\id LUK -WAGHRI
\ide UTF-8
\h ಲೂಕ
\toc3 ಲೂಕ
\toc2 ಲೂಕ
\toc1 ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್
\mt2 ಲೂಕನು ಬರೆದ ಯೇಸುವಿನ ಸುವಾರ್ತೆ
\mt1 ಲೂಕನೆ ಲೀಖ್ಯೋತೆ ಯೇಸುನಿ ಅಛ್ಛಿ ಸಮಾಚಾರ್‌
\imt ಮಾಲುಮ್ ಕರಾನು
\ip ಲೂಕನೆ ಲೀಖ್ಯೋತೆ ಸುವಾರ್ತೆ ನವಿ ಒಪ್ಪಂದಾಮ ಛಾ಼ತೆ ಯೇಸುಕ್ರಿಸ್ತನು ಜಿವ್ಣನಿಬಾರೇಮ ಲೀಖೈರುತೆ ಚಾರ್ ಪುಸ್ತಕ್‌ಮ ಆ ಪುಸ್ತಕಾಬಿ ಏಕ್‍ ಹುಯಿರ‍್ಹುಸ್. ಆ ಹರೇಕ್ ಪುಸ್ತಕಾನಾಬಿ ಸುವಾರ್ತೆಕರಿ ಬೋಲಸ್. ಆನಿಮತ್ಲಬ್ ‘ಅಛ್ಛಿ ಸಮಾಚಾರ್’.
\ip ಆ ಅಖ್ಖು ಯೇಸುನಿ ಮರಣ್ಣಿ ಬಾದ್‌ಮ ಮತ್ತಾಯ, ಮಾರ್ಕ, ಲೂಕ ಅಜು಼ ಯೋಹಾನ ಇವ್ಣೇಥಿ ಲೀಖೈರ‍್ಹುಸ್. ಲೂಕನೆ ಖಲಿ ಯೇಸುನಿ ಜಿವ್ಣಾನಿ ಖೇಣಿನ ಎತ್ರೇಸ್ ಲೀಖಿರಾಖ್ಯೊಕೊಯ್ನಿ, ಕತೋಬಿ ಇನೆ ಯೇಸುನಿ ಮರಣ್ಣ ಅಜು಼ ಮರೀನ್ ಜಿವ್‍ಯೊತೆ ಇನ ಬಾದ್‌ಮ ಇನ ಶಿಷ್ಯರ್‌ಖ್ಹಾರು ಕರ‍್ಯುತೆ ಥೋಡಿ ಸಮಾಚಾರ‍್ನ ಬಾರೇಮ ಲೀಖಿರಾಖ್ಯುಸ್. ಯೋ ಪುಸ್ತಕಾನು ನಾಮ್ ಅಪೊಸ್ತಲರ‍್ನು ಕಾಮ್‍ಅಖ್ಖು.
\ip ಲೂಕನೆ ಲೀಖ್ಯೋತೆ ಸುವಾರ್ತೆ ಯೋಸ್‍ ವೇಳ್ಮ ಲೀಖೈರುಸ್ಕರಿ ಬೋಲಾನು ಖ್ಹಾಚು಼ಕೊಯ್ನಿ. ಕತೋಬಿ ಘಣೇಥಿ ಘಣು ಲೀಖಾಪಟ್‌ವಾಳು ಕ್ರಿಸ್ತಪೈದ ಹುಯಿನ್ 70 ವರಖ್ಹ್‌ನ ಬಾದ್‌ಮ ಲೀಖೈರು ಉಷೆಕರಿ ಮಾನಿಲೇಸ್.
\ip ಲೀಖಾಪಟ್‍ವಾಳೊ ಲೂಕ ಏಕ್‍ ಪಂಡಿತ್ ಹುಯಿರ‍್ಹೋಥೊ. ಇನೆ ಲೀಖ್ಯೋತೆ ಪರಕ್ಮ ಅಜು಼ ಲಿಖಾಪಟ್‍ನಿ ವಾತೆ ಯೋ ಏಕ್‌ ಲೀಖಾಪಟ್‍ವಾಳೊ ಹುಯಿರ‍್ಹೊಥೊಕರಿ ವತಾಳಿಲೇಸ್. ಲೂಕನೆ ಅಜೂ಼ಬಿ ಯೇಸುನಿ ಜಿವ್ಣನಿಬಾರೇಮ ಬರೋಬರ್‌ಥಿ ಲೀಖಾನ ಕೋಶಿಶ್ ಕರಿರಾಖ್ಯೋಸ್ ತದೆ ಚಾ಼ಲಿತೆಅಖ್ಖು ಚಾಲ್ಯುಕಿಮ್ಕಿ ತಿಮ್ಮಸ್ ಬೋಲಿರಾಖ್ಯೊಸ್ ಇನಖ್ಹಾಜೆ ಫಡವಾಳನ ಅನೇಥಿ ಫಾಯಿದೊ ಹುವಾನಿಘೊಣಿ ಕರ‍್ಯೊ.
\ip ಯೋ ಯೆಹೂದ್ಯ ಹುಯಿರ‍್ಹೊಥೊಕೊಯ್ನಿ \xt ಕೊಲೊಸ್ಸೆ 4:10-14\xt* ಅಜು಼ ಯೆಹೂದ್ಯರ್‌ಕಾಹೆತೆ ಅದ್ಮಿವೋಬಿ ಮಾಲುಮ್ ಕರಿಲ್ಯವಾನಿ ಪರಕ್ಮ ಇನೆ ಲೀಖಿರಾಖ್ಯೊಸ್. ಇನೆ ಯೆಹೂದ್ಯರ್‌ನಿ ಪದತ್ತಿನಿ ಬಾರೇಮ ಛೋ಼ಡಿ ಬೋಲಿರಾಖ್ಯೋತೆ ಇನ ದೇಖ್ಯುತೊ ಅಪ್ಣುನ ಮಾಲುಮ್‍ಪಡಸ್ \xt ಲೂಕ 1:4.\xt*
\ip ಲೂಕನೆ ಲೀಖ್ಯೋತೆ ಸುವಾರ್ತೆ ಮತ್ತಾಯ ಅಜು಼ ಮಾರ್ಕನೆ ಲೀಖ್ಯೋತೆ ಸುವಾರ್ತೆನಿಘೊಣಿಸ್ ಛಾ಼, ಶನಕತೊ ಯೋ ಅಖ್ಖು ಎಕ್ಕಸ್‍ಪರಕ್ಮ ಛೋ಼ಡಿ ಬೋಲೈರ‍್ಹುಸ್. ಆ ತೀನ್ ಪುಸ್ತಕಮಾಬಿ ಲೂಕನೆ ಬ್ಯಾಪ್ತಿಸ್ಮ ದ್ಯವಾಳನಿ ಯೋಹಾನನಿ ಪೈದಾಖ್ಹ್‌ನಿ ಬಾರೇಮ ಬೋಲಿರಾಖ್ಯುಸ್. \xt ಲೂಕ 3:3\xt*, \xt 11:4\xt*, \xt 17:3-4\xt*,\xt 23:34\xt*, \xt 24:47\xt* ಅಜು಼ ಪ್ರಾರ್ಥನೇನಿ ಬಾರೇಮ ಬೋಲಿರಾಖ್ಯೊಸ್. \xt ಲೂಕ 3:21\xt*, \xt 5:16\xt*,\xt 6:12\xt*, \xt 11:1-12\xt*, \xt 22:32\xt*.
\iot ಕಾಡಿದೇಖೊ
\io1 1. ಅದ್ಯಾಯ 1-4 ಲೂಕನೆ ಇನಿ ಸುವಾರ್ತೆನಿ ಪರಿಚಯ್ ಕರಿರಾಖ್ಯೊಸ್. ಅಜು಼ ಯೋ ಶನಖ್ಹಾಜೆ ಲೀಖಿರಾಖ್ಯೊಸ್‌ಕರಿ ಬೋಲಾನು ಛೋ಼ಡಿ ವತಾಳಿರಾಖ್ಯೊಸ್. \ior 1:1-4\ior*
\io1 2. ಇನಕೇಡೆಥು ಇನೆ ಯೇಸು ಪೈದಹುಯೊತೆ ಅಜು಼ ಯೋ ಸೇವೆನಖ್ಹಾಜೆ ಕಿಮ್ ತಯಾರ್ ಹುಯೊಕರಿ ಬೋಲಾನು ಲೀಖಿರಾಖ್ಯೊಸ್. \ior 1:5—4:13 \ior*
\io1 3. ಉಬ್‍ರ‍್ಯುತೆ ಸುವಾರ್ತೆಮ ಹೈರೂತೆ ಘಣು ಮೋಟು ಭಾಗ್‌ ಹುಯಿರ‍್ಹುಸ್. ಲೂಕನೆ ಯೇಸು ಕರ‍್ಯೊತೆ ಕಾಮ್ನಿಬಾರೇಮ ಬೋಲಿರಾಖ್ಯೊಸ್. ವಿಶೇಷ್‌ಥಿ ಕರ‍್ಯೊತೆ ಕಾಮ್‍ಅಖ್ಖು ಅಜು಼ ಇನಿ ಬೋಧನೆನಿ ಬಾರೇಮ ಬೋಲಸ್. \ior 4:14—21:38 \ior*
\io1 4. ಖ್ಹರ್ತಿಮ ಕಡೇಶೆನಿ ಬೇನಿ ಅಧ್ಯಾಯಮ. ಇನೆ ಯೇಸು ಕಿಮ್ ಮರ‍್ಯೊತೆ, ಮಖ್ಹಾಣ್ಯುಹುಯ್ಯೊತೆ ಅಜು಼ ಮರಣ್‍ಥಿ ಕಿಮ್ ಆಯೊಕರಿ ಬೋಲಾನು ಇನೆ ಬೋಲಿರಾಖ್ಯೊಸ್. \ior 22—24\ior*
\c 1
\p
\v 1-2 ಪ್ಯಾರ್‌ನೊ ಥಿಯೊಫಿಲ, ಅಪ್ಣ ಇಚ಼್‌ಮ ಚಾ಼ಲಿರ‍್ಹೀತೆ ಕಾಮ್‍ಅಖ್ಖಾನ ಇನಿ ಬಾರೇಮ ಪಹಿಲೇಥು ಡೋಳೆಖ್ಹು ದೇಖಿನ್, ದೇವ್ನಿ ಅಛ್ಛಿ ಖಬರ್‌ನ ಬೋಲಿದ್ಯವಾಳು ಅಪ್ಣುನ ಖ್ಹಮ್‌ಜಾ಼ಡ್ಯುಥೂತೆ ಇಮ್ಮಸ್, ಲೀಖಾನ ಕೈಯೆಕ್ಕಿ ಅದ್ಮಿನೆ ಕೋಶಿಶ್ ಕರಿರಾಖ್ಯುಸ್. 
\v 3 ಮೇಬಿ ಜ಼ಡ್‌ಥುಧರಿ ಮೂಳಿಲಗು ಅಛ್ಛಿನಿತರ ಪುಛೈ಼ನ್, ಮಾಲುಮ್‌ ಕರಿರಾಖ್ಯೋಸ್ತೆ ಇನಾಖ್ಹಾಜೆ, ಯೋ ಖ್ಹಾರಸ್ನ ಏಕಾಡಿಥು ಥಿಯೊಫಿಲ ಹುಯಿರ‍್ಹೋತೆ ತುನ ಲೀಖಿನ್ ವತಾಳನು ಅಛ್ಛು಼ಕರಿ ಮನ ಸೋಚಾ಼ಯು. 
\v 4 ಅನೇಥಿ ತುನ ಶಿಕಾಡ್ಯೂತೆ ಖ್ಹಾರುಸ್ ಖ್ಹಾಚು಼ಕರಿ ತೂ ಮಾಲುಮ್ ಕರಿಲಿಶ್‌.
\s ಯೋಹಾನ ಪೈದಾ ಉಷೇತೆ ಬಾರೇಮ ಮಾಲುಮ್‌ ಪಡ್ಯೂತೆ
\p
\v 5 ಹೆರೋದ ಯೂದಾಯ ಮುಲಕ್‌ನೊ ರಾಜ಼ ಹುಯಿರ‍್ಹೊಥೋತೆ ಹಗಾಮ್ಮ, ಜಕರೀಯ ಕರಿ ಏಕ್‌ ಯಾಜಕ್ ಹಿಜ್ಜಾ಼ ಥೊ, ಯೋ ಅಬೀಯ ಯಾಜಕ್‌ನೊ ಖೂಮ್‌ವಾಳೊ ಹುಯಿರ‍್ಹೋಥೊ. ಇನಿ ಬಾವಣ್ಣು ನಾಮ್ ಎಲಿಜ಼ಬೇತ್‍, ಯೋ ಆರೋನ್ನಿ ಕುಟುಂಬ್‌ವಾಳಿ ಹುಯಿರ‍್ಹೀಥಿ.‌ 
\v 6 ಇವ್ಣೆ ಭೇ ಜ಼ಣ ದೇವ್ನ ಡೋಳಾಮ ಅಛ಼್ಛ ಹುಯಿರ‍್ಹಾಥ ಅಜು಼ ಪ್ರಭುನಿ ಖ್ಹಾರಿಸ್ ಖಾನುಲ್‌ ಅಜು಼ ಹುಕುಮ್‌ನ ಪಾಡಿ ಚಾ಼ಲಿನ್, ಜ಼ರಾಬಿ ಗಲ್ತಿಕೊಂತೆ ಇಮ್‌ ಥಾ. 
\v 7 ಕತೋಬಿ ಎಲಿಜ಼ಬೇತ್‌ ವಾಂಝ಼್‌ಣಿ ಹುಯಿರ‍್ಹಿಥೀತೆ ಇನಾಖ್ಹಾಜೆ ಇವ್ಣುನ ಲಡ್ಕಾ ಕೋ ಥಾನಿ. ಎತ್ರೇಸ್ ಕಾಹೆತೆ ಇವ್ಣೆ ಭೇ ಜ಼ಣ ಬುಢಾ ಹುಯಿಗಾಥ.
\p
\v 8 ಅಮ್ ರ‍್ಹಾವಾನಿ ವಖ್ಹತ್‌ಮ, ಏಕ್‌ ದನ್ನೆ ಜಕರೀಯಾನಿ ಶಾಲ್‌ವಾಳಾನ ದೇವ್ನಿ ಮಂದಿರ್‌ಮ ಯಾಜಕ್ನು ಕಾಮ್ ಕರಾನಿ ವಖ್ಹತ್ ಆವ್ತಾನ, ಜಕರೀಯ ದೇವ್ನ ಖ್ಹಾಮ್ಣೆ ಯಾಜಕ್‍ನಿಸೇವೆ ಕರುಕರ್ತೊಥೊ. 
\v 9 ಯಾಜಕ್‌ಖ್ಹಾರು ಮಳಿನ್, ಪ್ರಭುನಿ ಮಂದಿರ್‌ನ ಮಹಿ ಜೈ಼ನ್, ಢಪ್ಕಾರ್‌ ದ್ಯವಾನಟೇಕೆ ಚೀಟಿ ನಾಖಿನ್ ಏಕ್‌ ಯಾಜಕ್‌ನ ಚೂ಼ಣ್‌ತೂಥು. ಇಮ್‌ ಕರಾಖ್ಹತರ್ ಜಕರೀಯ ಚೂ಼ಣಾಯೊ. 
\v 10 ಢಪ್ಕಾರ್‌ ದ್ಯವಾನಿ ವಖ್ಹತ್‌ಮ ಭಾರ್ ಭರೈರ‍್ಹುಥೂತೆ ಅದ್ಮಿಖ್ಹಾರು ದೇವ್ನ ಪ್ರಾರ್ಥನೆ ಕರುಕರ್ತುಥು.
\p
\v 11 ತದೆ ಪ್ರಭುನೊ ದೂತ ಢಪ್ಕಾರ್‌ ದ್ಯವಾನಿ ಢಾಕ್ಣಿನ ಖಾವಿ ಬಾಜು಼ಮ ಆಯಿ ಭೀರಿನ್, ಜಕರೀಯಾನ ದೆಖಾಯೊ. 
\v 12 ಜಕರೀಯಾನೆ ದೇವ್‌ನೊ ದೂತನ ದೇಖಿನ್ ಧರ್‌ಧರ್‌ ಕಾಪಿನ್, ಡರ್‌ಘಲ್ಲಿದೊ. 
\v 13 ಕತೋಬಿ ದೇವ್‌ನೊ ದೂತನೆ ಇನ, “ಜಕರೀಯ, ಡರ್‌ನಕೊ! ದೇವ್ನೆ ತಾರಿ ಬಿಂತಿನ ಖ್ಹಮ್‌ಜಿಲಿದೊ. ತಾರಿ ಬಾವಣ್‍ ಹುಯಿರ‍್ಹೀತೆ ಎಲಿಜ಼ಬೇತ್‌ ತುನ ಏಕ್‌ ಪರ್ಖ್ಹೊ ಲಡ್ಕಾನ ಜ಼ಣಿ ದಿಶೆ. ತೂ ಯೋ ಲಡ್ಕಾನ ಯೋಹಾನ ಕರಿ ನಾಮ್ ಮ್ಹೇಲ್ನು. 
\v 14 ಯೋ ಲಡ್ಕಾಥಿ ತುನ ಘಣು ಖ್ಹುಶಿ ಅಜು಼ ಶಂತೋಖ್ಹ್‌ ಉಶೆ, ಎತ್ರೇಸ್ ಕಾಹೆತೆ ಯೋ ಪೈದಹುಯೊತೆ ಇನಾಟೇಕೆ ಕೈಯೆಕ್ಕಿ ಜ಼ಣು ಖ್ಹುಶೀಕರ್‌ಶೆ! 
\v 15 ಪ್ರಭುನ ಡೋಳಾಮ ಯೋಹಾನ ಮಹಾನ್ ಅದ್ಮಿ ಹುಯಿರ‍್ಹಿಶೆ. ಕಂದಾಯುಹುಯು ದ್ರಾಕ್ಷಿನು ರಖ್ಹ್‌ನ ರ‍್ಹವೊ ನತರ್‌ಕಿ ಕೆಹೂಬಿ ನಿಶಾನುರಖ್ಹ್‌ನ ರ‍್ಹವೊ ಯೋ ಪೀಶೆಸ್‌ ಕೊಯ್ನಿ. ಪೈದಾಖ್ಹ್‌ಥೋಸ್‌ ಯೋ ಪವಿತ್ರಾತ್ಮಥಿ ಭರೈರ‍್ಹೀಶೆ. 
\v 16 ಅಜು಼ ಇಸ್ರಾಯೇಲ್‌ನ ಘಣ ಅದ್ಮಿನ ಇವ್ಣೊ ದೇವ್ ಹುಯಿರ‍್ಹೋತೆ ಪ್ರಭುಭಣಿ ಫರಾವ್‌ಶೆ. 
\v 17 ಯೋ ಪ್ರಭುನ ಅಗಾಡಿ ಜೈ಼ನ್, ಪ್ರವಾದಿ ಎಲೀಯನಿಘೋಣಿ ಮಹಿಮೆಮಾಬಿ ಶಕತ್‍ಮಾಬಿ ಭರೈನ್, ಬಾನ ದಿಲ್ನ ಲಡ್ಕಾವ್‌ಭಣಿ ಫರಾವ್‌ಶೆ, ಅಜು಼ ಮೊಂಡಿ\f + \fr 1:17 \fr*\ft ಕತೊ-ವಾತೆ ಖ್ಹಮ್‌ಜಾ಼ಕೊಯ್ನಿತೆ ಅದ್ಮಿಕರಿ.\ft*\f* ಖ್ಹಾರಾನ ನೀತಿನಿ ವಾಟ್‌ಭಣಿ ಫರಾವ್‌ಶೆ. ಅಮ್‍ ಪ್ರಭುನ ಅಛ಼್ಛ ಅದ್ಮಿನ ತೈಯಾರ್ ಕರ್ಶೆ” ಕರಿ ಬೋಲ್ಯೊ.
\p
\v 18 ತದೆ ಜಕರೀಯಾನೆ ದೇವ್ನ ದೂತನ, “ತೂ ಬೋಲುಕರಾಸ್ತೆ ಉಷೆಕರಿ ಮೇ ಶನೇಥಿ ಮಾಲುಮ್‌ಕರು?‌ ಶನಕತೊ ಮೇ ಬುಢೋ ಹುಯಿಗಯೊ, ಮಾರಿ ಬಾವಣ್‌ಬಿ ಬುಢಿಯಾ ಹುಯಿಗೈ” ಕರಿ ಬೋಲ್ಯೊ.
\p
\v 19 ಇಮ್‌ ಬೋಲಾಖ್ಹತರ್ ದೇವ್‌ನೊ ದೂತನೆ, “ಮಾರು ನಾಮ್ ಗಬ್ರಿಯೇಲ್, ಮೇ ದೇವ್ನ ಖ್ಹಾಮ್ಣೆ ಭೀರ‍್ಯಾವವಾಳೊ, ತಾರ ಜೋ಼ಡೆ ವಾತೆಬೋಲಿನ್, ಆ ಸುವಾರ್ತೆನ ತುನ ಖ್ಹಮ್‍ಜಾ಼ಡನಖ್ಹಾಜೆ ದೇವ್ನೆ ಮನ ಮೋಕ್ಲಿರಾಖ್ಯೊಸ್. 
\v 20 ಆ ಮಾರಿ ವಾತೆ ಬರೋಬರ್‌ನಿ ವಖ್ಹತ್‌ಮ ಪೂರಉಶೆ. ಕತೋಬಿ ತುನೆ ಆ ವಾತೇನ ನಂಬ್ಯೊಕೊಂತೆ ಇನಖ್ಹಾಜೆ, ಆ ಖ್ಹಾರು ಹುವಾನ ದನ್‌ತೋಡಿ ತೂ ವಾತೆ ಕೋಬೋಲಿಶ್‍ನೀತೆ, ಮುಕ್ಕೊ ಹುಯಿರ‍್ಹೀಶ್” ಕರಿ ಜವಾಬ್‌ ದಿದೊ.
\p
\v 21 ಯೋಸ್ ವಖ್ಹತ್‌ಮ ಜಕರೀಯಾನ ಖ್ಹಾಜೆ ಭಾರ್‌ ಟಿವವ್‍ಕರ್ತುಥೂತೆ ಅದ್ಮಿಖ್ಹಾರು, ಔಡಿ ಘಡಿಲಗೂ ಯೋ ಮಂದಿರ್‌ನ ಮಹಿ ಶನ ಛಾ಼ತೆ ಕರಿ ಬೋಲಿನ್ ಆಶ್ಚರ್ಯಖಾದು. 
\v 22 ಯೋ ಮಂದಿರ್‌ಮಾಥೊ ಭಾರ್‌ಆಯಿನ್, ಇವ್ಣ ಜೋ಼ಡೆ ಏಕ್‌ ವಾತ್‍ಬಿ ಬೋಲ್ಯೊಕೊಂತೆ ದೇಖಿನ್, ಅನ ಮಂದಿರ್‌ಮ ಶಾತ್ಕಿ ದರ್ಶನ್\f + \fr 1:22 \fr*\ft ದೇವ್‍ಥಿ ಶಾತ್‍ತೋಬಿ ದೆಖಾವನು\ft*\f* ಹುಯು ಉಶೆ ಕರಿ ಮಾಲುಮ್ ಕರಿಲಿದು. ತಪ್‌ಥೊ ಜಕರೀಯ ಮುಕ್ಕೋಸ್ ರ‍್ಹೀನ್ ಹಾತ್‌ನೊ ಝಾ಼ಲೊಥೀಸ್ ಬೋಲಿವತಾಳ್‌ತೋಥೊ.
\p
\v 23 ಮಂದಿರ್‌ಮ ಇನಿ ಯಾಜಕ್‌ನಿ ಸೇವೆನೊ ದನ್‌ಖ್ಹಾರೊ ಖತಮ್ ಹುವಾನ ಬಾದ್‌ಮ, ಜಕರೀಯ ಪಾಛೊ಼ ಇನ ಘರೆ ಚ಼ಲೆಗಯೊ. 
\v 24 ಥೋಡ ದನ್ನ ಬಾದ್‌ಮ ಇನಿ ಬಾಯ್ಕೊ ಎಲಿಜ಼ಬೇತ್‌ ಬೇಜೂನಿ ಹುಯಿನ್, ಪಾಚ಼್ ಮಹಿನಾತೋಡಿ ಘರ್‌ಥಿ ಭಾರ್‌ ಕೋ ನಿಕ್ಳಿನಿ. 
\v 25 ತದೆ ಎಲಿಜ಼ಬೇತ್‌ನೆ, “ಆ ಉಂಬರ್‌ಮ ಪ್ರಭುನೆ ಮಾರಪರ್ ಡೋಳಪಾಡಿ ದೇಖ್ಯೊ. ಅನೇಥಿ ಅದ್ಮಿಮ ಮನ ಥೂತೆ ಚಿಂಘಾವ್ಣಿನ ದೂರ್ ಕರ‍್ಯೊ” ಕರಿ ಬೋಲಿ.
\s1 ಯೇಸು ಪೈದಾ ಹುವಾನಿ ಬಾರೇಮ ದೇವ್‌ನೊ ದೂತನೆ ಬೋಲಿವತಾಳ್ಯೋತೆ
\p
\v 26 ಎಲಿಜ಼ಬೇತ್‌ ಛೊ಼ ಮಹಿನಾನಿ ಬೇಜೂನಿ ಥೀತೆ ತದೆ, ದೇವ್ನೆ ಗಬ್ರಿಯೇಲ್ ಕರಿ ನಾಮ್ನ ದೂತನ ಗಲಿಲಾಯ ತಬರ್‌ಖಾನು ನಜ಼ರೇತ್ ಕರಿ ಗಾಮ್ಮ ಥೀತೆ ಏಕ್‌ ಕವಾರಿಕನ ಮೋಕ್‌ಲ್ಯೊ. 
\v 27 ಯೊ ಕವಾರಿನು ನಾಮ್ ಮರಿಯ. ದಾವೀದ್‌ ರಾಜಾ಼ನಿ ಪಿಳ್ಗಿವಾಳೊ ಹುಯಿರ‍್ಹೊಥೋತೆ ಯೋಸೇಫ್‌ನ ಜೋ಼ಡೆ ಇನಿ ಖ್ಹಗೈ ಪಡಿರ‍್ಹೀಥಿ. 
\v 28 ಯೋ ದೇವ್‌ನೊ ದೂತನೆ ಮರಿಯನ, “ದೇವ್ನಿ ಆಶೀರ್ವಾದ್‌ವಾಳಿ, ತುನ ಸಮಾಧಾನ್ ಹುವಾದೆ! ಪ್ರಭು ದೇವ್ ತಾರ ಜೋ಼ಡೆ ಛಾ಼!” ಕರಿ ಬೋಲ್ಯೊ.
\p
\v 29 ದೇವ್‌ನು ದೂತರ್‌ನಿ ವಾತೇನ ಖ್ಹಮ್‌ಜಿನ್‌ ಮರಿಯ ಘಬ್‌ರೈಗೈ ಅಜು಼ ಆ ವಾತೆನಿ ಮತ್‌ಲಬ್ ಶಾತ್‌ ಉಶೆ? ಕರಿ ಸೋಚಾಲಗಿ. 
\v 30 ತದೆ ದೇವ್‌ನೊ ದೂತನೆ ಇನ, “ಮರಿಯ ಡರ್‌ನಕೊ, ದೇವ್ನೆ ತಾರಪರ್ ಘಣಿ ಮೋಟಿ ವಾರ್‌ಖ್ಹೊ ಕರಿರಾಖ್ಯೋಸ್. 
\v 31 ಹಂದೇಕ್, ತೂ ಬೇಜೂನಿ ಹುಯಿನ್ ಏಕ್‌ ಪರ್ಖ್ಹೊ ಲಡ್ಕಾನ ಜ಼ಣಿಶ್, ಯೋ ಲಡ್ಕಾನ ಯೇಸು ಕರಿ ನಾಮ್ ಮ್ಹೇಲ್ನು. 
\v 32 ಯೋ ಮೋಟೊ ಅದ್ಮಿಹುಯಿನ್ ಪರಮಂಡಲ್‌ನೊ ದೇವ್‌ನೊ ಛಿಯ್ಯೊ ಕರಿ ಬೋಲೈಲಿಶೆ. ದೇವ್ ಹುಯಿರ‍್ಹೋತೆ ಪ್ರಭು ಇನೊ ಗುರುಗುರಬ್‌ಲ್ಯೊ ಹುಯಿರೋತೆ ದಾವೀದ್‌ನಿ ಸಿಂಹಾಸನ್ನ ಇನ ದಿಶೆ. 
\v 33 ಅಜು಼ ಯೋ ಯಾಕೋಬ್‍ನಿ ಪಿಳ್ಗಿಪರ್ ಹರ್‌ಹಮೇಶಾನಖ್ಹಾಜೆ ರಾಜ್‍಼ಕರ್‌ಶೆ. ಇನಿ ರಾಜ್ಯ ಖತಮಸ್ ಕೋ ಉಶೇನಿ”\f + \fr 1:33 \fr*\ft 2 ಸಮುವೇಲ್ 7-12\ft*\f* ಕರಿ ಬೋಲ್ಯೊ.
\p
\v 34 ತದೆ ಮರಿಯನೆ, “ಆ ಕಿಮ್ ಉಶೆ? ಮೇ ಕವಾರಿನಿ” ಕರಿ ದೇವ್‌ನೊ ದೂತನ ಬೋಲಿ.
\p
\v 35 ತದೆ ದೇವ್‌ನೊ ದೂತನೆ ಮರಿಯನ, “ತಾರಪರ್ ಪವಿತ್ರಾತ್ಮ ಆವ್‌ಶೆ ಅಜು಼ ದೇವ್ನಿ ಶಕತ್‍ ಆಯಿನ್ ತಾರಪರ್ ಢಪಾವ್‌ಶೆ, ಅನಖ್ಹಾಜೆಸ್ ಪೈದಾ ಉಷೇತೆ ಯೋ ಪವಿತ್ರ ಲಡ್ಕು ದೇವ್‌ನೊ ಛಿಯ್ಯೊ ಕರಿ ಬೋಲೈಲಿಶೆ” ಕರಿ ಜವಾಬ್‌ ದಿದೊ. 
\v 36 ಎತ್ರೇಸ್ ಕಾಹೆತೆ ತಾರಿ ಖನ್ನೆವಾಳಿ ಹುಯಿರ‍್ಹೀತೆ ಎಲಿಜ಼ಬೇತ್‌ ಛಾ಼ನಿ, ಯೋ ಬುಢಿಯಾ ಹುಯಿಗಿತೋಬಿ ಬೇಜೂನಿ ಛಾ಼. ಇನ ಪೇಟ್‌ಮ ಪರ್ಖ್ಹೊ ಲಡ್ಕು ಛಾ಼, ವಾಂಝ಼್‌ಣಿ ಕರಿ ಬೊಲೈಲಿದಿಥೀತೆ ಇನ ಆ ಛೋ಼ನೆ ಮಹಿನೊ. 
\v 37 ಶನಕತೊ ದೇವ್ನ ಹಾತೆ ಹುವ್ವಾಕೊಂತೆ ಏಕ್‌ಬಿ ಕೊಯ್ನಿ” ಕರಿ ಬೋಲ್ಯೊ.
\p
\v 38 ತದೆ ಮರಿಯನೆ, “ಮೇ ಪ್ರಭುನಿ ದಾಸಿ, ತುನೆ ಕಿಮ್ ಬೋಲ್ಯೋಕಿ ಇಮ್ಮಸ್ ಮನ ಹುವಾದೆ” ಕರಿ ಬೋಲಿ. ಅನ ಬಾದ್‌ಮ ಯೋ ದೇವ್‌ನೊ ದೂತ ಇನಕಂಥೊ ಚ಼ಲೆಗಯೊ.
\s1 ಮರಿಯ ಎಲಿಜ಼ಬೇತ್‌ನ ಮಳಾನ ಗೈತೆ
\p
\v 39 ತದ್‌ನು-ತದ್ದೇಸ್ ಮರಿಯನೆ ಖ್ಹವಾರಿಲೀನ್, ಒಗ್ಗಿ-ಒಗ್ಗಿಸ್ ಪಹಾಡ್‌ನು ಮುಲಕ್‌ಭಣಿ ಥೂತೆ ಯುದಾಯ ತಬರ್‌ಖಾನು ಏಕ್‌ ಗಾಮ್‌ನ ಗೈ. 
\v 40 ಹಿಜ್ಜಾ಼ ಜಕರೀಯಾನ ಘರ್‌ಮ ಜೈ಼ನ್ ಎಲಿಜ಼ಬೇತ್‌ನ ಖ್ಹಲಾಮ್ ಕರಿ. 
\v 41 ಮರಿಯನೆ ಖ್ಹಲಾಮ್ ಕರಿ ಬೋಲಿತೆ ಅವಾಜ಼್ ಎಲಿಜ಼ಬೇತ್‌ ಖ್ಹಮಜ಼್‌ತಾನ, ಇನ ಪೇಟ್‌ಮಾನು ಲಡ್ಕು ಉಛ಼್‌ಳಿ ಪಡ್ಯು. ಅಜು಼ ಎಲಿಜ಼ಬೇತ್‌ ಪವಿತ್ರಾತ್ಮಥಿ ಭರೈಗಿ. 
\v 42 ಜೋ಼ರ್ ಆವಾಜ಼್‌ಥಿ ಚಿಕ್ರಿನ್ ಬೋಲಿಕಿ, “ಮರಿಯ, ದೇವ್ನೆ ತುನ ಬಿಜಿ ಖ್ಹಾರಿ ತಯೇಡಾಥೀಬಿ ಜಾ಼ಖ್ಹತ್ ಆಶೀರ್ವಾದ್‌ ಕರಿರಾಖ್ಯೋಸ್. ತೂ ಪೈದಾ ಕರೀಶ್ತೆ ಲಡ್ಕಾನ ದೇವ್ನೆ ಆಶೀರ್ವಾದ್‌ ಕರಿರಾಖ್ಯೋಸ್. 
\v 43 ಮಾರ ಪ್ರಭುನಿ ಆಯ ಮಾರಕನ ಆವಾಯೆತ್ರೆ ಭಾಗ್ಯ, ಮನ ಕಿಜ್ಜಾ಼ಥಿ ಮಳ್‌ಷೆ? 
\v 44 ಹಂದೇಕ್, ತೂ ಖ್ಹಲಾಮ್ ಕರಿ ಬೋಲಿತೆ ಅವಾಜ಼್ ಮಾರ ಕಾನ್‌ಮ ಪಡ್‌ತಾಸ್‌ನ, ಮಾರ ಪೇಟ್‌ಮಾನು ಲಡ್ಕು ಖ್ಹುಶೀಥಿ ಉಛ಼್‌ಳಿ ರಹಿಗು. 
\v 45 ಪ್ರಭುನೆ ತುನ ಬೋಲ್ಯೋತೆ ವಾತೆ ಉಷೆಕರಿ ನಂಬಿತೆ ಇನಖ್ಹಾಜೆ ತೂ ಧನ್ಯಹುಯಿರ‍್ಹೀಸ್”!
\s ಮರಿಯನು ಸ್ತುತಿನು ಗೀದ್‌
\p
\v 46 ತದೆ ಮರಿಯನೆ,
\q1 “ಮಾರೊ ಜಾನ್‌ ಪ್ರಭುನ ಸ್ತುತಿ ಕರಾಸ್.
\q2
\v 47 ದೇವ್ ಮನ ಬಚಾ಼ಡವಾಳೊ ಹುಯಿರ‍್ಹೋಸ್ತೆ ಇನಖ್ಹಾಜೆ ಮಾರು ಆತ್ಮ ಖ್ಹುಶಿ ಛಾ಼.
\q2
\v 48 ದೇವ್ನಿ ದಾಸಿ ಹುಯಿರ‍್ಹೀತೆ ಮೇ, ಲ್ಹಾಯಕ್‌ಕೊಂತೆ ಇಮ್‍ಥೀತೆ ತದೆ, ಇನೆ ಮನ ಯಾದ್ ಕರ‍್ಯೊ!
\q1 ಖ್ಹಾಚಮಾಬಿ ಹಂಕೇಥು ತಮಾಮ್‌ ಅದ್ಮಿ ಮನ ದೇವ್ನಿ ಆಶೀರ್ವಾದ್‌ವಾಳಿ ಕರಿ ಚಿಕರ್‌ಶೆ.
\q2
\v 49 ಶನಕತೊ ಘಣಿ ಶಕತ್‌ವಾಳೊ ದೇವ್ ಮಾರಖ್ಹಾಜೆ ಮಹಾನ್ ಕಾಮ್‌ಖ್ಹಾರು ಕರಿರಾಖ್ಯೋಸ್.
\q1 ಇನು ನಾಮ್ ಪವಿತ್ರ್‌ ಹುಯಿರ‍್ಹೂಸ್.
\q2
\v 50 ಕೋಣ್ ದೇವ್‌ಮ ಪೂರ ಮನ್‌ಥಿ ಡರಿನ್ ಚಾ಼ಲಸ್ಕಿ ಇವ್ಣಾಪರ್
\q2 ದೇವ್ ಮುಂಡಿಥು ಧರಿನ್ ಮುಂಡಿಲಗೂ ಗೋರ್‌ ಕರಾವಾಳೊ ಹುಯಿರ‍್ಹೊಸ್.
\q1
\v 51 ದೇವ್ನೆ ಇನಿ ಭುಜ಼್‌ನಿ ಶಕತ್ ವತಾಳಿನ್,
\q2 ಹಂಕಾರ್ ಭರ‍್ಯಾ ದಿಲ್‌ವಾಳಾನ ಛಿಂಧೊಭಾಂಗ್‌ ಕರಿನಾಖ್ಯೊ.
\q1
\v 52 ದೇವ್ನೆ ರಾಜಾ಼ವ್‌ನ ಸಿಂಹಾಸನ್‌ಪರ್‌ಥು ಧಕೇಲಿನ್,
\q2 ಶಾತ್ಬಿಕೊಂತೆ ಗರೀಬ್‌ನ ಉಪ್ಪರ್ ಲೈರಾಖ್ಯೊಸ್.
\q1
\v 53 ಯೋ ಭುಕ್ಯಾವ್‌ನ ಮಿಝ಼್‌ವಾನ್ ಖಡಾಯೊ, ಕತೋಬಿ
\q2 ಧನ್‌-ದೌಲತ್‌ವಾಳಾನ ಖಾಲಿ ಹಾತೆ ಮೋಕ್ಲಿದಿದೊ.
\q1
\v 54 ದೇವ್ನೆ ಅಪ್ಣ ಗುರುಗುರಬ್‍ಲ್ಯನ ವಾಗ್ದಾನ್ ದಿದೊತೆ ಇಮ್ಮಸ್,
\q1 ಇನೊ ಸೇವಕ್ ಹುಯಿರ‍್ಹೋತೆ ಇಸ್ರಾಯೇಲ್‌ನೊ ಹಾತ್‌ ಧರಿರಾಖ್ಯೋಸ್‌.
\q2
\v 55 ಅಬ್ರಹಾಮ್‌ನಾಬಿ ಇನಿ ಪಿಳ್ಗಿವಾಳಾನ ಹರ್‌ಹಮೇಶ ಗೋರ್‌ ವತಾಳ್ಣು ಕರಿ ಯಾದ್ ಕರಿರಾಖ್ಯೋಸ್!” ಕರಿ ಬೋಲಿ.
\p
\v 56 ಮರಿಯ ತೀನ್ ಮಹಿನಾತೋಡಿ ಎಲಿಜ಼ಬೇತ್‌ನ ಜೋ಼ಡೆ ರ‍್ಹೀನ್ ಪಾಛಿ ಫರೀನ್ ಇನ ಘರೆ ಗೈ.
\s ಬ್ಯಾಪ್ತಿಸ್ಮದ್ಯವಾಳೊ ಯೋಹಾನ ಪೈದಹುಯೊತೆ
\p
\v 57 ದನ್ ಭರಾವಾನ ಬಾದ್‌ಮ ಎಲಿಜ಼ಬೇತ್‌ನೆ ಏಕ್‌ ಪರ್ಖ್ಹೊ ಲಡ್ಕು ಜ಼ಣಿ. 
\v 58 ತದೆ ಎಲಿಜ಼ಬೇತ್‌ನ ಅಶ್‌ಪಿಶ್‌ವಾಳು ಅಜು಼ ಮಾಯಮಾತ್ರಾವ್ನೆ ಪ್ರಭುನೆ ಇನಾಪರ್‌ ಘಣು ಗೋರ್‌ ಕರ‍್ಯೊತೆ ಇನಿ ಬಾರೇಮ ಖ್ಹಮ್‌ಜಿನ್‌, ಇನಜೋ಼ಡೆ ಮಳಿನ್ ಖ್ಹುಶಿ ಕರ‍್ಯು.
\p
\v 59 ಆಟ್ ರೋಜ಼್ ಹುವ್ವಾದೀನ್, ಯೋ ಲಡ್ಕಾನ ಖ್ಹತ್ನ\f + \fr 1:59 \fr*\ft ಖ್ಹತ್ನ \ft*\f* ಕರ‍್ನು ಕರಿ ಲಾಯು. ಇವ್ಣೆ ಯೋ ಲಡ್ಕಾನ ಜಕರೀಯಕರಿ ಬಾನೂಸ್ ನಾಮ್ ಮ್ಹೇಲ್ನು ಕರಿ ಥು. 
\v 60 ಕತೋಬಿ ಯೋ ಲಡ್ಕಾನಿ ಆಯ ಎಲಿಜ಼ಬೇತ್‌ನೆ, “ನಕೊ! ಯೋಹಾನ ಕರಿ ಮ್ಹೇಲ್ನು” ಕರಿ ಬೋಲಿ.
\p
\v 61 ಇಮ್‌ ಬೋಲಾಖ್ಹತರ್ ಇವ್ಣೆ, “ಕತೋಬಿ ಅಮ್ನು ನಾಮ್ ತಾರ ಮಾಯಮಾತ್ರಾಮ ಕಿನೂಸ್ ಕೊಯ್ನಿನಿ!” ಕರಿ ಇನ ಬೋಲ್ಯು. 
\v 62 ಬಾದ್‌ಮ ಇವ್ಣೆ ಯೋ ಲಡ್ಕಾನ ಬಾನ, ಹಾತ್‌ನೊ ಝಾ಼ಲೊ ಕರಿನ್, “ಆ ಲಡ್ಕಾನ ಕೆಹುನಾಮ್‌ ಮ್ಹೇಲ್ನು” ಕರಿ ಪುಛಾ಼ಯು.
\p
\v 63 ತದೆ ಜಕರೀಯಾನೆ ಏಕ್‌ ಲೀಖಾನು ಪಲ್ಗು ಮಂಗೈನ್ ಇನಾಪರ್, “ಇನು ನಾಮ್ ಯೋಹಾನ” ಕರಿ ಲೀಖ್ಯೊ. ತದೆ ತಮಾಮ್‌ ಅದ್ಮಿನ ಆಶ್ಚರ್ಯ ಹುಯಿಗಯು. 
\v 64 ತದ್‌ನು-ತದ್ದೇಸ್ ಜಕರೀಯ ಪಾಛು಼ ವಾತೆ ಬೋಲಾಲಗ್ಯೊ. ಅಜು಼ ವಾತೆ ಬೋಲ್ತೊಹುಯಿನ್ ದೇವ್ನಿ ಸ್ತುತಿ ಕರಾಲಗ್ಯೊ. 
\v 65 ಅನ ಖ್ಹಮ್‌ಜ್ಯೂತೆ ಅಶ್‌ಪೀಶ್‌ವಾಳ ಅದ್ಮಿಮ ಡರ್‌ ಪೇಶಿಗೊ, ಅಜು಼ ಯೂದಾಯ ತಬರ್‌ಖಾನು ಪಹಾಡಿ ಮುಲಕ್ನು ಖ್ಹಾರಿ ಬಾಜು಼ಮ ಆ ವಾತೆ ಫೈಲಿಗು. 
\v 66 ಖ್ಹಮ್‌ಜ್ಯೂತೆ ಖ್ಹಾರು ಅದ್ಮಿ ಆಶ್ಚರ್ಯ ಹುಯಿನ್, “ಆ ಲಡ್ಕು ಖ್ಹಾಮ್ಣೆ ಕಿಮ್ನು ಉಶೇಕಿ?” ಕರಿ ಅನಿ ಬಾರೇಮ ಮನ್‌ಮ ಸೋಚಾಲಗ್ಯು, ಅಜು಼ ಪ್ರಭುನೊ ಹಾತ್ ಯೋ ಲಡ್ಕಾಪರ್ ಥೊ.
\s ಜಕರೀಯಾನೆ ಪ್ರವಾದ್‌ನೆ ಕರ‍್ಯೊತೆ
\p
\v 67 ತದೆ ಯೋಹಾನ್ನೊ ಬಾ ಜಕರೀಯಾನೆ ಪವಿತ್ರಾತ್ಮಥಿ ಭರೈನ್ ಅಮ್ ಪ್ರವಾದ್‌ನೆ ಬೋಲ್ಯೊ:
\q1
\v 68 “ಇಸ್ರಾಯೇಲ್‌ನೊ ದೇವ್ ಹುಯಿರ‍್ಹೋತೆ ಪ್ರಭುನ ಧನ್ಯವಾದ್ ಹುವಾದೆ!
\q2 ಇನ ಅದ್ಮಿಕನ ಐನ್, ಇವ್ಣಾಪರ್ ಗೋರ್‌ಕರೀನ್, ಇವ್ಣುನ ಛುಟ್ಕಾರ್‌ ಕರಿರಾಖ್ಯೋಸ್;
\q2
\v 69 ಇನೊ ಸೇವಕ್ ಹುಯಿರ‍್ಹೊಥೋತೆ ದಾವೀದ್‌ನ ಖಾನ್‌ದಾನ್‌ಮಾಥು
\q1 ಅಪ್ಣಖ್ಹಾಜೆ ಘಣಿ ಶಕತ್‌ವಾಳೊ ಏಕ್‌ ರಕ್ಷಕ್‌ನ ದೀರಾಖ್ಯೊಸ್.
\q2
\v 70 ದೇವ್ನೆ ತದೇಸ್‌ ಇನು ಪವಿತ್ರ ಪ್ರವಾದಿ ಖ್ಹಾರಾವ್‌ನ ಮ್ಹೋಡಾಥಿ ಬೋಲಾಯೊ ಥೋತೆ ಇಮ್ಮಸ್,
\q2
\v 71 ಅಪ್ಣುನ ಕೋಣ್-ಕೋಣ್ ವಹೇರ್‌ ಕರುಕರ್ತುಥೂಕಿ ಇವ್ಣ ಹಾತೇಥಿ ಛೋ಼ಡೈನ್,
\q2 ಅಪ್ಣ ದುಶ್‌ಮನ್‌ಥಿ ಅಪ್ಣುನ ಬಚಾ಼ಡಿರಾಖ್ಯೊಸ್.
\q2
\v 72 ದೇವ್ನೆ ಅಪ್ಣ ಗುರುಗುರಬ್‍ಲ್ಯನ ಗೋರ್‌ಖೈನ್,
\q1 ಪವಿತ್ರ ಒಪ್ಪಂದನ ಯಾದ್‌ಕರಿನ್,
\q2
\v 73 ಅಪ್ಣೊ ಗಲ್‌ಢೊ ಹುಯಿರ‍್ಹೋತೆ ಅಬ್ರಹಾಮ್‌ನ ಜಿಭಾನ್‌ ದೀರಾಖ್ಯೋಥೋತೆ ಇಮ್‌,
\q1
\v 74 ಅಪ್ಣುನ ದುಶ್‌ಮನ್ನ ಹಾತೇಖ್ಹು ಛೋ಼ಡೈನ್,
\q2 ಡರ್‌ಕೊಂತೆ ಇಮ್‌ ಇನಿ ಸೇವೆ ಕರಾನಿಮತ್‌ ಅಪ್ಣುನ ಅಕ್ಲಾಶ್‌ ಬಣೈರಾಖ್ಯೊಸ್.
\q2
\v 75 ಅನೇಥಿ ಅಪ್ಣೆ ಜಿವಿರ‍್ಹವಾನ ದನ್‌ಖ್ಹಾರೊ,
\q1 ಇನಖ್ಹಾಮ್ಣೆ ಇಮಾನ್‌ದಾರ್ ಅಜು಼ ನೀತಿಥಿ ರ‍್ಹೇಣು ಕರಿ ಅಮ್ ಕರಿರಾಖ್ಯೋಸ್.
\b
\q1
\v 76 ಅಜು಼ ಜಕರೀಯಾನೆ, “ಮಾರು ಲಡ್ಕು, ತೂತೊ, ಪರಮಂಡಲ್‌ನೊ ದೇವ್‌ನೊ ಪ್ರವಾದಿ ಕರಿ ಬೋಲೈಲಿಶ್.
\q1 ತೂ ಪ್ರಭುನ ಅಗಾಡಿ ಜೈ಼ನ್,
\q2 ಇನಿ ವಾಟ್ನ ಖ್ಹವಾರವಾಳೊ ಹುಯಿರ‍್ಹೀಶ್.
\q2
\v 77 “ಪಾಪ್‌ಖ್ಹಾರು ಮಾಪ್‌ ಹುವಾಥೀಸ್ ರಕ್ಷಣೆ ಮಳಾನು ಕರಿ,
\q2 ಇನ ಅದ್ಮಿನ ಬೋಲವಾಳೊ ಹುಯಿರ‍್ಹಿಶೆ.
\q1
\v 78 ಅಪ್ಣೊ ದೇವ್ ದಯಕರವಾಳೊ, ಇನಿ ಗೋರ್‌ಥಿ ಅಪ್ಣುನ ಭಾಗಳ್ ಫಾಟಿ.
\q1 ಅನೇಥಿ ಉಪ್ಪರ್‌ಥು ದನ್\f + \fr 1:78 \fr*\ft ಚಾ಼ಂದ್\ft*\f* ನಿಕ್ಳಿನ್, ಅಪ್ಣಕನ ಆವ್‌ಶೆ,
\q2
\v 79 ಅಜು಼ ಅಂಧಾರಮಾಬಿ, ಮರಣ್ಣಿ ಛಾ಼ಳಿಮ ರ‍್ಹವಾಳ ಖ್ಹಾರಾನ ಉಜಾ಼ಳು ದಿಶೆ,
\q2 ಅಪ್ಣುನ ಸಮಾಧಾನ್ನಿ ವಾಟ್‌ ವತಾಳಿನ್ ಚ಼ಲಾವ್‌ಷೆ” ಕರಿ ಬೋಲ್ಯೊ.
\p
\v 80 ಯೋ ಲಡ್ಕು ಮೋಟು ಹುಯಿನ್ ಆತ್ಮಮಾಬಿ ಅಜು಼ ಶಕತ್‍ಮಾಬಿ ಭಡ್ಯು, ಅಜು಼ ಇಸ್ರಾಯೇಲ್‌ ಅದ್ಮಿಯೇನ ಯೋಹಾನ ದೆಖಾವಾನ ದನ್‌ಲಗೂ ಉಜ್ಜಾ಼ಡಿ ಜ಼ಂಗಳ್‌ಮ ಥೊ.
\c 2
\s ಯೇಸು ಪೈದಹುಯೊತೆ
\r (ಮತ್ತಾಯ 1:18-25)
\p
\v 1 ಯೋ ದನೂಮ ಕೈಸರ್ ಅಗಸ್ಟಸ್‌ನೆ\f + \fr 2:1 \fr*\ft ಕೈಸರ್ ಅಗಸ್ಟಸ್ ಕತೊ-ಯೋ ವಖ್ಹತ್‌ಮ ರೋಮ್ ರಾಜ಼್‌ಭಾರ್ ಚ಼ಲಾವ್‍ ಕರ್ತೊಥೋತೆ ರಾಜ಼.\ft*\f* ರೋಮ್‍ನು ರಾಜ಼್‌ಭಾರ್‌ ಚಾ಼ಲುಕರಾಸ್ತೆ ಖ್ಹಾರಾಸ್ ದೇಖ್ಹ್‌ಮ ಅದ್ಮಿಖ್ಹಾರಾನಿ ಗಣ್ತಿ ಹೋಣುಕರಿ ಹುಕುಮ್ ದಿದೊ. 
\v 2 ಆ ಪಹಿಲಿ ಬಾರ್ ಚಾ಼ಲಿತೆ ಅದ್ಮಿನಿ ಗಣ್ತಿ ಹುಯಿರ‍್ಹುಥು. ಕುರೇನ್ಯ ಸಿರಿಯ ದೇಖ್ಹ್‌ನೊ ರಾಜ್ಯಪಾಲ್ ಹುಯಿರ‍್ಹೊಥೋತೆ ತದೆ ಆ ಚಾ಼ಲ್ಯುತೆ. 
\v 3 ತಮಾಮ್‌ ಅದ್ಮಿ, ಇವ್ಣು-ಇವ್ಣು ನಾಮ್ ಲಿಖಾವನಖ್ಹಾಜೆ ಇವ್ಣ-ಇವ್ಣ ಗಾಮೆ ಗಯು.
\p
\v 4 ಇನಖ್ಹಾಜೇಸ್ ಯೋಸೇಫ್‌ಬಿ ಗಲಿಲಾಯನು ನಜ಼ರೇತ್ ಕರಿ ಗಾಮ್‌ಥು ನಿಕ್ಳಿನ್ ಯೂದಾಯ ತಬರ್‌ಖಾನು ಬೇತ್ಲೆಹೇಮ್ ಕರಿ ಗಾಮ್‌ನ ಗಯೊ. ಯೋಸೇಫ ದಾವೀದ್‌ನೊ ಖಾಂದಾನ್‌ವಾಳೊ ಹುಯಿರ‍್ಹೊಥೋತೆ ಇನಖ್ಹಾಜೆ, ದಾವೀದ್‌ನು ಗಾಮ್‍ ಹುಯಿರ‍್ಹೂತೆ ಬೇತ್ಲೆಹೇಮ್‌ನ ಗಯೊ. 
\v 5 ಯೋಸೇಫ್‌ನಿ ಜೋ಼ಡ್ಮ ಖ್ಹಗೈ ಪಡಿರ‍್ಹಿಥೀತೆ ಮರಿಯನಾಬಿ ಕೇಡೆ ಬಲೈಲಿನ್ ಇನು ನಾಮ್ ಲಿಖಾಡೈಲ್ಯವಾನಖ್ಹಾಜೆ ಗಯೊ. ತದೆ ಯೋ ಪೂರ ದನ್ನಿ ಬೇಜೂನಿ ಥಿ. 
\v 6 ಇವ್ಣೆ ಬೇತ್ಲೆಹೇಮ್ಮ ಥೂತೆ ತದೆ, ಮರಿಯನ ಲಡ್ಕು ಪೈದಾ ಹುವಾನಿ ವಖ್ಹತ್ ಆಯಿ. 
\v 7 ತದೆ ಇನೆ ಇನು ಪಹಿಲೋಟು ಪರ್ಖ್ಹೊ ಲಡ್ಕಾನ ಜ಼ಣಿನ್ ಲುಂಗ್ಡಾಮ ಲಪೇಟಿನ್, ಛ಼ತ್ತರ್‌ಮ ರ‍್ಹವಾನ ಝ಼ಗೊಕೊಂತೆ ದೇಖಿನ್, ಇನ ಗೋದ್‌ಡಿಮ ಖ್ಹುಡೈ.
\s ಮೇಂಢ ಚ಼ರಾವವಾಳು ಅಜು಼ ದೇವ್ನು ದೂತರ್
\p
\v 8 ಯೋ ತಬರ್‌ಖಾಮ ಮೇಂಢ ಚ಼ರಾವವಾಳು ಥೋಡು ಜ಼ಣು, ಯೋ ರಾತ್ಮ ಖೇತರ್‌ಮ ಇವ್ಣ ಮೇಂಢಾವ್‍ನಿ ಮಂಧಾನ ದೇಕ್‌ಭಾಲ್ ಕರುಕರ್ತುಥು. 
\v 9 ತದೆ ಪ್ರಭುನೊ ಏಕ್‌ ದೂತ ಐನ್, ಮೇಂಢ ಚ಼ರಾವವಾಳಾನ ಖ್ಹಾಮ್ಣೆ ಭೀರ‍್ಯೊ. ಪ್ರಭುನು ಉಜಾ಼ಖ್ಹ್‌ ಇವ್ಣ ಅಶ್‌ಪಿಶ್‍ ಭರಾಯು. ಅನ ದೇಖಿನ್ ಇವ್ಣೆ ಡರ್‌ಥಿ ಘಬ್‌ರೈಗಯು. 
\v 10 ಕತೋಬಿ ದೇವ್‌ನೊ ದೂತನೆ ಇವ್ಣುನ, “ಡರೊ ನಕೊ! ಮೇ ತುಮಾರಖ್ಹಾಜೆ ಅಛ್ಛಿಸಮಾಚಾರ್‌ನ ಲೈರಾಖ್ಯೊಸ್, ಅನೇಥಿ ತಮಾಮ್‌ ಅದ್ಮಿನ ಘಣು ಖ್ಹುಶಿ ಉಶೆ. 
\v 11 ಯೋ ಶಾತ್‌ಕತೊ, ಆಜ಼್ ದಾವೀದ್‌ನ ನಂಗರ್‌ಮ ತುಮಾರಖ್ಹಾಜೆ ಏಕ್‌ ರಕ್ಷಕ್ ಪೈದಾ ಹುಯಿರ‍್ಹೋಸ್, ಯೋ ಕೋಣ್‌ಕತೊ ಪ್ರಭು ಹುಯಿರ‍್ಹೋತೆ ಕ್ರಿಸ್ತ. 
\v 12 ಯೋ ತುಮೂನ ಮಾಲುಮ್ ಪಡಾನ ಖ್ಹಣೇದ್ ಶಾತ್‌ಕತೊ, ಲುಂಗ್ಡಾಥಿ ಲಪೇಟಿಹುಯು ಏಕ್‌ ಲಡ್ಕು, ಗೋದ್‌ಡಿಮ ಖ್ಹುತುರ‍್ಹಿಶೇತೆ ತುಮೆ ದೇಕ್‌ಶು” ಕರಿ ಬೋಲ್ಯೊ.
\p
\v 13 ಯೋಸ್ ವಖ್ಹತ್‌ಮ ಪರಲೋಕ್‌ಥು ದೇವ್ ದೂತರ್‌ನು ಮೋಟಿ ಝೂ಼ಂಡ್‌ ಆಯಿನ್, ಯೋ ಪಹಿಲು ದೇವ್ ದೂತನ ಜೋ಼ಡೆ ಮಳಿನ್, ದೇವ್ನ ಸ್ತುತಿ ಕರ‍್ಯು:
\q1
\v 14 “ಉಪ್ಪರ್‌ಲ್ಯಲೋಕ್‍ಮ\f + \fr 2:14 \fr*\ft ದೇವ್ ರ‍್ಹವಾನಿ ಝ಼ಗೊ.\ft*\f* ದೇವ್ನ ಮಹಿಮೆ ಹುವಾದೆ,
\q2 ಅಜು಼ ಧರ್ತಿಪರ್ ದೇವ್ನ ಕೋಣ್ ಖ್ಹಾಜ಼ಸ್ಕಿ ಇವ್ಣುನ ಶಾಂತಿ.
\p
\v 15 ದೇವ್‌ದೂತರ್‌ ಇವ್ಣಕಂಥು ಪಾಛು಼ ಪರ್‌ಲೋಕ್ ಚ಼ಲ್ಯುಜಾ಼ವಾನ ಬಾದ್‌ಮ, ಮೇಂಢ ಚ಼ರಾವವಾಳು ಏಕ್‌ಥಿ ಏಕ್‌, “ಅಪ್ಣೆ ಹಮ್ಕೇಸ್ ಬೇತ್ಲೆಹೇಮ್‌ನ ಜೈ಼ನ್, ಪ್ರಭುನೆ, ಅಪ್ಣುನ ಮಾಲುಮ್ ಕರಾಯೋತೆ ಆ ಬಾರೇಮ, ಚಾ಼ಲ್ಯುತೆ ಇನ ದೇಖೆ” ಕರಿ ವಾತೆ ಬೋಲಿಲಿದು.
\p
\v 16 ತದೆ ಇವ್ಣೆ ಒಗ್ಗಿಸ್‌ಮ ಜೈ಼ನ್, ಮರಿಯನಾಬಿ ಯೋಸೇಫ್‌ನಾಬಿ ಅಜು಼ ಗೋದ್‌ಡಿಮ ಖ್ಹುತೂಥೂತೆ ಲಡ್ಕಾನಾಬಿ ದೇಖ್ಯು. 
\v 17 ಮೇಂಢ ಚ಼ರಾವವಾಳನೆ ಲಡ್ಕಾನ ದೇಖಿನ್, ಇನಿ ಬಾರೇಮ ದೇವ್‌ನೊ ದೂತನೆ ಇವ್ಣುನ ಬೋಲ್ಯೋತೆ ವಾತೇನ ಇವ್ಣ ಖ್ಹಾಮ್ಣೆ ಬೋಲ್ಯು. 
\v 18 ಇನ ಖ್ಹಮ್‌ಜ್ಯೂತೆ ಖ್ಹಾರಾಸ್‌ನೆ, ಮೇಂಢ ಚ಼ರಾವವಾಳು ಇವ್ಣುನ ಬೋಲ್ಯೂತೆ ವಾತೇನಖ್ಹಾಜೆ ಆಶ್ಚರ್ಯಖಾದು. 
\v 19 ಕತೋಬಿ ಮರಿಯನೆ ಆ ಖ್ಹಾರಿ ವಾತೆನ ಇನ ಮನ್‌ಮ ರಾಖಿನ್, ಇನಿ ಬಾರೇಮ ಸೋಚಾಲಗಿ. 
\v 20 ಮೇಂಢ ಚ಼ರಾವವಾಳು ಇವ್ಣೆ ದೇಖ್ಯೂತೆ ಅಜು಼ ಖ್ಹಮ್‌ಜ್ಯೂತೆ ಯೋ ಖ್ಹಾರಾನಖ್ಹಾಜೆ, ದೇವ್ನ ಗೀದ್‌ ಬೋಲ್ತು ಅಜು಼ ಸ್ತುತಿ ಕರ್ತುಹುಯಿನ್ ಪಾಛು಼ಫರಿ ಚ಼ಲ್ಯೂಗಯು. ದೇವ್‌ನೊ ದೂತನೆ ಇವ್ಣುನ ಬೋಲ್ಯೊಥೋತೆ ಇಮ್ಮಸ್ ಖ್ಹಾರು ಚಾ಼ಲಿರ‍್ಹೂಥು.
\s ಯೇಸುನ ನಾಮ್ ಮ್ಹೇಲ್ಯೂತೆ
\p
\v 21 ಆಟ್ ದನ್ ಹುವ್ವಾದೀನ್, ಯೋ ಲಡ್ಕಾನ ಖ್ಹತ್ನ ಕರಾನಿ ವಖ್ಹತ್ ಆಯಿ. ತದೆ ಇನ ಯೇಸು ಕರಿ ನಾಮ್ ಮ್ಹೇಲ್ಯು. ಯೋ ಬೇಜೂನಿ ಹುವಾನ ಅಗಾಡಿಸ್ ದೇವ್‌ನೊ ದೂತನೆ ಆಸ್ ನಾಮ್ ಮ್ಹೇಲ್ನು ಕರಿ ಬೋಲ್ಯೊಥೊ.
\s ಯೇಸುನ ಯೆರೂಸಲೇಮ್‌ನಿ ಮಂದಿರ್‌ಮ ಲಾಯುತೆ
\p
\v 22 ಪಾಕ್‍ ಹುವಾನಿ ಬಾರೇಮ ಮೋಶೇನು ಧರ್ಮಶಾಸ್ತ್ರಮ ಹುಕುಮ್‌ ದೆವೈರ‍್ಹೀಸ್‌ತೆ ಇಮ್‌ ಕರಾನ, ಯೋಸೇಫ್‌ನಾಬಿ ಮರಿಯನ ಯೋ ವಖ್ಹತ್ ಆಯಿ. ಇನಖ್ಹಾಜೆ ಇವ್ಣೆ ಯೋ ಲಡ್ಕಾನ ದೇವ್ನ ಕರಿ ಸಮರ್ಪಣ್‌ ಕರಾನ ಯೆರೂಸಲೇಮ್‌ನು ಮಂದಿರ್‌ಮ ಲೀನ್‌ ಗಯ. 
\v 23 ಶನಕತೊ ಪ್ರಭುನಿ ಧರ್ಮಶಾಸ್ತ್ರಮ ಲೀಖೈರ‍್ಹೂತೆ ಇಮ್‌, ಪಹಿಲೋಟು ಪರ್ಖ್ಹೊ ಲಡ್ಕಾನ ದೇವ್ನ ಕರಿ ಸಮರ್ಪಣ್‌ ಕರ‍್ನು. 
\v 24 ಎತ್ರೇಸ್ ಕಾಹೆತೆ ಇವ್ಣೆ ಪ್ರಭುನ, ಧರ್ಮಶಾಸ್ತ್ರಮ ಲೀಖೈರ‍್ಹೂತೆ ಇಮ್‌, ಏಕ್‌ ಜೋ಼ಡು ಢೋಳ್‍ನ ನಾತೊ ಬೇ ಪರ‍್ಯಾವಾನು ಚೆಲ್ಕಾನ ಬಲಿ ದೇವ್ಣುಥು.
\p
\v 25 ಯೋ ಹಗಾಮ್ಮ ಯೆರೂಸಲೇಮ್ಮ ಸಿಮೆಯೋನ್‌ ಕರಿ ಏಕ್‍ಜ಼ಣೊ ಥೊ. ಯೋ ಏಕ್‌ ನೀತಿವಾಳೊ ಅಜು಼ ದೇವ್‌ಥಿ ಡರವಾಳೊ ಅದ್ಮಿ ಹುಯಿರ‍್ಹೋಥೊ, ಇಸ್ರಾಯೇಲ್‌ ಅದ್ಮಿಯೇನ ಸಮಾಧಾನ್‍ ಕರಾವಾಳೊ ಕದೆ ಆವ್‍ಶೆಕರಿ ಟಿವವ್‍ಕರ್‌ತೊಥೊ. ಅಜು಼ ಪವಿತ್ರಾತ್ಮ ಇನಿ ಜೋ಼ಡೆ ಥೊ. 
\v 26 ಅತ್ರೇಸ್ ಕಾಹೆತೆ ಪ್ರಭು ಮೋಕಲ್‌ಶೇತೆ ಕ್ರಿಸ್ತನ ದೇಖಾತೋಡಿ, ತೂ ಮರಿಶ್‌ ಕೊಯ್ನಿ ಕರಿ ಪವಿತ್ರಾತ್ಮನೆ ಇನ ಬೋಲಿರಾಖ್ಯೋಥೊ. 
\v 27 ಪವಿತ್ರಾತ್ಮಥಿ ಸಿಮೆಯೋನ್‌ ಮಂದಿರ್‌ಮ ಗಯೊ, ತದೆ ಯೋಸೇಫ್‌ಬಿ ಮರಿಯನೆ ಲಡ್ಕು ಯೇಸುನ ಧರ್ಮಶಾಸ್ತ್ರನಿ ಪದತ್ತಿಘೋಣಿ ಕರ‍್ನು ಕರಿ ಮಂದಿರ್‌ನ ಮಹಿ ಲೀನ್‌ಆಯ. 
\v 28 ಸಿಮಿಯೋನ್ನೆ ಯೋ ಲಡ್ಕಾನ ಹಾತ್‌ಮ ಪಾಡೀನ್, ದೇವ್ನ ಧನ್ಯವಾದ್ ಕರ್ತೊಹುಯಿನ್,
\q1
\v 29 “ಪ್ರಭು, ತಾರಿ ವಾತೆ ಚಾ಼ಲಿಗಿ,
\q2 ಹಮ್ಕೆ ಸಮಾಧಾನ್‌ಥಿ ಜಾ಼ವಾನ ತಾರೊ ಸೇವಕ್‌ನ ಹುಕುಮ್ ಹುವಾದೆ.
\q1
\v 30 ಶನಕತೊ, ಖ್ಹುದ್ ಮಾರ ಡೋಳೆಖ್ಹು ತುನೆ ದಿದೋತೆ ರಕ್ಷಣೆನ ದೇಖಿಲಿದೊ,
\q2
\v 31 ಖ್ಹಾರ ಅದ್ಮಿವೋನ ದೇಖಾನಿಘೋಣಿ ಇನ ದೀರಾಖ್ಯೊಸ್.
\q1
\v 32 ಯೋ ಪರೈ ಜಾ಼ತ್‌ವಾಳ ಅದ್ಮಿನ ತಾರಿ ಮರ್ಜಿ ವತಾಳವಾಳೊ ಉಜಾ಼ಳು ಹುಯಿರ‍್ಹೋಸ್
\q2 ಅಜು಼ ತಾರು ಇಸ್ರಾಯೇಲ್ ಅದ್ಮಿವೋನ ಮಹಿಮೆ ಉಶೆ.
\p
\v 33 ಸಿಮಿಯೋನ್ನೆ ಯೋ ಲಡ್ಕಾನಿ ಬಾರೇಮ ಬೋಲ್ಯೋತೆ ವಾತೇನ ಖ್ಹಮ್‌ಜಿನ್‌, ಇನ ಆಯ-ಬಾನೆ ಆಶ್ಚರ್ಯಖಾದು. 
\v 34 ಸಿಮೆಯೋನ್ನೆ ಇವ್ಣುನ ಆಶೀರ್ವಾದ್‌ ಕರೀನ್, ಇನಿ ಆಯ ಮರಿಯನ, “ಆ ಲಡ್ಕಾಥಿ ಇಸ್ರಾಯೇಲ್‌ ದೇಖ್ಹ್‌ಮ ಕೈಯೆಕ್ಕಿ ಜ಼ಣು ಪಡಿಜಾ಼ಶೆ ಅಜು಼ ಕೈಯೆಕ್ಕಿ ಉಟ್‌ಶೆ. ಕೈಯೆಕ್ಕಿ ಜ಼ಣು ಅನಿ ವಿರೋದ್ ವಾತೆ ಬೋಲ್‌ಶೇತೇಸ್, ಆ ದೇವ್‍ಥಿ ಆಯೋತೆ ಕರಿ ಬೋಲಾನು ಖ್ಹಣೇದ್ ಹುಯಿರ‍್ಹಿಶೆ. 
\v 35 ಅಮ್ ಘಣ ಅದ್ಮಿನಿ ದಿಲ್ನಿ ವಾತೆಖ್ಹಾರಿ ಭಾರ್‌ ನಿಕಳ್‌ಶೆ. ಅಜು಼ ತಾರ ದಿಲ್ನ ತಲ್ವಾರ್‌ ಭೋಕಾವನಿಮತ್ ದುಖ್ ಉಶೆ” ಕರಿ ಬೋಲ್ಯೊ.
\p
\v 36 ಆಸ್‌ಕಾಹೆತೆ ಅಸೇರನೊ ಖೂಮ್‌ವಾಳೊ ಫನುವೇಲನಿ ಛೋ಼ರಿ ಅನ್ನಕರಿ ಏಕ್‌ ಜ಼ಣಿ ಪ್ರವಾದ್‌ನೆ ಕರಾವಾಳಿ ಥೀ. ಯೋ ವ್ಯಹಾ ಹುಯಿನ್ ಖ್ಹಾತ್ ವರಖ್ಹ್ ಬಾವ್ರಿನ ಜೋ಼ಡೆ ಬಚಿನ್ ಅಜು಼ ಯೋ ಘಣಿ ಬುಢಿಯಾ ಹುಯಿರ‍್ಹೀಥಿ. 
\v 37 ತದೆ ಇನ ಚಾರ್ ಉಪ್ಪರ್ ಚಾರಿಖ್ಹ್ ವರಖ್ಹ್ ಹುಯಿರ‍್ಹಾಥ ಅಜು಼ ಯೋ ಮುಂಡಚ್ಚಿ ಹುಯಿರ‍್ಹೀಥಿ. ಯೋ ದೇವ್ನಿ ಮಂದಿರ್‌ನ ಕದೇಬಿ ಮ್ಹೇಲಿನ್ ಕೋ ಜಾ಼ತಿಥಿಂತೆ, ಉಪವಾಸ್ ಅಜು಼ ಪ್ರಾರ್ಥನೆ ಕರ್ತಿಹುಯಿನ್, ರಾತ್-ದನ್ ದೇವ್ನಿ ಆರಾದನೆ ಕರ್ತಿ ರ‍್ಹೇತಿಥಿ. 
\v 38 ಯೋಸ್ ವಖ್ಹತ್‌ಮ, ಅನ್ನ ಯೋ ಲಡ್ಕಾನ ಆಯ-ಬಾಕನ ಅಯಿನ್, ದೇವ್ನ ಧನ್ಯವಾದ್‌ಕರಿ ಕರಿ ಅಜು಼ ಯೆರೂಸಲೇಮ್‌ನಿ ಛುಟ್ಕಾರ್‌ನಿ ಬಾರೇಮ ಟಿವವ್‍ಕರ್ತುಥೂತೆ ಖ್ಹಾರಾವ್‌ನ, ಯೋ ಲಡ್ಕಾನಿ ಬಾರೇಮ ಬೋಲಿ.
\s ನಜ಼ರೇತ್‌ನ ಪಾಛು಼ ಫರಿನ್ ಗಯೂತೆ
\p
\v 39 ಇವ್ಣೆ ಧರ್ಮಶಾಸ್ತ್ರಮ ಪ್ರಭುನೆ ಬೋಲಿರಾಖ್ಯುತೆ ಖ್ಹಾರುಸ್ ಕಾಮ್ ಕರಾನ ಬಾದ್‌ಮ, ಯೋಸೇಫ ಅಜು಼ ಮರಿಯ ಪಾಛು಼ಫರಿ ಗಲಿಲಾಯ ತಬರ್‌ಖಾನು ನಜ಼ರೇತ್ ಕರಿ ಗಾಮ್‌ನ ಗಯು. 
\v 40 ಯೋ ಲಡ್ಕು ಮೋಟು ಹುಯಿನ್, ಶಕತ್‍ಮಾಬಿ ಅಜು಼ ಗ್ಯಾನ್‌ಮಾಬಿ ಭರಾಯು. ದೇವ್ನಿ ದಯಾ ಇನ ಉಪ್ಪರ್‌ ಥೂ.
\s ಭಾರ ವರಖ್ಹ್‌ನೊ ಯೇಸು ಮಂದಿರ್‌ಮ ಗಯೋತೆ
\p
\v 41\fig ಯೆರೂಸಲೇಮ್‌ನು ದೇವಸ್ಥಾನ್‌|alt="Temple in Jerusalem" src="lb00250c.tif" size="span" copy="Horace Knowles ©" ref="2:41"\fig*ಹರೇಕ್ ವರಖ್ಹ್‌ಬಿ ಯೇಸುನ ಆಯ-ಬಾ ಪಸ್ಕ ಪೂಜಾ಼ನಖ್ಹಾಜೆ ಯೆರೂಸಲೇಮ್ ಜಾ಼ತೂಥೂ. 
\v 42 ಯೇಸುನ ಭಾರ ವರಖ್ಹ್ ಹುವ್ವಾದೀನ್, ಇವ್ಣೆ ಜಾ಼ತೂಥೂತೆ ಇಮ್ಮಸ್, ಪಸ್ಕ ಪೂಜಾ಼ನಖ್ಹಾಜೆ ಯೆರೂಸಲೇಮ್‌ನ ಗಯು. 
\v 43 ಇವ್ಣೆ ಪೂಜಾ಼ನೊ ದನ್‌ಖ್ಹಾರು ಖತಮ್ ಕರೀನ್ ಪಾಛು಼ಫರಿನ್ ಆವಾನಿ ವಖ್ಹತ್‌ಮ ಛೋ಼ಕ್ರು ಯೇಸು ಯೆರೂಸಲೇಮ್ಮಸ್ ರಹಿಗು. ಇನ ಆಯ-ಬಾನ ಅನಿ ಬಾರೇಮ ಮಾಲುಮ್ ಕೋ ಥೂನಿ. 
\v 44 ಯೋಸೇಫ್‌ಬಿ ಮರಿಯ ಯೇಸು ಝೂ಼ಂಡ್‌‍ಮಾಸ್ ಉಷೆಕರಿ ಸೋಚಿನ್, ಏಕ್‌ ರೋಜ಼್‌ನಿ ಚಾ಼ಲ್ ಎವ್ಡಿ ಚಾ಼ಲ್‌ನಿ ಬಾದ್‌ಮ, ಇವ್ಣ ಮಾಯಮಾತ್ರಕನಾಬಿ, ರ‍್ಹವಾಳು ಖ್ಹಾರಾಕನಾಬಿ ಜೈ಼ನ್ ಢೂಂಡ್ಯು. 
\v 45 ಕತೋಬಿ ಕಿಜ್ಜಾ಼ಬಿ ಮಳ್ಯೊಕೊಂತೆ ಇನಖ್ಹಾಜೆ, ಯೇಸುನ ಢೂಂಡ್‌ತುಹುಯಿನ್ ಯೆರೂಸಲೇಮ್‌ನ ಪಾಛು಼ ಗಯು. 
\v 46 ತೀನ್ನೆ ರೋಜ಼್‌ಮ ಯೇಸುನ ಮಂದಿರ್‌ಮ ದೇಖ್ಯು, ಯೋ ಯೆಹೂದ್ಯರ್‌ನ ಬೋಧನೆ ಕರಾವಾಳಾನ ಜೋ಼ಡ್ಮ ಬೇಶಿನ್, ಇವ್ಣೆ ಬೋಲಾತೆ ಖ್ಹಮಜ಼್‌ತೊಹುಯಿನ್, ಅಜು಼ ಪಾಛು಼ ಫರೈನ್ ಸವಾಲ್‌ ಕರುಕರ್ತೊಥೊ. 
\v 47 ಯೇಸುನಿ ವಾತೇನ ಖ್ಹಮ್‌ಜಾ಼ವಾಳು ಖ್ಹಾರು, ಯೋ ಸೋಚಿ ಪರ್ಖಿನ್ ಗ್ಯಾನ್‌ಥಿ ಜವಾಬ್‌ ದೇಯಿತೆ ದೇಖಿನ್ ಆಶ್ಚರ್ಯಖಾದು. 
\v 48 ಯೇಸುನ ಆಯ-ಬಾನೆ ಇನ ಹಿಜ್ಜಾ಼ ದೇಖಿನ್ ಮ್ಹೊಡಾಪರ್ ಹಾತ್‌ ಜೋ಼ಡಿಲಿದು. ತದೆ ಇನಿ ಆಯಾನೆ, “ಮಾರ ಛಿಯ್ಯಾ, ತುನೆ ಹಮೂನ ಶನ ಅಮ್ ಕರ‍್ಯೊ? ದೇಕ್, ತಾರೊ ಬಾಬಿ ಮೇ ಘಬ್‍ರೈನ್‌, ಢೂಂಡಿನ್ ಆಯಾನಿ” ಕರಿ ಬೋಲಿ.
\p
\v 49 ತದೆ ಯೇಸುನೆ ಇವ್ಣುನ, “ತುಮೆ ಮನ ಶನ ಢೂಂಡ್‌ಣು ಥು? ಮೇ ಮಾರ ಬಾನ ಘರ್‌ಮ ರ‍್ಹೇಣು ಕರಿ ತುಮೂನ ಮಾಲುಮ್‌ ಕೊಯ್ನಿಕಿ ಶು? ಕರಿ ಜವಾಬ್‌ ದಿದೊ. 
\v 50 ಕತೋಬಿ ಇನೆ ಬೋಲ್ಯೋತೆ ಜ಼ವಾಬ್‌ನ ಇವ್ಣೆ ಮಾಲುಮ್ ಕರ‍್ಯುಕೊಯ್ನಿ.
\p
\v 51 ಬಾದ್‌ಮ ಯೇಸು ಇವ್ಣ ಜೋ಼ಡೆ ನಜ಼ರೇತ್‌ನ ಗಾಮ್‌ನ ಐನ್, ಹಿಜ್ಜಾ಼ ಇವ್ಣಿ ವಾತೆನ ಖ್ಹಮ್‌ಜಿನ್‌ ಥೊ. ಕತೋಬಿ ಇನಿ ಆಯ ಆ ಖ್ಹಾರಿ ವಾತೇನ ಇನ ಮನ್‌ಮ ರಾಖಿರಾಖಿಥಿ. 
\v 52 ಯೇಸು ಗ್ಯಾನ್‌ಮಾಬಿ ಅಜು಼ ಆಂಗ್‌ತನ್ನಿ ಶಕತ್‍ಮಾಬಿ ಭಡ್ತೊ ಆಯೊ. ಅತ್ರೇಸ್ ಕಾಹೆತೆ ದೇವ್ನಿ ಅಜು಼ ಅದ್ಮಿನಿ ದಯಾ ಇನ ಉಪ್ಪರ್‌ ಜಾ಼ಖ್ಹತ್ ಹೋತು ಆಯು.
\c 3
\s1 ಬ್ಯಾಪ್ತಿಸ್ಮ ದ್ಯವಾಳೊ ಯೋಹಾನನೆ ಬೋಲಿವತಾಳ್ಯೋತೆ
\r (ಮತ್ತಾಯ 3:1-12; ಮಾರ್ಕ 1:1-18; ಯೋಹಾನ 1:19-28)
\p
\v 1 ತಿಬೇರಿಯಸ್ ಕೈಸರ್\f + \fr 3:1 \fr*\ft ಚಕರ್‌ವರ್ತಿ\ft*\f* ಅದಿಕಾರ್ ಚ಼ಲಾವ್‍ ಕರ್ತೊಥೋತೆ ಪಂಧ್ರಾನೆ ವರಖ್ಹ್‌ಮ, ಪೊಂತ್ಯ ಪಿಲಾತ ಯೂದಾಯ ತಬರ್‌ಖಾನೊ ರಾಜ್ಯಪಾಲ್ ಹುಯಿರ‍್ಹೋಥೊ, ಹೆರೋದ ಗಲಿಲಾಯ ತಬರ್‌ಖಾನ ಚ಼ಲಾವವಾಳೊ ಹುಯಿರೋಥೊ ಅಜು಼ ಇನೊ ನ್ಹಾನೊ ಭೈ ಫಿಲಿಪ್ಪ ಇತುರಾಯ ಅಜು಼ ತ್ರಕೋನಿತಿ ಕರಿ ಮುಲಕ್ನ ಚ಼ಲಾವ್‍ಕರ್ತೋಥೊ. ಲೂಸನ್ಯ ಅಬಿಲೇನೆ ಮುಲಕ್ನ ಚ಼ಲಾವ್‍ಕರ್ತೊಥೋತೆ ವಖ್ಹತ್‌ಮ, 
\v 2 ಅನ್ನ ಅಜು಼ ಕಾಯಫ ಮಹಾಯಾಜಕ ಹುಯಿರ‍್ಹೊಥೋತೆ ಹಗಾಮ್ಮ, ಜಕರೀಯಾನೊ ಛಿಯ್ಯೊ ಯೋಹಾನ ಉಜ್ಜಾ಼ಡಿ ಝ಼ಗೋಮ ದೇವ್ನಿ ವಚನ್‍ ಬೋಲಾಯು. 
\v 3 ಇನೆ ಯೊರ್ದನ್‌ ನದ್ದಿನು ಅಶ್‌ಪಿಶ್‍ ಥೂತೆ ಖ್ಹಾರ ತಬರ್‌ಖಾಮ ಜೈ಼ನ್ ಅದ್ಮಿವೋನ “ತುಮೆ ಪಾಪ್‌ ಕರಾನು ಮ್ಹೇಲಿನ್, ದೇವ್‌ಭಣಿ ಫರೊ ಅಜು಼ ಬ್ಯಾಪ್ತಿಸ್ಮ ಲೇವೊ, ತದೆ ದೇವ್ ತುಮಾರು ಪಾಪ್ ಮಾಪ್‌ ಕರ್ಶೆ” ಕರಿ ಬೋಲ್ತೊನಿಕ್‌ಳ್ಯೊ.
\q1
\v 4 ಆ ಖ್ಹಾರು ಯೆಶಾಯ ಕರಿ ಪ್ರವಾದಿನ ದಪ್ತರ್‌ಮ ಲೀಖೈರ‍್ಹೂತೆ ಇಮ್ಮಸ್ ಚಾ಼ಲ್ಯು:
\q1 ಯೋ ಶಾತ್‌ಕತೊ, ಏಕ್‌ ಜ಼ಣಾನಿ ಅವಾಜ಼್ ಉಜ್ಜಾ಼ಡಿ ಝ಼ಗೋಮ ಅಮ್ ಚಿಕ್ರುಕರಾಸ್:
\q1 ‘ಪ್ರಭುನಿ ವಾಟ್ನ ಖ್ಹವಾರೊ,
\q2 ಇನಿ ವಾಟ್ನ ಖ್ಹೂದು ಕರೊ.
\q1
\v 5 ಹರೇಕ್ ಖಾಡೊಗುಂಟೊ ಮೂಚೈ಼ಜಾ಼ಶೆ,
\q2 ಹರೇಕ್ ಪಹಾಡ್-ಪರ್ಭತ್ ಶದ್ದರ್ ಹುಯಿಜಾ಼ಶೆ,
\q1 ಬಿಂಗೊ ಮಾರಗ್ ಅಖ್ಖು ಖ್ಹತ್ತಡ್‍ ಉಶೆ,
\q2 ಖಡ್‌ದೊಂಗ್‌ಡು\f + \fr 3:5 \fr*\ft ವಾಕೊಚೂ಼ಕೊ ಮಾರಗ್\ft*\f* ವಾಟ್‌ಖ್ಹಾರು ಶದ್ದರ್ ಉಶೆ,
\q1
\v 6 ತಮಾಮ್‌ \f + \fr 3:6 \fr*\ft ಜ಼ಮೀನ್‌ಪರ್ ಛಾ಼ತೆ ಖ್ಹಾರುಸ್ ಕರಿ ಮತ್‌ಲಬ್.\ft*\f*ಅದ್ಮಿ ದೇವ್ನಿ ರಕ್ಷಣೆನ\f + \fr 3:6 \fr*\ft ರಕ್ಷಣೆ ಕತೊ-ಬಚಾ಼ಡಾನಿ ತರೀಕ ಕರಿ ಮತ್‌ಲಬ್.\ft*\f* ದೇಕ್‌ಶೆ” ಕರಿ ಯೋ ಅವಾಜ಼್ ಹುಯಿರ‍್ಹೂಸ್.
