\id 2TH 
\ide UTF-8
\ide UTF-8
\rem Copyright Information: Creative Commons Attribution-Share Alike 4. 0 License
\h थेस्सलनीकाकरांस दुसरे पत्र
\toc1 थेस्सलनीकरास मंडळीक पौल राशीनेद दुसरा पत्र
\toc2 2 थेस्स
\toc3 2थेस्स
\mt थेस्सलनीकरास मंडळीक पौल राशीनेद दुसरा पत्र
\is लेखक
\ip 1 थेस्सलनीकाकरा लेकाणे इदी पत्र पौल, सिला इंगा तीमथ्य इंतीकेल उंडाळ. इ पत्रटोळ लेखक 1 थेस्सलनीकाकरांस इंगा पौलइ इंगोगो पत्रलेका शैलीद वापर शेस्ताळ. दिन मिन्द्केल कंपीस्ताद कि मुख्य लेखक पौल उंड्या. सिला इंगा तीमथ्य इर अभिवादनला समाविष्ट उंडार (2 थेस्स. 1:1) संगेम अध्यायला मनाम इल्ला लीवास्ताम कि, आ आंदार मुगुर जन सहमती इच्चीर. लीवासने स्वरूपदी लीवास्काम पौलदी लेकुंड्या येनटीक की वाळ फक्त शेवटी शुभेच्छा (अभिवादन) इंगा प्रार्थना लीवाश्या (2 थेस्स 3:17). पौल कदाचित तीमथ्य किंवा सिलाक पत्र लीवाशीन्याला.
\is तारीख इंगा लीवाशिनेद जागा
\ip साधारण इ.स. 51 - 52.
\ip पौल 2 थेस्सलनीकाकरांस इदी करिंथला लीवाश्या, यंदू वाळ 1 थेस्सलनीकाकरांस लीवाश्या.
\is प्राप्तकर्ता
\ip 2 थेस्सलनीकाकरांस 1:1 “थेस्सलनीकाकरासदी मंडळी” दांचांग 2 थेस्सलनीकाकरास उद्देशता वाचाशेटोरकि शप्ताद.
\is हेतू
\ip परमेश्वर दिवसबद्दल सैद्धांतिक चूकलु सुधरामतेळदी उद्देश्य उंड्या. विश्वासशेशेटोरदी प्रशंसा शेस्काम इंगा वारदी विश्वास पक्का उंडीनेर्दी वार्की उत्तेजन इचकाम इंगा या मंदी वार आत्माभ्रम लालच इचांग विश्वास फेटदूर, वार इल्ला विश्वास शेशिनीर कि परमेश्वर दी दिवस वचेळ पहिलाने परमेश्वरदी पहिला वचीन्या इंगा इ शिकवणदी वार स्वता फायदा इचांग दुखा मतीनीर.
\is विषय
\ip आशाला उंडकाम
\iot रूपरेषा
\io1 1. दंडाम — 1:1, 2
\io1 2. अडचणला सांत्वन — 1:3-12
\io1 3. परमेश्वर दिवस बद्दल सुदरामत्काम — 2:1-12
\io1 4. वार भाग्यसंदर्भला आठवण — 2:13-17
\io1 5. व्यवहार बाबला बद्दल उब्दोधन — 3:1-15
\io1 6. शेवटदी अभिवादन — 3:16-18
\c 1
\s दंडाम इंगा उपकारस्तुती
\p
\v 1 परमेश्वर माद आब्बा व प्रभू येशु ख्रिस्त वान्द दिन टला उंडीद थेस्सलनिका शहराल्द मंडळीक पौल, सील्वान व तिमाथ्य वानतीकूट: 
\v 2 द्यावार आब्बा व प्रभू येशु ख्रिस्त वानद्वारे मीरक कृपा व शांती उंडाला.
\s न्याय द दिन्मल
\p
\v 3 तम्मूलु इंगा शेल्यानलु, मीम सर्वदा मीरईशयला द्यावारद उपकारस्तूती शेस्देन्क बेक इंगा इदी योग्यच उंडाद कारण मीरद इश्वास संना वाडास्तात इंका मीर आनदारला प्रत्येकोरक वगामिगारमिंदूडद प्रीती संग्याम वाडास्ताद ; 
\v 4 दानमिंदुट मीद आंता छळाला व मीर जी सहनशीलता व जो इश्वास सुपतार आबद्दल द्यावारद मंडळ्यानूट मीम स्वतः मीरद माक गर्व उंडाद. 
