\id MAT MAT-WAGHRI
\ide UTF-8
\h ಮತ್ತಾಯ
\toc3 ಮತ್ತಾಯ
\toc2 ಮತ್ತಾಯ
\toc1 ಮತ್ತಾಯನೆ ಲೀಖ್ಯೋತೆ ಅಛ್ಛಿ ಸಮಾಚಾರ್
\mt2 ಮತ್ತಾಯನು ಬರೆದ ಯೇಸುವಿನ ಸುವಾರ್ತೆ
\mt1 ಮತ್ತಾಯನೆ ಲೀಖ್ಯೋತೆ ಯೇಸುನಿ ಅಛ್ಛಿ ಸಮಾಚಾರ್
\imt ಮಾಲುಮ್ ಕರಾನು
\ip ಮತ್ತಾಯನೆ ಲೀಖ್ಯೋತೆ ಅಛ್ಛಿ ಸಮಾಚಾರ್‌ನು ಪುಸ್ತಕ್ ನವಿ ಒಪ್ಪಂದನು ಚಾರ್‌ಮ ಏಕ್‌ ಭಾಗ್‌ ಹುಯಿರ‍್ಹೂಸ್. ಆ ಪುಸ್ತಕ ಯೇಸುನಿ ಬಾರೇಮ ಖೇಣಿಥಿ ಬೊಲೈರ‍್ಹೂಸ್. ಆ ಪುಸ್ತಕ್ ಖ್ಹಾರು ಅಛ್ಛಿ ಸಮಾಚಾರ್‌ಕರಿ ಯೇಸುನಿ ಬಾರೇಮ ಬೊಲೈರ‍್ಹೂಸ್ ಆ ಅಛ್ಛಿಸಮಾಚಾರ್‌ ಕತೊ ಅಛ್ಛಿಸಂದೇಶ್, ಆ ಪುಸ್ತಕಖ್ಹಾರು ಯೇಸುನು ಮರಣ್ಣಿ ಬಾದ್‌ಮ ಮತ್ತಾಯ, ಮಾರ್ಕ, ಲೂಕ, ಬಿಜು಼ ಯೋಹಾನಥಿ ಲೀಖೈರ‍್ಹುಸ್, ಪಂಡಿತ್‌ನ ಆ ಮತ್ತಾಯನೆ ಲೀಖ್ಯುತೆ ಅಛ್ಛಿ ಸಮಾಚಾರ‍್ನು ಪುಸ್ತಕ್ ಬರೊಬರ್‌ನು ಪಕ್ಕಾ ತಾರಿಕ್‌ ಬಿಜು಼ ವರಖ್ಹ್‌ಅಖ್ಖು ಮಾಲುಮ್‌ಕೊಯ್ನಿ, ತೋಬಿ ಯೇಸು ಪೈದಹುಯಿನ್ ತೀನಿಖ್ಹ್‌ ವರಖ್ಹ್‌ನ ಬಾದ್‌ಮ ಲೀಖಿರಾಖ್ಯುಉಷೆ, ಬಿಜು಼ ಆ ಪುಸ್ತಕ್ ಲೀಖಿಹುಯು ಝ಼ಗೋಬಿ ಜಿನುಕು ಮಾಲುಮ್‌ಕೊಯ್ನಿ. ಕತೋಬಿ ಘಣು ಅದ್ಮಿಖ್ಹಾರು ಆ ಪುಸ್ತಕ್ ಪ್ಯಾಲೆಸ್ಟೇನ್‌ಮ ಲೀಖೈರ‍್ಹುಸ್‍ಕರಿ ಲಾಝಿರಾಖ್ಯುಸ್. ಆ ಪುಸ್ತಕನ ಲೀಖ್ಯೋತೆ ಮತ್ತಾಯ ಕರಿ, ಯೋಬಿಜಿನು ಯೇರೂಸಲೇಮ್‌ ಖ್ಹಯೇರ್‌ಮ ಥೊ. ಯೋ ಶುಂಕ ವಶೂಲಿ ಕರಾವಾಳನ ಯೇಸುನೆ ಇನೊ ಶಿಷ್ಯ ಹುವಾನ ಬುಲಾಯೊ ಇನ ಲೇವಿ ಕರಿ ನಾಮ್‌ಥಿಬಿ ಖ್ಹಣೇದ್ ಹುಯೊ. ಮತ್ತಾಯ ಭಾರಜ಼ಣ ಅಪೊಸ್ತಲರ್‌ಮ ಏಕ್‌ ಜ಼ಣೊ. ಯೋ ಯೆಹೂದ್ಯರ್‌ನ ಪಢಾವಳಾನ ಲೀಖ್ಯೊ, ಆ ಜೂ಼ನು ಒಪ್ಪಂದಾನು ತಿನಿಖ್ಹ್‌ಥೀಬಿ ಜಾ಼ಖ್ಹತ್ ಸಂಬಂದ್‌ನ ಅಛ್ಛಿ಼ನಿತರ ದೆಖೈಗೈ ಇನಿ ಖ್ಹೂಜ಼್ ಯೇಸುನ ಕ್ರಿಸ್ತಕರಿ ಬಿಜು಼ ದೇವ್ನೆ ಚೂ಼ಣಿರಾಖ್ಯೊತೆ ರಕ್ಷಕ್ ಕರಿ. ಇನಿ ಪ್ರವಾದ್‌ನೆನಾ ವತಾಳನಖ್ಹಾಜೆ. ಮತ್ತಾಯನೆ ದೇವ್ನಿ ರಾಜ್ಯನಿ ಬಾರೇಮ ಘಣು ಲೀಖ್ಯೊ. ಕ್ರಿಸ್ತ ರಾಜಕೀಯಾನೊ ರಾಜ಼ ಬಣೀನ್ ಹುಕುಮ್‌ ಚ಼ಲಾವನ ದೇಖುಕರಸ್ ಕರಿ ಯೆಹೂದ್ಯರ್‌ನಿ ಖ್ಹೂಜ಼್ ಥಿ. ಮತ್ತಾಯನೆ ಘಣು ಆಖ್ಹ್‌ಥಿ ಸವಾಲ್‌ ನಾಖಿನ್. ವಿಶ್ವಾಸ್‍ಥಿ ಆತ್ಮೀಕ್ ಹುಯಿರ‍್ಹೂತೆ ದೇವ್ನಿ ರಾಜ಼್‌ನ ಬೋಲಿವಾತಾಳ್ಯೊ. ಮತ್ತಾಯನೆ ಲೀಖ್ಯೋತೆ ನವಿ ಒಪ್ಪಂದಾನ ಶುರುವಾತ್ ಕರಾನ ಅಛ್ಛು಼ ಪುಸ್ತಕ್ ಶನಕತೊ ಆ ಪುಸ್ತಕ್ ಜೂ಼ನು ಒಪ್ಪಂದಾನ ಮಳಿರ‍್ಹೂಸ್‌ ಆ ಬೇ ಒಪ್ಪಂದಾನನ ಮಳಾವಸ್‌. ಯೋ ಖೆವುಕತೊ ಮೋಶೆನೆ ಲೀಖ್ಯೊತೆ ಪಹಿಲೆನು ಜೂ಼ನು ಒಪ್ಪಂದಾನು 5 ಪುಸ್ತಕ್‌ ಘೋಣಿ, ಮತ್ತಾಯಬಿ ಪುಸ್ತಕ್ನ ಲೀಖಾನ ಮ್ಹಿನತ್ ಕರ‍್ಯೊಕರಿ ಪಂಡಿತ್ ಖ್ಹಾರು ಸೋಚ್ಯು. ಮೋಶೆನಿ ಘೋಣಿ ಯೇಸುನು ಪಹಡ್‌ನು ಬೋಧನೆ \xt ಮತ್ತಾಯ 5—7\xt* ಮೋಶೆನ ದೇವ್ನೆ ದಿದೋತೆ ದಖ್ಹ್‌ ಹುಕುಮ್‌ನ ಬರೊಬರ್‌ ಕರೆಜಾ಼ಯ್ \xt ಧರ್ಮೊ 19:3—23:25\xt*
\iot ಕಾಡಿದೇಖೊ
\io1 1. ಯೇಸು ಪೈದಹುಯೊತೆ ಅಜು಼ ಇನಿ ಸೇವೆನಿ ಬಾರೇಮ‍ ಶುರುವಾತ್ ಕರ‍್ಯೊತೆ. \ior 1—4\ior*
\io1 2. ಯೇಸುನಿ ಸೇವೆ ಅಜು಼ ಇನಿ ಘಣಿ ಶಿಕಾಡನು ಬಾರೇಮ ಬೋಲಿವತಾಳಾಸ್. \ior 5—25\ior*
\io1 3. ಇನಿ ಆಖ್ರಿ ಭಾಗ್‌ಮ ಯೇಸುನಿ ಮ್ಹಿನತ್‌ನಿ ಸೇವೆ ಮರಣ್ ಅಜು಼ ಜಿವಿನ್‍ಉಠ್ಯೋತೆ ಕಿಮ್ ಪೂರಹುಯು ಇನಿ ಬಾರೇಮ. \ior 26—28\ior*
\c 1
\s ಯೇಸು ಕ್ರಿಸ್ತನಿ ಗುರುಗುರಬ್‍ಲ್ಯಾನಿ ಪಟ್ಟಿ
\r (ಲೂಕ 3:23-38)
\p
\v 1 ಹೈರಿತೆ ಯೇಸು ಕ್ರಿಸ್ತನಿ ಗುರುಗುರಬ್‍ಲ್ಯಾನಿ ಪಟ್ಟಿ: ಯೇಸು ದಾವೀದನೊ ಖಾಂದಾನ್‌ವಾಳೊ, ದಾವೀದ ಅಬ್ರಹಾಮನೊ ಖಾಂದಾನ್‌ವಾಳೊ.
\p
\v 2 ಅಬ್ರಹಾಮ್ ಇಸಾಕನೊ ಬಾ, ಇಸಾಕ್ ಯಾಕೋಬನೊ ಬಾ, ಯಾಕೋಬನ ಯೆಹೂದ ಅಜು಼ ಇನ ಭೈಯೇ ಪೈದಹುಯ. 
\v 3 ಯೆಹೂದ ಪೆರೆಚ ಅಜು಼ ಜೆರಹಾನೊ ಬಾ (ಅವ್ಣಿ ಆಯ ತಾಮರ), ಪೆರೆಚ ಹೆಚ್ರೋನನೊ ಬಾ, ಹೆಚ್ರೋನ ಅರಾಮನೊ ಬಾ. 
\v 4 ಅರಾಮ ಅಮ್ಮಿನಾದಾಬನೊ ಬಾ, ಅಮ್ಮಿನಾದಾಬ ನಹಶೋನನೊ ಬಾ, ನಹಶೋನ ಸಲ್ಮೋನನೊ ಬಾ. 
\v 5 ಸಲ್ಮೋನಬಿ ರಾಹಾಬನೊ ಛಿಯ್ಯೊ ಬೋವಜ, ಬೋವಜಬಿ ರೂತ್‍ನೊ ಛಿಯ್ಯೊ ಓಬೇದ, ಓಬೇದ ಇಷಯನೊ ಬಾ.
\p
\v 6 ಇಷಯ ದಾವೀದ್‌ ರಾಜಾ಼ನೊ ಬಾ, ದಾವೀದ ಸೊಲೊಮೋನನೊ ಬಾ (ಸೊಲೊಮೋನ್ನಿ ಆಯ ಪಹಿಲೆ ಉರಿಯಾನಿ ಬಾವಣ್‍ ಹುಯಿರ‍್ಹೀಥಿ), 
\v 7 ಸೊಲೊಮೋನ ರೆಹಬ್ಬಾಮ್ನೊ ಬಾ, ರೆಹಬ್ಬಾಮ ಅಬೀಯನೊ ಬಾ, ಅಬೀಯ ಆಸನೊ ಬಾ. 
\v 8 ಆಸನ ಯೆಹೋಷಾಫಾಟನೊ ಬಾ, ಯೆಹೋಷಾಫಾಟ ಯೆಹೋರಾಮನೊ ಬಾ, ಯೆಹೋರಾಮ ಉಜ್ಜೀಯಾನೊ ಬಾ. 
\v 9 ಉಜ್ಜೀಯ ಯೋತಾಮನೊ ಬಾ, ಯೋತಾಮ ಆಹಾಜನೊ ಬಾ, ಆಹಾಜ ಹಿಜ್ಕೀಯಾನೊ ಬಾ. 
\v 10 ಹಿಜ್ಕೀಯ ಮನಸ್ಸೆನೊ ಬಾ, ಮನಸ್ಸೆ ಆಮೋನನೊ ಬಾ, ಆಮೋನ ಯೋಷೀಯಾನೊ ಬಾ. 
\v 11 ಯೋಷೀಯಾನ ಯೆಕೊನ್ಯ ಅಜು಼ ಇನ ಭೈಯೇ ಪೈದಹುಯ. ಯೆಹೂದ್ಯರ್‌ನ ಅದ್ಮಿನ ಬಾಬೇಲ್‌ನ ಧರ್‌ಲಿಗಯೂತೆ ಯೋ ವಖ್ಹತ್‌ಮ ಅವ್ಣೆ ಪೈದಹುಯುತೆ.
\p
\v 12 ಯೆಹೂದ್ಯರ್‌ನ ಅದ್ಮಿನ ಬಾಬೇಲ್‌ನ ಧರಿಲೀನ್ ಜಾ಼ವಾನ ಬಾದ್‌ಮ, ಪೈದಹುಯುತೆ ಇವ್ಣಿ ಖೇಣಿ, ಯೆಕೊನ್ಯ ಶೆಯಲ್ತಿಯೇಲ್‌ನೊ ಬಾ, ಶೆಯೆಲ್ತಿಯೇಲ್ ಜೆರುಬ್ಬಾಬೆಲ್‍ನೊ ಬಾ. 
\v 13 ಜೆರುಬ್ಬಾಬೆಲ್ ಅಬಿಹೂದನೊ ಬಾ, ಅಬಿಹೂದ ಎಲ್ಯಕೀಮ್‌ನೊ ಬಾ, ಎಲ್ಯಕೀಮ್ ಅಜೋರನೊ ಬಾ. 
\v 14 ಅಜೋರ ಸದೋಕನೊ ಬಾ, ಸದೋಕ ಅಖೀಮನೊ ಬಾ, ಅಖೀಮ ಎಲಿಹೂದನೊ ಬಾ. 
\v 15 ಎಲಿಹೂದ ಎಲಿಯಾಜರನೊ ಬಾ, ಎಲಿಯಾಜರ ಮತ್ತಾನನೊ ಬಾ, ಮತ್ತಾನ ಯಾಕೋಬನೊ ಬಾ. 
\v 16 ಯಾಕೋಬ ಯೋಸೇಫ್‌ನೊ ಬಾ, ಯೋಸೇಫ ಮರಿಯನೊ ಬಾವ್ರಿ. ಮರಿಯ ಯೇಸುನಿ ಆಯ, ಯೇಸುನ, ಬಚಾ಼ಡವಾಳೊ ಕ್ರಿಸ್ತ ಕರಿ ಚಿಕರ್ತುಥು.
\p
\v 17 ಅಬ್ರಹಾಮ್‍ಥು ಧರಿನ್ ದಾವೀದತೋಡಿ ಚೌ಼ಧ ಮುಂಡಿ, ದಾವೀದ್‌ಥು ಧರಿನ್ ಬಾಬೇಲ್‌ನ ಧರಿಲಿಗಯೂತೆ ಇವ್ಣಾತೋಡಿ ಚೌ಼ಧ ಮುಂಡಿ, ಬಾಬೇಲ್‌ನ ಧರಿಲಿಗಯೂತೆ ಹಿಜ್ಜಾ಼ಥು ಧರೀನ್ ಕ್ರಿಸ್ತಲಗು ಚೌ಼ಧ ಮುಂಡಿ.
\s ಯೇಸು ಕ್ರಿಸ್ತ ಪೈದಹುಯೊತೆ
\r (ಲೂಕ 2:1-7)
\p
\v 18 ಯೇಸು ಕ್ರಿಸ್ತ ಪೈದಹುಯೊತೆ ಕಿಮ್‌ಕತೊ; ಇನಿ ಆಯ ಮರಿಯನ ಯೋಸೇಫ್‌ಥಿ ಖ್ಹಗೈ ನಾಖಿರಾಖ್ಯೂಥು, ಕತೋಬಿ ಇವ್ಣೊ ವ್ಯಹಾ ಹುವಾನ ಅಗಾಡಿಸ್, ಯೋ ಪವಿತ್ರಾತ್ಮಾಥಿ ಬೇಜೂನಿ ಹುಯಿರ‍್ಹೀಥೀತೆ ಇನ ಮಾಲುಮ್‌ಪಡ್ಯು. 
\v 19 ಯೋಸೇಫ ಏಕ್‌ ನೀತಿವಾಳೊ ಅದ್ಮಿ ಹುಯಿರ‍್ಹೋಥೊ, ಇನಖ್ಹಾಜೆ ಯೋಸೇಫ ಅದ್ಮಿನ ಖ್ಹಾಮ್ಣೆ ಮರಿಯನಿ ಖ್ಹರಮ್‌ ನಾ ಕಾಡ್ಣು ಕರಿ, ಕಿನಾಬಿ ಮಾಲುಮ್‌ಪಡ್ಣುನಾತೆ ಇಮ್‌, ಖ್ಹಗೈನ ತೋಡಿನಾಕ್‌ಣು ಕರಿ ಥೊ. 
\v 20 ಯೋ ಇಮ್‌ ಸೋಚುಕರಾನಿ ವಖ್ಹತ್‌ಮ, ದೇವ್ನದೂತನೆ ಇನ ಖ್ಹೋಣ್ಯಮ ದೆಖೈನ್, “ದಾವೀದನೊ ಖಾಂದಾನ್‌ವಾಳ ಯೋಸೇಫ, ಮರಿಯನ ತಾರಿ ಬಾವಣ್‍ ಕರಿಲ್ಯವಾನ ಡರ್‌ನಕೊ. ಯೋ ಪವಿತ್ರಾತ್ಮಥೀಸ್ ಬೇಜೂನಿ ಹುಯಿರ‍್ಹೀಸ್ತೆ. 
\v 21 ಯೋ ಏಕ್‌ ಪರ್ಖ್ಹೊ ಲಡ್ಕಾನ ಜ಼ಣ್‌ಶೆ, ತೂ ಇನ ಯೇಸುಕರಿ ನಾಮ್ ಮ್ಹೇಲ್ನು. ಶನಕತೊ, ಯೋ ಇನ ಅದ್ಮಿಯೇವ್ನ ಪಾಪ್‌ಮಾಥು ಬಚಾ಼ವ್‍ಶೆ” ಕರಿ ಬೋಲ್ಯೊ.
\p
\v 22 ಪ್ರಭುನೆ ಪ್ರವಾದಿಯೇನ ಮ್ಹೋಡವಾಟೆ ಬೋಲಾಯೋತೆ ವಾತೆ ಖ್ಹಾರು ಚಾ಼ಲಾನಟೇಕೆ, ಆ ಖ್ಹಾರು ಚಾ಼ಲ್ಯುತೆ. 
\v 23 ಯೋ ವಾತೆ ಶಾತ್‌ಕತೊ, “ಹಂದೇಖೊ, ಏಕ್‌ ಕವಾರಿ ಬೇಜೂನಿ ಹುಯಿನ್, ಏಕ್‌ ಛಿಯ್ಯಾನ ಜ಼ಣ್‌ಶೆ. ಅಜು಼ ಇನ, ‘ಇಮ್ಮಾನುವೇಲ್’ ಕರಿ ನಾಮ್ ಮ್ಹೇಲ್‌ಶೆ!” \f + \fr 1:23 \fr*\ft ಯೆಶಾಯ 7:14\ft*\f*ಇಮ್ಮಾನುವೇಲ್ ಕತೊ, “ದೇವ್ ಅಪ್ಣ ಜೋ಼ಡೆ ಛಾ಼” ಕರಿ.
\p
\v 24 ಯೋಸೇಫ ನಿಂದರ್‌ಮಾಥು ಹೊಷಾರಿ ಹುಯಿನ್ ಉಠಾನ ಬಾದ್‌ಮ, ದೇವ್ನದೂತನೆ ಬೋಲ್ಯೋತೆ ಇಮ್ಮಸ್, ಮರಿಯನ ವ್ಯಹಾ ಕರಿಲಿದೊ. 
\v 25 ಕತೋಬಿ ಮರಿಯ ಛಿಯ್ಯೊ ಪೈದಾಕರಾತೋಡಿ, ಯೋಸೇಫ ಇನಜೋ಼ಡೆ ಖ್ಹುತೊಕೊಯ್ನಿ. ಯೋಸೇಫ್‌ನೆ ಯೋ ಲಡ್ಕಾನ ಯೇಸು ಕರಿ ನಾಮ್ ಮ್ಹೇಲ್ಯೊ.
\c 2
\s ಗ್ಯಾನಿ ಖ್ಹಾರು ಪೂರಬ್‍ಮಾಥು ಯೇಸುನ ದೇಖಾನ ಆಯೂತೆ
\p
\v 1 ಹೆರೋದ ರಾಜ಼ ಹುಯಿರ‍್ಹೊಥೋತೆ ವಖ್ಹತ್‌ಮ, ಯೂದಾಯ ತಬರ್‌ಖಾನು ಬೇತ್ಲೆಹೇಮ್ ಕರಿ ಗಾಮ್ಮ ಯೇಸು ಪೈದಹುಯೊ. ಅನಬಾದ್‌ಮ, ಥೋಡು ಗ್ಯಾನಿ ಅದ್ಮಿಖ್ಹಾರು, ಪೂರಬ್ ದಿಕ್ನು ದೇಖ್ಹ್‌ಥು ಯೆರೂಸಲೇಮ್‌ನ ಆಯಿನ್, 
\v 2 “ಯೆಹೂದ್ಯರ್‌ನೊ ರಾಜಾ಼ ಹುಯಿನ್ ಪೈದಹುಯುತೆ ಲಡ್ಕು ಕಿಜ಼್ಜಾ ಛಾ಼? ಯೋ ಪೈದಾಹುಯು ಕರಿ ಖ್ಹಣೇದ್ ವತಾಳಸ್ತೆ ಶುಕ್ಕರ್‌ನ, ಹಮೆ ಪೂರಬ್ ದಿಕ್‍ಥು ದೇಖಿನ್, ಇನ ಆಡ್‍ಪಡಿನ್ ಖ್ಹಲಾಮ್ ಕರಾನ\f + \fr 2:2 \fr*\ft ಆರಾದನೆ ಕರಾನ ಕರಿ ಮತ್‌ಲಬ್.\ft*\f* ಐರ‍್ಹಾಸ್” ಕರಿ ಬೋಲ್ಯು.
\p
\v 3 ಅನಖ್ಹಮ್‌ಜಿನ್, ರಾಜ಼ ಹೆರೋದನ ಅಜು಼ ಇನಜೋ಼ಡೆ ಯೆರೂಸಲೇಮ್‌ನು ತಮಾಮ್‌ ಅದ್ಮಿನ ದಿಲ್ಮ ಘಣು ಕಲಾವ್ಣಿ ಹುಯು. 
\v 4 ತದೆ ಹೆರೋದನೆ ಯೆಹೂದ್ಯರ್‌ನ ಖ್ಹಾರಸ್ ಗಲ್‌ಢಯಾಜಕರ್‌ನ ಅಜು಼ ವಚನ್ ಶಿಕಾಡವಾಳ ಪೊಂಡಿತ್‍ನ ಎಕ್ಟು ಕರೀನ್, “ಕ್ರಿಸ್ತ ಪೈದಾ ಹೋಣುತೆ ಕಿಜ಼್ಜ?” ಕರಿ ಪುಛಾ಼ಯೊ.
\p
\v 5 ಇವ್ಣೆ ಇನ, “ಯೂದಾಯ ತಬರ್‌ಖಾನು ಬೇತ್ಲೆಹೇಮ್ಮಾಸ್, ಶನಕತೊ-ಪ್ರವಾದಿವ್‍ನೆ ಅಮ್‍ಬೋಲ್ಯುಕಿ;
\q1
\v 6 ಯೆಹೂದ ತಬರ್‌ಖಾನು ಬೇತ್ಲೆಹೇಮ್,
\q2 ಯೆಹೂದನು ಮುಖ್ಯ ಖ್ಹಯೇರೇಥಿ, ತೂ ಎತ್ರೇಬಿ ಶಾತ್ ನ್ಹಾನು ಕಾಹೆ.
\q1 ಶನಕತೊ ತಾರ ಮಹಿಥು ಏಕ್‌ ಅದಿಕಾರಿ ಆವ್‌ಶೆ,
\q2 ಯೋ ಮಾರು ಅದ್ಮಿ ಹುಯಿರ‍್ಹೂತೆ ಇಸ್ರಾಯೇಲ್‌ನ ಚ಼ಲಾವವಾಳೊ! ಕರಿ ಪ್ರವಾದಿನ ಹಾತೆ ಲಿಖೈರ‍್ಹುಸ್”\f + \fr 2:6 \fr*\ft ಮೀಕ 5:2-4\ft*\f* ಕರಿ ಬೋಲ್ಯೊ.
\p
\v 7 ತದೆ ಹೆರೋದನೆ ಕಿನಾಬಿ ಮಾಲುಮ್‌ಕೊಂತೆ ಇಮ್‌, ಯೋ ಗ್ಯಾನಿ ಅದ್ಮಿಖ್ಹಾರಾನ ಬುಲೈನ್, ಯೋ ಶುಕ್ಕರ್ ದೆಖಾಯೂತೆ ಬರೋಬರ್‌ನಿ ವಖ್ಹತ್‌ನ ಪುಛೈ಼ಲಿದೊ. 
\v 8 ಅಜು಼ ಇವ್ಣುನ, “ತುಮೆ ಜೈ಼ನ್ ಬರೋಬರ್‌ಥಿ ಯೋ ಲಡ್ಕಾನ ಢೂಂಡೊ, ಅಜು಼ ಯೋ ಮಳಾನ ಬಾದ್‌ಮ ಮನ ಬೋಲೊ, ಮೇಬಿ ಅಯಿನ್ ಯೋ ಲಡ್ಕಾನ ಆಡ್‍ಪಡಿನ್ ಖ್ಹಲಾಮ್‌ಕರುಸ್” ಕರಿ ಬೋಲಿನ್ ಇವ್ಣುನ ಬೇತ್ಲೆಹೇಮ್‌ನ ಮೋಕ್ಲಿದಿದೊ. 
\v 9-10 ಇವ್ಣೆ ರಾಜಾ಼ನಿ ವಾತೆ ಖ್ಹಮ್‌ಜಿನ್‌, ವಳ್ಯುಜಾ಼ತುಥೂತೆ ತದೆ ಪೂರಬ್ ದೇಖ್ಹ್‌ಮ ಇವ್ಣುನ ದೆಖಾಯುಥೂತೆ ಯೋ ಶುಕ್ಕರ್ ಇವ್ಣುನ ಪಾಛು಼ ದೆಖಾಯು. ಇವ್ಣೆ ಯೋ ಶುಕ್ಕರ್‌ನ ದೇಖಿನ್, ಘಣು ಖ್ಹುಶಿಖಾದು! ಯೋ ಶುಕ್ಕರ್ ಇವ್ಣ ಖ್ಹಾಮ್ಣೆ-ಖ್ಹಾಮ್ಣೆ ಚಾ಼ಲ್ತುಹುಯಿನ್, ಲಡ್ಕು ಥೂತೆ ಝ಼ಗೋಕನ ಆಯಿನ್ ಭೀರಿಗಯು. 
\v 11 ತದೆ ಇವ್ಣೆ ಯೋ ಘರ್‌ಮ ಜೈ಼ನ್, ಯೋ ಲಡ್ಕಾನ ಇನಿ ಆಯ ಮರಿಯನ ದೇಖಿನ್, ಇನ ಆಡ್‍ಪಡಿನ್ ಆರಾದನೆ ಕರ‍್ಯು. ಅಜು಼ ಇವ್ಣೆ ಲೈರಾಖ್ಯುಥೂತೆ ಇನಾಮ್ನ ಬುತ್ತಾವ್‍ನ ಛೋ಼ಡಿನ್ ಇನಾಮಾಥು ಖ್ಹೊನ್ನು, ಖ್ಹಾಲರ‍್ಯೊ ಅಜು಼ ರಕ್ತಬೋಳನ ಕಾಡಿನ್ ಇನ ಕಾಣ್ಕೆ ದಿದು.\fig ಬಾಳಿನ್ ಭೋಗ್‌ದ್ಯವಾನು ವಾಖ್ಹ್‌ನು ತೇಲ್ನು ಢಪ್ಕಾರ|alt="Frankincense branch, censer and incense altar" src="bk00116c.tif" size="col" copy="Horace Knowles ©" ref="2:11"\fig*
\p
\v 12 ಅನಬಾದ್‍ಮ ದೇವ್ ಇವ್ಣ ಖ್ಹೋಣ್ಯಮ ದೆಖೈನ್, “ತುಮೆ ಹೆರೋದಕನ ಪಾಛು಼ ಫರಿ ನಾ ಜಾ಼ವ್ಣು” ಕರಿ ಝೇತಾವಖ್ಹತರ್, ಇವ್ಣೆ ಬಿಜೇಕ್ ವಾಟೆಕರಿ ಇವ್ಣ ದೇಖ್ಹ್‌ನ ಪಾಛು಼ಫರಿ ಚ಼ಲ್ಯುಗಯು.
\s ಈಜಿಫ್ಟ್ ದೇಖ್ಹ್‌ನ ಮಿಲೈಗಯೂತೆ
\p
\v 13 ಇವ್ಣೆ ಜಾ಼ವಾನ ಬಾದ್‌ಮ, ದೇವ್ನದೂತ ಯೋಸೇಫ್‌ನ ಖ್ಹೋಣ್ಯಮ ದೆಖೈನ್, “ಹೆರೋದ ಆ ಲಡ್ಕಾನ ಮಾರಿನಾಕ್ಣು ಕರಿ ಢೂಂಡುಕರಾಸ್, ಇನಖ್ಹಾಜೆ ತೂ ಉಠೀನ್, ಲಡ್ಕಾನ ಅಜು಼ ಇನಿ ಆಯನ ಬುಲೈಲಿನ್, ಈಜಿಪ್ಟ್ ದೇಖ್ಹ್‌ನ ಮಿಲೈ ಜಾ಼. ಅಜು಼ ಮೇ ಬೋಲಾತೋಡಿ ಹಿಜ್ಗಾ಼ಸ್ ರ‍್ಹೇ” ಕರಿ ಬೋಲ್ಯೊ.
\p
\v 14 ತದೆ ಯೋಸೇಫ ಉಠೀನ್, ರಾತ್ನಿ ವಖ್ಹತ್‌ಮಾಸ್‌, ಯೋ ಲಡ್ಕಾನ ಅಜು಼ ಇನಿ ಆಯನ ಬುಲೈಲಿನ್, ಈಜಿಪ್ಟ್‌ನ ನಿಕ್ಳಿಗಯೊ. 
\v 15 ಹೆರೋದ ಮರಾತೋಡಿ ಯೋ ಹಿಜ್ಗಾ಼ಸ್ ಥೊ. “ಮಾರ ಛಿಯ್ಯಾನ ಮೇ ಈಜಿಪ್ಟ್ ದೇಖ್ಹ್‌ಮಾಥು ಬುಲಾಯೊ”\f + \fr 2:15 \fr*\ft ಹೋಶೆಯ 11:1\ft*\f* ಕರಿ ಪ್ರಭುನ ಪ್ರವಾದಿನ ಮ್ಹೋಡಥಿ ಬೋಲಾಯೋತೆ ವಾತೆ ಅಮ್ ಪೂರಹುಯು.
\s ಲಡ್ಕಾವ್‍ನ ಮಾರ‍್ಯೂತೆ ಬಾರೇಮ
\p
\v 16 ಯೋ ಗ್ಯಾನಿ ಅದ್ಮಿಖ್ಹಾರು ಇನ ಠಗೈನಾಖ್ಯು ಕರಿ ಹೆರೋದನೆ ಘಣು ಖೀಜ಼್‌ ಕರೀನ್‌, ಇವ್ಣೇಥಿ ಪುಛಾ಼ಯೊಥೋತೆ ವಖ್ಹತ್‌ನ ಬರೋಬರ್‌ಥಿ ಮಾಲುಮ್ ಕರ‍್ಲಿನ್, ಆಳ್‌ನ ಖ್ಹಾರು ಮೋಕ್ಲಿನ್, ಬೇತ್ಲೆಹೇಮ್ ಅಜು಼ ಇನ ಅಶ್‌ಪಿಶ್‍ ಖ್ಹಾರುಸ್ ಗಾಮ್‌ನು, ಬೇ ವರಖ್ಹ್‌ನ ಮಹಿನು ಖ್ಹಾರಸ್ ಪರ್ಖ್ಹಾ ಲಡ್ಕಾನ ಮಾರಿನಾಖಿದೆವ್ಣು ಕರಿ ಹುಕುಮ್ ದಿದೊ.
\p
\v 17 ಯೆರೆಮೀಯ ಕರಿ ಪ್ರವಾದೀನೆ ಬೋಲ್ಯೋತೆ ವಾತೆ ಯೋ ಹಗಾಮ್ಮ ಪೂರಹುಯು ಯೋ ಶಾತ್‌ಕತೊ,
\q1
\v 18 “ರಾಮಾಮ ಬಳೆಳ್ಹಾಟ್ ಖ್ಹಮ್‌ಜಾ಼ಯು,
\q2 ರೊವಣ್-ಝೊವಣ್ಣು ಅವಾಜ಼್ ಹುಯು;
\q1 ರಾಹೇಲ್‍ ಇನ ಲಡ್ಕಾವ್‍ನಖ್ಹಾಜೆ ರದನ್ಯಕರಿನ್,
\q2 ಇವ್ಣೆ ಮರಿಗಯೂತೆ ಇನಖ್ಹಾಜೆ,
\q2 ಸಮಾಧಾನ್ ಕೋಹುಯಿನಿ”\f + \fr 2:18 \fr*\ft ಯೆರೆಮೀಯ 31:15\ft*\f* ಕರಿ ಬೋಲಾನುಸ್.
\s ಈಜಿಪ್ಟ್‌ಥು ಪಾಛು಼ಫರಿ ಆಯೂತೆ
\p
\v 19 ಹೆರೋದ ಮರಿಜಾ಼ವಾನ ಬಾದ್‌ಮ, ಈಜಿಪ್ಟ್‌ಮ ದೇವ್ನದೂತ ಯೋಸೇಫ್‌ನ ಖ್ಹೋಣ್ಯಮ ದೆಖೈನ್, 
\v 20 “ತೂ ಉಠೀನ್, ಲಡ್ಕಾನ ಅಜು಼ ಇನಿ ಆಯನ ಬುಲೈಲಿನ್, ಪಾಛು಼ಫರಿನ್ ಇಸ್ರಾಯೇಲ್‌ ದೇಖ್ಹ್‌ನ ಜಾ಼, ಶನಕತೊ ಲಡ್ಕಾನು ಜಾನ್‌ ಕಾಡ್ಣುಕರಿ ಥೋತೆ ಯೋ ಮರಿಗಯೊ” ಕರಿ ಬೋಲ್ಯೊ. 
\v 21 ತದೆ ಯೋಸೇಫ್‌ನೆ ಉಠೀನ್, ಲಡ್ಕಾನ ಅಜು಼ ಇನಿ ಆಯನ ಬುಲೈಲಿನ್, ಪಾಛು಼ಫರಿ ಇಸ್ರಾಯೇಲ್‌ ದೇಖ್ಹ್‌ನ ಗಯೊ.
\p
\v 22 ಕತೋಬಿ ಆರ್ಖೆಲಾಯನೆ ಇನೊ ಬಾ ಹೆರೋದಾನ ಬದಲ್ ಯೂದಾಯನ ಚ಼ಲವ್‍ಕರಾಸ್‌ ಕರಿ ಖ್ಹಮ್‌ಜಿನ್‌, ಹಿಜ಼್ಜಾ ಜಾ಼ವಾನ ಡರ‍್ಯೊ. ತದೆ ಯೋಸೇಫ್‌ನೆ ಖ್ಹೋಣ್ಯಮ ದೇವ್ನಿ ಹುಕುಮ್‌ನ ಲೀನ್, ಗಲಿಲಾಯ ತಬರ್‌ಖಾನ ಗಯೊ. 
\v 23 ಅಜು಼ ನಜ಼ರೇತ್ ಕರಿ ಗಾಮ್ಮ ಆಯಿನ್ ಹಿಜ್ಗಾ಼ ಘರ್ ಕರೀನ್ ಥೊ. ಅನೇಥಿ ಇನ, “ನಜ಼ರೇತ್‌ವಾಳೊ ಕರಿ ನಾಮ್ ಆವ್‌ಶೆ” ಕರಿ ಪ್ರವಾದಿಯೇನೆ ಬೋಲ್ಯೂತೆವಾತೆ ಪೂರಹುಯು.
\c 3
\s ಬ್ಯಾಪ್ತಿಸ್ಮ ದ್ಯವಾಳೊ ಯೋಹಾನ್ನಿ ಬೋಧನೆ
\r (ಮಾರ್ಕ 1:1-8; ಲೂಕ 3:1-18; ಯೋಹಾನ 1:19-28)
\p
\v 1 ಯೋ ದನೂಮ ಬ್ಯಾಪ್ತಿಸ್ಮ ದ್ಯವಾಳೊ ಯೋಹಾನ ಯೂದಾಯಾನಿ ಉಜ್ಜಾ಼ಡಿ ಝ಼ಗೋಮ ಬೋಧನೆನ ಬೋಲ್ತೊಹುಯಿನ್, 
\v 2 “ಪಾಪ್‌ಥಿ ಫರಿನ್ ನಿಕ್ಳೊ, ಶನಕತೊ ಸೊರ್ಗ ರಾಜ್ಯ ಖನ್ನೆ ಐಗೈ!” ಕರಿ ಬೋಲ್ತೊನಿಕ್‌ಳ್ಯೊ.
\q2
\v 3 “ಪ್ರಭುನಿ ವಾಟ್ನ ಖ್ಹವಾರೊ;
\q2 ಇನಿ ವಾಟ್ನ ಖ್ಹೂದುಕರೊ!
\q1 ಕರಿ ಉಜ್ಜಾ಼ಡಿ ಝ಼ಗೋಮ ಚಿಕ್ರಾವಾಳಾನಿ ಅವಾಜ಼್ ಛಾ಼”\f + \fr 3:3 \fr*\ft ಯೆಶಾಯ 40:3\ft*\f* ಕರಿ ಪ್ರವಾದಿ ಯೆಶಾಯನೆ ಬೋಲ್ಯೋತೆ ಅನಿಸ್‌ ಬಾರೇಮ.
\p
\v 4 ಯೋಹಾನನು ಲುಂಗ್ಡ ಊಟ್ನ ಕೇಖ್ಹ್‌ಥಿ ಬಣಿರ‍್ಹೂಥು; ಇನಿ ಕಂಬರ್‌ನ ಚಾ಼ಂಬ್ಡಾನು ಕಂಬರ್‌ಪಟೊ ಭಾಂದಿರಾಕ್‌ತೋಥೊ, ಚಿಡ್ಡೋಬಿ ಜ಼ಂಗಳ್ನಿ ಶೇತ್‌ ಇನು ಖಾಣು ಹುಯಿರ‍್ಹುಥು. 
\v 5 ಅದ್ಮಿಖ್ಹಾರು ಯೆರೂಸಲೇಮ್‌ಥುಬಿ, ಹಿಡಿ ಯೂದಾಯ ತಬರ್‌ಖಾಥುಬಿ, ಅಜು಼ ಯೊರ್ದನ್‌ ನದ್ದಿನು ಅಶ್‌ಪಿಶ್‍ ಥೂತೆ ಖ್ಹಾರ ತಬರ್‌ಖಾಥುಬಿ ಇನಾಕನ ಆಯಿನ್; 
\v 6 ಇವ್ಣು-ಇವ್ಣು ಪಾಪ್ನ ಕಬೂಲಿಲೀನ್‌, ಯೊರ್ದನ್‌ ನದ್ದಿಮ ಯೋಹಾನಥಿ ಬ್ಯಾಪ್ತಿಸ್ಮ ಕರೈಲೆವ್‌ಕರ್ತುಥು.
\p
\v 7 ಕತೋಬಿ ಫರಿಸಾಯರ್‌ವಾಳಮ ಅಜು಼ ಸದ್ದುಕಾಯವಾಳಮ ಕೈಯೆಕ್ಕಿ ಜ಼ಣು ಇನಾಕನ ಬ್ಯಾಪ್ತಿಸ್ಮ ಕರೈಲೆವಾನ ಆವ್‍ಕರಾತೆ ದೇಖಿನ್‌, ಯೋಹಾನನೆ ಇವ್ಣುನ, “ಅಲಾ ಖ್ಹಾಪ್‌ನಿ ಪಿಳ್ಗಿವಾಳವೊ! ಖ್ಹಾಮ್ಣೆ ಉಳ್ಯಾವತೆ ದೇವ್ನ ಇರಾದೇಥಿ ತುಮೆ ಬಚಿಜಾ಼ಶು ಕರಿ, ತುಮೂನ ಬೋಲ್ಯುತೆ ಕೋಣ್? 
\v 8 ಇಮ್‍ಕತೊ, ತುಮೆ ಪಾಪ್ನ ಮ್ಹೇಲಿನ್ ಫರಿಗಯಕರಿ ವತಾಳನಖ್ಹಾಜೆ ಬರೋಬರ್‌ಥಿ ಚಾ಼ಲ್‌ಮ ವತಾಳೊ. 
\v 9 ಅಬ್ರಹಾಮ್‌ ಹಮಾರೊ ಗುರು ಕರಿ ಬೋಲಾಥಿ ತುಮೆ ದೇವ್ನ ನಿಶಥ್ಥಿ ಬಚಿಜಾ಼ಶು ಕರಿ ನಕೊ ಸೋಚೊ, ಮೇ ತುಮೂನ ಬೋಲುಸ್ಕಿ, ದೇವ್ ಅಬ್ರಹಾಮ್‌ನಖ್ಹಾಜೆ ಆ ಬಂಡೇವ್‌ಥಿಬಿ ಲಡ್ಕಾವ್ನ ಉಬ್‍ಜಾ಼ವ್‍ಶೆ ಕರಿ ತುಮೂನ ಬೋಲುಸ್. 
\v 10 ಹಮ್ಕೇಸ್‌ ಝಾ಼ಡಾವ್‍ನಿ ಜ಼ಡ್‌ಪರ್‌ ಕುರ‍್ಹಾಡಿ ಮ್ಹೇಲೈರ‍್ಹಿಸ್; ಇನಖ್ಹಾಜೆ ಅಛ್ಛು಼ ಪಂಡು ದೇಯಿಕೊಂತೆ ಹರೇಕ್ ಝಾ಼ಡಾವ್‌ನ ಕತ್ರಿನ್‌ ಆಗ್‌ಮ ನಾಕ್‌ಶೆ. 
\v 11 ಮೇತೊ ಮನ್ ಫರಾವನ ತುಮೂನ ಪಾಣಿಥಿ ಬ್ಯಾಪ್ತಿಸ್ಮ ಕರವ್‍ಕರುಸ್. ಕತೋಬಿ ಮಾರ ಬಾದ್ಮ ಆವವಾಳೊ ಮಾರೇಥಿಬಿ ಶಕತ್‌ವಾಳೊ. ಇನಿ ಖೋಖ್ಹ್‌ಡಾನ ಢೋವಾನಾಬಿ ಮೇ ಲ್ಹಾಯೇಕ್‍ಕೊಯ್ನಿ; ಯೊ ಪವಿತ್ರಾತ್ಮಥಿಬಿ ಆಗ್‍ಥೀಬಿ ತುಮೂನ ಬ್ಯಾಪ್ತಿಸ್ಮ ಕರಾವ್‌ಶೆ. 
\v 12 “ಇನ ಹಾತ್‌ಮ ಖ್ಹುಪ್‌ಡು ಧರಿರಾಖ್ಯೋಸ್‌, ಇನ ಖಳಾಮಾನು ರಾಶ್‌ನ ತೂರಿನ್‌, ಅಛ಼್ಛ ಕರೀನ್, ಘವ್‌ನ ಕಣ್ಗಿಮ ಭರಿಲೀನ್‌ ಪೊಟ್ಟಾನ ಉಝಾ಼ವಕೊಂತೆ ಆಗ್‌ಮ ಬಾಳಿನಾಕ್‌ಷೆ” ಕರಿ ಬೋಲ್ಯೊ.
\s ಯೇಸುನೆ ಬ್ಯಾಪ್ತಿಸ್ಮ ಲಿದೋತೆ
\r (ಮಾರ್ಕ 1:9-11; ಲೂಕ 3:21-22)
\p
\v 13 ಯೋ ದನೂಮ ಯೇಸು ಯೋಹಾನಥಿ ಬ್ಯಾಪ್ತಿಸ್ಮ ಕರೈಲೇವ್ಣು ಕರಿ ಗಲಿಲಾಯ ತಬರ್‌ಖಾಥು ಯೊರ್ದನ್‌ ನದ್ದಿಕನ ಆಯೊ. 
\v 14 ತದೆ ಯೋಹಾನನೆ, “ಮೇ ತಾರೇಥಿ ಬ್ಯಾಪ್ತಿಸ್ಮ ಕರೈಲೆವ್ಣುತೆ, ಕತೋಬಿ ತೂ ಮಾರಕನ ಐರ‍್ಹೋಸ್ತೆ ಕಿಮ್?” ಕರಿ ಬೋಲ್ಯೊ.
\p
\v 15 ಕತೋಬಿ ಯೇಸುನೆ ಇನ, “ಹಮ್ಕೆ ಆ ಕರಾನ ಮಾನಿಜಾ಼. ಅಮ್ ಕರಾಥಿ ಅಪ್ಣೆ ದೇವ್ನಿ ಖ್ಹಾರಿಸ್ ಮರ್ಜಿನ ಪೂರಕರಾನಿತರ ಉಶೆ” ಕರಿ ಬೋಲ್ತಾನ, ಯೋಹಾನನೆ ಮಾನಿಗಯೊ.
\p
\v 16 ಯೇಸು ಬ್ಯಾಪ್ತಿಸ್ಮ ಕರೈಲೀನ್, ಭಾರ್‌ ನಿಕಳ್‌ತಾಸ್ನ ಆಬ್‍ಫಾಟೀನ್, ದೇವ್‌ನು ಆತ್ಮ ಪರ‍್ಯಾವಾನಿಘೋಣಿ ಇನಾಪರ್‌ ಉತ್ರಿನ್ ಆಯೂತೆ ಯೇಸುನೆ ದೇಖ್ಯೊ. 
\v 17 ತದೆ ಪರಲೋಕ್‌ಮಾಥು ಏಕ್‌ ಅವಾಜ಼್ ಹುಯು, “ಆ ಮಾರೊ ಪ್ಯಾರ್‌ನೊ ಛಿಯ್ಯೊ, ಅನೇಥಿ ಮೇ ಘಣು ಖ್ಹುಶಿ ಛೂ಼” ಕರಿ ಠವ್‌ಕೊ ಖ್ಹಮಜ್‍ಪಡ್ಯು.
\c 4
\s ಶೈತಾನ್ನೆ ‌ಯೇಸುನ ಖ್ಹತಾಪ್ಣಿ ದಿದೂತೆ
\r (ಮಾರ್ಕ 1:12-13; ಲೂಕ 4:1-13)
\p
\v 1 ತದೆ ಯೇಸುನ ಶೈತಾನ್‌ಥಿ ಶೋದನೆ ಹುವಾನಟೇಕೆ, ದೇವ್‌ನು ಆತ್ಮಾನೆ ಇನ ಉಜ್ಜಾ಼ಡಿ ಝ಼ಗೋಮ ಚ಼ಲಾಯೊ. 
\v 2 ಯೇಸು ಚಾ಼ಳಿಖ್ಹ್ ರೋಜ಼್‌ ರಾತ್‌-ದನ್ ಉಪವಾಸ್ ರ‍್ಹವಾನ ಬಾದ್‌ಮ, ಇನ ಭುಕ್‌ಲಾಗ್ಯು. 
\v 3 ತದೆ ಶೈತಾನ್‍ ಯೇಸುಕನ ಆಯಿನ್, “ತೂ ದೇವ್‌ನೊ ಛಿಯ್ಯೊ ಉಶೇತೊ, ಆ ಬಂಡಾವ್‍ನ ರೋಟೊ ಹುವಾನಿಘೊಣಿ ಹುಕುಮ್‌ ದೇ” ಕರಿ ಬೋಲ್ಯೊ.
\p
\v 4 ಕತೋಬಿ ಯೇಸುನೆ, “ಅದ್ಮಿ ಖಲಿ ರೋಟೊ ಖಾವಾಥೀಸ್‌ ಕೋ ಬಚಾ಼ನಿ, ದೇವ್ನ ಮ್ಹೋಡವಾಟೆ ನಿಕ್ಳಾಸ್ತೆ ಹರೇಕ್ ವಾತೆಥೀಸ್‌ ಬಚಾ಼ಸ್ತೆ’ ಕರಿ ವಚನ್‌ಮ ಲೀಖೈರ‍್ಹೂಸ್‌ನಿ”\f + \fr 4:4 \fr*\ft ಧರ್ಮೊಪದೇಶಕಾಂಡ 8.3\ft*\f* ಕರಿ ಬೋಲ್ಯೊ.
\p
\v 5 ತದೆ ಶೈತಾನ್ನೆ ಯೇಸುನ ಪವಿತ್ರ ನಂಗರ್ ಯೆರೂಸಲೇಮ್‌ನ ಬುಲೈಲಿಜೈ಼ನ್ ಮಂದಿರ್‌ನ ಉಪ್ಪರ್‌ಲಿ ಟೇಕ್‌ಡಿನಿ ಝ಼ಗೋಪರ್ ಭೀರಾಖಿನ್, 
\v 6 “ತೂ ದೇವ್‌ನೊ ಛಿಯ್ಯೊ ಉಶೇತೊ, ಹಜ್ಜಾ಼ಥೊ ಹೇಟ್ ಕೂದ್,
\q1 ‘ದೇವ್ ತಾರಿ ಬಾರೇಮ ಇನ ದೂತರ್‌ನ ಹುಕುಮ್‌ ದಿಶೆ;
\q2 ತಾರ ಗೋಡೊ ಬಂಡಾನ ಠೋಕರ್ ನಾಲಗ್ನುತೆ ತಿಮ್‌
\q2 ಯೋ ತುನ ಹಾತ್‌ಮ ಪಾಡಿಲಿಶೆ. ಕರೀಬಿ ಪವಿತ್ರ ದಪ್ತರ್‌ಮ ಲೀಖೈರ‍್ಹೂಸ್‌ನಿ”\f + \fr 4:6 \fr*\ft ಕೀರ್ತನೆ 91.11-12\ft*\f* ಕರಿ ಬೋಲ್ಯೊ.
\p
\v 7 ತದೆ ಯೇಸುನೆ, “ತಾರೊ ದೇವ್‌ ಹುಯಿರ‍್ಹೋತೆ ಪ್ರಭುನ ತರೀಪ್‌ಶ ನಾ ಕರ‍್ನು’ ಕರೀಬಿ ವಚನ್‌ಮ ಲೀಖೈರ‍್ಹೂಸ್‌ನಿ” \f + \fr 4:7 \fr*\ft ಧರ್ಮೊಪದೇಶಕಾಂಡ 6.16\ft*\f*ಕರಿ ಬೋಲ್ಯೊ.
\p
\v 8 ಅನಬಾದ್‌ಮ, ಶೈತಾನ್ನೆ ಯೇಸುನ ಘಣ ಊಚಾ಼ ಪಹಾಡ್‌ಪರ್ ಬುಲೈಲಿಜೈ಼ನ್‌, ಜಗತ್‌ನು ಖ್ಹಾರಸ್ ರಾಜ್ಯನ, ಅಜು಼ ಇನಿ ಖ್ಹಾರಿಸ್ ರಾಜ್ಯನ ವೈಭವನ ಇನ ವತಾಳಿನ್. 
\v 9 “ತೂ ಮನ, ಆಡ್‍ಪಡಿನ್ ಆರಾದನೆ ಕರ‍್ಯೋತೊ, ಆ ಖ್ಹಾರಸ್ನ ಮೇ ತುನ ದೆವುಸ್‌” ಕರಿ ಬೋಲ್ಯೊ.
\p
\v 10 ತದೆ ಯೇಸುನೆ, “ಇನ, ಶೈತಾನ್‍ ತೂ ಹಟಿಜಾ಼! ‘ತಾರೊ ದೇವ್ ಹುಯಿರ‍್ಹೋತೆ ಪ್ರಭುನ ಎಕ್ಕಸ್ ಜ಼ಣಾನ ಆರಾದನೆ ಕರ‍್ನು ಅಜು಼ ಸೇವೆ ಕರ‍್ನು ಕರಿ ವಚನ್‌ಮ ಲೀಖೈರ‍್ಹುಸ್” ಕರಿ ಬೋಲ್ಯೊ.
\p
\v 11 ತದೆ ಶೈತಾನ್ನೆ ಇನ ಮ್ಹೆಂದಿನ್ ಚ಼ಲೆಗಯೊ. ಅಜು಼ ದೇವ್‌ನು ದೂತರ್ ಆಯಿನ್, ಇನಿ ಸೇವಾ-ಚಾ಼ಕ್ರಿ ಕರ‍್ಯು.
\s ಯೇಸುನೆ ಗಲಿಲಾಯಾಮ ಇನಿ ಸೇವೇನ ಶುರು ಕರ‍್ಯೊತೆ
\r (ಮಾರ್ಕ 1:14-15; ಲೂಕ 4:14-15)
\p
\v 12 ಯೋಹಾನನ ಜೇಲ್‌ಮ ಕೋಂಡಿನ್‌ ಘಾಲಿದಿದು ಕರಿ ಯೇಸುನೆ ಖ್ಹಮ್‌ಜಿನ್‌, ಯೋ ಝ಼ಗೋನ ಮ್ಹೆಂದಿನ್, ಗಲಿಲಾಯ ತಬರ್‌ಖಾನ ಚ಼ಲೆಗಯೊ. 
\v 13 ತದೆ ಯೇಸು ನಜ಼ರೇತ್ ಕರಿ ಗಾಮ್‌ನ ಮ್ಹೆಂದಿನ್, ಹಿಜ್ಜಾ಼ಥೊ ನಿಕ್ಳಿನ್ ಗಲಿಲಾಯ ದರ‍್ಯಾವ್‍ನ ಖನ್ನೆ ಥೂತೆ ಕಪೆರ್ನೌಮ್ ಕರಿ ಗಾಮ್ಮ ಆಯಿನ್ ರ‍್ಹಿಯೊ. ಆ ಗಾಮ್‍ ಜೆಬಲೋನ್‌ ಅಜು಼ ನಫ್ತಾಲಿ ಕರಿ ತಬರ್‌ಖಾಮ ಥೂ. 
\v 14 ಅನೇಥಿ ಪ್ರವಾದಿ ಯೆಶಾಯಥಿ ಬೋಲಾಯೋತೆ ವಾತೆ ಚಾ಼ಲ್ಯು. ಯೋ ಶಾತ್‌ಕತೊ,
\q1
\v 15 “ಜೆಬಲೋನ್‌ ತಬರ್‌ಖೊ, ಅಜು಼ ನಫ್ತಾಲಿ ತಬರ್‌ಖೊ,
\q2 ಯೊರ್ದನ್‌ ನದ್ದಿನು ಪಾರ್ಲಿ ಬಾಜೂ಼ಮ, ದರ‍್ಯಾವ್‍ಭಣಿ ಛಾ಼ತೆ ತಬರ್‌ಖೊ,
\q2 ಯೆಹೂದ್ಯರ್‌ಕಾಹೆತೆ ಅದ್ಮಿಖ್ಹಾರು ಛಾ಼ತೆ ಗಲಿಲಾಯ ತಬರ್‌ಖೊ,
\q1
\v 16 ಅಮ್ ಅಂಧಾರಾಮ ಜಿವ್‍ಕರ್ತುಥೂತೆ ಆ ತಬರ್‌ಖಾನು ಅದ್ಮಿಖ್ಹಾರು
\q2 ಮೋಟು ಉಜಾ಼ಖ್ಹ್‌ ದೆಖಾಯು.
\q1 ಮರಣ್ಣಿ ಛಾ಼ಳೊ ಢಪೈರ‍್ಹುಥುತೆ ತಬರ್‌ಖಾಮ ಜಿವ್‍ಕರ್ತುಥೂತೆ ಇವ್ಣಾಪರ್
\q2 ಉಜಾ಼ಳು ಘೈಗೈಗು.”
\p
\v 17 ತಪ್‌ಥೊ ಯೇಸು, ಪಾಪ್‌ಥಿ ಫರಿನ್ ನಿಕ್ಳೊ, ಶನಕತೊ ಸೊರ್ಗ ರಾಜ್ಯ ಖನ್ನೆ ಐಗು!” ಕರಿ ಖಬರ್‌ನ ಬೋಲ್ತೊನಿಕ್‌ಳ್ಯೊ.
\s ಯೇಸುನೆ ಮಾಛ಼್ಲ ಖ್ಹಾವಾಳ ಚಾರ್ ಜ಼ಣಾನ ಬುಲಾಯೋತೆ
\r (ಮಾರ್ಕ 1:16-20; ಲೂಕ 5:1-11)
\p
\v 18 ಯೇಸು ಗಲಿಲಾಯ ದರ‍್ಯಾವ್ನ ಕನಾರೆಕರಿ ವಳ್ಯೊಜಾ಼ತೊಥೊ. ತದೆ, ಬೇ ಭೈಯೇ ಜಾ಼ಳು ನಾಖುಕರ್ತಥಾತೆ ದೇಖ್ಯೊ. ಇವ್ಣೆ ಕೋಣ್‌ಕತೊ, ಪೇತ್ರ ಕರಿ ಬೋಲೈಲಿದೋತೆ ಸೀಮೋನ, ಅಜು಼ ಇನೊ ಭೈ ಅಂದ್ರೆಯನ ದೇಖ್ಯೊ. ಅವ್ಣೆ, ಮಾಛ಼್ಲ ಖ್ಹಾವಾಳ ಹುಯಿರ‍್ಹಾಥ. 
\v 19 ಯೇಸುನೆ ಇವ್ಣುನ, “ಮಾರ ಕೇಡೆ ಆವೊ, ಮೇ ತುಮೂನ ಮಾಛ಼್ಲ ಖ್ಹಾವಾಳಾನಿತರ ಕಾಹೆ ಅದ್ಮಿನ ಖ್ಹಾವಾಳಾನಿತರ ಬಣವುಸ್. ಕರಿ ಬೋಲ್ಯೊ. 
\v 20 ಇಮ್‌ ಬೋಲ್ತಾಸ್‌ನ ಇವ್ಣೆ ಇವ್ಣು ಜಾ಼ಳುಖ್ಹಾರು ಮ್ಹೆಂದಿನ್, ಇನ ಕೇಡೆ ಗಯ.
\p
\v 21 ಯೇಸು ಹಿಜ್ಜಾ಼ಥೊ ನಿಕ್ಳಿನ್, ಬಿಜೂ಼ ಬೇ ಭೈಯೇನ ದೇಖ್ಯೊ, ಇವ್ಣೆ ಕೋಣ್‌ಕತೊ, ಜೆಬೆದಾಯನೊ ಛಿಯ್ಯೊ ಯಾಕೋಬನಾಬಿ ಅಜು಼ ಇನೊ ನ್ಹಾನೊ ಭೈ ಯೋಹಾನ್ನ ದೇಖ್ಯೊ. ಇವ್ಣೆ ಡೋಣ್‌ಮ ಜಾ಼ಳಾನ ಬರೋಬರ್ ಕರುಕರ್ತಥ. ಯೇಸುನೆ ಇವ್ಣುನಾಬಿ ಬುಲಾಯೊ. 
\v 22 ತದ್‌ನು-ತದೇಸ್‌ ಇವ್ಣೆ ಡೋಣ್ಣಾ ಅಜು಼ ಇವ್ಣ ಬಾನ ಮ್ಹೆಂದಿನ್, ಯೇಸುನ ಕೇಡೆ ಗಯ.
\s ಯೇಸುನೆ ಸುವಾರ್ತೆನ ಬೋಲ್ತೊಹುಯಿನ್,ಬೋಧನೆ ಕರ್ತೊಹುಯಿನ್ ರೋಗ್‌ ಅಛ್ಛು಼ ಕರ‍್ಯೊತೆ
\r (ಲೂಕ 6:17-19)
\p
\v 23 ಬಾದ್‌ಮ ಯೇಸು ಗಲಿಲಾಯ ಅಖ್ಖೂಸ್ ಫರೀನ್, ಹಿಜ್ಜಾ಼ನು ಯೆಹೂದ್ಯರ್‌ನ ಸಬೆ ಭರಾವಾನು ಮಂದಿರ್‌ಮ ಬೋಲಿದೇತೊಹುಯಿನ್‌, ದೇವ್ನಿ ರಾಜ್ಯನಿ ಬಾರೇಮನು ಅಛ್ಛಿ ಖಬರ್‌ನ ಬೋಲ್ತೊಹುಯಿನ್‌, ಅದ್ಮಿಮ ಥೂತೆ ಖ್ಹಾರೀಸ್‍ ತರ‍್ಹಾನು ರೋಗ್‌-ರಾಯನ ಅಛ್ಛು಼ ಕರ್ತೊ ಆಯೊ. 
\v 24 ಇನಿ ಬಾರೇಮಾನಿ ಖಬರ್ ಸಿರಿಯ ದೇಖ್ಹ್‌ ಅಖ್ಖುಸ್ ಫೈಲಿಗಯು. ತದೆ ಆದ್ಮಿಖ್ಹಾರು ರೋಗ್‌ಮ ರ‍್ಹವಾಳನ ಯೇಸುಕನ ಲಾಯು, ಇವ್ಣಾಮ ಕೈಯೆಕ್ಕಿ ತರ‍್ಹಾನು ರೋಗ್‌-ರಾಯಥಿ ತರಪ್‌ಡುಕರ್ತುಥೂತೆ ಅಜು಼ ಭೂತ್‌ ಧರಿರಾಖ್ಯುಥೂತೆ, ಮಿರ್‌ಘಿ ಥೂತೆ ಅಜು಼ ಲಕ್‍ವೊ ಮಾರಿರಾಖ್ಯುಥೂತೆ ಇವ್ಣ ಅಖ್ಖಾನ ಇನಕನ ಲಾಯು. ಯೇಸುನೆ ಇವ್ಣ ಖ್ಹಾರಸ್ನ ಅಛ್ಛು಼ ಕರ‍್ಯೊ. 
\v 25 ಗಲಿಲಾಯ, ದೆಕಪೊಲಿ, ಯೆರೂಸಲೇಮ್‌, ಯೂದಾಯ ತಬರ್‌ಖಾಥು, ಅಜು಼ ಯೊರ್ದನ್‌ ನದ್ದಿನು ಪಾರ್ಲಿ ಬಾಜು಼ಥು, ಆದ್ಮಿಖ್ಹಾರು ಝೂ಼ಂಡೆ-ಝೂ಼ಂಡೆ ಹುಯಿನ್, ಯೇಸುನ ಪೀಠೆ ಗಯು.
\c 5
\s ಪರ್ಬತ್‌ನಿ ಉಪದೇಶ್‌
\p
\v 1 ಯೇಸುನೆ ಅದ್ಮಿನಿ ಝೂ಼ಂಡೆನ ದೇಖಿನ್‌, ಪಹಾಡ್‌ಪರ್ ಚ಼ಢೀನ್‌ ಬೆಶಿಗಯೊ. ತದೆ ಇನ ಶಿಷ್ಯರ್‌ ಆಯಿನ್, ಇನ ಅಶ್‌ಪಿಶ್‌ ಭರಾಯ, 
\v 2 ತದೆ ಯೇಸುನೆ ಇವ್ಣುನ ಶಾತ್‌ ಬೋಲಿಶಿಕಾಡ್ಯೊಕತೊ,
\s ಖ್ಹಾಚಿ ಖ್ಹುಶಿ
\r (ಲೂಕ 6:20-23)
\q1
\v 3 “ಕೋಣ್ ಆತ್ಮಮ ಗರೀಬ್ ಹುಯಿರ‍್ಹವಾಳ, ಇವ್ಣೆ ಖ್ಹುಶಾಲಿವಾಳು ಹುಯಿರ‍್ಹುಸ್;
\q2 ಸೊರ್ಗ ರಾಜ್ಯ ಇವ್ಣುಸ್‌ ಹುಯಿರ‍್ಹುಸ್‍!
\q1
\v 4 ಕೋಣ್ ದುಖ್‌ಮ ಛಾ಼ಕಿ, ಇವ್ಣೆ ಧನ್ಯ ಹುಯಿರ‍್ಹುಸ್‍
\q2 ದೇವ್ ಇವ್ಣುನ ಸಮಾಧಾನ್‍ ದಿಶೆ.
\q1
\v 5 ಖ್ಹಮಾಳಿಲ್ಯವಾಳು ಧನ್ಯ, ಇವ್ಣೆ ಧರ್ತಿಪರ್ ಖ್ಹುಶಾಲಿವಾಳು ಹುಯಿರ‍್ಹುಸ್‍.
\q2 ದೇವ್ನೆ ಶಾತ್ ವಾತೆ ದೀರಾಖ್ಯೊಸ್ಕಿ, ಯೋ ಇವ್ಣುನ ಮಳ್‌ಶೆ.
\q1
\v 6 ಕೋಣ್ ದೇವ್ನಿ ಮರ್ಜಿನಿಘೋಣಿ ಕರಾನ ಘಣು ಆಖ್ಹ್ ಕರಾಸ್ಕಿ, ಇವ್ಣೆ ಧನ್ಯ ಹುಯಿರ‍್ಹಾಸ್;
\q2 ದೇವ್ ಇವ್ಣುನ ಹಕ್ಲಾಲ್‌ ಹುವಾನಿತರ ಕರ್ಶೆ.
\q1
\v 7 ಕೋಣ್ ಬಿಜಾ಼ನ ಗೋರ್‌ ಕರಾಸ್ಕಿ, ಇವ್ಣೆ ಖ್ಹುಶಾಲಿವಾಳು ಹುಯಿರ‍್ಹುಸ್‍.
\q2 ದೇವ್ ಇವ್ಣಾಪರ್ ಗೋರ್‌ ಕರ್ಶೆ!
\q1
\v 8 ಕೋಣ್ ದಿಲ್ಮ ಪಾಕ್‌ ರ‍್ಹೇಸ್ಕಿ, ಇವ್ಣೆ ಖ್ಹುಶಾಲಿವಾಳು ಹುಯಿರ‍್ಹುಸ್‍.
\q2 ಇವ್ಣೆ ದೇವ್ನ ದೇಕ್‌ಶೆ;
\q1
\v 9 ಕೋಣ್ ಸಮಾಧಾನ್ ಕರಾನ ಮ್ಹಿನತ್ ಕರಸ್ಕಿ, ಇವ್ಣೆ ಖ್ಹುಶಾಲಿವಾಳು ಹುಯಿರ‍್ಹುಸ್‍,
\q2 ಇವ್ಣೆ ದೇವ್ನ ಲಡ್ಕಕರಿ ಬೋಲೈಲಿಶೆ.
\q1
\v 10 ಕೋಣ್ ದೇವ್ನಿ ಮರ್ಜಿನಿಘೋಣಿ ರ‍್ಹವಾನಖ್ಹಾಜೆ ಖ್ಹತಾಪ್ಣಿನ ಖ್ಹಮಾಳಿಲೇಸ್ಕಿ, ಇವ್ಣೆ ಖ್ಹುಶಾಲಿವಾಳು ಹುಯಿರ‍್ಹುಸ್‍.
\q2 ಸೊರ್ಗ ರಾಜ್ಯ ಇವ್ಣುಸ್‌ ಹುಯಿರ‍್ಹುಸ್‍!
\p
\v 11 “ಮಾರ ಖ್ಹಾಜೇಥಿ ಅದ್ಮಿಖ್ಹಾರು ತುಮೂನ ಖ್ಹರಮ್‌ ಕಾಡಿನ್, ಖ್ಹತೈನ್, ತುಮಾರಪರ್ ಖ್ಹಾರಿಸ್ ತರ‍್ಹಾನು ಖರಾಬ್‌ನ ಬೋಲಿನ್, ಝೂ಼ಟಿ ಲಗಾಡ್ಯುತೊ, ತುಮೆ ಧನ್ಯ ಹುಯಿರ‍್ಹಾಸ್‌. 
\v 12 ಖ್ಹುಶಿ ಕರೊ ಅಜು಼ ಖೇಲ್‌ಕೂದ್ ಕರೊ, ಶನಕತೊ ಸೊರ್ಗಾಮ ತುಮೂನ ಘಣು ಇನಾಮ್ ಮಳ್‌ಶೆ. ತುಮಾರೇಥೀಬಿ ಅಗಾಡಿ ಥೂತೆ ಪ್ರವಾದಿಯೆನಾಬಿ ಅಮ್ಮಸ್ ಖ್ಹತಾಯುನಿ.
\s ಮೀಟ್‌ ಅಜು಼ ಉಜಾ಼ಳು
\r (ಮಾರ್ಕ 9:50; ಲೂಕ 14:34-35)
\p
\v 13 ತುಮೆ ಧರ್ತಿನ\f + \fr 5:13 \fr*\ft ಜ಼ಮೀನ್‌ಪರ್ ಛಾ಼ತೆ ಹರೇಕ್ ಅದ್ಮಿಕರಿ ಮತ್‌ಲಬ್.\ft*\f* ಮೀಟ್‌ ಹುಯಿರ‍್ಹಾಸ್‌. ಮೀಟಸ್‌ ಫಿಕ್ಕು ಹುಯಿಗುತೊ, ಇನ ಬಿಜು಼ ಶನೇಥಿ ರುಚ಼್‍ ದ್ಯವಾನ ಉಶೆ? ಅದ್ಮಿಖ್ಹಾರು ಇನ ಭಾರ್‌ ನಾಖಿನ್ ವಾಟ್‌ಪರ್ ಚಾ಼ಲವಾಳು ಇನ ಖುಂದ್ಲಾನ ಲ್ಹಾಯಕ್‌ ಪಣ್ಕಿ ಬಿಜ಼ ಖೆವ ಕಾಮ್ನಾಬಿ ಕೋಆವಾನಿ.
\p
\v 14 “ತುಮೆ ಹಿಡಿ ಜಗತ್ನ ಉಜಾ಼ಳು ಹುಯಿರ‍್ಹಾಸ್‌. ಪಹಾಡ್‌ಪರ್ ಭಂದೈರ‍್ಹುತೆ ಗಾಮ್‍ ಲಪಿರ‍್ಹೆಯಿಕೊಯ್ನಿ. 
\v 15 ಅಜು಼ ಕೋಣ್‌ಬಿ ದೀವೊ ಲಗಾಡಿನ್, ಕೋಳ್ಗಾನಹೇಟ್ ಮ್ಹೇಲಾಕೊಯ್ನಿ; ಅನಬದಲ್ ಘರ್‌ಮ ಛಾ಼ತೆ ಹರೇಕ್ನ ಉಜಾ಼ಳು ದ್ಯವಾನಿತರ ದೀವೊ ಮ್ಹೇಲಾನಿ ಖಂಬಾಪರ್‌ ಮ್ಹೇಲಾಸ್. 
\v 16 ಅಮ್ಮಸ್ ತುಮಾರು ಉಜಾ಼ಳು ಅದ್ಮಿನ ಖ್ಹಾಮ್ಣೆ ಉಜಾ಼ಖ್ಹ್‌ ಹುವಾದೆ, ಅನೇಥಿ ತುಮೆ ಕರಾತೆ ಅಛ್ಛು಼ಕಾಮ್ನ ಇವ್ಣೆ ದೇಖಿನ್‌, ಸೊರ್ಗಾಮ ಛಾ಼ತೆ ತುಮಾರ ಬಾನ ಖ್ಹರಾವ್‌ಶೆ.
\s ಖಾನುಲ್‍ನಿ ಬಾರೇಮ ಬೋಧನೆ
\p
\v 17 ಮೋಶೇನು ಧರ್ಮಶಾಸ್ತ್ರನ ರ‍್ಹವೊ, ಪ್ರವಾದಿನು ಬೋಧನೆನ ರ‍್ಹವೊ, ಕಾಡಿನಾಖನಖ್ಹಾಜೆ ಮೇ ಆಯೋಕರಿ ನಕೊ ಸೋಚೊ. ಕಾಡಾನಖ್ಹಾಜೆ ಕಾಹೆ, ಇನ ಪೂರ ಕರಾನಖ್ಹಾಜೆ ಆಯೊ. 
\v 18 ಮೇ ತುಮೂನ ಖ್ಹಾಚಮಾಬಿ ಬೋಲುಸ್ಕಿ, ಆಬ್ಬಿ ಧರ್ತಿ ಮಟಿಜಾ಼ಶೆ, ಧರ್ಮಶಾಸ್ತ್ರಮ ಛಾ಼ತೆ ಖ್ಹಾರುಸ್ ಚಾ಼ಲಾಲಗುಬಿ ಇನಮಾನು ಏಕ್‌ ನ್ಹಾನು ಲಿಖ್ಯೂಬಿ ರ‍್ಹವೊ, ನಾತೊ ಏಕ್‌ ಟಿಪ್‌ಕ್ಯುಬಿ ಮಟ್‌ಶೆ ಕೊಯ್ನಿ. 
\v 19 ಇನಖ್ಹಾಜೇಸ್, ಆ ಹುಕುಮ್‌ನಿ ನ್ಹಾನಿಶಿ ಏಕ್‌ ವಾತ್ನಬಿ ಮ್ಹೇಲಿನ್ ಚಾ಼ಲವಾಳೊ ಅಜು಼ ಬಿಜಾ಼ನಾಬಿ ಇಮ್ಮಸ್ ಚಾ಼ಲಾನ ಶಿಕಾಡವಾಳೊ, ಸೊರ್ಗ ರಾಜ್ಯಮ ಖ್ಹಾರೇಥಿ ನ್ಹಾನೊ ಕರಿ ಬೋಲೈಲಿಶೆ. ಕತೋಬಿ ಯೋಸ್ ಯೋ ಹುಕುಮ್ನಿಮತ್ ಚಾ಼ಲಿನ್, ಬಿಜಾ಼ನಾಬಿ ಇಮ್ಮಸ್ ಚಾ಼ಲಾನ ಶಿಕಾಡವಾಳೊ, ಸೊರ್ಗ ರಾಜ್ಯಮ ಮಹಾನ್ ಕರಿ ಬೋಲೈಲಿಶೆ. 
\v 20 ಮೇ ತುಮೂನ ಶಾತ್‌ ಬೋಲುಸ್‌ಕತೊ, ಮೋಶೆನಿ ಧರ್ಮಶಾಸ್ತ್ರ ಶಿಕಾಡವಾಳು ಪಂಡಿಥ್ಥಿಬಿ ಅಜು಼ ಫರಿಸಾಯರ್‌ನಿ ನೀತಿಥೀಬಿ ತುಮಾರಿ ನೀತಿ ಜಾ಼ಖ್ಹತ್ ನಾ ಹುಯಿರ‍್ಹೀಕತೊ, ತುಮೆ ಸೊರ್ಗ ರಾಜ್ಯಮ ಜಾ಼ಶುಕೊಯ್ನಿ.
\s ಖೀಜ಼್‌ನಿ ಬಾರೇಮ
\r (ಲೂಕ 12:57-59)
\p
\v 21 “ಅದ್ಮಿನ ಖೂನಿ ನಾ ಕರ್ನು, ಇಮ್‌ ಖೂನಿಕರವಾಳನ ನ್ಯಾವ್‍ನಿ ತೀರ್ಪ್‌ನ ಭೀರಾಕ್‌ಶೆ’ ಕರಿ ತುಮಾರು ಶಾಣುಖ್ಹಾರು ಬೋಲಿರಾಖ್ಯುಸ್ತೆ ತುಮೆ ಖ್ಹಮ್‌ಜಿರಾಖ್ಯಾಸ್‌. 
\v 22 ಕತೋಬಿ ಮೇ ತುಮೂನ ಶಾತ್‌ ಬೋಲಸ್‍ಕತೊ, ತುಮೆ ತುಮಾರ ಭೈಪರ್ ಖೀಜ಼್ ಖಾವಾಳೊ ಹರೇಕ್ ಜ಼ಣೋಬಿ ತುಮೆ ನ್ಯಾವ್‍ನಿ ತೀರ್ಪ್‌ಮ ಪಡ್‍ಶು, ಅಜು಼ ತುಮೆ ತುಮಾರ ಭೈನ, ‘ಏ ಬಿಣ್‍ಅಕ್ಲಿ’ ಕರಿ ಬೋಲ್ಯಾತೊ, ತುಮೂನ ನ್ಯಾವ್‍ನಿ ಸಭೆನಖ್ಹಾಮ್ಣೆ ಭೀರಾಕ್‌ಶೆ, ಅಜು಼, ‘ಏ ಫಾಲ್ತು’ ಕರಿ ಬೋಲವಾಳೊ, ನರಕ್‌ನಿ ಆಗ್‌ಮ ಪಡ್‌ಶೆ. 
\v 23 ಇನಖ್ಹಾಜೇಸ್ ತೂ ತಾರಿ ಕಾಣ್ಕೆನ ಚಾ಼ಚ಼ರ್‌ನ ಖ್ಹಾಮ್ಣೆ ಲಾಯೊತೆ, ತಾರ ಭೈನ ದಿಲ್ಮ ತಾರಪರ್ ಶಾತ್‌ತೋಬಿ ವಹೇರ್‌ ಛಾ಼ ಕರಿ ತಾರಿ ಯಾದ್ಮ ಆಯುತೊ, 
\v 24 ತು ತಾರಿ ಕಾಣ್ಕೆನ ಚಾ಼ಚ಼ರ್‌ನ ಖ್ಹಾಮ್ಣೆಸ್ ಮ್ಹೆಂದಿನ್, ಪಹಿಲೆ ಜೈ಼ನ್‌, ತಾರ ಭೈನ ಜೋ಼ಡೆ ಏಕ್‌ಹೂ. ಇನ ಬಾದ್‌ಮ ಐನ್, ತಾರಿ ಕಾಣ್ಕೆನ ದೇವ್ನ ದೇ.
\p
\v 25 “ತಾರೊ ವಿರೋದಿ ತುನ ನ್ಯಾವ್ನಖ್ಹಾಜೆ ನ್ಯಾಯದೀಶಕನ ಖೇಚಿಲೀಜಾ಼ವನ ಅಗಾಡಿಸ್ ತೂ ವಾಟ್‌ಪರಸ್ ಹೇಳ್‍ಮೇಳ್‍ ಹುಯಿಜಾ಼. ನತರ್‌ಕಿ ತಾರೊ ವಿರೋದಿ ತುನ ನೈಯಾಕನ ಖೇಚಿಲಿಜಾ಼ಶೆ. ಯೋ ನಯ್ಯೊ ಜೇಲ್‌ನ ಶಿಪಾಯಿನ ಹಾತ್ಮ ದಿಶೆ ಅಜು಼ ತೂ ಜೇಲ್‌ಮ ಫೆಕೈಜೀಶ್. 
\v 26 ತೂ ಏಕ್‍ ಕಾಖ್ಹ್‌ಬಿ ಬಚೈಶ್‍ಕೊಂತೆ ತಾರಾಮ ಛಾ಼ತೆ ಅಖ್ಖು ಪೈಶು ಫೇಡಾವಲಗೂಬಿ ಹಿಜ್ಜಾ಼ಥೊ ಆವಾನ ಉಶೇಸ್‍ ಕೊಯ್ನಿ ಕರಿ ಮೇ ಖ್ಹಾಚಮಾಬಿ ಬೋಲುಸ್.
\s ವ್ಯಬಿಚಾರ‍್ನಿ ಬಾರೇಮ
\p
\v 27 “ವ್ಯಬಿಚಾರ್‌ ನಾ ಕರ‍್ನು’ ಕರಿ ಬೋಲಾಸ್ತೆ ಇನ ತುಮೆ ಖ್ಹಮ್‌ಜಿರಾಖ್ಯಾಸ್‌. 
\v 28 ಕತೋಬಿ ಮೇ ತುಮೂನ ಬೋಲುಸ್ಕಿ, ಕೋಣ್‌ತೋಬಿ ಬಿಜಿ ತಯೇಡಾನ ದೇಖಿನ್‌, ಇನಾಪರ್ ಆಖ್ಹ್ ಕರ‍್ಯೋತೊ, ಯೋ ತದ್ದೇಸ್ ಇನ ಮನ್‌ಮ ಯೋ ತಯೇಡಾನಿ ಜೋ಼ಡೆ ವ್ಯಬಿಚಾರ್‌ ಕರಾವಾಳೊ ಹುಯಿರ‍್ಹೋಸ್. 
\v 29 ತಾರೊ ಖಾವೊ ಡೋಳೊ ತುನ ಪಾಪ್‌ಮ ಖ್ಹಪ್‌ಡವಾನು ಉಶೇತೊ, ಇನ ಕಚ಼್‌ಕೋರಿ ಫೇಕಿದೆ, ತಾರು ಹಿಡೀ ಶರೀರ್ ನರಕ್ಮ ಪಡಾಥೀಬಿ, ತಾರು ಶರೀರ‍್ನು ಏಕ್‌ ಭಾಗ್‌ ನಾ ರ‍್ಹಯುತೋಬಿ ತುನ ಅಛ್ಛು಼ ಕಾಹೆಕಿ ಶು. 
