\id EPH - MWA NT OT Portions -Mozambique 2013 (DBL -2014) 
\h waEfezu 
\h waEfezu 
\toc1 Waraka ya Paulu ka waEfezu 
\toc2 waEfezu 
\toc3 waEfezu 
\mt2 Waraka ya Paulu ka 
\mt1 waEfezu 
\iot Mwanzo 
\ip Efezu ikiwa kaya ulu nkati ya ufalume wa waRoma, sambi kukwitiwa Turukiya. Noko cikiwepo kisiko maalumu na akisifiwanga nlungu muka wakwitiwa Artema. Paulu kawakumbusa wenye kwamini wa Efezu kuwa Almasihi kafwa pansalaba atombore na Mwenyezimungu kanfufula ka wafwi. Sambi iye ka upande wa nkono nriro wa Mwenyezimungu, kankutawala ulumwengu. Ikisa kawambira kuwa ewo wapendiwa pakulu na Mwenyezimungu julu ya Insa ndimana wajuzi wainshi vyaainshire iye. Mida, wakiinshingi pakisi, fala sambi wajuzi wainshi panuru na wase nuru yawo imwarike yolote njira ya kweli. 
\ip Almasihi kawasanganya Mayahudi na Sawari Mayahudi ipate wabomore kipama ca uaduwi ukiwawanya. Iye kawajumulanisa ipate wawe nyumba takatifu mahala pakwikala Roho wa Mwenyezimungu. Visitoshe kamba kuwa Nlungu mmoja basi. Ntamana, wenye kwamini wajuzi wamwase Roho wa Mwenyezimungu awajumanise na Almasihi wekare salama. kwa kuwa rehema ya Mwenyezimungu ndi itivushire. 
\ip Eyi waraka-yi Paulu ájuzi kwandika paâwere nkalaboshu kaya ya Roma kiyasi ca mwaka wa 60 bandi ya Almasihi. 
\c 1  
\s1 Salamu 
\p  
\v 1 Omi Paulu, walii wa Almasihi Insa kwa nafsi ya Mwenyezimungu, niwandikira eyi waraka‑yi watakatifu wa Efezu\f + \fr 1:1 \ft Mandiko mengine ewu usemi “wa Efezu” aupo.\f*, waminífu walungane na Almasihi Insa.  
\v 2 Mwenyezimungu Baba wetu, na Insa Almasihi Mwenye wetu, wakujanliyeni rehema na salama. 
\s1 Kujanliiwa pakulu julu ya Almasihi 
\p  
\v 3 Asifiwe Nlungu na Baba wa Mwenye wetu, Insa Almasihi. Iye katijanliya julu ya Almasihi na piya vinu vyema vya kiroho vyakulawa mbinguni.  
\v 4 Katijanliya kwa kutitondola kábula ya kumba ulumwengu, tilungane na Almasihi tiwe watakatifu na satina ukosa mbere yake. Kwa sababu ya kutipenda,  
\v 5 kaapangire tangu mida kakutitenda kuwa wanawe, julu ya Insa Almasihi. Javi ndi vimwajibire iye.  
\v 6 Basi, Mwenyezimungu asifiwe kwa rehema zake ntukufu zaatipere ofwe, julu ya ire\f + \fr 1:6 \ft “Ire” ndi Almasihi.\f* waampénda pakulu.  
\v 7 Kati yake, tipata komboriwa julu ya kifo cake\f + \fr 1:7 \ft Kigeregu: “damu yake”.\f*, tiswamiiwa dambi zetu kwa utajiri wa rehema zake.  
\v 8 Kweli, Mwenyezimungu katijaza novyo piya wijiwifu na werevu,  
\v 9 katifafanurira siiri yake. Iye vimwajibu tijiwe kuwa mpango wake ukuja kutimiziwa julu ya Almasihi.  
\v 10 Mpango‑wo úkiwa javi: ukifika wakati maalumu, Mwenyezimungu akusanya piya viripo mbinguni na muardhi viwe sini ya mamulaka a Almasihi, kiswa cawo. 
\p  
\v 11 Julu yake, titondoriwa tiwe irati\f + \fr 1:11 \ft “Tiwe irati ya Mwenyzimungu” mana ake “tiwe wanu wake maalumu”.\f* ya Mwenyezimungu. Iye katitondola tangu mida kamba vyaapangire, na vinu piya vikuna itimu nafsi yake.  