\v 5 वार परमेश्वरद योग्य न्यायाद प्रमाण आदि; न्याय इदी की, आइच्चाका मीर दु:खम सोसासतार आ परमेश्वरद राज्याला मीर योग्य ठराशी फोवाला. 
\v 6 मीर मिंदा संकट येतकेण वच्च्यातोर मंदिद संकटागोन परतफेड शेशेद इंगा संकट सोशातोर मीरक मासंगा विश्रांती इच्चेद, इदी द्यावारद दृष्टीगोन न्याय उंडाद, 
\v 7 आणकेन प्रभू येशु प्रकट आय्येद समयी ला आइ; वाड मनाद सामर्थ्यवान देवदूतासंगा स्वर्गानूट अग्निज्वाला संगा प्रकट आइ\f + \fr 1:7 \fr*\ft योहान 1:14-15; प्रकटीकरण 14-13\ft*\f*. 
\v 8 आप्पुड यावार द्यावारक गुड तू फेट्यालेद व मनाद प्रभू येशून्द सुवार्ता मानाशा लेद वानिक वाड दंड इच्ची.\x - \xo 1:8 \xo*\xt स्तोत्रसंहिता 79:6; यशया 66:15; यिर्मया 10:25. \xt*\x* 
\v 9 आप्पुड वारन प्रभू न्द मुदारनूट व वान्द सामर्थ्याद गौरवानूट दुराम शेसदेन्क वच्ची सार्वकालिक नाश इदी शिक्षा वारक शिक्की.\x - \xo 1:9 \xo*\xt प्रकटीकरण 21:8; मत्तय 25:41-46; यशया 2:19-21. \xt*\x* 
\v 10 मनाद पवित्रजनांद ठायी गौरव शिकाला आणकेन इंका आ दिवस ला पवित्रजनांद ठायी आश्चर्यपात्र आवाला आणकेन वाड वची कारण मीम इच्चीन्द साक्षी मिंदा मीर इश्वास फेटीन्द उंडार\x - \xo 1:10 \xo*\xt स्तोत्रसंहिता 89:7; यशया 49:3. \xt*\x*. 
\v 11 दानइच्चाका तर मीम मीर इच्चाका सर्वदा इळा प्रार्थना शेस्ताम की, मनाद द्यावारा मीरक आइनेद वांद पाचारानक योग्य इळा मानाशेद इंका चांगुलपणाद प्रत्येक मनोदय व ईशवासाद कार्य सामर्थ्यागोन पूर्ण शयाला; 
\v 12 दानइच्चाका की, मनाद परमेश्वर प्रभू येशु ख्रिस्त वान्द कृपेगोन मनाद प्रभू येशु वान्द फेरक मीरद ठायी व मीरक वानठायी, गौरव शिकाला.\x - \xo 1:12 \xo*\xt यशया 24:15; 66:5; 1पेत्र 1:7-8. \xt*\x*
\c 2
\s विनाश कोडकु
\p
\v 1 तम्मूडलु इंगा शेल्यानलु, मनाद प्रभू येशु ख्रिस्ताद वच्चेद इंगा वानदेगारा मनाद वगातडा आय्येद इदी संबंधागोन मीम मीरक इळा विनंती शेस्ताम की, 
\v 2 मीर लगेच दचकाशी थांबा वायाकांडा इंगा यरसकुणाकण्डा; प्रभून्द दीनुम वची ठेपाशीन्द उंडाद इळा शप्यातोरक आत्म्यागोन इंन्का जणूयेम मतीकनोल वचीन्द वचनागोन लेकाते पत्रागोन यरस्कुणाक; 
\v 3 यादबी प्रकारे यवारतिकूट फसायाक; कारण आ दीनुम्द पहिला विशावासद त्याग आइ वाड अनीतीमान मणशी, नाशाद कोडकु प्रकट आइ; 
\v 4 वाड नाशाद कोडकु, इरोधी व यवारक परमेश्वर इंका उपासणीय आणकेन आणटार आ आंदार किन्टा स्वत वेर वेदाद शेशातोड, आंटे नीन परमेश्वर उंडान, इळा स्वताद प्रदर्शन शेशी परमेश्वरद भवनाला कुसण्यातोड इळा उंडाड.\x - \xo 2:4 \xo*\xt दानिएल 11:36-37.\xt*\x*
\p
\v 5 नीन मिरसंगा उंडीनाप्पुड इदी मीरक शपतूण्ड्या इळा वान्द मीरक द्यानम लेद यम? 
