\id LUK  
\h San Lucas 
\toc1 Tnuꞌu Ianyuux n‑chidotnuni Sluka 
\toc2 San Lucas 
\toc3 Lc. 
\mt1 Tnuꞌu Ianyuux n‑chidotnuni Sluka 
\c 1  
\s1 Tnuꞌu yodotnuni yaꞌa kakuneꞌe na io na juaꞌan tnuꞌu Ianyuux 
\p  
\v 1-2 Dito, Ta Teófilo, tnuꞌu dijan kakuneꞌe‑da ya nakaxtnaꞌa xiꞌin xa n‑ka chidotnuni se n‑ka jaꞌan tnuꞌu Ianyuux nuu ñayiu. Ñayiu n‑ka xini xiꞌin nuu‑i xa n‑yaꞌa n‑ka najani‑i nuu‑da xijan, te n‑ka chidotnuni dava‑i xa na kaꞌu koio‑ro xijan. N‑ka kixeꞌe dava ka ñayiu xa chidotnuni‑i ntdandituꞌu xijan, ko ñatu n‑ka daxinokava‑i. Kueꞌe‑i n‑ka chidotnuni xijan.  
\v 3 Dani daña, vii nene n‑nduku tnuꞌu‑da, te n‑xini‑da nax n‑kuu nax n‑xino, te xini‑da xandaa. Xijan kuu xa xini‑da xa io vaꞌa xa chidotnuni‑da xa n‑kuu xa n‑xino.  
\v 4 Kachitnuꞌu ñaꞌa‑da xa na kunaꞌa‑n xa xandaa kuu xa n‑ka jaꞌan ñayiu jan nuu‑n tuku. 
\s1 N‑jaꞌan ángel, ia xinokuechi nuu Ianyuux, xa koo daꞌya Zacarías xiꞌin Isabel 
\p  
\v 5 Na n‑taxnuni Herodes distrito Judea, n‑xio ɨɨn dutu nani Zacarías. Daꞌya dana dutu Abías n‑xo kuu‑s. Isabel nani ñadɨꞌɨ‑s. Daꞌya dana Aarón kuu‑ña.  
\v 6 Vaꞌa‑s nduu‑s nuu Ianyuux. N‑ka xo jandixa‑s xa n‑xo taꞌu tniu‑ia. Ña n‑ka kuxee ini‑s nuu‑ia. Xijan kuu xa ña n‑jaꞌan‑ia xa io kuechi‑s nduu‑s.  
\v 7 Ña n‑xio daꞌya Zacarías xiꞌin Isabel chi ña n‑kuaꞌa xa koo daꞌya‑ña, te n‑ka yɨɨ‑s nduu‑s.  
\v 8 Ntnaꞌa semana n‑xo nadama tnaꞌa dutu ka xinokuechi veñuꞌu Jerusalén xa n‑ka xo kida‑s tniu Ianyuux, te n‑xee semana kada Zacarías xiꞌin dava ka dutu xnetnaꞌa xiꞌin‑s tniu‑ia.  
\v 9 N‑ka dadɨkɨ‑s suerte‑s ná xneꞌe tnɨɨ‑s vaxi nuu ndeda ɨɨn‑s na kakunuu xa kɨu‑s veñuꞌu Jerusalén xa jandodo‑s kuu ñuꞌu duxa nuu altar Ianyuux kɨu ijan, te n‑kakunuu Zacarías.  
\v 10 Nɨni kayu duxa ka xijan taꞌu ñayiu xyuku nukeñuꞌu. Kueꞌe‑i xyuku.  
\v 11 Danaa n‑xini‑s ɨɨn ángel, ia xinokuechi nuu Ianyuux, nujuiin lado kuaꞌa altar nuu kayu duxa jan.  
\v 12 Nu n‑xini‑s‑ia, yo n‑yuꞌu‑s, te kueꞌe xa n‑xani ini‑s.  
\v 13 Te n‑jaꞌan ángel, ia xinokuechi nuu Ianyuux, nuu‑s: 
\p —Maxku yuꞌu‑n, Zacarías, chi chinuu Ianyuux vaxi xa xko xijan taꞌu‑n nuu‑ia. Koo daꞌya ñadɨꞌɨ‑n vitna. Seyɨɨ kajan‑ña. Danani‑n‑sɨ Sua.  
\v 14 Xaxeꞌe xa kaku‑s yo kudɨ ini‑n nduu‑n, te kueꞌe ñayiu kudɨ ini tuku.  
\v 15 Se ndandɨꞌɨ ku kuu‑s nuu Ianyuux, te ma koꞌo‑s vinu. Ni ɨɨn nuu ndɨdɨ́ ma koꞌo‑s, te juꞌun ñaꞌa Espíritu Ianyuux nde kɨu jun tuu‑s xiti dɨꞌɨ‑s.  
\v 16 Kada‑s xa kueꞌe daꞌya dana Israel dama mudu‑i, te jandixa koio‑i Ianyuux, Ia kuu Xtoꞌo‑ro, Ia ndeka ñaꞌa.  
\v 17 Kiꞌna ka‑s kixi dada Ia kuu Xtoꞌo‑ro. Juꞌun ñaꞌa espíritu n‑ñuꞌu Elías. Nani n‑kuaꞌa Elías xa kada‑s, dani kuaꞌa‑s xa kada‑s. Kada‑s xa juemani se ka kuu taa daꞌya‑s. Kada‑s xa ñayiu ka kuxee ini, kixeꞌe‑i xa kani ini‑i ná ka xani ini ñayiu vaꞌa anu. Kada‑s xa kada tuꞌa ñayiu mee‑i xa xe ini‑i Ia kuu Xtoꞌo‑ro —kuu ángel, ia xinokuechi nuu Ianyuux, xiaꞌan‑ia. 
\p  
\v 18 —¿Janda kada‑da xa jini‑da xa duꞌa yaꞌa?, chi yo n‑ka kuxaꞌnu‑da xiꞌin ñadɨꞌɨ‑da —kuu Zacarías, xiaꞌan‑s. 
\p  
\v 19 —Ruꞌu kuu Gabriel, te xinokuechi‑r nuu Ianyuux. N‑tundaꞌa ñaꞌa‑ia xa kachitnuꞌu ñaꞌa‑r ɨɨn xavaꞌa yaꞌa,  
\v 20 ko xaxeꞌe xa ña n‑jandixa‑n xa n‑jaꞌan‑r, ma kuu ka xa jaꞌan‑n. Nde na kaku daꞌya ñadɨꞌɨ‑n, ijan dada najaꞌan‑n. Kɨu n‑xantuu Ianyuux jɨn tnaꞌa xaꞌa —kuu‑ia, xiaꞌan‑ia. 
\p  
\v 21 Xndetu ñayiu xyuku nukeñuꞌu jan Zacarías. Ka yuꞌu anu‑i xa naꞌa n‑kuu n‑kɨu‑s xiti veñuꞌu.  
\v 22 Nu n‑ndee‑s veñuꞌu jan, ña n‑kuu ka xa jaꞌan‑s. N‑ka kutnuni ini ñayiu jan xa n‑kida Ianyuux xa n‑xini‑s ɨɨn xa n‑xini‑s. Ña n‑kuu ka xa jaꞌan‑s; diko nga seña n‑kida‑s.  
\v 23 Nu n‑xinokava kɨu n‑kidatniu‑s veñuꞌu, te juan nuꞌu‑s veꞌe‑s. 
\p  
\v 24 Nu n‑yaꞌa xijan, te n‑niꞌi daꞌya ñadɨꞌɨ‑s, Isabel. Oꞌon yoo ñatu n‑kee Isabel veꞌe‑ña chi n‑xo tuu kutu n‑xo tuu kuu‑ña. N‑xo xani ini‑ña:  
\v 25 “N‑kida Ianyuux xa koo daꞌya‑r, te ma kujanuu ka‑r nuu ñayiu.” 
\s1 N‑jaꞌan ɨɨn ángel, ia xinokuechi nuu Ianyuux, nuu María xa kajan‑ña ɨɨn daꞌya yɨɨ 
\p  
\v 26 Nu n‑kuu iñu yoo ñuꞌu daꞌya‑ña, te n‑tundaꞌa Ianyuux Gabriel, ia xinokuechi nuu‑ia, ñuu nani Nazaret, distrito Galilea.  
\v 27 N‑tundaꞌa ñaꞌa‑ia nuu ɨɨn dichi ii nani María. Xá n‑xiaꞌan María tnuꞌu‑ña xa tnundaꞌa‑ña xiꞌin se nani José, se kuu daꞌya dana David.  
\v 28 N‑kɨu‑ia veꞌe‑ña, n‑jaꞌan‑ia nuu‑ña: 
\p —Vaꞌa nga taꞌu kuu‑n. Kunduu‑n xiꞌin Ianyuux. Taꞌu kuu‑n chi kada ñaꞌa‑ia ɨɨn xavaꞌa —kuu‑ia, xiaꞌan‑ia. 
\p  
\v 29 Xaxeꞌe xa duꞌa n‑jaꞌan‑ia, n‑chi ini María, te n‑xani ini‑ña nuu nax kuu xa n‑jaꞌan‑ia nuu‑ña.  
\v 30 Te xiaꞌan‑ia nuu‑ña: 
\p —Maxku yuꞌu‑n, María chi ɨɨn xa vaꞌa kada ñaꞌa Ianyuux.  
\v 31 Vitna niꞌi daꞌya‑n, kajan‑n daꞌya yɨɨ. Jesús danani‑n‑ia.  
\v 32 Ia yaꞌa, ndandɨꞌɨ‑ia, te kuu‑ia Daꞌya Yɨɨ Ianyuux, Ia kuu Xtoꞌo‑ro. Juñaꞌa‑ia ñuu daꞌya dana Israel nuu n‑taxnuni David, se kuu xixitna‑ia,  
\v 33 xa taxnuni‑ia nɨkava nɨkuita —kuu‑ia. 
\p  
\v 34 Te n‑jaꞌan‑ña nuu‑ia: 
\p —¿Janda io xa duꞌa yaꞌa?, chi ta jini ka‑da teyɨɨ. 
\p  
\v 35 Te xiaꞌan ángel nuu‑ña: 
\p —Keé ñaꞌa Espíritu Ianyuux, te niꞌi daꞌya‑n. Daꞌya Yɨɨ Ianyuux kuu‑ia. Ii‑ia.  
\v 36 Juini n‑yɨɨ Isabel, ñá kuu tnaꞌa‑n, ko n‑kuu iñu yoo ñuꞌu daꞌya‑ña. N‑ka xani ini ñayiu xa ma koo daꞌya‑ña, ko koo daꞌya‑ña vitna.  
\v 37 Xaxa Ianyuux ntdandituꞌu xa ñatu kuaꞌa ñayiu xa kada‑i kida‑ia —kuu ángel, xiaꞌan‑ia. 
\p  
\v 38 —Daña xinokuechi‑da nuu Ianyuux, Ia kuu Xtoꞌo‑ro. Na kuu na n‑jaꞌan‑n —kuu‑ña, xiaꞌan‑ña. 
\p Ijan dada juan nuꞌu ángel, ia xinokuechi nuu Ianyuux. 
\s1 N‑xe kotoniꞌni María Isabel 
\p  
\v 39 Kɨu ijan ni juaꞌan‑ña yuku distrito Judea nuu katuu ɨɨn ñuu luchi.  
\v 40 N‑xee‑ña ijan, te n‑xeꞌen‑ña veꞌe Zacarías, te n‑jaꞌan‑ña nyuux nuu Isabel.  
\v 41 Nu n‑teku Isabel xa n‑jaꞌan‑ña nuu‑ña, te n‑kanda daꞌya ñuꞌu xiti‑ña chi n‑kudɨ ini‑s, te n‑keé Espíritu Ianyuux Isabel.  
\v 42 Xee n‑jaꞌan‑ña. Xiaꞌan‑ña nuu María: 
\p —N‑kida ñaꞌa Ianyuux xavaꞌa. Taꞌu kuu‑un, te taꞌu kuu daꞌya kajan‑un.  
\v 43 Nava vaxi dichi kuu dɨꞌɨ Ia kuu Xtoꞌo‑ro veꞌe‑r.  
\v 44 Nu n‑teku‑r xa n‑jaꞌan‑un nyuux nuu‑r, n‑kudɨ ini daꞌya ñuꞌu xiti‑r, te n‑kanda‑i.  
\v 45 Naka taꞌu‑un chi jandixa‑un xa jɨn tnaꞌa xa n‑jaꞌan Ianyuux, Ia kuu Xtoꞌo‑ro —kuu Isabel, xiaꞌan‑ña. 
\p  
\v 46 Xiaꞌan María: 
\q1 Ndadakaꞌnu‑da Ia kuu Xtoꞌo‑ro. 
\q1  
\v 47 Te kudɨ ini‑da chi dananitaꞌu ñaꞌa‑ia. 
\q1  
\v 48 N‑chinuu Ianyuux xa kundaꞌu kukee‑da. 
\q1 Naꞌa ñaꞌa‑ia, te naꞌa‑ia xa xinokuechi‑da nuu‑ia. 
\q1 Vitna kixeꞌe ntdaa ñayiu xa jaꞌan‑i xa taꞌu kuu‑da, 
\q1  
\v 49 chi kueꞌe xavaꞌa n‑kida ñaꞌa Ianyuux. 
\q1 Ii‑ia. 
\q1  
\v 50 Kundaꞌu ini‑ia ñayiu ka yuꞌu nuu‑ia. 
\q1 N‑kundaꞌu ini‑ia xixitna‑ro, te n‑kundaꞌu ini ñaꞌa‑ia roo, te dani kundaꞌu ini‑ia daꞌya dana‑ro. 
\q1  
\v 51 Kueꞌe xavaꞌa n‑kida ñaꞌa‑ia. 
\q1 N‑xate niꞌno‑ia ñayiu xe ini. 
\q1 Ñayiu ijan ka xani ini xa ña ka ndoñuꞌu‑i‑ia. 
\q1  
\v 52 N‑kida‑ia xa te ka taxnuni, ña taxnuni ka‑te. 
\q1 N‑kida‑ia xa ñayiu ka kundaꞌu ka kukee, nduu‑i ñayiu ndandɨꞌɨ. 
\q1  
\v 53 Kueꞌe xa n‑taxi‑ia roo, ñayiu ka kojon ka yichi chi ka kundaꞌu‑ro, te ma kojon ka‑ro. 
\q1 Ni ɨɨn ña tuu nax n‑xiaꞌan‑ia ñayiu kuika; 
\q1 duꞌa ntakaa ndaꞌa‑i ka nuꞌu‑i. 
\q1  
\v 54 N‑chindee ñaꞌa‑ia roo, ñayiu Israel, ñayiu xinokuechi nuu‑ia chi naꞌa ñaꞌa‑ia, te kundaꞌu ini ñaꞌa‑ia. 
\q1  
\v 55 Naꞌa‑ia nax n‑jaꞌan‑ia nuu xixitna‑ro Abram xiꞌin nuu daꞌya dana‑te. 
\q1 Nɨkava nɨkuita koo xijan, 
\m kuu María, xiaꞌan‑i. 
\p  
\v 56 Naxa uni yoo n‑xo tuu María veꞌe Isabel. Ijan dada juan nuꞌu‑ña veꞌe‑ña. 
\s1 N‑xee kɨu n‑kaku Sua 
\p  
\v 57 N‑xee kɨu kaku daꞌya Isabel, te n‑xajan‑ña ɨɨn seyɨɨ.  
\v 58 Yo n‑kudɨ ini‑ña. N‑ka teku ñayiu xndaxio yatni xiꞌin‑ña xiꞌin ñayiu ka kuu tnaꞌa‑ña xa yo n‑kundaꞌu ini ñaꞌa Ianyuux, te n‑ka kudɨ ini‑i tuku.  
\v 59 Nu n‑kuu una kɨu seluchi jan, te xndeka ñaꞌa tadɨꞌɨ‑s juaꞌan xa taꞌnde ndodo ñɨɨ nuu ii‑s, te n‑ka juini ñayiu xyuku ijan xa danani‑i‑sɨ Zacarías ná nani taa‑s,  
\v 60 ko xiaꞌan dɨꞌɨ‑s nuu ñayiu jan: 
\p —Ñaꞌa, chi Nxua kunani‑i. 
\p  
\v 61 Te ka xiaꞌan ñayiu jan nuu‑ña: 
\p —Ko ñayo ñayiu ka kuu tnaꞌa‑n nani duꞌa. 
\p  
\v 62 N‑ka kida ñayiu jan seña xa kajan tnuꞌu‑i taa‑s janda juini‑s xa kunani seluchi jan.  
\v 63 N‑xijan taa‑s tutu, te n‑chidotnuni‑s: “Sua kunani‑s.” N‑ka yuꞌu anu ñayiu xyuku ijan.  
\v 64 Hora ni ijan n‑kida Ianyuux xa n‑najaꞌan Zacarías, te n‑nakuetu‑s nuu‑ia.  
\v 65 N‑ka yuꞌu ntdaa ñayiu xndaxio yatni xiꞌin Zacarías xiꞌin Isabel. N‑ka xo kakuneꞌe ntdaa ñayiu xndaxio nituꞌu yuku distrito Judea ntdaa xa n‑yaꞌa.  
\v 66 Ntdantuꞌu ñayiu n‑ka teku xijan n‑ka xani ini nax yaꞌa. Te n‑ka xo xijan tnuꞌu tnaꞌa‑i: 
\p —¿Nax ku kuu seluchi yaꞌa na tnuu ini‑s u? 
\p Duꞌa n‑ka xo xiaꞌan tnaꞌa‑i chi n‑ka chinuu‑i xa Ianyuux chindee chituu ñaꞌa. 
\s1 N‑nakuetu Zacarías nuu Ianyuux 
\p  
\v 67 N‑keé Espíritu Ianyuux Zacarías, te duꞌa n‑jaꞌan‑s nuu ñayiu: 
\q1  
\v 68 Na ndadakaꞌnu‑ro Ianyuux, Ia ndeka ñaꞌa roo, ñayiu Israel. 
\q1 N‑kixee‑ia xa dakaku ñaꞌa‑ia roo, ñayiu ndeka‑ia. 
\q1  
\v 69 N‑kida Ianyuux xa kixi Ia dananitaꞌu ñaꞌa. 
\q1 Kuu‑ia daꞌya dana David, se n‑xinokuechi nuu Ianyuux. 
\q1  
\v 70 Jɨn tnaꞌa tnuꞌu n‑jaꞌan‑ia nuu se ka jaꞌan tnuꞌu‑ia nuu ñayiu ka kuu daꞌya‑ia. 
\q1  
\v 71 N‑kixee‑ia xa dakaku ñaꞌa‑ia nuu se ka kida uꞌu ñaꞌa xiꞌin nuu se ka xini uꞌu ñaꞌa. 
\q1  
\v 72 N‑kundaꞌu ini‑ia xixitna‑ro. 
\q1 Naꞌa‑ia xa n‑jaꞌan‑ia xa duꞌa kada‑ia. 
\q1 Ii tnuꞌu‑ia. 
\q1  
\v 73 N‑xiaꞌan‑ia tnuꞌu‑ia Abraham, taa xixitna‑ro, xa duꞌa kada ñaꞌa‑ia mee‑ro. 
\q1  
\v 74 N‑jaꞌan‑ia xa dakaku ñaꞌa‑ia nuu se ka xini uꞌu ñaꞌa. 
\q1 Ma yuꞌu ka‑ro nuu‑s vitna, te ndaa vatuu junukuechi‑ro nuu‑ia. 
\q1  
\v 75 Xaxeꞌe xijan ndaku‑ro xa kada‑ro xavaꞌa, te junukuechi‑ro nuu‑ia ndɨkɨu ndɨñuu, 
\m kuu Zacarías, n‑jaꞌan‑s. 
\p  
\v 76 Te n‑jaꞌan‑s nuu seluchi jan: 
\q1 Ndoꞌo, seluchi, jaꞌan‑n tnuꞌu Ianyuux, Ia taxnuni ka nuu ñayiu. 
\q1 Kiꞌna ka‑n n‑kixee dada Ia kuu Xtoꞌo‑ro xa kada tuꞌa‑n ñayiu xa na xe ini‑i‑ia. 
\q1  
\v 77 Juña tnuꞌu‑n ñayiu ka kuu daꞌya Ianyuux nax io xa kada‑i xa nanitaꞌu koio‑i, te taxkanu ini‑ia kuechi n‑ka kida‑i. 
\q1  
\v 78 Xaxeꞌe xa kundaꞌu ini ñaꞌa‑ia, xijan kuu xa daa kada‑ia. 
\q1 Te nde andɨu tundaꞌa‑ia Ia kuu ná kuu ngandii xino datne, datne. 
\q1  
\v 79 Kixi Ia kachitnuꞌu ñaꞌa jundu kuu Ianyuux. 
\q1 Kuenda kɨu nuu nee nuu kuu‑ro ka xikonuu‑ro, 
\q1 xa ñatu ka kutnuni ini‑ro jundu kuu‑ia, 
\q1 Te dandumani ñaꞌa‑ia xiꞌin‑ia, 
\m kuu Zacarías, xiaꞌan‑s nuu seluchi jan. 
\p  
\v 80 N‑tnuu ini seluchi jan, te idii vuelta n‑xajan‑s anu‑s xa kada‑s tniu Ianyuux. Juaꞌan‑s nuu ñayo ñayiu io, te ñatu nga juun dau. N‑xo tuu‑s ijan nde kɨu n‑xee‑s nuu ka nataka ñayiu Israel xa jini‑i jundu kuu‑s. 
\c 2  
\s1 N‑kaku Jesús 
\p  
\v 1 Tiempu ijan, n‑taꞌu tniu Augusto César, se kuu emperador, xa nkodotnuni dɨu ntdaa ñayiu xndaxio ntakaa ñuu nuu n‑taxnuni‑s xa jini‑s nuu nadaa‑i io. Te n‑xe kodotnuni xa n‑taꞌu tniu‑s.  
\v 2 Tiempu daa n‑taxnuni se nani Cirenio distrito Siria. Vuelta yaꞌa kuu vuelta kiꞌna nuu n‑ka kaꞌu‑s ñayiu.  
\v 3 Xijan kuu xa n‑ka xeꞌen ntdaa ñayiu ñuteyu xixitna‑i xa nkodotnuni dɨu‑i.  
\v 4 Xijan kuu xa n‑kee José xiꞌin María ñuu Nazaret, distrito Galilea xa ka xeꞌen‑s Belén, distrito Judea. Belén kuu ñuteyu‑s chi daꞌya dana David kuu‑s.  
\v 5 Juaꞌan‑s nduu‑s xiꞌin María, ñá tnundaꞌa xiꞌin‑s xa nkodotnuni‑s. Xa ñuꞌu daꞌya‑ña daa.  
\v 6 Nɨni xtuu‑s Belén n‑xee kɨu kaku daꞌya‑ña.  
\v 7 N‑kaku daꞌya kiꞌna nuu‑ña. Seyɨɨ kuu‑s. N‑duku niꞌno ñaꞌa‑ña daꞌma, te n‑xajan niꞌno ñaꞌa‑ña ɨɨn nuu xjuꞌun xa ka xaxi kɨtɨ chi ñatu niꞌi José mesón nuu ndoo koio‑s. 
\s1 N‑ka jaꞌan ángel, ia ka xinokuechi nuu Ianyuux, nuu se xñunuu tkachi 
\p  
\v 8 Yuku yuꞌu ñuu Belén xtuu se xñunuu tkachi‑s xakuaa ijan.  
\v 9 Nɨni xtuu‑s ijan, danaa n‑juun ɨɨn ángel, ia xinokuechi nuu Ianyuux, te n‑kida Ianyuux xa n‑ndii nɨkaduku nuu xtuu‑s, te yo vichi n‑ka yuꞌu‑s.  
\v 10 N‑jaꞌan ángel, ia xinokuechi nuu Ianyuux, nuu‑s: 
\p —Maxku yuꞌu koio‑n chi ɨɨn xa vaꞌa kachitnuꞌu ñaꞌa‑r, te yo kudɨ ini‑n xiꞌin ntdaa ñayiu teku xaꞌa.  
\v 11 Vitna n‑kaku Ia dananitaꞌu ñaꞌa. Kuu‑ia Cristu, te dɨuni kuu‑ia Ianyuux. Kuu‑ia Xtoꞌo‑ro tuku. N‑kaku‑ia ñuteyu David.  
\v 12 Duku niꞌno‑ia daꞌma, te kaa niꞌno‑ia ɨɨn nuu xjuꞌun xa ka xaxi kɨtɨ. Na jini koio‑n‑ia, te jini‑n xa dɨu‑ia kuu Ia kakuneꞌe‑r. 
\p  
\v 13 Danaa kueꞌe ka ángel, ia xinokuechi nuu Ianyuux, n‑ka juun andɨu. Yo kueꞌe ka‑ia n‑kuu. N‑ka nakuetu‑ia nuu Ianyuux. N‑ka jaꞌan‑ia: 
\q1  
\v 14 Na ndadakaꞌnu koio‑ro Ianyuux, Ia tuu andɨu. 
\q1 Kutuu mani‑ia xiꞌin ñayiu kada xa juini‑ia, 
\m ka kuu‑ia. 
\p  
\v 15 Nɨni juan ndaa koio ángel, ia ka xinokuechi nuu Ianyuux, andɨu, te n‑ka xiaꞌan tnaꞌa se xñunuu tkachi jan: 
\p —Na jɨꞌɨn‑ro Belén. Na jɨn koto‑ro nax n‑yaꞌa. Na jɨn koto‑ro xa n‑ka kuneꞌe ia n‑tundaꞌa ñaꞌa Ianyuux —kuu‑s, ka xiaꞌan tnaꞌa‑s. 
\p  
\v 16 Hora ijan juaꞌan koio‑s Belén, te n‑ka nanduku‑s Jesús, te n‑ka naniꞌi‑s‑ia xiꞌin dɨꞌɨ‑ia xiꞌin José. Kaa niꞌno‑ia ɨɨn nuu xjuꞌun xa ka xaxi kɨtɨ.  
\v 17 Nu n‑ka xini‑s Ia luchi jan, te n‑ka xiko‑s, te n‑ka xian tnuꞌu‑s ñayiu xa n‑ka jaꞌan ángel, ia ka xinokuechi nuu Ianyuux.  
\v 18 Te n‑ka yuꞌu ñayiu n‑ka teku xa n‑ka najani se xñunuu tkachi jan.  
\v 19 N‑xo naꞌa María ntdaa xa n‑yaꞌa, te kueꞌe xa n‑xo xani ini‑ña.  
\v 20 N‑ka nakuetu se xñunuu tkachi jan nuu Ianyuux ichi ka nuꞌu‑s xaxeꞌe xa n‑ka xo ndeꞌa‑s xa n‑yaꞌa xiꞌin xaxeꞌe ntdaa xa n‑ka teku‑s. Dɨuni n‑ka najuen tnuꞌu‑s‑ia. N‑ka xini‑s xa n‑xetnaꞌa xa n‑xian tnuꞌu ángel, ia ka xinokuechi nuu Ianyuux. 
\s1 Xndeka‑s Jesús n‑xeꞌen veñuꞌu Jerusalén 
\p  
\v 21 Nu n‑kuu una kɨu Jesús, n‑taꞌnde ndodo ñɨɨ nuu ii‑ia, te n‑ka danani ñaꞌa tadɨꞌɨ‑ia Jesús na n‑jaꞌan ángel, ia xinokuechi nuu Ianyuux, xa kunani‑ia na ta juntuu ka‑ia xiti dɨꞌɨ‑ia.  
\v 22 N‑ndundoo María xa n‑xajan‑ña daꞌya chi n‑chidotnuni Moisés xa daa kada ñadɨꞌɨ Israel. Nu n‑xinokava xa n‑ndundoo‑ña, xndeka‑ña nduu‑ña xiꞌin José Jesús juaꞌan veñuꞌu Jerusalén xa juñaꞌa‑s xiꞌin‑ña nuu Ianyuux xa kuenda mee‑ia kuu‑ia.  
\v 23 Duꞌa n‑ka kida‑s chi yodotnuni xa n‑taꞌu tniu Ianyuux xa daꞌya yɨɨ kiꞌna nuu n‑kaku, ñadu kuenda tadɨꞌɨ‑s kuu‑s chi kuenda mee‑ia kuu‑s.  
\v 24 Dɨuni yodotnuni tnuꞌu Ianyuux xa ndoñuꞌu xa doko‑s ɨɨn tayu nleu (ɨɨn kɨt yɨɨ, ɨɨn kɨt dɨꞌɨ) a uu data kuechi nuu altar‑ia. 
\p  
\v 25 Ñuu Jerusalén io ɨɨn se yo vaꞌa nani Simeón, tiempo daa. Vaꞌa xinokuechi‑s nuu Ianyuux, te ñuꞌu ñaꞌa Espíritu Ianyuux. N‑xo ndetu‑s xa kixi se juñaꞌa tnuꞌu kanu ini nuu ñayiu Israel.  
\v 26 N‑jaꞌan Espíritu Ianyuux nuu‑s xa kiꞌna ka jini‑s Cristu, Ia tundaꞌa‑ia; ijan dada kuú‑s.  
\v 27 Dɨuni n‑jaꞌan Espíritu‑ia nuu‑s xa na jɨꞌɨn‑s veñuꞌu. Xndeka tadɨꞌɨ Jesús‑ia juaꞌan veñuꞌu daa. N‑ka kɨu‑s xa kada koio‑s Jesús na io ley n‑chidotnuni Moisés xa kada ntdaa ñayiu.  
\v 28 N‑nundee Simeón Jesús, te n‑najuen tnuꞌu‑s Ianyuux. Dɨuni nakuetu‑s nuu‑ia. N‑jaꞌan‑s: 
\q1  
\v 29 Taa‑ro Ianyuux, xa kuu‑n Ia taxnuni nuu ntdandituꞌu ñayiu ñuñayiu, 
\q1 ndaa vatu na kuu‑da. 
\q1 Nakueka‑n anu‑da. 
\q1 Na kuu ná n‑jaꞌan ná n‑kachi‑n vitna. 
\q1  
\v 30 Chi n‑xini‑da xiꞌin nuu‑da Ia dananitaꞌu ñaꞌa. 
\q1  
\v 31 N‑kida‑n xa daa kada‑ia, te n‑kixee‑ia xa kundeꞌa ñaꞌa ntdaa ñayiu. 
\q1  
\v 32 Kuenda kɨu ɨɨn xa datnuni kuu‑ia xa kada‑ia xa na jini ñayiu ña ka kuu ñayiu Israel jundu kuu Ianyuux. 
\q1 Kuvete ñayiu Israel chi kuu‑ia se Israel. 
\q1 Israel kuu nación ndeka‑n, Taa‑ro Ianyuux, 
\m kuu Simeón, n‑jaꞌan‑s nuu Ianyuux. 
\p  
\v 33 N‑ka yuꞌu tadɨꞌɨ Jesús nu n‑ka teku‑s xa duꞌa n‑jaꞌan Simeón. 
\p  
\v 34 N‑xijan taꞌu Simeón nuu Ianyuux xa kada‑ia xa na kuu José xiꞌin dɨꞌɨ Jesús xavii xavaꞌa. Te xiaꞌan‑s nuu‑ña: 
\p —Kunaꞌa‑n xa kueꞌe ñayiu Israel ma kukanu ini‑i‑ia, te kada Ianyuux xa kujanuu‑i chi ma ku kuu ka‑i ñayiu ndandɨꞌɨ. Dɨuni kueꞌe ñayiu Israel kukanu ini‑ia, te nduu‑i ñayiu ndandɨꞌɨ. Dɨu‑ia kada xa jini ñayiu ñuñayiu jundu kuu Ianyuux, te kuiꞌa jaꞌan ñaꞌa dava‑i.  
\v 35 Hora kuiꞌa na jaꞌan ñaꞌa ñayiu, jini‑ia janda kuu anu‑i, te ndoꞌo, yo tnau ini‑n kuenda kɨu espada tuu ñaꞌa ñayiu —kuu Simeón, n‑xiaꞌan‑s nuu María. 
\p  
\v 36 Hora ijan nujuiin ɨɨn ñá yo n‑kuxaꞌnu nani T‑ana nukeñuꞌu jan. Ñá jaꞌan tnuꞌu Ianyuux nuu ñayiu kuu‑ña. Taa‑ña n‑kuu Fanuel, se n‑kuu daꞌya dana Aser. Idii ni yɨɨ‑ña n‑xio. Uxa kuia n‑xo tuu‑ña xiꞌin‑s, te n‑xiꞌí‑s.  
\v 37 Koon diko koon kuia io‑ña. Ña n‑xo kee‑ña veñuꞌu Jerusalén xaxeꞌe xa n‑xo xijan taꞌu‑ña nuu Ianyuux. N‑xo xo neꞌe ii‑ña, te n‑xo xio ndite‑ña. Mee ni xa xinokuechi‑ña nuu Ianyuux. Nduu, xakuaa n‑xo xinokuechi‑ña.  
\v 38 N‑kendita‑ña nuu xnii tadɨꞌɨ Jesús. N‑nakuetu‑ña nuu Ianyuux. N‑xo kakuneꞌe‑ña‑ia nuu ñayiu Jerusalén n‑ka xo ndetu se dakaku ñaꞌa. 
\p  
\v 39 N‑ka daxinokava José xiꞌin María ntdaa xa n‑taꞌu tniu Ianyuux n‑chidotnuni Moisés, te n‑ka xiko‑s. Ka ndixi‑s Nazaret, distrito Galilea.  
\v 40 Vax kueꞌnu Jesús, te n‑xiaꞌan Ianyuux xandendaku. Yo kaxi n‑xo kuu ini‑ia, te n‑chindee n‑chituu ñaꞌa Ianyuux. 
\s1 N‑xo tuu Jesús veñuꞌu 
\p  
\v 41 Ntnaꞌa kuia n‑xo xeꞌen tadɨꞌɨ Jesús viko Paxcua Jerusalén.  
\v 42 Na io Jesús uxi kuia, juaꞌan‑ia xiꞌin tadɨꞌɨ‑ia viko Paxcua ná ka kida ntdaa ñayiu ñuteyu‑ia vaxi.  
\v 43 Nu n‑xinokava viko jan, te n‑ka xiko tadɨꞌɨ‑ia xa ka ndixi‑s ñuu‑s, te ña n‑ka chinuu‑s xa n‑ndoo‑ia Jerusalén.  
\v 44 N‑ka xani ini‑s xa yɨtnaꞌa‑ia nuu ñayiu ka ndixi koio xiꞌin‑s Nazaret. Ɨɨn kɨu n‑kuu ka xika‑s juan ndixi koio. Ijan dada n‑ka nanduku‑s‑ia nuu ñayiu kuu tnaꞌa‑s xiꞌin nuu ñayiu ka xini tnaꞌa xiꞌin‑s.  
\v 45 Xaxeꞌe xa ña n‑ka naniꞌi‑s‑ia, xijan kuu xa n‑ka nangondita‑s; juaꞌan ntuku‑s Jerusalén, te n‑ka nanduku‑s‑ia ichi n‑ka nangondita‑s.  
\v 46 Kɨu kuu uni, dada n‑ka naniꞌi‑s‑ia veñuꞌu Jerusalén. Nukoo‑ia xiꞌin se ka dakuaꞌa ñayiu xa n‑chidotnuni Moisés. Nini‑ia tnuꞌu‑s, te dandichi ñaꞌa‑ia.  
\v 47 Diko n‑ka yuꞌu ntdantuꞌu se ijan xaxeꞌe xa vaꞌa kutnuni ini‑ia xiꞌin xaxeꞌe tnuꞌu n‑jaꞌan‑ia nuu‑s.  
\v 48 Nu n‑ka xini ñaꞌa tadɨꞌɨ‑ia, te n‑ka yuꞌu‑s. N‑jaꞌan dɨꞌɨ‑ia: 
\p —Jesús, ¿nakuenda duꞌa n‑kida ñaꞌa‑un? Te ka nanduku ñaꞌa‑r xiꞌin taa‑un. Yo n‑ka chi ini‑r xaxeꞌe‑un —kuu‑ña, xiaꞌan‑ña. 
\p  
\v 49 Te xiaꞌan‑ia nuu‑ña nduu‑ña xiꞌin yɨɨ‑ña: 
\p —¿Nakuenda ka nanduku ñaꞌa‑n u? ¿Ñadu xa ka xini‑n xa io xa kutuu‑da veꞌe Taa‑da u? —kuu‑ia, xiaꞌan‑ia. 
\p  
\v 50 Ña n‑ka kutnuni ini tadɨdɨ‑ia nakuenda xa daa n‑jaꞌan‑ia.  
\v 51 N‑xiko‑ia xiꞌin‑s, te n‑ka naxee‑s xiꞌin‑ia Nazaret. 
\p N‑xo jandixa‑ia xa n‑ka xo taꞌu tniu tadɨꞌɨ‑ia nuu‑ia. N‑xo naꞌa dɨꞌɨ‑ia ntdaa xa n‑kuu.  
\v 52 Vax kueꞌnu‑ia, te vaꞌa xani ini‑ia. N‑chindee n‑chituu ñaꞌa Ianyuux, te n‑ka tna ini ñaꞌa ñayiu. 
\c 3  
\s1 N‑dakuaꞌa Sua Bautista ñayiu nuu ñayo io 
\p  
\v 1 Tiempu ijan n‑kuu uxi koon kuia taxnuni Tiberio César. Daa n‑taxnuni Poncio Pilato distrito Judea, te n‑taxnuni Herodes distrito Galilea, te n‑taxnuni ñani Herodes, se nani Slipe distrito Iturea xiꞌin nuu nani Traconite, te Lisanias n‑taxnuni distrito Abilinia.  
\v 2 Dutu taxnuni ka n‑ka kuu Anás xiꞌin Caifás. Tiempu daa n‑jaꞌan Ianyuux nuu Sua, se kuu daꞌya yɨɨ Zacarías. N‑xo tuu‑s nuu ñatu nga juun dau, te ñayo io.  
\v 3 N‑xeꞌen‑s ntdaa ñuu kuechi xndatuu yuꞌu ndute xika Deꞌva Jordán xa n‑xo jaꞌan‑s nuu ñayiu ijan xa na natu ini‑i xa n‑ka kida‑i kuechi te na juendute‑i xa na taxkanu ini Ianyuux xa n‑ka kida‑i.  
\v 4 N‑jaꞌan‑s nuu ñayiu ná n‑chidotnuni Isaías, se n‑xo jaꞌan tnuꞌu Ianyuux nuu ñayiu. Duꞌa n‑jaꞌan Isaías: 
\q1 Xee kana ɨɨn se kutuu nuu ñatu nga juun dau, te ñayo io: 
\q1 “Kada tuꞌa‑n mee‑n ɨɨn ɨɨn‑n na kuaꞌa na xe ini‑n Ianyuux, Ia kuu Xtoꞌo‑ro. 
\q1 Kuenda kɨu ichi ka kuu‑n. 
\q1 Ndadandaa‑n ichi jan. 
\q1  
\v 5 Nadachitu‑n deꞌva, ndada ndaa‑n yuku xiꞌin tnduu. 
\q1 Ndineꞌe ndaa‑n ichi. 
\q1 Ndada ndaa‑n nuu kuiꞌa kaa. 
\q1  
\v 6 Te jini ntdaa ñayiu Ia dananitaꞌu ñaꞌa”, 
\m kuu‑s, xiaꞌan‑s. 
\p  
\v 7 Kueꞌe ñayiu n‑ka xo xeꞌen nuu Sua xa dajuendute ñaꞌa‑s. N‑xo jaꞌan‑s nuu‑i: 
\p —Daꞌya Kuiꞌna ka kuu‑n. ¿Jundu n‑kachitnuꞌu ñaꞌa xa kaku koio‑n nuu Ianyuux? ¿Ka kachi ini‑n xa ma kiti ini‑ia nuu‑n na kixi‑ia u? ¿Jundu n‑kachitnuꞌu ñaꞌa xa ma ndadandaa‑ia kuechi‑n?  
\v 8 Nux xandaa xakuiti n‑ka natu ini‑n xa n‑ka kida‑n kuechi, kada koio xavaꞌa. Maxku ku jaꞌan koio‑n: “Ndandɨꞌɨ‑ro nuu Ianyuux chi daꞌya dana Abraham ka kuu‑ro”, chi ruꞌu jaꞌan xa kuaꞌa Ianyuux xa kada‑ia xa yuú yaꞌa nduu daꞌya dana Abraham.  
\v 9 Ka kuu‑n kuenda kɨu yutnu taꞌnde xa xá katuu kaa xeꞌe‑tnu. Ntdaa yutnu ñatu juun xavidi vaꞌa, taꞌnde‑tnu, te keé‑tnu nuu nuꞌu koko. 
\p  
\v 10 Te n‑ka xo xijan tnuꞌu ñayiu Sua: 
\p —Nux duꞌa yaꞌa, ¿nax io xa kada koio‑da? 
\p  
\v 11 Te n‑xo xiaꞌan Sua nuu‑i: 
\p —Nux xnevaꞌa‑n uu duꞌnu, juñaꞌa koio ɨɨn ñayiu ñatu duꞌnu io. Dani nux xnevaꞌa kueꞌe‑n xa kaxi‑n, juñaꞌa koio ñayiu ña tuu nax kaxi io. 
\p  
\v 12 Se ka xijan tvini nandajan gobierno, n‑ka xee‑s xa dajuendute ñaꞌa Sua, te n‑ka jaꞌan‑s nuu‑s: 
\p —Maestru, ¿nax io xa kada koio‑da? 
\p  
\v 13 Te xiaꞌan Sua nuu‑s: 
\p —Maxku kajan‑n kueꞌe tvini nuu ñayiu; kajan koio‑n nani taꞌu tniu se ka taxnuni. 
\p  
\v 14 Dɨuni n‑ka xee soldado nuu‑s. N‑ka jaꞌan‑s: 
\p —¿Nax io xa kada koio‑da? 
\p Te xiaꞌan‑s: 
\p —Maxku tnɨɨ koio‑n ñayiu xa taxjuexa‑i tvini. Maxku tekuechi‑n ñayiu kuechi neñuu xa niꞌi koio‑n tvini. Kajan koio tvini ñayiu nani taꞌu tniu gobierno, te ndoo koio‑n xiꞌin tvini kuu yaꞌu‑n; maxku kukajan ini koio ka‑n tvini. 
\p  
\v 15 N‑xo ñu ini ñayiu jan xa kixi se n‑xiaꞌan Ianyuux tnuꞌu‑ia xa kixi‑s, te ñayo‑i n‑xini nuu ndaa xa Sua kuu Cristu a ñaꞌa.  
\v 16 Xijan kuu xa duꞌa xiaꞌan Sua nuu‑i: 
\p —Ruꞌu, dajuendute ñaꞌa, te Ia kixi kada xa keé ñaꞌa Espíritu Ianyuux, te ndadandaa‑ia kuechi‑n. Taxnuni ka‑ia dada ruꞌu. Ñatu natau xa junukuechi‑r nuu‑ia, ni xa nandaxi‑r correa ndixa‑ia chi se dakuu nga kuu‑r.  
\v 17 Kuenda kɨu ɨɨn se neꞌe pala‑s xa dandechi‑s trɨu‑s kuu‑ia. Kuenda kɨu trɨu jan kuu ñayiu. Se ijan nataxtnaꞌa‑s trɨu‑s, te chiꞌi‑s ɨɨn veꞌe, te teñuꞌu‑s paja nuu nuꞌu koko nɨkava nɨkuita —kuu Sua, xiaꞌan‑s. 
\p  
\v 18 Yo kueꞌe ka xa n‑dakuaꞌa Sua ñayiu na n‑jaꞌan‑s tnuꞌu Ianyuux nuu ñayiu. Ɨɨn xandaa kuu xa n‑xo jaꞌan‑s.  
\v 19 Dɨuni n‑jaꞌan doꞌo‑s se taxnuni nani Herodes chi n‑xeka‑s ñadɨꞌɨ ñani‑s. Herodías nani‑ña. Dɨuni n‑kanandee‑s‑sɨ chi kueꞌe ka kuechi n‑kida‑s.  
\v 20 N‑xe xee ka kuechi Herodes jan chi n‑chindiꞌu‑s Sua vekaa. 
\s1 N‑xendute Jesús 
\p  
\v 21 Na ta chindiꞌu ka Herodes Sua, n‑dajuendute Sua ñayiu. Dɨuni n‑dajuendute‑s Jesús. Nɨni xijan taꞌu‑ia nuu Ianyuux n‑najaan andɨu,  
\v 22 te n‑juun Espíritu Ianyuux dɨkɨ‑ia. Data n‑nduu‑ia. Nde andɨu n‑jaꞌan Ianyuux nuu Jesús: 
\p —Daꞌya Yɨɨ Mani‑r kuu ñaꞌa. Vichi tna ini‑r xa kida‑n —kuu‑ia, xiaꞌan‑ia. 
\s1 Xixitna Jesús 
\p  
\v 23 N‑kixeꞌe Jesús xa kada‑ia tniu Ianyuux. Io‑ia naxa oko uxi kuia daa. N‑xo xani ini ñayiu xa kuu‑ia daꞌya yɨɨ José. José n‑kuu daꞌya Elí.  
\v 24 Elí n‑kuu daꞌya Matat. Matat n‑kuu daꞌya Leví. Leví n‑kuu daꞌya Melqui. Melqui n‑kuu daꞌya Jana. Jana n‑kuu daꞌya José.  
\v 25 José n‑kuu daꞌya Matatías. Matatías n‑kuu daꞌya Amós. Amós n‑kuu daꞌya Nahúm. Nahúm n‑kuu daꞌya Esli. Esli n‑kuu daꞌya Nagai.  
\v 26 Nagai n‑kuu daꞌya Maat. Maat n‑kuu daꞌya Matatías. Matatías n‑kuu daꞌya Semei. Semei n‑kuu daꞌya José. José n‑kuu daꞌya Judá.  
