\id 1TH 
\ide UTF-8
\ide UTF-8
\rem Copyright Information: Creative Commons Attribution-Share Alike 4. 0 License
\h थेस्सलनीकाकरांस पहिले पत्र
\toc1 थेस्सलनीकरास मंडळीक पौल राशीनेद पहिला पत्र
\toc2 1 थेस्स
\toc3 1थेस्स
\mt थेस्सलनीकरास मंडळीक पौल राशीनेद पहिला पत्र
\is लेखक
\ip प्रेषित पौल स्वताक इ पत्रद लेखक कान रोंड तुकला संबोध शेशिडाड (1: 1; 2:18). सीला आणि तीमथ्य (3: 2, 6), मंडळीद स्थापणा आएन्द बाद दुसरा सुवार्थ फेरी लोन पौल प्रवास (प्रेषित 17:1-9), वाड एदी पत्र वार एडशी हिनापुड काही महिना लाने विश्वास फेटेतोरक राशा. थेस्सलनिका इद पौल्द सेवा तों फक्त यहुदी ओर क लेद तर उनगो जाती ओरक मान्सलाकभी स्पर्श शेषा. मंडलीलोनोर सना मंदी उनगो जातीद मूर्तीपूजा नुस बेटीक वाचीनीर, याद आ काळलोनोर यहुदाला वेशेष्ट समस्या लेका हो (1 थेस्सल. 1:9).
\is तारीख आणि लीवाशेनेद जागा
\ip साधारण इ.स. 51.
\ip पौलुड करिंथ शहरलोनोर्क थेस्सलनीका एद टोरक मडळीक मनाद पत्र राशा.
\is प्राप्तकर्ता
\ip तरी इदी सर्वसाधारण पनागोन अन्ता क्रिस्ती माणसालान माटलाडेद उंड्या तरी, 1 थेस्स. 1:1 थेस्सलनीकाकरांक पहिलाद पत्रद अपेक्षित वाचक कान “थेस्सलनीका इडी टोर मंडळी” नोर सदस्यन ओळखास्ताद.
\is हेतू
\ip पौलंद इदी पत्र राषेद उद्देश उंड्या कि कोता रुपातरिक मन्सलाद वारद परीक्षेला उत्तेजन एचेद (3: 3-5), धार्मिक जीवन जगाशे कसरोम सूचना एचेद (4: 1-12) इंगा क्रीस्ताद इंगा वचेद पहिला सचेटोर विश्वासवेटीनोर बाविशाबद्दल आश्वासन एचेद (4: 13-18), एमी पण उन्गोट, नेतिक ईगा व्येवारिक गोष्टी सुधाराशे कस्रोम पत्र राषीडार.
\is विषय
\ip मंडळी समंधी काही माटल
\iot रूपरेषा
\io1 1. धन्यवाद एचेद — 1: 1-10
\io1 2. प्रेषितीय क्रियांद संरक्षण — 2: 1 — 3:13
\io1 3. थेस्सलनीका कसरोम उपदेश — 4: 1 — 5:22
\io1 4. समाप्तीद प्रार्थना आणि निष्ठा — 5:23-28
\c 1
\s दंडम व उपकारस्तुती
\p
\v 1 परमेश्वर आब्बा इंगा प्रभू येशु ख्रिस्ता वारता उंडीन्द थेस्सलनिका शहराल्द मंडळी दान्क पौल, सील्वान तिमथ्य वानद्वारे मीरक कृपा व शांती उंडान.
\p
\v 2 मीम मनाद प्रार्थनाला मीद आठवण शेस्केन सर्वदा मीर आंदार ईशयला परमेश्वरदी उपकार स्तुति शेस्ताम. 
\v 3 मनाद द्यावार आब्बा मुदारा मीरद इश्वासागोन शेशीद फणी, प्रीतीगोन शेशीन्द श्रम व मनाद प्रभू येशु ख्रिस्तामिदूडद आशेगोन फटीन्द सहनशीलता दान्द मीम निरंतर आठवण शेस्ताम. 