\v 12 Anzima yake ikiwa ofwe\f + \fr 1:12 \ft “Ofwe” ndi Mayahudi.\f*, tanzire kuntumaini Almasihi, tiinshi ipate tisifu utukufu wake.  
\v 13 Novyo umwe\f + \fr 1:13 \ft “Umwe” ndi wanu Samuri-Mayahudi.\f* mulungane na Almasihi, pamusikire usemi wa ukweli, Habari Ngema kuhusu kuvushiwa kwenu, na pamunkubalire Almasihi, Mwenyezimungu kakwisusirani Roho Takatifu waânlavire tamaa kukupani, iwe alama ya kuwa muwa wanu wake.  
\v 14 Kwisuka ka Roho Takatifu kutakikisha mpaka típokerera irati yetu, kuwa Mwenyezimungu akuja kutipa irati‑yo. Wakati‑wo, utukufu wake usifiwa! 
\s1 Kushukuru na duwa 
\p  
\v 15 Kwa javyo, kwa kuwa nisikira kuwa mwankuntumaini Mwenye Insa na kuwa muwapenda watakatifu piya,  
\v 16 panitenda duwa ponse, sasa kunshukuru Mwenyezimungu kwenu umwe na kukukumbukirani.  
\v 17 Nínlebela Mwenyezimungu, Baba ntukufu, Nlungu wa Mwenye wetu, Insa Almasihi, akupeni fahamu na werevu nroho zenu\f + \fr 1:17 \ft Au: “akupeni Roho wa fahamu na werevu”.\f* mukure mukimwijiwa sana Mwenyezimungu.  
\v 18 Nínlebela Mwenyezimungu akumwarikireni pakulu mmyoyo mwenu, ipate mwereriwe tamaa yakupangireni paamwitiwe muwe wake. Mwereriwe kuwa irati yake\f + \fr 1:18 \ft “Irati yake” iwamba wanu wa Mwenyezimungu (ona aya 11), au ikwamba tamaa Mwenyezimungu yaawapere wanu wake.\f* kati ya watakatifu ndi utajiri ntukufu.  
\v 19 Na mwereriwe novyo uwezo nkulu pakulu waatipa. Uwezo‑wo sawa‑sawa na  
\v 20 uwezo nkulu Mwenyezimungu vyaâtumire paanfufure Almasihi ka wafwi, na paanturire upande wa nkono nriro wake\f + \fr 1:20 \ft “Nkono nriro” ndi mahala pa uwezo na inshima.\f* mbinguni.  
\v 21 Epa sambi, enzi‑zi pamoja na enzi zija mbere, piya wenye uwezo mbinguni: wakulungwa, wenye mamulaka, viyumbe vyengine vya nguvu, mamwenye, pamoja na kila cewo, Insa ndi ari julu yawo.  
\v 22 Mwenyezimungu katula vinu piya kumaulu ka Insa, na kantula kuwa kiswa ca vinu piya ka jamati.  
\v 23 Jamati‑yo ndi mwiri wake, itimiza ushahidi wa Almasihi, na Almasihi atimiza vinu piya. 
\c 2  
\s1 Mainsha mapya julu ya Insa Almasihi 
\p  
\v 1 Nomwe, mida mukenenda muri maiti hai nroho zenu julu ya madambi na makosa enu.  
\v 2 Nkati ya nozo dambi‑zo, mukenendanga kamba makafiri\f + \fr 2:2 \ft Kigeregu: “wanu wari mulumwengu‑mu”.\f*, mukinfulata nfalume wa mashetwani ari julu, Ibilisi. Wanu sawansikiriza Mwenyezimungu, iye ndi roho awalongoza.  
\v 3 Ofwe novyo, satinamba kumwijiwa Mwenyezimungu, piya-fwe tikiinshingi tikitimiza wájibu wetu wa kibinadamu, tikifulata wájibu mbaya wa mwiri na mawazo. Tíkiwa na kibinadamu cetu kamba vyawari wanu wengine, ndimana mwinsho iwa tihukumiwe na nyongo ya Mwenyezimungu. 
\p  
\v 4 Fala Mwenyezimungu katipenda pakulu na kanawo huruma pakulu.  
\v 5 Kwa javyo katipa mainsha mapya, tiwe hai pamoja na Almasihi. Katenda javyo ingawa madambi etu atitenza kwenenda nroho zetu maiti-hai. Kumbukirani kuwa muvushiwa julu ya rehema yake.  
