\id 1JN - WolioNT
\ide UTF-8
\ide 65001 - Unicode (UTF-8)
\h 1 YAHYA
\toc3 1Yah.
\toc2 1 Yahya
\toc1 Surana Yahya Mobhaa-bhaana
\mt1 SURANA YAHYA
\mt2 MOBHAA-BHAANA
\is POGAU BHAA-BHAANA
\im \bk Surana Yahya Mobhaa-bhaana\bk* atoburi tee rua angu makusudu. Bhaa-bhaana, to apekaogeaka incana manga mia mobacea mamudhaakana manga incia adhadhi aposaangu tee Aulataʼala tee Anana siitumo Isa Al Masi. Juaaka, to audhaniaka manga incia mamudhaakana inda aose manga kaadhari mosala momembalina mopekadhakina posaanguana manga incia tee Aulataʼala tee Isa Al Masi. Manga kaadhari mosala sumai asandaraakea minaaka i kaparacaea opeapo uka mopokaina tee dunia akohasiliaka giu momadhaki; jadi o Isa Anana Aulataʼala inda amungki amembali maanusia. Manga guru moadhariakana manga kaadhari mosala sumai apogau, ande tatopasalaamati maʼanana talapa minaaka i manga urusana dhadhi i dunia sii; manga incia aadhariaka uka ande o kasalaamati inda tee pokaiana tee manga giuna pebula atawa o kaasi tee maanusia rangata.
\ip Aposala tee manga kaadhari incia sumai, moburina sura incia sii atinda mpuu apogauakea ande o Isa Al Masi ampuu-mpuu amembalimo maanusia satotuuna. Incia uka mangaudhaniaka mpuu ande bhari-bharia mia moparacaeana tee Isa tee momaasiakana Aulataʼala tabeana apomaamaasiaka uka tee maanusia rangana.
\iot Antona
\io1 Porikanaana pogau \ior 1:1-4\ior*
\io1 Kainawa tee kalalanda \ior 1:5--2:29\ior*
\io1 Manga anana Aulataʼala tee manga anana Ibilisi \ior 3:1-24\ior*
\io1 Mobanarana tee mosalana \ior 4:1-6\ior*
\io1 Awaajibu to tamaasi \ior 4:7-21\ior*
\io1 Kaparacaea mangapamembalina takana \ior 5:1-21\ior*
\c 1
\s1 Kasakusiina Rasulu to Firimani Idhadhiaka
\sr 1:1-4
\p
\v 1 \x - \xo 1:1 \xo*\xt Yah. 1:1.\xt*\x*Antona sura incia sii pokaiana tee Firimani modhawuna dhadhi, siitumo Firimani modhaangiana minaaka i piamo itu auwalina dunia sii indapo atopadhaangia. Ingkami padhamo tarangoa tee takamatea, opea mopadhana itontomami sumai padhamo takenia tee limamami. 
\v 2 \x - \xo 1:2 \xo*\xt Yah. 1:14. \xt*\x*Satotuuna o dhadhi sumai padhamo atopatiumba\f + \fr 1:2 \fr*\fq dhadhi sumai padhamo atopatiumba: \fq*\ft Yahya aburi ande incia tee manga rasulu amembali sakusii to opea ipewauna Isa wakutuuna Incia adhadhi i dunia sii.\ft*\f* tee ingkami padhamo takamatea. Rampaakanamo sumai sii-sii ingkami tadhawu kasakusii tee tapakoleleakakomiu pokaiana tee giu mopamembalina mia adhadhi abakaa. Dhadhi sii apobhawa tee Aulataʼala o Amata, tee kasiimpo atopatiumba to ingkita. 
\v 3 Jadi, opea mopadhana ikamatamami tee irangomami sumai, siitumo uka ipakoleleakamami to ingkomiu, mamudhaakana uposaangu tee ingkami, mboomo ingkami taposaangu tee Aulataʼala o Amata tee Isa Al Masi o Anana Aulataʼala. 
