\id COL - Yaminahua NT -Peru 2008 (DBL -2013) 
\h COLOSENSES 
\toc1 Pablo Colosas Anoafo Kirika Kenexõ Fomani 
\toc2 Colosenses 
\toc3 Co. 
\mt1 Pablo Colosas Anoafo Kirika Kenexõ Fomani 
\c 1  
\s1 Pablo Jesús Ifofaafo kirika kenexõ fomani, Colosas anoafo 
\p  
\v 1-2 Ẽkĩa Pablo, Niospa ea nĩchini, aato apaiyai keskafakĩ ẽ yorafo yoinõ Jesucristoõnoa. Nofe yora Timoteo feta nõ mato kirika kenexõ fomai. Mã Cristo Ifofakõikẽ, pexe rasi Colosas anoxõ Nios nikakõiyanã. Nõko Epa Niospa mato noikĩ mato shinãfafãinõ afanã mato fekaxtefanõma mã isharakõinõ. 
\s1 Pablo a Jesús Ifofaafo ato kĩfixõfafãini 
\p  
\v 3-4 Nã nõko Ifo Jesucristo ãfe Apa Nios nõ mato kĩfixõfafãini. Nõ mato kĩfikĩ iskafaxokĩ aicho fakĩ mãmãi nõ nikax mã Cristo Jesús Ifofakõikẽ. Nãskaxõ nã Jesús Ifofaa fetsafori mã ato noikõimiskẽ mã nõ nikamis.  
\v 5 Na meka shara chanĩmakõi Jesucristoõnoa mã mã nikamis. Jesucristo chanĩmara faax Nios ika ari mã afe ipaxatiro ixõ yoinifo mã mã nikamis. Na meka chanĩmara fakõixõ fetsafo mã ato noikõimis.  
\v 6 Na meka shara Jesucristoõnoa mã nikakĩ taefakĩ mã chanĩmara fakĩ finakõini. Nãskaxõ nikakĩ mã tãpini chanĩmakõi, Niospa mato noikĩ Jesucristoõxõ mãto chaka mato soaxoni mã chanĩmara faino. Nãskakẽ na meka shara, nikakani maifo tii anoafori nãskarifiamisfo.  
\v 7 Nonori nofe yora Ipafras mato yoini. Akka nã Ipafras nofeta Cristo yonosharaxomis, nãskakẽ nãato Jesucristoõnoa mato yoipaoni.  
\v 8 Nã Ipafras matoõnoa iskafakĩ noko yoiaito nõ nikamis: “Na Colosas anoafo Niospa Yõshi Sharaõnoax isharakõikaxõ fetsafo noikõikani,” ixõ noko yoiaito nõ nikamis. 
\p  
\v 9 Nãskakẽ nã ẽ matoõnoa nikakĩ taefanitĩa, ẽ mato Epa Nios kĩfixokĩ xatemisma. Kĩfikĩ ẽ iskafa fafafãini: “Epa Niospa, Colosas anoafo mĩ Yõshi Sharaõxõ mĩ ato amapaiyai keskafakĩ ato tãpimafe, mĩ ato tãpimanai keskafakĩ ãto õiti mẽraxõ mia tãpikaxõ mia Ifokõi fanõfo,” ixõ ẽ mato kĩfixõfafãini.  
\v 10 Nãskaxõ nã mato amapaiyai keskara mã akaino õi Nios matoki inimakõixii. Nãskax ãfe Fake keskarakõi mã itiro. Nãskaxõ mã fetsafo sharafa fafafãikĩ mã Nios tãpiki finakõitiro.  
\v 11 Akka Epa Niospa afama mĩshtifo shara fatiroki, ãfe kerex shara mitsisipakõi mato inãtiro afara afeskarafiaino aõxõ mã tenekõinõ. Nãskafikĩ mã tenetiro fena fenakĩma inimasharakõikai.  
\v 12 Nãskakẽ mã inimakõi. “Aicho Epa Niospa,” mã fatiro nãatomãi noko imasharata afe yorafo inãpaiyai keskafakĩ nokorimãi inãito. Nõri afe yorafokẽ noko inimamaxii, a ika anokai fakishma penasharakõi.  
