\id PSA - WolioNT
\ide UTF-8
\ide UTF-8
\h ZABURU
\rem Second team draft
\toc3 Zab.
\toc2 Zaburu
\toc1 Zaburu
\mt1 Zaburu
\is Pogau bhaa-bhaana
\im Boku \bk Zaburu \bk* satotuuna sagaa minaaka i Kitabi Momangkilo momembalina boku lagu-lagu tee boku doʼa. Boku incia sii aburia manga pande burina puisii i nuncana wakutuu momangengena mpuu. Manga lagu tee manga doʼa sii arombusakea miana Israel tee apakea i nuncana sambaheana manga, kasiimpo apapesuaia i nuncana Kitabi Momangkilo. Manga kabhantina agama sii apegiu-giu: dhaangia lagu kapujia tee dhaangia lagu to tasomba Aulataʼala; dhaangia o doʼa taemani tulungi, peulusa tee kasalaamati; doʼa taemani amponi; lagu kasukuru roonamo barakatina Aulataʼala, tee doʼa mamudhaakana o musuna atohukumu. Manga doʼa incia sii dhaangia mokosifatuna to karota samia, dhaangia uka mokosifatuna to saangua lipu. Pia-pia giu minaaka i doʼa sumai aʼibaratiaka namisina samia-samia i nuncana ngangarandana, sainamo mosagaanana apogauaka ifaraluuna tee namisina bhari-bharia uumatina Aulataʼala. Manga Zaburu apakea Isa, aalea minaaka i manga pande buri Pojanjia Bhaau, tee apamembalia boku sambahea aharagaangia mpuu i Gareja Karasiteni minaaka i auwalina.
\iot Antona
\io1 I - 150 Zaburu abagea i nuncana lima kolompo atawa o boku, mboomo incia sii:
\io1 Boku bhaa-bhaana: Zaburu 1--41
\io1 Boku i rua anguna: Zaburu 42--72
\io1 Boku i talu anguna: Zaburu 73--89
\io1 Boku i pata anguna: Zaburu 90--106
\io1 Boku i lima anguna: Zaburu 107--150
\c 1
\ms BOKU BHAA-BHAANA:
\s2 ZABURU 1--41
\s Kasanaa Saʼumurua
\sr 1:1-6
\q1
\v 1 Amasanaamo mia
\q2 inda moosena kaadharina mia madhaki,
\q1 inda aose mia mokodosa
\q1 tee inda aposabhangka tee manga mia pande pogauakana mia,
\q1
\v 2 maka mopeeluna moosena hukumuna KAWASANA OPU,
\q2 tee audhania malo tee eo.
\q1
\v 3 \x - \xo 1:3 \xo*\xt Yer. 17:8.\xt*\x*Mia incia sumai bheakohasili i nuncana opeapo ikarajaana.
\q2 Incia mboomo puuna kau ipombula i bhiwina uwe mosiwulu,
\q1 akobhake wakutuuna akawa bulaana,
\q2 tee o tawana inda amalau.
\b
\q1
\v 4 Maka o mia madhaki inda mboo sumai.
\q2 Manga incia mboomo kulina bhae ipolakaakana ngalu.
\q1
\v 5 Sababuna sumai o mia madhaki bheahukumua Aulataʼala wakutuuna atoʼadili,
\q2 mboomo uka o mia mokodosa inda bheapapesuaia i nuncana uumatina mobanara.
\q1
\v 6 Sababuna o KAWASANA OPU ajagani mia mobanara,
\q2 maka o mia madhaki bheabinasa.
\c 2
\s1 Raja Ilantina Kawasana Opu
\sr 2:1-12
\q1
\v 1 Opea o sababuna manga lipu atobungke,
\q2 tee manga raʼeatina lipu ahaejatiaka parakara mosia-sia?
\q1
\v 2 Manga rajana dunia sii apasiapuaka karona,
\q2 tee manga mokenina kuasa apomufakatimo
\q1 gauna aewangi KAWASANA OPU tee raja ipilina.\f + \fr 2:2 \fr*\fq raja ipilina: \fq*\ft Saro incia sii asusuaka to Isa Al Masi.\ft*\f* Pogauna manga incia,
\q1
\v 3 "Mai tabhotukia o kabhokena KAWASANA OPU tee raja ipilina,
\q2 tee tabhanakea o rabutana manga incia minaaka i ingkita!"
\b
\q1
\v 4 Incia mokokauncuramakana i sorogaa apotawa,
\q2 Kawasana Opu aele-ele manga incia.
\q1
\v 5 I wakutuu incia sumai Kawasana Opu bheafirimani i manga incia
\q2 tee apatokidha manga incia tee pamuruna,
\q1
\v 6 "Iaku padhamo kulanti rajaku i Sion,\f + \fr 2:6 \fr*\fq Sion: \fq*\ft Saro kaabhi-abhina Kota Yerusalem, tampana Baitulla.\ft*\f*
\q2 i gunuku momangkilona sumai."
\b
\q1
\v 7 Iaku bhekupogauaka opea mopadhana ipatotapuakana KAWASANA OPU.
\b
\q1 Incia padhamo afirimaniaku, "Ingkoomo anaku,
\q2 i eo sii Iaku kupamembaliko anaku.
\q1
\v 8 Emanimo i Iaku,
\q2 Sumaimo bhekudhawuakako manga lipu to amembali tinaurakamu,
\q2 tee saangua alamu kupamembalia pewauamu.
\q1
\v 9 Ingkoo bheupahancuru manga incia tee katuko ase
\q2 tee upasakia manga mboomo poluka reo."
\b
\q1
\v 10 Rampaakanamo sumai, e manga raja,
\q2 pewaumo aarifu!
\q2 Tarimamo kaadhari, e manga mokuasaina dunia!
\q1
\v 11 Sombamo i KAWASANA OPU tee umaekaia,
\q2 Rengkumo, tee upekatambe karomiu i aroana raja tee kaunde-unde.
\q1
\v 12 Sombamo Incia tee kakatena totona incamu
\q2 mamudhaakana Incia inda apamuru tee apabinasakomiu i dhala
\q2 roonamo Incia amasimba mpuu aʼamara.
\q1 Amasanaamo bhari-bharia mia
\q2 mopeuluna i Incia!
\c 3
\s1 Doʼa Saeona to Tapoaro tee Musu
\sr 3:1-9
\d Zaburuna Daud, wakutuu incia apalaiaka karona minaaka i anana mokosarona Absalom.\f + \fr 3:1 \fr*\fq Absalom: \fq*\ft Absalom sumai anana Raja Daud, bhemopekandawuna Daud minaaka i kauncuramakana, roonamo incia gauna bheamembali raja to abholosi Daud. Kamata \ft*\xt 2Sa. 15:13--17:22.\xt*\f*
\b
\q1
\v 1 E KAWASANA OPU, abhari mpuu o bhaliku!
\q2 Abhari mpuu moewangiaku!
\q1
\v 2 Abhari o mia mopogauakaaku,
\q2 "Aulataʼala amendeu atulungia." \qs Sela\qs*\f + \fr 3:3 \fr*\fq Sela: \fq*\ft Aipomo tandana to aunto wakutuuna lagu sumai atolaguaka, atawa o tanda to ahanda apekaogea o suarana, atawa onina gambusuna. Amembali uka to tanda to morangoa mamudhaakana asuju. \ft*\f*
\b
\q1
\v 3 Maka Ingkoo, e KAWASANA OPU, satotuuna o katangkesiku mojaganiaku,
\q2 Ingkoomo mopamembaliaku kutohoromati tee mopadhadhina incaku pendua.
\q1
\v 4 Iaku kugora kuemani tulungi i KAWASANA OPU,
\q2 tee Incia alawaniaku minaaka i gununa momangkilo.\f + \fr 3:5 \fr*\fq gununa momangkilo: \fq*\ft Gunu Sion i Kota Yerusalem, tampana ibaadatina miana Yahudi, siitumo Baitulla. Siitumo, miana Yahudi kananeana asarongiakea Gunu Sion "gununa momangkilo."\ft*\f* \qs Sela\qs*
\b
\q1
\v 5 Iaku kupotidhole kukole, kasiimpo alipa o mataku,
\q2 tee kubhangu roonamo KAWASANA OPU motukoaku.
\q1
\v 6 Iaku inda kumaeka tee rewu-rewuna musu
\q2 bhemolibuaku minaaka i bhari-bharia rope.
\b
\q1
\v 7 Bhangumo, KAWASANA OPU, tulungiaku e Aulataʼalaku!
\q2 Umbe, Ingkoo ubhebhe naunauna bhari-bharia musuku,
\q2 tee upekakatu ngincina manga mia madhaki.
\b
\q1
\v 8 Kasalaamati aumba minaaka i KAWASANA OPU.
\q2 Barakatimu to uumatimu! \qs Sela\qs*
\c 4
\s1 Doʼana Malo
\sr 4:1-9
\d To kapalana molaguna. Tee kagasiana gambusu. Zaburuna Daud.
\b
\q1
\v 1 E Aulataʼala, Ingkoomo moewaakaaku,
\q2 lawaniaku wakutuuna kugora.
\q1 Ingkoo udhawuaku kalalesa wakutuuna kumaseke.
\q2 Maasiakaaku tee rangomea o doʼaku!
\b
\q1
\v 2 E manga mia, saopea uka o kangengena ingkomiu upekarombu kamuliangiku?
\q2 Saopea uka o kangengena umaasiaka giu mosia-sia tee upeelo giu inda mobanara? \qs Sela\qs*
\q1
\v 3 Mataua ande o KAWASANA OPU padhamo apili samia mosaalihina to karona,
\q2 KAWASANA OPU bhearangoa ande kugora i Incia.
\q1
\v 4 \x - \xo 4:5 \xo*\xt Ef. 4:26.\xt*\x*Wakutuuna uʼamara, bholimo upewau dosa!
\q2 Pogaumo i nuncana ngangarandamu i kolemamu,
\q2 tee bholi tee uuʼuumu. \qs Sela\qs*
\q1
\v 5 Pasombaakamea o kurubani ipatotapuakana to Aulataʼala,
\q2 tee uparacaeamo i KAWASANA OPU.
\b
\q1
\v 6 Abhari o mia mopogauna, "Incema bhemosusuakana kalape to ingkita?"
\q2 E KAWASANA OPU, taroakamo caheana roumu asuluwi ingkami!
\q1
\v 7 Ingkoo upewau incaku akaunde-unde
\q2 alabhi minaaka i kaunde-undena o mia motaralabhi-labhina timpuana gandum tee angguruna.
\q1
\v 8 Tee namisi momasanaa bhekupotidhole, kasiimpo kutokole,
\q2 sababuna tangkanamo Ingkoo KAWASANA OPU,
\q2 mopewauna dhadhiku aʼamani!
\c 5
\s1 Doʼana Saeona
\sr 5:1-13
\d To kapalana molaguna. Tee kagasiana suli. Zaburuna Daud.
\b
\q1
\v 1 E KAWASANA OPU, rangoa o pogauku,
\q2 perangoia ipeenciakaku.
\q1
\v 2 Rangoa o goraku kuemani tulungi,
\q2 e Rajaku tee Aulataʼalaku,
\q2 roonamo i Ingkoomo iaku kudoʼa.
\q1
\v 3 E KAWASANA OPU, i wakutuuna raneeo Ingkoo urango doʼaku,
\q2 i wakutuuna raneeo kuʼatoro pasombaa to Ingkoo\f + \fr 5:4 \fr*\fq pasombaa to Ingkoo: \fq*\ft Maʼanana mencuana o Aulataʼala mofaraluuna saangu giu motopasombaakana to Incia (kamata \ft*\xt Zab. 50:9-13\xt*). Bhari-bharia motopasombaakana satotuuna to tamuliangi Incia, tasukuru i Incia, tee mamudhaakana amasanaa o namisina.\f* tee kuantaantagi kalawanimu.
\b
\q1
\v 4 Ingkoo mencuana Aulataʼala momaasiakana pewauna mia mokodosa;
\q2 mia madhaki inda amembali amboore i aroamu.
\q1
\v 5 Mia mosomboakana karona inda uundaakea adhaangia i aroamu.
\q2 Ingkoo ubanci bhari-bharia mia mopewauna kadhaki.
\q1
\v 6 Ingkoo upabinasa manga mia mogau-gau.
\q2 Umarikaia ukamata pande pekamatena mia tee pande tipu.
\b
\q1
\v 7 Maka rampaakanamo kaasimu inda momabhotu,
\q2 iaku bhekupesua i nuncana bhanuamu,
\q1 tee kusuju kusomba kupoaro i bhanuamu momangkilo,
\q2 tee kumaeka i Ingkoo.
\q1
\v 8 E KAWASANA OPU, susuakaaku dhalamu mobanara
\q2 roonamo manga musuku mojoli-joliaku.
\q1 Pekakatea o dhalamu i aroaku,
\q2 mamudhaakana kumembali kuose peeluamu.
\b
\q1
\v 9 Sababuna pogauna manga incia inda amembali atoparacaea,
\q2 i nuncana ngangarandana, manga incia gauna apahancuru mia mosagaanana.
\q1 Goncona manga incia mboomo koburu moponganga,
\q2 dhela tee kawujuna manga incia amameko.
\q1
\v 10 E Aulataʼala, taroakamo manga incia atanggo kasalahana,
\q2 bheakangkanai i karona opea mopadhana ihaejatiakana to mia.
\q1 Padhencua manga incia roonamo abhari o kasalahana,
\q2 tee manga incia adorohaka i Ingkoo.
\b
\q1
\v 11 Maka bhari-bharia mia mopeuluna i Ingkoo bheakaunde-unde,
\q2 manga incia bheasambo-sambo saʼumurua.
\q1 Jagania manga mia momaasiakana saromu,
\q2 mamudhaakana manga incia akaunde-unde i nuncana opea ipewaumu.
\q1
\v 12 Sababuna Ingkoomo mobarakatina mia mobanara, e KAWASANA OPU,
\q2 Ingkoo ujagani manga incia tee kaasimu mboomo katangkesi.
\c 6
\s1 Doʼa i Nuncana Kanarakaa
\sr 6:1-11
\d To kapalana molaguna, tee kagasiana gambusu. Mboomo lagu: I walu anguna. Zaburuna Daud.
\b
\q1
\v 1 E KAWASANA OPU, bholi uhukumuaku i nuncana amaramu,
\q2 tee bholi uwanduaku i nuncana pamurumu.
\q1
\v 2 Maasiakaaku, e KAWASANA OPU, sababuna atopadhamo bukuku,
\q2 pekatangkaaku roonamo bukuku arengku.
\q1
\v 3 Amapii incaku.
\q2 Bholi upekangenge inda ulawaniaku, e KAWASANA OPU!
\q1
\v 4 E KAWASANA OPU, mbulimo, tee utulungiaku minaaka i mate!
\q2 Pasalaamatiaku roonamo kaasimu molagina.
\q1
\v 5 Sababuna i alamuna mia mate Ingkoo indamo utoudhani,
\q2 tee i nuncana koburu indamo dhaangia uka mosukuruna tee Ingkoo.
\q1
\v 6 Iaku kumangule roonamo kapeenciku,
\q2 samalo-samalo loluku apotiburi abhaho kolemaku.
\q1
\v 7 Mataku amarea roonamo kaporona inca,
\q2 tee amarawu roonamo bhari-bharia bhaliku.
\b
\q1
\v 8 \x - \xo 6:9 \xo*\xt Mat. 7:23; Luk. 13:27.\xt*\x*Dhencumo minaaka i karoku, e manga mia mopewauna kadhaki,
\q2 roonamo KAWASANA OPU arangoa o tangiku.
\q1
\v 9 KAWASANA OPU arangomea iemaniku
\q2 tee atarimamea o doʼaku.
\q1
\v 10 Bhari-bharia musuku bheanamisi kaea tee atokidha mpuu,
\q2 manga incia asowo tee apokawaaka kaea sakijamata.
\c 7
\s1 Doʼa Emaniana Kaʼadili
\sr 7:1-18
\d Lagu kaporona incana Daud, ilaguakana to KAWASANA OPU roonamo Kus, miana Binyamin sumai.
\b
\q1
\v 1 E KAWASANA OPU, e Aulataʼalaku, Ingkoomo peulusaku,
\q2 pasalaamatiaku tee rambasakaaku minaaka i bhari-bharia mia mopajereaku
\q1
\v 2 mamudhaakana manga incia inda apapakiaku mboo singa
\q2 asoroaku tee abheka-bhekaaku wakutuuna inda dhaangia motulungiaku.
\b
\q1
\v 3 E KAWASANA OPU, e Aulataʼalaku, ande kupewau giu incia sii:
\q2 Ande kupewau inda aʼadili i mia mosagaanana,
\q1
\v 4 ande kuhianati sabhangkaku,
\q2 atawa kurampasi musuku inda tee sababuna,
\q1
\v 5 taroakamo musuku apajereaku tee arakoaku,
\q2 kasiimpo alandalandakiaku i tana,
\q2 tee adhika kamuliangiku i nuncana ngawu. \qs Sela\qs*
\b
\q1
\v 6 E KAWASANA OPU bhangumo i nuncana pamurumu,
\q2 kakaromo to uewangiaka manga musuku!
\q2 Bhangumo to iaku, roonamo Ingkoomo moʼadilina maanusia.
\q1
\v 7 Rombusakamea bhari-bharia lipu i saripimu,
\q2 tee ukapalaimea manga incia i bhawona kauncuramakamu momalanga.
\q1
\v 8 KAWASANA OPU moʼadilina parakarana manga lipu.
\q2 E KAWASANA OPU, dhawuaku kaʼadili,
\q2 roonamo ipewauku abanara tee amakate totona incaku.
\q1
\v 9 \x - \xo 7:10 \xo*\xt Wah. 2:23.\xt*\x*Pauntoa o mia mokodosa apewau momadhakina,
\q2 tee upekatangkea incana mia mosaalihi,
\q1 sababuna Ingkoo Aulataʼala mobanara,
\q2 momatauna incana tee baatinina maanusia.
\b
\q1
\v 10 Katangkesiku satotuuna o Aulataʼala,
\q2 mopasalaamatina mia momakatena totona incana.
\q1
\v 11 Aulataʼala satotuuna haakimu mobanara,
\q2 Incia apamuru saesaeo tee mia mopewauna kadhaki.
\q1
\v 12 Ande dhaangia o mia inda motoba, sumaimo Kawasana Opu bheawinto hancuna,
\q2 tee apasiapu panana.
\q1
\v 13 Incia apasiapuaka karona tee ewanga motomateaka,
\q2 tee akarajaa matana pana mokowaa.
\b
\q1
\v 14 Satotuuna o mia incia sumai akokadhumaaka kadhaki,
\q2 incia abhawa kasega i nuncana karona tee apalaahiri gau-gau.
\q1
\v 15 Incia aseli kabhalongko to mia mosagaanana,
\q2 maka o karona mokotibuna.
\q1
\v 16 Jadi incia ahukumua kasegana tee haejatina karona,
\q2 tee o kasega ipewauna bheapanarakaa karona.
\b
\q1
\v 17 Iaku bhekusukuru i KAWASANA OPU roonamo Incia aʼadili,
\q2 tee kulaguaka kapujia to KAWASANA OPU Momalanga.
\c 8
\s1 Mahaluku Mohina mboomo Mahaluku Momulia
\sr 8:1-10
\d To kapalana molaguna. Mboomo lagu Gitit.\f + \fr 8:1 \fr*\fq Gitit: \fq*\ft Zaburu incia sii aose suarana lagu tee gambusu minaaka i Gat, siitumo sala saangu kota miana Filistin. Gat sumai mopadhana imbooresina Nabii Daud wakutuuna apalaiaka karona minaaka i Raja Saul.\ft*\f* Zaburuna Daud.
\b
\q1
\v 1 E KAWASANA OPU,\f + \fr 8:2 \fr*\fq KAWASANA OPU: \fq*\ft Ande atoburi tee horofu maoge, saro incia sii o sarona karona Aulataʼala i oni Ibrani atosarongi YAHWEH, sainamo ande atoburi tee horofu maidhiidhi, maʼanana o Kawasana Opu (Ibrani: Adonai).\ft*\f* e Aulataʼalamami,
\q2 saromu amulia i saangua alamu!
\q2 Kaogesana kuasamu alabhi kalangana minaaka i laiana.
\q1
\v 2 \x - \xo 8:3 \xo*\xt Mat. 21:16.\xt*\x*Minaaka i ngangana manga anaana momaidhiidhi tee anaana modudu uka apuji kamuliangimu.
\q2 Roonamo Ingkoo padhamo upakaro bente potaangia momatangka
\q2 sabutuna o ngangana bhari-bharia musu tee bhalimu atosoncongi.
\q1
\v 3 Ande kutonto tee kufikiri laiana ipadhaangiamu,
\q2 bula tee kalipopo idhikamu,
\q1
\v 4 \x - \xo 8:5 \xo*\xt Ayb. 7:17; Zab. 144:3; Ibr. 2:6-8.\xt*\x*incema buaka o maanusia sumai, mbakana uudhania,
\q2 incema buaka o incia, mbakana udhambaakea?
\q1
\v 5 Maka upewau maanusia saidhepo apokana tee Aulataʼala,\f + \fr 8:6 \fr*\fq Aulataʼala: \fq*\ft Amembali uka maʼanana manga malaaʼekati atawa o mahalukuna sorogaa.\ft*\f*
\q2 upakanaakea tee mahakota kamuliangi tee kahoromati.
\q1
\v 6 \x - \xo 8:7 \xo*\xt 1Kor. 15:27; Ef. 1:22; Ibr. 2:8.\xt*\x*Udhawua kuasa to saangua alamu,
\q2 bhari-bharia ipadhaangiamu upatungkua i incia:
\q1
\v 7 Dumba, sapi tee bhari-bharia binata kadhambaaka,
\q2 tee manga binata i rumpu;
\q1
\v 8 Manu-manu tee manga ikane
\q2 bhari-bharia mahaluku i nuncana tawo.
\b
\q1
\v 9 E KAWASANA OPU, Aulataʼalamami,
\q2 saromu amulia i saangua alamu!
\c 9
\s1 Kawasana Opu Peulusana Mia Mosaalihi
\sr 9:1--10:18
\d To kapalana molaguna. Mboomo lagu: Matena Samia Ana. Zaburuna Daud.
\b
\q1
\v 1 Iaku bhekusukuru i KAWASANA OPU, tee mpuu-mpuuna incaku;
\q2 iaku bhekupetulatulaaka bhari-bharia ipewaumu inda momentela.
\q1
\v 2 Iaku bhekukaunde-unde tee kumasanaa roonamo Ingkoo;
\q2 iaku bhekulaguaka manga kapujia roonamo saromu, e KAWASANA OPU Momalanga.
\b
\q1
\v 3 Wakutuuna manga musuku asowo,
\q2 manga incia atosunu tee abinasa i aroamu.
\q1
\v 4 Ingkoo uewaaka parakaraku tee hakuku.
\q2 Ingkoo uhaakimu tee kabanara i bhawona kauncuramakamu.
\q1
\v 5 Ingkoo padhamo uhaakimu manga lipu
\q2 tee upabinasa manga mia madhaki,
\q1 Ingkoo padhamo uhapusua sarona manga incia
\q2 to saʼumurua.
\q1
\v 6 Manga musu amapupumo atopabinasa,
\q2 manga incia amofu saʼumurua.
\q1 Kota-kotana manga incia padhamo upahancurua mboomo ngawu atontalesaka,
\q2 kaudhania to manga incia uka ailamo.
\b
\q1
\v 7 Maka, KAWASANA OPU akokuasa saʼumurua.
\q2 Incia padhamo apatotapuaka kauncuramakana to aʼadili maanusia.
\q1
\v 8 Inciamo bhemohaakimuna dunia sii tee kabanara,
\q2 Incia ahaakimu manga lipu tee kaʼadili.
\q1
\v 9 Sumaimo KAWASANA OPU amembali tampana peulusa to mia motopisaki,
\q2 tampana peulusa i wakutuuna kanarakaa.
\q1
\v 10 Manga mia momatauna saromu
\q2 adhika kaparacaeana i Ingkoo,
\q1 roonamo Ingkoo inda ubholi
\q2 mia mopeelona Ingkoo, e KAWASANA OPU.
\b
\q1
\v 11 Lagumo tee pujimo KAWASANA OPU moparintana i Sion!
\q2 Pakoleleakamea manga pewauna i tanga-tangana manga lipu!
\q1
\v 12 Sababuna Incia audhani manga mia monarakaa
\q2 tee inda amalinguaka gorana mia motopisaki;
\q2 manga pande pekamatena mia bheabalasia tee ahukumua.
\b
\q1
\v 13 E KAWASANA OPU, maasiakaaku;
\q2 kamatea o kanarakaa ipewauna manga mia mobanciaku,
\q2 e Aulataʼala pasalaamatiaku minaaka i mate,
\q1
\v 14 mamudhaakana amembali kupujiko i bhambana kotana Puteri Sion,\f + \fr 9:15 \fr*\fq Puteri Sion: \fq*\ft Sarona to kota Yerusalem, roonamo atobhangu i Gunu Sion.\ft*\f* siitumo i raʼeatina Yerusalem,
\q2 roonamo upasalaamatiaku.
\q1
\v 15 Manga lipu amandawu i nuncana bhalo mopadhana ikarajaana manga incia,
\q2 Manga incia apesua i nuncana jari ipasana tee ibuniakana karona.
\q1
\v 16 KAWASANA OPU apapematauaka karona,
\q2 tee aʼadili ahaakimu maanusia.
\q1 Mia madhaki akana i katapu ikarajaana karona. \qs Sela\qs*
\b
\q1
\v 17 Manga mia madhaki bheambuli i duniana mia mate,
\q2 siitumo bhari-bharia lipu momalinguakana Aulataʼala.
\q1
\v 18 Maka o mia misikini inda sadia bheatomalinguaka,
\q2 tee inda saʼumurua bheaila opea iharapuna o mia monarakaa.
\b
\q1
\v 19 E KAWASANA OPU, bhangumo. Bholi utaroakea o maanusia akana!
\q2 Taroakamo manga lipu sumai uʼadilia i aroamu.
\q1
\v 20 Pekaekaia manga incia, e KAWASANA OPU!
\q2 Mamudhaakana manga lipu sumai amataua ande manga incia tangkanamo maanusia. \qs Sela\qs*
\c 10
\q1
\v 1 E KAWASANA OPU, pokia Ingkoo upekaridho?
\q2 Pokia Ingkoo ubuniaka karomu i wakutuuna ingkami tamaseke?
\q1
\v 2 Mia madhaki mosombo apajere mia motopisaki,
\q2 taroakamo manga incia akangkanaia katapuna momadhaki ihaejatiakana karona.
\q1
\v 3 Roonamo mia madhaki apuji-puji peeluana incana,
\q2 tee o mia masoʼo apekatunda tee ahina KAWASANA OPU.
\q1
\v 4 Mia madhaki apogau tee kasombo,
\q2 "Aulataʼala inda bheatuntua."
\q2 I fikirina tangkanamo, "Inda dhaangia o Aulataʼala!"
\q1
\v 5 Mia madhaki sadia apotibhaaka sagala ipeeluna.
\q2 Hukumuna Aulataʼala inda dhaangia o maʼanana to incia.
\q3 Incia apandaʼente bhari-bharia bhalina.
\q1
\v 6 Mia mokodosa apogau i nuncana ngangarandana, "Iaku sadhaadhaa bhekumatangka,
\q2 tee saʼumurua inda bheakangkanaiaku balaa."
\q1
\v 7 Ande apogau, o ngangana abukeaka katunda, gau-gau, tee kapisaki.
\q2 Incia sadia abhoasaka pogau madhaki tee apekabanci.
\q1
\v 8 Incia apekantaa i desa-desa,
\q2 Apekamate mia inda mosala, i tampa momalino.
\q2 Incia alukuti mia momalute.
\q1
\v 9 Incia apekantaa i tampa momalino
\q2 Mboomo singa i nuncana rumpu.
\q1 Incia apekantaa to arako mia motopisaki.
\q2 Arako mia motopisaki tee apapesuaia i nuncana jarina.
\q1
\v 10 Incia aʼungko mamudhaakana apekapapaki,
\q2 kasiimpo tee kakaana bukuna incia apakotibu mia malute sumai.
\q1
\v 11 Pogauna i nuncana ngangarandana, "Aulataʼala inda afaduliakea,
\q2 Incia apopiro tee sadia inda akamata opeopea uka."
\b
\q1
\v 12 E KAWASANA OPU, bhangumo. Hukumumea manga mia madhaki!
\q2 Bholi umalinguaka mia motopisaki.
\q1
\v 13 Apokia manga mia madhaki sadia ahina Aulataʼala?
\q2 Manga incia apogau i nuncana ngangarandana, "Ingkoo inda bheutuntua!"
\q1
\v 14 Maka Ingkoo dhaanamo ukamatea, roonamo Ingkoomo mokamatana manga mia mosukara tee mia monarakaa,
\q2 tee uewaaka parakarana manga incia.
\q1 Mia momalute apasarakaaka karona i Ingkoo,
\q2 roonamo Ingkoomo motulungina manga ana maelu.\f + \fr 10:14 \fr*\fq manga ana maelu: \fq*\ft I nuncana oni Ibrani, pogau incia sii amenturu atopake to apogauaka manga mia monarakaa tee momisikini sababuna inda dhaangia modhambaakana manga incia.\ft*\f*
\q1
\v 15 Katukimea o takiona mia mokodosa tee mia madhaki,
\q2 tuntumea o dosana manga incia,
\q2 sakawana inda upotibhaakea uka.
\b
\q1
\v 16 KAWASANA OPU aparinta saʼumurua,
\q2 manga lipu inda momatauna Incia bheamofu minaaka i lipuna.
\q1
\v 17 \x - \xo 10:17 \xo*\xt Rom. 3:14.\xt*\x*E KAWASANA OPU, opea ipeeluna manga mia motopisaki uperangoia.
\q2 Ingkoo bheupekatangka incana manga incia,
\q2 tee utaaia o talingamu
\q1
\v 18 to uewaaka ana maelu tee mia motopisaki
\q2 mamudhaakana inda dhaangia o maanusia mopekaekana manga incia.
\c 11
\s KAWASANA OPU Tampana Peulusa
\sr 11:1-7
\p
\v 1 To kapalana molaguna. Zaburuna Daud.
\b
\q1 Iaku kupeulu i KAWASANA OPU;
\q2 inda tee faʼedana upogau tee iaku,
\q2 "Pasalaamatimea o karomu mboomo manu-manu mopolakana i gunu.
\q1
\v 2 Roonamo mia madhaki apekangkanamo panana
\q2 tee apasa matana panana
\q2 to apana mia momakatena incana i tampa momalalanda.
\q1
\v 3 Ande o tuturana raʼeatina atopahancuru,
\q2 mia mobanara inda amembali apewau opeopea."
\b
\q1
\v 4 KAWASANA OPU dhaangia i nuncana Baitulla momangkilo,
\q2 kauncuramakana KAWASANA OPU dhaangia i sorogaa.
\q1 Incia atiliki maanusia
\q2 tee amataua sabhara ipewauna manga incia.
\q1
\v 5 KAWASANA OPU auji mia mobanara tee mia madhaki,
\q2 Incia abanci mia mopewauna kasega.
\q1
\v 6 Incia bheapadhaangia balaa to mia madhaki tee apasapoakea tee waa morore tee walera,
\q2 tee ngalu imangauaka siitumo to kahukumuna mia madhaki.
\b
\q1
\v 7 Sababuna KAWASANA OPU aʼadili,
\q2 Incia amaasiaka kabanara.
\q2 Mia momakatena incana bheakamata tee bheamatau Incia.
\c 12
\s1 Doʼa Emaniana Tulungi i KAWASANA OPU
\sr 12:1-9
\d To kapalana molaguna. Mboomo lagu: I walu anguna. Zaburuna Daud.
\b
\q1
\v 1 E KAWASANA OPU, manga tulungipo,
\q2 sababuna indamo dhaangia mia mosaalihi,
\q2 manga mia motaʼatina tee Ingkoo indamo dhaangia.
\q1
\v 2 Manga incia bhari-bharia aposapopagau-gau, podho-podho manga incia;
\q2 dhelana manga incia apekapuji, maka o ngangarandana apekatipu.
\b
\q1
\v 3 Maasangia o KAWASANA OPU adhodho bhari-bharia bhiwina manga mia momamekona pogauna
\q2 tee dhelana manga mia mosombo.
\q1
\v 4 Manga incia apogau,
\q1 "Ingkami takokuasa tee pogau ibhoasakamami!
\q2 Ingkami tatangkaaka bhiwimami!
\q2 Inda dhaangia mojoli-jolina ingkami!"
\b
\q1
\v 5 Firimanina KAWASANA OPU, "Roonamo mia maidhiidhi atopisaki
\q2 tee mia misikini apeenci roonamo anarakaa,
\q1 sabutuna sii-sii kuumba kudhawua kaʼamani
\q2 mboomo ipeeluna manga incia.
\q1
\v 6 KAWASANA OPU abhoasaka pogau momangkilo wakutuuna Incia apojanji.
\q2 Janjina amatangka mpuu,
\q2 mboomo pera asilii motorabuna pitu mpearo i nuncana waa.
\b
\q1
\v 7 E KAWASANA OPU, Ingkoo bheujagani ingkami minaaka i manga mia madhaki sii.
\q2 Ingkoo ujagani ingkami sadia to saʼumurua.
\q1
\v 8 Mia madhaki pekawulu-wulu iapai-iapai tee abarani
\q2 roonamo kadhakina aabhia atopuji i tanga-tangana anana maanusia.
\c 13
\s1 Doʼana Mia Moparacaeana tee Kaasina Aulataʼala
\sr 13:1-6
\d To kapalana molaguna. Zaburuna Daud.
\b
\q1
\v 1 Sakawana naepia, e KAWASANA OPU? Saʼumurua buaka Ingkoo umalinguakaaku?
\q2 Sakawana naepia Ingkoo ubuniaka roumu minaaka i karoku?
\q1
\v 2 Sakawana naepia kutanggo kanarakaa i nuncana karoku?
\q2 Saeoa amaporo incaku.
\q2 Sakawana naepia akuasaiaku musuku?
\b
\q1
\v 3 E KAWASANA OPU, Aulataʼalaku, kamatea tee ulawaniakumo.
\q2 Pekatangkea o bukuku mamudhaakana inda kumate!
\q1
\v 4 Bholi utaroakea o musuku apogau, "Kutalomea!"
\q2 Tee o bhaliku akaunde-unde wakutuuna kusindoli.
\b
\q1
\v 5 Maka kuparacaea o kaasimu molagina,
\q2 Incaku akaunde-unde roonamo upasalaamatiaku.
\q1 Iaku gauku kulagu to KAWASANA OPU
\q2 roonamo Incia padhamo apewau kalape tee iaku!
\c 14
\s1 Kadhakina Maanusia Inda Moparacaeana Kawasana Opu
\sr 14:1-7
\p
\v 1 \x - \xo 14:1-3 \xo*\xt Rom. 3:10-12.\xt*\x*\x - \xo 14:1-7 \xo*\xt Zab. 53.\xt*\x*To kapalana molaguna. Zaburuna Daud.
\b
\q1 Mia mokabhongo-bhongo apogau i nuncana ngangarandana,
\q2 "Inda dhaangia o Aulataʼala."
\q1 Pewauna manga incia amadhaki tee atomarika,
\q2 inda dhaangia mopewauna kalape.
\q1
\v 2 Minaaka i sorogaa KAWASANA OPU atonto
\q2 anana maanusia,
\q1 to akamata ara dhaangia o mia moʼaarifu,
\q2 mopeelona Aulataʼala.
\q1
\v 3 Bhari-bharia mia abholi dhala mobanara tee akarajaa giu momadhaki.
\q2 Inda dhaangia mopewauna kalape, moomini samia uka.
\b
\q1
\v 4 Firimanina Aulataʼala, "Buaka apesua i akala, ande bhari-bharia mia mopewauna kadhaki inda amatau giu momalape?
\q2 Manga incia apekaoge karona tee akande uumatiku mboomo akande roti,
\q2 tee inda adoʼa i Iaku."
\q1
\v 5 Iwe sumai manga incia bheamaeka mpuu
\q2 roonamo Aulataʼala atulungi uumatina mobanara.
\q1
\v 6 Ingkomiu bheupekaea haejatina mia motopisaki,
\q2 maka o KAWASANA OPU amembali peulusana manga incia.
\b
\q1
\v 7 Maasangia kasalaamati to miana Israel aumba minaaka i Sion, kotana Aulataʼala!
\q2 Wakutuuna KAWASANA OPU apambuli kadhaangiana uumatina,
\q2 siwuluna Yakub bheamasanaa o namisina tee o Israel bheakaunde-unde.
\c 15
\s1 Mia Molaengana to Aumba i KAWASANA OPU
\sr 15:1-5
\p
\v 1 Zaburuna Daud.
\b
\q1 E KAWASANA OPU, incema momembalina mobutuna i Kemamu Momangkilo?
\q2 Incema momembalina momboorena i gunumu momangkilo?
\q1
\v 2 Siitumo mia modhadhina inda tee kasalahana,
\q2 mopewauna kalape,
\q1 tee mopogauakana mototuuna
\q2 tee incia apogau tee mpuu-mpuuna incana.
\q1
\v 3 Manga incia inda afitanaa tee dhelana,
\q2 inda apewau kadhaki i sabhangkana,
\q2 tee inda apekadhaki sarona sarimbanuana.
\q1
\v 4 Manga incia inda mohoromatina manga mia inda itarimana Aulataʼala,
\q2 maka ahoromati mia momaekana KAWASANA OPU,
\q1 motaʼatina janjina,
\q2 moomini amarugi.
\q1
\v 5 Manga incia apekapaadhaaka doina tee inda aala laba,
\q2 tee inda atarima kasogo to aewangi mia inda mosala.
\b
\q1 Mia mopewauna mboo sumai
\q2 bheamasanaa tee aʼamani saʼumurua.
\c 16
\s1 Kasanaana Mia Mosaalihi
\sr 16:1-11
\p
\v 1 Miktam.\f + \fr 16:1 \fr*\fq Miktam: \fq*\ft Sarona sala saangu zaburu mokomaʼanana kabhanti bulawa. Miktam minaaka i oni \ft*\it kethem\it* i nuncana pogau Ibrani akomaʼana "bulawa." \f* Zaburuna Daud.
\b
\q1 E Aulataʼala, jaganiaku
\q2 roonamo Ingkoomo peulusaku.
\q1
\v 2 Iaku kupogau i KAWASANA OPU, "Ingkoomo Kawasana Opuku,
\q2 inda dhaangia momalapena to iaku, tangkanamo Ingkoo."
\b
\q1
\v 3 Mia momangkilo modhaangiana i alamu,
\q2 manga inciamo o mia momulia mosadiana ipeeluku.
\b
\q1
\v 4 Kanarakaana manga mia mosombana dewa mosagaanana bheahanda kabharina.
\q2 Iaku inda bhekulali pasombaana raana kurubanina manga incia,
\q2 atawa uka kusarongi sarona manga dewa mosagaanana i bhiwiku.
\b
\q1
\v 5 E KAWASANA OPU, tangkanamo Ingkoo o pusakaku,
\q2 Ingkoomo motantuakana dhalana dhadhiku,
\q2 Ingkoomo mokenina katooku.
\q1
\v 6 Ingkoomo modhawuaku manga giu momakesa
\q2 satotuuna kadhawumu sumai mopaunde-undeaku.
\b
\q1
\v 7 Iaku kupuji KAWASANA OPU, mopadhana moudhaniakaaku;
\q2 i wakutuuna malo baatiniku aadhariaku.
\q1
\v 8 \x - \xo 16:8-11 \xo*\xt Tul. 2:25-28.\xt*\x*Iaku sadia kuudhani KAWASANA OPU;
\q2 Incia dhaangia i saripiku, rampaakanamo sumai kumatangka.
\b
\q1
\v 9 Sababuna sumai, incaku amasanaa tee ngangarandaku akaunde-unde,
\q2 badaku aponiunto tee kuʼamani.
\q1
\v 10 \x - \xo 16:10 \xo*\xt Tul. 13:35.\xt*\x*Sababuna Ingkoo inda utaroakaaku kumate,
\q2 mia mosaalihi inda utaroakea abinasa.
\b
\q1
\v 11 Upaumbaakaaku dhala moporopena i dhadhi imalapeaka,
\q2 i aroamu abhari mpuu kasanaa,
\q2 i lima kaanamu dhaangia kasanaa to saʼumurua.
\c 17
\s1 Atopajere Moomini Inda Asala
\sr 17:1-15
\p
\v 1 Doʼana Daud.
\b
\q1 E KAWASANA OPU, maasangia uperangoi parakara mobanara.
\q2 Tilikia o goraku!
\q1 Perangoia o doʼaku,
\q2 molimbana minaaka i bhiwiku mojujuruna sii.
\q1
\v 2 Taroakamo kambotuna parakaraku aumba minaaka i Ingkoo,
\q2 roonamo matamu akamata kabanara.
\b
\q1
\v 3 Ande Ingkoo uuji ngangarandaku,
\q2 tee uumba utilikiaku i wakutuuna amalo,
\q1 ande uujiaku mboomo mia moujina bulawa,
\q2 sumaimo Ingkoo inda bheupotibhaaka kadhaki i nuncana karoku.
\q1 Iaku padhamo kuneati
\q2 mamudhaakana inda kubhoasaka manga pogau mosala, mboomo ipewauna manga mia mosagaanana.
\q1
\v 4 Alaloi firimani ipakawaakamu,
\q2 iaku padhamo kujagani karoku minaaka i dhalana manga mia mopewauna kasega.
\q1
\v 5 Bhengkalaku sadhaadhaa aose dhalamu,
\q2 tee o aeku inda asindoli.
\b
\q1
\v 6 Iaku kugora i Ingkoo
\q2 roonamo Ingkoo bheulawaniaku, e Aulataʼala.
\q1 Perangoiaku,
\q2 rangoa manga pogauku.
\q1
\v 7 Susuakaaku o kaasimu molagina inda momentela sumai!
\q2 Lima kaanamu\f + \fr 17:7 \fr*\fq lima kaanamu: \fq*\ft Ibaratina kuasana Aulataʼala mopapeuluna tee mopasalaamatina maanusia.\ft*\f* mopasalaamatina manga mia mopeuluna i Ingkoo minaaka i musuna.
\q1
\v 8 Jaganiaku mboomo opea imaasiakamu,
\q2 jaganiaku mboomo inana manu-manu mojaganina anana i nuncana panina
\q1
\v 9 minaaka i mia madhaki bhemopabinasaaku,
\q2 siitumo manga musu molibuaku to mopekamateaku.
\b
\q1
\v 10 Manga incia inda tee kaasina incana,
\q2 tee abhoasaka pogau mosombo.
\q1
\v 11 Sii-sii manga incia aose bhengkalaku to alibuaku,
\q2 apeelo dhala to arambitakaaku i tana.
\q1
\v 12 Manga incia mboomo singa mopapakina kinandena,
\q2 mboomo singa mangura mopekantaana i tampa momalino.
\b
\q1
\v 13 E KAWASANA OPU, bhangumo.
\q2 Poaroakamea tee upekatalomea manga incia!
\q1 Pasalaamatiaku tee ewangamu minaaka i manga mia madhaki,
\q2
\v 14 e Kawasana Opu, pasalaamatiaku tee limamu minaaka i manga mia madhaki,
\q2 minaaka i manga mia soo mofaduliakana harataana dunia.
\q1 Maka pekambosua manga mia imaasiakamu.
\q2 Maasangia manga anana atumpu incana
\q2 tee abholi tinaurakana to manga siwuluna.
\b
\q1
\v 15 Roonamo kubanara, iaku bhekutonto roumu,
\q2 tee wakutuuna kubhangu, bheatumpu incaku roonamo kudhaangiapo i saripimu.
\c 18
\s1 Lagu Kasukuruna Daud
\sr 18:1-51
\d \x - \xo 18:1-51 \xo*\xt 2Sa. 22.\xt*\x*To kapalana molaguna. Minaaka i bhatuana KAWASANA OPU, siitumo o Daud, mopakawaakana lagu incia sii to KAWASANA OPU, wakutuuna KAWASANA OPU arambasaka Daud minaaka i limana Saul tee minaaka i manga musuna. Incia apogau,
\b
\q1
\v 1 "Iaku kumaasiakako, e KAWASANA OPU, kakaaku!
\q1
\v 2 KAWASANA OPU mboomo kabumbuna bhatuku, bente potaangiaku, tee mopabebasiaku.
\q2 Aulataʼala isombaku mboomo gunu bhatu, tee kupeulu i Incia.
\q2 Incia o katangkesiku, mopasalaamatiaku minaaka i musuku, tee o tampana peulusaku mamudhaakana sadia kuʼamani.
\q1
\v 3 Iaku kugora i KAWASANA OPU molaengana ipuji,
\q2 tee Incia apasalaamatiaku minaaka i manga musuku.
\b
\q1
\v 4 Manga jari imateaka arimpuaku,
\q2 tee akangkanaiaku uwena mawa maoge mopabinasaaku,
\q1
\v 5 Rabutana duniana mia mate arimpuaku,
\q2 tee manga katapu imateaka atotaa i aroaku.
\q1
\v 6 I nuncana kasukara iaku kugora i KAWASANA OPU,
\q2 tee kupekee kuemani tulungi i Aulataʼalaku.
\q1 Incia arango suaraku minaaka i Baitullana,
\q2 tee o pekeeku i Incia akawa i talingana.
\b
\q1
\v 7 Sumaimo o alamu akohudha tee akolendu,
\q2 manga gunu uka atorende tee akohudha roonamo pamuruna Aulataʼala.
\q1
\v 8 Ombu alimba minaaka i angona,
\q2 waa alimba minaaka i ngangana,
\q2 weona waa akarore-rore.
\q1
\v 9 Laiana awetaia, kasiimpo Incia asapo
\q2 tee taʼina ngalu malalanda i tambena aena.
\q1
\v 10 Incia asawi i malaaʼekati kerub\f + \fr 18:11\fr*\fq malaaʼekati kerub: \fq*\ft Malaaʼekati igambaraaka mboomo mahaluku mokopani, agambaraaka kalangana Aulataʼala tee umbaana. Apogauakea ande kauncuramakana KAWASANA OPU dhaangia i bhawona manga malaaʼekati kerub. Dhaangia patuna rua malaaʼekati kerub i bhawona sorongana pojanjia tee i piamo itu Musa atarima firimanina Aulataʼala minaaka iwe sumai. Kamata \ft*\xt Limb. 25:18-19.\xt*\f* kasiimpo apolaka,
\q2 atinti tee asawi i bhawona ngalu.
\q1
\v 11 Incia abuniaka karona tee kalalanda,
\q2 tampana mbooresana satotuuna o wao momalalanda tee taʼina ngalu momakapa i laiana.
\q1
\v 12 Minaaka i cahea i aroana,
\q2 waona esi tee weona waa alimbamo minaaka i manga taʼina ngaluna.
\q1
\v 13 KAWASANA OPU apakoguntu i laiana,
\q2 tee Aulataʼala Momalanga apaperangoiaka suarana i tanga-tangana waona esi tee weona waa.
\q1
\v 14 Incia arambasaka manga panana tee apapogaa-gaa musuna,
\q2 bhibhito apokilati sabutuna manga incia apalai amantale.
\q1
\v 15 Tambena tawo atokamata roonamo tawo amatuu,
\q2 tee atokamatamo fondasina alamu
\q1 roonamo kagorampangimu, e KAWASANA OPU,
\q2 tee roonamo poinuncana angomu.
\b
\q1
\v 16 KAWASANA OPU apaulu limana minaaka i kalangaana tee apasalaamatiaku,
\q2 Incia ahelaaku minaaka i uwena mawa imateaka.
\q1
\v 17 Incia apasalaamatiaku minaaka i musuku momakaana
\q2 tee minaaka i manga mia mobanciaku,
\q2 roonamo musuku amarasai mpuu kutaloa.
\q1
\v 18 Manga incia ahumbuniaku i wakutuuna kusukara,
\q2 maka KAWASANA OPU motulungiaku,
\q1
\v 19 Incia apalimbaaku minaaka i kaseke tee abhawaaku i tampa momalalesa,
\q2 tee apasalaamatiaku roonamo amaasiakaaku.
\q1
\v 20 KAWASANA OPU amalape tee iaku apokana tee kabanaraku,
\q2 Incia abalasi pewauku, apokana tee kangkilona limaku
\q1
\v 21 roonamo iaku sadhaadhaa kutaʼati parintana KAWASANA OPU
\q2 tee inda kupewau madhaki i Aulataʼalaku.
\q1
\v 22 Bhari-bharia hukumuna dhaangia i aroaku,
\q2 tee iaku inda kupekaridho minaaka i manga katotapuna.
\q1
\v 23 Iaku inda kupewau madhaki i incia,
\q2 tee kujagani karoku minaaka i kasalaha.
\q1
\v 24 Sumaimo KAWASANA OPU abalasi pewauku mobanarana
\q2 roonamo kumangkilo i aroana.
\q1
\v 25 I mia motaʼati, Ingkoo ususuakea kaasimu molagina
\q2 tee i mia momalape, Ingkoo umalape.
\q1
\v 26 I mia momangkilo, Ingkoo umangkilo,
\q2 maka Ingkoo uewangi mia momadhakina incana.
\q1
\v 27 Ingkoo mopasalaamatina uumati motopisaki,
\q2 maka o mia mosombo upekaeaia.
\q1
\v 28 Ingkoo mopakatana suluku,
\q2 KAWASANA OPU, Aulataʼalaku, mosuluwina kalalandaku.
\q1
\v 29 Satotuuna roonamo Ingkoo, iaku kumembali kuewangi gorombola musuku
\q2 tee kumembali kukompasi rindina bentena.
\q1
\v 30 Pewauna Aulataʼala sadia amalape,
\q2 tee firimanina KAWASANA OPU atouji.
\q1 Incia o katangkesi to bhari-bharia mia
\q2 tee amasanaamo mia mopeuluna i Incia.
\q1
\v 31 Sababuna tangkanamo KAWASANA OPU o Aulataʼalata,
\q2 soomo Aulataʼala peulusata.
\q1
\v 32 Aulataʼala mopekatangkaaku,
\q2 tee aparatea o dhalaku mamudhaakana kuʼamani.
\q1
\v 33 Incia apekatangka aeku mboomo aena rusa mamudhaakana kumadhei kubuntuli,
\q2 tee ajagani kasalaamatiku i gunu.
\q1
\v 34 Incia aadhariakaaku carana potimbe,
\q2 sabutuna amembali kupaubhe pana tambagaku.
\q1
\v 35 Ingkoo katangkesiku tee mopasalaamatiaku,
\q2 tee kuasamu iaku kuʼamani,
\q2 tee kalapemu kumembali kumakaa mpuu.
\q1
\v 36 Ingkoo upekaewa dhala to bhengkalaku,
\q2 tee aeku inda asindoli.
\q1
\v 37 Iaku kupajere manga musuku, tee kurako manga incia,
\q2 Iaku inda bhekumbuli ande manga incia inda atopepadhai.
\q1
\v 38 Kupahancurua manga sakawana inda amembali abhangu pendua,
\q2 tee kupatobhatea i aroaku.
\q1
\v 39 Ingkoo udhawuaku kakaa to kupotimbe,
\q2 roonamo Ingkoo iaku amembali kutalo manga musuku.
\q1
\v 40 Ingkoo upewau manga musuku apalai minaaka i iaku,
\q2 manga mia mobanciaku kupabinasea.
\q1
\v 41 Manga incia apekee aemani tulungi maka inda dhaangia mopasalaamatia.
\q2 Manga incia apekee i KAWASANA OPU,
\q2 maka Incia inda alawani.
\q1
\v 42 Kupahancurua manga mboomo ngawu ipolakaakana ngalu,
\q2 tee kulandakia manga mboomo tomba i dhala.
\q1
\v 43 Ingkoo upabebasiaku minaaka i raʼeati modorohaka,
\q2 Upamembaliaku mokuasaina manga lipu.
\q2 Tee lipu inda imatauku amembali bhatuaku.
\q1
\v 44 Manga incia arango tee ataʼati parintaku.
\q2 Manga mia dhaga uka asomba tee arengku i aroaku.
\q1
\v 45 Manga mia dhaga ailamo kabaranina,
\q2 tee arengku alimba minaaka i bente potaangiana.
\q1
\v 46 Iaku kumataua ande o KAWASANA OPU adhadhi! Bhari-bharia kapujia to peulusaku!
\q2 Muliangia o Aulataʼala, mopasalaamatiaku!
\q1
\v 47 Aulataʼala motulungiaku kutalo manga musuku,
\q2 tee manga lipu kukuasaia.
\q2
\v 48 Incia mopasalaamatiaku minaaka i manga musuku.
\q1 Satotuuna, Ingkoomo mopekalangaaku minaaka i musu moewangiaku
\q2 tee upasalaamatiaku minaaka i mia momasega.
\q1
\v 49 \x - \xo 18:50 \xo*\xt Rom. 15:9.\xt*\x*Sababuna sumai, iaku bhekusukuru i Ingkoo, e KAWASANA OPU, i tanga-tangana manga lipu,
\q2 tee iaku bhekulaguaka kapujia to saromu.
\q1
\v 50 Aulataʼala adhawuaka kasalaamati momaoge to raja ipilina,
\q2 tee asusuaka kaasina molagina i mia ilantina,
\q2 siitumo o Daud tee siwuluna to saʼumurua.
\c 19
\s1 Kamuliangina Aulataʼala i Nuncana Ipadhaangiana tee Hukumuna
\sr 19:1-15
\d To kapalana molaguna. Zaburuna Daud.
\b
\q1
\v 1 Laiana apetulatulaaka kamuliangina KAWASANA OPU,
\q2 tee laiana apogauaka ikarajaana.
\q1
\v 2 Saesaeo laiana abhoasaka pogauna,
\q2 tee samalo-samalo uka apakoleleaka ilimuu.
\q1
\v 3 Inda tee pogau atawa o bhoasaka,
\q2 suarana uka inda atorango.
\q1
\v 4 \x - \xo 19:5 \xo*\xt Rom. 10:18.\xt*\x*Maka o lelena atorango i saangua alamu,
\q2 tee kasameana sumai akawa i tapana dunia.
\b
\q2 KAWASANA OPU apadhaangia laiana to mbooresana matanaeo.
\q1
\v 5 Kasiimpo matanaeo abhete i wakutuu saeona,
\q2 mboomo panganti umane molimbana minaaka i kolemana,
\q2 mboomo samia hiri akaunde-unde wakutuu apepuungi lingkaana.
\q1
\v 6 Matanaeo abhete minaaka i tapana laiana,
\q2 atii akawa i tapa mosagaanana,
\q2 inda dhaangia molapana minaaka i kasodhona.
\b
\q1
\v 7 Hukumuna KAWASANA OPU amondo tee inda tee kakurangana,
\q2 apadhadhi inca.
\q1 Tuturana KAWASANA OPU atoparacaea,
\q2 adhawu hikimati i manga mia inda moʼaarifu.
\q1
\v 8 Tuturana KAWASANA OPU sumai abanara,
\q2 apasanaa ngangaranda.
\q1 Parintana KAWASANA OPU sumai atinda,
\q2 amembali kainawa to karota.
\q1
\v 9 Namisi kaeka i KAWASANA OPU sumai amangkilo,
\q2 to saʼumurua.
\q1 Tuturana KAWASANA OPU sumai atoparacaea
\q2 tee aʼadili bhari-bharia.
\q1
\v 10 Hukumuna KAWASANA OPU alabhi o kaalina minaaka i bulawa asilii,
\q2 moomini abhari bulawa asilii,
\q1 alabhi o kamekona minaaka i golana uwani,
\q2 moomini golana uwani asilii minaaka i bhanuana uwani.
\q1
\v 11 Bhari-bharia hukumumu sumai audhaniaka bhatuamu sii;
\q2 dhaangia o fahala maoge to mia motaʼatina parintamu.
\b
\q1
\v 12 Incema buaka momembalina momatauna kasalahana karona?
\q2 Pekangkiloakumo minaaka i manga dosa motobuniaka.
\q1
\v 13 Jaganiaku mamudhaakana inda kupewau dosa iporadhamii,
\q2 tee bholi utaroakea manga dosa akuasaiaku.
\q1 Kasiimpo iaku indamo uka kupewau madhaki,
\q2 tee kumangkilo minaaka i kasalaha momaoge.
\q1
\v 14 Maasangia o pogauku tee bhokuna ngangarandaku utarimaia,
\q2 e KAWASANA OPU, peulusaku tee motolosiaku.
\c 20
\s1 Doʼa Emaniana Takana
\sr 20:1-10
\d To kapalana lagu. Zaburuna Daud.
\b
\q1
\v 1 Maasangia KAWASANA OPU alawaniko
\q2 i wakutuuna kasukara,
\q2 maasangia Aulataʼala, isombana Yakub ajaganiko!
\q1
\v 2 Maasangia Incia atulungiko minaaka i tampa momangkilo,
\q2 tee atukoko minaaka i Gunu Sion.
\q1
\v 3 Maasangia Incia audhani bhari-bharia pasombaamu,
\q2 tee atarima kurubani tunuamu. \qs Sela\qs*
\q1
\v 4 Maasangia Incia adhawuko opea ipeelumu,
\q2 tee apewau bhari-bharia haejatimu akohasili.
\q1
\v 5 Ingkami bhetasambo-sambo roonamo Ingkoo ukanamo,
\q2 tee tapabhale tombi to tapuji Aulataʼalamami.
\q2 Maasangia KAWASANA OPU adhawuko bhari-bharia iemanimu!
\b
\q1
\v 6 Sii-sii iaku kumataua ande o KAWASANA OPU mopasalaamatina
\q2 raja ilantina.
\q1 Minaaka i sorogaa momangkilo Incia bhealawani
\q2 tee kuasana lima kaanana mopasalaamatina.
\q1
\v 7 Dhaangia o mia motangkaakana manga kareta potimbeana,
\q2 dhaangia uka motangkaakana manga ajarana,
\q2 maka ingkita tatangkaaka sarona KAWASANA OPU, Aulataʼalata.
\q1
\v 8 Manga incia atosunu tee amandawu,
\q2 maka ingkita tabhangu takabhale-bhale tee tamatangka.
\b
\q1
\v 9 E KAWASANA OPU, pasalaamatia o raja,
\q2 manga lawani i wakutuuna ingkami tagora.
\c 21
\s1 Kapujiana to Kamangantalona Raja
\sr 21:1-14
\d To kapalana molaguna. Zaburuna Daud.
\b
\q1
\v 1 E KAWASANA OPU, raja akaunde-unde roonamo kuasamu
\q2 tee amaoge mpuu o undena roonamo kasalaamati minaaka i Ingkoo!
\q1
\v 2 Ingkoo udhawua opea ipeeluna,
\q1 tee Ingkoo uundapia iemanina. \qs Sela\qs*
\q1
\v 3 Satotuuna, Ingkoo upepago incia tee barakati motaralabhi-labhi,
\q2 Ingkoo upasaakea mahakota minaaka i bulawa asilii i bhaana.
\q1
\v 4 Incia aemani dhadhi i karomu, tee Ingkoo udhawuakea
\q2 umuru marambe to saʼumurua.
\q1
\v 5 Amaoge o kamuliangina roonamo kasalaamati minaaka i karomu,
\q2 kaogesa tee kuasa udhawuakea to incia.
\q1
\v 6 Ingkoo udhawuakea barakati to incia saʼumurua,
\q2 tee upaunde-undea namisina i aroamu.
\q1
\v 7 Raja aparacaea i KAWASANA OPU,
\q2 tee roonamo kaasina molagina Aulataʼala Momalanga, incia inda bheasindoli.
\b
\q1
\v 8 Tee kuasamu bheurako bhari-bharia musumu,
\q2 tee kuasamu karomu bheurako manga mia mobanciko.
\q1
\v 9 Ingkoo bheupamembali manga incia mboomo waa mokarore-rore
\q2 wakutuuna upatiumba karomu.
\q1 Roonamo tee pamuruna KAWASANA OPU, manga incia bheatopepadhai,
\q2 tee manga incia bheakandea waa.
\q1
\v 10 Bhari-bharia anana tee opuopuana manga incia bheupabinasea minaaka i bhawona alamu,
\q2 tee o siwuluna manga incia uka minaaka i tanga-tangana anana maanusia.
\q1
\v 11 Moomini manga incia ahaejati madhaki to Ingkoo,
\q2 tee ahaejati bheatipuko, manga incia inda bheamembali.
\q1
\v 12 Ingkoo bheupewau manga incia apalaiaka karona
\q2 wakutuuna uhela matana panamu tee upatotoaka rouna manga incia.
\b
\q1
\v 13 E KAWASANA OPU, taroakamo utopekalanga i nuncana kuasamu!
\q2 Ingkami bhetalaguaka lagu kapujia to kaogesamu.
\c 22
\s1 Aulataʼala, Haakimu Moʼadili
\sr 22:1-32
\d To kapalana molaguna. Mboomo lagu: Rusa i wakutuuna raneeo. Zaburuna Daud.
\b
\q1
\v 1 \x - \xo 22:2 \xo*\xt Mat. 27:46; Mrk. 15:34.\xt*\x*E Aulataʼalaku, e Aulataʼalaku, pokia ubholiaku?
\q2 Pokia upekaridho, inda utulungiaku
\q2 tee inda uperangoi goraku?
\q1
\v 2 E Aulataʼalaku, i wakutuuna eo iaku kudoʼa,
\q2 maka Ingkoo inda ulawani,
\q1 tee malo uka iaku kudoʼa,
\q2 maka o ngangarandaku inda uka awesa.
\b
\q1
\v 3 Garaaka Ingkoo Momangkilona,
\q2 Ingkoo ukokauncuramaka i bhawona manga kapujiana miana Israel.
\q1
\v 4 Opu-opuamami aparacaeako.
\q2 Manga incia aparacaea, to upasalaamatia.
\q1
\v 5 Manga incia agora i Ingkoo, kasiimpo upasalaamatia;
\q2 manga incia aparacaeako, tee inda upekaeaia.
\b
\q1
\v 6 Maka iaku sii mboomo ulo-ulo, mencuanamo mboomo maanusia.
\q2 Manga maanusia ahinaaku tee mia abhari abanciaku.
\q1
\v 7 \x - \xo 22:8 \xo*\xt Mat. 27:39; Mrk. 15:29.\xt*\x*Bhari-bharia mia mokamataaku aele-eleaku.
\q2 Manga incia angiripiaku, tee alengko-lengkoakaaku bhaana,
\q1
\v 8 \x - \xo 22:9 \xo*\xt Mat. 27:43.\xt*\x*"Incia atangkaaka KAWASANA OPU
\q2 sumaimo taroakamo Incia mopabebasia!
\q1 Taroakamo KAWASANA OPU mopasalaamatia
\q2 roonamo KAWASANA OPU amaasiakea."
\b
\q1
\v 9 Maka Ingkoomo mopalimbaaku minaaka i nuncana kadhuma,
\q2 tee ujaganiaku i sangoana inaku.
\q1
\v 10 Mancuanaku apasarakaakaaku to Ingkoo pepuu minaaka i nuncana kompona.
\q2 Apepuu minaaka i nuncana kadhumana inaku, Ingkoomo Aulataʼalaku.
\q1
\v 11 Bholi upekaridho, roonamo o balaa amakasumo
\q2 tee inda dhaangia motulungiaku.
\b
\q1
\v 12 Abhari o sapi umane molibutiaku,
\q2 tee gulumana karambau umane minaaka i Basan alibuaku.
\q1
\v 13 Manga binata sumai abungkale ngangana pekaewa i aroaku,
\q2 mboomo singa mopapakina kinandena tee akomburu.
\q1
\v 14 Kakaaku mboomo uwe motolali,
\q2 bhari-bharia bukuku atorambasaka minaaka i losuaku.
\q1 Ateku mboomo taru,
\q2 arere i nuncana badaku.
\q1
\v 15 Mbalo-mbalona bhorokoku amatuu mboomo kapasana balanga,
\q2 tee o dhelaku apika i ngaraku.
\q2 Ingkoo upewauaku mboomo mia mate.
\b
\q1
\v 16 Manga mantoa alibutiaku,
\q2 tee gulumana mia madhaki alibuaku.
\q2 Manga incia asula limaku tee aeku.
\q1
\v 17 Bhari-bharia bukuku amembali kugagaria,
\q2 manga incia atontoaku tee akamakamataaku.
\q1
\v 18 \x - \xo 22:19 \xo*\xt Mat. 27:35; Mrk. 15:24; Luk. 23:34; Yah. 19:24.\xt*\x*Manga incia apodhawu-dhawuakea o pakeaku sumai,
\q2 tee aʼundia.
\b
\q1
\v 19 Maka Ingkoo e KAWASANA OPU bholi umaridho minaaka i karoku!
