\id TIT 
\ide UTF-8
\ide UTF-8
\rem Copyright Information: Creative Commons Attribution-Share Alike 4. 0 License
\h तीताला पत्र
\toc1 तीतकि पौल राशीनेद पत्र
\toc2 तीत
\toc3 तीत
\mt तीतकि पौल राशीनेद पत्र
\is लेखक
\ip पौल स्वता तीत की लीवशिनेद पत्रद ओळख शेश्या, वाळ स्वतान परमेश्वर दास इंगा येशु ख्रिस्त दास आन्या (1: 1). तीत संगा पौल संबंध दी सुरुवात रहस्यद उन्दाद, पण मिम आदी ओकाताळा शेषु शकस्तामकी वाळ पौल सेवाफानीला रुपांतर शेशिन्याला यवार तीतनी सामान्य विश्वासता म खरेम कोडकु आन्या (1: 4). पौल तीतनी सुवार्ता घोशीद शेशेतोळ वगा मित्र इंगा सहकारी इ नात्याता, तीतदी प्रशांशा शेस्काम, वान जेमुद भावना, इंगा इंगोगोरकी सांत्वना इचेळ बद्दल स्पष्ट आदर इच्या.
\is तारीख इंगा लीवशिनेद जागा
\ip साधारण इ.स. 63 - 65.
\ip प्रेशित्लाद इर्दी पहिला रोम इंदुळ जेलोनकेल इळीनेन्का, पौल निकोपोलीस देगार्केल तितकी स्वताद पत्र लीवाश्या. इफिस इंदू तीमया इंदू फोयेदेंक, पौल तीतसंगा क्रेतबेत मिंदा फोया.
\is प्राप्तकर्ता
\ip तीत, दुसरा सहकारी इंगा विश्वासला मब्बिळा, जो क्रेतला उंड्या.
\is हेतू
\ip क्रेतलोन फाता मंडळीलोनी की दोषालाद दुरुस्ती शेशेदेंक सल्ला इच्काम, वारणी ओकाताळा शेस्काम इंगा अनुचित वर्तनता सदस्यल संगा वारदी कमतरता सुधरामतकाम (1) कोता वरीष्टलाद नेमणूक शेस्काम इंगा (2) क्रेतला अविश्वास वालेर ससंगा विश्वासदी इंगा शिंगार साक्ष इद्देंक वारणी तैयार शेस्काम. (1: 5).
\is विषय
\ip वागणूक शेईता लीवाशिनेद
\iot रूपरेषा
\io1 1. अभिवादन — 1:1-4
\io1 2. आबागार्दी नेमणूक — 1:5-16
\io1 3. वेगळा वयगट संबंधला सूचना — 2:1 — 3:11
\io1 4. शेवटदी टिप्पणी — 3:12-15
\c 1
\s दंडाम
\p
\v 1 परमेश्वर निवडासनेरदी विश्वासइचांग इंगा भक्तीलेका उंडीने खरेंमदी पूर्ण ज्ञानइचांग नेमाशिनेळ येशु ख्रीस्त प्रेशीत इंगा परमेश्वर दास पौल, इन तीकेल: 
\v 2 जो सर्वकाळदी जीवन यवारकी खोटा मातलु नळाव आ परमेश्वर युग काळपूर्वी इच्या, 
\v 3 आ जीवन दी आशा फत्तेटोर, द्यावर निवडास्ने मंदी विश्वास इचांग इंगा सुभक्ती लेका खरेंम ज्ञानइचांग, आविषयदी वचन वांदी मना ताराशेतोळ द्यावार्दी आज्ञाता नाक इचीने घोषणाला यथाकाळला वाळ प्रकट शेश्या. 
\v 4 मना सामाईक उंडीने विश्वास लेका ना खरेम बिडा तीत इनकी; परमेश्वर आबन तीकेल इंगा मना तारासेटोळ प्रभू येशु ख्रिस्त वान्तिकेल कृपा, मया इंगा शांती उंडाला.
\s क्रेत ला तितुस दी कार्य
\p
\v 5 नीन नीनु क्रेत बेट मिंदा दिनकस्रोम फेटीवस्तीन की, नु पूर्ण न आयनेय माटलाद व्यवस्था शेईयाला इंगा नीन निक आज्ञा शेशीनेलेका नु हर नगरला आब्बन नेमाय. 
\v 6 यवारणी नेमाला वाळ निर्दोष उंडाला, वगा आंडीदान मोगुल उंडाला, वान बीळलु विश्वास फेतेटोर उंडी वार्मिंदा घयरेट पनाद आरोप वचीनेद लेकुंडी वार अनावर बेक्काल्या. 