\v 4 तम्मूलु, मीर द्यावारद प्रिय उंडार, मीद आईन्द निवड माक यरका उंडादच; 
\v 5 कारण माद सुवार्ता केवळ शब्दागोन लेद, तर सामर्थ्यागोन, पवित्र आत्म्यागोन व पूर्ण खात्रीगोन मीरक तेलपदेन्क वच्या आळाच मीर इचाका मीम मीरबराबर उंडीनाप्पुड यळा वागास्तीम इदी मीक यरक्का उंडाद. 
\v 6 मीर शना संकटाला उंडीनाप्पुड पवित्र आत्म्याद आनंदागोन वचन अंगीकार शेशी माद प्रभून्द अनुकरण शेशातोर आयिर; 
\v 7 एलाकी मासेदोणीया व अखया दाटलोन्द आंता इश्वास फेट्या तोरक मीर उदाहरण इळा आइनेद उंडार. 
\v 8 मासेदोणीया व अखया दानटल्या मिरतिकूट प्रभून्द वचनाद घोषणा आईन्द उंडाद; इन्ताच केवळ लेद तर परमेश्वर मिन्दुडदी मिद इश्वासाद बातमीही आन्तातिक पसराशिंद उंडाद; दानगोन दानइश्य माक यम शपेद गरज लेद. 
\v 9 कारण मिरता माद वचेद याद प्रकारद आय्या, इदी वार मनाम आइ माईशयला शपतार; मीर मूर्तीदग्गारनूट परमेश्वरतीक यळा वळास्तीम इंगा जीवंत व खरेम परमेश्वर सेवा शस्देन्क, 
\v 10 इंगा वान्द कोडकु येशु वान्द स्वर्गानूट वच्चेद दावा सूस्देन्क, वाड कडंकु आंटे येशु वान्क द्यावारा सावानूट लेफ्या व वाड मना भावी क्रोधानूट इडशातोड उंडाळ.
\c 2
\s मना सुवार्ता प्रसारक फनीद पौल समर्थन शेस्ताड
\p
\v 1 तम्मूडलु, मिरता माद वच्चेद व्यर्थ आइनेद लेद, इदी मिरकबी यरक्का उंडाद. 
\v 2 पन पूर्वी फिलीप्पैला मीम दु:ख भोगाशी व अपमान सोसाशी, इदी मीरक यरक्काच उंडाद, फेदाद इरोध उंडीनाप्पुड, परमेश्वरदी सुवार्ता मीरक शपेद धैर्य मना परमेश्वरतीकूट माक शिक्या. 
\v 3 आनकेन माद बोध फसवाशी लेकाते अशुद्धपणा दाटलोण्द निर्माण आइनेद लेद तर कपटाद लेकुण्ड्या; 
\v 4 तर सुवार्ता माता सोपवाशी इस्देन्क परमेश्वर माक पारखाशी पसंत शेशा आणकेन मीम आदि शपतान; मीम आरवाल्क खुश शेशातोर ल्यका न माटलाडता माद अंतकरणलु पारखाशातोड द्यावारा इड दानगोन खुश आइ आळा माटलाडस्तान. 
\v 5 कारण मीम खुशामत शेशातोर भाषण यप्पुड शेशा लेकुण्डतीम, इदी मीरक यरक्का उंडाद आळाच लोभ फेटी ढोंगीपणागोन वागाया लेद. परमेश्वर साक्षी उंडाद; 
\v 6 मीम ख्रिस्ताद प्रेषित उंडाम आनकेन जरी माक मनाद विशेष अधिकार नेडस्देन्क वसतूण्ड्या तरी मीम आरवालतिकूट, मीरतिकूट इंका दुसऱ्यालतिकूट गौरव शिक्काला आणकेन खटपट शेशा लेकुनडतीम; 
\v 7 तर मनाद बिळा बिस्काल्द पालनपोषण शेशातोर आम्माल्यका मीम मिरता सैम्य व्रत्तीद उंडाम. 
\v 8 माक मीरदइश्यला कळकळ वाटास्तूण्ड्या आणकेन मीम मीरक केवळ द्यावारद सुवार्तेद दानच इस्देन्क लेद, तर मीरमिदूडद माद अत्यंत प्रीतीगोन मीरइच्चाका मनाद जेमबी इस्देन्क तयार उंडतीन.