\v 30 ತಾರೊ ಖಾವೊ ಹಾತ್ ತುನ ಪಾಪ್‌ಮ ಖ್ಹಪ್‌ಡವಾನು ರ‍್ಹಿಯುತೊ, ಇನ ಕತ್ರೀನ್ ಫೇಕಿದೆ! ತಾರು ಹಿಡಿ ಶರೀರ್ ನರಕ್ಮ ಪಡಾಥೀಬಿ, ತಾರು ಶರೀರ್‌ನು ಏಕ್‌ ಭಾಗ್‌ ನಿಕ್ಳಿಜಾ಼ವಾನುಸ್‌ ತುನ ಅಛ್ಛು಼ ಕಾಹೆಕಿ ಶು.
\s ತಲಾಕ್‌ನಿ ಬಾರೇಮ
\r (ಮತ್ತಾಯ 19:9; ಮಾರ್ಕ 10:11-12; ಲೂಕ 16:18)
\p
\v 31 ಇನಿ ಬಾವಣ್ಣ ಮ್ಹೇಲಿದ್ಯವಾಳೊ, ಇನ ತಲಾಕ್‌ನು ಕಾಗತ್‌ ಲೀಖಿದೀನ್‌ ಮ್ಹೇಲ್ನು ಕರಿ ಬೋಲೈರ‍್ಹುಸ್ ಎತ್ರೇಸ್. 
\v 32 ಕತೋಬಿ ಮೇ ತುಮೂನ ಬೋಲುಸ್ಕಿ, ವ್ಯಬಿಚಾರ‍್ನಿ ಕಾರಣ್‌ ಕೊಂತೆಸ್ ಇನಿ ಬಾವಣ್ಣ ಮ್ಹೇಲಿದ್ಯವಾಳೊ ಯೋಸ್ ಇನಿ ಬಾವಣ್ಣ ವ್ಯಬಿಚಾರ್‌ಮ ಪಡಾನ ಜಿಮ್ಮೇದಾರಿ ಉಶೆ. ನಾಹುಯಿನ್ ಬಾವ್ರಿ ಮ್ಹೇಲಿಹುಯಿನ ವ್ಯಹಾ ಕರಿಲ್ಯವಳೋಬಿ ವ್ಯಬಿಚಾರಿ ಹುಯಿಜಾ಼ಸ್.
\s ಆಣ್‌ನಿ ಬಾರೇಮ
\p
\v 33 “ಝೂ಼ಟಿ ಆಣ್ ನಾ ಲೇವ್ಣು ; ಕತೋಬಿ ತುಮೆ ಪ್ರಭುಕನ ಬೋಲಿಲಿದೋತೆ ತಿಮ್ಮಸ್ ಚಾ಼ಲಿಲೇವ್ಣು ಕರಿ ಗಯೋತೆ ಜ಼ಮಾನಾನ ಅದ್ಮಿಯೇವ್ನ ಬೋಲ್ಯುತೆ ತುಮುನ ಮಾಲುಮಸ್ ಛಾ಼ನಿ. 
\v 34 ಕತೋಬಿ ಮೇ ತುಮೂನ ಬೋಲಾನು ಶಾತ್‍ಕತೊ, ಆಣೆಸ್ ನಾಲೇವ್ಣು. ಆಬ್‍ಪರ್‌ ಆಣ್ ನಕೊ ಲೇವೊ; ಯೋ ದೇವ್‌ನು ಸಿಂಹಾಸನ್. 
\v 35 ಧರ್ತಿಪರ್ ಆಣ್‌ ಕರೋನಕೊ ಯೋ ದೇವ್‌ನು ಗೋಡಾಮ್ಹೇಲಾನು ಕುಡ್‌ಶಿ’ ಯೆರೂಸಲೇಮ್‌ಪರ್ ಆಣ್ ನಾ ಕರ‍್ನು, ಶನಕತೊ ಯೆರೂಸಲೇಮ್‌ ಯೋ ಮಹಾನ್ ರಾಜಾ಼ನು ನಂಗರ್ ಹುಯಿರ‍್ಹುಸ್‍. 
\v 36 ತಾರ ಮಾಥಪರ್‌ಬಿ ಆಣ್ ನಾ ಲೇವ್ಣು; ಶನಕತೊ, ಏಕ್‌ ಕೇಖ್ಹ್‌ನ ಜಿನ್‌ಕುಬಿ ಧೋಳು ರ‍್ಹವೊ, ನತರ್‌ಕಿ ಕಾಳು ರ‍್ಹವೊ ಕರಾನ ತುನ ಕೊವುಶೇನಿ. 
\v 37 ಕತೋಬಿ ತುಮಾರಿ ವಾತೆ ಹೋ ಕತೊ ಹೋ, ಕೊಯ್ನಿಕತೊ, ಕೊಯ್ನಿ ಕರಿ ರ‍್ಹೇವಾದೆ. ಅನೇಥಿ ಜಾ಼ಖ್ಹತ್ ಬೋಲ್ಯಾತೊ, ಯೋ ಶೈತಾನ್‌ಥಿ ಆಯುಹುಯು ಕರಿ.
\s ಬದ್‌ಲಾ ಲ್ಯಾವಾನಿ ಬಾರೇಮ
\r (ಲೂಕ 6:29-30)
\p
\v 38 “ಡೋಳಾನ ಬದಲ್ ಡೋಳೊ, ದಾತ್ನ ಬದಲ್ ದಾತ್‌’ ಕಡಾವ್ಣು ಕರಿ ಬೋಲಿರಾಖ್ಯುಸ್ತೆ ಇನ ತುಮೆ ಖ್ಹಮ್‌ಜಿರಾಖ್ಯಾಸ್‌ ಎತ್ರೇಸ್. 
\v 39 ಕತೋಬಿ ಮೇ ತುಮೂನ ಬೋಲಾನು ಶಾತ್‍ಕತೊ, ಕೋಣ್‌ತೋಬಿ ತುನ ಖರಾಬ್ ಕರ‍್ಯುತೊ, ಯೋ ಅದ್ಮಿನ ಬದ್‌ಲಾ ನಕೊ ಲೀಶ್‌. ಕೋಣ್‌ತೋಬಿ ಏಕ್‌ಜ಼ಣು ತಾರ ಖಾವಕಲ್ಲಪರ್ ಮಾರ‍್ಯುತೊ, ಇನ ಬಿಜೇಕ್ ಕಲ್ಲು ವತಾಳ್. 
\v 40 ಅಜು಼ ಕೋಣ್‌ತೋಬಿ ತಾರ ಜೋ಼ಡೆ ಝಂಝಟ್‍ ಕರೀನ್, ತಾರ ಮಹಿನಲುಂಗ್ಡಾನ ಛೀನೈಲೇವ್ಣುಕರಿ ತೀರ್ಮಾನ್‌ ಕರವಾಳಾನ, ಉಪ್ಪರ್ ಪೇರ‍್ಹಿರಾಖ್ಯೋತೆ ಝ಼ಗ್ಗಾನಾಬಿ ಮ್ಹೆಂದೆ. 
\v 41 ಏಕ್‌ ಜ಼ಣೊ ತುನ ಏಕ್‌ ಮೈಲ್ ದೂರ್ ಆವ್‌ಕರಿ ಜು಼ಲಮ್‌ ಕರ‍್ಯುತೊ ಇನಜೋ಼ಡೆ ಬೇ ಮೈಲ್ ದೂರ್ ಜಾ಼. 
\v 42 ಕೋಣ್‌ತೋಬಿ ತಾರಕನ ಶಾತ್ತೋಬಿ ಮಾಂಗ್ಯುತೊ, ಇನ ದೇ; ತಾರಕನ ಕರಜ಼್ ಮಾಂಗವಾಳನ ಮ್ಹೋಡು ನಕೊ ಫರೈಲೀಶ್‌.
\s ದುಶ್‌ಮನ್ನ ಪ್ಯಾರ್ ಕರಾನಿಬಾರೇಮ
\r (ಲೂಕ 6:27-28,32-36)
\p
\v 43 “ತಾರ ಭೀಡೆವಾಳಾನ ಪ್ಯಾರ್ ಕರ್‌ ಅಜು಼ ತಾರ ದುಶ್‌ಮನ್ನ ವಹೇರ್‌ ಕರ‍್ನು’ ಕರಿ ಬೋಲಿರಾಖ್ಯುಸ್ತೆ ಇನ ತುಮೆ ಖ್ಹಮ್‌ಜಿರಾಖ್ಯಾಸ್‌ ಎತ್ರೇಸ್. 
\v 44 ಕತೋಬಿ ಮೇ ತುಮೂನ ಬೋಲಾನು ಶಾತ್‌ಕತೊ, ತುಮಾರ ದುಶ್‌ಮನ್ನ ಪ್ಯಾರ್ ಕರೊ; ತುಮೂನ ಖ್ಹತಾವವಾಳನಟೇಕೆ ದೇವ್ನ ಪ್ರಾರ್ಥನೆ ಕರೊ. 
\v 45 ಅಮ್ ಕರ‍್ಯಾತೊ, ಪರ್‌ಲೋಕ್‌ಮ ಛಾ಼ತೆ ತುಮಾರ ಬಾನ ತುಮೆ ಲಡ್ಕಾಉಶು. ಯೋ ಖರಾಬ್ನ ಉಪ್ಪರ್‌ಬಿ ಅಛ್ಛಾ಼ನ ಉಪ್ಪರ್‌ಬಿ ಇನೊ ಚಾ಼ಂದ್ನು ಉಜಾ಼ಳು ಪಡಾನಿಘೋಣಿ ಕರಾಸ್, ನೀತಿವಾಳಾನ ಉಪ್ಪರ್‌ಬಿ ಅನೀತಿವಾಳಾನ ಉಪ್ಪರ್‌ಬಿ ಪಾಣಿ ವರ್ಖ್ಹಾವಸ್‌. 
\v 46 ತುಮೂನ ಪ್ಯಾರ್ ಕರಾವಾಳನಾಸ್‌ ತುಮೆ ಪ್ಯಾರ್ ವತಾಳ್ಯಾತೊ ದೇವ್ ತುಮೂನ ಶನ ಇನಾಮ್ ದಿಶೆ? ಶುಂಕವಶೂಲ್‍ ಕರವಾಳುಬಿ ಅಮ್ಮಸ್ ಕರಾಸ್ನಿ! 
\v 47 ತುಮೆ ಖಲಿ ತುಮಾರ ದೋಸ್ತಿ ಖ್ಹಾರಾನಾಸ್ ಮಾನ್-ಮರ‍್ಯಾದಿ ವತಾಳ್ಯಾತೊ, ಇನಾಮ ಶಾತ್‌ ಬಡೈಮಾರಿಲೆವಾನು ಛಾ಼? ದೇವ್ನ ಪರ್‌ಖ್ಯುಕೊಂತೆ ಅದ್ಮಿ ಖ್ಹಾರುಬಿ ಇಮ್ಮಸ್ ಕರಾಸ್ನಿ! 
\v 48 ಇನಖ್ಹಾಜೇಸ್, ಪರಲೋಕ್‍ಮ ಛಾ಼ತೆ ತುಮಾರೊ ಬಾ ಖೆವಿಸ್ ಗಲ್ತಿಕೊಂತೆ ಛಾ಼ತೆ ಇಮ್‌, ತುಮೇಬಿ ಗಲ್ತಿಕೊಂತೆ ಇಮ್‌ ರ‍್ಹವೊ.
\c 6
\s ಧರಮ್ ದ್ಯವಾನಿ ಬಾರೇಮ
\p
\v 1 ಅದ್ಮಿ ದೇಖಾದೆ ಕರಿ ತುಮೆ ಇವ್ಣ ಖ್ಹಾಮೆ ತುಮಾರು ಅಛ್ಛು಼ಕಾಮ್ನ ನಾ ಕರ‍್ನು. ಇಮ್‌ ಕರ‍್ಯಾತೊ, ಸೊರ್ಗಾಮ ಛಾ಼ತೆ ತುಮಾರ ಬಾಕನ ತುಮೂನ ಶಾತ್ಬಿ ಇನಾಮ್ ಕೋ ಮಳ್‌ಶೇನಿ.
\p
\v 2 ಇನಖ್ಹಾಜೇಸ್ ತು ಧರಮ್ ದ್ಯವಾನಿ ವಖ್ಹತ್‌ಮ, ನಕೊ ಫೂಕಿಲೇವೊ. ಅದ್ಮಿಥಿ ಖ್ಹರಾವ್ಣಿ ಕರಿಲೇವ್ಣುಕರಿ ಖೋಟ್ ದಿಲ್‌ವಾಳು ಯೆಹೂದ್ಯರ್‌ಬಿ ಸಬೆ ಭರಾವಾನು ಮಂದಿರ್‌ಮ ಅಜು಼ ಗಲ್ಲಿಯೇಮ ಅಮ್ಮಸ್ ಕರಾಸ್. ಮೇ ಖ್ಹಾಚಮಾಬಿ ಬೋಲುಸ್ಕಿ, ಇವ್ಣುನ ಮಳ್‌ಣುತೆ ಧನ್ಯವಾದ್ ತದೇಸ್‌ ಮಳಿಗಯು. 
\v 3 ಕತೋಬಿ ತುಮೆ ಧರಮ್ ದ್ಯವಾನಿ ವಖ್ಹತ್‌ಮ, ತಾರೊ ಖಾವಹಾತೆ ದಿದೋತೆ ಧರಮ್, ತಾರೊ ಡಾವ ಹಾತ್‌ನಾಬಿ ನಾ ಮಾಲುಮ್‌ ಪಡ್‌ಣೂತೆ ಇಮ್‌ ದೇ. 
\v 4 ಅಜು಼ ದಿಲ್ಮ ಚಾ಼ಲಾತೆ ಇನ ದೇಖವಾಳೊ ತಾರೊ ಬಾ, ತುನ ಇನಾಮ್ ದಿಶೆ.
\s ಪ್ರಾರ್ಥನೆನಿ ಬಾರೇಮ
\r (ಲೂಕ 11:2-4)
\p
\v 5 “ತುಮೆ ಪ್ರಾರ್ಥನೆ ಕರಾನಿ ವಖ್ಹತ್‌ಮ, ಖೋಟ್ ದಿಲ್‌ವಳಾನಿಮತ್‌ ನಕೊ ಪ್ರಾರ್ಥನೆ ಕರ್‌; ಅದ್ಮಿಖ್ಹಾರು ದೇಖಾದೆಕರಿ ಇವ್ಣೆ ಸಬೇನು ಮಂದಿರ್‌ಮ ಅಜು಼ ಗಲ್ಲಿಯೇನು ಚೌ಼ಕ್‌ಮ ಭೀರಿನ್‌, ಪ್ರಾರ್ಥನೆ ಕರಾನ ಆಖ್ಹ್‌ಕರಾಸ್‌. ಮೇ ತುಮೂನ ಖ್ಹಾಚಮಾಬಿ ಬೋಲುಸ್ಕಿ, ಇವ್ಣುನ ಮಳ್‌ಣುತೆ ಇನಾಮ್ ತದ್ದೇಸ್ ಮಳಿಗಯು. 
\v 6 ಕತೋಬಿ ತೂ ಪ್ರಾರ್ಥನೆ ಕರಾನಿ ವಖ್ಹತ್‌ಮ, ತಾರ ಮಹಿನಕೋಣಾಮ ಜೈ಼ನ್, ಬಾಕಲ್‌ ಲಗಾಡಿನ್, ದಿಲ್ಮ ಛಾ಼ತೆ ತಾರ ಬಾನ ಪ್ರಾರ್ಥನೆ ಕರ್‌. ತದೆ ದಿಲ್ಮ ಚಾ಼ಲಾಸ್ತೆ ಇನ ದೇಖವಾಳೊ ತಾರೊ ಬಾ, ತುನ ಇನಾಮ್ ದಿಶೆ.
\p
\v 7 “ತೂ ಪ್ರಾರ್ಥನೆ ಕರಾನಿ ವಖ್ಹತ್‌ಮ, ದೇವ್ನ ಪರ್ಖಾಕೊಂತೆ ಅದ್ಮಿ ಬೋಲಾಸ್ತೆ ಇಮ್‌, ಮತ್ಲಬ್‌ಕೊಂತೆ ವಾತೇನ ಘಡಿಕೇಡೆ ನಕೊ ಬೋಲ್. ಇವ್ಣೆ ಘಣಿ ವಾತೆ ಬೋಲ್ಯಾತೊ, ಇವ್ಣಿ ಪ್ರಾರ್ಥನೆ ದೇವ್ ಖ್ಹಮಜ಼್‌ಶೆ ಕರಿ ಸೋಚ಼ಸ್‌. 
\v 8 ಇನಖ್ಹಾಜೇಸ್ ತುಮೆ ಇವ್ಣಿನಿಘೋಣಿ ನಕೊ ಕರೊ, ತುಮೆ ತುಮಾರ ಬಾಕನ ಮಾಂಗಿಲ್ಯವಾನ ಅಗಾಡಿಸ್, ತುಮೂನ ಶಾತ್‌ ಜ಼ರೂರತ್ ಛಾ಼ ಕರಿ ಇನ ಮಾಲುಮ್‌. 
\v 9 ಇನಖ್ಹಾಜೇಸ್, ತುಮೆ ಸೊರ್ಗಾನ ಬಾನ ಅಮ್ ಪ್ರಾರ್ಥನೆ ಕರ‍್ನು:
\q1
\v 10 ಸೊರ್ಗಾಮ ಛಾ಼ತೆ ಮಾರೊ ಬಾ:
\q2 ತಾರು ನಾಮ್ ಪರಿಶುದ್‌ಕರಿ ಗಣ್ತಿ ಹುವಾದೆ. ತಾರಿ ರಾಜ್ಯ ಆವಾದೆ;
\q2 ತಾರಿ ಮರ್ಜಿ ಸೊರ್ಗಾಮ ಚಾ಼ಲಾಸ್ತೆ ಇಮ್ಮಸ್, ಧರ್ತಿಪರ್‌ಬಿ ಚಾ಼ಲಾದೆ.
\q2
\v 11 ಹಮ್ಕೆ ಹಮೂನ ದನ್‌ಪರೋಜ಼್‌ನು ಖಾಣು ದೇ.\f + \fr 6:11 \fr*\ft ಖಾಣು ಆ ವಖ್ಹತ್‌ಮ ದೆ.\ft*\f*
\q2
\v 12 ಹಮಾರ ವಿರೋದ್ ಗಲತ್‌ ಕರಾವಾಳನ, ಹಮೆ ಮಾಪ್‌ ಕರೇಸ್ತೆ ಇಮ್ಮಸ್,
\q2 ಹಮಾರಿ ಗಲ್ತಿನ ತೂ ಮಾಪ್‌ಕರ್‌.
\q2
\v 13 ಹಮೂನ ಶೋದನೆಮ ನಕೊನಾಕ್‌,
\q2 ಕತೋಬಿ ಶೈತಾನ್‌ಥಿ ಹಮೂನ ಛೋ಼ಡಾವ್.’
\p
\v 14 ತುಮೆ ಅದ್ಮಿಖ್ಹಾರನಿ ಗಲತ್‌ನ ಮಾಪ್‌ ಕರ‍್ಯಾತೊ, ಪರಲೋಕ್‍ಮ ಛಾ಼ತೆ ತುಮಾರೊ ಬಾಬಿ ಜಿನು ತುಮಾರಿ ಗಲತ್‍ನಾಬಿ ಮಾಪ್‌ ಕರ್ಶೆ. 
\v 15 ಕತೋಬಿ ತುಮೆ ಅದ್ಮಿನು ಗಲತ್‌ನ ಮಾಪ್‌ ನಾ ಕರ‍್ಯಾತೊ, ತುಮಾರೊ ಬಾ ಹುಯಿರ‍್ಹೋತೆ ದೇವ್‌ಬಿ ತುಮಾರು ಗಲತ್‌ನ ಮಾಪ್‌ ಕೋ ಕರ್‌ಶೇನಿ.
\s ಉಪವಾಸ್‌ನಿ ಬಾರೇಮ
\p
\v 16 “ತುಮೆ ಉಪವಾಸ್ ಕರಾನಿ ವಖ್ಹತ್‌ಮ, ಖೋಟ್ ದಿಲ್‌ವಾಳನಿಘೋಣಿ ಮ್ಹೋಡು ನಾ ಮುರ್‌ಝೈ಼ಲೇಣು. ಇವ್ಣೆ ಉಪವಾಸ್ ಛಾ಼ ಕರಿ ಅದ್ಮಿಯೇನ ವತಾಳಿಲೆವಾನಖ್ಹಾಜೆ ಇವ್ಣು ಮ್ಹೋಡಾನ ಇಮ್‌ ಕರಿಲೇಸ್, ಮೇ ತುಮೂನ ಖ್ಹಾಚಮಾಬಿ ಬೋಲುಸ್ಕಿ, ಇವ್ಣುನ ಮಳ್‌ಣುತೆ ಇನಾಮ್ ತದೇಸ್‌ ಮಳಿಗಯು. 
\v 17 ಕತೋಬಿ ತೂ ಉಪವಾಸ್ ಕರಾನಿ ವಖ್ಹತ್‌ಮ, ಮುಡ್‌ಕ್ಯಾನ ತೇಲ್ ಲಗಾಡಿಲೀನ್‌, ಮ್ಹೋಡು ಧೊಯಿಲೆ. 
\v 18 ಅಮ್ ಕರ‍್ಯೋತೊ, ತೂ ಉಪವಾಸ್ ಛಾ಼ ಕರಿ ಅದ್ಮಿಯೇನ ಮಾಲುಮ್‌ ಕೋ ಪಡ್‌ಶೇನಿ, ಕತೋಬಿ ದಿಲ್ಮ ರ‍್ಹವಾಳ ತಾರ ಬಾನ ಯೋ ಮಾಲುಮ್‌ಪಡ್‍ಶೆ. ದಿಲ್ಮ ಚಾ಼ಲಸ್ತೆ ಇನ ದೇಖವಾಳೊ ತಾರೊ ಬಾ, ತುನ ಇನಾಮ್ ದಿಶೆ.
\s ಸೊರ್ಗಮಾನು ದೌಲತ್‌ನಿ ಬಾರೇಮ
\r (ಲೂಕ 12:33-34)
\p
\v 19 “ಜಗತ್‌ಪರ್ ತುಮಾರಖ್ಹಾಜೆ ಧನ್‌ದೌಲತ್‌ನ ನಕೊ ಜ಼ಮಕರಿಲೇವೊ, ಹಜ್ಜಾ಼ ಇನ ಕಿಲಪ್‍ಧರೀನ್‌, ಕೋರ‍್ಹಖೈನ್‌, ನಾಶ್ ಹುಯಿಜಾ಼ಸ್ ಅಜು಼ ಚೋ಼ರ್ ಖ್ಹಾರು ಘರ್‌ನ ಫೋಡಿನ್, ಇನ ಚೋ಼ರಿ ಕರಿಲಿಶೆ. 
\v 20 ಕತೋಬಿ ಸೊರ್ಗಾಮ ಶೊತ್‍ ಕರಿರಾಖೊ. ಹಿಜ್ಜಾ಼ ಯೋ ಕೋರ‍್ಹ ಖೈನ್‌, ಕಿಲಪ್‍ ಧರೀನ್ ಲುಕ್ಷಾನ್ ಕೋ ಹುವಾನಿ, ಅಜು಼ ಚೋ಼ರ್ ಖ್ಹಾರು ಘರ್‌ಫೋಡ್‍ಶೇಬಿ ಕೊಯ್ನಿ. ಚೋ಼ರೀಬಿ ಕರಾಕೊಯ್ನಿ. 
\v 21 ಶನಕತೊ ತುಮಾರಿ ಶೊತ್‌ ಕಿಜ್ಜಾ಼ ರ‍್ಹೇಸ್ಕಿ, ಹಿಜ್ಜಾ಼ಸ್ ತುಮಾರೊ ದಿಲ್‌ಬಿ ರ‍್ಹೇಸ್‌.
\s ಶರೀರ್‌ನ ಉಜಾ಼ಳು
\r (ಲೂಕ 11:34-36)
\p
\v 22 “ಡೋಳಾ ಶರೀರ್‌ನ ದಿವಾನಿಘೋಣಿ ಹುಯಿರ‍್ಹುಸ್‍. ತಾರ ಡೋಳ ಬರೋಬರ್ ರ‍್ಹಯಾತೊ, ತಾರು ಶರೀರ್ ಅಖ್ಖುಸ್, ಉಜಾ಼ಳು ಹುಯಿರ‍್ಹಿಷೆ. 
\v 23 ಕತೋಬಿ ತಾರ ಡೋಳಾ ಖರಾಬ್ ರ‍್ಹಯಾತೊ, ತಾರು ಶರೀರ್ ಅಖ್ಖುಸ್ ಅಂಧಾರು ಹುಯಿರ‍್ಹಿಷೆ. ತಾರಮಾನು ಉಜಾ಼ಳುಸ್‌ ಅಂಧಾರು ಹುಯಿರ‍್ಹಯುತೊ, ಯೋ ಕೆತ್ರೆ ಖತರ್‌ನಾಕ್ ಹುಯಿರ‍್ಹಿಶೆ!
\s ದೇವ್ ಅಜು಼ ಧನ್‌ದೌಲತ್‌
\r (ಲೂಕ 16:13; 12:22-31)
\p
\v 24 “ಕೋಣ್‌ಬಿ ಬೇ ಯಜಮಾನ್ನ ಸೇವೆಕರಾನ ಕೊಹೊಯ್ನಿ. ಯೋ ಏಕ್‌ನ ವಹೇರ್‌ ಕರೀನ್, ಬಿಜೇಕ್‌ನ ಪ್ಯಾರ್ ಕರ್ಶೆ; ನತರ್ ಏಕ್‌ನ ಜೋ಼ಡೆ ಅಛ್ಛಿಂತ್ರ ರ‍್ಹೀನ್, ಬಿಜೇಕ್‌ನ ಫಿಕ್ಕರ್‌ಕೊಕರ್ಷೇನಿ. ತುಮೆ ದೇವ್‍ನಾಬಿ, ಪೈಶಾನಾಬಿ ಭೇನಾ ಏಕ್‌ದಮ್ ಸೇವೆ ಕರಾನ ಕೋಹುವ್ವಾನಿ.
\p
\v 25 ಇನಖ್ಹಾಜೇಸ್ ಮೇ ತುಮೂನ ಬೋಲುಸ್ಕಿ, ಜಿವಾನಖ್ಹಾಜೆ ಶಾತ್‌ ಖಾಣು ಅಜು಼ ಪೀಣು ಕರಿ ಬೋಲಾನಿ ಬಾರೇಮರ‍್ಹವೊ, ನತರ್‌ಕಿ ಶರೀರ್‌ನ ಹೋಣುತೆ ಲುಂಗ್ಡಾವ್‍ನಿ ಬಾರೇಮರ‍್ಹವೊ ವೇಚ಼್‌ಣೆ ನಕೊ ಕರೊ. ಖಾಣಥೀಬಿ ಜಾನ್‌, ಅಜು಼ ಲುಂಗ್ಡಾವ್‍ಥೀಬಿ ಶರೀರ್ ಮಹಾನ್ ಕಾಹೆಕಿ ಶು? 
\v 26 ಆಕಾಶ್‌ಪರ್ ಉಡಾಸ್ತೆ ಜಿನಾವರ್‌ನ ದೇಖೊ, ಯೋ ಪಿಕಾವಕೊಯ್ನಿ, ವ್ಹಾಡಕೊಯ್ನಿ, ಕಣ್ಗಿ ಭರಿನ್ ಮ್ಹೇಲಾಕೊಯ್ನಿ. ಇಮ್‌ ರ‍್ಹಯುತೋಬಿ, ಸೊರ್ಗಾಮ ಛಾ಼ತೆ ತುಮಾರೊ ಬಾ, ಯೋ ಖ್ಹಾರಾನ ಪಾಳಿನ್ ಪರ್ವೇಶ್ ಕರಾಸ್. ಇವ್ಣೆಥಿಬಿ ತುಮೆ ಕೆತ್ರೇಕ್ಕಿ ಊಚ಼ ಹುಯಿರ‍್ಹಾಸ್ನಿ? 
\v 27 ತುಮೆ ವೇಚ಼್‌ಣೆ ಕರಿನ್‌ ಏಕ್‌ ಘಡಿತೋಬಿ ಜಾ಼ಖ್ಹತ್ ಜಿವಾನ ತುಮಾರಮ ಕಿನೇಥೀಬಿ ಉಶೇಕಿ ಶು?
\p
\v 28 ಎತ್ರೇಸ್ ಕಾಹೆತೆ ಪೇರ‍್ಹಾನ ಲುಂಗ್ಡಾನಿ ಬಾರೇಮ ಶನ ಫಿಕರ್ ಕರೋಸ್? ಜ಼ಂಗ್‍ಳಿಫೂಲ್‍ ಫುಟಾಸ್ತೆ ತರಿಕಾನ ದೇಖೊ: ಯೋ ಮ್ಹಿನತ್ ಕರಕೊಯ್ನಿ, ಖ್ಹುದ್‌ನಖ್ಹಾಜೆ ಲುಂಗ್ಡಾಬಿ ಬಣೈಲೇಯ್ ಕೊಯ್ನಿ. 
\v 29 ರ‍್ಹಯುತೋಬಿ ಮೇ ತುಮೂನ ಬೋಲುಸ್ಕಿ, ರಾಜ಼ ಸೊಲೊಮೋನ್ ಇನಾಕನ ಥೂತೆ ಖ್ಹಾರೂಸ್ ವೈಭೋಗ್‌ಥಿಬಿ ಪೇರ್‌ವಾಖ್ಹ್‌ನ ಪೇರ‍್ಹಿರಾಖ್ಯೊಥೋತೆ ವಖ್ಹತ್‍ಮಾಬಿ, ಆ ಫೂಲ್‌ಮ ಏಕ್‌ನ ಛಾ಼ತೆ ಶನ್‌ಗಾರ್ ಎತ್ರೆ ಇನ ಕೋ ಥೂನಿ. 
\v 30 ಅಲಾ, ದರ್ರಾಶಿ ವಿಶ್ವಾಸ್‌ವಾಳ, ಹಮ್ಕೆರ‍್ಹೀನ್‌ ಕಾಲ್‌ ಚು಼ಲ್ಹಾಮ ಬಳಿಜಾ಼ವಾನ ಜ಼ಂಗ್‌ಳಿ ಘಾಖ್ಹ್‌ನ ದೇವ್ ಅಮ್ ಪೇರ‍್ಹಾಯೋತೊ, ಅನೇಥಿಬಿ ಜಾ಼ಖ್ಹತ್ ತುಮೂನ ಹೋಡಾವ್‌ಶೆ, ಫೇರಾವ್‌ಶೆ ಕೊಯ್ನಿಕಿಶು?
\p
\v 31 ಇನಖ್ಹಾಜೇಸ್, ಶಾತ್‌ ಖಾಣು? ಕರಿ ರ‍್ಹವೊ, ನತರ್‌ಕಿ ಶಾತ್‌ ಪೀಣು?ಕರಿ ರ‍್ಹವೊ, ಶಾತ್ ಫೇರ್‌ನು? ಕರಿ ಬೋಲಾನಿ ಬಾರೇಮ ರ‍್ಹವೊ ವೇಚ಼್‌ಣೆ ನಕೊ ಕರೊ. 
\v 32 ಆ ತಮಾಮ್‍ನಖ್ಹಾಜೆ ದೇವ್‌ಮ ಅಲಕ್‌ ಅದ್ಮಿಖ್ಹಾರು ಕದೇಬಿ ವೇಚ಼್‌ಣೆ ಕರಸ್. ಆ ಖ್ಹಾರು ತುಮೂನ ಜ಼ರೂರತ್ ಛಾ಼ಕರಿ ಪರಲೋಕ್‍ಮ ಛಾ಼ತೆ ತುಮಾರ ಬಾನ ಮಾಲುಮ್. 
\v 33 ಅನಬದಲ್, ತುಮೆ ಪಹಿಲೆ ದೇವ್ನು ರಾಜ್ಯನಖ್ಹಾಜೆ ಅಜು಼ ಇನಿ ನೀತಿನ ಖ್ಹಾಜೇಬಿ ತರ್ಖ್ಹೊ. ತದೆ ಅನಜೋ಼ಡೆ ಯೋ ಖ್ಹಾರೂಸ್ ಮಳ್‌ಶೆ. 
\v 34 ಇನಖ್ಹಾಜೇಸ್, ಕಾಲ್ನಿ ಬಾರೇಮ ಫಿಕರ್ ನಕೊ ಕರೊ; ಕಾಲ್‌ನೊ ದನ್ ಇನಿ ಬಾರೇಮ ಯೋಸ್ ಫಿಕರ್ ಕರಿಲಿಶೆ. ಯೋ ದನ್ನಿ ಖ್ಹತಾಪ್ಣಿ ಯೋ ದನ್‌ಮಾಸ್ ಬಶ್‌.
\c 7
\s ಬಿಜಾ಼ನ ತೀರ್ಪ್ ಕರಾನಿ ಬಾರೇಮ
\r (ಲೂಕ 6:37,41-42)
\p
\v 1 “ತುಮೆ, ಬಿಜಾ಼ನ ತೀರ್ಪ್‌ ನಕೊ ಕರೊ, ತದೆ ದೇವ್‌ಬಿ ತುಮೂನ ತೀರ್ಪ್‌ ಕೋ ಕರ್‌ಶೇನಿ. 
\v 2 ತುಮೆ ಬಿಜಾ಼ನ ಕಿಮ್ ತೀರ್ಪ್‌ ಕರಾಸ್ಕಿ, ಇಮ್ಮಸ್ ದೇವ್‌ಬಿ ತುಮೂನ ತೀರ್ಪ್ ಕರ್ಶೆ, ಅಜು಼ ತುಮೆ ಬಿಜಾ಼ನ ಕಿಮ್ ಮಾಪಿನ್‌ ದೇಸ್ಕಿ, ಇಮ್ಮಸ್ ದೇವ್‌ಬಿ ತುಮೂನ ಮಾಪಿನ್‌ ದಿಶೆ. 
\v 3 ‘ತೂ ತಾರ ಡೋಳಾಮ ಛಾ಼ತೆ ಪೇದಡ್‌ನಿ ಬಾರೇಮ ಸೋಚ್ಯೊಕೊಂತೆ, ತಾರ ಭೈನ ಡೋಳಾಮ ಛಾ಼ತೆ ಕಾಕ್ರಿನಿ ಬಾರೇಮ ಸೋಚಾಸ್ತೆ ಕಿಮ್? 
\v 4 ತು ತಾರ ಭೈನ, ಭೈ ತಾರ ಡೋಳಾಮ ಛಾ಼ತೆ ಕಾಕ್ರಿನ ಕಾಡುಸ್‌ ಆವ್’ ಕರಿ ತು ಕಿಮ್ ಬೋಲಾಸ್? ತಾರ ಡೋಳಾಮ ಪೇದಡಸ್‌ ಛಾ಼ನಿ? 
\v 5 ಅಲಾ ಠಗಾರ! ತಾರ ಡೋಳಾಮ ಛಾ಼ತೆ ಪೇದಡ್‌ನ ಪಹಿಲೆ ಕಾಡ್, ತದೆ ತಾರ ಭೈನ ಡೋಳಾಮ ಛಾ಼ತೆ ಕಾಕ್ರಿ ತುನ ಅಛ್ಛಿನಿತರ ದೆಖಾವ್‌ಶೆ.
\p
\v 6 ಪರಿಶುದ್ ರಾಛ಼ವ್‍ನ ಕುತ್‌ರ‍್ಯಾವ್‍ನ ನಕೊ ನಾಖೊ; ಯೊ ಪಾಛು಼ಫರಿ ತುಮಾರಪರ್ ಪಡಿನ್ ಕಲ್ಡಿನಾಕ್ಷೆ. ಮುತ್ತ್ ಖ್ಹಾರು ಡೂಕರ್‌ನ ಖ್ಹಾಮ್ಣೆ ರಂಚೊ಼ ನಕೊ. ಯೊಅಖ್ಖು ಯೊ ಮುತ್ನ ಖುಂದ್ಲಿನಾಕ್ಷೆ.
\s ಮಾಂಗೊ, ಢೂಂಡೊ, ಖಟ್‌ಖಟಾವೊ
\r (ಲೂಕ 11:9-13)
\p
\v 7 “ಮಾಂಗಿಲೇವೊ, ತದೆ ತುಮೂನ ದೇವಾವ್‌ಶೆ; ಢೂಂಡೊ, ತದೆ ತುಮೂನ ಮಳ್‌ಶೆ; ಖಟ್‌ಖಟಾವೊ, ತುಮುನ ಬಾಕಲ್‌ ನಿಕಳ್‌ಶೆ, 
\v 8 ಶನಕತೊ ಮಾಂಗವಾಳ ಹರೇಕ್‌ನ ದೆವಾವ್‌ಶೆ, ಅಜು಼ ಢೂಂಡವಾಳನ ಮಳ್‌ಶೆ, ಕೋಣ್ ಖಟ್‌ಖಟಾವಸ್ಕಿ ಇನ ಬಾಕಲ್ ಕಡಾವ್‌ಶೆ. 
\v 9 ತುಮಾರಾಮ ಕೋಣ್‌ತೋಬಿ ರೋಟೊ ಮಾಂಗವಾಳ ಛಿಯ್ಯಾನ ಬಂಡೊ ದಿಶುಕಿ ಶು? 
\v 10 ನತರ್‌ಕಿ ಮಾಛ಼್‌ಲು ಮಾಂಗ್ಯೊತೊ, ಖ್ಹಾಪ್‍ನ ದಿಶೆ! 
\v 11 ಇಮ್‍ಕತೊ ಖರಾಬ್ ಹುಯಿರ‍್ಹಾತೆ ತುಮೇಸ್ ತುಮಾರ ಲಡ್ಕಾವ್‍ನ ಅಛ್ಛು಼ ರಾಛ಼ವ್‌ನ ದೆವಾಪರ್, ಪರಲೋಕ್‌ನೊ ತುಮಾರೊ ಬಾ, ಇನಾಕನ ಮಾಂಗವಾಳನ ಕೆತ್ರೇಕ್ಕಿ ಅಛ್ಛು಼ ರಾಛ಼ವ್‍ನ ದಿಶೆಕೊಯ್ನಿಕಿ ಶು?
\p
\v 12 ಅದ್ಮಿಖ್ಹಾರು ತುಮೂನ ಶಶ್ಶಾತ್ ಕರ‍್ನುಕರಿ ತುಮೆ ಆಖ್ಹ್ ಕರೋಸ್ಕಿ, ಯೋಸ್ ತುಮೆ ಇವ್ಣುನ ಕರೊ: ಮೋಶೇನು ಧರ್ಮಶಾಸ್ತ್ರ ಅಜು಼ ಪ್ರವಾದಿಯೇನು ವಚನ್ನು ಮತ್‌ಲಬ್ ಆಸ್ ಹುಯಿರ‍್ಹೂಸ್.
\s ನ್ಹಾನು ಬಾಕಲ್‌ನಿ ಬಾರೇಮ
\r (ಲೂಕ 13:24)
\p
\v 13 ನ್ಹಾನ ಬಾಕಲ್ ವಾಟೆಕರಿ ಮಹಿ ಜಾ಼ವೊ, ಶನಕತೊ ನರಕ್‌ನ ಜಾ಼ವಾನು ಬಾಕಲ್ ಝಾ಼ಲು ಅಜು಼ ಇನಾಮ ಚಾ಼ಲಿ ಜಾ಼ವಾನು ಶುಲ್ಬ, ಅಜು಼ ಇನಾಮ ಜಾ಼ವಾಳು ಅದ್ಮಿ ಘಣು. 
\v 14 ಕತೋಬಿ ಹಮೇಶಾನಿ ಜಿ಼ಂದ್‌ಗೀಮ ಜಾ಼ವಾನು ಬಾಕಲ್‌ ನ್ಹಾನು ಅಜು಼ ಇನಾಮ ಜಾ಼ವಾನ ಮುಶ್ಕಿಲ್, ಯೋ ಮಾರಗ್‌ನ ಢೂಂಡಿಲ್ಯವಾಳು ಥೋಡುಸ್ ಅದ್ಮಿ.
\s ಝಾ಼ಡು ಅಜು಼ ಇನು ಪಂಡಾನಿ ಬಾರೇಮ
\r (ಲೂಕ 6:43-44)
\p
\v 15 ಝೂ಼ಟ ಪ್ರವಾದಿಯೇನಿ ಬಾರೇಮ ಹೊಷಾರ್‌ಥಿ ರ‍್ಹವೊ; ಇವ್ಣೆ ಮೇಂಢಾನು ಪೇರ್‌ವಾಖ್ಹ್‌ನ ಘಾಲಿಲೀನ್‌ ತುಮಾರಕನ ಆವ್‌ಶೆ, ಕತೋಬಿ ಮಹಿ ದೇಖ್ಯುತೊ ಇವ್ಣೆ ಖ್ಹಾಚಮಾಬಿ ಝಂಜೋ಼ಡಿ ಖವಾಳ ಜ಼ರಕ್‌ನಿಘೋಣಿ ಹುಯಿರ‍್ಹೂಸ್. 
\v 16 ತುಮೆ ಇವ್ಣಿ ಚಾ಼ಲ್‌ಥೀಸ್ ಇವ್ಣುನ ಮಾಲುಮ್‌ ಕರಿಲಿಶು. ಕಾಟಾನಿ ಡಾಗೇಮ ದ್ರಾಕ್ಷಿನು ಪಂಡಾ ಅಜು಼ ದತ್ತೂರಿನ ಝಾ಼ಡಾವ್‌ಮ ಅಂಜೀರ್‌ನ ಪಂಡಾ ಮ್ಹೇಲಾಸ್ಕಿ ಶು? 
\v 17 ಇಮ್ಮಸ್ ಅಛ್ಛು಼ ಝಾ಼ಡು ಅಛ್ಛು಼ಸ್ ಪಂಡು ದೇಸ್, ಕತೋಬಿ ಕೀಡ್‌ಣು ಝಾ಼ಡು ಖ್ಹಡ್ಯುಪಂಡು ದೇಸ್. 
\v 18 ಅಛ್ಛು಼ ಝಾ಼ಡು ಖ್ಹಡ್ಯು ಪಂಡು ಕೋ ದೇಯ್ನಿ, ಅಜು಼ ಕೀಡ್‌ಣು ಝಾ಼ಡು ಅಛ್ಛು಼ ಪಂಡು ಕೋ ದೇಯ್ನಿ. 
\v 19 ಅಜು಼ ಅಛ್ಛು಼ ಪಂಡು ದೇಯಿಕೊಂತೆ ಹರೇಕ್ ಝಾ಼ಡನ ಕತ್ರೀನ್, ಆಗ್‌ಮ ನಾಖಾಸ್. 
\v 20 ಅಮ್ ಝೂ಼ಟಿ ಪ್ರವಾದಿಯೇನು ಚಾ಼ಲ್‌ಥೀಸ್ ತುಮೆ ಇವ್ಣುನ ಮಾಲುಮ್‌ ಕರಿಲಿಶು.
\s ತು ಕೋಣ್‌ಕರಿ ಮನ ಮಾಲುಮಸ್ ಕೊಯ್ನಿ
\r (ಲೂಕ 13:25-27)
\p
\v 21 “ಮನ, ‘ಪ್ರಭು, ಪ್ರಭು’ ಕರಿ ಬೋಲವಾಳು ಖ್ಹಾರು ಸೊರ್ಗ ರಾಜ್ಯಮ ಜಾ಼ಶೆಕರಿ ನಕೊಲ್ಹಾವೊ. ಕತೋಬಿ ಸೊರ್ಗಾಮ ಛಾ಼ತೆ ಮಾರ ಬಾನಿ ಮರ್ಜಿನಿಘೋಣಿ ಚಾ಼ಲವಾಳುಸ್ ಸೊರ್ಗ ರಾಜ್ಯಮ ಜಾ಼ಶೆ. 
\v 22 ನ್ಯಾವ್‍ನಿ ತೀರ್ಪ್‌ನ ದನ್ಮ ಕೈಯೆಕ್ಕಿ ಅದ್ಮಿ ಮನ, ‘ಪ್ರಭು, ಪ್ರಭು’ ತಾರ ನಾಮ್‌ಪರ್‌ ಹಮೆ ಪ್ರವಾದ್‌ನೆ ಬೋಲ್ಯ, ತಾರ ನಾಮ್‍ಪರ್ ಹಮೆ ಭೂತ್‌ನ ಖ್ಹಾರು ಕಾಡ್ಯ ಅಜು಼ ಕೈಯೆಕ್ಕಿ ಮಹಾನ್ ಕಾಮ್ನ ಕರ‍್ಯಾ, ಕರಿ ಬೋಲ್‌ಶೆ. 
\v 23 ತದೆ ಮೇ ಇವ್ಣುನ, ತುಮೆ ಕೋಣ್‌ಕರಿ ಮನ ಮಾಲುಮಸ್ ಕೊಯ್ನಿ. ಮಾರೇಥಿ ದೂರ್ ಹಟಿಜಾ಼ವೊ, ತುಮೆ ಖರಾಬ್ ಅದ್ಮಿ ಹುಯಿರ‍್ಹಾಸ್!” ಕರಿ ಬೋಲಿಶ್.
\s ಬೇ ಜ಼ಣು ಘರ್ ಭಾಂದಾವಾಳು
\r (ಲೂಕ 6:47-49)
\p
\v 24 “ಇನಖ್ಹಾಜೇಸ್, ಆ ಮಾರಿ ವಾತೇನ ಖ್ಹಮ್‌ಜಿನ್‌, ಅನೀನಿಘೋಣಿ ಚಾ಼ಲವಾಳು ಹರೇಕ್ ಜ಼ಣು ಬಂಡಾಪರ್ ಘರ್ ಭಾಂದಿಲೇಸ್ತೆ ಅಕ್ಲಿ ಅದ್ಮಿನಿಘೋಣಿ ಹುಯಿರ‍್ಹೂಸ್. 
\v 25 ಭಾಂದಾನ ಬಾದ್ಮ ಅಪಟ್-ಜ಼ಪಟ್‌ನೊ ಪಾಣಿ ವರ್ಶೀನ್, ನದ್ದಿಯೆ ಭರೈನ್ ಆಯು, ಅಜು಼ ಚಾರ‍್ಹೆ ಆಡಿಥು ವ್ಹಾಯಿರೊ ವಾಗಿನ್ ಯೋ ಘರ್‌ನ ಮಾರ್ ಪಡ್ಯು. ಕತೋಬಿ ಯೋ ಘರ್ ಬಂಡಾಪರ್ ಭಂದೈರ‍್ಹೂಥೂತೆ ಇನಖ್ಹಾಜೆ, ಯೋ ರಡ್‍ಕ್ಯು ಕೊಯ್ನಿ.
\p
\v 26 ಕತೋಬಿ ಆ ಮಾರಿ ವಾತೇನ ಖ್ಹಮ್‌ಜಿನ್‌ಬಿ, ಇನೀನಿಘೋಣಿ ಚಾ಼ಲಕೊಂತೆ ಹರೇಕ್ ಜ಼ಣು ರೇತಿಪರ್ ಘರ್ ಭಾಂದಿಲೇಸ್ತೆ ಬುಧ್ಧು ಅದ್ಮಿನಿಘೋಣಿ ಹುಯಿರ‍್ಹೂಸ್. 
\v 27 ಭಾಂದಾನ ಬಾದ್‌ಮ, ಅಪಟ್‌ಝ಼ಪಟ್‌ನೊ ಪಾಣಿ ವರ್ಶೀನ್, ನದ್ದಿಯೆ ಭರೈನ್ ಆಯು, ಅಜು಼ ಚಾರ‍್ಹೆ ಆಡಿಥು ವಹಿರೊ ವಾಗಿನ್, ಯೋ ಘರ್‌ನ ಮಾರ್ ಪಡ್ಯು. ತದೆ ಯೋ ಘರ್ ಧಡಮ್‌ ಕರಿ ರಡ್ಕಿ ಗಯು.
\s ಯೇಸುನಿ ಅದಿಕಾರ್‌ನಿ ಬಾರೇಮ
\p
\v 28 ಯೇಸುನೆ ಆ ಖ್ಹಾರಿ ವಾತೇನ ಬೋಲಿನ್ ಖತಮ್ ಕರಾನ ಬಾದ್ಮ, ಇನೆ ಬೋಲಿವತಾಳ್ಯೋತೆ ಇನಿ ಬಾರೇಮ ಅದ್ಮಿಖ್ಹಾರು ಘಣು ಆಶ್ಚರ್ಯಖಾದು. 
\v 29 ಶನಕತೊ, ಯೇಸು ಮೋಶೆನಿ ವಚನ್‍ ಶಿಕಾಡವಾಳ ಶಾಸ್ತ್ರಿಯೇನಿಘೋಣಿ ಕಾಹೆತೆ ಅದಿಕಾರ್ ರ‍್ಹವಾಳಾನಿತರ ಬೋಲಿ ವತಾಳ್‌ತೋಥೊ.
\c 8
\s ಯೇಸುನೆ ಏಕ್‌ ಖೋಡೆಲಾನ ಅಛ್ಛು಼ ಕರ‍್ಯೊತೆ
\r (ಮಾರ್ಕ 1:40-45; ಲೂಕ 5:12-16)
\p
\v 1 ಯೇಸು ಪಹಡ್ ಉತ್ರಿನ್ ಆವಾದಿನ್, ಅದ್ಮಿನು ಏಕ್‌ ಝೂ಼ಂಡ್‌ ಇನ ಪೀಠೆ ಗಯು. 
\v 2 ತದೆ ಖೋಡ್‍ ಲಗ್ಯೋಹುಯೊ ಏಕ್‌ ಜ಼ಣೊ ಯೇಸುಕನ ಐನ್, ಇನ ಖ್ಹಾಮ್ಣೆ ಢುಕ್‌ಣ್ಯ ಟೇಕಿನ್, “ಪ್ರಭು, ತೂ ಮನ್ ಕರ‍್ಯೋತೊ, ಮನ ಶುದ್ದಿ ಕರೆಜಾ಼ಯ್” ಕರಿ ಬೋಲ್ಯೊ.
\p
\v 3 ಯೇಸುನೆ ಹಾತ್‌ ಖ್ಹಾಮ್ಣೆ ಕರೀನ್, ಇನ ಛೀಮಿನ್‌, “ಮನ ಮನ್ ಛಾ಼, ಶುದ್ದಿ ಹೂ” ಕರಿ ಬೋಲ್ಯೊ. ತದ್‌ನು-ತದ್ದೇಸ್ ಯೋ ಅದ್ಮಿನ ಖೋಡ್‍ ಅಛ್ಛು಼ ಹುಯಿಗಯು. 
\v 4 ತದೆ ಯೇಸುನೆ ಇನ, “ಖ್ಹಮಜ಼್! ಕಿನಾಬಿ ನಕೊ ಬೋಲೀಶ್‌; ಕತೋಬಿ ಯಾಜಕಕನ ಜೈ಼ನ್ ತಾರು ಆಂಗ್‌ತನ್‌ ವತಾಳಿನ್ ಮೋಶೇನೆ ನೇಮ್‌ಶಾಯೋತೆ ಕಾಣ್ಕೆನ ದೇ; ಅನೇಥಿ ಅದ್ಮಿಖ್ಹಾರಾಮ ತುನ ಅಛ್ಛು಼ ಹುಯಿಗಯು ಕರಿ ಸಬೂತ್ ರ‍್ಹಿಶೆ” ಕರಿ ಬೋಲ್ಯೊ.
\s ಖ್ಹೋ ಶಿಪಾಯಿನೊ ಮೋಟಾನ ಆಳ್‌ನ ಯೇಸುನೆ ಅಛ್ಛು಼ ಕರ‍್ಯೊತೆ
\r (ಲೂಕ 7:1-10)
\p
\v 5 ಯೇಸು ಕಪೆರ್ನೌಮ್‌ನ ಆವಾದಿನ್, ಖ್ಹೋಶಿಪಾಯಿನೊ ಮೋಟಾನೆ ಇನಾಕನ ಗಿಂಗೈನ್, 
\v 6 “ಪ್ರಭು, ಮಾರೊ ಸೇವಕ್ ಲಖ್‌ವೊ ಮಾರಿನ್, ಘರ್‌ಮ ಛಾ಼ದ್ರಿಪರ್‌ ಪಡ್ಯೋಸ್‌ ಅಜು಼ ಅಜಾ಼ಥಿ ಘಣು ತರಪ್‌ಡುಕರಾಸ್” ಕರಿ ಬೋಲಿಲಿದೊ.
\p
\v 7 ಯೇಸುನೆ, “ಮೇ ಆಯಿನ್, ಇನ ಅಛ್ಛು಼ ಕರುಸ್” ಕರಿ ಬೋಲ್ಯೊ.
\p
\v 8 ತದೆ ಯೋ ಖ್ಹೋಶಿಪಾಯಿನೊ ಮೋಟಾನೆ, “ಪ್ರಭು, ತೂ ಮಾರ ಘರ್‌ಕನ ಆವಾಯೆತ್ರೆ ಮೇ ಲ್ಹಾಯೇಕ್‌ನೊ ಕಾಹೆ. ತೂ ಖಲಿ ಏಕ್‌ ವಾತೆ ಬೋಲ್ಯೋತೊ ಬಶ್‌, ಮಾರ ಸೇವಕ್‌ನ ಅಛ್ಛು಼ ಉಶೆ. 
\v 9 ಮೇಬಿ ಬಿಜೇಕ್ ಅದಿಕಾರ್‌ನ ಹಾತ್‍ಹೇಟ್ ರ‍್ಹವಾಳೊ, ಮಾರ ಅದೀನ್‌ಮಾಬಿ ಸಿಪಾಯಿಖ್ಹಾರು ಛಾ಼. ಮೇ ಇವ್ಣಾಮ ಏಕ್‌ ಜ಼ಣಾನ ‘ಜಾ಼’ ಕರಿ ಬೋಲ್ಯೊತೊ ಜಾ಼ಸ್‌; ಬಿಜ್ಜೇಕ್‌ ಜ಼ಣಾನ, ‘ಆವ್’ ಕರಿ ಬೋಲ್ಯೋತೊ, ಆವಸ್; ಮಾರ ಆಳ್‌ನ, ‘ಅಮ್ನು-ಅಮ್ನು ಕರ್‌’ ಕರಿ ಬೋಲ್ಯೋತೊ, ಯೋ ಕರಸ್” ಕರಿ ಬೋಲ್ಯೊ.
\p
\v 10 ಯೇಸುನೆ ಅನಖ್ಹಮ್‌ಜಿನ್, ಆಶ್ಚರ್ಯಖೈನ್, ಇನ ಪೀಠೆ ವಳ್ಯಾವ್‌ತುಥೂತೆ ಇವ್ಣುನ, “ಮೇ ಅವ್ಡಿ ಮೋಟಿ ವಿಶ್ವಾಸ್‌ನ ಇಸ್ರಾಯೇಲ್‌ ಅದ್ಮಿಮಾಬಿ ಕೋ ದೇಖ್ಯೋನಿ ಕರಿ ತುಮೂನ ಖ್ಹಾಚಮಾಬಿ ಬೋಲುಸ್. 
\v 11 ಅತ್ರೇಸ್ ಕಾಹೆತೆ, ಮೇ ತುಮೂನ ಬೋಲುಸ್ಕಿ, “ಪೂರಬ್ ಪಶ್ಚಿಮ್ ದಿಕ್ ಭಣೀಥು ಅದ್ಮಿ ಐನ್, ಸೊರ್ಗನು ರಾಜ್ಯಮ ಅಬ್ರಹಾಮ್‌, ಇಸಾಕ್ ಅಜು಼ ಯಾಕೋಬನ ಜೋ಼ಡೆ ಖಾಣನ ಬೇಖ್ಹ್‌ಶೆ; 
\v 12 ಕತೋಬಿ ಕೋಣ್ ಆ ರಾಜ್ಯಮ ಮಳವಾಳೊಕಿ ಇವ್ಣೆ ಭಾರ್ ಅಂಧಾರಾಮ ಫೆಕೈಜಾ಼ಶೆ; ಹಿಜ್ಜಾ಼ ಇವ್ಣೆ ರೊವ್‌ಶೆ ಅಜು಼ ಕರ್‌-ಕರ್‌ ದಾತ್‌ ಚಾ಼ವಾನು ಉಶೆ” ಕರಿ ಬೋಲ್ಯೊ. 
\v 13 ಅಜು಼ ಯೇಸುನೆ ಯೋ ಖ್ಹೋಶಿಪಾಯಿನೊ ಮೋಟಾನ, “ತೂ ವಿಶ್ವಾಸ್ ಕರ‍್ಯೊತೆ ಇಮ್ಮಸ್ ತುನ ಹುವಾದೆ, ಘರೆ ಜಾ಼” ಕರಿ ಬೋಲ್ಯೊ.
\p ಯೋಸ್‌ ವಖ್ಹತ್‌ಮ ಇನ ಸೇವಕ್‌ನ ಅಛ್ಛು಼ ಹುಯಿಗಯು.
\s ಯೇಸುನೆ ಕೈಯೆಕ್ಕಿ ಅದ್ಮಿನ ಅಛ್ಛು಼ ಕರ‍್ಯೊತೆ
\r (ಮಾರ್ಕ 1:29-34; ಲೂಕ 4:38-41)
\p
\v 14 ಅನಕೇಡೆಥು ಯೇಸು ಪೇತ್ರಾನ ಘರ್‌ಕನ ಆಯಿನ್, ಹಿಜ್ಜಾ಼ ಇನಿ ಖ್ಹಾಖ್ಹು ತಾವ್ ಐನ್, ಬಿಛಾ಼ವ್ಣಿಪರ್ ಖ್ಹುತಿಥೀತೆ ದೇಖ್ಯೊ. 
\v 15 ಯೇಸುನೆ ಇನ ಹಾತ್ನ ಛೀಮ್ಯೊ; ಛೀಮ್‌ತಾಸ್ನ ತಾವ್ ಉತ್ರಿಗಯೊ, ಅಜು಼ ಯೋ ಉಠೀನ್ ಇನಿ ಚಾ಼ಕ್ರಿ ಕರಿ.
\p
\v 16 ಖ್ಹಾಂಜ಼್ ಹುವ್ವಾದೀನ್, ಭೂತ್‌ ಧರಿರಾಖ್ಯುಥೂತೆ ಘಣ ಅದ್ಮಿನ ಯೇಸುಕನ ಬುಲೈಲಾಯು; ಯೇಸುನೆ ಖಲಿ ವಾತೆಥೀಸ್‌ ಭೂತ್‌ಖ್ಹಾರು ಕಾಡ್ಯೊ ಅಜು಼ ರೋಗ್‌ಮ ಥೂತೆ ಖ್ಹಾರಾನ ಅಛ್ಛು಼ ಕರ‍್ಯೊ. 
\v 17 ಅನೇಥಿ, “ಖ್ಹುದ್ ಇನೇಸ್‌ ಅಪ್ಣು ರೋಗ್‌-ರಾಯನ ಪಾಡಿಲಿದೊ, ಅಜು಼ ಅಪ್ಣ ಅಜಾ಼ನ ಢೊಯಿಲಿದೊ” ಕರಿ ಯೆಶಾಯ ಪ್ರವಾದಿಥಿ ಬೋಲೈತೆ ವಾತೆ ಚಾ಼ಲಾನಖ್ಹಾಜೆ ಯೇಸುನೆ ಆ ಖ್ಹಾರು ಕರ‍್ಯೊ.
\s ಯೇಸುನ ಪೀಠೆ ಜಾ಼ವಾಳು ಕಿಮ್ ರ‍್ಹೇಣು?
\r (ಲೂಕ 9:57-62)
\p
\v 18 ಯೇಸುನೆ ಇನ ಅಶ್‌ಪಿಶ್‌ಥೂತೆ ಅದ್ಮಿನಿ ಭೀಡ್‌ಣ ದೇಖಿನ್‌, ದರ‍್ಯಾವ್‍ನಿ ಪಾರ್ಲಿ ಬಾಜೂ಼ಮ ಜಾ಼ವ್ಣುಕರಿ ಇನ ಶಿಷ್ಯರ್‌ನ ಹುಕುಮ್‌ ದಿದೊ. 
\v 19 ತದೆ ಮೋಶೆನಿ ವಚನ್ ಶಿಕಾಡವಾಳೊ ಏಕ್‌ ಜ಼ಣೊ ಐನ್, ಯೇಸುನ, “ಗುರು, ತೂ ಕಿಜ್ಗಾ಼ ಗಯೊತೋಬಿ ಮೇ ತಾರ ಪೀಠೇಸ್‌ ಆವ್‍ಸ್‌” ಕರಿ ಬೋಲ್ಯೊ.
\p
\v 20 ಯೇಸುನೆ ಇನ, “ನ್ಹೋರಿಯೆನ ಘವಿಯೆ ಛಾ಼, ಅಜು಼ ಆಬ್‌ಪರ್ ಉಡಾತೆ ಜಿನಾವರ್‌ನ ಖ್ಹಾರು ಮ್ಹಾಳೊ ಛಾ಼, ಕತೋಬಿ ಅದ್ಮಿನ ಛಿಯ್ಯಾನ ಮುಡ್‌ಕ್ಯು ಟೇಕಯೆವ್ಡಿ ಝ಼ಗೋಬಿ ಕೊಯ್ನಿ” ಕರಿ ಬೋಲ್ಯೊ.
\p
\v 21 ಶಿಷ್ಯರ್‌ಮ ಬಿಜೇಕ್‌ನೆ, “ಪ್ರಭು, ಮೇ ಪಹಿಲೆ ಜೈ಼ನ್‌ ಮಾರ ಬಾನ ಧಪ್‌ನೈದೀನ್‌ ಆವಾನ ಮನ ಹುಕುಮ್ ದೆ” ಕರಿ ಬೋಲ್ಯೊ.
\p
\v 22 ಯೇಸುನೆ ಇನ, “ಮಾರ ಪೀಠೆ ಆವ್, ಮರ‍್ಯಹುಯಾಸ್‌ ಇವ್ಣಮ ಮರಿಗಯೂತೆ ಇನ ಮಾಟಿ ಕರಾದೆ” ಕರಿ ಬೋಲ್ಯೊ.
\s ಯೇಸುನೆ ತೋಫಾನ್‌ ಭೀರಾಖ್ಯೋತೆ
\r (ಮಾರ್ಕ 4:35-41; ಲೂಕ 8:22-25)
\p
\v 23 ಯೇಸು ಡೋಣ್‌ಪರ್‌ ಚ಼ಢ್ಯೊ, ಅಜು಼ ಇನ ಶಿಷ್ಯರ್‌ಬಿ ಇನಜೋ಼ಡೆ ಗಯ. 
\v 24 ಎಕ್ಕಸ್‌ದಮ್‌, ಮೋಟೊ ವಹಿರೊ ದರ‍್ಯಾವ್‌ಮ ಹುವಾಲಗ್ಯೊ, ಅಜು಼ ಝೋ಼ಕಾಳ್ಯೊ ಆಯಿನ್ ಡೋಣ್ಣಾ ಢಾಪಿನಾಖನಿತರ ಹುಯು. ಕತೋಬಿ ಯೇಸು ಖ್ಹುತೋಥೊ. 
\v 25 ಶಿಷ್ಯರ್‌ ಯೇಸುಕನ ಜೈ಼ನ್‌, ಇನ ಉಠಾಡಿನ್, “ಪ್ರಭು, ಹಮೂನ ಬಚಾ಼ಡ್‍! ಹಮೆ ಮರ‍್ವಾನ ಆಯಾನಿ!” ಕರಿ ಬೋಲ್ಯ.
\p
\v 26 ಯೇಸುನೆ, “ತುಮೆ ಶನ ಡರೋಸ್ತೆ? ತುಮೂನ ಕಮ್‍ವಿಶ್ವಾಸ್ ಛಾ಼!” ಕರಿ ಬೋಲಿನ್, ಉಠೀನ್‌ ವಹಿರನಾಬಿ, ದರ‍್ಯಾವ್ನ ಗುರ್‌ಕಾಯೊ, ತದೆ ಖ್ಹಾರೂಸ್ ಖ್ಹೊಪೊ ಪಡಿಗಯು.
\p
\v 27 ಹರೇಕ್ ಜ಼ಣು ಅಶ್ಚರ್ಯ ಖೈನ್, “ಆ ಕಿಮ್ನೊ ಉಶೆ? ವಹಿರೋಬಿ, ದರ‍್ಯಾವ್‌ಬಿ ಜಿನು ಆ ಬೋಲಾತೆ ಇಮ್‌ ಖ್ಹಮ್‌ಜಾ಼ಸ್‌ನಿ?” ಕರಿ ಬೋಲ್ಯು.
\s ಯೇಸುನೆ ಭೂತ್‌ ಧರಿರಾಖ್ಯುಥೂತೆ ಬೇ ಜ಼ಣಾನ ಅಛ್ಛು಼ ಕರ‍್ಯೊತೆ
\r (ಮಾರ್ಕ 5:1-20; ಲೂಕ 8:26-39)
\p
\v 28 ಅನಬಾದ್‍ಮ ಯೇಸು ದರ‍್ಯಾವ್‍ನಿ ಪಾರ್ಲಿ ಬಾಜೂ಼ಮ ಥೂತೆ ಗದರೇನ್‌ ಕರಿ ತಬರ್‌ಖಾನ ಆವಾದಿನ್, ಭೂತ್‌ ಧರಿರಾಖ್ಯುಥೂತೆ ಬೇ ಜ಼ಣು ಮಖ್ಹಾಣ್ಯನಿ ಘವಿಮಾಥೊ ನಿಕ್ಳಿನ್‌, ಇನಖ್ಹಾಮ್ಣೆ ಆಯು. ಇವ್ಣೆ ಘಣು ಚ಼ಂಢಾಳಿ ಹುಯಿರ‍್ಹುಥೂತೆ ಇನಖ್ಹಾಜೆ ಯೋ ವಾಟೆ ಕೋಣ್‌ಬಿ ಕೋ ಫರ್ತುಥೂನಿ. 
\v 29 ತದೇಸ್‌ ಇವ್ಣೆ, “ದೇವ್ನ ಛಿಯ್ಯಾ, ಹಮಾರೇಥಿ ತುನ ಶಾತ್‌ ಛಾ಼? ವಖ್ಹತ್ ಆವಾನ ಆಗಾಡಿಸ್‌ ಹಮೂನ ನಿಶತ್ ದ್ಯಾವಾನ ಐರ‍್ಹೋಸ್ಕಿ ಶು?” ಕರಿ ಚಿಕ್ರಿನ್ ಬೋಲ್ಯೊ.
\p
\v 30 ದರ್ರಾಶಿ ದೂರ್ ಪಾರಸ್ ಡೂಕರ್‌ನಿ ಏಕ್‌ ಮೋಟಿ ಝೂ಼ಂಡ್‌ ಚ಼ರೂಕರ್‌ತೂಥು. 
\v 31 ಯೋ ಭೂತ್‌ಖ್ಹಾರು, “ತೂ ಹಮೂನ ಅವ್ಣ ಮಹಿಥು ನಖ್ಹಾಡ್‌ತೊ ಉಶೇತೊ, ಯೋ ಡೂಕರ್‌ನಿ ಝೂ಼ಂಡ್‌ನ ಮಹಿ ಮೋಕಲ್” ಕರಿ ಗಿಂಗೈಲಿದು.
\p
\v 32 ಯೇಸುನೆ ಇವ್ಣುನ, “ಜಾ಼ವೊ” ಕರಿ ಬೋಲ್ಯೊ. ತದೆ ಯೋ ಭೂತ್‌ಖ್ಹಾರು ಇವ್ಣ ಭೇ ಜ಼ಣಾನ ಮ್ಹೆಂದಿನ್, ಡೂಕರ್‌ನ ಮಹಿ ಪೆಶಿಗಯು. ತದ್‌ನು-ತದ್ದೇಸ್ ಡೂಕರ್‌ಖ್ಹಾರು ನಾಶಿನ್, ಪಹಡ್‌ನಿ ಕಥಾರ್‌ಪರ್‌ಥು ದರ‍್ಯಾವ್‌ಮ ಪಡೀನ್, ಡುಬಿನ್ ಮರಿಗಯು.
\p
\v 33 ತದೆ ಡೂಕರ್‌ ಚ಼ರಾವವಾಳು ಇವ್ಣೆ ಗಾಮ್‌ನ ಮಹಿ ನಾಶಿ ಜೈ಼ನ್‌, ಭೂತ್‌ ಧರಿರಾಖ್ಯುಥೂತೆ ಇವ್ಣುನ ಚಾ಼ಲ್ಯುತೆ ಖ್ಹಾರಿಸ್ ಬಾರೇಮ ಬೋಲ್ಯು. 
\v 34 ತದೆ ಯೋ ತಬರ್‌ಖಾನು ಖ್ಹಾರುಸ್‌ ಅದ್ಮಿ ಯೇಸುನ ಮಳಾನಖ್ಹಾಜೆ ಆಯು; ಅಜು಼ ಇವ್ಣ ತಬರ್‌ಖಾನ ಮ್ಹೆಂದಿನ್ ಜಾ಼ ಕರಿ ಇನ ಗಿಂಗೈಲಿದು.
\c 9
\s ಯೇಸುನೆ ಲಕ್‍ವೊ ಮಾರ‍್ಯುಹುಯು ಏಕ್‌ ಅದ್ಮಿನ ಅಛ್ಛು಼ ಕರ‍್ಯೊತೆ
\r (ಮಾರ್ಕ 2:1-12; ಲೂಕ 5:17-26)
\p
\v 1 ಯೇಸುನೆ ಡೋಣ್‌ ಚ಼ಢೀನ್, ದರ‍್ಯಾವ್‍ನಿ ಪಾರ್ಲಿ ಬಾಜೂ಼ಮ ಥೂತೆ ಇನ ಗಾಮ್‌ನ ಪಾಛೊ಼ ಗಯೊ. 
\v 2 ಹಿಜ್ಜಾ಼ ಥೋಡ ಜ಼ಣಾನೆ ಬಿಛಾ಼ವ್ಣಿಪರ್ ಪಡ್ಯುಥೂತೆ ಏಕ್‌ಜ಼ಣೊ ಲಕ್‍ವೊ ಮಾರ‍್ಯುಹುಯಾನ, ಯೇಸುಕನ ಪಳ್ಳಿನ್‌ ಆಯು. ಇನೆ ಇವ್ಣಿ ವಿಶ್ವಾಸ್‌ನ ದೇಖಿನ್‌, ಯೋ ಲಕ್‍ವೊ ಮಾರ‍್ಯಹುಯಾನ, “ಮಾರ ಛಿಯ್ಯಾ, ಹಿಮ್ಮತ್‌ ರಾಕ್! ತಾರು ಪಾಪ್‌ಖ್ಹಾರು ಮಾಪ್‌ ಹುಯಿಗಯು” ಕರಿ ಬೋಲ್ಯೊ.
\p
\v 3 ಹಿಜ್ಜಾ಼ ಥೂತೆ ಮೋಶೇನು ವಚನ್‍ ಶಿಕಾಡವಾಳು ಶಾಸ್ತ್ರೀಮ ಥೋಡಜ಼ಣಾನೆ, “ಆ ಅದ್ಮಿ ದೇವ್ನಿ ವಿರೋದ್ ಬೋಲಾಸ್ನಿ!” ಕರಿ ಇವ್ಣ-ಇವ್ಣ ಮಹಿ ಬೋಲಿಲಿದು.
\p
\v 4 ಇವ್ಣೆ ಇಮ್‌ ಸೋಚುಕರಾತೆ ಯೇಸುನೆ ಮಾಲುಮ್‌ ಕರೀಲಿನ್‌, ಇವ್ಣುನ, “ಶನ ತುಮೆ ತುಮಾರ ಮನ್‌ಮ ಅಮ್ ಖರಾಬ್ ಸೋಚೋ಼ಸ್ತೆ? 
\v 5 ಕೆಹು ಶುಲ್ಬ? ‘ತಾರು ಪಾಪ್‌ಖ್ಹಾರು ಮಾಪ್‌ ಹುಯಿಗಯು’ ಕರಿ ಬೋಲಾನುಕಿ, ‘ಉಠೀನ್, ಚಾ಼ಲ್’ ಕರಿ ಬೋಲಾನು? 
\v 6 ಕತೋಬಿ ಅದ್ಮಿನೊ ಛಿಯ್ಯಾನ ಪಾಪ್‌ಖ್ಹಾರು ಮಾಪ್‌ ಕರಾನ ಧರ್ತಿಪರ್ ಹಕ್‌ ಛಾ಼ ಕರಿ ಮೇ ತುಮೂನ ವತಾಳುಸ್‌” ಕರಿ ಬೋಲಿನ್,ಯೋ ಲಕ್‌ವೊ ಮಾರಿರಾಖವಾಳನ, “ಉಪ್ಪರ್ ಉಟ್, ತಾರಿ ಬಿಛಾ಼ವ್ಣಿನ ಪಳ್ಳಿನ್‌, ಘರೆ ಜಾ಼!” ಕರಿ ಬೋಲ್ಯೊ.
\p
\v 7 ತದೆ ಯೋ ಅದ್ಮಿ ಉಪ್ಪರ್ ಉಠೀನ್, ಘರೆ ಗಯೊ. 
\v 8 ಅದ್ಮಿಖ್ಹಾರು ಅನದೇಖಿನ್‌, ಡರಿನ್‌, ದೇವ್ನೆ ಅದ್ಮಿನ ಅಮ್ನಿ ಅದಿಕಾರ್ ದಿದೋತೆ ಇನಖ್ಹಾಜೆ ದೇವ್ನ ಖ್ಹರಾಯು.
\s ಯೇಸುನೆ ಮತ್ತಾಯನ ಬುಲಾಯೋತೆ
\r (ಮಾರ್ಕ 2:13-17; ಲೂಕ 5:27-32)
\p
\v 9 ಯೇಸು ಹಿಜ್ಜಾ಼ಥೊ ಜಾ಼ತೊರ‍್ಹವಾನಿ ವಖ್ಹತ್‌ಮ, ಶುಂಕ ಮಾಂಗವಾಳೊ ಮತ್ತಾಯ ಕರಿ ಏಕ್‌ ಜ಼ಣೊ, ಶುಂಕ ಮಾಂಗಾನಿ ಝ಼ಗೋಪರ್ ಬೆಠೊಥೋತೆ ದೇಖಿನ್, ಯೇಸು ಇನ, “ಮಾರ ಪೀಠೆ ಆವ್” ಕರಿ ಬೋಲ್ಯೊ.
\p ತದೆ ಮತ್ತಾಯ ಉಠೀನ್, ಇನ ಪೀಠೆ ಗಯೊ.
\p
\v 10 ಅನಕೇಡೆಥು, ಯೇಸು ಇನ ಘರ್‌ಮ ಖಾಣನ ಬೆಠೋರ‍್ಹವಾನಿ ವಖ್ಹತ್‌ಮ, ಘಣು ಅದ್ಮಿ ಶುಂಕ ಮಾಂಗವಾಳು ಅಜು಼ ಪಾಪಿಖ್ಹಾರು ಐನ್, ಯೇಸು ಅಜು಼ ಇನ ಶಿಷ್ಯರ್‌ನ ಜೋ಼ಡೆ ಖಾಣನ ಬೇಶಿಗಯು. 
\v 11 ಫರಿಸಾಯರ್‌ನೆ ಅನದೇಖಿನ್‌, ಯೇಸುನ ಶಿಷ್ಯರ್‌ನ, “ತುಮಾರೊ ಗುರು ಶುಂಕ ಮಾಂಗವಾಳನ ಅಜು಼ ಪಾಪಿ ಖ್ಹಾರಾನ ಜೋ಼ಡೆ ಶನ ಖಾಣುಖಾಸ್ತೆ?” ಕರಿ ಬೋಲ್ಯು.
\p
\v 12 ಅನ ಖ್ಹಮ್‌ಜಿನ್ ಯೇಸುನೆ, ಇವ್ಣುನ, “ಅಛ್ಛು಼ರ‍್ಹಾವಾಳಾನ ವೈದ್ಯ ಹೋಣುಕೊಯ್ನಿ, ರೋಗ್‌ಮ ರ‍್ಹಾವಾಳನ ವೈದ್ಯಹೋಣು. 
\v 13 ತುಮೆ ಜೈ಼ನ್‌, ‘ಮನ ಜಾನ್ವರ್‌ನು ಬಲಿ ನಕೊ, ಗೋರಸ್‌ ಹೋಣುತೆ’ ಕರಿ ಧರ್ಮಶಾಸ್ತ್ರಮ ಲೀಖೈರ‍್ಹೂಸ್ತೆ ವಚನ್ನಿ ಮತ್‌ಲಬ್ ಶಿಕಿಲೇವೊ. ಮೇ ಆಯೋತೆ ನೀತಿವಾಳ ಅದ್ಮಿಯೇನ ಬುಲಾವನ ಕಾಹೆ, ಕತೋಬಿ ಪಾಪಿ ಖ್ಹಾರಾನ ಬುಲಾವಾನಖ್ಹಾಜೆ ಆಯೋತೆ” ಕರಿ ಬೋಲ್ಯೊ.
\s ಉಪವಾಸ್‌ನಿ ಬಾರೇಮ ಸವಾಲ್
\r (ಮಾರ್ಕ 2:18-22; ಲೂಕ 5:33-39)
\p
\v 14 ಅನಬಾದ್‍ಮ, ಬ್ಯಾಪ್ತಿಸ್ಮ ದ್ಯವಾಳೊ ಯೋಹಾನನು ಶಿಷ್ಯರ್‌ ಯೇಸುಕನ ಆಯಿನ್, “ಹಮೇಬಿ, ಫರಿಸಾಯರ್‌ಬಿ ತದೆ-ತದೆ ಉಪವಾಸ್ ಕರಿಯೇಸ್, ಕತೋಬಿ ತಾರು ಶಿಷ್ಯರ್‌ ಶನ ಉಪವಾಸ್ ಕೋ ಕರಾನಿ?” ಕರಿ ಪುಛಾ಼ಯು.
\p
\v 15 ಯೇಸುನೆ ಇವ್ಣುನ, “ವ್ಯಹಾನ ಛ಼ತ್‍ಮ ಆಯೂತೆ ಅದ್ಮಿ ಇವ್ಣ ಜೋ಼ಡೆ ನೌಶೊ ರ‍್ಹವಾತೋಡಿ ಇವ್ಣುನ ದುಖ್ ರ‍್ಹಿಶೇಕಿ ಶು? ಕೊಯ್ನಿ! ಕತೋಬಿ ನೌಶೊ ಇವ್ಣಾಕಂಥು ಮ್ಹೆಂದಿನ್ ಜಾ಼ವಾನಿ ವಖ್ಹತ್ ಆವ್‌ಶೆ, ತದೆ ಇವ್ಣೆ ದುಖ್ ಕರ್ಶೆ ಅಜು಼ ಉಪವಾಸ್ ಕರ್ಶೆ” ಕರಿ ಬೋಲ್ಯೊ.
\p
\v 16 “ಅಜು಼ ಕೋಣ್‌ಬಿ ನವು ಲುಂಗ್ಡಾನು ಥಿಗ್‌ಳು ಜೂ಼ನ ಲುಂಗ್ಡಾನ ಕೇಡೆಲಗಾಡಿನ್‌ ಶಿವಾಕೊಯ್ನಿ. ಇಮ್‌ ಕರ‍್ಯುತೊ, ಯೋ ನವು ಲುಂಗ್ಡಾನು ಥಿಗ್‌ಳು ಖೇಚಾ಼ವಸ್ತೆ ಇನಖ್ಹಾಜೆ, ಯೋ ಜೂ಼ನು ಲುಂಗ್ಡು ಬಿಜೂ಼ಬಿ ಜಾ಼ಖ್ಹತ್ ಫಾಟಿಜಾ಼ಸ್‌. 
\v 17 ಅತ್ರೇಸ್ ಕಾಹೆತೆ, ಜೂ಼ನಿ ಚಾ಼ಂಬ್ಡಾನಿ ತಿತ್ತಿಯೇಮ ನವು ದ್ರಾಕ್ಷಿನುರಖ್ಹ್‌ ಭರಿನ್‌ ಕೋ ಮ್ಹೇಲಾನಿ, ಇಮ್‌ ಮ್ಹೇಲ್ಯುತೊ ಚಾ಼ಂಬ್ಡಾನಿ ತಿತ್ತಿಯೆ ಫುಟಿನ್‌, ದ್ರಾಕ್ಷಿನು ರಖ್ಹ್‌ ಭಾರ್ ರಂಚೈ಼ಜಾ಼ಸ್‌, ಅಜು಼ ತಿತ್ತಿಯೇಬಿ ಬರ್ಬಾತ್ ಹುಯಿಜಾ಼ಸ್. ಇನಖ್ಹಾಜೇಸ್ ನವು ದ್ರಾಕ್ಷಿನು ರಖ್ಹ್‌ನ ನವಿ ತಿತ್ತಿಯೇಮ ಭರಿನ್‌ ಮ್ಹೇಲಾಸ್, ತದೆ ಭೇಬಿ ಬಚಿಜಾ಼ಸ್‌” ಕರಿ ಬೋಲ್ಯೊ.