\p
\v 7 ಅದ್ಮಿನಿ ಝೂ಼ಂಡೆಖ್ಹಾರು ಯೋಹಾನ್ನ ಹಾತೇಥಿ ಬ್ಯಾಪ್ತಿಸ್ಮ ಕರೈಲ್ಯವಾನಟೇಕೆ ಆಯು. ತದೆ ಯೋಹಾನನೆ ಇವ್ಣುನ, “ಅಲಾ ಖ್ಹಾಪ್‌ನಿ ಪಿಳ್ಗಿವಾಳವೊ! ಖ್ಹಾಮ್ಣೆ ಉಳ್ಯಾವತೆ ದೇವ್ನ ಇರಾದೇಥಿ\f + \fr 3:7 \fr*\ft ಕತೊ ದೇವ್ನಿ ದಂಡ್‌ಥಿ ಕರಿ.\ft*\f* ಛು಼ಕಿಜಾ಼ವಾನಿಮತ್, ತುಮುನ ಝೇತಾಯುತೆ ಕೋಣ್? 
\v 8 ತುಮೆ ತುಮಾರು ಪಾಪ್‌ಖ್ಹಾರು ಮ್ಹೇಲಿನ್ ದೇವ್ ಭಣಿ ಫರಿಗಯ ಉಶೇತೊ, ಇನ ಬರಾಬರ್‌ಥಿ ಚಾ಼ಲ್‌ಮ ವತಾಳೊ. ಅಜು಼ ಹಮೆ ಅಬ್ರಹಾಮ್‌ನಿ ಪಿಳ್ಗಿವಾಳ ಕರಿ ತುಮಾರು ತುಮೇಸ್ ಬಡೈ ನಕೊ ಮಾರಿಲೆವೊ. ಮೇ ಬೋಲುಸ್ಕಿ, ದೇವ್‌ ಅಬ್ರಹಾಮ್‌ನಖ್ಹಾಜೆ ಆ ಬಂಡೇವ್‌ಥಿಬಿ ಲಡ್ಕಾವ್ನ ಉಬ್‍ಜಾ಼ವ್‍ಶೆ ಕರಿ ತುಮೂನ ಬೋಲುಸ್ 
\v 9 ಹಮ್ಕೇಸ್ ಕತ್ರಾನಟೇಕೆ ಝಾ಼ಡಾವ್‍ನಿ ಜ಼ಡ್‌ಪರ್‌ ಕುರ‍್ಹಾಡಿ ಮ್ಹೇಲೈರ‍್ಹಿಸ್. ಅಛ್ಛು಼ ಪಂಡು ದೇಯಿಕೊಂತೆ ಹರೇಕ್ ಝಾ಼ಡಾವ್‌ನ ಕತ್ರಿನ್‌ ಆಗ್‌ಮ ನಾಕ್‌ಶೆ” ಕರಿ ಬೋಲ್ಯೊ.
\p
\v 10 ತದೆ ಯೋ ಅದ್ಮಿಖ್ಹಾರು, “ಇಮ್‌ ಕತೊ, ಹಮೆ ಶಾತ್ ಕರ‍್ನು?” ಕರಿ ಪುಛಾ಼ಯು.
\p
\v 11 ತದೆ ಯೋಹಾನನೆ, “ತುಮಾರಾಮ ಕಿನಾಕನ ಬೇ ಕುಡ್‌ತಾ ಛಾ಼ಕಿ ಇವ್ಣೆ, ಕೊಯ್ನಿತೆ ಅದ್ಮಿನ ದ್ಯವಾದೆ; ಖಾಣು ರ‍್ಹವಾಳು ವಾಟಪಾಡಿ ದೇವ್ಣು” ಕರಿ ಜವಾಬ್‌ ದಿದೊ.
\p
\v 12 ಶುಂಕ ವಶೂಲ್ ಕರಾವಾಳು ಥೋಡು ಜ಼ಣು ಬ್ಯಾಪ್ತಿಸ್ಮ ಕರಿಲೇವ್ಣುಕರಿ ಆಯಿನ್, “ಗುರು, ಹಮೆ ಶಾತ್‌ ಕರ‍್ನು?” ಕರಿ ಇನ ಪುಛಾ಼ಯು.
\p
\v 13 ತದೆ ಯೋಹಾನನೆ ಇವ್ಣುನ, “ತುಮೂನ ಬೋಲಿರಾಖ್ಯುತೆ ಇನೇಥಿ ಜಾ಼ಖ್ಹತ್, ತುಮೆ ವಶೂಲ್ ನಕೊ ಕರೊ” ಕರಿ ಬೋಲ್ಯೊ.
\p
\v 14 ತದೆ ಥೋಡು ಜ಼ಣು ಶಿಪಾಯಿಖ್ಹಾರುಬಿ ಆಯಿನ್, “ಹಮೆ ಶಾತ್‌ ಕರ‍್ನು?” ಕರಿ ಬೋಲಾಖ್ಹತರ್,
\p ಇನೆ, “ಕಿನಾಪರ್‌ಬಿ ಜು಼ಲಮ್ಜ಼ಸ್ತಿ ಕರಿನ್ ಪೈಶಾ ಛಿನಾವಾನು ರ‍್ಹವೊ, ಕಿನಾಪರ್‌ಬಿ ಜ್ಹೂ಼ಟು ಇಂಜಾ಼ಮ್ ಲಗಾಡನು ರ‍್ಹವೊ ನಕೊ ಕರೊ. ತುಮೂನ ಮಳಾತೆ ಶಂಬ್‌ಳಾಮ ಖ್ಹುಶೀಥಿ ರ‍್ಹವೊ” ಕರಿ ಬೋಲ್ಯೊ.
\p
\v 15 ಅಮ್ ರ‍್ಹಾವಾನಿ ವಖ್ಹತ್‌ಮ, ಇಸ್ರಾಯೇಲ್‌ನು ಅದ್ಮಿಖ್ಹಾರು ಕ್ರಿಸ್ತ ಆವ್‍ಶೆಕರಿ ಜ಼ಪೀರ‍್ಹೂಥೂತೆ ಇನಖ್ಹಾಜೆ, ಯೋಹಾನ್ನಿ ಬಾರೇಮ ಆಶ್ಚರ್ಯಖೈನ್, “ಆಸ್ ಕ್ರಿಸ್ತ ಹುಯಿರ‍್ಹೋಸ್ಕಿ ಶುಕಿ” ಕರಿ ಇವ್ಣ ಮನ್‌ಮ ಖ್ಹಯಾಲ್ ಕರ್ಲಿದು. 
\v 16 ತದೆ ಯೋಹಾನನೆ ಇವ್ಣುನ, “ಮೇತೊ ತುಮೂನ ಪಾಣಿಥಿ ಬ್ಯಾಪ್ತಿಸ್ಮ ದೆವ್‍ಕರೂಸ್; ಕತೋಬಿ ಮಾರೇಥಿಬಿ ಶಕತ್‌ವಾಳೊ ವಳ್ಯಾವಸ್, ಇನಿ ಖೋಖ್ಹ್‌ಡಾನಿ ಡೋರಿ ಛೋ಼ಡಾನಾಬಿ ಮೇ ಲ್ಹಾಯೇಕ್‍ಕೊಯ್ನಿ. ಯೋ ತುಮೂನ ಪವಿತ್ರಾತ್ಮಥಿಬಿ ಅಗ್‌ಥೀಬಿ ಬ್ಯಾಪ್ತಿಸ್ಮ ದಿಶೆ. 
\v 17 ಇನ ಹಾತ್‌ಮ ಖ್ಹುಪ್‌ಡು ಧರಿರಾಖ್ಯೋಸ್‌, ಇನ ಖಳಾಮಾನು ಘವ್‌ನಿ ರಾಶ್‌ನ ತೂರಿನ್‌, ಅಛ಼್ಛ ಕರೀನ್, ಘವ್‌ನ ಕಣ್ಗಿಮ ಭರಿಲಿಶೆ, ಕತೋಬಿ ಪೊಟ್ಟಾನ ಉಝಾ಼ವಕೊಂತೆ ಆಗ್‌ಮ ಬಾಳಿನಾಕ್‌ಷೆ” ಕರಿ ಜವಾಬ್‌ ದಿದೊ.
\p
\v 18 ಯೋಹಾನನೆ ಬಿಜೂ಼ಬಿ ಘಣಿ ತರಿಕಾಥಿ ಅದ್ಮಿ ಖ್ಹಾರಾನ ಅಛ್ಛಿ ಖಬರ್‌ನ ಬೋಲಿದೇತೊಹುಯಿನ್‌, ತುಮಾರಿ ಸೋಚ್ನ\f + \fr 3:18 \fr*\ft ಕತೊ ಜಿ಼ಂದ್‌ಗೀನ, ಜಿವಾನಿ ತರಿಕಾನ ಕರಿ ಮತ್‌ಲಬ್.\ft*\f* ಬದ್‌ಲೈಲೇವ್ಣು ಕರಿ ಇವ್ಣುನ ಖ್ಹಮ್‌ಜಾ಼ಡ್‌ತೊಥೊ. 
\v 19 ರಾಜ್ಯಪಾಲ್ ಹುಯಿರ‍್ಹೋತೆ ಹೆರೋದನೆ ಇನಿ ಭೈನಿ ಬಾವಣ್‍ ಹುಯಿರ‍್ಹೀತೆ ಹೆರೋದ್ಯನ ಕರಿಲಿದೊಥೋತೆ ಅಜು಼ ಇನೆ ಕರ‍್ಯೊಥೋತೆ ಬಿಜಾ಼ಖ್ಹಾರ ಖರಾಬ್ ಕಾಮ್ನಟೇಕೆ ಯೋಹಾನನೆ ಇನ ಬರಾಬರ್‌ಥಿ ಗುರ್‌ಕಾಯೊ. 
\v 20 ಇನಖ್ಹಾಜೆ ಹೆರೋದನೆ ಯೋಹಾನ್ನ ಧರೈನ್ ಜೇಲ್‌ಮ ಕೋಂಡಿ ಘಲಾಯೊ, ಅನೇಥಿ ಇನು ಖರಾಬ್ ಕಾಮ್ ಬಿಜೂ಼ಬಿ ಜಾ಼ಖ್ಹತ್ ಹುಯು.
\s ಯೇಸು ಬ್ಯಾಪ್ತಿಸ್ಮ ಕರೈಲಿದೋತೆ
\r (ಮತ್ತಾಯ 3:13-17; ಮಾರ್ಕ 1:9-11; ಯೋಹಾನ 1:32-34)
\p
\v 21 ಅದ್ಮಿಖ್ಹಾರು ಬ್ಯಾಪ್ತಿಸ್ಮ ಕರೈಲ್ಯವಾನ ಬಾದ್‌ಮ, ಯೇಸುಬಿ ಬ್ಯಾಪ್ತಿಸ್ಮ ಕರೈಲಿದೊ. ಯೋ ಪ್ರಾರ್ಥನೆ ಕರುಕರಾನಿ ವಖ್ಹತ್‌ಮ, ಸೊರ್ಗ ನಿಕ್‌ಳ್ಯು, 
\v 22 ಅಜು಼ ಪವಿತ್ರಾತ್ಮ ಶರೀರ್‌ನಿ ರೂಪ್‍ಹುಯಿನ್ ಪರ‍್ಯಾವಾನಿಘೋಣಿ ಇನಾಪರ್‌ ಉತ್‌ರ‍್ಯು. ತದೆ ಪರಲೋಕ್‌ಮಾಥು, “ತೂ ಮಾರೊ ಲಾಡ್‌ನೊ ಛಿಯ್ಯೊ, ತಾರೇಥಿ ಮೇ ಘಣು ಖ್ಹುಶಿ ಛೂ಼” ಕರಿ ಏಕ್‌ ಆವಾಜ಼್ ಆಯು.
\s ಯೇಸು ಕ್ರಿಸ್ತನಿ ಗುರುಗುರಬ್‍ಲ್ಯಾನಿ ಪಟ್ಟಿ
\r (ಮತ್ತಾಯ 1:1-17)
\p
\v 23 ಯೇಸು ಸೇವೆ ಕರಾನ ಶುರುಕರ‍್ಯೊತೆ ತದೆ, ಯೋ ಡೋಡಿಖ್ಹ್‌ ವರಖ್ಹ್‌ನೊ ಥೊ. ಅದ್ಮಿನ ಡೋಳಾಮ ಯೇಸು ಯೋಸೇಫನೊ ಛಿಯ್ಯೊ, ಯೋಸೇಫ ಹೇಲಿನೊ ಛಿಯ್ಯೊ, 
\v 24 ಹೇಲಿ ಮತ್ಥಾತನೊ ಛಿಯ್ಯೊ, ಮತ್ಥಾತಿ ಲೇವಿನೊ ಛಿಯ್ಯೊ, ಲೇವಿ ಮೆಲ್ಕಿನೊ ಛಿಯ್ಯೊ, ಮೆಲ್ಕಿ ಯನ್ನಾಯನೊ ಛಿಯ್ಯೊ, ಯನ್ನಾಯ ಯೋಸೇಫನೊ ಛಿಯ್ಯೊ, 
\v 25 ಯೋಸೇಫ ಮತ್ತಥಿನೊ ಛಿಯ್ಯೊ, ಮತ್ತಥಿ ಆಮೋಸನೊ ಛಿಯ್ಯೊ, ಆಮೋಸ ನಹೂಮನೊ ಛಿಯ್ಯೊ, ನಹೂಮ ಎಸ್ಲಿನೊ ಛಿಯ್ಯೊ, ಎಸ್ಲಿ ನಗ್ಗಾಯನೊ ಛಿಯ್ಯೊ, 
\v 26 ನಗ್ಗಾಯ ಮಹಾಥನೊ ಛಿಯ್ಯೊ, ಮಹಾಥ ಮತ್ತಾಥಿನೊ ಛಿಯ್ಯೊ, ಮತ್ತಾಥಿಯ ಶಿಮಿನೊ ಛಿಯ್ಯೊ, ಶಿಮಿ ಯೋಸೇಖನೊ ಛಿಯ್ಯೊ, ಯೋಸೇಖ ಯೂದಾನೊ ಛಿಯ್ಯೊ, 
\v 27 ಯೂದ ಯೋಹಾನನೊ ಛಿಯ್ಯೊ, ಯೋಹಾನ ರೇಸನೊ ಛಿಯ್ಯೊ, ರೇಸ್‍ ಜೆರುಬ್ಬಾಬೇಲ್‌ನೊ ಛಿಯ್ಯೊ, ಜೆರುಬ್ಬಾಬೇಲ್‌ ಸಲಾಥಿಯೇಲ್‌ನೊ ಛಿಯ್ಯೊ, ಸಲಾಥಿಯೇಲ್ ನೇರಿನೊ ಛಿಯ್ಯೊ, 
\v 28 ನೇರಿ ಮೆಲ್ಕಿನೊ ಛಿಯ್ಯೊ, ಮೆಲ್ಕಿ ಅದ್ದಿನೊ ಛಿಯ್ಯೊ. ಅದ್ದಿ ಕೋಸಾಮನೊ ಛಿಯ್ಯೊ, ಕೋಸಾಮ ಎಲ್ಮದಾಮನೊ ಛಿಯ್ಯೊ, ಎಲ್ಮದಾಮ ಏರ್‌ನೊ ಛಿಯ್ಯೊ, 
\v 29 ಏರ್‌ ಯೆಹೋಶುವನೊ ಛಿಯ್ಯೊ, ಯೆಹೋಶುವ ಎಲಿಯೇಜರನೊ ಛಿಯ್ಯೊ, ಎಲಿಯೇಜರ್ ಯೋರೈಮನ್ನೊ ಛಿಯ್ಯೊ, ಯೋರೈಮನ್‌ ಮತ್ತಾತಿನೊ ಛಿಯ್ಯೊ, ಮತ್ತಾತಿ ಲೇವಿನೊ ಛಿಯ್ಯೊ, 
\v 30 ಲೇವಿ ಸಿಮೆಯೋನ್ನೊ ಛಿಯ್ಯೊ, ಸಿಮಿಯೋನ್ ಯೂದಾನೊ ಛಿಯ್ಯೊ, ಯೂದ ಯೋಸೇಫ್‌ನೊ ಛಿಯ್ಯೊ, ಯೋಸೇಫ ಯೋನಾಮ್‍ನೊ ಛಿಯ್ಯೊ, ಯೋನಾಮ್ ಎಲಿಯಕೀಮ್‌ನೊ ಛಿಯ್ಯೊ, 
\v 31 ಎಲಿಯಕೀಮ್‌ ಮೆಲೆಯಾನ್ನೊ ಛಿಯ್ಯೊ, ಮೆಲೆಯಾನ್ ಮೆನ್ನಾನ್ನೊ ಛಿಯ್ಯೊ, ಮೆನ್ನಾನ್‌ ಮತ್ತಾಥನ್ನೊ ಛಿಯ್ಯೊ, ಮತ್ತಾಥ ನಾತಾನ್ನೊ ಛಿಯ್ಯೊ, ನಾತಾನ್ ದಾವೀದನೊ ಛಿಯ್ಯೊ, 
\v 32 ದಾವೀದ ಇಷಯನೊ ಛಿಯ್ಯೊ, ಇಷಯ ಓಬೇದನೊ ಛಿಯ್ಯೊ, ಓಬೇದ್‌ ಬೋವಜನೊ ಛಿಯ್ಯೊ, ಬೋವಜ ಸಲ್ಮೋನ್ನೊ ಛಿಯ್ಯೊ, ಸಲ್ಮೋನ್‌ ನಹಸ್ಸೋನ್ನೊ ಛಿಯ್ಯೊ, 
\v 33 ನಹಸ್ಸೋನ ಅಮ್ಮಿನಾದಾಬನೊ ಛಿಯ್ಯೊ, ಅಮ್ಮಿನಾದಾಬ ಅದ್ಮಿನ್‌ನೊ ಛಿಯ್ಯೊ, ಅದ್ಮಿನ್‌ ಅರ್‌ನೈನ್ನೊ ಛಿಯ್ಯೊ, ಅರ್‌ನೈನ್‌ ಎಸ್ರೋನ್‌ನೊ ಛಿಯ್ಯೊ, ಎಸ್ರೋನ್‌ ಪೆರೆಸನೊ ಛಿಯ್ಯೊ, ಪೆರೆಸ ಯೂದಾನೊ ಛಿಯ್ಯೊ, 
\v 34 ಯೂದ ಯಾಕೋಬನೊ ಛಿಯ್ಯೊ, ಯಾಕೋಬ ಇಸಾಕನೊ ಛಿಯ್ಯೊ, ಇಸಾಕ್ ಅಬ್ರಹಾಮನೊ ಛಿಯ್ಯೊ, ಅಬ್ರಹಾಮ್‌ ತೆರಹನೊ ಛಿಯ್ಯೊ, ತೆರಹ ನಾಹೋರನೊ ಛಿಯ್ಯೊ, 
\v 35 ನಾಹೋರ ಸೆರೂಗನೊ ಛಿಯ್ಯೊ, ಸೆರೂಗ ರೆಗೂವನೊ ಛಿಯ್ಯೊ, ರೆಗೂವ ಪೆಲೆಗನೊ ಛಿಯ್ಯೊ, ಪೆಲೆಗ ಹೆಬೇರನೊ ಛಿಯ್ಯೊ, ಹೆಬೇರ ಸಾಲನೊ ಛಿಯ್ಯೊ, 
\v 36 ಸಾಲ ಕಾಯಿನ್ನೊ ಛಿಯ್ಯೊ, ಕಾಯಿನ್ ಅರ್‌ಫಾಕ್ಷದನ್ನೊ ಛಿಯ್ಯೊ, ಅರ್‌ಫಾಕ್ಷದನ್‌ ಶೇಮ್‌ನೊ ಛಿಯ್ಯೊ, ಶೇಮ್‍ ನೋಹಾನೊ ಛಿಯ್ಯೊ, ನೋಹ ಲಾಮೆಕನೊ ಛಿಯ್ಯೊ, 
\v 37 ಲಾಮೆಕ ಮತೂಷಲನೊ ಛಿಯ್ಯೊ, ಮತೂಷಲ ಹನೋಕನೊ ಛಿಯ್ಯೊ, ಹನೋಕ ಯೆರೆದ್‌ನೊ ಛಿಯ್ಯೊ, ಯೆರೆದ್ ಮಹಲಲೇಲ್‌ನೊ ಛಿಯ್ಯೊ, ಮಹಲಲೇಲ್ ಕಾಯಿನ್ನೊ ಛಿಯ್ಯೊ, 
\v 38 ಕಾಯಿನ ಎನೋಷನೊ ಛಿಯ್ಯೊ, ಎನೋಷ ಸೇತನೊ ಛಿಯ್ಯೊ, ಸೇತ್‌ ಆದಾಮನೊ ಛಿಯ್ಯೊ, ಅದಾಮ್‌ ದೇವ್‌ನೊ ಛಿಯ್ಯೊ.
\c 4
\s1 ಶೈತಾನ್ನೆ ಯೇಸುನ ಪಾಪ್‌ಮ ಪಖ್ಹಾವಾನ ದೇಖ್ಯೋತೆ
\r (ಮತ್ತಾಯ 4:1-11; ಮಾರ್ಕ 1:12-13)
\p
\v 1 ಯೇಸು ಪವಿತ್ರಾತ್ಮಾಥಿ ಭರೈನ್, ಯೊರ್ದನ್‌ ನದ್ದಿಥು ಪಾಛೊ಼ಫರಿನ್ ಆಯೊ. ತದೆ ದೇವ್‌ನು ಆತ್ಮಾನೆ ಇನ ಉಜ್ಜಾ಼ಡಿ ಝ಼ಗೋಮ ಚ಼ಲಾಯೊ. 
\v 2 ಹಿಜ್ಜಾ಼ ಶೈತಾನ್‌ಥಿ ಯೇಸು ಚಾ಼ಳಿಖ್ಹ್ ರೋಜ಼್‌ ಶೋದನೆಮ ಪಡ್ಯೊ. ಇನ ಪಾಪ್‌ಮ ಪಖ್ಹಾವಾನ ಕರ‍್ಯೊ; ಯೋ ದನೂಮ ಯೇಸುನೆ ಶಾತ್ಬಿ ಕೋ ಖಾದೋನಿ, ಇನಖ್ಹಾಜೆ ಯೋ ಖ್ಹಾರ ದನ್ ಖತಮ್ ಹುವಾನ ಬಾದ್‌ಮ ಇನ ಭುಕ್‌ಲಾಗ್ಯು.
\p
\v 3 ತದೆ ಶೈತಾನ್ನೆ ಯೇಸುನ, “ತೂ ದೇವ್‌ನೊ ಛಿಯ್ಯೊ ಉಶೇತೊ, ಆ ಬಂಡಾನ ರೋಟೊ ಹುವಾನಿಘೊಣಿ ಹುಕುಮ್‌ ದೇ” ಕರಿ ಬೋಲ್ಯೊ.
\p
\v 4 ಕತೋಬಿ ಯೇಸುನೆ, “ಅದ್ಮಿ ಖಲಿ ರೋಟೊ ಖಾವಾಥೀಸ್‌ ಕೋ ಬಚಾ಼ನಿ, ಕರಿ ಲೀಖೈರ‍್ಹುಸ್”\f + \fr 4:4 \fr*\ft ಧರ್ಮೊಪದೇಶ ಕಾಂಡ 8.3\ft*\f* ಕರಿ ಜವಾಬ್‌ ದಿದೊ.
\p
\v 5 ಅಜು಼ ಶೈತಾನ್ನೆ ಯೇಸುನ ಉಪ್ಪರ್ ಬುಲೈಲಿಜೈ಼ನ್‌, ಎಕ್ಕಸ್ ಘಡೀಮ ಜಗತ್‌ನು ಖ್ಹಾರಸ್ ರಾಜ್ಯನ ವತಾಳಿನ್, 
\v 6 “ಮೇ ತುನ ಅನಿ ಖ್ಹಾರಿಸ್ ಅದಿಕಾರ್‌ನಾಬಿ, ಶನ್‌ಗಾರ್‌ನಾಬಿ ತುನ ದೆವುಸ್” ಕರಿ ಶೈತಾನ್ನೆ ಇನ ಬೋಲ್ಯೊ, “ಆ ಖ್ಹಾರು ಮಾರ ಹಾತ್‌ಮ ಛಾ಼, ಮೇ ಕಿನ ಹೋಣುಕತೋಬಿ ಆ ದಿಯ್ಯೆಜಾ಼ಯ್”. 
\v 7 ತೂ ಮನ ಆಡ್‍ಪಡಿನ್ ಆರಾದನೆ\f + \fr 4:7 \fr*\ft ತೂ ಮಾರ ಗೋಡಾಪರ್ ಪಡ್ಯೋತೊ ಕರೀಬಿ ಹುವಾಸ್.\ft*\f* ಕರ‍್ಯೋತೊ, ಆಖ್ಹಾರು ತಾರು ಉಶೆ” ಕರಿ ಬೋಲ್ಯೊ.
\p
\v 8 ತದೆ ಯೇಸುನೆ, “ತಾರೊ ದೇವ್ ಹುಯಿರ‍್ಹೋತೆ ಪ್ರಭುನ ಎಕ್ಕಸ್ ಜ಼ಣಾನ ಆರಾದನೆ ಕರ‍್ನು ಅಜು಼ ಸೇವೆ ಕರ‍್ನು ಕರಿ ಲೀಖೈರ‍್ಹೂಸ್‌ನಿ”\f + \fr 4:8 \fr*\ft ಧರ್ಮೊಪದೇಶ ಕಾಂಡ 6.13\ft*\f* ಕರಿ ಜವಾಬ್‌ ದಿದೊ.
\p
\v 9 ಅನ ಬಾದ್‌ಮ ಶೈತಾನ್ನೆ ಯೇಸುನ ಯೆರೂಸಲೇಮ್‌ನ ಬುಲೈಲಿಜೈ಼ನ್ ಮಂದಿರ್‌ನ ಉಪ್ಪರ್‌ಲಿ ಟೇಕ್‌ಡಿನಿ ಝ಼ಗೋಪರ್ ಭೀರಾಖಿನ್, “ತೂ ದೇವ್‌ನೊ ಛಿಯ್ಯೊ ಉಶೇತೊ ಹಜ್ಜಾ಼ಥೊ ಹೇಟ್ ಕೂದ್, 
\v 10 ‘ದೇವ್ ತುನ ಬಚಾ಼ಡಾನಟೇಕೆ ಇನ ದೂತರ್‌ನ ಹುಕುಮ್‌ ದಿಶೆ, 
\v 11 ತಾರ ಗೋಡೊ ಬಂಡಾನ ಠೋಕರ್ ನಾಲಗ್ನುತೆ ತಿಮ್‌ ಯೋ ತುನ ಹಾತ್‌ಮ ಪಾಡಿಲಿಶೆ. ಕರೀಬಿ ಪವಿತ್ರ ದಪ್ತರ್‌ಮ ಲೀಖೈರ‍್ಹೂಸ್‌ನಿ”\f + \fr 4:11 \fr*\ft ಕೀರ್ತನೆ 91.12\ft*\f* ಕರಿ ಬೋಲ್ಯೊ.
\p
\v 12 ಕತೋಬಿ ಯೇಸುನೆ, “ತಾರೊ ದೇವ್‌ ಹುಯಿರ‍್ಹೋತೆ ಪ್ರಭುನ ತರೀಪ್‌ಶ ನಾ ಕರ‍್ನು ಕರೀಬಿ ಲೀಖೈರ‍್ಹೂಸ್‌ನಿ”\f + \fr 4:12 \fr*\ft ಧರ್ಮೊಪದೇಶ ಕಾಂಡ 6.16\ft*\f* ಕರಿ ಜವಾಬ್‌ ದಿದೊ.
\p
\v 13 ಶೈತಾನ್ ಯೇಸುನ ಖ್ಹಾರಿ ತರ‍್ಹಾನು ಶೋದನೆ ಕರಾನ ಬಾದ್‌ಮ, ಥೋಡಿ ವಖ್ಹತ್‌ನಖ್ಹಾಜೆ ಇನ ಮ್ಹೆಂದಿನ್ ಚ಼ಲೆಗಯೊ.
\s ಯೇಸು ಗಲಿಲಾಯಮ ಇನಿ ಸೇವೆ ಶುರುಕರ‍್ಯೋತೆ
\r (ಮತ್ತಾಯ 4:12-17; ಮಾರ್ಕ 1:14-15)
\p
\v 14 ಅನ ಬಾದ್‌ಮ ಯೇಸು ಪವಿತ್ರಾತ್ಮನಿ ಶಕತ್‍ಥಿ ಭರೈನ್, ಪಾಛೊ಼ಫರಿ ಗಲಿಲಾಯ ತಬರ್‌ಖಾನ ಗಯೊ. ಯೋ ತಬರ್‌ಖಾನು ಖ್ಹಾರಿ ಬಾಜು಼ಮ ಯೇಸುನಿ ಬಾರೇಮಾನು ಖಬರ್ ಫೈಲಿಗಯು. 
\v 15 ಯೇಸು ಸಬೆ ಭರಾವಾನು ಮಂದಿರ್‌ಮ\f + \fr 4:15 \fr*\ft ಯೆಹೂದ್ಯರ್‌ನು ಅದ್ಮಿಖ್ಹಾರು ಆರಾದನೆ ಕರಾನ ಎಕ್ಟು ಹೋತುಥೂತೆ ಝ಼ಗೊ.\ft*\f* ಖ್ಹಾರು ಅಛ್ಛಿ ಖಬರ್‌ನ ಬೋಲಿದೆವಾಲಗ್ಯೊ, ಖ್ಹಾರುಸ್ ಅದ್ಮಿ ಇನ ಖ್ಹರಾಯು.
\s ನಜ಼ರೇತ್‌ವಾಳು ಯೇಸುನ ಝಿಟ್ಕಾರ‍್ಯುತೆ
\r (ಮತ್ತಾಯ 13:53-58; ಮಾರ್ಕ 6:1-6)
\p
\v 16 ಯೇಸು ಯೋ ಪಳ್ಯೋತೆ ಗಾಮ್‍ ಹುಯಿರ‍್ಹೂತೆ ನಜ಼ರೇತ್‌ನ ಆಯೊ. ಯೋ ಕರ್ತೊಥೋತೆ ಇಮ್ಮಸ್, ಸಬ್ಬತ್‌ ದನ್ಮ ಸಬೆ ಭರಾವಾನು ಮಂದಿರ್‌ಮ ಜೈ಼ನ್, ಪಢಾನಖ್ಹಾಜೆ ಉಠಿ ಭಿಯೊ. 
\v 17 ತದೆ ಯೆಶಾಯ ಕರಿ ಪ್ರವಾದಿನು ದಪ್ತರ್‌ನಿ ಪುಂಗ್‍ಳೀನ ಯೇಸುನ ಹಾತ್‌ಮ ದಿದು. ಇನೆ ಯೋ ಪುಂಗ್‍ಳೀನ ಛೋ಼ಡಿನ್, ಲೀಖೈರ‍್ಹೂತೆ ಝ಼ಗೋನ ದೇಖಿನ್ ಪಢ್ಯೊ, ಯೋ ವಾತೆ ಶಾತ್‌ಕತೊ,\fig ಪುಂಗ್‌ಳಿಖ್ಹಾರು|alt="Scroll" src="hk00150c.tif" size="col" copy="Horace Knowles ©" ref="4:16"\fig*
\q1
\v 18 ಪ್ರಭುನು ಆತ್ಮ ಮಾರಪರ್ ಛಾ಼,
\q2 ಗರೀಬ್‌ನ ಸುವಾರ್ತೆ ಬೋಲಾನಟೇಕೆ ದೇವ್ನೆ ಮನ ಅಬಿಷೇಕ್ ಕರಿರಾಖ್ಯೋಸ್,
\q1 ಧರೈಗೂತೆ ಅದ್ಮಿನ, “ತುಮೆ ಛು಼ಟಿಗಯ ಕರಿ
\q2 ಅಜು಼ ಕಾಣಾವ್ನ, ತುಮುನ ಡೋಳ ದೆಖಾವ್‌ಶೆ’ ಕರಿ ಬೋಲಾನಟೇಕೆ,
\q1 ಅಜು಼ ಖ್ಹತಾವ್ಣಿಮ ಛಾ಼ತೆ ಇವ್ಣುನ ಛೋ಼ಡಾವನಟೇಕೆ,
\q2
\v 19 ಪ್ರಭುನೆ ಇನ ಅದ್ಮಿನ ಬಚಾ಼ಡಾನಖ್ಹಾಜೆ ನೇಮ್‌ಶಾಯೋತೆ,
\q2 ವಖ್ಹತ್ ಐಗೈ ಕರಿ ಪ್ರಚಾರ್ ಕರಾನಟೇಕೆ ದೇವ್ನೆ ಮನ ಬೋಲಿ ಮೋಕ್ಲಿರಾಖ್ಯೊಸ್” ಕರಿ
\p
\v 20 ಪಢಾನ ಬಾದ್‌ಮ, ಯೋ ಪುಂಗ್‌ಳಿನ ಲಪೇಟಿನ್ ಸಬೆ ಭರಾವಾನು ಮಂದಿರ್‌ನ ಸೇವಕ್‌ನ ಹಾತ್‌ಮ ದೀನ್ ಬೇಶಿಗಯೊ. ಹಿಜ್ಜಾ಼ ಥೂತೆ ತಮಾಮ್‌ ಅದ್ಮಿನಿ ನಜ಼ರ್ ಯೇಸುಪರ್ ಥೂ. 
\v 21 ತದೆ ಯೇಸುನೆ ಇವ್ಣುನ, “ಮೇ ಹಮ್ಕೆ ಪಢ್ಯೋತೆ ವಚನ್ನ ತುಮೆ ಖ್ಹಮ್‌ಜೂ಼ಕರ್ತಥಾತೆ ತದ್ದೇಸ್ ಯೋ ಪೂರಹುಯು” ಕರಿ ಬೋಲ್ಯೊ.
\p
\v 22 ತಮಾಮ್‌ ಅದ್ಮಿ ಇನ ಖ್ಹರಾವಲಗ್ಯು ಅಜು಼ ಇನ ಮ್ಹೋಡಾವಾಟೆ ನಿಕ್ಳಾತೆ ವಾರ್ಖ್ಹಾನಿ ವಾತೆನ ಖ್ಹಮ್‌ಜಿನ್‌ ಆಶ್ಚರ್ಯಖೈನ್, “ಆ ಯೋಸೇಫ್‌ನೊ ಛಿಯ್ಯೊ ಕಾಹೆಕಿ ಶು? ಕರಿ ವಾತೆ ಬೋಲಿಲಿದು.
\p
\v 23 ತದೆ ಇನೆ ಇವ್ಣುನ, “ತುಮೇತೊ, ವೈದ್ಯ\f + \fr 4:23 \fr*\ft ಡಾಕ್ಟರ್\ft*\f* ತಾರು ತೂ ಅಛ್ಛು಼ ಕರಿಲೆ’ ಕರಿ ಛಾ಼ತೆ ಮತ್ಲಬ್‌ನ ಬೋಲ್‌ಶು ಕರಿ ಮನ ಅಛ್ಛಿನಿತರ ಮಾಲುಮ್‌, ಅಜು಼ ಕಪೆರ್ನೌಮ್ಮ ತುಮೆ ಖ್ಹಮ್‍ಜ್ಯಾತೆ ಯೋಸ್, ಕಾಮ್ ಆ ತಾರ ಶೊಂತ್‌ ಗಾಮ್ಮಾಬಿ ಕರ್‌ ಕರಿ ಮನ ಬೋಲ್‌ಶು, 
\v 24 ಕತೋಬಿ ಮೇ ತುಮೂನ ಖ್ಹಾಚ ಬೋಲುಸ್ಕಿ, ಖೆವ ಪ್ರವಾದಿನಾಬಿ ಶೊಂತ್‌ ಗಾಮ್‌ವಾಳು ಮಾನಕೊಯ್ನಿ.
\p
\v 25 ಮಾರಿ ವಾತೇನ ಖ್ಹಮ್‌ಜೊ಼: ಎಲೀಯನ ಹಗಾಮ್ಮ ತೀನ್ ವರಖ್ಹ್‌ ಛೊ಼ ಮಹಿನ ಆಬ್‍ಥು ಪಾಣಿ ಕೋ ವರ್‌ಶ್ಯೋನಿ, ತದೆ ದೇಖ್ಹ್‌ನಿ ಖ್ಹಾರಿಸ್ ಬಾಜು಼ಮ ಕಾಳ್ದುಕಾಳ್ ಹುಯು, ಅಜು಼ ಯೋ ವಖ್ಹತ್‌ಮ ಇಸ್ರಾಯೇಲ್‌ ದೇಖ್ಹ್‌ಮ ಕೆತ್ರಿಸ್ಕಿ ಮುಂಡಚ್ಚಿ ತಯೇಡ ಥೀತೆ ಖ್ಹಾಚಸ್. 
\v 26 ಕತೋಬಿ ದೇವ್ನೆ ಇವ್ಣಾಮ ಏಕ್‌ಜ಼ಣಾನಬಿ, ಎಲೀಯನ ಬೋಲಿ ಮೋಕ್‌ಲ್ಯೊಕೊಂತೆ, ಸೀದೋನ್ ದೇಖ್ಹ್‌ನು ಸರೆಪ್ತ ಕರಿ ಗಾಮ್ಮ ಥೀತೆ ಏಕ್‌ ಮುಂಡಚ್ಚಿನ ಘರೆ ಮೋಕ್‌ಲ್ಯೊ. 
\v 27 ಅಜು಼ ಎಲೀಷ ಕರಿ ಪ್ರವಾದಿನ ಹಗಾಮ್ಮ ಇಸ್ರಾಯೇಲ್ ಅದ್ಮಿಮ ಕೆತ್ರುಕ್ಕಿ ಜ಼ಣಾನ ಖೋಡ್‍ ಲಾಗಿರ‍್ಹೂತು. ಕತೋಬಿ ಇವ್ಣಾಮ ಏಕ್‌ ಜ಼ಣಾನಾಬಿ ಅಛ್ಛು಼ ಕೋ ಹುಯೂನಿತೆ ಸಿರಿಯ ದೇಖ್ಹ್‌ನೊ ನಾಮಾನ್‌ ಕರಿ ಎಕ್ಕಸ್ ಜ಼ಣಾನ ಅಛ್ಛು಼ ಹುಯು” ಕರಿ ಬೋಲ್ಯೊ.
\p
\v 28 ಆ ವಾತೇನ ಖ್ಹಮ್‌ಜಿನ್‌ ಸಬೆ ಭರಾವಾನು ಮಂದಿರ್‌ಮ ಥೂತೆ ತಮಾಮ್‌ ಅದ್ಮಿ ಘಣು ಇರಾದೊ ಖೈನ್, 
\v 29 ಉಠಿ ಭೀರಿನ್, ಯೇಸುನ ಗಾಮ್‌ಥು ಭಾರ್ ಧಕೇಲಿದಿದು. ಅಜು಼ ಇವ್ಣೆ ಯೇಸುನ ಇವ್ಣು ಗಾಮ್‍ ಭಂದೈರ‍್ಹೂಥೂತೆ ಪಹಾಡ್‌ನು ಕಥಾರ್‌ಪರ್ ಲೀ ಜೈ಼ನ್ ಹಿಜ್ಜಾ಼ಥು ಹೇಟ್ ಧಕೇಲಿದೇವ್ಣು ಕರಿ ಥೂ. 
\v 30 ಕತೋಬಿ ಯೇಸು ಇವ್ಣ ಇಚ಼್‌ಮಾಕರಿ ನಿಕ್ಳಿನ್ ಚ಼ಲೆಗಯೊ.
\s ಭೂತ್ ಧರಿರಾಖ್ಯುಥೂತೆ ಏಕ್‌ ಅದ್ಮಿನಿ ಬಾರೇಮ
\r (ಮಾರ್ಕ 1:21-28)
\p
\v 31 ಬಾದ್‌ಮ ಯೇಸು ಗಲಿಲಾಯ ತಬರ್‌ಖಾನು ಕಪೆರ್ನೌಮ್ ಕರಿ ಗಾಮ್‌ನ ಗಯೊ. ಹಿಜ್ಜಾ಼ ಸಬ್ಬತ್‌ ದನ್ನೆ ಇವ್ಣುನ ವಚನ್‍ ಬೋಲಿದಿದೊ. 
\v 32 ಇನೆ ಅದಿಕಾರ್‌ಥಿ ವಚನ್ ಬೋಲ್ಯೋತೆ ದೇಖಿನ್, ಇವ್ಣೆ ಘಣು ಆಶ್ಚರ್ಯಖಾದು. 
\v 33 ಯೋ ಸಬೆ ಭರಾವಾನು ಮಂದಿರ್‌ಮ ಭೂತ್‌ ಧರಿರಾಖ್ಯುಥೂತೆ ಏಕ್‌ ಅದ್ಮಿ ಥೂ. ಯೋ ಜೋ಼ರ್ ಆವಾಜ಼್‌ಥಿ ಚಿಕ್ರಿನ್, 
\v 34 “ನಜ಼ರೇತ್‌ನೊ ಯೇಸು ಹಮಾರೇಥಿ ತುನ ಶಾತ್‌ ಛಾ಼? ಹಮೂನ ಬರ್ಬಾತ್ ಕರಾನ ಹಜ್ಜಾ಼ ಐರ‍್ಹೋಸ್ಕಿ ಶು? ತೂ ಕೋಣ್ ಕರಿ ಮನ ಮಾಲುಮ್. ತೂ ದೇವ್‍ಥಿ ಬೋಲಿಮೊಕ್‌ಲ್ಯೊ ಹುಯೊ ಪರಿಶುದ್ದ ಹುಯಿರ‍್ಹೋಸ್! ಕರಿ ಬೋಲ್ಯು.
\p
\v 35 ತದೆ ಯೇಸುನೆ ಯೋ ಭೂತ್‌ನ ಗುರ್‌ಕೈನ್, “ಖ್ಹೊಪ್‌ರ‍್ಹೆ! ಅನ ಮ್ಹೆಂದಿನ್ ಭಾರ್‌ನಿಕಳ್‌” ಕರಿ ಬೋಲ್ಯೊ. ಯೋ ಭೂತ್‍ನೆ ಯೋ ಅದ್ಮಿನ ಇವ್ಣ ಖ್ಹಾಮ್ಣೆ ಹೇಟ್‌ ರಡ್‌ಕೈನ್‌, ಇನ ಶನೂಸ್ ಟಚ಼್‌ಕೊ ದಿದುಕೊಂತೆ ಮ್ಹೆಂದಿನ್ ಚ಼ಲಿಗಯು.
\p
\v 36 ಅನ ದೇಖಿನ್‌ ಅದ್ಮಿಖ್ಹಾರು ಆಶ್ಚರ್ಯಖೈನ್, “ಆ ಕಿಮ್ನಿ ವಾತೆ? ಆ ಅದಿಕಾರ್‌ಥಿ ಅಜು಼ ಶಕತ್‍ಥಿ ಭೂತ್‌ಅಖ್ಖಾನಬಿ ಹುಕುಮ್‌ ದೇಸ್‌ನಿ, ಇವ್ಣೇಬಿ ಭಾರ್‌ ನಿಕ್ಳಿಜಾ಼ಸ್‌ನಿ! ಕರಿ ಏಕ್‌ಥಿ ಏಕ್‌ ವಾತೆ ಬೋಲಿಲಿದು. 
\v 37 ಅಜು಼ ಯೇಸುನಿ ಬಾರೇಮನಿ ಖಬರ್ ಯೋ ತಬರ್‌ಖಾನು ಖ್ಹಾರಿ ಬಾಜು಼ಮ ಫೈಲಿಗಯು.
\s ಯೇಸುನೆ ಘಣ ಅದ್ಮಿನೊ ರೋಗ್ ಅಛ್ಛು಼ ಕರ‍್ಯೊತೆ
\r (ಮತ್ತಾಯ 8:14-17; ಮಾರ್ಕ 1:29-34)
\p
\v 38 ಯೇಸು ಸಬಾಮಂದಿರ್‌ಥ ನಿಕ್ಳಿನ್ ಸೀಮೋನ್ನ ಘರ್‌ಕನ ಗಯೊ. ಹಿಜ್ಜಾ಼ ಸೀಮೋನನಿ ಖ್ಹಾಖ್ಹು ಜಾ಼ಖ್ಹತ್ ತಾವ್ ಚ಼ಢೀನ್ ತಲ್‌ಖುಕರ್ತಿಥಿ, ಇನಿ ಬಾರೇಮ ಇವ್ಣೆ ಯೇಸುನ ಬೋಲ್ಯು. 
\v 39 ತದೆ ಯೇಸುನೆ ಇನಾಕನ ಜೈ಼ನ್ ಭೀರಿನ್, ಇನ ಮ್ಹೆಂದಿನ್ ಜಾ಼ವಾನಿ ಘೋಣಿ ಯೋ ತಾವ್‌ನ ಹುಕುಮ್‌ ದೇತಾಖ್ಹತರ್‌, ತಾವ್ ಉತ್ರಿಗಯೊ. ತದ್‌ನು ತದ್ದೇಸ್ ಯೋ ಉಠೀನ್ ಇವ್ಣಿ ಸೇವಾ-ಚಾ಼ಕ್ರಿ ಕರಿ.
\p
\v 40 ದನ್ ಡುಬಾನ ಬಾದ್‌ಮ ಥರಥರಾನು ರೋಗ್‌ವಾಳು ಥೂತೆ ತಮಾಮ್‌ ಘರ್‌ವಾಳು, ಜಾನ್ನ ಅಛ್ಛು಼ಕೊಂತೆ ಅದ್ಮಿನಖ್ಹಾರು ಯೇಸುಕನ ಬುಲೈಲಾಯು. ಹರೇಕ್ ರೋಗ್‌ವಾಳಪರ್ ಯೇಸುನೆ ಹಾತ್‌ ಮ್ಹೇಲಿನ್ ಇವ್ಣುನ ಅಛ್ಛು಼ ಕರ‍್ಯೊ. 
\v 41 ಭೂತ್‌ಖ್ಹಾರು ಜಿನುಕು, “ತೂ ದೇವ್‌ನೊ ಛಿಯ್ಯೊ” ಕರಿ ಬಳೆಳ್ಹಾಟ್ ಮ್ಹೇಲ್ತುಹುಯಿನ್, ಕೈಯೆಕ್ಕಿ ಅದ್ಮಿನ ಮಹಿತು ನಿಕ್ಳಿಗಯು.
\p ಯೋ ಕ್ರಿಸ್ತ ಕರಿ ಭೂತ್‌ ಖ್ಹಾರಾನ ಮಾಲುಮ್‍ಥೂತೆ ಇನಟೇಕೆ, ಯೇಸುನೆ ಇವ್ಣುನ ವಾತೆ ನಾ ಬೋಲ್‌ನು ಕರಿ ಹುಕುಮ್‌ ದಿದೊ.
\s ಸಬೆ ಭರಾವನು ಮಂದಿರ್‌ಮ ಯೇಸು ವಚನ್ ಬೋಲಿವತಾಳ್ಯೋತೆ
\r (ಮಾರ್ಕ 1:35-39)
\p
\v 42 ವ್ಹಾಣ್‌ಖ್ಹತ್ರೆ ಯೇಸು ಘರ್‌ನ ಮ್ಹೇಲಿನ್ ಉಜ್ಜಾ಼ಡಿ ಝ಼ಗೋನ ಗಯೊ. ಅದ್ಮಿಖ್ಹಾರು ಯೇಸುನ ಢೂಂಡ್‌ತುಹುಯಿನ್, ಯೊ ಥೋತೆ ಝ಼ಗೋಕನ ಆಯಿನ್, ಇವ್ಣುನ ಮ್ಹೆಂದಿನ್ ನಾ ಜಾ಼ವ್ಣುತೆ ಇಮ್‌ ಇನ ಭೀರಾಖಾನ ದೇಖ್ಯು. 
\v 43 ಕತೋಬಿ ಯೇಸುನೆ ಇವ್ಣುನ, “ಮೇ ಬಿಜ಼ಖ್ಹಾರ ಗಾಮ್ಮಾಬಿ ದೇವ್ನಿ ರಾಜ್ಯನಿ ದೇವ್ನಿ ಅಛ್ಛಿ ಖಬರ್‌ನ ಬೋಲ್‌ನು, ಅನಖ್ಹಾಜೆಸ್ ದೇವ್ನೆ ಮನ ಮೋಕ್ಲಿರಾಖ್ಯೋಸ್ತೆ” ಕರಿ ಬೋಲ್ಯೊ.
\p
\v 44 ಅನ ಬಾದ್‌ಮ ಯೇಸುನೆ ಯೂದಾಯ ದೇಖ್ಹ್‌ನು ಸಬೆ ಭರಾವಾನು ಮಂದಿರ್‌ಮ ಖ್ಹಾರು ಅಛ್ಛಿ ಖಬರ್‌ನ ಬೋಲ್ತೊಹುಯಿನ್ ನಿಕ್‌ಳ್ಯೊ.
\c 5
\s1 ಯೇಸುನೆ ಪಹಿಲ ಶಿಷ್ಯರ್‌ನ ಬುಲಾಯೋತೆ
\r (ಮತ್ತಾಯ 4:18-22; ಮಾರ್ಕ 1:16-20)
\p
\v 1 ಏಕ್‌ ದನ್ನೆ ಯೇಸು ಗೆನೆಸರೇತ್‍ ದರ‍್ಯಾವ್‍ನ ಕನಾರಿಕನ ಭೀಯೋಥೊ. ತದೆ ಅದ್ಮಿಖ್ಹಾರು ದೇವ್ನಿ ವಚನ್ ಖ್ಹಮ್‌ಜಾ಼ನಖ್ಹಾಜೆ ಧಕೇಲ-ಧಕೇಲಿ ಹೋತುಹುಯಿನ್, ಇನ ಅಶ್‌ಪಿಶ್ ಆಯಿನ್ ಭರಾಯು 
\v 2 ತದೆ ದರ‍್ಯಾವ್‍ನಿ ಕನಾರಿಕನ ಭೀರಿಥೀತೆ ಬೇ ಡೋಣ್ಣಾ ಯೇಸುನೆ ದೇಖ್ಯೊ. ಮಾಛ್ಲು಼ ಖ್ಹಾವಾಳು ಖ್ಹಾರು ಡೋಣ್‌ಮಾಥು ಭಾರ್ ಆಯಿನ್, ಇವ್ಣು-ಇವ್ಣು ಜಾ಼ಳು ಧೊವ್‍ಕರ್ತೂಥು. 
\v 3 ಯೋ ಡೋಣೆಮಾಥು ಸೀಮೋನ್ನಿ ಏಕ್‌ ಡೋಣ್‌ಮ ಯೇಸು ಚ಼ಢೀನ್, ಕನಾರೆಕಂಥು ಜ಼ರದೂರ್ ಡೋಣ್ಣಾ ಧಕೇಲ್‍ ಕರಿ ಇನ ಬೋಲಿಲಿದೊ. ಬಾದ್‌ಮ ಡೋಣ್‌ಮ ಬೇಶಿನ್, ಯೋ ಅದ್ಮಿನಿ ಭೀಡ್‌ಣ ವಚನ್ನ ಬೋಲಿದಿದೊ.
\p
\v 4 ವಚನ್‍ ಬೋಲಿದ್ಯವಾನ ಬಾದ್‌ಮ ಯೇಸುನೆ ಸೀಮೋನ್ನ, “ಗಧಾರ್ ಪಾಣಿನಿ ಝ಼ಗೋಮ ಡೋಣ್ಣಾ ಚ಼ಲೈನ್, ಮಾಛ್ಲು಼ ಧರಾನ ಖ್ಹಾಜೆ ತುಮಾರು ಜಾ಼ಳು ನಾಖೊ” ಕರಿ ಬೋಲ್ಯೊ.\fig ದೋಣಿಮ ಮಾಛ಼್‌ಲಾ ಧರುಕರಾತೆ ಮಛ್ಲಿ಼ಯಾರ್‌|alt="Fishermen in boat and catch fish" src="hk00208c.tif" size="span" copy="Horace Knowles ©" ref="5:4"\fig*
\p
\v 5 ತದೆ ಸೀಮೋನ್ನೆ, “ಗುರು, ಹಮೆ ರಾತ್ ಅಖ್ಖು ಮ್ಹಿನತ್ ಕರ‍್ಯಾತೋಬಿ, ಏಕ್‌ ಮಾಛ್ಲು಼ಬಿ ಕೋಮಳ್ಯುನಿ, ಕತೋಬಿ ತಾರಿ ವಾತ್‌ಪರ್, ಮೇ ಜಾ಼ಳು ನಾಖುಸ್” ಕರಿ ಬೋಲ್ಯೊ. 
\v 6 ತದೆ ಇವ್ಣೆ ಜಾ಼ಳಾವ್‍ನ ನಾಖ್ಯು. ತದೆ ಮಾಛ಼್‌ಲಾನಿ ಗುಡ್ಡಾರಾಶೆ ಜಾ಼ಳಾವ್‍ಮ ಖ್ಹಪ್‌ಡ್ಯು. ಅನೇಥಿ ಇವ್ಣು ಜಾ಼ಳು ಫಾಟಾನ ಐಲಾಗ್ಯೂಥು. 
\v 7 ತದೆ ಇವ್ಣೆ ಬಿಜಿ ಡೋಣ್‌ಮ ಥೂತೆ ಇವ್ಣು ಜೋ಼ಡೆವಾಳನ ಹಾತ್‌ನೊ ಝಾ಼ಲೊ ಕರೀನ್, ಮದತ್ನಖ್ಹಾಜೆ ಬುಲಾಯು. ಇವ್ಣೆ ಆಯಿನ್ ಭೇ ಡೋಣ್‌ಮ ಮಾಛ್ಲು಼ ಭರಾಖ್ಹತರ್, ಯೋ ಡೋಣೆ ಡುಬಾನಿಘೋಣಿ ಹುವ್ವಾಲಗ್ಯೂಥು. 
\v 8 ಅನ ದೇಖಿನ್ ಸೀಮೋನ್ ಪೇತ್ರನೆ ಯೇಸುನ ಗುಡ್‌ಘ್ಯಪರ್ ಪಡೀನ್, “ಪ್ರಭು ಮನ ಮ್ಹೆಂದಿನ್ ಜಾ಼! ಮೇ ಪಾಪಿ ಅದ್ಮಿ ಹುಯಿರ‍್ಹೋಸ್!” ಕರಿ ಬೋಲ್ಯೊ.
\p
\v 9 ಸೀಮೋನ್ನಾಬಿ ಇನ ಜೋ಼ಡ್ಮ ಥೂತೆ ಬಿಜ಼ ಖ್ಹಾರಾನಾಬಿ, ಇವ್ಣೆ ಧರ‍್ಯೂತೆ ಮಾಛ಼್‌ಲಾವ್ನ ದೇಖಿನ್ ಆಶ್ಚರ್ಯ ಹುಯು. 
\v 10 ಸೀಮೋನ್ನ ಜೋ಼ಡ್‍ವಾಳ ಹುಯಿರ‍್ಹಾಥಾತೆ ಜೆಬೆದಾಯನ ಛಿಯ್ಯಾ ಯಾಕೋಬ ಅಜು಼ ಯೋಹಾನನೆಬಿ ಇಮ್ಮಸ್ ಆಶ್ಚರ್ಯಖಾದು. ತದೆ ಯೇಸುನೆ ಸೀಮೋನ್ನ, “ಡರ್‌ನಕೊ, ಆಜ಼್‌ಥು ತೂ ಅದ್ಮಿನ ಖ್ಹಾವಾನು ಕಾಮ್ ಕರೀಶ್!” ಕರಿ ಬೋಲ್ಯೊ.
\p
\v 11 ಇವ್ಣೆ ಇವ್ಣು ಡೋಣೇನ ಕನಾರಿಕನ ಲಯಿನ್, ತಮಾಮ್‌ ರಾಛಾ಼ನ ಮ್ಹೆಂದಿನ್, ಯೇಸುನ ಕೇಡೆ ಗಯ.
\s ಯೇಸುನೆ ಏಕ್‌ ಅದ್ಮಿನ ಅಛ್ಛು಼ ಕರ‍್ಯೊತೆ
\r (ಮತ್ತಾಯ 8:1-4; ಮಾರ್ಕ 1:40-45)
\p
\v 12 ಏಕ್‌ ದನ್ನೆ ಯೇಸು ಏಕ್‌ ಗಾಮ್ಮ ಥೊ. ಹಿಜ್ಜಾ಼ಸ್ ಆಂಗ್‌ತನ್‌ ಅಖ್ಖುಸ್ ಖೋಡ್‍ ಲಾಗಿಹುಯು ಏಕ್‌ ಅದ್ಮಿ ಥೂ. ಯೋ ಯೇಸುನ ದೇಖಿನ್, ಇನಖ್ಹಾಮ್ಣೆ ಆಡು ಪಡೀನ್, “ಪ್ರಭು, ತೂ ಮನ್ ಕರ‍್ಯೋತೊ ಮನ ಶುದ್ದಿ ಕರೆಜಾ಼ಯ್! ಕರಿ ಗಿಂಗೈಲಿದೊ.
\p
\v 13 ಯೇಸುನೆ ಇನೊ ಹಾತ್ನ ಭಡೈನ್, ಇನ ಛೀಮಿನ್‌, “ಮನ ಮನ್ ಛಾ಼, ಶುದ್ದಿ ಹೂ” ಕರಿ ಬೋಲ್ಯೊ. ತದ್‌ನು ತದ್ದೇಸ್ ಯೋ ಅದ್ಮಿನೊ ಖೋಡ್‍ ಖ್ಹಾರು ನಿಕ್ಳಿಗಯು. 
\v 14 ತದೆ ಯೇಸುನೆ ಇನ, “ತೂ ಕಿನಾಬಿ ನಕೊ ಬೋಲಿಶ್, ಕತೋಬಿ ಯಾಜಕಕನ ಜೈ಼ನ್ ತಾರು ಆಂಗ್‌ತನ್ನ ವತಾಳ್, ಮೋಶೇನೆ ಹುಕುಮ್ ದೀರಾಖ್ಯೋತೆ ಕಾಣ್ಕೆದೀನ್ ತಾರಿ ಅಶ್ನಾನ್‍ಧಾನ್ನ ಚ಼ಲಾವ್‍, ಅದ್ಮಿನ ಆ ಸಾಕ್ಷಿ ಹುಯಿರ‍್ಹವಾದೆ” ಕರಿ ಹುಕುಮ್ ದಿದೊ.
\p
\v 15 ತೋಬಿ ಯೇಸುನಿ ಬಾರೇಮ ಅಜೂ಼ಬಿ ಜಾ಼ಖ್ಹತ್ ಫೈಲೈಗಯು, ಅದ್ಮಿಖ್ಹಾರು ಇನಿ ವಚನ್ ಖ್ಹಮ್‌ಜಾ಼ನಖ್ಹಾಜೆ ಅಜು಼ ಇವ್ಣು-ಇವ್ಣು ರೋಗ್‌ ಅಛ್ಛು಼ ಕರೈಲ್ಯವಾನಟೇಕೆ, ಝೂ಼ಂಡೆ-ಝೂ಼ಂಡೆ ಹುಯಿನ್ ಇನಾಕನ ಆಯು. 
\v 16 ಕತೋಬಿ ಯೇಸುತೊ ಉಜ್ಜಾ಼ಡಿ ಝ಼ಗೋಮ ಜೈ಼ನ್, ಪ್ರಾರ್ಥನೆ ಕರುಕರ್ತೊಥೊ.
\s ಯೇಸುನೆ ಲಕ್‍ವೊ ಮಾರಿರಾಖ್ಯುಥೂತೆ ಏಕ್‌ ಅದ್ಮಿನ ಅಛ್ಛು಼ ಕರ‍್ಯೊತೆ
\r (ಮತ್ತಾಯ 9:1-8; ಮಾರ್ಕ 2:1-12)
\p
\v 17 ಏಕ್‌ ದನ್ನೆ ಯೇಸು ವಚನ್‍ ಬೋಲಿ ದೆವ್‍ಕರ್‌ತೋಥೊ. ಗಲಿಲಾಯ ಅಜು಼ ಯೂದಾಯ ತಬರ್‌ಖಾನು ತಮಾಮ್‌ ಗಾಮ್‌ಥು ಅಜು಼ ಯೆರೂಸಲೇಮ್‌ಥು ಆಯುಹುಯು ಫರಿಸಾಯರ್‌ಬಿ, ಮೋಶೇನು ಧರ್ಮಶಾಸ್ತ್ರ ಶಿಕಾಡವಾಳು ಶಾಸ್ತ್ರಿಯೆ ಹಿಜ್ಜಾ಼ ಬೆಠೂಥು. ರೋಗ್‌-ರಾಯೊ ಅಛ್ಛು಼ ಕರಾನವಾಖ್ಹ್‌ತೆ ಪ್ರಭುನಿ ಶಕತ್ ಯೇಸುಮ ಥೀ.‌ 
\v 18 ತದೆ ಥೋಡ ಪರ್ಖ್ಹಾವ್‍ನೆ ಏಕ್‌ಜ಼ಣೊ ಲಕ್‍ವೊ ಮಾರ‍್ಯುಹುಯಾನ ಬಿಛಾ಼ವ್ಣಿಪರ್ ಪಾಡಿಲಿನ್ ಆಯು. ಕತೋಬಿ ಇನಮಹಿ ಲೀಜೈ಼ನ್, ಯೇಸುನ ಖ್ಹಾಮ್ಣೆ ಮ್ಹೇಲ್ನುಕರಿ ಕರ‍್ಯುತೋಬಿ, 
\v 19 ಅದ್ಮಿನಿ ಭೀಡ್ ಥೀತೆ ಇನಾಖ್ಹಾಜೆ, ಇನಮಹಿ ಲೀಜಾ಼ವಾನ ವಾಟ್‌ಕೊಂತೆ ದೇಖಿನ್‌, ಇನ ಪಾಡಿಲಿನ್ ಛ಼ತ್‍ನ ಉಪ್ಪರ್ ಜೈ಼ನ್, ಛ಼ತ್‍ನ ಕಾಡಿನ್, ಇನ ಬಿಛಾ಼ವ್ಣಿ ಖ್ಹಮೇದ್ ಯೇಸುನ ಖ್ಹಾಮ್ಣೆ ಉತಾರ‍್ಯು. 
\v 20 ಯೇಸುನೆ ಇವ್ಣಿ ವಿಶ್ವಾಸ್‌ನ ದೇಖಿನ್‌, ಯೋ ಲಕ್‍ವೊ ಮಾರಿರಾಖವಾಳನ, “ದೇಕ್‌ಲಾ ದೋಸ್, ತಾರು ಪಾಪ್‌ಖ್ಹಾರು ಮಾಪ್‌ ಹುಯಿಗಯು” ಕರಿ ಬೋಲ್ಯೊ.
\p
\v 21 ತದೆ ಮೋಶೇನು ವಚನ್‍ ಶಿಕಾಡವಾಳು ಶಾಸ್ತ್ರಿಯೆ ಅಜು಼ ಫರಿಸಾಯರ್ ಖ್ಹಾರು ಇವ್ಣ-ಇವ್ಣಾಮಸ್‌, “ಆ ಅದ್ಮಿ ಕೋಣ್ ಉಶೆ, ದೇವ್ನ ವಿರೋದ್ ವಾತೆ ಬೋಲಾಸ್ತೆ? ದೇವ್ನ ಮ್ಹೇಲಿನ್ ಬಿಜು಼ ಕಿನೇಥಿ ಪಾಪ್‌ಖ್ಹಾರು ಮಾಪ್‌ ಕರಾನ ಹುವಾನು? ಕರಿ ಸೋಚಾಲಗ್ಯು.
\p
\v 22 ಕತೋಬಿ ಯೇಸುನೆ ಇವ್ಣೆ ಇಮ್‌ ಸೋಚುಕರಾತೆ ಮಾಲುಮ್‌ ಕರೀಲಿನ್‌ ಇವ್ಣುನ, “ತುಮೆ ತುಮಾರ ಮನ್‌ಮ ಅಮ್ ಶನ ಸೋಚೋ಼ಸ್ತೆ? 
\v 23 ಕೆಹು ಶುಲ್ಬ? ತಾರು ಪಾಪ್‌ಖ್ಹಾರು ಮಾಪ್‌ ಹುಯಿಗು ಕರಿ ಬೋಲಾನುಕಿ? ಉಠಿ ಚಾ಼ಲ್ ಕರಿ ಬೋಲಾನು? 
\v 24 ಕತೋಬಿ ಜ಼ಮೀನ್‌ಪರ್ ಪಾಪ್‌ಖ್ಹಾರು ಮಾಪ್‌ ಕರಾನ ಅದ್ಮಿನೊ ಛಿಯ್ಯಾನ ಅದಿಕಾರ್ ಛಾ಼ ಕರಿ ಬೋಲಾನು ತುಮೂನ ಮಾಲುಮ್‌ ಪಡ್ಣು, ಕರಿ ಬೋಲಿನ್ ಯೋ ಲಕ್‌ವೊ ಮಾರಿರಾಖವಾಳ ಭಣಿ ದೇಖಿನ್‌, ‘ಉಟ್ ತಾರಿ ಬಿಛಾ಼ವ್ಣಿನ ಪಳ್ಳಿನ್‌ ಘರೆ ಜಾ಼ ಕರಿ ತುನ ಬೋಲುಸ್” ಕರಿ ಬೋಲ್ಯೊ.
\p
\v 25 ಇಮ್‌ ಬೋಲ್ತಾಸ್‌ನ ಯೋ ಇವ್ಣ ಖ್ಹಾಮ್ಣೆಸ್ ಉಠೀನ್, ಯೋ ಖ್ಹುತೊಥೋತೆ ಬಿಛಾ಼ವ್ಣಿನ ಪಳ್ಳಿನ್, ದೇವ್ನ ಖ್ಹರಾವ್‌ತೊ ಹುಯಿನ್, ಘರೆ ಗಯೊ. 
\v 26 ದೇಖ್ಯೂತೆ ತಮಾಮ್‌ ಅದ್ಮಿನೆ ಘಣು ಆಶ್ಚರ್ಯಖಾದು! ಅಜು಼ ಡರ್‌ಥಿ ಭರೈನ್ ದೇವ್ನ ಖ್ಹರಾಯು, ಅಜು಼ ಬೋಲ್ಯೂಕಿ, “ಆಜ಼್ ಹಮೆ ಆಶ್ಚರ್ಯನು ಬಾರೇಮ ದೇಖ್ಯ!”
\s ಯೇಸುನೆ ಲೇವಿನ ಬುಲಾಯೋತೆ
\r (ಮತ್ತಾಯ 9:9-17; ಮಾರ್ಕ 2:13-17)
\p
\v 27 ಅನ ಬಾದ್‌ಮ, ಯೇಸು ಹಿಜ್ಜಾ಼ಥೊ ಬಹರ್ ಜೈ಼ನ್, ಶುಂಕ ಮಾಂಗಾನಿ ಝ಼ಗೋಪರ್‌ ಬೆಠೊಥೋತೆ ಏಕ್‌ ಜ಼ಣಾನ ದೇಖ್ಯೊ. ಇನು ನಾಮ್ ಲೇವಿ. ಯೇಸುನೆ ಇನ, “ಮಾರ ಪೀಠೆ ಆವ್” ಕರಿ ಬುಲಾಯೊ. 
\v 28 ಇನೆ ಉಠೀನ್, ಖ್ಹಾರುಸ್ ಮ್ಹೆಂದಿನ್, ಯೇಸುನ ಪೀಠೆ ಗಯೊ.
\p
\v 29 ಬಾದ್‌ಮ ಲೇವಿನೆ ಇನ ಘರ್‌ಮ ಯೇಸುನಖ್ಹಾಜೆ, ಏಕ್‌ ಮೋಟಿ ಮಿಝ಼್‌ವಾನ್ ಪಿಕಾಯೊ. ಹಿಜ್ಜಾ಼ ಶುಂಕ ವಶೂಲ್ ಕರಾವಾಳು ಅಜು಼ ಬಿಜು಼ ಅದ್ಮಿಖ್ಹಾರು ಝೂ಼ಂಡ್‌ ಭರೈನ್ ಇವ್ಣ ಜೋ಼ಡೆ ಖಾಣನ ಬೆಠೂಥು. 
\v 30 ಅನ ದೇಖಿನ್, ಫರಿಸಾಯರ್ ಅಜು಼ ಇವ್ಣಿ ಝೂ಼ಂಡ್‌ನ ಮಳಿಹುಯು ಮೋಶೇನು ಧರ್ಮಶಾಸ್ತ್ರ ಶಿಕಾಡವಾಳು ಶಾಸ್ತ್ರಿ ಖ್ಹಾರು ಯೇಸುನ ಶಿಷ್ಯರ್‌ಪರ್ ಮಶ್ಲಾ ಮಾರ್‌ತುಹುಯಿನ್, “ತುಮೆ ಶುಂಕ ಮಾಂಗವಾಳನ ಅಜು಼ ಪಾಪಿ ಖ್ಹಾರಾನ ಜೋ಼ಡೆ ಶನ ಖಾಣುಖಾಸ್ತೆ?” ಕರಿ ಬೋಲ್ಯು.
\p
\v 31 ಅನ ಖ್ಹಮ್‌ಜಿನ್‌ ಯೇಸುನೆ ಇವ್ಣುನ, “ಅಛ್ಛು಼ರ‍್ಹಾವಾಳನ ವೈದ್ಯನಿ ಜ಼ರೂರತ್ ಕೋ ಪಡಾನಿ, ಕತೋಬಿ ರೋಗ್‌ರಾಯಮ ರ‍್ಹಾವಾಳನ ವೈದ್ಯ ಹೋಣು ಪಡಾಸ್‌” ಕರಿ ಬೋಲ್ಯೊ. 
\v 32 ದೇವ್‌ಭಣಿ\f + \fr 5:32 \fr*\ft ಪಾಪ್‌ಖ್ಹಾರು ಮ್ಹೇಲಿನ್ ದೇವ್‌ಭಣಿ ಫರೊ ಕರಿ ಮತ್‌ಲಬ್,\ft*\f* ಫರೊ ಕರಿ,ನೀತಿವಾಳ ಅದ್ಮಿಯೇನ ಬುಲಾವನ ಕಾಹೆ, ಪಾಪಿ ಖ್ಹಾರಾನ ಬುಲಾವನ ಆಯೋತೆ” ಕರಿ ಜವಾಬ್‌ ದಿದೊ.
\s ಉಪವಾಸ್‌ನಿ ಬಾರೇಮ ಪುಛಾ಼ಯೂತೆ
\r (ಮತ್ತಾಯ 9:14-17; ಮಾರ್ಕ 2:18-22)
\p
\v 33 ಥೋಡು ಅದ್ಮಿ ಯೇಸುನ, “ಯೋಹಾನನು ಶಿಷ್ಯರ್‌ ಖ್ಹಾರು ಘಡಿಕೇಡೆ ಉಪವಾಸ್ ರ‍್ಹೇಸ್‌ ಅಜು಼ ಬಿಂತಿನಿ ಪ್ರಾರ್ಥನೆ ಕರ್ತು ರ‍್ಹೇಸ್‌, ಇಮ್ಮಸ್ ಫರಿಸಾಯರ್‌ನು ಶಿಷ್ಯರ್‌ಬಿ ಉಪವಾಸ್ ಕರಾಸ್, ಕತೋಬಿ ತಾರು ಶಿಷ್ಯರ್‌ ಕದೇಬಿ ಖಾವಣ್‌ಪಿವಾಣ್‌ ಕರ್ತು ರ‍್ಹೇಸ್‌ನಿ” ಕರಿ ಬೋಲ್ಯು.
\p
\v 34 ತದೆ ಯೇಸುನೆ ಇವ್ಣುನ, “ವ್ಯಹಾನ ಛ಼ತ್‍ಮ ಅದ್ಮಿನ ಜೋ಼ಡೆ ನೌಶೊ ರ‍್ಹವಾನಿ ವಖ್ಹತ್‌ಮ ಇವ್ಣುನ ಉಪವಾಸ್ ಕರಾವಾನ ತುಮಾರೇಥಿ ಉಶೇಕಿ ಶು? ಕೊಯ್ನಿ! 
\v 35 ಕತೋಬಿ ನೌಶೊನ ಇವ್ಣಾಕಂಥು ದೂರ್ ಲೀಜಾ಼ವಾನ ದನ್ ಆವ್‌ಶೆ, ತದೆ ಇವ್ಣೆ ಉಪವಾಸ್ ಕರ್ಶೆ” ಕರಿ ಜ಼ವಾಬ್‌ದಿದೊ.
\p
\v 36 ಯೇಸುನೆ ಇವ್ಣುನ ಏಕ್‌ ಮತ್ಲಬ್‌ನಿ ಖೇಣಿನ ಬೋಲ್ಯೊ: ಯೋ ಶಾತ್‌ಕತೊ, ಕೋಣ್‌ಬಿ ನವು ಲುಂಗ್ಡಾನು ಏಕ್‌ ಥಿಗ್‍ಳಾನ ಫಾಡಿನ್, ಫಾಟಿಹುಯು ಜೂ಼ನ ಲುಂಗ್ಡಾಕೇಡೆ ಲಗಾಡಿನ್ ಶಿವಾಕೊಯ್ನಿ. ಇಮ್‌ ಶಿವ್ಯುತೊ, ಯೋ ನವು ಲುಂಗ್ಡಾನ ಫಾಡಿನ್ ಖರಾಬ್ ಕರಾದಾಖ್ಹಲ್, ಎತ್ರೇಸ್ ಕಾಹೆತೆ ನವ ಲುಂಗ್ಡಾನು ಥಿಗ್‌ಳು, ಯೋ ಜೂ಼ನ ಲುಂಗ್ಡಾಪರ್‌ ಖ್ಹಾಜ಼ಕೊಯ್ನಿ. 
\v 37 ಕೋಣ್‌ಬಿ ಜೂ಼ನಿ ಚಾ಼ಂಬ್ಡಾನಿ ತಿತ್ತಿಯೇಮ ನವು ದ್ರಾಕ್ಷಿನು ರಖ್ಹ್‌ನ ಭರಿನ್ ಮ್ಹೇಲಾಕೊಯ್ನಿ. ಶನಕತೊ ಯೋ ನವು ದ್ರಾಕ್ಷಿನು ರಖ್ಹ್‌, ಜೂ಼ನು ಚಾ಼ಂಬ್ಡಾನಿ ತಿತ್ತಿಯೇನ ಫೋಡಿನ್ ಭಾರ್ ರಂಚೈ಼ಜಾ಼ವಾನು ಕಾಹೆತೆ, ತಿತ್ತಿಯೇಬಿ ಖರಾಬ್ ಹುಯಿಜಾ಼ಸ್. 
\v 38 ಇನಖ್ಹಾಜೇಸ್ ನವು ದ್ರಾಕ್ಷಿನು ರಖ್ಹ್‌ನ ನವಿ ಚಾ಼ಂಬ್ಡಾನಿ ತಿತ್ತಿಯೇಮ ಭರಿ ಮ್ಹೇಲಾಸ್! 
\v 39 ಜೂ಼ನು ದ್ರಾಕ್ಷಿನು ರಖ್ಹ್‌ ಪೀದುಹುಯು ಅದ್ಮಿ, ನವು ದ್ರಾಕ್ಷಿನು ರಖ್ಹ್‌ ಹೋಣು ಕರಿ ಬೋಲಾಕೊಯ್ನಿ. ಯೋ ಜೂ಼ನು ದ್ರಾಕ್ಷಿನು ರಖ್ಹ್‌ನಾಸ್ ಅಛ್ಛು಼ಕರಿ ಬೋಲಾಸ್.
\c 6
\s1 ಸಬ್ಬತ್ ದನ್ನಿ ಬಾರೇಮ ಪುಛಾ಼ಯೂತೆ
\r (ಮತ್ತಾಯ 12:1-8; ಮಾರ್ಕ 2:23-28)
\p
\v 1 ಸಬ್ಬತ್‌ ದನ್ಮ ಯೇಸು ಅನಾಜ಼್ ಪಿಕಿಹುಯು ಖೇತರ್‌ಮಾಕರಿ ಚಾ಼ಲಿ ಒಳೆಜಾ಼ತೊಥೊ. ತದೆ ಇನ ಶಿಷ್ಯರ್‌ನೆ ಬುಟ್ಟಾ ತೋಡಿನ್, ಹಾತ್‌ಮ ಮಖ್ಹ್‌ಳಿನ್ ಖಾವಾಲಗ್ಯಾಥ. 
\v 2 ಅನ ದೇಖಿನ್ ಫರಿಸಾಯರ್‌ವಾಳು ಥೋಡು ಜ಼ಣು, “ಧರ್ಮಶಾಸ್ತ್ರ\f + \fr 6:2 \fr*\ft ಧರ್ಮೊಪದೇಶಕಾಂಡ 23.25\ft*\f* ಸಬ್ಬತ್‌ ದನ್ಮ ಕರ್ನುನಾತೆ ಕಾಮ್ನ ತುಮೆ ಶನ ಕರೋಸ್ತೆ?” ಕರಿ ಪುಛಾ಼ವಖ್ಹತರ್,
\p
\v 3 ಯೇಸುನೆ ಇವ್ಣುನ, “ದಾವೀದ್‌ನಾಬಿ\f + \fr 6:3 \fr*\ft 1ನು ಸಮುವೇಲ್ 21.1-6 \ft*\f* ಇನ ಜೋ಼ಡ್ಮ ರ‍್ಹಾವಾಳನ ಭುಕ್ ಲಾಗಾನಿ ವಖ್ಹತ್‌ಮ, ದಾವೀದ್‌ನೆ ಶಾತ್‌ ಕರ‍್ಯೊ ಕರಿ ತುಮೆ ಪಢ್ಯಾಕೊಯ್ನಿಕಿಶು? 
\v 4 ಇನೆ ದೇವ್ನ ಘರ್‌ಮ ಜೈ಼ನ್, ಅಪ್ಣಿ ಖಾನುಲ್‌ಮ ಯಾಜಕವ್ನ ಮ್ಹೆಂದಿನ್ ಕೋಣ್‌ಬಿ ನಾ ಖಾಣುತೆ, ದೇವ್ನ ಖ್ಹಾಮ್ಣೆ ಮ್ಹೇಲಾತೆ ರೋಟಾನ ಪಾಡಿಖೈನ್, ಇನ ಜೋ಼ಡ್ಮ ರ‍್ಹಾವಾಳನಾಬಿ ದಿದೋನಿ” ಕರಿ ಜವಾಬ್‌ ದಿದೊ.
\p
\v 5 ಅಜು಼ ಯೇಸುನೆ, “ಅದ್ಮಿನೊ ಛಿಯ್ಯೊ ಸಬ್ಬತ್‌\f + \fr 6:5 \fr*\ft ಕತೊ-ಅರಾಮ್‌ನೊ ದನ್\ft*\f* ದನ್ನ ಪ್ರಭು ಹುಯಿರ‍್ಹೋಸ್” ಕರಿ ಬೋಲ್ಯೊ.
\s ಯೇಸುನೆ ಹಾತ್ ಝೂ಼ಟೊ ಪಡ್ಯುಹುಯು ಏಕ್‌ ಅದ್ಮಿನ ಅಛ್ಛು಼ ಕರ‍್ಯೊತೆ
\r (ಮತ್ತಾಯ 12:9-14; ಮಾರ್ಕ 3:1-6)
\p
\v 6 ಬಿಜೇಕ್ ಸಬ್ಬತ್‌ ದನ್ನೆ ಯೇಸು ಸಬೆ ಭರಾವಾನು ಮಂದಿರ್‌ಮ ಜೈ಼ನ್, ವಚನ್ ಬೋಲಿ ದೆವ್‍ಕರ್ತೋಥೊ. ಖಾವೊ ಹಾತ್‌ ಝೂ಼ಟೊ ಪಡೆಹುಯೊ ಏಕ್‌ ಜ಼ಣೊ ಹಿಜ್ಜಾ಼ ಥೊ. 
\v 7 ಮೋಶೇನು ಧರ್ಮಶಾಸ್ತ್ರ ಶಿಕಾಡವಾಳು ಶಾಸ್ತ್ರಿಯೆ ಅಜು಼ ಫರಿಸಾಯರ್‌ವಾಳು ಯೇಸುಪರ್ ಗಲ್ತಿ ಲಗಾಡನಖ್ಹಾಜೆ ಶಾತ್‌ತೋಬಿ ಮಳಾದೆ ಕರಿ, ಯೇಸು ಸಬ್ಬತ್ ದನ್ಮ ಅಛ್ಛು಼ ಕರಾಸ್ಕಿ ಶುಕಿ ಕರಿ ಜ಼ಪೀನ್ ದೇಖುಕರ್ತುಥು. 
\v 8 ಕತೋಬಿ ಯೇಸುನೆ ಇವ್ಣಿ ಸೋಚ್ನ ಮಾಲುಮ್ ಕರಿಲೀನ್, ಹಾತ್‌ ಝೂ಼ಟೊ ಪಡ್ಯೊಹುಯೊ ಯೋ ಅದ್ಮಿನ, “ಉಠೀನ್, ಇಚ಼್‌ಮ ಐನ್ ಭೀರೆ” ಕರಿ ಬೋಲ್ಯೊ. ಯೋ ಅದ್ಮಿ ಉಠೀನ್ ಹಿಜ್ಜಾ಼ ಭೀರಿಗಯು. 
\v 9 ತದೆ ಯೇಸುನೆ ಇವ್ಣುನ, “ತುಮುನ ಏಕ್‌ ವಾತ್ ಪುಛಾ಼ವ್‍ಸ್: ಸಬ್ಬತ್‌ ದನ್ಮ ಖೆವು ಕರ್ನುಕರಿ ಅಪ್ಣಿ ಖಾನುಲ್‌ಮ ಛಾ಼? ಅಛ್ಛು಼ಕರಾನುಕಿ ಖರಾಬ್‌ಕರಾನು? ಜಾನ್‌ ಬಚಾ಼ಡಾನುಕಿ, ಜಾನ್‌ ಕಾಡಾನು? 
\v 10 ಅಜು಼ ಯೇಸುನೆ ಅಶ್‌ಪಿಶ್‍ ಥೂತೆ ಖ್ಹಾರಾವ್‌ನ ದೇಖಿನ್ ಯೋ ಅದ್ಮಿನ, “ತಾರೊ ಹಾತ್‌ ಖ್ಹಾಮ್ಣೆ ಕರ್‌” ಕರಿ ಬೋಲ್ಯೊ. ಇನೆ ಇಮ್ಮಸ್ ಕರ‍್ಯೊ, ತದೆ ಇನೊ ಹಾತ್‌ ಅಛ್ಛು಼ಹುಯಿಗಯು.
\p
\v 11 ಕತೋಬಿ ಪರಿಸಾಯರ್‌ಬಿ ಮೋಶೇನು ಧರ್ಮಶಾಸ್ತ್ರ ಶಿಕಾಡವಾಳು ಶಾಸ್ತ್ರಿಯೆ ಖೀಜ಼್ ಖೈನ್, “ಆ ಯೇಸುನ ಅಪ್ಣೆ ಶಾತ್‌ ಕರಿಯೆ?” ಕರಿ ಇವ್ಣ-ಇವ್ಣಾಮ ವಾತೆ ಬೋಲಾಲಗ್ಯು.
\s ಯೇಸುನೆ ಭಾರಜ಼ಣ ಅಪೊಸ್ತಲರ‍್ನ ಚೂ಼ಣ್ಯೋತೆ
\r (ಮತ್ತಾಯ 10:1-4; ಮಾರ್ಕ 3:13-19)
\p
\v 12 ಬಾದ್‌ಮ ಏಕ್‌ ದನ್ನೆ ಯೇಸು ಪ್ರಾರ್ಥನೆ ಕರಾನಖ್ಹಾಜೆ ಪಹಡ್‌ಪರ್ ಜೈ಼ನ್, ಹಿಡಿ ರಾತ್‌ ಯೋ ದೇವ್ನ ಪ್ರಾರ್ಥನೆ ಕರಾಮಸ್ ಕಾಡ್ಯೊ. 
\v 13 ವ್ಹಾಣು ಹುವಾನ ಬಾದ್‌ಮ, ಇನ ಶಿಷ್ಯರ್‌ನ ಖನ್ನೆ ಬುಲೈನ್, ಇವ್ಣಾಮ ಭಾರ ಜ಼ಣಾನ ಚೂ಼ಣಿನ್ ಇವ್ಣುನ ಅಪೊಸ್ತಲರ್’\f + \fr 6:13 \fr*\ft ಅಪೊಸ್ತಲರ್ ಕತೊ ಹಕ್ ದೀನ್ ಬೋಲಿ ಮೋಕ್ಲಿಹುಯು ಅದ್ಮಿ\ft*\f* ಕರಿ ನಾಮ್ ಮ್ಹೇಲ್ಯೊ. 
\v 14 ಇವ್ಣೆ ಕೋಣ್-ಕೋಣ್‌ಕತೊ, ಯೇಸುನೆ ಪೇತ್ರ ಕರಿ ನಾಮ್ ಮ್ಹೇಲ್ಯೋತೆ ಸೀಮೋನ, ಇನೊ ನ್ಹಾನೊ ಭೈ ಅಂದ್ರೆಯ, ಯಾಕೋಬ ಅಜು಼ ಯೋಹಾನ, ಫಿಲಿಪ್ಪ, ಬಾರ್ತೊಲೊಮಾಯ, 
\v 15 ಮತ್ತಾಯ, ತೋಮ, ಅಲ್ಫಾಯನೊ ಛಿಯ್ಯೊ ಯಾಕೋಬ, ಅಜು಼ ಸೀಮೋನ (ದೇಖ್ಹ್‌ನಪ್ಯಾರ್ ಕರಾವಾಳೊ ಕರಿ ಬೋಲೈಲಿದೋತೆ), 
\v 16 ಯಾಕೋಬನೊ ಛಿಯ್ಯೊ ಯೂದ, ಯೇಸುನ ಧೋಕೇಥಿ ಧರಿದ್ಯಾವಾಳೊ ಇಸ್ಕರಿಯೋತ ಯೂದ ಅವ್ಣೇಸ್.
\s ಯೇಸುನೆ ವಚನ್ ಬೋಲಿದಿದೋತೆ ಅಜು಼ ಅಛ಼್ಛು ಕರ‍್ಯೊತೆ
\r (ಮತ್ತಾಯ 4:23-25)
\p
\v 17 ಅನ ಬಾದ್‌ಮ ಯೇಸುನೆ ಇನ ಅಪೊಸ್ತಲರ‍್ನ ಜೋ಼ಡೆ ಪಹಾಡ್ ಉತ್ರಿ ಹೇಟ್‌ ಆಯಿನ್, ಇನ ಬಿಜಾ಼ಖ್ಹಾರ ಶಿಷ್ಯರ್‌ನಿ ಮೋಟಿ ಝೂ಼ಂಡ್‌ನ ಜೋ಼ಡೆ ಶದ್ದರ್ ಜ಼ಮೀನ್‌ಪರ್ ಭೀರಿಗಯೊ. ಯೂದಾಯ ತಬರ್‌ಖಾಥು, ಯೆರೂಸಲೇಮ್‌ ಖ್ಹಯೇರ್‌ಭಣಿಥುಬಿ, ದರ‍್ಯಾವ್‍ನ ಖನ್ನೆ ಛಾ಼ತೆ ತೂರ್ ಅಜು಼ ಸೀದೋನ್ ಖ್ಹಯೇರ್‌ಥು ಆಯುಹುಯು ಅದ್ಮಿನಿ ಮೋಟಿ ಭೀಡ್ ಹಿಜ್ಜಾ಼ ಥೂ. 