\p
\v 9 तम्मूलु, माद श्रम व कष्ट दान्द आठवण मीरक उंडाद; मीतूडद यवारक माद भर आवाक आणकेन मीम फदूमाफुक उद्योग शेशी मिरमुदारा द्यावारद सुवार्तेद घोषणा शेस्तीम. 
\v 10 मीर ईशवास फेट्यातोरला मीम पवित्रतेगोन, नितीगोन व निर्दोषतेगोन यळा वागास्तीम दानईशयला मीर साक्षी उंडार व परमेश्वरदीबी उंडाद 
\v 11 मीक यरकाच उंडाद की, आब्बा मनाद बिळाक शेस्ताड आळा मीम मीरपैकी प्रत्येकोरक बोध शेस्केन, धीर इच्ची व आग्रहपूर्वक विनंती शेस्केन शपतीन की, 
\v 12 जो परमेश्वर मना राज्यला इंगा गौरवाला मीरक पाचारण शेस्ताड वान्क शोभाशी इळा मीर नेडशेद.
\s छळ
\p
\v 13 इदी कारणामगोन मीम सुद्धा द्यावारद निरंतर उपकारस्तुति शेस्ताम की, मीर मादग्गारनूट इनीन्द द्यावारद वचन स्वीकारशा आदि आरवाद आणकेन लेद तर द्यावारद आणकेन स्वीकाराशा इंका खरेम सुस्ते आदि आळाच उंडाद; आदि मिरता ईशवास फेट्यातोरला कार्य शेस्तात. 
\v 14 तम्मूनो, यहुदीयाल परमेश्वर ज्या मंडळ्या ख्रिस्त येशून्द ठायी उंडाय दान्द अनुकरण शेशातोर आय्या, आंटे वार यहुद्यांद शेय्यनूट जी दु:ख सोसाशीर आळाच मिरबी मनाद स्वदेशीवारद शेय्यनूट सोसास्तिम; 
\v 15 आ यहुदी वार प्रभू येशुन व संदेष्टयालवारकबी जीवे मतिर इंगा माद छळ शेशी माक बयट्या आमशिर; वार परमेश्वरक संतोषवाशा लेद व आंता आरवालद इरोधी आइनेद उंडार; 
\v 16 परराष्ट्रीयान्द तारण आवाला आणकेन मीम वानसंगा माटलाडशेद दान्द वार मनाई शेस्तार; इदी दानइच्चाका की, वार मनाद पापुल्द माप सर्वदा निचका उंडला निलवाला; वान्द मिदूडद द्यावारद क्रोधाद परिसीमा आइनेद उंडाद.
\s पौलांद मना वाचाशिनोर तीकड ध्यानाम
\p
\v 17 तम्मूनो, मीम हृदयगोन लेद तर देहागोन मिरतिकूट रव्वा येळ येगळा आइनेद माक वीरह दु:ख आय्यी मीरद मुती सुशेद मीम शना उत्कंठेगोन इशेष प्रयत्न शेस्तिम; 
\v 18 दानगोन मीम मिरतीक वच्चेद इच्छा फटतीम; नीन पौल ओकादम लेद तर रोन्डदमूल इच्छिले परंतु सैतानाड माक आडवाशा. 
\v 19 आणकेन मनाद प्रभू येशु ख्रिस्ताद समक्षतेला, वान्द वच्चेद येळक माद आशा इंका माद आनंद इंका माद अभिमानाद मुकुट यम उंडाद? मिरच उंडार रा? 
\v 20 कारण मीर माद गौरव व माद आनंद उंडाद.
\c 3
\s तीम्थ्यान तीकुड इचीनेफनी
\p
\v 1 आणकेन मादगोन इन्का दम फटाद, आप्पुड अथेनै शहराला वागाडे यंका निलवाला, इदी माक बागा वाटाशा. 
\v 2 इंगा मीम मनाद तम्मू तिमथ्या, ख्रिस्ताद सुवार्तेला परमेश्वरद सेवक वान्क दानइच्चाका आमशा की, वाड मीरक स्थिर शेयाल इंका मीरद ईशवासान्द वाढी ईशयला उपदेश शेयाला; 
\v 3 आदि इळा की, इदी संकटाला यवार यरस्कूनेद लेद; आणकेन मनाम दानइच्चाकाच नेमाशीन्द उंडाम. इदी मीर स्वतः जाणाशी उंडार. 