\s ಅದಿಕಾರಿನಿ ಛೋ಼ರಿ ಅಜು಼ ಯೇಸುನು ಲುಂಗ್ಡು ಛೀಮೀತೆ ತಯೇಡಾನಿ ಬಾರೇಮ
\r (ಮಾರ್ಕ 5:21-43; ಲೂಕ 8:40-56)
\p
\v 18 ಯೇಸು ಇವ್ಣಿ ಜೋ಼ಡೆ ಆ ವಾತೆ ಬೋಲುಕರಾನಿ ವಖ್ಹತ್‌ಮ, ಯೆಹೂದ್ಯರ್‌ನೊ ಏಕ್‌ ಅದಿಕಾರಿ ಇನಾಕನ ಆಯಿನ್, ಇನಖ್ಹಾಮ್ಣೆ ಢುಕ್‌ಣ್ಯಟೇಕಿನ್, “ಮಾರಿ ಛೋ಼ರಿ ಹಂಕೇಸ್‌ ಮರಿಗೈ; ತೋಬಿ ತೂ ಐನ್ ಇನಾಪರ್‌ ಹಾತ್‌ ಮ್ಹೇಲ್ಯೋತೊ ಯೋ ಜಿವ್‌ತಿ ಉಶೆ” ಕರಿ ಗಿಂಗೈಲಿದೊ.
\p
\v 19 ತದೆ ಯೇಸು ಉಠೀನ್, ಇನ ಕೇಡೆ ಗಯೊ, ಅಜು಼ ಇನ ಶಿಷ್ಯರ್‌ ಇನ ಪೀಠೆ ಗಯ.
\p
\v 20 ಭಾರ ವರಖ್ಹ್‌ಥು ಮುಟ್ನು ರೋಗ್‌ಥೀತೆ ಏಕ್‌ ತಯೇಡ ಥಿ ಯೋ ಯೇಸುನ ಪೀಠೇಥಿ ಆಯಿನ್, ಇನ ಝ಼ಗ್ಗಾನು ಕನಾರಿನ ಛೀಮಿ. 
\v 21 ಯೋ ತಯೇಡ, “ಮೇ ಇನ ಲುಂಗ್ಡಾನ ಛೀಮೀತೊ ಬಶ್‌, ಮನ ಅಛ್ಛು಼ ಹುಯಿಜಾ಼ಶೆ” ಕರಿ ಇನು ಯೋಸ್ ಬೋಲಿಲಿದಿ.
\p
\v 22 ತದೆ ಯೇಸುನೆ ಫರೀನ್, ಇನಾಭಣಿ ದೇಖಿನ್‌, “ಛೋ಼ರಿ ಧಿಲ್‌ಪತ್‌ಥಿ ರ‍್ಹೇ! ತಾರಿ ವಿಶ್ವಾಸ್‌ಥೀಸ್‌ ತುನ ಅಛ಼್ಛುಹುಯು” ಕರಿ ಬೋಲ್ಯೊ. ಯೋಸ್‌ ವಖ್ಹತ್‌ಮ ಯೋ ತಯೇಡಾನ ಗುಣ್‌ಹುಯು.
\p
\v 23 ಅನಕೇಡೆಥು ಯೇಸು ಯೋ ಅದಿಕಾರಿನ ಘರೆ ಆಯೊತದೆ, ಹಿಜ್ಜಾ಼ ವಾಖ್ಹ್‌ಳಿ ವಜಾ಼ಡವಾಳನ ಅಜು಼ ಗಲಾಟ್ ಕರುಕರ್ತುಥೂತೆ ಅದ್ಮಿಖ್ಹಾರಾನ ದೇಖಿನ್‌, 
\v 24 “ಭಾರ್‌ ಜಾ಼ವೊ, ಛೋ಼ಕ್ರಿ ಮರಿಕೊಯ್ನಿ, ಖ್ಹುತೀಸ್!” ಕರಿ ಬೋಲ್ತಾನ, ಇವ್ಣೆ ಖ್ಹಾರು ಯೇಸುನ ದೇಖಿನ್ ನಕ್ಲೆಕಾಡಿ ಹಾಶ್ಯು. 
\v 25 ಅದ್ಮಿಖ್ಹಾರಾನ ಭಾರ್‌ ಮೋಕ್ಲಾನ ಬಾದ್ಮ, ಯೇಸು ಮಹಿ ಜೈ಼ನ್‌, ಯೋ ಛೋ಼ಕ್ರಿನೊ ಹಾತ್‌ ಧರ್‌ತಾನ, ಯೋ ಉಠಿ ಭೀರಿಗೈ. 
\v 26 ಆ ಖಬರ್ ಯೋ ದೇಖ್ಹ್‌ ಅಖ್ಖುಸ್ ಫೈಲಿಗಯು.
\s1 ಯೇಸುನೆ ಬೇ ಜ಼ಣ ಕಾಣಾನ ಅಛ್ಛು಼ ಕರ‍್ಯೊತೆ
\p
\v 27 ಯೇಸು ಹಿಜ್ಜಾ಼ಥೊ ಜಾ಼ವಾನಿ ವಖ್ಹತ್‌ಮ, ಬೇ ಜ಼ಣು ಕಾಣು, “ದಾವೀದ್‌ನ ಛಿಯ್ಯಾ, ಹಮಾರಪರ್‌ ಗೋರ್‌ ಕರ್‌!” ಕರಿ ಜೋ಼ರೇಖ್ಹು ಚಿಕರ್ತು ಹುಯಿನ್, ಇನ ಪೀಠೆ ಗಯ.
\p
\v 28 ಯೇಸು ಘರ್‌ನ ಮಹಿ ಜಾ಼ವಾದಿನ್, ಯೋ ಭೇ ಕಾಣು ಇನಾಕನ ಆಯು, ಇನೆ ಇವ್ಣುನ, “ಮೇ ತುಮೂನ ಅಛ್ಛು಼ ಕರೆಜಾ಼ಯ್ ಕರಿ ತುಮೆ ನಂಬೋಸ್ಕಿ ಶು?” ಕರಿ ಪುಛಾ಼ಯೊ. ಇವ್ಣೆ, “ಓಹೋಲಾ, ಪ್ರಭು!” ಕರಿ ಜವಾಬ್‌ ದಿದು. 
\v 29 ತದೆ ಯೇಸುನೆ ಇವ್ಣ ಡೋಳಾ ಛೀಮಿನ್‌, “ತುಮೆ ವಿಶ್ವಾಸ್ ಕರ‍್ಯಾತೆ ಇಮ್ಮಸ್, ತುಮೂನ ಹುವಾದೆ!” ಕರಿ ಬೋಲ್ಯೊ. 
\v 30 ತದೆ ಇವ್ಣ ಡೋಳಾ ದೆಖಾವಲಗ್ಯ. ಅಜು಼ ಯೇಸುನೆ ಇವ್ಣುನ, “ಆ ಬಾರೇಮ ಕಿನಾಬಿ ನಾ ಬೋಲ್‌ನು!” ಕರಿ ಇವ್ಣುನ ಝೇತಾಯೊ.
\p
\v 31 ಕತೋಬಿ ಇವ್ಣೆ ಹಿಜ್ಜಾ಼ಥು ಚ಼ಲ್ಯೂಜೈ಼ನ್, ಯೇಸುನಿ ಬಾರೇನಿ ಖಬರ್‌ನ ಯೋ ದೇಖ್ಹ್‌ ಅಖ್ಖು ಫೈಲೈದಿದು.
\s ಯೇಸುನೆ ಏಕ್‌ ಮುಕ್ಕಾನ ಅಛ್ಛು಼ ಕರ‍್ಯೊತೆ
\p
\v 32 ಇವ್ಣೆ ಭೇ ಜ಼ಣು ಹಿಜ್ಜಾ಼ಥು ಜಾ಼ವಾನಿ ವಖ್ಹತ್‌ಮ, ಥೋಡು ಅದ್ಮಿನೆ ಭೂತ್‌ ಧರಿರಾಖ್ಯುಥೂತೆ ಏಕ್‌ ಮುಕ್ಕಾನ ಯೇಸುಕನ ಲಾಯು. 
\v 33 ಯೇಸುನೆ ಯೋ ಭೂತ್‌ನ ನಖ್ಹಾಡಾನ ಬಾದ್ಮ, ಯೋ ಮುಕ್ಕೊ ವಾತೆ ಬೋಲಾಲಗ್ಯೊ. ತದೆ ಯೋ ಅದ್ಮಿಖ್ಹಾರು, “ಇಸ್ರಾಯೇಲ್‌ಮ ಅಮ್ನು ಕಾಮ್ನ ಹಮೆ ಕದೇಸ್‌ ಕೋ ದೇಖಿರಾಖ್ಯಾನಿ!” ಕರಿ ಆಶ್ಚರ್ಯಖಾದು.
\p
\v 34 ಕತೋಬಿ ಫರಿಸಾಯರ್‌ನೆ, “ಭೂತ್‌ ಖ್ಹಾರಾನೊ ಯಜಮಾನ್ನಿ ಮದತ್‌ಥೀಸ್ ಯೇಸು ಭೂತ್‌ನ ಖ್ಹಾರು ಕಾಡಸ್ತೆ” ಕರಿ ಬೋಲ್ಯು.
\s ಅದ್ಮಿಪರ್ ಯೇಸುನಿ ಗೋರ್‌
\p
\v 35 ಯೇಸು ಖ್ಹಾರ ಖ್ಹಯೇರ್‌ಮ ಅಜು಼ ಗಾಮ್ಮ ಕರಿ ಫರ್ತೊಹುಯಿನ್, ಇವ್ಣಿ ಸಬೆ ಭರಾವಾನು ಮಂದಿರ್‌ಮ ಬೋಲಿದೇತೊಹುಯಿನ್‌, ರಾಜ್ಯನಿ ಅಛ್ಛಿ ಖಬರ್‌ನ ಬೋಲ್ತೊಹುಯಿನ್, ಖ್ಹಾರಿಸ್ ತರ‍್ಹಾನು ರೋಗ್‌-ರಾಯನ ಅಛ್ಛು಼ ಕರ್ತೊ ಆಯೊ. 
\v 36 ಕತೋಬಿ ಅದ್ಮಿನಿ ಭೀಡ್ ದೇಖಿನ್‌, ಇವ್ಣೆ ಖ್ಹಾರು ಕುರುಬಕೊಂತೆ ಮ್ಹೇಂಢವ್‌ನಿ ಘೊಣಿ ಖ್ಹತಿರ‍್ಹೂತೆ ಅಜು಼ ಮದತ್‌ಕೊಂತೆ ಇಮ್‌ ಛಾ಼ ಕರಿ ಬೋಲಿನ್, ಇವ್ಣಾಪರ್ ಗೋರ್‌ ಖಾದೊ. 
\v 37 ತದೆ ಯೇಸುನೆ ಇನ ಶಿಷ್ಯರ್‌ನ, “ಅನಾಜ಼್ ಜಾ಼ಖ್ಹತ್ ಛಾ಼, ಕತೋಬಿ ಕಾಮ್ ಕರಾವಾಳು ಕಮ್; 
\v 38 ಇನಖ್ಹಾಜೇಸ್ ಅನಾಜ಼್ ಪಿಕಾವಳೊ ಯಜಮಾನ್ನ, ತಾರು ಅನಾಜ಼್‌ನ ಎಕ್ಟು ಕರಾನಖ್ಹಾಜೆ ಕಾಮ್‌ವಾಳಾನ ಮೋಕಲ್ ಕರಿ ಬಿಂತಿ ಕರೊ” ಕರಿ ಬೋಲ್ಯೊ.
\c 10
\s ಭಾರ ಅಪೊಸ್ತಲರ್
\r (ಮಾರ್ಕ 3:13-19; ಲೂಕ 6:12-16)
\p
\v 1 ಯೇಸುನೆ ಇನ ಭಾರ ಜ಼ಣ ಶಿಷ್ಯರ್‌ನ ಎಕ್ಕದಮ್‌ ಬುಲೈನ್, ಭೂತ್‌ಖ್ಹಾರು ಕಾಡಾನ ಅಜು಼ ಖ್ಹಾರಿಸ್ ತರ‍್ಹಾನು ರೋಗ್‌-ರಾಯನ ಅಛ್ಛು಼ ಕರಾನ ಇವ್ಣುನ ಅದಿಕಾರ್ ದಿದೊ. 
\v 2 ಯೋ ಭಾರಜ಼ಣ ಅಪೊಸ್ತಲರ‍್ನು ನಾಮ್ ಕೆಹುಕತೊ: ಪಹಿಲೊ ಪೇತ್ರ ಕರಿ ಬೋಲೈಲಿದೋತೆ ಸೀಮೋನ, ಇನೊ ಭೈ ಅಂದ್ರೆಯ, ಜೆಬೆದಾಯನೊ ಛಿಯ್ಯೊ ಯಾಕೋಬ ಅಜು಼ ಇನೊ ಭೈ ಯೋಹಾನ. 
\v 3 ಫಿಲಿಪ್ಪ ಅಜು಼ ಬಾರ್ತೊಲೊಮಾಯ, ತೋಮ, ಶುಂಕವಾಳೊ ಮತ್ತಾಯ, ಅಲ್ಫಾಯನೊ ಛಿಯ್ಯೊ ಯಾಕೋಬ, ತದ್ದಾಯ, 
\v 4 ದೇಖ್ಹ್‌ನೊ ಭಕ್ತ ಕರಿ ಬೋಲೈಲಿದೋತೆ ಸೀಮೋನ, ಯೇಸುನ ಧೊಕೇಥಿ ಧರಿದಿದೋತೆ ಇಸ್ಕರಿಯೋತ ಯೂದ, ಅವ್ಣೇಸ್.
\s ಭಾರ ಜ಼ಣಾನಿ ಸೇವೇನಿ ಬಾರೇಮ
\r (ಮಾರ್ಕ 6:7-13; ಲೂಕ 9:1-6)
\p
\v 5 ಆ ಭಾರ ಜ಼ಣಾನ ಯೇಸು ಮೋಕ್ಲಾನಿ ವಖ್ಹತ್‌ಮ, ಇವ್ಣುನ ಶಾತ್‌ ಬೋಲಿನ್ ಮೋಕ್‌ಲ್ಯೊ ಕತೊ, “ಯೆಹೂದ್ಯರ್‌ಕಾಹೆತೆ ಅದ್ಮಿನ ಗಾಮ್‌ಭಣಿ ರ‍್ಹವೊ, ಸಮಾರಿಯಾನು ಖೆವುಸ್‌ ಗಾಮ್ಮ ರ‍್ಹವೊ ನಕೊಜಾ಼ಶು. 
\v 6 ಅನಬದಲ್ ಗುಮೈಗಯೂತೆ ಮೇಂಢನಿಘೋಣಿ ಛಾ಼ತೆ ಇಸ್ರಾಯೇಲ್‌ನ ಅದ್ಮಿಕನ ಜಾ಼ವೊ. 
\v 7 ಜೈ಼ನ್‌, ‘ಸೊರ್ಗನು ರಾಜ್ಯ ಖನ್ನೆ ಐಗು’ ಕರಿ ಬೋಲಿವತಾಳೊ. 
\v 8 ರೋಗ್‌ವಾಳಾನ ಅಛ್ಛು಼ಕರೊ, ಮರ‍್ಯಾಹುಯಾನ ಜಿವ್ತು ಕರೊ, ಖೋಡ್‍ ಲಗ್ಯಹುಯಾನ ಪಾಕ್‌ಕರೊ ಅಜು಼ ಭೂತ್‌ಖ್ಹಾರು ಕಾಡೊ. ತುಮೂನ ಫುಗಟ್‌ಮ ಮಳಿರ‍್ಹೂಸ್‌ ಇನಖ್ಹಾಜೆ ಫುಗಟ್‌ಮ ದೆವೊ. 
\v 9 ತುಮಾರಿ ಚ಼ಂಚಿಮ ಖ್ಹೊನ್ನು, ರೂಪು ನಾತೊ ತಾಂಬಾನು ಪೈಶಾ ರ‍್ಹವೊ, ನಕೊ ಲೀಜಾ಼ವೊ; 
\v 10 ಜಾ಼ವಾನಿ ವಖ್ಹತ್‌ಮ, ಝೋ಼ಳಿ ರ‍್ಹವೊ, ಬೇ ಕುಡ್‌ತಾ ರ‍್ಹವೊ, ಖೋಖ್ಹ್‌ಡು ರ‍್ಹವೊ, ಲಠ್ಠೊ ರ‍್ಹವೊ ನಕೊ ಲೀಜಾ಼ಶು. ಕಾಮ್ ಕರಾವಾಳ ಆಳ್‌ನ ಶಾತ್‌ ಜ಼ರೂರತ್ ಛಾ಼ಕಿ ಯೋ ಇನ ದೆವಾವ್‌ಶೆ.
\p
\v 11 ತುಮೆ ಖೆವತೋಬಿ ಖ್ಹಯೇರ್‌ಮ ನತರ್‌ಕಿ ಗಾಮ್ಮ ಗಯಾತೊ, ಹಿಜ್ಜಾ಼ ಕೋಣ್ ಅಛ್ಛು಼ಕರಿ ಪುಛೈ಼ಲೀನ್‌, ಯೋ ಗಾಮ್‌ನ ಮ್ಹೆಂದಿನ್ ಜಾ಼ವಾತೋಡಿ ಯೋಸ್ ಝ಼ಗೋಮ ರ‍್ಹವೊ. 
\v 12 ತುಮೆ ಏಕ್‌ ಘರ್‌ಮ ಜಾ಼ವಾನಿ ವಖ್ಹತ್‌ಮ, ‘ತುಮೂನ ಸಮಾಧಾನ್ ಮಳಾದೆ’ ಕರಿ ಬೋಲೊ. 
\v 13 ಯೋ ಘರ್‌ಮಾನು ಅದ್ಮಿ ತುಮೂನ ಬುಲೈಲಿದುತೊ, ತುಮಾರಿ ಸಮಾಧಾನ್ ಇವ್ಣುನ ಮಳಾದೆ. ಕತೋಬಿ ಇವ್ಣೆ ತುಮೂನ ನಾ ಬುಲೈಲಿದುತೊ, ತುಮಾರಿ ಸಮಾಧಾನ್ ಪಾಛು಼ಫರಿ ತುಮುನಾಸ್ ಆವಾದೆ. 
\v 14 ಖೆವತೋಬಿ ಘರ್‌ವಾಳು ನತರ್‌ಕಿ ಗಾಮ್‌ವಾಳು ತುಮೂನ ನಾ ಬುಲೈಲಿದುತೊ, ನತರ್‌ಕಿ ತುಮಾರಿ ವಾತೆನ ನಾ ಖ್ಹಮ್‌ಜುತೊ, ಯೋ ಗಾಮ್‌ನ ಮ್ಹೆಂದಿನ್ ಜಾ಼ವಾನಿ ವಖ್ಹತ್‌ಮ, ತುಮಾರ ಗೋಡಾನ ಲಗ್ಯುತೆ ಧೂಳ್‌ನ ಝ಼ಟ್‌ಕಿ ದೆವೊ. 
\v 15 ನ್ಯಾವ್‍ನಿ ತೀರ್ಪ್‌ನ ದನ್ಮ ಇಮ್ನ ಗಾಮ್‌ನಿ ಹಾಲ್‌ ಸೊದೋಮ್ ಅಜು಼ ಗೊಮೋರ್‌ ತಬರ್‌ಖಾನಿ ಹಾಲ್‌ಥೀಬಿ ಖರಾಬ್ ರ‍್ಹಿಶೆ ಕರಿ ಮೇ ತುಮೂನ ಖ್ಹಾಚಮಾಬಿ ಬೋಲುಸ್” ಕರಿ ಬೋಲ್ಯೊ.
\s ಆವ್‌ಶೇತೆ ಖ್ಹತಾಪ್ಣಿನಿ ಬಾರೇಮ
\r (ಮಾರ್ಕ 13:9-13; ಲೂಕ 21:12-17)
\p
\v 16 “ಖ್ಹಮ್‌ಜೊ಼! ಜ಼ರಕ್‌ನ ಮಹಿ ಮೇಂಢವ್‌ನ ಮೋಕ್ಲಾತೆ ಇಮ್‌ ಮೇ ತುಮೂನ ಮೋಕ್ಲುಕರುಸ್. ಇನಖ್ಹಾಜೇಸ್ ತುಮೆ ಖ್ಹಾಪ್‌ನಿತರ ಚಾ಼ತುರ್ ಅಜು಼ ಪರ‍್ಯಾವಾನಿಘೋಣಿ ಖೋಟ್‌ಕೊಂತೆ ಇಮ್‌ ರ‍್ಹವೊ. 
\v 17 ಅದ್ಮಿನಿ ಬಾರೇಮ ಜ಼ತನ್ ರ‍್ಹವೊ, ಶನಕತೊ ಇವ್ಣೆ ತುಮೂನ ಧರೀನ್, ನ್ಯಾವ್ ಕರಾನಿ ಸಭೆಮ ಖೇಚಿಲಿಜಾ಼ಶೆ, ಅಜು಼ ಇವ್ಣಿ ಸಬೆ ಭರಾವಾನು ಮಂದಿರ್‌ಮ ತುಮೂನ ಕೊಳ್ಡೇಥಿ ಮಾರ್‌ಶೆ. 
\v 18 ಮಾರಖ್ಹಾಜೆ ತುಮೂನ ಅದಿಕಾರಿ ಅಜು಼ ರಾಜಾ಼ವ್‌ನ ಖ್ಹಾಮ್ಣೆ ಲೀಜಾ಼ಶೆ; ಅಮ್ ಇವ್ಣುನಾಬಿ ಅಜು಼ ಯೆಹೂದ್ಯರ್‌ಕಾಹೆತೆ ಅದ್ಮಿವೋನಾಬಿ ತುಮೆ ಸಬೂತ್ ಹುಯಿರ‍್ಹಿಶು. 
\v 19 ಇವ್ಣೆ ತುಮೂನ ಧರಿದ್ಯವಾನಿ ವಖ್ಹತ್‌ಮ, ತುಮೆ ಶಾತ್‌ ವಾತೆ ಬೋಲ್‌ನು, ಕಿಮ್ ವಾತೆ ಬೋಲ್ನುಕರಿ ಸೋಚೊ ನಕೊ; ತುಮೆ ಶಾತ್‌ ಬೋಲ್ನುಕರಿ ಯೋ ವಖ್ಹತ್ ಆವಾದಿನ್, ತುಮೂನ ದೆವಾವ್‌ಶೆ. 
\v 20 ವಾತೆ ಬೋಲವಾಳ ತುಮೆ ಕಾಹೆ; ತುಮಾರೊ ಬಾನೊ ಪವಿತ್ರ ಆತ್ಮಾಸ್‌ ತುಮಾರ ಮ್ಹೋಡವಾಟೆ ವಾತೆ ಬೋಲ್‌ಶೆ.
\p
\v 21 ಭೈ ಉಠೀನ್ ಇನ ಶೊಂತ್‌ ಭೈಯೇನ, ಅಜು಼ ಬಾ ಉಠೀನ್ ಇನ ಶೊಂತ್‌ ಲಡ್ಕಾವ್‍ನ ಧರೀನ್, ಮರೈನಾಖಾನ ದಿನಾಕ್‌ಶೆ, ಲಡ್ಕಾ ಇವ್ಣ ಆಯ-ಬಾನಿ ವಿರೋದ್ ಉಠೀನ್, ಇವ್ಣುನ ಮರಾವ್‌ಶೆ. 
\v 22 ಮಾರ ಕಾಮ್ನಖ್ಹಾಜೆ ಹರೇಕ್ ಜ಼ಣು ತುಮೂನ ವಹೇರ್‌ ಕರ್ಶೆ. ಕತೋಬಿ ಖ್ಹರ್ತಿಲಗು ಖ್ಹಮಾಳಿಲ್ಯವಾಳು ರಕ್ಷಣೆ ಲಿಶೆ. 
\v 23 ಏಕ್‌ ಗಾಮ್ಮ ತುಮೂನ ಖ್ಹತಾಯೂತೊ, ಬಿಜ್ಜೇಕ್‌ ಗಾಮ್‌ನ ಮಿಲೈ ಜಾ಼ವೊ, ಅದ್ಮಿನೊ ಛಿಯ್ಯೊ ಆವಾನಮಹಿ ತುಮೆ ಇಸ್ರಾಯೇಲ್‌ ಅದ್ಮಿನು ಖ್ಹಾರಸ್ ಗಾಮ್ಮ ಫರೀನ್, ತುಮಾರು ಕಾಮ್ ಖತಮ್ ಕೊಕರಿರಾಕ್‌ಶುನಿ ಕರಿ ಮೇ ತುಮೂನ ಖ್ಹಾಚಾಮಬಿ ಬೋಲುಸ್.
\p
\v 24 ಶಿಷ್ಯ ಗುರುಥಿ ಮೋಟೊ ಕಾಹೆ; ಆಳ್‌ ಇನ ಯಜಮಾನ್‍ಥಿ ಮೋಟೊ ಕಾಹೆ. 
\v 25 ಶಿಷ್ಯ ಇನ ಗುರುನಿಮತ್‌ ಬಣ್ಯೋತೊ ಬಶ್‌, ಅಜು಼ ಆಳ್‌ ಇನ ಯಜಮಾನ್ನಿ ಮತ್‍ ಬಣ್ಯೋತೊ ಬಶ್‌. ಘರ್‌ನೊ ಯಜಮಾನ್ನಸ್‌, ಬೆಲ್ಜೆಬೂಲ್\f + \fr 10:25 \fr*\ft ಕತೊ, ಭೂತ್‌ನೊ ಮೋಟೊ ಕರಿ ಮತ್‌ಲಬ್.\ft*\f* ಕರಿ ಇವ್ಣೆ ಚಿಕ್‌ರ‍್ಯುತೊ, ಯೋ ಘರ್‌ನ ಬಿಜಾ಼ಖ್ಹಾರ ಅದ್ಮಿನ ಅಜು಼ಕೆತ್ರೆ ಖರಾಬ್ ನಾಮ್‍ಥಿ ಚಿಕರ್‌ಶೆ ಕೊಯ್ನಿಕಿಶು?
\s ಕಿನ ದೇಖಿನ್‌ ಡರ‍್ನು?
\r (ಲೂಕ 12:2-7)
\p
\v 26 ಇನಖ್ಹಾಜೇಸ್ ಅದ್ಮಿನ ದೇಖಿನ್‌ ಡರೊನಕೊ, ಲಪೈರ‍್ಹೂತೆ ಖ್ಹಾರುಸ್‌ ಭಡಕಿಜಾಶೆ, ಅಜು಼ ಶಿಕಾಡಿ ಬೋಲಾಸ್ತೆ ಹರ್‌ವಾತೆ ಉಜಾ಼ಳಾಮ ಭಾರ್‌ ಮಾಲುಮ್‌ ಪಡ್‌ಶೆ. 
\v 27 ಮೇ ಅಂಧಾರಾಮ ತುಮೂನ ಬೋಲುಸ್ತೆ ಇನ ತುಮೆ ಉಜಾ಼ಳಾಮ ಬೋಲೊ. ಅಜು಼ ಕಾನ್‌ಮ ಬೋಲುಸ್ತೆ ಇನ ಘರ್‌ನ ಛ಼ತ್‍ಪರ್‌ಥು ಭೀರಿನ್‌ ಚಿಕ್ರಿನ್ ಬೋಲಿನ್ ಫೈಲಾವೊ. 
\v 28 ಅತ್ರೇಸ್ ಕಾಹೆತೆ, ಶರೀರ್‌ನ ಮರ್‌ನಾಖಿನ್ ಆತ್ಮನ ಮಾರಾನ ಕೋ ಹುವ್ವಾನಿತೆ ಅದ್ಮಿನ ದೇಖಿನ್‌ ನಕೊ ಡರೊ; ಕತೋಬಿ ಆತ್ಮಾನ ಅಜು಼ ಶರೀರ್‌ನ ಭೇನ ನರಕ್ಮ ನಾಖಿನ್ ಬರ್ಬಾತ್ ಕರಾವಾಳೊ ದೇವ್ನ ದೇಖಿನ್ ಡರೊ. 
\v 29 ಖಲಿ ಏಕ್ಕಾಖ್ಹ್‌ನ ಏಕ್‌ ಜೋ಼ಡು ಚು಼ರಕ್‌ಲಿಯೇನ ವೇಚಾ಼ಸ್ನಿ, ತೋಬಿ ಇನಾಮಾಥು ತುಮಾರೊ ಬಾನಿ ಮರ್ಜಿಕೊಂತೆ ಯೋ ಚು಼ರಕ್‌ಲೀಮ ಏಕ್‌ಬಿ ಜ಼ಮೀನ್‌ಪರ್ ಕೋ ಪಡಾನಿ. 
\v 30 ಕತೋಬಿ ತುಮೂನಾತೊ, ತುಮಾರೊ ಮುಡ್‌ಕ್ಯಾನೊ ಕೇಖ್ಹ್‌ ಜಿನ್‌ಕುಬಿ ಖ್ಹಾರುಸ್‌ ಗಣೈರ‍್ಹೂಸ್‌. 
\v 31 ಇನಖ್ಹಾಜೇಸ್ ಡರೊ ನಕೊ; ಕೈಏಕ್ಕಿ ಚು಼ರಕ್‌ಲಿಯೇಥೀಬಿ ತುಮೇಸ್ ಘಣ ಮೋಟ ಹುಯಿರ‍್ಹಾಸ್‌.\fig ಇಸ್ರಾಯೇಲ್ ಅದ್ಮಿವೋನಿ ಘರ್ನ ಉಪ್‌ಲ್ಯು ಭಾಗ್‌|alt="Flat-roofed, olden house in Israel" src="lb00234c.tif" size="col" copy="Horace Knowles ©" ref="10:31"\fig*
\s ಕ್ರಿಸ್ತನಿ ಕಬೂಲಾನು ಅಜು಼ ಕಾಡಿನಾಖನಿ ಬಾರೇಮ
\r (ಲೂಕ 12:8-9)
\p
\v 32 “ಕೋಣ್ ಅದ್ಮಿನ ಖ್ಹಾಮ್ಣೆ ಯೋ ಮಾರವಾಳೊಕರಿ ಬೋಲಸ್ಕಿ, ಮೇಬಿ ಇನ ಸೊರ್ಗಾಮ ಛಾ಼ತೆ ಮಾರ ಬಾನ ಖ್ಹಾಮ್ಣೆ ಯೋ ಮಾರ ಭಣಿವಾಳೊ ಕರಿ ಬೋಲಿಶ್. 
\v 33 ಕತೋಬಿ ಕೋಣ್ ಅದ್ಮಿನ ಖ್ಹಾಮ್ಣೆ ಯೇಸುವಾಳೊ ಕಾಹೆ ಕರಿ ಬೋಲಸ್ಕಿ, ಮೇಬಿ ಇನ ಸೊರ್ಗಾಮ ಛಾ಼ತೆ ಮಾರ ಬಾನ ಖ್ಹಾಮ್ಣೆ ಯೋ ಮಾರ ಭಣಿವಾಳೊ ಕಾಹೆಕರಿ ಬೋಲಿಶ್.
\s ಶಾಂತಿ ದ್ಯವಾನ ಕಾಹೆ, ಭಾಗ್‌ ಕರಾನ ಆಯೊ
\r (ಲೂಕ 12:51-53; 14:26-27)
\p
\v 34 ಧರ್ತಿಪರ್ ಶಾಂತಿ ದ್ಯವಾನ ಮೇ ಆಯೊ ಕರಿ ನಕೊ ಸೋಚೊ, ಶಾಂತಿ ಪೈದಾಕರಾನ ಕಾಹೆ, ಪಣ್ಕಿ ತಲ್ವಾರ್‌ ಪಾಡಾನ ಆಯೋತೆ. 
\v 35 ಛಿಯ್ಯಾನ ಅಜು಼ ಬಾನ, ಛೋ಼ರಿನ ಅಜು಼ ಆಯನ, ವ್ಹವ್‌ನಾಬಿ ಅಜು಼ ಖ್ಹಾಖ್ಹುನ ಮಹಿ ವಿರೋದ್‌ ಪೈದಾ ಕರಾನಖ್ಹಾಜೆ ಮೇ ಆಯೋತೆ. 
\v 36 ಅಮ್ ಏಕ್‌ ಅದ್ಮಿನ ಇನು ಶೊಂತ್‌ ಘರ್‌ವಾಳುಸ್‌ ದುಶ್‌ಮನ್‌ ಉಶೆ.
\p
\v 37 ಬಾನ ರ‍್ಹವೊ, ಆಯಾನ ರ‍್ಹವೊ, ಮಾರೇಥಿಬಿ ಜಾ಼ಖ್ಹತ್ ಪ್ಯಾರ್‌ಕರ‍್ಯುತೊ ಮನ ಲ್ಹಾಯೇಕ್‌ನೊ ಕಾಹೆ. ಛಿಯ್ಯಾನ ರ‍್ಹವೊ, ಛೋ಼ರಿನ ರ‍್ಹವೊ ಮಾರೇಥಿಬಿ ಜಾ಼ಖ್ಹತ್ ಪ್ಯಾರ್‌ಕರ‍್ಯುತೊ ಮಾರೊ ಶಿಷ್ಯ ಹುವಾನ ಲ್ಹಾಯಕ್‌ ಕಾಹೆ. 
\v 38 ಕೋಣ್ ಇನಿ ಶಿಲ್‌ಬೇನ\f + \fr 10:38 \fr*\ft ಶಿಲ್‌ಬೆ ಕತೊ, ಮರಾತೋಡಿ ಖ್ಹಮಾಳ್‌ಣು ಕರಿ ಮತ್‌ಲಬ್.\ft*\f* ಪಳ್ಳಿನ್‌, ಮಾರ ಪೀಠೆ ಕೋ ಆವಾನಿಕಿ, ಯೋ ಮಾರೊ ಶಿಷ್ಯ ಹುವಾನ ಲ್ಹಾಯೇಕ್‌ನೊ ಕಾಹೆ. 
\v 39 ಇನು ಶೊಂತ್‌ ಜಾನ್ನ ಬಚಾ಼ಡಿಲೇವ್ಣು ಕರಿ ಕರಾವಾಳೊ ಇನ ಗುಮೈಲಿಶೆ; ಕತೋಬಿ ಮಾರಖ್ಹಾಜೆ ಇನು ಶೊಂತ್‌ ಜಾನ್ನ ಗುಮೈಲ್ಯವಾಳೊ ಇನ ಬಚಾ಼ಡಿಲಿಶೆ.
\s ಇನಾಮ್‌ನಿ ಬಾರೇಮ
\r (ಮಾರ್ಕ 9:41)
\p
\v 40 “ಕೋಣ್‌ತೋಬಿ ತುಮೂನ ಬುಲೈಲಿದುತೊ, ಇವ್ಣೆ ಮನ ಬುಲೈಲೆವಾದಾಖ್ಹಲ್‌; ಮನ ಬುಲೈಲೆಸ್ತೆ ಇವ್ಣೆ ಮನ ಮೋಕ್‌ಲ್ಯೊತೆ ಇನಾಸ್ ಬುಲೈಲೆವಾದಾಖ್ಹಲ್‌, 
\v 41 ಪ್ರವಾದಿನ, ಆ ಪ್ರವಾದಿ ಕರಿ ಸ್ವಾಗತ್‍ಕರೀನ್ ಬುಲೈಲೆವಾಳಾನ, ಪ್ರವಾದಿನ ಆವ್‌ಶೇತೆ ಇನಾಮ್ ಲೀಲಿಶೆ. ಅಜು಼ ಧರ್ಮಿನ, ಯೋ ಏಕ್‌ ಧರ್ಮಿಕರಿ ಬುಲೈಲೆವಾಳಾನ, ಧರ್ಮಿನ ಆವ್‌ಶೇತೆ ಇನಾಮ್ ಮಳ್‌ಶೆ. 
\v 42 ಆ ನ್ಹಾನಾವ್‍ಮ ಏಕ್‌ ಜ಼ಣಾನ ಯೇಸುನೊ ಶಿಷ್ಯಕರಿ ಬೋಲಿನ್ ಕೋಣ್‌ತೋಬಿ ಏಕ್‌ ತಾಂಬ್ಯೊ ಪಾಣಿ ಪಿಯ್ಯಾನ ದಿದುತೋಬಿ, ಇನ ಆವ್‌ಶೇತೆ ಇನಾಮ್ ಛು಼ಕ್‌ಶೆಸ್‌ ಕೊಯ್ನಿ ಕರಿ ಮೇ ತುಮೂನ ಖ್ಹಾಚಮಾಬಿ ಬೋಲುಸ್” ಕರಿ ಬೋಲ್ಯೊ.
\c 11
\s ಬ್ಯಾಪ್ತಿಸ್ಮ ದೆವಾಳೊ ಯೋಹಾನನು ಖಬರ್‌
\r (ಲೂಕ 7:18-35)
\p
\v 1 ಯೇಸುನೆ ಇನ ಭಾರ ಶಿಷ್ಯರ‍್ನ ಬೋಲ್ನುತೆ ಖ್ಹಾರುಸ್‌ ಬೋಲಿನ್ ಖತಮ್ ಕರಾನ ಬಾದ್ಮ, ಹಿಜ್ಜಾ಼ಥೊ ನಿಕ್ಳಿನ್, ಅಛ್ಛಿ ಖಬರ್‌ ಬೋಲಿವತಾಳಾನ ಅಜು಼ ಶಿಕಾಡಾನಖ್ಹಾಜೆ ಖನ್ನೇನ ಗಾಮ್ಮ ಗಯೊ.
\p
\v 2 ಬ್ಯಾಪ್ತಿಸ್ಮ ದೆವಾಳೊ ಯೋಹಾನನೆ, ಕ್ರಿಸ್ತ ಕರುಕರ್ತೊಥೋತೆ ಕಾಮ್ ಖ್ಹಾರಾನಿ ಬಾರೇಮ ಜೇಲ್‌ಮ ಖ್ಹಮ್‌ಜಿನ್‌, ಇನ ಶಿಷ್ಯರ್‌ಮ ಥೋಡ ಜ಼ಣಾನ ಇನಾಕನ ಮೋಕ್‌ಲ್ಯೊ. 
\v 3 ಇವ್ಣೆ ಯೇಸುನ, “ಯೊಹಾನ್ನೆ ಬೋಲ್ಯೋತೆ ಇಮ್‌ ಆವ್ಣುತೆ ಯೋ ತೂಸ್ಕಿಶು, ನಾತೊ ಹಮೆ ಬಿಜೇಕ್‌ನಖ್ಹಾಜೆ ಟಿವಾವ್‌ಣು?” ಕರಿ ಪುಛಾ಼ಯ.
\p
\v 4 ಯೇಸುನೆ, “ಜೈ಼ನ್‌, ತುಮೆ ಶಾತ್‌ ಖ್ಹಮ್‌ಜ್ಯ ಅಜು಼ ದೇಖ್ಯಾಕಿ ಇನಿ ಬಾರೇಮ ಯೋಹಾನ್ನ ಬೋಲೊ: 
\v 5 ಕಾಣಾವ್ನ ಡೋಳಾ ಆವ್‌ಶೆ, ಲಂಗ್ಡು ಖ್ಹಾರು ಚಾ಼ಲ್‌ಷೆ, ಖೋಡ್‍ ರ‍್ಹವಾಳು ಪಾಕ್‌ ಉಶೆ, ಭೈರಾವ್‍ನ ಖ್ಹಮ್‌ಜಾ಼ವ್‌ಶೆ, ಮರಿಗಯುಹುಯು ಜಿವ್ತು ಉಟ್‌ಶೆ, ಅಜು಼ ಗರೀಬ್‌ನ ಸುವಾರ್ತೆ ಬೋಲಾವ್‌ಶೆ. 
\v 6 ಮಾರಿ ಬಾರೇಮ ಶಕ್ ಕರಾಕೊಂತೆ ಇವ್ಣೇಸ್‌ ಧನ್ಯ ಹುಯಿರ‍್ಹುಸ್‍” ಕರಿ ಬೋಲ್ಯೊ.
\p
\v 7 ಯೋಹಾನನು ಶಿಷ್ಯರ್‌ ಹಿಜ್ಜಾ಼ಥು ನಿಕ್ಳಿನ್ ಜ಼ವ್‍ಕರ್ತುಥೂತೆ ವಖ್ಹತ್‌ಮ, ಯೇಸುನೆ ಯೋಹಾನ್ನಿ ಬಾರೇಮ ಯೋ ಅದ್ಮಿನಿ ಝೂ಼ಂಡ್‌ನ ಶಾತ್‌ ಬೋಲ್ಯೊಕತೊ, “ತುಮೆ ಶಾತ್‌ ದೇಕ್ಣು ಕರಿ ಉಜ್ಜಾ಼ಡಿ ಝ಼ಗೋಮ ಗಯಾಥ? ವಹಿರಾಮ ಹಲಾಸ್ತೆ ಘಾಖ್ಹ್‌ನ ಡಂಟ್‍ನಾಕಿಶು? 
\v 8 ಕೊಯ್ನಿಕತೊ, ಶಾತ್‌ ದೇಕ್ಣುಕರಿ ಗಯಾಥ? ಶನ್ಗಾರ್‌ನ ಲುಂಗ್ಡ ಪೇರ‍್ಹಿರಾಖಾಸ್ತೆ ಅದ್ಮಿನಾಕಿ ಶು? ಅಛ಼್ಛ ಶನ್‌ಗಾರ‍್ನಲುಂಗ್ಡಾ ಪೇರ‍್ಹಿರಾಖಾಸ್ತೆ ಖ್ಹಾರು ರಾಜಾ಼ನ ಮಹೇಲ್‌ಮ ರ‍್ಹೇಸ್‌! 
\v 9 ಇಮ್‍ಕತೊ ಶಾತ್‌ ದೇಖಾನ ಗಯಾಥ? ಏಕ್‌ ಪ್ರವಾದಿನಕಿ ಶು? ಓಹೊ, ಪ್ರವಾದಿಥೀಬಿ ಮೋಟಾನ ತುಮೆ ದೇಖ್ಯಾಕರಿ ತುಮೂನ ಖ್ಹಾಚಮಾಬಿ ಬೋಲುಸ್. 
\v 10 “ಹಂದೇಕ್‌, ಮಾರ ದೂತಾನ ತಾರ ಖ್ಹಾಮ್ಣೆ ಮೋಕ್ಲಿಶ್‌, ಯೋ ತೂ ಜಾ಼ವಾನಿ ವಾಟ್ನ ಬರೋಬರ್‌ ಕರ್ಶೆ’ ಕರಿ ಕಿನಿ ಬಾರೇಮ ವಚನ್‌ಮ ಲೀಖೈರೂಸ್ಕಿ, ಯೋ ಅದ್ಮಿ ಯೋಹಾನಸ್‌. 
\v 11 ತಯೇಡಾನ ಪೇಟೆ ಪೈದಹುಯುತೆ ಖ್ಹಾರಾನ ಬ್ಯಾಪ್ತಿಸ್ಮ ದ್ಯವಾಳೊ ಯೋಹಾನ್‌ಥಿ ಮೋಟು ಕೋಣ್‌ಬಿ ಕೊಯ್ನಿ. ತೋಬಿ ಪರ್‌ಲೋಕ್ ರಾಜ್ಯಮ ಛಾ಼ತೆ ನ್ಹಾನೊ ಜಿನ್‌ಕುಬಿ ಯೋಹಾನ್‌ಥಿ ಮಹಾನ್ ಹುಯಿರ‍್ಹೋಸ್ ಕರಿ ಮೆ ತುಮೂನ ಖ್ಹಾಚಮಾಬಿ ಬೋಲುಸ್. 
\v 12 ಬ್ಯಾಪ್ತಿಸ್ಮದ್ಯವಾಳೊ ಯೋಹಾನ್ನ ಹಗಾಮ್‌ಥು ಧರೀನ್ ಹಂಕೆತೋಡಿ ಸೊರ್ಗ ರಾಜ್ಯನಿ ಘಣು ಜು಼ಲಮ್‌ನ ಝೇಲ್‌ನು ಪಡ್ಯು, ಅಜು಼ ಜು಼ಲಮ್‌ ಕರಾವಾಳು ಅದ್ಮಿ ಇನ ಛಿನೈಲೇಣು ಕರಿ ಕರಾಸ್. 
\v 13 ತಮಾಮ್‌ ಪ್ರವಾದಿ ಅಜು಼ ಧರ್ಮಶಾಸ್ತ್ರ ಯೋಹಾನ ಆವಾತೋಡಿ ದೇವ್ನಿ ರಾಜ್ಯನಿ ಬಾರೇಮ ಬೋಲ್ಯು. 
\v 14 ಇವ್ಣೆ ಬೋಲ್ಯುತೆ ಇನ ನಂಬಾನ ತುಮೂನ ಮನ್ ಉಶೇತೊ, ಆ ಯೋಹಾನಸ್‌ ಆವಾಳೊ ಎಲೀಯಕರಿ ಬೋಲಾನಿತರ ಹುವಾಸ್ನಿ. 
\v 15 ಖ್ಹಮ್‌ಜಾ಼ನ ಕಾನ್‌ ರ‍್ಹವಾಳು ಖ್ಹಮ್‌ಜಾ಼ದೆ!
\p
\v 16 “ಹಮ್ಕೆ ಮೆ ಆ ಹಗಾಮ್ನ ಪಿಳ್ಗಿನ ಮೆ ಖಿವಿ ಪರಕ್ಮ ಬೋಲು? ಅವ್ಣೆ ಬಜಾ಼ರ್‌ಮ ಬೆಠೂತೆ ಲಡ್ಕಾವ್‍ನಿಘೋಣಿ ಹುಯಿರ‍್ಹುಸ್‍. ಏಕ್‌ ಝೂ಼ಂಡ್‌ನ ಲಡ್ಕಾ ಬಿಜ್ಜೇಕ್‌ ಝೂ಼ಂಡ್‌ನ ಲಡ್ಕಾವ್‍ನ ಚಿಕ್ರಿನ್, 
\v 17 ‘ಹಮೆ ತುಮಾರಖ್ಹಾಜೆ ವಾಖ್ಹ್‌ಳಿ ವಜಾ಼ಡ್ಯ ತುಮೆ ಖೇಲ್ಯಕೊಯ್ನಿ; ಹಮೆ ಅಂದ್ರೋಖ್ಹ್‌ನು ಗೀದ್‌ ಬೋಲ್ಯ, ಕತೋಬಿ ತುಮೆ ರೋಯಾಕೊಯ್ನಿ!’ ಕರಿ ಬೋಲಾಸ್. 
\v 18 ಕಿಮ್‌ಕತೊ, ಯೋಹಾನ ಆಯೊ, ಯೋ ಖಾತೋಥೊಕೊಯ್ನಿ ಅಜು಼ ಪೀತೋಥೊಕೊಯ್ನಿ, ಅಜು಼ ಅದ್ಮಿಖ್ಹಾರು, ‘ಇನ ಭೂತ್‌ ಧರಿರಾಖ್ಯುಸ್’ ಕರಿ ಬೋಲ್ಯು. 
\v 19 ಅದ್ಮಿನೊ ಛಿಯ್ಯೊ ಆಯೊ, ಯೋ ಖಾಣುಪಾಣಿ ಲ್ಯವಾಳೊ ಹುಯಿರ‍್ಹೊಥೊ. ಅದ್ಮಿಖ್ಹಾರು ಇನ, ‘ಆ ಅದ್ಮಿ ಖಾಣನು ಮರ್‌ತೇಲ್‌ ಅಜು಼ ಪೀಕುಡ್ಕ ಹುಯಿರ‍್ಹೋಸ್! ಶುಂಕ ಮಾಂಗವಾಳನೊ ಅಜು಼ ಪಾಪಿ ಖ್ಹಾರಾನೊ ದೋಸ್ತ್’ ಕರಿ ಬೋಲಾಸ್, ಕತೋಬಿ ದೇವ್ನಿ ಗ್ಯಾನ್ ಖ್ಹಾಚಿಸ್ ಕರಿ ಬೋಲಾನು ಇನ ಕಾಮ್‌ಥೀಸ್‌ ಮಾಲುಮ್‌ ಪಡಾಸ್‌” ಕರಿ ಬೋಲ್ಯೊ.
\s ವಿಶ್ವಾಸ್‌ಕೊಂತೆ ಖ್ಹಯೇರೆನಿ ಬಾರೇಮ
\r (ಲೂಕ 10:13-15)
\p
\v 20 ತದೆ ಯೇಸುನೆ ಯೋ ಕೈಯೆಕ್ಕಿ ಮಹಾನ್ ಕಾಮ್‌ಖ್ಹಾರು ಕರ‍್ಯೊತೆ ಗಾಮ್‌ವಾಳು ಪಾಪ್ನ ಮ್ಹೇಲಿನ್ ಫರ‍್ಯುಕೊಂತೆ ದೇಖಿನ್‌, ಇವ್ಣುನ ಗುರ್‌ಕಾವಲಗ್ಯೊ. 
\v 21 “ಅಯ್ಯೋ ಖೊರಾಜಿನ್‌ ಖ್ಹಯೇರ್, ತುಮಾರಿ ಹಾಲ್ನ ಶಾತ್‌ ಬೋಲು ಬೆತ್ಸಾಯಿದ, ತುಮಾರಿ ಹಾಲ್ನಬಿ ಶಾತ್‌ ಬೋಲು! ತುಮಾರಾಮ ಚಾ಼ಲ್ಯುತೆ ಮಹಾನ್ ಕಾಮ್‌ಖ್ಹಾರು ತೂರ್ ಅಜು಼ ಸೀದೋನ್ ಖ್ಹಯೇರ್‌ಮ ಚಾ಼ಲ್ಯುಹೋತ್ತೊ, ಹಿಜ಼್ಜಾವಾಳು ಕದೇಸ್‌ಕಿ ಛೈ಼ನೊಕೋಥ್‌ಳೊ ಲಪೇಟಿಲೀನ್, ರಾಕ್‌ಮ ಬೇಶಿನ್, ಇವ್ಣು ಪಾಪ್ನ ಮ್ಹೇಲಿನ್, ಫರಿಗಯುಹೋತ್‌! 
\v 22 ಕತೋಬಿ ನ್ಯಾವ್‍ನಿ ತೀರ್ಪ್‌ನ ದನ್ಮ ತುಮಾರಿ ಹಾಲ್‌ಥೀಬಿ ತೂರ್ ಅಜು಼ ಸೀದೋನ್ ಖ್ಹಯೇರ‍್ನಿ ಹಾಲ್‌ ಅಛ್ಛಿ ರ‍್ಹಿಶೆ ಕರಿ ಮೇ ತುಮೂನ ಬೋಲುಸ್! 
\v 23 ಅಲಾ ಕಪೆರ್ನೌಮ್ ಗಾಮ್‍, ತೂ ಸೊರ್ಗಾಮ ಪಡೈಲೀಶ್‌ಕರಿ ಸೋಚಾಸ್ಕಿ ಶು? ಕೊಯ್ನಿ! ತುನ ಪಾತಾಳ್ಮ ನಾಕ್‌ಶೆ! ತಾರಾಮ ಚಾ಼ಲ್ಯುತೆ ಅದ್ಭುತ್‌ಕಾಮ್‌ಖ್ಹಾರು ಸೊದೋಮ್‌ಮ ಚಾ಼ಲ್ಯುಹೋತ್ತೊ, ಯೋ ಖ್ಹಯೇರ್ ಹಂಕೆತೋಡಿ ರ‍್ಹಯುಹೋತ್‌. 
\v 24 ಕತೋಬಿ ನ್ಯಾವ್‍ನಿ ತೀರ್ಪ್‌ನ ದನ್ಮ ತಾರಿ ಹಾಲ್‌ಥೀಬಿ ಸೊದೋಮ್ ತಬರ್‌ಖಾನಿ ಹಾಲ್‌ ಅಛ್ಛಿ ರ‍್ಹಿಶೆ ಕರಿ ಮೇ ತುಮೂನ ಬೋಲುಸ್” ಕರಿ ಬೋಲ್ಯೊ.
\s ಮಾರಕನ ಆವೊ ಅಜು಼ ಅರಾಮ್‌ ಕರೊ
\r (ಲೂಕ 10:21-22)
\p
\v 25 ಯೋ ವಖ್ಹತ್‌ಮ ಯೇಸುನೆ ಶಾತ್‌ ಬೋಲ್ಯೊಕತೊ, “ಬಾ, ಸೊರ್ಗ ಅಜು಼ ಧರ್ತಿನೊ ಯಜಮಾನ್! ತುನೆ ಗ್ಯಾನಿ ಅಜು಼ ಅಕ್ಲಿಥಿ ಅದ್ಮಿಥಿ ಆ ವಾತೆನ ಲಪಾಡಿನ್ ಶಾತ್ಬಿ ಮಾಲುಮ್‌ಕೊಂತೆ ಇವ್ಣುನ ವತಾಳಿರಾಖ್ಯೋತೆ ಇನಖ್ಹಾಜೆ ಮೇ ತುನ ಧನ್ಯವಾದ್ ಕರುಸ್. 
\v 26 ಓಹೋಲಾ ಬಾ, ಅಮ್ಮಸ್ ಕರಾನು ಅಛ್ಛು಼ಕರಿ ತುನ ದೆಖಾಯು.”
\p
\v 27 “ಮಾರೊ ಬಾ ಮನ ಖ್ಹಾರುಸ್‌ ಮಾರ ಹಾತ್ಮ ದೀರಾಖ್ಯೊಸ್. ಬಾನ ಮ್ಹೆಂದಿನ್ ಕೋಣ್‌ಬಿ ಛಿಯ್ಯಾನ ಮಾಲುಮ್‌ ಕರಿರಾಖ್ಯುಕೊಯ್ನಿ, ಅಜು಼ ಛಿಯ್ಯಾನ ಮ್ಹೆಂದಿನ್ ಕೋಣ್‌ಬಿ ಬಾನ ಮಾಲುಮ್‌ ಕರಿರಾಖ್ಯುಕೊಯ್ನಿ ಅಜು಼ ಛಿಯ್ಯೊ ಬಾನ ಕಿನ ವತಾಳ್ಣುಕರಿ ಆಖ್ಹ್‌ಕರಾಸ್ಕಿ, ಇವ್ಣೆ ಬಾನ ಮಾಲುಮ್‌ ಕರಿಲಿಶೆ.
\p
\v 28 “ಅಲಾ ಥಕಿರ‍್ಹವಾಳ, ಭೋಜೊ ಪಾಡಿರಾಖವಾಳ, ತುಮೆ ಖ್ಹಾರು ಮಾರಕನ ಆವೊ; ಮೇ ತುಮುನ ಅರಾಮ್‌ ದೆವುಸ್‌. 
\v 29 ಮೇ ಹಂಕಾರ್‌ಭರ‍್ಯೊ ಕಾಹೆ ಅಜು಼ ಕೌಳೊ ದಿಲ್‌ವಾಳೊ ಹುಯಿರ‍್ಹೋತೆ ಇನಖ್ಹಾಜೆ, ಮಾರು ನೊಗಾನ ತುಮಾರಪರ್ ಪಾಡಿಲೀನ್ ಮಾರೇಥಿ ಶಿಕಿಲೇವೊ. ತದೆ ತುಮಾರು ಆತ್ಮಾನ ಅರಾಮ್‌ ಮಳ್‌ಶೆ. 
\v 30 ಶನಕತೊ ಮಾರು ನೊಗ ಪೋಲು ಹುಯಿರ‍್ಹುಸ್‍ ಅಜು಼ ಮಾರು ಭೋಜ಼್‌ ಕಮ್‍ ವಜ಼ನ್ನು ಹುಯಿರ‍್ಹುಸ್‍” ಕರಿ ಬೋಲ್ಯೊ.
\c 12
\s ಸಬ್ಬತ್‌ನಿ ಬಾರೇಮ ಪುಛಾ಼ಯುತೆ
\r (ಮಾರ್ಕ 2:23-28; ಲೂಕ 6:1-5)
\p
\v 1 ಯೋ ದನೂಮ ಸಬ್ಬತ್‌ನ\f + \fr 12:1 \fr*\ft ಸಬ್ಬತ್‌ ದನ್‌ಕತೊ, ಯೆಹೂದ್ಯರ್‌ನು ಅರಾಮ್ ಕರಾನೊ ದನ್.\ft*\f* ರೋಜೆ ಯೇಸು ಅನಾಜ಼್ ಪಿಕಿಹುಯು ಖೇತರ್‌ಮಾಕರಿ ಚಾ಼ಲಿನ್ ಜಾ಼ವಾನಿ ವಖ್ಹತ್‌ಮ, ಇನ ಶಿಷ್ಯರ್‌ನ ಭುಕ್ ಲಾಗಲಗ್ಯುಥು, ಇನಖ್ಹಾಜೆ ಇವ್ಣೆ ಬುಟ್ಟಾ ತೋಡಿನ್, ಖಾವಲಗ್ಯಾಥ. 
\v 2 ಅನದೇಖಿನ್‌ ಫರಿಸಾಯರ್‌ನೆ ಯೇಸುನ, “ಹಂದೇಕ್‌, ತಾರು ಶಿಷ್ಯರ್‌ ಧರ್ಮಶಾಸ್ತ್ರನು ವಿರೋದ್ ಸಬ್ಬತ್‌ ದನ್ಮ ಕರ್ನುನಾತೆ ಕಾಮ್ನ ಕರುಕರಸ್” ಕರಿ ಬೋಲ್ಯು.
\p
\v 3 ತದೆ ಯೇಸುನೆ ಇವ್ಣುನ, “ದಾವೀದ್‌ನಾಬಿ, ಇನ ಜೋ಼ಡ್ಮ ರ‍್ಹವಾಳಾನ ಭುಕ್ ಲಾಗಖ್ಹತರ್‌, ದಾವೀದ್‌ನೆ ಶಾತ್‌ ಕರ‍್ಯೊ ಕರಿ ತುಮೆ ಪಢ್ಯಾಕೊಯ್ನಿಕಿಶು? 
\v 4 ದಾವೀದ್‌ನೆ ದೇವ್ನ ಮಂದಿರ್‌ಮ ಜೈ಼ನ್‌, ಯಾಜಕರಸ್‌ ಖಲಿಖಾವ್ಣುಥುತೆ ಪಣ್ಕಿ, ದಾವೀದ್ ರ‍್ಹವೊ, ಇನ ಜೋ಼ಡ್ಮ ರ‍್ಹವಾಳು ರ‍್ಹವೊ, ನಾ ಖಾವ್ಣುಕರಿ ಖಾನುಲ್‌ ರ‍್ಹಯುತೋಬಿ, ದೇವ್ನ ಝಾ಼ಳ್‌ಉತಾರನ ರೋಟಾನ ಖಾದೋನಿ? 
\v 5 ಅತ್ರೇಸ್ ಕಾಹೆತೆ, ಸಬ್ಬತ್‌ ದನ್ಮ ಯಾಜಕರ್‌ ಮಂದಿರ್‌ಮ ಸಬ್ಬತ್‌ ದನ್ನ ಮೈಲಾಪ್‍ ಕರ‍್ಯುತೋಬಿ ಇವ್ಣೆ ಅಪರಾದ್‌ಕೊಂತೆ ರ‍್ಹೇಸ್. ಇನತುಮೆ ಮೋಶೆನ ಧರ್ಮಶಾಸ್ತ್ರಮ ಪಢ್ಯಕೊಯ್ನಿಕಿ ಶು? 
\v 6 ಕತೋಬಿ ಮೇ ತುಮೂನ, ಮಂದಿರ್‌ಥೀಬಿ ಮೋಟೊ ಹಜ್ಜಾ಼ ಛಾ಼ ಕರಿ ಬೋಲುಸ್. 
\v 7 ‘ಮನ ಜಾನ್ವರ್‌ನು ಬಲಿ ನಕೊ, ಗೋರಸ್ ಹೋಣುತೆ’ ಕರಿ ಧರ್ಮಶಾಸ್ತ್ರಮ ಬೋಲಾಸ್ತೆ ಇನಿ ಮತ್‌ಲಬ್ ತುಮೂನ ಖ್ಹಾಚಮಾಬಿ ಮಾಲುಮ್‌ ರ‍್ಹಯುಹೋತ್ತೊ, ಗಲತ್‌ ಕರಾಕೊಂತೆ ಇವ್ಣಾಪರ್ ತುಮೆ ಗಲತ್‌ ಕೋ ಲಗಾಡ್ಯಹೋತ್ನಿ. 
\v 8 ಅದ್ಮಿನೊ ಛಿಯ್ಯೊ ಸಬ್ಬತ್‌ ದನ್ನ ಪ್ರಭು ಹುಯಿರ‍್ಹೋಸ್” ಕರಿ ಬೋಲ್ಯೊ.
\s ಲಕ್‍ವೊನ ಹಾತ್ನ ಯೇಸುನೆ ಅಛ್ಛು಼ ಕರ‍್ಯೊತೆ
\r (ಮಾರ್ಕ 3:1-6; ಲೂಕ 6:6-11)
\p
\v 9 ಯೇಸು ಹಿಜ್ಜಾ಼ಥೊ ನಿಕ್ಳಿನ್, ಯೆಹೂದ್ಯರ್‌ನ ಸಬೆ ಭರಾವಾನು ಮಂದಿರ್‌ಮ ಗಯೊ. 
\v 10 ಹಿಜ್ಜಾ಼ ಹಾತ್‌ ಝೂ಼ಟೊ ಪಡಿಹುಯು ಏಕ್‌ ಅದ್ಮಿಥು. ತದೆ ಥೋಡು ಜ಼ಣು ಯೇಸುಪರ್‌ ಗಲ್ತಿ ಲಗಾಡ್‌ಣು ಕರಿ, ಇವ್ಣೆ ಇನ, “ಸಬ್ಬತ್‌ ದನ್ಮ ಅಛ್ಛು಼ ಕರಾನು ಅಪ್ಣ ಧರ್ಮಶಾಸ್ತ್ರಮ ಬರೋಬರ್‌ಕಿ ಶು?” ಕರಿ ಪುಛಾ಼ಯು.
\p
\v 11 ಯೇಸುನೆ, “ತುಮಾರಮ ಕಿನಾಕನಾತೋಬಿ ಎಕ್ಕಸ್ ಮೇಂಢು ರ‍್ಹೀನ್, ಸಬ್ಬತ್‌ ದನ್ಮ ಯೋ ಮೇಂಢು ಖಾಡ್‌ಮ ಪಡಿಗಯೂತೊ ಯೋ ಇನ ಧರೀನ್, ಉಪ್ಪರ್ ಪಾಡ್‌ಶೆಕೊಯ್ನಿಕಿ ಶು? 
\v 12 ಮೇಂಢಥೀಬಿ ಅದ್ಮಿ ಕೈಯೆಕ್ಕಿ ಮಹಾನ್ ಹುಯಿರ‍್ಹುಸ್‍! ಇನಖ್ಹಾಜೇಸ್ ಸಬ್ಬತ್‌ ದನ್ಮ ಅಛ್ಛು಼ಕಾಮ್ ಕರಾನು ಅಪ್ಣಿ ಧರ್ಮಶಾಸ್ತ್ರಮ ಬರೋಬರಸ್‌ ಹುಯಿರ‍್ಹುಸ್‍” ಕರಿ ಜವಾಬ್‌ ದಿದೊ. 
\v 13 ಅನಕೇಡೆಥು ಯೇಸುನೆ ಯೋ ಹಾತ್‌ ಝೂ಼ಟೊ ಪಡಿಹುಯು ಅದ್ಮಿನ, “ತಾರೊ ಹಾತ್‌ ಖ್ಹಾಮ್ಣೆ ಕರ್‌” ಕರಿ ಬೋಲ್ಯೊ; ಇನೆ ಖ್ಹಾಮ್ಣೆ ಕರ‍್ಯೊ.
\p ತದೆ ಇನೊ ಹಾತ್‌ ಅಛ್ಛು಼ ಹುಯಿನ್, ಬಿಜ್ಜೇಕ್‌ ಹಾತ್ನಿ ಘೋಣಿ ಹುಯಿಗಯು. 
\v 14 ತದೆ ಫರಿಸಾಯರ್ ಖ್ಹಾರು ಭಾರ್‌ಜೈ಼ನ್‌, ಯೇಸುನ ಖೆವಿ ತರೀಕಾಥಿ ಮಾರಿಯೆ ಕರಿ ಸೋಚ್ಯು.
\s1 ದೇವ್ನೆ ಚೂ಼ಣ್ಯೋತೆ ಸೇವಕ್
\p
\v 15 ಯೇಸುನೆ ಇನಿ ವಿರೋದ್ ಇವ್ಣೆ ಸೋಚುಕರಾತೆ ಇನ ಮಾಲುಮ್‌ ಕರಿಲೀನ್, ಹಿಜ್ಜಾ಼ಥೊ ಚ಼ಲೆಗಯೊ; ಮೋಟಿ ಭೀಡ್ ಇನ ಪೀಠೆ ಗಯು. ಅರಾಮ್‌ಕೊಂತೆ ಖ್ಹಾರಾವ್‌ನ ಇನೆ ಅಛ್ಛು಼ ಕರ‍್ಯೊ. 
\v 16 ಅಜು಼ ಇನಿ ಬಾರೇಮ ಬಿಜಾ಼ನ ನಾ ಬೋಲ್‌ನು ಕರಿ ಅದ್ಮಿ ಖ್ಹಾರಾನ ಝೇತಾಯೊ. 
\v 17 ದೇವ್ನೆ ಪ್ರವಾದಿ ಯೆಶಾಯನ ಮ್ಹೋಡೇಥಿ ಬೋಲಾಯೋತೆ ಖ್ಹಾಚ಼ನ, ಚ಼ಲಾವಾನಖ್ಹಾಜೆ ಯೇಸುನೆ ಆ ಖ್ಹಾರು ಕರ‍್ಯೊತೆ:
\q1
\v 18 ಹಂದೇಕ್‌, ಮಾರೊ ಸೇವಕ್, ಅನ ಮೇ ಚೂ಼ಣಿ ರಾಖ್ಯೋಸ್,
\q2 ಆ ಮಾರೊ ಪ್ಯಾರ್‌ನೊ ಹುಯಿರ‍್ಹೋಸ್, ಅನೇಥಿ ಮೇ ಖ್ಹುಶಿ ಛೂ಼.
\q1 ಮೇ ಮಾರು ಆತ್ಮಾನ ಇನಾಪರ್‌ ರಾಖುಸ್,
\q2 ಅಜು಼ ಯೋ ಅಲಕ್‌ ಅದ್ಮಿವೋನಾಬಿ ಮಾರಿ ನ್ಯಾವ್‌ನ ಬೋಲಿವತಾಳ್‌ಶೆ.
\q1
\v 19 ಯೋ ಲಡೈ ಕರಾಕೊಯ್ನಿ ಅಜು಼ ಚಿಕ್ರಾಕೊಯ್ನಿ;
\q2 ಗಲ್ಲಿಯೇಮ ಇನಿ ಅವಾಜ಼್ ಕಿನಾಬಿ ಖ್ಹಮ್‌ಜಾ಼ವಕೊಯ್ನಿ.
\q1
\v 20 ಚ಼ಗ್‌ದೈಗಯುತೆ ಡಂಟ್‍ನ ಯೋ ತೋಡಾಕೊಯ್ನಿ,
\q2 ಉಝ಼ವ್‍ಕರಾತೆ ದಿವೋನಾಬಿ ಯೋ ಉಝಾ಼ವಕೊಯ್ನಿ,
\q1 ನ್ಯಾವ್‌ನ ಜೀತಾತೋಡಿ ಯೋ ಲಗ್ಯುರ‍್ಹೀಶೆ.
\q2
\v 21 ಅಜು಼ ಅಲಕ್‌ ಅದ್ಮಿಖ್ಹಾರು ಇನ ನಾಮ್‌ಪರ್‌ ಭರೋಖ್ಹೊ ಕರ್ಶೆ.
\s ಯೇಸು ಅಜು಼ ಬೆಲ್ಜಬೂಲ್
\r (ಮಾರ್ಕ 3:20-30; ಲೂಕ 11:14-23)
\p
\v 22 ಭೂತ್‌ ಧರಿರಾಖ್ಯುಥೂತೆ ಇನಖ್ಹಾಜೇಥಿ ಕಾಣು ಅಜು಼ ಮುಕ್ಕು ಹುಯಿರ‍್ಹುಥೂತೆ ಏಕ್‌ ಜ಼ಣಾನ ಯೇಸುಕನ ಲಾಯು. ಇನೆ ಇನ ಅಛ್ಛು಼ ಕರ್ತಾನ, ಇನ ಡೋಳಾ ಅಜು಼ ವಾತೆ ಆಯು. 
\v 23 ತದೆ ಯೇಸುನೆ ಕರ‍್ಯೊತೆ ಇನ ದೇಖಿನ್, ಅದ್ಮಿಖ್ಹಾರು ಆಶ್ಚರ್ಯಖೈನ್, “ಆ ದಾವೀದ್‌ನೊ ಛಿಯ್ಯೊಕಿ ಶು?” ಕರಿ ಬೋಲಿಲಿದು.
\p
\v 24 ಕತೋಬಿ ಫರಿಸಾಯರ್‌ನೆ ಅನಖ್ಹಮ್‌ಜಿನ್, “ಭೂತ್‌ ಖ್ಹಾರಾನೊ ಯಜಮಾನ್ ಹುಯಿರ‍್ಹೋತೆ ಬೆಲ್ಜೆಬೂಲ್‌ನಿ ಮದತ್‌ಥೀಸ್ ಆ ಭೂತ್‌ ಖ್ಹಾರಾನ ಕಾಡಸ್‌ ಪಣ್ಕಿ, ಬಿಜು಼ ಶನೇಥೀಬಿ ಕಾಹೆ” ಕರಿ ಬೋಲ್ಯು.
\p
\v 25 ಯೇಸುನೆ ಇವ್ಣಿ ಸೋಚ್ನ ಮಾಲುಮ್‌ ಕರಿಲೀನ್, “ಕೆಹು ರಾಜ್ಯ ಫುಟ್‌ ಪಡೀನ್, ಇನಿ ವಿರೋದ್ ಯೋಸ್‌ ಭೀಡಾಸ್ಕಿ, ಯೋ ರಾಜ಼್ ಬರ್ಬಾತ್ ಹುಯಿಜಾ಼ಶೆ. ಇಮ್ಮಸ್ ಏಕ್‌ ಘರ್‌ಮ ರ‍್ಹವೊ, ಖ್ಹಯೇರ್‌ಮ ರ‍್ಹವೊ ಫುಟ್‌ ಪಡೀನ್, ಖ್ಹುದ್‌ನಿ ವಿರೋದ್ ಭೀಡಾಲಗಾಸ್ಕಿ, ಇಮ್ನು ಘರ್ ಅಜು಼ ಖ್ಹಯೇರ್ ಪಡಿಜಾ಼ಸ್‌. 
\v 26 ಇಮ್ಮಸ್‌ ಶೈತಾನ್ ಶೈತಾನ್ನ ನಖ್ಹಾಡ್ಯುತೊ ಇನಿ ವಿರೋದ್ ಲಡೈಭೀಡಾನಿತರ ಹುಯು, ಇಮ್‍ರ‍್ಹಯುತೊ ಇನಿ ರಾಜ್ಯ ಕಿಮ್ ಭೀರ‍್ಹಿಷೆ? 
\v 27 ಮೇ ಬೆಲ್ಜೆಬೂಲ್‌ನಿ ಶಕಥ್ಥಿ ಭೂತ್‌ಖ್ಹಾರು ಕಾಡುಸ್‌ ಕರಿ ತುಮೆ ಬೋಲೋಸ್‌. ಇಮ್‍ಕತೊ, ತುಮಾರು ಶಿಷ್ಯರ್‌ಖ್ಹಾರು ಕಿನಿ ಶಕಥ್ಥಿ ಭೂತ್‌ಖ್ಹಾರನ ಕಾಡಸ್‌? ಇನಖ್ಹಾಜೇಸ್ ತುಮಾರು ಅದ್ಮಿಸ್‌ ತುಮೂನ ನ್ಯಾವ್ ಕರ್ಶೆ. 
\v 28 ಮೇ ಬೆಲ್ಜೆಬೂಲ್‌ನಿ ಶಕಥ್ಥಿ ಕಾಹೆ, ಕತೋಬಿ ದೇವ್ನಿ ಆತ್ಮಾನಿ ಶಕಥ್ಥಿ ಭೂತ್‌ಖ್ಹಾರನ ಕಾಡ್ತೊ ಉಶೇತೊ, ದೇವ್ನಿ ರಾಜ್ಯ ತುಮಾರ ಖನ್ನೆ ಆಯಿಗೈಯು ಕರಿ ಆ ವತಾಳಸ್‍.
\p
\v 29 ಅತ್ರೇಸ್ ಕಾಹೆತೆ, ಕೋಣ್‌ಬಿ ಪಹಿಲೆ ಏಕ್‌ ಶಕತ್‌ವಾಳ ಅದ್ಮಿನ ಭಾಂದ್ಯುನಾತೊ, ಇನ ಘರ್‌ಮ ಪೇಶಿನ್, ಇನು ಶೊತ್‌ನ ಲೂಟಾನ ಕೋ ಹುವಾನಿ, ಪಹಿಲ್‌ವಾಣ್ಣ ಭಾಂದಾನ ಬಾದ್‌ಮ, ಇನ ಘರ್‌ನ ಲೂಟೆಜಾ಼ಯ್‌.
\p
\v 30 ಮಾರ ಜೋ಼ಡ್ಮ ಮಳಾಕೊಂತೆ ಇವ್ಣೆ ಮಾರು ವಹೇರ‍್ಯು ಹುಯಿರ‍್ಹುಸ್‍. ಮಾರ ಜೋ಼ಡ್ಮ ಎಕ್ಟು ಕರಾಕೊಂತೆ ಇವ್ಣೆ ಛಿದ್ರಾವವಾಳು ಹುಯಿರ‍್ಹುಸ್‍. 
\v 31 ಇನಖ್ಹಾಜೇಸ್ ಮೇ ತುಮೂನ ಬೋಲುಸ್, ಅದ್ಮಿಖ್ಹಾರು ಕರಾತೆ ಹರೇಕ್ ಪಾಪ್ನ ಅಜು಼ ಗಾಳೆನಿ ವಾತೇನ ಮಾಪಿ ಛಾ಼; ಕತೋಬಿ ಪವಿತ್ರಾತ್ಮನ ವಿರೋದ್ ವಾತೆ ಬೋಲವಾಳಾನ ಮಾಪಿಕೊಯ್ನಿ. 
\v 32 ಕೋಣ್‌ತೋಬಿ ಅದ್ಮಿನೊ ಛಿಯ್ಯಾನ ವಿರೋದ್ ವಾತೆ ಬೋಲ್ಯುತೊ ಇನ ಮಾಪಿ ಛಾ಼; ಕತೋಬಿ ಪವಿತ್ರಾತ್ಮನಿ ವಿರೋದ್ ವಾತೆ ಬೋಲ್ಯುತೊ ಇನ ಆ ಜಗತ್‌ಮ ಹಮ್ಕೆಬಿ ಕೊಯ್ನಿ, ಕದೇಬಿ ಮಾಪಿಸ್‍ಕೊಯ್ನಿ.
\s ಝಾ಼ಡು ಅಜು಼ ಇನು ಪಂಡಾನಿ ಬಾರೇಮ
\r (ಲೂಕ 6:43-45)
\p
\v 33 “ತುಮೂನ ಅಛ್ಛು಼ ಪಂಡು ಹೋಣುಕತೊ ತುಮಾರಕನ ಅಛ್ಛು಼ ಝಾ಼ಡು ರ‍್ಹೇಣು. ತುಮಾರು ಝಾ಼ಡು ಅಛ್ಛು಼ ನಾ ರ‍್ಹಯೂತೊ, ಯೋ ಖರಾಬ್ ಪಂಡಾನಸ್‌ ಮ್ಹೇಲ್‌ಶೆ, ಏಕ್‌ ಝಾ಼ಡು ಕಿಮ್ನು ಕರಿ ಬೋಲಾನು ಯೋ ಮ್ಹೇಲಾತೆ ಪಂಡಾಥೀಸ್‌ ಮಾಲುಮ್‌ ಪಡಾಸ್‌”. 
\v 34 ಅಲಾ ಖ್ಹಾಪ್‌ನ ಖಾನ್‌ದಾನ್‌ವಾಳ! ತುಮೆ ಖರಾಬ್ ರ‍್ಹವಾಪರ್, ತುಮಾರ ಮ್ಹೋಡವಾಟೆ ಅಛ಼್ಛು ವಾತೆ ಕಿಮ್ ನಿಕಳ್‌ಶೆ? ದಿಲ್ಮ ಭರೈರ‍್ಹೇಸ್ತೇಸ್‌ ಮ್ಹೋಡವಾಟೆ ನಿಕ್ಳಾಸ್‌. 
\v 35 ಏಕ್‌ ಅಛ್ಛು಼ ಅದ್ಮಿ ಇನಿ ಕಣ್ಗಿಮಾಥು ಅಛ಼್ಛು ರಾಛ಼ವ್‍ನ ಭಾರ್ ಕಾಡಸ್‌; ಏಕ್‌ ಖರಾಬ್ ಅದ್ಮಿ ಇನು ಖರಾಬ್ ಕಣ್ಗಿಮಾಥು ಖರಾಬ್ ರಾಛ಼ವ್‍ನ ಭಾರ್‌ಕಾಡಸ್‌. 
\v 36 ಅತ್ರೇಸ್ ಕಾಹೆತೆ, ಮೇ “ತುಮೂನ ಶಾತ್‌ ಬೋಲುಸ್‌ಕತೊ, ಅದ್ಮಿಖ್ಹಾರು ಫಾಯಿದೊಕೊಂತೆ ಬೋಲಾಸ್ತೆ ಹರೇಕ್ ವಾತೇನಿ ಬಾರೇಮ ನ್ಯಾವ್‍ನಿ ತೀರ್ಪ್‌ನ ದನ್ಮ ಗಣ್ತಿ ದೇವ್ಣುಪಡ್‌ಶೆ. 
\v 37 ತಾರಿ ವಾತೆಥೀಸ್‌ ತೂ ನೀತಿವಾಳೊಕರಿ ತೀರ್ಪ್‌ ಮಳ್‌ಶೆ; ಅಜು಼ ತಾರಿ ವಾತೆಥೀಸ್‌ ತೂ ಅಪರಾದಿಕರಿ ತೀರ್ಪ್ ಮಳ್‌ಶೆ” ಕರಿ ಬೋಲ್ಯೊ.
\s ಅದ್ಭುತ್ ಕರಾನ ಬೋಲ್ಯೂತೆ
\r (ಮಾರ್ಕ 8:11-12; ಲೂಕ 11:29-32)
\p
\v 38 ತದೆ ಮೋಶೆನಿ ವಚನ್ ಶಿಕಾಡವಾಳು ಶಾಸ್ತ್ರಿಯೆ ಅಜು಼ ಫರಿಸಾಯರ್‌ಮ ಥೋಡು ಜ಼ಣು ಯೇಸುನ, “ಗುರು, ತೂ ಅದ್ಭುತ್ ಕರಾನು ದೇಕ್ಣು ಕರಿ ಹಮೆ ಆಖ್ಹ್ ಕರಿಯೇಸ್” ಕರಿ ಬೋಲ್ಯು.
\p
\v 39 ಯೇಸುನೆ, “ಆ ಜ಼ಗ್‌ನು ಅದ್ಮಿ ಖರಾಬ್ ಅಜು಼ ಪಾಪಿ ಹುಯಿರ‍್ಹುಸ್‍, ಅವ್ಣೆ ಅದ್ಭುತ್ ಕಾಮ್ ದೇಕ್ಣು ಕರಿ ಆಖ್ಹ್ ಕರಾಸ್. ಕತೋಬಿ ಯೋನ ಕರಿ ಪ್ರವಾದಿಮ ಹುಯೂತೆ ಅದ್ಭುತ್ ಕಾಮಸ್ ಪಣ್ಕಿ, ಬಿಜು಼ ಕೆಹೂಬಿ ಕೊಯ್ನಿ. 
\v 40 ಯೋನ ಕಿಮ್ ತೀನ್ ರಾತ್‌-ದನ್ ಮೋಟಮಾಛ್ಲಾ಼ನ ಪೇಟ್‌ಮ ಥೋಕಿಇಮ್ಮಸ್‌, ಅದ್ಮಿನೊ ಛಿಯ್ಯೊ ತೀನ್ ರಾತ್‌-ದನ್ ಧರ್ತಿನ ಮಹಿ ರ‍್ಹಿಶೆ. 
\v 41 ನ್ಯಾವ್‍ನ ತೀರ್ಪ್‌ನ ದನ್ಮ ನಿನವೆ ನಂಗರ್‌ವಾಳು ಆ ಪಿಳ್ಗಿವಾಳಾನ ವಿರೋದ್ ಭೀರಿನ್‌, ತುಮೆ ಗಲತ್‌ ಕರಿ ಬೋಲ್‌ಶೆ. ಇವ್ಣೆ ಯೋನಾನೆ ಬೋಲ್ಯೋತೆ ವಚನ್ನ ಖ್ಹಮ್‌ಜಿನ್‌, ಪಾಪ್ನ ಮ್ಹೇಲಿನ್ ದೇವ್ ಭಣಿ ಫರಿಗಯು. ಕತೋಬಿ ಮೇ ತುಮೂನ ಬೋಲುಸ್ಕಿ, ಯೋನಾಥೀಬಿ ಮೋಟೊ ಹಜ್ಜಾ಼ ಛಾ಼! 