\v 13 Nãskakẽ noko imasharakõia anã fakish mẽra nõ inõma. Akka nã Satanás ika ano fakishifãkõi. Nãnoa Epa Niospa noko ifia, ãfe Fake fe nõ ĩpaxanõ. Nãato ãfe Fake noikõi.  
\v 14 Ãfe Fãke noko nãxonikẽ aõxõ Epa Niospa noko ifia, nõko chaka noko soaxoyanã. 
\s1 Jesús noko nãxoniõnoax Nios fe nõ isharapakenaka 
\p  
\v 15 Akka nõ Epa Nios õiyamafitirono ãfe Fake Jesús mai ano oni. Nãskaxõ ãfe Fãke noko tãpimani afe keskaramãkĩ Apa Nios. Nã ãfe Fake Jesús Apa Nios keskarakõi, ãfe õiti keskarakõiri. Afaa oniataima Apa Nios fe nai mẽra iyopaoni.  
\v 16 Ãfe Fake Jesucristoõxõ Niospa keyokõi onifani, nai mẽranoafoya nono mai anoafo. Nã nõ õitiromafoya, a nõ õitirofo onifani. Askatari ãfe ãjirifo nã afe ikafo onifata, niafakafãferi ãto xanĩfori onifani. Epa Niospa ãfe Fake Jesucristoõxõ keyokõi onifani.  
\v 17 Afaa oniataima Cristo iyopaoni. Ãfe kerex sharaõxõ keyokõi kexesharakõimis. Nãskaxõ fishifo kexeta, xini kexeta, oxe kexeta, nõko mai kexeta famis. Akka nãfo kexeyamaino, chakanai fetsekerana. Nai fe mairi chakanakerana.  
\v 18 Tsõakai Jesús finõtiroma, afaa oniataima keyokõi finõyopaonixakĩ, iskaratĩari keyokõi finõa. Nãfi nã chanĩmara faafãfe ãto Ifokõiki.  
\v 19 Nãskaxõ Epa Niospa yoikĩ iskafani: “Ẽ imis keskai ẽfe Fakeri nãskakõimis, nãskax nãri efe Nioskõi, nõ nãskara rafekõi,” ixõ inimakai Epa Niospa yoini.  
\v 20 Jesús ifi cruz ikaki mastaifono ãfe imi foax noko nãxoni nõko chaka noko soaxoxiki. Nãskakẽ aõnoax Epa Nios fe nõ anã isharatiro. Aõnoax keyokõi mai anoafoya nai mẽranoafo afe isharatirofo. 
\p  
\v 21 Mãto õiti mẽraxõ mã Nios noikaspayanã, mã chakakõi fapaoni. Nãskata mã Nios fe rafeyamata, afe yorarikai mã ipaonima.  
\v 22 Nãskafikẽ ãfe Fake Jesucristo nai mẽraxõ mai ano nĩchini feronãfakekõi ikiyonõ. Nãskax ifi cruz ikakinoax noko nãxoni, aõnoax Epa Nios mato fe rafexõ mãto chaka mato soaxotiro a keskara shara mã inõ. Nãskax mã akiki nokoaito matoõnoa afaa chaka yoitiroma. Nãskaxori mã yoitiroma iskafakĩ: “Mĩ afara chakafamis,” ixõ aõnoa mã afaa yoitiroma.  
\v 23 Nãskano na meka shara Jesucristoõnoa mã chanĩmara faxõ afara fetsa mã shinãyamaino Epa Niospa matoõnoa yoipakenakama iskafakĩ: “Mĩ afara chakafamis,” ixõ matoõnoa afaa yoipakenakama. Askatamaroko mã chanĩmara faax mã inimakõiaito mato ifixii mã afe ĩpaxanõ. Mã Jesucristo ãfe meka shara nikakĩ taefani keskafakĩ nãnorikõi keyokõi ẽ ato tãpimani. Ẽkĩa Pablo, ẽ Epa Niospa ãfe meka yoifafãini Jesucristoõnoa ato yoikĩ. 
