\id MRK - WAGHRI
\ide UTF-8
\h ಮಾರ್ಕ
\toc3 ಮಾರ್ಕ
\toc2 ಮಾರ್ಕ
\toc1 ಮಾರ್ಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್
\mt2 ಮಾರ್ಕನು ಬರೆದ ಯೇಸುವಿನ ಸುವಾರ್ತೆ
\mt1 ಮಾರ್ಕನೆ ಲೀಖ್ಯೋತೆ ಯೇಸುನಿ ಅಛ್ಛಿ ಸಮಾಚಾರ್
\imt ಮಾಲುಮ್‌ಕರಾನು
\ip ಮಾರ್ಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್, ಯೇಸುನಿ ಸೇವೆನಿ ಬಾರೇಮ ಅಶೆಲ್‌ಥಿ ಲೀಖೈರ‍್ಹೂತೆ ಏಕ್‌ ನ್ಹಾನು ಅಛ್ಛಿ ಸಮಾಚಾರ್‌ನು ಪುಸ್ತಕ್ ಹುಯಿರ‍್ಹೂಸ್. ಅನಾಮ ಅದ್ಮಿಯೇನ ಖ್ಹಾಜೆ ಘಣು ಅಶ್ಚರ್ಯನು ಅದ್ಭುತ್ ಕಾಮ್‌ಖ್ಹಾರು ಛಾ಼. ಯೋ ಖ್ಹಾರ ಅದ್ಭುತಾ‍ಮ ಮೋಟು ಅದ್ಭುತ್ ಕತೊ, ಯೇಸು ಪ್ರಭುನೆ ಕೈಯೆಕ್ಕಿ ಲತಾಡ ಖ್ಹಮಾಳಿನ್, ಮರಿನ್‌, ಜಿವ್ತೊ ಹುಯಿನ್, ಉಠೀನ್ ಆಯೊತೇಸ್ ಹುಯಿರ‍್ಹೂಸ್.
\ip ಅನಾಮ, ಶುರುಮಾಸ್ ಲೀಖೈರ‍್ಹೂಸ್‍ಕಿ, “ದೇವ್‌ನೊ ಛಿಯ್ಯೊ ಹುಯಿರ‍್ಹೋತೆ, ಯೇಸು ಕ್ರಿಸ್ತನಿ ಬಾರೇನಿ ಅಛ್ಛಿ ಸಮಾಚಾರ್” ಕರಿ. ಅನಾಮ ಯೇಸು ಅದಿಕಾರ್ ರ‍್ಹವಾಳೊ ಅಜು಼ ಖ್ಹಾರುಸ್ ಕರಾನ ಶಕತ್‌ವಾಳೊ ಕರಿ ಮಾಲುಮ್ ಪಡಾಸ್‌. ಇನಿ ಅದಿಕಾರ್ ಅಜು಼ ಶಕತ್ ಇನೆ ಬೋಲ್ಯೊತೆ ವಾತೆಮಾಬಿ, ಭೂತ್‌ಖ್ಹಾರು ನಖ್ಹಾಡ್ಯೋತೆ ಅಜು಼ ಅದ್ಮಿನು ಪಾಪ್‌ಖ್ಹಾರು ಮಾಪ್‌ ಕರ‍್ಯೊತೆ ಇನಾಮ ದೆಖಾವಸ್. ಯೇಸು ಆಯೋತೆ ಇನೊ ಜಾನ್‌ ದೀನ್, ಅದ್ಮಿನ ಪಾಪ್‌ಥಿ ಛೋ಼ಡಾವಸ್‌ನಟೇಕೆ ಕರಿ ಯೋಸ್ ಇನಿ ಬಾರೇಮ ಬೋಲ್ಯೊ.
\ip ಅನಾಮ ಪಹಿಲೆ ಬ್ಯಾಪ್ತಿಸ್ಮ ದೆವಾಳೊ ಯೋಹಾನ್ನಿ ಬಾರೇಮ ಥೋಡು ಅಜು಼ ಯೇಸು ಬ್ಯಾಪ್ತಿಸ್ಮಲಿದೋತೆ ಅಜು಼ ಇನ ಶೋದನೆ ಹುಯೂತೆ ಇನಿ ಬಾರೇಮ ಆವಸ್. ಅನ ಬಾದ್‌ಮ ಯೇಸುನೆ ವಚನ್ ಬೋಲಿದಿದೋತೆ ಅಜು಼ ಅಛ್ಛು಼ ಕರ‍್ಯೊತೆ ಬಾರೇಮ ಆವಸ್. ಛೇಟುನಿ ಅದ್ಯಾಯಮ ಖ್ಹಾರು ಯೇಸುನಿ ಆಖ್ರಿ ವರಾನಿ ಬಾರೇಮ, ಶಿಲ್‌ಬೆಪರ್ ಮಾರ‍್ಯೂತೆ ಅಜು಼ ಮರೀನ್ ಜಿವ್ತೊ ಹುಯಿನ್ ಆಯೋತೆ ಇನಿ ಬಾರೇಮ ಲಿಖೈರ‍್ಹುಸ್.
\iot ಕಾಡಿದೇಖೊ
\io 1. ಅಛ್ಛಿ ಖಬರ್‌ನಿ ಶುರುವಾತ್. \ior 1:1-13\ior*
\io1 2. ಯೇಸುನೆ ಗಲಿಲಾಯಮ ಸೇವೆ ಕರ‍್ಯೊತೆ.\ior 1:14—9:50\ior*
\io1 3. ಗಲಿಲಾಯಾಥು ಯೆರೂಸಲೇಮ್‌ತೋಡಿ. \ior 10:1-52\ior*
\io1 4. ಖ್ಹರ್ತಿನ ವಾರಮ ಯೇಸು ಯೆರೂಸಲೇಮ್‌ಕನ ಥೋತೆ. \ior 11:1—15:45\ior*
\io1 5. ಯೇಸು ಪಾಛೊ಼ ಜಿವ್ತೊ ಹುಯಿನ್ ಆಯೋತೆ.\ior 16:1-8\ior*
\io1 6. ಜಿವ್ತೊ ಹುಯಿನ್ ಆಯೋತೆ ಪ್ರಭು ದೆಖಾಯೊತೆ, ಅಜು಼ ಪರ್‌ಲೋಕ್‌ಮ ಪಡೈಲಿದೋತೆ. \ior 16:9-20\ior*
\c 1
\s ಬ್ಯಾಪ್ತಿಸ್ಮ ದ್ಯವಾಳೊ ಯೋಹಾನನೆ ಬೋಲಿ ಖ್ಹಮ್‌ಜಾ಼ಡ್ಯೊತೆ
\r (ಮತ್ತಾಯ 3:1-12; ಲೂಕ 3:1-18; ಯೋಹಾನ 1:19-28)
\p
\v 1 ದೇವ್‌ನೊ ಛಿಯ್ಯೊ ಹುಯಿರ‍್ಹೋತೆ, ಯೇಸು ಕ್ರಿಸ್ತನಿ ಬಾರೇಮ, ಅಛ್ಛಿ ಸಮಾಚಾರ್‌ನಿ ಶುರುವಾತ್.
\q1
\v 2 ಪ್ರವಾದಿ ಯೆಶಾಯನ ದಪ್ತರ್‌ಮ ಲೀಖೈರ‍್ಹೂತೆ ತಿಮ್, “ಹಂದೇಕ್‌,
\q2 ಮಾರ ದೂತಾನ\f + \fr 1:2 \fr*\ft ಖಬರ್ ದೆವಾಳು ಕರಿ ಮತ್‌ಲಬ್\ft*\f* ತಾರ ಖ್ಹಾಮ್ಣೆ ಮೋಕ್ಲಿಶ್, ಯೋ ತಾರಿ ವಾಟ್ನ ಬರೋಬರ್‌ ಕರ್ಶೆ.\f + \fr 1:2 \fr*\ft ಮಲಾಕಿ 3.1\ft*\f*
\q1
\v 3 ಏಕ್‌ ಜ಼ಣೊ ಉಜ್ಜಾ಼ಡಿ ಝ಼ಗೋಮ\f + \fr 1:3 \fr*\ft ಯೇಸುನ ಕಾಲಾಮ ಆ ಲಖ್ಖಣ್ಣಿ ಝ಼ಗೋಮ ಪಾಣಿ ಜಾ಼ಖ್ಹತ್ ಕೋ ರ‍್ಹೆತುಥೂನಿ ಅಜು಼ ಶಾತ್ಬಿ ಪಿಕಾವಾನ ಕೊ ಹುವ್ವಾನಿತೆ ಬಂಡಾ-ಟೋಳ್‌, ರೇತ್ನಿ ಝ಼ಗೊ ಅಜು಼ ಅದ್ಮಿ ಕೊ ರ‍್ಹೇತುಥೂನೀತೆ ಝ಼ಗೊ ಹುಯಿರ‍್ಹುಥು.\ft*\f*,
\q1 “ಪ್ರಭುನಿ ವಾಟ್ನ ಖ್ಹವಾರೊ,
\q2 ಇನಿ ವಾಟ್ನ ಖ್ಹೂದು ಕರೊ” ಕರಿ ಚಿಕ್ರುಕರಾಸ್.\f + \fr 1:3 \fr*\ft ಯೆಶಾಯ 40.3\ft*\f*
\p
\v 4 ಅಮ್ ಕರಿ ಪ್ರವಾದಿ\f + \fr 1:4 \fr*\ft ದೇವ್ನ ಭಣೀಥು ವಾತೆ ಬೋಲವಾಳೊ\ft*\f* ಹುಯಿರ‍್ಹೊಥೋತೆ ಯೆಶಾಯನ ಪುಸ್ತಕ್‌ಮ ಲೀಖೈರ‍್ಹೂಸ್ತೆ ಇಮ್ಮಸ್, ಯೋಹಾನ ಉಜ್ಜಾ಼ಡಿ ಝ಼ಗೋಮ ದೆಖೈನ್, ಅದ್ಮಿ ಖ್ಹಾರಾನ, “ತುಮೆ ಪಾಪ್ ಕರಾನು ಮ್ಹೇಲಿನ್ ದೇವ್ ಭಣಿ ಫರೊ ಅಜು಼ ಬ್ಯಾಪ್ತಿಸ್ಮ ಲೇವೊ, ತದೆ ದೇವ್ ತುಮಾರು ಪಾಪ್ನ ಮಾಪ್‌ ಕರ್ಶೆ” ಕರಿ ಬೋಲ್ತೊಹುಯಿನ್ ಬ್ಯಾಪ್ತಿಸ್ಮ ದೆವ್‍ಕರ್‌ತೋಥೊ. 
\v 5 ತದೆ ಯೂದಾಯ ತಬರ್‌ಖ ಭಣೀಥು ಅಜು಼ ಯೆರೂಸಲೇಮ್‍ ಖ್ಹಯೇರ್‌ಥು ಘಣು ಅದ್ಮಿ ಯೋಹಾನಕನ ಜೈ಼ನ್, ಇವ್ಣ-ಇವ್ಣ ಪಾಪ್ನ ಕಬೂಲಿಲೀನ್‌, ಇನ ಹಾತೇಖ್ಹು ಯೊರ್ದನ್‌ ನದ್ದಿಮ ಬ್ಯಾಪ್ತಿಸ್ಮ ಕರೈಲೆವ್‌ಕರ್ತುಥು.
\p
\v 6 ಯೋಹಾನ ಊಟ್ನ ಕೇಖ್ಹ್‌ಥಿ ಬಣಾಯುಹುಯು ಲುಂಗ್ಡು ಪೇರ‍್ಹೀರಾಕ್ತೊಥೊ, ಕಂಬರ್‌ನ ಚಾ಼ಂಬ್ಡಾನು ಕಂಬರ್‌ಪಟೊ ಭಾಂದಿರಾಕ್‌ತೋಥೊ ಅಜು಼ ಚಿಡ್ಡೋಬಿ ಜ಼ಂಗಳ್ನಿ ಶೇತ್‌ ಇನು ಖಾಣು ಹುಯಿರ‍್ಹುಥು. 
\v 7 ಯೋಹಾನನೆ ಅದ್ಮಿಖ್ಹಾರನ, “ಮಾರೇಥಿಬಿ ಶಕತ್‌ವಾಳೊ ಮಾರ ಪೀಠೆ ವಳ್ಯಾವಸ್; ಮೇ ಝು಼ಕಿನ್‌ ಇನಿ ಖೋಖ್ಹ್‌ಡಾನಿ ಡೋರಿ ಛೋ಼ಡಾನಾಬಿ\f + \fr 1:7 \fr*\ft ಯೇಸುನ ಕಾಲಾಮ ಖೋಖ್ಹ್‌ಡಾನಿ ಡೋರಿ ಛೋ಼ಡಾನು ಗುಲಾಮ್‌ನು ಕಾಮ್ ಹುಯಿರ‍್ಹುಥು.\ft*\f* ಲ್ಹಾಯೇಕ್‍ಕೊಯ್ನಿ ಕರಿ ಬೋಲಿವತಾಳ್ಯೊ. 
\v 8 ಮೇ ತುಮೂನ ಪಾಣಿಥಿ ಬ್ಯಾಪ್ತಿಸ್ಮ ದೆವಾಡುಸ್; ಕತೋಬಿ ಯೋತೊ ತುಮೂನ ಪವಿತ್ರಾತ್ಮಥಿಬಿ ಬ್ಯಾಪ್ತಿಸ್ಮ ದೆವಾಡ್‌ಶೆ” ಕರಿ ಬೋಲಿವತಾಳ್ಯೊ.
\s ಯೇಸು ಬ್ಯಾಪ್ತಿಸ್ಮ ಲಿದೋತೆ ಅಜು಼ ಇನ ಶೋದನೆ ಹುಯೂತೆ
\r (ಮತ್ತಾಯ 3:13—4:11; ಲೂಕ 3:21-22; 4:1-13)
\p
\v 9 ಏಕ್‌ ದನ್ನೆ ಯೇಸು ಗಲಿಲಾಯ ತಬರ್‌ಖಾನು ನಜ಼ರೇತ್ ಕರಿ ಗಾಮ್‌ಥು ಐನ್, ಯೊರ್ದನ್‌ ನದ್ದಿಮ ಯೋಹಾನಥಿ ಬ್ಯಾಪ್ತಿಸ್ಮ ಕರೈಲಿದೊ. 
\v 10 ಯೇಸು ಬ್ಯಾಪ್ತಿಸ್ಮ ಲೀನ್, ಪಾಣಿಮಾಥೊ ಭಾರ್‌ ನಿಕಳ್‌ತಾಸ್ನ, ಸೊರ್ಗ ನಿಕ್ಳಿನ್, ದೇವ್‌ನು ಆತ್ಮ ಪರ‍್ಯಾವಾನಿಘೋಣಿ ಇನಾಪರ್ ಉತ್ರಿನ್‌ ಆಯೂತೆ ದೇಖ್ಯೊ. 
\v 11 ತದೆ ಪರಲೋಕ್‌\f + \fr 1:11 \fr*\ft ದೇವ್ ರ‍್ಹವಾನಿ ಅಜು಼ ರಾಜ಼್‌ಭಾರ್ ಚ಼ಲಾವಾನಿ ಝ಼ಗೊ\ft*\f*ಮಾಥು “ತೂ ಮಾರೊ ಪ್ಯಾರ್‌ನೊ ಛಿಯ್ಯೊ, ತಾರೇಥಿ ಮೇ ಘಣು ಖ್ಹುಶಿ ಛೂ಼” ಕರಿ ಏಕ್‌ ಅವಾಜ಼್ ಖ್ಹಮಜ್‌ಪಡ್ಯು.
\p
\v 12 ತದ್‌ನು-ತದ್ದೇಸ್ ಯೇಸುನ ಪವಿತ್ರಾತ್ಮನೆ ಉಜ್ಜಾ಼ಡಿ ಝ಼ಗೋಮ ಚ಼ಲಾಯೊ. 
\v 13 ಹಿಜ್ಜಾ಼ ಯೇಸು ಚಾ಼ಳಿಖ್ಹ್ ರೋಜ಼್ ಥೊ, ಜ಼ಂಗ್‌ಳಿ ಜಿನಾವರ್‌ಬಿ ಹಿಜ್ಜಾ಼ ಥೂ. ತದೆ ಶೈತಾನ್‌ಥಿ ಯೇಸು ಶೋದನೆಮ ಪಡ್ಯೊ. ಅಜು಼ ದೇವ್ ದೂತರ್ ಖ್ಹಾರುಐನ್ ಇನಿ ಸೇವಾ-ಚಾ಼ಕ್ರಿ ಕರ‍್ಯು.
\s ಯೇಸುನೆ ಮಾಛ್ಲು಼ ಖ್ಹಾವಾಳ ಚಾರ್ ಜ಼ಣಾನ ಬುಲಾಯೋತೆ
\r (ಮತ್ತಾಯ 4:12-22; ಲೂಕ 4:14-15; 5:1-11)
\p
\v 14 ಯೋಹಾ‍ನನ ಜೇಲ್‌ಮ ಕೋಂಡಿನ್‌ ಘಾಲಿದೆವಾನ ಬಾದ್‌ಮ ಯೇಸು ಗಲಿಲಾಯ ತಬರ್‌ಖಾನ ಆಯಿನ್ ದೇವ್ನಿ ಸುವಾರ್ತೆನ ಅಮ್ ಬೋಲಿ ಒತಾಳ್ಯೊಕಿ, 
\v 15 “ದನ್‌ಖ್ಹಾರ ಭರೈಗ, ದೇವ್ನಿ ರಾಜ್ಯ ಖನ್ನೆ ಐಗು! ತುಮಾರು ಪಾಪ್ನ ಖ್ಹಾರು ಮ್ಹೇಲಿನ್ ದೇವ್‌ಭಣಿ ಫರಿನ್, ದೇವ್ನಿ ಅಛ್ಛಿ ಸಮಾಚಾರ‍್ನ ನಂಬೊ!” ಕರಿ ಬೋಲ್ಯೊ.
\p
\v 16 ಏಕ್‌ ದನ್ನೆ ಯೇಸು ಗಲಿಲಾಯ ದರ‍್ಯಾವ್ನ ಕನಾರೆಕರಿ ವಳ್ಯೊಜಾ಼ತೊಥೊ. ತದೆ ಜಾ಼ಳು ನಾಖುಕರ್ತಥಾತೆ ಸೀಮೋನ್‌ ಅಜು಼ ಇನೊ ನ್ಹಾನೊ ಭೈ ಅಂದ್ರೆಯನ ದೇಖ್ಯೊ. ಅವ್ಣೆ ಮಾಛ಼್ಲ ಖ್ಹಾವಾಳ ಹುಯಿರ‍್ಹಾಥ. 
\v 17 ಯೇಸುನೆ ಇವ್ಣುನ, “ಮಾರ ಕೇಡೆ ಆವೊ, ಮೇ ತುಮೂನ ಮಾಛ಼್ಲ ಖ್ಹಾವಾಳಾನಿತರ ಕಾಹೆ ಅದ್ಮಿನ ಖ್ಹಾವಾಳಾನಿತರ ಬಣವುಸ್. ಕರಿ ಬೋಲ್ಯೊ. 
\v 18 ಅಮ್ ಬೋಲ್ತಾಸ್‌ನ ಇವ್ಣೆ ಇವ್ಣು ಜಾ಼ಳುಖ್ಹಾರು ಮ್ಹೆಂದಿನ್ ಯೇಸುನ ಕೇಡೆ ಗಯ.
\p
\v 19 ಯೇಸು ಬಿಜು಼ ಜ಼ರ ಖ್ಹಾಮ್ಣೆ ಜೈ಼ನ್, ಜೆಬೆದಾಯನೊ ಛಿಯ್ಯೊ ಯಾಕೋಬನಾಬಿ ಅಜು಼ ಇನೊ ನ್ಹಾನೊ ಭೈ ಯೋಹಾನ್ನ ದೇಖ್ಯೊ. ಇವ್ಣೆ ಡೋಣ್‌ಮ ಜಾ಼ಳಾನ ಬರೋಬರ್ ಕರುಕರ್ತಥ. 
\v 20 ದೇಕ್‍ತಾಸ್, ಇವ್ಣುನಾಬಿ ಬುಲಾಯೊ; ಬುಲಾವ್‍ತಾಸ್‍ನ ಇವ್ಣೆ ಇವ್ಣೊ ಬಾ ಜೆಬೆದಾಯನ ಕೂಲಿಆಳ್‍ನ ಜೋ಼ಡೆ ಡೋಣ್‌ಮ ಮ್ಹೆಂದಿನ್ ಯೇಸುನ ಕೇಡೆ ಗಯ.
\s ಭೂತ್ ಧರೀರಾಖ್ಯುಥೂತೆ ಏಕ್‌ ಅದ್ಮಿನಿ ಬಾರೇಮ
\r (ಲೂಕ 4:31-37)
\p
\v 21 ಬಾದ್‌ಮ ಯೇಸುಬಿ ಇನು ಶಿಷ್ಯರ್‌ ಕಪೆರ್ನೌಮ್ ಕರಿ ಗಾಮ್‌ನ ಗಯ, ಹಿಜ್ಜಾ಼ ಸಬ್ಬತ್‌ ದನ್ನೆ\f + \fr 1:21 \fr*\ft ವಾರಾನೊ ಖ್ಹಾತ್‌ನೊ ದನ್ನ ಸಬ್ಬತ್‌ನೊ ರೋಜ಼್ ಕರಿ ಬೋಲಾಸ್. ಆ ದನ್ ಯೆಹೂದ್ಯರ್ ಲೋಗ್‌ನು ಆರಾದನೆ ಕರಾನೊ ದನ್ ಅಜು಼ ಅರಾಮ್ ಕರಾನೊ ದನ್ ಹುಯಿರ‍್ಹೋಸ್.\ft*\f* ಯೇಸು ಸಬೆ ಭರಾವಾನು ಮಂದಿರ್‌ಮ\f + \fr 1:21 \fr*\ft ಯೆಹೂದ್ಯರ್ ಲೋಗ್‌ನು ಆರಾದನೆ ಕರಾನು ನ್ಹಾನು ಮಂದಿರ್‌\ft*\f* ಜೈ಼ನ್ ವಚನ್ ಬೋಲಿದೆವಾನಿಕ್‍ಳ್ಯೊ. 
\v 22 ಅದ್ಮಿಖ್ಹಾರು ಯೇಸುನಿ ಭೋದನ್ನ ಖ್ಹಮ್‌ಜಿನ್‌, ಘಣು ಆಶ್ಚರ್ಯಖಾದು. ಶನಕತೊ ಯೋ ಮೋಶೆನಿ ವಚನ್‍ ಶಿಕಾಡವಾಳ ಶಾಸ್ತ್ರಿಯೇನಿ\f + \fr 1:22 \fr*\ft ಅವ್ಣೆ ಯೆಹೂದ್ಯರ್ ಲೋಗ್‌ಮ ಮೋಶೆನಿ ವಚನ್ನ ಅಛ್ಛಿನಿತರ ಶಿಕಿಹುಯು ಅಜು಼ ಬಿಜಾ಼ನ ಶಿಕಾಡವಾಳು.\ft*\f*ಘೋಣಿ ಕಾಹೆತೆ, ಅದಿಕಾರ್ ರ‍್ಹವಾಳಾನಿತರ ವಾಕ್ಯ ಬೋಲ್ತೊಥೊ.
\p
\v 23 ತದೆ ಯೋ ಸಬೆ ಭರಾವಾನು ಮಂದಿರ್‌ಮ ಭೂತ್‌ ಧರಿರಾಖ್ಯುಥೂತೆ ಏಕ್‌ ಅದ್ಮಿ ಆಯು. 
\v 24 ಯೋ ಚಿಕ್ರಿನ್, “ನಜ಼ರೇತ್‌ನೊ ಯೇಸು, ಹಮಾರೇಥಿ ತುನ ಶಾತ್‌ ಛಾ಼? ಹಮೂನ ಬರ್ಬಾತ್ ಕರಾನ ಆಯೊಕಿ ಶು? ತು ಕೋಣ್ ಕರಿ ಮನ ಮಾಲುಮ್; ತೂ ದೇವ್‌ನೊ ಪವಿತ್ರ್‌ ಛಿಯ್ಯೊ ಹುಯಿರ‍್ಹೋಸ್” ಕರಿ ಬೋಲ್ಯು.
\p
\v 25 ಯೇಸುನೆ ಯೋ ಭೂತ್‌ನ ಗುರ್‌ಕೈನ್, “ಖ್ಹೊಪ್‌ರ‍್ಹೆ, ಅನ ಮ್ಹೆಂದಿನ್ ಭಾರ್‌ನಿಕಳ್‌” ಕರಿ ಬೋಲ್ಯೊ.
\p
\v 26 ತದೆ ಯೋ ಭೂತ್‍ನೆ ಯೋ ಅದ್ಮಿನ ಧಡಾಶಮರೈನ್, ಜೋ಼ರೇಖ್ಹು ಚಿಕ್ರಿನ್ ಭಾರ್‌ ನಿಕ್ಳಿಗಯು. 
\v 27 ಅನ ದೇಖಿನ್‌ ಅದ್ಮಿಖ್ಹಾರು ಆಶ್ಚರ್ಯಖೈನ್, “ಆ ಶಾತ್ ನವಿ ತರ‍್ಹಾಥಿ ಬೋಲಿ ದೇಯಿತೆ? ಯೇಸು ಅದಿಕಾರ್‌ಥಿ ಭೂತ್‌ಅಖ್ಖಾನಬಿ ಹುಕುಮ್‌ ದೇಸ್‌ನಿ, ಭೂತ್‌ ಖ್ಹಾರುಬಿ ಇನಿ ವಾತ್ ಖ್ಹಮ್‌ಜಾ಼ಸ್‌ನಿ!” ಕರಿ ಏಕ್‌ಥಿ ಏಕ್‌ ಬೋಲಿಲಿದು.
\p
\v 28 ಜ಼ಲ್ದೀಸ್‍ಮ ಯೇಸುನಿ ಬಾರೇಮನಿ ಖಬರ್ ಗಲಿಲಾಯ ತಬರ್‌ಖಾನು ಖ್ಹಾರಿ ಬಾಜು಼ಮ ಫೈಲಿಗಯು.
\s ಯೇಸುನೆ ಘಣ ಅದ್ಮಿನ ಅಛ್ಛು಼ ಕರ‍್ಯೊತೆ
\r (ಮತ್ತಾಯ 8:14-17; ಲೂಕ 4:38-41)
\p
\v 29 ಬಾದ್‌ಮ ಇವ್ಣೆ ಸಬಾಮಂದಿರ್‌ಥ ನಿಕ್ಳಿನ್‌ ಯಾಕೋಬಬಿ ಯೋಹಾನ್ನ ಜೋ಼ಡೆ ಸೀಮೋನ್‍ಬಿ ಅಂದ್ರೆಯನ ಘರ್‌ಕನ ಗಯ. 
\v 30 ಹಿಜ್ಜಾ಼ ಸೀಮೋನನಿ ಖ್ಹಾಖ್ಹು ತಾವ್ ಐನ್ ಖ್ಹುತೀಥಿ, ಒಗ್ಗಿಸ್‌ಮ ಇವ್ಣೆ ಇನಿ ಬಾರೇಮ ಯೇಸುನ ಬೋಲ್ಯು. 
\v 31 ಯೇಸು ಸೀಮೋನನಿ ಖ್ಹಾಖ್ಹುನ ಖನ್ನೆ ಜೈ಼ನ್, ಇನೊ ಹಾತ್ ಧರೀನ್ ಉಠಾಡ್‌ತಾಖ್ಹತರ್‌, ಇನೊ ತಾವ್ ಉತ್ರಿಗಯೊ. ತದೆ ಯೋ ಉಠೀನ್ ಇವ್ಣಿ ಸೇವಾ-ಚಾ಼ಕ್ರಿ ಕರಿ.
\p
\v 32 ದನ್ ಡುಬಾನ ಬಾದ್‌ಮ ಖ್ಹಾಂಜ಼್‍ನು, ಅದ್ಮಿಖ್ಹಾರು ರೋಗ್‌ಮ ರ‍್ಹವಾಳ ಖ್ಹಾರಾನ ಅಜು಼ ಭೂತ್ ಧರಿರಾಖವಾಳ ಖ್ಹಾರಾನ ಯೇಸುಕನ ಲೀನ್ ಆಯು. 
\v 33 ಗಾಮ್‍ ಅಖ್ಖೂಸ್ ಯೋ ಘರ್‌ನ ಬಾಕಲ್‌ನ ಖ್ಹಾಮ್ಣೆ ಭರೈರ‍್ಹೂಥು. 
\v 34 ತದೆ ಯೇಸು ಖ್ಹಾರಿ ತರ‍್ಹಾನು ರೋಗ್‍ವಾಳ ಘಣ ಅದ್ಮಿನ ಅಛ್ಛು಼ ಕರ‍್ಯೊ. ಅಜು಼ ಘಣು ಭೂತ್ ಖ್ಹಾರು ಕಾಡ್ಯೊ, ಯೋ ಭೂತ್ ಖ್ಹಾರಾನ ಯೇಸು ಕೋಣ್‌ಕರಿ ಮಾಲುಮ್ ಥು, ಇನಾಖ್ಹಾಜೆ ಯೋ ಭೂತ್ ಖ್ಹಾರಾನ ವಾತ್ ಬೋಲಾದಿದೊಕೊಯ್ನಿ.
\s ಗಲಿಲಾಯಮ ಯೇಸುನಿ ಉಪದೇಶ್
\r (ಲೂಕ 4:42-44)
\p
\v 35 ಇನ ವ್ಹಾಣೇಸ್ ವೇಳಿ ದನ್ ನಿಕ್ಳಾನ ಅಗಾಡಿ, ಅಂಧಾರು ರ‍್ಹಾವಾನಿಸ್ ವಖ್ಹತ್‌ಮ, ಯೇಸು ಉಠೀನ್ ಘರ್ ಮ್ಹೆಂದಿನ್ ಉಜ್ಜಾ಼ಡಿ ಝ಼ಗೋಪರ್ ಜೈ಼ನ್, ಪ್ರಾರ್ಥನೆ ಕರುಕರ್ತೊಥೊ. 
\v 36 ಬಾದ್‌ಮ ಸೀಮೋನ್‍ಬಿ ಇನ ಜೋ಼ಡ್ಮ ರ‍್ಹವಾಳು ಯೇಸುನ ಢೂಂಡ್‌ತುಹುಯಿನ್ ಹಿಜ್ಜಾ಼ ಆಯು. 
\v 37 ಹಿಜ್ಜಾ಼ ಯೇಸುನ ಮಳಿನ್, “ಅಖ್ಖುಜ಼ಣು ತುನಾಸ್ ಢೂಂಡುಕರಾಸ್” ಕರಿ ಬೋಲ್ಯು.
\p
\v 38 ತದೆ ಯೇಸುನೆ ಇವ್ಣುನ, “ಅಪ್ಣೆ ಖನ್ನೆ ಛಾ಼ತೆ ಬಿಜ಼ಖ್ಹಾರ ಗಾಮ್‌ನಾಬಿ ಜ಼ಯ್ಯೆ಼. ಹಿಜ್ಜಾ಼ಬಿ ಮೇ ದೇವ್ನಿ ಅಛ್ಛಿ ಖಬರ್‌ನ ಬೋಲ್‌ನು; ಅನಾಸ್‍ಖ್ಹಾಜೆ ಮೇ ಐರ‍್ಹೋಸ್ತೆ” ಕರಿ ಖ್ಹಮ್‌ಜಾ಼ಡ್ಯೊ.
\p
\v 39 ಬಾದ್‌ಮ ಯೇಸು ಗಲಿಲಾಯ ತಬರ್‌ಖಾನು ಖ್ಹಾರಿ ಬಾಜು಼ಮ ಜೈ಼ನ್, ಸಬೆ ಭರಾವಾನು ಮಂದಿರ್‌ಮ ದೇವ್ನಿ ಅಛ್ಛಿ ಖಬರ್‌ನ ಬೋಲ್ತೊಹುಯಿನ್, ಭೂತ್‌ಖ್ಹಾರು ಕಾಡುಕರ್ತೊಥೊ.
\s ಯೇಸುನೆ ಏಕ್‌ ಅದ್ಮಿನ ಅಛ್ಛು಼ ಕರ‍್ಯೊತೆ
\r (ಮತ್ತಾಯ 8:1-4; ಲೂಕ 5:12-16)
\p
\v 40 ಖೋಡ್‍ ಲಾಗಿಹುಯು ಏಕ್‌ ಜ಼ಣೊ ಯೇಸುಕನ ಐನ್, ಇನ ಖ್ಹಾಮ್ಣೆ ಢುಕ್‌ಣ್ಯ ಟೇಕಿನ್, “ಮನ ಅಛ್ಛು಼ ಕರಾನ ತಾರೇಥಿ ಹುವಾಸ್, ತುನ ಮನ್ ಉಶೇತೊ ಮನ ಶುದ್ದಿ\f + \fr 1:40 \fr*\ft ಯೆಹೂದ್ಯರ್ ಲೋಗ್‌ನು ಪದತ್ತಿಮ ಕೊಹೊಡ್ ಲಾಗವಾಳು ಖ್ಹಾರು ಪಾಪ್ ಕರ‍್ಯುಹುಯು ಗಲೀಜ಼್ ಅದ್ಮಿಕರಿ ಬೋಲಿನ್ ದೂರ್ ರಾಕ್‍ತುಥು. \ft*\f* ಕರೆಜಾ಼ಯ್” ಕರಿ ಗಿಂಗೈಲಿದೊ.
\p
\v 41 ತದೆ ಯೇಸುನೆ ಇನಾಪರ್ ಘಣು ಗೋರ್‌ಖೈನ್, ಇನ ಹಾತೇಖ್ಹು ಛೀಮಿನ್‌, “ಮನ ಮನ್ ಛಾ಼; ಶುದ್ದಿ ಹೂ” ಕರಿ ಬೋಲ್ಯೊ. 
\v 42 ಅಮ್ ಬೋಲ್ತಾಸ್‌ನ ಇನು ಖೋಡ್‌ಖ್ಹಾರು ನಿಕ್ಳಿಜೈ಼ನ್, ಯೋ ಪಾಕ್‌ ಹುಯಿಗೊ. 
\v 43-44 ತದೆ ಯೇಸುನೆ ಇನ ಝೇತೈನ್‌, “ಹಂದೇಕ್, ಮೇ ತುನ ಅಛ್ಛು಼ ಕರ‍್ಯೊ ಕರಿ ಕಿನಾಬಿ ನಕೊ ಬೋಲೀಶ್‌; ಕತೋಬಿ ತು ಯಾಜಕಕನ ಜೈ಼ನ್ ತಾರು ಆಂಗ್‌ತನ್‌ ವತಾಳಿನ್ ಮೋಶೇನೆ ಶುದ್ದಿನಖ್ಹಾಜೆ ಹುಕುಮ್‌ ದೀರಾಖ್ಯೋತೆ\f + \fr 1:43-44 \fr*\ft ಯಾಜಕಕಾಂಡ 14.1-32\ft*\f* ಇಮ್‌, ಕಾಣ್ಕೆ ಖ್ಹಾರು ಲೀಜೈ಼ನ್ ದೇ. ಯೋಅಖ್ಖು ಅದ್ಮಿವೋನ ಸಾಕ್ಷಿ ಹುಯಿರ‍್ಹವಾದೆ ಅಮ್ ಕರಿ ಬೋಲಿನ್ ಇನ ಒಗ್ಗಿಸ್ ಮೋಕ್ಲಿದಿದೊ.
\p
\v 45 ಕತೋಬಿ ಯೋ ಚ಼ಲ್ಯೂಜೈ಼ನ್, ಯೇಸುನೆ ಇನ ಅಛ್ಛು಼ ಕರ‍್ಯೊ ಕರಿ ಬೋಲಿನ್‌ ಖ್ಹಾರಿ ಬಾಜು಼ಮ ಫೈಲೈನಾಖ್ಯು. ಅನೇಥಿ ಯೇಸು ಬಿಜು಼ ಖೆವ ಗಾಮ್ಮಾಬಿ ಖ್ಹಾರಾನ ದೆಖಾವಾನಿ ಘೋಣಿ ಜಾ಼ವಾನ ಕೋ ಹುಯುನಿ. ಇನಾಖ್ಹಾಜೆ ಯೇಸು ಭಾರ್‌ ಉಜ್ಜಾ಼ಡಿ ಝ಼ಗೋಮ ಜೈ಼ನ್ ಥೊ, ತೋಬಿ ಚಾರ‍್ಹೆ ಆಡಿಥು ಅದ್ಮಿಖ್ಹಾರು ಇನಾಕನ ಅವ್‌ಕರ್ತುಥು.
\c 2
\s ಯೇಸುನೆ ಲಕ್‍ವೊ ಮಾರಿರಾಖವಾಳ ಏಕ್‌ ಅದ್ಮಿನ ಅಛ್ಛು಼ ಕರ‍್ಯೊತೆ
\r (ಮತ್ತಾಯ 9:1-8; ಲೂಕ 5:17-26)
\p
\v 1 ಥೋಡ ದನ್ನ ಬಾದ್‌ಮ ಯೇಸು ಕಪೆರ್ನೌಮ್ ಗಾಮ್ಮ ಪಾಛೊ಼ ಗಯೊ, ಅಜು಼ ಯೋ ಘರ್‌ಮ ಛಾ಼ ಕರಿ ಖಬರ್ ಫೈಲಿಗಯು. 
\v 2 ಅನ ಖ್ಹಮ್‌ಜಿನ್‌ ಘಣು ಅದ್ಮಿ ಐನ್ ಭರೈಜೈ಼ನ್, ಘರ್‌ನ ಮಹಿ ಗೋಡೊ ಮ್ಹೇಲಾನಬಿ ಝ಼ಗೊ ಕೋ ಥೂನಿ, ಬಾಕಲ್‍ಕನಾಬಿ ಝ಼ಗೊ ಕೋ ಥೂನಿ. ಯೇಸು ಇವ್ಣುನ ವಚನ್ ಬೋಲಿ ದೆವ್‍ಕರ್‌ತೋಥೊ. 
\v 3 ತದೆ ಚಾರ್ ಅದ್ಮಿನೆ, ಏಕ್‌ಜ಼ಣೊ ಲಕ್‍ವೊ ಮಾರ‍್ಯುಹುಯಾನ ಹಿಜ್ಜಾ಼ ಪಳ್ಳಿನ್‌ ಆಯು. 
\v 4 ಹಿಜ್ಜಾ಼ ಅದ್ಮಿನಿ ಭೀಡ್ ಭರೈರ‍್ಹಿಥೀತೆ ಇನಾಖ್ಹಾಜೆ, ಮಹಿ ಯೇಸುಕನ ಇನಲೀನ್ ಆವಾನ ಕೋ ಹುಯೂನಿ. ಇನಾಖ್ಹಾಜೆ ಇವ್ಣೆ ಯೋ ಘರ್‌ನ ಛ಼ತ್‍ಪರ್‌ ಚ಼ಢೀನ್, ಯೇಸುನಿ ನೇರ್ ಉಪ್ಪರ್ ಛ಼ತ್‍ನ ಥೋಡು ಕಾಡಿನಾಖಿದೀನ್, ಮೋಟಿ ಖೀಂಡ್ ಬಣೈನ್ ಇನಾಮಾಕರಿ ಯೋ ಲಕ್‍ವೊ ಮಾರಿರಾಖವಾಳನ ಖ್ಹುಡೈರಾಖ್ಯುಥೂತೆ ಬಿಛಾ಼ವ್ಣಿ ಖ್ಹಮೇದ್ ಇಮ್ಮಸ್ ಹೇಟ್ ಉತಾರ‍್ಯು. 
\v 5 ಯೇಸುನೆ, ಇವ್ಣೆ ಎತ್ರೇ ಇನಾಪರ್ ವಿಶ್ವಾಸ್ ಕರ‍್ಯುತೆ ದೇಖಿನ್, ಯೋ ಲಕ್‍ವೊ ಮಾರಿರಾಖವಾಳನ, “ಛಿಯ್ಯಾ, ತಾರು ಪಾಪ್‌ಖ್ಹಾರು ಮಾಪ್‌ ಹುಯಿಗಯು” ಕರಿ ಬೋಲ್ಯೊ.
\p
\v 6 ಹಿಜ್ಜಾ಼ ಮೋಶೇನು ವಚನ್‍ ಶಿಕಾಡವಾಳು ಶಾಸ್ತ್ರೀಮ ಥೋಡು ಜ಼ಣು ಬೆಠೂಥು. 
\v 7 ಇವ್ಣೆ, “ಆ ಅಮ್ ಶನ ಬೋಲಾಸ್ತೆ? ಆ ದೇವ್ನ ಚಿಂಘಾವ್ಣಿ ಕರಾನಿ ವಾತೆ, ದೇವ್ನ ಮ್ಹೇಲಿನ್ ಬಿಜು಼ ಕಿನೇಥಿ ಪಾಪ್‌ಖ್ಹಾರು ಮಾಪ್‌ ಕರಾನ ಹುವಾನು? ಕರಿ ಇವ್ಣ-ಇವ್ಣ ದಿಲ್ಮ ಸೋಚಾಲಗ್ಯು.
\p
\v 8 ಯೇಸುನೆ ತದ್‌ನು-ತದೇಸ್‌ ಇವ್ಣೆ ಮನ್‌ಮ ಇಮ್‌ ಸೋಚುಕರಾತೆ ಮಾಲುಮ್ ಕರಿಲೀನ್, “ತುಮೆ ತುಮಾರ ದಿಲ್ಮ ಶನ ಅಮ್ ಸೋಚುಕರಾಸ್ತೆ? 
\v 9 ಕೆಹು ಶುಲ್ಬ? ಆ ಲಕ್‌ವೊ ಮಾರಿರಾಖವಾಳನ, ‘ತಾರು ಪಾಪ್‌ಖ್ಹಾರು ಮಾಪ್ ಹುಯಿಗಯು’ ಕರಿ ಬೋಲಾನುಕಿ, ನಾತೊ ‘ಉಠೀನ್ ತಾರಿ ಬಿಛಾ಼ವ್ಣಿ ಪಳ್ಳಿನ್‌ ಚಾ಼ಲ್’ ಕರಿ ಬೋಲಾನು? 
\v 10 ಕತೋಬಿ ಮೇ ತುಮೂನ ಅದ್ಮಿನೊ ಛಿಯ್ಯಾನ ಜ಼ಮೀನ್‌ಪರ್ ಪಾಪ್‌ಖ್ಹಾರು ಮಾಪ್‌ಕರಾನ ಹಕ್‌ ಛಾ಼, ಕರಿ ವತಾಳುಸ್‌” ಅಮ್ ಬೋಲಿನ್ ಯೋ ಲಕ್‌ವೊ ಮಾರಿರಾಖವಾಳ ಭಣಿ ದೇಖಿನ್, 
\v 11 “ಉಟ್, ತಾರಿ ಬಿಛಾ಼ವ್ಣಿ ಪಳ್ಳಿನ್‌, ಘರೆ ಜಾ಼! ಕರಿ ಮೇ ತುನ ಬೋಲುಸ್” ಕರಿ ಬೋಲ್ಯೊ.
\p
\v 12 ಅಮ್ ಬೋಲ್ತಾಸ್‌ನ ಇನೆ ಉಠೀನ್, ಇನಿ ಬಿಛಾ಼ವ್ಣಿನ ಪಳ್ಳಿನ್, ಅಖ್ಖಾನ ದೇಕ್ತಾಡೋಳೆ ಭಾದರ್ ಚ಼ಲೆಗಯೊ. ಅನ ದೇಖಿನ್ ಖ್ಹಾರುಜ಼ಣು ಘಣು ಅಶ್ಚರ್ಯಹುಯಿನ್, “ಹಮೆ ಹಂಕೆತೋಡಿ ಕದೇಬಿ ಅಮ್ನು ದೇಖೀಸ್‌ರಾಖ್ಯಕೊಯ್ನಿ” ಕರಿ ದೇವ್ನ ಸ್ತುತಿ ಕರ್ತುಹುಯಿನ್ ಬೋಲ್ಯು.
\s ಯೇಸುನೆ ಲೇವಿನ ಬುಲಾಯೋತೆ
\r (ಮತ್ತಾಯ 9:9-13; ಲೂಕ 5:27-32)
\p
\v 13 ಯೇಸು ಪಾಛೊ಼ಫರಿನ್ ಗಲಿಲಾಯ ದರ‍್ಯಾವ್ನ ಕನಾರೆಕನ ಗಯೊ. ಅದ್ಮಿನಿ ಝೂ಼ಂಡ್‌ಖ್ಹಾರು ಇನಾಕನ ಆವಾದಿನ್, ಯೇಸು ಇವ್ಣುನ ವಚನ್ ಬೋಲಿ ದೆವಾಲಗ್ಯೊ. 
\v 14 ಯೇಸು ಹಿಜ್ಜಾ಼ಥೊ ಜಾ಼ತೊರ‍್ಹವಾನಿ ವಖ್ಹತ್‌ಮ, ಶುಂಕ ಮಾಂಗಾನಿ ಝ಼ಗೋಪರ್‌ ಬೆಠೊಥೋತೆ ಅಲ್ಫಾಯನೊ ಛಿಯ್ಯೊ ಲೇವಿನ ದೇಖಿನ್, “ಮಾರ ಪೀಠೆ ಆವ್” ಕರಿ ಬುಲಾಯೊ. ಯೋ ಉಠೀನ್ ಯೇಸುನ ಪೀಠೆ ಗಯೊ.
\p
\v 15 ಅನ ಬಾದ್‌ಮ ಯೇಸು ಲೇವಿನ ಘರ್‌ಮ ಖಾಣನ ಬೆಠೋಥೊ. ಇನ ಪೀಠೆ-ಪೀಠೆ ಆಯುಹುಯು ಘಣು ಜ಼ಣು ಶುಂಕ ಮಾಂಗವಾಳು ಅಜು಼ ಪಾಪಿಖ್ಹಾರು, ಯೇಸು ಅಜು಼ ಇನ ಶಿಷ್ಯರ್‌ನ ಜೋ಼ಡೆ ಖಾಣನ ಬೆಠೂಥು. 
\v 16 ಹಿಜ್ಜಾ಼ ಪರಿಸಾಯರ್‌ನಿ\f + \fr 2:16 \fr*\ft ಫರಿಸಾಯರ್ ಕತೊ ಯೆಹೂದ್ಯರ್ ಲೋಗ್‌ನು ಏಕ್‌ ಝೂ಼ಂಡ್‌‍ನು ಅದ್ಮಿ. ಅವ್ಣೆ ಹಮೇಸ್ ಬರೋಬರ್, ಹಮಾರೀಸ್ ಚಾ಼ಲ್ನು ಕರಿ ಬೋಲಾವಾಳು\ft*\f* ಝೂ಼ಂಡ್‌ವಾಳು ಹುಯಿರ‍್ಹುಥೂತೆ, ಮೋಶೆನಿ ವಚನ್ ಶಿಕಾಡವಾಳು ಶಾಸ್ತ್ರಿಮ ಥೋಡು ಜ಼ಣು, ಯೇಸು ಶುಂಕ ಮಾಂಗವಾಳನ ಅಜು಼ ಪಾಪಿ ಅದ್ಮಿನ ಜೋ಼ಡೆ ಖಾಣು ಖಾತಾನ ದೇಖ್ಯು. ತದೆ ಇವ್ಣೆ ಯೇಸುನ ಶಿಷ್ಯರ್‌ನ, “ಯೋ ಅಮ್ನಅದ್ಮಿನ ಜೋ಼ಡೆ ಶನ ಖಾಣು ಖಾಸ್ತೆ?” ಕರಿ ಬೋಲ್ಯು.
\p
\v 17 ಅನ ಖ್ಹಮ್‌ಜಿನ್‌ ಯೇಸುನೆ, “ಅಛ್ಛು಼ರ‍್ಹಾವಾಳನ ವೈದ್ಯನಿ ಜ಼ರೂರತ್ ಕೊಯ್ನಿ, ರೋಗ್‌ಮ ರ‍್ಹಾವಾಳನ ವೈದ್ಯನಿ ಜ಼ರೂರತ್ ಛಾ಼. ಮೇ ಆಯೋತೆ ನೀತಿವಾಳನ ಬುಲಾವನ ಕಾಹೆ, ಪಾಪಿ ಖ್ಹಾರಾನ ಬುಲಾವನ ಆಯೋತೆ” ಕರಿ ಬೋಲ್ಯೊ.
\s ಉಪವಾಸ್‌ನಿ ಬಾರೇಮ ಪುಛಾ಼ಯೂತೆ
\r (ಮತ್ತಾಯ 9:14-17; ಲೂಕ 5:33-39)
\p
\v 18 ಬಾಪ್ತಿಸ್ಮ ದ್ಯವಾಳೊ ಯೋಹಾನನು ಶಿಷ್ಯರ್‌ಬಿ, ಫರಿಸಾಯರ್‌ನು ಶಿಷ್ಯರ್‌ ಉಪವಾಸ್ ಥು. ತದೆ ಥೋಡು ಅದ್ಮಿ ಯೇಸುಕನ ಆಯಿನ್, “ಯೋಹಾನನು ಶಿಷ್ಯರ್‌ಬಿ ಫರಿಸಾಯರ್‌ನು ಶಿಷ್ಯರ್‌ ಖ್ಹಾರು ಉಪವಾಸ್ ರ‍್ಹೇಸ್‌ನಿ, ತಾರು ಶಿಷ್ಯರ್‌ ಶನ ಉಪವಾಸ್ ಕೋ ರ‍್ಹೇಯ್ನಿ?” ಕರಿ ಪುಛಾ಼ಯು.
\p
\v 19 ತದೆ ಯೇಸುನೆ ಇವ್ಣುನ, “ವ್ಯಹಾನ ಆಯೂತೆ ಅದ್ಮಿ ಇವ್ಣ ಜೋ಼ಡೆ ನೌಶೊ ರ‍್ಹವಾಪರ್ ಉಪವಾಸ್ ರಹೆಜಾ಼ಯ್‌ ಕಿಶು? ನೌಶೊ ವ್ಯಹಾನಘರ್‌ಮ ಇವ್ಣ ಜೋ಼ಡೆ ರ‍್ಹಾವಾಲಗು ಇವ್ಣೆ ಉಪವಾಸ್ ಕೋ ರ‍್ಹೇಯ್ನಿ. 
\v 20 ಕತೋಬಿ, ನೌಶೊನ ಇವ್ಣಕಂಥು ಲೀಜಾ಼ವಾನ ದನ್ ಆವ್‌ಶೆ, ಯೋ ದನ್‌ಮಾಸ್ ಇವ್ಣೆ ಉಪವಾಸ್ ರ‍್ಹಿಶೆ.
\p
\v 21 ಕೋಣ್‌ಬಿ ಫಾಟಿಹುಯು ಜೂ಼ನ ಲುಂಗ್ಡಾನ ಕೇಡೆ ನವು ಲುಂಗ್ಡಾನು ಥಿಗ್‌ಳು ಲಗಾಡಿನ್ ಶಿವಾಕೊಯ್ನಿ, ಇಮ್‌ ಶಿವಿತೊ ಯೋ ನವು ಲುಂಗ್ಡಾನು ಥಿಗ್‌ಳು ಖೇಚಾ಼ವಸ್ತೆ ಇನಖ್ಹಾಜೆ, ಯೋ ಜೂ಼ನು ಲುಂಗ್ಡು ಬಿಜೂ಼ಬಿ ಜಾ಼ಖ್ಹತ್ ಫಾಟಿಜಾ಼ಸ್‌. 
\v 22 ಇಮ್ಮಸ್ ಕೋಣ್‌ಬಿ ಜೂ಼ನಿ ಚಾ಼ಂಬ್ಡಾನಿ ತಿತ್ತಿಯೇಮ ನವು ದ್ರಾಕ್ಷಿನು ರಖ್ಹ್‌ ಭರಿ ಮ್ಹೇಲಾಕೊಯ್ನಿ, ಇಮ್‌ ಭರಿ ಮ್ಹೇಲ್ಯೂತೊ, ಯೋ ನವು ದ್ರಾಕ್ಷಿನು ರಖ್ಹ್‌ ಯೋ ಜೂ಼ನಿ ಚಾ಼ಂಬ್ಡಾನಿ ತಿತ್ತಿನ ಫೋಡಿನಾಖಸ್. ತದೆ ದ್ರಾಕ್ಷಿನು ರಖ್ಹ್‌ಬಿ ಚಾ಼ಂಬ್ಡಾನಿ ತಿತ್ತಿಯೇಬಿ ಭೇ ಖರಾಬ್ ಹುಯಿಜಾ಼ಸ್. ಇನಾಖ್ಹಾಜೆ ನವು ದ್ರಾಕ್ಷಿನ ರಖ್ಹ್‌ನ ನವ ಚಾ಼ಂಬ್ಡಾನಿ ತಿತ್ತಿಯೇಮ ಭರಿ ಮ್ಹೇಲಾಸ್” ಕರಿ ಬೋಲ್ಯೊ.\fig ಚಾ಼ಂಬ್‌ಡಾನಿ ತಿತ್ತಿಖ್ಹಾರು|alt="Wineskin bag" src="lb00145c.tif" size="col" copy="Horace Knowles ©" ref="2:22"\fig*
\s ಸಬ್ಬತ್‌ನಿ ಬಾರೇಮ ಪುಛಾ಼ಯುತೆ
\r (ಮತ್ತಾಯ 12:1-8; ಲೂಕ 6:1-5)
\p
\v 23 ಯೇಸು ಸಬ್ಬತ್‌ನ ರೋಜೆ, ಇನ ಶಿಷ್ಯರ್‌ನ ಜೋ಼ಡೆ ಖೇತರ್‌ಮಾಕರಿ ವಳ್ಯೊಜಾ಼ತೋಥೊ, ತದೆ ಇನ ಶಿಷ್ಯರ್‌ನೆ ಖಾವಾನಖ್ಹಾಜೆ ಥೋಡು ಬುಟ್ಟಾ ತೋಡಿಲಿದ. 
\v 24 ಫರಿಸಾಯರ್‌ವಾಳು ಅನ ದೇಖಿನ್ ಯೇಸುನ, “ದೇಕ್, ಅವ್ಣೆ ಸಬ್ಬತ್‌ ದನ್ಮ ನಿಯಮ್‌ಕೊಂತೆ ಕಾಮ್ ಶನ ಕರಾಸ್?” ಕರಿ ಬೋಲ್ಯು.
\p
\v 25 ಯೇಸುನೆ ಇವ್ಣುನ, “ದಾವೀದ್‌ಬಿ ಇನ ಜೋ಼ಡ್ಮ ರ‍್ಹವಾಳು ಖಾಣು ಕೊಂತೆ ವಖ್ಹತ್‌ಮ, ಜಾ಼ಖ್ಹತ್ ಭುಕ್ ಲಾಗಖ್ಹತರ್, ದಾವೀದ್‌ನೆ ಶಾತ್‌ ಕರ‍್ಯೊ ಕರಿ ತುಮೆ ಕದೇಬಿ ಪಢ್ಯಾಕೊಯ್ನಿಕಿಶು? 
\v 26 ಇನೆ ಗಲ್‌ಢಯಾಜಕ್\f + \fr 2:26 \fr*\ft ಬಿಜಾ಼ನಖ್ಹಾಜೆ ದೇವ್ನ ಖ್ಹಾಮ್ಣೆ ಬಲಿ ಚ಼ಢಾವವಾಳೊ\ft*\f* ಅಬಿಯಾತರ್‌ನ ಹಗಾಮ್ಮ ದೇವ್ನ ಮಂದಿರ್‌ಮ ಜೈ಼ನ್‌, ಯಾಜಕರಸ್‌ ಖಲಿಖಾವ್ಣುಥುತೆ ಪಣ್ಕಿ ಕೋಣ್‌ಬಿ ನಾ ಖಾವ್ಣುಕರಿ ತದ್ನಿ ಖಾನುಲ್‌ಮ, ದೇವ್ನ ಖ್ಹಾಮೆ ಮ್ಹೇಲಾತೆ ರೋಟಾನ ಖೈನ್, ಇನ ಜೋ಼ಡ್ಮ ರ‍್ಹಾವಾಳನಾಬಿ ದಿದೋನಿ?” ಕರಿ ಬೋಲ್ಯೊ. 
\v 27 ಅಜು಼ ಯೇಸುನೆ ಇವ್ಣುನ, “ಅದ್ಮಿನ ಅಛ್ಛಾ಼ನಖ್ಹಾಜೆ ದೇವ್ನೆ ಸಬ್ಬತ್ ದನ್ನ ಬಣಾಯೋತೆ ಪಣ್ಕಿ, ಸಬ್ಬತ್‌ ದನ್ನ ದಾಬುಕ್ಮ ರ‍್ಹಾವಾನಟೇಕೆ ಅದ್ಮಿ ಖ್ಹಾರಾನ ಕೋ ಬಣೈರಾಖ್ಯೋನಿ. 
\v 28 ಅನಖ್ಹಾಜೆಸ್ ಅದ್ಮಿನೊ ಛಿಯ್ಯೊ, ಸಬ್ಬತ್‌ ದನ್ಮಾಬಿ ಪ್ರಭು ಹುಯಿರ‍್ಹೋಸ್” ಕರಿ ಬೋಲ್ಯೊ.
