ. Nãskarifiakĩ nã Jesús Ifofamisfãfe itipinĩshara fatirofo. Epa Niospa ato shara fapaikĩ, ato chaka soaxoni Jesús fe ĩpaxanõfo. Nãskakẽ nõ inimai. Tsoa fetsakai mia keskarama afara shara famis, 
\m ixõ yoiafo. Niospa yorafãfe Jesúsxõ fetsafo sharafamis. Nãskakẽ Niospa ato rapati sharafinakõi safemana Jesús fe ipasharanõfo. 
\p  
\v 9 Askatari ãjirinĩ ea yoia: “Ẽ mia yoiai keskara kenefe iskafakĩ: ‘Ẽfe Fake Jesús iskaratĩa keyokõi afe yorafo ichanãfai afe ĩpaxanõfo. “Niri fekãfe,” ato faino, nikakanax inimakõikani. Nãskakaxõ ẽfe Fake feta pikani afe ipaxakakĩ,’ ixõ Epa Niospa yoia. Nãskakẽ Epa Nios ãfe meka mã chanĩmara fatiro,” ixõ ea yoia. 
\p  
\v 10 Ea yoiaino ẽ a nãmã feopakekafana, “Mĩ fãsi sharakõi,” ixõ yoixiki. Ẽ askafaino ea yoia iskafakĩ: “Ea askafayamafe. Ẽri Nios yonoxomiski mĩ axomis keskafakĩ, a Nios Ifofaa fetsafãferi askafamisfokĩ. Jesús mato yoiai keskara mã kachikiri famisma. Nãskakẽ Nios fisti nãmã nõ feopakekafã yoitiro: ‘Mĩ fãsi sharakõi. Mĩ ẽfe Ifokõi,’ ixõ anori fisti nõ yoitiro. Nã Niospa meka yoimisfãfe yoimisfo keskarifakĩ ẽri Jesúsnoa yoimis Epa Niospa ea shinãmanaino,” ixõ ãjirinĩ ea yoia. 
\s1 Jesús mai ano afianã oxiai keskara yoi 
\p  
\v 11 Akka ẽ anã ẽfe namapa õia keskara anã ẽ mato yoinõ mã tãpinõ. Epa Nios ika anoa nai mẽranoa ẽ õia. Fepoti fepekemea keskara ẽ a mẽra õia. Nãskara Epa Nios ika ari xafakĩakõi ẽ õia. Nãno kamayo oxokõi ẽ õia. Nã kamayo kamaki Jesucristo nõko Ifo tsaoa. Ãfe ane ichapa. Ãfe ane rafeõnoa ẽ mato yoinõ. Fẽtsa, “Nã Yoia Keskara Akõimis.” Akka ãfe ane fetsari, “Chanĩmisma.” Nãato chanĩmakõi yora chakafo omiskõimani. Niospa meka nikakaspamisfono a omiskõipakenakafo mẽra ato potaxii.  
\v 12 Ãfe fero rafe chii xofisai keskara. Fakishi chii xofisaino yõra õisharatiro. Nãskarifakĩ nõko Ifãfe yorafãfe ãto õiti mẽraxõ shinãifo keskara tãpia. Xanĩfãfe maiti sharakõifo ichapakõi maiafo ika. Ãfe femãnãki ãfe ane kenea. Ares fisti nã ane tãpia.  
\v 13 Rapati chainipa safea. Nã rapati imiki momoa. Nãskara õikĩ ea shinãmana Jesús noko nãxoni. Ãfe ane fetsari, “Niospa Meka,” famisfo.  
\v 14 Afe yorafo nai ariax kamayofo oxokõi kamaki ãto Ifo kachiori fokani. Ãto rapatifo oxokõi chainipa safeafo. Nã rapati oxokõi rama pãtsaxona keskarafo.  
\v 15 Ãfe axfa mẽranoa keno chainipa ikiaikõi ẽ õia. Akka ãfe kenoma, ãfe meka. Ãfe mekapas maifo tii anoafo nikayospamisfo omiskõimani. Maifo tii ato ĩkinã, fetsafo nikayospamisfo ato kerexkai omiskõimakõi. Ãfe meka nikakaspamisfono Nios õitifishkikõini. Akka Jesúsxõ ato omiskõimani, omiskõipakenakafo mẽra ato potaxii.  