\s1 Niospa Pablo yoini a Jesús chanĩmara faafo ato yonoxonõ 
\p  
\v 24 Nãskakẽ ẽ inimai ẽ matoõnoax omiskõifi, mãri afara afeskaraino mã Cristo Ifosharakõi faano. Cristo nokoõnoax omiskõini keskai, ẽri nã afe rafemisfoõnoax nã Niospa fakefo atoõnoax ẽ omiskõimis. Ẽ matoõnoax omiskõita iskaratĩari ẽ Cristoõnoax omiskõimis.  
\v 25 Akka Epa Niospa ea katoni, a mato yonoxomis keskara ẽ inõ, ãfe meka shara ẽ mato yoinõ. Nãskaxõ ea yoikĩ iskafani: “Na maniafo tii anoa ẽfe meka shara Jesucristoõnoa ato yoifofãsafafe,” ixõ ea yoini. Nãskaxõ ãfe kaifoma mẽra ea nĩchini.  
\v 26 Na meka shara Jesucristoõnoa nõko xinifãfe tãpiyopaonifoma. Niospa ato tãpimayopaonima. Akka iskaratĩa Niospa noko tãpimani nõ afe yorafokẽ.  
\v 27 Epa Niospa Cristoõnoa mato yoiyomis keskafakĩ keyokõi mato tãpimaxii, mato fisti tãpimatama, nã yora fetsafori ato tãpimaxii. Iskafakĩ ato yoixii: “Ẽfe Fake Cristo mato fe rafekakãini, nãskakẽ mã chanĩmara fatiro a ẽ ika ano efe ipaxakĩ. Nã Cristo isharakõiai keskafakĩ ẽri mato askafatiro mãri isharakõinõ,” ixõ mato yoini. 
\p  
\v 28 Nõ Cristoõnoa yoimis, keyokõi nõ ato yoifofãsafamis keyokõi nõ ato yoimis nikakõinõfo. Mã isharakõiano nõ keyokõi Niospa ferotaifi nõ õimasharapai a keskara shara ixii.  
\v 29 Nãskakẽ ẽ mato yonoxokĩ finakõifafãini, Cristo ãfe kerex shara ea inãno. 
\c 2  
\p  
\v 1 Akka ẽ mato yoipai mã tãpinõ, ẽ mato Epa Nios kĩfixõfafãini. Laodicea anoafo yafi fetsafori a ea õimisfoma nãfori ẽ ato Epa Nios kĩfixõfafãini.  
\v 2 Nãskaxõ ẽ mato kĩfixõfafãini mãto õiti mẽranoax mã inimakõiyanã, mã ranã mã nõinãkõinõ. Nãska faatanãxõ Epa Niosnoa xafakĩakõi mã tãpitiro, akka a iyopaonifãfe Cristoõnoa tsõa tãpiyopaonima. Nãskakẽ iskaratĩa xafakĩakõi mato tãpimapai aõnoa mã tãpisharakõinõ.  
\v 3 Nãato keyokõi tãpikõia, Apa Niospa tãpia keskafakĩ ãfe shinã mẽraxori tãpikõia. Akka Epa Nios afarafo sharafoyakẽ, Cristoõxõ mã tãpitiro.  
\v 4 Nãnori ẽ mato yoi, tsõa mato pãrayamanõ, meka fetsafaxõ fanĩrira mato yoipaikani kiki.  
\v 5 Ẽ mato fe iyamafiaxõ pena tii ẽ mato shinãi. Akka matoõnoa nikai ẽ inimakõi, mã chanĩmara fakõixõ mã Cristo nikakõiaito. 
\s1 Jesucristo nõko õiti fetsafaxõfaano a keskara shara nõ inõ 
\p  
\v 6 Nãskakẽ mã nõko Ifo Jesucristo chanĩmara fakõixõ, mã Ifofakõina. Nãskakẽ pena tii afe rafefafãikãfe.  