\c 3
\s ಯೇಸುನೆ ಹಾತ್ ಝೂ಼ಟೊ ಪಡ್ಯೋಹುಯೊ ಏಕ್‌ ಅದ್ಮಿನ ಅಛ್ಛು಼ ಕರ‍್ಯೊತೆ
\r (ಮತ್ತಾಯ 12:9-14; ಲೂಕ 6:6-11)
\p
\v 1 ಬಿಜೇಕ್ ದನ್ನೆ ಯೇಸು ಸಬೆ ಭರಾವನು ಮಂದಿರ್‌ಮ ಗಯೊ. ಹಿಜ್ಜಾ಼ ಹಾತ್‌ ಝೂ಼ಟೊ ಪಡಿಹುಯು ಏಕ್‌ ಅದ್ಮಿಥು. 
\v 2 ಹಿಜ್ಜಾ಼ ಥೋಡು ಅದ್ಮಿ ಯೇಸುಪರ್‌ ಗಲ್ತಿ ಲಗಾಡನಖ್ಹಾಜೆ, ಸಬ್ಬತ್‌ ದನ್ಮ ಯೋ ಹಾತ್‌ ಝೂ಼ಟೊ ಪಡಿಹುಯು ಅದ್ಮಿನ ಅಛ್ಛು಼ ಕರಾಸ್ಕಿ ಶುಕಿ, ಕರಿ ಜ಼ಪೀನ್ ದೇಖುಕರ್ತುಥು. 
\v 3 ಯೇಸುನೆ ಯೋ ಹಾತ್‌ ಝೂ಼ಟೊ ಪಡ್ಯೊಹುಯೊ ಅದ್ಮಿನ, “ಉಠೀನ್ ಖ್ಹಾರಾನ ಇಚ಼್‌ಮ ಐನ್ ಭೀರೆ” ಕರಿ ಬೋಲ್ಯೊ. 
\v 4 ತದೆ ಯೇಸುನೆ ಇವ್ಣುನ, “ಸಬ್ಬತ್‌ ದನ್ಮ ಧರ್ಮಶಾಸ್ತ್ರನಿ ನಿಯಮ್‌ನು ಕಾಮ್‌ಕರಾನು ಖೆವು? ಅಛ಼್ಛುಕರಾನುಕಿ ಖರಾಬ್‌ಕರಾನು? ಜಾನ್‌ ಬಚಾ಼ಡಾನುಕಿ, ಕಾಡಾನು?” ಕರಿ ಬೋಲಾಖ್ಹತರ್ ಇವ್ಣೆ ಖ್ಹೊಪ್‌ ಥು.
\p
\v 5 ತದೆ ಯೇಸು ಖೀಜ಼್‌ಥಿ ಚಾರ‍್ಹೆ ಬಾಜು಼ ದೇಖಿನ್‌, ಇವ್ಣೊ ದಿಲ್‌ ಬಂಡಾನಿ ಘೋಣಿ ಹುಯಿರ‍್ಹೋತೆ ಇನಾಖ್ಹಾಜೆ ಇನ ಘಣು ದುಖ್ ಹುಯು. ತದೆ ಯೋ ಹಾತ್ ಝೂ಼ಟೊ ಪಡ್ಯೊಹುಯೊ ಅದ್ಮಿನ, “ತಾರೊ ಹಾತ್ ಖ್ಹಾಮ್ಣೆ ಕರ್‌” ಕರಿ ಬೋಲ್ಯೊ. ಯೋ ಖ್ಹಾಮ್ಣೆ ಹಾತ್ ಕಾಡ್ತಾ, ಇನೊ ಹಾತ್ ಅಛ್ಛೊ಼ ಹುಯಿಗಯೊ. 
\v 6 ತದೆ ಫರಿಸಾಯರ್ ಖ್ಹಾರು ಭಾರ್‌ಜೈ಼ನ್‌ ಒಗ್ಗಿಸ್‌ಮ ಹೆರೋದ ರಾಜ಼ ಭಣಿವಾಳನ\f + \fr 3:6 \fr*\ft ಹೆರೋದ ಅಜು಼ ಇನ ಕುಟುಂಬ್‌ವಾಳ ಭಣೀನು ಅದಿಕಾರ್ ಚ಼ಲಾವವಾಳು ಏಕ್‌ ಝೂ಼ಂಡ್‌\ft*\f* ಜೋ಼ಡೆ ಮಶ್ಲತ್ ಭಂದೈನ್, ಯೇಸುನ ಖೆವಿ ತರೀಕಾಥಿ ಮಾರ‍್ಯೆ ಕರಿ ಸೋಚ್ಯು.
\s ಗಲಿಲಾಯ ದರ‍್ಯಾವ್‌ಕನ ಅದ್ಮಿನಿ ಝೂ಼ಂಡ್‌ ಭರಾಯುತೆ
\p
\v 7 ಅನ ಬಾದ್‌ಮ ಯೇಸು ಇನ ಶಿಷ್ಯರ್‌ನ ಜೋ಼ಡೆ ದರ‍್ಯಾವ್‌ಕನ ಗಯೊ. ಗಲಿಲಾಯ ತಬರ್‌ಖಾಥು ಅಜು಼ ಯೂದಾಯ ತಬರ್‌ಖಾಥು ಘಣು ಅದ್ಮಿ ಇನ ಪೀಠೆ ಗಯು. 
\v 8 ಎತ್ರೇಸ್ ಕಾಹೆತೆ ಯೇಸು ಅಮ್ನು-ಅಮ್ನು ಕಾಮ್ ಕರಾಸ್ ಕರಿ ಖ್ಹಮ್‌ಜಿನ್‌, ಯೂದಾಯ ತಬರ್‌ಖಾಥು, ಯೆರೂಸಲೇಮ್ ಖ್ಹಯೇರ್‌ಭಣಿಥುಬಿ, ಇದುಮಾಯ ತಬರ್‌ಖಾಭಣಿಥು, ಯೊರ್ದನ್‌ ನದ್ದಿನು ಪಾರ್ಲಿ ಬಾಜು಼ಥು, ತೂರ್ ಅಜು಼ ಸೀದೋನ್ ಖ್ಹಯೇರ್‌ಥು ಘಣು ಅದ್ಮಿ ಯೇಸುಕನ ಆಯು. 
\v 9 ಅದ್ಮಿನಿ ಝೂ಼ಂಡ್‌ ಜಾ಼ಖ್ಹತ್ ಥೀತೆ ಇನಾಖ್ಹಾಜೆ ಯೇಸುನೆ, ಅದ್ಮಿಖ್ಹಾರು ಇನಾಪರ್‌ ಪಡೀನ್ ಧಕೇಲ್‌ಶೆ ಕರಿ ಇನ ಶಿಷ್ಯರ್‌ನ, “ಮಾರಖ್ಹಾಜೆ ಏಕ್‌ ಡೋಣ್ಣಾ ಖ್ಹವಾರಿ ಮಿಛಾ಼ಣೊ” ಕರಿ ಬೋಲ್ಯೊ. 
\v 10 ಶನಕತೊ ಯೇಸುನೆ ಘಣ ಅದ್ಮಿನು ರೋಗ್‌ ಅಛ್ಛು಼ ಕರ‍್ಯೊಥೋತೆ ದೇಖಿನ್, ರೋಗ್‌ಮ ರ‍್ಹವಾಳು ಖ್ಹಾರು ಇನ ಛೀಮ್‌ನು ಕರಿ ಧಕೇಲ-ಧಕೇಲಿ ಕರ್ತುಥು. 
\v 11 ಅಜು಼ ಭೂತ್ ಧರೀರಾಖ್ಯುಹುಯು ಅದ್ಮಿಖ್ಹಾರು ಯೇಸುನ ದೇಖಾತೋಡಿ ಇನ ಗೋಡಾಪರ್ ಪಡ್‌ತೂಥು; ಇವ್ಣಮಾನು ಭೂತ್‌ಖ್ಹಾರು, “ತೂ ದೇವ್‌ನೊ ಛಿಯ್ಯೊ!” ಕರಿ ಚಿಕರ್ತುಥು”.
\p
\v 12 ಕತೋಬಿ ಯೇಸುನೆ ಯೋ ಕೋಣ್ ಕರಿ, ಅದ್ಮಿನ ಖ್ಹಾಮೆ ನಾ ಬೋಲ್‌ನು ಕರಿ ಭೂತ್‌ನ ಖ್ಹಾರು ಝೇತಾಯೊ.
\s ಯೇಸು ಭಾರ ಜ಼ಣ ಅಪೊಸ್ತಲರ್‌ನ‍ ಚೂ಼ಣ್ಯೋತೆ
\r (ಮತ್ತಾಯ 10:1-4; ಲೂಕ 6:12-16)
\p
\v 13 ಬಾದ್‌ಮ ಯೇಸು ಏಕ್‌ ಪಹಡ್‌ಪರ್ ಚ಼ಢೀನ್, ಇನ ಕೋಣ್-ಕೋಣ್ ಹೋಣುಕಿ ಇವ್ಣುನ ಬುಲಾಯೊ. ತದೆ ಇವ್ಣೆ ಇನಾಕನ ಆಯು. 
\v 14 ಇವ್ಣಮಾಥು ಯೇಸು ಭಾರ ಜ಼ಣಾನ ಚೂ಼ಣಿನ್ ಅಪೊಸ್ತಲರ್\f + \fr 3:14 \fr*\ft ಅಪೊಸ್ತಲರ್ ಕತೊ ಹಕ್ ದೀನ್ ಬೋಲಿ ಮೋಕ್ಲಿಹುಯು ಅದ್ಮಿ\ft*\f* ಕರಿ ನಾಮ್‌ದಿದೊ. ಯೋ ಭಾರ ಜ಼ಣ ಇನ ಜೋ಼ಡೆ ರ‍್ಹೇವ್ಣುಕರಿ ಅಜು಼ ದೇವ್ನಿ ಅಛ್ಛಿ ಖಬರ್‌ನ ತಮಾಮ್‌ ಅದ್ಮಿನ ಬೋಲಿದೆವಾನ ಖ್ಹಾಜೆ ಮೋಕಲ್‌ನು ಕರಿ, 
\v 15 ಅಜು಼ ಭೂತ್‌ಖ್ಹಾರು ಕಾಡಾನ ಅದಿಕಾರ್‌ವಾಳ ಹುಯಿರ‍್ಹೇಣು ಕರಿ ಇವ್ಣುನ ಅಲಕ್ ಕಾಡಿಮ್ಹೇಲ್ಯೊ.
\p
\v 16 ಯೋ ಭಾರಜ಼ಣ ಕೋಣ್-ಕೋಣ್‌ಕತೊ, ಯೇಸುನೆ ಪೇತ್ರ ಕರಿ ನಾಮ್ ಮ್ಹೇಲ್ಯೋತೆ ಸೀಮೋನ; 
\v 17 ಜೆಬೆದಾಯನ ಲಡ್ಕಾ ಹುಯಿರ‍್ಹಾಥಾತೆ ಯಾಕೋಬಬಿ, ಇನೊ ನ್ಹಾನೊ ಭೈ ಯೋಹಾನ. ಯೇಸುನೆ ಅವ್ಣುನ ಬೊವನರ್ಗೆಸ್‌ ಕರಿ ನಾಮ್ ದಿದೊ, ಅಮ್‌ಕತೊ “ವಿಜ಼್‌ಳಿನ ಚೆಲ್ಕ” ಕರಿ. 
\v 18 ಅಜು಼ ಅಂದ್ರೆಯ, ಫಿಲಿಪ್ಪ, ಬಾರ್ತೊಲೊಮಾಯ, ಮತ್ತಾಯ, ತೋಮ, ಅಲ್ಫಾಯನೊ ಛಿಯ್ಯೊ ಯಾಕೋಬ, ತದ್ದಾಯ, ದೇಖ್ಹ್‌ನ ಪ್ಯಾರ್ ಕರಾವಾಳೊ ಕರಿ ಬೋಲೈಲಿದೋತೆ ಸೀಮೋನ, 
\v 19 ಅಜು಼ ಯೇಸುನ ಧೋಕೇಥಿ ಧರಿದಿದೋತೆ ಇಸ್ಕರಿಯೋತ ಯೂದ, ಅವ್ಣೇಸ್.
\s ಯೇಸು ಅಜು಼ ಬೆಲ್ಜೆಬೂಲ್
\r (ಮತ್ತಾಯ 12:22-32; ಲೂಕ 11:14-23; 12:10)
\p
\v 20 ಅನ ಬಾದ್‌ಮ ಯೇಸು ಘರೆ ಆವಾದಿನ್, ಪಾಛು಼ ಅದ್ಮಿ ಭರೈಗಯು, ಅನೇಥಿ ಯೇಸುನಾಬಿ ಇನ ಶಿಷ್ಯರ್‌ನ ಖಾಣುಬಿ ಖಾವಾನ ವಖ್ಹತ್ ಕೋ ಥೀನಿ. 
\v 21 ಯೇಸುನ ಘರ್‌ವಾಳಾನೆ ಇನ ದಿವಾನು ಲಾಗಿರ‍್ಹೂಸ್ ಕರಿ ಅದ್ಮಿಖ್ಹಾರು ಬೋಲಾತೆ ಖ್ಹಮ್‌ಜಿನ್‌, ಇನ ಘರೆ ಬುಲೈಲಿನ್ ಆವಾನಟೇಕೆ ನಿಕ್‌ಳ್ಯು.
\p
\v 22 ಎತ್ರೇಸ್ ಕಾಹೆತೆ ಯೆರೂಸಲೇಮ್‌ಥು ಆಯುಹುಯು ಮೋಶೆನಿ ವಚನ್ ಶಿಕಾಡವಾಳು ಶಾಸ್ತ್ರಿಖ್ಹಾರು, “ಆ ಯೇಸುನ ಬೆಲ್ಜೆಬೂಲ್ ಧರಿರಾಖ್ಯೋಸ್‌! ಯೋ ಭೂತ್‌ನೊ ಯಜಮಾನ್ನಿ ಮದತ್‌ಥೀಸ್ ಯೇಸು ಭೂತ್‌ನಖ್ಹಾರು ಕಾಡಸ್ತೆ” ಕರಿ ಬೋಲುಕರ್ತೂಥು.
\p
\v 23 ಯೇಸುನೆ ಇವ್ಣುನ ಖನ್ನೆ ಬುಲೈನ್, ಇವ್ಣುನ ಮತ್ಲಬ್‌ನಿ ವಾತೆಖ್ಹು ಬೋಲ್ಯೋಕಿ: ಶೈತಾನ್\f + \fr 3:23 \fr*\ft ಶೈತಾನ್ ಕೋಣ್ ಕತೊ ಅಗಾಡಿ ಯೋ ಪರಲೋಕ್‍ಮ ದೇವ್ ದೂತರ್ ಹುಯಿರ‍್ಹೋಥೊ. ದೇವ್ನ ವಿರೋದ್‌ ಕಾಮ್ ಕರ್ತಾನ ದೇವ್ನೆ ಇನ ಪರಲೋಕ್‌ಮಾಥು ಧಕೇಲಿದಿದೊ. ಆಸ್ ಭೂತ್‍ಖ್ಹಾರಾನೊ ಮೋಟೊ ಹುಯಿರ‍್ಹೋಸ್ತೆ.\ft*\f* ಶೈತಾನ್ನಸ್ ಕಿಮ್ ಕಾಡ್‌ಶೆ? 
\v 24 ಏಕ್‌ ರಾಜ಼್‌ಭಾರ್‌ನು ಅದ್ಮಿ ಭಾಗ್‌ ಪಡಿನ್, ಇವ್ಣ ಇವ್ಣಾಸ್‍ಮ ಲಡೈ ಪಡಾಲಗ್ಯೂತೊ, ಯೋ ರಾಜ್ಯ ಪಡಿಜಾ಼ಶೆ. 
\v 25 ಏಕ್‌ ಘರ್‌ಮ ಭಾಗ್‌ ಪಡಿನ್ ಏಕ್‌ಥಿ ಏಕ್‌ ಲಡೈ ಕರಾಲಗ್ಯುತೊ ಯೋ ಘರ್ ಫುಟಿಜಾ಼ಸ್. 
\v 26 ಇಮ್ಮಸ್ ಶೈತಾನ್ ಉಠೀನ್ ಇನು ಭೂತ್‌ಖ್ಹಾರನ ಯೋಸ್ ನಖ್ಹಾಡ್ಯೋತೊ ಯೋ ಭಾಗ್‌ ಹುಯಿನ್‌, ಇನು ರಾಜ಼್‌ಭಾರ್ ರ‍್ಹಿಶೆಕೊಂತೆ ಖತಮ್ ಹುಯಿಜಾ಼ಶೆ.
\p
\v 27 ಎತ್ರೇಸ್ ಕಾಹೆತೆ ಕೋಣ್‌ತೋಬಿ ಏಕ್‌ ಜ಼ಣು ಅಗಾಡಿ ಏಕ್‌ ಶಕತ್‌ವಾಳ ಅದ್ಮಿನ ಭಾಂದ್ಯುನಾತೊ, ಇನ ಘರ್‌ಮ ಜೈ಼ನ್‌, ಇನು ಶೊತ್ ಖ್ಹಾರು ಚೋ಼ರಿ ಕರಾನ ಕೋ ಹುವಾನಿ. ಕತೋಬಿ ಯೋ ಇನ ಭಾಂದಿನಾಖಿದೆವಾನ ಬಾದ್‌ಮ ಇನ ಘರ್‌ಮ ಲೂಟಿ ಕರೆಜಾ಼ಯ್.
\p
\v 28 ಯೇಸುನೆ “ತುಮೂನ ಮೇ ಖ್ಹಾಚಾಮ ಬೋಲುಸ್ಕಿ, ಅದ್ಮಿಖ್ಹಾರು ಕರಾತೆಅಖ್ಖು ಪಾಪ್‌ನಾಬಿ ದೂಷಣೆನಾಬಿ ಕ್ಷಮಾಪಣ್ ಮಳ್‌ಶೆ. 
\v 29 ಕತೋಬಿ ಪವಿತ್ರಾತ್ಮನಿ ಚಿಂಘಾವ್ಣಿ ಕರಾವಾಳನ ಕದೇಬಿ ಮಾಪಿ ಕೋ ಮಳ್‌ಶೆನಿ. ಯೋ ಹಮೇಶಾಬಿ ಮಾಪ್‌ಕರಾನ ಕೋ ಹುವ್ವಾನಿತೆ ಪಾಪ್‌ಮ ಪಡಿಗಯೊ” ಕರಿ ಬೋಲ್ಯೊ. 
\v 30 ಇವ್ಣೆ ಇನ, “ಭೂತ್‌ ಧರಿರಾಖ್ಯುಸ್” ಕರಿ ಬೋಲುಕರ್ತೂಥೂತೆ ಇನಾಖ್ಹಾಜೆ ಯೇಸುನೆ ಅಮ್ ಬೋಲ್ಯೋತೆ.
\s ಯೇಸುನಿ ಆಯ ಅಜು಼ ಇನ ಭೈಯೆ
\r (ಮತ್ತಾಯ 12:46-50; ಲೂಕ 8:19-21)
\p
\v 31 ತದೆ ಯೇಸುನಿ ಆಯಾಬಿ ಇನ ನ್ಹಾನ ಭೈಯೇ ಹಿಜ್ಜಾ಼ ಐನ್, ಭಾರ್ ಭೀರಿನ್‌ ಇನ ಬುಲಾಯು. 
\v 32 ತದೆ ಯೇಸುನ ಅಶ್‌ಪಿಶ್‌ ಭರೈರ‍್ಹುಥೂತೆ ಅದ್ಮಿಖ್ಹಾರು ಇನ, “ತಾರಿ ಆಯ, ಭೇನೆ ಅಜು಼ ತಾರ ಭೈಯೇ ತುನ ಢೂಂಡಿನ್ ಭಾರ್‌ ಭಿಯ್ಯುಸ್ ದೇಕ್” ಕರಿ ಬೋಲ್ಯು.
\p
\v 33 ತದೆ ಯೇಸುನೆ ಇವ್ಣುನ, “ಮಾರಿ ಆಯ ಕೋಣ್? ಮಾರ ಭೈಯೇ ಕೋಣ್?” ಕರಿ ಬೋಲೀನ್‌, 
\v 34 ಇನ ಅಶ್‌ಪಿಶ್‌ ಬೆಠುಥೂತೆ ಅದ್ಮಿನ ದೇಖಿನ್‌, “ಹಂದೇಕ್‌! ಅವ್ಣೇಸ್ ಮನ ಆಯಾಬಿ, ಮಾರ ಭೈಯೇ! 
\v 35 ಕೋಣ್ ದೇವ್ನಿ ಮರ್ಜಿನಿ ಘೋಣಿ ಚಾ಼ಲಾಸ್ಕಿ ಯೋಸ್‌ ಮಾರೊ ಭೈ, ಮಾರಿ ಭೇನ್, ಮಾರಿ ಆಯ ಹುಯಿರುಸ್‌” ಕರಿ ಬೋಲ್ಯೊ.
\c 4
\s ಪಂಡಾ ಛಿಡ್ಕಾವಾಳನಿ ಬಾರೇಮ ಮತ್ಲಬ್‌ನಿ ಖೇಣಿ
\r (ಮತ್ತಾಯ 13:1-9; ಲೂಕ 8:4-8)
\p
\v 1 ಯೇಸು ಪಾಛೊ಼ ಗಲಿಲಾಯ ದರ‍್ಯಾವ್‍ನ ಕನಾರೆಕನ ವಚನ್ ಬೋಲಿ ದೆವ್‌ಕರ್ತೋಥೊ. ಘಣು ಅದ್ಮಿ ಇನಾಕನ ಐನ್ ಭರೈರ‍್ಹುಥೂತೆ ಇನಖ್ಹಾಜೆ ಯೇಸುನೆ ಪಾಣಿಮ ಭೀಥಿತೆ ಡೋಣ್‌ಪರ್‌ ಚ಼ಢೀನ್‌ ಬೇಶಿಗಯೊ. ಯೋ ಅದ್ಮಿಖ್ಹಾರು ಭಾರ್‌ ಕನಾರೆಕನ ಭರೈರ‍್ಹೂಥು. 
\v 2 ತದೆ ಯೇಸುನೆ ಇವ್ಣುನ ಮತ್ಲಬ್‌ನಿ ಖೇಣಿಯೇಥಿ ಘಣಿ ಬಾರೇಮ ಬೋಲಿದಿದೊ.
\p
\v 3 ಇನೆ ಬೋಲ್ಯೋಕಿ, “ಹೈಕಡ್ ಖ್ಹಮ್‌ಜೊ಼! ಏಕ್‌ ಅದ್ಮಿ ಖೇತರ್‌ಮ ಪಂಡಾ ಛಿಡ್ಕಾನಖ್ಹಾಜೆ ಗಯೊ. 
\v 4 ಯೋ ಪಂಡಾ ಛಿಡ್ಕಾನಿ ವಖ್ಹತ್‌ಮ ಥೋಡ ಪಂಡಾ ವಾಟ್ನ ಶೇಡೆ ಪಡೀನ್‌ ಜಿನಾವರ್‌ ಖ್ಹಾರು ಆಯಿನ್‌ ‍ಇನ ಚ಼ರಿಲಿದು. 
\v 5 ಬಿಜು಼ ಥೋಡ ಪಂಡಾ ಜಾ಼ಖ್ಹತ್ ಮಾಟಿಕೊಂತೆ ಬಂಡಾನಿ ಜ಼ಮೀನ್‌ಪರ್ ಪಡ್ಯು, ಛಿವರ್‌ ಮಾಟಿ ಥೀತೆ ಇನಖ್ಹಾಜೆ ಪಂಡಾ ಒಗ್ಗಿಸ್‌ಮ ಫುಟಿ ಆಯು. 
\v 6 ಕತೋಬಿ ದನ್ ಚ಼ಢೀನ್ ತಡ್ಕೊ ಪಡಾನ ಬಾದ್‌ಮ, ಯೋ ಶೊಶಿಯೆ ಮುರ್‌ಝೈ಼ಗಯು. ಅಜು಼ ಮಹಿತೋಡಿ ಜ಼ಡೆ ಕೋ ಮ್ಹೇಲಿರಾಖ್ಯುಥುಂತೆ ಇನಖ್ಹಾಜೆ, ಯೋ ಶೊಶಿಯೆ ಒಗ್ಗಿಸ್‌ಮ ಖ್ಹುಕೈಗಯು. 
\v 7 ಅಜು಼ ಥೋಡ ಪಂಡಾ ಕಾಟಾನ ಡಾಗ್‌ಮ ಪಡ್ಯು. ಯೋ ಕಾಟಾನು ಝಿಕ್ರುಖ್ಹಾರು ಮೋಟುಹುಯಿನ್, ಯೋ ಶೊಶಿಯೇಪರ್‌ ಮೂಚೈ಼ಜೈ಼ನ್ ಫುಟಾನ ಕೋ ಮ್ಹೇಲ್ಯೂನಿ. ಅನಖ್ಹಾಜೆ ಯೋ ಶೊಶಿಯೆ ಪಂಡಾ ಮ್ಹೇಲ್ಯು ಕೊಯ್ನಿ. 
\v 8 ಬಿಜು಼ ಥೋಡ ಪಂಡಾ ಅಛ್ಛಿ ಜ಼ಮೀನ್‌ಪರ್‌ ಪಡ್ಯ. ಯೋ ಪಂಡಾ ಫುಟೀನ್, ಮೋಟು ಹುಯು ಅಜು಼ ಪಂಡಾ ಮ್ಹೇಲ್ಯು: ಇನಾಮಾನು ಥೋಡು ಡೋಡಿಖ್ಹ್‌ ಪಂಡಾಲಗು, ಥೋಡು ತೀನಿಖ್ಹ್‌ ಪಂಡಾಲಗು, ಅಜು಼ ಥೋಡು ಖ್ಹೋ ಪಂಡಾಲಗು ಮ್ಹೇಲ್ಯು”.
\p
\v 9 ಬಾದ್‌ಮ ಯೇಸುನೆ, “ಕಿನ-ಕಿನ ಖ್ಹಮ್‌ಜಾ಼ನ ಕಾನ್‌ ಛಾ಼ಕಿ, ಇವ್ಣೆ ಕಾನ್‌ ಜೋ಼ಡಿ ಖ್ಹಮ್‌ಜೊ಼!” ಕರಿ ಬೋಲ್ಯೊ.
\s ಖೇಣಿನಿ ಉದ್ದೇಶ್
\r (ಮತ್ತಾಯ 13:10-17; ಲೂಕ 8:9-10)
\p
\v 10 ಬಾದ್‌ಮ ಯೇಸು ಎಕ್ಲೊ ರ‍್ಹವಾನಿ ವಖ್ಹತ್‌ಮ, ಇನು ಭಾರ ಶಿಷ್ಯರ್‌ ಅಜು಼ ಇನಜೋ಼ಡೆ ರ‍್ಹವಾಳು ಬಿಜು಼ ಖ್ಹಾರು ಅದ್ಮಿ ಇನಾಕನ ಐನ್, ಯೋ ಮತ್ಲಬ್‌ನಿ ಖೇಣಿಯೇನಿ ಬಾರೇಮ ಪುಛಾ಼ಯು. 
\v 11 ತದೆ ಯೇಸುನೆ ಇವ್ಣುನ ಫರೈನ್ ಬೋಲ್ಯೋಕಿ, “ದೇವ್ನಿ ರಾಜ್ಯನಿ ಲಪಿರ‍್ಹೀತೆ ಖ್ಹಾಚಿ ವಾತೆಖ್ಹಾರಿ ತುಮೂನ ದೆವೈರ‍್ಹೀಸ್. ಕತೋಬಿ ಬಿಜು಼ ಖ್ಹಾರು ಭಾರ್‌ಲ್ಯು ಅದ್ಮಿ, ಯೋ ಖ್ಹಾರಿ ವಾತೆನ ಮತ್ಲಬ್‌ನಿ ಖೇಣಿಯೇಥಿ ಖ್ಹಮ್‌ಜಾ಼ಸ್‌. 
\v 12 ಶನಕತೊ,
\q1 ‘ಇವ್ಣೆ ಡೋಳೆಖ್ಹು ದೇಖ್ಯುತೋಬಿ
\q2 ದೆಖಾವ್ಣು ನಾ;
\q1 ಕಾನ್‍ಥಿ ಖ್ಹಮ್‌ಜುತೋಬಿ
\q2 ಪರಖ್‌ಣು ನಾ.
\q1 ಇಮ್‌ ಕಾಯಿತೋಬಿ ದೇಖಿ, ಪರ್ಖಿಲಿದುತೊ, ಇವ್ಣೆ ದೇವ್ ಭಣಿ ಫರಿಜಾ಼ಶೆ,
\q2 ಅಜು಼ ದೇವ್ ಇವ್ಣುನ ಮಾಪ್‌ ಕರಿನಾಕ್‌ಶೆ ಕರೀಸ್, ಯೋ ಖ್ಹಾರಿ ಖ್ಹಾಚಿ ಲಪಡೈರ‍್ಹೀಸ್’.\f + \fr 4:12 \fr*\ft ಯೆಶಾಯ 6.9-10\ft*\f*
\s ಯೇಸುನೆ ಪಂಡಾ ಛಿಡ್ಕಾವಾಳನಿ ಮತ್ಲಬ್‌ನಿ ಖೇಣಿನಿ ಬಾರೇಮ ಬೋಲಿವತಾಳ್ಯೋತೆ
\r (ಮತ್ತಾಯ 13:18-23; ಲೂಕ 8:11-15)
\p
\v 13 ಬಾದ್‌ಮ ಯೇಸುನೆ ಇವ್ಣುನ, “ಆ ಮತ್ಲಬ್‌ನಿ ಖೇಣಿ ತುಮೂನ ಮಾಲುಮ್‌ಪಡ್ಯು ಕೊಯ್ನಿಕಿ ಶು? ಇಮ್‍ಕತೊ, ಮೇ ಬೋಲುಸ್ತೆ ಬಿಜಿಖ್ಹಾರಿ ಮತ್ಲಬ್‌ನಿ ಖೇಣಿಯೇನ ತುಮೆ ಕಿಮ್ ಮಾಲುಮ್‌ ಕರ್ಶು? 
\v 14 ಯೋ ಪಂಡಾ ಛಿಡ್ಕಾವಾಳೊ ಕತೊ ದೇವ್ನಿ ವಚನ್ನ ಬೋಲಿದ್ಯವಾಳೊ ಕರಿ. 
\v 15 ಥೋಡು ಅದ್ಮಿ ದೇವ್ನಿ ವಚನ್ನ ಖ್ಹಮಜ಼್‌ತಾಸ್‌, ಶೈತಾನ್ ಐನ್ ಇವ್ಣಮಾನಿ ವಚನ್ನ ಕಾಡಿನಾಖಿದೇಸ್. ಅವ್ಣೇಸ್ ಪಂಡಾ ಪಡ್ಯಾತೆ ವಾಟ್ನ ಶೇಡೆನಿ ಮಾಟಿ ಹುಯಿರ‍್ಹುಸ್‍. 
\v 16-17 ಬಿಜು಼ ಥೋಡು ಅದ್ಮಿ ದೇವ್ನಿ ವಚನ್ನ ಖ್ಹಮಜ಼್‌ತಾಸ್‌, ಖ್ಹುಶಿಥಿ ಒಗ್ಗಿಸ್‌ಮ ಮಾನಿಜಾ಼ಸ್. ಕತೋಬಿ ಯೋ ವಚನ್ನ ಇವ್ಣ ಮಹಿ ಜ಼ಡ್‌ ಮ್ಹೇಲಿನ್ ಫುಟಾದೇಯಿಕೊಯ್ನಿ. ಇವ್ಣೆ ಥೋಡಾಸ್ ದನ್ ದೇವ್ನಿ ವಚನ್ನ ನಂಬಾಸ್, ಬಾದ್‌ಮ ಯೋ ವಚನ್ನಖ್ಹಾಜೆ ಬಿಜಾ಼ಥಿ ಖ್ಹತಾಪ್ಣಿ ನಾತೊ ವದೇಖ್ಹೊ ಆಯುತೊ, ಜ಼ಲ್ದೀಸ್‍ಮ ಪಡಿಜಾ಼ಸ್‌. ಅವ್ಣೇಸ್ ಪಂಡಾ ಪಡ್ಯಾತೆ ಬಂಡಾಪರ್‌ನಿ ಮಾಟಿ ಹುಯಿರ‍್ಹೂಸ್. 
\v 18-19 ಬಿಜು಼ ಥೋಡು ಅದ್ಮಿ ದೇವ್ನಿ ವಚನ್ನ ಖ್ಹಮ್‌ಜುತೋಬಿ, ಜಗತ್ನಿ ಸೋಚ್‌ಮಾಬಿ, ಧನ್‌-ದೌಲತ್‌ಪರ್‌ನಿ ಲಾಲಚ್‍ಮಾಬಿ, ಅಜು಼ ಬಿಜಿ ಖ್ಹಾರಿ ತರ‍್ಹಾನಿ ಆಖ್ಹ್ ಇವ್ಣ ಮಹಿ ಭರೈನ್, ಇವ್ಣೆ ಖ್ಹಮ್‌ಜುತೆ ದೇವ್ನಿ ವಚನ್ನ ಉಪ್ಪರ್ ಮೂಚಿನ್ ದಾಬಿದೇಸ್. ಇನಾಖ್ಹಾಜೆ ಇವ್ಣೆ ಫಲ್ ಕೋದೇಯ್ನಿ. ಅವ್ಣೇಸ್ ಯೋ ಕಾಟಾನಿ ಝಿಕ್ರಾವ್‌ಮ ಪಂಡಾ ಪಡ್ಯಾತೆ ಝ಼ಗೊ ಹುಯಿರ‍್ಹೂಸ್. 
\v 20 ಬಿಜು಼ ಥೋಡು ಅದ್ಮಿ ಪಂಡಾ ಪಡ್ಯಾತೆ ಅಛ್ಛಿ ಜ಼ಮೀನ್ ಹುಯಿರ‍್ಹೂಸ್. ಅವ್ಣೆ ವಚನ್ನ ಖ್ಹಮ್‌ಜಿನ್‌, ಇನ ಮಾನಿಲೇಸ್ ಅಜು಼ ಡೋಡಿಖ್ಹ್‌ ತೋಡಿ, ತೀನಿಖ್ಹ್‌ ತೋಡಿ ಅಜು಼ ಖ್ಹೋ ತೋಡಿ ಜಾ಼ಖ್ಹತ್-ಜಾ಼ಖ್ಹತ್ ಪಂಡಾ ಮ್ಹೇಲಾಸ್” ಕರಿ ಬೋಲ್ಯೊ.
\s ದೀವೊ ಲಗಾಡಿನ್ ಉಪ್ಪರ್ ಮ್ಹೇಲಾನಿ ಬಾರೇಮ
\r (ಲೂಕ 8:16-18)
\p
\v 21 ಅತ್ರೇಸ್ ಕಾಹೆತೆ ಯೇಸುನೆ ಇವ್ಣುನ, “ಕೋಣ್‌ಬಿ ದೀವೊ ಲಗಾಡಿನ್ ಹಂಡಾಮಾಕಿ ನಾತೊ ಪಲಂಗ್‌ನ ಹೇಟ್‌ಕಿ ಲಪಾಡಿನ್ ಮ್ಹೇಲಾಸ್ಕಿ ಶು? ಇಮ್‌ ಕಾಹೆತೆ, ದೀವೊ ಮ್ಹೇಲಾನಿ ಖಂಬಾಪರ್‌ ಮ್ಹೇಲಾಕೊಯ್ನಿಕಿ ಶು? 
\v 22 ಲಪೈರ‍್ಹೂತೆ ಖ್ಹಾರುಸ್‌ ಉಜಾ಼ಳಾಮ ಭಾರ್‌ ದೆಖಾವ್‌ಶೇಸ್‌ ದೆಖಾವ್‌ಶೆ, ಮೂಚೈ಼ರ‍್ಹವಾನು ಖ್ಹಾರು ನಿಕಳ್‌ಶೇಸ್ ನಿಕಳ್‌ಶೆ.‌ 
\v 23 ಖ್ಹಮ್‌ಜಾ಼ನ ಕಾನ್‌ ರ‍್ಹವಾಳು ಖ್ಹಾರು ಕಾನ್‌ ಜೋ಼ಡಿ ಖ್ಹಮ್‌ಜೊ಼!” ಕರಿ ಬೋಲ್ಯೊ.
\p
\v 24 ಬಿಜು಼ ಇವ್ಣುನ ಯೇಸುನೆ, “ತುಮೆ ಖ್ಹಮ್‌ಜಾ಼ತೆ ವಚನ್ನ ಮನ್ ಲಗಾಡಿನ್ ಖ್ಹಮ್‌ಜೊ಼! ತುಮೆ ಅಲಕ್ನಿ ಬಾರೇಮ ಕಿಮ್ ಮಾಪಿನ್‌ ದೇಸ್ಕಿ, ಇಮ್ಮಸ್ ದೇವ್‌ಬಿ‌ ತುಮೂನ ಮಾಪ್‌ಶೆ, ಎತ್ರೇಸ್ ಕಾಹೆತೆ ಇನೇಥಿಬಿ ಜಾ಼ಖ್ಹತ್ ತೂಕ್‌ಶೆ.\f + \fr 4:24 \fr*\ft ಮೇ ಬೋಲೂಸ್ತೆ ವಚನ್ನ ಬರೋಬರ್‌ಥಿ ಮನ್ ಲಗಾಡಿನ್ ಖ್ಹಮ್‌ಜೊ಼. ತುಮೆ ಕೆತ್ರೆ ತೂಕಿನ್ ತುಮಾರು ಮನ್ನ ದೇವ್ನಿ ವಚನ್ ಶಿಕಾನ ದೆವೋಸ್ಕಿ ಇನೇಥಿಬಿ ಜಾ಼ಖ್ಹತ್ ದೇವ್ ತೂಕಿನ್ ಇನಿ ವಾಕ್ಯಾನಿ ಗ್ಯಾನ್ ತುಮೂನ ದಿಶೆ.\ft*\f* 
\v 25 ಕಿನಾಕನ ಛಾ಼ಕಿ ತಿನ ಬಿಜೂ಼ಬಿ ದೆವಾವ್‌ಶೆ, ಕಿನಾಕನ ಕೊಯ್ನಿಕಿ ಇವ್ಣಕಂಥು ಛಾ಼ತೇಬಿ ಥೋಡು ಕಾಡಿಲಿಶೆ” ಕರಿ ಬೋಲ್ಯೊ.
\s ಪಂಡಾ ಫುಟಾನಿ ಬಾರೇಮ ಮತ್ಲಬ್‌ನಿ ಖೇಣಿ
\p
\v 26 ಯೇಸುನೆ ಬಿಜೂ಼ಬಿ ಇವ್ಣುನ ಬೋಲ್ತೋಹುಯಿನ್, “ದೇವ್ನಿ ರಾಜ್ಯ ಅಮ್ ಛಾ಼, ಕಿಮ್‌ಕತೊ; ಏಕ್‌ ಜ಼ಣೊ ಇನಿ ಜ಼ಮೀನ್‌ಮ ಪಂಡಾ ಛಿಡ್‌ಕ್ಯೊ. 
\v 27 ಅಜು಼ ಯೋ ಅದ್ಮಿ ರಾತ್‌ನು ಖ್ಹುವ್ವಾನು, ವ್ಹಾಣಾನು ಉಠಿರ‍್ಹವಾನು ಕರ್ತುರ‍್ಹೇಸ್‌. ಅಮ್ ರ‍್ಹವಾನಿ ವಖ್ಹತ್‌ಮ ಇನ ಮಾಲುಮಸ್ ಪಡಾಕೊಂತೆ ಪರಕ್ಮ ಯೋ ಪಂಡಾ ಫುಟಿನ್ ಮೋಟ ಹುವಾಸ್. 
\v 28 ಜ಼ಮೀನ್ ಪಹಿಲೆ ಅನಾಜ಼್ ಉಬ್‌ಜಾ಼ವಸ್, ಕಿಮ್‌ಕತೊ ಪಹಿಲೆ ಡೀರಿಯೆ ದೆಖಾವಸ್, ಇನಾಕೇಡೆಥು ಬುಟ್ಟು ನಿಕ್ಳಾಸ್, ಬಾದ್‌ಮ ಬುಟ್ಟುಭರಿ ದಾಣ ಭರಾವಸ್. 
\v 29 ಅನಾಜ಼್ ಪಿಕ್‌ವಾನ ಬಾದ್‌ಮ, ಯೋ ಅದ್ಮಿ ಖ್ಹುಗ್ಗೀನ ಹಗಾಮ್ ಐಗುಕರಿ, ಪಿಕಾವಾಳೊ ದರಾತಿಥಿ ಇನ ವ್ಹಾಡಲಗಾಸ್” ಕರಿ ಬೋಲ್ಯೊ.
\s ರಾಯಿನ ದಾಣಾನಿ ಬಾರೇಮಾನಿ ಮತ್ಲಬ್‌ನಿ ಖೇಣಿ
\r (ಮತ್ತಾಯ 13:31-32,34; ಲೂಕ 13:18-19)
\p
\v 30 ಬಿಜು಼ ಯೇಸುನೆ ಬೋಲ್ಯೋಕಿ, “ದೇವ್‌ನು ರಾಜ್ಯ ಅಮ್ ಕರಿ ಅಪ್ಣೆ ಶನ ಜೋ಼ಡೆ ಏಕ್‌ ಕರಿಯೆ? ನಾತೊ ಅಪ್ಣೆ ಖೆವಿ ಮತ್ಲಬ್‌ನಿ ಖೇಣಿ ಬೋಲಿನ್ ದೇವ್ನಿ ರಾಜ಼್‌ನ ವತಾಳೆ. ‌ 
\v 31 ಯೋ ಅಮ್ ಹುಯಿರ‍್ಹೂಸ್, ಏಕ್‌ ಅದ್ಮಿ ಜಗತ್‌ಮ ಖ್ಹಾರೇಥಿ ನ್ಹಾನು ಪಂಡು ಹುಯಿರ‍್ಹೂತೆ, ರಾಯಿನ\f + \fr 4:31 \fr*\ft ಇಸ್ರಾಯೇಲ್‌ ದೇಖ್ಹ್‌ಭಣಿ ಪಿಕಾವಾನು ರಾಯಿನು ಝಾ಼ಡು ತೀನ್ ಮೀಟರ್ ಲಾಂಬು ಮೋಟ ಝಾ಼ಡಾನಿಘೋಣಿ ರ‍್ಹೇಸ್, ಇನ ಮಹಿ ಉಡಂತು ಜಿನಾವರ್ ಜಿನುಕು ವಖ್ಹೆಜಾ಼ಯ್.\ft*\f* ದಾಣಾನ ಪಾಡಿನ್, ಜ಼ಮೀನ್‌ಮ ಗಾಡಸ್. 
\v 32 ಥೋಡ ದನ್ನ ಬಾದ್‌ಮ ಯೋ ಮೋಟು ಹುಯಿನ್, ಖ್ಹಾರ ಭಾಜಿಪಾಲಾನ ಝಾ಼ಡೆಥೀಬಿ ಮೋಟು ಹುಯಿನ್, ಮೋಟಿ-ಮೋಟಿ ಡಾಳಿಯೆ ಮ್ಹೇಲಾಸ್. ತದೆ ಆಬ್‌ಮಾಥು ಉಡಂತು ಜಿನಾವರ್‌ ಖ್ಹಾರು ಮ್ಹಾಳೊ ಭಾಂದಿನ್ ವಖ್ಹಾಸ್” ಕರಿ ಬೋಲ್ಯೊ.
\p
\v 33 ಯೇಸುನೆ ಅಮ್ನಿ ಖ್ಹಾರಿ ಘಣಿ ಮತ್ಲಬ್‌ನಿ ಖೇಣಿಯೇಥಿ, ಅದ್ಮಿಖ್ಹಾರು ಕೆತ್ರೆ ಮನ್ ಲಗಾಡಿನ್ ಖ್ಹಮ್‌ಜಿನ್‌ ಪರ್ಖಾನ ಹುವ್ವಾಸ್‌ಕಿ, ಎತ್ರೇಸ್ ದೇವ್ನಿ ವಚನ್ ಬೋಲಿ ಖ್ಹಮ್‌ಜಾ಼ಡ್ಯೊ. 
\v 34 ಯೋ ಶಾತ್‌ ಬೋಲ್ಯೊತೋಬಿ ಮತ್ಲಬ್‌ನಿ ಖೇಣಿಯೇಥೀಸ್‌ ಬೋಲ್ತೋಥೊ. ಕತೋಬಿ ಇನ ಶಿಷ್ಯರ್‌ಕನ ಅಲಕ್ ರ‍್ಹವಾನಿ ವಖ್ಹತ್‌ಮ, ಯೋ ಖ್ಹಾರಿ ಮತ್ಲಬ್‌ನಿ ಖೇಣಿಯೇನ ಛೋ಼ಡಿನ್ ಖ್ಹಮ್‌ಜಾ಼ಡ್‌ತೊಥೊ.
\s ಯೇಸುನಿ ವಾತ್‌ಪರ್ ತೋಫಾನ್ ಭೀರಿಗಯೂತೆ
\r (ಲೂಕ 8:22-25)
\p
\v 35 ಯೋ ದನ್ನೆ ಖ್ಹಾಂಜ಼್ ಹುಯಿಜಾ಼ತಖ್ಹತರ್‌ ಯೇಸುನೆ ಇನ ಶಿಷ್ಯರ್‌ನ, “ಚಾ಼ಲೊ, ದರ‍್ಯಾವ್‍ನ ಪಾರ್ಲಿ ಕನಾರಿ ಜ಼ಯ್ಯೆ಼” ಕರಿ ಬೋಲ್ಯೊ. 
\v 36 ತದೆ ಶಿಷ್ಯರ್‌ಖ್ಹಾರು ಯೋ ಅದ್ಮಿನಿ ಭೀಡ್‌ಣ ಮ್ಹೆಂದಿನ್, ಯೇಸು ಬೆಠೋಥೋತೆ ಯೋಸ್ ಡೋಣ್‌ಪರ್‌ ಚ಼ಢಿನ್‌ ಇಮ್ಮಸ್ ಇನ ಬುಲೈಲಿನ್ ಗಯ. ಇವ್ಣ ಜೋ಼ಡ್ಮ ಬಿಜಿ ಖ್ಹಾರಿ ಡೋಣ್‌ಬಿ ಥಿ. 
\v 37 ಜಾ಼ತಿವಖ್ಹತ್‌ಮ ಏಕ್‌ದಮ್ ಮೋಟೊ ವಹಿರೊ ವಾಗಿನ್, ಮೋಟೊ ಝೋ಼ಕಾಳ್ಯೊ ಉಠೀನ್ ಯೋ ಡೋಣ್ಣಾ ಮಾರ್ ಪಡ್‌ತಾಖ್ಹತರ್, ಯೋ ಡೋಣ್‌ಮ ಪಾಣಿ ಭರಾವಲಗ್ಯೂಥು. 
\v 38 ಯೇಸು ಡೋಣ್ಣಾ ಪಾಛ಼್‌ಲಿ ಬಾಜು಼ಮ ಶಿರಾಣು ಟೇಕಿನ್ ಖ್ಹುತೋಥೊ. ತದೆ ಶಿಷ್ಯರ್‌ನೆ ಇನ ಉಠಾಡಿನ್, “ಗುರು, ಹಮೆ ಮರ್‌ವಾನ ಆಯಾನಿ ತುನ ಜ಼ರಾಬಿ ಫಿಕರ್‌ಕೊಯ್ನಿಕಿ ಶು? ಕರಿ ಬೋಲ್ಯ.
\p
\v 39 ತದೆ ಯೇಸುನೆ ಉಠೀನ್ ಯೋ ವಹಿರಾನ, “ಖ್ಹೊಪ್‌ ರ‍್ಹೆ!” ಅಜು಼ ದರ‍್ಯಾವ್ನ “ಶೊಪೊ ಹುಯಿಜಾ಼!” ಕರಿ ಹುಕುಮ್‌ದಿದೊ. ಅಮ್ ಬೋಲ್ತಾಸ್‌ನ ವಹಿರೊ ಖ್ಹೊಪೊ ಪಡಿಗಯು, ಅಜು಼ ಖ್ಹಾರು ಖ್ಹೊಪೊ ಪಡಿಗಯು. 
\v 40 ಬಾದ್‌ಮ ಯೇಸುನೆ ಇನ ಶಿಷ್ಯರ್‌ನ, “ತುಮೆ ಶನ ಡರೋಸ್ತೆ? ಅಜೂ಼ಬಿ ತುಮೂನ ವಿಶ್ವಾಸ್ ಕೊಯ್ನಿಕಿ ಶು?” ಕರಿ ಬೋಲ್ಯೊ.
\p
\v 41 ಕತೋಬಿ ಇವ್ಣೆ ಘಣು ಡರಿಜೈನ್, “ಆ ಅದ್ಮಿ ಕೋಣ್ ಉಶೆ? ವಹಿರೋಬಿ, ದರ‍್ಯಾವ್‌ಬಿ ಜಿನು ಆ ಬೋಲಾತೆ ಇಮ್‌ ಖ್ಹಮ್‌ಜಾ಼ಸ್‌ನಿ!” ಕರಿ ಏಕ್‌ಥಿ ಏಕ್‌ ಬೋಲಿಲಿದು.
\c 5
\s ಯೇಸುನೆ ಭೂತ್‌ನಿ ದಂಡ್‌ ಧರಿರಾಖ್ಯುಥೂತೆ ಅದ್ಮಿನ ಗುಣ್‌ಕರ‍್ಯೋತೆ
\r (ಮತ್ತಾಯ 8:28-34; ಲೂಕ 8:26-39)
\p
\v 1 ಬಾದ್‌ಮ ಯೇಸುಬಿ ಇನು ಶಿಷ್ಯರ್‌ ಗಲಿಲಾಯ ದರ‍್ಯಾವ್‍ನ ಪಾರ್ಲಿ ಬಾಜೂ಼ಮ ಥೂತೆ, ಗೆರಸೇನವಾಳನ ತಬರ್‌ಖಾಮ ಗಯ. 
\v 2 ಯೇಸು ಡೋಣ್‌ಮಾಥು ಭಾರ್‌ ಉತ್‌ರ‍್ಯೋತೆ ತದೇಸ್‌, ಭೂತ್‌ ಧರಿರಾಖ್ಯುಥೂತೆ ಏಕ್‌ ಜ಼ಣೊ ಮಖ್ಹಾಣ್ಯನು ಘವಿಮಾಥೊ ನಿಕ್ಳಿನ್‌ ಇನ ಖ್ಹಾಮೆ ಆಯು. 
\v 3-4 ಯೋ ಅದ್ಮಿ ಮಖ್ಹಾಣ್ಯನಿ ಘವಿಯೇನಿ ಝ಼ಗೋಮಸ್‌ ರ‍್ಹೇತುಥು. ಘಣಿ ಹಲ್ಲ ಇನ ಬೇಡಿಥೀಬಿ, ಲ್ಹೋಡಾನಿ ಖ್ಹಂಕ್‌ಳಿಥೀಬಿ ಭಾಂದ್ಯುತೋಬಿ ಯೋ ಖ್ಹಂಕ್‌ಳಿನ ತೋಡಿನ್, ಬೇಡಿನ ಕಾಡಿನಾಖಿದೇತೂಥು. ಬಿಜು಼ ಕೋಣ್‌ಬಿ ಇನ ಖ್ಹಂಕ್‌ಳಿಥೀಬಿ ಭಾಂದಾನ ಕೋ ಹುಯುನಿ. ಯೋ ಭೂತ್‌ ಧರಿರಾಖವಾಳನ ದಾಬುಕ್ಮ ಲ್ಯಾವಾನ ಕಿನೊ ಹಾತ್‌ಬಿ ಕೋ ಹುಯುನಿ. 
\v 5 ಯೋ ಕದೇಬಿ ರಾತ್‌-ದನ್ ಮಖ್ಹಾಣ್ಯನಿ ಘವಿಯೆ಼ಮಾಬಿ, ಪಹಾಡ್‌ಮಾಬಿ ಚಿಕ್ರಾಣ್ ಮ್ಹೇಲ್ತುಹುಯಿನ್, ಬಂಡಾಥಿ ಇನು ಯೋಸ್‌ ವ್ಹಾಡಿಲೇತುಥು.
\p
\v 6 ಯೋ ದೂರ್‌ಥೊ ಯೇಸುನ ದೇಖಿನ್‌; ನಾಶಿ ಐನ್, ಇನ ಢುಕ್‌ಣ್ಯಟೇಕಿನ್, 
\v 7 ಊಚಿ ಆವಾಜ಼್‌ಮ ಚಿಕ್ರಿನ್, “ಪರಮಂಡಲ್‌ನೊ ದೇವ್ನ ಛಿಯ್ಯಾ ಯೇಸು, ಮಾರೇಥಿ ತುನ ಶಾತ್‌ ಛಾ಼? ದೇವ್ನ ಖ್ಹಾಮ್‌ಬಿ, ಮನ ಖ್ಹತಾವ್ ನಕೊ” ಕರಿ ಬೋಲ್ಯು. 
\v 8 ಶನಕತೊ, “ಏ ಭೂತ್‌, ಅನ ಮ್ಹೆಂದಿನ್ ಭಾರ್‌ ನಿಕಳ್” ಕರಿ ಯೇಸುನೆ ಅಗಾಡಿಸ್ ಬೋಲಿರಾಖ್ಯೊಥೊ, ಇನಾಖ್ಹಾಜೆ ಇನೆ ಇಮ್‌ ಬೋಲ್ಯುತೆ.
\p
\v 9 ಅಜು಼ ಯೇಸುನೆ ಇನ, “ತಾರು ನಾಮ್ ಶಾತ್?” ಕರಿ ಪುಛಾ಼ವಖ್ಹತರ್, “ಮಾರು ನಾಮ್ ಝೂ಼ಂಡ್‌, ಶನಕತೊ ಹಮೆ ಢಿಂಡ್‌ಪಾಳಸ್ ಛಿಯ್ಯೆ಼!” ಕರಿ ಬೋಲ್ಯು. 
\v 10 ಅಜು಼, “ಹಮೂನ ಆ ತಬರ್‌ಖಾಮಾಥು ನಕೊ ನಖ್ಹಾಡ್” ಕರಿ ಯೋ ಭೂತ್ ಧರೀರಾಖ್ಯುಥೂತೆ ಅದ್ಮಿನೆ ಯೇಸುನ ಘಣು ಗಿಂಗೈಲಿದು.
\p
\v 11 ಹಿಜ್ಜಾ಼ ಖನ್ನೆಸ್‌ ಥೂತೆ ಪಹಾಡ್‌ಮ ಡೂಕರ್‌ನಿ ಮೋಟಿ ಝೂ಼ಂಡ್‌ ಚ಼ರೂಕರ್‌ತೂಥು. 
\v 12 ತದೆ ಯೋ ಭೂತ್‌ಖ್ಹಾರು ಯೇಸುನ, “ಡೂಕರ್‌ನಿ ಝೂ಼ಂಡ್‌ನ ಮಹಿ ಪೇಖ್ಹಾನ ಹಮೂನ ಬೋಲಿಮೋಕಲ್‌” ಕರಿ ಗಿಂಗೈಲಿದು. 
\v 13 ತದೆ ಯೇಸುನೆ ಇಮ್ಮಸ್ ಹುವಾದೆ, ಕರಿ ಹುಕುಮ್‌ ದೇತಾಖ್ಹತರ್‌ ಯೋ ಭೂತ್‌ ಖ್ಹಾರು ಯೋ ಅದ್ಮಿನ ಮ್ಹೆಂದಿನ್ ಭಾರ್ ನಿಕ್ಳಿನ್, ಡೂಕರ್‌ನಿ ಝೂ಼ಂಡ್‌ಮ ಪೇಶಿಗಯು. ತದೆ ಯೋ ಡೂಕರ್‌ಖ್ಹಾರು ನಾಶಿನ್, ಪಹಡ್‌ನಿ ಕಥಾರ್‌ಪರ್‌ಥು ದರ‍್ಯಾವ್‌ಮ ಪಡೀನ್ ದಮ್‌ ಘೋಟೈನ್‌ ಮರಿಗಯು. ಕಮ್‍ಶಿಕಮ್ ಬೇ ಹಜಾ಼ರ್‌ ಡೂಕರ್‌ ಥೂ.
\p
\v 14 ಡೂಕರ್‌ ಚ಼ರಾವವಾಳು ಖ್ಹಾರು ನಾಶಿಜೈ಼ನ್ ಯೋ ಖ್ಹಯೇರ್‌ಮಾಬಿ, ಗಾಮ್ಮಾಬಿ ಇನಿ ಬಾರೇಮ ಬೋಲ್ತಖ್ಹತರ್‌ ಇನ ದೇಖಾನಖ್ಹಾಜೆ ಅದ್ಮಿಖ್ಹಾರು ಯೇಸು ಥೋತೆ ಹಿಜ್ಜಾ಼ ಆಯು. 
\v 15 ಯೇಸು ಹಿಜ್ಜಾ಼ ಆಯೊ ತದೆ ಯೋ ಭೂತ್‌ನಿ ಝೂ಼ಂಡ್‌ ಧರಿರಾಖ್ಯುಥೂತೆ ಅದ್ಮಿ ಲುಂಗ್ಡಾವ್‍ನ ಪೇರ‍್ಹಿಲಿನ್, ಅಛ್ಛಿ ಖ್ಹಯಾಲ್‌ಥಿ, ಬೆಠುಥೂತೆ ದೇಖಿನ್, ಅದ್ಮಿಖ್ಹಾರು ಡರಿಗಯು. 