\v 42 ಶೆಬಾ ದೇಖ್ಹ್‌ನಿ ರಾಣಿ ನ್ಯಾವ್‍ನ ತೀರ್ಪ್‌ನ ದನ್ಮ ಆ ಪಿಳ್ಗಿನಿ ವಿರೋದ್ ಭೀರಿನ್‌, ತುಮೆ ಗಲತ್‌ ಕರಿ ಬೋಲ್‌ಶೆ. ಯೋ ಸೊಲೊಮೋನ್ನಿ ಗ್ಯಾನ್ನಿ ವಾತೇನ ಖ್ಹಮ್‌ಜಾ಼ನಖ್ಹಾಜೆ ಜಗತ್ನ ಕಡ್‍ಶೀಥಿ ಆಯಿ. ಕತೋಬಿ ಮೇ ತುಮೂನ ಬೋಲುಸ್ಕಿ, ಸೊಲೊಮೋನ್‌ಥೀಬಿ ಊಚೊರ‍್ಯವಾಳೊ ಹಜ್ಜಾ಼ ಛಾ಼!
\s ದುರಾತ್ಮ ಪಾಛು಼ಫರಿ ಆವಸ್ತೆ ಬಾರೇಮ
\r (ಲೂಕ 11:24-26)
\p
\v 43 “ಭೂತ್‌ ಏಕ್‌ ಅದ್ಮಿನ ಮ್ಹೇಲಿನ್ ನಿಕ್ಳಿಜಾ಼ವಾನ ಬಾದ್ಮ, ಅರಾಮ್‌ ಕರಾನಖ್ಹಾಜೆ ಝ಼ಗೊ ಢೂಂಡ್‌ತುಹುಯಿನ್, ಪಾಣಿಕೊಂತೆ ಝ಼ಗೋಮ ವನ್‌ವನ್ತು ರ‍್ಹೇಸ್. 
\v 44 ಕತೋಬಿ ಅರಾಮ್‌ ಕರಾನ ಝ಼ಗೊ ಮಳಾಕೊಂತೆ ದೇಖಿನ್‌, ಯೋ, “ಮೇ ಮ್ಹೆಂದಿನ್ ಆಯೋತೆ ಮಾರ ಘರ್‌ನ ಫಾಛು಼ ಫರೀನ್ ಜ಼ವುಸ್‌” ಕರಿ ಬೋಲಿನ್, ಪಾಛು಼ ಯೋ ಘರ್‌ಕನ ಆಯಿನ್, ಯೋ ಘರ್ ಖಾಲಿ ಪಡ್ಯುತೆ ಅಜು಼ ಝ಼ಡೈಶನ್‌ಗಾರ್‌ ಹುಯಿರ‍್ಹೂತೆ ದೇಖಿನ್‌, 
\v 45 ಜೈ಼ನ್‌, ಇನೇಥಿಬಿ ಖರಾಬ್ ಹುಯಿರ‍್ಹೂತೆ ಬಿಜು಼ ಖ್ಹಾತ್ ಭೂತ್‌ನ ಇನ ಜೋ಼ಡೆ ಬುಲೈಲಿನ್ ಆವಸ್. ಇವ್ಣೆ ಯೋ ಅದ್ಮಿನ ಮಹಿ ಪೇಶಿನ್, ಹಿಜ್ಜಾ಼ಸ್ ರ‍್ಹವಾಲಗಸ್‌, ತದೆ ಯೋ ಅದ್ಮಿನಿ ಖ್ಹರ್ತಿಮಾನಿ ಹಾಲ್‌ ಪಹಿಲೆಥೀಬಿ ಖರಾಬ್ ಹುಯಿಜಾ಼ಸ್. ಅಮ್ಮಸ್ ಆ ಪಿಳ್ಗಿನು ಖರಾಬ್ ಅದ್ಮಿನ ಉಶೆ” ಕರಿ ಬೋಲ್ಯೊ.
\s ಯೇಸುನಿ ಆಯ ಅಜು಼ ಇನ ಭಯ್ಯೆ
\r (ಮಾರ್ಕ 3:31-35; ಲೂಕ 8:19-21)
\p
\v 46 ಯೇಸು ಅದ್ಮಿನಿ ಝೂ಼ಂಡ್‌ನ ಜೋ಼ಡೆ ಬಿಜೂ಼ಬಿ ವಾತೆ ಬೋಲುಕರಾನಿ ವಖ್ಹತ್‌ಮ, ಇನಿ ಆಯಾಬಿ ಇನ ಭೈಯೇ ಅಯಿನ್, ಇನಜೋ಼ಡೆ ವಾತೆ ಬೋಲ್‌ನು ಕರಿ ಭಾರ್‌ಭೀರ‍್ಯು. 
\v 47 ತದೆ ಏಕ್‌ ಜ಼ಣಾನೆ ಯೇಸುನ, “ಹಂದೇಕ್‌, ತಾರಿ ಆಯಾಬಿ, ತಾರ ಭೈಯೇ, ತುನ ವಾತೆ ಬೋಲ್‌ನು ಕರಿ ಭಾರ್‌ ಭಿಯ್ಯುಸ್” ಕರಿ ಬೋಲ್ಯು.
\p
\v 48 ಯೇಸುನೆ, “ಮಾರಿ ಆಯ ಕೋಣ್? ಮಾರ ಭೈಯೇ ಕೋಣ್? ಕರಿ ಬೋಲಿನ್, 
\v 49 ಶಿಷ್ಯರ್‌ ಭಣಿ ಹಾತ್‌ ವತಾಳಿನ್ “ಹಂದೇಖೊ! ಅವ್ಣೆಸ್‌ ಮಾರಿ ಆಯ ಅಜು಼ ಮಾರ ಭೈಯೇ”. 
\v 50 ಪರ್‌ಲೋಕ್‌ಮ ಛಾ಼ತೆ ಮಾರ ಬಾನಿ ಮರ್ಜಿನಿ ಘೋಣಿ ಕೋಣ್ ಚಾ಼ಲಾಸ್ಕಿ, ಯೋಸ್‌ ಮಾರೊ ಭೈ, ಮಾರಿ ಭೇನ್ ಅಜು಼ ಮಾರಿ ಆಯ ಹುಯಿರುಸ್‌” ಕರಿ ಬೋಲ್ಯೊ.
\c 13
\s ಪಂಡಾ ಛಿಡ್ಕಾನಿ ಬಾರೇಮ ಮತ್ಲಬ್‌ನಿ ಖೇಣಿ
\r (ಮಾರ್ಕ 4:1-9; ಲೂಕ 8:4-8)
\p
\v 1 ಯೋಸ್‌ ದನ್ಮ ಯೇಸು ಘರ್‌ಥೊ ನಿಕ್ಳಿನ್, ದರ‍್ಯಾವ್‍ನ ಕನಾರೆಕನ ಜೈ಼ನ್‌, ಬೇಶಿಗಯೊ. 
\v 2 ಘಣು ಅದ್ಮಿ ಇನಾಕನ ಎಕ್ಟುಹುಯಿನ್ ಆಯೂತೆ ಇನಖ್ಹಾಜೆ ಯೇಸು ಡೋಣ್‌ಮ ಚ಼ಢೀನ್‌, ಬೇಶಿಗಯೊ ಯೋ ಅದ್ಮಿಖ್ಹಾರು ಕನಾರಿಕನ ಭೀಯೂಥು. \fig ಯೇಸು ದರ‍್ಯಾವ್ನ ಕಿನಾರೆ ಉಪದೇಶ್ ಕರುಕರಾತೆ|alt="Jesus teaching the crowd by the sea" src="lb00299c.tif" size="col" copy="Horace Knowles ©" ref="13:2"\fig*
\p
\v 3 ತದೆ ಯೇಸುನೆ ಇವ್ಣುನ ಮತ್ಲಬ್‌ನಿ ಖೇಣಿಯೇಥಿ ಕೈಏಕ್ ವಾತೆನಿ ಬಾರೇಮ ಬೋಲ್ಯೊ. 
\v 4 “ಖೇತರ್‌ ಕರಾವಾಳೊ ಏಕ್‍ಜ಼ಣೊ ಪಂಡಾ ಛಿಡ್ಕಾನಖ್ಹಾಜೆ ಗಯೊ. ಯೋ ಪಂಡಾ ಛಿಡ್ಕಾನಿ ವಖ್ಹತ್‌ಮ, ಥೋಡ ಪಂಡಾ ವಾಟ್ನಿ ಪಾಕ್ತಿಮ ಪಡ್ಯು ಜಿನಾವರ್‌ ಖ್ಹಾರು ಆಯಿನ್ ಇನ ಚ಼ರಿಲಿದು. 
\v 5 ಅಜು಼ ಥೋಡ ಪಂಡಾ ಜಾ಼ಖ್ಹತ್ ಮಾಟಿಕೊಂತೆ ಬಂಡಾನಿ ಜ಼ಮೀನ್‌ಪರ್ ಪಡ್ಯು; ಹಿಜ಼್ಜಾ ಛಿವರ್‌ ಮಾಟಿ ಥೀತೆ ಇನಖ್ಹಾಜೆ ಯೋ ಒಗ್ಗಿಸ್‌ಮ ಫುಟಿ ಆಯು. 
\v 6 ಕತೋಬಿ ತಡ್ಕೊ ಪಡಾದೀನ್‌, ಯೋ ಶೊಶಿಯೆ ಮಹಿತೋಡಿ ಜ಼ಡೆ ಕೋ ಮ್ಹೇಲಿರಾಖ್ಯುಥುಂತೆ ಇನಖ್ಹಾಜೆ ಖ್ಹುಕೈಗಯು. 
\v 7 ಅಜು಼ ಥೋಡ ಪಂಡಾ ಕಾಟಾನ ಡಾಗ್‌ಮ ಪಡ್ಯು, ಕಾಟಾನು ಝಿಕ್ರುಖ್ಹಾರು ಮೋಟುಹುಯಿನ್, ಯೋ ಶೊಶಿಯೇನ ದಾಬಿನಾಖ್ಯು. 
\v 8 ಕತೋಬಿ ಅಜು಼ ಥೋಡ ಪಂಡಾ ಅಛ್ಛಿ ಜ಼ಮೀನ್‌ಪರ್‌ ಪಡೀನ್, ಫುಟೀನ್, ಪಂಡು ಮ್ಹೇಲ್ಯು; ಥೋಡು ಖ್ಹೋ ಪಂಡಾಎತ್ರು, ಥೋಡು ತೀನಿಖ್ಹ್‌ ಪಂಡಾಎತ್ರು, ಥೋಡು ಡೋಡಿಖ್ಹ್‌ ಪಂಡಾಎತ್ರು” ಮ್ಹೇಲ್ಯು.
\p
\v 9 “ಖ್ಹಮ್‌ಜಾ಼ನ ಕಾನ್‌ರ‍್ಹವಾಳು ಖ್ಹಮ್‌ಜಾ಼ದೆ” ಕರಿ ಬೋಲ್ಯೊ.
\s ಮತ್ಲಬ್‌ನಿ ಖೇಣಿಯೇಥಿ ಶನ ಬೋಲಸ್ತೆ?
\r (ಮಾರ್ಕ 4:10-12; ಲೂಕ 8:9-10)
\p
\v 10 ಬಾದ್ಮ ಯೇಸುನ ಶಿಷ್ಯರ್‌ ಇನಾಕನ ಆಯಿನ್, “ತೂ ಅದ್ಮಿನ ಜೋ಼ಡೆ ವಾತೆಬೋಲಾನಿ ವಖ್ಹತ್‌ಮ ಮತ್ಲಬ್‌ನಿ ಖೇಣಿಯೇಥಿ ಶನಬೋಲಾಸ್ತೆ?” ಕರಿ ಪುಛಾ಼ಯ.
\p
\v 11 ಯೇಸುನೆ ಇವ್ಣುನ, “ಸೊರ್ಗ ರಾಜ್ಯನಿ ಬಾರೇಮಾನಿ ಖ್ಹಾಚಿನ ಮಾಲುಮ್‌ ಕರಿಲ್ಯವಾನು ಕಿಮ್ ಕರಿ ಬೋಲಾನು ತುಮೂನ ದೆವೈರ‍್ಹೂಸ್‌, ಪಣ್ಕಿ ಇವ್ಣ ಕಾಹೆ. 
\v 12 ಶನಕತೊ ಕಿನಾಕನ ಛಾ಼ಕಿ ಇವ್ಣುನ ಬಿಜೂ಼ಬಿ ಜಾ಼ಖ್ಹತ್ ದೆವಾವ್‌ಶೆ; ಕತೋಬಿ ಕಿನಾಕನ ಕೊಯ್ನಿಕಿ ಇನಾಕಂಥು ಛಾ಼ತೆ ಥೋಡುಬಿ ಕಾಡಿಲಿಶೆ. 
\v 13 ಮೇ ಇವ್ಣ ಜೋ಼ಡೆ ಮತ್ಲಬ್‌ನಿ ಖೇಣಿಯೇಥಿ ವಾತೆ ಬೋಲುಸ್ತೆ ಶನಖ್ಹಾಜೆ ಕತೊ, ಇವ್ಣುನ ಡೋಳಾ ರ‍್ಹಯುತೋಬಿ ದೇಖಾಕೊಯ್ನಿ ಅಜು಼ ಕಾನ್‌ ರ‍್ಹಯುತೋಬಿ ಖ್ಹಮ್‌ಜಾ಼ಕೊಯ್ನಿ ಅಜು಼ ಪರ್ಖಾ ಕೊಯ್ನಿ. 
\v 14 ಅಮ್ ಯೆಶಾಯನೆ ಬೋಲ್ಯೋತೆ ಪ್ರವಾದ್‌ನೆ ಇವ್ಣಾಮ ಚಾ಼ಲಸ್. ಯೋ ಶಾತ್‌ಕತೊ ಆ ಅದ್ಮಿಖ್ಹಾರು ಖ್ಹಮ್‌ಜ಼್‌ಶೆ ಅಜು಼ ಖ್ಹಮಜ಼್‌ತೂಸ್‌ ರ‍್ಹಿಶೆ, ಕತೋಬಿ ಇವ್ಣುನ ಮಾಲುಮ್‌ ಕೋ ಪಡ್‌ಶೇನಿ; ಇವ್ಣೆ ದೇಕ್‌ಶೆ ಅಜು಼ ದೇಕ್‌ತೂಸ್‌ ರ‍್ಹಿಶೆ, ಕತೋಬಿ ಇವ್ಣುನ ದೆಖಾವ್‌ಶೆ ಕೊಯ್ನಿ; 
\v 15 ಆ ಅದ್ಮಿ ಖ್ಹಾರಾನೊ ದಿಲ್‌ ಬಂಡೊ ಹುಯಿರ‍್ಹೋಸ್, ಅಜು಼ ಅವ್ಣ ಡೋಳಾ ಮೂಚೈ಼ರ‍್ಹಾಸ್, ಅವ್ಣೆ ಡೋಳಾಥಿ ದೇಖಿನ್‌, ಕಾನ್‍ಥಿ ಖ್ಹಮ್‌ಜಿನ್‌, ದಿಲ್‌ಥಿ ಪರ್ಖಿನ್, ಮಾರಭಣಿ ಫರಿಜೈ಼ನ್‌ ಮಾರೇಥಿ ಅಛ್ಛು಼ ನಾಹೊಣುಕರಿ ತೀರ್ಮಾನ್‌ ಕರಿರಾಖ್ಯುಸ್‌ಕರಿ ಬೋಲಾನುಸ್‌ ಯೋ ಪ್ರವಾದ್‌ನೆ.
\p
\v 16 ಇನಖ್ಹಾಜೆ ತುಮೆ ಧನ್ಯರ್ ಹುಯಿರ‍್ಹಾಸ್. ಶನಕತೊ ತುಮಾರ ಡೋಳಾ ದೆಖಾವಸ್ ಅಜು಼ ತುಮಾರೊ ಕಾನ್‌ ಖ್ಹಮ್‌ಜಾ಼ಸ್‌. 
\v 17 ಮೇ ತುಮೂನ ಖ್ಹಾಚಮಾಬಿ ಬೋಲುಸ್ಕಿ, ತುಮೆ ದೇಖುಕರಾತೆ ಕಾಮ್‍ಅಖ್ಖಾನ ಕೈಯೆಕ್ಕಿ ಪ್ರವಾದಿ ಖ್ಹಾರುಬಿ ಅಜು಼ ಕೈಯೆಕ್ಕಿ ನೀತಿವಾಳು ಅದ್ಮಿಖ್ಹಾರು ದೇಕ್ಣುಕರಿ ಆಖ್ಹ್‌ಕರ‍್ಯು ತೋಬಿ ಇವ್ಣೆ ದೇಖಾನ ಕೋ ಹುಯುನಿ. ತುಮೆ ಖ್ಹಮ್‌ಜು಼ಕರಾತೆ ಸಮಾಚಾರ‍್ನ ಇವ್ಣೆ ಖ್ಹಮಜ಼್‌ಣು ಕರಿ ಆಖ್ಹ್‌ ಕರ‍್ಯುತೋಬಿ ಖ್ಹಮ್‌ಜ್ಯು ಕೊಯ್ನಿ.
\s ಯೇಸುನೆ ಪಂಡಾ ಛಿಡ್ಕಾವಾಳನಿ ಮತ್‌ಲಬ್ ಬೋಲಿವತಾಳ್ಯೋತೆ
\r (ಮಾರ್ಕ 4:13-20; ಲೂಕ 8:11-15)
\p
\v 18 “ಪಂಡಾ ಛಿಡ್ಕಾವಾಳನಿ ಬಾರೇಮಾನು ಮತ್ಲಬ್‌ ಖ್ಹಮ್‌ಜೊ಼. 
\v 19 ಪರ್‌ಲೋಕ್ ರಾಜ್ಯನಿ ಖಬರ್‌ನ ಖ್ಹಮ್‌ಜಿನ್‌, ಪರ್ಖಿ ನಾಲಿದುತೊ, ಶೈತಾನ್‍ ಆಯಿನ್, ಯೋ ಅದ್ಮಿನ ಮನ್‌ಮ ಪಡ್ಯುತೆ ಇನ ಕಾಡಿನಾಖಸ್‌, ಆ ಅದ್ಮಿಸ್‌ ಪಂಡಾ ಪಡ್ಯುತೆ ವಾಟ್ನಿ ಶೇಡೆನು ಝ಼ಗೊ ಹುಯಿರ‍್ಹುಸ್‍. 
\v 20 ಏಕ್‌ ಜ಼ಣೊ ವಚನ್ನ ಖ್ಹಮಜ಼್‌ತಾಸ್‌, ಖ್ಹುಶಿಥಿ ಇನ ಮಾನಿಲೇಸ್; ಕತೋಬಿ ಜ಼ಡ್‌ಕೊಂತೆ ಇನಖ್ಹಾಜೆ ಯೋ ಖಲಿ ಥೋಡುಸ್ ದನ್ ರ‍್ಹೇಸ್ 
\v 21 ಶನಕತೊ ಇನ ಜ಼ಡ್‌ಕೊಂತೆ ಇನಖ್ಹಾಜೆ ಯೋ ಥೋಡಹಗಾಮ್‍ ಖಲಿರ‍್ಹೀನ್ ಯೊ ವಚನ್ನಖ್ಹಾಜೆ ಖ್ಹತಾಪ್ಣಿ ರ‍್ಹವೊ ಲತಾಡ ರ‍್ಹವೊ ಆಯೂತೊ ಒಗ್ಗಿಸ್ ಠೊಕ್‍ರೈ ಪಡಿಜಾ಼ಸ್‌. ಆಸ್ ಪಂಡಾ ಪಡ್ಯುತೆ ಬಂಡಾನಿ ಜ಼ಮೀನ್ ಹುಯಿರ‍್ಹುಸ್‍. 
\v 22 ಏಕ್‌ ಜ಼ಣೊ ವಚನ್ನ ಖ್ಹಮ್‌ಜುತೋಬಿ, ಆ ಜಗತ್ನಿ ಪಶ್ತಾವ್ಣಿ ಅಜು಼ ಧನ್‌-ದೌಲತ್‌ಪರ್‌ನಿ ಪ್ಯಾರ್ ಯೋ ವಚನ್ನ ದಾಬಿನಾಖಸ್‌, ಇನಖ್ಹಾಜೆ ಯೋ ಫಲ್ ಕೋದೇಯ್ನಿ. ಆಸ್ ಕಾಟಾನ ಝಿಕ್ರಾನು ಝ಼ಗೋಪರ್ ಪಡ್ಯಾತೆ ಪಂಡು ಹುಯಿರ‍್ಹುಸ್‍. 
\v 23 ಏಕ್‌ ಜ಼ಣೊ ವಚನ್ನ ಖ್ಹಮ್‌ಜಿನ್‌, ಇನ ಪರ್ಖಿಲಿನ್‌, ಯೋ ಖ್ಹೋಯೆತ್ರು, ಅಜು಼ ತೀನೀಖ್ಹ್‌ಎತ್ರು, ಬಿಜು಼ ಥೋಡು ಡೋಡಿಖ್ಹ್‌ಎತ್ರು ಫಲ್‍ದೇಸ್. ಯೋಸ್‌ ಅಛ್ಛಿ ಝ಼ಗೊಮ ಪಡ್ಯುತೆ ಪಂಡು ಹುಯಿರ‍್ಹೋಸ್ ಕರಿ ಬೋಲ್ಯೊ.
\s ಶತ್ತೇನಿ ಮತ್‌ಲಬ್
\p
\v 24 ಯೇಸುನೆ ಬಿಜ್ಜೇಕ್‌ ಮತ್ಲಬ್‌ನಿ ಖೇಣಿನ ಇವ್ಣುನ ಬೋಲ್ಯೊ: ಯೋ ಶಾತ್‌ಕತೊ, “ಸೊರ್ಗನಿ ರಾಜ್ಯ ಅಛ಼್ಛ ದಾಣಾನ ಖೇತರ್‌ಮ ನಾಖ್ಯೋತೆ ಏಕ್‌ ಅದ್ಮಿನಿಪರಕ್ ಘೋಣಿ ಛಾ಼. 
\v 25 ಕತೋಬಿ ಏಕ್‌ ರಾತೆ ಅದ್ಮಿಖ್ಹಾರು ಖ್ಹುತುರ‍್ಹವಾನಿ ವಖ್ಹತ್‌ಮ, ಯೋ ಅದ್ಮಿನು ದುಶ್‌ಮನ್‌ ಐನ್, ಘವ್‌ನ ಮಹಿ ಶತ್ತೇನ ಛಿಡ್ಕಿನ್‌ ಚ಼ಲೆಗಯೊ. 
\v 26 ಘಾವ್ ಫುಟಿನ್‌ ಬುಟ್ಟಾ ನಿಕ್ಳಾದಿನ್‌, ಇನಜೋ಼ಡೆ ಶತ್ತೇಬಿ ಫುಟಿ ಆಯು. 
\v 27 ತದೆ ಯೋ ಅದ್ಮಿನು ಆಳ್‌ಖ್ಹಾರು ಇನಾಕನ ಆಯಿನ್, “ಯಜಮಾನ್, ತುನೆ ತಾರ ಖೇತರ್‌ಮ ಅಛ಼್ಛ ದಾಣಾವ್‍ನ ನಾಖ್ಯೋಥೋನಿ; ಶತ್ತೇ ಕಿಜ್ಗಾ಼ಥು ಆಯು?” ಕರಿ ಫುಛಾ಼ಯು. 
\v 28 ಯೊ ಯಜಮಾನ್ನೆ, “ಆ ಏಕ್‌ ದುಶ್‌ಮನ್ನೆ ಕರ‍್ಯೊತೆ ಕಾಮ್” ಕರಿ ಬೋಲ್ಯೊ. ತದೆ ಆಳ್‌ನೆ, “ಹಮೆ ಜೈ಼ನ್‌, ಶತ್ತೇನ ಉಖ್ಡಿನಾಖೇಕಿ ಶು?” ಕರಿ ಫುಛಾ಼ಯು. 
\v 29 ತದೆ ಇನೆ, “ನಕೊ, ಶನಕತೊ ಶತ್ತೇ ಉಖ್ಡಾನಿ ವಖ್ಹತ್‌ಮ, ತುಮೆ ಘವ್‌ನಾಬಿ ಉಖ್ಡಿನಾಕ್‍ಶು. 
\v 30 ಇನಖ್ಹಾಜೇಸ್ ಖ್ಹುಗ್ಗೀನು ದನ್ ಆವಾತೋಡಿ ಭೇಬಿ ಜೋ಼ಡ್ಮಾಸ್ ಫುಟಾದೆ. ಖ್ಹುಗ್ಗೀನ ದನ್ಮ ಮೇ ವ್ಹಾಡವಾಳನ, ‘ಪಹಿಲೆ ಶತ್ತೇನ ಉಖ್ಡಿನಾಖಿನ್‌, ಇನ ಭಾರೊ ಭಾಂದಿ ಬಾಳಿನಾಖೊ, ಅಜು಼ ಘವ್‌ನ ಎಕ್ಟು ಕರೀನ್, ಮಾರಿ ಕಣ್ಗಿಮ ಭರೊ’ ಕರಿ ಬೋಲಿಶ್” ಕರಿ ಬೋಲ್ಯೊ.
\s ರಾಯಿನಿ ಬಾರೇಮನು ಮತ್‌ಲಬ್
\r (ಮಾರ್ಕ 4:30-32; ಲೂಕ 13:18-19)
\p
\v 31 ಯೇಸುನೆ ಬಿಜೇಕ್ ಮತ್ಲಬ್‌ನ ಇವ್ಣುನ ಬೋಲ್ಯೊ: ಯೋ ಶಾತ್‌ಕತೊ, “ಸೊರ್ಗನು ರಾಜ್ಯ ಅಮ್ ಹುಯಿರ‍್ಹೂಸ್. ಕಿಮ್‌ಕತೊ, ಏಕ್‌ ಜ಼ಣಾನೆ ರಾಯಿನ ದಾಣಾನ ಲೀಜೈ಼ನ್, ಇನ ಖೇತರ್‌ಮ ಛಿಡ್‌ಕ್ಯೊ. 
\v 32 ಯೋ ರಾಯಿನೊ ದಾಣೊ ಖ್ಹಾರಾಸ್ ಬಿಂಜೋ಼ಳಾಥೀಬಿ ನ್ಹಾನು ಹುಯಿರ‍್ಹುಸ್‍, ತೋಬಿ ಯೋ ಫುಟಾನ ಬಾದ್ಮ ಖ್ಹಾರಸ್ ಭಾಜಿಪಾಲಾನ ಝಾ಼ಡ್‌ಥೀಬಿ ಮೋಟು ಹುಯಿನ್, ಝಾ಼ಡು ಹುವ್ವಾಸ್‌, ತದೆ ಆಬ್‍ಪರ್‌ ಉಡಾತೆ ಜಿನಾವರ್‌ ಖ್ಹಾರು ಆಯಿನ್, ಇನಿ ಡಾಳಿಯೇಮ ಮ್ಹಾಳೊ ಭಾಂದಿನ್‍ ವಖ್ಹಸ್‌” ಕರಿಬೋಲ್ಯೊ.
\s ಶೋಡಾನಿ ಬಾರೇಮ ಮತ್‌ಲಬ್
\r (ಲೂಕ 13:20-21)
\p
\v 33 ಯೇಸುನೆ ಅಜೂ಼ಬಿ ಏಕ್‌ ಮತ್ಲಬ್‌ನಿ ಖೇಣಿನ ಬೋಲ್ಯೊ: ಯೋ ಶಾತ್‌ಕತೊ, “ಸೊರ್ಗನು ರಾಜ್ಯ ಅಮ್ ಹುಯಿರ‍್ಹುಸ್‍. ಕಿಮ್‌ಕತೊ, ಏಕ್‌ ತಯೇಡಾನೆ ಶೋಡಾನ ಲೀಜೈ಼ನ್, ತೀನ್ ಶೇರ್ ಆಟಾಮ ಕಲೈನ್ ಮ್ಹೇಲಾಖ್ಹತರ್‌, ಯೋ ಆಟೊ ಖ್ಹಾರುಸ್‌ ಫುಗಿಆಯು.
\s ಯೇಸುನೆ ಮತ್ಲಬ್‌ನ ಬೋಲ್ಯೋತೆ
\r (ಮಾರ್ಕ 4:33-34)
\p
\v 34 ಯೇಸುನೆ ಆ ವಾತೆಖ್ಹಾರು ಅದ್ಮಿನಿ ಭೀಡ್‌ಣ ಮತ್ಲಬ್‌ನಿ ಖೇಣಿಯೇಥೀಸ್‌ ಬೋಲ್ಯೊ; ಮತ್ಲಬ್‌ನಿ ಖೇಣಿ ಕೊಂತೆ ಶಾತ್ಬಿ ಕೋ ಬೋಲ್ಯೋನಿ. 
\v 35 ಅಮ್ಮಸ್,
\q1 “ಮೇ ಬೋಲಾನಿ ವಖ್ಹತ್‌ಮ ಮತ್ಲಬ್‌ನಿ ಖೇಣಿಯೇಥಿ ಬೋಲಿಶ್;
\q2 ಜಗತ್‌ ಉಬ್‌ಜ್ಯುತೆ ತಪ್‌ಥು ಲಪೈರ‍್ಹುಥೂತೆ ಬಾರೇಮ ಮೇ ಇವ್ಣುನ ಬೋಲಿಶ್” ಕರಿ ಪ್ರವಾದಿನ ಮ್ಹೋಡೆ ಬೋಲಾಯೋತೆ ವಾತೇನ ಯೇಸುನೆ ಅಮ್ ಕರ‍್ಯೊ.
\s ಶತ್ತೇನಿ ಬಾರೇಮ ಯೇಸುನೆ ಮತ್ಲಬ್‌ನ ಬೋಲಿ ವತಾಳ್ಯೊತೆ.
\p
\v 36 ಯೇಸು ಅದ್ಮಿನ ಮ್ಹೆಂದಿನ್, ಘರೆ ಜಾ಼ವಾನ ಬಾದ್ಮ, ಇನ ಶಿಷ್ಯರ್‌ ಇನಾಕನ ಆಯಿನ್, “ಖೇತರ್‌ಮಾನು ಶತ್ತೇನಿ ಬಾರೇಮಾನು ಮತ್ಲಬ್‌ನ ಹಮೂನ ಬೋಲಿವತಾಳ್” ಕರಿ ಬೋಲ್ಯ.
\p
\v 37 ಯೇಸುನೆ, “ಅಛ್ಛು಼ ಪಂಡು ನಾಖವಾಳೊ ಕತೊ ಅದ್ಮಿನೊ ಛಿಯ್ಯೊ; 
\v 38 ಖೇತರ್‌ಕತೊ ಆ ಜಗತ್‌; ಅಛ್ಛು಼ ಪಂಡುಕತೊ ದೇವ್ನಿ ರಾಜ್ಯನು ಅದ್ಮಿಖ್ಹಾರು; ಶತ್ತೆಕತೊ ಶೈತಾನ್‍ ಭಣಿವಾಳು ಕರಿ; 
\v 39 ಶತ್ತೇ ನಾಖ್ಯೋತೆ ದುಶ್‌ಮನ್‌ಕತೊ ಶೈತಾನ್ ಕರಿ. ಖ್ಹುಗ್ಗೀನ ದನ್‌ಕತೊ ಜಗತ್‌ನು ಖ್ಹರ್ತಿನ ದನ್‌ಕರಿ ಅಜು಼ ವ್ಹಾಡವಾಳುಕತೊ ದೇವ್ನು ದೂತರ್ ಕರಿ. 
\v 40 ಕಿಮ್ ಶತ್ತೇನ ಉಖ್ಡಿನ್ ಬಾಳಿನಾಖಸ್ಕಿ, ಇಮ್ಮಸ್ ಜಗತ್‌ನು ಖ್ಹರ್ತಿನ ದನ್ಮ ಚಾ಼ಲ್‌ಷೆ. 
\v 41 ಅದ್ಮಿನೊ ಛಿಯ್ಯೊ ಇನ ದೂತರ್‌ನ ಮೋಕ್ಲಿನ್, ಇವ್ಣೆ ಇನ ರಾಜ್ಯಮ ಕೋಣ್ ಪಾಪ್ ಅಜು಼ ಖರಾಬ್‌ಕರಾನಿತರ ಕರ‍್ಯುಕೀ ಇಮ್ನ ಅದ್ಮಿಖ್ಹಾರನ ಎಕ್ಟು ಕರೀನ್‌, 
\v 42 ಅಜು಼ ಇನಿ ರಾಜ್ಯಮಾಥು ಭಾರ್‌ ಕಾಡಿನ್ ಆಗ್‌ನ ಕುಂಡಾಮ ನಾಕ್‌ಶೆ. ಹಿಜ್ಜಾ಼ ಇವ್ಣೆ ರೊವ್‌ಶೆ ಅಜು಼ ಕರ್‌-ಕರ್‌ ದಾತ್‍ಚಾ಼ವ್‍ಶೆ 
\v 43 ತದೆ ನೀತಿವಾಳು ಅದ್ಮಿಖ್ಹಾರು ಚಾ಼ಂದ್‍ನಿಘೋಣಿ ಚ಼ಮಕ್‌ತುಹುಯಿನ್ ಇವ್ಣ ಬಾನಿ ರಾಜ್ಯಮ ರ‍್ಹಿಶೆ. ಖ್ಹಮ್‌ಜಾ಼ನ ಕಾನ್‌ ರ‍್ಹವಾಳು ಖ್ಹಮ್‌ಜಾ಼ದೆ” ಕರಿ ಬೋಲ್ಯೊ.
\s ಲಪೈರ‍್ಹೂತೆ ನಿಧಿನಿ ಮತ್ಲಬ್‌ನಿ ಬಾರೇಮ
\p
\v 44 “ಸೊರ್ಗನು ರಾಜ್ಯ ಅಮ್ ಹುಯಿರ‍್ಹೂಸ್. ಕಿಮ್‌ಕತೊ, ಏಕ್‌ ಜ಼ಣಾನೆ ಖೇತರ್‌ಮ ಲಪಿರ‍್ಹೂತೆ ನಿಧಿನ ದೇಖಿನ್‌, ಇನ ಪಾಛು಼ ಖೇತರ್‌ಮಾಸ್‌ ಖೋಂದಿ ಘಾಲಿದೀನ್‌, ಇನೇಥಿ ಘಣು ಖ್ಹುಶಿಹುಯಿನ್ ಜೈ಼ನ್‌, ಇನಾಕನ ಥೂತೆ ಖ್ಹಾರುಸ್‌ ವೇಚಿನಾಖಿದೀನ್‌, ಆಯಿನ್ ಯೋ ಖೇತರ್‌ನ ಮೋಲ್‌ಲೀಲಿದೊ.
\s ಮುತ್ನ ಬಾರೇಮಾನು ಮತ್ಲಬ್‌ನಿ ಖೇಣಿ
\p
\v 45 “ಸೊರ್ಗನು ರಾಜ್ಯ ಅಮ್ ಹುಯಿರ‍್ಹೂಸ್. ಕಿಮ್‌ಕತೊ, ಅಛ಼್ಛು ಮುತ್‌ಅಖ್ಖಾನ ಢೂಂಡಾಸ್ತೆ ಏಕ್‌ ಧಂದೊ ಕರಾವಾಳೊ, 
\v 46 ಘಣ ಮೋಲ್ನು ಏಕ್‌ ಮುತ್ನ ದೇಖಿನ್‌, ಹಿಜ್ಜಾ಼ಥೊ ಜೈ಼ನ್‌, ಇನಾಕನ ಥೂತೆ ಖ್ಹಾರುಸ್‌ ವೇಚಿನ್, ಯೋ ಮುತ್ನ ಮೋಲ್‌ಲೀಲಿದೊ.
\s1 ಜಾ಼ಳಾನಿ ಬಾರೇಮ ಮತ್ಲಬ್‌ನಿ ಖೇಣಿ
\p
\v 47 “ಸೊರ್ಗಾನು ರಾಜ್ಯ ಅಮ್ ಹುಯಿರ‍್ಹೂಸ್. ಕಿಮ್‌ಕತೊ, ಥೋಡು ಜ಼ಣು ಮಾಛ್ಲು಼ ಧರಾವಾಳಾನೆ ಜಾ಼ಳಾನ ದರ‍್ಯಾವ್‌ಮ ನಾಖ್ಯು, ತದೆ ಖ್ಹಾರಿಸ್ ರಖ್ಹಮ್‌ನು ಮಾಛ್ಲು಼ ಇನಾಮ ಖ್ಹಪ್‌ಡ್ಯು. 
\v 48 ಜಾ಼ಳು ಭರಾವಾನ ಬಾದ್‌ಮ, ಇನ ಕನಾರೆ ಖೇಚಿಲೈನ್‌, ಬೇಶಿನ್, ಅಛ಼್ಛ ಮಾಛ್ಲಾ಼ವ್ನ ಟೋಕ್ರಾವ್‍ಮ ಭರಿಲೀನ್‌, ಖರಾಬ್ ಮಾಛ್ಲಾ಼ವ್ನ ಫೇಕಿನಾಖಿದಿದು. 
\v 49 ಅಮ್ಮಸ್ ಜಗತ್ನ ಖ್ಹರ್ತಿಮ ಚಾ಼ಲ್‌ಷೆ. ದೇವ್‌ನು ದೂತರ್ ಆಯಿನ್, ಧರ್ಮಿ ಅದ್ಮಿಯೇನ ಮಹಿಥು ಖರಾಬ್ ಅದ್ಮಿಯೇನ ಅಲಕ್ ಕರೀನ್, 
\v 50 ಇವ್ಣುನ ಆಗ್‌ನ ಕುಂಡಾಮ. ಹಿಜ್ಜಾ಼ ಇವ್ಣೆ ರೊವ್‌ಶೆ ಅಜು಼ ಕರ್‌-ಕರ್‌ ದಾತ್‍ಚಾ಼ವ್‍ಶೆ” ಕರಿ ಬೋಲ್ಯೊ.
\s ನವಿ ಅಜು಼ ಜೂ಼ನಿ ಖ್ಹಾಚಿ
\p
\v 51 ಯೇಸುನೆ ಇನ ಶಿಷ್ಯರ್‌ನ, “ಆ ಖ್ಹಾರಿ ವಾತೆನಿ ಮತ್‌ಲಬ್ ತುಮೂನ ಮಾಲುಮ್‌ಪಡ್ಯುಕಿ ಶು?” ಕರಿ ಪುಛಾ಼ಯೊ.
\p ಇವ್ಣೆ, “ಓಹೊ” ಕರಿ ಜವಾಬ್‌ ದಿದಾ.
\p
\v 52 ತದೆ ಯೇಸುನೆ ಇನ ಶಿಷ್ಯರ್‌ನ, “ಅಮ್‌ಕತೊ, ಸೊರ್ಗ ರಾಜ್ಯನು ಶಿಷ್ಯರ್‌ ಬಣ್ಯೂತೆ ಹರೇಕ್ ಮೋಶೆನಿ ವಚನ್‍ ಶಿಕಾಡವಾಳು ಶಾಸ್ತ್ರಿಯೆ, ಘರ್‌ನೊ ಯಜಮಾನ್ನಿಘೋಣಿ ಹುಯಿರ‍್ಹೂಸ್, ಯೋ ಯಜಮಾನ್ ಇನ ಘರ್‌ನಿ ಕಣ್ಗಿಮ ಜ಼ಮ ಕರಿರಾಖ್ಯೋತೆ ನವು ಅಜು಼ ಜೂ಼ನ ರಾಛಾ಼ನಖ್ಹಾರು ಭಾರ್‌ ಕಾಡಸ್‌” ಕರಿ ಬೋಲ್ಯೊ.
\s ನಜ಼ರೇತ್‌ವಾಳು ಯೇಸುನ ಝಿಟ್ಕಾರ‍್ಯುತೆ
\r (ಮಾರ್ಕ 6:1-6; ಲೂಕ 4:16-30)
\p
\v 53 ಯೇಸು ಆ ಮತ್ಲಬ್‌ನಿ ಖೇಣಿಯೇನ ಬೋಲಾನ ಬಾದ್‌ಮ, ಹಿಜ್ಜಾ಼ಥೊ ನಿಕ್ಳಿನ್, 
\v 54 ಇನ ಶೊಂತ್‌ ಗಾಮೆ ಗಯೊ. ಹಿಜ್ಜಾ಼ ಯೇಸು ಯೆಹೂದ್ಯರ್‌ನ ಸಬೆ ಭರಾವಾನು ಮಂದಿರ್‌ಮ ಅದ್ಮಿನ ಬೋಲಿವತಾಳ್ಯೊ, ತದೆ ಅದ್ಮಿಖ್ಹಾರು ಇನ ಖ್ಹಮ್‌ಜಿನ್‌, ಆಶ್ಚರ್ಯಖೈನ್, “ಅನ ಅಮ್ನಿ ಗ್ಯಾನ್ ಅಜು಼ ಅಮ್ನು ಅದ್ಭುತ್‌ಕಾಮ್‌ಖ್ಹಾರು ಕರಾನು ಕಿಜ್ಜಾ಼ಥು ಮಳ್ಯು? 
\v 55 ಆ ಯೋ ಖೋಡ್‌ಶಾನು ಖ್ಹಾಮನ್‌ ಕರಾವಾಳಾನೊ ಛಿಯ್ಯೊ ಕಾಹೆಕಿ ಶು? ಅನಿಆಯ ಮರಿಯ ಕಾಹೆಕಿ ಶು? ಯಾಕೋಬ, ಯೋಸೇಫ, ಸೀಮೋನ್‌ ಅಜು಼ ಯೂದ ಅನ ಭೈಯೇ ಕಾಹೆಕಿ ಶು? 
\v 56 ಅನಿ ಭೇನೆ ಖ್ಹಾರಿ ಹಜ್ಜಾ಼ಸ್ ರ‍್ಹೇಸ್‌ನಿ? ಇಮ್‍ಕತೊ, ಆ ಖ್ಹಾರು ಅನ ಕಿಜ್ಜಾ಼ಥು ಮಳ್ಯು?” ಕರಿ ವಾತೆ ಬೋಲಿಲಿದು. ಅಜು಼ ಯೇಸುನ ಝಿಟ್ಕಾರವಾಳು ಹುಯು.
\p
\v 57 ತದೆ ಯೇಸುನೆ ಇವ್ಣುನ, “ಪ್ರವಾದಿನ ಅಲ್ಹಾವ್ ಅದ್ಮಿ ಮರ್ಯಾದಿ ದೇಸ್, ಕತೋಬಿ ಶೊಂತ್‌ ಗಾಮ್‌ನು ಅದ್ಮಿನರ‍್ಹವೊ, ಶೊಂತ್‌ ಘರ್‌ನು ಅದ್ಮಿನರ‍್ಹವೊ ಮರ್ಯಾದಿ ಕೋ ದೇಯ್ನಿ” ಕರಿ ಬೋಲ್ಯೊ. 
\v 58 ಇವ್ಣೆ ಇನ ನಂಬ್ಯುಕೊಂತೆ ಇನಖ್ಹಾಜೆ, ಯೇಸುನೆ ಹಿಜ್ಜಾ಼ ಘಣು ಅದ್ಭುತ್‌ಕಾಮ್ನ ಕೋ ಕರ‍್ಯೋನಿ.
\c 14
\s ಬ್ಯಾಪ್ತಿಸ್ಮ ದ್ಯವಾಳೊ ಯೋಹಾನ ಮರ‍್ಯೋತೆ ಬಾರೇಮ
\r (ಮಾರ್ಕ 6:14-29; ಲೂಕ 9:7-9)
\p
\v 1 ಯೋ ದನೂಮ, ಹೆರೋದ ಗಲಿಲಾಯಮ ರಾಜ಼್‌ಭಾರ್‌ ಚ಼ಲಾವ್‍ ಕರ್ತೊಥೊ, ಅದ್ಮಿಖ್ಹಾರು ಯೇಸುನಿ ಬಾರೇಮ ಬೋಲುಕರ್ತುಥೂತೆ ಇನೆ ಖ್ಹಮ್‌ಜೊ. 
\v 2 ಇನಖ್ಹಾಜೆ ಇನೆ ಇನ ಸೇವಕರ್‌ನ, “ಖ್ಹಾಚಮಾಬಿ ಯೇಸುಸ್‌ ಬ್ಯಾಪ್ತಿಸ್ಮದ್ಯವಾಳೊ ಯೋಹಾನ ಹುಯಿರ್‍ಹೊಸ್, ಯೋಸ್‍ ಪಾಛೊ಼ ಜಿವ್ತೊಹುಯಿನ್ ಐರ‍್ಹೋಸ್. ಇನಖ್ಹಾಜೇಸ್ ಆ ಖ್ಹಾರು ಅದ್ಭುತ್ ಕರಾನ ಶಕತ್ ಮಳಿರ‍್ಹೀಸ್ತೆ” ಕರಿ ಬೋಲ್ಯೊ.
\p
\v 3 ಹೆರೋದನೆ ಹೆರೋದ್ಯನಖ್ಹಾಜೆ ಯೋಹಾನ್ನ ಧರೈನ್, ಭಂದೈನ್, ಜೇಲ್‌ಮ ಕೋಂಡಿ ಘಲಾಯೋಥೊ. ಆ ಹೆರೋದ್ಯ ಹೆರೋದನೊ ಮೋಟೊ ಭೈ ಫಿಲಿಪ್ಫನಿ ಬಾವಣ್‍ ಹುಯಿರ‍್ಹೀಥಿ. 
\v 4 ಯೋಹಾನ ಹೆರೋದಾನ, “ತೂ ಹೆರೋದ್ಯನ ರಾಖಿರಾಖ್ಯೋತೆ ನ್ಯಾವ್‌ಕಾಹೆ” ಕರಿ ಬೋಲ್ತೊರ‍್ಹೇತೋಥೊ. 
\v 5 ಹೆರೋದ ಯೋಹಾನ್ನ ಮರೈನಾಕ್ಣು ಕರಿ ಥೊ, ತೋಬಿ ಅದ್ಮಿಖ್ಹಾರು ಯೋಹಾನ ಏಕ್‌ ಪ್ರವಾದಿ ಕರಿ ಮಾನ್‌ತುಥೂತೆ ಇನಖ್ಹಾಜೆ, ಅದ್ಮಿನ ಡರ್‌ಥಿ ಇನ ಮರಾಯೊ ಕೊಯ್ನಿ.
\p
\v 6 ಹೆರೋದನೊ ಪೈದಾಖ್ಹ್‌ನೊ ದನ್ಮ, ಹೆರೋದ್ಯನಿ ಛೋ಼ರಿ ಹೆರೋದ ಅಜು಼ ಇನ ಮೆಹೆಮಾನ್ನ ಖ್ಹಾಮ್ಣೆ ನಾಚಿನ್ ವತಾಳಿ. ಅನೇಥಿ ಹೆರೋದನ ಘಣು ಖ್ಹುಶಿ ಹುಯು. 
\v 7 ಇನಖ್ಹಾಜೆ ಇನೆ, “ತೂ ಶಾತ್ ಬೋಲಿಲಿದಿತೋಬಿ, ಮೇ ತುನ ದೆವುಸ್‌” ಕರಿ ಯೋ ಛೋ಼ಕ್ರಿನ ವಾಗ್ದಾನ್‌ದಿದೊ
\p
\v 8 ತದೆ ಇನಿ ಆಯ ಶಾತ್‌ ಮಾಂಗಿಲೆವ್ಣು ಕರಿ ಇನ ಬೋಲಿದಿದಿ. ತದೆ ಇನೆ, “ಹಮ್ಕೆ, ಹಜ್ಜಾ಼ಸ್ ಬ್ಯಾಪ್ತಿಸ್ಮದ್ಯವಾಳೊ ಯೋಹಾನನು ಮುಡ್‌ಕ್ಯು ಪತ್ತರ್‌ಮ ಮಂಗೈನ್, ಮನ ದೇವ್ಣು” ಕರಿ ಬೋಲಿ.
\p
\v 9 ಯೋ ವಾತೇಥಿ ರಾಜಾ಼ನ ದುಖ್ ಹುಯು, ತೋಬಿ ಇನೆ ಇನ ಮೆಹಮಾನ್ ಅಖ್ಖಾನ ಖ್ಹಾಮ್ಣೆ ಆಣ್ ದಿದೋತೆ ಇನಖ್ಹಾಜೆ, ಇನೆ ಮಾಂಗಿತೆ ಇನ ದೇವ್ಣುಕರಿ ಹುಕುಮ್‌ ದಿದೊ. 
\v 10 ಅಜು಼ ಆಳ್‌ನ ಮೋಕ್ಲಿನ್, ಜೇಲ್‌ಮ ಕೋಂಡಿ ಘಾಲಿರಾಖ್ಯುತೆ ಹಿಜ್ಜಾ಼ ಯೋಹಾನನು ಮುಡ್‌ಕ್ಯು ಕತ್ರಾಯೊ. 
\v 11 ಇವ್ಣೆ ಯೋಹಾನ್ನ ಮುಡ್‌ಕ್ಯಾನ ಪತ್ತರ್‌ಮ ಲೈನ್‌, ಯೋ ಛೋ಼ಕ್ರಿನ ದಿದು. ಇನೆ ಯೋ ಮುಡ್‌ಕ್ಯಾನ ಇನಿ ಆಯಕನ ಲೀಗೈ. 
\v 12 ಯೋಹಾನನು ಶಿಷ್ಯರ್‌ ಆಯಿನ್, ಇನು ಧಡ್‌ನ ಪಳ್ಳಿಜೈ಼ನ್‌, ಘವಿಮ ಘಾಲ್ಯು. ಅನಕೇಡೆಥು ಇವ್ಣೆ ಯೇಸುಕನ ಜೈ಼ನ್‌, ಚಾ಼ಲ್ಯುತೆ ಬಾರೇಮ ಬೋಲ್ಯು.
\s ಯೇಸುನೆ ಪಾಚ಼್ ಹಜಾ಼ರ್‌ ಅದ್ಮಿನ ಖಡಾಯೋತೆ
\r (ಮಾರ್ಕ 6:30-44; ಲೂಕ 9:10-17)
\p
\v 13 ಯೇಸುನೆ ಯೋಹಾನ್ನಿ ಬಾರೇಮಾನು ಖಬರ್‌ನ ಖ್ಹಮ್‌ಜಿನ್‌, ಯೋ ಝ಼ಗೋನ ಮ್ಹೆಂದಿನ್, ಡೋಣ್‌ ಚ಼ಢೀನ್‌, ಎಕ್ಕಸ್ ಜ಼ಣೊ ಉಜ್ಜಾ಼ಡಿ ಝ಼ಗೋನ ಚ಼ಲೆಗಯೊ. ಅನ ಖ್ಹಮ್‌ಜಿನ್‌ ಅದ್ಮಿಖ್ಹಾರು, ಇವ್ಣ-ಇವ್ಣ ಗಾಮ್‌ನ ಮ್ಹೆಂದಿನ್, ಗೋಡೇಥೀಸ್‌ ಚಾ಼ಲಿನ್ ಯೇಸುನ ಪೀಠೆಗಯು. 
\v 14 ಯೇಸು ಡೋಣ್‌ಮಾಥು ಭಾರ್‌ ಆಯಿನ್, ಅದ್ಮಿನಿ ಘಣಿ ಮೋಟಿ ಭೀಡ್‌ಣ ದೇಖಿನ್‌, ಇವ್ಣಾಪರ್ ಗೋರ್‌ಖೈನ್, ರೋಗ್‌ಮ ರ‍್ಹವಾಳಾನ ಖ್ಹಾರು ಅಛ್ಛು಼ ಕರ‍್ಯೊ.
\p
\v 15 ಖ್ಹಾಂಜ಼್ ಹುವ್ವಾದೀನ್, ಇನ ಶಿಷ್ಯರ್‌ ಇನಾಕನ ಐನ್, “ಆ ಉಜ್ಜಾ಼ಡಿ ಝ಼ಗೊ, ಅಜು಼ ವಖ್ಹತ್‍ಬಿ ಘಣಿ ಹುಯಿಗೈ. ಆ ಅದ್ಮಿಖ್ಹಾರು ಇವ್ಣಖ್ಹಾಜೆ ಖಾಣನು ರಾಛು಼ ಲ್ಯವಾನಟೇಕೆ, ಇವ್ಣುನ ಗಾಮೆ ಬೋಲಿಮೋಕಲ್‌” ಕರಿ ಬೋಲ್ಯ.
\p
\v 16 ಯೇಸುನೆ ಇವ್ಣುನ, “ಅದ್ಮಿಖ್ಹಾರು ಜಾ಼ವಾನು ನಕೊ, ತುಮೇಸ್ ಇವ್ಣುನ ಖಾವಾನ ಶಾತ್‌ತೋಬಿ ದೆವೊ!” ಕರಿ ಬೋಲ್ಯೊ.
\p
\v 17 ತದೆ ಶಿಷ್ಯರ್‌ನೆ, “ಹಜ್ಜಾ಼ ಹಮಾರಕನ ಪಾಚ಼್ ರೋಟಾ ಅಜು಼ ಬೇ ಮಾಛ಼್‌ಲಾ ಎತ್ರುಸ್ ಛಾ಼ತೆ” ಕರಿ ಜವಾಬ್‌ ದಿದಾ.
\p
\v 18 ತದೆ ಯೇಸುನೆ, “ಇನ ಹಜ್ಜಾ಼ ಮಾರಕನ ಲೀನ್, ಆವೊ” ಕರಿ ಬೋಲ್ಯೊ. 
\v 19 ಅಜು಼ ಅದ್ಮಿ ಖ್ಹಾರಾನ ಘಾಖ್ಹ್‌ಪರ್‌ ಬೇಖ್ಹೊ ಕರಿ ಬೋಲಿನ್, ಯೋ ಪಾಚ಼್ ರೋಟಾ ಅಜು಼ ಬೇ ಮಾಛ಼್‌ಲಾನ ಪಾಡಿಲೀನ್, ಆಬ್‍ಭಣಿ ದೇಖಿನ್‌, ದೇವ್ನ ಧನ್ಯವಾದ್ ಕರೀನ್, ಯೋ ರೋಟಾವ್ನ ತೋಡಿನ್, ಶಿಷ್ಯರ್‌ನ ಹಾತ್‌ಮ ದಿದೊ. ಶಿಷ್ಯರ್‌ನೆ ಅದ್ಮಿನಿ ಝೂ಼ಂಡ್‌ನ ದಿದಾ. 
\v 20 ತಮಾಮ್‌ ಅದ್ಮಿ ಖೈನ್ ಬಶ್‌ಹುಯು. ಉಬ್‍ರ‍್ಯುತೆ ಟುಕ್ಡಾವ್‍ನ ಜ಼ಮಾಕರ್ತಖ್ಹತರ್‌ ಭಾರ ಟೋಕ್ರಾ ಭರಾಯು. 
\v 21 ಖಾಣು ಖಾದೂತೆ ಇವ್ಣಾಮ ತಯೇಡ ಅಜು಼ ಲಡ್ಕಾವ್ನ ಮ್ಹೆಂದಿನ್, ಪರ್ಖ್ಹಾ ಅದ್ಮಿಸ್‌ ಕಮ್‌ಶಿಕಮ್ ಪಾಚ಼್ ಹಜಾ಼ರ್‌ಜ಼ಣು ಥೂ.
\s ಯೇಸುನೆ ದರ‍್ಯಾವ್‌ಪರ್ ಚಾ಼ಲ್ಯೋತೆ
\r (ಮಾರ್ಕ 6:45-52; ಲೂಕ 6:15-21)
\p
\v 22 ಅನಕೇಡೆಥು ಯೇಸುನೆ ಇನ ಶಿಷ್ಯರ್‌ನ, “ಮೇ ಆ ಅದ್ಮಿನಿ ಭೀಡ್‌ಣ ಮೋಕ್ಲಾನ ಮಹಿ, ತುಮೆ ಡೋಣ್‌ ಚ಼ಢೀನ್, ಪಹಿಲೆ ಪಾರ್ಲಿ ಕನಾರೆ ಜಾ಼ವೊ” ಕರಿ ಬೋಲ್ಯೊ. 
\v 23 ಅದ್ಮಿನಿ ಭೀಡ್‌ಣ ಮೋಕ್ಲಾನ ಬಾದ್‌ಮ, ಪ್ರಾರ್ಥನೆ ಕರಾನಖ್ಹಾಜೆ ಯೋ ಎಕ್ಲೋಸ್ ಪಹಾಡ್‌ಪರ್ ಗಯೊ. ದನ್ ಡುಬಾನ ಬಾದ್‌ಮ, ಯೇಸು ಎಕ್ಲೋಸ್ ಹಿಜ್ಜಾ಼ ಥೊ. 
\v 24 ಎತ್ರಾಸ್‌ಮ ಡೋಣ್‌ ಜ಼ಮೀನ್‌ಥಿ ಘಣಿ ದೂರ್ ಜೈ಼ರ‍್ಹೀಥಿ, ಅಜು಼ ಖ್ಹಾಮ್ಣೆನೊ ವಹಿರೊ ವಾಗುಕರ್ತೊಥೋತೆ ಇನಖ್ಹಾಜೆ, ಡೋಣ್‌ ದರ‍್ಯಾವ್‌ನ ಇಚ಼್‌ಮ ಜ್ಹೋಕಾಳ್ಯನ ಮಾರ್‌ಮ ಖ್ಹಪ್‌ಡಿರ‍್ಹೀಥಿ.
\p
\v 25 ವ್ಹಾಣ್‌ಖ್ಹತ್ರೆ ಚಾರ್‌ ಘಂಟಾ ಹುಯಿರ‍್ಹುಥು, ತದೆ ಯೇಸು ದರ‍್ಯಾವ್‌ಪರ್ ಚಾ಼ಲ್ತೊಹುಯಿನ್‌ ಶಿಷ್ಯರ್‌ ಭಣಿ ಆಯೊ. 
\v 26 ದರ‍್ಯಾವ್‌ಪರ್ ಚಾ಼ಲ್ತೊವಳ್ಯಾವಾತೆ ಯೇಸುನ ಶಿಷ್ಯರ್‌ನೆ ದೇಖಿನ್‌, ಘಬ್‌ರೈಗಯ. ಅಜು಼ ಭೂತ್‌ಕರಿ ಸೋಚಿನ್, ಡರ್‌ಥಿ ಚಿಕ್‌ರ‍್ಯ.
\p
\v 27 ತದ್‌ನು-ತದ್ದೇಸ್ ಯೇಸುನೆ ವಾತೆ ಬೋಲಿನ್ ಇವ್ಣುನ, “ಹಿಮ್ಮತ್‌ ರ‍್ಹವಾದೆ; ಆ ಮೇಸ್! ಡರೊ ನಕೊ!” ಕರಿ ಬೋಲ್ಯೊ.
\p
\v 28 ತದೆ ಪೇತ್ರನೆ, “ಪ್ರಭು, ಆ ತೂಸ್ ಉಶೇತೊ, ಮನ ಪಾಣಿಪರ್‌ ಚಾ಼ಲಿನ್ ತಾರಕನ ಆವಾನ ಹುಕುಮ್ ದೇ” ಕರಿ ಬೋಲ್ಯೊ.
\p
\v 29 ಯೇಸುನೆ ಇನ, “ಆವ್!” ಕರಿ ಜ಼ವಾಬ್‌ದಿದೊ. ತದೆ ಪೇತ್ರ ಯೇಸುಕನ ಜಾ಼ವಾನಖ್ಹಾಜೆ ಡೋಣ್‌ಮಾಥು ಉತ್ರಿನ್, ಪಾಣಿಪರ್‌ ಚಾ಼ಲಲಗ್ಯೊ. 
\v 30 ಕತೋಬಿ ವ್ಹಯಿರಾನ ರಪಾಟಾನ ದೇಖಿನ್‌ ಡರಿನ್, ಪಾಣಿಮ ಡುಬಾಲಗ್ಯೊ ಅಜು಼ “ಪ್ರಭು, ಮನ ಬಚಾ಼ಡ್‍!” ಕರಿ ಚಿಕ್‌ರ‍್ಯೊ.
\p
\v 31 ಯೋಸ್ ವಖ್ಹತ್‌ಮ ಯೇಸು ಹಾತ್‌ ಖ್ಹಾಮ್ಣೆ ಕರೀನ್, ಇನ ಧರೀನ್, “ಏ ಕಮ್‍ವಿಶ್ವಾಸ್‍ವಾಳ! ತೂ ಶನ ಶಕ್ ಕರ‍್ಯೊ?” ಕರಿ ಬೋಲ್ಯೊ.
\p
\v 32 ಇವ್ಣೆ ಡೋಣ್‌ಮ ಚ಼ಢಾನ ಬಾದ್‌ಮ, ವಹಿರೊ ಭೀರಿಗಯೊ. 
\v 33 ತದೆ ಡೋಣ್‌ಮ ಥಾತೆ ಶಿಷ್ಯರ್‌ನೆ, “ಖ್ಹಾಚ಼ಮಾಬಿ ತೂ ದೇವ್‌ನೊ ಛಿಯ್ಯೊ” ಕರಿ ಬೋಲಿನ್, ಯೇಸುನ ಆರಾದನೆ ಕರ‍್ಯಾ.
\s ಯೇಸುನೆ ಗೆನೆಜರೇತ್‌ಮ ಥೂತೆ ರೋಗ್‌ವಾಳಾನ ಅಛ್ಛು಼ ಕರ‍್ಯೊತೆ
\r (ಮಾರ್ಕ 6:53-56)
\p
\v 34 ಇವ್ಣೆ ದರ‍್ಯಾವ್‍ನ ಮ್ಹೇಲಿನ್, ಗೆನೆಜರೇತ್‍ ಝ಼ಗೋನಿ ಕನಾರೆಕನ ಆಯಾ. 
\v 35 ಯೋ ಝ಼ಗೊವಾಳು ಯೇಸುನಿ ಖ್ಹಣೇದ್ ಧರೀನ್, ಇವ್ಣೆ ಯೋ ಅಶ್‌ಪಿಶ್‌ನು ತಬರ್‌ಖಾಮ ಖ್ಹಾರು ಬೋಲಿಮೋಕ್ಲಿನ್, ರೋಗ್‌ಮ ರ‍್ಹವಾಳ ತಮಾಮ್‌ನ ಯೇಸುಕನ ಬುಲೈ ಮಂಗಾಯು. 
\v 36 ಇವ್ಣೆ ಯೇಸುನ, “ಆ ರೋಗ್‌ಮ ರ‍್ಹವಾಳಾನ ತಾರು ಲುಂಗ್ಡಾನು ಕೋಣೊತೋಬಿ ಛೀಮಾನ ಮ್ಹೇಲ್‌” ಕರಿ ಗಿಂಗೈಲಿದು. ಅಜು಼ ಇನು ಲುಂಗ್ಡು ಛೀಮ್ಯೂತೆ ಹರೇಕ್ನ ಅಛ್ಛು಼ ಹುಯು.
\c 15
\s ಗುರುಗುರಬ್‍ಲ್ಯನೆ ಶಿಕಾಡ್ಯುತೆ ಬಾರೇಮ
\r (ಮಾರ್ಕ 7:1-13)
\p
\v 1 ಬಾದ್‌ಮ ಯೆರೂಸಲೇಮ್‌ಥು ಫರಿಸಾಯರ್ ಅಜು಼ ಮೋಶೆನಿ ವಚನ್ನ ಶಿಕಾಡವಾಳು ಶಾಸ್ತ್ರಿಯೆ ಯೇಸುಕನ ಆಯಿನ್, 
\v 2 “ತಾರು ಶಿಷ್ಯರ್‌ ಅಪ್ಣ ಶಾಣವ್‌ಥಿ ಆಯೂತೆ ಆದತ್‌ನ ಶನ ಪಾಡಿನ್ ಚಾ಼ಲಕೊಯ್ನಿ? ಇವ್ಣೆ ಹಾತ್‌ ಧೊವಾಕೊಂತೆ ಖಾಣು ಖಾಸ್ನಿ” ಕರಿ ಪುಛಾ಼ಯು. \fig ರೂಡಿಥಿ ಹಾತ್ ಧೋವಾತೆ ದೆಖಾನು|alt="Ceremonial washing" src="lb00280c.tif" size="col" copy="Horace Knowles ©" ref="15:2"\fig*
\p
\v 3 ಯೇಸುನೆ ಇವ್ಣುನ, “ತುಮೆ ತುಮಾರಿ ಆದತ್‌ನ ಪಾಡಿ ಚಾ಼ಲಾನಖ್ಹಾಜೆ ದೇವ್ನಿ ಹುಕುಮ್‌ನ ಶನ ತೋಡೊಸ್ತೆ? 
\v 4 ಕಿಮ್‌ಕತೊ, ‘ಆಯ-ಬಾನ ಮರ್ಯಾದಿ ದೇವ್ಣು, ಆಯನ ರ‍್ಹವೊ, ಬಾನ ರ‍್ಹವೊ ಶಾಪ್ನ-ಶಬರ್‌ ದೆವಾಳಾನ ಮರಣ್ ದಂಡ್‌ ಹೋಣು’ ಕರಿ ದೇವ್ನೆ ಬೋಲಿರಾಖ್ಯೊಸ್. 
\v 5 ಕತೋಬಿ ತುಮೆತೋ, ಕೋಣ್‌ತೋಬಿ ಇನ ಬಾನ ರ‍್ಹವೊ, ಆಯಾನ ರ‍್ಹವೊ ದೇಖಿನ್‌, ‘ಮೇ ತಾರಿ ಖ್ಹದ್ದರ್‌ನಖ್ಹಾಜೆ ದೇವ್ಣುಥೂತೆ ಇನ ದೇವ್ನಖ್ಹಾಜೆ ಮುಡಪ್‍ ಕರ‍ಖ್ಯೊಸ್’ ಕರಿ ಬೋಲ್ಯೋತೊ, 
\v 6 ಯೋ ಇನ ಆಯ-ಬಾನ ಮರ್ಯಾದಿ ದೆವಾನು ಜ಼ರೂರತ್ ಕೊಯ್ನಿ ಕರಿ ಬೋಲಿದೆವೋಸ್‌. ಅಮ್ ಕರಾಥಿ ತುಮಾರಿ ಆದತ್‍ಥೀಸ್‍ ದೇವ್ನಿ ಹುಕುಮ್‌ನ ಫಾಯಿದೊಕೊಂತೆ ಇಮ್‌ ಕರಿರಾಖ್ಯಾಸ್. 
\v 7 ತುಮೆ ಖೋಟ್ ದಿಲ್‌ವಾಳ! ಯೆಶಾಯನೆ ತುಮಾರಿ ಬಾರೇಮ ಬರೊಬರ್‌ಥೀಸ್‌ ಪ್ರವಾದ್‌ನೆ ಕರಿರಾಖ್ಯೋಸ್! ಯೋ ಶಾತ್‌ಕತೊ: ದೇವ್ನೆ ಬೋಲ್ಯೋಕಿ,
\q1
\v 8 ‘ಆ ಅದ್ಮಿಖ್ಹಾರು ವಾತೇಥಿ ಮನ ಮರ್ಯಾದಿ ದೇಸ್, ಕತೋಬಿ
\q2 ಅವ್ಣೊ ದಿಲ್‌ ಮಾರೇಥಿ ದೂರ್ ಛಾ಼.
\q2
\v 9 ಅದ್ಮಿನ ಖ್ಹೂಜ಼್‌ನಿತರ ಶಿಕಾಡ್ತು ಆಯೂತೆ ಇನಾಸ್ ದೇವ್ನಿ ಹುಕುಮ್‌ನಿಘೋಣಿ ಬೋಲಿಶಿಕಾಡವಾಳ ಅವ್ಣೆ
\q1 ಮನ ಆರಾದನೆ ಕರಾನು ಕಾಮ್ನಕೊಯ್ನಿ.
\s ಅದ್ಮಿನ ಗಲೀಜ಼್ ಬಣಾವಸ್ತೆ ರಾಛು಼
\r (ಮಾರ್ಕ 7:14-23)
\p
\v 10 ಅನಕೇಡೆಥು ಯೇಸುನೆ ಅದ್ಮಿನಿ ಝೂಂಡ್‌ನ ಖನ್ನೆ ಬುಲೈನ್ ಇವ್ಣುನ, ಕಾನ್‌ ದೀನ್, “ಖ್ಹಮ್‌ಜೊ಼, ಅಜು಼ ಮಾಲುಮ್‌ ಕರಿಲೆವೊ! 
\v 11 ಬಾಕನ ಮಹಿಜಾ಼ಸ್ತೆ ಯೋ ಅದ್ಮಿನ ಮೈಲುಕರಾಕೊಯ್ನಿ, ಮ್ಹೋಡಾನ ಮಹಿಥು ಭಾರ್ ನಿಕ್ಳಾಸ್ತೆ ಯೋಸ್‌ ಅದ್ಮಿನ ಮೈಲುಬಣಾವಸ್‌” ಕರಿ ಬೋಲ್ಯೊ.
\p
\v 12 ತದೆ ಶಿಷ್ಯರ್‌ ಯೇಸುಕನ ಆಯಿನ್, “ತುನೆ ಬೋಲ್ಯೋತೆ ವಾತೇನ ಖ್ಹಮ್‌ಜಿನ್‌, ಫರಿಸಾಯರ್‌ವಾಳು ಇರಾದೊ ಕರ‍್ಯುತೆ ತುನ ಮಾಲುಮ್‌ಪಡ್ಯು ಕಿಶು?” ಕರಿ ಬೋಲ್ಯೊ.
\p
\v 13 ಯೇಸುನೆ, “ಪರಲೋಕ್‍ಮ ಛಾ಼ತೆ ಮಾರೊ ಬಾ ಗಾಡ್ಯೊಕೊಂತೆ ಝಾ಼ಡಖ್ಹಾರನ ಜ಼ಡ್‌ ಖ್ಹಮೇಥು ಉಖ್ಡಿ ನಾಕ್‌ಶೆ” ಕರಿ ಜವಾಬ್‌ ದಿದೊ. 
\v 14 “ಇವ್ಣಿ ಬಾರೇಮ ಫಿಕರ್ ನಕೊ ಕರೊ! ಇವ್ಣೆ ಕಾಣು ಹುಯಿರ‍್ಹುಸ್‍, ಬಿಜಾ಼ನ ವಾಟ್‌ ವತಾಳನ ಜಾ಼ಸ್‌, ಕಾಣೊ ಕಾಣಾನ ವಾಟ್‌ ವತಾಳ್ಯೊತೊ ಇವ್ಣೆ ಭೇ ಜ಼ಣು ಖಾಡ್‌ಮ ಪಡಾಸ್‌” ಕರಿ ಬೋಲ್ಯೊ.
\p
\v 15 ತದೆ ಪೇತ್ರನೆ, “ಆ ಮತ್ಲಬ್‌ನಿ ಖೇಣಿನ ಹಮೂನ ಬೋಲಿವತಾಳ್” ಕರಿ ಬೋಲ್ಯೊ.
\p
\v 16 ಯೇಸುನೆ ಇವ್ಣುನ, ಬಿಜಾ಼ನಿ ಘೋಣಿ ತುಮೂನಾಬಿ ಬುದ್ಧಿ ಕೊಯ್ನಿಕಿ ಶು? 
\v 17 ಮ್ಹೋಡಾಮ ಜಾ಼ಸ್ತೆ ಖ್ಹಾರುಸ್‌, ಪೇಟ್‌ಮ ಜೈ಼ನ್‌, ಇನಕೇಡೆಥು ಭಾರ್‌ಮ ನಿಕ್ಳಿಜಾ಼ಸ್ ಕರಿ ಬೋಲಾನು ತುಮೂನ ಮಾಲುಮ್‌ ಕೋ ಪಡ್ಯುನಿಕಿ ಶು? 
\v 18 ಕತೋಬಿ ಮ್ಹೋಡಾಮಾಥು ನಿಕ್ಳಾಸ್ತೆ ವಾತೆ ಇನ ದಿಲ್‌ಮಾಥು ಆವಸ್, ಆಸ್ ಅದ್ಮಿನ ಅಶುದ್ಧ ಬಣಾವಸ್ತೆ. 
\v 19 ಕಿಮ್‌ಕತೊ, ದಿಲ್‌ಮಾಥು ಖರಾಬ್‌ಸೋಚ಼್‌, ಖೂನ್‌ಕರಾನು, ವ್ಯಬಿಚಾರ್‌, ಅಜು಼ ಪಾಪೇಲುಕಾಮ್‍, ಚೋ಼ರಿಕರಾನು, ಅಜು಼ ಗಾಳೆಅಖ್ಖು ಭಾರ್‌ ನಿಕ್ಳಾಸ್‌. 
\v 20 ಅಮ್ನುಸ್‌ಖ್ಹಾರು ಅದ್ಮಿನ ಮೈಲುಬಣಾವಾಸ್ತೆ. ಕತೋಬಿ ಇವ್ಣೆ ಬೋಲಾತೆ ಇಮ್‌ ಹಾತ್‌ ಧೊವಾಕೊಂತೆ ಖಾಣು ಖವಾನು ಅದ್ಮಿನ ಅಶುದ್ಧ ಕೋಬಣಾವಾನಿ” ಕರಿ ಬೋಲ್ಯೊ.
\s ಏಕ್‌ ತಯೇಡಾನಿ ವಿಶ್ವಾಸ್‌ನಿ ಬಾರೇಮ
\r (ಮಾರ್ಕ 7:24-30)
\p
\v 21 ಯೇಸು ಯೋ ಝ಼ಗೋನ ಮ್ಹೆಂದಿನ್, ತೂರ್ ಅಜು಼ ಸೀದೋನ್ ಖ್ಹಯೇರ‍್ನ ಖನ್ನೇನು ತಬರ್‌ಖಾನ ಚ಼ಲೆಗಯೊ. 
\v 22 ಯೋ ಮುಲಕ್‌ಮ ರ‍್ಹೇತಿಥೀತೆ ಕಾನಾನ್‌ವಾಳಿ ಏಕ್‌ ತಯೇಡ ಇನಾಕನ ಆಯಿನ್, “ದಾವೀದ್‌ನ ಛಿಯ್ಯಾ! ಪ್ರಭು, ಮಾರಪರ್ ಗೋರ್‌ ಕರ್‌! ಮಾರಿ ಛೋ಼ರಿಮ ಭೂತ್ ಛಾ಼ ಅಜು಼ ಘಣಿ ಖರಾಬ್ ಹಾಲ್‌ಮ ಯೋ ಛಾ಼” ಕರಿ ಚಿಕ್ರಿನ್ ಬೋಲಿ.
\p
\v 23 ಕತೋಬಿ ಯೇಸುನೆ ಇನ ಶನೀಶ್ ಜವಾಬ್‌ ಕೋ ದಿದೋನಿ, ತದೆ ಇನ ಶಿಷ್ಯರ್‌ನೆ ಯೇಸುಕನ ಆಯಿನ್, “ಯೋ ತಯೇಡಾನ ಮೋಕ್ಲಿದೆ! ಯೋ ಚಿಕರ್ತಿ ಹುಯಿನ್ ಅಪ್ಣ ಪೀಠೇಸ್ ವಳಿಆವಸ್‌!” ಕರಿ ಗಿಂಗಾಯು.
\p
\v 24 ತದೆ ಯೇಸುನೆ ಫರೈನ್ ಬೋಲ್ಯೋಕಿ, “ಗುಮೈಗಯೂತೆ ಮೇಂಢವ್‌ನಿ ಘೋಣಿ ಛಾ಼ತೆ ಇಸ್ರಾಯೇಲ್‌ನು ಅದ್ಮಿನ ಮ್ಹೆಂದಿನ್ ಬಿಜ಼ ಕಿನಾಕನಾಬಿ ದೇವ್ನೆ ಮನ ಮೋಕ್‌ಲ್ಯೊಕೊಯ್ನಿ” ಕರಿ ಬೋಲ್ಯೊ.
\p
\v 25 ತದೆ ಯೋ ತಯೇಡ ಯೋಸ್‌ ಆಯಿನ್, ಇನ ಆಡ್‍ಪಡಿನ್, ಪ್ರಭು ಮನ ಮದತ್‌ಕರ್‌!” ಕರಿ ಗಿಂಗೈ.
\p
\v 26 ಯೇಸುನೆ ಇನ, “ಲಡ್ಕಾ ಖಾವಾನು ರೋಟಾವ್ನ ಪಾಡೀನ್, ಕುತ್‌ರ‍್ಯಾವ್‍ನ ನಾಖಾನು ಬರೋಬರ್‌ಕೊಯ್ನಿ” ಕರಿ ಜವಾಬ್‌ ದಿದೊ.
\p
\v 27 ಯೋ ತಯೇಡಾನೆ, “ಯೋ ವಾತೆ ಖ್ಹಾಚಾಸ್‌ಲಾ ಪ್ರಭು, ಕುತ್‌ರ‍್ಯು ಖ್ಹಾರು ಇವ್ಣೊ ಯಜಮಾನ್ನು ಮೇಜ್‌ಪರ್‌ಥು ಹೇಟ್ ಪಡಾಸ್ತೆ ರೋಟಾನು ಟುಕ್ಡಾವ್‍ನ ಖಾಸ್ನಿ” ಕರಿ ಬೋಲಿ.
\p
\v 28 ತದೆ ಯೇಸುನೆ ಇನ, “ಬಾಯಿ, ತಾರಿ ವಿಶ್ವಾಸ್ ಘಣಿ ಮೋಟಿ! ತಾರ ಮನ್‌ಮ ಛಾ಼ತೆ ಇಮ್ಮಸ್ ತುನ ಹುವಾದೆ” ಕರಿ ಜವಾಬ್‌ ದಿದೊ. ಯೋಸ್ ವಖ್ಹತ್‌ಮ ಇನಿ ಛೋ಼ರಿನ ಅಛ಼್ಛುಹುಯು.
\s ಯೇಸುನೆ ಕೈಯೆಕ್ಕಿ ಅದ್ಮಿನ ಅಛ್ಛು಼ ಕರ‍್ಯೊತೆ
\p
\v 29 ಯೇಸು ಹಿಜ್ಜಾ಼ಥೊ ನಿಕ್ಳಿನ್, ಗಲಿಲಾಯ ದರ‍್ಯಾವ್‌ಕನ ಆಯಿನ್, ಪಹಾಡ್‌ಪರ್ ಚ಼ಢೀನ್ ಬೇಶಿಗಯೊ. 
\v 30 ತದೆ ಅದ್ಮಿಖ್ಹಾರು ಝೂ಼ಂಡ್‌-ಝೂ಼ಂಡ್‌ ಹುಯಿನ್, ಇನಾಕನ ಆಯು, ಇವ್ಣೆ ಲಂಗ್ಡು, ಕಾಣು, ಮುಕ್ಕು, ಹಾತ್‌-ಗೋಡಕೊಂತೆ ಅಜು಼ ಕೈಯೆಕ್ಕಿ ಬಿಜಿ ತರ‍್ಹಾನು ರೋಗ್‌-ರಾಯಮ ರ‍್ಹವಾಳ ಅದ್ಮಿನ ಯೇಸುನ ಗೋಡಾಕನ ಲಯಿನ್ ಮ್ಹೇಲ್ಯು. ಯೇಸುನೆ ಇವ್ಣುನ ಅಛ್ಛು಼ ಕರ‍್ಯೊ. 
\v 31 ಮುಕ್ಕುರ‍್ಹಾವಾಳು ವಾತೆ ಬೋಲ್ಯೂತೆ, ಹಾತ್‌ಗೋಡಾಕೊಂತೆ ಅದ್ಮಿಖ್ಹಾರು ಅಛ್ಛು಼ ಹುಯೂತೆ, ಲಂಗ್ಡುಖ್ಹಾರು ಚಾ಼ಲ್ಯುತೆ, ಕಾಣಾವ್ನ ಡೋಳಾ ಆಯೂತೆ, ಅದ್ಮಿಖ್ಹಾರು ದೇಖಿನ್‌ ಆಶ್ಚರ್ಯಖಾದು ಅಜು಼ ಇಸ್ರಾಯೇಲ್‌ನೊ ದೇವ್ನ ಸ್ತುತಿ ಕರ‍್ಯು.
\s ಯೇಸುನೆ ಚಾರ್ ಹಜಾ಼ರ್‌ ಅದ್ಮಿನ ಖಡಾಯೋತೆ
\r (ಮಾರ್ಕ 8:1-10)
\p
\v 32 ಯೇಸುನೆ ಇನ ಶಿಷ್ಯರ್‌ನ ಖನ್ನೆ ಬುಲೈನ್, ಇವ್ಣುನ, “ಆ ಖ್ಹಾರ ಅದ್ಮಿನ ದೇಖಿನ್‌, ಮನ ಗೋರ್‌ಲಾಗಸ್‌, ಅವ್ಣೆ ಮಾರಕನ ಆಯಿನ್, ತೀನ್ ದನ್ ಹುಯಿಗಾ; ಇವ್ಣುನ ಖಾಣನ ಶಾತ್ಬಿ ಕೊಯ್ನಿ; ಅವ್ಣುನ ಭುಕ್ಯುಸ್‌ ಮೋಕ್ಲಾನ ಮನ ಮನ್‌ಕೊಯ್ನಿ; ಜಾ಼ವಾನಿ ವಖ್ಹತ್‌ಮ ಅವ್ಣೆ ಥಕಿಜಾ಼ಶೆ” ಕರಿ ಬೋಲ್ಯೊ.