\v 27 Judá n‑kuu daꞌya Joana. Joana n‑kuu daꞌya Resa. Resa n‑kuu daꞌya Zorobabel. Zorobabel n‑kuu daꞌya Salatiel. Salatiel n‑kuu daꞌya Neri.  
\v 28 Neri n‑kuu daꞌya Melqui. Melqui n‑kuu daꞌya Adi. Adi n‑kuu daꞌya Cosam. Cosam n‑kuu daꞌya Elmodam. Elmodam n‑kuu daꞌya Er.  
\v 29 Er n‑kuu daꞌya Josué. Josué n‑kuu daꞌya Eliezer. Eliezer n‑kuu daꞌya Jorim. Jorim n‑kuu daꞌya Matat.  
\v 30 Matat n‑kuu daꞌya Leví. Leví n‑kuu daꞌya Simeón. Simeón n‑kuu daꞌya Judá. Judá n‑kuu daꞌya José. José n‑kuu daꞌya Jonán. Jonán n‑kuu daꞌya Eliaquim.  
\v 31 Eliaquim n‑kuu daꞌya Melea. Melea n‑kuu daꞌya Mainán. Mainán n‑kuu daꞌya Matata. Matata n‑kuu daꞌya Natán.  
\v 32 Natán n‑kuu daꞌya David. David n‑kuu daꞌya Isaí. Isaí n‑kuu daꞌya Obed. Obed n‑kuu daꞌya Booz. Booz n‑kuu daꞌya Salmón. Salmón n‑kuu daꞌya Naasón.  
\v 33 Naasón n‑kuu daꞌya Aminadab. Aminadab n‑kuu daꞌya Aram. Aram n‑kuu daꞌya Esrom. Esrom n‑kuu daꞌya Fares. Fares n‑kuu daꞌya Judá.  
\v 34 Judá n‑kuu daꞌya Jacob. Jacob n‑kuu daꞌya Isaac. Isaac n‑kuu daꞌya Abraham. Abraham n‑kuu daꞌya Taré. Taré n‑kuu daꞌya Nacor.  
\v 35 Nacor n‑kuu daꞌya Serug. Serug n‑kuu daꞌya Ragau. Ragau n‑kuu daꞌya Peleg. Peleg n‑kuu daꞌya Heber. Heber n‑kuu daꞌya Sala.  
\v 36 Sala n‑kuu daꞌya Cainán. Cainán n‑kuu daꞌya Arfaxad. Arfaxad n‑kuu daꞌya Sem. Sem n‑kuu daꞌya Noé. Noé n‑kuu daꞌya Lamec.  
\v 37 Lamec n‑kuu daꞌya Matusalén. Matusalén n‑kuu daꞌya Enoc. Enoc n‑kuu daꞌya Jared. Jared n‑kuu daꞌya Mahalaleel. Mahalaleel n‑kuu daꞌya Cainán.  
\v 38 Cainán n‑kuu daꞌya Enós. Enós n‑kuu daꞌya Set. Set n‑kuu daꞌya Adán. Adán n‑kuu daꞌya Ianyuux chi n‑kidavaꞌa‑ia‑s. 
\c 4  
\s1 N‑juini Kuiꞌna xa dajaꞌan‑i Jesús xa kada‑ia kuechi 
\p  
\v 1 N‑keé Espíritu Ianyuux Jesús nuu n‑nane‑ia nuu ndute xika Deꞌva Jordán, te n‑jaꞌan Espíritu Ianyuux nuu‑ia xa na jɨꞌɨn‑ia nuu ñatu nga juun dau, te ñayo io.  
\v 2 Ijan n‑xo tuu‑ia uu diko kɨu. Ntdaa kɨu ijan n‑kuu Kuiꞌna xa dajaꞌan ñaꞌa‑i xa kada‑ia kuechi. Ni ɨɨn xa ña tuu nax n‑xaxi‑ia uu diko kɨu ijan. Ijan dada yo n‑kojon‑ia.  
\v 3 N‑jaꞌan Kuiꞌna nuu‑ia: 
\p —Nux ndaa xa Daꞌya Yɨɨ Ianyuux kuu‑n juñaꞌa yuú yaꞌa na nduu‑i tila. 
\p  
\v 4 Te n‑jaꞌan Jesús nuu‑i: 
\p —Yodotnuni tnuꞌu Ianyuux xa: “Ñadu diko ni xa kaxi koio ñayiu kundito‑i.” 
\p  
\v 5 Ijan te ndeka ñaꞌa Kuiꞌna juaꞌan ɨɨn nuu dujun, te nuniꞌno ni n‑dandeꞌa ñaꞌa‑i ntdaa ñuu ñuñayiu nuu ka taxnuni se ka taxnuni.  
\v 6 Te xiaꞌan‑i nuu‑ia: 
\p —Ntdandituꞌu xaꞌa taxi‑r, te tetutniu ñaꞌa‑r xa taxnuni‑n ntdandituꞌu ñuñayiu yaꞌa. Ndadakaꞌnu ñaꞌa ñayiu ya mee‑n chi mee‑r n‑taxi Ianyuux ntdaa xaꞌa, te ñayiu kuu ini mee‑r juñaꞌa‑r.  
\v 7 Nux njuiin xiti‑n nuu‑r te nakuetu‑n nuu‑r, te xaxii‑n kuu ntdandituꞌu xaꞌa. 
\p  
\v 8 Xiaꞌan Jesús nuu‑i: 
\p —Yodotnuni tnuꞌu Ianyuux xa: “Nuu Ianyuux, Ia kuu Xtoꞌo‑ro, njuiin xiti koio, te nakuetu koio. Nuu mee ni‑ia junukuechi koio.” 
\p  
\v 9 Dɨuni ndeka ñaꞌa Kuiꞌna juaꞌan xa jandodo ñaꞌa‑i nuu dujun ka dɨkɨ veñuꞌu Jerusalén. Te xiaꞌan‑i nuu‑ia: 
\p —Nux ndaa xa Daꞌya Yɨɨ Ianyuux kuu‑n, jungava nde nuu ñuꞌu jan  
\v 10 chi yodotnuni tnuꞌu Ianyuux xa: “Taꞌu tniu Ianyuux nuu ángel, ia ka xinokuechi nuu‑ia, xa junuu ñaꞌa‑ia.”  
\v 11 Dɨuni yodotnuni tnuꞌu‑ia: “Junuu ñaꞌa koio‑ia xa na ñaꞌa tnukueꞌe xeꞌe‑n nuu yuú” —kuu Kuiꞌna, n‑xiaꞌan‑i. 
\p  
\v 12 Te xiaꞌan Jesús nuu‑i: 
\p —Dɨuni yodotnuni tnuꞌu‑ia: “Maxku kototnuni‑n Ianyuux, Ia kuu Xtoꞌo‑ro.” 
\s1 N‑kixeꞌe Jesús xa kada‑ia tniu‑ia 
\p  
\v 13 Nu n‑yaꞌa xa n‑xitotnuni Kuiꞌna Jesús, te n‑dandoo ñaꞌa‑i, te ña n‑naxee ka‑i nde kɨu n‑ngondita‑i ɨnka vuelta. 
\p  
\v 14 Ñuꞌu Espíritu Ianyuux Jesús, te n‑kuaꞌa‑ia xa kada‑ia tniu‑ia. N‑xiko‑ia juan ndixi distrito Galilea. Yo n‑ka xo najani ñayiu Galilea xa n‑kida‑ia.  
\v 15 N‑xo dakuaꞌa‑ia ñayiu Israel xiti veñuꞌu kuechi‑i, te n‑ka xo najuen tnuꞌu‑i‑ia. 
\s1 N‑ka dangondita ñayiu Nazaret Jesús 
\p  
\v 16 N‑xiko‑ia, n‑naxee‑ia Nazaret, ñuteyu‑ia. Nani n‑xo xeꞌen‑ia veñuꞌu kuechi ntnaꞌa sabado nuu n‑xo tuu‑ia, dani n‑xo xeꞌen‑ia veñuꞌu luchi ñuu‑ia. N‑xee ntuku kɨu sabado, te juaꞌan‑ia veñuꞌu luchi jan, te n‑nukoo‑ia. Ijan dada n‑ndojuiin‑ia xa kaꞌu ndodo‑ia tnuꞌu Ianyuux yodotnuni nuu ñayiu xyuku ijan,  
\v 17 te n‑xiaꞌan se xko kida veñuꞌu tutu tuniꞌno n‑kidavaꞌa Isaías, se n‑jaꞌan tnuꞌu Ianyuux nuu ñayiu. N‑nandɨka‑ia tutu jan, te nu n‑naniꞌi‑ia tnuꞌu kaꞌu‑ia, n‑kaꞌu ndodo‑ia nuu ñayiu xyuku ijan: 
\q1  
\v 18 N‑tetutniu ñaꞌa Espíritu Ianyuux xa jaꞌan‑r tnuꞌu‑ia nuu ñayiu ka kundaꞌu. 
\q1 Ɨɨn xavaꞌa kuu xa jaꞌan‑r nuu‑i. 
\q1 Ñuꞌu ñaꞌa Espíritu‑ia. 
\q1 N‑tundaꞌa ñaꞌa‑ia xa jaꞌan‑r nuu ñayiu xyɨndiꞌu nax kada koio‑i xa yaa‑i. 
\q1 N‑tundaꞌa ñaꞌa‑ia xa ndadavaꞌa‑r ñayiu kuaa na kuaꞌa na nukondeꞌa‑i. 
\q1 N‑tundaꞌa ñaꞌa‑ia xa kada‑r xa yaa ñayiu nuu ñayiu kida uꞌu ñaꞌa. 
\q1  
\v 19 N‑tundaꞌa ñaꞌa‑ia xa jaꞌan‑r xa n‑xee kɨu n‑xantuu Ianyuux xa kada‑ia ɨɨn xa kada‑ia. 
\p  
\v 20 Ijan dada n‑natuniꞌno‑ia tutu jan, te n‑najuñaꞌa‑ia se xko kida veñuꞌu, te n‑nukoo‑ia. N‑ka nukondeꞌa ñaꞌa ntdandituꞌu ñayiu xyuku veñuꞌu luchi jan.  
\v 21 Te n‑kixeꞌe‑ia xa jaꞌan‑ia: 
\p —Vitna kuu xa n‑xetnaꞌa tnuꞌu Ianyuux yodotnuni, te n‑ka xo nini‑n —kuu‑ia, xiaꞌan‑ia. 
\p  
\v 22 N‑ka kutnuni ini ñayiu n‑ka teku tnuꞌu n‑jaꞌan‑ia xa tnuꞌu vii tnuꞌu vaꞌa n‑jaꞌan‑ia. Dɨuni n‑ka kutnuni ini‑i xa ɨɨn xavaꞌa kuu. N‑ka xiaꞌan tnaꞌa‑i: 
\p —¿Ñadu se yaꞌa kuu daꞌya yɨɨ José a? 
\p  
\v 23 Te xiaꞌan Jesús nuu ñayiu jan: 
\p —Vaa kachi koio‑n nuu‑r: “Na jaꞌan‑r tnuꞌu yaꞌa: Nani dakuaꞌa‑n ɨnka ñayiu, dani dakuaꞌa‑n ñayiu yaꞌa.” Te vaa dɨuni kachi‑n nuu‑r: “Nani n‑kida‑n ñuu Capernaum, dani ndoñuꞌu xa kada‑n ñuteyu‑n chi n‑ka teku‑r xa n‑kida‑n ijan.”  
\v 24 Xandaa xakuiti xa se jaꞌan tnuꞌu Ianyuux nuu ñayiu, ñayo ñayiu ñuteyu‑s xe ini ñaꞌa.  
\v 25 Na n‑xo tuu Elías nación Israel ya, daa n‑ndii uni yodo kuia, te n‑kixi tnama ndeꞌe nituꞌu nación ya. Kueꞌe ñadɨꞌɨ n‑ka xiꞌí yɨɨ n‑xio daa.  
\v 26 Ña n‑tundaꞌa Ianyuux Elías nuu ɨɨn ñá yaꞌa chi n‑tundaꞌa‑ia Elías nuu ɨɨn ñadɨꞌɨ n‑xiꞌí yɨɨ ñuu nani Sarepta, distrito Sidón.  
\v 27 Dɨuni n‑xio kueꞌe ñayiu tnaꞌa kueꞌe teꞌyu ñɨɨ nación Israel ya na n‑xo tuu Eliseo, se n‑jaꞌan tnuꞌu Ianyuux nuu ñayiu. Ñayo‑i n‑ndvaꞌa. Mee ni Naamán, se nación Siria n‑ndvaꞌa. 
\p  
\v 28 Yo n‑ka kiti ini ñayiu xyuku veñuꞌu luchi jan xa n‑ka teku‑i tnuꞌu ijan,  
\v 29 te n‑ka ndojuiin‑i, te n‑ka kineꞌe ñaꞌa‑i yuꞌu ñuu jan. Xndeka ñaꞌa‑i juaꞌan ɨɨn dɨkɨ yuku nuu katuu ñuu‑i xa dajungava ñaꞌa koio‑i,  
\v 30 ko n‑yaꞌa‑ia meꞌñu‑i ntdaa‑i, te n‑kee‑ia. 
\s1 N‑kineꞌe Jesús xaloko ñuꞌu anu ɨɨn seyɨɨ 
\p  
\v 31 Juan nuꞌu‑ia Capernaum. Capernaum kuu ɨnka ñuu katuu distrito Galilea. Ntnaꞌa sabado n‑dakuaꞌa‑ia ñayiu veñuꞌu luchi ñuu ijan.  
\v 32 N‑ka yuꞌu ñayiu n‑ka teku xa n‑jaꞌan‑ia jan, te n‑kunuu tnuꞌu‑ia chi n‑ka kutnuni ini‑i xa n‑tundaꞌa ñaꞌa Ianyuux. 
\p  
\v 33 Veñuꞌu luchi jan tuu ɨɨn se ñuꞌu ñaꞌa xaloko, te xee n‑kana‑s. Xiaꞌan‑s nuu Jesús: 
\p  
\v 34 —Dito, ¿nax juun ñaꞌa‑n? ¿Vaxi‑n xa danaa ñaꞌa‑n a? Xini‑da jundu kuu‑n. Daꞌya Yɨɨ Ianyuux kuu‑n. 
\p  
\v 35 Te n‑kudeen Jesús nuu xaloko ñuꞌu anu se ijan. Xiaꞌan‑ia: 
\p —Kadɨ yuꞌu‑n. Ta kee anu‑s —kuu‑ia, xiaꞌan‑ia nuu‑i. 
\p Te n‑dajane xaloko jan se ijan meꞌñu ñayiu xyuku ijan. N‑ndua‑s, ko ña tuu nax n‑kuu‑s, te n‑kee xaloko jan anu‑s.  
\v 36 Te yo ndeꞌe n‑ka yuꞌu ntdaa ñayiu xyuku jan. Xiaꞌan tnaꞌa‑i: 
\p —Ñayo n‑xani ini xa duꞌa kada ɨɨn se yaꞌa xa taꞌu tniu‑s nuu xaloko, te kee‑i. 
\p  
\v 37 Te n‑ka teku ntdaa ñayiu io nɨkaduku Capernaum xaꞌa. 
\s1 N‑ndadavaꞌa Jesús didido Simón 
\p  
\v 38 N‑kee‑ia veñuꞌu luchi jan, te juaꞌan‑ia veꞌe Simón. Tnaꞌa didido Simón kaꞌni ndeꞌe, te n‑ka jaꞌan ñayiu xyuku ijan nuu‑ia xa na ndadavaꞌa ñaꞌa‑ia.  
\v 39 N‑xe juiin ndeyu‑ia nuu kaa‑ña, te n‑kudeen‑ia nuu kaꞌni ndeꞌe ñuꞌu ñaꞌa, te n‑ndiko ñaꞌa kaꞌni. Hora ijan ni n‑ndokoo‑ña, te n‑xiaꞌan‑ña xa n‑xaxi ñayiu xyuku ijan. 
\s1 N‑ndadavaꞌa Jesús kueꞌe ñayiu 
\p  
\v 40 Nɨni juan keé ngandii, xndeka ñayiu ñuu ijan ñayiu ka tnaꞌa nudɨɨn kueꞌe n‑ka xee nuu‑ia. N‑xajan ndodo‑ia ndaꞌa‑ia‑i, te n‑ndadavaꞌa‑ia‑i ntdaa‑i.  
\v 41 Dɨuni n‑ka kee ñaꞌa kueꞌe xaloko. Xee ka kana‑i. Ka xiaꞌan‑i nuu‑ia: 
\p —Mee‑n kuu Daꞌya Yɨɨ Ianyuux. 
\p Te n‑kudeen‑ia nuu‑i. Xaxeꞌe xa naꞌa mee‑ia xa xnaꞌa xaloko jan xa mee‑ia kuu Cristu, n‑taꞌu tniu‑ia xa maxku jaꞌan koio‑i xijan. 
\s1 N‑dakuaꞌa Jesús tnuꞌu Ianyuux ñayiu distrito Galilea 
\p  
\v 42 N‑tuu kɨu kuu uu, te n‑kee‑ia. Juaꞌan‑ia ɨɨn nuu ñatu nga juun dau, te ñayo io. N‑ka nanduku ñaꞌa ñayiu, te n‑ka naniꞌi ñaꞌa‑i. N‑ka juini‑i xa na ndoo ka‑ia ijan, te maxku ndee ni‑ia.  
\v 43 N‑jaꞌan‑ia nuu‑i: 
\p —Io xa jɨꞌɨn‑r ɨnka ntuku ñuu xa jaꞌan‑r nuu ñayiu ijan nax io xa kada‑i xa kɨu tnaꞌa‑i nuu ñayiu ka jandixa xa taxnuni Ianyuux nuu‑i. Xaxeꞌe xaꞌa n‑tundaꞌa ñaꞌa‑ia xa vaxi‑r —kuu‑ia, xiaꞌan‑ia. 
\p  
\v 44 Daa ni n‑dakuaꞌa naꞌi ka‑ia ñayiu n‑ka xo nataka xiti veñuꞌu kuechi Israel. 
\c 5  
\s1 N‑jaꞌan Jesús nuu uni seyɨɨ xa na nkuitandijun ñaꞌa‑s 
\p  
\v 1 N‑xika kɨu, te juaꞌan‑ia yuꞌu laguna kaꞌnu nani Genesaret. Ka dataꞌi ñaꞌa ñayiu xyuku nuu nujuiin‑ia xaxeꞌe xa ka kuu‑i xa kunini koio‑i tnuꞌu Ianyuux jaꞌan‑ia.  
\v 2 Te n‑xini‑ia uu barcu kuechi xtuu yatni yuꞌu ndute xiꞌin se ka tava chaka ka najini ñunu chaka‑s.  
\v 3 N‑keé Jesús ɨɨn barcu jan. Barcu kuu barcu Simón. N‑jaꞌan Jesús nuu Simón xa na dakaka‑s barcu nuu kaa kunu ka ndute itaꞌu. Nu n‑dakaka‑s barcu, n‑nukoo Jesús xiti barcu, te n‑dakuaꞌa‑ia ntdaa ñayiu xyuku yuꞌu ndute.  
\v 4 Nu n‑yaꞌa xa n‑dakuaꞌa Jesús ñayiu, te xiaꞌan‑ia nuu Simón: 
\p —Kandeka barcu‑n juaꞌan nuu kunu ka kaa ndute, te dakeé‑n ñunu chaka xa tava‑n‑tɨ. 
\p  
\v 5 Te n‑jaꞌan Simón: 
\p —Maestru, niniu n‑ka dakeé‑da ñunu‑tɨ, ko ni ɨɨn‑t ña n‑ka tava‑da. Juini ñayo‑da n‑ka tava‑tɨ, ko nux daa juini‑n, na dakeé ntuku‑da. 
\p  
\v 6 N‑ka kida‑s ná n‑jaꞌan‑ia te n‑ka keé kueꞌe chaka ñunu jan. Te n‑kixeꞌe ndata ñunu juaꞌan.  
\v 7 Te n‑ka xaxa ndaꞌa‑s nuu dava ka se xnetnaꞌa xiꞌin‑s xñutuu ɨnka barcu xa na xee koio‑s xa na chindee tnaꞌa‑s. Te n‑ka xee‑s ijan. N‑ka dachitu‑s ntdaa‑s nduu barcu jan chaka. Xaku nga nduxi barcu jan nuu ndute. 
\p  
\v 8 N‑xini Simón Pedru xijan, te n‑xe juiin xiti‑s nuu Jesús. Xiaꞌan‑s: 
\p —Juaꞌan‑n, Dito, chi se kida kuechi kuu‑da. 
\p  
\v 9 N‑ka yuꞌu Simón xiꞌin se xndeka tnaꞌa xiꞌin‑s xaxeꞌe xa vichi kueꞌe chaka n‑ka tava‑s.  
\v 10 Se xndeka tnaꞌa xiꞌin Simón xa ka tava‑s chaka kuu Jacobo xiꞌin Sua, se ka kuu daꞌya yɨɨ Zebedeo. Te xiaꞌan Jesús nuu Simón: 
\p —Maxku ku yuꞌu‑n. Vitna kixeꞌe‑n xa dataka‑n ñayiu. Nani dataka‑n chaka xiꞌin ñunu‑n, dani dataka‑n ñayiu. 
\p  
\v 11 N‑ka dakaka‑s barcu‑s, te n‑ka ndinexio‑s yuꞌu ndute. N‑ka dandoo‑s ndatniu‑s, te n‑ka xe kuitandijun‑s Jesús. 
\s1 N‑ndadavaꞌa Jesús ɨɨn se teꞌyu ñɨɨ 
\p  
\v 12 Nu n‑xika kɨu, te juaꞌan Jesús ɨnka ñuu distrito Galilea. Ijan tuu ɨɨn se tnaꞌa kueꞌe teꞌyu ñɨɨ. N‑xini‑s‑ia, te n‑xe juiin xiti‑s nuu‑ia, te n‑xijan taꞌu‑s. Te xiaꞌan‑s: 
\p —¿Vatuka ndadavaꞌa ñaꞌa‑n a? Dito. Ndadavaꞌa ñaꞌa‑n chi n‑kida Ianyuux xa ndadavaꞌa‑n ñayiu. 
\p  
\v 13 N‑dakaa‑ia ndaꞌa‑ia, te n‑tenee‑ia ndaꞌa‑ia‑s, te n‑jaꞌan‑ia nuu‑s: 
\p —Vatuka, te na ndvaꞌa‑n. 
\p Danaa n‑ndvaꞌa‑s.  
\v 14 N‑jaꞌan‑ia nuu‑s xa mee ni‑s na kunaꞌa xijan. Te xiaꞌan ntuku‑ia‑s: 
\p —Juan dandeꞌa dutu ñɨɨ‑n xa na jini‑s xa n‑ndvaꞌa‑n. Juñaꞌa‑n‑sɨ ɨɨn xa na doko‑s nuu altar ná io ley n‑chidotnuni Moisés na kuaꞌa na jini‑s xa mee‑r n‑ndadavaꞌa ñaꞌa —kuu Jesús, xiaꞌan‑ia. 
\p  
\v 15 N‑xitendodo xa n‑kida Jesús juaꞌan, te kueꞌe ñayiu n‑ka xo taka xa kunini koio‑i tnuꞌu‑ia, te n‑xo ndadavaꞌa‑ia ñayiu ka kuꞌu,  
\v 16 ko kueꞌe vuelta ñayo‑ia n‑xo tuu chi n‑xo xeꞌen‑ia xa kajan taꞌu‑ia nuu Ianyuux nuu ñatu nga juun dau te ñayo io. 
\s1 N‑ndadavaꞌa Jesús ɨɨn se n‑xiꞌí xeꞌe 
\p  
\v 17 Nu n‑xika kɨu, n‑ka xee se fariseu xiꞌin se ka dakuaꞌa ñayiu xa n‑chidotnuni Moisés nuu dakuaꞌa Jesús ñayiu. Se distrito Galilea xiꞌin distrito Judea ka kuu‑s. Dava‑s ka kuu se Jerusalén. Kɨu ijan n‑kida Ianyuux xa n‑kuaꞌa Jesús xa ndadavaꞌa‑ia ñayiu ka kuꞌu, te n‑ka xeꞌen‑i nuu‑ia.  
\v 18 Daa xndeka‑s ɨɨn se kaa nuu xito n‑xiꞌí nduu xeꞌe n‑ka xee nuu tuu‑ia. N‑ka nduku ini‑s xa kɨu koio‑s xiꞌin se kuꞌu jan veꞌe nuu tuu‑ia xa kajan tuu‑s‑sɨ nuu‑ia,  
\v 19 ko ña n‑kuaꞌa xa kɨu koio‑s do yeꞌe jan chi yo chitu ñayiu xiti veꞌe jan, te n‑ka xe kaa‑s dɨkɨ veꞌe jan. N‑ka dita ndee‑s teja te n‑ka dajuun‑s se kuꞌu jan nuu Jesús meꞌñu ñayiu xyuku ijan. 
\p  
\v 20 N‑xini‑ia xa ka kukanu ini‑s Ianyuux, te n‑jaꞌan‑ia nuu se kuꞌu jan: 
\p —N‑taxkanu ini‑r kuechi n‑kida‑n. 
\p  
\v 21 Xaxeꞌe xa duꞌa n‑jaꞌan‑ia n‑ka nukuita se ka tuꞌa vaꞌa tnuꞌu n‑chidotnuni Moisés xiꞌin se ka kuu se fariseu ka ndatnuꞌu‑s. N‑ka xani ini‑s: “¿Ndee se kuu se yaꞌa xa dadavatnaꞌa‑s xiꞌin Ianyuux? Ñayo ñayiu taxkanu ini xa n‑ka kida‑ro kuechi; mee dii Ianyuux.” 
\p  
\v 22 N‑kutnuni ini Jesús nax n‑ka ndatnuꞌu‑s, te xiaꞌan‑ia nuu‑s: 
\p —¿Nakuenda daa ka xani ini‑n? ¿Nax ka kachi‑n?  
\v 23 Ka xini‑n xa ndvaꞌa se yaꞌa nux na jaꞌan‑r: “Ndokoo. Kaka”, ko ñatu ka jandixa‑n xa taxkanu ini‑r kuechi n‑kida‑s.  
\v 24 Kunaꞌa koio xa mee‑r, Ia kuu ñayiu, taxkanu ini kuechi n‑ka kida ñayiu. 
\p Te xiaꞌan‑ia nuu se n‑xiꞌi xeꞌe: 
\p —Ndokoo. Ndoneꞌe xito‑n, doo‑n, te juan nuꞌu‑n veꞌe‑n. 
\p  
\v 25 Hora ijan ni n‑ndokoo‑s meꞌñu ñayiu xyuku ijan. N‑ndoneꞌe‑s doo‑s, xito‑s, te juan nuꞌu‑s veꞌe‑s. Nɨni xika‑s ichi juan nuꞌu‑s, n‑nakuetu‑s nuu Ianyuux. 
\p  
\v 26 N‑ka yuꞌu ntdaa ñayiu xyuku ijan, te dɨuni n‑ka nakuetu koio‑i nuu‑ia. N‑ka yuꞌu‑i te ka xiaꞌan tnaꞌa‑i: 
\p —Ña uun ka xini‑ro xa n‑ka xini‑ro vitna. Ña uun xini‑ro xa duꞌa kada ɨɨn ñayiu. 
\s1 N‑jaꞌan Jesús nuu Leví xa nkuitandijun ñaꞌa‑s 
\p  
\v 27 Nu n‑yaꞌa xijan, juaꞌan Jesús ɨnka lado. N‑yaꞌa‑ia nuu nukoo ɨɨn se xijan tvini nandajan gobierno nani Leví. Te n‑jaꞌan‑ia nuu‑s: 
\p —Neꞌe, te nkuitandijun ñaꞌa. 
\p  
\v 28 N‑dandoo Leví ntdaa xa yɨndaꞌa‑s, te n‑xe kuitandijun‑s‑ia.  
\v 29 Juaꞌan‑s xiꞌin‑ia veꞌe‑s, te n‑jaꞌan‑s‑ia xiꞌin se dakuaꞌa‑ia xa kaxdeꞌñu koio‑ia veꞌe‑s, te kueꞌe ndeyu n‑kida tuꞌa‑s. Kueꞌe se ka xijan tvini nandajan gobierno xiꞌin dava ka ñayiu n‑ka xee xa kaxdeꞌñu koio‑i tuku.  
\v 30 Dɨuni n‑ka xee se fariseu xiꞌin se ka tuꞌa vaꞌa tnuꞌu n‑chidotnuni Moisés te n‑ka jan kuechi‑s. 
\p Ka xiaꞌan‑s nuu se dakuaꞌa Jesús: 
\p —¿Nakuenda ka xaxi ka xiꞌi‑n xiꞌin se ka xijan tvini nandajan gobierno xiꞌin dava ka ñayiu yo ka kida kuechi? 
\p  
\v 31 Te n‑jaꞌan Jesús nuu‑s: 
\p —Ñayiu io vaꞌa, ña ka ndoñuꞌu‑i setatna, ko ñayiu ka kuꞌu, ndoñuꞌu‑i‑sɨ.  
\v 32 Ñadu n‑kixee‑r xa jaꞌan‑r nuu ñayiu vaꞌa xa nkuitandijun ñaꞌa‑i chi n‑kixee‑r xa jaꞌan‑r nuu ñayiu ka kida kuechi xa na nkuitandijun ñaꞌa‑i, te na natu ini koio‑i xa n‑ka kida‑i —kuu Jesús, xiaꞌan‑ia. 
\s1 N‑ka kidandichi‑s Jesús 
\p  
\v 33 Ka xiaꞌan ñayiu ka xaxdeꞌñu ijan nuu Jesús: 
\p —Se dakuaꞌa ñaꞌa Sua, tɨtnɨ vuelta xneꞌe ii‑s. Nɨni xneꞌe ii‑s, ña ka xaxi‑s, te tɨtnɨ vuelta ka xijan taꞌu‑s nuu Ianyuux. Dani ka kida se dakuaꞌa ñaꞌa se fariseu. ¿Nakuenda se dakuaꞌa mee‑n, ka xaxi‑s, ka xiꞌi‑s, te ñayo‑s neꞌe ii? 
\p  
\v 34 Te n‑jaꞌan Jesús tnuꞌu kandee. Xiaꞌan‑ia: 
\p —Se dakuaꞌa‑r ka kuu na ka kuu se xtuu viko tnundaꞌa, te mayo ku dadaꞌan xa kaxi koio‑s dita hora xtuu‑s xiꞌin noviu,  
\v 35 ko na xee kɨu tnɨɨ ñayiu noviu jan, daa kondite koio‑s chi xaxeꞌe xa kukoꞌyo ini‑s. 
\p  
\v 36 Te n‑jaꞌan‑ia ɨnka tnuꞌu kandee yaꞌa. Xiaꞌan‑ia: 
\p —Ñayo ñayiu kachi daꞌma xee xa dandee‑i daꞌma n‑kutuꞌu chi hora nakate‑i, nandɨyɨ daꞌma xee jan, te nataka daꞌma n‑kutuꞌu. Ñatu natau xa ndee daꞌma xee daꞌma n‑kutuꞌu. Kuenda kɨu tnuꞌu jaꞌan‑r kuu daꞌma xee jan.  
\v 37 Dɨuni ñayo ñayiu dakeé vinu xee bolsa ñɨɨ n‑kutuꞌu chi ndata vinu xee bolsa jan, te katu ntdantuꞌu vinu, te ma jiniñuꞌu ka bolsa ñɨɨ jan.  
\v 38 Ñayo daa kida chi dakeé‑ro vinu xee bolsa ñɨɨ xee.  
\v 39 Ñayiu xiꞌi vinu naꞌa n‑kuu io, ñayo‑i xiꞌi vinu xee, chi jaꞌan‑i: “Adɨ ka vinu naꞌa n‑kuu io.” Kuenda kɨu tnuꞌu‑r kuu vinu xee jan —kuu Jesús, xiaꞌan‑ia. 
\c 6  
\s1 Taꞌu tniu Jesús nuu ñayiu nuu nax kada‑i kɨu sabado 
\p  
\v 1 N‑xee ntuku kɨu sabado, te n‑yaꞌa Jesús xiꞌin se dakuaꞌa‑ia ɨɨn nuu ñuꞌu kaa trɨu. Nɨni n‑ka yaꞌa‑s n‑ka tnundodo‑s yoko trɨu jan. N‑ka kɨɨn‑s, te n‑ka xaxi‑s.  
\v 2 N‑ka xini dava se fariseu, te n‑ka jaꞌan‑s: 
\p —¿Nakuenda ka kida‑n xa ña xejoon Ianyuux xa kada‑ro kɨu kuu sabado? 
\p  
\v 3 N‑jaꞌan Jesús nuu‑s: 
\p —¿Nax kuu xa ña ka kaꞌu‑n xa n‑kida David xiꞌin se xndeka tnaꞌa xiꞌin‑s ɨɨn vuelta na ka kojon‑s?  
\v 4 N‑kɨu‑s veñuꞌu, te n‑tnɨɨ‑s tila n‑doko dutu nuu Ianyuux. N‑xiaꞌan David se xndeka tnaꞌa xiꞌin‑s, te n‑ka xaxi‑s ntdaa‑s. Ñatu xejoon Ianyuux xa kaxi koio ɨnka ñayiu tila ijan chi diko ni dutu xejoon‑ia xa kaxi‑s.  
\v 5 Ruꞌu, Ia kuu ñayiu, taxnuni‑r nuu ñayiu kɨu kuu sabado, te taꞌu tniu‑r nuu‑i —kuu‑ia, xiaꞌan‑ia. 
\s1 N‑ndadavaꞌa Jesús ndaꞌa ɨɨn seyɨɨ kɨu sabado 
\p  
\v 6 Ɨnka ntuku kɨu kuu sabado, n‑kɨu‑ia veñuꞌu, te n‑dakuaꞌa‑ia ñayiu. Ijan tuu ɨɨn se n‑natɨyɨ ndaꞌa kuaꞌa.  
\v 7 Te n‑ka xitoyuꞌu ñaꞌa se fariseu xiꞌin se ka tuꞌa vaꞌa tnuꞌu n‑chidotnuni Moisés nu na ndadavaꞌa‑ia ñayiu kɨu kuu sabado chi n‑ka kuu‑s xa tekuechi neñuu‑s‑ia.  
\v 8 N‑kutnuni ini‑ia xa n‑ka xani ini se ijan. Xijan kuu xa n‑jaꞌan‑ia nuu se n‑natɨyɨ ndaꞌa: 
\p —Ndojuiin‑n, te kunujuiin‑n meꞌñu‑s ntdaa‑s. 
\p N‑ndojuiin‑s. Te n‑xo nujuiin‑s meꞌñu ntdaa se xyuku ijan.  
\v 9 Te xiaꞌan Jesús nuu se xyuku ijan: 
\p —Na kajan tnuꞌu ñaꞌa‑r ɨɨn xa kajan tnuꞌu ñaꞌa‑r. ¿Kada‑ro ɨɨn xa vaꞌa a kada‑ro ɨɨn xa ña io vaꞌa kɨu kuu sabado jaꞌan ley n‑chidotnuni Moisés a? ¿Xejoon ley‑s xa kada‑ro xa kundito naꞌi ɨɨn ñayiu a xa kaꞌni‑ro‑i a? 
\p  
\v 10 N‑nukondeꞌa Jesús se n‑ka naduku nduu ñaꞌa, te xiaꞌan‑ia nuu se n‑natɨyɨ ndaꞌa: 
\p —Nadakaa ndaꞌa‑n. 
\p N‑dakaa‑s ndaꞌa‑s, te n‑ndvaꞌa.  
\v 11 Yo n‑ka kiti ini se xyuku ijan, te n‑ka ndatnuꞌu‑s nuu naxa kada koio‑s Jesús. 
\s1 N‑kaxí Jesús uxi uu se n‑dakuaꞌa‑ia 
\p  
\v 12 Nu n‑xika kɨu, te n‑xe kaa‑ia yuku xa kajan taꞌu‑ia nuu Ianyuux. Niniu n‑xijan taꞌu‑ia.  
\v 13 Nu n‑tuu, te n‑kana‑ia ñayiu xndijun ñaꞌa. N‑kaxí niꞌno‑ia uxi uu seyɨɨ nuu ntdaa ñayiu xyuku ijan. N‑kaxí‑ia‑s, te n‑tundaꞌa‑ia‑s xa kada koio‑s tniu‑ia.  
\v 14 N‑kaxí‑ia Simón, se n‑danani‑ia Spedru. N‑kaxí‑ia Ndrixi Simón. N‑kaxí‑ia Jacobo, Sua, Slipe, Stolo,  
\v 15 Steu, Tomaxi, Jacobo, daꞌya yɨɨ Alfeo du. N‑kaxí‑ia Simón, se n‑dandee ñaꞌa ñayiu Zelote.  
\v 16 N‑kaxí‑ia Judas, daꞌya yɨɨ Jacobo xiꞌin Judas Iscariote. Judas Iscariote ya kuu se n‑kida xa n‑tnɨɨ juxtixia Jesús. 
\s1 N‑dakuaꞌa Jesús kueꞌe ñayiu, te n‑ndadavaꞌa‑ia‑i 
\p  
\v 17 Te n‑nuu Jesús xiꞌin‑s, te n‑xee‑ia xiꞌin‑s nuu ndaa, ɨɨn nuu io yodo. Kueꞌe xa kueꞌe ñayiu xndijun ñaꞌa. Dani kueꞌe ñayiu dijan n‑ka xee xyuku ijan tuku. Xyuku ñayiu Jerusalén. Xyuku ñayiu xndaxio dava ka ñuu distrito xndatuu Judea. Xyuku ñayiu Tiro xiꞌin ñayiu Sidón. Nduu ñuu yaꞌa xndatuu yuꞌu mar.  
\v 18 N‑ka xee‑i xa kunini koio‑i tnuꞌu‑ia xiꞌin xa ndadavaꞌa‑ia‑i kueꞌe ka tnaꞌa‑i, te n‑ka ndvaꞌa‑i. Dani n‑ka ndvaꞌa ñayiu n‑ñuꞌu ñaꞌa xaloko.  
\v 19 N‑juini ntdantuꞌu ñayiu xyuku ijan xa kajuꞌun‑i Jesús xa ndvaꞌa‑i chi n‑kida Ianyuux xa kuaꞌa‑ia xa ndadavaꞌa‑ia‑i. 
\s1 Ñayiu ndaꞌu yaꞌa xiꞌin ñayiu xtuu vaꞌa 
\p  
\v 20 N‑nukondeꞌa Jesús ñayiu dakuaꞌa‑ia, te n‑jaꞌan‑ia nuu‑i: 
\p —Mee‑n ñayiu ka xani ini xa ma dananitaꞌu ñaꞌa Ianyuux, naka taꞌu‑n chi kɨu tnaꞌa‑n nuu ñayiu taxnuni‑ia nuu‑i. 
\p  
\v 21 ʼNdoꞌo ñayiu io anu xa kada koio‑n xa juini Ianyuux, naka taꞌu‑n chi kada ndɨꞌɨ‑n xijan, te kudɨ ini‑n. 
\p ʼMee‑n xa ka kuu‑n ñayiu ka ndaꞌi vitna, naka taꞌu‑n chi kueku koio‑n. 
\p  
\v 22 ʼNaka taꞌu kuu koio‑n hora na jini uꞌu ñaꞌa ñayiu. Ma juejoon ka‑i xa kandeka tnaꞌa ka‑n xiꞌin‑i, te kuiꞌa jaꞌan ñaꞌa koio‑i. Jaꞌan koio‑i xa unu loko‑n. Ntdaa xijan kada ñaꞌa‑i xaxeꞌe ruꞌu, Ia kuu ñayiu.  
\v 23 Nux daa na yaꞌa koio‑n, taꞌu kuu koio‑n chi yo kueꞌe xa io andɨu taxi Ianyuux. Kudɨ ini koio‑n, daa. Duꞌa kada ñaꞌa koio‑i chi daa n‑ka kida xixitna ñayiu ijan se n‑ka jaꞌan tnuꞌu Ianyuux nuu ñayiu. 
\p  
\v 24 ʼKo ndoꞌo, ñayiu unu kuika, ndaꞌu yaꞌa koio‑n chi xa n‑ka niꞌi‑n xa ka kukajan ini‑n. 
\p  
\v 25 ʼNdoꞌo, ñayiu io xa kaxi xa koꞌo vitna, ndaꞌu yaꞌa koio‑n chi kojon koio‑n. 
\p ʼNdoꞌo, ñayiu ka xaku vitna, ndaꞌu yaꞌa koio‑n na xee kɨu chi ndaꞌi koio‑n xaxeꞌe xa kukoꞌyo ini‑n. 
\p  
\v 26 ʼNdoꞌo, ñayiu ka najuen tnuꞌu ñaꞌa ntdantuꞌu ñayiu, ndaꞌu yaꞌa koio‑n chi duꞌa n‑ka najuen tnuꞌu xixitna‑n se n‑ka jaꞌan vete xa kuu‑s se jaꞌan tnuꞌu Ianyuux nuu ñayiu. 
\s1 Juemani koio‑n ñayiu ka xini uꞌu ñaꞌa 
\p  
\v 27 ʼMee‑n ñayiu ka teku tnuꞌu jaꞌan‑r nuu‑n, maxku jini uꞌu koio‑n ñayiu kuiꞌa ka kida ñaꞌa; juemani koio‑n‑yɨ.  
\v 28 Kajan taꞌu koio‑n nuu Ianyuux xa taꞌu na kuu ñayiu ka jaꞌan uꞌu ñaꞌa. Kajan taꞌu koio‑n nuu Ianyuux xaxeꞌe ñayiu ka jan kuiꞌa ñaꞌa.  
\v 29 Nux na kani ñayiu ɨɨn lado kuñu nuu‑n ngoneꞌe‑n ɨnka lado xa na kani ntuku‑i. Nux na jendee ñayiu doo‑n, maxku nadita‑n, nux jendee‑i duꞌnu‑n tuku, juñaꞌa naꞌi‑n na kaneꞌe‑i jɨꞌɨn.  
\v 30 Davaꞌa nga xa na kajan ñayiu, juñaꞌa koio‑n. Nux na jendee ñayiu ndatniu‑n, maxku nandajan koio‑n.  
\v 31 Nuxa juini‑n xa juemani ñaꞌa ñayiu, juemani‑n‑yɨ.  
\v 32 Nux mee ni ñayiu ka xemani ñaꞌa, ka xemani‑n, ña tna ini Ianyuux xa ka kida‑n chi ntdaa ñayiu duꞌa ka kida. Nde ñayiu ka kida kueꞌe kuechi kida xaꞌa.  
\v 33 Nux mee ni ñayiu ka kida ñaꞌa xavaꞌa ka kida‑n xavaꞌa, ña tna ini Ianyuux xa ka kida‑n. Ntdaa ñayiu duꞌa ka kida, nde ñayiu ka kida kueꞌe kuechi kida xijan.  
\v 34 Nux diko ni ñayiu ka nataxi, ka xiaꞌan nuu‑n, ña tna ini Ianyuux xa ka kida‑n. Ntdaa ñayiu duꞌa ka kida, nde ñayiu ka kida kueꞌe kuechi kida xijan. Ka xiaꞌan nuu ñayiu tvini xiꞌin xaxii‑i xa na najuñaꞌa nuu ñayiu n‑xiaꞌan nuu‑i ɨnka kɨu.  
\v 35 Maxku duꞌa kada koio‑n; juemani koio‑n ñayiu ka xini uꞌu ñaꞌa. Juñaꞌa nuu koio‑n xa ka xijan nuu‑i, te maxku jun ini‑n xa najeꞌen koio‑n xa n‑xiaꞌan nuu‑n ñayiu nux ña tuu nax naniꞌi‑i xa nataxi‑i. Nux duꞌa na kada koio‑n kueꞌe xa taxi Ianyuux. Kada koio‑n ná kida Ianyuux, Ia taxnuni ka, chi vaꞌa‑ia nuu ñayiu ña uun ka jaꞌan xa n‑kutaꞌu‑i nuu‑ia. Vaꞌa‑ia nuu ñayiu loko.  
\v 36 Kundaꞌu ini‑n ñayiu ná kundaꞌu ini Taa‑ro Ianyuux‑yɨ. 
\s1 Maxku jan tnuꞌu koio‑n ñayiu 
\p  
\v 37 ʼMaxku jan tnuꞌu koio‑n ñayiu na kuaꞌa maxku jan tnuꞌu ñaꞌa‑i. Nux taxkanu ini koio‑n xa n‑kida ñaꞌa ñayiu, taxkanu ini ñaꞌa‑i tuku.  
\v 38 Juñaꞌa nga‑n ɨɨn xa juñaꞌa nga‑n ñayiu. Nux daa na kada koio‑n, taxi ɨnka ñayiu ɨɨn xa taxi‑i. Diko kuedi niꞌno‑i xa taxi‑i, diko kodo yɨɨ yuꞌu maquila. Nani juñaꞌa koio‑n ñayiu, dani nataxi‑i —kuu Jesús, xiaꞌan‑ia. 
\p  
\v 39 Te n‑jaꞌan‑ia ɨnka tnuꞌu kandee: 
\p —Ma ndaku ɨɨn se kuaa xa kandeka‑s ɨnka se kuaa jɨꞌɨn ɨɨn nuu jɨꞌɨn‑s chi nduu‑s kekava ɨɨn nua.  
\v 40 Ñayo ñayiu xyɨꞌɨ xkuela tuꞌa ka dada maestru‑i. Na daxinokava se xyɨꞌɨ xkuela xa kaꞌu‑s, dada xee‑s maestru‑s, te ma yaꞌa nduu ñaꞌa‑s. 