\v 7 Oa afara fanafono ãfe tapo mai mẽra chaikõi kaax feroitiroma keskara, Jesúsri nãskarakõikĩ, afe rafefafãikãfe afaa chakafatama a keskara shara ixikakĩ. Ipafras mato yoini keskafakĩ pena tii nikakõikĩ Jesús chanĩmara fafafafãikãfe. Nãskaxõ pena tii Epa Nios aichofa fafafãikãfe. 
\p  
\v 8 Nãskakẽ kexemesharakãfe, fetsafãfe mato pãrayamanõfo. Mã Jesús nikakõiai keskafakĩ anori mato yoipaikanima. Akka nã mato yoiaifo keskara mã ato nikakĩ kaxpakõi mã ato chanĩmara fatiro. Nãfãfe Cristoõnoa yoikõikanima, nãskaxõ nã imisfo keskakakĩ mato yoipaikani. Nã chanĩmara faafãfema shinãifo anori fisti mato shinãmapaikani. 
\p  
\v 9 Akka Cristo fe Apa Nios nãskara rafe, Cristo noko keskara feronãfakekõifiax Apa Nios imis keskara nã nãskakõini.  
\v 10 Nãfi keyokõichi ãto xanĩfokõiki, xanĩfo fetsafoya, a niafaka chakafãfe ãto xanĩfofo finõkõinĩfofãna. Nãskakẽ mã Jesús fe rafexõ mã afaa fetsa yopaima.  
\v 11 Askatari mã Cristo Ifofai akka feronãfakefãfe ãto foshki repa xatepaonifo, nãskaramãi feyafakatsaxakakĩ. Akka mã foshki repa xatefiafono mãto chaka mato soaxotiroma. Cristo fistichi mãto õiti mato fetsafaxotiro, mãto chaka mato soaxotiro afianã a mã chaka apaoni keskara mã anã atama a keskara shara mã inõ.  
\v 12 Akka mã maotisai faka mẽra mã ikinitĩa, nã mã chakafapaonifo oa maia keskara, askatari nã Jesús maifanifotĩa a mã afara chakafapaonifo oa maia keskarafo. Mã faka mẽra iki maotisameax mã fininãkafãni oa Jesús fe fininãkafani shinãtsatiro mã a keskara sharakõi ixiki. Niospa ãfe kerex sharaõxõ afianã Jesús otofani nã nõ chanĩmara fai. Askatari mai mẽranoax Jesús otonitĩa, mãri afe otoni keskara itiro, a keskara sharakõi ixiki.  
\v 13 Mã Jesús Ifofaamax nã yora naa keskara mã iyopaoni. Nãskaxõ mã afara chakafapaoni mãto chaka xatexoma. Nãskafikẽ Epa Niospa Cristo otofani afe nipaxanõ. Nãskarifiakĩ matori aõxõ nimapakexatiro, nãskaxõ nõko chakafo mã noko soaxona.  
\v 14 Shinãkapo. Keyokõi nõ chakafamis keskara nõko chakafo Epa Niospa noko soaxoni, anã afoõnoa shinãyamaxii. Nãskano Niospa yoini keskara nõ nikatama afara fetsa nõ chakafapaoni. Nãfo keyokõi nõ chakafamisfo keskara kenepakea. Askafixõ ifi cruz ikakinoa Jesús mastanifoxõ não nõko chaka noko soaxoni.  
\v 15 Akka Cristo ifi cruz ikakinoax noko nãxonixakĩ, Satanás yafi keyokõi niafaka chakafo finõkõia. Nãskakẽ noko anã afeskafatiroma, anã nõko ifo ixõ noko ĩkitirofoma. Nãskakẽ Jesús ifi cruz ikakinoax naino Niospa keyokõi maifo tii anoafo ato ispani na niafaka chakafo anã kerexfoma. 
\s1 Jesús ika ari nai mẽra sharakõi nã fisti fichipaikãfe 
\p  
\v 16 Akka mãto xinifãfe ãto feyafati ipaoni xinia fena ikaino fista apaonifo. Askatari oxe rama kãiyaino fista apaonifo. Akka mato yoitirofo iskafakakĩ: “Afaa mã pitiroma askatari afaari mã ayatiroma. Askatari nõko pena tenetitĩa mãri tenetiro,” ixõ mato yoitirofo. Akka mã askayamaino fetsafãfe mato mekafakĩ ĩchatirofo. Mato askafaifono ato nikayamakãfe.  