\v 16 Jesús ãfe ane fetsa ãfe rapati chainipaki kenea mãnãkiri keneta maikiriri kenea iskafakĩ: “Xanĩfo maifo tii anoa ãto Xanĩfo finakõia, askatari ãto Ifo finakõia,” ixõ kenea. 
\p  
\v 17-18 Askatari ẽ õia ãjiri fetsa xini ano nĩxõ fãsikõi yoia iskafakĩ: “Xanĩfofo ikaino, sorarofo ãto xanĩfofo ikaino, ãto xanĩfofo fe rafea ikaino, feronãfakefo mitsisipafo ikaino, kamayofo ikaino, a kamayofo kamaki tsaoafo ikaino, keyokõi Niospa meka nikakaspamisfo ikaino, ato yonomatifoma ikaino, a ãto yonomatifo ikaino, yora afamafori ikaino, a yora finakõiafo ikaino, keyokõi Niospa ato namaxii,” ixõ yoia. Nãskakẽ ishpifo ato yoia: “Fekãfe ãto nami pixikakĩ,” ixõ nã ãjirinĩ ishpifo kena. 
\p  
\v 19 Askatari afianã ẽ õia a nõko Ifo Jesús noikaspai nã yoinã põfe keskara yafi maifo tii anoa xanĩfofo ãfe sorarofoya ẽfe namapa õia keskara ẽ õia. Mã ichanãfo Jesús ãfe kamayo kamaki tsaokẽ afe yorafoya retepaikani.  
\v 20 Akka ato retetamaroko Jesús ato achia chiifã mẽra ato potaxiki. Nã ato pãramisto, “Ẽ Niospa meka mato yoimis,” ifiax ãa chanĩmis. Nãato na yoinã põfe keskaraõxõ tsõa atiroma keskara famis Satanás yõshixõ. Nãskaxõ keyokõi yorafoki kenea nã marakkaõxõ yoinã põfe keskara tãpixikani. Nãfãfe yoimisfo iskafakakĩ: “Mĩ ẽfe nios. Ẽ mia noi,” ixõ anori yoinã põfe keskara yoimisfo. Akka nã ato pãramisto yõra atiroma keskafakĩ afama mĩshti faito nãfãfe õiafo. Nãskakẽ ato pãrakõia. Nã yoinã põfe keskara fe nã ato pãramis naafomano iriyafi Jesús ato chiifã mẽra pota.  
\v 21 Nã rafeta ãto inafo Jesús ãfe kamayo kamaki tsaoxõ ãfe mekapa ato reteaino nai fetseafo. Mã naafono ishpifo atoki ichanãkaxõ ãto nami pikani mãyakõiafo. 
\c 20  
\s1 Jesús Satanás achixõ nexaxii mil xinia 
\p  
\v 1 Askata Niospa ãjiri Nios ika ariax fotoaito ẽ õia, chamis keskara tsoma. Nã niafaka chakafo kinĩfã fakishifã mẽra ikafoki atoki fepoti fepoa keskara ẽ õia. Nã Niospa ãfe ãjirinĩ fepotinĩ ãfe chamis yafi kaninã efapa tsoma ika.  
\v 2 Tsomaxõ nã ronõfã keskara achia. Nã ronõfã keskara nã niafaka chakakõi Satanás. Nã achixõ nexa.  
\v 3 Nãskaxõ kinĩfã fakishifã mẽra pota. Potata akiki fepokõia mil xinia a mẽra inõ anã yorafo pãranõma. Mã mil xinia finõano afianã kãimayoxii samarakatama chaimashta anã mai ano kafãsayonõ. 