\v 16 ಚಾ಼ಲ್ಯುತೆ ಇನಿ ಬಾರೇಮ ದೇಖಿರಾಖ್ಯುಥುತೆ ಇವ್ಣೆ, ಯೋ ಭೂತ್ ಧರಿರಾಖ್ಯುಥೂತೆ ಇನ ಅಮ್-ಅಮ್ ಹುಯುತೇಬಿ, ಬಿಜು಼ ಡೂಕರ್‌ನಿ ಬಾರೇಮಾಬಿ,
\p
\v 17 ಯೋ ಐರ‍್ಹೂಥೂತೆ ಅದ್ಮಿನ ಬೋಲಾಖ್ಹತರ್ ಇವ್ಣೆ, ಇವ್ಣ ತಬರ್‌ಖಾನ ಮ್ಹೆಂದಿನ್ ಜಾ಼ ಕರಿ ಯೇಸುನ ಗಿಂಗೈಲಿದು.
\p
\v 18 ಯೇಸು ಡೋಣ್‌ ಚ಼ಢಾನಿ ವಖ್ಹತ್‌ಮ, ಯೋ ಭೂತ್‌ಖ್ಹಾರು ನಿಕ್ಳಿಗಯೂತೆ ಅದ್ಮಿ, “ಮೇಬಿ ತಾರ ಕೇಡೆಸ್ ರ‍್ಹವುಸ್” ಕರಿ ಯೇಸುನ ಗಿಂಗೈಲಿದೊ. 
\v 19 ಕತೋಬಿ ಯೇಸುನೆ ಇನ ರ‍್ಹವಾದಿದೊ ಕೊಯ್ನಿ. ಯೋ ಅದ್ಮಿನ, “ತೂ ತಾರ ಘರೇಬಿ, ತಾರ ಅದ್ಮಿಕನಾಬಿ ಜೈ಼ನ್‌, ಪ್ರಭುನೆ ತಾರಪರ್ ಗೋರ್‌ಕರೀನ್, ತುನ ಕೆತ್ರೆ ಮದತ್ ಕರ‍್ಯೊ ಕರಿ ಯೋ ಖ್ಹಾರಾನ ಇವ್ಣುನ ಬೋಲ್” ಕರಿ ಬೋಲ್ಯೊ.
\p
\v 20 ಇಮ್ಮಸ್ ಯೋ ಅದ್ಮಿ ಹಿಜ್ಜಾ಼ಥು ನಿಕ್ಳಿನ್ ದೆಕಪೊಲಿ\f + \fr 5:20 \fr*\ft ದೆಕಪೊಲಿ ಕತೊ, ‘ದಖ್ಹ್‌ ಗಾಮ್‌ನೊ ತಬರ್‌ಖೊ’ ಕರಿ\ft*\f* ಕರಿ ತಬರ್‌ಖಾಮ ಜೈ಼ನ್, ಯೇಸುನೆ ಇನ ಕರ‍್ಯೋತೊ ಖ್ಹಾರಿ ಮದತ್‍ನ ಬೋಲಾನ ಶುರುಕರ‍್ಯು. ಅನ ಖ್ಹಮ್‌ಜಾ಼ವಾಳು ಖ್ಹಾರು ಆಶ್ಚರ್ಯಖಾದು.
\s ಯಾಯಿರನಿ ಛೋ಼ರಿ ಅಜು಼ ಯೇಸುನು ಲುಂಗ್ಡು ಛೀಮೀತೆ ತಯೇಡಾನಿ ಬಾರೇಮ
\r (ಮತ್ತಾಯ 9:18-26; ಲೂಕ 8:40-56)
\p
\v 21 ಯೇಸು ಪಾಛೊ಼ ಫರೀನ್ ಡೋಣ್‌ಮ ದರ‍್ಯಾವ್‌ಮ ಹೈಕಡ್‌ಳಿ ಬಾಜು಼ಮ ಆಯೊ. ಹಿಜ್ಜಾ಼ ದರ‍್ಯಾವ್‍ನ ಕನಾರೆ ಅದ್ಮಿನಿ ಘಣಿ ಮೋಟಿ ಝೂ಼ಂಡ್‌ ಯೇಸುನ ಅಶ್‌ಪಿಶ್ ಐನ್ ಭರಾಯು. 
\v 22 ತದೆ ಸಬಾಮಂದಿರ್‌ನೊ ಅದಿಕಾರಿ ಏಕ್‌ ಜ಼ಣೊ ಹಿಜ್ಜಾ಼ ಆಯೊ. ಇನು ನಾಮ್ ಯಾಯಿರ ಕರಿ. ಯೋ ಯೇಸುನ ದೇಖಿನ್, ಇನ ಗೋಡಾಪರ್ ಪಡಿನ್, 
\v 23 “ಮಾರಿ ಅಡ್ಡಾಣಿ ಛೋ಼ಕ್ರಿ ಮರ್‌ವಾನ ಆಯಿ; ಯೊ ಅಛ್ಛಿಹುಯಿನ್ ಬಚಾ಼ನಖ್ಹಾಜೆ ದಯಕರಿನ್ ತೂ ಐನ್‌ ಇನಾಪರ್‌ ಹಾತ್‌ ಮ್ಹೇಲ್‌, ಕರಿ ಯೇಸುನ ಘಣು ಗಿಂಗೈಲಿದೊ.
\p
\v 24 ತದೆ ಯೇಸು ಇನಜೋ಼ಡೆ ಗಯೊ, ಬಿಜು಼ ಅದ್ಮಿನಿ ಭೀಡ್‌ ಇನ ಅಶ್‌ಪಿಶ್ ಭರೈನ್ ಧಕೇಲ್‌ತುಹುಯಿನ್ ಇನ ಪೀಠೆ ಗಯು.
\p
\v 25 ಹಿಜ್ಜಾ಼ ಭಾರ ವರಖ್ಹ್‌ಥು ಮುಟ್ನು ರೋಗ್‌ಥೀತೆ ಏಕ್‌ ತಯೇಡ ಥಿ. 
\v 26 ಯೋ ಕೈಯೆಕ್ಕಿ ವೈದ್ಯಕನ ದೆಖಾಡಿತೋಬಿ ಘಣು ಲತಾಡ ಪಡಿರ‍್ಹೀಥಿ. ಥೂತೆ ಖ್ಹಾರು ಇನೆ ಖರ್ಚಿ ಕರಿತೋಬಿ ರೋಗ್‌ ಜಾ಼ಖ್ಹತ್ ಹುಯು ಪಣ್ಕಿ ಶಾತ್ಬಿ ಫಾಯಿದೊ ಕೋ ಹುಯುಥೂನಿ. 
\v 27-28 ಯೋ ತಯೇಡ ಯೇಸುನಿ ಬಾರೇಮ ಖ್ಹಮ್‌ಜಿನ್‌, “ಮೇ ಯೇಸುನ ಲುಂಗ್ಡಾನ ಛೀಮೀತೊ ಬಶ್‌, ಮನ ಅಛ್ಛು಼ ಹುಯಿಜಾ಼ಶೆ” ಕರಿ ಸೋಚಿನ್, ಝೂ಼ಂಡ್‌ಮ ಪೀಠೇಥು ಐನ್ ಇನ ಲುಂಗ್ಡಾನ ಛೀಮಿ.
\p
\v 29 ಛೀಮ್‌ತಾಸ್‌ ಇನ ಲ್ಹೊಯಿ ಝ಼ರಾನು ಭೀರಿಗಯು; ತದೆ ಇನೆ, ಇನ ಖ್ಹತವ್‌ಕರ್ತುಥೂತೆ ರೋಗ್‌ ನಿಕ್ಳಿಜೈ಼ನ್ ಅಛ್ಛು಼ ಹುಯಿಗಯು, ಕರಿ ಇನು ಯೋಸ್‌ ಮಾಲುಮ್‌ ಕರೀಲಿದಿ. 
\v 30 ತದ್‌ನು ತದೇಸ್‌ ಯೇಸುನೆ ಇನಾಮಾಥು ಶಕತ್ ಗೈತೆ ಮಾಲುಮ್‌ ಕರಿಲೀನ್, ಝೂ಼ಂಡ್‌ಮ ಪೀಠೆ ಫರೀನ್, “ಮಾರ ಲುಂಗ್ಡಾನ ಛೀಮ್ಯೂತೆ ಕೋಣ್?” ಕರಿ ಪುಛಾ಼ಯೊ.
\p
\v 31 ತದೆ ಇನ ಶಿಷ್ಯರ್‌ನೆ ಇನ, “ಅದ್ಮಿನಿ ಝೂ಼ಂಡಸ್ ತಾರಾಪರ್ ಪಡುಕರಾಸ್ ತೋಬಿ, ‘ಮನ ಛೀಮ್ಯೂತೆ ಕೋಣ್ ಕರಿ ಪುಛಾ಼ವಸ್ತೆ ಕಿಮ್?” ಕರಿ ಬೋಲ್ಯು.
\p
\v 32 ಕತೋಬಿ ಯೇಸು ಇನ ಛೀಮ್ಯೂತೆ ಕೋಣ್ ಕರಿ ಅಶ್‌ಪಿಶ್ ದೇಖೂಸ್ ಕರ್ತೊಥೊ. 
\v 33 ಯೋ ತಯೇಡ ಇನ ಹುಯೂತೆ ಮಾಲುಮ್‌ ಕರೀಲಿನ್‌, ಡರ್‌ಥಿ ಕಾಪ್ತಿಹುಯಿನ್‌ ಐನ್, ಯೇಸುನ ಗೋಡಾಪರ್ ಪಡೀನ್, ಖ್ಹಾರಿಸ್ ಖ್ಹಾಚಿನ ಬೋಲಿ. 
\v 34 ತದೆ ಯೇಸುನೆ ಇನ, “ಛೋ಼ರಿ, ತಾರಿ ವಿಶ್ವಾಸ್‌ಥೀಸ್ ತುನ ಅಛ್ಛು಼ ಹುಯೂತೆ. ಸಮಾಧಾನ್‌ಥಿ ಜಾ಼, ತುನ ಬಿಜು಼ ಪಾಛು಼ ಯೋ ರೋಗ್ ಖ್ಹತಾವ್‌ಶೆ ಕೊಯ್ನಿ” ಕರಿ ಬೋಲ್ಯೊ. 
\v 35 ಯೇಸು ಹಿಜ್ಜಾ಼ ಬಿಜೂ಼ಬಿ ವಾತೆ ಬೋಲುಕರ್ತೊಥೋತೆ, ಎತ್ರಾಮ ಮಂದಿರ್‌ನು ಅದಿಕಾರಿ ಭಣಿವಾಳು ಹಿಜ್ಜಾ಼ ಐನ್, “ತಾರಿ ಛೋ಼ರಿ ಮರಿಗೈ. ಅಜು಼ ಗುರುನ ಖ್ಹತಾವ್ ನಕೊ?” ಕರಿ ಬೋಲ್ಯು.
\p
\v 36 ಇವ್ಣೆ ಬೋಲ್ಯುತೆ ವಾತೆನ ಯೇಸುನೆ ಮಜು಼ರಸ್ ಕರ‍್ಯೊಕೊಂತೆ ಮಂದಿರ್‌ನು ಅದಿಕಾರಿನ, “ಡರ್‌ನಕೊ, ಖಲಿ ವಿಶ್ವಾಸ್ ರ‍್ಹವಾದೆ” ಕರಿ ಬೋಲ್ಯೊ. 
\v 37 ಬಿಜು಼ ಯೇಸುನೆ ಪೇತ್ರ, ಯಾಕೋಬ್ ಅಜು಼ ಯಾಕೋಬನೊ ನ್ಹಾನೊ ಭೈ ಯೋಹಾನ ಅವ್ಣುನ ಮ್ಹೆಂದಿನ್ ಕಿನಾಬಿ ಇನ ಕೇಡೆ ಆವಾದಿದೊ ಕೊಯ್ನಿ. 
\v 38 ಇವ್ಣೆ ಅದಿಕಾರಿನ ಘರೆ ಆಯತದೆ, ಹಿಜ್ಜಾ಼ ಅದ್ಮಿಖ್ಹಾರು ಚಿಕ್ರಾಣ್ ಮ್ಹೇಲುಕರಾತೆ ಬಿಜು಼ ಥೋಡು ಅದ್ಮಿ ರೊವಣ್‌ಝೋ಼ವಣ್ ಕರುಕರಾತೆ ಯೇಸುನೆ ದೇಖ್ಯೊ. 
\v 39 ಯೇಸು ಮಹಿ ಜೈ಼ನ್‌, “ಶನ ತುಮೆ ಚಿಕ್ರಾಣ್ ಮ್ಹೇಲುಕರಾಸ್ತೆ, ರೋವ್‌ಕರಾಸ್ತೆ? ಛೋ಼ಕ್ರಿ ಮರಿಕೊಯ್ನಿ, ಖ್ಹುತೀಸ್!” ಕರಿ ಬೋಲ್ಯೊ.
\p
\v 40 ಇವ್ಣೆ ಯೇಸುನ ದೇಖಿನ್ ನಕ್ಲೆ ಕರ‍್ಯು, ಇನಾಖ್ಹಾಜೆ ಯೇಸುನೆ ಖ್ಹಾರಾನ ಭಾರ್‌ ಮೋಕ್ಲೀನ್, ಯೋ ಛೋ಼ಕ್ರಿನ ಆಯ-ಬಾನ ಬಿಜು಼ ಇನ ತೀನ್ ಜ಼ಣ ಶಿಷ್ಯರ್‌ನ ಬುಲೈಲಿನ್ ಛೋ಼ಕ್ರಿ ಥೀತೆ ಹಿಜ್ಜಾ಼ಗಯೊ. 
\v 41 ಯೇಸುನೆ ಯೋ ಛೋ಼ಕ್ರಿನೊ ಹಾತ್ ಧರೀನ್, “ತಲಿಥಾಕೂಮ್” ಕರಿ ಬೋಲ್ಯೊ. ಇಮ್‌ ಕತೊ “ಅಡ್ಡಾಣಿ ಛೋ಼ಕ್ರಿ, ಮೇ ತುನ ಬೋಲುಕರುಸ್ ಉಪ್ಪರ್ ಉಟ್” ಕರಿ.
\p
\v 42 ತದ್‌ನು ತದೇಸ್‌ ಯೋ ಛೋ಼ಕ್ರಿ ಉಠೀನ್ ಹೈಕಡ್‌ ಹೀಕಡ್‌ ಚಾ಼ಲಾಲಗಿ. ಯೋ ಭಾರ ವರಖ್ಹ್‌ನಿ ಹುಯಿರ‍್ಹೀಥಿ. ಅಮ್ ಹುವಾನು ದೇಖಿನ್ ಇವ್ಣೆ ಘಣು ಆಶ್ಚರ್ಯಖಾದು. 
\v 43 ಯೇಸುನೆ ಇವ್ಣುನ, ಆ ಕಿನಾಬಿ ನಾ ಮಾಲುಮ್ ಪಡ್ಣು ಕರಿ ಘಣು ಝೇತೈನ್‌, “ಆ ಛೋ಼ಕ್ರಿನ ಖಾಣು ಖಡಾವೊ” ಕರಿ ಬೋಲ್ಯೊ.
\c 6
\s ನಜ಼ರೇತ್‌ನು ಅದ್ಮಿ ಯೇಸುನ ಝಿಟ್ಕಾರ‍್ಯುತೆ
\r (ಮತ್ತಾಯ 13:53-58; ಲೂಕ 4:16-30)
\p
\v 1 ಯೇಸು ಹಿಜ್ಜಾ಼ಥೊ ನಿಕ್ಳಿನ್ ಇನ ಗಾಮೆ ಗಯೊ, ಇನ ಶಿಷ್ಯರ್‌ಬಿ ಇನ ಪೀಠೆ ಗಯ. 
\v 2 ಸಬ್ಬತ್‌ ದನ್ ಆವಾದಿನ್ ಯೇಸು ಸಬೆ ಭರಾವಾನು ಮಂದಿರ್‌ಮ ಜೈ಼ನ್‌, ದೇವ್ನಿ ವಚನ್ ಬೋಲಿ ದೆವಾನಿಕ್‌ಳ್ಯೊ. ಹಿಜ್ಜಾ಼ ಘಣು ಅದ್ಮಿಥು; ಇವ್ಣೆ ಇನಿ ವಾತೆ ಖ್ಹಮ್‌ಜಿನ್‌ ಘಣು ಆಶ್ಚರ್ಯಹುಯಿನ್, “ಆ ಖ್ಹಾರಿ ವಾತೆ ಅನ ಕಿಜ್ಜಾ಼ಥಿ ಮಳಿ? ಅನ ಅಮ್ನಿ ಗ್ಯಾನ್ ಕಿಜ್ಜಾ಼ಥಿ ಮಳಿ? ಅನ ಅದ್ಭುತ್‌ಖ್ಹಾರು ಕರಾನ ಶಕತ್ ಕಿಜ್ಜಾ಼ಥಿ ಆಯಿ?” 
\v 3 ಆ ಅದ್ಮಿತೊ ಖೋಡ್‌ಶಾನು ಖ್ಹಾಮನ್‌ ಕರಾವಾಳೊನಿ, ಆ ಮರಿಯನೊ ಛಿಯ್ಯೋನಿ, ಯಾಕೋಬ್, ಯೋಸೆ, ಯೂದ ಅಜು಼ ಸೀಮೋನ್ನೊ ಮೋಟೊ ಭೈನಿ? ಅಜು಼ ಅನಿ ಭೇನೆಬಿ ಹಾ಼ಸ್‌ ರ‍್ಹೇಸ್‌ನಿ?” ಕರಿ ಬೋಲಿನ್ ಯೇಸುನ ಝಿಟ್ಕಾರ‍್ಯು.
\p
\v 4 ತದೆ ಯೇಸುನೆ ಇವ್ಣುನ, “ಪ್ರವಾದಿಯೇನ ಬಿಜ಼ ಖ್ಹಾರ ಗಾಮ್ಮ ಮರ್ಯಾದಿ ದೇಸ್, ಕತೋಬಿ ಇನು ಶೊಂತ್‌ ಗಾಮ್ಮ, ಶೊಂತ್‌ ಅದ್ಮಿಮ ಅಜು಼ ಶೊಂತ್‌ ಘರ್‌ಮ ಇನ ಮರ್ಯಾದಿ ಕೋ ದೇಯ್ನಿ” ಕರಿ ಬೋಲ್ಯೊ.
\p
\v 5 ಯೇಸುನೆ ಹಿಜ್ಜಾ಼ ರೋಗ್‍ವಾಳ ಥೋಡ ಅದ್ಮಿಪರ್ ಹಾತ್‌ ಮ್ಹೇಲಿನ್ ಅಛ್ಛು಼ ಕರಾನು ಕಾಹೆತೆ ಬಿಜು಼ ಶನೂಬಿ ಅದ್ಭುತ್‌ಕಾಮ್ನ ಕರಾನ ಕೋ ಹುಯೂನಿ. 
\v 6 ಹಿಜ಼್ಜಾನ ಅದ್ಮಿಮ ವಿಶ್ವಾಸ್‌ಕೊಂತೆ ದೇಖಿನ್‌, ಯೇಸುನೆ ಘಣು ಆಶ್ಚರ್ಯಖಾದೊ.
\s ಯೇಸುನೆ ಭಾರ ಜ಼ಣ ಶಿಷ್ಯರ್‌ನ ಮೋಕ್‌ಲ್ಯೊತೆ
\r (ಮತ್ತಾಯ 10:5-15; ಲೂಕ 9:1-6)
\p ಬಾದ್‌ಮ ಯೇಸು ಅಶ್‌ಪೀಶ್‌ನ ಗಾಮೆ ಜೈ಼ನ್, ದೇವ್ನಿ ವಚನ್ ಬೋಲಿದೆವಾನಿಕ್‍ಳ್ಯೊ. 
\v 7 ಅಜು಼ ಭಾರ ಜ಼ಣ ಶಿಷ್ಯರ್‌ನ ಏಕ್‌ದಮ್ ಬುಲೈನ್, ಇವ್ಣುನ ಭೂತ್‌ಖ್ಹಾರು ಕಾಡಾನ ಅದಿಕಾರ್ ದಿದೊ, ಬೆಬ್ಬೆ ಜ಼ಣ ಕರಿನ್‌ ಮೋಕ್‌ಲ್ಯೊ. 
\v 8 ಯೇಸುನೆ ಇವ್ಣುನ, “ಲಠ್ಠೊ ಮ್ಹೆಂದಿನ್ ಶಾತ್ಬಿ ನಕೊ ಲೀಜಾ಼ವೊ, ರೋಟೊ ರ‍್ಹವೊ, ಝೋ಼ಳಿ ರ‍್ಹವೊ, ಚ಼ಂಚಿಮ ಪೈಶಾ ರ‍್ಹವೊ ನಕೊ ಲೀಜಾ಼ವೊ. 
\v 9 ಚಪ್ಲೆ ಘಾಲಿಲೆವೊ, ಅಜು಼ ಪೇರ‍್ಹಿರಾಖ್ಯಸ್ತೆ ಕುಡ್‌ತೂಸ್‌ ಬಶ್‌, ಬಿಜೇಕ್ ಕುಡ್‌ತು ನಕೊ ಲೀಜಾ಼ವೊ” ಕರಿ ಹುಕುಮ್‌ ದಿದೊ. 
\v 10 ಎತ್ರೇಸ್ ಕಾಹೆತೆ ಯೇಸುನೆ ಇವ್ಣುನ, “ತುಮೂನ ಖೆವ ಘರ್‌ಮ ಬುಲೈಲೇಸ್ಕಿ, ಯೋ ಝ಼ಗೊ ಮ್ಹೇಲಿನ್‌ ಜಾ಼ವಾಲಗೂಬಿ ಯೋಸ್‌ ಘರ್‌ಮ ರ‍್ಹವಾಕರೊ. 
\v 11 ಅಜು಼ ಕೆವ್ಹಾಬಿ ಝ಼ಗೊವಾಳು ತುಮೂನ ನಾ ಬುಲೈಲಿದುತೊ ಅಜು಼ ತುಮಾರಿ ವಾತೆನ ನಾ ಖ್ಹಮ್‌ಜುತೊ, ಯೋ ಝ಼ಗೋಥು ನಿಕ್ಳಿ ಜಾ಼ವೊ ಅಜು಼ ತುಮಾರ ಗೋಡಾನ ಲಾಗ್ಯುತೆ ಧೂಳ್‌ನ ಝ಼ಟ್‌ಕಿ ದೆವೊ\f + \fr 6:11 \fr*\ft ಯೋ ಝ಼ಗೊನ ಅದ್ಮಿನ ದೇವ್ನೆ ಧಕೇಲಿದಿದೊ ಕರಿ ಆ ಏಕ್‌ ಖ್ಹಣೇದ್\ft*\f*. ಆ ಇವ್ಣುನ ಝೇತಾವನು ಸಾಕ್ಷಿ ಹುಯಿರ‍್ಹಿಶೆ!” ಕರಿ ಬೋಲ್ಯೊ.
\p
\v 12 ಬಾದ್‌ಮ ಇವ್ಣೆ ಹಿಜ್ಜಾ಼ಥು ಜೈ಼ನ್‌, ಅದ್ಮಿಖ್ಹಾರನ, “ಪಾಪ್ ಕರಾನು ಮ್ಹೇಲಿನ್ ದೇವ್ ಭಣಿ ಫರೊ” ಕರಿ ದೇವ್ನಿ ವಾತೆನ ಬೋಲಿವತಾಳ್ಯು. 
\v 13 ಇವ್ಣೆ ಘಣು ಭೂತ್‌ಖ್ಹಾರು ಕಾಡ್ಯು ಅಜು಼ ರೋಗ್‍ವಾಳ ಘಣ ಅದ್ಮಿನ ತೇಲ್ ಲಗಾಡಿನ್ ಅಛ್ಛು಼ಕರ‍್ಯು.
\s ಬ್ಯಾಪ್ತಿಸ್ಮದ್ಯವಾಳೊ ಯೋಹಾನ್ನಿ ಮರಣ್
\r (ಮತ್ತಾಯ 14:1-12; ಲೂಕ 9:7-9)
\p
\v 14 ಅಜು಼ ಹೆರೋದ ರಾಜಾ಼ನೆ ಯೇಸುನಿ ಬಾರೇಮ ಖ್ಹಮ್‌ಜೊ಼, ಶನಕತೊ ಯೇಸುನು ನಾಮ್ ಖ್ಹಾರಿ ಬಾಜು಼ಮ ಫೈಲಿಗಯುಥು. ಥೋಡು ಅದ್ಮಿ ಯೇಸುನಿ ಬಾರೇಮ, “ಬ್ಯಾಪ್ತಿಸ್ಮದ್ಯವಾಳೊ ಯೋಹಾನಸ್‌ ಪಾಛೊ಼ ಜಿವ್ತೊಹುಯಿನ್ ಐರ‍್ಹೋಸ್! ಇನಖ್ಹಾಜೇಸ್ ಮೋಟು ಅದ್ಭುತ್ ಕರಾನು ಶಕತ್ ಯೇಸುಮ ಛಾ಼ತೆ” ಕರಿ ಬೋಲ್ತುಥು.
\p
\v 15 ಥೋಡು ಜ಼ಣು, “ಯೋ ಎಲೀಯ” ಕರಿ, ಬಿಜು಼ ಥೋಡು ಜ಼ಣು, “ಘಣ ವರಖ್ಹ್‌ನ ಪೀಠೆ ಥೂತೆ ಪ್ರವಾದೀನಿ ಘೋಣಿ ಆಬಿ ಏಕ್‌ ಪ್ರವಾದಿ ಹುಯಿರ‍್ಹೋಸ್’ ಕರಿ ಬೋಲ್ಯು.
\p
\v 16 ಕತೋಬಿ ಹೆರೋದನೆ ಆ ಖ್ಹಾರಿ ವಾತೆನ ಖ್ಹಮ್‌ಜಿನ್‌, “ಮೇ ಮುಡ್‌ಕ್ಯು ಕತ್ರಾಯೊತೆ ಯೋಹಾನಸ್‌ ಆ, ಪಾಛೊ಼ ಜಿವ್ತೊಹುಯಿನ್ ಐರ‍್ಹೋಸ್!” ಕರಿ ಬೋಲ್ಯೊ. 
\v 17 ಹೆರೋದನೆ, ಇನೆ ರಾಖಿರಾಖ್ಯೊಥೋತೆ ಹೆರೋದ್ಯನಖ್ಹಾಜೆ ಯೋಹಾನ್ನ ಧರೈನ್, ಇನ ಜೇಲ್‌ಮ ಕೋಂಡಿ ಘಲೈರಾಖ್ಯೊಥೊ. ಯೋ ಹೆರೋದ್ಯ ಹೆರೋದನೊ ಭೈ ಫಿಲಿಪ್ಫನಿ ಬಾವಣ್‍. 
\v 18 ಬ್ಯಾಪ್ತಿಸ್ಮ ದ್ಯವಾಳೊ ಯೋಹಾನ ಹೆರೋದಾನ, “ತೂ ತಾರ ಭೈನಿ ಬಾಯ್ಕೊನ ರಾಖಿರಾಖ್ಯೋತೆ ನಿಯಮ್‌ಕಾಹೆ!” ಕರಿ ಬೋಲ್ತೊರ‍್ಹೇತೋಥೊ.
\p
\v 19 ಅನಖ್ಹಾಜೆ ಹೆರೋದ್ಯಬಿ ಯೋಹಾನಪರ್ ದಾವೊ ರಾಖಿನ್, ಇನ ಮರೈನಾಕ್ಣು ಕರಿ ಕೆತ್ರು ಕರಿತೋಬಿ ಇನೊ ಹಾತ್‌ ಕೋ ಹುಯುನಿ. 
\v 20 ಹೆರೋದನ ಯೋಹಾನಕತೊ ಡರ್‌ ಥೊ ಶನಕತೊ, ಯೋಹಾನ ನೀತಿವಾಳೊಕರೀಬಿ ಅಜು಼ ಪವಿತ್ರ್‌ ಅದ್ಮಿಕರಿ ಇನ ಮಾಲುಮ್‌ ಥು, ಇನಾಖ್ಹಾಜೆ ಇನ ಜ಼ತನ್‌ಥಿ ರಾಖಿರಾಖ್ಯೋಥೊ. ಅಜು಼ ಯೋಹಾನ ಬೋಲಾತೆ ವಾತ್ನ ಖ್ಹಮ್‌ಜೊತೊ, ಇನ ದಿಲ್ಮ ಕಲಾವ್ಣಿ ಹುಯುತೋಬಿ, ಇನಿ ವಾತೆನ ಖ್ಹುಶಿಥಿ ಖ್ಹಮಜ಼್‌ತೋಥೊ.
\p
\v 21 ಹೆರೋದ್ಯನೆ ಸೋಚಿರಾಖಿಥೀತೆ ವಖ್ಹತ್ ಆಯಿ. ಕಿಮ್‌ಕತೊ ಹೆರೋದನೊ ಪೈದಾ ಹುಯೋತೆ ದನ್ ಆಯೊ, ಯೋ ದನ್ಮ ಇನೆ ಖ್ಹಾರ ಅದಿಕಾರ್‌ಮ ರ‍್ಹವಾಳ ಶಾಣಾವ್ನ ಅಜು಼ ಇನು ದಂಡ್‌-ದಳವಾಯಿನ ಚ಼ಲಾವವಾಳ ಮೋಟಾವ್ನ, ಅಜು಼ ಗಲಿಲಾಯ ತಬರ್‌ಖಾನು ಧನ್‌-ದೌಲತ್‌ವಾಳ ಗಲ್‌ಢಾವ್‌ನ ಖ್ಹಾಜೆ ಮಿಝ಼್‌ವಾನ್ ಪಿಕಾಯೊ. 
\v 22 ತದೆ ಹೆರೋದ್ಯನಿ ಛೋ಼ರಿ ಮಹಿ ಅಯಿನ್ ಖೇಲಿನ್, ಹೆರೋದನಾಬಿ ಇನ ಜೋ಼ಡ್ಮ ಖಾಣನ ಬೆಠುಥೂತೆ ಖ್ಹಾರಾವ್‌ನ ಖ್ಹುಶಿಕರಿ. ತದೆ ರಾಜಾ಼ನೆ ಯೋ ಛೋ಼ಕ್ರಿನ, “ತುನ ಶಾತ್‌ ಹೋಣು ಬೋಲ್?‌ ತುನ ಶಾತ್ ಹೋಣುಕತೋಬಿ ದೆವುಸ್” ಕರಿ ಬೋಲ್ಯೊ. 
\v 23 ಇನೆ ಘಣಿ ಶಪತ್ ಲೀನ್, “ತೂ ಶಾತ್ ಬೋಲಿಲಿದಿತೋಬಿ ದೆವುಸ್ ಕರಿ ವಾತ್ ದೆವ್‍ಕರೂಸ್, ಮಾರ ರಾಜ್ಯಮಾಥು ಆಧು ರಾಜ್ಯನ ಮಾಂಗಿಲಿದಿತೋಬಿ ತುನ ದೆವುಸ್‌” ಕರಿ ಬೋಲ್ಯೊ.
\p
\v 24 ತದೆ ಯೋ ಛೋ಼ಕ್ರಿ ಭಾರ್‌ ಇನಿ ಆಯಕನ ಜೈ಼ನ್‌, “ಮೇ ಶಾತ್‌ ಮಾಂಗಿಲೆವ್?” ಕರಿ ಪುಛೈ಼.
\p ತದೆ ಇನಿ ಆಯನೆ, “ಬ್ಯಾಪ್ತಿಸ್ಮದ್ಯವಾಳೊ ಯೋಹಾನನು ಮುಡ್‌ಕ್ಯು ಮಾಂಗಿಲೆ” ಕರಿ ಬೋಲಿ.
\p
\v 25 ಇನಿ ಆಯ ಇಮ್‌ ಬೋಲ್ತಾಸ್‌ನ, ಒಗ್ಗಿಸ್‌ಮ ಯೋ ರಾಜ಼ಕನ ಐನ್, “ಹಮ್ಕೆಸ್‌ ಬ್ಯಾಪ್ತಿಸ್ಮದ್ಯವಾಳೊ ಯೋಹಾನನು ಮುಡ್‌ಕ್ಯು ಪತ್ತರ್‌ಮ ಮನ ಮಂಗೈನ್ ದೆ! ಯೋಸ್ ಮಾರಿ ಬಿಂತಿ” ಕರಿ ಬೋಲಿ.
\p
\v 26 ಅನೇಥಿ ಹೆರೋದ ರಾಜಾ಼ನ ಘಣು ದುಖ್ ಹುಯು, ಕತೋಬಿ ಅಖ್ಖಾನ ಖ್ಹಾಮೆ ಇನೆ ವಾಗ್ದಾನ್‌ ದೀರಾಖ್ಯೊಥೋತೆ ಇನಖ್ಹಾಜೆ, ಹೆರೋದ್ಯನಿ ಛೋ಼ರಿನೆ ಬೋಲಿತೆ ಇನ ಕಾಡಾನ ಕೋ ಹುಯುನಿ. 
\v 27 ಅನಾಖ್ಹಾಜೆ ರಾಜಾ಼ನೆ ಒಗ್ಗಿಸ್‌ಮ ಕಾವ್ಲಿಕರಾವಾಳ ಶಿಪಾಯಿನ, ಜೇಲ್‌ನ ಜೈ಼ನ್‌ ಯೋಹಾನನು ಮುಡ್‌ಕ್ಯು ಕತ್ರಿಲೀನ್ ಆವಾನ ಹುಕುಮ್‌ ದೀನ್ ಮೋಕ್‌ಲ್ಯೊ. ತದೆ ಇನೆ ಯೋಹಾನ್ನ ಕೋಂಡಿ ಘಾಲಿರಾಖ್ಯುಥೂತೆ ಹಿಜ್ಜಾ಼ಜೈ಼ನ್, ಇನು ಮುಡ್‌ಕ್ಯು ಕತ್ರೀನ್, 
\v 28 ಇನ ಪತ್ತರ್‌ಮ ಲೈನ್‌, ಯೋ ಛೋ಼ಕ್ರಿನ ದಿದು. ಇನೆ ಯೋ ಮುಡ್‌ಕ್ಯಾನ ಇನಿ ಆಯನ ದಿದಿ. 
\v 29 ಯೋಹಾನನು ಶಿಷ್ಯರ್‌ ಅನಿ ಬಾರೇಮ ಖ್ಹಮ್‌ಜಿನ್‌, ಹಿಜ್ಜಾ಼ ಐನ್, ಯೋಹಾನನು ಮುರ್ದು ಪಳ್ಳಿಜೈ಼ನ್‌, ಮಖ್ಹಾಣ್ಯನಿ ಘವಿಮ ಘಾಲ್ಯು.
\s ಯೇಸುನೆ ಪಾಚ಼್ ಹಜಾ಼ರ್ ಅದ್ಮಿನ ಖಡಾಯೋತೆ
\r (ಮತ್ತಾಯ 14:13-21; ಲೂಕ 9:10-17; ಯೋಹಾನ 6:1-14)
\p
\v 30 ಬಾದ್‌ಮ ಅಪೊಸ್ತಲರ್ ಖ್ಹಾರು ಯೇಸುಕನ ಪಾಛು಼ಫರಿ ಐನ್ ಮಳ್ಯು. ತದೆ ಇವ್ಣೆ ಅದ್ಮಿಮ ಕರ‍್ಯುತೆ ಅಜು಼ ಬೋಲಿದಿದೂತೆ ಖ್ಹಾರಸ್ನ ಯೇಸುನ ಖ್ಹಾಮ್ಣೆ ಬೋಲ್ಯು. 
\v 31 ತದೆ ಯೇಸುನೆ ಇವ್ಣುನ, “ಖಲಿ ತುಮೆ ಮಾರ ಜೋ಼ಡೆ ಉಜ್ಜಾ಼ಡಿ ಝ಼ಗೋಪರ್‌ ಐನ್, ಅರಾಮ್‌ ಕರಿಲೆವೊ” ಕರಿ ಬೋಲ್ಯೊ. ಶನಕತೊ ಘಣು ಅದ್ಮಿ ಹಿಜ್ಜಾ಼ ಆವಾನು ಜಾ಼ವಾನು ಕರುಕರ್ತುಥೂತೆ ಇನಾಖ್ಹಾಜೆ, ಯೇಸುನಾಬಿ ಇನ ಶಿಷ್ಯರ್‌ನ ಖಾಣು ಖಾವನಿಬಿ ವಖ್ಹತ್ ಕೋ ಥೀನಿ. 
\v 32 ಇನಾಖ್ಹಾಜೆ ಇವ್ಣೆ ಡೋಣ್‌ಮ ಬೇಶಿನ್ ಉಜ್ಜಾ಼ಡಿ ಝ಼ಗೋಪರ್‌ ಗಯ.
\p
\v 33 ಇವ್ಣೆ ವಳ್ಯುಜಾ಼ತುಥೂತೆ ಘಣ ಅದ್ಮಿನೆ ದೇಖಿನ್‌, ಯೇಸುಬಿ ಇನು ಶಿಷ್ಯರ್‌ ಕರಿ ಖ್ಹಣೇದ್ ಧರ‍್ಯು. ತದೆ ಖ್ಹಾರ ಗಾಮ್‌ಥು ಅದ್ಮಿಖ್ಹಾರು ವಾಟ್‌ಧರಿ ನಾಖ್ಹ್‌ತುಹುಯಿನ್, ಇವ್ಣೆಥಿಬಿ ಅಗಾಡಿ ಯೋ ಝ಼ಗೋಪರ್‌ ಆಯು. 
\v 34 ಯೇಸು ಹಿಜ್ಜಾ಼ ಐನ್ ಡೋಣ್‌ಪರ್‌ಥೊ ಉತ್ರಿನ್, ಘಣು ಅದ್ಮಿನಿ ಭೀಡ್ ಟಿವವ್‌ಕರ್‌ಥೂತೆ ದೇಖಿನ್‌, ಇವ್ಣಾಪರ್ ಗೋರ್‌ಖೈನ್, “ಅವ್ಣೆ ಕುರುಬಕೊಂತೆ ಮ್ಹೇಂಢವ್‌ನಿ ಘೊಣಿ ಛಾ಼ನಿ” ಕರಿ ಬೋಲಿನ್, ಇವ್ಣುನ ಘಣಿ ವಚನ್ ಬೋಲಿದಿದೊ. 
\v 35 ಎತ್ರಾಸ್‌ಮ ಖ್ಹಾಂಜ಼್ ಹುಯಿಗುಥು. ಇನಟೇಕೆ ಯೇಸುನ ಶಿಷ್ಯರ್‌ ಇನಾಕನ ಐನ್, “ಆ ಉಜ್ಜಾ಼ಡಿ ಝ಼ಗೊ ಬಿಜು಼ ಖ್ಹಾಂಜ಼್‌ಬಿ ಹುಯಿಗಯು. 
\v 36 ಅವ್ಣೆ ಖ್ಹಾರು ಅಶ್‌ಪಿಶ್‌ ಛಾ಼ತೆ ಗಾಮ್ಮ ಅಜು಼ ಖೇತರ್‌ಮ ಜೈ಼ನ್, ಇವ್ಣುನ ಖಾವನ ಶಾತ್‌ ಹೋಣುಕಿ ಯೋ ಲ್ಯವಾನಟೇಕೆ ಅವ್ಣುನ ಬೋಲಿಮೋಕಲ್‌” ಕರಿ ಬೋಲ್ಯ.
\p
\v 37 ಇಮ್‌ ಬೋಲಾಖ್ಹತರ್ ಯೇಸುನೆ ಇವ್ಣುನ, “ತುಮೇಸ್ ಇವ್ಣುನ ಖಾವಾನ ಶಾತ್‌ತೋಬಿ ದೆವೊ” ಕರಿ ಬೋಲ್ಯೊ.
\p ತದೆ ಇವ್ಣೆ, “ಹಮೆ ಜೈ಼ನ್, ಬೇಖ್ಹೊ ರೂಪಾನ ಕಾಖ್ಹ್‌ನು\f + \fr 6:37 \fr*\ft ಏಕ್‌ ರೂಪಾನು ಬಿಲ್ಲು ಕತೊ, ಏಕ್‌ ಅದ್ಮಿನು ಏಕ್‌ ದನ್ನು ಶಂಬ್‌ಳ ಹುಯಿರ‍್ಹುಥು.\ft*\f* ರೋಟಾ ಲೀನ್‌, ಅವ್ಣುನ ಖಾವಾನ ದೇಣೂಕಿ ಶು?” ಕರಿ ಯೇಸುನ ಫುಛಾ಼ಯು.
\p
\v 38 ತದೆ ಯೇಸುನೆ ಇವ್ಣುನ, “ತುಮಾರಕನ ಕೆತ್ರ ರೋಟಾ ಛಾ಼? ಕರಿ ಜೈ಼ನ್‌ ದೇಖೊ” ಕರಿ ಬೋಲ್ಯೊ.
\p ಇವ್ಣೆ ಜೈ಼ನ್ ಮಾಲುಮ್ ಕರಿಲಿನ್, ಯೇಸುಕನ ಐನ್, “ಪಾಚ಼್ ರೋಟಾ ಅಜು಼ ಬೇ ಮಾಛ಼್‌ಲಾ ಛಾ಼” ಕರಿ ಬೋಲ್ಯು.
\p
\v 39 ತದೆ ಯೇಸುನೆ ಇನ ಶಿಷ್ಯರ್‌ನ, “ತಮಾಮ್‌ ಅದ್ಮಿನ ಹರ‍್ಯಾ ಘಾಖ್ಹ್‌ಪರ್‌ ಝೂ಼ಂಡೆ-ಝೂ಼ಂಡೆ ಕರಿ ಬೆಖ್ಹಾಡೊ” ಕರಿ ಬೋಲ್ಯೊ. 
\v 40 ತದೆ ಅದ್ಮಿಖ್ಹಾರು ಏಕ್‌-ಏಕ್‌ ಝೂ಼ಂಡ್‌ಮ ಖ್ಹೋ-ಖ್ಹೋ, ಅಡೈವಿಖ್ಹ್‌-ಅಡೈವಿಖ್ಹ್‌ ಜ಼ಣು ಶಾಲ್ ಹುಯಿನ್ ಬೇಶಿಗಯು. 
\v 41 ಬಾದ್‌ಮ ಯೇಸುನೆ ಯೋ ಪಾಚ಼್ ರೋಟ ಬೇ ಮಾಛ಼್‌ಲಾನ ಪಾಡಿಲೀನ್, ಆಕಾಶ್‌ಭಣಿ ದೇಖಿನ್, ದೇವ್ನ ಧನ್ಯವಾದ್ ಕರಿನ್, ರೋಟಾವ್ನ ತೋಡಿನ್ ಅದ್ಮಿನ ವಾಟಪಾಡಿನ್ ದೆವೊ ಕರಿ ಇನ ಶಿಷ್ಯರ್‌ನ ದಿದೊ. ಬಿಜು಼ ಯೋ ಬೇ ಮಾಛ್ಲಾ಼ನಾಬಿ ಅಖ್ಖಾ ಅದ್ಮಿನ ವಾಟಪಡಾಯೊ. 
\v 42 ಇವ್ಣೆ ಖ್ಹಾರೂಸ್ ಪೇಟ್‌ಭರಿ ಖೈನ್ ಬಶ್‌ಹುಯು. 
\v 43 ತದೆ ಶಿಷ್ಯರ್‌ನೆ ಉಭ್‌ರ‍್ಯುತೆ ರೋಟಾನ ಅಜು಼ ಮಾಛ಼್‌ಲಾನ ಟುಕ್ಡಾವ್‍ನ ಜ಼ಮಾಕರ್ತಖ್ಹತರ್‌ ಭಾರ ಟೋಕ್ರಾ ಭರಾಯು. 
\v 44 ಖಾಣು ಖಾದುತೆ ಇನಾಮ ಪರ್ಖ್ಹಾ ಅದ್ಮಿಸ್‌ ಪಾಚ಼್ ಹಜಾ಼ರ್‌ಜ಼ಣು ಥೂ.
\s ಯೇಸು ದರ‍್ಯಾವ್‌ಪರ್ ಚಾ಼ಲ್ಯೋತೆ
\r (ಮತ್ತಾಯ 14:22-33; ಯೋಹಾನ 6:15-21)
\p
\v 45 ಅನ ಬಾದ್‌ಮ ಯೇಸುನೆ ಇನ ಶಿಷ್ಯರ್‌ನ, “ಮೇ ಆ ಅದ್ಮಿನಿ ಝೂ಼ಂಡ್‌ನ ಘರೆ ಬೋಲಿಮೋಕ್ಲಾನ ಮಹಿ, ತುಮೆ ಡೋಣ್‌ ಚ಼ಢೀನ್‌ ಮಾರೇಥಿ ಅಗಾಡಿ ಪಾರ್ಲಿ ಬಾಜು಼ಮ ಛಾ಼ತೆ ಬೆತ್ಸಾಯಿದ ಖ್ಹಯೇರ‍್ನ ಜಾ಼ವೊ” ಕರಿ ಜು಼ಲುಮ್‌ ಕರ‍್ಯೊ. 
\v 46 ಅದ್ಮಿನ ಮೋಕ್ಲಿದ್ಯವಾನ ಬಾದ್‌ಮ, ಯೇಸು ಪ್ರಾರ್ಥನೆ ಕರಾನಖ್ಹಾಜೆ ಪಹಡ್‌ಪರ್ ಗಯೊ. 
\v 47 ದನ್ ಡುಬಾನ ಬಾದ್‌ಮ, ಶಿಷ್ಯರ್‌ ಥಾತೆ ಡೋಣ್‌ ದರ‍್ಯಾವ್‍ನ ಇಚ಼್‌ಮ ಥು, ಕತೋಬಿ ಯೇಸು ಎಕ್ಲೋಸ್ ಕನಾರೆ ಥೊ. 
\v 48 ಖ್ಹಾಮ್ಣೆನೊ ವಹಿರೊ ಜೋ಼ರೇಖ್ಹು ವಾಗುಕರ್ತೊಥೋತೆ ಇನಾಖ್ಹಾಜೆ, ಶಿಷ್ಯರ್‌ ಖ್ಹಾರು ಡೋಣ್ಣಾ ಖ್ಹಾಮ್ಣೆ ಲೀಜಾ಼ವಾನ ಕೋ ಹುವ್ವಾನಿತೆ ತರಪ್‌ಡುಕರ್ತುಥೂತೆ ಯೇಸುನೆ ದೇಖ್ಯೊ. ತದೆ ಕಮ್‌ಶಿಕಮ್ ವ್ಹಾಣ್‌ಖ್ಹತ್ರೆ ಚಾರ್‌ ಘಂಟಾ ಹುಯಿರ‍್ಹುಥು. ತದೆ ಯೇಸು ದರ‍್ಯಾವ್‌ಪರ್ ಚಾ಼ಲ್ತೊಹುಯಿನ್‌ ಇವ್ಣಭಣಿ ಐನ್, ಇವ್ಣುನ ಮ್ಹೆಂದಿನ್ ಖ್ಹಾಮ್ಣೆ ಜಾ಼ವ್ಣುಕರಿ ಥೊ. 
\v 49 ಕತೋಬಿ ದರ‍್ಯಾವ್‌ಪರ್ ಚಾ಼ಲ್ತೊವಳ್ಯಾವಾತೆ ಯೇಸುನ ಇವ್ಣೆ ದೇಖಿನ್‌, ಭೂತ್‌ಕರಿ ಸೋಚಿನ್ ಜೋ಼ರೇಥಿ ಚಿಕ್ರಾಲಗ್ಯು. 
\v 50 ಶನಕತೊ ಇವ್ಣೆ ಖ್ಹಾರು ಇನ ದೇಖಿನ್‌ ಘಬ್‌ರೈ ಗಯುಥು.
\p ತದೆ ಒಗ್ಗಿಸ್‌ಮ ಯೇಸುನೆ ಇವ್ಣ ಜೋ಼ಡೆ ವಾತೆ ಬೋಲಿನ್ ಇವ್ಣುನ, “ಹಿಮ್ಮತ್‌ಥಿರ‍್ಹೆವೊ ಮೇಸ್, ಡರೊನಕೊ!” ಕರಿ ಬೋಲ್ಯೊ. 
\v 51 ಬಾದ್‌ಮ ಯೇಸು ಡೋಣ್‌ ಚ಼ಢೀನ್‌ ಇವ್ಣಾಕನ ಆಯೊ, ತದೆ ವಹಿರೊ ವಾಗಾನು ಭೀರಿಗಯು. ತದೆ ಶಿಷ್ಯರ್‌ ಖ್ಹಾರು ಘಣು ಆಶ್ಚರ್ಯಖಾದು. 
\v 52 ಶನಕತೊ ಇವ್ಣೆ ಯೇಸುನೆ ಪಾಚ಼್ ರೋಟಾನ ಪಾಚ಼್ ಹಜಾ಼ರ್ ಅದ್ಮಿನ ಖಡಾಯೋತೆ ಇನಿ ಮತ್ಲಬ್‌ನ ಮಾಲುಮ್ ಕರ‍್ಯುಕೊಯ್ನಿ. ಇವ್ಣೊ ದಿಲ್‌ ಬಂಡೊ ಹುಯಿರ‍್ಹೋಥೊ.
\s ಗೆನೆಜರೇತ್‌ಮ ಯೇಸುನೆ ರೋಗ್‍ವಾಳಾವ಼್‌ನ ಅಛ್ಛು಼ ಕರ‍್ಯೊತೆ
\r (ಮತ್ತಾಯ 14:34-36)
\p
\v 53 ಇವ್ಣೆ ದರ‍್ಯಾವ್‍ನ ಕಾಡಿನ್ ಗೆನೆಜರೇತ್‍ ತಬರ್‌ಖಾನ ಕನಾರೆ ಪೊಚಿನ್‌ ಡೋಣ್ಣಾ ಭಾಂದ್ಯು. 
\v 54 ಇವ್ಣೆ ಡೋಣ್‌ಪರ್‌ಥು ಉತರ್‌ತಸ್ನ, ಹಿಜ್ಜಾ಼ನು ಅದ್ಮಿಖ್ಹಾರು ಯೇಸುನಿ ಖ್ಹಣೇದ್ ಧರ‍್ಯು. 
\v 55 ತದೆ ಯೋ ತಬರ್‌ಖಾನು ಖ್ಹಾರು ಅದ್ಮಿ ನಾಖ್ಹ್‌ದಾಖ್ಹ್ ಕರ್ತುಹುಯಿನ್, ರೋಗ್‌ಮ ಪಡಿರ‍್ಹವಾಳ ಖ್ಹಾರಾವ್‌ನ ಬಿಛಾ಼ವ್ಣಿಮ ನಾಖಿಲಿನ್‌ ಯೇಸು ಕಿಜ್ಜಾ಼-ಕಿಜ್ಜಾ಼ ಛಾ಼ ಕರಿ ಖ್ಹಮ್‌ಜಾ಼ಸ್ಕಿ ಹಿಜ್ಜಾ಼-ಹಿಜ್ಜಾ಼ ಲೀನ್‌ ಆಯು. 
\v 56 ಅಜು಼ ಯೇಸು ಖೆವ ಖ್ಹಯೇರ್‌ಮಾಬಿ, ಖೆವ ಗಾಮ್ಮಾಬಿ ನಾತೊ ಖೆವ ಖೇತರ್‌ಮಾಬಿ ಕತೊ ಕಿಜ಼್ಜಾ-ಕಿಜ಼್ಜಾ ಗಯೋಕಿ ಹಿಜ಼್ಜಾವಾಳು ರೋಗ್‌ರ‍್ಹವಾಳನ ಭಾರ್‌ ಬಜಾ಼ರ್‌ನಿ ಝ಼ಗೊ ಮ್ಹೇಲಿನ್ ಯೇಸುನ, “ತಾರು ಲುಂಗ್ಡಾನು ಕೋಣೊತೋಬಿ ಛೀಮಾನ ಮ್ಹೇಲಿದೆ” ಕರಿ ಇನ ಗಿಂಗೈಲಿದು. ಅಜು಼ ಇನ ಕೋಣ್-ಕೋಣ್ ಛೀಮ್ಯೂಕಿ ಇವ್ಣ ಖ್ಹಾರಾನೊ ರೋಗ್‌ ಅಛ್ಛು಼ ಹುಯಿಗಯೊ.
\c 7
\s ಗುರುಗುರಬ್‌ಲ್ಯನೆ ಶಿಕಾಡ್ತು ಆಯೂತೆ
\r (ಮತ್ತಾಯ 15:1-9)
\p
\v 1 ಬಾದ್‌ಮ ಯೆರೂಸಲೇಮ್‌ಥು ಆಯುಹುಯು ಫರಿಸಾಯರ್‌ಬಿ, ಮೋಶೇನು ವಚನ್ ಶಿಕಾಡವಾಳು ಶಾಸ್ತ್ರೀಮ ಥೋಡು ಜ಼ಣು ಯೇಸುಕನ ಐನ್ ಅಶ್‌ಪಿಶ್‌ ಭರಾಯು. 
\v 2 ತದೆ ಇವ್ಣೆ ಯೇಸುನು ಶಿಷ್ಯರ್‌ಮ ಥೋಡುಜ಼ಣು ಅಶುದ್ದ ಹಾಥ್ಥಿ ಕತೊ ಗುರುಗುರಬ್‌ಲ್ಯಥಿ ಚಾ಼ಲ್ತುಆಯುತೆ ಇಮ್‌ ಪರಿಸಾಯರ್ ಖ್ಹಾರು ಶಿಕಾಡ್ತುಥೂತೆ ಇಮ್‌, ಹಾತ್‌ ಧೋಯುಕೊಂತೆ ಖಾಣು ಖಾತಾನ ದೇಖ್ಯು.
\p
\v 3-4 ಫರಿಸಾಯರ್ ಅಜು಼ ಯೆಹೂದ್ಯರ್‌ನ ಖ್ಹಾರುಜ಼ಣು, ಇವ್ಣ ಶಾಣವ್‌ಥಿ ಶಿಕ್ತು ಆಯುತೆ ಇಮ್‌, ಇವ್ಣೊ ಹಾತ್‌ ಬರೋಬರ್‌ನಿ ತರೀಕಾಥಿ ಧೊವಾಕೊಂತೆ ಖಾಣು ಕೋಖಾಯ್ನಿ. ಅಜು಼ ಬಜಾ಼ರೆ ಜೈ಼ನ್ ಆಯೂತೆ ಪಾಣಿ ಛಿಡ್ಕಿಲೇಯ್‌ ಕೊಂತೆ ಖಾಯಿಕೊಯ್ನಿ. ಅತ್ರೇಸ್ ಕಾಹೆತೆ ಇವ್ಣಾಮ ಗಿಳಾಖ್ಹ್, ಕಂಚ಼್‌ನೊತಾಂಬ್ಯೊ, ಹಂಡ್‌ಕು ಖ್ಹಾರು ಮಾಂಜಿನ್ ಧೊವಾನು ಅಜು಼ ಬಿಛಾ಼ವ್ಣಿನ\f + \fr 7:3-4 \fr*\ft ಥೋಡು ವಾಕ್ಯಾನು ಭಾಗ್‌ಮ ಬಿಛಾ಼ವ್ಣಿ ಕರಿ ಕೊಯ್ನಿ.\ft*\f* ಧೊವಾನು, ಅಮ್ನು ಖ್ಹಾರು ಶಾಣಾವ್‌ಥಿ ಚಾ಼ಲ್ತು ಆಯುತೆ ಇನ ಬರೋಬರ್‌ಥಿ ಕರ್ತುಥು.
\p
\v 5 ಇನಾಖ್ಹಾಜೆ ಫರಿಸಾಯರ್ ಅಜು಼ ಮೋಶೆನಿ ವಚನ್ ಶಿಕಾಡವಾಳು ಶಾಸ್ತ್ರಿಯೇನೆ ಯೇಸುನ, “ತಾರು ಶಿಷ್ಯರ್‌ ಶಾಣವ್‌ನೆ ಶಿಕಾಡ್ತು ಆಯುತೆ ಆದತ್‌ನ ಇಮ್‌ ಶನ ಕೋ ಕರಾನಿ? ಚಾ಼ಲ್ತು ಆಯೂತೆ ಇಮ್‌ ಹಾತ್‌ ಧೊವಾಕೊಂತೆ ಶುದ್ದಕೊಂತೆ ಹಾತೇಖ್ಹು ಶನ ಖಾಣು ಖಾಸ್‌?” ಕರಿ ಫುಛಾ಼ಯು.
\p
\v 6 ಇಮ್‌ ಬೋಲ್ತಾನ ಯೇಸುನೆ, “ತುಮೆ ಠಗಾರು, ತುಮಾರಿ ಬಾರೇಮ ಯೆಶಾಯ ಪ್ರವಾದಿನೆ ಬರೊಬರ್‌ಥೀಸ್‌ ಪ್ರವಾದ್‌ನೆ ಕರಿರಾಖ್ಯೋಸ್. ಯೋ ಶಾತ್‌ಕತೊ,
\q1 ‘ದೇವ್ನೆ ಬೋಲ್ಯೋಕಿ, ‘ಆ ಅದ್ಮಿಖ್ಹಾರು ವಾತೇಥಿ ಮನ ಖ್ಹರಾವಸ್‌,
\q2 ಕತೋಬಿ ಅವ್ಣೊ ದಿಲ್‌ ಮಾರೇಥಿ ದೂರ್ ಛಾ಼’
\q1
\v 7 ಅದ್ಮಿನ ಖ್ಹೂಜ಼್‌ನಿತರ ಶಿಕಾಡ್ತು ಆಯೂತೆ ಇನಾಸ್ ದೇವ್ನಿ ಹುಕುಮ್‌ನಿಘೋಣಿ!
\q2 ಬೋಲಿಶಿಕಾಡವಾಳ ಅವ್ಣೆ ಮಾರ ಖ್ಹಾಮೆ ಆರಾದನೆ ಕರಾನು ಕಾಮ್ನಕೊಯ್ನಿ’ ಕರಿ ಯೋ ವಾತೆ ಹುಯಿರ‍್ಹೀಸ್!
