\id 2TH - WolioNT
\usfm 3.0
\ide UTF-8
\ide 65001 - Unicode (UTF-8)
\h 2 TESALONIKA
\toc3 2Tes.
\toc2 2 Tesalonika
\toc1 Surana Paul Rua Mpearona To Jamaʼa i Tesalonika
\mt2 SURANA PAUL RUA MPEARONA
\mt2 TO JAMAʼA I
\mt1 TESALONIKA
\is POGAU BHAA-BHAANA
\im Mia mobinguakana pokaiana tee umbaana Al Masi to rua mpearona dhaangiapo atorosu aumbaaka manga masaʼala i nuncana jamaʼa i Tesalonika. \bk Surana Paul Rua Mpearona to Jamaʼa i Tesalonika\bk* atoburi to apaselesaiaka masaʼala incia sumai. I fikirina manga incia wakutuuna umbaana Al Masi to rua mpearona akawamo. Fikiri incia sumai asala koonina Paul. Roonamo wakutuuna Al Masi bheambuli i dunia, kasega tee kadhaki i dunia bheajulu mpuu tee akapalaia samia o mia imatau mokosaroakana "Maanusia Madhaki" bhemobhalina Al Masi.
\ip Paul audhaniakea mpuu to manga mia mobacana kaadharina, ande manga incia afaraluu mpuu to apotaangi i nuncana kaparacaeana tee Al Masi moomini o dhadhina manga incia asukara tee anarakaa. Manga incia anaasehatia Paul mamudhaakana akarajaa to apeelo kinandena samia-samia, apokana mboomo Paul tee manga sabhangkana. Tee mamudhaakana uka manga incia araji apewau kalape.
\iot Antona
\io1 Porikanaana pogau \ior 1:1-2\ior*
\io1 Kapujia tee kadhawuna naasehati \ior 1:3-12\ior*
\io1 Pajelasiana pokaiana tee umbaana Al Masi i dunia to rua mpearona \ior 2:1-17\ior*
\io1 Naasehati to tuaapa tabeana o feʼelina mia moosena Al Masi \ior 3:1-15\ior*
\io1 Kapadhaa \ior 3:16-18\ior*
\c 1
\s1 Salamu
\sr 1:1-2
\po
\v 1 \x - \xo 1:1 \xo*\xt Tul. 17:1. \xt*\x*Minaaka i Paul, Silwanus,\f + \fr 1:1 \fr*\fq Silwanus: \fq*\ft Kagoraakana "Silas" i nuncana pogau Yunani; kananeana sabhangkana Paul sii atogoraaka Silas i nuncana Tulatulana Manga Rasulu iburina Lukas tee sura mosagaanana minaaka i Paul.\ft*\f* tee Timotius.
\po To jamaʼana Tesalonika momembalina pewauana Aulataʼala o Amata tee Isa Al Masi Oputa Momalanga.
\po
\v 2 Rahumati tee dhadhi malape minaaka i Aulataʼala o Amata, tee Isa Al Masi Oputa Momalanga abarakatikomiu.
\s1 Kasukuru tee Doʼa
\sr 1:3-12
\p
\v 3 E manga witinaiku, ingkami sadia tawaajibu taemani sukuru i Aulataʼala rampaakanamo ingkomiu. Tee inciamo ingkami talaenga tapewau mboo sumai, roonamo ingkomiu ahandamo ajulu o iimanimiu tee Al Masi, tee ingkomiu uka uhandamo upomaamaasiaka podho-podho ingkomiu. 
\v 4 Rampaakanamo sumai, ingkami takaunde-unde wakutuuna taleongi manga jamaʼana Aulataʼala i tampa mosagaanana, tee tabangga tapetulatulaaka tuaapa ingkomiu usadhaadhaa utarai kanarakaa tee amatangka o iimanimiu moomini abhari unamisi kasikisaa tee kanarakaa minaaka i manga mia inda moparacaeana tee Isa.