\v 18 ಯೇಸು ಬೋಲಾತೆ ವಚನ್ನ ಖ್ಹಮ್‌ಜಾ಼ನ, ಅಜು಼ ರೋಗ್‌-ರಾಯೊ ಅಛ್ಛು಼ ಕರೈಲ್ಯವಾನಟೇಕೆ ಯೋ ಅದ್ಮಿಖ್ಹಾರು ಐರ‍್ಹುಥು. ಭೂತ್‌ ಧರಿರಾಖ್ಯುಹುಯು ಅದ್ಮಿ ಖ್ಹಾರುಬಿ ಆಯು, ಇವ್ಣಾಮಬಿ ಅಛ್ಛು಼ ಹುಯು. 
\v 19 ಅದ್ಮಿಖ್ಹಾರು ಯೇಸುನ ಛೀಮ್‌ಣು ಕರಿ ಕರ‍್ಯು, ಶನಕತೊ ಇನಾಮಾಥಿ ಶಕತ್‍ ನಿಕ್ಳಿನ್ ಖ್ಹಾರಾವ್‌ನ ಅಛ್ಛು಼ ಕರುಕರ್ತುಥು.
\s ಖ್ಹುಶಿ ಅಜು಼ ದುಖ್
\r (ಮತ್ತಾಯ 5:1-12)
\p
\v 20 ಯೇಸುನೆ ಇನ ಶಿಷ್ಯರ್‌ ಭಣಿ ದೇಖಿನ್ ಬೋಲ್ಯೋಕಿ,
\q1 “ಗರೀಬ್ ಹುಯಿರ‍್ಹವಾಳ ತುಮೆ ಖ್ಹುಶಾಲಿವಾಳು ಹುಯಿರ‍್ಹುಸ್,
\q2 ದೇವ್‌ನು ರಾಜ್ಯ ತುಮಾರುಸ್!
\q1
\v 21 ಭುಕ್ಯ ಛಾ಼ತೆ ತುಮೆ ಧನ್ಯ ಹುಯಿರ‍್ಹಾಸ್;
\q2 ತುಮಾರು ಪೇಟ್ ಭರಾವ್‌ಶೆ!
\q1 ಹಮ್ಕೆ ರೊವವಾಳ ತುಮೆ ಧನ್ಯ ಹುಯಿರ‍್ಹುಸ್;
\q2 ತುಮೆ ಹಾಖ್ಹ್‌ಶು!
\p
\v 22 ಅದ್ಮಿನ ಛಿಯ್ಯಾನ ಖ್ಹಾಜೇಥಿ ಅದ್ಮಿಖ್ಹಾರು ತುಮೂನ ಖ್ಹರಮ್‌ ಕಾಡಿನ್, ದಾವೊ ಕರೀನ್, ಭಾರ್ ಕಾಡಿನಾಖಿನ್, ತುಮಾರು ನಾಮ್ ಬೋಲಾನುಬಿ ಖರಾಬ್‌ಕರಿ ಝಿಟ್ಕಾರ‍್ಯುತೊ, ತುಮೆ ಧನ್ಯ ಹುಯಿರ‍್ಹಾಸ್. 
\v 23 ಅಮ್ ಖ್ಹಾರು ಹುಯೂತೊ ಖ್ಹುಶಿಥಿ ಖೇಲ್‌ಕೂದ್ ಕರೊ, ಶನಕತೊ ಸೊರ್ಗಾಮ ತುಮೂನ ಘಣು ಇನಾಮ್ ಮಳ್‌ಶೆ. ಆ ಅದ್ಮಿನು ಗುರುಗುರಬ್‍ಲ್ಯಬಿ ಪ್ರವಾದಿನ ಖ್ಹಾರು ಅಮ್ಮಸ್ ಕರ‍್ಯುನಿ.
\q1
\v 24 ಕತೋಬಿ ಹಮ್ಕೆ ಶೌಕಾರ್ ರ‍್ಹವಾಳ ತುಮಾರಿ ಹಾಲ್ನ ಶಾತ್‌ ಬೋಲು!
\q2 ತುಮೆ ಅರಾಮ್‍ನಿ\f + \fr 6:24 \fr*\ft ಅಕ್ಲಾಶ್‌ನಿ ಜಿ಼ಂದ್‌ಗಿ ಕರಿ ಮತ್‌ಲಬ್.\ft*\f* ಜಿ಼ಂದ್‌ಗಿ ಚ಼ಲೈಲಿದ!
\q1
\v 25 ಹಮ್ಕೆ ಪೇಟ್ ಭರೈರ‍್ಹುತೆ ತುಮಾರಿ ಹಾಲ್ನ ಶಾತ್‌ ಬೋಲು!
\q2 ತುಮೆ ಭುಕ್ಯು ರ‍್ಹಿಶು!
\q1 ಹಮ್ಕೆ ಹಾಖ್ಹವಾಳ ತುಮಾರಿ ಹಾಲ್ನ ಶಾತ್‌ ಬೋಲು;
\q2 ತುಮೆ ಕುರ್‌ಲ್ಹಾವ್‌ಶು ಅಜು಼ ರೊವ್‌ಶು!
\p
\v 26 ಅದ್ಮಿಖ್ಹಾರು ತುಮೂನ ಖ್ಹರಾಯೂತೊ, ತುಮಾರಿ ಹಾಲ್ನ ಶಾತ್‌ ಬೋಲು! ಇವ್ಣ ಗುರುಗುರಬ್‍ಲ್ಯನೇಬಿ ಝೂ಼ಟಪ್ರವಾದಿ ಖ್ಹಾರಾನ ಇಮ್ಮಸ್ ಖ್ಹರಾಯು.
\s ದುಶ್‌ಮನ್ನ ಪ್ಯಾರ್ ಕರ‍್ನು
\r (ಮತ್ತಾಯ 5:38-48; 7:12)
\p
\v 27 “ಕತೋಬಿ ಮಾರಿ ವಾತೇನ ಖ್ಹಮ್‌ಜಾ಼ವಾಳಾನ ಮೇ ಶಾತ್‌ ಬೊಲುಸ್‌ಕತೊ, ತುಮಾರ ದುಶ್‌ಮನ್ನ ಪ್ಯಾರ್ ಕರೊ, ತುಮಾರಪರ್ ದಾವೊ ಕರಾವಾಳಾನ ಅಛ್ಛು಼ಕರೊ. 
\v 28 ತುಮಾರಪರ್ ಶಾಪ್ನ-ಶಬರ್ ದ್ಯವಾಳಾನ ಆಶೀರ್ವಾದ್‌ ಕರೊ, ತುಮಾರಪರ್ ಶಬರ್‌\f + \fr 6:28 \fr*\ft ತುಮಾರಪರ್ ನೀಕೊಯ್ನಿತೇಸ್‌ ಅಜು಼ ಖರಾಬ್-ಖರಾಬ್ ಗಾಳೆ ದೆವಾಳನ ಖ್ಹಾಜೆ ಕರಿ ಮತ್‌ಲಬ್.\ft*\f* ದ್ಯವಾಳನಖ್ಹಾಜೆ ಪ್ರಾರ್ಥನೆ ಕರೊ. 
\v 29 ಕೋಣ್‌ತೋಬಿ ಏಕ್‌ಜ಼ಣು ತಾರ ಕಲ್ಲಪರ್ ಮಾರ‍್ಯುತೊ, ಇನ ಬಿಜೇಕ್ ಕಲ್ಲು ವತಾಳೊ. ತಾರು ಉಪ್ಪರ್‌ಲ್ಯು ಝ಼ಗ್ಗಾನ ಖೇಚಿ ಲ್ಯಾವಳಾನ ಮಹಿನು ಕುಡ್‌ತಾನಾಬಿ ದಿನಾಕ್. 
\v 30 ತಾರಕನ ಕೋಣ್‌ತೋಬಿ ಶಾತ್ತೋಬಿ ಮಾಂಗ್ಯುತೊ, ಇನ ದೇ, ತಾರು ಶೊತ್ ಛಿನೈಲ್ಯವಾಳಾನ, ಪಾಛು಼ ದೇ ಕರಿ ನಕೊ ಬೋಲ್. 
\v 31 ಅದ್ಮಿಖ್ಹಾರು ತುಮೂನ ಶಶ್ಯಾತ್‌ ಕರ‍್ನುಕರಿ ತುಮೆ ಆಖ್ಹ್ ಕರೋಸ್ಕಿ, ಯೋಸ್‌ ತುಮೆ ಇವ್ಣುನ ಕರೊ.
\p
\v 32 ತುಮೂನ ಪ್ಯಾರ್ ಕರಾವಾಳನಾಸ್‌ ತುಮೆ ಪ್ಯಾರ್ ವತಾಳ್ಯಾತೊ, ತುಮೂನ ಶಾತ್‌ ಖ್ಹರಾವ್ಣಿ ಮಳ್‌ಶೆ? ಪಾಪಿ ಅದ್ಮಿ ಖ್ಹಾರುಬಿ ಇವ್ಣುನ ಕೋಣ್ ಲಾಡ್‌ಪ್ರೀತ್‌ ಒತಾಳಸ್ಕಿ ಇವ್ಣುನಾಸ್ ಲಾಡ್‌ಪ್ರೀತ್‌ ಕರಾಸ್ನಿ. 
\v 33 ತುಮೂನ ಅಛ್ಛು಼ಕರಾವಾಳನಾಸ್‌ ತುಮೆ ಅಛ್ಛು಼ಕರ‍್ಯಾತೊ, ತುಮೂನ ಶಾತ್‌ ಖ್ಹರಾವ್ಣಿ ಮಳ್‌ಶೆ? ಪಾಪಿ ಅದ್ಮಿ ಖ್ಹಾರುಬಿ ಇಮ್ಮಸ್ ಕರಾಸ್ನಿ. 
\v 34 ತುಮೂನ ಕೋಣ್ ಉಧಾರ್ ಫೇಡಸ್ಕಿ, ಇವ್ಣುನಾಸ್ ಉಧಾರ್ ದಿದಾತೊ, ತುಮೂನ ಶಾತ್‌ ಖ್ಹರಾವ್ಣಿ ಮಳ್‌ಶೆ? ಪಾಪಿ ಅದ್ಮಿ ಖ್ಹಾರುಬಿ ಇವ್ಣೆ ದಿದೂತೆ ಎತ್ರು ಇವ್ಣುನ ಪಾಛು಼ ಮಳ್‌ಶೆ ಕರಿ ಪಾಪಿ ಅದ್ಮಿ ಖ್ಹಾರಾನ ಉಧಾರ್ ದೇಸ್‌ನಿ. 
\v 35 ಇನಖ್ಹಾಜೆ, ತುಮಾರ ದುಶ್‌ಮನ್ನ ಲಾಡ್‍ಪ್ರೀತ್ ಕರೊ ಅಜು಼ ಇವ್ಣುನ ಅಛ್ಛು಼ಕರೊ. ತುಮೆ ಇವ್ಣುನ ಉಧಾರ್ ದ್ಯವಾನಿ ವಖ್ಹತ್‌ಮ, ಫಾಛು಼ ಇವ್ಣೇಥಿ ಮಳ್‌ಶೆ ಕರಿ ಬೋಲಾನಿ ಆಖ್ಹ್‌ನ ಮ್ಹೆಂದಿನ್, ಉಧಾರ್ ದೆವೊ. ತದೆ ತುಮುನ ಘಣು ಇನಾಮ್ ಮಳ್‍ಶೆ ಅಜು಼ ತುಮೆ ಪರಮಂಡಲ್‌ನೊ ದೇವ್ನ ಲಡ್ಕಾಉಶು. ಯೋತೊ ಕರ್ಮಿಷ್ಟಿನಾಬಿ, ಖರಾಬ್‌ನಾಬಿ ಅಛ್ಛೊ಼ ಹುಯಿರ‍್ಹೋಸ್. 
\v 36 ಪರ್‌ಲೋಕ್‌ನೊ ತುಮಾರೊ ಬಾ ಗೋರ್‌ಕರಾವಾಳೊ ಹುಯಿರ‍್ಹೋತೆ ಇಮ್ಮಸ್, ತುಮೇಬಿ ಗೋರ್‌ ಕರಾವಾಳೊ ಹುಯಿರ‍್ಹೇವೊ.
\s ಬಿಜಾ಼ನ ತೀರ್ಪ್ ನಕೊ ಕರೊ
\r (ಮತ್ತಾಯ 7:1-5)
\p
\v 37 “ಕಿನಿ ಬಾರೇಮಾಬಿ ತೀರ್ಪ್‌ ನಕೊ ಕರೊ, ತದೆ ದೇವ್‌ಬಿ ತುಮೂನ ತೀರ್ಪ್ ಕರ್ಶೆ ಕೊಯ್ನಿ; ಕಿನಾಪರ್‌ಬಿ ಗಲತ್‌ ನಕೊ ಲಗಾಡೊ, ತದೆ ದೇವ್‌ಬಿ ತುಮಾರಪರ್ ಗಲತ್‌ ಕೋ ಲಗಾಡ್‌ಶೇನಿ. ಬಿಜಾ಼ನ ಮಾಪ್‌ ಕರೊ, ತದೆ ದೇವ್‌ಬಿ ತುಮುನ ಮಾಪ್‌ ಕರ್ಶೆ. 
\v 38 ಬಿಜಾ಼ನ ದೆವೊ, ತದೆ ದೇವ್‌ಬಿ ತುಮೂನ ದಿಶೆ. ದಾಬಿ ಹಲೈನ್, ಭಾರ್‌ ರಂಚಾ಼ವಖ್ಹರ್‌ಕು ಮಾಪಿನ್‌, ತುಮಾರಿ ಝೋ಼ಳಿಮ ನಾಕ್‌ಶೆ, ತುಮೆ ಬಿಜಾ಼ನ ಕಿಮ್ ಮಾಪಿನ್ ದೇಸ್ಕಿ, ಇಮ್ಮಸ್ ದೇವ್‌ಬಿ ತುಮೂನ ಮಾಪ್‌ಶೆ.
\p
\v 39 ಅಜು಼ ಯೇಸುನೆ ಇವ್ಣುನ ಏಕ್‌ ಮತ್ಲಬ್‌ನಿ ಖೇಣಿನ ಬೋಲ್ಯೊ: ಯೋ ಶಾತ್‌ಕತೊ, “ಕಾಣೊ ಕಾಣಾನ ವಾಟ್‌ ವತಾಳನ ಕೋ ಹುವಾನಿ; ಇಮ್‌ ಕರ‍್ಯೂತೊ, ಭೇ ಜ಼ಣ ಖಾಡ್‌ಮ ಪಡಿಜಾ಼ಶೆ. 
\v 40 ಶಿಷ್ಯ ಇನ ಗುರುಥಿ ಮೋಟೊ ಕಾಹೆ, ಕತೋಬಿ ಶಿಷ್ಯ ತಮಾಮ್‌ ಶಿಕಾನ ಬಾದ್‌ಮ, ಇನ ಗುರುನಿಮತ್‌ ಹುಯಿಜಾ಼ಸ್.
\p
\v 41 ತಾರ ಡೋಳಾಮ ಛಾ಼ತೆ ಪೇದಡ್‌ನಿ ಬಾರೇಮ ಸೋಚ್ಯೊಕೊಂತೆ, ತಾರ ಭೈನ ಡೋಳಾಮ ಛಾ಼ತೆ ಕಾಕ್ರಿನಿ ಬಾರೇಮ ಶನ ಸೋಚಸ್ತೆ? 
\v 42 ತಾರ ಡೋಳಾಮ ಛಾ಼ತೆ ಪೇದಡಸ್‌ ತುನ ದೆಖಾವ ಕೊಯ್ನಿನಿ. ಅಮ್ ರ‍್ಹಾವಪರ್, ತೂ ತಾರ ಭೈನ, ‘ಭೈ ತಾರ ಡೋಳಾಮ ಛಾ಼ತೆ ಕಾಕ್ರಿನ ಕಾಡುಸ್‌ ಆವ್’ ಕರಿ ಕಿಮ್ ಬೋಲಾಸ್? ಅಲ ಠಗಾರು ಪಹಿಲೆ ತಾರ ಡೋಳಾಮಾನು ಪೇದಡ್‌ನ ಕಾಡ್, ಬಾದ್‌ಮ ತಾರ ಭೈನ ಡೋಳಾಮಾನು ಕಾಕ್ರಿನ ಕಾಡಾನ ತುನ ಅಛ್ಛಿನಿತರ ದೆಖಾವ್‌ಶೆ.
\s ಏಕ್‌ ಝಾ಼ಡು ಅಜು಼ ಇನು ಪಂಡು
\r (ಮತ್ತಾಯ 7:16-20; 12:33-35)
\p
\v 43 ಅಛ್ಛು಼ ಝಾ಼ಡು ಖರಾಬ್ ಪಂಡು ದೇಯಿಕೊಯ್ನಿ, ಇಮ್ಮಸ್ ಖರಾಬ್ ಝಾ಼ಡು ಅಛ್ಛು಼ ಪಂಡು ದೇಯಿಕೊಯ್ನಿ. 
\v 44 ಹರೇಕ್ ಝಾ಼ಡು ಕಿಮ್ನು ಕರಿ ಬೋಲಾನು ಯೋ ಮ್ಹೇಲಾತೆ ಪಂಡಾಥೀಸ್‌ ಮಾಲುಮ್‌ ಪಡಾಸ್‌. ತುಮೆ ಕಾಟಾನಿಡಾಗ್‍ಮ ಅಂಜೀರ್‌ನು ಪಂಡು ತೋಡಾಕೊಯ್ನಿ ನತರ್‌ಕಿ ಕಾಟಾನಿ ಡಾಗೇಮ ದ್ರಾಕ್ಷಿನು ಪಂಡಾವ್‍ನ ಎಕ್ಟು ಕರಾಕೊಯ್ನಿ. 
\v 45 ಅಛ್ಛು಼ ಅದ್ಮಿ ಇನ ಮನ್‌ಮ ಜ಼ಮಕರಿರಾಖ್ಯೂತೆ ಅಛ್ಛಿ ಕಣ್ಗಿಮಾಥು ಅಛ್ಛಾ಼ನ ಭಾರ್‌ ಕಾಡಸ್‌; ಕತೋಬಿ ಖರಾಬ್ ಅದ್ಮಿ ಇನ ಮನ್‌ಮ ಜ಼ಮಕರಿರಾಖ್ಯೂತೆ ಖರಾಬ್ ಕಣ್ಗಿಮಾಥು ಖರಾಬ್‌ನ ಭಾರ್ ಕಾಡಸ್‌. ಮನ್‌ಮ ಶಾತ್‌ ಛಾ಼ಕಿ ಯೋಸ್‌ ಮ್ಹೋಡವಾಟೆ ನಿಕ್ಳಸ್‌.‌
\s ಘರ್ ಭಾಂದಾವಾಳು ಬೇ ಅದ್ಮಿನಿ ಬಾರೇಮ
\r (ಮತ್ತಾಯ 7:24-27)
\p
\v 46 “ತುಮೆ ಮನ, ‘ಪ್ರಭು, ಪ್ರಭು’ ಕರಿ ಚಿಕ್ರೀನ್‌ಬಿ, ಮೇ ಬೋಲುಸ್ತೆ ಇಮ್‌ ಶನ ಕೋ ಕರಾಂತೆ? 
\v 47 ಕೋಣ್ ಮಾರಕನ ಆಯಿನ್, ಮಾರಿ ವಾತೇನ ಖ್ಹಮ್‌ಜಿನ್‌, ಅನೀನಿಘೋಣಿ ಚಾ಼ಲವಾಳು, ಯೋ ಕಿಮ್ನೊ ಹುಯಿರ‍್ಹಿಶೆ ಕರಿ ತುಮೂನ ವತಾಳುಸ್‌. 
\v 48 ಯೋ ಅಛ್ಛಿನಿತರ ಖೋಂದೈನ್, ಬಂಡಾಪರ್ ಹದಿ ನಖೈನ್, ಘರ್ ಭಾಂದಾಸ್ತೆ ಅದ್ಮಿನಿಘೋಣಿ ಹುಯಿರ‍್ಹೊಸ್. ನದ್ದಿ ಭರೈನ್, ತೋಫಾನ್ ಯೋ ಘರ್‌ನ ಮಾರ್‌ಪಡ್ಯುತೋಬಿ, ಯೋ ಘರ್‌ನ ಹಲಾವಾನ ಇನ ಕೋಹುಯುನಿ. ಶನಕತೊ ಇನ ಬಂಡಾಪರ್ ಭಾಂದಿರಾಖ್ಯುಥು. 
\v 49 ಕತೋಬಿ ಮಾರಿ ವಾತೇನ ಖ್ಹಮ್‌ಜಿನ್‌ಬಿ, ಇನೀನಿಘೋಣಿ ಚಾ಼ಲಕೊಂತೆ ಅದ್ಮಿ ಹದಿಕೊಂತೆ ಜ಼ಮೀನ್‌ಪರ್ ಘರ್ ಭಾಂದಾವಾಳಾನಿ ಘೋಣಿ ಹುಯಿರ‍್ಹುಸ್. ತೋಫಾನ್‌ ಆಯಿನ್, ಯೋ ಘರ್‌ನ ಮಾರ್‌ಪಡ್‌ತಾನ, ಯೋ ಘರ್ ರಡ್ಕಿನ್, ಪೂರ ಬರ್ಬಾತ್ ಹುಯಿಗಯು.
\c 7
\s ಯೇಸುನೆ ಖ್ಹೋ ಶಿಪಾಯಿನೊ ಮೋಟಾನೊ ಏಕ್‌ ಆಳ್‌ನ ಅಛ್ಛು಼ ಕರ‍್ಯೊತೆ
\r (ಮತ್ತಾಯ 8:5-13)
\p
\v 1 ಯೇಸುನೆ ಅದ್ಮಿನ ಆ ಖ್ಹಾರಿ ವಾತೆನ ಬೋಲಿನ್ ಖ್ಹಮ್‌ಜಾ಼ಡನ ಬಾದ್‌ಮ, ಯೇಸು ಕಪೆರ್ನೌಮ್‌ನ ಗಯೊ. 
\v 2 ಹಿಜ್ಜಾ಼ ಖ್ಹೋಶಿಪಾಯಿನೊ ಮೋಟಾನೊ, ಪ್ಯಾರ್‌ನೊ ಆಳ್‌ ಏಕ್‌ ಜ಼ಣೊ, ರೋಗ್‌ ಆಯಿನ್ ಮರಾನಿ ಹಾಲ್‌ಮ ಥೊ. 
\v 3 ಯೋ ಖ್ಹೊ ಶಿಪಾಯಿನೊ ಮೋಟಾನೆ, ಯೇಸುನಿ ಬಾರೇಮ ಖ್ಹಮ್‌ಜಿನ್‌, ಯೆಹೂದ್ಯರ್‌ನ ಶಾಣವ್‍ಮ ಥೋಡ ಜ಼ಣಾನ ಇನಾಕನ ಮೋಕ್ಲಿನ್, ಇನ ಆಳ್‌ನ ಅಛ್ಛು಼ ಕರ‍್ನು ಕರಿ ಬೋಲಿಲಿದೊ. 
\v 4 ಇವ್ಣೆ ಯೇಸುಕನ ಆಯಿನ್, “ತಾರೇಥಿ ಮದತ್ ಕರೈಲ್ಯವಾನ ಯೋ ಅದ್ಮಿ ಲ್ಹಾಯಕ್‌ ಹುಯಿರ‍್ಹುಸ್‍. 
\v 5 ಯೋ ಅಪ್ಣ ಅದ್ಮಿನ ಪ್ಯಾರ್ ಕರಾವಾಳೊ ಹುಯಿರ‍್ಹೋಸ್ ಅಜು಼ ಇನೇಸ್‌ ಅಪ್ಣಖ್ಹಾಜೆ ಸಬೆ ಭರಾವನು ಮಂದಿರ್‌ನ ಭಂದೈದಿದೊತೆ” ಕರಿ ಬೋಲಿನ್ ಯೇಸುನ ಗಿಂಗಾವಲಗಾಖ್ಹತರ್‌,
\p
\v 6 ಯೇಸು ಇವ್ಣ ಜೋ಼ಡೆ ಗಯೊ. ಯೇಸು ಘರ್‌ಕನ ಆಯಿನ್ ಪೋಚಾ಼ನ ಜ಼ರ ದೂರ್ ಥೋತೆ ತದ್ದೇಸ್, ಯೋ ಖ್ಹೋಶಿಪಾಯಿನೊ ಮೋಟಾನೆ ಇನ ದೋಸ್ತ್ ಖ್ಹಾರಾವ್‌ನ ಯೇಸುಕನ ಬೋಲಿ ಮೋಕ್ಲಿನ್, “ಪ್ರಭು, ತೂ ಖ್ಹತ್‌ನಕೊ, ತೂ ಮಾರ ಘರ್‌ಕನ ಆವಾಯೆತ್ರೆ ಲ್ಹಾಯೇಕ್‌ ಮಾರಮ ಕೊಯ್ನಿ. 
\v 7 ಅತ್ರೇಸ್ ಕಾಹೆತೆ ತಾರಕನ ಆವಾನಾಬಿ ಮೇ ಲ್ಹಾಯೇಕ್‌ನೊ ಕಾಹೆ. ಕತೋಬಿ ತೂ ಖಲಿ ಏಕ್‌ ವಾತೆ ಬೋಲ್ಯೋತೊ ಬಶ್‌ ಮಾರ ಸೇವಕ್‌ನ ಅಛ್ಛು಼ ಉಶೆ. 
\v 8 ಮೇಬಿ ಬೀಜಾ಼ನ ಹಾತ್‍ಹೇಟ್ ಕಾಮ್ ಕರಾವಾಳೊ ಹುಯಿರ‍್ಹೋಸ್. ಮಾರ ಹಾತ್‌ಹೇಟ್ ಸಿಪಾಯಿಖ್ಹಾರು ಛಾ಼. ಮೇ ಇವ್ಣಾಮ ಏಕ್‌ ಜ಼ಣಾನ ಜಾ಼ ಕರಿ ಬೋಲ್ಯೊತೊ ಯೋ ಜಾ಼ಸ್‌, ಬಿಜ್ಜೇಕ್‌ ಜ಼ಣಾನ ಆವ್ಣುಕರಿ ಬೋಲ್ಯೋತೊ ಆವಸ್. ಮಾರ ಆಳ್‌ನ ಅಮ್ನು-ಅಮ್ನು ಕಾಮ್ ಕರ್‌ ಕರಿ ಬೋಲ್ಯೋತೊ ಯೋ ಕರಸ್” ಕರಿ ಬೋಲ್ಯೊ.
\p
\v 9 ಆ ವಾತೆನ ಖ್ಹಮ್‌ಜಿನ್‌ ಯೇಸುನೆ ಇನಿ ಬಾರೇಮ ಆಶ್ಚರ್ಯಖೈನ್, ಇನ ಪೀಠೆ ವಳ್ಯಾವ್‌ತುಥೂತೆ ಝೂ಼ಂಡ್‌ಣ ಫರಿ ದೇಖಿನ್‌, “ಮೇ ತುಮೂನ ಬೋಲುಸ್ಕಿ, ಮೇ ಅತ್ರೆ ಮೋಟಿ ವಿಶ್ವಾಸ್‌ನ ಇಸ್ರಾಯೇಲ್‌ ಆದ್ಮಿಮಾಬಿ ಕೋ ದೇಖ್ಯೋನಿ” ಕರಿ ಬೋಲ್ಯೊ.
\p
\v 10 ಅನ ಬಾದ್‌ಮ ಯೋ ಟಪಾಲ್ ದ್ಯವಾಳು ಪಾಛು಼ ಫರಿ ಯೋ ಅದಿಕಾರಿನ ಘರ್‌ಕನ ಜೈ಼ನ್‌, ಯೋ ಆಳ್‌ನ ಅಛ್ಛು಼ ಹುಯಿರ‍್ಹುಥೂತೆ ದೇಖ್ಯು.
\s ಯೇಸುನೆ ಮುಂಡಚ್ಚೀನೊ ಛಿಯ್ಯಾನ ಜಿವಾಡ್ಯೋತೆ
\p
\v 11 ಅನ ಬಾದ್‌ಮ ಯೇಸು ನಾಯಿನ್ ಕರಿ ಏಕ್‌ ಗಾಮ್‌ನ ಗಯೊ. ಇನ ಜೋ಼ಡ್ಮ ಇನು ಶಿಷ್ಯರ್‌ ಅಜು಼ ಅದ್ಮಿನಿ ಮೋಟಿ ಝೂ಼ಂಡ್‌ಬಿ ಥೂ. 
\v 12 ಯೇಸು ಗಾಮ್‌ನ ಮಹಿ ಜಾ಼ವಾನು ದರ‍್ವಾಜ಼ಕನ ಆವಾದಿನ್, ಮರಿಗಯೂತೆ ಏಕ್‌ ಮುರ್ದಾನ ಗಾಮ್‌ಥಿ ಭಾರ್ ಪಳ್ಳಿನ್‌ ಉಳ್ಯಾವ್ತೂಥು. ಯೋ ಮರಿಗಯೂತೆ ಅದ್ಮಿ ಇನಿ ಆಯಾನ ಏಕ್‍ನೊ ಏಕ್‌ ಛಿಯ್ಯೊ ಹುಯಿರ‍್ಹೋಥೊ. ಇನಿ ಆಯ ಮುಂಡಚ್ಚಿ ಹುಯಿರ‍್ಹೀಥಿ, ಯೋ ಗಾಮ್‌ನು ಅದ್ಮಿನಿ ಮೋಟಿ ಝೂ಼ಂಡಸ್ ಯೋ ತಯೇಡ ಕೇಡೆ ಥು. 
\v 13 ಪ್ರಭುನೆ ಯೋ ತಯೇಡಾನ ದೇಖಿ ಗೋರ್‌ಖೈನ್, “ರೋವ್‌ ನಕೊ” ಕರಿ ಇನ ಬೋಲ್ಯೊ. 
\v 14 ಅಜು಼ ಖಾಟ್ಲಾಕನ ಜೈ಼ನ್, ಇನ ಛೀಮ್‌ತಖ್ಹತರ್‌, ಪಳ್ಳಿನ್‌ ಜಾ಼ವವಾಳು ಭೀರಿಗಯು. ತದೆ ಯೇಸುನೆ, “ಜಾ಼ನ್ಜ಼ಮಾನ್ ಛೋ಼ಕ್ರಾ ಉಟ್, ಕರಿ ಮೇ ತುನ ಬೋಲುಸ್!” ಕರಿ ಬೋಲ್ಯೊ. 
\v 15 ತದೆ ಯೋ ಮರಿಗಯುಥೂತೆ, ಯೋ ಛೋ಼ಕ್ರು ಉಠಿ ಬೇಶಿನ್, ವಾತೆ ಬೋಲಾಲಗ್ಯು, ತದೆ ಯೇಸುನೆ ಯೋ ಛೋ಼ಕ್ರಾನ ಇನಿ ಆಯಾನ ದಿದೊ.
\p
\v 16 ಅನ ದೇಖಿನ್, ಹಿಜ್ಜಾ಼ ಥೂತೆ ತಮಾಮ್‌ ಅದ್ಮಿ ಡರಿನ್, ದೇವ್ನ ಸ್ತುತಿ ಕರ್ತುಹುಯಿನ್, “ಏಕ್‌ ಮಹಾನ್ ಪ್ರವಾದಿ ಅಪ್ಣಕನ ಐರ‍್ಹೋಸ್! ದೇವ್ ಇನ ಅದ್ಮಿನ ಬಚಾ಼ಡಾನ ಐರ‍್ಹೋಸ್” ಕರಿ ಬೋಲ್ಯು.
\p
\v 17 ಯೇಸುನಿ ಬಾರೇಮಾನಿ ಆ ಖಬರ್‌, ಯೂದಾಯ ದೇಖ್ಹ್‌ಮ ಅಜು಼ ಇನ ಅಶ್‌ಪಿಶ್‌ನು ತಮಾಮ್‌ ಮುಲಕ್‌ಮ ಫೈಲಿಗಯು
\s ಯೇಸು ಅಜು಼ ಬ್ಯಾಪ್ತಿಸ್ಮ ದ್ಯವಾಳೊ ಯೋಹಾನ
\r (ಮತ್ತಾಯ 11:2-19)
\p
\v 18 ಯೋಹಾನನು ಶಿಷ್ಯರ್‌ ಚಾ಼ಲ್ಯುತೆ ಖ್ಹಾರಿ ಬಾರೇಮ ಯೋಹಾನ್ನ ಬೋಲ್ಯು. 
\v 19 ತದೆ ಯೋಹಾನನೆ ಇನ ಶಿಷ್ಯರ್‌ಮ ಬೇ ಜ಼ಣಾನ ಬುಲೈನ್, “ತೂಸ್‌ಕಿ ಶು ಯೋ ಆವ್‌ಶೇತೆ ಅದ್ಮಿಕಿ? ನಾತೊ ಹಮೆ ಬಿಜೇಕ್‌ನಖ್ಹಾಜೆ ಟಿವಾವ್‌ಣು” ಕರಿ ಪುಛಾ಼ವಾನಖ್ಹಾಜೆ, ಇವ್ಣುನ ಮಾಲಿಕ್‍ಕನ ಮೋಕ್‌ಲ್ಯೊ.
\p
\v 20 ಇವ್ಣೆ ಯೇಸುಕನ ಆಯಿನ್, “ತೂಸ್‌ಕಿ ಶು ಯೋ ಆವ್‌ಶೇತೆ ಅದ್ಮಿ? ಕೊಯಿನ್ತೊ ಹಮೆ ಬಿಜ್ಜೇಕ್‌ ಅದ್ಮಿನಖ್ಹಾಜೆ ಟಿವಾವ್‌ಣು? ಕರಿ ಫುಛಾ಼ವಾನಟೇಕೆ ಬ್ಯಾಪ್ತಿಸ್ಮದ್ಯವಾಳೊ ಯೋಹಾನನೆ ಹಮೂನ ತಾರಕನ ಮೋಕ್ಲಿರಾಖ್ಯೊಸ್” ಕರಿ ಬೋಲ್ಯು.
\p
\v 21 ಯೋಸ್‌ ವಖ್ಹತ್‌ಮ, ಯೇಸುನೆ ಕೈಯೆಕ್ಕಿ ಅದ್ಮಿನು ರೋಗ್‌ರಾಯೊನ ಅಛ್ಛು಼ ಕರ‍್ಯೊ, ಅಜು಼ ಭೂತ್‌ ಧರಿರಾಖವಾಳನ ಛೋ಼ಡಾಯೊ. ಅತ್ರೇಸ್ ಕಾಹೆತೆ ಘಣ ಕಾಣ ಅದ್ಮಿನ ಡೋಳಾನ ಜೋ಼ತ್ ದಿದೊ. 
\v 22 ಬಾದ್‌ಮ ಯೇಸುನೆ ಯೋಹಾನ್ನ ಶಿಷ್ಯರ್‌ನ, “ತುಮೆ ಹಜ಼್ಜಾ ದೇಖ್ಯಾತೆ ಅಜು಼ ಖ್ಹಮ್‍ಜ್ಯಾತೆ ಇನಿ ಬಾರೇಮ ಯೋಹಾನ್ನ ಜೈ಼ನ್ ಬೋಲೊ. ಕಾಣು ದೇಕ್‌ಶೆ, ಲಂಗ್ಡು ಚಾ಼ಲ್‌ಷೆ, ಖೋಡ್‍ ರ‍್ಹವಾಳು ಪಾಕ್‌ ಉಶೆ, ಭೈರು ಖ್ಹಮಜ಼್‌ಶೆ, ಮರಿಗಯುಹುಯು ಜಾನ್‌ ಲೀಲಿಶೆ ಅಜು಼ ಗರೀಬ್‌ನ ಸುವಾರ್ತೆ ಬೋಲವ್‍ಕರಸ್. 
\v 23 ಮಾರಿ ಬಾರೇಮ ಶಕ್ ಕರಾಕೊಂತೆ ಇವ್ಣೇಸ್ ಧನ್ಯ ಹುಯಿರ‍್ಹುಸ್ ಕರಿ ಬೋಲ್ಯೊ.
\p
\v 24 ಯೋಹಾನನು ಶಿಷ್ಯರ್‌ ಚ಼ಲ್ಯೂಜಾ಼ವಾದೀನ್, ಯೇಸುನೆ ಅದ್ಮಿನಿ ಝೂ಼ಂಡ್‌ನ ಯೋಹಾನ್ನಿ ಬಾರೇಮ ಬೋಲಾಲಗ್ಯೋಕಿ, “ಶಾತ್‌ ದೇಕ್ಣು ಕರಿ ತುಮೆ ಯೋಹಾನಕನ ಉಜ್ಜಾ಼ಡಿ ಝ಼ಗೋಮ ಗಯಾಥ? ವಹಿರಾಮ ಹಲಾಸ್ತೆ ಘಾಖ್ಹ್‌ನ ಡಂಟ್‍ನಾಕಿಶು? 
\v 25 ನಾತೊ ತುಮೆ ಶಾತ್‌ ದೇಕ್ಣುಕರಿ ಗಯಾಥ? ಶನ್ಗಾರ್‌ನ ಲುಂಗ್ಡ ಪೇರ‍್ಹಿರಾಖಾಸ್ತೆ ಅದ್ಮಿನಾಕಿಶು? ಅಮ್ನು ಲುಂಗ್ಡು ಪೇರ‍್ಹಿನ್‌ ಅರಾಮ್‌ನಿ ಜಿ಼ಂದ್‌ಗಿ ಚ಼ಲಾವವಾಳು ಖ್ಹಾರು ಮಹೇಲ್‌ಮ ರ‍್ಹೇಸ್! 
\v 26 ಇಮ್‍ಕತೊ ಮನ ಬೋಲೊ, ಶಾತ್‌ ದೇಕ್ಣು ಕರಿ ಬಹರ್ ಗಯಾಥ? ಪ್ರವಾದೀನಾಕಿ ಶು? ಒಹೊ ಖ್ಹಾಚಮಾಬಿ, ಮೇ ಬೋಲುಸ್ಕಿ ಏಕ್‌ ಪ್ರವಾದಿಥೀಬಿ ಮೋಟಾನ ತುಮೆ ದೇಖ್ಯ. 
\v 27 ‘ದೇವ್ನೆ ಹಂದೇಕ್‌, ಮಾರ ದೂತಾನ ತಾರ ಖ್ಹಾಮ್ಣೆ ಮೋಕ್ಲಿಶ್, ಯೋ ತೂ ಜಾ಼ವಾನಿ ವಾಟ್ನ ಖ್ಹೂದು ಕರ್ಶೆ’ ಕರಿ ಲೀಖೈರ‍್ಹೂಸ್ತೆ ಯೋ ಯೋಹಾನನಿಸ್ ಬಾರೇಮ\f + \fr 7:27 \fr*\ft ಮಲಾಕಿ-3:1\ft*\f* 
\v 28 ಮೇ ತುಮೂನ ಬೋಲುಸ್ಕಿ, “ಜ಼ಮೀನ್‌ಪರ್ ತಯೇಡಾನ ಪೇಟೆ ಪೈದಹುಯುತೆ ಹರೇಕ್ ಅದ್ಮಿಮ ಯೋಹಾನಸ್‌ ಮೋಟೊ. ಕತೋಬಿ ದೇವ್ನಿ ರಾಜ್ಯಮ ಅಖ್ಖೇಥಿ ನ್ಹಾನೊ ಜಿನ್‌ಕುಬಿ ಯೋಹಾನಥಿ ಮಹಾನ್ ಹುಯಿರ‍್ಹೋಸ್.
\p
\v 29 ಯೋಹಾನ ಬೋಲ್ಯೋತೆ ಇಮ್‌ ತಮಾಮ್‌ ಅದ್ಮಿ ಅಜು಼ ಶುಂಕ ವಶೂಲ್ ಕರಾವಾಳುಬಿ ದೇವ್‌ನೊ ಮಾರಗ್ ಖ್ಹಾಚಕರಿ ಮಾನಿಲಿದು. ಇನಖ್ಹಾಜೆ ಇವ್ಣೆ ಖ್ಹಾರು ಯೊಹಾನ್ನ ಹಾತೇಥಿ ಬ್ಯಾಪ್ತಿಸ್ಮ ಕರೈಲಿದು. 
\v 30 ಕತೋಬಿ ಫರಿಸಾಯರ್ ಅಜು಼ ಮೋಶೇನು ಧರ್ಮಶಾಸ್ತ್ರ ಶಿಕಾಡವಾಳು ಇವ್ಣಿ ಬಾರೇಮ ದೇವ್ನಿ ಮರ್ಜಿನ ಝಿಟ್ಕಾರಿನ್, ಯೋಹಾನ್ನ ಹಾತೇಖ್ಹು ಬ್ಯಾಪ್ತಿಸ್ಮ ಕೋ ಲಿದೂನಿ.
\p
\v 31 ಅಜು಼ ಯೇಸುನೆ ಅಮ್ ರ‍್ಹವಾಪರ್, “ಆ ಹಗಾಮ್ನ ಅದ್ಮಿನ ಖಿವಿ ಪರಕ್ಮ ಬೋಲು? ಇವ್ಣೆ ಕಿಮ್ಕಿ ಘೋಣಿ ಛಾ಼? 
\v 32 ಬಜಾ಼ರ್‌ಮ ಬೇಶಿನ್, ಹಮೆ ತುಮಾರಖ್ಹಾಜೆ ವಾಖ್ಹ್‌ಳಿ ವಜಾ಼ಡ್ಯ, ತುಮೆ ಖೇಲ್ಯಕೊಯ್ನಿ; ಹಮೆ ಅಂದ್ರೋಖ್ಹ್‌ನು ಗೀದ್‌ ಬೋಲ್ಯ, ಕತೋಬಿ ತುಮೇತೊ ರೋಯಾ ಕೊಯ್ನಿ” ಕರಿ ಬೋಲಾತೆ ಲಡ್ಕಾನಿಘೊಣಿ ಛಾ಼. 
\v 33 ಕಿಮ್‌ಕತೊ, ಬ್ಯಾಪ್ತಿಸ್ಮದ್ಯವಾಳೊ ಯೋಹಾನ ಆಯೊ, ಯೋ ರೋಟೊ ಖಾತೋಥೊಕೊಯ್ನಿ ಅಜು಼ ದ್ರಾಕ್ಷಿನು ರಖ್ಹ್‌ ಪೀತೋಥೊಕೊಯ್ನಿ, ತುಮೆ ಇನ ಭೂತ್‌ ಧರಿರಾಖ್ಯುಸ್ ಕರಿ ಬೋಲೋಸ್. 
\v 34 ಅದ್ಮಿನೊ ಛಿಯ್ಯೊ ಆಯೊ, ಯೋ ಖಾಣುಪಾಣಿ ಲ್ಯವಾಳೊ ಹುಯಿರೋಸ್. ‘ತುಮೆ ಬೋಲೊಸ್ಕಿ, ದೇಖೋಲೊ, ಆ ಅದ್ಮಿ ಖಾಣನು ಮರ್‌ತೇಲ್‌ ಅಜು಼ ಪೀಕುಡ್ಕ, ಪಾಪಿಬಿ ಖರಾಬ್ ಅದ್ಮಿನೊ ದೋಸ್ತಿ” ಕರಿ. 
\v 35 ಕತೋಬಿ ದೇವ್ನಿ ಗ್ಯಾನ್‌ತೊ ಖ್ಹಾಚಸ್‌ಕರಿ, ಇನ ಮಾನಿಲ್ಯಾವಾಳಥೀಸ್ ಮಾಲುಮ್‌ಪಡಸ್” ಕರಿ ಬೋಲ್ಯೊ.
\s ಪರಿಸಾಯವಾಳೊ ಸಿಮೋನನ ಘರ್‌ಮ ಯೇಸು
\p
\v 36 ಫರಿಸಾಯರ್‌ಮ ಏಕ್‌ ಜ಼ಣಾನೆ, ಯೇಸುನ ಖಾಣನ ಆವ್ಣುಕರಿ ಬೋಲಿಲಿದೊ. ಇನಾಖ್ಹಾಜೆ ಯೇಸು ಇನ ಘರೆ ಜೈ಼ನ್ ಖಾಣು ಖಾವಾನ ಬೇಶಿಗಯೊ. 
\v 37 ಯೋ ಗಾಮ್ಮ ಏಕ್‌ ಪಾಪೇಲಿ ತಯೇಡ ಥೀ. ಇನೆ ಯೇಸು ಯೋ ಫರಿಸಾಯರ್‌ನ ಘರ್‌ಮ ಛಾ಼ ಕರಿ ಮಾಲುಮ್‌ ಕರಿಲೀನ್, ಏಕ್‌ ಬಂಡಾನಿ\f + \fr 7:37 \fr*\ft ಆ ಶೀಶಿನ ‘ಅಲಬಾಶ್‌ಟರ್’ ಕರಿ ಧೋಳೊ ಅಜು಼ ಪೀಳೊ ಘಣ ಅಛ಼್ಛ ಬಂಡೇಥಿ ಬಣಾಯುಹುಯು\ft*\f* ಶೀಶಿಮ ವಾನು ತೇಲ್ನ ಲೀನ್ ಹಿಜ್ಜಾ಼ ಆಯಿ. 
\v 38 ಯೋ ಯೇಸುನ ಪೀಠೆ ಇನ ಗೋಡಾಕನ ಭೀರಿನ್, ರೊವ್‌ತಿಹುಯಿನ್, ಇನ ಗೋಡಾನ ಆಂಝೇ಼ಖ್ಹು ಭಿಜೈ಼ನ್, ಬಾದ್‌ಮ ಇನ ಮುಡ್‌ಕ್ಯಾನ ಕೇಖ್ಹ್‌ಥಿ ಯೇಸುನ ಗೋಡ ನೂಛಿ ಅಜು಼ ಇನ ಗೋಡಾನ ಬುಚ್ಚಾ಼ ದೀನ್, ಯೋ ವಾನು ತೇಲ್ನ ಇನ ಗೋಡಾಪರ್ ನಾಖಿ. 
\v 39 ಯೇಸುನ ಖಾಣನ ಬುಲಾಯೊಥೋತೆ ಫರಿಸಾಯರ್‌ನೆ ಅನ ದೇಖಿನ್, “ಆ ಪ್ರವಾದಿಸ್ ರ‍್ಹಯೊಹೋತ್ತೊ, ಇನ ಛೀಮುಕರಾತೆ ಕೋಣ್ ಕರಿ ಮಾಲುಮ್‌ ಕರಿಲಿದೊಹೋತ್; ಆ ಕಿಮ್ನು ಪಾಪ್‌ಮ ಜಿವ್ಣು ಚ಼ಲಾವ್‍ಕರಾಸ್‌ ಕರಿ ಮಾಲುಮ್‌ ಕರಿಲಿದೊಹೋತ್!”
\p
\v 40 ತದೆ ಯೇಸುನೆ, “ಸೀಮೋನ್, ತುನ ಬೊಲಾನಿ ಏಕ್‌ ವಾತ್ ಛಾ಼” ಕರಿ ಬೋಲ್ಯೊ.
\p ತದೆ ಸೀಮೋನ್ನೆ, “ಗುರು, ಬೋಲ್” ಕರಿ ಬೋಲ್ಯೊ.
\p
\v 41 ತದೆ ಯೇಸುನೆ, “ಏಕ್‌ ಶೌಕಾರ್‌ನ ಬೇ ಜ಼ಣ ಕರ್‌ಜ್ಯಾ ಥಾ; ಏಕ್‌ ಜ಼ಣೊ ಪಾಚ಼್ ಖ್ಹೊ ರೂಪಾನ ಬಿಲ್ಲಾ ದೇವ್ಣುಥು; ಬಿಜ್ಜೇಕ್‌ ಜ಼ಣೊ ಅಡೈವಿಖ್ಹ್‌ ರೂಪಾನಬಿಲ್ಲಾ ದೇವ್ಣುಥು. 
\v 42 ಯೋ ಭೇ ಜ಼ಣಾನಾಬಿ ಫೇಡಾನ ಹಾತ್‌ ಕೋ ಹುಯೂನಿ. ಇನಖ್ಹಾಜೆ ಯೋ ಭೇ ಜ಼ಣಾನು ಕರಜ಼್ ಮ್ಹೆಂದಿದೊ. ಇಮ್‍ಕತೊ, ಯೋ ಭೇ ಜ಼ಣಾಮ ಕೋಣ್ ಯೋ ಶೌಕಾರ್‌ನ ಜಾ಼ಖ್ಹತ್ ಪ್ಯಾರ್ ಕರ್ಶೆ?” ಕರಿ ಬೋಲ್ಯೊ.
\p
\v 43 ಸೀಮೋನನೆ, “ಕಿನೆ ಜಾ಼ಖ್ಹತ್ ಕರಜ಼್ ಲೀರಾಖ್ಯೊಥೋಕಿ ಯೋಸ್‌ ಕರಿ ದೆಖಾವಸ್” ಕರಿ ಬೋಲ್ಯೊ. ತದೆ ಯೇಸುನೆ ಇನ, “ತುನೆ ಬರಾಬರ್‌ಥಿ ತೀರ್ಪ್‌ ದಿದೊ. ಕರಿ ಬೋಲ್ಯೊ. 
\v 44 ತದೆ ಯೇಸುನೆ ಯೋ ತಯೇಡ ಭಣಿ ಫರಿನ್, ಸೀಮೋನ್ನ, “ಆ ತಯೇಡಾನ ದೇಖ್ಯೊಕಿ ಶು? ಮೇ ತಾರ ಘರೆ ಆಯೊ, ತೂ ಮಾರ ಗೋಡಾನ ಪಾಣಿ ಕೋ ದಿದೋನಿ. ಕತೋಬಿ ಆತೊ, ಇನ ಡೋಳಾನ ಆಂಝೇ಼ಥಿ, ಮಾರ ಗೋಡ ಧೋಯಿನ್‌, ಇನ ಮುಡ್‌ಕ್ಯಾನ ಕೇಖ್ಹ್‌ಥಿ ನೂಛಿ. 
\v 45 ತುನೆ ಮನ ಏಕ್‌ ಹಲ್ಲಾಬಿ ಬುಚ್ಚಾ಼ ಕೋ ದಿದೋನಿ, ಆತೊ ಮೇ ಮಹಿ ಆಯೊ ತಪ್‌ಥೊ ಮಾರ ಗೋಡಾನ ಬುಚ್ಚಾ಼ ದ್ಯವಾನ ಕೋ ಮ್ಹೇಲಿನಿ. 
\v 46 ತೂ ಮಾರ ಮುಡ್‌ಕ್ಯಾನ ತೇಲ್‌ ಲಗಾಡ್ಯೊಕೊಯ್ನಿ, ಕತೋಬಿ ಆತೊ ಮಾರ ಗೋಡಾನ ವಾನುತೇಲ್ ಲೋಥಿ. 
\v 47 ಇನಖ್ಹಾಜೆ ಮೇ ಬೋಲುಸ್ಕಿ, ಅನೆ ವತಾಳಿತೆ ಜಾ಼ಫ ಪ್ಯಾರ್ ದೇಖ್ಯೂತೆ, ಅನು ಪಾಪ್ ಘಣು ರ‍್ಹಯುತೋಬಿ ಮಾಪ್‌ ಹುಯಿಗಯು. ಕತೋಬಿ ಕಿನ ದರ್ರಾಖ್ಹು ಪಾಪ್ ಮಾಪ್‌ ಹುಯುಕಿ, ಯೋ ದರ್ರಾಖ್ಹು ಪ್ಯಾರ್ ಕರಾಸ್.
\p
\v 48 ತದೆ ಯೇಸುನೆ ಯೋ ತಯೇಡಾನ, “ತಾರು ಖ್ಹಾರೂಸ್ ಪಾಪ್ ಮಾಪ್‌ ಹುಯಿಗಯು” ಕರಿ ಬೋಲ್ಯೊ.
\p
\v 49 ಯೇಸುನ ಜೋ಼ಡ್ಮ ಖಾಣನ ಬೆಠುಥೂತೆ ಖ್ಹಾರು, “ಪಾಪ್ ಖ್ಹಾರುಬಿ ಮಾಪ್‌ ಕರಿನಾಖಿದ್ಯವಾನ ಆ ಕೋಣ್?” ಕರಿ ಇವ್ಣ-ಇವ್ಣಾಮಸ್ ಬೋಲಿಲಿದು.
\p
\v 50 ಕತೋಬಿ ಯೇಸುನೆ ಯೋ ತಯೇಡಾನ, “ತಾರಿ ವಿಶ್ವಾಸಸ್ ತುನ ಬಚಾ಼ಡ್ಯು; ಶಾಂತಿಥಿ ಜಾ಼” ಕರಿ ಬೋಲ್ಯೊ.
\c 8
\s ಯೇಸುನಿ ಸೇವೆ ಕರೀತೆ ತಯೇಡಾವ್‍ನಿ ಬಾರೇಮ
\p
\v 1 ಅನ ಬಾದ್‌ಮ ಯೇಸು ಖ್ಹಾರ ಖ್ಹಯೇರ್‌ಮ ಅಜು಼ ಗಾಮ್ಮಾಕರಿ ಫರ್ತೊಹುಯಿನ್, ದೇವ್ನಿ ರಾಜ್ಯನಿ ಅಛ್ಛಿ ಖಬರ್‌ನ ಬೋಲ್ತೊನಿಕ್‌ಳ್ಯೊ. ಭಾರ ಜ಼ಣ ಶಿಷ್ಯರ್‌ಬಿ ಇನಜೋ಼ಡೆ ಥಾ. 
\v 2 ಥೋಡಿ ತಯೇಡಾಬಿ ಇನಜೋ಼ಡೆ ಥಿ. ಆ ತಯೇಡಾವ್‍ನ ಯೇಸುಥಿ ರೋಗ್‌-ರಾಯೊ ಅಛ್ಛು಼ ಹುಯೂಥು ಅಜು಼ ಭೂತ್‌ ಖ್ಹಾರು ನಿಕ್ಳಿಗಯೂಥು. ಅವ್ಣಾಮ, ಖ್ಹಾತ್ ಭೂತ್ ನಿಕ್ಳಿಗಯುಥೂತೆ (ಮಗ್ದಲ ಗಾಮ್‌ನಿ) ಮರಿಯ, 
\v 3 ಹೆರೋದನು ಘರ್‌ಭಾರ್‌ನು ಇಶಾಬ್ ದೆವಾಳೊ ಹುಯಿರ‍್ಹೊಥೋತೆ ಕೂಜನಿ ಬಾಯ್ಕೊ ಯೋಹಾನ್ನ, ಸುಸನ್ನ ಅಜು಼ ಕೈಯೆಕ್ಕಿ ಬಿಜಿ ತಯೇಡಾಬಿ ಥಿ. ಅವ್ಣೆ ಇವ್ಣು ಶೊಂತ್ ಪೈಶಾಥಿ ಯೇಸುನಿ ಅಜು಼ ಇನ ಶಿಷ್ಯರ್‌ನಿ ಚಾ಼ಕ್ರಿ\f + \fr 8:3 \fr*\ft ಸೇವೆ ಕರ್ತಿಥಿಯೆ ಕರಿ ಮತ್‌ಲಬ್.\ft*\f* ಕರ್ತಿಥಿಯೆ.
\s ಪಂಡಾ ಛಿಡ್ಕಾವಾಳನಿ ಮತ್ಲಬ್‌ನಿ ಖೇಣಿ
\r (ಮತ್ತಾಯ 13:1-9; ಮಾರ್ಕ 4:1-9)
\p
\v 4 ಖ್ಹಯೇರೆ-ಖ್ಹಯೇರೇಥು ಕೈಯೆಕ್ಕಿ ಅದ್ಮಿಯೆ ಅವ್‌ಕರ್ತೂಥು; ಅಜು಼ ಅದ್ಮಿನಿ ಮೋಟಿ ಭೀಡ್ ಭರಾವಾದೀನ್‌, ಯೇಸುನೆ ಇವ್ಣುನ ಮತ್ಲಬ್‌ನಿ ಖೇಣಿಯೇಥಿ ಬೋಲ್ಯೊ.
\p
\v 5 ಏಕ್‌ ಜ಼ಣೊ ಪಂಡಾ ಛಿಡ್ಕಾನಖ್ಹಾಜೆ ಖೇತ್ರೆ ಗಯೊ, ಯೋ ಪಂಡಾ ಛಿಡ್ಕಾನಿ ವಖ್ಹತ್‌ಮ, ಥೋಡ ಪಂಡಾ ವಾಟ್ನ ಶೇಡೆ ಪಡೀನ್, ಖುಂದ್‌ಲೈಗು. ಆಬ್‍ಥು ಉಡಂತು ಜಿನಾವರ್ ಖ್ಹಾರು ಆಯಿನ್‌ ಇನ ಚ಼ರಿಲಿದು. 
\v 6 ಅಜು಼ ಥೋಡ ಪಂಡಾ ಬಂಡಾಪರ್‌ನಿ ಮಾಟಿಪರ್‌ ಪಡ್ಯು, ಯೋ ಫುಟಿನ್‌ ಮಾಟಿ ಭಿಗ್ಗಿಕೊಂತೆ ದೇಖಿನ್, ಖ್ಹುಕೈಗು. 
\v 7 ಅಜು಼ ಥೋಡ ಪಂಡಾ, ಕಾಟಾನ ಡಾಗ್‌ಮ ಪಡ್ಯು, ಆ ಕಾಟಾನು ಝಾ಼ಡಾ ಯೋ ಪಂಡಾವ್‍ನ ಜೋ಼ಡೆ ಫುಟಿನ್, ಶೋಶಿಯೇನ ದಾಬಿನಾಖ್ಯು. 
\v 8 ಬಿಜು಼ ಥೋಡ ಪಂಡಾ ಅಛ್ಛಿ ಜ಼ಮೀನ್‌ಪರ್‌ ಪಡೀನ್, ಫುಟಿನ್, ಏಕ್‌ ಪಂಡಾಪಿಟ್ ಖ್ಹೊ ಎತ್ರೆ ಪಂಡಾ ಮ್ಹೇಲ್ಯು”.
\p ಆ ಖ್ಹಾರಿ ವಾತೆ ಬೋಲಾನ ಬಾದ್‌ಮ, ಯೇಸುನೆ, “ಕಿನ-ಕಿನ ಖ್ಹಮ್‌ಜಾ಼ನ ಕಾನ್‌ ಛಾ಼ಕಿ ಇವ್ಣೆ ಖ್ಹಮ್‌ಜಾ಼ದೆ!” ಕರಿ ಬೋಲ್ಯೊ.
\s ಮತ್ಲಬ್‌ನಿ ಖೇಣಿಯೇನಿ ಉದ್ದೇಶ್
\r (ಮತ್ತಾಯ 13:10-17; ಮಾರ್ಕ 4:10-12)
\p
\v 9 ಯೇಸುನು ಶಿಷ್ಯರ್‌ ಇನ, “ಆ ಮತ್ಲಬ್‌ನಿ ಖೇಣಿನು ಮತ್‌ಲಬ್ ಶಾತ್‌” ಕರಿ ಪುಛಾ಼ಯು, 
\v 10 ಯೇಸುನೆ, “ದೇವ್ನಿ ರಾಜ್ಯನಿ ಖ್ಹಾಚ಼ನ ಮಾಲುಮ್ ಕರಿಲ್ಯವಾನಿ ಗ್ಯಾನ್ ತುಮೂನ ದೆವೈರ‍್ಹೂಸ್. ಕತೋಬಿ ಬಿಜಾ಼ಖ್ಹಾರ ಅದ್ಮಿನ ಡೋಳ ರ‍್ಹಯುತೋಬಿ ದೆಖಾವ್ಣುನಾತೆ, ಅಜು಼ ಕಾನ್‌ ರ‍್ಹಯುತೋಬಿ ಖ್ಹಮ್‌ಜಾ಼ವ್ಣುನಾತೆ ಇಮ್‌ ಮತ್ಲಬ್‌ನಿ ಖೇಣಿಯೇಥಿ ಬೋಲುಸ್” ಕರಿ ಜವಾಬ್‌ ದಿದೊ.
\s ಯೇಸುನೆ ಪಂಡಾ ಛಿಡ್ಕಾವಾಳನಿ ಮತ್ಲಬ್‌ನಿ ಖೇಣಿನ ಬೋಲಿವತಾಳ್ಯೋತೆ
\r (ಮತ್ತಾಯ 13:18-23; ಮಾರ್ಕ 4:13-20)
\p
\v 11 “ಆ ಮತ್ಲಬ್‌ನಿ ಖೇಣಿನು ಮತ್‌ಲಬ್ ಶಾತ್‌ಕತೊ, ಯೋ ಪಂಡು ಕತೊ ದೇವ್ನಿ ವಚನ್. 
\v 12 ಥೋಡು ಅದ್ಮಿ ವಚನ್ನ ಖ್ಹಮಜ಼್‌ತಾಸ್‌ನ ಶೈತಾನ್ ಆಯಿನ್, ಇವ್ಣೆ ನಂಬಿನ್, ಇವ್ಣ ರಕ್ಷಣೆ ನಾ ಮಳ್‌ಣು ಕರಿ, ಯೋ ವಚನ್ನ ಇವ್ಣ ಮನ್‌ಮಾಥು ಕಾಡಿನಾಖಿದೇಸ್. ಅವ್ಣೇಸ್ ವಾಟ್ನಶೇಡೆ ಪಡ್ಯಾತೆ ಪಂಡಾ ಹುಯಿರ‍್ಹೂಸ್. 
\v 13 ಥೋಡು ಅದ್ಮಿ ವಚನ್ನ ಖ್ಹಮಜ಼್‌ತಾಸ್‌ನ, ಖ್ಹುಶಿಥಿ ಇನ ಮಾನಿಲೇಸ್. ಅವ್ಣುನ ಜ಼ಡ್‌ಕೊಂತೆ ಇನಖ್ಹಾಜೆ ಜ಼ರಘಡಿಸ್ ಖಲಿ ನಂಬಸ್‍ ಶೋದನೆನ ಹಗಾಮ್ಮ ಪಡಿಜಾ಼ಸ್‌. ಅವ್ಣೇಸ್ ಬಂಡಾಪರ್ ಪಡ್ಯಾತೆ ಪಂಡಾ ಹುಯಿರ‍್ಹಾಸ್‌. 
\v 14 ಕಾಟಾನ ಝಿಕ್ರಾನು ಝ಼ಗೋಪರ್ ಪಡ್ಯಾತೆ ಪಂಡಾ ಕೆಹುಕತೊ, ಥೋಡು ಅದ್ಮಿ ದೇವ್ನಿ ವಚನ್ನ ಖ್ಹಮ್‌ಜಾ಼ಸ್‌, ಕತೋಬಿ ಆ ಜಿವ್ಣಾನಿ ಪಶ್ತಾವ್ಣಿ, ಧನ್‌-ದೌಲತ್‌ನಿ ಭೋಗ್‌ಮ ಡುಬಿಜೈನ್, ಇವ್ಣು ಫಲ್ ಕೋದೇಯ್ನಿ. 
\v 15 ಪಲ್‍ವಾಯಿಹುಯಿ ಜ಼ಮೀನ್‌ಪರ್‌ ಪಡ್ಯುಹುಯು ದಾಣೊ ಕತೊ ದೇವ್ನಿವಚನ್ನ ಖ್ಹಮ್‌ಜಿನ್‌, ಖ್ಹಾಚು಼ ಅಜು಼ ಅಛ಼್ಛ ಮನ್‌ಮ ಇನ ರಾಖಿನ್, ಇವ್ಣೆ ಖ್ಹಮಾಳಿನ್ ಫಲ್ ದೇಸ್.
\s ದಿವಾನಿ ಬಾರೇಮ
\r (ಮಾರ್ಕ 4:21-25)
\p
\v 16 ಕೆಹು ಅದ್ಮಿಬಿ ದೀವೊ ಲಗಾಡಿನ್\f + \fr 8:16 \fr*\ft ಖ್ಹಲ್‌ಗೈನ್ ಕರೀಬಿ ಬೋಲಾಸ್.\ft*\f*, ಹಂಡ್ಕಾನ ಹೇಟ್‌ ರ‍್ಹವೊ ನತರ್‌ಕಿ ಪಲಂಗ್‌ನ ಹೇಟ್ ರ‍್ಹವೊ ಲಪಾಡಿನ್ ಮ್ಹೇಲಾಕೊಯ್ನಿ. ಘರ್‌ಮ ಆವಾಳಾನ ಉಜಾ಼ಳು ದೆಖಾವಾನಿಘೋಣಿ, ದೀವೊ ಮ್ಹೇಲಾನಿ ಖಂಬಾಪರ್‌ ಮ್ಹೇಲಾಸ್.
\p
\v 17 ಖ್ಹಾರಿಸ್ ಖ್ಹಾಚಿ ಭಾರ್‌ ನಿಕಳ್‌ಶೆ, ಅಜು಼ ಲಪೈರ‍್ಹೂತೆ ಖ್ಹಾರಸ್ನ ಢೂಂಡಿನ್ ಭಾರ್‌ ಲ್ಯಾವ್‌ಶೆ.
\p
\v 18 ಇನಖ್ಹಾಜೇಸ್, ತುಮೆ ಖ್ಹಮ್‍ಜಾ಼ನಿ ವಖ್ಹತ್‌ಮ, ಹೊಷಾರ್‌ಥಿ ಖ್ಹಮ್‌ಜೊ಼; ಶನಕತೊ ಕಿನಾಕನ ಛಾ಼ಕಿ ಇವ್ಣುನ ಬಿಜೂ಼ಬಿ ದೆವಾವ್‌ಶೆ, ಕತೋಬಿ ಕಿನಾಕನ ಕೊಯ್ನಿಕಿ ಇವ್ಣಾಕಂಥು, ಯೋ ಇನುಕರಿ ಸೋಚಾಸ್ತೆ ಇನಾಬಿ ಛಿನೈಲಿಶೆ.
\s ಯೇಸುನಿ ಆಯ ಅಜು಼ ಇನ ಭೈಯೆ
\r (ಮತ್ತಾಯ 12:46-50; ಮಾರ್ಕ 3:31-35)
\p
\v 19 ತದೆ ಯೇಸುನಿ ಆಯಾಬಿ ಇನ ಭೈಯೇ ಯೋ ಥೋತೆ ಹಿಜ್ಜಾ಼ ಆಯಿನ್, ಅದ್ಮಿನಿ ಝೂ಼ಂಡ್‌ಥೀತೆ ಇನಖ್ಹಾಜೆ ಯೇಸುನ ಖನ್ನೆ ಆವಾನ ಕೋ ಹುಯೂನಿ. 
\v 20 ಹಿಜ್ಜಾ಼ ಥೂತೆ ಇವ್ಣಾಮ ಏಕ್‌ ಜ಼ಣಾನೆ ಯೇಸುನ, “ತಾರಿ ಆಯಾಬಿ ತಾರ ಭೈಯೇ ಅಯಿನ್ ತುನ ದೇಕ್ಣು ಕರಿ, ಭಾರ್‌ ಭಿಯ್ಯುಸ್” ಕರಿ ಬೋಲ್ಯು.
\p
\v 21 ತದೆ ಯೇಸುನೆ ಇವ್ಣ ಖ್ಹಾರಾನ, “ಕೋಣ್ ದೇವ್ನಿ ವಚನ್ನ ಖ್ಹಮ್‌ಜಿನ್‌, ಇನೀನಿಘೋಣಿ ಚಾ಼ಲಸ್ಕಿ ಇವ್ಣೆಸ್ ಮನ ಆಯಾಬಿ, ಭೈಯೇಬಿ ಹುಯಿರುಸ್‌” ಕರಿ ಜವಾಬ್‌ ದಿದೊ.
\s ಯೇಸುನೆ ದರ‍್ಯಾವ್‍ನ ಖ್ಹೊಪ್‌ ಕರ‍್ಯೊತೆ
\r (ಮತ್ತಾಯ 8:23-27; ಮಾರ್ಕ 4:35-41)
\p
\v 22 ಏಕ್‌ ದನ್ನೆ ಯೇಸು ಇನ ಶಿಷ್ಯರ್‌ನ ಜೋ಼ಡೆ, ಏಕ್‌ ಡೋಣ್‌ಮ ಚ಼ಢೀನ್ ಬೇಶಿಗಯೊ, ಅಜು಼ ಇವ್ಣುನ, “ಚಾ಼ಲೊ, ಅಪ್ಣೆ ದರ‍್ಯಾವ್‍ನಿ ಪಾರ್ಲಿ ಬಾಜೂ಼ನ ಜೈ಼ಯೆ” ಕರಿ ಬೋಲ್ಯೊ. ತದೆ ಇವ್ಣೆ ಡೋಣ್ಣಾ ಪಾಣಿಮ ಧಕೇಲಿನ್ ನಿಕ್‌ಳ್ಯು. 
\v 23 ಇವ್ಣೆ ಜ಼ವ್‍ಕರ್ತುಥೂತೆ ತದೆ ಯೇಸುನ ನಿಂದರ್‌ ಆಯಿನ್ ಖ್ಹುಯಿಗಯೊ. ಏಕ್‌ದಮ್ ಮೋಟೊ ವಹಿರೊ ವಾಗಿನ್, ಡೋಣ್‌ಮ ಪಾಣಿ ಭರಾವಲಗ್ಯೂಥು. ಅನೇಥಿ ಇವ್ಣೆ ಘಣಿ ಮುಶ್ಕಿಲ್‌ಮ ಪಡಿಗಯ. 
\v 24 ತದೆ ಶಿಷ್ಯರ್‌ ಖ್ಹಾರು ಯೇಸುಕನ ಐನ್, “ಗುರು, ಗುರು, ಹಮೆ ಮರ್‌ವಾನ ಆಯಾನಿ!” ಕರಿ ಬೋಲ್ಯ.
\p ತದೆ ಯೇಸುನೆ ಉಠೀನ್ ವಹಿರನಾಬಿ, ಪಾಣಿನು ಝೋ಼ಕಾಳ್ಯನಾಬಿ ಗುರ್‌ಕಾಯೊ. ಗುರ್‌ಕಾವಖ್ಹತರ್ ಯೋ ಭೀರಿಗಯು ಅಜು಼ ಖ್ಹೊಪೊ ಹುಯಿಗಯು. 
\v 25 ಬಾದ್‌ಮ ಯೇಸುನೆ ಇನ ಶಿಷ್ಯರ್‌ನ, “ತುಮಾರಿ ವಿಶ್ವಾಸ್‌ ಕಿಜ಼್ಜಾ ಗೈ?” ಕರಿ ಪುಛಾ಼ಯೊ.
\p ಕತೋಬಿ ಇವ್ಣೆ ಆಶ್ಚರ್ಯಖಾದು ಅಜು಼ ಡರಿಗಯು, ಅಜು಼ ಬೋಲ್ಯೂಕಿ, “ಆ ಅದ್ಮಿ ಕೋಣ್ ಉಶೆ? ವಹಿರನಾಬಿ, ಝೋ಼ಕಾಳ್ಯನಾಬಿ ಹುಕುಮ್‌ ದೇಸ್‌ನಿ; ಯೋಅಖ್ಖುಬಿ ಆ ಬೋಲಾತೆ ಇಮ್‌ ಖ್ಹಮ್‌ಜಾ಼ಸ್‌ನಿ!” ಕರಿ ಏಕ್‌ಥಿ-ಏಕ್‌ ಬೋಲಿಲಿದು
\s ಯೇಸುನೆ ಭೂತ್‌ಖ್ಹಾರು ಧರಿರಾಖ್ಯುಥೂತೆ ಏಕ್‌ ಅದ್ಮಿನ ಅಛ್ಛು಼ ಕರ‍್ಯೊತೆ
\r (ಮತ್ತಾಯ 8:28-34; ಮಾರ್ಕ 5:1-20)
\p
\v 26 ಯೇಸು ಅಜು಼ ಇನು ಶಿಷ್ಯರ್‌ ಗಲಿಲಾಯಥು ಗೆರಸೇನವಾಳನು ತಬರ್‌ಖಾನ ಆಯಿನ್ ಪೋಚ್ಯಾ. 
\v 27 ಯೇಸು ಕನಾರಿಪರ್ ಉತರ್‌ತಸ್ನ, ಯೋ ಗಾಮ್‌ನು ಏಕ್‌ ಜ಼ಣೊ ಇನಖ್ಹಾಮ್ಣೆ ಆಯು, ಇನ ಭೂತ್‌ ಖ್ಹಾರು ಧರಿರಾಖ್ಯುಥು. ಆ ಕೈಯೆಕ್ಕಿ ದನ್‌ಥು ಲುಂಗ್ಡುಸ್ ಫೇರ‍್ಯುಥು ಕೊಯ್ನಿ ಅಜು಼ ಘರ್‌ಮಾಬಿ ರ‍್ಹೇತೂಥು ಕೊಯ್ನಿ. ಮಖ್ಹಾಣ್ಯನಿ ಘವಿಯೆಮಾಸ್ ರ‍್ಹೇತೂಥು. 
\v 28 ಇನೆ ಯೇಸುನ ದೇಖಿನ್ ಬಳೇಳಿನ್‌, ಇನಖ್ಹಾಮ್ಣೆ ಪಡೀನ್, ಚೋ಼ರ್ ಆವಾಜ಼್‌ಥಿ, “ಪರಮಂಡಲ್‌ನೊ ದೇವ್ನ ಛಿಯ್ಯಾ, ಯೇಸು! ಮಾರೇಥಿ ತುನ ಶಾತ್‌ ಛಾ಼? ಮನ ಖ್ಹತೈಶ್‌ ನಕೊ ಕರಿ ತುನ ಗಿಂಗಾವುಸ್” ಕರಿ ಬೋಲಿಲಿದೊ. 
\v 29 ಶನಕತೊ, “ಆ ಅದ್ಮಿನ ಮ್ಹೆಂದಿನ್ ಜಾ಼!” ಕರಿ ಯೇಸುನೆ ಯೋ ಭೂತ್‌ನ ಹುಕುಮ್‌ ದಿದೋಥೊ. ಘಣಿ ಹಲ್ಲ ಯೋ ಭೂತ್‌ ಇನ ಧರ್ತುಥು, ಎತ್ರೇಸ್ ಕಾಹೆತೆ ಯೋ ಅದ್ಮಿನ ಕೋಂಡಿಘಾಲಿನ್, ಹಾತ್-ಗೋಡಾನ ಖ್ಹಂಕಳ್‌ಥಿ ಭಾಂದ್ಯುತೋಬಿ, ಯೋ ಖ್ಹಂಕ್‌ಳಿನ ತೋಡಿ ನಾಕ್ತೋಥೊ ಅಜು಼ ಯೋ ಭೂತ್ ಇನ ಉಜ್ಜಾ಼ಡಿ ಝ಼ಗೋಮ ನಖ್ಹಾಡ್‌ತೂಥು.
\p
\v 30 ಯೇಸುನೆ ಇನ, “ತಾರು ನಾಮ್ ಶಾತ್?” ಕರಿ ಪುಛಾ಼ವಖ್ಹತರ್,
\p ಇನೆ, “ಮಾರು ನಾಮ್ ಝೂ಼ಂಡ್‌” ಕರಿ ಜವಾಬ್‌ ದಿದೊ. ಶನಕತೊ ಇನ ಘಣು ಭೂತ್ ಧರಿರಾಖ್ಯುಥು. 
\v 31 ಯೋ ಭೂತ್‌ಖ್ಹಾರು ಯೇಸುನ, “ಹಮೂನ ಅಂತಸ್‌ಕೊಂತೆ ಪಾತಾಳ್ಮ\f + \fr 8:31 \fr*\ft ತಪಾಳ್‌ ಕರೀಬಿ ಬೋಲಾಸ್ \ft*\f* ನಕೊ ನಖ್ಹಾಡ್” ಕರಿ ಗಿಂಗೈಲಿದು.
\p
\v 32 ಹಿಜ್ಜಾ಼ ಖನ್ನೆಸ್‌ ಥೂತೆ ಪಹಾಡ್‌ಪರ್ ಡೂಕರ್‌ನಿ ಏಕ್‌ ಮೋಟಿ ಝೂ಼ಂಡ್‌ ಚ಼ರೂಕರ್‌ತೂಥು. ತದೆ ಯೋ ಭೂತ್ ಖ್ಹಾರು, “ಯೋ ಖ್ಹಾರ ಡೂಕರ್‌ಮ ಪೇಖ್ಹಾನ ಹಮೂನ ಹುಕುಮ್ ದೇ” ಕರಿ ಯೇಸುನ ಗಿಂಗೈಲಿದು. ಯೇಸುನೆ ಇಮ್ಮಸ್ ಹುವಾದೆ ಕರಿ ಬೋಲಾಖ್ಹತರ್, 
\v 33 ಭೂತ್‌ಖ್ಹಾರು ಯೋ ಅದ್ಮಿನ ಮಹಿತು ಭಾರ್ ಆಯಿನ್, ಡೂಕರ್‌ಮ ಪೇಶಿಗಯು. ತದೆ ಯೋ ಡೂಕರ್‌ನಿ ಝೂ಼ಂಡ್‌ ನಾಶಿನ್, ಕಥಾರ್‌ನಿ ಝ಼ಗೋಥು, ದರ‍್ಯಾವ್‌ಮ ಪಡೀನ್, ದಮ್‌ ಘೋಟೈನ್‌ ಮರಿಗಯು.
\p
\v 34 ಡೂಕರ್‌ ಚ಼ರಾವವಾಳು ಚಾ಼ಲ್ಯುತೆ ಇನ ದೇಖಿನ್, ನಾಶಿಜೈ಼ನ್, ಯೋ ಗಾಮ್ಮಾಬಿ ಅಜು಼ ಅಶ್‌ಪಿಶ್‌ನು ಖೇತರ್‌ಮಾನು ಅದ್ಮಿನ ಚಾ಼ಲ್ಯುತೆ ಇನಿ ಬಾರೇಮ ಬೋಲ್ಯು. 
\v 35 ತದೆ ಯೋ ಅದ್ಮಿಖ್ಹಾರು ಚಾ಼ಲ್ಯುತೆ ಇನ ದೇಖಾನಖ್ಹಾಜೆ ಯೇಸು ಥೋತೆ ಹಿಜ್ಜಾ಼ ಆಯು. ತದೆ ಭೂತ್‌ಖ್ಹಾರು ನಿಕ್ಳಿಗಯುಥೂತೆ ಯೋ ಅದ್ಮಿ ಲುಂಗ್ಡಾವ್‍ನ ಪೇರ‍್ಹಿಲಿನ್‌, ಅಛ್ಛಿ ಖ್ಹಯಾಲ್‌ಥಿ, ಯೇಸುನ ಗೋಡಾಕನ ಬೆಠುಥೂತೆ ದೇಖಿನ್, ಇವ್ಣೆ ಖ್ಹಾರು ಡರಿಗಯು. 
\v 36 ಚಾ಼ಲ್ಯುತೆ ಯೋ ಖ್ಹಾರಾನ ದೇಖ್ಯೂತೆ ಇವ್ಣೆ, ಯೋ ಭೂತ್ ಧರಿರಾಖ್ಯುಥೂತೆ ಇನ ಕಿಮ್ ಅಛ್ಛು಼ಹುಯು ಕರಿ ಯೋ ಖ್ಹಾರ ಅದ್ಮಿನ ಬೋಲಿವತಾಳ್ಯು. 
\v 37 ಗೆರಸೇನವಾಳನು ತಬರ್‌ಖಾನು ಖ್ಹಾರಾನ ಘಣು ಡರ್‌ಲಾಗ್ಯೂತೆ ಇನಖ್ಹಾಜೆ, ಇವ್ಣೆ ಯೇಸುನ, “ತೂ ಹಮೂನ ಮ್ಹೆಂದಿನ್ ಜಾ಼” ಕರಿ ಬೋಲಿಲಿದು. ಇನಖ್ಹಾಜೆ ಯೇಸು ಡೋಣ್ಣಾ ಚ಼ಢೀನ್‌, ಪಾಛು಼ ಫರಿ ಚ಼ಲೆಗಯೊ. 
\v 38 ಯೇಸು ಜಾ಼ವಾನಿ ವಖ್ಹತ್‌ಮ, ಭೂತ್‌ಖ್ಹಾರು ನಿಕ್ಳಿಗಯೂತೆ ಯೋ ಅದ್ಮಿ ಯೇಸುನ, “ಮೇಬಿ, ತಾರ ಕೇಡೆಸ್ ರ‍್ಹವುಸ್‌” ಕರಿ ಯೇಸುನ ಗಿಂಗೈಲಿದೊ.
\p
\v 39 ಕತೋಬಿ ಯೇಸುನೆ ಇನ, “ತೂ ಪಾಛೊ಼ ತಾರ ಘರೆ ಜಾ಼ ಅಜು಼ ದೇವ್ನೆ ತಾರಖ್ಹಾಜೆ ಶಶ್ಶಾತ್ ಕರ‍್ಯೊ ಕರಿ ಬೋಲ್” ಕರಿ ಬೋಲಿನ್ ಮೋಕ್ಲಿದಿದೊ.
\p ಯೋ ಅದ್ಮಿ ಹಿಜ್ಜಾ಼ಥು ಚ಼ಲ್ಯೂಜೈ಼ನ್, ಯೇಸುನೆ ಇನ ಶಶ್ಶಾತ್ ಕರ‍್ಯೊ ಕರಿ ಯೋ ಗಾಮ್ಮಾಕರಿ ಬೋಲ್ತುನಿಕ್‌ಳ್ಯು
\s ಯಾಯಿರನಿ ಛೋ಼ರಿ ಅಜು಼ ಯೇಸುನ ಝ಼ಗ್ಗಾನ ಛೀಮೀತೆ ತಯೇಡ
\r (ಮತ್ತಾಯ 9:18-26; ಮಾರ್ಕ 5:21-43)
\p
\v 40 ಯೇಸು ಪಾಛೊ಼ಫರಿ ಆವಾದಿನ್ ಅದ್ಮಿಖ್ಹಾರು ಇನ ಬುಲೈಲಿದು,\f + \fr 8:40 \fr*\ft ಸ್ವಾಗತ್ ಕರ‍್ಯು ಕರಿ ಮತ್‌ಲಬ್ \ft*\f* ಶನಕತೊ ಇವ್ಣೆ ಖ್ಹಾರು ಯೇಸುನಖ್ಹಾಜೆ ಜ಼ಪಿರ‍್ಹೂಥು. 
\v 41 ತದೆ ಸಬಾಮಂದಿರ್‌ನೊ ಅದಿಕಾರಿ ಹುಯಿರ‍್ಹೊಥೋತೆ ಯಾಯಿರ ಕರಿ ನಾಮ್ನೊ ಏಕ್‌ ಜ಼ಣಾನೆ ಹಿಜ್ಜಾ಼ ಆಯಿನ್, ಯೇಸುನ ಗೋಡಾಪರ್ ಪಡೀನ್, ಇನ ಘರೆ ಆವ್ಣುಕರಿ ಯೇಸುನ ಗಿಂಗೈಲಿದೊ. 
\v 42 ಶನಕತೊ, ಭಾರ ವರಖ್ಹ್‌ನಿ ಹುಯಿರ‍್ಹಿಥೀತೆ, ಇನಿ ಏಕ್‌ನಿ-ಏಕ್‌ ಛೋ಼ರಿ, ಮರಾನಿ ಹಾಲ್‌ಮ ಥಿ.
\p ಯೇಸು ಯಾಯಿರನ ಘರೆ ವಳ್ಯೊಜಾ಼ತೊಥೋತೆ ತದೆ, ಅದ್ಮಿನಿ ಭೀಡ್ ಇನ ಅಶ್‌ಪಿಶ್‍ ಭರೈನ್ ಆಯು. 
\v 43 ಯೋ ಭೀಡ್‌ಮ ಭಾರ ವರಖ್ಹ್‌ಥು, ಮುಟ್ನು ರೋಗ್‌ಥೀತೆ ಏಕ್‌ ತಯೇಡ ಥಿ. ಯೋ ಇನಾಕನ ಥೂತೆಖ್ಹಾರುಸ್ ಖರ್ಚಿ ಕರಿತೋಬಿ, ಕೋಣ್‌ಬಿ ಇನ ಅಛ್ಛು಼ ಕೊಕರ‍್ಯುನಿ. 
\v 44 ತದೆ ಯೋ ತಯೇಡ ಝೂ಼ಂಡ್‌ಮ ಯೇಸುನ ಪೀಠೇಥು ಐನ್, ಇನ ಲುಂಗ್ಡಾನ ಕನಾರೀನ ಛೀಮಿ. ಛೀಮ್‌ತಾಸ್ನ ಇನ ಲ್ಹೋಯಿ ಝ಼ರಾನು ಭೀರಿಗಯು. 
\v 45 ತದೆ ಯೇಸುನೆ, “ಮನ ಛೀಮ್ಯೂತೆ ಕೋಣ್?” ಕರಿ ಪುಛಾ಼ಯೊ.
\p ತಮಾಮ್‌ ಅದ್ಮಿನೆ ‘ಮೇ ಕಾಹೆ, ಮೇ ಕಾಹೆ’ ಕರಿ ಬೋಲ್ತಾನ, ಪೇತ್ರನೆ ಯೇಸುನ, “ಗುರು, ಅದ್ಮಿನಿ ಭೀಡ್ ತಾರ ಅಶ್‌ಪಿಶ್‍ ಭರೈನ್, ತಾರಪರ್ ಪಡುಕರಾಸ್‌ನಿ”\f + \fr 8:45 \fr*\ft ಕತೊ, ತುನ ಛೀಮುಕರಾಸ್‌ನಿ ನತರ್‌ಕಿ ತುನ ಧಕ್ಕೊ ದೆವ್‍ಕರಾಸ್‌ನಿ ಕರೀಬಿ ಹುವಾಸ್\ft*\f* ಕರಿ ಬೋಲ್ಯೊ
\p
\v 46 ತೋಬಿ ಯೇಸುನೆ, “ಕೋಣ್‌ಕಿ ಏಕ್‌ ಜ಼ಣು ಮನ ಛೀಮ್ಯು. ಮಾರೇಥಿ ಶಕತ್ ಗೈತೆ ಮನ ಮಾಲುಮ್‌ಪಡ್ಯು” ಕರಿ ಬೋಲಾಖ್ಹತರ್, 
\v 47 ಯೋ ತಯೇಡ ಅಜು಼ ಮೇ ಲಪಿರ‍್ಹಾವಾನ ಉಶೆಕೊಯ್ನಿ ಕರಿ ಮಾಲುಮ್‌ ಕರಿಲೀನ್, ಕಾಪ್ತಿಹುಯಿನ್‌ ಐನ್ ಯೇಸುನ ಗೋಡಾಪರ್ ಪಡೀನ್, ಇನೆ ಶನಖ್ಹಾಜೆ ಛೀಮೀತೆ ಕರಿ ಅಖ್ಖಾನ ಖ್ಹಾಮೆ ಬೋಲಿ. ಎತ್ರೇಸ್ ಕಾಹೆತೆ ಛೀಮ್‌ತಾಸ್‌ನ ಇನ ಅಛ್ಛು಼ ಹುಯಿಗಯು ಕರಿ ಬೋಲಿ. 