\v 6 वाड नेमाशीन्द समयीच प्रकट आवाला, उन्गो येळी आवाराद, आणकेन यवार इप्पुड बंध शेस्तार आदि मीरक यरका उंडाद. 
\v 7 कारण अनीतीद रहस्य इप्पुडच मनाद कार्य नेडस्ताड, पन जो इप्पुड अडथळा शस्ताड वान नडमीनुट तिशी फेकाशी आय्यी पर्यंत अडथळा शेस्केन निलची; 
\v 8 मग वाड अनीतीमान मणशी प्रकट आइ, वान्क प्रभू येशु मनाद नोटलोंन्द श्वासागोन मती वर्षी इंगा वाड वच्यातापूड मनाद दर्शनागोन वान्क नष्ट शेशी;\x - \xo 2:8 \xo*\xt ईयोब 4:9; यशया 11:4.\xt*\x* 
\v 9 सैतानाद कृतीगोन वान्द वचेद आय्यी; वाड आंता प्रकारे खोटी सामर्थ्य, आळाच चिन्हल व अद्भूते शेस्केन वची 
\v 10 यवारद नाश आवाका वचीद उंडाद वार मनाद तारण साधायाला आनकेन सत्याईशयद प्रीती फेट्या लेद; दानकसरोम वानकसारोम सैतनाद कृतीप्रमानगोन आंता प्रकारद खोटी महत्क्रत्ये, चिन्हल, अद्भूते इंगा आंता प्रकारद अनीतीजन्क कपट दिनगोन युक्त इळा आ अनीतीमानाद वच्चेद आय्यी. 
\v 11 वार असत्यमिंदा ईशवास फेटाला आणकेन परमेश्वर वानठायी भ्रांतीद कार्य नेडशी इळा शेस्ताड; 
\v 12 यवार सत्यामिंदा ईशवास फेट्या लेद, तर अनीतीला संतोष मानशा आ आनदारद न्याय निवाडा आवाला आणकेन इळा आइ.
\s विश्वास ला स्तीर उन्डाडा
\p
\v 13 प्रभूद प्रियजनहो, मीर ईशयला मीम द्यावारद उपकारस्तुति नेहमी शायला कारण पवित्र आत्म्याद्वारे आईन्द पवित्रत्री करणाला सत्यामिदूडद इश्वासाला परमेश्वर मीरक प्रथमफळ आनकेन तारणाइच्चाका नेमिशिन्द उन्डाद;\x - \xo 2:13 \xo*\xt इफिस 1:4-5; अनुवाद 33:12; 1पेत्र 1:1-5.\xt*\x* 
\v 14 दानटल्या वाड मीमलान माद सुवार्तेद द्वारे मनाद प्रभू येशु ख्रिस्ताद गौरव प्राप्त शेशी तिस्कून्याइच्चाका पाचारण शेशीन्द उंडाद.
\p
\v 15 इंगा मग तम्मूलु इंगा शेल्याल, स्थिर निलूण्डा इंका मुती इंका माद पत्राद्वारे जे संप्रदाय मीर्क नेरप्या आदि बळकट फटी निलूण्डा. 
\v 16 मनाद प्रभू येशु ख्रिस्त वाड इंका यवार मनामिंदा प्रीती शेशी आंता कालाम्द सांत्वन इंगा बागा इळा कृपेगोन इच्चा वाड परमेश्वर मनाद आबाड, 
\v 17 मीद मनसद सांत्वन शेयाला इंका प्रत्येक बागा फनीला इंगा कथाला मीक स्थिर शेयाला.