\p
\v 8 “ತುಮೆ ದೇವ್ನಿ ಹುಕುಮ್‌ನ ಮ್ಹೇಲಿದಿನ್ ಅದ್ಮಿನೆ ಶಿಕಾಡ್ಯುತೆ ಇನ ಧರಿರಾಖ್ಯಾಸ್‌” ಕರಿ ಬೋಲ್ಯೊ. 
\v 9 ಯೇಸುನೆ ಬಿಜೂ಼ಬಿ ಇವ್ಣುನ, “ತುಮೆ ಕೆತ್ರೆ ಅಕ್ಲಿ ದೇಖೊ! ತುಮೆ ತುಮಾರಿ ಪದತ್ತಿನ ಪಾಡಿಚಾ಼ಲ್ನು ಕರಿ ದೇವ್ನೆ ದಿದೋತೆ ಹುಕುಮ್‌ನ ಕಾಡಿನಾಖಿದೆವೊಸ್‌ನಿ. 
\v 10 ‘ಆಯ-ಬಾನ ಮರ್ಯಾದಿ ದೇವ್ಣು ಕರಿ, ಅಜು಼ ಆಯನ ರ‍್ಹವೊ ಬಾನ ರ‍್ಹವೊ ಶಾಪ್ನ-ಶಬರ್‌ ದೆವಾಳಾನ ಮಾರಿನಾಖಿದೆವ್ಣು’\f + \fr 7:10 \fr*\ft ವಿಮೋಚನಕಾಂಡ 21.17, ಯಾಜಕಕಾಂಡ 20.9\ft*\f* ಕರಿ ಮೋಶೆನೆ ಹುಕುಮ್‌ ದೀರಾಖ್ಯೊಸ್. 
\v 11 ಕತೋಬಿ ತುಮಾರಮ ಕೋಣ್‌ತೋಬಿ ಏಕ್‌ ಜ಼ಣು ಇನ ಆಯ-ಬಾನ ಶಾತ್‌ತೋಬಿ ದೀನ್, ಮದತ್‌ಕರ್‌ನು ಕರಿ ರ‍್ಹೇಸ್ತೆ ಯೋ ಖ್ಹಾರು ‘ಕೊರ್ಬಾನ್’ ಕರಿನಾಖ್ಯೊ”\f + \fr 7:11 \fr*\ft ಕುರ್ಬಾನ್ ಕತೊ ದೇವ್ನ ಮುಡಪ್‍ ಕರಿ, ಯೆಹೂದ್ಯರ್‌ನು ಕೋಣ್‌ತೋಬಿ ಏಕ್‌ ಜ಼ಣು ದೇವ್ನಖ್ಹಾಜೆ ಕರಿ ಶಾತ್‍ತೋಬಿ ಕಾಡಿ ಮ್ಹೆಂದಿದೂತೊ ಇನ ಛೀಮಾನ ಬಿಜು಼ ಕಿನಾಬಿ ಹಕ್‍ಕೊಯ್ನಿ. ಅಮ್ ಕರಿ ಪರಿಸಾಯರ್ ಅಜು಼ ಶಾಸ್ತ್ರಿಯೇನಿ ಝೂ಼ಂಡ್‌‍ವಾಳಾನೆ ಕರ‍್ಯುತೆ.\ft*\f* ಕರಿ ಬೋಲಿಲಿದೊತೊ, 
\v 12 ಯೋ ಅದ್ಮಿ ಇನ ಆಯನ ರ‍್ಹವೊ, ಬಾನ ರ‍್ಹವೊ ಬಿಜು಼ ಶಾತ್ಬಿ ದೇಕ್-ಭಾಲ್‌ ಕರ್ನುನಾತೆ ಇಮ್‌ ಭಾಮ್‌ಥಿ ಛು಼ಕಿಜಾ಼ಸ್. 
\v 13 ಅಮ್ ತುಮೆ ಏಕ್‌ಥಿ-ಏಕ್‌ ಬೋಲಿದೇತಾಹುಯಿನ್ ದೇವ್ನಿ ಪದತ್ತಿನ ಮರ್ಯಾದಿಕೊಂತೆ ಇಮ್‌ ಕರೋಸ್. ಅತ್ರೇಸ್ ಕಾಹೆತೆ ಅಮ್ನು ಖ್ಹಾರು ಬಿಜೂ಼ಬಿ ಕೈಯೆಕ್ಕಿ ಕರೋಸ್” ಕರಿ ಬೋಲ್ಯೊ.
\s ಅದ್ಮಿನ ಗಲೀಜ಼್ ಬಣಾವನು ರಾಛು಼.
\r (ಮತ್ತಾಯ 15:10-20)
\p
\v 14 ಬಾದ್‌ಮ ಯೇಸುನೆ ಅದ್ಮಿನಿ ಝೂ಼ಂಡ್‌ನ ಪಾಛೊ಼ ಖನ್ನೆ ಬುಲೈನ್ ಇವ್ಣುನ, “ಖ್ಹಾರು ಕಾನ್‌ ಜೋ಼ಡಿನ್‌ ಮಾರಿ ವಾತೆನ ಖ್ಹಮ್‌ಜೊ಼, ಅಜು಼ ಪರ್ಖಿಲೆವೊ. 
\v 15 ಭಾರ್‌ಥು ಮಹಿ ಜೈ಼ನ್‌ ಏಕ್‌ ಅದ್ಮಿನ ಪದತ್ತಿನಿಘೋಣಿ ಮೈಲುಕರಾನು ಏಕ್‌ಬಿ ಕೊಯ್ನಿ. ಕತೋಬಿ ಏಕ್‌ ಅದ್ಮಿನ ಮಹಿತು ಭಾರ್‌ ನಿಕ್ಳಾನುಸ್‌ ಇನ ಮೈಲುಬಣಾವಸ್‌” 
\v 16 \f + \fr 7:16 \fr*\ft ಖ್ಹೋಳಾನು ವಚನ್ ಗ್ರೀಕ್‌ನು ಖ್ಹಾಚು಼ ವಾಕ್ಯಾನಿ ಭಾಗ್‌ಮ ಕೊಯ್ನಿ, \ft*\f* “ಖ್ಹಮ್‌ಜಾ಼ನ ಕಾನ್‌ ಉಶೇತೊ ಖ್ಹಮ್‌ಜಾ಼ದೆ” ಕರಿ ಬೋಲ್ಯೊ. 
\v 17 ಬಾದ್‌ಮ ಯೇಸು ಖ್ಹಾರ ಅದ್ಮಿನ ಮ್ಹೆಂದಿನ್ ಘರ್‌ಮ ಆವಾದಿನ್, ಇನ ಶಿಷ್ಯರ್‌ನೆ ಯೋ ಮತ್ಲಬ್‌ಥಿ ಬೋಲ್ಯೊತೆ ವಾತೆನಿ ಬಾರೇಮ ಇನ ಫುಛಾ಼ಯು. 
\v 18 ತದೆ ಯೇಸುನೆ ಇವ್ಣುನ, “ಬಿಜಾ಼ನಿ ಘೋಣಿ ತುಮುನಾಬಿ ಎತ್ರೆ ಮಾಲುಮ್‌ ಪಡಾಕೊಯ್ನಿಕಿ ಶು? ಭಾರ್‌ಥು ಖಾವಾನು ರಾಛು಼ ಅದ್ಮಿನ ಮಹಿ ಜೈ಼ನ್‌ ಇನ ಗಲೀಜ಼್ ಕರಾಕೊಯ್ನಿ, ಕರಿ ತುಮೂನ ಮಾಲುಮ್‌ ಪಡ್ಯುಕೊಯ್ನಿಕಿ ಶು? 
\v 19 ಭಾರ್‌ಥು ಅದ್ಮಿನ ಮಹಿ ಜಾ಼ವಾನು ಖ್ಹಾರು ಇನ ದಿಲ್ಮ ಜಾ಼ಯಿಕೊಂತೆ, ಪೇಟ್‌ಮ ಜೈ಼ನ್‌ ಬಾದ್‌ಮ ಭಾರ್‌ಮ ನಿಕ್ಳಿಜಾ಼ಸ್, ಯೋ ಖ್ಹಾರು ಯೋ ಅದ್ಮಿನ ಗಲೀಜ಼್ ಕರಾಕೊಯ್ನಿ” ಕರಿ ಬೋಲ್ಯೊ. (ಅಮ್ ಬೋಲಾಥಿ, ಖಾವಾನು ಖ್ಹಾರುಸ್ ರಾಛು಼ ಶುದ್ದಕರಿ ಯೇಸುನೆ ವತಾಳಿದಿದೊ).
\p
\v 20 ಯೇಸುನೆ ಬಿಜೂ಼ಬಿ ಇವ್ಣುನ, “ಏಕ್‌ ಅದ್ಮಿನ ಮಹಿತು ನಿಕ್ಳಾನುಸ್‌ ಯೋ ಅದ್ಮಿನ ಗಲೀಜ಼್ ಕರಾಸ್. 
\v 21 ಮಹಿತು ಕತೊ ಅದ್ಮಿನ ದಿಲ್ನ ಮಹಿತು ಆವಾತೆ ಖರಾಬ್‌ಸೋಚ್‌, ಬಿಜೇಕ್‌ಜ಼ಣಿನ ಖ್ಹಂಗ್‌ಕರಾನು , ಚೋ಼ರಿ, ಖೂನ್‌ಕರಾನು, 
\v 22 ವ್ಯಬಿಚಾರ್, ಪೈಶಾನಿ ಲಾಲಚ್‌, ಬಿಜಾ಼ನ ಖರಾಬ್ ಕರಾನು, ಠಗಾವಾನು, ಪಾಪೇಲಿಆದತ್‌, ಬಳಾಪೊ ಕರಾನು, ಗಾಳೆ ದ್ಯವಾನು, ಹಂಕಾರ್, ಝ಼ಲಕ್‌ಭರ್‍ಯಾನಿ ಘೋಣಿ ಕರಾನು, ಅಮ್ನು ಖ್ಹಾರು ಖರಾಬ್ ಖ್ಹಯಾಲ್ ಭಾರ್‌ ನಿಕ್ಳಾಸ್‌. 
\v 23 ಅಮ್ನು ಖರಾಬ್ ಖ್ಹಾರು ಅದ್ಮಿನ ಮಹಿಥು ನಿಕ್ಳಿನ್, ಯೋ ಅದ್ಮಿನ ಗಲೀಜ಼್ ಕರಿದೇಸ್” ಕರಿ ಬೋಲ್ಯೊ.
\s ಏಕ್‌ ತಯೇಡಾನಿ ವಿಶ್ವಾಸ್
\r (ಮತ್ತಾಯ 15:21-28)
\p
\v 24 ಹಿಜ್ಜಾ಼ಥೊ ಯೇಸು ನಿಕ್ಳಿನ್ ತೂರ್ ಕರಿ ಬೋಲಾನು ಖ್ಹಯೇರ‍್ನ ಖನ್ನೇನು ತಬರ್‌ಖಾನ ಗಯೊ. ಹಿಜ್ಜಾ಼ ಏಕ್‌ ಘರ್‌ಮ ಥೊ, ಯೋ ಹಿಜ್ಜಾ಼ ಛಾ಼ ಕರಿ ಕಿನಾಬಿ ನಾ ಮಾಲುಮ್‌ಪಡ್ಣು ಕರಿ ಥೊ, ಕತೋಬಿ ಯೋ ಮಾಲುಮ್‌ ಪಡಾಕೊಂತೆ ರ‍್ಹವಾನ ಕೋ ಹುಯುನಿ. ‌ 
\v 25 ಒಗ್ಗಿಸ್‌ಮ ಏಕ್‌ ತಯೇಡನೆ ಯೇಸು ಹಾ ಛಾ಼ ಕರಿ ಖ್ಹಮ್‌ಜಿನ್‌, ಐನ್ ಯೇಸುನ ಗೋಡಾನ ಖ್ಹಾಮ್ಣೆ ಪಡಿ. ಇನಿ ಛೋ಼ರಿನ ಭೂತ್ ಧರಿರಾಖ್ಯುಥು. 
\v 26 ಯೋ ತಯೇಡ ಪರೈ ಜಾ಼ತ್‌ವಾಳಿ\f + \fr 7:26 \fr*\ft ಅಲಕ್ ಜಾ಼ತ್‌ವಾಳಿ ಕತೊ ಯೆಹೂದ್ಯರ್‌ನಿ ಜಾ಼ತ್‌ವಾಳಿ ಕಾಹೆ ಕರಿ. ಆ ತಯೇಡ ಗ್ರೀಕ್‌ವಾಳಿ ಹುಯಿರ‍್ಹೀಥಿ\ft*\f* ಹುಯಿರ‍್ಹೀಥಿ. ಯೋ ಸಿರಿಯ ತಬರ್‌ಖಾನು ಸುರೋಪೊಯಿನಿಕ್ಯಮ ಪೈದಹುಯಿತೆ ಏಕ್‌ ಗ್ರೀಕ್‌ವಾಳಿ ಹುಯಿರ‍್ಹೀಥಿ. ಯೋ ತಯೇಡ ಇನಿ ಛೋ಼ರಿನ ಧರಿರಾಖ್ಯುಥೂತೆ ಭೂತ್‌ ಕಾಡ್ಣು, ಕರಿ ಯೇಸುನ ಗಿಂಗಾವಲಗಿ. 
\v 27 ತದೆ ಯೇಸುನೆ ಇನ, “ಪಹಿಲೆ ಲಡ್ಕಾ ಪೇಟ್‌ಭರೀನ್‌ ಖವಾದೆ. ಲಡ್ಕಾ ಖಾವಾನು ರೋಟಾವ್ನ ಪಾಡೀನ್, ಕುತ್‌ರ‍್ಯಾನ ಚೆಲ್ಕಾನ ನಾಖಾನು ಬರೋಬರ್‌ಕೊಯ್ನಿ” ಕರಿ ಬೋಲ್ಯೊ.
\p
\v 28 ತದೆ ಯೋ ತಯೇಡಾನೆ, “ಹೋಲಾ ಪ್ರಭು, ತೋಬಿ ಲಡ್ಕಾ ಖಾಣು ಖವಾನಿ ಮೇಜ್‌ಪರ್‌ಥು ನಾಖಿದೇಯಿತೆ ರೋಟಾನ ಟುಕ್ಡಾನ ಹೇಟ್‌ ರ‍್ಹೇಯ್ತೆ ಕುತ್‌ರ‍್ಯಾನ ಚೆಲ್ಕ ಖಾಸ್ನಿ” ಕರಿ ಬೋಲಖ್ಹತರ್‌,
\p
\v 29 ಯೇಸುನೆ ಇನ, “ತುನೆ ಆ ವಾತ್ ಬೋಲಿತೆ ಇನಖ್ಹಾಜೆ, ತಾರಿ ಛೋ಼ರಿನ ಧರಿರಾಖ್ಯುಥೂತೆ ಭೂತ್‌ ಮ್ಹೆಂದಿದು! ಘರೆ ಜಾ಼” ಕರಿ ಬೋಲ್ಯೊ. 
\v 30 ಯೋ ಇನ ಘರೆ ಜೈ಼ನ್‌ ದೇಖಾತೊ ಇನಿ ಛೋ಼ರಿ ಬಿಛಾ಼ವ್ಣಿಪರ್ ಅರಾಮ್‌ಥಿ ಖ್ಹುತೀಥಿ; ಇನ ಧರಿರಾಖ್ಯುಥೂತೆ ಭೂತ್‌ ನಿಕ್ಳಿ ಗಯುಥು.
\s ಯೇಸುನೆ ಭೈರೂಬಿ ತೊತ್‌ಳ್ಯು ಹುಯಿರ‍್ಹುಥೂತೆ ಏಕ್‌ ಅದ್ಮಿನ ಗುಣ್‌ಕರ‍್ಯೋತೆ
\p
\v 31 ಬಾದ್‌ಮ ಯೇಸು ಯೋ ತೂರ್‌ನ ಖನ್ನೇನು ತಬರ್‌ಖಾನ ಮ್ಹೇಲಿನ್ ಸೀದೋನ್‌ನ ವಾಟೆಕರಿ ದೆಕಪೊಲಿ\f + \fr 7:31 \fr*\ft ದೆಕಪೊಲಿ ಕತೊ ‘ದಖ್ಹ್‌ ಗಾಮ್‌ನೊ ತಬರ್‌ಖೊ’ ಕರಿ.\ft*\f* ತಬರ್‌ಖಾಮಾಕರಿ ಹುಯಿನ್ ಗಲಿಲಾಯ ದರ‍್ಯಾವ್‌ಕನ ಆಯೊ. 
\v 32 ತದೆ ಥೋಡು ಅದ್ಮಿನೆ ಭೈರೂಬಿ ತೊತ್‌ಳ್ಯು ಹುಯಿರ‍್ಹುಥೂತೆ ಏಕ್‌ ಜ಼ಣಾನ ಯೇಸುಕನ ಬುಲೈಲಾಯಿನ್‌, “ಅನ ಉಪ್ಪರ್ ತಾರೊ ಹಾತ್‌ ಮ್ಹೇಲ್‌” ಕರಿ ಇನ ಗಿಂಗೈಲಿದು. 
\v 33 ತದೆ ಯೇಸುನೆ ಇನ, ಅದ್ಮಿನಿ ಭೀಡ್‌ಮಾಥು ಏಕ್‌ ಬಾಜು಼ಮ ಬುಲೈಲಿಜೈ಼ನ್, ಯೇಸುನೆ ಇನಿ ಅಂಗ್‌ಳಿನ ಯೋ ಅದ್ಮಿನ ಕಾನ್‌ಮ ಘಾಲಿನ್, ಥೂಕಿನ್, ಇನಿ ಜೀಬ್‌ನ ಲಗಾಡಿನ್ 
\v 34 ಉಪ್ಪರ್ ಆಕಾಶ್‌ಭಣಿ ದೇಖಿನ್‌, ಜೋ಼ರೇಥಿ ದಮ್‌ ಲೀಮ್ಹೇಲಿನ್‌, ಇನ ‘ಎಪ್ಫಥಾ’\f + \fr 7:34 \fr*\ft ಆ ಅರಾಮಿಕ್ ವಾತೇನು ಪದ ಹುಯಿರ‍್ಹೂಸ್.\ft*\f* ಕರಿ ಬೋಲ್ಯೊ, ಅಮ್‌ಕತೊ “ಉಖ್‌ಡೈ ಜಾ಼!” ಕರಿ.
\p
\v 35 ಅಮ್ ಬೋಲ್ತಾಸ್‌ನ ಇನೊ ಕಾನ್‌ ಖ್ಹಮಜ಼್ ಪಡಾಲಗ್ಯು, ಅಜು಼ ಇನಿ ಜೀಬ್‍ನಿ ಭಂದಣ್ ಛು಼ಟಿಗಿ, ಯೋ ಬರೋಬರ್‌ಥಿ ವಾತ್ ಬೋಲಾಲಗ್ಯೊ. 
\v 36 ತದೆ ಯೇಸುನೆ ಇವ್ಣುನ, “ಹಾ ಚಾ಼ಲ್ಯುತೆ ಬಾರೇಮ ಕಿನಾಬಿ ನಾ ಬೋಲ್‌ನು” ಕರಿ ಝೇತೈನ್‌ ಬೋಲ್ಯೊ; ತೋಬಿ ಇನೆ ಎತ್ರೆ ಝೇತೈನ್‌ ಬೋಲ್ಯೊತೋಬಿ, ಇನೇಥಿಬಿ ಜಾ಼ಖ್ಹತ್ ಇವ್ಣೆ ಫೈಲೈದಿದು. 
\v 37 ಅಜು಼ ಖ್ಹಮ್‌ಜಾ಼ವಾಳು ಖ್ಹಾರು ಘಣು ಅಶ್ಚರ್ಯ ಹುಯಿಜೈ಼ನ್‌, “ಯೇಸು ಖ್ಹಾರು ಅಛ್ಛು಼ಸ್ ಕರಾಸ್! ಭೈರು ಖ್ಹಾರಾನ ಕಾನ್‌ ಖ್ಹಮ್‌ಜಾ಼ವಾನಿಘೋಣಿ ಅಜು಼ ಮುಕ್ಕಾವ್ನ ಖ್ಹಾರು ವಾತೆ ಬೋಲಾನಿ ಘೋಣಿ ಕರಾಸ್!” ಕರಿ ಬೋಲಿಲಿದು.
\c 8
\s ಯೇಸುನೆ ಚಾರ್ ಹಜಾ಼ರ್ ಅದ್ಮಿನ ಖಡಾಯೋತೆ
\r (ಮತ್ತಾಯ 15:32-39)
\p
\v 1 ಯೋ ದನೂಮ ಪಾಛು಼ ಅದ್ಮಿನಿ ಭೀಡ್‌ ಭರೈನ್ ಆಯು, ಇವ್ಣುನ ಖಾಣನ ಶಾತ್ಬಿಕೊಂತೆ ದೇಖಿನ್, ಯೇಸುನೆ ಇನ ಶಿಷ್ಯರ್‌ನ ಖನ್ನೆ ಬುಲೈನ್, 
\v 2 “ಆ ಖ್ಹಾರ ಅದ್ಮಿನ ದೇಖಿನ್‌ ಮನ ಗೋರ್‌ಲಾಗಸ್‌, ಅವ್ಣೆ ಮಾರಕನ ಐನ್ ತೀನ್ ರೋಜ಼್ ಹುಯಿಗಾ; ಅವ್ಣುನ ಖಾಣನ ಶಾತ್ಬಿ ಕೊಯ್ನಿ. 
\v 3 ಅವ್ಣುನ ಅಮ್ಮಸ್ ಭುಕ್ಯು ಘರೆ ಮೋಕ್ಲಿದಿದೊತೊ, ವಾಟ್‌ಪರ್ ಭವ್‌ಳ್ಯಾಮಾರಿನ್\f + \fr 8:3 \fr*\ft ಡೋಳ ಫರೀನ್, ಗಿರಂಟೈನ್ ಪಡಾನು ಕರಿ\ft*\f* ರಡ್ಕಿಜಾ಼ಶೆ, ಶನಕತೊ ಅವ್ಣಾಮ ಥೋಡು ಜ಼ಣು ದೂರ್‌ಥು ಐರ‍್ಹೂಸ್‌ನಿ” ಕರಿ ಬೋಲ್ಯೊ.
\p
\v 4 ಅನ ಖ್ಹಮ್‌ಜಿನ್‌ ಇನ ಶಿಷ್ಯರ್‌ನೆ, “ಆ ಉಜ್ಜಾ಼ಡಿ ಝ಼ಗೋಮ ಅತ್ರಾಅದ್ಮಿನ ಬಶ್‌ ಹುವ್ವಾಯೆತ್ರು ಖಾಣು ಕಿಜ಼್ಜಾಥು ಲ್ಯಾವಾನ ಉಶೆ?” ಕರಿ ಬೋಲ್ಯು.
\p
\v 5 ಯೇಸುನೆ ಇವ್ಣುನ, “ತುಮಾರಕನ ಕೆತ್ರ ರೋಟಾ ಛಾ಼?” ಕರಿ ಫುಛಾ಼ಯೊ.
\p ಇನ ಇವ್ಣೆ, “ಖ್ಹಾತ್ ರೋಟಾ ಛಾ಼” ಕರಿ ಬೋಲ್ಯು.
\p
\v 6 ತದೆ ಯೇಸುನೆ ಅದ್ಮಿನಿ ಝೂ಼ಂಡ್‌ನ ಜ಼ಮೀನ್‌ಪರ್ ಬೇಖ್ಹೊ ಕರಿ ಹುಕುಮ್‌ದಿದೊ. ಬಾದ್‌ಮ ಯೋ ಖ್ಹಾತ್ ರೋಟಾನ ಪಾಡಿಲೀನ್, ದೇವ್ನ ಧನ್ಯವಾದ್ ಕರೀನ್, ಯೋ ರೋಟಾನ ಖ್ಹಾರು ತೋಡಿನ್, “ಅಖ್ಖಾನ ವಾಟಪಾಡಿ ದೆವೊ” ಕರಿ ಇನ ಶಿಷ್ಯರ್‌ನ ದಿದೊ; ಶಿಷ್ಯರ್‌ನೆ ಇಮ್ಮಸ್ ಕರ‍್ಯು. 
\v 7 ಎತ್ರೇಸ್ ಕಾಹೆತೆ ಇವ್ಣಾಕನ ಥೋಡು ನ್ಹಾನಿಮಾಛ್ಲಿಬಿ ಥು. ಯೇಸುನೆ ಇನಾಬಿ ಪಾಡಿಲೀನ್ ದೇವ್ನ ಧನ್ಯವಾದ್‌ ಕರೀನ್, “ಅನಾಬಿ ವಾಟಪಾಡಿ ದೆವೊ” ಕರಿ ಶಿಷ್ಯರ್‌ನ ಬೋಲ್ಯೊ. 
\v 8 ಅದ್ಮಿಖ್ಹಾರು ಪೇಟ್‌ಭರೀನ್‌ ಖಾದು. ಬಾದ್‌ಮ ಶಿಷ್ಯರ್‌ನೆ ಉಭ್‌ರ‍್ಯುತೆ ಟುಕ್ಡಾವ್‌ನ ಜ಼ಮಾಕರ್ತಖ್ಹತರ್ ಖ್ಹಾತ್ ಟೋಕ್ರಾ ಭರಾಯ. 
\v 9 ಹಿಜ್ಜಾ಼ ಕಮ್‌ಶಿಕಮ್ ಚಾರ್ ಹಜಾ಼ರ್‌ ಅದ್ಮಿಥು. ಬಾದ್‌ಮ ಯೇಸುನೆ ಯೋ ಖ್ಹಾರ ಅದ್ಮಿನ ಮೋಕ್ಲಿದೀನ್, 
\v 10 ತದ್‌ನು-ತದೇಸ್‌ ಇನ ಶಿಷ್ಯರ್‌ನ ಬುಲೈಲಿನ್, ಡೋಣ್‌ಪರ್‌ ಚ಼ಢೀನ್ ದಲ್ಮನೂಥ ಕರಿ ತಬರ್‌ಖಾಮ ಚ಼ಲೆಗಯೊ.
\s ಪರಿಸಾಯರ್‌ವಾಳನೆ ಅದ್ಭುತ್ ಕರಿ ವತಾಳ್ ಕರಿ ಬೋಲ್ಯೂತೆ
\r (ಮತ್ತಾಯ 12:38-42; 16:1-4)
\p
\v 11 ಬಾದ್‌ಮ ಫರಿಸಾಯರ್‌ವಾಳು ಥೋಡು ಅದ್ಮಿ ಯೇಸುಕನ ಐನ್, ಇನಜೋ಼ಡೆ ಅಬ್ಬಾಜ಼ಬ್ಬಿ ವಾತೆ ಬೋಲಾಲಗ್ಯು. ಇನಾಮ ಗಲ್ತಿ ಢೂಂಡಾನಖ್ಹಾಜೆ, “ತೂ ದೇವ್‍ಥಿ ಆಯೊ ಹುಯೊ ಕರಿ ಮಾಲುಮ್‌ ಪಡಾನಟೇಕೆ, ಆಕಾಶ್‌ಮ ಏಕ್‌ ಖ್ಹಣೇದ್‍ನು ಕಾಮ್ ಕರೀನ್ ವತಾಳ್” ಕರಿ ಬೋಲ್ಯು. 
\v 12 ಅನ ಖ್ಹಮ್‌ಜಿನ್‌ ಯೇಸುನೆ ಇನ ಮನ್‌ಮ ಜೋ಼ರೇಖ್ಹು ದಮ್‌ ಲೀಮ್ಹೇಲಿನ್‌, “ಆ ಪಿಳ್ಗೀನು ಅದ್ಮಿ ಅದ್ಭುತ್ ಕಾಮ್ ದೇಕ್ಣುಕರಿ ಶನ ಬೋಲಾಸ್ತೆ? ಮೇ ಖ್ಹಾಚಿಮಾಬಿ ಬೋಲುಸ್ಕಿ ಆ ಪಿಳ್ಗಿವಾಳ ಅದ್ಮಿನ ಶನು ಖ್ಹಣೇದ್‌ಬಿ ಮಳ್‌ಶೆಸ್‌ ಕೊಯ್ನಿ” ಕರಿ ಬೋಲ್ಯೊ.
\p
\v 13 ಯೇಸುನೆ ಇವ್ಣುನ ಮ್ಹೆಂದಿನ್, ಪಾಛೊ಼ಫರಿ ಡೋಣ್‌ ಚ಼ಢೀನ್‌, ದರ‍್ಯಾವ್‍ನ ಪಾರ್ಲಿ ಕನಾರೆ ಚ಼ಲೆಗಯೊ.
\s ಪರಿಸಾಯರ್ ಅಜು಼ ಹೆರೋದನಿ ಬಾರೇಮ ಶಿಷ್ಯರ್‌ನ ಝೇತಾಯೊತೆ
\r (ಮತ್ತಾಯ 16:5-12)
\p
\v 14 ಯೇಸುನ ಶಿಷ್ಯರ್‌ನೆ ಪೂರಯೆತ್ರು ರೋಟ ಪಳ್ಳಿಜಾ಼ವಾನು ಭೈಕಿ ಗಯುಥು, ಅಜು಼ ಡೋಣ್‌ಮ ಇವ್ಣಾಕನ ಎಕ್ಕಸ್ ರೋಟೊ ಥೊ. 
\v 15 ಯೇಸುನೆ ಇವ್ಣುನ, “ಜ಼ತನ್, ಫರಿಸಾಯರ್‌ನುಬಿ ಹೆರೋದನು ಶೋಡ ನಾಖ್ಯುಹುಯು ಆಟಾನಿ ಬಾರೇಮ ಬರೋಬರ್‌ಥಿ ದೇಖಿಲೆವೊ” ಕರಿ ಘಣು ಝೇತೈನ್‌ ಬೋಲ್ಯೊ.
\p
\v 16 ತದೆ ಇವ್ಣೆ, “ಅಪ್ಣಕನ ರೋಟೊಕೊಂತೆ ಇನಟೇಕೆ ಅಮ್ ಬೋಲ್ಯೊಕಿ ಶುಕಿ” ಕರಿ ಇವ್ಣ ಇವ್ಣಾಮ ಬೋಲಿಲಿದು.
\p
\v 17 ಯೇಸುನೆ ಇವ್ಣೆ ಬೋಲಿಲೆವ್‍ಕರಾತೆ ಮಾಲುಮ್‌ಕರಿನ್, “ರೋಟೊಕೊಂತೆ ಬಾರೇಮ ಶನ ಬೋಲಿಲೆವ್‍ಕರಾಸ್ತೆ? ಬಿಜೂ಼ಬಿ ಮಾಲುಮ್ ಪಡ್ಯುಕೊಯ್ನಿಕಿ ಶು? ತುಮಾರೊ ದಿಲ್‌ ಬಂಡೊ ಹುಯಿಗಯೊಕಿ ಶು? 
\v 18 ಡೋಳ ರ‍್ಹೀನ್‌ಬಿ ದೆಖಾವ ಕೊಯ್ನಿಕಿ ಶು? ಕಾನ್‌ ಛಾ಼ತೋಬಿ ಖ್ಹಮಜ಼್ ಪಡಾಕೊಯ್ನಿಕಿ ಶು? ತುಮೂನ ಯಾದ್ ಕೊಯ್ನಿಕಿ ಶು? 
\v 19 ಮೇ ಯೋ ಪಾಚ಼್ ರೋಟಾನ ತೋಡಿನ್ ಪಾಚ಼್ ಹಜಾ಼ರ್‌ ಅದ್ಮಿನ ದಿದೋತೆ ತದೆ ಉಭ್‌ರ‍್ಯುತೆ ಟುಕ್ಡಾವ್‍ನ ಕೆತ್ರ ಟೋಕ್ರಾಮ ಭರ‍್ಯಾಥ?” ಕರಿ ಪುಛಾ಼ವ್‌ತಖ್ಹತರ್‌,
\p ಇವ್ಣೆ, “ಭಾರ ಟೋಕ್ರಾ” ಕರಿ ಬೋಲ್ಯು.
\p
\v 20 “ಅಜು಼ ಯೋ ಖ್ಹಾತ್ ರೋಟಾನ ತೋಡಿನ್ ಚಾರ್ ಹಜಾ಼ರ್‌ ಅದ್ಮಿನ ದಿದೋತೆ ತದೆ ಉಭ್‌ರ‍್ಯುತೆ ಟುಕ್ಡಾವ್‍ನ ಕೆತ್ರ ಟೋಕ್ರಾಮ ಭರ‍್ಯಾಥ?” ಕರಿ ಫುಛಾ಼ವ್‌ತಖ್ಹತರ್‌,
\p ಇವ್ಣೆ, “ಖ್ಹಾತ್ ಟೋಕ್ರಾ” ಕರಿ ಬೋಲ್ಯು.
\p
\v 21 ತದೆ ಯೇಸುನೆ ಇವ್ಣುನ, “ತುಮೂನ ಬಿಜೂ಼ಬಿ ಮಾಲುಮ್ ಪಡ್ಯುಕೊಯ್ನಿಕಿ ಶು? ಕರಿ ಪುಛಾ಼ಯೊ.
\s ಯೇಸುನೆ ಬೆತ್ಸಾಯಿದಾಮ ಕಾಣಾನ ಡೋಳೊ ದಿದೋತೆ
\p
\v 22 ಬಾದ್‌ಮ ಯೇಸುಬಿ ಇನು ಶಿಷ್ಯರ್‌ ಬೆತ್ಸಾಯಿದ ಗಾಮ್‌ನ ಆಯು. ಹಿಜ್ಜಾ಼ ಥೋಡು ಅದ್ಮಿ ಏಕ್‌ ಕಾಣಾನ ಯೇಸುಕನ ಬುಲೈಲಾಯಿನ್‌, “ಆ ಕಾಣಾನ ಛೀಮ್” ಕರಿ ಇನ ಗಿಂಗೈಲಿದು. 
\v 23 ಯೇಸುನೆ ಯೋ ಕಾಣಾನ ಹಾತ್ ಧರೀನ್ ಗಾಮ್‌ನ ಭಾರ್ ಬುಲೈಲೀಜೈ಼ನ್, ಇನ ಡೋಳಾಪರ್‌ ಥೂಕಿನ್, ಇನಾಪರ್‌ ಹಾತ್‌ ಮ್ಹೇಲೀನ್‌, “ತುನ ಶಾತ್‌ತೋಬಿ ದೆಖಾವಸ್ಕಿ ಶು?” ಕರಿ ಇನ ಪುಛಾ಼ಯೊ.
\p
\v 24 ಇನೆ ಮುಡ್‌ಕ್ಯು ಪಾಡಿ ದೇಖಿನ್‌, “ಮನ ಅದ್ಮಿಖ್ಹಾರು ದೆಖಾವಸ್, ಕತೋಬಿ ಇವ್ಣೆ ಝಾ಼ಡಾವ್‌ನಿಮತ್‌ ದೆಖಾವಸ್‌ತೋಬಿ ಹೈಕಡ್‌ ಹೀಕಡ್‌ ಫರುಕರಾಸ್” ಕರಿ ಬೋಲ್ಯು.
\p
\v 25 ತದೆ ಯೇಸುನೆ ಇನ ಡೋಳಾಪರ್‌ ಫಾಛೊ಼ ಇನೊ ಹಾತ್ ಮ್ಹೇಲ್ಯೊ. ಯೋ ಡೋಳ ಮ್ಹೇಲಿ ದೇಖಾಖ್ಹತರ್ ಇನ ಡೋಳ ಐಗಾಥ, ಅಜು಼ ಇನಅಖ್ಖು ಬರೋಬರ್‌ಥಿ ದೆಖಾಯು. 
\v 26 ಬಾದ್‌ಮ ಯೇಸುನೆ ಇನ, “ಗಾಮ್‌ನ ಮಹಿ ನಕೊ ಜಾ಼” ಕರಿ ಬೋಲಿನ್ ಇನ ಘರೆ ಮೋಕ್ಲಿದಿದೊ.
\s ಪೇತ್ರನೆ ಯೇಸುನ ಕ್ರಿಸ್ತ ಕರಿ ಬೋಲ್ಯೊತೆ
\r (ಮತ್ತಾಯ 16:13-20; ಲೂಕ 9:18-21)
\p
\v 27 ಬಾದ್‌ಮ ಯೇಸುಬಿ ಇನು ಶಿಷ್ಯರ್‌ ಫಿಲಿಪ್ಪನು ಕೈಸರೆಯ ಕರಿ ಖ್ಹಯೇರ‍್ನ ಖನ್ನೆನು ಖ್ಹಾರ ಗಾಮ್‌ನ ಜಾ಼ವ್ಣುಕರಿ ನಿಕ್‌ಳ್ಯಾ. ವಾಟ್‌ಪರ್ ಯೇಸುನೆ, “ಅದ್ಮಿಖ್ಹಾರು ಮೇ ಕೋಣ್ ಕರಿ ಬೋಲಾಸ್?” ಕರಿ ಇನ ಶಿಷ್ಯರ್‌ನ ಫುಛಾ಼ಯೊ.
\p
\v 28 ತದೆ ಇವ್ಣೆ, “ಥೋಡು ಜ಼ಣು ತುನ, ‘ಬ್ಯಾಪ್ತಿಸ್ಮದ್ಯವಾಳೊ ಯೋಹಾನ’ ಕರಿ ಬೋಲಾಸ್, ಥೋಡು ಜ಼ಣು ತೂ ‘ಎಲೀಯ’ ಕರಿ ಬೋಲಾಸ್, ಅಜು಼ ಥೋಡು ಜ಼ಣು, ‘ತೂ ಪ್ರವಾದೀಮ ಏಕ್‌ ಜ಼ಣೊ ಹುಯಿರ‍್ಹೋಸ್’ ಕರಿ ಬೋಲಾಸ್” ಕರಿ ಬೋಲ್ಯು.
\p
\v 29 ಯೇಸುನೆ ಇವ್ಣುನ, “ತುಮೆ ಶಾತ್‌ ಬೋಲೋಸ್‌? ಮೇ ಕೋಣ್?” ಕರಿ ಫುಛಾ಼ವ್‌ತಖ್ಹತರ್‌,
\p ಪೇತ್ರನೆ, “ತೂ ದೇವ್‍ಥಿ ಆವ್ಣುತೆ ಕ್ರಿಸ್ತ\f + \fr 8:29 \fr*\ft ‘ಕ್ರಿಸ್ತ’ ಕತೊ ಗ್ರೀಕ್ ವಾತೆನು ಪದ ಹುಯಿರ‍್ಹೂಸ್. ಹಿಬ್ರುಮ ಮೆಸ್ಸೀಯಕರಿ ಬೋಲಸ್‌. ಇನು ಅರ್ಥ ಛುಟ್ಕಾರ್ ಕರಾವಾಳೊಕರಿ.ಆ ಏಕ್‌ ಬಿರುದ್‌ ಹುಯಿರ‍್ಹುಸ್. ಯೆಹೂದ್ಯರ್‌ನ ಲೋಗ್ ‘ಕ್ರಿಸ್ತ’ ಕರಿ ಪುಕಾರ್‌ತೂಥು.\ft*\f* ಹುಯಿರ‍್ಹೋಸ್” ಕರಿ ಬೋಲ್ಯೊ.
\p
\v 30 ತದೆ ಯೇಸುನೆ, “ಮಾರಿ ಬಾರೇಮ ಕಿನಾಬಿ ನಾ ಬೋಲ್‌ನು”\f + \fr 8:30 \fr*\ft ಮೇಸ್ ಕ್ರಿಸ್ತ ಹುಯಿರ‍್ಹೋಸ್ ಕರಿ ಕಿನಾಬಿ ನಾ ಬೋಲ್‌ನು ಕರಿ ಬೋಲ್ಯೋತೆ.\ft*\f* ಕರಿ ಇವ್ಣುನ ಝೇತೈನ್‌ ಬೋಲ್ಯೊ.
\s ಯೇಸುನೆ ಯೋ ವದೇಖ್ಹ್‌ ಪಡೀನ್ ಮರ್‌ಶೇತೆ ಬಾರೇಮ ಪಹಿಲೇಸ್ ಬೋಲ್ಯೋತೆ
\r (ಮತ್ತಾಯ 16:21-28; ಲೂಕ 9:22-27)
\p
\v 31 ಅಜು಼ ಯೇಸುನೆ, “ಅದ್ಮಿನೊ ಛಿಯ್ಯೊ ಘಣು ಲತಾಡ ಪಡ್ನು ಅಜು಼ ಶಾಣಾವ್‍ಥೀಬಿ, ಗಲ್‌ಢಯಾಜಕರ್‌ಥಿ, ಅಜು಼ ಮೋಶೆನಿ ವಚನ್ ಶಿಕಾಡವಾಳು ಶಾಸ್ತ್ರಿಖ್ಹಾರು ಇನ ಝಿಟ್ಕಾರಿನ್ ಧಕೇಲಿದಿಶೆ. ಅಜು಼ ಇನ ಮಾರಿನಾಕ್‌ಶೆ, ಮರಿಜಾ಼ವಾನ ಬಾದ್‌ಮ, ತೀನ್‌ರೋಜ಼್ ಕೇಡೆ ಯೋ ಪಾಛೊ಼ ಜಿವ್ತೊಹುಯಿನ್ ಉಠೀನ್ ಆವ್‌ಶೆ” ಕರಿ ಇನ ಶಿಷ್ಯರ್‌ನ ಬೋಲಿದ್ಯವಾನಿಕ್‍ಳ್ಯೊ. 
\v 32 ಯೇಸುನೆ ಆ ವಾತೆನ ಶಾತ್ಬಿ ಲಪಾಡ್ಯೊಕೊಂತೆ ಬೋಲ್ಯೊ. ತದೆ ಪೇತ್ರನೆ ಯೇಸುನ ಬಾಜು಼ಮ ಬುಲೈಲಿಜೈ಼ನ್ ಇನ, “ಅಮ್ ನಕೊ ಬೋಲ್” ಕರಿ ಜಿದ್‌ಕರ‍್ಯೊ. 
\v 33 ತದೆ ಯೇಸುನೆ ಪೀಠೆ ಫರೀನ್, ಇನ ಶಿಷ್ಯರ್‌ನ ದೇಖಿನ್‌, ಪೇತ್ರನ ಗುರ್‌ಕೈನ್, “ಶೈತಾನ್, ಮಾರ ಖ್ಹಾಮ್ಣೇಥೊ ಹಟಿಜಾ಼, ತಾರಿ ಸೋಚ್ ಅದ್ಮಿನಿ ಸೋಚಸ್‌ ಪಣ್ಕಿ ದೇವ್ನಿ ಸೋಚ಼್ ಕಾಹೆ” ಕರಿ ಬೋಲ್ಯೊ.
\p
\v 34 ಬಾದ್‌ಮ ಯೇಸುನೆ ಇನ ಶಿಷ್ಯರ್‌ನ ಅಜು಼ ಅದ್ಮಿನಿ ಝೂ಼ಂಡ್‌ನ ಇನಾಕನ ಬುಲಾಯೊ. ಇನೆ ಇವ್ಣುನ ಬೋಲ್ಯೋಕಿ, “ಕೋಣ್‌ತೋಬಿ ಮಾರ ಪೀಠೆ ಆವ್ಣುಕರಿ ಮನ್ ಉಶೇತೊ, ಇನು ಯೋ ಭೈಕಿನ್, ಇನಿ ಶಿಲ್‌ಬೇನ\f + \fr 8:34 \fr*\ft ಅಮ್‌ಕತೊ ಮರಾನಿ ಘಡಿತೋಬಿ ಕ್ರಿಸ್ತನಖ್ಹಾಜೆ ಲತಾಡ ಪಡಾನಟೇಕೆ ತೈಯಾರ್ ರ‍್ಹೇಣು ಕರಿ.\ft*\f* ಪಾಡಿಲೀನ್, ಮಾರ ಪೀಠೆ ಆವಾದೆ. 
\v 35 ಕೋಣ್‌ತೋಬಿ ಏಕ್‌ ಜ಼ಣು ಇನು ಜಾನ್‌ ಬಚಾ಼ಡಿಲೇವ್ಣು ಕರಿ ಕರ‍್ಯುತೊ, ಯೋ ಇನು ಜಾನ್‌ ಗುಮೈಲಿಶೆ; ಕತೋಬಿ ಮಾರಖ್ಹಾಜೆಬಿ ಅಜು಼ ದೇವ್ನಿ ಅಛ್ಛಿ ಖಬರ್‌ನಖ್ಹಾಜೆ, ಕೋಣ್‌ತೋಬಿ ಜಾನ್‌ ದಿದುತೊ, ಯೊ ಇನ ಬಚಾ಼ಡಿಲಿಶೆ. 
\v 36 ಏಕ್‌ ಅದ್ಮಿ ಹಿಡಿ ಜಗತ್‍ನಾಸ್ ಜೂತಿಲೀನ್ ಇನು ಜಾನ್‌ ಗುಮೈಲಿದುತೊ ಇನ ಶನು ಫಾಯಿದೊ? ಶನೀಸ್ ಫಾಯಿದೊ ಕೊಯ್ನಿ! 
\v 37 ಕೋಣ್‌ತೋಬಿ ಏಕ್‌ ಜ಼ಣು ಶಾತ್‌ತೋಬಿ ದೀನ್ ಇನೊ ಜಾನ್ನ\f + \fr 8:37 \fr*\ft ಮರ್‌ವಾನ ಬಾದ್‌ಮ ಶಾತ್‌ತೋಬಿ ದೀನ್ ಹರ್‌ಹಮೇಶ ರ‍್ಹಾವಾಳಿ ಜಿ಼ಂದ್‌ಗಿ ಲಿಯ್ಯೆಜಾ಼ಯಿಕಿ ಶು?\ft*\f* ಪಾಛು಼ ಲಿಯ್ಯೆಜಾ಼ಯಿಕಿ ಶು? 
\v 38 ವ್ಯಭಿಚಾರಣಿ ಘೋಣಿ ಛಾ಼ತೆ\f + \fr 8:38 \fr*\ft ದೇವ್‌ನೊ ಡರ್‌ ಕೊಯ್ನಿತೆ ಆ ಪಾಪ್‌ಭರ್‍ಯ ದನ್ಮ ಛಾ಼ತೆ\ft*\f*, ಆ ಪಾಪ್‍ಭರಿ ಪಿಳ್ಗಿಮ ಕೋಣ್‌ತೋಬಿ, ಮಾರಖ್ಹಾಜೆ ಅಜು಼ ಮೇ ಬೋಲಿಶಿಕಾಡುತೆ ವಚನ್ನಖ್ಹಾಜೆಬಿ ಖ್ಹರ್‌ಮಾಯೂತೊ, ಅದ್ಮಿನೊ ಛಿಯ್ಯೋಬಿ ಇನ ಬಾನಿ ಶಕತ್‌ಥೀಬಿ ಅಜು಼ ಉಜಾ಼ಖ್ಹ್‌ಥಿ ಭರೈನ್, ಅದಿಕಾರ್‌ಥಿ ಪವಿತ್ರ ದೇವ್‌ದೂತರ್‌ನ ಜೋ಼ಡೆ ಆವಾನಿ ವಖ್ಹತ್‌ಮ, ಯೊ ಅದ್ಮಿನಿ ಬಾರೇಮ ಖ್ಹರ್‌ಮಾವ್‌ಶೆ” ಕರಿ ಬೋಲ್ಯೊ.
\c 9
\p
\v 1 ಅಜು಼ ಯೇಸುನೆ ಇವ್ಣುನ, “ತುಮೂನ ಖ್ಹಾಚಾಮ ಬೋಲುಸ್ಕಿ, ಹಾ ಭಿಯ್ಯಾತೆ ತುಮಾರಾಮ ಥೋಡು ಜ಼ಣು ದೇವ್ನಿ ರಾಜ್ಯ ಶಕತ್‍ಥಿ ಆವಾನು ದೇಖಾತೋಡಿ ಮರ್‌ಶೆಸ್ ಕೊಯ್ನಿ” ಕರಿ ಬೋಲ್ಯೊ.
\s ಯೇಸುನು ರೂಪ್ ಬದ್‌ಲ್ಯೂತೆ
\r (ಮತ್ತಾಯ 17:1-13; ಲೂಕ 9:28-36)
\p
\v 2 ಛೊ಼ ದನ್ನ ಬಾದ್‌ಮ ಯೇಸುನೆ ಪೇತ್ರ, ಯಾಕೋಬ ಬಿಜು಼ ಯೋಹಾನ್ನ ಕೇಡೆ ಬುಲೈಲಿನ್ ಊಚಾ಼ ಪಹಾಡ್‌ಪರ್ ಗಯೊ. ಹಿಜ್ಜಾ಼ ಇವ್ಣುನ ಮ್ಹೆಂದಿನ್ ಕೋಣ್‌ಬಿ ಕೋ ಥೂನಿ. ಇವ್ಣ ಡೋಳಾನ ಖ್ಹಾಮ್ಣೇಸ್, ಯೇಸುನು ರೂಪ್ ಬದ್ಲಿಗಯು. 
\v 3 ಯೇಸುನು ಪೆರ್ವಾಖ್ಹ್‌ಅಖ್ಖು ಧೋಳು ಫಟ್‌ ಹುಯಿನ್, ಝ಼ಮ್‌ಕಾಲಗ್ಯುಥು. ಜ಼ಮೀನ್‌ಪರ್ ಛಾ಼ತೆ ಕೆಹೊ ಧೋಬೀಬಿ ಎತ್ರೆ ಧೋಳು ಫಟ್‌ ಕರಾನ ಕೋ ಹುವ್ವಾನಿತೆ ಇಮ್‌ ಥು. 
\v 4 ತದೆ ಎಲೀಯಬಿ ಮೋಶೆ ಯೇಸುನ ಜೋ಼ಡೆ ವಾತೆ ಬೋಲುಕರಾನು ಯೋ ತೀನ್ ಶಿಷ್ಯರ್‌ನೆ ದೇಖ್ಯ. 
\v 5 ತದೆ ಪೇತ್ರನೆ ಯೇಸುನ, “ಗುರು, ಹಮೆ ಹಜ಼್ಜಸ್ ರ‍್ಹವಾನು ಅಛ್ಛು಼! ಹಮೆ ಹಜ್ಜಾ಼ ತೀನ್ ಡೇರಾ ಠೋಕೆಸ್, ಏಕ್‌ ತುನ, ಏಕ್‌ ಮೋಶೇನ ಅಜು಼ ಏಕ್‌ ಎಲೀಯನ” ಕರಿ ಬೋಲ್ಯೊ. 
\v 6 ಶಾತ್‌ ಬೋಲ್‌ನು ಕರಿ ಮಾಲುಮ್‌ ಕೋ ಪಡ್ಯುನಿತೆ ಇನಾಖ್ಹಾಜೆ ಪೇತ್ರನೆ ಅಮ್ ಬೋಲ್ಯೊತೆ. ಶನಕತೊ ಇವ್ಣೆ ಘಣು ಡರೀರ‍್ಹುಥು.
\p
\v 7 ಎತ್ರಾಸ್‌ಮ ವಾದ್‌ಳು ಐನ್ ಇವ್ಣಾಪರ್ ಢಪೈಗಯು. ಯೋ ವಾದ್ಳನ ಮಹಿಥು, “ಆ ಮಾರೊ ಪ್ಯಾರ್‌ನೊ ಛಿಯ್ಯೊ, ಅನಿ ವಾತೆನ ಖ್ಹಮ್‌ಜೊ಼!” ಕರಿ ಅವಾಜ಼್ ಆಯೊ. 
\v 8 ಫಕ್‌ ಕರಿ ಇವ್ಣೆ ಅಶ್‌ಪೀಶ್‌ ದೇಖಾಖ್ಹತರ್, ಇವ್ಣಿ ಜೋ಼ಡ್ಮ ಯೇಸುನ ಮ್ಹೆಂದಿನ್ ಬಿಜು಼ ಕೋಣ್‌ಬಿ ಕೋ ಥೂನಿ.
\p
\v 9 ಇವ್ಣೆ ಯೋ ಪಹಾಡ್‌ಪರ್‌ಥು ಉತ್ರಿನ್ ಆವಾನಿ ವಖ್ಹತ್‌ಮ ಯೇಸುನೆ ಇವ್ಣುನ, “ತುಮೆ ಹಮ್ಕೆ ದೇಖ್ಯಾತೆ ಇನ ಅದ್ಮಿನೊ ಛಿಯ್ಯೊ ಮರಿನ್‌ ಜಿವ್ತೊ ಹುಯಿನ್ ಉಠಿ ಆವಾತೋಡಿ, ಕಿನಾಬಿ ನಾ ಬೋಲ್‌ನು” ಕರಿ ಝೇತೈನ್‌ ಬೋಲ್ಯೊ.
\p
\v 10 ಇವ್ಣೆ ಯೋ ವಾತೆನ ಮಾನಿಗಯು, ಕತೋಬಿ, “ಮರಿನ್‌ ಜಿವ್ತೊಹುಯಿನ್ ಉಠಾನು ಕತೊ ಶಾತ್?” ಕರಿ ಇವ್ಣ-ಇವ್ಣ ಮಹಿಸ್ ವಾತೆ ಬೋಲಾಲಗ್ಯ. 
\v 11 ಅಜು಼ ಇವ್ಣೆ ಯೇಸುನ, “ಮೋಶೆನಿ ವಚನ್ ಶಿಕಾಡವಾಳು ಶಾಸ್ತ್ರಿಖ್ಹಾರು ಎಲೀಯ ಅಗಾಡಿ ಆವಾನು ಜ಼ರೂರತ್ ಛಾ಼, ಕರಿ ಶನ ಬೋಲಾಸ್ತೆ?” ಕರಿ ಪುಛಾ಼ಯ.
\p
\v 12 ತದೆ ಯೇಸುನೆ, “ಎಲೀಯ ಪಹಿಲೆ ಐನ್ ಖ್ಹಾರು ಖ್ಹವಾರ್‌ಶೇತೆ ಖ್ಹಾಚಸ್. ಕತೋಬಿ ಅದ್ಮಿನೊ ಛಿಯ್ಯಾನಿ ಬಾರೇಮ, “ಯೋ ಘಣು ಲತಾಡ ಪಡೀನ್ ಅದ್ಮಿಥಿ ಧಕೇಲೈಜಾ಼ಶೆ ಕರಿ ಲೀಖೈರ‍್ಹೂಸ್‌ನಿ, ಆ ಕಿಮ್? 
\v 13 ಕತೋಬಿ ಮೇ ತುಮೂನ ಬೋಲೂಸ್ಕಿ, ಎಲೀಯ ಆಯೊ ಅಜು಼ ಇನಿ ಬಾರೇಮ ವಾಕ್ಯಾಮ ಲೀಖೈರ‍್ಹೂತೆ ಇಮ್‌ ಅದ್ಮಿಖ್ಹಾರು ಇವ್ಣ ಮನ್‌ಮ ಆಯುತೆ ಇಮ್‌ ಇನ ಖ್ಹತೈನ್ ಮಾರ‍್ಯು” ಕರಿ ಬೋಲ್ಯೊ.
\s ಯೇಸುನೆ ಭೂತ್ ಧರಿರಾಖ್ಯುಥೂತೆ ಲಡ್ಕಾನ ಅಛ್ಛು಼ ಕರ‍್ಯೊತೆ
\r (ಮತ್ತಾಯ 17:14-20; ಲೂಕ 9:37-43)
\p
\v 14 ಬಾದ್‌ಮ ಯೇಸುಬಿ ಇನ ತೀನ್ ಶಿಷ್ಯರ್‌, ಉಭ್‌ರ‍್ಯಾತೆ ಬಿಜ಼ ಶಿಷ್ಯರ್‌ಕನ ಐನ್, ಇವ್ಣ ಅಶ್‌ಪಿಶ್ ಅದ್ಮಿನಿ ಮೋಟಿ ಭೀಡ್‌ ಭರೈರ‍್ಹುತೆ ಅಜು಼ ಮೋಶೆನಿ ವಚನ್ ಶಿಕಾಡವಾಳು ಶಾಸ್ತ್ರೀಮ ಥೋಡು ಜ಼ಣು ಇವ್ಣ ಜೋ಼ಡೆ ಅಬ್ಬಾಜ಼ಬ್ಬಿ ವಾತೆಕರುರಾತೆ ದೇಖ್ಯ. 
\v 15 ಅಜು಼ ಇವ್ಣೆಖ್ಹಾರು ಯೇಸುನ ದೇಖಿನ್‌, ಘಣು ಆಶ್ಚರ್ಯಖಾದು, ಅಜು಼ ಇನಾಕನ ನಾಶಿ ಆಯಿ ಮಳಿನ್ ಖ್ಹಲಾಮ್ ಕರ‍್ಯು. 
\v 16 ತದೆ ಯೇಸುನೆ ಇನ ಶಿಷ್ಯರ್‌ನ, “ಇವ್ಣ ಜೋ಼ಡೆ ಶಾತ್‌ ಅಬ್ಬಾಜ಼ಬ್ಬಿ ವಾತೆ ಕರುಕರ್ತಥಾತೆ?” ಕರಿ ಪುಛಾ಼ಯೊ.