\v 4 Rampaakanamo sumai ingkami taburi sura incia sii to ingkomiu, mamudhaakana amondo kaunde-undeta.\f + \fr 1:4 \fr*\fq amondo kaunde-undeta: \fq*\ft Dhaangia uka manga kaburi mangenge motoburina "amondo kaunde-undemiu."\ft*\f*
\s1 Aulataʼala Satotuuna o Kainawa
\sr 1:5-10
\p
\v 5 Siimo lele mopadhana irangomami minaaka i Isa Al Masi tee sii-sii ingkami tapakawaakea to ingkomiu: Aulataʼala sumai o kainawa tee i nuncana karona inda tee kalalanda sampeampearo. 
\v 6 Ande ingkita tapogau taposaangu tee Aulataʼala, garaaka ingkita dhaangiapo mboomo mia moosena dhala momalalanda, maʼanana ingkita tagau-gau tee inda tapewau kabanara. 
\v 7 Maka ande taose dhala momainawa mopokanana tee Aulataʼala momainawana, sumaimo ingkita sadhaadhaa taposaangu tee manga witinaita mosaʼiimani, tee o raana Isa o Anana Aulataʼala, mangapekangkilona minaaka i bhari-bharia dosata.
\p
\v 8 Ande ingkita tapogau inda takodosa, satotuuna ingkita tagau-gau karota, tee o kabanara sumai inda dhaangia i ingkita. 
\v 9 Maka ande ingkita taʼakui manga dosata, sumaimo o Aulataʼala momembalina motoparacaea tee mobanara sumai, bheaʼamponia manga dosata tee mangapekangkilo minaaka i bhari-bharia kadhaki. 
\v 10 Ande ingkita tapogau ande indapo mina tapewau dosa, sumaimo ingkita taabhi Aulataʼala agau-gau tee firimanina inda dhaangia i nuncana ngangarandata.
\c 2
\s1 Isa Motulungina Ingkita
\sr 2:1-6
\p
\v 1 E manga anaku imaasiakaku, iaku kuburi sura incia sii to kuudhaniakakomiu mamudhaakana bholi upewau dosa. Maka ande dhaangia o mia mopewauna dosa, udhania ande dhaangia tee momangatulungina i aroana Ama, siitumo o Isa Al Masi, Mobanarana. 
\v 2 Isa padhamo apasarakaaka karona to mangapapomalape tee Aulataʼala mamudhaakana aʼamponi manga dosata. Tee inda soo dosata, maka to bhari-bharia dosana miana dunia sii uka.
\p
\v 3 Ande ingkita tataʼati tee manga parintana Aulataʼala siitumo tandana ande ingkita tamatau Aulataʼala. 
\v 4 Mia mopogauna "Iaku kumataua o Aulataʼala," maka incia inda ataʼatia manga parintana, siitumo o mia mogau-gau tee kabanara inda dhaangia i incia. 
\v 5 Maka incema motaʼatina firimanina Aulataʼala, i nuncana dhadhina mia incia sumai Aulataʼala atotuu-totuu apabukea o ngangarandana tee kaasi. Roonamo ingkita taose firimanina Aulataʼala, apamembali ingkita tayaakini ande ingkita taposaangu tee Incia. 
\v 6 Jadi, incemapo uka mopogauna ande incia aposaangu tee Aulataʼala, incia tabeana aose pemingkuina Al Masi.
\s1 Parinta Mobhaau
\sr 2:7-17
\p
\v 7 \x - \xo 2:7 \xo*\xt Yah. 13:34. \xt*\x*E manga witinaiku imaasiakaku, mencuana parinta mobhaau iburiku sii to ingkomiu, maka o parinta momangenge, roonamo ingkomiu padhamo urangoa kaadhari incia sii minaaka i bhaa-bhaana. 
\v 8 Moomini mboo sumai, iaku kuburiakakomiu uka saangu parinta bhaau, roonamo atotuu-totuu amembali atokamata i karona Isa Al Masi tee i karomiu. Roonamo kalalanda apepuumo aila tee o kainawa mobanara apepuumo akocahea.
\p
\v 9 Incema-incema mopogauakana ande o karona dhaangia i nuncana kainawa, maka incia abanci witinaina, maʼanana sakawana sii-sii incia dhaangiapo amboore i nuncana kalalanda. 
\v 10 Mia momaasiakana witinaina saʼiimani atantumo adhadhi i nuncana kainawa, tee i nuncana karona inda dhaangia saangu giu uka to apasaladhala mia. 