\p  
\v 41 ʼKuenda kɨu yakua luchi lii kaa niꞌno nduchi nuu ñayiu xka ndeka tnaꞌa xiꞌin‑n kuu kuechi luchi ka kida‑i. ¿Nax kuu xa ka chinuu‑n xijan, te ña ka chinuu‑n kuechi naꞌnu ka kida mee‑n kuenda kɨu tnduꞌu kaa niꞌno nduchi nuu mee‑n?  
\v 42 ¿Nakuenda ka xiaꞌan‑n nuu ñayiu xnetnaꞌa xiꞌin‑n: “Taxtuu nuu‑n na natava‑r yakua luchi lii kaa niꞌno”, te ña ka chinuu‑n tnduꞌu kaa niꞌno nduchi nuu mee‑n? Kuenda kɨu kuechi kaꞌnu ka kida‑n kuu xijan. Ka kida nga‑n xa vaꞌa‑n. Kiꞌna nuu natava koio‑n tnduꞌu kaa niꞌno nuu‑n na kuaꞌa kaxi kundeꞌa koio‑n xa natava‑n yakua luchi kaa niꞌno nuu ñayiu. 
\s1 Ka xini‑ro nuu na yutnu kuu‑tnu chi xini‑ro nax juun‑tnu 
\p  
\v 43 ʼYutnu juun xavidi, ñatu juun‑tnu ɨɨn xa ña xiniñuꞌu. Daa ka kuu ñayiu vaꞌa. Tnundeꞌa vax teꞌyu, ñatuka xiniñuꞌu ndeꞌa juun‑tnu. Daa ka kuu ñayiu loko.  
\v 44 Ka xini‑n nuu na yutnu kuu‑tnu hora xndeꞌa‑n xavidi juun‑tnu. Ñatu juun tnutitnu higo. Dani tnuyɨkɨ ñatu juun‑tnu uva.  
\v 45 Nux vaꞌa‑n, vaꞌa ka jaꞌan‑n. Nux loko‑n, kuiꞌa ka jaꞌan‑n. Xa xñuꞌu anu‑n, xijan ka jaꞌan‑n. 
\s1 Ɨɨn se n‑tava cimientu veꞌe‑s, xiꞌin ɨɨn se ña n‑tava 
\p  
\v 46 ʼ¿Nakuenda ka jaꞌan‑n xa xtoꞌo‑n kuu ñaꞌa, te ñatu ka jandixa ñaꞌa‑n?  
\v 47 Na kakuneꞌe‑r ñayiu jandixa ñaꞌa xiꞌin ñayiu ña jandixa ñaꞌa.  
\v 48 Ñayiu teku tnuꞌu‑r te kida‑i xa jaꞌan‑r jan kuu ná kuu ɨɨn se n‑kidavaꞌa veꞌe‑s. Kunu n‑xate‑s, te n‑xajan ndodo‑s cimientu veꞌe‑s nuu toto ndɨka yɨꞌɨ nuu ñuꞌu. N‑juun dau. N‑naneñu ndute xika deꞌva, te n‑tuxindee‑te xeveꞌe‑s, ko ñatu n‑tundaꞌa‑te veꞌe jan chi vaꞌa n‑kuaꞌa veꞌe‑s.  
\v 49 Ñayiu teku tnuꞌu‑r te ña jandixa‑i, kuu‑i ná kuu ɨɨn se n‑kidavaꞌa veꞌe nuu ñuꞌu ni, te ñatu n‑tava‑s cimientu. N‑juun dau. N‑naneñu ndute xika deꞌva, te n‑tuxindee‑té xeveꞌe jan, te danaa n‑ndua. Ndondoo veꞌe jan junkoio —kuu Jesús, n‑jaꞌan‑ia. 
\c 7  
\s1 N‑ndadavaꞌa Jesús ɨɨn se xinokuechi nuu ɨɨn centurión 
\p  
\v 1 Nu n‑yaꞌa xa n‑jaꞌan Jesús ntdaa xaꞌa, te juan nuꞌu‑ia Capernaum.  
\v 2 Ijan tuu ɨɨn centurión. Yo kaꞌu kuꞌu se kidatniu nuu‑s, diko nga xa kuú‑s. Yo mani n‑juini‑s‑sɨ.  
\v 3 N‑teku‑s xa ka ndatnuꞌu ñayiu xa kida Jesús, te n‑tundaꞌa‑s sexaꞌnu taxnuni nuu ñayiu Israel xa na kajan taꞌu koio‑s nuu‑ia xa na jɨꞌɨn‑ia veꞌe‑s xa na ndadavaꞌa‑ia se kuꞌu jan.  
\v 4 Nu n‑ka xee‑s nuu Jesús, yo n‑ka xijan taꞌu‑s nuu‑ia xa na jɨn ndadavaꞌa‑ia se xinokuechi nuu se kuu centurión jan  
\v 5 xaxeꞌe xa mani juini‑s ñayiu Israel xiꞌin xaxeꞌe xa tvini mee‑s n‑dakaa‑s veñuꞌu ñuu‑i.  
\v 6 Ijan dada juaꞌan Jesús xiꞌin‑s veꞌe centurión jan. Nu n‑kuyatni Jesús veꞌe‑s, te n‑tundaꞌa‑s se ka xinitnaꞌa xiꞌin‑s xa jɨn tnaꞌa‑s Jesús. N‑ka jaꞌan‑s nuu‑ia: 
\p —Dito, maxku dakuita‑n tiempo‑n chi kachi centurión: “Ñatu natau xa kixi‑ia veꞌe‑r chi ndandɨꞌɨ‑ia.”  
\v 7 Dɨuni kachi‑s: “Ni ñatu natau xa jɨꞌɨn‑r nuu‑ia. Diko ni na jaꞌan‑ia xa na ndvaꞌa se xinokuechi nuu‑r, te ndvaꞌa‑s ne.”  
\v 8 Te n‑jaꞌan ka‑s xa io ɨnka se taxnuni nuu‑s, te dɨuni taxnuni‑s tuku. Taxnuni‑s nuu se ka kuu soldado. Nux na jaꞌan‑s nuu ɨɨn‑s xa na jɨꞌɨn‑s ɨɨn nuu jɨꞌɨn‑s te xeꞌen‑s. Nux na jaꞌan‑s nuu ɨnka‑s xa xee‑s veꞌe‑s te xee‑s. Nux taꞌu tniu‑s nuu se xinokuechi nuu‑s xa na kada‑s davaꞌa nga xa juini‑s, te kida‑s —ka kuu‑s, n‑ka xiaꞌan‑s nuu Jesús. 
\p  
\v 9 Nu n‑teku Jesús tnuꞌu se ijan n‑yuꞌu anu‑ia. N‑ngokoo‑ia xa kundeꞌa‑ia ñayiu xndijun ñaꞌa. Te n‑jaꞌan‑ia nuu‑i: 
\p —Ta uun ka jini‑r ɨɨn ñayiu Israel kukanu ini ñaꞌa ná kukanu ini ñaꞌa se yaꞌa. 
\p  
\v 10 N‑ka naxee se n‑tundaꞌa centurión jan veꞌe‑s, te n‑ka xini‑s xa n‑ndvaꞌa se xinokuechi jan. 
\s1 N‑nadandoto Jesús daꞌya yɨɨ ɨɨn ña n‑xiꞌí yɨɨ 
\p  
\v 11 Kɨu kuu uu juaꞌan Jesús xiꞌin ñayiu dakuaꞌa‑ia Naín. Dɨuni xndijun ñaꞌa kueꞌe ka ñayiu juaꞌan.  
\v 12 Nu n‑kuyatni Jesús xiꞌin ñayiu jan yeꞌe ñuu jan, n‑xe juntnaꞌa‑ia xiꞌin ñayiu juan kuxi koio ndɨyɨ. N‑ndoo mee n‑ndoo ɨɨn dɨꞌɨ ndɨyɨ jan chi dɨuni n‑xiꞌí yɨɨ‑ña. Idii ni daꞌya‑ña daa n‑xio, te n‑xiꞌí‑s. Yo kueꞌe ñayiu xndeka tnaꞌa xiꞌin‑ña juaꞌan koio. 
\p  
\v 13 N‑kundaꞌu ini Jesús, Ia kuu Xtoꞌo‑ro, ña ijan, te n‑jaꞌan‑ia nuu‑ña: 
\p —Maxku ku ndaꞌi‑n. 
\p  
\v 14 N‑xe ndeꞌe‑ia xatnu ndɨyɨ jan, te n‑xajan ndodo‑ia ndaꞌa‑ia xatnu jan. N‑ka nujuiin se xndido ndɨyɨ jan. Te n‑jaꞌan‑ia nuu ndɨyɨ jan: 
\p —Ndokoo, Lungo. 
\p  
\v 15 N‑ndokoo se n‑kuu ndɨyɨ jan, te n‑najaꞌan‑s. N‑xani Jesús‑sɨ nuu dɨꞌɨ‑s, te n‑nakueka ñaꞌa‑ña.  
\v 16 Nu n‑xini ñayiu xyuku ijan xa duꞌa n‑kida‑ia n‑ka yuꞌu‑i, te n‑ka nakuetu‑i nuu Ianyuux. Ka xiaꞌan tnaꞌa‑i: 
\p —N‑kixee se tuꞌa vaꞌa xa jaꞌan‑s tnuꞌu Ianyuux nuu‑ro. N‑kixee Ianyuux xa chindee ñaꞌa‑ia. 
\p  
\v 17 Te ntdandituꞌu Judea xiꞌin ñuu xndatuu nɨkanduu Judea jan n‑ka teku ñayiu xa n‑kida Jesús. 
\s1 N‑tundaꞌa Sua Bautista se dakuaꞌa‑s nuu Jesús 
\p  
\v 18 Ntdaa xaꞌa n‑ka najani se dakuaꞌa ñaꞌa Sua nuu‑s. Xaxeꞌe xijan n‑kana‑s uu‑s.  
\v 19 Te n‑tundaꞌa‑s‑sɨ nuu Jesús, Ia kuu Xtoꞌo‑ro, xa kajan tnuꞌu koio‑s‑ia. Duꞌa xiaꞌan Sua xa na juñaꞌa koio‑s‑ia: “¿Dɨu ndixi kuu se n‑jaꞌan Ianyuux xa kixi‑n te kundetu koio‑da‑s a ɨnka‑s a?” 
\p  
\v 20 Nu n‑ka xee se ijan nuu Jesús, te ka xiaꞌan‑s nuu‑ia: 
\p —Sua Bautista n‑tundaꞌa ñaꞌa xa vaxi‑da. Ɨɨn xa juini‑s xa kajan tnuꞌu ñaꞌa‑da. Jaꞌan‑s: “¿Dɨu ndixi kuu se n‑jaꞌan Ianyuux xa kixi‑s te kundetu‑da‑s a ɨnka‑s a?” 
\p  
\v 21 Hora ijan ni n‑ndadavaꞌa ka‑ia kueꞌe ñayiu ka kuꞌu. Nudɨɨn kueꞌe n‑ka tnaꞌa‑i. N‑ndadavaꞌa‑ia ñayiu xñuꞌu ñaꞌa xaloko. N‑ndadavaꞌa‑ia kueꞌe ñayiu kuaa.  
\v 22 Te n‑jaꞌan‑ia nuu se n‑tundaꞌa Sua: 
\p —Juan nuꞌu koio, te najani‑n nuu Sua xa n‑ka xini‑n xiꞌin xa n‑ka teku‑n. Juñaꞌa koio‑n xa xndeꞌa ñayiu kuaa n‑ka kaku. Ka ndvaꞌa xeꞌe ñayiu yakua. N‑ka ndvaꞌa ñayiu n‑teꞌyu ñɨɨ. Ka teku ñayiu doꞌo n‑kaku. N‑ka nandoto dava ñayiu n‑xiꞌí. Te jaꞌan‑r nuu ñayiu ka kundaꞌu nax io xa kada‑i xa nanitaꞌu‑i. Ɨɨn xavaꞌa kuu.  
\v 23 Naka taꞌu kuu ñayiu ña ka dangondita ñaꞌa juini ñatu kida‑r xa xñu ini‑i xa kada‑r, te xndijun ñaꞌa naꞌi‑i —kuu Jesús, n‑xiaꞌan‑ia nuu se n‑tundaꞌa ñaꞌa Sua. 
\p  
\v 24 Nu n‑ka ndee se n‑tundaꞌa ñaꞌa Sua, te n‑kixeꞌe Jesús xa kakuneꞌe‑ia Sua. Xiaꞌan‑ia nuu ñayiu xyuku ijan: 
\p —¿Nax n‑ka xe ndeꞌa‑n nuu ñatu nga juun dau te ñayo io? Ñatu n‑ka xe ndeꞌa‑n ɨɨn se kuu ná kuu tnu ite xa juaꞌan vaxi‑tnu hora kane tachi xa kava uu kava uni anu‑s.  
\v 25 Ñadu se niꞌno daꞌma vaꞌa te vita n‑ka xe ndeꞌa‑n chi se ndixndaꞌu ndixkee n‑ka xe ndeꞌa‑n. Se xniꞌno daꞌma vaꞌa te yaꞌu, xndaxio‑s veꞌe se taxnuni te xnevaꞌa‑s ndatniu yo yaꞌu.  
\v 26 Se jaꞌan tnuꞌu Ianyuux nuu ñayiu n‑ka xe ndeꞌa‑n. Xa ndaa xa ndandɨꞌɨ ka Sua dada dava ka se n‑ka jaꞌan tnuꞌu Ianyuux nuu ñayiu.  
\v 27 Sua kuu se n‑kakuneꞌe ñaꞌa se n‑ka jaꞌan tnuꞌu Ianyuux yodotnuni. N‑chidotnuni‑s xa n‑jaꞌan Ianyuux nuu‑r: 
\q1 Kiꞌna nuu tundaꞌa‑r ɨɨn se tundaꞌa‑r jɨꞌɨn. 
\q1 Ijan dada tundaꞌa ñaꞌa‑r mee‑n. 
\q1 Kada‑s xa koo tuꞌa ntdaa ñayiu xa xe ini ñaꞌa‑i na jɨꞌɨn‑n ñuñayiu. 
\m  
\v 28 Ruꞌu jaꞌan xa ndandɨꞌɨ ka Sua dada ɨnka ñayiu ñuñayiu, ko ñayiu kutuu nuu taxnuni Ianyuux andɨu, ndandɨꞌɨ ka‑i dada Sua vitna. 
\p  
\v 29 N‑ka xiaꞌan tnaꞌa se ka xijan tvini nandajan gobierno xiꞌin dava ka ñayiu n‑ka teku xa daa n‑jaꞌan Jesús xa ɨɨn xavaꞌa kuu xa taꞌu tniu Ianyuux. Ka kuu‑i ñayiu n‑dajuendute ñaꞌa Sua.  
\v 30 Ko se fariseu xiꞌin se ka tuꞌa vaꞌa tnuꞌu n‑chidotnuni Moisés, ña n‑ka kida‑s xa n‑ñu ini Ianyuux xa kada‑s, ni ña n‑ka xeꞌen‑s xa dajuendute ñaꞌa Sua. 
\p  
\v 31 Te xiaꞌan Jesús nuu ñayiu xyuku ijan: 
\p —Mee‑n, ñayiu io vitna,  
\v 32 ka kuu‑n ná ka kuu dichi kuechi xiꞌin sekuechi xtuu nuu yaꞌu. Xee n‑ka jaꞌan dava‑s nuu dava ka‑s: “N‑ka tɨu‑r tnuyoo, ko ñayo‑n n‑ka xataxeꞌe. N‑ka xita‑r yaa koꞌyo ini, ko ñayo‑n n‑ka ndaꞌi.”  
\v 33 Xijan jaꞌan‑r nuu‑n chi Sua Bautista, ña xaxi‑s tila te ña xiꞌi‑s vinu, te ka jaꞌan‑n: “Xaloko ñuꞌu anu‑s.”  
\v 34 Mee‑r, Ia kuu ñayiu, davaꞌa nga xa xaxi‑r. Dɨuni xiꞌi‑r vinu, te ka jaꞌan‑n xa kuu‑r se ndeꞌe xiꞌi. Dɨuni ka jaꞌan‑n xa kuu‑r se ndeꞌe xaxi. Ka jaꞌan‑n xa kumani‑r xiꞌin se ka xijan tvini nandajan gobierno xiꞌin dava ka ñayiu ka kida kueꞌe kuechi.  
\v 35 Ka xini‑ro nuu xavaꞌa a ɨɨn xa uꞌu dakuaꞌa ɨɨn maestru ñayiu hora xndeꞌa‑ro xa ka kida ñayiu ijan —kuu Jesús, xiaꞌan‑ia. 
\s1 N‑xajan ɨɨn ñadɨꞌɨ perfume xeꞌe Jesús 
\p  
\v 36 N‑jaꞌan ɨɨn se kuu fariseu Jesús xa kaxdeꞌñu‑s xiꞌin‑ia, te juaꞌan‑ia. N‑kɨu‑ia veꞌe‑s, te n‑nukoo‑ia xa kaxdeꞌñu‑ia.  
\v 37 Ñuu ijan io ɨɨn ñadɨꞌɨ kueꞌe kuechi n‑kida. N‑teku‑ña xa tuu Jesús veꞌe se fariseu, te neꞌe‑ña frascu alabastro ñuꞌu perfume n‑xee veꞌe ijan.  
\v 38 N‑xee‑ña nuu nukoo Jesús, te n‑xe juiin xiti‑ña yatni xeꞌe‑ia. Ndaꞌi‑ña, te n‑todo ndute nuu‑ña xeꞌe‑ia. N‑nadayichi‑ña xeꞌe‑ia xiꞌin idi dɨkɨ‑ña. Tɨtnɨ vuelta n‑teyuꞌu‑ña xeꞌe‑ia. Dɨuni n‑xajan‑ña perfume xeꞌe‑ia. 
\p  
\v 39 Nu n‑xini se n‑jaꞌan Jesús xijan, te n‑xani ini‑s: “Nu se jaꞌan tnuꞌu Ianyuux nuu ñayiu kuu se yaꞌa, ¿nakuenda ña xini‑s xa ñá kida kueꞌe kuechi kuu ñá yaꞌa?” 
\p  
\v 40 Xijan kuu xa n‑jaꞌan Jesús nuu‑s: 
\p —Simón, ɨɨn xa juini‑r xa jaꞌan‑r. 
\p —Io vaꞌa ni, Maestru —kuu‑s, xiaꞌan‑s. 
\p  
\v 41 —N‑xio uu se n‑ka xo tau nuu ɨɨn se daxa nuu tvini. Ɨɨn‑s n‑xo tau oꞌon denario. Ɨnka‑s n‑xo tau uu diko uxi denario.  
\v 42 Xaxeꞌe xa ñayo‑s niꞌi tvini xa nachiyaꞌu‑s, xijan kuu xa ña n‑nandajan juexa se daxa nuu tvini jan tvini‑s. ¿Ndeda ɨɨn‑s n‑xemani ka se daxa nuu tvini jan? —kuu Jesús, xiaꞌan‑ia. 
\p  
\v 43 Te xiaꞌan‑s nuu‑ia: 
\p —Xani ini‑da xa se n‑xo tau kueꞌe ka tvini‑s —kuu‑s, xiaꞌan‑s. 
\p Te xiaꞌan ntuku‑ia nuu‑s: 
\p —Vaꞌa n‑jaꞌan‑n. 
\p  
\v 44 N‑ngokoo Jesús xa kundeꞌa‑ia‑ña. Ijan dada xiaꞌan‑ia nuu Simón: 
\p —Kundeꞌa ñadɨꞌɨ yaꞌa. Na n‑kɨkɨu‑r veꞌe‑n, ña n‑taxi‑n ndute xa n‑ndundoo xeꞌe‑r, ko mee‑ña, n‑najini‑ña xeꞌe‑r xiꞌin ndute nuu‑ña, te n‑xuꞌa‑ña xeꞌe‑r xiꞌin idi dɨkɨ‑ña.  
\v 45 Ña n‑teyuꞌu ñaꞌa‑n, ko mee‑ña, nde na n‑kɨkɨu‑ña veꞌe‑n teyuꞌu‑ña xeꞌe‑r.  
\v 46 Ña n‑xodo‑n aciti dɨkɨ‑r, ko mee‑ña, chi n‑xodo‑ña perfume xeꞌe‑r.  
\v 47 Xaxeꞌe xa duꞌa n‑kida‑ña na jaꞌan‑r nuu‑n xa n‑taxkanu ini Ianyuux ntdaa xa n‑kida‑ña, juini kueꞌe kuechi n‑kida‑ña chi yo xemani‑ña‑ia. Ñayiu ñatu kaꞌnu kuechi, te n‑taxkanu ini Ianyuux kuechi‑i xaku ni xemani‑i‑ia —kuu‑ia, xiaꞌan‑ia nuu Simón. 
\p  
\v 48 Te xiaꞌan‑ia nuu ñá ijan: 
\p —N‑taxkanu ini‑r kuechi n‑kida‑n. 
\p  
\v 49 N‑ka nukuita dava ñayiu xyuku ijan ka xijan tnuꞌu tnaꞌa‑i: 
\p —¿Jundu kuu se yaꞌa xa jaꞌan‑s xa taxkanu ini‑s kuechi n‑kida ñayiu? 
\p  
\v 50 Te xiaꞌan Jesús nuu ñadɨꞌɨ jan: 
\p —Xaxeꞌe xa kukanu ini ñaꞌa‑n, nanitaꞌu‑n. Juaꞌan xandaa xavatu. 
\c 8  
\s1 Ñadɨꞌɨ n‑ka chindee Jesús 
\p  
\v 1 Nu n‑yaꞌa xijan, n‑yaꞌa‑ia xiꞌin uxi uu se dakuaꞌa‑ia jan ñuu xiꞌin ñuu xa n‑xian tnuꞌu‑ia ñayiu nax kada‑i xa kɨu tnaꞌa‑i nuu ñayiu ka jandixa xa taxnuni Ianyuux nuu‑i. Nani n‑xeꞌen‑ia ñuu kuechi, dani n‑xeꞌen‑ia ñuu naꞌnu.  
\v 2 Dɨuni n‑kunduu‑ia xiꞌin ñá n‑ndadavaꞌa‑ia. Dava‑ña n‑ka tnaꞌa kueꞌe, te dava‑ña n‑ka ñuꞌu ñaꞌa xaloko. Dɨuni n‑kunduu‑ia xiꞌin kueꞌe ka ñadɨꞌɨ. Ɨɨn‑ña nani María Magdalena. Ñá yaꞌa n‑ñuꞌu ñaꞌa uxa xaloko.  
\v 3 Ɨnka‑ña nani Juana. Ñadɨꞌɨ Chuza, se n‑xo netniu xa n‑yɨndaꞌa‑s xaxii Herodes kuu‑ña. Ɨnka‑ña nani Susana. N‑ka xo xiaꞌan‑ña Jesús xiꞌin se dakuaꞌa‑ia xa n‑ka ndoñuꞌu‑ia xiꞌin‑s. 
\s1 Se xitu trɨu 
\p  
\v 4 Kueꞌe ñuu n‑ka taka nuu Jesús. Te n‑jaꞌan‑ia tnuꞌu kandee. Xiaꞌan‑ia: 
\p  
\v 5 —N‑xio ɨɨn se n‑xo xitu trɨu. Juan dadaꞌu‑s trɨu‑s. Dava trɨu n‑dadaꞌu‑s jan n‑ndava ichi, te n‑xeñi niꞌno ñayiu. N‑ka xee chilidaa, te n‑ka xaxi‑tɨ.  
\v 6 Dava trɨu jan n‑ndava nuu kaa yuú. N‑ka xite, te n‑yichi chi ña tuu na koꞌyo io nuu ñuꞌu.  
\v 7 Dava trɨu jan n‑ndava nuu yuku iñu, te ntdaa n‑ka xite, ko ña n‑xejoon yuku iñu jan xa kueꞌnu ka trɨu jan, te n‑ka kudichi kuiñi‑i.  
\v 8 Te dava trɨu n‑xe kava nuu ñuꞌu kojon. N‑xaꞌnu, te n‑kuaꞌa. Ntnaꞌa ɨɨn ɨɨn yoko trɨu ñuꞌu ɨɨn ɨɨn cientu nuni. 
\p N‑jaꞌan ka Jesús, te xee n‑jaꞌan‑ia: 
\p —Xaxeꞌe xa xnini‑n xa jaꞌan‑r, xijan kuu xa kunini vaꞌa‑n xa na kutnuni ini koio‑n. 
\p  
\v 9 Ijan dada juaꞌan dɨɨn Jesús xiꞌin se dakuaꞌa‑ia, te n‑ka xijan tnuꞌu ñaꞌa‑s nax kuu xa dijan n‑najani‑ia.  
\v 10 Te xiaꞌan‑ia: 
\p —Kida Ianyuux xa kutnuni ini‑n ɨɨn ɨɨn‑n ɨɨn xa mee ni‑ia xini. Xa kakuneꞌe‑ia kuu xa taxnuni‑ia nuu‑n, ko nuu dava ka ñayiu n‑jaꞌan‑r tnuꞌu kandee xa ma kutnuni ini‑i xa n‑jaꞌan‑r. Xijan kuu xa kundeꞌa koio‑i, ko ma kutnuni ini‑i. Teku koio‑i, ko dani ma kutnuni ini‑i.  
\v 11 Xaꞌa kuu xa n‑najani‑r. Trɨu kuu ná kuu tnuꞌu Ianyuux.  
\v 12 Ichi nuu n‑ndava trɨu jan kuu dava ñayiu ka teku tnuꞌu‑ia. Xee Kuiꞌna nuu‑i, te dadaꞌu ini‑i‑yɨ xa maxku kukanu ini ñaꞌa koio‑i, te ma nanitaꞌu‑i.  
\v 13 Nuu kaa yuú nuu ndava dava trɨu jan kuu ná kuu dava ñayiu xnini tnuꞌu Ianyuux. Ka kudɨ ini‑i, te ka jandixa‑i tnuꞌu jan. Ña tuu na yoꞌo trɨu jan n‑xika. Xaku ni kɨu ka jandixa‑i xijan, te hora kuiꞌa ka kida ñaꞌa dava ñayiu, ka dandoo‑i xa n‑ka jandixa‑i.  
\v 14 Nuu ñuꞌu nuu ndava trɨu meꞌñu yuku iñu te n‑kida yuku iñu xa n‑kuchachi trɨu jan, kuu ñayiu xnini tnuꞌu jan, te ka chi ini‑i nuu nax yaꞌa koio‑i. Dɨuni yo ka kukajan ini‑i xa nkotuu kuika‑i. Yo ka jun ini‑i xa kada koio‑i xa ka kukajan ini anu‑i.  
\v 15 Nuu ñuꞌu vaꞌa nuu n‑ndava trɨu, xijan kuu ná kuu ñayiu kida xa vaꞌa chi vaꞌa anu‑i. Ka teku‑i tnuꞌu Ianyuux, te idii ni vuelta ka xajan‑i anu‑i xa ka jandixa‑i tnuꞌu‑ia, te ka teyɨka‑i mee‑i xa ka kida‑i xavaꞌa. 
\s1 N‑kakuneꞌe Jesús candil n‑kɨu ndeyu 
\p  
\v 16 ʼÑayo ñayiu natnuu candil, te chindeyu‑i candil jan kɨdɨ a ku jantuu‑i kaꞌa xito. Ñayo daa kida chi jandodo‑ro ɨɨn nuu dujun xa na koo kanda nuu ñayiu kɨu xiti veꞌe‑ro.  
\v 17 Xa naꞌi kida ñayiu vitna, xijan kundeꞌa koio ñayiu na xee kɨu. Xa naꞌi ka jaꞌan ñayiu vitna, teku koio ñayiu na xee kɨu.  
\v 18 Chinuu koio xa na kutnuni ini‑n nax ka teku‑n chi ñayiu ka kutnuni ini, kutnuni koio ka ini‑i. Te ñayiu itaꞌu ni ka kutnuni ini, ka tu ini‑i xa yo vaꞌa ka kutnuni ini‑i, ñayiu ijan ndunaa koio xa n‑ka kutnuni ini‑i —kuu Jesús, xiaꞌan‑ia. 
\s1 N‑xee dɨꞌɨ Jesús xiꞌin ñani‑ia nuu tuu‑ia 
\p  
\v 19 Ɨɨn vuelta n‑xee dɨꞌɨ Jesús xiꞌin ñani‑ia veꞌe nuu tuu‑ia, te ña n‑kuaꞌa xa kɨu koio‑ña veꞌe jan chi kueꞌe ñayiu xyuku.  
\v 20 Te n‑xian tnuꞌu ɨɨn se n‑xian tnuꞌu Jesús: 
\p —Ndetu ñaꞌa dɨꞌɨ‑n xiꞌin ñani‑n yata veꞌe ya xa ndatnuꞌu koio‑ña xiꞌin‑n. 
\p  
\v 21 Te xiaꞌan Jesús nuu ñayiu xyuku ijan: 
\p —Ñayiu xnini tnuꞌu Ianyuux te ka jandixa‑i‑ia, ka kuu dɨꞌɨ‑r, ñani‑r, kuꞌa‑r tuku. 
\s1 N‑nujani Jesús tachi ndeꞌe kane nuu mar 
\p  
\v 22 Ɨnka kɨu n‑keé Jesús xiꞌin se dakuaꞌa‑ia xiti ɨɨn barcu, te xiaꞌan‑ia nuu‑s: 
\p —Na jɨꞌɨn‑ro ɨnka lado yuꞌu mar. 
\p N‑ka nandaxi‑s barcu, te n‑ka dakaka‑s xa juaꞌan koio‑s xiꞌin‑ia.  
\v 23 Nu n‑ka kudava‑s nuu mar, te n‑kidi‑ia. N‑kane ɨɨn tachi ndeꞌe. Vax chitu ndute xiti barcu. Io n‑kuu.  
\v 24 N‑ka xe dandoto ñaꞌa se dakuaꞌa‑ia. Ka xiaꞌan‑s: 
\p —Maestru, Maestru, vax nduxi‑ro nuu ndute. 
\p N‑ndokoo‑ia te n‑kudeen‑ia nuu tachi xiꞌin nuu ndute xekandava. Nanii nga n‑kuu. N‑nujuiin tachi xiꞌin ndute.  
\v 25 Te xiaꞌan Jesús: 
\p —¿Ña ka kukanu ini ñaꞌa‑n a? 
\p N‑ka yuꞌu‑s te ka xiaꞌan tnaꞌa‑s: 
\p —¿Jundu kuu se yaꞌa xa taxnuni‑s nuu ntdaa xa io? Nde tachi xiꞌin ndute jandixa ñaꞌa. 
\s1 N‑kineꞌe Jesús xaloko xñuꞌu ñaꞌa ɨɨn se Gadara 
\p  
\v 26 Ijan dada juaꞌan naꞌi‑ia xiꞌin‑s, te n‑xee‑ia xiꞌin‑s ɨnka lado yuꞌu mar jan nuu nani Gadara, nuu ndeꞌa tnaꞌa xiꞌin Galilea.  
\v 27 N‑ka nane‑s xiꞌin Jesús barcu, te n‑xetuꞌa ñaꞌa ɨɨn se Gadara xñuꞌu ñaꞌa xaloko. N‑kunaꞌa ña niꞌno‑s daꞌma. Io vichi‑s. Ña ndoo‑s veꞌe‑s chi n‑xo ndoo‑s yau kava nuu xyɨnduxi ndɨyɨ.  
\v 28-29 Kueꞌe vuelta n‑ka keé ñaꞌa xaloko, te n‑ka xo duku ñaꞌa ñayiu cadena. N‑ka xo duku ñaꞌa‑i yoꞌo. Te n‑xo ndee ñaꞌa‑i xa na ñaꞌa kunu‑s, ko n‑xo xaꞌnde‑s cadena jan xiꞌin yoꞌo jan, te n‑ka xo kandeka ñaꞌa xaloko jan n‑ka xo xeꞌen nuu ñatu nga juun dau, te ñayo ñayiu io. N‑xini‑s Jesús, te xee n‑kana‑s, te n‑xe juiin xiti‑s nuu‑ia. Xiaꞌan‑s: 
\p —Jesús, Daꞌya Yɨɨ Ianyuux, Ia taxnuni ka. ¿Nax juun ñaꞌa‑n? Xijan taꞌu‑da nuu‑n xa maxku yo ndeꞌe kada uꞌu ñaꞌa‑n —kuu‑s, xiaꞌan‑s. 
\p Te n‑taꞌu tniu Jesús xa kee xaloko jan se ijan.  
\v 30 Te n‑xijan tnuꞌu ñaꞌa Jesús: 
\p —¿Nax nani‑n? 
\p Xiaꞌan‑s: 
\p —Yo kueꞌe dɨu‑da io. 
\p Duꞌa xiaꞌan‑s chi yo kueꞌe xaloko xñuꞌu anu‑s.  
\v 31 Te n‑ka xijan taꞌu xaloko xñuꞌu anu‑s nuu Jesús xa maxku taꞌu tniu‑ia nuu‑i xa keé koio‑i nua ña xe ndɨꞌɨ. 
\p  
\v 32 Kueꞌe kuchi xñuꞌu xeꞌe yuku io ijan. N‑ka jaꞌan xaloko jan xa na juejoon‑ia xa keé koio‑i kuchi jan. Te n‑xejoon‑ia.  
\v 33 N‑ka kee xaloko jan anu se ijan, te n‑ka keé‑i kuchi jan, te ñama n‑ka kendava‑t ɨɨn nuu ndichi. N‑ka kekava‑t nuu mar, te n‑ka xiꞌí‑t.  
\v 34 Nu n‑ka xini se xñunuu kuchi jan xa duꞌa n‑yaꞌa, te n‑ka kendava‑s. Ka nuꞌu‑s ñuu‑s jan xa najani koio‑s nax n‑kuu nuu ñayiu ñuu‑s xiꞌin nuu ñayiu io yuku.  
\v 35 Juan ndeꞌa koio ñayiu ñuu jan xa n‑kuu, te n‑ka xee‑i nuu Jesús. N‑ka xini‑i xa n‑ndvaꞌa se n‑xo kuꞌu jan. Dɨuni n‑ka xini‑i xa nukoo‑s nuu nukoo Jesús. Niꞌno‑s daꞌma, te n‑naniꞌi‑s xaxtnuni‑s. N‑ka yuꞌu anu ñayiu n‑ka xini‑sɨ.  
\v 36 Ñayiu n‑ka xini xa n‑ka kee xaloko n‑ñuꞌu anu se ijan n‑ka najani xa n‑yaꞌa nuu ñayiu n‑ka xee nuu Jesús.  
\v 37-39 Te kueꞌe ñayiu ñuu nadukunduu Gadara n‑ka xee. N‑ka jaꞌan‑i nuu Jesús xa na ndee‑ia ijan chi yo ka yuꞌu‑i. 
\p N‑jaꞌan se n‑ndvaꞌa jan nuu Jesús xa na kandeka ñaꞌa‑ia jɨꞌɨn. Te xiaꞌan‑ia: 
\p —Juan nuꞌu veꞌe‑n, te najani nax n‑kida ñaꞌa Ianyuux nuu ñayiu xtuu veꞌe‑n. 
\p Ijan dada n‑ndee Jesús barcu, te n‑nangondita‑ia. Se n‑ndvaꞌa jan, juan nuꞌu‑s veꞌe‑s, te n‑najani‑s nuu ntdantuꞌu ñayiu ñuu‑s nax n‑kida ñaꞌa Jesús. 
\s1 N‑ndadavaꞌa Jesús daꞌya dɨꞌɨ Jairo xiꞌin ñá n‑xe kajuꞌun daꞌma‑ia 
\p  
\v 40 Nu n‑nxee Jesús yuꞌu ndute nuu n‑kee‑ia, te n‑ka kuvete ñayiu xyuku ijan chi n‑ka xo ñu ini‑i xa kuiko‑ia.  
\v 41-42 Ijan n‑xee ɨɨn se nani Jairo. Se kida veñuꞌu kuu‑s. Idii ni daꞌya dɨꞌɨ‑s io. Xika‑i uxi uu kuia. N‑xe juiin xiti‑s nuu Jesús, te n‑jaꞌan‑s nuu‑ia xa na jɨꞌɨn‑ia veꞌe‑s chi kuꞌu daꞌya dɨꞌɨ‑s. Viꞌi nga ndetnɨɨ anu‑i. Ijan juaꞌan Jesús, te diko ka chitaꞌi ñaꞌa koio ñayiu xndijun ñaꞌa juaꞌan. 
\p  
\v 43 Nuu ñayiu xndijun ñaꞌa jan yɨtnaꞌa ɨɨn ñadɨꞌɨ kuꞌu. N‑kuu uxi uu kuia ndita ñaꞌa nɨñɨ. Ntdaa tvini n‑xo nevaꞌa‑ña n‑xetniu‑ña xa n‑xo xeꞌen‑ña nuu setatna xa kada tatna ñaꞌa koio‑s, ko ñayo setatna jan n‑kuaꞌa n‑ndadavaꞌa ñaꞌa‑s.  
\v 44 N‑xe ndeꞌe‑ña yata Jesús, te n‑xe juꞌun‑ña ndɨkɨ xeꞌe daꞌma‑ia. Hora ijan ni n‑yichi ñaꞌa nɨñɨ.  
\v 45 Te n‑xijan tnuꞌu Jesús ñayiu xndijun ñaꞌa jan: 
\p —¿Jundu n‑xe juꞌun ñaꞌa? 
\p N‑ka jaꞌan ntdaa ñayiu jan xa ñayo‑i n‑xe juꞌun ñaꞌa. Te xiaꞌan Spedru nuu‑ia: 
\p —Maestru, kueꞌe ñayiu xndijun ñaꞌa; diko ka chitaꞌi ñaꞌa koio‑i xa kueꞌe‑i. 
\p  
\v 46 Xiaꞌan ntuku Jesús ɨnka vuelta: 
\p —N‑xe juꞌun ñaꞌa ɨɨn ñayiu chi n‑tuu‑r xa n‑kida‑r ɨɨn xa n‑kida‑r. 
\p  
\v 47 Nu n‑tu ini ñá ijan xa ma kuu xa chidaꞌu‑ña xa n‑kida‑ña, te n‑nɨꞌɨ‑ña. N‑xe juiin xiti‑ña nuu Jesús chi mee‑ña n‑xe juꞌun ndɨkɨ xeꞌe daꞌma‑ia. N‑najani‑ña nuu ntdaa ñayiu ijan nakuenda n‑xe juꞌun‑ña daꞌma‑ia, te janda n‑kuu xa danaa n‑ndvaꞌa‑ña.  
\v 48 Te xiaꞌan Jesús nuu‑ña: 
\p —Xaxeꞌe xa kukanu ini ñaꞌa‑n, xijan kuu xa n‑ndvaꞌa‑n. Juaꞌan xiꞌin xavii xavaꞌa. 
\p  
\v 49 Nɨni duꞌa jaꞌan Jesús, n‑xee ɨɨn se xinokuechi nuu se kida veñuꞌu jan. N‑jaꞌan‑s nuu‑s: 
\p —N‑xiꞌí daꞌya dɨꞌɨ‑n. Maxku dakuita‑n tiempo maestru ya. 
\p  
\v 50 Nu n‑teku Jesús, te xiaꞌan‑ia nuu se kida veñuꞌu jan: 
\p —Maxku tnau ini‑n. Diko ni kukanu ini Ianyuux, te ndvaꞌa daꞌya dɨꞌɨ‑n. 
\p  
\v 51-53 Nu n‑xee‑ia veꞌe se ijan, ka ndaꞌi xa ka ndaꞌi koio ñayiu xyuku ijan. Te n‑jaꞌan Jesús nuu‑i: 
\p —Maxku ku ndaꞌi koio‑n chi ña n‑xiꞌí‑i, diko ni tachi‑i juaꞌan. 
\p N‑ka xakundee ñaꞌa ñayiu xyuku ijan chi n‑ka xini‑i xa n‑xiꞌí‑i. Diko ni Spedru, Sua, Jacobo xiꞌin tadɨꞌɨ dichi kuu ndɨyɨ jan, n‑xejoon‑ia xa kɨu koio‑s xiꞌin‑ia veꞌe nuu kaa‑i; ñatu n‑xejoon‑ia xa kɨu ka ɨnka ñayiu. N‑xetuꞌa‑ia‑i  
\v 54 te n‑tnɨɨ‑ia ndaꞌa‑i, te n‑jaꞌan‑ia nuu‑i: 
\p —Ndokoo, Lungo. 
\p  
\v 55 N‑nandoto‑i. Danaa n‑ndokoo‑i, te n‑taꞌu tniu Jesús xa na juñaꞌa dɨꞌɨ‑i xa kaxi‑i.  
\v 56 N‑ka yuꞌu tadɨꞌɨ‑i, te n‑jaꞌan‑ia xa maxku nde ku jaꞌan ñayiu xyuku ijan xa n‑yaꞌa; mee ni‑i na kunaꞌa. 
\c 9  
\s1 N‑tundaꞌa Jesús uxi uu se dakuaꞌa‑ia xa kada koio‑s tniu Ianyuux 
\p  
\v 1 Nu n‑xika kɨu, te n‑nadataka Jesús uxi uu se dakuaꞌa‑ia jan. N‑kida‑ia xa n‑ka kuaꞌa‑s xa kineꞌe koio‑s xaloko xñuꞌu anu ñayiu, te dɨuni n‑kida‑ia xa n‑ka kuaꞌa‑s xa ndadavaꞌa koio‑s ñayiu ka kuꞌu.  
\v 2 N‑tundaꞌa‑ia‑s xa juña tnuꞌu koio‑s ñayiu nax kada koio‑i xa kɨu tnaꞌa‑i nuu ñayiu ka jandixa xa taxnuni Ianyuux nuu‑i. Dɨuni n‑tundaꞌa‑ia‑s xa ndadavaꞌa koio‑s ñayiu ka kuꞌu.  
\v 3 Xiaꞌan‑ia nuu‑s: 
\p —Maxku kaneꞌe koio‑n xa ndoñuꞌu‑n jɨꞌɨn. Maxku kaneꞌe koio‑n karruti‑n. Maxku kaneꞌe koio‑n jayate‑n. Maxku kaneꞌe koio‑n xa kaxi‑n. Maxku kaneꞌe koio‑n tvini. Maxku kaneꞌe koio‑n ɨnka dijun xa nadama‑n.  
\v 4 Hora na xee‑n ɨɨn veꞌe ɨɨn ñuu, ijan ndoo koio‑n, te maxku dama‑n veꞌe ndoo koio‑n.  
\v 5 Nux ma kunini ñayiu ɨɨn ñuu tnuꞌu jaꞌan‑n te hora na ndee koio‑n ñuu jan kɨdɨ koio‑n xeꞌe‑n xa na kee ñuyaka ñuu‑i xa na jini ñayiu jan xa io kuechi‑i —kuu Jesús, xiaꞌan‑ia. 
\p  
\v 6 Juaꞌan koio‑s ñuu xiꞌin ñuu. N‑ka jaꞌan‑s nuu ñayiu nax io xa kada‑i xa nanitaꞌu‑i, te n‑ka ndadavaꞌa‑s ñayiu ka kuꞌu. 
\s1 N‑xiꞌí Sua 
\p  
\v 7 N‑teku Herodes, se taxnuni, ntdaa xa kida Jesús, te n‑chi ini‑s chi n‑kutnuꞌu xa n‑nandoto Sua.  
\v 8 Dɨuni n‑kutnuꞌu xa n‑nandoto Elías, te n‑nxee‑s. Dani n‑kutnuꞌu xa n‑ka nandoto dava ka se xanaꞌa n‑jaꞌan tnuꞌu Ianyuux nuu ñayiu.  
\v 9 Te n‑jaꞌan Herodes: 
\p —¿Ndee se kuu se kida ntdaa xa teku‑r? Ñadu Sua kuu‑s chi n‑xaꞌnde‑r dɨkɨ‑s. 
\p Te n‑juini Herodes xa jini‑s Jesús. 
\s1 N‑xiaꞌan Jesús xa kaxi kueꞌe ñayiu 
\p  
\v 10 N‑ka naxee se n‑dakuaꞌa ñaꞌa Jesús nuu‑ia. N‑ka najani‑s nax n‑ka kida‑s. Ijan dada ndeka dɨɨn ñaꞌa‑ia juaꞌan yuꞌu ñuu nani Betsaida.  
\v 11 N‑ka taka ñayiu nuu n‑xo tuu‑ia, te nu n‑ka xini koio‑i xa xá juaꞌan‑ia, xndijun ñaꞌa‑i ka xeꞌen. Nu n‑ka nanitnaꞌa‑i xiꞌin‑ia, n‑kuu vaꞌa anu‑ia nuu‑i, te n‑ka kuvete‑i. N‑jaꞌan‑ia nuu‑i nax io xa kada koio‑i xa kɨu tnaꞌa koio‑i nuu ñayiu ka jandixa xa taxnuni Ianyuux nuu‑i. Dɨuni n‑ndadavaꞌa‑ia ñayiu ka kuꞌu.  
\v 12 Nu n‑kundiꞌi ngandii, te n‑ka xetuꞌa ñaꞌa se dakuaꞌa‑ia. Ka xiaꞌan‑s nuu‑ia: 
\p —Tundaꞌa‑n ñayiu ya xa na jɨꞌɨn koio‑i ñuu xndatuu yatni xiꞌin ranchu xa na nduku koio‑i nuu ndoo‑i te na jueen‑i xa kaxi‑i chi nuu ñayo io tuu‑ro. 
\p  
\v 13 Te xiaꞌan‑ia nuu‑s: 
\p —Juñaꞌa koio xa na kaxi‑i. 
\p Te ka xiaꞌan‑s nuu‑ia: 
\p —Oꞌon ni tila xiꞌin uu ni chaka io a dɨu nga nux na njueen‑ro xa kaxi koio‑i. 
