\id 2JN - WolioNT
\ide UTF-8
\ide 65001 - Unicode (UTF-8)
\h 2 YAHYA
\toc3 2Yah.
\toc2 2 Yahya
\toc1 Surana Yahya Rua Mpearona
\mt1 SURANA YAHYA
\mt2 RUA MPEARONA
\is POGAU BHAA-BHAANA
\im \bk Surana Yahya Rua Mpearona\bk* sii aburia samia "kapalana jamaʼa" to "ina ipilina Aulataʼala" tee manga anana imaasiakana. Maʼanana, "ina tee manga anana" aipomo saangu jamaʼa tee manga anggotana.
\ip I nuncana sura momampodho sii, moburina sura sii aemani rua giu to mia mobacea. Bhaa-bhaana, mamudhaakana manga incia apomaamaasiaka podho-podho manga incia. Kasiimpo, mamudhaakana manga incia akojaga-jaga tee manga guru mosaladhala tee kaadharina manga guru incia sumai.
\iot Antona
\io1 Porikanaana pogau \ior 1-3\ior*
\io1 Atofaraluu mpuu o kaasi \ior 4-6\ior*
\io1 Kaudhaniaka minaaka i manga kaadhari mosala \ior 7-11\ior*
\io1 Kapadhaa \ior 12-13\ior*
\c 1
\s1 Salamu
\sr 1-3
\p
\v 1 Minaaka i iaku samia mancuana jamaʼa, to bhawine ipilina Aulataʼala tee manga ana imaasiakaku\f + \fr 1:1 \fr*\fq bhawine ipilina Aulataʼala tee manga ana imaasiakaku: \fq*\ft "Bhawine ipilina Aulataʼala" amembali ibaratina mokomaʼana saangu kolompona jamaʼa i saangu tampa, sainamo "manga ana imaasiakaku" amembali ibaratina mokomaʼana manga anggotana jamaʼa.\ft*\f* i nuncana kabanara. Mencuana soo iaku momaasiakakomiu, maka bhari-bharia mia momatauna kabanara uka, 
\v 2 roonamo kabanara sumai amboore i nuncana ngangarandata, tee sadia apoose tee ingkita saʼumurua. 
\v 3 Kabarakati, rahumati, tee kasalaamati mominaakana i Aulataʼala o Ama tee minaaka i Isa Al Masi o Ana moumbana minaaka i Aulataʼala, bheapoose tee ingkita i nuncana kabanara tee kaasi.
\s1 Usadhaadhaamo i Nuncana Kaadharina Al Masi
\sr 4-11
\p
\v 4 Iaku kukaunde-unde mpuu, roonamo padhamo kupotibhaaka pia-pia mia minaaka i manga anamu adhala i nuncana kabanara, mboomo opea mopadhana iparintaakana o Ama to ingkita. 
\v 5 \x - \xo 1:5 \xo*\xt Yah. 13:34; 15:12; 15:17.\xt*\x* Sii-sii iaku kupogau tee ingkoo, e Ina saangu iemaniku i ingkoo: Iemaniku sii mencuana parinta mobhaau to ingkomiu, maka ingkomiu padhamo umataua o parinta incia sii minaaka upepuu uparacaea tee Kawasana Opu, siitumo mamudhaakana ingkita tapomaamaasiaka. 
\v 6 Maʼanana tapomaasiaka sumai, ingkita tabeana taose manga parintana Aulataʼala i nuncana dhadhita. Siimo parintana mopadhana irangomiu minaaka i bhaa-bhaana, siitumo pemingkuimiu tabeana apokana tee mia momaasina tee mia mosagaanana.
\p
\v 7 Roonamo sii-sii o guru mopasaladhalana mia abharimo motiumbana tee alingkamo i saangua dunia; manga incia inda moʼakuina ande o Isa Al Masi padhamo aumba tee amembali maanusia. Siitumo mopasaladhalana mia tee moewangina Al Masi. 
\v 8 Rampaakanamo sumai ingkomiu ukojaga-jagamo, mamudhaakana bhari-bharia mopadhana ikarajaamami sumai inda akailanga, maka uʼusahaakamea mamudhaakana fahalamiu upotibhaakea bhari-bharia. 
\v 9 Ande ingkomiu uose kaadhari mosaladhala tee inda utaʼati kaadhari mobanara pokaiana tee Al Masi, sumaimo ingkomiu ubholimea o Aulataʼala. Maka ande ingkomiu sadhaadhaa uose kaadhari mobanara sumai, sumaimo ingkomiu sadhaadhaa tee pokaiamiu tee Aulataʼala o Ama tee o Anana Aulataʼala. 
\v 10 Ande dhaangia sala samia moumbana moadhariakana kaadhari mosagaanana pokaiana tee Al Masi, bholi utarimaia i bhanuamu tee bholi uposalamu tee incia, 
\v 11 roonamo ande ingkomiu uposalamu, maʼanana ingkomiu uose pewauna mia momadhakina sumai.
\s1 Kapadhaa
\sr 12-13
\p
\v 12 Abhari mpuu manga giu bheiburiku to ingkomiu, maka kumendeu kupakawaakea alaloi sura. Iaku kuharapu kumembali kuumbatikomiu tee kupogau lausaka tee ingkomiu mamudhaakana amondo o kaunde-undena ngangarandata.
\p
\v 13 Salamu to ingkomiu minaaka i manga anana witinaimu bhawine ipilina Aulataʼala. \f + \fr 1:13 \fr*\fq manga anana witinaimu bhawine ipilina Aulataʼala: \fq*\ft Apokana tee \ft*\xt 1\xt*, Yahya apogauaka saangu kolompona jamaʼa tee manga anggotana jamaʼa modhawuakana salamu i manga jamaʼa motarimana sura incia sii.\f*