\p
\v 33 ಶಿಷ್ಯರ್‌ನೆ ಯೇಸುನ, “ಅತ್ರಾಅದ್ಮಿನ ಬಶ್‌ ಹುವ್ವಾಎತ್ರು ಖಾಣು ಆ ಉಜ್ಜಾ಼ಡಿ ಝ಼ಗೋಮ ಹಮೂನ ಕಿಜ್ಗಾ಼ಥು ಮಳ್‌ಶೆ?” ಕರಿ ಬೋಲ್ಯ.
\p
\v 34 ಯೇಸುನೆ, “ತುಮಾರಕನ ಕೆತ್ರ ರೋಟಾ ಛಾ಼?” ಕರಿ ಪುಛಾ಼ಯೊ. ಶಿಷ್ಯರ್‌ನೆ, “ಹಮಾರಕನ ಖ್ಹಾತ್ ರೋಟಾ ಅಜು಼ ಥೋಡು ನ್ಹಾನಿಮಾಛ್ಲಿಯೆ ಛಾ಼” ಕರಿ ಬೋಲ್ಯು.
\p
\v 35 ತದೆ ಯೇಸುನೆ ಅದ್ಮಿನಿ ಝೂ಼ಂಡ್‌ನ ಜ಼ಮೀನ್‌ಪರ್ ಬೇಖ್ಹೊ ಕರಿ ಹುಕುಮ್‌ದಿದೊ. 
\v 36 ಯೋ ಖ್ಹಾತ್ ರೋಟಾ ಅಜು಼ ಯೋ ಮಾಛ಼್‌ಲಾವ್ನ ಪಾಡಿನ್, ದೇವ್ನ ಧನ್ಯವಾದ್ ಕರೀನ್, ಇನ ತೋಡಿನ್, ಶಿಷ್ಯರ್‌ನ ಹಾತ್‌ಮ ದಿದೊ. ಶಿಷ್ಯರ್‌ನೆ ಅದ್ಮಿನಿ ಝೂ಼ಂಡ್‌ನ ವಾಟಪಾಡಿ ದಿದಾ. 
\v 37 ಅದ್ಮಿಖ್ಹಾರು ಖೈನ್, ಹಕ್ಲಾಲ್‌ಹುಯು. ಉಭ್‌ರ‍್ಯುತೆ ಟುಕ್ಡಾವ್‌ನ ಜ಼ಮಾಕರ್ತಖ್ಹತರ್ ಖ್ಹಾತ್ ಟೋಕ್ರಾ ಭರಾಯು. 
\v 38 ಖಾಣು ಖಾದೂತೆ ಇವ್ಣಾಮ ತಯೇಡ ಅಜು಼ ಲಡ್ಕಾವ್‍ನ ಮ್ಹೆಂದಿನ್, ಪರ್ಖ್ಹಾ ಅದ್ಮಿಸ್‌ ಚಾರ್ ಹಜಾ಼ರ್‌ ಜ಼ಣು ಥೂ.
\p
\v 39 ಅನಕೇಡೆಥು ಯೇಸುನೆ ಯೋ ಅದ್ಮಿನಿ ಝೂ಼ಂಡ್‌ನ ಮೋಕ್ಲಿದೀನ್, ಡೋಣ್‌ಪರ್‌ ಚ಼ಢೀನ್, ಮಗದಾನ್ ತಬರ್‌ಖಾನ ಗಯೊ.
\c 16
\s ಅದ್ಭುತ್ ಕರೀನ್ ವತಾಳ್ ಕರಿ ಬೋಲ್ಯೂತೆ
\r (ಮಾರ್ಕ 8:11-13; ಲೂಕ 12:54-56)
\p
\v 1 ಫರಿಸಾಯರ್ ಅಜು಼ ಸದ್ದುಕಾಯವಾಳು ಯೇಸುನ ಖ್ಹಪ್‌ಡಾವ್ಣು ಕರಿ ಇನಾಕನ ಐನ್, ತೂ ಆಬ್‍ಥೊ ಆಯೊಹುಯೊ ಕರಿ ವತಾಳನಖ್ಹಾಜೆ ಹಮೂನ ಏಕ್‌ ಅದ್ಭುತ್ ಕರಿನ್ ವತಾಳ್ ಕರಿ ಬೋಲ್ಯು.
\p
\v 2 ತದೆ ಯೇಸುನೆ ಇವ್ಣುನ, “ಖ್ಹಾಂಜ಼್‌ನಿ ವಖ್ಹತ್‌ಮ ತುಮೆ ಆಬ್‍ ಲಾಲ್‍ಹುಯಿರ‍್ಹೋತೊ, ‘ಅಪ್ಣುನ ಅಛ್ಛು಼ ಮೋಸಮ್ ರ‍್ಹಿಶೆ’ ಕರಿ ಬೋಲೋಸ್. 
\v 3 ವ್ಹಾಣಾನು ಆಬ್‍ ವಾದ್‍ಳೇಥಿ ಢಪೈನ್ ಕಾಳೊ ಅಜು಼ ಲಾಲ್ ಹುಯಿರ‍್ಹೋತೊ, ‘ಆಜ಼್ ಪಾಣಿ ವರಖ್ಹ್‌ಶೆ’ ಕರಿ ಬೋಲೋಸ್ ಕಾಹೆಕಿ ಶು? ದನ್ನಿ ಹಾಲ್-ಚಾ಼ಲ್ ದೇಖಿನ್, ಆ ಅಮ್, ಯೋ ಇಮ್‌ ಕರಿ ಖ್ಹಣೇದ್ ಕರಾನ ತುಮೂನ ಮಾಲುಮ್; ಕತೋಬಿ ಆ ವಖ್ಹತ್‌ನಿ ಖ್ಹಣೇದ್‍ನಿ ಮತ್‌ಲಬ್ ತುಮೂನ ಮಾಲುಮ್ ಕೊಯ್ನಿಕಿಶು? 
\v 4 ಖರಾಬ್ ಅಜು಼ ಪಾಪಿ ಹುಯಿರ‍್ಹೂತೆ ಆ ಪಿಳ್ಗೀನು ಅದ್ಮಿ ಏಕ್‌ ಅದ್ಭುತಾನ ದೇಕ್ಣು ಕರಿ ಆಖ್ಹ್ ಕರಾಸ್! ಯೋನನ ಚಾ಼ಲ್ಯುತೆ ಅದ್ಭುತ್ ಕಾಮಸ್ ಪಣ್ಕಿ ಬಿಜು಼ ಕೆಹೂಬಿ ಇವ್ಣುನ ಮಳ್‌ಶೆ ಕೊಯ್ನಿ!” ಕರಿ ಜವಾಬ್‌ ದೀನ್,
\p ಇವ್ಣುನ ಮ್ಹೆಂದಿನ್ ಚ಼ಲೆಗಯೊ.
\s ಪರಿಸಾಯರ್ ಅಜು಼ ಸದ್ದುಕಾಯವಾಳನಿ ಬಾರೇಮ ಝೇತಾಯೊತೆ
\r (ಮಾರ್ಕ 8:14-21)
\p
\v 5 ಯೇಸು ಅಜು಼ ಇನ ಶಿಷ್ಯರ್‌ ದರ‍್ಯಾವ್‍ನಿ ಪಾರ್ಲಿ ಬಾಜೂ಼ಮ ಗಯ, ತದೆ ಶಿಷ್ಯರ್‌ನೆ ರೋಟ ಪಳ್ಳಿಜಾ಼ವಾನು ಭೈಕಿಗಯಾಥಾ. 
\v 6 ಯೇಸುನೆ ಇವ್ಣುನ, “ಜ಼ತನ್ ರ‍್ಹವೊ! ಫರಿಸಾಯರ್ ಅಜು಼ ಸದ್ದುಕಾಯವಾಳನು ಶೋಡ ನಾಖ್ಯುಹುಯು ಆಟಾನಿ ಬಾರೇಮ ಜ಼ತನ್‌ಥಿ ರ‍್ಹವೊ ಕರಿ ಬೋಲ್ಯೊ.
\p
\v 7 ತದೆ ಇವ್ಣೆ, “ಅಪ್ಣೆ ರೋಟಾ ಲಾಯಕೊಂತೆ ಇನಖ್ಹಾಜೆ ಅಮ್ ಬೋಲ್ಯೊಕಿ ಶುಕಿ” ಕರಿ ಇವ್ಣ-ಇವ್ಣಾಮ ಬೋಲಿಲಿದು.
\p
\v 8 ಯೇಸುನೆ ಇವ್ಣೆ ಬೋಲಿಲೆವ್‍ಕರಾತೆ ಮಾಲುಮ್‌ಕರಿನ್, ಇವ್ಣುನ, “ಕಮ್‍ವಿಶ್ವಾಸ್‍ವಾಳ! ರೋಟಾ ಕೊಯ್ನಿ ಕರಿ ಬೋಲಾನಿ ಬಾರೇಮ ಶನ ವಾತೆ ಬೋಲಿಲೆವ್‍ಕರಾಸ್ತೆ? 
\v 9 ತುಮೂನ ಬಿಜೂ಼ಬಿ ಮಾಲುಮ್ ಕರ‍್ಯಾಕೊಯ್ನಿಕಿ ಶು? ತುಮೂನ ಯಾದ್ ಕೊಯ್ನಿಕಿ ಶು? ಯೋ ಪಾಚ಼್ ರೋಟಾನ ಪಾಚ಼್ ಹಜಾ಼ರ್‌ ಅದ್ಮಿನ ಖಡಾವಾನ ಬಾದ್‌ಮ ಕೆತ್ರ ಟೋಕ್ರಾ ತುಮೆ ಭರ‍್ಯಾಥ? 
\v 10 ಎತ್ರೇಸ್ ಕಾಹೆತೆ ಯೋ ಖ್ಹಾತ್ ರೋಟಾನ ಚಾರ್ ಹಜಾ಼ರ್ ಅದ್ಮಿನ ಖಡಾವಾನ ಬಾದ್‌ಮ ತುಮೆ ಕೆತ್ರ ಟೋಕ್ರಾ ಭರ‍್ಯಾಥ? 
\v 11 ಮೇ ರೋಟಾನಿ ಬಾರೇಮ ವಾತೆ ಬೋಲ್ಯೋತೆ ಕಾಹೆ ಕರಿ ತುಮೂನ ಮಾಲುಮ್ ಪಡ್ಯುಕೊಯ್ನಿತೆ ಕಿಮ್? ಜ಼ತನ್! ಫರಿಸಾಯರ್ ಅಜು಼ ಸದ್ದುಕಾಯವಾಳನು ಶೋಡಾ ಪಡ್ಯುಹುಯು ಆಟಾನಿ ಬಾರೇಮ ಹೊಷಾರ್‌ಥಿ ರ‍್ಹವೊ” ಕರಿ ಬೋಲ್ಯೊ.
\p
\v 12 ತದೆ ಇನ ಶಿಷ್ಯರ್‌ನೆ ರೋಟಾಮ ನಾಖಾತೆ ಶೋಡಾನಿ ಬಾರೇಮ ಜ಼ತನ್‌ಥಿ ರ‍್ಹವೊ ಕರಿ ಕಾಹೆ ಯೇಸುನೆ ಅಪ್ಣುನ ಬೋಲ್ಯೊತೆ, ಫರಿಸಾಯರ್ ಅಜು಼ ಸದ್ದುಕಾಯವಾಳು ಬೋಲಿ ಶಿಕಾಡಸ್ತೆ ಇನಿ ಬಾರೇಮ ಜ಼ತನ್‌ಥಿ ರ‍್ಹವೊ ಕರಿ ಇನೆ ಬೋಲ್ಯೊತೆ ಕರಿ ಇವ್ಣೆ ಮಾಲುಮ್ ಕರಿಲಿದು.
\s ಪೇತ್ರನೆ ಯೇಸುನ ಕ್ರಿಸ್ತ ಕರಿ ಕಬುಲ್ಯೋತೆ
\r (ಮಾರ್ಕ 8:27-30; ಲೂಕ 9:18-21)
\p
\v 13 ಯೇಸು ಫಿಲಿಪ್ಪನು ಕೈಸರೆಯ ಕರಿ ಖ್ಹಯೇರ‍್ನು ಇಟಾರಮ್ಮ ಗಯೊ. ಹಿಜ್ಜಾ಼ ಇನ ಶಿಷ್ಯರ್‌ನ, “ಅದ್ಮಿನೊ ಛಿಯ್ಯೊ ಹುಯಿರ‍್ಹೋತೆ ಮನ ಅದ್ಮಿಖ್ಹಾರು ಕೋಣ್ ಕರಿ ಬೋಲಾಸ್?” ಕರಿ ಪುಛಾ಼ಯೊ.
\p
\v 14 ಇವ್ಣೆ ಇನ, “ಥೋಡು ಜ಼ಣು ತುನ, ‘ಬ್ಯಾಪ್ತಿಸ್ಮದ್ಯವಾಳೊ ಯೋಹಾನ’ ಕರಿ ಬೋಲಾಸ್, ಬಿಜು಼ ಥೋಡು ಜ಼ಣು, ‘ಎಲೀಯ’ ಕರಿ ಬೋಲಾಸ್, ಅಜು಼ ಥೋಡು ಜ಼ಣು, ಯೆರೆಮೀಯ ನತರ್‌ಕಿ ಪ್ರವಾದೀಮ ಏಕ್‌ ಜ಼ಣೊ’ ಕರಿ ಬೋಲಾಸ್” ಕರಿ ಜವಾಬ್‌ ದಿದಾ.
\p
\v 15 ಯೇಸುನೆ ಇವ್ಣುನ, “ತುಮೆ ಮನ ಕೋಣ್ ಕರಿ ಬೋಲೋಸ್?” ಕರಿ ಪುಛಾ಼ಯೊ.
\p
\v 16 ತದೆ ಸೀಮೋನ ಪೇತ್ರನೆ, “ತೂ ಆವ್ಣುತೆ ಕ್ರಿಸ್ತ, ಜಿವ್ತೊ ದೇವ್‌ನೊ ಛಿಯ್ಯೊ” ಕರಿ ಜ಼ವಾಬ್ ದಿದೊ.
\p
\v 17 ಯೇಸುನೆ, “ಯೋನಾನೊ ಛಿಯ್ಯೊ ಸೀಮೋನ, ತೂ ಧನ್ಯ ಹುಯಿರ‍್ಹೋಸ್! ಆ ಖ್ಹಾಚ಼ನ ತುನ ಮಾಲುಮ್ ಕರಾಯೂತೆ ಅದ್ಮಿನೆ ಕಾಹೆ, ಪಣ್ಕಿ ಸೊರ್ಗಾಮ ಛಾ಼ತೆ ಮಾರ ಬಾನೇಸ್ ಆ ಖ್ಹೂಜ಼್‌ ಕರಾಯೋತೆ ಕರಿ ಬೋಲ್ಯೊ. 
\v 18 ಅಜು಼ ಮೇ ತುನ ಶಾತ್ ಬೋಲಸ್‍ಕತೊ, ಪೇತ್ರ, ತೂ ಬಂಡೊ, ಅಜು಼ ಆ ಬಂಡಾಪರ್ ಮೇ ಮಾರಿ ಸಬೆನ ಭಾಂದೀಶ್, ಪಾತಾಳ್ನಿ ಶಕತ್‌ಬಿ ಇನ ಕದೇಬಿ ಹರಾವನ ಕೋ ಉಶೇನಿ. 
\v 19 ಸೊರ್ಗಾನು ರಾಜ್ಯನು ಬೀಗಾನ ಖ್ಹಾರು ಮೇ ತುನ ದಿಶ್; ಧರ್ತಿಪರ್ ತೂ ಶಾತ್ ಭಾಂದೀಶ್‌ಕಿ, ಯೋ ಸೊರ್ಗಾಮಾಬಿ ಭಂದಾವ್‌ಶೆ, ಅಜು಼ ಧರ್ತಿಪರ್ ತೂ ಶಾತ್ ಛೋ಼ಡಿಶ್‌ಕಿ, ಯೋ ಸೊರ್ಗಾಮಾಬಿ ಛೋ಼ಡಾವ್‌ಶೆ” ಕರಿ ಬೋಲ್ಯೊ.
\p
\v 20 ಅನಕೇಡೆಥು ಯೇಸುನೆ ಇನ ಶಿಷ್ಯರ್‌ನ, “ಮೇಸ್ ಕ್ರಿಸ್ತ ಹುಯಿರ‍್ಹೋಸ್ ಕರಿ ಕಿನಾಬಿ ನಾ ಬೋಲ್‌ನು” ಕರಿ ಝೇತೈನ್‌ ಬೋಲ್ಯೊ.
\s ಯೇಸುನೆ ಇನ ಖ್ಹತಾಪ್ಣಿ ಅಜು಼ ಮರಣ್ಣಿ ಬಾರೇಮ ಬೋಲ್ಯೋತೆ
\r (ಮಾರ್ಕ 8:31—9:1; ಲೂಕ 9:22-27)
\p
\v 21 ತಪ್‌ಥೊ ಯೇಸು, “ಮೇ ಯೆರೂಸಲೇಮ್‌ನ ಜೈ಼ನ್‌, ಹಿಜ್ಜಾ಼ ಶಾಣಾವ್‍ಥೀಬಿ, ಗಲ್‌ಢಯಾಜಕರ್‌ಥಿ, ಅಜು಼ ಮೋಶೆನಿ ವಚನ್ ಶಿಕಾಡವಾಳ ಶಾಸ್ತ್ರಿಯೇಥಿ ಘಣು ಲತಾಡ ಖ್ಹಮಾಳ್‌ಣು ಅಜು಼ ಇವ್ಣೆ ಇನ ಮರ್‌ನಾಕ್‌ಶೆ; ಕತೋಬಿ ತೀನ್ ದನ್‌ಕೇಡೆ ಮೇ ಪಾಛೊ಼ ಜಿವ್ತೊಹುಯಿನ್, ಉಠೀನ್ ಆಯಿಶ್” ಕರಿ ಶಿಷ್ಯರ್‌ನ ಬೋಲಾನ ಶುರು ಕರ‍್ಯೊ.
\p
\v 22 ತದೆ ಪೇತ್ರನೆ ಯೇಸುನ, ಏಕಾಡಿ ಬುಲೈಲಿಜೈ಼ನ್, ಪ್ರಭು, ದೇವ್ ತೂ ಇಮ್ ನಕೋಸ್ ಬೋಲ್! ತುನ ಇಮ್‌ ನಾಸ್ ಹೋಣು!” ಕರಿ ಬೋಲಿನ್, ಇನ ಜಿದ್‌ಕರ‍್ಯೊ.
\p
\v 23 ತದೆ ಯೇಸುನೆ ಫರೀನ್, ಪೇತ್ರನ, “ಏ ಶೈತಾನ್, ಮಾರ ಖ್ಹಾಮ್ಣೇಥೊ ಹಟಿಜಾ಼! ತೂ ಮಾರ ಕಾಮ್ನ ಅಡ್ಡಿ ಹುಯಿರ‍್ಹೋಸ್! ತಾರಿ ಆ ಸೋಚ್ ಅದ್ಮಿನಿ ಸೋಚಸ್‌ ಪಣ್ಕಿ ದೇವ್ನಿ ಸೋಚ಼್ ಕಾಹೆ” ಕರಿ ಬೋಲ್ಯೊ.
\p
\v 24 ಅನಕೇಡೆಥು ಯೇಸುನೆ ಇನ ಶಿಷ್ಯರ್‌ನ, “ಕಿನಾತೋಬಿ ಮಾರ ಪೀಠೆ ಆವ್ಣುಕರಿ ಮನ್ ಉಶೇತೊ, ಯೋ ಖ್ಹುದ್‌ನ ಭೈಕಿಜೈ಼ನ್, ಇನಿ ಶಿಲ್‌ಬೇನ\f + \fr 16:24 \fr*\ft ಶಿಲ್‌ಬೆ ಕತೊ ಮರಾತೋಡಿ ಖ್ಹತಾಪ್ಣಿನ ಖ್ಹಮಾಳಾನು ಕರಿ ಮತ್‌ಲಬ್.\ft*\f* ಪಾಡಿಲೀನ್, ಮಾರ ಪೀಠೆ ಆವಾದೆ. 
\v 25 ಇನೊ ಜಾನ್ನ ಬಚಾ಼ಡಿಲೇವ್ಣು ಕರಿ ಕರಾವಾಳು ಇನ ಗುಮೈಲಿಶೆ; ಕತೋಬಿ ಮಾರಖ್ಹಾಜೆ ಇನ ಜಾನ್ನ ಗುಮೈಲ್ಯಾವಾಳು ಇನ ಬಚಾ಼ಡಿಲಿಶೆ. 
\v 26 ಏಕ್‌ ಅದ್ಮಿ ಹಿಡಿ ಜಗತ್‍ನಾಸ್ ಕಮೈಲೀನ್, ಇನ ಜಾನ್ನ ಲುಕ್‌ಶಾನ್ ಕರಿಲಿದುತೋ, ಇನ ಶನಿ ಫಾಯಿದೊ? ಶನೀಸ್ ಫಾಯಿದೊ ಕೊಯ್ನಿ! ಯೋ ಅದ್ಮಿ ಬಿಜು಼ ಶಾತ್ಬಿ ದೀನ್ ಇನ ಜಾನ್ನ ಪಾಛು಼ ಬಚಾ಼ಡಿಲ್ಯವಾನ ಕೋ ಹುವಾನಿ! 
\v 27 ಅದ್ಮಿನೊ ಛಿಯ್ಯೊ ಇನ ಬಾನಿ ಮಹಿಮೆಥಿ ಅಜು಼ ಇನ ದೂತರ್‌ನ ಜೋ಼ಡೆ ಆವ್‌ಶೆ; ಯೋ ವಖ್ಹತ್‌ಮ ಏಕೇಕ್‌ನ ಇವ್ಣಿ ಚಾ಼ಲ್‌ನಿಘೋಣಿ ಇನಾಮ್ ದಿಶೆ. 
\v 28 ಮೇ ತುಮೂನ ಖ್ಹಾಚಾಮ ಬೋಲುಸ್ಕಿ, ಹಜ್ಜಾ಼ ಭಿಯುತೆ ಇವ್ಣಾಮ ಥೋಡು ಜ಼ಣು ಅದ್ಮಿನೊ ಛಿಯ್ಯೊ ಇನ ರಾಜ್ಯಮ ಆವ್‌ಶೇತೆ ದೇಖಲಗೂಬಿ ಮರ್‌ಶೆಸ್ ಕೊಯ್ನಿ” ಕರಿ ಬೋಲ್ಯೊ.
\c 17
\s ಯೇಸುನು ರೂಪ್ ಬದ್‌ಲ್ಯೂತೆ
\r (ಮಾರ್ಕ 9:2-13; ಲೂಕ 9:28-36)
\p
\v 1 ಛೊ಼ ದನ್ನ ಬಾದ್‌ಮ ಯೇಸುನೆ ಪೇತ್ರ, ಯಾಕೋಬ ಅಜು಼ ಇನೊ ಭೈ ಯೋಹಾನ್ನ ಬುಲೈಲಿನ್, ಏಕ್‌ ಊಚಾ಼ ಪಹಡ್‌ಪರ್ ಗಯೊ. ಹಿಜ್ಜಾ಼ ಇವ್ಣುನ ಮ್ಹೆಂದಿನ್ ಕೋಣ್‌ಬಿ ಕೋ ಥೂನಿ. 
\v 2 ಹಿಜ್ಜಾ಼ ಇವ್ಣ ಡೋಳಾನ ಖ್ಹಾಮ್ಣೇಸ್, ಯೇಸುನು ರೂಪ್ ಬದ್ಲಿಗಯು: ಇನು ಮ್ಹೋಡು ಚಾ಼ಂದ್‍ನಿಘೋಣಿ ಝ಼ಮ್‌ಕಾಲಗ್ಯು ಅಜು಼ ಇನ ಲುಂಗ್ಡ ಉಜಾ಼ಳಾನಿಘೋಣಿ ಧೋಳುಫಟ್ ಹುಯಿಗಯು. 
\v 3 ಎತ್ರೇಸ್ ಕಾಹೆತೆ ಮೋಶೇಬಿ, ಎಲೀಯ ಯೇಸುನ ಜೋ಼ಡೆ ವಾತೆ ಬೋಲುಕರಾತೆ ಯೋ ತೀನ್ ಶಿಷ್ಯರ್‌ನೆ ದೇಖ್ಯ. 
\v 4 ತದೆ ಪೇತ್ರನೆ ಯೇಸುನ, “ಪ್ರಭು, ಹಮೆ ಹಜ಼್ಜಸ್ ರ‍್ಹವಾನು ಕೆತ್ರೇಕ್ಕಿ ಅಛ್ಛು಼ ಹುಯಿರ‍್ಹೂಸ್! ತೂ ಬೋಲ್ತೊ ಉಶೇತೊ, ಮೇ ಹಜ್ಜಾ಼ ತೀನ್ ಡೇರಾ ಠೋಕೆಸ್, ಏಕ್‌ ತುನ, ಏಕ್‌ ಮೋಶೇನ ಅಜು಼ ಏಕ್‌ ಎಲೀಯನ” ಕರಿ ಬೋಲ್ಯೊ.
\p
\v 5 ಯೋ ಅಮ್ ಬೋಲುಕರಾನಿ ವಖ್ಹತ್‌ಮಾಸ್‌, ಏಕ್‌ ಉಜಾ಼ಖ್ಹ್‌ನು ವಾದ್‌ಳು ಐನ್, ಇವ್ಣಾಪರ್ ಢಪಾಯು, ಅಜು಼ ಯೋ ವಾದ್ಳಾನ ಮಹಿಥು, “ಆ ಮಾರೊ ಪ್ಯಾರ್‌ನೊ ಛಿಯ್ಯೊ, ಅನೇಥಿ ಮೇ ಘಣು ಖ್ಹುಶಿ ಛೂ಼!” ಕರಿ ಏಕ್‌ ಅವಾಜ಼್ ಆಯೊ.
\p
\v 6 ಶಿಷ್ಯರ್‌ನೆ ಆ ಅವಾಜ಼್‌ನ ಖ್ಹಮ್‌ಜಿನ್‌, ಡರ್‌ಥಿ ಮ್ಹೋಡು ಹೇಟ್ ಕರೀನ್, ಜ಼ಮೀನ್‌ಪರ್ ಊಂಧಾ ಪಡಿಗಯ. 
\v 7 ತದೆ ಯೇಸು ಇವ್ಣಾಕನ ಐನ್, ಇವ್ಣುನ ಛೀಮಿನ್‌, “ಉಪ್ಪರ್ ಉಠೊ, ಡರೊ ನಕೊ!” ಕರಿ ಬೋಲ್ಯೊ. 
\v 8 ತದೆ ಇವ್ಣೆ ಡೋಳಾ ಪಾಡಿನ್ ದೇಖ್ಯ, ತದೆ ಯೇಸು ಎಕ್ಕಸ್ ಜ಼ಣೊ ಥೊ, ಬಿಜು಼ ಕೋಣ್‌ಬಿ ಕೋ ಥೂನಿ.
\p
\v 9 ಇವ್ಣೆ ಯೋ ಪಹಡ್‌ಪರ್‌ಥು ಉತ್ರಿನ್ ಆವಾನಿ ವಖ್ಹತ್‌ಮ, ಯೇಸುನೆ ಇವ್ಣುನ, “ತುಮೆ ಹಮ್ಕೆ ದೇಖ್ಯಾತೆ ಇನ ಅದ್ಮಿನೊ ಛಿಯ್ಯೊ ಮರಿನ್‌, ಪಾಛೊ಼ ಜಿವ್ತೊ ಹುಯಿನ್, ಉಠಿ ಆವಾತೋಡಿ, ಕಿನಾಬಿ ನಾ ಬೋಲ್‌ನು” ಕರಿ ಹುಕುಮ್‌ದಿದೊ.
\p
\v 10 ತದೆ ಶಿಷ್ಯರ್‌ನೆ ಯೇಸುನ, “ಕ್ರಿಸ್ತ ಆವಾನಿ ಅಗಾಡಿ ಎಲೀಯ ಆವ್ಣುಕರಿ ಮೋಶೆನಿ ವಚನ್ ಶಿಕಾಡವಾಳು ಶಾಸ್ತ್ರಿಯೆ ಬೋಲಾಸ್ತೆ ಶನ?” ಕರಿ ಪುಛಾ಼ಯ.
\p
\v 11 ಯೇಸುನೆ ಇವ್ಣುನ, “ಎಲೀಯ ಪಹಿಲೆ ಆವ್ಣುಕರಿ ಇವ್ಣೆ ಬೋಲಾಸ್ತೆ ಬರೊಬರಸ್, ಖ್ಹಾಚಮಾಬಿ ಎಲೀಯ ಆಯಿನ್, ಖ್ಹಾರುಸ್ ಖ್ಹವಾರ್‌ಶೆ. 
\v 12 ಕತೋಬಿ ಮೇ ತುಮೂನ ಶಾತ್‌ ಬೋಲುಸ್‌ಕತೊ, ಎಲೀಯ ಅಗಾಡಿಸ್ ಐನ್‌ಬಿ, ಚ಼ಲೆಗಯೊ. ಕತೋಬಿ ಅದ್ಮಿಖ್ಹಾರು ಇನಿ ಖ್ಹಣೇದ್ ಕೋ ಧರ‍್ಯುನಿ, ಅಜು಼ ಇವ್ಣ ಮನ್‌ಮ ಆವಾತೆ ಇಮ್‌ ಇನ ಕರ‍್ಯು. ಇನ ಕರ‍್ಯುತೆ ಇಮ್ಮಸ್ ಅದ್ಮಿನ ಛಿಯ್ಯಾನಾಬಿ ಇವ್ಣೇಥಿ ಖ್ಹತಾಪ್ಣಿ ಉಶೆ” ಕರಿ ಜ಼ವಾಬ್ ದಿದೊ.
\p
\v 13 ಬ್ಯಾಪ್ತಿಸ್ಮದ್ಯವಾಳೊ ಯೋಹಾನ್ನಿ ಬಾರೇಮ ಯೇಸು ವಾತೆ ಬೋಲುಕರಾಸ್ತೆ ಕರಿ ಶಿಷ್ಯರ್‌ನೆ ತದೆ ಮಾಲುಮ್‌ ಕರಿಲಿದ.
\s ಯೇಸುನೆ ಭೂತ್ ಧರಿರಾಖ್ಯುಥೂತೆ ಏಕ್‌ ಛೋ಼ಕ್ರಾನ ಅಛ್ಛು಼ ಕರ‍್ಯೊತೆ
\r (ಮಾರ್ಕ 9:14-29; ಲೂಕ 9:37-43)
\p
\v 14 ಯೇಸು ಅಜು಼ ಇನ ಶಿಷ್ಯರ್‌ ಪಾಛು಼ ಫರೀನ್ ಅದ್ಮಿನಿ ಝೂ಼ಂಡ್‌‍ಕನ ಆವಾದಿನ್, ಏಕ್‌ ಜ಼ಣೊ ಯೇಸುಕನ ಐನ್, ಇನಖ್ಹಾಮ್ಣೆ ಗುಡ್‍ಘ್ಯ ಟೇಕಿನ್, 
\v 15 “ಪ್ರಭು, ಮಾರ ಛಿಯ್ಯಾನ ಗೋರ್‌ ಕರ್‌! ಇನ ಮಿರ್‌ಘಿ ಲಾಗಿರ‍್ಹೂಸ್, ಇನೇಥಿ ಯೋ ಘಣು ತರಪ್‌ಡುಕರಾಸ್. ಯೋ ತದೆ-ತದೆ ಆಗ್‌ಮಾಬಿ ಪಾಣಿಮಾಬಿ ಪಡ್‌ತೊರ‍್ಹೇಸ್. 
\v 16 ಮೇ ಇನ ತಾರ ಶಿಷ್ಯರ್‌ಕನ ಬುಲೈಲಿ ಆಯೊ, ಕತೋಬಿ ಇನ ಅಛ್ಛು಼ ಕರಾನ ಇವ್ಣ ಹಾತೆ ಕೋ ಹುಯೋನಿ” ಕರಿ ಬೋಲ್ಯೊ.
\p
\v 17 ಯೇಸುನೆ, “ಏ, ವಿಶ್ವಾಸ್‌ಕೊಂತೆ ಬುಧ್ಧು ಖಾಂದಾನ್‌ವಾಳ! ಬಿಜು಼ ಕೆತ್ರ ದನ್ ಮೇ ತುಮಾರ ಜೋ಼ಡೆ ರ‍್ಹೇಣು? ಬಿಜು಼ ಕೆತ್ರ ದನ್ ತುಮೂನ ಖ್ಹಮಾಳ್‌ಣು? ಯೋ ಛೋ಼ಕ್ರಾನ ಹಜ್ಜಾ಼ ಮಾರಕನ ಬುಲೈಲಿ ಆವೊ!” ಕರಿ ಬೋಲ್ಯೊ. 
\v 18 ಯೇಸುನೆ ಯೋ ಛೋ಼ಕ್ರಮ ಥೂತೆ ಭೂತ್‌ನ ಗುರ್‌ಕಾವಖ್ಹತರ್, ಯೋ ಭೂತ್ ಇನ ಮ್ಹೆಂದಿನ್ ನಿಕ್ಳಿಗಯು. ಯೋಸ್ ವಖ್ಹತ್‌ಮ ಇನ ಅಛ್ಛು಼ ಹುಯಿಗಯು.
\p
\v 19 ಅನಕೇಡೆಥು ಯೇಸು ಎಕ್ಲೋಸ್ ರ‍್ಹವಾನಿ ವಖ್ಹತ್‌ಮ, ಇನ ಶಿಷ್ಯರ್‌ ಇನಾಕನ ಆಯಿನ್, “ಯೋ ಭೂತ್‌ನ ಕಾಡಾನ ಹಮಾರೇಥಿ ಶನ ಕೋ ಹುಯೂನಿತೆ?” ಕರಿ ಪುಛಾ಼ಯ.
\p
\v 20 ತದೆ ಯೇಸುನೆ ಇವ್ಣುನ, “ತುಮಾರಿ ವಿಶ್ವಾಸ್ ಕಮ್ ಥೀತೆ ಇನಖ್ಹಾಜೇಸ್ ತುಮೂನ ಕೋ ಹುಯೂನಿ, ಮೇ ತುಮೂನ ಖ್ಹಾಚಮಾಬಿ ಬೋಲುಸ್ಕಿ, ರಾಯಿನ ದಾಣ ಎವ್ಡಿ ವಿಶ್ವಾಸ್ ತುಮೂನ ರ‍್ಹಯೂತೊ, 
\v 21 ತುಮೆ ಆ ಪಹಡ್‌ಣ, ‘ಹಜ್ಜಾ಼ಥು ಹಿಜ್ಜಾ಼ ಜಾ಼!’ ಕರಿ ಬೋಲ್ಯಾತೋಬಿ ಯೋ ಜಾ಼ಶೆ. ತುಮಾರ ಹಾತೆ ಹುವ್ವಾಕೊಂತೆ ಕಾಮ್ ಏಕ್‌ಬಿ ಕೋ ರ‍್ಹಿಶೇನಿ” ಕರಿ ಬೋಲ್ಯೊ.
\s ಯೇಸುನೆ ಇನಿ ಮರಣ್ಣಿ ಬಾರೇಮ ಪಾಛೊ಼ ಬೋಲ್ಯೋತೆ
\r (ಮಾರ್ಕ 9:30-32; ಲೂಕ 9:43-45)
\p
\v 22 ಶಿಷ್ಯರ್‌ ಖ್ಹಾರು ಎಕ್ಕದಮ್‌ ಗಲಿಲಾಯಮ ಆವಾದಿನ್, ಯೇಸುನೆ ಇವ್ಣುನ, “ಅದ್ಮಿನ ಛಿಯ್ಯಾನ ಅದ್ಮಿಖ್ಹಾರಾನ ಹಾತ್‌ಮ ದೆವೈಜಾಶೆ. 
\v 23 ಇವ್ಣೆ ಇನ ಮಾರಿನಾಕ್‌ಶೆ! ಕತೋಬಿ ತೀನ್ ದನ್‌ಕೇಡೆ ಯೋ ಪಾಛೊ಼ ಜಿವ್ತೊ ಹುಯಿನ್, ಉಠಿ ಆವ್‌ಶೆ” ಕರಿ ಬೋಲ್ಯೊ.
\p ಅನ ಖ್ಹಮ್‌ಜಿನ್‌, ಶಿಷ್ಯರ್‌ನ ಘಣು ದುಖ್ ಹುಯು.
\s ಮಂದಿರ್‌ನ ಶುಂಕ ಭಾಂದಾನಿ ಬಾರೇಮ
\p
\v 24 ಯೇಸು ಅಜು಼ ಇನ ಶಿಷ್ಯರ್‌ ಕಪೆರ್ನೌಮ್ ಆವಾದಿನ್, ಮಂದಿರ್‌ನಖ್ಹಾಜೆ ಶುಂಕ ಮಾಂಗವಾಳು ಪೇತ್ರಕನ ಆಯಿನ್, “ತುಮಾರೊ ಗುರು ಮಂದಿರ್‌ನ ದೇವ್ಣುತೆ ಶುಂಕಾನ ಭಾಂದಾ ಕೊಯ್ನಿಕಿ ಶು?” ಕರಿ ಪುಛಾ಼ಯು.
\p
\v 25 ತದೆ ಪೇತ್ರನೆ, “ಒಹೊ, ಭಾಂದ್‌ಶೆ” ಕರಿ ಬೋಲ್ಯೊ.
\p ಪೇತ್ರ ಘರ್‌ಮ ಆವಾದಿನ್, ಯೇಸುನೆ ಇನೇಥಿ ಪಹಿಲೇಸ್, “ಸೀಮೋನ, ತುನ ಕಿಮ್ ದೆಖಾವಸ್? ಆ ಧರ್ತಿಪರ್‌ಲ್ಯ ರಾಜ಼ಖ್ಹಾರು ಕಿನಾಕಂಥು ಶುಂಕ ಮಾಂಗಾಸ್? ಶೊಂತ್ ದೇಖ್ಹ್‌ನ ಅದ್ಮಿಥೀಕಿ ನತರ್‌ಕಿ ಪರೈದೇಖ್ಹ್‌ವಾಳ ಅದ್ಮಿಕಂಥು ಮಾಂಗಾಸ್?” ಕರಿ ಬೋಲ್ಯೊ.
\p
\v 26 ಪೇತ್ರನೆ, “ಪರೈ ದೇಖ್ಹ್‌ವಾಳಕಂಥು” ಕರಿ ಜವಾಬ್‌ ದಿದೊ.
\p ತದೆ ಯೇಸುನೆ ಪೇತ್ರನ, “ಇಮ್‍ಕತೊ, ಶೊಂತ್ ದೇಖ್ಹ್‌ವಾಳು ಶುಂಕ ಭಾಂದಾನು ಕೊಯ್ನಿ ಕರಿ ಬೋಲ್ಯೊ. 
\v 27 ತೋಬಿ ಶುಂಕ ಮಾಂಗವಾಳು ಅಪ್ಣಿ ಬಾರೇಮ ಖಟು ಕರಾನು ನಕೊ. ಇನಖ್ಹಾಜೆ ತೂ ದರ‍್ಯಾವ್‍ನ ಜೈ಼ನ್, ಗಳ್‌ ನಾಖಿನ್, ಪಹಿಲೆ ಮಳಾಸ್ತೆ ಮಾಛ಼್‌ಲಾನ ಮ್ಹೋಡಾನ ಕಾಡಿ ದೇಕ್, ಇನಾಮ ಶುಂಕ ಭಾಂದಾನ ಹೋಣುತೆ ಏಕ್‌ ಪೈಶಾನು ಬಿಲ್ಲು ಮಳ್‌ಶೆ. ಇನ ಲಯಿನ್, ಅಪ್ಣ ಭೇ ಜ಼ಣಾನು ಕರಿ ಬೋಲಿನ್ ದೇ” ಕರಿ ಬೋಲ್ಯೊ.
\c 18
\s ಖ್ಹಾರೇಥಿ ಮೋಟು ಕೋಣ್?
\r (ಮಾರ್ಕ 9:33-37; ಲೂಕ 9:46-48)
\p
\v 1 ಯೋ ವಖ್ಹತ್‌ಮ ಶಿಷ್ಯರ್‌ ಯೇಸುಕನ ಆಯಿನ್, “ಸೊರ್ಗಾನು ರಾಜ್ಯಮ ಖ್ಹಾರೇಥಿ ಮೋಟು ಕೋಣ್?” ಕರಿ ಪುಛಾ಼ಯ.
\p
\v 2 ಇನಖ್ಹಾಜೆ ಯೇಸುನೆ ಏಕ್‌ ಅಡ್ಡಾಣಿ ಲಡ್ಕಾನ ಬುಲೈನ್, ಶಿಷ್ಯರ್‌ನ ಖ್ಹಾಮ್ಣೆ ಭಿರಾಖಿನ್, 
\v 3 “ಮೇ ತುಮೂನ ಖ್ಹಾಚಮಾಬಿ ಬೋಲುಸ್ಕಿ, ತುಮೆ ಪಾಛು಼ ಫರೀನ್, ಆ ಅಡ್ಡಾಣಿ ಲಡ್ಕಾನಿ ಘೋಣಿ ನಾ ಹುಯಾತೊ, ತುಮೆ ಸೊರ್ಗಾನು ರಾಜ್ಯಮ ಜಾ಼ಶುಸ್ ಕೊಯ್ನಿ. 
\v 4 ಕೋಣ್ ಅಡ್ಡಾಣಿ ಲಡ್ಕಾನಿಘೊಣಿ ಇನು ಯೋ ಝು಼ಕೈಲೇಸ್ಕಿ, ಯೋಸ್ ಸೊರ್ಗಾನು ರಾಜ್ಯಮ ಖ್ಹಾರೇಥಿ ಮೋಟೊ. 
\v 5 ಅತ್ರೇಸ್ ಕಾಹೆತೆ ಕೋಣ್‌ತೋಬಿ ಮಾರ ನಾಮ್‌ಪರ್‌ ಅಮ್ನಏಕ್ ಅಡ್ಡಾಣಿ ಲಡ್ಕಾನ ಬುಲೈಲೇಸ್ಕಿ, ಯೋ ಮನ ಬುಲೈಲ್ಯವಾಳೊ ಹುಯಿರ‍್ಹೊಸ್.
\s ಪಾಪ್‌ಮ ಚ಼ಲಾವವಾಳಾನಿ ಬಾರೇಮ
\r (ಮಾರ್ಕ 9:42-48; ಲೂಕ 17:1-2)
\p
\v 6 ಮಾರಪರ್ ವಿಶ್ವಾಸ್ ಕರಾವಾಳ ಆ ನ್ಹಾನಾವ್‍ಮ ಏಕ್‌ನ ಕೋಣ್‌ತೋಬಿ ಭೀರಾಖ್ಯೂತೊ, ಇಮ್‌ನಾನ ಘಲೆಂಡ ಕೇಡೆ ಘಟ್ಟಿನ ಬಂಡಾನ ಭಾಂದಿನ್, ಗಧಾರ್ ದರ‍್ಯಾವ್‌ಮ ಡುಬೈನಾಖಾನುಸ್ ಇನ ಅಛ್ಛು಼. 
\v 7 ಜಗತ್ನಿ ಹಾಲ್ನ ಶಾತ್ ಬೋಲು! ಶನಕತೊ, ಅದ್ಮಿನ ಪಾಪ್‌ಮ ಚ಼ಲಾವವಾಳು ರಾಛು಼ಖ್ಹಾರು ಛಾ಼! ಇಮ್ನು ರಾಛು಼ಖ್ಹಾರು ಕದೇಬಿ ಚಾ಼ಲ್‌ಷೆ. ಕತೋಬಿ ಇಮ್‌ ಹುವ್ವಾನಿಘೋಣಿ ಕರಾಸ್ತೆ ಯೋ ಅದ್ಮಿನಿ ಹಾಲ್ನ ಶಾತ್ ಬೋಲು!
\p
\v 8 “ತಾರೊ ಹಾತ್ ನತರ್‌ಕಿ ತಾರೊ ಗೋಡೊ ತುನ ಪಾಪ್‌ಮ ಖ್ಹಪ್‌ಡಾವ್‌ತೊ ಉಶೇತೊ, ಇನ ಕತ್ರೀನ್ ಫೇಕಿದೆ! ಬೇ ಹಾತ್ ಅಜು಼ ಬೇ ಗೋಡ ರ‍್ಹೀನ್, ಹರ್‌ಹಮೇಶಾನಿ ಆಗ್‌ಮ ಫೆಕಾವಥೀಬಿ, ಹಾತ್‌-ಗೋಡಕೊಂತೆ ಹರ್‌ಹಮೇಶಾನಿ ಜಿ಼ಂದ್‌ಗೀಮ ಜಾ಼ವಾನೂಸ್ ತುನ ಅಶೇಲ್. 
\v 9 ತಾರೊ ಡೋಳೊ ತುನ ಪಾಪ್‌ಮ ಖ್ಹಪ್‌ಡಾವ್‌ತೊ ಉಶೇತೊ, ಇನ ಕಚ಼್‌ಕೋರಿನ್ ಫೇಕಿದೆ! ಬೇ ಡೋಳಾ ರ‍್ಹೀನ್ ನರಕ್‌ನಿ ಆಗ್‌ಮ ಫೆಕಾವಥೀಬಿ ಎಕ್ಕಸ್ ಡೋಳೊ ರ‍್ಹೀನ್, ಹರ್‌ಹಮೇಶಾನಿ ಜಿ಼ಂದ್‌ಗೀಮ ಜಾ಼ವಾನೂಸ್ ತುನ ಅಶೇಲ್.
\s ಗುಮೈಗಯೂತೆ ಮೇಂಢಾನಿ ಬಾರೇಮ ಮತ್ಲಬ್‌ನಿ ಖೇಣಿ
\r (ಲೂಕ 15:3-7)
\p
\v 10 ಆ ನ್ಹಾನಾವ್‍ಮ ಏಕ್‌ನಾಬಿ ಕಡ್‌ತೆಲ್ ಕರಿ ನಕೊ ಸೋಚ಼್‌ಶು. ಸೊರ್ಗಾಮ ಅವ್ಣು ದೂತರ್ ಸೊರ್ಗಾಮ ಛಾ಼ತೆ ಮಾರ ಬಾನು ಮ್ಹೋಡಾನ ಹಮೇಶ ದೇಕ್ತುರ‍್ಹೇಸ್ ಕರಿ ಮೇ ತುಮೂನ ಬೋಲುಸ್. 
\v 11 ಅದ್ಮಿನೊ ಛಿಯ್ಯೊ ಖರಾಬ್ ಹುಯಿಗಹುಯಾನ ಢೂಂಡಿನ್ ಬಚಾ಼ಡನ ಆಯೊ.
\p
\v 12 ತುಮೂನ ಕಿಮ್ ದೆಖಾವಸ್? ಏಕ್‌ ಅದ್ಮಿಕನ ಖ್ಹೋ ಮೇಂಢರ‍್ಹೀನ್, ಇನಾಮ ಏಕ್‌ ಮೇಂಢು ಗುಮೈಗಯೂತೆ, ಯೋ ಅದ್ಮಿ ನೌ ಉಪ್ಪರ್ ಖ್ಹಡ್‌ಚಾರೀಖ್ಹ್ ಮೇಂಢಾನ ಮ್ಹೆಂದಿನ್, ಗುಮೈಗಯೂತೆ ಯೋ ಮೇಂಢಾನ ಢೂಂಡಾನ ಜಾ಼ಯಿಕೊಯ್ನಿಕಿ ಶು? 
\v 13 ಗುಮೈಗಯೂತೆ ಯೋ ಮೇಂಢು ಮಳ್ಯುತೊ, ಗುಮಾಯುಕೊಂತೆ ಯೋ ನೌ ಉಪ್ಪರ್ ಖ್ಹಡ್‌ಚಾರೀಖ್ಹ್ ಮೇಂಢವ್‌ಥೀಬಿ ಯೋ ಏಕ್‌ ಮೇಂಢಾನಖ್ಹಾಜೆ ಜಾ಼ಖ್ಹತ್ ಖ್ಹುಶಿ ಕರಾಸ್ ಕರಿ ಮೇ ತುಮೂನ ಖ್ಹಾಚಮಾಬಿ ಬೋಲುಸ್. 
\v 14 ಇಮ್ಮಸ್ ಆ ನ್ಹಾನಾವ್‍ಮ ಏಕ್‌ಬಿ ಖರಾಬ್ ನಾ ಜಾ಼ವ್ಣು ಕರಿ ಬೋಲಾನುಸ್ ಸೊರ್ಗಾಮ ಛಾ಼ತೆ ತುಮಾರ ಬಾನಿ ಮರ್ಜಿ.
\s ಪಾಪ್ ಕರಾಸ್ತೆ ಭೇನೆ ನತರ್ ಭೈನಿ ಬಾರೇಮ
\p
\v 15 ತಾರೊ ಭೈ ತಾರಿ ವಿರೋದ್ ಗಲತ್‌ ಕರ‍್ಯೋತೊ, ತೂ ಜೈ಼ನ್, ಯೋ ಎಕ್ಲೋಸ್ ರ‍್ಹವಾನಿ ವಖ್ಹತ್‌ಮ, ಇನಿ ಗಲ್ತಿನ ಇನ ಬೋಲಿವತಾಳ್. ಯೋ ತಾರಿ ವಾತೇನ ಖ್ಹಮ್‌ಜಿಗಯೋತೊ ತಾರ ಭೈನ ತೂ ಪಾಛೊ಼ ಕಮೈಲಿದೊ ಕರಿ. 
\v 16 ಕತೋಬಿ ಯೊ ತಾರಿ ವಾತೆನ ನಾ ಖ್ಹಮ್‌ಜ್ಯೋತೊ, ತಾರ ಜೋ಼ಡೆ ಬಿಜು಼ ಏಕ್‌ ನತರ್‌ಕಿ ಬೇ ಜ಼ಣಾನ ಬುಲೈಲಿ ಇನಾಕನ ಜಾ಼, ಶನಕತೊ ‘ಹರೇಕ್ ವಾತೇನ ಬೇ ನತರ್‌ಕಿ ತೀನ್ ಅದ್ಮಿನಿ ಸಾಕ್ಷಿ ರ‍್ಹೇಣು. 
\v 17 ಯೋ ಇವ್ಣಿ ವಾತೇನಾಬಿ ನಾ ಖ್ಹಮ್‌ಜ್ಯೊತೊ, ಸಭೆನ ಬೋಲ್, ಯೋ ಸಬೇನಿ ವಾತೇನಾಬಿ ನಾ ಖ್ಹಮ್‌ಜ್ಯೋತೊ ಯೋ ದೇವ್‌ಮ ವಿಶ್ವಾಸ್‍ಕರಾಕೊಂತೆ ನತರ್‌ಕಿ ಶುಂಕ ಮಾಂಗವಾಳ ಅದ್ಮಿನಿಘೋಣಿ ಇನ ದೇಕ್.
\p
\v 18 ಮೇ ತುಮೂನ ಖ್ಹಾಚಮಾಬಿ ಬೋಲುಸ್: ತುಮೆ ಆ ಧರ್ತಿಪರ್ ಶಶ್ಶಾತ್ ಭಾಂದಾಸ್ಕಿ, ಯೋ ಖ್ಹಾರು ಸೊರ್ಗಾಮಾಬಿ ಭಂದೈರ‍್ಹೀಶೆ, ಅಜು಼ ತುಮೆ ದರ್ತಿಪರ್ ಶಶ್ಶಾತ್ ಛೋ಼ಡಾಸ್ಕಿ ಯೋ ಖ್ಹಾರು ಸೊರ್ಗಾಮಾಬಿ ಛೋ಼ಡಾವ್‌ಶೆ.
\p
\v 19 ಎತ್ರೇಸ್ ಕಾಹೆತೆ, ತುಮಾರಾಮ ಬೇ ಜ಼ಣು ಆ ಧರ್ತಿಪರ್ ಎಕ್ಕಸ್ ಮನ್‌ಥಿ ಶಾತ್‌ ಮಾಂಗಿಲಿದುತೋಬಿ ಸೊರ್ಗಾಮ ಛಾ಼ತೆ ಮಾರೊ ಬಾ ಇವ್ಣುನ ದಿಶೆ ಕರಿ ಮೇ ತುಮೂನ ಖ್ಹಾಚಮಾಬಿ ಬೋಲುಸ್. 
\v 20 ಶನಕತೊ ಬೇ ನತರ್‌ಕಿ ತೀನ್ ಜ಼ಣು ಮಾರ ನಾಮ್‍ಪರ್ ಕಿಜ್ಗಾ಼ ಎಕ್ಟು ಹುಯಿನ್ ಐರ‍್ಹೇಸ್ಕಿ ಹಿಜ್ಜಾ಼ ಇವ್ಣ ಇಚ಼್‌ಮ ಮೇ ರ‍್ಹೆವುಸ್‌.
\s ಮಾಪ್‌ ಕರಾಕೊಂತೆ ಆಳ್ನಿ ಬಾರೇಮ ಮತ್ಲಬ್‌ನಿ ಖೇಣಿ
\p
\v 21 ತದೆ ಪೇತ್ರನೆ ಯೇಸುಕನ ಆಯಿನ್, “ಪ್ರಭು, ಮಾರೊ ಭೈ ಮಾರಿ ವಿರೋದ್ ಗಲತ್‌ ಕರ‍್ಯೋತೊ, ಮೇ ಇನ ಕೆತ್ರಿಹಲ್ಲ ಮಾಪ್‌ ಕರ‍್ನು? ಖ್ಹಾತ್ ಹಲ್ಲಾಕಿ ಶು?” ಕರಿ ಇನ ಪುಛಾ಼ಯೊ.
\p
\v 22 ಯೇಸುನೆ, “ಖ್ಹಾತ್ ಹಲ್ಲಾ ಕಾಹೆ, ಖ್ಹಾತ್ ಖ್ಹಡ್‌ತೀನಿಖ್ಹ್ ಹಲ್ಲ” ಕರಿ ಜವಾಬ್‌ ದಿದೊ. 
\v 23 “ಶನಕತೊ ಸೊರ್ಗ ರಾಜ್ಯನ ಇನ ಸೇವಕರ್‌ಥಿ ಪೈಶಾನಿ ಇಶಾಬ್ ಲೇವ್ಣುಕರಿ ತೀರ್ಮಾನ್ ಕರಾಸ್ತೆ ಏಕ್‌ ರಾಜಾ಼ನಿಘೋಣಿ ಛಾ಼. 
\v 24 ಯೋ ಇಶಾಬ್ ಲ್ಯವಾನು ಶುರುಕರ್‌ತಾನ, ಕರೋಡೊ ರಪ್ಯ ದೇವ್ಣುಥೂತೆ ಏಕ್‌ನ ಇನಾಕನ ಲಾಯು. 
\v 25 ಯೋ ಕರಜ಼್ ಫೇಡಾನ ಇನಾಕನ ಶಾತ್ಬಿ ಕೋ ಥೂನಿತೆ ಇನಖ್ಹಾಜೆ, ಇನ ಯಜಮಾನ್ನೆ, ‘ಇನಾಬಿ ಇನಿ ಬಾವಣ್‍ ಅಜು಼ ಲಡ್ಕಾವ್‍ನ, ಅಜು಼ ಇನಾಕನ ಛಾ಼ತೆ ಖ್ಹಾರಸ್ನ ವೇಚಿನ್, ಯೋ ಕರಜ಼್‌ನ ಫೇಡ್‍ಣು’ ಕರಿ ಹುಕುಮ್ ದಿದೊ. 
\v 26 ತದೆ ಯೋ ಆಳ್‌ನೆ ಇನ ರಾಜಾ಼ನ ಆಡ್‍ಪಡಿನ್, ‘ರಾಜಾ಼, ಜ಼ರ ಖ್ಹಮಾಳಿಲೇ, ಮೇ ತುನ ದೇವ್ಣುತೆ ಖ್ಹಾರುಸ್ ಫೇಡುಸ್’ ಕರಿ ಇನ ಗಿಂಗೈಲಿದೊ. 
\v 27 ಅನ ದೇಖಿನ್ ಯೋ ಯಜಮಾನ್ನೆ ಇನ ಆಳ್‌ಪರ್ ಗೋರ್‌ಖೈನ್, ಯೋ ದೇವ್ಣುತೆ ಖ್ಹಾರು ಕರಜ಼್‌ನ ಮಾಫ್‌ಕರೀನ್, ಇನ ಜಾ಼ವಾನ ಮ್ಹೆಂದಿದೊ.
\p
\v 28 “ಅನಕೇಡೆಥು ಯೋ ಆಳ್‌ ಭಾರ್‌ಆಯಿನ್, ಇನ ಥೋಡ ಪೈಶಾ ದೇವ್ಣುಥೂತೆ ಇನ ಜೋ಼ಡ್ಮ ಕಾಮ್ ಕರಾವಾಳೊ ಆಳ್‌ನ ದೇಖಿನ್, ಇನಿ ನ್ಹೇಟಿ ಭೀಚಿನ್, ‘ಮಾರು ಕರಜ಼್ ಫೇಡ್ಲ!’ ಕರಿ ಬೋಲ್ಯೊ. 
\v 29 ತದೆ ಯೋ ಆಳ್‌ನೆ ಇನ ಗೋಡಾಪರ್ ಪಡೀನ್, ‘ಜ಼ರ ಖ್ಹಮಾಳಿಲೇ, ಮೇ ಫೇಡುಸ್!’ ಕರಿ ಗಿಂಗೈಲಿದೊ. 
\v 30 ಕತೋಬಿ ಇನೆ ಮಾನ್ಯೊಕೊಂತೆ, ಇನ ಧರೀನ್, ಕರಜ಼್ ಫೇಡಾತೋಡಿ ಇನ ಜೇಲ್‌ಮ ಘಲಾಯೊ. 
\v 31 ತದೆ ಅನ ದೇಖ್ಯೂತೆ ಬಿಜಾ಼ಖ್ಹಾರ ಆಳ್‌ನೆ ಘಣು ದುಖ್ ಖೈನ್, ಯಜಮಾನ್‍ಕನ ಆಯಿನ್, ಚಾ಼ಲ್ಯುತೆ ಇನಿ ಬಾರೇಮ ಖ್ಹಾರುಸ್ ಇನ ಬೋಲ್ಯು. 
\v 32 ತದೆ ಯಜಮಾನ್ನೆ ಯೋ ಆಳ್‌ನ ಬುಲೈನ್, ‘ತೂ ಖರಾಬ್ ಆಳ್‌! ತೂ ಮನ ಬೋಲಿಲೇತಾನ, ಮನ ದೇವ್ಣುತೆ ಯೋ ಖ್ಹಾರೂಸ್ ಕರಜ಼್‌ನ ಮೇ ಮ್ಹೆಂದಿದೋನಿ. 
\v 33 ಮೇ ತಾರಪರ್ ಗೋರ್‌ ವತಾಳ್ಯೊತೆ ಇಮ್ಮಸ್, ತೂಬಿ ತಾರ ಜೋ಼ಡ್ಮ ಕಾಮ್ ಕರಾವಾಳೊ ಯೋ ಆಳ್‌ನ ಮಾಪ್‌ ನಾ ಕರ್ನುಥೂಕಿ ಶು?’ ಕರಿ ಬೋಲಿನ್, 
\v 34 ಯಜಮಾನ್ನೆ ಖೀಜ಼್‌ ಕರೀನ್‌, ಇನ ದೇವ್ಣುಥೂತೆ ಖ್ಹಾರುಸ್ ಕರಜ಼್ ಫೇಡಾತೋಡಿ, ಇನ ದಂಡ್‌ ದ್ಯವಾನಖ್ಹಾಜೆ ಜೇಲ್‌ಮ ಘಲಾಯೊ.
\p
\v 35 ತುಮಾರಾಮ ಹರೇಕ್ ಜ಼ಣು ಇನ ಭೈನ ದಿಲ್‌ಥಿ ಮಾಪ್‌ ನಾ ಕರ‍್ಯಾತೊ, ಸೊರ್ಗಾಮ ಛಾ಼ತೆ ಮಾರೊ ಬಾಬಿ ತುಮೂನ ಯೋ ರಾಜಾ಼ನೆ ಕರ‍್ಯೊತೆ ಇಮ್ಮಸ್ ಕರ್ಶೆ” ಕರಿ ಬೋಲ್ಯೊ.
\c 19
\s ತಲಾಕ್‌ನಿ ಬಾರೇಮ ಯೇಸುನೆ ಬೋಲ್ಯೋತೆ
\r (ಮಾರ್ಕ 10:1-12)
\p
\v 1 ಯೇಸುನೆ ಆ ಖ್ಹಾರಿ ವಾತೇನ ಬೋಲಾನ ಬಾದ್‌ಮ, ಗಲಿಲಾಯನ ಮ್ಹೆಂದಿನ್, ಯೊರ್ದನ್‌ ನದ್ದಿನು ಪಾರ್ಲಿ ಬಾಜೂ಼ಮ ಥೂತೆ ಯೂದಾಯ ತಬರ್‌ಖಾನ ಗಯೊ. 
\v 2 ಕೈಯೆಕ್ಕಿ ಅದ್ಮಿನಿ ಮೋಟಿ ಝೂ಼ಂಡ್‌ ಇನ ಪೀಠೆ ಗಯು, ಅಜು಼ ಯೇಸುನೆ ಇವ್ಣುನ ಹಿಜ್ಜಾ಼ ಅಛ್ಛು಼ ಕರ‍್ಯೊ.
\p
\v 3 ತದೆ ಫರಿಸಾಯರ್‌ವಾಳು ಯೇಸುಕನ ಆಯಿನ್ ಇನ ಫಖ್ಹಾವ್ಣು ಕರಿ, “ಏಕ್‌ ಜ಼ಣೊ ಖೆವಿತೋಬಿ ಏಕ್‌ ಭಾಮ್‌ಥಿ ಇನಿ ಬಾವಣ್ಣ ಮ್ಹೇಲಿದ್ಯವಾನು ಬರೊಬರ‍್ನಿ ನಿಯಮ್‌ ಕಿಶು?” ಕರಿ ಪುಛಾ಼ಯು.
\p
\v 4 ತದೆ ಯೇಸುನೆ, “ಅದ್ಮಿನ ಉಬ್‌ಜಾ಼ಯೋತೆ ಇನೆ ಶುರುವಾತ್‌ಥೂಸ್ ಇವ್ಣುನ ಪರ್ಖ್ಹೊ ತಯೇಡಕರಿ, ಬಣಾಯೊ ಕರಿ ವಚನ್‌ಮ ಛಾ಼ತೆ ಇನ ತುಮೆ ಪಢಿರಾಖ್ಯಕೊಯ್ನಿಕಿ ಶು? 
\v 5 ಇನಖ್ಹಾಜೆ ದೇವ್ನೆ, ಇನ ಆಯ-ಬಾನ ಮ್ಹೇಲಿನ್, ಇನಿ ಬಾವಣ್‍ಥಿ ಮಳಾಸ್. ಇವ್ಣೆ ಭೇ ಜ಼ಣು ಎಕ್ಕಸ್ ಶರೀರ್ ಹುಯಿನ್ ರ‍್ಹಿಶೆ’ ಕರಿ ಬೋಲ್ಯೋತೆ. 
\v 6 ಇನಖ್ಹಾಜೇಸ್ ಬಿಜು಼ ಖ್ಹಾಮ್ಣೆ ಇವ್ಣೆ ಬೇಜ಼ಣ ಕಾಹೆ, ಎಕ್ಕಸ್ ಶರೀರ್‌ ಹುಯಿರ‍್ಹಾಸ್. ಇನಖ್ಹಾಜೇಸ್ ದೇವ್ನೆ ಮಳಾಯಹುಯಾನ ಅದ್ಮಿ ಅಲಕ್‌ನಾಸ್ ಕರ‍್ನು” ಕರಿ ಬೋಲ್ಯೊ.
\p
\v 7 ತದೆ ಪರಿಸಾಯರ್‌ನೆ ಯೇಸುನ, “ಇಮ್‍ಕತೊ, ಏಕ್‌ ಪರ್ಖ್ಹೊ ತಲಾಕ್‌ನು ಕಾಗತ್‌ ಲೀಖಿದೀನ್‌, ಇನಿ ಬಾವಣ್ಣ ಮ್ಹೇಲಿದಿಯ್ಯೆಜಾ಼ಯ್ ಕರಿ ಮೋಶೇನೆ ಹಮೂನ ಹುಕುಮ್‌ ದಿದೋನಿ ಶನ?” ಕರಿ ಪುಛಾ಼ಯು.
\p
\v 8 ತದೆ ಯೇಸುನೆ ಇವ್ಣುನ, “ಮೋಶೆನೆ ತುಮಾರ ಮೊಂಡಿದಿಲ್‌ನ ದೇಖಿನ್, ತುಮಾರಿ ಬಾವಣ್ಣ ಮ್ಹೇಲಿದ್ಯವಾನ ಹುಕುಮ್ ದಿದೋತೆ. ಕತೋಬಿ ಶುರುವಾತ್‌ಥೂಸ್ ಅಮ್ ಕೋಥೂನಿ. 
\v 9 ಮೇ ತುಮೂನ ಶಾತ್‌ ಬೋಲುಸ್‌ಕತೊ, ವ್ಯಬಿಚಾರ‍್ನಿ ಕಾರಣ್‌ ಕೊಂತೆಸ್ ಇನಿ ಬಾವಣ್ಣ ಮ್ಹೇಲಿದಿನ್, ಬಾವ್ರಿ ಮ್ಹೇಲಿಹುಯಿನ ವ್ಯಹಾ ಕರಿಲ್ಯವಾಳೊ ವ್ಯಬಿಚಾರಿ ಹುಯಿರ‍್ಹೋಸ್” ಕರಿ ಬೋಲ್ಯೊ.
\p
\v 10 ತದೆ ಇನ ಶಿಷ್ಯರ್‌ನೆ ಇನ, “ಬಾವಣ್ಣಿ ಬಾರೇಮ ಬಾವ್ರಿ ಅಮ್ಮಸ್ ಚಾ಼ಲಿಲೇವ್ಣು ಕರಿ ಉಶೇತೊ, ವ್ಯಹಾ ಕರಾಕೊಯ್ನಿತೇಸ್ ರ‍್ಹವಾನುಸ್ ಅಛ್ಛು಼” ಕರಿ ಬೋಲ್ಯ.
\p
\v 11 ಯೇಸುನೆ, “ಆ ವಾತೇನ ಮಾನಿಲ್ಯವಾನು ದೇವ್‍ಥಿ ಕಿನ ದೆವೈರ‍್ಹೂಸ್ಕಿ ಇವ್ಣೇಸ್ ಪಣ್ಕಿ, ಬಿಜು಼ ಕೋಣ್‌ಬಿ ಇನ ಮಾನಿಲ್ಯವಾನ ಕೋ ಹುವಾನಿ. 
\v 12 ಪರ್ಖ್ಹಾ ಅದ್ಮಿ ವ್ಯಹಾ ಕರಾಕೊಯ್ನಿತೆ ಇನ ಬಿಜಿ-ಬಿಜಿ ಕಾರಣ್ ಛಾ಼. ಕೆಹುಕತೊ, ಥೋಡು ಜ಼ಣು ಆಯಾನ ಗರಬ್‌ಮಾಥೂಸ್ ವ್ಯಹಾ ಕರಾನ ಲ್ಹಾಯಕ್‌ಕೊಂತೆ ಇಮ್‌ ಪೈದಾಹುವ್ವಾಸ್; ಅಜು಼ ಥೋಡು ಜ಼ಣು ಅದ್ಮಿನ ಹಾತೆ ಇಮ್‌ ಕರೈಲೇಸ್; ಕತೋಬಿ ಬಿಜು಼ ಥೋಡು ಜ಼ಣು ಸೊರ್ಗಾನು ರಾಜ್ಯನಖ್ಹಾಜೆ ವ್ಯಹಾ ಕರಾಕೊಯ್ನಿ. ಕಿನ ಆ ವಾತೇನ ಮಾನಾನ ಹುವಾಸ್ಕಿ ಇವ್ಣೆ ಮಾನಿಲೇಸ್.
\s ಯೇಸುನೆ ಅಡ್ಡಾಣಿ ಲಡ್ಕಾವ್ನ ಆಶೀರ್ವಾದ್‌ ಕರ‍್ಯೊತೆ
\r (ಮಾರ್ಕ 10:13-16; ಲೂಕ 18:15-17)
\p
\v 13 ಥೋಡು ಜ಼ಣು ಇವ್ಣ ಅಡ್ಡಾಣಿ ಲಡ್ಕಾವ್‍ನ ಯೇಸುಕನ ಲೈನ್‌, ಇವ್ಣಾಪರ್ ಹಾತ್ ಮ್ಹೇಲಿನ್, ಪ್ರಾರ್ಥನೆ ಕರ‍್ನು ಕರಿ ಬೋಲಿಲಿದು, ಕತೋಬಿ ಶಿಷ್ಯರ್‌ನೆ ಇವ್ಣುನ ಗುರ್‌ಕಾಯು. 
\v 14 ತದೆ ಯೇಸುನೆ, “ಅಡ್ಡಾಣಿ ಲಡ್ಕಾವ್‍ನ ಮ್ಹೇಲೊ, ಮಾರಕನ ಆವಾನ ಇವ್ಣುನ ಭೀರಾಖೊ ನಕೊ, ಶನಕತೊ ಸೊರ್ಗಾನು ರಾಜ್ಯ ಇಮ್‌ವಾಳನೂಸ್” ಕರಿ ಬೋಲಿನ್,
\p
\v 15 ಇವ್ಣಾಪರ್ ಹಾತ್‌ ಮ್ಹೇಲಿನ್, ಹಿಜ್ಜಾ಼ಥೊ ಚ಼ಲೆಗಯೊ.
\s ಏಕ್‌ ಜ಼ವಾನ್ ಶೌಕಾರ್‌ನಿ ಅದ್ಮಿನಿ ಬಾರೇಮ
\r (ಮಾರ್ಕ 10:17-31; ಲೂಕ 18:18-30)
\p
\v 16 ಏಕ್‌ ಹಲ್ಲ ಏಕ್‌ ಅದ್ಮಿ ಯೇಸುಕನ ಆಯಿನ್, “ಗುರು, ಮನ ಹಮೇಶಾನಿ ಜಿ಼ಂದ್‌ಗಿ ಮಳ್‌ಣುಕತೊ ಮೇ ಖೆವು ಅಛ಼್ಛು ಕಾಮ್ನ ಕರ‍್ನು?” ಕರಿ ಪುಛಾ಼ಯೊ.
\p
\v 17 ತದೆ ಯೇಸುನೆ ಇನ, “ಅಛ್ಛಾ಼ನಿ ಬಾರೇಮ ತೂ ಮನ ಪುಛಾ಼ವಾಸ್ತೆ ಶನ? ದೇವ್ ಎಕ್ಕಸ್ ಜ಼ಣೊ ಅಛ್ಛೊ಼. ಕತೋಬಿ ತುನ ಹರ್‌ಹಮೇಶಾನಿ ಜಿ಼ಂದ್‌ಗಿ ಹೋಣುಕತೊ, ದೇವ್ನಿ ಖ್ಹಾರಿ ಹುಕುಮ್‌ನಿಘೋಣಿ ಚಾ಼ಲಿಲೇ” ಕರಿ ಬೋಲ್ಯೊ.
\p
\v 18 ಯೋ ಅದ್ಮಿನೆ, “ಖೆವಿ ಖ್ಹಾರಿ ಹುಕುಮ್?” ಕರಿ ಪುಛಾ಼ಯೊ.
\p ಯೇಸುನೆ, “ಖೂನಿ ನಾಹೋಣು; ವ್ಯಬಿಚಾರ್ ನಾ ಕರ‍್ನು; ಚೋ಼ರಿ ನಾ ಕರ‍್ನು; ಬಿಜಾ಼ಪರ್ ಝೂ಼ಟಿ ಸಾಕ್ಷಿ ನಾ ಬೋಲ್‌ನು; 
\v 19 ತಾರ ಆಯ-ಬಾನ ಮರ್ಯಾದಿ ದೇವ್ಣು; ಅಜು಼ ತಾರು ತೂ ಕಿಮ್ ಪ್ಯಾರ್ ಕರಿಲೇಸ್ಕಿ, ಇಮ್ಮಸ್ ತಾರ ಭೀಡೆವಾಳಾನ ಪ್ಯಾರ್ ಕರ‍್ನು;
\p
\v 20 ಯೋ ಜಾ಼ನ್ಜ಼ಮಾನ್ ಅದ್ಮಿನೆ, “ಮೇ ಆ ಖ್ಹಾರಿಸ್ ಹುಕುಮ್‌ನಿಘೋಣಿ ಚಾ಼ಲಿರಾಖ್ಯೋಸ್. ಬಿಜು಼ ಶಾತ್ಬಿ ಕಮ್ ಹುಯಿರ‍್ಹುಸ್ಕಿ ಶು?” ಕರಿ ಪುಛಾ಼ಯೊ.
\p
\v 21 ಯೇಸುನೆ ಇನ, “ತೂ ಪಕ್ಕಾ ಹೋಣುಕರಿ ಉಶೇತೊ, ಜೈ಼ನ್, ತಾರು ಶೊತ್ನ ಖ್ಹಾರು ವೇಚಿನ್, ಇನೇಥಿ ಆವಸ್ತೆ ಪೈಶಾನ ಗರೀಬ್‌ನ ದೇ, ತದೆ ಸೊರ್ಗಾಮ ತುನ ಶೊತ್ ರ‍್ಹಿಶೆ. ಅನಕೇಡೆಥು ತೂ ಐನ್, ಮಾರ ಪೀಠೆ ಆವ್!” ಕರಿ ಬೋಲ್ಯೊ.
\p
\v 22 ಯೋ ಜಾ಼ನ್ಜ಼ಮಾನ್ ಅದ್ಮಿನೆ ಅನ ಖ್ಹಮ್‌ಜಿನ್‌, ಘಣು ದುಖ್‌ಥಿ ಚ಼ಲೆಗಯೊ. ಶನಕತೊ ಯೋ ಘಣೊ ಶೌಕಾರ್ ಹುಯಿರ‍್ಹೋಥೊ.
\p
\v 23 ತದೆ ಯೇಸುನೆ ಇನ ಶಿಷ್ಯರ್‌ನ, “ಮೇ ತುಮೂನ ಖ್ಹಾಚ ಬೋಲುಸ್: ಶೌಕಾರ್ ಅದ್ಮಿ ಸೊರ್ಗಾನು ರಾಜ್ಯಮ ಜಾ಼ವಾನು ಘಣು ಮುಶ್ಕಿಲ್. 
\v 24 ಒಹೊ, ಶೌಕಾರ್ ಅದ್ಮಿ ದೇವ್‌ನು ರಾಜ್ಯಮ ಜಾ಼ವಾಥೀಬಿ, ಊಟ್‍ ಖ್ಹುಯಿನ ಡೋಳವಾಟೆಕರಿ ಪೇಶಿಜಾ಼ವನು ಶುಲ್ಬ ಕರಿ ಮೇ ತುಮೂನ ಪಾಛೊ಼ ಬೋಲುಸ್” ಕರಿ ಬೋಲ್ಯೊ.
\p
\v 25 ಅನ ಖ್ಹಮ್‌ಜಿನ್‌, ಶಿಷ್ಯರ್‌ನೆ ಘಣು ಆಶ್ಚರ್ಯಥಿ, “ಇಮ್‍ಕತೊ, ಕಿನ ರಕ್ಷಣೆ ಮಳ್‌ಶೆ?” ಕರಿ ಪುಛಾ಼ಯ.
\p
\v 26 ಯೇಸುನೆ ಇನ ಶಿಷ್ಯರ್‌ ಭಣಿ ಠರ್‌ಕೈ ದೇಖಿನ್, “ಆ ಅದ್ಮಿಥಿ ಹುವ್ವಾಕೊಯ್ನಿ, ಕತೋಬಿ ದೇವ್‍ಥಿ ಖ್ಹಾರುಸ್ ಹುವಾಸ್” ಕರಿ ಬೋಲ್ಯೊ.
\p
\v 27 ತದೆ ಪೇತ್ರನೆ, “ಹಂದೇಕ್‌! ಹಮೆ ಖ್ಹಾರೂಸ್ ಮ್ಹೆಂದಿನ್, ತಾರ ಪೀಠೆ ಐಗಯ. ಹಮೂನ ಶಾತ್ ಮಳ್‌ಶೆ?” ಕರಿ ಪುಛಾ಼ಯೊ.
\p
\v 28 ಯೇಸುನೆ ಇವ್ಣುನ, “ಮೇ ತುಮೂನ ಖ್ಹಾಚ ಬೋಲುಸ್: ನವಜ಼ಗ್‍ಮ ಅದ್ಮಿನೊ ಛಿಯ್ಯೊ ಇನಿ ಮಹಿಮೆನಿ ಸಿಂಹಾಸನ್‌ಪರ್ ಬೇಖ್ಹ್‌ಶೆ, ತದೆ ಮಾರ ಪೀಠೆ ಆಯಾತೆ ತುಮೆ ಭಾರ ಜ಼ಣಾಬಿ ಸಿಂಹಾಸನ್‌ಪರ್ ಬೇಶಿನ್, ಇಸ್ರಾಯೇಲ್‌ನ ಭಾರ ಖೂಮ್‍ವಾಳನ ನ್ಯಾವ್‍ಫೇಡ್‍ಶು. 
\v 29 ಅಜು಼ ಮಾರ ನಾಮ್‍ಪರ್ ಘರ್‌ನರ‍್ಹೆವೊ, ಭೈಯೇನ ರ‍್ಹವೊ, ಭೇನೇನ ರ‍್ಹವೊ, ಬಾನ ರ‍್ಹವೊ, ಆಯಾನ ರ‍್ಹವೊ, ಲಡ್ಕಾವ್ನ ರ‍್ಹವೊ, ಖೇತರ್‌ನ ರ‍್ಹವೊ ಮ್ಹೇಲಿದಿದೂತೆ ಹರೇಕ್ನ ಖ್ಹೋ ಪಟ್ ಜಾ಼ಖ್ಹತ್ ಮಳ್‌ಶೆ ಅಜು಼ ಹರ್‌ಹಮೇಶಾನಿ ಜಿ಼ಂದ್‌ಗೀಬಿ ಮಳ್‌ಶೆ. 
\v 30 ಕತೋಬಿ ಹಮ್ಕೆ ಅಗಾಡಿ ಛಾ಼ತೆ ಕೈಯೆಕ್ಕಿ ಜ಼ಣು ಪಾಛ಼ಳ್ ಹುಯಿಜಾ಼ಶೆ ಅಜು಼ ಪಾಛ಼ಳ್ ಛಾ಼ತೆ ಕೈಯೆಕ್ಕಿ ಜ಼ಣು ಅಗಾಡಿ ಹುಯಿಜಾ಼ಶೆ.
\c 20
\s ದ್ರಾಕ್ಷಿನ ಬಾಗ್‌ಮ ಕಾಮ್ ಕರಾವಾಳಾನಿ ಬಾರೇಮ
\p
\v 1 ಸೊರ್ಗಾನು ರಾಜ್ಯ ಏಕ್‌ ದ್ರಾಕ್ಷಿನೊ ಬಾಗ್‌ನೊ ಯಜಮಾನ್ನಿಘೋಣಿ ಛಾ಼.ಏಕ್‌ ದನ್ನೆ ವ್ಹಾಣಾನು ಯೋ ಇನ ಬಾಗ್‌ಮ ಕಾಮ್ ಕರಾನಖ್ಹಾಜೆ ಥೋಡ ಕೂಲಿಆಳ್‍ನ ಬುಲಾವನ ನಿಕ್‌ಳ್ಯೊ. 
\v 2 ಇನೆ ದನ್ನ ಏಕ್‌ ಕೂಲಿ ಆಳ್‌ನ ಏಕ್‌ ರೂಪಾನಬಿಲ್ಲಾ ದೆವುಸ್ ಕರಿ ವಾತೆ ಕರೀನ್, ಯೋ ಆಳ್‌ನ ಖ್ಹಾರು ಇನ ಬಾಗ್‌ಮ ಬೋಲಿ ಮೋಕ್‌ಲ್ಯೊ. 
\v 3 ಅನಕೇಡೆಥು ಯೋ ಬಾಗ್‌ನೊ ಯಜಮಾನ್ ಕಮ್‍ಶಿಕಮ್ ನೌ ಘಂಟಾನ ಪಾಛೊ಼ ಘರ್‌ಥೊ ನಿಕ್ಳಿನ್, ಬಜಾ಼ರ್‌ನಿ ಝ಼ಗೋಕನ ಜೈ಼ನ್, ಹಿಜ್ಜಾ಼ ಥೋಡು ಜ಼ಣು ಫಾಯಿದೊಕೊಂತೆ ಭೀರ‍್ಯುಥೂತೆ ದೇಖಿನ್, 
\v 4 ಇವ್ಣುನ, “ತುಮೇಬಿ ಮಾರ ದ್ರಾಕ್ಷಿನ ಬಾಗ್‌ಮ ಜೈ಼ನ್ ಕಾಮ್ ಕರೊ. ತುಮೂನ ಮೇ ನೀತಿನಿ ಕೂಲಿ ದೆವುಸ್’ ಕರಿ ಬೋಲ್ಯೊ. 
\v 5 ತದೆ ಇವ್ಣೆ ಬಾಗ್‌ಮ ಗಯು. ಯೋ ಯಜಮಾನ್ ಪಾಛೊ಼ ಕಮ್‌ಶಿಕಮ್ ಭಾರ ಘಂಟಾನ ಅಜು಼ ತೀನ್ ಘಂಟಾನ ಏಕ್‌ ಹಲ್ಲ ಬಜಾ಼ರ್‌ನಿ ಝ಼ಗೋಕನ ಗಯೊ. 