\p  
\v 14 Xyuku naxa oꞌon mil seyɨɨ ijan xiꞌin ñadɨꞌɨ‑s xiꞌin daꞌya‑s. Nu n‑yaꞌa n‑ka jaꞌan se dakuaꞌa‑ia xijan, te n‑taꞌu tniu‑ia nuu‑s: 
\p —Juñaꞌa koio nuu ñayiu xa uu diko uxi uu diko uxi‑i na nkoo koio. Nuu dɨɨn nuu dɨɨn na nkoo koio‑i. 
\p  
\v 15 Daa n‑ka kida‑s, te n‑ka nukoo ntdaa ñayiu xyuku ijan.  
\v 16 N‑tnɨɨ‑ia oꞌon tila jan xiꞌin nduu chaka jan, te n‑nukondeꞌa‑ia andɨu, te n‑xijan taꞌu‑ia nuu Ianyuux. N‑taꞌu dava‑ia tila jan, te n‑xiaꞌan‑ia se dakuaꞌa‑ia xa dakexio koio‑s nuu ñayiu xyuku jan.  
\v 17 N‑ka xaxi koio‑i xa nde n‑ka chitu xiti‑i ntdaa‑i. N‑ka nadataka‑s pedazo n‑kendoo, te n‑ka dachitu‑s uxi uu yɨka. 
\s1 N‑jaꞌan Spedru nuu Jesús xa dɨu‑ia kuu Cristu 
\p  
\v 18 Ɨnka ntuku vuelta tuu‑ia xiꞌin se dakuaꞌa‑ia, te mee ni‑ia n‑kee dɨɨn xa n‑xijan taꞌu‑ia nuu Ianyuux. Ijan dada n‑xijan tnuꞌu‑ia‑s: 
\p —¿Jundu kuu‑r ka jaꞌan ñayiu? 
\p  
\v 19 Ka xiaꞌan‑s: 
\p —Dava ñayiu ka jaꞌan xa Sua Bautista kuu‑n, dava‑i ka jaꞌan xa Elías kuu‑n, dava tuku‑i ka jaꞌan xa xixitna‑ro, se n‑xo jaꞌan tnuꞌu Ianyuux nuu ñayiu kuu‑n. Ka xani ini‑i xa n‑nandoto‑n. 
\p  
\v 20 Te n‑xijan tnuꞌu‑ia‑s: 
\p —Ndoꞌo ɨɨn ɨɨn‑n, ¿jundu kuu‑r, ka jaꞌan‑n u? 
\p Xiaꞌan Spedru: 
\p —Cristu, Ia n‑tundaꞌa ñaꞌa Ianyuux kuu‑n. 
\p  
\v 21 Te xiaꞌan‑ia xa maxku jaꞌan koio‑s nuu ñayiu jundu kuu‑ia; mee ni‑s na kunaꞌa koio.  
\v 22 Xiaꞌan‑ia: 
\p —Io xa kada uꞌu ñaꞌa koio sexaꞌnu ka taxnuni nuu ñayiu país‑ro ruꞌu, Ia kuu ñayiu. Dɨuni io xa kada uꞌu ñaꞌa dutu ka taxnuni xiꞌin se ka tuꞌa vaꞌa tnuꞌu n‑chidotnuni Moisés. Io xa jaꞌan koio‑s xa ña ndoñuꞌu ñaꞌa‑s. Dɨuni io xa kaꞌni ñaꞌa koio‑s te nandoto‑r nuu uni kɨu —kuu‑ia, xiaꞌan‑ia nuu se dakuaꞌa‑ia. 
\p  
\v 23 Te n‑jaꞌan‑ia nuu ntdaa ñayiu xyuku ijan: 
\p —Ñayiu juini xa nkuitandijun ñaꞌa‑i, na kande ini koio‑i xa ka kukajan ini‑i, te jun ini koio‑i xa kuú‑i ná ñu ini ɨɨn se doko curuxi‑s xa nkuitakaa dika‑s. Ijan dada nkuitandijun ñaꞌa koio‑i.  
\v 24 Ñayiu ña ka kuu ini‑i xa naa‑i xaxeꞌe‑r, naa daꞌu ni‑i. Ñayiu naa yɨkɨ kuñu‑i xaxeꞌe‑r, kundito koio‑i nɨkava nɨkuita.  
\v 25 Ñayiu na niꞌi ntdaa xa io nituꞌu ñuñayiu te naa‑i, ñatu nax kineꞌe koio‑i.  
\v 26 Ñayiu kujanuu xa xndeka tnaꞌa‑r xiꞌin‑i a xa kakuneꞌe‑i xa jaꞌan‑r, dɨuni kujanuu‑r xa kandeka tnaꞌa‑r xiꞌin‑i hora na ndixi mee‑r, Ia kuu ñayiu. Ndii‑r ná ndii Taa‑r Ianyuux, Ia ii. Ndii‑r ná ndii ángel, ia ka xinokuechi nuu Ianyuux.  
\v 27 Xandaa xakuiti ma kuú koio‑n nde na jini dava ndoꞌo ñayiu xtuu yaꞌa, xa taxnuni Ianyuux nuu ñayiu ñuñayiu —kuu Jesús, xiaꞌan‑ia. 
\s1 N‑dama nuu Jesús, te n‑koko daꞌma niꞌno‑ia 
\p  
\v 28 Nu n‑yaꞌa naxa una kɨu, te ndeka dɨɨn‑ia Spedru, Sua, Jacobo juaꞌan koio ɨɨn yuku xa kajan taꞌu‑ia nuu Ianyuux.  
\v 29 Nɨni xijan taꞌu‑ia n‑dama nuu‑ia, te n‑koko daꞌma‑ia. Ná kuu xa xeyeꞌe kuu xa koko daꞌma‑ia.  
\v 30 Moisés xiꞌin Elías n‑ka nxee, te n‑ndatnuꞌu‑ia xiꞌin‑s.  
\v 31 N‑ka diñu‑s tuku. Ndatnuꞌu‑ia xiꞌin‑s xa vax kuyatni kɨu ndee‑ia Jerusalén te ndaa‑ia andɨu.  
\v 32 Yo n‑kuu nuu Spedru xiꞌin nuu dava ka se xtuu xiꞌin‑s xa kidi, ko ña n‑ka kidi‑s, te n‑ka xini‑s xa koko Jesús xiꞌin nduu se xnii xiꞌin‑ia.  
\v 33 Diko nga xa ndaa Moisés xiꞌin Elías andɨu te xiaꞌan Spedru nuu Jesús: 
\p —Maestru, naka vaꞌa xa n‑ka kixee‑ro yaꞌa. Na kadavaꞌa koio‑da uni veꞌe yutnu vixi — ɨɨn kuu xiꞌin mee‑n, ɨnka na kuu xiꞌin Moisés, te ɨnka na kuu xiꞌin Elías. 
\p Juini daa n‑xani ini Spedru xa kada‑s, ko ña kutnuni ini‑s nakuenda xa daa n‑kuu ini‑s.  
\v 34 Nɨni duꞌa jaꞌan‑s, te n‑ndixi vikó nuꞌu nde nuu ñuꞌu, te n‑ka daꞌu‑s nuu vikó jan.  
\v 35 Te n‑jaꞌan Ianyuux xiti vikó jan: 
\p —Ia yaꞌa kuu Daꞌya Yɨɨ‑r. N‑kaxí‑r‑ia xa kada‑ia tniu‑r. Kunini koio xa jaꞌan‑ia. 
\p  
\v 36 Nu n‑yaꞌa xa n‑jaꞌan Ianyuux, te mee nga Jesús n‑ndoo xiꞌin‑s. Naꞌa n‑kuu n‑yaꞌa xaꞌa, ijan dada n‑ka najani‑s xa n‑ka xini‑s. 
\s1 N‑ndadavaꞌa Jesús ɨɨn seluchi tnaꞌa kueꞌe xiyɨꞌɨ 
\p  
\v 37 Kɨu kuu uu, n‑nuu‑ia xiꞌin‑s xeyuku jan, te kueꞌe ñayiu n‑ka xetnaꞌa ñaꞌa.  
\v 38 Nuu ñayiu ijan yɨtnaꞌa ɨɨn se tnaꞌa. Xee n‑kana‑s: 
\p —Maestru, ɨɨn xa juini‑da. Koto tnaꞌa‑n daꞌya yɨɨ‑da nuu nax tnaꞌa‑s chi idii ni‑s io.  
\v 39 Xko keé xaloko anu‑s, te danaa kana‑s, te kava ñaꞌa‑i. Nduyutnu‑s, te xido t‑iñu yuꞌu‑s, te datnukueꞌe ñaꞌa‑i. Ña juini‑i xa dayaa ñaꞌa‑i.  
\v 40 N‑xiaꞌan‑da se dakuaꞌa‑n xa na kineꞌe koio‑s‑yɨ, ko ñayo‑s n‑ka ndaku. 
\p  
\v 41 Te n‑jaꞌan Jesús nuu ñayiu xyuku ijan: 
\p —Ndoꞌo, ñayiu io vitna, ña ka kukanu ini ñaꞌa vaꞌa‑n. Unu loko‑n. ¿Nadaa ka kɨu ndoñuꞌu xa kutuu‑ro? ¿Kuiti nadaa ka kɨu nadaa ka ñuu kundee ini‑r? 
\p Ijan dada n‑jaꞌan Jesús nuu taa seluchi jan: 
\p —Juan kueka daꞌya‑n. 
\p  
\v 42 Nɨni juan tuꞌa seluchi jan Jesús n‑dajane ñaꞌa xaloko jan nuu ñuꞌu, te n‑kava ñaꞌa‑i. Xido t‑iñu yuꞌu‑s, te n‑nduyutnu‑s. N‑kudeen Jesús nuu xaloko jan, te n‑ndadavaꞌa‑ia seluchi jan. Ijan dada n‑nakueka ñaꞌa taa‑s.  
\v 43 Nu n‑ka xini ñayiu n‑ka xo ndeꞌa xijan xa taxnuni Ianyuux nuu Kuiꞌna, n‑ka nakuetu koio‑i nuu‑ia. N‑ka yuꞌu‑i, te kueꞌe xa n‑ka xani ini koio‑i. Nɨni ka ndatnuꞌu ñayiu jan xa n‑yaꞌa, xiaꞌan Jesús nuu se dakuaꞌa‑ia: 
\p  
\v 44 —Maxku ndunaa koio‑n xa n‑jaꞌan‑r xa vax kuyatni kɨu kada ɨɨn se kada xa tnɨɨ ñaꞌa juxtixia ruꞌu, Ia kuu ñayiu. 
\p  
\v 45 Ñayo se dakuaꞌa‑ia n‑kutnuni ini nakuenda xa daa n‑jaꞌan‑ia chi n‑kida Ianyuux xa ma kutnuni ini koio‑s. Ñayo‑s n‑kuyɨɨ xa kajan tnuꞌu‑s‑ia. 
\s1 Ndeda ñayiu ku kuu ñayiu ndandɨꞌɨ ka 
\p  
\v 46 Nɨni juan nuꞌu‑ia xiꞌin se dakuaꞌa‑ia Capernaum nuu io‑ia, ka ndatnuꞌu‑s nuu ndeda ɨɨn‑s taxnuni nuu‑s ntdaa‑s, te ka jantnaꞌa tnuꞌu‑s.  
\v 47 N‑tu ini Jesús nax n‑ka xani ini‑s te n‑tnɨɨ‑ia ɨɨn seluchi, te n‑xani‑ia‑s diñi‑ia.  
\v 48 Te xiaꞌan‑ia nuu‑s: 
\p —Se ka xe ini seluchi yaꞌa xaxeꞌe xa daa juini‑r kuenda kɨu ka xe ini ñaꞌa‑s ruꞌu. Se ka xe ini ñaꞌa dɨuni xe ini‑s Ia n‑tundaꞌa ñaꞌa. Se xani ini xa ñatu ndandɨꞌɨ‑s nuu dava ka‑n, ndandɨꞌɨ‑s nuu Ianyuux. 
\p  
\v 49 Te xiaꞌan Sua nuu‑ia: 
\p —Maestru, n‑ka xini‑da ɨɨn se xetniu dɨu‑n xa taꞌu tniu‑s nuu xaloko xa kee‑i anu ñayiu, te ka xiaꞌan‑da nuu‑s xa na nujani‑s xaxeꞌe xa ña ndeka tnaꞌa‑ro xiꞌin‑s. 
\p  
\v 50 Te xiaꞌan Jesús nuu‑s: 
\p —Maxku dadaꞌan‑n xa daa kida‑s chi ñayiu ña jan tnuꞌu ñaꞌa, iñi xiꞌin‑ro xiꞌin‑i —kuu‑ia, xiaꞌan‑ia. 
\s1 N‑kanandee Jesús Jacobo xiꞌin Sua 
\p  
\v 51 Vax kuyatni kɨu ndaa Jesús andɨu xa nakueka ñaꞌa Ianyuux. Tiempu ijan idii vuelta n‑xajan‑ia anu‑ia xa jɨꞌɨn ntuku‑ia Jerusalén.  
\v 52 N‑tundaꞌa‑ia dava se dakuaꞌa‑ia xa na ku juindodo nuu‑s ichi juaꞌan Jerusalén, te n‑ka xee‑s ɨɨn ñuu luchi katuu distrito Samaria xa kada tuꞌa‑s veꞌe nuu ndoo koio‑s xiꞌin‑ia.  
\v 53 Ñatu n‑juini ñayiu ñuu ijan xa ndoo Jesús ñuu‑i xaxeꞌe xa n‑ka tu ini‑i xa jɨꞌɨn‑ia Jerusalén.  
\v 54 Nu n‑ka xini Sua xiꞌin Jacobo xa ñatu n‑ka juini‑i xa kueka‑i Jesús, te ka xiaꞌan‑s nuu‑ia: 
\p —Maestru, ¿vatuka xa kajan taꞌu‑ro nuu Ianyuux xa na dajuun‑ia ñuꞌú nde andɨu na kuaꞌa na naa ñayiu yaꞌa u?  
\v 55 N‑ngonenuu Jesús, te n‑kanandee ñaꞌa‑ia.  
\v 56 Ijan dada juaꞌan‑ia xiꞌin‑s ɨnka ñuu. 
\s1 Se n‑ka juini xa nkuitandijun‑s Jesús 
\p  
\v 57 Nɨni xika‑ia xiꞌin‑s juaꞌan, n‑xe juntnaꞌa‑ia xiꞌin ɨɨn se n‑xe juntnaꞌa xiꞌin‑ia. Xiaꞌan se ijan nuu‑ia: 
\p —Maestru, nkuitandijun ñaꞌa‑da, te kandijun ñaꞌa‑da jɨꞌɨn juini nde kuu nuu na jɨꞌɨn‑n. 
\p  
\v 58 Te n‑jaꞌan Jesús: 
\p —Chikuii, io yau kava xyɨꞌɨ‑tɨ. Dani chilidaa, io taka‑tɨ, ko mee‑r, Ia kuu ñayiu, ña tuu na veꞌe‑r. Ñavada io nuu ndetatu‑r —kuu‑ia, xiaꞌan‑ia‑s. 
\p  
\v 59 Xiaꞌan‑ia nuu ɨnka‑s: 
\p —Neꞌe te nkuitandijun ñaꞌa. 
\p Xiaꞌan‑s: 
\p —Dito, ¿vatuka xa kiꞌna ka nuꞌu‑da veꞌe‑da te na kuú taa‑da kuxi‑da‑s? Ijan dada nkuitandijun ñaꞌa‑da. 
\p  
\v 60 Te xiaꞌan‑ia nuu‑s: 
\p —Na kuxi tnaꞌa naꞌi koio ñayiu ña xini jundu kuu Ianyuux. Juan juñaꞌa mee‑n nuu ñayiu nax io xa kada‑i xa kɨu tnaꞌa‑i nuu ñayiu ka jandixa xa taxnuni Ianyuux nuu‑i. 
\p  
\v 61 N‑jaꞌan ɨnka ntuku‑s nuu‑ia: 
\p —Maestru, nkuitandijun ñaꞌa‑da, ko vatuka xa kiꞌna ka na jɨn nu koto‑da janda ndoo ñayiu io veꞌe‑da, te juñaꞌa‑da nuu‑i: “Kutuu koio, te kixee‑r” —kuu‑s, xiaꞌan‑s. 
\p  
\v 62 Te n‑jaꞌan‑ia nuu‑s: 
\p —Se n‑kixeꞌe xa kidatniu‑s xiꞌin nkutu, te ngonenuu‑s ichi yata‑s, ñatu xiniñuꞌu‑s xa kadatniu‑s nuu ñuꞌu. Daa kuu dava ñayiu juini xa kɨu tnaꞌa‑i nuu ñayiu taxnuni Ianyuux nuu‑i. 
\c 10  
\s1 N‑tundaꞌa Jesús uni diko uxi se jaꞌan tnuꞌu‑ia nuu ñayiu 
\p  
\v 1 Nu n‑yaꞌa ntdaa xijan, te n‑kaxí Jesús uni diko uxi ntuku seyɨɨ. N‑tundaꞌa‑ia‑s xa ku jɨꞌɨn ndɨ uu ndɨ uu‑s ñuu naꞌnu, ñuu kuechi nuu ñu ini‑ia xa jɨꞌɨn‑ia.  
\v 2 Te xiaꞌan‑ia nuu‑s: 
\p —Yo kueꞌe ñayiu ta kukanu ini ka Ianyuux. Kuenda kɨu trɨu n‑yichi kuu‑i, te xaku ni ñayiu io xa nakueka‑i trɨu jan. Xijan kuu xa kajan taꞌu koio‑n nuu Ianyuux xa na tundaꞌa ka‑ia ñayiu nakueka trɨu jan.  
\v 3 Jɨꞌɨn koio‑n, te kunaꞌa koio‑n xa kuenda kɨu tkolelu xee meꞌñu kɨt kuu lobo ka kuu‑n.  
\v 4 Maxku kaneꞌe koio‑n tvini. Maxku kaneꞌe koio‑n jayate. Maxku kaneꞌe koio‑n ɨnka tayu ndixa‑n. Maxku naꞌa ku ndatnuꞌu koio‑n xiꞌin ñayiu nanitnaꞌa xiꞌin‑n ichi juaꞌan koio‑n.  
\v 5 Hora na kɨu koio‑n ɨɨn veꞌe, juñaꞌa‑n nuu ñayiu io veꞌe jan: “Na kutuu vii kutuu vaꞌa koio‑n.”  
\v 6 Nux ijan io ñayiu juini xa kutuu vii kutuu vaꞌa‑i ná juini Ianyuux, te kutuu vii kutuu vaꞌa‑i ná n‑jaꞌan‑n. Nux ñaꞌa, ma kutuu vii kutuu vaꞌa‑i.  
\v 7 Veꞌe ndoo koio‑n kax koꞌo koio‑n xa taxi ñayiu ijan chi io yaꞌu ɨɨn se kidatniu. Maxku dama‑n veꞌe ndoo koio‑n.  
\v 8 Davaꞌa nga ñuu kɨu koio‑n, nux na kunini ñayiu ñuu ijan xa jaꞌan‑n, kaxi koio‑n xa na taxi‑i.  
\v 9 Ndadavaꞌa koio‑n ñayiu ka kuꞌu, te juñaꞌa koio‑n nuu‑i: “Vax kuyatni kɨu taxnuni Ianyuux nuu‑n.”  
\v 10 Nux ma xe ini ñayiu ɨɨn ñuu xa jaꞌan koio‑n, jɨꞌɨn koio‑n ichi kaꞌnu yuꞌu ñuu jan, te kɨdɨ koio‑n xeꞌe‑n, te xee jaꞌan koio‑n:  
\v 11 “Kɨdɨ‑da xeꞌe‑da xa maxku kɨꞌɨ ñuyaka ñuu‑n chi ñatu ka xe ini‑n xa n‑ka jaꞌan‑da. Juini ña n‑ka xe ini‑n xa n‑jaꞌan‑da, ko kidayɨka‑i xa kunaꞌa‑n xa vax kuyatni kɨu taxnuni Ianyuux nuu‑n.” Xaꞌa juñaꞌa koio‑n nuu ñayiu jan.  
\v 12 Kɨu na ndixi juexi, ndaꞌu ka yaꞌa ñuu ijan dada ñayiu n‑xio Sodoma —kuu‑ia, xiaꞌan‑ia. 
\p Te xiaꞌan‑ia nuu ñayiu ñuu Corazín xiꞌin nuu ñayiu ñuu Betsaida: 
\p  
\v 13 —Ndaꞌu yaꞌa mee‑n, ñayiu Corazín. Ndaꞌu yaꞌa ndoꞌo, ñayiu Betsaida. Nuu n‑kida‑r kueꞌe milagru Tiro xiꞌin Sidón ná n‑kida‑r ñuu mee‑n, xa n‑kunaꞌa n‑ka natu ini ñayiu jan xa n‑ka kida‑i kuechi, te kuiꞌno‑i daꞌma ndayu te kunukoo koio‑i nuu yaa n‑kuu xa n‑ka natu ini‑i xa n‑ka kida‑i kuechi.  
\v 14 Ndaꞌu ka yaꞌa mee‑n, ñayiu Corazín xiꞌin ñayiu Betsaida, dada ñayiu Tiro xiꞌin Sidón hora na ndadandaa Ianyuux kuechi ñayiu ñuñayiu.  
\v 15 Te ndoꞌo, ñayiu Capernaum, ma jɨꞌɨn koio‑n andɨu chi keé koio‑n andea. 
\p Te xiaꞌan‑ia nuu se dakuaꞌa‑ia: 
\p  
\v 16 —Ñayiu kunini xa jaꞌan koio‑n, kuenda kɨu xa jaꞌan mee‑r kunini koio‑i. Ñayiu ma xe ini ñaꞌa, kuenda kɨu mee‑r ma xe ini ñaꞌa koio‑i. Ñayiu ñatu xe ini ñaꞌa mee‑r, ña xe ini‑i Ia n‑tundaꞌa ñaꞌa —kuu Jesús, xiaꞌan‑ia. 
\p  
\v 17 N‑ka kee se n‑tundaꞌa‑ia; ka xeꞌen‑s. Nu n‑ka nangondita‑s nuu Jesús, te n‑ka kudɨ ini‑s. N‑ka jaꞌan‑s nuu‑ia: 
\p —Dito, ka jandixa ñaꞌa ñayiu; nde xaloko n‑ka jandixa ñaꞌa chi n‑ka xetniu‑da dɨu‑n xa n‑taꞌu tniu‑da nuu‑i xa kee‑i anu ñayiu, te n‑ka kee‑i. 
\p  
\v 18 Te n‑jaꞌan Jesús nuu‑s: 
\p —N‑xini‑r xa jungava Satanás nde andɨu. N‑kee‑i ná kee taxa.  
\v 19 Kunaꞌa koio‑n xa kada‑r xa ndaku‑n nuu Kuiꞌna, te juini na jueñi niꞌno‑n koo a tduꞌan, ña tuu nax yaꞌa koio‑n.  
\v 20 Kudɨ ini koio‑n, ko ñadu xaxeꞌe xa ka jandixa ñaꞌa xaloko kudɨ ini koio‑n, chi kudɨ ini koio‑n xaxeꞌe xa andɨu yodotnuni dɨu‑n —kuu‑ia, xiaꞌan‑ia. 
\p  
\v 21 Nu n‑teku Jesús tnuꞌu n‑ka jaꞌan‑s, te n‑kidadɨ ini ñaꞌa Espíritu Ianyuux. Ijan dada n‑jaꞌan Jesús nuu Ianyuux: 
\p —Taa‑ro Ianyuux, Ia taxnuni andɨu xiꞌin ñuñayiu, najuen tnuꞌu ñaꞌa‑da chi ña n‑datuu‑n xaꞌa nuu ñayiu ka tuꞌa vaꞌa tutu, ñayiu io xaxtnuni xa kutnuni ini‑i, ko n‑datuu‑n ntdaa xaꞌa nuu ñayiu ña ka tuꞌa. Kuu‑i ná kuu sekuechi. Duꞌa n‑kida‑n, Taa‑ro, chi duꞌa n‑kuu anu‑n —kuu Jesús, xiaꞌan‑ia nuu Taa‑ro Ianyuux. 
\p  
\v 22 Ijan dada xiaꞌan‑ia nuu se xyuku ijan: 
\p —N‑taxi Ianyuux xaxtnuni xa ntdaa xa kuu xa xino xini‑r. Ñayo ñayiu xini jundu kuu Daꞌya Yɨɨ‑ia. Mee ni Taa‑ro Ianyuux xini jundu kuu‑r, te mee ni‑r xini jundu kuu‑ia. Dɨuni jini ñayiu kuu anu‑r xa juña tnuꞌu‑r jundu kuu‑ia. Ña yo ka ñayiu xini —kuu Jesús, xiaꞌan‑ia. 
\p  
\v 23 Ijan dada n‑ndonenuu‑ia xa kundeꞌa‑ia uxi uu se dakuaꞌa‑ia jan, te xiaꞌan‑ia nuu‑s: 
\p —Naka taꞌu kuu ñayiu ndeꞌa xa xndeꞌa mee‑n.  
\v 24 Kueꞌe se n‑ka jaꞌan tnuꞌu Ianyuux nuu ñayiu xiꞌin se n‑kunxaꞌnu n‑ka juini xa jini koio‑s xa kida‑r. N‑ka juini‑s xa jini‑s xa xndeꞌa‑n vitna, ko ñayo‑s n‑xini. N‑ka juini‑s xa kunini koio‑s tnuꞌu xnini‑n, ko ña n‑kuu xa teku‑s —kuu‑ia, xiaꞌan‑ia. 
\s1 Xavaꞌa n‑kida ɨɨn se Samaria 
\p  
\v 25 Ɨɨn vuelta nujuiin ɨɨn se tuꞌa vaꞌa tnuꞌu n‑chidotnuni Moisés meꞌñu ñayiu xyuku nuu dakuaꞌa Jesús ñayiu xa kototnuni‑s‑ia. N‑xijan tnuꞌu‑s‑ia: 
\p —Maestru, ¿nax kada‑da xa kundito‑da nɨkava nɨkuita? 
\p  
\v 26 Te n‑xijan tnuꞌu ñaꞌa Jesús: 
\p —¿Nax kaꞌu‑n? ¿Nax xyodotnuni nuu libru Moisés xa kada‑n? 
\p  
\v 27 Te xiaꞌan‑s: 
\p —Duꞌa yodotnuni: “Io xa juemani koio‑n Ianyuux, Ia kuu Xtoꞌo‑n, xiꞌin nde yɨkɨ nde tuchi‑n. Ná mani juini‑n mee‑n, daa juemani ñanitnaꞌa‑n.” 
\p  
\v 28 Te xiaꞌan‑ia nuu‑s: 
\p —Vaꞌa n‑jaꞌan‑n. Kada xijan te kundito‑n nɨkava nɨkuita. 
\p  
\v 29 N‑juini‑s xa kani ini Jesús xa ña tuu na kuechi kida‑s, xijan kuu xa xiaꞌan‑s: 
\p —¿Ko jundu kuu ñanitnaꞌa‑da? 
\p  
\v 30 Xiaꞌan Jesús: 
\p —N‑kee ɨɨn seyɨɨ Jerusalén xa juaꞌan‑s Jericó. N‑ka xadɨ ñaꞌa ñaduꞌu ichi juaꞌan‑s, te n‑ka duꞌu ñaꞌa‑s. N‑ka tava‑s daꞌma‑s. N‑ka janñaꞌa‑s, te n‑ka dandoo ñaꞌa‑s. Katuu‑s ichi te junee‑s.  
\v 31 Ijan dada n‑kendita ɨɨn dutu nuu katuu‑s. N‑xini‑s xa katuu se ijan, te n‑xiko nduu‑s ɨnka xio yuꞌu ichi.  
\v 32 N‑kuyatni ɨɨn se kuu levita nuu katuu se n‑tnukueꞌe jan. N‑xini ñaꞌa‑s, te n‑xiko nduu‑s ɨnka xio yuꞌu ichi.  
\v 33 Dɨuni n‑kendita ɨɨn se Samaria. N‑xini‑s se n‑tnukueꞌe jan, te n‑kundaꞌu ini ñaꞌa‑s.  
\v 34 N‑xetuꞌa‑s‑sɨ, te n‑xodo‑s aciti xiꞌin vinu nuu n‑tnukueꞌe‑s. N‑duku‑s nuu n‑tnukueꞌe‑s, te n‑dakaa ñaꞌa‑s yata kɨtɨ‑s. Ndeka ñaꞌa‑s juaꞌan mesón. Ijan n‑ñunuu ñaꞌa‑s.  
\v 35 Kɨu kuu uu n‑tava‑s uu denario, te n‑chiyaꞌu‑s se ndee mesón jan, te xiaꞌan‑s nuu‑sɨ: “Junuu‑n‑sɨ te nux nadaa ka na njuꞌun‑n, te kɨu na kuiko‑da nataxi‑da tvini‑n”, kuu‑s, xiaꞌan‑s.  
\v 36 ¿Nax kachi‑n? ¿Ndeda ndruni‑s n‑kida na io xa kada‑ro ñanitnaꞌa‑ro? —kuu Jesús, xiaꞌan‑ia. 
\p  
\v 37 Te xiaꞌan‑s nuu‑ia: 
\p —Se n‑kundaꞌu ini se ijan. 
\p Te xiaꞌan ntuku Jesús: 
\p —Nani n‑kida se ijan, dani juan kada‑n. 
\s1 Na n‑xo tuu Jesús veꞌe María xiꞌin Tmarta 
\p  
\v 38 Dani, dani juaꞌan Jesús xiꞌin uxi uu se dakuaꞌa‑ia jan ichi juaꞌan Jerusalén. N‑kɨu‑ia ɨɨn ñuu luchi, te n‑jaꞌan ñaꞌa ɨɨn dichi nani Tmarta veꞌe‑i.  
\v 39 Kuꞌu Tmarta kuu María. Nukoo María nuu nukoo Jesús, Ia kuu Xtoꞌo‑ro, te n‑xo nini‑i xa n‑jaꞌan‑ia.  
\v 40 Nɨni nini María xa jaꞌan‑ia, kida Tmarta tniu veꞌe‑i, te yo ndu ini‑i. Xijan kuu xa n‑xetuꞌa‑i Jesús, te n‑jaꞌan‑i nuu‑ia: 
\p —Dito, nakuenda ña chinuu‑n xa ña chindee ñaꞌa María. Mee nga‑da kidatniu. Juñaꞌa‑n‑yɨ xa na chindee ñaꞌa‑i —kuu Tmarta, xiaꞌan‑i nuu‑ia. 
\p  
\v 41 Xiaꞌan Jesús, Ia kuu Xtoꞌo‑ro: 
\p —Marta mee ni nuu nax yaꞌa xani ini‑n. Dɨuni yo ndu ini‑n nuu tniu‑n,  
\v 42 ko ñatu kida ndɨꞌɨ‑n xa io xa kada‑n, ko María, vaꞌa kida‑i xa nini‑i xa jaꞌan‑r, te ma ndunaa‑i. 
\c 11  
\s1 N‑dakuaꞌa Jesús se dakuaꞌa‑ia janda kajan taꞌu koio‑s nuu Ianyuux 
\p  
\v 1 Ɨɨn vuelta n‑xijan taꞌu Jesús nuu Ianyuux ɨɨn nuu n‑xeꞌen‑ia. Nu n‑yaꞌa xa n‑xijan taꞌu‑ia, te n‑jaꞌan ɨɨn se dakuaꞌa‑ia nuu‑ia: 
\p —Dito, ¿Janda jaꞌan koio‑da hora na kajan taꞌu koio‑da nuu Ianyuux? Dakuaꞌa ñaꞌa‑n ná n‑dakuaꞌa Sua se n‑dakuaꞌa‑s. 
\p  
\v 2 N‑jaꞌan Jesús nuu‑s xiꞌin nuu ntdaa ñayiu xyuku ijan: 
\p —Hora na kajan taꞌu koio‑n, duꞌa jaꞌan koio‑n: 
\q1 Taa‑ro Ianyuux, na jaꞌan‑da xa ii‑n. 
\q1 Na koo‑da xañuꞌu nuu‑n. 
\q1 Na jaꞌan koio‑da xa taxnuni‑n nuu‑da ntdaa‑da xa ka kuu‑da ñayiu ñuñayiu. 
\q1  
\v 3 Taxi‑n xa kaxi xa koꞌo koio‑da vitna nani kida‑n ndɨkɨu ndɨñuu. 
\q1  
\v 4 Xijan taꞌu‑da xa taxkanu ini‑n kuechi n‑ka kida‑da ná ka taxkanu ini‑da ñayiu kuiꞌa ka kida ñaꞌa daña. 
\q1 Kada‑n xa maxku dajaꞌan ñaꞌa Kuiꞌna xa kada koio‑da kuechi. 
\m Duꞌa kajan taꞌu koio‑n nuu Ianyuux. 
\p  
\v 5 ʼÑayiu na jɨꞌɨn veꞌe ɨɨn se kumani xiꞌin‑i niu dava te juñaꞌa‑i nuu‑s: “Taxnuu uni tila  
\v 6 chi n‑kixee se kumani xiꞌin‑r, te ña tuu naxa juñaꞌa‑r‑sɨ. Xika vaxi‑s.”  
\v 7 Nux duꞌa na jaꞌan‑i, ma jaꞌan se ijan: “Maxku datnaꞌa ñaꞌa‑n. Xá n‑nakadɨ‑r yeꞌe‑r. Xá n‑nukava‑r xiꞌin daꞌya‑r. Ma kuu xa ndokoo‑r xa taxi‑r.” Ma duꞌa jaꞌan‑s  
\v 8 chi juñaꞌa‑s ntdaa xa ndoñuꞌu‑i, ko ñadu xaxeꞌe xa kumani‑i xiꞌin‑s juñaꞌa‑s chi xaxeꞌe xa maxku kujanuu‑s nuu‑i.  
\v 9 Ku kajan koio‑n te niꞌi‑n. Nduku koio‑n te niꞌi‑n. Nani dakande‑n yeꞌe ñayiu xa najaan‑i xa kɨu‑n, dani kajan koio‑n nuu Ianyuux xa ka ndoñuꞌu‑n, te taxi‑ia  
\v 10 chi ñayiu xko xijan ka niꞌi‑i. Dani ka niꞌi ñayiu xko nduku. Ñayiu xko dakande yeꞌe, najaan yeꞌe xa kɨu‑i. 
\p  
\v 11 ʼNdoꞌo, se ka kuu taa, nux xijan daꞌya‑n chaka ma juñaꞌa‑n koo chi juñaꞌa‑n chaka.  
\v 12 Nux xijan daꞌya‑n ndɨu, ma juñaꞌa‑n tduꞌan chi juñaꞌa‑n ndɨu.  
\v 13 Juini ka kuu‑n ñayiu ka kida kueꞌe kuechi, xndeꞌa‑n xa ka xiaꞌan‑n daꞌya‑n. Naka Taa‑ro Ianyuux, Ia tuu andɨu, ma ku taxi‑ia Espíritu‑ia nux ndeda‑n na kajan‑ia. Kueꞌe ka taxi Taa‑ro Ianyuux dada xa ka xiaꞌan mee‑n daꞌya‑n —kuu Jesús, xiaꞌan‑ia. 
\s1 N‑ka jaꞌan ñayiu xa Kuiꞌna kida xa kineꞌe Jesús xaloko 
\p  
\v 14 N‑xee ɨɨn se ñuꞌu ñaꞌa xaloko ña kuu jaꞌan nuu‑ia. Te n‑kineꞌe Jesús xaloko jan anu‑s. Nu n‑yaꞌa xa n‑kineꞌe‑ia xaloko jan, te n‑kixeꞌe‑s xa jaꞌan‑s, te n‑ka yuꞌu ñayiu xyuku ijan.  
\v 15 N‑jaꞌan dava‑i: 
\p —Mee Kuiꞌna taxnuni nuu dava ka xaloko kida xa kuaꞌa se yaꞌa xa kineꞌe‑s xaloko anu ñayiu. Beelzebú nani‑i. 
\p  
\v 16 Te n‑ka jaꞌan tɨtnɨ ñayiu xyuku ijan nuu Jesús xa kada‑ia milagru xa kototnuni‑i‑ia.  
\v 17 N‑kutnuni ini‑ia xa n‑xani ini ñayiu ijan. Xijan kuu xa xiaꞌan‑ia nuu‑i: 
\p —Nux ka jantnaꞌa se ka taxnuni ɨɨn ñuu xiꞌin ntnaꞌa ka taxnuni‑s, danaa tnaꞌa‑s. Dani ñayiu xtuu kaꞌnu ɨɨn veꞌe, nux ka jantnaꞌa‑i ma kutuu kaꞌnu ka‑i.  
\v 18 Nux jantnaꞌa Kuiꞌna ntnaꞌa mee‑i, ma taxnuni ka Kuiꞌna nani Satanás. Xaꞌa jaꞌan‑r xaxeꞌe xa n‑ka jaꞌan‑n xa Beelzebú kida xa kineꞌe‑r xaloko.  
\v 19 Nux Beelzebú kida xa kineꞌe‑r xaloko, dɨuni Beelzebú kida xa kineꞌe se dakuaꞌa‑n xaloko xñuꞌu anu ñayiu nuda. Mee se dakuaꞌa mee‑n ka datuu ñaꞌa.  
\v 20 Xaxeꞌe xa kida Ianyuux xa kineꞌe‑r xaloko, xijan kuu xa n‑kixeꞌe ka jandixa dava‑n xa taxnuni‑ia nuu‑n.  
\v 21 Ɨɨn se ndaku te ndeꞌe‑s, nux ndee‑s veꞌe‑s, ña tuu nax yaꞌa veꞌe‑s chi xa io tuꞌa‑s xiꞌin arma‑s.  
\v 22 Xaxeꞌe xa nevaꞌa‑s arma xani ini‑s xa ñayo ndeꞌe ka dada mee‑s, ko nux xee ɨɨn se ndeꞌe ka dada mee‑s janñaꞌa‑s, te kaneꞌe‑s ntdaa xaxii‑s jɨꞌɨn, te dakexio‑s.  
\v 23 Ñayiu ña ka kunduu xiꞌin‑r, ñatu ka xe ini ñaꞌa‑i. Ñayiu ña dataka ñayiu xa kunini‑i xa jaꞌan‑r, kuenda kɨu xate niꞌno‑i‑yɨ xa maxku teku‑i xa jaꞌan‑r. 
\s1 N‑nangondita xaloko; ndeé‑i anu n‑ñuꞌu‑i 
\p  
\v 24 ʼHora kee ɨɨn xaloko anu ɨɨn ñayiu, te xikonuu‑i nuu ñayo io xa nduku‑i ɨɨn nuu ndetatu‑i, ko xaxeꞌe xa ñatu niꞌi‑i, jaꞌan mee jaꞌan ɨɨn‑i: “Vaꞌa ka nu na ndeé‑ro anu ñayiu n‑kane‑ro.”  
\v 25 Te hora naxee‑i, chinuu‑i xa n‑natɨꞌu nuu n‑kee‑i, te vaꞌa n‑xe kotnaꞌa ndatniu.  
\v 26 Ijan te nkueka‑i uxa tnaꞌa xaloko ka dada mee‑i, te n‑ndeé‑i xiꞌin xaloko ijan nuu n‑kane‑i, te juꞌun koio‑i anu ñayiu ijan. Te ndaꞌu ka yaꞌa ñayiu jan hora ijan dada xa kiꞌna —kuu Jesús, xiaꞌan‑ia. 
\s1 Jundu kuu ñayiu xandaa xakuiti taꞌu kuu 
\p  
\v 27 Nɨni jaꞌan‑ia xijan, te xee n‑jaꞌan ɨɨn ñadɨꞌɨ yɨtnaꞌa nuu ñayiu xyuku nuu Jesús. Xiaꞌan‑ña nuu‑ia: 
\p —Naka taꞌu ñadɨꞌɨ n‑xajan ñaꞌa, te n‑dakadi ñaꞌa —kuu‑ña, xiaꞌan‑ña. 
\p  
\v 28 Te xiaꞌan‑ia nuu‑ña: 
\p —Taꞌu ka kuu ñayiu ka teku tnuꞌu Ianyuux, te jandixa‑i‑ia dada ñayiu kuu dɨꞌɨ‑r. 
\s1 Ná n‑yaꞌa Jonás yaꞌa Jesús 
\p  
\v 29 Nu n‑kukueꞌe ka ñayiu ka taka nuu‑ia, te xiaꞌan‑ia: 
\p —Unu loko ñayiu io vitna. Ka jaꞌan‑i xa kada‑r milagru, ko ma kuu xa jini‑i xijan. Diko ni jini koio‑i xa yaꞌa‑r ná n‑yaꞌa Jonás.  
\v 30 Nani n‑yaꞌa xa n‑xini ñayiu Nínive xa Jonás n‑kuu ɨɨn seña, dani jini koio ndoꞌo, ñayiu io vitna, xa kuu ruꞌu, Ia kuu ñayiu, ɨɨn seña.  
\v 31 Kɨu na ndadandaa Ianyuux kuechi ñayiu, nandoto ñá n‑kunxaꞌnu n‑xio do sur xiꞌin ñayiu io vitna, te taka koio‑i xiꞌin‑ña, te datuu‑ña kuechi ñayiu io vitna chi ña xnini‑i tnuꞌu‑r. Xika n‑kixi mee‑ña xa n‑xo nini‑ña tnuꞌu ndichi n‑jaꞌan Salomón. Kunaꞌa koio xa n‑kixee mee‑r, te ndandɨꞌɨ ka‑r dada Salomón, te ñatu ka jandixa‑n xa jaꞌan‑r.  
\v 32 Kɨu na ndadandaa Ianyuux kuechi ñayiu, nandoto ñayiu Nínive xiꞌin ñayiu io vitna, te kajan koio ñayiu Nínive jan kuechi‑i chi ña n‑ka natu ini‑i xa n‑ka kida‑i, ko ñayiu Nínive n‑natu ini xa n‑ka kida‑i kuechi na n‑jaꞌan Jonás tnuꞌu Ianyuux nuu‑i. Kunaꞌa koio xa n‑kixee‑r, te ndandɨꞌɨ ka‑r dada Jonás, te ñatu ka jandixa‑n xa jaꞌan‑r. 
\s1 Kuenda kɨu ɨɨn candil dakutnuni kuu nduchi nuu‑ro 
\p  
\v 33 ʼÑayo ñayiu natnuu candil te jantuu‑i ɨɨn nuu yɨdaꞌu. Ñayo chindeyu candil kaꞌa maquila. Ñayo ñayiu daa kida chi jandodo‑i candil ɨɨn nuu dujun xa na kutnuni nuu ñayiu ka kɨu veꞌe‑i.  
\v 34 Kuenda kɨu ɨɨn xa dakutnuni kuu nduchi nuu‑ro. Nux io vaꞌa nduchi nuu‑n, kaxi xndeꞌa‑n ɨɨn xa xndeꞌa‑n te xini‑n nax yaꞌa, ko nux ña io vaꞌa nduchi nuu‑n, ña xndeꞌa‑n xa io, ni ña xini‑n nax yaꞌa.  
\v 35 Maxku jandixa‑n ntdaa xa ka jaꞌan ñayiu ñuu‑n vaxi chi ñadu ntdaa xa ka jaꞌan‑i ndaa.  
\v 36 Nux kanda nituꞌu nuu tuu‑n, ma jaꞌan‑ro xa ña kanda ɨɨn lado ñɨɨ‑n —kuu Jesús, xiaꞌan‑ia. 
\s1 N‑kakuneꞌe Jesús kuechi se ka kuu fariseu xiꞌin se ka tuꞌa vaꞌa ley 
\p  
\v 37 Nu n‑yaꞌa n‑jaꞌan Jesús xaꞌa, te n‑jaꞌan ñaꞌa ɨɨn se fariseu xa kaxi‑ia xiꞌin‑s veꞌe‑s. N‑kɨu‑ia veꞌe‑s, te n‑nukoo‑ia yuꞌu mexa‑s.  
\v 38 N‑yuꞌu anu se fariseu xa ña n‑nandaꞌa‑ia ná ka kida ñayiu ñuu‑s, te n‑nukuita‑ia xaxi‑ia.  
\v 39 Te xiaꞌan Jesús nuu se ijan: 
\p —Mee‑n se fariseu, najini‑n yata yaxi xiꞌin yata koꞌo te ñatu ka najini‑n xiti‑i nuu ñuꞌu xa kuiꞌa kaa ná kuiꞌa kaa xa ka kida‑n.  
\v 40 Lilu‑n. Nani n‑kidavaꞌa Ianyuux ñɨɨ‑ro, dani n‑kidavaꞌa‑ia xaxtnuni‑ro xiꞌin anu‑ro.  
\v 41 Nux na juñaꞌa nga‑n ñayiu ka kundaꞌu ɨɨn xa juñaꞌa nga‑n, kada Ianyuux xa ndunini‑n.  
\v 42 Mee‑n, se fariseu, ntnaꞌa uxi nuꞌne kuechi mino kaxtila xiꞌin yuku ruda xiꞌin ntdantuꞌu nuu yua ka xaxi‑ro ka niꞌi‑n ka najuñaꞌa‑n ɨɨn Ianyuux. Juini ka kida‑n xa vaꞌa yaꞌa, ko ñatu dayaꞌa‑n juxtixia ñayiu ka kida kuechi, te ka kidandaa‑n kuechi ñayiu ña tuu nax kida, ni ña ka xemani‑n dava ka ñayiu. Xaxeꞌe xijan ndaꞌu yaꞌa koio‑n. Kada naꞌi koio xa vaꞌa yaꞌa, ko maxku daa ka kada‑n ñayiu. Jandixa koio xa taꞌu tniu Ianyuux.  
\v 43 Ndaꞌu yaꞌa koio mee‑n, se fariseu, chi ka tna ini‑n xa kunukoo koio‑n silla ka xko nukoo se ndandɨꞌɨ xiti veñuꞌu kuechi, te ka tna ini‑n xa koo ñayiu xañuꞌu nuu‑n nuu yaꞌu.  