\p
\v 5 Katangkana incamiu sumai satotuuna saangu bukutii ande o Aulataʼala sadia aʼadili ahaakimu maanusia, sabutuna o Aulataʼala bheaabhikomiu ulaenga to upesua i nuncana pamarintana tee rampaakanamo pamarintana sumai ingkomiu unarakaa. 
\v 6 Sainamo manga mia mosikisaakomiu, naile itu manga incia bheatarima kahukumu momatamo, roonamo Aulataʼala sumai aʼadili, 
\v 7 tee ingkomiu monamisina kanarakaa sii-sii bheahiburukomiu Aulataʼala, mboo sumai uka tee ingkami, i wakutuuna eona Isa Al Masi Oputa Momalanga sumai asapo minaaka i sorogaa tee apatiumba karona apoose tee bhari-bharia malaaʼekatina mobukeakana kuasa i nuncana waa mokarore-rore, 
\v 8 to abalasiaka manga mia inda momatauna Aulataʼala tee manga mia inda motaʼatina tee Lele Malapena Isa Oputa Momalanga. 
\v 9 Manga incia bheatarima kahukumu tee kabinasa mobakaa, tee apekaridhoa minaaka i aroana Kawasana Opu tee kuasana momulia. 
\v 10 Bhari-bharia sumai bheamembali i wakutuuna umbaana Isa naile itu, tee Incia bheamuliangia uumatina tee ahoromatia bhari-bharia mia moparacaeaia. Ingkomiu uka bheudhaangia i tanga-tangana uumati incia sumai, roonamo ingkomiu uparacaeamo tee kasakusii ipakawaakamami to ingkomiu.
\p
\v 11 Rampaakanamo sumai ingkami sadia tadoʼaakakomiu. Ingkami tadoʼa mamudhaakana o Aulataʼala apamembalikomiu ulaenga to udhadhi mboomo kapeeluana; siitumo Incia akembakomiu. Maasangia o Aulataʼala tee kuasana apabuke kapeeluamiu to upewau malape, tee Incia apamondoaka bhari-bharia ikarajaamiu roonamo uparacaea tee Al Masi. 
\v 12 Tee mboo sumai, sarona Isa Oputa Momalanga atomuliangi i nuncana karomiu, tee ingkomiu uka bheupotibhaaka kamuliangi minaaka i Incia, apokana tee rahumatina Aulataʼalata tee Isa Al Masi Oputa Momalanga.
\c 2
\s1 Kadorohaka Wakutuuna Indapo Umbaana Kawasana Opu
\sr 2:1-12
\p
\v 1 \x - \xo 2:1 \xo*\xt 1Tes. 4:15-17. \xt*\x*E manga witinai, pokaiana tee umbaana Isa Al Masi Oputa Momalanga, tee pokaiana tee poromusakaata tee Incia naile itu, ingkami taemani mpuu tee ingkomiu, 
\v 2 mamudhaakana inda umadhei ubingu tee ulilaho ande o eona umbaana Kawasana Opu akawamo, roonamo giu incia sumai aipomo minaaka i pekilala, lele, atawa dhaangia mopogauna ande ingkami padhamo taburi sura mokoantoakana giu incia sumai. 
\v 3 Bholi dhaangia o mia motipukomiu tee cara tuaapapo uka, roonamo kajadia incia sumai inda bheadhaangia ande o mia bhari indapo amurutadi, tee ande o Maanusia Dorohaka mopadhana ipatotapuaka to mopesuana i nuncana narakaa indapo atopatiumba, siitumo o incia bhemotopabinasana i eona kapadhaa. 
\v 4 Incia bheabhali tee apekalanga karona minaaka i bhari-bharia isarongiaka "aulataʼala" atawa opea isombana maanusia, sabutuna incia bheauncura i Baitulla tee apogauaka karona ande incia o Aulataʼala. 
\v 5 Ingkomiu dhaanamo uudhania wakutuuna dhaangiapo kupobhawa-bhawa tee ingkomiu ande iaku padhamo kupaumbaakakomiu giu incia sumai! 