\v 6 Kusema kweli, Mwenyezimungu katifufula pamoja na Almasihi Insa, katíkaza pamoja naye mbinguni\f + \fr 2:6 \ft Au: “mahala mwa kiroho”.\f*, na átitenza kulungana naye,  
\v 7 ipate olote enzi za mbere utajiri nkulu wa rehema yake. Katenda javyo julu ya wema wake kwetu ofwe tilungane na Almasihi Insa.  
\v 8 Kamana rehema ya Mwenyezimungu ndi ikuvushani julu ya kwamini kwenu. Kuvushiwa kwenu aiwere kwa vyamutendire, ila zawadi mupewa na Mwenyezimungu.  
\v 9 Aiwere julu ya vitendo vyema, ipate asiwepo munu wa haki yakuridãi.  
\v 10 Kamana Mwenyezimungu ndi atitendire\f + \fr 2:10 \ft Kigeregu: “urembo mwema”.\f*, tumbiwa tena upya tilungane na Insa Almasihi, titende vitendo vyema vyaapangire tangu mida kuwa titende. 
\s1 Marikolo piya ajanliiwa na Mwenyezimungu 
\p  
\v 11 Kwa javyo, umwe Samuri-Mayahudi wakupongoriwa, Mayahudi wakwitani “wanu sawengire itani”, kwa kuwa ewo wengira itani, (ingawa itani yawo itendiwa na makono a mwanadamu ibadili mwiri basi), musiriware  
\v 12 kuwa mida mûtanusiwa na Almasihi. Kusema kweli, amúkiwa nkati ya kabila ya Iziraeli, na amúkiwa nawo fungu kati ya miyadi iwapa wanu tamaa. Mukiinshingi mulumwengu‑mu samuna tamaa wala samumwijiwa Mwenyezimungu. 
\p  
\v 13 Fala umwe mulungane na Almasihi Insa, ingawa múkiwa baidi ya Mwenyezimungu, sambi‑pa mujisiwa karibu yake julu ya damu ya Almasihi.  
\v 14 Kamana katijisira salama, kakutenzani Mayahudi na Samuri-Mayahudi kuwa kinu kimoja tu basi. Julu ya mwiri wake, iye kabomola kipama ca uaduwi cukukwawanyani newo.  
\v 15 Iye kafuja ámuri na shuruti za Taureti, ipate awatende Mayahudi na Samuri-Mayahudi walawirire kuwa kabila moja nyipya yakulungana naye, ndimana iwapo salama.  
\v 16 Pansalaba iye kafuja uaduwi nkati ya Mayahudi na umwe Samuri-Mayahudi tiwe mwiri moja, nofwe makundi wo‑mawiri, atipatanisa ka Mwenyezimungu.  
\v 17 Almasihi kâja kukwerezani habari ya usalama umwe múkiwa baidi naye, na ka ware wákiwa karibu naye.  
\v 18 Kamana julu yake, makundi wo‑mawiri tanawo nafasi yakufika ka Baba julu ya Roho Takatifu mmoja noyo. 
\p  
\v 19 Kwa javyo, ámuri tena wayeni wala wanu wakupita tu basi, ila muwa wenye-kaya pamoja na watakatifu, muwa upande wa ujamaa wa Mwenyezimungu.  
\v 20 Ujamaa‑wo mujengiwa kamba nyumba: mapondo a aluserusu ndi mawalii na minabii, na riwe maalumu ndi Almasihi Insa mwanyewe.  
\v 21 Julu yake majengo piya alunganisiwa sana-sana ipate nyumba‑yo ikure, iwe nyumba takatifu yakwambudiwa Mwenye.  
\v 22 Basi, kwa sababu ya umoja wenu naye, nomwe novyo mujengiwa muwe mahala pamekazi a Roho wa Mwenyezimungu. 
\c 3  
\s1 Sawari-Mayahudi newo novyo wa Mwenyezimungu 
\p  
\v 1 Kwa sababu vyaatendire Almasihi Insa, omi Paulu, nifungíwe kwa kuntumika iye kwa ajili yenu umwe Samuri-Mayahudi, nukulebelelani duwa\f + \fr 3:1 \ft Usemi wa “nukulebelelani duwa” aupo nkigeregu nkati ya eyi aya‑yi, falakini usoweriwa aya ya 14, ewu mwaha‑wu Paulu pooka nawo mbere ewu mwaha‑wu.\f*.  
\v 2 Niwona kuwa musikira kuhusu kazi maalumu Mwenyezimungu yanigabizire omi kwa sababu ya rehema yake.  