\p  
\v 4 Askata xanĩfãfe tsaotifo Epa Nios ika anoa ẽ õia. Jesús afe yorafo yoia nã tsaoti kamaki tsaoafono, “Mã yoitiro fatofomãkĩ omiskõipakenakafo mẽra foaifoma, akka fatoforimãkĩ a omiskõipakenakafo mẽra foaifo.” Askano nãnoari ẽ õia nã Jesús chanĩmara faafo yamĩ ato textenifo. Ato texteyoafomano yoiyopaonifo: “Jesús nõko Ifo,” fayopaonifo. Niospa meka ifofamisfono, nãskakẽ ato textenifo. Akka nãfãfekai nã yoinã põfe keskara yafi ãfe nimofo yoimisfoma iskafakakĩ: “Mĩ nõko ifo nios. Nõ mia noi,” ixõkai anori yoimisfoma. Askatari aõ ato tãpinõfo ãto mẽke yafi ãto femãnã kenemisfoma. Nãskakẽ nã yoinã põfe keskara atoki õitifishkikĩ ato textemani. Mã nai fetsefiafono Jesús ato otoani. Mã otokaxõ Jesús feta maifo tii anoafo mil xinia yorafo tii ato ĩkinãfo.  
\v 5 Nãfo mã otoafono mã mil xinia keyoano fetsafori Epa Niospa ato otoaxii.  
\v 6 Shinãkapo efe yora mĩshtichi, mato yoiai keskara. Noko Epa Niospa otofakĩ taefaxii. Noko katoni afe yorafo nõ inõ. Epa Nios feta Cristo noko yoiai keskara nõ fetsafo Epa Nios kĩfixomis. Nõ omiskõifikatsaxakĩ Jesúsnoax omiskõifikatsaxakĩ naax nõ omiskõipakenafo mẽra kanakama. Askatamaroko Cristo ika anoxõ a feta fetsafo nõ ĩkixii. Nãskakẽ Jesús keskara shara ikax nõ fãsi inimaxii. 
\s1 Satanás kinĩfã chaikõi mẽranoa kãimayoi anã yorafo pãranõ. Ato askafaino koshikõi anã kinĩfã mẽra potaxii anã kãipakexanõma 
\p  
\v 7-8 Askata mã mil xinia finõano Satanás kinĩfã fakishifã mẽranoa anã kãimayoxii anã maifo tii anoafo ato pãrayonõ. Askata mã kãixõ nã Nios nikakaspaifo maifo tii anoa ato ichanãfai nã Niospa yorafo ato retemaxii. Ichanãkani ichapakõifo. Nã Nios nikakaspamisfo tsõa ato tanãtiroma. Gog anoax fekãta, Magog anoax fekãta, ikanax ichanãfo Nios nikakaspamisfo.  
\v 9 Maifo tii anoafo ato ichanãfaxii Niospa yorafo ikafo anoa ato cheteakenõfo ato retexikakĩ. Ato askafaifono Epa Niospa afe yorafo noikĩ ato ifixii. Nã yorafo Satanás ichanãfaa ono nai mẽraxõ atoki chiifã potano nai fetsekani anã tsoa pishta ninakama.  
\v 10 Akka nã Satanás niafaka chakata yorafo feparamiskõikẽ Epa Niospa chiifã mẽra pota. Nã taefakĩ nã yoinã põfe yafi nã ẽ mato Niosnoa mato yoimisra iki a chanĩmis ato mẽrari Satanás niafaka chaka Epa Niospa pota. Nã tii chiifã mẽranoax omiskõikani xatenakafoma. 
\s1 Jesús chanĩmara faafoma ato omiskõimaxii 
\p  
\v 11 Askata xanĩfãfe tsaoti oxokõi efapakõi ẽ õia. Nãno Epa Nios tsaoa. Akka mai fe nai anã ano ikama.  
\v 12 Askata ẽ õia nã xanĩfofo fe nã yora afamafori nakanax Epa Nios tsaoa ano niafo. Nãno niafono Epa Niospa ãfe kirikafo fẽpea. Kirika fetsari fẽpea. Nã kirikaki nã Ifofamisfo atoki kenea. Akka a Ifofamisfoma atoki keneama. Akka nã kirikanã ãfe ane Nĩpamisfo. Nã nayoxoma apaonifo keskara kirikafo mẽra keyokõi Epa Niospa mã keneni. Nãskakẽ nã afara chakafapaonifo keskara atoki kenexõ ato ispai tãpinõfo chanĩmakõi ato omiskõimaxii.  