\q2 Ingkoomo mopekatangkana bukuku, umbamo madhei utulungiaku!
\q1
\v 20 Rambasakea o inyawaku minaaka i ewanga,
\q2 tee upasalaamatiaku minaaka i mantoa mopapakiaku.
\q1
\v 21 Rambasakaaku minaaka i ngangana singa
\q2 tee minaaka i tanduna karambau.
\q2 Ingkoo padhamo upasalaamatiaku.
\q1
\v 22 \x - \xo 22:23 \xo*\xt Ibr. 2:12.\xt*\x*Iaku bhekupetulatulaaka saromu i manga witinaiku,
\q2 tee i tanga-tangana jamaʼa bhekupuji-pujiko.
\q1
\v 23 Pujimo Incia, e manga mia momaekana i KAWASANA OPU!
\q2 E bhari-bharia siwuluna Yakub, muliangia o KAWASANA OPU!
\q2 E bhari-bharia siwuluna Israel, sujumo i Incia!
\q1
\v 24 Sababuna Incia inda apandaʼente tee ahina o mia motopisaki,
\q2 tee inda abuniaka rouna minaaka i mia incia sumai,
\q2 maka aperangoi o mia motopisaki sumai wakutuuna agora aemani tulungi i Incia.
\b
\q1
\v 25 Roonamo Ingkoo, iaku kupuji-pujiko
\q2 i tanga-tangana jamaʼa mobhari sumai,
\q1 tee iaku bhekupomea tolauna oniku
\q2 i aroana manga mia momaekana tee Ingkoo.
\q1
\v 26 Iaku bhekukemba manga mia misikini mamudhaakana akande sakawana amambosu;
\q2 mia mopeelona KAWASANA OPU bheapujia;
\q2 taroakamo manga incia bhari-bharia amarambe o umuruna!
\q1
\v 27 Bhari-bharia lipu i dunia bheaudhania tee ambuli apuji kaogesana KAWASANA OPU.
\q2 Bhari-bharia siwulu minaaka i manga lipu bheasuju tee asomba i aroana
\q1
\v 28 roonamo tangkanamo KAWASANA OPU mokopamarintana,
\q2 Incia moparintana i bhari-bharia lipu.
\b
\q1
\v 29 Bhari-bharia mia morangkaea i dunia sii
\q2 bheasomba tee asuju i Incia.
\q1 Bhari-bharia maanusia mofanaa
\q2 bheasuju i aroana.
\q1
\v 30 Manga opu-opuana naile itu bheasomba i Incia
\q2 tee apetulatulaaka KAWASANA OPU i siwuluna bhemoumbana naile itu.
\q1
\v 31 Manga incia bheaumba tee apetulatulaaka kabanara
\q2 i lipu tee siwulu bhemoumbana naile itu
\q2 ande o KAWASANA OPU aʼadili tee uumatina.
\q1 Totuumo, Incia padhamo apewau mboo sumai.
\c 23
\s1 KAWASANA OPU o Gembalaku Momalape
\sr 23:1-6
\p
\v 1 Zaburuna Daud.
\b
\q1 KAWASANA OPU o gembalaku, iaku inda bhekukakuranga.
\q1
\v 2 \x - \xo 23:2 \xo*\xt Wah. 7:17.\xt*\x*Incia ataroakaaku kuponiunto i tana mokorumpu;
\q2 Incia abhawaaku i bhiwina uwe momalino.
\q1
\v 3 Incia apekatangkaaku,
\q2 tee atondaaku i dhala mobanara
\q2 rampaakanamo sifatuna mboomo gembala momalape.
\b
\q1
\v 4 Moomini kudhala i nuncana mbolonga momalalanda mpuu,
\q2 iaku inda kumaeka balaa roonamo Ingkoo dhaangia i saripiku;
\q1 Ingkoo ujaganiaku
\q2 mboomo gembala mojaganina dumbana,
\q2 tee katuko ibhawamu, kunamisi kutohiburu.
\b
\q1
\v 5 Ingkoo upasiapuakaaku kinande
\q2 i aroana manga bhaliku.
\q1 I bhaaku ujampuakea tee mina-mina mawondu;
\q2 tondeku uantokiakea tee giu isumpu motaralabhi-labhi.
\q1
\v 6 Kalape tee kaasi molagina bheaoseaku
\q2 saʼumurua dhadhiku,
\q1 tee iaku bhekumboore i nuncana Bhanuamu
\q2 saʼumurua.
\c 24
\s1 Umbaana Raja Momulia i Nuncana Baitulla
\sr 24:1-10
\p
\v 1 \x - \xo 24:1 \xo*\xt 1Kor. 10:26.\xt*\x*Zaburuna Daud.
\q1 KAWASANA OPU mokopewauaakana alamu tee bhari-bharia antona,
\q2 dunia tee bhari-bharia momboorena i nuncana.
\q1
\v 2 Incia modhikana kalempesina alamu i bhawona tawo,
\q2 tee apakaroa i bhawona manga umala.
\b
\q1
\v 3 Incema momembalina mopenena i gununa KAWASANA OPU?
\q2 Tee incema momembalina moumbana i aroana tampa momangkilona?
\q1
\v 4 \x - \xo 24:4 \xo*\xt Mat. 5:8.\xt*\x*Mia momangkilona limana tee momalapena incana,
\q2 incia inda adoʼa i manga barahala,
\q2 tee inda aposumpa gau-gau.
\q1
\v 5 Incia bheapotibhaaka barakati minaaka i KAWASANA OPU,
\q2 tee Aulataʼala mopasalaamatia bheapabanarea.
\q1
\v 6 Siimo manga mia mopeelona Aulataʼala,
\q2 aumba to asomba Ingkoo, Aulataʼalana Yakub. \qs Sela\qs*
\b
\q1
\v 7 Pobungkalemo pekaewa, e manga bhambana lawa!
\q2 Toangkamo, e manga bhamba motopakarona minaaka i piamo itu,
\q2 mamudhaakana Raja Momulia apesua!
\q1
\v 8 Incema o Raja Momulia sumai?
\q2 KAWASANA OPU, momakaana tee mohebana!
\q2 KAWASANA OPU, mohebana i nuncana potimbea!
\q1
\v 9 Pobungkalemo pekaewa, e manga bhambana lawa!
\q2 Toangkamo, e manga bhamba motopakarona minaaka i piamo itu,
\q2 mamudhaakana Raja Momulia apesua!
\q1
\v 10 "Incema buaka Raja momulia sumai?"
\q2 KAWASANA OPUNA saangua alamu,
\q2 Incia Raja Momulia! \qs Sela\qs*
\c 25
\s1 Doʼa Emaniana Amponi tee Peulusa
\sr 25:1-22
\p
\v 1 Zaburuna Daud.
\b
\q1 E KAWASANA OPU, i Ingkoomo kudoʼa!
\q1
\v 2 E Aulataʼalaku, i Ingkoomo kuparacaea,
\q2 maasangia inda kupotibhaaka kaea,
\q2 tee bholi utaroakea manga musuku apotawaikiaku.
\q1
\v 3 Bhari-bharia mia moharapuna i Ingkoo inda bheanamisi kaea,
\q2 maka manga mia mohianatia inda tee sababuna bheanamisi kaea.
\b
\q1
\v 4 E KAWASANA OPU, paumbaakaaku manga dhalamu,
\q2 adhariakaaku manga parintamu.
\q1
\v 5 Bhawaaku kulingka i nuncana kabanaramu tee uadhariaku,
\q2 roonamo Ingkoomo Aulataʼala mopasalaamatiaku,
\q2 iaku kuantaantagiko saeoa.
\q1
\v 6 E KAWASANA OPU, udhania rahumatimu tee kaasimu molagina
\q2 roonamo bhari-bharia sumai adhaangiamo minaaka i zamani mangenge.
\q1
\v 7 Dosa-dosa wakutuuna amangura dhadhiku,
\q2 tee manga kasalaha ipewauku bholimo uudhania,
\q1 tabeana udhaniaku apokana tee kaasimu molagina
\q2 roonamo kalapena incamu, e KAWASANA OPU.
\b
\q1
\v 8 KAWASANA OPU sumai amalape tee amakate totona incana,
\q2 sababuna Incia asusuaka dhala to manga mia mokodosa.
\q1
\v 9 KAWASANA OPU akapalai mia inda mosombo i dhala mobanara,
\q2 tee manga incia aadhariakea tee opea ipeeluna.
\q1
\v 10 Bhari-bharia dhalana KAWASANA OPU abukeaka tee kaasi molagina tee amembali atoparacaea
\q2 to mia mopengkenina i pojanjiana tee manga kaudhaniana.
\q1
\v 11 E KAWASANA OPU, roonamo saromu
\q2 amponia o kasalahaku moomini amaoge o kasalahaku sumai.
\q1
\v 12 Incema mia momaekana i KAWASANA OPU?
\q2 KAWASANA OPU bheasusuakea dhala to idhalikina.
\q1
\v 13 Manga incia bheasadhaadhaa adhadhi amasanaa,
\q2 tee manga siwuluna mokotinaurakaakana alamu.
\q1
\v 14 KAWASANA OPU aposabhangka tee manga mia momaekaia,
\q2 tee asusuaka o antona pojanjiana to manga incia.
\q1
\v 15 Mataku sadhaadhaa atonto KAWASANA OPU,
\q2 roonamo Incia bheapasalaamatiaku minaaka i balaa.
\b
\q1
\v 16 Tontoaku, tee umaasiakaaku,
\q2 roonamo kumalino tee kutopisaki.
\q1
\v 17 Pekalalesaia o ngangarandaku sii minaaka i kasukara,
\q2 rambasakaaku minaaka i kanarakaaku.
\q1
\v 18 Tilikia kanarakaaku tee kasukaraku,
\q2 tee amponia bhari-bharia dhosaku.
\q1
\v 19 Kamatea, tapanamo kabhari o musuku,
\q2 tee manga incia abanciaku mpuu.
\q1
\v 20 Jagania inyawaku tee pasalaamatiaku,
\q2 bholi utaroakaaku kupotibhaaka kaea roonamo Ingkoo peulusaku.
\q1
\v 21 Maasangia o kakatena totona incamu tee kajujurumu ajaganiaku,
\q2 sababuna kuharapu i Ingkoo.
\b
\q1
\v 22 E Aulataʼala, tolosia manga miana Israel minaaka i bhari-bharia kasukarana!
\c 26
\s1 Doʼana Aemani Apabanarea KAWASANA OPU
\sr 26:1-12
\p
\v 1 Zaburuna Daud.
\b
\q1 E KAWASANA OPU, ewaakaaku
\q2 roonamo kudhadhi i nuncana kakatena totona incaku.
\q1 Iaku kuparacaea i KAWASANA OPU
\q2 tee inda kusindoli.
\q1
\v 2 Parakisaaku, e KAWASANA OPU, tee ucobaaku,
\q2 ujimea o baatiniku tee ngangarandaku.
\q1
\v 3 Satotuuna, kaasimu molagina dhaangia i aroaku,
\q2 tee kudhadhi i nuncana kabanaramu.
\q1
\v 4 Iaku inda kuuncura tee mia pande gau-gau,
\q2 atawa kuposabhangka tee mia munaafiki.
\q1
\v 5 Iaku kubanci poromusakaana mia mopewauna kadhaki,
\q2 tee kumendeu kuuncura tee mia mokodosa.
\q1
\v 6 Iaku kubhanui limaku to tandana inda kusala,
\q2 kasiimpo kubulilingi tampana tunuana kurubanimu, e KAWASANA OPU,
\q1
\v 7 to kulaguaka manga kabhanti kasukuru to Aulataʼala tee suara makaa,
\q2 tee kupetulatulaaka bhari-bharia pewaumu inda momentela.
\q1
\v 8 E KAWASANA OPU, iaku kumaasiakea o bhanua mbooresamu,
\q2 tampana kamuliangimu amboore.
\b
\q1
\v 9 Bholi uala inyawaku mboomo uala inyawana manga mia mokodosa,
\q2 tee bholi uala dhadhiku mboomo uala dhadhina pande pekamatena mia.
\q1
\v 10 I nuncana limana dhaangia tee haejati madhaki,
\q2 tee i lima kaanana atarima doina kasogo.
\q1
\v 11 Maka iaku bhekudhadhi tee kakatena totona incaku.
\q2 Pasalaamatiaku tee umaasiakaaku.
\b
\q1
\v 12 Sii-sii kuʼamanimo minaaka i bhari-bharia balaa,
\q2 sumaimo iaku bhekupuji KAWASANA OPU i nuncana poromusakaana uumatina.
\c 27
\s1 Amani i Nuncana Peulusana KAWASANA OPU
\sr 27:1-14
\p
\v 1 Zaburuna Daud.
\b
\q1 KAWASANA OPU o kainawa tee kasalaamatiku,
\q2 tee incema buaka iaku bhekumaeka?
\q1 KAWASANA OPU o bentena dhadiku,
\q2 tee incema buaka iaku bhekurengku?
\q1
\v 2 Wakutuuna manga parampo aumba alibuaku
\q2 to akande dagiku,
\q1 siitumo bhari-bharia bhaliku tee musuku,
\q2 manga inciamo mosindolina tee momandawuna.
\q1
\v 3 Moomini alibuaku rombongana suludadu mobhari,
\q2 i nuncana ngangarandaku inda kumaeka.
\q1 Moomini dhaangia tee potimbea to moewangiaku,
\q2 iaku sadhaadhaa kuparacaea.
\b
\q1
\v 4 Tangkanamo saangu iemaniku i KAWASANA OPU,
\q2 siitumo ipeeluku,
\q1 mamudhaakana kumboore i nuncana Bhanuana KAWASANA OPU
\q2 saʼumurua dhadhiku,
\q1 to kukamataaka kalapena KAWASANA OPU
\q2 tee kupengkaabha-abha i nuncana Bhanuana Momangkilo.
\q1
\v 5 Sababuna i wakutuuna kasukara,
\q2 KAWASANA OPU bheajaganiaku i tampana peulusana.
\q1 Incia bheabuniakaaku i nuncana Kemana Momangkilo,
\q2 tee Incia bheaangkaaku i tampa moʼamani, siitumo i bhawona gunu bhatu.
\b
\q1
\v 6 Sumaimo, bhaaku indamo atungku
\q2 i aroana manga musu molibuaku,
\q1 tee i nuncana Kemana Momangkilo
\q2 iaku bhekupasombaaka kurubani isumbele tee kusambo-sambo;
\q2 iaku bhekulaguaka lagu kapujia to KAWASANA OPU.
\b
\q1
\v 7 E KAWASANA OPU, maasangia urangoa o suaraku wakutuuna kugora,
\q2 maasiakaaku tee ulawaniaku!
\q1
\v 8 Totona incaku aose firimanimu, "Maimo umba uʼibaadati i Iaku."
\q2 Sumaimo, kulausakamo kuumba to kuʼibaadati, e KAWASANA OPU.
\q1
\v 9 Bholi ubuniaka karomu wakutuuna kuʼibaadati i Ingkoo.
\q2 Bholi inda umaheruakea o bhatuamu sii i nuncana pamurumu.
\q1 Ingkoomo moagoaku,
\q2 bholi umendeuaku atawa ubholiaku,
\q2 e Aulataʼala, mopasalaamatiaku!
\q1
\v 10 Moomini amaku tee inaku abholiaku,
\q2 KAWASANA OPU bheapepagoaku mboomo anana karona.
\q1
\v 11 E KAWASANA OPU, adhariakaaku opea ipeelumu,
\q2 tee ususuakaaku dhala momakate,
\q2 roonamo bhaliku tee musuku.
\q1
\v 12 Bholi upasaraakaaku i nawusuuna bhaliku,
\q2 roonamo manga sakusii gau-gau akakaromo aewangiaku,
\q2 siitumo manga mia modhadhina tee feʼeli madhaki.
\b
\q1
\v 13 Iaku sadhaadhaa kuparacaea ande iaku bhekukamata kalapena KAWASANA OPU,
\q2 i lipuna manga mia modhadhi.
\q1
\v 14 Antagimo KAWASANA OPU!
\q2 Pekakaaia tee upekatangkea o incamu!
\q2 Umbe, antagimo KAWASANA OPU!
\c 28
\s1 KAWASANA OPU o Peulusaku
\sr 28:1-9
\p
\v 1 Zaburuna Daud.
\b
\q1 E KAWASANA OPU, gununa bhatuku, i Ingkoomo kugora!
\q2 Bholi utaroakaaku,
\q1 roonamo ande Ingkoo inda umaheruakaaku,
\q2 iaku mboomo mia mosapona i nuncana liana koburu.
\q1
\v 2 Perangoia iemaniku
\q2 wakutuuna kupekee kuemani tulungi i Ingkoo,
\q1 wakutuuna kuangka limaku tee kudoʼa
\q2 kupoaro i tampamu momangkilo mpuu.
\b
\q1
\v 3 Ande uhukumuaku bholi upapobhawa-bhawaaku tee mia madhaki,
\q2 tee bholi upapobhawa-bhawaaku tee manga mia mopewauna madhaki,
\q1 mopogauna amalape i manga sabhangkana,
\q2 maka i nuncana ngangarandana abukeaka kadhaki.
\q1
\v 4 \x - \xo 28:4 \xo*\xt Wah. 22:12.\xt*\x*Hukumua manga incia apokana mboomo pewauna manga incia,
\q2 apokana mboomo feʼelina manga momadhakina.
\q1 Hukumua manga incia mboomo opea ipewauna limana,
\q2 pambuliakea to manga incia opea mopadhana ipewauna.
\q1
\v 5 Roonamo manga incia inda afaduliakea o opea ikarajaana KAWASANA OPU,
\q2 tee uka manga hali maoge mopadhana ipewauna.
\q1 KAWASANA OPU bheapatobhata manga incia tee inda apabhangua pendua.
\b
\q1
\v 6 Atopujimo KAWASANA OPU
\q2 roonamo Incia padhamo aperangoi o opea iemaniku.
\q1
\v 7 KAWASANA OPU o kakaaku tee katangkesiku,
\q2 totona incaku aparacaea i Incia, tee atulungiaku.
\q1 Incaku akaunde-unde,
\q2 tee laguku kusukuru i Incia.
\b
\q1
\v 8 KAWASANA OPU satotuuna o kakaana uumatina,
\q2 Incia o bente kasalaamatina to mia ilantina.
\q1
\v 9 Pasalaamatia o uumatimu,
\q2 barakatia pewauamu karomu.
\q1 Umembalimo gembalana, tee ubhawea saʼumurua.
\c 29
\s1 Kaogesana KAWASANA OPU i Nuncana Garura\f + \fr 29:1 \fr*\fq Garura: \fq*\ft Ngalu makaa mpuu.\ft*\f*
\sr 29:1-11
\p
\v 1 \x - \xo 29:1 \xo*\xt Zab. 96:7-9.\xt*\x*Zaburuna Daud.
\b
\q1 Pujimo KAWASANA OPU, e manga mahalukuna sorogaa,
\q2 pujimo kaogesana tee kuasana.
\q1
\v 2 Pujimo sarona KAWASANA OPU momulia
\q2 tee usombaia upake pakea momangkilo.
\b
\q1
\v 3 Wakutuuna KAWASANA OPU apogau,
\q2 suarana Aulataʼala Momulia atorango angkolele
\q2 mboomo guntu i tangana andala.
\q1
\v 4 Suarana KAWASANA OPU amakaa mpuu,
\q2 Suarana KAWASANA OPU abukeaka kuasa.
\q1
\v 5 Wakutuuna KAWASANA OPU apogau, amembali akatuki manga puuna aras,
\q2 tee uka amembali apatobhata manga puuna aras motuwuna i Libanon.
\q1
\v 6 Incia apewau Gunu Libanon apekatiba-tiba mboomo anana sapi,
\q2 tee Gunu Siryon mboomo anana karambau.
\q1
\v 7 Suarana KAWASANA OPU apewau bherese apokilati.
\q1
\v 8 Suarana KAWASANA OPU apamembali tana matuu atorende,
\q2 KAWASANA OPU apamembali Tana Matuu Kades atorende.
\q1
\v 9 Suarana KAWASANA OPU amembali apakoana rusa bhawine mobhawa-bhawa,
\q2 tee apamembali manga koo amembali amatuu.
\q1 I nuncana Bhanuana Momangkilona
\q2 bhari-bharia uumati agora "Muliangimo KAWASANA OPU!"
\b
\q1
\v 10 KAWASANA OPU akokuasa i bhawona mawa,
\q2 KAWASANA OPU o raja mokokuasa to saʼumurua.
\q1
\v 11 Maasangia KAWASANA OPU adhawu kakaa to uumatina,
\q2 tee abarakatiakea kasanaa tee kaʼamani to uumatina.
\c 30
\s1 Doʼa Sukuru roonamo Asalaamati minaaka i Balaa
\sr 30:1-13
\d Zaburuna Daud to alaguaka wakutuuna lipuna Israel alimbaisi Bhanua Mangkilo.
\b
\q1
\v 1 Iaku kupujiko, e KAWASANA OPU,
\q2 sababuna Ingkoo padhamo upasalaamatiaku
\q2 tee inda utaroaka musuku asamboakaaku.
\q1
\v 2 E KAWASANA OPU, e Aulataʼalaku, iaku kugora i Ingkoo kuemani tulungi
\q2 tee Ingkoo mopauntona kapiiku.
\q1
\v 3 E KAWASANA OPU Ingkoo padhamo uangkaaku minaaka i alamuna koburu,
\q2 Ingkoo padhamo upotaangiaka dhadhiku sabutuna iaku inda kusapo i liana koburu.
\b
\q1
\v 4 E manga mia mosaalihi, laguakamea manga lagu kapujia to KAWASANA OPU,
\q2 bhoasakamea o kasukuru to sarona momangkilona.
\q1
\v 5 Satotuuna o amarana sabantaramea,
\q2 maka o kalapena saʼumurua.
\q1 Moomini tatangi samaloa,
\q2 maka i wakutuuna saeona bhetakaunde-undemo.
\b
\q1
\v 6 Roonamo kumasanaa, kupogau,
\q2 "Dhadhiku bheaʼamani torosu!"
\q1
\v 7 E KAWASANA OPU, roonamo kalapena incamu,
\q2 Upamembaliaku mboomo gunu momatangka.
\q1 Maka wakutuuna ubuniaka roumu,
\q2 iaku kumaeka.
\q1
\v 8 I Ingkoo iaku kugora, e KAWASANA OPU,
\q2 tee i Aulataʼala kuemani kaasi,
\q1
\v 9 "Opea o faʼedana to Ingkoo ande amabhotu inyawaku
\q2 tee kupesua i nuncana koburu?
\q1 Amembali buaka o ngawu asukuru i Ingkoo
\q2 tee apakoleleaka ande Ingkoo umembali utoparacaea?
\q1
\v 10 E KAWASANA OPU, maasangia urangoa tee umaasiakaaku.
\q2 E KAWASANA OPU, tulungiaku!"
\b
\q1
\v 11 Tangiku ubhaliia amembali manari kaunde-unde,
\q2 kae kadhu tandana kaporona incaku ualea,
\q2 tee o tangaku ubhokeakea tee kasanaa.
\q1
\v 12 Sabutuna kumembali kulaguaka lagu kapujia to Ingkoo
\q2 tee inda soo kukatongo-tongo.
\q1 E KAWASANA OPU, e Aulataʼalaku, iaku gauku kusukuru i Ingkoo
\q2 to saʼumurua.
\c 31
\s1 Amani i Nuncana Limana Aulataʼala
\sr 31:1-25
\d To kapalana molaguna. Zaburuna Daud.
\b
\q1
\v 1 E KAWASANA OPU, Ingkoomo peulusaku,
\q2 bholi utaroakaaku kutopekaea.
\q2 Pasalaamatiaku roonamo kaʼadilimu.
\q1
\v 2 Perangoiaku,
\q2 tee rambasakaaku pekadhei!
\q1 Umembalimo gunu bhatu to tampana peulusaku,
\q2 mboomo bentena potaangia mopasalaamatiaku.
\q1
\v 3 Satotuuna, Ingkoomo gunu bhatuku tee bentena potaangiaku.
\q2 Rampaakanamo saromu, kapalaikiaku tee utondaaku.
\q1
\v 4 Rambasakaaku minaaka i katapu
\q2 itaana musu to arakoaka iaku
\q2 roonamo Ingkoomo peulusaku.
\q1
\v 5 \x - \xo 31:6 \xo*\xt Luk. 23:46. \xt*\x*I nuncana limamu kupasaraakaaka inyawaku.
\q2 Ingkoo padhamo upasalaamatiaku e KAWASANA OPU, Aulataʼala momembalina motoparacaea.
\b
\q1
\v 6 Iaku kubanci manga mia mosombana barahala mosia-sia;
\q2 maka iaku samia kuparacaea i KAWASANA OPU.
\q1
\v 7 Iaku bhekusambo-sambo tee kukaunde-unde roonamo kaasimu molagina,
\q2 sababuna Ingkoo ukamata kanarakaaku
\q2 tee umatau kasukaraku.
\q1
\v 8 Ingkoo inda upasaraakaaku i limana musu,
\q2 maka Ingkoo upakakaro aeku i tampa momalalesa.
\b
\q1
\v 9 E KAWASANA OPU, maasiakaakupo
\q2 roonamo iaku i nuncana kasukara,
\q1 mataku amandala roonamo kutangi,
\q2 badaku tee inyawaku anarakaa.
\q1
\v 10 Dhadhiku atopadha i nuncana kaporona inca,
\q2 umuruku atopadha roonamo kupeenci;
\q1 kakaaku aila roonamo kasalahaku,
\q2 tee manga bukuku amapuromo.
\q1
\v 11 I aroana bhari-bharia bhaliku, iaku kumembali giu ipotawaakana manga incia,
\q2 tee uka manga sarimbanuaku.
\q1 Iaku kumembali giu imingkiriaka to manga sampomatauku,
\q2 tee manga mia mokamataaku i dhala apalaiakaaku.
\q1
\v 12 Iaku kutomalinguaka mboomo mia mate,
\q2 iaku kumembali mboomo bara momapasa.
\q1
\v 13 Iaku kurango mia abhari apokamuntuiakaku,
\q2 kamingkiri\f + \fr 31:14 \fr*\fq kamingkiri: \fq*\ft Kadhaangiana mia monamisina karona amaeka mpuu tee ameri.\ft*\f* adhaangia i bhari-bharia rope!
\q1 Manga incia apomufakati to abhaliaku,
\q2 tee ahaejati to apekamateaku.
\b
\q1
\v 14 Maka iaku kuparacaeako, e KAWASANA OPU,
\q2 sababuna iaku kupogau, "Ingkoomo Aulataʼala isombaku!"
\q1
\v 15 Dhadhiku dhaangia i nuncana limamu,
\q2 rambasakaaku minaaka i limana manga musuku
\q2 tee minaaka i manga mia mopajereaku.
\q1
\v 16 Taroakamo o caheana roumu akangkanai bhatuamu sii,
\q2 tee upasalaamatiaku roonamo kaasimu molagina.
\q1
\v 17 E KAWASANA OPU, bholi utaroakea manga musuku apekaeaaku
\q2 roonamo iaku kugora i Ingkoo.
\q1 Taroakamo manga mia madhaki apotibhaaka kaea,
\q2 tee taroakamo manga incia asapo i duniana mia mate tee inda tee uuʼuuna.
\q1
\v 18 Soncongia o muncuna manga pande gau-gau,
\q2 mohinana tee momangkatuna mia mobanara;
\q2 manga incia asombo tee apekahina.
\q1
\v 19 Tapanamo kabhari o kalapemu
\q2 mopadhana ipasiapuakamu to manga mia momaekako,
\q2 tee ipewaumu to manga mia mopeuluna i Ingkoo,
\q2 i aroana maanusia!
\q1
\v 20 Ingkoo ubuniaka manga incia i nuncana peulusana kuasamu
\q2 minaaka i mia mosahimuakana manga incia.
\q1 Ingkoo ujagani manga incia i nuncana mbooresamu
\q2 minaaka i manga mia moraeakana manga incia.
\b
\q1
\v 21 Atopujimo KAWASANA OPU
\q2 roonamo inda amentela mpuu kaasina molagina mopadhana isusuakana to iaku
\q2 wakutuuna kumaseke mboomo kota motolibu.
\q1
\v 22 Roonamo kubingu, kusarongia,
\q2 "Kutopadhencumo minaaka i aroamu."
\q1 Maka satotuuna Ingkoo urangoa iemaniku
\q2 wakutuuna kugora kuemani tulungi i Ingkoo.
\b
\q1
\v 23 Maasiakea o KAWASANA OPU,
\q2 e bhari-bharia mia mosaalihi!
\q1 KAWASANA OPU ajagani mia motaʼati
\q2 maka Incia ahukumu totuu-totuu o mia mosombo.
\q1
\v 24 Pekakaaia tee upekatangkea o incamu,
\q2 e bhari-bharia mia moharapuna i KAWASANA OPU!
\c 32
\s1 Kasanaana Mia Motoʼamponina Dosana
\sr 32:1-11
\p
\v 1 \x - \xo 32:1-2 \xo*\xt Rom. 4:7-8.\xt*\x*Zaburuna Daud. Laguna kaadhari.
\b
\q1 Amasanaamo o mia motoʼamponina kasalahana,
\q2 tee o mia motomaʼafuakana dosana.
\q1
\v 2 Amasanaamo o mia
\q2 mopewauna kasalaha, maka inda alentua o KAWASANA OPU,
\q2 tee inda amakidha apekagau.
\b
\q1
\v 3 Kangengena indapo kuʼakui dosaku,
\q2 buku-bukuku amalute roonamo kupeenci saeoa.
\q1
\v 4 Malo eona Ingkoo upekatamo kahukumuku.
\q2 Kakaaku atopadha mboomo kamba-kamba momalau roonamo akangkanaia kasodhona matanaeo. \qs Sela\qs*
\q1
\v 5 \x - \xo 32:5 \xo*\xt Rom. 4:7-8.\xt*\x*Kasiimpo kuʼakuia o dosaku i Ingkoo
\q2 tee inda kubuniakea o kasalahaku.
\q1 Kupogau, "Iaku bhekuʼakuia manga kasalahaku i KAWASANA OPU,"
\q2 tee Ingkoo uʼamponi manga kasalahana dosaku. \qs Sela\qs*
\b
\q1
\v 6 Sababuna sumai bhari-bharia mia mosaalihi tabeana adoʼa i Ingkoo
\q2 wakutuuna Ingkoo dhaangiapo umembali utopokawaaka.
\q1 Sumaimo wakutuuna uwena mawa maoge akawa,
\q2 uwena mawa sumai inda amembali apabinasa incia.
\q1
\v 7 Ingkoomo peulusaku,
\q2 Ingkoo mojaganiaku minaaka i kasukara,
\q2 Ingkoo modhikana lagu i nuncana ngangarandaku, roonamo padhamo upasalaamatiaku. \qs Sela\qs*
\b
\q1
\v 8 Iaku bhekuadhariko tee kususuakako
\q2 dhala molaengana idhalaikimu.
\q1 Iaku bhekuudhaniakako,
\q2 tee kujaganiko mamudhaakana sadhaadhaa uʼamani.
\q1
\v 9 Bholi mboomo ajara atawa o siwuluna keledai
\q2 inda tee akalana,
\q1 tabeana atohelaaka tee kabhokena bhorokona tee rabutana,
\q2 ande inda mboo sumai, manga incia inda bheaoseko.
\q1
\v 10 Abhari o kanarakaa inamisina mia madhaki,
\q2 maka o mia moparacaeana i KAWASANA OPU
\q2 ajaganiakea tee kaasina molagina.
\b
\q1
\v 11 E manga mia mobanara,
\q2 masanaamo tee ukaunde-undemo roonamo KAWASANA OPU!
\q2 Sambo-sambomo, e bhari-bharia mia momakatena incana!
\c 33
\s Manga Kapujia to KAWASANA OPU Isombana Miana Israel
\sr 33:1-22
\q1
\v 1 Sambo-sambomo rampaakanamo KAWASANA OPU, e manga mia mobanara!
\q2 Alaengamo mia momakatena incana apuji KAWASANA OPU.
\q1
\v 2 Emanimo sukuru i KAWASANA OPU tee umagasiaaka kecapi!
\q2 Laguakea o lagu kapujia to Incia tee umagasiaakea gambusu sapulu taliana.
\q1
\v 3 Laguakea to Incia saangu lagu bhaau!
\q2 Tikia pekalape o gambusumu, tee usambo-sambomo!
\b
\q1
\v 4 Firimanina KAWASANA OPU sumai abanara,
\q2 tee bhari-bharia ikarajaana abukutiiakea ande Incia amembali atoparacaea.
\q1
\v 5 Incia amaasiaka kabanara tee kaʼadili,
\q2 saangua alamu abukeaka kaasina molagina.
\b
\q1
\v 6 Minaaka i firimanina KAWASANA OPU o laiana apamembalia,
\q2 tee minaaka i poinuncana, bhari-bharia giu i laiana apadhaangiaia.
\q1
\v 7 Incia arombusaka uwena tawo mboomo arombusaka uwe i nuncana gusi,
\q2 tee mboomo andalaoge adhikaia i nuncana bendunga.
\q1
\v 8 Taroakamo saangua alamu amaeka i KAWASANA OPU,
\q2 tee taroakamo bhari-bharia mia i nuncana dunia atungku i Incia.
\q1
\v 9 Roonamo Incia afirimani sabutuna bhari-bharia amembali;
\q2 ande Incia adhawu parinta sabutuna bhari-bharia adhaangia tee amatangka.
\b
\q1
\v 10 KAWASANA OPU apabatala opea ifikirina manga lipu,
\q2 tee apanainda opea ihaejatiakana manga incia.
\q1
\v 11 Maka o haejatina KAWASANA OPU sadhaadhaa saʼumurua,
\q2 tee o isikadina amatangka saʼumurua zamani.
\q1
\v 12 Amasanaamo mpuu o lipu mosombana KAWASANA OPU apamembalia Aulataʼalana,
\q2 amasanaamo mpuu uumati ipilina to mopotibhaakana tinaurakana.
\q1
\v 13 KAWASANA OPU apentiro minaaka i sorogaa,
\q2 tee akamata bhari-bharia maanusia.
\q1
\v 14 Minaaka i kauncuramakana, Incia atiliki
\q2 bhari-bharia momboorena i dunia.
\q1
\v 15 KAWASANA OPU mopebhanguina incana bhari-bharia maanusia,
\q2 KAWASANA OPU mokamatana bhari-bharia ipewauna manga incia.
\q1
\v 16 Samia raja inda atopasalaamati minaaka i kabharina suludaduna,
\q2 samia tantara mobarani inda bheasalaamati minaaka i kakaana.
\q1
\v 17 Ajarana potimbea inda amembali atotangkaaka to kasalaamati,
\q2 Moomini amakaa mpuu, o ajara inda amembali manga pasalaamati.
\q1
\v 18 Satotuuna, KAWASANA OPU afaduliaka manga mia momaekaia,
\q2 tee moharapuakana kaasina molagina
\q1
\v 19 to mopasalaamatina manga incia minaaka i mate,
\q2 tee apakande manga incia i wakutuuna umbaana balaana kaara.
\b
\q1
\v 20 Incamami aharapuaka katulungina KAWASANA OPU,
\q2 Incia motulungina ingkita tee Incia amembali katangkesita.
\q1
\v 21 Roonamo Incia o incata akaunde-unde,
\q2 rampaakanamo ingkita taparacaea i sarona momangkilona.
\q1
\v 22 E KAWASANA OPU, taroakamo kaasimu molagina sadhaadhaa to ingkami
\q2 apokana tee opea mopadhana iharapumami i Ingkoo.
\c 34
\s I nuncana Kajaganina KAWASANA OPU
\sr 34:1-23
\d \x - \xo 34:1 \xo*\xt 1Sa. 21:13-15.\xt*\x*Zaburuna Daud, wakutuuna incia apara-para amagila i aroana Abimelekh, sabutuna incia atopadhencu, kasiimpo alingka.
\b
\q1
\v 1 Iaku bhekupuji KAWASANA OPU sadia,
\q2 tee inda kuunto-unto kupuji Incia.
\q1
\v 2 Iaku kubangga roonamo opea ipewauna KAWASANA OPU,
\q2 maasangia manga mia motopisaki arangoa tee akaunde-unde.
\q1
\v 3 Maimo tapobhawa-bhawa tamuliangi sarona KAWASANA OPU,
\q2 tee maimo tapobhawa-bhawaaka tapekalanga sarona!
\b
\q1
\v 4 Iaku kudoʼa i KAWASANA OPU, tee Incia alawaniaku,
\q2 tee arambasakaaku minaaka i bhari-bharia kaekaku.
\q1
\v 5 Mia motontona Incia bheakocahea o rouna,
\q2 tee inda bheamaea.
\q1
\v 6 Mia motopisaki sii agora, tee o KAWASANA OPU aperangoia
\q2 tee apasalaamatia minaaka i bhari-bharia balaa.
\q1
\v 7 Malaaʼekatina KAWASANA OPU abulilingi tee ajagani mia momaekaia,
\q2 tee arambasaka manga incia minaaka i kasukara.
\b
\q1
\v 8 \x - \xo 34:9 \xo*\xt 1Ptr. 2:3.\xt*\x*Namisimea tee ukamatamea tapanamo kalapena o KAWASANA OPU sumai!
\q2 Amasanaamo o mia mopeuluna i Incia.
\q1
\v 9 Maekamo i KAWASANA OPU, e ingkomiu manga uumatina momangkilo,
\q2 roonamo inda bheadhaangia ikakurangaakana manga mia momaekana i Incia.
\q1
\v 10 Manga singa momangura amalute tee amaara,
\q2 maka manga mia mopeelona KAWASANA OPU inda bheakakurangaaka manga giu momalape.
\q1
\v 11 Maimo e manga anaana, perangoiaku!
\q2 Iaku bhekuadhariakakomiu umaeka i KAWASANA OPU.
\q1
\v 12 \x - \xo 34:13-17 \xo*\xt 1Ptr. 3:10-12.\xt*\x*Incema mopeeluna dhadhi masanaa,
\q2 tee mopeeluna umuru marambe, mamudhaakana amembali aniʼimati manga giu malape?
\q1
\v 13 Jagania o dhelamu minaaka i momadhakina,
\q2 tee o bhiwimu minaaka i manga pogau mopekagau.
\q1
\v 14 Pekaridho minaaka i giu momadhaki, tee upewaumo manga giu momalape.
\q2 Peelomo kaʼamani tee kakaana bukumu tee uʼusahamo upomalape.
\b
\q1
\v 15 KAWASANA OPU atiliki manga mia mobanara,
\q2 tee aperangoia ande agora aemani tulungi.
\q1
\v 16 KAWASANA OPU amusui manga mia mopewauna kadhaki
\q2 samatena manga incia, KAWASANA OPU apewau bhari-bharia mia amalinguaka manga mia madhaki sumai.
\b
\q1
\v 17 Wakutuuna manga mia mobanara agora, KAWASANA OPU aperangoia,
\q2 tee arambasakea manga minaaka i bhari-bharia kanarakaana.
\q1
\v 18 KAWASANA OPU apomakasu tee manga mia momaidhiidhina incana,
\q2 Incia apasalaamati mia momatena akalana.
\q1
\v 19 Mia mobanara abhari o kanarakaana,
\q2 maka o KAWASANA OPU arambasakea minaaka i bhari-bharia sumai.
\q1
\v 20 \x - \xo 34:21 \xo*\xt Yah. 19:36.\xt*\x*KAWASANA OPU ajagani bhari-bharia bukuna,
\q2 inda saangu uka momakatuna.
\b
\q1
\v 21 Giu madhaki bheapekamate mia madhaki,
\q2 tee o mia mobancina mia mobanara bheatohukumu.
\q1
\v 22 KAWASANA OPU apasalaamati manga bhatuana,
\q2 tee bhari-bharia mia mopeuluna i Incia
\q2 inda bheatohukumu.
\c 35
\s Doʼa Emaniana Tulungi to Tapoaro tee Musu
\sr 35:1-28
\p
\v 1 Zaburuna Daud.
\b
\q1 E KAWASANA OPU, upobhaliakea manga mia mobhaliaku,
\q2 tee upotimbeakea manga mia mopotimbeakaaku.
\q1
\v 2 Kenia o katangkesi maidhiidhi tee katangkesi maogemu,
\q2 tee ubhangumo utulungiaku!
\q1
\v 3 Bhindumea o pandanga tee ndamumu
\q2 to uewangi manga mia mopajereaku!
\q1 Paumbaaku ande Ingkoomo
\q2 mopasalaamatiaku!
\b
\q1
\v 4 Taroakamo manga mia bhemopekamateaku
\q2 amaea tee apotibhaaka aebu.
\q1 Taroakamo manga mia mohaejatiakana kadhaki to iaku
\q2 asowo tee atopekaea.
\q1
\v 5 Taroakamo manga incia mboo kulina bhae
\q2 ikamburakana ngalu.
\q1 Taroakamo manga incia
\q2 apajerea malaaʼekatina KAWASANA OPU.
\q1
\v 6 Taroakamo dhalana manga incia amalalanda tee amararo,
\q2 tee manga incia apajerea malaaʼekatina KAWASANA OPU.
\q1
\v 7 Roonamo manga incia ataa katapu to iaku inda tee alasana
\q2 tee manga incia aseli kabhalongko to arakoaku inda tee sababuna.
\q1
\v 8 Taroakamo manga incia abinasa i wakutuu inda inamunamuna,
\q2 tee taroakamo manga incia apesua i nuncana katapu itaana karona.
\q2 Taroakamo manga incia akotibu tee abinasa i nuncana.
\q1
\v 9 Sumaimo kusambo-sambo roonamo KAWASANA OPU
\q2 tee kukaunde-unde roonamo Incia apasalaamatiaku.
\q1
\v 10 Tee mpuu-mpuuna incaku bhekupogau,
\q2 "E KAWASANA OPU, Ingkoo inda tee kadhimbamu!
\q1 Ingkoo upasalaamati manga mia malute
\q2 wakutuuna manga mia makaa apisaki manga incia,
\q1 Ingkoo ujagani manga mia malute tee momisikini
\q2 minaaka i limana manga mia morampasia."
\b
\q1
\v 11 Manga mia madhaki adhawu kasakusiina to abhaliaku,
\q2 tee araeakaaku kupewau manga giu inda imatauku.
\q1
\v 12 Kalapeku manga incia abholosia tee kadhaki,
\q2 ngangarandaku amaasi tee amate o akalaku.
\q1
\v 13 Garaaka, wakutuuna manga incia amapii,
\q2 iaku kupake kae kadhu to tandana ande incaku amaporo.
\q1 Kusikisaa karoku tee kupoasa,
\q2 tee kupatungku bhaaku wakutuuna kudoʼa.
\q1
\v 14 Mboomo kudoʼaaka sabhangkaku atawa o witinaiku.
\q1 Iaku kutungku kutangisi manga incia,
\q2 mboomo mia mosukara motangisina mateana inana.
\q1
\v 15 Maka wakutuuna kutosunu, manga incia amasanaa tee aele-eleaku.
\q2 Manga incia aporomusaka abhaliaku,
\q2 tee inda aunto-unto afitanaaku.
\q1
\v 16 Mboomo manga mia munaafiki, manga incia aele-eleaku torosu
\q2 tee apakiri-kiriakaaku ngincina.\f + \fr 35:16 \fr*\fq apakiri-kiriakaaku ngincina: \fq*\ft Tandana o mia aʼamara tee abanci mia mosagaanana to miana Israel. \ft*\f*
\q1
\v 17 E Kawasana Opu, sakawana naepia Ingkoo soo utonto-tontoaku?
\q2 Pabebasia o inyawaku minaaka i kahumbunina manga incia,
\q1 rambasakaaku minaaka i manga musuku mohumbuniaku mboomo manga singa mangura sumai!
\q1
\v 18 Sapadhana upasalaamatiaku, iaku bhekusukuru i Ingkoo
\q2 i tanga-tangana uumatimu,
\q2 tee bhekupujiko i tanga-tangana mia bhari.
\b
\q1
\v 19 \x - \xo 35:19 \xo*\xt Zab. 69:5; Yah. 15:25.\xt*\x*Bholi utaroakea manga mia amusuiaku inda tee sababuna
\q2 akaunde-unde wakutuuna akamataaku kunarakaa,
\q1 tee bholi utaroakea manga mia abanciaku inda tee sababuna
\q2 tee apotawaikiaku wakutuuna kusukara.
\q1
\v 20 Roonamo mencuana giu pomalape ipogauakana manga incia,
\q2 maka manga incia apogauaka haejatina to apekagau
\q2 to abhali manga mia mopomalapena i lipu sii.
\q1
\v 21 Manga incia akakee-kee tee ahinaaku
\q2 kasiimpo apogau, "Atumpu incamu, ingkami takamatamea ipewaumu!"
\b
\q1
\v 22 E KAWASANA OPU Ingkoo padhamo ukamatea.
\q2 Bholimo soo utaroaka!
\q1 E Kawasana Opu, bholimo umaridho minaaka i iaku.
\q1
\v 23 Bhangumo uewaaka hakuku,
\q2 tee parakaraku, e Aulataʼalaku Kawasana Opuku!
\q1
\v 24 E KAWASANA OPU, e Aulataʼalaku, adiliaku upapokanea mboomo kabanaramu!
\q2 Bholi utaroakea manga incia akaunde-unde wakutuuna akamataaku kunarakaa.
\q1
\v 25 Bholi utaroakea manga incia apogau i nuncana ngangarandana,
\q2 "Atumpu incamu, siitumo ipeelumami!"
\q2 Bholi utaroakea manga incia apogau, "Padhamo tapahancurua!"
\b
\q1
\v 26 Taroakamo manga mia mokaunde-undena mokamataaku wakutuuna kunarakaa
\q2 amembali amaea tee abingu.
\q1 Taroakamo manga mia mosomboakana karona
\q2 amaea tee apotibhaaka aebu.
\q1
\v 27 Taroakamo asambo-sambo tee akaunde-unde
\q2 manga mia gauna bheakamataaku kutopabanara!
\q1 Taroakamo manga incia bheapogau, "Tapanamo kaoge o KAWASANA OPU!
\q2 Incia akaunde-unde ande akamata dhadhina bhatuana amasanaa tee inda akakurangaaka opeopea!"
\q1
\v 28 Sumaimo iaku bhekupakoleleaka kabanaramu,
\q2 tee kupuji-pujiko saeoa.
\c 36
\s Kadhakina Mia Mokodosa tee Kaasina Aulataʼala
\sr 36:1-13
\d To kapalana molaguna. Zaburuna Daud, o bhatuana KAWASANA OPU.
\b
\q1
\v 1 Dosa apamembali mia madhaki arango pogau inda momalape i nuncana ngangarandana.
\q2 Mia incia sumai apogau i nuncana ngangarandana,
\q2 "Iaku inda kufaraluu kumaeka tee Aulataʼala."
\q1
\v 2 \x - \xo 36:3 \xo*\xt Rom. 3:18.\xt*\x*Roonamo incia awuju karona,
\q2 tee afikiria ande o mia mosagaanana inda amataua o kasalahana, tee inda dhaangia mobancia.
\q1
\v 3 Pogau ibhoasakana satotuuna o kadhaki tee kagau-gau,
\q2 incia inda aʼaarifu tee inda apewau kalape.
\q1
\v 4 Incia ahaejatiaka kadhaki i bhawona kolemana,
\q2 sadiamo apewau inda momalapena,
\q2 tee inda amendeu apewau kadhaki.
\b
\q1
\v 5 E KAWASANA OPU, kaasimu molagina akawa i laiana,
\q2 tee kaparacaeamu akawa i taʼina ngalu.
\q1
\v 6 Kabanaramu mboomo gunu momakaa,
\q2 manga kambotumu mboomo andalaogena,
\q1 E KAWASANA OPU, Ingkoomo modhambaakana maanusia tee binata.
\q1
\v 7 Tapanamo kalape o kaasimu molagina, e KAWASANA OPU!
\q2 Bhari-bharia maanusia ujagania i nuncana peulusana panimu.
\q1
\v 8 Manga incia amambosu akande i Bhanuamu,
\q2 tee atarima manga giu momalape mboomo o umala mosiwulu.
\q1
\v 9 Ingkoomo asalana dhadhina bhari-bharia mahaluku,
\q2 tee kainawamu mosuluwina dhadhimami.
\b
\q1
\v 10 Palausakea o kaasimu molagina i mia momatauko,
\q2 tee kabanaramu i mia momakatena incana.
\q1
\v 11 Bholi utaroakaaku ahumbuniaku mia mosombo,
\q2 atawa apadhencuaku mia madhaki.
\q1
\v 12 Kamatea, mia mopewauna kadhaki akotibumo,
\q2 manga incia apolangkuri tee inda amembali abhangu pendua.
\c 37
\s Kaunde-undena Mia Madhaki Sabantaramea
\sr 37:1-40
\p
\v 1 Zaburuna Daud.
\b
\q1 Bholi uʼamara roonamo o mia mopewauna kadhaki,
\q2 bholi ugigibulu\f + \fr 37:1 \fr*\fq ugigibulu: \fq*\ft Maʼanana uʼiri.\ft*\f* tee pande gau-gau roonamo opea ipotibhaakana,
\q1
\v 2 roonamo manga incia bhealausaka amatuu mboomo rumpu,
\q2 tee amalau mboomo penembula.
\b
\q1
\v 3 Paracaeamo i KAWASANA OPU, tee upewaumo momalapena,
\q2 mbooremo i lipu sumai tee uʼamani.
\q1
\v 4 Kaunde-undemo roonamo KAWASANA OPU
\q2 sumaimo Incia bheadhawuakako opea ipeelumu.
\q1
\v 5 Pasaraakaakea o dhadhimu i KAWASANA OPU tee uparacaeamo i Incia,
\q2 sumaimo Incia bheatulungiko.
\q1
\v 6 Incia bheapatiumba kabanaramu mboomo kainawa,
\q2 tee o kaʼadilimu mboomo caheana matanaeo.
\b
\q1
\v 7 Tanangimo, bholi tee uuʼuumu i aroana KAWASANA OPU tee uantagimea.
\q2 Bholi uʼamara tee mia momalapena dhawuana,
\q2 atawa tee mia mopekagau.
\b
\q1
\v 8 Untomo uʼamara tee ubholimea opea ilumbuakana incamu.
\q2 Untomo uʼamara, roonamo giu incia sumai bheaumbaaka kadhaki.
\q1
\v 9 Satotuuna o mia mopewauna kadhaki bheatopabinasa,
\q2 maka manga incia moharapuna i KAWASANA OPU bheapotibhaaka tana tinauraka ijanjiakana sumai.
\b
\q1
\v 10 Inda amangenge indamo bheadhaangia uka o mia madhaki.
\q2 Wakutuuna upeeloa i tampana, indamo tee manga incia.
\q1
\v 11 \x - \xo 37:11 \xo*\xt Mat. 5:5.\xt*\x*Maka o mia mopaporitambena karona bheakotinaurakaaka tana incia sumai,
\q2 tee akaunde-unde aniʼimati kasanaa motaralabhi-labhi.
\b
\q1
\v 12 Mia madhaki ahaejati inda momalape i mia mobanara,
\q2 tee apakiri-kiriakea tee ngincina.
\q1
\v 13 Maka o Aulataʼala apotawaikia
\q2 roonamo akamatea ande o eona amakasumo.
\b
\q1
\v 14 Manga mia madhaki ahela ewangana tee apasiapu panana
\q2 to apekamate manga mia misikini tee manga mia monarakaa,
\q2 tee apekamate manga mia momakatena incana.
\q1
\v 15 Maka manga incia bheatobhoki badana karona,
\q2 tee o panana manga incia bheatokatuki.
\b
\q1
\v 16 Saidhe o harataana mia mobanara
\q2 alabhi o kalapena minaaka i mia madhaki mobharina harataana.
\q1
\v 17 Roonamo o takiona mia madhaki bheatokatuki,
\q2 maka o KAWASANA OPU bheajagani mia mobanara.
\b
\q1
\v 18 KAWASANA OPU ajagani dhadhina mia inda tee kasalahana,
\q2 tinaurakana manga incia sadhaadhaa saʼumurua.
\q1
\v 19 Manga incia inda bheamaea i wakutuuna kanarakaa,
\q2 tee i wakutuuna kaara manga incia bheamambosu.
\b
\q1
\v 20 Maka o mia madhaki bheabinasa,
\q2 tee manga musuna KAWASANA OPU bheamofu, mboomo kamba-kamba i tana mokorumpu.
\q2 Manga incia bheamofu tee atopadha mboomo ombu.
\q1
\v 21 Ande dhaangia iadhana mia madhaki, manga incia inda bheapambulia pendua opea iadhana sumai,
\q2 maka o mia mobanara abukeaka kaasi tee sadia apekadhawu.
\q1
\v 22 Satotuuna o mia ibarakatina KAWASANA OPU bheakotinaurakaaka tana ijanjiakana sumai,
\q2 sainamo o mia itundana bheatopamofu.
\q1
\v 23 KAWASANA OPU mosusuakana dhala mobanara,
\q2 to mia momalapena feʼelina mopasanaana ngangarandana.
\q1
\v 24 Moomini asindoli incia inda bheamandawu
\q2 roonamo KAWASANA OPU atuko limana.
\b
\q1
\v 25 Pepuu minaaka kumangura sakawana kumancuana,
\q2 indapo mina kukamata mia mobanara abholia KAWASANA OPU,
\q2 atawa o siwuluna amembali pande pengkaemani.
\q1
\v 26 Incia abukeaka kaasi tee sadia apekapaadha,
\q2 tee manga anana amembali barakati to incia.
\b
\q1
\v 27 Bholia momadhakina tee upewaumo momalapena,
\q2 sumaimo ingkoo bheusadhaadhaa umboore to saʼumurua.
\q1
\v 28 Roonamo KAWASANA OPU amaasiaka pewau momalape tee moʼadili,
\q2 tee inda abholi manga mia mosaalihi.
\q1 Manga incia bheatojagani saʼumurua,
\q2 maka o siwuluna mia madhaki bheatopamofu.
\q1
\v 29 Mia mobanara bheakotinaurakaaka tana ijanjiakana sumai,
\q2 tee amboore iwe sumai saʼumurua.
\b
\q1
\v 30 Mia mobanara o pogauna akohikimati,
\q2 bhari-bharia ipogauakana aʼadili.
\q1
\v 31 Hukumuna Aulataʼalana manga incia adhikaia i nuncana ngangarandana,
\q2 tee o bhengkalana inda bheasindoli.
\b
\q1
\v 32 Mia madhaki amata-matai mia mobanara,
\q2 tee ahaejati apekamatea.
\q1
\v 33 Maka o KAWASANA OPU inda bheataroakea amandawu i limana musuna,
\q2 atawa ataroakea atohukumu i wakutuuna atoʼadili.
\b
\q1
\v 34 Harapumo i KAWASANA OPU tee utaʼatia o parintana,
\q2 sumaimo Incia bheaangkako to apamembaliko mokotinaurakaakana tana ijanjiakana sumai,
\q2 tee ingkoo bheukamata manga mia madhaki atopamofu.
\q1
\v 35 Saangu wakutuu kukamata mia madhaki mopisakina mia mosagaanana,
\q2 dhadhina mboomo puuna kau motuwuna ajulu amaoge tee amaowo\f + \fr 37:35 \fr*\fq amaowo: \fq*\ft Maʼanana "rimbun."\ft*\f* i lipuna,
\q1
\v 36 maka sapadhana sumai incia amofu, tee indamo atokamata.
\q2 Moomini kupeeloa, indamo kupotibhaakea.
\b
\q1
\v 37 Kamatea o mia inda tee kasalahana tee momakatena incana,
\q2 roonamo manga mia modhadhina mopomalape bheakaunde-unde o siwuluna naile itu.
\q1
\v 38 Maka o mia mokodosa bheapabinasea bhari-bharia,
\q2 tee o siwuluna bheatopamofu.
\b
\q1
\v 39 KAWASANA OPU apasalaamati mia mobanara,
\q2 tee ajagani manga incia i wakutuuna kaseke.
\q1
\v 40 KAWASANA OPU atulungi tee apasalaamati manga incia;
\q2 Incia apasalaamatia minaaka i manga mia madhaki,
\q2 roonamo manga incia apeulu i KAWASANA OPU.
\c 38
\s Doʼa i Wakutuuna Kapii
\sr 38:1-23
\d Zaburuna Daud. Zikiri i wakutuuna pasombaana kurubanina kaudhania.
\b
\q1
\v 1 E KAWASANA OPU, bholi uhukumuaku i nuncana amaramu,
\q2 bholi usikisaaku i nuncana pamurumu.
\q1
\v 2 Roonamo anana panamu atongke i badaku,
\q2 tee o limamu amakaa abhebheaku.
\b
\q1
\v 3 Inda dhaangia o kalapena namisi i badaku roonamo pamurumu,
\q2 inda amatangka manga bukuku roonamo dosaku.
\q1
\v 4 Manga kasalahaku abhari alaloia o bhaaku,
\q2 mboomo bhawa momatamo mpuu to iaku.
\q1
\v 5 Manga kambelaku akobhou tee amabuto,
\q2 roonamo o kabhongo-bhongoku.
\q1
\v 6 Kapiiku amatamo mpuu, sabutuna inda amembali kukakaro.
\q2 Saeoa kutangi mboomo mia momaporona incana.
\q1
\v 7 Badaku amasodho roonamo amagari buluku,
\q2 inda dhaangia kalapena namisi i badaku.
\q1
\v 8 Tanagaku amapupumo sabutuna inda kunamisi opeopea,
\q2 iaku kupekidhei roonamo alilaho ngangarandaku.
\b
\q1
\v 9 E Kawasana Opu, bhari-bharia pemeliliku atokamata i aroamu,
\q2 tee peenciku inda kubuniakea minaaka i Ingkoo.
\q1
\v 10 Randaku akabhaka-bhaka tee o tanagaku indamo dhaangia,
\q2 mataku amarawumo.
\q1
\v 11 Manga sabhangkaku indamo akasuiaku roonamo panyakiku,
\q2 witinaiku apekaridho minaaka i iaku.
\q1
\v 12 Manga mia bhemopekamateaku ataakaaku katapu,
\q2 tee manga mia mohaejatiakana kadhaki to iaku apogauaka kahancuru.
\q2 Manga incia afikiriaka tuaapa carana amembali ahianati mia mosagaanana saeoa.
\b
\q1
\v 13 Maka iaku mboomo mia mabhongo inda moporango,
\q2 mboomo mia mobhea inda momembalina mopogau.
\q1
\v 14 Atotuu, iaku mboomo mia inda moporango,
\q2 rampaakanamo incia sumai inda kutagali.
\b
\q1
\v 15 Maka iaku kuharapu i Ingkoo, e KAWASANA OPU.
\q2 E Kawasana Opu, e Aulataʼalaku, Ingkoomo bhemolawaniaku.
\q1
\v 16 Iaku kupogau, "Ancosala manga incia akaunde-unde akamataaku kusukara,
\q2 atawa asomboaka karona wakutuuna akamataaku kusindoli."
\b
\q1
\v 17 Iaku saidhepo kumandawu,
\q2 tee atorotorosu kunamisi kapii.
\q1
\v 18 Iaku kuʼakuia manga kasalahaku,
\q2 tee kulilaho wakutuuna kufikiri manga dosaku.
\q1
\v 19 Manga musuku amakaa tee abhari mpuu,
\q2 manga incia abanciaku inda tee sababuna.
\q1
\v 20 Manga mia abalasi kalapeku tee kadhaki,
\q2 tee amembali bhaliku garaaka iaku kupewau giu momalape.
\b
\q1
\v 21 E KAWASANA OPU, bholi ubholiaku.
\q2 E Aulataʼalaku, bholi upekaridho minaaka i iaku.
\q1
\v 22 Tulungiaku pekadhei,
\q2 e Kawasana Opu, mopasalaamatiaku.
\c 39
\s1 Doʼana Emaniana Tulungi
\sr 39:1-14
\d To kapalana molaguna. To Yedutun. Zaburuna Daud.
\b
\q1
\v 1 Iaku kupogau,
\q1 "Bhekupengkaanaka kujagani karoku
\q2 mamudhaakana inda kukodosa tee dhelaku.
\q1 Iaku bhekukoputi muncuku
\q2 kangengena dhaangia tee mia madhaki i aroaku."
\q1
\v 2 Iaku inda kupogau sampeampearo;
\q2 pogau momalape uka inda kubhoasakea,
\q2 maka o kanarakaaku ahanda amatamo,
\q1
\v 3 ngangarandaku alilaho.
\q2 Ahanda kufikiria, ahanda amasodho ngangarandaku;
\q2 kasiimpo kupogau,
\b
\q1
\v 4 "E KAWASANA OPU, paumbaakaaku naepia akawa o ajalaku
\q2 tee dhaangia pia eopo uka o dhadhiku
\q2 mamudhaakana kumataua ande o umuruku amampodho!
\q1
\v 5 Kamatea, tapanamo kampodho o umuru itantuakamu to iaku.
\q2 Dhadhiku mboomo inda tee maʼanana i matamu.
\q1 Bhari-bharia maanusia modhaangiana i dunia
\q2 bheamofu sakijamata mboomo poinunca. \qs Sela\qs*
\q1
\v 6 Dhadhina maanusia mboomo ngkamia-mia!
\q2 Ncia-nciamo maanusia moomini apepadhai tanaga,
\q2 incia arombusaka o harataa wakutuuna dhaangiapo adhadhi, maka samatena, inda amataua incema bhemoniʼimatia."
\b
\q1
\v 7 "Sii-sii opea bheiantagiku, e Kawasana Opu?
\q2 Ingkoomo iharapuku.
\q1
\v 8 Rambasakaaku minaaka i bhari-bharia dosaku,
\q2 tee bholi utaroakaaku aele-eleaku mia mokabhongo-bhongo.
\q1
\v 9 Iaku inda kukosuara tee inda kubungkale ngangaku,
\q2 roonamo Ingkoomo mohukumuaku.
\q1
\v 10 Pekaridhoa o limamu to ubhebheaku,
\q2 sababuna saidhepo kumate roonamo kahukumumu.
\q1
\v 11 Ingkoo uadhari maanusia tee kahukumu roonamo kasalahana,
\q2 Ingkoo mboomo ane upahancuru opea imaasiakamami.
\q2 Bhari-bharia maanusia tangkanamo mboomo poinunca!" \qs Sela\qs*
\b
\q1
\v 12 "E KAWASANA OPU, perangoia o doʼaku,
\q2 tee utilikiaku wakutuuna kugora kuemani tulungi.
\q1 Bholi inda umaheruakea ande kutangi,
\q2 roonamo iaku sii mboomo samia dhaga moumbana i Ingkoo,
\q2 mboomo bhari-bharia manga opu-opuaku.
\q1
\v 13 Bholi ukamataaku tee pamurumu
\q2 mamudhaakana amembali kupemboi pendua
\q2 wakutuuna indapo kumate."
\c 40
\s Doʼana Sukuru tee Doʼana Emaniana Tulungi
\sr 40:1-18
\d To kapalana molaguna. Zaburuna Daud.
\b
\q1
\v 1 Iaku kuantagi tee kuharapu mpuu katulungina KAWASANA OPU,
\q2 kasiimpo Incia atilikiaku tee aperangoi goraku.
\q1
\v 2 Incia aangkaaku minaaka i bhalona karompa,
\q2 minaaka i tomba momandala.
\q1 Incia apaʼamaniaku i bhawona gunu bhatu
\q2 tee apekatangka bhengkalaku.
\q1
\v 3 Incia aadhariakaaku lagu bhaau,
\q2 lagu kapujia to Aulataʼalata.
\q1 Abhari o mia bhemokamatea, kasiimpo amaeka
\q2 tee aparacaea i KAWASANA OPU.
\q1
\v 4 Amasanaamo o mia moparacaeana i KAWASANA OPU,
\q2 incia inda aose mia mosombo,
\q2 atawa aose mia mosombana barahala.
\q1
\v 5 E KAWASANA OPU, e Aulataʼalaku, abhari o giu inda momentela
\q2 mopadhana ipewaumu tee ihaejatiakamu to ingkami!
\q2 Inda dhaangia momembalina mopodhimbana tee Ingkoo!
\q1 Iaku bhekupetulatulaakea tee kubhoasakea,
\q2 maka abhari laulauna to kugagaria.
\b
\q1
\v 6 \x - \xo 40:7-9 \xo*\xt Ibr. 10:5-7.\xt*\x*Ingkoo inda uemani mamudhaakana kudhawuakako kurubani itunu tee pasombaana giuna ikande,
\q2 maka Ingkoo padhamo ubungkale talingaku.
\q1 Kurubani itunu tee kurubani kahapusuana dosa inda utuntua.
\q1
\v 7 Kasiimpo kupogau, "Kamatea, iaku kuumba,
\q2 i nuncana kalulungina kitabi mopadhana motoburi tee momembalina i karoku.