\v 48 ತದೆ ಯೇಸುನೆ ಇನ, “ಛೋ಼ರಿ, ತಾರಿ ವಿಶ್ವಾಸ್‌ಥೀಸ್‌ ತುನ ಅಛ್ಛು಼ಹುಯು. ಶಾಂತಿಥಿ ಜಾ಼” ಕರಿ ಬೋಲ್ಯೊ.
\p
\v 49 ಯೇಸು ಆ ವಾತೆ ಬೋಲುಕರಾನಿ ವಖ್ಹತ್‌ಮ, ಸಬೆ ಭರಾವಾನು ಮಂದಿರ್‌ನು ಅದಿಕಾರಿ ಭಣಿವಾಳು ಏಕ್‌ ಜ಼ಣು ಐನ್ ಯಾಯಿರನ, “ತಾರಿ ಛೋ಼ರಿ ಮರಿಗೈ, ಅಜು಼ ಗುರುನ ಖ್ಹತಾವ್ ನಕೊ” ಕರಿ ಬೋಲ್ಯು.
\p
\v 50 ಕತೋಬಿ ಯೇಸುನೆ ಅನ ಖ್ಹಮ್‌ಜಿನ್‌, ಯಾಯಿರನ, “ಡರ್‌ನಕೊ, ಖಲಿ ವಿಶ್ವಾಸ್ ರ‍್ಹವಾದೆ, ಇನ ಅಛ್ಛು಼ ಉಶೆ” ಕರಿ ಬೋಲ್ಯೊ.
\p
\v 51 ಯೇಸು ಯೋ ಘರ್‌ಕನ ಆವಾದಿನ್ ಪೇತ್ರ, ಯೋಹಾನ, ಯಾಕೋಬ್ ಅಜು಼ ಯೋ ಛೋ಼ಕ್ರಿನ ಆಯ-ಬಾ ಇವ್ಣುನ ಮ್ಹೆಂದಿನ್, ಕಿನಾಬಿ ಇನಾಕೇಡೆ ಮಹಿ ಕೊ ಆವಾದಿದೋನಿ. 
\v 52 ಹಿಜ್ಜಾ಼ ಥೂತೆ ತಮಾಮ್‌ ಅದ್ಮಿ ಯೋ ಛೋ಼ಕ್ರಿನಖ್ಹಾಜೆ ರೊವ್‌ತುಹುಯಿನ್, ಛಾ಼ತಿ ಕೂಟುಕರ್ತೂಥೂ. ಅನ ದೇಖಿನ್ ಯೇಸುನೆ, “ನಕೊ ರೋವೊ, ಛೋ಼ಕ್ರಿ ಮರಿಕೊಯ್ನಿ, ಖ್ಹುತೀಸ್!” ಕರಿ ಬೋಲ್ಯೊ.
\p
\v 53 ಛೋ಼ಕ್ರಿ ಮರಿಗೈ ಕರಿ ಇವ್ಣುನ ಮಾಲುಮ್‍ಥೂತೆ ಇನಖ್ಹಾಜೆ, ಇವ್ಣೆ ಖ್ಹಾರೂಸ್ ಯೇಸುನ ದೇಖಿನ್ ಹಾಶ್ಯು. 
\v 54 ಕತೋಬಿ ಯೇಸುನೆ ಯೋ ಛೋ಼ಕ್ರಿನೊ ಹಾತ್‌ ಧರೀನ್, “ಪಪ್ಪಾ, ಉಪ್ಪರ್ ಉಟ್!” ಕರಿ ಬೋಲ್ಯೊ. 
\v 55 ತದ್‌ನು-ತದ್ದೇಸ್ ಇನ ಜಾನ್‌ಆಯು. ಯೋ ಉಠೀನ್ ಭೀರಿಗೈ. ತದೆ ಯೇಸುನೆ ಇವ್ಣುನ, “ಅನ ಖಾವಾನ ಶಾತ್‌ತೋಬಿ ದೆವೊ” ಕರಿ ಬೋಲ್ಯೊ. 
\v 56 ಯೋ ಛೋ಼ಕ್ರಿನ ಆಯ-ಬಾನೆ ಆಶ್ಚರ್ಯಖಾದು, ಕತೋಬಿ ಯೇಸುನೆ ಅನಿ ಬಾರೇಮ ಕಿನಾಬಿ ನಾ ಬೋಲ್‌ನು ಕರಿ ಇವ್ಣುನ ಹುಕುಮ್ ದಿದೊ
\c 9
\s ಯೇಸುನೆ ಭಾರ ಶಿಷ್ಯರ್‌ನ ಬೋಲಿ ಮೋಕ್‌ಲ್ಯೊತೆ
\r (ಮತ್ತಾಯ 10:5-15; ಮಾರ್ಕ 6:7-13)
\p
\v 1 ಯೇಸುನೆ ಭಾರ ಜ಼ಣ ಅಪೊಸ್ತಲರ‍್ನ ಏಕ್‌ದಮ್ ಬುಲೈನ್, ಇವ್ಣುನ ಭೂತ್‌ಖ್ಹಾರು ಕಾಡಾನ ಅಜು಼ ರೋಗ್-ರಾಯೊ ಅಛ್ಛು಼ಕರಾನ ಶಕತ್‍ ಅಜು಼ ಅದಿಕಾರ್\f + \fr 9:1 \fr*\ft ಹಕ್‌ ಕರೀಬಿ ಬೋಲೆಜಾ಼ಯ್ \ft*\f* ದಿದೊ. 
\v 2 ಅಜು಼ ದೇವ್ನಿ ರಾಜ್ಯನಿ ಬಾರೇಮ ಬೋಲಿವತಾಳಾನ ಅಜು಼ ರೋಗಿನ ಅಛ್ಛು಼ ಕರಾನ ಇವ್ಣುನ ಮೋಕ್‌ಲ್ಯೊ. 
\v 3 ಮೋಕ್ಲಾನಿ ವಖ್ಹತ್‌ಮ ಇವ್ಣುನ, “ಜಾ಼ವಾನಿ ವಖ್ಹತ್‌ಮ ತುಮೆ ಶಾತ್ಬಿ ನಕೊ ಲೀಜಾ಼ವೊ: ಲಠ್ಠೊ ರ‍್ಹವೊ, ಝೋ಼ಳಿ\f + \fr 9:3 \fr*\ft ಮಾಂಗಾನೊ ಬಟ್‌ವೊ ಕರಿ ಮತ್‌ಲಬ್ \ft*\f* ರ‍್ಹವೊ, ಖಾಣಾನು ಬುತ್ತು ಅಜು಼ ಪೈಶಾ ರ‍್ಹವೊ ನಕೊ; ಬಿಜೇಕ್ ಕುಡ್‌ತು ಜಿನ್‌ಕುಬಿ ನಕೊ. 
\v 4 ತುಮೂನ ಖೆವ ಘರ್‌ಮ ಬುಲೈಲೇಸ್ಕಿ, ಯೋ ಗಾಮ್‍ ಮ್ಹೇಲಿನ್ ಜಾ಼ವಾಲಗೂಬಿ ಯೋಸ್ ಘರ್‌ಮ ರ‍್ಹವಾಕರೊ. 
\v 5 ಅಜು಼ ಖೆವ ಗಾಮ್ಮತೋಬಿ ತುಮೂನ ನಾ ಬುಲೈಲಿದುತೊ, ಯೋ ಗಾಮ್‌ನ ಮ್ಹೆಂದಿನ್ ಜಾ಼ವೊ ಅಜು಼ ತುಮಾರ ಗೋಡಾನ ಲಾಗಾತೆ ಧೂಳ್‌ನ ಝ಼ಟ್‌ಕಿ ದೆವೊ. ಯೋ ಇವ್ಣುನ ಝೇತಾವನು ಸಾಕ್ಷಿ ಹುಯಿರ‍್ಹಿಶೆ.
\p
\v 6 ತದೆ ಶಿಷ್ಯರ್‌ಖ್ಹಾರು ಹಿಜ್ಜಾ಼ಥು ನಿಕ್ಳಿನ್, ಏಕ್‌ ಗಾಮ್‌ಥು ಬಿಜೇಕ್ ಗಾಮ್‍ ಜಾ಼ತುಹುಯಿನ್, ಹರೇಕ್‍ಆಡಿ ದೇವ್ನಿ ಸುವಾರ್ತೆನ ಬೋಲ್ತುಹುಯಿನ್, ರೋಗ್‌ಮ ರ‍್ಹಾವಾಳನ ಅಛ್ಛು಼ಕರ‍್ಯು
\s ಹೆರೋದನ ಗುಮಾನಿ ಹುಯೂತೆ
\r (ಮತ್ತಾಯ 14:1-12; ಮಾರ್ಕ 6:14-29)
\p
\v 7 ಗಲಿಲಾಯ ತಬರ್‌ಖಾಮ ಅದಿಕಾರ್ ಚ಼ಲಾವವಾಳೊ ಹೆರೋದನೆ, ಚಾ಼ಲುಕರಾತೆ ಆ ಖ್ಹಾರಾನಿ ಬಾರೇಮ ಖ್ಹಮ್‌ಜಿನ್‌, ಇನ ಘಣು ಕಲಾವ್ಣಿ ಹುಯು. ಶನಕತೊ ಬ್ಯಾಪ್ತಿಸ್ಮದ್ಯವಾಳೊ ಯೋಹಾನ ಪಾಛೊ಼ ಜಿವ್ತೊಹುಯಿನ್ ಐರ‍್ಹೋಸ್ ಕರಿ ಥೋಡು ಅದ್ಮಿ ಬೋಲುಕರ್ತೂಥು. 
\v 8 ಅಜು಼ ಥೋಡು ಜ಼ಣು ಎಲೀಯ ಅಪ್ಣ ಇಚ಼್‌ಮ ಐರ‍್ಹೋಸ್ ಕರಿ, ಬಿಜು಼ ಥೋಡು ಜ಼ಣು ಜೂ಼ನ ಹಗಾಮ್‍ನೊ ಪ್ರವಾದೀಮ ಏಕ್‌ ಜ಼ಣೊ ಜಿವ್ತೊಹುಯಿನ್ ಉಠಿ ಐರ‍್ಹೋಸ್ ಕರಿ ಬೋಲಿಲೆವ್‍ಕರ್ತೂಥು. 
\v 9 ಕತೋಬಿ ಹೆರೋದನೆ, “ಯೋಹಾನನು ಮುಡ್‌ಕ್ಯು ಕತ್ರಾಯೊತೆ; ಕತೋಬಿ ಆ ಕೋಣ್? ಅನಿ ಬಾರೇಮ ಅತ್ರುಖ್ಹಾರು ಮೇ ಖ್ಹಮ್‌ಜು಼ಸ್‌ನಿ?” ಕರಿ ಬೋಲಿನ್ ಯೇಸುನ ದೇಕ್ಣು ಕರಿ ಕರುಕರ್ತೊಥೊ
\s ಯೇಸುನೆ ಪಾಚ಼್ ಹಜಾ಼ರ್ ಅದ್ಮಿನ ಖಡಾಯೋತೆ
\r (ಮತ್ತಾಯ 14:13-21; ಮಾರ್ಕ 6:30-44; ಯೋಹಾನ 6:1-14)
\p
\v 10 ಅಪೊಸ್ತಲರ್ ಖ್ಹಾರು ಪಾಛು಼ಫರಿ ಐನ್, ಇವ್ಣೆ ಕರ‍್ಯುತೆ ಅಖ್ಖಾನ ಯೇಸುನ ಖ್ಹಾಮ್ಣೆ ಬೋಲ್ಯು. ತದೆ ಯೇಸುನೆ ಇವ್ಣುನ ಅಲಕ್ ಕಾಡಿಲೀನ್, ಇನಜೋ಼ಡೆ ಬೆತ್ಸಾಯಿದ ಕರಿ ಗಾಮ್‌ನ ಬುಲೈಲಿ ಗಯೊ. 
\v 11 ಅದ್ಮಿನಿ ಭೀಡ್ ಅನ ಖ್ಹಮ್‌ಜಿನ್‌, ಯೇಸುನ ಪೀಠೆ ಗಯು ಯೇಸುನೆ ಇವ್ಣುನ ಬುಲೈಲಿನ್,\f + \fr 9:11 \fr*\ft ಸ್ವಾಗತ್ ಕರೀನ್ ಕರೀಬಿ ಹುವಾಸ್ \ft*\f* ಇವ್ಣುನ ದೇವ್ನಿ ರಾಜ್ಯನಿ ಬಾರೇಮ ಬೋಲ್ಯೊ. ಅಜು಼ ಕಿನ-ಕಿನ ರೋಗ್‌ಥಿ ಅಛ್ಛು಼ ಹೋಣುಥೂಕಿ ಇವ್ಣುನ ಅಛ್ಛು಼ ಕರ‍್ಯೊ.
\p
\v 12 ದನ್ ಡುಬಾಲಗ್ಯೋಥೊ, ತದೆ ಯೋ ಭಾರ ಜ಼ಣ ಶಿಷ್ಯರ್‌ ಯೇಸುಕನ ಐನ್, “ಆ ಅದ್ಮಿನಿ ಝೂ಼ಂಡ್‌ನ ಮೋಕ್ಲಿದೆ, ಅವ್ಣೆ ಅಶ್‌ಪಿಶ್‌ ಛಾ಼ತೆ ಖ್ಹಾರ ಗಾಂಬ್‌ಡಿಮ\f + \fr 9:12 \fr*\ft ಗಾಮ್‍ಗೋಂಡೀಮ ಕರೀಬಿ ಬೋಲಾಸ್ \ft*\f* ಜೈ಼ನ್, ಖಾವಾನ ಖಾಣು, ಖ್ಹುವ್ವಾನ ಝ಼ಗೋನ ಢೂಂಡಿಲ್ಯವಾದೆ. ಶನಕತೊ ಆ ಉಜ್ಜಾ಼ಡಿ ಝ಼ಗೊ” ಕರಿ ಬೋಲ್ಯ.
\p
\v 13 ತದೆ ಯೇಸುನೆ, “ತುಮೇಸ್ ಅವ್ಣುನ ಖಾಣು ದೆವೊ” ಕರಿ ಇವ್ಣುನ ಬೋಲ್ಯೊ.
\p ತದೆ ಇವ್ಣೆ, “ಹಮಾರಕನ ಪಾಚ಼್ ರೋಟಾ ಅಜು಼ ಬೇ ಮಾಛ಼್‌ಲಾ ಮ್ಹೆಂದಿನ್, ಶಾತ್ಬಿ ಕೊಯ್ನಿ. ಹಮೆ ಜೈ಼ನ್ ಆ ಖ್ಹಾರ ಅದ್ಮಿನಖ್ಹಾಜೆ ಖಾಣು ಮೋಲ್‌ಲೀನ್ ಆವ್ಣುಕಿ ಶು?” ಕರಿ ಪುಛಾ಼ಯ. 
\v 14 ಹಿಜ್ಜಾ಼ ಪರ್ಖ್ಹಾ ಅದ್ಮಿಸ್‌ ಪಾಚ಼್ ಹಜಾ಼ರ್‌ಜ಼ಣು ಥೂ.
\p ತದೆ ಯೇಸುನೆ ಇನ ಶಿಷ್ಯರ್‌ನ, “ಅದ್ಮಿನ ಖ್ಹಾರು ಏಕೇಕ್‌ ಶಾಲ್‌ಮ ಅಡೈವಿಖ್ಹ್‌-ಅಡೈವಿಖ್ಹ್‌ ಅದ್ಮಿ ಕರೀನ್ ಹೇಟ್ ಬೆಖ್ಹಾಡೊ” ಕರಿ ಬೋಲ್ತಾನ, 
\v 15 ಇವ್ಣೆ ಇಮ್ಮಸ್ ಬೆಖ್ಹಾಡ್ಯ. 
\v 16 ಬಾದ್‌ಮ ಯೇಸುನೆ ಯೋ ಪಾಚ಼್ ರೋಟಾ ಅಜು಼ ಬೇ ಮಾಛ಼್‌ಲಾನ ಪಾಡಿಲೀನ್, ಪರಲೋಕ್‌ ಭಣಿ ದೇಖಿನ್, ಯೋ ರೋಟಾ ಅಜು಼ ಮಾಛ್ಲಾ಼ವ್‍ನಟೇಕೆ ದೇವ್ನ ಧನ್ಯವಾದ್ ಕರೀನ್, ಇನ ತೋಡಿನ್, ಅದ್ಮಿ ಖ್ಹಾರಾವ್‌ನ ವಾಟ ಪಡಾನಟೇಕೆ ಶಿಷ್ಯರ್‌ನ ಹಾತ್‌ಮ ದಿದೊ. 
\v 17 ಅದ್ಮಿಖ್ಹಾರು ಪೇಟ್‌ಭರಿ ಖೈನ್, ಬಶ್‌ಹುಯು\f + \fr 9:17 \fr*\ft ಹಕ್ಲಾಲ್ ಹುಯು ಕರೀಬಿ ಬೋಲಾಸ್ \ft*\f* ಅಜು಼ ಶಿಷ್ಯರ್‌ನೆ ಉಭ್‌ರ‍್ಯುತೆ ಟುಕ್ಡಾವ್‍ನ ಜ಼ಮಾಕರ್ತಖ್ಹತರ್‌ ಭಾರ ಟೋಕ್ರಾ ಭರಾಯ.
\s1 ಪೇತ್ರನಿ ವಿಶ್ವಾಸ್
\r (ಮತ್ತಾಯ 16:13-19; ಮಾರ್ಕ 8:27-29)
\p
\v 18 ಏಕ್‌ ದನ್ನೆ ಯೇಸು ಎಕ್ಲೋಸ್ ಪ್ರಾರ್ಥನೆ ಕರುಕರಾನಿ ವಖ್ಹತ್‌ಮ, ಇನ ಶಿಷ್ಯರ್‌ ಇನಾಕನ ಆಯ. ತದೆ ಯೇಸುನೆ ಇವ್ಣುನ, “ಅದ್ಮಿಖ್ಹಾರು ಮೇ ಕೋಣ್ ಕರಿ ಬೋಲಾಸ್?” ಕರಿ ಬೋಲ್ಯೊ.
\p
\v 19 ತದೆ ಶಿಷ್ಯರ್‌ನೆ, “ಥೋಡು ಅದ್ಮಿ ತುನ ಬ್ಯಾಪ್ತಿಸ್ಮದ್ಯವಾಳೊ ಯೋಹಾನ ಕರಿ ಬೋಲಾಸ್, ಅಜು಼ ಥೋಡು ಜ಼ಣು ಎಲೀಯ ಕರಿ ಬೋಲಾಸ್, ಅಜು಼ ಥೋಡು ಜ಼ಣು ಜೂ಼ನ ಹಗಾಮ್‍ನೊ ಪ್ರವಾದೀಮ ಏಕ್‌ ಜ಼ಣೊ ಜಿವ್ತೊಹುಯಿನ್ ಐರ‍್ಹೋಸ್ ಕರಿ ಬೋಲಾಸ್” ಕರಿ ಜವಾಬ್‌ ದಿದಾ.
\p
\v 20 ಕತೋಬಿ ಯೇಸುನೆ ಇವ್ಣುನ, “ತುಮೆ ಮನ ಕೋಣ್ ಕರಿ ಬೋಲೋಸ್?” ಕರಿ ಪುಛಾ಼ವಖ್ಹತರ್,
\p ಪೇತ್ರನೆ, “ತೂ ದೇವ್‌ನೊ ಕ್ರಿಸ್ತ” ಕರಿ ಜವಾಬ್‌ ದಿದೊ.
\s1 ಯೇಸುನೆ ಇನಿ ಖ್ಹತಾಪ್ಣಿ ಅಜು಼ ಮರಣ್ಣಿ ಬಾರೇಮ ಬೋಲ್ಯೋತೆ
\r (ಮತ್ತಾಯ 16:20-28; ಮಾರ್ಕ 8:30—9:1)
\p
\v 21 ತದೆ ಯೇಸುನೆ ಇವ್ಣುನ ಅನಿ ಬಾರೇಮ ಕಿನಾಬಿ ನಾ ಬೋಲ್‌ನು ಕರಿ ಝೇತಾಯೊ. 
\v 22 ಅನ ಬಾದ್‌ಮ ಯೇಸುನೆ ಇವ್ಣುನ, “ಅದ್ಮಿನೊ ಛಿಯ್ಯೊ ಘಣು ಲತಾಡ ಪಡ್ನು, ಯೆಹೂದ್ಯರ್‌ನು ಶಾಣಾವ್‍ಥೀಬಿ, ಗಲ್‌ಢಯಾಜಕರ್‌ಥಿ ಅಜು಼ ಮೋಶೆನಿ ಧರ್ಮಶಾಸ್ತ್ರ ಶಿಕಾಡವಾಳ ಶಾಸ್ತ್ರಿಯೇಥಿ ಧಕೇಲೈಜಾ಼ಶೆ, ಅಜು಼ ಇನ ಮಾರಿನಾಕ್‌ಶೆ, ಕತೋಬಿ ತೀನ್ ದನ್ನ ಬಾದ್‌ಮ, ಯೋ ಜಿವ್ತೊಹುಯಿನ್ ಉಠಿ ಆವ್‌ಶೆ” ಕರಿ ಬೋಲ್ಯೊ.
\p
\v 23 ಅತ್ರೇಸ್ ಕಾಹೆತೆ ಯೇಸುನೆ ಇವ್ಣ ಖ್ಹಾರಾವ್‌ನ ಶಾತ್ ಬೋಲ್ಯೊಕತೊ, “ಕೋಣ್‌ತೋಬಿ ಮಾರ ಜೋ಼ಡೆ ಆವ್ಣುಕರಿ ಉಶೇತೊ, ಇನು ಯೋ ಭೈಕಿಜೈ಼ನ್, ಹರ್‌ದನ್‌ ಇನಿ ಶಿಲ್‌ಬೇನ ಪಳ್ಳಿನ್‌, ಮಾರ ಪೀಠೆ ಆವಾದೆ. 
\v 24 ಕೋಣ್ ಇನೊ ಜಾನ್‌ ಬಚಾ಼ಡಿಲೇವ್ಣುಕರಿ ಕರಾಸ್ಕಿ, ಯೋ ಇನೊ ಜಾನ್‌ ಗುಮೈಲಿಶೆ, ಕತೋಬಿ ಮಾರಖ್ಹಾಜೆ ಕೋಣ್ ಇನೊ ಜಾನ್‌ ಗುಮೈಲಿಶೆಕಿ, ಯೋ ಇನೊ ಜಾನ್‌ ಬಚಿಜಾ಼ಶೆ. 
\v 25 ಏಕ್‌ ಅದ್ಮಿ ಹಿಡಿ ಜಗತ್‍ನಾಸ್ ಜೂತಿಲೀನ್‌ಬಿ, ಇನೊ ಜಾನ್‌ ಗುಮೈಲಿದೊತೊ, ಇನ ಶನೀಸ್ ಫಾಯಿದೊ ಕೊಯ್ನಿ! 
\v 26 ಕೋಣ್‌ತೋಬಿ ಮನಾಬಿ ಅಜು಼ ಮಾರಿ ವಚನ್ನಖ್ಹಾಜೆಬಿ ಖ್ಹರ್‌ಮಾಯೂತೊ, ಇನ ಅದ್ಮಿನೊ ಛಿಯ್ಯೊ ಯೋಬಿ ಇನ ಬಾನಿ ಪರಿಶುದ್ದ ದೂತರ್‌ನಾಬಿ ಛಾ಼ತೆ ಮಹಿಮೆನಿ ಜೋ಼ಡೆ ಆವಾನಿ ವಖ್ಹತ್‌ಮ ಇನಿ ಬಾರೇಮ ಖ್ಹರ್‌ಮಾವ್‌ಶೆ. 
\v 27 ತುಮೂನ ಖ್ಹಾಚಾಮ ಬೋಲುಸ್ಕಿ, ಹಜ್ಜಾ಼ ಭಿಯುತೆ ಇವ್ಣಾಮ ಥೋಡು ಜ಼ಣು ದೇವ್ನಿ ರಾಜ್ಯ ದೇಖಾತೋಡಿ ಮರ್‌ಶೆಸ್ ಕೊಯ್ನಿ” ಕರಿ ಬೋಲ್ಯೊ.
\s ಯೇಸುನು ರೂಪ್ ಬದ್‌ಲ್ಯೂತೆ
\r (ಮತ್ತಾಯ 17:1-8; ಮಾರ್ಕ 9:2-8)
\p
\v 28 ಯೇಸುನೆ ಆ ಖ್ಹಾರಿ ವಾತೇನ ಬೋಲಿನ್, ಆಟ್‍ದನ್ ಹುವಾನ ಬಾದ್‌ಮ, ಪೇತ್ರ, ಯಾಕೋಬ ಅಜು಼ ಯೋಹಾನ್ನ ಬುಲೈಲಿನ್ ಪ್ರಾರ್ಥನೆ ಕರಾನಖ್ಹಾಜೆ, ಪಹಾಡ್‌ಪರ್ ಗಯೊ. 
\v 29 ಯೇಸು ಪ್ರಾರ್ಥನೆ ಕರುಕರಾನಿ ವಖ್ಹತ್‌ಮ, ಇನು ಮ್ಹೋಡು ಬದ್ಲಿಗಯು, ಅಜು಼ ಇನು ಲುಂಗ್ಡು ಧೋಳುಫಟ್‍ಹುಯಿನ್, ಝ಼ಮ್‌ಕಾಲಗ್ಯು. 
\v 30 ತದ್ದೇಸ್ ಬೇ ಪರ್ಖ್ಹಾ ಇನಜೋ಼ಡೆ ವಾತೆ ಬೋಲುಕರ್ತಾಥ. ಅವ್ಣೆ ಕೋಣ್‌ಕತೊ, ಮೋಶೆ ಅಜು಼ ಎಲೀಯ. 
\v 31 ಅವ್ಣೆ ಪರಲೋಕ್‌ನಿ ಮಹಿಮೆಥಿ ದೆಖೈನ್, ಯೆರೂಸಲೇಮ್ಮ ಯೇಸು ಮರಿನ್‌, ದೇವ್ನಿ ಮರ್ಜಿನ ಪೂರ ಕರ್‌ಶೇತೆ ಇನಿ ಬಾರೇಮ, ಇನಜೋ಼ಡೆ ವಾತೆ ಬೋಲುಕರ್ತೂಥು. 
\v 32 ಪೇತ್ರ ಅಜು಼ ಇನ ಜೋ಼ಡ್ಮ ರ‍್ಹವಾಳು ಭರ್‌ನಿಂದರ್‌ಮ ಥೂ, ಕತೋಬಿ ನಿಂದರ್‌ಮಾಥು ಜಾ಼ಗಿ ಉಠೀನ್, ಯೇಸುನಿ ಮಹಿಮೆನ ಅಜು಼ ಇನಜೋ಼ಡೆ ಭಿಯಾಥಾತೆ ಯೋ ಭೇ ಜ಼ಣಾನಾಬಿ ದೇಖ್ಯು. 
\v 33 ಮೋಶೆ ಅಜು಼ ಎಲೀಯ ಯೇಸುನ ಮ್ಹೆಂದಿನ್, ಜಾ಼ವಾನಿ ವಖ್ಹತ್‌ಮ, ಪೇತ್ರನೆ ಯೇಸುನ, “ಗುರು, ಹಮೆ ಹಜ಼್ಜಸ್ ರ‍್ಹವಾನು ಕೆತ್ರೇಕ್ಕಿ ಅಛ್ಛು಼! ಹಮೆ ಹಜ಼್ಜಾ ತೀನ್ ಡೇರಾ ಠೋಕೆಸ್, ಏಕ್‌ ತುನ , ಏಕ್‌ ಮೋಶೇನ ಅಜು಼ ಏಕ್‌ ಎಲೀಯನ ” ಕರಿ ಬೋಲ್ಯೊ. ಪೇತ್ರನ, ಯೋ ಶಾತ್ ಬೋಲುಕರಾಸ್‌ ಕರಿ ಇನಾಸ್ ಮಾಲುಮ್ ಕೋ ಥೂನಿ.
\p
\v 34 ಪೇತ್ರ ಆ ಬೋಲುಕರಾನಿ ವಖ್ಹತ್‌ಮ, ವಾದ್‌ಳು ಐನ್, ಇನೊ ಛಾ಼ಳೊ ಇವ್ಣಾಪರ್ ಢಪಾಯು. ಅನೇಥಿ ಶಿಷ್ಯರ್‌ ಡರಿಗಯು. 
\v 35 ತದೆ ಯೋ ವಾದ್ಳಮಾಥು, “ಆ ಮಾರೊ ಛಿಯ್ಯೊ, ಮೇ ಚೂ಼ಣ್ಯೋತೆ ಅನಾಸ್, ಅನಿ ವಾತೇನ ಖ್ಹಮ್‌ಜೊ಼!” ಕರಿ ಏಕ್‌ ಅವಾಜ಼್ ಆಯೊ.
\p
\v 36 ಯೋ ಅವಾಜ಼್ ಭೀರಿಜಾ಼ವಾನ ಬಾದ್‌ಮ, ಯೇಸು ಎಕ್ಕಸ್ ಜ಼ಣಾನ ದೇಖ್ಯು. ಯೋ ಶಿಷ್ಯರ್‌ ಇವ್ಣೆ ದೇಖ್ಯುತೆ ಇನಿ ಬಾರೇಮ, ಏಕ್‌ ಜ಼ಣಾನಾಬಿ ಯೋ ದನೂಮ ಬೋಲ್ಯುಕೊಂತೆ ಖ್ಹೊಪೊ ಪಡಿಗಯು.
\s ಯೇಸುನೆ ಭೂತ್‌ ಧರಿರಾಖ್ಯುಥೂತೆ ಏಕ್‌ ಛೋ಼ಕ್ರಾನ ಅಛ್ಛು಼ ಕರ‍್ಯೊತೆ
\r (ಮತ್ತಾಯ 17:14-18; ಮಾರ್ಕ 9:14-27)
\p
\v 37 ತಿನ ಅಗ್‍ಲ್ಯ ದನ್ನೆ ಯೇಸು ಅಜು಼ ಇನ ತೀನ್ ಶಿಷ್ಯರ್‌ ಪಹಾಡ್ ಉತ್ರಿನ್ ಆಯ. ತದೆ ಅದ್ಮಿನಿ ಮೋಟಿ ಭೀಡ್‌ ಯೇಸುನ ಖ್ಹಾಮ್ಣೆ ಆಯಿ. 
\v 38 ಯೋ ಭೀಡ್‌ಮಾಥು ಏಕ್‌ಜ಼ಣಾನೆ, “ಗುರು, ಮಾರ ಛಿಯ್ಯಾನ ದೇಕ್‌ಕರಿ, ತುನ ಗಿಂಗಾವುಸ್. ಮನ ಆ ಎಕ್ಕಸ್ ಛಿಯ್ಯೊ ಛಾ಼ತೆ. 
\v 39 ಅನ ಭೂತ್ ಧರಾಸ್, ಧರ್‌ತಾಸ್‌ನ ಆ ಬಳೆಳಾಲಗಸ್, ಮ್ಹೋಡವಾಟೆ ಜ಼ಲ್‌ಭು ನಿಕ್ಳಾ ಏತ್ರೆ ಅನ ಧಡಾಶ ಮರಾವಸ್, ಅಜು಼ ಘಣು ಖ್ಹತೈನ್, ಝ಼ಗ್‌ದಾಶೆ ಯೋ ಭೂತ್ ಅನ ಮ್ಹೇಲಾಕೊಯ್ನಿ! 
\v 40 ಯೋ ಭೂತ್‌ನ ಕಾಡೊ ಕರಿ, ತಾರ ಶಿಷ್ಯರ್‌ನ ಗಿಂಗೈಲಿದೊ. ಕತೋಬಿ ಇವ್ಣ ಹಾತೆ ಕೋ ಹುಯೋನಿ” ಕರಿ ಚಿಕ್ರಿನ್ ಯೇಸುನ ಬೋಲ್ಯೊ.
\p
\v 41 ತದೆ ಯೇಸುನೆ, “ಏ ವಿಶ್ವಾಸ್‌ಕೊಂತೆ ಖರಾಬ್ ಪಿಳ್ಗಿಯೆ, ಮೇ ಬಿಜು಼ ಕೆತ್ರ ದನ್ ತುಮಾರ ಜೋ಼ಡೆ ರ‍್ಹೀನ್, ತುಮೂನ ಖ್ಹಮಾಳ್‌ಣು?” ಕರೊ ಜ಼ವಾಬ್‌ದಿದೊ. ಅಜು಼ ಯೋ ಅದ್ಮಿನ, “ತಾರ ಛಿಯ್ಯಾನ ಹಜ಼್ಜಾ ಬುಲೈಲಿ ಆವ್” ಕರಿ ಬೋಲ್ಯೊ.
\p
\v 42 ಯೋ ಛೋ಼ಕ್ರು ಆವ್‍ಕರಾನಿ ವಖ್ಹತ್‌ಮ, ಯೋ ಭೂತ್‌ ಇನ ಜ಼ಮೀನ್‌ಪರ್ ರಡ್‌ಕೈನ್‌, ಘಣು ಧಡಾಶ ಮರಾಯು. ಕತೋಬಿ ಯೇಸುನೆ ಯೋ ಭೂತ್‌ನ ಗುರ್‌ಕೈನ್, ಯೋ ಛೋ಼ಕ್ರಾನ ಅಛ್ಛು಼ ಕರೀನ್, ಇನ ಬಾನ ಹಾತ್‌ಮ ದಿದೊ. 
\v 43 ಅನ ದೇಖಿನ್ ಅದ್ಮಿಖ್ಹಾರು ದೇವ್ನಿ ಮಹಾನ್ ಶಕತ್ನಖ್ಹಾಜೆ ಆಶ್ಚರ್ಯಖಾದು.
\s ಯೇಸುನೆ ಇನಿ ಮರಣ್ಣಿ ಬಾರೇಮ ಬಿಜೇಕ್‌ ಹಲ್ಲ ಬೋಲ್ಯೊತೆ
\r (ಮತ್ತಾಯ 17:22-23; ಮಾರ್ಕ 9:30-32)
\p ಅದ್ಮಿಖ್ಹಾರು ಯೇಸುನೆ ಕರ‍್ಯೊತೆ ಖ್ಹಾರಿಸ್ ಕಾಮ್ನಿ ಬಾರೇಮ ಬಿಜೂ಼ಬಿ ಆಶ್ಚರ್ಯ ಕರುಕರಾತೆ ತದ್ದೇಸ್, ಯೇಸುನೆ ಇನ ಶಿಷ್ಯರ್‌ನ, 
\v 44 “ಮೇ ಬೋಲುಕರುಸ್ತೆ ವಾತೇನ ಭೈಕ್‌ಶು ನಕೊ; ಅದ್ಮಿನ ಛಿಯ್ಯಾನ ಅದ್ಮಿಖ್ಹಾರಾನ ಹಾತ್‌ಮ ದೆವೈಜಾಶೆ” 
\v 45 ಕತೋಬಿ ಇನ ಶಿಷ್ಯರ್‌ನೆ ಅನಿ ಮತ್ಲಬ್‌ನ ಪರ್‌ಖ್ಯುಕೊಯ್ನಿ. ಯೋ ವಾತೆ ಇವ್ಣೇಥಿ ಲಪೈರ‍್ಹೀಥೀತೆ ಇನಖ್ಹಾಜೆ, ಇವ್ಣೆ ಮಾಲುಮ್ ಕರ‍್ಯುಕೊಯ್ನಿ. ಅಜು಼ ಅನಿ ಬಾರೇಮ ಯೇಸುನ ಬೋಲಾನ ಡರಿಗಯು.
\s ದೇವ್ನಿ ರಾಜ಼್‌ಮ ಕೋಣ್ ಮೋಟು?
\r (ಮತ್ತಾಯ 18:1-5; ಮಾರ್ಕ 9:33-37)
\p
\v 46 ಶಿಷ್ಯರ್‌ಮ ಕೋಣ್ ಮೋಟೊ ಕರಿ ಬೋಲಾನಿ ಬಾರೇಮ ವಾತೆ ನಿಕ್ಳಾಲಗಿ. 
\v 47 ತದೆ ಯೇಸುನೆ ಇವ್ಣಿ ದಿಲ್ನಿ ವಾತೇನ ಮಾಲುಮ್ ಕರಿಲೀನ್, ಏಕ್‌ ಅಡ್ಡಾಣಿ ಲಡ್ಕಾನ ಬುಲೈನ್, ಇನ ಪಾಕ್ತಿಮ\f + \fr 9:47 \fr*\ft ಶೇಡೆ ಕರೀಬಿ ಬೋಲಾಸ್ \ft*\f* ಭಿರಾಖಿನ್, 
\v 48 ಇವ್ಣುನ ಬೋಲ್ಯೊಕಿ, “ಕೋಣ್‌ತೋಬಿ ಏಕ್‌ ಜ಼ಣು ಮಾರ ನಾಮ್‌ಪರ್‌ ಆ ಅಡ್ಡಾಣಿ ಲಡ್ಕಾನ ಬುಲೈಲೇಸ್ಕಿ, ಇವ್ಣೆ ಮನ ಬುಲೈಲ್ಯವಾದಾಖ್ಹಲ್‌; ಅಜು಼ ಕೋಣ್ ಮನ ಬುಲೈಲೇಸ್ಕಿ, ಯೋ ಮನ ಮೋಕ್‌ಲ್ಯೊತೆ ಇನಾಸ್ ಬುಲೈಲ್ಯವಾದಾಖ್ಹಲ್‌. ಇನಖ್ಹಾಜೇಸ್ ತುಮಾರಾಮ ಕೋಣ್ ನ್ಹಾನೋಕಿ ಯೋಸ್ ಖ್ಹಾರೇಥಿ ಮೋಟೊ ಹುಯಿರ‍್ಹಿಶೆ” ಕರಿ ಬೋಲ್ಯೊ.
\s ತುಮಾರಪರ್ ವಹೇರ್‌ ಕರಾಕೊಯ್ನಿತೆ ಇವ್ಣೆ ತುಮಾರ ಭಣಿವಾಳುಸ್
\r (ಮಾರ್ಕ 9:38-40)
\p
\v 49 ಯೋಹಾನನೆ, “ಗುರು, ಕೋಣ್‌ಕಿ ಏಕ್‌ ಜ಼ಣು ತಾರು ನಾಮ್ ಬೋಲಿನ್ ಭೂತ್ ನಖ್ಹಾಡುಕರ್ತುಥೂತೆ ಹಮೆ ದೇಖಿನ್, ಯೋ ಹಮಾರ ಭಣಿವಾಳು ಕಾಹೆತೆ ಇನಖ್ಹಾಜೆ, ಹಮೆ ಇನ ‘ಭಿರಾಕಡ್ ಕರಿ ಬೋಲ್ಯ” ಕರಿ ಬೋಲ್ಯೊ.
\p
\v 50 ಅನ ಖ್ಹಮ್‌ಜಿನ್‌, ಯೇಸುನೆ ಯೋಹಾನ್ನ ಅಜು಼ ಬಿಜಾ಼ಖ್ಹಾರ ಶಿಷ್ಯರ್‌ನ, “ಇನ ನಕೊ ಭೀರಾಖೊ. ಶನಕತೊ ತುಮೂನ ವಹೇರ್‌ ಕರಾಕೊಂತೆ ಇವ್ಣೆ ತುಮಾರ ಭಣಿವಾಳುಸ್ ಹುಯಿರ‍್ಹೂಸ್” ಕರಿ ಬೋಲ್ಯೊ.
\s ಸಮಾರಿಯಾನು ಗಾಮ್‌ವಾಳು ಯೇಸುನ ಬುಲೈಲಿದುಕೊಂತೆ
\p
\v 51 ಯೇಸು ಪರ್‌ಲೋಕ್‌ಮ ಪಡೈಲೆವಾನಿ ವಖ್ಹತ್ ಖನ್ನೆ ಆವಲಗಿಥೀತೆ ಇನಖ್ಹಾಜೆ, ಯೋ ಯೆರೂಸಲೇಮ್‌ನ ಜಾ಼ವಾನಟೇಕೆ ಘಟ್‌ಜಾನ್ ಕರಿಲೀನ್, 
\v 52 ಇನೇಥಿ ಅಗಾಡಿ ಟಪಾಲ್\f + \fr 9:52 \fr*\ft ಖಬರ್ ಪೋಚ಼ವಾಳನ ಕರೀಬಿ ಬೋಲಾಸ್ \ft*\f* ದ್ಯವಾಳಾನ ಮೋಕ್‌ಲ್ಯೊ. ಅವ್ಣೆ ಜೈ಼ನ್ ಯೇಸುನ ಹೋಣುತೆಖ್ಹಾರು ಖ್ಹವಾರನಖ್ಹಾಜೆ ಸಮಾರ್ಯವಾಳಾನು ಗಾಮ್ಮ ಆಯು. 
\v 53 ಯೇಸು ಯೆರೂಸಲೇಮ್‌ನ ಒಳೆಜಾ಼ತೊಥೋತೆ ಇನಖ್ಹಾಜೆ, ಹಿಜ್ಜಾ಼ನು ಅದ್ಮಿ ಇನ ಬುಲೈಲಿದುಕೊಯ್ನಿ. 
\v 54 ಅನ ದೇಖಿನ್, ಯೇಸುನು ಶಿಷ್ಯರ್‌ ಯಾಕೋಬ ಅಜು಼ ಯೋಹಾನನೆ, “ಪ್ರಭು, ಪರಲೋಕ್‌ಥು ಆಗ್ ಪಡೀನ್, ಅವ್ಣುನ ಬರ್ಬಾತ್ ಕರ್‌ ಕರಿ, ಹಮೆ ಹುಕುಮ್ ದೇವ್ಣು ಕರಿ, ತೂ ಆಖ್ಹ್‌ಕರಾಸ್ಕಿ ಶು?” ಕರಿ ಪುಛಾ಼ವಖ್ಹತರ್,
\p
\v 55 ಯೇಸುನೆ ಫರಿನ್, ಇವ್ಣುನ ಗುರ್‌ಕಾಯೊ. 
\v 56 ಬಾದ್‌ಮ ಇವ್ಣೆ ಬಿಜ಼ ಗಾಮ್‌ನ ಗಯು.
\s ಯೇಸುನ ಶಿಷ್ಯರ್‌ ಕಿಮ್ ರ‍್ಹೇಣು ಕರಿ ಬೋಲಾನಿ ಬಾರೇಮ
\r (ಮತ್ತಾಯ 8:19-22)
\p
\v 57 ಇವ್ಣೆ ವಾಟ್‌ಪರ್ ಜಾ಼ತುರ‍್ಹವಾನಿ ವಖ್ಹತ್‌ಮ, ಕೋಣ್ಕಿ ಏಕ್‌ ಜ಼ಣು ಯೇಸುನ, “ತು ಕಿಜ್ಗಾ಼ ಗಯೊತೋಬಿ ಮೇ ತಾರ ಪೀಠೇಸ್ ಆವ್‌ಸ್” ಕರಿ ಬೋಲ್ಯೊ.
\p
\v 58 ತದೆ ಯೇಸುನೆ ಇನ, ‘ನ್ಹೋರಿಯೆನ ಘವಿಯೆ ಛಾ಼, ಅಜು಼ ಆಬ್‌ಪರ್ ಉಡಾತೆ ಜಿನಾವರ್‌ನ ಖ್ಹಾರು ಮ್ಹಾಳೊ ಛಾ಼, ಕತೋಬಿ ಅದ್ಮಿನ ಛಿಯ್ಯಾನ ಮುಡ್‌ಕ್ಯು ಟೇಕಯೆವ್ಡಿ ಝ಼ಗೋಬಿ ಕೊಯ್ನಿ” ಕರಿ ಬೋಲ್ಯೊ.\fig ನ್ಹೋರಿನಿ ಘವಿ|alt="Fox with kits in a hole" src="bk00051c.tif" size="col" copy="Horace Knowles ©" ref="9:58"\fig*
\p
\v 59 ಅಜು಼ ಇನೆ ಬಿಜೇಕ್ ಜ಼ಣಾನ, “ಮಾರ ಪೀಠೆ ಆವ್” ಕರಿ ಬೋಲ್ಯೊ.
\p ಕತೋಬಿ ಇನೆ, “ಪ್ರಭು, ಮೇ ಪಹಿಲೆ ಜೈ಼ನ್‌ ಮಾರ ಬಾನ ಧಪ್‌ನೈದೀನ್‌ ಆವಾನ ಮನ ಹುಕುಮ್ ದೆ” ಕರಿ ಬೋಲ್ಯೊ.
\p
\v 60 ತದೆ ಯೇಸುನೆ ಇನ, “ಮರ‍್ಯಹುಯಾಸ್‌ ಇವ್ಣಮ ಮರಿಗಯೂತೆ ಇನ ಮಾಟಿ ಕರಾದೆ! ತೂ ಜೈ಼ನ್, ದೇವ್ನಿ ರಾಜ್ಯನಿ ಬಾರೇಮ ಬೋಲಿವತಾಳ್” ಕರಿ ಬೋಲ್ಯೊ.
\p
\v 61 ಬಿಜ್ಜೇಕ್‌ ಜ಼ಣಾನೆ, “ಪ್ರಭು, ಮೇ ತಾರ ಪೀಠೆ ಆವುಸ್, ಕತೋಬಿ ಮಾರ ಘರ್‌ವಾಳಕನ ಪಹಿಲೆ, ‘ಜೈ಼ನ್ ಆವುಸ್’ ಕರಿ ಬೋಲಿನ್ ಆವುಸ್” ಕರಿ ಬೋಲ್ಯೊ.
\p
\v 62 ತದೆ ಯೇಸುನೆ ಇನ, “ನಾಗರ್‌ಪರ್\f + \fr 9:62 \fr*\ft ಖೇತರ್‌ಮ ನಾಗ್ರಾನ ಶುರು ಕರಾನ ಬಾದ್‌ಮ, ಪೀಠೆಫರಿ ದೇಖಾವಾಳು ದೇವ್ನಿರಾಜ಼್‌ನ ಖ್ಹಾಜೆ ಕಾಮ್ ಕರಾನ ಲ್ಹಾಯಕ್‌ನು ಕಾಹೆ ಕರಿ ಬೋಲಾನುಸ್ ಅನಿ ಮತ್‌ಲಬ್.\ft*\f* ಹಾತ್‌ ನಾಖಿನ್, ಪೀಠೆಫರಿ ದೇಖಾವಾಳು ಕೋಣ್‌ಬಿ, ದೇವ್ನಿ ರಾಜ್ಯನ ಲ್ಹಾಯೇಕ್‌ನು ಕಾಹೆ” ಕರಿ ಬೋಲ್ಯೊ.
\c 10
\s ಯೇಸುನೆ ಬೇ ಉಪ್ಪರ್ ಖ್ಹಡ್‌ತೀನಿಖ್ಹ್ ಜ಼ಣಾನ ಬೋಲಿ ಮೋಕ್‌ಲ್ಯೊತೆ
\p
\v 1 ಅನ ಬಾದ್‌ಮ ಯೇಸು ಪ್ರಭು ಬಿಜೂ಼ಬಿ ಬೇ ಉಪ್ಪರ್ ಖ್ಹಡ್‌ತೀನಿಖ್ಹ್\f + \fr 10:1 \fr*\ft ಗ್ರೀಕ್‌ನು ಥೋಡು ದಪ್ತರ್‌ನಿ ಭಾಗ್‌ಮ ಖ್ಹಡ್‌ತೀನಿಖ್ಹ್ ಕರೀಬಿ ಲಿಖೈರ‍್ಹುಸ್.\ft*\f* ಜ಼ಣಾನ ಚೂ಼ಣಿನ್, ಬೆಬ್ಬೆ ಜ಼ಣ ಕರೀನ್, ಯೋ ಜಾ಼ವ್ಣುಕರಿ ಥೋತೆ ಹರೇಕ್ ಗಾಮ್‌ನ ಅಜು಼ ಝ಼ಗೋನ ಇನೇಥಿ ಅಗಾಡಿ ಇವ್ಣುನ ಮೋಕ್‌ಲ್ಯೊ. 
\v 2 ಮೋಕ್ಲಾನಿ ವಖ್ಹತ್‌ಮ ಇವ್ಣುನ, “ಅನಾಜ಼್ ಜಾ಼ಖ್ಹತ್ ಛಾ಼, ಕತೋಬಿ ಎಕ್ಟು ಕರಾನ ಕಾಮ್ ಕರಾವಾಳು ಕಮ್ ಛಾ಼. ಇನಖ್ಹಾಜೆ ಅನಾಜ಼್‌ನೊ ಪ್ರಭುನ ‘ತಾರು ಅನಾಜ಼್‌ನ ಎಕ್ಟು ಕರಾನಖ್ಹಾಜೆ ಕಾಮ್‌ವಾಳಾನ ಮೋಕಲ್’ ಕರಿ ಬಿಂತಿ ಕರೊ. 
\v 3 ಜಾ಼ವೊ! ಜ಼ರಕ್‌ನ ಮಹಿ ಮೇಂಢಾವ್ನ ಮೋಕ್ಲಾತೆ ಇಮ್‌, ಮೇ ತುಮೂನ ಮೋಕ್ಲುಕರುಸ್. 
\v 4 ದೇಖೊ, ಪೈಶಾನಿ ಚ಼ಂಚಿ ರ‍್ಹವೊ, ಮಾಂಗಾನಿ ಝೋ಼ಳಿ ರ‍್ಹವೊ, ಖೋಖ್ಹ್‌ಡಾ ರ‍್ಹವೊ ನಕೊ ಲೀಜಾ಼ವೊ. ಜಾ಼ವಾನಿ ವಖ್ಹತ್‌ಮ, ವಾಟ್‌ಪರ್ ಕಿನಾಬಿ ಖ್ಹಲಾಮ್ ಕರಿ ಬೋಲಿನ್, ವಖ್ಹತ್ ಬರ್ಬಾತ್ ನಕೊ ಕರ್ಶು. 
\v 5 ಎತ್ರೇಸ್ ಕಾಹೆತೆ ತುಮೆ ಖೆವ ಘರ್‌ಮ ಗಯಾತೋಬಿ, ‘ಆ ಘರ್‌ನ ಶಾಂತಿ ಹುವಾದೆ’\f + \fr 10:5 \fr*\ft ಯೆಹೂದ್ಯವಾಳು ಶಾಲೋಮ್ ಕರಿ ಬೋಲಾಸ್.\ft*\f* ಕರಿ ಬೋಲೊ. 
\v 6 ಶಾಂತಿಥಿ ರ‍್ಹವಾನ ಆಖ್ಹ್ ಕರಾವಾಳು ಅದ್ಮಿ ಹಿಜ್ಜಾ಼ ರ‍್ಹಯೂತೊ, ತುಮಾರಿ ಆಶೀರ್ವಾದ್‌ ಇನಾಪರ್ ಟಿಕ್‌ಶೆ, ನತರ್‌ಕಿ ಯೋ ಆಶೀರ್ವಾದ್‌ ಪಾಛು಼ಫರಿ ತುಮೂನ ಆವ್‌ಶೆ. 
\v 7 ಯೋಸ್ ಘರ್‌ಮ ರ‍್ಹವಾಕರೊ, ಇವ್ಣೆ ಶಾತ್‌ ದೇಸ್ಕಿ ಯೋ ಖಾವೊ, ಪೀಯೊ. ಕಾಮ್ ಕರಾವಾಳ\f + \fr 10:7 \fr*\ft ಕತೊ ಆಳ್‌ ಕರಿ ಮತ್‌ಲಬ್\ft*\f* ಆಳ್‌ ಕೂಲಿನ ಲ್ಹಾಯೇಕ್ ಎತ್ರೇಸ್. ಇನಖ್ಹಾಜೆ ಏಕ್‌ ಘರ್‌ನ ಮ್ಹೆಂದಿನ್ ಬಿಜೇಕ್ ಘರ್‌ಮ ಜೈ಼ನ್ ನಕೊ ರ‍್ಹವೊ. 
\v 8 ಅಜು಼ ತುಮೆ ಖೆವಾತೋಬಿ ಏಕ್‌ ಗಾಮ್ಮ ಜಾ಼ವಾನ ಬಾದ್‌ಮ, ಹಿಜ್ಜಾ಼ನು ಅದ್ಮಿ ತುಮೂನ ಬುಲೈಲಿದೊತೊ, ಇವ್ಣೆ ಶಾತ್‌ ದೇಸ್ಕಿ ಯೋ ಖಾವೊ. 
\v 9 ಹಿಜ್ಜಾ಼ ರೋಗ್-ರಾಯಮ ರ‍್ಹೇಸ್ತೆ ಇವ್ಣ ಅಛ್ಛು಼ಕರೊ, ಅಜು಼ ಹಿಜ್ಜಾ಼ನು ಅದ್ಮಿಖ್ಹಾರಾನ ದೇವ್ನಿ ರಾಜ್ಯ ತುಮಾರ ಖನ್ನೆ ಐರ‍್ಹೀಸ್ ಕರಿ ಬೋಲೊ. 
\v 10 ಕತೋಬಿ ತುಮೆ ಖೆವಾತೋಬಿ ಏಕ್‍ ಗಾಮ್ಮ ಜಾ಼ವಾನ ಬಾದ್‌ಮ, ಹಿಜ್ಜಾ಼ನು ಅದ್ಮಿ ತುಮೂನ ನಾ ಬುಲೈಲಿದುತೊ, ಯೋ ಗಾಮ್‌ನಿ ಗಲ್ಲಿಯೇಮ ಜೈ಼ನ್, 
\v 11 ‘ಹಮಾರ ಗೋಡಾನ ಲಾಗೀತೆ, ತುಮಾರ ಗಾಮ್‌ನಿ ಧೂಳ್‌ನ ಜಿನ್‌ಕುಬಿ, ಹಮೆ ತುಮಾರಿ ವಿರೋದ್‌ ಝ಼ಟ್ಕಿ ದೆವ್‌ಕರೇಸ್. ಕತೋಬಿ ದೇವ್ನಿ ರಾಜ್ಯ ತುಮಾರ ಖನ್ನೆ ಐರ‍್ಹೀಸ್ ಕರಿ ತುಮೂನ ಮಾಲುಮ್ ರ‍್ಹವಾದೆ ಕರಿ ಬೋಲೊ.’ 
\v 12 ಮೇ ತುಮೂನ ಬೋಲುಸ್ಕಿ, ನ್ಯಾವ್‍ನಿ ತೀರ್ಪ್‌ನ ದನ್ಮ ಯೋ ಗಾಮ್‌ನಿ ಹಾಲ್‌, ಸೊದೋಮ್ ಗಾಮ್‌ನಿ ಹಾಲ್‌ಥೀಬಿ ಖರಾಬ್ ರ‍್ಹಿಶೆ.
\s ವಿಶ್ವಾಸ್‌ ಕೊಂತೆ ಖ್ಹಯೇರ್‌ನಿ ಬಾರೇಮ
\r (ಮತ್ತಾಯ 11:20-24)
\p
\v 13 ಅಯ್ಯೋ, ಖೊರಾಜಿನ್‌ ಖ್ಹಯೇರ್‌, ತಾರಿ ಹಾಲ್ನ ಶಾತ್‌ಬೋಲು ಬೆತ್ಸಾಯಿದ ತುಮಾರಿ ಹಾಲ್ನ ಶಾತ್‌ ಬೋಲು! ತುಮಾರಾಮ ಚಾ಼ಲ್ಯುತೆ ಮಹಾನ್ ಕಾಮ್‌ಖ್ಹಾರು ತೂರ್ ಅಜು಼ ಸೀದೋನ್ ಖ್ಹಯೇರ್‌ಮ ಚಾ಼ಲ್ಯುಹೋತ್ತೊ, ಹಿಜ್ಜಾ಼ವಾಳು ಕದೇಸ್‌ಕಿ ಛೈ಼ನೊಕೋಥ್‌ಳೊ ಲಪೇಟಿಲೀನ್, ರಾಕ್‌ಮ ಬೇಶಿನ್, ದೇವ್ ಭಣಿ ಫರಿಗಯೂಹೋತ್. 
\v 14 ಕತೋಬಿ ನ್ಯಾವ್‍ನಿ ತೀರ್ಪ್‌ನ ದನ್ಮ ತುಮೂನ ಉಷೇತೆ ಹಾಲ್‌ಥೀಬಿ ತೂರ್ ಅಜು಼ ಸೀದೋನ್ ಖ್ಹಯೇರ್‌ನ ಹುಯುತೆ ಹಾಲತ್ಪರ್ ದೇವ್‌ ಘಣು ಗೋರ್‌ ಕರ್ಶೆ. 
\v 15 ಕಪೆರ್ನೌಮ್, ತೂ ಪರಲೋಕ್‌ನ ಚ಼ಢೀನ್ ಜೈ಼ಶ್‌ನ? ಕೊಯ್ನಿ! ತುನ ಪಾತಾಳ್ಮ\f + \fr 10:15 \fr*\ft ಅಂತಸ್‌ಕೊಂತೆ ಗಗನ್ ಕರಿ ಮತಲಬ್.\ft*\f* ನಾಕ್‌ಶೆ!
\p
\v 16 ಯೇಸುನೆ ಇವ್ಣುನ, “ತುಮಾರಿ ವಾತೇನ ಖ್ಹಮ್‌ಜಾ಼ವಾಳು ಮಾರಿ ವಾತೆ ಖ್ಹಮ್‌ಜಾ಼ವಾಳು ಹುಯಿರ‍್ಹೂಸ್; ತುಮೂನ ಝಿಟ್ಕಾರವಾಳು ಮನ ಝಿಟ್ಕಾರವಾಳು ಹುಯಿರ‍್ಹೂಸ್; ಮನ ಝಿಟ್ಕಾರವಾಳು ಮನ ಮೋಕ್‌ಲ್ಯೊತೆ ಇನಾಸ್ ಝಿಟ್ಕಾರವಾಳು ಹುಯಿರ‍್ಹೂಸ್” ಕರಿ ಬೋಲ್ಯೊ.
\s ಬೇ ಉಪ್ಪರ್ ಖ್ಹಡ್‌ತೀನಿಖ್ಹ್ ಜ಼ಣು ಪಾಛು಼ಫರಿ ಆಯೂತೆ
\p
\v 17 ಯೋ ಬೇ ಉಪ್ಪರ್ ಖ್ಹಡ್‌ತೀನಿಖ್ಹ್ ಜ಼ಣು ಘಣು ಖ್ಹುಶಿಥಿ ಪಾಛು಼ಫರಿ ಆಯಿನ್, “ಪ್ರಭು, ತಾರು ನಾಮ್ ಬೋಲ್ತಾನ ಭೂತ್‌ಖ್ಹಾರು ಜಿನ್‌ಕುಬಿ ಹಮಾರಿ ಹುಕುಮ್‌ನ ಮಾನ್ಯು” ಕರಿ ಬೋಲ್ಯು.
\p
\v 18 ತದೆ ಯೇಸುನೆ ಇವ್ಣುನ, “ಶೈತಾನ್ ವಿಜ಼್‌ಳೀನಿಮತ್‌ ಪರ್‌ಲೋಕ್‌ಥು ಹೇಟ್ ಪಡಾತೆ ಮೇ ದೇಖ್ಯೊ. 
\v 19 ಹಂದೇಖೊ, ಖ್ಹಾಪ್‌ಪರ್‌ಬಿ, ವಿಛ್ಛಿಪರ್‌ಬಿ ಚಾ಼ಲಾನ ಅಜು಼ ದುಶ್‌ಮನ್ನಿ ಖ್ಹಾರೀಸ್‍ ಶಕತ್ನ ಹರಾವನ ಮೇ ತುಮೂನ ಅದಿಕಾರ್ ದೀರಾಖ್ಯೊಸ್. ಕೆಹೂಬಿ ತುಮೂನ ಖರಾಬ್ ಕೋ ಕರ್‌ಶೇನಿ. 
\v 20 ಕತೋಬಿ ಭೂತ್‌ಖ್ಹಾರು ತುಮಾರಿ ವಾತೇನ ಖ್ಹಮ್‌ಜಾ಼ಸ್‌ ಕರಿ ಬೋಲಿನ್ ಖ್ಹುಶಿ ನಕೊ ಕರೊ, ತುಮಾರು ನಾಮ್‌ಖ್ಹಾರು ಪರ್‌ಲೋಕ್‌ಮ ಲೀಖೈರ‍್ಹುಸ್ ಕರಿ ಬೋಲಿನ್ ಖ್ಹುಶಿ ಕರೊ”.
\s ಯೇಸುನೆ ಖ್ಹುಶಿ ಕರ‍್ಯೊತೆ
\r (ಮತ್ತಾಯ 11:25-27; 13:16-17)
\p
\v 21 ಯೋಸ್ ವಖ್ಹತ್‌ಮ ಯೇಸು ಪವಿತ್ರಾತ್ಮಥಿ ಖ್ಹುಶಿಹುಯಿನ್, ಅಮ್ ಪ್ರಾರ್ಥನೆ ಕರ‍್ಯೊ, “ಬಾ, ಸೊರ್ಗ ಅಜು಼ ಧರ್ತಿನೊ ಯಜಮಾನ್! ಮೇ ತುನ ಧನ್ಯವಾದ್‌ ಕರುಸ್. ಶನಕತೊ ತುನೆ ಗ್ಯಾನಿ ಅಜು಼ ಅಕ್ಲಿಥಿ ಆ ವಾತೇನ ಲಪಾಡಿನ್, ಲಡ್ಕಾವ್ನ ಮಾಲುಮ್ ಕರೈರಾಖ್ಯೋಸ್. ಓಹೋಲಾ ಬಾ, ಅಮ್ಮಸ್ ತೂ ಕರ‍್ನು ಕರಿ ಥೊ.
\p
\v 22 ಮಾರೊ ಬಾ ಮನ ಖ್ಹಾರುಸ್‌ ಮಾರ ಹಾತ್ಮ ದೀರಾಖ್ಯೊಸ್, ಛಿಯ್ಯೊ ಕೋಣ್ ಕರಿ ಬಾನಸ್ ಮಾಲುಮ್ ಪಣ್ಕಿ ಬಿಜಾ಼ನ ಕಾಹೆ. ಬಾ ಕೋಣ್ ಕರಿ ಛಿಯ್ಯೋಸ್ ಪಣ್ಕಿ ಬಿಜು಼ ಕೋಣ್‌ಬಿ ಮಾಲುಮ್ ಕೋಕರಿರಾಖ್ಯೂನಿ. ಅಜು಼ ಛಿಯ್ಯೊ, ಕಿನ ಬಾನಿ ಬಾರೇಮ ಮಾಲುಮ್ ಕರಾವಸ್ಕಿ, ಇವ್ಣೆಸ್ ಬಾನ ಮಾಲುಮ್‌ ಕರಿಲ್ಯವಾಳು ಹುಯಿರ‍್ಹೂಸ್”.
\p
\v 23 ಅನ ಬಾದ್‌ಮ ಯೇಸುನೆ ಇನ ಶಿಷ್ಯರ್‌ ಭಣಿ ಫರೀನ್, ಖಲಿ ಇವ್ಣುನ ಬೋಲ್ಯೋಕಿ, “ತುಮೆ ದೇಖುಕರಾಸ್ತೆ ಆ ಖ್ಹಾರು ದೇಖವಾಳು ಧನ್ಯರ್ ಹುಯಿರ‍್ಹೂಸ್! 
\v 24 ಶನಕತೊ ಘಣು ಪ್ರವಾದಿಖ್ಹಾರು ಅಜು಼ ರಾಜ಼ಖ್ಹಾರು ತುಮೆ ದೇಖುಕರಾತೆ ಆ ಖ್ಹಾರಾನ ದೇಕ್ಣು ಕರಿ ಆಖ್ಹ್ ಕರ‍್ಯುತೋಬಿ, ಇವ್ಣೆ ದೇಖ್ಯು ಕೊಯ್ನಿ. ತುಮೆ ಖ್ಹಮ್‌ಜು಼ಕರಾತೆ ಖ್ಹಮಜ಼್‌ಣು ಕರಿ ಆಖ್ಹ್‌ ಕರ‍್ಯುತೋಬಿ ಖ್ಹಮ್‌ಜ್ಯು ಕೊಯ್ನಿ ಕರಿ ಮೇ ತುಮೂನ ಬೋಲುಸ್”.
\s ಯೇಸುನೆ ಗೋರ್‌ಕರಾವಾಳೊ ಸಮಾರಿಯಾನಿ ಮತ್ಲಬ್‌ನಿ ಖೇಣಿನ ಬೋಲ್ಯೋತೆ
\p
\v 25 ತದೆ ಮೋಶೇನು ಧರ್ಮಶಾಸ್ತ್ರ ಶಿಕಾಡವಾಳು ಶಾಸ್ತ್ರಿ ಏಕ್‌ ಜ಼ಣು ಉಠಿ ಐನ್, ಯೇಸುನ ಖ್ಹಪ್‌ಡಾವ್ಣು ಕರಿ, “ಗುರು, ಹಮೇಶಾನಿ ಜಿ಼ಂದ್‌ಗಿ ಮಳ್‌ಣುಕತೊ ಮೇ ಶಾತ್‌ ಕರ‍್ನು? ಕರಿ ಯೇಸುನ ಫುಛಾ಼ಯೊ.
\p
\v 26 ತದೆ ಯೇಸುನೆ ಇನ, “ಮೋಶೇನು ಧರ್ಮಶಾಸ್ತ್ರಮ ಶಾತ್‌ ಲಿಖೈರ‍್ಹುಸ್? ಇನ ತೂ ಕಿಮ್ ಪಢ್ಯೋಥೊ?” ಕರಿ ಪುಛಾ಼ಯೊ.
\p
\v 27 ಇನೆ ಜವಾಬ್‌ ದಿದೋಕಿ, “ತಾರೊ ದೇವ್ ಹುಯಿರ‍್ಹೋತೆ ಪ್ರಭುನ, ತಾರೊ ಪೂರ ದಿಲ್‌ಥೀಬಿ, ತಾರೊ ಪೂರ ಜಾನ್‍ಥೀಬಿ, ತಾರಿ ಪೂರ ಶಕತ್‌ಥೀಬಿ, ತಾರೊ ಪೂರ ಮನ್‌ಥೀಬಿ ಪ್ಯಾರ್ ಕರ‍್ನು, ಅಜು಼ ತಾರ ಭೀಡೆವಾಳಾನ ತಾರೀನಿಘೋಣಿಸ್ ಪ್ಯಾರ್ ಕರ‍್ನು ಕರಿ ಲಿಖೈರ‍್ಹುಸ್” ಕರಿ ಜವಾಬ್‌ ದಿದೊ.
\p
\v 28 ಯೇಸುನೆ ಇನ, “ತುನೆ ಬರಾಬರ್‌ಥಿ ಜವಾಬ್‌ ದಿದೊ. ಇಮ್ಮಸ್ ಕರ್‌, ತದೆ ತೂ ಕದೇಬಿ ಜಿವ್ತು ರ‍್ಹೀಶ್ ಕರಿ ಬೋಲ್ಯೊ.
\p
\v 29 ಕತೋಬಿ ಯೋ ಅದ್ಮಿ ಇನುಯೋಸ್ ಖ್ಹಾಚು಼ ಕರಿ ಬೋಲಿ ವತಾಳಿಲ್ಯಾವನಖ್ಹಾಜೆ ಆಖ್ಹ್‌ಕರೀನ್, “ಮಾರು ಭೀಡೆವಾಳು ಕತೊ ಕೋಣ್?” ಕರಿ ಯೇಸುನ ಪುಛಾ಼ವಖ್ಹತರ್;
\p
\v 30 ಯೇಸು ಇನ ಜವಾಬ್‌ ದೇತೊಹುಯಿನ್ ಬೋಲ್ಯೋಕಿ, “ಏಕ್‌ ಅದ್ಮಿ ಯೆರೂಸಲೇಮ್‌ಥು ಟೇಕ್ಡಿ ಉತ್ರಿನ್, ಯೆರಿಕೋ ಜಾ಼ವಾನಿ ವಖ್ಹತ್‌ಮ, ಚೋ಼ರ‍್ನ ಹಾತ್‌ಮ ಖ್ಹಪ್‌ಡಿಗಯು. ಇವ್ಣೆ ಇನಾಕನ ಥೂತೆ ಖ್ಹಾರೂಸ್ ಲೂಟಿಲೀನ್, ಮರ್‌ವಾಯೆತ್ರೆ ಮಾರ್‌ತೋಡ್ ಕರೀನ್, ಮ್ಹೆಂದಿನ್ ಚ಼ಲ್ಯೂಗಯು. 
\v 31 ತದೆ ಕಿಮ್ಕಿ, ಏಕ್‌ ಯಾಜಕ್ ಯೋಸ್ ವಾಟೆಕರಿ ಉತ್ರಿನ್ ಜಾ಼ವಾನಿ ವಖ್ಹತ್‌ಮ, ಇನ ದೇಖಿನ್, ವೇಢೀನ್ ಚ಼ಲೆಗಯೊ. 
\v 32 ಇಮ್ಮಸ್ ಏಕ್‌ ಲೇವಿಬಿ ಯೋ ಝ಼ಗೋಕನ ಆಯಿನ್, ಇನ ದೇಖಿನ್, ಮ್ಹೋಡು ಕರ್ವಟ್‌ ಕರಿಲೀನ್, ಬಿಜೇಕ್ ವಾಟೆ ಚ಼ಲೆಗಯೊ. 
\v 33 ಕತೋಬಿ ಏಕ್‌ ಸಮಾರ್ಯವಾಳು ಚಾ಼ಲ್ತೊಹುಯಿನ್‌, ಯೋ ಥೋತೆ ಹಿಜ್ಜಾ಼ ಐನ್, ಇನ ದೇಖಿ ಗೋರ್‌ಖೈನ್, 
\v 34 ಇನ ಖನ್ನೆ ಜೈ಼ನ್, ಇನ ಘಾವ್‌ಪರ್ ತೇಲ್ ಅಜು಼ ದ್ರಾಕ್ಷಿನು ಕಂದಾಯುಹುಯು ರಖ್ಹ್‌ನ ನಾಖಿನ್, ಭಾಂದ್ಯು. ಅಜು಼ ಇನು ಶೊಂತ್ ಪಾಳ್ಯುಹುಯಾ ಜಾನ್ವರ್‌ಪರ್ ಇನ ಪಳ್ಳಿನ್‌, ಮಂಡಪ್‌ಕನ ಬುಲೈಲಿ ಜೈ಼ನ್, ಇನಿ ಚಾ಼ಕ್ರಿ ಕರ‍್ಯೊ. 
\v 35 ತಿನವ್ಹಾಣೆ ಯೋ ಸಮಾರಿಯವಾಳಾನೆ ಬೇ ರೂಪಾನು ಬಿಲ್ಲಾನ ಕಾಡಿನ್, ಛತ್ತರ್‌ವಾಳಾನ ದೀನ್, “ಅನ ದೇಕ್-ಭಾಲ್ ಕರ್‌, ಆ ಪೈಶಾಥಿ ಜಾ಼ಖ್ಹತ್ ಶಾತ್‌ತೋಬಿ ಖರ್ಚಿ ಹುಯೂತೊ, ಮೇ ಪಾಛೊ಼ಫರಿ ಆಯಿಶ್‍ತೆ ತದೆ ತುನ ದಿಶ್” ಕರಿ ಬೋಲ್ಯೊ.
\p
\v 36 “ಆ ತೀನ್ ಜ಼ಣಾಮ ಚೋ಼ರ್‌ನ ಹಾತ್‌ಮ ಖ್ಹಪ್‌ಡ್ಯೂತೆ ಇನ, ಖನ್ನೆವಾಳಾನಿಘೋಣಿ ಹುಯೋತೆ ಕೋಣ್ ಕರಿ ತುನ ಸೋಚಾ಼ವಸ್?” ಕರಿ ಪುಛಾ಼ಯೊ.
\p
\v 37 ತದೆ ಯೋ ಮೋಶೇನು ಧರ್ಮಶಾಸ್ತ್ರ ಶಿಕಾಡವಾಳು ಶಾಸ್ತ್ರಿ, “ಇನಾಪರ್ ಗೋರ್‌ ಕರ‍್ಯೊತೆ ಯೋಸ್” ಕರಿ ಜವಾಬ್‌ ದಿದೊ.
\p ತದೆ ಯೇಸುನೆ ಇನ, “ಜಾ಼, ತೂಬಿ ಇಮ್ಮಸ್ ಕರ್‌” ಕರಿ ಬೋಲ್ಯೊ.
\s ಯೇಸು ಮಾರ್ಥ ಅಜು಼ ಮರಿಯನ ಘರೆ ಗಯೋತೆ
\p
\v 38 ಯೇಸುಬಿ ಇನು ಶಿಷ್ಯರ್‌ ಫರ್ತುಹುಯಿನ್ ಏಕ್‌ ಗಾಮ್ಮ ಆಯು. ಹಿಜ್ಜಾ಼ ಮಾರ್ಥ ಕರಿ ನಾಮ್ನಿ ಏಕ್‌ ಜ಼ಣಾನೆ ಯೇಸುನ ಇನ ಘರ್‌ಮ ಬುಲೈಲಿದಿ. 
\v 39 ಮಾರ್ಥನ ಮರಿಯ ಕರಿ ಏಕ್‌ ನ್ಹಾನಿ ಭೇನ್ ಥಿ. ಆ ಪ್ರಭುನ ಗೋಡಾಕನ ಬೇಶಿನ್, ಇನಿ ವಚನ್ನ ಖ್ಹಮ್‌ಜು಼ಕರ್‌ತೀಥಿ. 
\v 40 ಜಾ಼ಖ್ಹತ್ ಕಾಮ್ ಥೂತೆ ಇನಖ್ಹಾಜೆ ಮಾರ್ಥನೆ ಖಟುಖೈನ್, ಯೇಸುಕನ ಆಯಿನ್, “ಪ್ರಭು, ಮಾರಿ ಭೇನ್ ಮನ ಎಕ್ಕಸ್ ಜ಼ಣಿನ ಕಾಮ್ ಕರಾದೆಕರಿ ಮ್ಹೇಲಿದಿದೀನಿ, ಆ ಬಾರೇಮ ತುನ ಫಿಕರ್ ಕೊಯ್ನಿಕಿ ಶು? ಮನ ಮದತ್ ಕರಾದೆ ಕರಿ ಇನ ಬೋಲ್‌ಕರಿ ಬೋಲಿ.
\p
\v 41 ಕತೋಬಿ ಪ್ರಭುನೆ ಇನ, “ಮಾರ್ಥ, ಮಾರ್ಥ ತೂ ಕಾಮ್ನಕೊಂತೆ, ವೇಚ಼್‌ಣೆಮಾಬಿ, ಘಬ್ರಾಟಿಮಾಬಿ ಖ್ಹಪ್‌ಡಿರ‍್ಹೀಸ್. 
\v 42 ಕತೋಬಿ ಜ಼ರೂರತ್‌ ಹೋಣುತೆ ಎಕ್ಕಸ್, ಮರಿಯನೆ ಅಛ಼್ಛು ಚೂ಼ಣಿರಾಖಿಸ್, ಕೋಣ್‌ಬಿ ಇನೇಥಿ ಯೋ ಕಾಡಾನ ಕೋ ಉಶೇನಿ” ಕರಿ ಬೋಲ್ಯೊ.
\c 11
\s ಯೇಸುನೆ ಪ್ರಾರ್ಥನೇನಿ ಬಾರೇಮ ಬೋಲಿ ವತಾಳ್ಯೊತೆ
\r (ಮತ್ತಾಯ 6:9-13; 7:7-11)
\p
\v 1 ಏಕ್‌ ದನ್ನೆ ಯೇಸು ಏಕ್‌ ಝ಼ಗೋಪರ್ ಪ್ರಾರ್ಥನೆ ಕರುಕರ್ತೊಥೊ. ಪ್ರಾರ್ಥನೆ ಖತಮ್ ಹುವಾನ ಬಾದ್‌ಮ, ಇನ ಶಿಷ್ಯರ್‌ಮ ಏಕ್‌ ಜ಼ಣಾನೆ ಇನ, “ಪ್ರಭು, ಯೋಹಾನನೆ ಇನ ಶಿಷ್ಯರ್‌ನ ಪ್ರಾರ್ಥನೆ ಕರಾನ ಶಿಕಾಡ್ಯೋತೆ ಇಮ್ಮಸ್, ಹಮುನಾಬಿ ಪ್ರಾರ್ಥನೆ ಕರಾನ ಶಿಕಾಡ್” ಕರಿ ಬೋಲ್ಯೊ.
\p
\v 2 ತದೆ ಯೇಸುನೆ ಇವ್ಣುನ, “ತುಮೆ ಪ್ರಾರ್ಥನೆ ಕರಾನಿ ವಖ್ಹತ್‌ಮ,
\q1 ಬಾ:
\q2 ತಾರು ನಾಮ್ ಪರಿಶುದ್ದ ಕರಿ ಬೋಲಾವಾದೆ,
\q2 ತಾರಿ ರಾಜ್ಯ ಆವಾದೆ.
\q2
\v 3 ಹಮೂನ ದನ್‌ಪರೋಜ಼್‌ನು ಖಾಣು ದೇ.
\q2
\v 4 ಹಮಾರಿ ವಿರೋದ್ ಗಲತ್‌ ಕರಾತೆ ಹರೇಕ್ನ, ಹಮೆ ಮಾಪ್‌ ಕರೇಸ್ತೆ ಇಮ್ಮಸ್,
\q2 ಹಮಾರಿ ಪಾಪ್ನ ಮಾಪ್‌ ಕರ್‌.
\q2 ಹಮೂನ ಕಠಣ್ ಶೋದನೆಮ ನಕೊನಾಕ್‌ ಕರಿ ಬೋಲಿಲೆವೊ ಕರಿ ಬೋಲ್ಯೊ.
\p
\v 5 ಅಜು಼ ಯೇಸುನೆ ಇನ ಶಿಷ್ಯರ್‌ನ, “ತುಮಾರಾಮ ಏಕ್‌ ಜ಼ಣೊ ಅಧಿರಾತ್ಮ ಏಕ್‌ ದೋಸ್ತ್‌ನ ಘರ್‌ಕನ ಜೈ಼ನ್, ‘ದೋಸ್ ಮನ ತೀನ್ ರೋಟಾ ಉಧಾರ್ ದೇ. 
\v 6 ಮಾರೊ ದೋಸ್ತ್‌ಮ ಏಕ್‌ ಜ಼ಣೊ ಕಿಜ್ಜಾ಼ಕಿ ಒಳೆಜಾ಼ತೊಥೋತೆ ವಖ್ಹತ್‌ಮ, ಮಾರ ಘರ್‌ಕನ ಐರ‍್ಹೋಸ್. ಇನ ಖಾಣು ಖಡಾವಾನ ಮಾರಕನ ಶಾತ್ಬಿ ಕೊಯ್ನಿ’ ಕರಿ ಬೋಲ್ಯೊ. 
\v 7 ತದೆ ಯೋ ದೋಸ್ ಘರ್‌ನ ಮಹಿಥೋಸ್ ಇನ, ‘ಮನ ಖ್ಹತಾವ್ ನಕೊ; ಹಮ್ಕೆ, ಬಾಕಲ್ ಮೂಚೈ಼ರ‍್ಹೂಸ್; ಮಾರ ಅಡ್ಡಾಣಿ ಲಡ್ಕಾ ಮಾರ ಜೋ಼ಡೆ ಖ್ಹುತಾಸ್. ಮೇ ಉಠೀನ್, ತುನ ಶಾತ್ಬಿ ದ್ಯವಾನ ಕೋ ಹುವಾನಿ’ ಕರಿ ಜವಾಬ್‌ ದಿದೊತೋಬಿ ದಿಯ್ಯೆಜಾ಼ಯ್. 
\v 8 ತೋಬಿ ದೋಸ್ತ್‌ನಖ್ಹಾಜೆ ಉಠೀನ್ ನಾ ದಿದೊತೋಬಿ, ಯೋ ಖ್ಹರ್ಮಾವಸ್‌ಕೊಂತೆ ಮಾಂಗ್‌ತೋಸ್ ರ‍್ಹಿಶೆ ಕರಿ ಬೋಲಿನ್, ಉಠಿ ಐನ್ ಯೋ ಬೋಲಾತೆಯೆತ್ರು ಇನ ದಿಶೆ ಕರಿ ಮೇ ತುಮೂನ ಬೋಲುಸ್” ಕರಿ ಬೋಲ್ಯೊ.
\p
\v 9 “ಇನಖ್ಹಾಜೆ ಮೇ ತುಮೂನ ಬೋಲುಸ್ಕಿ, ಮಾಂಗಿಲೇವೊ, ತುಮೂನ ದೇವಾವ್‌ಶೆ. ಢೂಂಡೊ, ತುಮೂನ ಮಳ್‌ಶೆ. ಬಾಕಲ್‌ಪರ್ ಮಾರೊ, ತದೆ ತುಮೂನ ಬಾಕಲ್ ಕಾಡ್‌ಶೆ. 
\v 10 ಶನಕತೊ, ಮಾಂಗವಾಳ ಹರೇಕ್‌ನ ದೆವಾವ್‌ಶೆ, ಢೂಂಡವಾಳನ ಮಳ್‌ಶೆ, ಬಾಕಲ್‌ ಖಟ್‌ಖಟಾವಸ್ಕಿ ಇನ ಕಡಾವ್‌ಶೆ. 
\v 11 ತುಮಾರಾಮ, ಬಾ ಹುಯಿರ‍್ಹೋತೆ ಕೋಣ್‌ತೋಬಿ ಮಾಛ಼್‌ಲು ಮಾಂಗವಾಳ ಛಿಯ್ಯಾನ, ಖ್ಹಾಪ್ ದಿಶುಕಿ ಶು? 
\v 12 ನತರ್‌ಕಿ ಇಂಡು ಮಾಂಗಾತೆ ಛಿಯ್ಯಾನ, ವಿಛ್ಛಿ ದಿಶುಕಿ ಶು? 
\v 13 ಇಮ್‍ಕತೊ, ಖರಾಬ್ ಹುಯಿರ‍್ಹಾತೆ ತುಮೇಸ್, ತುಮಾರ ಲಡ್ಕಾವ್ನ ಅಛ್ಛು಼ ರಾಛು಼ಖ್ಹಾರು ದೆವಾಪರ್, ಪರಲೋಕ್‌ನೊ ತುಮಾರೊ ಬಾ, ಇನಾಕನ ಮಾಂಗಿಲ್ಯವಾಳನ ಕೈಯೆಕ್ಕಿ ಜಾ಼ಫ ಪವಿತ್ರಾತ್ಮನ ದಿಶೆ ಕೊಯ್ನಿಕಿ ಶು?” ಕರಿ ಬೋಲ್ಯೊ.
\s ಯೇಸು ಅಜು಼ ಬೆಲ್ಜಬೂಲ್
\r (ಮತ್ತಾಯ 12:22-30; ಮಾರ್ಕ 3:20-27)
\p
\v 14 ಏಕ್‌ ಹಲ್ಲ ಯೇಸು ಮುಕ್ಕೊ ಭೂತ್‌ನ ನಖ್ಹಾಡುಕರ್ತೋಥೊ. ಕದೆ ಯೋ ಮುಕ್ಕೊ ಭೂತ್ ನಿಕ್ಳಿಗಯೂಕಿ, ತದೆ ಯೊ ಅದ್ಮಿ ವಾತೆ ಬೋಲಾಲಗ್ಯು. ಅನ ದೇಖಿನ್, ಅದ್ಮಿಖ್ಹಾರು ಆಶ್ಚರ್ಯಖಾದು. 
\v 15 ಕತೋಬಿ, ಇವ್ಣಾಮ ಥೋಡು ಜ಼ಣು, “ಆ, ಭೂತ್ ಖ್ಹಾರಾನೊ ಯಜಮಾನ್ ಹುಯಿರ‍್ಹೋತೆ ಬೆಲ್ಜೆಬೂಲ್‌ನೊ ಶಕಥ್ಥಿ, ಭೂತ್ ಖ್ಹಾರಾನ ಕಾಡಸ್ತೆ” ಕರಿ ಬೋಲ್ಯು.
\p
\v 16 ಬಿಜು಼ ಥೋಡು ಜ಼ಣು ಯೇಸುನ ಖ್ಹಪ್‌ಡಾವ್ಣು ಕರಿ, “ತೂ ಆಬ್‍ಮ ಏಕ್‌ ಅದ್ಭುತ್ ಕರಿನ್ ವತಾಳ್” ಕರಿ ಇನ ಬೋಲ್ಯು. 
\v 17 ಯೇಸುನೆ ಇವ್ಣಿ ಸೋಚ್ನ ಮಾಲುಮ್‌ ಕರಿಲೀನ್, ಇವ್ಣುನ ಬೋಲ್ಯೊಕಿ, “ಇವ್ಣ-ಇವ್ಣಾಮಸ್‌ ಭಾಗ್‌ಪಡಿಲ್ಯವಾನೊ ರಾಜ್ಯ ಬರ್ಬಾತ್ ಹುಯಿಜಾ಼ಸ್, ಇವ್ಣ-ಇವ್ಣಾಮಸ್‌ ಭಾಗ್‌ಪಡೀನ್‌, ಲಗಾತ್‌ ಭೀಡಾಲಗಸ್ತೆ ಘರ್ ತುಟಿಜಾ಼ಸ್‌, 
\v 18 ಇಮ್ಮಸ್ ಶೈತಾನ್, ಇನಿ ವಿರೋದ್ ಯೋಸ್‌ ಭೀಡಾಲಗ್ಯೋತೊ, ಇನಿ ರಾಜ್ಯ ಕಿಮ್ ಬಚ಼್‌ಶೆ? ಮೇ ಬೆಲ್ಜೆಬೂಲ್‌ನಿ ಶಕಥ್ಥಿ ಭೂತ್‌ ಕಾಡುಸ್‌ ಕರಿ ತುಮೆ ಬೋಲೋಸ್‌ನಿ. 