\c 3
\s प्रथांना द विनंती
\p
\v 1 आखरीक तम्मूडलु इंगा शेल्यानलु, इप्पुड इन्ताच शपेद उंडाद की, माकसरोम प्रार्थना शेस्केन उंडानडा की, यळा मिरता आय्या आप्रमानगोन प्रभून्द वचनाद लगाना प्रगती आवाला व वान्द गौरव आवाला; 
\v 2 इंका हेकेखोर व दृष्ट माणशी तीकनोल माद संरक्षण आवाला; दान कसरोम प्रथांना शयांनडां कारण आंदार ठायी इश्वास उंडाद इळा लेद.
\p
\v 3 परंतु प्रभूड ईश्वसणीय उंडाद, वाड मीरकस्थिर शेशी व आ दुष्टातीकानोल राखाशी. 
\v 4 मीर इशय प्रभूला माद इळा इश्वास उंडाद की, मीम मीरक जे आज्ञा इस्ताम आदि मीर शेस्तार व मुदाराबी शेशार. 
\v 5 प्रभु मीरद मनस परमेश्वर मिदूडद प्रीतीतीक व ख्रिस्ताद सहनशीलतेतीक अनु.
\s कंटाळा विरुद्ध चेतावनी
\p
\v 6 तम्मूडलु इंगा शेल्यानलु, मीम मनाद प्रभू येशु ख्रिस्ताद फेरगोन मीरक आज्ञा शस्ताम की, अव्यवस्थितपणा वागाशातोरक व नेडशातोरक संप्रदायप्रमानगोन प्रत्येक तम्मूलतिकूट मीर दूर आवाला. 
\v 7 माद अनुकरण याद रितीगोन शेस्देन्क बेक इदी मीरक स्वत क यरका उंडाद; कारण मीम मिरता निल्चेद आप्पुड अव्यवस्थितपणा वागाया लेद; 
\v 8 इंका मीम यवारद अनाम हुकाट तिना लेद; परंतु मिरपैकी यवार मिंदाबी बोरू येशेद लेद दान्कासारोम मीम मब्बूदीनुम श्रम व कष्ट शेशी फणी शेस्तीम. 
\v 9 आळा माक अधिकार लेद इळा लेद, पण माद अनुकरण शेस्देनक मीम मीरक उदाहरण येस्देन्क इयाला आणकेन इळा शेस्तीम. 
\v 10 कारण मीर संगा उंडतीम आप्पुड देखील मीम मीरक इळा आज्ञा शेशीन्द उंड्या की, यवारक फणी शेशेद इच्छा लेद तर वार तिनेद बी लेद. 
\v 11 तरी मिरता कित्येक अव्यवस्थितपणागोन वागाशातोर उंडार वार यम वगा फणी न शेस्ता लुडबूड शेस्तार, इळा मीम इनटाम. 
\v 12 इळा मंदीक मीम प्रभू येशु ख्रिस्ताद फेरगोन आज्ञा उत्तेजन ईस्ताम की, वार शांतगोन फणी शेशी स्वताद आन्नाम तिनेद.
\p
\v 13 मीर तर तम्मूडलु इंगा शेल्यानलु, बागा शेशा दाणक खचाया कानडा. 
\v 14 इदी पत्राला माद वचन जर यवार मानायार तर आ मंशीन ध्यानाम फेट इंका वान्क शिग वाटायला आणकेन वारद संगत फटाकण्डा; 
\v 15 तरी वान शत्रू समजाया कानडा, तर वान्क तम्मूड समजाशी वान्द कानउघडणी शेय.
\s शेवट द सुभेच्छा
\p
\v 16 शांतीद प्रभू वाड आंताकाळ ला आंता प्रकारे मीरक शांती इयाला. प्रभू मी आंदारसंगा उंडान.
\p
\v 17 नीन, पौलाड, स्वत गोण राशीन्द नमस्कार; इदी प्रत्येक पत्राला खून उंडाद. नीन इळा रितीगोन रास्तान. 
\v 18 मनाद प्रभू येशु ख्रिस्त वान्द कृपा मीर आंदार संगा उंडान.