\v 44 Ndaꞌu yaꞌa koio mee‑n chi ka kuu‑n ná ka kuu yau kava nuu xndaa ndɨyɨ xa ña kanda ndeꞌa‑ro xiti‑i, te ñayiu ka xika ijan, ñatu ka chinuu‑i xa nuu xndaa ndɨyɨ kuu —kuu Jesús, xiaꞌan‑ia. 
\p  
\v 45 Te n‑jaꞌan ɨɨn se tuꞌa vaꞌa tnuꞌu n‑chidotnuni Moisés: 
\p —Maestru, jan tnuꞌu ñaꞌa‑n daña xiꞌin dava ka ñayiu xa duꞌa n‑jaꞌan‑n. 
\p  
\v 46 Te xiaꞌan Jesús nuu‑s: 
\p —Dani ndaꞌu yaꞌa koio mee‑n, se ka tuꞌa vaꞌa tnuꞌu n‑chidotnuni Moisés, chi ka taꞌu tniu‑n nuu ñayiu xa na jandixa koio‑i ley‑n. Kuenda kɨu ɨɨn xa yo vee xndido ñayiu jan kuu xijan, te mee‑n ñatu ka jandixa‑n xijan. Ni xa kajuꞌun ɨɨn dɨkɨ ndaꞌa‑n xijan ña kuu.  
\v 47 Ndaꞌu yaꞌa koio‑n ntdaa‑n chi ka kaan‑n nuu xndaa se n‑ka jaꞌan tnuꞌu Ianyuux nuu ñayiu. Ka kuu‑s se n‑ka xaꞌni ñaꞌa xixitna‑n.  
\v 48 Xnaꞌa‑n xa n‑ka kida xixitna‑n jan. Ka xani ini‑n ná n‑ka xani ini xixitna‑n chi ka xani ini‑n xa ɨɨn xavaꞌa kuu xa n‑ka kida‑s xa n‑ka xaꞌni‑s se n‑ka jaꞌan tnuꞌu Ianyuux nuu ñayiu, te ka kaan mee‑n nuu xndaa‑s.  
\v 49 Xaxeꞌe xijan, n‑jaꞌan Ianyuux, Ia xini ntdandituꞌu xa kuu xa xino: “Tundaꞌa‑r se jaꞌan tnuꞌu‑r nuu ñayiu xiꞌin se dakuaꞌa ñaꞌa. Kada uꞌu koio‑n dava‑s, te kaꞌni koio‑n dava‑s.”  
\v 50 Xijan kuu xa mee‑n, ñayiu io vitna, kundido kutau‑n xiꞌin xixitna‑n se n‑ka jaꞌan tnuꞌu Ianyuux nuu ñayiu. Nde na n‑xe kavatuu ñuñayiu n‑ka nukuita‑s ka xaꞌni‑s se n‑ka xo jaꞌan tnuꞌu Ianyuux nuu ñayiu xiꞌin nde vitna.  
\v 51 Nde tiempo n‑xo tuu Abel xiꞌin nde tiempo n‑xo tuu Zacarías n‑ka nukuita‑s ka xaꞌni‑s se n‑ka jaꞌan tnuꞌu Ianyuux nuu ñayiu. Zacarías n‑ka xaꞌni‑s meꞌñu altar xiꞌin veñuꞌu. Ruꞌu jaꞌan xa kundido kutau mee‑n, ñayiu io vitna‑sɨ.  
\v 52 Ndaꞌu yaꞌa koio mee‑n, se ka tuꞌa vaꞌa tnuꞌu n‑chidotnuni Moisés chi ñatu n‑ka jaꞌan ndaa‑n nuu ñayiu xa na kutnuni ini‑i tnuꞌu Ianyuux. Ña ka xe ini mee‑n tnuꞌu‑ia, te ñayiu xndaxio anu xa kunini‑i tnuꞌu‑ia, datu ini‑n‑yɨ —kuu Jesús, n‑xiaꞌan‑ia nuu‑s. 
\p  
\v 53 N‑ndee Jesús ijan, te n‑ka kixeꞌe se ka tuꞌa vaꞌa tnuꞌu n‑chidotnuni Moisés xiꞌin se fariseu xa jaꞌan‑s xa ñatu jaꞌan ndaa Jesús, te vichi n‑ka dandichi ñaꞌa‑s.  
\v 54 Vaꞌa n‑ka xo nini‑s tnuꞌu n‑jaꞌan‑ia chi n‑ka kuu‑s xa tekuechi neñuu‑s‑ia. 
\c 12  
\s1 N‑kakuneꞌe Jesús se ka kida nga xa vaꞌa‑s 
\p  
\v 1 Tiempu ijan n‑ka taka tɨtnɨ mil ñayiu nuu tuu‑ia. Diko ka xeñi niꞌno tnaꞌa‑i. Te n‑kixeꞌe Jesús xa dakuaꞌa‑ia ñayiu dakuaꞌa‑ia. Kiꞌna ka duꞌa xiaꞌan‑ia: 
\p —Chinuu koio xa ka jaꞌan se fariseu. Kuenda kɨu levadura kuu xa dakuaꞌa ñaꞌa‑s. Ka kida nga‑s xa jandixa‑s xa ka jaꞌan‑s nuu‑n.  
\v 2 Xa naꞌi ka kida‑s tuu na xee kɨu. Xee kɨu jini koio ñayiu nax n‑ka kida‑s.  
\v 3 Xa naꞌi n‑ka jaꞌan‑n xakuaa, teku ñayiu na xee kɨu. Xa n‑ka jaꞌan niꞌni‑n doꞌo ñayiu na n‑yɨndiꞌu‑n xiti ɨɨn cuartu veꞌe, xee kana koio‑n dɨkɨ veꞌe. 
\s1 Jundu nuu ndoñuꞌu‑ro xa yuꞌu‑ro 
\p  
\v 4 ʼNdoꞌo, se ka kumani xiꞌin‑r, maxku yuꞌu koio‑n nuu se kaꞌni ñaꞌa chi ña tuu nax kada‑s anu‑n.  
\v 5 Na kachitnuꞌu ñaꞌa‑r jundu nuu ndoñuꞌu xa yuꞌu koio‑n. Yuꞌu koio nuu Ia kida xa xiꞌí‑ro, te dajane niꞌno‑ia ñayiu andea chi taxnuni‑ia. Nuu mee‑ia io xa yuꞌu koio‑n.  
\v 6 Xaku ni tvini yaꞌu ɨɨn ɨɨn gorrión. Juini itaꞌu ni yaꞌu‑tɨ, ko ñatu xande ini Ianyuux‑tɨ  
\v 7 chi chinuu‑ia ntdaa xa io. Nde idi dɨkɨ‑n n‑kaꞌu‑ia te naꞌa‑ia nuu nadaa io. Xijan kuu xa maxku yuꞌu koio‑n. Yodo ka yaꞌu ɨɨn ɨɨn‑n dada gorrión, juini kueꞌe‑t. 
\s1 Ñayiu na jaꞌan jundu kuu‑r xini tnaꞌa‑r xiꞌin‑i 
\p  
\v 8 ʼÑayiu na jaꞌan jundu kuu‑r nuu dava ka ñayiu, dani ruꞌu, Ia kuu ñayiu, jaꞌan‑r nuu ángel, ia ka xinokuechi nuu Ianyuux, xa xini‑r‑yɨ.  
\v 9 Ñayiu na jaꞌan xa ña xini ñaꞌa‑i nuu dava ka ñayiu, dani ruꞌu, juñaꞌa‑r nuu ángel, ia ka xinokuechi nuu Ianyuux, xa ña xini‑r‑yɨ.  
\v 10 Taxkanu ini Ianyuux kuechi n‑kida ñayiu. Juini n‑ka jan tnuꞌu ñaꞌa‑i ruꞌu xa kuu‑r Ia kuu ñayiu, taxkanu ini‑ia xa n‑kida‑i, ko ma taxkanu ini‑ia ñayiu jan kuiꞌa Espíritu‑ia.  
\v 11 Hora na kandeka ñaꞌa se Israel jɨꞌɨn nuu se taxnuni nuu ñayiu ka xeꞌen veñuꞌu‑n xiꞌin‑s a nux kandeka ñaꞌa se toꞌo jɨꞌɨn nuu se ka taxnuni xiꞌin nuu se xnetniu, maxku yuꞌu koio‑n xa ma niꞌi‑n tnuꞌu jaꞌan koio‑n nuu‑s  
\v 12 chi kachi tnuꞌu ñaꞌa Espíritu Ianyuux hora ijan xa jaꞌan koio‑n nuu‑s —kuu Jesús, xiaꞌan‑ia. 
\s1 Kachi tnuꞌu ñaꞌa Jesús janda xtuu ñayiu kuika 
\p  
\v 13 Te n‑jaꞌan ɨɨn se yɨtnaꞌa nuu ñayiu xyuku ijan nuu Jesús: 
\p —Maestru, juñaꞌa‑n ñani‑da xa na kudava‑da xiꞌin‑s xa n‑dandoo taa‑da. 
\p  
\v 14 Te xiaꞌan‑ia nuu‑s: 
\p —Ña n‑xe konetniu‑r xa ku kuu‑r juexi a juxtixia xa dakexio‑r ñuꞌu a ndatniu. 
\p  
\v 15 Te xiaꞌan Jesús nuu‑s xiꞌin nuu ñayiu dakuaꞌa‑ia xiꞌin nuu ntdaa ñayiu xyuku ijan: 
\p —Koo koio‑n cuedado xa maxku kukajan ini‑n xa io ñuñayiu chi ñadu vaxi‑ro ñuñayiu xa koo kueꞌe xaxii‑ro. 
\p  
\v 16 Ijan dada n‑jaꞌan Jesús tnuꞌu kandee nuu‑i ntdaa‑i: 
\p —N‑xio ɨɨn se kuika. Yo n‑xo kuaꞌa nuu ñuꞌu‑s.  
\v 17 Te n‑xani ini‑s: “¿Nax kada‑ro?, chi ña tuu ka nuu kunevaꞌa‑ro ntdaa xa n‑kee nuu ñuꞌu‑ro.”  
\v 18 Ijan dada n‑xani ini ka‑s, te n‑ndatnuꞌu‑s xiꞌin anu‑s: “Duꞌa na kada‑ro. Na kanu‑ro veꞌe xyɨꞌɨ xa n‑kee nuu ñuꞌu‑ro, te ndadavaꞌa‑ro veꞌe naꞌnu ka. Chiꞌi‑ro ntdaa trɨu‑ro, ntdaa xaxii‑ro,  
\v 19 te jaꞌan mee jaꞌan ɨɨn‑ro: N‑chiꞌi‑ro kueꞌe xaxii‑ro, te kuia koo. Ndetatu‑ro vitna. Na kaxi na koꞌo‑ro, te na kada‑ro xa juini‑ro.”  
\v 20 Te n‑jaꞌan Ianyuux nuu‑s: “Lilu‑n. Mee xakuaa vitna kuú‑n. Te ñadu mee‑n kaxi koꞌo ntdaa xa n‑kida tuꞌa‑n.”  
\v 21 Duꞌa yaꞌa ñayiu kaya kueꞌe ndatniu yo yaꞌu, te ña tuu nax kida‑i xaxeꞌe Ianyuux —kuu Jesús, xiaꞌan‑ia nuu ñayiu xyuku ijan. 
\s1 Ndeka Ianyuux ñayiu kuu daꞌya‑ia 
\p  
\v 22 Te xiaꞌan‑ia nuu ñayiu dakuaꞌa‑ia: 
\p —Xijan kuu xa maxku kundu ini‑n nax kaxkoꞌo‑n, nax kundix kudaꞌu koio‑n  
\v 23 chi ndandɨꞌɨ ka ndoꞌo dada xa kaxi xa koꞌo‑n. Ndandɨꞌɨ ka ñɨɨ‑n dada daꞌma‑n.  
\v 24 Kani ini koio janda ndito tkaka. Ñayo‑t dadaꞌu trɨu. Dɨuni ñayo‑t nataxtnaꞌa trɨu. Ñayo‑t chiꞌi trɨu veꞌe‑t. Juini ñayo‑t chiꞌi trɨu veꞌe‑t, ko dakaxi Ianyuux kɨt ijan. Yo vichi yodo ka yaꞌu ndoꞌo dada kɨt ijan.  
\v 25 Maxku yo kundu ini‑n chi mayo‑n ndaku xa dakueꞌnu ka‑n mee‑n, ni dava metro ma kueꞌnu ka‑n.  
\v 26 ¿Nax kuu xa mee ni xa nde kee nde kixi xa kax xa koꞌo‑n xiꞌin daꞌma‑n xñu ini‑n?, te ni itaꞌu lii ñayo‑n ndaku xa dakueꞌnu‑n mee‑n.  
\v 27 Kani ini koio janda xaꞌnu ita liriu. Ñatu kidatniu‑ta. Ñatu kava‑ta yuꞌa. Juini vili n‑kaa daꞌma n‑xo ndixi Salomón, ko vili ka kaa ita liriu dada daꞌma n‑xo ndixi‑s.  
\v 28 Ite xaꞌnu vitna te tnee kayu xiti xitnu, ite ijan n‑kida Ianyuux xa vili kaa. Naka ndoꞌo, ma ku kada‑ia xa koo xa kundix kudaꞌu‑n. Naka itaꞌu ni ka kukanu ini‑n‑ia.  
\v 29 Ndoꞌo ɨɨn ɨɨn‑n, maxku yo kundu ini‑n nax kaxkoꞌo koio‑n. Maxku yo jun ini koio‑n xijan  
\v 30 chi ñayiu ña ka jandixa Ianyuux xñu ini xa niꞌi‑i ntdaa xijan. Xa naꞌa Taa‑ro Ianyuux xa ka ndoñuꞌu‑n.  
\v 31 Naa xa jun ini koio‑n xa niꞌi‑n xijan, ndukundee koio xa kɨu tnaꞌa koio‑n nuu ñayiu ka jandixa xa taxnuni Ianyuux nuu‑i, te taxi‑ia xa ka ndoñuꞌu‑n xa xtuu‑n ñuñayiu.  
\v 32 Kuenda kɨu xaku ni tkachi xyuku ka kuu‑n, ko maxku yuꞌu koio‑n chi tna ini Ianyuux xa kada‑ia xa taxnuni koio‑n.  
\v 33 Nadiko koio‑n xaxii‑n. Te tvini niꞌi‑n juñaꞌa nga‑n ñayiu ka kundaꞌu. Kada koio‑n xavaꞌa. Kuenda kɨu bolsa tvini ma kutuꞌu xiꞌin ndatniu yo yaꞌu io andɨu kuu xijan. Ijan ñayo ñaduꞌu kɨu te ñayo tkidi datɨu ndatniu‑ro.  
\v 34 Nuu io xaxii‑n, jun ini‑n xa kutuu koio‑n. 
\s1 Ñatu ka kuu ɨnuu ñayiu xaxeꞌe tnuꞌu Jesús 
\p  
\v 35 ʼKadatuꞌa koio mee‑n xa nkada koio‑n tniu Ianyuux ná kida tuꞌa ɨɨn se kida tuꞌa mee‑s xa kadatniu‑s. Ndɨu‑s cinturón‑s, te natnuu‑s candil xa kukanda nuu kadatniu‑s.  
\v 36 Kada tuꞌa‑n mee‑n xa nakueka ñaꞌa‑n ná ka kida tuꞌa se ka xinokuechi nuu xtoꞌo‑s mee‑s xa nakueka‑s‑sɨ. Xndetu tuꞌa‑s hora naxee xtoꞌo‑s xa n‑xeꞌen‑s viko tnundaꞌa. Na naxee xtoꞌo‑s veꞌe‑s, dakande‑s yeꞌe, te najaan se xinokuechi jan yeꞌe.  
\v 37 Naka taꞌu kuu koio se ijan hora na naxee xtoꞌo‑s veꞌe‑s chi jini‑s xa xndito‑s. Ndɨu xtoꞌo‑s cinturón‑s xa kada tuꞌa‑s xa kaxi koio‑s, te juñaꞌa‑s nuu‑s ɨɨn ɨɨn‑s xa na nkoo koio‑s nuu mexa te dakexio‑s ndeyu kaxi koio‑s.  
\v 38 Naka taꞌu kuu se kundito hora na naxee xtoꞌo‑s, juini n‑kukuee xtoꞌo‑s, te nde niu dava a kuiꞌi ka daa naxee‑s.  
\v 39 Kunini vaꞌa koio xaꞌa. Nu n‑xini ɨɨn se kuu xtoꞌo veꞌe na hora xee ñaduꞌu veꞌe‑s n‑kuu, kundito‑s te ma juejoon‑s xa kɨu ñaduꞌu veꞌe‑s xa duꞌu‑s xaxii‑s.  
\v 40 Kada tuꞌa koio‑n mee‑n xa nakueka ñaꞌa‑n hora na ndixi‑r chi hora ña xñu ini‑n ndixi ruꞌu, Ia kuu ñayiu —kuu Jesús, xiaꞌan‑ia nuu ñayiu dakuaꞌa‑ia. 
\p  
\v 41 Ijan dada n‑xijan tnuꞌu Spedru‑ia: 
\p —Dito, ¿nuu uxi uu daña n‑jaꞌan‑n tnuꞌu yaꞌa a n‑jaꞌan‑n nuu ntdaa ñayiu a? 
\p  
\v 42 Te xiaꞌan Jesús, Ia kuu Xtoꞌo‑ro: 
\p —Kuenda kɨu ɨɨn se yo kaxi ini, te yo vaꞌa xinokuechi‑s nuu xtoꞌo‑s ka kuu‑n. N‑tetutniu ñaꞌa xtoꞌo se ijan xa taxnuni‑s nuu dava ka se ka xinokuechi nuu‑s. Dɨu se yaꞌa dakexio xa kaxi dava ka se ka xinokuechi jan na xee hora.  
\v 43 Naka taꞌu kuu se ijan hora na naxee xtoꞌo‑s chi jini‑s xa n‑kida‑s ntdaa xa n‑taꞌu tniu‑s.  
\v 44 Xandaa xakuiti tetutniu ñaꞌa xtoꞌo‑s xa junuu‑s ntdaa xaxii‑s.  
\v 45 Nux na kani ini ɨɨn se xinokuechi nuu xtoꞌo‑s: “Naꞌa jɨꞌɨn xtoꞌo‑ro, te kukuee‑s xa nxee‑s”, te kixeꞌe‑s xa kani‑s dava ka se ka xinokuechi xiꞌin ñá ka xinokuechi nuu se kuu xtoꞌo‑s. Kixeꞌe‑s kaxi‑s, koꞌo‑s, te xini‑s.  
\v 46 Naxee xtoꞌo se ijan kɨu ña ñu ini‑s xa naxee‑s. Ndeꞌe kada uꞌu ñaꞌa xtoꞌo‑s xa daa n‑kida‑s. Daa kada Ianyuux ñayiu ña jandixa ñaꞌa.  
\v 47 Se xá naꞌa nax juini xtoꞌo‑s xa kada‑s te ña io tuꞌa‑s xa nakueka‑s‑sɨ, ni ña n‑kida‑s xa n‑juini xtoꞌo‑s; se ijan janñaꞌa xtoꞌo‑s kueꞌe vuelta,  
\v 48 ko se ña ka xini nax juini xtoꞌo‑s xa kada‑s, te n‑ka kida‑s kuechi, io xa ndoꞌo‑s, ko xaku ni. Ñayiu vaꞌa xnaꞌa xa juini Ianyuux xa kada‑i, taꞌu tniu‑ia nuu‑i xa kada koio‑i kueꞌe tniu‑ia. Ñayiu n‑kɨundaꞌa kueꞌe tvini xa dakaka‑i, kueꞌe ka tvini io xa najuñaꞌa‑i ñayiu n‑xiaꞌan. Daa kuu ñayiu vaꞌa kutnuni ini tnuꞌu Ianyuux. 
\p  
\v 49 ʼN‑kixee‑r xa tnuu‑r ñuꞌú ñuñayiu. Te naka kuu anu‑r xa nayaꞌa ni.  
\v 50 Io xa ndaꞌu yaꞌa‑r. Te nde vitna tnau ini daꞌu ni‑r.  
\v 51 Ka xani ini‑n xa n‑kixee‑r xa kutuu vii kutuu vaꞌa koio‑n xiꞌin dava ka ñayiu, ko ñaꞌa, chi n‑kixee‑r xa tuku jandixa koio‑n.  
\v 52 Oꞌon ñayiu kutuu kaꞌnu ɨɨn veꞌe, tuku jandixa uni‑i te tuku jandixa uu‑i.  
\v 53 Tuku jandixa se kuu taa, te tuku jandixa se kuu daꞌya. Tuku jandixa ñá kuu dɨꞌɨ, te tuku jandixa daꞌya dɨꞌɨ‑ña. Tuku jandixa ñá kuu didido, te tuku jandixa xanu‑ña. Ma ɨnuu jandixa koio‑i —kuu‑ia, xiaꞌan‑ia nuu se dakuaꞌa‑ia. 
\s1 Kuaꞌa ñayiu xa kutnuni ini‑i nuu nax yaꞌa 
\p  
\v 54 Kueꞌe ñayiu n‑ka nataka nuu‑ia, te xiaꞌan‑ia nuu‑i: 
\p —Hora nane vikó do nuu keé ngandii, ka jaꞌan‑n xa kixi dau, te daa yaꞌa.  
\v 55 Hora kane tachi xajan do norte, ka xiaꞌan tnaꞌa‑n: “Ndeꞌe juun kaꞌni.” Te ndaa juun kaꞌni.  
\v 56 Ka kida nga‑n xa vaꞌa‑n. Ka kutnuni ini‑n nax yaꞌa chi xndeꞌa‑n andɨu xiꞌin ñuñayiu. ¿Nax kuu xa ña ka kutnuni ini koio‑n nax yaꞌa vitna? 
\s1 Kada ɨnuu‑n xiꞌin ñayiu juini xa kajan‑i kuechi‑n 
\p  
\v 57 ʼ¿Nakuenda ña ka kutnuni ini‑n nax kuu xavaꞌa, nax kuu xa uꞌu?  
\v 58 Nux ɨɨn se ndeka ñaꞌa juaꞌan nuu juxtixia xa kajan‑s kuechi‑n, dava ichi ndatnuꞌu vaꞌa‑n xiꞌin‑s xa maxku kandeka ñaꞌa‑s jɨꞌɨn nuu juexi te kandeka ñaꞌa juexi jɨꞌɨn nuu se ndee vekaa, te chindiꞌu ñaꞌa‑s.  
\v 59 Te ma yaa‑n. Nde na chiyaꞌu‑n ntdandituꞌu centau xijan juxtixia; ijan dada yaa‑n —kuu Jesús, xiaꞌan‑ia. 
\c 13  
\s1 Tnu higo ñatu juun xavidi 
\p  
\v 1 Tiempu ijan n‑ka xee se n‑ka xee nuu Jesús. Te n‑ka najani‑s xa mee hora ka doko tɨtnɨ se Galilea kɨtɨ‑s nuu altar, n‑xaꞌni ñaꞌa Pilato. Te n‑daka niꞌno‑s nɨñɨ‑s xiꞌin nɨñɨ kɨtɨ n‑xiꞌi nuu altar jan.  
\v 2 Xiaꞌan Jesús: 
\p —Ka xani ini‑n xa n‑ka kida se ijan kueꞌe ka kuechi dada dava ka se Galilea xa duꞌa n‑ka yaꞌa‑s. Va daa ka xani ini‑n,  
\v 3 ko ñaꞌa. Nux ma natu ini‑n xa n‑ka kida‑n kuechi, dani yaꞌa koio mee‑n.  
\v 4 Va dɨuni ka xani ini‑n xa xaun uni ni se n‑ka xiꞌí na jungava ndodo ñaꞌa torri nani Siloé n‑ka kida kueꞌe ka kuechi dada dava ka ñayiu io Jerusalén,  
\v 5 ko ñaꞌa. Nux ma natu ini‑n xa n‑ka kida‑n kuechi, daa yaꞌa koio mee‑n —kuu Jesús, xiaꞌan‑ia. 
\p  
\v 6 Te n‑jaꞌan‑ia tnuꞌu kandee nuu ñayiu xyuku ijan. Xiaꞌan‑ia: 
\p —N‑taꞌu tniu ɨɨn se kuu xtoꞌo ñuꞌu xa dandee ɨɨn se xinokuechi nuu‑s tnu higo meꞌñu tnu uva xetata‑s. Nu n‑xaꞌnu‑tnu, te juan tnɨɨ xtoꞌo ñuꞌu jan higo, ko ña tuu na higo niꞌi‑s.  
\v 7 Te n‑jaꞌan‑s nuu se ndee tnu uva jan: “Neꞌe. Kundeꞌa‑n‑tnu xa ña tuu nax juun‑tnu. Xa n‑kuu uni kuia kixi‑r xa tnɨɨ‑r higo, te ña tuu nax niꞌi‑r. Kaꞌnde‑tnu chi nukoo duꞌa ni‑tnu.”  
\v 8 Te n‑jaꞌan se ijan: “Dito, idii nga kuia na ku nukoo naꞌi‑tnu. Kuia vitna na nadataya‑da ñuꞌu nɨkanduu xeꞌe‑tnu xa dakeé‑da xeꞌen.  
\v 9 Te nux na juun‑tnu, io vaꞌa. Nux ñaꞌa, kaꞌnde‑n‑tnu” —kuu‑s, xiaꞌan‑s. 
\s1 N‑ndadavaꞌa Jesús ɨɨn ñadɨꞌɨ kɨu ndetatu ñayiu 
\p  
\v 10 N‑xee kɨu sabado, kɨu ndetatu ñayiu Israel. Kɨu ijan dakuaꞌa Jesús ñayiu xiti ɨɨn veñuꞌu luchi.  
\v 11 Ijan n‑xee ɨɨn ñá ñuꞌu ñaꞌa xaloko. Kuꞌu yata‑ña. N‑kuu xaun uni kuia io tɨꞌɨ yata‑ña. Ña kuu daꞌu ni xa kunujuiin ndaa‑ña.  
\v 12 N‑xini ñaꞌa‑ia, te n‑kana ñaꞌa‑ia. Xiaꞌan‑ia nuu‑ña: 
\p —N‑yaa‑n nuu xaloko. Ma koo tɨꞌɨ ka yata‑n. 
\p  
\v 13 Te n‑xajan ndodo ñaꞌa‑ia ndaꞌa‑ia. Danaa n‑ndundaa yata‑ña. Te n‑nakuetu‑ña nuu Ianyuux.  
\v 14 Yo n‑kiti ini se kida veñuꞌu nuu Jesús chi n‑ndadavaꞌa‑ia ñayiu kɨu ka ndetatu ñayiu Israel. Te n‑jaꞌan‑s nuu ñayiu xyuku ijan: 
\p —Maxku kixi‑n xa ndvaꞌa koio‑n kɨu ka ndetatu‑ro. ¿Nakuenda ñatu ka kixi‑n kɨu ka kidatniu‑ro? —kuu‑s, xiaꞌan‑s. 
\p  
\v 15 Te xiaꞌan Jesús, Ia kuu Xtoꞌo‑ro, nuu‑s: 
\p —Ka kida nga‑n xa vaꞌa‑n. Davaꞌa nga‑n ka nandaxi nkutu‑n a burru‑n, te xndeka‑n‑tɨ ka xeꞌen ndute kɨu ndetatu‑ro.  
\v 16 Nani ka kuu‑n daꞌya dana Abraham, dani kuu‑ña daꞌya dana Abraham. Xa yɨꞌɨ xaun uni kuia ñuꞌu ñaꞌa Satanás. ¿Nax kuu xa ña io vaꞌa xa yaa‑ña nuu‑i kɨu ndetatu‑ro? 
\p  
\v 17 Nu n‑yaꞌa xa n‑jaꞌan‑ia xijan, te n‑ka kujanuu ñayiu kuiꞌa n‑ka jaꞌan nuu‑ia. N‑ka kudɨ ini ntdaa ñayiu xyuku ijan xaxeꞌe xa vichi vaꞌa n‑kida‑ia. 
\s1 N‑kakuneꞌe Jesús xa taxnuni Ianyuux 
\p  
\v 18 Xijan kuu xa xiaꞌan‑ia: 
\p —Ñayiu n‑ka kɨu tnaꞌa nuu ñayiu ka jandixa xa taxnuni Ianyuux nuu‑i kuu ná kuu ɨɨn  
\v 19 ndɨjɨn tnumaxtaxa. N‑dakeé ɨɨn seyɨɨ idii ni ndɨjɨn‑tnu nuu ñuꞌu‑s, te n‑kaꞌndɨ‑tnu. N‑xaꞌnu dujun tnumaxtaxa, te n‑ka xajan chilidaa taka‑tɨ daꞌnda‑tnu. 
\p  
\v 20 Ijan dada n‑jaꞌan‑ia ɨnka ntuku tnuꞌu kandee: 
\p —Xaku ni ñayiu ka jandixa xa taxnuni Ianyuux nuu‑i. Juini xaku ni‑i jandixa‑ia, ko kueꞌe ka ñayiu ka teku tnuꞌu‑ia juaꞌan.  
\v 21 Tnuꞌu‑ia kuu ná kuu levadura. N‑tnɨɨ ɨɨn ñadɨꞌɨ levadura, te n‑daka niꞌno‑ña xiꞌin oko uu litro yuchi trɨu. N‑ndaa yuxa jan nde n‑xee na koo. 
\s1 Yeꞌe Tnaꞌa 
\p  
\v 22 Dani juaꞌan‑ia ichi juaꞌan Jerusalén. Nɨni n‑yaꞌa‑ia ñuu naꞌnu, ñuu kuechi n‑dakuaꞌa‑ia ñayiu. 
\p  
\v 23 Te n‑jaꞌan ɨɨn ñayiu nuu‑ia: 
\p —Dito, ¿xaku ni ñayiu nanitaꞌu a kueꞌe‑i a? 
\p Te n‑jaꞌan ka ntuku Jesús tnuꞌu kandee nuu‑i: 
\p  
\v 24 —Teyɨka koio‑n mee‑n xa mee ni tnuꞌu ruꞌu jandixa koio‑n xa jɨꞌɨn‑n andɨu. Kuenda kɨu jɨꞌɨn‑n ɨɨn veꞌe, te kɨu‑n yeꞌe tnaꞌa kuu xa jɨꞌɨn‑n ijan. Kueꞌe ñayiu nduku ini xa jɨꞌɨn koio‑i ijan, ko ma ntdaa‑i jɨꞌɨn.  
\v 25 Nu n‑kunee nakadɨ kutu ɨɨn se kuu xtoꞌo ɨɨn veꞌe yeꞌe‑s. Nux jɨꞌɨn koio‑n veꞌe‑s xa kɨu‑n ijan te nux kunujuiin koio‑n yata veꞌe‑s te dakande‑n yeꞌe jan, te juñaꞌa‑n: “Dito, Dito, najaan‑n yeꞌe na xe kɨu koio‑da”, te jaꞌan‑s: “Ñaꞌa, chi ña xini ñaꞌa‑r. Ña xini‑r nde kuu ñuu‑n.”  
\v 26 Te jaꞌan koio‑n: “N‑ka xaxi‑ro, n‑ka xiꞌi‑ro, te n‑dakuaꞌa‑n ñayiu ichi kaꞌnu ñuu‑da.”  
\v 27 Kuenda kɨu xtoꞌo veꞌe jan kuu‑r. Te jaꞌan‑r nuu‑n: “Aru jaꞌan xa ña xini ñaꞌa‑r. Ña xini‑r nde kuu ñuu‑n. Juaꞌan naꞌi koio chi ñayiu ka kida kuechi ka kuu‑n.”  
\v 28 Yo ndeꞌe ndaꞌi koio‑n, te ndeꞌe kiti ini koio‑n nuu Ianyuux kɨu ijan xaxeꞌe xa mayo‑n kɨu nuu taxnuni‑ia xiꞌin xaxeꞌe xa jini‑n xa tuu Abraham, Isaac xiꞌin Jacob xiꞌin ntdaa se n‑ka jaꞌan tnuꞌu Ianyuux nuu ñayiu.  
\v 29 Xee ñayiu ntdantuꞌu ñuu xndatuu ñuñayiu ijan. Kee koio‑i nkoon lado ñuñayiu. Nde nuu kane ngandii xiꞌin nde nuu keé ngandii, nde xeꞌe ñuñayiu xiꞌin nde dɨkɨ ñuñayiu kee koio‑i xa kunukoo koio‑i yuꞌu mexa xa kaxdeꞌñu‑i nuu taxnuni Ianyuux.  
\v 30 Kueꞌe ñayiu kunuu ka vitna, nduu‑i ñayiu ña ndandɨꞌɨ. Ñayiu ña ndandɨꞌɨ vitna, nduu‑i ñayiu ndandɨꞌɨ kɨu ijan —kuu Jesús, xiaꞌan‑ia. 
\s1 N‑ndaꞌi Jesús xaxeꞌe Jerusalén 
\p  
\v 31 Hora ijan n‑ka xee dava se fariseu nuu Jesús, te ka xiaꞌan‑s nuu‑ia: 
\p —Juaꞌan ɨnka lado chi kuu Herodes xa kaꞌni ñaꞌa‑s. 
\p  
\v 32 Te n‑jaꞌan‑ia nuu‑s: 
\p —Juan juñaꞌa koio‑n se kuu ná kuu chikuii jan, xa xaku nga kɨu ndoñuꞌu xa daxinokava‑r xa ndadavaꞌa‑r ñayiu xiꞌin xa kineꞌe‑r xaloko xñuꞌu anu‑i.  
\v 33 Dani xaku nga kɨu ndoñuꞌu xa jɨꞌɨn ntuku‑r Jerusalén. Io xa jɨꞌɨn‑r chi ñatu io vaꞌa nux xiꞌí ɨɨn se jaꞌan tnuꞌu Ianyuux nuu ñayiu ɨnka ñuu. 
\p  
\v 34 Te n‑kixeꞌe‑ia xa kakuneꞌe‑ia ñayiu Jerusalén. N‑jaꞌan‑ia: 
\p —Mee‑n xa kuu‑n ñayiu Jerusalén, ka xaꞌni‑n se ka jaꞌan tnuꞌu Ianyuux nuu ñayiu, te ka jani‑n se n‑tundaꞌa ñaꞌa Ianyuux yuú. Naka kueꞌe vuelta n‑juini‑r xa kada‑r ná kida chuun. Nadataka‑t daꞌya‑t kaꞌa ndixi‑t xa ñunuu‑t‑tɨ. Duꞌa n‑juini‑r xa kada ñaꞌa‑r, ko ñayo‑n n‑juini.  
\v 35 Kunaꞌa koio‑n xa mayo ka‑n kutuu Jerusalén, te ma kutuu ka‑ro. Xee kɨu jaꞌan‑n: “Naka taꞌu Ia n‑natundaꞌa ñaꞌa Ianyuux xa juan ndixi‑ia ñuñayiu; ijan dada jini ñaꞌa ntuku‑n” —kuu‑ia, xiaꞌan‑ia. 
\c 14  
\s1 N‑ndadavaꞌa Jesús ɨɨn se ñuꞌu ñaꞌa Kuiña 
\p  
\v 1 N‑xee ɨɨn sabado, te n‑jaꞌan ɨɨn se fariseu taxnuni Jesús xa kaxdini‑ia xiꞌin‑s, te n‑xee‑ia veꞌe‑s xa kaxdini‑ia. Nɨni tuu‑ia ijan, n‑ka xo ndeꞌa se n‑ka taka ijan nu nax kida‑ia xa na kuaꞌa na tekuechi‑s‑ia.  
\v 2 Ijan nujuiin ɨɨn se ñuꞌu ñaꞌa Kuiña.  
\v 3 Xaxeꞌe xa n‑tu ini Jesús nax n‑ka xani ini se ka tuꞌa vaꞌa tnuꞌu n‑chidotnuni Moisés xiꞌin se fariseu xyuku ijan, n‑xijan tnuꞌu‑ia‑s: 
\p —¿Io vaꞌa xa ndadavaꞌa‑ro ñayiu kuꞌu kɨu kuu sabado a ñaꞌa u? 
\p  
\v 4 Ni ɨɨn ña tuu nax n‑ka jaꞌan se ijan. N‑tnɨɨ Jesús se kuꞌu jan, te n‑ndadavaꞌa‑ia‑s, te n‑jaꞌan‑ia xa na nuꞌu‑s veꞌe‑s.  
\v 5 Te xiaꞌan‑ia nuu se fariseu: 
\p —Nux kekava daꞌya yɨɨ‑n a ngutu‑n xiti yau kɨu kuu sabado, ña xndetu‑n chi ka xe nutava‑n‑sɨ juini kɨu sabado kuu. ¿Ndaa a ñaꞌa u? —kuu Jesús, xiaꞌan‑ia nuu se ijan, ɨɨn ɨɨn‑s. 
\p  
\v 6 Ñayo‑s niꞌi tnuꞌu jaꞌan‑s. 
\s1 Ñayiu jɨꞌɨn viko tnundaꞌa 
\p  
\v 7 Nu n‑xini‑ia xa ka kaxí se n‑ka xee ijan nuu kunukoo koio‑s nuu ka xko nukoo se ndandɨꞌɨ ka, xiaꞌan‑ia nuu‑s: 
\p  
\v 8 —Hora na jɨꞌɨn koio‑n viko tnundaꞌa, maxku nkoo koio‑n nuu kaxko nukoo se ndandɨꞌɨ xa na ñaꞌa xee ɨnka se ndandɨꞌɨ ka dada ndoꞌo viko jan.  
\v 9 Nkueka se n‑jaꞌan ñaꞌa ndoꞌo se ndandɨꞌɨ ka jan, te xee‑s nuu nukoo‑n, te jaꞌan‑s nuu‑n: “Xikojuiin na nkoo se yaꞌa nuu nukoo‑n.” Nux daa na yaꞌa‑n kujanuu‑n, te jɨꞌɨn‑n. Nkoo‑n nuu ka xko nukoo se dakuu nga.  
\v 10 Maxku daa kada‑n. Nux na jaꞌan ñaꞌa ɨɨn se kida viko te hora na xee koio‑n viko jan, nkoo koio‑n nuu ka xko nukoo ñayiu dakuu nga, ijan te xee se n‑jaꞌan ñaꞌa, te kachi‑s nuu‑n ɨɨn ɨɨn‑n: “Dito, juaꞌan‑n. Nkoo‑n nuu xtuu ñayiu ndandɨꞌɨ ka.” Najuen tnuꞌu ñaꞌa‑s nuu ntdaa ñayiu xyuku ijan.  
\v 11 Ñayiu najuen tnuꞌu mee‑i, nduu‑i ñayiu dakuu nga, te kujanuu‑i. Ñayiu xko kida ná kida ñayiu dakuu nga, najuen tnuꞌu ñaꞌa ñayiu —kuu‑ia, xiaꞌan‑ia. 
\p  
\v 12 Te xiaꞌan‑ia nuu mee ni se n‑jaꞌan ñaꞌa: 
\p —Hora na kada‑n viko, maxku jaꞌan‑n ñayiu kumani xiꞌin‑n. Maxku jaꞌan‑n ñani‑n, kuꞌa‑n. Maxku jaꞌan‑n ñayiu kutnaꞌa xiꞌin‑n. Maxku jaꞌan‑n ñayiu kuika io yatni xiꞌin‑n chi dani na jaꞌan ñaꞌa mee‑i.  
\v 13 Maxku duꞌa kada koio‑n; hora na kada‑n ɨɨn viko kaꞌnu, jaꞌan‑n ñayiu ka kukee ka kundaꞌu, ñayiu n‑ka nduneꞌe, ñayiu ka xika yakua, ñayiu kuaa du.  
\v 14 Kudɨ ini‑n chi ña tuu nax nataxi ñayiu ijan. Niꞌi‑n taꞌu‑n kɨu na nandoto ñayiu vaꞌa. 
\s1 Ñayiu ñatu n‑ka juini xa jɨꞌɨn‑i viko ɨɨn se n‑jaꞌan ñaꞌa 
\p  
\v 15 Nu n‑teku ɨɨn se yɨtnaꞌa nuu ñayiu xyuku ijan, te xiaꞌan‑s: 
\p —Naka taꞌu ñayiu kaxi koꞌo nuu taxnuni Ianyuux. 
\p  
\v 16 Te xiaꞌan Jesús: 
\p —N‑xio ɨɨn se n‑kida tuꞌa kueꞌe ndeyu xa kaxdeꞌñu kueꞌe ñayiu n‑jaꞌan‑s.  
\v 17 N‑xee hora kaxdeꞌñu koio‑s, te n‑tundaꞌa se kida viko jan se xinokuechi nuu‑s xa duꞌa na juñaꞌa‑s nuu ñayiu n‑jaꞌan‑s: “Juan xee‑n chi xa io tuꞌa xa kaxdeꞌñu‑n.”  
\v 18 Ntdaa se ijan ña n‑ka juini xa jɨꞌɨn koio‑s. Xiaꞌan se kiꞌna nuu nuu se xinokuechi jan: “N‑xeen‑r ñuꞌu te ndoñuꞌu xa nkoto‑r. Juñaꞌa‑n nuu se kida viko xa na taxkanu ini‑s chi ma kuu xa xee‑r”, kuu‑s, xiaꞌan‑s.  
\v 19 Xiaꞌan se kuu uu: “Oꞌon tayu ngutu n‑xeen‑r, te io xa nkoto‑r‑tɨ. Juñaꞌa‑n nuu‑s xa na taxkanu ini‑s chi ma kuu xa xee‑r.”  
\v 20 Xiaꞌan ɨnka ntuku se n‑jaꞌan se kida viko: “Dijan n‑tnundaꞌa‑r, te ma kuu xa xee‑r.”  
\v 21 Te n‑xiko se xinokuechi jan, te n‑najani‑s nuu xtoꞌo‑s xa n‑ka jaꞌan se ijan. Yo n‑kiti ini xtoꞌo‑s jan, te xiaꞌan‑s nuu‑s: “Yachi. Juaꞌan ichi kaꞌnu, ichi kuechi xiti ñuu, te jaꞌan‑n ñayiu ka kukee ka kundaꞌu, ñayiu n‑ka nduneꞌe, ñayiu kuaa, ñayiu xika yakua du.”  
\v 22 N‑kee‑s. Juaꞌan ntuku‑s. Ijan dada n‑naxee‑s, te xiaꞌan‑s: “Dito, xa n‑kida‑da xa n‑taꞌu tniu‑n, ko ta chitu ka veꞌe‑n”, kuu‑s, xiaꞌan‑s nuu xtoꞌo‑s.  
\v 23 Te xiaꞌan ntuku xtoꞌo‑s jan nuu‑s: “Juaꞌan ichi kaꞌnu. Juaꞌan ichi yuꞌu ñuu, te kandeka juexa‑n ñayiu kixi xa na chitu veꞌe‑r.  
\v 24 Kaxdeꞌñu koio‑i, ko se ña n‑ka juini xa kixi‑s, mayo‑s kaxkoꞌo viko‑r. Ni itaꞌu ndeyu‑r ma juñaꞌa‑r xa kaxi‑s” —kuu Jesús, xiaꞌan‑ia. 
\s1 Nuxa ñatu ede ñɨɨ́ ñatu xiniñuꞌu 
\p  
\v 25 N‑ndee Jesús veꞌe se fariseu jan, te juaꞌan‑ia nuu io xa jɨꞌɨn‑ia. Kueꞌe ñayiu xndijun ñaꞌa juaꞌan, te n‑ngokoo‑ia xa kundeꞌa‑ia ñayiu jan, te n‑jaꞌan‑ia nuu‑i: 
\p  
\v 26 —Se juini xa nkuitandijun ñaꞌa‑s, nux dani kukajan ini‑s taa‑s, dɨꞌɨ‑s, ñadɨꞌɨ‑s, daꞌya‑s, ñani‑s, kuꞌa‑s; ma kuu xa dakuaꞌa‑r‑sɨ. Dani ma kuu xa dakuaꞌa‑r‑sɨ nux ma dandoo‑s xa kukajan ini mee‑s.  
\v 27 Nux ña io tuꞌa‑n xa kuu koio‑n kuenda kɨu se doko curuxi‑s xa nkuitakaa dika‑s xaxeꞌe‑r, na io tuꞌa ruꞌu, ma kuu xa dakuaꞌa ñaꞌa‑r.  
\v 28 Se juini xa kadavaꞌa‑s veꞌe iñu uxa piso, kiꞌna ka juen tnuꞌu‑s nadaa njuꞌun‑s xa kuaꞌa veꞌe dujun jan xa na daxinokava‑s  
\v 29 na ñaꞌa tava‑s cimientu, te ma kuu daxinokava‑s, te kuekundee ñaꞌa ñayiu xndeꞌa ñaꞌa.  
\v 30 Te juñaꞌa tnaꞌa‑i: “Se yaꞌa n‑kixeꞌe‑s xa kadavaꞌa‑s veꞌe‑s, ko ña n‑kuu xa daxinokava‑s.”  
\v 31 Dani ɨɨn se taxnuni, nux ñu ini‑s xa jantnaꞌa‑s xiꞌin ntnaꞌa ka taxnuni‑s, kiꞌna ka kani ini‑s nux ndaku‑s xiꞌin uxi mil soldado‑s nuu ɨnka se taxnuni io oko mil soldado.  
\v 32 Nux tu ini‑s xa ma ndaku‑s xiꞌin uxi mil soldado‑s, tundaꞌa‑s ɨɨn soldado xa kada ɨnuu‑s xa kutuu mani naꞌi koio‑s.  
\v 33 Dani ndoꞌo, ɨɨn ɨɨn‑n, ma ndaku‑n xa nkuitandijun ñaꞌa‑n nux ma dandoo‑n ntdaa xaxii‑n. 