\p
\v 17 ತದೆ ಯೋ ಝೂ಼ಂಡ್‌ಮಾಥು ಏಕ್‌ ಜ಼ಣು, “ಗುರು, ಮಾರ ಛಿಯ್ಯಾನ ಏಕ್‌ ಮುಕ್ಕೊ ಭೂತ್‌\f + \fr 9:17 \fr*\ft ಯೋ ಭೂತ್ ಮುಕ್ಕು ಕಾಹೆ. ಭೂತ್ ಧರಿರಾಖ್ಯುಥೂತೆ ಇನಾಖ್ಹಾಜೆ ಯೋ ಮುಕ್ಕೊ ಹುಯಿರ‍್ಹೋಥೊ\ft*\f* ಧರಿರಾಖ್ಯುಸ್, ಇನಾಖ್ಹಾಜೆ ತಾರಕನ ಬುಲೈಲಾಯೊಥೊ. 
\v 18 ಯೋ ಭೂತ್‌ ಕದೆ ಇನಾಪರ್‌ ಆಯುತೋಬಿ, ಇನ ಹೇಟ್‌ ರಡ್‌ಕೈದೇಸ್‌, ಬಿಜು಼ ಯೋ ಮ್ಹೋಡಾವಾಟೆ ಜ಼ಲ್‌ಭು\f + \fr 9:18 \fr*\ft ಪೇಖ್ಹಟ್, ಥೂಕ್‌ ಕರೀಬಿ ಬೋಲಸ್\ft*\f* ಕಾಡ್ತೊಹುಯಿನ್‌, ಕರ್‌-ಕರ್‌ ದಾತ್‌ ಚಾ಼ವ್ತೊಹುಯಿನ್‌ ಅಕ್‌ಡೈಜಾ಼ಸ್‌. ಇನಾಮಾಥು ಯೋ ಭೂತ್‌ನ ಕಾಡೊ ಕರಿ ತಾರ ಶಿಷ್ಯರ್‌ನ ಬೋಲಿಲಿದೊ, ಕತೋಬಿ ಇವ್ಣ ಹಾತೆ ಕೋಹುಯುನಿ” ಕರಿ ಬೋಲ್ಯು.
\p
\v 19 ತದೆ ಯೇಸುನೆ “ಏ ವಿಶ್ವಾಸ್‌ಕೊಂತೆ ಪಿಳ್ಗಿಯೆ! ಮೇ ಬಿಜು಼ ಕೆತ್ರ ದನ್ ತುಮಾರ ಜೋ಼ಡೆ ರ‍್ಹೇಣು? ಅಜು಼ ಕೆತ್ರ ದನ್ ತುಮೂನ ಖ್ಹಮಾಳ್‌ಣು? ಇನ ಮಾರಾಕನ ಬುಲೈಲ್ಯಾವೊ” ಕರಿ ಬೋಲ್ಯೊ.
\p
\v 20 ಇವ್ಣೆ ಇನ ಯೇಸುಕನ ಬುಲೈಲಾಯು. ಯೇಸುನ ದೇಕ್ತಾಸ್‌ನ, ಯೋ ಭೂತ್‌ ಯೋ ಛೋ಼ಕ್ರಾನ ಧಡಾಶ ಮರಾವಲಗ್ಯು, ಯೋ ಛೋ಼ಕ್ರು ಜ಼ಮೀನ್‌ಪರ್ ಪಡೀನ್ ಮ್ಹೋಡಾವಾಟೆ ಜ಼ಲ್‌ಭು ಕಾಡ್ತುಹುಯಿನ್‌ ತರಪ್‌ಢಾಲಗ್ಯು. 
\v 21 ಯೇಸು ಯೋ ಛೋ಼ಕ್ರಾನ ಬಾನ, “ಅನ ಆ ಭೂತ್‌ ಧರೀನ್ ಕೆತ್ರ ದನ್ ಹುಯ?” ಕರಿ ಪುಛಾ಼ವಖ್ಹತರ್,
\p ಇನೆ, “ಅಡ್ಡಾಣಿಪರಸ್‌ ಆಯುಥು; 
\v 22 ಅಜು಼ ಅನ ಮಾರ‍್ನು ಕರಿ ಘಣಿ ಹಲ್ಲ ಆಗ್‌ಮಾಬಿ, ಪಾಣಿಮಾಬಿ ನಾಕ್ತುಥು. ತಾರ ಹಾತೆ ಶಾತ್ತೊಬಿ ಹೋತು ಉಶೇತೊ! ಹಮಾರಪರ್ ಗೋರ್‌ಕರೀನ್, ಮದತ್ ಕರ್‌” ಕರಿ ಬೋಲ್ಯು.
\p
\v 23 ಯೇಸುನೆ ಇನ, “ತಾರ ಹಾತೆ ಹೋತು ಉಶೇತೊ! ಕರಿ ಬೋಲಾಸ್ ಕಿಶು? ನಂಬವಾಳಾನ ಖ್ಹಾರುಸ್‌ ಹುವಾಸ್” ಕರಿ ಬೋಲ್ಯೊ.
\p
\v 24 ಇಮ್‌ ಬೋಲ್ತಾಸ್‌ನ ಯೋ ಛೋ಼ಕ್ರಾನ ಬಾನೆ, “ನಂಬುಸ್‌, ಮಾರಿ ವಿಶ್ವಾಸ್‌ಕಮ್‌ ಉಶೆತೋಬಿ, ಮದತ್‌ಕರ್‌” ಕರಿ ಚಿಕ್ರಿನ್ ಬೋಲ್ಯೊ.
\p
\v 25 ತದೆ ಯೇಸುನೆ ಬಿಜೂ಼ಬಿ ಅದ್ಮಿನಿ ಝೂ಼ಂಡ್‌ ಇವ್ಣ ಭಣಿ ನಾಶಿ ಉಳ್ಯಾವತೆ ದೇಖಿನ್‌, ಯೋ ಭೂತ್‌ನ ಗುರ್‌ಕೈನ್, “ಏಯ್, ಭೈರಾ ಮುಕ್ಕಾಭೂತ್‌, ಅನ ಮ್ಹೆಂದಿನ್ ಭಾರ್‌ನಿಕಳ್‌, ಪಾಛು಼ ಅನ ನಾ ಧರ್‌ನು! ಕರಿ ಮೇ ತುನ ಹುಕುಮ್‌ ದೆವ್‌ಕರುಸ್” ಕರಿ ಬೋಲ್ಯೊ.
\p
\v 26 ತದೆ ಯೋ ಭೂತ್‌ ಚಿಕ್ರಾಣ್ ಮ್ಹೇಲಿನ್, ಯೋ ಛೋ಼ಕ್ರಾನ ಧಡಾಶ ಮರೈನ್, ಇನ ಮಹಿತು ಭಾರ್‌ ನಿಕ್ಳಿಗಯು. ತದೆ ಯೋ ಛೋ಼ಕ್ರು ಮರ‍್ಯಾಹುಯಾನಿಘೋಣಿ ಪಡ್ಯುಥೂತೆ ದೇಖಿನ್‌ ಘಣ ಅದ್ಮಿನೆ, “ಆ ಮರಿಗಯು!” ಕರಿ ಬೋಲ್ಯು. 
\v 27 ಕತೋಬಿ ಯೇಸುನೆ ಯೋ ಛೋ಼ಕ್ರಾನ ಹಾತ್‌ ಧರಿನ್ ಉಠಾಡ್‌ತಾಖ್ಹತರ್‌, ಯೋ ಉಠಿ ಭೀರಿಗಯು.
\p
\v 28 ಯೇಸು ಘರ್‌ಮ ಆವಾದಿನ್, ಎಕ್ಲೋಸ್ ರ‍್ಹಾವಾನಿ ವಖ್ಹತ್‌ಮ, ಇನ ಶಿಷ್ಯರ್‌ನೆ, “ಯೋ ಭೂತ್‌ನ ಕಾಡಾನ ಹಮಾರೇಥಿ ಶನ ಕೋ ಹುಯೂನಿ?” ಕರಿ ಯೇಸುನ ಪುಛಾ಼ಯು.
\p
\v 29 ತದೆ ಯೇಸುನೆ, “ಆ ಜಾ಼ತ್ನು ಭೂತ್‌ನ, ಪ್ರಾರ್ಥನೆಥೀಸ್ ಪಣ್ಕಿ ಬಿಜು಼ ಶನೇಥೀಬಿ ಕಾಡಾನ ಕೋ ಹುವಾನಿ”\f + \fr 9:29 \fr*\ft ಗ್ರೀಕ್‌ನು ಥೋಡು ವಾಕ್ಯಾನು ಭಾಗ್‌ಮ ‘ಪ್ರಾರ್ಥನೆ ಅಜು಼ ಉಪವಾಸ್‌ಥಿ’ ಕರಿ ಛಾ಼\ft*\f* ಕರಿ ಬೋಲ್ಯೊ.
\s ಯೇಸುನೆ ಇನಿ ಮರಣ್ಣಿ ಬಾರೇಮ ಪಾಛೊ಼ ಬೋಲ್ಯೊತೆ
\r (ಮತ್ತಾಯ 17:22-23; ಲೂಕ 9:43-45)
\p
\v 30 ಯೇಸುಬಿ ಇನು ಶಿಷ್ಯರ್‌ ಹಿಜ್ಜಾ಼ಥು ನಿಕ್ಳಿನ್ ಗಲಿಲಾಯ ತಬರ್‌ಖಾಮಾಕರಿ ವಳ್ಯಜಾ಼ತಾಥ. ಯೋ ಕಿಜ಼್ಜಾ ಛಾ಼ ಕರಿ ಕಿನಾಬಿ ನಾ ಮಾಲುಮ್‌ಪಡ್ಣು ಕರಿ ಯೇಸುನ ದಿಲ್ಮ ಥು. 
\v 31 ಶನಕತೊ ಯೇಸು ಇನ ಶಿಷ್ಯರ್‌ನ ಬೋಲಿ ದೇತೊಹುಯಿನ್, “ಅದ್ಮಿನ ಛಿಯ್ಯಾನ, ಇನ ಮಾರಿನಾಖವಾಳಾನ ಹಾತ್‌ಮ ದೆವೈಜಾಶೆ, ಇವ್ಣೆ ಇನ ಮಾರಿನಾಕ್‌ಶೆ. ಕತೋಬಿ ಮರೀನ್ ತೀನ್ ರೋಜ಼್ ಕೇಡೆ, ಯೋ ಪಾಛೊ಼ ಜಿವ್ತೊ ಹುಯಿನ್ ಉಠಿ ಆವ್‌ಶೆ” ಕರಿ ಬೋಲ್ಯೊ.
\p
\v 32 ಕತೋಬಿ ಇವ್ಣೆ ಯೋ ವಾತೆನ ಪರ್‌ಖ್ಯುಕೊಯ್ನಿ, ಅಜು಼ ಇನಿ ಬಾರೇಮ ಯೇಸುನ ಪುಛಾ಼ವನಾಬಿ ಡರಿಗಯು.
\s ಅಖ್ಖೇಥಿ ಮೋಟು ಕೋಣ್?
\r (ಮತ್ತಾಯ 18:1-5; ಲೂಕ 9:46-48)
\p
\v 33 ಇವ್ಣೆ ಕಪೆರ್ನೌಮ್ ಗಾಮ್ಮ ಆಯ. ಅಜು಼ ಯೇಸು ಘರ್‌ಮ ರ‍್ಹವಾನಿ ವಖ್ಹತ್‌ಮ, ಇನ ಶಿಷ್ಯರ್‌ನ, “ತುಮೆ ವಾಟ್‌ಪರ್ ತುಮಾರ ತುಮಾರಸ್‌ಮ ಶಾತ್ ಅಬ್ಬಾಜ಼ಬ್ಬಿ ವಾತೆ ಕರುಕರ್ತಥಾತೆ?” ಕರಿ ಫುಛಾ಼ಯೊ.
\p
\v 34 ಕತೋಬಿ ಇವ್ಣೆ ಜವಾಬ್‌ ಕೋ ದಿದೂನಿ, ಶನಕತೊ ಇವ್ಣೆ ವಾಟ್‌ಪರ್, ಅಖ್ಖೇಥಿ ಮೋಟೊ ಕೋಣ್ ಕರಿ ಇವ್ಣ-ಇವ್ಣಾಮ ಅಬ್ಬಾಜ಼ಬ್ಬಿ ವಾತೆ ಕರುಕರ್ತಥ. 
\v 35 ಯೇಸು ಬೇಶಿನ್, ಇನ ಭಾರ‍ಜ಼ಣ ಶಿಷ್ಯರ್‌ನ ಬುಲೈನ್ ಇವ್ಣುನ, “ತುಮಾರಮ ಕೋಣ್‌ತೋಬಿ ಅಖ್ಖಾಮ ಅಗಾಡಿ ರ‍್ಹೇವ್ಣುಕರಿ ಉಶೇತೊ ಇನು ಯೋ ಅಖ್ಖೇಥಿ ಪಾಛ಼್‌ಲ್ಯೊ ಹೋಣು ಅಜು಼ ಅಖ್ಖಾನೊ ಸೇವಕ್ ಹುಯಿರ‍್ಹೇವ್ಣು” ಕರಿ ಬೋಲ್ಯೊ. 
\v 36 ಅಜು಼ ಇನೆ ಏಕ್‌ ಅಡ್ಡಾಣಿ ಲಡ್ಕಾನ ಬುಲೈನ್ ಶಿಷ್ಯರ್‌ನ ಇಚ಼್‌ಮ ಭೀರಖಾಡಿನ್‌, ಇನ ಬಥೈನ್‌ ಇವ್ಣುನ, 
\v 37 “ಕೋಣ್‌ತೋಬಿ ಮಾರ ನಾಮ್‌ಪರ್‌ ಅಮ್ನ ಅಡ್ಡಾಣಿ ಲಡ್ಕಾಮ ಏಕ್‌ನ ಮಳೈಲಿದೊತೊ, ಯೋ ಮನ ಮಳೈ ಲ್ಯಾವದಾಖ್ಹಲ್, ಅಜು಼ ಕೋಣ್‌ತೋಬಿ ಮನ ಮಳೈಲಿದೊತೊ, ಮನಾಸ್ ಕಾಹೆತೆ ಮನ ಮೋಕ್‌ಲ್ಯೊತೆ ಇನಾಬಿ ಮಳೈಲ್ಯಾವದಾಖ್ಹಲ್‌” ಕರಿ ಬೋಲ್ಯೊ.
\s ಅಪ್ಣುನ ಕೋಣ್ ದುಶ್‌ಮನ್‌ ಕರಾಕೊಯ್ನಿಕಿ ಇವ್ಣೆ ಅಪ್ಣಾಸ್‌ ಭಣಿವಾಳು ಹುಯಿರ‍್ಹೂಸ್
\r (ಲೂಕ 9:49-50)
\p
\v 38 ತದೆ ಯೋಹಾನನೆ ಯೇಸುನ, “ಗುರು, ಕೋಣ್‌ಕಿ ಏಕ್‌ ಜ಼ಣು ತಾರು ನಾಮ್ ಬೋಲಿನ್ ಭೂತ್ ನಖ್ಹಾಡುಕರ್ತುಥೂತೆ ಹಮೆ ದೇಖಿನ್, ಯೋ ಅಪ್ಣ ಭಣಿವಾಳು ಕಾಹೆತೆ ಇನಖ್ಹಾಜೆ, ಇನ ಭಿರಾಕಡ್, ಕರಿ ಬೋಲ್ಯ” ಕರಿ ಬೋಲ್ಯೊ.
\p
\v 39 ತದೆ ಯೇಸುನೆ, “ಇನ ನಕೊ ಭಿರಾಖಡೊ, ಮಾರ ನಾಮ್‌ಪರ್‌ ಅದ್ಭುತ್‌ ಕರೀನ್ ಏಕ್‌ದಮ್ ಮಾರಿ ಬಾರೇಮ ಖರಾಬ್ ಬೋಲಾನ ಕಿನಾಬಿ ಕೋ ಹುವಾನಿ. 
\v 40 ಅಪ್ಣಪರ್ ದಾವೊ\f + \fr 9:40 \fr*\ft ದುಶ್‌ಮನ್‌ ಕರಾಕೊಂತೆ ನತರ್‌ಕಿ ವಹೇರ್‌ ಕರಾಕೊಯ್ನಿತೆ ಇವ್ಣೆ ಅಪ್ಣಾಸ್‌ ಭಣಿವಾಳು ಹುಯಿರ‍್ಹೂಸ್ ಕರಿ ಮತ್‌ಲಬ್\ft*\f* ಕರಾಕೊಂತೆ ಇವ್ಣೆ ಅಪ್ಣಾಸ್‌ ಭಣಿವಾಳ ಹುಯಿರ‍್ಹುಸ್‍. 
\v 41 ಮೇ ಖ್ಹಾಚಮಾಬಿ ಬೋಲುಸ್ಕಿ, ತುಮೆ ಕ್ರಿಸ್ತಭಣಿವಾಳ ಕರಿ, ಕೋಣ್‌ತೋಬಿ ಏಕ್‍ಜ಼ಣೊ ತುಮೂನ ಏಕ್‌ ತಾಂಬ್ಯೊ ಪಾಣಿ ಪಿಯ್ಯಾನು ದಿದುತೋಬಿ, ಇವ್ಣುನ ಮಳ್‌ಶೆತೆ ಇನಾಮ್ ಛು಼ಕ್‌ಶೆಸ್‌ ಕೊಯ್ನಿ”.
\s ಪಾಪ್‌ಮ ಚ಼ಲಾವವಾಳಾನ ಝೇತಾವ್ಣಿ
\r (ಮತ್ತಾಯ 18:6-9; ಲೂಕ 17:1-2)
\p
\v 42 ಅಜು಼ ಕೋಣ್‌ತೋಬಿ ಮನ ನಂಬವಾಳ ಆ ನ್ಹಾನಾವ್‍ಮ ಏಕ್‌ನಿ ವಿಶ್ವಾಸ್ ಮಾರಪರ್‌ಥು ತುಟಿ ಜಾ಼ವಾನಿಘೋಣಿ ಕರ‍್ಯೂತೊ, ಯೋ ಅದ್ಮಿನ ಘಲೆಂಡ ಕೇಡೆ ಮೋಟೊ ಘಟ್ಟಿನೊ ಬಂಡೊ\f + \fr 9:42 \fr*\ft ಯೋ ಕಾಲಾಮ ಗಧೇಡಾ ಕೇಡೆ ಮೋಟೊ ಘಟ್ಟಿನೊ ಬಂಡೊ ಭಾಂದಿನ್ ದಳ್‌ತೂಥು, ಯೋ ಬಂಡೊ ಕಮ್‌ಶಿಕಮ್ ಬೇ ಖ್ಹೊ ಕಿಲೊಥೀಬಿ ಜಾ಼ಖ್ಹತ್ ರ‍್ಹೇತೂಥು.\ft*\f* ಭಾಂದೀನ್‌ ದರ‍್ಯಾವ್‌ಮ ನಾಖಿ ದಿದುತೋಬಿ ಇನ ಅಛ್ಛು಼ಸ್. 
\v 43 ಅತ್ರೇಸ್ ಕಾಹೆತೆ, ತಾರೊ ಹಾತ್ ತುನ ಪಾಪ್‌ಮ ಖ್ಹಪ್‌ಡಾವ್‌ತೊ ಉಶೇತೊ ಇನ ಕತ್ರಿ ನಾಖಿದೆ; 
\v 44 \f + \fr 9:44 \fr*\ft 44 ನು ವಚನ್ ಗ್ರೀಕ್‌ನು ಥೋಡು ವಾಕ್ಯಾನು ಭಾಗ್‌ಮ ಕೊಯ್ನಿ, ಆ ವಚನ್ 48 ನು ವಚನ್ನಿ ಘೋಣಿ ರ‍್ಹೇಸ್.\ft*\f*ಬೇ ಹಾತ್‌ ರಾಖಿನ್ ಕದೇಬಿ ಉಝಾ಼ವಾನಿ ಕಾಹೆತೆ ಆಗ್ ಹುಯಿರ‍್ಹೀತೆ ನರಕ್ಮ ಪಡಾಥೀಬಿ, ಹಾತ್‌ಕೊಂತೆ ಹರ್‌ಹಮೇಶ ರ‍್ಹವಾನಿ ಜಿ಼ಂದ್‌ಗಿ ಜಾ಼ವಾನು ತುನ ಅಶೇಲ್. 
\v 45 ಅಜು಼ ತಾರೊ ಗೋಡೊ ತುನ ಪಾಪ್‌ಮ ಖ್ಹಪ್‌ಡಾವ್‌ತೊ ಉಶೇತೊ ಇನ ಕತ್ರಿ ನಾಖಿದೆ; 
\v 46 \f + \fr 9:46 \fr*\ft 46 ನು ವಚನ್ ಗ್ರೀಕ್‌ನು ಥೋಡು ವಾಕ್ಯಾನು ಭಾಗ್‌ಮ ಕೊಯ್ನಿ, ಆ ವಚನ್ 48 ನು ವಚನ್ನಿ ಘೋಣಿ ರ‍್ಹೇಸ್.\ft*\f*ಬೇ ಗೋಡ ರ‍್ಹೀನ್ ನರಕ್ಮ ಪಡಾಥೀಬಿ ಲಂಗ್ಡೊ ಹುಯಿನ್ ಹರ್‌ಹಮೇಶ ರ‍್ಹವಾನಿ ಜಿ಼ಂದ್‌ಗೀಮ ಜಾ಼ವಾನು ತುನ ಅಶೇಲ್. 
\v 47 ತಾರೊ ಡೋಳೊ ತುನ ಪಾಪ್‌ಮ ಖ್ಹಪ್‌ಡವಾನು ಉಶೇತೊ, ಇನ ಕಚ಼್‌ಕೋರಿ ಕಾಡಿ ಫೇಕಿದೆ! ಬೇ ಡೋಳ ರ‍್ಹೀನ್ ನರಕ್ಮ ಪಡಾಥೀಬಿ ಎಕ್ಕಸ್ ಡೋಳೊ ರ‍್ಹೀನ್ ದೇವ್ನಿ ರಾಜ್ಯಮ ಜಾ಼ವಾನು ತುನ ಅಶೇಲ್. 
\v 48 ನರಕ್ಮ ಇವ್ಣುನ ಕಲ್ಡಾವಾಳೊ ಕೀಡೊ ಮರ್‌ಶೆಸ್ ಕೊಯ್ನಿ, ಇವ್ಣುನ ಬಳಾತೆ ಆಗ್ ಉಝಾ಼ವ್‌ಶೆಸ್‌ ಕೊಯ್ನಿ.
\p
\v 49 ಬಲಿ ದೆವಾನು ರಾಛಾ಼ನ ಮೀಟ್‌ಥಿ ಪಾಕ್ ಕರಾತೆ ಇಮ್‌, ಹರೇಕ್ ಅದ್ಮಿ ಆಗ್‌ಥಿ ಪಾಕ್‌ ಉಶೆ.
\p
\v 50 ಮೀಟ್‌ ಏಕ್‌ ಅಛ್ಛು಼ ರಾಛು಼ಸ್; ಕತೋಬಿ ಮೀಟಸ್‌ ಫಿಕ್ಕು ಹುಯಿಗುತೊ, ಇನ ತುಮೆ ಕಿಮ್ ಮೀಟ್‌ಣು ಲಜ಼ತ್‌ ದ್ಯವಾನ ಉಶೆ?
\p ತುಮಾರಮ ಮೀಟ್‍ನಿಘೋಣಿ ಏಕ್‌ಥಿ-ಏಕ್‌ ಮಾನಿರ‍್ಹವಾಳಹುಯಿನ್ ಸಮಾಧಾನ್‌ಥಿ ರ‍್ಹವೊ.
\c 10
\s ಯೇಸುನೆ ತಲಾಕ್‌ನಿ ಬಾರೇಮ ಬೋಲಿವತಾಳ್ಯೋತೆ
\r (ಮತ್ತಾಯ 19:1-12; ಲೂಕ 16:18)
\p
\v 1 ಯೇಸು ಹಿಜ್ಜಾ಼ಥೊ ನಿಕ್ಳಿನ್, ಯೂದಾಯ ತಬರ್‌ಖಾನ ಗಯೊ, ಅಜು಼ ಯೊರ್ದನ್‌ ನದ್ದಿನು ಬಿಜೇಕ್‌ ಆಡಿನು ತಬರ್‌ಖಭಣಿ ಆಯೊ. ಹಿಜ್ಜಾ಼ ಅದ್ಮಿನಿ ಝೂ಼ಂಡೆ ಇನಾಕನ ಐನ್ ಭರಾವಖ್ಹತರ್, ಯೋ ಕದೇಬಿ ಕರ್ತೊಥೋತೆ ಇಮ್ಮಸ್ ವಚನ್ ಬೋಲಿದಿದೊ.
\p
\v 2 ತದೆ ಫರಿಸಾಯರ್‌ವಾಳು ಯೇಸುಕನ ಆಯಿನ್‌ ಇನ ಫಖ್ಹಾವ್ಣು ಕರಿ ಕರ‍್ಯು. ತದೆ ಇವ್ಣೆ ಇನ, “ಅಪ್ಣಿ ಖಾನುಲ್‌ಮ, ಕೋಣ್‌ತೋಬಿ ಏಕ್‌ ಜ಼ಣೊ ಇನಿ ಬಾವಣ್ಣ ಮ್ಹೇಲಿದ್ಯವಾನು ಬರೊಬರ್‌ಕಿ ಶು? ಕರಿ ಪುಛಾ಼ಯು.
\p
\v 3 ಅನ ಖ್ಹಮ್‌ಜಿನ್‌ ಯೇಸುನೆ, “ಮೋಶೆನೆ ತುಮೂನ ಶಾತ್ ಹುಕುಮ್‌ ದೀರಾಖ್ಯೊಸ್?” ಕರಿ ಪುಛಾ಼ಯೊ.
\p
\v 4 ತದೆ ಇವ್ಣೆ, ತಲಾಕ್‌ನು ಕಾಗತ್‌ ಲೀಖಿದೀನ್‌, ಇನಿ ಬಾವಣ್ಣ ಮ್ಹೇಲಿದಿಯ್ಯೆಜಾ಼ಯ್ ಕರಿ ಮೋಶೇನೆ ಹುಕುಮ್‌ ದೀರಾಖ್ಯೊಸ್” ಕರಿ ಬೋಲ್ಯು.
\p
\v 5 ತದೆ ಯೇಸುನೆ ಇವ್ಣುನ, “ತುಮಾರ ಮೊಂಡಿದಿಲ್‌ನ ದೇಖಿನ್, ಮೋಶೆನೆ ಅಮ್ನಿ ಹುಕುಮ್ ದೀರಾಖ್ಯೋಸ್ತೆ. 
\v 6 ದೇವ್‌ನೇತೊ ಖ್ಹಾರು ಉಬ್‌ಜಾ಼ಯೋತೆ ತಪ್‌ಥೋಸ್‌, ‘ಅದ್ಮಿನ ಪರ್‌ಖ್ಹೊ ತಯೇಡಕರಿ ಬಣಾಯೊ, 
\v 7 ಅನಖ್ಹಾಜೆಸ್ ಪರ್ಖ್ಹೊ ಇನ ಆಯ-ಬಾನ ಮ್ಹೇಲಿನ್, ಇನಿ ಬಾವಣ್‍ಥಿ ಮಳಾಸ್, ಅಜು಼ ಇವ್ಣೆ ಭೇ ಜ಼ಣ ಎಕ್ಕಸ್ ಶರೀರ್ ಹುಯಿಜಾ಼ಸ್’ ಕರಿ ಲೀಖೈರ‍್ಹುಸ್. 
\v 8 ಅಮ್ ಬಿಜು಼ ಖ್ಹಾಮ್ಣೆ ಇವ್ಣೆ ಬೇಜ಼ಣ ಕಾಹೆ, ಎಕ್ಕಸ್ ಶರೀರ್‌ ಹುಯಿರ‍್ಹಾಸ್. 
\v 9 ಇನಾಖ್ಹಾಜೆ ದೇವ್ನೆ ಮಳಾಯಹುಯಾನ, ಅದ್ಮಿ ಅಲಕ್‌ನಾಸ್ ಕರ‍್ನು” ಕರಿ ಬೋಲ್ಯೊ.
\p
\v 10 ಇವ್ಣೆ ಘರ್‌ಮ ಆವಾದಿನ್, ಶಿಷ್ಯರ್‌ನೆ ಅನಿಸ್‌ ಬಾರೇಮ ಯೇಸುನ ಪುಛಾ಼ಯು. 
\v 11 ತದೆ ಯೇಸುನೆ ಇವ್ಣುನ, “ಕೋಣ್‌ತೋಬಿ ಏಕ್‌ ಜ಼ಣೊ ಇನಿ ಬಾವಣ್ಣ ಮ್ಹೇಲಿನ್, ಬಿಜೇಕ್‌ ಜ಼ಣಿನ ವ್ಯಹಾ ಕರೀಲಿದೊತೊ ಯೋ ಶೊಂತ್‌ ಬಾವಣ್ಣ ಧೋಕೊ ದ್ಯಾವಾಳೊ ಹುಯಿನ್, ವ್ಯಬಿಚಾರ್\f + \fr 10:11 \fr*\ft ಕತೊ ಬಿಜಿ ತಯೇಡಾನ ರಾಖಾನು ಪಾಪ್\ft*\f* ಕರಾವಾಳೊ ಹುಯಿರ‍್ಹೋಸ್. 
\v 12 ಇಮ್ಮಸ್ ಏಕ್‌ ಬಾವಣ್ ಇನ ಬಾವ್ರಿನ ಮ್ಹೇಲಿನ್, ಬಿಜೇಕ್ ಜ಼ಣಾನ ಕರೀಲಿದೀತೊ ಯೋಬಿ ವ್ಯಬಿಚಾರ್\f + \fr 10:12 \fr*\ft ಕತೊ ಬಿಜ಼ ಪರ್ಖ್ಹಾಕನ ಜಾ಼ವಾನು ಪಾಪ್\ft*\f* ಕರಾವಾಳಿ ಹುಯಿರ‍್ಹೀಸ್” ಕರಿ ಬೋಲ್ಯೊ.
\s ಯೇಸುನೆ ಅಡ್ಡಾಣಿ ಲಡ್ಕಾವ್ನ ಆಶೀರ್ವಾದ್‌ ಕರ‍್ಯೊತೆ
\r (ಮತ್ತಾಯ 19:13-15; ಲೂಕ 18:15-17)
\p
\v 13 ಬಾದ್‌ಮ ಥೋಡು ಜ಼ಣು ಅಡ್ಡಾಣಿ ಲಾಡ್ಕಾವ್‍ಪರ್‌ ಯೇಸುನೊ ಹಾತ್ ಮ್ಹೆಲಾವ್ಣು ಕರಿ ಇನಾಕನ ಲಾಯು, ತದೆ ಇನ ಶಿಷ್ಯರ್‌ನೆ ಇವ್ಣುನ ಗುರ್‌ಕಾಯು. 
\v 14 ಯೇಸುನೆ ಅನ ದೇಖಿನ್‌, ಖೀಜ಼್ ಖೈನ್, ಇನ ಶಿಷ್ಯರ್‌ನ, “ಅಡ್ಡಾಣಿ ಲಡ್ಕಾವ್ನ\f + \fr 10:14 \fr*\ft ಅಡ್ಡಾಣಿ ಲಡ್ಕಾ ಕತೊ ಪೈದಾ ಹುವಾತೆ ಲಡ್ಕಾಥು ಧರೀನ್ ತೇರ‍್ಹಾ (13) ವರಖ್ಹ್‌ನ ಮಹಿನು ಲಡ್ಕಾ ಕರಿ.\ft*\f* ಮಾರ ಖನ್ನೆ ಆವಾನ ಮ್ಹೇಲೊ; ಇವ್ಣುನ ಭೀರಾಕೊ ನಕೊ, ಶನಕತೊ ದೇವ್‌ನು ರಾಜ್ಯ ಅಮ್‌ನಾಸ್‌ವಾಳಾನು. 
\v 15 ತುಮೂನ ಖ್ಹಾಚಮಾಬಿ ಬೋಲುಸ್ಕಿ ಕೋಣ್‌ತೋಬಿ ಅಡ್ಡಾಣಿ ಲಡ್ಕಾನಿ ಘೋಣಿ ದೇವ್ನಿ ರಾಜ್ಯನ ನಾ ಮಾನ್ಯೂತೊ, ಯೋ ದೇವ್ನಿ ರಾಜ್ಯಮ ಜಾ಼ಶೇಸ್ ಕೊಯ್ನಿ”. 
\v 16 ಅಮ್ ಬೋಲೀನ್‌ ಯೋ ಲಡ್ಕಾವ್ನ ಬಥೈನ್, ಇವ್ಣಾಪರ್ ಹಾತ್‌ ಮ್ಹೇಲಿನ್, ಆಶೀರ್ವಾದ್‌ ಕರ‍್ಯೊ.
\s ಶೌಕಾರ್ ಅದ್ಮಿನಿ ಬಾರೇಮ
\r (ಮತ್ತಾಯ 19:16-30; ಲೂಕ 18:18-30)
\p
\v 17 ಯೇಸು ನಿಕ್ಳಿನ್‌ ವಾಟ್‌ ಧರೀನ್ ಜಾ಼ವಾನಿ ವಖ್ಹತ್‌ಮ, ಏಕ್‌ ಜ಼ಣೊ ನಾಖ್ಹ್‌ತೊ ಐನ್, ಇನ ಖ್ಹಾಮೆ ಗುಡ್‍ಘ್ಯ ಟೇಕಿನ್, “ಅಛ್ಛೊ಼ ಗುರು, ಹಮೇಶಾನಿ ಜಿ಼ಂದ್‌ಗಿ ಮಳ್‌ಣುಕತೊ, ಮೇ ಶಾತ್‌ ಕರ‍್ನು?” ಕರಿ ಫುಛಾ಼ಯೊ.
\p
\v 18 ತದೆ ಯೇಸುನೆ ಇನ, “ಮನ ಅಛ್ಛೊ಼ಕರಿ ಶನ ಬೋಲಾಸ್ತೆ? ದೇವ್ನ ಮ್ಹೇಲೀನ್‌ ಬಿಜು಼ ಕೋಣ್‌ಬಿ ಅಛ್ಛು಼ ಕಾಹೆ. 
\v 19 ‘ಖೂನಿ ನಾಹೋಣು; ವ್ಯಬಿಚಾರ್ ನಾ ಕರ‍್ನು; ಚೋ಼ರಿ ನಾ ಕರ‍್ನು; ಬಿಜಾ಼ಪರ್ ಝೂ಼ಟಿ ಇಂಜಾ಼ಮ್ ನಾ ಲಗಾಡ್‌ಣು; ಕಿನಾಬಿ ಠಗಾವ಼್ಣು ನಾ; ಆಯ-ಬಾನ ಮರ್ಯಾದಿ ದೇವ್ಣು ಕರಿ ದೇವ್ನಿ ಹುಕುಮ್‌ ಖ್ಹಾರಿ ತುನ ಮಾಲುಮ್‌ ಛಾ಼ನಿ” ಕರಿ ಬೋಲ್ಯೊ.
\p
\v 20 ಇನೆ ಯೇಸುನ, “ಗುರು, ಮೇ ಅಡ್ಡಾಣಿಪರ್‌ಥೋಸ್‌, ಆ ಖ್ಹಾರಿ ವಾತೆನಿ ಘೋಣಿ ಚಾ಼ಲ್ತೊ ವಳ್ಯಾವ್‌ಸ್‌” ಕರಿ ಬೋಲ್ಯೊ.
\p
\v 21 ತದೆ ಯೇಸುನೆ ಇನ ಠರ್‌ಕೈ ದೇಖಿನ್‌ ಪ್ಯಾರ್‌ಥಿ ಇನ, “ತಾರಮ ಏಕ್‌ ಕಮ್ ಛಾ಼. ಜಾ಼ ತಾರಕನ ಛಾ಼ತೆ ಖ್ಹಾರು ವೇಚಿನಾಖಿದೀನ್‌ ಗರೀಬ್‌ನ ದೆ, ತದೆ ತುನ ಪರ್‌ಲೋಕ್‌ಮ ಶೊತ್‌ರ‍್ಹಿಶೆ ಅಜು಼ ತು ಐನ್ ಮಾರ ಪೀಠೆ ಆವ್” ಕರಿ ಬೋಲ್ಯೊ. 
\v 22 ಕತೋಬಿ ಯೋ ಅದ್ಮಿ ಘಣು ಧನ್‌-ದೌಲತ್‌ವಾಳು ಹುಯಿರ‍್ಹುಥೂತೆ ಇನಾಖ್ಹಾಜೆ, ಯೇಸುನೆ ಅಮ್ ಬೋಲ್ತಾನ ಖ್ಹಮ್‌ಜಿನ್‌, ಮ್ಹೋಡು ಮುರ್‌ಝೈ಼ಲೀನ್‌, ದುಖ್‌ಥಿ ಚ಼ಲೆಗಯೊ.
\p
\v 23 ತದೆ ಯೇಸುನೆ ಅಶ್‌ಪೀಶ್‌ ಇನ ಶಿಷ್ಯರ್‌ ಭಣಿ ದೇಖಿನ್ ಇವ್ಣುನ, “ಧನ್‌ದೌಲತ್‌ವಾಳು ದೇವ್ನಿ ರಾಜ್ಯಮ ಜಾ಼ವಾನು ಘಣು ಮುಶ್ಕಿಲ್!” ಕರಿ ಬೋಲ್ಯೊ.
\p
\v 24 ಶಿಷ್ಯರ್‌ನೆ ಆ ವಾತೆನ ಖ್ಹಮ್‌ಜಿನ್‌ ಆಶ್ಚರ್ಯಖಾದು, ಯೇಸುನೆ ಪಾಛೊ಼ ಇವ್ಣುನ, “ಮಾರ ಲಡ್ಕಾ, ದೇವ್ನಿ ರಾಜ್ಯಮ ಜಾ಼ವಾನು ಘಣು ಮುಶ್ಕಿಲ್! 
\v 25 ಶೌಕಾರ್ ಅದ್ಮಿ ದೇವ್ನಿ ರಾಜ್ಯಮ ಜಾ಼ವಾಥೀಬಿ ಊಟ್‍ ಖ್ಹುಯಿನ ಡೋಳವಾಟೆಕರಿ ಪೇಶಿಜಾ಼ವನು ಶುಲ್ಬ” ಕರಿ ಬೋಲ್ಯೊ.\fig ನಂಗರ್‌ಮ ಊಟ್ಥಿ ಲೀವಳೆಜಾ಼ಸ್ತೆ ಬೇಪಾರಿ|alt="Merchant leading a camel outside a city wall and gate" src="hk00041c.tif" size="col" copy="Horace Knowles ©" ref="10:25"\fig*
\p
\v 26 ಅನ ಖ್ಹಮ್‌ಜಿನ್‌ ಶಿಷ್ಯರ್‌ನೆ ಬಿಜೂ಼ಬಿ ಆಶ್ಚರ್ಯಖೈನ್, “ಇಮ್‍ಕತೊ, ಕಿನ ರಕ್ಷಣೆ\f + \fr 10:26 \fr*\ft ಕತೊ ನರಕ್‌ಥಿ ಬಚಿನ್ ಪರ್‌ಲೋಕ್ ಜಾ಼ವಾನು\ft*\f* ಮಳ್‌ಶೆ?” ಕರಿ ಇವ್ಣ-ಇವ್ಣಾಮ ಬೋಲಿಲಿದು.
\p
\v 27 ತದೆ ಯೇಸುನೆ ಇವ್ಣುನ ಠರ್‌ಕೈ ದೇಖಿನ್, “ಆ ಅದ್ಮಿನ ಹಾಥ್ಥಿ ಕೋ ಹುವಾನಿ ಕತೋಬಿ ದೇವ್ನ ಹಾತೆ ಹುವ್ವಾಸ್‌; ದೇವ್‌ನೊ ಹಾತೆ ಕೋ ಹುವ್ವಾನಿತೆ ಏಕ್‌ಬಿ ಕೊಯ್ನಿ” ಕರಿ ಬೋಲ್ಯೊ.
\p
\v 28 ತದೆ ಪೇತ್ರನೆ ಯೇಸುನ, “ಹಂದೇಕ್‌! ಹಮೆ ಖ್ಹಾರು ಮ್ಹೆಂದಿನ್‌ ತಾರ ಪೀಠೆ ಐಗಯ” ಕರಿ ಬೋಲಾಲಗ್ಯೊ.
\p
\v 29 ತದೆ ಯೇಸುನೆ, “ತುಮೂನ ಖ್ಹಾಚ ಬೋಲುಸ್ಕಿ, ಕೋಣ್‌ತೋಬಿ ಮಾರಖ್ಹಾಜೆಬಿ ಅಜು಼ ದೇವ್ನಿ ಅಛ್ಛಿ ಖಬರ್‌ನಖ್ಹಾಜೆ ಇನ ಘರ್‌ನರ‍್ಹೆವೊ, ಭೈಯೇನ ರ‍್ಹವೊ, ಭೇನೇನ ರ‍್ಹವೊ, ಆಯಾನ ರ‍್ಹವೊ, ಬಾನ ರ‍್ಹವೊ, ಲಡ್ಕಾವ್ನ ರ‍್ಹವೊ, ಖೇತರ್‌ನ ರ‍್ಹವೊ ಮ್ಹೆಂದಿದೊ ಉಶೇತೊ, 
\v 30 ಇನ ಜ಼ಮೀನ್‌ಪರ್ ರ‍್ಹವಾನಿ ವಖ್ಹತ್‌ಮ ಖ್ಹೋ ಪಟ್‌ ಜಾ಼ಖ್ಹತ್ ಕೈಯೆಕ್ಕಿ ಘರ್, ಭೇನೆ, ಭೈಯೇ, ಆಯ, ಲಡ್ಕಾ, ಖೇತರ್‌ ಅಜು಼ ಅದ್ಮಿಥಿ ಲತಾಡಾಬಿ\f + \fr 10:30 \fr*\ft ವದೇಖ್ಹೊ, ಖ್ಹತಾಪ್ಣಿ ಕರೀಬಿ ಹುವಾಸ್\ft*\f* ಮಳ್‌ಶೆಸ್‌ ಮಳ್‌ಶೆ. ಅಜು಼ ವಳ್ಯಾವಾತೆ ಜಂಗ್‌ಮ ಹರ್‌ಹಮೇಶ ರ‍್ಹವಾನಿ ಜಿ಼ಂದ್‌ಗಿ ಮಳ್‌ಶೆ. 
\v 31 ಕತೋಬಿ ಆಜ಼್ ಅಗಾಡಿ ರ‍್ಹವಾಳು ಕೈಯೆಕ್ಕಿ ಜ಼ಣು ಪಾಛ಼ಳ್ ಹುಯಿಜಾ಼ಶೆ, ಅಜು಼ ಆಜ಼್ ಪಾಛ಼ಳ್ ರ‍್ಹವಾಳು ಕೈಯೆಕ್ಕಿ ಜ಼ಣು ಖ್ಹಾಮ್ಣೆ ಹುಯಿಜಾ಼ಶೆ”\f + \fr 10:31 \fr*\ft ಜ಼ಮೀನ್‌ಪರ್ ಪಹಿಲೆ ಝ಼ಗೋಪರ್ ರ‍್ಹವಾಳು ಪರಲೋಕ್‌ಮ‌ ಛೇಟುನಿ ಝ಼ಗೋಪರ್ ರ‍್ಹಿಶೆ\ft*\f* ಕರಿ ಬೋಲ್ಯೊ.
\s ಯೇಸುನೆ ಇನಿ ಮರಣ್ಣಿ ಬಾರೇಮ ತೀನ್ನಿ ಹಲ್ಲ ಬೋಲ್ಯೊತೆ
\r (ಮತ್ತಾಯ 20:17-19; ಲೂಕ 18:31-34)
\p
\v 32 ಯೇಸುಬಿ ಇನು ಶಿಷ್ಯರ್‌ ಯೆರೂಸಲೇಮ್‌ನಿ ವಾಟ್‌ ಧರೀನ್ ವಳ್ಯಜಾ಼ತಾಥ. ಯೇಸು ಇವ್ಣ ಖ್ಹಾಮ್ಣೆ-ಖ್ಹಾಮ್ಣೆ ವಳ್ಯೊಜಾ಼ತೋಥೊ, ಅನ ದೇಖಿನ್‌ ಶಿಷ್ಯರ್‌ನೆ ಘಣು ಧಡುಕೊ ಘಾಲಿಲಿದು; ಅಜು಼ ಇನ ಪೀಠೆ ಆವಾಳು ಖ್ಹಾರು ಡರಿಗಯು. ತದೆ ಯೇಸುನೆ ಇನ ಭಾರ ಜ಼ಣ ಶಿಷ್ಯರ್‌ನ ಪಾಛೊ಼ ಬಾಜೂ಼ಮ ಬುಲೈಲಿಜೈ಼ನ್, ಖ್ಹಾಮ್ಣೆ ಇನ ಉಷೇತೆ ಇನಿ ಬಾರೇಮ ಬೋಲ್ಯೊ. 
\v 33 ಇನೆ ಇವ್ಣುನ, “ಹಂದೇಖೊ, ಅಪ್ಣೆ ಯೆರೂಸಲೇಮ್‌ನ ವಳ್ಯಾಜಯ್ಯೇಸ್‌, ಹಿಜ್ಜಾ಼ ಅದ್ಮಿನೊ ಛಿಯ್ಯಾನ ಗಲ್‌ಢಯಾಜಕರ್‌ನ ಅಜು಼ ಮೋಶೆನಿ ವಚನ್ ಶಿಕಾಡವಾಳ ಶಾಸ್ತ್ರಿಯೇನ ಹಾತ್‌ಮ ಧರಿದಿಶ್ಶೆ. ಇವ್ಣೆ ಇನ ಮಾರಿನಾಕ್ಣು ಕರಿ ಬೋಲಿದೀನ್‌ ಇನ ಪರೈ\f + \fr 10:33 \fr*\ft ಅಲ್ಹಾವ್ ನಾತೊ ಪರೈ ಜಾ಼ತ್‌ವಾಳು ಕತೊ, ಯೆಹೂದ್ಯರ್‌ವಾಳು ಕಾಹೆತೆ ಬಿಜಿ ಜಾ಼ತ್‌ವಾಳು ಕರಿ ಮತ್‌ಲಬ್.\ft*\f* ಜಾ಼ತ್‌ವಾಳ ಅದ್ಮಿನ ಹಾತ್‌ಮ ದಿನಾಕ್‌ಶೆ. 
\v 34 ಇವ್ಣೆ ಇನ ಚಿಂಘಾವ್‌ಶೆ, ಇನಾಪರ್‌ ಥೂಕ್‌ಶೆ, ಇನ ಮೇಕ್‌ನ ಕೊಳ್ಡೇಥಿ ಮಾರ್‌ಶೆ ಅಜು಼ ಇನ ಮಾರಿನಾಕ್‌ಶೆ; ಕತೋಬಿ ತೀನ್ ರೋಜ಼್‌ನ ಬಾದ್‌ಮ ಯೋ ಪಾಛೊ಼ ಜಿವ್ತೊಹುಯಿನ್ ಉಠಿ ಆವ್‌ಶೆ” ಕರಿ ಬೋಲ್ಯೊ.
\s ಯಾಕೋಬ್ ಅಜು಼ ಯೋಹಾನ್ನಿ ಬಿಂತಿ
\r (ಮತ್ತಾಯ 20:20-28)
\p
\v 35 ಬಾದ್‌ಮ ಜೆಬೆದಾಯನ ಛಿಯ್ಯಾ ಹುಯಿರ‍್ಹಾಥಾತೆ ಯಾಕೋಬಬಿ ಯೋಹಾನ, ಯೇಸುಕನ ಐನ್, “ಗುರು, ಹಮೆ ಏಕ್‌ ಬಿಂತಿಕರಿಲಿಯೇಸ್, ಇನ ತೂ ಹಮಾರಖ್ಹಾಜೆ ಚ಼ಲೈದೇಣು” ಕರಿ ಬೋಲ್ಯ.
\p
\v 36 ಯೇಸುನೆ ಇವ್ಣುನ, “ಶಾತ್ ಯೋ?” ಕರಿ ಪುಛಾ಼ಯೊ.
\p
\v 37 ತದೆ ಇವ್ಣೆ, “ತಾರಿ ಮಹಿಮೆನಿ ರಾಜ಼್‌ಮ ತು ಸಿಂಹಾಸನ್‌ಪರ್ ಬೇಖ್ಹಾನಿ ವಖ್ಹತ್‌ಮ, ಹಮೆ ಬೇ ಜ಼ಣಾಮ ಏಕ್‌ ಜ಼ಣೊ ತಾರಿ ಖಾವಿ ಬಾಜು಼ಮ, ಬಿಜ್ಜೇಕ್‌ ಜ಼ಣೊ ತಾರಿ ಡಾವಿ ಬಾಜು಼ಮ ಬೇಖ್ಹಾನಿ ಘೋಣಿ ಕರ‍್ನು” ಕರಿ ಬೋಲ್ಯ.
\p
\v 38 ಕತೋಬಿ ಯೇಸುನೆ ಇವ್ಣುನ, “ತುಮೆ ಶಾತ್‌ ಮಾಂಗಿಲಿದ ಕರಿ ತುಮುನ ಮಾಲುಮ್‌ ಕೊಯ್ನಿ. ಮೇ ಪೀಣುತೆ ವದೇಖ್ಹಾನ ರಾಛ಼ಮ ತುಮೆ ಪಿಯ್ಯಾನ ಉಶೇಕಿ ಶು? ಮನ ಉಷೇತೆ ಬ್ಯಾಪ್ತಿಸ್ಮ ಲ್ಯಾವಾನ ತುಮುನ ಉಶೇಕಿ ಶು?” ಕರಿ ಪುಛಾ಼ವಖ್ಹತರ್,
\p
\v 39 ಇವ್ಣೆ, “ಹಮಾರೇಥಿ ಹುವಾಸ್” ಕರಿ ಬೋಲ್ಯ.
\p ತದೆ ಯೇಸುನೆ ಇವ್ಣುನ, “ಮೇ ಪೀಣುತೆ ರಾಛ಼ಮ ತುಮೇಬಿ ಪೀಶು, ಮನ ಉಷೇತೆ ಬ್ಯಾಪ್ತಿಸ್ಮ ತುಮುನಾಬಿ ಉಶೆತೆ ಖ್ಹಾಚಸ್. 
\v 40 ಕತೋಬಿ ಮಾರಿ ಖಾವಿ ಬಾಜು಼ಮ ರ‍್ಹವೊ, ಡಾವಿ ಬಾಜು಼ಮ ರ‍್ಹವೊ ಬೇಖ್ಹಾನಿ\f + \fr 10:40 \fr*\ft ದೇವ್ನಿ ರಾಜ಼್‌ಮ ಊಚಿ ಸ್ತಾನ್‌ಮ ಬೇಖ್ಹ್‌ಣು ಕರಿ\ft*\f* ಘೋಣಿ ಚೂ಼ಣಾನು ಮಾರ ಹಾತ್‌ಮ ಕೊಯ್ನಿ. ಯೋ ಕಿನಾಖ್ಹಾಜೆ ಕರಿ ದೇವ್ನೆ ಬಣೈರಾಖ್ಯೋಸ್ಕಿ, ಇವ್ಣುನಾಸ್ ಮಳ್‌ಶೆ” ಕರಿ ಬೋಲ್ಯೊ.
\p
\v 41 ಉಬ್‌ರ‍್ಯಾತೆ ದಖ್ಹ್‌ ಜ಼ಣ ಶಿಷ್ಯರ್‌ನೆ ಅನ ಖ್ಹಮ್‌ಜಿನ್‌, ಯಾಕೋಬ್ ಅಜು಼ ಯೋಹಾನಪರ್‌ ಖೀಜ಼್‌ಖಾದು. 
\v 42 ತದೆ ಯೇಸುನೆ ಖ್ಹಾರಾನ ಎಕ್ಕದಮ್ ಬುಲೈನ್ ಇವ್ಣುನ, “ಯೆಹೂದ್ಯರ್‌ಕಾಹೆತೆ ಅದ್ಮಿಮ, ಅದಿಕಾರ್‌ಮ ರ‍್ಹವಾಳು ಇವ್ಣಾಪರ್ ಹಂಕಾರ್‌ಥಿ ಅದಿಕಾರ್ ಚ಼ಲಾವಸ್. ಅಜು಼ ಇವ್ಣಾಮ ಮೋಟು ಖ್ಹಾರು ಜು಼ಲಮ್ಜ಼ಸ್ತಿಥಿ ಅದಿಕಾರ್ ಚ಼ಲಾವಸ್ ಕರಿ ಬೋಲಾನು ತುಮುನ ಮಾಲುಮ್‌ ಛಾ಼.
\p
\v 43 ಕತೋಬಿ ತುಮಾರಮ ಇಮ್‌ ನಾರ‍್ಹೇವ್ಣು. ತುಮಾರಮ ಕೋಣ್‌ತೋಬಿ ಮೋಟು ಹೋಣುಕರಿ ಉಶೇತೊ; ಯೋ ಬಿಜ಼ ಖ್ಹಾರಾನಿ ಸೇವಕ್ ಹುಯಿರ‍್ಹೇವ್ಣು. 
\v 44 ತುಮಾರಾಮ ಕೋಣ್‌ತೋಬಿ ಅಖ್ಖೇಥಿ ಖ್ಹಾಮ್ಣೆ ರ‍್ಹೇವ್ಣುಕರಿ ಉಶೇತೊ, ಯೋ ಅಖ್ಖಾನೊ ಗುಲಾಮ್ ಹುಯಿರ‍್ಹೇಣು. 
\v 45 ಅದ್ಮಿನೊ ಛಿಯ್ಯೋಬಿ ಸೇವೆ ಕರೈಲ್ಯವಾನಖ್ಹಾಜೆ ಕೋ ಆಯೋನಿ; ಬಿಜಾ಼ನಿ ಸೇವೆ ಕರಾನ ಅಜು಼ ಇನೊ ಜಾನ್ನ ದೀನ್ ಕೈಯೆಕ್ಕಿ ಅದ್ಮಿನ ಛೋ಼ಡೈಲ್ಯವಾನಖ್ಹಾಜೆ ಆಯೊ” ಕರಿ ಬೋಲ್ಯೊ.
\s ಯೇಸುನೆ ಬಾರ್ತಿಮಾಯ ಕರಿ ಏಕ್‌ ಕಾಣಾನ ಡೋಳ ದಿದೋತೆ
\r (ಮತ್ತಾಯ 20:29-34; ಲೂಕ 18:35-43)
\p
\v 46 ಬಾದ್‌ಮ ಇವ್ಣೆ ಯೆರಿಕೋನ ಆಯು. ತದೆ ಯೇಸು ಇನ ಶಿಷ್ಯರ್‌ನ ಜೋ಼ಡೆ ಹಿಜ್ಜಾ಼ಥೊ ನಿಕ್ಳಿನ್ ವಳ್ಯೊಜಾ಼ತೋಥೊ, ಅಜು಼ ಇನಜೋ಼ಡೆ ಅದ್ಮಿನಿ ಮೋಟಿ ಝೂ಼ಂಡ್‌ ಥಿ, ತದೆ ತಿಮಾಯನೊ ಛಿಯ್ಯೊ ಬಾರ್ತಿಮಾಯ ಕರಿ ಏಕ್‌ ಕಾಣೊ ಧರಮ್ ಮಾಂಗವಾಳೊ ಮಾರಗ್‌ನ ಶೇಡೆ ಬೆಠೋಥೊ. 
\v 47 ಆ ವಾಟೆ ವಳ್ಯೊಜಾ಼ಸ್ತೆ ನಜ಼ರೇತ್‌ನೊ ಯೇಸು ಕರಿ ಇನೆ ಖ್ಹಮ್‌ಜಿನ್‌, “ದಾವೀದ್‌ನ ಛಿಯ್ಯಾ, ಮಾರಪರ್ ಗೋರ್‌ಕರ್‌!” ಕರಿ ಜೋ಼ರೇಖ್ಹು ಚಿಕ್ರಾಲಗ್ಯೊ.
\p
\v 48 ಕೈಯೆಕ್ಕಿ ಅದ್ಮಿ, “ಖ್ಹೊಪೇಥಿ ರ‍್ಹೇ!” ಕರಿ ಇನ ಗುರ್‌ಕಾಯು. ತೋಬಿ ಯೋ, “ದಾವೀದ್‌ನ ಛಿಯ್ಯಾ, ಮಾರಪರ್ ಗೋರ್‌ಕರ್‌!” ಕರಿ ಬಿಜೂ಼ಬಿ ಜಾ಼ಖ್ಹತ್ ಚಿಕ್ರಿಲಿದೊ.
\p
\v 49 ತದೆ ಯೇಸುನೆ ಭೀರಿನ್, “ಇನ ಬುಲಾವೊ” ಕರಿ ಬೋಲ್ಯೊ.
\p ಅಮ್ ಬೋಲ್ತಾನ ಇವ್ಣೆ ಯೋ ಕಾಣಾನ ಬುಲೈನ್, “ಭಾಲಿಥಿರ‍್ಹೇ, ಉಟ್, ಯೇಸು ತುನ ಬುಲಾವ್‌ಕರಾಸ್‌” ಕರಿ ಬೋಲ್ಯು.
\p
\v 50 ತದೆ ಯೋ ಇನ ಝ಼ಗ್ಗಾನ\f + \fr 10:50 \fr*\ft ಯೆಹೂದ್ಯರ್‌ನ ಲೋಗ್‌ಮ ಕೋಣ್‌ತೋಬಿ ಕಾಣು ಹುಯಿಗಯೂತೊ ಇನ ಯಾಜಕವ್‌ಕನ ಬುಲೈಲಿಜೈ಼ನ್ ಓತಾಳಸ್‍. ತದೆ ಯೋ ಯಾಜಕರ್‌ ಇನ ದೇಖಿನ್, ಯೋ ಕಾಣೂಸ್ ಕರಿ ಮಾಲುಮ್ ಪಡ್ಯೂತೊ, ಇನ ಧರಮ್ ಮಾಂಗಾನಖ್ಹಾಜೆ ಖ್ಹಣೇದ್‍ನು ಝ಼ಗ್ಗೊ ದೇಸ್.\ft*\f* ಕಾಡಿ ಫೇಕಿನ್, ಭಶ್‌ಡಕ್ ಕರಿ ಉಠೀನ್, ಯೇಸುಕನ ಆಯೊ.