\q1
\v 8 Iaku gauku kupewau opea ipeelumu, e Aulataʼalaku,
\q2 tee o hukumumu dhaangia i nuncana ngangarandaku."
\b
\q1
\v 9 Iaku padhamo kupakoleleaka kabanara i tampana poromusakaana uumatimu mobharina sumai.
\q2 Kamatea, iaku inda kutaangi bhiwiku,
\q2 e KAWASANA OPU, Ingkoo uka umataua!
\q1
\v 10 Kabanaramu inda kubuniakea i nuncana ngangarandaku,
\q2 iaku kupogauaka ande Ingkoo sadia ukeniaka pojanjiamu tee kupogauaka kasalaamati minaaka i Ingkoo.
\q1 Kaasimu molagina tee kabanaramu inda kurahasiaakea
\q2 i aroana poromusakaana uumatimu mobhari sumai.
\b
\q1
\v 11 E KAWASANA OPU, bholi utaangi rahumatimu to iaku,
\q2 taroakamo o kaasimu molagina tee kabanaramu sadia ajaganiaku.
\q1
\v 12 Roonamo abhari mpuu o balaa molibuaku.
\q1 Iaku apajereaku manga dosaku
\q2 tee inda kumembali kupokamata;
\q1 kabharina alabhia o bulua i bhaaku,
\q2 sabutuna amateakea akalaku.
\b
\q1
\v 13 \x - \xo 40:14-18 \xo*\xt Zab. 70:2-6.\xt*\x*E KAWASANA OPU, madheimo upasalaamatiaku,
\q2 e KAWASANA OPU, madheimo utulungiaku!
\q1
\v 14 Maasangia manga mia mohaejatina mopekamateaku
\q2 amaea tee abingu.
\q1 Maasangia manga mia mohaejatina to mopacilakaaku
\q2 apalai tee apotibhaaka aebu.
\q1
\v 15 Maasangia manga mia moele-eleaku
\q2 atokidha roonamo manga incia amaea.
\q1
\v 16 Taroakamo bhari-bharia mia mopeeloko
\q2 amasanaa tee akaunde-unde,
\q1 tee taroakamo bhari-bharia momaasiakana kasalaamati minaaka i Ingkoo
\q2 sadia apogau, "Tapanamo kaogena o KAWASANA OPU!"
\b
\q1
\v 17 Iaku sii kunarakaa tee kumisikini,
\q2 maka o Aulataʼala afaduliakaaku.
\q1 Ingkoomo motulungiaku tee mopasalaamatiaku,
\q2 E Aulataʼalaku, bholi upekanoe-noe, pekadheimo utulungiaku.
\c 41
\s Doʼa Emaniana Auntoaka Panyaki
\sr 41:1-14
\d To kapalana molaguna. Zaburuna Daud.
\b
\q1
\v 1 Amasanaamo mia mofaduliakana mia misikini!
\q2 KAWASANA OPU bheapasalaamatia i wakutuuna anarakaa.
\q1
\v 2 KAWASANA OPU bheajagania tee adhambaakea.
\q2 Sabutuna manga mia bheasarongiakea amasanaamo i lipuna mbooresana,
\q2 tee inda upasaraakaakea i manga musuna.
\q1
\v 3 KAWASANA OPU bheatulungia i wakutuuna amapii,
\q2 tee apauntoa minaaka i kapiina.
\b
\q1
\v 4 Iaku kupogau, "E KAWASANA OPU, maasiakaaku,
\q2 pauntoa o panyakiku roonamo kukodosamo tee Ingkoo."
\q1
\v 5 Manga musuku apogauakaaku madhaki,
\q2 manga incia apogau, "Naepia incia bheamate mamudhaakana manga mia amalinguakea?"
\q1
\v 6 Manga mia mosoloaku inda amakate o ngangarandana;
\q2 manga incia apara-para afaduli tee agau-gau.
\q1 Manga incia apeelo lele madhaki minaaka i iaku,
\q2 kasiimpo alingka apetulatulaakea i dhala.
\q1
\v 7 Bhari-bharia mobanciaku apokamuntuiakaaku,
\q2 manga incia ahaejatiakaaku tee kadhaki.
\q1
\v 8 Pogauna manga incia, "Kapiina ahanda mpuu,
\q2 indamo bheamembali atopaunto."
\q1
\v 9 \x - \xo 41:10 \xo*\xt Mat. 26:23; Mrk. 14:20; Luk. 22:21; Yah. 13:18.\xt*\x*Sampe moomini o sabhangkaku momakasuna iparacaeaku,
\q2 mokandena rotiku, ambulimo abhaliaku.
\b
\q1
\v 10 Maka Ingkoo, e KAWASANA OPU, susuakaaku o kaasimu, tee pauntoaku minaaka i kapiiku,
\q2 mamudhaakana amembali kubalasi kadhakina manga musuku.
\q1
\v 11 Tee mboo sumai iaku kumataua ande Ingkoo umaasiakaaku
\q2 roonamo o musuku inda amembali asambo-samboakaaku.
\q1
\v 12 Ingkoo utulungiaku roonamo kakatena totona incaku,
\q2 tee udhikaaku i saripimu saʼumurua.
\b
\q1
\v 13 \x - \xo 41:14 \xo*\xt Zab. 106:48.\xt*\x*Atopujimo KAWASANA OPU, Aulataʼala isombana miana Israel,
\q2 sii-sii tee saʼumurua!
\q2 Aamin!
\c 42
\ms BOKU I RUA ANGUNA:
\s2 ZABURU 42--72
\s1 Pemelili to Aulataʼala, Haakimu Moʼadili
\sr 42:1--43:5
\d To kapalana molaguna. Lagu kaadharina miana Korah.\f + \fr 42:1 \fr*\fq miana Korah: \fq*\ft Kolompona molaguna minaaka i siwuluna Korah (kamata \ft*\xt Kab. 26:10\xt*), siitumo o Heman tee manga anana. Nabii Daud apatugasiaka Heman to apakawaaka kasameana nabii aoseakea gambusu tee lagu i nuncana ibaadati i Baitulla.\f*
\q1
\v 1 Mboomo rusa apemeliliaka umala mokouwe,
\q2 mboo sumai uka iaku kupemeliliaka Ingkoo, e Aulataʼala.
\q1
\v 2 Iaku kufaraluu mpuu Aulataʼala,
\q2 Aulataʼala modhadhi.
\q1 Naepia amembali kupoaro tee kukamata Aulataʼala?
\q1
\v 3 Malo eona kutangi,
\q2 loluku amembali kinandeku.
\q1 Saeoa o musuku aele-eleaku tee apogau,
\q2 "Iapai o Aulataʼalamu?"
\q1
\v 4 Giumo incia sii iudhaniku,
\q2 wakutuuna kupetulatulaaka o antona ngangarandaku:
\q1 Tuaapa i piamo itu kulingka kupobhawa tee mia bhari wakutuu taporope i bhanuana Aulataʼala,
\q2 kuporiaroaaka dhala
\q1 poose tasambo-sambo tee tasukuru
\q2 i nuncana kariaa sumai.
\b
\q1
\v 5 Pokia ingkoo umaasi e ngangarandaku,
\q2 tee ulilaho i nuncana badaku?
\q1 Harapumo i Aulataʼala roonamo iaku uka bhekupuji Incia
\q2 tee kasalaamati moumbana minaaka i aroana.
\q1
\v 6 E Aulataʼalaku, ngangarandaku ahancuru i nuncana badaku,
\q2 rampaakanamo sumai iaku bhekuudhaniko
\q1 minaaka i lipuna Umala Yordan tee Gunu Hermon,
\q2 tee minaaka i Gunu Mizar.
\q1
\v 7 Andalaoge alawani andalaoge mosagaanana
\q2 tee suarana momakaa o uwe momandawu minaaka i kalangaana.
\q1 Bhari-bharia ewo tee solomu
\q2 akangkanaiaku.
\q1
\v 8 I wakutuuna aeo KAWASANA OPU aparintaaka kaasina molagina,
\q2 tee i wakutuuna amalo iaku kulagu,
\q2 siitumo saangu doʼa to Aulataʼala mopadhadhiaku.
\b
\q1
\v 9 Iaku kupogau tee Aulataʼala, gunu bhatuku,
\q2 "Pokia umalinguakaaku?
\q1 Pokia manga musuku apisakiaku
\q2 sabutuna iaku sadiamo kusukara?
\q1
\v 10 Mboomo katobhoki imateaka i nuncana bukuku,
\q2 manga bhaliku aele-eleaku.
\q1 Manga incia saeoa aabha,
\q2 "Iapai o Aulataʼalamu?"
\b
\q1
\v 11 Pokia ingkoo umaasi, e ngangarandaku,
\q2 pokia ulilaho i nuncana badaku?
\q1 Harapumo i Aulataʼala roonamo iaku uka bhekupuji Incia,
\q2 Aulataʼalaku mopasalaamatiaku.
\c 43
\q1
\v 1 E Aulataʼala, dhawuakumo kaʼadili,
\q2 tee uewaaka parakaraku i aroana lipu modorohaka.
\q1 Pabebasiaku minaaka i pande pekagau tee mia madhaki,
\q2
\v 2 roonamo Ingkoomo Aulataʼala peulusaku.
\q1 Pokia Ingkoo umendeuaku?
\q2 Pokia iaku sadiamo kusukara
\q2 roonamo kapisakina musu?
\b
\q1
\v 3 Lambokoa o kainawamu tee kabanaramu
\q2 to akapalaikiaku
\q1 tee abhawaaku i gunumu momangkilo,
\q2 i tampana mbooresamu.
\q1
\v 4 Sumaimo, iaku bhekulingka kuporope i tampa tunuana kurubani to Aulataʼala,
\q2 iaku bhekupoaro i Aulataʼala, mopasanaaku tee mopaunde-undeaku.
\q1 Iaku bhekupujiko tee kecapi,
\q2 e Kawasana Opu, e Aulataʼalaku.
\b
\q1
\v 5 Pokia umaasi e ngangarandaku
\q2 tee pokia ulilaho i nuncana badaku?
\q1 Uharapumo i Aulataʼala roonamo iaku uka bhekupuji Incia,
\q2 Aulataʼalaku mopasalaamatiaku.
\c 44
\s1 Pekidheina Lipu Motopisaki
\sr 44:1-27
\d To kapalana molaguna. Zaburuna miana Korah. Laguna kaadhari.
\b
\q1
\v 1 E Aulataʼala, ingkami padhamo tarangoa.
\q2 Opu-opuamami padhamo manga petulatulaaka
\q1 giu mopadhana ipewaumu i zamanina manga incia,
\q2 siitumo i zamani mangenge.
\q1
\v 2 Ingkoo upadhencu manga lipu mosagaanana tee limamu karomu,
\q2 kasiimpo upamboore opu-opuamami to kabholosina manga incia.
\q1 Ingkoo upahancuru manga lipu,
\q2 maka utaroakea opu-opuamami ajulu o kabharina.
\q1
\v 3 Manga incia inda apoewaangiakea to apotibhaaka tana incia sumai,
\q2 mencuana tee limana manga incia imembaliakana akana,
\q1 maka tee lima kaanamu tee kuasamu,
\q2 tee caheana roumu
\q2 roonamo Ingkoo umaasiaka manga incia.
\b
\q1
\v 4 E Aulataʼala, Ingkoomo Rajaku,
\q2 mopamembalina miana Israel akana.
\q1
\v 5 Tee kuasamu ingkami tapadhencu musumami,
\q2 tee saromu, talandalandaki manga mia bhemoewangina ingkami.
\q1
\v 6 Mencuana panaku itangkaakaku,
\q2 hancuku uka inda apasalaamatiaku.
\q1
\v 7 Maka Ingkoomo mopasalaamatina ingkami minaaka i bhalimami,
\q2 tee upekaea manga mia mobancina ingkami.
\q1
\v 8 Roonamo Aulataʼala, ingkami sadia talaguaka lagu kapujia,
\q2 tee saromu, ingkami bhetasukuru saʼumurua. \qs Sela\qs*
\b
\q1
\v 9 Maka sii-sii Ingkoo manga bholimo tee manga taroaka tamaea.
\q2 Ingkoo indamo umaju uka upobhawa tee tantaramami.
\q1
\v 10 Ingkoo manga taroaka tapalai minaaka i musumami,
\q2 tee manga mia mobancina ingkami arampasi harataamami.
\q1
\v 11 Ingkoo manga pasarakaaka mboomo dumba isumbele,
\q2 tee manga papogaa-gaa i lipu mosagaanana.
\q1
\v 12 Ingkoo uaso uumatimu inda tee haragaana i musuna to amembali bhatua,
\q2 tee inda uala laba saidhe uka.
\b
\q1
\v 13 Ingkoo utaroaka ingkami mangahina manga lipu sarimbanuamami,
\q2 tee tamembali kaele-elena manga mia i saripimami.
\q1
\v 14 Utaroakea manga lipu apotawaiki ingkami.
\q2 Manga incia alengko-lengko bhaana to ingkami.
\q1
\v 15 Saeoa kutohina,
\q2 tee kutanggo kaeaku,
\q1
\v 16 roonamo kurango kaele-ele tee kahina
\q2 minaaka i musumami tee manga mia modhikaakana bukuna incana tee ingkami.
\q1
\v 17 Bhari-bharia sumai padhamo akangkanai ingkami
\q2 maka ingkami inda tamalinguakako
\q2 atawa tahianati janjimu tee ingkami.
\q1
\v 18 Incamami inda abhalii minaaka i Ingkoo,
\q2 tee ingkami inda tabholi o kaadharimu
\q1
\v 19 moomini Ingkoo padhamo upahancuru ingkami i tampana serigala,
\q2 tee udhika ingkami i nuncana kalalanda.
\q1
\v 20 Ande ingkami tamalinguaka sarona Aulataʼalamami,
\q2 atawa tadoʼa tee tasomba i Aulataʼala mosagaanana,
\q1
\v 21 Aulataʼala dhaanamo bheamataua,
\q2 satotuuna Incia amataua o rahasiana ngangarandamami!
\q1
\v 22 \x - \xo 44:23 \xo*\xt Rom. 8:36.\xt*\x*Saeo-saeo ingkami taaro mate rampaakanamo taose tee tataʼati i Ingkoo,
\q2 tee ingkami tatoabhi mboomo dumba isumbele.
\b
\q1
\v 23 E Aulataʼala, pewaumo. Pokia Ingkoo mboomo ukole?
\q2 Pewaumo! Bholi manga umendeu saʼumurua.
\q1
\v 24 Pokia Ingkoo ubuniaka karomu
\q2 tee umalinguaka kanarakaa tee kapisakimami?
\b
\q1
\v 25 Ingkami takotibu i nuncana ngawu,
\q2 tee o badamami akumbu i tana.
\q1
\v 26 Pewaumo tee tulungimo ingkami!
\q2 Roonamo kaasimu molagina, manga tolosi!
\c 45
\s Lagu i Wakutuuna Kawiana Raja
\sr 45:1-18
\d To kapalana molaguna. Aose lagu: Kamba-kamba Bakung. Zaburuna miana Korah. Laguna kaadhari; laguna kaasi.
\b
\q1
\v 1 Ngangarandaku abukeaka tee manga lagu makesa.
\q2 Iaku bhekulaguaka laguku to raja,
\q2 dhelaku mboomo folupenina samia juru tulisi momakidha.
\b
\q1
\v 2 Ingkoo momangadana i tanga-tangana umane,
\q2 kalapemu atokamata minaaka i pogaumu,
\q2 sababuna sumai Aulataʼala abarakatiko to saʼumurua.
\q1
\v 3 Bhokea o ewangamu i tangamu, e raja mobarani,
\q2 ingkoo momalangana tee momuliana!
\q1
\v 4 I nuncana kamuliangimu sumai usawikimo karetamu tee ukanamo,
\q2 to kabanara, sifatuna mia inda mosombo, tee kaʼadili!
\q2 Taroakamo lima kaanamu akarajaa pewauna motomaeka.
\q1
\v 5 Anana panamu amatadha,
\q2 alosa i bhakena manga musumu,
\q2 manga lipu akotibu i aroamu.
\q1
\v 6 \x - \xo 45:7-8 \xo*\xt Ibr. 1:8-9.\xt*\x*Kauncuramakamu, e Aulataʼala, sadhaadhaa torotorosu tee saʼumurua,
\q2 tee o katukona pamarintamu satotuuna o katukona kabanara.
\q1
\v 7 Ingkoo umaasiaka kabanara tee ubanci mia madhaki.
\q2 Sababuna sumai, Kawasana Opumu, Aulataʼalamu, padhamo alantiko umembali raja
\q2 tee apasanaako alabhi minaaka i raja mosagaanana.
\q1
\v 8 Bhari-bharia pakeamu akobhou mina-mina mawondu mboomo polona damar, garu, tee asana.
\q2 Ingkoo umasanaa urango suarana kecapi tee gambusu minaaka i maligemu motobhelokiakana gadhi.
\q1
\v 9 I tanga-tangana manga bhawine molaianiko dhaangia tee manga bhawine o anana raja.
\q2 I weta kaanamu akabhale-bhale o ratu mopakena kabheloki bulawa momalape minaaka i Ofir.
\b
\q1
\v 10 Perangoiaku pekalape, e kabuabua, kamatea tee utaaia o talingamu!
\q2 Malinguakamea o lipumu tee bhanuana amamu.
\q1
\v 11 Taroakamo o raja apeeluko roonamo umakesa!
\q2 Incia o opumu, sujumo uhoromatia.
\q1
\v 12 Raʼeatina kota Tirus bheabhawaakako pasombaa,
\q2 tee manga mia morangkaea bheaʼusaha to aala-ala incamu.
\b
\q1
\v 13 Anana raja bhemokawina tee rajana Israel apesua i nuncana maligena,\f + \fr 45:14 \fr*\fq Anana raja bhemokawina tee rajana Israel: \fq*\ft Atokamata mboomo kabuabua ipetulatulaakana i aeati 11, siitumo anana raja minaaka i lipu mosagaanana, bheakawi tee rajana Israel.\ft*\f*
\q2 pakeana kabuabua sumai abukeaka kasokai bulawa.\f + \fr 45:14 \fr*\fq pakeana kabuabua sumai abukeaka kasokai bulawa: \fq*\ft Pakea motobhelokiakana tee kambari mokowaranaa.\ft*\f*
\q1
\v 14 Incia bheatoʼantara i raja tee pakea motosokai,
\q2 apoose tee manga sabhangkana,
\q2 siitumo manga kabuabua molaianina anana raja.
\q1
\v 15 Manga incia atoʼantara tee asambo-sambo tee akaunde-unde,
\q2 manga incia apesua i nuncana maligena raja.
\b
\q1
\v 16 E raja, manga anamu bheabholosi opu-opuamu,
\q2 ingkoo bheuangkea manga to amembali kaogesa i saangua alamu.
\q1
\v 17 Iaku bhekupewau saromu amaoge tee bhari-bharia ipewaumu audhania mia sii-sii sakawana i aaherati,
\q2 sabutuna bhari-bharia lipu bheapuji-pujiko torosu saʼumurua.
\c 46
\s Aulataʼala o Kotana Benteta
\sr 46:1-12
\d To kapalana molaguna. Laguna miana Korah; alaguakea tee suara momalanga.
\b
\q1
\v 1 Aulataʼala sumai o tampana peulusata tee o kakaata.
\q2 Incia sadia amakasu to manga tulungi i wakutuuna kaseke.
\q1
\v 2 Sumaimo ingkita inda tamaeka, moomini o alamu akolendu,
\q2 moomini manga gunu atondu i nuncana tawo,
\q1
\v 3 tee moomini o tawo akomburu tee akobura
\q2 tee manga gunu akohudha rampaakanamo akangkanaia ewona tawo sumai. \qs Sela\qs*
\b
\q1
\v 4 Dhaangia manga siwuluana uwena umala aumbaaka kaunde-unde to raʼeatina kotana Aulataʼala,\f + \fr 46:5 \fr*\fq kotana Aulataʼala: \fq*\ft Siitumo Kota Yerusalem, tampana Baitulla Momangkilo to miana Yahudi. \ft*\f*
\q2 siitumo o tampa momangkilo, mbooresana Aulataʼala Momalanga.
\q1
\v 5 Aulataʼala amboore i tanga-tangana kota sumai, sabutuna o kota sumai inda bheakohudha.
\q2 Aulataʼala bheatulungia wakutuuna akawa raneeo.
\q1
\v 6 Manga raʼeatina lipu atobungke tee manga pamarintana abagoea,
\q2 rampaakanamo Incia aparangoaka suarana, alamu ahancuru.
\b
\q1
\v 7 KAWASANA OPU, kapalana saangua pasukana sorogaa, apoose tee ingkita,
\q2 Aulataʼala isombana Yakub siitumo o kotana benteta. \qs Sela\qs*
\b
\q1
\v 8 Mai, kamatea opea ikarajaana KAWASANA OPU,
\q2 Incia apewau giu inda momentela i alamu!
\q1
\v 9 Incia apaunto potimbea i saangua dunia,
\q2 pana apahancurua tee pandanga akatukia,
\q2 Incia atunu manga kareta potimbea tee waa.
\q1
\v 10 Firimanina, "Untomo upoewangi, mataumea ande Iaku sii o Aulataʼala!
\q2 Manga lipu bheapekalangaaku,
\q2 tee saangua alamu bheamuliangiaku."
\b
\q1
\v 11 KAWASANA OPU, kapalana saangua pasukana sorogaa, apoose tee ingkita,
\q2 Aulataʼala isombana Yakub siitumo kotana benteta. \qs Sela\qs*
\c 47
\s1 Aulataʼala Rajana Saangua Alamu
\sr 47:1-10
\d To kapalana molaguna. Zaburu minaaka i miana Korah.
\b
\q1
\v 1 E bhari-bharia lipu, pujimo Aulataʼala!
\q2 Bhija-bhijamea o Aulataʼala tee usambo-sambomo.
\q1
\v 2 Roonamo KAWASANA OPU Momalanga sumai atomaeka mpuu,
\q2 Incia o raja maoge mokuasaina saangua alamu.
\q1
\v 3 Incia apekatalo manga lipu tee adhawuakea i nuncana kuasata,
\q2 tee manga lipu adhikaia i tambena aeta.
\q1
\v 4 Incia mangapiliaka tana
\q2 bhemomembalina tinauraka ibanggaakata saʼumurua.\f + \fr 47:5 \fr*\fq tinauraka ibanggaakata saʼumurua: \fq*\ft Tinauraka sumai siitumo Tana Kanaan, tana ijanjiakana Aulataʼala to Ibrahim tee manga siwuluna.\ft*\f*
\q1 Ingkita o siwuluna Yakub,
\q2 uumati imaasiakana. \qs Sela\qs*
\b
\q1
\v 5 Wakutuuna Aulataʼala akompa i kauncuramakana, manga mia asambo-sambo tee akaunde-unde,
\q2 tee atowiiakea sangkakala.
\q1
\v 6 Laguakamea o lagu kapujia to Aulataʼala, laguakamea!
\q2 Laguakamea o lagu kapujia to Rajata, laguakamea!
\b
\q1
\v 7 Roonamo Aulataʼala o Rajana saangua alamu,
\q2 laguakamea o laguna kaadhari!
\q1
\v 8 Aulataʼala satotuuna o Rajana bhari-bharia lipu,
\q2 Incia amboore i bhawona kauncuramakana momangkilo.
\q1
\v 9 Manga kapalana lipu aporomusaka
\q2 to amembali uumatina Aulataʼala isombana Ibrahim.
\q1 Roonamo bhari-bharia mokuasaina alamu sii atungku i Aulataʼala,
\q2 Incia atomuliangi mpuu.
\c 48
\s1 Sion, Kotana Aulataʼala
\sr 48:1-15
\d Zaburuna miana Korah to lagu.
\b
\q1
\v 1 Tapanamo kaoge o KAWASANA OPU tee alaenga mpuu atopuji
\q2 i kotana Aulataʼalata, i gununa momangkilo.
\q1
\v 2 \x - \xo 48:3 \xo*\xt Mat. 5:35.\xt*\x*Amakesa amalanga, apasanaa mia i saangua alamu,
\q2 siitumo o gunu Sion i weta i napa,
\q2 kotana Raja Maoge!
\q1
\v 3 I nuncana manga bentena
\q2 Aulataʼala padhamo apatiumbaaka ande karona satotuuna o bente momakaa.
\b
\q1
\v 4 Kamatea, manga raja aporomusaka,
\q2 manga incia amaju apobhawa-bhawa.
\q1
\v 5 Sakamatana kotana Sion, manga incia amente;
\q2 manga raja atokidha tee apalai roonamo amaeka.
\q1
\v 6 Iwe sumai manga incia arengku roonamo amaeka,
\q2 tee anamisi kapii mboomo bhawine bhemopalaahirina.
\q1
\v 7 Tee garura
\q2 Ingkoo upahancuru manga kapala maoge minaaka i Tarsis.
\q1
\v 8 Mboomo mopadhana irangota, mboo siitumo uka ikamatata,
\q2 i kotana KAWASANA OPUNA saangua alamu,
\q1 i kotana Aulataʼalata,
\q2 ipekatangkana Aulataʼala to saʼumurua. \qs Sela\qs*
\b
\q1
\v 9 E Aulataʼala, ingkami taudhania o kaasimu molagina
\q2 i nuncana Baitullamu momangkilo.
\q1
\v 10 Mboomo saromu, e Aulataʼala,
\q2 mboo siitumo o mia i saangua alamu amuliangiko.
\q2 Ingkoo ukokuasa tee uʼadili.
\q1
\v 11 Taroakamo raʼeatina Sion akaunde-unde,
\q2 tee taroakamo manga anana bhawine Yuda asambo-sambo
\q2 roonamo sadia uʼadili i wakutuuna uhaakimu mia.
\q1
\v 12 Lingkamo uumatina Aulataʼala, tiingia o Sion, tee ubulilingia,
\q2 tee ugagaria manga munarana.
\q1
\v 13 Tilikia manga rindina,
\q1 kamatea o bentena,
\q2 mamudhaakana amembali upetulatulaakea i manga siwulumu.
\q1
\v 14 Satotuuna o siimo Aulataʼala, Aulataʼalata abakaa;
\q2 Incia bhemokapalaikina ingkita saʼumurua!
\c 49
\s1 Kasanaa Mosia-sia
\sr 49:1-21
\d To kapalana molaguna. Zaburuna miana Korah.
\b
\q1
\v 1 Perangoia o giu incia sii, e bhari-bharia lipu,
\q2 taaia o talingamiu e bhari-bharia raʼeatina dunia,
\q1
\v 2 Malape o kaogesa atawa o mia maidhiidhi,
\q2 mia morangkaea atawa o mia misikini!
\q1
\v 3 Ngangaku bheabhoasaka manga pogau imembaliakamiu ubukeaka hikimati,
\q2 tee ngangarandaku bheafikiri manga giu imembaliakamiu umakidha umaʼanaia.
\q1
\v 4 Talingaku bhekubungkalea to kuperangoi manga kabhanti moʼaarifu,
\q2 poose kumagasiaaka kecapi, bhekubhoasakea maʼanana o taataangkeku.
\b
\q1
\v 5 Iaku inda kufaraluu kumaeka i wakutuuna kaseke,
\q2 wakutuuna kadhakina musuku alibuaku.
\q1
\v 6 Manga incia mia motangkaakana harataana
\q2 tee mosomboakana karangkaeana.
\q1
\v 7 Satotuuna, inda samia uka momembalina mopasalaamatina karona samia,
\q2 atawa apomea katolosina i Aulataʼala to apamembalia kabholosina inyawana
\q1
\v 8 roonamo ponambona katolosina inyawana mia amaali mpuu,
\q2 tee inda bheakawa moomini apomeaia tee opeapo uka
\q1
\v 9 mamudhaakana incia amembali adhadhi saʼumurua
\q2 tee inda bheakamata bhalona koburuna.
\b
\q1
\v 10 Maka satotuuna, incia bheakamata
\q2 mia moʼaarifu uka bheamate,
\q1 mboo sumai uka tee mia mokabhongo-bhongo tee mia mobhore;
\q2 manga incia bheabholi harataana to mia mosagaanana.
\q1
\v 11 Koburuna manga incia bheamembali bhanuana saʼumurua,
\q2 mbooresana manga incia asadhaadhaa to saʼumurua,
\q2 moomini manga incia dhaangia tee tanana karona.
\q1
\v 12 Maka o maanusia moomini tee karangkaeana inda bheamembali adhadhi torosu.
\q2 Maanusia apokana tee binata dhaanamo bheabinasa.
\b
\q1
\v 13 Mboo siimo dhawuana mia motangkaakana karona,
\q2 tee ajalana manga mia momaasiakana pogauna karona. \qs Sela\qs*\f + \fr 49:14 \fr*\fq Sela: \fq*\ft Aipomo tandana to aunto wakutuuna lagu sumai atolaguaka, atawa o tanda to ahanda apekaogea o suarana, atawa onina gambusuna. Amembali uka to tanda to morangoa mamudhaakana asuju.\ft*\f*
\q1
\v 14 Aulataʼala apatotapuaka manga incia to amate mboomo dumba,
\q2 manga incia awulua mboomo dumba apesua i bhalona koburu,
\q2 manga incia bheasapo lausaka i nuncana koburu.
\q1 Badana manga incia bheamabuto tee ahancuru,
\q2 amaridho minaaka i bhanuana.
\q1
\v 15 Maka o Aulataʼala bheatolosiaku
\q2 minaaka i duniana mia mate
\q2 roonamo Incia bheaalaaku minaaka iwe sumai. \qs Sela\qs*
\b
\q1
\v 16 Bholi umaeka ande o mia mosagaanana amembali arangkaea,
\q2 tee o harataana ahandamo abhari,
\q1
\v 17 roonamo wakutuuna amate, incia inda amembali abhawa opeopeapo uka,
\q2 tee o harataana inda bheasapo i koburu to apobhawa tee incia.
\q1
\v 18 Moomini kangengena dhadhina incia aabhi karona atobarakati
\q2 tee apuji-pujia mia roonamo akodhawua,
\q1
\v 19 incia uka bheatutuni manga opu-opuana,
\q2 momatena porikana i tampa momalalanda
\q2 tee iwe sumai, indamo uka bheakamata kainawa pendua.
\q1
\v 20 Maanusia morangkaea, maka inda amembali amaʼanai hikimati,
\q2 amembali tapapokanea tee binata motopabinasa.
\c 50
\s Ibaadati Mobanara
\sr 50:1-23
\p
\v 1 Zaburuna Asaf.\f + \fr 50:1 \fr*\fq Asaf: \fq*\ft Asaf sii apatugasiakea Nabii Daud to akapalai molaguna i nuncana ibaadati i Baitulla. Incia o miana Lewi mopakawaakana kasameana nabii i tambena kuasana Nabii Daud.\ft*\f*
\b
\q1 KAWASANA OPU, Aulataʼala Mokokuasana Mpuu, afirimani
\q2 tee agoraaka saangua alamu minaaka i timbu sakawana i bhara.
\q1
\v 2 Minaaka i kota Sion momakesa mpuu,
\q2 Aulataʼala apatiumba karona mboomo cahea.
\b
\q1
\v 3 Aulataʼalata aumba tee inda soo akatongo-tongo;
\q2 waa imangauaka dhaangia i aroana,
\q2 tee garura\f + \fr 50:3 \fr*\fq garura: \fq*\ft Wao maranca tee ngalu makaa mpuu apoose tee bhibhito.\ft*\f* momakaa dhaangia i saripina.
\q2
\v 4 Incia agoraaka laiana tee alamu
\q2 to amembali sakusii wakutuuna aʼadili uumatina.
\q1
\v 5 Firimanina, "Romusakaakaaku bhari-bharia uumatiku mosaalihi i aroaku,
\q2 siitumo manga incia mopadhana mobokena pojanjia tee Iaku alaloi kurubani isumbele."
\q1
\v 6 Laiana apakoleleaka kabanarana,
\q2 roonamo o karona Aulataʼala moʼadilina uumatina. \qs Sela\qs*
\b
\q1
\v 7 "Rangoa e uumatiku, Iaku bhekufirimani!
\q2 E Israel, Iaku bhekumembali sakusii tee opea mopadhana ipewaumu,
\q2 Iakumo o Kawasana Opu, Aulataʼalamu!
\q1
\v 8 Mencuana rampaakanamo kurubani isumbelemu mbakana kuraeakako,
\q2 atawa o kurubani tunuamu
\q2 modhaangiana i aroaku.
\q1
\v 9 Iaku kumendeu bhekutarima sapi umane minaaka i bhanuamu,
\q2 atawa o bhembe umane minaaka i kandamu,
\q1
\v 10 roonamo bhari-bharia binata maila i koo o pewauaku,
\q2 tee uka bhari-bharia manga kadhambaaka modhaangiana i rewuna gunu.
\q1
\v 11 Iaku kumataua bhari-bharia manu-manu modhaangiana i gunu,
\q2 tee manga mahaluku modhadhi i nuncana koo o pewauaku.
\q1
\v 12 Ande kumaara, inda afaraluu kupaumbaakako,
\q2 roonamo alamu tee bhari-bharia antona o pewauaku.
\q1
\v 13 Iaku inda kukande dagina sapi umane,
\q2 inda uka kusumpu raana bhembe umane.
\q1
\v 14 Sukurumo i Aulataʼala to amembali pasombaamu to Incia,
\q2 tee upomeaia o tolauna onimu i KAWASANA OPU.
\q1
\v 15 Goraakaaku i wakutuuna umaseke,
\q1 Iaku bhekutulungiko,
\q2 tee ingkoo bheumuliangiaku."
\b
\q1
\v 16 Maka to mia madhaki o KAWASANA OPU afirimani,
\q2 "Inda tee faʼedana ingkoo usarongi hukumuku,
\q2 tee upogauaka manga pojanjiaku.
\q1
\v 17 Roonamo ingkoo umendeu utoudhaniaka,
\q2 tee inda umaheruakea uka manga firimaniku.
\q1
\v 18 Ande upokawa tee mia manako, ingkoo uposabhangkaakea,
\q2 tee manga pande zina, ingkoo upooseakea.
\q1
\v 19 Muncumu utaroakea abhoasaka manga pogau madhaki,
\q2 tee o dhelamu sadia apekagau.
\q1
\v 20 Ingkoo utorotorosu uraeaka tee upogauaka witinaimu karomu,
\q2 tee ufitanaaia.
\q1
\v 21 Mboo sumaimo ipewaumu, maka Iaku inda tee uuʼuuku,
\q2 jadi ufikiria ande Iaku sii kupokana tee ingkoo.
\q1 Maka sii-sii bhekuhukumuko,
\q1 tee kubhawea o parakara incia sii i aroamu mamudhaakana umaʼanaia.
\q1
\v 22 Kamatamea o giu incia sii, e ingkomiu momalinguakana Aulataʼala,
\q2 kojagamo ancosala Kupabinasakomiu tee inda dhaangia mopasalaamatikomiu.
\q1
\v 23 Incema mopasombaakana sukuru i Iaku mboomo kurubani,
\q2 inciamo amuliangiaku;
\q1 o mia modhadhina i nuncana kajujuru,
\q2 Aulataʼala bhekususuakea kasalaamati to incia."
\c 51
\s1 Doʼa Emaniana Amponi
\sr 51:1-21
\p To kapalana molaguna. Zaburuna Daud.
\d \x - \xo 51:2 \xo*\xt 2Sa. 12:1-15.\xt*\x*I wakutuuna Nabii Natan audhaniaka Raja Daud sapadhana incia apewau zinaa tee Batsyeba.\f + \fr 51:2 \fr*\fq Batsyeba: \fq*\ft Bhawine sii amangada mpuu tee bhawinena samia suludaduna Daud mokosaroakana Uriah. Sapadhana Daud azina tee Batsyeba tee amataua ande incia abhawa-bhawa, Daud asampea tee antona mamudhaakana apekamate Uriah. Samatena Uriah, Daud akawi tee Batsyeba. Maka giu sumai amataua Nabii Natan. Kamatea \ft*\xt 2Sa. 11:2-27.\xt*\f*
\b
\q1
\v 1 E Aulataʼala, maasiakaaku roonamo kaasimu molagina.
\q2 Apokana tee rahumatimu momaoge, hapusumea manga dosaku!
\q1
\v 2 Bhanuia tee pekangkiloa karoku minaaka i kasalahaku,
\q2 tee pekangkiloaku minaaka i dosaku.
\b
\q1
\v 3 Roonamo kumataua manga kasalahaku,
\q2 tee dosaku sadia kuudhania.
\q1
\v 4 \x - \xo 51:6 \xo*\xt Rom. 3:4.\xt*\x*I Ingkoo, tangkanamo i Ingkoo kukodosa
\q2 tee kupewau opea iabhimu amadhaki.
\q1 Sabutuna ubanara i wakutuuna ufirimani ande kusala,
\q2 tee uʼadili i wakutuuna uhukumuaku.
\q1
\v 5 Satotuuna, kumadhaki pepuu mina kutopalaahiri,
\q2 tee kukodosa minaaka i nuncana kadhuma.
\q1
\v 6 Satotuuna, Ingkoo upeelu kabanara i nuncana baatini,
\q2 tee Ingkoo uadhariakaaku hikimati i nuncana ngangarandaku.
\q1
\v 7 Pekangkilomea o dosaku, sumaimo iaku bhekumangkilo,
\q2 pekangkiloaku sumaimo bhekumembali maputi mpuu.
\q1
\v 8 Taroakamo kurango lele kaunde-unde tee kasanaa,
\q2 tee taroakamo manga bukuku ipahancurumu sii akaunde-unde pendua.
\q1
\v 9 Tutubhia o roumu tee bholi ukamata manga giu madhaki ipewauku,
\q2 tee uhapusumea bhari-bharia kasalahaku.
\q1
\v 10 E Aulataʼala, padhaangiakaaku ngangaranda momangkilo,
\q2 dhikaia o rohi mobhaau tee matangka i nuncana baatiniku.
\q1
\v 11 Bholi ubhanakaaku minaaka i aroamu,
\q2 tee bholi ualea o rohimu momangkilona.
\q1
\v 12 Paunde-undeaku pendua roonamo kasalaamati minaaka i Ingkoo,
\q2 tee dhawuaku ngangaranda morela to kutaʼati i Ingkoo.
\b
\q1
\v 13 Sumaimo, iaku bhekuadhariaka parintamu i manga mia mopewauna kasalaha,
\q2 tee manga mia mokodosa bheambuli i Ingkoo.
\q1
\v 14 Rambasakaaku minaaka i kasalaha roonamo kupekamate mia sagaanana, e Kawasana Opu,
\q2 e Aulataʼala mopasalaamatiaku,
\q2 tee bhekulaguaka roonamo kabanaramu.
\b
\q1
\v 15 E Aulataʼala, papogauaku,
\q2 sumaimo iaku bhekupujiko!
\q1
\v 16 Sumaimo Ingkoo inda upeelua kurubani isumbele.
\q2 Moomini iaku kupasombaaka kurubani tunua, Ingkoo inda upeelua.
\q1
\v 17 Satotuuna kurubani mopasanaana Aulataʼala sumai o rohi mohancuru.
\q2 E Aulataʼala, ngangaranda mohancuru tee momapuro inda bheuhinaia.
\b
\q1
\v 18 Maasangia Ingkoo usanaa pewau malape i Sion,
\q2 pakakaroa pendua rindina peulusa i sakaaratea kotana Yerusalem.
\q1
\v 19 Sumaimo, bheupeelu utarimaia manga kurubani isumbele molaenga,
\q2 siitumo kurubani pasombaa itunu tee kurubani pasombaa mototunu saangua,
\q2 sumaimo mia bheapasombaaka manga sapi umane i bhawona tampana tunuana kurubanimu.
\c 52
\s1 Kahukumuna to Mia Madhaki
\sr 52:1-11
\p To kapalana molaguna.
\q1 Lagu kaadharina Daud,
\d \x - \xo 52:2 \xo*\xt 1Sa. 22:9-10.\xt*\x*wakutuuna Doʼeg, miana Edom sumai, aumba apokawa tee Saul tee apaumbaaka ande o Daud akawamo i bhanuana Abimelekh.
\b
\q1
\v 1 E mia mobarani, pokia ingkoo usomboaka kadhakimiu?
\q2 Kaasina Kawasana Opu sadhaadhaana to saʼumurua!
\q1
\v 2 Saeo ingkoo uhaejati to upanarakaa mia sagaanana.
\q2 Pogaumu amatadha mboomo piso motowinto,
\q2 e mia pande pekagau!
\q1
\v 3 Ingkoo ulabhi upeelu momadhakina tee inda upeelu momalapena,
\q2 labhi upeelu kagau-gau minaaka i upogauaka kabanara. \qs Sela\qs*
\q1
\v 4 Ingkoo usanaa upekapii incana mia tee manga pogaumu,
\q2 e pande pekagau!
\b
\q1
\v 5 Maka o Aulataʼala bheapahancuruko to saʼumurua.
\q2 Incia bheasoroko tee apalimbako minaaka i mbooresamu,
\q2 tee adhikako i nuncana duniana mia mate. \qs Sela\qs*
\q1
\v 6 Akamata incia sumai, mia mobanara bheamaeka tee amente,
\q2 kasiimpo apotawaikiko,
\q1
\v 7 Manga incia apogau, "Siitumo mia moindana moemanina peulusa i Kawasana Opu,
\q2 tabeana soo atangkaaka karangkaeana motaralabhi-labhi,
\q2 tee apahancuru mia mosagaanana to apekatangka karona."
\b
\q1
\v 8 Maka, iaku sii mboomo puuna zaitun mosuburu
\q2 i nuncana bhanuana Aulataʼala.
\q1 Iaku kuparacaea tee kaasina molagina Aulataʼala
\q2 to saʼumurua.
\q1
\v 9 Iaku sadiamo kusukuru i Ingkoo saʼumurua
\q2 rampaakanamo opea ipewaumu.
\q1 Iaku bhekuharapu i saromu i aroana manga mia mosaalihi
\q2 sababuna saromu amalape.
\c 53
\s1 \x - \xo 53:1 \xo*\xt 14:1-7.\xt*\x*Kadhakina Maanusia Inda Moparacaeana Kawasana Opu
\sr 53:1-7
\p To kapalana molaguna.
\d Mboomo laguna kanarakaa. Lagu kaadharina Daud.\f + \fr 53:1 \fr*\ft Zaburu incia sii apokana tee Zaburu 14, somanamo dhaangia tee posalana.\ft*\f*
\b
\q1
\v 1 \x - \xo 53:2-4 \xo*\xt Rom. 3:10-12.\xt*\x*\x - \xo 53:2-7 \xo*\xt Zab. 14.\xt*\x*Mia mokabhongo-bhongo apogau i nuncana ngangarandana,
\q2 "Inda dhaangia o Aulataʼala."
\q1 Pewauna manga incia amadhaki tee atomarika,
\q2 inda dhaangia mopewauna kalape.
\b
\q1
\v 2 Minaaka i sorogaa, Aulataʼala
\q2 atonto anana maanusia,
\q1 to akamata ara dhaangia o mia moʼaarifu,
\q2 mopeelona Aulataʼala.
\q1
\v 3 Bhari-bharia mia abholi dhala mobanara tee akarajaa giu momadhaki.
\q2 Inda dhaangia mopewauna kalape,
\q2 moomini samia uka.
\b
\q1
\v 4 Firimanina Aulataʼala, "Buaka apesua i akala, ande manga mia mopewauna kadhaki inda amatau giu momalape?
\q2 Manga incia apekaoge karona tee akande uumatiku mboomo akande roti,
\q2 tee inda adoʼa i Iaku."
\q1
\v 5 Maka iwe sumai manga incia bheamaeka mpuu,
\q2 garaaka inda dhaangia o giu imaeka!
\q1 Sababuna Aulataʼala apekantale bukuna manga mia moewangiko.
\q2 Ingkoo bheupekatalo tee upekaea manga incia, sababuna o Aulataʼala amendeu manga incia.
\b
\q1
\v 6 Maasangia o kasalaamati to miana Israel aumba minaaka i Sion, kotana Aulataʼala!
\q2 Wakutuuna Aulataʼala apambuli kadhaangiana uumatina,
\q2 siwuluna Yakub bheamasanaa o namisina tee o miana Israel bheakaunde-unde.
\c 54
\s1 Doʼa Emaniana Peulusa
\sr 54:1-9
\p To kapalana molaguna.
\q1 Tee kagasiana kecapi. Lagu kaadharina Daud
\d \x - \xo 54:2 \xo*\xt 1Sa. 23:19; 26:1.\xt*\x*wakutuuna miana Zifi aumba apogauaka i Raja Saul, "Daud apeopo i ingkami."
\b
\q1
\v 1 E Aulataʼala pasalaamatiaku roonamo saromu,
\q2 tee adilia parakaraku roonamo kakaamu.
\q1
\v 2 Maasangia urangoa doʼaku, e Aulataʼala,
\q2 rangoa manga pogau ibhoasakaku.
\b
\q1
\v 3 Manga mia momalangana incana akakaro aewangiaku,
\q2 tee manga mia mosombo gauna bheaala inyawaku.
\q2 Manga incia inda afaduliaka Aulataʼala. \qs Sela\qs*
\b
\q1
\v 4 Satotuuna Aulataʼala motulungiaku,
\q2 Kawasana Opu modhambaakaaku.
\q1
\v 5 Taroakamo kadhaki ambuli akangkanai manga musuku.
\q2 Roonamo kaasimu molagina, pabinasamea manga incia!
\b
\q1
\v 6 Tee relana totona incaku, iaku bhekupasombaaka kurubani to Ingkoo.
\q2 Iaku bhekusukuru tee Ingkoo, e KAWASANA OPU, roonamo saromu amalape.
\q1
\v 7 Roonamo Ingkoo padhamo urambasakaaku minaaka i sagala kanarakaa,
\q2 sabutuna kukamata musuku amatalo.
\c 55
\s Doʼa Emani Peulusa minaaka i Kahandana Musu
\sr 55:1-24
\p To kapalana molaguna.
\d Tee kagasiana kecapi. Lagu kaadharina Daud.
\b
\q1
\v 1 E Aulataʼala, perangoia o doʼaku,
\q2 tee bholi inda ufaduliakea giu iemaniku.
\q1
\v 2 Kamataaku tee tulungiaku!
\q2 Kulilaho tee kupekidhei
\q1
\v 3 roonamo kahandana musu
\q2 tee roonamo kapisakina mia madhaki.
\q1 Manga incia apanarakaaku,
\q2 manga incia aʼamaraikiaku tee abanciaku.
\b
\q1
\v 4 Ngangarandaku abagoea,
\q2 kamingkirina mate aoseaku.
\q1
\v 5 Iaku kurengku tee kumaeka mpuu,
\q2 kamingkiri akuasaiaku.
\q1
\v 6 Iaku kupogau, "Ande kukopani mboomo manu-manu jarajara!
\q2 Iaku bhekupolaka tee kupeelo tampa momalino.
\q1
\v 7 Umbe, iaku bhekulingka maridho mpuu,
\q2 tee kumboore i tana matuu. \qs Sela\qs*
\q1
\v 8 Iaku bhekupekadhei kupeelo tampa peulusaku
\q2 minaaka i ngalu makaa tee garura."
\b
\q1
\v 9 E Kawasana Opu, upabingumea manga musuku tee upapogeso-gesomea pogauna,
\q2 roonamo kukamata mia apewau kasega tee apogera i nuncana kota.
\q1
\v 10 Malo eona manga incia apekatii-tii i bhawona rindina bente motiingina kota,
\q2 tee i nuncana kota apewau kadhaki tee apanarakaa mia.
\q1
\v 11 Manga incia apabinasa mia i tanga-tangana kota,
\q2 i dhaoa manga incia sadhaadhaa apekapisaki tee apekatipu.
\b
\q1
\v 12 Ande o musuku abanciaku,
\q2 amembali kukapoia,
\q1 ande o bhaliku ahinaaku
\q2 amembali kupekaridho.
\q1
\v 13 Maka ingkoo mboomo samia witinaiku!
\q2 Sabhangkaku! Sampomatauku malape!
\q1
\v 14 I piamo itu ingkita taposabhangka malape,
\q2 tee tapobhawa-bhawa talingka i bhanuana Aulataʼala i tanga-tangana mia bhari!
\q1
\v 15 Taroakamo manga musuku amate inda atomatau,
\q2 tee asapo akadhadhi-dhadhi i duniana mia mate,
\q2 roonamo kadhaki dhaangia i mbooresana tee i tanga-tangana manga incia.
\b
\q1
\v 16 Maka iaku bhekugora i Aulataʼala,
\q2 tee KAWASANA OPU bheapasalaamatiaku.
\q1
\v 17 Wakutuuna konowia, saeona, tee pontanga eo,
\q2 kupeenci tee kupekidhei,
\q2 tee Incia uka bhearango suaraku.
\q1
\v 18 Incia bheatolosiaku
\q2 minaaka i musu mobhaliaku,
\q2 roonamo abhari mia moewangiaku.
\q1
\v 19 Aulataʼala, mokokauncuramakana pepuu i zamani i piamo itu,
\q2 bhearangoa doʼaku tee apekatalo manga incia,
\q1 roonamo manga incia amendeu atoba
\q2 tee inda amaeka i Aulataʼala. \qs Sela\qs*
\b
\q1
\v 20 Mia mopadhana kuabhia witinaiku incia sumai apacilaka sabhangkana,
\q2 tee incia inda akeniakea janjina.
\q1
\v 21 Bhoasakana amaʼalusu mpuu to aala-ala inca,
\q2 maka neatina to apacilaka mia.
\q1 Pogauna amararo alabhi minaaka i mina,
\q2 maka satotuuna bhari-bharia sumai mboomo ewanga momatadha.
\b
\q1
\v 22 Pasarakaakamea o bhawamu i KAWASANA OPU,
\q2 sumaimo Incia bheadhambaakako,
\q2 tee inda bheataroaka mia mobanara abagoea saʼumurua.
\b
\q1
\v 23 Maka Ingkoo, e Aulataʼala, bheupapesua manga incia
\q2 i nuncana kabhalongko momandalana mpuu.
\q1 Manga pande pekamate tee pande pekagau
\q2 inda bheakawa samuntanga umuruna.
\q1 Maka, iaku kuparacaea i Ingkoo.
\c 56
\s1 I Nuncana Kanarakaa, Taharapu i Aulataʼala
\sr 56:1-14
\p \x - \xo 56:1 \xo*\xt 1Sa. 21:12.\xt*\x*To kapalana molaguna.
\d Mboomo lagu: Manu-manu jarajara mopopoteona i puuna kau tarbantin\f + \fr 56:1 \fr*\fq tarbantin: \fq*\ft Sagiu puuna kau maoge tee rahana abhari mboomo puuna kau wuraha. \ft*\f* momaridho. Zaburuna Daud wakutuuna miana Filistin arako incia i Gat.
\b
\q1
\v 1 E Kawasana Opu, maasiakaaku roonamo manga mia alanda-landakiaku
\q2 tee saeoa apisakiaku.
\q1
\v 2 Manga musuku sadia alanda-landakiaku,
\q2 abhari mia moewangiaku, e Aulataʼala Momalanga!
\q1
\v 3 I wakutuuna kumaeka,
\q2 kuparacaea i Ingkoo.
\q1
\v 4 Iaku kupuji firimanina Aulataʼala,
\q2 tee kuparacaea i Aulataʼala, siitumo inda bhekumaeka.
\q2 Opea momembalina ipewauna maanusia to iaku? Inda dhaangia!
\b
\q1
\v 5 Saeoa musuku apatiipambuli pogauku,
\q2 bhari-bharia haejatina manga incia to iaku amadhaki.
\q1
\v 6 Manga incia aporomusaka tee apeopo,
\q2 alukuti bhengkalaku,
\q2 tee ahaejati apekamateaku.
\q1
\v 7 Balasia manga incia to kadhakina ipewauna;
\q2 e Kawasana Opu, patobhatamea manga lipu tee amaramu!
\b
\q1
\v 8 Ingkoo umataua saopea kabharina kanarakaaku,
\q2 Udhika loluku i nuncana butolomu.
\q2 Buaka bhari-bharia dhaangia i nuncana kitabimu?
\q1
\v 9 Sumaimo manga musuku bheasowo
\q2 i wakutuuna kugora.
\q1 Tee mboo sumai, kumataua
\q2 ande Aulataʼala aewaakaaku.
\q1
\v 10 Iaku kupogauaka kalape to KAWASANA OPU tee kupuji firimanina,
\q2 roonamo Aulataʼala adhawu janji momalape.
\q1
\v 11 Iaku kuparacaea i Incia, siitumo iaku inda bhekumaeka.
\q2 Opea momembalina ipewauna maanusia to iaku?
\b
\q1
\v 12 E Aulataʼala, kuwaajibu bhekupewaua tolauna oniku tee Ingkoo,
\q2 bhekupasombaaka kurubani kasukuru i Ingkoo.
\q1
\v 13 Sababuna Ingkoo upasalaamatiaku minaaka i mate,
\q2 tee ujaganiaku sabutuna inda kutosunu.
\q1 Tee mboo sumai, iaku kumembali kulingka i aroana Aulataʼala
\q2 i nuncana kainawana dhadhi.
\c 57
\s1 Apajerea Musu, maka Atulungia Kawasana Opu
\sr 57:1-12
\p \x - \xo 57:1 \xo*\xt 1Sa. 22:1; 24:3.\xt*\x*To kapalana molaguna.
\d Mboomo lagu: Bholi upahancuru. Zaburuna Daud, wakutuuna incia apalaiaka Saul tee aopo i nuncana lia.
\b
\q1
\v 1 Maasiakaaku, e Aulataʼala, maasiakaaku,
\q2 roonamo i Ingkoomo kupeulu.
\q1 I tambena panimu iaku kupeulu,
\q2 sakawana garura sumai aunto.
\q1
\v 2 Iaku kudoʼa kuemani tulungi i Aulataʼala Momalanga,
\q2 Aulataʼala apamondo ihaejatiakana to dhadhiku.
\q1
\v 3 Maasangia Incia bhealawaniaku minaaka i sorogaa tee apasalaamatiaku,
\q2 Incia bheapaʼaebu manga mia molanda-landakiaku. \qs Sela\qs*
\q1 Aulataʼala alamboko kaasina molagina tee inda bheamabhotu janjina tee iaku saʼumurua.
\b
\q1
\v 4 Iaku kudhaangia i tanga-tangana musu,
\q2 manga incia mboomo singa mobhembaruna maanusia.
\q1 Ngincina amatadha mboomo pandanga tee anana pana,
\q2 tee dhelana mboomo ewanga momatadha.
\b
\q1
\v 5 E Aulataʼala, susuakea kaogesamu i laiana
\q2 tee kamuliangimu i saangua alamu.
\b
\q1
\v 6 Manga musuku ataa katapu to iaku,
\q2 sakawana amate akalaku.
\q1 Manga incia aseli kabhalongko i aroaku to apacilakaaku,
\q2 maka o karona manga mokotibuna. \qs Sela\qs*
\b
\q1
\v 7 \x - \xo 57:8-12 \xo*\xt Zab. 108:2-6.\xt*\x*Ngangarandaku amatangka, e Aulataʼala, ngangarandaku amatangka.
\q2 Gauku bhekulaguaka lagu kapujia to Ingkoo.
\q1
\v 8 Iaku bhekubhangu
\q2 tee kumagasiaaka gambusu tee kecapi!
\q2 Iaku bhekubhangu raneeooge!
\q1
\v 9 Iaku bhekusukuru i Ingkoo i tanga-tangana manga lipu, e Kawasana Opu,
\q2 tee kulaguaka manga lagu kapujia.
\q1
\v 10 Sababuna kaasimu molagina amaoge akawa i laiana,
\q2 tee kabanaramu akawa i taʼina ngalu.
\b
\q1
\v 11 E Aulataʼala, susuakea kaogesamu i laiana,
\q2 tee kamuliangimu i saangua alamu.
\c 58
\s1 Doʼa Emaniana Kabalasina to Mia Madhaki
\sr 58:1-12
\p To kapalana molaguna.
\d Mboomo lagu: Bholi upahancuru. Zaburuna Daud.
\b
\q1
\v 1 E manga mia mokokuasa,\f + \fr 58:2 \fr*\fq mia mokokuasa: \fq*\ft I nuncana pogau Ibrani, oni \ft*\it elim\it* dhaangia maʼana 'mokokuasa' atawa 'opu' atawa 'dewa.'\f* atotuu buaka udhawu kambotu mobanara?
\q2 Buaka ujujuru i wakutuuna uʼadili maanusia?
\q1
\v 2 Inda, uhaejatiaka momadhakina i nuncana ngangarandamiu,
\q2 tee upewau kasega tee limamiu i bhawona alamu.
\b
\q1
\v 3 Mia madhaki asaladhala pepuu minaaka alaahiri,
\q2 tee agau-gau minaaka i nuncana kadhuma.
\q1
\v 4 Manga incia mboomo ulo mokobisa
\q2 tee mboomo ulo momabhongo momendeuna morango
\q1
\v 5 sabutuna inda arango suarana pande parikana ulo,\f + \fr 58:6 \fr*\fq pande parikana ulo: \fq*\ft Mia motowiina suli mamudhaakana ulo maila amembali ulo manea tee inda apapaki mia.\ft*\f*
\q2 moomini suarana pande baca doʼa moʼahalii.
\b
\q1
\v 6 E Aulataʼala, upahancurumea o ngincina i nuncana ngangana.
\q2 Hobutimea nginci mantoana manga singa mangura, e KAWASANA OPU!
\q1
\v 7 Taroakamo manga incia aila mboomo uwe motobusaka kasiimpo indamo atokamata.
\q2 Wakutuuna manga incia ahela panana, o panana manga amembalimo amakundu.
\q1
\v 8 Taroakamo manga incia mboomo bhiku morere amembali nggalanggala,
\q2 mboomo rahasia momatena i nuncana kadhuma tee indapo akamata matana eo.
\q1
\v 9 Indapo asadaria, manga incia abinasamo,
\q2 ibaratina mboomo rumpu mokorui momaijo tee indapo amaoge,
\q2 maka aporikanamo atowiia ngalu tee apolakaakea mboomo penembulana momalau.
\q1 Amarana Kawasana Opu bheakangkanaia
\q2 i wakutuuna manga incia dhaangiapo adhadhi.
\b
\q1
\v 10 Mia mobanara bheakaunde-unde wakutuuna manga incia akamata kabalasina to mia madhaki,
\q2 tee abhanui aena tee raana manga incia.
\q1
\v 11 Mia bheapogau, "Totuu dhaangia fahala to mia mobanara!
\q2 Satotuuna, Aulataʼala modhawuna kaʼadili i alamu!"
\c 59
\s Doʼa Emaniana Mamudhaakana Tasalaamati minaaka i Manga Musu
\sr 59:1-18
\p \x - \xo 59:1 \xo*\xt 1Sa. 19:11.\xt*\x*To kapalana molaguna.
\d Mboomo lagu: Bholi upahancuru. Zaburuna Daud, siitumo wakutuuna Raja Saul atumpu mia to alibu bhanuana Daud tee ahaejati to apekamatea.
\b
\q1
\v 1 E Aulataʼalaku, rambasakaaku minaaka i manga musuku,
\q2 jaganiaku minaaka i manga mia moewangiaku.
\q1
\v 2 Rambasakaaku minaaka i manga mia mopewauna kadhaki,
\q2 tee pasalaamatiaku minaaka i pande pekamatena mia.
\b
\q1
\v 3 Kamatea, manga incia aopo tee aantagiaku kulalo mamudhaakana amembali apekamateaku,
\q2 manga mia makaa aporomusaka to aewangiaku,
\q1 garaaka iaku inda kupewau kasalaha,
\q2 tee uka inda kupewau dosa, e KAWASANA OPU.
\q1
\v 4 Moomini inda dhaangia o kasalahaku,
\q2 manga incia abuntuli tee amakanu aewangiaku.
\b
\q1 Bhangumo, upokawaakaaku tee ukamata kadhaangiaku!
\q2
\v 5 E KAWASANA OPU, Ingkoo Aulataʼalana saangua alamu isombana miana Israel.
\q1 Maasangia ubhangumo to uhukumu bhari-bharia lipu!
\q2 Bholi umaasi i bhari-bharia mia mopewauna kadhaki tee pande hianati. \qs Sela\qs*
\b
\q1
\v 6 I wakutuuna konowia manga incia ambulimo,
\q2 tee akaolu-olu mboomo mantoa mobulilingina kota.
\q1
\v 7 Kamatea, ngangana manga incia apekasindiri!
\q2 Dhelana manga incia mboomo ewanga momatadha,
\q2 roonamo manga pande hianati afikiri, "Inda dhaangia manga rangona!"
\b
\q1
\v 8 Maka Ingkoo, upotawaiki manga incia, e KAWASANA OPU,
\q2 Ingkoo uele-ele bhari-bharia lipu.
\q1
\v 9 E kakaaku, iaku bhekuantagiko;
\q2 roonamo Ingkoo, e Aulataʼala, satotuuna o kota benteku.
\q1
\v 10 Aulataʼala i nuncana kaasi molagina bhemopokawaakaaku,
\q2 tee bheataroakaaku kukamata manga musuku atotalo.
\b
\q1
\v 11 Bholi upekamate manga incia mamudhaakana lipuku inda amalingu;
\q2 maka tee kuasamu upapogaa-gaaia
\q2 tee pakotibumea manga incia, e Aulataʼala, peulusamami!
\q1
\v 12 Roonamo dosa minaaka i muncuna tee pogau ibhoasakana dhelana,
\q2 taroakamo manga incia atorako i nuncana kasombona.
\q1 Roonamo katunda tee kagau-gau ibhoasakana manga incia,
\q2
\v 13 pabinasamea i nuncana amaramu;
\q2 pabinasamea sampe amapupu.
\q1 Tee mboo sumai, mia bheamataua ande Kawasana Opu aparintangi lipuna Israel,
\q2 tee uka bhari-bharia lipu i dunia. \qs Sela\qs*
\b
\q1
\v 14 I wakutuuna konowia manga incia ambulimo,
\q2 tee akaolu-olu mboomo mantoa atiingi kota.
\q1
\v 15 Manga incia apekalingka-lingka apeelo kinandena,
\q2 tee akaolu-olu ande inda amambosu.
\b
\q1
\v 16 Maka iaku bhekulaguaka kuasamu,
\q2 i saeona iaku bhekusambo-sambo roonamo kaasimu molagina,
\q1 sababuna Ingkoo mboomo bente mojaganiaku
\q2 tee tampana peulusaku i wakutuuna kanarakaaku.
\q1
\v 17 E kakaaku, i Ingkoomo iaku bhekulaguaka manga lagu kapujia,
\q2 roonamo Ingkoomo, e Aulataʼala, benteku mojaganiaku,
\q2 Kawasana Opu momaasiakaaku.
\c 60
\s1 Doʼa Emaniana Kamangantalo
\sr 60:1-14
\p To kapalana molaguna.
\q1 Aose lagu: Kamba Bakung Kasakusii. Zaburuna Daud, to atoadhariaka
\d \x - \xo 60:2 \xo*\xt 2Sa. 8:13; 1Taw. 18:12.\xt*\x*wakutuuna incia aewangi miana Aram-Naharaim tee miana Aram-Zoba, tee wakutuuna Yoab ambuli sapadhana apekamate 12.000 miana Edom i Mbolongana Asin.
\b
\q1
\v 1 E Aulataʼala, Ingkoo padhamo manga mendeu, tee utaroaka manga musu akatuki katangkesimami.
\q2 Ingkoo uʼamara tee ingkami, maka sii-sii upekalapea pendua kadhaangiamami minaaka i kanarakaa.
\q1
\v 2 Ingkoo padhamo ulendu alamu tee upaporuawetaia,
\q2 tulungi upekalapea pendua manga ngkolelena, roonamo dunia sii atorende.
\q1
\v 3 Utaroakea uumatimu anamisi giu momatamo,
\q2 upasumpu ingkami angguru sakawana tadida.\f + \fr 60:5 \fr*\fq angguru sakawana tadida: \fq*\ft Ibaratina momatadha to agambaraaka hukumuna to uumatina Aulataʼala inda motaʼatina.\ft*\f*
\b
\q1
\v 4 Ingkoo padhamo upabhale tombi to manga mia momaekana tee Ingkoo
\q2 mamudhaakana manga incia aporomusaka iwe sumai to apeulu minaaka i manga pande pana. \qs Sela\qs*
\q1
\v 5 \x - \xo 60:7-14 \xo*\xt Zab. 108:7-14.\xt*\x*Manga pakana tee kuasamu tee uperangoimea o doʼamami,
\q2 mamudhaakana manga mia imaasiakamu atopasalaamati.