\v 11 Maka incema mobancina witinaina mosaʼiimanina, incia amboore i nuncana kalalanda tee adhala i nuncana kalalanda. Incia inda amataua iapai o lingkaana, roonamo kalalanda sumai padhamo apekawiloa.
\q1
\v 12 E manga anaku imaasiakaku, iaku kuburiakakomiu sura incia sii,
\q2 roonamo bhari-bharia dosamiu aʼamponimea o Aulataʼala rampaakanamo sarona Isa.
\q1
\v 13 E manga ama, iaku kuburiakakomiu,
\q2 rampaakanamo umataumea o Aulataʼala minaaka i auwalina.
\q1 E manga umane mangura, iaku kuburiakakomiu,
\q2 roonamo upekatalo Momadhakina, siitumo Ibilisi.
\q1 E manga ana imaasiakaku, iaku kuburiakakomiu,
\q2 roonamo umataumea o Ama.
\q1
\v 14 E manga ama, iaku kuburiakakomiu,
\q2 roonamo umataumea o Aulataʼala modhaangiana minaaka i auwalina.
\q1 E manga ana umane mangura, iaku kuburiakakomiu,
\q2 roonamo ingkomiu umatangka,
\q2 tee firimanina Aulataʼala amboore i nuncana karomiu,
\q2 tee utalomo Momadhakina, siitumo Ibilisi.
\p
\v 15 Bholi dhaangia o kaasimiu to dunia sii atawa opeapo uka modhaangiana i nuncana dunia. Ande samia o mia momaasiakana manga giu modhaangiana i dunia, maʼanana incia inda amaasiaka o Ama. 
\v 16 Roonamo bhari-bharia modhaangiana i nuncana dunia sii mangapekaridho tee Aulataʼala, siitumo kapeeluana bada, kapeeluana mata, tee kasombo rampaakanamo manga harataata. Manga giu incia sumai mencuana mominaakana i Ama, maka aminaaka i dunia. 
\v 17 Dunia sii tee bhari-bharia giu ipeeluna mia i dunia padhaaka amofumo, maka incemapo uka moosena kapeeluana Aulataʼala sadhaadhaa adhadhi saʼumurua.
\s1 Moewangina Al Masi
\sr 2:18-27
\p
\v 18 E manga anaku imaasiakaku, siimo aahirina zamani mboomo mopadhana irangomiu ande mobhalina Al Masi bheaumba naile itu. Tee sii-sii abharimo mobhalina Al Masi mopatiumbana karona. Rampaakanamo sumai ingkita tabeana tamataua ande o siimo satotuuna aahirina zamani. 
\v 19 Manga incia alimba minaaka i tanga-tangata, roonamo manga incia mencuana moposaanguna tee ingkita, roonamo ande manga incia aposaangu tee ingkita tantumo bheasadhaadhaa apobhawa-bhawa tee ingkita. Sumaimo manga incia agaati karona mamudhaakana abukutiiakea ande manga incia bhari-bharia mencuana moposaanguna tee ingkita.
\p
\v 20 Maka ingkomiu padhamo utarima Rohina Aulataʼala mominaakana i Momangkilona\f + \fr 2:20\fr*\fq Momangkilo: \fq*\ft Inda atomatau ande Momangkilona sumai maʼanana o Isa atawa o Aulataʼala.\ft*\f* tee siitumo mbakanamo bhari-bharikomiu umataua o kaadhari mobanara. 
\v 21 Jadi iaku kuburi giu incia sii to ingkomiu mencuana roonamo ingkomiu inda umatau kaadhari mobanara, maka rampaakanamo ingkomiu umataumea, tee ingkomiu uka umataua ande inda dhaangia o kagau-gau i nuncana kaadhari mobanara sumai. 
\v 22 Incema buaka o pande gau-gau sumai? Buaka mencuana incia mopesapuakana ande Isa mencuana Al Masi? Siimo manga mia mobhalina Al Masi, siitumo manga incia inda moʼakuina o Ama tee o Anana Ama. 
\v 23 Incema-incema inda moʼakuina ande o Isa satotuuna o Anana Aulataʼala maʼanana incia inda aposaangu tee Ama. Tee incema-incema moʼakuina Ana, maʼanana incia atarima Ama uka.