\v 7 प्रमुख इळ द्यावारतोल कारभारी उंडाळ दांचांग वाळ निर्दोष उंडाला, वाळ मोकाट, रागिस्त, सराय तागेटोर, मत्तेटोर डोंगतारला दुडलु कामाशेतोर बेकाल्या; 
\v 8 तर सुत्ताल बद्दल मंचीद, स्वभावादी आवड फेत्तेतोल; मर्यादाला, द्यावर मणशी, पवित्र, सहन शेशेतोळ, 
\v 9 इंगा इचीनेय शिक्षण लेका जो विश्वासदी वचन फेटी निलचेतोल इल्ला उन्डला; दिन्चांग कि वाळ शिक्षणदी माहिती शेयदेंग व उलटा मातालायेतोर की बरोबर उत्तर इचेतोर बेक.
\s खोटा शिक्षण
\p
\v 10 इदी महत्वद उंडाद येनटीक की संगेंम मंदी बंड शेशेतोर उंडार. यवार व्यर्थ माटलाविषइला बडबड शेस्तार इंगा मंदीन फसामत्तुतार. नीन विशेष आंटे, यवार सुंता आईनेर उंडार वारणी संबोधाशी माटलाळतुनान. 
\v 11 वार नोरलू बंद शेया बेक; वार शिका मत्ता बेकालेद आय्यी माटलु वार चुक लाभ इचांग शिका मत्तुतार इंगा पूर्ण इल्लूद उलटापालता शेस्तार. 
\v 12 वारला वगा संदेष्ट्याल आनीर कि, 'क्रेती बेट मनसलू इर हमेशा लबाड, पक्षीलेका खतरनाक, आळशी इंगा खादोळेर उंडार.' 
\v 13 इदी साक्ष खरेंम उंडाद. तरी वार वीश्वासला स्थिर उनडाला दानचांग नु वांदी निषेध शेय. 
\v 14 दिनकस्रोम कि, वार यहूदी कथालतीकुड इंगा खरेमतीकुडकेल तीप्पेटोळ, मणशी आज्ञालतीकुड लक्ष इया रोद. विश्वासला पक्का काबेक. 
\v 15 यवार शुद्ध उंडार इल्ला मंदी पूर्ण माटलू शुद्ध उंडाय पण जो नष्ट आईनेय उंडाय इंगा विश्वास फेटार इलोटोर्की एमी शुद्ध लेद पण वारी मनलु इंगा विवेक इद्दीपण घाण उंडाय. 
\v 16 वार मंदी 'मिम परमेश्वर न ओळखास्ताम' इल्ला उघड शेप्तार, पण वार आ फणीन नाकारास्तार. वार अमंगळ इंगा अंदाज शेशेटोर इंगा यादपन मंची फनिला परीक्षा बिना दिगीनेर आढळास्तार.
\c 2
\s खरेंम शिक्षा द वागणूक
\p
\v 1 नू तर शिंगार शिक्षण कि शोभाशेळ लेका माटलू माटलाळताफो. 
\v 2 आय्यी इल्ला की, मुसलेर मनसलू सहन शेशेळलेका, गंभीर इंगा समजदार का बेक इंगा विश्वास, प्रेम इंगा सहनशीलता दिंटल्या पक्का का बेक. 
\v 3 मुसलेर आंडेर, दांलेकाने, स्वताद स्वभाव पवित्रक शोभाशेळ लेका बेक; चुगली शेशेटोर, सराय तागेटोर बेका लेद; शिंगारा शिक्षण इचेळी उंडाला; 
\v 4 इंगा मनालोन्केल जवान आंडेरकि इल्ला शिक्षण इयाला की, वार स्वता मोगुड इंगा बीळला मिंदा प्रेम शैयाला. 
\v 5 इंगा वार समजदार, शुद्धचरण, इल्लु सांभाळाशेटोर, मैयाद इंगा मोगुन माटा ऐकाशेटोर का बेक; म्हणजे परमेश्वर द वचनदी निंदा का काफोई. 
\v 6 इंगा आल्ले जवान मनसलू समजदार आवा बेक दानीचांग, नु वारकी शिकामत. 
\v 7 नु आन्नी माटलाला शिंगार फनीद उदाहरण इल्ला स्वतःचांग सुपी; नि शिक्षण ला निर्मळपणा, गंभीरता, 
\v 8 इंगा निरपवाद शिंगार शिक्षण कम्पियानी, म्हणजे निमिंदा टीका शेशेटोरकी नि बद्दल माटलाळदेंग एमी वाईट न शिकी इंगा वाळ शिग्गुना फळाला. 
\v 9 इंगा दासलू आन्नी माटलाला वार गुरु आज्ञाला उन्डाला, वार संतोष इचेटोर बेक इंगा उलटा माटलाळा बेकाल्या; 
\v 10 वार दोंगा शैया बेकाल्या तर आणि माटलाला शिंगार विश्वास सुपियाला; इंगा मना तारक परमेश्वर शिकवण कि, आणि मंदीला, वार शोभा एकादाला; इल्ला नु वारकी बोध शेय.
\p
\v 11 येनटीक की, आंता मंदीक ताराशेळ परमेश्वरदी कृपा प्रकट आयनाद. 