\v 19 ಮೇ ಬೆಲ್ಜೆಬೂಲ್‌ನಿ ಶಕಥ್ಥಿ ಭೂತ್‌ಖ್ಹಾರು ಕಾಡ್ತೊ ಉಶೇತೊ, ತುಮಾರು ಅದ್ಮಿ ಕಿನಿ ಶಕಥ್ಥಿ ಭೂತ್‌ಖ್ಹಾರು ಕಾಡಸ್‌. ಅನಖ್ಹಾಜೆ ಇವ್ಣೇಸ್ ತುಮೆ ಗಲತ್‌ ಕರಿ ನ್ಯಾವ್ ಫೇಡ್‌ಶೆ. 
\v 20 ಕತೋಬಿ ಮೇ ದೇವ್ನಿ ಶಕಥ್ಥಿ ಭೂತ್‌ಖ್ಹಾರನ ಕಾಡ್ತೊ ಉಶೇತೊ, ದೇವ್ನಿ ರಾಜ್ಯ ತುಮಾರಕನ ಐಗೈ ಕರಿ ಆಸ್ ವತಾಳಸ್‍.
\p
\v 21 ಏಕ್‌ ಶಕತ್‌ವಾಳೊ, ಲಠ್ಠೊ, ತಲ್ವಾರ್‌ ಅಜು಼ ಜಂಗ್ ಭಿಡಾನ ಹೋಣುತೆ ಖ್ಹಾರಿಸ್ ತೈಯಾರಿ ಕರಿಲೀನ್, ಇನ ಘರ್‌ನ ವಖ್ಹ್‌ತಿ ಕರಾನಿ ವಖ್ಹತ್‌ಮ, ಇನು ರಾಛು಼ಖ್ಹಾರು ಜ಼ತನ್‍ಥೀಸ್‌ ರ‍್ಹೇಸ್‌. 
\v 22 ಕತೋಬಿ, ಇನೇಥಿಬಿ ಶಕತ್‌ವಾಳೊ ಐನ್ ಇನ ಹರಾವನ ಬಾದ್‌ಮ, ಯೋ ಮಾಲಿಕ್ ಇನ ಘರ್‌ನ ಜ಼ತನ್‌ಥಿ ರಾಖಾನಟೇಕೆ, ರಾಖಿರಾಖ್ಯೊಥೋತೆ ಖ್ಹಾರುಸ್‌ ರಾಛಾ಼ನ ಛಿನೈಲಿನ್‌, ಇನೆ ಲೂಟಿಲಿದೊ ಯೋ ಖ್ಹಾರಾನ, ಇವ್ಣ ಅದ್ಮಿಮ ವಾಟಪಾಡಿಲೆಸ್.
\p
\v 23 ಮಾರ ಭಣಿ ರ‍್ಹೇಯಿಕೊಂತೆ ಇವ್ಣೆ, ಖ್ಹಾಚಮಾಬಿ ಮಾರು ವಿರೋದಿ ಹುಯಿರ‍್ಹುಸ್. ಮಾರ ಜೋ಼ಡ್ಮ ಎಕ್ಟು ಕರಾನ ಮದತ್ ಕರಾಕೊಂತೆ ಇವ್ಣೆ, ಖ್ಹಾಚಮಾಬಿ ಛಿಡ್‌ಗರ್‌ ಕರಾವಾಳೊ ಹುಯಿರ‍್ಹೋಸ್.
\s ಭೂತ್ ಪಾಛು಼ಫರಿ ಆವಸ್ತೆ ಬಾರೇಮ
\r (ಮತ್ತಾಯ 12:43-45)
\p
\v 24 ಏಕ್‌ ಅದ್ಮಿಮಾಥು ಭೂತ್‌ ನಿಕ್ಳಿಜಾ಼ವಾನ ಬಾದ್ಮ, ಅರಾಮ್‌ ಕರಾನಖ್ಹಾಜೆ ಝ಼ಗೊ ಢೂಂಡ್‌ತುಹುಯಿನ್, ಪಾಣಿಕೊಂತೆ ಝ಼ಗೋಮ ವನ್‌ವನ್ತು ರ‍್ಹೇಸ್. ಕತೋಬಿ ಅರಾಮ್‌ ಕರಾನ ಝ಼ಗೊ ಮಳಾಕೊಂತೆ ದೇಖಿನ್‌, ಯೋ ಭೂತ್ ಇನುಯೋಸ್, ‘ಮೇ ಮ್ಹೆಂದಿನ್ ಆಯೋತೆ, ಮಾರ ಘರೆ ಪಾಛೊ಼ಫರಿನ್ ಆವುಸ್ ಕರಿ ಬೋಲಿನ್, 
\v 25 ಯೋ ಘರ್‌ಕನ ಪಾಛೊ಼ಫರಿ ಆಯಿನ್, ಯೋ ಝ಼ಡೈನ್, ಅಚ್‌ಕಟ್ ಹುಯಿರ‍್ಹೂತೆ ದೇಖಸ್. 
\v 26 ತದೆ ಹಿಜ್ಜಾ಼ಥೊ ಜೈ಼ನ್, ಇನೇಥಿಬಿ ಖರಾಬ್ ಹುಯಿರ‍್ಹೂತೆ ಬಿಜು಼ ಖ್ಹಾತ್ ಭೂತ್‌ನ ಬುಲೈಲ್ಯಾವಸ್‌, ಯೋ ಖ್ಹಾರು ಇನ ಮಹಿ ಪೇಶಿನ್ ಹಿಜ್ಜಾ಼ಸ್ ರ‍್ಹವಾಲಗಸ್‌. ತದೆ ಯೋ ಅದ್ಮಿನಿ ಖ್ಹರ್ತಿಮಾನಿ ಹಾಲ್‌, ಪಹಿಲೆಥೀಬಿ ತೀರ್‌ಚಾಸ್ ಬಿಗ್‌ಡಿಜಾ಼ಸ್” ಕರಿ ಬೋಲ್ಯೊ.
\s ಖ್ಹಾಚಿ ಖ್ಹುಶಿ
\p
\v 27 ಯೇಸು ಆ ವಾತೆಖ್ಹಾರು ಬೋಲುಕರಾನಿ ವಖ್ಹತ್‌ಮ, ಅದ್ಮಿನಿ ಝೂ಼ಂಡ್‌ಮಾಥು ಏಕ್‌ ತಯೇಡಾನೆ, “ತುನ ಜ಼ಣಿನ್, ದೂದ್ ಪಿಡೈನ್‌, ಪಾಳಿತೆ ಯೋ ತಯೇಡ ಧನ್ಯ ಹುಯಿರ‍್ಹೀಸ್‌!” ಕರಿ ಚಿಕ್ರಿನ್ ಬೋಲಿ.
\p
\v 28 ತದೆ ಯೇಸುನೆ, “ಇನೇಥಿಬಿ, ದೇವ್ನಿ ವಚನ್ನ ಖ್ಹಮ್‌ಜೀನ್‌, ಇನ ಪಾಡಿಚಾ಼ಲವಾಳುಸ್‌ ಧನ್ಯರ್ ಹುಯಿರ‍್ಹುಸ್‍” ಕರಿ ಬೋಲ್ಯೊ.
\s ಅದ್ಭುತ್ ಕರಿ ದೆಖಾಡ್ ಕರಿ ಬೋಲ್ಯೂತೆ
\r (ಮತ್ತಾಯ 12:38-42)
\p
\v 29 ಅದ್ಮಿ ಝೂ಼ಂಡೆ-ಝೂ಼ಂಡೆ ಭರೈನ್ ಆವ್‍ಕರಾನಿ ವಖ್ಹತ್‌ಮ, ಯೇಸುನೆ ಇವ್ಣುನ, “ಆ ಪಿಳ್ಗಿ ಖರಾಬ್ ಪಿಳ್ಗಿ ಹುಯಿರ‍್ಹೂಸ್! ಅವ್ಣೆ ಅದ್ಭುತ್ ಕಾಮ್ ದೇಕ್ಣು ಕರಿ ಆಖ್ಹ್ ಕರಾಸ್, ಕತೋಬಿ ಯೋನಾನಿ ಜಿ಼ಂದ್‌ಗೀಮ ಚಾ಼ಲ್ಯುತೆ ಅದ್ಭುತಾಸ್ ಪಣ್ಕಿ ಬಿಜು಼ ಅದ್ಭುತ್ ಅವ್ಣುನ ಕೋ ಮಳ್‌ಶೇನಿ. 
\v 30 ಯೋನ ನಿನವೆ ನಂಗರ್‌ವಾಳನ ಖ್ಹಣೇದ್ ಹುಯಿರ‍್ಹೊಥೋತೆ ಇಮ್ಮಸ್, ಅದ್ಮಿನೊ ಛಿಯ್ಯೊ ಆ ಪಿಳ್ಗಿವಾಳಾನ ಖ್ಹಣೇದ್ ಹುಯಿರ‍್ಹೋಸ್. 
\v 31 ನ್ಯಾವ್‌ನ ತೀರ್ಪ್‌ನ ದನ್ಮ, ಶೇಬಾನಿ ರಾಣಿ ಉಠಿ ಭೀರಿನ್, ಆ ಪಿಳ್ಗಿವಾಳಾನ, ‘ತುಮೆ ಅಪರಾದಿ’ ಕರಿ ಬೋಲ್‌ಶೆ. ಯೋ ಸೊಲೊಮೋನ್ನಿ ಚಾ಼ತುರ್\f + \fr 11:31 \fr*\ft ಗ್ಯಾನ್ನಿ ವಾತೆ ಕರೀಬಿ ಹುವಾಸ್.\ft*\f* ವಾತೇನ ಖ್ಹಮ್‌ಜಾ಼ನಖ್ಹಾಜೆ ಧರ್ತಿನ ಕೈಯೆಕ್ಕಿ ದಖ್ಖನ್‌ಥಿ ಆಯಿ. ಕತೋಬಿ ಮೇ ತುಮೂನ ಬೋಲುಸ್ಕಿ, ಸೊಲೊಮೋನ್‌ಥೀಬಿ ಮೋಟೊ ಹಜ್ಜಾ಼ ಛಾ಼. 
\v 32 ನ್ಯಾವ್‍ನ ತೀರ್ಪ್‌ನ ದನ್ಮ ನಿನವೆ ನಂಗರ್‌ವಾಳು ಉಠಿ ಭೀರಿನ್‌, ಆ ಪಿಳ್ಗಿವಾಳಾನ, ‘ತುಮೆ ಅಪರಾದಿ’ ಕರಿ ಬೋಲ್‌ಶೆ. ಇವ್ಣೆ ಯೋನಾನೆ ಬೋಲ್ಯೋತೆ ವಚನ್ನ ಖ್ಹಮ್‌ಜಿನ್‌, ದೇವ್ ಭಣಿ ಫರಿಗಯು; ಕತೋಬಿ ಮೇ ತುಮೂನ ಬೋಲುಸ್ಕಿ, ಯೋನಾಥೀಬಿ ಮೋಟೊ ಹಜ್ಜಾ಼ ಛಾ಼!
\s ಶರೀರ‍್ನು ಉಜಾ಼ಳು
\r (ಮತ್ತಾಯ 5:15; 6:22-23)
\p
\v 33 ಕೋಣ್‌ಬಿ ದೀವೊ ಖ್ಹಲ್‌ಗೈನ್, ಲಪಾಡಿನ್ ರ‍್ಹವೊ, ನತರ್‌ಕಿ ಕೋಳ್ಗಾನಹೇಟ್ ರ‍್ಹವೊ ಮ್ಹೇಲಾಕೊಯ್ನಿ. ಘರ್‌ನ ಮಹಿ ಆವಾಳಾನ ಉಜಾ಼ಳು ದೆಖಾವಾನಿಘೋಣಿ, ದೀವೊ ಮ್ಹೇಲಾನಿ ಖಂಬಾಪರ್ ಮ್ಹೇಲಾಸ್. 
\v 34 ತಾರ ಡೋಳಾ ಶರೀರ್‌ನ ದಿವಾನಿಘೋಣಿ ಹುಯಿರ‍್ಹುಸ್‍. ತಾರ ಡೋಳ ಬರೋಬರ್ ರ‍್ಹಯಾತೊ, ತಾರು ಶರೀರ್ ಅಖ್ಖುಸ್ ಉಜಾ಼ಳು ರ‍್ಹಿಶೆ: ಕತೋಬಿ ತಾರ ಡೋಳ ಖರಾಬ್ ರ‍್ಹಯೂತೊ, ತಾರು ಶರೀರ್ ಅಖ್ಖುಸ್ ಅಂಧಾರು ಹುಯಿಜಾ಼ಶೆ 
\v 35 ಇನಖ್ಹಾಜೇಸ್, ತಾರು ಉಜಾ಼ಳು ಅಂಧಾರು ನಾ ಹೋಣುತೆ ಇಮ್‌ ದೇಖಿಲೆ. 
\v 36 ತದೆ ತಾರು ಆಂಗ್-ತನ್ ಅಖ್ಖುಸ್ ಉಜಾ಼ಖ್ಹ್‌ಥಿ ಭರೈನ್, ಖೆವಿ ಬಾಜು಼ಮಾಬಿ ಅಂಧಾರು ನಾರ‍್ಹಯುತೊ, ಯೋ ಉಜಾ಼ಖ್ಹ್‌ ಖ್ಹಾರಿಸ್ ಬಾಜು಼ಮ ಘೈಗ್‌ಶೆತೆ ಇಮ್ಮಸ್, ದೀವೊ ಘೈಗಾನಿ ವಖ್ಹತ್‌ಮ ಇನು ಉಜಾ಼ಖ್ಹ್‌ ತಾರಪರ್ ಘೈಗ್‌ಶೆ, “ಕರಿ ಬೋಲ್ಯೊ.
\s ಯೇಸುನೆ ಫರಿಸಾಯರ್ ಅಜು಼ ಮೋಶೇನು ಧರ್ಮಶಾಸ್ತ್ರ ಶಿಕಾಡವಾಳ ಶಾಸ್ತ್ರಿಯೇಪರ್ ಗಲತ್‌ ಲಗಾಡ್ಯೋತೆ
\r (ಮತ್ತಾಯ 23:1-36; ಮಾರ್ಕ 12:38-40)
\p
\v 37 ಯೇಸುನೆ ವಾತೆ ಬೋಲಿನ್ ಖತಮ್ ಕರಾನ ಬಾದ್‌ಮ, ಫರಿಸಾಯರ್‌ವಾಳೊ ಏಕ್‌ ಜ಼ಣಾನೆ ಯೇಸುನ ಖಾಣನ ಬುಲಾಯೊ. ತದೆ ಯೇಸು ಇನ ಘರ್‌ನ ಮಹಿ ಜೈ಼ನ್‌, ಖಾಣನ ಬೇಶಿಗಯೊ. 
\v 38 ಯೇಸುನೆ ಹಾತ್‌ ಧೋಯೊಕೊಂತೆ ಖಾಣನ ಬೆಠೂತೆ ಯೋ ಫರಿಸಾಯವಾಳನೆ ದೇಖಿನ್, ಆಶ್ಚರ್ಯಹುಯು. 
\v 39 ತದೆ ಪ್ರಭುನೆ ಇನ, “ಫರಿಸಾಯರ್ ಹುಯಿರ‍್ಹಾತೆ ತುಮೆ ತುಮಾರು ಹಂಡ್‌ಕು ಅಜು಼ ಥಾಳಿ ಭಾರ್‌ ಪಾಕ್‌ಥಿ ಮಾಂಜ಼ಸ್. ಕತೋಬಿ ತುಮಾರ ಮಹಿ ಠಗಾವಾನು ಅಜು಼ ಖರಾಬ್ ಚಾ಼ಲ್ ಭರೈರ‍್ಹೂಸ್. 
\v 40 ಖ್ಹಯಾಲ್‌ಭರ‍್ಯಾ! ಭಾರ್‌ಲ್ಯು ಬಣಾಯೋತೆ ದೇವ್ನೇಸ್, ಮಹಿನೂಬಿ ಬಣೈರಾಖ್ಯೊಸ್ನಿ. 
\v 41 ಅನಖ್ಹಾಜೆಸ್ ಮಹಿ ಛಾ಼ತೆ ಇನ ಗೋರ್‌ಗರೀಬ್‌ನ ದೆವೊ, ತದೆ ತಮಾಮ್‌ ರಾಛು಼ ತುಮಾರಖ್ಹಾಜೆ ಪಾಕ್‌ ಹುಯಿಜಾ಼ಶೆ.
\p
\v 42 ಅಲಾ ಫರಿಸಾಯರ್‌ವಾಳ, ತುಮಾರಿ ಹಾಲ್ನ ಶಾತ್‌ ಬೋಲು! ತುಮೆ ದೇವ್ನ ತುಮಾರಕನ ಛಾ಼ತೆ ಹರೇಕ್‌ಮ ದಖ್ಹ್‌ಮ ಏಕ್‌ ಭಾಗ್‌ ದೆವೋಸ್; ತುಮೆ ಪಿಕಾವಸ್ತೆ ಖ್ಹಾರಿಸ್ ತರ‍್ಹಾನು ಜ಼ಡಿಬೂಠಿನ ಅಜು಼ ಪುದೀನ, ಸದಾಪುಮಾಬಿ ಭಾಜಿಯೇಮ ದಖ್ಹ್‌ಮ ಏಕ್‌ ಭಾಗ್‌ ದೆವೋಸ್. ಕತೋಬಿ ನ್ಯಾವ್‌ಥಿ ಚಾ಼ಲಿಲ್ಯವಾನ ಅಜು಼ ಪ್ಯಾರ್ ವತಾಳನು ತುಮೆ ಭೈಕಿಗಯ. ಪಹಿಲೆ ತುಮೆ ಆ ಖ್ಹಾರು ಕರಾನ ಆದತ್ ಕರಿಲೇವ್ಣು, ಅಜು಼ ಯೋ ಖ್ಹಾರುಬಿ ನಾ ಭೈಕ್‌ಣು.
\p
\v 43 “ಫರಿಸಾಯರ್‌ವಾಳ, ತುಮಾರಿ ಹಾಲ್ನ ಶಾತ್‌ ಬೋಲು! ಸಬೆ ಭರಾವನು ಮಂದಿರ್‌ಮ ಪಹಿಲಿ ಝ಼ಗೊ ದ್ಯವಾನುಸ್ ತುಮೂನ ಪ್ಯಾರ್, ಅಜು಼ ದುಕಾನೇನಿ ಗಲ್ಲಿಯೇಮ ತುಮೂನ ಖ್ಹಲಾಮ್ ಕರ‍್ನು ಕರಿ ಬೋಲನುಸ್ ತುಮಾರಿ ಆಖ್ಹ್! 
\v 44 ತುಮಾರಿ ಹಾಲ್ನ ಶಾತ್‌ ಬೋಲು! ತುಮೆ ದಬಿಗಯೂತೆ ಮಖ್ಹಾಣ್ಯನಿಘೋಣಿ ಛಾ಼. ಇನಾಪರ್ ಚಾ಼ಲವಾಳ ಅದ್ಮಿನ ತುಮೆ ಮಖ್ಹಾಣ್ಯುಕರಿ ಮಾಲುಮ್ ಕೊಯ್ನಿ.
\p
\v 45 ತದೆ ಮೋಶೇನು ಧರ್ಮಶಾಸ್ತ್ರ ಶಿಕಾಡವಾಳು ಶಾಸ್ತ್ರಿಮ ಏಕ್‌ ಜ಼ಣು ಯೇಸುನ, “ಗುರು, ಆ ವಾತೆ ಬೋಲಾಥಿ ತೂ ಹಮುನಾಬಿ ಖ್ಹರಮ್‌ ಕಾಡದಾಖ್ಹಲ್ ಹುಯು” ಕರಿ ಬೋಲ್ಯೊ. 
\v 46 ಯೇಸುನೆ ಜವಾಬ್‌ ದಿದೋಕಿ, “ಮೋಶೇನು ಧರ್ಮಶಾಸ್ತ್ರ ಶಿಕಾಡವಾಳ ಶಾಸ್ತ್ರಿಯೆ, ತುಮಾರಿ ಹಾಲ್ನಬಿ ಶಾತ್‌ ಬೋಲು! ತುಮೆ ಅದ್ಮಿಪರ್ ಢೊವಾನ ಹುವಾಕೊಂತೆ, ಎತ್ರೊ ಬೋಜೊ಼ ನಾಖೋಸ್. ಕತೋಬಿ ತುಮೇತೊ, ಯೋ ಭೋಜಾ಼ನ ಏಕ್‌ ಅಂಗ್‌ಳಿಥೀಬಿ ಛೀಮಕೊಯ್ನಿ.
\p
\v 47 ತುಮಾರಿ ಹಾಲ್ನ ಶಾತ್‌ ಬೋಲು! ತುಮೆ ಪ್ರವಾದಿಯೇನಖ್ಹಾಜೆ ಅಛ್ಛಿ-ಅಛ್ಛಿ ಮಖ್ಹಾಣ್ಯನಿ ಘವಿಯೇನ ಬಣಾವೋಸ್, ಇವ್ಣುನ ಮಾರ‍್ಯೂತೆ ತುಮಾರ ಗುರುಗುರಬ್‍ಲ್ಯನೇಸ್. 
\v 48 ಅನೇಥಿ ತುಮಾರ ಗುರುಗುರಬ್‍ಲ್ಯನೆ ಕರ‍್ಯುತೆ ಇನ, ತುಮೇಸ್ ಸಾಕ್ಷಿ ಹುಯಿರ‍್ಹಾಸ್. ಇವ್ಣ ಕಾಮ್‍ಅಖ್ಖಾನ ಮಾನಿಲಿದ ಕರಿ. ಕಿಮ್‌ಕತೊ ಇವ್ಣೆ ಪ್ರವಾದಿಯೇನ ಮಾರ‍್ಯು, ತುಮೆ ಯೋ ಮಖ್ಹಾಣ್ಯನಿ ಘವಿಯೇನ ಭಾಂದೋಸ್. 
\v 49 ಅನಖ್ಹಾಜೆಸ್ ದೇವ್ನಿ ಗ್ಯಾನ್ ಬೋಲಸ್ಕಿ, “ಮೇ ಇವ್ಣಾಕನ ಪ್ರವಾದಿಯೇನಾಬಿ, ಅಪೊಸ್ತಲರ್‌ನಾಬಿ ಮೋಕ್ಲೀಶ್, ಇವ್ಣಾಮ ಥೋಡ ಜ಼ಣಾನ ಮಾರಿನಾಕ್‌ಶೆ ಅಜು಼ ಥೋಡ ಜ಼ಣಾನ ಖ್ಹತಾವ್‌ಶೆ. 
\v 50 ಅನಖ್ಹಾಜೆಸ್, ಜಗತ್‌ ಉಬ್‍ಜೂತೆ ತಪ್‌ಥು ಮರೈನಾಖಿ ದಿದೂತೆ ತಮಾಮ್‌ ಪ್ರವಾದಿಯೇನು ಮೋತ್‌ನ, ಆ ಜ಼ಗ್‌ನು ಅದ್ಮಿ ಹುಯಿರ‍್ಹಾತೆ ತುಮೂನ ದಂಡ್‌ ಮಳ್‌ಶೆ! 
\v 51 ಹೇಬೆಲ್‌ಥು ಧರೀನ್, ಬಲಿನಿ ಚಾ಼ಚ಼ರ್‌ ಅಜು಼ ಮಂದಿರ್‌ನ ಇಚ಼್‌ಮ ಮರೈ ನಾಖ್ಯುತೆ ಜಕರೀಯನು ಮೋತ್‍ತೋಡಿನು ದಂಡ್‌ ತುಮೂನ ಮಳ್‌ಶೆ. ಒಹೊ, ಮೇ ತುಮೂನ ಬೋಲುಸ್ಕಿ ಯೋ ಖ್ಹಾರಾವ್‍ನಟೇಕೆ ಆ ಜ಼ಗ್‌ನು ಅದ್ಮಿನ ದಂಡ್‌ ಮಳ್‌ಶೆ!
\p
\v 52 ಮೋಶೆನಿ ಧರ್ಮಶಾಸ್ತ್ರ ಶಿಕಾಡವಾಳ ಶಾಸ್ತ್ರಿಯೆ ತುಮಾರಿ ಹಾಲ್ನ ಶಾತ್‌ ಬೋಲು! ದೇವ್ನಿ ಬಾರೇಮ ಶಿಕಾನಟೇಕೆ ಛಾ಼ತೆ ಬೀಗಾನ ತುಮೇಸ್ ರಾಖಿಲಿದ, ತುಮೇಬಿ ಮಹಿ ಜಾ಼ಯ್‌ಕೊಯ್ನಿ, ಬಿಜಾ಼ನಾಬಿ ಜಾ಼ವಾನ ಕೋ ಮ್ಹೇಲಾನಿ” ಕರಿ ಬೋಲ್ಯೊ.
\p
\v 53 ಯೇಸು ಹಿಜ್ಜಾ಼ಥೊ ನಿಕ್ಳಾನಿ ವಖ್ಹತ್‌ಮ, ಮೋಶೆನಿ ಧರ್ಮಶಾಸ್ತ್ರ ಶಿಕಾಡವಾಳು ಶಾಸ್ತ್ರಿಯೆ ಅಜು಼ ಫರಿಸಾಯರ್‌ವಾಳು ಯೇಸುನಿ ಚಾ಼ವ್‌ಣ್ಯ ಕಾಡ್ಯು, ಅಜು಼ ಘಣಿ ಬಾರೇಮ ಇನ ಪುಛಾ಼ಯು. 
\v 54 ಯೇಸುನಿ ವಾತೇಮ ಶಾತ್‌ತೋಬಿ ಗಲತ್‌ ಮಳಾಸ್ಕಿ ಶುಕಿ ಕರಿ, ಇನ ಖ್ಹಪ್‌ಡಾವಾನಟೆಕೆ ಘಣು ಕೋಶಿಷ್ ಕರ‍್ಯು.
\c 12
\s ಪರಿಸಾಯರ್‌ನು ಮಹಿ ಏಕ್ ಭಾರ್‌ ಏಕ್ ಬೊಲಾನಿ ಬಾರೇಮ ಝೇತಾವ್ಣಿ
\r (ಮತ್ತಾಯ 10:26-27)
\p
\v 1 ಎತ್ರಾಸ್‌ಮ ಹಜಾ಼ರೊ ಅದ್ಮಿನಿ ಭೀಡ್ ಉಪ್ರಾಥಾಳಿ ಪಡ್ತುಹುಯಿನ್‍, ಎಕ್ಟು ಹುಯು. ತದೆ ಯೇಸುನೆ ಪಹಿಲೆ ಇನ ಶಿಷ್ಯರ್‌ನ, “ಫರಿಸಾಯನು ಶೋಡನು ಆಟಾನಿ ಬಾರೇಮ ಕತೊ, ಇವ್ಣೆ ಠಗಾವನಿ ಬಾರೇಮ ಜ಼ತನ್‌ಥಿ ರ‍್ಹವೊ, 
\v 2 ಲಪೈರ‍್ಹುತೆ ಖ್ಹಾರುಸ್‌ ಭಾರ್‌ ದೆಖಾವ್‌ಶೆ, ಖ್ಹಾರಿಸ್ ಖ್ಹಾಚಿ ವಾತೆ ಭಾರ್‌ ಮಾಲುಮ್ ಪಡ್‌ಶೆ. 
\v 3 ಅನಖ್ಹಾಜೆಸ್, ತುಮೆ ಅಂಧಾರಾಮ ಬೋಲ್ಯಾತೆ ಯೋ ಖ್ಹಾರು, ದನ್ನು ಉಜಾ಼ಳಾಮ ಖ್ಹಮ್‌ಜಾ಼ವ್‌ಶೆ, ಅಜು಼ ಕೋಣಮ ಲಪೀನ್, ಕಾನ್‌ಮ ಶಿಕಾಡಿ ಬೋಲಾಸ್ತೆ ಖ್ಹಾರಿಸ್ ವಾತೆ ಘರ್‌ನ ಛ಼ತ್‍ಪರ್‌ಥು ಖ್ಹಮ್‌ಜಾ಼ವ್‌ಶೆ.
\s ಕಿನ ದೇಖಿನ್ ಡರ‍್ನು
\r (ಮತ್ತಾಯ 10:28-31)
\p
\v 4 “ಮಾರ ದೋಸ್ ಹುಯಿರ‍್ಹಾತೆ ತುಮೂನ, ಮೇ ಬೋಲುಸ್ಕಿ, ಶರೀರ್‌ನ ಮರ್‌ನಾಖಿನ್, ಇನೇಥಿ ಜಾ಼ಖ್ಹತ್ ಶಾತ್ಬಿ ಕರಾಕೊಂತೆ ಇವ್ಣುನ ದೇಖಿನ್, ನಕೊ ಡರ್‌ಶು. 
\v 5 ಕತೋಬಿ ತುಮೆ ಕಿನ ದೇಖಿನ್ ಡರ‍್ನು ಕರಿ ಮೇ ತುಮೂನ ಬೋಲಿದೆವುಸ್‍, ಮರಿಜಾ಼ವನ ಬಾದ್‌ಮ, ನರಕ್ಮ ನಾಖಾನಿ ಅದಿಕಾರ್ ರ‍್ಹವಾಳೊ ದೇವ್ನ ದೇಖಿನ್ ಡರೊ. ಓಹೊ, ಇನ ಎಕ್ಕಸ್ ಜ಼ಣಾಥಿ ತುಮೆ ಡರ‍್ನೂತೆ.
\p
\v 6 ಪಾಚ಼್ ಚು಼ರಕ್‌ಲಿಯೇನ ಬೇಕಾಖ್ಹ್‌ನ ವೇಚಾ಼ಕೊಯ್ನಿಕಿ ಶು? ತೋಬಿ, ಇನಾಮಾಥು ಏಕ್‌ನಾಬಿ ದೇವ್ ಭೈಕಕೊಯ್ನಿ. 
\v 7 ತುಮಾರೊ ಮುಡ್‌ಕ್ಯಾನೊ ಕೇಖ್ಹ್‌ ಜಿನ್‌ಕುಬಿ ಗಣೈರ‍್ಹೂಸ್‌. ಇನಖ್ಹಾಜೆ ಡರೊ ನಕೊ, ಕೈಏಕ್ಕಿ ಚು಼ರಕ್‌ಲಿಯೇಥೀಬಿ ತುಮೇಸ್ ಘಣ ಮೋಲ್‌ವಾಳ ಹುಯಿರ‍್ಹಾಸ್‌!
\s ಕ್ರಿಸ್ತ ದೇವ್‌ಕರಿ ಕಬೂಲಾನು ಅಜು಼ ಝಿಟ್ಕಾರನಿ ಬಾರೇಮ
\r (ಮತ್ತಾಯ 10:32-33; 12:32; 10:19-20)
\p
\v 8 “ಮೇ ತುಮೂನ ಬೋಲಸ್ಕಿ, ಕೋಣ್ ಅದ್ಮಿನ ಖ್ಹಾಮ್ಣೆ ಯೋ ಮಾರವಾಳೊಕರಿ ಮಾನಿಲೇಸ್ಕಿ, ಅದ್ಮಿನೊ ಛಿಯ್ಯೋಬಿ, ದೇವ್‌ನು ದೂತರ್‌ನ ಖ್ಹಾಮ್ಣೆ ಯೋ ಮಾರವಾಳೊಕರಿ ಮಾನಿಲಿಶೆ. 
\v 9 ಕತೋಬಿ ಕೋಣ್ ಅದ್ಮಿನ ಖ್ಹಾಮ್ಣೆ ಯೋ ಮಾರವಾಳೊ ಕಾಹೆಕರಿ ಬೋಲಸ್ಕಿ, ಇನ ಮೇಬಿ ಮಾರ ದೇವ್ನ ದೂತರ್‌ನ ಖ್ಹಾಮ್ಣೆ, ಯೋ ಮಾರ ಭಣಿವಾಳೊ ಕಾಹೆಕರಿ ಬೋಲಿಶ್” ಕರಿ ಬೋಲ್ಯೊ.
\p
\v 10 ಅದ್ಮಿನೊ ಛಿಯ್ಯಾಪರ್ ಶಾತ್‌ತೋಬಿ ಗಲತ್‌ ವಾತೆ ಬೋಲ್ಯೂತೊ, ಇವ್ಣುನ ಮಾಪಿ ಮಳ್‌ಶೆ; ಕತೋಬಿ ಪವಿತ್ರಾತ್ಮನ ವಿರೋದ್ ಖರಾಬ್ ಬೋಲವಾಳಾನ ಮಾಪಿಕೊಯ್ನಿ.
\p
\v 11 “ಇವ್ಣೆ ತುಮೂನ, ಸಭೆ ಭರಾವನು ಮಂದಿರ್‌ಮ ರ‍್ಹವೊ, ಅದಿಕಾರಿಕನ ರ‍್ಹವೊ, ರಾಜ್ಯಪಾಲ್‌ಕನ ರ‍್ಹವೊ, ರಾಜ಼್‌ಭಾರ್‌ ಚ಼ಲಾವವಾಳ ಖ್ಹಾಮ್ಣೆ ರ‍್ಹವೊ ಖೇಚಿಲಿಗಯೂತೆ, ಇವ್ಣುನ ಶಾತ್‌ ಜವಾಬ್‌ ದೇವ್ಣು, ಕಿಮ್ ಬೋಲ್ನುಕರಿ ವೇಚ಼್‌ಣೆ ನಕೊ ಕರ್ಶು. 
\v 12 ಶನಕತೊ ಯೋ ವಖ್ಹತ್‌ಮ, ತುಮೆ ಶಾತ್‌ ಬೋಲ್ನುಕರಿ ಪವಿತ್ರಾತ್ಮಾಸ್‌ ತುಮೂನ ಬೋಲಿದಿಶೆ.
\s ಖ್ಹಯಿಲು ಶೌಕಾರ್‌ನಿ ಬಾರೇಮಾನು ಮತ್ಲಬ್‌ನಿ ಖೇಣಿ
\p
\v 13 ಅದ್ಮಿನಿ ಝೂ಼ಂಡ್‌ಮಾಥು ಏಕ್‌ ಜ಼ಣು ಯೇಸುನ, “ಗುರು, ಮರಿಗಯೋತೆ ಹಮಾರ ಬಾನಿ ಆಸ್ತಿನ ಭಾಗ್‌ಪಾಡಿ ದ್ಯವಾದೆಕರಿ ಮಾರ ಮೋಟ ಭೈನ ಬೋಲ್’ ಕರಿ ಬೋಲಖ್ಹತರ್‌,
\p
\v 14 ತದೆ ಯೇಸುನೆ ಇನ, “ಅಲಾ ದೋಸ್, ನಯ್ಯೊಹುಯಿನ್ ರ‍್ಹವೊ ನತರ್‌ಕಿ ಆಸ್ತಿನ ಭಾಗ್‍ಪಾಡವಾಳೊ ಹುಯಿನ್ ರ‍್ಹವೊ, ಮನ ತುಮಾರ ಭೇ ಜ಼ಣಾಪರ್ ನೇಮಕ್ ಕರ‍್ಯುತೆ ಕೋಣ್?” ಕರಿ ಪುಛಾ಼ಯೊ. 
\v 15 ಅಜು಼ ಹಿಜ಼್ಜಾಥೂತೆ ಖ್ಹಾರುಸ್‌ ಅದ್ಮಿನ, “ಜ಼ತನ್‌ಥಿ ರ‍್ಹವೊ ಅಜು಼ ಹರೇಕ್ ತರ‍್ಹಾನು ಲಾಲಚ್‌ಥಿ ದೂರ್ ರ‍್ಹವಾನಿಮತ್ ತುಮಾರು ತುಮೆ ಬರಾಬರ್‌ಥಿ ದೇಖಿಲೆವೊ. ಶನಕತೊ ಏಕ್‌ ಜ಼ಣಾನ ಕೆತ್ರು ಧನ್‌-ದೌಲತ್ ರ‍್ಹಯುತೋಬಿ, ಯೋ ದೌಲತ್‌ ಇನ ಜಾನ್ನ ಆಧಾರ್ ಕೋ ಹುವಾನಿ.
\p
\v 16 ಅನ ಬಾದ್‌ಮ ಯೇಸುನೆ ಇವ್ಣುನ ಏಕ್‌ ಮತ್ಲಬ್‌ನಿ ಖೇಣಿನ ಬೋಲ್ಯೊ: ಏಕ್‌ ಶೌಕಾರ್ ಅದ್ಮಿ ಥೂ. ಏಕ್‌ ಹಲ್ಲ ಇನಿ ಜ಼ಮೀನ್‌ಮ ಅಛ್ಛಿನಿತರ ಅನಾಜ಼್ ಪಿಕ್ಯು. 
\v 17 ತದೆ ಯೋ ಇನ ಮನ್‌ಮ, ‘ಮೇ ಶಾತ್‌ಕರು? ಮಾರು ಅನಾಜ಼್ ಅಖ್ಖು ಭರಿನ್ ಮ್ಹೇಲಾನ ಝ಼ಗೊ ಕೊಯ್ನಿನಿ!’ ಕರಿ ಸೋಚಿನ್, 
\v 18 ‘ಮೇ ಏಕ್‌ ಕಾಮ್ ಕರುಸ್; ಮಾರಿ ಕಣ್ಗೀನ ಫೋಡೈನ್, ಇನೇಥಿಬಿ ಮೋಟಿ ಕಣ್ಗಿನ ಭಂದೈನ್, ಹಿಜ್ಜಾ಼ ಮಾರು ಖ್ಹಾರೂಸ್ ಅನಾಜ಼್‌ನ ಅಜು಼ ಬಿಜು಼ ಖ್ಹಾರೂಸ್ ರಾಛಾ಼ನ ಮ್ಹೇಲುಸ್’ 
\v 19 ಬಾದ್‌ಮ ಮಾರು ಮೇ, ಹೇ ಜಾನ್‌, ಕೆತ್ರಾಸ್ಕಿ ವರಖ್ಹ್ ಬೇಶಿನ್ ಖಾವಯೆತ್ರು ಅನಾಜ಼್ ತಾರಕನ ಪಡ್ಯೂಸ್. ಅರಾಮ್ ಕರಿಲೆ, ಖೈಪೀನ್ ಖ್ಹುಶಿ ಕರ್‌’ ಕರಿ ಇನು ಯೋಸ್ ಬೋಲಿಲಿದೊ. 
\v 20 ಕತೋಬಿ ದೇವ್ ಇನ, “ಬಿಣ್‍ಅಕ್ಲಿ, ಆ ರಾತೇಸ್ ತಾರ ಜಾನ್ನ ಕಾಡಿಲಿಶೆ; ತದೆ ತುನೆ ತಾರಖ್ಹಾಜೆ ಜ಼ಮಾಕರೀನ್ ಮ್ಹೇಲಿರಾಖ್ಯೊತೆ ಯೋ ಖ್ಹಾರು ಕಿನ ಉಶೆ?” ಕರಿ ಪುಛಾ಼ಯೊ.
\p
\v 21 ಇನಖ್ಹಾಜೆ ಯೋಸ್‌, ಧನ್‌-ದೌಲತ್‌ನ ಜ಼ಮಕರಿಲ್ಯವಾಳಾನಿ ಹಾಲ್‌ಬಿ ಅಮ್ಮಸ್, ಕತೋಬಿ ದೇವ್ನ ಡೋಳಾಮ ಇವ್ಣೆ ಶೌಕಾರ್ ಕಾಹೆ.
\s ದೇವ್‌ಪರ್‌ ಭರೋಖ್ಹೊ ಕರಾನಿ ಬಾರೇಮ
\r (ಮತ್ತಾಯ 6:25-34)
\p
\v 22 ಅಜು಼ ಯೇಸುನೆ ಇನ ಶಿಷ್ಯರ್‌ನ, “ಅನಖ್ಹಾಜೆಸ್ ಮೇ ತುಮೂನ ಬೋಲುಸ್ಕಿ, ಜಿವಿರ‍್ಹವಾನಟೇಕೆ ಶಾತ್ ಖಾಣು ಖಾಶುಕರಿ ರ‍್ಹವೊ, ನತರ್‌ಕಿ ಶರೀರ್‌ನ ಪೆರ‍್ಹಾನ ಲುಂಗ್ಡಾವ್‍ನಟೇಕೆ ರ‍್ಹವೊ ವೇಚ಼್‌ಣೆ ನಕೊ ಕರೊ. 
\v 23 ಖಾಣಥೀಬಿ ಜಾನ್‌, ಅಜು಼ ಲುಂಗ್ಡಾವ್‌ಥೀಬಿ ಶರೀರ್ ಮಹಾನ್ ಹುಯಿರ‍್ಹೂಸ್. 
\v 24 ಕಾಂಗಣ್ಣ ಅಖ್ಖು ದೇಖೊ, ಯೋ ಪಿಕಾವಕೊಯ್ನಿ ವ್ಹಾಡಾಬಿ ಕೊಯ್ನಿ; ಇವ್ಣುನ ಜ಼ಮಕರಾನು ಘರ್‌ಬಿ ಕೊಯ್ನಿ, ಕಣ್ಗಿಬಿ ಕೊಯ್ನಿ; ಇಮ್‌ ರ‍್ಹಯುತೋಬಿ, ದೇವ್ ಇವ್ಣುನ ಖಡೈನ್ ಪಾಳಸ್. ಉಡಂತು ಜಿನಾವರ್‌ಥೀಬಿ ತುಮೆ ಕೆತ್ರೇಕ್ಕಿ ಊಚ಼ ಹುಯಿರ‍್ಹಾಸ್. 
\v 25 ಅನಿ ಬಾರೇಮ ವೇಚ಼್‌ಣೆ ಕರಾಥಿ, ತುಮಾರಿ ಉಂಬರ್ ಭಡಾವನ ಕೀನೇಥಿಬಿ ಉಶೇಕಿ ಶು? 
\v 26 ನ್ಹನ್ನಾನು ಕಾಮ್ ಕರಾನಸ್‍ ತುಮಾರ ಹಾತೆ ಕೋ ಹುವ್ವಾನಿತೆ, ಮೋಟು-ಮೋಟು ಕಾಮ್ನಿ ಬಾರೇಮ ತುಮೆ ಶನ ವೇಚ಼್‌ಣೆ ಕರೊಸ್ತೆ? 
\v 27 ಜ಼ಂಗ್‍ಳಿಫೂಲ್‍ ಫುಟಾಸ್ತೆ ತರಿಕಾನ ದೇಖೊ; ಯೊ ಮ್ಹಿನತ್ ಕರಕೊಯ್ನಿ ಅಜು಼ ಇನಖ್ಹಾಜೆ ಲುಂಗ್ಡಾವ್‍ನಾಬಿ ಶಿವಿಲೆಯಿಕೋಯ್ನಿ. ತೋಬಿ ಮೇ ತುಮೂನ ಬೋಲುಸ್ಕಿ, ರಾಜ಼ ಸೊಲೊಮೋನ್ನಾಬಿ, ಇನಾಕನ ಥೂತೆ ಖ್ಹಾರುಸ್‌ ಖ್ಹೋನ್ನುಖ್ಹರಪ್‌ ಅಜು಼ ರಾಜಾ಼ನು ಪೇರ್‌ವಾಖ್ಹ್‌ನ ಫೇರ‍್ಯೊತೋಬಿ, ಆ ಫೂಲ್‌ಮ ಏಕ್‌ನ ಛಾ಼ತೆ ಶನ್‌ಗಾರ್ ಇನ ಕೋ ಥೂನಿ” ಕರಿ ಬೋಲ್ಯೊ. 
\v 28 ಅಲಾ, ದರ್ರಾಶಿ ವಿಶ್ವಾಸ್‍ವಾಳ, ಹಮ್ಕೆರ‍್ಹೀನ್ ಕಾಲೆ ಚು಼ಲ್ಹಾಮ ಬಳಿಜಾ಼ವಾನ ಜ಼ಂಗ್‌ಳಿ ಘಾಖ್ಹ್‌ನ ದೇವ್ ಅಮ್‍ ಪೇರ‍್ಹಾಯೋತೊ ಅನೇಥಿಬಿ ಜಾ಼ಖ್ಹತ್ ತುನ ಹೊಢೈಫೆರಾವ್‍ಶೆ.
\p
\v 29 ಅನಖ್ಹಾಜೆಸ್ ಶಾತ್‌ ಖಾಣು? ಶಾತ್‌ ಪೀಣು? ಕರಿ ಬೋಲಿನ್, ಕದೇಬಿ ಸೋಚ಼್‌ತಾಹುಯಿನ್‌, ಪಸ್ತಾವೊ ನಕೊ. 
\v 30 ಅನಿ ಖ್ಹಾರಿ ಬಾರೇಮ, ಆ ಜಗತ್‍ನುಅದ್ಮಿ ಕದೇಬಿ ಪಸ್ತಾವಸ್. ಆ ಅಖ್ಖು, ತುಮೂನ ಜ಼ರೂರತ್ ಛಾ಼ಕರಿ ಪರಲೋಕ್‌ನೊ ತುಮಾರ ಬಾನ ಮಾಲುಮ್‌. 
\v 31 ಅನಬದಲ್, ದೇವ್ನು ರಾಜ್ಯನಖ್ಹಾಜೆ ತರ್ಖ್ಹೊ, ತದೆ ಆ ಖ್ಹಾರು ಯೋಸ್‌ ತುಮೂನ ದಿಶೆ” ಕರಿ ಬೋಲ್ಯೊ.
\s ಸೊರ್ಗಮಾನು ಶೊತ್ನಿ ಬಾರೇಮ
\r (ಮತ್ತಾಯ 6:19-21)
\p
\v 32 “ನ್ಹಾನಿ ಝೂ಼ಂಡ್‌, ಡರ್‌ನಕೊ; ಯೋ ರಾಜ್ಯನ ತುಮೂನ ದ್ಯವಾನ ತುಮಾರೊ ಬಾನ ಖ್ಹುಶಿ ಛಾ಼. 
\v 33 ತುಮಾರಕನ ಛಾ಼ತೆ ಖ್ಹಾರುಸ್‌ ವೇಚಿನ್, ಆವಸ್ತೆ ಪೈಶಾನ ಗೋರ್‌-ಗರೀಬ್‌ನ ದೇವೊ. ತುಮಾರಕನ ಫಾಟಕೊಂತೆ ಚ಼ಂಚಿಯೇನ ಕರಿಲೆವೊ, ಪರ್‌ಲೋಕ್‌ಮ ಕಮ್ ಹುವಾಕೊಂತೆ ಶೊತ್ನ ಜ಼ಮಕರಿಲೇವೊ, ಕೆಹೊ ಚೋ಼ರ್‌ಬಿ ಇನ ಖನ್ನೆ ಆವಾನ ಕೋ ಆವಾನಿ ಅಜು಼ ಇನ ಕೋರ‍್ಹ ಖೈನ್‌ ಬರ್ಬಾತ್ ಕೋ ಉಶೇನಿ. 
\v 34 ತುಮಾರಿ ಶೊತ್‌ ಕಿಜ್ಜಾ಼ ರ‍್ಹೇಸ್ಕಿ, ಹಿಜ್ಜಾ಼ಸ್ ತುಮಾರೊ ದಿಲ್‌ಬಿ ರ‍್ಹೇಸ್‌.
\s ಹೊಷಾರಿ ರ‍್ಹವಾಳು ಆಳ್‌ ಖ್ಹಾರಾನಿ ಬಾರೇಮ
\p
\v 35 “ಶಾತ್ಬಿ ಆವೊ ತೈಯಾರ್ ರ‍್ಹವೊ, ಲುಂಗ್ಡ ಪೇರ‍್ಹಿನ್‌ ಖ್ಹವಾರಿರಾಖೊ, ತುಮಾರೊ ದೀವೊಖ್ಹಾರು ಲಾಗ್ತುರ‍್ಹವಾದೆ, 
\v 36 ತುಮೇತೊ, ಇವ್ಣೊ ಯಜಮಾನ್ ಆಯಿನ್, ಬಾಕಲ್ ಮಾರ್‌ತಾಸ್ ಕಾಡಾನ ತೈಯಾರ್ ರ‍್ಹೀನ್, ವ್ಯಹಾನು ಖಾಣು ಖೈನ್, ಕದೆ ಪಾಛೊ಼ಫರಿ ಆವ್‍ಶೆಕರಿ ಜ಼ಪಿರ‍್ಹೇಸ್ತೆ ಆಳ್‌ನಿಮತ್‌ ರ‍್ಹವೊ. 
\v 37 ಯಜಮಾನ್ ಐನ್ ಬಾಕಲ್ ಮಾರಾನಿ ವಖ್ಹತ್‌ಮ, ಇವ್ಣೆ ಬಾಕಲ್ ಕಾಡಸ್‌. ಪಾಛೊ಼ ಪ್ರಭು ಫರಿಅಯಿನ್‌, ಕೆಹೊಖ್ಹಾರೊ ಆಳ್‌ ತೈಯಾರ್ ಹುಯಿರ‍್ಹಿನ್, ಇನಖ್ಹಾಜೆ ಜ಼ಪಿರ‍್ಹೇವಾನು ಯೋ ದೇಖಾಸ್ಕಿ ಇವ್ಣೆ ಧನ್ಯ ಹುಯಿರ‍್ಹಿಶೆ! ಮೇ ತುಮೂನ ಖ್ಹಾಚಾಮ ಬೋಲುಸ್ಕಿ, ಯೋ ಇನಿ ಕಂಬರ್‌ನ ಲುಂಗ್ಡು ಭಾಂದಿಲೀನ್, ಇವ್ಣುನ ಖಾಣನ ಬೆಖ್ಹಾಡಿನ್‌, ಇವ್ಣ ಖನ್ನೆ ಐನ್, ಇವ್ಣಿ ಚಾ಼ಕ್ರಿ ಕರ್ಶೆ. 
\v 38 ಯೋ ಅಧಿರಾತ್ಮಾಸ್‌ಕಿ, ನತರ್‌ಕಿ ಇನೇಥಿಬಿ ಜಾ಼ಖ್ಹತ್ ವಖ್ಹತ್ ಲಗಾಡಿನಸ್ಕಿ ಆಯೊತೋಬಿ, ಕೋಣ್ ತೈಯಾರ್ ಹುಯಿರ‍್ಹೇಸ್ತೆ ಯೋ ದೇಖಾಸ್ಕಿ, ಇವ್ಣೆ ಧನ್ಯ ಹುಯಿರ‍್ಹೂಸ್. 
\v 39 ಆ ವಾತೆ ತುಮಾರಿ ಯಾದ್ಮ ರ‍್ಹವಾದೆ; ಚೋ಼ರ್ ಆವಾನಿ ವಖ್ಹತ್ ಘರ್‌ನ ಯಜಮಾನ್ನ ಮಾಲುಮ್ ರ‍್ಹಯುಹೋತ್ತೊ, ಯೋ ಹೊಷಾರಿ ರ‍್ಹೀನ್, ಇನ ಘರ್‌ನ ಲೂಟದಿದೊಹೋತ್‌ ಕೊಯ್ನಿ. 
\v 40 ಇಮ್ಮಸ್, ತುಮೇಬಿ ತೈಯಾರ್ ರ‍್ಹೇಣು, ಶನಕತೊ ತುಮೆ ಸೋಚಾಸ್‌ಕೊಂತೆ ವಖ್ಹತ್‌ಮ ಅದ್ಮಿನೊ ಛಿಯ್ಯೊ ಆವ್‌ಶೆ.”
\s ಇಮಾನ್‌ದಾರ್ ಅಜು಼ ನಿಯ್ಯತ್‌ ಕೊಯ್ನಿತೆ ಆಳ್ನಿ ಬಾರೇಮ
\r (ಮತ್ತಾಯ 24:45-51)
\p
\v 41 ತದೆ ಪೇತ್ರನೆ, “ಪ್ರಭು, ತುನೆ ಆ ಮತ್ಲಬ್‌ನಿ ಖೇಣಿನ ಬೋಲ್ಯೊತೆ ಹಮಾರ ಟೇಕೆಕಿ, ಹರೇಕ್ ಅದ್ಮಿನ ಟೇಕೆ?” ಕರಿ ಪುಛಾ಼ಯೊ.
\p
\v 42 ಯೇಸುನೆ ಶಾತ್‍ಬೋಲ್ಯೊಕತೊ, ವೇಳ್‍ವೇಳ್ನ ಹೋಣುತೆ ಯೊ ಜಿನಖ್ಹ್‌ನ ಮಾಪಿನ್‌ ದ್ಯವಾನಖ್ಹಾಜೆ ಯಜಮಾನ್ನೆ ಇನ ಘರ್‌ಮ ನೇಮ್‌ಶಾಯೋತೆ ನಿಯತ್‍ವಾಳೊಬಿ ಅಕ್ಲೀಬಿ ಹುಯಿರೋತೆ ಘರ‍್ನೊಸೇವಕ ಕೋಣ್? 
\v 43 ಘರ್‌ನೊ ಯಜಮಾನ್ ಐನ್, ಕೆಹೊ ಆಳ್‌ ಆ ಖ್ಹಾರು ಕರುಕರಾತೆ ಕರಿ ದೇಕ್‌ಶೇಕಿ, ಯೋ ಆಳ್‌ ಧನ್ಯ ಹುಯಿರ‍್ಹೋಸ್. 
\v 44 ಯೋ ಯಜಮಾನ್ ಇಮ್ನ ಆಳ್‌ನ ಇನು ಖ್ಹಾರೂಸ್ ಧನ್‌-ದೌಲತ್‌ಪರ್ ಅದಿಕಾರಿಹುಯಿನ್ ನೇಮ್‌ಶಾವ್‌ಶೆ ಕರಿ ಮೇ ತುಮೂನ ಖ್ಹಾಚಮಾಬಿ ಬೋಲುಸ್, 
\v 45 ಕತೋಬಿ ಯೋ ಆಳ್‌, ಇನೊ ಯಜಮಾನ್ ಒಗ್ಗಿಸ್‌ಮ ಕೋ ಆವ್‌ಶೇನಿ ಕರಿ ಇನ ಮನ್‌ಮ ಸೋಚಿಲೀನ್, ಬಿಜಾ಼ಖ್ಹಾರ ತಯೇಡ-ಪರ್ಖ್ಹಾ ಆಳ್‌ನ ಮಾರ್‌ತೊಹುಯಿನ್, ಖೈ-ಪೀನ್ ಉರಾಳಲಗ್ಯೊತೊ, 
\v 46 ತದೆ ಯೊ ಆಳ್‌ ಸೋಚಾಸ್‌ಕೊಂತೆ ದನ್ಮ ಅಜು಼ ಇನ ಮಾಲುಮಸ್ ಪಡಾಕೊಂತೆ ವಖ್ಹತ್‌ಮ, ಇನೊ ಯಜಮಾನ್ ಐನ್, ಇನ ಕತ್ರೀನ್ ಟುಕ್‌ಡಾ-ಟುಕ್‌ಡಾ ಕರೀನ್, ವಿಶ್ವಾಸ್‌ಕೊಂತೆ ಅದ್ಮಿನ ನಾಖಸ್ತೆ ಝ಼ಗೋಪರ್ ಇನ ನಾಕ್‌ಶೆ.
\p
\v 47 ಏಕ್‌ ಆಳ್‌, ಇನೊ ಯಜಮಾನ್ನ ಇನೇಥಿ ಶಾತ್‌ ಹೋಣುಕರಿ ಮಾಲುಮ್ ರ‍್ಹೀನ್‌ಬಿ, ಯೋ ತೈಯಾರ್‌ಹುಯಿನ್, ಯೋ ಕಾಮ್ನ ನಾ ಕರ‍್ಯೋತೊ, ಇನ ಬರೊಬರ್‌ನೊ ಮಾರ್ ಪಡ್‌ಶೆ. 
\v 48 ಕತೋಬಿ ಏಕ್‌ ಆಳ್‌ನ, ಇನೊ ಯಜಮಾನ್ನ ಇನೇಥಿ ಶಾತ್‌ ಹೋಣುಕರಿ ಮಾಲುಮ್‌ ಕೊಂತೆ, ಮಾರ್ ಖಾವಖ್ಹರ್ಕು ಕಾಮ್ ಕರ‍್ಯೋತೊ, ಇನಾಬಿ ದಂಡ್‌ ಮಳ್‌ಶೆ. ಕತೋಬಿ ಇನು ಕಾಮ್ ಶಾತ್‌ಕರಿ ಮಾಲುಮ್‌ ಕರೀನ್‍ಬಿ, ಇನ ಕರ‍್ಯುಕೊಂತೆ ಯೋ ಆಳ್‌ಥೀಬಿ, ಅನ ಕಮ್ ಮಾರ್ ಪಡ್‌ಶೆ. ಕಿನ ಜಾ಼ಖ್ಹತ್ ದೆವೈರ‍್ಹೂಸ್ಕಿ, ಇನೇಥಿ ಜಾ಼ಖ್ಹತ್ ಮಳ್‌ಶೆಕರಿ ಆಖ್ಹ್ ಕರ್ಶೆ, ಬಿಜೂ಼ಬಿ ಜಾ಼ಖ್ಹತ್ ದೆವೈರ‍್ಹೂತೆ ಇನಾಕಂಥು, ಬಿಜೂ಼ಬಿ ಜಾ಼ಖ್ಹತ್ ಮಳ್‌ಶೆಕರಿ ಆಖ್ಹ್ ಕರ್ಶೆ.
\s ತೋಡಾವಾನ ಯೇಸುಸ್‌ ಕಾರಣ್
\r (ಮತ್ತಾಯ 10:34-36)
\p
\v 49 “ಮೇ ಆಯೋತೆ, ಜ಼ಮೀನ್‌ಪರ್ ಆಗ್ ನಾಕ್ಣುಕರಿ; ಅತ್ರಾಸ್‌ಮ ಯೋ ಲಾಗಿಗಯುಹೋತ್ತೊ ಮನ ಕೆತ್ರೇಕ್ಕಿ ಖ್ಹುಶಿ ಹುಯುಹೋತ್! 
\v 50 ಕತೋಬಿ, ಮನ ಬಿಜೇಕ್ ತರ‍್ಹಾನು ಬ್ಯಾಪ್ತಿಸ್ಮ ಏಕ್‌ ಮಳ್‌ಣು. ಯೋ ಮಳಾತೋಡಿ, ಮೇ ಘಣಿ ಖ್ಹತಾಪ್ಣಿಮ ಛೂ಼. 
\v 51 ಜ಼ಮೀನ್‌ಪರ್ ಶಾಂತಿ ದ್ಯವಾನಟೇಕೆ, ಮೇ ಆಯೊಕರಿ ತುಮೆ ಸೋಚೋ಼ಸ್‌ಕಿ? ಕೊಯ್ನಿ! ಶಾಂತಿ ದ್ಯವಾನ ಕಾಹೆ, ಕತೋಬಿ ತೋಡಾವಾನ ಐರ‍್ಹೋಸ್! ಕರಿ ಮೇ ತುಮೂನ ಬೋಲುಸ್. 
\v 52 ಕಿಮ್‌ಕತೊ, ಹಂಕೇಥು ಎಕ್ಕಸ್ ಘರ್‌ಮ ಛಾ಼ತೆ ಪಾಚ಼್ ಅದ್ಮಿಮ, ಬೇ ಜ಼ಣಾನ ವಿರೋದ್ ತೀನ್ ಜ಼ಣ ಉಠ್‍ಶೆ, ತೀನ್ ಜ಼ಣಾನ ವಿರೋದ್ ಬೇ ಜ಼ಣ ಉಟ್‌ಶೆ, ಅಮ್ ಇವ್ಣಾಮ ಭಾಗ್‌ ಪಡಿಜಾ಼ಶೆ.\f + \fr 12:52 \fr*\ft ಕತೊ ಯೇಸುನ ನಂಬಸ್ತೆ ಅದ್ಮಿ ಅಜು಼ ಇನ ನಂಬಾಕೊಂತೆ ಅದ್ಮಿಮ ಭಾಗ್‌ ಪಡಿಜಾ಼ಶೆ ಕರಿ ಮತ್‌ಲಬ್.\ft*\f* 
\v 53 ಛಿಯ್ಯಾನಿ ವಿರೋದ್ ಬಾ, ಬಾನಿ ವಿರೋದ್ ಛೀಯ್ಯೊ; ಛೋ಼ರಿನಿ ವಿರೋದ್ ಆಯ, ಆಯಾನಿ ವಿರೋದ್ ಛೋ಼ರಿ, ವ್ಹವ್‌ನಿ ವಿರೋದ್ ಖ್ಹಾಖ್ಹು, ಖ್ಹಾಖ್ಹುನಿ ವಿರೋದ್ ವ್ಹವ್ ಉಟ್‌ಶೆ.
\s ವಖ್ಹತ್‌ನ ಪರ್ಖಿಲೆವೊ
\r (ಮತ್ತಾಯ 16:2-3)
\p
\v 54 ಎತ್ರೆಸ್ ಕಾಹೆತೆ ಯೇಸುನೆ ಅದ್ಮಿ ಖ್ಹಾರಾನಾಬಿ ಬೋಲ್ಯೋಕಿ, “ತುಮೆ ಪಶ್ಚಿಮ್\f + \fr 12:54 \fr*\ft ಕತೊ ದನ್ ಡುಬಾಸ್ತೆ ಬಾಜು಼\ft*\f* ದಿಕ್ಮ ಪಾಣಿನೊ ಮೋಡ್ ದೆಖಾವ್‌ತಾಸ್‌ನ, ‘ಪಾಣಿ ವರಖ್ಹ್‌ಶೆ’ ಕರಿ ಬೋಲಾಸ್ನಿ, ಇಮ್ಮಸ್ ಪಾಣಿ ವರ್ಖ್ಹಾಸ್. 
\v 55 ದಕ್ಷಿಣ್ ದಿಕ್‌ಮಾಥು ವಹಿರೊ ವಾಗಲಗ್ಯೋತೊ, ‘ಗರ್ಮಿ ಉಟ್‌ಶೆ’ ಕರಿ ತುಮೆ ಬೋಲೋಸ್, ಯೋಬಿ ಇಮ್ಮಸ್ ಹುವಾಸ್. 
\v 56 ಠಗಾರ‍್ಯ, ತುಮೆ ಆಬ್‍ ಧರ್ತಿನ ದೇಖಿನ್, ಇನು ಮೋಸಮ್‌ನ ತುಮೆ ಮಾಲುಮ್ ಕರಿಲೆವೋಸ್‌ನಿ, ಇಮ್‌ ರ‍್ಹವಾಪರ್, ಆ ವಖ್ಹತ್‌ನ ಪರ್ಖಾನ ತುಮೂನ ಕೋ ಹುವ್ವಾನಿಕಿ ಶು?
\s ತುಮಾರ ದುಶ್‌ಮನ್ನ ಜೋ಼ಡೆ ಒಪ್ಪಂದಾನ್ ಕರಿಲೆವೊ
\r (ಮತ್ತಾಯ 5:25-26)
\p
\v 57 ಖ್ಹಾಚು಼ ಖಿವು ಕರಿ ತುಮೇಸ್ ಶನ ತೀರ್ಪ್‌ಕರಾಕೊಯ್ನಿ? 
\v 58 ತಾರಪರ್ ಹೊಜ಼್ಜತ್‌ಕರ್ನು ಕರಿ ಛಾ಼ತೆ ಇನ ಜೋ಼ಡೆ ನೈಯಾಕನ ಜಾ಼ವಾನಿ ವಖ್ಹತ್‌ಮ, ವಾಟ್‌ಪರಸ್ ಝ಼ಗ್ಡಾನ ಪರಿಹಾರ್‌ ಕರಾನ ಕೋಶಿಶ್ ಕರ್‌. ನತರ್‌ಕಿ ಯೋ ತುನ ನೈಯಾಕನ ಖೇಚಿಲಿಜಾ಼ಶೆ, ಯೋ ನಯ್ಯೊ ಜೇಲ್‌ನ ಶಿಪಾಯಿನ ಹಾತ್ಮ ದಿಶೆ ಅಜು಼ ಯೋ ತುನ ಜೇಲ್‌ಮ ಕೋಂಡಿಘಾಲ್‌ಶೆ. 
\v 59 ಏಕ್‌ ಪೈಶೂಬಿ ಜಿನುಕು ಮ್ಹೇಲ್‌ಶೆಕೊಂತೆ, ಅಖ್ಖುಸ್ ಪೈಶು ಫೇಡಾವಲಗೂಬಿ, ತೂ ಹಿಜ಼್ಜಾಥೊ ಭಾರ್‌ ಛು಼ಟಿಶ್‌ಕೊಯ್ನಿ ಕರಿ ಮೇ ತುನ ಬೋಲುಸ್” ಕರಿ ಬೋಲ್ಯೊ.
\c 13
\s ತುಮಾರು ಪಾಪ್ನ ಖ್ಹಾರು ಮ್ಹೇಲಿನ್ ಫರೊ ನತರ್‌ಕಿ ಮರೊ
\p
\v 1 ಯೋಸ್ ವಖ್ಹತ್‌ಮ, ಹಿಜ್ಜಾ಼ ಥೂತೆ ಥೋಡು ಜ಼ಣು, ಪಿಲಾತನೆ ಗಲಿಲಾಯವಾಳನು ಲ್ಹೋಯಿನ, ಇವ್ಣೆ ದೇವ್ನ ಬಲಿದಿದೂತೆ ಲ್ಹೋಯಿನ ಜೋ಼ಡೆ ಮಳಾಯೋತೆ\f + \fr 13:1 \fr*\ft ಕತೊ ಗಲಿಲಾಯವಾಳು ದೇವ್ನ ಬಲಿದ್ಯವಾನಿ ವಖ್ಹತ್‌ಮ, ಪಿಲಾತನೆ ಇವ್ಣುನ ಮರಾಯೋತೆ ಬಾರೇಮ ಯೇಸುನ ಬೋಲ್ಯು ಕರೀಬಿ ಹುವಾಸ್\ft*\f* ಬಾರೇಮ ಯೇಸುನ ಬೋಲ್ಯು. 
\v 2 ತದೆ ಯೇಸುನೆ ಇವ್ಣುನ, “ಯೋ ಗಲಿಲಾಯವಾಳು ಇಮ್ನಿ ತರಿಕಾಥಿ ಮರ‍್ಯುತೆ ದೇಖಿನ್, ಇವ್ಣೆ ಬಿಜಾ಼ಖ್ಹಾರ ಗಲಿಲಾಯವಾಳಾಥೀಬಿ ಪಾಪಿ ಕರಿ ಸೋಚೋ಼ಸ್ಕಿ ಶು? 
\v 3 ಇಮ್‌ ನಾ ಸೋಚ್‌ನು! ಕರಿ ಮೇ ತುಮೂನ ಬೋಲುಸ್. ದೇವ್‌ಭಣಿ ಫರ‍್ಯನಾತೊ ತುಮೆಅಖ್ಖು ಇಮ್ಮಸ್ ನಾಶ್ ಹುಯಿಜಾ಼ಶು. 
\v 4 ಸಿಲೋಮ್‌ಮ ಊಚಿ ಭೀತ್ ಪಡೀನ್ ಮರ‍್ಯುತೆ ಯೋ ಅಠಾರ ಅದ್ಮಿ, ಯೆರೂಸಲೇಮ್ಮ ಛಾ಼ತೆ ಬಿಜಾ಼ಖ್ಹಾರಾಸ್‌ ಅದ್ಮಿಥೀಬಿ ಅಪರಾದಿ ಕರಿ ಸೋಚೋ಼ಸ್ಕಿ ಶು? 
\v 5 ಇಮ್‌ ಕಾಹೆ! ಕರಿ ಮೇ ತುಮೂನ ಬೋಲುಸ್. ತುಮಾರು ಪಾಪ್ನ ಮ್ಹೇಲಿನ್ ನಾ ಫರ‍್ಯಾತೊ, ತುಮೆಖ್ಹಾರುಬಿ ಇಮ್ಮಸ್ ಮರ್‌ಶು” ಕರಿ ಬೋಲ್ಯೊ.
\s ಪಂಡು ಮ್ಹೇಲಾಕೊಂತೆ ಅಂಜೀರ್‌ನು ಝಾ಼ಡಾನಿ ಬಾರೇಮಾನು ಮತ್ಲಬ್‌ನಿ ಖೇಣಿ
\p
\v 6 ಅನ ಬಾದ್‌ಮ ಯೇಸುನೆ ಏಕ್‌ ಮತ್ಲಬ್‌ನಿ ಖೇಣಿನ ಬೋಲ್ಯೊ: ಯೋ ಶಾತ್‌ಕತೊ, “ಏಕ್‌ ಅದ್ಮಿನೆ ಇನು ದ್ರಾಕ್ಷಿನು ಬಾಗ್‌ಮ ಏಕ್‌ ಅಂಜೀರ್‌ನು ಝಾ಼ಡ್‌ಣ ಪಾಳಿರಾಖ್ಯೋಥೊ. ಏಕ್‌ ಹಲ್ಲ ಯೋ ಅದ್ಮಿ ಯೋ ಝಾ಼ಡಾಮ ಪಂಡು ಢೂಂಡ್‌ತುಹುಯಿನ್, ಹಿಜ್ಜಾ಼ ಆಯು, ಕತೋಬಿ ಏಕ್‌ಬಿ ಮಳ್ಯುಕೊಯ್ನಿ. 
\v 7 ತದೆ ಯೋ ಅದ್ಮಿ ಬಾಗ್‌ ದೇಖಿಲ್ಯವಾಳಾನ, “ಹಂದೇಕ್, ಮೇ ತೀನ್ ವರಖ್ಹ್‌ಥೋಬಿ ಆ ಅಂಜೀರ್‌ನ ಝಾ಼ಡಾಮ ಪಂಡು ಢೂಂಡ್ತೊ ಆಯೊ, ಕತೋಬಿ ಏಕ್‌ಬಿ ಮಳ್ಯುಕೊಯ್ನಿ. ಅನ ಕತ್ರಿ ನಾಕ್! ಅನೇಥಿ ಧರ್ತಿನ ಶನಖ್ಹಾಜೆ ಫಾಯಿದೊಕೊಂತೆ ಇಮ್‌ ಹೋಣು” ಕರಿ ಬೋಲ್ಯೊ. 
\v 8 ತೋಬಿ ಯೋ ಬಾಗ್‌ನ ದೇಖಿಲ್ಯವಾಳಾನೆ, “ಪ್ರಭು, ಆ ವರಖ್ಹ್‌ಬಿ ಅನ ಮ್ಹೆಂದೆ; ಎತ್ರಾಮ ಮೇ ಅನ ಅಶ್‌ಪಿಶ್‍ ಖೋಂದಿನ್, ಗೋಬರ್ ನಾಖುಸ್. 
\v 9 ಹಮ್ಕೆನ ವರ್‌ಖ್ಹೆತೋಬಿ ಅಂಜೀರ್‌ ಮ್ಹೇಲ್ಯೂತೊ ಮ್ಹೇಲಾದೆ, ನತರ್‌ಕಿ ಅನ ಕತ್ರಿ ನಾಖಿದಿಯೇಜಾ಼ಯಿ” ಕರಿ ಜ಼ವಾಬ್‌ದಿದೊ.
\s ಸಬ್ಬತ್‌ನ ದನ್ನೆ ಯೇಸುನೆ ಢೋಪ್‌ರು ಝು಼ಕಿಹುಯು ತಯೇಡಾನ ಅಛ್ಛು಼ ಕರ‍್ಯೊತೆ
\p
\v 10 ಏಕ್‌ ದನ್ನೆ ಸಬ್ಬತ್‌ಮ ಯೇಸು ಸಬೆ ಭರಾವಾನು ಮಂದಿರ್‌ಮ ವಚನ್ ಬೋಲಿದೆವ್‍ಕರ್ತೋಥೊ. 
\v 11 ಹಿಜ್ಜಾ಼ ಅಠಾರ ವರಖ್ಹ್‌ಥು ಭೂತ್‌ ಧರೀನ್, ಆಂಗ್‌ತನ್‌ಮ ರೋಗ್‌ ಥೂತೆ ಏಕ್‌ ತಯೇಡ ಥಿ. ಇನು ಢೋಪ್‌ರು ಝು಼ಕಿರ‍್ಹೂಥು ಅಜು಼ ಇನ ಜ಼ರಾಬಿ ಮುಡ್‌ಕ್ಯು ಉಪ್ಪರ್ ಪಾಡೀನ್, ಉಭು ಭೀರ‍್ಯಾವನ ಕೋ ಹೋತುಥೂನಿ. 
\v 12 ಯೇಸುನೆ ಇನ ದೇಖಿನ್, ಖನ್ನೆ ಬುಲೈನ್ ಇನ, “ಬಾಯಿ, ತಾರ ರೋಗ್‌ಥಿ ತೂ ಛು಼ಟಿಗಿ!” ಕರಿ ಬೋಲಿನ್, 
\v 13 ಇನಾಪರ್ ಇನೊ ಹಾತ್‌ ಮ್ಹೇಲ್ಯೊ, ಮ್ಹೇಲ್‌ತಾಸ್‌ನ ಯೋ ಉಭು ಭೀರಿಗೈ ಅಜು಼ ಇನೆ ದೇವ್ನ ಸ್ತುತಿ ಕರಿ.
\p
\v 14 ಕತೋಬಿ ಯೋ ಸಬೆ ಭರಾವಾನು ಮಂದಿರ್‌ನು ಅದಿಕಾರಿನೆ ಅನ ದೇಖಿನ್, ಸಬ್ಬತ್‌ ದನ್ಮ ಯೇಸುನೆ ಅಛ್ಛು಼ ಕರ‍್ಯೋನಿ ಕರಿ ಬೋಲಿ ಇರಾದೊ ಖೈನ್, ಅದ್ಮಿ ಖ್ಹಾರಾನ, “ಕಾಮ್ ಕರಾನ ಛೊ಼ ದನ್ ಛಾ಼, ಯೋ ದನೂಮ ಐನ್ ಅಛ್ಛು಼ ಕರೈಲೆವೊ; ಸಬ್ಬತ್‌ ದನ್ಮ ಪಣ್ಕಿ ನಕೊ!” ಕರಿ ಬೋಲ್ಯೊ.
\p
\v 15 ಯೋ ವಾತೇನ ಖ್ಹಮ್‌ಜಿನ್‌ ಪ್ರಭುನೆ ಇನ, “ತುಮೆ ಠಗಾರು ತುಮಾರಾಮ ಹರೇಕ್ ಜ಼ಣು ಸಬ್ಬತ್‌ ದನ್‌ಮಾಬಿ, ಇವ್ಣು ಢಾಂಡೊ ರ‍್ಹವೊ, ಗಧೇಡಾನ ರ‍್ಹವೊ ಕೋಠಾಮಾಥು ಛೋ಼ಡಿನ್, ಪಾಣಿ ಪಿಡಾವಾನಟೇಕೆ ಧರ್‌ಲಿ ಜಾ಼ಸ್‌ನಿ.
\p
\v 16 ಇಮ್‍ಕತೊ, ಅಠಾರ ವರಖ್ಹ್‌ಥು ಶೈತಾನ್ನೆ ಭಾಂದಿರಾಖ್ಯೋತೆ, ಆ ಅಬ್ರಹಾಮ್‌ನಿ ಪಿಳ್ಗಿವಾಳಿನ ಸಬ್ಬತ್‌ನ ದನ್ಮ ಭಂದಣ್‍ಮಾಥು ಛೋ಼ಡಾವ್‍ಣು ನಾಕಿಶು?” ಕರಿ ಜವಾಬ್‌ ದಿದೊ. 
\v 17 ಯೇಸುನಿ ಆ ವಾತೇನ ಖ್ಹಮ್‌ಜಿನ್‌, ಯೇಸುನ ವಹೇರ್‌ ಕರಾವಾಳು ಖ್ಹಾರಾನ ಖ್ಹರಮ್‌ಲಾಗ್ಯು. ಕತೋಬಿ ಅದ್ಮಿಖ್ಹಾರು ಯೇಸುಥಿ ಹುಯೂತೆ ತಮಾಮ್‌ ಮಹಾನ್‍ ಕಾಮ್ನಟೇಕೆ ಖ್ಹುಶಿ ಕರ‍್ಯು.
\s ರಾಯಿನ ದಾಣಾನಿ ಬಾರೇಮಾನು ಮತ್ಲಬ್‌ನಿ ಖೇಣಿ
\r (ಮತ್ತಾಯ 13:31-32; ಮಾರ್ಕ 4:30-32)
\p
\v 18 ಯೇಸುನೆ ಪುಛಾ಼ಯೋಕಿ, “ದೇವ್ನಿ ರಾಜ್ಯ ಕಿನೀನಿಮತ್‌ ಛಾ಼? ಇನ ಮೇ ಶನೇಥಿ ಏಕ್‌ಕರು? 
\v 19 ಯೋ ರಾಯಿನ ದಾಣಾನಿ ಘೋಣಿ ಛಾ಼. ಏಕ್‌ ಅದ್ಮಿನೆ ಇನ ಲೀಜೈ಼ನ್ ಇನ ಖೇತರ್‌ಮ ಗಾಡ್ಯು. ತದೆ ಯೋ ಮೋಟುಹುಯಿನ್, ಝಾ಼ಡು ಹುಯು ಅಜು಼ ಆಬ್‍ಪರ್‌ ಉಡಾತೆ ಜಿನಾವರ್ ಖ್ಹಾರು ಆಯಿನ್, ಯೋ ಝಾ಼ಡಾನಿ ಡಾಳಿಯೆಪರ್ ಮ್ಹಾಳ ಭಾಂದಿಲಿದು.
\s ಶೋಡಾನಿ ಬಾರೇಮಾನು ಮತ್ಲಬ್‌ನಿ ಖೇಣಿ
\r (ಮತ್ತಾಯ 13:33)
\p
\v 20 ಯೇಸುನೆ ಬಿಜೂ಼ಬಿ ಪುಛಾ಼ಯೋಕಿ, “ದೇವ್ನಿ ರಾಜ್ಯನ ಮೇ ಶನೇಥಿ ಏಕ್‌ಕರು? 
\v 21 ಯೋ ಶೋಡಾನಿ ಘೋಣಿ ಛಾ಼. ಏಕ್‌ ತಯೇಡ ಇನ ಲೀಜೈ಼ನ್, ತೀನ್ ಶೇರ್ ಆಟಾಮ ಕಲೈನ್ ಮ್ಹೇಲಾಖ್ಹತರ್‌, ಯೋ ಆಟೊ ಖ್ಹಾರುಸ್‌ ಫುಗಿಆಯು.
\s ನ್ಹಾನು ದರ‍್ವಾಜಾ಼ನಿ ಬಾರೇಮ
\r (ಮತ್ತಾಯ 7:13-14,21-23)
\p
\v 22 ಯೇಸು ಹರೇಕ್ ಖ್ಹಯೇರ್‌ಮ ಅಜು಼ ಗಾಮ್ಮ ವಚನ್ ಬೋಲಿದೇತೊಹುಯಿನ್‌, ಯೆರೂಸಲೇಮ್‌ ಭಣಿ ವಳ್ಯೊಜಾ಼ತೋಥೊ. 
\v 23 ತದೆ ಏಕ್‌ ಜ಼ಣಾನೆ ಯೇಸುನ, “ಪ್ರಭು, ಥೋಡು ಅದ್ಮಿನಾಸ್ ರಕ್ಷಣೆ ಮಳ್‌ಶೇಕಿ?” ಕರಿ ಪುಛಾ಼ಯೊ.
\p
\v 24 ಯೇಸುನೆ ಜವಾಬ್‌ ದಿದೋಕಿ, ನ್ಹಾನ ಬಾಕಲ್‌ ವಾಟೆಕರಿ ಮಹಿ ಜಾ಼ವಾನ ಕೋಶಿಶ್‌ ಕರೊ, ಶನಕತೊ ಘಣು ಅದ್ಮಿ ಮಹಿ ಜಾ಼ವ್ಣುಕರಿ ಕರಸ್, ಕತೋಬಿ ಇವ್ಣೊ ಹಾತ್‌ ಕೋಹುಯುನಿ. 
\v 25 ಘರ್‌ನೊ ಯಜಮಾನ್ ಉಠೀನ್, ಬಾಕಲ್‌ ಮೂಚಾ಼ನ ಬಾದ್‌ಮ, ತುಮೆ ಭಾರ್‌ಭೀರಿನ್, ಬಾಕಲ್‌ಪರ್ ಮಾರಿನ್, ‘ಪ್ರಭು, ಮಹಿ ಆವಾನ ಬಾಕಲ್ ಕಾಡ್! ಕರಿ ಬೋಲ್‌ಶು”. ತದೆ ಯೋ, ತುಮೆ ಕಿಜ್ಜಾ಼ವಾಳ ಕರಿ ಮನ ಮಾಲುಮ್ ಕೊಯ್ನಿ! ಕರಿ ಜವಾಬ್‌ ದಿಶೆ. 
\v 26 ತದೆ ತುಮೆ, “ಹಮೆ ತಾರ ಜೋ಼ಡೆ ಖಾದಾಥ, ಪೀದಾಥ. ಹಮಾರಿ ಗಲ್ಲಿಯೇಮ ತುನೆ ಹಮೂನ ವಚನ್ ಬೋಲಿದಿದೋಥೊ ಕರಿ ಬೋಲ್‌ಶು”. 
\v 27 ತೋಬಿ ಯೋ ತುಮೂನ, “ತುಮೆ ಕೋಣ್‌ಕಿ, ಕಿಜ್ಜಾ಼ಥ ಐರ‍್ಹಾಸ್ಕಿ ಮನ ಮಾಲುಮ್ ಕೊಯ್ನಿ! ಹಜ್ಜಾಥೊ ಹಟಿಜಾ಼ವೊ, ತುಮೆ ಖ್ಹಾರು ಖರಾಬ್ ಅದ್ಮಿ! ಕರಿ ಬೋಲ್‌ಶೆ. 
\v 28 ಅಬ್ರಹಾಮ್, ಇಸಾಕ್, ಯಾಕೋಬ ಅಜು಼ ತಮಾಮ್‌ ಪ್ರವಾದಿ ಖ್ಹಾರು ದೇವ್ನಿ ರಾಜ್ಯನ ಮಹಿ ರ‍್ಹಿಶೆ, ಕತೋಬಿ ತುಮೆ ಪಣ್ಕಿ ಭಾರ್‌ ರ‍್ಹಿಶು! ಅನ ದೇಖಿನ್ ಇವ್ಣೆ ರೊವ್‌ಶೆ ಅಜು಼ ಕರ್‌-ಕರ್‌ ದಾತ್‌ ಚಾ಼ವಾನು ಉಶೆ. 
\v 29 ಅತ್ರೇಸ್ ಕಾಹೆತೆ ಪೂರ್ವ,\f + \fr 13:29 \fr*\ft ದನ್ ನಿಕ್ಳಾತೆ ಭಣೀಥು ಕರಿ.\ft*\f* ಪಶ್ಚಿಮ್,\f + \fr 13:29 \fr*\ft ದನ್ ಡುಬಾತೆ ಭಣೀಥು ಕರಿ.\ft*\f* ಉತ್ತರ್ ಅಜು಼ ದಕ್ಷಿಣ್ ದಿಕ್‍ಥು ಅದ್ಮಿಖ್ಹಾರು ಐನ್, ದೇವ್ನಿ ರಾಜ್ಯಮ ಮಿಝ಼್‌ವಾನ್ ಖಾಣನ ಬೇಖ್ಹ್‌ಶೆ. 
\v 30 ಹಮ್ಕೆ ಪಾಛ಼ಳ್ ಛಾ಼ತೆ ಅದ್ಮಿಖ್ಹಾರು, ತದೆ ಅಗಾಡಿ ರ‍್ಹಿಶೆ, ಅಜು಼ ಹಮ್ಕೆ ಅಗಾಡಿ ಛಾ಼ತೆ ಖ್ಹಾರು, ತದೆ ಪಾಛ಼ಳ್ ರ‍್ಹಿಶೆ” ಕರಿ ಬೋಲ್ಯೊ.
\s ಯೆರೂಸಲೇಮ್‌ಪರ್ ಯೇಸುನಿ ಪ್ಯಾರ್
\r (ಮತ್ತಾಯ 23:37-39)
\p
\v 31 ಯೋಸ್ ವಖ್ಹತ್‌ಮ ಥೋಡು ಜ಼ಣು ಫರಿಸಾಯರ್ ಯೇಸುಕನ ಐನ್, ತೂ ಹಜ್ಜಾಥೊ ಚ಼ಲ್ಯೊಜಾ಼! ಹೆರೋದ ತುನ ಮಾರಿನಾಕ್ಣು ಕರಿ ಛಾ಼” ಕರಿ ಬೋಲ್ಯು.
\p
\v 32 ತದೆ ಯೇಸುನೆ ಇವ್ಣುನ, “ತುಮೆ ಜೈ಼ನ್, ಆಜ಼್ ಅಜು಼ ಕಾಲ್ ಮೇ ಭೂತ್ ಕಾಡ್ತೊಹುಯಿನ್‌, ರೋಗ್‌ರಾಯೊನ ಅಛ್ಛು಼ ಕರ್ತೊಹುಯಿನ್, ಪರ್‌ಶುನ ದನ್ನೆ ಮೇ ಮಾರು ಕಾಮ್ ಖತಮ್ ಕರ‍್ನು, ಕರಿ ಯೋ ನ್ಹೋರಿನ ಬೋಲೊ” ಕರಿ ಬೋಲ್ಯೊ. 
\v 33 ತೋಬಿ ಆಜ಼್ ಅಜು಼ ಕಾಲ್, ಅಜು಼ ಪರ್‌ಶುನ ದನ್ನೆತೋಡಿ ಮೇ ಫರ್‌ವಾನು ಛಾ಼. ಪ್ರವಾದಿನ ಯೆರೂಸಲೇಮಸ್ ಪಣ್ಕಿ ಬಿಜಿ ಝ಼ಗೋಪರ್ ನಾ ಮಾರ‍್ನು.
\p
\v 34 ಯೆರೂಸಲೇಮ್‌, ಯೆರೂಸಲೇಮ್‌ ತೂ, ಪ್ರವಾದಿ ಖ್ಹಾರಾನೊ ಜಾನ್‌ ಕಾಡಾವಾಳಿ. ದೇವ್ನೆ ತಾರಕನ ಮೋಕ್‌ಲ್ಯೊತೆ ಖ್ಹಾರಸ್ನ, ಬಂಡೊ ಫೇಕಿನ್ ಮಾರವಾಳಿ, ಮುರ್‌ಗಿ ಇನ ಚೇಲ್ಕಾನ ಇನಿ ಪಾಖ್ಡಿಯೆಮ ಪೆಖ್ಹಾಡಿಲೇಯಿತೆ ಇಮ್‌, ತಾರ ಲಡ್ಕಾವ್ನ ಮೇ ಪೆಖ್ಹಾಡಿಲೇವ್ಣು ಕರಿ ಮನ ಕೆತ್ರಿಕ್ಕಿಹಲ್ಲ ಮನ್‍ಹುಯು, ಕತೋಬಿ ತುನೆ ಅಮ್ ಕರಾನ ಮ್ಹೇಲಿಕೊಯ್ನಿ! 