\v 17 Akka nã mãto xinifãfe ãto feyafati noko õimatirofo afe keskara iximãkai a Cristo oaino. Akka mã Cristo oano nã fisti nõ Ifofatiro. Nã nõ feyafamis keskara nõ anã atiroma. Cristo fisti nõ nikatiro a nõ ayopaoni keskara nõ anã axikima.  
\v 18 Õisharakãfe fetsafãfe mato pãrapaikani kiki iskafakakĩ: “Nõ afaa tãpiama. Ãjirifo nõ kĩfitiro,” ixõ mato pãrapaikani. Afãfe afaa õiyamafikatsaxakakĩ afama mĩshtifo yoipaimisfo. Ãto shinãmã shinãkata kakapaikõimisfo, Niospa shinãi keskarakai shinãmisfoma.  
\v 19 Afokai Cristo fe rafepaikanima. Akka Cristo nõko mapo keskara askatari nõ ãfe yora keskara. Nãskaxõ nõko yora nõ kexesharax nõ mitsisipakõi itiro. Nãskatari nõko pono efapayafo, nõko pono mĩshti, nõko nami mẽranoax ichanãtirofo. Afeskatama nõ isharakõinõ. Akka nõ Cristo fe rafekõiaito Epa Niospa ãfe Fãkeoxõ ãfe kerex shara noko inãtiro a keskara shara nõ inõ. Nãskarakõi noko axopai. 
\p  
\v 20 Mã oa Cristo fe naa keskara mã ini. Nãskakẽ iskaratĩa a mã chakafapaoni keskara mã anã akima. Askatamaroko mã isharakõimis. Mã askaito nã chanĩmara faafãfema mato afaa yoitirofoma. Nãskafekẽ, ¿afeskakĩ mã ato nikaimẽ, mã ato nikaxõ nã mato yoiaifo keskara ma apai? Nãskakẽ ato nikayamakãfe.  
\v 21 Nãskakẽ mato yoiki iskafapaikani: “Na afarafo meyamakãfe, afori piyamakãfe, mato inãifonori mãto mẽkemã achiyamakãfe,” ixõ mato yoipaikani.  
\v 22 Akka na mato yoipaiyaifo keskara Niospa anori ato yoiama. Ãa shinãkaxõ mato yoipaikani. Akka nã mato yoipaiyaifo keskara nãfo mã keyoxii, anãkai afo inakama. Nãskakẽ ato nikayamakãfe.  
\v 23 Chanĩma, yora fetsafãfe shinãkĩ iskafakani. Na ato yoiaifo keskara shara, nafãfe tãpikõiafo, a Niospa noko yoini keskarari tãpikõiafo. Nãskakẽ Niospa ãfe ãjirifo kĩfifafãikani. Nãskakatari ato fanĩrira mekafamisfoma, askatari ãto yorari mese famisfoma ãa koshamemisfo. “Nafo sharakõifo,” ixõ atoõnoa yoipaikani. Akka afokai isharakõimisfoma. A afarafo chakafaifo keskarakai xateafoma, chanĩma nãfo kakapaikõimisfoki. 
\c 3  
\p  
\v 1 Akka Cristo naax anã otoinãkafani keskai mãri nãskariai afe otoinãkafani keskara mã itiro mã isharakõiax afe ipaxakĩ. Cristo iskaratĩa Apa Nios fe ika afeta keyokõi ĩkinã. Nãskakẽ aõnoa shinãta nã mato amapaiyai keskara aõnoa shinãfafãikãfe.  
\v 2 Nãskakẽ nã Niospa fichipaiyai keskara fisti shinãkãfe, nãskakõixikakĩ. Akka nono mai anoxõ yorafãfe afara chakafapaiyaifo keskafakĩ mãri askafayamakãfe.  
