\id 3JN - WolioNT
\ide UTF-8
\ide 65001 - Unicode (UTF-8)
\h 3 YAHYA
\toc3 3Yah.
\toc2 3 Yahya
\toc1 Surana Yahya Talu Mpearona
\mt1 SURANA YAHYA
\mt2 TALU MPEARONA
\is POGAU BHAA-BHAANA
\im \bk Surana Yahya Talu Mpearona\bk* sii aburia samia "kapalana jamaʼa" to samia motokailiilina i tanga-tangana jamaʼa mokosaroakana Gayus. Moburina sura incia sii apuji Gayus roonamo kahambana to manga miana Karasiteni mosagaanana. Incia uka audhaniaka Gayus pokaiana tee samia umane mokosaroakana Diotrefes.
\iot Antona
\io1 Porikanaana pogau \ior 1-4\ior*
\io1 Gayus atopuji \ior 5-8\ior*
\io1 Diotrefes atopasala \ior 9-10\ior*
\io1 Demetrius atopuji \ior 11-12\ior*
\io1 Kapadhaa \ior 13-15\ior*
\c 1
\s1 Salamu
\sr 1-4
\p
\v 1 \x - \xo 1:1 \xo*\xt Tul. 19:29; Rom. 16:23; 1Kor. 1:14. \xt*\x*To Gayus witinai imaasiakaku, minaaka i Iaku, samia mancuana jamaʼa mompuu-mpuuna momaasiakako i nuncana kabanara.
\p
\v 2 E witinai imaasiakaku, iaku kudoʼaakako mamudhaakana i nuncana sagala giu o kadhaangiamu amalape, tee mamudhaakana inda umapii apokana mboomo jiwamu uka amalape. 
\v 3 Iaku kukaunde-unde mpuu wakutuuna pia-pia mia witinaita aumba tee adhawu kasakusii pokaina tee uose dhala mobanara, tee tuaapa udhadhi i nuncana kabanara. 
\v 4 I karoku inda dhaangia o kaunde-unde molabhina kaogena minaaka i kaunde-undeku wakutuuna kurango manga anaku adhadhi aose dhala mobanara.
\s1 Potulutulungi tee Poewangia
\sr 5-12
\p
\v 5 E witinai imaasiakaku, pewaumu amembali atoparacaea minaaka i giu opeapo uka ipewaumu to manga witinaimu saʼiimani, moomini manga incia o mia inda imataumu. 
\v 6 Manga incia uka padhamo adhawu kasakusiina i aroana jamaʼa pokaina tee kaasimu. Ande amembali manga incia utulungia sampearopo uka mamudhaakana manga incia amembali apalausaka lingkaana, tee mboo sumai ingkoo upasanaamo incana Aulataʼala. 
\v 7 Roonamo lingkaana manga incia rampaakanamo sarona Kawasana Opu, manga incia inda atarima kahamba opeapo uka minaaka i manga mia inda momatauna Aulataʼala. 
\v 8 Rampaakanamo sumai, ingkita tawaajibu tatulungi manga incia, mamudhaakana ingkita takarajaa tapobhawa-bhawa tee manga incia to tapakawaaka kaadhari mobanara minaaka i Aulataʼala.
\p
\v 9 Iaku padhamo kuburi sura pia mpearo to jamaʼa, maka o Diotrefes mopeeluna to amembali kapala i nuncana jamaʼa, amendeu mangaʼakui. 
\v 10 Rampaakanamo sumai, ande kuumba naile itu, bhekuudhaniakea bhari-bharia giu mopadhana ipewauna, tuaapa incia afitanaaku tee ahinaaku tee pogau madhaki. Inda soo incia sumai, incia uka amendeu atarima manga witinai saʼiimani moumbana iwe siitu, tee uka alarangi manga mia bhemotulungina witinaita tee apalimbaia minaaka i nuncana jamaʼa.
\p
\v 11 E witinai imaasiakaku, bholimo uose pewau madhaki, maka uosemo pewau momalape. Mia mopewauna kalape o asalana minaaka i Aulataʼala, sainamo mia mopewauna kadhaki indapo amatau Aulataʼala.
\p
\v 12 Pokaiana tee Demetrius, kasakusiina bhari-bharia mia amalape. Tee akobukutiimo ande o dhadhina apokana tee kaadhari mobanara. Ingkami uka tasakusiiakea ande incia o mia malape, tee ingkoo umataua ande o kasakusiimami sii abanara.
\s1 Kapadhaa
\sr 13-15
\p
\v 13 Abhari mpuu manga giu bheiburiku to ingkoo, maka kumendeu kupakawaakea alaloi sura. 
\v 14 Iaku kuharapu indamo amangenge kupokawa lausaka tee ingkoo, mamudhaakana tapogau tapoaro rou.
\p
\v 15 Maasangia umasanaamo. Manga sabhangkamu iwe sii alamboko salamuna to ingkoo. Tee pakawaakea salamuku to bhari-bharia manga sabhangkata samia-samia.