\v 6 Tee sii-sii ingkomiu umataumea giu opea motaangia, sabutuna incia siimpo atiumba i wakutuu mopadhana itantuaka to karona. 
\v 7 Roonamo tee cara motobuniaka o Maanusia Dorohaka apepuumo apewau giu momadhaki tee awuju maanusia mamudhaakana aewangi Aulataʼala. Maka giu incia sumai sii-sii indapo atopewau, roonamo dhaangia tee motaangia, maka saangu wakutuu motaangia sumai bheatopadhencu, 
\v 8 i wakutuumo incia sumai mia modorohaka siimpomo apatokamata karona, maka o Isa Oputa Momalanga bhemopekamatea tee poinuncana minaaka i ngangana, tee bheapamofuakea tee umbaana momulia. 
\v 9 \x - \xo 2:9 \xo*\xt Mat. 24:24. \xt*\x*Maanusia Dorohaka sumai bheapatokamata karona tee kuasa momaoge minaaka i Ibilisi; incia bheapadhaangia manga giu inda momentela tee muuzizati mobukeakana kagau-gau. 
\v 10 Incia bheapake sagala giuna kagau-gau madhaki to apasaladhala manga mia bhemotopabinasa. Manga incia bheabinasa roonamo inda amaasiaka kabanara mominaakana i Aulataʼala momembalina mopasalaamatina manga incia. 
\v 11 Rampaakanamo sumai o Aulataʼala aumbaaka kuasa mopasaladhalana manga incia, mamudhaakana manga incia aparacaea tee kagau-gau, 
\v 12 tee mamudhaakana bhari-bharia mia inda moparacaeana tee kabanara tee momaasiakana giu madhaki bheatohukumu.
\s1 Ingkomiu Utopili to Utopasalaamati
\sr 2:13-17
\p
\v 13 E manga witinai imaasiakana Kawasana Opu, ingkami tabeana sadia tasukuru i Aulataʼala to ingkomiu, roonamo minaaka i bhaa-bhaana o Aulataʼala apilikomiu\f + \fr 2:13 \fr*\fq minaaka i bhaa-bhaana o Aulataʼala apilikomiu: \fq*\ft Dhaangia uka o kaburi mangenge mopogauna, "Aulataʼala apilikomiu mboomo bhake mobhaa-bhaana."\ft*\f* to utopasalaamati alaloi Rohina mamudhaakana apamembalikomiu uumatina momangkilo rampaakanamo uparacaea tee lele mobanara mominaakana i Aulataʼala. 
\v 14 To giumo incia sumai o Aulataʼala akembakomiu alaloi Lele Malape ipakoleleakamami to ingkomiu mamudhaakana upobhawa upotibhaaka kamuliangina Isa Al Masi Oputa Momalanga.
\p
\v 15 E manga witinai, rampaakanamo sumai kakaromo pekatangka tee upengkenimo i bhari-bharia manga kaadhari mopadhana iadhariakamami to ingkomiu, malape alaloi pogauku atawa alaloi suraku.
\p
\v 16 Maasangia o Karona Isa Al Masi Oputa Momalanga, tee Aulataʼala o Amata mangamaasiaka tee mangadhawuaka kahiburu mobakaa tee kaharapu momalape minaaka i rahumatina, 
\v 17 ahiburu ngangarandamiu tee apekatangkakomiu i nuncana opeopeapo uka ukarajaa tee ubhoasaka pogau momalape.
\c 3
\s1 Udoʼamo to Ingkami
\sr 3:1-5
\p
\v 1 E manga witinai, sapadhana incia sumai mangadoʼaakamo, mamudhaakana o Firimanina Kawasana Opu atomuliangi tee amadhei atoresa mboomo momembalina tee Firimanina i tanga-tangamiu i piamo itu, 
\v 2 tee mamudhaakana tatopasalaamati minaaka i manga mia momasega tee mia momadhaki. Roonamo inda bhari-bharia mia aparacaea tee lele minaaka i Kawasana Opu. 