\v 4 कारण मीम मीरदग्गारा उंडतीम आप्पुड मीम मीरक शपी फेटतीम की, मनांम्क संकटाल भोगाशेद उंडाद इंका वान प्रमाणगोन घडाशीन्द, इदी मिरक यरकाच उंडाद. 
\v 5 दानगोन नाकबी इंन्का दम फटाद, आणकेन नीन मीरद ईशवासाद संबंधागोन ईचारपुस शेशेद आमस्तीम; यवार जाणे, कदाचित परीक्षा तीस्कोनोर मीरक मोह येस्कूनीर आणकेन माद फनी व्यर्थ आईन्द उंडी.
\p
\v 6 इप्पुड तिमाथ्याद मीर द्यग्गारनूट मातीक वच्ची, मीरद इश्वास व प्रीती दानईशयला इंगा यळा मीम मीरक भेटायदेन्क उत्साहित उंडाम आळा मिरबी माक भेटायस्देन्क उत्साहित उंडार माद प्रेमागोण नेहमी आठवन शेस्ता दिन विषय शुभवर्तमान मातीक येतकेणवच्चीर; 
\v 7 दानगोन तम्मूनो, माक मनाद आंता अडचणला व संकटाला मीरद ईश्वासमिंदूडद मीरईशयंद समाधान शिक्क्या; 
\v 8 कारण जर मीर प्रभूला खंबीरपणागोन टीकास्तार तर इप्पुड मीम जेमूलाजेम वच्चीन्दल्यका निलस्तार. 
\v 9 आणकेन मना परमेश्वर मुदारा, मीम मिकसारोम, याय आंता आनंदागोण आनंद शेस्ताम आबद्दल मीम परमेश्वरक मीरकस्रोम यम धन्यवाद ईस्ताम? 
\v 10 मीम मब्बू माफक पुष्कळ प्रार्थना शेस्ताम की, मीम मीक मुतीमुदारा सुडाला इंगा मीरद ईशवासाला कमी उंडाद आदि पूर्ण शेयाला.
\p
\v 11 परमेश्वर, मानाद आब्बा वाड स्वतः व मनाद प्रभू येशु वाड, माद मिरतीक वच्चेद यमटीदबी अडचण न वस्ता आइ इयाला; 
\v 12 इंका जशी माद प्रीती मीरमिंन्दा उंडाद, इळा प्रभू मीरद प्रीती वगारमेंगारमिंदा व आंदारमिंदा वाढवाशी विपुल शेयाल; 
\v 13 दिन कसरोम की, मनाद प्रभू येशु मनाद आंदार पवित्र जनालसह वच्ची आयेळक वाड मीरद अंतकरणलु द्यावारा मनाद आब्बा वानमुदारा पवित्रतेला निर्दोष आयद इच्चाका स्थिर शेयाल.
\c 4
\s पवित्रता वर्तनता शिकामतेडदि
\p
\v 1 तम्मूडलु, शेवटी मीम मीरक विनंती शेस्ताम व प्रभू येशूनडमा बोध शेस्ताम की, याद वागणुकीगोण द्यावारक संतोष आवाला इदी मीरक मातीकानोल इनी तिस्कूनीर व मीर आप्रमानगोन वागास्तार, दानटल्या मीरद शना-शना वाढ आवाला. 
\v 2 कारण प्रभू येशून्द तीकनोल यादयाद आज्ञाल मीम मीरक इस्तीम आदि मीरक यरका उंडाद.
\p
\v 3 कारण परमेश्वरद इच्छा इदी उडाद की, मीरद पवित्रकरण आवाला, आंटे मीरद जारकर्मानूट दुराम निलवाला 
\v 4 इंका मीरदाटलोर प्रत्येकोरक समजायला की, यवार वारक मनाद देहाला पवित्रतेगोन व आदरबुद्धीगोन मनाद स्वाधीन यळा शेशी इयाला. 
\v 5 द्यावारक न ओळखाशातोर उन्गोजातीगों वासनेद लोभागोन शय्या कला. 