\p
\v 24 Rampaakanamo sumai, opea mopadhana irangomiu tee iparacaeamiu minaaka i auwalina tabeana udhikaia pekalape i nuncana ngangarandamiu, mamudhaakana ingkomiu sadia uposaangu tee Anana Aulataʼala tee uka o Ama. 
\v 25 Siimo ijanjiakana Isa to ingkita moposaanguna tee Incia, siitumo ingkita bhetadhadhi saʼumurua.
\p
\v 26 Iaku kuburiakakomiu bhari-bharia giu incia sii roonamo dhaangia tee manga mia moʼusahana mopasaladhalakomiu. 
\v 27 Maka i nuncana karomiu asadhaadhaa dhaangia tee Rohina Aulataʼala. Jadi ingkomiu indamo ufaraluu samia guru uka to moadharikomiu, roonamo Rohina Aulataʼala itarimamiu sadia aadhariakakomiu bhari-bharia giu ifaraluumiu tee o kaadharina sumai abanara, mencuana kagau-gau. Jadi rampaakanamo sumai ingkomiu sadiamo utaʼati tee opea iadhariakana o Rohina Aulataʼala sumai, tee sadiamo ingkomiu usadhaadhaa udhadhi uposaangu tee Al Masi.
\s1 Manga Anana Aulataʼala
\sr 2:28--3:10
\p
\v 28 E manga anaku, sii-sii umbooremo uposaangu tee Al Masi mamudhaakana ande Incia naile itu aumba, ingkita tabarani tee inda tamaea i aroana.
\p
\v 29 Ingkomiu umataua ande Incia sadia abanara, sumaimo ingkomiu uka umataua ande o mia apewau giu mobanara, incia padhamo atarima dhadhi mobhaau minaaka i Aulataʼala.
\c 3
\p
\v 1 \x - \xo 3:1 \xo*\xt Yah. 1:12. \xt*\x*Kamatea! Tapanamo kaoge o kaasi idhawuakana Ama to ingkita, sabutuna tatosarongi manga anana Aulataʼala, tee inciamo ingkita o anana Aulataʼala! Rampaakanamo sumai o dunia sii inda mangamatau, roonamo dunia uka inda apomatau tee Aulataʼala. 
\v 2 E manga witinai imaasiakaku, sii-sii ingkita o anana Aulataʼala, maka indapo atomatau naile itu tuaapa o kadhaangiata. Moomini mboo sumai, ingkita tamataua ande o umbaana Al Masi naile itu, ingkita tamembali mboomo Incia, roonamo bhetakamata Incia mboomo kadhaangiana mosatotuuna. 
\v 3 Incema moharapuna mboo sumai tee Incia, incia apekangkilo karona, tee apokana mboomo Al Masi uka amangkilo.
\p
\v 4 Incema mopewauna dosa, sumaimo incia inda ataʼati hukumuna Aulataʼala, roonamo mopewauna dosa apokana tee adorohaka tee Aulataʼala. 
\v 5 \x - \xo 3:5 \xo*\xt Yah. 1:29. \xt*\x*Ingkomiu umataua ande o Al Masi aumba i dunia sii to ahapusu manga dosana maanusia, tee inda dhaangia o dosa i nuncana karona. 
\v 6 Rampaakanamo sumai, ande tee mia mosadhaadhaana adhadhi aposaangu tee Al Masi, incia atantumo inda bheatorotorosu apewau dosa. Incema motorotorosuna mopewauna dosa, satotuuna incia indapo akamata tee amatau Al Masi.
\p
\v 7 E manga anaku imaasiakaku, bholi apasaladhalakomiu incemapo uka. Incema mopewauna kabanara satotuuna abanara, mboomo uka Al Masi abanara. 
\v 8 Mia mopewauna dosa aminaaka i Ibilisi, roonamo minaaka i auwalina o Ibilisi apewau dosa. Rampaakanamo sumai o Anana Aulataʼala aumba, to apahancuru pewauna Ibilisi.