\v 13 Nã ãsamisfo fe mai anoax namisfori askatari fetsafori nafiakanax otoyokanima keyokõi namisfo Epa Nios ãfe ferotaifi feafo. Nã chakafamisfo tii Epa Niospa ato omiskõimapakea.  
\v 14 Keyokõi nã Niospa meka nikakaspamisfo Epa Niospa ato chiifã mẽra pota. Mã nafianifono iskaratĩa afianã ato chiifã mẽra potaito ẽ õia. Nãnoax omiskõikani xatepakenakafoma.  
\v 15 Akka nã kirika ãfe ane “Nĩpamisfo” a mẽra Epa Niospa ãto ane kenemisma, nãfo chiifã mẽra pota. Nãskara ẽ õia Epa Niospa ea õimanaino a ixiai keskara mai keyoaino. 
\c 21  
\s1 Nai yafi mai fenakõi Epa Niospa onifaxii 
\p  
\v 1 Akka nã ẽfe namapa õia keskara Epa Niospa anã ea õimana. Ẽ õia nai yafi mai fenakõi Niospa onifaa. Nã nai yafi mai taefakĩ onifani yamarisatana. Fakafãri yamarisatana.  
\v 2 Askano ẽ õia Niospa yorafo nãfãfe Jesús Ifo shara famisfo nai mẽranoafo Epa Nios ika ariax fotokani. Nãfo ikafo Jerusalén fena ano. Nã Jerusalén fena Nios ika ariax nãmã fotoa nãno ikafo. Fotoaifono ẽ õia fãsi sharakõi. Akka kẽromã ãfe sama sharakõi safetiro itipinĩsharaxikĩ fene fe fianãxiki. Nãskari fakĩ Epa Niospa nã Jerusalén fena itipinĩshara faa sharakõi inõ afe yorafo nãno afe nĩpaxanõfo.  
\v 3 Askano Epa Nios tsaoa anoa meka achakõi ẽ nika. Yoia iskafakĩ: “¡Aicho! Iskaratĩa Epa Nios yorafo fe ixikiki. Ato mẽra ixii nãfo afe yorafo inõ, nã yora fisti keskara.  
\v 4 Ato kexesharaxii anã tsoakai omiskõitiroma. Ato noikĩ oiaifono Epa Niospa ato shinãmasharaxii ãto fẽo tereaxoxii anã shinãchakakakima tanaima inimanõfo. Ato kexeaino tsoakai anã natiroma, anãrikai manomitsai oiakanima, anãrikai paemekanima. Afara chakafo iyopaoni keskarakai anã askanakama,” ixõ yoia. 
\p  
\v 5 Askata Niospa ãfe tsaoti kamaki tsaoxõ yoikĩ iskafaa: “Ẽ keyokõi fenafai,” ixõ Niospa yoia. “Ẽfe meka chanĩmakõi. Nãskakẽ nã mĩ nikai keskara kenefe,” ixõ ea yoia. 
\p  
\v 6 Askaxõ anã Niospa ea yoia iskafakĩ: “Mẽ aka. Iskaratĩa ẽ yoiyoni keskara mẽ keyoa. Afara onifataima ẽ iyopaoni. Afetĩara maifo tii keyoai eres fisti ẽ yoitiro. Ẽ keyokõi ĩkinã. Ẽfi nĩpamiski. Fetsa nõamãikĩ yoitiro iskafakĩ: ‘Ẽ faka fenakõi naxikima,’ ixõ yoitiro. Nãskarifiai fetsa ipaisharapaikõikĩ yoitiro iskafakĩ: ‘Ẽa ẽ isharatiroma. Ẽ Nios yopakõi,’ ixõ anori yoiaito ẽ inimakĩ ifitiro, efe ĩpaxanõ.  