\v 3 Maka o Kawasana Oputa amembali atoparacaea, sabutuna Incia bheapekatangkakomiu tee ajaganikomiu minaaka i Ibilisi momadhaki.\f + \fr 3:3 \fr*\fq minaaka i Ibilisi momadhaki: \fq*\ft Atawa "minaaka i kadhaki." \ft*\f* 
\v 4 Tee ingkami tayaakini mpuu tee Kawasana Opu pokaiana tee ingkomiu, siitumo ande ingkomiu tangasaana upewaua tee bheatorotorosu upewau opea isameaakamami to ingkomiu. 
\v 5 Maasangia o Oputa Momalanga sadia apaporope ngangarandamiu mamudhaakana umaʼanaia tapanamo kaogena kaasina o Aulataʼala to ingkomiu tee adhawuakakomiu kasabarana Isa Al Masi.
\s1 Kaudhaniaka Indaaka Umembali Mia Mangare
\sr 3:6-15
\p
\v 6 E manga witinai, i nuncana sarona Isa Al Masi Oputa Momalanga ingkami tanaasehatikomiu mamudhaakana upekaridhoa o karomiu minaaka i bhari-bharia witinai modhadhina mopekangare-ngare tee inda moosena kaadhari idhawuakamami. 
\v 7 Ingkomiu umataua tuaapa carana udhadhi mboomo opea ipewaumami, roonamo ingkami inda tapekangare-ngare karomami wakutuuna i tanga-tangamiu, 
\v 8 tee ingkami inda takande kinandena mia inda ipomeamami, maka ingkami tamangule takarajaa eo tee malo, mamudhaakana inda tapekarasai incemapo uka i tanga-tangamiu. 
\v 9 Ingkami tapewau mboo sumai mencuana rampaakana inda tee hakumami to tatuntukomiu mamudhaakana mangatulungi, maka gaumami mamudhaakana uose opea ipewaumami, 
\v 10 roonamo moomini wakutuuna ingkami dhaangiapo tapobhawa-bhawa tee ingkomiu, giumo incia sii isameaakamami to ingkomiu, siitumo "Ande o mia amendeu akarajaa, bholi udhawua kinande."
\p
\v 11 Ingkami tapogau mboo sii roonamo tarangoa i tanga-tangamiu dhaangia modhadhina mopekangare-ngare. Manga incia amendeu akarajaa, maka soo acampuru urusana mia mosagaanana. 
\v 12 Tee kuasana Isa Al Masi Oputa Momalanga ingkami taparintaakea tee tanaasehatiakea manga mia mboo sumai, mamudhaakana manga incia asadhaadhaa atanangi akarajaa tee akande minaaka i hasilina peeloana karona. 
\v 13 E manga witinaiku, sainamo to ingkomiu, bholi upanganta upewau kalape.
\p
\v 14 Ande dhaangia o mia inda moosena mangapogaumami i nuncana sura ilambokomami sii, tandaimea o mia incia sumai, bholi uposabhangkaakea mamudhaakana amaea, 
\v 15 tee bholi uabhia amembali musumiu, maka unaasehatia mboomo samia witinaimiu.
\s1 Salamu
\sr 3:16-18
\p
\v 16 Maasangia o Kawasana Opu minaana katanangi tee kaʼamani atorotorosu adhawuakakomiu dhadhi momalape tee momalimua i nuncana bhari-bharia giu. Kawasana Opu apoose tee ingkomiu bhari-bharikomiu.
\p
\v 17 Iaku o Paul, kulamboko salamuku alaloi kaburina limaku karoku to amembaliaka tanda to bhari-bharia sura ilambokoku, mboomo sii o kaburiku.
\p
\v 18 Maasangia o rahumatina Isa Al Masi Oputa Momalanga apoose tee ingkomiu.