\v 3 Anã ẽ mato yoi Cristo noko nãxoni. Akka mã oa Cristo fe naa keskara iyoni, nãskakẽ iskaratĩa mã afe rafekakaini, Epa Nios feri mã askakakãini. Nãskariai Epa Niosri mato fe rafekakaini. Mã askaito tsõa mato tãpitiroma, a mã Cristo fe rafeai keskai ari askaxiki.  
\v 4 Cristo anã mai ano fotofaino mãri afe ixii. Nãato noko ĩkipakenaka. Nãskakẽ a keskara sharakõi nõri afe ixii, keyokõichi yorafãfe noko õixikani. 
\s1 Nõ chaka iyopaonixakĩ iskaratĩa nõ õiti fena sharayakõi 
\p  
\v 5 Nãskakẽ a mã afarafo chakafapaoni keskafakĩ anã askafayamakãfe. Askarafo anã shinãyamakãfe. Askatari mãto ãfimafori chotayamakãfe, kẽrofãferi mãto fenemafori chotamayamakãfe. Nãskaxõ ato chaka shinãmayamakãfe. Afarafori noiyamakãfe feronãfakefãfe mãto ãfima fichipaiyamakãfe, kẽrofãferi mãto fenemafo fichipaiyamakãfe. Afara chakafori fichipaiyamakãfe, nã mã fichipaiyai fisti fichipaiyamakãfe. Mã askakĩ Nios mã noima, nã afarafo fisti noikĩ.  
\v 6 Askara chakafo Niospa õipaima, nãskakẽ ato omiskõimakĩ finakõixii nikayamaifono.  
\v 7 Nãskakẽ taeyoi chakakõi mã iyopaoni Nios nikamax.  
\v 8 Mã mã askapaoniki. Akka iskaratĩa a chakafo shinãmakikãfe. Anã õitifishkiyamakãfe, anã chaka shinãyamakãfe, ato chakafayamakãfe, ato ĩchayamakãfe, askatari mãto axfapa meka chaka yoiyamakãfe.  
\v 9 Nãskakẽ mã ranã pãranõnãyamakãfe, mã taeyoi ipaoni keskara a chakafo mã mã potakõiakĩ.  
\v 10 A mã apaoni keskara anã atama iskaratĩa, mã mã Jesucristo fe rafekõia a keskara shara ixiki. Akka Epa Niospa mãto õiti mẽra fena sharakõi mato õi. Nãskakẽ a keskara sharakõi mato imafafãini, aõnoa mã tãpisharakõinõ.  
\v 11 Nõ Cristo Ifofakẽ Niospa keyokõi nãskarafos noko õi. Judeofo yafi a judeofoma, a kene tãpiafoya a kene tãpiafomari, yorafoya nafafo ãto yonomatifoya a ãto yonomatifomari Niospa nãskarafos noko õi. Keyokõi nõ afe yoraxõ nõ Jesucristo fisti yopakõi. 
\p  
\v 12 Niospa mato noikĩ mato katoni afe yorafo mã inõ. Aa keskara shara mato imaxiki. Nãskakẽ fetsafo noikĩ ato sharafa fafafãikãfe. Nãskakẽ fetsafo shinãki nã mã apaiyai keskara fisti shinãtama, fetsafãfe apaiyaifo keskarari shinãkãfe, oi tsii faxõ ato yoifafãikãfe.  
\v 13 Nãskakẽ fetsafo fe mẽnãpaitama ato yoisharakãfe raenãsharaxikãki. Nõko Ifãfe mato raefa keskafakĩ fetsafo fe raenã faatanãsharakãfe.  
\v 14 Nãskakẽ nã ẽ mato yoiai keskai, keyokõi noinãkãfe, nõ noinãsharafinakõiaki. Nãskai nõ noinãx nõ isharakõitiro, nã nõko Ifãfe noko yoini keskai nõ noinãsharakõiax nõ nãskasharakõitiro.  
\v 15 Nãskakẽ Cristo nikasharakõikãfe mãto õiti sharanokai mã fochishpanã faatanãtiroma. Askatamaroko aõnoax isharakõiax nã yora fisti keskara shara mã itiro. Nãskakẽ Epa Niospa mato katoni aõnoax mã isharakõita fetsafo mã afeska fanõma. Nãskakẽ mã Epa Nios yoitiro iskafakĩ: “Aicho Epa Niosi, ẽfe õiti mĩa sharafaxõa,” ixõ mã yoitiro. 