\v 7 Fẽtsa ea kachikiri fatamaroko nã naitĩa ea Ifofasharaxõ nãato keyokõi nã ẽ mia yoia keskara fixii. Ẽ kaxpa inãxii. Ẽ ãfe Nios ixii. Akka ẽfe fake ixii.  
\v 8 Akka fetsa ratei eõnoax omiskõikaspakĩ ea kachikiri faa, askatari fẽtsa ẽfe meka nikakaspamis, fẽtsari afara chakafo fetsa fetsatapafo xatekaspai, askatari fetsari retemitsamis, fetsari ãto ãfima chotamis, askatari kẽromãri ãto fenema chotamamis, fẽtsari koshoiti tãpiax nã niafaka chakafo fe rafemis, askatari fẽtsari ea noitamaroko afara fetsa noikĩ, ‘Na ẽfe nioski,’ famis. Nãskakẽ askarafo fe nã chanĩmisfo afokai efe nĩpanakafoma. Chiifã mẽra nã omiskõipakenakafo mẽra ipanakafo. Anoaxkai faki fonakafoma,” ixõ Epa Niospa ea yoia. 
\s1 Jerusalén Fena 
\p  
\v 9 Askata Niospa ãjirinĩ siete kecho keskara mẽra afara chakakõi fospia maifo tii ano nachixii ato omiskõimanõ fẽtsa ekeki oxõ yoikĩ iskafaa: “¡Ofe! Ẽ mia afara sharakõi õimanõ. Akka feronãfãke mã ãfiyaxõ kexesharatiro. Nãskarifakĩ Jesús chanĩmara faafo afe yorafo ifia. Ofe. Ẽ mia õimanõ,” ea faa.  
\v 10-11 Askano Niospa Yõshi Sharapa ea ĩkinãino Niospa ãjirinĩ ea machi efapa keyakõi ano ea iyoa keyokõi ẽ õinõ. Jesús chanĩmara faafo nã Nios ika anoafo ato chaka soaxona nãfo nai mẽranoa Epa Nios ika ariax fotoaifãfe ea õimana. Na mãchifã keyakõi anoxõ ea õimana. Nãfo ika ano ãfe ane Jerusalén Fena. A mẽra ikafo Jesús Ifo shara famisfo. Epa Niosri ato fe ika. A ato fe ika ano fakkai fakkais isharai. Tokiri fakkai fakkais ikai keskara sharafinakõia. Nã tokiri ãfe ane jaspe fẽxta shara, tokiri fetsa ãfe ane cristal. Shara fakkai fakkais ikai keskara.  
\v 12 Nã tokiri kenea efapa Jerusalén foake tii fayakena. Nã kene keyakõi doce fepotiya. Nã doce fepoti ano Niospa ãjiri niafo kexesharaxikakĩ. Israel iyopaonito ãfe fake doce ipaoni. Nã docefãfe ãto fakefo paxkanifo. Nãskakẽ fepoti tii ãto anefo doce kenea.  
\v 13 Nã kene keya ãfe fepoti ichapaya. Xini oaikiri tres ikaino, xini kaikiri tres ikaino, xini kaima anori tres ikaino, xini oaima anori tres ika fepoti ichapaya.  
\v 14 Nã kene keyakõi tokiri doce efapanãfã kamaki kenea. Jesúsnoa yoimisfãfe ãto anefo nã tokiri doceki kenea. 
\p  
\v 15 Niospa ãjirinĩ nã ea taefakĩ yoiato, nãato tanati oro tsoma, Jerusalén Fena tanaxii, ãfe kene yafi ãfe fepoti tanaxiki. Nã tanati tafa chainipa keskarafiax oro õshi keskara sharakõi.  
\v 16 Nã Jerusalén Fena ãfe kene keya senẽsharakõi. Ãfe chainipa fe ãfe xãkĩ nãtixõ rafe. Ãfe keyari nãtixori. Niospa inapa tana dos mil dos cientos kilometro ãfe chainipa fe, ãfe xãkĩ, ãfe keyari.  
\v 17 Ãfe kenefo keyakõi a akiki kenea sesenta y cuatro metros. Nã Niospa ãjiri yorafãfe tanamis keskari fakĩ nãatori metropa tana. 