\v 35 ಹಂದೇಕ್ ತಾರಿ ಮಂದಿರ್‌ ಉಜ್ಜಾ಼ಡಿ ಪಡಿಜಾ಼ಶೆ. ‘ಪ್ರಭುನ ನಾಮ್‌ಪರ್‌ ಆವಾಳಾನ ಆಶೀರ್ವಾದ್‌ ಹುವಾದೆ’ ಕರಿ ತುಮೆ ಬೋಲಾತೋಡಿ, ತುಮೆ ಮನ ದೇಕ್‌ಶುಸ್ ಕೊಯ್ನಿ, ಕರಿ ಮೇ ತುಮೂನ ಬೋಲುಸ್” ಕರಿ ಬೋಲ್ಯೊ.
\c 14
\s ಯೇಸುನೆ ಜಾನ್ನ ಅರಾಮ್‌ಕೊಂತೆ ಏಕ್‌ ಜ಼ಣಾನ ಅಛ್ಛು಼ ಕರ‍್ಯೊತೆ
\p
\v 1 ಏಕ್‌ಹಲ್ಲ ಸಬ್ಬತ್‌ ದನ್ನೆ ಯೇಸು ಫರಿಸಾಯರ್‌ನು ಮೋಟಾವ್‍ಮ ಏಕ್‌ ಜ಼ಣಾನ ಘರೆ ಖಾಣನ ಗಯೊ. ಹಿಜ್ಜಾ಼ನು ಅದ್ಮಿಖ್ಹಾರು ಯೇಸುನ ನಿಘಾ ಲಗಾಡಿನ್ ದೇಖುಕರ್ತುಥು. 
\v 2 ಹಿಜ್ಜಾ಼ ಯೇಸುನ ಖ್ಹಾಮೆ ಪೆಶರ್‌ ರೋಗ್‌ ಥೋತೆ ಏಕ್‌ ಜ಼ಣೊ ಥೊ. 
\v 3 ತದೆ ಯೇಸುನೆ ಮೋಶೇನು ಧರ್ಮಶಾಸ್ತ್ರ ಶಿಕಾಡವಾಳು ಶಾಸ್ತ್ರಿಯೆ ಅಜು಼ ಫರಿಸಾಯರ್‌ನ, “ಅಪ್ಣಿ ಖಾನುಲ್‌ಮ ಸಬ್ಬತ್‌ ದನ್ಮ ಅಛ್ಛು಼ ಕರಾನು ಬರಾಬರ್‌ಕಿ ಕೊಯ್ನಿ”? ಕರಿ ಪುಛಾ಼ಯೊ.
\p
\v 4 ಕತೋಬಿ ಇವ್ಣೆ ಶಾತ್ಬಿ ಫರೈನ್ ಬೋಲ್ಯು ಕೊಯ್ನಿ. ತದೆ ಯೇಸುನೆ ಯೋ ಅದ್ಮಿನು ಹಾತ್‌ ಧರೀನ್, ಇನ ಅಛ್ಛು಼ ಕರೀನ್ ಬೋಲಿಮೋಕ್ಲಿದಿದೊ. 
\v 5 ತದೆ ಯೇಸುನೆ ಇವ್ಣುನ, “ತುಮಾರಾಮ ಕಿನಾತೋಬಿ ಏಕ್‌ ಜ಼ಣಾನೊ ಛಿಯ್ಯೊ ನತರ್‌ಕಿ ಢಾಂಡೊ ಸಬ್ಬತ್‌ ದನ್ಮ ಬಾವ್ಡಿಮ ಪಡಿಗಯೂತೊ ಯೋ ಇನ ಸಬ್ಬತ್ ದನ್‌ಮಾಬಿ ಉಪ್ಪರ್ ಪಾಡಕೊಯ್ನಿಕಿಶು?” ಕರಿ ಬೋಲ್ಯೊ.
\p
\v 6 ಕತೋಬಿ ಇವ್ಣೆ ಅನಿ ಬಾರೇಮ ಶನೂಸ್ ಜವಾಬ್‌ ದ್ಯವಾನ ಕೋಹುಯುನಿ.
\s ತುನ ತೂ ನಕೊ ಭಡೈಲೀಶ್
\p
\v 7 ಖಾಣನ ಬುಲೈ ಮಂಗಾಯುತೆ ಅದ್ಮಿಖ್ಹಾರು, ಖಾಣಾನಿ ಪಹಿಲಿ ಶಾಲ್‌ಮಾನಿ ಅಛ್ಛಿ ಝ಼ಗೋಪರ್ ಬೇಖ್ಹ್‌ಣು ಕರಿ ಝ಼ಗೊ ಚೂ಼ಣುಕರ್ತುಥೂತೆ ದೇಖಿನ್, ಯೇಸುನೆ ಇವ್ಣುನ ಏಕ್‌ ಮತ್ಲಬ್‌ನಿ ಖೇಣಿನ ಬೋಲ್ಯೊ. 
\v 8 ಯೋ ಶಾತ್‌ಕತೊ, “ಕೋಣ್‌ತೋಬಿ ಏಕ್‌ ಜ಼ಣು ತುನ ವ್ಯಹಾನು ಖಾಣು ಖವಾನ ಬುಲಾಯೂತೊ, ಪಂತಿಮ ಪಹಿಲೆಸ್ ನಕೊ ಬೇಶಿಶ್. ಏಕ್‌ ವೇಳ್ ತಾರೆಥೀಬಿ ಮಹಾನ್ ಅದ್ಮಿನ ಇನೆ ಬುಲೈರಾಖ್ಯೊ ಉಶೆ. 
\v 9 ಅಜು಼ ತುಮೂನ ಭೇ ಜ಼ಣಾನ ಬುಲಾಯೋತೆ ಯೋ ಐನ್, ‘ಆ ಝ಼ಗೊ ಅನ ಮ್ಹೆಂದೆ’ ಕರಿ ತುನ ಬೋಲಾನಿ ವಖ್ಹತ್‌ಮ, ತೂ ಖ್ಹರ್‌ಮೈನ್ ಖ್ಹಾರೇಥಿ ಛೇಟುನಿ ಝ಼ಗೋಪರ್ ಜೈ಼ನ್ ಬೇಖ್ಹ್‌ಣು ಪಡ್‌ಶೆ. 
\v 10 ಕತೋಬಿ ಕೋಣ್‌ತೋಬಿ ತುನ ಬುಲಾಯೂತೊ, ತೂ ಜೈ಼ನ್ ಖ್ಹಾರೇಥಿ ಛೇಟುನಿ ಝ಼ಗೋಪರ್ ಬೇಖ್ಹ್‌. ಅಮ್ ಕರ‍್ಯೋತೊ ತುನ ಬುಲಾಯೋತೆ ಯೋ ಐನ್, ‘ದೋಸ್, ಉಟ್ ಉಪ್ಪರ್‌ಲಿ ಝ಼ಗೋಪರ್ ಐನ್ ಬೇಖ್ಹ್‌’ ಕರಿ ಬೋಲ್‌ಶೆ. ತದೆ ತಾರ ಜೋ಼ಡ್ಮ ಬೆಠೂತೆ ಖ್ಹಾರಾನ ಖ್ಹಾಮೆ ತಾರಿ ಇಜ಼್ಜತ್‌ ಭಡ್‌ಶೆ. 
\v 11 ಶನಕತೊ ಕೋಣ್ ಇನುಯೋಸ್ ಮೋಟೊಕರಿ ಬೋಲೈಲ್ಯವಾಳೊ ಹರೇಕ್‌ಜ಼ಣೊ ಹೇಟು ಹುಯಿಜಾ಼ಶೆ, ಅಜು಼ ಇನುಯೋಸ್ ಹೇಟುಕರಿ ಬೋಲೈಲ್ಯವಾಳೊ ಯೋ ಮೋಟೊ ಹುಯಿಜಾ಼ಶೆ ಕರಿಬೋಲ್ಯೊ.
\p
\v 12 ಅಜು಼ ಯೇಸುನೆ ಇನ ಖಾಣನ ಬುಲಾಯೋತೆ ಇನಾಬಿ ಏಕ್‌ ವಾತ್ ಬೋಲ್ಯೊ. ಯೋ ಶಾತ್‌ಕತೊ, “ತೂ ಧೊಪಾರ್‌ನಿ ವಖ್ಹತ್‌ಮ ರ‍್ಹವೊ ನತರ್‌ಕಿ ಖ್ಹಾಂಜ಼್‌ನಿ ವಖ್ಹತ್‌ಮ ರ‍್ಹವೊ, ಖಾಣಾನಖ್ಹಾಜೆ ತಾರ ದೋಸ್ತ್‌ನ ರ‍್ಹವೊ, ಭೈಯೇನ ರ‍್ಹವೊ, ತಾರ ಮಾಯಮಾತ್ರಾನ ರ‍್ಹವೊ, ಧನ್‌ದೌಲತ್‌ವಾಳ ಖನ್ನೆವಾಳ ರ‍್ಹವೊ ನಕೊಬುಲೈಶ್. ಬುಲಾಯೋತೊ, ಇವ್ಣೇಬಿ ತುನ ಪಾಛು಼ ಖಾಣನ ಬುಲಾಯೇಜಾ಼ಯ್, ಅನೇಥಿ ತುನೆ ಕರ‍್ಯೊತೆ ಕರ್ನಿನ ಭರ್ನಿ ಮಳಿಜಾ಼ಶೆ. 
\v 13 ಕತೋಬಿ ತೂ ಮಿಝ಼್‌ವಾನ್ ಪಿಕಾವಾನಿ ವಖ್ಹತ್‌ಮ, ಗೋರ್‌-ಗರೀಬ್‌ನ, ಪಾಂಗ್‌ಳ್ಯಾವ್ನ, ಲಂಗ್ಡಾವ್‍ನ ಅಜು಼ ಕಾಣಾವ್ನ ಬುಲಾವ್. 
\v 14 ತದೆ ತೂ ಧನ್ಯ ಹುಯಿಶ್, ಇವ್ಣೆ ಪಾಛು಼ಫರಿ ಶಾತ್ಬಿ ಕರಾನಕೊಂತೆ ಇವ್ಣೆ, ನೀತಿವಾಳುಖ್ಹಾರು ಮರ್‌ಣ್‌ಮಾಥು ಪಾಛು಼ ಜಿವ್ತುಹುಯಿನ್‍ ಆವಾನಿ ವಖ್ಹತ್‌ಮ ದೇವ್ ತುನ ದೇವ್ಣುತೆ ಇನ ದಿಶೆ.
\s ಮಿಝ಼್‌ವಾನ್ನಿ ಬಾರೇಮಾನು ಮತ್ಲಬ್‌ನಿ ಖೇಣಿ
\r (ಮತ್ತಾಯ 22:1-10)
\p
\v 15 ಖಾಣನ ಬೆಠುಥೂತೆ ಇವ್ಣಾಮ ಏಕ್‌ ಜ಼ಣು ಆ ವಾತೇನ ಖ್ಹಮ್‌ಜಿನ್‌, ಯೇಸುನ, “ದೇವ್ನಿ ರಾಜ್ಯಮ ಮಿಝ಼್‌ವಾನ್ ಖಾವಾನ ಬೇಖ್ಹವಾಳೋಸ್ ಧನ್ಯ ಹುಯಿರ‍್ಹೊಸ್” ಕರಿ ಬೋಲ್ಯೊ.
\p
\v 16 ತದೆ ಯೇಸುನೆ ಇನ ಬೋಲ್ಯೋಕಿ, “ಏಕ್‌ ಅದ್ಮಿನೆ ಏಕ್‌ ಮೋಟಿ ಮಿಝ಼್‌ವಾನ್ ಪಿಕೈನ್, ಕೈಯೆಕ್ಕಿ ಅದ್ಮಿನ ಬುಲಾಯೊ. 
\v 17 ಮಿಝ಼್‌ವಾನ್ ಖಾವಾನಿ ವಖ್ಹತ್ ಆವಾದಿನ್, ಯೋ ಅದ್ಮಿನೆ, ‘ಆವೊ, ಖಾಣು ತೈಯಾರ್ ಛಾ಼!’ ಕರಿ, ಬುಲಾಯೊಥೋತೆ ತಮಾಮ್‌ ಅದ್ಮಿನ ಬುಲಾವಾನಟೇಕೆ ಆಳ್‌ನ ಮೋಕ್‌ಲ್ಯೊ. 
\v 18 ಕತೋಬಿ ಇವ್ಣೆ ಖ್ಹಾರೂಸ್, ಮಾಪ್‌ ಕರ‍್ನುಕರಿ ಎಕ್ಕಸ್‌ ದಿಲ್‌ಥಿ ಬೋಲಾಲಗ್ಯು. ಪಹಿಲೆವಾಳೊ ಯೋ ಆಳ್‌ನ ದೇಖಿನ್ ಬೋಲ್ಯೋಕಿ, ‘ಮೇ ಏಕ್‌ ಖೇತರ್‌ನ ಮೋಲ್ ಲೀರಾಖ್ಯೋಸ್, ಮೇ ಜೈ಼ನ್, ಯೋ ಖೇತರ್‌ನ ದೇಖಾನು ಜ಼ರೂರತ್ ಛಾ಼; ಮನ ಮಾಪ್‌ ಕರ್‌ ಕರಿ ಬೋಲಿಲಿದೊ ಕರಿ ಬೋಲ್.’ 
\v 19 ಬಿಜ್ಜೇಕ್‌ ಜ಼ಣಾನೆ ಬೋಲ್ಯೋಕಿ, ‘ಮೇ ಪಾಚ಼್ ಜೋ಼ಡಿ ಢಾಂಡಾವ್‍ನ ಲೀರಾಖ್ಯೋಸ್, ಇನ ದೇಖಿನ್ ಪರ್ಖಾನ ವಳ್ಯೊಜವುಸ್. ಮನ ಮಾಪ್‌ಕರ್‌ ಕರಿ ಬೋಲ್ಯೊ, ಕರಿ ಬೋಲ್.’ 
\v 20 ಅಜೇಕ್ ಜ಼ಣಾನೆ, ‘ಹಮ್ಕೇಸ್ ಮಾರೊ ವ್ಯಹಾ ಹುಯಿರ‍್ಹೋಸ್, ಇನಖ್ಹಾಜೆ ಮನ ಆವಾನ ಕೋ ಉಶೇನಿ’ ಕರಿ ಬೋಲ್ಯೊ.
\p
\v 21 ಯೋ ಆಳ್‌ ಪಾಛು಼ಫರಿನ್, ಇನ ಯಜಮಾನ್‍ಕನ ಐನ್, ಚಾ಼ಲ್ಯುತೆ ಇನಿ ಬಾರೇಮ ಬೋಲ್ಯು. ತದೆ ಯೋ ಘರ್‌ನ ಯಜಮಾನ್ನೆ ಖೀಜ಼್ ಖೈನ್, ಇನ ಆಳ್‌ನ, ‘ತೂ ಒಗ್ಗಿಸ್‌ಮ, ಆ ಗಾಮ್‌ನು ಗಲ್ಲಿಯೇಮಾಬಿ, ಓಣಿಯೇಮಾಬಿ ಜೈ಼ನ್, ಗೋರ್‌-ಗರೀಬ್‌ನ, ಪಾಂಗ್‌ಳ್ಯಾವ್ನ, ಲಂಗ್ಡಾವ್‍ನ, ಕಾಣಾವ್ನ ಖ್ಹಾರು ಹಜ್ಜಾ಼ ಬುಲೈಲ್ಯಾವ್’ ಕರಿ ಬೋಲ್ಯೊ. 
\v 22 ಒಗ್ಗಿಸ್‌ಮ ಯೋ ಆಳ್‌ನೆ, ‘ಯಜಮಾನ್ ತಾರಿ ಹುಕುಮ್ ಚಾ಼ಲಿಗಿ, ಕತೋಬಿ ಬಿಜೂ಼ಬಿ ಝ಼ಗೊ ಛಾ಼’ ಕರಿ ಬೋಲ್ಯು. 
\v 23 ತದೆ ಇನ ಯಜಮಾನ್ನೆ ಯೋ ಆಳ್‌ನ ಬೋಲ್ಯೋಕಿ, ‘ತೂ ಜೈ಼ನ್, ಖ್ಹಾರು ಖೇತರ್‌ನು ವಾಟ್‌ಪರ್ ಅಜು಼ ವಾಡ್‌ಗಿಯೆಕನ ಛಾ಼ತೆ ಹರೇಕ್ನ ಜು಼ಲಮ್‌ಥಿ ಮಹಿ ಬುಲೈಲ್ಯಾವ್. ಮಾರು ಘರ್ ಭರಾವಾದೆ’ ಕರಿ ಬೋಲ್ಯೊ. 
\v 24 ಕತೋಬಿ ಮೇ ತುಮೂನ ಬೋಲುಸ್ಕಿ, ‘ಮೇ ಅಗಾಡಿ ಬುಲಾಯೊಥೋತೆ ಇವ್ಣಾಮ ಏಕ್‌ ಜ಼ಣುಬಿ ಮೇ ಕರಾಯೋತೆ ಖಾಣಾನಿ ಲಜ಼ತ್‌ನ ಛಾ಼ಕಿಬಿ ನಾ ದೇಕ್ಣು!’ ಕರಿ ಬೋಲ್ಯೊ.”
\s ಯೇಸುನ ಶಿಷ್ಯರ್‌ ಹುಯಿರ‍್ಹೇಣುಕತೊ ಕರ್ನುತೆ ಕಾಮ್
\r (ಮತ್ತಾಯ 10:37-38)
\p
\v 25 ಏಕ್‌ ಹಲ್ಲ ಘಣ ಅದ್ಮಿನಿ ಭೀಡ್ ಯೇಸುನ ಕೇಡೆ ಜ಼ವ್‍ಕರಾತೆ ವಖ್ಹತ್‌ಮ, ಯೇಸುನೆ ಫರಿನ್, ಇವ್ಣುನ ಅಮ್ ಬೋಲ್ಯೊ. 
\v 26 ಮಾರಕನ ಆವಾಳು ಮಾರೇಥಿ ಜಾ಼ಖ್ಹತ್, ಇನ ಆಯಬಾನ, ಬಾವಣ್‍, ಲಡ್ಕಾವ್‍ನ, ಮೋಟ ಭೈಯೆ ಭೇನೆ ಅಜು಼ ಇನ ಜಾನ್ನಬಿ ನಾ ವಹೇರ್‌ ಕರ‍್ಯೊತೊ ಯೋ ಮಾರೊ ಶಿಷ್ಯ ಹುಯಿರ‍್ಹೇವಾನ ಕೊಹುವಾನಿ. 
\v 27 ಕೋಣ್‌ತೋಬಿ ಇನಿ ಶಿಲ್‌ಬೇನ ಪಳ್ಳಿನ್‌, ಮಾರ ಪೀಠೆ ನಾ ಆಯೂತೆ, ಯೋ ಮಾರೊ ಶಿಷ್ಯ ಹುಯಿರ‍್ಹೇವಾನ ಕೋ ಹೊಯ್ನಿ.
\p
\v 28 ತುಮಾರಾಮ ಕೋಣ್‌ತೋಬಿ ಏಕ್‌ ಜ಼ಣು, ಏಕ್‌ ಊಚು಼ಗುಂಬಜ್‍ ಭಾಂದ್‌ಣು ಕರಿ ರ‍್ಹಯೂತೊ, ಇವ್ಣೆ ಪಹಿಲೆ ಬೇಶಿನ್, ಇನ ಭಂದಾವಾನ ಕೆತ್ರು ಖರ್ಚಿ ಉಶೆ ಕರಿ ಸೋಚ಼ಸ್‌. ಶನಕತೊ, ಯೋ ಕಾಮ್ ಪೂರ ಕರಾಯೆತ್ರೆ ಪೈಶಾ ಛಾ಼ಕಿ ಕೊಯ್ನಿ ಕರಿ ದೇಖಾನಟೇಕೆ. 
\v 29 ಅಮ್ ಇಶಾಬ್ ಕರ‍್ಯುಕೊಂತೆ, ಹದಿ ನಾಖಾನ ಬಾದ್‌ಮ, ಯೋ ಕಾಮ್ ಭೀರಿಗಯೂತೊ, 
\v 30 ದೇಖಾವಾಳು ಖ್ಹಾರು, ‘ಆ ಅದ್ಮಿ ಭಂದಾವಾನ ಶುರುಕರ‍್ಯು, ಕತೋಬಿ ಅನ ಪೂರ ಕರಾನ ಕೋಹುಯುನಿ!’ ಕರಿ ಬೋಲಿನ್, ಇನಿ ನಕ್ಲೆ ಕಾಡ್‌ಶೆ.
\p
\v 31 ಏಕ್‌ ರಾಜ಼ ಬಿಜೇಕ್ ರಾಜಾ಼ನ ಜೋ಼ಡೆ ಜಂಗ್ ಭೀಡಾನ ಜಾ಼ವಾನ ಅಗಾಡಿ, ವೀಖ್ಹ್‌ ಹಜಾ಼ರ್ ದಂಡ್‌-ದಳ್‌ವಾಯಿನ ಲೀನ್, ಜಂಗ್‌ನ ವಳ್ಯಾವಾತೆ ಯೋ ರಾಜಾ಼ನ ಜೋ಼ಡೆ, ದಖ್ಹ್‌ ಹಜಾ಼ರ್ ದಂಡ್‌-ದಳ್‌ವಾಯಿನ ಲೀಜೈ಼ನ್, ಹರಾವನ ಉಶೇಕಿ ಕೊಯ್ನಿ, ಕರಿ ಪಹಿಲೇಸ್ ಬೇಶಿನ್ ಸೋಚ಼ಸ್‌. 
\v 32 ಇಮ್‌ ಹರಾವನ ಕೋ ಉಶೇನಿ ಕರಿ ಮಾಲುಮ್ ಪಡ್ಯೂತೊ, ಯೋ ವಳ್ಯಾವಾತೆ ರಾಜ಼ ದೂರ್ ರ‍್ಹವಾನಿಸ್ ವಖ್ಹತ್‌ಮ, ಇನು ಖಬರ್ ದ್ಯವಾಳಾನ ಮೋಕ್ಲೀನ್, ಶಾಂತಿನು ಒಪ್ಪಂದ ಕರಿಲಿಯೆ, ಕರಿ ಬೋಲಿಲೇಸ್. 
\v 33 ಇಮ್ಮಸ್, ತುಮಾರಮ ಕೋಣ್‌ಬಿ ರ‍್ಹವೊ, ಇನಛಾ಼ತೆ ಖ್ಹಾರಸ್ನ ನಾ ಮ್ಹೇಲ್ಯೂತೊ, ಯೋ ಮಾರೊ ಶಿಷ್ಯ ಹುಯಿರ‍್ಹೇವಾನ ಕೋ ಹುವಾನಿ” ಕರಿ ಬೋಲ್ಯೊ.
\s ಫಾಯಿದೊಕೊಂತೆ ಮೀಟ್‌ನಿ ಬಾರೇಮ
\r (ಮತ್ತಾಯ 5:13; ಮಾರ್ಕ 9:50)
\p
\v 34 ಮೀಟ್‌ ಏಕ್‌ ಅಛ್ಛು಼ ರಾಛು಼ಸ್. ಮೀಟಸ್‌ ಫಿಕ್ಕು ಹುಯಿಗುತೊ, ಇನ ಬಿಜು಼ಪಾಛು಼ ಶನೇಥಿ ರುಚ಼್‌ಲ್ಯಾವನು ಉಷೆ? 
\v 35 ಇಮ್ನು ಮೀಟ್‌ಥಿ ಜ಼ಮೀನ್ನ ರ‍್ಹವೊ, ಖಾತ್‌ನ ರ‍್ಹವೊ ಶನೂಸ್ ಫಾಯಿದೊ ಕೊಯ್ನಿ. ಇನ ಭಾರ್‌ ಫೇಕಿದೇಸ್. ಖ್ಹಮ್‌ಜಾ಼ನ ಕಾನ್‌ರ‍್ಹವಾಳು ಖ್ಹಮ್‌ಜಾ಼ದೆ!” ಕರಿ ಬೋಲ್ಯೊ
\c 15
\s ಗುಮೈಗಯೂತೆ ಮೇಂಢಾನಿ ಬಾರೇಮ
\r (ಮತ್ತಾಯ 18:12-14)
\p
\v 1 ಏಕ್‌ ದನ್ನೆ ಯೇಸು ಬೋಲಾತೆ ವಾತೇನ ಖ್ಹಮ್‌ಜಾ಼ನಖ್ಹಾಜೆ, ಘಣು ಅದ್ಮಿ ಶುಂಕ ವಶೂಲ್ ಕರಾವಾಳು ಅಜು಼ ಪಾಪಿಖ್ಹಾರು ಇನಾಕನ ಆಯು. 
\v 2 ಅನ ದೇಖಿನ್ ಫರಿಸಾಯರ್ ಅಜು಼ ಮೋಶೇನು ಧರ್ಮಶಾಸ್ತ್ರ ಶಿಕಾಡವಾಳು ಶಾಸ್ತ್ರಿಯೇನೆ, “ಆ ಪಾಪಿ ಖ್ಹಾರಾನ ಜೋ಼ಡೆ ಮಳಿನ್, ಇವ್ಣ ಜೋ಼ಡೆ ಖಾಣು ಖಾಸ್ನಿ” ಕರಿ ಯೇಸುಪರ್ ಮಶ್ಲಾ ಮಾರ‍್ಯು. 
\v 3 ತದೆ ಯೇಸುನೆ ಇವ್ಣುನ ಏಕ್‌ ಮತ್ಲಬ್‌ನಿ ಖೇಣಿನ ಬೋಲ್ಯೊ.
\p
\v 4 ಯೋ ಶಾತ್‌ಕತೊ, “ತುಮಾರಾಮ ಕೋಣ್‌ತೋಬಿ ಏಕ್‌ ಜ಼ಣು, ಇನಾಕನ ಖ್ಹೋ ಮೇಂಢುರ‍್ಹೀನ್, ಇನಾಮಾನು ಏಕ್‌ ಗುಮೈಗಯೂತೆ, ಯೋ ನೌ ಉಪ್ಪರ್ ಖ್ಹಡ್‌ಚಾರೀಖ್ಹ್‌ನ ಝೂ಼ಂಡ್‌‍ಮಾಸ್ ಮ್ಹೆಂದಿನ್, ಗುಮೈಗಯೂತೆ ಯೋ ಮೇಂಢು ಮಳಾತೋಡಿ, ಇನ ಢೂಂಡಿನ್ ಜಾ಼ಯಿಕೊಯ್ನಿಕಿ ಶು? 
\v 5-6 ಯೋ ಮಳಾನ ಬಾದ್‌ಮ, ಯೋ ಅದ್ಮಿ ಖ್ಹುಶಿ ಕರ್ತುಹುಯಿನ್, ಮೇಂಢಾನ ಇನ ಖಾಂದಪರ್ ಮ್ಹೇಲಿಲೀನ್, ಘರೆಆಯಿನ್, ಇನಖ್ಹಾರ ದೋಸ್ತ್‌ನ ಅಜು಼ ಖನ್ನೆವಾಳಾನ ಎಕ್ಟುಕರಿನ್, ‘ಗುಮೈಗಯುಥೂತೆ ಯೋ ಮೇಂಢು ಮಳ್ಯು, ಮಾರ ಜೋ಼ಡೆ ಖ್ಹುಶಿಕರೊ’ ಕರಿ ಇವ್ಣುನ ಬೋಲಾಕೊಯ್ನಿಕಿ ಶು? 
\v 7 ಇಮ್ಮಸ್, ದೇವ್‌ಭಣಿ ಫರಾನ ಮನ್‌ಕೊಂತೆ, ನೌ ಉಪ್ಪರ್ ಖ್ಹಡ್‌ಚಾರೀಖ್ಹ್ ನೀತಿವಾಳ ಅದ್ಮಿಥೀಬಿ, ದೇವ್‌ಭಣಿ ಫರಾಸ್ತೆ ಏಕ್‌ ಪಾಪಿನಿ ಬಾರೇಮ, ಪರ್‌ಲೋಕ್‌ಮ ಘಣು ಖ್ಹುಶಿಹುವ್ವಾಸ್ ಕರಿ ಮೇ ತುಮೂನ ಬೋಲುಸ್”.
\s ಗುಮೈಗಯೂತೆ ಬಿಲ್ಲಾನಿ ಬಾರೇಮ
\p
\v 8 ಏಕ್‌ ತಯೇಡಾಕನ ದಖ್ಹ್‌ ರೂಪಾನು\f + \fr 15:8 \fr*\ft ಆ ರೂಪಾಥಿ ಬಣೈಹುಯು ಬಿಲ್ಲು. \ft*\f* ಬಿಲ್ಲು ಛಾ಼ ಕರಿ ಸೋಚೊ. ಇನಾಮಾನು ಏಕ್‌ ಬಿಲ್ಲಾನ ಯೋ ಗುಮೈಲಿದಿತೊ ಯೋ ಶಾತ್‌ ಕರ್ಶೆ? ಯೋ ತಯೇಡ ದೀವೊ ಲಗಾಡಿನ್, ಹಿಡಿ ಘರ್‌ನಾಸ್ ಝಾ಼ಡೀನ್, ಗುಮೈಗಯೂತೆ ಯೋ ಬಿಲ್ಲು ಮಳಾತೋಡಿ, ಹೊಷಾರ್‌ಥಿ ಢೂಂಡಾ ಕೊಯ್ನಿಕಿ ಶು? 
\v 9 ಮಳಾನ ಬಾದ್‌ಮ, ಇನಿ ದೋಸ್‌ತಿಯೆ ಖ್ಹಾರಿನ ಎಕ್ಟು ಕರಿಲೀನ್, ‘ಗುಮೈಗಯೂತೆ ಯೋ ಮಾರು ಬಿಲ್ಲು ಮಳ್ಯು, ಮಾರ ಜೋ಼ಡೆ ಖ್ಹುಶಿ ಕರೊ’ ಕರಿ ಬೋಲಾಕೊಯ್ನಿಕಿ ಶು? 
\v 10 ಅಮ್ಮಸ್, ದೇವ್ ಭಣಿ ಫರಾಸ್ತೆ ಏಕ್‌ ಪಾಪಿನಿ ಬಾರೇಮ, ದೇವ್‌ನು ದೂತರ್ ಖ್ಹಾರು ಖ್ಹುಶಿಕರಸ್” ಕರಿ ಬೋಲ್ಯೊ.
\s ಗುಮೈಗಯೋತೆ‌ ಛಿಯ್ಯಾನಿ ಬಾರೇಮ
\p
\v 11 ಅನ ಬಾದ್‌ಮ ಯೇಸುನೆ ಅಮ್ ಬೋಲ್ಯೊ, “ಏಕ್‌ ಅದ್ಮಿನ ಬೇ ಛಿಯ್ಯಾ ಥಾ. 
\v 12 ನ್ಹಾನೊ ಛಿಯ್ಯಾನೆ ಇನ ಬಾನ, ‘ಬಾ, ಆಸ್ತಿಮ ಮನ ಆವ್ಣುತೆ ಭಾಗ್ನ ಹಮ್ಕೇಸ್ ದೇ’ ಕರಿ ಬೋಲ್ಯೊ. ತದೆ ಬಾನೆ ಇನಿ ಆಸ್ತಿನ ಭೇ ಛಿಯ್ಯಾನ ವಾಟ ಪಾಡಿದಿದೊ. 
\v 13 ಥೋಡ ದನ್ನ ಬಾದ್‌ಮ, ಯೋ ನ್ಹಾನ ಛಿಯ್ಯಾನೆ ಇನಥೂತೆ ಖ್ಹಾರೂಸ್ ವೇಚಿನ್, ಪೈಶಾ ಕರಿಲೀನ್, ದೂರ್‌ಲ್ಯಾ ದೇಖ್ಹ್‌ನ ಜೈ಼ನ್. ಹಿಜ್ಜಾ಼ ಇನ ಮನ್ ಆವಾತೆ ಇಮ್‌ ಜಿವ್ಣುಕರಿನ್, ಇನಿ ಶೊತ್ನ ಗುಮೈಲಿದೊ. 
\v 14 ಅಮ್ ಯೋ ಖ್ಹಾರೂಸ್ ಬರ್ಬಾತ್ ಕರಿಲ್ಯವಾನ ಬಾದ್‌ಮ, ಯೋ ದೇಖ್ಹ್‌ಮ ಕಾಳ್ದುಕಾಳ್ ಐನ್, ಶಾತಸ್‌ಕೊಂತೆ ಇಮ್ನಿ ಹಾಲ್‌ ಹುಯಿಗೈ. 
\v 15 ತದೆ ಯೋ ಜೈ಼ನ್, ಯೋ ದೇಖ್ಹ್‌ನ ಏಕ್‌ ಅದ್ಮಿಕನ ಕಾಮ್ಮ ಪೇಶಿಗಯೊ. ಯೋ ಅದ್ಮಿ ಇನ ಡೂಕರ್‌ ಚ಼ರಾವಾನಟೆಕೆ, ಇನ ಖೇತರ್‌ಮ ಮೋಕ್‌ಲ್ಯೊ. 
\v 16 ಅಮ್ ರ‍್ಹಾವಾನಿ ವಖ್ಹತ್‌ಮ, ಡೂಕರ್‌ ಖಾಸ್ತೆ ಫಳಿಯೆ ಖೈನ್‌ತೋಬಿ, ಪೇಟ್ ಭರಿಲೇವ್ಣು ಕರಿ ಯೋ ಆಖ್ಹ್ ಕರ‍್ಯೊತೋಬಿ, ಕೋಣ್‌ಬಿ ಇನ ಕೋ ದಿದೂನಿ. 
\v 17 ತದೆ ಇನ ಅಕ್ಕಲ್ ಅಯಿನ್, ‘ಮಾರ ಬಾಕನ ಕೈಯೆಕ್ಕಿ ಕೂಲಿಆಳ್‍ನ ಖೈನ್, ಬಶ್‌ಹುವಾಯೆತ್ರೆ ಖಾಣು ಛಾ಼. ಕತೋಬಿ ಮೇತೊ ಹಜ಼್ಜ ಭುಕ್ಯೊ ಮರುಕರೂಸ್!’ 
\v 18 ಮೇ ಉಠೀನ್, ಮಾರ ಬಾಕನ ಜೈ಼ನ್, ಇನ ‘ಬಾ, ಪರ್‌ಲೋಕ್‌ನಿ ವಿರೋದ್ ಅಜು಼ ತಾರಿ ವಿರೋದ್ ಪಾಪ್ ಕರಿರಾಖ್ಯೋಸ್. 
\v 19 ಅಜು಼ ಖ್ಹಾಮ್ಣೆ ಮೇ ತಾರೊ ಛಿಯ್ಯೊ ಹುಯಿರ‍್ಹವಾನ ಲ್ಹಾಯೇಕ್ ಕೊಯ್ನಿ, ತಾರ ಕೂಲಿಆಳ್‍ಮ ಏಕ್‌ನಿಘೋಣಿ ಮನ ದೇಕ್’ ಕರಿ ಸೋಚಿಲಿದೊ. 
\v 20 ತದೆ ಯೋ ಉಠೀನ್, ಪಾಛು಼ ಇನ ಬಾಕನ ಗಯೊ.
\p ಯೋ ಅಜೂ಼ಬಿ ದೂರ್ ರ‍್ಹವಾನಿಸ್ ವಖ್ಹತ್‌ಮ, ಇನೊ ಬಾ ಇನ ದೇಖಿನ್, ಗೋರ್‌ಖೈನ್, ನಾಶಿಆಯಿನ್‌, ಇನ ಬಥೈನ್ ಬುಚ್ಚಾ಼ ದಿದೊ. 
\v 21 ಕತೋಬಿ ಛಿಯ್ಯಾನೆ ಇನ, ‘ಬಾ, ಪರ್‌ಲೋಕ್ನ ವಿರೋದ್ ಅಜು಼ ತಾರ ಖ್ಹಾಮ್ಣೆಬಿ ಪಾಪ್ ಕರಿರಾಖ್ಯೋಸ್. ಅಜು಼ ತಾರ ಖ್ಹಾಮ್ಣೆ ಮೇ ಛಿಯ್ಯೊ ಹುಯಿರ‍್ಹವಾನ ಲ್ಹಾಯೇಕ್ ಕೊಯ್ನಿ’ ಕರಿ ಬೋಲ್ಯೊ. 
\v 22 ಕತೋಬಿ ಬಾನೆ ಇನ ಆಳ್‌ನ, ‘ಫಟ್‌ ಕರಿ ಘಣ ಅಛ಼್ಛ ಝ಼ಗ್ಗಾನ ಲಯಿನ್ ಅನ ಪೇರ‍್ಹಾವೊ. ಅನಿ ಅಂಗ್‌ಳೀಮ ಅಂಘೂಟಿ ಅಜು಼ ಗೋಡಾಮ ಖೋಖ್ಹ್‌ಡಾ ಘಾಲೊ. 
\v 23 ಅಜು಼ ಪಲೈಹುಯೊ ಕೆಲ್ಡಾನ ಲೈನ್‌ ರ‍್ಹೇಖ್ಹೊ, ಮಿಝ಼್‌ವಾನ್ ಪಿಕೈನ್ ಖ್ಹುಶಿ ಕರಿಯೆ! 
\v 24 ಆ ಮಾರೊ ಛಿಯ್ಯೊ ಮರಿಗಯೋಥೊ, ಪಾಛೊ಼ ಬಚಿ ಐರ‍್ಹೋಸ್; ಗುಮೈಗಯೋಥೊ ಹಮ್ಕೆ ಮಳಿರ‍್ಹೋಸ್‌’ ಕರಿ ಬೋಲ್ಯೊ. ತದೆ ಇವ್ಣೆ ಖ್ಹುಶಿ ಕರಾಲಗ್ಯು.
\p
\v 25 ಯೋಸ್ ವಖ್ಹತ್‌ಮ, ಇನೊ ಮೋಟೊ ಛಿಯ್ಯೊ ಖೇತರ್‌ಮ ಥೊ. ಯೋ ಘರ್‌ನ ಖನ್ನೆ-ಖನ್ನೆ ಆವಾನಿ ವಖ್ಹತ್‌ಮ, ವಾಜು಼ ವಜಾ಼ಡಿನ್, ಖೇಲ್‌ಕೂದ್ ಕರುಕರಾತೆ ಅವಾಜ಼್‌ನ ಖ್ಹಮ್‌ಜ್ಯೊ. 
\v 26 ತದೆ ಇನೆ ಆಳ್‌ಮ ಏಕ್‌ ಜ಼ಣಾನ ಇನಾಕನ ಬುಲೈನ್, ‘ಆ ಶಾತ್‌ ಚಾ಼ಲುಕರಾಸ್ತೆ’? ಕರಿ ಪುಛಾ಼ಯೊ. 
\v 27 ತದೆ ಆಳ್‌ನೆ ಇನ, ‘ತಾರೊ ನ್ಹಾನೊ ಭೈ ಪಾಛು಼ಫರಿ ಐರ‍್ಹೋಸ್. ಯೋ ಜ಼ತನ್‌ಥಿ ಆಯೋತೆ ಇನಖ್ಹಾಜೆ, ತಾರ ಬಾನೆ, ಯೋ ಪಲ್ಯುಹುಯು ಕೆಲ್ಡಾನ ರ‍್ಹೇಖ್ಹಾಯೊ’ ಕರಿ ಬೋಲ್ಯೊ.
\p
\v 28 ಅನ ಖ್ಹಮ್‌ಜಿನ್‌, ಇನ ಮೋಟ ಭೈನೆ ಇರಾದೊ ಖೈನ್, ಘರ್‌ನ ಮಹಿ ಗಯೊಕೊಯ್ನಿ; ತದೆ ಇನೊ ಬಾ ಭಾರ್‌ಆಯಿನ್, ‘ಮಹಿ ಆವ್’ ಕರಿ ಇನ ಗಿಂಗೈಲಿದೊ. 
\v 29 ಕತೋಬಿ ಇನೆ ಇನ ಬಾನ, ‘ದೇಕ್, ಅತ್ರಾವರಖ್ಹ್ ಮೇ ಆಳ್‌ನಿಮತ್‌, ತಾರಿ ಚಾ಼ಕ್ರಿ ಕರ‍್ಯೊ, ಅಜು಼ ತಾರಿ ಏಕ್‌ ವಾತೆನಾಬಿ ಝಿಟ್ಕಾರ‍್ಯೊ ಕೊಯ್ನಿ. ಇಮ್‌ ರ‍್ಹಯೊತೋಬಿ, ಮೇ ಮಾರ ದೋಸ್ತ್‌ಖ್ಹಾರಾನ ಜೋ಼ಡೆ ಖ್ಹುಶಿ ಕರಾನ ಏಕ್‌ ಬೋಕ್‍ಡೋಬಿ ತುನೆ ದಿದೊಕೊಯ್ನಿ. 
\v 30 ಕತೋಬಿ ಶೂಳೆಖ್ಹಾರಿನ ಭಾಂದಿಲೀನ್, ತಾರಿ ಆಸ್ತಿನ ಝ಼ಡ್‌ಪಿನ್ ಖಾದೋತೆ, ಆ ತಾರೊ ಛಿಯ್ಯೊ, ಆವ್ತಾನ, ಪಲ್ಯಹುಯ ಕೆಲ್ಡಾನ ಇನಖ್ಹಾಜೆ ರ‍್ಹೇಖ್ಹಾಯೋನಿ’ ಕರಿ ಜವಾಬ್‌ ದಿದೊ. 
\v 31 ತದೆ ಇನ ಬಾನೆ, ‘ಛಿಯ್ಯಾ, ತೂ ಕದೇಬಿ ಮಾರ ಜೋ಼ಡೆ ಥೊ, ಅಜು಼ ಮಾರಕನ ಛಾ಼ತೆ ಖ್ಹಾರು ತಾರುಸ್‌. 
\v 32 ತೋಬಿ ಖ್ಹುಶಿ ಕರಾನು, ಶಂತೋಖ್ಹ್‌ ಕರಾನು ಬರಾಬರಸ್‌. ಶನಕತೊ ಆ ತಾರೊ ಭೈ ಮರಿಗಯೋಥೊ ಪಾಛೊ಼ ಜಿವ್ತೊಹುಯಿನ್ ಐರ‍್ಹೋಸ್, ಗುಮೈ ಗಯೋಥೊ ಮಳಿರ‍್ಹೋಸ್‌” ಕರಿ ಬೋಲ್ಯೊ.
\c 16
\s ಠಗಾರ‍್ಯೊ ಮೇಸ್ತ್ರಿನಿ ಬಾರೇಮ
\p
\v 1 ಯೇಸುನೆ ಇನ ಶಿಷ್ಯರ್‌ನ ಬೋಲ್ಯೋಕಿ, “ಏಕ್‌ ಶೌಕಾರ್ ಅದ್ಮಿಥು. ಇನೆ, ಇನ ಧನ್‌-ದೌಲತ್‌ನ ದೇಖಿಲ್ಯವಾನಖ್ಹಾಜೆ ಏಕ್‌ ಸೇವಕ್‌ನ ನೇಮಕ್ ಕರ‍್ಯೊಥೊ. ಥೋಡ ದನ್ನ ಬಾದ್‌ಮ, ಯೋ ಶೌಕಾರ್‌ನ ಮಾಲುಮ್ ಪಡ್ಯೂಕಿ, ಯೋ ಸೇವಕ್ ಇನ ಯಜಮಾನ್ನ ಪೈಶಾಖ್ಹಾರು ಬರ್ಬಾತ್ ಕರುಕರಸ್ ಕರಿ. 
\v 2 ತದೆ ಇನೆ ಸೇವಕ್‌ನ ಬುಲೈನ್, “ಆ ಶಾತ್‌? ಮೇ ತಾರಿ ಬಾರೇಮ ಖ್ಹಮ್‌ಜು಼ಕರೂಸ್ತೆ. ಮಾರಿ ಧನ್‌-ದೌಲತ್‌ನಿ ಬಾರೇಮಾನು ಖ್ಹಾರಿ ಇಶಾಬ್‍ನ ತೂ ಮನ ದೇ; ಅಜು಼ ಖ್ಹಾಮ್ಣೆ ತೂ ಮಾರ ಘರ್‌ನೊಸೇವಕ ಹುಯಿರ‍್ಹೇವಾನ ಕೋ ಉಶೇನಿ” ಕರಿ ಬೋಲ್ಯೊ. 
\v 3 ಅಮ್ ರ‍್ಹೇವಾನಿ ವಖ್ಹತ್‌ಮ, ಯೋ ಘರ್‌ನೊ ಸೇವಕ್‌ನೆ ಇನುಯೋಸ್, “ಮಾರೊ ಯಜಮಾನ್, ಮನ ಕಾಮ್ಮಾಥು ಕಾಡಿನಾಖಿದ್ಯವಾನ ಆಯೊ. ಮೇ ಶಾತ್‌ಕರು? ಖಾಡ್ ಖೋಂದಾನಾಬಿ ಮನ ಶಕತ್‌ಕೊಯ್ನಿ; ಧರಮ್ ಮಾಂಗಾನ ಮನ ಖ್ಹರಮ್‌ ಲಾಗಸ್. 
\v 4 ಆ ಘರ‍್ನೊ ಸೇವಕ್‌ಹುಯಿರ‍್ಹೋತೆ ಮನ ಕಾಮ್ಮಾಥು ಕಾಡಿನಾಖಿದ್ಯವಾನ ಬಾದ್ಮ ಅದ್ಮಿಖ್ಹಾರು ಮನ ಇವ್ಣ ಘರ್‌ಮ ಬುಲೈಲ್ಯವಾನಿಘೊಣಿ ಮೇ ಶಾತ್‌ಕರ‍್ನುಕರಿ ಮಾಲುಮ್‍ಪಡ್ಯು ಕರಿ ಸೋಚಿಲಿದೊ.
\p
\v 5 ಅನ ಬಾದ್‌ಮ, ಇನೆ ಇನೊ ಯಜಮಾನ್ನ ಕರಜ಼್ ದೇವ್ಣುತೆ ಹರೇಕ್ನ ಇನೆ ಬುಲಾಯೊ. ಪಹಿಲೆವಾಳಾನ, ‘ತೂ ಮಾರ ಯಜಮಾನ್ನ ಕೆತ್ರು ಉಧಾರ್ ದೇವ್ಣು?’ ಕರಿ ಇನೆ ಪುಛಾ಼ಯೊ. 
\v 6 ತದೆ ಇನೆ, ‘ಖ್ಹೊ ತಿತ್ತಿ ತೇಲ್’ ಕರಿ ಜವಾಬ್‌ ದೇತಾಖ್ಹತರ್‌, ತದೆ ಯೋ ಸೇವಕ್‌ನೆ, ‘ಆ ತಾರು ಕಾಗತ್ ಪಾಡೀನ್, ಒಗ್ಗಿಸ್ ಬೇಶಿನ್, ಅಡೈವಿಖ್ಹ್‌ ಕರಿ ಲೀಕ್’ ಕರಿ ಇನ ಬೋಲ್ಯೊ. 
\v 7 ಅಜು಼ ಇನೆ ಬಿಜ್ಜೇಕ್‌ ಜ಼ಣಾನ, ‘ಮಾರ ಯಜಮಾನ್ನ, ತೂ ಕೆತ್ರು ದೇವ್ಣು?’ ಕರಿ ಇನೆ ಪುಛಾ಼ವಖ್ಹತರ್, ಇನೆ, ‘ಏಕ್‌ ಹಜಾ಼ರ್ ಪಲ್ಲೊ ಘವ್‌ಕರಿ ಬೋಲ್ಯೊ. ತದೆ ಇನೆ, ‘ಅಲ್ಲೆ, ತಾರು ಕಾಗತ್, ಅನಾಪರ್ ಆಟ್ ಖ್ಹೊ ಕರಿ ಲೀಖ್’ ಕರಿ ಬೋಲ್ಯೊ.
\p
\v 8 ತದೆ ಇನ ಯಜಮಾನ್ನೆ ಅನಿ ಬಾರೇಮ ಖ್ಹಮ್‌ಜಿನ್‌, ಯೋ ಠಗಾರ‍್ಯೊ ಹುಯಿರೋತೆ ಘರ‍್ನೊಸೇವಕ್‌ನ, ‘ತುನೆ ಚಾ಼ತುರ್‌ನು ಕಾಮ್ ಕರ‍್ಯೊ’ ಕರಿ ಬೋಲಿನ್ ಖ್ಹರಾಯೊ. ಶನಕತೊ, ಆ ಜಗತ್‌ನು ಅದ್ಮಿ ಇವ್ಣಿ ಬಾರೇಮ, ಉಜಾ಼ಖ್ಹ್‌ನು\f + \fr 16:8 \fr*\ft ದೇವ್ನಿ ರಾಜ್ಯನು ಅದ್ಮಿಕರಿ ಮತ್‌ಲಬ್.\ft*\f* ರಾಜ್ಯನ ಅದ್ಮಿಥೀಬಿ ಚಾ಼ತುರ್ ಹುಯಿರ‍್ಹೂಸ್.
\p
\v 9 ಯೇಸುನೆ ಬಿಜೂ಼ಬಿ ಬೋಲ್ಯೋಕಿ, “ಮೇ ತುಮೂನ ಬೋಲುಸ್ಕಿ, ಆ ಜಗತ್‌ಮ ಠಗಾಯಿಹುಯಿ ಧನ್‌-ದೌಲತ್‌ಥಿ, ತುಮೆ ಖ್ಹಾರಾನ ದೋಸ್ತ್ ಕರಿಲೆವೊ, ಅಮ್ ಕರ‍್ಯಾತೊ, ತುಮಾರಕನ ಛಾ಼ತೆ ಖ್ಹಾರು ನಿಕ್ಳಿಗಯೂತೋಬಿ, ಹರ್‌ಹಮೇಶ ರ‍್ಹವಾನು ಘರ್‌ಮ\f + \fr 16:9 \fr*\ft ಪರ್‌ಲೋಕ್‌ನು ಘರ್ ಕರಿ ಮತ್‌ಲಬ್\ft*\f* ತುಮೂನ ಮಳೈಲಿಶೆ. 
\v 10 ಥೋಡಾಮ ವಿಶ್ವಾಸ್‍ಥಿ ರ‍್ಹವಾಳು, ಜಾ಼ಖ್ಹತ್‌ಮಾಬಿ ವಿಶ್ವಾಸ್‍ಥಿ ರ‍್ಹೇಸ್, ಕತೋಬಿ ಥೋಡಾಮಸ್ ವಿಶ್ವಾಸ್‌ಕೊಂತೆ ಇವ್ಣೆ ಜಾ಼ಖ್ಹತ್‌ಮಾಬಿ ವಿಶ್ವಾಸ್‍ಥಿ ರ‍್ಹೇಯ್‌ಕೊಯ್ನಿ. 
\v 11 ಅಮ್ ರ‍್ಹವಾಪರ್, ಜಗತ್‌ನೂಸ್ ಧನ್‍ ದೌಲತ್‌ನಿ ಬಾರೇಮ ತುಮೆ ವಿಶ್ವಾಸ್‌ಕೊಂತೆ ರ‍್ಹಯಾತೊ, ಖ್ಹಾಚು಼\f + \fr 16:11 \fr*\ft ಕತೊ ಪರ್‌ಲೋಕ್‌ನು ಶೊತ್ ಕರಿ ಮತ್‌ಲಬ್.\ft*\f* ಧನ್‌ ದೌಲತ್‌ನ ತುಮಾರ ಹಾತ್ಮ ಕೋಣ್ ದಿಶೆ? 
\v 12 ಬಿಜಾ಼ನಿ ಧನ್‌ ದೌಲತ್‌ನಿ ಬಾರೇಮ, ತುಮೆ ನಿಯಥ್ಥಿ ನಾ ರ‍್ಹಯಾತೊ, ತುಮಾರಿ ಧನ್‌ ದೌಲತ್‌ನ ತುಮೂನ ಕೋಣ್ ದಿಶೆ?
\p
\v 13 ಕೆಹೊ ಆಳ್‍ಬಿ ಬೇ ಯಜಮಾನ್ನ ಸೇವೆ ಕರಾನ ಕೋ ಹುವಾನಿ. ಯೋ ಏಕ್‌ನ ವಹೇರ್‌ ಕರೀನ್ ಬಿಜೇಕ್‌ನ ಪ್ಯಾರ್ ವತಾಳ್‌ಶೆ. ನತರ್‌ಕಿ ಏಕ್ಕನ ನಿಯ್ಯತ್‌ಥಿ ರ‍್ಹೀನ್, ಬಿಜೇಕ್‌ನ ಫಿಕ್ಕರ್‌ಕೊಕರ್ಷೇನಿ. ಇಮ್ಮಸ್, ತುಮೆ ದೇವ್‍ನಾಬಿ ಅಜು಼ ಪೈಶಾನ ಆ ಭೇನಿ ಸೇವೆ ಏಕ್‌ದಮ್ ಕರಾನ ಕೋ ಹುವಾನಿ.
\s ಯೇಸುನೆ ಬೋಲ್ಯೋತೆ ಥೋಡಿ ವಾತೆ
\r (ಮತ್ತಾಯ 11:12-13; 5:31-32; ಮಾರ್ಕ 5:31-32)
\p
\v 14 ಫರಿಸಾಯರ್‌ವಾಳು ಆ ಖ್ಹಾರಿ ವಾತೇನ ಖ್ಹಮ್‌ಜಿನ್‌, ಇವ್ಣುನ ಪೈಶಾನಿ ಲಾಲಚ್‍ಥೀತೆ ಇನಖ್ಹಾಜೆ, ಯೇಸುನ ನಕ್ಲೆ ಕಾಡ್ಯು. 
\v 15 ತದೆ ಯೇಸುನೆ ಇವ್ಣುನ, “ಅದ್ಮಿನ ಖ್ಹಾಮ್ಣೆ, ತುಮೆ ಬರೊಬರ್‌ ಕರಿ ವತಾಳಿಲೇಸ್; ಕತೋಬಿ ದೇವ್ನೆ ತುಮಾರು ದಿಲ್‌ ಕಿಮ್ನು ಕರಿ ಮಾಲುಮ್‌ ಕರಿರಾಖ್ಯೋಸ್. ಅದ್ಮಿನ ಡೋಳಾಮ ಘಣ ಮೋಟಾ ಕರಿ ಬೋಲೈಲೇಸ್ತೆ ಇವ್ಣೆ, ದೇವ್ನ ಡೋಳಾಮ ಗಲೀಜ಼್ ಹುಯಿರ‍್ಹೂಸ್.
\p
\v 16 ಮೋಶೇನು ಧರ್ಮಶಾಸ್ತ್ರ ಅಜು಼ ಪ್ರವಾದಿಯೇನೆ ಲೀಖ್ಯೂತೆ ಯೋ ಖ್ಹಾರು ಬ್ಯಾಪ್ತಿಸ್ಮ ದ್ಯವಾಳೊ ಯೋಹಾನತೋಡಿಸ್. ಅನ ಬಾದ್‌ಮ, ದೇವ್ನ ರಾಜ್ಯನಿ ಸುವಾರ್ತೆ ಬೋಲಾವ್‍ಕರಾಸ್. ಅನಾಮ ತಮಾಮ್‌ ಅದ್ಮಿಖ್ಹಾರು ಜು಼ಲಮ್‌ಥಿ ಪೇಖ್ಹ್‌ಶೆ. 
\v 17 ಆಬ್ಬಿ ಧರ್ತಿ ಮಟಿಜಾ಼ಶೆ, ಕತೋಬಿ ಧರ್ಮಶಾಸ್ತ್ರನ ಮಹಿನು ಏಕ್‌ ಟಿಪ್‌ಕ್ಯುಬಿ ಜಿನುಕು ಮಟ್‌ಶೆ ಕೊಯ್ನಿ” ಕರಿ ಬೋಲ್ಯೊ.
\p
\v 18 ಇನಿ ಬಾವಣ್ಣ ಮ್ಹೇಲಿನ್, ಬಿಜೇಕ್‍ನ ವ್ಯಹಾ ಕರಿಲ್ಯವಾಳು ಹರೇಕ್‍ಬಿ ವ್ಯಬಿಚಾರ್ ಕರಾವಾಳು ಹುಯಿರ‍್ಹೂಸ್. ಬಾವ್ರಿ ಮ್ಹೆಂದಿದೋತೆ ತಯೇಡಾನ ವ್ಯಹಾ ಕರಿಲ್ಯವಾಳು ವ್ಯಬಿಚಾರ್ ಕರಾವಾಳು ಹುಯಿರ‍್ಹೂಸ್.
\s ಏಕ್‌ ಶೌಕಾರ್ ಅದ್ಮಿ ಅಜು಼ ಲಾಜ಼ರ್‌ನಿ ಬಾರೇಮ
\p
\v 19 ಏಕ್‌ ಜ಼ಣೊ ಶೌಕಾರ್ ಥೊ. ಯೋ ಹರ್‌ಹಮೇಶ ಘಣಾಮೋಲ್‌ನು ರಾಯಿಜಾ಼ಮಣ್ಣ ರಂಗ್ನು ರೇಖ್ಹಮ್‌ನ ಲುಂಗ್ಡಾವ್‍ನ ಪೇರ‍್ಹಿಲೀನ್‌, ದನ್‌ರೋಜ಼್‌ ಘಣಿ ಅಕ್ಲಾಶ್‌ಥಿ ಜಿವ್ಣು ಚ಼ಲಾವ್‍ಕರ್ತೊಥೊ. 
\v 20 ಇನ ಘರ್‌ನ ದರ‍್ವಾಜ಼ಕನ, ಲಾಜ಼ರ್‌ ಕರಿ ಧರಮ್ ಮಾಂಗವಾಳೊ ಏಕ್‍ಜ಼ಣೊ ಪಡ್ಯೋಥೊ. ಅನು ಆಂಗ್‌ತನ್‌ ಅಖ್ಖುಸ್ ಫೋಡ-ಫುಂಗ್‌ಣಿಯೆ ಥು. 
\v 21 ಯೋ ಶೌಕಾರ್ ಖೈನ್ ನಾಖಸ್ತೆ ವಿಠ್ಯು ಖಾಣುತೋಬಿ ಖೈನ್, ಭುಕ್ ಮಟೈಲೇವ್ಣು ಕರಿ ಥು. ಅತ್ರೇಸ್ ಕಾಹೆತೆ ಕುತ್‌ರ‍್ಯಾ ಜಿನ್‌ಕುಬಿ ಇನು ಫೋಡಾವ್‍ನ ಚಾ಼ಟ್‌ತೂಥು.
\p
\v 22 ಅಮ್‌ರ‍್ಹವಾನಿ ವಖ್ಹತ್‌ಮ, ಥೋಡ ದನ್ನ ಬಾದ್‌ಮ, ಯೋ ಧರಮ್ ಮಾಂಗವಾಳೊ ಮರಿಗಯೊ. ತದೆ ಪರ್‌ಲೋಕ್‌ನು ದೂತರ್ ಆಯಿನ್, ಇನ ಪಳ್ಳಿ ಜೈ಼ನ್, \f + \fr 16:22 \fr*\ft ಅಬ್ರಹಾಮ್‌ನಿ ಪಾಕ್ತಿಮ ಬೆಖ್ಹಾಡ್ಯು ಕರಿ ಮತ್ಲಬ್.\ft*\f*ಅಬ್ರಹಾಮ್‌ನಿ ಛಾ಼ತಿನ ಚಿಕಾಯು. ಯೋ ಶೌಕಾರ್‌ಬಿ ಮರಿಗಯೊ, ಇನು ಮಖ್ಹಾಣ್ಯು ಕರ‍್ಯು. 
\v 23 ಯೋ ಪಾತಾಳ್ನ ಮಹಿ ಖ್ಹತಾಪ್ಣಿ ಪಡುಕರಾನಿ ವಖ್ಹತ್‌ಮ, ಡೋಳ ಪಾಡೀನ್, ದೂರ್‌ಥೊ ಅಬ್ರಹಾಮ್‌ನಾಬಿ ಇನಿ ಛಾ಼ತಿ ಚಿಕೈರ‍್ಹೋತೆ ಲಾಜ಼ರ್‌ನಾಬಿ ದೇಖ್ಯೊ. 
\v 24 ತದೆ ಇನೆ, “ಬಾ, ಅಬ್ರಹಾಮ್! ಮಾರಪರ್ ಗೋರ್‌ ಕರೀನ್, ಲಾಜ಼ರ್‌ನ ಮೋಕಲ್. ಯೋ ಇನಿ ಅಂಗ್‌ಳಿನ ಪಾಣಿಮ ಡುಬೈನ್, ಮಾರಿ ಜೀಬ್‌ನ ಠಂಡು ಕರಾದೆ, ಶನಕತೊ ಆ ಆಗ್‌ಮ ಮೇ ಘಣು ಖ್ಹತುಕರೂಸ್” ಕರಿ ಚಿಕ್ರಿನ್ ಬೋಲಿಲಿದೊ.
\p
\v 25 ಕತೋಬಿ ಅಬ್ರಹಾಮ್‌ನೆ ಇನ, “ಛಿಯ್ಯಾ, ತುನೆ ಆಖ್ಹ್ ಕರ‍್ಯೊತೆ ಖ್ಹಾರೀಸ್‍ ಖ್ಹುಶಿ, ತಾರಿ ಜಿ಼ಂದ್‌ಗೀಮ ತುನ ಮಳ್ಯು. ಇಮ್ಮಸ್, ಲಾಜ಼ರ್‌ನೆ ಲತಾಡ ಪಡ್ಯೊ ಕರಿ ಬೋಲಾನು ಯಾದ್ ಕರಿಲೆ. ಕತೋಬಿ ಹಮ್ಕೆ ಹಜ಼್ಜಾ ಅನ ಸಮಾಧಾನ್ ಛಾ಼, ಕತೋಬಿ ತುನ ಖ್ಹತಾಪ್ಣಿ ಮಳಿರ‍್ಹೀಸ್. 
\v 26 ಅತ್ರೇಸ್ ಕಾಹೆತೆ ಹಮಾರ ಅಜು಼ ತುಮಾರ ಇಚ಼್‌ಮ ಏಕ್‌ ಮೋಟಿ ಖಾಡ್ ಛಾ಼. ಇನಖ್ಹಾಜೇಸ್, ಹೈಕಡ್‌ತು ತುಮಾರ ಭಣಿ ಜಾ಼ವ್ಣುಕರಿ ಕರ‍್ಯುತೋಬಿ, ಜಾ಼ವಾನ ಕೋ ಹುವಾನಿ ಅಜು಼ ಹೀಕಡ್‌ತು ಕೋಣ್‌ಬಿ ಉಲಾಂಗಿನ್ ಹಮಾರಕನ ಆವಾನ ಕೋ ಹುವಾನಿ” ಕರಿ ಬೋಲ್ಯೊ. 
\v 27 ತದೆ ಯೋ ಶೌಕಾರ್‌ನೆ, ‘ಬಾ ಅಬ್ರಹಾಮ್, ಮೇ ತುನ ಗಿಂಗಾವುಸ್, ಲಾಜ಼ರ್‌ನ ಮಾರ ಬಾನ ಘರೆ ಮೋಕಲ್ ಕರಿ ಬೋಲಿಲಿದೊ. 
\v 28 ಮನ ಪಾಚ಼್ ಭೈಯೇ ಛಾ಼. ಇವ್ಣೆತೋಬಿ ಆ ಖ್ಹತಾಪ್ಣಿನಿ ಝ಼ಗೋಪರ್ ನಾ ಆವ್ಣುತೆ ಇಮ್‌, ಲಾಜ಼ರ್‌ ಜೈ಼ನ್, ಇವ್ಣುನ ಝೇತಾವಾದೆ’ ಕರಿ ಬೋಲ್ಯು.
\p
\v 29 ಕತೋಬಿ ಅಬ್ರಹಾಮ್‌ನೆ, ‘ತಾರ ಭೈಯೇಕನ ಮೋಶೆ ಅಜು಼ ಪ್ರವಾದಿಯೇನು ಪುಸ್ತಕ ಖ್ಹಾರು ಛಾ಼, ಇವ್ಣೆ ಇನ ಖ್ಹಮ್‌ಜಾ಼ದೆ’ ಕರಿ ಬೋಲ್ಯೊ 
\v 30 ತದೆ ಯೋ ಶೌಕಾರ್‌ನೆ, ‘ಬಾ ಅಬ್ರಹಾಮ್, ಇಮ್‌ಕಾಹೆ! ಮರ‍್ಯುಹುಯು ಕೋಣ್‌ತೋಬಿ ಏಕ್‌ ಜ಼ಣು ಪಾಛು಼ ಜಿವ್ತುಹುಯಿನ್, ಗಯೂತೊ, ಇವ್ಣೆ ದೇವ್‌ಭಣಿ ಫರ್‌ಶೆ’ ಕರಿ ಬೋಲ್ಯೊ. 
\v 31 ಕತೋಬಿ ಅಬ್ರಹಾಮನೆ ಇನ, ‘ಇವ್ಣೆ ಮೋಶೇನು ಅಜು಼ ಪ್ರವಾದಿಯೇನೂಸ್ ವಾತೇನ ಖ್ಹಮ್‍ಜ್ಯುನಾತೊ, ಮರ‍್ಯುಹುಯು ಏಕ್‌ ಜ಼ಣು ಜಿವ್ತುಹುಯಿನ್ ಉಠಿತೋಬಿ, ಇವ್ಣೆ ಮಾನ್‌ಶೆ ಕೊಯ್ನಿ’ ಕರಿ ಬೋಲ್ಯೊ.”
\c 17
\s ಪಾಪ್ನಿ ಬಾರೇಮ
\r (ಮತ್ತಾಯ 18:6,7,21,22; ಮಾರ್ಕ 9:42)
\p
\v 1 ಯೇಸುನೆ ಇನ ಶಿಷ್ಯರ್‌ನ ಬೋಲ್ಯೋಕಿ, “ಅದ್ಮಿನ ಪಾಪ್‌ಮ ಚ಼ಲಾವವಾಳು ರಾಛು಼ ಆವ್‌ಶೆಸ್‌ ಆವ್‌ಶೆ, ಕತೋಬಿ ಇಮ್‌ ಹುವ್ವಾನಿಘೋಣಿ ಕರಾಸ್ತೆ, ಯೋ ಅದ್ಮಿನಿ ಹಾಲ್ನ ಶಾತ್ ಬೋಲು! 
\v 2 ಆ ನ್ಹಾನಾವ್‍ಮ ಏಕ್‌ ಜ಼ಣಾನ ಪಾಪ್‌ಮ ಚ಼ಲಾವಥೀಬಿ, ಇನ ಘಲೆಂಡ ಕೇಡೆ ಘಟ್ಟಿನ ಬಂಡಾನ ಭಂದೈಲೀನ್, ದರ‍್ಯಾವ್‌ಮ ನಖೈಲ್ಯವಾನೂಸ್ ಇನ ಅಛ್ಛು಼! 
\v 3 ಇನಖ್ಹಾಜೇಸ್, ತುಮೆ ಕರಾತೆ ಬಾರೇಮ ಜ಼ತನ್ ರ‍್ಹವೊ!
\p ತಾರೊ ಭೈ ಪಾಪ್ ಕರ‍್ಯೋತೊ, ಇನ ಗುರ್‌ಕಾವ್, ಏಕ್‌ ವೇಳ್ ಯೋ ಪಾಪ್ನ ಮ್ಹೇಲಿನ್ ಫರಿಗಯೋತೊ, ಇನ ಮಾಪ್‌ ಕರ್‌. 
\v 4 ಯೋ ದನ್ನ ಖ್ಹಾತ್ ಹಲ್ಲಾಬಿ ತುನ ಗಲತ್‍ಕರೀನ್ ಖ್ಹಾತ್‍ಹಲ್ಲಾಬಿ ತಾರಭಣಿ ಫರಿನ್, ‘ಮೇ ದಿಲ್‍ ದುಖೈಲೇವುಸ್, ಮನ ಕ್ಷಮಾಕರ್’ ಕರಿ ಬೋಲಿಲಿದೋತೊ ಇನ ಮಾಪ್‌ಕರ್‌ ಕರಿ ಬೋಲ್ಯೊ.
\s ವಿಶ್ವಾಸ್‌ನಿ ಬಾರೇಮ
\p
\v 5 ಅಪೊಸ್ತಲರ‍್ನೆ ಪ್ರಭುನ, “ಹಮಾರಿ ವಿಶ್ವಾಸ್‌ನ ಭಡಾವ್” ಕರಿ ಬೋಲಿಲಿದ.
\p
\v 6 ತದೆ ಪ್ರಭುನೆ ಇವ್ಣುನ, “ರಾಯಿಯೆವ್ಡಿ ವಿಶ್ವಾಸ್‌ ತುಮೂನ ರ‍್ಹಯುತೊ, ತುಮೆ ಆ ಅಂಜೀರ್‌ನ ಝಾ಼ಡ್‌ಣ, ‘ಜ಼ಡ್‌ ಖ್ಹಮೇದ್ ಉಖ್‌ಡೈ ಜೈ಼ನ್‌, ದರ‍್ಯಾವ್‌ಮ ಗಡಿಜಾ಼!’ ಕರಿ ಬೋಲ್ಯಾತೋಬಿ, ಯೋ ತುಮಾರಿ ವಾತೇನ ಖ್ಹಮಜ಼್‌ಶೆ” ಕರಿ ಬೋಲ್ಯೊ.
\s ಆಳ್‌ನು ಕಾಮ್ನಿ ಬಾರೇಮ
\p
\v 7 “ತುಮಾರಾಮ ಕಿನಾತೋಬಿ ನಾಗ್ರಾವಾಳೊ ನತರ್‌ಕಿ ಮೇಂಢ ಚ಼ರಾವವಾಳೊ ಆಳ್‌ ಛಾ಼ ಕರಿ ಲ್ಹಾವೊ. ಯೋ ಆಳ್‌ ಖೇತರ್‌ಮಾಥು ಘರ್‌ಕನ ಆಯೂತೊ, ತುಮೆ ಇನ, ‘ಒಗ್ಗಿಆವ್, ಖಾಣನ ಬೇಖ್ಹ್‌’ ಕರಿ ಬೋಲಸ್ಕಿ ಶು? 
\v 8 ಕೊಯ್ನಿಸಸ್ ಕೊಯ್ನಿ! ತುಮೆ ಇನ, ‘ಮನ ಖಾಣು ತೈಯಾರ್‌ಕರ್, ಅಜು಼ ಕಂಬರ್‌ನ ಲುಂಗ್ಡು ಭಾಂದಿಲೀನ್, ಮೇ ಖೈನ್‌ಪೀಯ್ಯಾತೋಡಿ, ಮಾರಿ ಚಾ಼ಕ್ರಿಕರ್‌, ಬಾದ್‌ಮ ತೂ ಖೈನ್‌ಪೀ ಕರಿ ಬೋಲಾಕೊಯ್ನಿಕಿ ಶು? 
\v 9 ಇನಿ ಹುಕುಮ್‌ನಿಘೋಣಿ ಚಾ಼ಲ್ಯುತೆ ಯೋ ಆಳ್‌ನ, ‘ತುನ ಧನ್ಯವಾದ್’ ಕರಿ ಬೋಲ್‌ಶೇಕಿ ಶು? 
\v 10 ಅಮ್ಮಸ್, ತುಮೆ ತುಮೂನ ಹುಕುಮ್ ಕರ‍್ಯುತೆ ಇನ, ಪೂರ ಕರಾನ ಬಾದ್‌ಮ, ‘ಹಮೆ ಫಾಯಿದೊಕೊಂತೆ ಆಳ್‌ ಹುಯಿರ‍್ಹಾಸ್, ಹಮೆ ಖಲಿ ಹಮಾರು ಕಾಮ್ನ ಕರಿರಾಖ್ಯಾಸ್’ ಕರಿ ಬೋಲ್‌ನು” ಕರಿ ಬೋಲ್ಯೊ.
\s ಯೇಸುನೆ ಖೋಡ್‍ ಲಾಗಿಹುಯು ದಖ್ಹ್‌ ಅದ್ಮಿನ ಗುಣ್‌ಕರ‍್ಯೋತೆ
\p
\v 11 ಯೇಸು ಯೆರೂಸಲೇಮ್‌ ಭಣಿ ಒಳೆಜಾ಼ತೊಥೋತೆ ತದೆ, ಗಲಿಲಾಯ ಅಜು಼ ಸಮಾರ್ಯ ತಬರ್‌ಖಾನು ಇಚ಼್‌ಮಾನಿ ವಾಟೆಕರಿ ಗಯೊ. 
\v 12 ಏಕ್‌ ಗಾಮ್ಮ ಆವಾದಿನ್, ಹಿಜ್ಜಾ಼ ಖೋಡ್‍ ಲಾಗಿರ‍್ಹೂಥೂತೆ ದಖ್ಹ್‌ ಜ಼ಣು ಇನಖ್ಹಾಮ್ಣೆ ಆಯಿನ್, ದೂರ್ ಭೀರಿನ್‌, 
\v 13 “ಯೇಸು, ಗುರೂ, ಹಮಾರಪರ್‌ ಗೋರ್‌ಕರ್‌!” ಕರಿ ಚಿಕ್ರಿನ್ ಬೋಲ್ಯು.
\p
\v 14 ಯೇಸುನೆ ಇವ್ಣುನ ದೇಖಿನ್‌, “ತುಮೆ ಜೈ಼ನ್‌, ಯಾಜಕವ್ನ ತುಮಾರು ಆಂಗ್‌ತನ್‌ ವತಾಳೊ” ಕರಿ ಬೋಲ್ಯೊ. ಇವ್ಣೆ ಜಾ಼ವನಿ ವಖ್ಹತ್‌ಮಸ್, ಇವ್ಣೆ ಪಾಕ್‌ ಹುಯಿಗಯು. 
\v 15 ಇವ್ಣಾಮ ಏಕ್‌ ಜ಼ಣು ಇನ ಅಛ್ಛು಼ ಹುಯೂತೆ ದೇಖಿನ್‌, ಚೋ಼ರ್ ಆವಾಜ಼್‌ಥಿ, ದೇವ್ನಿ ಖ್ಹರಾವ್ಣಿ ಕರ್ತುಹುಯಿನ್, ಪಾಛು಼ಫರಿ ಆಯು. 
\v 16 ಯೋ ಯೇಸುನ ಗೋಡಾಪರ್ ಪಡೀನ್, ಇನ ಧನ್ಯವಾದ್ ಕರ‍್ಯು. ಯೋ ಸಮಾರ್ಯವಾಳೊ ಹುಯಿರ‍್ಹೋಥೊ. 
\v 17 ತದೆ ಯೇಸುನೆ ಇನ, “ದಖ್ಹ್‌ ಜ಼ಣಾನ ಅಛ್ಛು಼ ಹುಯೂನಿ? ಬಿಜು಼ ನೌ ಜ಼ಣ ಕ್ಯಾ?” ಕರಿ ಪುಛಾ಼ಯೊ. 
\v 18 ದೇವ್ನಿ ಸ್ತುತಿ ಕರಾನಖ್ಹಾಜೆ, ಆ ಪರೈ ದೇಖ್ಹ್‌ವಾಳಾನ ಮ್ಹೆಂದಿನ್, ಬಿಜು಼ ಕೋಣ್‌ಬಿ ಪಾಛು಼ಫರಿ ಆಯು ಕೊಯ್ನಿ ಶು? ಕರಿ ಬೋಲ್ಯೊ. 
\v 19 ಅಜು಼ ಯೇಸುನೆ ಇನ, “ಉಪ್ಪರ್ ಉಠೀನ್, ಜಾ಼; ತಾರಿ ವಿಶ್ವಾಸ್‌ಥೀಸ್‌ ತುನ ಅಛ್ಛು಼ಕರ‍್ಯು” ಕರಿ ಬೋಲ್ಯೊ.
\s ದೇವ್ನಿ ರಾಜ಼್ ಆವ್‌ಶೇತೆ ಬಾರೇಮ
\r (ಮತ್ತಾಯ 24:23-28,37-41)
\p
\v 20 ಫರಿಸಾಯರ್‌ಮ ಥೋಡು ಜ಼ಣು ಯೇಸುನ, “ದೇವ್ನಿ ರಾಜ್ಯ ಕದೆ ಆವ್‌ಶೆ?” ಕರಿ ಫುಛಾ಼ಯು. ತದೆ ಇನೆ ಇವ್ಣುನ, “ದೇವ್ನಿ ರಾಜ಼್ ದೆಖಾವಾನಿಘೋಣಿ ಆವಾನು ಕಾಹೆ, 
\v 21 ಕೋಣ್‌ಬಿ, “ಹಂದೇಖೊ ಹಜ್ಜಾ಼ ಛಾ಼” ನತರ್‌ಕಿ “ಹಂದೇಖೊ ಹಿಜ್ಜಾ಼ ಛಾ಼” ಕರಿ ಬೋಲಾನ ಕೋ ಹುವಾನಿ. ಶನಕತೊ ದೇವ್ನಿ ರಾಜ್ಯ ತುಮಾರ ಮಹಿಸ್ ಛಾ಼” ಕರಿ ಬೋಲ್ಯೊ.
\p
\v 22 ಅಜು಼ ಯೇಸುನೆ ಇನ ಶಿಷ್ಯರ್‌ನ, “ಏಕ್‌ ವಖ್ಹತ್ ಆವ್‌ಶೆ, ತದೆ ತುಮೆ, ಅದ್ಮಿನೊ ಛಿಯ್ಯಾನ ದನ್ಮ ಏಕ್‌ ದನ್‌ತೋಬಿ ದೇಕ್ಣು ಕರಿ ಆಖ್ಹ್ ಕರ‍್ಯಾತೋಬಿ, ತುಮೆ ಇನ ದೇಕ್‌ಶು ಕೊಯ್ನಿ. 
\v 23 ಅದ್ಮಿಖ್ಹಾರು ತುಮೂನ, ‘ಹಂದೇಖೊ, ಹಜ್ಜಾ಼ ಛಾ಼!’ ನತರ್‌ಕಿ, ‘ಹಂದೇಖೊ, ಹಿಜ್ಜಾ಼ ಛಾ಼’ ಕರಿ ಬೋಲ್‌ಶೆ. ಕತೋಬಿ ತುಮೆ ಇವ್ಣ ಪೀಠೆ ನಕೊಜಾ಼ಶು. 
\v 24 ಶನಕತೊ, ವಿಜ಼್‌ಳಿ\f + \fr 17:24 \fr*\ft ವಿಜ಼್‌ಳಿ ಕರೀಬಿ ಬೋಲಾಸ್\ft*\f* ಖಡ್ಕಿನ್‌, ಆಬ್‍ಮ ಏಕ್‌ ಬಾಜು಼ಥು ಬಿಜ್ಜೇಕ್‌ ಬಾಜು಼ತೋಡಿ ಚ಼ಮ್‌ಕಾಸ್ತೆ ಇಮ್ಮಸ್, ಅದ್ಮಿನೊ ಛಿಯ್ಯೊ ಇನ ದನ್ಮ ರ‍್ಹಿಶೆ. 
\v 25 ಕತೋಬಿ ಅನೇಥಿಬಿ ಅಗಾಡಿ, ಅದ್ಮಿನೊ ಛಿಯ್ಯೊ, ಘಣಿ ಖ್ಹತಾಪ್ಣಿ ಖೈನ್, ಆ ಹಗಾಮ್ನ ಅದ್ಮಿಥಿ ಝಿಟ್ಕಾರವ್ಣು.
\p
\v 26 ನೋಹಾನ ದನ್ಮ ಚಾ಼ಲ್ಯುತೆ ಇಮ್ಮಸ್, ಅದ್ಮಿನೊ ಛಿಯ್ಯಾನ ದನ್‌ಮಾಬಿ ಚಾ಼ಲ್‌ಷೆ.\f + \fr 17:26 \fr*\ft ಆದಿಕಾಂಡ 6.5-8\ft*\f* 
\v 27 ತಮಾಮ್‌ ಅದ್ಮಿ, ಖಾತು-ಪೀತು ಹುಯಿನ್, ವ್ಯಹಾ ಕರಿದೇತುಹುಯಿನ್‌, ವ್ಯಹಾ ಕರಿಲೇತುಹುಯಿನ್‌ ಥು. ನೋಹಾನೆ ಜ಼ಹಾಜ಼್‌ನ ಮಹಿ ಚ಼ಢ್ಯೋತೆ ದನ್‌ಮಾಬಿ ಇವ್ಣೆ ಇಮ್ಮಸ್ ಕರುಕರ್ತುಥು. ತದೆ ತೋಫಾನ್‌ ಆಯಿನ್, ತಮಾಮ್‌ ಅದ್ಮಿನ ಬರ್ಬಾತ್ ಕರಿನಾಖ್ಯು.
\p
\v 28 ಲೋಟನ ದನ್ಮ ಚಾ಼ಲ್ಯುತೆ ಇಮ್ಮಸ್ ಚಾ಼ಲ್‌ಷೆ. ಅದ್ಮಿಖ್ಹಾರು ಖಾತು-ಪೀತುಹುಯಿನ್‌, ಮೋಲ್ ಲೇತುಹುಯಿನ್‌, ವೇಚ಼್‌ತುಹುಯಿನ್‌, ಖೆತರ್‌ಮ ಗಾಡ್‌ತುಹುಯಿನ್‌, ಘರ್ ಭಾಂದ್‌ತುಹುಯಿನ್‌ ಥೂ.\f + \fr 17:28 \fr*\ft ಆದಿಕಾಂಡ 18.20—19.25\ft*\f* 
\v 29 ಕತೋಬಿ ಲೋಟ ಸೊದೋಮ್ ಗಾಮ್‌ನ ಮ್ಹೆಂದಿನ್ ನೀಕ್‌ಳ್ಯೋತೆ ತದೆ, ಆಬ್‍ಪರ್‌ಥು, ಆಗ್‌ನೊ ಅಜು಼ ರಂಜ಼ಕ್‌ನೊ ಪಾಣಿ ವರ್ಶಿನ್‌ ಇವ್ಣ ಖ್ಹಾರಾವ್‌ನ ಬರ್ಬಾತ್ ಕರಿನಾಖ್ಯು. 
\v 30 ಅದ್ಮಿನೊ ಛಿಯ್ಯೊ ದೆಖಾವ್‌ಶೇತೆ ದನ್‌ಮಾಬಿ ಅಮ್ಮಸ್ ರ‍್ಹಿಶೆ.
\p
\v 31 ಯೋ ದನ್ಮ, ಇನ ಘರ್‌ನ ಛ಼ತ್‍ಪರ್‌ ರ‍್ಹವಾಳು, ಇನು ರಾಛು಼ ಪಾಡಾನಟೆಕೆ ಹೇಟ್ ಉತ್ರಿನ್, ಘರ್‌ಮ ನಾ ಆವ್ಣು. ಇಮ್ಮಸ್, ಖೇತರ್‌ಮ ರ‍್ಹವಾಳುಬಿ ಪಾಛು಼ಫರಿ ಇನ ಘರೆ ನಾ ಜಾ಼ವ್ಣು. 
\v 32 ಲೋಟನಿ ಬಾವಣ್ಣ ಯಾದ್ ಕರಿಲೆವೊ!\f + \fr 17:32 \fr*\ft ಆದಿಕಾಂಡ 19.26\ft*\f* 
\v 33 ಕೋಣ್ ಇನೊ ಜಾನ್‌ ಬಚಾ಼ಡಿಲೇವ್ಣುಕರಿ ಕರಾಸ್ಕಿ ಯೋ ಇನ ಗುಮೈಲಿಶೆ; ಕತೋಬಿ ಕೋಣ್ ಇನೊ ಜಾನ್‌ ಗುಮೈಲೇಸ್ಕಿ ಯೋ ಇನ ಬಚಾ಼ಡಿಲಿಶೆ. 
\v 34 ಮೇ ತುಮೂನ ಬೋಲುಸ್ಕಿ, ಯೋ ರಾತ್ಮ ಎಕ್ಕಸ್ ಖಟಿಯಾಪರ್‌\f + \fr 17:34 \fr*\ft ಮಂಚಾ಼ಪರ್, ಬಿಛಾ಼ವ್ಣಿಪರ್ ಕರೀಬಿ ಹುವಾಸ್.\ft*\f* ಬೇ ಜ಼ಣು ಖ್ಹುತುರ‍್ಹೀಶೆ, ಏಕ್‌ಜ಼ಣಾನ ಪಳ್ಳಿಶೆ, ಏಕ್‌ನ ಮ್ಹೆಂದಿಶೆ. 
\v 35 ಬೇ ತಯೇಡ ಎಕ್ಕಸ್ ಘಟ್ಟಿಪರ್‌ ದಳುಕರ್‌ಶೆ, ಏಕ್‌ನ ಪಳ್ಳಿಶೆ, ಏಕ್‌ನ ಮ್ಹೆಂದಿಶೆ ಕರಿ ಬೋಲ್ಯೊ. 
\v 36 ಖೇತರ್‌ಮ ರ‍್ಹವಾಳ ಬೇಜ಼ಣಾಮ ಏಕ್‍ಜ಼ಣೊ ಪಡೈಚ಼ಲ್ಯೊಜಾ಼ಶೆ ಬಿಜೇಕ್‍ಜ಼ಣೊ ಹಿಜ್ಜಾ಼ಸ್ ಮ್ಹೇಲೈಜಾ಼ಶೆ ಕರಿ ಬೋಲ್ಯೊ. 
\v 37 ತದೆ ಶಿಷ್ಯರ್‌ನೆ, “ಪ್ರಭು, ಆ ಕಿಜ್ಗಾ಼ ಉಶೆ?” ಕರಿ ಫುಛಾ಼ವಖ್ಹತರ್‌,
\p ಯೇಸುನೆ ಇವ್ಣುನ, “ಮುರ್ದು ಕಿಜ್ಜಾ಼ಕಿ, ಹಿಜ್ಜಾ಼ಸ್ ಗರದ್‍ಖ್ಹಾರು ಎಕ್ಟುಹುವಾಸ್” ಕರಿ ಜವಾಬ್‌ ದಿದೊ.
\c 18
\s ಏಕ್‌ ಮುಂಡಚ್ಚಿ ಅಜು಼ ನಯ್ಯೊನಿ ಬಾರೇಮಾನು ಮತ್ಲಬ್‌ನಿ ಖೇಣಿ
\p
\v 1 ತದೆ ಯೇಸುನೆ ಖಟು ನಾ ಖಾಣುತೆ, ಹಮೇಶ ಪ್ರಾರ್ಥನೆ ಕರ್ತುರ‍್ಹೇವ್ಣು ಕರಿ ವತಾಳಾನಟೇಕೆ, ಇನ ಶಿಷ್ಯರ್‌ನ ಏಕ್‌ ಮತ್ಲಬ್‌ನಿ ಖೇಣಿನ ಬೋಲ್ಯೊ. 