\v 6 ಖ್ಹುಮಾರ್ ಪಾಚ಼್ ಘಂಟಾನ ಏಕ್‌ ಹಲ್ಲ ಯೋ ಯಜಮಾನ್ ಬಿಜೇಕ್ ಹಲ್ಲ ಬಜಾ಼ರ್‌ನಿ ಝ಼ಗೋಕನ ಜೈ಼ನ್, ಹಿಜ್ಜಾ಼ ಭೀರ‍್ಯುಥೂತೆ ಥೋಡ ಅದ್ಮಿನ ಇನೆ ದೇಖಿನ್, ‘ತುಮೆ ದನ್‌ಭರ್ ಫಾಯಿದೊಕೊಂತೆ ಚು಼ಪ್‌ಕೆಸ್ ಶನ ಭೀಯಾಸ್?’ ಕರಿ ಪುಛಾ಼ಯೊ. 
\v 7 ತದೆ ಇವ್ಣೆ, ‘ಕೋಣ್‌ಬಿ ಹಮೂನ ಕಾಮ್ನ ಬುಲಾಯು ಕೊಯ್ನಿ’ ಕರಿ ಬೋಲ್ಯು. ಯೋ ಯಜಮಾನ್ನೆ, ‘ಇಮ್‍ಕತೊ, ತುಮೆ ಜೈ಼ನ್, ಮಾರ ದ್ರಾಕ್ಷಿನ ಬಾಗ್‌ಮ ಕಾಮ್ ಕರೊ’ ಕರಿ ಬೋಲ್ಯೊ.
\p
\v 8 ಖ್ಹಾಂಜ಼್ ಹುವ್ವಾದೀನ್, ಬಾಗ್‌ನೊ ಯಜಮಾನ್ನೆ ಕಾಮ್ ಕರಾವಾಳಾನ ದೇಖಿಲೇಸ್ತೆ ಇನ ಬುಲೈನ್, ‘ಖ್ಹಾರೇಥಿ ಪಾಛ಼ಳ್ ಆಯೂತೆ ಆಳ್‌ಥಿ ಶುರುಕರೀನ್, ಪಹಿಲೆ ಆಯೋತೆ ಆಳ್‌ತೋಡಿ ಖ್ಹಾರಾನಿ ಕೂಲಿನ ದೇ’ ಕರಿ ಬೋಲ್ಯೊ. 
\v 9 ಪಾಚ಼್ ಘಂಟಾನ ಕೂಲಿನ ಆಯುಥೂತೆ ಆಳ್‌ ಖ್ಹಾರಾನಾಬಿ ಏಕೇಕ್‌ ರೂಪಾನುಬಿಲ್ಲಾ ಮಳ್ಯು. 
\v 10 ಅನಕೇಡೆಥು ಪಹಿಲೆ ಕಾಮ್‌ಪರ್ ಆಯುಥೂತೆ ಇವ್ಣೆ ಆಯಿನ್, ಹಮೂನ ಜಾ಼ಖ್ಹತ್ ಕೂಲಿ ಮಳ್‌ಶೆ ಕರಿ ಸೋಚ್ಯು; ಕತೋಬಿ ಇವ್ಣುನಾಬಿ ಏಕೇಕ್‌ ರೂಪಾನುಬಿಲ್ಲಾ ಮಳ್ಯು. 
\v 11 ಇವ್ಣೆ ಯೋ ಪೈಶಾನ ಲೀಲಿನ್‌, ಯೋ ಬಾಗ್‌ನ ಯಜಮಾನ್‍ಪರ್ ಮಶ್ಲಾ ಮಾರ್‌ತುಹುಯಿನ್, 
\v 12 ‘ಪಾಛ಼ಳ್ ಆಯೂತೆ ಆ ಎಕ್ಕಸ್ ಘಂಟೊ ಕಾಮ್ ಕರ‍್ಯು, ಕತೋಬಿ ಹಮೆಖ್ಹಾರು ದನ್‌ಭರ್ ತಡ್ಕಾಮ ಮ್ಹಿನತ್ ಕರೀನ್, ಕಾಮ್ ಕರ‍್ಯಾ, ತೋಬಿ ತುನೆ ಹಮೂನ ದಿದೋತೆ ಎತ್ರುಸ್ ಇವ್ಣುನಾಬಿ ದಿದೋನಿ!’ ಕರಿ ಬೋಲ್ಯು.
\p
\v 13 ತದೆ ಬಾಗ್‌ನೊ ಯಜಮಾನ್ನೆ ಯೋ ಆಳ್‌ಮ ಏಕ್‌ನ, ‘ಹಂದೇಕ್‍ಲ, ದೋಸ್ತ್, ಮೇ ತುನ ಠಗಾಯೊ ಕೊಯ್ನಿ. ತೂ ಏಕ್‌ ರೂಪಾನ ಕಾಖ್ಹ್‌ನಖ್ಹಾಜೆ ಏಕ್‌ ದನ್ನು ಕಾಮ್ ಕರುಸ್ ಕರಿ ಮಾನಿಗಯೊಥೋನಿ? 
\v 14 ಅಲ್ಲೆ, ತಾರಿ ಕೂಲಿ, ಅನ ಲೀನ್ ಘರೆ ಜಾ಼. ತುನ ದಿದೋತೆ ಇಮ್ಮಸ್, ಆ ಪಾಛ಼ಳ್ ಆಯೋತೆ ಇನಾಬಿ ಮನ ಮನ್ ಛಾ಼. 
\v 15 ಮಾರ ಶೊಂತ್ ಪೈಶಾನ ಮಾರು ಮನ್ಆವಾತೆ ಇಮ್‌ ಕರಾನ ಮನ ಹಕ್‍ಕೊಯ್ನಿಕಿ ಶು? ಮೇ ಇವ್ಣುನ ಅಛ಼್ಛು ಕರ‍್ಯೊತೆ ಇನಖ್ಹಾಜೆ ತೂ ಬಳಾಪೊ ಕರಾಸ್ಕಿ ಶು?’ ಕರಿ ಬೋಲ್ಯೊ.
\p
\v 16 “ಅಮ್ಮಸ್ ಪಾಛ಼ಳ್ ರ‍್ಹವಾಳು ಅಗಾಡಿ ಹುಯಿಜಾ಼ಶೆ, ಅಜು಼ ಅಗಾಡಿ ರ‍್ಹವಾಳು ಪಾಛ಼ಳ್ ಹುಯಿಜಾ಼ಶೆ.
\s ಯೇಸುನೆ ಇನಿ ಮರಣ್ಣಿ ಬಾರೇಮ ತೀನ್ನಿ ಹಲ್ಲ ಬೋಲ್ಯೋತೆ
\r (ಮಾರ್ಕ 10:32-34; ಲೂಕ 18:31-34)
\p
\v 17 ಯೇಸು ಯೆರೂಸಲೇಮ್ಮ ಜ಼ವ್‍ಕರಾನಿ ವಖ್ಹತ್‌ಮ, ಭಾರ ಜ಼ಣ ಶಿಷ್ಯರ್‌ನ ಏಕ್‌ ತರಬ್‌ ಬುಲೈನ್, ವಾಟ್‌ಪರ್ ಚಾ಼ಲ್ತೊಹುಯಿನ್‌, ಇವ್ಣುನ, 
\v 18 “ಹಂದೇಖೊ, ಅಪ್ಣೆ ಯೆರೂಸಲೇಮ್‌ನ ವಳ್ಯಾಜಯ್ಯೇಸ್‌, ಹಿಜ್ಜಾ಼ ಅದ್ಮಿನೊ ಛಿಯ್ಯಾನ ಗಲ್‌ಢಯಾಜಕರ್‌ನ ಅಜು಼ ಮೋಶೆನಿ ವಚನ್ ಶಿಕಾಡವಾಳ ಶಾಸ್ತ್ರಿಯೇನ ಹಾತ್‌ಮ ಧರಿದಿನಾಕ್‌ಶೆ. 
\v 19 ಇವ್ಣೆ ಇನ ಮರಣ್ ದಂಡ್‌ ದೀನ್, ಇನ ಖ್ಹರಮ್‌ ಕಾಡಾನ, ಕೊಳ್ಡೇಥಿ ಮಾರಾನ ಅಜು಼ ಶಿಲ್‌ಬೇಪರ್ ನಾಖಾನಖ್ಹಾಜೆ ಪರೈ ಜಾ಼ತ್‌ವಾಳಾನ ಹಾತ್‌ಮ ದಿನಾಕ್‌ಶೆ. ಕತೋಬಿ ಮರೀನ್ ತೀನ್ ದನ್‌ಕೇಡೆ ಯೋ ಪಾಛೊ಼ ಜಿವ್ತೊಹುಯಿನ್ ಆವ್‌ಶೆ” ಕರಿ ಬೋಲ್ಯೊ.
\s ಏಕ್‌ ಆಯಾನಿ ಬಿಂತಿ
\r (ಮಾರ್ಕ 10:35-45)
\p
\v 20 ತದೆ ಜೆಬೆದಾಯನಿ ಬಾವಣ್‍ ಇನ ಭೇ ಪರ್ಖ್ಹಾ ಲಡ್ಕಾನ ಜೋ಼ಡೆ ಯೇಸುಕನ ಐನ್, ಇನಖ್ಹಾಮ್ಣೆ ಆಡ್‍ಪಡಿನ್, ಮಾರಿ ಏಕ್‌ ಬಿಂತಿನ ಚ಼ಲೈದೇಣು ಕರಿ ಬೋಲಿಲಿದಿ.
\p
\v 21 ಯೇಸುನೆ ಇನ, “ತುನ ಶಾತ್ ಹೋಣು?” ಕರಿ ಪುಛಾ಼ಯೊ.
\p ತದೆ ಇನೆ, “ಮನ ಹುಕುಮ್‌ಕರ್‌ ತಾರಿ ರಾಜ್ಯಮ ಮಾರ ಬೇ ಛಿಯ್ಯಾಮ ಏಕ್‌ ಜ಼ಣೊ ತಾರಿ ಖಾವಿ ಬಾಜು಼ಮ ಅಜು಼ ಏಕ್‍ಜ಼ಣೊ ತಾರಿ ಡಾವಿ ಬಾಜು಼ಮ ಬೇಖ್ಹಾನ ಬೋಲ್‌ಕರಿ ಬೋಲಿ
\p
\v 22 ಯೇಸುನೆ ಇನ ಛಿಯ್ಯಾವ್‍ನ, “ತುಮೆ ಶಾತ್ ಮಾಂಗಿಲಿದ ಕರಿ ತುಮೂನ ಮಾಲುಮ್ ಕೊಯ್ನಿ. ಮೇ ಪೀಣುತೆ ಖ್ಹತಾಪ್ಣಿನ ರಾಛ಼ಮ ತುಮೆ ಪಿಯ್ಯಾನ ಉಶೇಕಿ ಶು?” ಕರಿ ಪುಛಾ಼ಯೊ.
\p ಇನ ಇವ್ಣೆ, “ಹಮೂನ ಹುವಾಸ್” ಕರಿ ಜ಼ವಾಬ್‍ದಿದಾ.
\p
\v 23 ತದೆ ಯೇಸುನೆ ಇವ್ಣುನ, “ಮೇ ಪೀಣುತೆ ರಾಛ಼ಮ ತುಮೇಬಿ ಪೀಶು. ಕತೋಬಿ ಮಾರಿ ಖಾವಿ ಬಾಜೂ಼ಮ ಅಜು಼ ಡಾವಿ ಬಾಜೂ಼ಮ ಕೋಣ್ ಬೇಖ್ಹ್‌ಶೆ ಕರಿ ಚೂ಼ಣವಾಳೊ ಮೇ ಕಾಹೆ. ಮಾರೊ ಬಾ ಯೋ ಝ಼ಗೋನ ಕಿನ ಕರಿ ಮ್ಹೇಲಿರಾಖ್ಯೋಸ್ಕಿ ಇವ್ಣುನಾಸ್ ಯೋ ಮಳ್‌ಶೆ” ಕರಿ ಬೋಲ್ಯೊ.
\p
\v 24 ಉಬ್‌ರ‍್ಯಾತೆ ದಖ್ಹ್‌ ಜ಼ಣ ಶಿಷ್ಯರ್‌ನೆ ಅನ ಖ್ಹಮ್‌ಜಿನ್‌, ಯೋ ಬೇ ಭೈಯೇಪರ್ ಖೀಜ಼್‌ಖಾದ. 
\v 25 ಕತೋಬಿ ಯೇಸುನೆ ಇವ್ಣ ಖ್ಹಾರಾನ ಇನಾಕನ ಬುಲೈನ್ ಇವ್ಣುನ, “ಯೆಹೂದ್ಯರ್‌ಕಾಹೆತೆ ಅದ್ಮಿನ ಅದಿಕಾರ್‌ಮ ರ‍್ಹವಾಳು ಇವ್ಣಾಪರ್ ಹಂಕಾರ್‌ಥಿ ಅದಿಕಾರ್ ಚ಼ಲಾವಸ್, ಅಜು಼ ಮೋಟು ಅದಿಕಾರಿಖ್ಹಾರು ಇವ್ಣಪರ್ ಜು಼ಲಮ್‌ಥಿ ಹಕ್ನ ಚ಼ಲಾವಸ್ ಕರಿ ಹಮೂನ ಮಾಲುಮ್. 
\v 26 ಕತೋಬಿ ತುಮಾರಮ ಇಮ್‌ ನಾರ‍್ಹೇವ್ಣು. ತುಮಾರಮ ಕೋಣ್‌ತೋಬಿ ಮೋಟು ಹೋಣು ಕರಿ ಉಶೇತೊ, ಯೋ ತುಮಾರೊ ಸೇವಕ್ ಹುಯಿರ‍್ಹವಾದೆ. 
\v 27 ಅಜು಼ ತುಮಾರಾಮ ಅಖ್ಖೇಥಿ ಖ್ಹಾಮ್ಣೆ ರ‍್ಹವಾನ ಆಖ್ಹ್‌ಕರವಾಳೊ ಕೋಣ್‌ತೋಬಿ ಉಶೇತೊ, ಯೋ ತುಮಾರೊ ಸೇವಕ್ ಹುಯಿರ‍್ಹೇಣು. 
\v 28 ಅಮ್ಮಸ್ ಅದ್ಮಿನೊ ಛಿಯ್ಯೋಬಿ ಸೇವೆ ಕರೈಲ್ಯವಾನಖ್ಹಾಜೆ ಕೋ ಆಯೋನಿ, ಪಣ್ಕಿ ಸೇವೆ ಕರಾನ ಅಜು಼ ಇನೊ ಜಾನ್ನ ದೀನ್, ಕೈಯೆಕ್ಕಿ ಅದ್ಮಿನ ಛೋ಼ಡೈಲ್ಯವಾನಖ್ಹಾಜೆ ಆಯೊ” ಕರಿ ಬೋಲ್ಯೊ.
\s ಯೇಸುನೆ ಬೇ ಜ಼ಣ ಕಾಣಾನ ಅಛ್ಛು಼ ಕರ‍್ಯೋತೊ
\r (ಮಾರ್ಕ 10:46-52; ಲೂಕ 18:35-43)
\p
\v 29 ಯೇಸು ಅಜು಼ ಇನ ಶಿಷ್ಯರ್‌ ಯೆರಿಕೋಥು ಚ಼ಲ್ಯಾಜ಼ವ್‍ಕರ್ತಥಾತೆ ವಖ್ಹತ್‌ಮ, ಅದ್ಮಿನಿ ಮೋಟಿ ಭೀಡ್ ಇನ ಪೀಠೆ ಗಯು. 
\v 30 ತದೆ ಮಾರಗ್‌ನ ಶೇಡೆ ಬೆಠಾಥಾತೆ ಬೇ ಜ಼ಣ ಕಾಣಾನ ಯೇಸು ಹಜ್ಜಾ಼ಸ್‌ಕರಿ ವಳ್ಯೊಜಾ಼ಸ್ ಕರಿ ಖ್ಹಮ್‌ಜಿನ್‌, “ಪ್ರಭು, ದಾವೀದ್‌ನ ಛಿಯ್ಯಾ! ಹಮಾರಪರ್ ಗೋರ್‌ಕರ್‌” ಕರಿ ಚಿಕ್ರಾಲಗ್ಯಾ.
\p
\v 31 ಯೋ ಭೀಡ್‌ಮ ಥೂತೆ ಅದ್ಮಿಖ್ಹಾರು ಇವ್ಣುನ ಗುರ್‌ಕೈನ್, “ಖ್ಹೊಪೇಥಿರ‍್ಹವೊ” ಕರಿ ಬೋಲ್ಯು. ತೋಬಿ ಭೇ ಕಾಣಾವ್ನೆ ಬಿಜೂ಼ಬಿ ಜೋ಼ರೇಖ್ಹು ಚಿಕ್ರಿನ್, “ಪ್ರಭು, ದಾವೀದ್‌ನ ಛಿಯ್ಯಾ! ಹಮಾರಪರ್ ಗೋರ್‌ ಕರ್‌” ಕರಿ ಬೋಲ್ಯ.
\p
\v 32 ತದೆ ಯೇಸುನೆ ಭೀರಿನ್, ಇವ್ಣುನ ಬುಲೈನ್, “ಮೇ ತುಮೂನ ಶಾತ್ ಕರ‍್ನು?” ಕರಿ ಇವ್ಣುನ ಪುಛಾ಼ಯೊ.
\p
\v 33 ಇವ್ಣೆ, “ಪ್ರಭು, ಹಮಾರ ಡೋಳಾ ದೆಖಾವಾನಿಘೋಣಿ ಕರ್ಲಾ!” ಕರಿ ಬೋಲ್ಯು.
\p
\v 34 ತದೆ ಯೇಸುನೆ ಇವ್ಣಾಪರ್ ಗೋರ್‌ಖೈನ್, ಇವ್ಣ ಡೋಳಾನ ಛೀಮ್ಯೊ. ತದ್‌ನು ತದ್ದೇಸ್ ಇವ್ಣ ಡೋಳಾ ಐಗಯ, ಅಜು಼ ಇವ್ಣೆ ಇನ ಪೀಠೆ ಗಯ.
\c 21
\s ಯೇಸು ರಾಜಾ಼ನಿಘೋಣಿ ಯೆರೂಸಲೇಮ್ಮ ಗಯೋತೆ
\r (ಮಾರ್ಕ 11:1-11; ಲೂಕ 19:28-40; ಯೋಹಾನ 12:12-19)
\p
\v 1 ಯೇಸು ಅಜು಼ ಇನ ಶಿಷ್ಯರ್‌ ಯೆರೂಸಲೇಮ್‌ನ ಖನ್ನೆ-ಖನ್ನೆ ಐನ್, ಆಲಿವ್ ಪಹಾಡ್‌ಕನ ಛಾ಼ತೆ ಬೆತ್ಫಗೆ ಕರಿ ಗಾಮ್‌ಕನ ಆಯಾ. ತದೆ ಯೇಸುನೆ ಇನ ಬೇ ಶಿಷ್ಯರ್‌ನ ಬುಲೈನ್, 
\v 2 “ತುಮಾರ ಖ್ಹಾಮ್ಣೆ ಛಾ಼ತೆ ಗಾಮ್ಮ ಜಾ಼ವೊ, ಜಾ಼ತಸ್‌ನ ಹಿಜ್ಜಾ಼ ಭಂದೈರ‍್ಹೀಶೆತೆ ಗಧೇಡಾನ ಅಜು಼ ಇನಜೋ಼ಡೆ ಛಾ಼ತೆ ಇನ ಚೆಲ್ಕಾನ ದೇಕ್‌ಶು; ಯೋ ಭೇನ ಛೋ಼ಡಿಲಿನ್, ಮಾರಕನ ಲ್ಯಾವೊ. 
\v 3 ಕೋಣ್‌ತೋಬಿ ತುಮೂನ ಶಾತ್‌ತೋಬಿ ಬೋಲ್ಯೂತೊ, ‘ಪ್ರಭುನ ಆ ಹೋಣುಕಸ್; ಅಜು಼ ಒಗ್ಗಿಸ್‌ಮ ಯೋ ಅನ ಮೋಕ್ಲಿದಿಶೆ’ ಕರಿ ಬೋಲೊ” ಕರಿ ಬೋಲಿನ್ ಮೋಕ್‌ಲ್ಯೊ.
\p
\v 4 ಏಕ್‌ ಪ್ರವಾದೀನ ಮ್ಹೋಡವಾಟೆ ಬೋಲಾಯೋತೆ ವಾತೆ ಚಾ಼ಲಾನಖ್ಹಾಜೆ ಅಮ್ ಹುಯೂತೆ: ಯೋ ವಾತೆ ಶಾತ್ ಕತೊ,
\q1
\v 5 ಚೀಯೋನ್ ನಂಗರ‍್ನ ಬೋಲೊ,
\q2 ದೇಕ್ ತಾರೊ ರಾಜ಼ ತಾರಕನ ವಳ್ಯಾವಸ್,
\q1 ಯೋ ಖ್ಹುದ್‌ನ ಝು಼ಕೈಲೀನ್, ಗಧೇಡಾಪರ್ ಬೇಶಿನ್,
\q2 ಒಹೊ, ಗಧೇಡಾನ ಚೆಲ್ಕಪರ್‌ ಬೇಶಿನ್ ವಳ್ಯಾವಸ್’ ಕರಿ ಬೋಲಾನುಸ್.
\p
\v 6 ತದೆ ಶಿಷ್ಯರ್‌ ಜೈ಼ನ್, ಯೇಸುನೆ ಇವ್ಣುನ ಬೋಲ್ಯೋತೆ ಇಮ್ಮಸ್ ಕರ‍್ಯು. 
\v 7 ಇವ್ಣೆ ಗಧೇಡಾನ ಅಜು಼ ಗಲ್‌ಢ ಚೆಲ್ಕಾನ ಲೈನ್‌, ಇನಪರ್ ಇವ್ಣ ಲುಂಗ್ಡಾವ್‍ನ ನಾಖ್ಯು. ಯೇಸು ಇನಾಪರ್ ಚ಼ಢೀನ್ ಬೇಶಿಗಯೊ. 
\v 8 ತದೆ ಅದ್ಮಿನಿ ಝೂ಼ಂಡ್‌ಮ ಥೂತೆ ಘಣು ಅದ್ಮಿ ಇವ್ಣ ಲುಂಗ್ಡಾವ್‍ನ ವಾಟ್‌ಪರ್ ಬಿಛಾ಼ಯು, ಬಿಜು಼ ಥೋಡಾನೆ ಝಾ಼ಡಾನಿ ಡಾಳಿಯೇನ ಕತ್ರಿಲೈನ್, ವಾಟ್‌ಪರ್ ನಾಖ್ಯು. 
\v 9 ಯೇಸುನ ಖ್ಹಾಮ್ಣೆ ಅಜು಼ ಪೀಠೆ ಝೂ಼ಂಡ್‌ಥಿ ವಳ್ಯುಜಾ಼ತುಥೂತೆ ಅದ್ಮಿಖ್ಹಾರು, “ದಾವೀದ್‌ನ ಛಿಯ್ಯಾನ ಸ್ತುತಿಹುವ್ವಾದೆ! ಪ್ರಭು ದೇವ್ನ ನಾಮ್‌ಪರ್‌ ಆವಾಳಾನ ಆಶೀರ್ವಾದ್‌ ಹುವಾದೆ! ಉಪ್ಪರ್‌ಲ್ಯ ಲೋಕಾಮ ದೇವ್ನ ಧನ್ಯವಾದ್ ಹುವಾದೆ!” ಕರಿ ಚಿಕ್‌ರ‍್ಯು.
\p
\v 10 ಯೇಸು ಯೆರೂಸಲೇಮ್‌ನ ಜಾ಼ವಾದಿನ್, ಯೋ ಖ್ಹಯೇರ್ ಅಖ್ಖುಸ್ ಚಿಕ್ರಾಣ್ ಪಡೀನ್, “ಆ ಕೋಣ್?” ಕರಿ ಅದ್ಮಿಖ್ಹಾರು ಪುಛಾ಼ಯು.
\p
\v 11 ತದೆ ಯೋ ಅದ್ಮಿನಿ ಝೂ಼ಂಡ್‌ನೆ, “ಆ ಪ್ರವಾದಿ ಹುಯಿರ‍್ಹೋತೆ ಯೇಸು, ಆ ಗಲಿಲಾಯಾನು ನಜ಼ರೇತ್‌ವಾಳೊ” ಕರಿ ಜವಾಬ್‌ ದಿದು.
\s ಯೇಸು ಮಂದಿರ್‌ಮ ಗಯೋತೆ
\r (ಮಾರ್ಕ 11:15-19; ಲೂಕ 19:45-48; ಯೋಹಾನ 2:13-22)
\p
\v 12 ಯೇಸು ಮಂದಿರ್‌ಮ ಜೈ಼ನ್, ಹಿಜ್ಜಾ಼ ವೇಚ಼ವಾಳ ಅಜು಼ ಲ್ಯವಾಳ ತಮಾಮ್‌ ಅದ್ಮಿನ ಭಾರ್‌ ನಖ್ಹಾಡಿದಿದೊ. ಪೈಶಾ ತೋಡಾವಾನು ಧಂದೊ ಕರಾವಾಳಾನ ಅಜು಼ ಪರ‍್ಯಾವೊ ವೇಚ಼ವಾಳಾನು ಮೇಜ್‌ನ ರಡ್‌ಕೈನಾಖಿದಿದೊ. 
\v 13 ಅಜು಼ ಇವ್ಣ ಖ್ಹಾರಾನ, “ದೇವ್ನೆ ಬೋಲ್ಯೋತೆ ಇಮ್‌, ‘ಮಾರಿ ಮಂದಿರ್‌ ಪ್ರಾರ್ಥನೇನು ಘರ್ ಕರಿ ಬೋಲೈಲಿಶೆ’ ಕರಿ ವಚನ್‌ಮ ಲೀಖೈರ‍್ಹೂಸ್‌ನಿ ಕತೋಬಿ ತುಮೆ ಇನ ಚೋ಼ರ್‌ನಿ ಲಪಾನಿ ಘವಿ ಕರುಕರಸ್!” ಕರಿ ಬೋಲ್ಯೊ.
\p
\v 14 ತದೆ ಕಾಣು ಅಜು಼ ಲಂಗ್ಡುಖ್ಹಾರು ಮಂದಿರ್‌ಮ ಇನಾಕನ ಆಯು, ಯೇಸುನೆ ಇವ್ಣುನ ಅಛ್ಛು಼ ಕರ‍್ಯೊ. 
\v 15 ಕತೋಬಿ ಗಲ್‌ಢಯಾಜಕರ್‌ ಅಜು಼ ಮೋಶೆನಿ ವಚನ್ ಶಿಕಾಡವಾಳ ಶಾಸ್ತ್ರಿಯೇನೆ ಯೇಸುನೆ ಕರ‍್ಯೊತೆ ಆಶ್ಚರ್ಯನು ಕಾಮ್ನಖ್ಹಾರು ಅಜು಼ ದಾವೀದ್‌ನ ಛಿಯ್ಯಾನ ಸ್ತುತಿಹುವ್ವಾದೆ ಕರಿ ಮಂದಿರ್‌ಮ ಚಿಕ್ರುಕರ್ತುಥೂತೆ ಲಡ್ಕಾವ್ನ ದೇಖಿನ್, ಖೀಜ಼್‌ಖಾದು. 
\v 16 ಇನಖ್ಹಾಜೆ ಇವ್ಣೆ ಯೇಸುನ, “ಅವ್ಣೆ ಬೋಲುಕರಾತೆ ಇನ ತೂ ಖ್ಹಮ್‌ಜು಼ಕರಾಸ್ಕಿ ಶು?” ಕರಿ ಪುಛಾ಼ವ್‌ತಾನ,
\p ಯೇಸುನೆ, “ಓಹೊ, ಖ್ಹಮ್‌ಜು಼ಕರೂಸ್, ‘ಅಡ್ಡಾಣಿ ಲಡ್ಕಾವ್‍ನ ಮ್ಹೋಡವಾಟೆ ಅಜು಼ ದೂದ್ ಪಿಯ್ಯಾವಾಳ ಲಡ್ಕಾವ್ನ ಮ್ಹೋಡವಾಟೆ ಸ್ತುತಿ ಕರಾಯೊ’ ಕರಿ ವಚನ್‌ಮ ಛಾ಼ತೆ ಇನ ತುಮೆ ಪಢ್ಯಾಕೊಯ್ನಿಕಿ ಶು?” ಕರಿ ಬೋಲ್ಯೊ.
\p
\v 17 ಅನಕೇಡೆಥು ಯೇಸು ಇವ್ಣುನ ಮ್ಹೆಂದಿನ್, ಖ್ಹಯೇರ್‌ಥು ನಿಕ್ಳಿನ್, ಬೇಥಾನ್ಯ ಗಾಮ್ಮ ಐನ್, ಹಿಜ್ಜಾ಼ಸ್ ರಾತ್‌ ಕಾಡ್ಯೊ.
\s ಯೇಸುನೆ ಅಂಜೀರ್‌ನ ಝಾ಼ಡಾನ ಶಾಪ್ ದಿದೋತೆ
\r (ಮಾರ್ಕ 11:12-14,20-24)
\p
\v 18 ತಿನವ್ಹಾಣೆ ಯೇಸು ಪಾಛೊ಼ಫರಿ ಯೆರೂಸಲೇಮ್‌ ಖ್ಹಯೇರ‍್ನ ಜಾ಼ವಾನಿ ವಖ್ಹತ್‌ಮ, ಯೇಸುನ ಭುಕ್‌ಲಾಗ್ಯು. 
\v 19 ಇನೆ ವಾಟ್ನ ಶೇಡೆಏಕ್‌ ಅಂಜೀರ್‌ನ ಝಾ಼ಡಾನ ದೇಖಿನ್, ಇನಖನ್ನೆ ಜೈ಼ನ್, ಇನಾಮ ಖಲಿ ಪಾಂದ್‍ಡುಸ್ ಪಣ್ಕಿ, ಬಿಜು಼ ಶಾತ್ಬಿ ಕೋಥುಂತೆ ದೇಖಿನ್, “ಅನಾಪರ್‌ಥು ತೂ ಬಿಜು಼ ಕದೆಕದೇಬಿ ಪಂಡು ನಾ ಮ್ಹೇಲ್‌ನೂತೆ ಇಮ್‌ ಹುವಾದೆ!” ಕರಿ ಬೋಲ್ಯೊ. ತದ್‌ನು-ತದ್ದೇಸ್ ಯೋ ಅಂಜೀರ್‌ನು ಝಾ಼ಡು ಖ್ಹುಕೈಗಯು.
\p
\v 20 ಶಿಷ್ಯರ್‌ನೆ ಅನ ದೇಖಿನ್, ಆಶ್ಚರ್ಯಖೈನ್, “ಅಂಜೀರ್‌ನು ಝಾ಼ಡ್ ಎಕ್ಕಸ್ ಘಡೀಮ ಖ್ಹುಕೈಗಯೂತೆ ಕಿಮ್?” ಕರಿ ಪುಛಾ಼ಯ.
\p
\v 21 ಯೇಸುನೆ, “ತುಮುನ ಖ್ಹಾಚ ಬೋಲುಸ್, ತುಮೆ ಗುಮಾನಿ ಕರಾಕೊಂತೆ ಇಮ್‌ ವಿಶ್ವಾಸ್ ಕರ‍್ಯಾತೊ, ಮೇ ಆ ಅಂಜೀರ್‌ನ ಝಾ಼ಡಾನ ಕರ‍್ಯೊತೆ, ಇಮ್ಮಸ್, ತುಮೇಬಿ ಕರ್ಶು. ಅಜು಼ ಎತ್ರೆಸ್ ಕಾಹೆತೆ,ಆ ಪಹಾಡ್‌ನ, ‘ತೂ ಉಖ್‌ಡೈ ಜೈ಼ನ್, ದರ‍್ಯಾವ್‌ಮ ಪಡ್’ ಕರಿ ಬೋಲ್ಯಾತೋಬಿ ಯೋ ಉಶೆ. 
\v 22 ತುಮೆ ನಂಬಿನ್, ಪ್ರಾರ್ಥನೆಮ ಶಾತ್ ಮಾಂಗೋಸ್‌ಕಿ ಯೋ ತುಮೂನ ಮಳ್‌ಶೆ” ಕರಿ ಬೋಲ್ಯೊ.
\s ಯೇಸುನಿ ಹಕ್‌ನಿ ಬಾರೇಮ ಪುಛಾ಼ಯೂತೆ
\r (ಮಾರ್ಕ 11:27-33; ಲೂಕ 20:1-8)
\p
\v 23 ಯೇಸು ಪಾಛೊ಼ ಮಂದಿರ್‌ಮ ಐನ್, ವಚನ್ನ ಬೋಲಿದೆವ್‍ಕರಾನಿ ವಖ್ಹತ್‌ಮ, ಗಲ್‌ಢಯಾಜಕರ್‌ ಅಜು಼ ಶಾಣುಖ್ಹಾರು ಇನಾಕನ ಆಯಿನ್, “ತೂ ಖೆವಿ ಹಕ್‌ಥಿ ಆ ಖ್ಹಾರು ಕರುಕರಸ್? ಆ ಹಕ್ನ ತುನ ದಿದೂತೆ ಕೋಣ್?” ಕರಿ ಪುಛಾ಼ಯು.
\p
\v 24 ಯೇಸುನೆ ಇವ್ಣುನ, “ಮೇ ತುಮೂನ ಏಕ್‌ ಸವಾಲ್ ಪುಛಾ಼ವ್‍ಸ್, ತುಮೆ ಮನ ಜ಼ವಾಬ್ ದಿದಾತೊ, ಮೇ ಹಕ್‌ಥಿ ಆ ಖ್ಹಾರು ಕರುಸ್ ಕರಿ ತುಮೂನ ಬೋಲುಸ್. 
\v 25 ಬ್ಯಾಪ್ತಿಸ್ಮ ದ್ಯವಾನಿ ಹಕ್ ಯೋಹಾನ್ನ ಕಿಜ್ಜಾ಼ಥಿ ಆಯಿ? ಪರಲೋಕ್‌ಥೀಕಿ, ನತರ್‌ಕಿ ಅದ್ಮಿಥಿ?” ಕರಿ ಪುಛಾ಼ಯೊ.
\p ತದೆ ಇವ್ಣೆ, “ದೇವ್‍ಥಿ ಆಯು ಕರಿ ಅಪ್ಣೆ ಬೋಲ್ಯಾತೊ, ‘ಇಮ್‍ಕತೊ, ತುಮೆ ಇನ ಶನ ನಂಬ್ಯಾಕೊಯ್ನಿ’ ಕರಿ ಅಪ್ಣುನ ಬೋಲ್‌ಶೆ. 
\v 26 ‘ಅದ್ಮಿಥಿ ಆಯು’ ಕರಿ ಬೋಲ್ಯಾತೊ, ಅಪ್ಣುನ ಅದ್ಮಿನೊ ಡರ್‌ ಛಾ಼” ಕರಿ ಇವ್ಣ-ಇವ್ಣ ಮಹಿಸ್ ಬೋಲಿಲಿದು. ಶನಕತೊ, ಯೋಹಾನ ಏಕ್‌ ಪ್ರವಾದಿ ಕರಿ ತಮಾಮ್‌ ಅದ್ಮಿ ಶಕ್‌ಕೊಂತೆ ಇಮ್‌ ನಂಬಿರಾಖ್ಯುಥು. 
\v 27 ಇನಖ್ಹಾಜೆ ಇವ್ಣೆ, “ಹಮೂನ ಮಾಲುಮ್ ಕೊಯ್ನಿ” ಕರಿ ಯೇಸುನ ಜ಼ವಾಬ್ ದಿದು.
\p ತದೆ ಯೇಸುನೆ ಇವ್ಣುನ, “ಮೇಬಿ ಖೆವಿ ಹಕ್‌ಥಿ ಆ ಖ್ಹಾರು ಕರುಸ್ ಕರಿ ತುಮೂನ ಕೋ ಬೋಲೂನಿ” ಕರಿ ಬೋಲ್ಯೊ.
\s ಬೇ ಛಿಯ್ಯಾನಿ ಬಾರೇಮಾನು ಮತ್ಲಬ್‌ನಿ ಖೇಣಿ
\p
\v 28 “ಕತೋಬಿ ತುಮೂನ ಕಿಮ್ ದೆಖಾವಸ್? ಏಕ್‌ ಅದ್ಮಿನ ಬೇ ಛಿಯ್ಯಾ ಥಾ. ಇನೆ ಇನ ಮೋಟಾ ಛಿಯ್ಯಾಕನ ಜೈ಼ನ್, ‘ಛಿಯ್ಯಾ, ಆಜ಼್ ತೂ ಜೈ಼ನ್, ದ್ರಾಕ್ಷಿನ ಬಾಗ್‌ಮ ಕಾಮ್ ಕರ್‌’ ಕರಿ ಬೋಲ್ತಾನ, 
\v 29 ಇನೆ, ‘ಮೇ ಕೋ ಜ಼ವ್‍ನಿ’ ಕರಿ ಬೋಲೀನ್‌ಬಿ, ಬಾದ್‌ಮ ಮನ್ ಫರೈಲಿನ್, ಬಾಗ್‌ಮ ಗಯೊ. 
\v 30 ಇನಕೇಡೆಥು ಬಾನೆ ನ್ಹಾನ ಛಿಯ್ಯಾಕನ ಜೈ಼ನ್, ಯೋಸ್ ವಾತೇನ ಬೋಲ್ಯೊ. ತದೆ ಇನೆ, ‘ಜ಼ವುಸ್‌ಲಾ ಬಾ’ ಕರಿ ಬೋಲಿನ್‌ಬಿ ಕೋಸ್‍ಗಯೋನಿ. 
\v 31 ಇವ್ಣ ಭೇಮ ಬಾನಿ ಮರ್ಜಿನಿಘೋಣಿ ಚಾ಼ಲಿಲಿದುತೆ ಕೋಣ್?” ಕರಿ ಪುಛಾ಼ವ್‌ತಾನ,
\p ಇವ್ಣೆ, “ಮೋಟೊ ಛಿಯ್ಯೋಸ್” ಕರಿ ಬೋಲ್ಯು.
\p ತದೆ ಯೇಸುನೆ ಇವ್ಣುನ, “ಮೇ ತುಮೂನ ಖ್ಹಾಚ ಬೋಲುಸ್: ಶುಂಕ ಮಾಂಗವಾಳು ಅಜು಼ ಶೂಳೆ ತಯೇಡ ಖ್ಹಾರಿ ತುಮಾರೇಥಿ ಅಗಾಡಿ ದೇವ್ನಿ ರಾಜ್ಯಮ ಜಾ಼ಶೆ. 
\v 32 ಬ್ಯಾಪ್ತಿಸ್ಮ ದ್ಯವಾಳೊ ಯೋಹಾನ ತುಮಾರಕನ ಆಯಿನ್, ತುಮೂನ ಜಿವಾನೊ ಬರೋಬರ್‌ನ ಮಾರಗ್‌ನ ವತಾಳ್ಯೊ, ತೋಬಿ ತುಮೆ ಇನ ನಂಬ್ಯಾಕೊಯ್ನಿ; ಕತೋಬಿ ಶುಂಕ ಮಾಂಗವಾಳು ಅಜು಼ ವ್ಯಬಿಚಾರ್‌ ಕರವಾಳು ಖ್ಹಾರು ಇನ ನಂಬ್ಯು. ಅನ ದೇಖಿನ್‌ಬಿ ತುಮೆ ತುಮಾರು ಮನ್‍ಫರಾಯಕೊಯ್ನಿ, ಇನಾಬಿ ನಂಬ್ಯಾ ಕೊಯ್ನಿ.
\s ದ್ರಾಕ್ಷಿನ ಬಾಗ್‌ನ ವಾರ್‌ನ ಕರಿರಾಖವಾಳಾನಿ ಬಾರೇಮಾನಿ ಮತ್ಲಬ್‌ನಿ ಖೇಣಿ
\r (ಮಾರ್ಕ 12:1-12; ಲೂಕ 20:9-19)
\p
\v 33 “ಬಿಜೇಕ್ ಮತ್ಲಬ್‌ನಿ ಖೇಣಿನ ಖ್ಹಮ್‌ಜೊ಼: ಏಕ್‌ ಜ಼ಮೀನ್‌ದಾರ್ ಥೊ. ಇನೆ ಇನಿ ಜ಼ಮೀನ್‌ಮ ದ್ರಾಕ್ಷಿನೊ ಬಾಗ್‌ನ ಬಣೈನ್, ಇನ ಅಶ್‌ಪಿಶ್ ವಾಡ್‌ಗಿ ನಖೈನ್, ದ್ರಾಕ್ಷಿನೊರಖ್ಹ್ ಕಾಡಾನಖ್ಹಾಜೆ ಖಾಡ್ ಖೋಂದೈನ್, ಕಾವ್ಲಿನಖ್ಹಾಜೆ ಅಟ್‌ಲೊ ಭಂದಾಯೊ. ಅನಕೇಡೆಥು ಯೋ ಬಾಗ್‌ನ ಇನೆ ವಾರ್‌ನ ಕರಾವಾಳನ ಹಾತ್‌ಮ ದೀನ್, ದೇಖ್ಹ್‌ಪರ್ ಚ಼ಲೆಗಯೊ ಕರಿ ಯೇಸುನೆ ಬೋಲ್ಯೊ. 
\v 34 ಪಂಡಾ ತೋಡಾನಿ ವಖ್ಹತ್ ಆವಾದಿನ್, ಇನ ಆವ್ಣುತೆ ಭಾಗ್‌ ಲ್ಯವಾನಖ್ಹಾಜೆ ಯೋ ವಾರ್‌ನ ಕರಿರಾಖವಾಳಕನ ಇನ ಆಳ್‌ನ ಖ್ಹಾರು ಮೋಕ್‌ಲ್ಯೊ. 
\v 35 ಕತೋಬಿ ಯೋ ವಾರ್‌ನ ಕರಿರಾಖವಾಳಾವ್‍ನೆ ಇನ ಆಳ್‌ನ ಖ್ಹಾರು ಧರೀನ್, ಏಕ್‌ನ ಮಾರ‍್ಯು, ಬಿಜೇಕ್‌ನ ಮಾರಿಸ್‌ನಾಖ್ಯು, ಅಜು಼ ಏಕ್‌ನ ಬಂಡಾ ಫೇಕಿನ್ ಮಾರ‍್ಯು. 
\v 36 ಯೋ ಬಾಗ್‌ನ ಯಜಮಾನ್ನೆ ಪಾಛೊ಼ ಅಗಾಡಿ ಮೋಕ್‌ಲ್ಯೋಥೋತೆ ಇನೇಥಿಬಿ ಜಾ಼ಖ್ಹತ್ ಆಳ್‌ನ ಖ್ಹಾರು ಮೋಕ್‌ಲ್ಯೊ. ವಾರ್‌ನ ಕರಿರಾಖವಾಳನೆ ಇವ್ಣುನಾಬಿ ಇಮ್ಮಸ್ ಕರ‍್ಯು. 
\v 37 ಬಾದ್‌ಮ, ‘ಮಾರ ಛಿಯ್ಯಾನ ತೋಬಿ ಮರ್ಯಾದಿ ದಿಶೆ’ ಕರಿ ಬೋಲಿನ್, ಇನ ಛಿಯ್ಯಾನ ಇವ್ಣಾಕನ ಮೋಕ್‌ಲ್ಯೊ. 
\v 38 ಕತೋಬಿ ಯೋ ವಾರ್‌ನ ಕರಿರಾಖವಾಳು ಖ್ಹಾರು ಇನ ಛಿಯ್ಯಾನ ದೇಖಿನ್, ‘ಆಸ್ ಮಾಲಿಕ್‌ನೊ ಛಿಯ್ಯೊ, ಆವೊ, ಅನ ಮಾರಿನಾಖಿದಿಯ್ಯೆ, ತದೆ ಇನು ಶೊತ್ ಅಪ್ಣು ಹುಯಿಜಾ಼ಶೆ’ ಕರಿ ಇವ್ಣ-ಇವ್ಣಾಮ ವಾತೆ ಬೋಲಿಲೀನ್, 
\v 39 ಇನ ಧರೀನ್, ದ್ರಾಕ್ಷಿನ ಬಾಗ್‌ಥಿ ಭಾರ್ ಫೇಕಿನ್, ಇನ ಮಾರಿನಾಖ್ಯು.\fig ದ್ರಾಕ್ಷಿನ ಬಗೀಛಾಮ ಕಾವ್ಲಿನೊ ಅಟ್ಲೊ|alt="Watchtower in a vineyard" src="hk00105c.tif" size="col" copy="Horace Knowles ©" ref="21:33"\fig*
\p
\v 40 ಇಮ್‍ಕತೊ, ದ್ರಾಕ್ಷಿನೊ ಬಾಗ್‌ನೊ ಯಜಮಾನ್ ಆವಾದಿನ್, ಯೋ ವಾರ್‌ನ ಲೀರಾಖ್ಯುಥೂತೆ ಇವ್ಣುನ ಶಾತ್ ಕರ್ಶೆ?” ಕರಿ ಯೇಸುನೆ ಇವ್ಣುನ ಪುಛಾ಼ಯೊ.
\p
\v 41 ಇವ್ಣೆ ಇನ, “ಯೋ ಖರಾಬ್ ಅದ್ಮಿ ಖ್ಹಾರಾನ ಮಾರಿನಾಖಿದೀನ್, ಖ್ಹುಗ್ಗೀನ ದನ್ಮ ಇನು ವಾಟೊ ಬರೋಬರ್‌ಥಿ ದ್ಯವಾಳ ಬಿಜ಼ ವಾರ್‌ನ ಕರಾವಾಳಾನ ಇನ ಬಾಗ್‌ನ ದಿಶೆ” ಕರಿ ಜವಾಬ್‌ ದಿದು.
\p
\v 42 ಯೇಸುನೆ ಇವ್ಣುನ,
\q1 “ಘರ್ ಭಾಂದಾವಾಳು ನಕೊಕರಿ ಧಕೇಲೈ ಗಯೋತೆ ಬಂಡೋಸ್,
\q2 ಅಖ್ಖೇಥಿ ಹೋಣುತೆ ಕೋಣಾನೊ ಬಂಡೊ ಹುಯೊ.
\q1 ‘ಆ ಪ್ರಭುನೇಸ್ ಕರ‍್ಯೊತೆ,
\q2 ಆ ಅಪ್ಣ ಡೋಳಾಮ ಆಶ್ಚರ್ಯ ದೆಖಾವಸ್!’ ಕರಿ ಧರ್ಮಶಾಸ್ತ್ರಮ ಛಾ಼ತೆ ತುಮೆ ಕದೆತೋಬಿ ಪಢ್ಯಾಕೊಯ್ನಿಕಿ ಶು?
\p
\v 43 ಇನಖ್ಹಾಜೇಸ್ ಮೇ ತುಮೂನ ಬೋಲುಸ್ಕಿ: ದೇವ್ನಿ ರಾಜ್ಯನ ತುಮಾರಕಂಥು ಕಾಡಿಲೀನ್, ದೇವ್ನಿ ಮರ್ಜಿನಿಘೋಣಿ ಚಾ಼ಲಾಸ್ತೆ ಅದ್ಮಿನ ದೆವಾವ್‌ಶೆ. 
\v 44 ಆ ಬಂಡಾಪರ್ ಪಡಾವಾಳು ಟುಕ್‌ಡಾ-ಟುಕ್‌ಡಾ ಹುಯಿಜಾ಼ಶೆ; ಅಜು಼ ಆ ಬಂಡೊ ಕಿನಾಪರ್ ಪಡಾಸ್ಕಿ, ಇವ್ಣುನ ಬುಕ್‍ನು-ಬುಕ್‍ನು ಕರಿನಾಕ್‌ಶೆ” ಕರಿ ಬೋಲ್ಯೊ.
\p
\v 45 ಗಲ್‌ಢಯಾಜಕರ್‌ ಅಜು಼ ಫರಿಸಾಯರ್‌ನೆ ಯೇಸುನೆ ಬೋಲ್ಯೋತೆ ಮತ್ಲಬ್‌ನಿ ಖೇಣಿಯೇನ ಖ್ಹಮ್‌ಜಿನ್‌, ಆ ಅಪ್ಣೀಸ್‌ ಬಾರೇಮ ಬೋಲ್ಯೋತೆ ಕರಿ ಮಾಲುಮ್‌ ಕರಿಲೀನ್, 
\v 46 ಇನ ಧರ್‌ನು ಕರಿ ಕರ‍್ಯು. ಕತೋಬಿ ಅದ್ಮಿಖ್ಹಾರು ಯೇಸುನ ಪ್ರವಾದಿ ಕರಿ ಮಾನಿರಾಖ್ಯುಥೂತೆ ಇನಖ್ಹಾಜೆ ಅದ್ಮಿಥಿ ಡರಿಗಯು.
\c 22
\s ವ್ಯಹಾನು ಮಿಝ಼್‌ವಾನ್ನಿ ಬಾರೇಮಾನು ಮತ್ಲಬ್‌ನಿ ಖೇಣಿ
\r (ಲೂಕ 14:15-24)
\p
\v 1 ಯೇಸುನೆ ಬಿಜೂ಼ಬಿ ಮತ್ಲಬ್‌ನಿ ಖೇಣಿಥಿ ಅದ್ಮಿ ಖ್ಹಾರಾನ ಬೋಲ್ಯೋಕಿ, 
\v 2 “ಸೊರ್ಗಾನು ರಾಜ್ಯ ಇನ ಛಿಯ್ಯಾನಿ ವ್ಯಹಾ ಕರ‍್ಯೊತೆ ಏಕ್‌ ರಾಜಾ಼ನಿಘೋಣಿ ಛಾ಼. 
\v 3 ಇನೆ ವ್ಯಹಾನು ಮಿಝ಼್‌ವಾನ್ ಖಾವಾನ ಬುಲಾಯೊಥೋತೆ ಮೆಹೆಮಾನ್ನಖ್ಹಾರು ಬುಲಾವಾನಟೇಕೆ ಇನ ಆಳ್‌ನ ಖ್ಹಾರು ಮೋಕ್‌ಲ್ಯೊ, ಕತೋಬಿ ಇವ್ಣುನ ಆವಾನ ಮನ್ ಕೋ ಥೂನಿ. 
\v 4 ತದೆ ಇನೆ ಪಾಛೊ಼ ಬಿಜಾ಼ಖ್ಹಾರ ಆಳ್‌ನ ಬುಲೈನ್, ‘ತುಮೆ ಜೈ಼ನ್, ಮೇ ಮಿಝ಼್‌ವಾನ್ನ ಬುಲಾಯೊಥೋತೆ ಇವ್ಣುನ, ಹಂದೇಖೊ, ಮಿಝ಼್‌ವಾನ್ ತೈಯಾರ್ ಹುಯಿಗಯು, ಮಾರು ಢಾಂಡಾವ್‍ನ ಅಜು಼ ಪಲ್ಯಹುಯ ಮೇಂಢಾವ್ನ ರ‍್ಹೇ಼ಖ್ಹಯ್‌ರಾಖ್ಯೋಸ್; ಖ್ಹಾರುಸ್ ತೈಯಾರ್ ಹುಯಿಗಯು. ವ್ಯಹಾನು ಮಿಝ಼್‌ವಾನ್ ಖಾವಾನ ಆವೊ’ ಕರಿ ಬೋಲೊ” ಕರಿ ಹುಕುಮ್‌ ದೀನ್, ಮೋಕ್‌ಲ್ಯೊ. 
\v 5 ಕತೋಬಿ ಇವ್ಣೆ ಮಜು಼ರಸ್ ಕರ‍್ಯುಕೊಂತೆ ಏಕ್‌ ಜ಼ಣೊ ಖೇತರ್‌ನ, ಏಕ್‌ ಜ಼ಣೊ ಧಂದಾನ ಚ಼ಲೆಗಯೊ. 
\v 6 ಬಿಜು಼ ಥೋಡು ಜ಼ಣು ಯೋ ಆಳ್‌ನ ಖ್ಹಾರು ಧರೀನ್, ಇವ್ಣುನ ಮಾರಿನ್, ಮರ್‌ನಾಖಿದಿದು. 
\v 7 ತದೆ ಯೋ ರಾಜಾ಼ನೆ ಘಣು ಖಿಜೈ಼ನ್, ಇನು ದಂಡ್‌-ದಳ್‌ವಾಯಿನ ಮೋಕ್ಲಿನ್, ಇನ ಆಳ್‌ನ ಖೂನಿಯೇವ್ನ ಮರೈನಾಖ್ಯೊ ಅಜು಼ ಇವ್ಣು ಖ್ಹಯೇರ‍್ನ ಬಾಳಿನಾಖ್ಯೊ. 
\v 8 ಅನಕೇಡೆಥು ಇನೆ ಇನ ಆಳ್‌ ಖ್ಹಾರಾನ, “ವ್ಯಹಾನು ಮಿಝ಼್‌ವಾನ್ ತೈಯಾರ್ ಛಾ಼, ಕತೋಬಿ ಮೇ ಬುಲಾಯೊಥೋತೆ ಅದ್ಮಿಖ್ಹಾರು ಇನ ಲ್ಹಾಯಕ್‌ನು ಕೋ ಥೂನಿ. 
\v 9 ಇನಖ್ಹಾಜೇಸ್ ತುಮೆ ಗಲ್ಲಿ-ಗಲ್ಲಿಯೇಮ ಜೈ಼ನ್, ತುಮೂನ ದೆಖಾವಸ್ತೆ ಅದ್ಮಿಖ್ಹಾರಾನ ಬುಲಾವೊ” ಕರಿ ಬೋಲ್ಯೊ. 
\v 10 ಇಮ್ಮಸ್ ಯೋ ಆಳ್‌ಖ್ಹಾರು ಗಲ್ಲಿ ಗಲ್ಲಿಯೇಮ ಜೈ಼ನ್, ಅಛ಼್ಛು ಖರಾಬ್ ಕರಿ ದೇಖ್ಯುಕೊಂತೆ, ಇವ್ಣುನ ಮಳಾತೆ ಖ್ಹಾರ ಅದ್ಮಿನ ಎಕ್ಟು ಕರಿನ್, ಬುಲೈಲಿ ಆಯೊ; ಅಮ್ ಯೋ ವ್ಯಹಾನುಮಂಟಪ್ ಅಖ್ಖುಸ್ ಅದ್ಮಿ ಭರೈಗಯು.
\p
\v 11 ಅನ ಬಾದ್‌ಮ ಯೋ ರಾಜಾ಼ನೆ ಖಾಣನ ಬೆಠುಥೂತೆ ಇವ್ಣುನ ದೇಖಾನಖ್ಹಾಜೆ ಆಯೊ, ತದೆ ವ್ಯಹಾನು ಲುಂಗ್ಡ ಪೇರ‍್ಹಿರಾಖ್ಯುಕೊಂತೆ ಏಕ್‌ ಅದ್ಮಿನ ದೇಖಿನ್, 
\v 12 ‘ಅಲಾ ದೋಸ್ತ್, ವ್ಯಹಾನು ಲುಂಗ್ಡ ಕೊಂತೆ ತೂ ಕಿಮ್ ಮಹಿ ಆಯೊ?’ ಕರಿ ಪುಛಾ಼ಯೊ. ಕತೋಬಿ ಯೋ ಅದ್ಮಿನೆ ಶಾತ್ಬಿ ಜ಼ವಾಬ್ ಕೋ ದಿದೋನಿ. 
\v 13 ತದೆ ಯೋ ರಾಜಾ಼ನೆ ಇನ ಆಳ್‌ನ ಖ್ಹಾರು, ‘ಅನ ಹಾತ್-ಗೋಡ ಭಾಂದಿನ್, ಭಾರ್‌ ಅಂಧಾರಾಮ ಫೇಕಿದೆವೊ’ ಕರಿ ಬೋಲ್ಯೊ. ಹಿಜ್ಜಾ಼ ಅದ್ಮಿಖ್ಹಾರು ರೊವ್‌ತುಹುಯಿನ್, ಕರ್‌-ಕರ್‌ ದಾತ್‌ ಚಾ಼ವ್ತು ರ‍್ಹಿಶೆ.
\p
\v 14 ಅಮ್ ಬುಲಾಯೂತೆ ಘಣು ಅದ್ಮಿನ, ಕತೋಬಿ ಚೂ಼ಣಾಯೂತೆ ಥೋಡುಸ್ ಅದ್ಮಿ” ಕರಿ ಯೇಸುನೆ ಬೋಲ್ಯೊ.
\s ಶುಂಕ ಭಾಂದಾನಿ ಬಾರೇಮ ಪುಛಾ಼ಯೂತೆ
\r (ಮಾರ್ಕ 12:13-17; ಲೂಕ 20:20-26)
\p
\v 15 ತದೆ ಫರಿಸಾಯರ್ ಜೈ಼ನ್, ಯೇಸುನ ವಾತೇಮ ಖ್ಹಪ್‌ಡಾವ್ಣು ಕರಿ ವಾತೆ ಕರಿಲೀನ್, ಇನಾಕನ ಆಯು. 
\v 16 ಪರಿಸಾಯರ್‌ನು ಶಿಷ್ಯರ್‌ಮ ಥೋಡಾನ ಅಜು಼ ಹೆರೋದ ಭಣಿವಾಳ ಥೋಡು ಅದ್ಮಿನ ಮೋಕ್‍ಲ್ಯು. ಇವ್ಣೆ ಐನ್, “ಗುರು, ತೂ ಖ್ಹಾಚಿಸ್ ಬೋಲಾಸ್ ಕರಿ ಹಮೂನ ಮಾಲುಮ್. ತೂ ಅದ್ಮಿನಖ್ಹಾಜೆ ಛಾ಼ತೆ ದೇವ್ನಿ ಮರ್ಜಿನಿ ಬಾರೇಮ ಖ್ಹಾಚಿಸ್ ಬೋಲಿವತಾಳಸ್, ಎತ್ರೇಸ್ ಕಾಹೆತೆ ಅದ್ಮಿಖ್ಹಾರು ಶಾತ್‌ ಸೋಚ್‌ಶೆ ಕರಿ ಬೋಲಾನಿ ಬಾರೇಮ ತುನ ಫಿಕರ್ ಕೊಯ್ನಿ, ಶನಕತೊ, ತು ಕಿನಾಬಿ ಮ್ಹೋಡು ದೇಖಿನ್, ವಾತೆ ಬೋಲಾಕೊಯ್ನಿ. 
\v 17 ಇನಖ್ಹಾಜೇಸ್ ಹಮೂನ ಬೋಲ್, ಕೈಸರ್‌ನ ಶುಂಕ ಭಾಂದಾನು ನಿಯಮ್‌ಕಿ ಕೊಯ್ನಿ? ತುನ ಕಿಮ್ ದೆಖಾವಸ್?
\p
\v 18 ಯೇಸುನೆ ಇವ್ಣಿ ಖರಾಬ್ ಚಾ಼ಲ್‌ನ ಮಾಲುಮ್‌ ಕರಿಲೀನ್, “ತುಮೆ ಖೋಟ್ ದಿಲ್‌ವಾಳ! ತುಮೆ ಮನ ಖ್ಹಪ್‌ಡಾವ್ಣು ಕರಿ ಶನ ದೇಖೋಸ್ತೆ? 
\v 19 ಶುಂಕ ಭಾಂದಾಸ್ತೆ ಪೈಶಾನ ಮನ ವತಾಳೊ!” ಕರಿ ಬೋಲ್ಯೊ.
\p ಇವ್ಣೆ ಏಕ್ಕಾಖ್ಹ್‌ ಲಯಿನ್ ಇನ ದಿದು. 
\v 20 ತದೆ ಯೇಸುನೆ ಇವ್ಣುನ, “ಅನಾಪರ್ ಕಿನು ರೂಪ್ ಅಜು಼ ಕಿನುನಾಮ್‍ ಛಾ಼ತೆ?” ಕರಿ ಪುಛಾ಼ಯೊ.
\p
\v 21 ಇವ್ಣೆ, “ಕೈಸರ್‌ನು” ಕರಿ ಜ಼ವಾಬ್ ದಿದು.
\p ತದೆ ಯೇಸುನೆ ಇವ್ಣುನ, “ಇಮ್‍ಕತೊ, ಕೈಸರ್‌ನು ಶಾತ್ ಛಾ಼ಕಿ, ಯೋ ಕೈಸರ್‌ನ ದೆವೊ, ಅಜು಼ ದೇವ್‌ನು ಶಾತ್‌ ಛಾ಼ಕಿ, ಯೋ ದೇವ್ನ ದೆವೊ” ಕರಿ ಬೋಲ್ಯೊ.
\p
\v 22 ಇವ್ಣೆ ಆ ವಾತೇನ ಖ್ಹಮ್‌ಜಿನ್‌, ಆಶ್ಚರ್ಯಖೈನ್, ಇನ ಮ್ಹೆಂದಿನ್, ಚ಼ಲ್ಯುಗಯು.
\s ಮರ‍್ಯುಹುಯು ಪಾಛು಼ ಜಿವ್ತುಹುಯಿನ್ ಉಠಾನಿ ಬಾರೇಮ ಪುಛಾ಼ಯೂತೆ
\r (ಮಾರ್ಕ 12:18-27; ಲೂಕ 20:27-40)
\p
\v 23 ಯೋಸ್ ದನ್ನೆ ಸದ್ದುಕಾಯವಾಳು ಯೇಸುಕನ ಆಯು. ಅವ್ಣೆ ಮರ‍್ಯುಹುಯು ಅದ್ಮಿ ಪಾಛು಼ ಜಿವ್ತುಹುಯಿನ್ ಉಠಾಕೊಯ್ನಿ ಕರಿ ಬೋಲಾವಾಳು. 
\v 24 ಇವ್ಣೆ ಯೇಸುನ, “ಗುರು, ಏಕ್‌ ಅದ್ಮಿ ಲಡ್ಕಾಕೊಂತೆ ಮರಿಗೋತೊ, ಇನಿ ಬಾವಣ್ಣ ಇನೊ ಭೈ ಕರಿಲೇವ್ಣು, ಅಜು಼ ತದೆ ಇವ್ಣುನ ಲಡ್ಕಾ ಹುಯಾತೊ, ಯೋ ಲಡ್ಕಾ ಮರ‍್ಯೋತೆ ಭೈನ ಲಡ್ಕಾ ಹುಯಿರ‍್ಹಿಶೆ ಕರಿ ಮೋಶೆನೆ ಬೋಲಿರಾಖ್ಯೊಸ್.’ 
\v 25 ಹಜ್ಜಾ಼ ಖ್ಹಾತ್ ಜ಼ಣ ಭೈಯೆ ಥಾ. ಮೋಟೊ ಭೈ ವ್ಯಹಾ ಕರಿಲೀನ್, ಲಡ್ಕಾ ಕೊಯ್ನಿತೇಸ್ ಮರಿಗಯೊ, ಇನಖ್ಹಾಜೇಸ್ ಇನ ಭೈನೆ ಇನಿ ಬಾವಣ್ಣ ಕರಿಲಿದೊ. 
\v 26 ಯೋ ಬೇನೊ ಭೈನಾಬಿ ಇಮ್ಮಸ್ ಹುಯು, ಅಮ್ಮಸ್ ತೀನ್ನೊ ಭೈನಾಬಿ, ಅಜು಼ ಖ್ಹರ್ತಿಮ ಖ್ಹಾತೆ ಭೈಯೇನಾಬಿ ಇಮ್ಮಸ್ ಹುಯು. 
\v 27 ಆ ಖ್ಹಾರಾನ ಬಾದ್‌ಮ ಯೋ ತಯೇಡಾಬಿ ಮರಿಗೈ. 
\v 28 ಇಮ್‍ಕತೊ, ಮರವಾಳು ಜಿವ್ತುಹುಯಿನ್, ಆವ್‌ಶೇತೆ ತದೆ ಯೋ ತಯೇಡ ಖೆವಾನಿ ಬಾವಣ್‍ ಹುಯಿರ‍್ಹಿಶೆ? ಇವ್ಣೆ ಖ್ಹಾರಾಸ್ ಇನ ವ್ಯಹಾ ಕರಿಲಿದಾಥಾನಿ?” ಕರಿ ಪುಛಾ಼ಯು.
\p
\v 29 ಯೇಸುನೆ ಇವ್ಣುನ, “ತುಮೆ ಕೆತ್ರೆ ಗಲ್ತಿಮ ಪಡ್ಯಾಸ್ತೆ ದೇಖೊ! ಶನಕತೊ ತುಮೂನ ದೇವ್ನಿ ವಚನ್‌ಬಿ ನಾತೊ ದೇವ್ ಕೆತ್ರೆ ಶಕತ್‌ವಾಳೊ ಕರೀಬಿ ಮಾಲುಮ್‌ಕೊಂತೆ ಇನಖ್ಹಾಜೇಸ್. 
\v 30 ಮರವಾಳು ಜಿವ್ತುಹುಯಿನ್ ಆವ್‌ಶೇತೆ ತದೆ, ಇವ್ಣೆ ಸೊರ್ಗಾನು ದೂತರ್‌ನಿ ಘೋಣಿ ರ‍್ಹಿಶೆ, ಅಜು಼ ಇವ್ಣೆ ವ್ಯಹಾ ಕರ್ಶೆ ಕೊಯ್ನಿ. 
\v 31 ಮರವಾಳು ಜಿವ್ತುಹುಯಿನ್ ಆವ್‌ಶೇತೆ ಬಾರೇಮ ದೇವ್ನೆ ಬೋಲ್ಯೋತೆ ಇನ ತುಮೆ ಪಢ್ಯಾಕೊಯ್ನಿಕಿ ಶು? 
\v 32 ‘ಮೇ ಅಬ್ರಹಾಮ್‌ನೊ ದೇವ್, ಇಸಾಕನೊ ದೇವ್, ಯಾಕೋಬನೊ ದೇವ್ ಕರಿ ಯೋ ಜಿವ್ತಾ ಅದ್ಮಿನೊ ದೇವ್ ಹುಯಿರ‍್ಹೋಸ್, ಪಣ್ಕಿ ಮರ‍್ಯಾಹುಯಾನೊ ಕಾಹೆ” ಕರಿ ಬೋಲ್ಯೊ.
\p
\v 33 ಅದ್ಮಿಖ್ಹಾರು ಇನ ಖ್ಹಮ್‌ಜಿನ್‌, ಯೋ ಬೋಲಿವತಾಳಾಸ್ತೆ ಬಾರೇಮ ಆಶ್ಚರ್ಯ ಖಾದು.
\s ಖ್ಹಾರೇಥಿ ಮೋಟಿ ಹುಕುಮ್
\r (ಮಾರ್ಕ 12:28-34; ಲೂಕ 10:25-28)
\p
\v 34 ಯೇಸುನೆ ಬರೋಬರ್‌ನು ಜ಼ವಾಬ್‌ದೀನ್, ಸದ್ದುಕಾಯವಾಳನು ಮ್ಹೋಡು ಭಾಂದ್ಯೊ ಕರಿ ಫರಿಸಾಯರ್‌ನೆ ಖ್ಹಮ್‌ಜಿನ್‌, ಇವ್ಣೆ ಎಕ್ಟು ಹುಯಿನ್ ಹಿಜ್ಜಾ಼ ಆಯು. 
\v 35 ಇವ್ಣಾಮ ಥೋತೆ ಮೋಶೆನಿ ವಚನ್‍ ಶಿಕಾಡವಾಳೊ ಶಾಸ್ತ್ರಿಮ ಏಕ್‍ಜ಼ಣೊ ವಾತೆಥಿ ಯೇಸುನ ಖ್ಹಪ್‌ಡಾವ್ಣು ಕರಿ, 
\v 36 “ಗುರು, ಧರ್ಮಶಾಸ್ತ್ರನಿ ನಿಯಮ್ ಖ್ಹಾರೇಥಿ ಮೋಟಿ ಹುಕುಮ್ ಖೆವಿ?” ಕರಿ ಪುಛಾ಼ಯೊ.
\p
\v 37 ಯೇಸುನೆ, “ತಾರೊ ದೇವ್ ಹುಯಿರ‍್ಹೋತೆ ಪ್ರಭುನ ತಾರೊ ಪೂರ ದಿಲ್‌ಥಿ, ಪೂರ ಜಾನ್‌ಥಿ, ತಾರೊ ಪೂರ ಮನ್‌ಥಿ ಪ್ಯಾರ್‌ಕರ‍್ನು. 
\v 38 ಆಸ್ ಖ್ಹಾರೇಥಿ ಮೋಟಿ ಅಜು಼ ಮುಖ್ಯ ಹುಕುಮ್‌. 
\v 39 ಆಸ್ ಹುಕುಮ್‌ನಿಘೋಣಿ ಛಾ಼ತೆ ಬೇನೆ ಮುಖ್ಯ ಹುಕುಮ್ ಖೆವಿಕತೊ, ತಾರು ತೂ ಕಿಮ್ ಪ್ಯಾರ್ ಕರಾಸ್ಕಿ ಇಮ್ಮಸ್, ತಾರ ಭೀಡೆವಾಳಾನ ಪ್ಯಾರ್ ಕರ‍್ನು’ ಕರಿ ಬೋಲನುಸ್. 
\v 40 ಹಿಡಿ ಮೋಶೇನು ಧರ್ಮಶಾಸ್ತ್ರ ಅಜು಼ ಪ್ರವಾದೀನು ವಚನ್‌ಖ್ಹಾರು ಆ ಬೇಸ್ ಹುಕುಮ್‌ಪರ್ ಟಿಕ್ಯುಸ್ತೆ” ಕರಿ ಬೋಲ್ಯೊ.
\s ಕ್ರಿಸ್ತ ದಾವೀದ್ ರಾಜ಼ನೊ ಘರ್‌ವಾಳೊ
\r (ಮಾರ್ಕ 12:35-37; ಲೂಕ 20:41-44)
\p
\v 41 ಫರಿಸಾಯರ್ ಖ್ಹಾರು ಎಕ್ಟು ಹುಯಿನ್ ಆವಾದಿನ್, ಯೇಸುನೆ ಇವ್ಣುನ, 
\v 42 ಆವ್ಣುತೆ ಕ್ರಿಸ್ತನಿ ಬಾರೇಮ ತುಮಾರಿ ಸೋಚ್ ಶಾತ್? ಯೋ ಕಿನೊ ಛಿಯ್ಯೊ?” ಕರಿ ಪುಛಾ಼ಯೊ. ಇವ್ಣೆ,
\p “ಯೋ ದಾವೀದ್‌ನೊ ಛಿಯ್ಯೊ” ಕರಿ ಜ಼ವಾಬ್ ದಿದು.
\p
\v 43 ತದೆ ಯೇಸುನ, ದಾವೀದನೊ ಛಿಯ್ಯೊಕರಿ ಬೋಲ್ಯು. ತದೆ ಇನೆ,ಇಮ್‍ಕತೊ, ದಾವೀದಸ್‌, ಪವಿತ್ರಾತ್ಮನಿ ಖ್ಹಯಾಲ್‌ಥಿ ಇನ ಪ್ರಭುಕರಿ ಬುಲಾಯೋನಿ, ಯೋ ಕಿಮ್? 
\v 44 ಮೇ ತಾರ ದುಶ್‌ಮನ್ನ ಖ್ಹಾರು ತಾರ ಗೋಡ ಹೇಟ್ ನಾಖಾಲಗು, ಮಾರಿ ಖಾವಿ ಬಾಜೂ಼ಮ ಬೆಠೋರೆ ಕರಿ ಪ್ರಭುನೆ ಮಾರ ಮಾಲಿಕ್‌ನ ಬೋಲ್ಯೊ’ ಕರಿ ಪವಿತ್ರಾತ್ಮಥಿ ಬೋಲ್ಯೋನಿ. 
\v 45 ದಾವೀದಸ್‌ ಕ್ರಿಸ್ತನ ಪ್ರಭುಕರಿ ಬೋಲಾಪರ್, ಕ್ರಿಸ್ತ ದಾವೀದ್‌ನೊ ಛಿಯ್ಯೊ ಕಿಮ್ ಉಶೆ?” ಕರಿ ಬೋಲ್ಯೊ.
\p
\v 46 ಯೇಸುನೆ ಪುಛಾ಼ಯೋತೆ ಇನ ಕಿನಾಬಿ ಜ಼ವಾಬ್ ದ್ಯವಾನ ಕೋ ಹುಯೂನಿ, ಅತ್ರೇಸ್ ಕಾಹೆತೆ ತಪ್‌ಥು ಇನ ಬಿಜು಼ ಶಾತ್ಬಿ ಸವಾಲ್‌ಕರಾನ ಇವ್ಣೆ ಹಿಮ್ಮತ್ ಕೋ ಕರ‍್ಯುನಿ.
\c 23
\s ಯೇಸುನೆ ಪರಿಸಾಯರ್ ಅಜು಼ ಮೋಶೆನಿ ವಚನ್ನ ಶಿಕಾಡವಾಳ ಶಾಸ್ತ್ರಿಯೇನಿ ಬಾರೇಮ ಝೇತಾಯೊತೆ
\r (ಮಾರ್ಕ 12:38-39; ಲೂಕ 20:45-46)
\p
\v 1 ಅನಕೇಡೆಥು ಯೇಸುನೆ ಅದ್ಮಿನಿ ಝೂ಼ಂಡ್‌ನ ಅಜು಼ ಇನ ಶಿಷ್ಯರ್‌ನ ಬೋಲ್ಯೊ. 
\v 2 ಪಂಡಿತ್‍ಖ್ಹಾರುಬಿ ಫರಿಸಾಯವಾಳೂಬಿ ಮೋಶೆನಿ ಖುಡ್‍ಶಿಪರ್ ಬೆಠುರ‍್ಹುಸ್‍. ಶಾಸ್ತ್ರಿಯೇನ ಅಜು಼ ಪರಿಸಾಯರ್‌ನ ಹಕ್‌ ಛಾ಼. 
\v 3 ಇನಖ್ಹಾಜೇಸ್ ತುಮೆ ಇವ್ಣೆ ಬೋಲಾತೆ ಇನಖ್ಹಾರಾನ ಖ್ಹಮಜ಼್‌ಣು ಅಜು಼ ಇನೀನಿಘೋಣಿ ಚಾ಼ಲ್ನು; ಇವ್ಣೆ ಕತೋಬಿ ಚಾ಼ಲಿಲೇಸ್ತೆ ಇಮ್‌ ನಾ ಚಾ಼ಲಿಲೇವ್ಣು, ಶನಕತೊ ಇವ್ಣೆ ಬೋಲಾತೆ ಇಮ್‌ ಇವ್ಣೇಸ್ ಕೋ ಕರಾನಿ. 
\v 4 ಇವ್ಣೆ ಘಣು ವಜ಼ನ್ನು ಭೋಜಾ಼ನ ಭಾಂದಿನ್, ಅದ್ಮಿನ ಖಾಂದಾಪರ್ ನಾಖಾಸ್, ಕತೋಬಿ ಇವ್ಣೆತೊ ಚಿಟಂಗ್‌ಳಿಥೀಬಿ ಇನ ಕೋ ಛೀಮಾನಿ. 
\v 5 ಇವ್ಣೆ ಅದ್ಮಿನ ಖ್ಹಾರು ದೆಖಾವಾದೆ ಕರಿ ಇವ್ಣು ಕಾಮ್ನ ಕರಾಸ್. ವಚನ್ ಲೀಖೈರ‍್ಹೂತೆ ಪಟ್ಟಿಯೇನ ತಾಳ್ವಪರ್ ಅಜು಼ ಡಂಟ್‌ಪರ್ ಭಾಂದಿರಾಖಾಸ್ತೆ ದೇಖೊ. ಇವ್ಣೆ ಪೇರ‍್ಹಾಸ್ತೆ ಝ಼ಗ್ಗಾವ್‍ನ ಗೊಂಡಾನ ಲಾಂಬು ಕರಿಲೇಸ್! 
\v 6 ಅತ್ರೇಸ್ ಕಾಹೆತೆ, ಮಾನ್-ಮಿಝ್‍಼ವಾನೇನಿ ಝ಼ಗೋಮ ಖ್ಹಾರು ಖ್ಹಾರೇಥಿ ಖ್ಹಾಮ್ಣೆ, ಅಜು಼ ಸಬೆ ಭರಾವಾನು ಮಂದಿರ್‌ಮ ಖ್ಹಾರು ಅಖ್ಖಾನ ದೆಖಾವಾನಿಘೋಣಿ ಖ್ಹಾಮ್ಣೆ ಬೇಖ್ಹ್‌ಣು ಕರಿ ಇವ್ಣೆ ಆಖ್ಹ್‌ ಕರಾಸ್. 
\v 7 ದುಕಾನೇನಿ ಗಲ್ಲಿಯೇಮ ಅದ್ಮಿಖ್ಹಾರು ಇವ್ಣುನ ಖ್ಹಲಾಮ್ ಕರ‍್ನು ಕರಿ ಅಜು಼ ಗುರುಕರಿ ಬೋಲೈಲೇವ್ಣು ಕರಿ ಬೋಲನುಸ್ ಇವ್ಣಿ ಆಖ್ಹ್. 
\v 8 ಕತೋಬಿ ತುಮೆ ಗುರು ಕರಿ ನಕೊ ಬೋಲೈಲಿಶು; ಶನಕತೊ ಕ್ರಿಸ್ತ ಎಕ್ಕಸ್‍ಜ಼ಣೊ ತುಮೂನಛಾ಼ತೆ ಗುರು ಅಜು಼ ತುಮೆಖ್ಹಾರು ಭೈಯೇ ಭೇನೆನಿಘೋಣಿ ಹುಯಿರ‍್ಹಾಸ್. 
\v 9 ಆ ಧರ್ತಿಪರ್ ತುಮೆ ಕಿನಾಬಿ ‘ಬಾ’ ಕರಿ ನಕೊ ಚಿಕರ್‌ಶು, ಶನಕತೊ ಸೊರ್ಗಾಮ ಛಾ಼ತೆ ಎಕ್ಕಸ್ ಜ಼ಣೊ ತುಮಾರೊ ಬಾ ಹುಯಿರ‍್ಹೂಸ್. 
\v 10 ಅಜು಼ ತುಮೆ ‘ಮೋಟೊ’ ಕರಿ ನಕೊ ಬೋಲೈಲಿಶು; ಶನಕತೊ ಕ್ರಿಸ್ತ ಎಕ್ಕಸ್ ಜ಼ಣೊ ತುಮಾರೊ ಮೋಟೊ. 
\v 11 ತುಮಾರಾಮ ಮಹಾನ್ ಕರಿ ರ‍್ಹವಾಳೊ ತುಮಾರೊ ಆಳ್‌ನಿಘೋಣಿ ರ‍್ಹೇಣು. 
\v 12 ಇನುಯೋಸ್ ಮೋಟೊಕರಿ ಬೋಲೈಲ್ಯವಾಳೊ ಹೇಟು ಹುಯಿಜಾ಼ಶೆ, ಇನುಯೋಸ್ ಹೇಟುಕರಿ ಬೋಲೈಲ್ಯವಾಳೊ ಯೋ ಮೋಟೊ ಹುಯಿಜಾ಼ಶೆ.
\s ಯೇಸುನೆ ಇವ್ಣು ಖೋಟ್ ದಿಲ್‌ಪರ್‌ ಗಲತ್‌ ಲಗಾಡ್ಯೋತೆ
\r (ಮಾರ್ಕ 12:40; ಲೂಕ 11:39-42,44,52; 20:47)
\p
\v 13 “ಮೋಶೆನಿ ವಚನ್ನ ಶಿಕಾಡವಾಳ ಶಾಸ್ತ್ರಿಯೆ ಅಜು಼ ಫರಿಸಾಯರ್‌ವಾಳ ತುಮಾರಿ ಹಾಲ್ನ ಶಾತ್‌ ಬೋಲು! ತುಮೆ ಖೋಟ್ ದಿಲ್‌ವಾಳ ಹುಯಿರ‍್ಹಾಸ್! ಅದ್ಮಿಖ್ಹಾರು ಸೊರ್ಗಾನು ರಾಜ್ಯಮ ಜಾ಼ವಾನು ಬಾಕಲ್‌ನ ತುಮೆ ಖ್ಹಾಮ್ಣೆ ಮೂಚಿನಾಖೋಸ್, ತುಮೇಬಿ ಮಹಿ ಕೋಜಾ಼ಯ್ನಿ ಅಜು಼ ಮಹಿ ಜಾ಼ವ್ಣುಕರಿ ಕರಾವಾಳಾನಾಬಿ ಕೋ ಮ್ಹೇಲೋನಿ. 
\v 14 ಅಲಾ ಠಗಾರು ಖ್ಹಾರ ಪಂಡಿತ್ ಪರಿಸಾಯವಾಳ ಅದ್ಮಿಖ್ಹಾರು ದೇಖಾದೆಕರಿ ಲಾಂಬಿ ಪ್ರಾರ್ಥನೆ ಕರೋಸ್ ತುಮೆ ಮುಂಡಚ್ಚಿನ ಶೊತ್‌ನ ಗಳಿಲಿನ್ ನಾಟಕ್ ಕರೋಸ್. ಇನಖ್ಹಾಜೆ ತುಮೆ ಘಣಿ ನಿಶತ್‌ ಲೀಲಿಶು.