\p  
\v 18 Nã Jerusalén Fena sharakõi. Nã manishomo fẽxta nõ õimis keskara sharafiax õshi keskara. Nãõxõ Epa Niospa Jerusalén Fena onifaa. Askatari a kenea keyakõi nã tokirinĩ ãfe ane jaspe Niospa onifaa.  
\v 19 Tokiri sharakõifo fetsa fetsatapafo Epa Niospa onifaa, nã doce tokiri kamaki nã kene keya tsaoa. Taeyoi jaspeki iyoa. Ãfe pefeta zafiroki ika. Ãfe pefetari agataki ika, ãfe pefetari esmeraldaki ika,  
\v 20 ãfe pefetari onĩceki ika, ãfe pefetari cornãlinãki ika, ãfe pefetari crisolitoki ika, ãfe pefetari beriloki ika, ãfe pefetari topacioki ika, ãfe pefetari crisoprasaki ika, ãfe pefetari jacintoki ika, ãfe pefetari amãtistaki ika; nãfo sharakõifoki nã kene Epa Niospa nimainĩfofãni.  
\v 21 Nã kene keyapa ãfe fepotifo perla oxo efapa Niospa onifaa. Nã perla tokiri keskara oxo sharakõi. Nã perla fistiõxõ fepoti fisti onifaa. Nãskakẽ doce fepoti onifaa nã perlaoxõ. Nã Jerusalén Fena ãfe fai manishomo fẽxta sharakõi keskara oke rafe nõ õitiro. Manishomo fẽxta keskara sharafiax oro õshi keskara shara. 
\p  
\v 22 Akka Epa Nios kĩfiti pexefã anoma. Epa Niospa nã afama mĩshti fatiroxakĩ nõko Ifo Jesús noko fe Jerusalén Fena mẽra imisfo. Askatari yorafãfe Epa Nios kĩfiti pexefã nã anã yopanakafoma.  
\v 23 Nãskarifakĩ anã xini yafi oxe yopakanima Epa Nios fe Jesús ato fe ikano. Epa Nios nãno ato fe ixõ ato chaxaxoni. Jesúsri ato askafaxõi õisharakõinõfo. Anã afaa yopakanima.  
\v 24 Mai fetsa anoaxri fofãsatirofo Epa Niospa ato chãxano. Xanĩfofori Jerusalén Fena mẽra ikikaxõ a aya imisfo afara sharafo inãxikani.  
\v 25 Nãno fakishri anã ikima. Fakishpakenakama. Akka anã Jerusalén Fena ãfe fepotifo fepopakenakama.  
\v 26 Akka fetsafori maifo tii anoax Jerusalén Fena mẽra ikikakĩ a aya imisfo ato afara sharafo inãxikani.  
\v 27 Akka afara chaka nã Jerusalén Fena mẽra ikitiroma. Nã chaka shinãmisfo fe a afara chakafamisfo, a ato pãramisfori afo ikitirofoma. Akka Jesús ãfe kirika mẽra ãto ane keneano afe ipaxatirofo. Nãfo fisti Jerusalén Fena mẽra ikitirofo Jesús fe ipasharaxikakĩ. 
\c 22  
\p  
\v 1-2 Askano ẽfe namapa õiai keskara Niospa ãjiri fẽtsa ea õimana afe keskaramãki Nios ika ano. Nios fe Jesús tsaoa anoax faka shara fakkai fakkaisai keskara kafani, fai nẽxpakĩa. Afara choshta a mẽra ikitiroma. Nãno ikafãfe nã faka shara ayapaiyaitĩa ayatirofo, nãskakẽ nomipakenakafoma. (Nãskarifiakĩ nãno Niospa noko potapakenakama noko ĩkipakenaka.) Nãnori fai nẽxpakĩa ifi nia ika. Faka takai raferi nii xokoa ika. Nãno ikafãfe nã nii fimi pipaiyaitĩa pitirofo. Nãskakẽ fonãipanakafoma. Nãskarifiai Nios nofe ikano nõ aõnoax omiskõitiroma nõ nisharapakenaka. Nã ifi oxe tii fimimis. Ãfe pei tsasimisma xachoko fena shara ipanaka. Nãskarifiai nã chanĩmara faafo tii maifo tii anoax Niosnoax meema sharakõi ipanakafo.  