\p  
\v 34 ʼVaꞌa ñɨɨ́, ko nux ñatuka ede, ma kuu xa nduu ede mee.  
\v 35 Ña xiniñuꞌu ka, ni xa kate‑ro nuu ñuꞌu xa ku kuu‑i xeꞌen, ni xa daka‑ro xiꞌin xeꞌen kɨtɨ. Diko nga kate‑ro. Daa ka kuu ndoꞌo. Xaxeꞌe xa xnini‑n xa jaꞌan‑r, xijan kuu xa kunini vaꞌa koio xa na kutnuni ini‑n —kuu Jesús, xiaꞌan‑ia. 
\c 15  
\s1 Tkachi n‑xita 
\p  
\v 1 Ndɨkɨu ndɨñuu n‑ka xo xeꞌen se n‑ka xo xijan tvini nandajan gobierno xiꞌin dava ka ñayiu yo ka kida kuechi nuu n‑xo tuu Jesús xa kunini koio‑i xa n‑xo jaꞌan‑ia.  
\v 2 Se fariseu xiꞌin se ka tuꞌa vaꞌa tnuꞌu n‑chidotnuni Moisés, kuiꞌa n‑ka jaꞌan‑s Jesús. Ka xiaꞌan tnaꞌa‑s: 
\p —Se yaꞌa kumani‑s xiꞌin ñayiu ka kida kueꞌe kuechi te xko xaxi kaꞌnu‑s xiꞌin‑i. 
\p  
\v 3 Xijan kuu xa n‑jaꞌan‑ia tnuꞌu yaꞌa nuu‑s. Xiaꞌan‑ia: 
\p  
\v 4 —Ñayiu io ɨɨn cientu tkachi te na kuita ɨɨn‑tɨ yuku, dandoo‑i koon diko xaun koon kɨtɨ ndeka‑i, te jɨn nunduku‑i kɨtɨ n‑xita jan. Xaxeꞌe xa n‑xita‑tɨ ma kande ini‑i‑tɨ.  
\v 5 Na naniꞌi‑i‑tɨ, te kadoko‑i‑tɨ nuꞌu veꞌe‑i, te yo kuvete‑i.  
\v 6 Na naxee‑i veꞌe‑i, te nadataka‑i ñayiu ka kumani xiꞌin‑i xiꞌin ñayiu io yatni xiꞌin‑i. Jaꞌan‑i nuu‑i: “Kuvete‑da chi n‑naniꞌi‑da tkachi‑da n‑xita”, xa na kuvete koio‑i tuku.  
\v 7 Daa ka kudɨ ini ia xtuu andɨu. Yo kudɨ ini ka‑ia hora natu ini ɨɨn ñayiu xa n‑ka kida‑i kuechi dada xaxeꞌe koon diko xaun koon ñayiu kida xavaꞌa chi ña tuu nax n‑ka kida‑i xa ku natu ini‑i. 
\s1 Tvini kaa n‑xita 
\p  
\v 8 ʼNux io uxi tvini kaa ɨɨn ñadɨꞌɨ te dakuita‑ña ɨɨn, natnuu‑ña candil te tɨꞌu‑ña veꞌe‑ña. Vii nene nanduku‑ña,  
\v 9 te hora na naniꞌi‑ña, nadataka‑ña ñayiu kumani xiꞌin‑ña xiꞌin ñayiu io yatni xiꞌin‑ña veꞌe‑ña, te jaꞌan‑ña nuu‑i: “Kuvete‑da chi n‑naniꞌi‑da tvini kaa n‑xita.” Duꞌa jaꞌan‑ña nuu‑i xa na kuvete koio‑i tuku.  
\v 10 Daa ka kudɨ ini ángel, ia ka xinokuechi nuu Ianyuux, hora natu ini ɨɨn ñayiu xa n‑kida‑i kuechi. 
\s1 Se n‑diko taꞌu‑s, te n‑datɨu‑s tvini n‑niꞌi‑s 
\p  
\v 11 ʼN‑xio ɨɨn se n‑xio uu daꞌya yɨɨ.  
\v 12 N‑jaꞌan seluchi ka nuu taa‑s: “Taa‑ro, kaꞌnde dava‑n xaxii‑n xa taxi‑n taꞌu‑da.” Te n‑xiaꞌan taa‑s dava xaxii‑s, dava ñuꞌu‑s.  
\v 13 Nu n‑kuu jeen kɨu, te n‑diko seluchi ka jan ñuꞌu‑s xiꞌin xaxii‑s, te niꞌi‑s tvini xa n‑diko‑s ñuꞌu jan xiꞌin xaxii‑s, te juaꞌan‑s ñuu xika. Ijan n‑xetniu‑s ntdaa tvini‑s. N‑datɨu‑s tvini‑s xa n‑xeen‑s davaꞌa nga xa n‑kukajan ini‑s.  
\v 14 Nu n‑dandɨꞌɨ‑s tvini‑s, te n‑kuu tnama ñuu ijan, te n‑ndoñuꞌu xa kaxi‑s.  
\v 15 N‑xe kajan‑s tniu nuu ɨɨn se ñuteyu ijan, te n‑tundaꞌa ñaꞌa‑s nde nuu xetata‑s kuchi xa junuu‑s‑tɨ.  
\v 16 Yo n‑kuu anu‑s xa kaxi‑s doo ndichi ka xaxi kuchi jan xa na xikojuiin xa kojon‑s, ko ñayo n‑xiaꞌan.  
\v 17 Ijan dada vaꞌa n‑najani ini‑s, te n‑jaꞌan mee n‑jaꞌan ɨɨn‑s: “Diko tunga io xa kaxi ntdaa se xinokuechi nuu taa‑ro, te yaꞌa xiꞌi‑ro doko.  
\v 18 Na nangondita‑ro. Na nuꞌu‑ro veꞌe taa‑ro, te juñaꞌa‑ro: Taa‑ro, n‑kida‑da kuechi chi n‑kuxee ini‑da nuu Ianyuux, te n‑kuxee ini‑da nuu ndixi.  
\v 19 Vaꞌa ka nux maxku jaꞌan daꞌya ñaꞌa ka‑n. Na nduu‑da se xinokuechi nuu‑n”, kuu‑s, n‑xani ini‑s. 
\p  
\v 20 ʼN‑ndojuiin‑s. N‑tnɨɨ‑s ichi. Juan nuꞌu‑s veꞌe taa‑s. Nu n‑nduyatni‑s nuu ñuꞌu taa‑s, te xika ka juan nuꞌu‑s, te n‑xini ñaꞌa taa‑s. N‑kundaꞌu ini ñaꞌa‑s. N‑kendava‑s. N‑xetnaꞌa ñaꞌa‑s, te n‑nundee ñaꞌa‑s. N‑teyuꞌu ñaꞌa‑s.  
\v 21 Te n‑jaꞌan‑s nuu taa‑s: “Taa‑ro, n‑kida‑da kuechi chi n‑kuxe ini‑da nuu Ianyuux. N‑kuxe ini‑da nuu ndixi. Vaꞌa ka maxku jaꞌan daꞌya ñaꞌa ka‑n”, kuu‑s, xiaꞌan‑s nuu taa‑s.  
\v 22 Te n‑jaꞌan taa‑s nuu se ka xinokuechi nuu‑s: “Juan jeꞌen koio dijun vaꞌa ka, te dandukutu koio‑n‑sɨ. Tnaa koio‑n deꞌe dɨkɨ ndaꞌa‑s. Chiꞌi koio‑n‑sɨ ndixa.  
\v 23 Te nkueka koio‑n nserru kandee ka. Kaꞌni koio‑n‑tɨ xa na kaxi‑ro‑t. Na koo‑ro xadɨ ini  
\v 24 chi daꞌya yɨɨ‑r yaꞌa, kuenda kɨu ndɨyɨ n‑kuu‑s, te vitna n‑nandoto‑s. Ña n‑xini‑ro nuu nde n‑xeꞌen‑s, te n‑naniꞌi‑ro‑s”, kuu taa‑s, xiaꞌan‑s. Te n‑xio xadɨ ini. 
\p  
\v 25 ʼDaꞌya yɨɨ‑s, se xaꞌnu jan, n‑xiko‑s. Juan nuꞌu‑s veꞌe‑s xa n‑ñutuu‑s nuu ñuꞌu‑s. Nu n‑nduyatni‑s veꞌe‑s, te n‑teku‑s xa ka tɨu música. N‑teku‑s xa ka xataxeꞌe ñayiu xiti veꞌe taa‑s.  
\v 26 N‑kana‑s ɨɨn se xinokuechi nuu taa‑s, te n‑xijan tnuꞌu‑s nuu nax kuu veꞌe taa‑s.  
\v 27 Te n‑jaꞌan se xinokuechi jan: “N‑nxee ñani‑n, Dito. N‑nxee vaꞌa‑s, n‑nxee ndito‑s. Xijan kuu xa n‑ka xaꞌni‑s ncerru io ndee ka.”  
\v 28 N‑kiti ini daꞌya yɨɨ xaꞌnu ka se ijan, te ña n‑juini‑s xa ndɨu‑s veꞌe taa‑s. Te n‑xe nukueka ñaꞌa taa‑s. Vivii n‑jaꞌan‑s nuu‑s xa na ndɨu‑s.  
\v 29 N‑jaꞌan‑s nuu taa‑s: “Mee‑da, kuia n‑kuu xinokuechi‑da nuu‑n. Te ni ɨɨn vuelta ña kuxe ini‑da nuu‑n, ko ta taxi ka‑n juini nga ɨɨn daꞌya nchiva xa kaxdɨɨ‑da xiꞌin ñayiu ka kumani xiꞌin‑da.  
\v 30 Se kuu daꞌya‑n n‑nxee, n‑xaxi‑s tvini‑n. N‑chiyaꞌu‑s ñadɨꞌɨ n‑kaa xiꞌin‑s, te xaxeꞌe‑s n‑xaꞌni‑n ncerru kandee ka”, kuu‑s.  
\v 31 Te xiaꞌan taa‑s nuu‑s: “Mee‑n, ntdantuꞌu kɨu tuu‑ro, te ntdaa xa nevaꞌa‑r kuu xaxii‑n.  
\v 32 Io vaꞌa xa kida‑r viko, te io xadɨ ini chi se kuu ñani‑n kuenda kɨu ndɨyɨ n‑kuu‑s, te n‑nandoto‑s. Ña n‑xini‑ro nuu nde n‑xeꞌen‑s, te n‑naniꞌi‑ro‑s”, kuu‑s, n‑xiaꞌan‑s. 
\c 16  
\s1 Ɨɨn se yo mii xa n‑kida‑s 
\p  
\v 1 Ijan dada n‑jaꞌan ka Jesús tnuꞌu yaꞌa nuu se dakuaꞌa‑ia. Xiaꞌan‑ia: 
\p —N‑xio ɨɨn se n‑yɨndaꞌa xaxii ɨɨn se kuika. N‑kutnuꞌu xa xidoyaꞌu‑s xaxii se kuika jan juaꞌan chi ña n‑yɨndaꞌa vaꞌa‑s.  
\v 2 Nu n‑teku se kuika jan, te n‑kana ñaꞌa‑s. Xiaꞌan‑s: “N‑teku‑r xa kida‑n. Jaꞌan nuu‑r nde n‑kida‑n tvini‑r xiꞌin xaxii‑r chi ma kuu ka xa kɨndaꞌa‑n.”  
\v 3 Nu n‑yaꞌa xa n‑xijan tnuꞌu ñaꞌa se ijan, te n‑jaꞌan mee n‑jaꞌan ɨɨn se yɨndaꞌa xaxii‑s: “¿Nax kada‑ro chi ma taxi ka xtoꞌo‑ro tniu kada‑ro? Ña ndaku‑ro xa kate‑ro. Januu xa kajan ndaꞌu‑ro.  
\v 4 An n‑kixdɨkɨ‑ro nax kada‑ro hora ma juetniu ñaꞌa ka‑s xa na kuaꞌa na juemani ñaꞌa ñayiu hora na jɨꞌɨn‑ro veꞌe‑i.”  
\v 5 Ijan dada n‑kana‑s ɨɨn xiꞌin ɨɨn se tau nuu se kuika jan. N‑xijan tnuꞌu‑s se kiꞌna nuu: “¿Nadaa tau‑n nuu xtoꞌo‑ro?”  
\v 6 Te n‑jaꞌan se ijan: “Koon mil litro aciti tau‑da.” Xiaꞌan‑s nuu‑s: “Juꞌun tutu yodotnuni xa tau‑n ya. Nkoo. Dama número. Tenee uu mil litro. Yachi”, kuu‑s, xiaꞌan‑s.  
\v 7 Te n‑xijan tnuꞌu‑s se kuu uu: “¿Nadaa tau‑n nuu xtoꞌo‑ro.” Te n‑jaꞌan‑s: “Oko uxi ɨɨn yodo maquila trɨu.” Te xiaꞌan‑s: “Juꞌun tutu yodotnuni xa tau‑n ya. Dama número yodotnuni. Tenee oko oꞌon maquila”, kuu‑s, xiaꞌan‑s.  
\v 8 Nu n‑teku se kuu xtoꞌo‑s xa n‑kida‑s, te xiaꞌan‑s nuu‑s xa io vaꞌa ni xa n‑kida‑s xaxeꞌe xa kaxi ini‑s. 
\p ʼDaa n‑jaꞌan‑ia chi ñayiu ma kutuu andɨu te ña jandixa‑i Ianyuux, ɨnuu mii ka‑i xa kada‑i xa niꞌi‑i tvini dada ñayiu jandixa‑ia.  
\v 9 Ndoñuꞌu xa juñaꞌa nga‑n tvini ñayiu na kuaꞌa na kutuu mani‑n xiꞌin‑i, te kɨu na jɨn ndɨꞌɨ xaxii‑n, kueka ñaꞌa Ianyuux xa kutuu‑n xiꞌin‑ia nɨkava nɨkuita.  
\v 10 Nuxa xaku ni xa xnevaꞌa‑n te vaꞌa ñunuu‑n xijan, dani vaꞌa junuu koio‑n nux kueꞌe na koo, ko nux itaꞌu ni xaxii‑n io te ña kuaꞌa‑n junuu koio‑n, dani ma kuaꞌa‑n junuu koio‑n xijan nux kueꞌe na koo.  
\v 11 Nux ña xñunuu vaꞌa‑n xaxii‑n xiꞌin tvini‑n io ñuñayiu, ma kuaꞌa‑n junuu vaꞌa koio‑n xa taxi Ianyuux.  
\v 12 Nux ñayo‑n ndee vaꞌa xaxii se nuu kidatniu‑n, mayo taxi taꞌu‑n te ma koo xaxii‑n.  
\v 13 Ñayo se xinokuechi io uu xtoꞌo chi nuu uu‑s na koo, jini uꞌu‑s ɨɨn‑s, te juemani‑s ɨnka‑s; a kada‑s ntdaa xa juini ɨɨn‑s, te jini uꞌu‑s ɨnka‑s. Dɨuni mayo‑n ndaku junukuechi‑n nuu Ianyuux nux mee ni xa kadatniu‑n xa koo xaxii‑n te ña tuu nax kada‑n xaxeꞌe Ianyuux —kuu Jesús, xiaꞌan‑ia. 
\p  
\v 14 N‑ka xakundee se fariseu xyɨtnaꞌa nuu ñayiu xyuku ijan Jesús xa n‑ka teku‑s tnuꞌu ijan chi se fariseu, yo unu kajan ini‑s tvini.  
\v 15 Xiaꞌan Jesús nuu‑s: 
\p —Mee‑n ka jaꞌan‑n nuu ñayiu xa vaꞌa‑n, ko Ianyuux xini janda kuu anu‑n. Ɨɨn xa xani ini ñayiu ñuñayiu xa xiniñuꞌu ka, xijan xini uꞌu Ianyuux. 
\s1 Ñayiu dandoo tnaꞌa 
\p  
\v 16 ʼNde tiempo n‑kixi Moisés xiꞌin nde tiempo n‑kixi Sua, taxnuni ley n‑chidotnuni Moisés. Nde na n‑ka xo tuu se n‑ka jaꞌan tnuꞌu Ianyuux nuu ñayiu xiꞌin nde na n‑xo tuu Sua, nde daa, taxnuni ley n‑chidotnuni‑s. Na n‑kixi Sua, n‑jaꞌan‑s nuu ñayiu nax io xa kada‑i xa kɨu tnaꞌa‑i nuu ñayiu ka jandixa xa taxnuni Ianyuux nuu‑i. Ñayiu kɨu tnaꞌa nuu ñayiu ijan, juexa ka kɨu tnaꞌa‑i.  
\v 17 Jɨn tnaꞌa tnuꞌu Ianyuux yodotnuni xa naa andɨu xiꞌin ñuñayiu; naka tnuꞌu‑ia n‑chidotnuni Moisés ma ku jɨn tnaꞌa. 
\p  
\v 18 ʼNux dandoo ɨɨn seyɨɨ ñadɨꞌɨ‑s te natnundaꞌa‑s xiꞌin ɨnka ñadɨꞌɨ, kida‑s kuechi. Dɨuni kuechi kuu nux natnundaꞌa ɨɨn seyɨɨ xiꞌin ñadɨꞌɨ n‑dandoo ñaꞌa yɨɨ‑ña. 
\s1 Ɨɨn se kuika xiꞌin se nani Lázaro 
\p  
\v 19 ʼN‑xio ɨɨn se yo kuika. Vaꞌa n‑xo ndixi‑s. N‑xo xiꞌno‑s daꞌma tndee kueꞌe xiꞌin daꞌma linu yaꞌu. Ndɨkɨu ndɨñuu n‑xo xaxi vaꞌa‑s, te n‑xo kudɨ ini‑s.  
\v 20 Dɨuni n‑xio ɨɨn se n‑xo nani Lázaro. N‑kundaꞌu n‑kukee‑s. N‑xo xantuu ñaꞌa ñayiu yatni yeꞌe se kuika jan, te n‑xo xo nukoo‑s ijan. N‑xiñi ndɨꞌyɨ teꞌyu nituꞌu ñɨɨ‑s.  
\v 21 N‑xo kojon‑s te yo n‑xo kuu anu‑s xa kaxi‑s tila xiꞌin ndeyu n‑xo junkoio yuꞌu mexa se kuika jan xa kaxi‑s xa xikojuiin xa kojon‑s. Ndaꞌu n‑yaꞌa‑s. N‑ka xo nayuu ti‑ina ñɨɨ‑s nuu n‑xiñi ndɨꞌyɨ.  
\v 22 N‑xiꞌí se n‑kundaꞌu jan, te xndeka ñaꞌa ángel, ia ka xinokuechi nuu Ianyuux, juaꞌan nuu tuu Abraham. Dɨuni n‑xiꞌí se kuika, te n‑xe konduxi‑s.  
\v 23 Juaꞌan‑s andea, te yo vichi ndaꞌu yaꞌa‑s. N‑ndakoto niꞌni‑s ɨɨn nuu dujun, te xika n‑xini‑s Lázaro. Nukoo‑s yatni nuu nukoo Abraham.  
\v 24 Xee n‑kana se n‑xo tuu kuika jan. Xiaꞌan‑s nuu Abraham: “Dito Ta Abraham, kundaꞌu ini ñaꞌa‑n. Tundaꞌa‑n Lázaro na kixi‑s na datnɨɨ‑s dɨkɨ ndaꞌa‑s nuu ndute, te nadandoyo‑s nuu yaa‑da xa na ndiko chi yo ndeꞌe ndaꞌu yaꞌa‑da nuu yañuꞌu yaꞌa.”  
\v 25 Te n‑jaꞌan Abraham nuu se n‑xo tuu kuika: “¿Ñatu najaꞌan‑n xa vaꞌa n‑xo tuu ndoꞌo ñuñayiu, te Lázaro ndaꞌu n‑xo tuu‑s?, ko yaꞌa tuvii tuvaꞌa‑s, te ndoꞌo ndaꞌu yaꞌa‑n.  
\v 26 Daxa ma kuu xa yaꞌa Lázaro do dian xa xee‑s chi yo kunu. Ña kuaꞌa xa yaꞌa ñayiu do dian, ni ña kuaꞌa xa yaꞌa ñayiu dian do yaꞌa”, kuu Abraham, xiaꞌan‑s nuu se n‑xo tuu kuika.  
\v 27 “Nuxa daa kuu, Dito, xijan taꞌu‑da nuu‑n xa na tundaꞌa‑n‑sɨ na nuꞌu‑s veꞌe taa‑da  
\v 28 chi io oꞌon ka ñani‑da. Na juñaꞌa‑s nax yaꞌa ñayiu kida ná ka kida‑s na ñaꞌa kixi‑s yaꞌa nuu yo ndaꞌu ka yaꞌa ntdaa daña”, kuu‑s, xiaꞌan‑s.  
\v 29 “Ka kaꞌu‑s libru Moisés, ka kaꞌu‑s libru se n‑ka jaꞌan tnuꞌu Ianyuux nuu ñayiu. Na jandixa‑s tnuꞌu ijan”, kuu Abraham, xiaꞌan‑s.  
\v 30 “Ñaꞌa, Dito, ma jandixa koio‑s, ko nux ɨɨn se n‑nandoto na nuꞌu ijan te jaꞌan‑s tnuꞌu Ianyuux nuu‑s natu ini koio‑s xa ka kida‑s”, kuu‑s, xiaꞌan‑s.  
\v 31 “Nux ña xnini‑s tnuꞌu n‑chidotnuni Moisés xiꞌin tnuꞌu se n‑ka jaꞌan tnuꞌu Ianyuux nuu ñayiu, dani ma jandixa koio‑s Ianyuux nux na jini‑s ɨɨn se n‑nandoto”, kuu Abraham, xiaꞌan‑s kuu Jesús, xiaꞌan‑ia nuu se fariseu. 
\c 17  
\s1 Io xa taxkanu ini‑ro ñayiu n‑kida ñaꞌa ɨɨn xa n‑kida ñaꞌa‑i 
\p  
\v 1 Ijan dada xiaꞌan Jesús nuu ñayiu dakuaꞌa‑ia: 
\p —Xandaa xakuiti kixi ñayiu kada xa kada ɨnka ñayiu kuechi. Naka ndaꞌu yaꞌa‑i.  
\v 2 Vaꞌa ka nuu na kudukundee ɨɨn yodo molino dujun ɨɨn ñayiu daa kada te dakekava ñaꞌa ɨnka ñayiu nuu mar te kuú‑i dada xa kada‑i xa kada ɨɨn seluchi yɨtnaꞌa nuu ñayiu xyuku yaꞌa kuechi. 
\p  
\v 3 ʼKani ini vaꞌa koio nax kada‑n. Nux kida ñaꞌa ɨɨn ñayiu jandixa Ianyuux ɨɨn xa kida ñaꞌa‑i kanandee‑n‑yɨ. Nux natu ini ñayiu jan xa n‑kida‑i kuechi, taxkanu ini‑n‑yɨ.  
\v 4 Juini uxa vuelta ɨɨn kɨu na kada ñaꞌa ñayiu jan ɨɨn xa kada ñaꞌa‑i, ko nux na jaꞌan‑i nuu‑n: “Taxkanu ini‑n xa n‑kida ñaꞌa‑da. Natu ini‑da xa daa n‑kida ñaꞌa‑da. Ma duꞌa ka kada‑da”, te taxkanu ini‑n‑yɨ —kuu Jesús, xiaꞌan‑ia. 
\p  
\v 5 Ijan dada ka xiaꞌan se dakuaꞌa‑ia: 
\p —Dito, kada‑n xa kukanu ini koio ka‑da Ianyuux. 
\p  
\v 6 Te xiaꞌan Jesús, Ia kuu Xtoꞌo‑ro, nuu‑s: 
\p —Nux kukanu ini‑n Ianyuux, juini itaꞌu lii kukanu ini‑n‑ia nani kuu ɨɨn ndɨjɨn maxtaxa, juñaꞌa‑n nuu tnuneñu yaꞌa: “Ta kane te ndeé‑n nuu mar”, te jandixa ñaꞌa‑tnu. 
\p  
\v 7 ʼNux n‑kidatniu ɨɨn se xinokuechi nuu‑n xiꞌin nkutu‑n a n‑xeꞌen‑s kuꞌu xiꞌin tkachi‑n te n‑naxee‑s te n‑ndɨu‑s veꞌe‑n, mayo‑n juñaꞌa nuu‑s: “Yachi. Neꞌe. Nkoo nuu mexa xa kaxdini‑n.”  
\v 8 Mayo‑n jaꞌan duꞌa chi juñaꞌa‑n nuu‑s: “Kada tuꞌa mee‑n xa kadavaꞌa‑n xa kax xa koꞌo‑r. Na yaꞌa xa kaxi‑r, te kaxi‑n.”  
\v 9 Ma jaꞌan‑n xa n‑kutaꞌu‑n nuu se ijan xaxeꞌe xa n‑kida‑s xa n‑taꞌu tniu‑n.  
\v 10 Dani hora na kada‑n tniu Ianyuux, te hora na daxinokava‑n ntdaa xa n‑taꞌu tniu‑ia nuu‑n, te juñaꞌa tnaꞌa koio‑n: “Ñatu n‑ka xinokuechi vaꞌa‑ro chi diko ni xa io xa kada‑ro, xijan ni n‑ka kida‑ro chi io ka tniu‑ia kada‑ro n‑kuu.” Kachi koio‑n —kuu Jesús, xiaꞌan‑ia. 
\s1 N‑ndadavaꞌa Jesús uxi se ka tnaꞌa kueꞌe teꞌyu ñɨɨ 
\p  
\v 11 N‑tnɨɨ ntuku‑ia ichi juaꞌan Jerusalén. N‑yaꞌa‑ia Galilea xiꞌin Samaria.  
\v 12 N‑kɨu‑ia ɨɨn ñuu luchi. Ijan n‑xe juntnaꞌa‑ia xiꞌin uxi se ka tnaꞌa kueꞌe teꞌyu ñɨɨ. Xika xnii‑s.  
\v 13 Xee n‑ka kana‑s. Ka xiaꞌan‑s nuu Jesús: 
\p —Maestru, kundaꞌu ini ñaꞌa‑n. 
\p  
\v 14 Nu n‑xini‑ia‑s, n‑jaꞌan‑ia nuu‑s: 
\p —Juaꞌan. Dandeꞌa koio‑n mee‑n dutu xa na jini koio‑s xa n‑ka ndvaꞌa‑n. 
\p Nɨni juaꞌan koio‑s n‑ka ndvaꞌa‑s.  
\v 15 Nu n‑xini ɨɨn‑s xa n‑ndvaꞌa‑s, te n‑xiko‑s, te xee n‑kana‑s. Xee n‑nakuetu‑s nuu Ianyuux.  
\v 16 Te n‑naxee‑s nuu Jesús. N‑xe juiin xiti‑s xeꞌe‑ia te xiaꞌan‑s nuu‑ia xa n‑kutaꞌu‑s. Se Samaria kuu‑s.  
\v 17 Xiaꞌan Jesús nuu ñayiu xyuku ijan: 
\p —¿Ñadu uxi‑s n‑ka n‑ndvaꞌa u? ¿Nde io ka ɨɨ́n‑s?  
\v 18 Ñayo‑s n‑ka xiko xa jaꞌan‑s nuu Ianyuux xa n‑ka kutaꞌu‑s. Mee ni se toꞌo yaꞌa n‑xiko —kuu Jesús, xiaꞌan‑ia. 
\p  
\v 19 Te xiaꞌan Jesús nuu se n‑nangondita: 
\p —Ndojuiin te juan nuꞌu. Xaxeꞌe xa kukanu ini‑n Ianyuux n‑ndvaꞌa‑n. 
\s1 Kachitnuꞌu ñaꞌa Jesús xa taxnuni Ianyuux 
\p  
\v 20 Nu n‑xika kɨu, te n‑ka xijan tnuꞌu se fariseu Jesús nakɨu tundaꞌa Ianyuux se taxnuni nuu‑s. Te n‑jaꞌan Jesús nuu‑s: 
\p —Ñadu ɨɨn xa ndeꞌa‑ro kuu nuu taxnuni Ianyuux.  
\v 21 Hora na kakuneꞌe ñayiu xa taxnuni Ianyuux, ma jaꞌan‑i: “Kundeꞌa koio xa yaꞌa tuu se taxnuni nuu‑ro.” Dɨuni ma jaꞌan koio‑i: “Ijan tuu se taxnuni nuu‑ro”, chi anu ñayiu kuu nuu taxnuni Ianyuux. 
\p  
\v 22 Te xiaꞌan Jesús nuu ñayiu dakuaꞌa‑ia: 
\p —Xee kɨu ku kuu anu‑n xa kundeꞌa koio‑n xa taxnuni ruꞌu, Ia kuu ñayiu, ko ma kuu xa jini ñaꞌa koio‑n.  
\v 23 Te jaꞌan ɨɨn ñayiu: “Ijan taxnuni‑ia.” “Yaꞌa taxnuni‑ia”, kachi ɨnka ñayiu. Maxku nkuitandijun‑n‑yɨ  
\v 24 chi ma duꞌa yaꞌa chi na kuu xa xeyeꞌe taxa nde xeꞌe andɨu xiꞌin nde ɨnka xeꞌe andɨu, ku kuu na ndixi ruꞌu, Ia kuu ñayiu,  
\v 25 ko ta xee ka kɨu chi kiꞌna nuu io xa ndeꞌe kada uꞌu ñaꞌa ñayiu io vitna, te io xa jaꞌan‑i xa ña ndoñuꞌu ñaꞌa‑i.  
\v 26 Ná n‑yaꞌa na n‑xo tuu Noé ñuñayiu yaꞌa kɨu na ndixi ruꞌu, Ia kuu ñayiu.  
\v 27 N‑ka xo xaxi ñayiu. N‑ka xo xiꞌi‑i te n‑ka xo datnundaꞌa tnaꞌa‑i tiempo ijan. Ntdaa xijan n‑ka kida‑i nde kɨu n‑kɨu Noé xiti barcu. Daa n‑ndindodo ndute nituꞌu ñuñayiu, te n‑ka naa ntdandituꞌu ñayiu ijan.  
\v 28 Dani n‑yaꞌa Sodoma tiempo n‑xo tuu Lot. N‑ka xo xaxi ñayiu kɨu ijan. N‑ka xo xiꞌi‑i. N‑ka xo xeen‑i. N‑ka xo diko‑i. N‑ka xo xitu‑i ñuꞌu. N‑ka xo kidavaꞌa ñayiu n‑ka xio kɨu ijan veꞌe du.  
\v 29 Kɨu n‑kee Lot Sodoma n‑juun ñuꞌú xiꞌin azufri nde andɨu, te n‑ka naa ntdandituꞌu ñayiu ñuu ijan.  
\v 30 Daa kuu na ndixi ruꞌu, Ia kuu ñayiu.  
\v 31 Ñayiu iin ndodo dɨkɨ veꞌe‑i kɨu ijan, maxku ndɨu‑i veꞌe‑i xa kineꞌe‑i xaxii‑i. Ñayiu kidatniu nuu ñuꞌu‑i, maxku nuꞌu‑i veꞌe‑i xa kineꞌe‑i xaxii‑i.  
\v 32 Maxku ndunaa koio‑n xa n‑yaꞌa ñadɨꞌɨ Lot.  
\v 33 Dani ndoꞌo, nux diko ni mee ni‑n xemani‑n, dakuita‑n anu‑n. Nux juñaꞌa‑n vida‑n nuu tniu Ianyuux, kutuu‑n nɨkava nɨkuita xiꞌin‑ia.  
\v 34 Xakuaa ijan kava kaꞌnu uu ñayiu ɨɨn ni xito. Ɨɨn‑i kandeka ñaꞌa Ianyuux jɨꞌɨn. Ɨɨn‑i dandoo‑ia.  
\v 35-36 Kɨu ijan ku ndiko tayu uu ñadɨꞌɨ. Ɨɨn‑ña kandeka ñaꞌa Ianyuux jɨꞌɨn andɨu. Ɨnka‑ña dandoo‑ia —kuu‑ia, xiaꞌan‑ia. 
\p  
\v 37 Nu n‑ka teku ñayiu xijan, te n‑ka xijan tnuꞌu‑i‑ia: 
\p —¿Ndexu yaꞌa xaꞌa, Dito? 
\p Te xiaꞌan‑ia nuu‑i: 
\p —Ná ka xko yuku ñau nuu katuu ɨɨn kɨtɨ n‑xiꞌí, daa kuyuku koio ñayiu nuu‑r na ndixi‑r —kuu‑ia, xiaꞌan‑ia. 
\c 18  
\s1 Io xa ku kajan‑ro nuu Ianyuux xa taxi‑ia ɨɨn xa taxi‑ia 
\p  
\v 1 Te n‑jaꞌan‑ia ɨnka ntuku tnuꞌu nuu ñayiu dakuaꞌa‑ia jan. N‑jaꞌan‑ia xa ndɨkɨu ndɨñuu io xa ku kajan taꞌu koio‑i nuu Ianyuux; te maxku kande ini‑i. Na koo ndaa koo kuiti anu‑i hora ku kajan taꞌu koio‑i. Xiaꞌan‑ia: 
\p  
\v 2 —Ɨin ñuu n‑xio ɨɨn juexi ña n‑xo yuꞌu nuu Ianyuux, ni ña n‑xio‑s xañuꞌu nuu ñayiu.  
\v 3 Dɨuni n‑xio ñadɨꞌɨ n‑xiꞌí yɨɨ ñuu ijan, te n‑xo xeꞌen‑ña nuu‑s xa n‑xo xiaꞌan‑ña: “Kana‑n te xini uꞌu ñaꞌa, te dayaꞌa‑n‑te juxtixia xa maxku kada ñaꞌa ka‑te ná kida ñaꞌa‑te.”  
\v 4 Ña n‑juini‑s xa chindee‑s‑ña, te naꞌa n‑kuu. Ijan dada n‑jaꞌan mee, n‑jaꞌan ɨɨn‑s: “Juini ña yuꞌu‑ro nuu Ianyuux te ña io‑ro xañuꞌu nuu ñayiu,  
\v 5 ko xa maxku ñaꞌa kixi ka ñá yaꞌa xa datnaꞌa ñaꞌa‑ña, te xee xa ma kundee ka ini‑ro na dayaꞌa naꞌi‑ro se ijan juxtixia”, kuu‑s, n‑jaꞌan‑s. 
\p  
\v 6 ʼKundeꞌa koio nax n‑jaꞌan juexi loko jan, se n‑dayaꞌa se ijan juxtixia.  
\v 7 Daa kida Ianyuux. Ndadandaa‑ia kuechi ñayiu kuiꞌa kida ñayiu n‑kaxi‑ia nux ka xijan taꞌu‑i nduu xakuaa. Chindee‑ia‑i, te ña kukuee‑ia.  
\v 8 ¿Ka xani ini‑n xa kɨu na ndixi ruꞌu, Ia kuu ñayiu, koo ka ñayiu kukanu ini ñaꞌa u? 
\p Te ñayo‑i n‑jaꞌan. 
\s1 Uu se n‑ka xijan taꞌu nuu Ianyuux 
\p  
\v 9 Ijan dada n‑jaꞌan Jesús ɨnka ntuku tnuꞌu xa dakuaꞌa‑ia ñayiu ka xani ini xa yo vaꞌa‑i, te ña ka xe ini‑i dava ka ñayiu: 
\p  
\v 10 —Uu seyɨɨ n‑ka xeꞌen veñuꞌu Jerusalén xa kajan taꞌu‑s nuu Ianyuux. Ɨɨn‑s kuu se fariseu. Ɨnka‑s kuu se xijan tvini nandajan gobierno.  
\v 11 N‑jaꞌan mee n‑jaꞌan ɨɨn se fariseu nuu nujuiin‑s xa n‑xijan taꞌu‑s. N‑jaꞌan‑s: “Taa‑ro Ianyuux, nakutaꞌu‑da xa ñatu kuu‑da ñaduꞌu, ñatu loko‑da, ñatu xkaa‑da xiꞌin ñayiu ña n‑tnundaꞌa xiꞌin‑da ná ka kida dava ka ñayiu. Dɨuni ñatu kuu‑da ná kuu se xijan tvini nandajan gobierno nujuiin yaꞌa.  
\v 12 Daña xko ndite‑da uu kɨu xa neꞌe ii‑da ntnaꞌa una kɨu. Ntnaꞌa uxi xa niꞌi‑da nataxi‑da ɨɨn”, kuu‑s, xiaꞌan‑s.  
\v 13 Xika xika ni nujuiin se xijan tvini nandajan gobierno. Ñatu n‑kuu ini‑s xa ndakoto niꞌni‑s andɨu xaxeꞌe xa n‑kune ini‑s, ko n‑katu‑s pechu‑s, te n‑jaꞌan‑s nuu Ianyuux: “Taa‑ro Ianyuux, taxkanu ini‑n xa n‑kida‑da kueꞌe kuechi; kundaꞌu ini ñaꞌa‑n”, kuu‑s, xiaꞌan‑s.  
\v 14 N‑taxkanu ini Ianyuux se kuu uu, ko ɨnka se jan, ñaꞌa. Ñayiu ka najuen tnuꞌu mee‑i, xee kɨu kujanuu‑i te kune ini‑i, ko ñayiu ka xani ini xa ñatu ndandɨꞌɨ‑i nuu Ianyuux, vichi najuen tnuꞌu ñaꞌa‑ia —kuu‑ia, xiaꞌan‑ia. 
\s1 N‑kida ii Jesús sekuechi xiꞌin dichi kuechi 
\p  
\v 15 N‑ka xo kandeka ñayiu sekuechi xiꞌin dichi kuechi n‑ka xo xeꞌen nuu Jesús xa kajan ndodo‑ia ndaꞌa‑ia dɨkɨ‑s, ko nu n‑ka xini se dakuaꞌa‑ia, te n‑ka kudeen‑s nuu ñayiu jan.  
\v 16 N‑kana Jesús‑sɨ, te xiaꞌan‑ia nuu‑s: 
\p —Juejoon koio xa na kandeka ñayiu sekuechi xiꞌin dichi kuechi kixi nuu‑r, te maxku dadaꞌan koio‑n chi kuenda kɨu sekuechi xiꞌin dichi kuechi ka kuu ñayiu jandixa xa taxnuni Ianyuux nuu‑i.  
\v 17 Ñayiu ma jandixa xa taxnuni Ianyuux nuu‑i ná ka jandixa sekuechi xiꞌin dichi kuechi tnuꞌu‑ia, ma kuu xa kɨu tnaꞌa‑i nuu ñayiu taxnuni‑ia nuu‑i —kuu‑ia, xiaꞌan‑ia. 
\s1 N‑ndatnuꞌu Jesús xiꞌin ɨɨn se yo kuika 
\p  
\v 18 N‑xee ɨɨn se taxnuni nuu‑ia. Xiaꞌan‑s: 
\p —Maestru, yo vaꞌa‑n. ¿Nax io xa kada‑da xa kundito‑da nɨkava nɨkuita andɨu? 
\p  
\v 19 Xiaꞌan Jesús: 
\p —¿Nakuenda jaꞌan‑n xa vaꞌa‑r? Ña yoo ñayiu vaꞌa. Mee ni Ianyuux vaꞌa.  
\v 20 Xa xini‑n ley n‑chidotnuni Moisés jaꞌan xa: “Maxku kava‑n xiꞌin ñadɨꞌɨ ñatu kuu ñadɨꞌɨ‑n. Maxku kaꞌni‑n ndɨyɨ. Maxku duꞌu‑n. Maxku jaꞌan vete‑n nuu juxtixia. Koo‑n xañuꞌu nuu tadɨꞌɨ‑n.” 
\p  
\v 21 Te xiaꞌan‑s: 
\p —Nde na luchi‑da jandixa‑da ntdantuꞌu xaꞌa. 
\p  
\v 22 Te xiaꞌan Jesús: 
\p —Juini ka‑i ɨɨn xa kada‑n. Diko‑n ntdaa xaxii‑n, te dakexio‑n tvini niꞌi‑n nuu ñayiu ka kundaꞌu, te kada Ianyuux xa kutuu kuika‑n andɨu. Ijan dada kixi‑n, te nkuitandijun ñaꞌa‑n. 
\p  
\v 23 Nu n‑teku‑s tnuꞌu ijan, n‑kukoꞌyo ini‑s chi yo vichi kueꞌe xaxii‑s io.  
\v 24 Xaxeꞌe xa n‑xini Jesús xa n‑kukoꞌyo ini‑s n‑jaꞌan‑ia: 
\p —Xaxeꞌe xa ndaꞌu yaꞌa ñayiu kuika xa kɨu tnaꞌa‑i nuu ñayiu ka jandixa xa taxnuni Ianyuux nuu‑i, xaku ni‑i ndaku xa kɨu tnaꞌa‑i.  
\v 25 Yachi ka yaꞌa ɨɨn kɨtɨ kuu camello ɨɨn yau yɨkɨ nakiku dada xa kɨu tnaꞌa ɨɨn ñayiu kuika nuu ñayiu jandixa xa taxnuni Ianyuux nuu‑i —kuu Jesús, xiaꞌan‑ia. 
\p  
\v 26 Ijan dada n‑ka jaꞌan ñayiu n‑ka teku tnuꞌu n‑jaꞌan‑ia: 
\p —Nux ñatu nanitaꞌu ñayiu kuika, naka ñayiu ka kundaꞌu ku nanitaꞌu. 
\p  
\v 27 Te xiaꞌan Jesús: 
\p —Ñayo kuaꞌa xa kada‑i xijan, ko ntdandituꞌu xa ñatu kuaꞌa ñayiu xa kada‑i kida Ianyuux. 
\p  
\v 28 Xiaꞌan Spedru nuu‑ia: 
\p —Maestru, naꞌa‑n xa ntdaa daña n‑ka dandoo ntdaa xaxii‑da, te n‑ka xe kuitandijun ñaꞌa‑da. 
\p Te xiaꞌan Jesús: 
\p  
\v 29 —Xandaa xakuiti nux n‑dandoo‑n veꞌe‑n a n‑dandoo‑n ñadɨꞌɨ‑n a ñani‑n a kuꞌa‑n a tadɨꞌɨ‑n a daꞌya‑n xa jaꞌan‑n nuu ñayiu nax io xa kada‑i xa kɨu tnaꞌa‑i nuu ñayiu taxtnuni Ianyuux nuu‑i,  
\v 30 kueꞌe ka niꞌi ndoꞌo ñuñayiu yaꞌa dada xa n‑ka dandoo‑n. Nani seyɨɨ dani ñadɨꞌɨ, kutuu koio‑n xiꞌin Ianyuux nɨkava nɨkuita. 
\s1 N‑kakuneꞌe ntuku Jesús xa kuú‑ia 
\p  
\v 31 Ijan dada n‑kineꞌe dɨɨn‑ia uxi uu se dakuaꞌa‑ia jan, te xiaꞌan‑ia nuu‑s: 
\p —Vitna kuu xa jɨꞌɨn‑ro Jerusalén xa na jɨn tnaꞌa tnuꞌu n‑ka chidotnuni se n‑ka jaꞌan tnuꞌu Ianyuux nuu ñayiu xa yaꞌa ruꞌu, Ia kuu ñayiu.  
\v 32 Diko ñaꞌa se nación mee‑ro nuu se ña ka kuu se Israel. Kuekundee ñaꞌa koio‑s. Kuiꞌa jaꞌan ñaꞌa koio‑s. Tudɨɨ ñaꞌa‑s.  
\v 33 Janñaꞌa‑s chirrión ñɨɨ. Ijan dada kaꞌni ñaꞌa‑s, ko nandoto‑r kɨu kuu uni. 
\p  
\v 34 Ñayo‑s n‑kutnuni ini tnuꞌu n‑jaꞌan‑ia. Ña n‑xiaꞌan Ianyuux xaxtnuni xa kutnuni ini‑s xa n‑jaꞌan‑ia. 
\s1 N‑ndadavaꞌa Jesús ɨɨn se kuaa ñuu Jericó 
\p  
\v 35 N‑nujunu ichi‑ia xiꞌin‑s. N‑kuyatni‑ia xiꞌin‑s Jericó. Ijan io ɨɨn se kuaa nukoo yuꞌu ichi xa xijan ndaꞌu‑s.  
\v 36 N‑teku‑s xa kueꞌe ñayiu ka yaꞌa, te n‑xijan tnuꞌu‑s nuu nax kuu. 
\p  
\v 37 Te n‑ka jaꞌan ñayiu xyuku ijan: 
\p —Jesús Nazaret yaꞌa yaꞌa. 
\p  
\v 38 Te xee n‑kana‑s. Xiaꞌan‑s: 
\p —Dito, Ta Jesús, Daꞌya Dana David kundaꞌu ini ñaꞌa‑n. 
\p  
\v 39 N‑ka kanandee ñaꞌa ñayiu xndodo nuu, te n‑ka jaꞌan‑i xa maxku kana ka‑s, ko xee ka n‑kana‑s. Xiaꞌan‑s: 
\p —Dito, Ta Jesús Daꞌya Dana David, kundaꞌu ini ñaꞌa‑n. 
\p  
\v 40 N‑nujuiin Jesús, te n‑taꞌu tniu‑ia xa kandeka ñayiu se kuaa jan xee nuu‑ia. N‑kuyatni‑s‑ia te n‑jaꞌan‑ia nuu‑s: 
\p  
\v 41 —¿Nax juini‑n xa kada ñaꞌa‑r? 
\p Te xiaꞌan‑s nuu Jesús: 
\p —Dito, kada‑n xa na nukondeꞌa‑da. 
\p  
\v 42 Te xiaꞌan Jesús nuu‑s: 
\p —Na nukondeꞌa‑n. Xaxeꞌe xa kukanu ini ñaꞌa‑n, n‑ndvaꞌa‑n —kuu‑ia, xiaꞌan‑ia. 
\p  
\v 43 Danaa n‑nukondeꞌa‑s, te n‑xe kuitandijun‑s Jesús. Nɨni ndijun‑s‑ia najuen tnuꞌu‑s Ianyuux. Dani n‑ka najuen tnuꞌu ntdaa ñayiu n‑xini xijan Ianyuux. 