\p
\v 51 ಯೇಸುನೆ ಇನ, “ಮೇ ತುನ ಶಾತ್ ಕರ‍್ನು?” ಕರಿ ಪುಛಾ಼ಯೊ.
\p ತದೆ ಯೋ ಕಾಣಾನ, “ಗುರು, ಮನ ಡೋಳ ದೆಖಾವಾನಿ ಘೋಣಿ ಕರ್ಲಾ” ಕರಿ ಬೋಲ್ಯೊ.
\p
\v 52 ಯೇಸುನೆ ಇನ, “ಜಾ಼, ತಾರಿ ವಿಶ್ವಾಸ್‌ಥೀಸ್ ತುನ ಅಛ್ಛು಼ ಹುಯಿಗಯು” ಕರಿ ಬೋಲ್ಯೊ.
\p ಅಮ್ ಬೋಲ್ತಾಸ್‌ನ ಇನ ದೆಖಾವಲಗ್ಯು ಅಜು಼ ಯೋ ಮಾರಗ್‌ವಾಟೆ ಕರಿ ಯೇಸುನ ಪೀಠೆ ಗಯೊ.
\c 11
\s ಯೇಸು ರಾಜಾ಼ನಿ ಘೋಣಿ ಯೆರೂಸಲೇಮ್‌ನ ಮಹಿ ಗಯೋತೆ
\r (ಮತ್ತಾಯ 21:1-11; ಲೂಕ 19:28-40; ಯೋಹಾನ 12:12-19)
\p
\v 1 ಇವ್ಣೆ ಯೆರೂಸಲೇಮ್‌ನ ಖನ್ನೆ-ಖನ್ನೆ ಐನ್, ಆಲಿವ್‌ನ ಪಹಾಡ್‌ಕನ ಛಾ಼ತೆ ಬೆತ್ಫಗೆ ಅಜು಼ ಬೇಥಾನ್ಯ ಕರಿ ಗಾಮ್‌ಕನ ಆಯ. ತದೆ ಯೇಸುನೆ ಇನ ಶಿಷ್ಯರ್‌ಮ ಬೇ ಜ಼ಣಾನ ಬುಲೈನ್, 
\v 2 ತುಮಾರ ಖ್ಹಾಮ್ಣೆ ಛಾ಼ತೆ ಗಾಮ್ಮ ಜಾ಼ವೊ, ತುಮೆ ಯೋ ಗಾಮ್‌ನ ಮಹಿ ಜಾ಼ತಸ್‌ನ, ಹಿಜ್ಜಾ಼ ಏಕ್‌ ಗಧೇಡಾನು ಚೆಲ್ಕು ಭಂದೈರ‍್ಹೀಶೆತೆ ತುಮೆ ದೇಕ್‌ಶು. ಹಂಕೆತೋಡಿ ಇನಾಪರ್‌ ಕೋಣ್‌ಬಿ ಕೋ ಬೆಠೂನಿ. ಇನ ಛೋ಼ಡಿನ್ ಹಜ್ಜಾ಼ ಲೀನ್‌ ಆವೊ. 
\v 3 ಅಜು಼ ಕೋಣ್‌ತೋಬಿ ತುಮುನ ಶನ ಅಮ್ ಕರುಕರಸ್ತೆ ಕರಿ ಪುಛಾ಼ಯುತೊ, ಪ್ರಭುನ ಆ ಹೋಣುಕಸ್‌, ಅಜು಼ ಒಗ್ಗಿಸ್‌ಮ ಅನ ಪಾಛು಼ ಬೋಲಿ ಮೋಕಲ್‌ಶೆ ಕರಿ ಬೋಲೊ” ಕರಿ ಬೋಲಿನ್ ಮೋಕ್‌ಲ್ಯೊ.
\p
\v 4 ತದೆ ಇವ್ಣೆ ಜೈ಼ನ್‌, ವಾಟ್ನ ಶೇಡೆಥೂತೆ ಘರ್‌ನ ಬಾಕಲ್‍ಕನ ಗಧೇಡಾನು ಚೆಲ್ಕು ಭಂದ್ಯೂತೆ ದೇಖ್ಯು. ಇನ ಛೋ಼ಡುಕರಾನಿ ವಖ್ಹತ್‌ಮ, 
\v 5 ಹಿಜ್ಜಾ಼ ಭಿಯುಥೂತೆ ಥೋಡು ಜ಼ಣು, “ಆ ಚೆಲ್ಕಾನ ಛೋ಼ಡಿನ್, ಶಾತ್‌ ಕರಾನ ಆಯ?” ಕರಿ ಪುಛಾ಼ಯು.
\p
\v 6 ಇವ್ಣೆ ಯೇಸುನೆ ಬೋಲಿ ಮೋಕ್‌ಲ್ಯೊಥೋತೆ ಇಮ್ಮಸ್ ಬೋಲ್ಯು, ತದೆ ಯೋ ಅದ್ಮಿಖ್ಹಾರು ಜಾ಼ವಾನ ಮ್ಹೇಲ್ಯು. 
\v 7 ಇವ್ಣೆ ಯೋ ಗಧೇಡಾನ ಚೇಲ್ಕಾನ ಯೇಸುಕನ ಲೈನ್‌, ಇವ್ಣ ಲುಂಗ್ಡಾವ್‍ನ ಇನಾಪರ್‌ ನಾಖ್ಯು, ತದೆ ಯೇಸು ಇನಾಪರ್ ಚ಼ಢೀನ್ ಬೇಶಿಗಯೊ. 
\v 8 ತದೆ ಘಣ ಅದ್ಮಿನೆ ಇವ್ಣ ಲುಂಗ್ಡಾವ್‍ನ ವಾಟ್‌ಪರ್ ಬಿಛಾ಼ಯು. ಬಿಜು಼ ಥೋಡು ಜ಼ಣು ಬಾಗ್‌ಮಾಥು ಡಾಳಿಯೇನ ಕತ್ರಿಲೈನ್ ವಾಟ್‌ಪರ್ ಬಿಛಾ಼ಯು.\f + \fr 11:8 \fr*\ft ಆ ಖ್ಹಾರು ಇವ್ಣೆ ಕರ‍್ಯುತೆ, ಮರ್ಯಾದಿ ವತಾಳನಖ್ಹಾಜೆ. ಯೆಹುದ್ಯರ್‌ ಲೋಗ್ ಆ ತರೀಕಾಥಿ ಅದ್ಮಿನ ಸ್ವಾಗತ್ ಕರಸ್.\ft*\f* 
\v 9 ಯೇಸುನ ಖ್ಹಾಮ್ಣೆಬಿ ಪೀಠೆಬಿ ಒಳಿಜಾ಼ತುಥೂತೆ ಅದ್ಮಿಖ್ಹಾರು ಚಿಕ್ರಾಣ್ ಮ್ಹೇಲ್ತುಹುಯಿನ್, “ಹೊಸನ್ನ!\f + \fr 11:9 \fr*\ft “ಹೊಸನ್ನ” ಕತೊ ‘ದೇವ್ನ ಧನ್ಯವಾದ್‌ ಹುವಾದೆ’ ಕರಿ.\ft*\f* ಪ್ರಭು ದೇವ್ನ ನಾಮ್‌ಪರ್‌ ಆವಾಳಾನ ದೇವ್ ಆಶೀರ್ವಾದ್‌ ಕರಾದೆ! 
\v 10 ಅಪ್ಣೊ ಬಾ ಹುಯಿರ‍್ಹೋತೆ ದಾವೀದ್‌ನಿ ರಾಜ್ಯ ಆವ್‌ಶೆ, ದೇವ್ ಇನ ಆಶೀರ್ವಾದ್‌ ಕರಾದೆ. ಉಪ್ಪರ್‌ಲ್ಯ ಲೋಕಾಮ ಛಾ಼ತೆ ದೇವ್ನ ಧನ್ಯವಾದ್ ಹುವಾದೆ!” ಕರಿ ಬೋಲ್ಯು.
\p
\v 11 ಬಾದ್‌ಮ ಯೇಸು ಯೆರೂಸಲೇಮ್‌ನ ಗಯೊ, ಹಿಜ್ಜಾ಼ ಮಂದಿರ್‌ಮ ಜೈ಼ನ್, ಚಾರ‍್ಹೆ ಬಾಜು಼ ಥೂತೆ ಖ್ಹಾರೂಸ್ ದೇಖ್ಯೊ. ಎತ್ರಾಸ್‌ಮ ಖ್ಹಾಂಜ಼್ ಹುಯಿಗಯುಥು, ಇನಾಖ್ಹಾಜೆ ಇನ ಭಾರ ಜ಼ಣ ಶಿಷ್ಯರ್‌ನ ಕೇಡೆ ಬೇಥಾನ್ಯನ ಚ಼ಲೆಗಯೊ.
\s ಯೇಸುನೆ ಮೋಟ ಅಂಜೀರ್‌ನ ಝಾ಼ಡ್‌ಣ ಶಾಪ್ ದಿದೋತೆ
\r (ಮತ್ತಾಯ 21:18-19)
\p
\v 12 ತಿನವ್ಹಾಣೆ ಇವ್ಣೆ ಬೇಥಾನ್ಯಥು ಪಾಛು಼ ಆವಾನಿ ವಖ್ಹತ್‌ಮ, ಯೇಸುನ ಭುಕ್‌ಲಾಗ್ಯು. 
\v 13 ತದೆ ಪಾಂದ್‌ಡು ಮ್ಹೇಲೈರ‍್ಹುಥೂತೆ ಏಕ್‌ ಅಂಜೀರ್‌ನ ಝಾ಼ಡಾನ ಯೇಸುನೆ ದೂರ್‌ಥೊ ದೇಖಿನ್‌, ಇನಾಮ ಎಖಾದು ಪಂಡು ಮಳ್‌ಶೆ ಕರಿ ಹಿಜ್ಜಾ಼ ಗಯೊ. ಕತೋಬಿ ಹಿಜ್ಜಾ಼ ಜಾ಼ವಾದಿನ್ ಖಲಿ ಪಾಂದ್‍ಡುಸ್ ಪಣ್ಕಿ, ಬಿಜು಼ ಶಾತ್ಬಿ ಕೋ ಥೂನಿ, ಶನಕತೊ ಯೋ ಅಂಜೀರ್‌ನ ಪಂಡಾ ಮ್ಹೇಲಾನ ದನ್‌ಕಾಹೆ. 
\v 14 ತದೆ ಯೇಸುನೆ ಯೋ ಝಾ಼ಡಾನ, “ಹಂಕೇಥು ಕೋಣ್‌ಬಿ ತಾರಾಮ ಕದೇಬಿ ಪಂಡು ನಾ ಖಾಣುತೆ ಇಮ್‌ ಹುವಾದೆ!” ಕರಿ ಬೋಲ್ಯೊ.
\p ಅಜು಼ ಇನ ಶಿಷ್ಯರ್‌ನೆ ಆ ವಾತೆನ ಖ್ಹಮ್‌ಜ್ಯು.
\s ಯೇಸು ಮೋಟಿ ಮಂದಿರ್‌ನ ಗಯೋತೆ
\r (ಮತ್ತಾಯ 21:12-17; ಲೂಕ 19:45-48; ಯೋಹಾನ 2:13-22)
\p
\v 15 ಇವ್ಣೆ ಯೆರೂಸಲೇಮ್‌ನ ಅವಾದಿನ್, ಯೇಸು ಮೋಟಿ ಮಂದಿರ್‌ಮ ಜೈ಼ನ್, ಹಿಜ್ಜಾ಼ ವೇಚ಼ವಾಳಾನ ಲ್ಯವಾಳಾನ ಭಾರ್ ನಖ್ಹಾಡಲಗ್ಯೊ. ಅಜು಼ ಇನೆ ಪೈಶಾ ತೋಡಾವಾನು ಧಂದೊ ಕರಾವಾಳಾನ ಖುಡ್‌ಶಿನಾಬಿ, ಪರ‍್ಯಾವೊ ವೇಚ಼ವಾಳಾನು ಮೇಜ್‌ನ ರಡ್‌ಕೈನಾಖಿದಿದೊ. 
\v 16 ಏಕ್‌ ಜ಼ಣಾನಾಬಿ ಮಂದಿರ್‌ನ ಮಹಿಕರಿ ಶಾತ್ಬಿ ಪಳ್ಳಿನ್‌ ಜಾ಼ವಾದಿದೊಕೊಯ್ನಿ. 
\v 17 ಅಜು಼ ಯೇಸುನೆ ದೇವ್ನಿ ವಚನ್ನ ಬೋಲಿ ದೇತೊಹುಯಿನ್, “ದೇವ್ನೆ ಬೋಲ್ಯೊತೆ ಇಮ್‌, ‘ಮಾರಿ ಮಂದಿರ್‌ ಖ್ಹಾರ ಜಾ಼ತ್‌ವಾಳ ಅದ್ಮಿನ ಪ್ರಾರ್ಥನೆನು ಘರ್\f + \fr 11:17 \fr*\ft ಯೆಶಾಯ 56.7\ft*\f* ಕರಿ ಬೋಲೈಲೀಶೆ’ ಕರಿ ಲೀಖೈರ‍್ಹೂಸ್‌ನಿ? ಕತೋಬಿ ತುಮೆ ಅನ ಚೋ಼ರ್‌ನಿ ಘವಿ ಬಣೈರಾಖ್ಯಾಸ್!”\f + \fr 11:17 \fr*\ft ಯೆರೆಮೀಯ 7.11\ft*\f* ಕರಿ ಬೋಲ್ಯೊ.
\p
\v 18 ಅನ ಖ್ಹಮ್‌ಜಿನ್‌ ಗಲ್‌ಢಯಾಜಕರ್‌ ಅಜು಼ ಮೋಶೆನಿ ವಚನ್ ಶಿಕಾಡವಾಳು ಶಾಸ್ತ್ರಿಯೆ಼ ಯೇಸುನ ಕೆವ್ಹಿ ಭಾಮ್‌ಥಿ ಮಾರೇಜಾ಼ಯ್‌ ಕರಿ ಸೋಚಾಲಗ್ಯು. ಕತೋಬಿ ಅದ್ಮಿಖ್ಹಾರು ಯೇಸುನಿ ವಾತೆನ ಖ್ಹಮ್‌ಜಿನ್‌ ಘಣು ಅಶ್ಚರ್ಯ ಹುಯುತೆ ಇನಾಖ್ಹಾಜೆ, ಇವ್ಣೆ ಯೇಸುನ ದೇಖಿನ್‌ ಡರಿನ್ ಥು.
\p
\v 19 ಖ್ಹಾಂಜ಼್ ಹುವ್ವಾದೀನ್ ಯೇಸುಬಿ ಇನು ಶಿಷ್ಯರ್‌ ಖ್ಹಯೇರ‍್ನ ಮ್ಹೇಲಿ ಗಯ.
\s ಅಂಜೀರ್‌ನ ಝಾ಼ಡ್‌ಥಿ ಶಿಕಾನು
\r (ಮತ್ತಾಯ 21:20-22)
\p
\v 20 ತಿನವ್ಹಾಣೆ ಇವ್ಣೆ ಮಾರಗ್ ಧರಿನ್ ಆವಾನಿ ವಖ್ಹತ್‌ಮ, ಯೋ ಅಂಜೀರ್‌ನು ಝಾ಼ಡ್‌ಣ ಇವ್ಣೆ ದೇಖ್ಯ. ಯೋ ಜ಼ಡ್‌ ಖ್ಹಮೇದ್‌ಥೂಸ್‌ ಖ್ಹುಕೈಗಯೂಥು. 
\v 21 ತದೆ ಪೇತ್ರನೆ ಗಯೋತೆ ದನ್ನೆ ಚಾ಼ಲ್ಯುಥೂತೆ ಇನ ಯಾದ್‌ಕರಿನ್ ಯೇಸುನ, “ಗುರು ಹಂದೇಕ್‌, ತುನೆ ಶಾಪ ದಿದೊಥೋತೆ ಅಂಜೀರ್‌ನು ಝಾ಼ಡ್ ಖ್ಹುಕೈಗಯು!” ಕರಿ ಬೋಲ್ಯೊ,
\p
\v 22 ತದೆ ಯೇಸುನೆ ಇವ್ಣುನ ಫರೈನ್ ಬೋಲ್ಯೋಕಿ, “ದೇವ್‌ಪರ್‌ ವಿಶ್ವಾಸ್‌ ರ‍್ಹವಾದೆ. 
\v 23 ಮೇ ತುಮುನ ಖ್ಹಾಚ ಬೋಲುಸ್, ಕೋಣ್‌ತೋಬಿ ಆ ಪಹಾಡ್‌ನ, ‘ತೂ ಉಖ್‌ಡೈ ಜೈ಼ನ್, ದರ‍್ಯಾವ್‌ಮ ಪಡ್’ ಕರಿ ಬೋಲಿನ್ ಇನ ದಿಲ್ಮ ಗುಮಾನಿ ಕರ‍್ಯೊಕೊಂತೆ, ಯೋ ಬೋಲ್ಯೊತೆ ಇಮ್ಮಸ್ ಉಷೆಕರಿ ನಂಬ್ಯೋತೊ, ಯೋ ಬೋಲ್ಯೊತೆ ಇಮ್ಮಸ್ ಇನ ಉಶೆ. 
\v 24 ಇನಾಖ್ಹಾಜೆಸ್ ಮೇ ತುಮೂನ ಬೋಲುಸ್ಕಿ: ತುಮೆ ಪ್ರಾರ್ಥನೆ ಕರಿನ್‌ ಶಾತ್ ಮಾಂಗೋಸ್‌ಕಿ ಯೋ ತುಮೂನ ಮಳೀರ‍್ಹುಸ್ ಕರಿ ನಂಬೊ, ತದೆ ತುಮೆ ಶಶ್ಶಾತ್ ಮಾಂಗಿಲಿದಾಕಿ ಯೋ ತುಮುನ ಮಳ್‌ಶೆ. 
\v 25 ಎತ್ರೇಸ್ ಕಾಹೆತೆ ತುಮೆ ಭೀರಿನ್‌ ಪ್ರಾರ್ಥನೆ ಕರಾನಿ ವಖ್ಹತ್‌ಮ, ತುಮೂನ ಕಿನಾಪರ್‌ಬಿ ಶಾತ್‌ತೋಬಿ ದಾವೊ ರ‍್ಹಯೂತೊ ಇನ ಮಾಪ್‌ ಕರೊ, ತದೆ ಪರಲೋಕ್‍ಮ ಛಾ಼ತೆ ತುಮಾರೊ ಬಾಬಿ ಜಿನು ತುಮೆ ಕರ‍್ಯಾತೆ ಗಲ್ತಿನ ಮಾಪ್‌ ಕರಿನಾಕ್‌ಶೆ” ಕರಿ ಬೋಲ್ಯೊ. 
\v 26 ಕತೋಬಿ ತುಮೆ ಮಾಪ್‌ ನಾಕರ‍್ಯಾತೊ ಪರಲೋಕ್‍ಮ ಛಾ಼ತೆ ತುಮಾರೊ ಬಾಬಿ ಜಿನು ತುಮಾರಿ ಗಲತ್ನ ಮಾಪ್‌ ಕೊಕರ್‌ಶೇನಿ.\f + \fr 11:26 \fr*\ft 26 ನು ವಚನ್ ಗ್ರೀಕ್‌ನು ಥೋಡು ವಾಕ್ಯಾನು ಭಾಗ್‌ಮ ಛಾ಼. ಯೋ ಶಾತ್‌ಕತೊ, “ಬಿಜಾ಼ನ ಮಾಪ್ ನಾ ಕರ‍್ಯಾತೊ ಪರಲೋಕ್‍ಮ ಛಾ಼ತೆ ತುಮಾರೊ ಬಾ ತುಮಾರು ಪಾಪ್ನ ಮಾಪ್‌ ಕರ್ಶೆ ಕೊಯ್ನಿ” ಕರಿ.\ft*\f*
\s ಯೇಸುನಿ ಅದಿಕಾರ್‌ನಿ ಬಾರೇಮ ಪುಛಾ಼ಯೂತೆ
\r (ಮತ್ತಾಯ 21:23-27; ಲೂಕ 20:1-8)
\p
\v 27 ಇವ್ಣೆ ಪಾಛು಼ ಫರೀನ್ ಯೆರೂಸಲೇಮ್‌ನ ಆಯ. ಹಿಜ್ಜಾ಼ ಯೇಸು ಮಂದಿರ್‌ನ ಮಹಿ ಜೈ಼ನ್‌ ಫರುಕರಾತೆ ವಖ್ಹತ್‌ಮ, ಗಲ್‌ಢಯಾಜಕರ್‌ನ ಮೋಶೆನಿ ವಚನ್ ಶಿಕಾಡವಾಳು ಶಾಸ್ತ್ರಿಯೆ ಅಜು಼ ಶಾಣು ಖ್ಹಾರು ಯೇಸುಕನ ಐನ್, 
\v 28 “ತೂ ಖೆವಿ ಹಕ್‌ಥಿ ಆ ಖ್ಹಾರು ಕರಾಸ್ತೆ? ಅಮ್ನಿ ಹಕ್ ತುನ ಕೋಣ್ ದಿದು?” ಕರಿ ಇನ ಪುಛಾ಼ಯು.
\p
\v 29 ಯೇಸುನೆ ಇವ್ಣುನ, “ಮೇಬಿ ತುಮೂನ ಏಕ್‌ ಸವಾಲ್‌ ಫುಛಾ಼ವುಸ್‌, ಮನ ಜವಾಬ್‌ ದಿದಾತೊ, ಬಾದ್‌ಮ ಮೇ ಕೆವ್ಹಿ ಹಕ್‌ಥಿ ಆ ಖ್ಹಾರು ಕರುಸ್ ಕರಿ ತುಮುನ ಬೋಲುಸ್” ಕರಿ ಬೋಲಿನ್ 
\v 30 ಬ್ಯಾಪ್ತಿಸ್ಮ ದ್ಯವಾನಿ ಹಕ್‌ ಯೋಹಾನ್ನ ಪರಲೋಕ್‌ಥಿ ಆಯುಕಿ: ಕೊಯ್ನಿ ಅದ್ಮಿಥಿ ಆಯು? ಜವಾಬ್‌ ದೆವೊ” ಕರಿ ಬೋಲ್ಯೊ.
\p
\v 31 ತದೆ ಇವ್ಣೆ ಇವ್ಣ-ಇವ್ಣ ಮಹಿಸ್ ವಾತೆಚೀತೆ ಕರ್ತುಹುಯಿನ್, “ಅಪ್ಣೆ ಶಾತ್ ಬೋಲಿಯೆ? ‘ಪರಲೋಕ್‌ಥಿ ಆಯು’ ಕರಿ ಅಪ್ಣೆ ಬೋಲ್ಯಾತೊ, ‘ಇಮ್‍ಕತೊ ತುಮೆ ಶನ ಯೋಹಾನ್ನ ನಂಬ್ಯಾಕೊಯ್ನಿ?’ ಕರಿ ಬೋಲ್‌ಶೆ, 
\v 32 ‘ಅದ್ಮಿಥಿ ಆಯು’ ಕರಿ ಬೋಲ್ಯಾತೊ ಶಾತ್‌ ಹುವ್ವಾಸ್‌ಕಿ” ಕರಿ ಬೋಲಾಲಗ್ಯು. ಶನಕತೊ ಯೋಹಾನ ಏಕ್‌ ಪ್ರವಾದಿ ಕರಿ ತಮಾಮ್‌ ಅದ್ಮಿ ಗುಮಾನಿಕೊಂತೆ ನಂಬಿರಾಖ್ಯುಥು. ಇನಾಖ್ಹಾಜೆ ಇವ್ಣುನ ಅದ್ಮಿನೊ ಡರ್‌ ಥೊ. 
\v 33 ಅನಖ್ಹಾಜೆ ಇವ್ಣೆ, “ಹಮೂನ ಮಾಲುಮ್‌ ಕೊಯ್ನಿ” ಕರಿ ಯೇಸುನ ಜ಼ಬಾಬ್‌ದಿದು.
\p ತದೆ ಯೇಸುನೆ ಇವ್ಣುನ, “ಮೇಬಿ ಖೆವಿ ಹಕ್‌ಥಿ ಆ ಖ್ಹಾರು ಕರೂಸ್ಕಿ, ಯೋ ತುಮುನ ಕೋ ಬೋಲೂನಿ” ಕರಿ ಬೋಲ್ಯೊ.
\c 12
\s ದ್ರಾಕ್ಷಿನ ಬಾಗ್‌ನ ವಾರ್‌ನ ಕರಿರಾಖವಾಳಾನಿ ಬಾರೇಮಾನಿ ಮತ್ಲಬ್‌ನಿ ಖೇಣಿ
\r (ಮತ್ತಾಯ 21:33-46; ಲೂಕ 20:9-19)
\p
\v 1 ತದೆ ಯೇಸುನೆ ಇವ್ಣ ಜೋ಼ಡೆ ಮತ್ಲಬ್‌ನಿ ಖೇಣಿಯೇಥಿ ಬೋಲಾಲಗ್ಯೋಕಿ, “ಏಕ್‌ ಅದ್ಮಿನೆ ಏಕ್‌ ದ್ರಾಕ್ಷಿನು ಬಾಗ್ ಬಣೈನ್, ಇನ ಅಶ್‌ಪೀಶ್‌ ವಾಡ್‌ಗಿ ನಖೈನ್, ದ್ರಾಕ್ಷಿನೊ ರಖ್ಹ್‌ ಕಾಡಾನಖ್ಹಾಜೆ ಖಾಡ್ ಖೋಂದಾಯೊ ಅಜು಼ ಕಾವ್ಲಿನಖ್ಹಾಜೆ ಉಪ್ಪರ್ ಅಟ್‌ಲೊ ಭಂದಾಯೊ. ಅಜು಼ ಇನೆ ಯೋ ದ್ರಾಕ್ಷಿನಬಾಗ್‌ನ ವಾರ್‌ ಕರಾವಾಳವ್‌ನ ದೀನ್, ಘರ್‌ಥೊ ನಿಕ್ಳಿನ್ ದೇಖ್ಹ್‌ಪರ್ ಚ಼ಲೆಗಯೊ. 
\v 2 ಪಂಡು ಪಾಕಾನ ಹಗಾಮ್‌ ಆವಾದಿನ್, ವಾರ್‌ನ ದೀರಾಖ್ಯೊಥೋತೆ ಇವ್ಣಾಕಂಥು ದ್ರಾಕ್ಷಿನ ಪಂಡಾಮ ಭಾಗ್‌ ಲ್ಯವಾನಟೇಕೆ, ಏಕ್‌ ಆಳ್‌ನ ಇವ್ಣಾಕನ ಮೋಕ್‌ಲ್ಯೊ. 
\v 3 ಇವ್ಣೆ ಯೋ ಆಳ್‌ನ ಧರಿಲೀನ್, ಇನ ಮಾರಿನ್, ಖಾಲಿಹಾತೆ ಮೋಕ್ಲಿದಿದು. 
\v 4 ತದೆ ಯೋ ಬಾಗ್‌ನ ಯಜಮಾನ್ನೆ ಬಿಜ್ಜೇಕ್‌ ಜ಼ಣ ಆಳ್‌ನ ಮೋಕ್‌ಲ್ಯೊ; ಯೋ ವಾರ್‌ನ ಲೀರಾಖ್ಯುಥೂತೆ ಇವ್ಣೆ ಇನ ಮುಡ್‌ಕ್ಯಪರ್ ಮಾರಿನ್ ಖ್ಹರಮ್‌ ಕಾಡಿನ್ ಮೋಕ್‌ಲ್ಯು. 
\v 5 ಅನ ಬಾದ್‌ಮ ಯೋ ಬಾಗ್‌ನ ಯಜಮಾನ್ನೆ ಬಿಜ್ಜೇಕ್‌ ಜ಼ಣ ಆಳ್‌ನ ಮೋಕ್ಲಾಖ್ಹತರ್‌ ಇನ ಮಾರಿ ನಾಖಿದಿದು; ಅಜೂ಼ಬಿ ಕೈಯೆಕ್ಕಿ ಜ಼ಣಾನ ಮೋಕ್‌ಲ್ಯೊ, ಇವ್ಣಾಮ ಥೋಡ ಜ಼ಣಾನ ಮಾರ‍್ಯು ಅಜು಼ ಥೋಡ ಜ಼ಣಾನ ಕತ್ರಿನಾಖಿದಿದು. 
\v 6 ಯೋ ಬಾಗ್‌ನೊ ಯಜಮಾನ್ನೆ ಬಿಜು಼ ಎಕ್ಕಸ್ ಜ಼ಣೊ ರಹಿಗಯೋಥೊ. ಯೋ ಕೋಣ್‌ಕತೊ ಇನೊ ಲಾಡ್‌ನೊ ಛಿಯ್ಯೊ. ತದೆ ಇನೆ ಸೋಚ್ಯೊಕಿ, ‘ಮಾರ ಛಿಯ್ಯಾನ ದೇಖಿನ್‌ ಮರ್ಯಾದಿ ದಿಶೆ’ ಕರಿ ಯಜಮಾನ್ನೆ ಖ್ಹರ್ತಿಮ ಇನ ಛಿಯ್ಯಾನ ಯೋ ವಾರ್ ಕರವಾಳಾವ್‌ಕನ ಮೋಕ್‌ಲ್ಯೊ. 
\v 7 ಕತೋಬಿ ಯೋ ವಾರ್‌ನ ಕರಿರಾಖ್ಯೂಥೂತೆ ಅದ್ಮಿಖ್ಹಾರು ಇನ ದೇಖಿನ್‌, ‘ಆಸ್ ಬಾಗ್‌ನೊ ಯಜಮಾನ್ನೊ ಛಿಯ್ಯೊ. ಆವೊ, ಅನ ಮಾರಿನಾಖಿದಿಯ್ಯೆ, ತದೆ ಇನು ಶೊತ್ ಖ್ಹಾರು ಅಪ್ಣು ಹುಯಿಜಾ಼ಶೆ!” ಕರಿ ಏಕ್‌ನ ಜೋ಼ಡೆ ಏಕ್‌ ವಾತೆ ಕರಿಲೀನ್, 
\v 8 ಇನ ಛಿಯ್ಯಾನ ಧರೀನ್ ಮಾರಿನಾಖಿದೀನ್‌, ದ್ರಾಕ್ಷಿನ ಬಾಗ್‌ನ ಭಾರ್ ಫೇಕಿದಿದು.
\p
\v 9 ಇಮ್‍ಕತೊ, ದ್ರಾಕ್ಷಿನ ಬಾಗ್‌ನೊ ಯಜಮಾನ್ ಶಾತ್‌ ಕರ್ಶೆ? ಯೋ ಐನ್ ದ್ರಾಕ್ಷಿನ ಬಾಗ್‌ನ ವಾರ್‌ನ ಲೀರಾಖ್ಯುಥೂತೆ ಇವ್ಣುನ ಮಾರಿನಾಖಿದೀನ್‌, ಇನು ದ್ರಾಕ್ಷಿನ ಬಾಗ್‌ನ ಬಿಜಾ಼ನ ದಿನಾಕ್‌ಶೆ.
\q1
\v 10 ‘ಘರ್ ಭಾಂದಾವಾಳು ನಕೊಕರಿ ಧಕೇಲೈ ಗಯೋತೆ ಬಂಡೋಸ್,
\q2 ಹೋಣುತೆ ಕೋಣಾನೊ ಬಂಡೊ ಹುಯೊ. ಅಮ್ಕರಿ ಧರ್ಮಶಾಸ್ತ್ರಮ ಪಢಿರಾಖ್ಯಸ್ನಿ!
\q1
\v 11 ಹೈರುತೆ ಪ್ರಭುನೇಸ್ ಕರ‍್ಯೊತೆ;
\q2 ಆ ಅಪ್ಣ ಡೋಳಾಮ ಅಶ್ಚರ್ಯ ದೆಖಾವಸ್ನಿ!”\f + \fr 12:11 \fr*\ft ಕೀರ್ತನೆ 118.22-23\ft*\f*
\p
\v 12 ಆ ಅಪ್ಣೀಸ್‌ ಬಾರೇಮ ಆ ಮತ್ಲಬ್‌ನಿ ಖೇಣಿ ಬೋಲ್ಯೊ ಕರಿ ಇವ್ಣೆ ಮಾಲುಮ್‌ ಕರಿಲೀನ್ ಯೇಸುನ ಧರ್‌ನು ಕರಿ ಕೋಶಿಶ್ ಕರ‍್ಯು. ಕತೋಬಿ ಅದ್ಮಿನ ಡರ್‌ಥಿ ಇನ ಮ್ಹೆಂದಿನ್ ಚ಼ಲಿಗಯು,
\s ಶುಂಕ ಭಾಂದಾನಿ ಬಾರೇಮ ಪುಛಾ಼ಯೂತೆ
\r (ಮತ್ತಾಯ 22:15-22; ಲೂಕ 20:20-26)
\p
\v 13 ಅನ ಬಾದ್‌ಮ ಇವ್ಣೆ ಯೇಸುನ ವಾತೆಮ ಫಖ್ಹಾವ್ಣು ಕರಿ, ಫರಿಸಾಯರ್ ಅಜು಼ ಹೆರೋದನಿ ಝೂ಼ಂಡ್‌ಥು ಥೋಡ ಜ಼ಣಾನ ಇನಾಕನ ಮೋಕ್‍ಲ್ಯು. 
\v 14 ಇವ್ಣೆ ಇನಾಕನ ಐನ್ ಬೋಲ್ಯೂಕಿ, “ಗುರು, ತೂ ಖ್ಹಾಚಿಸ್ ಬೋಲಾಸ್, ಕಿನಾಬಿ ದೇಖಿನ್‌ ಡರಾಕೊಯ್ನಿ, ತು ಅದ್ಮಿನು ಮ್ಹೋಡುದೇಖಿನ್‌ ವಾತೆ ಕೋ ಬೋಲಾನಿ. ಕತೋಬಿ ಅದ್ಮಿನಿ ಬಾರೇಮ ದೇವ್ನಿ ಮರ್ಜಿ ಶಾತ್‌ ಛಾ಼ಕಿ ಯೋ ಬೋಲಿವತಾಳಸ್ ಕರಿ ಹಮೂನ ಮಾಲುಮ್‌. ಕೈಸರ್‌ನ ಶುಂಕ ದೆವಾನು ನಿಯಮ್‌ಕಿ ಕೊಯ್ನಿ? ದೇಣೂಕಿ ನಾ ದೇವ್ಣು” ಕರಿ ಯೇಸುನ ಪುಛಾ಼ಯು.
\p
\v 15 ತದೆ ಯೇಸುನೆ, ಇವ್ಣೆ ಮಶ್ಲತ್ ಭಂದೈನ್ ಐರ‍್ಹೂತೆ ದೇಖಿನ್, “ಮನ ಫಖ್ಹಾವ್ಣು ಕರಿ ಶನ ದೇಖೊಸ್ತೆ? ಮನ ಏಕ್‌ ರೂಪಾನು ಬಿಲ್ಲು ಲೈನ್‌ ವತಾಳೊ” ಕರಿ ಬೋಲ್ಯೊ.
\p
\v 16 ತದೆ ಇವ್ಣೆ ಏಕ್‌ ಬಿಲ್ಲು ಲಾಯು, ತದೆ ಯೇಸುನೆ, “ಆ ಬಿಲ್ಲಾನ ಉಪ್ಪರ್ ಛಾ಼ತೆ ಮ್ಹೋಡಾನಿ ರೂಪ್‌ಬಿ ನಾಮ್ ಕಿನು?” ಕರಿ ಪುಛಾ಼ವಖ್ಹತರ್ ಇವ್ಣೆ, “ಕೈಸರ್‌ನು” ಕರಿ ಬೋಲ್ಯು. 
\v 17 ತದೆ ಯೇಸುನೆ, “ಇಮ್‍ಕತೊ, ಕೈಸರ್‌ನು ಶಾತ್‌ ಛಾ಼ಕಿ ಯೋ ಕೈಸರ್‌ನ ದೆವೊ, ದೇವ್ನ ದೇವ್ಣುತೆ ದೇವ್ನ ದೆವೊ” ಕರಿ ಬೋಲ್ಯೊ.
\p ಯೇಸುನೆ ಅಮ್ ಬೋಲ್ಯೋತೆ ದೇಖಿನ್ ಇವ್ಣೆ ಘಣು ಆಶ್ಚರ್ಯಖಾದು.
\s ಮರೀನ್ ಜಿವ್ತೊ ಹುಯಿನ್ ಉಠಾನಿ ಬಾರೇಮ ಪುಛಾ಼ಯೂತೆ
\r (ಮತ್ತಾಯ 22:23-33; ಲೂಕ 20:27-40)
\p
\v 18 ಅನ ಬಾದ್‌ಮ ಸದ್ದುಕಾಯವಾಳು\f + \fr 12:18 \fr*\ft ಸದ್ದುಕಾಯವಾಳು ಕತೊ ಯೆಹೂದ್ಯರ್‌ನಿ ಜಾ಼ತ್ನು ಅದಿಕಾರ್ ಚ಼ಲಾವವಾಳು ಏಕ್‌ ಝೂ಼ಂಡ್‌. ಅವ್ಣೆ ಜೂ಼ನು ಒಪ್ಪಂದಾನನು ಪಹಿಲು ಪಾಚ಼್ ಪುಸ್ತಕ್‌ನ ಮ್ಹೇಲಿನ್ ಬಿಜು಼ ಕೆಹೂಬಿ ರಾಕ್‍ತುಥು ಕೊಯ್ನಿ. ಅವ್ಣೆ ಮರ್‌ವಾನ ಬಾದ್‌ಮ ಅದ್ಮಿ ಪಾಛು಼ ಜಿವ್ತುಹುಯಿನ್ ಉಠಾಕೊಯ್ನಿ ಕರಿ ಬೋಲವಾಳು ಅಜು಼ ದೂತರ್, ಆತ್ಮ ಯೋ ಖ್ಹಾರಿ ನಂಬಾಕೊಯ್ನಿ.\ft*\f* ಥೋಡು ಜ಼ಣು ಯೇಸುಕನ ಆಯು.ಅವ್ಣೆ ಮರ‍್ಯುಹುಯು ಅದ್ಮಿ ಪಾಛು಼ ಜಿವ್ತುಹುಯಿನ್ ಉಠಾಕೊಯ್ನಿ ಕರಿ ಬೋಲಾವಾಳು. ಅವ್ಣೆ ಯೇಸುನ ಪುಛಾ಼ಯುಕಿ, 
\v 19 “ಗುರು, ಏಕ್‌ ಜ಼ಣೊ ಲಡ್ಕಾಕೊಂತೆ ಮರಿಗೋತೊ, ಇನಿ ಬಾವಣ್ಣ ಇನೊ ಭೈ ಕರಿಲೇವ್ಣು. ತದೆ ಇವ್ಣುನ ಲಡ್ಕಾ ಹುಯಾತೊ, ಯೋ ಲಡ್ಕಾ ಮರ‍್ಯೋತೆ ಭೈನ ಲಡ್ಕಾ ಹುಯಿರ‍್ಹಿಶೆ’ ಕರಿ ಮೋಶೆನೆ ಹಮಾರಖ್ಹಾಜೆ ಲೀಖಿರಾಖ್ಯೊಸ್. 
\v 20 ಖ್ಹಾತ್‌ಜ಼ಣ ಭೈಯೆ ಥಾ; ಇವ್ಣಾಮ ಪಹಿಲೊ ಭೈ ವ್ಯಹಾ ಕರೀನ್ ಲಡ್ಕಾಕೊಂತೆ ಮರಿಗಯೊ. 
\v 21 ಇನಿ ಬಾಯ್ಕೊನ ಇನ ಪೀಟ್‌ಣೊ ಭೈನೆ ಕರಿಲೀನ್ ಯೋಬಿ ಲಡ್ಕಾಕೊಂತೆ ಮರಿಗಯೊ. ಇಮ್ಮಸ್ ತೀನ್ನೊ ಭೈನಾಬಿ ಹುಯು, 
\v 22 ಇಮ್ಮಸ್ ಖ್ಹಾತೆ ಜ಼ಣಾಬಿ ಯೋ ತಯೇಡಾನ ಕರಿಲೀನ್ ಲಡ್ಕಾಕೊಂತೆ ಮರಿಗಯ. ಖ್ಹಾರಾನ ಬಾದ್‌ಮ, ಯೋ ತಯೇಡಾಬಿ ಮರಿಗೈ. 
\v 23 ಇಮ್‍ಕತೊ, ಮರವಾಳು ಜಿವ್ತುಹುಯಿನ್ ಆವ್‌ಶೇತೆ ಯೋ ದನ್ಮ, ಯೋ ತಯೇಡ ಖೆವಾನಿ ಬಾವಣ್‍ ಹುಯಿರ‍್ಹಿಶೆ? ಶನಕತೊ ಖ್ಹಾತೆ ಜ಼ಣಾಬಿ ಇನ ಕರಿಲಿದಾಥಾನಿ” ಕರಿ ಬೋಲ್ಯು.
\p
\v 24 ಯೇಸುನೆ ಇವ್ಣುನ, “ತುಮೆ ಕೆತ್ರೆ ಗಲ್ತಿಮ ಶನ ಛಾ಼ಕರಿ ಮಾಲುಮ್ ಕಿಶು? ಶನಕತೊ ತುಮೂನ ದೇವ್ನಿ ವಚನ್‌ಬಿ ನಾತೊ ದೇವ್ ಕೆತ್ರೆ ಶಕತ್‌ವಾಳೊ ಕರೀಬಿ ಮಾಲುಮ್‌ಕೊಯ್ನಿ. 
\v 25 ಮರವಾಳು ಜಿವ್ತುಹುಯಿನ್ ಆವ್‌ಶೇತೆ ತದೆ, ಇವ್ಣೆ ಸೊರ್ಗಥು ದೇವ್‌ನು ದೂತರ್‌ನಿ ಘೋಣಿ ರ‍್ಹಿಶೆ ಅಜು಼ ವ್ಯಹಾ ಕರ್‌ಶೆಬಿ ಕೊಯ್ನಿ, ವ್ಯಹಾ ಕರಿದಿಶೇಬಿ ಕೊಯ್ನಿ. 
\v 26 ಕತೋಬಿ ‘ಮರವಾಳು ಜಿವ್ತುಹುಯಿನ್ ಉಟ್‍ಶೇತೆ’ ಇನಿ ಬಾರೇಮ ಬೋಲ್‌ನು ಕತೊ, ‘ಮೇ ಅಬ್ರಹಾಮ್‌ನೊ ದೇವ್, ಇಸಾಕನೊ ದೇವ್, ಯಾಕೋಬನೊ ದೇವ್’ ಕರಿ ದೇವ್ನೆ ಮೋಶೆನ ಬೋಲ್ಯೊತೆ ಇನ ಮೋಶೇನು ಪುಸ್ತಕ್‌ಮ ಆಗ್‍ನಿ ಡಾಗ್‌ನಿ ಬಾರೇಮ ಛಾ಼ತೆ ವಚನ್ನು ಭಾಗ್‌ಮ\f + \fr 12:26 \fr*\ft ವಿಮೋಚನಕಾಂಡ 3.6\ft*\f* ಪಢಿರಾಖ್ಯಕೊಯ್ನಿಕಿ ಶು? 
\v 27 ಇವ್ಣೆ ಮರಿಗಯಾತೋಬಿ ದೇವ್ನ ಜೋ಼ಡ್ಮ ಜಿವ್ತು ಹುಯಿನ್ ಛಾ಼; ಇನಖ್ಹಾಜೆ ಯೋ ಜಿವ್ತಾನೊ ದೇವ್ ಹುಯಿರ‍್ಹೋಸ್ತೆ ಪಣ್ಕಿ ಮರ‍್ಯಾಹುಯಾನೊ ಕಾಹೆ, ತುಮೆ ತೀರ್‌ಚಾಸ್ ಗಲ್ತಿಮ ಪಡ್ಯಾಸ್” ಕರಿ ಬೋಲ್ಯೊ.
\s ಖ್ಹಾರೇಥಿ ಮೋಟಿ ಹುಕುಮ್
\r (ಮತ್ತಾಯ 22:34-40; ಲೂಕ 10:25-28)
\p
\v 28 ಹಿಜ್ಜಾ಼ ಮೋಶೆನಿ ವಚನ್‍ ಶಿಕಾಡವಾಳೊ ಶಾಸ್ತ್ರಿಮ ಏಕ್‌ ಜ಼ಣೊ ಇವ್ಣೆ ಚರ್ಚೆ ಕರುಕರಾತೆ ಖ್ಹಮ್‌ಜಿನ್‌, ಯೇಸುನೆ ಸದ್ದುಕಾಯವಾಳನ ಅಛ್ಛು಼ ಜವಾಬ್‌ ದಿದೋತೆ ದೇಖಿನ್, ಯೇಸುಕನ ಐನ್, “ಖ್ಹಾರಿ ಹುಕುಮ್‌ಮ ಮೋಟಿ ಹುಕುಮ್‌ ಖೆವಿ” ಕರಿ ಪುಛಾ಼ಯೊ.
\p
\v 29 ತದೆ ಯೇಸುನೆ, “ಇಸ್ರಾಯೇಲ್‌ನು ಅದ್ಮಿ ಖ್ಹಮಜ಼್! ಖ್ಹಾರೇಥಿ ಮೋಟಿ ಹುಕುಮ್ ಖೆವಿಕತೊ, ‘ಅಪ್ಣೊ ದೇವ್ ಹುಯಿರ‍್ಹೋತೆ ಪ್ರಭು ಎಕ್ಕಸ್ ಜ಼ಣೊ ದೇವ್ ಹುಯಿರ‍್ಹೋಸ್.’ 
\v 30 ತಾರೊ ದೇವ್ ಹುಯಿರ‍್ಹೋತೆ ಪ್ರಭುನ ಪೂರ ದಿಲ್‌ಥಿ, ಪೂರ ಜಾನ್‌ಥಿ, ಪೂರ ಮನ್‌ಥಿ, ಪೂರ ಶಕಥ್ಥಿ ಪ್ಯಾರ್ ಕರ‍್ನು. 
\v 31 ಅಜು಼ ಬೇನಿ ಮೋಟಿ ಹುಕುಮ್ ಖೆವಿಕತೊ, ‘ತಾರು ತು ಕಿಮ್ ಪ್ಯಾರ್ ಕರಾಸ್ಕಿ ಇಮ್ಮಸ್ ತಾರ ಭೀಡೆವಾಳಾನ\f + \fr 12:31 \fr*\ft ಲೂಕ 10.27-37, ಪಡೋಶಿವಾಳು ಕತೊ ಕಿನ-ಕಿನ ಜ಼ರೂರತ್ ಛಾ಼ಕಿ ಇವ್ಣುನ ಮದತ್‌ಕರ್‌ನು ಕರಿ\ft*\f* ಪ್ಯಾರ್ ಕರ‍್ನು’. ಆ ಬೇ ಹುಕುಮ್‌ಥಿ ಮೋಟಿ ಹುಕುಮ್‌ ಬಿಜೇಕ್ ಖೆವಿಬಿ ಕೊಯ್ನಿ” ಕರಿ ಬೋಲ್ಯೊ.
\p
\v 32 ತದೆ ಯೋ ಶಾಸ್ತ್ರಿನೆ, “ಗುರು, ತೂ ಅಶೇಲ್ ಬೋಲ್ಯೊ, ‘ದೇವ್ ಹುಯಿರ‍್ಹೋತೆ ಪ್ರಭು ಎಕ್ಕಸ್ ಜ಼ಣೊ, ಇನ ಮ್ಹೇಲೀನ್‌ ಬಿಜು಼ ಕೋಣ್‌ಬಿ ದೇವ್ ಕೊಯ್ನಿ, ಕರಿ ತುನೆ ಬೋಲ್ಯೊತೆ ಖ್ಹಾಚಿ. 
\v 33 ಇನ ಪೂರ ದಿಲ್‌ಥಿ, ಪೂರ ಮನ್‌ಥಿ ಅಜು಼ ಪೂರ ಶಕಥ್ಥಿ ಪ್ಯಾರ್ ಕರ‍್ನು; ಅಜು಼ ಇನು ಯೋ ಕಿಮ್ ಪ್ಯಾರ್ ಕರಿಲೇಸ್ಕಿ, ಇಮ್ಮಸ್ ಇನ ಭೀಡೆವಾಳಾನ ಪ್ಯಾರ್ ಕರ‍್ನು. ಆ ಬೇ ಹುಕುಮ್‌ ದೇವ್ನ ಖ್ಹಾಮೆ ಅಖ್ಖಯೇಕ್‌ ಶರೀರ್‌ನ ಬಲಿದ್ಯವಾನು ದೆವಾಥೀಬಿ ಅಜು಼ ಬಿಜಿ ಖ್ಹಾರಿ ಜಾನ್ವರ್‌ನ ಬಲಿಥೀಬಿ ಮೋಟು ಹುಯಿರ‍್ಹೂಸ್” ಕರಿ ಬೋಲ್ಯೊ.
\p
\v 34 ಇನೆ ಸೋಚಿಪರ್‌ಖಿನ್ ಜವಾಬ್‌ ದಿದೊತೆ, ಯೇಸುನೆ ದೇಖಿನ್‌, “ತೂ ದೇವ್ನಿ ರಾಜ್ಯಥಿ ದೂರ್‌ಲ್ಯೊ ಕಾಹೆ” ಕರಿ ಬೋಲ್ಯೊ.
\p ಅನ ಬಾದ್‌ಮ ಯೇಸುನ ಬಿಜು಼ ಶಾತ್ಬಿ ಪುಛಾ಼ವನ ಕಿನೇಬಿ ಹಿಮ್ಮತ್ ಕೋ ಕರ‍್ಯುನಿ.
\s ಮೆಸ್ಸೀಯಾನಿ ಬಾರೇಮ ಪುಛಾ಼ಯೋತೆ
\r (ಮತ್ತಾಯ 22:41-46; ಲೂಕ 20:41-44)
\p
\v 35 ಯೇಸು ಮಂದಿರ್‌ಮ ವಚನ್ ಬೋಲಿದೇವ್‌ಕರ್‌ತೋಥೊ, ತದೆ ಇನೆ ಪುಛಾ಼ಯೊಕಿ, “ಮೋಶೆನಿ ವಚನ್ ಶಿಕಾಡವಾಳು ಶಾಸ್ತ್ರಿಖ್ಹಾರು ಮೆಸ್ಸೀಯ ದಾವೀದ್‌ನೊ ಛಿಯ್ಯೊ, ಕರಿ ಬೋಲಾಸ್ನಿ, ಯೋ ಕಿಮ್ ಉಶೆ?
\q1
\v 36 ‘ಮೇ ತಾರು ದುಶ್‌ಮನ್ನ ಖ್ಹಾರು ತಾರ ಗೋಡಾನ ಹೇಟ್‌ ನಾಖಾಲಗು
\q2 ಮಾರಿ ಖಾವಿ ಬಾಜು಼ಮ ಬೆಠೋರೆ,
\q1 ಕರಿ ಪ್ರಭು ಹುಯಿರ‍್ಹೋತೆ ದೇವ್ನೆ ಮಾರ ಮಾಲಿಕ್‌ನ ಬೋಲ್ಯೊ’\f + \fr 12:36 \fr*\ft ಕೀರ್ತನೆ 110.1\ft*\f*
\q2 ಕರಿ ಪವಿತ್ರಾತ್ಮನೆ ದಾವೀದನ ಮ್ಹೋಡಾವಾಟೆ ಬೋಲಾಯೋನಿ. 
\v 37 ದಾವೀದಸ್‌ ಕ್ರಿಸ್ತನ ಪ್ರಭುಕರಿ ಬೋಲಾಪರ್ ಕ್ರಿಸ್ತ ದಾವೀದ್‌ನೊ ಛಿಯ್ಯೊ ಕಿಮ್ ಉಶೆ?”
\s ಮೋಶೆನಿ ವಚನ್ ಶಿಕಾಡವಾಳು ಶಾಸ್ತ್ರಿಯೇನಿ ಬಾರೇಮ ಯೇಸುನೆ ಝೇತಾಯೊತೆ
\r (ಮತ್ತಾಯ 23:1-36; ಲೂಕ 20:45-47)
\p ಯೇಸುನಿ ವಾತೆನ ಘಣು ಅದ್ಮಿ ಖ್ಹುಶೀಥಿ ಖ್ಹಮ್‍ಜು಼ಕರ್ತುಥು. 
\v 38 ಯೇಸುನೆ ವಚನ್ ಬೋಲಿ ದೇತೊಹುಯಿನ್ ಬೋಲ್ಯೋಕಿ, “ಮೋಶೇನು ವಚನ್ ಶಿಕಾಡವಾಳು ಶಾಸ್ತ್ರಿಯೇನಿ ಬಾರೇಮ ಹೊಷಾರ್‌ಥಿ ರ‍್ಹವೊ. ಇವ್ಣೆ ಘಣ ಮೋಲ್ನು ಝ಼ಗ್ಗೊ ಪೇರ‍್ಹಿಲೀನ್‌ ಹೈಕಡ್‌ಹೀಕಡ್‌ ಫರ್‌ವಾನು, ದುಕಾನೇನಿ ಗಲ್ಲಿಮ ಅದ್ಮಿಖ್ಹಾರು ಇವ್ಣುನ ಮರ್ಯಾದಿ ದೀನ್ ಖ್ಹಲಾಮ್ ಕರ್ನುಕರಿ, 
\v 39 ಅಜು಼ ಸಬೆ ಭರಾವಾನು ಮಂದಿರ್‌ಮ ಅಖ್ಖಾನ ಖ್ಹಾಮೆ ಬೇಖ್ಹ್‌ಣು ಕರಿ, ಮಾನ್-ಮಿಝ಼್‌ವಾನೇನಿ ಝ಼ಗೋಮ ಅಖ್ಖಾನ ದೆಖಾವಾನಿ ಘೋಣಿ ಖ್ಹಾಮೆ ಬೇಖ್ಹ್‌ಣು ಕರಿ ಖಲಿ ಅಮ್ಮಸ್ ಆಖ್ಹ್ ಕರ್ತುರ‍್ಹೇಸ್‌. 
\v 40 ಇವ್ಣೆ ಮುಂಡಚ್ಚಿ\f + \fr 12:40 \fr*\ft ಬಾವ್ರಿ ಮರಿಜಾ಼ಯಿತೆ ತಯೇಡ, ಮುಂಡಚ್ಚಿ ಕರೀಬಿ ಬೋಲಾಸ್\ft*\f* ತಯೇಡಾವ್‌ನ ಠಗೈನ್ ಇವ್ಣ ಘರ್‌ನ ಲೂಟಿಲೇಸ್ ಅಜು಼ ಅದ್ಮಿನ ವತಾಳಿಲ್ಯಾವನಖ್ಹಾಜೆ ಲಾಂಬಿ ಪ್ರಾರ್ಥನೆ ಕರಾಸ್. ಅವ್ಣಪರ್ ಘಣೇಥಿ ಘಣಿ ನಿಶತ್‌ ಮಳ್‍ಶೆ” ಕರಿ ಬೋಲ್ಯೊ.
\s ಮುಂಡಚ್ಚಿ ತಯೇಡಾನಿ ಕಾಣ್ಕೆ
\r (ಲೂಕ 21:1-4)
\p
\v 41 ಯೇಸು ಮಂದಿರ್‌ನಿ ಹುಂಡಿನ ಖ್ಹಾಮ್ಣೆನಿ ಬಾಜೂ಼ಮ ಬೇಶಿನ್, ಅದ್ಮಿಖ್ಹಾರು ಪೈಶಾ ನಾಖಾತೆ ದೇಖುಕರ್ತೊಥೊ. ಕೈಯೆಕ್ಕಿ ಧನ್‌-ದೌಲತ್‌ವಾಳು ಅದ್ಮಿ ಘಣು-ಘಣು ನಾಖ್ಯು. 
\v 42 ತದೆ ಹಿಜ್ಜಾ಼ ಏಕ್‌ ಗರೀಬ್ ಮುಂಡಚ್ಚಿ ತಯೇಡ ಐನ್, ಬೇ ತಾಂಬಾನು ಕಾಖ್ಹ್‌, ಕತೊ ಏಕ್‌ ಪೈಶಾ ನಾಖಿ. 
\v 43 ತದೆ ಯೇಸುನೆ ಇನ ಶಿಷ್ಯರ್‌ನ ಖನ್ನೆ ಬುಲೈನ್, “ಮೇ ತುಮೂನ ಖ್ಹಾಚ ಬೋಲುಸ್ಕಿ ಹುಂಡಿಮ ಖ್ಹಾರೇಥಿ ಜಾ಼ಖ್ಹತ್ ಆ ಗರೀಬ್ ಮುಂಡಚ್ಚಿ ತಯೇಡ ನಾಖಿರಾಖಿಸ್‌. 
\v 44 ಕಿಮ್ ಕತೊ, ಖ್ಹಾರು ಇವ್ಣುನ ಬಶ್‌ಹುಯಿನ್ ಉಭ್‌ರ‍್ಯುತೆ ಇನಾಮಾಥು ಥೋಡು ನಾಖ್ಯು; ಕತೋಬಿ ಆ ಹೈರಿತೆ, ಅತ್ರೆ ಗರೀಬ್ ರ‍್ಹೀನ್‌ಬಿ, ಇನಾಕನ ಥೂತೆ ಖ್ಹಾರುಸ್‌ ನಾಖಿದಿದಿ, ಇನು ಜಿವ್ಣು ಚ಼ಲಾವಾನ ಥೂತೆ ಖ್ಹಾರೂಸ್ ನಾಖಿದಿದಿ”.