\p
\v 15 ಮೋಶೆನಿ ವಚನ್ ಶಿಕಾಡವಾಳ ಶಾಸ್ತ್ರಿಯೆ ಅಜು಼ ಫರಿಸಾಯರ್‌ವಾಳ ತುಮಾರಿ ಹಾಲ್ನ ಶಾತ್‌ ಬೋಲು! ತುಮೆ ಖೋಟ್ ದಿಲ್‌ವಾಳ ಹುಯಿರ‍್ಹಾಸ್! ತುಮೆ ಏಕ್‌ ಜ಼ಣಾನ ತುಮಾರಿ ಧರಮ್ಮ ಮಳೈಲ್ಯವಾನಖ್ಹಾಜೆ ದರ‍್ಯಾವ್‍ನ ಖ್ಹಾರು ಉಲಾಂಗಿನ್, ಬಿಜ಼-ಬಿಜ಼ ದೇಖ್ಹ್‌ನ ಜಾ಼ವೋಸ್. ಅಜು಼ ಯೋ ಮಳಾನ ಬಾದ್‌ಮ ತುಮಾರೇಥಿ ಬೇ ಪಟ್ ನರಕ್‌ನ ಜಾ಼ವಾನಿಘೋಣಿ ಇನ ಕರೋಸ್!
\p
\v 16 ವಾಟ್‌ ವತಾಳವಾಳ ಕಾಣ ಅದ್ಮಿಯೆ, ತುಮಾರಿ ಹಾಲ್ನ ಶಾತ್‌ ಬೋಲು! ಏಕ್‌ ಜ಼ಣೊ ಮಂದಿರ್‌ಪರ್ ಆಣ್ ಲಿದೋತೊ, ಯೋ ಶಾತ್ ಆಣ್ ಕಾಹೆ, ಕತೋಬಿ ಏಕ್‌ ಜ಼ಣೊ ಮಂದಿರ್‌ನು ಖ್ಹೊನ್ನಾಪರ್‌ ಆಣ್ ಲಿದೋತೊ, ಇನ ಚ಼ಲಾವ್ಣುಸ್ ಚ಼ಲಾವ್ಣು’ ಕರಿ ಬೋಲೋಸ್. 
\v 17 ತುಮೆಖ್ಹಾರು ಕಾಣ ಬುಧ್ಧು ಹುಯಿರ‍್ಹಾಸ್! ಕೆಹು ಮೋಟು? ಖ್ಹೊನ್ನುಕಿ, ಮಂದಿರ್‌? ಖ್ಹೊನ್ನಾನ ಪರಿಶುದ್ ಕರ‍್ಯುತೆ ಮಂದಿರ್‌ ಕಾಹೇಕಿಶು? 
\v 18 ಎತ್ರೇಸ್ ಕಾಹೆತೆ, ‘ಏಕ್‌ ಜ಼ಣೊ ಚಾ಼ಚ಼ರ್‌ಪರ್ ಆಣ್ ಲಿದೋತೊ, ಯೋ ಶಾತ್ ಆಣ್ ಕಾಹೆಕರಿ ಬೋಲೊಸ್‍, ಕತೋಬಿ ಇನಮಾನಿ ಕಾಣ್ಕೆಪರ್‌ ಆಣ್ ಲಿದುತೋ ಇನ ಚ಼ಲಾವ್ಣುಸ್ ಚ಼ಲಾವ್ಣು’ ಕರಿ ತುಮೆ ಬೋಲೋಸ್. 
\v 19 ತುಮೆ ಕೆತ್ರೆ ಕಾಣ ಹುಯಿರ‍್ಹಾಸ್! ಕೆಹು ಮೋಟು? ಕಾಣ್ಕೆಕಿ, ಕಾಣ್‌ಕೆನ ಪಾಕ್‌ ಕರಾಸ್ತೆ ಚಾ಼ಚ಼ರ್‌? 
\v 20 ಚಾ಼ಚ಼ರ್‌ಪರ್ ಆಣ್ ಲ್ಯವಾಳೊ, ಖಲಿ ಚಾ಼ಚ಼ರ್‌ಪರಸ್ ಕಾಹೆ, ಇನಾಪರ್ ಮ್ಹೇಲಾಸ್ತೆ ಖ್ಹಾರಿಸ್ ಕಾಣ್ಕೆಪರ್ ಆಣ್ ಲ್ಯಾವದಾಖ್ಹಲ್; 
\v 21 ಮಂದಿರ್‌ಪರ್ ಆಣ್ ಲ್ಯವಾಳೊ, ಖಲಿ ಮಂದಿರ್‌ಪರಾಸ್‌ ಕಾಹೆ, ಇನಾಮಹಿ ರ‍್ಹವಾಳೊ ದೇವ್‌ಪರ್‌ಬಿ ಆಣ್ ಲ್ಯಾವದಾಖ್ಹಲ್. 
\v 22 ಅಜು಼ ಸೊರ್ಗಪರ್ ಆಣ್ ಲ್ಯವಾಳೊ, ದೇವ್ನಿ ಸಿಂಹಾಸನ್‍ಪರ್‌ಬಿ, ಇನಾಪರ್ ಬೇಖ್ಹಾವಾಳಪರ್‌ಬಿ ಆಣ್ ಲ್ಯಾವದಾಖ್ಹಲ್.
\p
\v 23 ಮೋಶೆನಿ ವಚನ್ನ ಶಿಕಾಡವಾಳ ಶಾಸ್ತ್ರಿಯೆ ಅಜು಼ ಫರಿಸಾಯರ್‌ವಾಳ ತುಮಾರಿ ಹಾಲ್ನ ಶಾತ್‌ ಬೋಲು! ತುಮೆ ಖೋಟ್ ದಿಲ್‌ವಾಳ ಹುಯಿರ‍್ಹಾಸ್! ತುಮಾರಕನ ಛಾ಼ತೆ ಹರೇಕ್‍ಮಾಬಿ ಪುದೀನ, ಖ್ಹೋಪ್ ಅಜು಼ ಜೀರಮಾಬಿ ದಖ್ಹ್‌ಮ ಏಕ್‌ ಭಾಗ್‌ ದೇವ್ನ ಕರಿ ತುಮೆ ದೆವೋಸ್. ಕತೋಬಿ ಧರ್ಮಶಾಸ್ತ್ರಮ ಬೋಲಾಸ್ತೆ ನ್ಯಾವ್‌ನಾಬಿ, ಗೋರ್‌ನಾಬಿ ಅಜು಼ ವಿಶ್ವಾಸ್‍ನಾಬಿ ಮ್ಹೇಲಿಲಿದಾ. ಆ ಖ್ಹಾರಿ ಹುಕುಮ್‌ನಿಘೋಣಿ ಪಹಿಲೆ ಚಾ಼ಲೊ ಅಜು಼ ಯೋ ಖ್ಹಾರು ಕರಾನಬಿ ನಕೊ ಮ್ಹೇಲೊ. 
\v 24 ವಾಟ್‌ ವತಾಳವಾಳ ಕಾಣ! ತುಮೆ ಮಛ್ಛರ್‌ನ ಛಾ಼ಣಿನ್ ಕಾಡೋಸ್, ಕತೋಬಿ ಊಟ್ನ ಗಳಿಲೆವೊಸ್!
\p
\v 25 ಮೋಶೆನಿ ವಚನ್‍ ಶಿಕಾಡವಾಳ ಶಾಸ್ತ್ರಿಯೆ ಅಜು಼ ಫರಿಸಾಯರ್ ತುಮಾರಿ ಹಾಲ್ನ ಶಾತ್‌ ಬೋಲು! ತುಮೆ ಖೋಟ್ ದಿಲ್‌ವಾಳ ಹುಯಿರ‍್ಹಾಸ್! ತುಮೆ ತುಮಾರು ಹಂಡ್‌ಕು ಅಜು಼ ಥಾಳಿ ಭಾರ್‌ ಪಾಕ್‌ಥಿ ಮಾಂಜ಼ಸ್. ಕತೋಬಿ ಇನಮಹಿ ದೋಚಿಲ್ಯವಾನುಬಿ, ಲಾಲಚ಼್‌ಥೀಬಿ ಭರೈರ‍್ಹೇಸ್. 
\v 26 ಫರಿಸಾಯರ್ ತುಮೆ ಕಾಣ ಹುಯಿರ‍್ಹಾಸ್! ಪಹಿಲೆ ಹಂಡ್ಕನ ಮಹಿ ಅಛ್ಛಿನಿತರ ಧೋವೊ, ತದೆ ಹಂಡ್ಕನ ಭಾರ್‌ಬಿ ಪಾಕ್‍ ಹುಯಿಜಾ಼ಶೆ.
\p
\v 27 ಮೋಶೆನಿ ವಚನ್‍ ಶಿಕಾಡವಾಳ ಶಾಸ್ತ್ರಿಯೆ ಅಜು಼ ಫರಿಸಾಯರ್ ತುಮಾರಿ ಹಾಲ್ನ ಶಾತ್‌ ಬೋಲು! ತುಮೆ ಖೋಟ್ ದಿಲ್‌ವಾಳ ಹುಯಿರ‍್ಹೋಸ್! ತುಮೆ ಚು಼ನ್ನೊ ಮರೈರ‍್ಹೇಯಿತೆ ಮಖ್ಹಾಣ್ಯನಿಘೋಣಿ ಹುಯಿರ‍್ಹಾಸ್. ಯೋ ಮಖ್ಹಾಣ್ಯ ಭಾರ್‌ ಅಛ್ಛು಼ ದೆಖಾವಸ್, ಕತೋಬಿ ಮಹಿ ಮರ‍್ಯಾಮುರ್ದಾನ ಹಡ್‌ಕ್ಯಾ ಅಜು಼ ಖ್ಹಾರಿಸ್ ತರ‍್ಹಾನು ಖ್ಹಡ್ಯು ಭರೈರ‍್ಹೇಸ್. 
\v 28 ಇಮ್ಮಸ್ ತುಮೇಬಿ, ಭಾರ್‌ಲ್ಯ ಅದ್ಮಿವೋನ ನೀತಿವಾಳ ಕರಿ ದೆಖಾವೋಸ್, ಕತೋಬಿ ತುಮಾರ ಮಹಿ, ಖೋಟ್ ಅಜು಼ ಪಾಪ್ ಭರೈರ‍್ಹೂಸ್.
\s ಯೇಸು ಇವ್ಣಿ ಡಂಡ್‌ನ ಅಗಾಡಿಸ್ ಬೋಲಿನ್‌ವಾತಾಳ್ಯೋತೆ
\r (ಲೂಕ 11:47-51)
\p
\v 29 ಮೋಶೆನಿ ವಚನ್‍ ಶಿಕಾಡವಾಳ ಶಾಸ್ತ್ರಿಯೆ ಅಜು಼ ಫರಿಸಾಯರ್ ತುಮಾರಿ ಹಾಲ್ನ ಶಾತ್‌ ಬೋಲು! ತುಮೆ ಖೋಟ್ ದಿಲ್‌ವಾಳ ಹುಯಿರ‍್ಹಾಸ್! ತುಮೆ ಪ್ರವಾದಿ ಖ್ಹಾರಾನಖ್ಹಾಜೆ ಅಛ್ಛಿ ಮಖ್ಹಾಣ್ಯನಿ ಘವಿಯೇನ ಬಣಾವೋಸ್, ಅಜು಼ ನೀತಿವಾಳಾನ ಮಖ್ಹಾಣ್ಯವ್‍ನ ಶನ್‌ಗಾರ್ ಕರೋಸ್; 
\v 30 ಹಮಾರ ಗುರುಗುರುಬ್‌ಲ್ಯವ್‍ನ ಜಂಗ್‌ಮ ಹಮೆ ರ‍್ಹಯಾಹೋತ್ತೊ, ಆ ಪ್ರವಾದಿ ಖ್ಹಾರಾನ ಮಾರ‍್ಯುತೆ ಖೂನಿಮ ಭಾಗಿ ಹುಯಹೊತ್‍ಕೊಯ್ನಿ’ ಕರಿ ಬೋಲೋಸ್. 
\v 31 ಇಮ್‍ಕತೊ, ತುಮೆ ಪ್ರವಾದಿ ಖ್ಹಾರಾನ ಮಾರ‍್ಯೂತೆ ಇವ್ಣ ಲಡ್ಕಾ ಹಮೆ ಕರಿ ತುಮಾರು ತುಮೇಸ್ ಸಾಕ್ಷಿ ಬೋಲಿಲೆವೊಸ್. 
\v 32 ಅಛ್ಛು಼ಸ್, ತುಮಾರ ಗುರುಗುರಬ್‍ಲ್ಯಾನಿ ಪಾಪ್ನ ತುಮೆ ಪೂರ ಕರೊ! 
\v 33 ಅಲ ಖ್ಹಾಪ್ ಅಜು಼ ಖ್ಹಾಪ್‌ನಿ ಪಿಳ್ಗಿವಾಳ, ತುಮೆ ನರಕ್‌ನಿ ತೀರ್ಪ್‌ಥಿ ಛು಼ಕ್‍ಶು ಕರಿ ಕಿಮ್ ಸೋಚೋ಼ಸ್? 
\v 34 ಇನಖ್ಹಾಜೇಸ್ ಮೇ ಬೋಲುಸ್ಕಿ, ಮೇ ತುಮಾರಕನ ಪ್ರವಾದಿಯೇನಾಬಿ, ಗ್ಯಾನಿ ಅದ್ಮಿಖ್ಹಾರಾನಾಬಿ ಅಜು಼ ಬೋದಕರ್‌ ಖ್ಹಾರಾನ ಮೋಕ್ಲೀಶ್; ತುಮೆ ಇವ್ಣಾಮ ಥೋಡಾನ ಮಾರಿನಾಕ್‌ಶು, ಅಜು಼ ಥೋಡಾನ ಶಿಲ್‌ಬೇಪರ್ ನಾಕ್‌ಶು ಅಜು಼ ಬಿಜು಼ ಥೋಡಾನ ತುಮಾರಿ ಸಬೆ ಭರಾವಾನು ಮಂದಿರ್‌ಮ ಖ್ಹಾರು ಕೊಳ್ಡೇಥಿ ಮಾರಿನ್ ಗಾಮ್‌ಥು-ಗಾಮ್‍ ನಖ್ಹಾಡಿಲಿಜಾ಼ಶು. 
\v 35 ಅಮ್ ನೀತಿವಾಳೊ ಹುಯಿರ‍್ಹೋತೆ ಹೇಬೆಲ್‍ನು ಲ್ಹೊಯಿಥಿ ಧರೀನ್, ತುಮೆ ಮಂದಿರ್‌ನಾಬಿ ಅಜು಼ ಚಾ಼ಚ಼ರ್‌ನ ಇಚ಼್‌ಮ ಮಾರಿನಾಖ್ಯಾತೆ ಬರಕೀಯಾನೊ ಛಿಯ್ಯೊ ಜಕರೀಯಾನು ಲ್ಹೋಯಿತೋಡಿ, ಧರ್ತಿಪರ್ ರಂಚಾ಼ಯುತೆ ಹರೇಕ್ ನೀತಿವಾಳಾನು ಲ್ಹೋಯಿನು ಮಾರ್ ತುಮಾರ ಮುಡ್‌ಕ್ಯಪರ್ ಆವ್‌ಶೆ. 
\v 36 ಮೇ ತುಮೂನ ಖ್ಹಾಚಾಮ ಬೋಲುಸ್, ಅಖ್ಖು ಅಪರಾದ್‌ ಆ ಪಿಳ್ಗಿಪರ್ ಆವ್‌ಶೆ!
\s ಯೇಸು ಯೆರೂಸಲೇಮ್‌ನಖ್ಹಾಜೆ ರೋಯೊತೆ
\r (ಲೂಕ 13:34-35)
\p
\v 37 ಯೆರೂಸಲೇಮ್‌, ಯೆರೂಸಲೇಮ್‌! ಪ್ರವಾದಿ ಖ್ಹಾರಾನೊ ಜಾನ್‌ ಕಾಡಾವಾಳಿ! ದೇವ್ನೆ ತಾರಕನ ಮೋಕ್‌ಲ್ಯೊತೆ ಅದ್ಮಿಖ್ಹಾರಾನ ಬಂಡೊ ಫೇಕಿನ್, ಮಾರವಾಳಿ! ಮುರ್‌ಗಿ ಚೇಲ್ಕಾನ ಇನಿ ಪಾಖ್ಡಿಯೆಮ ಪೆಖ್ಹಾಡಿಲೇಯಿತೆ ಇಮ್‌, ತಾರ ಲಡ್ಕಾವ್ನ ಮೇ ಪೆಖ್ಹಾಡಿಲೇವ್ಣು ಕರಿ ಮನ ಕೆತ್ರಿಕ್ಕಿಹಲ್ಲ ಮನ್‍ಹುಯು, ಕತೋಬಿ ತುನ ಪಣ್ಕಿ ದಿಲ್‌ ಕೋಥುನಿ. 
\v 38 ಹಂದೇಕ್, ತಾರಿ ಮಂದಿರ್‌ ಉಜ್ಜಾ಼ಡಿ ಪಡಿಜಾ಼ಶೆ. 
\v 39 ಹಂಕೇಥು ಧರೀನ್, ‘ಪ್ರಭುನ ನಾಮ್‌ಪರ್‌ ಆವಾಳಾನ ಆಶೀರ್ವಾದ್‌ ಹುವಾದೆ’ ಕರಿ ತುಮೆ ಬೋಲಾತೋಡಿ, ತುಮೆ ಮನ ಪಾಛು಼ ದೇಕ್‌ಶುಸ್ ಕೊಯ್ನಿ ಕರಿ ಮೇ ತುಮೂನ ಬೋಲುಸ್” ಕರಿ ಬೋಲ್ಯೊ.
\c 24
\s ಯೆರೂಸಲೇಮ್‌ನು ಮಂದಿರ್‌ ಬರ್ಬಾತ್ ಉಷೇತೆ ಬಾರೇಮ ಯೇಸುನೆ ಬೋಲ್ಯೋತೆ
\r (ಮಾರ್ಕ 13:1-2; ಲೂಕ 21:5-6)
\p
\v 1 ಅನಕೇಡೆಥು ಯೇಸು ಮಂದಿರ್‌ನ ಮ್ಹೆಂದಿನ್ ಜಾ಼ವಾನಿ ವಖ್ಹತ್‌ಮ, ಮಂದಿರ್‌ ಭಂದೈರ‍್ಹೀತೆ ತರೀಕಾನ ಇನ ವತಾಳ್ಣು ಕರಿ ಇನ ಶಿಷ್ಯರ್‌ ಇನಾಕನ ಆಯಾ. 
\v 2 ತದೆ ಯೇಸುನೆ, “ತುಮೆ ಆ ಖ್ಹಾರು ದೇಖುಕರಾಸ್‌ನಿ ಹಜ್ಜಾ಼ ಏಕ್‌ ಬಂಡಾಪರ್ ಬಿಜೇಕ್ ಬಂಡೊ ಭೀರಿಶೆ ಕೊಯ್ನಿ; ಅಖ್ಖಾಸ್ನ ರಡ್‌ಕೈನಾಖಿದಿಶೆ ಕರಿ ಮೇ ತುಮೂನ ಖ್ಹಾಚಾಮ ಬೋಲುಸ್” ಕರಿ ಬೋಲ್ಯೊ.
\s ವದೇಖ್ಹೊ ಅಜು಼ ಖ್ಹತಾಪ್ಣಿನಿ ಬಾರೇಮ
\r (ಮಾರ್ಕ 13:3-13; ಲೂಕ 21:7-19)
\p
\v 3 ಯೇಸುನೆ ಆಲಿವ್‌ ಪಹಡ್‌ಪರ್ ಬೆಠೋಥೋತೆ ತದೆ ಇನ ಶಿಷ್ಯರ್‌ ಇನಾಕನ ಅಲಕ್‌ಥಿ ಆಯಿನ್, “ಆ ಖ್ಹಾರು ಕದೆ ಚಾ಼ಲ್‌ಷೆ? ತೂ ಆಯಿಶ್‍ತೆ ಅಜು಼ ಆ ಜಗತ್ನಿ ಖ್ಹರ್ತಿ ಹುವಾನ ಖ್ಹಣೇದ್‍ಕಿ ಶು? ಹಮೂನ ಬೋಲ್” ಕರಿ ಪುಛಾ಼ಯಾ.
\p
\v 4 ಯೇಸುನೆ ಇವ್ಣುನ, “ಕೋಣ್‌ಬಿ ತುಮೂನ ಠಗಾವ಼್ಣುನಾತೆ ಇಮ್‌, ಜ಼ತನ್‌ಥಿ ರ‍್ಹವೊ. 
\v 5 ಶನಕತೊ, ಕೈಯೆಕ್ಕಿ ಜ಼ಣು ಆಯಿನ್, ಮಾರು ನಾಮ್‌ಲೀನ್, ‘ಮೇ ಕ್ರಿಸ್ತ, ಮೇ ಕ್ರಿಸ್ತ’ ಕರಿ ಬೋಲಿನ್, ಘಣ ಅದ್ಮಿನ ವಾಟ್‌ ಭೈಕಾವ್‌ಶೆ. 
\v 6 ಅತ್ರೇಸ್ ಕಾಹೆತೆ ತುಮಾರ ಖನ್ನೆ ಜಂಗ್ ಭೀಡುಕರಾತೆ ಅವಾಜ಼್ ಅಜು಼ ದೂರ್‌ಮ ಚಾ಼ಲುಕರಾತೆ ಜಂಗ್‌ನಿ ಬಾರೇಮಾನಿ ಖಬರ್ ತುಮೆ ಖ್ಹಮಜ಼್‌ಶು, ಕತೋಬಿ ಡರ್‌ಶು ನಕೊ. ಖ್ಹರ್ತಿ ಆವಾನ ಅಗಾಡಿ ಆ ಖ್ಹಾರು ಚಾ಼ಲ್ನುಸ್ ಚಾ಼ಲ್ನು. 
\v 7 ದೇಖ್ಹ್‌ನ ವಿರೋದ್ ದೇಖ್ಹ್‌, ರಾಜ್ಯನ ವಿರೋದ್ ರಾಜ್ಯ ಉಟ್‌ಶೆ; ಖ್ಹಾರಿಸ್ ಬಾಜೂ಼ಮ ಕಾಳ್ದುಕಾಳ್ ಉಶೆ ಅಜು಼ ಜ಼ಮೀನ್ ಹಲ್‌ಶೆ. 
\v 8 ಆ ಖ್ಹಾರು ಲಡ್ಕಾ ಪೈದಾ ಹುವಾನಿ ವಖ್ಹತ್‌ಮ ಆವಾಸ್ತೆ ಪಹಿಲಿ ಅಜಾ಼ನಿಘೋಣಿ ಹುಯಿರ‍್ಹುಸ್‍ ಎತ್ರೇಸ್.
\p
\v 9 ತದೆ ತುಮೂನ ಧರೀನ್ ದಂಡನೆ ದೀನ್ ಮಾರ ನಾಮ್ನಖ್ಹಾಜೆ ಹರೇಕ್ ದೇಖ್ಹ್‌ವಾಳು ತುಮೂನ ವಹೇರ್‌ ಕರ್ಶೆ. 
\v 10 ಯೋ ವಖ್ಹತ್‌ಮ ಕೈಯೆಕ್ಕಿ ವಿಶ್ವಾಸಿಖ್ಹಾರು ಪಿನ್‌ಮಾಟಿಜಾ಼ಶೆ; ಏಕ್‌ನ-ಏಕ್‌ ಧೋಕೇಥಿ ಧರಿದಿಶೆ ಅಜು಼ ಏಕ್‌ಪರ್‌-ಏಕ್‌ ವಹೇರ್‌ ಕರ್ಶೆ. 
\v 11 ಘಣು ಜ಼ಣು ಝೂ಼ಟುಪ್ರವಾದಿ ಖ್ಹಾರು ಆಯಿನ್, ಕೈಯೆಕ್ಕಿ ಅದ್ಮಿನ ಖ್ಹಾರು ಠಗಾವ್‌ಶೆ. 
\v 12 ಅತ್ರೇಸ್ ಕಾಹೆತೆ ಜಗತ್‌ಮ ಖರಾಬ್ ಜಾ಼ಖ್ಹತ್ ಹುಯಿಜಾ಼ಶೇತೆ ಇನಖ್ಹಾಜೆ ಘಣ ಅದ್ಮಿನಿ ಪ್ಯಾರ್ ಠಂಡು ಪಡಿಜಾ಼ಶೆ. 
\v 13 ಕತೋಬಿ ಖ್ಹರ್ತಿತೋಡಿ ಖ್ಹಮಾಳಿಲ್ಯವಾಳಾನ ರಕ್ಷಣೆ ಲಿಶೆ. 
\v 14 ರಾಜ್ಯನು ಆ ಅಛ್ಛಿ ಸಮಾಚಾರ್ ಜಗತ್‌ನು ತಮಾಮ್‌ ದೇಖ್ಹ್‌ವಾಳ ಅದ್ಮಿನ ಸಾಕ್ಷಿನಟೇಕೆ ಬೋಲಾವ್‌ಶೆ; ತದೆ ಖ್ಹರ್ತಿನದನ್‍ ಆವ್‌ಶೆ.
\s ಬರ್ಬಾತ್ ಕರಾವಾಳು ಖರಾಬ್ ರಾಛು಼
\r (ಮಾರ್ಕ 13:14-23; ಲೂಕ 21:20-24)
\p
\v 15 “ಪ್ರವಾದಿ ದಾನಿಯೇಲ್‌ನೆ ಬೋಲ್ಯೋತೆ, ‘ಬರ್ಬಾತ್ ಕರಾವಾಳು ಗಲೀಜ಼್ ರಾಛು಼’ ಪವಿತ್ರ ಝ಼ಗೋಪರ್ ಭೀರಾವನು ತುಮೆ ದೇಕ್‌ಶು. ಅನ ಪಢವಾಳು ಅನಿ ಮತ್ಲಬ್ ಶಾತ್‌ ಕರಿ ಪರ್ಖಿಲ್ಯವಾದೆ. 
\v 16 ಯೋ ವಖ್ಹತ್‌ಮ ಯೂದಾಯಮ ರ‍್ಹವಾಳು ಪಹಾಡೋಮ ಮಿಲೈಜಾ಼ಣು. 
\v 17 ಕೋಣ್‌ತೋಬಿ ಏಕ್ಜ಼ಣೊ ಇನ ಘರ್‌ನ ಛ಼ತ್‍ಪರ್‌ ರ‍್ಹಯೋತೊ, ಯೋ ಹೇಟ್ ಉತ್ರಿನ್ ಶಾತ್‌ತೋಬಿ ಪಾಡಿಲೇಣು ಕರಿ ಘರ್‌ನ ಮಹಿ ಜೈ಼ನ್, ವಖ್ಹತ್ ಬರ್ಬಾತ್ ನಾ ಕರ‍್ನು. 
\v 18 ಅಜು಼ ಕೋಣ್‌ತೋಬಿ ಏಕ್‌ ಜ಼ಣೊ ಖೇತರ್‌ಮ ರ‍್ಹಯೋತೊ, ಯೋ ಇನೊ ಝ಼ಗ್ಗೊ ಪಾಡಿಲೇಣು ಕರಿ ಪಾಛೊ಼ಫರಿ ಘರೆ ನಾ ಜಾ಼ವ್ಣು. 
\v 19 ಯೋ ದನೂಮ ಬೇಜೂನಿ ಅಜು಼ ದೂದ್ ಪಿಡಾವವಾಳಿ ತಯೇಡಾವ್ನ ಉಷೇತೆ ಹಾಲ್ನ ಶಾತ್ ಬೋಲು! 
\v 20 ತುಮೆ ಮಿಲೈಜಾ಼ಣುತೆ ದನ್ ಠಣ್‌ನೊ ದನ್ ನಾತೊ ಸಬ್ಬತ್‌ನೊ ದನ್ ನಾ ಹುಯಿರ‍್ಹೇಣು ಕರಿ ದೇವ್ನ ಪ್ರಾರ್ಥನೆ ಕರೊ! 
\v 21 ಶನಕತೊ ಯೋ ವಖ್ಹತ್‌ಮ ಘಣು ಲತಾಡ ರ‍್ಹಿಶೆ. ಜಗತ್‌ ಉಬ್‌ಜ್ಯುತೆ ತಪ್‌ಥು ಧರೀನ್, ಹಮ್ಕೆಲಗು ಕದೇಸ್‌ ಅಮ್ನು ಲತಾಡ ಕೋ ಐರ‍್ಹೂನಿ. ಬಿಜು಼ ಖ್ಹಾಮ್ಣೆಬಿ ಕೋ ಆವ್‌ಶೇನಿ. 
\v 22 ದೇವ್ ಯೋ ಖ್ಹಾರ ದನ್ನ ಕಮ್ ನಾ ಕರ‍್ಯೋತೊ, ಏಕ್‌ ಅದ್ಮಿ ಜಿನ್‌ಕುಬಿ ಬಚಿಜಾಶೆಕೊಯ್ನಿ; ಕತೋಬಿ ಇನೆ ಚೂ಼ಣಿಲಿದೊತೆ ಅದ್ಮಿನಖ್ಹಾಜೆ ದೇವ್ ಯೋ ಖ್ಹಾರ ದನ್ನ ಕಮ್ ಕರ್ಶೆ.
\p
\v 23 ಯೋ ವಖ್ಹತ್‌ಮ ಕೋಣ್‌ತೋಬಿ ತುಮೂನ, ‘ದೇಖೊ, ಕ್ರಿಸ್ತ ಹಜ್ಜಾ಼ ಛಾ಼! ನಾತೊ, ಯೋ ಹಿಜ್ಜಾ಼ ಛಾ಼! ಕರಿ ಬೋಲ್ಯುತೊ, ಇನ ನಕೊ ನಂಬ್‌ಶು. 
\v 24 ಶನಕತೊ ಝೂ಼ಟುಕ್ರೈಸ್ತರ್‌ ಖ್ಹಾರು ಅಜು಼ ಝೂ಼ಟು ಪ್ರವಾದಿಖ್ಹಾರು ದೆಖೈನ್, ಇವ್ಣೇಥಿ ಹುಯೂತೊ ದೇವ್‍ಥಿ ಚೂ಼ಣೈರ‍್ಹವಾಳನಾಬಿ ಠಗಾವಾನಖ್ಹಾಜೆ, ಅದ್ಭುತ್‌ಕಾಮ್‌ ಅಜು಼ ಅಶ್ಚರ್ಯನು ಕಾಮ್‌ಖ್ಹಾರು ಕರಿ ವತಾಳ್‌ಶೆ. 
\v 25 ಖ್ಹಮ್‍ಜೊ! ಮೇ ತುಮೂನ ಆ ಖ್ಹಾರು ಚಾ಼ಲಾನ ಅಗಾಡಿಸ್ ಇನಿ ಬಾರೇಮ ಬೋಲಿರಾಖ್ಯೊಸ್.
\p
\v 26 ಇನಾಖ್ಹಾಜೆ ಕೋಣ್‌ತೋಬಿ ತುಮೂನ, “ಹಂದೇಖೊ, ಕ್ರಿಸ್ತ ಉಜ್ಜಾ಼ಡಿ ಝ಼ಗೋಮ ಛಾ಼’ ಕರಿ ಬೋಲ್ಯೂತೊ, ನಕೊ ಚಲ್ಯಾಜಾ಼ಶು, ‘ಹಂದೇಖೊ, ಯೋ ಮಹಿನಕೋಣಾಮ ಛಾ಼’ ಕರಿ ಬೋಲ್ಯೂತೊ, ನಕೊ ನಂಬ್‌ಶು. 
\v 27 ಶನಕತೊ ವಿಜ಼್‌ಳಿ ದನ್‌ನಿಕ್‌ಳಾ ಭಣೀಥು ದೆಖೈನ್, ದನ್ ಡುಬಾಭಣೀನು ಬಾಜು಼ತೋಡಿ ಚ಼ಮ್‌ಕಾಸ್ತೆ ಇಮ್ಮಸ್ ಅದ್ಮಿನೊ ಛಿಯ್ಯೊಬಿ ಆವ್‌ಶೆ.
\p
\v 28 ಮುರ್ದು ಕಿಜ಼್ಜ ಪಡ್ಯುರ‍್ಹೇಸ್ಕಿ, ಹಿಜ್ಜಾ಼ಸ್ ಗರದ್‍ಖ್ಹಾರು ಎಕ್ಟುಹುವಾಸ್.
\s ಅದ್ಮಿನೊ ಛಿಯ್ಯೊ ಆವ್‌ಶೇತೆ ಬಾರೇಮ
\r (ಮಾರ್ಕ 13:24-27; ಲೂಕ 21:25-28)
\p
\v 29 ಯೋ ಖ್ಹಾರು ದನ್ನು ಖ್ಹತಾಪ್ಣಿ ಖತಮ್ ಹೋತಾಸ್‌ನ, ಚಾ಼ಂದ್ ಕಾಳೊಪಡಿಜಾ಼ಶೆ, ಚ಼ಂದರ್‌ಮೊ ಉಜಾ಼ಳು ಕೋದಿಶೇನಿ, ಆಬ್‍ಪರ್‌ಥು ಶುಕ್ಕರ್ ಖ್ಹಾರು ಖಂಕರ್‌ಶೆ, ಅಜು಼ ಆಬ್‍ಮ ಛಾ಼ತೆ ಶಕತ್‌ಖ್ಹಾರಿ ಕಾಪ್‌ಶೆ. 
\v 30 ತದೆ ಅದ್ಮಿನೊ ಛಿಯ್ಯಾನ ವತಾಳವಾಳಿ ಖ್ಹಣೇದ್ ಆಬ್‍ಮ ದೆಖಾವ್‌ಶೆ. ತದೆ ಧರ್ತಿಪರ್ ಛಾ಼ತೆ ತಮಾಮ್‌ ಖೂಮ್‍ವಾಳು ಛಾ಼ತಿಪರ್ ಮಾರಿಲಿಶೆ ಅಜು಼ ಅದ್ಮಿನೊ ಛಿಯ್ಯೊ ಶಕತ್‌ಥೀಬಿ, ಮಹಾನ್ ಮಹಿಮೆಥೀಬಿ ಆಬ್‍ನ ವಾದ್ಳಪರ್ ಆವ್‌ಶೇತೆ ಇನ ದೇಕ್‌ಶೆ. 
\v 31 ಅಜು಼ ಯೋ ತುತ್ತೂರಿನೊ ಮೋಟೊ ಅವಾಜ಼್‌ಥಿ, ಇನ ದೂತರ್‌ನ ಜ಼ಮೀನ್ನಿ ಚಾರ‍್ಹೆ ಬಾಜೂ಼ಮ ಮೋಕಲ್‌ಶೆ, ಇವ್ಣೆ ಇನೆ ಚೂ಼ಣಿಲಿದೊತೆ ಇವ್ಣುನ ಆಬ್‌ನ ಏಕ್‌ ಬಾಜು಼ಥು ಧರಿನ್ ಬಿಜೇಕ್ ಬಾಜೂ಼ಲಗು ಎಕ್ಟು ಕರ್ಶೆ.
\s ಅಂಜೀರ್‌ನ ಝಾ಼ಡೇಥಿ ಅಕ್ಕಲ್ ಶಿಕಾನು
\r (ಮಾರ್ಕ 13:28-31; ಲೂಕ 21:29-33)
\p
\v 32 ಅಂಜೀರ್‌ನ ಝಾ಼ಡಾನಿ ಖೇಣಿಥಿ ತುಮೆ ಅಕ್ಕಲ್‍ಶಿಕೊ. ಇನಿ ಡಾಳಿಯೆ ಹರಿಗಾರ್ ಕವ್ಳಿ ಹುಯಿನ್, ಪಾಂದ್‌ಡ ಮ್ಹೇಲಾಲಗ್ಯುತೊ ತಡ್ಕಾನ ಹಗಾಮ್‌ ಖನ್ನೆ ಐಗು ಕರಿ ತುಮೆ ಮಾಲುಮ್‌ ಕರಿಲೇವೊಸ್ನಿ. 
\v 33 ಇಮ್ಮಸ್, ತುಮೇಬಿ ಆ ಖ್ಹಾರು ದೇಖಾನಿ ವಖ್ಹ್‌ತೆ ಯೋ ದನ್ ಖನ್ನೆಛಾ಼, ಬಾಕಲ್‍ಕನಸ್‍ ಛಾ಼ಕರಿ ಮಾಲುಮ್ ಕರಿಲೆವೊ. 
\v 34 ಹಮ್ಕೆ ಜಿವ್ತು ಛಾ಼ತೆ ಅದ್ಮಿಖ್ಹಾರು ಮರ್‌ವಾನ ಮಹಿಸ್ ಆ ಖ್ಹಾರು ಚಾ಼ಲ್‌ಶೇತೆ ಕರಿ ಮೇ ತುಮೂನ ಖ್ಹಾಚಮಾಬಿ ಬೋಲುಸ್. 
\v 35 ಆಬ್-ಧರ್ತಿ ಮಟಿಜಾ಼ಶೆ, ಕತೋಬಿ ಮಾರಿ ವಾತೆಖ್ಹಾರಿ ಕದೇಬಿ ಮಟ್‌ಶೆಸ್ ಕೊಯ್ನಿ.
\s ಯೋ ವಖ್ಹತ್ ಅಜು಼ ದನ್ ಕಿನಾಬಿ ಮಾಲುಮ್ ಕೊಯ್ನಿ
\r (ಮಾರ್ಕ 13:32-37; ಲೂಕ 17:26-30,34-36)
\p
\v 36 ಎತ್ರೇಸ್ ಕಾಹೆತೆ, ಯೋ ದನ್ನಿ ಬಾರೇಮ ರ‍್ಹವೊ, ಯೋ ವಖ್ಹತ್‌ನಿ ಬಾರೇಮ ರ‍್ಹವೊ, ಮಾರ ಬಾನ ಮಾಲುಮ್ ಪಣ್ಕಿ ಬಿಜು಼ ಕಿನಾಬಿ ಮಾಲುಮ್‌ಕೊಯ್ನಿ; ಪರ್‌ಲೋಕ್‌ಮ ಛಾ಼ತೆ ದೇವ್‌ನು ದೂತರ್‌ನಾಬಿ ಮಾಲುಮ್‌ಕೊಯ್ನಿ; ಛಿಯ್ಯಾನಾಬಿ ಮಾಲುಮ್‌ಕೊಯ್ನಿ. 
\v 37 ನೋಹಾನ ದನ್ಮ ಚಾ಼ಲ್ಯುತೆ ಇಮ್ಮಸ್ ಅದ್ಮಿನೊ ಛಿಯ್ಯೊ ಆವ್‌ಶೇತೆ ದನ್ಮ ಚಾ಼ಲ್‌ಷೆ. 
\v 38 ಕಿಮ್‌ಕತೊ, ತೋಫಾನ್ ಆವಾನ ಅಗಾಡಿ ಅದ್ಮಿಖ್ಹಾರು ಖಾತು-ಪೀತು ಹುಯಿನ್, ವ್ಯಹಾ ಕರ್ತುಹುಯಿನ್, ವ್ಯಹಾ ಕರಿದೇತುಹುಯಿನ್ ಥೂ. ನೋಹಾನೆ ಜ಼ಹಾಜ಼್‌ನ ಮಹಿ ಚ಼ಢ್ಯೋತೆ ದನ್‌ಮಾಬಿ ಇವ್ಣೆ ಇಮ್ಮಸ್ ಕರುಕರ್ತುಥು. 
\v 39 ತೋಫಾನ್ನು ಪಾಣಿ ಐನ್, ತಮಾಮ್‌ನ ವವ್ಹಾಡಿಲೀನ್, ಜಾ಼ವಾತೋಡಿ ಇವ್ಣೆ ಶಾತ್ಬಿ ಮಾಲುಮ್‌ಕೊಂತೆ ಇಮ್‌ ಥೂ. ಇಮ್ಮಸ್ ಅದ್ಮಿನೊ ಛಿಯ್ಯೊ ಆವ್‌ಶೇತೆ ತದೇಬಿ ರ‍್ಹಿಶೆ. 
\v 40 ಯೋ ವಖ್ಹತ್‌ಮ ಖೇತರ್‌ಮ ಬೇ ಜ಼ಣು ಕಾಮ್ ಕರ್ತು ರ‍್ಹಿಶೆ, ಏಕ್‌ಜ಼ಣಾನ ಪಾಡಿಲಿಶೆ, ಅಜು಼ ಏಕ್‌ ಜ಼ಣಾನ ಮ್ಹೆಂದಿಶೆ. 
\v 41 ಬೇ ತಯೇಡ ಬೇಶಿನ್, ಘಟ್ಟಿ ದಳುಕರ್‌ಶೆ, ಏಕ್‌ನ ಪಳ್ಳಿಶೆ ಏಕ್‌ನ ಮ್ಹೆಂದಿಶೆ.
\p
\v 42 ಇನಖ್ಹಾಜೇಸ್ ತುಮಾರೊ ಪ್ರಭು ಆವ್‌ಶೇತೆ ದನ್ ತುಮುನ ಮಾಲುಮ್‌ಕೊಂತೆ ಇನಾಖ್ಹಾಜೆ ಹೊಷಾರ್‌ಥಿ ರ‍್ಹವೊ. 
\v 43 ಚೋ಼ರ್ ಆವಾನಿ ವಖ್ಹತ್ ಘರ್‌ನ ಯಜಮಾನ್ನ ಮಾಲುಮ್ ರ‍್ಹಯುಹೋತ್ತೊ, ಯೋ ಹೊಷಾರಿ ರ‍್ಹೀನ್, ಇನ ಘರ್‌ನ ಕೋ ತೋಡಾದಿದೊಹೋತ್ನಿ. 
\v 44 ಇನಖ್ಹಾಜೇಸ್ ತುಮೇಬಿ ಕದೇಬಿ ತೈಯಾರ್ ರ‍್ಹೇಣು, ಶನಕತೊ ತುಮೆ ಸೋಚಾಸ್‌ಕೊಂತೆ ವಖ್ಹತ್‌ಮ ಅದ್ಮಿನೊ ಛಿಯ್ಯೊ ಆವ್‌ಶೆ.
\s ನಿಯ್ಯತ್‌ ಅಜು಼ ನಿಯ್ಯತ್‌ ಕೊಂತೆ ಆಳ್ನಿ ಬಾರೇಮ
\r (ಲೂಕ 12:41-48)
\p
\v 45 ಇಮ್‍ಕತೊ, ಯಜಮಾನ್ ಇನ ಘರ್‌ಮ ಕಾಮ್ ಕರಾವಾಳ ಆಳ್‌ನ ಖ್ಹಾರು ಬರೋಬರ್‌ನಿ ವಖ್ಹತ್‌ಮ ಖಾಣು ದ್ಯವಾನಖ್ಹಾಜೆ ಇವ್ಣಾಪರ್ ನೇಮ್‌ಶಾಯೋತೆ ನಿಯತ್‍ವಾಳೊಬಿ ಅಕ್ಲಿಆಳ್‌ ಕೋಣ್? 
\v 46 ಯಜಮಾನ್ ಆವಾನಿ ವಖ್ಹ್‌ತೆ, ಕೆಹೊ ಆಳ್‌ ಆ ಖ್ಹಾರು ಕರುಕರಾತೆ ದೇಕ್‌ಶೇಕಿ, ಯೋ ಆಳ್‌ ಧನ್ಯ ಹುಯಿರ‍್ಹೋಸ್! 
\v 47 ಇಮ್ನ ಆಳ್‌ನ ಯೋ ಇನು ಖ್ಹಾರೂಸ್ ಧನ್‌-ದೌಲತ್‌ಪರ್ ಅದಿಕಾರಿಹುಯಿನ್ ನೇಮ್‌ಶಾವ್‌ಶೆ ಕರಿ ಮೇ ತುಮೂನ ಖ್ಹಾಚಮಾಬಿ ಬೋಲುಸ್. 
\v 48 ಕತೋಬಿ ಯೋ ಆಳ್‌ ಖರಾಬ್ ರ‍್ಹಯೋತೊ, ಇನೊ ಯಜಮಾನ್ ಒಗ್ಗಿಸ್‌ಮ ಕೋ ಆವ್‌ಶೇನಿ ಕರಿ ಇನ ಮನ್‌ಮ ಸೋಚಿಲೀನ್, 
\v 49 ಇನ ಜೋ಼ಡ್ಮ ಕಾಮ್‌ಕರವಾಳ ಬಿಜಾ಼ಖ್ಹಾರ ಆಳ್‌ನ ಮಾರಲಗ್‌ಶೆ ಅಜು಼ ಪೀ ಕುಡ್‌ಕಾವ್‍ನ ಜೋ಼ಡೆ ಖಾತೊ-ಪೀತೊ ರ‍್ಹಿಶೆ. 
\v 50 ತದೆ ಏಕ್‌ ದನ್ನೆ ಯೋ ಆಳ್‌ ಸೋಚಾಸ್‌ಕೊಂತೆ ದನ್ಮ ಅಜು಼ ಇನ ಮಾಲುಮಸ್ ಪಡಾಕೊಂತೆ ವಖ್ಹತ್‌ಮ ಯೋ ಇನೊ ಯಜಮಾನ್ ಐನ್, 
\v 51 ಇನ ಕತ್ರೀನ್, ಟುಕ್‌ಡಾ-ಟುಕ್‌ಡಾ ಕರೀನ್, ಖೋಟ್ ದಿಲ್‌ವಾಳಾನ ನಾಖಾಸ್ತೆ ಝ಼ಗೋಪರ್ ಇನ ನಾಕ್‌ಶೆ. ಹಿಜ್ಜಾ಼ ಯೋ ರೋವ್‌ತೊ ಹುಯಿನ್, ಕರ್‌-ಕರ್‌ ದಾತ್‌ ಚಾ಼ವ್‌ಶೆ.
\c 25
\s ದಖ್ಹ್‌ ಜ಼ಣಿ ಕವಾರಿನಿ ಬಾರೇಮ ಮತ್ಲಬ್‌ನಿ ಖೇಣಿ
\p
\v 1 ಯೋ ವಖ್ಹತ್‌ಮ ಸೊರ್ಗಾನು ರಾಜ್ಯ ದೀವೊ ಖ್ಹಾರು ಪಾಡಿಲೀನ್, ನೌಶೊನ ಮಳಾನ ಜಾ಼ಸ್ತೆ ದಖ್ಹ್‌ ಜ಼ಣಿ ಕವಾರಿನಿಘೋಣಿ ರ‍್ಹಿಶೆ. 
\v 2 ಇನಾಮ ಪಾಚ಼್ ಜ಼ಣಿ ಬುಧ್ಧು ಅಜು಼ ಪಾಚ಼್ ಜ಼ಣಿ ಅಕ್ಲಿ ಹುಯಿರ‍್ಹೀಥಿ. 
\v 3 ಬುಧ್ಧು ಕವಾರಿಯೇನೆ ಇವ್ಣು ದೀವೋನ ಪಾಡಿಲಿದಿಯೆ, ಕತೋಬಿ ಜಾ಼ಖ್ಹತ್ ಆಲಿವ್‍ತೇಲ್‌ನ ಕೋ ಪಾಡಿಲಿದಿಯೇನಿ. 
\v 4 ಅಕ್ಲಿ ಕವಾರಿಯೇನೆ ದೀವೋನ ಜೋ಼ಡೆ ಕಟೋರಿಮ ತೇಲ್‌ನಾಬಿ ಪಾಡಿಲಿದಿಯೆ. 
\v 5 ನೌಶೊ ಆವಾನ ಧೇರ್ ಹೋತಾಖ್ಹತರ್, ಇವ್ಣೆ ಖ್ಹಾರು ಝೂಕಾರೆ ಮಾರಿನ್, ಖ್ಹುಯಿಗಯ್ಯೆ.
\p
\v 6 ಕತೋಬಿ “ಅಧಿರಾತ್ಮ, ‘ಹಂದೇಖೊ, ನೌಶೊ ವಳ್ಯಾವಸ್! ಇನ ಮಳಾನಖ್ಹಾಜೆ ಆವೊ!’ ಕರಿ ಅವಾಜ಼್ ಆಯು. 
\v 7 ತದೆ ಯೋ ದಖ್ಹ್‌ ಕವಾರಿಯೆ ಉಠೀನ್, ಇವ್ಣ ದೀವೋನ ತೈಯಾರ್ ಕರಿಲಿದಿಯೆ. 
\v 8 ತದೆ ಯೋ ಬುಧ್ಧು ಕವಾರಿಯೇನೆ ಅಕ್ಲಿ ಕವಾರಿಯೇನ, ‘ತುಮಾರ ತೇಲ್‌ಮ ಹಮೂನ ಥೋಡು ದೆವೊ; ಶನಕತೊ, ಹಮಾರೊ ದೀವೊ ಉಝಾ಼ವಾನ ಆಯೊ’ ಕರಿ ಬೋಲಿಯೆ. 
\v 9 ತದೆ ಅಕ್ಲಿ ಕವಾರಿಯೇನೆ, ‘ಕೊಯ್ನಿ, ‘ತುಮೂನ ದಿದುತೊ, ಹಮುನಾಬಿ ತುಮೂನಾಬಿ ಪೂರಾಕೊಂತೆ ಇಮ್‌ ಹುಯಿಜಾ಼ಶೆ. ತುಮೆ ವೇಚಾ಼ವಾಳಾಕನ ಜೈ಼ನ್, ಮೋಲ್ ಲೀಲೆವಾನೂಸ್ ಅಛ್ಛು಼’ ಕರಿ ಜ಼ವಾಬ್ ದಿದಿಯೆ.’ 
\v 10 ಯೋ ಬುಧ್ಧು ಕವಾರಿಯೆ ತೇಲ್ ಲ್ಯಾವಾನ ಜಾ಼ವಾದಿನ್, ನೌಶೊ ಆಯೊ. ತೈಯಾರ್ ರ‍್ಹವಾಳಿಯೆ ವ್ಯಹಾನು ಮಿಝ಼್‌ವಾನ್ ಖಾವಾನಖ್ಹಾಜೆ ಇನಜೋ಼ಡೆ ಮಹಿ ಗಯ್ಯೆ. ತದೆ ಬಾಕಲ್ ಮೂಚೈ಼ಗಯು.
\p
\v 11 ಅನ ಬಾದ್‌ಮ ಯೋ ಬುಧ್ಧು ಕವಾರಿಯೆ ಆಯಿನ್, ‘ಪ್ರಭು, ಪ್ರಭು ಮಹಿ ಆವಾನ ಬಾಕಲ್ ಕಾಡ್’ ಕರಿ ಚಿಕ್ರಿಲಿದಿಯೆ 
\v 12 ತದೆ ಯೋ ನೌಶಾನೆ, ‘ತುಮೆ ಕೋಣ್ ಕರಿ ಮನ ಮಾಲುಮ್ ಕೊಯ್ನಿ, ಕರಿ ಮೇ ಖ್ಹಾಚಮಾಬಿ ಬೋಲುಸ್’ ಕರಿ ಬೋಲ್ಯೊ.”
\p
\v 13 ಅಜು಼ ಯೇಸುನೆ ಖ್ಹರ್ತಿಮ ಬೋಲ್ಯೋಕಿ, “ಯೋ ದನ್‍ರ‍್ಹವೊ, ವಖ್ಹತ್‌ರ‍್ಹವೊ ತುಮೂನ ಮಾಲುಮ್‌ಕೊಂತೆ ಇನಖ್ಹಾಜೇಸ್ ಹೊಷಾರ್‌ಥಿರ‍್ಹವೊ.
\s ತೀನ್ ಆಳ್ನಿ ಬಾರೇಮ ಮತ್ಲಬ್‌ನಿ ಖೇಣಿ
\r (ಲೂಕ 19:11-27)
\p
\v 14 “ಸೊರ್ಗಾನು ರಾಜ಼್ ಇನ ಘರ್‌ನ ಮ್ಹೆಂದಿನ್ ಬಿಜೇಕ್ ದೇಖ್ಹ್‌ನ ಗಯೋತೆ ಅದ್ಮಿನಿಘೋಣಿ ಹುಯಿರ‍್ಹೂಸ್. ಯೋ ಅದ್ಮಿ ಜಾ಼ವಾನ ಅಗಾಡಿ ಇನ ಆಳ್‌ನ ಖ್ಹಾರು ಬುಲೈನ್, ಇನು ಧನ್‌-ದೌಲತ್‌ನ ದೇಖಿಲ್ಯವಾನಖ್ಹಾಜೆ ಇವ್ಣುನ ನೇಮಕ್‍ಕರ‍್ಯೊ. 
\v 15 ಇನೆ ಏಕ್‌ನ ಪಾಚ಼್ ಹಜಾ಼ರ್, ಖ್ಹೊನ್ನಾನು ಬಿಲ್ಲು, ಬಿಜೇಕ್‌ನ ಬೇ ಹಜಾ಼ರ್, ಅಜು಼ ಬಿಜೇಕ್ ಜ಼ಣಾನ ಏಕ್‌ ಹಜಾ಼ರ್. ಅಮ್ ಇವ್ಣ ಇವ್ಣ ತಾಖತ್‌ ಎತ್ರೆ ಇವ್ಣುನ ದೀನ್, ಬಿಜೇಕ್ ದೇಖ್ಹ್‌ನ ಚ಼ಲೆಗಯೊ. 
\v 16 ಪಾಚ಼್ ಹಜಾ಼ರ್ ಖ್ಹೊನ್ನಾನು ಬಿಲ್ಲು ಲಿದಾಹುಯಾನೆ ಇನ ಲೀಜೈ಼ನ್, ಧಂದೊ ಕರಾನ ನಾಖಿನ್, ಇನೇಥಿ ಬಿಜು಼ ಪಾಚ಼್ ಹಜಾ಼ರ್ ಖ್ಹೊನ್ನಾನು ಬಿಲ್ಲು ಕಮೈಕರ‍್ಯೊ. 
\v 17 ಇಮ್ಮಸ್ ಬೇ ಹಜಾ಼ರ್ ಖ್ಹೊನ್ನಾನು ಬಿಲ್ಲು ಮಳ್ಯುಹುಯೊ ಬಿಜು಼ ಬೇ ಹಜಾ಼ರ್ ಖ್ಹೊನ್ನಾನು ಬಿಲ್ಲು ಕಮಾಯೊ. 
\v 18 ಕತೋಬಿ ಏಕ್‌ ಹಜಾ಼ರ್ ಬಿಲ್ಲು ಮಳ್ಯಾಹುಯಾನೆ ಜೈ಼ನ್, ಬಲ್ಡಾಮ ಖಾಡ್ ಖೋಂದಿನ್, ಇನು ಯಜಮಾನ್ನು ಬಿಲ್ಲಾನ ಲಪಾಡಿನಾಖ್ಯೊ.\fig ಪೈಶಾಖ್ಹಾರು|alt="Talents" src="hk00168c.tif" size="col" copy="Horace Knowles ©" ref="25:15"\fig*
\p
\v 19 ಘಣ ದನ್ನ ಬಾದ್‌ಮ ಯೋ ಆಳ್‌ ಖ್ಹಾರಾನೊ ಯಜಮಾನ್ ಫಾಛೊ಼ ಆಯಿನ್, ಇವ್ಣೇಥಿ ಇಶಾಬ್ ಮಾಂಗ್‌ತಾನ, 
\v 20 ಪಾಚ಼್ ಹಜಾ಼ರ್ ಖ್ಹೊನ್ನಾನು ಬಿಲ್ಲು ಲಿದಾಹುಯಾನೆ ಖ್ಹಾಮ್ಣೆ ಆಯಿನ್, ಇನಜೋ಼ಡೆ ಬಿಜು಼ ಪಾಚ಼್ ಹಜಾ಼ರ್ ಖ್ಹೊನ್ನಾನು ಬಿಲ್ಲಾ ಲಯಿನ್, ‘ಪ್ರಭು, ತುನೆ ಪಾಚ಼್ ಹಜಾ಼ರ್ ಖ್ಹೊನ್ನಾನು ಬಿಲ್ಲು ಮನ ದಿದೋಥೋನಿ, ಹಂದೇಕ್, ಇನಜೋ಼ಡೆ ಬಿಜು಼ ಪಾಚ಼್ ಹಜಾ಼ರ್ ಖ್ಹೊನ್ನಾನು ಬಿಲ್ಲು ಕಮೈರಾಖ್ಯೋಸ್’ ಕರಿ ಬೋಲ್ಯೊ. 
\v 21 ತದೆ ಇನ ಯಜಮಾನ್ನೆ ಇನ, ‘ಶಬಾಶ್, ತೂ ಅಛ್ಛೊ಼ ಅಜು಼ ಭರೋಖ್ಹಾನೊ ಆಳ್‌! ಹುಯಿರ‍್ಹೋಸ್!’ ತೂ ಥೋಡಾಮ ನಿಯಥ್ಥಿ ರ‍್ಹಯೋತೆ ಇನಖ್ಹಾಜೆ, ಮೇ ತುನ ಮೋಟಾ ಕಾಮ್‌ಪರ್ ನೇಮ್‌ಶಾವುಸ್. ಐನ್, ಮಾರಿ ಖ್ಹುಶಿಮ ಭಾಗ್‌ ಹೂ’ ಕರಿ ಬೋಲ್ಯೊ.
\p
\v 22 “ತದೆ ಬೇ ಹಜಾ಼ರ್ ಖ್ಹೊನ್ನಾನು ಬಿಲ್ಲು ಲಿದೊಹುಯೊ ಆಳ್‌ ಖ್ಹಾಮ್ಣೆ ಐನ್, ಪ್ರಭು, ‘ತುನೆ ಮನ ಬೇ ಹಜಾ಼ರ್ ಖ್ಹೊನ್ನಾನು ಬಿಲ್ಲು ದಿದೊಥೋನಿ, ಹಂದೇಕ್, ಬಿಜು಼ ಬೇ ಹಜಾ಼ರ್ ಕಮೈರಾಖ್ಯೋಸ್’ ಕರಿ ಬೋಲ್ಯೊ. 
\v 23 ಇನ ಯಜಮಾನ್ನೆ ಇನ, ‘ಶಬಾಶ್! ತೂ ಅಛ್ಛೊ಼ ಅಜು಼ ಭರೋಖ್ಹಾನೊ ಆಳ್‌ ಹುಯಿರ‍್ಹೋಸ್!’ ತೂ ಥೋಡಾಮ ನಿಯಥ್ಥಿ ರ‍್ಹಯೋತೆ ಇನಖ್ಹಾಜೆ, ‘ಮೇ ತುನ ಮೋಟಾ ಕಾಮ್‌ಪರ್ ನೇಮ್‌ಶಾವುಸ್, ತೂ ಐನ್, ಮಾರಿ ಖ್ಹುಶಿಮ ಭಾಗ್‌ ಹೂ!’ ಕರಿ ಬೋಲ್ಯೊ.
\p
\v 24 ಅನ “ಬಾದ್‌ಮ ಏಕ್‌ ಹಜಾ಼ರ್ ಖ್ಹೊನ್ನಾನು ಬಿಲ್ಲು ದೇವ್ಣುಥೂತೆ ಇನೆ ಖ್ಹಾಮ್ಣೆ ಆಯಿನ್, ‘ಪ್ರಭು, ತೂ ಕಠಣ್‌ ಅದ್ಮಿಕರಿ ಮನ ಮಾಲುಮ್; ತೂ ಛಿಡ್‌ಕ್ಯೊಕೊಂತೆ ಇನ ವ್ಹಾಡವಾಳೊ, ತೂ ಗಾಡ್ಯೊಕೊಂತೆ ಅನಾಜ಼್‌ನ ಎಕ್ಟು ಕರಾವಾಳೊ. 
\v 25 ಮೇ ಡರಿನ್, ತಾರ ಪೈಶಾನ ಜ಼ಮೀನ್‌ಮ ಲಪಾಡಿರಾಖ್ಯೊಥೊ. ಹಂದೇಕ್, ತಾರು ತುನಾಸ್ ದೆವ್‍ಕರೂಸ್’ ಕರಿ ಬೋಲ್ಯೊ.
\p
\v 26 ತದೆ ಇನ ಯಜಮಾನ್ನೆ, ‘ತೂ ಖರಾಬ್ ಅಜು಼ ಶೋಂಬೇರಿ ಆಳ್‌ ಹುಯಿರ‍್ಹೋಸ್! ಮೇ ಛೀಡ್‌ಕ್ಯೊಕೊಂತೆ ಹಿಜ್ಜಾ಼ ವ್ಹಾಡವಾಳೊ, ಮೇ ಗಾಡ್ಯೊಕೊಂತೆ ಅನಾಜ಼್‌ನ ಎಕ್ಟು ಕರಾವಾಳೊ ಕರಿ ತುನ ಮಾಲುಮ್ ಥೂಕಿ ಶು? 
\v 27 ಇಮ್‍ಕತೊ, ತೂ ಮಾರ ಪೈಶಾನ ಬಡ್ಡಿಪರ್ ದೇವ್ಣುಥು, ತದೆ ಮೇ ಆಯಿನ್, ಮಾರ ಪೈಶಾನ ಬಡ್ಡಿ ಖ್ಹಮೇದ್ ಲೀಲಿದೊಹೋತ್’ ಕರಿ ಬೋಲ್ಯೊ. 
\v 28 ಅಜು಼ ಇನ ಆಳ್‌ ಖ್ಹಾರಾನ, ‘ಆ ದೇವ್ಣುತೆ ಯೋ ಪೈಶಾನ ಲೀನ್, ದಖ್ಹ್‌ ಹಜಾ಼ರ್ ಖ್ಹೊನ್ನಾನು ಬಿಲ್ಲಾ ಛಾ಼ತೆ ಇನ ದೆವೊ. 
\v 29 ಕಿನಾಕನ ಥೋಡು ಛಾ಼ಕಿ ಇವ್ಣುನ ಬಿಜೂ಼ಬಿ ದೆವಾವ್‌ಶೆ, ಅಜು಼ ಇನ ಹೋಣುತೆ ಇನೇಥಿಬಿ ಜಾ಼ಖ್ಹತ್ ಇನ ಮಳ್‌ಶೆ; ಕತೋಬಿ ಕಿನಾಕನ ಶಾತ್ಬಿ ಕೊಯ್ನಿಕಿ, ಇನಾಕಂಥು ಇನಾಕನ ಛಾ಼ತೇಬಿ ಥೋಡು ಕಾಡಿಲಿಶೆ. 
\v 30 ಅನಕೇಡೆಥು ಯೋ ಯಜಮಾನ್ನೆ, ಕಾಮ್ನಕೊಂತೆ ಆ ಖರಾಬ್ ಆಳ್‌ನ ಭಾರ್ ಅಂಧಾರಾಮ ನಾಖಿದೆವೊ; ಹಿಜ್ಜಾ಼ ಆ ರೊವ್‌ತೊಹುಯಿನ್, ಕರ್‌-ಕರ್‌ ದಾತ್‌ ಚಾ಼ವ್‌ಶೆ’ ಕರಿ ಬೋಲ್ಯೊ.
\s ಖ್ಹರ್ತಿನು ನ್ಯಾವ್‌ನು ತೀರ್ಪ್
\p
\v 31 ಅತ್ರೇಸ್ ಕಾಹೆತೆ ಅದ್ಮಿನೊ ಛಿಯ್ಯೊ ಇನಿ ಮಹಾನ್ ಮಹಿಮೆಥಿ ತಮಾಮ್‌ ದೇವ್‌ನು ದೂತರ್‌ನ ಜೋ಼ಡೆ ಆವಾನಿ ವಖ್ಹತ್‌ಮ, ಯೊ ಇನಿ ಮಹಿಮೆನು ಸಿಂಹಾಸನ್‍ಪರ್ ಬೇಖ್ಹ್‌ಶೆ. 
\v 32 ಅಜು಼ ತಮಾಮ್‌ ದೇಖ್ಹ್‌ನು ಅದ್ಮಿಖ್ಹಾರು ಇನಖ್ಹಾಮ್ಣೆ ಎಕ್ಟು ಉಶೆ. ಚ಼ರಾವವಾಳೊ ಬೋಕ್‍ಡಾವ್‍ ಅಜು಼ ಮೇಂಢವ್‌ನ ಅಲಕ್ ಕರಾತೆ ಇಮ್ಮಸ್, ಯೊ ಇವ್ಣುನ ಅಲಕ್ ಕರೀನ್, 
\v 33 ಮೇಂಢವ್‌ನ ಇನಿ ಖಾವಿ ಬಾಜೂ಼ಮ ಅಜು಼ ಬೋಕ್‍ಡಾವ್ನ ಇನಿ ಡಾವಿ ಬಾಜೂ಼ಮ ಭೀರಾಕ್‌ಶೆ. 
\v 34 ತದೆ ರಾಜಾ಼ ಇನಿ ಖಾವಿ ಬಾಜೂ಼ಮ ಭಿಯುತೆ ಅದ್ಮಿ ಖ್ಹಾರಾನ, ‘ಮಾರ ಬಾನೆ ಆಶೀರ್ವಾದ್‌ ಕರ‍್ಯೊತೆ ತುಮೆ ಆವೊ, ಜಗತ್‌ ಉಬ್‌ಜ್ಯುತೆ ತಪ್‌ಥು ತುಮಾರಖ್ಹಾಜೆ ತೈಯಾರ್ ಹುಯಿರ‍್ಹೂತೆ ರಾಜ್ಯನ ಅಲ್ಲೇವೊ. 
\v 35 ಮೇ ಭುಕ್ಯೊ ಥೊ, ತುಮೆ ಮನ ಖಾಣು ದಿದಾ; ಮೇ ಟೋಖ್ಹ್‌ಮ ಥೊ, ತುಮೆ ಮನ ಪಿಯ್ಯಾನ ದಿದಾ; ಮೇ ಪರೈ ಅದ್ಮಿಹುಯಿನ್ ಥೊ, ತುಮೆ ಮನ ಮಳೈಲಿದ; 
\v 36 ಮೇ ಉಘಾಡೊ ಥೊ, ತುಮೆ ಮನ ಪೇರ‍್ಹಾನ ಲುಂಗ್ಡಾದಿದಾ; ಮೇ ರೋಗ್‌ಮ ಪಡ್ಯೋಥೊ, ತುಮೆ ಮನ ದೇಕ್-ಭಾಲ್ ಕರ‍್ಯಾ; ಮೇ ಜೇಲ್‌ಮ ಥೊ, ತುಮೆ ಮನ ದೇಖಾನ ಆಯಾಥಾ’ ಕರಿ ಬೋಲ್‌ಶೆ.
\p
\v 37 ತದೆ ಯೋ ಧರ್ಮಿ ಅದ್ಮಿಖ್ಹಾರು, ‘ಪ್ರಭು, ಕದೆ ತೂ ಭುಕ್ಯೊ ಥೋತೆ ದೇಖಿನ್, ಹಮೆ ಖಾಣು ದಿದಾ? ನಾತೊ ಕದೆ ತೂ ಟೋಖ್ಹ್‌ಮ ಥೋತೆ ದೇಖಿನ್, ತುನ ಪಿಯ್ಯಾನ ದಿದಾ? 
\v 38 ಕದೆ ತೂ ಪರೈ ಅದ್ಮಿ ಹುಯಿರ‍್ಹೊಥೋತೆ ದೇಖಿನ್, ಹಮೆ ತುನ ಮಳೈಲಿದ? ನಾತೊ ಕದೆ ತೂ ಉಘಾಡೊ ಥೋತೆ ದೇಖಿನ್, ಹಮೆ ತುನ ಪೇರ‍್ಹಾನ ಲುಂಗ್ಡ ದಿದಾ? 
\v 39 ಕದೆ ತೂ ರೋಗ್‌ಮ ಥೋತೆ ದೇಖಿನ್, ನಾತೊ ಜೇಲ್‌ಮಥೋತೆ ದೇಖಿನ್, ಹಮೆ ತುನ ದೇಖಾನ ಆಯಾಥಾ?’ ಕರಿ ಬೋಲ್‌ಶೆ. 
\v 40 ತದೆ ಯೋ ರಾಜಾ಼ ಫರೈನ್, ‘ಆ ಮಾರ ಭೇನೆ-ಭೈಯೇಮ ಕಡ್‌ತೇಲ್‌ನಿಮತ್ ಥೂತೆ ಏಕ್‌ನ ತುಮೆ ಶಶ್ಶಾತ್ ಕರ‍್ಯಾಕಿ, ಯೋ ಮನಾಬಿ ಕರಾದಾಖ್ಹಲ್ ಕರಿ ಮೇ ತುಮೂನ ಖ್ಹಾಚಮಾಬಿ ಬೋಲುಸ್’ ಕರಿ ಬೋಲ್‌ಶೆ!
\p
\v 41 ಅನಕೇಡೆಥು ಯೋ ರಾಜ಼ ಇನಿ ಡಾವಿ ಬಾಜೂ಼ಮ ಭೀರ‍್ಯೂತೆ ಅದ್ಮಿಖ್ಹಾರಾನ, ‘ಮಾರೇಥಿ ದೂರ್ ಹಟಿಜಾ಼ವೊ, ತುಮೆ ದೇವ್ನಿ ಶಾಪ್ನ ಹೇಟ್ ಛಾ಼! ಮನ ಮ್ಹೆಂದಿನ್, ಶೈತಾನ್ನ ಅಜು಼ ಇನ ದೂತರ್‌ನಖ್ಹಾಜೆ ತೈಯಾರ್ ಹುಯಿರ‍್ಹೂತೆ ಹರ್‌ಹಮೇಶಾನಿ ಆಗ್‌ಮ ಜೈ಼ನ್, ಪಡೊ! 
\v 42 ಮೇ ಭುಕ್ಯೊ ಥೊ, ತುಮೆ ಮನ ಖಾಣು ಕೋ ದಿದಾನಿ; ಮೇ ಟೋಖ್ಹ್‌ಮ ಥೊ, ತುಮೆ ಮನ ಪಿಯ್ಯಾನ ಕೋ ದಿದಾನಿ; 
\v 43 ಮೇ ಪರೈ ಹುಯಿನ್ ಥೊ, ತುಮೆ ಮನ ಮಳೈಲಿದಾಕೊಯ್ನಿ; ಮೇ ಉಘಾಡೊ ಥೊ, ತುಮೆ ಮನ ಪೇರ‍್ಹಾನ ಲುಂಗ್ಡ ಕೋ ದಿದಾನಿ; ಮೇ ರೋಗ್‌ಮ ಥೊ, ತುಮೆ ಮನ ದೇಕ್‌ಭಾಲ್‌ ಕೋ ಕರ‍್ಯಾನಿ; ಮೇ ಜೇಲ್‌ಮ ಥೊ, ತುಮೆ ಮನ ದೇಖಾನ ಕೋಆಯನಿ’ ಕರಿ ಬೋಲ್‌ಶೆ.
\p
\v 44 ತದೆ ಇವ್ಣೆ ಇನ, ‘ಪ್ರಭು, ಕದೆ ತೂ ಭುಕ್ಯೊ ಥೋತೆ, ನಾತೊ ಟೋಖ್ಹ್‌ಮ ಥೋತೆ, ನಾತೊ ಪರೈಹುಯಿನ್ ಥೋತೆ, ನಾತೊ ರೋಗ್‌ಮ ಥೋತೆ, ನಾತೊ ಜೇಲ್‌ಮಥೋತೆ ದೇಖಿನ್, ಹಮೆ ತುನ ಮದತ್ ಕರ‍್ಯಾಕೊಂತೆ ಗಯ?’ ಕರಿ ಪುಛಾ಼ವ್‌. 
\v 45 ತದೆ ಯೋ ರಾಜ಼ ಫರೈನ್ ಇವ್ಣುನ, ‘ತುಮೆ ಆ ನ್ಹಾನಾವ್‍ಮ ಕಡ್‌ತೇಲ್‌ನಿಮತ್ ಛಾ಼ತೆ ಏಕ್‌ನ ಶಶ್ಶಾತ್ ಕೋ ಕರ‍್ಯಾನಿಕಿ, ಯೋ ಮನಾಬಿ ಕರ‍್ಯಾಕೊಯ್ನಿ ಕರಿ ಮೇ ತುಮೂನ ಖ್ಹಾಚಮಾಬಿ ಬೋಲುಸ್’ ಕರಿ ಬೋಲ್‌ಶೆ. 
\v 46 ತದೆ ಖರಾಬ್ ಅದ್ಮಿ ಖ್ಹಾರಾನ ಹರ್‌ಹಮೇಶಾನಖ್ಹಾಜೆ ಡಂಡ್ ಉಶೆ ಅಜು಼ ಧರ್ಮಿ ಖ್ಹಾರಾನ ಹರ್‌ಹಮೇಶಾನಿ ಜಿ಼ಂದ್‌ಗಿ ಮಳ್‌ಶೆ.
\c 26
\s ಯೇಸುನಿ ವಿರೋದ್ ಮಶ್ಲತ್ ಭಂದಾಯುತೆ
\r (ಮಾರ್ಕ 14:1-2; ಲೂಕ 22:1-2; ಯೋಹಾನ 11:45-53)
\p
\v 1 ಯೇಸುನೆ ಆವಾತೆಖ್ಹಾರಿ ಬೋಲಿನ್ ಖತಮ್ ಕರಾನ ಬಾದ್‌ಮ, ಇನ ಶಿಷ್ಯರ್‌ನ, 
\v 2 “ಬಿಜು಼ ಬೇ ದನ್ಮ ಪಸ್ಕ ಪೂಜಾ಼ ಆವ್‍ಶೆಕರಿ ತುಮೂನ ಮಾಲುಮ್; ತದೆ ಅದ್ಮಿನೊ ಛಿಯ್ಯಾನ ಶಿಲ್‌ಬೇಪರ್ ನಾಖಾನಖ್ಹಾಜೆ ಇವ್ಣಹಾತ್ಮ ದಿನಾಕ್‌ಶೆ” ಕರಿ ಬೋಲ್ಯೊ.
\p
\v 3 ತದೆ ಗಲ್‌ಢಯಾಜಕರ್‌ಬಿ ಅಜು಼ ಶಾಣುಖ್ಹಾರು ಮಹಾಯಾಜಕ್ ಕಾಯಫನ ಮಹೇಲ್‌ಮ ಮಳೀನ್ಆಯು, 
\v 4 ಯೇಸುನ ಕಿನಾಬಿ ಮಾಲುಮ್‌ಕೊಂತೆ ಇಮ್‌ ಧರೀನ್, ಮರೈನಾಕ್ಣು ಕರಿ ವಾತೆ ಕರಿಲಿದು. 
\v 5 “ತೋಬಿ ಪೂಜಾ಼ನಿ ವಖ್ಹತ್‌ಮ ನಾ ಧರ್‌ನು, ಶನಕತೊ ಅಪ್ಣ ಅದ್ಮಿಮ ಕಲ್ಹಾಗಟ್ ಪಡಿಜಾ಼ಶೆ” ಕರಿ ಬೋಲಿಲಿದು.
\s ಬೆಥಾನ್ಯಾಮ ಯೇಸುನ ಅಬಿಷೇಕ್ ಹುಯೂತೆ
\r (ಮಾರ್ಕ 14:3-9; ಯೋಹಾನ 12:1-8)
\p
\v 6 ಯೇಸು ಬೇಥಾನ್ಯಮ ಸೀಮೋನ್ನ ಘರ್‌ಮ ಥೊ, ಆ ಸೀಮೋನ್ ಅಗಾಡಿ ಖೋಡ್‍ವಾಳೊ ಹುಯಿರ‍್ಹೋಥೊ. 
\v 7 ಯೇಸು ಖಾಣು ಖಾವಾನಿ ವಖ್ಹತ್‌ಮ, ಏಕ್‌ ತಯೇಡ ಘಣ ಮೋಲ್ನು ವಾನು ತೇಲ್ನ ಧೋಳ ಬಂಡಾನಿ ಶೀಶಿಮ ಲೀನ್, ಇನಾಕನ ಆಯಿನ್, ಯೋ ತೇಲ್ನ ಇನ ಮಾಥಪರ್ ರಂಚಿ. 
\v 8 ಅನ ದೇಖಿನ್, ಶಿಷ್ಯರ್‌ನೆ ಖೀಜ಼್ ಕರ‍್ಯಾ, ಅಜು಼, “ಆ ವಾನು ತೇಲ್ನ ಶನ ಲುಕ್ಷಾನ್ ಕರಿ? 
\v 9 ಆ ತೇಲ್ನ ಘಣ ಪೈಶಾನ ವೇಚಿನ್, ಆವಾಸ್ತೆ ಪೈಶಾನ ಗರೀಬ್‌ನ ದಿಯ್ಯೆಜಾ಼ಯಿಥೂನಿ?” ಕರಿ ಬೋಲ್ಯ.
\p
\v 10 ಯೇಸುನೆ ಇವ್ಣೆ ಬೋಲುಕರಾತೆ ಮಾಲುಮ್‌ ಕರಿಲೀನ್ ಇವ್ಣುನ, “ತುಮೆ ಆ ತಯೇಡಾನ ಶನ ಖ್ಹತವ್‍ಕರಸ್ತೆ? ಅನೆ ಮಾರಖ್ಹಾಜೆ ಘಣು ಅಛ್ಛು಼ಕಾಮ್ ಕರಿರಾಖೀಸ್. 
\v 11 ಗರೀಬ್ ಅದ್ಮಿಖ್ಹಾರು ಕದೇಬಿ ತುಮಾರಕನ ರ‍್ಹಿಶೆ, ಕತೋಬಿ ಮೇ ಹಮೇಶ ತುಮಾರಕನ ರ‍್ಹೀಶ್ ಕೊಯ್ನಿ. 
\v 12 ಮೇ ಮರ್‌ವಾನ ಬಾದ್‌ಮ, ಮಾರು ಶರೀರ್‌ನ ಮಖ್ಹಾಣ್ಯು ಕರಾನಟೇಕೆ, ಅನೆ ಮಾರ ಆಂಗ್‌ತನ್‌ಪರ್ ವಾನು ತೇಲ್ನ ರಂಚಿರಾಖಿಸ್. 
\v 13 ಮೇ ತುಮುನ ಖ್ಹಾಚಮಾಬಿ ಬೋಲುಸ್, ಹಿಡಿ ಜಗತ್‌ಮ ಆ ಅಛ್ಛಿ ಖಬರ್ ಕಿಜ಼್ಜ-ಕಿಜ಼್ಜ ಬೋಲಾವ್‌ಶೇಕಿ, ಹಿಜ್ಜಾ಼ ಖ್ಹಾರು ಅನೆ ಕರೀತೆ ಇನಾಬಿ ಅನಿ ಯಾದ್‌ನಖ್ಹಾಜೆ ಬೋಲ್‌ಶೆ” ಕರಿ ಬೋಲ್ಯೊ.
\s ಯೂದಾನೆ ಯೇಸುನ ಧೋಕೇಥಿ ಧರಿದ್ಯವಾನ ಮಾನಿಗಯೋತೆ
\r (ಮಾರ್ಕ 14:10-11; ಲೂಕ 22:3-6)
\p
\v 14 ಅನ ಬಾದ್‌ಮ ಭಾರ ಶಿಷ್ಯರ್‌ಮ ಏಕ್‌ ಜ಼ಣೊ ಹುಯಿರ‍್ಹೊಥೋತೆ ಇಸ್ಕರಿಯೋತ ಯೂದಾನೆ ಗಲ್‌ಢಯಾಜಕರ್‌ಕನ ಜೈ಼ನ್, 
\v 15 “ಮೇ ಇನ ಧೋಕೇಥಿ ಧರಿದಿದೋತೊ, ತುಮೆ ಮನ ಶಾತ್ ದಿಶು?” ಕರಿ ಪುಛಾ಼ಯೊ. ತದೆ ಇವ್ಣೆ ಡೋಡಿಖ್ಹ್‌ ರೂಪಾನು ಬಿಲ್ಲಾನ ಗಣೀನ್, ಇನ ದಿದು. 
\v 16 ತಪ್‌ಥೊ ಯೂದ ಯೇಸುನ ಧರಿದ್ಯವಾನಿ ಬರೋಬರ್‌ನಿ ವಖ್ಹತ್‌ನಖ್ಹಾಜೆ ಜ಼ಪೂಕರ್ತೊಥೊ.
\s ಯೇಸುನೆ ಇನ ಶಿಷ್ಯರ್‌ನ ಜೋ಼ಡೆ ಪಸ್ಕಾನು ಖಾಣು ಖಾದೋತೆ
\r (ಮಾರ್ಕ 14:12-21; ಲೂಕ 22:7-13,21-23; ಯೋಹಾನ 13:21-30)
\p
\v 17 ಖಾಟುಕೊಂತೆ ರೋಟಾನು ಪೂಜಾ಼ನ ಪಹಿಲ ದನ್ನೆ, ಶಿಷ್ಯರ್‌ ಯೇಸುಕನ ಐನ್, “ಹಮೆ ತಾರಖ್ಹಾಜೆ ಪಸ್ಕಾನು ಖಾಣನ ಕಿಜ಼್ಜಾ ತೈಯಾರ್ ಕರ‍್ನು?” ಕರಿ ಪುಛಾ಼ಯಾ.
\p
\v 18 ತದೆ ಯೇಸುನೆ ಇವ್ಣುನ, “ತುಮೆ ಖ್ಹಯೇರ್‌ಮ ಮೇ ವತಾಳ್ಯೊತೆ ಇನಕನ ಜೈ಼ನ್ ಇನ, ‘ಮಾರಿ ವಖ್ಹತ್ ಖನ್ನೆ ಐಗೈ, ತಾರ ಘರ್‌ಮ ಮಾರ ಶಿಷ್ಯರ್‌ನ ಜೋ಼ಡೆ ಪಸ್ಕಾನು ಖಾಣು ಖವುಸ್ ಕರಿ ಗುರುನೆ ಬೋಲ್ಯೊ’ ಕರಿ ಬೋಲೊ.”