\b
\q1
\v 6 Aulataʼala padhamo afirimani i tampana momangkilo,
\q2 "Iaku gauku kukaunde-unde, tee kupodhawu-dhawuaka Tana Sikhem,
\q2 tee kuʼukuru Mbolongana Sukot.
\q1
\v 7 Gilead tee Manasye o pewauaku,
\q2 Efraim mboomo helem minaaka i ase mojaganina bhaaku,
\q2 tee Yuda katukona pamarintaku.
\q1
\v 8 Maka o Tana Moab amembali palangga tampana bhanuiana aeku,
\q2 tee i bhawona Tana Edom kutudhaaka sandaliku.\f + \fr 60:10 \fr*\fq kutudhaaka sandaliku: \fq*\ft To ibarati ande o lipuna Moab tee Edom bheapaporitambea Aulataʼala. \ft*\f*
\q2 E Tana Filistin, Iaku kusambo-sambomo roonamo padhamo kutaloko!"
\b
\q1
\v 9 Incema bhemobhawaaku i kota mokobentena makaa sumai?
\q2 Incema momembalina moʼantaraaku sakawana i Edom?
\q1
\v 10 E Aulataʼala, buaka mencuana Ingkoo mangabhanakana?
\q2 E Aulataʼala, Ingkoo inda umaju upobhawa tee tantaramami to taewangi musu.
\q1
\v 11 Manga tulungi minaaka i musu,
\q2 roonamo o katulungina maanusia inda akoguna.
\q1
\v 12 Tapobhawa tee Aulataʼala ingkita tamembali tatalo musuta,
\q2 sababuna Incia bhemopahancuruna musuta.
\c 61
\s Doʼa Emaniana Peulusa
\sr 61:1-9
\p To kapalana molaguna.
\d Tee kagasiana kecapi. Zaburuna Daud.
\b
\q1
\v 1 E Aulataʼala rangoa igoraakaku,
\q2 perangoia o doʼaku.
\q1
\v 2 Minaaka i tapana alamu kugoraakako
\q2 wakutuuna amate akalaku.
\b
\q1 Bhawaaku i gunu bhatu
\q2 molabhina kalangana minaaka i karoku
\q1
\v 3 roonamo Ingkoomo peulusaku,
\q2 munara momakaa to kupeuluaka minaaka i musuku.
\b
\q1
\v 4 Taroakamo saʼumurua dhadhiku kumboore i nuncana Kema Momangkilomu,
\q2 mamudhaakana kuʼamani i nuncana peulusana panimu. \qs Sela\qs*
\q1
\v 5 Sababuna Ingkoo padhamo urango tolauna oniku, e Aulataʼala,
\q2 tee padhamo udhawuaku tinauraka idhawuakamu to mia momaekako.
\b
\q1
\v 6 Maasangia upekarambe umuruna raja,
\q2 mamudhaakana incia adhadhi saʼumurua.
\q1
\v 7 Maasangia incia amembali raja saʼumurua i aroana Aulataʼala,
\q2 parintaakamea o kaasimu molagina tee janjimu inda momabhotu to mojagania.
\b
\q1
\v 8 Sumaimo iaku sadia bhekulaguaka lagu kapujia to saromu,
\q2 tee kupomea tolauna oniku saesaeo.
\c 62
\s Namisi Momalimua i Saripina Aulataʼala
\sr 62:1-13
\p To kapalana molaguna.
\d Mboomo: Yedutun. Zaburuna Daud.
\b
\q1
\v 1 Tangkanamo i saripina Aulataʼala o namisiku amalimua,
\q2 minaakamo i Incia o kasalaamatiku.
\q1
\v 2 Tangkanamo Incia gunu bhatuku tee mopasalaamatiaku,
\q2 Incia mboomo kota bente moewaakaaku, iaku inda bhekukohudha sampeampearo.
\b
\q1
\v 3 Sakawana naepia ingkomiu uhumbuni mia?
\q2 E bhari-bharikomiu, buaka ingkomiu bheubhebhe mia ihumbunimiu,
\q1 mboomo ubhebhe rindi mobhele tee tondo momakasuna motobhata?
\q1
\v 4 Manga incia tangkanamo ahaejati to apasabua minaaka i kauncuramakana momalangana,
\q2 manga incia sadia agau-gau,
\q1 tee o muncuna manga incia aemani barakati,
\q2 maka i nuncana ngangarandana apekatunda. \qs Sela\qs*\f + \fr 62:5 \fr*\fq Sela: \fq*\ft Aipomo tandana to aunto wakutuuna lagu sumai atolaguaka, atawa o tanda to ahanda apekaogea o suarana, atawa onina gambusuna.\ft*\f*
\b
\q1
\v 5 E ngangarandaku, tangkanamo i Aulataʼala o namisiku amalimua
\q2 roonamo tangkanamo Incia iharapuku.
\q1
\v 6 Tangkanamo Incia o gunu bhatuku tee mopasalaamatiaku,
\q2 Incia o benteku, iaku inda bhekukohudha.
\q1
\v 7 Aulataʼala modhawuaku kasalaamati tee mopamembaliaku kumulia,
\q2 Incia o gunu bhatuku momakaa tee o tampana peulusaku.
\b
\q1
\v 8 E manga witinai, sadiamo uparacaea i Aulataʼala,
\q2 palimbamea antona ngangarandamu i aroana,
\q2 sababuna Incia o tampana peulusata. \qs Sela\qs*
\b
\q1
\v 9 Mia mohina mboomo sampearo poinunca,
\q2 tee o mia momulia inda amembali atoparacaea.
\q1 Atotimbangi manga incia bhari-bharia amagaagaa,
\q2 alabhi o kagaa-gaana minaaka i ngalu.
\q1
\v 10 Bholi uparacaea tee hasili ipotibhaakamiu minaaka i uhanda mia,
\q2 tee bholi uharapuaka harataa irampasi.
\q1 Ande o harataamiu ajulu o kabharina,
\q2 incamu bholi aposaronaka i harataamiu sumai.
\b
\q1
\v 11 Sampearo Aulataʼala afirimani,
\q2 rua giu irangoku,
\q1 siitumo ande o kuasa minaaka i Aulataʼala,
\q2
\v 12 \x - \xo 62:13 \xo*\xt Ayb. 34:11; Yer. 17:10; Mat. 16:27; Rom. 2:6; Wah. 2:23.\xt*\x*tee minaaka i Ingkoo uka o kaasi molagina, e Kawasana Opu.
\q1 Roonamo Ingkoo mobalasina bhari-bharia mia
\q2 apokana mboomo ipewauna.
\c 63
\s Pemelili i Kawasana Opu
\sr 63:1-12
\d \x - \xo 63:1 \xo*\xt 1Sa. 23:14.\xt*\x*Zaburuna Daud wakutuuna incia adhaangia i Tana Matuuna Yuda.
\b
\q1
\v 1 E Aulataʼala, Ingkoomo Aulataʼalaku, iaku kupeeloko,
\q2 tee gauku kupokawa tee Ingkoo.
\q1 Saangua badaku apemeliliakako,
\q2 mboomo mia molingkana i tana matuu mofaraluuna uwe.
\q1
\v 2 Mboo sumaimo kutontoko i tampamu momangkilo
\q2 to kukamataaka kuasamu tee kamuliangimu.
\q1
\v 3 Roonamo kaasimu molagina alabhi akoharagaa minaaka i dhadhi,
\q2 sababuna sumai kupujiko.
\q1
\v 4 Mboo sumaimo bhekupujiko saʼumurua dhadhiku,
\q2 tee kuangka limaku to kumuliangi saromu.
\b
\q1
\v 5 Atumpu incaku, mboomo tee kinande momambaka,
\q2 tee kupujiko tee bhiwiku mokaunde-unde,
\q1
\v 6 wakutuu kuudhaniko i kolemaku,
\q2 tee kufikiriko samaloa.
\q1
\v 7 Roonamo Ingkoomo motulungiaku,
\q2 i tambena panimu iaku kusambo-sambo.
\q1
\v 8 Ngangarandaku bheakeniakako pekatangka,
\q2 lima kaanamu atukoaku.
\b
\q1
\v 9 Maka manga mia mohaejatina mopekamateaku
\q2 bheapesua i tambena tana tee manga mia mate;
\q1
\v 10 manga musuku bheatopekamateaka tee hancu,
\q2 tee amembali kinandena serigala.
\b
\q1
\v 11 Maka raja bheakaunde-unde roonamo katulungina Aulataʼala;
\q2 bhari-bharia mia moposumpana tee Aulataʼala bheabangga,
\q2 roonamo Incia bheasoncongi ngangana manga pande gau-gau.
\c 64
\s Kahukumuna Aulataʼala to Mia Madhaki
\sr 64:1-11
\d To kapalana molaguna. Zaburuna Daud.
\b
\q1
\v 1 E Aulataʼala, maasangia urango doʼaku i wakutuuna kupeenci,
\q2 pasalaamatia inyawaku minaaka i kasegana musu.
\q1
\v 2 Jaganiaku minaaka i haejati irahasiaakana manga mia madhaki,
\q2 tee minaaka i isikadina manga mia mopewauna kadhaki.
\q1
\v 3 Pogauna manga amatadha mboomo hancu,
\q2 tee pogau ibhoasakana amapii mboomo anana pana.
\q1
\v 4 Manga incia apana manga mia inda mosala minaaka i tampana opoana,
\q2 sumaimo alausaka apanea inda tee kaekana.
\q1
\v 5 Manga incia sadia ahaejatiaka momadhakina,
\q2 apomufakati to ataa katapu tee apobuniaka,
\q2 tee apogau i nuncana ngangarandana, "Inda dhaangia manga kamatana!"
\q1
\v 6 Manga incia ahaejatiaka kadhaki tee apogau,
\q2 "Ihaejatiakamami amondomo!"
\q1 Manga incia abuniaka opea ihaejatiakana,
\q2 roonamo ngangarandana maanusia inda amembali amataua mia mosagaanana.
\b
\q1
\v 7 Maka Aulataʼala apana manga incia
\q2 tee saanampuu manga incia amambela.
\q1
\v 8 Aulataʼala bheapasindoli manga incia rampaakanamo dhelana;
\q2 bhari-bharia mia mokamatea bhearengku tee abhibhi.
\q1
\v 9 Bhari-bharia mia bheamaeka;
\q2 manga incia bheapetulatulaaka opea mopadhana ipewauna Aulataʼala,
\q2 tee bheafikiri opea mopadhana ipewauna.
\b
\q1
\v 10 Taroakamo mia mobanara akaunde-unde roonamo KAWASANA OPU
\q2 tee apeulu i Incia.
\q1 Taroakamo bhari-bharia mia momakatena incana bheabangga tee Incia!
\c 65
\s Kasukuru to Barakati Idhawuakana Aulataʼala
\sr 65:1-14
\d To kapalana molaguna. Zaburuna Daud. Laguna.
\b
\q1
\v 1 E Aulataʼala, alaengamo ingkami tapujiko i Sion,
\q2 tee tapomea o tolauna onimami i Ingkoo.
\q1
\v 2 Sababuna Ingkoomo moperangoina doʼa,
\q1 i Ingkoomo bhari-bharia maanusia bheaumba.
\q1
\v 3 Wakutuuna dosamami alabhi o katamona minaaka i kakaamami,
\q2 Ingkoomo moʼamponina kasalahamami.
\q1
\v 4 Amasanaamo mia ipilimu tee ipekakasumu
\q2 to amboore i aroana Bhanuamu.
\q1 Bheapatumpu incamami tee bhari-bharia momalapena modhaangiana i Bhanuamu,
\q2 siitumo i nuncana Baitullamu momangkilo.
\b
\q1
\v 5 Tee manga pewaumu moʼadili tee inda momentela
\q2 Ingkoo ulawani ingkami,
\q2 e Kawasana Opu, mopasalaamatina ingkami.
\q1 Ingkoomo iparacaeana saangua alamu
\q2 tee i tawo momaridho mpuu.
\q1
\v 6 Minaaka i kakaamu, upakaro manga gunu;
\q2 upakanaakea kuasamu momakaana.
\q1
\v 7 Ingkoomo mopauntona suarana pamuruna tawo,
\q2 siitumo suarana pamuruna ewona,
\q2 tee karobhona manga lipu.
\q1
\v 8 Manga mia i saangua alamu
\q2 amaeka akamata manga tanda inda momentela ipewaumu.
\q1 Minaaka i timbu sakawana i bhara,
\q2 upewaua asambo-sambo tee akaunde-unde.
\b
\q1
\v 9 Tana sumai udhambaakea tee udhawua wao,
\q2 Upasuburua sabutuna hasilina abhari mpuu.
\q1 Umalana Aulataʼala abukeaka tee uwe,
\q2 tee upasadiaakea gandum to maanusia,
\q1 mboo sumaimo upatotapuakea.
\q1
\v 10 Ingkoo sadia upakouwe tana ibhingkunina,
\q2 tee uparatea manga tongkana tanana,
\q1 upekagodhea tee wao,
\q2 tee ubarakati manga penembulana.
\q1
\v 11 Roonamo kalapemu, satao-satao udhawuakea timpua,
\q2 I iapaipo ubhengkala, ubholi manga giu momalape.
\q1
\v 12 Manga rumpu i tana matuu atuwu asuburu,
\q2 manga gunu akaunde-unde.
\q1
\v 13 Manga tana mokorumpu abukeaka gulumana dumba,
\q2 tee manga mbolonga atipuaka gandum.
\q2 Bhari-bharia asambo-sambo tee alagu akaunde-unde.
\c 66
\s Kasukuru roonamo Miana Israel Atotulungi
\sr 66:1-20
\p
\v 1 To kapalana molaguna. Laguna Zaburu.
\b
\q1 Sambo-sambomo to Aulataʼala, e saangua alamu!
\q1
\v 2 Laguakamo manga lagu kapujia tee umuliangimea o sarona,
\q2 muliangimea o kapujiana to Incia.
\q1
\v 3 Pakawaakea i Aulataʼala, "Tapanamo atomaeka ipewaumu!
\q2 Roonamo kuasamu amaoge, sumaimo o musu-musumu atungku tee arengku i aroamu.
\q1
\v 4 Saangua dunia asuju asombako.
\q2 Manga incia apuji-pujiko,
\q2 tee alaguaka lagu kapujia to saromu." \qs Sela\qs*\f + \fr 66:4 \fr*\fq Sela: \fq*\ft Aipomo tandana to aunto wakutuuna lagu sumai atolaguaka, atawa o tanda to ahanda apekaogea o suarana, atawa onina gambusuna.\ft*\f*
\b
\q1
\v 5 Mai, kamatea opea ipewauna Aulataʼala,
\q2 ipewauna inda momentela to maanusia.
\q1
\v 6 \x - \xo 66:6 \xo*\xt Limb. 14:21-29.\xt*\x*Incia abhalii tawo amembali tana matuu,
\q2 tee manga opu-opuata apolimba i umala tee adhala ae.\f + \fr 66:6 \fr*\ft I aeati incia sii, moburina zaburu incia sii apogauaka rua kajadia inda momentela iapai Aulataʼala atulungi miana Israel apolimba i uwe. Wakutuuna Musa tee miana Israel abholi Mesir, manga incia amembali apalaiaka karona minaaka i tantarana Firaun sapadhana Aulataʼala aweta Tawo Towu Lambe mamudhaakana manga incia amembali adhala i tanga-tangana tee akawa i sawetana. Kasiimpo 40 tao i aroa, Aulataʼala apaunto siwuluna Umala Yordan mamudhaakana Yusak tee miana Israel adhala i tanga-tangana umala incia sumai tee apesuaiki Tana Kanaan. \ft*\f*
\q1 Siitumo ingkita takaunde-unde roonamo bhari-bharia ipewauna.
\q1
\v 7 Incia aparinta tee kakaana to saʼumurua,
\q2 tee o matana ajagani manga lipu
\q2 mamudhaakana manga mia mobhalia inda asomboaka karona. \qs Sela\qs*
\b
\q1
\v 8 Pujimo Aulataʼalamami, e manga lipu,
\q2 parangoakamea o kapujiamiu i Incia!
\q1
\v 9 Incia mojagani inyawamami mamudhaakana inda tamate,
\q2 tee inda ataroakea o aemami asindoli.
\q1
\v 10 E Aulataʼala, Ingkoo padhamo manga uuji,
\q2 tee manga pekangkilo mboomo mia mopekangkilona pera i nuncana waa.
\q1
\v 11 Ingkoo upapesua ingkami i nuncana jari,
\q2 tee udhika bhawa momatamo i bhawona torukumami.
\q1
\v 12 Ingkoo utaroakea manga mia alanda-landaki bhaamami.
\q2 Ingkami talaloi waa tee mawa,
\q2 maka Ingkoo ubhawa ingkami i tampa momalape tee momalalesa.
\b
\q1
\v 13 Iaku bhekupesua i nuncana bhanuamu tee kubhawa kurubani itunu.
\q2 Iaku bhekupomea tolauna oniku
\q1
\v 14 ibhoasakaku minaaka i ngangaku i wakutuuna kumaseke.
\q1
\v 15 Iaku bhekupasombaaka to Ingkoo
\q2 manga kurubani itunu minaaka i binata momalompo,
\q2 tee momawonduna bhouna minaaka i dumba umane.
\q2 Iaku bhekupasombaakako manga sapi umane tee bhembe umane. \qs Sela\qs*
\b
\q1
\v 16 Mai perangoia, e bhari-bharia mia momaeka i Aulataʼala!
\q2 Iaku bhekupetulatulaaka opea mopadhana ipewauna to iaku.
\q1
\v 17 Tee ngangaku kugoraakea
\q2 sabutuna o dhelaku alaguaka lagu kapujia to Incia.
\q1
\v 18 Ande kumaasiaka giu madhaki i nuncana ngangarandaku,
\q2 atantumo o Aulataʼala amendeu aperangoiaku.
\q1
\v 19 Maka o Aulataʼala aperangoia,
\q2 Incia amaheruakaaku wakutuuna kudoʼa.
\b
\q1
\v 20 Atopujimo o Aulataʼala,
\q2 moperangoina doʼaku
\q2 tee inda apekaridhoakaaku o kaasina molagina minaaka i karoku.
\c 67
\s Kasukuru to Bhari-bharia Barakati Idhawuakana Aulataʼala
\sr 67:1-8
\p To kapalana molaguna.
\d Tee kagasiana kecapi. Laguna Zaburu.
\b
\q1
\v 1 Maasangia o Aulataʼala manga maasiaka tee manga barakati,
\q2 maasangia Incia manga kamata tee kalapena incana, \qs Sela\qs*
\q1
\v 2 tee mboo sumai, maanusia i bhawona alamu sii amataua opea ipeelumu to manga incia,
\q2 tee bhari-bharia lipu amataua ande Ingkoo mokokuasana to mopasalaamatina manga incia.
\b
\q1
\v 3 E Aulataʼala, maasangia manga lipu apujiko,
\q2 maasangia bhari-bharia lipu apujiko.
\q1
\v 4 Maasangia manga lipu akaunde-unde tee asambo-sambo
\q2 roonamo Ingkoo tee kaʼadili uhaakimu manga lipu,
\q2 tee utonda bhari-bharia lipu i bhawona alamu. \qs Sela\qs*
\q1
\v 5 Maasangia manga lipu apujiko, e Aulataʼala,
\q2 maasangia bhari-bharia lipu apujiko.
\b
\q1
\v 6 Alamu padhamo adhawuaka hasilina;
\q2 Aulataʼala, Aulataʼalata, padhamo abarakati ingkita.
\q1
\v 7 Maasangia Aulataʼala manga barakati torosu;
\q2 maasangia bhari-bharia lipu i bhawona dunia amaekaia.
\c 68
\s Lagu Kamangantalona Kawasana Opu
\sr 68:1-36
\d To kapalana molaguna. Zaburuna Daud. Laguna.
\q1
\v 1 Taroakamo Aulataʼala akakaro tee apewau musuna apogaa-gaa;
\q2 taroakamo manga mia mobancia amatalo tee apalai minaaka i aroana.
\q1
\v 2 Mboomo ombu aila wakutuuna atowiia ngalu, taroakamo Ingkoo uwulu manga incia.
\q2 Mboomo taru arere i aroana waa,
\q2 taroakamo mia madhaki abinasa i aroana Aulataʼala.
\q1
\v 3 Maka taroakamo o mia mobanara akaunde-unde,
\q2 taroakamo manga incia amasanaa i aroana Aulataʼala,
\q2 tee taroakamo manga incia asambo-sambo tee akaunde-unde.
\b
\q1
\v 4 Lagumo to Aulataʼala, laguakamo lagu kapujia to sarona!
\q2 Pasiapuakea dhala oge to Incia mosawina i taʼina ngalu!\f + \fr 68:5 \fr*\fq mosawina i taʼina ngalu: \fq*\ft Pogau kabhanti mokotandana o kaogesana Aulataʼala.\ft*\f*
\q1 Sarona o KAWASANA OPU,
\q2 kaunde-undemo i aroana!
\q1
\v 5 Amana manga ana maelu tee moewaakana manga iaiaro
\q2 siitumo o Aulataʼala i tampana mbooresana momangkilo.
\q1
\v 6 Mia momboorena samia-miana Aulataʼala aposaangua i nuncana saangu bhanua,
\q2 Incia apabebasi mia mototorongku sabutuna manga incia amasanaamo dhadhina,
\q2 maka manga mia mobhalia amboore i tana matuu.
\b
\q1
\v 7 \x - \xo 68:8-9 \xo*\xt Limb. 14:12; 19:18. \xt*\x*E Aulataʼala, wakutuuna ukapalai uumatimu wakutuuna apotimbe,
\q2 tee wakutuuna ulaloi tana matuu, \qs Sela\qs*
\q1
\v 8 alamu akolendu, tee o laiana apasapo wao,
\q1 roonamo umbaana Aulataʼala isombana miana Israel,
\q2 siitumo isarongiakana Aulataʼala i Sinai.\f + \fr 68:9 \fr*\fq Aulataʼala i Sinai: \fq*\ft Aulataʼala apatokamataaka karona i miana Israel i Gunu Sinai wakutuuna manga incia alingka minaaka i Mesir aporope i Kanaan. Kamata \ft*\xt Limb. 19:16-25.\xt*\f*
\q1
\v 9 E Aulataʼala, amaranca mpuu Ingkoo upasapo wao,
\q2 tee upasuburu tana tinaurakamu\f + \fr 68:10 \fr*\fq tinaurakamu: \fq*\ft Siitumo Tana Kanaan, idhawuakana Kawasana Opu to miana Israel.\ft*\f* i wakutuuna amatuu;
\q1
\v 10 sabutuna o uumatimu ambooresia.
\q2 E Aulataʼala, tee kalapemu udhawuakea
\q2 bhari-bharia ifaraluuna mia misikini.
\b
\q1
\v 11 Kawasana Opu apakawaaka firimanina,
\q2 tee rombongana mia bhari\f + \fr 68:12 \fr*\fq rombongana mia bhari: \fq*\ft Amembali uka "rombongana bhawine bhari."\ft*\f* mobhawana lele malape sumai.
\q1
\v 12 "Manga raja tee tantarana apalai, umbe, apalaiaka karona!"
\q2 Manga bhawine momboorena i nuncana bhanua apodhawu-dhawuaka bara irampasi minaaka i tampana potimbea.
\q1
\v 13 Moomini ingkomiu apotidhole i tanga-tangana kandana dumba,
\q2 bara irampasimiu mboomo panina jarajara ilapisiaka pera,
\q2 buluna minaaka i bulawa mokokila!
\q1
\v 14 Wakutuuna o Kawasana Opu Mokokuasana apapogaa-gaa manga raja iwe sumai,
\q2 asapomo salju i Gunu Zalmon.
\b
\q1
\v 15 Gunu Basan o gunu momakaa.
\q2 Gunu mobharina tubuna, siitumo o Gunu Basan.
\q1
\v 16 E Gunu Basan mobharina tubuna, pokia ingkoo ugigibulu
\q2 tee Gunu Sion\x - \xo 68:17 \xo*\xt 2:6.\xt*\x* ipilina Aulataʼala to amembali tampana kauncuramakana?
\q2 Satotuuna o KAWASANA OPU bheamboore iwe sumai saʼumurua!
\b
\q1
\v 17 Kawasana Opu aumbamo minaaka i Gunu Sinai
\q2 tee apesua i tampana momangkilo
\q1 tee puluna rewu kareta potimbeana,
\q2 inda atolentu o kabharina.
\q1
\v 18 \x - \xo 68:19 \xo*\xt Ef. 4:8. \xt*\x*Ingkoo ukompa i tampa momalanga
\q2 tee ubhawa manga mia mototaangi i talikumu.\f + \fr 68:19 \fr*\fq manga mia mototaangi i talikumu: \fq*\ft I zamani mangenge, ande saangu lipu atalo lipu mosagaanana, raja mokana bheabhawa manga mia momatalo i talikuna to amembali bhatua i lipuna. \ft*\f*
\q1 Ingkoo utarima hadia mobhari minaaka i maanusia,
\q2 moomini minaaka i manga mia mobhaliko.
\q1 KAWASANA OPU, Aulataʼala,
\q2 bheamboore iwe sumai.
\q1
\v 19 Atopujimo Kawasana Opu,
\q2 mosodhana bhawata saesaeo.
\q2 Incia o Aulataʼala mopasalaamatina ingkita. \qs Sela\qs*
\q1
\v 20 Aulataʼalata satotuuna o Aulataʼala mopasalaamatina ingkita,
\q2 tee KAWASANA OPU motulungina ingkita mamudhaakana inda tamate.
\b
\q1
\v 21 Maka o Aulataʼala bheapurokoti bhaana musuna,
\q2 tee kauwana bhaana mokobulua minaaka i manga mia
\q2 mosadhaadhaana modhadhina i nuncana kasalaha.
\q1
\v 22 Kawasana Opu afirimani, "Iaku bhekubhawea pendua o musumu minaaka i Basan;
\q2 bhekubhawea pendua manga incia minaaka i tawo momandala
\q1
\v 23 mamudhaakana ingkomiu amembali ubhanui aemu tee raana manga incia,
\q2 tee manga mantoamu amembali apotibhaaka dhawuna tee atumpu incana adhelapia."
\b
\q1
\v 24 Manga mia padhamo akamatako wakutuuna ambeliakako mboomo raja, e Aulataʼala;
\q2 ambeliakako o Kawasana Opuku, o Rajaku to ulingka uporope i mbooresamu momangkilo.
\q1
\v 25 Manga molaguna adhaangia i aroa,
\q2 momagasiaakana kecapi i taliku,
\q2 i tanga-tanga manga kabuabua mobhebhena ganda-ganda. Mboo siimo laguna manga incia,
\q1
\v 26 "Pujimea o Aulataʼala i tanga-tangana uumatina momaoge,
\q2 Pujimea o KAWASANA OPU, e bhari-bharikomiu siwuluna Israel!"
\q1
\v 27 Bhaa-bhaana o siwuluna Binyamin, momembalina kamia momaidhiidhi mpuu mokapalaina manga incia,
\q2 kasiimpo aosea manga lakina Yuda i saangu rombongana,
\q2 kasiimpo manga lakina Zebulon tee lakina Naftali.
\b
\q1
\v 28 E Aulataʼala, palimbamea o kakaamu.
\q2 E Aulataʼala, susuakamea o kakaamu,
\q2 mboomo mopadhana ipewaumu to ingkami.
\q1
\v 29 Rampaakanamo Bhanuamu i Yerusalem,
\q2 manga raja abhawa pasombaa to Ingkoo.
\q1
\v 30 Gorampangia o Mesir, lipu mboomo binata maila i tanga-tangana gelaga,
\q2 gorampangia o Mesir, lipu mboomo gulumana sapi umane tee manga anana, siitumo manga lipu mokokuasa.
\q1 Pahancurua manga incia momasoʼoakana pera,
\q2 papogaa-gaaia manga lipu momaasiakana potimbea.
\q1
\v 31 Manga potolowea bheaumba minaaka i Mesir,
\q2 tee miana Etiopia lausaka bheataanaka limana tee adhawu pasombaana i Aulataʼala.
\b
\q1
\v 32 Lagumo to Aulataʼala, e bhari-bharia lipu i dunia sii!
\q2 Laguakamo lagu kapujia to Kawasana Opu, \qs Sela\qs*
\q1
\v 33 to Incia mosawina i kareta modhalana i bhawona laiana, siitumo laiana modhaangiana pepuu minaaka i zamani mangenge.
\q1 Rangoa, Incia apaperangoaka suarana,
\q2 suarana amakaa tee akoguntu.
\q1
\v 34 Akuimea o kuasana Aulataʼala!
\q2 Kaogena dhaangia i bhawona lipu Israel,
\q2 kuasana akawea i laiana.
\q1
\v 35 E Aulataʼala, Ingkoo inda umentela mpuu
\q2 wakutuuna ulimba minaaka i tampana mbooresamu momangkilo!
\q2 Aulataʼala isombana miana Israel adhawuaka kuasana tee kakaana to uumatina.
\b
\q1 Atopujimo Aulataʼala!
\c 69
\s Doʼa i Wakutuuna Kaseke
\sr 69:1-37
\d To kapalana molaguna. Aose lagu: Kamba-kamba Bakung. Zaburuna Daud.
\b
\q1
\v 1 Pasalaamatiaku, e Aulataʼala,
\q2 roonamo o uwe akawamo i bhorokoku.
\q1
\v 2 Iaku kutondu i nuncana tomba momandala,
\q2 inda dhaangia o tampana polandakaku.
\q1 Iaku kukotibu i uwe momandala,
\q2 tee o mawa apaampeaku.
\q1
\v 3 Iaku kumangule kugora kuemani tulungi;
\q2 goncoku amatuu.
\q1 Mataku amalau kuantagi Aulataʼalaku.
\b
\q1
\v 4 \x - \xo 69:5 \xo*\xt Zab. 35:19; Yah. 15:25.\xt*\x*Mia mobanciaku inda akoʼalasa,
\q2 alabhi o kabharina minaaka i bulua i bhaaku.
\q1 Manga mia mogauna mopabinasaaku abhari mpuu;
\q2 manga incia amembali musuku inda akosababu.
\q1 Iaku apakisaaku kubholosi
\q2 harataa inda irampasiku.
\q1
\v 5 E Aulataʼala, Ingkoo umataua o kabhongo-bhongoku,
\q2 manga kasalahaku inda atobuniaka minaaka i Ingkoo.
\b
\q1
\v 6 Bholi utaroakea manga mia motangkaakako
\q2 apotibhaaka kaea roonamo iaku, e KAWASANA OPU, Aulataʼalana saangua alamu!
\q1 Bholi utaroakea manga mia mopeeloko
\q2 apotibhaaka aebu roonamo iaku, e Aulataʼala isombana miana Israel!
\q1
\v 7 Rampaakanamo Ingkoo iaku kutohina,
\q2 tee o kae atutubhi rouku.
\q1
\v 8 Iaku mboomo dhaga to manga witinaiku,
\q2 tee bhari-bharia witinaiku aabhiaku mia moumba.
\b
\q1
\v 9 \x - \xo 69:10 \xo*\xt Yah. 2:17; Rom. 15:3.\xt*\x*Ngangarandaku akarore-rore to kuewaaka bhanuamu, sabutuna apekangauaku,
\q2 tee o kahinana manga mia mohinako akangkanaiaku.
\q1
\v 10 Wakutuuna kupaporitambe karoku tee kupoasa,
\q2 iaku kumembali kahinana mia.
\q1
\v 11 Wakutuuna kupake kae kadhu to tandana kusukara,
\q2 rampaakanamo sumai manga incia apotawaikiaku.
\q1
\v 12 Iaku kumembali giu ipogauakana manga mia mouncurana i bhambana lawana kota
\q2 tee apamembaliaku lagu kaele-elena manga pande sumpu.
\b
\q1
\v 13 Maka kudoʼa i Ingkoo, e KAWASANA OPU,
\q2 e Aulataʼala, lawaniaku i wakutuu momalape;
\q1 lawaniaku roonamo kaasimu molagina motaralabhi-labhi
\q2 tee roonamo katulungimu momembalina iparacaeaku.
\q1
\v 14 Pasalaamatiaku minaaka i nuncana tomba,
\q2 tee bholi utaroakaaku kutondu.
\q1 Rambasakaaku minaaka i manga mia mobanciaku
\q2 tee minaaka i uwe momandala.
\q1
\v 15 Bholi utaroakaaku apaampeaku mawa,
\q2 atawa kutondu i tawo momandala.
\q2 Bholi utaroakaaku kutokoburu i nuncana bhalo.
\b
\q1
\v 16 E KAWASANA OPU, maasangia ulawaniaku roonamo kaasimu molagina amalape,
\q2 poilimo tee urangoaku rampaakanamo rahumatimu momaoge.
\q1
\v 17 Bholi ubuniaka roumu minaaka i bhatuamu
\q2 roonamo iaku kunarakaa, lawaniakumo pekadhei.
\q1
\v 18 Umbamo pasalaamatiaku,
\q2 pabebasiaku minaaka i manga musuku.
\b
\q1
\v 19 Ingkoo umataua tuaapa o musuku aele-eleaku, apekaeaaku tee ahinaaku.
\q2 Ingkoo ukamatea bhari-bharia musuku.
\q1
\v 20 Kahinana sumai apahancuru incaku,
\q2 sabutuna amate o akalaku.
\q1 Iaku kuharapu kaasina mia, maka inda dhaangia;
\q2 iaku kupeelo mia mohiburuaku, maka inda kupotibhaakea.
\q1
\v 21 \x - \xo 69:22 \xo*\xt Mat. 27:48; Mrk. 15:36; Yah. 19:28-29.\xt*\x*Sampe manga incia uka adhawuaku racu to kukandea,
\q2 tee wakutuuna amatuu bhorokoku, adhawuaku cuka to kusumpua.
\b
\q1
\v 22 \x - \xo 69:23-24 \xo*\xt Rom. 11:9-10.\xt*\x*Taroakamo kinande i aroana manga incia amembali katapu to karona,
\q2 tee amembali kapetambo to manga sabhangkana.
\q1
\v 23 Taroakamo matana manga incia amarawu mamudhaakana inda amembali apokamata,
\q2 tee taroakamo o tangana manga incia sadia arengku.
\q1
\v 24 Palimbamea pamurumu to manga incia,
\q2 tee taroakamo o amaramu mokarore-rorena akangkanai manga incia.
\q1
\v 25 \x - \xo 69:26 \xo*\xt Tul. 1:20.\xt*\x*Taroakamo pokemaana manga incia amembali amalino,
\q2 tee taroakamo inda samia uka momboorena i kemana manga incia.
\q1
\v 26 Roonamo manga incia apajere manga mia mopadhana ibhebhemu,
\q2 tee apetulatulaaka o kanarakaana manga mia mopadhana ipekambelamu.
\q1
\v 27 Taroakamo urangania kabharina kasalahana manga incia,
\q2 tee manga incia bholi upabanarea.
\q1
\v 28 \x - \xo 69:29 \xo*\xt Limb. 32:32; Wah. 3:5; 13:8; 17:8.\xt*\x*Taroakamo o sarona manga incia uhapusua minaaka i nuncana boku mokoantoakana manga sarona mia momalape,
\q2 tee o sarona manga incia bholi upapesuaia i nuncana daftarana mia mobanara.
\b
\q1
\v 29 Maka iaku sii kunarakaa tee kumapii.
\q2 E Aulataʼala, tulungiaku
\q2 tee ujaganiaku.
\b
\q1
\v 30 Iaku bhekulagu to kupuji sarona Aulataʼala,
\q2 tee kusukuru tee kumuliangia.
\q1
\v 31 Giu incia sumai alabhi alaenga i matana KAWASANA OPU minaaka i binata pasombaa,
\q2 tee minaaka i sapi umane maoge mokotandu tee mokokonuku mopoweta.
\q1
\v 32 Manga mia monarakaa bheakamatea tee akaunde-unde.
\q2 Taroakamo incamiu adhadhi pendua, e ingkomiu mopeelona Aulataʼala!
\q1
\v 33 KAWASANA OPU aperangoi mia misikini,
\q2 tee Incia inda apandaʼente uumatina modhaangiana i nuncana katorongku.
\b
\q1
\v 34 Taroakamo Incia apujia bhari-bharia modhaangiana i laiana tee i dunia,
\q2 i tawo tee bhari-bharia mahaluku modhadhina i nuncana tawo
\q1
\v 35 roonamo Aulataʼala bheapasalaamati Kota Sion,
\q2 tee apendua abhangu manga kota i Tana Yuda
\q2 mamudhaakana manga bhatuana amboore tee akotanaaka lipu incia sumai saʼumurua.
\q1
\v 36 Siwuluna minaaka i manga bhatuana bhemokotinaurakaakea,
\q2 tee manga mia momaasiakana Kawasana Opu bheamboore i nuncana.
\c 70
\s Doʼa Emaniana Katulungi
\sr 70:1-6
\d To kapalana molaguna. Zaburuna Daud. Zikiri i wakutuuna pasombaana kurubanina kaudhania.
\b
\q1
\v 1 \x - \xo 70:2-6 \xo*\xt Zab. 40:14-18.\xt*\x*E Aulataʼala, pasalaamatiaku!
\q2 E KAWASANA OPU, tulungiaku pekadhei!
\q1
\v 2 Taroakamo manga mia mogauna mopekamateaku
\q2 amaea tee apalai roonamo abingu.
\q1 Taroakamo manga mia mogauna mopacilakaaku
\q2 apotibhaaka kahina tee aʼaebu.
\q1
\v 3 Taroakamo manga mia mopogauna, "Namisia, namisia!" tee mopotawaikiaku
\q2 abhalili roonamo amaea.
\b
\q1
\v 4 Taroakamo bhari-bharia mia mopeeloko
\q2 asambo-sambo tee akaunde-unde roonamo Ingkoo.
\q1 Taroakamo manga mia momaasiakana kasalaamati minaaka i Ingkoo
\q2 sadia apogau, "Tapanamo kalanga o Aulataʼala!"
\b
\q1
\v 5 Iaku sii kunarakaa tee kumisikini,
\q2 umbamo pekadhei, e Aulataʼala!
\q1 Ingkoomo motulungiaku tee mopasalaamatiaku.
\q2 E KAWASANA OPU bholi upekanoe-noe!
\c 71
\s Doʼa Emaniana Peulusa i Wakutuu Tamancuana
\sr 71:1-24
\b
\q1
\v 1 E KAWASANA OPU, Ingkoomo o peulusaku,
\q2 bholi sampeampearo kutopekaea.
\q1
\v 2 Rambasakaaku, tee upabebasiaku roonamo Ingkoo ubanara;
\q2 perangoiaku tee upasalaamatiaku.
\q1
\v 3 Membalimo gunu bhatu to tampana mbooresaku
\q2 sadia momembalina iumbatiku.
\q1 Ingkoo padhamo udhawu parinta mamudhaakana kutopasalaamati
\q2 roonamo Ingkoomo gunu bhatu mojaganiaku tee bente potaangiaku.
\b
\q1
\v 4 E Aulataʼalaku, pasalaamatiaku minaaka i limana mia madhaki,
\q2 minaaka i kuasana mia inda moʼadili tee mia masega.
\q1
\v 5 Ingkoomo iharapuku, e KAWASANA OPU Aulataʼala,
\q2 Ingkoomo iparacaeaku minaaka dhaangia kumangura.
\q1
\v 6 Ingkoomo o tampana kupasande minaaka i nuncana kadhuma;
\q2 Ingkoomo mopalimbaaku minaaka i kompona inaku,
\q2 sumaimo iaku sadia kupujiko.
\b
\q1
\v 7 Iaku kumembali mboomo mia ipeelona manga pande pana,
\q2 maka Ingkoomo o tampana peulusaku momakaa.
\q1
\v 8 Ngangaku sadia apujiko,
\q2 saeoa iaku kumuliangiko.
\q1
\v 9 Bholi ubhanakaaku i wakutuuna kumancuana,
\q2 tee bholi ubholiaku ande atopadhamo kakaaku.
\q1
\v 10 Sababuna manga musuku apogauakaaku,
\q2 tee manga mia mogauna mopekamateaku asahimuakaaku.
\q1
\v 11 Pogauna manga incia, "Aulataʼala padhamo abholi incia!
\q2 Pajeremea tee urakomea roonamo inda dhaangia bhemorambasakea!"
\b
\q1
\v 12 E Aulataʼala, bholi umaridho minaaka i iaku,
\q2 e Aulataʼalaku, tulungiaku pekadhei!
\q1
\v 13 Taroakamo mia moraeakaaku
\q2 apotibhaaka kaea tee abinasa.
\q1 Taroakamo manga mia mogauna mopacilakaaku
\q2 abukeaka kahina tee aebu.
\q1
\v 14 Maka sadia kuharapu,
\q2 tee iaku ahandamo bhekupujiko.
\q1
\v 15 Ngangaku saeoa bhekupetulatulaaka manga pewaumu mobanara,
\q2 tee kasalaamati inda motolentu minaaka i Ingkoo.
\q1
\v 16 Iaku bhekuumba tee kupuji pewauna momakaana KAWASANA OPU Aulataʼala.
\q2 Iaku bhekumuliangiakea tangkanamo kaʼadilina Karomu samia.
\b
\q1
\v 17 E Aulataʼala, minaaka kumangura Ingkoo moadhariaku,
\q2 tee sakawana sii-sii iaku kupetulatulaaka pewaumu inda momentela.
\q1
\v 18 Sampe sakawana kumancuana tee kukouwa uka,
\q2 e Aulataʼala, bholi ubholiaku,
\q1 mamudhaakana kumembali kupakoleleaka kuasamu i siwulu sii-sii,
\q2 tee kaogesamu i bhari-bharia mia bhemoumbana naile itu.
\b
\q1
\v 19 E Aulataʼala, kuasamu tee kabanaramu akawea i laiana!
\q2 Ingkoo padhamo upewau manga giu momaoge,
\q2 e Aulataʼala, incema mopokanana tee Ingkoo?
\q1
\v 20 Ingkoo padhamo utaroakaaku kunamisi bhari kanarakaa tee balaa,
\q2 Ingkoo uka bheupadhadhiaku pendua.
\q2 Minaaka i nuncana koburu
\q2 Ingkoo bheuangkaaku pendua.
\q1
\v 21 Ingkoo bheupamembaliaku ajulu kutohoromati,
\q2 tee uhiburuaku pendua.
\b
\q1
\v 22 Iaku bhekupujiko tee gambusu
\q2 roonamo umembali utoparacaea, e Aulataʼalaku.
\q1 Tee kecapi Iaku bhekulaguaka lagu kapujia to Ingkoo,
\q2 e Momangkilona, Aulataʼala isombana miana Israel!
\q1
\v 23 Bhiwiku bheasambo-sambo
\q2 wakutuuna kulaguaka lagu kapujia to Ingkoo,
\q1 apokana uka mboomo inyawaku mopadhana itolosimu.
\q1
\v 24 Dhelaku bheapakoleleaka
\q2 katulungimu mobanara saeoa,
\q1 roonamo manga mia mopadhana moʼusahana to mopacilakaaku
\q2 amembali amaea tee amajule.
\c 72
\s Doʼa Iharapuaka to Raja
\sr 72:1-20
\p
\v 1 Zaburuna Sulaiman.\f + \fr 72:1 \fr*\ft Sulaiman o anana Raja Daud momembalina rajana Israel sapadhana Daud.\ft*\f*
\b
\q1 E Kawasana Opu, dhawuakea o kaʼadilimu to raja,
\q2 tee udhawuakea o kabanaramu to anana raja.
\q1
\v 2 Maasangia incia aʼadili uumatimu tee kabanara,
\q2 tee aʼadili apewau mia motopisaki.
\q1
\v 3 Maasangia manga gunu aumbaaka kasanaa to raʼeati,
\q2 tee manga kabumbu ahasiliaka kabanara.
\q1
\v 4 Maasangia incia bheaewaaka parakarana
\q2 manga mia motopisaki i tanga-tangana raʼeati,
\q1 apasalaamati manga mia misikini
\q1 tee apahancuru manga pande pisaki.
\b
\q1
\v 5 Maasangia manga incia bheamaeka i Ingkoo
\q2 kangengena dhaangia tee matanaeo
\q1 tee kangengena dhaangia tee bula,
\q2 saʼumurua.
\q1
\v 6 Maasangia raja incia sumai mboomo uwena wao mosapona
\q2 i bhawona rumpu mopadhana motoweli,
\q2 tee mboomo wao maranca mobubusina dunia.
\q1
\v 7 Maasangia o kabanara sadhaadhaa aniʼimatia raʼeati kangengena raja dhaangiapo adhadhi,
\q2 tee o kasanaa ataralabhi-labhi sakawana bula indamo dhaangia.
\b
\q1
\v 8 Incia bheakokuasa minaaka i tawo sakawana i tawo,
\q2 minaaka i Umala Efrat sakawana i tapana dunia.
\q1
\v 9 Manga mia momboorena i tana matuu
\q2 bheatungku i aroana,
\q2 tee manga musuna adhelapi ngawuna tana.
\q1
\v 10 Maasangia manga raja minaaka i Tarsis tee manga raja minaaka i pulo-pulo mosagaanana
\q2 bheabhawaakea hadia.
\q1 Maasangia manga raja minaaka i Syeba tee Seba
\q2 abhawa pasombaa to incia.
\q1
\v 11 Maasangia bhari-bharia raja bheasuju i aroana,
\q2 tee bhari-bharia lipu apabhatua karona i incia.
\b
\q1
\v 12 Roonamo incia bhearambasaka mia misikini mogorana i incia,
\q2 tee atolosi mia motopisaki tee mia inda mototulungi.
\q1
\v 13 Incia bheamaasiaka mia misikini tee mia monarakaa,
\q2 tee apasalaamati inyawana mia inda mokokadhaangia.
\q1
\v 14 Tee bheatolosi dhadhina manga incia minaaka i mia masega tee mopisakina manga incia,
\q2 sababuna o dhadhina manga incia akoharagaa mpuu i matana.
\b
\q1
\v 15 Maasangia amarambe o umuruna!
\q2 Maasangia o bulawa minaaka i Syeba atopasombaaka to incia.
\q1 Maasangia incia sadia atodoʼaaka,
\q2 tee saeoa o mia aemaniakea barakati.
\q1
\v 16 Maasangia o gandum ataralabhi-labhi i saangua lipu,
\q2 akawea i lolona gunu.
\q1 Maasangia o hasilina tanana asuburu mboomo i Libanon,
\q2 tee o raʼeatina kotana ajulu o kabharina mboomo rumpu i tana lapa.
\q1
\v 17 Maasangia o sarona raja atoudhani saʼumurua,
\q2 maasangia sahandana abhari o mia momatauna sarona, kangengena dhaangiapo tee matanaeo.
\b
\q1 Maasangia bhari-bharia lipu bheapotibhaaka barakati roonamo incia,
\q2 tee bhari-bharia lipu asarongiakea amasanaa.
\b
\q1
\v 18 Atopujimo KAWASANA OPU, siitumo Aulataʼala isombana miana Israel,
\q2 mopewauna manga giu inda momentela samia-miana!
\q1
\v 19 Atopujimo sarona momuliana saʼumurua!
\q2 Maasangia saangua alamu abukeaka tee kamuliangina.
\q2 Aamin, aamin!
\b
\q1
\v 20 Mboo siimo kapadhaana doʼana Daud bin Isai.
\c 73
\ms BOKU I TALU ANGUNA:
\mr ZABURU 73--89
\s1 Giu Imeriaka tee Giu Iharapu
\sr 73:1-28
\p
\v 1 Zaburuna Asaf.\f + \fr 73:1\fr*\fq Asaf: \fq*\ft Incia apatugasiakea Nabii Daud to akapalai molaguna i nuncana Bhanuana Aulataʼala.\ft*\f*
\q1 Satotuuna o Aulataʼala sumai amalape tee miana Israel,
\q2 tee mia morelana totona incana.
\b
\q1
\v 2 Maka iaku saidhepo kusindoli,
\q2 tee saidhepo kumanduli,
\q1
\v 3 roonamo kugigibulu kukamata mia mosombo
\q2 wakutuuna kukamata kasanaana tee karangkaeana mia madhaki.
\b
\q1
\v 4 Manga incia inda anamisi kapii,
\q2 badana manga incia amalompo tee amakaa.
\q1
\v 5 Manga incia inda anamisi kanarakaa mboomo mia mosagaanana,
\q2 tee manga incia inda akangkanaia balaa mboomo maanusia mosagaanana.
\q1
\v 6 Siitumo o sababuna manga incia aporanteaka tee pewau mosombo,
\q2 tee kasegana asalibumbuaka karona mboomo juba.
\q1
\v 7 Matana manga incia aʼuntu roonamo kaogena bukuna,
\q2 ngangarandana manga incia abukeaka tee manga haejati madhaki.
\q1
\v 8 Manga incia tee kadhakina aele-ele tee apeonii mia mosagaanana,
\q2 tee kalangana incana manga incia apekapahanda tee apekapisaki.
\q1
\v 9 Ngangana manga incia ahina sorogaa,
\q2 tee dhelana atipua saangua dunia to abhoasaka manga pogau inda mokoguna.
\b
\q1
\v 10 Sumaimo manga mia ambuli aose manga incia,
\q2 tee inda apotibhaaka saangu kasalaha uka minaaka i manga incia.
\q1
\v 11 Tee manga mia madhaki apogau, "Tuaapa o Aulataʼala bheamataua opea ipewaumami?
\q2 Buaka Incia Momalangana dhaangia tee imatauna?"
\q1
\v 12 Kamatamea, mboo siimo manga mia madhaki:
\q2 manga incia atanangi torosu tee o harataana ahandamo abhari.
\q1
\v 13 Satotuuna asia-siamo kujagani ngangarandaku mamudhaakana amangkilo,
\q2 tee kubhanui limaku to tandana inda kusala.
\q1
\v 14 Roonamo saeoa akangkanaiaku balaa,
\q2 tee saraneeo-saraneeo kutohukumu.
\b
\q1
\v 15 Ande kupogau, "Iaku gauku kupogau mboo sumai,"
\q2 sumaimo iaku kuhianati siwuluna uumatimu.
\q1
\v 16 Maka i wakutuuna kuʼusaha to kumaʼanaia,
\q2 hali incia sumai amarasai mpuu to iaku;
\q1
\v 17 siimpo kumataua o kapadhaana dhadhina manga incia
\q2 wakutuuna kupesua i nuncana bhanuana Aulataʼala.
\b
\q1
\v 18 Satotuuna, i tampa momararo udhika manga incia,
\q2 tee upekandawua manga sakawana abinasa.
\q1
\v 19 Manga incia abinasa sakijamata,
\q2 apaampea sakawana amofu minaaka i kamingkiri.
\q1
\v 20 Manga mia madhaki bheaila mboomo pongipi i wakutuuna o mia atobhangu i koleana.
\q2 E Kawasana Opu, kaudhania to manga incia uhapusua wakutuuna ubhangu.
\b
\q1
\v 21 Wakutuuna ngangarandaku amaporo mpuu,
\q2 tee o baatiniku mboomo isusu-susu,
\q1
\v 22 iaku kukabhongo-bhongo tee inda tee imaʼanaiku,
\q2 i aroamu iaku mboomo binata inda mokoʼakala.
\b
\q1
\v 23 Moomini mboo sumai, iaku sadia i saripimu.
\q2 Ingkoo ukeni lima kaanaku.
\q1
\v 24 Ingkoo utondaaku tee naasehatimu,
\q2 tee utarimaaku tee kahoromati naile itu.
\q1
\v 25 Incema motulungiaku i sorogaa ande mencuana Ingkoo?
\q2 I dunia sii inda dhaangia ipeeluku, ande mencuana Ingkoo.
\q1
\v 26 Inyawa tee badaku amembali amofu tee abinasa,
\q2 maka o Aulataʼala kakaana incaku
\q2 tee o tinaurakaku saʼumurua.
\b
\q1
\v 27 Satotuuna o mia momaridhona minaaka i Ingkoo bheabinasa.
\q2 Ingkoo bheupabinasa manga mia mohianatiko.
\q1
\v 28 Maka to iaku, tapanamo kalape ande kupomakasu tee Aulataʼala,
\q2 KAWASANA OPU Aulataʼala bhekupamembalia o tampana peulusaku
\q2 mamudhaakana kumembali kupetulatulaakea bhari-bharia ipewaumu!
\c 74
\s Laguna Kaporona Inca roonamo Bhanua Momangkilo Atopahancuru
\sr 74:1-23
\p
\v 1 Lagu kaadharina Asaf.
\b
\q1 E Aulataʼala, pokia Ingkoo ubhanaka ingkami? Buaka ingkami tatomendeu saʼumurua?
\q2 Pokia pamurumu akarore-rore tee manga dumba igembalamu?
\q1
\v 2 Maasangia uudhania o uumatimu mopadhana ipotibhaakamu i piamo itu,
\q2 lipu mopadhana itolosimu amembali lipu tinaurakamu.
\q1 Udhania Gunu Sion,
\q2 tampa mopadhana iumbatimu to umbooresia.
\q1
\v 3 Paporopea bhengkalamu i tampa mohancuru saʼumurua sumai;
\q2 bhari-bharia bara i nuncana tampa momangkilo padhamo apahancurua musu.
\b
\q1
\v 4 Manga bhalimu akakee-kee, "Takanamo!" i tampamu momangkilo,
\q2 tee apakaro manga tombi to tandana ande manga incia akana minaaka i ingkami.
\q1
\v 5 Atokamata mboomo mia moangkana ndamuna apekalanga-langea
\q2 to apale manga puuna kau i koo.
\q1
\v 6 Bhari-bharia bara ibheloki
\q2 andamua tee apalua.
\q1
\v 7 Manga incia atunu bhanua ibaadatimu sakawana arata tee tana,
\q2 tee apanaajisi tampana mbooresamu.\f + \fr 74:7 \fr*\fq mbooresamu: \fq*\ft I nuncana pogau Ibrani, "tampa mbooresana saromu;" sarona Aulataʼala apokana tee Aulataʼala karona.\ft*\f*
\q1
\v 8 I nuncana ngangarandana manga incia apogau,
\q1 "Mai tapisakia bhari-bharia!"
\q2 Manga incia atunu bhari-bharia tampana ibaadati i lipu sii.
\b
\q1
\v 9 Ingkami indamo uka takamata manga tanda inda momentela,
\q2 samia nabii uka inda dhaangia,
\q1 inda samia uka i tanga-tangamami momataua
\q2 sakawana naepia bhari-bharia sii amembali.
\q1
\v 10 E Aulataʼala, sakawana naepia manga bhali bheaele-eleko?
\q2 Buaka saʼumurua o musu bheahina saromu?
\q1
\v 11 Pokia Ingkoo uhelaia pendua o lima kaanamu?
\q2 Pokia Ingkoo soo usaku-saku limamu? Pepadhaimea manga incia!
\b
\q1
\v 12 Maka o Aulataʼala o rajaku minaaka i piamo itu.
\q2 Incia mopasalaamatina ingkami i dunia.
\q1
\v 13 \x - \xo 74:13 \xo*\xt Limb. 14:21.\xt*\x*Tee kakaamu Ingkoo uweta tawo,
\q2 tee upasaki bhaana manga Lewiatan i tawo.
\q1
\v 14 \x - \xo 74:14 \xo*\xt Ayb. 40:20; Zab. 104:26; Yes. 27:1.\xt*\x*Ingkoo upekapuro manga bhaana Lewiatan,\f + \fr 74:14 \fr*\fq Lewiatan: \fq*\ft Mahalukuna tawo mboomo naga.\ft*\f*
\q2 tee upamembalia kinandena manga binata momboorena i tana matuu.
\q1
\v 15 Ingkoo mobungkalena matana uwe tee umala;
\q2 sainamo manga umala mokouwena torotorosu, upekatuua.
\q1
\v 16 Ingkoomo mopadhaangiana eo tee malo,
\q2 Ingkoomo modhikana matanaeo tee bula.
\q1
\v 17 Ingkoo mopatotapuakana bhari-bharia tidhana alamu,
\q2 Ingkoo mopewauna bulaana paneeo tee bulaana wao.
\b
\q1
\v 18 Udhania tuaapa o musumu aele-eleko, e KAWASANA OPU,
\q2 lipu mokaafiri ahina saromu.
\q1
\v 19 Bholi upasaraaka inyawana manu-manu jarajaramu i binata masega,
\q2 tee bholi umalinguakea to saʼumurua inyawana uumatimu motopisaki.
\b
\q1
\v 20 Udhania o pojanjia ipewaumu tee ingkami,
\q2 roonamo manga tampa malalanda i dunia sii abukeaka tee manga mia mopewauna kasega.
\q1
\v 21 Bholi utaroakea o mia motopisaki ambuli atopekaea,
\q2 maka maasangia o mia monarakaa tee mia misikini bheapuji saromu.
\q1
\v 22 E Aulataʼala, bhangumo, ewaakea o parakaramu;
\q2 udhania ande manga mia mokaafiri ahinako saeoa.
\q1
\v 23 Bholi umalinguakea o suarana manga bhalimu,
\q2 tee o karobhona manga mia moewangiko apene torotorosu.
\c 75
\s Kawasana Opu, Haakimu Moʼadili
\sr 75:1-11
\p To kapalana molaguna.
\d Zaburuna Asaf to lagu: Bholi Upahancurua.
\b
\q1
\v 1 Ingkami tasukuru i Ingkoo, e Aulataʼala;
\q2 ingkami tasukuru i Ingkoo roonamo umakasu.
\q1 Manga mia apetulatulaaka bhari-bharia pewaumu inda momentela.
\b
\q1
\v 2 "I wakutuu mopadhana itantuakaku,
\q2 Iaku bhekuhaakimu tee kaʼadili.
\q1
\v 3 I wakutuuna alamu tee bhari-bharia antona atolendu,
\q2 Iakumo bhemopekatangkana manga ariina. \qs Sela\qs*
\q1
\v 4 To manga mia mosombo Iaku kupogau, 'Bholi usombo,'
\q2 kasiimpo to mia madhaki, 'Bholi upepujiaka kakaamu;
\q1
\v 5 bholi upepujiaka kakaamu uewangi sorogaa,
\q2 atawa upogau tee upataja bhorokomu.' "
\b
\q1
\v 6 Roonamo Incia Mokanana minaaka i timbu tee minaaka i bhara,
\q2 Inciamo Mokanana minaaka i tana matuu sakawana i tana mokogunu.\f + \fr 75:7 \fr*\ft Dhaangia uka o kitabi tee Zaburu incia sii motoburina mboo sii, "Kahoromati inda aumba minaaka i timbu atawa minaaka i bhara, atawa uka minaaka i tana matuu."\ft*\f*
\q1
\v 7 Aulataʼala o haakimu;
\q2 Incia apaporitambe mia mosala tee apekalanga mia mobanara.
\q1
\v 8 Roonamo pamuruna KAWASANA OPU mboomo tonde i limana,
\q2 akoantoaka uwena angguru mokobura, mobukeakana tee kajalona rampa.
\q1 Incia bhealali antona,
\q2 mamudhaakana o kulimpasana bheasumpua tee apepadhaia
\q2 bhari-bharia mia madhaki i dunia.
\b
\q1
\v 9 Maka iaku saʼumurua bhekupakoleleaka giu incia sii,
\q2 Iaku bhekulaguaka lagu kapujia to Aulataʼala isombana Yakub.
\q1
\v 10 Iaku bhekupekakatu bhari-bharia kakaana mia madhaki,
\q2 maka o kakaana mia mobanara bhekurangania.
\c 76
\s Kawasana Opu, Haakimuna Bhari-bharia Lipu
\sr 76:1-13
\p To kapalana molaguna.
\d Tee atikiakea kecapi. Zaburuna Asaf to lagu.
\b
\q1
\v 1 Manga miana Yuda amatau Aulataʼala,
\q2 sarona amaoge i Israel.
\q1
\v 2 Bhanuana i Yerusalem,
\q2 tee tampana mbooresana i Gunu Sion.
\q1
\v 3 Iwe sumakomo Incia akatuki bhari-bharia manga ewangana potimbeana musuna,
\q2 bhari-bharia panana mokakila-kila, katangkesina, tee hancuna. \qs Sela\qs*
\b
\q1
\v 4 Ingkoo ukocahea mpuu!
\q2 Alabhi umulia minaaka i manga gunu modhaangiana i zamani mangenge.
\q1
\v 5 Hasilina potimbea padhamo atorampasi minaaka i manga mia mobarani.\f + \fr 76:6 \fr*\fq hasilina potimbea: \fq*\ft I zamani mangenge, ande saangu lipu atalo lipu mosagaanana, lipu mokana sumai bearampasi manga giu mokoharagaa mboomo maanusia, bulawa, pakea, tee binata tee abhawea i lipuna.\ft*\f*
\q2 Manga incia atokole saʼumurua;
\q1 inda dhaangia minaaka i tantarana sumai
\q2 momembalina moangkana limana uka.
\q1
\v 6 E Aulataʼala isombana Yakub, roonamo kagorampangimu,
\q2 manga ajara tee mosawikia amalimpu.
\b
\q1
\v 7 Atotuu-totuu Ingkoo utomaeka mpuu!
\q2 Incema momembalina mopotaangina i aroamu wakutuuna upamuru?
\q1
\v 8 Minaaka i sorogaa uparangoakea o kambotuna kahukumumu,
\q2 alamu uka amaeka tee inda tee uuʼuuna
\q1
\v 9 wakutuuna Aulataʼala abhangu to apaʼadili
\q2 tee apasalaamati bhari-bharia mia motopisaki i alamu. \qs Sela\qs*
\b
\q1
\v 10 Satotuuna o pamurumu tee maanusia imembaliakamu utopuji,
\q2 tee bhilaana pamurumu sumai upamembalia kabhokena tangamu.
\q1
\v 11 Pojanjimo tee upomeamea o tolauna onimu sumai i KAWASANA OPU, Aulataʼalamu!
\q2 Taroakamo bhari-bharia modhaangiana i saripina
\q2 abhawa pasombaana to Incia molaengana imaeka.
\q1
\v 12 Incia mopekamatena akalana manga mia mokokuasa,
\q2 tee manga raja i dunia amaeka i aroana.
\c 77
\s Ipewauna Kawasana Opu i Piamo itu
\sr 77:1-21
\d To kapalana molaguna. Zaburuna Asaf to Yedutun.
\b
\q1
\v 1 Iaku kugora i Aulataʼala tee suara momandii,
\q2 i Aulataʼala kugora, mamudhaakana aperangoiaku.
\q1
\v 2 I piamo itu, i eona kumaseke kupeelo Kawasana Opu,
\q2 tee wakutuuna amalo kutanaaka limaku inda kumangumangule;
\q2 ngangarandaku inda aunda atotautau.
\q1
\v 3 Ande kuudhani Aulataʼala, kupekidhei;
\q2 ande kupeudhaudhani,\f + \fr 77:4 \fr*\fq kupeudhaudhani: \fq*\ft Atawa "kupekidei;" dhaangia giu apokana i aeati \ft*\xt 77:7 \xt* tee \xt 77:13 \xt*uka.\f* ahanda amaule ngangarandaku. \qs Sela\qs*
\b
\q1
\v 4 Ingkoo mopamembalina mataku sadhaadhaa atobungkale;
\q2 alilaho o namisiku sabutuna inda amembali kupogauaka opeopea.
\q1
\v 5 Kufikifikiriaka zamani i piamo itu,
\q2 tee i tao-tao molapa.
\q1
\v 6 Iaku kuudhani laguku i wakutuuna amalo,
\q2 kupeudhaudhani i nuncana ngangarandaku, tee o rohiku apekaabha-abha,
\b
\q1
\v 7 "Buaka Kawasana Opu bheamanga bholi to saʼumurua?
\q2 Tee indamo uka manga maasiaka?
\q1
\v 8 Buaka atopadhamo o kaasina molagina?
\q2 Buaka amapupumo janjina saʼumurua?
\q1
\v 9 Buaka o Aulataʼala amalingumo to manga maasiaka?
\q2 Buaka i nuncana pamuruna Incia atutubhi rahumatina? \qs Sela\qs*
\q1
\v 10 Kasiimpo kupogau, "Siimo kaporona incaku
\q2 ande o lima kaanana Momalangana Mpuu indamo ajaganiaku."
\b
\q1
\v 11 Iaku bhekuudhani opea mopadhana ipewauna KAWASANA OPU.
\q2 Umbe, iaku bhekuudhani manga giu inda momentela mopadhana ipewaumu i zamani i piamo itu.
\q1
\v 12 Iaku bhekuudhaudhania i nuncana ngangarandaku bhari-bharia ikarajaamu,
\q2 tee kufikifikiria bhari-bharia giu momaoge mopadhana ipewaumu.
\q1
\v 13 Dhalamu amangkilo, e Aulataʼala,
\q2 Dewa iapai momaogena mboo Aulataʼalamami?
\q1
\v 14 Ingkoomo Aulataʼala mopewauna giu inda momentela.
\q2 Ingkoo padhamo ususuaka kuasamu i tanga-tangana manga lipu.