\v 6 यवाड इदी कथालोंद उल्लंघन शेशी मनाद व तम्मून्द गैरफायदा तिस्कूनेद लेद कारण प्रभू इदी आंता कथालबद्दल शासन शिशातोड उंडाद; इदी मीम मीरक पहिला शपीन्द उंड्या व बजावाशीन्द उंड्या. 
\v 7 कारण परमेश्वर मनाक अशुद्धपणा कस्रोम लेद तर पवित्रतेकसरोम पाचारण शेशीन्द उंडाद. 
\v 8 आणकेन यवाड बी नकार शेस्ताड वाड मंशीद लेद तर मीरक मनाद पवित्र आत्मा इच्च्यातोड द्यावारा वान्द नकार शेस्ताड.
\p
\v 9 तम्मू प्रेमाविषला मीम मीरक राशेद दान्द मीरक गरज लेद; कारण वगारमेंगारमिंन्दा प्रीती शेयाला, इळा मीरक द्यावाराच नेरपीन्द उंडाद; 
\v 10 इंका संपूर्ण मासेदोनियाल्द आंता तम्मूवर्गामिंदा मीर आदि शेस्केन उंडाम. तरी तम्मूलु, मीम मीरक बोध शेस्ताम की, आदि शना-शना शेयाला. 
\v 11 मीम मीरक आज्ञा शेशीन्द प्रमाण शांतीगोण निलू. ओगार मेगार्दी फनील शेषेद इंगा स्वताय शेता फनी सेयाबेक दिंदि आवड मिक नीलाला. 
\v 12 बयटूडद मंदीबराबर सभ्यतेगोन वागाशेद इंगा मीरक यमटीदबी गजर फडायाद.
\s सचीने ख्रिस्तनदी शिष्यला बद्दल समाधान
\p
\v 13 पण तम्मूडलु, नीन इच्छित लेद की, जे सच्चिनार दानइश्यला मीर अज्ञानी उंडाला, आंटे यवारक आशा लेद इळा इतरांप्रमान मीर दु:ख शय्याक. 
\v 14 कारण येशु सच्चा व इंन्का लेशा इळा जर मनाम इश्वास फेटताम, तर येशूनडमा जे सचतार वारकबी द्यावारा वान्दबराबर यतकण्यार.
\p
\v 15 कारण प्रभून्द वचना मिदूडद मीम मीरक इदी शपताम की, मनाम जिता उंडाम व जे प्रभून्द वच्चीनदन्का यक्का नील्ताम, आदि मीम आडदन्का सच्चीन्द मुदारा फयातोर कान. 
\v 16 कारण आज्ञा शेशातोरक गर्जणेगोन, आद देवदुतान्द वाणी इंका परमेश्वरद कण्ऱ्यानदी आवाज वच्ची, आप्पुड प्रभू स्वतः स्वर्गानूट उतराशी इंगा ख्रिस्ताला सच्चीन्द प्रथम लेशार. 
\v 17 मग मनाम जे जिंता उंडाम व यक्का नीलस्ताम, आदि प्रभून्क अंतराळला भेटायदेन्क मॉडामला उचलाशी फयाम इंगा आंता कालाम प्रभुबराबर निलचेद.
\p
\v 18 आणकेन मीर इदी वचनाद ओकामेकोर्दी सांत्वन शयडा.
\c 5
\s प्रभुंदी वाचकाम इंगा लेशेडदि गरज
\p
\v 1 तम्मूलु, काळ व समय दानइशय मीर यम राशेद गरज लेद. 
\v 2 कारण मी स्वताक पक्का यरका उंडाद की यळा मब्बुक दोंगाल वसताड, आळाच प्रभून्द दीनुम वच्ची. 
\v 3 “शांती उडाद, सुरक्षितता उंडाद” इळा वार आणटार, आप्पुड रंजल्मान्सी आन्तिक यला अचानक वेदना सुरू आवताद आप्रमानगोन वारद अचानक नाश आय्यी इंगा आदि निभावाशा लेद. 
\v 4 तम्मूलु, आ दिनूमला दोंगालल्यका मीर गाठाशेद इळा मीर गंडदला लेद. 