\p
\v 19 ಶಿಷ್ಯರ್‌ನೆ ಯೇಸುನೆ ಇವ್ಣುನ ಬೋಲ್ಯೋತೆ ಇಮ್ಮಸ್ ಕರ‍್ಯಾ ಅಜು಼ ಪಸ್ಕಾನ ಖಾಣನ ತೈಯಾರ್ ಕರ‍್ಯಾ.
\p
\v 20 ಖ್ಹಾಂಜ಼್ ಹುವ್ವಾದೀನ್, ಯೇಸು ಇನ ಭಾರ ಶಿಷ್ಯರ್‌ನ ಜೋ಼ಡೆ ಖಾಣನ ಬೇಶಿಗಯೊ. 
\v 21 ಇವ್ಣೆ ಖಾಣು ಖವ್‍ಕರಾನಿ ವಖ್ಹತ್‌ಮ, ಯೇಸುನೆ ಇವ್ಣುನ, “ಮೇ ಖ್ಹಾಚಮಾಬಿ ಬೋಲುಸ್ಕಿ, ತುಮಾರಾಮ ಏಕ್‌ ಜ಼ಣೊ ಮನ ಧೋಕೇಥಿ ಧರಿದಿಶೆ” ಕರಿ ಬೋಲ್ಯೊ.
\p
\v 22 ತದೆ ಶಿಷ್ಯರ್‌ ಖ್ಹಾರು ಘಣು ದುಖ್‌ಥಿ, “ಪ್ರಭು, ಖ್ಹಾಚಮಾಬಿ ಮೇ ಕಾಹೆ ಕೊಯ್ನಿ?” ಕರಿ ಏಕ್‌ನ ಬಾದ್ಮ ಏಕ್‌ ಇನ ಪುಛಾ಼ವಲಗ್ಯಾ.
\p
\v 23 ಯೇಸುನೆ, “ಕೋಣ್ ಮಾರ ಜೋ಼ಡ್ಮ ಕಟೋರಿಮ ಚೋ಼ಪ್‌ಡಾಸ್ಕಿ, ಯೋಸ್ ಮನ ಧೋಕೇಥಿ ಧರಿದ್ಯವಾಳೊ” ಕರಿ ಬೋಲ್ಯೊ. 
\v 24 ವಚನ್‌ಮ ಲೀಖೈರ‍್ಹೂತೆ ಇಮ್ಮಸ್, ಅದ್ಮಿನೊ ಛಿಯ್ಯೊ ಮರ್‌ಶೆ, ಕತೋಬಿ ಕೋಣ್ ಅದ್ಮಿನೊ ಛಿಯ್ಯಾನ ಧರಿದಿಶೇಕಿ, ಇನಿ ಹಾಲ್ನ ಶಾತ್‌ ಬೋಲು! ಯೋ ಅದ್ಮಿ ಪೈದಾ ನಾಸ್ ಹುಯುಹೊತ್ತೊ ಇನ ಅಛ್ಛು಼ ಥೂ.
\p
\v 25 ತದೆ ಇನ ಧೋಕೇಥಿ ಧರಿದೇಣು ಕರಿ ಥೋತೆ ಯೂದಾನೆ, “ಗುರು, ಖ್ಹಾಚಮಾಬಿ ಯೋ ಮೇತೊ ಕಾಹೆನಿ?” ಕರಿ ಪುಛಾ಼ಯೊ.
\p ಯೇಸುನೆ ಇನ, “ತೂಸ್ ಬೋಲ್ಯೋನಿ” ಕರಿ ಜ಼ವಾಬ್ ದಿದೊ.
\s ಪ್ರಭುನು ಭೋಜನ್
\r (ಮಾರ್ಕ 14:22-26; ಲೂಕ 22:14-20; 1 ಕೊರಿಂಥ 11:23-25)
\p
\v 26 ಇವ್ಣೆ ಖಾಣು ಖವ್‍ಕರಾನಿ ವಖ್ಹತ್‌ಮ, ಯೇಸುನೆ ರೋಟಾನ ಪಾಡೀನ್,ದೇವ್ನ ಧನ್ಯವಾದ್‌ ಕರೀನ್, ಇನ ತೋಡಿನ್, ಇನ ಶಿಷ್ಯರ್‌ನ ದೀನ್, “ಅಲ್ಲೇವೊ, ಅನಖಾವೊ, ಆ ಮಾರು ಶರೀರ್” ಕರಿ ಬೋಲ್ಯೊ.
\p
\v 27 ಅನಕೇಡೆಥು ಕಟೋರಿನ ಪಾಡಿನ್, ದೇವ್ನ ಧನ್ಯವಾದ್ ಕರೀನ್, ಇವ್ಣುನ ದೀನ್, “ತುಮೆ ಖ್ಹಾರು ಅನಾಮ ಪೀಯ್ಯೊ. 
\v 28 ಆ ಮಾರು ಲ್ಹೋಯಿ, ಆ ದೇವ್‌ನು ನವು ಒಪ್ಪಂದಾನನ ಮುದ್ರೊ ಮರೈಹುಯು ಮಾರು ಲ್ಹೊಯಿ; ಕೈಯೆಕ್ಕಿ ಅದ್ಮಿನು ಪಾಪ್‌ಖ್ಹಾರು ಮಾಪ್‌ ಕರಾನಖ್ಹಾಜೆ ರಂಚಾ಼ಯುತೆ ಮಾರು ಲ್ಹೊಯಿ. 
\v 29 ಮೇ ತುಮೂನ ಬೋಲುಸ್ಕಿ, ಹಂಕೇಥು ಧರೀನ್, ಬಾನಿ ರಾಜ್ಯಮ ನವು ದ್ರಾಕ್ಷಿನು ರಖ್ಹ್‌ ಪಿಯ್ಯಾನ ದನ್‌ತೋಡಿ, ಅನ ಮೇ ಪಾಛೊ಼ ಪೀಶಸ್ ಕೊಯ್ನಿ” ಕರಿ ಬೋಲ್ಯೊ.
\p
\v 30 ಅನಕೇಡೆಥು ಇವ್ಣೆ ಸ್ತುತಿನು ಗೀದ್‌ ಬೋಲಿನ್ ಆಲಿವ್ ಪಹಡ್‌ಕನ ಚ಼ಲೇಗಯ.
\s ಪೇತ್ರ ಝೂ಼ಟಿ ಬೋಲ್‌ಶೆ ಕರಿ ಯೇಸುನೆ ಬೋಲ್ಯೋತೆ
\r (ಮಾರ್ಕ 14:27-31; ಲೂಕ 22:31-34; ಯೋಹಾನ 13:36-38)
\p
\v 31 ತದೆ ಯೇಸುನೆ ಇವ್ಣುನ, “ಆ ರಾತೆ ತುಮೆ ಖ್ಹಾರುಸ್ ಮನ ಮ್ಹೆಂದಿನ್, ಮಿಲೈಜಾ಼ಶು; ದೇವ್ ವಚನ್‌ಮ ಬೋಲುಕರಸ್ ಮೆ ಮೇಂಢ ಚ಼ರಾವವಾಳಾನ ಮರ್‌ನಾಕಿಶ್, ತದೆ ಮಂಧಾಮಾಥು ಮೇಂಢ ಛಿಡ್‌ಗರ್‌ ಹುಯಿಜಾ಼ಶೆ, 
\v 32 ಕತೋಬಿ ಮೇ ಜಿವ್ತೊಹುಯಿನ್, ಉಠಾನ ಬಾದ್‌ಮ ತುಮಾರೇಥಿ ಅಗಾಡಿ ಗಲಿಲಾಯ ಜೈ಼ಶ್” ಕರಿ ಬೋಲ್ಯೊ.
\p
\v 33 ತದೆ ಪೇತ್ರನೆ ಯೇಸುನ, “ಖ್ಹಾರು ಡರಿನ್, ತುನ ಮ್ಹೆಂದಿದಾತೋಬಿ ಮೇ ತುನ ಮ್ಹೇಲಿಶ್ ಕೊಯ್ನಿ” ಕರಿ ಬೋಲಾಖ್ಹತರ್,
\p
\v 34 ಯೇಸುನೆ ಪೇತ್ರನ, “ಖ್ಹಾಚಮಾಬಿ ತುನ ಬೋಲುಸ್ಕಿ, ಆ ರಾತೇಸ್ ಮುರ್‌ಗೊ ಬಾಂಗ್‌ ದ್ಯವಾನ ಅಗಾಡಿ ತೂ ಮಾರಿ ಬಾರೇಮ, ‘ಯೋ ಮನ ಮಾಲುಮ್ ಕೊಯ್ನಿ’ ಕರಿ ತೀನ್‍ಹಲ್ಲ ಬೋಲಿಶ್” ಕರಿ ಬೋಲ್ಯೊ.
\p
\v 35 ಪೇತ್ರನೆ, “ಮೇ ತಾರ ಜೋ಼ಡ್ಮ ಮರಾನು ರ‍್ಹಯುತೋಬಿ, ಮೆ ತುನ ಮಾಲುಮ್‌ ಕೊಯ್ನಿ ಕರಿ ಕೋ ಬೋಲಿಶ್‌ನಿ” ಕರಿ ಬೋಲ್ಯೊ.
\p ಅಜು಼ ಬಿಜಾ಼ಖ್ಹಾರ ಶಿಷ್ಯರ್‌ನೇಬಿ ಇಮ್ಮಸ್ ಬೋಲ್ಯ.
\s ಯೇಸು ಗೆತ್ಸೆಮನೆಮ ಪ್ರಾರ್ಥನೆ ಕರ‍್ಯೊತೆ
\r (ಮಾರ್ಕ 14:32-42; ಲೂಕ 22:39-46)
\p
\v 36 ಅನಕೇಡೆಥು ಯೇಸು ಇನ ಶಿಷ್ಯರ್‌ನ ಜೋ಼ಡೆ ಗೆತ್ಸೆಮನೆ ಕರಿ ಬಾಗ್‌ನ ಗಯೊ, ಇವ್ಣುನ, “ಹಜ್ಜಾ಼ಸ್ ಬೇಖ್ಹೊ, ಮೇ ಹಿಜ್ಜಾ಼ ಜೈ಼ನ್, ಪ್ರಾರ್ಥನೆ ಕರೀನ್, ಆವುಸ್‌” ಕರಿ ಬೋಲ್ಯೊ. 
\v 37 ಅಮ್ ಬೋಲಿನ್, ಪೇತ್ರ ಅಜು಼ ಜೆಬೆದಾಯನ ಛಿಯ್ಯಾವ್‍ನ ಇನಜೋ಼ಡೆ ಬುಲೈಲಿ ಗಯೊ. ತದೆ ಯೇಸುನ ಘಣು ಘಬ್ರಾವ್‍ಣಿ ಹುಯು ಅಜು಼ ಯೋ ದುಖ್‌ಥಿ ಭರೈಗೊ. 
\v 38 ಅಜು಼ ಯೇಸುನೆ ಇವ್ಣುನ, “ಮಾರೊ ಜಾನ್‌ ಮರ‍್ವಎತ್ರೆ ದುಖ್‌ಮ ಛಾ಼. ತುಮೆ ಹಾಸ್‌ರ‍್ಹೀನ್, ಮಾರ ಜೋ಼ಡೆ ಹೊಷಾರಿ ರ‍್ಹವೊ” ಕರಿ ಬೋಲ್ಯೊ.
\p
\v 39 ಅನಕೇಡೆಥು ಯೋ ಜ಼ರ ಖ್ಹಾಮ್ಣೆ ಜೈ಼ನ್, ಜ಼ಮೀನ್‌ಪರ್ ಆಡೊ ಪಡೀನ್, “ಮಾರೊ ಬಾ, ಹೋತು ಉಶೇತೊ, ಆ ವದೇಖ್ಹಾನಿ ಕಟೋರಿ ಮನ ಮ್ಹೆಂದಿನ್ ಜಾ಼ವಾನಿಘೋಣಿ ಕರ್‌! ತೋಬಿ ಮಾರಿ ಮರ್ಜಿನಿಘೋಣಿ ಕಾಹೆ, ತಾರಿ ಮರ್ಜಿನಿ ಘೊಣಿಸ್ ಹುವಾದೆ” ಕರಿ ಪ್ರಾರ್ಥನೆ ಕರ‍್ಯೊ.
\p
\v 40 ಅನ ಯೇಸು ಯೋ ಶಿಷ್ಯರ್‌ಕನ ಆಯಿನ್, ಇವ್ಣೆ ಖ್ಹುತಾತೆ ದೇಖಿನ್, ಪೇತ್ರನ, “ಅಮ್‌ಕಿ ಶು? ತುಮೆ ಮಾರ ಜೋ಼ಡೆ ಏಕ್‌ ಘಡೀಬಿ ಹೊಷಾರಿ ರ‍್ಹವಾನ ಕೋ ಹೋಯ್ನಿಕಿ ಶು? 
\v 41 ಶೋದನೆಮ ಪಡ್ಣುನಾತೆ ಇಮ್‌ ಹೊಷಾರಿ ರ‍್ಹೀನ್, ಪ್ರಾರ್ಥನೆ ಕರೊ. ಮನ್ ಛಾ಼ ಖ್ಹಾಚಸ್, ಕತೋಬಿ ಶರೀರ್‌ನ ಶಕತ್ ಪುರಾಕೊಯ್ನಿ” ಕರಿ ಬೋಲ್ಯೊ.
\p
\v 42 ಬಿಜು಼ ಪಾಛೊ಼ ಭೇನೆಹಲ್ಲ ಜೈ಼ನ್, “ಮಾರೊ ಬಾ, ಮೇ ಆ ವದೇಖ್ಹಾನಿ ಕಟೋರಿನ ಪಿಯ್ಯಾಶೆ, ಆ ಮನ ಮ್ಹೆಂದಿನ್ ನಾ ಜಾ಼ವ್ಣುಕರಿ ತಾರಿ ಮರ್ಜಿ ಉಶೇತೊ, ತಾರಿ ಮರ್ಜಿನಿಘೋಣಿಸ್ ಹುವಾದೆ” ಕರಿ ಬೋಲಿನ್, ಪ್ರಾರ್ಥನೆ ಕರ‍್ಯೊ. 
\v 43 ಅನ ಬಾದ್‌ಮ ಪಾಛೊ಼ ಶಿಷ್ಯರ್‌ಕನ ಐನ್, ಇವ್ಣೆ ಖ್ಹುತಾತೆ ದೇಖ್ಯೊ; ಇವ್ಣ ಡೋಳಾಮ ನಿಂದರ್‌ ಚು಼ವ್‍ಕರ್ತಿಥಿ.
\p
\v 44 ಅನಕೇಡೆಥು ಪಾಛೊ಼ ಇವ್ಣುನ ಮ್ಹೆಂದಿನ್ ಜೈ಼ನ್, ಯೋಸ್ ವಾತೇನ ಬೋಲ್ತೊಹುಯಿನ್, ತೀನ್ನೆಹಲ್ಲ ಪ್ರಾರ್ಥನೆ ಕರ‍್ಯೊ. 
\v 45 ಬಾದ್‌ಮ ಯೋ ಬಿಜು಼ ಪಾಛೊ಼ಫರಿನ್, ಇನ ಶಿಷ್ಯರ್‌ಕನ ಆಯಿನ್, “ತುಮೆ ಬಿಜೂ಼ಬಿ ಖ್ಹುಯಿನ್, ಅರಾಮ್‌ ಕರುಕರಾಸ್ಕಿ ಶು? ಹಂದೇಖೊ, ಅದ್ಮಿನೊ ಛಿಯ್ಯಾನ ಪಾಪಿ ಅದ್ಮಿಯೇನ ಹಾತ್‌ಮ ದೆವೈಜಾ಼ಶೆ. 
\v 46 ಉಠೊ, ಜ಼ಯ್ಯೆ. ಮನ ಧೋಕೇಥಿ ಧರಿದ್ಯವಾಳೊ ಖನ್ನೆಸ್‌ ಐರ‍್ಹೋಸ್” ಕರಿ ಬೋಲ್ಯೊ.
\s ಯೇಸುನ ಧರ‍್ಯೂತೆ
\r (ಮಾರ್ಕ 14:43-50; ಲೂಕ 22:47-53; ಯೋಹಾನ 18:3-12)
\p
\v 47 ಯೇಸು ಅಜೂ಼ಬಿ ವಾತೆ ಬೋಲುಕರಾತೆ ತದ್ದೇಸ್, ಇನ ಭಾರಜ಼ಣ ಶಿಷ್ಯರ್‌ಮ ಏಕ್‌ ಜ಼ಣೊ ಹುಯಿರ‍್ಹೊಥೋತೆ ಯೂದ ಹಿಜ್ಜಾ಼ ಆಯೊ.ಇನ ಜೋ಼ಡ್ಮ ಗಲ್‌ಢಯಾಜಕರ್‌ ಅಜು಼ ಶಾಣುಖ್ಹಾರು ಬೋಲಿ ಮೋಕ್‌ಲ್ಯುತೆ ಅದ್ಮಿನಿ ಏಕ್‌ ಮೋಟಿ ಝೂ಼ಂಡಸ್ ತಲ್ವಾರೆ ಅಜು಼ ಲಠ್ಠ ಧರಿಲಿನ್ ಹಿಜ್ಜಾ಼ ಆಯು. 
\v 48 ಯೇಸುನ ಧೋಕೇಥಿ ಧರಿದ್ಯವಾಳೊ ಯೋ ಅದ್ಮಿನಿ ಝೂ಼ಂಡ್‌ನ, “ಮೇ ಕಿನ ಬುಚ್ಚಾ಼ ದೆವ್‌ಸ್ಕಿ ಯೋಸ್‌ ತುಮೂನ ಹೋಣುತೆ ಅದ್ಮಿ. ಇನ ಧರೊ!” ಕರಿ ಖ್ಹಣೇದ್ ಬೋಲಿ ದೀರಾಖ್ಯೊಥೊ
\p
\v 49 ಇಮ್ಮಸ್ ಯೂದ ಯೇಸುನ ಖನ್ನೆ ಜೈ಼ನ್, “ಗುರು, ಶೂಲ” ಕರಿ ಬೋಲಿನ್, ಇನ ಬುಚ್ಚಾ಼ ದಿದೊ.
\p
\v 50 ತದೆ ಯೇಸುನೆ, “ದೋಸ್, ತೂ ಕರಾನ ಆಯೋತೆ ಕಾಮ್ ಆಸ್ಕಿಶು?” ಕರಿ ಬೋಲ್ಯೊ.
\p ತದೆ ಇವ್ಣೆ ಖನ್ನೆ ಐನ್, ಯೇಸುಪರ್ ಹಾತ್‌ ನಾಖಿನ್, ಇನ ಧರ‍್ಯು. 
\v 51 ಧರ್‌ತಾಸ್‌ನ ಯೇಸುನ ಜೋ಼ಡ್ಮ ಥೂತೆ ಇವ್ಣಾಮ ಏಕ್‌ನೆ, ಇನಿ ತಲ್ವಾರ್‌ನ ಕಾಡಿನ್, ಗಲ್‌ಢಯಾಜಕ್‌ನ ಆಳ್‌ನ ಮಾರಿನ್, ಇನು ಕಾನ್ನ ಕತ್ರಿನಾಖ್ಯೊ. 
\v 52 ತದೆ ಯೇಸುನೆ ಇನ, “ತಾರಿ ತಲ್ವಾರ್‌ನ ಕಷ್‌ಬಂದ್‌ನಿ ಚ಼ಂಚಿಮ ಪಾಛು಼ ಘಾಲ್‌; ತಲ್ವಾರ್‌ಥಿ ಮಾರವಾಳು ಖ್ಹಾರು ತಲ್ವಾರ್‌ಥೀಸ್ ಮರ್‌ಶೆ. 
\v 53 ಮೇ ಮಾರ ಬಾನ ಬೋಲಿಲಿದೋತೊ, ಯೋ ಮನ ಮದತ್ನಖ್ಹಾಜೆ ದೇವ್ ದೂತರ್‌ನು ಭಾರ ದಂಡ್‌-ದಳ್‌ವಾಯಿನಿ ಝೂ಼ಂಡ್‌ನ ಮೋಕಲ್‌ಶೆ ಕರಿ ತುನ ಮಾಲುಮ್‌ ಕೊಯ್ನಿಕಿ ಶು? 
\v 54 ಕತೋಬಿ ಇಮ್‌ ಮೋಕ್‌ಲ್ಯೋತೊ, ಮನ ಅಮ್ನು ಖ್ಹಾರು ಹೋಣು ಕರಿ ವಚನ್‌ಮ ಬೋಲೈತೆ ವಾತೆ ಕಿಮ್ ಚಾ಼ಲ್‌ಷೆ?” ಕರಿ ಬೋಲ್ಯೊ.
\p
\v 55 ಯೋಸ್‍ ವೇಳ್ಮ ಯೇಸು ಝೂ಼ಂಡ್‍ಭಂದೈನ್ ಆಯಿರ‍್ಹುಥೂತೆ ಅದ್ಮಿವೋನ, “ಚೋ಼ರ್‌ನ ಧರಾನಿಘೋಣಿ ತಲ್ವಾರೆ ಅಜು಼ ಲಠ್ಠ ಪಳ್ಳಿನ್‌, ಮನ ಧರಾನಖ್ಹಾಜೆ ಆಯಾಕಿ ಶು? ಮೇ ದನ್‍ರೋಜ಼್, ಮಂದಿರ್‌ಮ ಬೇಶಿನ್, ವಚನ್ ಬೋಲಿನ್ ದೇವ್‌ಕರ್‌ತೊಥೋತೆ ತದೆ ತುಮೆ ಮನ ಧರ‍್ಯಾಕೊಯ್ನಿ. 
\v 56 ಕತೋಬಿ ಪ್ರವಾದಿ ಖ್ಹಾರು ಲೀಖ್ಯೂತೆ ವಚನ್ ಪೂರಹುವಾನ ಟೇಕೆ ಅಮ್ ಹುಯು” ಕರಿ ಬೋಲ್ಯೊ.
\p ತದೆ ತಮಾಮ್‌ ಶಿಷ್ಯರ್‌ ಇನ ಮ್ಹೆಂದಿನ್, ನಾಶಿ ಚ಼ಲೇಗಯ.
\s ನ್ಯಾವ್‌ನು ಪಂಚಾಯತ್‌ನ ಖ್ಹಾಮ್ಣೆ ಯೇಸುನ ಭೀರಾಖ್ಯೂತೆ
\r (ಮಾರ್ಕ 14:53-65; ಲೂಕ 22:54-55,63-71; ಯೋಹಾನ 18:13-14,19-24)
\p
\v 57 ಯೇಸುನ ಧರ‍್ಯೂತೆ ಇವ್ಣೆ ಇನ ಗಲ್‌ಢಯಾಜಕ್‌ನ ಕಾಯಫನ ಘರೆ ಲೀನ್‌ಗಯು. ಹಿಜ್ಜಾ಼ ಮೋಶೆನಿ ವಚನ್‍ ಶಿಕಾಡವಾಳ ಶಾಸ್ತ್ರಿಯೆ, ಅಜು಼ ಶಾಣು ಖ್ಹಾರು ಎಕ್ಟು ಹುಯಿನ್ ಐರ‍್ಹುಥು. 
\v 58 ಪೇತ್ರ ದೂರ್‌ಥೋಸ್ ಯೇಸುನ ಪೀಠೆ-ಪೀಠೆ ಜಾ಼ತೊಹುಯಿನ್, ಮಹಾಯಾಜಕ್‌ನ ಘರ್‌ನ ಖ್ಹಾಮ್ಣೆನು ಬಲ್ಡತೋಡಿ ಆಯಿನ್, ಮಹಿ ಧಕೆಲ್‌ತೊ ಅಯಿನ್, ಇನಿ ಹಾಲ್ ಶಾತ್‌ ಉಷೆಕರಿ ದೇಕ್ಣು ಕರಿ, ಕಾವ್ಲಿನ ಶಿಪಾಯಿನ ಜೋ಼ಡೆ ಜೈ಼ನ್, ಬೇಶಿಗಯೊ. 
\v 59 ತದೆ ಗಲ್‌ಢಯಾಜಕರ್‌ ಅಜು಼ ಯೆಹೂದಿ ಪಂಚಾಯತ್‌ನು ಹಿಡಿ ಅದ್ಮಿ ಶಾತ್‌ತೋಬಿ ಗಲತ್‌ ಸಬೂತ್ ಢೂಂಡಿನ್, ಯೇಸುನ ಮರೈನಾಖಿದೇಣು ಕರಿ ಕರ‍್ಯು. 
\v 60 ಘಣು ಅದ್ಮಿ ಖ್ಹಾಮ್ಣೆ ಆಯಿನ್, ಯೇಸುಪರ್ ಝೂ಼ಟಿ ಸಾಕ್ಷಿಯೆ ಬೋಲ್ಯು, ತೋಬಿ ಇವ್ಣಿ ಸಾಕ್ಷಿಮ ಶಾತ್ಬಿ ಗಲತ್‌ ಮಳ್ಯುಕೊಯ್ನಿ. ಖ್ಹರ್ತಿಮ ಬೇ ಅದ್ಮಿ ಖ್ಹಾಮ್ಣೆ ಆಯಿನ್, 
\v 61 “ದೇವ್‌ನು ಮಂದಿರ್‌ನ ರಡ್‌ಕೈ ನಾಖಿದೀನ್, ತೀನ್ ದನ್ಮ ಅನ ಪಾಛು಼ ಭಾಂದಾನ ಮನ ಹುವಾಸ್ ಕರಿ ಆ ಅದ್ಮಿನೆ ಬೋಲ್ಯೊ” ಕರಿ ಬೋಲ್ಯು.
\p
\v 62 ತದೆ ಗಲ್‌ಢೊಯಾಜಕ್‌ನೆ ಉಠಿ ಭೀರಿನ್, ಯೇಸುನ, “ತೂ ಶಾತ್ಬಿ ಜವಾಬ್ ಕೋ ದೇಯ್ನಿಕಿ ಶು? ಅವ್ಣೆ ತಾರಪರ್ ಬೋಲುಕರಸ್ತೆ ಆ ಸಾಕ್ಷಿ ಖ್ಹಾಚಸ್‌ಕಿ ಶು?” ಕರಿ ಪುಛಾ಼ಯೊ. 
\v 63 ಕತೋಬಿ ಯೇಸು ಖ್ಹೊಪ್ ಥೊ. ತದೆ ಮಹಾಯಾಜಕ್‌ನೆ ಪಾಛೊ಼, “ತುನ ಜಿವ್ತೊ ದೇವ್ನ ನಾಮ್‌ಪರ್‌ ಆಣ್‍ಲೀನ್, ಪುಛಾ಼ವುಸ್, ತೂ ದೇವ್‌ನೊ ಛಿಯ್ಯೊ ಕ್ರಿಸ್ತಸ್‌ಕಿಶು? ಹಮೂನ ಬೋಲ್” ಕರಿ ಬೋಲ್ಯೊ.
\p
\v 64 ಯೇಸುನೆ ಇನ, “ತುನೇಸ್ ಬೋಲ್ಯೋನಿ; ಅತ್ರೇಸ್ ಕಾಹೆತೆ ಮೇ ತುಮೂನ ಬೋಲುಸ್ಕಿ, ಹಂಕೇಥು ಅದ್ಮಿನೊ ಛಿಯ್ಯೊ ಮಹಾನ್ ಶಕತ್‌ವಾಳಾನಿ ಖಾವಿಬಾಜು಼ಮ ಬೆಠೊರ‍್ಹಿಶೇತೆ ಅಜು಼ ಆಬ್‍ನ ವಾದ್ಳಪರ್ ಬೇಶಿನ್ ಆವ್‌ಶೇತೆ ತುಮೆ ದೇಕ್‌ಶು!” ಕರಿ ಬೋಲ್ಯೊ.
\p
\v 65 ತದೆ ಮಹಾಯಾಜಕ್‌ನೆ ಇನ ಲುಂಗ್ಡಾನ ಫಾಡಿಲೀನ್, “ಆ ದೇವ್ನ ದೂಷಣೆ ಕರಾನಿ ವಾತೆ! ಅನೇಥಿ ಬಿಜು಼ ಖೆವಿ ಸಾಕ್ಷಿ ಅಪ್ಣುನ ಹೋಣು? ಅನೆ ದೇವ್ನ ಗಾಳೆಕರಾನಿ ವಾತೆ ಬೋಲ್ಯೋತೆ ತುಮೇಸ್ ಖ್ಹಮ್‌ಜ್ಯಾನಿ? 
\v 66 ತುಮೂನ ಕಿಮ್ ದೆಖಾವಸ್?” ಕರಿ ಬೋಲ್ಯೊ. ತದೆ ಇವ್ಣೆ,
\p “ಆ ದೋಶಿ ಬಿಜು಼ ಮರ್‌ವಾನ ಲ್ಹಾಯಕಸ್ ಛಾ಼” ಕರಿ ಜ಼ವಾಬ್ ದಿದು.
\p
\v 67 ಅಜು಼ ಇವ್ಣೆ ಯೇಸುನ ಮ್ಹೋಡಾಪರ್ ಥೂಕಿನ್, ಇನ ಗುಖ್ಹ್‌ತೊ ದಿದು; ಥೋಡು ಜ಼ಣು ಇನ ಕಲ್ಲಪರ್ ಮಾರಿನ್, 
\v 68 “ಕ್ರಿಸ್ತ, ತುನ ಮಾರ‍್ಯೂತೆ ಕೋಣ್? ಹಮೂನ ಪ್ರವಾದ್‌ನೆ ಬೋಲ್?” ಕರಿ ಬೋಲ್ಯು.
\s ಪೇತ್ರನೆ ಯೇಸು ಮಾಲುಮ್ ಕೊಯ್ನಿ ಕರಿ ಬೋಲ್ಯೋತೆ
\r (ಮಾರ್ಕ 14:66-72; ಲೂಕ 22:56-62; ಯೋಹಾನ 18:15-18,25-27)
\p
\v 69 ಪೇತ್ರ ಭಾರ್‌ ಚೌ಼ಕ್‌ಮ ಬೆಠೋಥೊ, ಹಿಜ್ಜಾ಼ ಏಕ್‌ಜ಼ಣಿ ದಾಸಿ ಇನಾಕನ ಐನ್, “ತೂಬಿ ಗಲಿಲಾಯಾನೊ ಯೇಸುನ ಜೋ಼ಡೆ ಥೋನಿ” ಕರಿ ಬೋಲಿ.
\p
\v 70 ಕತೋಬಿ ಇನೆ, “ಕೊಯ್ನಿ, ತೂ ಶಾತ್‌ ಬೋಲುಕರಾಸ್ಕಿ ಮನ ಮಾಲುಮ್‌ ಕೊಯ್ನಿ” ಕರಿ ಖ್ಹಾರಾನ ಖ್ಹಾಮ್ಣೆ ಬೋಲ್ಯೊ. 
\v 71 ಅಜು಼ ಯೋ ನಿಕ್ಳಿನ್, ಬಾಕಲ್‍ಭಣಿ ಚ಼ಲೆಗಯೊ. ತದೆ ಹಿಜ಼್ಜಾ ಥೀತೆ ಬಿಜೇಕ್ ಆಳ್‌ನೆ ಇನ ದೇಖಿನ್, ಹಿಜ್ಜಾ಼ ಥೂತೆ ಅದ್ಮಿ ಖ್ಹಾರಾನ, “ಆಬಿ ನಜ಼ರೇತ್‌ನೊ ಯೇಸುನ ಜೋ಼ಡೆ ಥೊ” ಕರಿ ಬೋಲಿ.
\p
\v 72 ಪಾಛೊ಼ ಪೇತ್ರನೆ, “ಕೊಯ್ನಿ, ಯೋ ಅದ್ಮಿ ಕೋಣ್ ಕರಿ ಮನ ಮಾಲುಮ್ ಕೊಯ್ನಿ” ಕರಿ ಆಣ್‍ಲೀನ್, ಬೋಲ್ಯೊ.
\p
\v 73 ಜ಼ರಘಡಿನ ಬಾದ್‌ಮ ಹಿಜ಼್ಜಾ ಭಿಯುಥೂತೆ ಅದ್ಮಿಖ್ಹಾರು ಪೇತ್ರಕನ ಆಯಿನ್, “ಖ್ಹಾಚ಼ಮಾಬಿ ತೂಬಿ ಇವ್ಣಾಮ ಏಕ್‍ಜ಼ಣೊ,ಕರಿ ತೂ ವಾತೆ ಬೋಲಾಸ್ತೆ ತರಿಕಾಥಿಸ್ ಮಾಲುಮ್ ಪಡಾಸ್‌” ಕರಿ ಬೋಲ್ಯು.
\p
\v 74 ತದೆ ಪೇತ್ರನೆ, ಇನುಯೋಸ್ ಆಣ್‌ಪ್ರಮಾಣ್‌ಲೀನ್ ಯೋ ಅದ್ಮಿ ಮನ ಮಾಲುಮಸ್‌ಕೊಯ್ನಿ” ಕರಿ ಬೋಲ್ಯೊ.
\p ತದ್‌ನು-ತದೇಸ್‌ ಮುರ್‌ಗೊ ಬಾಂಗ್‌ ದಿದೊ. 
\v 75 ತದೆ ಪೇತ್ರನೆ, ಮುರ್‌ಗೊ ಬಾಂಗ್‌ದ್ಯವಾನ ಅಗಾಡಿ, ತೀನ್‍ಹಲ್ಲ ಮಾರಿ ಬಾರೇಮ, ಯೋ ಮನ ಮಾಲುಮ್ ಕೊಯ್ನಿ! ಕರಿ ತೂ ಬೋಲಿಶ್” ಕರಿ ಯೇಸುನೆ ಇನ ಬೋಲ್ಯೊಥೋತೆ ವಾತೆನ ಯಾದ್‌ಕರಿನ್, ಭಾರ್ ಜೈ಼ನ್, ಖ್ಹಡ್‌ಕ್ಯಾಭರೀನ್ ರೋಯೊ.
\c 27
\s ಯೇಸುನ ಪಿಲಾತಕನ ಲೀಗಯೂತೆ
\p
\v 1 ವ್ಹಾಣ್‌ಖ್ಹತ್ರೇಸ್ ಖ್ಹಾರಾಸ್ ಗಲ್‌ಢಯಾಜಕರ್‌ ಅಜು಼ ಶಾಣುಖ್ಹಾರು ಯೇಸುನ ಮರೈನಾಖಿದೇಣು ಕರಿ ಇನಿ ವಿರೋದ್ ವಾತೆ ಕರಿಲೀನ್, 
\v 2 ಇನ ಖ್ಹಂಕ್‌ಳಿಥಿ ಭಂದೈನ್, ಬುಲೈಲಿಜೈ಼ನ್,ರೋಮ್‌ನೊ ರಾಜ್ಯಪಾಲ್ ಹುಯಿರ‍್ಹೊಥೋತೆ ಪಿಲಾತನ ಹಾತ್‌ಮ ದಿದು.
\s ಯೂದಾನು ಮರಣ್
\r (ಅಪೊ 1:18-19)
\p
\v 3 ಯೇಸುನ ಧೋಕೇಥಿ ಧರಿದಿದೋತೆ ಯೂದಾನೆ, ಯೇಸುನ ಮರಣ್ ದಂಡ್‌ನು ತೀರ್ಪ್ ಹುಯು ಕರಿ ದೇಖಿನ್, ಪಶ್‌ತೈನ್, ಯೋ ಡೋಡಿಖ್ಹ್‌ ರೂಪಾನು ಬಿಲ್ಲಾನ ಗಲ್‌ಢಯಾಜಕರ್‌ ಅಜು಼ ಶಾಣವ್‍ಕನ ಲೀಜೈ಼ನ್, 
\v 4 “ಶಾತ್ಬಿ ಗಲ್ತಿಕೊಂತೆ ಅದ್ಮಿನ ಧೋಕೇಥಿ ಮರೈನಾಖಿದ್ಯವಾನ ಧರಿ ದೀನ್, ಮೇ ಪಾಪ್ ಕರ‍್ಯೊ” ಕರಿ ಬೋಲ್ಯೊ.
\p ತದೆ ಇವ್ಣೆ, “ಇನ ಹಮೆ ಶಾತ್ ಕರಿಯೆ? ಯೋ ತಾರು ಮಾಮ್ಲ!” ಕರಿ ಜ಼ವಾಬ್ ದಿದು.
\p
\v 5 ತದೆ ಯೂದಾನೆ ಯೋ ಪೈಶಾನ ಮಂದಿರ್‌ಮ ಫೇಕಿದಿನ್, ಹಿಜ್ಜಾ಼ಥೊ ಜೈ಼ನ್, ಟೀಪೊ ಲೀನ್, ಮರಿಗಯೊ.
\p
\v 6 ಗಲ್‌ಢಯಾಜಕರ್‌ನೆ ಯೋ ಪೈಶಾನ ಪಾಡಿಲೀನ್, “ಆ ಪೈಶಾ ಏಕ್‌ ಅದ್ಮಿನ ಲ್ಹೋಯಿನಖ್ಹಾಜೆ ದಿದೂತೆ, ಇನಖ್ಹಾಜೆ ಅನ ಮಂದಿರ್‌ನಿ ಹುಂಡಿಮ ನಾಖಾನು ಅಪ್ಣಿ ನಿಯಮ್ನ ವಿರೋದ್ ಹುಯಿರ‍್ಹೂಸ್” ಕರಿ ಬೋಲ್ಯೊ. 
\v 7 ಅನಕೇಡೆಥು ಇವ್ಣೆ ವಾತೆ ಕರಿಲೀನ್, ಯೋ ಪೈಶಾಥಿ ಪರೈ ದೇಖ್ಹ್‌ನು ಅದ್ಮಿಯೇನ ಮಾಟಿ ಕರಾನಖ್ಹಾಜೆ ಏಕ್‌ “ಕುಂಭಾರ‍್ನು ಖೇತರ್‌” ಕರಿ ಜ಼ಮೀನ್ನ ಮೋಲ್ ಲಿದು. 
\v 8 ಅನಖ್ಹಾಜೆಸ್ ಅದ್ಮಿಖ್ಹಾರು ಯೋ ಖೇತರ್‌ನ ಹಂಕೆತೋಡಿ, ‘ಲ್ಹೋಯಿನು ಖೇತರ್‌’ ಕರಿ ನಾಮ್‍ಥಿ ಚಿಕ್ರಾಸ್.
\p
\v 9 ಅಮ್ ಹುವಾಥಿ ಪ್ರವಾದಿ ಯೆರೆಮೀಯನೆ ಬೋಲ್ಯೋತೆ ವಾತೆ ಚಾ಼ಲಿಗೈ, ಯೋ ಶಾತ್‌ಕತೊ, ಇವ್ಣೆ ಯೋ ಡೋಡಿಖ್ಹ್‌ ರೂಪಾನು ಬಿಲ್ಲಾನ ಲೀನ್,ಆ ಇಸ್ರಾಯೇಲ್‌ಮ ಥೋಡಾನೆ ಇನ ಜಾನ್ನ ಭಾಂದ್ಯೂತೆ ಮೋಲ್” ಕರಿ ಬೋಲನುಸ್ ಯೋ ವಚನ್ 
\v 10 ಪ್ರಭುನೆ ಹುಕುಮ್ ದಿದೋತೆ ಇಮ್ಮಸ್, ಇನೇಥಿ ಕುಂಭಾರ‍್ನು ಖೇತರ್‌ನ ಮೋಲ್‍ಲಿಧು.
\s ಪಿಲಾತನೆ ಯೇಸುನ ಸವಾಲ್‌ ಪುಛಾ಼ಯೊತೆ
\r (ಮಾರ್ಕ 15:2-5; ಲೂಕ 23:3-5; ಯೋಹಾನ 18:33-38)
\p
\v 11 ತದೆ ಯೇಸು ಪಿಲಾತನ ಖ್ಹಾಮ್ಣೆ ಭಿಯ್ಯುಥೊತೆ ತದೆ ಇನೆ ಇನ, “ತೂ ಯೆಹೂದ್ಯರ್‌ನೊ ರಾಜಾ಼ಕಿ ಶು?” ಕರಿ ಪುಛಾ಼ಯೊ. ಯೇಸುನೆ ಇನ,
\p “ತುನೇಸ್ ಬೋಲ್ಯೋನಿ” ಕರಿ ಜ಼ವಾಬ್ ದಿದೊ. 
\v 12 ಗಲ್‌ಢಯಾಜಕರ್‌ ಅಜು಼ ಶಾಣುಖ್ಹಾರು ಇನಾಪರ್ ಘಣು ಗಲತ್‌ ಲಗಾಡುಕರ್ತುಥು, ತೋಬಿ ಯೇಸುನೆ ಶಾತ್ಬಿ ಜವಾಬ್‌ ಕೋ ದಿದೋನಿ.
\p
\v 13 ತದೆ ಪಿಲಾತನೆ ಯೇಸುನ, “ಅವ್ಣೆ ತಾರಾಪರ್ ಅತ್ರೆ ಗಲ್ತಿ ಲಗಾಡುಕರಾಸ್ತೆ, ತೂ ಖ್ಹಮ್‌ಜು಼ಕರಾಕೊಯ್ನಿಕಿ ಶು?” ಕರಿ ಬೋಲ್ಯೊ.
\p
\v 14 ಕತೋಬಿ ಯೇಸುನೆ ಇನಿ ಏಕ್‌ ವಾತೆನಾಬಿ ಜ಼ವಾಬ್ ಕೋ ದಿದೋನಿ, ಅನ ದೇಖಿನ್, ಯೋ ರಾಜ್ಯಪಾಲ್‌ನ ಘಣು ಆಶ್ಚರ್ಯ ಹುಯು.
\s ಯೇಸುನ ಮರಣ್ ದಂಡ್‌ ಹುಯೂತೆ
\r (ಮಾರ್ಕ 15:6-15; ಲೂಕ 23:13-25; ಯೋಹಾನ 18:39—19:16)
\p
\v 15 ಪಸ್ಕ ಪೂಜಾ಼ನಿ ವಖ್ಹತ್‌ಮ ಕೋಂಡಿ ಘಾಲಿರಾಖಾತೆ ಅದ್ಮಿಮ, ಅದ್ಮಿಖ್ಹಾರು ಕಿನ ಬೋಲಸ್ಕಿ, ಇನ ಭಾರ್ ಮ್ಹೇಲಾನು ರಾಜ್ಯಪಾಲ್‌ನು ಆದತ್ ಹುಯಿರ‍್ಹೀಥಿ. 
\v 16 ಯೋ ವಖ್ಹತ್‌ಮ ಯೇಸು ಬರಬ್ಬ ಕರಿ ಏಕ್‍ಜ಼ಣಾನ ಜೇಲ್‌ಮ ಘಾಲಿರಾಖ್ಯುಥು. 
\v 17 ಅದ್ಮಿಖ್ಹಾರು ಪಿಲಾತಕನ ಎಕ್ಟು ಹುಯಿನ್ ಆವಾದಿನ್, ಇನೆ ಇವ್ಣುನ, “ಮೇ ತುಮಾರಖ್ಹಾಜೆ ಕಿನ ಮ್ಹೇಲಿದೇಣು ಬರಬ್ಬಾನಾಕಿ, ಕ್ರಿಸ್ತ ಕರಿ ಬೋಲೈಲ್ಯವಾಳೊ ಯೇಸುನ?” ಕರಿ ಪುಛಾ಼ಯೊ. 
\v 18 ಅದ್ಮಿಖ್ಹಾರು ಬಳಾಪೇಥಿ ಯೇಸುನ ಧರೀನ್, ಇನ ಹಾತ್‌ಮ ದೀರಾಖ್ಯುಸ್‌ ಕರಿ ಪಿಲಾತನ ಮಾಲುಮ್‌ ಥು.
\p
\v 19 ಅತ್ರೇಸ್ ಕಾಹೆತೆ, ಪಿಲಾತ ನ್ಯಾವ್‍ನಿ ಖುಡ್‍ಶಿಪರ್ ಬೆಠೊರ‍್ಹವಾನಿ ವಖ್ಹತ್‌ಮ ಇನಿ ಬಾವಣ್ಣೆ, “ಯೋ ಅದ್ಮಿನ ಶಾತ್ಬಿ ನಕೊ ಕರೀಶ್, ಯೋ ನೀತಿವಾಳೊ ಹುಯಿರ‍್ಹೊಸ್, ಗಯೋತೆ ರಾತೆ ಖ್ಹೋಣ್ಯಮ ಮನ ಘಣು ಖ್ಹತಾಪ್ಣಿ ಹುಯು” ಕರಿ ಇನ ಬೋಲಿನ್ ಮೋಕ್ಲಿ.
\p
\v 20 ಕತೋಬಿ ಗಲ್‌ಢಯಾಜಕರ್‌ ಅಜು಼ ಶಾಣುಖ್ಹಾರು ಬರಬ್ಬನ ಮ್ಹೇಲಿದೇಣು, ಯೇಸುನ ಮರೈನಾಕ್ಣು ಕರಿ ಪಿಲಾತನ ಬೋಲಿಲೇವ್ಣು ಕರಿ ಅದ್ಮಿಯೇನ ಬೋಲಿದಿದು. 
\v 21 ಪಿಲಾತನೆ ಇವ್ಣುನ, “ಆ ಬೇಮ ತುಮಾರಖ್ಹಾಜೆ ಕಿನ ಮ್ಹೇಲಿದೇಣು?” ಕರಿ ಪುಛಾ಼ಯೊ.
\p ಇವ್ಣೆ, “ಬರಬ್ಬಾನ” ಕರಿ ಜ಼ವಾಬ್ ದಿದು.
\p
\v 22 ತದೆ ಪಿಲಾತನೆ, “ಇಮ್‍ಕತೊ, ಕ್ರಿಸ್ತ ಕರಿ ಬೋಲೈಲ್ಯವಾಳೊ ಯೇಸುನ ಮೇ ಶಾತ್‌ ಕರ‍್ನು?” ಕರಿ ಇವ್ಣುನ ಪುಛಾ಼ಯೊ.
\p ತದೆ ಇವ್ಣೆ ಖ್ಹಾರಾಸ್, “ಇನ ಶಿಲ್‌ಬೇಪರ್ ಮರಾವ್!” ಕರಿ ಜ಼ವಾಬ್ ದಿದಾ.
\p
\v 23 ಕತೋಬಿ ಪಿಲಾತನೆ, “ಶನ? ಅನೆ ಶನಿ ಗಲ್ತಿ ಕರಿರಾಖ್ಯೋಸ್?” ಕರಿ ಬೋಲ್ಯೊ. ತದೆ ಇವ್ಣೆ, “ಇನ ಶಿಲ್‌ಬೆಪರ್ ಮರಾವ್!” ಕರಿ ಬಿಜೂ಼ಬಿ ಜೋ಼ರೇಖ್ಹು ನಳ್ಡೊ ತಾಣಿನ್ ಬೋಲ್ಯು.
\p
\v 24 ತದೆ ಪಿಲಾತನೆ ಮೇ ಕೆತ್ರು ಕರ‍್ಯೊತೋಬಿ ಚಾ಼ಲ್‌ಷೆ ಕೊಯ್ನಿ, ಅದ್ಮಿಖ್ಹಾರು ಕಲ್ಹಾಗಟ್ ಕರೆಜಾ಼ಯ್ ಕರಿ ಮಾಲುಮ್ ಕರಿಲೀನ್, ಪಾಣಿ ಲೀನ್, ಅದ್ಮಿನ ಖ್ಹಾಮ್ಣೆ ಇನ ಹಾತ್ನ ಧೊಯಿಲಿನ್, “ಆ ಅದ್ಮಿನ ಮರೈನಾಖನ ಮೇ ಜಿಮ್ಮೇದಾರ್ ಕಾಹೆ, ಆ ತುಮೇಸ್ ಕರುಕರಸ್ತೆ!” ಕರಿ ಬೋಲ್ಯೊ.
\p
\v 25 ತದೆ ಝೂ಼ಂಡ್‌ಮ ಥೂತೆ ಹಿಡಿ ಅದ್ಮಿನೆ, “ಆ ಅದ್ಮಿನ ಮರೈನಾಖಿದ್ಯವಾನಿ ಜಿಮ್ಮೇದಾರ್ ಹಮಾರಪರ್ ಅಜು಼ ಹಮಾರ ಲಡ್ಕಾಪರ್ ಪಡಾದೆ!” ಕರಿ ಬೋಲ್ಯು.
\p
\v 26 ತದೆ ಪಿಲಾತನೆ ಬರಬ್ಬಾನ ಇವ್ಣುನ ಮ್ಹೇಲಿದಿದೊ, ಅಜು಼ ಯೇಸುನ ಕೊಳ್ಡೇಥಿ ಮರೈನ್, ಶಿಲ್‌ಬೆಪರ್ ನಾಖಾನ ದಿನಾಖ್ಯೊ.
\s ಸಿಪಾಯಿಖ್ಹಾರು ಯೇಸುನಿ ನಕ್ಲೆ ಕಾಡ್ಯುತೆ
\r (ಮಾರ್ಕ 15:16-20; ಯೋಹಾನ 19:2-3)
\p
\v 27 ಅನಕೇಡೆಥು ಪಿಲಾತನು ಸಿಪಾಯಿಖ್ಹಾರು ಯೇಸುನ ರಾಜ಼ನ ಮಹೇಲ್‌ಮ ಬುಲೈಲೀಜೈ಼ನ್, ಹಿಡಿ ದಂಡ್‌-ದಳವಾಯಿಸ್ ಹಿಜ಼್ಜ ಎಕ್ಟು ಹುಯಿನ್ ಭರೈರ‍್ಹೂಥು. 
\v 28 ಇವ್ಣೆ ಯೇಸುನ ಲುಂಗ್ಡಾವ್‍ನ ಕಾಡಿನಾಖಿನ್, ಲಾಲ್‍ಝ಼ಗ್ಗಾನ ಇನ ಫೇರೈನ್, 
\v 29 ಕಾಟಾನ ವೇಲಾಥಿ ಏಕ್‌ ಕಿರೀಟ್‍ನ ವಣಿನ್, ಇನ ಮಾಥಪರ್‌ ಘಾಲ್ಯು ಅಜು಼ ಖಾವೊ ಹಾತ್ಮ ಏಕ್‌ ಲಠ್ಠೊ ದೀನ್, ಇನಖ್ಹಾಮ್ಣೆ ಗುಡ್‍ಘ್ಯ ಟೇಕಿನ್, “ಯೆಹೂದ್ಯರ್‌ನ ರಾಜ಼! ತುನ ಜಯ ಹುವಾದೆ” ಕರಿ ಬೋಲಿಲಿನ್ ನಕ್ಲೆ ಕರ‍್ಯು, 
\v 30 ಇವ್ಣೆ ಇನಪರ್ ಥೂಕಿನ್, ಯೋ ಲಠ್ಠಾನ ಛಿನೈಲಿನ್‌, ಇನೇಥಿ ಇನ ಮುಡ್‌ಕ್ಯಪರ್ ಮಾರ‍್ಯು, 
\v 31 ಅಮ್ ಇನಿ ನಕ್ಲೆ ಕಾಡಾನ ಬಾದ್‌ಮ, ಯೋ ಝ಼ಗ್ಗಾನ ಕಾಡಿನ್, ಇನ ಲುಂಗ್ಡಾವ್‍ನ ಇನ ಪಾಛು಼ ಫೇರೈನ್, ಶಿಲ್‌ಬೆಪರ್ ಮಾರಾನಖ್ಹಾಜೆ ಲೀಗಯು.
\s ಯೇಸುನ ಶಿಲ್‌ಬೆಪರ್ ಮಾರ‍್ಯುತೆ
\r (ಮಾರ್ಕ 15:21-32; ಲೂಕ 23:26-43; ಯೋಹಾನ 19:17-27)
\p
\v 32 ಇವ್ಣೆ ಖ್ಹಯೇರ‍್ನ ಭಾರ್‌ ಜ಼ವ್‍ಕರಾನಿ ವಖ್ಹತ್‌ಮ, ಸಿರೇನ್ ಖ್ಹಯೇರ‍್ನೊ ಸೀಮೋನ್‌ ಕರಿ ಏಕ್‌ ಜ಼ಣಾನ ಧರೀನ್, ಯೇಸುನಿ ಶಿಲ್‌ಬೆ ಪಾಡ್‌ಕರಿ ಶಿಪಾಯಿಖ್ಹಾರು ಇನ ಜು಼ಲಮ್‌ ಕರ‍್ಯು. 
\v 33 ಅಜು಼ ಇವ್ಣೆ ಗೊಲ್ಗೊಥಾ ಕರಿ ಝ಼ಗೋಪರ್ ಆಯಾ, ಗೊಲ್ಗೊಥಾ ಕತೊ, “ಖೋಪ್ರಿನಿ ಝ಼ಗೊ” ಕರಿ. 
\v 34 ಹಿಜ್ಜಾ಼ ಇವ್ಣೆ ಇನ ಕಡು ಮಳಾಯುಹುಯು ದ್ರಾಕ್ಷಿನು ರಖ್ಹ್‌ನ ಪಿಯ್ಯಾನ ದಿದು; ಇನೆ ಲಜ಼ತ್‌ ದೇಖಿನ್‌ ಪಿಯಾನ ಕೊಹುಯುನಿ.
\p
\v 35 ಅನಕೇಡೆಥು ಇವ್ಣೆ ಇನ ಶಿಲ್‌ಬೆಪರ್ ನಾಖ್ಯು ಅಜು಼ ಚೀಟ್ ನಾಖಿನ್ ಇನ ಲುಂಗ್ಡಾವ್‍ನ ಇವ್ಣಾಮ ವಾಟ ಪಾಡಿಲಿದು. 
\v 36 ಅನ ಬಾದ್‌ಮ ಇವ್ಣೆ ಹಿಜ್ಜಾ಼ಸ್ ಬೇಶಿನ್, ಇನ ವಖ್ಹ್‌ತಿ ಕರಾಲಗ್ಯು. 
\v 37 ಅತ್ರೇಸ್ ಕಾಹೆತೆ ಇವ್ಣೆ ಯೇಸುಪರ್ ಲಗಾಡ್ಯುತೊ ಗಲ್ತಿನು ಲೀಖಿಹುಯು ಪಲ್ಗಾನ, ಮುಡಕ್ಯಪರ್‌ನಿ ಉಪ್ಪರ್‌ಲಿ ಬಾಜು಼ ಶಿಲ್‌ಬೆಪರ್ ಲಗಾಡ್ಯು: ಯೋ ಶಾತ್‌ಕತೊ, “ಆ ಯೇಸು, ಯೆಹೂದ್ಯರ್‌ನೊ ರಾಜ಼” ಕರಿ. 
\v 38 ತದೆ ಬೇ ಜ಼ಣ ಚೋ಼ರ್‌ನ ಲಯಿನ್, ಏಕ್‌ಜ಼ಣಾನ ಯೇಸುನಿ ಖಾವಿ ಬಾಜೂ಼ಮ ಅಜು಼ ಬಿಜೇಕ್‌ ಜ಼ಣಾನ ಇನಿ ಡಾವಿ ಬಾಜೂ಼ಮ ಇನಿ ಜೋ಼ಡೆ ಶಿಲ್‌ಬೆಪರ್ ಠಂಗಾಯು.
\p
\v 39 ಹಿಜ್ಜಾ಼ಕರಿ ಜಾ಼ವಾಳು ಅದ್ಮಿಖ್ಹಾರು ಮುಡ್‌ಕ್ಯು ಠಶ್‌ಕೈನ್ ದೂಷಣೆ ಕರ್ತುಹುಯಿನ್, 
\v 40 “ಮಂದಿರ್‌ನ ಫೋಡಿನ್, ಇನ ತೀನ್ ದನ್ಮ ಪಾಛು಼ ಭಾಂದಾವಾಳ, ತಾರು ತೂಸ್ ಬಚಾ಼ಡಿಲೆ! ತೂ ದೇವ್‌ನೊ ಛಿಯ್ಯೋಸ್ ಉಶೇತೊ, ಶಿಲ್‌ಬೆಪರ್‌ಥು ಉತ್ರಿನ್, ಹೇಟ್ ಆವ್!” ಕರಿ ಬೋಲಿನ್, ಇನ ಚಿಂಘಾವ್‍ಕರ್ತೂಥು.
\p
\v 41 ಇಮ್ಮಸ್ ಗಲ್‌ಢಯಾಜಕರ್‌ಬಿ, ಮೋಶೆನಿ ವಚನ್‍ ಶಿಕಾಡವಾಳು ಶಾಸ್ತ್ರಿಖ್ಹಾರು ಅಜು಼ ಶಾಣುಖ್ಹಾರು, 
\v 42 “ಇನೆ ಬಿಜಾ಼ನಖ್ಹಾರು ಬಚಾ಼ಡ್ಯೊ, ಕತೋಬಿ ಇನು ಯೋಸ್ ಬಚಾ಼ಡಿಲ್ಯವಾನ ಕೋ ಹೋಯ್ನಿ! ಆ ಇಸ್ರಾಯೇಲ್‌ನೊ ರಾಜಾ಼ ಕಾಹೆಕಿ ಶು? ಆ ಹಮ್ಕೆ ಶಿಲ್‌ಬೆಪರ್‌ಥು ಉತ್ರಿನ್ ಹೇಟ್ ಆಯೋತೊ, ತದೆ ಹಮೆ ದೇಖಿನ್, ಇನಾಮ ವಿಶ್ವಾಸ್ ಕರ್ಶು! 
\v 43 ಆ ದೇವ್ನ ಮಾನಿರಾಖ್ಯೊಸ್‌ನಿ, ಅಜು಼ ದೇವ್ನ ಆ ಹೋಣು ಉಶೇತೊ, ದೇವಸ್ ಇನ ಛೋ಼ಡಾವಾದೆ! ಮೇ ದೇವ್‌ನೊ ಛಿಯ್ಯೊ ಕರಿ ಇನೇಸ್‌ ಬೋಲಿಲಿದೋನಿ!” ಕರಿ ಬೋಲಿನ್ ಚಿಂಘಾಯು.
\p
\v 44 ಇನ ಜೋ಼ಡ್ಮ ಆಜು಼ಬಾಜು಼ನ ಶಿಲ್‌ಬೆಪರ್ ಮರೈರ‍್ಹೂಥೂತೆ ಭೇ ಚೋ಼ರ್‌ನೇಬಿ ಇಮ್ಮಸ್ ಬೋಲಿನ್, ಇನಿ ಖ್ಹರಮ್‌ಕಾಡ್ಯು.
\s ಯೇಸುನೆ ಜಾನ್‌ ಮ್ಹೇಲ್ಯೋತೆ
\r (ಮಾರ್ಕ 15:33-41; ಲೂಕ 23:44-49; ಯೋಹಾನ 19:28-30)
\p
\v 45 ಧೊಪಾರ್‌ ಹುವ್ವಾದೀನ್, ಹಿಡಿ ದೇಖ್ಹ್‌ಪರ್ ಅಂಧಾರು ಢಪೈನ್, ತೀನ್ ಘಂಟತೋಡಿ ಇಮ್ಮಸ್ ಥೂ.
\p
\v 46 ಖ್ಹುಮಾರ್ ತೀನ್ ಘಂಟಾನ ಯೇಸು, “ಏಲಿ, ಏಲಿ, ಲಮಾ ಸಬಕ್ತಾನಿ?” ಕತೊ, “ಮಾರೊ ದೇವ್, ಮಾರೊ ದೇವ್, ತೂ ಶನ ಮನ ಹಾತ್‌ ಮ್ಹೆಂದಿದೋತೆ?” ಕರಿ ಜೋ಼ರ್ ಆವಾಜ಼್‌ಥಿ ಚಿಕ್‌ರ‍್ಯೊ.
\p
\v 47 ಹಿಜ್ಜಾ಼ ಭಿಯ್ಯುಥೂತೆ ಥೋಡು ಜ಼ಣು ಅನ ಖ್ಹಮ್‌ಜಿನ್‌, “ಆ ಎಲೀಯನ ಚಿಕ್ರುಕರಾಸ್!” ಕರಿ ಬೋಲ್ಯು. 
\v 48 ತದೇಸ್‌ ಇವ್ಣಾಮ ಏಕ್‌ ಜ಼ಣಾನೆ, “ಗುಂಜ಼್‌ನ ಪಾಡೀನ್, ಖಾಟ ರಖ್ಹ್‌ಮ ಡುಬೈನ್, ಲಠ್ಠಾಕೇಡೆ ಅಟ್‌ಕೈನ್, ಯೇಸುನ ಪಿಯ್ಯಾನ ದಿದೊ.
\p
\v 49 ಅಜು಼ ಥೋಡ ಜ಼ಣಾನೆ, “ಠೇರೊ! ಎಲೀಯ ಆಯಿನ್, ಅನ ಬಚಾ಼ಡಾಸ್ಕಿ ಶುಕಿ?” ಕರಿ ಬೋಲ್ಯು.
\p
\v 50 ಅನಕೇಡೆಥು ಯೇಸುನೆ ಪಾಛೊ಼ ಜೋ಼ರೆಖ್ಹು ಚಿಕ್ರಿನ್ ಜಾನ್‌ ಮ್ಹೇಲ್ಯೊ.
\p
\v 51 ತದೆ ಯೆರೂಸಲೇಮ್ ಮಂದಿರ್‌ಮ ಠಂಗೈರಾಖ್ಯುಥೂತೆ ಪಡ್‌ದೊ ಉಪ್ಪರ್‌ಥು ಧರಿನ್ ಹೇಟ್‌ತೋಡಿ ಫಾಟಿನ್, ಬೇ ಭಾಗ್‌ ಹುಯಿಗಯು. ಧರ್ತಿಕಾಪ್ಯು ಅಜು಼ ಬಂಡಾ ಫುಟಿಗಯು, 
\v 52 ಮಖ್ಹಾಣ್ಯನಿ ಘವಿಯೆ ನಿಕ್ಳಿಗಯು, ಅಜು಼ ಮರಿಗಯುಥೂತೆ ಕೈಯೆಕ್ಕಿ ದೇವ್‌ನು ಅದ್ಮಿಖ್ಹಾರಾನು ಶರೀರ್ ಪಾಛು಼ ಜಿವ್ತು ಹುಯಿನ್ ಉಠಿ ಆಯು. 
\v 53 ಯೇಸು ಜಿವ್ತೊಉಠಾನ ಬಾದ್‌ಮ, ಯೋ ಘವಿನ ಮ್ಹೆಂದಿನ್, ಪವಿತ್ರ ನಂಗರ್ ಹುಯಿರ‍್ಹೂತೆ ಯೆರೂಸಲೇಮ್ಮ ಜೈ಼ನ್, ಕೈಯೆಕ್ಕಿ ಅದ್ಮಿಯೇನ ದೆಖಾಯೊ.
\p
\v 54 ಖ್ಹೋಶಿಪಾಯಿನೊ ಮೋಟಾನೆ ಅಜು಼ ಇನಜೋ಼ಡೆ ಯೇಸುನ ಕಾವ್ಲಿ ಕರುಕರ್ತುಥೂತೆ ಇವ್ಣೆ ಜ಼ಮೀನ್ ಹಲ್ಯುತೆ ಅಜು಼ ಚಾ಼ಲ್ಯುತೆ ಖ್ಹಾರಸ್ನ ದೇಖಿನ್, ಘಣು ಡರಿನ್, “ಖ್ಹಾಚಮಾಬಿ ಆ ದೇವ್‌ನೊ ಛಿಯ್ಯೊ ಹುಯಿರ‍್ಹೋಥೊ!” ಕರಿ ಬೋಲ್ಯು.
\p
\v 55 ಅತ್ರೇಸ್ ಕಾಹೆತೆ ಕೈಯೆಕ್ಕಿ ಜ಼ಣಿ ತಯೇಡ ಹಿಜ್ಜಾ಼ ದೂರ್‌ಥು ಭೀರಿನ್, ಇನ ದೇಖುಕರ್ತಿಥಿಯ್ಯೆ, ಅವ್ಣೆ ಖ್ಹಾರಿ ಯೇಸುನಿ ಸೇವೆ ಕರ್ತಿಹುಯಿನ್, ಗಲಿಲಾಯಾಥು ಇನ ಪೀಠೇಸ್ ಐರ‍್ಹೀಥಿಯ್ಯೆ. 
\v 56 ಅವ್ಣಾಮ ಮಗ್ದಲನಿ ಮರಿಯ, ಯಾಕೋಬ ಅಜು಼ ಯೋಸೇಫನಿ ಆಯ ಮರಿಯಬಿ, ಅಜು಼ ಜೆಬೆದಾಯನಿ ಬಾವಣ್‌ಬಿ ಥೀ.
\s ಯೇಸುನ ಮಖ್ಹಾಣ್ಯು ಕರ‍್ಯುತೆ
\r (ಮಾರ್ಕ 15:42-47; ಲೂಕ 23:50-56; ಯೋಹಾನ 19:38-42)
\p
\v 57 ಖ್ಹಾಂಜ಼್ ಹುವಾದಿನ್, ಅರಿಮಥಾಯ ಗಾಮ್‌ನೊ ಯೋಸೇಫ ಕರಿ ಏಕ್ಜ಼ಣೊ ಶೌಕಾರಿ ಆಯೊ, ಆಬಿ ಯೇಸುನೊ ಶಿಷ್ಯ ಹುಯಿರೋಥೊ. 
\v 58 ಅನೆ ಪಿಲಾತಕನ ಜೈ಼ನ್, ಯೇಸುನು ಶರೀರ್‌ನ ಮನ ದೆವಾಡ್ ಕರಿ ಬೋಲಿಲಿದೊ, ತದೆ ಪಿಲಾತನೆ ಯೇಸುನು ಶರೀರ್ ಯೋಸೇಫನ ದೇವ್ಣುಕರಿ, ಹುಕುಮ್ ದಿದೊ. 
\v 59 ಯೋಸೇಫನೆ ಯೋ ಶರೀರ್‌ನ ಲೀನ್, ಇನ ಶುದ್‍ ಕೋರಧೊಳ ಲುಂಗ್ಡಾಥಿ ಲಪೇಟಿನ್, 
\v 60 ಬಂಡಾಮ ಖೋಂದಿ ಬಣೈರಾಖ್ಯೊಥೋತೆ ಇನಿ ಶೊಂತ್ ನವಿ ಘವೀನಖ್ಹಾಮ್ಣೆ ಮೋಟಿ ಬಂಡಾನಿ ಚಿಪಾಟ್‌ನ ಮ್ಹೇಲಿನ್ ಯೋ ಘವಿನ ಮೂಚಿನ್, ಚ಼ಲೆಗಯೊ. 
\v 61 ಮಗ್ದಲನಿ ಮರಿಯ ಅಜು಼, ಯೋ ಬಿಜೇಕ್ ಮರಿಯ ಹಿಜ್ಜಾ಼ ಘವೀನ ಖ್ಹಾಮ್ಣೆ ಬೇಠಿಥಿಯೆ. 
\v 62 ತಿನವ್ಹಾಣೆ, ಕತೊ ಸಬ್ಬತ್‌ ದನ್ ಖತಮ್ ಹುವಾನ ಬಾದ್‌ಮ, ಗಲ್‌ಢಯಾಜಕರ್‌ ಅಜು಼ ಫರಿಸಾಯರ್ ಪಿಲಾತಕನ ಜೈ಼ನ್, 
\v 63 “ಯಜಮಾನ್, ಯೊ ಝು಼ಟೆಲೊ ಜವ್ತೊಥೋತೆ ತದೆ, ‘ತೀನ್ ದನ್ ಬಾದ್‌ಮ ಮೆ ಪಾಛೊ಼ ಜಿವ್ತೊ ಹುಯಿನ್ ಉಠಿ ಐಶ್‌’ ಕರಿ ಬೋಲ್ಯೊತೆ ವಾತೆ ಹಮಾರ ಯಾದ್ಮ ಛಾ಼, 
\v 64 ಇನಖ್ಹಾಜೇಸ್ ತೀನ್ ದನ್‌ತೋಡಿ, ಇನಿ ಘವೀನ ಜ಼ತನ್‌ಥಿ ವಖ್ಹ್‌ತಿ ಕರಾನಖ್ಹಾಜೆ ಹುಕುಮ್ ದೇ, ನತರ್‌ಕಿ, ಇನ ಶಿಷ್ಯರ್‌ ಐನ್ ಇನಿ ಶರೀರ್‌ನ, ಚೋ಼ರೇಖ್ಹು ಪಾಡಿಲಿಜೈ಼ನ್ ಮರ‍್ಯೊಹುಯೊ ಜಿವ್ತೊ ಹುಯಿನ್ ಉಠಿರ‍್ಹೋಸ್, ಕರಿ ಬೋಲೆಜಾ಼ಯ್ ತದೆ ಪಹಿಲಿ ಝೂ಼ಟಿಥೀಬಿ, ಖ್ಹರ್ತಿಮಾನಿ ಝೂ಼ಟಿ ಘಣು ಖರಾಬ್ ಹುಯಿಜಾ಼ಶೆ” ಕರಿ ಬೋಲ್ಯು.
\p
\v 65 ತದೆ ಪಿಲಾತನೆ ಇವ್ಣುನ; ವಖ್ಹ್‌ತಿ ಕರವಾಳನ” ಬುಲೈಲಿ “ಜಾ಼ವೊ,ಅಜು಼ ತುಮುನ ಹೋಣುತೆ ಇಮ್‌ ಜ಼ತನ್‌ಥಿ ಘವೀನ ವಖ್ಹ್‌ತಿ ಕರೊ” ಕರಿ ಬೋಲ್ಯೊ.
\p
\v 66 ತದೆ ಇವ್ಣೆ ಜೈ಼ನ್, ಘವಿನ ಮುದ್ರೊಮಾರಿನ್, ಶಿಪಾಯಿನ ಕಾವ್ಲಿನ ಮ್ಹೇಲಿನ್, ಘವೀನ ಜ಼ತನ್ ಕರ‍್ಯು.
\c 28
\s ಯೇಸು ಜಿವ್ತೊ ಹುಯಿನ್ ಉಠಿ ಆಯೋತೆ
\r (ಮಾರ್ಕ 16:1-10; ಲೂಕ 24:1-12; ಯೋಹಾನ 20:1-10)
\p
\v 1 ಸಬ್ಬತ್‌ನೊ ದನ್ ಹುವಾನ ಬಾದ್‌ಮ, ಐತ್‍ವಾರ್‌ನ ದನ್ನೆ ವ್ಹಾಣೇಸ್ ವೇಳಿ, ಮಗ್ದಲನಿ ಮರಿಯ ಅಜು಼ ಯೋ ಬಿಜೇಕ್‌ಜ಼ಣಿ ಮರಿಯ ಯೇಸುನು ಮಖ್ಹಾಣ್ಯನಿ ಘವಿಕನ ಐಯ್ಯೆ. 
\v 2 ತದೆ ಎಕ್ಕದಮ್‌ ಜೋ಼ರೇಖ್ಹು ಜ಼ಮೀನ್ ಹಲ್ಯು; ಪ್ರಭುನೊ ಏಕ್‌ ದೂತ ಆಬ್‍ಪರ್‌ಥು ಉತ್ರಿ ಐನ್, ಯೋ ಘವಿನ ಮೂಚೈ಼ರ‍್ಹುಥೂತೆ ಬಂಡಾನ ಹಿಜ್ಜಾ಼ಥು ಗಿರ್‌ಗಡೈನ್, ಇನಾಪರ್ ಬೇಶಿಗಯೊ. 
\v 3 ಇನು ರೂಪ್ ವಿಜ಼್‌ಳಿನಘೋಣಿ ಥೂ, ಇನ ಲುಂಗ್ಡ ಬರಪ್‌ನಿಘೋಣಿ ಧೋಳುಫಟ್ ಥೂ. 
\v 4 ಹಿಜ್ಜಾ಼ ವಖ್ಹ್‌ತಿ ಕರುಕರ್ತುಥೂತೆ ಶಿಪಾಯಿ ಖ್ಹಾರು ಡರ್‌ಥಿ ಧರ್‌ಧರ್‌ ಕಾಪಿನ್ ಮರ‍್ಯಾ ಮುರ್ದಾನಿಘೋಣಿ ಹುಯಿಗಯು.
\p
\v 5 ತದೆ ಯೋ ದೇವ್‌ನೊ ದೂತನೆ ಯೋ ತಯೇಡಾವ್‍ನ, “ತುಮೆ ಡರೊನಕೊ, ಶಿಲ್‌ಬೆಪರ್ ಮಾರ‍್ಯುಥೂತೆ ಯೇಸುನ ತುಮೆ ಢೂಂಡುಕರಾಸ್ ಕರಿ ಮನ ಮಾಲುಮ್. 
\v 6 ಯೋ ಹಜ್ಜಾ಼ ಕೊಯ್ನಿ; ಇನೆ ಬೋಲ್ಯೊಥೋತೆ ಇಮ್ಮಸ್ ಮರಣ್‌ಮಾಥೊ ಜಿವ್ತೊ ಹುಯಿನ್, ಉಠಿರ‍್ಹೋಸ್. ಹಜ್ಜಾ಼ ಆವೊ, ಯೋ ಖ್ಹುತೊಥೋತೆ ಝ಼ಗೋನ ದೇಖೊ. 
\v 7 ಹಮ್ಕೆ ಒಗ್ಗಿಸ್ ಜೈ಼ನ್, ಇನ ಶಿಷ್ಯರ್‌ನ ಬೋಲ್ಯೊಕಿ, ‘ಮರಿಗಯೊಹುಯೊ ಪಾಛೊ಼ ಜಿವ್ತೊಹುಯಿನ್ ಉಠ್ಯೊ ಅಜು಼ ತುಮಾರೇಥಿ ಅಗಾಡಿ ಗಲಿಲಾಯನ ವಳ್ಯೊಜಾ಼ಸ್; ಹಿಜ್ಜಾ಼ ತುಮೆ ಇನ ದೇಕ್‌ಶು!’ ಕರಿ. ಮೇ ಬೋಲ್ಯೋತೆ ವಾತೆ ಖ್ಹಾರಿ ಯಾದ್ಮ ರ‍್ಹವಾದೆ” ಕರಿ ಬೋಲ್ಯೊ.
\p
\v 8 ತದೆ ಇವ್ಣೆ ಡರ್‌ಥೀಬಿ, ಘಣಿ ಖ್ಹುಶಿಥಿ ಒಗ್ಗಿಸ್‌ಮ ಯೋ ಮಖ್ಹಾಣ್ಯನಿ ಘವಿಕಂಥು ನಿಕ್ಳಿನ್, ಇನ ಶಿಷ್ಯರ್‌ನ ಬೋಲಾನಖ್ಹಾಜೆ ಮಿಲಯ್ಯೆ಼.
\p
\v 9 ತದೆ ಎಕ್ಕದಮ್‌ ಯೇಸು ಇವ್ಣುನ ದೆಖೈನ್, “ತುಮೂನ ಸಮಾಧಾನ್‍ ಹುವಾದೆ” ಕರಿ ಬೋಲ್ಯೊ. ಇವ್ಣೆ ಇನ ಖನ್ನೆ ಆಯಿನ್, ಇನ ಗೋಡ ಧರೀನ್, ಇನ ಆರಾದನೆ ಕರಿಯೆ. 
\v 10 ಯೇಸುನೆ ಇವ್ಣುನ, “ಡರೊ ನಕೊ, ಮಾರ ಭಯೇಕನ ಜೈ಼ನ್, ಗಲಿಲಾಯಾನ ಆವಾನ ಬೋಲೊ. ಹಿಜ್ಜಾ಼ ಇವ್ಣೆ ಮನ ದೇಕ್‌ಶೆ” ಕರಿ ಬೋಲ್ಯೊ.
\s ಕಾವ್ಲಿ ಕರಾವಾಳ ಶಿಪಾಯಿನೆ ಬೋಲ್ಯಾತೆ
\p
\v 11 ಯೋ ತಯೇಡ ಖ್ಹಾರಿ ಜಾ಼ತಿ ವಖ್ಹತ್‌ಮ, ವಖ್ಹ್‌ತಿ ಕರುಕರ್ತುಥೂತೆ ಶಿಪಾಯಿಮ ಥೋಡು ಜ಼ಣು ಖ್ಹಯೇರ್‌ಮ ಜೈ಼ನ್, ಚಾ಼ಲ್ಯುತೆ ಬಾರೇಮ ಖ್ಹಾರೂಸ್ ಗಲ್‌ಢಯಾಜಕರ್‌ನ ಖ್ಹಾಮ್ಣೆ ಬೋಲ್ಯು. 
\v 12 ಗಲ್‌ಢ ಯಾಜಕರ್ ಶಾಣಾವ್ನ ಜೋ಼ಡೆ ಮಳಿನ್, ವಾತೆ ಕರಿಲೀನ್, ಯೋ ಶಿಪಾಯಿಯೇನ ಇವ್ಣೆ ಘಣ ಪೈಶಾದೀನ್, 
\v 13 “ರಾತ್ಮ ಹಮೆ ಖ್ಹುತಾರ‍್ಹವಾನಿ ವಖ್ಹತ್‌ಮ, ಇನ ಶಿಷ್ಯರ್‌ ಆಯಿನ್, ಇನ ಮುರ್ದಾನ ಚೋ಼ರೇಖ್ಹು ಪಳ್ಳಿ ಗಯ ಕರಿ ಬೋಲೊ. 
\v 14 ಆ ಖಬರ್ ರಾಜ಼್‌ಭಾರ್ ಚ಼ಲಾವವಾಳಾನ ಕಾನ್‌ಮ ಪಡ್ಯೂತೊ, ಹಮೆ ಇನಜೋ಼ಡೆ ವಾತೆಕರಿನ್, ತುಮಾರಾಮ ಗಲ್ತಿಕೊಯ್ನಿ ಕರಿ ಖ್ಹಮ್‍ಜಾ಼ಡ್‍ಶು, ತದೆ ತುಮೂನ ಶನೋಸ್ ಡರ್‌ ಕೋ ರ‍್ಹಿಶೇನಿ” ಕರಿ ಬೋಲ್ಯು.
\p
\v 15 ಯೋ ಶಿಪಾಯಿಯೇನೆ ಪೈಶಾ ಲೀಲಿನ್‌, ಇವ್ಣುನ ಶಾತ್ ಬೋಲಿದಿದೂಥೂಕಿ ಇಮ್ಮಸ್ ಕರ‍್ಯು. ಆ ವಾತೆ ಹಮ್ಕೆಲಗೂಬಿ ಯೆಹೂದ್ಯರ್‌ಮ ಫೈಲಿರ‍್ಹೂಸ್.
\s ಯೇಸು ಇನ ಶಿಷ್ಯರ್‌ನ ದೆಖಾಯೊತೆ
\r (ಮಾರ್ಕ 16:14-18; ಲೂಕ 24:36-49; ಯೋಹಾನ 20:19-23; ಅಪೊ 1:6-8)
\p
\v 16 ಬಾದ್‌ಮ ಗ್ಯಾರ‍್ಹ ಜ಼ಣ ಶಿಷ್ಯರ್‌ ಯೇಸುನೆ ಬೋಲಿವತಾಳ್ಯೋತೆ ಗಲಿಲಾಯನು ಏಕ್‌ ಪಹಾಡ್‌ಕನ ಗಯ. 
\v 17 ಹಿಜ್ಜಾ಼ ಯೇಸುನ ದೇಖಿನ್, ಇನಖ್ಹಾಮ್ಣೆ ಆರಾದನೆ ಕರ‍್ಯು, ಕತೋಬಿ ಇವ್ಣಾಮ ಥೋಡು ಜ಼ಣು ಶಕ್ ಕರ‍್ಯು. 
\v 18 ಯೇಸು ಇವ್ಣ ಖನ್ನೆ ಆಯಿನ್, “ಸೊರ್ಗಾಮಾಬಿ, ಧರ್ತಿಪರ್‌ಬಿ ಖ್ಹಾರೀಸ್‍ ಅದಿಕಾರ್ ಮನ ದೆವೈರ‍್ಹೀಸ್. 
\v 19 ಇನಖ್ಹಾಜೆ ತುಮೆ ಜೈ಼ನ್, ಖ್ಹಾರ ದೇಖ್ಹ್‌ಮ ಛಾ಼ತೆ ಅಲಕ್ ಅಲಕ್ ವಾತೆ ಬೋಲಾವಳು ಅದ್ಮಿ ಖ್ಹಾರಾನ ಮಾರ ಶಿಷ್ಯರ್‌ ಬಣಾವೊ: ಇವ್ಣುನ ಬಾ, ಛಿಯ್ಯೊ ಅಜು಼ ಪವಿತ್ರಾತ್ಮನ ನಾಮ್‌ಪರ್‌ ಬ್ಯಾಪ್ತಿಸ್ಮ ದೆವೊ. 
\v 20 ಅಜು಼ ಮೇ ತುಮೂನ ಹುಕುಮ್‌ ದೀರಾಖ್ಯೋತೆ ಖ್ಹಾರಸ್ನ ಇವ್ಣೆ ಪಾಡಿ ಚಾ಼ಲಾನಿಘೋಣಿ ಇವ್ಣುನ ಬೋಲಿವತಾಳೊ. ಅಜು಼ ಯಾದ್ಮ ರ‍್ಹವಾದೇಕಿ ಜಗತ್‌ನು ಖ್ಹರ್ತಿ ಹುವಾಲಗೂಬಿ, ಹಮೇಶ ಮೇ ತುಮಾರ ಜೋ಼ಡೆಸ್ ರ‍್ಹೀಶ್” ಕರಿ ಬೋಲ್ಯೊ.