\v 3 Kamba vyanukwandikireni aba, mpango wa Mwenyezimungu waâfisire, nifafanuririwa.  
\v 4 Mukifyoma vyanandike-vyo, mukwijiwa vyanereriwe omi kuhusu mpango‑wo Mwenyezimungu vyaapangire kuhusu Almasihi.  
\v 5 Mpango‑wo awafafanuririwe wanu wa enzi zipitire, fala sambi‑pa, julu ya Roho Takatifu, kawafafanurira mawalii watakatifu na minabii wake.  
\v 6 Mpango‑wo ndi javi: julu ya Habari Ngema, wanu Sawari-Mayahudi walungane na Almasihi Insa waje wariti pamoja na Mayahudi, wawe vifingo vya mwiri mmoja newo, na novyo wapate tamaa moja newo. 
\p  
\v 7 Kwa kwereza Habari Ngema‑yi, nilawirira kuwa ntumisi, julu ya rehema maalumu ya Mwenyezimungu yaanigabizire pautendeke uwezo wake kwangu omi.  
\v 8 Ingawa niwa ntoto pakulu futi nkati ya watakatifu piya, fala rehema‑yi nipewa omi, ipate niwereze wanu Sawari-Mayahudi kuhusu utajiri nkulu sauna kipimo ka Almasihi.  
\v 9 Novyo mpango ûfisiwe tangu mwanzo na Mwenyezimungu, mwenyé kumba vinu piya, nitondoriwa nifafanure kutimiziwa kwake.  
\v 10 Nijuzi nifafanure ipate mwazikala roho, wenye kutawala na wenye mamulaka, wijiwifu jisijisi wa Mwenyezimungu, uwoneke julu ya jamati, wijiwikane.  
\v 11 Ewu ndi mpango Mwenyezimungu waapangire tangu mwanzo, iwa utimiziwe julu ya Almasihi Insa, Mwenye wetu.  
\v 12 Kwa javyo, ofwe tilungane na Almasihi na tintumaini iye, tanawo hakika na haki yakwingira ka Mwenyezimungu bila wofi.  
\v 13 Basi, nukulebelani isukwiseni niya kwa sababu ya tabu zangu kwa ajili yenu. Eyi ndi faida yenu! 
\s1 Duwa yakulebela uwezo wa kiroho 
\p  
\v 14 Sambi, paniwaza kuhusu mpango wa Mwenyezimungu, ndi panikokora mbere ya Baba,  
\v 15 mwenyé kutenza kuwepo kabila\f + \fr 3:15 \ft Kigeregu: “jamaa”. Paulu asowera kuhusu viyumbe piya.\f* piya mbinguni na muardhi.  
\v 16 Nínlebela alavye nkati ya utajiri wa utukufu wake, akupeni uwezo julu ya Roho yake ipate mukomare mmoyo mwenu,  
\v 17 Nínlebela kuwa, julu ya kwamini kwenu, mekazi a Almasihi awe mmyoyo mwenu. Umwe molósiwa na murimbísiwa\f + \fr 3:17 \ft “Murimbísiwa” kamba muti na mizipe, au nyumba na aliserusu.\f* julu ya pendo,  
\v 18 mukidiri kwereriwa, pamoja na watakatifu piya, upana, urefu, ujunda, pamoja na kwica ka pendo rake.  
\v 19 Aye, mwijiwe pendo ra Almasihi, ingawa ripunda kiyasi arijiwiririwa, ipate zikwijareni nfululu namuna piya za Mwenyezimungu. 
\p  
\v 20 Basi, ire akidíri kutenda, julu ya uwezo wake kwetu ofwe, vinu vyakupunda vyatilebela au vyatiwaza, atukuziwe!  
\v 21 Atukuziwe kwa mambo aténda njamati\f + \fr 3:21 \ft Ona aya ya 10.\f* na vyaatenda julu ya Almasihi Insa, kwa enzi piya, milele ka milele! Aamina. 
\c 4  
\s1 Umoja kati ya wafulati wa Insa 
\p  
\v 1 Kwa javyo, omi nfungwa kwa sababu yakuntumika Mwenye, nukutafadalini kuwa umwe mwitiwa na Mwenyezimungu muinshi kamba vyawajuzi kuinshi wanu waawéta iye.  
\v 2 Kwa namuna piya, murinyenyekeye, muwe wororo, muhitamili, kwa kuvumirirana nkati ya pendo.  