\q1
\v 15 Tee limamu utolosi uumatimu,
\q2 siitumo siwuluna Yakub tee Yusuf. \qs Sela\qs*
\b
\q1
\v 16 E Aulataʼala, uwe akamatako,
\q2 uwe akamatako tee amaeka;
\q2 umbe, andalaoge uka atorende.
\q1
\v 17 Taʼina ngalu apasapo wao maranca,
\q2 tee o laiana uka akanduu-nduu;
\q2 manga anana panamu akakila-kila.
\q1
\v 18 Ruuna guntumu atorango i nuncana tambusisi,
\q2 tee o bhibhitomu apekainawa dunia.
\q2 Alamu uka akolendu tee atorende.
\q1
\v 19 Dhalamu alaloi tawo,
\q2 tee udhala upolimba i andalaoge;
\q2 maka o tandarana aemu inda atokamata.
\b
\q1
\v 20 \x - \xo 77:21 \xo*\xt Zab. 23:1.\xt*\x*Ingkoo ugembalaaka uumatimu mboomo mia mowuluna gulumana dumba
\q2 tee upake limana Musa tee Harun to akapalai manga incia.
\c 78
\s Kalapena Kawasana Opu tee Miana Israel Mokodosa
\sr 78:1-72
\p
\v 1 Lagu kaadharina Asaf.
\b
\q1 E lipuku, rangoa o kaadhariku,
\q2 taaia o talingamu tee opea ipogauakaku.
\q1
\v 2 \x - \xo 78:2 \xo*\xt Mat. 13:35.\xt*\x*Iaku bhekubungkale ngangaku to kupakawaaka ibarati,
\q2 tee bhekupogauaka manga pogau rahasia modhaangiana minaaka i zamani piamo itu,
\q1
\v 3 siitumo manga giu mopadhana irangomami tee imataumami,
\q2 tee mopadhana ipetulatulaakana manga opu-opuamami.
\q1
\v 4 Ingkami inda bhetabuniakea minaaka i anaanana manga incia,
\q2 maka ingkami bhetapetulatulaakea i siwuluna sapadhana ingkami
\q1 manga kapujia to KAWASANA OPU tee kakaana,
\q2 tee manga giu inda momentela mopadhana ipewauna.
\b
\q1
\v 5 Incia padhamo apakawaaka tuturana to siwuluna Yakub,
\q2 tee apatotapuaka Hukumuna Taurati i tanga-tangana miana Israel.
\q1 Incia atumpu manga opu-opuata to aadhariakea i anana manga incia
\q1
\v 6 mamudhaakana o siwulu bhemoumbana amataua,
\q2 siitumo manga anaana bhemolaahirina naile itu.
\q1 Kasiimpo manga incia uka bheaumba
\q2 tee apetulatulaakea i anana manga incia.
\q1
\v 7 Tee mboo sumai manga incia bheadhika kaparacaeana i Aulataʼala,
\q2 tee inda amalinguaka opea ipewauna Aulataʼala,
\q2 maka ataʼatia manga parintana;
\q1
\v 8 tee bholi mboomo opu-opuana miana Israel,
\q2 adorohaka tee aewangiaku,
\q1 siitumo opu-opuana tee ngangarandana inda atotapu i Aulataʼala,
\q2 tee manga incia inda ataʼatia.
\b
\q1
\v 9 Miana Efraim mokoewangaakana pana sumai,
\q2 abhalili tee apalai i eona potimbea.
\q1
\v 10 Manga incia inda akenia pekatangka o pojanjiana tee Aulataʼala,
\q2 tee amendeu aose hukumuna.
\q1
\v 11 Manga incia amalinguakea opea mopadhana ikarajaana Kawasana Opu
\q2 tee amalinguaka manga giu inda momentela mopadhana ipakamataakana to manga incia.
\q1
\v 12 \x - \xo 78:12 \xo*\xt Limb. 7:8--12:32.\xt*\x*I aroana opu-opuana manga incia, Aulataʼala apewau giu inda momentela,
\q2 i atina Zoan i Tana Mesir.
\q1
\v 13 \x - \xo 78:13 \xo*\xt Limb. 14:21-22.\xt*\x*Incia aweta tawo tee ataroakea manga incia apolimba,
\q2 tee o uwe apekakatea mboomo rindi.
\q1
\v 14 \x - \xo 78:14 \xo*\xt Limb. 13:21-22.\xt*\x*Wakutuuna pontanga eo manga incia atondaia apapooseakea tee taʼina ngalu,
\q2 tee wakutuuna malo manga incia apapooseakea tee caheana waa.
\q1
\v 15 \x - \xo 78:15-16 \xo*\xt Limb. 17:1-7.\xt*\x*Incia aweta manga bhatu i tana matuu,
\q2 tee adhawua manga asumpu ataralabhi-labhi, mboomo minaaka i andalaoge.
\q1
\v 16 Incia apalimba uwe minaaka i bhatu,
\q2 sabutuna o uwe sumai asiwulu mboomo umala.
\b
\q1
\v 17 Maka manga incia dhaangiapo uka torotorosu akodosa
\q2 tee adorohaka i Momalangana i tana matuu.
\q1
\v 18 \x - \xo 78:18-31 \xo*\xt Limb. 16:2-15.\xt*\x*Manga incia acobai Aulataʼala i nuncana ngangarandana
\q2 tee atuntu kinande ipeeluna apokana tee nawusuuna.
\q1
\v 19 Manga incia aewangi Aulataʼala tee apogau,
\q2 "Amembali buaka o Aulataʼala apasiapu kinande i tana matuu?
\q1
\v 20 Atotuumo ande o bhatu abhebhea sabutuna apidhiaka uwe
\q2 tee manga umala apasiwulua tee alua,
\q2 maka amembali buaka Incia manga dhawuaka roti,
\q2 atawa amembali buaka Incia apasiapu dagi to uumatina?"
\b
\q1
\v 21 Sabutuna o KAWASANA OPU apamuru wakutuuna arango giu incia sumai;
\q2 waa morore akangkanai uumatina Yakub,
\q2 tee o pamuruna ahandamo mpuu to miana Israel,
\q1
\v 22 roonamo manga incia inda aʼiimani i Aulataʼala
\q2 tee inda aparacaea ande Incia bhemopasalaamatina manga incia.
\q1
\v 23 Maka Incia adhawu parintana to laiana,
\q2 tee abungkale manga bhambana sorogaa;
\q1
\v 24 \x - \xo 78:24 \xo*\xt Yah. 6:31.\xt*\x*Incia apasapo waona manna\f + \fr 78:24 \fr*\fq manna: \fq*\ft Kinande idhawuakana Aulataʼala to miana Israel ipasapona i tana matuu saesaeo. Kamata \ft*\xt Limb. 16:2-15.\xt*\f* mamudhaakana manga incia amembali akande,
\q2 tee mboo sumai Incia adhawuaka to manga incia o gandum minaaka i sorogaa.
\q1
\v 25 Maanusia akande rotina malaaʼekati;
\q2 Aulataʼala adhawuaka manga incia kinande motaralabhi-labhi.
\q1
\v 26 Incia atowii ngaluna timbu i laiana,
\q2 tee atowii ngaluna salata tee kuasana;
\q1
\v 27 Incia apasapo waona dagi mboomo ngawu o kabharina,
\q2 tee manu-manu mboomo kabharina bhone i tawo.
\q1
\v 28 Incia apakotibu manga manu-manu sumai i tanga-tangana pokemaana,
\q2 i saripina mbooresana manga incia.
\q1
\v 29 Kasiimpo manga incia akande sakawana amambosu mpuu,
\q2 roonamo Aulataʼala padhamo adhawuakea opea ipeeluna manga incia apokana tee nawusuuna.
\q1
\v 30 Maka indapo uka manga incia atumpu incana,
\q2 siitumo tangasaana o kinande dhaangiapo i nuncana ngangana manga incia,
\q1
\v 31 pamuruna Aulataʼala aumba tee abhali manga incia
\q2 tee ahobuti inyawana manga jampina manga incia,
\q2 tee apekamate manga ana mangurana Israel.
\b
\q1
\v 32 Moomini mboo sumai, manga incia sadhaadhaa akodosa,
\q2 manga incia inda aparacaea tee manga giu inda momentela mopadhana ipewauna.
\q1
\v 33 Rampaakanamo sumai, Kawasana Opu apekamate manga incia mboomo sampearo tahela poinunca,
\q2 tee o dhadhina manga incia apepadhaia i nuncana balaa motomaeka mokawana inda inamu-namu.
\q1
\v 34 Siitumo ande Incia apekamate sagaa minaaka i manga incia, siimpomo manga incia apeeloa;
\q2 manga incia atobamo tee abhalili apeelo Aulataʼala tee mpuu-mpuuna incana.
\q1
\v 35 Manga incia audhania ande o Aulataʼala gunu bhatuna manga incia,
\q2 tee o Aulataʼala Momalanga motolosina manga incia.
\q1
\v 36 Maka manga incia atipu Aulataʼala tee ngangana,
\q2 tee agau-gaua tee dhelana manga incia.
\q1
\v 37 Ngangarandana manga incia inda atotapu i Aulataʼala;
\q2 manga incia inda akeniaka janjina.
\b
\q1
\v 38 Maka roonamo Incia amaasiaka uumatina,
\q2 sumaimo Aulataʼala aʼamponi kasalahana manga incia tee inda apabinasea.
\q2 Sampe Incia uka amenturu ataangi amarana,
\q2 tee inda apalimba pamuruna.
\q1
\v 39 Incia amataua ande o maanusia inda abakaa,
\q2 manga incia mboomo ngalu molalo tee inda ambuli pendua.
\b
\q1
\v 40 Manga incia amenturu mpuu adorohaka tee Aulataʼala,
\q2 tee apekaporo incana i tana matuu.
\q1
\v 41 Dhaangia pia mpearo manga incia acobai Aulataʼala,
\q2 tee apekaporo incana Momangkilona, Aulataʼala isombana miana Israel.
\q1
\v 42 Manga incia inda audhania o kuasana,
\q2 tee inda audhania i wakutuuna Incia atolosi manga incia minaaka i bhalina;
\q1
\v 43 i wakutuuna Incia apewau manga tanda inda momentela i Tana Mesir,
\q2 tee manga muuzizati i atina Zoan.
\q1
\v 44 \x - \xo 78:44 \xo*\xt Limb. 7:17-21.\xt*\x*Aulataʼala abhalii manga umala apamembalia raa,
\q2 mboo sumai uka tee manga siwuluna uwe,
\q2 sabutuna manga miana Mesir inda amembali asumpua.
\q1
\v 45 \x - \xo 78:45 \xo*\xt Limb. 8:1-6; 8:20-24.\xt*\x*Incia aumbaaka gulumana lale mosampa to mopepadhaina manga incia,
\q2 tee aumbaaka barakaka to mopahancuruna manga incia.
\q1
\v 46 \x - \xo 78:46 \xo*\xt Limb. 10:12-15.\xt*\x*Incia adhawuaka hasilina timpuana manga incia mamudhaakana akandea o ulo-ulo,
\q2 tee o hasilina kanguleana bukuna manga incia to akandea kabhoro.
\q1
\v 47 \x - \xo 78:47-48 \xo*\xt Limb. 9:22-25.\xt*\x*Incia apahancuru puuna angguruna manga incia tee wao bhatu,
\q2 tee manga puuna arana manga incia tee alona esi.
\q1
\v 48 Incia ataroaka o gulumana binatana manga incia akangkanaia waona bhatu,
\q2 tee o gulumana kadhambaakana manga incia akangkanaia bherese.
\q1
\v 49 Aulataʼala arambasaka pamuruna mokarore-rore to manga incia;
\q2 amarana, lumbuna incana, tee kapiina incana,
\q2 mboomo sarombonga malaaʼekati moumbana to mopacilakana manga incia.
\q1
\v 50 Aulataʼala ataroakea o pamuruna akarore-rore,
\q2 tee inda ajoli-joli manga incia mamudhaakana atopabinasa,
\q2 maka o inyawana manga incia apasaraakea i panyaki imateaka.
\q1
\v 51 \x - \xo 78:51 \xo*\xt Limb. 12:29.\xt*\x*Incia apekamate bhari-bharia ana umane tumpe i Mesir,
\q2 siitumo bhaa-bhaana o kakaana manga incia i pokemaa i Tana Ham.
\q1
\v 52 \x - \xo 78:52 \xo*\xt Limb. 13:17-22.\xt*\x*Maka o uumatina karona abhawea alimba mboomo dumba.
\q2 Incia atonda uumatina i tana matuu mboomo gulumana kadhambaaka.
\q1
\v 53 \x - \xo 78:53 \xo*\xt Limb. 14:26-28.\xt*\x*Incia akapalai uumatina sakawana asalaamati, sabutuna o uumatina inda amaeka;
\q2 sainamo musuna atanggalamu i nuncana tawo.
\q1
\v 54 \x - \xo 78:54 \xo*\xt Limb. 15:17.\xt*\x*Incia abhawa uumatina sakawana i tanana momangkilo,
\q2 i gunu incia siimo, mopadhana ipokawaakana tee lima kaanana.
\q1
\v 55 Incia uka apadhencu manga lipu mosagaanana minaaka i aroana uumatina,
\q2 kasiimpo apapodhawu-dhawuakea tee kaʼukuru o lipu tinaurakana sumai to manga incia,
\q2 tee ataroaka manga lipuna Israel ambooresi kemana manga musuna.
\b
\q1
\v 56 Maka manga incia acobai Aulataʼala Momalanga,
\q2 tee adorohaka i Incia.
\q2 Manga incia inda aosea o parintana,
\q1
\v 57 tee manga incia inda ataʼati tee ahianati pojanjiana tee Aulataʼala mboomo opu-opuana;
\q2 manga incia inda amembali atotangkaaka mboomo pana mobengko.
\q1
\v 58 Manga incia apamembali Aulataʼala aʼamara tee tampana momalanga to apasombaaka kurubani;
\q2 manga incia apamembali Aulataʼala akaura-ura tee manga patuna dewana.
\q1
\v 59 Wakutuuna o Aulataʼala arango giu incia sumai, Incia apamuru,
\q2 tee amendeu atarima miana Israel sampeampearo!
\q1
\v 60 Incia amendeumo amboore i tampana mbooresana i Silo,\f + \fr 78:60 \fr*\fq Silo: \fq*\ft Tampana to Kema Momangkilo wakutuu bhaa-bhaana miana Israel apesua i Tana Kanaan, wakutuuna Baitulla indapo atopakakaro i Yerusalem.\ft*\f*
\q2 siitumo o Kema Momangkilo, tampana mbooresana i tanga-tangana maanusia.
\q1
\v 61 Incia ataroakea o sorongana pojanjiana atotaangi,
\q2 tee o tanda kamuliangina amandawu i limana bhali.\f + \fr 78:61\fr*\fq tanda kamuliangina: \fq*\ft Giu incia sii apogauaka tee asusuaka wakutuuna sorongana pojanjiana Kawasana Opu arampasia miana Filistin.\ft*\f*
\q1
\v 62 Incia ataroaka musu apekamate uumatina tee hancu,
\q2 tee apawoa amarana i uumatina karona.
\q1
\v 63 Manga ana umane momangurana manga incia akandea waa
\q2 sabutuna inda atorango o laguna kawia to manga kabuabua.
\q1
\v 64 Manga imamuna manga incia amateaka ewanga,
\q2 tee manga iaiarona imamu sumai inda atangisi umanena.
\b
\q1
\v 65 Kasiimpo abhangumo o KAWASANA OPU mboomo mia siimpo mobhanguna mokole,
\q2 mboomo jampi asambo-sambo sapadhana asumpu angguru.
\q1
\v 66 Incia apewau manga bhalina apalaiaka karona;
\q2 Incia apewau manga incia amaea saʼumurua.
\b
\q1
\v 67 Incia amendeu siwuluna Yusuf
\q2 tee inda apili sukuna Efraim;
\q1
\v 68 maka Incia apili sukuna Yuda,
\q2 siitumo Gunu Sion imaasiakana.
\q1
\v 69 Incia apabhangu tampana momangkilo mboomo kalangana laiana,
\q2 tee mboomo alamu, momatangka to saʼumurua.
\q1
\v 70 Aulataʼala apili Daud, o bhatuana,
\q2 tee aalea wakutuuna incia tangasaana ajagani gulumana dumba.
\q1
\v 71 Aulataʼala aala Daud minaaka i karajaana awulu manga dumba mopadudu sumai
\q2 tee apamembalia mogembalaakana siwuluna Yakub,
\q2 siitumo o miana Israel, uumatina tee tinaurakana.
\q1
\v 72 Tee karelana totona incana o Daud agembalaaka uumatina,
\q2 tee kakidhana incia amataua tuaapa o carana akapalai manga incia.
\c 79
\s Doʼana Uumati Motopisaki
\sr 79:1-13
\p
\v 1 \x - \xo 79:1 \xo*\xt 2Ra. 25:8-10; 2Taw. 36:17-19; Yer. 52:12-14.\xt*\x*Zaburuna Asaf.
\b
\q1 E Aulataʼala, manga lipu inda momatauko apesuamo i nuncana tana tinaurakamu!
\q2 Manga incia apanaajisi Bhanuamu Momangkilo;
\q2 manga incia padhamo apahancuru saangua kota Yerusalem.
\q1
\v 2 Manga incia padhamo adhawuaka maeatina manga bhatuamu
\q2 to kinandena manga manu-manu i laiana,
\q2 tee o dagina maeatina manga mia mosaalihi to binata maila.
\q1
\v 3 Manga incia padhamo alali raana manga mia sumai mboomo uwe
\q2 i saangua kota Yerusalem, tee inda dhaangia mokoburua.
\q1
\v 4 Ingkami tamembalimo kahinana manga sarimbanuamami,
\q2 tee tamembali kaele-ele tee giu ipogauakana manga mia isaripimami.
\b
\q1
\v 5 E KAWASANA OPU, sakawana naepia? Buaka Ingkoo bheupamuru to saʼumurua
\q2 tee amaramu bhearore mboomo waa roonamo ukaura-ura?
\q1
\v 6 Pasapomea o pamurumu
\q2 i bhawona manga lipu inda momatauko,
\q1 tee i bhawona manga pamarinta
\q2 inda mosombako!
\q1
\v 7 Sababuna manga incia padhamo apepadhaia uumatimu, siitumo siwuluna Yakub,
\q2 tee apahancuru mbooresana.
\b
\q1
\v 8 Bholi upatanggoaka to ingkami o kasalahana manga opu-opuamami,
\q2 taroakamo o rahumatimu amadhei akawa i ingkami
\q2 roonamo amatemo akalamami.
\q1
\v 9 Manga tulungimo, e Aulataʼala mopasalaamatina ingkami,
\q2 to kaogesana saromu.
\q1 Rampaakanamo saromu,
\q2 manga rambasaka tee manga amponi minaaka i dosa-dosamami.
\q1
\v 10 Bholi utaroakea manga lipu mosagaanana aabha,
\q2 "Iapai o Aulataʼalana manga incia?"
\q1 Taroakamo ingkami takamatako wakutuuna ubalasi raana manga bhatuamu motopekamatena,
\q2 mamudhaakana manga lipu amataua.
\b
\q1
\v 11 Taroakamo o pekidheina manga mia mototaangi
\q2 akawa i aroamu;
\q1 rampaakanamo kaogena kuasamu,
\q2 taroakamo adhadhiaka manga mia mopadhana itantuaka to atopekamate.
\q1
\v 12 Balasia manga lipu i saripimami sumai
\q2 pitu kali lipa o kahina mboomo mopadhana ipewauna manga incia to Ingkoo, e Kawasana Opu!
\q1
\v 13 Sumaimo ingkami o uumatimu, dumba igembalamu sii,
\q2 bhetasukuru i Ingkoo saʼumurua,
\q2 tee minaaka i siwulumami sakawana siwulu bhemoumbana bheapetulatulaaka kaogesana saromu.
\c 80
\s Doʼa to Kasalaamatina Miana Israel
\sr 80:1-20
\d To kapalana molaguna. Aose lagu: Kamba-kamba Bakung. Laguna kasakusii. Zaburuna Asaf.
\b
\q1
\v 1 Maasangia urangoa, e Gembalana miana Israel,
\q2 e Ingkoo mokapalaina siwuluna Yusuf mboomo gulumana dumba!
\q1 Ingkoo mokokauncuramakana i bhawona manga malaaʼekatina kerub,\f + \fr 80:2 \fr*\fq manga malaaʼekatina kerub: \fq*\ft Malaaʼekati igambaraaka mboomo mahaluku mokopani, agambaraaka kalangana Aulataʼala tee umbaana. Apogauakea ande kauncuramakana KAWASANA OPU dhaangia i bhawona manga malaaʼekati kerub. Dhaangia patuna rua malaaʼekati kerub i bhawona sorongana pojanjia tee i piamo itu Musa atarima firimanina Aulataʼala minaaka iwe sumai. Kamata \ft*\xt Limb. 25:18-22.\xt*\f* utiumbamo tee caheamu
\q2
\v 2 i aroana Efraim, Binyamin, tee Manasye!
\q1 Susuakamea o kuasamu
\q2 tee uumbamo to upasalaamati ingkami!
\b
\q1
\v 3 E Aulataʼala, pambulimea pendua o kadhaangiamami;
\q2 taroakamo o roumu akocahea sabutuna ingkami bhetasalaamati.
\b
\q1
\v 4 E KAWASANA OPU, Aulataʼalana saangua alamu,
\q2 sakawana naepia upamuru, moomini o uumatimu adoʼa?
\q1
\v 5 Ingkoo udhawua kaporona inca to kinandena manga incia,
\q2 tee lolu mobhari to uwe isumpuna.
\q1
\v 6 Ingkoo umanga pamembali giu
\q2 ipotagaliakana manga lipu isaripimami,
\q2 tee o musumami uka manga ele-ele.
\b
\q1
\v 7 E Aulataʼalana saangua alamu, pambulimea pendua o kadhaangiamami,
\q2 maasangia o roumu akocahea mamudhaakana ingkami tasalaamati.
\b
\q1
\v 8 Uumatimu mboomo puuna angguru Ingkoo ubhawea upalimbaia minaaka i Mesir;
\q2 upadhencu manga lipu mosagaanana, kasiimpo o puuna angguru sumai upombulaia.
\q1
\v 9 Ingkoo upekangkiloakea tana to incia,
\q2 kulesena atuwu tee apabuke saangua lipu.
\q1
\v 10 Manga gunu asalibumbuakea tee ngkamia-miana,
\q2 tee manga rahana atutubhi manga puuna aras momaoge.
\q1
\v 11 Manga rangkana adhola sakawana i tawo,
\q2 tee manga lolona akawa i Umala Efrat.
\q1
\v 12 Pokia Ingkoo ubhongka manga tondona
\q2 sabutuna bhari-bharia mia molalo amembali atobhe bhakena?
\q1
\v 13 Bhawu abhembarua,
\q2 tee bhari-bharia binata maila akandea.
\b
\q1
\v 14 E Aulataʼalana saangua alamu, maimo umbuli i uumatimu,
\q2 tontomea minaaka i sorogaa tee ukamatamea!
\q1 Maheruakamea o puuna angguru sii,
\q2
\v 15 puuna angguru ipombulamu tee kuasamu,
\q2 tee o tunana ipekatangkamu to karomu.
\q1
\v 16 Musu padhamo apale tee atunu puuna angguru sii.
\q2 Maasangia manga incia abinasa rampaakanamo kagorampangimu.
\q1
\v 17 Maka taroakamo limamu adhaangia to mia i weta i kaanamu,
\q2 siitumo to anana maanusia\f + \fr 80:18 \fr*\fq anana maanusia: \fq*\ft Aipomo mia incia sumai rajana miana Israel atawa amembali uka o Isa, momananeana asarongi karona Anana Maanusia.\ft*\f* ipekakaamu to karomu.
\q1
\v 18 Tee mboo sumai, ingkami inda bhetasowo minaaka i Ingkoo;
\q2 jagania o dhadhimami, sumaimo ingkami bhetasombako.
\b
\q1
\v 19 E KAWASANA OPU, Aulataʼalana saangua alamu, pambulimea pendua o kadhaangiamami,
\q2 taroakamo o roumu akocahea mamudhaakana ingkami tasalaamati.
\c 81
\s Lagu i Wakutuuna Pebhaanguiana Pojanjia
\sr 81:1-17
\d To kapalana molaguna. Mboomo lagu Gitit.\f + \fr 81:1 \fr*\fq Gitit: \fq*\ft Zaburu incia sii aose suarana lagu tee gambusu minaaka i Gat, siitumo sala saangu kota miana Filistin. Gat sumai mopadhana imbooresina Nabii Daud wakutuuna apalaiaka karona minaaka i Raja Saul.\ft*\f* Zaburuna Asaf.
\b
\q1
\v 1 Sambo-sambomo to Kawasana Opu, o kakaata.
\q2 Sambomo tee ukaunde-undemo to Aulataʼala isombana Yakub.
\q1
\v 2 Lagumo tee upakoonimea o ganda-ganda,
\q2 pakoonimea o kecapi momandii upapooseakea tee suarana gambusu.
\b
\q1
\v 3 Towiimea o torompe i bula mobhaau,
\q2 i wakutuuna kainawana bula, i eona raraeata.
\q1
\v 4 Siitumo saangu katotapu to miana Israel,
\q2 saangu hukumu minaaka i Aulataʼala isombana Yakub.
\q1
\v 5 Incia apatotapua amembali saangu kaudhania to siwuluna Yusuf,
\q2 wakutuuna Incia aewangi Tana Mesir.
\b
\q2 Iaku kurango suara inda imatauku,\f + \fr 81:6 \fr*\fq suara inda imatauku: \fq*\ft Siitumo suarana Kawasana Opu mopogauna tee siwuluna Yusuf.\ft*\f*
\q1
\v 6 "Iaku padhamo kuangka bhawaamu minaaka i awaamu,
\q2 tee o limamu kupalapea minaaka i langka kasodhaamu.
\q1
\v 7 I nuncana kaseke ingkoo ugora, kasiimpo kurambasakako.
\q2 Kulawani ingkoo minaaka i tampa rahasiana guntu,
\q2 tee Iaku padhamo kuuji ingkoo i matana uwe Meriba.\f + \fr 81:8 \fr*\fq Meriba: \fq*\ft I tampana incia sumai manga miana Israel inda tee uwena tee apeenci i Aulataʼala (kamatea \ft*\xt Limb. 17:7). \xt*\f* \qs Sela\qs*
\q1
\v 8 E uumatiku, rangoa opea iudhaniakaku!
\q2 E Israel, ande mpuu ingkoo unda uperangoiaku!
\q1
\v 9 \x - \xo 81:10 \xo*\xt Limb. 20:2-3.\xt*\x*Bholi dhaangia i tanga-tangamiu aulataʼala mosagaanana,
\q2 tee bholimo usomba dewana lipu mosagaanana.
\q1
\v 10 Iakumo KAWASANA OPU, Aulataʼalamu,
\q2 mobhawako ulimba minaaka i tana Mesir.
\q2 Bungkalea ngangamu pekaewa-ewa, tee bhekuantokia kupabukea."
\b
\q1
\v 11 "Maka, o uumatiku amendeu aperangoiaku,
\q2 Israel amendeu atungku i aroaku.
\q1
\v 12 Sababuna sumai, Iaku kutaroaka manga incia amentagali torosu,
\q2 sabutuna manga incia adhadhi aose haejatina karona.
\q1
\v 13 Ande mpuu o uumatiku aunda aperangoiaku,
\q2 ande mpuu Israel aunda adhadhi mboomo kapeeluku,
\q1
\v 14 sumaimo bhekuagoria to kupekatalo musuna manga incia,
\q2 tee kuewangi bhari-bharia bhalina manga incia.
\q1
\v 15 Manga mia mobancina KAWASANA OPU naile itu bheatungku tee arengku i aroana,
\q2 tee kahukumuna to manga incia bheanamisia saʼumurua.
\q1
\v 16 Maka, bhekudhawuakako kinande minaaka i gandum momalapena mpuu,
\q2 tee uka iaku bhekupekambosuakako golana uwani minaaka gunu bhatu."
\c 82
\s Aulataʼala i nuncana Sidangina Sorogaa
\sr 82:1-8
\p
\v 1 Zaburuna Asaf.
\b
\q1 Aulataʼala akapalai sidangi i sorogaa.
\q2 Incia amembali haakimu mobhotukiakana parakara i tanga-tangana manga "aulataʼala,"\f + \fr 82:1 \fr*\fq aulataʼala: \fq*\ft Pogau Ibranina \ft*\it "elohim"\it* kananeana akomaʼana dewa atawa Kawasana Opu, maka i nuncana aeati incia sii tee \xt 82:6\xt* amembali akomaʼana manga malaaʼekati modorohaka i Aulataʼala, siitumo manga seetani. Bhanguna mboo manga "aulataʼala" sumai atohakimi i sidangina sorogaa incia sii.\f*
\q1
\v 2 "Sakawana naepia ingkomiu bheuala kambotu tee cara inda moʼadili
\q2 tee uewaaka manga mia madhaki? \qs Sela\qs*\f + \fr 82:2 \fr*\fq Sela: \fq*\ft Aipomo tandana to aunto wakutuuna lagu sumai atolaguaka, atawa o tanda to ahanda apekaogea o suarana, atawa onina gambusuna. Amembali uka to tanda to morangoa.\ft*\f*
\q1
\v 3 Ewaakamea o hakuna mia momisikini tee ana maelu,
\q2 dhawuakea kaʼadili to mia motopisaki tee mia inda mokokadhaangia.
\q1
\v 4 Pasalaamatia o mia momisikini tee mia monarakaa,
\q2 rambasakea manga incia minaaka i limana mia madhaki."
\b
\q1
\v 5 Ingkomiu inda umataua, ingkomiu uka inda umaʼanaia,
\q2 ingkomiu udhala i nuncana kalalanda;
\q1 bhari-bharia ariina alamu sii atolendu
\q2 tee tuturana raʼeati amarungga.
\b
\q1
\v 6 \x - \xo 82:6 \xo*\xt Yah. 10:34.\xt*\x*Iaku padhamo kufirimani, "Ingkomiu sii 'manga aulataʼala'
\q2 tee bhari-bharikomiu sii o anana Momalangana;
\q1
\v 7 moomini mboo sumai, ingkomiu bheumate mboomo maanusia,
\q2 tee mboomo manga kaogesa, ingkomiu uka bheumate."
\b
\q1
\v 8 E Aulataʼala, kakaromo, adilia o dunia sii;
\q2 roonamo bhari-bharia lipu satotuuna o pewauamu.
\c 83
\s Doʼa Aemani i Aulataʼala to Ahukumuaka Musuna Israel
\sr 83:1-19
\d Zaburuna Asaf to saangu lagu.
\b
\q1
\v 1 E Aulataʼala, bholi inda tee uuʼuumu,
\q2 bholi ukatongo-tongo tee usaku limamu, e Aulataʼala!
\q1
\v 2 Kamatamea, manga musumu apewau karobho,
\q2 manga mia mobanciko apekalangamo bhaana.
\q1
\v 3 Manga incia apadhaangia pomufaakati madhaki to aewangi uumatimu,
\q2 tee aposaangu to aewangi manga mia ijaganimu.
\q1
\v 4 Pogauna manga incia, "Mai tapabinasea o lipuna Israel,
\q2 mamudhaakana o sarona Israel inda atoudhani!"
\q1
\v 5 Manga incia aposaangu i nuncana saangu haejati,
\q2 tee apojanji to aewangiko.
\q1
\v 6 Manga incia satotuuna o mia momboorena i pokemaana Edom tee miana Ismail,
\q2 miana Moab tee miana Hagar,
\q1
\v 7 Gebal, Amon, Amalek,
\q2 Tana Filistin tee raʼeatina Tirus.
\q1
\v 8 Tee o Asyur uka aposaangu tee manga incia,
\q2 amembali motulungina siwuluna Lut.\f + \fr 83:9 \fr*\fq siwuluna Lut: \fq*\ft Lut o pinoanana Ibrahim, tee siwuluna minaaka i rua miaia anana Lut amembali lipu Moab tee Amon (kamata \ft*\xt Bhaa. 19:36-38.\xt*) Bhari-bharia lipu idaftaraakana i aeati 7-9 aposarimbanua tee lipu Israel tee amembali apomusu.\f* \qs Sela\qs*
\b
\q1
\v 9 Pewaumea manga incia mboomo ipewaumu i miana Midian,
\q2 tee mboomo ipewaumu i Sisera tee Yabin i bhiwina Umala Kison,
\q1
\v 10 mopadhana ipabinasamu minaaka i nuncana dunia,
\q2 tee o maeatina amembali karombu to pasuburuana tana.
\q1
\v 11 Pamembalia o kaogesana manga incia mboomo Oreb tee Zeb,
\q2 patungkua o rajana manga incia mboomo Zebah tee Salmuna
\q1
\v 12 mopogauna, "Mai takuasaia o lipu mbooresana Aulataʼala!"
\b
\q1
\v 13 E Aulataʼala, pamembalia manga incia mboomo ngawu mopolaka,
\q2 mboomo laena bhae ibhaleakana ngalu.
\q1
\v 14 Mboomo waa motununa koo,
\q2 tee mboomo rorena waa mopekangauna manga gunu,
\q1
\v 15 pajerea manga incia tee garuramu,
\q2 tee upekaekaia tee tambusisimu.
\q1
\v 16 Taroakamea o rouna manga incia abukeaka aebu
\q2 tee taroakamo saromu, e KAWASANA OPU, abalasiaka karona.
\q1
\v 17 Taroakamo manga incia amaea tee amaidhiidhi incana saʼumurua;
\q2 taroakamo manga incia anamisi kaea tee amate.
\q1
\v 18 Taroakamo manga incia amataua ande tangkanamo Ingkoo mokosarona KAWASANA OPU,
\q2 Momalangana i saangua dunia.
\c 84
\s Apemeliliaka Bhanuana Aulataʼala
\sr 84:1-13
\d To kapalana molaguna. Mboomo lagu Gitit.\f + \fr 84:1 \fr*\fq Gitit: \fq*\ft Akomaʼana minaaka i Gat, siitumo sala saangu kota miana Filistin. Gat sumai mopadhana imbooresina Nabii Daud wakutuuna apalaiaka karona minaaka i Raja Saul.\ft*\f* Zaburuna miana Korah.
\b
\q1
\v 1 Tapanamo kasanaana o tampana mbooresamu,
\q2 e KAWASANA OPUNA saangua alamu!
\q1
\v 2 Incaku apemeliliaka bhanuana KAWASANA OPU,
\q2 sampemo kumalute roonamo pemeliliku sumai.
\q2 Saangua badaku tee jiwaku akaunde-unde
\q2 to Aulataʼala modhadhi.
\b
\q1
\v 3 Manu-manu ntomintomi apotibhaaka bhanua to karona,
\q2 tee o manu-manu walawalangke apotibhaaka saangu poteo,
\q1 to tampana adhika manga anana
\q2 i saripina manga tampana tunuana kurubanimu, e KAWASANA OPUNA saangua alamu, e Rajaku tee Aulataʼalaku.
\q1
\v 4 Amasanaamo o mia momboorena i Bhanuamu,
\q2 Manga incia atorotorosu apujiko. \qs Sela\qs*
\b
\q1
\v 5 Amasanaamo mia mopotibhaakana kakaa minaaka i Ingkoo,
\q2 tee o ngangarandana apemeliliaka to aziara i Gunu Sion.
\q1
\v 6 Wakutuuna manga incia alalo i Mbolonga Baka,\f + \fr 84:7 \fr*\fq Mbolonga Baka: \fq*\ft I nuncana pogau Ibrani \ft*\it baka\it* amembali akomaʼana "tangi" tee puuna murbei, jadi aipomo maʼanana Mbolonga Tangi atawa Mbolonga Puuna Murbei.\f*
\q2 tampa incia sumai abhaliia amembali matana uwe.
\q1 Bulaana wao bhaa-bhaana uka
\q2 abhari aumbaaka barakati to mbolonga sumai.
\q1
\v 7 Samangengena alingka sahandana uka o kakaana,
\q2 sakawana apoaro tee Aulataʼala mobhawoakana bhari-bharia dewa i Sion.
\b
\q1
\v 8 E KAWASANA OPU, Aulataʼalana saangua alamu, perangoia o doʼaku.
\q2 Tilikimea, e Aulataʼala isombana Yakub! \qs Sela\qs*
\q1
\v 9 Tontomea o raja mopadhana ipilimu, e Aulataʼala,
\q2 kamatamea o rouna mia mopadhana ilantimu to katangkesina uumatimu.
\b
\q1
\v 10 Roonamo amalape saeo i aroana Bhanuamu
\q2 minaaka i sarewu eo i tampa mosagaanana.
\q1 Iaku labhina kumaasiaka kumembali mojaganina Bhanuana Aulataʼalaku
\q2 minaaka i kumboore i kemana mia madhaki.
\q1
\v 11 Roonamo KAWASANA OPU, Aulataʼala satotuuna o matanaeo tee o katangkesita;
\q2 Incia manga dhawuaka rahumati tee kamuliangi.
\q1 KAWASANA OPU sadia apewau kalape tee manga mia
\q2 moosena dhala mobanara.
\b
\q1
\v 12 E KAWASANA OPUNA saangua alamu,
\q2 akaunde-undemo bhari-bharia mia moparacaeako!
\c 85
\s Doʼana Miana Israel i Aulataʼala Mamudhaakana Atopasalaamati
\sr 85:1-14
\d To kapalana molaguna. Zaburuna miana Korah.
\b
\q1
\v 1 E KAWASANA OPU, Ingkoo padhamo upewau malape to lipumu minaaka i piamo itu,
\q2 Ingkoo padhamo upekalapea pendua o kadhaangiana miana Israel.
\q1
\v 2 Ingkoo padhamo uʼamponia o dosana uumatimu,
\q2 tee ututubhia bhari-bharia dosana manga incia. \qs Sela\qs*
\q1
\v 3 Bhari-bharia iʼamaraakamu padhamo upauntoa,
\q2 tee upanaindamea o pamurumu mokarore-rorena sumai.
\b
\q1
\v 4 Sii-sii pambulimea pendua o kadhaangiamami mboomo i piamo itu, e Aulataʼala, manga mopasalaamatina,
\q2 tee upekaridhomea o pamurumu to ingkami.
\q1
\v 5 Buaka saʼumurua Ingkoo bheupamuru tee ingkami?
\q2 Buaka saʼumurua bheutorotorosu uʼamara tee ingkami tee siwulumami?
\q1
\v 6 Buaka Ingkoo umendeu manga padhadhi pendua
\q2 mamudhaakana o uumatimu akaunde-unde rampaakanamo Ingkoo?
\q1
\v 7 E KAWASANA OPU, susuakamea o kaasimu molagina to ingkami,
\q2 tee mangadhawuakamo kasalaamatimu.
\b
\q1
\v 8 Iaku gauku kuperangoi opea bheifirimaniakana KAWASANA OPU, siitumo o Aulataʼala,
\q2 roonamo Incia bheafirimaniaka kasanaa
\q2 to uumatina tee manga mia mosaalihi.
\q2 Maka manga incia bholi apendua akabhongo-bhongo.
\q1
\v 9 Satotuuna o kasalaamati minaaka i Kawasana Opu amakasu tee manga mia momaekana tee Incia
\q2 mamudhaakana o kamuliangina amembali amboore i liputa.
\b
\q1
\v 10 Kaasi molagina tee pojanjia inda momabhotu bheapokawa,
\q2 kabanara tee kasanaa bheaposakulaka.
\q1
\v 11 Kataʼatina maanusia i Kawasana Opu bheatuwu minaaka i tana,
\q2 tee o kabanara bheapotonto minaaka i sorogaa.
\q1
\v 12 KAWASANA OPU uka bhearahumatiaka kalapena,
\q2 tee o liputa bheakohasiliaka timpua motaralabhi-labhi.
\q1
\v 13 Kabanara bheaporikanaaka dhalana Aulataʼala,
\q2 tee apasiapuakea dhala to Incia.
\c 86
\s Doʼa Emaniana Tulungi minaaka i Manga Musu
\sr 86:1-17
\p
\v 1 Doʼana Daud.
\b
\q1 E KAWASANA OPU, perangoiaku tee ulawaniakumo,
\q2 roonamo kunarakaa tee kumisikini.
\q1
\v 2 Jagania o inyawaku roonamo iaku kutaʼatiko,
\q2 pasalaamatia o bhatuamu moparacaeana tee Ingkoo.
\q1
\v 3 Maasiakaaku, e Kawasana Opuku,
\q2 roonamo saeoa kudoʼa i Ingkoo.
\q1
\v 4 Paunde-undemea o ngangarandana bhatuamu sii,
\q2 roonamo i Ingkoomo tampaku kusomba, e Kawasana Opu.
\b
\q1
\v 5 E Aualataʼala, Ingkoo umalape tee upekaʼamponi,
\q2 kaasimu molagina ataralabhi-labhi to bhari-bharia mia modoʼana i Ingkoo.
\q1
\v 6 E KAWASANA OPU, perangoimea o doʼaku,
\q2 tee faduliakaaku wakutuuna kuemani tulungi.
\q1
\v 7 Wakutuuna kumaseke iaku kugora i Ingkoo
\q2 roonamo Ingkoo bheutarima doʼaku.
\b
\q1
\v 8 Inda dhaangia mopokanana tee Ingkoo i tanga-tangana manga dewa, e Kawasana Opu,
\q2 tee inda dhaangia mopokanana tee opea ipewaumu.
\q1
\v 9 \x - \xo 86:9 \xo*\xt Wah. 15:4.\xt*\x*Bhari-bharia lipu ipadhaangiamu
\q2 bheaumba tee asuju i aroamu, e Kawasana Opu,
\q2 tee bheamuliangia o saromu.
\q1
\v 10 Sababuna Ingkoo umakaa tee upewau manga giu inda momentela.
\q2 Tangkanamo Ingkoo o Aulataʼala.
\q1
\v 11 E KAWASANA OPU, adhariakaaku dhalamu,
\q2 mamudhaakana kudhadhi kuosea kabanaramu;
\q1 pekatangkea incaku mamudhaakana kuhoromati saromu.
\q1
\v 12 E Aulataʼala, KAWASANA OPU, iaku bhekupujiko tee mpuu-mpuuna incaku,
\q2 tee bhekumuliangi saromu saʼumurua.
\q1
\v 13 Roonamo kaasimu molagina amaoge mpuu to iaku,
\q2 Ingkoo padhamo upasalaamatiaku minaaka i mate.
\b
\q1
\v 14 E Aulataʼala, manga mia mosombo ahumbuniaku;
\q2 rombongana manga mia masega gauna apekamateaku,
\q2 tee manga incia inda afaduliakako.
\q1
\v 15 Maka Ingkoo e Kawasana Opu, satotuuna o Aulataʼala mobukeakana kaasi,
\q2 usabara tee ataralabhi-labhi o kaasimu molagina tee pojanjiamu tee iaku inda amabhotu.
\q1
\v 16 Tontoaku tee umaasiakaakumo;
\q2 dhawuakea bhatuamu sii kakaamu tee upasalaamatiaku,
\q2 roonamo mboomo inaku, iaku uka kulaianiko.
\q1
\v 17 Dhawuakaaku saangu tanda ande Ingkoo umalape
\q2 mamudhaakana manga mia mobanciaku amaea wakutuuna akamatea
\q2 ande Ingkoo, KAWASANA OPU, motulungiaku tee mopekatangkana incaku.
\c 87
\s Sion, siitumo Yerusalem, Kotana Aulataʼala
\sr 87:1-7
\p
\v 1 Zaburuna miana Korah, saangu lagu.
\b
\q1 KAWASANA OPU apakaro kotana i bhawona tubuna gunu momangkilo.
\q2
\v 2 KAWASANA OPU amaasiaka bhambana lawana Sion
\q2 alabhi minaaka i bhari-bharia tampa mosagaanana modhaangiana i Israel, lipuna Yakub.
\q1
\v 3 Manga mia apogauakako tee giu momulia,
\q2 e kotana Aulataʼala. \qs Sela\qs*
\b
\q1
\v 4 Pogauna Kawasana Opu, "Iaku bhekusarongi Rahab\f + \fr 87:4 \fr*\fq Rahab: \fq*\ft Saro mosagaanana to asarongiaka Mesir mokomaʼanana "asombo."\ft*\f* tee Babel i tanga-tangana lipu momatauaku.
\q2 Tee uka o Tana Filistin, Tirus tee Etiopia,\f + \fr 87:4 \fr*\ft Manga lipu moparacaeana tee Kawasana Opu bheatolentu mboomo mia molaahirina i Sion (kota Yerusalem), tee mboo sumai manga incia apesua i nuncana uumatina Aulataʼala.\ft*\f* 'Manga incia sii uka atoabhi amembali raʼeatina Sion.' "
\b
\q1
\v 5 Maka to Sion, manga mia bheapogau, "Mia incia sii tee mia incia sumai alaahiri i nuncana,
\q1 tee o Aulataʼala Momalangana sakaro-karona bhemopekatangkea."
\q1
\v 6 KAWASANA OPU bhealentua wakutuuna daftaraana manga lipu,
\q2 "Manga incia sii uka aabhia o raʼeatina Sion." \qs Sela\qs*
\b
\q1
\v 7 Apoose amanari, manga mia bhealagu, "Minaaka i Sion ingkita tatarima manga giu momalape
\q2 mboomo mia momboorena i saripina matana uwe."
\c 88
\s Doʼa i Wakutuuna Tamapii Makaa
\sr 88:1-19
\p Doʼa to kapalana molaguna. Zaburuna miana Korah. Mboomo lagu: Kasukarana Kanarakaa.
\d Lagu kaadharina Heman, miana Ezrahi.
\b
\q1
\v 1 E KAWASANA OPU, e Aulataʼala mopasalaamatiaku,
\q2 iaku kukagora-gora o eo tee malo i aroamu.
\q1
\v 2 Taroakamo o doʼaku akawa i aroamu.
\q2 Maasangia urangoa o goraku.
\b
\q1
\v 3 Roonamo abharimo mpuu kunamisi kanarakaa,
\q2 tee saidhepo kumate.
\q1
\v 4 Iaku kutolentu i tanga-tangana mia mopesuana i liana koburu,
\q2 tee o kakaana bukuku kabilanga atopadhamo.
\q1
\v 5 Iaku mboomo mia motobholi i tanga-tangana mia mate,
\q2 mboomo mia motopekamate ipatidhole i nuncana koburu,
\q1 tee indamo uudhaniaku uka,
\q2 roonamo kutorambasakamo minaaka i limamu.
\q1
\v 6 Ingkoo udhikaaku i nuncana koburu i tambe mpuu,
\q2 i tampa momandala tee momalalanda.
\q1
\v 7 Pamurumu amatamo mpuu kunamisia,
\q2 tee utaburiaku mboomo ewona tawo. \qs Sela\qs*
\b
\q1
\v 8 Ingkoo upekaridhoakaaku manga musirahaku,
\q2 tee upewaua manga incia amarikaaku.
\q2 Iaku kumboore i nuncana kurunga tee inda amembali kulimba;
\q2
\v 9 mataku amarea roonamo kanarakaa.
\q2 E KAWASANA OPU, saesaeo iaku kugora i Ingkoo,
\q2 iaku kutaanaka limaku i Ingkoo.
\q1
\v 10 Buaka Ingkoo bheupewau muuzizati to mia mate? Inda!
\q2 Buaka o rohi bheabhangu to apuji Ingkoo? Inda!\qs Sela\qs*
\q1
\v 11 Buaka o kaasimu molagina atopakoleleaka i nuncana koburu,
\q2 tee o lele pojanjiamu inda amabhotu atopakoleleaka i tampana pabinasaana mia? Inda!
\q1
\v 12 Dhaangia buaka momatauna muuzizatimu i nuncana kalalanda,
\q2 tee momatauna kabanaramu i lipu tampana sagala giu atomalinguaka? Inda!
\b
\q1
\v 13 Maka iaku kupekee kuemani tulungi i Ingkoo, e KAWASANA OPU,
\q2 saeona mpuu akawamo o doʼaku i aroamu.
\q1
\v 14 E KAWASANA OPU, pokia Ingkoo ubhanakaaku?
\q2 Pokia ubuniakea o roumu minaaka i karoku?
\q1
\v 15 Minaaka dhaangia kumaidhiidhi kunarakaa tee saidhepo kumate,
\q2 inda kukapoia kutanggo manga kamingkiri\f + \fr 88:16 \fr*\fq kamingkiri: \fq*\ft Kadhaangiana mia monamisina karona amaeka mpuu tee ameri.\ft*\f* iumbaakamu.
\q1
\v 16 Pamurumu mokarore-rore akangkanaiaku;
\q2 kamingkiri ahumbuniaku sakawana kubinasa.
\q1
\v 17 Bhari-bharia sumai akangkanaiaku mboomo mawa saeoa
\q2 tee alibuaku minaaka i bhari-bharia rope.
\q1
\v 18 Manga sabhangkaku tee musirahaku upekaridhoakaaku minaaka i karoku;
\q2 sii-sii o sabhangkaku soomo kalalanda.
\c 89
\s Pojanjiana Kawasana Opu tee Raja Daud
\sr 89:1-53
\d Lagu kaadharina Etan, miana Ezrahi.\f + \fr 89:1 \fr*\fq Etan, miana Ezrahi: \fq*\ft Sifatu aarifuna Etan tee Heman atomatau mpuu, ruamiaia o miana Ezrahi (kamata \ft*\xt 88:1\xt*). Manga ahalii Kitabi Momangkilo aabhia ande o Etan miana Ezrahi sii satotuuna o saro mosagaanana to asarongiaka Yedutun, sala samia minaaka i talu mia (Asaf, Heman, tee Yedutun) ipatugasina Nabii Daud to akapalai lagu wakutuuna asambahea i Baitulla.\f*
\b
\q1
\v 1 Iaku bhekulaguaka lagu kaasina KAWASANA OPU molagina saʼumurua,
\q2 tee ngangaku bhekupakoleleaka pojanjiamu inda amabhotu saʼumurua zamani.
\q1
\v 2 Iaku kupogau, "Kaasimu molagina amatangka saʼumurua,
\q2 tee pojanjiamu inda momabhotu upatotapua i laiana."
\b
\q1
\v 3 \x - \xo 89:4-5 \xo*\xt 2Sa. 7:12-16; 1Taw. 17:11-14; Zab. 132:11-12; Tul. 2:30. \xt*\x*Kawasana Opu apogau, "Iaku padhamo kubhoke pojanjia tee mia ipiliku,
\q2 Iaku padhamo kupotunda tee Daud, bhatuaku,
\q1
\v 4 'Iaku bhekupatotapuaka manga siwulumu saʼumurua,
\q2 tee kubhangu kauncuramakamu to siwulumu naile itu.' " \qs Sela\qs*
\b
\q1
\v 5 E KAWASANA OPU, taroakamo manga mahalukuna sorogaa apuji manga giu inda momentela ipewaumu,
\q2 tee pojanjiamu inda momabhotu i tanga-tangana rombongana malaaʼekati mangkilo.
\q1
\v 6 Incema buaka i laiana momembalina mopodhimbana tee KAWASANA OPU?
\q2 Incema buaka modhaangiana i tanga-tangana mahalukuna sorogaa momembalina motopapokana tee KAWASANA OPU?
\q1
\v 7 Incia o Aulataʼala motohoromati i nuncana majilisina malaaʼekati momangkilo,
\q2 amaoge tee atomaeka alabhi minaaka i bhari-bharia modhaangiana i saripina.
\q1
\v 8 E KAWASANA OPU, Aulataʼalana saangua alamu,
\q2 incema buaka mopokanana tee ingkoo? Ingkoo umakaa, e KAWASANA OPU,
\q2 tee sadia ubukeaka pojanjia inda momabhotu.
\q1
\v 9 Ingkoo mokuasaina ewona tawo;
\q2 ande o ewo amalanga, Ingkoo mopekalinoa.
\q1
\v 10 Ingkoo mopahancuruna Rahab\f + \fr 89:11 \fr*\fq Rahab: \fq*\ft Mahaluku seetani.\ft*\f* mboomo maeati;
\q2 Ingkoo mopapogaa-gaana manga musumu tee kakaamu.
\q1
\v 11 Laiana o pewauamu tee o alamu o pewauamu uka.
\q2 Ingkoo mopadhaangiana dunia tee bhari-bharia antona.
\q1
\v 12 Napa tee salata, Ingkoo mopadhaangiaia;
\q2 Gunu Tabor tee Hermon uka asambo-sambo roonamo saromu.
\q1
\v 13 Limamu amaoge,
\q2 lima kaanamu atopekalanga tee kakaana momulia.
\b
\q1
\v 14 Kabanara tee kaʼadili amembali o fondasina kauncuramakamu,
\q2 kaasi molagina tee pojanjiamu inda momabhotu atokamata i nuncana bhari-bharia pewaumu.
\q1
\v 15 Amasanaamo o lipu mosambo-sambona mopujiko,
\q2 modhadhina i nuncana caheana roumu, e KAWASANA OPU!
\q1
\v 16 Roonamo saromu manga incia akaunde-unde saeoa,
\q2 tee roonamo kabanaramu manga incia apujiko.
\q1
\v 17 Ingkoo o kamuliana kakaana manga incia,
\q2 tee roonamo kalapemu, ingkami tahandamo tamakaa.
\q1
\v 18 Katangkesimami o pewauana KAWASANA OPU,
\q2 siitumo o rajamami pewauana Aulataʼala Momangkilo isombana miana Israel.
\b
\q1
\v 19 I piamo itu, i nuncana pokamataana mia Ingkoo ufirimani
\q2 i manga mia motaʼatiko, mboosii,
\q1 "Iaku padhamo kutulungi samia o mia mobarani,
\q2 Iaku padhamo kupekalanga samia ipiliku minaaka i lipu sumai.
\q1
\v 20 \x - \xo 89:21 \xo*\xt 1Sa. 13:14; 16:12; Tul. 13:32. \xt*\x*Iaku padhamo kupokawaaka Daud, o bhatuaku,
\q2 tee padhamo kulantia tee mina hususuku momangkilo.
\q1
\v 21 Limaku sadhaadhaa bheajagania,
\q2 sampemo limaku uka bhekupekatangkaakea.
\q1
\v 22 Musu inda bheamembali ahumbunia,
\q2 tee inda bheapisakia mia madhaki.
\q1
\v 23 Iaku bhekupahancuru manga bhalina i aroana,
\q2 tee kupabinasa manga mia mobancia.
\q1
\v 24 Pojanjiaku inda bheamabhotu tee kaasiku molagina bheapobhawa tee incia,
\q2 tee roonamo saroku o bheajulu o kakaana.
\q1
\v 25 Iaku bhekupamembali limana akuasai tawo,
\q2 tee o lima kaanana akuasai manga umala.
\q1
\v 26 Incia bheagora i Iaku, 'Ingkoomo o Amaku,
\q2 Aulataʼalaku, tee gunu bhatu mopasalaamatiaku!'
\q1
\v 27 \x - \xo 89:28 \xo*\xt Wah. 1:5. \xt*\x*Iaku uka bhekuangkea to amembali ana tumpeku,
\q2 tee kupamembalia momalangana mpuu minaaka i bhari-bharia manga raja i dunia.
\q1
\v 28 To saʼumurua bhekudhambaakea o kaasiku molagina to incia,
\q2 tee o pojanjiaku tee incia bheasadhaadhaa amatangka.
\q1
\v 29 Bhekupewaua o siwuluna adhaangia saʼumurua,
\q2 tee o kauncuramakana bhekupotaangiakea kangengena laiana dhaangiapo i bhawona dunia.
\b
\q1
\v 30 Ande manga anana inda ataʼati tee hukumuku,
\q2 tee o dhadhina inda aose tuturaku,
\q1
\v 31 tee ande manga incia inda aose opea mopadhana ipatotapuakaku,
\q2 tee inda aose manga parintaku,
\q1
\v 32 sumaimo bhekuhukumua manga incia tee kasambina lauro,
\q2 tee bhekubhebhea roonamo dosana manga incia.
\q1
\v 33 Maka Iaku inda bhekubhotukia o kaasiku molagina to incia,
\q2 tee inda bhekumalinguakea pojanjiaku inda momabhotu.
\q1
\v 34 Iaku sadhaadhaa kupamondo pojanjiaku,
\q2 tee opea mopadhana ifirimaniakaku inda bhekubhaliia.
\q1
\v 35 Sampearo to saʼumurua Iaku kusumpa to kangkilona saroku,
\q2 tee inda bhekugau-gau Daud.
\q1
\v 36 Siwuluna bheadhaangia to saʼumurua,
\q2 tee o kauncuramakana bheasadhaadhaa i aroaku mboomo matanaeo,
\q1
\v 37 bheasadhaadhaa saʼumurua mboomo bula,
\q2 mosakusiiakea minaaka i laiana." \qs Sela\qs*
\b
\q1
\v 38 Maka sii-sii Ingkoo umendeua tee ubholia;
\q2 Ingkoo upamuru tee mia mopadhana ilantimu.
\q1
\v 39 Ingkoo ubhotuki janjimu tee bhatuamu,
\q2 tee o mahakotana upekarombuakea tee ngawuna tana.
\q1
\v 40 Upatobhatea bhari-bharia manga rindina kotana,
\q2 tee upahancurua manga bentena.
\q1
\v 41 Bhari-bharia mia molalo amanako pewauana;
\q2 incia amembali giuna kaele-ele to manga sarimbanuana.
\q1
\v 42 Ingkoo upekalanga lima kaanana manga bhalina,
\q2 tee bhari-bharia musuna upewaua akaunde-unde.
\q1
\v 43 Ingkoo uka upamembali matana ewangana rajamami inda akoampadhea,
\q2 tee inda utulungia i nuncana potimbea.
\q1
\v 44 Upauntoa o kuasana momuliana,
\q2 tee o kauncuramakana utudhaakea i tana.
\q1
\v 45 Upekampodhoa o umuruna rajamami wakutuuna amangura,
\q2 tee usalibumbungiakea tee kaea. \qs Sela\qs*
\b
\q1
\v 46 Sakawana naepia uka e KAWASANA OPU? Buaka bheubuniaka karomu saʼumurua?
\q2 Sakawana naepia o pamurumu akarore-rore mboomo waa?
\q1
\v 47 Udhania, tapanamo kampodho o dhadhiku sii,
\q2 tapanamo sia-siana dhadhina bhari-bharia maanusia ipadhaangiamu!
\q1
\v 48 Incema buaka o maanusia momembalina modhadhina torosu tee inda amate?
\q2 Tee incema momembalina mopasalaamatina inyawana tee alapa minaaka i mate? \qs Sela\qs*
\b
\q1
\v 49 E Kawasana Opu, i iapai o kaasimu molagina i piamo itu
\q2 mopadhana ijanjiakamu to Daud tee katunda i nuncana pojanjiamu inda momabhotu?
\q1
\v 50 E Kawasana Opu, udhania tuaapa o bhatuamu sii atohina;
\q2 incaku atanggo kahinana bhari lipu.
\q1
\v 51 Manga musumu ahina raja mopadhana ilantimu, e KAWASANA OPU,
\q2 manga incia aele-elea iapaipo uka o lingkaana.
\b
\q1
\v 52 Pujimo KAWASANA OPU to saʼumurua!
\q2 Aamin, ya aamin!
\c 90
\ms BOKU I PATA ANGUNA:
\s2 ZABURU 90--106
\s1 Kawasana Opu, Tampana Peulusa Saʼumurua
\sr 90:1-17
\p
\v 1 Doʼana Musa, bhatuana Aulataʼala.
\b
\q1 E Kawasana Opu, Ingkoomo tampamami tapeulu
\q2 to saʼumurua.
\q1
\v 2 Indapo manga gunu atopadhaangia,
\q2 indapo alamu tee dunia sii upamembalia,
\q1 Ingkoomo Aulataʼala mobakaa, inda tee auwalina inda tee aahirina.
\b
\q1
\v 3 \x - \xo 90:3 \xo*\xt Bhaa. 2:7.\xt*\x*Ingkoo ubhalii maanusia amembali ngawuna tana,
\q2 firimanimu, "Mbulimo i asalamu e anana maanusia."
\q1
\v 4 \x - \xo 90:4 \xo*\xt 2Ptr. 3:8.\xt*\x*I nuncana pokamatamu sarewu tao
\q2 apokana mboomo eo iawi siimpo molapana,
\q2 atawa mboomo sapalika jagaana malo.
\b
\q1
\v 5 Ingkoo upepadhai dhadhimami mboomo tapongipi,
\q2 mboomo rumpu motuna saeona;
\q1
\v 6 wakutuuna saeona o rumpu atuwu tee atuna,
\q2 maka wakutuuna konowia amalau tee amatuu.
\b
\q1
\v 7 Sababuna ingkami tamofu roonamo amaramu,
\q2 tee ingkami tatokidha roonamo pamurumu.
\q1
\v 8 Manga kasalahamami udhikaia i aroamu
\q2 tee o dosamami motobuniaka atokamata i nuncana caheana roumu.
\b
\q1
\v 9 Sababuna bhari-bharia eomami tanamisi pamurumu mokarore-rore,
\q2 tee talaloi tao-taomami mboomo kadheina tapoinunca.
\q1
\v 10 Kangengena dhadhimami tangkanamo pitu pulu tao,
\q2 atawa ande amakaa o bukumami koroo akawa walu pulu tao,
\q1 maka manga eo momalape mpuu ipotibhaakamami tangkanamo kasukara tee kanarakaa;
\q2 dhadhimami amampodho tee amasimba, sapadhana sumai tamofumo.
\b
\q1
\v 11 Incema buaka momatauna kaogena amaramu?
\q2 Pamurumu amaoge mpuu apokana mboomo mia amaekako.
\q1
\v 12 Manga adharimo to tagagari eo-eomami momampodhona sii
\q2 mamudhaakana ingkami tapotibhaaka o ngangaranda moʼaarifu.
\b
\q1
\v 13 E KAWASANA OPU, mbulimo. Sakawana naepia Ingkoo uʼamara?
\q2 Maasiakapea manga bhatuamu.
\q1
\v 14 Patumpua o incamami i wakutuuna saeona tee kaasimu molagina
\q2 mamudhaakana ingkami tasambo-sambo tee takaunde-unde saʼumurua dhadhimami.
\q1
\v 15 Pasanaaia o incamami, apokana mboomo upewau eo-eomami i piamo itu asukara,
\q2 tee apokana tee tao-tao itanggomami wakutuuna tanamisi kanarakaa.
\q1
\v 16 Taroakamo opea ipewaumu akamatea manga bhatuamu,
\q2 tee o kuasamu momulia sumai akamatea anaanamami.
\q1
\v 17 Taroakamo kabarakatina Kawasana Opu, Aulataʼalamami, dhaangia to ingkami.
\q2 Pekatangkea o angkana limamami, mamudhaakana usahamami akohasili!
\c 91
\s I nuncana Kajaganina Kawasana Opu
\sr 91:1-16
\q1
\v 1 Mia modhadhina i nuncana kajaganina Aulataʼala Momalanga,
\q2 bheamboore i nuncana peulusana Kawasana Opu Mokokuasa,
\q1
\v 2 bheapogau i KAWASANA OPU,
\q2 "Ingkoomo o tampana peulusaku tee o bentena potaangiaku; Aulataʼalaku, iparacaeaku."
\q1
\v 3 Incia bhemorambasakako minaaka i katapu,
\q2 tee minaaka i panyaki imateaka.
\q1
\v 4 Incia bheasalibumbungiakako tee panina,
\q2 tee ingkoo bheuʼamani i nuncana peulusana.
\q2 Incia atoparacaea tee bheamembali katangkesi tee o bentemu.
\q1
\v 5 Ingkoo inda bheumaeka tee balaa moumbana i wakutuu malo,
\q2 atawa o kahumbuni inda inamu-namu moumbana i wakutuu eo.
\q1
\v 6 Ingkoo inda bheumaeaka tee panyaki imateaka moumbana i nuncana kalalanda,
\q2 atawa tee kalelei ibinasaaka moumbana i wakutuu pontanga eo.
\b
\q1
\v 7 Moomini sarewu mia amate i saripimu,
\q2 tee sapulu rewu mia amate i weta i kaanamu,
\q2 maka ingkoo inda bheucilaka.
\q1
\v 8 Ingkoo tangkanamo bheutontoa tee matamu karomu,
\q2 tee ukamatea tuaapa Aulataʼala bheahukumu mia madhaki.
\b
\q1
\v 9 Roonamo KAWASANA OPU upamembalia tampana peulusamu,
\q2 tee Aulataʼala Momalanga upamembalia mbooresamu,
\q1
\v 10 siitumo ingkoo inda bheucilaka,
\q2 tee balaa bheamaridho minaaka i bhanuamu.