\c 13
\s ಮೋಟಿ ಮಂದಿರ್‌ನ ಫೋಡಿನಾಕ್‌ಶೆತೆ ಇನಿ ಬಾರೇಮ ಯೇಸುನೆ ಬೋಲ್ಯೋತೆ
\r (ಮತ್ತಾಯ 24:1-2; ಲೂಕ 21:5-6)
\p
\v 1 ಮಂದಿರ್‌ನ ಮ್ಹೆಂದಿನ್ ಜಾ಼ವಾನಿ ವಖ್ಹತ್‌ಮ, ಇನ ಶಿಷ್ಯರ್‌ಮ ಏಕ್‌ ಜ಼ಣಾನೆ ಇನ, “ಗುರು, ಹಂದೇಕ್‌ ಕಿಮ್ನ ಬಂಡಾ! ಆ ಮಂದಿರ್‌ನ ಕಿಮ್ ಬಣೈರಾಖ್ಯೂಸ್ತೆ!” ಕರಿ ಬೋಲ್ಯು.
\p
\v 2 ತದೆ ಯೇಸುನೆ, “ಆ ಕೆತ್ರೆ ಮೋಟುಘರ್ ಬಣೈರಾಖ್ಯೂಸ್‌ ಕರಿ ತೂ ದೇಖುಕರಾಸ್‌ ಕೊಯ್ನಿಕಿ ಶು? ಹಜ್ಜಾ಼ ಏಕ್‌ ಬಂಡಾಪರ್ ಬಿಜೇಕ್ ಬಂಡೊ ಭೀರಿಶೆ ಕೊಯ್ನಿ; ಅಖ್ಖಾಸ್ನ ರಡ್‌ಕೈನಾಖಿದಿಶೆ” ಕರಿ ಬೋಲ್ಯೊ.
\s ಖ್ಹತಾಪ್ಣಿ ಅಜು಼ ವದೇಖ್ಹ್
\r (ಮತ್ತಾಯ 24:3-14; ಲೂಕ 21:7-19)
\p
\v 3 ಬಾದ್‌ಮ ಯೇಸು ಆಲಿವ್‌ ಪಹಾಡ್‌ಪರ್\f + \fr 13:3 \fr*\ft ಆಲಿವ್ ಕರಿ ಪಂಡಾ ಮ್ಹೇಲಾನು ಝಾ಼ಡ ಆ ಪಹಾಡ್‌ಪರ್ ಥು. ಆ ಆಲಿವ್‌ನ ಪಂಡಾನ ಪೀಂಜಿನ್ ತೇಲ್ ಕಾಡಸ್‌. ಆ ತೇಲ್ ಖಾಣು ಕರಾನ, ದೀವೊ ಲಗಾಡನ, ಓಖ್ಹಡ್‌ ಕರಾನ ಅಜು಼ ರಂಗ್-ರೂಪ್ ಭಡಾವಾನಟೇಕೆ ಉಪ್‌ಯೋಗ್‌ಕರಾಸ್\ft*\f* ದೇವ್ನಿ ಮೋಟಿ ಮಂದಿರ್‌ ಭಣಿ ಮ್ಹೋಡು ಕರೀನ್ ಬೆಠೋಥೊ. ತದೆ ಪೇತ್ರ, ಯಾಕೋಬ್, ಯೋಹಾನ ಅಜು಼ ಅಂದ್ರೆಯ ಯೇಸು ಎಕ್ಲೊ ರ‍್ಹವಾನಿ ವಖ್ಹತ್‌ಮ ಇನಾಕನ ಆಯ. 
\v 4 ತದೆ ಇವ್ಣೆ ಇನ, “ಆ ಖ್ಹಾರು ಕದೆ ಉಶೆ? ಆ ಖ್ಹಾರು ಹುವಾನ ವಖ್ಹತ್ ಐಗಿ ಕರಿ ಮಾಲುಮ್ ಪಡಾನಟೇಕೆ ಶಾತ್ ಚಾ಼ಲ್‌ಷೆ, ಕರಿ ಹಮೂನ ಬೋಲ್” ಕರಿ ಪುಛಾ಼ಯ.
\p
\v 5 ತದೆ ಯೇಸುನೆ ಇವ್ಣುನ, “ಹೊಷಾರ್‌ಥಿ ರ‍್ಹವೊ, ಅಜು಼ ತುಮೂನ ಕೋಣ್‌ಬಿ ಠಗಾವ್ಣುನಾತೆ ಇಮ್‌ ದೇಖಿಲೇವೊ. 
\v 6 ಕೈಯೆಕ್ಕಿ ಜ಼ಣು ಆಯಿನ್ ಮಾರು ನಾಮ್ ಬೋಲಿಲಿನ್, ‘ಮೇ ಕ್ರಿಸ್ತ, ಮೇ ಕ್ರಿಸ್ತ’ ಕರಿ ಘಣ ಅದ್ಮಿನ ಧೋಕ ಕರ್ಶೆ. 
\v 7 ಅತ್ರೇಸ್ ಕಾಹೆತೆ ತುಮೆ, ಖನ್ನೆ ಜಂಗ್ ಭೀಡುಕರಾತೆ ಅವಾಜ಼್ ಅಜು಼ ದೂರ್ ಜಂಗ್ ಭೀಡುಕರಾತೆ ಖಬರ್‌ನ ಖ್ಹಮ್‌ಜ್ಯಾತೊ ಘಬ್ರಾವೊ ನಕೊ. ಅಮ್ನು ಖ್ಹಾರು ಚಾ಼ಲ್ನುಸ್ ಚಾ಼ಲ್ನು. ಕತೋಬಿ ಅನಿ ಮತ್‌ಲಬ್ ಜಗತ್‌ ಖತಮ್ ಹುಯಿಜಾ಼ವಾನ ಆಯುಕರಿ ಕಾಹೆ. 
\v 8 ದೇಖ್ಹ್‌ಥಿ ದೇಖ್ಹ್‌ ಲಡೈ ಪಡ್‌ಶೆ; ಏಕ್‌ ರಾಜ್ಯಪರ್ ಬಿಜೇಕ್‌ ರಾಜ್ಯ ಲಡೈನ ಉಟ್‌ಶೆ. ಖ್ಹಾರಿ ತರಬ್‌ ಜ಼ಮೀನ್ ಹಲ್‌ಶೆ, ಅಜು಼ ಕಾಳ್ದುಕಾಳ್ ಉಶೆ. ಆ ಖ್ಹಾರು ಲಡ್ಕು ಪೈದಾ ಹುವಾನಿ ವಖ್ಹತ್‌ಮ ಆವಾತೆ ಪಹಿಲಿ ಅಜಾ಼ನಿಘೋಣಿ ಹುಯಿರ‍್ಹುಸ್‍.
\p
\v 9 ಕತೋಬಿ ತುಮೆ ತುಮಾರಿ ಬಾರೇಮ ಹೊಷಾರ್‌ಥಿ ದೇಖಿಲೆವ್ಣು. ತುಮೂನ ಧರೀನ್ ನ್ಯಾವ್ ಕರಾನಿ ಸಭೆಮ ಖೇಚಿಲಿಜಾ಼ಶೆ. ತುಮುನ ಸಬೆ ಭರಾವಾನು ಮಂದಿರ್‌ಮ ಮಾರ್‌ಶೆ; ಮಾರಖ್ಹಾಜೆ ತುಮೆ ರಾಜ಼್‌ಭಾರ್‌ ದೇಖಿಲೆವಾಳಾನ ಖ್ಹಾಮ್ಣೆಬಿ ಅಜು಼ ರಾಜಾ಼ನ ಖ್ಹಾಮ್ಣೆ ಸಾಕ್ಷಿಕರಿನ್ ಭೀರಾಕ್‌ಶೆ. 
\v 10 ಕತೋಬಿ ಜಗತ್‌ ಖತಮ್ ಹುವಾನ ಅಗಾಡಿ, ತಮಾಮ್‌ ಜ಼ಗ್‌ಜಾ಼ತ್‌ವಾಳನ ದೇವ್ನಿ ಅಛ್ಛಿ ಸಮಾಚಾರ್‌ನ ಬೋಲ್‌ನು. 
\v 11 ತುಮುನ ಧರೀನ್ ನ್ಯಾವ್ ಕರಾನಿ ಝ಼ಗೊ ಲೀಗಯೂತೊ, ಶಾತ್‌ ಬೋಲ್ನುಕರಿ ಪಹಿಲೇಸ್ ಧಡುಕೊ\f + \fr 13:11 \fr*\ft ಹೇಬತ್,\ft*\f* ನಕೊಘಾಲೊ. ಯೋ ವಖ್ಹತ್‌ಮ ಶಾತ್‌ ಬೋಲ್ನುಕರಿ ದೇವ್ ಯಾದ್ ದೇಸ್ಕಿ ಯೋಸ್‌ ಬೋಲೊ. ಶನಕತೊ ತುಮೆ ಬೋಲ್‌ಶುತೆ ವಾತೆ ತುಮಾರಿ ಕಾಹೆ; ಪವಿತ್ರಾತ್ಮಾಥಿ ಐತೆ ವಾತೆ ಹುಯಿರ‍್ಹಿಶೆ. 
\v 12 ಅತ್ರೇಸ್ ಕಾಹೆತೆ ಏಕ್‌ ಭೈ ಇನ ಶೊಂತ್ ಭೈನ ಮಾರಿನಾಖಾನ ದಿನಾಕ್‌ಶೆ, ಇಮ್ಮಸ್ ಬಾಬಿ ಇನ ಲಡ್ಕಾವ್ನ ಮರಾವ್‌ಶೆ. ಲಡ್ಕಾ ಉಠೀನ್ ಇವ್ಣ ಆಯ-ಬಾನ ಧೋಕೊದೀನ್ ಮರಾವ್‌ಶೆ. 
\v 13 ಅಜು಼ ಮಾರ ನಾಮ್ನಟೇಕೆ ಹರೇಕ್ ಅದ್ಮಿ ತುಮುನ ವಹೇರ್‌ ಕರ್ಶೆ. ಕತೋಬಿ ಆಖ್ರಿ ದಮ್‌ತೋಡಿ ಖ್ಹಮಾಳಿಲ್ಯವಾಳು\f + \fr 13:13 \fr*\ft ಆಖ್ರಿ ದಮ್‌ತೋಡಿ ನಂಬವಾಳಾನ\ft*\f* ದೇವ್ನಿ ನ್ಯಾವ್‍ನಿ ತೀರ್ಪ್‌ಥಿ ರಕ್ಷಣೆಲೀನ್ ಪರ್‌ಲೋಕ್‌ಮ ಜಾ಼ವಾನ ಲ್ಹಾಯಕ್‌ ಉಶೆ\f + \fr 13:13 \fr*\ft ರಕ್ಷಣೆ ಮಳ್‌ಶೆ\ft*\f*.
\s ಮಹಾ ಖ್ಹತಾಪ್ಣಿನಿ ವಖ್ಹತ್
\r (ಮತ್ತಾಯ 24:15-28; ಲೂಕ 21:20-24)
\p
\v 14 ಅತ್ರೇಸ್ ಕಾಹೆತೆ ‘ಬರ್ಬಾತ್ ಕರಾವಾಳು ಖರಾಬ್ ರಾಛು಼’ ಯೋ ಭೀರೆವ್ಣುನಾತೆ ಝ಼ಗೋಪರ್\f + \fr 13:14 \fr*\ft ಮತ್ತಾಯ 24.15\ft*\f* ಭೀರಾವನು ತುಮೆ ದೇಕ್‌ಶು. ಅನ ಪಢವಾಳು, ಅನಿ ಮತ್ಲಬ್‌ನ ಪರ್ಖಿಲ್ಯಾವದೆ. ತದೆ ಯೂದಾಯಮ ರ‍್ಹವಾಳು ಪಹಾಡೋಮ ಮಿಲೈಜಾ಼ಣು. 
\v 15 ಕೋಣ್‌ತೋಬಿ ಏಕ್‍ಜ಼ಣೊ ಇನ ಘರ್‌ನ ಛ಼ತ್‍ಪರ್‌ ರ‍್ಹಯೋತೊ, ಯೋ ಹೇಟ್ ಉತ್ರಿನ್ ಶಾತ್‌ತೋಬಿ ಪಾಡಿಲೇಣು ಕರಿ ಘರ್‌ನ ಮಹಿ ಜೈ಼ನ್, ವಖ್ಹತ್ ಬರ್ಬಾತ್ ನಾ ಕರ‍್ನು. 
\v 16 ಖೇತರ್‌ಮ ರ‍್ಹವಾಳು ಕೋಣ್‌ತೋಬಿ ಝ಼ಗ್ಗೊ ಪಾಡಿಲೇಣು ಕರಿ ಪಾಛು಼ಫರಿ ಘರೆ ನಾ ಜಾ಼ವ್ಣು. 
\v 17 ಕತೋಬಿ ಯೋ ದನೂಮ ಬೇಜೂನಿ ಅಜು಼ ದೂದ್ ಪಿಡಾವವಾಳಿ ತಯೇಡಾವ್ನ ಉಷೇತೆ ವದೇಖ್ಹ್‌ನ ಶಾತ್‌ ಬೋಲು! 
\v 18-19 ಯೋ ದನೂಮ ಘಣು ಲತಾಡ ರ‍್ಹಿಶೆ. ಇನಾಖ್ಹಾಜೆ ಆ ಖ್ಹಾರು ವರ್ಖ್ಹಾತ್ ಅಜು಼ ಠಣ್ಣಾ ದನೂಮ ನಾ ಹೋಣು ಕರಿ ಪ್ರಾರ್ಥನೆ ಕರೊ, ಶನಕತೊ ಇಮ್‌ನೊ ವದೇಖ್ಹೊ ದೇವ್ನೆ ಜಗತ್‌ ಉಬ್‌ಜಾ಼ಯೋತೆ ತಪ್‌ಥು ಧರೀನ್ ಹಮ್ಕೆಲಗು ಕೋ ಹುಯಿರ‍್ಹೂನಿ; ಖ್ಹಾಮ್ಣೇಬಿ ಅಮ್ ಕೋ ಉಶೇನಿ. 
\v 20 ಪ್ರಭು ಯೋ ಖ್ಹಾರ ದನ್ನ ಕಮ್ ನಾ ಕರ‍್ಯೋತೊ, ಏಕ್‌ ಅದ್ಮಿಬಿ ಬಚಿಕೊರ‍್ಹಿಷೇನಿ. ಕತೋಬಿ ಇನೆ ಚೂ಼ಣಿಲಿದೊತೆ ಖ್ಹಾರ ಅದ್ಮಿನಖ್ಹಾಜೆ ಯೋ ಖ್ಹಾರ ದನ್ನ ಕಮ್ ಕರಿರಾಖ್ಯೋಸ್.
\p
\v 21 ತದೆ ಕೋಣ್‌ತೋಬಿ ತುಮುನ, “ದೇಖೊ, ಕ್ರಿಸ್ತ ಹಜ್ಜಾ಼ ಛಾ಼! ನಾತೊ ‘ಹಂದೇಖೊ, ಯೋ ಹಿಜ್ಜಾ಼ ಛಾ಼!” ಕರಿ ಬೋಲ್ಯುತೊ ಇನ ನಕೊ ನಂಬ್‌ಶು. 
\v 22 ಶನಕತೊ ಝೂ಼ಟುಕ್ರೈಸ್ತರ್‌ ಖ್ಹಾರು ಅಜು಼ ಝೂ಼ಟು ಪ್ರವಾದಿಖ್ಹಾರು ದೆಖೈನ್, ಇವ್ಣೇಥಿ ಹುಯೂತೊ ದೇವ್‍ಥಿ ಚೂ಼ಣೈರ‍್ಹವಾಳನಾಬಿ ಠಗಾವಾನಖ್ಹಾಜೆ ಅದ್ಭುತ್‌ಕಾಮ್‌ ಅಜು಼ ಅಶ್ಚರ್ಯನು ಕಾಮ್‌ಖ್ಹಾರು ಕರಿ ವತಾಳ್‌ಶೆ. 
\v 23 ಇನಾಖ್ಹಾಜೆ ತುಮೆ ಹೊಷಾರ್‌ಥಿ ರ‍್ಹವೊ! ಯೋ ಖ್ಹಾರು ಹುವಾನ ಅಗಾಡಿಸ್ ಇನಿ ಬಾರೇಮ ಮೇ ತುಮುನ ಬೋಲಿರಾಖ್ಯೊಸ್.
\s ಅದ್ಮಿನೊ ಛಿಯ್ಯೊ ಆವಾನಿ ಬಾರೇಮ
\r (ಮತ್ತಾಯ 24:29-31; ಲೂಕ 21:25-28)
\p
\v 24 ಅತ್ರೇಸ್ ಕಾಹೆತೆ ಯೋ ದನೂಮ ಯೋ ವದೇಖ್ಹೊ ಖತಮ್ ಹುಯಿಜಾ಼ವಾನ ಬಾದ್‌ಮ ಚಾ಼ಂದ್ ಕಾಳೊಪಡಿಜಾ಼ಶೆ. ಚ಼ಂದರ್‌ಮೊ ಉಜಾ಼ಳು ಕೋ ದಿಶೇನಿ, 
\v 25 ಆಕಾಶ್‌ಪರ್‌ಥು ಶುಕ್ಕರ್‌ಖ್ಹಾರು ಖಂಕ್ರಾಲಗ್‌ಶೆ, ಆಕಾಶ್‌ಮ ಛಾ಼ತೆ ಶಕತ್ ಖ್ಹಾರಿ ಕಾಪಿನ್‌ ಹಟ್‌ಶೆ. 
\v 26 ತದೆ ಅದ್ಮಿನೊ ಛಿಯ್ಯೊ ಘಣಿ ಶಕತ್‌ಥೀಬಿ, ಉಜಾ಼ಖ್ಹ್‌ಥಿ ಘೈಗ್‌ತೊಹುಯಿನ್‌, ವಾದ್ಳಮಕರಿ ಆವಾನು ಅದ್ಮಿಖ್ಹಾರು ದೇಕ್‌ಶೆ. 
\v 27 ತದೆ ಯೋ ಇನ ದೂತರ್‌ನ ಜ಼ಮೀನ್ನಿ ಚಾರ‍್ಹೆ ಬಾಜೂ಼ಮ ಮೋಕ್ಲಿನ್‌ ಧರ್ತಿನ ಕಡೇಶಿಥು ಧರೀನ್ ಆಬ್‍ನಿ ಖ್ಹರ್ತಿಲಗು, ಇನೆ ಚೂ಼ಣಿಲಿದೊತೆ ಖ್ಹಾರ ಅದ್ಮಿನ ಜಗತ್‌ನು ಏಕ್‌ ಬಾಜು಼ಥು ಧರಿನ್ ಬಿಜೇಕ್ ಬಾಜೂ಼ಲಗು ಎಕ್ಟು ಕರ್ಶೆ.
\s ಅಂಜೀರ್‌ನ ಝಾ಼ಡೇಥಿ ಅಕ್ಕಲ್ ಶಿಕಾನು
\r (ಮತ್ತಾಯ 24:32-35; ಲೂಕ 21:29-33)
\p
\v 28 ಮೋಟ ಅಂಜೀರ್‌ನ ಝಾ಼ಡಾಥಿ ಮತ್ಲಬ್‌ನಿ ಅಕ್ಕಲ್ ಶಿಕೊ. ಇನಿ ಡಾಳಿಯೆ ಹರಿಗಾರ್ ಕವ್ಳಿ ಹುಯಿನ್, ಪಾಂದ್‌ಡ ಮ್ಹೇಲಾಲಗ್ಯುತೊ, ತಡ್ಕಾನ ಹಗಾಮ್‌ ಖನ್ನೆ ಐಗು ಕರಿ ಮಾಲುಮ್‌ ಕರಿಲೇವೊಸ್ನಿ. 
\v 29 ಇಮ್ಮಸ್ ತುಮೇಬಿ ಆ ಖ್ಹಾರು ಹುವಾನು ದೇಖ್ಯಾತೊ, ಬಾಕಲ್‌ನ ಖನ್ನೆಸ್‌ ಥೋಕರಿ ಮಾಲುಮ್‌ ಕರಿಲೆವೊ. 
\v 30 ಮೇ ತುಮೂನ ಖ್ಹಾಚಮಾಬಿ ಬೋಲುಸ್ಕಿ ಆ ಜ಼ಮಾನಾನು ಅದ್ಮಿಖ್ಹಾರು ಮರ್‌ವಾನ ಮಹಿಸ್ ಆ ಖ್ಹಾರು ಚಾ಼ಲ್‌ಶೇತೆ ಕರಿ ಯಾದ್‌ರಾಖೊ. 
\v 31 ಆಬ್-ಧರ್ತಿ\f + \fr 13:31 \fr*\ft ಚಾ಼ಂದ್‌, ಚ಼ಂದರ್‌ಮೊ, ಶುಕ್ಕರ್ ಖ್ಹಾರೂಸ್ ಮಟಿಜಾ಼ಶೆ ಕರಿ. ಆಬ್-ಧರ್ತಿ\ft*\f* ಖ್ಹಾರು ಮಟಿಜಾ಼ಶೆ, ಕತೋಬಿ ಮಾರಿ ವಾತೆಖ್ಹಾರಿ ಮಟ್‌ಶೆಸ್ ಕೊಯ್ನಿ.
\s ಯೋ ದನ್ ಕೊಯಿಂತೊ ಯೋ ವಖ್ಹತ್ ಕಿನಾಬಿ ಮಾಲುಮ್ ಕೊ ಉಷೇನಿ
\r (ಮತ್ತಾಯ 24:36-44)
\p
\v 32 ಎತ್ರೇಸ್ ಕಾಹೆತೆ ಯೋ ದನ್ನಿ ಬಾರೇಮ ರ‍್ಹವೊ ನಾತೊ ಯೋ ಘಡಿನಿ ಬಾರೇಮ ರ‍್ಹವೊ ಮಾರ ಬಾನ ಮಾಲುಮ್ ಪಣ್ಕಿ ಬಿಜು಼ ಕಿನಾಬಿ ಮಾಲುಮ್‌ಕೊಯ್ನಿ; ಪರ್‌ಲೋಕ್‌ಮ ಛಾ಼ತೆ ದೇವ್‌ನು ದೂತರ್‌ನಾಬಿ ಮಾಲುಮ್‌ಕೊಯ್ನಿ, ಛಿಯ್ಯಾನಾಬಿ ಮಾಲುಮ್‌ಕೊಯ್ನಿ. 
\v 33 ಯೋ ವಖ್ಹತ್ ಕದೆ ಆವ್‍ಶೆಕರಿ ತುಮುನ ಮಾಲುಮ್‌ಕೊಂತೆ ಇನಾಖ್ಹಾಜೆ ಹೊಷಾರ್‌ಥಿರ‍್ಹವೊ, ಕದೇಬಿ ಜ಼ತನ್‌ಥಿರ‍್ಹವೊ. 
\v 34 ಏಕ್‌ ಅದ್ಮಿ ಇನು ಘರ್‌ನ ಮ್ಹೇಲಿನ್ ದೇಖ್ಹ್‌ಪರ್ ಜಾ಼ವಾನಿ ವಖ್ಹತ್‌ಮ, ಇನ ಸೇವಕರ್‌ನ ಬುಲೈನ್ ಘರ್‌ನ ದೇಕ್-ಭಾಲ್‌ ಕರಾನು ಕಾಮ್ನಿ ಅದಿಕಾರ್‌ನ ದಿದೊ. ಏಕೇಕ್‌ ಜ಼ಣಾನ ಇವ್ಣು-ಇವ್ಣು ಕಾಮ್‌ದೀನ್‌, ಘರ್‌ನಿ ಕಾವ್ಲಿ ಕರಾವಾಳನ ಹೊಷಾರಿ ರ‍್ಹೇಣು ಕರಿ ಹುಕುಮ್‌ ದಿದೊ. ಇಮ್ಮಸ್ ಮೇ ತುಮುನ ಹುಕುಮ್‌ ದೆವ್‍ಸ್. 
\v 35 ಘರ್‌ನೊ ಯಜಮಾನ್ ಖ್ಹಾಂಜೇಕಿ, ಅಧಿರಾತ್ಮ, ಮುರ್‌ಗಾ ಬಾಂಗೆಕಿ, ದನ್ ನಿಕ್ಳಾದೀನ್‌ಕಿ, ಕದೆ ಆವ್‍ಶೆಕರಿ ತುಮುನ ಮಾಲುಮ್‌ಕೊಂತೆ ಇನಾಖ್ಹಾಜೆ ಹೊಷಾರ್‌ಥಿ ರ‍್ಹವೊ. 
\v 36 ಯೋ ಮಾಲುಮಸ್ ಪಡಾಕೊಂತೆ ಇಮ್‌ ಆಯೋತೊ, ತುಮೆ ಖ್ಹುತಾರ‍್ಹವಾನು ನಾ ದೇಕ್ಣು. 
\v 37 ಮೇ ತುಮುನ ಬೋಲೂಸ್ತೆ ಇನ ಅಖ್ಖಾನ ಬೋಲುಸ್, ಹೊಷಾರ್‌ಥಿ ರ‍್ಹವೊ” ಕರಿ ಬೋಲ್ಯೊ.
\c 14
\s ಯೇಸುನಿ ವಿರೋದ್ ಮಶ್ಲತ್ ಭಂದಾಯುತೆ
\r (ಮತ್ತಾಯ 26:1-5; ಲೂಕ 22:1-2; ಯೋಹಾನ 11:45-53)
\p
\v 1 ಪಸ್ಕ ಪೂಜ಼ ಅಜು಼ ಖಾಟುಕೊಂತೆ ರೋಟಾನಿ ಪೂಜಾ಼ನ ಬೇ ದನ್ ಥಾತೆ ತದೆ, ಗಲ್‌ಢಯಾಜಕರ್‌ ಅಜು಼ ಮೋಶೆನಿ ವಚನ್ ಶಿಕಾಡವಾಳು ಶಾಸ್ತ್ರಿಯೆ ಕಿನಾಬಿ ಮಾಲುಮ್ ನಾಪಡ್ಣುತೆ ಇಮ್‌ ಯೇಸುನ ಧರೀನ್ ಮಾರಿನಾಕ್ಣು ಕರಿ ದೇಖುಕರ್ತುಥು. 
\v 2 ಕತೋಬಿ ಇವ್ಣೆ, “ಪೂಜಾ಼ನಿ ವಖ್ಹತ್‌ಮ ಯೇಸುನ ನಾ ಧರ್‌ನು, ಶನಕತೊ ಅದ್ಮಿಖ್ಹಾರು ಅಪ್ಣಪರ್ ಕಲ್ಹಾಗಟ್‌ನ ಉಟ್‌ಶೆ” ಕರಿ ವಾತೆ ಬೋಲಿಲಿದು.
\s ಬೆಥಾನ್ಯಾಮ ಯೇಸುನ ಅಬಿಷೇಕ್ ಹುಯೂತೆ
\r (ಮತ್ತಾಯ 26:6-13; ಯೋಹಾನ 12:1-8)
\p
\v 3 ಯೇಸು ಬೇಥಾನ್ಯ ಗಾಮ್ಮ ಸೀಮೋನ್ನ ಘರ್‌ಮ ಥೊ, ಆ ಸೀಮೋನ್ನ ಖೋಡ್‍ ಲಾಗಿರ‍್ಹೂಥು. ಹಿಜ್ಜಾ಼ ಯೇಸು ಖಾಣು ಖಾವಾನಿ ವಖ್ಹತ್‌ಮ, ಏಕ್‌ ತಯೇಡ ನಾರ್ಡ್‌ಥಿ\f + \fr 14:3 \fr*\ft ನಾರ್ಡ್‌ ಕರಿ ಶೊಶಿಯೆನಿ ಜ಼ಡ್‌ಥಿ ಬಣಾಯುಹುಯು ಘಣ ಮೋಲ್ನು ವಾನು ತೇಲ್.\ft*\f* ಬಣಾಯುಹುಯು, ಘಣ ಮೋಲ್ನು ವಾನು ತೇಲ್ನ ಬಂಡಾನಿ ಶೀಶಿಮ\f + \fr 14:3 \fr*\ft ಆ ಶೀಶಿನ ‘ಅಲಬಾಶ್‌ಟರ್’ ಕರಿ ಧೋಳೊ ಅಜು಼ ಪೀಳೊ ಘಣ ಅಛ಼್ಛ ಬಂಡೇಥಿ ಬಣಾಯುಹುಯು\ft*\f* ಲೀನ್ ಐನ್, ಯೋ ಶೀಶಿನ ಫೋಡಿನ್, ತೇಲ್ನ ಯೇಸುನ ಮಾಥಪರ್ ರಂಚಿ. 
\v 4 ಕತೋಬಿ ಹಿಜ್ಜಾ಼ ಥೂತೆ ಥೋಡು ಜ಼ಣು ಇವ್ಣ-ಇವ್ಣಮ ಖೀಜ಼್ ಖೈನ್, “ವಾನುತೇಲ್‌ನ ಲುಕ್ಷಾನ್ ಕರಾಥಿ ಶನಿ ಫಾಯಿ‍ದೊ? 
\v 5 ಆ ತೇಲ್ನ ತೀನ್‌ಖ್ಹೊ ರೂಪಾನು ಪಾವ್ಲನ\f + \fr 14:5 \fr*\ft ಏಕ್‌ ಅದ್ಮಿನು ಏಕ್‌ ವರಖ್ಹ್‌ನು ಶಂಬ್‌ಳ\ft*\f* ವೇಚಿನ್ ಗರೀಬ್‌ನ ದಿಯ್ಯೆಜಾ಼ಯಿಥೂನಿ!” ಕರಿ ಬೋಲಿನ್ ಗಾಳೆ ದಿದು.\fig ವಾಖ್ಹ್‌ನು ತೇಲ್ನಿ ಜಾಡಿಖ್ಹಾರು|alt="Jars with spikenard" src="hk00117c.tif" size="col" copy="Horace Knowles ©" ref="14:5"\fig*
\p
\v 6 ಕತೋಬಿ ಯೇಸುನೆ, “ಅನ ಮ್ಹೇಲೊ! ಶನ ಅನ ಖ್ಹತಾವಸ್ತೆ? ಆ ತಯೇಡ ಮಾರಖ್ಹಾಜೆ ಘಣು ಅಛ್ಛು಼ಕಾಮ್ ಕರಿರಾಖೀಸ್. 
\v 7 ಗರೀಬ್ ಅದ್ಮಿಖ್ಹಾರು ಕದೇಬಿ ತುಮಾರ ಜೋ಼ಡೆ ರ‍್ಹಿಶೆ, ತುಮುನ ಮನ್ ಆವಾತೆ ತದೆ, ಇವ್ಣುನ ಮದತ್ ಕರೆಜಾ಼ಯ್, ಕತೋಬಿ ಮೇ ಕದೇಬಿ ತುಮಾರಕನ ರ‍್ಹೀಶ್‌ಕೊಯ್ನಿ. 
\v 8 ಅನೆ ಇನೊ ಹಾತ್‌ ಕೆತ್ರೆ ಹುವ್ವಾಸ್‌ಕಿ ಎತ್ರೆ ಕರಿರಾಖೀಸ್. ಮೇ ಮರ್‌ವಾನ ಅಗಾಡಿಸ್, ಮಾರು ಶರೀರ್‌ನ ಮಖ್ಹಾಣ್ಯು ಕರಾನ ಖ್ಹವಾರನಖ್ಹಾಜೆ ಅನೆ ಅಗಾಡಿಸ್ ಮಾರ ಆಂಗ್‌ತನ್‌ಪರ್ ವಾನು ತೇಲ್‌ಲಗಾಡಿರಾಖಿಸ್‌. 
\v 9 “ಹಿಡಿ ಜಗತ್‌ಮ ದೇವ್ನಿ ಅಛ್ಛಿ ಖಬರ್ ಕಿಜ಼್ಜ-ಕಿಜ಼್ಜ ಬೋಲಾವ್‌ಶೇಕಿ, ಹಿಜ್ಜಾ಼-ಹಿಜ್ಜಾ಼ ಅನೆ ಕರೀತೆ ಇನಾಬಿ ಅನಿ ಯಾದ್‌ನಖ್ಹಾಜೆ ಬೋಲ್‌ಶೆ”ಕರಿ ತುಮುನ ಖ್ಹಾಚಮಾಬಿ ಬೋಲುಸ್ ಕರಿ ಬೋಲ್ಯೊ.
\s ಯೂದಾನೆ ಯೇಸುನ ಧೋಕೊ ದ್ಯವಾನ ಮಾನಿಗಯೋತೆ
\r (ಮತ್ತಾಯ 26:14-16; ಲೂಕ 22:3-6)
\p
\v 10 ಅನ ಬಾದ್‌ಮ ಭಾರ ಜ಼ಣ ಶಿಷ್ಯರ್‌ಮ ಏಕ್‌ ಜ಼ಣೊ ಹುಯಿರ‍್ಹೊಥೋತೆ ಇಸ್ಕರಿಯೋತ ಯೂದಾನೆ, ಯೇಸುನ ಗಲ್‌ಢಯಾಜಕರ್‌ನ ಧರಿದೇಣು ಕರಿ ಇವ್ಣಾಕನ ಗಯೊ. 
\v 11 ಇನೆ ಬೋಲ್ಯೋತೆ ವಾತೆನ ಖ್ಹಮ್‌ಜಿನ್‌ ಇವ್ಣುನ ಖ್ಹುಶಿ ಹುಯು, ಅಜು಼ ಯೂದಾನ, “ತುನ ಪೈಶಾ ದಿಶು ಕರಿ” ವಾತೆದಿದು. ಇನಾಖ್ಹಾಜೆ ಯೂದ ಯೇಸುನ ಧರಿದ್ಯವಾನಿ ಬರೋಬರ್‌ನಿ ವಖ್ಹತ್‌ನಖ್ಹಾಜೆ ಜ಼ಪೂಕರ್ತೊಥೊ.
\s ಯೇಸುನೆ ಇನ ಶಿಷ್ಯರ್‌ನ ಜೋ಼ಡೆ ಪಸ್ಕಾನು ಖಾಣು ಖಾದೋತೆ
\r (ಮತ್ತಾಯ 26:17-25; ಲೂಕ 22:7-14,21-23; ಯೋಹಾನ 13:21-30)
\p
\v 12 ಖಾಟುಕೊಂತೆ ರೋಟಾನು ಪೂಜಾ಼ನ ಪಹಿಲ ದನ್ನೆ, ಕತೊ ಪಸ್ಕಾನಿ ಪೂಜಾ಼ನಮೆಂಢಾನ ಚೆಲ್ಕ ರ‍್ಹೇಖ್ಹಾನ ದನ್ನೆ, ಯೇಸುನ ಶಿಷ್ಯರ್‌ ಇನ, “ಹಮೆ ಕಿಜ಼್ಜಾ ಜೈ಼ನ್‌ ತಾರಾಖ್ಹಾಜೆ ಪಸ್ಕಾನು ಖಾಣನ ಖ್ಹವಾರ್‌ನು?” ಕರಿ ಪುಛಾ಼ಯ.
\p
\v 13 ಯೇಸುನೆ ಇನ ಶಿಷ್ಯರ್‌ಮ ಬೇ ಜ಼ಣಾನ ಬುಲೈನ್, “ತುಮೆ ಖ್ಹಯೇರ‍್ನ ಮಹಿ ಜಾ಼ವೊ, ಹಿಜ್ಜಾ಼ ಏಕ್‌ ಅದ್ಮಿ ಪಾಣಿನೊ ಘಡೊ ಪಳ್ಳಿನ್‌ ತುಮಾರ ಖ್ಹಾಮ್ಣೆ ಆವ್‌ಶೆ; ಇನ ಪೀಠೆ ಜಾ಼ವೊ. 
\v 14 ಯೋ ಖೆವ ಘರ್‌ಮ ಜಾ಼ಶೆಕಿ, ಯೋ ಘರ್‌ನ ಯಜಮಾನ್ನ, “ಮಾರ ಶಿಷ್ಯರ್‌ಬಿ ಮೇ ಪಸ್ಕಾನು ಖಾಣು ಖಾವಾನಖ್ಹಾಜೆ ಖಾಣಾನಿ ಝ಼ಗೊ ಕಿಜ಼್ಜಾ ಛಾ಼, ಕರಿ ಗುರುನೆ ಪುಛಾ಼ಯೊ ಕರಿ ಬೋಲೊ. 
\v 15 ತದೆ ಯೋ ಹೋಣುತೆ ಖ್ಹಾಮನ್‌ ಖ್ಹಾರು ಬರೋಬರ್‌ಥಿ ಖ್ಹವಾರೈರ‍್ಹಿಶೇತೆ, ಛ಼ತ್‍ನ ಉಪ್ಪರ್‌ಲ್ಯೊ ಮೋಟ ಕೋಣಾನ ತುಮುನ ವತಾಳ್‌ಶೆ, ಹಿಜ್ಜಾ಼ ಅಪ್ಣಖ್ಹಾಜೆ ಖ್ಹಾರು ಖ್ಹವಾರೊ” ಕರಿ ಬೋಲಿನ್ ಮೋಕ್‌ಲ್ಯೊ.
\p
\v 16 ತದೆ ಯೋ ಶಿಷ್ಯರ್‌ ಹಿಜ್ಜಾ಼ಥು ನಿಕ್ಳಿನ್, ಖ್ಹಯೇರ್‌ಮ ಜೈ಼ನ್‌, ಯೇಸುನೆ ಇವ್ಣುನ ಬೋಲ್ಯೋತೆ ಇಮ್ಮಸ್ ಥೂತೆ ದೇಖಿನ್‌; ಪಸ್ಕಾನ ಖಾಣನ ತೈಯಾರ್ ಕರ‍್ಯು.
\p
\v 17 ಖ್ಹಾಂಜ಼್ ಹುವಾನ ಬಾದ್‌ಮ, ಯೇಸು ಇನ ಭಾರ ಜ಼ಣ ಶಿಷ್ಯರ್‌ನ ಜೋ಼ಡ್ಮ ಆಯೊ. 
\v 18 ಇವ್ಣೆ ಖಾಣು ಖವಾನಿ ವಖ್ಹತ್‌ಮ ಯೇಸುನೆ, “ತುಮುನ ಖ್ಹಾಚಮಾಬಿ ಬೋಲುಸ್ಕಿ, ತುಮಾರಮ ಏಕ್‌ ಜ಼ಣೊ ಮನ ಧೋಕೇಥಿ ಧರಿದಿಶೆ, ಯೋ ಮಾರ ಜೋ಼ಡ್ಮ ಖಾಣು ಖಾವಾಳೋಸ್ ಹುಯಿರ‍್ಹೋಸ್” ಕರಿ ಬೋಲ್ಯೊ.
\p
\v 19 ತದೆ ಇವ್ಣೆ ದುಖ್‌ಥಿ, “ಮೇತೊ ಕಾಹೆನಿ, ಮೇತೊ ಕಾಹೆನಿ” ಕರಿ ಏಕ್‌ನ ಬಾದ್‌ಮ ಏಕ್‌ ಇನ ಬೋಲಾಲಗ್ಯ.
\p
\v 20 ತದೆ ಯೇಸುನೆ ಇವ್ಣುನ, “ಯೋ ಮಾರ ಭಾರ ಜ಼ಣ ಶಿಷ್ಯರ್‌ಮ ಏಕ್‌ ಜ಼ಣೊ, ಯೋ ಮಾರ ಜೋ಼ಡ್ಮ ಕಟೋರಿಮ ಇನೊ ರೋಟೊ ಚೋ಼ಪ್‍ಡಿನ್ ಖಾವಾಳೋಸ್. 
\v 21 ಅದ್ಮಿನೊ ಛಿಯ್ಯೊ ಇನಿ ಬಾರೇಮ ಲೀಖೈರ‍್ಹೂಸ್ತೆ ಇಮ್ಮಸ್ ಮರ್‌ಶೇತೆ ಖ್ಹಾಚಸ್; ಕತೋಬಿ ಕೋಣ್, ಅದ್ಮಿನೊ ಛಿಯ್ಯಾನ ಧೋಕೊದೀನ್ ಧರಿದಿಶೇಕಿ ಇನಿ ಹಾಲ್ನ ಶಾತ್‌ ಬೋಲು! ಯೋ ಅದ್ಮಿ ಪೈದ ನಾಸ್ ಹುಯುಹೊತ್ತೊ ಇನ ಅಛ್ಛು಼ ರ‍್ಹಯುಹೋತ್‌!” ಕರಿ ಬೋಲ್ಯೊ.
\s ಪ್ರಭುನು ಭೋಜನ್
\r (ಮತ್ತಾಯ 26:26-30; ಲೂಕ 22:14-20; 1 ಕೊರಿಂಥ 11:23-25)
\p
\v 22 ಇವ್ಣೆ ಖಾಣು ಖವ್‍ಕರಾನಿ ವಖ್ಹತ್‌ಮ, ಯೇಸುನೆ ರೋಟಾನ ಪಾಡಿನ್, ದೇವ್ನ ಧನ್ಯವಾದ್‌ ಕರೀನ್, ಇನ ತೋಡಿನ್, “ಅಲ್ಲೇವೊ, ಆ ಮಾರು ಶರೀರ್” ಕರಿ ಬೋಲಿನ್ ಇನ ಶಿಷ್ಯರ್‌ನ ದಿದೊ.
\p
\v 23 ಬಾದ್‌ಮ ಕಟೋರಿನ ಪಾಡಿನ್,ದೇವ್ನ ಧನ್ಯವಾದ್ ಕರೀನ್, ಇವ್ಣುನ ದಿದೊ; ಇವ್ಣೆ ಖ್ಹಾರೂಸ್ ಇನಾಮ ಪೀದು. 
\v 24 ತದೆ ಯೇಸುನೆ ಇವ್ಣುನ, “ಆ ಮಾರು ಲ್ಹೋಯಿ, ಆ ದೇವ್ನೆ ಇನ ಅದ್ಮಿನ ಜೋ಼ಡೆ ಕರ‍್ಯುಹುಯು ನವು ಒಪ್ಪಂದಾನನು ಮಾರು ಲ್ಹೋಯಿ; ಆ ಘಣ ಅದ್ಮಿನಖ್ಹಾಜೆ ರಂಚಾ಼ಯುತೆ ಲ್ಹೋಯಿ. 
\v 25 ಮೇ ಖ್ಹಾಚಮಾಬಿ ತುಮುನ ಬೋಲುಸ್ಕಿ, “ಹಂಕೇಥು ಧರೀನ್ ಮೇ ದೇವ್ನಿ ರಾಜ್ಯಮ ನವು ದ್ರಾಕ್ಷಿನು ರಖ್ಹ್‌ನ\f + \fr 14:25 \fr*\ft ಖಾಟು ಪಡ್ಯುಹುಯು ದ್ರಾಕ್ಷಿನು ರಖ್ಹ್‌ಥಿ ಬಣಾಯುಹುಯು ನಿಷ ಚ಼ಢಾನು ರಖ್ಹ್‌\ft*\f* ಪಿಯ್ಯಾನ ದನ್‌ತೋಡಿ ಅನ ಪಾಛು಼ ಪೀಶಸ್‌ಕೊಯ್ನಿ”.
\p
\v 26 ಬಾದ್‌ಮ ಇವ್ಣೆ ಸ್ತುತಿನು ಗೀದ್‌ ಬೋಲಿನ್ ಆಲಿವ್ ಪಹಡ್‌ಕನ ಚ಼ಲೇಗಯ.
\s ಪೇತ್ರ ಝಿಟ್ಕಾರನು ಯೇಸುನ ಮಾಲುಮ್‌ ಹುಯುತೆ
\r (ಮತ್ತಾಯ 26:31-35; ಲೂಕ 22:31-34; ಯೋಹಾನ 13:36-38)
\p
\v 27 ತದೆ ಯೇಸುನೆ ಇವ್ಣುನ, “ತುಮೆ ಖ್ಹಾರುಸ್ ಮನ ಮ್ಹೆಂದಿನ್ ಮಿಲೈಜಾ಼ಶು, ಶನಕತೊ, ‘ದೇವ್ ಮೇಂಢ ಚ಼ರಾವವಾಳಾನ ಮರ್‌ನಾಕಿಶ್, ತದೆ ಮಂಧಾಮಾಥು ಮೇಂಢ ಛಿಡ್‌ಗರ್‌ ಹುಯಿಜಾ಼ಶೆ’\f + \fr 14:27 \fr*\ft ಜಕರೀಯ 13:7\ft*\f* ಕರಿ ಲೀಖೈರ‍್ಹೂಸ್‌ನಿ. 
\v 28 ಕತೋಬಿ ಮೇ ಜಿವ್ತೊಹುಯಿನ್ ಉಠಾನ ಬಾದ್‌ಮ, ತುಮಾರೇಥಿ ಅಗಾಡಿ ಗಲಿಲಾಯ ಜೈ಼ಶ್”. ಕರಿ ಬೋಲ್ಯೊ.
\p
\v 29 ಕತೋಬಿ ಪೇತ್ರನೆ, “ಖ್ಹಾರು ಡರಿನ್ ತುನ ಮ್ಹೆಂದಿದುತೋಬಿ, ಮೇ ಕೋ ಮ್ಹೇಲೀಶ್‌ನಿ!” ಕರಿ ಬೋಲ್ತಖ್ಹತರ್‌, 
\v 30 ಯೇಸುನೆ ಪೇತ್ರನ, “ಖ್ಹಾಚಮಾಬಿ ತುನ ಬೋಲುಸ್ಕಿ ಆ ರಾತೇಸ್ ಮುರ್‌ಗೊ ಬೇ ಹಲ್ಲ ಬಾಂಗ್‌ ದ್ಯವಾನ ಅಗಾಡಿ, ತು ಮಾರಿ ಬಾರೇಮ, ‘ಯೋ ಮನ ಮಾಲುಮ್‌ಕೊಯ್ನಿ’ ಕರಿ ತೀನ್ ಹಲ್ಲ ಬೋಲಿಶ್” ಕರಿ ಬೋಲ್ಯೊ.
\p
\v 31 ಕತೋಬಿ ಪೇತ್ರನೆ ಬಿಜೂ಼ಬಿ ಕಡಕ್‌ಥಿ, “ಮೇ ತಾರ ಜೋ಼ಡ್ಮ ಮರ‍್ನುಕತೋಬಿ, ‘ತೂ ಮನ ಮಾಲುಮ್‌ ಕೊಯ್ನಿ’ ಕರಿ ಕೋಸ್ ಬೋಲಿಶ್‌ನಿ!” ಕರಿ ಬೋಲ್ಯೊ.
\p ಅಜು಼ ಖ್ಹಾರ ಶಿಷ್ಯರ್‌ನೇಬಿ ಇಮ್ಮಸ್ ಬೋಲ್ಯ.
\s ಗೆತ್ಸೆಮನೆಮ ಯೇಸುನೆ ಪ್ರಾರ್ಥನೆ ಕರ‍್ಯೊತೆ
\r (ಮತ್ತಾಯ 26:36-46; ಲೂಕ 22:39-46)
\p
\v 32 ಬಾದ್‌ಮ ಇವ್ಣೆ ಅಖ್ಖಾಜ಼ಣ ಗೆತ್ಸೆಮನೆ ಕರಿ ಬಾಗ್‌ಕನ ಆಯ, ಯೇಸುನೆ ಇನ ಶಿಷ್ಯರ್‌ನ, “ಹಜ್ಜಾ಼ಸ್ ಬೇಖ್ಹೊ, ಮೇ ಪ್ರಾರ್ಥನೆ ಕರೀನ್ ಆವುಸ್‌” ಕರಿ ಬೋಲ್ಯೊ. 
\v 33 ಅಮ್ ಬೋಲಿನ್ ಖಲಿ ಪೇತ್ರ, ಯಾಕೋಬ್ ಅಜು಼ ಯೋಹಾನ್ನ ಇನ ಜೋ಼ಡ್ಮ ಬುಲೈಲಿ ಗಯೊ. ತದೆ ಯೇಸುನ ಘಣು ಘಬ್ರಾವ್‍ಣಿ ಹುಯು ಅಜು಼ ದುಖ್‌ಥಿ ಭರೈಗೊ. 
\v 34 ಅಜು಼ ಇನೆ ಇವ್ಣುನ, “ಮಾರೊ ಜಾನ್‌ ಮರ‍್ವಎತ್ರೆ ದುಖ್‌ಮ ಛಾ಼. ತುಮೆ ಹಜ಼್ಜಾಸ್ ರ‍್ಹೀನ್ ಹೊಷಾರಿ ರ‍್ಹವೊ” ಕರಿ ಬೋಲಿನ್,
\p
\v 35 ಜ಼ರ ಖ್ಹಾಮ್ಣೆ ಜೈ಼ನ್, ಜ಼ಮೀನ್‌ಪರ್ ಆಡೊ ಪಡೀನ್, ಹೋತು ಉಶೇತೊ, ಯೋ ವದೇಖ್ಹಾನಿ ವಖ್ಹತ್ ಇನ ಮ್ಹೆಂದಿನ್ ಜಾ಼ವಾನಿತರ ಪ್ರಾರ್ಥನೆ ಕರೀನ್, 
\v 36 “ಓ ಬಾ, ಓ ಮಾರೊ ಬಾ! ತಾರೇಥಿ ಖ್ಹಾರುಸ್‌ ಹುವ್ವಾಸ್‌. ಆ ವದೇಖ್ಹಾನ ರಾಛಾ಼ನ ಮಾರೇಥಿ ಹಟಾವ್‌. ತೋಬಿ ಮಾರಿ ಮರ್ಜಿನಿ ಘೋಣಿ ಕಾಹೆತೆ ತಾರಿ ಮರ್ಜಿನಿ ಘೊಣಿಸ್ ಹುವಾದೆ” ಕರಿ ಬೋಲ್ಯೊ.
\p
\v 37 ಬಾದ್‌ಮ ಯೇಸು ಪಾಛೊ಼ಫರಿ ಐನ್ ದೇಖಾತೊ ಯೋ ತೀನ್ ಜ಼ಣ ಶಿಷ್ಯರ್‌ ನಿಂದರ್‌ ಲೆವ್‌ಕರ್ತುಥು. ತದೆ ಇನೆ ಪೇತ್ರನ, “ಸೀಮೋನ್, ಖ್ಹುತೋಸ್ಕಿ ಶು? ಏಕ್‌ ಘಡೀಬಿ\f + \fr 14:37 \fr*\ft ಏಕ್‌ ಘಂಟೊಬಿ\ft*\f* ತುನ ಹೊಷಾರಿರ‍್ಹವಾನ ಕೋ ಹೋಯ್ನಿಕಿ ಶು?” 
\v 38 ಅಜು಼ ಇವ್ಣುನ ಬೋಲ್ಯೋಕಿ, “ಶೋದನೆಮ\f + \fr 14:38 \fr*\ft ಶೋದನೆಮ\ft*\f* ಪಡ್ಣುನಾತೆ ಇಮ್‌ ಹೊಷಾರಿ ರ‍್ಹೀನ್ ಪ್ರಾರ್ಥನೆ ಕರೊ. ಮನ್ ಛಾ಼ ಖ್ಹಾಚಸ್, ಕತೋಬಿ ಶರೀರ್‌ನ ಶಕತ್ ಪೂರಕೊಯ್ನಿ.”
\p
\v 39 ಬಾದ್‌ಮ ಪಾಛೊ಼ ಜೈ಼ನ್‌, ಯೋಸ್‌ ವಾತೆನ ಬೋಲ್ತೊಹುಯಿನ್ ಪ್ರಾರ್ಥನೆ ಕರ‍್ಯೊ. 
\v 40 ಪಾಛೊ಼ ಐನ್ ದೇಖಾನಿ ವಖ್ಹತ್‌ಮ ಇವ್ಣೆ ಬಿಜೂ಼ಬಿ ನಿಂದರ್‌ ಲೆವ್‌ಕರ್ತುಥು; ಇವ್ಣ ಡೋಳಾಮ ನಿಂದರ್‌ ಚು಼ವ್‌ಕರ್ತುಥು. ಇನಾಖ್ಹಾಜೆ ಯೇಸುನೆ ಪುಛಾ಼ಯೋತೆ ಇನ, ಶಾತ್‌ ಬೋಲ್‌ನು ಕರಿ ಇವ್ಣುನ ಮಾಲುಮ್‌ ಕೋ ಪಡ್ಯುನಿ.
\p
\v 41 ಯೇಸುನೆ ತೀನ್ನೆ ಹಲ್ಲ ಪ್ರಾರ್ಥನೆನ ಜೈ಼ನ್ ಐನ್ ಇವ್ಣುನ, “ತುಮೆ ಹಂಕೆತೋಡಿ ಖ್ಹುಯಿನ್, ಅರಾಮ್‌ ಕರುಕರಾಸ್ಕಿ ಶು? ಬಶ್‌! ಹಂದೇಖೊ, ಅದ್ಮಿನೊ ಛಿಯ್ಯಾನ ಧರೀನ್ ಪಾಪಿ ಅದ್ಮಿನ ಹಾತ್‌ಮ ದೆವೈಜಾ಼ಶೆ. 
\v 42 ಉಠೊ, ಜ಼ಯ್ಯೆ. ಮನ ಧೋಕೇಥಿ ಧರಿದ್ಯವಾಳೊ ಖನ್ನೆಸ್‌ ಐರ‍್ಹೋಸ್, ದೇಖೊ” ಕರಿ ಬೋಲ್ಯೊ.
\s ಯೇಸುನ ಧರ‍್ಯೂತೆ
\r (ಮತ್ತಾಯ 26:47-56; ಲೂಕ 22:47-53; ಯೋಹಾನ 18:3-12)
\p
\v 43 ಯೇಸು ಅಜೂ಼ಬಿ ವಾತೆ ಬೋಲುಕರಾತೆ ತದ್ದೇಸ್, ಇನ ಭಾರಜ಼ಣ ಶಿಷ್ಯರ್‌ಮ ಏಕ್‌ ಜ಼ಣೊ ಹುಯಿರ‍್ಹೊಥೋತೆ ಯೂದ, ಹಿಜ್ಜಾ಼ ಆಯೊ. ಇನ ಜೋ಼ಡ್ಮ ಗಲ್‌ಢಯಾಜಕರ್‌, ಮೋಶೆನಿ ವಚನ್ ಶಿಕಾಡವಾಳು ಶಾಸ್ತ್ರಿಯೆ ಅಜು಼ ಶಾಣುಖ್ಹಾರು ಬೋಲಿ ಮೋಕ್‍ಲ್ಯುಹುಯು ಏಕ್‌ ಟೋಳ್‌, ತಲ್ವಾರೆ ಅಜು಼ ಲಠ್ಠ ಧರಿಲಿನ್‌ ಹಿಜ್ಜಾ಼ ಆಯು. 
\v 44 ಯೇಸುನ ಧೋಕೇಥಿ ಧರಿದ್ಯವಾಳೊ ಯೋ ಝೂ಼ಂಡ್‌ವಾಳನ, “ಮೇ ಕಿನ ಬುಚ್ಚಾ಼ ದೆವ್‌ಸ್ಕಿ ಯೋಸ್‌ ತುಮೂನ ಹೋಣುತೆ ಅದ್ಮಿ. ಇನ ಧರೀನ್ ಹೊಷಾರ್‌ಥಿ ಲೀಜಾ಼ವೊ” ಕರಿ ಖ್ಹಣೇದ್ ಬೋಲಿ ದೀರಾಖ್ಯೊಥೊ.
\p
\v 45 ಯೂದ ಹಿಜ್ಜಾ಼ ಆವ್‌ತಾಸ್ನ, ಇನೆ ಯೇಸುನ ಖನ್ನೆ ಜೈ಼ನ್‌, “ಗುರು!” ಕರಿ ಬೋಲಿನ್ ಇನ ಬುಚ್ಚಾ಼ ದಿದೊ. 
\v 46 ತದೆ ಇವ್ಣೆ ಯೇಸುಪರ್ ಹಾತ್‌ ನಾಖಿನ್ ಇನ ಧರ‍್ಯು. 
\v 47 ತದೆ ಹಿಜ್ಜಾ಼ ಖನ್ನೆಸ್‌ ಭಿಯ್ಯುಥೂತೆ ಏಕ್‌ ಜ಼ಣು ಇನಿ ತಲ್ವಾರ್‌ನ ಕಾಡಿನ್, ಗಲ್‌ಢಯಾಜಕ್‌ನ ಆಳ್‌ನ ಮಾರಿನ್, ಇನೊ ಕಾನ್‌ ಕತ್ರಿನಾಖ್ಯು. 
\v 48 ತದೆ ಯೇಸುನೆ ಇವ್ಣುನ, “ಚೋ಼ರ್‌ನ ಧರಾನಿಘೋಣಿ ತಲ್ವಾರೆ, ಲಠ್ಠ ಪಳ್ಳಿನ್‌ ಮನ ಧರಾನಖ್ಹಾಜೆ ಆಯಾಕಿ ಶು? 
\v 49 ಮೇ ದನ್‌ರೋಜ಼್‌ ತುಮಾರ ಜೋ಼ಡ್ಮಾಸ್ ರ‍್ಹೀನ್ ಮೋಟಿ ಮಂದಿರ್‌ಮ ವಚನ್ ಬೋಲಿ ದೆವ್‌ಕರ್ತೊಥೋತೆ, ತದೆ ತುಮೆ ಮನ ಧರ‍್ಯಾಕೊಯ್ನಿ. ತೋಬಿ ವಚನ್‌ಮ ಲೀಖೈರ‍್ಹೂತೆ ಪೂರಹುವಾನಖ್ಹಾಜೆ ಆ ಖ್ಹಾರು ಹುಯೂತೆ” ಕರಿ ಬೋಲ್ಯೊ.