\v 3 Nã Jerusalén Fena ano Epa Nios fe Jesús nofe ixii. Nõ ato fe yorakõixõ nõ ato noikõixii. Nõ ãto yonoxomiskõi nõ ixii. Atoki fanãisharayanã nõ ato yoisharapakenaka. Akka nõko mai xini ano afara chaka fetsa fetsatapafo imis. Akka iskaratĩa nã Jerusalén Fena ano afara chaka a mẽra itiroma.  
\v 4 Nãnoax nõko Ifo fe ãfe femãnãki õinõnãfafãixikani. Ãto femãnãki ãfe ane ato nẽtamana.  
\v 5 Nõko Ifo Nios ari ikafo ato penafaxõa. Nãskakẽ anã rãpari yafi xini yopatirofoma. Anokai anã fakishima. Nãskax afe xanĩfo ipanakafo. 
\s1 Jesús chaima oi 
\p  
\v 6 Askata Niospa ãjirinĩ anã ea yoia: “Nõko Ifo Niospa ãfe Yõshi Sharaõxõ a ãfe meka yoimisfo ãto õiti mẽraxõ ato tãpimamis a afara afeskara ixiai keskara afe yorafori ato tãpimanõfo. Nãskarifiakĩ iskaratĩa ãfe ãjiri fetsa nĩchia afara afeskara ixiai keskara a yonoxomisfo tii ato tãpimanõ. Nã ẽ mia yoiai keskara chanĩmakõi. Keyokõi ẽfe meka mã chanĩmara fatiro,” ixõ ea yoia. 
\p  
\v 7 Akka yoikĩ iskafaa nõko Ifo Jesús yoia iskafakĩ: “Ẽ nai mẽranoax mai ano matoki nokorisai. Nã mĩ õia a inõpokoai a mĩ nikafori, nãfo mĩ kenetiro. Akka nãfo chanĩmara fakakĩ kachikiri fayamakanax inimakõixikani,” ixõ Jesús ea yoia. 
\p  
\v 8 Ẽkĩa Juan ẽ nika, askatari ẽ õia ea Niospa ãjirinĩ õimanaino. Nãskakẽ ẽ a nãmã feopakekafana ẽfe Ifo keskara shinãi. Nãskaxõ, “Mĩ fãsi sharakõi,” ẽ fakerana.  
\v 9 Ẽ askafaito ea yoia iskafakĩ: “Ea askafayamafe. Ẽri mia keskaraki. Mĩ ikaino, Jesús chanĩmara faafo ikaino, ãfe meka yoimisfo ikaino, keyokõi nã mĩ rama kenea keskara chanĩmara faafo fe, ẽri mato keskara nõko Ifo Nios ẽ yonoxomis. Akka Epa Nios fisti mĩ Ifofatiro. Nã fisti nãmã mĩ feopakekafatiro,” ea faa. 
\p  
\v 10 Askata afianã ea yoia iskafakĩ: “Nã mĩ kenea oneyamafe. Nã mĩ kenea keskara samama askakõi. Nãskakẽ a mĩ kenea keskara keyokõi yorafãfe tãpinõfo.  
\v 11 Akka mã Jesús nokoaino nã nikakaspamisfãfe chakafakĩ finakõixikani. Yora chakafamisfãferi nãskari faxikani chakakõi fakakĩ. Akka nã Niospa yoiai keskara amisfãfe nãskarakõi fakakĩ mimakõi faxikani Niospa yoiai keskara akakĩ. Nã Jesús keskara shara imisfo nãfori isharakõixikani ãto Ifo ifosharakõifakani,” ixõ Niospa ãjirinĩ ea yoia. 
\p  
\v 12 Nãskaxõ Jesús anã yoia iskafakĩ: “Ea nikasharakãfe. Ẽ matoki samama nokorisai. Nokoxõ ẽ mato yoiyoa keskara ẽ mato inãsharaxii. Nã afara shara famisfo ẽ ato shara fata nã afara chakafamisfo ẽ ato omiskõimaxii.  