\v 3 Mutende juhudi‑zi piya ipate muzidi kutengemanisa umoja wenu vyaaturire Roho Takatifu, julu ya kurilunga na mizizi ya usalama.  
\v 4 Kamana mwiri mmoja tu basi na Roho mmoja tu basi, kamba vyamwitiwe kati ya tamaa mmoja tu basi mupáta wakati wamwitiwe.  
\v 5 Mwenye mmoja tu basi, tukwamini inlimu moja tu basi, koza kumoja tu basi,  
\v 6 Nlungu mmoja tu basi, Baba wa piya-fwe, ari julu yetu piya-fwe, kawa nkati ya piya-fwe, na kankutenda mambo julu ya piya-fwe. 
\p  
\v 7 Piya-fwe kila mmoja kapewa uwezo maalumu, kwa namuna kamba Almasihi vyaapimire akitisusira ofwe.  
\v 8 Kwa javyo, Mandiko Matakatifu\f + \fr 4:8 \ft Ona Zaburi 68:18. Paulu ari kwereza mana ake.\f* akwamba: 
\b  
\q1 “Iye paapandire akuka julu, 
\q1 kawalongorera wafungwa wengi wawenye 
\q1 na kawapa vinu vyema wanadamu.” 
\b  
\m  
\v 9 Mandiko paamba javi: “iye paapandire”, mana ake kinani? Mana ake ndi kuwa Almasihi kanza kwisuka kuja mulumwengu‑mu.  
\v 10 Esuke noyo ndi apandire noyo, akuka mpaka mahala paswifa pakulu mbinguni, ipate iye ejare mulumwengu‑mu piya mpaka binguni.  
\v 11 Noyo apandire‑yo\f + \fr 4:11 \ft “Noyo apandire‑yo” ndi Insa Almasihi.\f* ndi awapere wanu wamojawapo uwezo maalumu wakuwa mawalii, wengine kuwa minabii, wengine wawe wenye kwereza Habari Ngema, wengine wasunga, na wengine wawafunde wenye kwamini.  
\v 12 Kazi zawo ewo ndi kuwatengeza sana-sana watakatifu wantumike Mwenyezimungu, ipate warimbise mwiri wa Almasihi mpaka ukomare.  
\v 13 Evyo vikikuna, piya-fwe tifikirire kuwa na umoja nkati ya namuna yetu ya kuntumaini Almasihi na ya kumyerera Mwana wa Mwenyezimungu. Tikuja kuwa wanu wakukomala sana-sana, sawa‑sawa na kipimo cakutimu, ipate zitijare nfululu namuna piya za Almasihi.  
\v 14 Ndimana tisiwe tena kamba wasimana nkati ya kwamini kwetu, javyo atibengwa na inlimu nyipya kamba ngalawa vyairefya na mepo, atiteseka na wajanja julu ya mipango ya ulongo wawo.  
\v 15 Kwasa javyo, tukeni tambirane ukweli nkati ya kupendana ipate tikure, tinlande kwa namuna zake piya ire wakuwa ndi kiswa, Almasihi wawenye.  
\v 16 Vifingo vya mwiri piya, vikilongoziwa neye, vikilungana sana na piya malungo a vipewe, kila kimoja citenda kazi yake na mwiri‑wo ukula na úkomala nkati ya pendo. 
\s1 Mainsha mapya nkati ya Almasihi 
\p  
\v 17 Kwa javyo, nukwambirani na nukukenekezerani kwa mamulaka a Mwenye: amujuzi kuinshi tena kamba makafiri, wawaza kwa namuna sazifãi kinu.  
\v 18 Ankili zawo ziwa nkisi. Watanukana na mainsha awapewa na Mwenyezimungu, kwa kuwa ewo watikinifu, kwa sababu myoyo yawo migumu.  
\v 19 Pawatenda ubaya, awawona haya, ndimana wengira lukware, wafulata kila namuna ya ucafu, na daima wafulata wájibu mbaya. 
\p  
\v 20 Fala umwe, pamufundiwe njira ya Almasihi, amwambiriwe javyo!  
\v 21 Musikira kuhusu iye, na mufundiwa ukweli sawa‑sawa na vyaafundire Insa.  
\v 22 Mufundiwa kuvula umunu wenu wamukiwa nawo mida, wakudanganyiwa julu ya wájibu mbaya wakutenviwa.  
\v 23 Mufundiwa mumwase Mwenyezimungu kupindula mawazo enu,  
\v 24 na muvare umunu mupya wakunfulatiza Mwenyezimungu, muwe nkati ya ukamilifu wa ukweli pamoja na utakatifu. 