\b
\q1
\v 11 \x - \xo 91:11-12 \xo*\xt Mat. 4:6; Luk. 4:10-11.\xt*\x*Roonamo Incia bheatumpu manga malaaʼekatina to apobhawa tee ingkoo,
\q2 mamudhaakana ajaganiko iapaipo uka o lingkaamu.
\q1
\v 12 Manga malaaʼekati sumai bheaangkako tee rua mbalia limana
\q2 mamudhaakana o aemu inda atosunu i bhatu.
\q1
\v 13 \x - \xo 91:13 \xo*\xt Luk. 10:19. \xt*\x*Singa tee ulo bheulempagia,
\q2 singa mangura tee ulo mokobisa bheulanda-landakia.
\b
\q1
\v 14 Firimanina Kawasana Opu, "Roonamo manga mia momaasiakaaku, bhekupasalaamatia;
\q2 tee Iaku bhekujagani manga mia momatauna saroku.
\q1
\v 15 Wakutuuna manga incia agoraakaaku, siitumo Iaku bhekulawania;
\q2 Iaku bhekupobhawa tee manga incia i nuncana kaseke,
\q2 tee bhekupasalaamatia tee kumuliangia.
\q1
\v 16 Tee umuru marambe bhekupatumpua incana,
\q2 tee bhekususuakea ande Iaku bhemopasalaamatia."
\c 92
\s Kawasana Opu o Haakimu Moʼadili
\sr 92:1-16
\d Zaburuna saangu lagu to eona Saputuu.\f + \fr 92:1 \fr*\fq Saputuu: \fq*\ft Eo pitu eona (Saputuu) ipepaliakana manga miana Israel minaaka i parintana Aulataʼala to eo to poniuntoa tee ibaadati.\ft*\f*
\b
\q1
\v 1 Tapanamo kalape tasukuru i KAWASANA OPU
\q2 tee talaguaka manga lagu kapujia to saromu, e KAWASANA OPU Momalanga;
\q1
\v 2 to tapakoleleaka kaasimu molagina i wakutuu saeona
\q2 tee tuaapa Ingkoo ukeniaka pojanjiamu inda momabhotu i wakutuu malo,
\q1
\v 3 poose tatiki gitari sapulu taliana,
\q2 tee taoseakea gambusu tee kecapi.
\q1
\v 4 Roonamo Ingkoo, e KAWASANA OPU, upaunde-undeaku tee opea mopadhana ipewaumu;
\q2 iaku kusambo-sambo tee opea mopadhana ikarajaamu.
\b
\q1
\v 5 Amaoge mpuu bhari-bharia ipewaumu, e KAWASANA OPU,
\q2 amandala mpuu o fikirimu tee amarasai to tamaʼanaia!
\q1
\v 6 Mia mokabhongo-bhongo inda bheamembali amataua,
\q2 mia mokurana fikirina inda bheamaʼanaia o giu incia sumai:
\q1
\v 7 Moomini manga mia madhaki atuwu mboomo rumpu,
\q2 tee o mia madhaki ahandamo abhari,
\q1 maka manga incia sadhaadhaa bheatopabinasa saʼumurua.
\q2
\v 8 Maka Ingkoo i tampa momalanga saʼumurua e KAWASANA OPU.
\q1
\v 9 Roonamo manga musumu, e KAWASANA OPU,
\q2 roonamo manga musumu bheabinasa;
\q2 tee bhari-bharia mia madhaki bheupapogaa-gaaia.
\b
\q1
\v 10 Maka upamembaliaku kumakaa mboomo karambau,
\q2 tee ulaliakaaku mina bhaau to ubarakatiaku.
\q1
\v 11 Mataku akamatamo kandawuna manga musuku,
\q2 tee o talingaku arangomo katalona manga mia madhaki mobhaliaku.
\b
\q1
\v 12 Mia mobanara bheatuwu tee akobhake torosu mboomo puuna horomaa,
\q2 tee incia bheamaoge mboomo puuna aras i Libanon.
\q1
\v 13 Manga incia mboomo puuna kau ipombula i aroana Bhanuana KAWASANA OPU,
\q2 tee ajulu o kaogena i aroana Bhanuana Aulataʼalata.
\q1
\v 14 Moomini akoʼumurumo dhaangiapo uka akobhake,
\q2 tee asadhaadhaa asuburu tee amaijo o tawana,
\q1
\v 15 manga miana mobanara sumai apakoleleaka ande o KAWASANA OPU sumai abanara.
\q2 Incia o gunu bhatuku, tee sadia apewau moʼadili.
\c 93
\s Kawasana Opu o Raja Saʼumurua
\sr 93:1-5
\q1
\v 1 KAWASANA OPU o Raja, Incia abukeaka kamuliangi!
\q2 KAWASANA OPU abukeaka kuasa, tee apatokamata kakaana.
\q2 Incia apakakaro dunia tee inda dhaangia momembalina mohudhalia.
\q2
\v 2 Kauncuramakamu amatangka minaaka i zamani mangenge,
\q2 tee Ingkoo udhaangiamo minaaka i dunia indapo dhaangia.
\b
\q1
\v 3 Manga umala mokalua-lua ahandamo apekaoge suarana, e KAWASANA OPU,
\q2 manga umala mokalua-lua ahandamo apekaoge suarana,
\q2 manga umala mokalua-lua ahandamo apekaoge ruuna ewona.
\q1
\v 4 Maka minaaka i suarana uwe momaoge,
\q2 tee minaaka i ewona tawo momakaa,
\q2 alabhi amaoge KAWASANA OPU i tampa momalanga.
\b
\q1
\v 5 E KAWASANA OPU, hukumumu abakaa saʼumurua,
\q2 Kangkilo alaenga i nuncana Bhanuamu saʼumurua zamani.
\c 94
\s Kawasana Opu, Pambela Kaʼadili
\sr 94:1-23
\q1
\v 1 E Aulataʼala, Ingkoomo KAWASANA OPU mobalasina kadhaki.
\q2 Potokamatamea ande Ingkoo mobalasina kadhaki, e Aulataʼala!
\q1
\v 2 Maasangia ahukumua, e haakimuna dunia;
\q2 hukumua manga mia mosombo apokana tee pewauna!
\q1
\v 3 Sakawana naepia manga mia madhaki, e KAWASANA OPU,
\q2 sakawana naepia, manga mia madhaki akaunde-unde?
\b
\q1
\v 4 Manga incia ataburaka pogau mosombo minaaka i ngangana,
\q2 tee bhari-bharia mia mopewauna kadhaki sumai apekalanga karona.
\q1
\v 5 Manga incia apisaki uumatimu, e KAWASANA OPU,
\q2 tee apahancuru tinaurakamu.
\q1
\v 6 Manga incia apekamate iaiaro tee mia dhaga,
\q2 tee apekamate ana maelu.
\q1
\v 7 Pogauna manga incia, "KAWASANA OPU inda akamatea,
\q2 Aulataʼalana Yakub isombana miana Israel inda atontoa."
\b
\q1
\v 8 Perangoimea, e manga mia mokabhongo-bhongo i tanga-tangana lipu sii!
\q2 E manga mia mokabhongo-bhongo, naepia buaka ingkomiu bheumembali uʼaarifu?
\q1
\v 9 Incia modhikaakea talinga,
\q2 inda mungki Incia inda aporango!
\q1 Incia mopamodelena mata,
\q2 inda mungki Incia inda apokamata!
\q1
\v 10 Incia mosasina manga lipu tee moadharina maanusia,
\q2 dhaanamo Incia bheahukumua uka!
\q1
\v 11 KAWASANA OPU amataua haejatina maanusia,
\q2 ande bhari-bharia sumai inda tee maʼanana.
\b
\q1
\v 12 Masanaamo mia iadharimu, e KAWASANA OPU,
\q2 tee udhawua kaadhari minaaka i hukumumu;
\q1
\v 13 \x - \xo 94:13 \xo*\xt Limb. 14:21. \xt*\x*upasanaa incana i wakutuuna kasukara,
\q2 sakawana mia madhaki apesua i nuncana bhalona katapu.
\q1
\v 14 \x - \xo 94:14 \xo*\xt Ayb. 40:20; Zab. 104:26; Yes. 27:1. \xt*\x*Roonamo KAWASANA OPU inda bheabhanaka uumatina,
\q2 tee Incia inda bheabholi miana lipuna momembalina tinaurakana;
\q1
\v 15 sababuna kaʼadili bheambuli pendua to manga mia mobanara,
\q2 tee bhari-bharia mia momakatena incana bheaose.
\b
\q1
\v 16 Incema buaka moewaakaaku i manga mia madhaki?
\q2 Incema buaka bhemopoaroakaaku to aewangi manga mia mopewauna kadhaki?
\q1
\v 17 Ande mencuana KAWASANA OPU motulungiaku,
\q2 saidhepo kumate i tampa momalino.
\q1
\v 18 Wakutuuna kufikiri, "Aeku asindoli,"
\q2 sumaimo kaasina KAWASANA OPU molagina motukoaku.
\q1
\v 19 Wakutuuna abhari fikiriku i nuncana baatiniku,
\q2 Ingkoo utautauaku, sumaimo kukaunde-unde.
\q1
\v 20 Inda mungki Ingkoo uposaangu tee manga kaogesa momadhaki,
\q2 mopewauna kasalaha alaloi katotapuna inda moʼadilina.
\q1
\v 21 Manga incia apomufakati aewangi dhadhina mia mobanara,
\q2 tee ahukumu mate manga mia inda mosala.
\q1
\v 22 Maka KAWASANA OPU mboomo kota bente moewaakaaku,
\q2 tee Aulataʼala amembali gunu bhatu tampana peulusaku.
\q1
\v 23 Incia bheahukumu manga mia madhaki apokana tee pewauna,
\q2 tee bheapabinasea roonamo dosana.
\q2 KAWASANA OPU, Aulataʼalata bheapabinasa manga incia.
\c 95
\s Horomati tee Taʼatia Kawasana Opu
\sr 95:1-11
\q1
\v 1 Mai tasambo-samboaka to KAWASANA OPU!
\q2 Mai tasambo-sambo tee takaunde-unde to gunu bhatu kasalaamatita!
\q1
\v 2 Mai tapoaro i aroana tee taemani sukuru,
\q2 tee tasambo-sambo to Incia tee talaguakea lagu kapujia!
\q1
\v 3 Roonamo KAWASANA OPU o Aulataʼala momaoge,
\q2 tee Incia o Raja momaoge mokuasaina bhari-bharia dewa.
\q1
\v 4 Manga tampa momandala mpuu i alamu adhaangia i nuncana limana,
\q2 tee manga lolona gunu uka o pewauana.
\q1
\v 5 Incia mokuasaina tawo, roonamo Incia mopadhaangiaia,
\q2 tee ati uka, o angkana limana.
\b
\q1
\v 6 Mai tasuju tasomba Incia,
\q2 tasuju i aroana KAWASANA OPU mopadhaangiana ingkita.
\q1
\v 7 Roonamo Inciamo o Aulataʼalata,
\q2 tee ingkita o uumati idhambaakana,
\q1 tee o gulumana dumba igembalaakana limana.
\b
\q1 Eo sii ande urango suarana,
\q2
\v 8 \x - \xo 95:8 \xo*\xt Limb. 17:1-7.\xt*\x*bholimo umentagali mboomo i Meriba,
\q2 tee mboomo wakutuuna i Masa, i tana matuu,
\q1
\v 9 wakutuuna o opu-opuamiu acobaiaku
\q2 tee aujiaku moomini manga incia padhamo akamata opea ikarajaaku.
\q1
\v 10 Pata pulu tao o kangengena kumarika manga mia incia sumai.
\q2 Firimaniku, "Manga incia o lipu mosaladhala,
\q2 tee inda aose parintaku."
\q1
\v 11 Rampaakanamo sumai, Iaku kupotunda i nuncana pamuruku,
\q2 "Manga incia inda bheapesua i tampana poniuntoa mopadhana ijanjiakaku to manga incia, siitumo i Kanaan."
\c 96
\s Kawasana Opu, Aulataʼala tee Haakimu i Saangua Dunia
\sr 96:1-13
\q1
\v 1 Laguakamo lagu bhaau to KAWASANA OPU,
\q2 Lagumo to KAWASANA OPU, e saangua dunia!
\q1
\v 2 Lagumo to KAWASANA OPU tee upujimo sarona!
\q2 Pakoleleakea saesaeo o kasalaamati minaaka i Incia.
\q1
\v 3 Petulatulaakea o kamuliangina i tanga-tangana manga lipu,
\q2 tee upetulatulaakea manga pewauna inda momentela i bhari-bharia uumatina maanusia.
\q1
\v 4 Sababuna o KAWASANA OPU amaoge tee atopuji mpuu.
\q2 Incia alaenga atomaeka alabhi minaaka i bhari-bharia dewa.
\q1
\v 5 Bhari-bharia dewa isombana manga lipu satotuuna o barahala,
\q2 maka o KAWASANA OPU mopadhaangiana laiana.
\q1
\v 6 Incia amaoge tee amulia;
\q2 kuasa tee kakesa dhaangia i tampana momangkilo.
\b
\q1
\v 7 \x - \xo 96:7-9 \xo*\xt Zab. 29:1-2.\xt*\x*Akuimea o KAWASANA OPU, e uumatina maanusia,
\q2 akuimea o KAWASANA OPU o kamuliangina tee kakaana!
\q1
\v 8 Akuimea o kamuliangina sarona to KAWASANA OPU,
\q2 bhawamo pasombaa tee uumbamo i aroana Bhanuana Aulataʼala!
\q1
\v 9 Sujumo usomba KAWASANA OPU tee upake pakea momangkilo;
\q2 maekamo tee urengkumo i aroana, e saangua alamu!
\b
\q1
\v 10 Pakoleleakea i tanga-tangana manga lipu,
\q2 "KAWASANA OPU sumai o Raja!
\q2 Atotuu-totuu o alamu amatangka tee inda akohudha,
\q2 Incia bheahaakimu manga lipu tee kaʼadili."
\q1
\v 11 Taroakamo o laiana akaunde-unde tee o dunia asambo-sambo;
\q2 taroakamo o tawo akanduu-nduu tee bhari-bharia modhaangiana i nuncana,
\q1
\v 12 taroakamo inawu akaunde-unde tee bhari-bharia modhaangiana i bhawona.
\q2 I wakutuu incia sumai bhari-bharia puuna kau i koo bhealagu roonamo akaunde-unde
\q1
\v 13 i aroana KAWASANA OPU, roonamo Incia bheaumba,
\q2 roonamo Incia bheaumba to ahaakimu alamu.
\q1 Incia bheahaakimu dunia tee kaʼadili,
\q2 tee bhari-bharia lipu tee kabanarana.
\c 97
\s KAWASANA OPU o Raja Momaoge
\sr 97:1-12
\q1
\v 1 KAWASANA OPU o Raja! Taroakamo alamu akaunde-unde;
\q2 taroakamo o pulo-pulo mobhari sumai akaunde-unde!
\b
\q1
\v 2 Taʼina ngalu tee kalalanda abulilingi KAWASANA OPU,
\q2 kabanara tee kaʼadili amembali polandakana kauncuramakana.
\q1
\v 3 Waa arore i aroana,
\q2 apekangau manga bhali i saripina.
\q1
\v 4 Manga bhibhitona asuluwi alamu,
\q2 tee o dunia akamatamea tee arengku.
\q1
\v 5 Manga gunu arere mboomo taru i aroana KAWASANA OPU,
\q2 i aroana Aulataʼalana saangua alamu.
\q1
\v 6 Laiana apakoleleaka kabanarana,
\q2 tee bhari-bharia lipu akamata kamuliangina.
\b
\q1
\v 7 Bhari-bharia mia mosombana barahala bheatopekaea,
\q2 siitumo manga incia mosomboakana karona roonamo barahalana;
\q2 bhari-bharia dewa bheasuju tee asomba i aroana Kawasana Opu.
\q1
\v 8 Raʼeatina Sion akaunde-unde tee manga kampo modhaangiana i Tana Yuda uka amasanaa,
\q2 wakutuuna arango kambotumu, e KAWASANA OPU.
\q1
\v 9 Ingkoomo, e KAWASANA OPU, Momalangana i bhawona saangua alamu;
\q2 Ingkoo utomuliangi mpuu alabhi minaaka i bhari-bharia dewa.
\b
\q1
\v 10 E ingkomiu momaasiakana KAWASANA OPU, bancimea o kadhaki!
\q2 Sababuna KAWASANA OPU ajagani dhadhina uumatina mosaalihi,
\q2 tee arambasakea manga incia minaaka i limana mia madhaki.
\q1
\v 11 Kainawa asuluwi mia mobanara,
\q2 tee o kasanaa to mia momakatena incana.
\q1
\v 12 E manga mia mobanara, kaunde-undemo roonamo KAWASANA OPU,
\q2 tee usukurumo to sarona momangkilo.
\c 98
\s Wakutuuna Pasalaamatia Amakasumo
\sr 98:1-9
\p
\v 1 Zaburu.
\b
\q1 Laguakamo lagu bhaau to KAWASANA OPU
\q2 roonamo Incia padhamo apewau manga giu inda momentela;
\q2 kasalaamati padhamo akarajaaia lima kaanana,
\q2 siitumo o lima kaanana momangkilo.
\q1
\v 2 KAWASANA OPU apakoleleaka kasalaamatina;
\q2 Incia apaumbaaka kaʼadilina i aroana matana manga lipu.
\q1
\v 3 Incia audhania o kaasina molagina tee akeniaka pojanjiana inda momabhotu
\q2 to siwuluna Israel.
\q1 Saangua dunia padhamo akamatea
\q2 o kasalaamati minaaka i Aulataʼalata.
\b
\q1
\v 4 Sambo-sambomo to KAWASANA OPU, e saangua dunia!
\q2 Kaunde-undemo tee usambo-sambomo, tee ulaguakamea manga lagu kapujia!
\q1
\v 5 Laguakamea o lagu kapujia to KAWASANA OPU,
\q2 poose umagasiaakea tee kecapi tee suara momandii,
\q1
\v 6 tee torompe tee sangkakala tee suara momandii.
\q2 Sambo-sambomo i aroana Raja, siitumo o KAWASANA OPU!
\b
\q1
\v 7 Taroakamo o tawo akanduu-nduu tee bhari-bharia modhaangiana i nuncana,
\q2 tee uka o dunia tee bhari-bharia mombooresia.
\q1
\v 8 Taroakamo manga umala asambo-sambo,
\q2 tee manga gunu alagu apobhawa-bhawa roonamo akaunde-unde
\q1
\v 9 i aroana KAWASANA OPU
\q2 roonamo Incia aumba to ahaakimu dunia.
\q1 Incia bheahaakimu alamu tee kabanara,
\q2 tee ahaakimu manga lipu tee kaʼadili.
\c 99
\s Kawasana Opu, Raja Momangkilo
\sr 99:1-9
\q1
\v 1 \x - \xo 99:1 \xo*\xt Limb. 25:22.\xt*\x*KAWASANA OPU satotuuna o Raja!
\q2 Sumaimo manga lipu arengku!
\q1 Incia auncura i kauncuramakana i bhawona manga malaaʼekati kerub;\f + \fr 99:1 \fr*\fq manga malaaʼekati kerub: \fq*\ft Malaaʼekati igambaraaka mboomo mahaluku mokopani, agambaraaka kalangana Aulataʼala tee umbaana. Apogauakea ande kauncuramakana KAWASANA OPU dhaangia i bhawona manga malaaʼekati kerub. Dhaangia patuna rua malaaʼekati kerub i bhawona sorongana pojanjia tee i piamo itu Musa atarima firimanina Aulataʼala minaaka iwe sumai. Kamata \ft*\xt Limb. 25:18-22.\xt*\f*
\q2 taroakamo o dunia akohudha!
\q1
\v 2 KAWASANA OPU momaoge i Sion;
\q2 Incia amalanga alabhi minaaka i bhari-bharia lipu.
\q1
\v 3 Taroakamo manga incia apuji saromu momaoge tee motomaekana sumai.
\q2 Incia amangkilo mpuu!
\b
\q1
\v 4 Raja Momakaa, momaasiakana kaʼadili,
\q2 Ingkoo upadhamo upatotapu kabanara;
\q1 Ingkoo upadhamo uewaaka hukumu tee kaʼadili i tanga-tangana miana Israel.
\q1
\v 5 Pekalangea o KAWASANA OPU, Aulataʼalata, tee usujumo usomba i polandakana aena!
\q2 Incia amangkilo mpuu!
\b
\q1
\v 6 Musa tee Harun adhaangia i tanga-tangana manga imamuna,
\q2 Samuel\f + \fr 99:6 \fr*\fq Samuel: \fq*\ft Nabii Samuel molantina Daud to amembali rajana miana Israel.\ft*\f* atolentu i tanga-tangana manga mia mogoraakana sarona.
\q2 Manga incia agora i KAWASANA OPU, tee Incia alawania.
\q1
\v 7 \x - \xo 99:7 \xo*\xt Limb. 33:9.\xt*\x*Incia afirimani minaaka i ariina taʼina ngalu i manga incia;
\q2 manga incia akenia pekatangka manga parintana,
\q2 tee manga katotapu mopadhana idhawuakana to manga incia.
\b
\q1
\v 8 E KAWASANA OPU, e Aulataʼalamami,
\q2 Ingkoo padhamo ulawani manga incia.
\q1 Ingkoo o Aulataʼala moʼamponina dosana miana Israel,
\q2 maka Ingkoo uka mohukumuna manga incia wakutuuna apewau kasalaha.
\q1
\v 9 Pekalangea o KAWASANA OPU, Aulataʼalata,
\q2 tee usujumo usombaia i gununa momangkilo;
\q2 roonamo o KAWASANA OPU Aulataʼalata, amangkilo.
\c 100
\s Pujimo Kawasana Opu i nuncana Bhanuana
\sr 100:1-5
\p
\v 1 Zaburu to kurubani kasukuru.
\b
\q1 Sambo-sambomo to KAWASANA OPU, e saangua alamu!
\q2
\v 2 Sambaheamo i KAWASANA OPU tee ukaunde-undemo,
\q2 umbamo i aroana tee ulaguaka lagu-lagu momasanaa.
\b
\q1
\v 3 Mataumea ande o KAWASANA OPU sumai o Aulataʼala.
\q2 Inciamo manga padhaangiana, tee ingkita o pewauana;
\q2 ingkitamo o uumatina tee dumba-dumba igembalana.
\b
\q1
\v 4 \x - \xo 100:4-5 \xo*\xt Zab. 106:1; 107:1; 118:1; 136:1; Yer. 33:11.\xt*\x*Pesuamo ulaloi bhambana lawana upoose ulaguaka lagu kasukuru,
\q2 upesua i aroana Bhanuana Aulataʼala upoose upujia.
\q2 Sukurumo i Incia tee upujimo sarona.
\b
\q1
\v 5 Roonamo o KAWASANA OPU sumai amalape;
\q2 kaasina molagina abakaa saʼumurua,
\q2 tee Incia akeni janjina saʼumurua zamani.
\c 101
\s Tolauna Onina Raja
\sr 101:1-8
\p
\v 1 Zaburuna Daud.
\b
\q1 Iaku bhekulaguaka lagu to kaasina molagina tee kaʼadili,
\q2 to Ingkoo, e KAWASANA OPU, iaku bhekulaguaka lagu kapujia.
\q1
\v 2 Iaku bhekupengkaadhariaka carana mamudhaakana kudhadhi inda tee kasalahaku.
\q2 Naepia bhekupotibhaaka dhala sumai?
\b
\q1 Iaku bhekudhadhi tee kakatena totona incaku i nuncana bhanuaku.
\q1
\v 3 Iaku inda bhekudhikaia i aroaku
\q2 giu inda mokoampadhea.
\b
\q1 Iaku kubancia o pewau motagalina Aulataʼala;
\q2 giu incia sumai amaridho tee iaku.
\q1
\v 4 Iaku bhekupekaridho karoku tee fikiri inda mototo,
\q2 tee kumendeu kumatau tee saangu giu uka momadhaki.
\b
\q1
\v 5 Incemapo uka mofitanaana sarimbanuana i talikuna
\q2 bhekupabinasea.
\q1 Iaku inda bhekusabara
\q2 to mia mosombo tee momalangana incana.
\b
\q1
\v 6 Iaku kumaasiaka manga mia motaʼatina tee Aulataʼala,
\q2 mamudhaakana manga incia amembali amboore tee iaku.
\q1 Mia modhadhina i dhala inda mosala,
\q2 inciamo bhemolaianiaku.
\b
\q1
\v 7 Pande gau-gau
\q2 inda bheamboore i bhanuaku;
\q1 mia mobhoasakana kagau-gau
\q2 inda bheasadhaadhaa i aroaku.
\b
\q1
\v 8 Saesaeo bhekupabinasea
\q2 bhari-bharia mia madhaki i lipu sii,
\q1 mamudhaakana kupomofu bhari-bharia mia mopewauna kadhaki
\q2 minaaka i kotana KAWASANA OPU.
\c 102
\s Doʼa Emaniana Tulungi tee Doʼa to Sion
\sr 102:1-29
\d Doʼana samia monarakaana, i wakutuuna amangule tee amalute apeenci i aroana KAWASANA OPU.
\b
\q1
\v 1 E KAWASANA OPU, maasangia urangoa o doʼaku;
\q2 taroakamo o goraku akawa i Ingkoo.
\q1
\v 2 Bholi ubuniakea o roumu minaaka i iaku
\q2 i eona kunamisi kanarakaa.
\q1 Perangoiaku;
\q2 i eona kugora madheimo ulawaniaku,
\b
\q1
\v 3 roonamo o dhadhiku aila mboomo ombu,
\q2 tee manga bukuku amangau mboomo dhalika.
\q1
\v 4 Ngangarandaku mboomo ibhebhe tee amalau mboomo rumpu,
\q2 sabutuna amawala kukande.
\q1
\v 5 Roonamo kakaana suaraku kupeenci,
\q2 badaku soomo buku.
\q1
\v 6 Iaku mboomo manu-manu koa i tana matuu,
\q2 mboomo koa maidhiidhi i tampa mohancuru tee momalino.
\q1
\v 7 Iaku Inda amembali kukole,
\q2 mboomo manu-manu modhadhina sambaa-mbaana i bhawona padhana bhanua.
\q1
\v 8 Saeoa ahinaaku manga musuku;
\q2 manga incia aele-eleaku tee apake saroku to katunda.
\q1
\v 9 Iaku kukande rapu mboomo roti,
\q2 giu isumpuku apojaloaka lolu,
\q1
\v 10 roonamo amaramu tee pamurumu;
\q2 uangkaaku, kasiimpo ubhanakaaku.
\q1
\v 11 Saesaeo dhadhiku mboomo ngkamia-mia i wakutuuna konowia,
\q2 tee kumalau mboomo rumpu.
\b
\q1
\v 12 Maka Ingkoo, e KAWASANA OPU, ukokauncuramaka saʼumurua;
\q2 saromu asadhaadhaa atoudhani saʼumurua zamani.
\q1
\v 13 Ingkoo bheubhangu tee umaasiaka Sion,
\q2 roonamo wakutuunamo to umaasiakea,
\q2 tee akawamo wakutuu itantuakana.
\q1
\v 14 Manga bhatuamu amaasiaka manga bhatuna Kota Sion,
\q2 moomini o bhatuna amembalimo ngawu.
\q1
\v 15 Sumaimo manga lipu amembali amaeka tee sarona KAWASANA OPU,
\q2 tee bhari-bharia raja i alamu amaeka tee pewaumu momulia.
\q1
\v 16 KAWASANA OPU bheabhangu Sion pendua,
\q2 tee Incia bheaumba i nuncana kamuliangina.
\q1
\v 17 Incia bheaperangoi doʼana manga mia monarakaa,
\q2 tee o KAWASANA OPU inda bheamendeu doʼana manga incia.
\b
\q1
\v 18 Buria bhari-bharia o giu incia sumai to siwulu bhemoumbana naile itu,
\q2 mamudhaakana o lipu bhemolaahirina naile itu apuji KAWASANA OPU.
\q1
\v 19 KAWASANA OPU apotonto minaaka i kalangaana i tampana momangkilo,
\q2 minaaka i sorogaa Incia apotonto i alamu,
\q1
\v 20 to aperangoi pekidheina mia itorongku
\q2 tee arambasaka manga mia mopadhana itantuaka to atopekamate;
\q1
\v 21 mamudhaakana o sarona KAWASANA OPU atopetulatulaaka i Sion,
\q2 tee bheatopuji i Yerusalem,
\q1
\v 22 wakutuuna manga lipu tee manga pamarintana,
\q2 aporomusaka to asambahea i KAWASANA OPU.
\b
\q1
\v 23 KAWASANA OPU apaila kakaaku wakutuuna dhaangiapo kumangura,
\q2 tee apekampodho umuruku.
\q1
\v 24 Kasiimpo kupogau, "E Aulataʼalaku, bholi uala inyawaku i pomuntangaana umuruku,
\q2 Ingkoo usadhaadhaa dhaangia saʼumurua zamani."
\b
\q1
\v 25 I piamo itu Ingkoo upadhaangia ariina dunia;
\q2 umbe, laiana uka karajaana limamu.
\q1
\v 26 Bhari-bharia sumai bheamofu, maka Ingkoo usadhaadhaa udhadhi saʼumurua.
\q2 Bhari-bharia sumai bheamalusa mboomo pakea,
\q1 Ingkoo bheubhalii alamu sii mboomo satuwu juba
\q2 tee bhari-bharia uka bheakoʼaahiri.
\q1
\v 27 Maka Ingkoo asadhaadhaa inda ubhalii,
\q2 tee o dhadhimu inda bheakoʼaahiri.
\q1
\v 28 Anamami bheamboore tee kaʼamani,
\q2 tee o siwuluna manga incia bheasadhaadhaa i aroamu.
\c 103
\s Pujimo Kawasana Opu, E Ngangarandaku!
\sr 103:1-22
\p
\v 1 Zaburuna Daud.
\b
\q1 Pujimo KAWASANA OPU, e ngangarandaku!
\q2 E saangua baatiniku, pujimea o sarona momangkilo!
\q1
\v 2 Pujimo KAWASANA OPU, e ngangarandaku,
\q2 tee bholi umalinguakea bhari-bharia kalapena.
\q1
\v 3 Incia moʼamponina bhari-bharia kasalahamu,
\q2 tee Incia mopauntona bhari-bharia panyakimu.
\q1
\v 4 Incia mopasalaamatina inyawamu minaaka i koburu,
\q2 tee Incia modhawuko rahumati tee kaasina molagina.
\q1
\v 5 Incia mopatumpuna incamu tee kalape.
\q2 Sabutuna ingkoo usadhaadhaa umangura mboomo manu-manu bunia.
\b
\q1
\v 6 KAWASANA OPU mokarajaana hukumu tee kaʼadili
\q2 to bhari-bharia mia motopisaki.
\q1
\v 7 Incia asusuaka dhalana to Musa
\q2 tee apaumbaaka opea mopadhana ipewauna to miana Israel.
\q1
\v 8 Sababuna o KAWASANA OPU abukeaka kaasina inca tee rahumati,
\q2 Incia sadia asabara tee o kaasina molagina ataralabhi-labhi.
\q1
\v 9 Incia inda mangaraeaka torotorosu,
\q2 tee inda bheaʼamara to saʼumurua.
\q1
\v 10 Incia inda manga hukumu apokana tee dosata,
\q2 atawa mangabalasi apokana tee kasalahata.
\q1
\v 11 Roonamo mboomo kalangana laiana i bhawona alamu,
\q2 mboo sumaimo o kaogena kaasina molagina to manga mia momaekaia.
\q1
\v 12 Mboomo karidhona minaaka i timbu sakawana i bhara,
\q2 mboo sumaimo Kawasana Opu ahapusu manga dosata tee abhanakea pekaridho minaaka i karota.
\q1
\v 13 Mboomo samia ama amaasiaka manga anana,
\q2 mboo sumaimo o KAWASANA OPU amaasiaka manga mia momaekaia.
\q1
\v 14 Roonamo Incia amataua tuaapa ingkita tatopebhangui;
\q2 Incia amataua ande ingkita sii tangkanamo ngawu.
\b
\q1
\v 15 Maanusia o dhadhina amampodho mboomo rumpu;
\q2 manga incia akokamba mboomo kamba-kamba i inawu;
\q1
\v 16 ande atowiia ngalu, amalaumo o kamba-kamba sumai,
\q2 tee o tampana indamo atomatau uka.
\q1
\v 17 Maka o kaasi molagina KAWASANA OPU sadhaadhaa abakaa to manga mia momaekaia,
\q2 tee o kabanarana to anana tee siwuluna manga incia,
\q1
\v 18 siitumo to manga incia mokeniakana pojanjiana
\q2 tee moudhania to aose manga parintana.
\b
\q1
\v 19 KAWASANA OPU padhamo apatotapuaka kauncuramakana i sorogaa,
\q2 tee o pamarintana akuasai bhari-bharia ipadhaangiana.
\q1
\v 20 E bhari-bharia malaaʼekati pujimo KAWASANA OPU,
\q2 e manga malaaʼekati mobarani momakaa tee mopewauna firimanina,
\q2 tee motaʼatina tee opea ibhoasakana!
\q1
\v 21 E bhari-bharia tantarana i sorogaa pujimo KAWASANA OPU,
\q2 e manga bhatuana moosena parintana!
\q1
\v 22 Pujimo KAWASANA OPU, e bhari-bharia mahaluku ipadhaangiana,
\q2 i sagala tampa ikuasaina!
\q1 Pujimo KAWASANA OPU, e ngangarandaku!
\c 104
\s Kaogesana Kawasana Opu i nuncana Bhari-bharia Ipadhaangiana
\sr 104:1-35
\q1
\v 1 Pujimo KAWASANA OPU, e ngangarandaku!
\b
\q2 E KAWASANA OPU, e Aulataʼalaku! Ingkoomo momaogena!
\q1 Ingkoo uposalibumbuaka kaogesa tee kamuliangi,
\q2
\v 2 tee upakana kainawa mboomo juba.
\q1 Ingkoo ubhakesaka laiana mboomo saangu kema,
\q2
\v 3 tee upakaro ariina bhanuamu i uwe i bhawona kubana laiana.
\q1 Manga taʼina ngalu upamembalia karetamu,
\q2 tee Ingkoo usawi i bhawona ngalu.
\q1
\v 4 Ngalu upamembalia potumpuamu,
\q2 tee o bherese amembali bhatuamu.
\b
\q1
\v 5 Ingkoo udhika alamu i bhawona fondasina tee upekatangkea,
\q2 sabutuna inda bheakohudha saʼumurua.
\q1
\v 6 Ingkoo apake andalaoge mboomo juba to usalibumbu alamu,
\q2 o uwena mawa apene atutubhi manga gunu.
\q1
\v 7 Roonamo pamurumu o uwe sumai asiwulu makaa tee apalai,
\q2 tee roonamo arango ruuna guntumu o uwe sumai apalai pekadhei.
\q1
\v 8 Uwe sumai akompa i manga gunu tee asapo i nuncana manga mbolonga,
\q2 i tampa mopadhana itantuakamu to uwe sumai.
\q1
\v 9 Ingkoo padhamo utantuakea o tidha inda momembalina ilaloina
\q2 mamudhaakana o uwe sumai inda apendua uka asalibumbu alamu.
\b
\q1
\v 10 Ingkoo upewau matana uwe alua i manga mbolonga,
\q2 kasiimpo asiwulu i tanga-tangana manga gunu,
\q1
\v 11 tee apasumpu bhari-bharia binata maila;
\q2 apaila katuuna bhorokona manga keledai maila.
\q1
\v 12 I bhiwina uwe sumai manga manu-manu i antara amboore,
\q2 kasiimpo manga incia apekawowo i tanga-tangana manga puuna kau.
\q1
\v 13 Minaaka i paana bhanuamu upasapoakea wao to manga gunu;
\q2 alamu abukeaka hali momalape mopadhana ipadhaangiamu.
\b
\q1
\v 14 Ingkoo mopatuwuna rumpu to binata kadhambaaka,
\q2 tee upatuwu penembula to maanusia
\q2 mamudhaakana o alamu amembali akohasiliaka giuna ikande,
\q2
\v 15 siitumo o angguru ipeeluna maanusia,
\q2 mina zaitun mopewauna rou akocahea,
\q2 tee o roti mopekatangkana dhadhina maanusia.
\q1
\v 16 Manga puuna kauna KAWASANA OPU apotibhaaka wao motaralabhi-labhi,
\q2 siitumo manga puuna aras i Libanon ipombulana karona.
\q1
\v 17 Iwe sumaimo manga manu-manu akarajaa poteona,
\q2 manu-manu ranggung\f + \fr 104:17 \fr*\fq manu-manu ranggung: \fq*\ft Manu-manu incia sii o bhanguna mboomo manu-manu hoo, aena amaarate tee o kalangana badana alabhi sametere, tee o tampana apeelo kinande i uwe tee i ati, tee o poteona i puuna kau momalanga.\ft*\f* akarajaa bhanuana i puuna sanobar.
\q1
\v 18 Manga gunu momalanga amembali tampa mbooresana bhembe maila,
\q2 tee manga kabumbu mokobhatu amembali tampana peulusana paapaando.\f + \fr 104:18 \fr*\fq paapaando: \fq*\ft Binata incia sii isarongiaka kancil i nuncana pogau Indonesia.\ft*\f*
\q1
\v 19 Ingkoo upadhaangia bula to amembali tanda to motantuakana wakutuuna bula mobhaau,
\q2 tee o matanaeo amataua naepia o wakutuuna bheatondu.
\q1
\v 20 Ingkoo mopadhaangiana kalalanda, kasiimpo amembali amalo,
\q2 i wakutuumo incia sumai sagala binata i koo aposawele.
\q1
\v 21 Manga singa mangura akomburu apeelo kinandena,
\q2 aemani kinande minaaka i Aulataʼala.
\q1
\v 22 Matanaeo uka abhete,
\q2 kasiimpo manga binata sumai ambuli apotidhole i nuncana mbooresana.
\q1
\v 23 Kasiimpo maanusia alimba to akarajaa,
\q2 tee apajala usahana sakawana konowia.
\b
\q1
\v 24 E KAWASANA OPU, abhari mpuu mopadhana ipewaumu!
\q2 Tee hikimati upamembalia bhari-bharia;
\q2 alamu abukeaka tee mahalukumu.
\q1
\v 25 Kamatea o tawo momaewa motobhakesakana sumai,
\q2 iwe sumako dhaangia tee sagala giu mahaluku mopondele inda atogagari o kabharina,
\q2 dhaangia o binata momaidhiidhi tee manga binata maoge.
\q1
\v 26 Iwe sumai manga kapala adhala,
\q2 tee iwe sumai uka o Lewiatan\f + \fr 104:26 \fr*\fq Lewiatan: \fq*\ft Mahaluku maoge i tawo mboomo naga. Kamata \ft*\xt 74:14.\xt*\f* mopadhana ipadhaangiamu amagamagasia.
\b
\q1
\v 27 Bhari-bharia aharapu i Ingkoo,
\q2 mamudhaakana udhawua kinande ande akawa wakutuuna.
\q1
\v 28 Wakutuuna udhawuakea kinande,
\q2 manga incia arombusakea;
\q1 wakutuuna ubungkale limamu,
\q2 manga incia akandea sakawana amambosu.
\q1
\v 29 Wakutuuna ubuniaka roumu,
\q2 manga incia atokidha;
\q1 Wakutuuna uala poinuncana, amatemo manga incia,
\q2 kasiimpo ambuli pendua amembali ngawu.
\q1
\v 30 Maka ande manga incia udhawua poinunca,\f + \fr 104:30 \fr*\fq udhawua poinunca: \fq*\ft Amembali uka akomaʼana "ulamboko rohimu."\ft*\f* manga incia atopamembali;
\q2 Ingkoo udhawu dhadhi bhaau to alamu.
\b
\q1
\v 31 Taroakamo o kamuliangina KAWASANA OPU asadhaadhaa saʼumurua;
\q2 taroakamo KAWASANA OPU akaunde-unde tee opea mopadhana ipewauna!
\q1
\v 32 Wakutuuna Incia atonto alamu, sumaimo o alamu akorende,
\q2 tee wakutuuna adhingku manga gunu, sabutuna akoombu manga gunu incia sumai!
\q1
\v 33 Iaku bhekulaguaka lagu to KAWASANA OPU saʼumurua dhadhiku;
\q2 iaku bhekupuji Aulataʼalaku kananteana dhaangiapo kudhadhi.
\q1
\v 34 Maasangia opea ifikiriku amasanaakea incana;
\q2 iaku bhekukaunde-unde roonamo KAWASANA OPU.
\q1
\v 35 Taroakamo o mia mokodosa amapupu minaaka i bhawona alamu,
\q2 tee manga mia madhaki indamo dhaangia.
\b
\q1 Pujimo KAWASANA OPU, e ngangarandaku!
\q2 Pujimo KAWASANA OPU!
\c 105
\s Manga Kapujia to Pewauna Kawasana Opu i Zamani Mangenge
\sr 105:1-45
\q1
\v 1 Sukurumo i KAWASANA OPU, tee ugoraakamo sarona,
\q2 pakoleleakea opea ipewauna i tanga-tangana manga lipu!
\q1
\v 2 Lagumo to Incia, tee upuji-pujimea;
\q2 petulatulaakamea bhari-bharia ipewauna inda momentela!
\q1
\v 3 Kaunde-undemo roonamo sarona momangkilo;
\q2 taroakamo akaunde-undeaka manga mia mopeelona KAWASANA OPU.
\q1
\v 4 Sadiamo upeelo KAWASANA OPU tee uemani kakaa minaaka i Incia;
\q2 sadiamo upeeloa.
\q1
\v 5 Udhania manga pewauna inda momentela mopadhana ikarajaana,
\q2 manga muuzizatina, tee manga kambotu ipakawaakana,
\q1
\v 6 e siwuluna Ibrahim, o bhatuana Aulataʼala,
\q2 e siwuluna Yakub, uumati ipilina Kawasana Opu!
\b
\q1
\v 7 KAWASANA OPU satotuuna o Aulataʼalata;
\q2 kambotuna atopake i saangua alamu.
\q1
\v 8 Incia sadia bheaudhania o pojanjiana,
\q2 tee firimani mopadhana iparintaakana saʼumurua to siwulu bhemoumbana naile itu,
\q1
\v 9 \x - \xo 105:9 \xo*\xt Bhaa. 12:7; 17:8; 26:3.\xt*\x*siitumo o pojanjia ibhokena tee Ibrahim,
\q2 tee o sumpana tee Ishak,
\q1
\v 10 \x - \xo 105:10-11 \xo*\xt Bhaa. 28:13.\xt*\x*Incia apekatangka sumpa incia sumai to Yakub amembali saangu katotapu,
\q2 tee amembali pojanjia mobakaa to miana Israel,
\q1
\v 11 firimanina, "Tana Kanaan bhekudhawuaka to ingkoo,
\q2 amembali tinaurakamu."
\b
\q1
\v 12 Wakutuuna miana Israel o kabharina tangkanamo saidhe,
\q2 saidhemea, tee manga incia amboore mboomo mia dhaga iwe sumai,
\q1
\v 13 manga incia apekalingka-lingka minaaka i saangu lipu sakawana i lipu mosagaanana,
\q2 minaaka i saangu pamarinta sakawana i pamarintana lipu mosagaanana.
\q1
\v 14 \x - \xo 105:14-15 \xo*\xt Bhaa. 20:3-7.\xt*\x*Maka o KAWASANA OPU inda ataroaka incema uka mopisakina manga incia.
\q2 KAWASANA OPU audhaniaka manga raja to ajagani manga incia,
\q1
\v 15 "Bholi ukia-kiaia manga mia ipiliku,
\q2 tee bholi upacilaka manga nabiiku!"
\b
\q1
\v 16 \x - \xo 105:16 \xo*\xt Bhaa. 41:53-57.\xt*\x*Wakutuuna o KAWASANA OPU aumbaaka balaana kaara to lipu incia sumai,
\q2 tee apahancuru bhari-bharia kinande modhaangiana iwe sumai,
\q1
\v 17 \x - \xo 105:17 \xo*\xt Bhaa. 37:28; 45:5.\xt*\x*KAWASANA OPU atumpumo samia moporikanaakana manga incia,
\q2 sarona mia incia sumai o Yusuf, mopadhana iaso amembali bhatua.
\q1
\v 18 \x - \xo 105:18-19 \xo*\xt Bhaa. 41:13. \xt*\x*Aena apekambelaakea tee rante,
\q2 bhorokona atobhokeaka tee rante minaaka i ase;
\q1
\v 19 sabutuna opea ipekilalaakana Yusuf atopamondomo,
\q2 KAWASANA OPU afirimani ande o Yusuf abanara.
\q1
\v 20 \x - \xo 105:20 \xo*\xt Bhaa. 41:14.\xt*\x*Rajana Mesir momaogena kuasana sumai,
\q2 atumpu mia to apabebasi Yusuf minaaka i katorongku.
\q1
\v 21 \x - \xo 105:21 \xo*\xt Bhaa. 41:39-41.\xt*\x*Incia aangkea amembali samia momalangana pangkatina i nuncana maligena raja,
\q2 tee o raja adhawua kuasa to moʼurusuna bhari-bharia harataana,
\q1
\v 22 tee uka adhawua kuasa to aʼatoro manga pagawena raja peepeeluana incana,
\q2 tee aadhariaka hikimati to manga mancuana monaasehatina raja.
\b
\q1
\v 23 \x - \xo 105:23 \xo*\xt Bhaa. 46:6; 47:11.\xt*\x*Kasiimpo Yakub aumba i Mesir,
\q2 Yakub amboore i Tana Ham\f + \fr 105:23 \fr*\fq Tana Ham: \fq*\ft Saro mosagaanana to Tana Mesir.\ft*\f* mboomo samia dhaga.
\q1
\v 24 \x - \xo 105:24 \xo*\xt Limb. 1:7-14.\xt*\x*KAWASANA OPU, apamembalia o uumatina ajulu o kabharina,
\q2 tee apamembalia manga incia alabhi o kakaana minaaka i bhalina.
\q1
\v 25 Kasiimpo KAWASANA OPU abhalii incana manga miana Mesir to abanci uumatina,
\q2 tee atipu miana Israel.
\b
\q1
\v 26 \x - \xo 105:26 \xo*\xt Limb. 3:10; 4:14-15.\xt*\x*Sumaimo Incia alamboko Musa,
\q2 tee Harun, bhatuana mopadhana ipilina.
\q1
\v 27 Rua-rua miaia apadhaangia manga giu inda momentela minaaka i Kawasana Opu i tanga-tangana manga miana Mesir sumai,
\q2 tee apewau manga muuzizati i Tana Ham.
\q1
\v 28 \x - \xo 105:28 \xo*\xt Limb. 10:21-23.\xt*\x*Kawasana Opu aumbaaka kalalanda, sumaimo amalalandamo o lipu incia sumai
\q2 maka o miana Mesir inda aose firimanina.
\q1
\v 29 \x - \xo 105:29 \xo*\xt Limb. 7:17-21.\xt*\x*Incia abhalii uwena miana Mesir amembali raa,
\q2 tee apekamate bhari-bharia ikanena manga incia.
\q1
\v 30 \x - \xo 105:30-31 \xo*\xt Limb. 8:1-24.\xt*\x*Manga barakaka abuke i lipuna manga incia
\q2 sampe apesua uka i nuncana kolemana raja.
\q1
\v 31 Kawasana Opu afirimani, sabutuna aumbamo manga lale mosampa,
\q2 tee ngkonunu apabuke saangua lipu.
\q1
\v 32 \x - \xo 105:32 \xo*\xt Limb. 9:22-25.\xt*\x*Incia apasapo waona esi,
\q2 tee bhibhito mokakila-kila i saangua lipuna manga incia.
\q1
\v 33 Incia apabinasa puuna angguru tee puuna ara,
\q2 tee apatobhata bhari-bharia manga puuna kau i lipuna manga incia.
\q1
\v 34 \x - \xo 105:34 \xo*\xt Limb. 10:12-15.\xt*\x*Kawasana Opu afirimani uka, kasiimpo aumbamo manga kabhoro,
\q2 tee o kabhoro mopolaka kabharina inda atogagari.
\q1
\v 35 Kabhoro sumai akande bhari-bharia penembula i lipuna manga incia,
\q2 tee apepadhaia bhari-bharia hasilina inawuna manga incia.
\q1
\v 36 \x - \xo 105:36 \xo*\xt Limb. 12:29.\xt*\x*Kawasana Opu uka apekamate bhari-bharia ana tumpe umane modhaangiana i lipuna incia sumai
\q2 siitumo bhaa-bhaana o kakaana manga incia.
\b
\q1
\v 37 \x - \xo 105:37-38 \xo*\xt Limb. 12:33-36.\xt*\x*Kasiimpo Aulataʼala apalimba miana Israel apoose abhawa pera tee bulawa,
\q2 bhari-bharia manga incia amalape o namisina tee amakaa o bukuna wakutuuna alimba minaaka i Mesir.
\q1
\v 38 Miana Mesir akaunde-unde wakutuuna manga incia alingka abholi lipu sumai
\q2 roonamo miana Mesir amaeka mpuu tee miana Israel.
\q1
\v 39 \x - \xo 105:39 \xo*\xt Limb. 13:21-22.\xt*\x*Aulataʼala abhakesaka taʼina ngalu to apapeulu uumatina,
\q2 tee waa to kasuluwi i wakutuuna amalo.
\q1
\v 40 \x - \xo 105:40 \xo*\xt Limb. 16:2-15.\xt*\x*Manga incia aemani kinande i Aulataʼala, sabutuna o Aulataʼala alambokoakea manu-manu sonta,
\q2 tee manga incia apekambosuakea roti minaaka i laiana.
\q1
\v 41 \x - \xo 105:41 \xo*\xt Limb. 17:1-7. \xt*\x*Awetaia o bhatu maoge, kasiimpo apidhimo o uwe,
\q2 asiwulu mboomo umala i tana matuu,
\q1
\v 42 roonamo Incia audhani firimanina momangkilo,
\q2 tee audhani Ibrahim o bhatuana sumai.
\b
\q1
\v 43 Jadi Incia abhawa uumatina alimba tee akaunde-unde,
\q2 tee manga mia ipilina alagu tee asambo-sambo.
\q1
\v 44 Aulataʼala adhawuakea tanana manga lipu mosagaanana to manga incia,
\q2 sabutuna manga incia apotibhaaka harataana manga lipu incia sumai.
\q1
\v 45 Tee mboo sumai, manga incia amembali akenia pekatangka manga katotapuna,
\q2 tee aose kaadharina.
\q1 Pujimea o KAWASANA OPU!
\c 106
\s Kaasina Molagina Kawasana Opu tee Kakaana Incana Miana Israel
\sr 106:1-48
\q1
\v 1 \x - \xo 106:1 \xo*\xt Zab. 100:4-5.\xt*\x*Pujimea o KAWASANA OPU!
\b
\q1 Sukurumo i KAWASANA OPU, roonamo Incia amalape,
\q2 kaasina molagina abakaa saʼumurua.
\q1
\v 2 Incema momembalina mopetulatulaakana giu maoge mopadhana ipewauna KAWASANA OPU,
\q2 atawa apaperangoiakea sagala kapujia to Incia?
\q1
\v 3 Amasanaamo manga mia mopewauna kaʼadili,
\q2 tee modhadhina i nuncana kabanara.
\b
\q1
\v 4 E KAWASANA OPU, udhaniaku wakutuuna upewau malape i uumatimu;
\q2 bholi umalinguakaaku wakutuuna upasalaamati manga incia.
\q1
\v 5 Mamudhaakana amembali kukamata kalapena dhadhina manga mia ipilimu,
\q2 mamudhaakana amembali kumasanaa i nuncana kaunde-undena manga miana lipumu,
\q1 tee mamudhaakana amembali kupujiko kupobhawa-bhawa tee uumati momembalina tinaurakamu.
\b
\q1
\v 6 Ingkami padhamo tapewau dosa mboomo opu-opuamami;
\q2 ingkami padhamo tapewau kasalaha tee tadorohaka.
\q1
\v 7 \x - \xo 106:7 \xo*\xt Limb. 14:10-12.\xt*\x*Wakutuuna i Mesir,
\q2 opu-opuamami inda amaʼanaia manga giu inda momentela ipewaumu;
\q1 manga incia inda audhania o kaasimu molagina motaralabhi-labhi sumai,
\q2 maka manga incia adorohaka i Aulataʼala Momalanga i bhiwina Tawo Towu Lambe.
\q1
\v 8 Maka o Kawasana Opu apasalaamati manga incia to ajagani sarona karona,
\q2 mamudhaakana amataua o kaogena kuasana.
\q1
\v 9 \x - \xo 106:9-12 \xo*\xt Limb. 14:21-31.\xt*\x*Incia agorampangi Tawo Towu Lambe sabutuna amatuumo o tawo sumai,
\q2 kasiimpo abhawa manga incia apolimba i tawo mboomo adhala i tana matuu.
\q1
\v 10 Jadi o Kawasana Opu apasalaamati manga incia minaaka i kuasana manga mia mobancia,
\q2 tee arambasakea manga minaaka i limana musu.
\q1
\v 11 Uwena tawo apatondu bhalina manga incia;
\q2 inda samia uka mosalaamatina.
\q1
\v 12 I wakutuu incia sumai manga incia aparacaeamo tee opea ifirimaniakana,
\q2 tee alaguaka manga kapujia to Incia.
\b
\q1
\v 13 Maka manga incia amasimba mpuu amalinguaka opea ipewauna Kawasana Opu,
\q2 tee inda aantagi to arango opea ihaejatiakana to manga incia.
\q1
\v 14 Manga incia akuasaia nawusuu to akande i tampa momalino,
\q2 tee auji Aulataʼala mamudhaakana abukutiiakea o kuasana i tana matuu.
\q1
\v 15 Kawasana Opu adhawuakea opea iemanina manga incia,
\q2 maka apoose alambokoakea tee panyaki imembaliakana manga incia amangkuru.
\b
\q1
\v 16 Wakutuuna i pokemaa manga incia amapii incana tee Musa,
\q2 tee amapii incana uka tee Harun, mia momangkilo ipilina KAWASANA OPU.
\q1
\v 17 Alamu apoweta kasiimpo adhoku Datan,
\q2 tee o tana atutubhi manga moosena Abiram.\f + \fr 106:17 \fr*\fq Datan...Abiram: \fq*\ft Datan tee Abiram akapalai saangu rombongana miana Israel modorohakana i Harun tee Musa. Manga mia incia sumai akangkanaia hisabuna Kawasana Opu.\ft*\f*
\q1
\v 18 Waa uka arore i tanga-tangana manga incia,
\q2 rorena waa apekangau manga mia madhaki.
\b
\q1
\v 19 \x - \xo 106:19 \xo*\xt Limb. 32:1-14.\xt*\x*Manga incia akarajaa patu anana sapi i Horeb,
\q2 kasiimpo asomba patu motorabu sumai.
\q1
\v 20 Tee mboo sumai, manga incia padhamo abholosi kamuliangina Aulataʼala
\q2 tee patuna sapi mokandena rumpu.
\q1
\v 21 Manga incia amalinguaka Aulataʼala mopasalaamatina manga incia,
\q2 mopadhana mopewauna manga giu momaoge i Mesir.
\q1
\v 22 Siitumo Incia apewau manga giu inda momentela i Tana Ham,
\q2 tee manga giu motomaeka i bhiwina Tawo Towu Lambe.
\q1
\v 23 Siitumo sababuna o Kawasana Opu afirimani ande bheapabinasa manga incia
\q2 maka ataangia Musa, mia ipilina.
\q1 Musa ataangi pamuruna Kawasana Opu to manga incia,
\q2 sabutuna amarana auntomo tee inda apabinasea.
\b
\q1
\v 24 Kasiimpo manga incia amendeu apesua i lipu momangada sumai,
\q2 tee inda aparacaea firimanina.
\q1
\v 25 Manga incia akamburu-mburu i nuncana kemana,
\q2 tee inda aperangoi firimanina KAWASANA OPU.
\q1
\v 26 Siitumo sababuna Incia aposumpa
\q2 ande bheapekamate manga incia i tana matuu,
\q1
\v 27 tee o siwuluna manga incia bheapapogaa-gaaia i tanga-tangana manga lipu,
\q2 tee apasaraakaakea i lipu mosagaanana.
\b
\q1
\v 28 Manga incia uka asomba dewa Baal i Gunu Peor,
\q2 tee akande manga kurubani isumbele to manga barahala inda modhadhi.
\q1
\v 29 Manga giu incia sumai amapiiakea incana KAWASANA OPU,
\q2 sabutuna aumbamo o panyaki imateaka i tanga-tangana manga incia.
\q1
\v 30 Maka o Pinehas aumba ahukumu manga mia mosala,
\q2 sabutuna auntomo o panyaki imateaka sumai.
\q1
\v 31 Pewauna Pinehas sumai amembali saangu jasa tee giu mobanara to incia
\q2 sakawana saʼumurua zamani.
\b
\q1
\v 32 Manga incia apekapii incana KAWASANA OPU i saripina matana uwe i Meriba
\q2 sabutuna o Musa anarakaa roonamo pewauna manga incia,
\q1
\v 33 sababuna manga incia apekarewu incana Musa,
\q2 sabutuna incia abhoasaka manga pogau inda ifikirina porikana.
\b
\q1
\v 34 Manga incia uka inda apabinasa manga lipu i Kanaan,
\q2 mboomo iparintaakana KAWASANA OPU to manga incia,
\q1
\v 35 maka manga incia aporomu tee manga miana lipu incia sumai,
\q2 tee asiringi pewauna manga incia.
\q1
\v 36 Miana Israel asomba manga barahalana miana Kanaan,
\q2 sabutuna o giu incia sumai amembali katapu to manga incia.
\q1
\v 37 Manga incia apasombaakea o anana, malape o ana umane atawa o ana bhawine
\q2 amembali kurubani to manga seetani.
\q1
\v 38 Manga incia apekamate manga mia inda mosala,
\q2 siitumo o raana anana manga incia,
\q2 ipasombaakana amembali kurubani to manga barahala i Kanaan,
\q2 sabutuna o lipu sumai amarombuaka raa.
\q1
\v 39 Sumaimo manga incia apekarombu karona tee opea ipewauna,
\q2 tee o feʼelina mboomo bhawinena dhala.\f + \fr 106:39 \fr*\ft Pokaiana Kawasana Opu tee Israel agambaraakea mboomo ibaratina umane tee bhawinena. Wakutuuna Israel asomba barahala sumai agambaraakea tee ibaratina Israel azina tee bhawinena dhala. \ft*\f*
\b
\q1
\v 40 Siitumo sababuna o pamuruna KAWASANA OPU akarore-rore to uumatina,
\q2 tee amarika akamata lipuna uumatina karona.
\q1
\v 41 Sumaimo Kawasana Opu apasarakaaka manga incia i manga lipu mosagaanana,
\q2 sabutuna manga incia akuasaia musuna.
\q1
\v 42 Manga incia apisakia musuna,
\q2 sabutuna o miana Israel atokuasai tee atotalo.
\q1
\v 43 Amenturu o Kawasana Opu atulungia,
\q2 maka manga incia sadia adorohaka tee opea ihaejatiakana,
\q2 sabutuna manga incia atondu i nuncana dosa.
\q1
\v 44 Maka o Kawasana Opu akamatea o kanarakaana manga incia
\q2 wakutuuna arangoa o gorana.
\q1
\v 45 Rampaakanamo Incia afaduli tee manga incia, Kawasana Opu audhanimea o pojanjiana,
\q2 tee amaasi akamata manga incia apokana tee kaasina molagina motaralabhi-labhi.
\q1
\v 46 Rampaakanamo Kawasana Opu, manga incia apotibhaaka rahumati
\q2 sabutuna manga musuna amaasiakea.
\b
\q1
\v 47 Manga pasalaamatimo, e KAWASANA OPU, e Aulataʼalamami!
\q2 Manga romusakamo tee manga pambulimo minaaka i lipuna mia,
\q1 mamudhaakana ingkami tamembali tasukuru i saromu momangkilo
\q2 tee takaunde-unde wakutuuna tapuji-pujiko.
\b
\q1
\v 48 Atopujimo o KAWASANA OPU, Aulataʼala isombana miana Israel,
\q2 sii-sii tee saʼumurua!
\q1 Taroakamo bhari-bharia mia apogau, "Aamin!"
\q2 Pujimea o KAWASANA OPU!
\c 107
\ms BOKU I LIMA ANGUNA:
\s2 Zaburu 107--150
\s1 Kasukuru Minaaka i Manga Mia Ipasalaamatina Kawasana Opu
\sr 107:1-43
\q1
\v 1 \x - \xo 107:1 \xo*\xt Zab. 100:4-5; 106:1; 118:1; 136:1; Yer. 33:11.\xt*\x*Sukurumo i KAWASANA OPU roonamo Incia amalape,
\q2 tee kaasina abakaa saʼumurua.
\q1
\v 2 Taroakamo o giu incia sumai abhoasakea manga mia mopadhana itolosina KAWASANA OPU,
\q2 siitumo manga incia mopadhana itolosina minaaka i kanarakaa,
\q1
\v 3 tee mopadhana iromusakana minaaka i manga lipu mosagaanana,
\q2 minaaka i timbu tee minaaka i bhara,
\q2 minaaka i napa tee minaaka i salata.
\b
\q1
\v 4 Dhaangia uka manga mia mopekalingka-lingkana i tana matuu,
\q2 tee inda amatau dhala moporopena i kampo imbooresina mia.
\q1
\v 5 Manga incia amaara tee amatuu bhorokona,
\q2 tee ailamo bhari-bharia iharapuna.
\q1
\v 6 Manga incia agora tee aemani tulungi i KAWASANA OPU i wakutuuna kaseke,
\q2 kasiimpo Incia arambasakea manga minaaka i kanarakaana,
\q1
\v 7 tee atondaia alaloi dhala momakate,
\q2 sabutuna manga incia akawa i kampo imbooresina mia.
\q1
\v 8 Taroakamo manga incia asukuru i KAWASANA OPU roonamo kaasina molagina,
\q2 tee roonamo manga giu inda momentela ipewauna to maanusia,
\q1
\v 9 sababuna Incia apatumpu incana mia momatuuna bhorokona,
\q2 tee apekambosu mia momaara tee giu momalape.
\b
\q1
\v 10 Sagaa minaaka i manga incia auncura i nuncana kalalanda tee kagalapu,
\q2 manga mia itaangi i katorongku amaporo incana tee atobhoke tee rante ase,
\q1
\v 11 roonamo manga incia adorohaka tee firimanina Aulataʼala,
\q2 tee amendeu atarima kaadharina Kawasana Opu Momalanga.
\q1
\v 12 Siitumo sababuna Incia apisaki ngangarandana manga incia tee karajaa matamo,
\q2 manga incia amandawu tee inda dhaangia motulungia.
\q1
\v 13 Kasiimpo manga incia agora i KAWASANA OPU i wakutuuna kaseke,
\q2 tee Incia apasalaamatia manga minaaka i kanarakaana;
\q1
\v 14 Manga incia apalimbaia minaaka i kalalanda tee kagalapu,
\q2 tee abhotukimea o kabhokena rantena manga incia.
\q1
\v 15 Taroakamo manga incia asukuru i KAWASANA OPU to kaasina molagina,
\q2 tee manga giu inda momentela ipewauna to maanusia,
\q1
\v 16 roonamo Incia apasaki manga bhamba tambaga,
\q2 tee atumpo manga kapasona bhamba motokarajaana minaaka i ase.
\b
\q1
\v 17 Dhaangia uka momembalina mokabhongo-bhongo roonamo feʼelina manga incia modorohaka,
\q2 tee roonamo kasalahana karona, manga incia atosikisaa.
\q1
\v 18 Manga incia amendeu akande opea uka,
\q2 tee o ajalana manga incia amakasumo.
\q1
\v 19 Kasiimpo, manga incia agora aemani tulungi i KAWASANA OPU i wakutuuna kaseke,
\q2 tee Incia apasalaamatia manga minaaka i kanarakaa.
\q1
\v 20 KAWASANA OPU afirimani, tee o firimanina sumai amembali apaunto kapiina manga incia,
\q2 tee apasalaamatia manga minaaka i bhalona koburu.
\q1
\v 21 Taroakamo manga incia asukuru i KAWASANA OPU roonamo kaasina molagina,
\q2 tee roonamo manga giu inda momentela ipewauna to maanusia.
\q1
\v 22 Taroakamo manga incia abhawa pasombaa kasukuru,
\q2 tee apokoleleakea bhari-bharia ipewauna apoose asambo-sambo!
\b
\q1
\v 23 Dhaangia uka mosapona mokarajaana i kapala i tawo,
\q2 siitumo manga mia mopodhagana i andalaoge.
\q1
\v 24 Manga incia akamatea bhari-bharia ipewauna KAWASANA OPU,
\q2 tee manga giu inda momentela ipewauna i andalaoge.