\v 12 आय्यी मनाक इल्ला शिका मत्तुताय कि, बिनभक्तीद इंगा दुन्याम लालचनी इळशी, मनाम इ इप्पूळ काळला धीरजता, नीतीता इंगा सुभक्ती लेका वागा बेक. 
\v 13 इंगा मना धन्य आशाद, म्हणजे मना महान परमेश्वर इंगा ताराशेटोळ येशु ख्रिस्त इन गैरव तोंन वचेळदी दाव्वा सुडाला; 
\v 14 मना इचांग वाळ स्वताद दान शेशा दिनकस्रोम की, मनाय आन्नी गलत माटलाकेल इळप्याल्या इंगा शिंगार फनिक बेक उंडेर मना स्वता मंदी मनाइचांग शुद्ध शेईयाला.\x - \xo 2:14 \xo*\xt निर्गम 19:5; अनुवाद 4:20; स्तोत्रसंहिता 72:14; यहेज्केल 37:23. \xt*\x*
\p
\v 15 नु इ माटलु समजाशी शेप, बोध शैय इंगा आणि अधिकारता गुन्हा पदरला येय. यवार नीद उपवास शेइया रोद.
\c 3
\s ख्रिस्त द वर्तन
\p
\v 1 क्रेत विश्वास फेटे टोर वार्की इल्ला सुचामत की सरकारी सत्यद न्याय शेशेटोळ इंगा अधिकारी इर शेई किंदा उंडाला. इरी आज्ञा पाळाला, हर वगा फनीला तैयार उंडाला. 
\v 2 यवार्दी निंदा शैयारोद, जगडाल आळेटोर बेकाल्या पण सहनशील आय्यी आंदारकी आन्नी माटलाला नम्रता सुपीयाला, इल्ला वारकी आठवण इ. 
\v 3 येनटीक की मनाम पण पहिला अविचारी, अवमान शेशेटोर इंगा बेहेकासनेर उंटीम; अलग-अलग वासनाली इंगा सुखटोर दासलु उंटीम, वाईट फनीद इंगा घमंडला आताद. मनाम अमंगळ आनेतोर इंगा एकमेकोरदी कोफाम शेशेटोर उंटीम; 
\v 4 पण मना ताराशेळ द्यावार्दी मय्या इंगा प्रेम मनुष्य मदा प्रकट आय्या, 
\v 5 आप्पुड मनाम शेशिनेय, नितीमत्व फनिलाद लेद, पण वाळ मनालनी वान मयाइचांग, कोत्ता जन्मद तीस्कुनी गात पवित्र आत्माता कोतालेका ताराश्या. 
\v 6 इंगा मना तारक ख्रीस्त तीकेल मना मिंदा आदी आत्मा जास्तता येशा.\x - \xo 3:6 \xo*\xt योएल 2:28. \xt*\x* 
\v 7 म्हणजे मनाम वान कृपाता नीतिमान ठहराशी आंनीकाळदी जीवन आशा लेका वारीस काला.
\p
\v 8 इदी ओक्का विश्वास दी वचन उंडाद इंगा नाद इच्छा उंडाद की, नु इ माटलु ताकदता शेपता फो. म्हणजे, यवार परमेश्वर मिंदा विश्वास फेटीनार वार शिंगार फनीला उंडेळदी काळजी तीस्कोनाला. इ माटलु शिंगार उंडी आंदार मंदी कोळोन्क हितूद उंडाद. 
\v 9 पण मुर्खपणदी जगळाम, गणगोद्दी, झगडाल इंगा मोशेद नियमशास्त्र विषयला जगडाम टाळा मतुता फो येनटीक की इ माटलु बिना फनीय इंगा व्यर्थ उंडाय. 
\v 10 मी मधातला जगळाल आनचेतोर मनशिक वगा तीकुड इंगा रोंड तीकुड शिका मतीनेका मना देगारकेल दुराम फेट. 
\v 11 निक यरका उंडाद, इल्ला मणशी बेहेकासणेळ उंटाल इंगा पाप शेसका उंटे वान तिकेल वानदी स्वताद न्याय आताद.
\s शेवट द संदेश
\p
\v 12 नीन अंतर्मान इंगा तुखीकलान नीतीकुड आम्पदिचीनेका, नातीकुड निकापलीस शहरकी एल्ली वचेळदी प्रयत्न शेय येनटीक की नीन आंदू सलीकालाम तीशेळदी ठहरामतीनान. 
\v 13 जेना शास्त्री इंगा अपुल्लो इरकी एमी कमी फळाखोयी इल्ला प्रकारता पोहोचा मत. 
\v 14 इंगा मना मंदी स्वता गरजला इचांग शिंगारफनी शेयदेंग शिक्का मत्तेळदी काळजी तीस्कोनाला; म्हणजे वार फळ लेनेर का फोयार.
\s शुभेच्छाल
\p
\v 15 नाबरोबरटोर आंदार निक दंडाम शेप्तार. यवार मना मिंदा विश्वासइचांग प्रेम शेस्तार वारकी नाद दंडाम शप. मी संगा कृपा उंडाला.