\p  
\v 25 Ndimana, kwasa ulongo, mwambirane kweli munu na mwenziwe, konta piya-fwe tiwa vifingo vya mwiri moja.  
\v 26 Pamukimiwa, musase nyongo yenu kukutenzani dambi. Na musase kuswa juwa saikwisireni nyongo yenu.  
\v 27 Kusema kweli, Ibilisi musimpe nafasi.  
\v 28 Akiwanga onse, asiwe tena. Kwasa javyo, ájuzi akore kazi sana-sana na makono ake ipate awe nawo kinu cakuwamera wakosofu.  
\v 29 Usemi wakudángula, usilawe pakanywa penu. Kwasa javyo, usemi wenu uwé mwema na wa faida, uwajanliye wanu wakusikirani.  
\v 30 Roho Takatifu wa Mwenyezimungu, aturiwe alama yakuwa muwa wanu wa Mwenyezimungu, mpaka suku yakuwombola wanu wake, musintaye uzuni.  
\v 31 Asani ukakatima piya, kukimiwa, nyongo, kukaidiyana caputu na wenzenu, masemo a kutukana, pamoja na namuna nyengine piya zakutenderana ucaputu.  
\v 32 Ila tenderanani wema munu na mwenziwe, muwonerane utungu, na muswamiiyane kamba Mwenyezimungu, julu ya Almasihi, vyaakuswamiini umwe. 
\c 5  
\p  
\v 1 Ndimana, kwa kuwa wana wakupéndiwa, nfulatizeni Mwenyezimungu.  
\v 2 Inshini nkati ya pendo kwa namuna moja noyo kamba Almasihi vyatipendire ofwe. Karipereka iye mwanyewe kwa ajili yetu, kuwa zawadi na kafara yakunuwira pakulu sana ka Mwenyezimungu. 
\p  
\v 3 Fala, kamba viwahusu watakatifu, mwase nfululu kutenda lukware, ucafu piya, pamoja na kululuka.\f + \fr 5:3 \ft Ona waKolosayi 3:5.\f* Kusema kweli, musimwase munu kuwa na shariya mojawapo yakusema kuwa evyo vitendo-vyo mwankutenda.  
\v 4 Na isisikirikane kati yenu hadisi ya kunyata, wala masemo saafãi kinu, wala kiseko ca vinu vyakutenza aibu. Vitendo-vyo avikujuzini. Kwasa javyo, masemo enu awe a kushukuru.  
\v 5 Kamana mukwijiwa kuwa wenye kutenda lukware, ucafu, au kululuka awariti muufalume wa Almasihi na wa Mwenyezimungu. Kusema kweli, kululuka sawa‑sawa na kwambudu milungu sairi ya ukweli.\f + \fr 5:5 \ft Alulúka ashugulikira caalulúkira noco.\f* 
\v 6 Musimwase munu kukutenvyani na masemo saana deretu, kamana novyo vitendo-vyo vikuja na nyongo yakofya ya Mwenyezimungu kwa wanu sawansikiriza.  
\v 7 Basi, vitendo vyawatenda wanu‑wo, musiwalunge nkono! 
\p  
\v 8 Kamana mida roho zenu zíkiwa nkisi, fala sambi, kwa kulungana na Mwenye, ziwa nnuru. Ndimana enendani kamba wanu wakuinshi panuru.  
\v 9 Konta visumo vya nuru ndi vitendo vyema jisijisi, kamilifu, na vya ukweli.  
\v 10 Sakulani kwijiwa daima vimwajibu Mwenye.  
\v 11 Musisanganyike nvitendo savina faida vyawatenda wanu wakwenénda nkisi. Kwasa javyo, olotani ubaya wa vitendo-vyo.  
\v 12 Kamana vitendo vyawatendire kwa siiri, anta kwereza vitenza aibu.  
\v 13 Fala kila kinu cakólotiwa kati ya nuru, ciwoneka,  
\v 14 kamana nuru ndi kinu cakuwónesa. Ndimana ikwambiwa javi: 
\b  
\q1 “Uwe uri kulala, lamuka. 
\q1 Uwe ufwire, fufuka. 
\q1 Na Almasihi akumwarikira.” 
\b  
\p  
\v 15 Kwa javyo, more-more namuna zenu za kuinshi. Musiinshi kamba wajinga, ila inshini kamba werevu.  