\q1
\v 25 Incia afirimani, sabutuna akawamo ngalu tee garura
\q2 moangkana manga ewona tawo pekalanga-langa.
\q1
\v 26 Manga incia atoangka sakawana i antara, kasiimpo atotudhaaka i andalaoge.
\q2 Manga incia akailanga kabaranina roonamo apoaro tee balaa.
\q1
\v 27 Manga incia alingka kabhele-bhele tee adida mboomo mia malango,
\q2 tee ailamo o akalana.
\q1
\v 28 Kasiimpo manga incia agora aemani tulungi i KAWASANA OPU i wakutuuna kaseke,
\q2 tee manga incia arambasakea minaaka i kanarakaa,
\q1
\v 29 tee apaunto garura,
\q2 sabutuna manga ewo i tawo amembali amalino.
\q1
\v 30 Kasiimpo manga incia akaunde-unde roonamo amalinomo,
\q2 tee Incia abhawea manga i labusa iporopeana.
\q1
\v 31 Taroakamo manga incia asukuru i KAWASANA OPU roonamo kaasina molagina,
\q2 tee roonamo manga giu inda momentela ipewauna to maanusia!
\q1
\v 32 Taroakamo manga incia amuliangia i tanga-tangana poromusakaana uumatina,
\q2 tee apujia i nuncana majilisina manga mancuanana lipu.
\b
\q1
\v 33 Incia abhalii manga umala amembali tana matuu,
\q2 tee manga matana uwe amembali tana inda mokouwe.
\q1
\v 34 Tana mosuburu apamembalia tana mokogara inda momembalina ipombulaaka penembula
\q2 roonamo kadhakina manga mia mombooresia.
\q1
\v 35 Incia uka abhalii tana matuu amembali kolam,
\q2 tee o tana inda mokouwe apamembalia manga matana uwe.
\q1
\v 36 KAWASANA OPU ataroaka manga mia momaara amboore iwe sumai,
\q2 kasiimpo manga incia abhangu kota to tampana mbooresana.
\q1
\v 37 Manga incia ahewi manga inawu tee apombulaakea puuna angguru,
\q2 tee apotibhaaka timpua mobhari.
\q1
\v 38 Minaaka i kabarakatina Kawasana Opu, manga incia ajulu o kabharina,
\q2 tee Incia inda ataroaka binata kadhambaakana akura o kabharina.
\b
\q1
\v 39 Maka sapadhana sumai, manga incia atalomea musuna, sabutuna o kabharina akuramo tee atungku i aroana bhalina,
\q2 roonamo o musu apisaki tee apacilaka manga incia tee apekaporoa incana.
\q1
\v 40 KAWASANA OPU apasapoakea kahina to manga kaogesana lipuna,
\q2 manga incia apewaua apekalingka-lingka i tana matuu tee inda apotibhaaka dhala.
\q1
\v 41 Maka o mia misikini aangkea minaaka i kanarakaana,
\q2 tee manga incia apamembalia ajulu o kabharina mboomo gulumana dumba.
\q1
\v 42 Manga mia mobanara akamatea o giu incia sumai tee akaunde-unde,
\q2 maka o ngangana mia madhaki atosoncongi.
\b
\q1
\v 43 Taroakamo manga mia moʼaarifu akamata bhari-bharia o giu incia sii,
\q2 tee afahamua o kaasina KAWASANA OPU molagina.
\c 108
\s Sukuru tee Doʼa
\r (57:8-12; 60:7-14)
\d Lagu. Zaburuna Daud.
\b
\q1
\v 1 \x - \xo 108:2-6 \xo*\xt Zab. 57:8-12.\xt*\x*Ngangarandaku amatangka, e Aulataʼala!
\q2 Gauku bhekulaguaka lagu kapujia to Ingkoo.
\q2 Bhangumo, e inyawaku!
\q1
\v 2 Iaku bhekubhangu tee kumagasiaaka gambusu tee kecapi!
\q2 Iaku bhekubhangu raneeooge!
\q1
\v 3 Iaku bhekusukuru i Ingkoo i tanga-tangana manga lipu, e KAWASANA OPU,
\q2 tee kulaguaka manga lagu kapujia i manga lipu mosagaanana.
\q1
\v 4 Sababuna o kaasimu molagina amaoge akawa i laiana,
\q2 tee kabanaramu akawa i taʼina ngalu.
\q1
\v 5 E Aulataʼala, susuakea kaogesamu i laiana,
\q2 tee kamuliangimu i saangua alamu.
\b
\q1
\v 6 \x - \xo 108:7-14 \xo*\xt Zab. 60:7-14.\xt*\x*Mangapakana tee kuasamu tee uperangoimea o doʼaku,
\q2 mamudhaakana manga mia imaasiakamu atopasalaamati.
\q1
\v 7 Aulataʼala padhamo afirimani i tampana momangkilo,
\q2 "Iaku gauku kukaunde-unde, tee kupodhawu-dhawuaka Tana Sikhem,
\q2 tee kuʼukuru Mbolongana Sukot."
\q1
\v 8 Gilead tee Manasye o pewauaku,
\q2 Efraim mboomo helem minaaka i ase mojaganina bhaaku,
\q2 tee Yuda katukona pamarintaku.
\q1
\v 9 Maka o Tana Moab amembali palangga tampana bhanuiana aeku,
\q2 tee i bhawona Tana Edom kutudhaaka sandaliku.
\q2 E Tana Filistin, Iaku kusambo-sambomo roonamo padhamo kutaloko!"
\b
\q1
\v 10 Incema bhemobhawaaku i kota mokobentena makaa sumai?
\q2 Incema momembalina moʼantaraaku sakawana i Edom?
\q1
\v 11 E Aulataʼala, buaka mencuana Ingkoo mangabhanakana?
\q2 E Aulataʼala, Ingkoo inda umaju upobhawa tee tantaramami to taewangi musu.
\q1
\v 12 Manga tulungi minaaka i musu,
\q2 roonamo o katulungina maanusia inda akoguna.
\q1
\v 13 Tapobhawa tee Aulataʼala ingkita tamembali tatalo musuta,
\q2 sababuna Incia bhemopahancuruna musuta.
\c 109
\s Doʼana Mia Motofitanaa
\sr 109:1-31
\p
\v 1 To kapalana molaguna. Zaburuna Daud.
\b
\q1 Bholi inda tee uuʼuumu,
\q2 e Aulataʼala ipuji-pujiku.
\q1
\v 2 Roonamo ngangana manga mia madhaki tee pande gau-gau padha apogauakaaku madhaki;
\q2 manga incia afitanaaku tee dhela mogau-gau.
\q1
\v 3 Pogau ibhoasakana manga incia abukeaka kabancia,
\q2 tee aewangiaku inda akoʼalasa.
\q1
\v 4 Manga incia araeakaaku kupewau kadhaki to abalasi kaasiku,
\q2 moomini i tangasaana kudoʼaakea.
\q1
\v 5 Jadi manga incia abalasi kalapeku tee kadhaki,
\q2 tee abalasi kaasiku tee kabancia.
\b
\q1
\v 6 Angkamo o mia madhaki to alawani musuku,
\q2 taroakamo o mia i weta kaanana to araeakea.
\q1
\v 7 Ande atoʼadili, taraoakamo incia atobhotukiaka amembali mia mosala,
\q2 tee doʼana atoabhi dosa.
\q1
\v 8 \x - \xo 109:8 \xo*\xt Tul. 1:20. \xt*\x*Maasangia o umuruna amampodho,
\q2 tee taroakamo kauncuramakana aalea mia mosagaanana.
\q1
\v 9 Taroakamo manga anana amembali amaelu,
\q2 tee o bhawinena amembali iaiaro.
\q1
\v 10 Taroakamo manga anana apekalingka-lingka tee apengkaemani,
\q2 maasangia manga incia atopadhencu minaaka i karunggana bhanuana.
\q1
\v 11 Maasangia o mia pande giwuna dhosa aalea bhari-bharia pewauana modhaangiana i karona,
\q2 tee maasangia mia mosagaanana arampasia hasilina usahana.
\q1
\v 12 Bholi dhaangia samia uka momalapena incana tee incia,
\q2 atawa momaasiakana manga ana-anana momaeluna sumai.
\q1
\v 13 Taroakamo bhari-bharia siwuluna atopabinasa,
\q2 tee o sarona atomalinguaka i siwulu muri-murina.
\q1
\v 14 Taroakamo kasalahana opu-opuana sadhaadhaa audhania KAWASANA OPU,
\q2 tee inda ahapusu dosana inana.
\q1
\v 15 Taroakamo kasalahana sadhaadhaa i aroana KAWASANA OPU,
\q2 tee inda dhaangia uka moudhanina mia incia sumai i alamu,
\q1
\v 16 roonamo incia inda dhaangia audhani kalape,
\q2 tangkanamo apadhende mia monarakaa tee mia motopisaki,
\q2 tee mia momaporona incana sakawana amate.
\q1
\v 17 Incia sadia apekatunda, jadi taroakamo o katundana akangkanai karona!
\q2 Incia amendeu adoʼaaka tee abarakati mia mosagaanana, jadi taroakamo o barakati amaridho minaaka i karona!
\q1
\v 18 Incia apake katunda mboomo bajuna,
\q2 maasangia katunda sumai apesua i nuncana badana mboomo uwe,
\q2 tee apesua i nuncana buku-bukuna mboomo mina.
\q1
\v 19 Taroakamo o katunda sumai amembali mboomo juba ipakena to mosalibumbungiakana karona,
\q2 tee mboomo kabhokena tanga mosadiana abhokeaka tangana.
\q1
\v 20 Taroakamo o giu incia sii amembali kabalasina KAWASANA OPU to manga mia moraeakaaku,
\q2 tee manga mia mopogauakaaku madhaki.
\b
\q1
\v 21 Maka Ingkoo, e KAWASANA OPU, e Aulataʼalaku, tulungiakumo roonamo saromu,
\q2 tee upasalaamatiaku roonamo kalapemu tee kaasimu molagina.
\q1
\v 22 Roonamo iaku sii kunarakaa tee kumisikini,
\q2 tee i nuncana karoku amambela o ngangarandaku.
\q1
\v 23 Iaku kuila mboomo ngkamia-mia i wakutuuna konowia;
\q2 inyawaku mboomo kabhoro itantamaka.
\q1
\v 24 Toputuku arengku roonamo kupoasa,
\q2 tee o badaku amangkurumo.
\q1
\v 25 \x - \xo 109:25 \xo*\xt Mat. 27:39; Mrk. 15:29.\xt*\x*Mia moraeakaaku ahinaaku;
\q2 wakutuuna akamataaku, manga incia alengko-lengko bhaana.
\b
\q1
\v 26 E KAWASANA OPU, e Aulataʼalaku, tulungiaku.
\q2 Pasalaamatiaku apokana tee kaasimu molagina.
\q1
\v 27 Taroakamo o musuku amataua ande bhari-bharia sumai ipewauna limamu,
\q2 tee amataua ande Ingkoo mopewaua e KAWASANA OPU.
\q1
\v 28 Taroakamo manga incia apekatunda, maka Ingkoo ubarakatiaku.
\q2 Taroakamo manga incia apotibhaaka kaea, maka o bhatuamu sii bheakaunde-unde.
\q1
\v 29 Taroakamo manga mia moraeakaaku apake kaʼaebu to bajuna,
\q2 tee taroakamo manga incia aposalibumbuaka kaeana mboomo juba motutubhina karona.
\b
\q1
\v 30 Iaku sadia bhekusukuru i KAWASANA OPU tee ngangaku,
\q2 tee bhekupujia i tanga-tangana mia bhari
\q1
\v 31 roonamo Incia aewaaka mia misikini
\q2 to apasalaamatia minaaka i manga mia mohukumua.
\c 110
\s Al Masi sumai Momembalina Raja tee Imamu
\sr 110:1-7
\p
\v 1 \x - \xo 110:1 \xo*\xt Mat. 22:44; Mrk. 12:36; Luk. 20:42-43; Tul. 2:34-35; 1Kor. 15:25; Kol. 3:1.\xt*\x*Zaburuna Daud.
\b
\q1 Mboo siimo o firimanina KAWASANA OPU to Opuku,\f + \fr 110:1 \fr*\fq Opuku: \fq*\ft Iwe sii o Kawasana Opu afirimani i Opuna Nabii Daud. Mboomo motoburina i nuncana Kitabi Lele Malape, Opu sumai atosarongiaka Isa Al Masi (kamata \ft*\xt Mat. 22:44\xt*).\f*
\q2 "Uncuramo i weta kaanaku,
\q2 sakawana kupewau manga musumu amembali polandakana aemu."
\b
\q1
\v 2 KAWASANA OPU bheapekaewa pamarintamu minaaka i Kota Sion.
\q2 Kokuasamo i tanga-tangana manga musumu!
\q1
\v 3 Raʼeatimu arela bheamaju tee totona incana,
\q2 i eona ukapalai manga pasukamu
\q2 i bhawona manga gunu momangkilo.
\q1 Manga ana manguramu bheaumba i aroamu,
\q2 mboomo alo mosapona i wakutuuna raneeo.
\b
\q1
\v 4 KAWASANA OPU padhamo apotunda
\q2 tee Incia inda bheahelaia pendua o kambotuna,
\q1 "Ingkoo satotuuna o imamu to saʼumurua
\q2 mboomo tuturana Malkisedik."\f + \fr 110:4 \fr*\fq Malkisedik: \fq*\ft Imamu tee rajana Salem moumbana i Abram sapadhana incia atalo Raja Kedorlaomer tee manga raja mopobhawana tee incia. Siitumo incia momembalina polanciringa mopokanana tee Al Masi bhemoumbana tee bhemotoangkana to amembali raja tee imamu. Kamata \ft*\xt Bhaa. 14:17-24\xt* tee \xt Ibr. 7:1-28.\xt*\f*
\b
\q1
\v 5 Kawasana Opu dhaangia i weta kaanamu;
\q2 Incia bheapahancuru manga raja i eona pamuruna.\f + \fr 110:5 \fr*\fq Incia bheapahancuru manga raja i eona pamuruna: \fq*\ft I wakutuuna aahirina zamani, Opu sumai bheapekatalo bhari-bharia pamarinta inda moʼadili (kamata \ft*\xt Zab. 110:1; 2:6-9\xt*).\f*
\q1
\v 6 Incia bheahukumu manga lipu,
\q2 sabutuna o lipu sumai abukeaka tee manga maeati.
\q2 Incia bheapasaki bhaana manga musuna i saangua alamu.
\q1
\v 7 Incia bheasumpu minaaka i saangu umala modhaangiana i bhiwina dhala,
\q2 siitumo incia bheaangka bhaana roonamo padhamo atalo manga musuna.
\c 111
\s Kalapena Kawasana Opu
\sr 111:1-10
\p
\v 1 Pujimea o KAWASANA OPU!
\b
\q1 Iaku bhekusukuru i KAWASANA OPU tee mpuu-mpuuna incaku
\q2 i tampa poromusakaana mia momakatena incana
\q2 tee i tampana poromusakaana uumati.
\b
\q1
\v 2 Tapanamo inda amentela ipewauna KAWASANA OPU,
\q2 alaenga mpuu afikiria bhari-bharia mia mopeelua,
\q1
\v 3 pewauna amulia tee atopuji,
\q2 kabanarana sadhaadhaa to saʼumurua.
\q1
\v 4 Incia apatokamata manga pewauna inda momentelana
\q2 mamudhaakana sadhaadhaa taudhania;
\q2 KAWASANA OPU sumai amalape incana tee amaasiaka uumatina.
\q1
\v 5 KAWASANA OPU adhawu razakii i mia momaekaia,
\q2 Incia sadhaadhaa audhani janjina.
\q1
\v 6 KAWASANA OPU padhamo asusuaka kuasana i uumatina,
\q2 tee manga incia adhawuakea tana tinaurakana manga lipu.
\q1
\v 7 KAWASANA OPU apewau adili tee amembali atoparacaea i nuncana bhari-bharia ipewauna,
\q2 tee bhari-bharia parintana atoparacaea.
\q1
\v 8 Bhari-bharia sadhaadhaa amatangka to saʼumurua,
\q2 tee apewaua i nuncana kaʼadili tee kabanara.
\q1
\v 9 KAWASANA OPU padhamo apabebasi uumatina,
\q2 tee apatotapuaka pojanjiana to saʼumurua.
\q2 Sarona amangkilo tee amaoge!
\q1
\v 10 Mia momaekana i KAWASANA OPU satotuuna o auwalina mia amembali aʼaarifu;
\q2 bhari-bharia mia mopewaua apotibhaaka fahamu momalape.
\q1 Kapujia to KAWASANA OPU asadhaadhaa saʼumurua!
\c 112
\s Kasanaana Mia Malape
\sr 112:1-10
\p
\v 1 Pujimea o KAWASANA OPU!
\b
\q1 Amasanaamo mia momaekana i KAWASANA OPU,
\q2 mopeeluna mpuu manga parintana.
\b
\q1
\v 2 Manga opu-opuana bheakokuasa i alamu,
\q2 tee siwulu momakatena incana bheatobarakati.
\q1
\v 3 Harataa tee karangkaea dhaangia i nuncana bhanuana,
\q2 tee kabanarana manga incia sadhaadhaa to saʼumurua.
\q1
\v 4 Moomini i nuncana kalalanda, dhaangia tee kainawa to mia mosaalihi;
\q2 siitumo to mia momalape, momaasi, tee mobanara.
\q1
\v 5 Akodhawuamo o mia mobukeakana kaasi tee momenturuna mopekapadhaakana doina,
\q2 tee aʼadili i nuncana bhari-bharia karajaana.
\q1
\v 6 Roonamo iimanina mia mobanara inda bheakohudha saʼumurua,
\q2 tee bheatoudhani saʼumurua.
\q1
\v 7 Manga incia inda amaeka tee lele madhaki;
\q2 incana amatangka roonamo aparacaea i KAWASANA OPU.
\q1
\v 8 Incana amatangka tee manga incia inda amaeka;
\q2 sabutuna manga incia bheakamata manga musuna amatalo.
\q1
\v 9 \x - \xo 112:9 \xo*\xt 2Kor. 9:9.\xt*\x*Tee relana totona incana, manga incia sadia asadakaa i mia misikini.
\q2 Kabanarana sadhaadhaa to saʼumurua;
\q2 manga incia akokuasa tee atohoromati.
\q1
\v 10 Manga mia madhaki akamata giu incia sumai asabhaakea randana;
\q2 manga incia uka apakiri-kiri ngincina, kasiimpo amofu.
\q2 Opea ihaejatiakana mia madhaki inda bheamembali.
\c 113
\s Kawasana Opu Apekalanga Mia Momaidhiidhi
\sr 113:1-9
\p
\v 1 Pujimea o KAWASANA OPU!
\q1 Pujimea, e manga bhatuana KAWASANA OPU,
\q2 pujimea o sarona KAWASANA OPU!
\b
\q1
\v 2 Bhari-bharia kapujia to sarona KAWASANA OPU,
\q2 sii-sii sampe saʼumurua!
\q1
\v 3 Pepuu minaaka i abhete matanaeo sakawana asoo matanaeo,
\q2 sarona KAWASANA OPU alaenga atopuji.
\q1
\v 4 KAWASANA OPU amalanga tee akokuasa i bhawona bhari-bharia lipu,
\q2 tee kamuliangina alabhi amalanga minaaka i laiana.
\b
\q1
\v 5 Incema buaka mboomo KAWASANA OPU, Aulataʼalata,
\q2 mokokauncuramakana i tampa momalanga,
\q1
\v 6 tee mopaʼungkona karona to apotonto
\q2 i laiana tee i alamu?
\q1
\v 7 Incia aangka mia misikini minaaka i ngawu,
\q2 tee apalimba mia monarakaa minaaka i kabumbuna ngawu
\q1
\v 8 to apauncura manga incia aposaangu tee manga kaogesa
\q2 minaaka i uumatina.
\q1
\v 9 Incia arahumatiakea anaana i manga bhawine mokomba,\f + \fr 113:9 \fr*\fq bhawine mokomba: \fq*\ft Bhawine inda momembalina mokoana.\ft*\f*
\q2 sabutuna o bhawine sumai akaunde-unde i nuncana bhanuana.
\b
\q2 Pujimea o KAWASANA OPU!
\c 114
\s Wakutuuna Miana Israel Alimba minaaka i Mesir
\sr 114:1-8
\q1
\v 1 \x - \xo 114:1 \xo*\xt Limb. 12:51.\xt*\x*Wakutuuna miana Israel alimba minaaka i Mesir,
\q2 siitumo wakutuuna siwuluna Yakub abholi lipu moposalana pogauna sumai,
\q1
\v 2 Kawasana Opu apamembali Yuda tampana momangkilo,
\q2 tee Israel amembali tampana pamarintana.
\b
\q1
\v 3 \x - \xo 114:3 \xo*\xt Limb. 14:21.\xt*\x*Tawo Towu Lambe akamata KAWASANA OPU sabutuna apalai tee amembali amatuu,
\q2 Umala Yordan ambuli i talikuna.\f + \fr 114:3 \fr*\ft Aeati 3 tee 5 apogauaka rua mpearo Aulataʼala abungkale dhala i tampa mokouwe to miana Israel wakutuuna manga incia abholi Mesir tee apesua i Tana Kanaan. \ft*\f*
\q1
\v 4 Manga gunu apekalumpa-lumpa mboomo dumba umane,
\q2 tee manga kabumbu apekatiba-tiba mboomo anana dumba.
\b
\q1
\v 5 E Tawo Towu Lambe, apokia upalai?
\q2 E Umala Yordan, apokia umbuli i talikumu?
\q1
\v 6 E manga gunu, apokia upekalumpa-lumpa mboomo dumba umane,
\q2 tee manga kabumbu, apokia upekatiba-tiba mboomo anana dumba?
\b
\q1
\v 7 E alamu, torendemo i aroana Kawasana Opu,
\q2 i aroana Aulataʼala isombana Yakub,
\q1
\v 8 \x - \xo 114:8 \xo*\xt Limb. 17:1-7.\xt*\x*mopamembalina uwe alimba minaaka i nuncana bhatu sakawana amembali tampana lembokana uwe to asumpuaka miana Yahudi,
\q2 tee o bhatu dhempa amembali matana uwe.
\c 115
\s1 Kamuliangi Tangkanamo to Kawasana Opu
\sr 115:1-18
\q1
\v 1 Mencuana ingkami, e KAWASANA OPU, mencuana ingkami,
\q2 maka soomo saromu molaengana imuliangi,
\q2 roonamo kaasimu molagina tee umembali utoparacaea.
\b
\q1
\v 2 Pokia manga lipu mosagaanana bheapogau,
\q2 "I iapai o Aulataʼalana manga incia?"
\q1
\v 3 Aulataʼalamami dhaangia i sorogaa,
\q2 Incia bheapewau opeapo uka ipeeluna.
\q1
\v 4 \x - \xo 115:4-8 \xo*\xt Zab. 135:15-18; Wah. 9:20.\xt*\x*Barahalana manga lipu sumai minaaka i bulawa tee pera,
\q2 ikarajaana limana maanusia.
\q1
\v 5 Manga barahala sumai akomuncu, maka inda amembali apogau,
\q2 akomata, maka inda amembali apokamata,
\q1
\v 6 akotalinga, maka inda amembali aporango,
\q2 akoango, maka inda amembali apebhou,
\q1
\v 7 akolima, maka inda dhaangia momembalina ipererena,
\q2 akoae, maka inda amembali alingka,
\q2 tee inda amembali uka apalimba suara minaaka i goncona.
\q1
\v 8 Manga mia mokarajaaia amembali apokana tee barahala sumai,
\q2 tee bhari-bharia mia moparacaeana i barahala sumai.
\b
\q1
\v 9 E Israel, paracaeamo i KAWASANA OPU!
\q2 Incia motulungikomiu tee amembali katangkesi mojaganikomiu.
\q1
\v 10 E manga imamu mominaakana i siwuluna Harun, paracaeamo i KAWASANA OPU.
\q2 Incia motulungikomiu tee amembali katangkesi mojaganikomiu.
\q1
\v 11 E manga mia momaekana tee KAWASANA OPU, paracaeamo i KAWASANA OPU!
\q2 Incia motulungikomiu tee amembali katangkesi mojaganikomiu.
\b
\q1
\v 12 KAWASANA OPU manga udhani tee bheamangabarakati,
\q2 Incia bheabarakati miana Israel,
\q2 tee bhari-bharia imamu mominaakana i siwuluna Harun,
\q1
\v 13 \x - \xo 115:13 \xo*\xt Wah. 11:18.\xt*\x*tee Incia bheabarakati manga mia momaekana tee KAWASANA OPU,
\q2 malape o kaogesa atawa o mia momaidhiidhi.
\b
\q1
\v 14 Maasangia KAWASANA OPU apekabharia o siwulumu,
\q2 malape to ingkoo atawa to manga anamu.
\q1
\v 15 Maasangia ingkoo abarakatiko KAWASANA OPU,
\q2 mopadhaangiana laiana tee alamu!
\b
\q1
\v 16 Laiana momalanga sumai o pewauana KAWASANA OPU,
\q2 maka o alamu sii padhamo adhawuakea to anana maanusia.
\q1
\v 17 Manga mia momate inda bheapuji-puji KAWASANA OPU,
\q2 mboo sumai uka manga mia mosapona i duniana mia mate momalino,
\q1
\v 18 maka ingkita dhaangiapo modhadhina sii bhemopujina KAWASANA OPU
\q2 pepuu sii-sii sakawana saʼumurua.
\b
\q2 Pujimea o KAWASANA OPU!
\c 116
\s Alapa minaaka i Katapu Imateaka
\sr 116:1-19
\q1
\v 1 Iaku kumaasiaka KAWASANA OPU, sababuna Incia arango
\q2 goraku tee bhari-bharia iemaniku.
\q1
\v 2 Roonamo Incia aperangoiaku,
\q2 sumaimo bhekugora i Incia saʼumurua dhadiku.
\b
\q1
\v 3 Manga katapu imateaka abulilingiaku,
\q2 kanarakaa i nuncana koburu angkakanaiku,
\q2 iaku kunamisi kaseke tee kaporo.
\q1
\v 4 Kasiimpo kugoraaka sarona KAWASANA OPU,
\q2 "E KAWASANA OPU, pasalaamatia o inyawaku!"
\b
\q1
\v 5 KAWASANA OPU satotuuna amalape tee abanara;
\q2 Aulataʼalata satotuuna amaasiaka uumatina.
\q1
\v 6 KAWASANA OPU ajagani manga mia inda momembalina motulungina karona.
\q2 Wakutuuna inda tee kakaaku, Incia mopasalaamatiaku.
\q1
\v 7 E ngangarandaku, tanangimo pendua
\q2 roonamo KAWASANA OPU padhamo apewau malape tee ingkoo.
\b
\q1
\v 8 E KAWASANA OPU, Ingkoo padhamo upasalaamati inyawaku minaaka i mate,
\q2 ujagani mataku mamudhaakana inda kutangi,
\q2 tee upekatangka aeku mamudhaakana inda atosunu.
\q1
\v 9 Iaku bhekudhala i aroana KAWASANA OPU,
\q2 i lipuna manga mia modhadhi.
\q1
\v 10 \x - \xo 116:10 \xo*\xt 2Kor. 4:13.\xt*\x*Iaku sadhaadhaa kuparacaea, moomini wakutuuna kupogau,
\q2 "Iaku kunarakaa mpuu."
\q1
\v 11 I wakutuuna kubingu kupogau,
\q2 "Bhari-bharia mia inda amembali atoparacaea."
\b
\q1
\v 12 Opea buaka momembalina ipasombaakaku i KAWASANA OPU to kubalasiaka
\q2 bhari-bharia kalapena incana to karoku?
\q1
\v 13 Iaku bhekuangka tondena kasalaamati\f + \fr 116:13 \fr*\fq tondena kasalaamati: \fq*\ft Miana Israel kananeana apasombaaka angguru i nuncana tonde to tandana asukuru roonamo padhamo apasalaamatia Kawasana Opu.\ft*\f*
\q2 tee kugoraaka sarona KAWASANA OPU.
\q1
\v 14 Iaku bhekutolosi tolauna oniku i KAWASANA OPU
\q2 i aroana bhari-bharia uumatina.
\q1
\v 15 Akoharagaa i matana KAWASANA OPU
\q2 matena manga mia mosaalihi.
\q1
\v 16 E KAWASANA OPU, satotuuna iaku sii o bhatuamu.
\q2 Iakumo bhatuamu, o anana minaaka i bhatuamu bhawine.
\q2 Ingkoo padhamo urambasakaaku minaaka i kabhokeku.
\b
\q1
\v 17 Iaku bhekupasombaaka kurubani sukuru to Ingkoo\f + \fr 116:17 \fr*\fq pasombaaka kurubani sukuru to Ingkoo: \fq*\ft Kawasana Opu inda afaraluu opeopea to atopasombaaka i Incia (kamata \ft*\xt Zab. 50:9-13\xt*). Bhari-bharia ipasombaaka satotuuna to amuliangi Incia, asukuru i Incia, tee mamudhaakana audhania Aulataʼala.\f*
\q2 tee kugoraaka sarona KAWASANA OPU.
\q1
\v 18 Iaku bhekutolosi tolauna oniku i KAWASANA OPU
\q2 i aroana bhari-bharia uumatina,
\q1
\v 19 i tanalapana Baitullana KAWASANA OPU,
\q2 i tanga-tangamu, e Yerusalem!
\b
\q2 Pujimea o KAWASANA OPU!
\c 117
\s1 Pujimo KAWASANA OPU, E Bhari-bharia Lipu
\sr 117:1-2
\q1
\v 1 \x - \xo 117:1 \xo*\xt Rom. 15:11. \xt*\x*Pujimo KAWASANA OPU, e bhari-bharia lipu!
\q2 Muliangimea Incia, e bhari-bharia lipu!
\q1
\v 2 Roonamo amaoge o kaasina molagina to ingkita
\q2 tee KAWASANA OPU amembali atoparacaea saʼumurua.
\b
\q2 Pujimo KAWASANA OPU!
\c 118
\s Laguna Kasukuru Roonamo Takana
\sr 118:1-29
\q1
\v 1 \x - \xo 118:1 \xo*\xt Zab. 100:4-5.\xt*\x*Sukurumo i KAWASANA OPU roonamo Incia amalape,
\q2 kaasina molagina abakaa saʼumurua.
\b
\q1
\v 2 Taroakamo miana Israel apogau,
\q2 "Kaasina molagina abakaa saʼumurua."
\q1
\v 3 Taroakamo siwuluna Harun apogau,
\q2 "Kaasina molagina abakaa saʼumurua."
\q1
\v 4 Taroakamo bhari-bharia mia momaekana i KAWASANA OPU apogau,
\q2 "Kaasina molagina abakaa saʼumurua."
\b
\q1
\v 5 I nuncana kaseke iaku kugora i KAWASANA OPU,
\q2 KAWASANA OPU alawaniaku tee apekalalesaia o ngangarandaku.
\q1
\v 6 Iaku inda bhekumaeka roonamo KAWASANA OPU apoose tee iaku;
\q2 maanusia inda amembali apewau opeopea tee iaku.
\q1
\v 7 KAWASANA OPU apoose tee iaku to atulungiaku,
\q2 iaku bhekukamata manga mia mobanciaku atotalo.
\q1
\v 8 Salabhina kupeulu i KAWASANA OPU,
\q2 tee kuparacaea i maanusia.
\q1
\v 9 Salabhina kupeulu i KAWASANA OPU,
\q2 tee kuparacaea i manga kaogesa.
\b
\q1
\v 10 Bhari-bharia lipu alibuaku,
\q2 maka tee kuasana KAWASANA OPU, manga incia kutaloa!
\q1
\v 11 Manga incia alibuaku; umbe, manga incia alibuaku minaaka i bhari-bharia rope,
\q2 maka tee kuasana KAWASANA OPU, manga incia kutaloa!
\q1
\v 12 Manga incia alibuaku mboomo uwani,
\q2 maka manga incia atopekatalo i nuncana sakija mata mboomo waa motununa rumpu mokorui-rui.
\q2 Tee kuasana KAWASANA OPU, manga incia kutaloa!
\q1
\v 13 Iaku amakaa kutojumpuraka sabutuna saidhepo kumandawu,
\q2 maka o Kawasana Opu atulungiaku.
\q1
\v 14 \x - \xo 118:14 \xo*\xt Limb. 15:2; Yes. 12:2. \xt*\x*KAWASANA OPU o kakaaku tee kapujiaku.
\q2 Incia amembalimo kasalaamatiku.
\b
\q1
\v 15 Dhaangia o suarana sambo-sambo tee kamangantalo
\q2 i nuncana kemana manga mia mobanara,
\q2 "Lima kaanana KAWASANA OPU apewau manga giu momaoge!
\q2
\v 16 Lima kaanana KAWASANA OPU atopekalanga!
\q2 Lima kaanana KAWASANA OPU apewau manga giu momaoge!"
\b
\q1
\v 17 Iaku inda bhekumate, maka kudhadhi
\q2 tee kupakoleleaka manga pewauna KAWASANA OPU.
\q1
\v 18 KAWASANA OPU padhamo ahukumuaku pekakaa,
\q2 maka Incia inda apasaraakaaku i mate.
\b
\q1
\v 19 Bungkaleakaaku manga bhambana lawana kabanara,
\q2 mamudhaakana iaku bhekupesua tee kusukuru i KAWASANA OPU.
\q1
\v 20 Siimo bhambana lawana KAWASANA OPU,
\q2 manga mia mobanara bheapesuaikia alaloia.
\b
\q1
\v 21 Iaku bhekusukuru tee Ingkoo, roonamo Ingkoo padhamo ulawani doʼaku,
\q2 tee umembalimo mopasalaamatiaku.
\q1
\v 22 \x - \xo 118:22-23 \xo*\xt Mat. 21:42; Mrk. 12:10-11; Luk. 20:17; Tul. 4:11; 1Ptr. 2:7.\xt*\x*Bhatu ibhanakana manga pandena bhanua
\q2 amembalimo bhatu parapuu mobhaa-bhaana.
\q1
\v 23 Siimo pewauna KAWASANA OPU,
\q2 inda amentela i matata.
\q1
\v 24 Siimo o eo ipadhaangiana KAWASANA OPU,
\q2 maimo tasambo-sambo tee takaunde-unde rampaakanamo Incia.
\q1
\v 25 E KAWASANA OPU, manga pasalaamatimo!
\q2 E KAWASANA OPU, manga dhawumo kamangantalo!
\b
\q1
\v 26 \x - \xo 118:26 \xo*\xt Mat. 21:9; 23:39; Mrk. 11:9; Luk. 13:35; 19:38; Yah. 12:13.\xt*\x*Atobarakatimo incia moumbana i nuncana sarona KAWASANA OPU!
\q2 Ingkami taemaniakako barakati minaaka i nuncana Baitullana KAWASANA OPU.
\q1
\v 27 KAWASANA OPU o Aulataʼala,
\q2 tee Incia manga suluwina.
\q1 \x - \xo 118:27 \xo*\xt Limb. 27:1-2.\xt*\x*Bhokemea o kurubanina raraea sumai tee rabuta
\q2 i manga tanduna singkuna tampana tunuana kurubanina KAWASANA OPU.
\b
\q1
\v 28 Ingkoomo o Aulataʼalaku, iaku bhekusukuru tee Ingkoo;
\q2 Ingkoomo o Aulataʼalaku, iaku bhekumuliangiko!
\b
\q1
\v 29 Sukurumo i KAWASANA OPU roonamo Incia amalape
\q2 tee kaasina molagina abakaa saʼumurua.
\c 119
\s1 Amasanaamo Mia Moosena Hukumuna KAWASANA OPU\f + \fr 119:0 \fr*\ft Zaburu 119 akoantoaka manga kapujia to Hukumuna Aulataʼala idhawuakana to miana Israel alaloi Nabii Musa. Zaburu 119 apake modele akrostik (apokana tee Zaburu 9-10, 25, 34, 37, 111, 112). Polanciringana pogau akrostik asusuaka modelena kabhanti mopakena horofu Ibrani atosau-sau malape i auwalina saasaangu aeati. Jadi, walu aeati i nuncana weta bhaa-bhaana i nuncana Zaburu 119 apepuungia tee horofu Ibrani, \ft*\it alef\it*; walu aeati i nuncana weta iruaanguna apepuungia tee horofu iruaanguna oni Ibrani, \it bet\it*; walu aeati i nuncana weta italuanguna apepuungia tee horofu italuanguna oni Ibrani, \it gimel\it*; tee mosagaanana uka.\f* \f + \fr 119:0 \fr*\ft Zaburu 119 apogauakea ande manga hukumu ipakawaakana i Musa, siitumo o Taurati, giu incia sumai aminaaka i Aulataʼala, mencuana minaaka i maanusia. Kawasana Opu mokarajaaia tee mopatotapua.\ft*\f*
\sr 119:1-176
\q1
\v 1 Amasanaamo mia modhadhina inda tee kasalahana,
\q2 tee adhadhi aose hukumuna KAWASANA OPU.
\q1
\v 2 Amasanaamo mia moosena manga tuturana,
\q2 mopeeloa tee mpuu-mpuuna incana,
\q1
\v 3 tee inda apewau kadhaki,
\q2 maka adhadhi aose manga dhalana.
\q1
\v 4 Manga kasameamu padhamo upatotapuakea,
\q2 mamudhaakana atokeniaka mpuu-mpuu.
\q1
\v 5 Maasangia o bhengkalaku amatangka
\q2 mamudhaakana kuosea mpuu-mpuu manga katotapumu!
\q1
\v 6 Sumaimo, iaku inda bhekupotibhaaka kaea
\q2 ande iaku kuperangoi bhari-bharia parintamu.
\q1
\v 7 Iaku bhekusukuru i Ingkoo tee kakatena totona incaku
\q2 wakutuuna kupengkaadhariaka manga tuturamu mobanara
\q1
\v 8 Iaku bhekukeniakea mpuu-mpuu manga katotapumu,
\q2 bholi sampeampearo ubholiaku.
\b
\q1
\v 9 Tee opea o mia mangura ajagani pemingkuina mamudhaakana sadhaadhaa amangkilo?
\q2 Ajagania alaloi pemingkuina apokana tee firimanimu.
\q1
\v 10 Iaku kupeeloko tee mpuu-mpuuna incaku;
\q2 bholi utaroakaaku kusaladhala minaaka i parintamu.
\q1
\v 11 Firimanimu kudhikaia i nuncana ngangarandaku
\q2 mamudhaakana inda kukodosa tee Ingkoo.
\q1
\v 12 Bhari-bharia kapujia to Ingkoo, e KAWASANA OPU!
\q2 Adhariakaaku manga katotapumu.
\q1
\v 13 Tee bhiwiku kupetulatulaaka
\q2 bhari-bharia tutura ibhoasakamu.
\q1
\v 14 Iaku kukaunde-unde kuose manga tuturamu,
\q2 mboomo mokopewauaakana sagala giuna harataa.
\q1
\v 15 Iaku bhekufikiria mpuu-mpuu manga kasameamu,
\q2 tee bhekukamatea manga dhalamu.
\q1
\v 16 Iaku bhekukaunde-unde roonamo manga katotapumu,
\q2 tee inda bhekumalinguakea o firimanimu.
\b
\q1
\v 17 Pewaumo giu malape i bhatuamu mamudhaakana sadhaadhaa kudhadhi,
\q2 tee bhekukeniakea mpuu-mpuu o firimanimu.
\q1
\v 18 Bungkalea o mataku mamudhaakana bhekukamata
\q2 manga giu inda momentela minaaka i hukumumu.
\q1
\v 19 Iaku samia dhaga i dunia sii,
\q2 bholi ubuniakea o parintamu minaaka i karoku.
\q1
\v 20 Incaku amapii roonamo sadia kupemeliliaka manga tuturamu.
\q1
\v 21 Ingkoo ugorampangi manga mia mosombo, siitumo manga mia mototunda,
\q2 mosaladhalana minaaka i parintamu.
\q1
\v 22 Pekaridhoakaaku minaaka i kaele-ele tee kahinana manga incia,
\q2 roonamo kuose manga tuturamu.
\q1
\v 23 Moomini manga kaogesa apomufakati to aewangiaku,
\q2 bhatuamu sii bheafikiria mpuu-mpuu manga katotapumu.
\q1
\v 24 Manga tuturamu amembali kapeeluku
\q2 tee amembali monaasehatiaku.
\b
\q1
\v 25 Inyawaku apika tee ngawu roonamo kumatalo;
\q2 padhadhiaku apokana tee firimanimu.
\q1
\v 26 Iaku padhamo kupetulatulaaka dhalana dhadiku, Ingkoo ulawaniaku;
\q2 adhariakaaku manga katotapumu.
\q1
\v 27 Tulungiaku mamudhaakana kumembali kumaʼanaia manga kasameamu,
\q2 sumaimo iaku bhekufikiria mpuu-mpuu manga pewaumu inda momentela sumai.
\q1
\v 28 Inyawaku atangi roonamo kaporona inca,
\q2 pekatangkaaku apokana mboomo firimanimu.
\q1
\v 29 Pekaridhoakaaku minaaka i dhala inda mobanara,
\q2 tee roonamo kalapena incamu, uadhariakaakumo o hukumumu.
\q1
\v 30 Iaku kupili dhala mobanara;
\q2 manga tuturamu padhamo kudhikaia i aroaku.
\q1
\v 31 Iaku padhamo kukeniaka bhari-bharia o tuturamu, e KAWASANA OPU;
\q2 bholi utaroakaaku kupotibhaaka kaea.
\q1
\v 32 Iaku kuose manga parinta isusuakamu
\q2 roonamo Ingkoo mopekalalesana ngangarandaku.
\b
\q1
\v 33 E KAWASANA OPU, adhariakaaku manga katotapumu
\q2 sumaimo bhekuosea sakawana kumate.
\q1
\v 34 Pamembaliaku kumaʼanaia hukumumu mamudhaakana kutaʼatia,
\q2 tee kukeniakea pekatangka tee mpuu-mpuuna incaku.
\q1
\v 35 Tondaakumo mamudhaakana kudhadhi kuose manga parintamu,
\q2 roonamo giumo incia sumai ipeeluku.
\q1
\v 36 Pamembalia o ngangarandaku to aose manga tuturamu,
\q2 mencuana kupeelo laba.
\q1
\v 37 Pekaridhoakaaku o mataku minaaka i manga giu mosia-sia,
\q2 padhadhiaku i nuncana manga dhalamu.
\q1
\v 38 Pekatangkea o janjimu i bhatuamu,
\q2 idhawuakamu to mia momaekako.
\q1
\v 39 Pekaridhoakaaku o kahina imaekaku sumai
\q2 roonamo manga tuturamu amalape.
\q1
\v 40 Satotuuna kupemeliliaka manga kasameamu;
\q2 padhadhiaku i nuncana kabanaramu.
\b
\q1
\v 41 E KAWASANA OPU, maasangia o kaasimu molagina aumbatiaku,
\q2 tee o kasalaamatimu apokana tee janjimu.
\q1
\v 42 Tee mboo sumai, amembali kulawani manga mia mohinaaku
\q2 roonamo kuparacaea i Firimanimu.
\q1
\v 43 Bholi sampeampearo ualea pendua manga firimanimu mobanara minaaka i ngangaku,
\q2 roonamo kuparacaea tee tuturamu.
\q1
\v 44 Iaku bhekutorotorosu kukeniakea pekatangka o hukumumu
\q2 to saʼumurua.
\q1
\v 45 Iaku bhekudhadhi i nuncana kalalesa
\q2 roonamo kupeelo manga kasameamu.
\q1
\v 46 Iaku uka bhekupogauaka manga tuturamu i aroana manga raja,
\q2 tee iaku inda bhekumaea.
\q1
\v 47 Iaku kumasanaa roonamo manga parintamu
\q2 imaasiakaku sumai.
\q1
\v 48 Iaku bhekuangka limaku to kumuliangiaka manga parintamu imaasiakaku sumai,
\q2 tee bhekufikiria mpuu-mpuu manga katotapumu.
\b
\q1
\v 49 Udhania o firimani ipakawaakamu to bhatuamu
\q2 roonamo firimanimu sumai mopamembaliaku dhaangia tee iharapuku.
\q1
\v 50 Siimo mohiburuaku i nuncana kanarakaaku
\q2 ande o janjimu sumai mopadhadhiaku.
\q1
\v 51 Mia mosombo ahinaaku mpuu,
\q2 maka iaku inda kusaladhala minaaka i hukumumu.
\q1
\v 52 Wakutuuna kuudhani manga tuturamu modhaangiana minaaka i piamo itu,
\q2 sumaimo atohiburumo incaku, e KAWASANA OPU.
\q1
\v 53 Amasodho o ngangarandaku roonamo mia madhaki
\q2 tee mia inda moosena hukumumu.
\q1
\v 54 Kangengena dhadhiku momampodho i alamu sii,
\q2 katotapumu kupamembalia manga lagu kapujiaku.
\q1
\v 55 Wakutuuna amalo kuudhanimo saromu, e KAWASANA OPU,
\q2 tee kukeniakea pekatangka o hukumumu.
\q1
\v 56 Barakatimo incia sii momembalina dhawuku
\q2 roonamo padhamo kuose manga kasameamu.
\b
\q1
\v 57 KAWASANA OPU o dhawuku,
\q2 iaku padhamo kupojanji to kukeniakea pekatangka o firimanimu.
\q1
\v 58 Iaku kuemani kaasina incamu tee mpuu-mpuuna incaku,
\q2 maasiakaaku apokana tee janjimu.
\q1
\v 59 Iaku kufikiri dhalana dhadhiku,
\q2 tee kubhotukiakea to kumbuli kuose manga tuturamu;
\q1
\v 60 kupekadhei tee inda kupekanoe-noe
\q2 to kukeniakea pekatangka manga parintamu.
\q1
\v 61 Mia madhaki ataakaaku katapu,
\q2 maka iaku inda kumalinguaka hukumumu.
\q1
\v 62 Pontanga malo iaku bhekubhangu to kupujiko,
\q2 roonamo manga tuturamu mobanara.
\q1
\v 63 Iaku kuposabhangka tee bhari-bharia mia momaekako,
\q2 tee mokenina pekatangka manga kasameamu.
\q1
\v 64 E KAWASANA OPU, alamu sii abukeaka tee kaasimu molagina;
\q2 adhariakaaku manga katotapumu.
\b
\q1
\v 65 Ingkoo padhamo upewau kalape i bhatuamu,
\q2 apokana tee firimanimu, e KAWASANA OPU.
\q1
\v 66 Dhawuakaaku hikimati tee ilimuu,
\q2 roonamo kuparacaea tee manga parintamu.
\q1
\v 67 Wakutuuna indapo uhukumuaku, iaku kusaladhala,
\q2 maka sii-sii kukeniakea pekatangka o firimanimu.
\q1
\v 68 Ingkoo umalape tee upewau kalape;
\q2 adhariakaaku manga katotapumu.
\q1
\v 69 Mia mosombo afitanaaku,
\q2 maka iaku kuose manga kasameamu tee mpuu-mpuuna incaku.
\q1
\v 70 Incana manga incia amakapa mboomo tabha sabutuna inda anamisi opeopea,
\q2 maka iaku kumaasiaka hukumumu.
\q1
\v 71 Amalape uka to iaku ande kutopisaki
\q2 mamudhaakana kumembali kupengkaadhariaka manga katotapumu.
\q1
\v 72 Hukumu ibhoasakamu alabhi o kalapena to iaku
\q2 minaaka i rewuna tibhana bulawa tee pera.
\b
\q1
\v 73 Limamumo mopamembaliaku tee mopebhanguiaku;
\q2 dhawuaku katau mamudhaakana kumembali kupengkaadhariaka manga parintamu.
\q1
\v 74 Manga mia momaekako bheakamataaku tee akaunde-unde
\q2 roonamo kuharapu i firimanimu.
\q1
\v 75 E KAWASANA OPU, iaku kumataua ande o tuturamu abanara,
\q2 tee moomini padhamo upanarakaaku, Ingkoo sadhaadhaa umembali utoparacaea.
\q1
\v 76 Taroakamo kaasimu molagina mohiburuaku,
\q2 apokana tee janjimu i bhatuamu.
\q1
\v 77 Taroakamo rahumatimu aumba i iaku mamudhaakana kudhadhi,
\q2 roonamo hukumumu satotuuna ipeeluku.
\q1
\v 78 Taroakamo mia mosombo amaea,
\q2 roonamo manga incia afitanaaku inda tee sababuna,
\q2 maka iaku bhekufikiria mpuu-mpuu manga kasameamu.
\q1
\v 79 Taroakamo manga mia momaekako aumbatiaku,
\q2 siitumo manga incia momatauna manga tuturamu.
\q1
\v 80 Maasangia o ngangarandaku inda alimba minaaka i manga katotapumu
\q2 mamudhaakana iaku inda kupotibhaaka kaea.
\b
\q1
\v 81 Ngangarandaku apemeliliaka kasalaamati minaaka i Ingkoo,
\q2 iaku kuharapu i firimanimu.
\q1
\v 82 Mataku amarea roonamo kupemeliliaka janjimu;
\q2 iaku kupogau, "Naepia buaka Ingkoo bheuhiburuaku?"
\q1
\v 83 Moomini iaku mboomo saangu kadhuna angguru momalusa,
\q2 iaku inda kumalinguakea manga katotapumu.
\q1
\v 84 Sakawana naepia buaka o bhatuamu tabeana bheaantagiko?
\q2 Naepia buaka Ingkoo bheuhukumu manga mia mopajereaku?
\q1
\v 85 Manga mia mosombo padhamo aseli kabhalongko to karoku,
\q2 siitumo manga mia inda motaʼatina tee hukumumu.
\q1
\v 86 Bhari-bharia parintamu atoparacaea.
\q2 Tulungiaku, roonamo manga incia apajereaku inda tee sababuna!
\q1
\v 87 Saidhepo manga incia apekamateaku,
\q2 maka iaku inda kubholia manga kasameamu.
\q1
\v 88 Padhadhiaku apokana tee kaasimu molagina
\q2 mamudhaakana kukeniakea mpuu-mpuu manga tutura ipakawaakamu.
\b
\q1
\v 89 E KAWASANA OPU, firimanimu amatangka
\q2 saʼumurua i sorogaa.
\q1
\v 90 Ingkoo amembali utoparacaea saʼumurua zamani;
\q2 Ingkoo upekatangka alamu sabutuna asadhaadhaa adhaangia.
\q1
\v 91 Manga tuturamu asadhaadhaa sakawana sii-sii
\q2 roonamo bhari-bharia modhaangia o bhatuamu.
\q1
\v 92 Ande o hukumumu inda amembali giu imasanaakana incaku,
\q2 sumaimo dhaanamo kubinasa i nuncana kanarakaaku.
\q1
\v 93 Inda sampeampearo bhekumalinguakea manga kasameamu,
\q2 roonamo alaloi bhari-bharia giu incia sumai Ingkoo upadhadhiaku.
\q1
\v 94 Iaku sii o pewauamu; pasalaamatiaku,
\q2 roonamo iaku padhamo kupeeloa manga kasameamu.
\q1
\v 95 Manga mia madhaki aantagiaku to apabinasaaku,
\q2 maka iaku bhekufikiria mpuu-mpuu manga tuturamu.
\q1
\v 96 Bhari-bharia ikamataku dhaangia tee batasina, moomini o giu mosangka,
\q2 maka o parintamu amaewa mpuu.
\b
\q1
\v 97 Tapanamo kumaasiakea o hukumumu!
\q2 Iaku kufikiria mpuu-mpuu saeoa.
\q1
\v 98 Manga parintamu apamembaliaku kuʼaarifu minaaka i manga musuku,
\q2 roonamo bhari-bharia giu incia sumai sadia adhaangia i karoku.
\q1
\v 99 Katauku alabhi o kabharina minaaka imatauna manga guruku,
\q2 roonamo kufikiria mpuu-mpuu manga tuturamu.
\q1
\v 100 Kumembali kumaʼanaia alabhi minaaka i manga mancuana,
\q2 roonamo iaku kuose manga kasameamu.
\q1
\v 101 Kutaangia o aeku minaaka i bhari-bharia pewau madhaki,
\q2 mamudhaakana kumembali kukenia mpuu-mpuu o firimanimu.
\q1
\v 102 Iaku inda kusaladhala minaaka i manga tuturamu,
\q2 roonamo Ingkoomo mopadhana moadhariaku.
\q1
\v 103 Tapanamo kameko o firimanimu,
\q2 alabhi o kamekona minaaka i golana uwani!
\q1
\v 104 Minaaka i manga kasameamu kupotibhaaka katau,
\q2 siitumo sababuna kubancia bhari-bharia dhala inda mobanara.
\b
\q1
\v 105 Firimanimu mboomo kanturu mosuluwina bhengkalaku,
\q2 tee mopekainawana dhalaku.
\q1
\v 106 Iaku padhamo kuposumpa tee bhekupekatangkea pendua,
\q2 ande bhekukeniakea mpuu manga tuturamu mobanarana sumai.
\q1
\v 107 Iaku kunarakaa mpuu,
\q2 e KAWASANA OPU, padhadhiaku pendua apokana tee firimanimu.
\q1
\v 108 Maasangia utarimaia o pasombaana karelana incaku, siitumo manga kapujiaku, e KAWASANA OPU,
\q2 tee uadhariakaaku manga tuturamu.
\q1
\v 109 Iaku sadia kutaaka inyawaku,
\q2 maka iaku inda kumalinguakea o hukumumu.
\q1
\v 110 Manga mia madhaki ataa katapu to iaku,
\q2 maka iaku inda kusaladhala minaaka i manga kasameamu.
\q1
\v 111 Manga tuturamu kupamembalia dhawuku mobakaa,
\q2 roonamo bhari-bharia sumai satotuuna mopaunde-undena incaku.
\q1
\v 112 Iaku padhamo kubhawea o ngangarandaku to kupewauaka manga katotapumu
\q2 to saʼumurua, sakawana aahirina dhadhiku.
\b
\q1
\v 113 Iaku kubancia manga mia inda mototona incana,
\q2 maka kumaasiakea o hukumumu.
\q1
\v 114 Ingkoomo tampana peulusaku tee katangkesi mojaganiaku;
\q2 iaku kuharapu i firimanimu.
\q1
\v 115 Pekaridhomo minaaka i iaku, e manga mia mopewauna madhaki,
\q2 mamudhaakana kumembali kuose manga parintana Aulataʼalaku.
\q1
\v 116 Pekakaaku apokana tee janjimu mamudhaakana kudhadhi,
\q2 tee bholi upekaeaaku i nuncana harapuku.
\q1
\v 117 Tukoaku mamudhaakana kutopasalaamati,
\q2 tee sadia bhekuhoromatia manga katotapumu.
\q1
\v 118 Ingkoo umendeu bhari-bharia mia mosaladhalana minaaka i manga katotapumu,
\q2 roonamo inda akoguna o katipuna manga incia.
\q1
\v 119 Ingkoo uabhia bhari-bharia mia madhaki i alamu mboomo karombuna pera;
\q2 siitumo sababuna kumaasiakea manga tuturamu.
\q1
\v 120 Badaku arengku roonamo kumeakako,
\q2 tee kumaeka tee manga tuturamu.
\b
\q1
\v 121 Iaku padhamo kupewau kaʼadili tee kabanara,
\q2 bholi upasaraakaaku i manga mia mopisakiaku.
\q1
\v 122 Pojanjimo ande o bhatuamu bheamalape;
\q2 bholi utaroakaaku apisakiaku manga mia mosombo.
\q1
\v 123 Mataku amarea roonamo kuantaantagi kasalaamati minaaka i Ingkoo,
\q2 tee utolosia o janjimu mobanara sumai.
\q1
\v 124 Pewaumo to iaku apokana tee kaasimu molagina,
\q2 tee uadhariakaaku manga katotapumu.
\q1
\v 125 Iaku o bhatuamu; dhawuaku maʼana,
\q2 mamudhaakana kumataua manga tuturamu.
\q1
\v 126 Akawamo wakutuuna to KAWASANA OPU abhangu tee ahukumu manga incia,
\q2 roonamo manga incia inda ataʼati hukumumu.
\q1
\v 127 Siitumo sababuna, kumaasiaka manga parintamu
\q2 alabhi minaaka i bulawa, alabhi minaaka i bulawa asilii.
\q1
\v 128 Siitumo sababuna, kupekakate dhalaku to kuose bhari-bharia kasameamu;
\q2 tee kubancia bhari-bharia dhala inda mobanara.
\b
\q1
\v 129 Manga tuturamu inda amentela;
\q2 sababuna sumai kuosea.
\q1
\v 130 Wakutuuna firimanimu sumai atopatinda, amembali adhawuaka kainawa
\q2 tee adhawuaka maʼana to mia inda momatauna opeopea.
\q1
\v 131 Iaku kubungkale ngangaku tee kukahaahaa,
\q2 roonamo kupemeliliaka manga parintamu.
\q1
\v 132 Tontoakumo tee umaasiakaakumo,
\q2 mboomo kananea ipewaumu to mia momaasiakana saromu.
\q1
\v 133 Pekatangkea o bhengkalaku tee firimanimu,
\q2 tee bholi utaroakaaku akuasaiaku kadhaki.
\q1
\v 134 Tolosiakumo minaaka i manga mia mopisakiaku
\q2 mamudhaakana kumembali kukeniakea mpuu-mpuu manga kasameamu.
\q1
\v 135 Taroakamo roumu akocahea i bhawona karoku,
\q2 tee uadhariakaaku manga katotapumu.
\q1
\v 136 Loluku asiwulu mboomo umala,
\q2 roonamo mia inda akeniakea mpuu-mpuu o hukumumu.
\b
\q1
\v 137 E KAWASANA OPU, Ingkoo uʼadili
\q2 tee manga tuturamu uka abanara.
\q1
\v 138 Manga tuturamu padhamo upatotapuakea i nuncana kabanara
\q2 tee alaenga atoparacaea.
\q1
\v 139 Amaraku ahanda mpuu i nuncana karoku
\q2 roonamo manga musuku amalinguaka firimanimu.
\q1
\v 140 Janjimu atouji mpuu;
\q2 rampaakanamo sumai kumaasiakea.
\q1
\v 141 Iaku sii kumaidhiidhi tee kumembali mia mohina,
\q2 maka iaku inda kumalinguakea manga kasameamu.
\q1
\v 142 Kabanaramu atotuu saʼumurua,
\q2 tee o hukumumu atoparacaea.
\q1
\v 143 Kaseke tee kanarakaa akangkanaiaku,
\q2 maka manga parintamu apasanaa ngangarandaku.
\q1
\v 144 Manga tuturamu abanara saʼumurua;
\q2 dhawuaku katau mamudhaakana kudhadhi.
\b
\q1
\v 145 Iaku kugora tee mpuu-mpuuna incaku; lawaniakumo, e KAWASANA OPU.
\q2 Iaku bhekuosea manga katotapumu.
\q1
\v 146 Iaku kugora i Ingkoo; pasalaamatiaku,
\q2 mamudhaakana bhekukenia mpuu-mpuu manga tuturamu.
\q1
\v 147 Indapo raneeooge, kubhangumo tee kugora kuemani tulungi;
\q2 iaku kuharapu i firimanimu.
\q1
\v 148 Samaloa inda kukole
\q2 mamudhaakana amembali kufikiria mpuu-mpuu o firimanimu.
\q1
\v 149 Maasangia urangoa o doʼaku apokana tee kaasimu molagina.
\q2 E KAWASANA OPU, padhadhiaku apokana tee kaʼadilimu.
\q1
\v 150 Manga mia mopajereaku tee haejati madhaki amakasumo;
\q2 manga incia amaridho minaaka i hukumumu.
\q1
\v 151 Maka Ingkoo umakasu, e KAWASANA OPU,
\q2 tee bhari-bharia parintamu abanara.
\q1
\v 152 Minaaka i piamo itu kumataua minaaka i manga tuturamu
\q2 ande Ingkoo padhamo upatotapuakea to saʼumurua.
\b
\q1
\v 153 Kamatamea o kanarakaaku tee upasalaamatiakumo,
\q2 roonamo inda kumalinguakea o hukumumu.
\q1
\v 154 Ewaakea o parakaraku tee upabebasiaku,
\q2 padhadhiaku apokana mboomo janjimu.
\q1
\v 155 Kasalaamatimu sumai amaridho minaaka i manga mia madhaki
\q2 roonamo manga incia inda apeelo katotapumu.
\q1
\v 156 Tapanamo kaoge o rahumatimu, e KAWASANA OPU!
\q2 Padhadhiaku apokana mboomo manga tuturamu.
\q1
\v 157 Abhari o mia mopajereaku tee momusuiaku,
\q2 maka inda kusaladhala minaaka i manga tuturamu.
\q1
\v 158 Iaku kumarikaia manga pande hiaanati sumai,
\q2 roonamo manga incia inda aose firimanimu.
\q1
\v 159 Kamatea tapanamo kaasiku tee manga kasameamu, e KAWASANA OPU!
\q2 Jagania o inyawaku apokana tee kaasimu molagina.
\q1
\v 160 Bhari-bharia ipogauakamu atotuu,
\q2 tee bhari-bharia tuturamu mobanara sumai abakaa saʼumurua.
\b
\q1
\v 161 Manga kaogesa apajereaku inda tee sababuna,
\q2 maka tangkanamo firimanimu imaekaku.
\q1
\v 162 Janjimu apewauaku kukaunde-unde,
\q2 mboomo mia mopotibhaakana harataa mobhari minaaka i potimbea.
\q1
\v 163 Bhari-bharia kagau-gau kubancia,
\q2 maka o hukumumu kumaasiakea.
\q1
\v 164 Pitu mpearo saeo kupujiko,
\q2 roonamo tuturamu moʼadili.
\q1
\v 165 Mia momaasiakana hukumumu aʼamani tee amasanaa o dhadhina,
\q2 inda dhaangia giu momembalina imandawuakana manga incia.
\q1
\v 166 Iaku kuantagi kasalaamati minaaka i Ingkoo, e KAWASANA OPU,
\q2 tee manga parintamu kupewaua.
\q1
\v 167 Iaku kutaʼatia manga tuturamu,
\q2 tee kumaasiakea tee mpuu-mpuuna incaku.
\q1
\v 168 Iaku kutaʼati manga kasameamu tee tuturamu,
\q2 roonamo ukamatea sagala giu ipewauku.
\b
\q1
\v 169 Maasangia o goraku akawa i Ingkoo, e KAWASANA OPU;
\q2 dhawuaku maʼana mopokanana tee janjimu.
\q1
\v 170 Taroakamo iemaniku akawa i Ingkoo;
\q2 pasalaamatiaku apokana tee janjimu.
\q1
\v 171 Taroakamo bhiwiku sadia apujiko,
\q2 roonamo padhamo uadhariakaaku manga katotapumu.
\q1
\v 172 Taroakamo o dhelaku alaguaka janjimu,
\q2 roonamo bhari-bharia parintamu abanara.
\q1
\v 173 Taroakamo limamu sadia atulungiaku,
\q2 roonamo iaku padhamo kupili manga kasameamu.
\q1
\v 174 Iaku kupemeliliaka kasalaamati minaaka i Ingkoo, e KAWASANA OPU,
\q2 tee o hukumumu apaunde-undeaku.
\q1
\v 175 Taroakamo kudhadhi, mamudhaakana kupujiko,
\q2 tee maasangia manga tuturamu atulungiaku.
\q1
\v 176 Iaku kusaladhala mboomo dumba momambuu;
\q2 sumaimo uumbamo tee upokawaaka bhatuamu,
\q2 roonamo inda kumalinguakea manga parintamu.
\c 120
\s Doʼa Emaniana Kasalaamati minaaka i Fitanaa
\sr 120:1-7
\p
\v 1 Laguna ziara.\f + \fr 120:1 \fr*\fq ziara: \fq*\ft Aipomo manga Zaburu 120-134 ilaguakana miana Israel wakutuuna apene aziara i Kota Yerusalem i tana mokogunuana.\ft*\f*
\b
\q1 I nuncana kanarakaaku kugora i KAWASANA OPU,
\q2 tee Incia alawaniaku.
\q1
\v 2 "E KAWASANA OPU, maasangia urambasakaaku minaaka i bhiwi mogau-gau
\q2 tee dhela mopekatipu."
\b
\q1
\v 3 Opea bheidhawuakana to ingkoo,
\q2 tee opea bheiranganina to ingkoo,
\q2 e pande tipu?
\q1
\v 4 Samia suludadu bheapanako tee pana momatadha
\q2 tee atunuakako tee weona waa!
\b
\q1
\v 5 Kucilakamo roonamo kumboore mboomo samia dhaga i Mesekh,
\q2 tee tabeana kumboore i tanga-tangana kemana miana Kedar!\f + \fr 120:5 \fr*\fq Mesekh ... Kedar: \fq*\ft Miana Mesekh tee Kedar atoabhi mia masega tee inda akofeʼeli. \ft*\f*
\q1
\v 6 Amangengemo laulau kumboore
\q2 kupoose tee manga mia mobancina dhadhi pomalape.