\p  
\v 16 Cristo noko tãpimani keskafakĩ mãto õiti mẽra nanekõikãfe. Nãato mato ĩkinãkĩ ãfe meka tãpisharakõixõ fetsafori yoisharakãfe isharaxikakĩ. Mãto õiti mẽraxõ Nios aicho fata David fanãini keskai mãri fanãixota ãfe mekaõnoari fanãixokãfe.  
\v 17 Nãskaxõ nã mã apaiyai keskafakĩ yoikãfe iskafakĩ: “Aicho, Epa Niosi. Nõko Ifo Jesucristoõxõ nã nõ apaiyai keskafakĩ keyokõi mĩ noko axõfafãimis,” ixõ yoifafãikãfe. 
\s1 Nõ Jesús Ifofakõinax aõnoa nõ afeskatiromãki 
\p  
\v 18 Kẽrofãfe, mãto fenefãfe mato yoiaifãfe ato nikasharakõikãfe. Nãskax mã isharakõikai nõko Ifãfe mato yoiai keskai.  
\v 19 Feronãfakefãfe, mãto ãfifo noikõikãfe ato fe feratenãyamakãfe. 
\p  
\v 20 Fakefãfe, mãto epa yafi mãto efa nikakõikãfe. Mã askaino nõko Ifo matoki inimakõi kiki.  
\v 21 Epafo feta efafãfe, mãto fakefo ferateyamakãfe, mãto fakefãfe shinãkĩ iskafayamanõfo: “Ooa, ẽfe epa feta ẽfe efa ea feratenafo,” ixõ shinãyamanõfo. 
\p  
\v 22 Ãto yonomatifãfe, mãto ifofo ato nikakõikãfe nono mai anoxõ. Akka mato õiaifonos ato yonoxokakĩma, mato õiamaifonori ato yonoxokãfe. Nã mãto Ifo Jesucristo mã noiaino, matoki inimanõ ato yonoxosharakãfe.  
\v 23 Afara yonokĩ inimayanã axosharakõikãfe. Nõko Ifo shinãkĩ ato yonoxosharakãfe.  
\v 24 Nãskakẽ shinãmakiyamakãfe mã mã tãpiaki nõko Ifo chipo afara sharafo mato inãxii kiki. Mã nõko Ifo Jesucristo yonoxosharamiski, nãfi mãto Ifokõikĩ.  
\v 25 Akka nã afara chakafamisfo, nãfo omiskõi finakõixikani afara chakafakatsaxakakĩ. Nãskakẽ Niospa fetsa keskarafo noko õima, nãskarafos noko õi. 
\c 4  
\p  
\v 1 Ato yonomamisfãfe, mãto yonomatifo ato paraxõ yonokakĩma ato noisharayanã afara sharafo ato inãsharakãfe ato parakakĩma. Mã mã tãpiakĩ mãri Ifoyakĩ, mãto Ifãfe nai mẽraxõ mato õifafaini kiki. 
\p  
\v 2 Nãskakẽ Epa Nios kĩfiki xateyamakãfe, kĩfikĩ afara fetsa shinãkakĩma, Epa Nios fisti kĩfikĩ iskafakãfe: “Aicho Epa Niosi, mĩ ea sharafa fafafãini,” ixõ kĩfikãfe.  
\v 3 Nãskakẽ nokori kĩfixokãfe, Epa Niospa fetsafo mẽra noko nĩchiano Cristoõnoa nõ ato yoisharanõ. Afãfe Cristoõnoa nikamisfomaki. Akka ẽ Cristoõnoa meka shara yoiaito yorafãfe ea karaxa mẽra ikimanifo.  
\v 4 Ea Epa Nios kĩfixõfafãikãfe xafakĩakõi Jesucristoõnoa anã ẽ ato yoinõ. 