\c 19  
\s1 N‑xini tnaꞌa Jesús xiꞌin Zaqueo 
\p  
\v 1 N‑kɨu Jesús Jericó. N‑yaꞌa ndaa‑ia ñuu jan.  
\v 2 Ijan tuu ɨɨn se kuika nani Zaqueo xijan tvini nandajan gobierno. Taxnuni‑s nuu dava ka se ka xijan tvini nandajan gobierno.  
\v 3 Nu n‑xini‑s xa n‑kɨu Jesús Jericó, n‑kuu anu‑s xa jini‑s‑ia, ko ña n‑kuu xa jini‑s‑ia chi yo kueꞌe ñayiu xyuku, daxa yo ndiꞌi‑s.  
\v 4 N‑kendava‑s. N‑xe juindodo nuu‑s nuu juaꞌan‑ia, te n‑xe kaa‑s ɨɨn yutnu nani sicómoro xa kundeꞌa‑s‑ia chi ijan yaꞌa‑ia.  
\v 5 Nu n‑xee Jesús ijan, n‑ndonenuu‑ia. N‑xini‑ia‑s, te n‑jaꞌan‑ia nuu‑s: 
\p —Zaqueo, yachi. Ta nuu chi kidayɨka‑i xa ndoo‑r veꞌe‑n vitna. 
\p  
\v 6 Ñama n‑nuu‑s. N‑kudɨ ini‑s, te ndeka‑s‑ia juaꞌan veꞌe‑s te n‑nukoo‑s xiꞌin‑ia.  
\v 7 N‑ka nukuita ntdaa ñayiu n‑xini xa n‑yaꞌa xa n‑ka jan tnuꞌu‑i Jesús. N‑ka xiaꞌan tnaꞌa‑i: 
\p —Juaꞌan Jesús veꞌe se yo kueꞌe kuechi kida xa ndoo‑s ijan. 
\p  
\v 8 N‑ndojuiin Zaqueo te n‑jaꞌan‑s nuu Jesús, Ia kuu Xtoꞌo‑ro: 
\p —Dito, kunaꞌa‑n xa juñaꞌa‑da ñayiu ka kundaꞌu dava xaxii‑da, te ñayiu n‑dandaꞌu‑da, najuñaꞌa‑da xaxii‑i koon vuelta —kuu‑s, xiaꞌan‑s. 
\p  
\v 9 Te xiaꞌan‑ia nuu ñayiu xyuku xiti veꞌe jan: 
\p —Vitna niꞌi se io veꞌe yaꞌa taꞌu‑s chi daꞌya dana Abraham kuu‑s ná ka kuu‑ro.  
\v 10 N‑kixee ruꞌu, Ia kuu ñayiu, xa dananitaꞌu‑r ñayiu ñatu ka xini jundu kuu Ianyuux. 
\s1 N‑kakuneꞌe Jesús uxi tvini kaa 
\p  
\v 11 Nu n‑yaꞌa xa n‑xo nini ñayiu ijan xa n‑jaꞌan‑ia, te n‑jaꞌan‑ia ɨnka ntuku tnuꞌu nuu‑i. Xaꞌa n‑jaꞌan‑ia xaxeꞌe xa n‑kuyatni‑ia xiꞌin‑i Jerusalén, te n‑ka xani ini‑i xa hora ijan kixeꞌe‑ia xa taxnuni‑ia nuu ñayiu Israel.  
\v 12-15 Xiaꞌan‑ia: 
\p —N‑xio ɨɨn daꞌya yɨɨ ɨɨn se n‑taxnuni. N‑kana‑s uxi se ka xinokuechi nuu‑s, te kueꞌe tvini n‑xiaꞌan‑s ɨɨn ɨɨn‑s. Ɨnuu n‑xiaꞌan‑s ɨɨn ɨɨn‑s, te n‑jaꞌan‑s: “Dakaka koio dava tvini yaꞌa, te dava tvini ya jueen koio‑n xa jueen‑n te nadiko koio‑n, te dani ku kada‑n nde kɨu na nxee‑r”, kuu‑s, xiaꞌan‑s. Ijan dada n‑kee‑s. Xika juaꞌan‑s xa jantuu tniu ñaꞌa se taxnuni ka. Ka xini uꞌu ñaꞌa se ñuu‑s, te n‑ka tundaꞌa‑s se juaꞌan koio nuu nkonetniu‑s xa ndatnuꞌu‑s xiꞌin se taxnuni ka nuu‑s. Ka xiaꞌan‑s nuu‑s: “Ña ka juini se ñuu‑da xa taxnuni se yaꞌa ñuu‑da.” N‑xe konetniu naꞌi daꞌya yɨɨ se taxnuni jan ñuu xika. Ijan dada n‑xiko‑s; juan nuꞌu‑s ñuu‑s xa taxnuni‑s ijan. Te n‑kana‑s uxi se n‑xiaꞌan‑s tvini jan xa na juñaꞌa‑s nuu‑s nadaa n‑ka niꞌi‑s xa n‑ka dakaka‑s tvini‑s xiꞌin xa n‑ka xetniu‑s tvini‑s xa n‑ka najueen‑s te n‑ka nadiko‑s.  
\v 16 N‑xee se kiꞌna nuu nuu‑s, te n‑jaꞌan‑s: “Dito, na tvini n‑taxi‑n xa dakaka‑da yaꞌa, te na yo daꞌya‑i yaꞌa. Diko uxi vuelta nayaꞌa nduu‑i dɨꞌɨ‑i xa n‑dakaka‑da”, kuu‑s, xiaꞌan‑s.  
\v 17 Te n‑jaꞌan se taxnuni jan: “Naka vaꞌa n‑kida‑n. Vaꞌa xinokuechi‑n nuu‑r. Xaxeꞌe xa vaꞌa n‑yɨndaꞌa‑n xaku ni tvini n‑taxi‑r, xijan kuu xa nkonetniu‑n xa taxnuni‑n nuu uxi ñuu”, kuu‑s, xiaꞌan‑s.  
\v 18 Ijan n‑xee se kuu uu. N‑jaꞌan‑s: “Dito, na tvini n‑taxi‑n xa dakaka‑da yaꞌa, te na yo daꞌya‑i yaꞌa. Diko oꞌon vuelta nayaꞌa nduu‑i dɨꞌɨ‑i xa n‑dakaka‑da.”  
\v 19 Te n‑jaꞌan se taxnuni nuu se kuu uu jan: “Ndoꞌo, taxnuni‑n nuu oꞌon ñuu.”  
\v 20 N‑xee se kuu uni. N‑jaꞌan‑s: “Na tvini n‑taxi‑n yaꞌa. N‑chiduku‑da ɨɨn pañitu, te n‑xo nevaꞌa‑da.  
\v 21 N‑yuꞌu ñaꞌa‑da chi ma kachi ini‑n. Kineꞌe‑n tvini ñatu chiꞌi‑n bancu. Nakueka‑n xa ñatu dadaꞌu‑n”, kuu‑s, xiaꞌan‑s.  
\v 22 Te n‑jaꞌan se taxnuni jan: “Xaxeꞌe xa n‑najandixa‑n xa daa n‑kida‑n, io kuechi‑n. Xini‑n xa se ma kachi ini kuu‑r. Kineꞌe‑r tvini ñatu n‑chiꞌi‑r bancu. Nakueka‑r xa ñatu n‑dadaꞌu‑r.  
\v 23 ¿Nakuenda ña n‑xe chiꞌi‑n tvini‑r bancu xa kɨu na nxee‑r te nakueka‑r daꞌya tvini‑r xiꞌin tvini n‑taxi‑r?”, kuu‑s, xiaꞌan‑s nuu se xinokuechi jan.  
\v 24 Te xiaꞌan‑s nuu se xnii yatni: “Tnɨɨ koio tvini‑s, te juñaꞌa se kueꞌe ka tvini n‑niꞌi xa n‑dakaka‑s tvini‑r”, kuu‑s, xiaꞌan‑s.  
\v 25 Te ka xiaꞌan se xnii ijan: “Ase, kueꞌe tvini n‑xiaꞌan‑n neꞌe‑s.”  
\v 26 Te xiaꞌan se taxnuni: “Ñayiu nevaꞌa kueꞌe, kueꞌe ka niꞌi‑i. Ñayiu itaꞌu ni nevaꞌa, dita ñayiu ntdaa xa nevaꞌa‑i.  
\v 27 Se ña n‑ka juini xa taxnuni‑r ñuu‑s te ka xini uꞌu ñaꞌa‑s, juan kueka koio‑s, te kaꞌni‑n‑sɨ na kundeꞌa‑r”, kuu se taxnuni jan, xiaꞌan‑s. 
\s1 N‑kɨu Jesús Jerusalén 
\p  
\v 28 Nu n‑yaꞌa xa n‑jaꞌan Jesús tnuꞌu yaꞌa, te n‑nujunu ichi‑ia. N‑xe juindodo nuu‑ia nuu ñayiu juaꞌan xiꞌin‑ia Jerusalén.  
\v 29 Nu n‑kuyatni‑ia xiꞌin se dakuaꞌa‑ia ñuu nani Betfagé xiꞌin ñuu nani Betania yatni Yuku Tnu Olivo, te n‑tundaꞌa‑ia uu‑s juaꞌan ijan.  
\v 30 Xiaꞌan‑ia nuu‑s: 
\p —Juaꞌan koio ñuu ndeꞌa ñaꞌa yaꞌa. Na kɨu koio‑n ñuu ijan, jini‑n ɨɨn burru luchi ta yoo ka kodo ndijun. Nandaxi koio‑n‑tɨ, te kandeka‑n‑tɨ kixi.  
\v 31 Nux jundu jaꞌan: “¿Nakuenda nandaxi‑n‑tɨ?”, juñaꞌa koio‑n: “Ia kuu Xtoꞌo‑ro ndoñuꞌu kɨt yaꞌa.” 
\p  
\v 32 Nu n‑ka xee‑s nduu‑s ijan, te n‑ka xini‑s xa n‑xetnaꞌa ntdaa xa n‑jaꞌan Jesús.  
\v 33 Nɨni ka nandaxi‑s burru luchi jan, n‑jaꞌan xtoꞌo‑tɨ: 
\p —¿Nakuenda ka nandaxi‑n‑tɨ? 
\p  
\v 34 N‑ka jaꞌan‑s: 
\p —Jesús, Ia kuu Xtoꞌo‑ro, ndoñuꞌu kɨtɨ yaꞌa. 
\p  
\v 35 Ijan dada xndeka‑s‑tɨ n‑ka naxee nuu Jesús. N‑ka xajan‑s daꞌma‑s yata‑tɨ, te n‑ka dakaa‑s Jesús‑tɨ.  
\v 36 N‑ka xe juindodo nuu ñayiu nuu Jesús, te n‑ka xajan‑i daꞌma‑i ichi xa jɨn ndodo burru yodo‑ia jan. 
\p  
\v 37 N‑kuyatni‑ia nuu vax nuu ichi Yuku Tnu Olivo, te vichi n‑ka kudɨ ini ntdaa ñayiu xndijun ñaꞌa. N‑ka kixeꞌe‑i ka najuen tnuꞌu‑i Ianyuux. Xee n‑ka kana‑i. N‑ka kakuneꞌe‑i xa n‑kida Jesús kueꞌe milagru.  
\v 38 Ka xiaꞌan‑i: 
\p —Naka taꞌu se taxnuni, se n‑tundaꞌa ñaꞌa Ianyuux xa kixi‑s. Na kutuu vii kutuu vaꞌa ntdaa xa io andɨu. Na najuen tnuꞌu‑ro Ianyuux, Ia taxnuni ka —kuu‑i, ka jaꞌan‑i. 
\p  
\v 39 Ka xiaꞌan se fariseu xyɨtnaꞌa nuu ñayiu ka xeꞌen ijan nuu Jesús: 
\p —Maestru, kanandee‑n ñayiu xndijun ñaꞌa. 
\p  
\v 40 Te xiaꞌan Jesús: 
\p —Ruꞌu jaꞌan xa nux ma kana ñayiu, kana yuú chi nux ñatu kida ñayiu xa juini Ianyuux kada yuú xijan. 
\p  
\v 41 Nu n‑kuyatni‑ia Jerusalén, n‑xo ndeꞌa‑ia ñuu ijan, te n‑ndaꞌi‑ia.  
\v 42 N‑jaꞌan‑ia: 
\p —Mee‑n xa kuu‑n ñayiu Jerusalén, nu n‑xini‑n nax n‑juini Ianyuux xa kada‑n xa kutuu vii kutuu vaꞌa koio‑n vaꞌa kutuu‑n n‑kuu, ko vitna ma taxi Ianyuux xaxtnuni xa kutnuni ini koio‑n nax yaꞌa koio‑n.  
\v 43 Xee kɨu kixi se ka xini uꞌu ñaꞌa. Dandaa koio‑s ñuꞌu nɨkanduu xeꞌe nama ñuu‑n, te chicurrali ñaꞌa koio‑s xa maxku kee koio‑n ñuu‑n.  
\v 44 Danaa ñaꞌa‑s ntdaa‑n xiꞌin daꞌya‑n. Dani ñuu‑n. Kanu‑s ntdandituꞌu nama ñuu‑n. Ma juejoon‑s xa kava ndodo tnaꞌa ka ni ɨɨn yuú nama ñuu‑n xaxeꞌe xa ña n‑ka xini‑n xa n‑kixee Ianyuux —kuu Jesús. 
\s1 N‑kineꞌe Jesús ñayiu ka nadiko ka najueen nukeñuꞌu 
\p  
\v 45 Ijan dada n‑kɨu Jesús veñuꞌu Jerusalén. N‑nukuita‑ia xijun‑ia se ka nadiko ijan.  
\v 46 N‑jaꞌan‑ia nuu‑s: 
\p —Yodotnuni tnuꞌu Ianyuux: “Veñuꞌu nuu io xa kajan taꞌu ñayiu nuu‑r kuu veñuꞌu yaꞌa, te veꞌe‑r kuu”, ko ka xetniu‑n veꞌe Ianyuux ná ka xetniu ñaduꞌu yau kava. 
\p  
\v 47 N‑dakuaꞌa‑ia ñayiu xiti veñuꞌu jan ntdaa kɨu n‑xo tuu‑ia ijan. N‑ka nduku ini dutu ka taxnuni xiꞌin se ka tuꞌa vaꞌa ley n‑chidotnuni Moisés xiꞌin se ka taxnuni nuu ñayiu Israel xa kaꞌni koio‑s‑ia,  
\v 48 ko ñayo‑s niꞌi mudu tnɨɨ ñaꞌa‑s xa kaꞌni ñaꞌa‑s chi n‑ka xo xeꞌen ñayiu nuu‑ia xa n‑ka xo nini‑i xa n‑jaꞌan‑ia chi n‑ka tna ini‑i. 
\c 20  
\s1 N‑ka xijan tnuꞌu se Israel Jesús nuu jundu n‑tetutniu ñaꞌa 
\p  
\v 1 Kɨu n‑jaꞌan‑ia nuu‑i nax kada koio‑i xa na nanitaꞌu‑i, kɨu ijan xyuku dutu ka taxnuni xiꞌin se ka tuꞌa vaꞌa ley n‑chidotnuni Moisés xiꞌin sexaꞌnu ka ka taxnuni nuu ñayiu Israel.  
\v 2 Te n‑ka jaꞌan‑s nuu‑ia: 
\p —Kachitnuꞌu ñaꞌa: “¿Jundu n‑taꞌu tniu xa kada‑n xa kida‑n? ¿Jundu n‑taxtutniu ñaꞌa xa kida‑n xaꞌa?” ka kuu‑s, ka xiaꞌan‑s. 
\p  
\v 3 Te n‑jaꞌan Jesús nuu‑s: 
\p —Dani ruꞌu, na kajan tnuꞌu ñaꞌa‑r, te jaꞌan koio nuu‑r:  
\v 4 “¿Jundu n‑tetutniu Sua xa n‑dajuendute‑s ñayiu? ¿N‑tetutniu ñaꞌa Ianyuux a n‑tetutniu ñaꞌa ñayiu a?” 
\p  
\v 5 Te n‑ka ndatnuꞌu‑s. Ka xiaꞌan tnaꞌa‑s: 
\p —Nux na juñaꞌa‑ro: “Ianyuux n‑tetutniu ñaꞌa”, te kachi‑s nuu‑ro: “¿Nakuenda ña n‑ka jandixa‑n‑sɨ?”  
\v 6 Nux na juñaꞌa‑ro: “Ñayiu n‑taxtutniu ñaꞌa”, te janñaꞌa ñayiu yuú chi vaꞌa ka jandixa‑i xa tnuꞌu n‑jaꞌan Sua kuu tnuꞌu Ianyuux —kuu‑s, ka xiaꞌan tnaꞌa‑s. 
\p  
\v 7 Te ka xiaꞌan‑s nuu‑ia xa ña ka xini‑s jundu n‑tetutniu Sua.  
\v 8 Dani xiaꞌan Jesús: 
\p —Dani ruꞌu, ma jaꞌan‑r jundu n‑tetutniu ñaꞌa xa duꞌa kada‑r. 
\s1 Se loko n‑ka xitu tnu uva 
\p  
\v 9 Te n‑najani Jesús ɨɨn xa najani‑ia nuu se n‑ka kidandichi ñaꞌa xiꞌin nuu dava ka ñayiu xyuku ijan. Duꞌa n‑najani‑ia: 
\p —N‑xio ɨɨn se n‑dandee kueꞌe tnu uva nuu ñuꞌu‑s. Ijan dada n‑xiaꞌan‑s ñuꞌu‑s se kundee xiꞌin‑s tnu uva xa na kaꞌnde dava koio‑s uva juun jan. Ijan dada juaꞌan‑s ɨɨn nuu xika. N‑kunaꞌa juaꞌan‑s.  
\v 10 N‑xee yoo xichi uva, te n‑tundaꞌa‑s ɨɨn se xinokuechi nuu‑s xa na jɨn nukaꞌnde dava‑s uva n‑juun jan xiꞌin se xndee xiꞌin‑s tnu uva jan, ko n‑ka jani‑s se ijan. Duꞌa ni io‑s n‑ka nakuijun ñaꞌa‑s.  
\v 11 Dani n‑kida ntuku se kuu xtoꞌo ñuꞌu jan. N‑tundaꞌa‑s ɨnka ntuku se xinokuechi nuu‑s xa jɨꞌɨn‑s nuu se xndee xiꞌin‑s tnu uva jan. Dani, n‑ka janñaꞌa‑s. Ɨɨn xa januu kuu xa n‑ka kida‑s. N‑ka jan kuiꞌa ñaꞌa‑s, te dani se ijan, duꞌa ni io‑s n‑ka nakuijun ñaꞌa‑s.  
\v 12 Dani n‑kida ntuku se kuu xtoꞌo ñuꞌu jan. N‑tundaꞌa‑s ɨnka se xinokuechi nuu‑s nuu se xndee xiꞌin‑s tnu uva jan. Se kuu uni kuu se yaꞌa. N‑ka datnukueꞌe ñaꞌa‑s, te n‑dajane ñaꞌa‑s yuꞌu ñuꞌu jan.  
\v 13 N‑jaꞌan mee n‑jaꞌan ɨɨn se kuu xtoꞌo ñuꞌu jan: “¿Nax kada‑ro? Tundaꞌa‑ro daꞌya yɨɨ‑ro, se mani juini‑ro jɨꞌɨn. Kudana koo koio‑s xañuꞌu nuu‑s”, kuu‑s, n‑xani ini‑s.  
\v 14 Nu n‑ka xini se xndee xiꞌin‑s tnu uva jan xa n‑kuyatni daꞌya yɨɨ xtoꞌo ñuꞌu jan, te ka xiaꞌan tnaꞌa‑s: “Dɨu‑s kendoo xiꞌin ñuꞌu taa‑s. Na kaꞌni‑ro‑s na kuaꞌa na ndoo‑ro xiꞌin taꞌu‑s.”  
\v 15 N‑ka kineꞌe ñaꞌa‑s yuꞌu ñuꞌu tnu uva jan, te n‑ka xaꞌni ñaꞌa‑s. ¿Nax kada se kuu xtoꞌo ñuꞌu tnu uva jan se xndee xiꞌin‑s uva jan?  
\v 16 Jɨꞌɨn‑s nuu xndaxio se ka xitu tnu uva‑s, te kaꞌni‑s‑sɨ. Juñaꞌa nuu ntuku‑s ñuꞌu‑s ɨnka ntuku se kundee koio xiꞌin‑s tnu uva jan —kuu Jesús, xiaꞌan‑ia. 
\p Ka xiaꞌan se n‑ka teku tnuꞌu‑ia: 
\p —Maxkɨu, maxñuu kuu xijan. 
\p  
\v 17 Te n‑nukondeꞌa‑ia‑s, te xiaꞌan‑ia: 
\p —¿Nax kuu xa ña ka kutnuni ini‑n tnuꞌu Ianyuux yodo tnuni? Duꞌa jaꞌan: 
\q1 Ná kuu yuú ña n‑xe ini se ka kidavaꞌa veꞌe kuu‑s. 
\q1 Yuú ña n‑ka xe ini se ijan n‑ndunuu yɨtnɨɨ nama veꞌe. 
\m  
\v 18 Ñayiu na jungava ndodo nuu yuú ijan, kukuechi‑i, te nux jungava ndodo ñaꞌa yuú jan, dandiꞌi ñaꞌa‑i —kuu Jesús, xiaꞌan‑ia. 
\s1 N‑ka xijan tnuꞌu ñayiu Jesús nux io vaꞌa xa juñaꞌa‑i tvini nandajan se taxnuni ka 
\p  
\v 19 Hora ijan n‑ka nduku ini se ka tuꞌa vaꞌa tnuꞌu n‑chidotnuni Moisés xiꞌin dutu ka taxnuni xa tnɨɨ‑s‑ia chi n‑ka kutnuni ini‑s xa mee‑s n‑kakuneꞌe ñaꞌa Jesús xa n‑najani‑ia xijan, ko n‑ka yuꞌu‑s nuu ñayiu Israel. 
\p  
\v 20 N‑ka tundaꞌa‑s se kotoyuꞌu ñaꞌa xa kundeꞌa vaꞌa‑s xa kida‑ia chi n‑ka juini‑s xa tekuechi neñuu‑s‑ia xaxeꞌe tnuꞌu jaꞌan‑ia, te kajan‑s kuechi‑ia nuu gobernador. Nu n‑ka xee se ijan nuu‑ia, n‑ka kida nga‑s xa ka kuu‑s ñayiu vaꞌa.  
\v 21 Ka xiaꞌan‑s nuu‑ia: 
\p —Maestru, ka xini‑da xa tnuꞌu ndaa jaꞌan‑n nuu ñayiu. Xavaꞌa kuu xa jaꞌan‑n nuu‑i. Ñatu kaxí‑n ñayiu chi ɨnuu kuu ini vaꞌa‑n nuu‑i ntdaa‑i. Xanu ichi‑n‑yɨ ichi Ianyuux, te vaꞌa kutnuni ini‑n tnuꞌu‑ia.  
\v 22 Kachitnuꞌu ñaꞌa‑n, ¿Io vaꞌa xa najuñaꞌa‑ro tvini nandajan César a ñaꞌa u? —kuu‑s, ka xiaꞌan‑s nuu‑ia. 
\p  
\v 23 N‑kutnuni ini‑ia xa xaloko ka juini‑s; xaxeꞌe xijan xiaꞌan‑ia nuu‑s: 
\p  
\v 24 —Dandeꞌa ñaꞌa tvini roma. ¿Jundu nuu ndenee nuu tvini yaꞌa? ¿Jundu dɨu ndenee? 
\p Ka xiaꞌan‑s: 
\p —Nuu César. Dɨu César. 
\p  
\v 25 Xiaꞌan ntuku Jesús nuu‑s: 
\p —Ate, najuñaꞌa koio‑n César xa nandajan‑s, te najuñaꞌa koio Ianyuux xa io xa najuñaꞌa‑n‑ia. 
\p  
\v 26 Ña n‑kuu xa jaꞌan koio‑s xa io kuechi Jesús xaxeꞌe tnuꞌu n‑jaꞌan‑ia nuu ñayiu xyuku ijan. N‑ka yuꞌu‑s, te n‑ka xadɨ yuꞌu‑s. Ña n‑ka jaꞌan ka‑s. 
\s1 N‑kakuneꞌe Jesús xa nandoto ndɨyɨ 
\p  
\v 27 N‑ka xee se saduceu nuu Jesús. Se yaꞌa ka jaꞌan nuu ñayiu xa ñayo ndɨyɨ nandoto. N‑ka jaꞌan‑s nuu‑ia: 
\p  
\v 28 —Maestru, n‑chidotnuni Moisés xa: “Nux na kuú ɨɨn seyɨɨ te ña n‑xio daꞌya‑s xiꞌin ñadɨꞌɨ‑s, io xa natnundaꞌa ñani‑s xiꞌin ñadɨꞌɨ‑s xa na koo daꞌya‑ña xiꞌin ñani‑s te kuenda kɨu daꞌya se n‑xiꞌí jan ku kuu daꞌya ijan.”  
\v 29 N‑xio uxa daꞌya yɨɨ ɨɨn seyɨɨ. Se xaꞌnu ka, n‑tnundaꞌa‑s xiꞌin ñadɨꞌɨ‑s. Ñayo na daꞌya‑s xiꞌin‑ña n‑xio, te n‑xiꞌí‑s.  
\v 30 Dani se kuu uu. N‑natnundaꞌa‑s xiꞌin ñadɨꞌɨ jan. Dɨuni ña n‑xio daꞌya‑s xiꞌin‑ña, te n‑xiꞌí‑s.  
\v 31 Dani se kuu uni. Uxa ñani‑s n‑tnundaꞌa xiꞌin ñá ijan, te ni ɨɨn‑s ña n‑xio daꞌya xiꞌin‑ña, te n‑ka xiꞌí‑s.  
\v 32 Ijan dada ndijun nga mee‑ña n‑xiꞌí.  
\v 33 ¿Ndeda ɨɨn‑s ñadɨꞌɨ ku kuu‑ña na nandoto ñayiu n‑ka xiꞌí?, chi ntdaa‑s n‑kuu yɨɨ‑ña —ka kuu‑s, n‑ka xijan tnuꞌu‑s Jesús. 
\p  
\v 34 Xiaꞌan Jesús nuu‑s: 
\p —Ka datnundaꞌa tnaꞌa ñayiu io vitna,  
\v 35 ko na xee kɨu na nandoto ñayiu io xa kutuu andɨu, ma datnundaꞌa tnaꞌa‑i,  
\v 36 ni ma kuú ka‑i chi ku kuu‑i ná ka kuu ángel, ia ka xinokuechi nuu Ianyuux. Nani kuu xa ma kuú Ianyuux, dani ma kuú‑i chi nadandoto ñaꞌa Ianyuux.  
\v 37 Xaxeꞌe xa n‑kakuneꞌe Moisés ndɨyɨ na n‑xo tuu‑s nuu n‑xini‑s yutnu koko, xini‑ro xa n‑kutnuni ini‑s xa nandoto ndɨyɨ. Mee‑s n‑chidotnuni xa Taa‑ro Ianyuux kuu Ianyuux Abraham. Kuu‑ia Ianyuux Isaac. Dani kuu‑ia Ianyuux Jacob. Taa‑ro Ianyuux kuu Ianyuux mee‑s ɨɨn ɨɨn‑s.  
\v 38 Ñatu ndeka Ianyuux ndɨyɨ chi ndeka‑ia ñayiu xndito. Xaxa mee‑ia ntdaa ñayiu xndito, juini n‑ka xiꞌí‑i —kuu Jesús, xiaꞌan‑ia. 
\p  
\v 39 Te n‑ka xiaꞌan se ka tuꞌa vaꞌa tnuꞌu n‑chidotnuni Moisés nuu Jesús: 
\p —Maestru, vaꞌa n‑jaꞌan‑n. 
\p  
\v 40 Te ñayo ka‑s n‑kuyɨɨ xa kajan tnuꞌu ka‑s‑ia. 
\s1 Daꞌya dana David kuu Cristu, Ia kuu Ianyuux 
\p  
\v 41 Ijan dada n‑xijan tnuꞌu‑ia‑s: 
\p —¿Nakuenda ka jaꞌan ñayiu xa Cristu kuu daꞌya dana David?  
\v 42 N‑chidotnuni David nuu libru Salmos: 
\q1 N‑jaꞌan Taa‑ro Ianyuux nuu Ia kuu Xtoꞌo‑ro: 
\q1 “Nkoo diñi kuaꞌa‑r, 
\q1  
\v 43 nɨni na xee tiempo kada‑r xa taxnuni‑n nuu se ka xini uꞌu ñaꞌa.” 
\m  
\v 44 Xaxeꞌe xa n‑jaꞌan David xa xtoꞌo‑s kuu Cristu na n‑xo tuu‑s, ¿Janda kuu Cristu daꞌya dana‑s? 
\s1 N‑jaꞌan Jesús xa io kuechi se ka tuꞌa vaꞌa ley Moisés 
\p  
\v 45 Nɨni xyuku ñayiu ijan xa xnini‑i xa jaꞌan‑ia, xiaꞌan‑ia nuu se dakuaꞌa‑ia: 
\p  
\v 46 —Kunaꞌa koio xa ñatu ɨnuu vaꞌa se ka tuꞌa vaꞌa tnuꞌu n‑chidotnuni Moisés. Ka tna ini‑s xa kuiꞌno‑s dijun nani, dijun se ndandɨꞌɨ. Ka tna ini‑s xa koo ñayiu xyuku nuu yaꞌu xañuꞌu nuu‑s. Ka tna ini‑s xa kunukoo‑s yatni nuu ka xko nukoo se ka jaꞌan ndodo nuu ñayiu xyuku xiti veñuꞌu kuechi. Dɨuni ka tna ini‑s xa kunukoo‑s nuu ka xku nukoo se ndandɨꞌɨ hora ka xaxdeꞌñu‑s ɨɨn nuu io viko.  
\v 47 Ka jendee‑s veꞌe ñá n‑ka xiꞌí yɨɨ. Ka kida nga‑s xa vaꞌa‑s. Yo naꞌa ka xijan taꞌu‑s xa na kundeꞌa ñayiu. Ndeꞌe ndaꞌu ka yaꞌa koio‑s na ndundaa kuechi ñayiu dada dava ka ñayiu. 
\c 21  
\s1 Tvini n‑dakeé ɨɨn ñadɨꞌɨ kundaꞌu kukee alcancía 
\p  
\v 1 Ijan dada n‑ngonenuu Jesús, te n‑xini‑ia ñayiu kuika ka dakeé tvini xiti ɨɨn alcancía xa ka doko‑i nuu Ianyuux.  
\v 2 Dɨuni n‑xini‑ia ɨɨn ñadɨꞌɨ n‑xiꞌí yɨɨ dakeé uu tvini kuechi xa doko‑ña. Yo kundaꞌu‑ña.  
\v 3 Te n‑jaꞌan‑ia: 
\p —Ñá yaꞌa, kundaꞌu‑ña, ko kuenda kɨu kueꞌe ka tvini n‑doko‑ña nuu Ianyuux dada dava ka ñayiu n‑ka doko tvini‑i.  
\v 4 Ntdaa ñayiu n‑ka dakeé tvini n‑kendodo, ko mee‑ña n‑dakeé‑ña tvini jueen‑ña xa kax xa koꞌo‑ña. 
\s1 N‑jaꞌan Jesús xa junkoio veñuꞌu 
\p  
\v 5 Ijan dada n‑ka ndatnuꞌu se dakuaꞌa‑ia xa vili xndaa yuú xndenee nama veñuꞌu Jerusalén. Dɨuni n‑ka jaꞌan‑s xa vili xndaa yuú n‑doko ñayiu nuu Ianyuux xa n‑kukutu nama veñuꞌu.  
\v 6 Nu n‑teku‑ia xijan, te xiaꞌan‑ia: 
\p —Ntdaa xa xndeꞌa‑n yaꞌa, xee kɨu ma kava ndodo tnaꞌa ka ni ɨɨn yuú n‑kuaꞌa veñuꞌu yaꞌa. Ntdandituꞌu junkoio. 
\s1 N‑jaꞌan Jesús xa n‑kuyatni xa naa ñuñayiu 
\p  
\v 7 Ka xiaꞌan‑s nuu‑ia: 
\p —Maestru, ¿nakɨu yaꞌa ntdaa xijan? ¿Na milagru kada Taa‑ro Ianyuux xa na kutnuni ini koio‑da xa vax kuyatni kɨu ijan? 
\p  
\v 8 Te xiaꞌan Jesús nuu‑s xiꞌin nuu ñayiu xyuku ijan: 
\p —Koo koio‑n cuedado xa maxku dandaꞌu ñaꞌa se kixi. Kueꞌe‑s kixi, te jaꞌan‑s xa n‑tundaꞌa‑r‑sɨ. Jaꞌan‑s: “Ruꞌu kuu Cristu. N‑xee kɨu ndixi‑r”, kachi‑s. Maxku nkuitandijun koio‑n‑sɨ.  
\v 9 Kɨu na teku‑n xa ka jantnaꞌa ɨɨn nación xiꞌin ɨnka nación, maxku ñaꞌa chi ini koio‑n. Kɨu na teku‑n xa n‑ndandita ñayiu nuu se taxnuni nuu‑i, maxku ñaꞌa chi ini koio‑n. Maxku kundu ini‑n. Kiꞌna ka io xa yaꞌa ntdaa xijan. Ijan dada naa ñuñayiu. Kukuee ka, dada yaꞌa xaꞌa.  
\v 10 Ndandita ɨɨn país nuu ɨnka país. Jantnaꞌa koio soldado ɨɨn se kunxaꞌnu xiꞌin soldado ɨnka se kunxaꞌnu.  
\v 11 Kixi ñutnaa ndeꞌe. Kueꞌe ñuu xndatuu ñuñayiu kixi tnama. Kixi kueꞌe. Kueꞌe xa ña uun xini‑n koo andɨu. Dandeꞌa ñaꞌa Ianyuux xijan, te yuꞌu koio ñayiu.  
\v 12 Antecas xa yaꞌa xijan tnɨɨ ñaꞌa koio ñayiu, te kandeka ñaꞌa‑i jɨꞌɨn nuu se ka kuu juxtixia, te tekuechi neñuu ñaꞌa‑i. Kada uꞌu ñaꞌa‑i. Diko ñaꞌa koio‑i nuu juexi ka ndadandaa kuechi ñayiu ka xeꞌen veñuꞌu kuechi, te chindiꞌu ñaꞌa koio‑s vekaa. Kandeka ñaꞌa koio‑i jɨꞌɨn nuu se ka kunxaꞌnu xiꞌin nuu se ka kuu gobernador xa tekuechi neñuu ñaꞌa‑i. Ntdaa xijan kada ñaꞌa koio‑i xaxeꞌe‑r.  
\v 13 Kɨu ijan kakuneꞌe ñaꞌa koio‑n nuu se ndadandaa kuechi‑n.  
\v 14 Maxku jun ini‑n xa koo tuꞌa‑n xa jaꞌan koio‑n nuu‑s xa dadaꞌan niꞌno‑n mee‑n  
\v 15 chi hora ijan kachitnuꞌu ñaꞌa‑r tnuꞌu ñukax ini, tnuꞌu ndichi jaꞌan‑n. Kaꞌnu koio‑n tnuꞌu se kada uꞌu ñaꞌa. Kunuu ka tnuꞌu koio‑n.  
\v 16 Datuu ñaꞌa tadɨꞌɨ‑n. Datuu ñaꞌa ñani‑n, kuꞌa‑n, ñayiu kutnaꞌa xiꞌin‑n, ñayiu kumani xiꞌin‑n. Dava‑n kaꞌni ñaꞌa‑i.  
\v 17 Jini uꞌu ñaꞌa ntdaa ñayiu xaxeꞌe xa ka kukanu ini ñaꞌa‑n.  
\v 18 Ma naa yɨkɨ kuñu‑n, ni ɨɨn idi dɨkɨ‑n, ma naa.  
\v 19 Nux dani na kukanu ini ñaꞌa‑n, kundito‑n nɨkava nɨkuita andɨu. 
\p  
\v 20 ʼKɨu na jini koio‑n xa duku nduu kueꞌe soldado nɨkanduu Jerusalén, kutnuni ini‑n xa n‑kuyatni xa naa Jerusalén.  
\v 21 Se xtuu Judea kɨu ijan na kunu koio‑s, jɨꞌɨn‑s yuku. Se xtuu Jerusalén, na kee koio‑s kɨu ijan. Se xtuu yuꞌu ñuu, maxku ndɨu koio‑s ñuu jan  
\v 22 chi ndaꞌu yaꞌa koio ntdaa ñayiu xtuu ijan kɨu ijan xaxeꞌe kuechi n‑ka kida‑i hora na jɨn tnaꞌa tnuꞌu Ianyuux xyodotnuni.  
\v 23 Ndaꞌu yaꞌa koio ñadɨꞌɨ xñuꞌu daꞌya. Ndaꞌu yaꞌa koio ñadɨꞌɨ dakadi yɨjɨn kɨu ijan. Ndaꞌu yaꞌa ñayiu chi yo kiti ini Ianyuux nuu ñayiu ñuu yaꞌa.  
\v 24 Dava ñayiu kuú espada, te dava‑i, kandeka ñaꞌa setoꞌo jɨꞌɨn ñuu‑s. Danaa koio‑s Jerusalén. Taxnuni setoꞌo jan nde na xee kɨu n‑xe kotuu xa ma taxnuni ka‑s, ijan dada ma taxnuni ka‑s. 
\p  
\v 25 ʼKada Ianyuux milagru andɨu. Kada‑ia xa dama nuu ngandii. Kada‑ia xa dama nuu yoo. Kada‑ia xa dama nuu chudini. Yo yuꞌu ñayiu xndaxio ñuñayiu hora na kundeꞌa‑i xijan. Dɨuni yuꞌu‑i xaxeꞌe xa ndeꞌe kayu mar.  
\v 26 Junee koio‑i xaxeꞌe xa yo yuꞌu‑i. Yo yuꞌu‑i xa yaꞌa ñuñayiu chi junkoio ntdaa xa io andɨu.  
\v 27 Ijan dada jini ñaꞌa ñayiu ñuñayiu ruꞌu, Ia kuu ñayiu. Kundeꞌa‑i xa ndixi‑r nuu vikó. Jini ñayiu xa taxnuni‑r. Yo ndeꞌe ndii‑r.  
\v 28 Kɨu na kixeꞌe xa yaꞌa ntdaa xaꞌa koo kaꞌnu anu‑n chi n‑kuyatni kɨu dananitaꞌu ñaꞌa Ianyuux —kuu Jesús, xiaꞌan‑ia. 
\p  
\v 29 Ijan dada n‑jaꞌan‑ia ɨnka ntuku tnuꞌu: 
\p —Xa xnaꞌa‑n nax yaꞌa tnu higo xiꞌin dava ka yutnu.  
\v 30 Hora nandɨdɨ‑tnu xá vax nduyatni yoo iꞌni.  
\v 31 Nani ka xini‑n xa vax nduyatni yoo iꞌni, dani jini‑n xa vax kuyatni kɨu taxnuni Ianyuux nuu ñayiu hora na jini‑n xa yaꞌa ntdaa xijan chi xijan kuu seña xa daa yaꞌa.  
\v 32 Xandaa xakuiti nde na yaꞌa ntdaa xijan ijan dada kuú ndɨꞌɨ ñayiu io vitna.  
\v 33 Naa andɨu. Naa ñuñayiu, ko xa n‑jaꞌan‑r ma kuita. 
\p  
\v 34 ʼKoo koio‑n cuedado xa maxku kada‑n kuechi kuu anu‑n xa kada‑n; kundedi ini‑n xijan. Ni maxku yoo‑n koꞌo kueꞌe xa xini‑n; ni maxku yoo‑n yo kɨ ini xa kaxi xa koꞌo‑n xa kundix kudaꞌu‑n, te ma jun ini koio‑n xa juini Ianyuux. Ñadu xa duꞌa kada‑n chi dana ini ndixi‑r, te mayo‑n koo tuꞌa.  
\v 35 Kuenda kɨu ɨɨn xiti ñunu xa dakeé ñaꞌa ñayiu kɨu ijan xa kada ñaꞌa‑i ɨɨn xa kada ñaꞌa‑i. Ntdaa ñayiu ñuñayiu yaꞌa ntdaa xa yaꞌa kɨu ijan.  
\v 36 Kunaꞌa koio‑n xa ndixi‑r. Kajan taꞌu koio‑n nuu Ianyuux xa na kaku koio‑n nuu ntdaa xijan. Xa kuyatni xa yaꞌa ntdaa xijan. Kajan taꞌu koio‑n nuu Ianyuux xa taxkanu ini‑ia kuechi n‑ka kida‑n na kuaꞌa maxku kajan ruꞌu xa kuu‑r Ia kuu ñayiu, kuechi‑n nuu‑ia —kuu Jesús, xiaꞌan‑ia. 
\p  
\v 37 Nduu n‑xo dakuaꞌa‑ia ñayiu veñuꞌu Jerusalén, te xakuaa n‑xo ndoo‑ia Yuku Tnu Olivo.  
\v 38 Neꞌe datne datne n‑ka xo xeꞌen ñayiu veñuꞌu Jerusalén xa kunini koio‑i xa n‑xo jaꞌan‑ia. 
\c 22  
\s1 N‑ka nduku ini se taxnuni nuu ñayiu Israel janda tnɨɨ‑s Jesús 
\p  
\v 1 Vax kuyatni viko Paxcua. Viko Paxcua ka xaxi ñayiu tila ña kɨu levadura.  
\v 2 N‑ka nduku ini dutu ka taxnuni xiꞌin se ka tuꞌa vaꞌa tnuꞌu n‑chidotnuni Moisés nuu janda kada koio‑s xa kaꞌni‑s Jesús, ko ña n‑kuu chi n‑ka xo yuꞌu‑s nuu ñayiu n‑ka xo nataka ijan.  
\v 3 N‑keé Satanás anu Judas, se nani Iscariote, ɨɨn se n‑kuu uxi uu se n‑dakuaꞌa ñaꞌa Jesús.  
\v 4 Te n‑xe ndatnuꞌu‑s xiꞌin dutu ka taxnuni xiꞌin soldado xndee veñuꞌu Jerusalén nuu janda kada‑s xa tnɨɨ koio‑s Jesús.  
\v 5 N‑ka kuvete se ijan. Te n‑ka kendoo‑s xiꞌin Judas xa juñaꞌa‑s tvini.  
\v 6 Te n‑nduku ini Judas xa kada‑s xa tnɨɨ juxtixia Jesús nuu ñayo ñayiu xyuku. 
\s1 N‑xaxdini Jesús xiꞌin uxi uu se dakuaꞌa‑ia 
\p  
\v 7 N‑xee kɨu kiꞌna nuu viko ka xaxi ñayiu tila ña kɨu levadura. Kɨu ijan ka xaꞌni ñayiu tkolelu xa kaxi‑i kuñu‑tɨ viko Paxcua.  
\v 8 N‑tundaꞌa Jesús Spedru xiꞌin Sua xa jɨn kada tuꞌa koio‑s xa kaxdini‑ia xiꞌin‑s ɨɨn ñuu io yatni nuu xtuu‑ia xiꞌin‑s. Xiaꞌan‑ia: 
\p —Juan kada tuꞌa koio xa kaxdini‑ro viko Paxcua. 
\p  
\v 9 Te ka xiaꞌan‑s nuu Jesús: 
\p —¿Ndexu juini‑n xa kada tuꞌa koio‑da? 
\p  
\v 10 Te xiaꞌan ntuku‑ia nuu‑s: 
\p —Hora na kɨu koio‑n ñuu ijan, nitnaꞌa‑n xiꞌin ɨɨn se ndido yoo ndute. Nkuitandijun koio‑n‑sɨ te kɨu‑n veꞌe ndɨu‑s.  
\v 11 Te juñaꞌa koio‑n nuu se kuu xtoꞌo veꞌe jan: “Jaꞌan maestru‑da: ¿Ndexu io cuartu nuu kaxdini‑r xiꞌin se dakuaꞌa‑r viko Paxcua?”  
\v 12 Ijan dada dandeꞌa ñaꞌa‑s ɨɨn cuartu kaꞌnu piso kuu uu nuu io mexa, silla, traxti du. Ijan kada vaꞌa koio‑n xa kaxdini‑ro. 
\p  
\v 13 Juaꞌan koio‑s. Nu n‑ka xee‑s ijan, te n‑ka xini‑s ntdaa xa n‑jaꞌan Jesús. Te n‑ka kida tuꞌa‑s xa kaxdini koio‑s xiꞌin‑ia.  
\v 14 Nu n‑xee hora, te n‑nukoo Jesús xiꞌin se dakuaꞌa‑ia.  
\v 15 Te xiaꞌan‑ia nuu‑s: 
\p —Yo vichi n‑kuu anu‑r xa kaxi kaꞌnu‑ro tila viko Paxcua kiꞌna ka; ijan dada ndaꞌu yaꞌa‑r.  
\v 16 Xandaa xakuiti ma kaxi ka‑r kuñu tkolelu viko Paxcua ɨnka vuelta. Nde kɨu kaxi kaꞌnu koio‑ro nuu taxnuni Ianyuux, ijan dada kaxi‑r kuñu‑tɨ. 
\p  
\v 17 N‑tnɨɨ‑ia taxa ñuꞌu ndudi uva, te n‑jaꞌan‑ia xa n‑kutaꞌu‑ia nuu Ianyuux, te xiaꞌan‑ia nuu‑s: 
\p —Tnɨɨ koio, te dakexio nuu tnaꞌa.  