\v 2 ಯೋ ಶಾತ್‌ಕತೊ, “ಏಕ್‌ ಗಾಮ್ಮ ಏಕ್‌ ನಯ್ಯೊ ಥೊ. ಯೋ ದೇವ್‍ನಾಬಿ ದೇಖಿನ್ ಡರ್‌ತೋಥೊ ಕೊಯ್ನಿ, ಅಜು಼ ಅದ್ಮಿನ ಮಜೂ಼ರ್‌ ಕರ್ತೊಥೊ ಕೊಯ್ನಿ. 
\v 3 ಯೋಸ್ ಗಾಮ್ಮ ಏಕ್‌ ಮುಂಡಚ್ಚಿ ತಯೇಡ ಥೀ. ಯೋ ಘಡಿಕೇಡೆ ಇನಾಕನ ಐನ್, ‘ಮಾರೊ ನ್ಯಾವ್‍ಫೇಡೈನ್, ಮಾರ ದುಶ್‌ಮನ್‌ಥಿ ಮನ ಬಚಾ಼ಡ್‍’ ಕರಿ ಬೋಲ್‍ತಿರ‍್ಹೇತೀಥಿ. 
\v 4 ಥೋಡ ದನ್ ಇನೆ ಧ್ಯಾನ್ ಕೋ ದಿದೋನಿ. ಕತೋಬಿ ಬಾದ್‌ಮ ಇನು ಯೋಸ್, ‘ಮೇ ದೇವ್‍ನಾಬಿ ದೇಖಿನ್‌ ಡರಾವಾಳೊ ಕಾಹೆ, ಅದ್ಮಿನಾಬಿ ಮಜೂ಼ರ್‌ ಕರಾವಾಳೊ ಕಾಹೆ, 
\v 5 ತೋಬಿ ಆ ಮುಂಡಚ್ಚಿ ತಯೇಡ ಘಡಿಕೇಡೆ ಆಯಿನ್, ಮನ ಬೋಲ್‍ತಿರ‍್ಹೇಸ್ತೆ ಇನಖ್ಹಾಜೆ, ಮೇ ಅನಿ ನ್ಯಾವ್ ಫೇಡೈನಾಖುಸ್. ನತರ್‌ಕಿ ಆ ಘಡಿಕೇಡೆ ಆಯಿನ್ ಮನ ಖ್ಹತಾವ್‌ಶೆ!’ ಕರಿ ಬೋಲಿಲಿದೊ.”
\p
\v 6 ಅಜು಼ ಪ್ರಭುನೆ, “ಯೋ ಠಗಾರು ನೈಯಾನೆ ಬೋಲ್ಯೋತೆ ಇನ ಖ್ಹಮ್‌ಜೊ಼. 
\v 7 ದೇವ್ನೆ ಚೂ಼ಣ್ಯೋತೆ ಅದ್ಮಿ ರಾತ್-ದನ್ ಇನ ಮದತ್‌ಖ್ಹಾಜೆ ಬಿಂತಿಕರ‍್ಯೊತೊ, ಯೋ ಇವ್ಣಿ ಬಾರೇಮ ದೇರ್‌ಕರ‍್ಯುತೋಬಿ ಇವ್ಣಿ ನ್ಯಾವ್‌ನ ಫೇಡವಸ್‍ಕೊಂತೆ ರ‍್ಹಿಶೇಕಿ ಶು? ಯೋ ಇವ್ಣಿ ಮದತ್ ಕರಾನ ವೇರಸ್‌ ಕರ್ಶೆ ಕೊಯ್ನಿ. 
\v 8 ಮೇ ತುಮೂನ ಬೋಲುಸ್ಕಿ, ಯೋ ಒಗ್ಗಿಸ್‌ಮ ಇನ ಅದ್ಮಿ ಖ್ಹಾರಾನು ನ್ಯಾವ್‌ ಫೇಡ್‌ಶೆ. ಅಮ್ ರ‍್ಹಯುತೋಬಿ, ಅದ್ಮಿನೊ ಛಿಯ್ಯೊ ಆವ್‌ಶೇತೆ ತದೆ, ಜ಼ಮೀನ್‌ಪರ್ ವಿಶ್ವಾಸ್‌ನ ದೇಕ್‌ಶೇಕಿ ಶು?” ಕರಿ ಬೋಲ್ಯೊ.
\s ಪರಿಸಾಯರ್‌ವಾಳೊ ಅಜು಼ ಶುಂಕ ವಶೂಲ್ ಕರಾವಾಳಾನಿ ಬಾರೇಮಾನು ಮತ್ಲಬ್‌ನಿ ಖೇಣಿ
\p
\v 9 ಅತ್ರೇಸ್ ಕಾಹೆತೆ, ಹಮೇಸ್ ನೀತಿವಾಳ ಕರಿ ಭರೋಖ್ಹೊ ಕರೀನ್, ಬಿಜ಼ ಖ್ಹಾರಾನ ಕಡ್‌ತೇಲ್‌ನಿಮತ್ ದೇಖಾತೆ ಇವ್ಣುನಾಬಿ, ಯೇಸುನೆ ಏಕ್‌ ಮತ್ಲಬ್‌ನಿ ಖೇಣಿನ ಬೋಲ್ಯೊ. 
\v 10 ಏಕ್‌ ಹಲ್ಲ ಬೇ ಜ಼ಣ ಪ್ರಾರ್ಥನೆ ಕರ‍್ನು ಕರಿ ಮಂದಿರ್‌ನ ಗಯ, ಏಕ್‌ ಜ಼ಣೊ ಫರಿಸಾಯರ್‌ವಾಳೊ ಅಜು಼ ಬಿಜೇಕ್ ಜ಼ಣೊ ಶುಂಕ ವಶೂಲ್ ಕರಾವಾಳೊ.
\p
\v 11 ಫರಿಸಾಯರ್‌ವಾಳೊ ಭೀರಿನ್, ಪ್ರಾರ್ಥನೆ ಕರಾನಿ ವಖ್ಹತ್‌ಮ, ‘ಓ ದೇವ್, ಲೂಟಿ ಕರಾವಾಳು, ಠಗಾವವಾಳು, ವ್ಯಬಿಚಾರ್‌ ಕರಾವಾಳು ಅಲಕ್ ಅದ್ಮಿವೊನಿಘೋಣಿ ಮೇ ಕಾಹೆ. ಆ ಶುಂಕ ವಶೂಲ್ ಕರಾವಾಳಾನಿ ಘೋಣಿಬಿ ಮೇ ಕಾಹೆತೆ, ಇನಖ್ಹಾಜೆ ತುನ ಧನ್ಯವಾದ್ ಕರುಸ್. 
\v 12 ವಾರಾನ ಬೇಹಲ್ಲ ಉಪವಾಸ್ ರ‍್ಹವುಸ್, ಅಜು಼ ಮೇ ಕಮಾವ್‌ಸ್ತೆ ಖ್ಹಾರಾಸ್‌ಮಾಬಿ ದಖ್ಹ್‌ಮ ಏಕ್‌ ಭಾಗ್‌ ದೆವುಸ್’ ಕರಿ ಬೋಲ್ಯೊ.
\p
\v 13 ಕತೋಬಿ, ಯೋ ಶುಂಕ ವಶೂಲ್ ಕರಾವಾಳೊ ದೂರ್ ಭೀರಿನ್, ಆಬ್‍ಭಣಿ ಡೋಳಪಾಡಿ ದೇಖಾನಾಬಿ ಮನ್‌ಕೊಂತೆ, ಛಾ಼ತಿ ಕೂಟ್‌ತೊ ಹುಯಿನ್, ‘ದೇವ್, ಪಾಪಿ ಹುಯಿರ‍್ಹೋತೆ ಮಾರಪರ್ ಗೋರ್‌ ಕರ್‌’ ಕರಿ ಬೋಲ್ಯು. 
\v 14 ಮೇ ತುಮೂನ ಬೋಲುಸ್ಕಿ, ಆ ಶುಂಕ ವಶೂಲ್ ಕರಾವಾಳುಸ್ ದೇವ್ನ ಡೋಳಾಮ ಬರೊಬರ್‌ ಕರಿ ಬೋಲೈಲಿನ್, ಘರೆ ಗಯೊ. ಕತೋಬಿ ಯೋ ಪರಿಸಾಯವಾಳೊ ಇಮ್‌ ಕೊಗಯೋನಿ. ಇನುಯೋಸ್ ಮೋಟೊಕರಿ ಬೋಲೈಲ್ಯವಾಳೊ ಹರೇಕ್‌ಜ಼ಣೊ ಹೇಟು ಹುಯಿಜಾ಼ಶೆ, ಇನುಯೋಸ್ ಹೇಟುಕರಿ ಬೋಲೈಲ್ಯವಾಳೊ ಯೋ ಮೋಟೊ ಹುಯಿಜಾ಼ಶೆ ಕರಿಬೋಲ್ಯೊ.
\s ಯೇಸುನೆ ಅಡ್ಡಾಣಿ ಲಡ್ಕಾವ್‍ನ ಆಶೀರ್ವಾದ್‌ ಕರ‍್ಯೊತೆ
\r (ಮತ್ತಾಯ 19:13-15; ಮಾರ್ಕ 10:13-16)
\p
\v 15 ಥೋಡು ಅದ್ಮಿ ಇವ್ಣ ಅಡ್ಡಾಣಿ ಲಾಡ್ಕಾವ್‍ಪರ್‌ ಯೇಸುನೊ ಹಾತ್ ಮ್ಹೆಲಾವ್ಣು ಕರಿ ಇನಾಕನ ಲಾಯು. ಕತೋಬಿ ಅನ ದೇಖಿನ್‌ ಶಿಷ್ಯರ್‌ಖ್ಹಾರು ಇವ್ಣುನ ಗುರ್‌ಕಾಯು. 
\v 16 ಕತೋಬಿ ಯೇಸುನೆ ಲಡ್ಕಾವ್‍ನ ಇನ ಖನ್ನೆ ಬುಲೈನ್, “ಅಡ್ಡಾಣಿ ಲಡ್ಕಾವ್‍ನ ಮಾರಕನ ಆವಾನ ಮ್ಹೇಲೊ, ಇವ್ಣುನ ಭಿರಾಕೊ ನಕೊ, ಶನಕತೊ ದೇವ್‌ನು ರಾಜ್ಯ ಅಮ್‌ನಾಸ್‌ವಾಳಾನು. 
\v 17 ತುಮೂನ ಖ್ಹಾಚಮಾಬಿ ಬೋಲುಸ್ಕಿ, ಕೋಣ್ ಅಡ್ಡಾಣಿ ಲಡ್ಕಾನಿ ಘೋಣಿ ದೇವ್ನಿ ರಾಜ್ಯನ ನಾ ಮಾನ್ಯೂತೊ, ಇವ್ಣೆ ಇನಮಹಿ ಕೋಸ್‌ಜಾ಼ಶೇನಿ” ಕರಿ ಬೋಲ್ಯೊ.
\s ಏಕ್‌ ಶೌಕಾರ್ ಅದ್ಮಿನಿ ಬಾರೇಮ
\r (ಮತ್ತಾಯ 19:16-30; ಮಾರ್ಕ 10:17-31)
\p
\v 18 ಯೆಹೂದ್ಯರ್‌ನೊ ಏಕ್‌ ಅದಿಕಾರಿ ಯೇಸುನ, “ಅಛ್ಛೊ಼ ಗುರು, ಹಮೇಶಾನಿ ಜಿ಼ಂದ್‌ಗಿ ಮನ ಮಳ್‌ಣುಕತೊ, ಮೇ ಶಾತ್‌ ಕರ‍್ನು? ಕರಿ ಪುಛಾ಼ಯೊ.
\p
\v 19 ತದೆ ಯೇಸುನೆ ಇನ, “ಮನ ಅಛ್ಛೊ಼ ಕರಿ ಶನ ಬೋಲಾಸ್ತೆ? ದೇವ್ ಎಕ್ಕಸ್ ಜ಼ಣೊ ಅಛ್ಛೊ಼ ಪಣ್ಕಿ ಬಿಜು಼ ಕೋಣ್‌ಬಿ ಅಛ್ಛು಼ ಕಾಹೆ. 
\v 20 ವ್ಯಬಿಚಾರ್ ನಾ ಕರ‍್ನು, ಖೂನಿ ನಾಹೋಣು, ಚೋ಼ರಿ ನಾ ಕರ‍್ನು, ಝೂ಼ಟಿ ಇಂಜಾ಼ಮ್ ನಾ ಲಗಾಡ್‌ಣು, ತಾರ ಆಯ ಬಾನ ಮರ್ಯಾದಿ ದೇವ್ಣು ಕರಿ ಛಾ಼ತೆ ದೇವ್ನಿ ಹುಕುಮ್‌ ಖ್ಹಾರಿ ತುನ ಮಾಲುಮ್‌ ಛಾ಼ನಿ.” ಕರಿ ಬೋಲ್ಯೊ
\p
\v 21 ತದೆ ಯೋ ಅದ್ಮಿ, “ಮೇ ಅಡ್ಡಾಣಿಪರ್‌ಥೋಸ್‌ ಆ ಖ್ಹಾರು ಪಾಡಿ ಚಾ಼ಲ್ತೊ ಐರ‍್ಹೋಸ್” ಕರಿ ಫರೈನ್ ಬೋಲ್ಯೊ.
\p
\v 22 ಅನ ಖ್ಹಮ್‌ಜಿನ್‌, ಯೇಸುನೆ ಇನ, “ತೂ ಕರ್ನುತೆ ಬಿಜ್ಜೇಕ್‌ ಕಾಮ್ ಛಾ಼, ತಾರಕನ ಛಾ಼ತೆ ಖ್ಹಾರುಸ್‌ ಶೊತ್ನ ವೇಚಿನ್, ಆವಸ್ತೆ ಪೈಶಾನ ಗರೀಬ್‌ನ ದೆ. ತದೆ ಪರ್‌ಲೋಕ್‌ಮ ತುನ ಶೊತ್ ರ‍್ಹಿಶೆ; ಅಜು಼ ತೂ ಆಯಿನ್, ಮಾರ ಪೀಠೆ ಆವ್” ಕರಿ ಬೋಲ್ಯೊ. 
\v 23 ಕತೋಬಿ ಯೋಅದ್ಮಿ ಘಣು ದನ್-ದೌಲತ್‌ವಾಳೊ ಹುಯಿರ‍್ಹೊಥೋತೆ ಇನಖ್ಹಾಜೆ, ಆ ವಾತೆನ ಖ್ಹಮ್‌ಜೀನ್‌, ಘಣು ದುಖ್‌ ಖಾದೊ.
\p
\v 24 ತದೆ ಯೇಸುನೆ ಇನ ದೇಖಿನ್‌, ಧನ್‌ದೌಲತ್‌ವಾಳು ಅದ್ಮಿ ದೇವ್ನಿ ರಾಜ್ಯಮ ಜಾ಼ವಾನು ಕೆತ್ರೆಕ್ಕಿ ಮುಶ್ಕಿಲ್! 
\v 25 ಶೌಕಾರ್ ಅದ್ಮಿ ದೇವ್ನಿ ರಾಜ್ಯಮ ಜಾ಼ವಾಥೀಬಿ, ಊಟ್‍ ಖ್ಹುಯಿನ ಡೋಳವಾಟೆ ಪೇಶಿಜಾ಼ವನು ಶುಲ್ಬ!” ಕರಿ ಬೋಲ್ಯೊ.
\p
\v 26 ಯೇಸುನಿ ಆ ವಾತೆನ ಖ್ಹಮ್‌ಜ್ಯೂತೆ ಇವ್ಣೆ, “ಅಮ್ ರ‍್ಹಯುತೊ, ಕಿನ ರಕ್ಷಣೆ ಮಳ್‌ಶೆ” ಕರಿ ಪುಛಾ಼ಯು.
\p
\v 27 ಯೇಸುನೆ ಇವ್ಣುನ, “ಅದ್ಮಿನ ಹಾತೆ ಹುವ್ವಾಕೊಂತೆ ಕಾಮ್ ದೇವ್ನ ಹಾತೆ ಹುವ್ವಾಸ್‌” ಕರಿ ಬೋಲ್ಯೊ.
\p
\v 28 ತದೆ ಪೇತ್ರನೆ ಯೇಸುನ, “ಹಂದೇಕ್‌! ಹಮೆ ಹಮಾರು ಘರ್‌ಖ್ಹಾರು ಮ್ಹೆಂದಿನ್, ತಾರ ಪೀಠೆ ಐರ‍್ಹಾಸ್‍ನಿ!” ಕರಿ ಬೋಲ್ಯೊ.
\p
\v 29 ಅನ ಖ್ಹಮ್‌ಜಿನ್‌ ಯೇಸುನೆ ಇವ್ಣುನ, “ತುಮೂನ ಖ್ಹಾಚ ಬೋಲುಸ್ಕಿ, ಕೋಣ್ ದೇವ್ನಿ ರಾಜ್ಯನಖ್ಹಾಜೆ, ಘರ್‌ನ ರ‍್ಹವೊ, ಬಾವಣ್ಣ ರ‍್ಹವೊ, ಭೈಯೇನ ರ‍್ಹವೊ, ಆಯ-ಬಾನ ರ‍್ಹವೊ, ಲಡ್ಕಾನ ರ‍್ಹವೊ ಮ್ಹೆಂದಿದ ಉಶೇತೊ, 
\v 30 ಇನ ಆ ಜ಼ಗ್‌ಮಾಸ್ ಇನೇಥಿಬಿ ಜಾ಼ಖ್ಹತ್ ಮಳ್‌ಶೆ, ಅಜು಼ ಉಳ್ಯಾವತೆ ಜಂಗ್‌ಮ ಹರ್‌ಹಮೇಶ ರ‍್ಹವಾಳಿ ಜಿ಼ಂದ್‌ಗಿ ಮಳ್‌ಶೆ” ಕರಿ ಬೋಲ್ಯೊ.
\s ಯೇಸುನೆ ಇನಿ ಮರಣ್ಣಿ ಬಾರೇಮ ತಿನ್ನೇಹಲ್ಲ ಬೋಲ್ಯೋತೆ
\r (ಮತ್ತಾಯ 20:17-19; ಮಾರ್ಕ 10:32-34)
\p
\v 31 ಯೇಸುನೆ ಇನ ಭಾರ ಜ಼ಣ ಶಿಷ್ಯರ್‌ನ ಎಕಾಡಿ ಬುಲೈಲಿನ್, “ಖ್ಹಮ್‌ಜೊ಼! ಅಪ್ಣೆ ಯೆರೂಸಲೇಮ್‌ನ ವಳ್ಯಾಜಯ್ಯೇಸ್‌, ಅದ್ಮಿನೊ ಛಿಯ್ಯಾನಿ ಬಾರೇಮ ಪ್ರವಾದಿಯೇನೆ ಲೀಖಿರಾಖ್ಯುತೆ ಇಮ್ಮಸ್, ಹಿಜ್ಜಾ಼ ಚಾ಼ಲ್‌ಷೆ. 
\v 32 ಇನ ಪರೈ ಜಾ಼ತ್‌ವಾಳಾನ ಹಾತ್‌ಮ ದಿನಾಕ್‌ಶೆ, ಇವ್ಣೆ ಇನ ಚಿಂಘಾವ್‌ಶೆ, ಇನಿ ಖ್ಹರಮ್‌ ಕಾಡ್‌ಶೆ, ಅಜು಼ ಇನಾಪರ್‌ ಥೂಕ್‌ಶೆ. 
\v 33 ಇವ್ಣೆ ಇನ ಕೊಳ್ಡೇಥಿ ಮಾರ್‌ಶೆ ಅಜು಼ ಮಾರಿನಾಕ್‌ಶೆ, ಕತೋಬಿ ತೀನ್ನೊ ದನ್ಮ ಯೋ ಪಾಛೊ಼ ಜಿವ್ತೊಹುಯಿನ್ ಉಠಿ ಆವ್‌ಶೆ” ಕರಿ ಬೋಲ್ಯೊ.
\p
\v 34 ಕತೋಬಿ ಅನಾಮ ಏಕ್‌ ವಾತೇನಾಬಿ ಶಿಷ್ಯರ್‌ ಪರ್‌ಖ್ಯುಕೊಯ್ನಿ; ಶನಕತೊ ಆ ವಾತೆನಿ ಮತ್ಲಬ್‌ನ ಇವ್ಣೇಥಿ ಲಪೈರ‍್ಹೂಥು, ಅಜು಼ ಯೇಸು ಶನಿ ಬಾರೇಮ ಬೋಲುಕರಾಸ್‌ ಕರಿ ಇವ್ಣುನ ಮಾಲುಮ್‌ಪಡ್ಯು ಕೊಯ್ನಿ.
\s ಯೇಸುನೆ ಧರಮ್ ಮಾಂಗವಾಳ ಕಾಣಾನ ಗುಣ್‌ಕರ‍್ಯೋತೆ
\r (ಮತ್ತಾಯ 20:29-34; ಮಾರ್ಕ 10:46-52)
\p
\v 35 ಯೇಸು ಯೆರಿಕೋನ ಖನ್ನೆ ಆವ್‍ಕರಾನಿ ವಖ್ಹತ್‌ಮ, ಹಿಜ್ಗಾ಼ ಮಾರಗ್‌ನ ಶೇಡೆ ಬೇಶಿನ್, ಏಕ್‌ ಕಾಣು ಧರಮ್ ಮಾಂಗುಕರ್ತುಥು. 
\v 36 ಅದ್ಮಿನಿ ಭೀಡ್ ವಳಿಜಾ಼ತಿಥೀತೆ ಖ್ಹಮ್‌ಜಿನ್‌, ಇನೆ, “ಆ ಶಾತ್‌ ಚಾ಼ಲುಕರಾಸ್ತೆ?” ಕರಿ ಪುಛಾ಼ಯೊ.
\p
\v 37 ಇವ್ಣೆ ಇನ, “ನಜ಼ರೇತ್‌ನೊ ಯೇಸು, ಆ ವಾಟೆ ಕರಿ ವಳೇಜಾ಼ಸ್” ಕರಿ ಬೋಲ್ಯು.
\p
\v 38 ತದೆ ಯೋ ಕಾಣು ಜೋ಼ರೆಥಿ ಚಿಕ್ರಿನ್, “ಯೇಸು! ದಾವೀದ್‌ನ ಛಿಯ್ಯಾ! ಮಾರಪರ್ ಗೋರ್‌ಕರ್‌” ಕರಿ ಬೋಲ್ಯೊ.
\p
\v 39 ಖ್ಹಾಮ್ಣೆ ವಳ್ಯುಜಾ಼ತುಥೂತೆ ಅದ್ಮಿ ಇನ, “ಖ್ಹೊಪ್‌ ರ‍್ಹೆ” ಕರಿ ಬೋಲಿನ್ ಗುರ್‌ಕಾಯು. ಕತೋಬಿ ಯೋ ಬಿಜೂ಼ಬಿ ಜೋ಼ರೇಥಿ ಚಿಕ್ರಿನ್, “ದಾವೀದ್‌ನ ಛಿಯ್ಯಾ! ಮಾರಪರ್ ಗೋರ್‌ ಕರ್‌” ಕರಿ ಬೋಲ್ಯೊ.
\p
\v 40 ತದೆ ಯೇಸುನೆ ಭೀರಿನ್, ಯೋ ಕಾಣಾನ ಇನಾಕನ ಬುಲಾವೊ ಕರಿ ಹುಕುಮ್‌ ದಿದೊ. ಯೋ ಕಾಣು ಖನ್ನೆ ಆವಾದಿನ್, ಯೇಸುನೆ ಇನ, 
\v 41 “ಮೇ ತುನ ಶಾತ್‌ ಕರ‍್ನು ಕರಿ ತಾರಿ ಆಖ್ಹ್?” ಕರಿ ಪುಛಾ಼ಯೊ.
\p ತದೆ ಇನೆ, “ಮನ ಪಾಛು಼ ದೆಖಾವಾನಿ ಘೋಣಿ ಕರ್ಲಾ ಪ್ರಭು” ಕರಿ ಬೋಲ್ಯೊ.
\p
\v 42 ಯೇಸುನೆ ಇನ, “ತುನ ದೆಖಾವಾದೆ, ತಾರಿ ವಿಶ್ವಾಸ್‌ಥೀಸ್‌ ತುನ ಅಛ್ಛು಼ಹುಯು” ಕರಿ ಬೋಲ್ಯೊ.
\p
\v 43 ತದ್‌ನು-ತದ್ದೇಸ್ ಇನ ದೆಖಾಯು. ಯೋ ದೇವ್ನಿ ಸ್ತುತಿ ಕರ್ತೊಹುಯಿನ್, ಯೇಸುನ ಪೀಠೆ ಗಯೊ. ಅದ್ಮಿಖ್ಹಾರು ಚಾ಼ಲ್ಯುತೆ ಇನ ದೇಖಿನ್, ದೇವ್ನಿ ಸ್ತುತಿಕರ‍್ಯು.
\c 19
\s ಯೇಸು ಅಜು಼ ಜಕ್ಕಾಯ
\p
\v 1 ಯೇಸು ಯೆರಿಕೋ ವಾಟೆಕರಿ ಒಳೆಜಾ಼ತೊಥೊ. 
\v 2 ಹಿಜ್ಜಾ಼ ಶುಂಕ ಮಾಂಗವಾಳನೊ ಮೋಟೊ ಹುಯಿರ‍್ಹೊಥೋತೆ ಜಕ್ಕಾಯ ಕರಿ ಏಕ್‍ಜ಼ಣೊ ಥೊ. ಯೋ ಧನ್‌-ದೌಲತ್‌ವಾಳೊ ಹುಯಿರ‍್ಹೋಥೊ. 
\v 3 ಯೋ ಯೇಸುನ ದೇಕ್ಣು ಕರಿ ಆಖ್ಹ್‌ಕರ‍್ಯೊ, ಕತೋಬಿ ಯೋ ಕುಳ್ಳೊ ಹುಯಿರ‍್ಹೊಥೋತೆ ಅಜು಼ ಅದ್ಮಿನಿ ಭೀಡ್‌ಥೀತೆ ಇನಖ್ಹಾಜೆ, ಯೇಸುನ ದೇಖಾನ ಕೋ ಹುಯೂನಿ. 
\v 4 ಇನಖ್ಹಾಜೆ ಯೋ ಯೇಸುನ ದೇಕ್ಣು ಕರಿ, ಅದ್ಮಿನಿ ಭೀಡ್‌ಣ ಖ್ಹಾಮ್ಣೆ ನಾಶಿ ಜೈ಼ನ್, ಏಕ್‌ ವಡ್‌ನ ಝಾ಼ಡ್‌ಪರ್‌ ಚ಼ಢಿಗಯೊ. ಶನಕತೊ, ಯೇಸು ಯೋಸ್‌ ವಾಟೆಕರಿ ಆವಾಳೊ ಥೊ. 
\v 5 ತದೆ ಯೇಸು ಹಿಜ್ಗಾ಼ ಆಯಿನ್, ಉಪ್ಪರ್ ದೇಖಿನ್‌, “ಜಕ್ಕಾಯ, ಫಟ್‌ ಕರಿ ಉತ್ರಿನ್ ಆವ್, ಶನಕತೊ ಆಜ಼್ ಮೇ ತಾರ ಘರ್‌ಮ ರ‍್ಹವಾನ ಆಯೊ” ಕರಿ ಇನ ಬೋಲ್ಯೊ.
\p
\v 6 ತದೆ ಜಕ್ಕಾಯ ಒಗ್ಗಿಸ್‌ಮ ಉತ್ರಿ ಐನ್, ಖ್ಹುಶಿಥಿ ಯೇಸುನ ಸ್ವಾಗತ್ ಕರ‍್ಯೊ. 
\v 7 ಅನ ದೇಖಿನ್‌ ಅದ್ಮಿಖ್ಹಾರು, “ಯೇಸು ಪಾಪಿನ ಘರ್‌ಮ ಮೆಹಮಾನ್ ಹುಯಿನ್ ವಳ್ಯೊಜಾ಼ಸ್‌” ಕರಿ ಭಣ್‌ಕ್ಯು.
\p
\v 8 ಕತೋಬಿ ಜಕ್ಕಾಯಾನೆ ಭೀರಿನ್‌, ಪ್ರಭುನ, “ಗುರು ಹಂದೇಕ್‌! ಮಾರಿ ಆಸ್ತಿಮ ಆಧು ಗೋರ್‌-ಗರೀಬ್ ದೆವುಸ್‌ ಅಜು಼ ಮೇ ಕಿನಾತೋಬಿ ಠಗೈರಾಖ್ಯೊ ಉಶೇತೊ, ಇನ ಏಕ್‌ನ ಚಾರ್ ದೆವುಸ್‌” ಕರಿ ಬೋಲ್ಯೊ.
\p
\v 9 ಅನ ಖ್ಹಮ್‌ಜಿನ್‌, ಯೇಸುನೆ ಇನ, “ಆಜ಼್ ಆ ಘರ್‌ನ ರಕ್ಷಣೆ ಐರ‍್ಹೀಸ್, ಶನಕತೊ ಆಬಿ ಅಬ್ರಹಾಮ್‌ನೊ ಪಿಳ್ಗಿವಾಳೊ ಹುಯಿರ‍್ಹೋಸ್‌ನಿ. 
\v 10 ಶನಕತೊ ಅದ್ಮಿನೊ ಛಿಯ್ಯೊ, ಗುಮೈಗೂತೆ ಇನ ಢೂಂಡಿನ್ ಬಚಾ಼ಡನಖ್ಹಾಜೆ ಐರ‍್ಹೋಸ್ತೆ” ಕರಿ ಬೋಲ್ಯೊ.
\s ಖ್ಹೊನ್ನಾನು ಬಿಲ್ಲಾವ್‍ನಿ ಬಾರೇಮಾನು ಮತ್ಲಬ್‌ನಿ ಖೇಣಿ
\r (ಮತ್ತಾಯ 25:14-30)
\p
\v 11 ಇವ್ಣೆ ಆ ವಾತೆಖ್ಹಾರಿ ಖ್ಹಮ್‌ಜು಼ಕರಾನಿ ವಖ್ಹತ್‌ಮ, ಯೇಸು ಯೋ ಯೆರೂಸಲೇಮ್‌ನ ಖನ್ನೆಸ್‌ ಪೋಚಿಗಯೊಥೋತೆ ಇನಖ್ಹಾಜೆ, ಅಜು಼ ಅದ್ಮಿಖ್ಹಾರು ದೇವ್ನಿ ರಾಜ್ಯ ಒಗ್ಗಿಸ್‌ಮ ದೆಖಾವ್‌ಶೆ ಕರಿ ಸೋಚ್ಯೂತೆ ಇನಖ್ಹಾಜೆ, ಯೇಸುನೆ ಬಿಜ್ಜೇಕ್‌ ಮತ್ಲಬ್‌ನಿ ಖೇಣಿನ ಬೋಲ್ಯೊ. 
\v 12 ಯೋ ಶಾತ್‌ಕತೊ, “ಏಕ್‌ ಮೋಟ ಘರ್‌ನು ಶೌಕರ್‌ ಅದ್ಮಿಥು, ಯೋ ರಾಜ಼್‌ಭಾರ್‌ಲೀನ್, ಪಾಛು಼ಫರಿ ಇನ ಘರೆ ಆವ್ಣುಕರಿ ಖ್ಹೂಜ಼್ ಕರೀನ್, ದೂರ್‌ಲ್ಯೊ ದೇಖ್ಹ್‌ನ ನಿಕ್‌ಳ್ಯೊ. 
\v 13 ಯೋ ಜಾ಼ವನ ಆಗಾಡಿ, ಇನ ಸೇವಕರ್‌ಮ ದಖ್ಹ್‌ ಜ಼ಣಾನ ಬುಲೈನ್, ಹರ್‌ ಏಕ್‌ನ ಖ್ಹೊನ್ನಾನು ಬಿಲ್ಲು ದೀನ್, “ಮೇ ಆವಾತೋಡಿ ಅನೇಥಿ ಧಂದೊ ಕರೊ” ಕರಿ ಇವ್ಣುನ ಬೋಲ್ಯೊ. 
\v 14 ಕತೋಬಿ ಇನು ಶೊಂತ್‌ ಖ್ಹಯೇರ‍್ನು ಅದ್ಮಿ ಇನಾಪರ್‌ ದಾವೊ ಕರೀನ್, ಇನ ಪೀಠೆ ಖಬರ್ ದ್ಯವಾಳಾನ ಮೋಕ್ಲಿನ್, “ಆ ಹಮಾರಪರ್‌ ರಾಜ಼್‌ಭಾರ್‌ ಚ಼ಲಾವಾನು ಹಮೂನ ಅಛ್ಛು಼ ಲಾಗಕೊಯ್ನಿ” ಕರಿ ಇನ ಬೋಲ್ಯು.‌
\p
\v 15 ತೋಬಿ ಯೋ ಅದ್ಮಿ ರಾಜ್ಯನಿ ಅದಿಕಾರಿಹುಯಿನ್ ಫಾಛೊ಼ಫರಿ ಆಯೊ. ತದೆ ಇನೆ, “ಮೇ ಖ್ಹೊನ್ನಾನು ಬಿಲ್ಲು ದಿದೊಥೋತೆ ಸೇವಕರ್‌ನ ಮಾರ ಖ್ಹಾಮೆ ಬುಲಾವೊ. ಇವ್ಣೆ ಕೆತ್ರು ಕಮೈರಾಖ್ಯುಸ್‌ ಕರಿ ಮನ ಮಾಲುಮ್‌ ಪಡ್ಣು” ಕರಿ ಹುಕುಮ್‌ದಿದೊ.
\p
\v 16 ಪಹಿಲೊ ಸೇವಕ್‌ನೆ ಇನಖ್ಹಾಮ್ಣೆ ಆಯಿನ್, “ಪ್ರಭು ತುನೆ ದಿದೋತೆ ಏಕ್‌ ಖ್ಹೊನ್ನಾನು ಬಿಲ್ಲಾಥಿ, ಮೇ ದಖ್ಹ್‌ ಖ್ಹೊನ್ನಾನು ಬಿಲ್ಲಾ ಕಮೈರಾಖ್ಯೋಸ್” ಕರಿ ಬೋಲ್ಯೊ. 
\v 17 ಯೋ ಇನ, “ಶಬಾಶ್! ತೂ ಅಛ್ಛೊ಼ ಸೇವಕ್! ತೂ ಥೋಡಾಮ ನಿಯಥ್ಥಿ ರ‍್ಹಯೋತೆ ಇನಖ್ಹಾಜೆ, ಮೇ ತುನ ದಖ್ಹ್‌ ಖ್ಹಯೇರ್‌ಪರ್‌ ಅದಿಕಾರಿಕರಿನ್ ಮ್ಹೇಲುಕರೂಸ್‌” ಕರಿ ಬೋಲ್ಯೊ. 
\v 18 ಬಿಜ್ಜೇಕ್‌ ಜ಼ಣೊ ಆಯಿನ್, “ಗುರು ತುನೆ ದಿದೋತೆ ಏಕ್‌ ಬಿಲ್ಲಾಥಿ, ಮೇ ಪಾಚ಼್ ಖ್ಹೊನ್ನಾನು ಬಿಲ್ಲಾ ಕಮೈ ಕರಿರಾಖ್ಯೋಸ್” ಕರಿ ಬೋಲ್ಯೊ. 
\v 19 ತದೆ ರಾಜಾ಼ನೆ ಅನ, “ತೂಬಿ ಪಾಚ಼್‌ ಖ್ಹಯೇರ್‌ಪರ್‌ ಅದಿಕಾರಿಹುಯಿನ್ ರ‍್ಹೇ” ಕರಿ ಬೋಲ್ಯೊ.
\p
\v 20 ಅನ ಬಾದ್‌ಮ ಬಿಜ್ಜೇಕ್‌ ಜ಼ಣು ಐನ್, “ಪ್ರಭು, ಅಲಾ ತುನೆ ದಿದೋತೆ ಖ್ಹೊನ್ನಾನು ಬಿಲ್ಲು. ಅನ ಏಕ್‍ ಚೌ಼ಕಾಮ ಲಪೇಟಿನ್ ಮ್ಹೇಲಿರಾಖ್ಯೊಥೊ. 
\v 21 ತೂ ತಾರು ಕಾಹೆತೆ ರಾಛ಼ನ ಫಳ್ಳಿ ಜಾ಼ವಾಳೊ, ತುನೆ ಛಿಡ್‌ಕ್ಯೊಕೊಂತೆ ಇನ ವ್ಹಾಡವಾಳೊ ಕಠಣ್‌ ಅದ್ಮಿಕರಿ ಬೋಲಿನ್, ತಾರೇಥಿ ಡರಿನ್, ಆ ಬಿಲ್ಲಾನ ಚೌ಼ಕಾಮ ಭಾಂದೀನ್‌, ಲಪಾಡಿರಾಖ್ಯೊಥೊ” ಕರಿ ಬೋಲ್ಯೊ. 
\v 22 ಅನ ಖ್ಹಮ್‌ಜಿನ್‌ ಯೋ ರಾಜ಼ ಇನ, “ತೂ ಖರಾಬ್ ಸೇವಕ್! ತಾರಿ ವಾತೆಥೀಸ್‌ ತುನ ತೀರ್ಪ್‌ ಕರುಸ್. ಮೇ ಮಾರು ಕಾಹೆತೆ ರಾಛಾ಼ನ ಪಳ್ಳಿನ್‌ ಜಾ಼ವಾಳೊ, ಮೇ ಪಿಕಾಯೊಕೊಂತೆ ಇನ ವ್ಹಾಡವಾಳೊ ಕಠಣ್ ಅದ್ಮಿಕರಿ ತುನ ಮಾಲುಮ್‌ನಿ. 
\v 23 ಇಮ್‍ಕತೊ, ತೂ ಮಾರು ಖ್ಹೊನ್ನಾನು ಬಿಲ್ಲಾನ ಬಡ್ಡಿಪರ್ ಶನ ಕೋ ದಿದೋನಿ?” ಕರಿ ಬೋಲ್ಯೊ.
\p
\v 24 ತದೆ ಖನ್ನೆ ಭಿಯ್ಯುಥೂತೆ ಇವ್ಣುನ ಇನೆ, “ಅನಕಂಥು, ಯೋ ಖ್ಹೊನ್ನಾನು ಬಿಲ್ಲಾನ ಲೀನ್‌, ದಖ್ಹ್‌ ಖ್ಹೊನ್ನಾನು ಬಿಲ್ಲಾ ಛಾ಼ತೆ, ಇನ ದೆವೊ” ಕರಿ ಬೋಲ್ಯೊ 
\v 25 ಕತೋಬಿ ಇವ್ಣೆ ಇನ, “ಪ್ರಭು, ಇನಾಕನ ಅಗಾಡಿಸ್ ದಖ್ಹ್‌ ಖ್ಹೊನ್ನಾನ ಬಿಲ್ಲಾ ಛಾ಼ನಿ” ಕರಿ ಬೋಲ್ಯು. 
\v 26 ತದೆ ರಾಜಾ಼ನೆ ಇವ್ಣುನ ಬೋಲ್ಯೋಕಿ, “ಮೇ ಬೋಲುಸ್ಕಿ, ಕಿನಾಕಿನ ಛಾ಼ಕಿ ಇವ್ಣುನ ಬಿಜೂ಼ಬಿ ದೇವಾವ್‌ಶೆ, ಕತೋಬಿ ಕಿನಾಕನ ಕೊಯ್ನಿಕಿ ಇವ್ಣಕಂಥು, ಛಾ಼ತೆಬಿ ಕಾಡಿಲಿಶೆ” 
\v 27 ಅಜು಼ ಮೇ ಇವ್ಣಾಪರ್ ರಾಜಾ಼ ನಾ ಹುಯಿರ‍್ಹೇಣು ಕರಿ ಬೋಲ್ಯುಥೂತೆ ಯೋ ಮಾರ ದುಶ್‌ಮನ್ನ ಖ್ಹಾರು, ಹಮ್ಕೆ ಹಜ಼್ಜಾ ಲೈನ್‌, ಮಾರ ಖ್ಹಾಮ್ಣೆಸ್ ಇವ್ಣುನ ಮಾರಿ ನಾಕ್ಣು!” ಕರಿ ಬೋಲ್ಯೊ.
\s ಯೇಸು ರಾಜಾ಼ನಿಘೋಣಿ ಯೆರೂಸಲೇಮ್ಮ ಗಯೋತೆ
\r (ಮತ್ತಾಯ 21:1-11; ಮಾರ್ಕ 11:1-11; ಯೋಹಾನ 12:12-19)
\p
\v 28 ಆ ಖ್ಹಾರು ಬೋಲಾನ ಬಾದ್‌ಮ, ಯೇಸು ಇವ್ಣೇಥಿ ಖ್ಹಾಮ್ಣೆ-ಖ್ಹಾಮ್ಣೆ ಚಾ಼ಲಿನ್, ಯೆರೂಸಲೇಮ್‌ ಭಣಿಗಯೊ. 
\v 29 ಅನ ಬಾದ್‌ಮ ಯೇಸು, ಆಲಿವ್ ತೇಲ್‌ನುಝಾ಼ಡ್ನ ಪಹಾಡ್‌ಕನ, ಥೂತೆ, ಬೆತ್ಫಗೆ ಅಜು಼ ಬೇಥಾನ್ಯ ಕರಿ ಗಾಮ್‌ನ ಖನ್ನೆ ಆವಾದಿನ್, ಶಿಷ್ಯರ್‌ಮ ಬೇ ಜ಼ಣಾನ ಬುಲೈನ್, “ತುಮಾರ ಖ್ಹಾಮ್ಣೆ ಛಾ಼ತೆ ಗಾಮ್ಮ ಜಾ಼ವೊ. 
\v 30 ತುಮೆ ಯೋ ಗಾಮ್‌ನ ಮಹಿ ಜಾ಼ತಸ್‌ನ ಹಿಜ಼್ಜಾ ಭಂದೈರ‍್ಹೀಶೆತೆ, ಏಕ್‌ ಜಾ಼ನ್ಜ಼ಮಾನ್ ಗಧೇಡಾನ ಚೆಲ್ಕಾನ ದೇಕ್‌ಶು, ಹಂಕೆತೋಡಿ ಇನಾಪರ್‌ ಕೋಣ್‌ಬಿ ಕೋ ಬೆಠೂನಿ. ಇನ ಛೋ಼ಡಿನ್, ಹಜ್ಜಾ಼ ಧರಿಲೀನ್ ಆವೊ, 
\v 31 ಕೋಣ್‌ತೋಬಿ ತುಮೂನ, ‘ಅನ ಶನ ಛೋ಼ಡುಕರಾಸ್ತೆ‌?’ ಕರಿ ಫುಛಾ಼ಯುತೊ, ಪ್ರಭುನ ಆ ಹೋಣುಕಸ್‌ ಕರಿ ಬೋಲೊ” ಕರಿ ಬೋಲಿನ್ ಮೋಕ್‌ಲ್ಯೊ.
\p
\v 32 ಇವ್ಣೆ ಜೈ಼ನ್‌, ಯೇಸುನೆ ಬೋಲ್ಯೊಥೋತೆ ಇಮ್ಮಸ್ ಥೂತೆ ದೇಖ್ಯು. 
\v 33 ಇವ್ಣೆ ಯೋ ಗಧೇಡಾನ ಚೆಲ್ಕಾನ ಛೋ಼ಡುಕರಾನಿ ವಖ್ಹತ್‌ಮ, ಇನ ಯಜಮಾನ್ನೆ, “ಇನ ಶನ ಛೋ಼ಡುಕರಾಸ್ತೆ?” ಕರಿ ಬೋಲ್ಯು.
\p
\v 34 ತದೆ ಇವ್ಣೆ, “ಆ ಪ್ರಭುನ ಹೋಣುಕಸ್‌” ಕರಿ ಜವಾಬ್‌ ದಿದು. 
\v 35 ಯೋ ಗಧೇಡಾನ ಯೇಸುಕನ ಲೈನ್‌, ಇವ್ಣ ಲುಂಗ್ಡಾವ್‍ನ, ಯೋ ಗಧೇಡಾನಚೆಲ್ಕನ ಉಪ್ಪರ್ ನಾಖಿನ್, ಯೇಸುನ ಇನಾಪರ್‌ ಬೆಖ್ಹಾಡ್ಯು. 
\v 36 ಯೇಸು ಜಾ಼ತೊರ‍್ಹವಾನಿ ವಖ್ಹತ್‌ಮ, ಇವ್ಣೆ ಇವ್ಣ ಲುಂಗ್ಡಾವ್‍ನ ವಾಟ್‌ಪರ್ ಬಿಛಾ಼ಯು. \fig ಯೆರೂಸಲೇಮ್ಮ ಯೇಸು ಜಯಘೋಶ್‌ಥಿ ಆಯೋತೆ|alt="Jesus’ Triumphant entry to Jerusalem" src="lb00315c.tif" size="span" copy="Horace Knowles ©" ref="19:36"\fig*
\p
\v 37 ಯೇಸು ಯೆರೂಸಲೇಮ್‌ನ ಖನ್ನೆ, ಆಲಿವ್ ಪಹಾಡ್‌ನು ಉತರ್‌ತಿ ಝ಼ಗೋಕನ ಆವಾದಿನ್, ಇನ ಶಿಷ್ಯರ್‌ನಿ ಮೋಟಿ ಝೂ಼ಂಡ್‌ ಖ್ಹುಶಿ ಕರ್ತುಹುಯಿನ್, ಇವ್ಣೆ ದೇಖ್ಯೂತೆ ಖ್ಹಾರಿಸ್ ಮಹಾನ್ ಕಾಮ್ನಖ್ಹಾಜೆ ಜೋ಼ರ್ ಅವಾಜ಼್‌ಥಿ ದೇವ್ನಿ ಸ್ತುತಿ ಕರ‍್ಯು. 
\v 38 “ಪ್ರಭುನ ನಾಮ್‌ಪರ್‌ ಆವಾಳ ರಾಜಾ಼ನ ಆಶೀರ್ವಾದ್‌ ಹುವಾದೆ ಪರ್‌ಲೋಕ್‌ಮ ಸಮಾಧಾನ್‍, ಉಪ್ಪರ್‌ಲ್ಯ ಲೋಕ್ಮ ಮಹಿಮೆ ಹುವಾದೆ!” ಕರಿ ಘಣಿಮೋಟಿ ಅವಾಜ಼್ ದೇವ್ನ ಸ್ತುತಿ ಕರಲಗ್ಯು. 
\v 39 ಅದ್ಮಿನಿ ಝೂ಼ಂಡ್‌ಮ ಥೂತೆ ಥೋಡು ಫರಿಸಾಯರ್‌ವಾಳು ಯೇಸುನ, “ಗುರು, ತಾರ ಶಿಷ್ಯರ್‌ನ ಖ್ಹೊಪ್‌ ರ‍್ಹವೊ ಕರಿ ಗುರ್‌ಕಾವ್” ಕರಿ ಬೋಲ್ಯು,
\p
\v 40 ತದೆ ಯೇಸುನೆ, “ಮೇ ತುಮೂನ ಬೋಲುಸ್ಕಿ, ಅವ್ಣೆ ಖ್ಹೊಪೊ ಹುಯಿಗಯೂತೊ, ಆ ಬಂಡಾಸ್ ಇವ್ಣು ಇವ್ಣೆ ಚಿಕರ್‌ಶೆ” ಕರಿ ಜವಾಬ್‌ ದಿದೊ.
\s ಯೇಸು ಯೆರೂಸಲೇಮ್‌ನಖ್ಹಾಜೆ ರೋಯೊತೆ
\p
\v 41 ಯೇಸು ಯೆರೂಸಲೇಮ್‌ ಖ್ಹಯೇರ‍್ನ ಖನ್ನೆ ಆಯಿನ್, ಇನ ದೇಖಿನ್, ಇನಿ ಬಾರೇಮ ರೋವ್‌ತೊಹುಯಿನ್‌, 
\v 42 ಅಜು಼ ಬೋಲ್ಯೋಕಿ, “ಶಾಂತಿಥಿ ರ‍್ಹವಾನ ಶಾತ್‌ ಹೋಣು ಕರಿ ಬೋಲಾನು, ತೂ ಹಜ್ಜಾ಼ಸ್ ಮಾಲುಮ್‌ ಕರಿಲಿದಿಹೋತ್‌ತೊ ಕೆತ್ರೆಸ್ಕಿ ಅಛ್ಛು಼ ಥೂ! ಕತೋಬಿ ಹಮ್ಕೆ ತುನ, ಯೋ ದೇಖಾನ ಕೊ ಉಶೇನಿ, 
\v 43 ಏಕ್‌ ವಖ್ಹತ್ ಆವ್‌ಶೆ, ತದೆ ತಾರು ದುಶ್‌ಮನ್‌ ಖ್ಹಾರು, ತಾರ ಅಶ್‌ಪೀಶ್‌ ಭೀತ್ ಭಾಂದಿನ್, ತುನ ಖ್ಹಾರಿಸ್ ಬಾಜು಼ಥು ಕಬ್‍ಜಾ಼ ಕರೀನ್, 
\v 44 ಇವ್ಣೆ ತುನ ಅಜು಼ ತಾರಿ ಭೀತ್‌ನ ಮಹಿ ಛಾ಼ತೆ ಖ್ಹಾರ ಅದ್ಮಿನ ಬರ್ಬಾತ್ ಕರ್ಶೆ, ಏಕ್‌-ಬಂಡಾಪರ್ ಬಿಜ್ಜೇಕ್‌ ಬಂಡೊ ಭೀರೆವ್ಣುನಾತೆ ಇಮ್‌ ಇವ್ಣೆ ಕರ್ಶೆ, ಶನಕತೊ, ದೇವ್ನೆ ತುನ ಬಚಾ಼ಡ್‌ಣು ಕರಿ ಆಯೋತೆ ವಖ್ಹತ್‌ನ, ತೂ ಪರ್ಖಿ ಕೊಯ್ನಿ!” ಕರಿ ಬೋಲ್ಯೊ.
\s ಯೇಸು ಮಂದಿರ್‌ಮ ಗಯೋತೆ
\r (ಮತ್ತಾಯ 21:12-17; ಮಾರ್ಕ 11:15-19; ಯೋಹಾನ 2:13-22)
\p
\v 45 ಅನ ಬಾದ್‌ಮ ಯೇಸು ಮಂದಿರ್‌ಮ ಜೈ಼ನ್‌, ವೇಚ಼ವಾಳನ ಭಾರ್‌ ನಖ್ಹಾಡಲಗ್ಯೊ. 
\v 46 ಅಜು಼ ಇವ್ಣುನ ಬೋಲ್ಯೊಕಿ, “ದೇವ್ನೆ ಬೋಲ್ಯೊ, ‘ಮಾರಿ ಮಂದಿರ್‌ ಪ್ರಾರ್ಥನೇನು ಘರ್ ಹುಯಿರ‍್ಹಿಶೆ’ ಕರಿ ಲೀಖೈರ‍್ಹೂಸ್‌ನಿ.\f + \fr 19:46 \fr*\ft ಯೆಶಾಯ 6.7; ವಿಮೋಚನ ಕಾಂಡ 19.46; ಯೆರೆಮೀಯ 7.11\ft*\f* ಕತೋಬಿ ತುಮೆ ಅನ ಚೋ಼ರ್‌ನಿ ಲಪಾನಿ ಘವಿ ಬಣೈನಾಖ್ಯ.
\p
\v 47 ದನ್‍ರೋಜ್‍಼ ಯೇಸು ಮಂದಿರ್‌ಮ ವಚನ್‍ ಬೋಲಿದೆತೋಥೊ. ಕತೋಬಿ ಮಹಾಯಾಜಕ, ಮೋಶೆನಿ ವಚನ್ ಶಿಕಾಡವಾಳು ಶಾಸ್ತ್ರಿಯೆ ಅಜು಼ ಶಾಣು ಖ್ಹಾರು ಯೇಸುನ ಮರ್‌ನಾಖಿದೇವ್ಣು ಕರಿ ಕೋಶಿಶ್ ಕರ‍್ಯು. 
\v 48 ಕತೋಬಿ ಇನ ಖೆವಿ ತರಿಕಾಥಿ ಮರ್‌ನಾಖಿ ದಿಯೆಜಾ಼ಯ್ ಕರಿ ಬೋಲಾನು ಇವ್ಣ ಮಾಲುಮ್‌ ಕೋ ಪಡ್ಯುನಿ, ಶನಕತೊ ಅದ್ಮಿಖ್ಹಾರು ಯೇಸುನಿ ವಾತೆನ ಚಿಂತ್‌ಲಗಾಡಿನ್, ಖ್ಹಮ್‌ಜ಼್‌ತೂಥು.
\c 20
\s ಯೇಸುನಿ ಅದಿಕಾರ್‌ನಿ ಬಾರೇಮ ಪುಛಾ಼ಯೂತೆ
\r (ಮತ್ತಾಯ 21:23-27; ಮಾರ್ಕ 11:27-33)
\p
\v 1 ಏಕ್‌ ದನ್ನೆ ಯೇಸು ಮಂದಿರ್‌ಮ ಅದ್ಮಿನ ವಚನ್ನ ಬೊಲಿದೇತೊಹುಯಿನ್‌, ಸುವಾರ್ತೆನ ಬೋಲುಕರ್ತೊಥೋತೆ ತದೆ, ಮಹಾಯಾಜಕ, ಮೋಶೇನು ಧರ್ಮಶಾಸ್ತ್ರ ಶಿಕಾಡವಾಳು ಶಾಸ್ತ್ರಿಯೆ ಅಜು಼ ಶಾಣುಖ್ಹಾರು ಮಳಿನ್ ಯೇಸುಕನ ಆಯು. 
\v 2 ಅಜು಼ ಇವ್ಣೆ ಇನ, “ಹಮೂನ ಬೋಲ್! ಆ ಖ್ಹಾರು ಕರಾನ ತುನ ಶನಿ ಅದಿಕಾರ್ ಛಾ಼?ಅಮ್ನಿ ಹಕ್ ತುನ ಕೋಣ್ ದಿದು?” ಕರಿ ಬೋಲ್ಯು.
\p
\v 3 ತದೆ ಯೇಸುನೆ ಇವ್ಣುನ, “ಮೇಬಿ ತುಮೂನ ಏಕ್‌ ಸವಾಲ್‌ ಫುಛಾ಼ವುಸ್‌. ಮನ ಬೋಲೊ, 
\v 4 ಬ್ಯಾಪ್ತಿಸ್ಮ ದ್ಯವಾನಿ ಹಕ್‌, ಯೋಹಾನ್ನ ಪರಲೋಕ್‌ಥಿ ಆಯುಕಿ, ಅದ್ಮಿಥಿ ಆಯು? ಕರಿ ಪುಛಾ಼ಯೊ.
\p
\v 5 ತದೆ ಇವ್ಣೆ, “ಅಪ್ಣೆ ಶಾತ್‌ ಬೋಲಿಯೆ? ಪರ್‌ಲೋಕ್‌ಥು ಆಯು ಕರಿ ಅಪ್ಣೆ ಬೋಲ್ಯಾತೊ, ಇಮ್‍ಕತೊ, ತುಮೆ ಇನ ಶನ ನಂಬ್ಯಾಕೊಯ್ನಿ? ಕರಿ ಬೋಲ್‌ಶೆ. 
\v 6 ಅದ್ಮಿಥಿ ಆಯು ಕರಿ ಬೋಲ್ಯಾತೊ, ಅದ್ಮಿಖ್ಹಾರು ಯೋಹಾನ ಪ್ರವಾದಿ ಕರಿ ನಂಬಿರಾಖ್ಯುತೆ ಇನಖ್ಹಾಜೆ, ಇವ್ಣೆ ಅಪ್ಣುನ ಬಂಡೊ ಫೇಕಿ ಮಾರ್‌ಶೆ” ಕರಿ ಇವ್ಣ-ಇವ್ಣಾಮಸ್‌ ಬೋಲಿಲಿದು. 
\v 7 ಇನಖ್ಹಾಜೆ ಇವ್ಣೆ, “ಯೋ ಕಿಜ್ಗಾ಼ಥು ಆಯು ಕರಿ ಹಮೂನ ಮಾಲುಮ್‌ ಕೊಯ್ನಿ” ಕರಿ ಜಾ಼ವಾಬ್‌ ದಿದು.
\p
\v 8 ತದೆ ಯೇಸುನೆ ಇವ್ಣುನ, “ಆ ಖ್ಹಾರು ಖೆವಿ ಹಕ್‌ಥಿ ಕರುಸ್ ಕರಿ ಬೋಲಾನು, ಮೇಬಿ ತುಮೂನ ಕೋ ಬೋಲೂನಿ” ಕರಿ ಬೋಲ್ಯೊ.
\s ದ್ರಾಕ್ಷಿನು ಬಾಗ್‌ನ ವಾರ್‌ನ ಕರಾವಾಳಾನಿ ಬಾರೇಮಾನು ಮತ್ಲಬ್‌ನಿ ಖೇಣಿ
\r (ಮತ್ತಾಯ 21:33-46; ಮಾರ್ಕ 12:1-12)
\p
\v 9 ಬಾದ್‌ಮ ಯೇಸುನೆ ಅದ್ಮಿಯೇನ ಏಕ್‌ ಮತ್ಲಬ್‌ನಿ ಖೇಣಿನ ಬೋಲ್ಯೊ. ಯೋ ಶಾತ್‌ಕತೊ, “ಏಕ್‌ ಅದ್ಮಿ, ಏಕ್‌ ದ್ರಾಕ್ಷಿನು ಬಾಗ್‌ನ ಬಣೈನ್, ಇನ ವಾರ್‌ನ ದೀನ್, ಬಿಜೇ಼ಕ್‌ ದೇಖ್ಹ್‌ನ ಜೈ಼ನ್‌, ಘಣ ದನ್‌ತೋಡಿ ಹಿಜ಼್ಜಾಸ್‌ ಥೊ. 
\v 10 ದ್ರಾಕ್ಷಿ ತೋಡಾನಿ ವಖ್ಹತ್ ಆವಾದಿನ್, ಏಕ್‌ ಆಳ್‌ನ ವಾರ್‌ನ ದೀರಾಖ್ಯೊಥೋತೆ ಇವ್ಣಾಕನ ಮೋಕ್‌ಲ್ಯೊ. ಕತೋಬಿ ಇವ್ಣೆ ಇನ ಮಾರಿನ್, ಖಾಲಿಹಾತೆ ಮೋಕ್ಲಿದಿದು. 
\v 11 ತದೆ ಇನೆ ಬಿಜ್ಜೇಕ್‌ ಆಳ್‌ನ ಇವ್ಣಾಕನ ಮೋಕ್ಲಾಖ್ಹತರ್‌, ಇನಾಬಿ ಮಾರಿನ್, ಖ್ಹರಮ್‌ ಕಾಡೀನ್‌, ಖಾಲಿಹಾತೆ ಮೋಕ್ಲಿದಿದು. 
\v 12 ತದೆ ಇನೆ ಬಿಜ್ಜೇಕ್‌ ಜ಼ಣಾನ ಮೋಕ್‌ಲ್ಯೊ; ಇವ್ಣೆ ಇನಾಬಿ ಫೋಡ ಹುವ್ವಾಎತ್ರೆ ಮಾರಿನ್, ಭಾರ್ ಫೇಕಿದಿದು. 
\v 13 ತದೆ ಯೋ ದ್ರಾಕ್ಷಿನೊ ಬಾಗ್‌ನೊ ಮಾಲಿಕ್‍ನೆ ಮೇ ಶಾತ್‌ಕರು? ಮಾರೊ ಲಾಡ್‌ನೊ ಛಿಯ್ಯಾನ ಮೋಕ್ಲುಸ್‌! ಇನಾತೋಬಿ ದೇಖಿನ್‌ ಮರ್ಯಾದಿ ದೇಸ್ಕಿ ಶುಕಿ! ಕರಿ ಸೋಚಿನ್ ಮೋಕ್‌ಲ್ಯೊ. 
\v 14 ಕತೋಬಿ ಯೋ ವಾರ್‌ನ ಲೀರಾಖ್ಯೂಥೂತೆ ಇವ್ಣೆ ಇನ ದೇಖಿನ್‌, “ಆಸ್ ಮಾಲಿಕ್‌ನೊ ಛಿಯ್ಯೊ. ಅನ ಮಾರಿನಾಖಿದಿಯ್ಯೆ, ತದೆ ಇನು ಶೊತ್ ಖ್ಹಾರು ಅಪ್ಣು ಹುಯಿಜಾ಼ಶೆ!” ಕರಿ ಏಕ್‌ಥಿ ಏಕ್‌ ಬೋಲಿಲಿದು. 
\v 15 ಅಜು಼ ಇನ ದ್ರಾಕ್ಷಿನ ಬಾಗ್‌ಮಾಥು ಭಾರ್ ಧಕೇಲಿನ್, ಮಾರಿನಾಕ್ಯು.
\p ಇಮ್‍ಕತೊ, ಯೋ ದ್ರಾಕ್ಷಿನು ಬಾಗ್‌ನೊ ಯಜಮಾನ್ ಆಯಿನ್, ಇವ್ಣುನ ಶಾತ್‌ ಕರ್ಶೆ?” ಕರಿ ಯೇಸುನೆ ಪುಛಾ಼ಯೊ. 
\v 16 “ಯೋ ಆಯಿನ್, ವಾರ್‌ನ ಲೀರಾಖ್ಯುಥೂತೆ, ಇವ್ಣುನ ಮಾರಿನಾಖಿನ್, ಇನ ದ್ರಾಕ್ಷಿನ ಬಾಗ್‌ನ ಬಿಜಾ಼ವ್ನ ದಿಶೆ” ಕರಿ ಬೋಲ್ಯೊ.
\p ಅನ ಖ್ಹಮ್‌ಜಿನ್‌ ಅದ್ಮಿಖ್ಹಾರು, “ಅಮ್ ನಾಹೊಣು!” ಕರಿ ಬೋಲ್ಯು.
\p
\v 17 ಕತೋಬಿ ಇವ್ಣುನ ದೇಖಿನ್ ಯೇಸುನೆ,
\q1 “ಘರ್ ಭಾಂದಾವಾಳು ನಕೊಕರಿ ಝಿಟ್ಕಾರಯೋತೆ ಬಂಡೋಸ್,
\q2 ಹೋಣುತೆ ಕೋಣಾನೊ ಬಂಡೊ ಹುಯೊ” ಕರಿ ಲೀಖೈರ‍್ಹೂತೆ\f + \fr 20:17 \fr*\ft ವಿಮೋಚನ ಕಾಂಡ 20.17; ಕೀರ್ತನೆ 118.22\ft*\f* ಇನಿ ಮತ್‌ಲಬ್ ಶಾತ್‌?” ಕರಿ ಪುಛಾ಼ಯೊ.
\m
\v 18 ಯೋ ಬಂಡಾಪರ್ ಪಡಾವಾಳು ಹರೇಕ್ ಜ಼ಣಾನ ಟುಕ್‌ಡಾ-ಟುಕ್‌ಡಾ ಕರಿನಾಕ್‌ಶೆ; ಅಜು಼ ಆ ಬಂಡೊ ಕಿನಾಪರ್ ಪಡ್‌ಶೇಕಿ, ಇನ ಬುಕ್‍ನು-ಬುಕ್‍ನು ಕರಿನಾಕ್‌ಶೆ” ಕರಿ ಬೋಲ್ಯೊ.
\s ಶುಂಕ ಭಾಂದಾನಿ ಬಾರೇಮ ಪುಛಾ಼ಯೂತೆ
\r (ಮತ್ತಾಯ 22:15-22; ಮಾರ್ಕ 12:13-17)
\p
\v 19 ಮೋಶೇನು ಧರ್ಮಶಾಸ್ತ್ರ ಶಿಕಾಡವಾಳು ಶಾಸ್ತ್ರಿಯೆ ಅಜು಼ ಮಹಾಯಾಜಕ ಆ ವಾತೇವ್ನ ಖ್ಹಮ್‌ಜಿನ್‌, ಆ ಹಮಾರಿ ಬಾರೆಮಾಸ್‌, ಆ ಮತ್ಲಬ್‌ನಿ ಖೇಣಿನ ಬೋಲ್ಯೊ, ಕರಿ ಮಾಲುಮ್‌ ಕರಿಲೀನ್, ಯೋಸ್‌ ವಖ್ಹತ್‌ಮ, ಯೇಸುನ ಧರ್‌ನು ಕರಿ ಕರ‍್ಯು. ಕತೋಬಿ ಅದ್ಮಿನ ಡರ್‌ಥಿ ಇನ ಧರ‍್ಯು ಕೊಯ್ನಿ. 
\v 20 ಅನ ಬಾದ್‌ಮ ಇವ್ಣೆ, ಯೇಸುನ ರೋಮ್‍ನು ಅಧಿಪತಿನಹಾತ್ಮ ಅಜು಼ ಇನಿ ಅದಿಕಾರಿನಾಬಿ ದೇವ್ಣು ಕರಿ ಸೋಚಿನ್, ಇನ ಧರ್‌ನು ಕರಿ ಜ಼ಪಾಲಗ್ಯು. ಅನಖ್ಹಾಜೆಸ್ ನೀತಿವಾಳಾನಿಮತ್‌ ನಾಟಕ್‍ಕರಾಸ್ತೆ ಥೋಡ ಜ಼ಣಾನ, ಯೇಸುನ ವಾತೇಮ ಖ್ಹಪ್‌ಡಾವ್ಣು ಕರಿ ಇನಾಕನ ಮೋಕ್‍ಲ್ಯು. 
\v 21 ಅವ್ಣೆ ಯೇಸುನ, “ಗುರು, ತೂ ಬರೊಬರ್‌ಥೀಸ್‌ ವಾತೆ ಬೋಲಾಸ್ ಅಜು಼ ವಚನ್‍ ಬೋಲಿದೇಸ್, ಕರಿ ಹಮೂನ ಮಾಲುಮ್‌. ತು ಕಿನಾಬಿ ಮ್ಹೋಡು,ದೇಖಿನ್‌, ವಾತೆ ಬೋಲಾಕೊಯ್ನಿ. ಕತೋಬಿ ದೇವ್ನಿ ರಾಜ್ಯನಿ ಬಾರೇಮಾನಿ ಖ್ಹಾಚಿನ್‌ ಅದ್ಮಿನ ಬೋಲಿ ವತಾಳಸ್‍ ಕರೀಬಿ ಹಮೂನ ಮಾಲುಮ್‌. 
\v 22 ಕೈಸರ್‌ನ ಶುಂಕ ಭಾಂದಾನು ನ್ಯಾವ್‌ಕಿಕೊಯ್ನಿ ಕರಿ ಹಮೂನ ಬೋಲ್” ಕರಿ ಫುಛಾ಼ಯು.
\p
\v 23 ಕತೋಬಿ ಯೇಸುನೆ, ಇವ್ಣೆ ಇನ ವಾತೆಮ ಖ್ಹಪ್‌ಡವಾನ ಕರುಕರಸ್ ಕರಿ ಮಾಲುಮ್‌ ಕರಿಲೀನ್ ಇವ್ಣುನ, 
\v 24 “ಮನ ಏಕ್‌ ರೂಪಾನು ಬಿಲ್ಲು ವತಾಳೊ. ಇನಾಪರ್‌ ಕಿನು ನಾಮ್‌ಬಿ ರೂಪ್ ಛಾ಼?” ಕರಿ ಪುಛಾ಼ವಖ್ಹತರ್,
\p ಇವ್ಣೆ, “ಕೈಸರ್‌ನು” ಕರಿ ಜಾ಼ವಾಬ್‌ದಿದು.
\p
\v 25 ತದೆ ಯೇಸುನೆ ಇವ್ಣೆ, “ಇಮ್‍ಕತೊ, ಕೈಸರ್‌ನು ಶಾತ್‌ ಛಾ಼ಕಿ ಕೈಸರ್‌ನ ದೆವೊ, ಅಜು಼ ದೇವ್‌ನು ಶಾತ್‌ ಛಾ಼ಕಿ ಯೋ ದೇವ್ನ ದೆವೊ” ಕರಿ ಬೋಲ್ಯೊ.
\p
\v 26 ಅದ್ಮಿನ ಖ್ಹಾಮ್ಣೆ ಯೇಸುನ ವಾತೆಮ ಖ್ಹಪ್‌ಡವಾನ ಕೋಹುಯುನಿ, ಇನಖ್ಹಾಜೆ ಇವ್ಣೆ ಖ್ಹೊಪ್‌ ಹುಯಿಗಯು ಅಜು಼ ಯೇಸುನೆ ದಿದೋತೆ ಜ಼ವಾಬ್‌ನ ಖ್ಹಮ್‌ಜಿನ್‌, ಆಶ್ಚರ್ಯ ಖಾದು.
\s ಮರ್‌ವಾನ ಬಾದ್ಮ ಪಾಛು಼ ಜಿವ್ತುಹುಯಿನ್ ಉಠಾನಿ ಬಾರೇಮ ಪುಛಾ಼ಯೂತೆ
\r (ಮತ್ತಾಯ 22:23-33; ಮಾರ್ಕ 12:18-27)
\p
\v 27 ಅನ ಬಾದ್‌ಮ, ಮರವಾಳು ಪಾಛು಼ ಜಿವ್ತುಹುಯಿನ್ ಉಠಾಕೊಯ್ನಿ’ ಕರಿ ಬೋಲಾವಾಳು ಹುಯಿರ‍್ಹೂತೆ ಸದ್ದುಕಾಯವಾಳಾಮ, ಥೋಡ ಜ಼ಣ ಯೇಸುಕನ ಐನ್, 
\v 28 “ಗುರು, ‘ಮೋಟೊ ಭೈನ ಬಾವಣ್‍ ರ‍್ಹೀನ್ ಯೋ ಲಡ್ಕಾಕೊಂತೆ ಮರಿಗೋತೊ, ಇನೊ ನ್ಹಾನೊ ಭೈ ಯೋ ಬಾವಣ್ಣ ಕರಿಲೀನ್ ಲಡ್ಕಾ ಪೈದಾ ಕರ‍್ನು ಅಜು಼ ಯೋ ಲಡ್ಕಾ ಮರ‍್ಯೋತೆ ಭೈನ ಲಡ್ಕಾ ಬೋಲೈಲಿಶೆ’ ಕರಿ ಮೋಶೆನೆ ಹಮಾರಖ್ಹಾಜೆ ಲೀಖಿರಾಖ್ಯೋಸ್‌ನಿ. 
\v 29 ಖ್ಹಾತ್‌ಜ಼ಣ ಭೈಯೆ ಥಾ. ಇವ್ಣಾಮ ಮೋಟೊ ಭೈನೆ ಬಾವಣ್‍ ಕರೀನ್, ಲಡ್ಕಾಕೊಂತೆ ಮರಿಗಯೊ. 
\v 30-31 ಅನ ಬಾದ್‌ಮ ಬೇನೊ ಭೈನೆ ಇನ ವ್ಯಹಾ ಕರೀನ್, ಬಾದ್‌ಮ ಯೋಬಿ ಮರಿಗಯೊ. ತದೆ ತೀನ್ನೊ ಭೈನೆ ಇನ ಕರಿಲಿದೊ ಅಜು಼ ಯೋಬಿ ಮರಿಗಯೊ. ಅಮ್ಮಸ್ ಖ್ಹಾತೆ ಭೈಯೇಬಿ, ಯೋ ತಯೇಡಾನ ಕರಿಲೀನ್, ಲಡ್ಕಾಕೊಂತೆ ಮರಿಗಯ. 
\v 32 ಆ ಖ್ಹಾರಾನ ಬಾದ್‌ಮ ಯೋ ತಯೇಡಾಬಿ ಮರಿಗೈ. 
\v 33 ಇಮ್‍ಕತೊ ಪಾಛು಼ ಜಿವ್ತುಹುಯಿನ್ ಉಟ್‍ಶೇತೆ ತದೆ, ಯೋ ತಯೇಡ ಖೆವಾನಿ ಬಾವಣ್‍ ಹುಯಿರ‍್ಹಿಶೆ? ಶನಕತೊ ಖ್ಹಾತೆ ಜ಼ಣಾಬಿ ಇನ ಕರಿಲಿದಾಥಾನಿ” ಕರಿ ಪುಛಾ಼ಯು.
\p
\v 34 ತದೆ ಯೇಸುನೆ ಇವ್ಣುನ, “ಆ ಜಗತ್‌ನು ತಯೇಡ ಪರ್ಖ್ಹಾ ವ್ಯಹಾ ಕರೀಲೆಸ್. 
\v 35 ಕತೋಬಿ ಮರಿಗಯೂತೆ ಇವ್ಣಾಮಾಥು ಪಾಛು಼ ಜಿವ್ತುಹುಯಿನ್ ಉಠಿ ಆವಾನ ಲ್ಹಾಯಕ್ ಹುಯಿರ‍್ಹೂತೆ ಅಜು಼ ಆವ್‌ಶೇತೆ ಜ಼ಗ್‌ಮ ಜಿವ್‌ಶೇತೆ ತಯೇಡ ಪರ್ಖ್ಹಾ ವ್ಯಹಾ ಕರ್ಶೆ ಕೊಯ್ನಿ, ವ್ಯಹಾ ಕರಿಲಿಶೆಬಿ ಕೊಯ್ನಿ! 
\v 36 ಇವ್ಣೆ ಅಜು಼ ಪಾಛು಼ ಮರ್‌ಶೆಸ್‌ಕೊಂತೆ, ದೇವ್‌ನು ದೂತರ್‌ನಿ ಘೋಣಿ ರ‍್ಹಿಶೆ. ಪಾಛು಼ ಜಿವ್ತುಹುಯಿನ್ ಉಠ್ಯೂತೆ ಇನಖ್ಹಾಜೆ, ಇವ್ಣೆ ದೇವ್ನ ಲಡ್ಕಾ ಹುಯಿರ‍್ಹಿಶೆ. 
\v 37 ಮರವಾಳು ಜಿವ್ತುಹುಯಿನ್, ಉಟ್‍ಶೇತೆ ಇನಿ ಬಾರೇಮ ಮೋಶೇನೆ ಅಛ್ಛಿನಿತರ ವತಾಳಿರಾಖ್ಯೊಸ್. ಬಳುಕರಾತೆ ಆಗ್‍ನಿ ಡಾಗ್‌ನಿ ಬಾರೇಮ ಲೀಖಾನಿ ವಖ್ಹತ್‌ಮ, ಪ್ರಭುನೆ, ‘ಅಬ್ರಹಾಮ್‌ನೊ ದೇವ್, ಇಸಾಕನೊ ದೇವ್, ಯಾಕೋಬನೊ ದೇವ್’ ಕರಿ ಬೋಲಿರಾಖ್ಯೊಸ್. 
\v 38 ಯೋ ಜಿವ್‌ತಾನೊ ದೇವ್ ಹುಯಿರೋಸ್, ಪಣ್ಕಿ ಮರ‍್ಯಾಹುಯಾನೊ ಕಾಹೆ, ಶನಕತೊ ಇನ ಡೋಳಾಮ ಇವ್ಣೆ ಖ್ಹಾರು ಜಿವ್ತುಸ್ ಛಾ಼. 
\v 39 ಮೋಶೇನು ಧರ್ಮಶಾಸ್ತ್ರ ಶಿಕಾಡವಾಳು ಶಾಸ್ತ್ರಿಮ ಥೋಡು ಜ಼ಣು, “ಗುರು! ತು ಅಛ಼್ಛು ಜ಼ವಾಬ್‌ದಿದೊ” ಕರಿ ಬೋಲ್ಯು. 
\v 40 ಅನೇಥಿ ಇವ್ಣೆ, ಬಿಜು಼ ಶಾತ್ಬಿ ಯೇಸುನ ಪುಛಾ಼ವಾನ ಡರ‍್ಯು.
\s ಕ್ರಿಸ್ತನಿ ಬಾರೇಮ ಪುಛಾ಼ಯೂತೆ
\r (ಮತ್ತಾಯ 22:41-46; ಮಾರ್ಕ 12:35-37)
\p
\v 41 ತದೆ ಯೇಸುನೆ ಇವ್ಣುನ, “ಕ್ರಿಸ್ತ ದಾವೀದ್‌ನೊ ಛಿಯ್ಯೊ, ಕರಿ ಅದ್ಮಿಖ್ಹಾರು ಬೋಲಾಸ್ನಿ, ಯೋ ಕಿಮ್ ಉಶೆ?
\q2
\v 42-43 ‘ಮೇ ತಾರ ವಹೇರ‍್ಯಾನ ತಾರ ಗೋಡಾನೊ ರಚ್ಚೊ಼ ಬಣಾವಲಗು
\q2 ಮಾರಿ ಖಾವಿಬಾಜು಼ ಬೆಠೋರೆ’ ಕರಿ
\q1 ಪ್ರಭುನೆ, ಮಾರ ಮಾಲಿಕ್‌ನ ಬೋಲ್ಯೊ, ಕರಿ ದಾವೀದ್‌ನೇಸ್ ಕೀರ್ತನೇನ ಪುಸ್ತಕ್‌ಮ ಲೀಖಿರಾಖ್ಯೊಸ್.
\m
\v 44 ದಾವೀದಸ್‌ ಇನ ‘ಪ್ರಭು’ ಕರಿ ಬೋಲಿರಾಖಪರ್‌, ಕ್ರಿಸ್ತ ದಾವೀದ್‌ನೊ ಛಿಯ್ಯೊ ಕಿಮ್ ಉಶೆ? ಕರಿ ಬೋಲ್ಯೊ.
\s ಯೇಸುನೆ ಮೋಶೇನು ಧರ್ಮಶಾಸ್ತ್ರ ಶಿಕಾಡವಾಳ ಶಾಸ್ತ್ರಿಯೇನ ಝೇತಾಯೊತೆ
\r (ಮತ್ತಾಯ 23:1-36; ಮಾರ್ಕ 12:38-40)
\p
\v 45 ಅದ್ಮಿಖ್ಹಾರು ಇನಿ ವಾತೆ ಖ್ಹಮ್‌ಜು಼ಕರಾನಿ ವಖ್ಹತ್‌ಮ, ಯೇಸುನೆ ಇನ ಶಿಷ್ಯರ್‌, 
\v 46 ಮೋಶೇನು ವಚನ್ ಶಿಕಾಡವಾಳು ಶಾಸ್ತ್ರಿಯೇನಿ ಬಾರೇಮ ಹೊಷಾರ್‌ಥಿ ರ‍್ಹವೊ. ಲಾಂಬೊ ಝ಼ಗ್ಗೊ ಪೇರ‍್ಹಿಲೀನ್‌ ಹೈಕಡ್‌ ಹೀಕಡ್‌ ಫರಾವಾಳು, ದುಕಾನೇನಿ ಗಲ್ಲಿಮ ಅದ್ಮಿಖ್ಹಾರು ಇವ್ಣ ಖ್ಹರಾವ್ಣಿ ಕರ‍್ನು ಕರಿ ಅಜು಼ ಸಭೆ ಭರಾವನು ಮಂದಿರ್‌ಮ ಪಹಿಲಿ ಝ಼ಗೋಪರ್‌ ಅಜು಼ ಮಿಝ್‍಼ವಾನೇನಿ ಝ಼ಗೋಮ ಅಛ್ಛಿ ಝ಼ಗೋಪರ್‌ ಬೇಖ್ಹ್‌ಣು ಕರಿ ಖಲಿ ಅಮ್ನಿಸ್ ಅಖ್ಹ್‌ ಕರಾವಾಳು ಹುಯಿರ‍್ಹುಸ್. 
\v 47 ಅವ್ಣೆ ಮುಂಡಚ್ಚಿ ತಯೇಡಾವ್‌ನ ಘರ್‌ನ ಲೂಟಿನ್, ವತಾಳಿಲ್ಯಾವನಖ್ಹಾಜೆ ದೇವ್ನ ಲಾಂಬಿ ಪ್ರಾರ್ಥನೆ ಕರಾಸ್. ಅಥ್ರಾವ್ನ ಘಣಿ ನಿಶತ್‌ ಮಳ್‍ಶೆ!” ಕರಿ ಬೋಲ್ಯೊ.
\c 21
\s ಮುಂಡಚ್ಚಿನಿ ಕಾಣ್ಕೆ
\r (ಮಾರ್ಕ 12:41-44)
\p
\v 1 ಯೇಸುನೆ ಮುಡ್‌ಕ್ಯು ಪಾಡೀನ್, ಶೌಕರ್‌ ಅದ್ಮಿಖ್ಹಾರು ಮಂದಿರ್‌ನಿ ಹುಂಡಿಮ ಕಾಣ್ಕೆ ನಾಖುಕರಾತೆ ಇನ ದೇಖ್ಯೊ. 
\v 2 ಅಜು಼ ಏಕ್‌ ಗರೀಬ್ ಮುಂಡಚ್ಚಿ ತಯೇಡ ಐನ್, ಬೇ ನ್ಹಾನು ತಾಂಬಾನು ಕಾಖ್ಹ್‌ ನಾಖಿತೆ ಇನಾಬಿ ಇನೆ ದೇಖ್ಯೊ. 
\v 3 “ಮೇ ತುಮೂನ ಖ್ಹಾಚ ಬೋಲುಸ್ಕಿ, ಆ ಗರೀಬ್ ಮುಂಡಚ್ಚಿ ತಯೇಡಾನೆ ಬಿಜಾ಼ಖ್ಹಾರೇಥಿ ಜಾ಼ಖ್ಹತ್ ನಾಖಿರಾಖಿಸ್‌. 
\v 4 ಕಿಮ್‌ಕತೊ, ಬಿಜಾ಼ಖ್ಹಾರ ಅದ್ಮಿನೆಇವ್ಣುನ ಬಶ್‌ಹುಯಿನ್ ಉಭ್‌ರ‍್ಯುತೆ ಇನಾಮಾಥು ಕಾಣ್ಕೆನ ದಿದು; ಕತೋಬಿ ಆ ಎತ್ರೆ ಗರೀಬ್ ರ‍್ಹೀನ್‌ಬಿ, ಇನಾಕನ ಥೂತೆ ಜಿವ್ಣನ ನಾಖಿದಿದಿ” ಕರಿ ಬೋಲ್ಯೊ.
\s ಯೇಸುನೆ ಮಂದಿರ್‌ನಿ ಬರ್ಬಾತ್‌ನಿ ಬಾರೇಮ ಬೋಲ್ಯೋತೆ
\r (ಮತ್ತಾಯ 24:1-2; ಮಾರ್ಕ 13:1-2)
\p
\v 5 ಶಿಷ್ಯರ್‌ಮ ಥೋಡು ಜ಼ಣು ಮಂದಿರ್‌ನಿ ಬಾರೇಮ, ಆ ಕೆತ್ರೆ ಖ್ಹಾಜ಼್‌ನ ಬಂಡಾವ್‍ಥಿ ಅಜು಼ ದೇವ್ನ ಕಾಣ್‌ಕೆ ದಿದೂತೆ ರಾಛ಼ವ್‍ಥಿ ಕೆತ್ರೆಕ್‌ ಅಛ್ಛು಼ ದೆಖವ್‍ಕರಾಸ್” ಕರಿ ಬೋಲಿಲಿದು. 
\v 6 ತದೆ ಯೇಸುನೆ ಇವ್ಣುನ, “ತುಮೆ ಆ ಖ್ಹಾರು ದೇಖುಕರಾಸ್‌ನಿ, ಏಕ್‌ ದನ್ ಆವ್‌ಶೆ, ಯೋ ದನ್ಮ ಹಜ್ಜಾ಼ ಏಕ್‌ ಬಂಡಾಪರ್ ಬಿಜ್ಜೇಕ್‌ ಬಂಡೊ ಭೀರಿಶೆ ಕೊಯ್ನಿ; ಅಖ್ಖಾಸ್ನ ರಡ್‌ಕೈನಾಖಿದಿಶೆ” ಕರಿ ಬೋಲ್ಯೊ.
\s ವದೇಖ್ಹೊ ಅಜು಼ ಖ್ಹತಾಪ್ಣಿ
\r (ಮತ್ತಾಯ 24:3-14; ಮಾರ್ಕ 13:3-13)
\p
\v 7 ಇವ್ಣೆ ಯೇಸುನ, “ಗುರು, ಆ ಖ್ಹಾರು ಕದೆ ಉಶೆ? ಆ ಖ್ಹಾರು ಚಾ಼ಲಾನಿವಖ್ಹ್‌ತೆ ಖಿವಿ ಖ್ಹಣೇದ್ ಉಶೆ? ಕರಿ ಬೋಲಖ್ಹತರ್,
\p
\v 8 ಯೇಸುನೆ ಇವ್ಣುನ, “ಜ಼ತನ್‌ಥಿ ರ‍್ಹವೊ! ತುಮೂನ ಕೋಣ್‌ಬಿ ಠಗಾವ್ಣುನಾತೆ ಇಮ್‌ ದೇಖಿಲೇವೊ. ಶನಕತೊ, ಕೈಯೆಕ್ಕಿ ಜ಼ಣು ಐನ್, ಮಾರು ನಾಮ್‌ಲೀನ್, ‘ಮೇಸ್ ಕ್ರಿಸ್ತ, ಮೇಸ್ ಕ್ರಿಸ್ತ’ ಕರಿ ಅಜು಼ ಯೋ ವಖ್ಹತ್ ಐಗೈ ಕರಿ ಬೊಲ್‌ಶೆ. ಕತೋಬಿ ಇವ್ಣ ಪೀಠೆ ನಕೊಜಾ಼ಶು. 
\v 9 ಅತ್ರೇಸ್ ಕಾಹೆತೆ ಜಂಗ್ ಭೀಡುಕರಾತೆ ಅಜು಼ ಕಲ್ಹಾಗಟ್‌ ಪಡುಕರಾತೆ ಇನಿ ಬಾರೇಮ ತುಮೆ ಖ್ಹಮ್‌ಜ್ಯಾತೊ, ಡರ್‌ಶು ನಕೊ; ಪಹಿಲೆ ಆ ಖ್ಹಾರು ಚಾ಼ಲಾನು ಜ಼ರೂರತ್ ಛಾ಼. ತೋಬಿ ತದ್‌ನು-ತದ್ದೇಸ್ ಅಂತ್‌ ಕೋ ಆವ್‌ಶೇನಿ” ಕರಿ ಬೋಲ್ಯೊ.
\p
\v 10 ಅಜೂ಼ಬಿ ಯೇಸುನೆ ಇವ್ಣುನ ಬೋಲ್ಯೊಕಿ, “ದೇಖ್ಹ್‌ನ ವಿರೋದ್ ದೇಖ್ಹ್‌, ರಾಜ್ಯನ ವಿರೋದ್ ರಾಜ್ಯ ಉಟ್‌ಶೆ. 