\p
\v 50 ತದೆ ತಮಾಮ್‌ ಶಿಷ್ಯರ್‌ ಯೇಸುನ ಮ್ಹೆಂದಿನ್ ನಾಶಿ ಚ಼ಲೇಗಯ.
\p
\v 51 ಹಿಜ್ಜಾ಼ ಏಕ್‌ ಜಾ಼ನ್ಜ಼ಮಾನ್ ಅದ್ಮಿ, ಖಾಲಿ ಆಂಗ್‌ಪರ್‌ ಘಣ ಮೋಲ್‌ನುಲುಂಗ್ಡು ಲಪೇಟಿಲೀನ್, ಯೇಸುನ ಪೀಠೆ-ಪೀಠೆ ವಳ್ಯುಜಾ಼ತೂಥು. ಇವ್ಣೆ ಇನಾಬಿ ಧರಿಲೇವ್ಣು ಕರಿ ಕರ‍್ಯು, 
\v 52 ಕತೋಬಿ ಯೋ ಇನು ಕೋರಲುಂಗ್ಡಾನ ಮ್ಹೆಂದಿನ್, ಖಾಲಿಆಂಗೇಸ್‌ ನಾಶಿಗಯು.
\s ಮೋಟಿ ಸಭೆನ ಖ್ಹಾಮೆ ಯೇಸುನ ಭೀರಾಖ್ಯೂತೆ
\r (ಮತ್ತಾಯ 26:57-68; ಲೂಕ 22:54-55,63-71; ಯೋಹಾನ 18:13-14,19-24)
\p
\v 53 ಬಾದ್‌ಮ ಇವ್ಣೆ ಯೇಸುನ ಗಲ್‌ಢಯಾಜಕ್‌ನ ಘರ್‌ಕನ ಲೀನ್‌ಗಯು, ಹಿಜ್ಜಾ಼ ಗಲ್‌ಢಯಾಜಕರ್‌, ಮೋಶೆನಿ ವಚನ್ ಶಿಕಾಡವಾಳು ಶಾಸ್ತ್ರಿಯೆ ಅಜು಼ ಶಾಣು ಖ್ಹಾರು ಭರೈರ‍್ಹೂಥು. 
\v 54 ಪೇತ್ರ ದೂರ್‌ಥೋಸ್ ಯೇಸುನ ಪೀಠೆ-ಪೀಠೆ ಜಾ಼ತೋಹುಯಿನ್‌ ಗಲ್‌ಢಯಾಜಕ್‌ನ ಘರ್‌ನ ಖ್ಹಾಮ್ಣೆನು ಚೌ಼ಕ್‌ಕನ ಗಯೊ. ಹಿಜ್ಜಾ಼ ಆಗ್ ಶೇಕು ಕರ್ತುಥೂತೆ ಕಾವ್ಲಿ ಕರಾವಾಳನ ಜೋ಼ಡ್ಮ ಬೇಶಿನ್, ಯೋಬಿ ಆಗ್ ಶೇಕಾಲಗ್ಯೊ. 
\v 55 ತದೆ ಗಲ್‌ಢಯಾಜಕರ್‌ ಅಜು಼ ಮೋಟಿ ಸಬೇನು ಖ್ಹಾರು ಯೇಸುನ ಮರೈನಾಖಿದೇಣು ಕರಿ ಸಬೂತ್ ಢೂಂಡ್ಯು. ಕತೋಬಿ ಬರೋಬರ್‌ನಿ ಸಾಕ್ಷಿ ಮಳ್ಯುಕೊಯ್ನಿ. 
\v 56 ಘಣು ಅದ್ಮಿ ಯೇಸುಪರ್‌ ಝೂ಼ಟಿ ಸಾಕ್ಷಿಖ್ಹಾರಿ ಬೋಲ್ಯುತೋಬಿ ಇವ್ಣಿ ಸಾಕ್ಷಿ ಏಕ್‌ಥಿ-ಏಕ್‌ ಬರೋಬರ್ ಕೋ ಲಾಗ್ಯುನಿ.
\p
\v 57-58 ಬಾದ್‌ಮ ಥೋಡು ಅದ್ಮಿ ಉಠಿ ಭೀರಿನ್‌, “ಅದ್ಮಿನೆ ಭಾಂದಿರಾಖ್ಯುಸ್ತೆ ಆ ಮಂದಿರ್‌ನ ಮೇ ಫೋಡಿನಾಖಿನ್, ಅದ್ಮಿನ ಹಾತೇಖ್ಹು ಭಾಂದಾನ ಕೋ ಹುವ್ವಾನಿತೆ ಬಿಜೇಕ್‌ ಮಂದಿರ್‌ನ, ತೀನ್ ದನ್ಮ ಭಾಂದೀಶ್’ ಕರಿ ಆ ಬೋಲ್ಯೊತೆ ಹಮೆ ಖ್ಹಮ್‌ಜಿರಾಖ್ಯಾಸ್‌” ಕರಿ ಯೇಸುಪರ್‌ ಝೂ಼ಟಿ ಸಾಕ್ಷಿ ಖ್ಹಾರು ಬೋಲ್ಯು. 
\v 59 ತದೇಬಿ ಇವ್ಣಿ ಸಾಕ್ಷಿ ಖ್ಹಾರು ಏಕ್‌ಥಿ-ಏಕ್‌ ಬರೋಬರ್ ಕೋ ಲಾಗ್ಯುನಿ.
\p
\v 60 ತದೆ ಗಲ್‌ಢೊಯಾಜಕ್‌ನೆ ಉಠೀನ್ ಖ್ಹಾರಾನ ಖ್ಹಾಮ್ಣೆ ಭೀರಿನ್, “ತೂ ಶಾತ್ಬಿ ಜವಾಬ್ ಕೋ ದೇಯ್ನಿಕಿ ಶು? ಅವ್ಣೆ ತಾರಪರ್ ಬೋಲುಕರಸ್ತೆ ಆ ಸಾಕ್ಷಿ ಖ್ಹಾಚಸ್‌ಕಿ ಶು?” ಕರಿ ಯೇಸುನ ಪುಛಾ಼ಯೊ.
\p
\v 61 ತೋಬಿ ಯೇಸುನೆ ಶಾತ್ಬಿ ಫರೈ ಕೋ ಬೋಲ್ಯೊನಿತೆ ಖ್ಹೊಪ್‌ ಥೊ. ಪಾಛೊ಼ ಗಲ್‌ಢಯಾಜಕ್‌ನೆ, “ತೂ ಮಹಾನ್ ದೇವ್‌ನೊ ಛಿಯ್ಯೊ ಹುಯಿರ‍್ಹೋತೆ ಕ್ರಿಸ್ತಸ್‌ಕಿಶು?” ಕರಿ ಯೇಸುನ ಪುಛಾ಼ವಖ್ಹತರ್,
\p
\v 62 ಯೇಸುನೆ, “ಒಹೊ, ಮೇಸ್; ಎತ್ರೇಸ್ ಕಾಹೆತೆ ಅದ್ಮಿನೊ ಛಿಯ್ಯೊ, ಮಹಾನ್ ಶಕತ್‌ವಾಳೊ ದೇವ್ನ ಖಾವಿಬಾಜು಼ಮ ಬೆಠೊರ‍್ಹಿಶೇತೆ ಅಜು಼ ಆಬ್‍ನ ವಾದ್ಳಪರ್ ಬೇಶಿನ್ ಆವ್‌ಶೇತೆ ತುಮೆಖ್ಹಾರು ದೇಕ್‌ಶು!” ಕರಿ ಬೋಲ್ಯೊ.
\p
\v 63 ಅನ ಖ್ಹಮ್‌ಜಿನ್‌, ಗಲ್‌ಢಯಾಜಕ್‌ನೆ ಇನ ಝ಼ಗ್ಗಾನ ಫಾಡಿಲೀನ್, “ಅಪ್ಣುನ ಅನೇಥಿಬಿ ಅಜು಼ ಖೆವಿ ಸಾಕ್ಷಿ ಹೋಣು! 
\v 64 ಅನೆ ದೇವ್ನ ಗಾಳೆಕರಾನಿ ವಾತೆ ಬೋಲ್ಯೋತೆ ತುಮೆ ಖ್ಹಮ್‌ಜ್ಯಾನಿ. ತುಮುನ ಕಿಮ್ ದೆಖಾವಸ್?” ಕರಿ ಬೋಲ್ತಖ್ಹತರ್‌,
\p ಇವ್ಣೆ ಖ್ಹಾರು ಯೇಸುನಿ ವಿರೋದ್ ಹಾತ್‌ ಪಾಡಿನ್, “ಆ, ಮರ್‌ವಾನ ಲ್ಹಾಯಕಸ್ ಛಾ಼” ಕರಿ ಬೋಲ್ಯು.
\p
\v 65 ಬಾದ್‌ಮ ಇವ್ಣಾಮ ಥೋಡು ಜ಼ಣು ಯೇಸುಪರ್‌ ಥೂಕಿನ್, ಇನ ಮ್ಹೋಡಾಪರ್ ಲುಂಗ್ಡು ನಾಖಿನ್, ಗುಖ್ಹ್‌ತೊ ದೀನ್, “ಕಿನೆ ಮಾರ‍್ಯೂಕಿ ಪ್ರವಾದ್‌ನೆ ಬೋಲ್‌ನು ದೇಖೆ!” ಕರಿ ಬೋಲ್ಯು. ಅಜು಼ ಕಾವ್ಲಿ ಕರಾವಾಳನೆ ಇನ ಕಲ್ಲಪರ್ ಮಾರಿನ್ ಇವ್ಣ ಜೋ಼ಡ್ಮ ಬುಲೈಲಿ ಗಯು.
\s1 ಪೇತ್ರನೆ ಯೇಸು ಮಾಲುಮ್ ಕೊಯ್ನಿ ಕರಿ ಬೋಲ್ಯೋತೆ
\r (ಮತ್ತಾಯ 26:69-75; ಲೂಕ 22:56-62; ಯೋಹಾನ 18:15-18,25-27)
\p
\v 66 ಯೋಸ್‌ ವಖ್ಹತ್‌ಮ ಪೇತ್ರ ಹೇಟ್‌ ಘರ್‌ನ ಖ್ಹಾಮ್ಣೆ ಥೊ. ತದೆ ಗಲ್‌ಢಯಾಜಕ್‌ನ ಆಳ್‌ಮ ಏಕ್‌ ಜ಼ಣಿ ಹಿಜ್ಜಾ಼ ಐನ್, 
\v 67 ಪೇತ್ರ ಆಗ್ ಶೇಕುಕರ್ತೊಥೋತೆ ದೇಖಿ. ಅಜೂ಼ಬಿ ಇನ ಖನ್ನೆಥು ಠರ್‌ಕೈ ದೇಖಿನ್, “ತೂಬಿ, ಯೋ ನಜ಼ರೇತ್‌ನೊ ಯೇಸುನ ಜೋ಼ಡ್ಮ ಥೋನಿ” ಕರಿ ಬೋಲಿ.
\p
\v 68 ತದೆ ಪೇತ್ರನೆ, “ಕೊಯ್ನಿ, ತು ಶಾತ್‌ ಬೋಲುಕರಾಸ್ಕಿ ಮನ ಮಾಲುಮ್‌ಕೊಯ್ನಿ” ಕರಿ ಬೋಲಿನ್ ಭಾರ್‌ಲಿ ಝ಼ಗೋಪರ್‌ ಗಯೊ. ಎತ್ರಾಸ್‌ಮ ಮುರ್‌ಗೊ ಬಾಂಗ್‌ ದಿದೊ\f + \fr 14:68 \fr*\ft ‘ಎತ್ರಾಸ್‌ಮ ಮುರ್‌ಗೊ ಬಾಂಗ್‌ ದಿದೊ’ ಕರಿ ಗ್ರೀಕ್‌ನು ಥೋಡು ವಾಕ್ಯಾನು ಬಾಗ್‌ಮ ಕೊಯ್ನಿ. \ft*\f*.
\p
\v 69 ಹಿಜ್ಜಾ಼ ಯೋ ಆಳ್‌ನೆ ಪಾಛು಼ ಇನ ದೇಖಿನ್, ಖನ್ನೆಸ್‌ ಭಿಯುಥೂತೆ ಅದ್ಮಿ ಖ್ಹಾರಾವ್‌ನ, “ಆಬಿ ಇವ್ಣಾಮ ಏಕ್‌ ಜ಼ಣೊ” ಕರಿ ಬೋಲಾಲಗಿ. 
\v 70 ಕತೋಬಿ ಪೇತ್ರನೆ, “ಕಾಹೆ” ಕರಿ ಪಾಛೊ಼ ಬೋಲ್ಯೊ.
\p ಜ಼ರಘಡಿನ ಬಾದ್‌ಮ ಹಿಜ್ಜಾ಼ ಭಿಯುಥೂತೆ ಇವ್ಣೆ ಪೇತ್ರನ, ಖ್ಹಾಚ಼ಮಾಬಿ “ಯೇಸುನ ಜೋ಼ಡ್ಮ ಥೂತೆ ಇವ್ಣಾಮ ತೂಬಿ ಏಕ್‌ ಜ಼ಣೊ ಕರಿ ಹಮೂನ ಮಾಲುಮ್, ತೂಬಿ ಗಲಿಲಾಯವಾಳೋಸ್‌” ಕರಿ ಬೋಲ್ಯು.
\p
\v 71 ಕತೋಬಿ ಪೇತ್ರನೆ, “ಖ್ಹಾಚಮಾಬಿ, ತುಮೆ ಬೋಲುಕರಾಸ್ತೆ ಯೋ ಅದ್ಮಿ ಮನ ಮಾಲುಮ್‌ಕೊಯ್ನಿ! ಮೇ ಝೂ಼ಟಿ ಬೋಲುಕರ್ತೊ ಉಶೇತೊ, ದೇವ್ನ ಮಾರ್ ಮಾರಪರ್ ಆವಾದೆ ಕರಿ” ಬೋಲಿನ್ ಶಪತ್‌ ಖಾವಲಗ್ಯೊ.
\p
\v 72 ಯೋಸ್‌ ವಖ್ಹತ್‌ಮ, ಮುರ್‌ಗೊ ಬೇನೆ ಹಲ್ಲ ಬಾಂಗ್‌ ದಿದೊ. ತದೆ ಪೇತ್ರನೆ, “ಮುರ್‌ಗೊ ಬೇ ಹಲ್ಲ ಬಾಂಗ್‌ದ್ಯವಾನ ಅಗಾಡಿ, ತೂ ಮಾರಿ ಬಾರೇಮ ತೀನ್ ಹಲ್ಲ ‘ಯೋ ಮನ ಮಾಲುಮ್ ಕೊಯ್ನಿ’ ಕರಿ ಬೋಲಿಶ್” ಕರಿ ಯೇಸುನೆ ಇನ ಬೋಲ್ಯೊಥೋತೆ ವಾತೆನ ಯಾದ್‌ಕರಿನ್, ಯೋ ಖ್ಹಡ್‌ಕ್ಯಾ ಭರಿನ್ ರೋಯೊ.
\c 15
\s ಯೇಸುನ ಪಿಲಾತಕನ ಲಾಯುತೆ
\r (ಮತ್ತಾಯ 27:1-2,11-14; ಲೂಕ 23:1-5; ಯೋಹಾನ 18:28-38)
\p
\v 1 ವ್ಹಾಣ್‌ಖ್ಹತ್ರೇಸ್ ಗಲ್‌ಢಯಾಜಕರ್‌, ಮೋಶೆನಿ ವಚನ್ ಶಿಕಾಡವಾಳು ಶಾಸ್ತ್ರಿಯೆ, ಮೋಟಿ ಸಬೆವಾಳು ಅಜು಼ ಶಾಣುಖ್ಹಾರು ಮಳಿನ್ ವಾತೆಕರಿಲೀನ್, ಯೇಸುನ ಭಂದೈನ್ ಲೀಜೈ಼ನ್, ಪಿಲಾತನ\f + \fr 15:1 \fr*\ft ಪಿಲಾತ ಆ ರೋಮ್ ಖ್ಹರ್ಕಾರ್‌ನ ಭಣಿವಾಳೊ ಹುಯಿರ‍್ಹೋಥೊ. ಆ ಯೆಹೂದ್ಯರ್‌ನ ರಾಜ಼್‌ಭಾರ್‌ನ ಚ಼ಲಾವವಾಳೊ ಹುಯಿರ‍್ಹೋಥೊ\ft*\f* ಹಾತ್‌ಮ ದಿದು. 
\v 2 ತದೆ ಪಿಲಾತನೆ ಯೇಸುನ, “ತು ಯೆಹೂದ್ಯರ್‌ನೊ ರಾಜಾ಼ಕಿ ಶು?” ಕರಿ ಪುಛಾ಼ವಖ್ಹತರ್.
\p ಯೇಸುನೆ, “ತುನೇಸ್ ಬೋಲ್ಯೋನಿ” ಕರಿ ಜವಾಬ್‌ ದಿದೊ.
\p
\v 3-4 ಗಲ್‌ಢಯಾಜಕರ್‌ ಯೇಸುಪರ್‌ ಘಣಿ ಗಲ್ತಿ ಲಗಾಡುಕರ್ತಾಥ. ತದೆ ಪಿಲಾತನೆ ಬಿಜೇಕ್‌ ಹಲ್ಲ ಯೇಸುನ, “ತು ಶಾತ್ಬಿ ಜವಾಬ್‌ ಕೋ ದೇಯ್ನಿಕಿ ಶು? ದೇಕ್, ಅವ್ಣೆ ತಾರಪರ್ ಕೆತ್ರು ಬೋಲುಕರಾಸ್ತೆ!” ಕರಿ ಬೋಲ್ಯೊ.
\p
\v 5 ಕತೋಬಿ ಯೇಸುನೆ ಶಾತ್ಬಿ ಜವಾಬ್‌ ಕೋ ದಿದೋನಿ. ಅನ ದೇಖಿನ್ ಪಿಲಾತನೆ ಆಶ್ಚರ್ಯಖಾದೊ.
\s ಯೇಸುನ ಮರಣ್ ದಂಡ್‌ ದೇವ್ಣು ಕರಿ ಬೋಲ್ಯುತೆ
\r (ಮತ್ತಾಯ 27:15-26; ಲೂಕ 23:13-25; ಯೋಹಾನ 18:39—19:16)
\p
\v 6 ಪಸ್ಕ ಪೂಜಾ಼ನಿ ವಖ್ಹತ್‌ಮ ಕೋಂಡಿ ಘಾಲಿರಾಖಾತೆ ಅದ್ಮಿಮ, ಅದ್ಮಿಖ್ಹಾರು ಕಿನ ಬೋಲಸ್ಕಿ ಇನ, ಭಾರ್‌ ಮ್ಹೇಲಾನಿ ಆದತ್ ಥು. 
\v 7 ತದೆ ಬರಬ್ಬ ಕರಿ ಏಕ್‌ ಜ಼ಣೊ ಥೊ. ಕಲ್ಹಾಗಟ್‌ ಪಡಾನಿ ವಖ್ಹತ್‌ಮ, ಅದ್ಮಿನ ಮಾರಿನಾಖಿ ದೇಯಿತೆ ಇವ್ಣ ಜೋ಼ಡ್ಮ ಇನ ಧರಿನ್ ಕೋಂಡಿ ಘಾಲಿರಾಖ್ಯುಥು. 
\v 8 ತದೆ ಅದ್ಮಿಖ್ಹಾರು ಪಿಲಾತಕನ ಆಯಿ ಭರೈನ್, “ತುನೆ ಹಮೂನ ಕರ್ತೊ ಆಯೋತೆ ಇಮ್‌ ಕರ್‌” ಕರಿ ಗಿಂಗಾಯು. 
\v 9-10 ತದೆ ಗಲ್‌ಢಯಾಜಕ್‍ಖ್ಹಾರು ಬಳಾಪೇಥಿ ಯೇಸುನ ಧರಿ ದೀರಾಖ್ಯುಸ್‌ ಕರಿ ಪಿಲಾತನೆ ಮಾಲುಮ್‌ ಕರಿಲೀನ್, “ಮೇ ಯೆಹೂದ್ಯರ್‌ನ ರಾಜಾ಼ನ ತುಮುನ ಮ್ಹೇಲಿದೇಣು ಕರಿ ತುಮಾರಿ ಆಖ್ಹ್‌ಕಿ ಶು?” ಕರಿ ಪುಛಾ಼ಯೊ.
\p
\v 11 ತದೆ ಗಲ್‌ಢಯಾಜಕರ್‌ಖ್ಹಾರು, “ಬರಬ್ಬನಾಸ್ ಮ್ಹೇಲಿದೆ ಕರಿ ಬೋಲ್‌ನು” ಕರಿ ಅದ್ಮಿನ ಬೋಲಿದಿದು. 
\v 12 ತದೆ ಪಿಲಾತನೆ ಇವ್ಣುನ, “ಇಮ್‍ಕತೊ, ತುಮೆ ಯೆಹೂದ್ಯರ್‌ನೊ ರಾಜ಼ ಕರಿ ಬೋಲುಕರಾತೆ ಅನ, ಮೇ ಶಾತ್‌ ಕರ‍್ನು ಕರಿ ತುಮೆ ಬೋಲೋಸ್?” ಕರಿ ಪಾಛೊ಼ ಬೋಲ್ತಖ್ಹತರ್‌.
\p
\v 13 ಇವ್ಣೆ, “ಇನ ಶಿಲ್‌ಬೇಪರ್\f + \fr 15:13 \fr*\ft ಆಡ ಕಂಭಾಪರ್\ft*\f* ಮರಾವ್!” ಕರಿ ಚಿಕ್ರಿನ್ ಬೋಲಾಲಗ್ಯು.
\p
\v 14 ತದೆ ಪಿಲಾತನೆ, “ಶನ? ಅನೆ ಶನಿ ಗಲ್ತಿ ಕರಿರಾಖ್ಯೋಸ್?” ಕರಿ ಬೋಲ್ಯೊ. ಕತೋಬಿ ಇವ್ಣೆ, “ಇನ ಶಿಲ್‌ಬೆಪರ್ ಮರಾವ್!” ಕರಿ ಅಜೂ಼ಬಿ ಜೋ಼ರೇಖ್ಹು ಬಳೇಳಿನ್‌ ಬೋಲ್ಯು.
\p
\v 15 ತದೆ ಪಿಲಾತನೆ ಅದ್ಮಿನ ದಿಲ್ನ ಖ್ಹುಶಿ ಕರಾವ್ಣು ಕರಿ ಬರಬ್ಬಾನ ಇವ್ಣಖ್ಹಾಜೆ ಮ್ಹೇಲಿದಿದೊ. ಅಜು಼ ಯೇಸುನ ಮೇಕ್‌ನ ಕೊಳ್ಡೇಥಿ ಮರೈನ್ ಶಿಲ್‌ಬೆಪರ್ ನಾಖಾನ ದಿದೊ.
\s ಶಿಪಾಯಿಖ್ಹಾರು ಯೇಸುನಿ ನಕ್ಲೆ ಕರ‍್ಯುತೆ
\r (ಮತ್ತಾಯ 27:27-31; ಯೋಹಾನ 19:2-3)
\p
\v 16 ಶಿಪಾಯಿಖ್ಹಾರು ಯೇಸುನ ಪಿಲಾತನಿ ಮಹೇಲ್‌ನ ಖ್ಹಾಮ್ಣೆನಿ ಝ಼ಗೋಮ ಬುಲೈಲೀಜೈ಼ನ್, ದಂಡ್‌-ದಳ್‌ವಾಯಿನ ಎಕ್ಕದಮ್‌ ಬುಲಾಯು. 
\v 17 ಹಿಜ್ಜಾ಼ ಶಿಪಾಯಿಖ್ಹಾರು ಯೇಸುನ ಲಾಲ್‌ಭಗ್ಮ ರಂಗ್ನು ಲುಂಗ್ಡು\f + \fr 15:17 \fr*\ft ರಾಜ಼ ಪೆರ‍್ಹಾನು ಲುಂಗ್ಡು\ft*\f* ಹೋಡೈನ್‌, ಕಾಟಾನಿ ಕಿರೀಟ್ನ ವಣಿನ್‌ ಇನ ಮಾಥಪರ್‌ ಘಾಲಿನ್, 
\v 18 “ಯೆಹೂದ್ಯರ್‌ನ ರಾಜ಼, ತುನ ಖ್ಹಲಾಮ್” ಕರಿ ಬೋಲಿನ್, 
\v 19 ಬೈತ್‌ನಿ ಲಾಕ್ಡಿಥಿ ಇನ ಮುಡ್‌ಕ್ಯಪರ್ ಮಾರಿನ್, ಇನಪರ್ ಥೂಕಿನ್, ಇನಾಖ್ಹಾಮೆ ಢುಕ್‌ಣ್ಯಟೇಕಿನ್, ಆಡು ಪಡ್ಯು. 
\v 20 ಅಮ್ ಇವ್ಣೆ ಯೇಸುನಿ ನಕ್ಲೆ\f + \fr 15:20 \fr*\ft ಖ್ಹರಮ್‌ ಕಾಡಿನ್\ft*\f* ಕಾಡಾನ ಬಾದ್‌ಮ ಯೋ ಲಾಲ್‌ಭಗ್ಮ ರಂಗ್‌ನ ಲುಂಗ್ಡಾನ ಕಾಡಿನಾಖಿದೀನ್ ಇನ ಲುಂಗ್ಡಾವ್‍ನಸ್ ಪಾಛು಼ ಫೇರೈನ್ ಶಿಲ್‌ಬೆಪರ್ ಮಾರಾನಖ್ಹಾಜೆ ಬುಲೈಲಿ ಗಯು.
\s ಯೇಸುನ ಶಿಲ್‌ಬೆಪರ್ ಮಾರ‍್ಯೂತೆ
\r (ಮತ್ತಾಯ 27:32-44; ಲೂಕ 23:26-43; ಯೋಹಾನ 19:17-27)
\p
\v 21 ತದೆ ಖೇತರ್‌ಮಾಥು ಯೋಸ್ ವಾಟೆ ಉಳ್ಯಾವ್ತೊಥೋತೆ ಕುರೇನೆ ಖ್ಹಯೇರ‍್ನೊ ಸೀಮೋನ್ನ, ಯೇಸುನಿ ಶಿಲ್‌ಬೆ ಪಾಡ್‌ಕರಿ ಶಿಪಾಯಿಖ್ಹಾರು ಜು಼ಲಮ್‌ ಕರ‍್ಯು. ಆ ಸೀಮೋನ್ ಅಲೆಕ್ಸಾಂಡರ್ ಅಜು಼ ರೂಫ ಕರಿ ಥಾತೆ ಇವ್ಣೊ ಬಾ ಹುಯಿರ‍್ಹೋಥೊ. 
\v 22 ಅಜು಼ ಯೇಸುನ ‘ಗೊಲ್ಗೊಥಾ’ ಕರಿ ಝ಼ಗೋಪರ್ ಬುಲೈಲಿ ಗಯು. ಗೊಲ್ಗೊಥಾ ಕತೊ “ಖೋಪ್ರಿನಿ ಝ಼ಗೊ” ಕರಿ. 
\v 23 ಹಿಜ್ಜಾ಼ ಇನ ರಕ್ತಬೋಳ\f + \fr 15:23 \fr*\ft ರಕ್ತಬೋಳ ಏಕ್‌ ಝಾ಼ಡ್‌ಣು ದೂದ್ ಹುಯಿರ‍್ಹೂಸ್. ಆ ಘಣ ಮೋಲ್ನು ಅಜು಼ ಅನೇಥಿ ಕೈಯೆಕ್ಕಿ ಫಾಯಿದೊ ಛಾ಼. ದ್ರಾಕ್ಷಿನು ರಖ್ಹ್‌ನ ಜೋ಼ಡೆ ಮಳೈನ್ ಪೀದೂತೊ ಅಜ಼ ಕಮ್ ಹುವಾಸ್.\ft*\f* ಮಳೈಹುಯು ದ್ರಾಕ್ಷಿನು ರಖ್ಹ್‌ನ ಪಿಯ್ಯಾನ ದಿದು. ಕತೋಬಿ ಯೇಸುನೆ ಇನ ಪೀದೊಕೊಯ್ನಿ. 
\v 24 ಇವ್ಣೆ ಯೇಸುನ ಶಿಲ್‌ಬೆಪರ್ ಮಾರ‍್ಯು ಅಜು಼ ಇನ ಲುಂಗ್ಡಾವ಼್‌ಮ ಕೆಹು-ಕೆಹು, ಕಿನ-ಕಿನ ಜಾ಼ವ್ಣು ಕರಿ ಬೋಲಿನ್ ಚೀಟ್ ನಾಖಿನ್ ಇವ್ಣಾಮಸ್ ವಾಟ ಪಾಡಿಲಿದು. 
\v 25 ಇವ್ಣೆ ಯೇಸುನ ಶಿಲ್‌ಬೆಪರ್ ಮಾರ‍್ಯೂತೆ ತದೆ ವ್ಹಾಣನ ನೌ ಘಂಟ ಹುಯಿರ‍್ಹಾಥ. 
\v 26 ಇವ್ಣೆ ಯೇಸುಪರ್‌ ಲಗಾಡ್ಯುತೆ ಯೋ ಗಲ್ತಿನ ದೆಖಾವನಿ ಘೋಣಿ ಶಿಲ್‌ಬೆಪರ್ ಲೀಖಿರಾಖ್ಯುಥು. ಯೋ ಶಾತ್‌ಕತೊ, “ಯೆಹೂದ್ಯರ್‌ನೊ ರಾಜ಼” ಕರಿ. 
\v 27 ಯೇಸುನ ಜೋ಼ಡ್ಮ ಬೇ ಜ಼ಣ ಚೋ಼ರ್‌ನಾಬಿ ಲೈನ್‌ ಏಕ್‌ ಜ಼ಣಾನ ಇನಿ ಖಾವಿ ಬಾಜೂ಼ಮ ಅಜು಼ ಬಿಜೇಕ್‌ ಜ಼ಣಾನ ಇನಿ ಡಾವಿ ಬಾಜೂ಼ಮ ಶಿಲ್‌ಬೆಪರ್ ಮಾರ‍್ಯು. 
\v 28 ಆ ವಚನ್ ಗ್ರೀಕ್‌ನು ಥೋಡು ವಚನ್ನು ಭಾಗ್‌ಮ ಛಾ಼,\f + \fr 15:28 \fr*\ft ಯೋ ಶಾತ್‌ಕತೊ “ಚೋ಼ರ್‌ನ ಜೋ಼ಡ್ಮ ಇನಾಬಿ ಮಳಾಯು ಕರಿ ದೇವ್ನಿ ವಾಕ್ಯಾಮ ಲೀಖೈರ‍್ಹೂತೆ ಇಮ್ಮಸ್ ಚಾ಼ಲ್ಯು” ಕರಿ. ಯೆಶಾಯ 53.12\ft*\f*
\p
\v 29 ಹಿಜ್ಜಾ಼ಕರಿ ಜ಼ವ್‍ಕರ್ತುಥೂತೆ ಅದ್ಮಿಖ್ಹಾರು ಯೇಸುನಿ ನಕ್ಲೆ ಕಾಡ್ಯು: ಅಜು಼ ಮುಡ್‌ಕ್ಯು ಠಶ್‌ಕಾವ್ತು ಹುಯಿನ್, “ಓಹೊ, ತೂ ಮಂದಿರ್‌ನ ಫೋಡಿನ್ ತೀನ್ ದನ್ಮ ಭಾಂದೀಶ್ ಕರಿ ಬೋಲ್ಯೋಥೊ!” 
\v 30 ಹಮ್ಕೆ ಶಿಲ್‌ಬೆಪರ್‌ಥು ಉತ್ರಿನ್ ಆವ್ ಅಜು಼ ತಾರು ತೂ ಬಚಾ಼ಡಿಲೆ!” ಕರಿ ಇನ ಚಿಂಘಾಯು.
\p
\v 31 ಇಮ್ಮಸ್ ಗಲ್‌ಢಯಾಜಕರ್‌ಬಿ, ಮೋಶೆನಿ ವಚನ್‍ ಶಿಕಾಡವಾಳು ಶಾಸ್ತ್ರಿಯೇ಼ಬಿ, “ಇನೆ ಬಿಜಾ಼ನ ಬಚಾ಼ಡ್ಯೊ; ಕತೋಬಿ ಇನು ಯೋಸ್ ಬಚಾ಼ಡಿಲ್ಯವಾನ ಕೋ ಹೊಯ್ನಿ. 
\v 32 ಇಸ್ರಾಯೇಲ್‌ನೊ ರಾಜ಼ ಹುಯಿರ‍್ಹೋತೆ ಆ ಕ್ರಿಸ್ತ ಹಮ್ಕೆ ಶಿಲ್‌ಬೆಪರ್‌ಥು ಉತ್ರಿನ್ ಆವಾದೆ! ಉತ್ರಿನ್ ಆಯೋತೊ ಹಮೆ ದೇಖಿನ್ ನಂಬ್‌ಶು” ಕರಿ ಏಕ್‌ಥಿಏಕ್‌ ಯೇಸುನಿ ನಕ್ಲೆ ಕಾಡಿನ್ ವಾತೆ ಬೋಲುಕರ್ತೂಥು.
\p ಅಜು಼ ಇನ ಜೋ಼ಡ್ಮ ಶಿಲ್‌ಬೆಪರ್ ಮರೈರ‍್ಹೂಥೂತೆ, ಯೋ ಭೇ ಜ಼ಣಾನೇಬಿ ಇನಿ ಖ್ಹರಮ್‌ಕಾಡ್ಯು.
\s ಯೇಸುನೆ ಜಾನ್‌ ಮ್ಹೇಲ್ಯೋತೆ
\r (ಮತ್ತಾಯ 27:45-56; ಲೂಕ 23:44-49; ಯೋಹಾನ 19:28-30)
\p
\v 33 ಧೊಪಾರ್‌\f + \fr 15:33 \fr*\ft ಧೋಪಾರ‍್ನ ಭಾರ ಘಂಟ ಹುವ್ವಾದೀನ್\ft*\f* ಹುವ್ವಾದೀನ್ ಹಿಡಿ ದೇಖ್ಹ್‌ಪರ್ ಅಂಧಾರು ಢಪೈನ್, ತೀನ್ ಘಂಟತೋಡಿ ಇಮ್ಮಸ್‌ಥು. 
\v 34 ತೀನ್ ಘಂಟಾನ ಯೇಸು, “ಎಲೋಹಿ, ಎಲೋಹಿ ಲಮಾ ಸಬಕ್ತಾನಿ”\f + \fr 15:34 \fr*\ft ಯೇಸುನೆ ಇನಿ ಶೊಂತ್ ಬೋಲಿಮ ಆ ವಾತೆ ಬೋಲ್ಯೋತೆ\ft*\f* ಅಮ್‌ಕತೊ, “ಮಾರೊ ದೇವ್, ಮಾರೊ ದೇವ್, ತೂ ಶನ ಮನ ಹಾತ್‌ ಮ್ಹೆಂದಿದೊ?”\f + \fr 15:34 \fr*\ft ಕೀರ್ತನೆ 22.1\ft*\f* ಕರಿ ಜೋ಼ರ್‌ ಆವಾಜ಼್‌ಥಿ ಚಿಕ್‌ರ‍್ಯೊ.
\p
\v 35 ಖನ್ನೆ ಭಿಯ್ಯುಥೂತೆ ಥೋಡು ಜ಼ಣು ಅನ ಖ್ಹಮ್‌ಜಿನ್‌, “ಹಂದೇಖೊ, ಯೋ ಎಲೀಯನ ಚಿಕ್ರುಕರಾಸ್!” ಕರಿ ಬೋಲ್ಯು. 
\v 36 ತದೆ ಹಿಜ್ಜಾ಼ ಥೂತೆ ಏಕ್‌ ಜ಼ಣು ನಾಶಿಜೈ಼ನ್, ಗುಂಜ಼್‌ನ\f + \fr 15:36 \fr*\ft ರಖ್ಹ್‌ನ ಖ್ಹೋಖ್ಹಾನು ರಾಛು಼\ft*\f* ಖಾಟ ರಖ್ಹ್‌ಮ\f + \fr 15:36 \fr*\ft ಕಮ್ ಮೋಲ್ನು ಗರೀಬ್ ಅದ್ಮಿ ಪಿಯ್ಯಾನು ರಖ್ಹ್‌\ft*\f* ಡುಬೈನ್, ಲಠ್ಠಾಕೇಡೆ ಅಟ್‌ಕೈನ್ ಯೇಸುನ ಪಿಯ್ಯಾನ ದೀನ್, “ಠೇರೊ! ಎಲೀಯ ಐನ್ ಅನ ಶಿಲ್‌ಬೆಪರ್‌ಥು ಉತ್ರಾವಸ್ ಶುಕಿ ದೇಖೆ!” ಕರಿ ಬೋಲ್ಯು.
\p
\v 37 ಕತೋಬಿ ಯೇಸುನೆ ಜೋ಼ರೆಖ್ಹು ಚಿಕ್ರಿನ್ ಜಾನ್‌ ಮ್ಹೇಲ್ಯೊ.
\p
\v 38 ತದೆ ಮೋಟಿ ಮಂದಿರ್‌ನೊ ಪಡ್‌ದೊ ಉಪ್ಪರ್‌ಥು ಹೇಟ್‌ತೋಡಿ ಫಾಟಿನ್, ಬೇ ಭಾಗ್‌ ಹುಯಿಗಯು. 
\v 39 ಯೇಸುನೆ ಆ ತರೀಕಾಥಿ ಜಾನ್‌ ಮ್ಹೇಲ್ಯೊತೆ ಇನ ಖ್ಹಾಮ್ಣೆಸ್ ಭಿಯೊಥೋತೆ ಖ್ಹೋಶಿಪಾಯಿನೊ ಮೋಟಾನೆ ದೇಖಿನ್, “ಖ್ಹಾಚಮಾಬಿ ಆ ಅದ್ಮಿ ದೇವ್‌ನೊ ಛಿಯ್ಯೊ ಹುಯಿರ‍್ಹೋಥೊ!” ಕರಿ ಬೋಲ್ಯೊ.
\p
\v 40-41 ಹಿಜ್ಗಾ಼ ದೂರ್‌ಥು ಭೀರಿನ್‌ ಥೋಡಿ ತಯೇಡಾಬಿ ಆ ಖ್ಹಾರು ದೇಖುಕರ್ತಿಥಿಯೆ. ಅವ್ಣಾಮ ಮಗ್ದಲನಿ ಮರಿಯ, ನ್ಹಾನೊ ಯಾಕೋಬ್ ಅಜು಼ ಯೋಸೆನಿ ಆಯ ಹುಯಿರ‍್ಹೀಥೀತೆ ಮರಿಯ ಅಜು಼ ಸಲೋಮೀಬಿ ಥಿಯೆ. ಅವ್ಣೆ ಯೇಸು ಗಲಿಲಾಯಮ ಥೋತೆ ತದೆ ಇನ ಕೇಡೆಸ್ ರ‍್ಹೀನ್ ಇನಿ ಸೇವೆ ಕರಿಹುಯೆ಼. ಎತ್ರೇಸ್ ಕಾಹೆತೆ ಯೇಸುನ ಜೋ಼ಡ್ಮ ಯೆರೂಸಲೇಮ್ ‌ಆಯೆಥೀತೆ ಬಿಜಿ ತಯೇಡಾವ್‌ಬಿ ಹಿಜ್ಜಾ಼ ಥಿಯೆ.
\s ಯೇಸುನ ಮಖ್ಹಾಣ್ಯು ಕರ‍್ಯುತೆ
\r (ಮತ್ತಾಯ 27:57-61; ಲೂಕ 23:50-56; ಯೋಹಾನ 19:38-42)
\p
\v 42 ತದೆ ಖ್ಹಾಂಜ಼್ ಹುಯಿಗಯುಥು; ಅಜು಼ ಯೋ ದನ್ ಖ್ಹವಾರಾನೊ ದನ್ ಹುಯಿರ‍್ಹೋಥೊ, ಕತೊ ಸಬ್ಬತ್ ದನ್ನ ಪೀಠೆನೊದನ್‌ ಹುಯಿರ‍್ಹೋಥೊ. 
\v 43 ತದೆ ಅರಿಮಥಾಯ ಗಾಮ್‌ನೊ ಯೋಸೇಫ ಕರಿ ಏಕ್‌ ಜ಼ಣೊ ಘಟ್ ಜಾನ್‌ಥಿ ಪಿಲಾತಕನ ಐನ್, ಯೇಸುನ ಶರೀರ್‌ನ ಮನ ದೇ ಕರಿ ಬೋಲಿಲಿದೊ. ಆ ಯೋಸೇಫ ಮೋಟಿ ಸಭೆಮ ಘಣು ಮರ್ಯಾದಿನು ಅದ್ಮಿ ಹುಯಿರ‍್ಹೋಥೊ ಅಜು಼ ದೇವ್ನಿ ರಾಜ್ಯ ಕದೆ ಆವ್‍ಶೆಕರಿ ಜ಼ಪಿರ‍್ಹೋತೊ. 
\v 44 ಪಿಲಾತನೆ ಯೇಸು ತದ್ದೇಸ್ ಮರಿಗಯೊ ಕರಿ ಖ್ಹಮ್‌ಜಿನ್‌ ಆಶ್ಚರ್ಯಖಾದೊ. ಅಜು಼ ಖ್ಹೋಶಿಪಾಯಿನೊ ಮೋಟಾನ ಬುಲೈನ್, “ಯೋ ತದ್ದೇಸ್ ಮರಿಗಯೊಕಿ ಶು?” ಕರಿ ಇನ ಪುಛಾ಼ಯೊ. 
\v 45 ಖ್ಹೋಶಿಪಾಯಿನ ಮೋಟಾಥಿ ಖ್ಹಮ್‌ಜಾ಼ನ ಬಾದ್‌ಮ, ಪಿಲಾತನೆ ಯೇಸುನ ಮುರ್ದಾನ ಯೋಸೇಫನ ದೆವಾಡ್ಯೊ. 
\v 46 ಯೋಸೇಫನೆ ಘಣ ಮೋಲ್ನು ಲುಂಗ್ಡಾನ ಮೋಲ್ ಲೈನ್‌, ಯೇಸುನ ಶಿಲ್‌ಬೆಪರ್‌ಥು ಉತಾರಿನ್‌, ಯೋ ಲುಂಗ್ಡಾಥಿ ಇನ ಲಪೇಟಿನ್, ಬಂಡಾನಿ ಘವಿಮ ಮ್ಹೇಲಿನ್ ಯೋ ಘವೀನ ಬಾಕಲ್‌ನ ಮೋಟೊ ಬಂಡಾಥಿ ಮೂಚ್ಯೊ. 
\v 47 ಹಿಜ್ಜಾ಼ ದೇಖುಕರ್‌ತಿಥಿಯೆ಼ತೆ ಮಗ್ದಲನಿ ಮರಿಯ ಅಜು಼ ಯೋಸೆನಿ ಆಯ ಮರಿಯನೆ ಯೇಸುನ ಶರೀರ್‌ನ ಮ್ಹೇಲ್ಯುತೆ ಝ಼ಗೋನ ದೇಖಿಯೆ಼.
\c 16
\s ಯೇಸು ಜಿವ್ತೊ ಹುಯಿನ್ ಉಠ್ಯೊತೆ
\r (ಮತ್ತಾಯ 28:1-8; ಲೂಕ 24:1-12; ಯೋಹಾನ 20:1-10)
\p
\v 1 ಸಬ್ಬತ್‌ ದನ್ ಖತಮ್ ಹುವಾನ ಬಾದ್‌ಮ, ಮಗ್ದಲನಿ ಮರಿಯ, ಯಾಕೋಬ್‍ನಿ ಆಯ ಮರಿಯ ಅಜು಼ ಸಲೋಮಿ ಯೇಸುನ ಮುರ್ದಾನ ಲಗಾಡನಖ್ಹಾಜೆ ಅಛ್ಛು಼ ವಾನುತೇಲ್‌ನ ಮೋಲ್ ಲಿದಿಯೆ಼. 
\v 2 ವಾರಾನು ಪಹಿಲ ದನ್ನೆ ವ್ಹಾಣ್‌ಖ್ಹತ್ರೆಸ್, ದನ್ ನಿಕಳ್‌ತಾಸ್‌ನ, ಇವ್ಣೆ ಯೇಸುನ ಮ್ಹೇಲಿರಾಖ್ಯುಥೂತೆ ಘವಿಕನ ನಿಕ್ಳಿಯೆ಼. 
\v 3 ಘವಿನ ಬಾಕಲ್‌ನೊ ಬಂಡೊ ಘಣೊ ಮೋಟೊ ಥೊ. ಅನಖ್ಹಾಜೆ ಇವ್ಣೆ ಆವಾನಿ ವಖ್ಹತ್‌ಮ, “ಯೋ ಬಂಡಾನ ಅಪ್ಣಟೇಕೆ ಕೋಣ್ ಕಾಡ್‌ಶೆಲಿ?” ಕರಿ ಇವ್ಣೆಇವ್ಣೇಸ್ ವಾತೆ ಬೋಲ್ತಿ ಉಳ್ಯಾವ್‌ತಿಥಿಯೆ. 
\v 4 ಕತೋಬಿ ಮುಡ್‌ಕ್ಯು ಪಾಡಿ ದೇಖಾತೊ ಯೋ ಬಂಡೊ ನಿಕ್ಳಿರ‍್ಹೋಥೊ. 
\v 5 ತದೆ ಇವ್ಣೆ ಘವಿನ ಮಹಿ ಜೈ಼ನ್, ಹಿಜ್ಜಾ಼ ಏಕ್‌ ಜಾ಼ನ್ಜ಼ಮಾನ್ ಅದ್ಮಿ ಧೋಳು ಲುಂಗ್ಡು ಪೇರ‍್ಹಿಲೀನ್‌, ಖಾವಿ ಬಾಜು಼ಮ ಬೆಠುಥೂತೆ ದೇಖಿನ್, ಇವ್ಣೆ ಡರೀಗಯ್ಯೆ಼.
\p
\v 6 ತದೆ ಇನೆ ಇವ್ಣುನ, “ಡರೊನಕೊ, ಶಿಲ್‌ಬೆಪರ್ ಮಾರ‍್ಯೂಥೂತೆ, ನಜ಼ರೇತ್‌ನೊ ಯೇಸುನ ಢೂಂಡುಕರಾಸ್ ಕರಿ ಮನ ಮಾಲುಮ್. ಯೋ ಹಜ್ಜಾ಼ ಕೊಯ್ನಿ, ಯೋ ಜಿವ್ತೊ ಹುಯಿನ್ ಉಠಿರ‍್ಹೋಸ್! ಹಂದೇಖೊ, ಆಸ್ ಇನ ಮ್ಹೇಲಿರಾಖ್ಯುಥೂತೆ ಝ಼ಗೊ. 
\v 7 ಹಮ್ಕೆ ಜಾ಼ವೊ ಅಜು಼ ಆ ಖಬರ್‌ನ ಇನ ಶಿಷ್ಯರ್‌ನ ಅಜು಼ ಪೇತ್ರನಬಿ ಬೋಲೊ, ‘ಯೇಸುನೆ ತುಮೂನ ಬೋಲ್ಯೊಥೋತೆ\f + \fr 16:7 \fr*\ft ಮಾರ್ಕ 14.28\ft*\f* ಇಮ್ಮಸ್, ತುಮಾರೇಥಿ ಅಗಾಡಿ ಗಲಿಲಾಯನ ವಳ್ಯೊಜಾ಼ಸ್; ಹಿಜ್ಜಾ಼ ತುಮೆ ಇನ ದೇಕ್‌ಶು ಕರಿ ಬೋಲೊ” ಕರಿ ಬೋಲ್ಯೊ.
\p
\v 8 ತದೆ ಇವ್ಣೆ ಘಬ್‌ರೈಜೈ಼ನ್, ಕಾಪ್ತಿಹುಯಿನ್‌ ಭಾರ್‌ಆಯಿನ್, ಯೋ ಮಖ್ಹಾಣ್ಯನಿ ಘವಿಕಂಥು ನಾಶಿ ಚ಼ಲೀಗಯ್ಯೆ. ಇವ್ಣೆ ಡರ್‌ಥಿ, ಕಿನಾಬಿ ಶಾತ್‌ಬಿ ಕೋ ಬೋಲ್‌ಯೇನಿ.
\s ಯೇಸು ಮಗ್ದಲನಿ ಮರಿಯನ ದೆಖಾಯೊತೆ
\r (ಮತ್ತಾಯ 28:9-10; ಯೋಹಾನ 20:11-18)
\p
\v 9 \f + \fr 16:9 \fr*\ft 9-20 ಲಗು ಛಾ಼ತೆ ವಾಕ್ಯಖ್ಹಾರಿ ಗ್ರೀಕ್ ವಾತೆನು ಜೂ಼ನು ಅಜು಼ ಅಛ್ಛು಼ ವಚನ್ನು ಭಾಗ್‌ಮ ಮಳೈರಾಖ್ಯು ಕೊಯ್ನಿ.\ft*\f*ವಾರಾನೊ ಪಹಿಲೊ ದನ್ನೆನು (ಐತ್‍ವಾರ್‌ನ) ವ್ಹಾಣೆ, ಯೇಸು ಜಿವ್ತೊ ಹುಯಿನ್ ಉಠಾನ ಬಾದ್‌ಮ, ಮಗ್ದಲನಿ ಮರಿಯನ ಪಹಿಲಿ ಬಾರ್ ದೆಖಾಯೊ, ಆ ಮರಿಯಮಾಥು ಯೇಸುನೆ ಖ್ಹಾತ್ ಭೂತ್‌ನ ಕಾಡ್ಯೋಥೊ. 
\v 10 ತದೆ ಇನೆ ಜೈ಼ನ್, ಇನಕೇಡೆ ಥೂತೆ ಇವ್ಣುನ ಬೋಲಿ; ಇವ್ಣೆ ಘಣು ದುಖ್‌ಥಿ ರೊವ್‌ಕರ್ತುಥು; 
\v 11 “ಯೇಸು ಜಿವ್ತೊಹುಯಿನ್ ಉಠಿರ‍್ಹೋಸ್, ಮನ ದೆಖಾಯೊ” ಕರಿ ಇನೆ ಬೋಲಿತೆ ವಾತೆನ ಖ್ಹಮ್‌ಜ್ಯು, ಕತೋಬಿ ಇವ್ಣೆ ಇನ ವಿಶ್ವಾಸ್ ಕರ‍್ಯುಕೊಯ್ನಿ.
\s ಯೇಸು ಬೇ ಜ಼ಣ ಶಿಷ್ಯರ್‌ನ ದೆಖಾಯೊತೆ
\r (ಲೂಕ 24:13-35)
\p
\v 12 ಅನ ಬಾದ್‌ಮ, ಶಿಷ್ಯರ್‌ಮ ಬೇ ಜ಼ಣ ಏಕ್‍ ಗಾಮ್‌ನ ಚಾ಼ಲಿ ಜಾ಼ವಾನಿ ವಖ್ಹತ್‌ಮ, ಯೇಸು ಕೋಣ್‌ಬಿ ಖ್ಹಣೇದ್ ಧರಾನ ಕೋ ಹುವ್ವಾನಿತೆ ಇಮ್ನಿ ರೂಪ್‌ಮ ಇವ್ಣುನ ದೆಖಾಯೊ. 
\v 13 ಇವ್ಣೆ ಜೈ಼ನ್ ಬಿಜ಼ ಖ್ಹಾರಾನ ಬೋಲ್ಯು, ಕತೋಬಿ ಅವ್ಣಿ ವಾತೆನಾಬಿ ಇವ್ಣೆ ನಂಬ್ಯುಕೊಯ್ನಿ.
\s ಯೇಸು ಗ್ಯಾರ‍್ಹ ಜ಼ಣಾನ ದೆಖಾಯೊತೆ
\r (ಮತ್ತಾಯ 28:16-20; ಲೂಕ 24:36-49; ಯೋಹಾನ 20:19-23; ಅಪೊ 1:6-8)
\p
\v 14 ಬಾದ್‌ಮ ಗ್ಯಾರ‍್ಹ ಜ಼ಣ ಶಿಷ್ಯರ್‌ ಭರೈನ್ ಖಾಣು ಖವ಼್‌ಕರ್ತಥಾತೆ ತದೆ ಯೇಸು ಇವ್ಣುನಾಬಿ ದೆಖಾಯೊ. ಯೋ ಜಿವ್ತೊ ಹುಯಿನ್ ಉಠಾನ ಬಾದ್‌ಮ, ಇನ ದೇಖಾವಾಳನಿ ವಾತೆನ ಇವ್ಣೆ ನಂಬ್ಯುಕೊಂತೆ ಇನಾಖ್ಹಾಜೆ ಯೇಸುನೆ, ಇವ್ಣುನ ವಿಶ್ವಾಸ್‍ಕೊಂತೆ ಅಜು಼ ಇವ್ಣ ಬಂಡಾನ ದಿಲ್‌ನಖ್ಹಾಜೆ ಇವ್ಣುನ ಗುರ್‌ಕಾಯೊ. 
\v 15 ಅನ ಬಾದ್‌ಮ ಇವ್ಣುನ, “ತುಮೆ ಜಗತ್ನಿ ಖ್ಹಾರಿ ಬಾಜು಼ಮ ಜೈ಼ನ್‌ ತಮಾಮ್‌ ಅದ್ಮಿನ ದೇವ್ನಿ ಅಛ್ಛಿ ಖಬರ್‌ನ ಬೋಲ್‌ನು. 
\v 16 ನಂಬಿನ್, ಬ್ಯಾಪ್ತಿಸ್ಮ ಕರೈಲೆವಾಳು ದೇವ್ನಿ ನ್ಯಾವ್‍ನಿ ತೀರ್ಪ್‌ಥಿ ಬಚಿನ್ ಪರ್‌ಲೋಕ್‌ಮ ಜಾ಼ಶೆ\f + \fr 16:16 \fr*\ft ರಕ್ಷಣೆ ಮಳ್‌ಶೆ, ಮಾರ್ಕ 13.13\ft*\f*; ಕೋಣ್ ನಂಬಾಕೊಯ್ನಿಕಿ ಇವ್ಣುನ ನಿಶತ್‌ಮಳ್‌ಶೆ. 
\v 17 ಅತ್ರೇಸ್ ಕಾಹೆತೆ, ನಂಬವಾಳಾನ ಅದ್ಭುತ್ ಕರಾನಿ ಶಕತ್ ದೆವಾವ್‌ಶೆ; ಮಾರು ನಾಮ್ ಬೋಲಿನ್ ಭೂತ್‌ಖ್ಹಾರು ನಖ್ಹಾಡ್‌ಶೆ; ಇವ್ಣೆ ಬೋಲಿಸ್‍ರಾಖ್ಯುಕೊಂತೆ ನವಿ ಬೋಲಿಥಿ ಬೋಲ್‌ಶೆ. 
\v 18 ಇವ್ಣೆ ಖ್ಹಾಪ್‌ನಖ್ಹಾರು ಪಾಡ್ಯುತೋಬಿ ನಾತೊ ಝಾರ್‌ ಪೀಲಿದುತೋಬಿ ಇವ್ಣುನ ಶಾತ್ಬಿ ಖರಾಬ್ ಕೋ ಉಶೇನಿ; ಇವ್ಣೆ ರೋಗ್‌ವಾಳನ ಉಪ್ಪರ್ ಹಾತ್‌ ಮ್ಹೇಲಿತೊ ಯೋ ರೋಗ್‌ವಾಳನ ಅಛ್ಛು಼ ಹುಯಿಜಾ಼ಶೆ” ಕರಿ ಬೋಲ್ಯೊ.
\s ಯೇಸು ಸೊರ್ಗನ ಗಯೋತೆ
\r (ಲೂಕ 24:50-53; ಅಪೊ 1:9-11)
\p
\v 19 ಯೇಸು ಪ್ರಭುನೆ ಇವ್ಣ ಜೋ಼ಡೆ ಆ ಖ್ಹಾರು ಬೋಲಿನ್ ಹುಯಿಜಾ಼ವಾನ ಬಾದ್‌ಮ ಇಮ್ಮಸ್ ಸೊರ್ಗಮ ಪಡೈಗಯೊ ಅಜು಼ ಯೇಸು ದೇವ್ನ ಖಾವಿ ಬಾಜು಼ಮ ಬೇಶಿಗಯೊ. 
\v 20 ಹೈಕಡ್ ಇನು ಶಿಷ್ಯರ್‌ ಚ಼ಲ್ಯೂಜೈ಼ನ್ ಖ್ಹಾರಿ ಬಾಜು಼ ದೇವ್ನಿ ಅಛ್ಛಿ ಖಬರ್‌ನ ಬೋಲ್ಯು. ಅಜು಼ ಪ್ರಭುನೆ ಇವ್ಣ ಜೋ಼ಡೆಸ್ ರ‍್ಹೀನ್ ಖ್ಹಣೇದ್‍ನು ಅದ್ಭುತ್ ಕಾಮ್‌ಖ್ಹಾರು ಕರಿನ್, ಇವ್ಣೆ ಬೋಲಾತೆ ಖ್ಹಾರು ಖ್ಹಾಚಿಸ್‌ಕರಿ ವತಾಳಿದೇತೊ ರ‍್ಹೇತೊಥೊ.