\v 18 Xandaa xakuiti ma koꞌo ka‑r ndudi uva ɨnka vuelta nde kɨu na kixeꞌe Taa‑ro Ianyuux xa taxnuni‑ia. 
\p  
\v 19 N‑tnɨɨ‑ia tila, te dɨuni n‑jaꞌan‑ia xa n‑kutaꞌu‑ia nuu Ianyuux. N‑taꞌu dava‑ia tila jan, te xiaꞌan‑ia: 
\p —Kuenda kɨu ñɨɨ‑r kuu xaꞌa xa doko‑r xaxeꞌe‑n. Kaxi koio tila ya, te duꞌa ku kada koio‑n xa ku najaꞌan ñaꞌa koio‑n —kuu‑ia. 
\p  
\v 20 Nu n‑yaꞌa xa n‑xaxdini‑ia xiꞌin se dakuaꞌa‑ia, n‑tnɨɨ‑ia taxa ñuꞌu ndudi uva, te n‑xiaꞌan‑ia‑s. Nani n‑xiaꞌan‑ia‑s tila, dani n‑xiaꞌan‑ia‑s taxa ñuꞌu ndudi uva jan. Te xiaꞌan ntuku‑ia: 
\p —Ndudi uva ñuꞌu taxa yaꞌa kuu nɨñɨ‑r katu xaxeꞌe xa kada Ianyuux tratu xee xiꞌin ñayiu.  
\v 21 Kunaꞌa koio xa se kada xa tnɨɨ ñaꞌa juxtixia, xtuu‑ro xiꞌin‑s nuu mexa yaꞌa.  
\v 22 Yaꞌa ruꞌu, Ia kuu ñayiu, na n‑xantuu Ianyuux, te naka ndaꞌu yaꞌa se kada xa tnɨɨ ñaꞌa juxtixia. 
\p  
\v 23 N‑ka nukuita se dakuaꞌa‑ia ka xijan tnuꞌu tnaꞌa‑s xa jini‑s nuu ndeda‑s daa kada. 
\s1 Ntdaa se dakuaꞌa Jesús n‑ka juini xa ku kuu‑s se ndandɨꞌɨ ka 
\p  
\v 24 Dɨuni n‑ka kixeꞌe‑s xa ka ndatnuꞌu‑s nuu ndeda ɨɨn‑s ndandɨꞌɨ ka, te ka jantnaꞌa tnuꞌu‑s.  
\v 25 Te xiaꞌan Jesús nuu‑s: 
\p —Se ka taxnuni nuu ñayiu, ndeꞌe taxnuni‑s. Te ka jaꞌan‑s xa kuu‑s se vaꞌa ka kida.  
\v 26 Maxku duꞌa ku kuu koio ndoꞌo. Se ndandɨꞌɨ ka, io xa ku kuu‑s ná kuu ɨɨn se kuechi. Se taxnuni, io xa ku kuu‑s ná kuu ɨɨn se xinokuechi.  
\v 27 ¿Jundu ndandɨꞌɨ ka? ¿Ndandɨꞌɨ ka se nukoo nuu mexa xa xaxdeꞌñu‑s a ndandɨꞌɨ ka se xinokuechi xa dakexio‑s ndeyu? Ndandɨꞌɨ ka se nukoo nuu mexa, ko ruꞌu tuku kuu‑r. Kuu‑r ná kuu se xinokuechi nuu‑n.  
\v 28 Ndoꞌo ɨɨn ɨɨn‑n, kunduu‑ro hora ndaꞌu yaꞌa‑r.  
\v 29 Nani n‑tetutniu ñaꞌa Ianyuux xa taxnuni‑r, dani tetutnuniu ñaꞌa‑r xa taxnuni‑n.  
\v 30 Xijan kuu xa kaxkoꞌo koio‑n nuu kutuu‑r xa taxnuni‑r, te kunukoo koio‑n silla nuu taxnuni koio‑n, te ndadandaa koio‑n kuechi daꞌya dana uxi uu xixitna‑ro ka kuu daꞌya yɨɨ Israel. 
\s1 N‑jaꞌan Jesús xa jaꞌan Spedru xa ñatu xini‑s‑ia 
\p  
\v 31 Te xiaꞌan‑ia nuu Simón Pedru: 
\p —Simón, n‑jaꞌan Satanás nuu‑r xa kada ñaꞌa‑i ɨɨn xa kada ñaꞌa‑i. Kuenda kɨu trɨu yɨꞌɨ paja kɨdɨ‑i xa kada ñaꞌa‑i xijan.  
\v 32 N‑xijan taꞌu‑r nuu Ianyuux xaxeꞌe mee ni‑n na ñaꞌa nujani‑n xa jandixa‑n Ianyuux. Hora na jandixa ntuku‑n Ianyuux ɨnka vuelta, te chindee‑n se ka kunduu xiꞌin‑ro ya xa na jandixa naꞌi‑s‑ia. 
\p  
\v 33 Te xiaꞌan Spedru nuu‑ia: 
\p —Maestru, xa io tuꞌa‑da xa kunduu‑ro, juini na chindiꞌu ñaꞌa ñayiu, juini na kaꞌni ñaꞌa ñayiu xaxeꞌe‑n. 
\p  
\v 34 Te xiaꞌan‑ia: 
\p —Na jaꞌan ndaa‑r xa kiꞌna ka jaꞌan‑n uni vuelta xa ña xini ñaꞌa‑n; ijan dada kana ɨɨn liꞌi datne vitna. 
\s1 N‑xee hora ndaꞌu yaꞌa Jesús 
\p  
\v 35 Ijan dada n‑xijan tnuꞌu‑ia‑s ntdaa‑s: 
\p —Kɨu na n‑tundaꞌa ñaꞌa‑r xa jɨn dakuaꞌa‑n ñayiu, n‑jaꞌan‑r xa maxku kaneꞌe koio‑n tvini, maxku kaneꞌe koio‑n bolsa‑n; maxku kaneꞌe koio‑n ɨnka tayu ndixa‑n. ¿Nax n‑ka n‑ndoñuꞌu‑n tiempo ijan? 
\p Ka xiaꞌan‑s: 
\p —Ña tuu nax n‑ka ndoñuꞌu‑da. 
\p  
\v 36 Te xiaꞌan‑ia: 
\p —Te vitna, se io tvini, na kaneꞌe‑s tvini‑s jɨꞌɨn. Se io bolsa, na kaneꞌe‑s bolsa‑s jɨꞌɨn. Se ña tuu na espada io, na nadiko‑s cotona‑s, te na jueen‑s.  
\v 37 Xandaa xakuiti yaꞌa‑r xa io xa yaꞌa‑r xa na jɨn tnaꞌa tnuꞌu Ianyuux xyodotnuni. Duꞌa yodotnuni: “Kani ini koio ñayiu xa n‑kida se n‑kixee kuechi xiꞌin se loko.” Xa yodotnuni xa yaꞌa‑r jɨn tnaꞌa. 
\p  
\v 38 Te ka xiaꞌan se dakuaꞌa‑ia: 
\p —Maestru, na uu espada yaꞌa. 
\p Te xiaꞌan‑ia: 
\p —Xaꞌa ni. 
\s1 N‑xijan taꞌu Jesús nuu nani Getsemaní 
\p  
\v 39 Ijan dada juaꞌan‑ia Yuku Tnu Olivo nani xko kida‑ia, te n‑ka xe kuitandijun ñaꞌa se dakuaꞌa‑ia.  
\v 40 Nu n‑xee‑ia xiꞌin‑s ijan, te xiaꞌan‑ia: 
\p —Kajan taꞌu koio nuu Ianyuux xa na chindee ñaꞌa‑ia xa maxku dajaꞌan ñaꞌa Kuiꞌna xa kada‑n kuechi. 
\p  
\v 41 N‑kee dɨɨn‑ia itaꞌu. Juaꞌan‑ia naxa nuu xee ɨɨn yuú dajɨꞌɨn‑ro. N‑xe juiin xiti‑ia, te n‑xijan taꞌu‑ia nuu Ianyuux: 
\p  
\v 42 —Taa‑ro Ianyuux, nux vatuka xa dakaku ñaꞌa‑n nuu xa uꞌu yaꞌa, dakaku ñaꞌa‑n, ko maxku kada‑n xa juini mee‑da. Kada‑n xa juini mee‑n. 
\p  
\v 43 Te n‑juun ɨɨn ángel, ia xinokuechi nuu Ianyuux, nuu‑ia. N‑xiaꞌan‑ia xandendaku.  
\v 44 Yo vichi n‑kukoꞌyo ini‑ia. Vichi n‑yɨ ini‑ia xa yaꞌa‑ia, te n‑xijan taꞌu ka‑ia nuu Ianyuux xiꞌin nde yɨkɨ nde tuchi‑ia, te n‑kixi ñaꞌa tnee. Ná xatu nɨñɨ‑ro, daa n‑xatu tnee‑ia nuu ñuꞌu.  
\v 45 Nu n‑yaꞌa xa n‑xijan taꞌu‑ia nuu Ianyuux, te n‑ndojuiin‑ia. N‑xiko‑ia. Juan nuꞌu‑ia nde nuu xtuu ndruni se dakuaꞌa‑ia. N‑xini‑ia xa ka kidi‑s xaxeꞌe xa ndeꞌe n‑ka tnau ini‑s xaxeꞌe‑ia.  
\v 46 Te xiaꞌan‑ia nuu‑s: 
\p —¿Nakuenda ka kidi‑n u? Ndokoo koio. Kajan taꞌu koio nuu Ianyuux xa maxku dajaꞌan ñaꞌa Kuiꞌna xa kada koio‑n kuechi. 
\s1 N‑ka tnɨɨ‑s Jesús te xndeka ñaꞌa‑s juaꞌan 
\p  
\v 47 Nɨni jaꞌan‑ia xijan, n‑xee Judas, se n‑xo kandeka tnaꞌa xiꞌin se dakuaꞌa‑ia. Kueꞌe se ndeka‑s n‑xee nuu‑ia xiꞌin se dakuaꞌa‑ia. N‑xetuꞌa Judas Jesús te n‑teyuꞌu‑s‑ia.  
\v 48 Te n‑jaꞌan Jesús nuu‑s: 
\p —Judas, ¿n‑teyuꞌu ñaꞌa‑n xa datuu ñaꞌa‑n ruꞌu, Ia kuu ñayiu, te kada‑n xa tnɨɨ ñaꞌa koio‑s a? 
\p  
\v 49 N‑ka tuu ini se dakuaꞌa‑ia xa yaꞌa, te ka xiaꞌan‑s: 
\p —Maestru, ¿jantnaꞌa koio‑da xiꞌin‑s xiꞌin espada u? 
\p  
\v 50 Ijan n‑xaꞌnde ɨɨn se dakuaꞌa‑ia doꞌo kuaꞌa se xinokuechi nuu dutu taxnuni ka.  
\v 51 Xiaꞌan Jesús nuu se duꞌa n‑kida: 
\p —Na yaꞌa naꞌi xa io xa yaꞌa. 
\p Te n‑tnɨɨ‑ia doꞌo se xinokuechi jan, te n‑natenee‑ia.  
\v 52 N‑jaꞌan‑ia nuu dutu ka taxnuni nuu soldado kidatniu nuu‑s xiꞌin nuu sexaꞌnu ka taxnuni nuu ñayiu Israel n‑ka xee ijan: 
\p —¿Nakuenda xneꞌe‑n espada xiꞌin karruti n‑ka kixee xa tnɨɨ ñaꞌa koio‑n xa kuenda kɨu ñaduꞌu kuu‑r?  
\v 53 Ndɨkɨu ndɨñuu n‑xo dakuaꞌa‑r ñayiu veñuꞌu Jerusalén, te ijan n‑ka xo yuku‑n. Ñayo‑n n‑tnɨɨ ñaꞌa hora ijan, ko vitna n‑xee hora kada koio‑n xa kada‑n. N‑xee hora kada koio xaloko xa kada‑i —kuu Jesús, xiaꞌan‑ia. 
\s1 N‑jaꞌan Spedru xa ña xini‑s Jesús 
\p  
\v 54 Te n‑ka tnɨɨ‑s‑ia. Xndeka‑s‑ia juaꞌan veꞌe dutu taxnuni ka. Xika xika ni n‑xe kuitandijun Spedru‑ia.  
\v 55 Juaꞌan‑s veꞌe dutu jan. Dava‑s n‑ka tɨu ñuꞌú dava dava nukeꞌe dutu, te n‑ka nukoo‑s yunuꞌu. Dɨuni n‑nukoo Spedru yunuꞌu jan.  
\v 56 N‑kutnuni nuu Spedru, te n‑xini ñaꞌa ɨɨn ñá xinokuechi nuu dutu jan te n‑nukondeꞌa vaꞌa‑ña‑s. Te n‑jaꞌan‑ña nuu ñayiu xtuu ijan: 
\p —Dani te yaꞌa, kunduu‑te xiꞌin te ijan. 
\p  
\v 57 N‑jaꞌan Spedru xa ñatu n‑kunduu‑s xiꞌin Jesús. Xiaꞌan‑s: 
\p —Ña xini‑da‑s. 
\p  
\v 58 Nunuvii ni n‑kuu te n‑xini ñaꞌa ɨɨn se tnaꞌa nuu ñayiu xtuu ijan. 
\p N‑jaꞌan‑s: 
\p —Dani ndoꞌo kunduu‑n xiꞌin‑s ntdaa‑s. 
\p Te n‑jaꞌan Spedru: 
\p —Ñaꞌa, ñatu kunduu‑da xiꞌin‑s. 
\p  
\v 59 N‑yaꞌa naxa ɨɨn hora, te n‑jaꞌan ɨnka‑s nuu ñayiu xyuku ijan: 
\p —Xandaa xakuiti kunduu se yaꞌa xiꞌin‑s chi se Galilea kuu‑s. 
\p  
\v 60 Te n‑jaꞌan Spedru: 
\p —Ña kutnuni ini‑da nuu nax jaꞌan‑n. 
\p Ni ta ndɨꞌɨ ka jaꞌan Spedru tnuꞌu ijan, te n‑kana ɨɨn liꞌi.  
\v 61 Ijan dada n‑ngonenuu Jesús, te n‑nukondeꞌa‑ia Spedru, te n‑najaꞌan‑s xa n‑jaꞌan‑ia nuu‑s: “Kiꞌna ka jaꞌan‑n uni vuelta xa ña xini ñaꞌa‑n; ijan dada kana ɨɨn liꞌi.”  
\v 62 N‑kee dɨɨn‑s, te vichi n‑tnau ini‑s, te ndeꞌe n‑ndaꞌi‑s. 
\s1 N‑ka xakundee‑s Jesús 
\p  
\v 63 Se xndee Jesús, n‑ka xakundee‑s‑ia, te n‑ka kani‑s‑ia.  
\v 64 N‑ka duku‑s daꞌma nuu‑ia, te n‑ka jaꞌan‑s: 
\p —Jaꞌan jundu janñaꞌa —ka kuu‑s, ka xiaꞌan‑s. 
\p  
\v 65 Te yo kuiꞌa n‑ka jaꞌan‑s‑ia. 
\s1 Xndeka‑s Jesús juaꞌan nuu se kunuu ka ndadandaa kuechi 
\p  
\v 66 Nu n‑tuu kɨu kuu uu te n‑ka taka sexaꞌnu ka taxnuni nuu ñayiu Israel xiꞌin dutu ka taxnuni xiꞌin se ka tuꞌa vaꞌa tnuꞌu n‑chidotnuni Moisés, te n‑ka xe ndeka‑s Jesús nuu ntdaa se ka kuu juxtixia Israel.  
\v 67 Te n‑jaꞌan‑s nuu‑ia: 
\p —Jaꞌan: “¿Mee‑n kuu Cristu a ñaꞌa?” 
\p Te n‑jaꞌan‑ia nuu‑s: 
\p —Nux na jaꞌan‑r, ma jandixa koio‑n.  
\v 68 Nux na kajan tnuꞌu ñaꞌa‑r ɨɨn xa kajan tnuꞌu ñaꞌa‑r, mayo‑n jaꞌan.  
\v 69 Vax kuyatni xa nkoo ruꞌu, Ia kuu ñayiu, diñi kuaꞌa Ianyuux nuu taxnuni‑ia. 
\p  
\v 70 Te ka xiaꞌan‑s ntdaa‑s: 
\p —¿Xijan juini kachi xa mee‑n kuu Daꞌya Yɨɨ Ianyuux a? 
\p Te xiaꞌan‑ia nuu‑s: 
\p —Joon. 
\p  
\v 71 Te ka xiaꞌan tnaꞌa‑s: 
\p —Ñatu ka ndoñuꞌu‑ro se kixi xa jaꞌan‑s nax kuu kuechi‑s chi mee‑s n‑tekuechi mee‑s. N‑ka teku‑ro vitna. 
\c 23  
\s1 Xndeka‑s Jesús juaꞌan nuu Pilato 
\p  
\v 1 Ijan dada n‑ka ndojuiin‑s ntdaa‑s te xndeka ñaꞌa‑s juaꞌan nuu Pilato chi tuu‑s Jerusalén daa.  
\v 2 Te n‑ka kixeꞌe‑s xa ka tekuechi‑s‑ia nuu Pilato. Ka xiaꞌan‑s: 
\p —Se yaꞌa, dajaꞌan‑s ñayiu Israel xa jandixa‑i ɨɨn xa ña ndaa. Xiaꞌan‑s nuu‑i xa maxku kajan‑i tvini nandajan César. Jaꞌan‑s xa mee‑s kuu Cristu. Jaꞌan‑s xa kuu‑s se kunxaꞌnu. 
\p  
\v 3 Ijan dada n‑xijan tnuꞌu Pilato Jesús: 
\p —¿Ndoꞌo kuu se taxnuni nuu ñayiu Israel a? 
\p Xiaꞌan Jesús: 
\p —Joon. 
\p  
\v 4 Ijan dada xiaꞌan Pilato nuu dutu ka taxnuni xiꞌin nuu ñayiu xyuku ijan: 
\p —Ña tuu na kuechi se yaꞌa io. 
\p  
\v 5 Te juexa n‑ka jaꞌan naꞌi se ijan xa io kuechi Jesús nuu Pilato. Ka xiaꞌan ka ntuku‑s: 
\p —Dandandita‑s ñayiu nuu gobierno. Duꞌa kida‑s vaxi nde Galilea xiꞌin nde yaꞌa. 
\s1 N‑tundaꞌa Pilato Jesús; juaꞌan‑ia nuu Herodes 
\p  
\v 6 Nu n‑teku Pilato xijan, te n‑xijan tnuꞌu‑s nux se Galilea kuu Jesús.  
\v 7 Nu n‑teku Pilato xa distrito taxnuni Herodes kuu distrito Jesús, te n‑tundaꞌa‑s‑ia juaꞌan. Juaꞌan‑ia nuu Herodes chi dɨuni tuu Herodes Jerusalén kɨu ijan.  
\v 8 Nu n‑xini Herodes Jesús, te yo n‑kuvete‑s chi n‑xo juini‑s xa kundeꞌa‑s Jesús chi n‑xo teku tnuꞌu‑s nax n‑xo kida‑ia. N‑juini‑s xa kada‑ia ɨɨn milagru xa kundeꞌa‑s.  
\v 9 Kueꞌe xa n‑xijan tnuꞌu Herodes‑ia, ko ni ɨɨn tnuꞌu ñatu n‑jaꞌan‑ia.  
\v 10 N‑ka ndixeꞌe dutu ka taxnuni xiꞌin se ka tuꞌa vaꞌa ley n‑chidotnuni Moisés xa ka jaꞌan juexa‑s xa io kuechi Jesús.  
\v 11 N‑jaꞌan Herodes xiꞌin soldado‑s xa ña tuu nax juun ñaꞌa‑s. N‑ka xakundee‑s‑ia. N‑ka dakɨu nuu‑s‑ia daꞌma diñu, daꞌma se taxnuni xa kueku ndee‑s‑ia, te n‑nadayaꞌa‑s‑ia nuu Pilato.  
\v 12 Kɨu ijan n‑ndumani Herodes xiꞌin Pilato. N‑xo xini uꞌu tnaꞌa‑s n‑kuu. 
\s1 N‑jaꞌan Pilato xa kuú Jesús 
\p  
\v 13 Ijan dada n‑dataka Pilato dutu ka taxnuni xiꞌin dava ka se Israel ka taxnuni nuu ñayiu Israel xiꞌin ñayiu xtuu ijan.  
\v 14 Xiaꞌan Pilato nuu‑s ntdaa‑s: 
\p —N‑ka ki ndeka‑n se yaꞌa te ka tekuechi‑n‑sɨ xa dajaꞌan‑s ñayiu xa na ndandita‑i nuu‑r. N‑ka xo ndeꞌa‑n xa n‑xijan tnuꞌu‑r‑sɨ, ko ña tuu na kuechi‑s io na ka jaꞌan‑n.  
\v 15 Dani Herodes ña tuu na kuechi‑s io jaꞌan‑s. Xijan kuu xa n‑nadayaꞌa‑s‑sɨ nuu‑r. Ña tuu nax n‑kida‑s xa kuú‑s.  
\v 16-17 Kani‑r‑sɨ chirrión ñɨɨ te dayaa‑r‑sɨ. 
\p  
\v 18 Ko xee n‑ka kana ntdaa ñayiu xyuku ijan. Ka xiaꞌan‑i: 
\p —Kandeka‑n‑sɨ juaꞌan, te kaꞌni‑n‑sɨ. Dayaa‑n Barrabás. 
\p  
\v 19 Barrabás n‑xo kandeka tnaꞌa xiꞌin se n‑ka ndandita nuu gobernador romano te n‑xaꞌni‑s ndɨyɨ. Duꞌa n‑ka kida‑s Jerusalén. Xijan kuu xa yɨndiꞌu‑s.  
\v 20 Xee n‑jaꞌan Pilato nuu ñayiu ɨnka ntuku vuelta xa n‑jaꞌan‑s xa dayaa‑s Jesús.  
\v 21 Te n‑ka kana ntuku se xyuku ijan nuu Pilato: 
\p —Katakaa dika‑n‑sɨ. Katakaa dika‑n‑sɨ. 
\p  
\v 22 Xiaꞌan ntuku Pilato nuu‑s ɨnka vuelta. Vuelta kuu uni kuu vuelta yaꞌa. 
\p —¿Nakuenda? ¿Na kuechi n‑kida‑s? Ña tuu na kuechi n‑kida‑s xa kaꞌni‑r‑sɨ. Kani‑r‑sɨ chirrión ñɨɨ, te dayaa‑r‑sɨ —kuu Pilato. 
\p  
\v 23 Xee ka n‑ka kana‑s xa na nkuitakaa dika Jesús. Te n‑ka kundee tnuꞌu‑s.  
\v 24 Te n‑xino ini Pilato xa kada‑s Jesús ná n‑ka juini se xyuku ijan.  
\v 25 N‑dayaa Pilato se n‑ka juini se xyuku ijan xa yaa‑s. Yɨndiꞌu se ijan xaxeꞌe xa n‑ndandita‑s nuu gobierno xiꞌin xa n‑xaꞌni‑s ndɨyɨ. N‑xejoon Pilato xa nkuitakaa dika Jesús nani n‑ka juini se xyuku ijan. 
\s1 N‑ka xatakaa dika‑s Jesús 
\p  
\v 26 Xndeka ñaꞌa soldado juaꞌan, te n‑ka xe juntnaꞌa‑s xiꞌin ɨɨn se nani Simón. Se Cirene kuu‑s. Juan nuꞌu‑s xa n‑xeꞌen‑s yuku. N‑ka tnɨɨ‑s‑sɨ, te n‑ka taꞌu tniu‑s xa kadoko‑s curuxi Jesús, te n‑xe kuitandijun‑s‑ia.  
\v 27 Kueꞌe ñayiu n‑ka xe kuitandijun ñaꞌa —nani seyɨɨ, dani ñadɨꞌɨ. Ka katu dava‑ña pechu‑ña xaxeꞌe xa ka tnau ini‑ña, te ka ndaꞌi‑ña.  
\v 28 N‑ngonenuu Jesús xa kundeꞌa‑ia‑ña ntdaa‑ña. N‑jaꞌan‑ia nuu‑ña: 
\p —Ndoꞌo, ñá Jerusalén, maxku ndaꞌi koio‑n xaxeꞌe‑r. Ndaꞌi koio xaxeꞌe mee‑n xiꞌin xaxeꞌe daꞌya‑n  
\v 29 chi xee kɨu jaꞌan ñayiu: “Naka taꞌu ñadɨꞌɨ ñayo na daꞌya io, ñadɨꞌɨ ña n‑kuaꞌa xa koo daꞌya, ñadɨꞌɨ ña uun n‑dakadi yɨjɨn.”  
\v 30 Daa kixeꞌe ñayiu yaꞌa xa jaꞌan‑i nuu yuku: “Ndua ndodo ñaꞌa.” Juñaꞌa‑i nuu tnduu: “Dadaꞌu ñaꞌa.”  
\v 31 Kuenda kɨu yutnu yɨꞌɨ kuu‑r, te ka kida uꞌu ñaꞌa‑s. Naka se kuu kuenda kɨu yutnu yichi, ma kada uꞌu ñaꞌa koio‑s. 
\p  
\v 32 Dɨuni xndeka‑s uu ka se juaꞌan xa nkuitakaa dika‑s. Xndido tau‑s kuechi naꞌnu.  
\v 33 Nu n‑xee‑ia ɨɨn nuu nani Yɨkɨ Dɨkɨ Ndɨyɨ, te ijan n‑ka xatakaa dika‑s‑ia xiꞌin se xndido tau kuechi‑s. Ɨɨn‑s n‑ka xatakaa dika‑s diñi kuaꞌa‑ia, ɨnka‑s n‑ka xatakaa dika‑s diñi datni‑ia. 
\p  
\v 34 Nu n‑xatakaa dika‑s Jesús, te xiaꞌan‑ia nuu Ianyuux: 
\p —Taa‑ro Ianyuux, taxkanu ini‑n‑sɨ chi ñayo‑s ka xini xa kuechi kuu xa n‑ka kida‑s. 
\p Te n‑ka dadɨkɨ soldado jan suerte‑s nuu ndedaa‑s kendoo xiꞌin daꞌma‑ia.  
\v 35 N‑ka xo ndeꞌa ñayiu xnii ijan nax n‑yaꞌa. Se Israel ka taxnuni nuu ñayiu Israel, ndeꞌe n‑ka xakundee‑s Jesús. Ka xiaꞌan tnaꞌa‑s: 
\p —N‑dakaku‑s dava ñayiu. Nux kuu‑s Cristu, se n‑kaxí ñaꞌa Ianyuux, na dakaku‑s mee‑s. 
\p  
\v 36 Dani n‑ka xakundee soldado xtuu ijan Jesús. Te n‑ka dakaa‑s vinu xa koꞌo‑ia.  
\v 37 Te ka xiaꞌan‑s: 
\p —Nux kuu‑n se kunxaꞌnu nuu ñayiu Israel, dakaku mee‑n. 
\p  
\v 38 Te n‑ka tenee‑s tutu dɨkɨ curuxi. Yodotnuni: “Se yaꞌa kuu se taxnuni nuu ñayiu Israel.” 
\p  
\v 39 Ɨɨn se kueꞌe kuechi n‑kida ntakaa dika curuxi jan, kuiꞌa n‑jaꞌan‑s nuu Jesús. Xiaꞌan‑s: 
\p —Nux kuu‑n Cristu dakaku‑n mee‑n, te dani dakaku ñaꞌa. 
\p  
\v 40 N‑kanandee ñaꞌa ɨnka se ntakaa dika jan. Xiaꞌan‑s nuu‑s: 
\p —¿Nax kuu xa ña yuꞌu‑n nuu Ianyuux? Ɨnuu ndaꞌu yaꞌa‑ro xiꞌin‑s. Xaxeꞌe xa ndido tau‑ro kuechi‑ro,  
\v 41 xijan kuu xa chiyaꞌu‑ro, ko se yaꞌa ña tuu nax n‑kida‑s —kuu‑s, xiaꞌan‑s. 
\p  
\v 42 Te xiaꞌan‑s nuu Jesús: 
\p —Dito, najaꞌan ñaꞌa‑n hora na xee‑n nuu taxnuni‑n. 
\p  
\v 43 Xiaꞌan Jesús nuu‑s: 
\p —Xandaa xakuiti kutuu‑ro nuu kuu jardín paraíso andɨu vitna. 
\s1 N‑xiꞌí Jesús 
\p  
\v 44 Xaku nga xa kuu kaa x‑uu n‑kunee nituꞌu ñuñayiu xa nde kaa uni xa ñini  
\v 45 chi n‑kida Ianyuux xa ña ndii ka. Te n‑ndata dava cortina ndiꞌu dava xiti veñuꞌu Jerusalén.  
\v 46 Te xee xa xee n‑kana Jesús. N‑jaꞌan‑ia: 
\p —Taa‑ro Ianyuux, nakueka‑n anu‑da. 
\p Ijan dada n‑najuen tachi‑ia ɨɨn nga vuelta, te n‑xiꞌí‑ia.  
\v 47 N‑xini centurión nujuiin yatni xeꞌe curuxi xa n‑yaꞌa, te n‑najuen tnuꞌu‑s Ianyuux. N‑jaꞌan‑s: 
\p —Xandaa xakuiti ña tuu na kuechi se yaꞌa io. 
\p  
\v 48 Ñayiu xyuku ijan xa kundeꞌa‑i naxa yaꞌa, n‑ka xini‑i xa n‑yaꞌa, te n‑ka katu‑i pechu‑i xaxeꞌe xa yo ka tnau ini‑i. N‑ka katu‑i pechu‑i nɨni juan nuꞌu koio‑i.  
\v 49 Ñadɨꞌɨ n‑ka xitandijun‑ia nde Galilea xiꞌin ñayiu n‑ka xo xinitnaꞌa xiꞌin‑ia, xika n‑ka xo nujuiin‑ña xiꞌin‑i xa kundeꞌakoio‑i xa yaꞌa‑ia. 
\s1 N‑xe konduxi Jesús 
\p  
\v 50 N‑xee ɨɨn se nani José tnaꞌa nuu se Israel ka taxnuni nuu ñayiu Israel ijan. Yo vaꞌa‑s.  
\v 51 Se ñuu Arimatea kuu‑s. Arimatea katuu distrito Judea. N‑xo ndetu‑s xa taxnuni Ianyuux nuu ñayiu ñuñayiu. Ña n‑kuu ɨnuu‑s xiꞌin se n‑ka ñu ini xa kaꞌni‑s Jesús.  
\v 52 N‑xe nundajan‑s Jesús nuu Pilato.  
\v 53 N‑xe nuneꞌe‑s‑ia nuu curuxi te n‑chiduku‑s‑ia daꞌma linu. N‑xajan niꞌni‑s‑ia xiti ɨɨn yau kava n‑ka kaan se xinokuechi nuu‑s nuu ta kava ka ndɨyɨ.  
\v 54 Vax kuyatni xa keé ngandii, te vax kuyatni kɨu kuu sabado, kɨu ka ndetatu ñayiu Israel. N‑ka kida‑i ntdaa tniu‑i xa ma kadatniu‑i ɨnka kɨu jan.  
\v 55 Ñadɨꞌɨ n‑ka xitandijun Jesús nde Galilea xiꞌin nde Jerusalén jan, n‑ka xo ndeꞌa‑ña xa n‑xajan niꞌni José Jesús yau kava jan.  
\v 56 Ijan dada juan nuꞌu‑ña xa kada tuꞌa‑ña perfume xiꞌin yuchi xeꞌen vidi. Te n‑ka ndetatu‑ña kɨu sabado jan na n‑taꞌu tniu Ianyuux. 
\c 24  
\s1 N‑nandoto Jesús 
\p  
\v 1 Kɨu kixeꞌe semana, ntanene ka xneꞌe‑ña perfume xiꞌin yuchi xeꞌen vidi n‑ka kida tuꞌa‑ña juaꞌan ntuku yau kava nuu n‑kaa niꞌni Jesús.  
\v 2 Nu n‑ka xee‑ña ijan, te n‑ka xini‑ña xa xá n‑xikojuiin yuú tkute kaꞌnu ndiꞌu yau kava.  
\v 3 N‑ka kɨu‑ña xiti kava jan, te ña n‑ka naniꞌi‑ña Jesús. Ijan dada n‑ka ndee‑ña.  
\v 4 Ñayo‑ña n‑ka kutnuni ini nax n‑kuu. Mee ni xa n‑ka xani ini‑ña nax n‑yaꞌa. Danaa xnii uu ángel nuu xnii‑ña. Xniꞌno‑ia daꞌma diñu.  
\v 5 Xaxeꞌe xa n‑ka yuꞌu‑ña, n‑ka xe juiin xiti‑ña nuu‑ia. Te ka xiaꞌan‑ia: 
\p —Maxku ku nanduku koio‑n Ia n‑nandoto nuu kaa ndɨyɨ.  
\v 6 Ña yoo‑ia. N‑nandoto‑ia. Najaꞌan koio nax n‑jaꞌan‑ia na ta kee ka‑ia distrito Galilea.  
\v 7 N‑jaꞌan‑ia xa mee‑ia, Ia kuu ñayiu, io xa kada ɨɨn se kada xa tnɨɨ ñaꞌa se loko. N‑xio xa nkuitakaa dika‑ia. N‑xio xa nandoto‑ia kɨu kuu uni. 
\p  
\v 8 Te n‑ka najaꞌan‑ña tnuꞌu n‑jaꞌan‑ia.  
\v 9 N‑ka xiko‑ña te n‑ka xian tnuꞌu‑ña uxi ɨɨn se n‑dakuaꞌa ñaꞌa Jesús xiꞌin dava ñayiu nax n‑yaꞌa yau kava.  
\v 10 Ɨɨn ñá jan nani María Magdalena. Ɨnka‑ña nani Juana. Ɨnka‑ña nani María. Dɨꞌɨ Jacobo kuu ñá yaꞌa. N‑ka xian tnuꞌu ñá ijan xiꞌin dava ka ñadɨꞌɨ n‑ka xeꞌen ijan uxi ɨɨn‑s xijan.  
\v 11 Ñayo‑s n‑jandixa. N‑ka xani ini‑s xa ña n‑ka jaꞌan ndaa‑ña. N‑ka xani ini‑s xa n‑ka jaꞌan lilu‑ña.  
\v 12 Nu n‑teku Spedru, te n‑kee‑s. N‑kendava‑s. Juan kotoniꞌni‑s yau kava jan. N‑xajan nenuu‑s, te n‑xini‑s xa mee nga daꞌma linu n‑ñuduku Jesús yuku. N‑yuꞌu‑s. N‑xiko‑s, te juan nuꞌu‑s Jerusalén. 
\s1 Ndatnuꞌu Jesús xiꞌin uu se Emaús 
\p  
\v 13 Kɨu ni ijan ka ndixi se n‑dakuaꞌa ñaꞌa Jesús ñuu luchi nani Emaús xa n‑ka xeꞌen‑s Jerusalén. Naxa uxi kilómetro neꞌe Jerusalén xiꞌin Emaús.  
\v 14 Ka ndatnuꞌu‑s ntdaa xa n‑yaꞌa.  
\v 15 Nɨni ka ndatnuꞌu‑s xijan, n‑kendita Jesús, te n‑xika‑ia xiꞌin‑s.  
\v 16 N‑kida Ianyuux xa ñayo‑s n‑najini Jesús.  
\v 17 Te xiaꞌan‑ia nuu‑s: 
\p —¿Nax ka ndatnuꞌu‑n nɨni ka xika‑n? 
\p N‑ka nujuiin‑s. Xñuꞌu koꞌyo nuu‑s.  
\v 18 Cleofas nani ɨɨn‑s. Xiaꞌan‑s: 
\p —Ntdaa ñayiu xtuu Jerusalén n‑ka teku xa n‑yaꞌa, ¿nax kuu xa ña n‑teku‑n xa n‑yaꞌa? 
\p  
\v 19 Te xiaꞌan‑ia: 
\p —¿Nax n‑kuu? 
\p Ka xiaꞌan‑s: 
\p —Ka ndatnuꞌu‑da nax n‑yaꞌa Jesús, se Nazaret, se n‑jaꞌan nuu ñayiu xa n‑jaꞌan Ianyuux. Vaꞌa n‑kutnuni ini‑s tnuꞌu‑ia, te vaꞌa n‑kida‑s tniu‑ia. Dɨuni vaꞌa n‑kida‑s ñayiu.  
\v 20 Ka ndatnuꞌu‑da janda n‑ka kida dutu ka taxnuni nuu‑da xiꞌin dava se Israel ka taxnuni nuu‑da xa n‑tnɨɨ ñaꞌa juxtixia romano, te janda n‑ka tekuechi ñaꞌa‑s xa n‑xe kodo uꞌu‑s te n‑xatakaa dika ñaꞌa‑s.  
\v 21 Ntdaa daña, ñayiu Israel n‑ka ñu ini xa dayaa ñaꞌa‑s nuu se Roma n‑kuu. Kuiti ndaa xa daa kada‑s na n‑jaꞌan‑s chi vitna n‑chitu uni kɨu n‑xiꞌí‑s.  
\v 22 Dɨuni kueꞌe xa n‑ka xani ini‑da xa n‑ka jaꞌan dava ñá xndeka tnaꞌa xiꞌin‑da xa n‑nandoto‑s. Neꞌe datne vitna n‑ka xeꞌen‑ña yau kava nuu n‑xe konduxi‑s,  
\v 23 ko ñayo‑ña n‑naniꞌi‑s. N‑ka xiko‑ña te n‑ka najani‑ña xa n‑kida Ianyuux xa n‑ka xini‑ña ángel, ia ka xinokuechi nuu‑ia. N‑ka jaꞌan‑ia xa n‑nandoto‑s.  
\v 24 Te n‑ka xeꞌen dava se ka kunduu xiꞌin‑da yau kava te n‑xetnaꞌa tnuꞌu n‑ka jaꞌan‑ña. Dani mee‑s, ñatu n‑naniꞌi ñaꞌa‑s. 
\p  
\v 25 Te xiaꞌan Jesús nuu‑s: 
\p —Naka uꞌu ka kutnuni ini‑n. Naka kuee xa kuee ka jandixa‑n ntdaa tnuꞌu n‑ka chidotnuni se n‑ka jaꞌan tnuꞌu Ianyuux nuu ñayiu.  
\v 26 ¿Nax kuu xa ña ka kutnuni ini‑n xa n‑xio xa ndaꞌu yaꞌa Cristu, te ndadakaꞌnu ñaꞌa Ianyuux? 
\p  
\v 27 Te n‑dakuaꞌa‑ia‑s. N‑kakuneꞌe‑ia ntdaa tnuꞌu Ianyuux xyodotnuni kakuneꞌe ñaꞌa. N‑kixeꞌe‑ia xa kakuneꞌe‑ia tnuꞌu n‑chidotnuni Moisés xiꞌin tnuꞌu n‑ka chidotnuni se n‑ka jaꞌan tnuꞌu Ianyuux nuu ñayiu. Ijan dada n‑kakuneꞌe‑ia dava ka tnuꞌu Ianyuux kakuneꞌe ñaꞌa. 
\p  
\v 28 Te n‑ka kuyatni‑ia xiꞌin‑s ñuu juan ndixi‑s, te n‑kida nga‑ia xa jɨꞌɨn ka‑ia.  
\v 29 Te juexa n‑ka jaꞌan‑s nuu‑ia xa ndoo‑ia xiꞌin‑s. Ka xiaꞌan‑s: 
\p —Na ndoo‑ro chi juan keé ngandii. 
\p Te n‑kɨu‑ia veꞌe‑s.  
\v 30 N‑nukoo‑ia xa kaxdini‑ia xiꞌin‑s. N‑tnɨɨ‑ia ɨɨn tila, te n‑xijan taꞌu‑ia nuu Ianyuux. N‑taꞌu‑ia tila jan, te n‑dakexio‑ia.  
\v 31 Te n‑kida Ianyuux xa n‑ka najini‑s‑ia. Danaa n‑ndoñuꞌu‑ia.  
\v 32 Te ka xiaꞌan tnaꞌa‑s: 
\p —Naka vichi n‑kuu anu‑ro xa kutnuni ka ini‑ro tnuꞌu Ianyuux na n‑ndatnuꞌu‑ro xiꞌin‑ia te n‑kida‑ia xa kutnuni ini‑ro tnuꞌu Ianyuux na ndeka tnaꞌa‑ro xiꞌin‑ia juan ndixi. 
\p  
\v 33 Te hora ijan ni n‑ka ndojuiin‑s. N‑ka xiko ntuku‑s. Juaꞌan koio‑s Jerusalén. N‑ka kɨu‑s veꞌe nuu xyuku uxi ɨɨn se n‑dakuaꞌa ñaꞌa Jesús xiꞌin dava ñayiu n‑ka xo kandijun ñaꞌa.  
\v 34 N‑xian tnuꞌu ñayiu xyuku ijan se Emaús jan xa n‑nandoto Jesús, Ia kuu Xtoꞌo‑ro, te n‑xini ñaꞌa Simón.  
\v 35 Te n‑ka najani mee‑s naxa n‑yaꞌa ichi ka nuꞌu‑s. Dɨuni n‑ka najani‑s xa n‑taꞌu‑ia tila, te dana ini n‑ka najini‑s‑ia. 
\s1 N‑xee Jesús nuu xyuku ñayiu n‑dakuaꞌa‑ia 
\p  
\v 36 Nɨni ka najani‑s xijan nuu ñayiu xyuku ijan, danaa nujuiin Jesús meꞌñu‑i ntdaa‑i. N‑jaꞌan‑ia: 
\p —Vaꞌa nga taꞌu kuu koio‑n. 
\p  
\v 37 Yo vichi n‑ka yuꞌu‑i, te n‑ka xani ini‑i nuu nax xndeꞌa‑i.  
\v 38 Xiaꞌan‑ia nuu‑i: 
\p —¿Nakuenda ka yuꞌu‑n? ¿Nakuenda ka chi ini‑n?  
\v 39 Kundeꞌa koio ndaꞌa‑r. Kundeꞌa koio xeꞌe‑r, te tnɨɨ ñaꞌa koio xa na kutnuni ini‑n xa mee‑r kuu Jesús chi nu anu n‑kuu‑r ma koo yɨkɨ‑r, ma koo kuñu‑r; ko io kuñu‑r, io yɨkɨ‑r —kuu‑ia, xiaꞌan‑ia. 
\p  
\v 40 Ijan dada n‑dandeꞌa‑ia‑i ndaꞌa‑ia, xeꞌe‑ia,  
\v 41 ko ñatu n‑ka jandixa‑i xa mee Jesús nujuiin chi xaxeꞌe xa ka yuꞌu anu‑i xiꞌin xaxeꞌe xa yo vichi ka kudɨ ini‑i. Xiaꞌan‑ia: 
\p —¿Io xa kaxi‑ro a? 
\p  
\v 42 Te n‑ka xiaꞌan‑i‑ia dava chaka n‑tau.  
\v 43 N‑tnɨɨ‑ia‑tɨ, te n‑ka xo ndeꞌa‑i xa n‑xaxi‑ia‑tɨ.  
\v 44 Te xiaꞌan‑ia: 
\p —Na n‑xo tuu‑ro, n‑jaꞌan‑r nuu‑n xa: “Io xa jɨn tnaꞌa ntdantuꞌu tnuꞌu Ianyuux kakuneꞌe ñaꞌa n‑chidotnuni Moisés xiꞌin xa n‑ka chidotnuni se n‑ka kidavaꞌa Salmos.” 
\p  
\v 45 Ijan dada n‑kida‑ia xa n‑ka kutnuni ini‑i tnuꞌu Ianyuux xyodotnuni.  
\v 46 Te xiaꞌan‑ia: 
\p —Xyodotnuni xa io xa ndaꞌu yaꞌa ruꞌu, Ia kuu Cristu, te nandoto‑r kɨu kuu uni.  
\v 47 Xyodotnuni xa io xa tundaꞌa ñaꞌa‑r jɨꞌɨn ntdantuꞌu ñuu ñuñayiu xa jaꞌan koio‑n nuu ñayiu nax io xa kada‑i xa na natu ini‑i xa n‑ka kida‑i kuechi, te taxkanu ini ñaꞌa Ianyuux. Io xa duꞌa kada koio‑n kiꞌna ka Jerusalén.  
\v 48 N‑ka xo ndeꞌa‑n xa n‑xetnaꞌa tnuꞌu xyodotnuni. Juña tnuꞌu koio xaꞌa dava ka ñayiu.  
\v 49 N‑taxi Taa‑ro Ianyuux tnuꞌu‑ia xa taxi‑ia ɨɨn xa taxi‑ia ndoꞌo ɨɨn ɨɨn‑n. Tundaꞌa‑r xijan, ko kundetu koio‑n ñuu yaꞌa, te dani kundetu koio‑n hora na kada Ianyuux xa kuaꞌa koio‑n xa kada‑n tniu‑ia —kuu Jesús, xiaꞌan‑ia nuu‑i. 
\s1 Juan ndaa Jesús andɨu 
\p  
\v 50 Nu n‑xika kɨu, te ndeka‑ia ñayiu juaꞌan yuꞌu ñuu Betania, te n‑dandaa ndaꞌa‑ia andɨu, te n‑xijan taꞌu‑ia nuu Ianyuux xa na chindee chituu ñaꞌa‑ia.  
\v 51 Nɨni duꞌa jaꞌan‑ia nuu Ianyuux, juan ndaa‑ia andɨu.  
\v 52 Te n‑ka nakuetu‑i nuu‑ia nɨni juan nuꞌu koio‑i Jerusalén. Yo n‑ka kudɨ ini‑i.  
\v 53 Te n‑ka xo xeꞌen‑i veñuꞌu Jerusalén xa n‑ka xo nakuetu‑i nuu‑ia. 
\p Xaꞌa kuu tnuꞌu n‑najani daña, Sluka nuu‑n, Ta Teófilo.