\q1
\v 7 Iaku gauku kudhadhi pomalape,
\q2 maka ande kupogau mamudhaakana ingkita tadhadhi pomalape,
\q2 manga incia gauna apotimbe.
\c 121
\s KAWASANA OPU, Mojaganina Israel
\sr 121:1-8
\p
\v 1 Laguna ziara.
\b
\q1 Iaku kupotingara i manga gunu,
\q2 minaaka iapai bheakawa o katulungi to iaku?
\q1
\v 2 Katulungiku aumba minaaka i KAWASANA OPU,
\q2 mopadhaangiana laiana tee alamu.
\b
\q1
\v 3 Incia inda bheataroakako usindoli;
\q2 Incia mojaganiko tee inda akole.
\q1
\v 4 Satotuuna, Incia mojaganina Israel
\q2 inda bheamangkoo matana atawa atokole.
\b
\q1
\v 5 KAWASANA OPU mojaganiko,
\q2 KAWASANA OPU o peulusamu i weta kaanamu.
\q1
\v 6 Matanaeo inda bheapacilakako i wakutuuna eo,
\q2 atawa o bula i wakutuuna amalo.\f + \fr 121:6 \fr*\ft Maʼanana mia bheaʼamani i wakutuuna eo tee malo.\ft*\f*
\b
\q1
\v 7 KAWASANA OPU bheajaganiko minaaka i balaa,
\q2 Incia bheajagani inyawamu.
\q1
\v 8 KAWASANA OPU bheajaganiko wakutuuna uumba tee ulingka,
\q2 pepuu sii-sii sakawana saʼumurua.
\c 122
\s Doʼana Kasanaa to Miana Yerusalem
\sr 122:1-9
\p
\v 1 Laguna ziarana Daud.
\b
\q1 Iaku kukaunde-unde wakutuuna o mia apogau tee iaku,
\q2 "Mai talingkaaka i Bhanuana KAWASANA OPU!"
\q1
\v 2 Sii-sii aemami akakaro
\q2 i bhambana lawamu, e Yerusalem!
\b
\q1
\v 3 Yerusalem padhamo atopakaro
\q2 amembali kota mototapi momakaa tee momatangka.
\q1
\v 4 Iwe siimo manga lipu aziara,
\q2 siitumo uumatina manga lipu ipilina KAWASANA OPU,
\q2 to aumba asukuru i Incia
\q2 mboomo manga tutura mopadhana iparintaakana to miana Israel.
\q1
\v 5 Iwe siimo manga rajana Israel, siitumo manga siwuluna Raja Daud auncura i kauncuramakana
\q2 tee adhawuaka kambotuna moʼadili to lipuna.
\b
\q1
\v 6 Doʼamo to kasanaana Yerusalem,
\q2 "Maasangia bhari-bharia mia momaasiakako apotibhaaka kaʼamani.
\q1
\v 7 Maasangia dhaangia tee kasanaa i nuncana lipumu,
\q2 tee kaʼamani i nuncana manga bentemu."
\q1
\v 8 Rampaakanamo manga witinaiku tee manga sabhangkaku momboorena iwe sumai,
\q2 iaku bhekupogau, "Maasangia umasanaa!"
\q1
\v 9 Rampaakanamo Bhanuana KAWASANA OPU, Aulataʼalata dhaangia iwe sumai,
\q2 iaku bhekupeeloakako kalape.
\c 123
\s Taharapu i Rahumatina Kawasana Opu
\sr 123:1-4
\p
\v 1 Laguna ziara.
\b
\q1 I Ingkoomo kupotingara,
\q2 e Ingkoo mokokauncuramakana i sorogaa!
\q1
\v 2 Kamatea, mboomo samia bhatua umane
\q2 moposaronakana i opuna,
\q2 tee mboomo samia bhatua bhawine moposaronakana i opuna bhawine,
\q1 mboo siitumo ingkita taposaronaka i KAWASANA OPU, Aulataʼalata,
\q2 sakawana manga maasiaka.
\b
\q1
\v 3 Manga maasiakapo e KAWASANA OPU, manga maasiakapo,
\q2 roonamo amenturumo mpuu ingkami tatohina.
\q1
\v 4 Ingkami tamambosuakamo
\q2 kaele-elena manga mia moabhina karona amulia,
\q2 tee kahinana manga mia mosombo.
\c 124
\s Atopujimo Motulungina Miana Israel
\sr 124:1-8
\p
\v 1 Laguna ziara. Zaburuna Daud.
\b
\q1 Ande mencuana o KAWASANA OPU mopobhawana tee ingkita
\q2 taroakamo miana Israel apogau mboo sumai,
\q1
\v 2 ande mencuana KAWASANA OPU mopobhawana tee ingkita
\q2 wakutuuna mangahumbuni bhalita,
\q1
\v 3 sumaimo manga incia mangadhoku takadhadhi-dhadhi
\q2 wakutuuna o amarana manga incia akarore-rore to ingkita.
\q1
\v 4 Sumaimo o uwena mawa mangapaampe,
\q2 tee o siwuluna uwena umala momaranca mangapatondu,
\q1
\v 5 sumaimo o uwe mokalua-lua sumai
\q2 akangkanaimo ingkita.
\b
\q1
\v 6 Atopujimo o KAWASANA OPU, inda mangapasaraaka
\q2 tamembali kinandena manga incia.
\q1
\v 7 Ingkita talapamo mboomo manu-manu
\q2 minaaka i katapuna manga pande pekaose.
\q2 Katapu sumai amabhotumo,
\q2 tee ingkita uka talapamo.
\b
\q1
\v 8 Katulungita aumba minaaka i KAWASANA OPU
\q2 mopadhaangiana laiana tee alamu.
\c 125
\s1 Amani i nuncana Peulusana KAWASANA OPU
\sr 125:1-5
\p
\v 1 Laguna ziara.
\b
\q1 Manga mia moparacaeana i KAWASANA OPU,
\q2 mboomo Gunu Sion momatangka tee inda amembali atohudha,
\q2 tee asadhaadhaa saʼumurua.
\q1
\v 2 Mboomo manga gunu ajagani Yerusalem,
\q2 mboomo uka KAWASANA OPU ajagani uumatina
\q2 pepuu sii-sii sakawana saʼumurua.
\b
\q1
\v 3 Raja momadhaki inda bheakeni pamarintana saʼumurua
\q2 i lipuna manga mia mobanara,
\q1 mamudhaakana manga mia mobanara sumai inda aose
\q2 to apewau kadhaki.
\b
\q1
\v 4 E KAWASANA OPU, maasangia upewau kalape i manga mia momalape,
\q2 tee i manga mia momakatena incana.
\q1
\v 5 Maka manga mia mosaladhala moosena dhalana karona mopekabelo-belo,
\q2 bheapadhencua KAWASANA OPU apobhawa tee manga mia mopewauna kadhaki.
\b
\q2 Amasanaamo miana Israel!
\c 126
\s1 Kaharapu i nuncana Kanarakaa
\sr 126:1-6
\p
\v 1 Laguna ziara.
\b
\q1 Wakutuuna KAWASANA OPU apambuli kadhaangiana Sion\f + \fr 126:1 \fr*\fq Sion: \fq*\ft Sarona mosagaanana to Kota Yerusalem.\ft*\f* amembali amalape pendua,
\q2 ingkita mboomo mia mopongipi.
\q1
\v 2 Wakutuu incia sumai o ngangata apotawa roonamo tamasanaa
\q2 tee o dhelata asambo-sambo roonamo takaunde-unde.
\q1 Sabutuna manga lipu mosagaanana apogau,
\q2 "KAWASANA OPU padhamo apewau giu momaoge to manga incia."
\q1
\v 3 KAWASANA OPU padhamo apewau giu momaoge to ingkita,
\q2 sababuna sumai takaunde-undemo.
\b
\q1
\v 4 E KAWASANA OPU, maasangia upambulia pendua o kadhaangiamami momalape,
\q2 mboomo umala i Tana Negeb akouwe pendua i bulaana wao.
\q1
\v 5 Manga mia mohewina apoose atangi,
\q2 naile itu bheatimpu tee asambo-sambo.
\q1
\v 6 Mia molimbana minaaka i bhanua tee amaasi
\q2 apoose abhawa wine to ahewia,
\q1 dhaanamo bheambuli asambo-sambo
\q2 apoose abhawa hasilina timpuana.
\c 127
\s1 Rahumatina Kawasana Opu Auwalina Kasalaamati
\sr 127:1-5
\p
\v 1 Lagu ziarana Sulaiman.
\b
\q1 Ande mencuana KAWASANA OPU mopakarona bhanua,
\q2 asia-siamo kangulena mia mopakaroa.
\q1 Ande mencuana KAWASANA OPU mojaganina kota,
\q2 asia-siamo manga suludadu mojagania.
\q1
\v 2 Asia-siamo ubhangu saeona,
\q2 tee ukarajaa torotorosu inda uunto-unto sakawana pontanga malo,
\q2 tee ukande kinande ipotibhaakamu minaaka i kanguleana bukumu tee ulilaho;
\q2 roonamo Aulataʼala adhawu mia imaasiakana i wakutuuna akole.
\b
\q1
\v 3 Satotuuna ana umane sumai o rahumati minaaka i KAWASANA OPU,
\q2 tee o antona kadhuma satotuuna saangu fahala.
\q1
\v 4 Mboomo anana pana i limana samia suludadu,
\q2 mboo sumaimo manga ana umane i wakutuuna amangura.
\q1
\v 5 Amasanaamo mia mopabukena
\q2 dhingkanana panana tee anana pana.
\q1 Incia inda bheapotibhaaka kaea,
\q2 wakutuuna apogau tee manga musuna i bhambana lawa kota.
\c 128
\s Rahumatina to Mobhawana Bhanua
\sr 128:1-6
\p
\v 1 Laguna ziara.
\b
\q1 Amasanaamo o mia momaekana i KAWASANA OPU,
\q2 tee adhadhi aose parintana.
\q1
\v 2 Ingkoo bheukande minaaka i hasilina kanguleana bukumu;
\q2 ingkoo bheumasanaa, tee o dhadhimu bheamalape.
\b
\q1
\v 3 Bhawinemu bheamembali mboomo puuna angguru mosuburu
\q2 i nuncana bhanuamu,
\q1 tee manga anamu mboomo tunana puuna zaitun
\q2 i saripina mejamu.
\q1
\v 4 Satotuuna, mboo sumaimo rahumati bheadhawuaka
\q2 to mia momaekana i KAWASANA OPU.
\b
\q1
\v 5 Maasangia o KAWASANA OPU abarakatiko minaaka i Sion.
\q2 Maasangia ingkoo ukamata Yerusalem inda akakurangaaka opeopea
\q2 saʼumurua dhadhimu.
\q1
\v 6 Maasangia ingkoo ukamata manga opu-opuamu minaaka i manga anamu!
\b
\q2 Amasanaamo miana Israel!
\c 129
\s Aemani Kahukumu to Manga Musuna
\sr 129:1-8
\p
\v 1 Laguna ziara.
\b
\q1 "Pepuu dhaangia kumangura amenturumo mpuu apanarakaaku manga musuku,"
\q2 taroakamo miana Israel apogau mboo sumai,
\q1
\v 2 "Pepuu dhaangia kumangura amenturumo mpuu apanarakaaku manga musuku,
\q2 maka manga incia inda amembali ataloaku.
\q1
\v 3 Manga incia apekambela awaaku mboomo tana ibhingkuni,
\q2 amaarate tee amandala o kambelana awaaku mboomo pande poinawu mobhingkunina tana.
\q1
\v 4 KAWASANA OPU abanara.
\q2 Incia padhamo atumpo rabuta ibhokena manga mia madhaki mamudhaakana mangarambasaka minaaka i kuasana mia madhaki.
\b
\q1
\v 5 Taroakamo bhari-bharia mia mobancina Sion
\q2 asowo tee amaea.
\q1
\v 6 Taroakamo manga incia mboomo rumpu i bhawona padhana bhanua
\q2 amalau wakutuuna tangasaana atuwu;
\q1
\v 7 manga pande dhodhona gandum inda awelia,
\q2 tee manga pande bhokena timpua inda abhokea rampaakanamo rumpu sumai inda akoguna.
\q1
\v 8 Sabutuna manga mia molalo inda bheapogau,
\q2 "Maasangia abarakatiko KAWASANA OPU,
\q1 Ingkami tabarakatiko i nuncana sarona KAWASANA OPU."
\c 130
\s Doʼa i nuncana Kanarakaa
\sr 130:1-8
\p
\v 1 Laguna ziara.
\b
\q1 Minaaka i mbolongana kanarakaa iaku kugoraakako, e KAWASANA OPU!
\q1
\v 2 E Kawasana Opu, maasangia urangoa o suaraku!
\q2 Taroakamo uperangoia opea iemaniku.
\b
\q1
\v 3 E KAWASANA OPU, ande Ingkoo utorotorosu uudhani dosamami,
\q2 incema bhemomembalina abebasi minaaka i kahukumumu, e Aulataʼala?
\q1
\v 4 Maka Ingkoo sadia usiapu to upekaʼamponi,
\q2 mamudhaakana o mia amembali ahoromatiko.
\b
\q1
\v 5 Iaku kuantagi katulungina KAWASANA OPU,
\q2 tee o janjina kuharapua.
\q1
\v 6 Ngangarandaku aharapuaka Kawasana Opu
\q1 alabhi minaaka i pande jagana kota mopemeliliakana akawa o wakutuuna matanaeo akotila.
\b
\q1
\v 7 E Israel harapumo i KAWASANA OPU!
\q2 Roonamo KAWASANA OPU dhaangia tee kaasina molagina,
\q1 tee Incia sadia bheamangapasalaamati.
\q1
\v 8 \x - \xo 130:8 \xo*\xt Mat. 1:21; Tit. 2:14.\xt*\x*Incia bhemopabebasina Israel
\q2 minaaka i bhari-bharia kasalahana.
\c 131
\s Pasarakaaka Karota i KAWASANA OPU
\sr 131:1-3
\p
\v 1 Laguna ziara. Zaburuna Daud.
\b
\q1 E KAWASANA OPU, iaku inda kusombo,
\q2 tee inda kupandaʼente mia.
\q1 Iaku inda kupajere manga hali
\q2 momaoge atawa manga giu inda momentela to karoku.
\q1
\v 2 Satotuuna, padhamo kupatanangi ngangarandaku,
\q2 mboomo anaana indamo adudu maka dhaangiapo i nuncana sangoana inana,
\q2 Umbe, ngangarandaku atanangimo mboomo anaana indamo adudu.
\q1
\v 3 E miana Israel, harapumo i KAWASANA OPU,
\q2 pepuu sii-sii sakawana saʼumurua.
\c 132
\s Raja Daud tee Kota Sion, Ipilina KAWASANA OPU
\sr 132:1-18
\p
\v 1 Laguna ziara.
\b
\q1 E KAWASANA OPU, maasangia uudhani Daud,
\q2 tee bhari-bharia kanarakaana inamisina.
\b
\q1
\v 2 Incia padhamo aposumpa i KAWASANA OPU,
\q2 tee ajanji i Aulataʼala Momakaa isombana Yakub,
\q1
\v 3 "Satotuuna, iaku inda bhekupesua i nuncana kema mbooresaku
\q2 atawa kukole i kolemaku;
\q1
\v 4 Satotuuna inda bhekutokole
\q2 atawa amangkoo mataku
\q1
\v 5 ande indapo kupotibhaaka tampa to KAWASANA OPU,
\q2 tee saangu mbooresa to Aulataʼala Momakaa isombana Yakub."
\q1
\v 6 Satotuuna, ingkita padhamo tarangoa o pokaiana tee Sorongana Pojanjia\f + \fr 132:6 \fr*\fq Sorongana Pojanjia: \fq*\ft Sorongana kau motandaina umbaana Aulataʼala i tanga-tangana uumatina tee amembali tampana to adhika rua katongkana bhatu mokoantona sapulu firimanina Aulataʼala idhawuakana i Nabii Musa (kamata \ft*\xt Limb. 20:1-17; 31:18\xt*). \f* sumai i Bait Lahim,
\q2 tee padhamo tapotibhaakea i Tana Yaar.\f + \fr 132:6 \fr*\fq tapotibhaakea i Tana Yaar: \fq*\ft Zaburu incia sii apogauaka kajadia wakutuuna Daud amembali raja tee abhawa Soronga Pojanjia minaaka i Tana Yaar sakawana i Yerusalem.\ft*\f*
\q1
\v 7 Maimo talingkaaka i mbooresana i Yerusalem!
\q2 Maimo tasuju tee tasombaia i aroana kauncuramakana.
\b
\q1
\v 8 E KAWASANA OPU, pekadheimo ulingka i tampa mbooresamu,
\q2 tee upobhawa tee Soronga Pojanjia, tandana Ingkoo ukokuasa.
\q1
\v 9 Maasangia manga imamu sadia apewau kabanara,
\q2 tee taroakamo manga mia mosaalihi asambo-sambo tee akaunde-unde.
\q1
\v 10 Roonamo Daud, o bhatuamu,
\q2 bholi umendeua o raja mopadhana ilantimu.
\b
\q1
\v 11 KAWASANA OPU padhamo aposumpa mpuu-mpuu tee Daud,
\q2 tee Incia inda bheamalinguaka opea ijanjiakana,
\q1 "Samia anamu minaaka i karomu
\q2 bhekupamembalia raja."
\q1
\v 12 Ande manga anamu akeniakea mpuu-mpuu o pojanjiaku
\q2 tee ataʼatia manga parinta bheiadhariakaku to manga incia,
\q1 sumaimo manga opu-opuana uka bheamembali raja
\q2 sakawana saʼumurua."
\b
\q1
\v 13 KAWASANA OPU padhamo apili Sion,
\q2 tee gauna apamembalia tampana mbooresana.
\q1
\v 14 "Siimo mbooresaku sakawana saʼumurua,
\q2 Iwe siimo bhekumboore roonamo kupeelua.
\q1
\v 15 Iaku bhekudhawuakea bhaku motaralabhi-labhi,
\q2 tee bhekupekambosuakea tee roti manga mia misikini.
\q1
\v 16 Manga imamuna Yerusalem bheasusuaka kasalaamati moumbana minaaka i Iaku,
\q2 tee manga mia mosaalihi bheasambo-sambo tee akaunde-unde.
\q1
\v 17 Iwe sumakomo bhekuangka siwuluna Daud;
\q2 Iaku bhekupamembali o siwuluna aparinta sakawana saʼumurua mboomo sulu momainawana torosu.
\q1
\v 18 Manga musuna bhekupekaeaia,
\q2 maka incia, bhekupakanaakea mahakota bhemokakila-kila i bhaana."
\c 133
\s1 Powitinai Mopomalape
\sr 133:1-3
\p
\v 1 Laguna ziara. Zaburuna Daud.
\b
\q1 Kamatea, tapanamo kalape tee kangada
\q2 ande manga witinai adhadhi apomaamaasiaka.
\q1
\v 2 Giu incia sumai mboomo mina-mina mawondu mokoharagaa i bhawona bhaa,
\q2 asiwulu apekabhaho jangku,
\q1 i jangkuna Harun,
\q2 kasiimpo asapo sakawana i bhorokona jubana.
\q1
\v 3 Giu incia sumai mboomo alo i Gunu Hermon,
\q2 mosapona i bhawona manga gunu i Sion
\q1 roonamo iwe sumakomo KAWASANA OPU apasapo barakatina,
\q2 siitumo dhadhi to saʼumurua.
\c 134
\s1 Lagu Kapujia i Wakutuuna Amalo
\sr 134:1-3
\p
\v 1 Laguna ziara.
\b
\q1 Mai, pujimo KAWASANA OPU, e bhari-bharia bhatuana KAWASANA OPU
\q2 molaianina i Bhanuana KAWASANA OPU i wakutuuna amalo!
\q1
\v 2 Angkamea o limamiu upaporopea i tampa momangkilo,
\q2 tee upujimo KAWASANA OPU!
\b
\q1
\v 3 Maasangia KAWASANA OPU, siitumo Incia mopadhaangiana laiana tee alamu,
\q2 abarakatiko minaaka i Sion.
\c 135
\s1 Tangkanamo Kawasana Opu Molaengana Ipuji
\sr 135:1-21
\q1
\v 1 Pujimo KAWASANA OPU!\f + \fr 135:1 \fr*\fq Pujimo KAWASANA OPU!\fq*\ft I nuncana pogau Ibrani, oni incia sii \ft*\it Haleluya\it*. Mboo sumai uka i kapadhaana zaburu incia sii.\f*
\b
\q1 Pujimo sarona KAWASANA OPU!
\q2 Pujimea, e manga bhatuana KAWASANA OPU,
\q1
\v 2 e manga mia molaianina i Bhanuana KAWASANA OPU
\q2 i tanalapa i aroana Bhanuana Aulataʼalata.
\q1
\v 3 Pujimo KAWASANA OPU roonamo Incia amalape,
\q2 laguakamea manga lagu kapujia to sarona,
\q2 roonamo sarona amakesa.
\q1
\v 4 KAWASANA OPU padhamo apili Yakub to karona,
\q2 tee o miana Israel apamembalia pewauana imaasiakana.
\b
\q1
\v 5 Satotuuna kumataua ande o KAWASANA OPU amaoge mpuu,
\q2 tee o Aulataʼalata alabhi o kaogena minaaka i bhari-bharia dewa.
\q1
\v 6 KAWASANA OPU apewau opea ipeeluna,
\q2 malape i sorogaa atawa i alamu,
\q2 malape i tawo atawa i andala.
\q1
\v 7 Incia aumbaaka gawu minaaka i tapana alamu,
\q2 Incia apatiumba bhibhito apoose tee wao,
\q2 tee apalimba ngalu minaaka i tampana atodhika.
\b
\q1
\v 8 \x - \xo 135:8 \xo*\xt Limb. 12:28-30.\xt*\x*Incia mopekamatena manga anaana tumpe i Mesir,
\q2 malape maanusia atawa o binata.
\q1
\v 9 Incia mopadhaangiana manga tanda tee manga muuzizati
\q2 i tanga-tangana miana Mesir,
\q2 aewangi Firaun tee bhari-bharia pagawena.
\q1
\v 10 Incia mopekatalona manga lipu
\q2 tee apekamate manga raja momakaa--
\q1
\v 11 siitumo Sihon rajana Amori, tee Og rajana Basan,
\q2 tee bhari-bharia raja i Kanaan.
\q1
\v 12 Kasiimpo adhawuaka manga lipuna Kanaan to apamembalia pusaka,
\q2 siitumo o pusaka to miana Israel o uumatina sumai.
\b
\q1
\v 13 E KAWASANA OPU, saromu abakaa,
\q2 e KAWASANA OPU, bhari-bharia siwulu bheaudania saʼumurua opea ipewaumu.
\q1
\v 14 KAWASANA OPU bheaewaaka parakarana uumatina,
\q2 tee amaasiaka manga bhatuana.
\b
\q1
\v 15 \x - \xo 135:15-18 \xo*\xt Zab. 115:4-8; Wah. 9:20.\xt*\x*Barahalana manga lipu inda mosombako atokarajaa minaaka i bulawa tee pera,
\q2 ikarajaana limana maanusia.
\q1
\v 16 Manga barahala sumai akomuncu, maka inda amembali apogau;
\q2 akomata, maka inda apokamata;
\q1
\v 17 akotalinga, maka inda aporango.
\q2 Manga incia inda dhaangia o poinuncana.
\q1
\v 18 Bhari-bharia mia mokarajaana barahala tee bhari-bharia moparacaeaia
\q2 bheamembali mboomo barahala sumai tee inda bheamembali apewau opeopea uka.
\b
\q1
\v 19 E siwuluna Israel, pekaogemo sarona KAWASANA OPU!
\q2 E manga imamu, siwuluna Harun, pekaogemo sarona KAWASANA OPU!
\q1
\v 20 E siwuluna Lewi, pekaogemo sarona KAWASANA OPU!
\q2 E manga mia momaekana i KAWASANA OPU, pekaogemo sarona KAWASANA OPU!
\q1
\v 21 Pekaogemo sarona KAWASANA OPU minaaka i Sion;
\q2 Incia momboorena i Yerusalem.\f + \fr 135:21 \fr*\fq Incia momboorena i Yerusalem: \fq*\ft Moomini o Aulataʼala adhaangia i saangua alamu sii, maka Incia padhamo apatotapuaka Kota Yerusalem minaaka i zamanina Israel apamembalia to Bhanua Momangkilo to apogauaka umbaana tee ajagani sarona.\ft*\f*
\b
\q2 Pujimo KAWASANA OPU!
\c 136
\s1 Kaasina Kawasana Opu to Miana Israel
\sr 136:1-26
\q1
\v 1 \x - \xo 136:1 \xo*\xt Zab. 100:4-5.\xt*\x*Sukurumo i KAWASANA OPU, roonamo Incia amalape,
\q2 kaasina abakaa saʼumurua.
\q1
\v 2 Sukurumo i Aulataʼalana sagala Aulataʼala,
\q2 kaasina abakaa saʼumurua.
\q1
\v 3 Sukurumo i Kawasana Opuna sagala opu,
\q2 kaasina abakaa saʼumurua.
\b
\q1
\v 4 Incia mopewauna manga giu inda momentela,
\q2 kaasina abakaa saʼumurua.
\b
\q1
\v 5 \x - \xo 136:5-6 \xo*\xt Bhaa. 1:1-2.\xt*\x*Incia mopadhaangiana laiana tee kalapena budina,
\q2 kaasina abakaa saʼumurua.
\q1
\v 6 Incia mobhakesakana ati i bhawona uwe,
\q2 kaasina abakaa saʼumurua.
\q1
\v 7 \x - \xo 136:7-9 \xo*\xt Bhaa. 1:16. \xt*\x*Incia mopadhaangiana manga kainawa momaogena i laiana,
\q2 kaasina abakaa saʼumurua;
\q1
\v 8 matanaeo to akuasai eo,
\q2 kaasina abakaa saʼumurua;
\q1
\v 9 bula tee kalipopo to akuasai malo,
\q2 kaasina abakaa saʼumurua.
\b
\q1
\v 10 \x - \xo 136:10 \xo*\xt Limb. 12:29.\xt*\x*Incia mopekamatena manga anaana tumpe i Mesir,
\q2 kaasina abakaa saʼumurua;
\q1
\v 11 \x - \xo 136:11 \xo*\xt Limb. 12:51.\xt*\x*tee o miana Israel apalimbaia minaaka i Mesir,
\q2 kaasina abakaa saʼumurua;
\q1
\v 12 tee limana momakaa tee kuasana momaoge,
\q2 kaasina abakaa saʼumurua.
\q1
\v 13 \x - \xo 136:13-15 \xo*\xt Limb. 14:21-29.\xt*\x*Incia aweta Tawo Towu Lambe apaporuawetaia,
\q2 kaasina abakaa saʼumurua;
\q1
\v 14 tee apapolimba miana Israel adhala i tanga-tangana,
\q2 kaasina abakaa saʼumurua;
\q1
\v 15 maka Incia apatondu Firaun tee tantarana i nuncana Tawo Towu Lambe,
\q2 kaasina abakaa saʼumurua.
\b
\q1
\v 16 Incia akapalai uumatina alaloi tana matuu,
\q2 kaasina abakaa saʼumurua.
\q1
\v 17 Incia apekatalo manga raja momakaa,
\q2 kaasina abakaa saʼumurua;
\q1
\v 18 tee apekamate manga raja momulia,
\q2 kaasina abakaa saʼumurua;
\q1
\v 19 siitumo Sihon, rajana miana Amori,
\q2 kaasina abakaa saʼumurua;
\q1
\v 20 tee Og, rajana Basan,
\q2 kaasina abakaa saʼumurua;
\q1
\v 21 tee adhawuakea o lipuna manga incia apamembalia pusakana uumatina,
\q2 kaasina abakaa saʼumurua;
\q1
\v 22 amembali pusaka to miana Israel o bhatuana sumai,
\q2 kaasina abakaa saʼumurua.
\b
\q1
\v 23 Incia inda mangamalinguaka wakutuuna tee masaʼalata,
\q2 kaasina abakaa saʼumurua;
\q1
\v 24 tee mangarambasaka minaaka i limana musu,
\q2 kaasina abakaa saʼumurua.
\q1
\v 25 Incia mopakandena bhari-bharia mahaluku,
\q2 kaasina abakaa saʼumurua.
\b
\q1
\v 26 Sukurumo i Aulataʼala moparintana i laiana,
\q2 kaasina abakaa saʼumurua.
\c 137
\s1 Kaporona Inca i Bhiwina Umala Babel
\sr 137:1-9
\q1
\v 1 I bhiwina umala Babel,
\q2 iwe sumakomo ingkami tauncura tee tatangi
\q2 ande taudhani Sion, mbooresana miana Israel.
\q1
\v 2 I manga puuna gandarusa i tampa sumai,
\q2 ingkami tapaloe kecapimami
\q1
\v 3 roonamo iwe sumai manga miana Babel mangataangi
\q2 tee atumpu ingkami talaguakea,
\q1 mia mopisakina ingkami manga tumpu talaguakea manga lagu kaunde-unde, pogauna,
\q2 "Laguakamo to ingkami sala saangu lagu minaaka i Sion."
\b
\q1
\v 4 Tuaapa amembali ingkami talaguaka lagu to KAWASANA OPU
\q2 i lipu dhaga?
\q1
\v 5 E Yerusalem, ande kumalinguakako,
\q2 taroakamo limaku indamo amembali amagasiaaka kecapi!
\q1
\v 6 Taroakamo dhelaku indamo amembali alagu
\q2 ande kumalinguakako,
\q1 tee ande inda kupamembali Yerusalem
\q2 tampa ikaunde-undeakaku mpuu.
\b
\q1
\v 7 E KAWASANA OPU, udhania o miana Edom,
\q2 i wakutuuna Yerusalem atopahancuru, manga incia apogau,
\q2 "Patobhatamea! Patobhatamea sakawana i tana!"
\b
\q1
\v 8 E raʼeatina Babel, ingkomiu bheutopabinasa!
\q2 Amasanaamo mia mobalasina ingkomiu
\q2 roonamo pewaumu momadhaki i ingkami.
\q1
\v 9 Amasanaamo mia morakona manga anaana maidhiidhimiu
\q2 tee arambitakea i bhatu!\f + \fr 137:9 \fr*\fq Amasanaamo mia morakona manga anaana maidhiidhimiu: \fq*\ft Rua giu molaengana imatau. Bhaa-bhaana, manga lipu modhaangiana i saripina lipu Israel padhamo apewau giu mopokana to miana Israel. Sapadhana sumai, Kawasana Opu afirimani ande o Babel bheanamisi giu mopokana to amembali kabalasina pewauna manga incia. \ft*\f*
\c 138
\s1 Doʼana Kasukuru roonamo Katulungina KAWASANA OPU
\sr 138:1-8
\p
\v 1 Zaburuna Daud.
\b
\q1 Iaku bhekusukuru i Ingkoo, E KAWASANA OPU, tee mpuu-mpuuna incaku.
\q1 Iaku bhekulaguaka manga lagu kapujia to Ingkoo i aroana manga malaaʼekati.
\q1
\v 2 Iaku bhekusuju tee kusomba kupoaro i Bhanuamu momangkilo
\q2 tee kusukuru poose kupuji saromu
\q1 roonamo kaasimu molagina tee umembali utoparacaea,
\q2 sababuna Ingkoo padhamo ususuaka saromu tee janjimu alabhi minaaka i opeopeapo uka.
\q1
\v 3 I eona kugora, Ingkoo ulawaniaku,
\q2 tee Ingkoo upekatangka incaku tee kakaamu.
\b
\q1
\v 4 Bhari-bharia raja i alamu bheapuji Ingkoo, e KAWASANA OPU,
\q2 roonamo manga incia padhamo arangoa manga janji ipakawaakamu.
\q1
\v 5 Manga incia bhealaguaka opea mopadhana ipewauna KAWASANA OPU
\q2 roonamo amaoge o kamuliangina KAWASANA OPU.
\q1
\v 6 Moomini KAWASANA OPU sumai amalanga, maka Incia akamata mia momaidhiidhi,
\q2 sainamo mia mosombo akamatea minaaka i karidhoana.
\b
\q1
\v 7 Moomini kudhadhi i nuncana kanarakaa,
\q2 Ingkoo upotaangiaka dhadhiku;
\q1 Ingkoo upaulu limamu to ubhali pamuruna manga musuku,
\q2 tee o lima kaanamu mopasalaamatiaku.
\q1
\v 8 KAWASANA OPU bheapamando haejatina to dhadhiku;
\q2 E KAWASANA OPU, kaasimu abakaa saʼumurua;
\q2 bholi uunto upewau sagala giu mopadhana ipewaumu to uumatimu.
\c 139
\s1 Doʼa i Aroana Kawasana Opu Momatauna Sagala Giu
\sr 139:1-24
\p
\v 1 To kapalana molaguna. Zaburuna Daud.
\b
\q1 E KAWASANA OPU, Ingkoo utilikiaku tee umatauaku.
\q1
\v 2 Ingkoo umataua bhari-bharia ipewauku,
\q2 tee Ingkoo umatau opea ifikiriku minaaka i karidhoana.
\q1
\v 3 Ingkoo utilikiaku wakutuuna kulingka tee kupotidhole,
\q2 tee umataua bhari-bharia lingkaaku.
\q1
\v 4 Moomini indapo kupogau,
\q2 satotuuna Ingkoo umataumea bhari-bharia bheipogauakaku, e KAWASANA OPU.
\q1
\v 5 Ingkoo ujaganiaku minaaka i bhari-bharia singku,
\q2 tee ujaganiaku tee kuasamu.
\q1
\v 6 Tee katau incia sumai inda amentela mpuu to karoku,
\q2 tee inda akawa i fikiriku sababuna amalanga mpuu.
\b
\q1
\v 7 Iapai bhekulingka mamudhaakana kumaridho minaaka i rohimu?
\q2 Iapai bhekupalai mamudhaakana kumaridho minaaka i karomu?
\q1
\v 8 Ande kupene i laiana, Ingkoo dhaangia iwe sumai.
\q2 Ande kukole i duniana mia mate, iwe sumai uka Ingkoo udhaangia.
\q1
\v 9 Ande kupene i laiana kupolaka tee panina matana eo wakutuuna abhete,
\q2 tee kumboore i tampana matanaeo atondu,
\q1
\v 10 iwe sumai Ingkoo upobhawa tee iaku,
\q2 tee o lima kaanamu bhemopekatangkaaku.
\q1
\v 11 Ande kupogau, "Satotuuna o kalalanda bheasalibumbungiaku,
\q2 tee o kainawa i saripiku bheamembali kalalanda,"
\q1
\v 12 sumaimo o kalalanda uabhia mencuana giu momalalanda to Ingkoo,
\q2 tee o malo mboomo kainawana pontanga eo,
\q2 roonamo kalalanda uabhia mboomo kainawa to karomu.
\b
\q1
\v 13 Roonamo Ingkoo mopadhaangiana bhari-bharia parewana badaku;
\q2 Ingkoo mopebhanguiaku i nuncana kadhumana inaku.
\q1
\v 14 Iaku kusukuru i Ingkoo roonamo upadhaangiaaku tee cara inda momentela.
\q2 Bhari-bharia ipewaumu inda amentela,
\q2 tee atotuu-totuu kumataua o giu incia sumai.
\q1
\v 15 Manga bukuku ukamatea,
\q2 wakutuuna upadhaangiaaku i tampa rahasia,
\q2 tee upebhanguiaku i wetana alamu moporitambena mpuu.
\q1
\v 16 Ingkoo ukamataaku wakutuu dhaangiapo kumembali satongka raa,
\q2 tee i nuncana kitabimu bhari-bharia giu incia sumai padhamo atoburi
\q1 to eo-eona mopadhana ipatantuakamu to iaku
\q2 wakutuuna indapo aumba saangu eo minaaka i manga incia.
\b
\q1
\v 17 Amarasai mpuu o fikirimu, e Aulataʼala, soo mpuu amarasai kumaʼanaia!
\q2 Abhari mpuu o fikirimu!
\q1
\v 18 Ande amembali kugagaria,
\q2 kabharina alabhi minaaka i kabharina bhone,
\q2 tee wakutuuna kuunto kugagaria,
\q2 iaku dhaangiapo uka kupobhawa tee Ingkoo.
\b
\q1
\v 19 E Aulataʼala, maasangia Ingkoo upabinasa manga mia madhaki,
\q2 tee upekaridhoakaaku manga pande pekamatena mia!
\q1
\v 20 Manga incia apogauakako madhaki,
\q2 tee asia-sia asomboaka karona to aewangiko.
\q1
\v 21 E KAWASANA OPU, kubancia o mia mobanciko,
\q2 kumarikaia o mia moewangiko!
\q1
\v 22 Manga incia kubancia! Kubancia mpuu
\q2 tee kuabhia mboomo musu!
\b
\q1
\v 23 E Aulataʼala, parakisaakumo tee umataumo ngangarandaku;
\q2 ujiakumo tee umataumea o fikiriku.
\q1
\v 24 Kamatamea ara dhaangia o kadhaki\f + \fr 139:24 \fr*\fq kadhaki: \fq*\ft Atawa uka "giu mopekapiina." \ft*\f* i nuncana karoku,
\q2 tee ususuakaakumo dhala mobakaa.
\c 140
\s Doʼa Emaniana Peulusa minaaka i Manga Mia Madhaki
\sr 140:1-14
\d To kapalana molaguna. Zaburuna Daud.
\b
\q1
\v 1 E KAWASANA OPU, maasangia
\q1 utulungiaku minaaka i mia madhaki,
\q2 tee ujaganiaku minaaka i mia masega.
\q1
\v 2 Manga incia ahaejatiaka kadhaki i nuncana ngangarandana,
\q2 tee saesaeo apadhaangia manga potimbea.
\q1
\v 3 \x - \xo 140:4 \xo*\xt Rom. 3:13.\xt*\x*Manga incia apekatadha dhelana mboomo ulo,
\q2 pogauna manga incia mboomo racuna ulo mokobisa. \qs Sela\qs*\f + \fr 140:4 \fr*\fq Sela: \fq*\ft Aipomo tandana to aunto wakutuuna lagu sumai atolaguaka, atawa o tanda to ahanda apekaogea o suarana, atawa onina gambusuna. Amembali uka to tanda to morangoa mamudhaakana asuju. \ft*\f*
\b
\q1
\v 4 E KAWASANA OPU, jaganiaku minaaka i kuasana mia mokodosa,
\q2 tee ujaganiaku minaaka i mia masega,
\q2 mohaejatina to apekandawuaku.
\q1
\v 5 Mia mosombo abuniaka katapu to iaku.
\q2 Manga incia abhakesaka jarina i bhiwina dhala,
\q2 tee sakaaratea dhala manga incia ataakaaku katapu. \qs Sela\qs*
\b
\q1
\v 6 Iaku kupogau tee KAWASANA OPU, "Ingkoomo Aulataʼalaku,
\q2 perangoimea opea iemaniku e KAWASANA OPU!"
\q1
\v 7 E KAWASANA OPU, e Aulataʼalaku, Ingkoomo o kasalaamatiku tee kakaaku,
\q2 Ingkoo padhamo ujagani bhaaku i eona potimbea.
\q1
\v 8 E KAWASANA OPU, bholi uose peeluana mia madhaki,
\q2 bholi uperangoia o haejati madhakina manga incia, mamudhaakana inda asomboaka karona. \qs Sela\qs*
\q1
\v 9 Maasangia o racu mominaakana i bhiwina apatondu manga mia madhaki molibuaku.
\q1
\v 10 Taroakamo manga incia apakowaoakea weona waa,
\q2 tee abhanakea i nuncana waa tee i bhalo mandala imateaka,
\q2 sabutuna inda amembali alimba pendua.
\q1
\v 11 Manga pande fitanaa inda bheadhadhi malape i dunia,
\q2 tee o mia mopewauna kasega bheaosea balaa.
\b
\q1
\v 12 Iaku kumataua ande o KAWASANA OPU bheaewaaka hakuna mia motopisaki,
\q2 tee adhawu kaʼadili to mia momisikini.
\q1
\v 13 Atantumo o mia mobanara bheapuji saromu,
\q2 tee o mia momakatena totona incana bheamboore i aroamu.
\c 141
\s Doʼa i Wakutuuna Kapancoba
\sr 141:1-10
\p
\v 1 Zaburuna Daud.
\b
\q1 E KAWASANA OPU, iaku kugora i Ingkoo, umbamo pekadhei!
\q2 Rangomea o doʼaku wakutuuna kugora i Ingkoo.
\q1
\v 2 \x - \xo 141:2 \xo*\xt Wah. 5:8. \xt*\x*Maasangia o doʼaku amembali pasombaa mboomo dhupa i aroamu,
\q2 tee limaku motoangkana mboomo pasombaa i wakutuuna konowia.
\b
\q1
\v 3 E KAWASANA OPU, jagania muncuku,
\q2 tee kamatea bhiwiku.
\q1
\v 4 Bholi utaroakea incaku aose giu momadhaki
\q2 to kupewau manga giu mokodosa
\q1 tee manga mia mopewauna kadhaki;
\q2 bholi utaroakaaku kukande kinandena kariaana manga incia.\f + \fr 141:4 \fr*\fq kukande kinandena kariaana manga incia: \fq*\ft Aipomo ipogauakana iwe sii o kinande ipasombaaka i barahala i kariaana agama.\ft*\f*
\b
\q1
\v 5 Taroakamo mia mobanara atapaaku to audhaniaku;
\q2 taroakamo mia motaʼatiko ahukumuaku ande kupewau kasalaha,
\q2 ancosala o bhaaku amendeu atarima mina minaaka i mia mobanara.
\q2 Maka iaku sadhaadhaa kudoʼa kuewangi pewauna momadhaki manga mia madhaki sumai.
\q1
\v 6 Wakutuuna haakimuna manga incia atudhaakea minaaka i pimpina gunu bhatu,
\q2 sumaimo manga incia bheamataua ande manga pogauku abanara.
\q1
\v 7 Mboomo bhatu apaporua wetaia tee apahancurua i tana,
\q2 mboomo sumai uka bukuna manga incia bheamantale i ngangana koburu.
\b
\q1
\v 8 Maka, mataku atonto i Ingkoo, e KAWASANA OPU, Aulataʼala isombaku;
\q2 Ingkoomo peulusaku, bholi utaroakaaku kubinasa!
\q1
\v 9 Maasangia ujaganiaku minaaka i katapu itaana manga incia,
\q2 tee minaaka i katapuna manga mia mopewauna kadhaki.
\q1
\v 10 Taroakamo manga mia madhaki sumai apesua i nuncana katapu itaana karona,
\q2 sainamo karoku samia kulaloia tee inda akangkanaiaku.
\c 142
\s1 Doʼana Samia Motopajere
\sr 142:1-8
\d Lagu kaadharina Daud wakutuuna incia apalaiaka Saul tee aopo i nuncana lia. Saangu doʼa.
\b
\q1
\v 1 Tee suara makaa kugora i KAWASANA OPU;
\q2 tee suara makaa kuemani kaasi i KAWASANA OPU.
\q1
\v 2 I aroana kupeenci,
\q2 kupaumbaakea bhari-bharia kanarakaaku i Incia.
\q1
\v 3 Wakutuuna amate akalaku,
\q2 Ingkoo umataua o dhalaku.
\q1 I dhala bheilaloiku
\q2 manga musuku abuniaka katapu to iaku.
\q1
\v 4 Poilimo i weta kaanaku tee kamatea,
\q2 inda samia uka mokamataaku.
\q1 Inda dhaangia tampana peulusaku,
\q2 tee inda samia uka mofaduliakaaku.
\b
\q1
\v 5 E KAWASANA OPU, iaku kugora i Ingkoo.
\q1 Pogauku, "Ingkoomo tampana peulusaku,
\q2 tee tangkanamo Ingkoo ifaraluuku i nuncana dhadhiku sii."
\q1
\v 6 Perangoia o doʼaku
\q2 roonamo indamo tee kakaana o bukuku.
\q1 Pasalaamatiaku minaaka i manga musu mosikisaaku
\q2 roonamo manga incia alabhi kakaana minaaka i iaku.
\q1
\v 7 Palimbaaku minaaka i katorongku,
\q2 mamudhaakana kumembali kusukuru i Ingkoo.
\q1 Manga mia mosaalihi bheaporomu tee iaku to tapuji saromu,
\q2 roonamo Ingkoo padhamo upewau malape i iaku.
\c 143
\s1 Doʼa Emaniana Kasalaamati minaaka i Musu
\sr 143:1-12
\p
\v 1 Zaburuna Daud.
\b
\q1 Maasangia urangoa o doʼaku, e KAWASANA OPU!
\q2 Perangoia iemaniku roonamo umembali utoparacaea;
\q2 lawaniaku i nuncana kabanaramu.
\q1
\v 2 \x - \xo 143:2 \xo*\xt Rom. 3:20; Gal. 2:16.\xt*\x*Bholi ubhawa bhatuamu i pangadila,
\q2 roonamo inda dhaangia mia inda mosala i aroamu.
\b
\q1
\v 3 Musuku apajereaku tee apatidhomuaku i tana;
\q2 incia adhikaaku i tampa momalalanda mboomo mia momangengena momate.
\q1
\v 4 Sababuna sumai, amate akalaku,
\q2 tee ngangarandaku ameri mpuu.
\q1
\v 5 Kutoudhanimo tee zamani momangenge,
\q2 iaku kuudhania bhari-bharia ipewaumu,
\q2 tee kufikiria bhari-bharia ipadhaangiamu.
\q1
\v 6 Iaku kuangka limaku tee kudoʼa i Ingkoo,
\q2 ngangarandaku apemeliliakako mboomo tana matuu apemeliliaka wao. \qs Sela\qs*
\b
\q1
\v 7 E KAWASANA OPU, maasangia ulawaniaku madhei,
\q2 roonamo amatemo akalaku.
\q1 Bholi ubuniaka karomu minaaka i iaku
\q2 mamudhaakana iaku inda mboo manga mia mosapona i duniana mia mate.
\q1
\v 8 Parangoakaaku kaasimu molagina i wakutuu saeona,
\q2 roonamo kuparacaea i Ingkoo.
\q1 Susuakaaku dhala bheilaloiku,
\q2 roonamo i Ingkoomo kupasaraaka ngangarandaku.
\b
\q1
\v 9 E KAWASANA OPU, pasalaamatiaku minaaka i manga musuku,
\q2 i Ingkoomo tampaku kupalai to kupeulu.
\q1
\v 10 Adhariaku kupewau opea ipeelumu,
\q2 roonamo Ingkoomo Aulataʼalaku.
\q1 Taroakea o rohimu momalape sumai
\q2 akapalaiaku i tana morata.
\b
\q1
\v 11 E KAWASANA OPU, padhadhiaku roonamo saromu,
\q2 tee i nuncana kabanaramu pasalaamatiaku minaaka i kanarakaa.
\q1
\v 12 Roonamo kaasimu molagina, pahancurumea manga musuku,
\q2 tee pabinasamea bhari-bharia mia mopanarakaaku
\q2 roonamo iaku o bhatuamu.
\c 144
\s1 Lagu Kasukuruna Raja
\sr 144:1-15
\p
\v 1 Zaburuna Daud.
\b
\q1 Atopujimo KAWASANA OPU o gunu bhatuku,
\q2 moadharina limaku to apotimbe tee kauna limaku to apoewangi.
\q1
\v 2 Incia momaasiakaaku saʼumurua tee o bente potaangiaku,
\q2 kota benteku tee mopabebasiaku.
\q1 Incia o katangkesiku, Incia o tampana peulusaku,
\q2 Incia apekatalo manga lipu tee adhikaia i tambena kuasaku.
\b
\q1
\v 3 \x - \xo 144:3 \xo*\xt Zab. 8:5.\xt*\x*E KAWASANA OPU, incema buaka o maanusia sumai mbakana uudhania?
\q2 Incema buaka o maanusia sumai mbakana ufaduliakea?
\q1
\v 4 Maanusia sumai mboomo wiina ngalu,
\q2 tee o umuruna mboomo ngkamia-mia molalo.
\b
\q1
\v 5 E KAWASANA OPU, bungkalemea o laianamu tee usapomo,
\q2 dhingkumea manga gunu mamudhaakana akoombu.
\q1
\v 6 Pasapomea o bhibhitomu mamudhaakana o musu apogaa-gaa,
\q2 rambasakamea o panamu mamudhaakana manga incia amambura.
\q1
\v 7 Paulumea o limamu minaaka i kalangaana;
\q2 pabebasiaku tee upasalaamatiakumo minaaka i uwena mawa,
\q2 tee minaaka i limana manga mia dhaga!
\q1
\v 8 Manga incia kapeeluana apekatipu,
\q2 tee agau-gau wakutuuna aposumpa.
\b
\q1
\v 9 Iaku bhekulaguakako lagu bhaau, e Aulataʼala,
\q2 tee bhekulaguakako manga lagu kapujia poose kutikiakako gambusu sapulu taliana.
\q1
\v 10 Ingkoo modhawuna kamangantalo to manga raja,
\q2 tee upasalaamati Daud o bhatuamu.
\q1
\v 11 Rambasakaaku minaaka i hancuna mia masega,
\q2 pasalaamatiaku minaaka i kuasana manga mia dhaga.
\q1 Manga incia kapeeluana apekatipu,
\q2 tee agau-gau wakutuuna aposumpa.
\b
\q1
\v 12 Maasangia manga anata umane
\q2 mboomo penembula motuwuna amembali amaoge,
\q2 tee manga anata bhawine
\q2 mboomo manga arii makesa
\q1 mobhelokina manga singkuna malige.
\q1
\v 13 Maasangia manga kampirita abukeaka
\q2 sagala giu hasilina alamu;
\q1 maasangia manga dumbata i tana mokorumpu amembali rewuna mbaa,
\q2 tee ajulu o kabharina amembali puluna rewu mbaa o kabharina.
\q1
\v 14 Maasangia manga sapita ahanda ajulu o kaogena badana
\q2 tee inda dhaangia momadhakina i nuncana kadhumana atawa amambuu.
\q2 Tee inda atorango suara motomaporoakana inca i dhalana manga kotata.
\b
\q1
\v 15 Amasanaamo o lipu ibarakati mboo sumai!
\q2 Amasanaamo mpuu o lipu mosombana i Aulataʼala, siitumo mosombana i KAWASANA OPU.
\c 145
\s1 Lagu Kapujia to Kalapena KAWASANA OPU
\sr 145:1-21
\p
\v 1 Lagu kapujiana Daud.
\b
\q1 E Aulataʼalaku, e Raja, iaku bhekupekalangako,
\q2 tee bhekupuji saromu to saʼumurua.
\q1
\v 2 Saesaeo bhekupujiko,
\q2 tee bhekumuliangia o saromu to saʼumurua.
\q1
\v 3 Tapanamo kalanga o KAWASANA OPU tee alaenga mpuu atopuji!
\q2 Inda bhari-bharia sifatuna momaoge amembali amaʼanaia maanusia.
\b
\q1
\v 4 Manga mancuana bheapuji opea mopadhana ikarajaamu i manga anana sakawana bhari-bharia siwuluna amataua,
\q2 tee bheapogauaka ande Ingkoo momakaana.
\q1
\v 5 Manga incia apakoleleaka kaogesamu momuliana
\q2 tee pewaumu inda momentela bhekufikiria i nuncana ngangarandaku.
\q1
\v 6 Mia bheapetulatulaaka manga ipewaumu momakaana,
\q2 tee bhekupakoleleaka kaogesamu.
\q1
\v 7 Manga incia bheakaunde-undeaka kaogesana saromu roonamo pewaumu momalape,
\q2 tee bheasambo-sambo roonamo kabanaramu.
\b
\q1
\v 8 KAWASANA OPU sumai abukeaka kaasi tee rahumati.
\q2 Incia asabara mpuu tee o kaasina molagina amaoge.
\q1
\v 9 KAWASANA OPU sumai amalape i bhari-bharia mia,
\q2 tee rahumatina to bhari-bharia mahaluku mopadhana ipadhaangiana.
\b
\q1
\v 10 Bhari-bharia ipadhaangiamu sumai bheasukuru i Ingkoo, e KAWASANA OPU,
\q2 tee bhari-bharia mia mosaalihi bheapujiko.
\q1
\v 11 Manga incia bheapogauaka kamuliangina pamarintamu,
\q2 tee apetulatulaaka kakaamu,
\q1
\v 12 sabutuna o maanusia amataua o kaogesana manga pewaumu,
\q2 tee kamuliangina pamarintamu amalanga.
\q1
\v 13 Pamarintamu o pamarinta mobakaa,
\q2 tee o kuasamu asadhaadhaa to saʼumurua.
\b
\q1 KAWASANA OPU amembali atoparacaea i nuncana bhari-bharia janjina
\q2 tee bhari-bharia ipewauna abukeaka rahumati.
\q1
\v 14 KAWASANA OPU atulungi bhari-bharia mia monarakaa,
\q2 tee apekatangka bhari-bharia mia motungku.
\q1
\v 15 Bhari-bharia matana mia aantaantagiko,
\q2 tee Ingkoo uka udhawua kinande akawa wakutuuna.
\q1
\v 16 Ingkoo ubungkale limamu,
\q2 tee upadhaangiaaka opea ipeeluna bhari-bharia mahaluku mokoinyawa.
\b
\q1
\v 17 KAWASANA OPU abanara i bhari-bharia dhalana,
\q2 amalape tee abukeaka rahumati.
\q1
\v 18 KAWASANA OPU atulungi bhari-bharia mia mogorana i Incia,
\q2 bhari-bharia mia mogorana i Incia i nuncana kabanara.
\q1
\v 19 Incia apadhaangiakea bhari-bharia ifaraluuna mia momaekana i Incia;
\q2 Incia uka arangoa o pekeena manga incia tee apasalaamatia.
\q1
\v 20 KAWASANA OPU ajagani bhari-bharia mia momaasiakea,
\q2 maka Incia apabinasa bhari-bharia mia madhaki.
\b
\q1
\v 21 Iaku bhekupuji KAWASANA OPU,
\q2 tee bhari-bharia mahaluku bheapuji sarona momangkilo to saʼumurua.
\c 146
\s1 Tangkanamo KAWASANA OPU Mangatulungina
\sr 146:1-10
\q1
\v 1 Pujimo KAWASANA OPU!
\b
\q1 E inyawaku, pujimo KAWASANA OPU!
\q2
\v 2 Iaku bhekupuji
\q1 KAWASANA OPU saʼumurua dhadhiku,
\q2 tee bhekulaguaka manga lagu kapujia to Aulataʼalaku kangengena dhaangia kudhadhi.
\b
\q1
\v 3 Bholi uparacaea i manga mokokuasana,
\q2 i maanusia inda momembalina mopasalaamati.
\q1
\v 4 Wakutuuna inyawana amabhotu, manga incia ambulimo i tana,
\q2 tee i eo incia sumai uka bhari-bharia ihaejatiakana ailamo.
\b
\q1
\v 5 Amasanaamo mia motarimana katulungi minaaka i Aulataʼala isombana Yakub,
\q2 modhikana harapuna i KAWASANA OPU, Aulataʼalana.
\q1
\v 6 Inciamo mopadhaangiana laiana tee alamu,
\q2 tawo tee bhari-bharia antona,
\q2 tee sadhaadhaana akeni janjina to saʼumurua.
\q1
\v 7 Inciamo moewaakana hakuna manga mia motopisaki,
\q2 tee adhawu kinande i manga mia momaara.
\b
\q1 KAWASANA OPU apabebasi manga mia itorongku;
\q2
\v 8 KAWASANA OPU abungkale matana manga mia mawilo.
\q1 KAWASANA OPU aangka manga mia motungku;
\q2 KAWASANA OPU amaasiaka mia mobanara.
\q1
\v 9 KAWASANA OPU ajagani manga mia dhaga;
\q2 Incia apambuli kadhaangiana manga ana maelu tee iaiaro,
\q2 maka Incia apakacau haejatina mia madhaki.
\b
\q1
\v 10 KAWASANA OPU bheaparinta mboomo Raja to saʼumurua.
\q2 E raʼeatina Sion, Aulataʼalamu akokuasa saʼumurua zamani.
\q1 Pujimo KAWASANA OPU!
\c 147
\s1 Kakuasa tee Rahumatina KAWASANA OPU
\sr 147:1-20
\p
\v 1 Pujimo KAWASANA OPU!
\b
\q1 Amalape mpuu talaguaka manga lagu kapujia to Aulataʼalata;
\q2 umbe, amalape mpuu tanamisia tee alaenga to tapujia!
\q1
\v 2 KAWASANA OPU apabhangu Yerusalem,
\q2 tee aromusaka manga miana Israel mopadhana ibhanakana.
\q1
\v 3 Incia apaunto manga mia momaporona incana,
\q2 tee atange kambelana manga incia.
\q1
\v 4 Incia atantuaka kabharina manga kalipopo,
\q2 tee sumbe-sumbere adhawua saro.
\q1
\v 5 Kawasana Oputa amaoge tee kakaana ataralabhi-labhi,
\q2 hikimatina inda atokera-kera.
\q1
\v 6 KAWASANA OPU atulungi manga mia motopisaki,
\q2 maka Incia apaporitambe manga mia madhaki sakawana i tana.
\b
\q1
\v 7 Lagumo tee usukurumo i KAWASANA OPU!
\q2 Laguakamea manga lagu kapujia tee umagasiaaka kecapi to Aulataʼalata.
\q1
\v 8 Inciamo motutubhina laiana tee manga taʼina ngalu,
\q2 mopadhaangiana wao i alamu,
\q2 tee apatuwu rumpu i manga gunu.
\q1
\v 9 Incia uka modhawuna kinande i binata,
\q2 tee i manga anana manu-manu tongkaa mokaoni-onina.
\q1
\v 10 Mencuana kakaana ajara ipeeluna Aulataʼala,
\q2 tee uka mencuana suludadu momakaa imasinaina;
\q1
\v 11 maka o KAWASANA OPU amaasiaka manga mia momaekaia,
\q2 tee manga mia moharapuakana kaasina molagina.
\b
\q1
\v 12 Muliangia o KAWASANA OPU, e Yerusalem!
\q2 Pujimo Aulataʼalamu, e Sion!
\q1
\v 13 Roonamo Incia apekatangka manga kapasona bhambana lawamu,
\q2 tee abarakati raʼeatimu tee manga giu momalape.
\q1
\v 14 Incia adhawu kaʼamani i lipumu,
\q2 tee apekambosuko tee gandum momalape.
\b
\q1
\v 15 Incia apakawaaka parintana i alamu,
\q2 sumaimo firimanina lausaka atopewau.
\q1
\v 16 Incia apasapo salju mboomo buluna dumba,
\q2 tee o alo mokobhatu akamburakea mboomo rapu.
\q1
\v 17 Incia apasapo waona esi mboomo katongkana roti;
\q2 inda dhaangia momembalina motaraina kagarina.
\q1
\v 18 Incia apakawaaka firimanina, sumaimo areremo o esi sumai;
\q2 Incia atowii ngalu, sumaimo o uwe asiwulumo.
\b
\q1
\v 19 Incia apakawaaka firimanina i Yakub,
\q2 tee manga katotapuna tee manga tuturana to Israel.
\q1
\v 20 Incia inda apewau giu mboo sumai i lipu mosagaanana iapaipo uka;
\q2 manga incia inda amataua manga tuturana.
\b
\q1 Pujimo KAWASANA OPU!
\c 148
\s1 Laiana tee Alamu, Pujimo KAWASANA OPU!
\sr 148:1-14
\p
\v 1 Pujimo KAWASANA OPU!
\b
\q1 Pujimo KAWASANA OPU minaaka i sorogaa,
\q2 pujimea i tampa momalanga!
\q1
\v 2 Pujimo Incia, e bhari-bharia malaaʼekatina,
\q2 pujimo Incia, e bhari-bharia tantarana!
\q1
\v 3 Pujimo Incia, e matanaeo tee bula;
\q2 pujimo Incia, e manga kalipopo momainawana!
\q1
\v 4 Pujimo Incia, e laiana momalanga,
\q2 tee uwe i bhawona laiana!
\q1
\v 5 Taroakamo bhari-bharia apuji sarona KAWASANA OPU
\q2 roonamo minaaka i firimanina Incia apadhaangia bhari-bharia.
\q1
\v 6 Incia uka motantuakana bhari-bharia giu i sorogaa tee i laiana to saʼumurua;
\q2 opea ipatotapuakana abakaa.
\b
\q1
\v 7 Pujimo KAWASANA OPU minaaka i alamu,
\q2 e manga nagana tawo tee saangua andala oge;
\q1
\v 8 e waa tee waona esi, salju tee taʼina ngalu,
\q2 tee garura\f + \fr 148:8 \fr*\fq garura: \fq*\ft Ngalu momakaa mpuu. \ft*\f* moosena parintana Kawasana Opu;
\q1
\v 9 manga gunu tee bhari-bharia kabumbu,
\q2 manga puuna kau mokobhake tee bhari-bharia puuna aras;
\q1
\v 10 binata maila tee bhari-bharia kadhambaaka,
\q2 bhari-bharia binata mopondele tee manu-manu mokopani;
\q1
\v 11 manga raja i alamu tee bhari-bharia lipu i dunia,
\q2 manga kaogesa tee bhari-bharia haakimu i alamu;
\q1
\v 12 manga anaana umane tee kabuabua,
\q2 manga mancuana tee anaana apoose apuji Incia!
\b
\q1
\v 13 Taroakamo bhari-bharia apuji sarona KAWASANA OPU,
\q2 roonamo tangkanamo sarona molaengana motopekalanga!
\q2 Kalangana alabhi minaaka i kalangana alamu tee laiana.
\q1
\v 14 Incia padhamo apajaea uumatina,
\q2 tee apamembalia giuna kapujia to bhari-bharia mia mosaalihi,
\q2 siitumo miana Israel, uumati momakasuna tee Incia.
\b
\q1 Pujimo KAWASANA OPU!
\c 149
\s1 Lagu Bhaau to KAWASANA OPU
\sr 149:1-9
\p
\v 1 Pujimo KAWASANA OPU!
\b
\q1 Laguakamo lagu bhaau to KAWASANA OPU!
\q2 Pujimea i nuncana poromusakaana mia mosaalihi!
\b
\q1
\v 2 Taroakamo Israel akaunde-unde roonamo Kawasana Opu mopadhaangiakomiu,
\q2 tee taroakamo raʼeatina Sion akaunde-unde roonamo Rajana.
\q1
\v 3 Taroakamo manga incia amanari to apuji sarona Kawasana Opu,
\q2 tee alaguaka manga lagu kapujia apoose amagasiaaka ganda-ganda tee kecapi to apuji Incia,
\q1
\v 4 roonamo KAWASANA OPU amaasiaka uumatina,
\q2 tee Incia apakanaakea o mahakota kasalaamati to manga mia mopaporitambena karona.
\q1
\v 5 Taroakamo uumatina akaunde-unde i nuncana kamuliangi,
\q2 tee alagu asambo-sambo i kolemana.
\q1
\v 6 Taroakamo manga incia apuji Aulataʼala tee ngangana,
\q2 apoose akeni hancu momatadha ruaanguana matana i limana
\q1
\v 7 to abalasi pewauna manga lipu i dunia sii,
\q2 tee ahukumu manga raʼeatina lipu i alamu sii,
\q1
\v 8 to abhokeakea ase manga raja,
\q2 tee abhokeakea rante ase manga kaogesana lipu,
\q1
\v 9 to ahukumu manga lipu mboomo mopadhana ipatotapuakana Aulataʼala to manga incia.
\q2 Giu incia sumai amembali saangu giu momulia to bhari-bharia mia mosaalihi.
\b
\q2 Pujimo KAWASANA OPU!
\c 150
\s1 Pujimo KAWASANA OPU!
\sr 150:1-6
\q1
\v 1 Pujimo KAWASANA OPU!
\b
\q1 Pujimo Aulataʼala i tampana momangkilona!
\q2 Pujimea i sorogaana momakaana!
\q1
\v 2 Pujimea roonamo pewauna mosusuakana kakaana.
\q2 Pujimea apokana tee kaogesana inda momentela!
\q1
\v 3 Pujimea tee onina torompe,
\q2 pujimea tee gambusu tee kecapi!
\q1
\v 4 Pujimea tee ganda-ganda tee umanari,
\q2 pujimea tee gambusu tee suli!
\q1
\v 5 Pujimea tee ceracap mokonduu,
\q2 pujimea tee ceracap mokondii!
\b
\q1
\v 6 Taroakamo bhari-bharia mahaluku modhadhi apuji KAWASANA OPU!
\b
\q1 Pujimo KAWASANA OPU!