\p
\v 9 Bhari-bharia mia mopadhana motarimana dhadhi bhaau minaaka i Aulataʼala atantumo inda atorotorosu apewau dosa, roonamo sifatuna Aulataʼala amboore i nuncana karona. Incia inda amembali atorotorosu apewau dosa roonamo incia alaahiri minaaka i Aulataʼala. 
\v 10 Tee mboo sumai, atindamo posalana manga anana Aulataʼala tee manga anana Ibilisi: incema-incema inda mopewauna kabanara atawa inda momaasiakana witinaina, incia mencuana anana Aulataʼala.
\s1 Tamaasiaka Manga Witinaita Amembali Tandana Dhadhi Bhaau
\sr 3:11-18
\p
\v 11 \x - \xo 3:11 \xo*\xt Yah. 13:34. \xt*\x*Roonamo mboomo sumai o kasamea mopadhana irangomiu minaaka i auwalina, siitumo ingkita tabeana tapomaamaasiaka; 
\v 12 \x - \xo 3:12 \xo*\xt Bhaa. 4:8. \xt*\x*mencuana mboomo Kabil\f + \fr 3:12 \fr*\fq Kabil: \fq*\ft Atosarongi uka Kain; incia o anana bhaa-bhaana Adamu tee Hawa, tee o andina akosaroaka Habil.\ft*\f* momembalina anana Ibilisi tee apekamate andina karona. Opea o sababuna incia apekamate andina? Sababuna o Kabil apewau manga giu momadhaki, maka o andina apewau manga giu mobanara. 
\v 13 Rampaakanamo sumai, e manga witinaiku, bholi umente ande ingkomiu abancikomiu manga miana dunia sii. 
\v 14 \x - \xo 3:14 \xo*\xt Yah. 5:24. \xt*\x*Ingkita tamataua ande talimbamo minaaka i mate, tee sii-sii tapindamo i nuncana dhadhi. Giu incia sumai tamataua roonamo tamaasiaka manga witinaita. Mia inda momaasiakana witinai rangana apokana tee mia mate. 
\v 15 Incema mobancina witinaina, incia satotuuna o pande pekamatena mia, tee ingkomiu umataua ande o mia mboo sumai inda apotibhaaka dhadhi mobakaa.
\p
\v 16 Tee mboo sumai ingkita tamataua o maʼanana kaasi, mboomo Isa padhamo apasaraakaaka inyawana to ingkita. Sumaimo ingkita uka alaenga tapasaraakaaka inyawata to manga witinaita. 
\v 17 Incema-incema mokoharataana i dunia, maka wakutuuna incia akamata witinaina akakuranga incia inda amaasi incana, tuaapa amembali o kaasina Aulataʼala amboore i nuncana karona mia incia sumai? 
\v 18 E manga anaku, bholi tangkanamo soo dhelata atawa soo pogauta ande ingkita padhamo tamaasiaka manga witinaita, maka tabeana tapewaua tee kabanara.
\s1 Kayaakini i Aroana Aulataʼala
\sr 3:19-24
\p
\v 19 Tee mboo sumai, ingkita tamataua ande o asalata aminaaka i kabanara. Rampaakanamo sumai amembali tapayaakini ngangarandata i aroana Aulataʼala i nuncana tadoʼa; 
\v 20 roonamo ande o ngangarandata mangapasala, tamataua uka Aulataʼala alabhi o kaogena minaaka i ngangarandata tee bhari-bharia giu amataua. 
\v 21 E manga witinai imaasiakaku, ande o ngangarandata inda mangapasala, sumaimo ingkita tamembali tapoaro tee Aulataʼala alaloi doʼa tee inda tanamisi kaeka, 
\v 22 tee opeapo uka iemanita, ingkita tapotibhaakea minaaka i Incia, roonamo ingkita tataʼati bhari-bharia parintana Aulataʼala tee tapewaua opea ipeeluna. 
\v 23 \x - \xo 3:23 \xo*\xt Yah. 13:34; 15:12; 15:17. \xt*\x*Siimo parintana Aulataʼala, mamudhaakana ingkita taparacaea tee sarona Isa Al Masi, siitumo o Ana moumbana minaaka i Aulataʼala, tee tapomaamaasiaka mboomo iparintaakana to ingkita. 