\v 16 Pamuri nawo nafasi nopa, tumirani nafasi piya kwa namuna ngema, konta ezi suku‑zi wawapo wengi waténda ubaya.  
\v 17 Ndimana musizozoke, ila mwereriwe vyaasaka Mwenye.  
\v 18 Vinyu musirewe, ikutenzani kufuja mainsha enu. Ila mwijaziwe na Roho Takatifu,  
\v 19 kwimbisana nyimbo za zaburi, utenzi, na kaswaida zakukupani Roho Takatifu. Imbani na ntukuzeni Mwenye na myoyo yenu.  
\v 20 Kwa zina ra Mwenye wetu, Insa Almasihi, nshukuruni Mwenyezimungu Baba wetu daima kwa piya viri kukuna.  
\v 21 Kwa kumwinshimu Almasihi, rinyenyekeyeni munu na mwenziwe. 
\s1 Mainsha nkati ya ndowa 
\p  
\v 22 Umwe mulombíwe, rinyenyekeyeni ka walume wenu wanyewe kwa namuna vyamurinyenyekeya mbere ya Mwenye.  
\v 23 Kamana nlume ndi kiswa ca muka wakulombiwa, kamba Almasihi vyaari kiswa ca jamati. Noyo ndi Nvushi wa jamati‑yo, mwiri wake.  
\v 24 Kamba jamati vyairinyenyekeya ka Almasihi, kwa namuna mmoja noyo, waka wakulombiwa warinyenyekeye kwa piya ka walume wawo. 
\p  
\v 25 Umwe walume mutendíre ndowa, kila munu ampende nkawake kamba Almasihi vyaapendire jamati, akiripereka mwanyewe mainsha ake kwa ajili ya jamati‑yo.  
\v 26 Iye katenda javyo ipate jamati iwe takatifu. Iye awaswafi wanu wake julu ya kuwoza na maji, na julu ya usemi wa Mwenyezimungu.  
\v 27 Almasihi vikimwajibu awaswafi javyo, ipate arolotere iye mwanyewe jamati‑yo iwe ngema kamba nondwa, bila noda wala makunyare wala ca ucafu kimojawapo, ila iwe takatifu saina ukosa.  
\v 28 Kwa namuna mmoja noyo, walume watendíre ndowa, kila mmoja ajuzi ampende nkawake kamba vyaapenda mwiri wake mwanyewe. Ampénda nkawake onse kankuripenda iye mwanyewe.  
\v 29 Sikirizani, aapo munu wakwína mwiri wake mwanyewe, ila arisa na asunga, sawa‑sawa na Insa Almasihi vyaasunga jamati.  
\v 30 Konta piya-fwe tiwa vifingo vya mwiri wake. 
\b  
\q1  
\v 31 “Kwa javyo, nlume amwasa wawaye na mamaye alungana na nkawake, 
\q1 wo‑wawiri walawirira kuwa mwiri mmoja tu basi.” \f + \fr 5:31 \ft Ona Mwanzo 2:24.\f* 
\b  
\m  
\v 32 Piya‑vi ndi maajuza makulu, kurigariga kwereriwa munu, nankusowera kuhusu Almasihi na jamati.  
\v 33 Novyo-sivyo, umwe kila mmoja ampende nkawake kamba vyaaripenda mwanyewe, na kila mwanamuka amwinshimu nlumake. 
\c 6  
\s1 Wana na wapongozi 
\p  
\v 1 Umwe wasimana, wasikirizeni wakupongoreni\f + \fr 6:1 \ft Au: “wakurerani”.\f* konta muwa wanu wa Mwenye. Eyi ndi shariya yamujuzi kutenda. 
\b  
\q1  
\v 2 “Mwinshimu wawayo na mamayo.”\f + \fr 6:2 \ft Ona Kulawa 20:12.\f* 
\b  
\m Eyi ndi ámuri yakwanza íri nawo tamaa.  
\v 3 Na tamaa yawenye ndiyi: 
\b  
\q1 “Ukiwenshimu wawayo na mamayo, 
\q1 piya vinu vyautenda vikwenendera sana, 
\q1 na úinshi myaka mingi mulumwengu‑mu.” 
\b  
\p  
\v 4 Na umwe wawáwa, musiwashonge wanenu kukimiwa, ila warereni kwa kuwaduma na kuwafunda vyavimwajibu Mwenye. 
\s1 Watwana na mamwenye 
\p  
\v 5 Umwe watwana, mamwenye wenu wa mulumwengu‑mu, wasikirizeni kwa inshima, kwa niya moja kamba vyamunsikiriza Almasihi.  