\v 5 कारण मीर आंदार यलगद प्रजा व दीनुम्द प्रजा उंडार; मनाम मब्बूद व गडदल्द लेद. 
\v 6 दानमिदूडद मनाम इनगोरगता निदार तिस्कूनाक, तर मेलका व सावध निलवाला. 
\v 7 निदार तिस्कून्यालोर मब्बूक निदार तिस्कूनतार इंगा झिंगाशातोर मब्बूक झिंगास्तार. 
\v 8 इंगा या मनाम दिनूमूद उंडाम आ मनाम सावध उंडाला; इश्वास व प्रीती इदी उरस्त्राण व तारणद आशा इदी शिरस्त्राण यसकूनेद. 
\v 9 कारण मनामिंदा क्रोध आवाला आणकेन लेद तर मनाद प्रभू येशु ख्रिस्त वानद्वारे मनाद तारण आवाला आणकेन द्यावारा मनाम्क नेमाशीन्द उंडाद. 
\v 10 प्रभू येशु क्रिस्त मानाकास्रोम दिन्कासारोम सच्च्या की, मनाम जरी यक्का नीलस्तीम इंका सचतीम तरी मनाम वानसंगा जीता निलवाला.
\p
\v 11 आणकेन मीर वगामेंगारद उस्त्साहीद शयडा इंगा वगामेंगारद येतंडा वाहिक; इदी मीर शेस्तारबी.
\s वेगवेगळा शिंगार शिक्का मतकाम इंगा पत्रद संपास्काम
\p
\v 12 इंगा तम्मूलु, मीम मीरक विनंती शेस्ताम की, जे मिरता परिश्रम शेस्तार, यावार प्रभूला मिरमिन्दा उंडार इंगा मीरक बोध शेस्तार वारतीक लक्ष्य इडा; 
\v 13 इंका वारिक वारद फानीमिदुट प्रीतीगोन शना वेदाद मानायण्डा इंका वगारमेंगार संगा शांती गोन निलू.
\p
\v 14 इप्पुड तम्मूलु, मीम मीरक बोध शेस्ताम की, याव्वर अव्यवस्थित उंडार वारिक मीर इशारा इडा, यावार अल्पधिराद उंडार वारिक धीर इडा, अशक्त उंडार आधार इडा; आंदार संगा सहनशील उडण्डा. 
\v 15 इंका मीर इदी सुडा की, यवार यवारक वाईटाबद्दल वाईट इळा निची एयाकाला; पण मिरता वगारमेंगार कसरोम व आंन्तामंदीक याद बागा उंडाद दान्द्द सतत यक्का आन्टनडा.
\p
\v 16 येपुड भी आनंद शयडा. 
\v 17 नित्य प्रार्थना शयडा. 
\v 18 प्रत्येक कथाला उपकार मानायंण्डा कारण मीर संबंदी ख्रिस्त येशुला द्यावारद इच्छा इदीच उंडाद. 
\v 19 पवित्र आत्म्याला आरपाकुंडा. 
\v 20 संदेशाल्द उपहास शयाकण्डा. 
\v 21 आंता कथाल्द पारख शयडा. याद मंचीद उडाद आदि मजबूत फटण्डा. 
\v 22 वाइटादआंता प्रकारानूट दुराम निलू.
\p
\v 23 इंगा स्वतः शांतिद द्यावारा मीरक पूर्ण पवित्र शेशी; इंका मनाद प्रभू येशु ख्रिस्त वान्द वच्चेद आइ आप्पुड मीरद आत्मा, जेम इंगा फय पूर्ण निर्दोष निलवाला. 
\v 24 मीरक जो फीलस्ताड वाड ईशवासू उंडाड; वाड आदि शेशीच.
\q
\v 25 तम्मूलु, माइच्चाका प्रार्थना शयण्डा.
\q
\v 26 आंता तम्मून्क पवित्र प्रीती तोंन नमस्कार शपण्डा.
\q
\v 27 नीन मीक प्रभून्द आज्ञा आणकेन शपतान्की की, इदी पत्र आंता तम्मून्क वाचाशी सूपण्डा.
\p
\v 28 मनाद प्रभू येशु ख्रिस्त वान्द कृपा मीर संगा उन्डला. आमेन.