\v 24 Mia motaʼatina manga parintana adhadhi aposaangu tee Aulataʼala, tee Aulataʼala aposaangu uka tee manga incia. Tee mboo sumai ingkita tamataua ande o Aulataʼala aposaangu tee ingkita, roonamo Incia padhamo mangadhawu Rohina to ingkita.
\c 4
\s1 Rohina Aulataʼala tee Rohi Mobhalina Al Masi
\sr 4:1-6
\p
\v 1 E manga witinai imaasiakaku, bholi uparacaea tee bhari-bharia mia momangakuna atarima rohi minaaka i Aulataʼala, maka tabeana uujia manga rohi sumai aminaaka i Aulataʼala atawa inda, roonamo dunia sii abukeaka tee nabii gau-gau molingkana i iapai-iapai. 
\v 2 Siimo sala saangu cara to uujiaka rohi sumai ande atotuu Rohina Aulataʼala atawa inda. Ande o rohi sumai aʼakui Isa Al Masi padhamo aumba i dunia amembali maanusia, siitumo rohi asalana aminaaka Aulataʼala. 
\v 3 Maka manga rohi inda moʼakuina Isa, asalana inda aminaaka i Aulataʼala. Rohi incia sumai satotuuna manga rohi mobhalina Al Masi. Ingkomiu padhamo urangoa ande naile itu manga incia bheaumba, tee sii-sii manga incia adhaangiamo i nuncana dunia sii.
\p
\v 4 E manga ana imaasiakaku, asalamiu minaaka i Aulataʼala tee ingkomiu padhamo utalo manga nabii gau-gau sumai, roonamo Rohi modhaangiana i nuncana karomiu alabhi o kaogena minaaka i rohi modhaangiana i nuncana dunia. 
\v 5 Asalana manga incia minaaka i dunia; rampaakanamo sumai, manga incia tangkanamo apogauaka giu mopokaina tee dunia, tee o dunia uka asana aperangoi manga incia. 
\v 6 Sainamo, Ingkita sii o asalata aminaaka i Aulataʼala, tee o mia momatauna Aulataʼala bheamangaperangoi, sainamo mia inda mominaakana i Aulataʼala inda bheamangaperangoi. Tee cara mboo sumai ingkita tamembali tamataua o posalana mia mokorohiakana kabanara atawa rohi mopasaladhalana.
\s1 Aulataʼala sumai o Kaasi
\sr 4:7-21
\p
\v 7 E manga witinai imaasiakaku, maimo ingkita tapomaamaasiaka roonamo kaasi sumai aminaaka i Aulataʼala tee incema momaasina, incia padhamo atarima dhadhi bhaau minaaka i Aulataʼala tee amatau Aulataʼala. 
\v 8 Mia inda momaasina tee mia mosagaanana sumaimo incia inda bheamatau Aulataʼala roonamo Aulataʼala sumai o kaasi. 
\v 9 Aulataʼala apatokamataaka ande Incia amaasi tee ingkita tee cara alamboko Anana Sakaro-karona i nuncana dunia sii mamudhaakana ingkita tapotibhaaka dhadhi mobakaa alaloi Anana sumai. 
\v 10 Mboo siimo kaasi sumai, mencuana ingkita mobhaa-bhaana momaasiakana Aulataʼala, maka Inciamo momaasiakana ingkita tee alamboko Anana amembali kurubani to manga dosata, mamudhaakana ingkita mangapaʼamani tee Aulataʼala. 
\v 11 E manga witinai imaasiakaku, ande o Aulataʼala mangamaasiaka mpuu, sumaimo ingkita tabeana tapomaamaasiaka uka. 
\v 12 \x - \xo 4:12 \xo*\xt Yah. 1:18. \xt*\x*Inda samia uka mopadhana mokamatana Aulataʼala, maka ande tapomaamaasiaka, sumaimo Aulataʼala amboore i nuncana karota tee o kaasina Aulataʼala atopamondo i nuncana dhadhita.
\p
\v 13 Tee mboo sumai, ingkita tamembali tamataua ande ingkita tadhadhi taposaangu tee Aulataʼala tee Incia aposaangu tee ingkita, siitumo alaloi Rohi mopadhana idhawuakana to ingkita. 