\v 6 Sikirizani daima, kuwapo wanyewe au kutowa kuwapo. Musitende kwa kusakula fadili kwawo, au vyakuwajibu wanadamu. Ila, kwa kuwa watwana wa Mwenyezimungu, tendani nafsi yake ka moyo piya.  
\v 7 Kolani kazi na radi konta, kusema kweli, ámuri kuwakorera wanu, mwankunkorera kazi Mwenye.  
\v 8 Mukwijiwa kuwa ofwe kila mmoja, anta awe ntwana au nlungwana, akuja kupokerera thawabu ka Mwenye kwa meema yaatendire. 
\p  
\v 9 Umwe mamwenye, kwa namuna mmoja novyo, watafitini sana watwana wenu. Musiwatishire hukumu. Mwijiwe kuwa, kwenu umwe anta na kwawo ewo, Mwenye kawapo mbinguni, awalamula wanu piya kwa kipimo kimoja noco. 
\s1 Kutengeza kwa vita ya kiroho 
\p  
\v 10 Mwinsho, kwa kulungana na Mwenye, komalani, kwa uwezo wake nkulu.  
\v 11 Valani mavazi akurikengera na pangirani sulaha piya zaakupereni Mwenyezimungu, ipate moloke nkati ya mipango ya ulongo wa Ibilisi.  
\v 12 Kusema kweli, vita yetu atitenda na wanadamu\f + \fr 6:12 \ft Kigeregu: “nyama na damu”.\f*, ila na viyumbe sawawoneka: wenye kutawala, wenye mamulaka, wenye nguvu wamilíki nkisi ca ewu wakati‑wu, pamoja na wenye uwezo mbaya wari pazikala roho.  
\v 13 Basi, risukuzeni sulaha piya zaakupereni Mwenyezimungu, ipate musishindiwe na aduwi mbaya suku yaaja kukushambuliyani yonse. Evi piya‑vi mukitenda, mukoloka.  
\v 14 Kwa javyo, olokani: rifungeni ukanda\f + \fr 6:14 \ft Epa kurifunga ukanda ndi alama ya kuritengeza kutenda vita.\f* wenu nkiuno wakolota ukweli, valani kikopa ca cuma pakifuwa cakolota ukamilifu.  
\v 15 Na mmaulu valani viratu kolota kuwa muwa tayari kwereza Injili ya usalama.  
\v 16 Visitoshe, sukulani daima kinga rakolota kwamini kwenu, ipate muzimise piya moto wa masonga éfya Ibilisi\f + \fr 6:16 \ft Kigeregu: “Nbaya”.\f*.  
\v 17 Rikengereni viswa na gula rakolota kuvushiwa kwenu, na risukuzeni upanga wa Roho Takatifu, ewo ndi usemi wa Mwenyezimungu.  
\v 18 Tendani javyo kuno mukilebela duwa daima kwa namuna jisijisi, kulongoziwa na Roho Takatifu. Basi, musiriziuke na muhitamili daima nkati ya kuwalebelela duwa watakatifu piya.  
\v 19 Nomi novyo nilebeleleni ka Mwenyezimungu, panambula kanywa yangu, anipe usemi wake na uhakika, nipate kwijiwisa ukweli wa Habari Ngema.  
\v 20 Kwa Habari Ngema‑yo ndi caniwere shikarakanzi\f + \fr 6:20 \ft Kigeregu: “embashadori”\f* nkifungo, fala nilebeleleni ka Mwenyezimungu nereze Habari Ngema na uhakika kamba vyanijuzi kwereza. 
\s1 Salamu za mwinsho 
\p  
\v 21 Nankukuperekerani nduyetu mpendani wetu Tikiku, mwaminifu nkulu nkati ya kazi ya Mwenye Insa, ipate mwijiwe novyo mwaha kuhusu omi na vyanitenda. Iye kankuja kukwerezani piya.  
\v 22 Nankukuperekerani kwa eyi anzima‑yi, ipate mwijiwe habari kuhusu ofwe na iye akurimbiseni myoyo yenu. 
\p  
\v 23 Basi, Mwenyezimungu Baba na Mwenye Insa Almasihi akujanliyeni\f + \fr 6:23 \ft Kigeregu: “awajanliya wanduze”.\f* salama na pendo nkati ya kwamini.  
\v 24 Rehema iwesukire piya wenye kumpenda sakuna mwinsho Mwenye wetu, Insa Almasihi.