\v 13 Afarafo onifataima ẽ iyopaoni. Ẽfi nĩpamiskĩ. Ẽ niixatepakenakama. Nã mãto mai keyoai eres fisti ẽ yoitiro,” ixõ ea yoia. 
\p  
\v 14 Anã Jesús yoia iskafakĩ: “Nõ Jerusalén Fena mẽra ikixõ, nã ifi ãfe fimi pipaiyaitĩa nõ pitiro. Nãskarifiai nõ Epa Nios fe ikaino ares fisti noko nimapakexatiro. Nã Jesús chanĩmara faafo ato chaka soaxona nãfo fisti Epa Niospa ato ikimatiro afe ĩpaxanõfo.  
\v 15 Nãskakẽ nã yora chakakõi paxta põfe keskarafo fe, a koshoiti tãpiafo, nã koshoiti chanĩmara faifori, feronãfãke ãfe ãfima chotamis, kẽrofãferi ãto fenema chotamamisfo, retemitsamisfori, Nioskõima noikĩ ifofamisfori, chanĩmisfori, nã chanĩ noimisfori, askara yorafokai Jerusalén Fena mẽra ikitirofoma. 
\p  
\v 16 “Ẽkĩa Jesús, ẽfe ãjiri matoki nĩchia ẽ mia yoia keskara nã ea Ifofaafo tii ichanãfo anoxõ ato tãpimanõ. Ẽkĩa David ãfe fena. Ẽfi nã fishi efapa penaino õimisfo keskarakĩ. Nã fishi õikĩ nõ tãpitiro mã penaino. Nãskarifiai mẽ chaima oaino tãpikanax itipinĩsharatirofo Jerusalén Fena mẽra efe ipaxakakĩ,” ixõ Jesús ea yoia. 
\p  
\v 17 Askano Niospa Yõshi Shara feta Jesús afe yorafãferi yoikakĩ iskafatirofo: “Jesúski fekãfe,” ato faifono, fetsafãferi nikakaxõ ato yoitirofo: “Jesúski fekãfe,” ato fatirofo. Fẽtsa nõamã ikĩ faka yopai, faka ano katiro mã ayax anã nõamã itiroma. Nãskarifiai fẽtsa ãfe chaka xatepai, Jesúski otiro Epa Nios fe ipaxakĩ. Afaa inãtama Jesús chanĩmara faax, afe ipaxatiro. 
\s1 Juan mã mekai xatekĩ Jesús yoiai keskara keneni 
\p  
\v 18 Ẽkĩa Juan, afara ixiai keskara ẽ mato kenexona. Ẽ mato kenexonai keskara chanĩmakõi. Nã meka ẽ mato yoiai nikasharakãfe. Ẽ mato kenexona keskara akka fẽtsa afianã meka fetsa shinãkĩ keneax, na kirika mẽra kenea mã õiai keskara omiskõipakenakafo chanĩmakõi Epa Niospa keyokõi nãfo omiskõimaxii.  
\v 19 Askatari a afara afeskara ixiai keskara ẽ kenea fẽtsa na meka atiri soakẽ Epa Niospari ãfe ane soaxii ãfe kirika mẽranoa. Nãskakanax nã Jerusalén Fena shara mẽra ikitirofoma. Ẽ kenea keskara soakanax nã Epa Nios afara shara yoiyoni keskara, aya ipanakafoma. 
\p  
\v 20 Jesús yoia keskara nãnori ẽ mato kenexona. Nãato yoikĩ iskafaa: “Chanĩma, ẽ matoki samama nokorisai,” ixõ yoia. Askapainõ. Nõko Ifo Jesús orisapainõ. 
\p  
\v 21 Mã Niospa yorafo. Afara afeskara afiaino nõko Ifo Jesús mato noixõ mãto õiti mato fẽpeaxosharapainõ. Askapainõra. Ẽri mato fãsi shinãi. Nã tii. 
\cls \sig Ẽkĩa Juan \sig*