\v 14 Tee ingkami uka padhamo takamatea tee tadhawu kasakusii ande o Ama padhamo alamboko Anana to amembali Mopasalaamatina dunia sii. 
\v 15 Incemapo uka momangakuna, "Iaku kuparacaea ande o Isa sumai satotuuna o Ana moumbana minaaka i Aulataʼala," sumaimo o Aulataʼala adhadhi aposaangu tee incia, tee incia aposaangu tee Aulataʼala. 
\v 16 Jadi ingkita tamataua tee taparacaea ande o Aulataʼala mangamaasiaka.
\p Aulataʼala sumai o kaasi, tee incemapo motorotorosuna momaasiakana Aulataʼala tee manga witinaita, sumaimo incia aposaangu tee Aulataʼala, tee o Aulataʼala uka amboore i nuncana karona. 
\v 17 Tee cara mboo sii o kaasina atopamondo i nuncana karota, mamudhaakana ingkita tabarani i eona kahaakimu, roonamo i nuncana dhadhita i dunia sii apokana mboomo dhadhina Al Masi. 
\v 18 Ande o kaasi sumai adhaangia i nuncana ngangarandata, sumaimo ingkita inda bhetamaeka tee kahaakimuna Aulataʼala. Roonamo mia momaasina tee mpuu-mpuuna incana apaila kaekana. Incemapo uka momaekana to aʼadilia Aulataʼala maʼanana incia dhaangiapo aabhi karona alaenga to atohukumu. Mia momaekana to atohukumu maʼanana kaasina indapo atopamondo. 
\v 19 Ingkita tamembali tamaasiaka Aulataʼala atawa o mia mosagaanana, giu incia sumai tamembali tapewaua roonamo Aulataʼala padhamo aporikana mangamaasiaka. 
\v 20 Ande dhaangia o mia mopogauna, "Iaku kumaasiaka Aulataʼala," maka incia inda amaasiaka witinaina, mia incia sumai o pande gau-gau. Roonamo ande incia inda amaasiaka witinaina momembalina ikamatana, tuaapa amembali amaasiaka Aulataʼala indapo sampeampearo ikamatana? 
\v 21 Tee o parinta incia sumai mopadhana idhawuakana Aulataʼala, siitumo incema-incema momaasiakana Aulataʼala, incia uka tabeana amaasiaka witinaina.
\c 5
\s1 Mia Mokoʼiimani Atalo Dunia
\sr 5:1-5
\p
\v 1 Incema-incema moparacaeana ande o Isa sumai o Al Masi, maʼanana padhamo atarima dhadhi mobhaau minaaka i Aulataʼala. Tee incema-incema momaasiakana Aulataʼala modhawuakana dhadhi mobhaau sumai, incia uka tabeana amaasiaka mia motarimana dhadhi mobhaau sumai. 
\v 2 Tee caramo mboo sii ingkita tamataua ande ingkita tapomaamaasiaka tee manga anana Aulataʼala, siitumo podho-podho ingkita mopadhana motarimana dhadhi mobhaau minaaka i Aulataʼala, ande ingkita tamaasiaka Aulataʼala sumaimo ingkita tapewaua manga parintana. 
\v 3 \x - \xo 5:3 \xo*\xt Yah. 14:15. \xt*\x*Roonamo tamaasiaka Aulataʼala o maʼanana ingkita tataʼati manga parintana tee ingkita inda tanamisia amatamo manga parintana sumai, 
\v 4 roonamo bhari-bharia mia motarimana dhadhi mobhaau minaaka i Aulataʼala adhawuakea kuasa to apekatalo manga giu madhaki i dunia sii. Tee kakaa mopamembalina ingkita takana minaaka i manga giu madhaki i dunia sii, siitumo iimanita tee Isa. 
\v 5 Incema buaka o mia momembalina motalona dunia, ande mencuana mia moparacaeana Isa o Anana Aulataʼala?