\p  
\v 5 Akka nã Jesús Ifofaafoma mẽra mã ikaki ato õimakãfe mã isharakõixõ. Nãskaxõ nã mã atoki nokoaitĩa Jesucristoõnoa ato yoisharakãfe.  
\v 6 ato fe mekakĩ meka shara fisti ato yoifafãikãfe, ato kaxemetsama fakakĩma ato yoisharakõikãfe, ãto õiti mẽraxõ shinãchakanõfoma. Mã askakĩ nã yorafo mã ato kexesharatiro. 
\s1 Pablo mã mekai xatekĩ Colosas anoafo ato meka shara fomani 
\p  
\v 7 Nofe yora Tíquico, ẽ aõ noikõi. Nãato efeta nõko Ifo Jesús yonoxomis. Nãskakẽ aato eõnoa mato yoi kiki ẽ afeskax nono ikamãkĩ.  
\v 8 Nãskakẽ ẽ mato ari nĩchia, aato mato yoinõ afeskax nono nõ ikamãkĩ, askatari mato inimamasharakõixiki.  
\v 9 Nã nofe yora Onĩsimõri afe kai, nãri ẽ noikõi. Nã mato fe iyopaoni, nofeta nõko Ifo Jesúsnoa yoi inimakõimis. Nã rafeta matoki noko kaxõ mato yoikani nono afe keskaramãki. 
\p  
\v 10 Akka na efe karaxa mẽra imisto Aristarcori mato meka shara fomai. Marcosri mato meka shara fomai, nã Marcos Bernabé ãfe chai. Nãskakẽ nã Marcos matoki nokoaito ẽ mato yoia keskafakĩ ifisharakãfe kexesharayanã.  
\v 11 Na feronãfake ãfe ane Jesús nãatori mato meka shara fomai, ãfe ane fetsa Justo. Nãfãfe judeofo mẽraxõ Nios Ifokõi fakaxõ efeta Nios xanĩfoõnoa yoikĩ yonomisfo. Nãskafakakĩ ea inimamakõimisfo. Akka ẽfe kaifãfe nonoxõ efeta Nios yonoxomisfoma, nã ẽ mato yoiaifo feta ẽ Niosnoa yoimis.  
\v 12 Na feronãfake Ipafrasri meka shara mato fomai, nãatori Cristo yonoxomis, nã mato mẽra iyopaoni. Nãato mẽxotaima matoõxõ Epa Nios kĩfikĩ iskafa fafafãini: “Epa Niosi, mĩ ato amapaiyai keskafakĩ ato amafe afaa fetsa shinãnõfoma. Nãskakanax mĩ Fake Jesús õiti keskara shara inõfo,” ixõ mato kĩfixõfafãini.  
\v 13 Akka mẽ õia na Ipafras matoõxõ shinãchakakõiaito. Askatari nã pexe rasi Laodicea anoafo yafi Hierápolis anoafo ato Epa Nios kĩfixõfafãini.  
\v 14 Na Lucas ato sharafamis, ẽ aõ noikõi. Nãato Demãs feta mato meka fomakani. 
\p  
\v 15 A Jesús Ifofaafo Laodicea anoafo ea ato yoisharaxõfe. Nĩnfasri ea yoisharaxõfe, a ãfe pexe anoax Nios Ifofakanax ichanãmisfori ea ato yoisharaxõfe.  
\v 16 Akka na kirika kene ẽ mato fomai mã mã õixõ, nã Nios Ifofaafo Laodicea anoafori ato fomakãfe akairi õinõfo. Mãri na kirika kene õikãfe Laodicea anoxõ mato mana manafono.  
\v 17 Nãskakẽ Arquipori ea yoikĩ iskafaxokãfe: “Epa Niospa mia yoia keskafakĩ axosharakõife,” ixõ ea yoisharaxokãfe. 
\p  
\v 18 Ẽkĩa Pablo, ẽ mato kirika kenexoni. Mato yoisharakĩ, ẽfe mifikõichi ẽ kenei. Nãskakẽ ea shinãmakiyamakãfe ẽ karaxa mẽraxõ ikakĩ. Niospa mato noikĩ matoõnoa shinãfafãinõ. Nã tii.