\s1 Kasakusiina o Anana Aulataʼala
\sr 5:6-12
\p
\v 6 Isa Al Masi padhamo aumba i dunia tee asusuaka rua tanda minaaka i Aulataʼala, siitumo uwe tee raa. Isa Al Masi aumba mencuana soo alaloi uwe kapapebhahokana, maka aumba alaloi uwe tee raa,\f + \fr 5:6 \fr*\fq uwe tee raa: \fq*\ft Aipomo Yahya apogauaka rua angu kajadia wakutuuna Isa atopapebhaho tee wakutuuna Incia atoloe i kau salib.\ft*\f* tee o Rohina Aulataʼala karona mosakusiiakana giu incia sumai abanara, roonamo Rohi inda agau-gau. 
\v 7 Satotuuna dhaangia talu giu momembalina sakusii, 
\v 8 siitumo o Rohi, uwe, tee raa, talu-talu angua adhawu kasakusii mopokana pokaiana tee Isa. 
\v 9 Ande taparacaea tee kasakusiina maanusia, sumaimo alabhi o kaogena kaparacaeata tee kasakusiina Aulataʼala, roonamo giumo incia sumai o kasakusii mopadhana idhawuakana Aulataʼala pokaina tee Anana. 
\v 10 Incema-incema moparacaeana tee Ana moumbana minaaka i Aulataʼala, manga incia padhamo atarima kasakusii sumai i nuncana ngangarandana, maka incema-incema inda moparacaeana Aulataʼala, sumaimo incia aabhi Aulataʼala agau-gau, sababuna incia inda aparacaea tee kasakusii ipakawaakana Aulataʼala to Anana. 
\v 11 \x - \xo 5:11 \xo*\xt Yah. 3:36. \xt*\x*Siimo kasakusii sumai, Aulataʼala padhamo adhawuaka to ingkita o dhadhi mobakaa, tee o dhadhi sumai adhaangia i nuncana karona o Anana. 
\v 12 Mia motarimana Ana moumbana minaaka i Aulataʼala, incia atarima dhadhi, tee o mia inda motarimana Anana Aulataʼala inda atarima dhadhi.
\s1 Katau Pokaiana tee Dhadhi Mobakaa
\sr 5:13-21
\p
\v 13 Iaku kuburi giu incia sii to ingkomiu moparacaeana tee sarona o Anana Aulataʼala mamudhaakana ingkomiu umataua ande ingkomiu utarima dhadhi mobakaa. 
\v 14 Rampaakanamo sumai ingkita tabarani taemani i Aulataʼala, roonamo tayaakini ande ingkita taemani opeapo uka i Incia mboomo opea ipeeluna, tantumo Incia mangarango. 
\v 15 Roonamo ingkita tamataua, ande Incia aperangoi opea iemanita, sumaimo tamataua uka, ande ingkita padhamo tapotibhaaka bhari-bharia giu mopadhana iemanita i Incia.
\p
\v 16 Ande ukamata witinaita apewau dosa inda moumbaakana mate, incia tabeana adoʼa i Aulataʼala, tee o Aulataʼala bheadhawuakea dhadhi to incia tee manga mia mopewauna dosa inda moumbaakana mate. Maka dhaangia uka o dosa moumbaakana mate. Pokaiana tee dosa mboo sumai, iaku inda kupogau ande ingkomiu tabeana udoʼaakea. 
\v 17 Bhari-bharia giu madhaki satotuuna o dosa, maka inda bhari-bharia dosa aumbaaka mate.
\p
\v 18 Ingkita tamataua ande o mia motarimana dhadhi bhaau minaaka i Aulataʼala inda atorotorosu apewau dosa, roonamo Anana Aulataʼala mojagania. Tee mboo sumai Ibilisi inda bheapewau kadhaki tee incia.
\p
\v 19 Ingkita tamataua ande ingkita tamembalimo o anana Aulataʼala moomini bhari-bharia mia i dunia sii akuasaia Ibilisi.
\p
\v 20 Maka ingkita tamataua, ande o Anana Aulataʼala aumbamo tee mangadhawuaka akala mamudhaakana tamataua o Aulataʼala Mobanara. Ingkita tadhadhi tee taposaangu tee Incia roonamo ingkita taposaangu tee Anana siitumo Isa Al Masi. Incia uka o Aulataʼala mobanara tee alaenga atoparacaea tee Incia minaanamo dhadhi mobakaa.
\p
\v 21 E manga anaku, jagania o karomiu minaaka i manga barahala.