\v 11 ಜ಼ಮೀನ್ ಹಲ್‌ಶೆ, ಹರೇಕ್ ಬಾಜು಼ಮ ಕಾಳ್ದುಕಾಳ್‌ಬಿ ಅಜು಼ ಪಿಳಾಕ್‌ನೊ ರೋಗ್‌ ಖ್ಹಾರು ಆವ್‌ಶೆ; ಆಬ್‍ಮ ಘಣು ಖ್ಹಣೇದ್ ಆಬ್‍ಮ ಮಾಲುಮ್‍ಪಡ್‍ಶೆ. 
\v 12 ಕತೋಬಿ ಆ ಖ್ಹಾರು ಚಾ಼ಲಾನ ಅಗಾಡಿ, ಇವ್ಣೆ ತುಮೂನ ಧರೀನ್, ಖ್ಹತಾವ್‌ಶೆ; ತುಮೂನ ಸಬೆ ಭರಾವನು ಮಂದಿರ್‌ಮ ಜೇಲ್‌ನ ಅದಿಕಾರಿನ ದೀನ್ ಮಾರ ನಾಮ್ನಖ್ಹಾಜೆ, ರಾಜಾ಼ವ್‌ನ ಖ್ಹಾಮ್ಣೆ ಅಜು಼ ರಾಜ಼್‌ಭಾರ್ ಚ಼ಲಾವವಾಳಾನ ಖ್ಹಾಮ್ಣೆ ತುಮೂನ ಭೀರಾಕ್‌ಶೆ. 
\v 13 ಅನೇಥಿ ಸಾಕ್ಷಿ ಬೋಲಾನ ತುಮೂನ ನಿರ‍್ವಾಳು ಉಶೆ. 
\v 14 ಯೋ ವಖ್ಹತ್‌ಮ, ತುಮೆ ಶಾತ್‌ ಜವಾಬ್‌ ದೇವ್ಣುಕರಿ ಬೋಲಾನಿ ಬಾರೇಮ, ಪಹಿಲೆಸ್ ಕೊ ಸೊಚ಼್‌ಶೂನಿ ಕರಿ ತುಮಾರು ದಿಲ್‌ ಘಟ್ ಕರಿಲೆವೊ. 
\v 15 ಶನಕತೊ ತುಮಾರು ದುಶ್‌ಮನ್‌ ಖ್ಹಾರು, ತುಮಾರ ವಿರೋದ್ ಭೀರ‍ವಾನ ಅಜು಼ ವಾತೆ ಫರೈನ್ ಬೋಲಾನ ಕೋ ಹುವ್ವಾನಿತೆ ಇಮ್ನಿ ವಾತೆ, ಅಜು಼ ಗ್ಯಾನ್ನ ಮೇ ತುಮೂನ ದಿಶ್. 
\v 16 ತುಮಾರ ಆಯ-ಬಾ, ಭೈಯೇ ಮಾಯ-ಮಾತ್ರ ಅಜು಼ ದೋಸ್ತಸ್‌ ತುಮೂನ ಧರಿನ್ ದಿಶೆ. ಅಜು಼ ತುಮಾರಾಮ ಥೋಡು ಜ಼ಣಾನ ಮರ್‌ನಾಖಿದಿಶೆ. 
\v 17 ಅತ್ರೇಸ್ ಕಾಹೆತೆ ಮಾರನಾಮ್ನಖ್ಹಾಜೆ ಹರೇಕ್ ಜ಼ಣು ತುಮೂನ ದಾವೊ ಕರ್ಶೆ. 
\v 18 ತೋಬಿ, ತುಮಾರೊ ಮುಡ್‌ಕ್ಯಾನೊ ಏಕ್‌ ಕೇಖ್ಹ್‌ಬಿ ಲುಕ್‌ಶಾನ್ ಕೋ ಉಶೇನಿ. 
\v 19 ತುಮೆ ಖ್ಹಮಾಳಿನ್ ಭೀರ‍್ಯಾತೊ, ತುಮಾರೊ ಜಾನ್ನ ತುಮೆ ಬಚಾ಼ಡಿಲಿಶು.
\s ಯೇಸುನೆ ಯೆರೂಸಲೇಮ್‌ನಿ ಬರ್ಬಾತ್‌ನಿ ಬಾರೇಮ ಬೋಲ್ಯೊತೆ
\r (ಮತ್ತಾಯ 24:15-21; ಮಾರ್ಕ 13:14-19)
\p
\v 20 “ದಂಡ್‌-ದಳವಾಯಿಖ್ಹಾರು ಯೆರೂಸಲೇಮ್‌ ಖ್ಹಯೇರ‍್ನ ಘೇರಿಲಿದುತೆ ತುಮೆ ದೇಖ್ಯಾತೊ, ಯೋ ಒಗ್ಗಿಸ್‌ಮ ಬರ್ಬಾತ್ ಹುವಾನು ಹಗಾಮ್‌ ಖನ್ನೆಆಯಿಗುಕರಿ ತುಮೆ ಮಾಲುಮ್‌ ಕರಿಲಿಶು. 
\v 21 ತದೆ ಯೂದಾಯಮ ರ‍್ಹವಾಳು ಪಹಾಡ್‌ಕನ ಮಿಲೈನ್‌ ಜಾ಼ವಾದೆ; ಯೋ ಖ್ಹಯೇರ್‌ಮ ರ‍್ಹವಾಳು ಇನ ಮ್ಹೆಂದಿನ್ ಚ಼ಲ್ಯುಜಾ಼ಣು ಅಜು಼ ಗಾಮ್ಮ ರ‍್ಹವಾಳು, ಯೋ ಖ್ಹಯೇರ‍್ನ ಮಹಿ ನಕೊಜಾ಼ವಾದೆ. 
\v 22 ಶನಕತೊ ಲೀಖೈರ‍್ಹೂತೆ\f + \fr 21:22 \fr*\ft ವಿಮೋಚನ ಕಾಂಡ 21.22: ಹೋಶೆಯ 9.7\ft*\f* ಖ್ಹಾರು ಚಾ಼ಲಾನಖ್ಹಾಜೆ, ಯೋ ದನ್ ಖ್ಹಾರು ನಿಶತ್‌ನೊ ದನ್ ಹುಯಿರ‍್ಹಿಶೆ. 
\v 23 ಯೋ ದನ್ಮ, ಬೇಜೂನಿ ತಯೇಡ ಅಜು಼ ದೂದ್ ಪಿಡಾವವಾಳಿ ತಯೇಡಾನಿ ಹಾಲ್ನ ಶಾತ್ ಬೋಲು! ಆ ತಬರ್‌ಖಾಪರ್ ಘಣಿ ಮೋಟಿ ವದೇಖ್ಹ್‌ ಆವ್‌ಶೆ ಅಜು಼ ದೇವ್ನೊ ಇರಾದೊ ಆ ಅದ್ಮಿ ಖ್ಹಾರಾಪರ್ ಆವ್‌ಶೆ. 
\v 24 ಅವ್ಣಾಮ ಥೋಡ ಜ಼ಣಾನ ತಲ್ವಾರ್‌ಥಿ ಮಾರಿನಾಕ್‌ಶೆ, ಅಜು಼ ಬಿಜಾ಼ವ್ನ ಪರೈ ದೇಖ್ಹ್‌ವಾಳು ಖ್ಹಾರು ಧರೀನ್ ಲೀಜಾ಼ಶೆ. ಪರೈ ದೇಖ್ಹ್‌ವಾಳನು ದನ್‌ಖ್ಹಾರು ಪೂರ ಹುವ್ವಾತೋಡಿ, ಯೆರೂಸಲೇಮ್ ಇವ್ಣೇಥಿ ಖುಂದ್ಲಾವ್ತುಫಂಡ್‌ಷೆ.
\s ಅದ್ಮಿನೊ ಛಿಯ್ಯೊ ಆವ್‌ಶೇತೆ ಬಾರೇಮ
\r (ಮತ್ತಾಯ 24:29-31; ಮಾರ್ಕ 13:24-27)
\p
\v 25 ಚಾ಼ಂದ್, ಚ಼ಂದರ್‌ಮೊ ಅಜು಼ ಶುಕ್ಕರ್‌ಮ ಖ್ಹಾರು ಖ್ಹಣೇದ್‍ನು ಕಾಮ್ ಮಾಲುಮ್ ಪಡ್‌ಶೆ. ಜ಼ಮೀನ್‌ಪರ್ ದರ‍್ಯಾವ್‍ನೊ ಅಜು಼ ಝೋ಼ಕಾಳ್ಯನು ಅವಾಜ಼್‌ಥಿ ಅದ್ಮಿಖ್ಹಾರು ಘಬ್‌ರೈಜಾ಼ಶೆ. 
\v 26 ಆಬ್‍ನಿ ಶಕತ್ ಖ್ಹಾರಿ ಹಲ್‌ಶೆತೆ ಇನಾಖ್ಹಾಜೆ, ಅದ್ಮಿಖ್ಹಾರು ಡರ್‌ಥಿ, ‘ಆ ಜಗತ್‌ ಶಾತ್‌ ಹುವಾನ ಆಯು!’ ಕರಿ ಬೋಲಿನ್ ಘಬ್‌ರೈಜಾ಼ಶೆ. 
\v 27 ತದೆ ಅದ್ಮಿನೊ ಛಿಯ್ಯೊ ಘಣಿ ಶಕತ್‌ಥೀಬಿ, ಮಹಾನ್ ಮಹಿಮೆಥೀಬಿ, ವಾದ್ಳಪರ್ ಆವ್‌ಶೇತೆ ಇವ್ಣೆ ದೇಕ್‌ಶೆ. 
\v 28 ಆ ಖ್ಹಾರು ಚಾ಼ಲಾನಿ ವಖ್ಹತ್‌ಮ, ಉಠಿ ಭೀರ‍್ಹೆವೊ, ಅಜು಼ ಮುಡ್‌ಕ್ಯು ಪಾಡಿನ್ ಉಪ್ಪರ್‌ದೇಖೊ, ಶನಕತೊ ತುಮಾರಿ ಛುಟ್ಕಾರ್ ಖನ್ನೆಸ್‌ ಅಯಿರ‍್ಹೀಸ್‍!” ಕರಿ ಬೋಲ್ಯೊ.
\s ಅಂಜೀರ್‌ನು ಝಾ಼ಡಾನಿ ಬಾರೇಮಾನು ಪಾಟ
\r (ಮತ್ತಾಯ 24:32-35; ಮಾರ್ಕ 13:28-31)
\p
\v 29 ಅನ ಬಾದ್‌ಮ ಯೇಸುನೆ ಇವ್ಣುನ ಏಕ್‌ ಮತ್‌ಲಬ್ ಖೇಣಿನ ಬೋಲ್ಯೊ. ಯೋ ಶಾತ್‌ಕತೊ, “ಅಂಜೀರ್‌ನ ಝಾ಼ಡ್‌ಣ ಅಜು಼ ಬಿಜ಼ ಝಾ಼ಡಾವ್‍ನಾಬಿ ದೇಖೊ. 
\v 30 ಯೋ ಚಿಗುರ್‌ತಾಸ್‌ನ ತುಮೆ, ತಡ್ಕಾನ ಹಗಾಮ್‌ ಖನ್ನೆ ಐಗು ಕರಿ ತುಮಾರು ತುಮೇಸ್ ಮಾಲುಮ್‌ ಕರಿಲೇವೊಸ್ನಿ. 
\v 31 ಇಮ್ಮಸ್, ತುಮೆ ಆ ಖ್ಹಾರು ಹುವಾನು ದೇಖಾನಿ ವಖ್ಹತ್‌ಮ, ದೇವ್ನಿ ರಾಜ್ಯ ಖನ್ನೆ ಐಗು ಕರಿ ಮಾಲುಮ್‌ ಕರಿಲೆವೊ.
\p
\v 32 ಮೇ ತುಮೂನ ಖ್ಹಾಚಮಾಬಿ ಬೋಲುಸ್ಕಿ, ಆ ಹಗಾಮ್ನು ಅದ್ಮಿಖ್ಹಾರು ಬಚಿರ‍್ಹವಾನಿ ವಖ್ಹತ್‌ಮಾಸ್‌, ಆ ಖ್ಹಾರು ಉಶೆ! 
\v 33 ಆಬ್ ಧರ್ತಿ ಮಟಿಜಾ಼ಶೆ, ಕತೋಬಿ ಮಾರಿ ವಾತೆಖ್ಹಾರಿ ಮಟ್‌ಶೆಸ್ ಕೊಯ್ನಿ.
\s ಹೊಷಾರ್‌ ರ‍್ಹವಾನಿ ಬಾರೇಮ
\p
\v 34 “ತುಮಾರಿ ಬಾರೇಮ ಜ಼ತನ್‌ಥಿ ರ‍್ಹವೊ! ಜಾ಼ಖ್ಹತ್ ಖಾವಾಣ್‌ಪಿವಾಣ್ಣಿ ಅಹಂಕಾರ್‌ಥೀಬಿ ಕಯೇಪ್‍ಥೀಬಿ ಜಗತ್ನಿ ಸೋಚ್‍಼ಥೀಬಿ ತುಮಾರು ಮನ್‌ ವಜ಼ನ್‍ಹುಯಿಗಯು. 
\v 35 ಆ ದನ್ ತುಮಾರಉಪ್ಪರ್ ಫಾಖ್ಹಾನಿ ಮತ್‍ ಆವ್‌ಶೆ. ಯೋ ಜ಼ಮೀನ್‌ಪರ್ ಛಾ಼ತೆ ಹರೇಕ್‌ಪರ್ ಆವ್‌ಶೆ. 
\v 36 ಇನಖ್ಹಾಜೇಸ್, ಖ್ಹಾರಿಸ್ ವಖ್ಹತ್‌ಮ ತೈಯಾರ್ ರ‍್ಹವೊ, ಚಾ಼ಲ್‌ಶೇತೆ ಆ ಖ್ಹಾರಾಮ ಬಚಿನ್, ಅದ್ಮಿನೊ ಛಿಯ್ಯಾನ ಖ್ಹಾಮ್ಣೆ ಭೀರ‍್ಯಾವನ ತುಮೆ ಶಕತ್‌ವಾಳ ಹುವಾನಟೇಕೆ, ಖ್ಹಾರಿಸ್ ವಖ್ಹತ್‌ಮ ದೇವ್ನ ಪ್ರಾರ್ಥನೆ ಕರ್ತಾಹುಯಿನ್ ಜ಼ತನ್‌ಥಿ ರ‍್ಹವೊ” ಕರಿ ಬೋಲ್ಯೊ.
\p
\v 37 ಯೇಸು ದನ್ನು ಮಂದಿರ್‌ಮ ವಚನ್ ಬೋಲಿದೇತೋಥೊ ಅಜು಼ ಖ್ಹಾಂಜ಼್‌ನು ಆಲಿವ್‌ನು ಪಹಾಡ್‌ಕನ ಜೈ಼ನ್‌ ರಾತ್‌ ಅಖ್ಖು ಹಿಜ್ಜಾ಼ಸ್ ರ‍್ಹೇತೊಥೊ. 
\v 38 ಅದ್ಮಿಖ್ಹಾರು ಇನಿ ವಚನ್ನ ಖ್ಹಮ್‌ಜಾ಼ನ ಟೇಕೆ, ದನ್‍ರೋಜ಼್ ಅಧಿರ‍್ಹೇಣೆಸ್‌ ಉಠೀನ್, ಮಂದಿರ್‌ಮ ಇನಾಕನ ಆವ್‌ತೂಥು.
\c 22
\s ಯೇಸುನಿ ವಿರೋದ್ ಮಶ್ಲತ್ ಭಂದಾಯುತೆ
\r (ಮತ್ತಾಯ 26:1-5; ಮಾರ್ಕ 14:1-2; ಯೋಹಾನ 11:45-53)
\p
\v 1 ಖಾಟುಕೊಂತೆ ರೋಟಾನಿ ಪೂಜಾ಼, ಕತೊ ಪಸ್ಕ ಪೂಜಾ಼ನೊ ದನ್ ಖನ್ನೆ ಐಗೋಥೊ. 
\v 2 ಮಹಾಯಾಜಕ, ಅಜು಼ ಮೋಶೇನು ಧರ್ಮಶಾಸ್ತ್ರ ಶಿಕಾಡವಾಳು ಶಾಸ್ತ್ರಿಯೆ ಯೇಸುನ ಮರಾವ್ಣು ಕರಿ ಸೋಚಿನ್, ಅದ್ಮಿನ ಡರ್‌ಥಿ ಬರಾಬರ್‌ನಿ ವಖ್ಹತ್‌ನಖ್ಹಾಜೆ ಜ಼ಪಿರ‍್ಹೂಥು.
\s ಯೂದನೆ ಯೇಸುನ ಧೋಕೇಥಿ ಧರಿದ್ಯವಾನ ಮಾನಿಗಯೋತೆ
\r (ಮತ್ತಾಯ 26:14-16; ಮಾರ್ಕ 14:10-11)
\p
\v 3 ತದೆ ಶೈತಾನ್ ಭಾರ ಜ಼ಣ ಶಿಷ್ಯರ್‌ಮ ಏಕ್‌ ಜ಼ಣೊ ಹುಯಿರ‍್ಹೋತೆ, ಇಸ್ಕರಿಯೋತ ಯೂದಮ ಪೇಶಿಗಯೊ. 
\v 4 ತದೆ ಯೂದಾನೆ, ಮಹಾಯಾಜಕ ಅಜು಼ ಮಂದಿರ್‌ನ ವಖ್ಹ್‌ತಿ ಕರವಾಳಾವ್‌ಕನ ಜೈ಼ನ್‌, ಯೋ ಯೇಸುನ ಧೋಕೇಥಿ ಧರಿದ್ಯವಾನಿ ಬಾರೇಮ ಇವ್ಣ ಜೋ಼ಡೆ ವಾತೆ ಬೋಲ್ಯೊ. 
\v 5 ತದೆ ಇವ್ಣೆ ಖ್ಹುಶಿಖೈನ್‌, “ತುನ ಪೈಶಾ ದಿಯ್ಯೆಸ್‌” ಕರಿ ವಾತೆದಿದು. 
\v 6 ಇನೆ ಮಾನಿಜೈ಼ನ್, ಅದ್ಮಿನಿ ಗಲಾಟ್‌ಕೊಂತೆ ವೇಳ್ಮ, ಯೇಸುನ ಇವ್ಣುನ ಧರಿದೇಣುಕರಿ, ಬರೋಬರ್‌ನಿ ವಖ್ಹತ್‌ನಖ್ಹಾಜೆ ಜ಼ಪೀನ್ ದೇಖುಕರ್ತೊಥೊ.‌
\s ಪಸ್ಕಾನು ಖಾಣು ಖಾವಾನಟೇಕೆ ಯೇಸು ತೈಯಾರ್ ಹುಯೋತೆ
\r (ಮತ್ತಾಯ 26:17-25; ಮಾರ್ಕ 14:12-21; ಯೋಹಾನ 13:21-30)
\p
\v 7 ಖಾಟುಕೊಂತೆ ರೋಟಾನು ಪೂಜಾ಼ನೊ ದನ್ ಆಯು. ಯೋ ದನ್‌ಮ ಯೆಹೂದ್ಯರ್ ಅದ್ಮಿಖ್ಹಾರು ಪಸ್ಕನ ಖಾಣನಖ್ಹಾಜೆ ಮೇಂಢು ರೇಖ್ಹ್‌ತೂಥು. 
\v 8 ಯೇಸುನೆ ಪೇತ್ರ ಅಜು಼ ಯೋಹಾನ್ನ, “ತುಮೆ ಜೈ಼ನ್‌, ಅಪ್ಣಖ್ಹಾಜೆ ಪಸ್ಕಾನು ಖಾಣನ ಖ್ಹವಾರೊ” ಕರಿ ಬೋಲ್ಯೊ.
\p
\v 9 ಇವ್ಣೆ ಇನ, “ಹಮೆ ಕಿಜ಼್ಜಾ ಜೈ಼ನ್‌, ಖ್ಹವಾರ್‌ನು” ಕರಿ ಪುಛಾ಼ಯ?
\p
\v 10 ತದೆ ಯೇಸುನೆ ಇವ್ಣುನ, “ಹಂದೇಖೊ, ತುಮೆ ಖ್ಹಯೇರ‍್ನ ಮಹಿ ಜಾ಼ತಸ್‌ನ, ಏಕ್‌ ಅದ್ಮಿ ಪಾಣಿನೊ ಘಡೊ ಪಳ್ಳಿನ್‌, ತುಮಾರ ಖ್ಹಾಮ್ಣೆ ಆವ್‌ಶೇತೆ ದೇಕ್‌ಶು. ಇನ ಪೀಠೇಸ್ ಜೈ಼ನ್, ಯೋ ಜಾ಼ಶೇತೆ ಘರ್‌ಮ ಜಾ಼ವೊ. 
\v 11 ಅಜು಼ ಯೋ ಘರ್‌ನ ಯಜಮಾನ್ನ, “ಹಮಾರೊ ಗುರು, ಇನ ಶಿಷ್ಯರ್‌ನ ಜೋ಼ಡೆ ಪಸ್ಕಾನು ಖಾಣು ಖಾವಾನಖ್ಹಾಜೆ, ಕೋಣೊ ಕಿಜ಼್ಜಾ ಛಾ಼, ಕರಿ ತುನ ಫುಛಾ಼ಯೊ ಕರಿ ಬೋಲೊ. 
\v 12 ಯೊ ತುಮುನ ಖ್ಹಾರೂಸ್ ಕುಡ್‌ಶಿ ಪಲಂಗ್‌ಥಿ ಖ್ಹವಾರೈರ‍್ಹಿಶೇತೆ, ಛ಼ತ್‍ನ ಉಪ್ಪರ್‌ಲ್ಯೊ ಮೋಟ ಕೋಣಾನ ವತಾಳ್‌ಶೆ, ಹಿಜ಼್ಜಾ ಖಾಣನ ಖ್ಹವಾರೊ” ಕರಿ ಬೋಲಿನ್ ಮೋಕ್‌ಲ್ಯೊ.
\p
\v 13 ಇವ್ಣೆ ಜೈ಼ನ್‌, ಯೇಸುನೆ ಇವ್ಣುನ ಬೋಲ್ಯೊತೆ ಇಮ್ಮಸ್ ಥೂತೆ ದೇಖಿನ್, ಪಸ್ಕಾನ ಖಾಣನ ತೈಯಾರ್ ಕರ‍್ಯು.
\s ಪ್ರಭುನು ಭೋಜನ್
\r (ಮತ್ತಾಯ 26:26-30; ಮಾರ್ಕ 14:22-26; 1 ಕೊರಿಂಥ 11:23-25)
\p
\v 14 ವಖ್ಹತ್ ಆವಾದಿನ್, ಯೇಸು ಇನ ಭಾರ ಅಪೊಸ್ತಲರ‍್ನ ಜೋ಼ಡೆ ಖಾಣನ ಬೇಶಿಗಯೊ. 
\v 15 ತದೆ ಯೇಸುನೆ ಇವ್ಣುನ, “ಮೇ ಖ್ಹತಾಪ್ಣಿ ಖಾವಾನ ಅಗಾಡಿ, ತುಮಾರ ಜೋ಼ಡೆ ಆ ಪಸ್ಕಾನು ಖಾಣು ಖಾಣುಕರಿ ಘಣು ಆಖ್ಹ್ ಕರ‍್ಯೋಥೊ. 
\v 16 ಮೇ ತುಮೂನ ಬೋಲುಸ್ಕಿ, ದೇವ್ನಿ ರಾಜ್ಯಮ ಅನಿ ಖ್ಹಾಚಿ ಮತ್‌ಲಬ್ ಪೂರ ಹುವ್ವಾತೋಡಿ, ಮೇ ಪಸ್ಕಾನು ಖಾಣನ ಪಾಛು಼ ಖೈಶಸ್‌ ಕೊಯ್ನಿ” ಕರಿ ಬೋಲ್ಯೊ.
\p
\v 17 ಅನ ಬಾದ್‌ಮ ಯೇಸುನೆ, ದ್ರಾಕ್ಷಿನು ರಖ್ಹ್‌ನಿ ಕಟೋರಿನ ಪಾಡಿನ್, ದೇವ್ನ ಧನ್ಯವಾದ್‌ಕರೀನ್‌, ಅಲ್ಲೇವೊ, ಅನ ತುಮಾರಾಮ ವಾಟ ಪಾಡಿಲೆವೊ. 
\v 18 ಹಂಕೇಥು ಧರೀನ್ ದೇವ್ನಿ ರಾಜ್ಯ ಆವಾತೋಡಿ, ಮೇ ಫಾಛು಼ ಆ ದ್ರಾಕ್ಷಿನು ರಖ್ಹ್‌ನ ಪೀಶಸ್ ಕೊಯ್ನಿ ಕರಿ ತುಮುನ ಬೋಲುಸ್” ಕರಿ ಬೋಲ್ಯೊ
\p
\v 19 ಇನ ಬಾದ್‌ಮ ಯೇಸುನೆ ರೋಟಾನ ಪಾಡೀನ್, ದೇವ್ನ ಧನ್ಯವಾದ್‌ ಕರೀನ್, ಇನ ತೋಡಿನ್, ಇವ್ಣುನ ದೀನ್, “ಆ ತುಮಾರಖ್ಹಾಜೆ ದೆವೈರ‍್ಹೂತೆ ಮಾರಿ ಶರೀರ್, ಮನ ಯಾದ್‌ಕರಾನಖ್ಹಾಜೆ ಅಮ್‌ಕರೊ” ಕರಿ ಬೋಲ್ಯೊ. 
\v 20 ಇಮ್ಮಸ್ ಖಾಣನ ಬಾದ್‌ಮ, ಯೇಸುನೆ ಕಟೋರಿನ ಪಾಡೀನ್, “ಆ ಕಟೋರಿ ತುಮಾರಖ್ಹಾಜೆ ರಂಚಾ಼ವನು ಮಾರು ಲ್ಹೋಯಿಥಿ ಬಣೈರ‍್ಹುತೆ. ನವಿ ಒಪ್ಪಂದ ಹುಯಿರ‍್ಹೂಸ್, ಅನ ಮಾರ ಲ್ಹೋಯಿಥಿ ಮುದ್ರೊ ಮರೈರ‍್ಹೂಸ್.
\p
\v 21 “ತೋಬಿ, ಹಂದೇಖೊ! ಮನ ಧೋಕೇಥಿ ಧರಿದ್ಯವಾಳೊ ಮಾರ ಜೋ಼ಡೆಸ್‌ ಖಾಣು ಖವ್‍ಕರಾಸ್‌. 
\v 22 ದೇವ್ನೆ ಸೋಚ್ಯೊತೆ ಇಮ್ಮಸ್, ಅದ್ಮಿನೊ ಛಿಯ್ಯೊ ಮರ್‌ಶೆ; ಕತೋಬಿ ಇನ ಧರಿದ್ಯವಾಳ ಅದ್ಮಿನಿ ಹಾಲ್ನ ಶಾತ್‌ ಬೋಲು!
\p
\v 23 ಅನ ಖ್ಹಮ್‌ಜಿನ್‌ ಇವ್ಣೆ, “ಇನ ಧೋಕೇಥಿ ಧರಾವಾಳೊ ಅಪ್ಣಾಮ ಕೋಣ್ ಉಶೆ?” ಕರಿ ಇವ್ಣ-ಇವ್ಣಾಸ್‍ಮ ಬೋಲಿಲಿದು.
\s ಕೋಣ್ ಮೋಟು ಕರಿ ಬೋಲಾನಿ ಬಾರೇಮ ವಾತೆಚೀತೆ
\p
\v 24 ಅತ್ರೇಸ್ ಕಾಹೆತೆ, ಖ್ಹಾರೇಥಿ ಮಹಾನ್ ಕೋಣ್? ಕರಿ ಬೋಲೈಲಿಶೆ, ಕರಿ ಶಿಷ್ಯರ್‌ ಇವ್ಣ-ಇವ್ಣಾಮಸ್‌ ವಾತೆಚೀತೆ ಕರಾಲಗ್ಯು. 
\v 25 ತದೆ ಯೇಸುನೆ ಇವ್ಣುನ, “ಯೆಹೂದ್ಯರ್‌ಕಾಹೆತೆ ರಾಜ಼ಖ್ಹಾರು, ಇವ್ಣ-ಇವ್ಣ ಅದ್ಮಿಪರ್ ರಾಜ಼್‌ಭಾರ್‌ ಚ಼ಲಾವಸ್, ಅಜು಼ ಇವ್ಣಾಪರ್ ಅದಿಕಾರ್ ಚ಼ಲಾವವಾಳು, ‘ಅದ್ಮಿಯೇವ್‌ನು ದೋಸ್ತ್’ ಕರಿ ಬೊಲೈಲೇಸ್. 
\v 26 ಕತೋಬಿ ತುಮಾರಮ ಇಮ್‌ ನಾರ‍್ಹೇವ್ಣು. ತುಮಾರಮ ಮಹಾನ್ ಕರಿ ರ‍್ಹೇಸ್ತೆ ಇವ್ಣೆ ನ್ಹಾನಾವ್‍ನಿ ಮತ್‍ ರ‍್ಹೇವ್ಣು, ಶಾಣು ಕರಿ ರ‍್ಹವಾಳು ಸೇವಕನಿ ಘೋಣಿ ರ‍್ಹೇವ್ಣು. 
\v 27 ಕೋಣ್ ಮಹಾನ್? ಖಾಣು ಖಾವನ ಬೆಠೂತೆ ಯೋಕಿ, ಇನಿ ಚಾ಼ಕ್ರಿ ಕರಾವಾಳೊ? ಖಾವನ ಬೆಠೋಸ್ತೆ ಯೋಸ್ ಕಾಹೆಕಿಶು, ಕತೋಬಿ ಮೇ ತುಮಾರಾಮ ಚಾ಼ಕ್ರಿ ಕರಾವಾಳನಿಘೋಣಿ ಛೂ಼.
\p
\v 28 ತುಮೆ ಮಾರಿ ಖ್ಹಾರಿ ಖ್ಹತಾಪ್ಣಿಮ, ಮಾರ ಜೋ಼ಡೆ ರ‍್ಹಯಾಹುಯ. 
\v 29 ಮಾರೊ ಬಾ, ಮನ ರಾಜ್ಯನ ಚ಼ಲಾವಾನ ಹಕ್‌ ದಿದೋತೆ ಇಮ್ಮಸ್, ಮೇಬಿ ತುಮೂನ ಅದಿಕಾರ್ ಚ಼ಲಾವಾನ ಹಕ್‌ ದೆವುಸ್‌. 
\v 30 ಮಾರಿ ರಾಜ್ಯಮ ತುಮೆ, ಮಾರಿ ಮೇಜ್‌ಪರ್‌ ಖಾಶುಪೀಶು, ಅಜು಼ ಸಿಂಹಾಸನ್‌ಪರ್ ಬೇಶಿನ್, ಇಸ್ರಾಯೇಲ್‌ನ ಭಾರ ಖೂಮ್‍ವಾಳಪರ್ ಅದಿಕಾರ್ ಚ಼ಲಾವ್‌ಶು.
\s ಯೇಸುನೆ ಪೇತ್ರ ಇನ ಝಿಟ್ಕಾರ್‌ಶೆತೆ ಬಾರೇಮ ಬೋಲ್ಯೋತೆ
\r (ಮತ್ತಾಯ 26:31-35; ಮಾರ್ಕ 14:27-31; ಯೋಹಾನ 13:36-38)
\p
\v 31 ಸೀಮೋನ್, ಸಿಮೋನ್! ಹಂದೇಕ್! ಶೈತಾನ್‍ ತುಮೂನ ಘವ್‌ನ ತೂರಾನಿಘೊಣಿ ಹುಕುಮ್‌ನ ಮಾಂಗಿರಾಖ್ಯೊಸ್. 
\v 32 ಕತೋಬಿ ತಾರಿ ವಿಶ್ವಾಸ್ ಕಮ್ ನಾ ಹೋಣುಕರಿ, ಮೇ ತಾರಿ ಬಾರೇಮ ದೇವ್ನ ಪ್ರಾರ್ಥನೆ ಕರಿರಾಖ್ಯೊಸ್ ಸೀಮೋನ್. ಅಜು಼ ತೂ ಮಾರಭಣಿ ಫರಾನ ಬಾದ್‌ಮ, ತಾರ ಭೈಯೇನ ಭಾಲಿ ದೇವ್ಣು” ಕರಿ ಬೋಲ್ಯೊ.
\p
\v 33 ಕತೋಬಿ ಇನೆ ಯೇಸುನ, “ಪ್ರಭು, ಮೇ ತಾರ ಜೋ಼ಡೆ ಜೇಲ್‌ಮ ಜಾ಼ವಾನಾಬಿ ಅಜು಼ ಮರನಾಬಿ ತೈಯಾರ್ ಛೂ಼!” ಕರಿ ಬೋಲ್ಯೊ.
\p
\v 34 ತದೆ ಯೇಸುನೆ ಇನ, “ಪೇತ್ರ, ಆ ರಾತೆ, ತೂ ಮಾರಿ ಬಾರೇಮ, ‘ಆ ಮನ ಮಾಲುಮ್ ಕೊಯ್ನಿ’ ಕರಿ ತೀನ್ ಹಲ್ಲ ಬೋಲಾತೋಡಿ, ಮುರ್‌ಗೊ ಬಾಂಗ್‌ ದಿಶೆ ಕೊಯ್ನಿ, ಕರಿ ಮೇ ತುನ ಬೋಲುಸ್” ಕರಿ ಬೋಲ್ಯೊ.
\s ಚ಼ಂಚಿ, ಬಟ್‌ವೊ ಅಜು಼ ತಲ್ವಾರ್‌ನಿ ಬಾರೇಮ
\p
\v 35 ಅಜು಼ ಯೇಸುನೆ ಇನ ಶಿಷ್ಯರ್‌ನ, “ಮೇ ತುಮೂನ ಚ಼ಂಚಿ, ಬಟ್‌ವೊ ನತರ್‌ಕಿ ಖೋಖ್ಹ್‌ಡಾ ಕೊಯ್ನಿತೆ ಮೋಕ್‌ಲ್ಯೊಥೋತೆ ತದೆ, ತುಮೂನ ಶಾತ್‌ತೋಬಿ ಕಮ್ ಹುಯುಕಿ ಶು? ಕರಿ ಪುಛಾ಼ವಖ್ಹತರ್,
\p ಇವ್ಣೆ, “ಶಾತ್ಬಿ ಕೊಯ್ನಿ” ಕರಿ ಜವಾಬ್‌ ದಿದು.
\p
\v 36 ತದೆ ಯೇಸುನೆ ಇವ್ಣುನ, “ಕತೋಬಿ ಹಮ್ಕೆ, ಕಿನ-ಕಿನಾಕನ ಚ಼ಂಚಿ ನತರ್‌ಕಿ ಬಟ್‌ವೊ ಛಾ಼ಕಿ ಇನ ಪಾಡಿಲೆವೊ; ಅಜು಼ ಕಿನಾಕನ ತಲ್ವಾರ್‌ ಕೊಯ್ನಿಕಿ ಇವ್ಣೆ, ಇವ್ಣು ಹೋಡ್‍ಣಿನ ವೇಚಿನ್, ಏಕ್‌ ತಲ್ವಾರ್‌ನ ಲೀಲೆವ್ಣು. 
\v 37 ಶನಕತೊ, ಪ್ರವಾದಿಖ್ಹಾರು ಮಾರಿ ಬಾರೇಮ ಲೀಖೈರ‍್ಹೂತೆ\f + \fr 22:37 \fr*\ft ವಿಮೋಚನ ಕಾಂಡ 22.37: ಯೆಶಾಯ 53.12\ft*\f* ಇಮ್‌, ಅಪರಾದಿಮ ಏಕ್‌ ಜ಼ಣಾನಿಮತ್ ಮನ ಸೋಚ್ಯು, ಕರಿ ಬೋಲಾನು ಚಾ಼ಲ್ನುತೆ, ಇನಖ್ಹಾಜೆ ಯೋ ಪೂರ ಹುವಾನ ಆಯು.‌
\p
\v 38 ಶಿಷ್ಯರ್‌ನೆ ಇನ, “ಪ್ರಭು, ಹಂದೇಕ್‌! ಹಜ್ಜಾ಼ ಬೇ ತಲ್ವಾರ್‌ ಛಾ಼” ಕರಿ ಬೋಲ್ಯು, ತದೆ ಯೇಸುನೆ, “ಎತ್ರು ಬಶ್‌” ಕರಿ ಬೋಲ್ಯೊ.
\s ಯೇಸುನೆ ಆಲಿವ್‌ನು ಪಹಾಡ್‌ಪರ್ ಪ್ರಾರ್ಥನೆ ಕರ‍್ಯೊತೆ
\r (ಮತ್ತಾಯ 26:36-46; ಮಾರ್ಕ 14:32-42)
\p
\v 39 ಯೇಸು ಯೆರೂಸಲೇಮ್‌ನ ಮ್ಹೇಲಿನ್, ಯೋ ಜಾ಼ತೊಥೋತೆ ಇಮ್ಮಸ್, ಆಲಿವ್ ಪಹಾಡ್‌ನ ಗಯೊ, ಶಿಷ್ಯರ್‌ಬಿ ಇನ ಕೇಡೆ ಗಯ. 
\v 40 ಯೋ ಝ಼ಗೋಪರ್‌ ಆವಾದಿನ್, ಯೇಸುನೆ ಇವ್ಣುನ, “ತುಮೆ ಶೋದನೆಮ ಪಡ್ನುನಾತೆ ಇಮ್‌, ಪ್ರಾರ್ಥನೆ ಕರೊ” ಕರಿ ಬೋಲ್ಯೊ.
\p
\v 41 ಅನ ಬಾದ್‌ಮ ಯೇಸು ಇವ್ಣುನ ಮ್ಹೆಂದಿನ್, ಬಂಡೊ ಫೇಕಎವ್ಡಿ ದೂರ್ ಜೈ಼ನ್, ಗುಡ್‍ಘ್ಯ ಟೇಕಿನ್ ಪ್ರಾರ್ಥನೆ ಕರ‍್ಯೊ, 
\v 42 “ಬಾ, ತಾರಿ ಮರ್ಜಿ ಉಶೇತೊ, ಆ ಖ್ಹತಾಪ್ಣಿನಿ ಕಟೋರಿನ, ಮಾರೇಥಿ ದೂರ್ ಹಟಾವ್‌; ತೋಬಿ, ಮಾರಿ ಮರ್ಜಿ ಕಾಹೆ, ತಾರಿ ಮರ್ಜಿಸ್‌ ಹುವಾದೆ” ಕರಿ ಬೋಲಿನ್ ಪ್ರಾರ್ಥನೆ ಕರ‍್ಯೊ. 
\v 43 ತದೆ ಪರಲೋಕ್‌ಥೊ ಏಕ್‌ ಧೂತ ಐನ್, ಯೇಸುನ ದೆಖೈನ್, ಇನ ಭಾಲಿ ದಿದೊ. 
\v 44 ಯೋ ಘಣಿ ದುಖ್‌ಥಿ ಬಿಜೂ಼ಬಿ ಪ್ರಾರ್ಥನೆ ಕರುಕರಾನಿ ವಖ್ಹತ್‌ಮ, ಇನು ಪಶುನೊ ಲ್ಹೋಯಿನು ಬೂಂದಾವ್‍ನಿಮತ್‌ ಜ಼ಮೀನ್‌ಪರ್ ಪಡ್ಯು.
\p
\v 45 ಪ್ರಾರ್ಥನೆಮಾಥು ಯೇಸು ಉಠೀನ್, ಪಾಛು಼ಫರಿ ಇನ ಶಿಷ್ಯರ್‌ಕನ ಆಯಿನ್, ದುಖ್‌ಥಿ ಭರೈನ್, ಇವ್ಣೆ ಖ್ಹುತೂಥೂತೆ ದೇಖಿನ್‌, 
\v 46 ಯೇಸುನೆ ಇವ್ಣುನ, “ತುಮೆ ಶನ ಖ್ಹುತಾಸ್? ಉಪ್ಪರ್ ಉಠೊ, ಅಜು಼ ತುಮೆ ಶೋದನೆಮ ಪಡ್ನುನಾತೆ ಇಮ್‌ ಪ್ರಾರ್ಥನೆ ಕರೊ” ಕರಿ ಬೋಲ್ಯೊ.
\s ಯೇಸುನ ಧರ‍್ಯೂತೆ
\r (ಮತ್ತಾಯ 26:47-56; ಮಾರ್ಕ 14:43-50; ಯೋಹಾನ 18:3-11)
\p
\v 47 ಯೇಸು ವಾತೆ ಬೋಲುಕರಾನಿ ವಖ್ಹತ್‌ಮಾಸ್‌, ಅದ್ಮಿನಿ ಏಕ್‌ ಭೀಡ್ ಹಿಜ್ಜಾ಼ ಆಯಿ. ಭಾರಜ಼ಣ ಶಿಷ್ಯರ್‌ಮ ಏಕ್‌ ಜ಼ಣೊ ಹುಯಿರ‍್ಹೊಥೋತೆ ಯೂದ, ಇವ್ಣ ಖ್ಹಾಮ್ಣೆ-ಖ್ಹಾಮ್ಣೆ ಚಾ಼ಲ್ತೊ ಉಳ್ಯಾವ್ತೋಥೊ. ಯೋ ಯೇಸುನ ಬುಚ್ಚಾ಼ ದ್ಯವಾನಖ್ಹಾಜೆ ಖನ್ನೆ ಆಯೊ. 
\v 48 ತದೆ ಯೇಸುನೆ ಇನ, “ಯೂದ, ಬುಚ್ಚಾ಼ದೀನ್‌, ಧೋಕೇಥಿ ಅದ್ಮಿನೊ ಛಿಯ್ಯಾನ ಧರಿದ್ಯವಾನ ಆಯೋಕಿ ಶು?” ಕರಿ ಬೋಲ್ಯೊ.
\p
\v 49 ಯೇಸುನ ಜೋ಼ಡ್ಮ ಥಾತೆ ಶಿಷ್ಯರ್‌ಖ್ಹಾರು ಚಾ಼ಲ್‌ಶೆತೆ ಇನ ದೇಖಿನ್‌, ಯೇಸುನ, “ಪ್ರಭು, ಹಮೆ ಹಮಾರು ತಲ್ವಾರ್‌ಥಿ ಮಾರಿಯೇಕಿ ಶು?” ಕರಿ ಪುಛಾ಼ಯು. 
\v 50 ಅವ್ಣಾಮ ಏಕ್‌ ಜ಼ಣೊ, ತಲ್ವಾರ್‌ಥಿ ಮಾರಿನ್, ಗಲ್‌ಢಯಾಜಕ್‌ನ ಆಳ್‌ನ ಖಾವಿ ಬಾಜು಼ನ ಕಾನ್ನ ಕತ್ರಿನಾಖ್ಯೊ.
\p
\v 51 ಕತೋಬಿ ಯೇಸುನೆ ಇನ, “ಅತ್ರೇಸ್ ಬಶ್‌!” ಕರಿ ಬೋಲಿನ್, ಯೋ ಆಳ್‌ನು ಕಾನ್ನ ಛೀಮಿನ್‌, ಇನ ಅಛ್ಛು಼ ಕರ‍್ಯೊ.
\p
\v 52 ಬಾದ್‌ಮ ಯೇಸುನೆ ಇನ ಧರಾನ ಆಯೂತೆ, ಮಹಾಯಾಜಕನ, ಮಂದಿರ್‌ನ ಕಾವ್ಲಿ ಕರಾವಾಳ ದಂಡ್‌ ದಳ್‌ವಾಯಿನ ಅಜು಼ ಸಭೆನ ಶಾಣಾವ್‍ನಾಬಿ, “ಚೋ಼ರ್‌ನ ಧರಾನಿಘೋಣಿ,ತಲ್ವಾರೆ, ಲಠ್ಠ ಪಳ್ಳಿನ್‌ ಮನ ಧರಾನ ಆಯಾಕಿ ಶು? 
\v 53 ಮೇ ದನ್‍ರೋಜ಼್ ದೇವ್ನಿ ಮಂದಿರ್‌ಮ ತುಮಾರ ಜೋ಼ಡೆ ಥೋತೆ ತದೆ, ತುಮೆ ಮನ ಧರ‍್ಯಾಕೊಯ್ನಿ. ಕತೋಬಿ ಆ ತುಮಾರಿ ವಖ್ಹತ್, ಅಂಧಾರನಿ ಶಕತ್ನ ಅದಿಕಾರ್ ಕರಾನಿ ವಖ್ಹತ್” ಕರಿ ಬೋಲ್ಯೊ.
\s ಪೇತ್ರನೆ ಯೇಸುನ ಝಿಟ್ಕಾರ‍್ಯೊತೆ
\r (ಮತ್ತಾಯ 26:57-58,69-75; ಮಾರ್ಕ 14:53-54,66-72; ಯೋಹಾನ 18:12-18,25-27)
\p
\v 54 ಇವ್ಣೆ ಯೇಸುನ ಧರೀನ್, ಗಲ್‌ಢಯಾಜಕ್‌ನ ಘರ್‌ನ ಮಹಿ ಲೀಗಯು. ಅಜು಼ ಪೇತ್ರ ದೂರ್‌ಥೊ ಇವ್ಣ ಪೀಠೆ-ಪೀಠೆ ಗಯೊ. 
\v 55 ಖ್ಹಾಮ್ಣೆನಿಝ಼ಗೋನ, ಇಚ಼್‌ಮ ಆಗ್ ಲಗಾಡಿನ್, ಇನ ಅಶ್‌ಪಿಶ್‌ ಬೆಠುಥೂತೆ, ಅದ್ಮಿನ ಜೋ಼ಡೆ ಪೇತ್ರಬಿ ಬೇಶಿಗಯೊ. 
\v 56 ಪೇತ್ರ ಹಿಜ್ಜಾ಼ ಉಜಾ಼ಳಾಮ ಬೆಠಿತೆ, ಏಕ್‌ ಜ಼ಣಿ ಆಳ್‌ನೆ ಠರ್‌ಖೈ ದೇಖಿನ್‌, “ಆಬಿ ಯೇಸುನ ಜೋ಼ಡೆ ಥೊ!” ಕರಿ ಬೋಲಿ.
\p
\v 57 ಕತೋಬಿ ಪೇತ್ರನೆ, “ಮನ ಯೋ ಮಾಲುಮಸ್ ಕೊಯ್ನಿಲಿ, ಬಾಯಿ!” ಕರಿ ಬೋಲ್ಯೊ.
\p
\v 58 ಜ಼ರ ಘಡಿನ ಬಾದ್‌ಮ, ಏಕ್‌ ಜ಼ಣಾನೆ ಪೇತ್ರನ ದೇಖಿನ್‌, “ತೂಬಿ ಇವ್ಣಾಮ ಏಕ್‌ ಜ಼ಣೊ ಹುಯಿರ‍್ಹೋಸ್” ಕರಿ ಬೋಲ್ಯು.
\p ಕತೋಬಿ ಪೇತ್ರನೆ “ಮೇ ಕಾಹೇಲ ಬಾಬ!” ಕರಿ ಜವಾಬ್‌ ದಿದೊ.
\p
\v 59 ಅಜು಼ ಏಕ್‌ ಘಂಟಾನ ವಖ್ಹತ್‌ಮ, ಅಜೇಕ್‌ ಜ಼ಣಾನೆ, “ಖ್ಹಾಚಮಾಬಿ ಆಬಿ ಯೇಸುನ ಜೋ಼ಡೆ ರ‍್ಹಯೊಹುಯೊ, ಶನಕತೊ ಆಬಿ ಗಲಿಲಾಯವಾಳೊಸ್‌ನಿ!”
\p
\v 60 ಕತೋಬಿ ಪೇತ್ರನೆ, “ತೂ ಶಾತ್‌ ಬೋಲುಕರಾಸ್ತೆಕಿ ಮನ ಮಾಲುಮ್‌ ಕೊಯ್ನಿ?” ಕರಿ ಜ಼ವಾಬ್‌ದಿದೊ.
\p ಯೋ ಬೋಲುಕರಾತೆ ವಖ್ಹತ್‌ಮಾಸ್‌, ಮುರ್‌ಗೊ ಬಾಂಗ್‌ ದಿದು. 
\v 61 ಪ್ರಭುನೆ ಪೀಠೆ ಫರಿನ್, ಪೇತ್ರನಸ್‌ ಠರ್‌ಕಿ ದೇಖ್ಯೊ, ತದೆ ಪೇತ್ರನೆ ಇನ, ಪ್ರಭು “ಮುರ್‌ಗೊ ಬಾಂಗ್‌ದ್ಯವಾನ ಅಗಾಡಿ, ತೂ ಮಾರಿ ಬಾರೇಮ, ‘ಯೋ ಮನ ಮಾಲುಮ್ ಕೊಯ್ನಿ’ ಕರಿ ತೀನ್‍ಹಲ್ಲ ಬೋಲಿಶ್” ಕರಿ ಬೋಲ್ಯೊಥೋತೆ ವಾತೆನ ಯಾದ್ ಕರಿಲಿನ್, 
\v 62 ಭಾರ್‌ಜೈ಼ನ್‌, ಖ್ಹಡ್‌ಕ್ಯಾ ಭರಿನ್\f + \fr 22:62 \fr*\ft ಢಾಳ್ ಪಡೀನ್ ರೋಯೊ\ft*\f* ರೋಯೊ.
\s ಯೇಸುನಿ ನಕ್ಲೆ ಕಾಡ್ಯುತೆ ಅಜು಼ ಇನ ಮಾರ‍್ಯೂತೆ
\r (ಮತ್ತಾಯ 26:67-68; ಮಾರ್ಕ 14:65)
\p
\v 63 ಯೇಸುನ ಕಾವ್ಲಿ ಕರುಕರ್ತುಥೂತೆ ಇವ್ಣೆ, ಇನಿ ನಕ್ಲೆ ಕಾಡ್ಯು ಅಜು಼ ಇನ ಮಾರ‍್ಯು. 
\v 64 ಇನ ಮ್ಹೋಡಾಪರ್ ಲುಂಗ್ಡು ನಾಖಿನ್, “ತುನ ಮಾರ‍್ಯೂತೆ ಕೋಣ್? ಕರಿ ಹಮೂನ ಪ್ರವಾದ್‌ನೆ ಬೋಲ್” ಕರಿ ಬೋಲ್ಯು. 
\v 65 ಅಜು಼ ಇನಿಬಾರೇಮ ಕೈಏಕ್ ದೂಷಣೆ ಬೋಲಿನ್, ಖ್ಹರಮ್‌ ಕಾಡ್ಯು.
\s1 ಯೇಸುನ ನ್ಯಾವ್ ಫೇಡಾನಿ ಝ಼ಗೋಕನ ಲಾಯುತೆ
\r (ಮತ್ತಾಯ 26:59-66; ಮಾರ್ಕ 14:55-64; ಯೋಹಾನ 18:19-24)
\p
\v 66 ವ್ಹಾಣು ಹುವ್ವಾದೀನ್, ಶಾಣುಖ್ಹಾರು ಅಜು಼ ಮಹಾಯಾಜಕ, ಮೋಶೇನು ಧರ್ಮಶಾಸ್ತ್ರ ಶಿಕಾಡವಾಳು ಶಾಸ್ತ್ರಿ ಖ್ಹಾರು ಎಕ್ಟುಹುಯಿನ್, ಯೇಸುನ ನ್ಯಾವ್ ಫೇಡಾನಿಝ಼ಗೊಕನ ಲೀಗಯು. 
\v 67 “ತೂ ಕ್ರಿಸ್ತ ಉಶೇತೊ, ಹಮೂನ ಬೋಲ್?” ಕರಿ ಬೋಲ್ಯು.
\p ತದೆ ಯೇಸುನೆ ಇವ್ಣುನ, “ಮೇ ಬೋಲ್ಯೋತೊ, ತುಮೆ ನಂಬಾಕೊಯ್ನಿ” ಕರಿ ಜವಾಬ್‌ ದಿದೊ. 
\v 68 ಅಜು಼, “ಮೇ ತುಮೂನ ಶಾತ್‌ತೋಬಿ ಬೋಲಿಲಿದೋತೊ ತುಮೆ ಜವಾಬ್‌ ಕೋ ದಿಶುನಿ. 
\v 69 ಹಂಕೇಥು, ಕತೋಬಿ ಅದ್ಮಿನೊ ಛಿಯ್ಯೊ, ಮಹಾನ್ ಶಕತ್‌ವಾಳೊ ದೇವ್ನ ಖಾವಿಬಾಜು಼ಮ ಬೆಠೊರ‍್ಹೀಶೆ” ಕರಿ ಬೋಲ್ಯೊ.
\p
\v 70 ಇವ್ಣೆ ಖ್ಹಾರೂಸ್, “ಇಮ್‍ಕತೊ, ತೂ ದೇವ್‌ನೊ ಛಿಯ್ಯೊಕಿ ಶು?” ಕರಿ ಪುಛಾ಼ಯು.
\p ತದೆ ಯೇಸುನೆ ಇವ್ಣುನ, “ಮೇ ಯೋಸ್ ಕರಿ ತುಮೇಸ್ ಬೋಲ್ಯಾನಿ” ಕರಿ ಜವಾಬ್‌ ದಿದೊ.
\p
\v 71 ಅನ ಖ್ಹಮ್‌ಜಿನ್‌ ಇವ್ಣೆ, “ಅಪ್ಣ ಬಿಜಿ ಖೆವಿ ಸಾಕ್ಷಿನಿ ಜ಼ರೂರತ್ ಕೊಯ್ನಿ! ಅಪ್ಣೆ ಖ್ಹುದ್ ಅನೆ ಬೋಲ್ಯೋತೆ ಇನ ಖ್ಹಮ್‌ಜ್ಯಾನಿ!” ಕರಿ ಬೋಲ್ಯು.
\c 23
\s ಯೇಸುನ ಪಿಲಾತನ ಖ್ಹಾಮ್ಣೆ ಲಾಯುತೆ
\r (ಮತ್ತಾಯ 27:1-2,11-14; ಮಾರ್ಕ 15:1-5; ಯೋಹಾನ 18:28-38)
\p
\v 1 ಹಿಜ಼್ಜಾ ಎಕ್ಟು ಹುಯಿರ‍್ಹುಥೂತೆ ತಮಾಮ್‌ ಅದ್ಮಿ ಉಠೀನ್, ಯೇಸುನ ಪಿಲಾತಕನ ಬುಲೈಲಿಗಯು. 
\v 2 ಹಿಜ್ಜಾ಼ ಇವ್ಣೆ ಯೇಸುಪರ್, “ಆ ಅದ್ಮಿ, ಅಪ್ಣ ಅದ್ಮಿ ಖ್ಹಾರಾನ ಗಲತ್‌ ವಾಟ್‌ಪರ್ ಲೀವಳ್ಯೊಜಾ಼ಸ್, ಇವ್ಣುನ, ‘ತುಮೆ ಕೈಸರ್‌ನ ಶುಂಕ ನಕೊ ಭಾಂದೊ’ ಕರಿ ಬೋಲಸ್, ಅತ್ರೇಸ್ ಕಾಹೆತೆ ಇನು ಯೋಸ್, ‘ಮೇ ಕ್ರಿಸ್ತ ಕರಿ ಏಕ್‌ ರಾಜ಼’ ಕರಿ ಬೋಲ್ತೊಫಂಡಾಸ್” ಕರಿ ಬೋಲಿನ್ ಗಲತ್‌ ಲಗಾಡ್ಯು.
\p
\v 3 ಪಿಲಾತನೆ ಯೇಸುನ, “ತೂ ಯೆಹೂದ್ಯರ್‌ನೊ ರಾಜಾ಼ಕಿ ಶು?” ಕರಿ ಪುಛಾ಼ಯೊ,
\p ತದೆ ಯೇಸುನೆ ಇನ, “ತುನೇಸ್ ಬೋಲ್ಯೋನಿ” ಕರಿ ಜವಾಬ್‌ ದಿದೊ.
\p
\v 4 ತದೆ ಪಿಲಾತನೆ ಮಹಾಯಾಜಕರ್‌ ಅಜು಼ ಅದ್ಮಿನಿ ಭೀಡ್ನ, “ಆ ಅದ್ಮಿಮ ಮನ ಶನೀಶ್ ಗಲತ್‌ ಕೋ ದೆಖಾಯುನಿ” ಕರಿ ಬೋಲ್ಯೊ.
\p
\v 5 ಕತೋಬಿ ಇವ್ಣೆ, “ಯೂದಾಯನು ಖ್ಹಾರಸ್ ಅದ್ಮಿನ, ಆ ವಚನ್ನ ಬೋಲಿದೇತೊಹುಯಿನ್‌, ಇವ್ಣಾಮ ಕಲ್ಹಾಗಟ್ ನಾಖಿರಾಖ್ಯೋಸ್. ಅನೆ ಗಲಿಲಾಯಾಥು ಶುರು ಕರೀನ್, ಹಮ್ಕೆ ಹಜ಼್ಜಾ ಐರ‍್ಹೋಸ್ತೆ” ಕರಿ ಬಿಜೂ಼ಬಿ ಘಟ್‍ಥಿ ಬೋಲ್ಯು.
\s ಯೇಸುನ ಹೆರೋದಕನ ಮೋಕ್‌ಲ್ಯುತೆ
\p
\v 6 ಅನ ಖ್ಹಮ್‌ಜಿನ್‌ ಪಿಲಾತನೆ, “ಆ ಅದ್ಮಿ ಗಲಿಲಾಯವಾಳೊಕಿ ಶು? ಕರಿ ಫುಛಾ಼ಯೊ. 
\v 7 ಯೇಸು ಹೆರೋದ ಅದಿಕಾರ್ ಚ಼ಲಾವ್‍ಕರಾಸ್ತೆ ಗಾಮ್‌ವಾಳೊ, ಕರಿ ಪಿಲಾತನ ಮಾಲುಮ್ ಪಡ್‌ತಾನ, ಯೇಸುನ ಹೆರೋದಕನ ಮೋಕ್‌ಲ್ಯೊ, ಯೋ ದನ್ಮ ಹೆರೋದ ಯೆರೂಸಲೇಮ್ಮಾಸ್ ಥೊ. 
\v 8 ಯೇಸುನ ದೇಖಿನ್‌, ಹೆರೋದನ ಘಣು ಖ್ಹುಶಿಹುಯು. ಶನಕತೊ, ಇನೆ ಯೇಸುನಿ ಬಾರೇಮ ಘಣು ಖ್ಹಮ್‌ಜಿರಾಖ್ಯೊಥೊ, ಇನಖ್ಹಾಜೆ ಘಣ ದನ್‌ಥು, ಇನ ದೇವ್ಣುಕರಿ ಥೊ, ಯೇಸು ಕೆಹುತೋಬಿ ಅದ್ಭುತ್ ಕರಾತೊ, ಇನ ದೇಕ್ಣು ಕರಿ ಆಖ್ಹ್‌ಥು. 
\v 9 ತದೆ ಹೆರೋದನೆ ಯೇಸುನ ಕೆತ್ರು ಫುಛಾ಼ಯೊತೋಬಿ, ಯೇಸುನೆ ಇನ ಜವಾಬ್‌ ಕೋ ದಿದೋನಿ. 
\v 10 ಗಲ್‌ಢಯಾಜಕರ್‌ ಅಜು಼ ಮೋಶೇನು ಧರ್ಮಶಾಸ್ತ್ರ ಶಿಕಾವಾಳು ಶಾಸ್ತ್ರಿಯೆ ಭೀರಿನ್‌, ಯೇಸುನಿ ವಿರೋದ್ ನೀಕೊಂತೇಸ್ ವಾತೆನ ಬೋಲುಕರ್ತೂಥು. 
\v 11 ಹೆರೋದ ಅಜು಼ ಇನು ಸಿಪಾಯಿಖ್ಹಾರು ಯೇಸುನಿ ಛಿಂಘಾವ್ಣಿ ಕರೀನ್, ನಕ್ಲೆ ಕಾಡ್ಯು. ಅಜು಼ ಘಣು ಅಛ್ಛು಼ ಝ಼ಗ್ಗಾನ ಫೇರೈನ್, ಪಾಛು಼ ಪಿಲಾತಕನ ಮೋಕ್ಲಿದಿದೊ. 
\v 12 ಯೋಸ್‌ ದನ್ನೆ ಹೆರೋದ ಅಜು಼ ಪಿಲಾತ ದೋಸ್ತ್‌ ಬಣ್ಯಾ. ಅನೇಥಿ ಅಗಾಡಿ ಇವ್ಣೆ ದುಶ್‌ಮನ್‌ ಹುಯಿರ‍್ಹಾಥ.
\s ಯೇಸುನ ಮರಣ್ ದಂಡ್‌ ದಿದೂತೆ
\r (ಮತ್ತಾಯ 27:15-26; ಮಾರ್ಕ 15:6-15; ಯೋಹಾನ 18:39—19:16)
\p
\v 13 ತದೆ ಪಿಲಾತನೆ, ಮಹಾಯಾಜಕರ್‌ನ, ಅದಿಕಾರಿನ ಅಜು಼ ಅದ್ಮಿ ಖ್ಹಾರಾವ್‌ನ ಏಕ್‌ದಮ್ ಬುಲೈನ್, 
\v 14 ಇವ್ಣುನ, “ತುಮೆ ಆ ಅದ್ಮಿನ ಮಾರಕನ ಲೈನ್‌, ಅದ್ಮಿ ಖ್ಹಾರಾನ ಗಲತ್‌ ವಾಟ್‌ಪರ್ ಚ಼ಲಾವ್‍ಕರಾಸ್‌ ಕರಿ ಬೋಲ್ಯ, ಕತೋಬಿ ಮೇ ಅನ ತುಮಾರ ಖ್ಹಾಮ್ಣೆಸ್ ವಿಚಾರ್ ಕರ‍್ಯೊತೋಬಿ, ತುಮೆ ಲಗಾಡ್ಯತೆ ಗಲ್ತಿಮ, ಏಕ್‌ಬಿ ಆನಾಮ ಮನ ಮಳ್ಯುಕೊಯ್ನಿ. 
\v 15 ಹೆರೋದನಾಬಿ ಅನಾಮ ಗಲತ್‌ ಕೋ ದೆಖಾಯುನಿ, ಇನಖ್ಹಾಜೆಸ್‌, ಇನೆ ಅನ ಪಾಛು಼ ಅಪ್ಣಕನ ಮೋಕ್‌ಲ್ಯೊತೆ. ಮರಣ್ ದಂಡ್‌ ಖಾವಾಖ್ಹರ್‌ಕು ಗಲತ್‌ ಯೇಸುನೆ ಕರಿರಾಖ್ಯೊಕೊಯ್ನಿ. 
\v 16 ಅನಖ್ಹಾಜೆ, ಮೇ ಅನ ಕೊಳ್ಡೇಥಿ ಮರೈನ್, ಮ್ಹೆಂದೆವುಸ್” ಕರಿ ಬೋಲ್ಯೊ. 
\v 17 ಪಸ್ಕ ಪೂಜಾ಼ನಿ ವೇಳ್ಮ ಅದ್ಮಿಖ್ಹಾರು ಬೋಲಿಲೇಸ್ತೆ ಏಕ್‍ಜ಼ಣಾನ ಖ್ಹಾರ್ಕೊಟ್‌ಮಾಥು ಪಿಲಾತ ಭಾರ್‌ ಕಾಡಿಮ್ಹೇಲ್‍ನು ಪಡ್ಯುಥು. 
\v 18 ಕತೋಬಿ ಇವ್ಣೆ ಜೋ಼ರೇಖ್ಹು ಚಿಕ್ರಿನ್, “ಅನ ಮರೈನಾಕ್‌! ಹಮಾರಖ್ಹಾಜೆ ಬರಬ್ಬನ ಮ್ಹೇಲಿದೆ” ಕರಿ ಬೋಲ್ಯು. 
\v 19 ಖ್ಹಯೇರ್‌ಮ ಚಾ಼ಲ್ಯುಥೂತೆ ಕಲ್ಹಾಗಟ್‍ನಟೇಕೆ ಅಜು಼ ಅದ್ಮಿನ ಮರ್‌ನಾಖ್ಯುತೆ ಇನಖ್ಹಾಜೆ ಬರಬ್ಬಾನ ಜೇಲ್‌ಮ ಕೋಂಡಿ ಘಾಲಿರಾಖ್ಯುಥು.
\p
\v 20 ಪಿಲಾತನೆ ಯೇಸುನ ಛೋ಼ಡಾವ್‍ಣು ಕರಿ ಬಿಜು಼ ಪಾಛು಼ ಇವ್ಣ ಜೋ಼ಡೆ ವಾತೆ ಬೋಲ್ಯೊ. 
\v 21 ಕತೋಬಿ ಇವ್ಣೆ, “ಇನ ಶಿಲ್‍ಬೆಪರ್‌ ನಾಕ್! ಶಿಲ್‌ಬೆಪರ್ ನಾಕ್!” ಕರಿ ಚಿಕ್ರುಕರ್ತುಥು.
\p
\v 22 ಕತೋಬಿ ಪಿಲಾತನೆ ತೀನ್ನೆಹಲ್ಲ, “ಶನ? ಆ ಖಾರಾಬ್‌ ಶಾತ್‌ ಕರಿರಾಖ್ಯೋಸ್? ಮರಣ್ ದಂಡ್‌ ದೆವಾಖ್ಹರ್‌ಖ್ಹು ಗಲತ್‌ ಅನಾಮ ಮನ ದೆಖಾಯು ಕೊಯ್ನಿ! ಅನಖ್ಹಾಜೆ, ಮೇ ಅನ ಕೊಳ್ಡೇಥಿ ಮರೈನ್, ಮ್ಹೆಂದೆವುಸ್” ಕರಿ ಇವ್ಣುನ ಬೋಲ್ಯೊ.
\p
\v 23 ಕತೋಬಿ, ಇವ್ಣೆ ಬಿಜೂ಼ಬಿ ಜೋ಼ರೇಥಿ ಬಳೇಳ್‌ತುಹುಯಿನ್, ಯೇಸುನ ಶಿಲ್‌ಬೆಪರ್ ನಖಾವ್ಣು ಕರಿ ಬೋಲ್ಯು. ಖ್ಹರ್ತಿಮ ಇವ್ಣಿ ಚಿಕ್ರಾಣಸ್ ಜೂತಿಗೈ. 
\v 24 ತದೆ ಪಿಲಾತನೆ ಇವ್ಣೆ ಬೋಲಿಲಿದುತೆ ಇಮ್ಮಸ್ ಹುವಾದೆ ಕರಿ ತೀರ್ಮಾನ್ ಕರೀನ್, 
\v 25 ಕಲ್ಹಾಗಟ್ ಅಜು಼ ಅದ್ಮಿನ ಮರ್‌ನಾಖ್ಯುತೆ ಇನಾಟೇಕೆ, ಜೇಲ್‌ಮ ಕೋಂಡೈ ಘಲೈರ‍್ಹೂಥೂತೆ ಬರಬ್ಬನ ಮ್ಹೇಲಿದಿನ್, ಅದ್ಮಿನಿ ಮರ್ಜಿನಿಘೋಣಿ, ಯೇಸುನ ಇವ್ಣ ಹಾತ್‌ಮ ದಿನಾಖ್ಯೊ.
\s ಯೇಸುನ ಶಿಲ್‌ಬೆಪರ್ ನಾಖ್ಯೂತೆ
\r (ಮತ್ತಾಯ 27:32-44; ಮಾರ್ಕ 15:21-32; ಯೋಹಾನ 19:17-27)
\p
\v 26 ಸಿಪಾಯಿಖ್ಹಾರು ಯೇಸುನ ಬುಲೈಲಿನ್ ವಳ್ಯುಜಾ಼ತುಥೂತೆ ವಖ್ಹತ್‌ಮ, ಖೇತರ್‌ಥು ವಳ್ಯಾವ್‍ತೊಥೋತೆ ಸಿರೇನ್ ಖ್ಹಯೇರ‍್ನೊ ಸೀಮೋನ್ನ ಧರೀನ್, ಇನಾಪರ್ ಶಿಲ್‌ಬೇನ ನಾಖಿನ್, ಇನ ಪಳ್ಳಿನ್‌, ಯೇಸುನ ಪೀಠೆ ಆವಾನಿಘೋಣಿ ಕರ‍್ಯು.
\p
\v 27 ಅದ್ಮಿನಿ ಮೋಟಿ ಭೀಡ್ ಇನ ಪೀಠೆಆಯಿ; ಇವ್ಣಾಮ ಥೋಡಿ ತಯೇಡಾಬಿ ಥಿಯೆ, ಇವ್ಣೆ ಯೇಸುನಖ್ಹಾಜೆ ಛಾ಼ತಿ ಕೂಟ್‌ತುಹುಯಿನ್, ರೋವ್‌ತಿ ಐಯ್ಯೆ. 
\v 28 ತದೆ ಯೇಸುನೆ ಪೀಠೆ ಫರೀನ್ ಇವ್ಣುನ, “ಯೆರೂಸಲೇಮ್‌ನಿ ತಿರಿಯಾವೊ! ಮಾರಖ್ಹಾಜೆ ನಕೊ ರೋವೊ, ಕತೋಬಿ ತುಮಾರಖ್ಹಾಜೆ ಅಜು಼ ತುಮಾರ ಲಡ್ಕಾವ್‍ನಖ್ಹಾಜೆ ರೋವೊ. 
\v 29 ಶನಕತೊ ಅಮ್ನದನ್‌ ಖ್ಹಾರ ವಳ್ಯಾವಾಸ್ಕಿ, ಯೋ ದನ್ಮ ಅದ್ಮಿಖ್ಹಾರು, ‘ವಾಂಝ಼್‌ಣಿ ಅಜು಼ ಬೇಜೂನಿ ಹುಯಿಕೊಂತೆ ಅಜು಼ ದೂದ್ ಪಿಡೈಕೊಂತೆ ತಯೇಡಾಸ್ ಧನ್ಯ’ ಕರಿ ಬೋಲ್‌ಶೆ. 
\v 30 ಯೋ ದನ್ಮ ಅದ್ಮಿ, ‘ಪರ್ಭತ್‌ ಹಮಾರಪರ್ ಪಡ್! ಪಹಾಡ್ ಹಮೂನ ಢಾಪಿಲೆ!’ ಕರಿ ಬೋಲ್‌ಶೆ. 
\v 31 ಝಾ಼ಡು ಹರ‍್ಯು ರ‍್ಹವಾನಿ ವಖ್ಹತ್‌ಮಾಸ್‌, ಅಮ್ನು ಖ್ಹಾರು ಹುಯೂತೊ, ಖ್ಹುಕೈ ಜಾ಼ಶೇತೆ ವಖ್ಹತ್‌ಮ ಶಾತ್ ಉಶೆ?” ಕರಿ ಬೋಲ್ಯೊ.
\p
\v 32 ಯೇಸುನ ಜೋ಼ಡೆಸ್ ಬಿಜ಼ ಬೇ ಜ಼ಣಾನಾಬಿ ಮಾರ‍್ನು ಕರಿ ಲೀವಳ್ಯುಜಾ಼ತುಥು, ಇವ್ಣೆ ಭೇ ಜ಼ಣಾಬಿ ಅಪರಾದಿ ಹುಯಿರ‍್ಹಾಥ. 
\v 33 ಇವ್ಣೆ ‘ಖೋಪ್ರಿ’ ಕರಿ ಬೋಲಾನಿ ಝ಼ಗೋಕನ ಐನ್, ಹಿಜ್ಜಾ಼ ಯೇಸುನ ಶಿಲ್‌ಬೆಪರ್ ಮಾರ‍್ಯು, ಅಜು಼ ಯೋ ಬೇ ಅಪರಾದಿಮ ಏಕ್‌ ಜ಼ಣಾನ ಖಾವಿ ಬಾಜೂ಼ಮ ಅಜು಼ ಬಿಜೇಕ್‌ ಜ಼ಣಾನ ಡಾವಿ ಬಾಜೂ಼ಮ ಶಿಲ್‌ಬೆಪರ್ ಮಾರ‍್ಯು. 
\v 34 ತದೆ ಯೇಸುನೆ, “ಬಾ, ಅವ್ಣುನ ಮಾಪ್‌ಕರ್‌! ಅವ್ಣೆ ಶಾತ್‌ ಕರುಕರಸ್ ಕರಿ ಅವ್ಣುನಾಸ್‌ ಮಾಲುಮ್‌ ಕೊಯ್ನಿ” ಕರಿ ಬೋಲ್ಯೊ.
\p ಸಿಪಾಯಿಖ್ಹಾರು ಚೀಟಿ ನಾಖಿನ್, ಯೇಸುನ ಲುಂಗ್ಡಾವ್‍ನ ಇವ್ಣ-ಇವ್ಣಾಮಸ್ ವಾಟ ಪಾಡಿಲಿದು. 
\v 35 ಅದ್ಮಿಖ್ಹಾರು ಭೀರಿನ್‌, ಯೆಹೂದ್ಯರ್‌ನ ಅದಿಕಾರಿಖ್ಹಾರು ಯೇಸುನಿ ನಕ್ಲೆ ಕಾಡುಕರ್ತುಥೂತೆ ಇನ ದೇಖುಕರ್ತುಥು. ಇವ್ಣೆ, “ಅನೆ ಬಿಜಾ಼ನ ಬಚಾ಼ಡ್ಯೊ, ಯೋ ದೇವ್ನೆ ಚೂ಼ಣ್ಯೋತೆ ಕ್ರಿಸ್ತ ಉಶೇತೊ, ಇನು ಯೋಸ್‌ ಬಚಾ಼ಡಿಲ್ಯವಾದೆ! ಕರಿ ಬೋಲ್ಯು.
\p
\v 36 ಶಿಪಾಯಿ ಖ್ಹಾರುಬಿ ಯೇಸುನಿ ನಕ್ಲೆ ಕಾಡ್ಯು; ಇವ್ಣೆ ಯೇಸುನ ಖನ್ನೆ ಐನ್, ಕಮ್ ಮೋಲ್ನು ಕಂದಾಯುಹುಯು ದ್ರಾಕ್ಷಿನು ರಖ್ಹ್‌ನ ಪಿಯ್ಯಾನ ದೀನ್, 
\v 37 “ತೂ ಯೆಹೂದ್ಯರ್‌ನೊ ರಾಜಾ಼ ಉಶೇತೊ, ತಾರು ತೂಸ್ ಬಚಾ಼ಡಿಲೆ” ಕರಿ ಬೋಲ್ಯು.
\p
\v 38 ಯೇಸುನಿ ಶಿಲ್‌ಬೆನ ಉಪ್ಪರ್, “ಆ ಯೆಹೂದ್ಯರ್‌ನೊ ರಾಜ಼” ಕರಿ ಲೀಖೈರ‍್ಹೂಥು.
\p
\v 39 ಹಿಜ್ಜಾ಼ ಶಿಲುಬೆಪರ್ ಠಂಗೈರಾಖ್ಯುಥೂತೆ ಅಪರಾದಿಮ ಏಕ್‌ ಜ಼ಣು ಯೇಸುನಿ ನಕ್ಲೆ ಕಾಡ್ತೊಹುಯಿನ್‌, “ತೂ ಕ್ರಿಸ್ತ ಕಾಹೆಕಿ ಶು? ಇಮ್‍ಕತೊ, ತೂಬಿ ಬಚಿ ಜಾ಼ ಹಮುನಾಬಿ ಬಚಾ಼ಡ್‍!” ಕರಿ ಬೋಲ್ಯೊ.
\p
\v 40 ಕತೋಬಿ ಬಿಜೇಕ್‌ ಜ಼ಣಾನೆ ಇನ ಗುರ್‌ಕೈನ್, “ತುನ ದೇವ್‌ನೂ ಡರ್‌ ಕೊಯ್ನಿಕಿ ಶು? ತುನಾಬಿ ಇಮ್ನಿಸ್ ನಿಶತ್ ಮಳಿರ‍್ಹೀಸ್‌ನಿ. 
\v 41 ಅಪ್ಣುನತೋಬಿ, ನಿಶತ್ ಮಳಿರ‍್ಹೀಸ್ತೆ ಇನಾಮ ನ್ಯಾವ್‌ ಛಾ಼; ಶನಕತೊ ಅಪ್ಣೆ ಕರ‍್ಯಾತೆ ಗಲತ್‌ನಖ್ಹಾಜೆ, ಅಪ್ಣುನ ನಿಶತ್ ಮಳಿರ‍್ಹಿಸ್‌. ಕತೋಬಿ ಅನೆ ಶನೀಬಿ ಗಲತ್‌ ಕೋ ಕರ‍್ಯೋನಿ!” 
\v 42 ಅಜು಼ ಇನೆ ಯೇಸುನ, “ಯೇಸು, ತೂ ರಾಜ್ಯಲೀನ್ ಆವಾನಿ ವಖ್ಹತ್‌ಮ, ಮನ ಯಾದ್ ಕರಿಲಿಜೊ!” ಕರಿ ಬೋಲ್ಯೊ.
\p
\v 43 ತದೆ ಯೇಸುನೆ ಇನ, “ಮೇ ತುನ ಖ್ಹಾಚ ಬೋಲುಸ್ಕಿ, ಹಮ್ಕೇಸ್ ತೂ ಮಾರ ಜೋ಼ಡೆ ಸೊರ್ಗಾಮ ರ‍್ಹೀಶ್” ಕರಿ ಬೋಲ್ಯೊ.
\s ಯೇಸು ಜಾನ್‌ ಮ್ಹೇಲ್ಯೋತೆ
\r (ಮತ್ತಾಯ 27:45-56; ಮಾರ್ಕ 15:33-41; ಯೋಹಾನ 19:28-30)
\p
\v 44-45 ತದೆ ಧೊಪಾರ್‌ ಹುಯಿಗಯುಥು, ಚಾ಼ಂದ್ ಉಜಾ಼ಳು ದ್ಯವಾನು ಭೀರಿಜೈ಼ನ್, ತೀನ್ ಘಂಟಾಲಗು, ಯೋ ಖ್ಹಾರ ದೇಖ್ಹ್‌ಪರ್ ಅಂಧಾರು ಢಫೈಗಯುಥು. ಮಂದಿರ್‌ಮ ಠಂಗೈರಾಖ್ಯುಥೂತೆ ಪಡ್‌ದೊ ಫಾಟಿನ್, ಬೇ ಭಾಗ್‌ ಹುಯಿಗಯು. 
\v 46 ಯೇಸು ಜೋ಼ರೆಖ್ಹು ಚಿಕ್ರಿನ್, “ಬಾ, ತಾರ ಹಾತ್‌ಮ ಮಾರು ಆತ್ಮಾನ ದೆವುಕರುಸ್‌” ಕರಿ ಬೋಲಾನ ಬಾದ್‌ಮ, ಜಾನ್‌ ಮ್ಹೇಲ್ಯೊ.
\p
\v 47 ತದೆ ಖ್ಹೋಶಿಪಾಯಿನೊ ಮೋಟಾನೆ ಚಾ಼ಲ್ಯುತೆ ಇನ ದೇಖಿನ್‌, “ಖ್ಹಾಚಮಾಬಿ ಆ ಅದ್ಮಿ ನೀತಿವಾಳೊಸ್‌ ಹುಯಿರ‍್ಹೋಥೊ!” ಕರಿ ದೇವ್ನ ಖ್ಹರಾಯೊ.
\p
\v 48 ಆ ಖ್ಹಾರು ದೆಖಾನ ಐರ‍್ಹೂಥೂತೆ ಅದ್ಮಿಖ್ಹಾರು, ಚಾ಼ಲ್ಯುತೆ ಇನ ದೇಖಿನ್‌, ದುಖ್‌ಥಿ ಛಾ಼ತಿ ಕೂಟ್‌ತುಹುಯಿನ್, ಇವ್ಣ ಘರೆ ಫಾಛು಼ಫರಿ ಗಯು. 
\v 49 ಯೇಸುನು ವಳ್‌ಖಿನು ಅದ್ಮಿಖ್ಹಾರು ಅಜು಼ ಗಲಿಲಾಯಾಥು ಇನ ಭೀಡೆ ಆಯುಹುಯಿ ತಯೇಡ ಖ್ಹಾರಿ ದೂರ್ ಭೀರಿನ್‌, ಚಾ಼ಲ್ಯುತೆ ಯೋ ಖ್ಹಾರಾನ ದೇಖಿಯೆ.
\s ಯೇಸುನ ಮುರ್ದಾನ ಘವಿಮ ಘಾಲ್ಯುತೆ
\r (ಮತ್ತಾಯ 27:57-61; ಮಾರ್ಕ 15:42-47; ಯೋಹಾನ 19:38-42)
\p
\v 50-51 ಯುದಾಯ ತಬರ್‌ಖಾನು, ಅರಿಮಥಾಯ ಕರಿ ಗಾಮ್ಮ ಯೋಸೇಫ ಕರಿ ಏಕ್ಜ಼ಣೊ ಥೊ. ಯೋ ಏಕ್‌ ಅಛ್ಛು಼ ಅಜು಼ ನೀತಿವಾಳೊ ಅದ್ಮಿ ಹುಯಿರ‍್ಹುಥೊ, ದೇವ್ನಿ ರಾಜ್ಯ ಕದೆ ಆವ್‍ಶೆಕರಿ ಬೋಲಿನ್ ಟಿವವ್‍ಕರ್ತೊಥೊ. ಶಾಣಾವ್‍ನಿ ಸಭೆಮಾನು ಅದ್ಮಿಮ ಆಬಿ ಏಕ್‌ ಜ಼ಣೊ ಹುಯಿರ‍್ಹೋಥೊ, ಕತೋಬಿ ಯೆಹೂದ್ಯರ್‌ನು ಶಾಣುಖ್ಹಾರು ಯೇಸುನ ಮಾರ‍್ನು ಕರಿ ಕರ‍್ಯುತೆ ಇನ, ಅನೆ ಮಾನ್ಯೊಥೊ ಕೊಯ್ನಿ. 
\v 52 ಯೋ ಪಿಲಾತಕನ ಜೈ಼ನ್‌, ಯೇಸುನು ಶರೀರ್ ಮನ ದೇ ಕರಿ ಬೋಲಿಲಿದೊ. 
\v 53 ಇನೆ ಯೇಸುನು ಶರೀರ್‌ನ ಶಿಲ್‌ಬೆಪರ್‌ಥು ಉತಾರಿನ್‌, ಘಣ ಮೋಲ್ನು ಲುಂಗ್ಡಾಥಿ ಲಪೇಟಿನ್, ಬಂಡಾಮ ಖೋಂದಿ ರಾಖ್ಯುಥೂತೆ ಘವಿಮ ಮ್ಹೇಲ್ಯೊ. ಅನೇಥಿ ಪಹಿಲೆ ಇನಾಮ ಕಿನೂಬಿ ಮಖ್ಹಾಣ್ಯು ಮ್ಹೇಲ್ಯೂಥು ಕೊಯ್ನಿ. 
\v 54 ಯೋ ದನ್ ಖ್ಹವಾರಾನೊ ದನ್ ಹುಯಿರ‍್ಹೋಥೊ, ಅಜು಼ ಜ಼ರ ಘಡಿಮಾಸ್ ಸಬ್ಬತ್‌ ದನ್ ಶುರು ಹುವಾಳು ಥು.
\p
\v 55 ಗಲಿಲಾಯಥು ಯೇಸುನ ಭೀಡೆ ಆಯಿಹುಯಿ ತಯೇಡಾನೆ, ಯೋಸೇಫ್‌ನ ಜೋ಼ಡೆ ಜೈ಼ನ್‌, ಘವಿನಾಬಿ ಅಜು಼ ಯೇಸುನು ಶರೀರ್‌ನ ಮ್ಹೇಲೈರೂತೆ ತರಿಕಾನ ದೇಖ್ಯು. 
\v 56 ತದೆ ಇವ್ಣೆ ಪಾಛು಼ಫರಿ ಘರೆಐನ್, ಅಛ್ಛು಼ ವಾನು ಜ಼ಡಿಬೂಠಿ ಅಜು಼ ವಾನುತೇಲ್‌ನ, ಯೇಸುನ ಶರೀರ್‌ಪರ್‌ ಲಗಾಡನಖ್ಹಾಜೆ ಖ್ಹವಾರಿಯೆ,
\p ಮೋಶೇನು ಧರ್ಮಶಾಸ್ತ್ರಮ ಹುಕುಮ್‌ ದೀರಾಖ್ಯುತೆ ಇಮ್ಮಸ್ ಇವ್ಣೆ ಸಬ್ಬತ್ ದನ್ಮ ಅರಾಮ್‌ಕರಿಯೆ.
\c 24
\s ಯೇಸು ಪಾಛೊ಼ ಜಿವ್ತೊಹುಯಿನ್ ಉಠ್ಯೊತೆ
\r (ಮತ್ತಾಯ 28:1-10; ಮಾರ್ಕ 16:1-8; ಯೋಹಾನ 20:1-10)
\p
\v 1 ವಾರಾನು ಪಹಿಲದನ್ನೆ,\f + \fr 24:1 \fr*\ft ಯೆಹುದ್ಯರ್‌ ಲೋಗ್‌ನಿ ಇಶಾಬ್‌ಮ ವಾರಾನೊ ಪಹಿಲೊ ದನ್ ಕತೊ, ಐತ್‌ವಾರ್ ನತರ್‌ಕಿ ಐತ್‌ವಾರ್ ಕರಿ. \ft*\f* ಅಧಿರ‍್ಹೇಣೆಸ್‌ ಯೋ ತಯೇಡ ಖ್ಹಾರಿ, ಇವ್ಣೆ ಖ್ಹವಾರಿಯೆಥೀತೆ ಅಛ್ಛು಼ ವಾನುತೇಲ್‌ನ ಪಳ್ಳಿನ್‌, ಘವಿಕನ ಗಯ್ಯೆ. 
\v 2 ಘವಿನ ಮೂಚಿರಾಖ್ಯುಥೂತೆ ಬಂಡೊ ನಿಕ್‌ಳೈರ‍್ಹೂಥೂತೆ ಇವ್ಣೆ ದೇಖಿನ್, 
\v 3 ಘವಿನ ಮಹಿ ಗಯ್ಯೆ, ಕತೋಬಿ ಹಿಜ಼್ಜಾ ಯೇಸು ಪ್ರಭುನು ಶರೀರ್ ಇವ್ಣುನ ಮಳ್ಯುಕೊಯ್ನಿ. 
\v 4 ಇವ್ಣೆ ಭೀರಿನ್, ಅನಿ ಬಾರೇಮ ಘಬ್ರಾವ್‌ಕರಾನಿ ವಖ್ಹತ್‌ಮ, ಚ಼ಮಕ್‌ತು ಲುಂಗ್ಡು ಫೇರಿರಾಖ್ಯುಥೂತೆ ಬೇ ಪರ್ಖ್ಹಾ ಐನ್, ಇವ್ಣಾಕನ ಭೀರ‍್ಯು. 
\v 5 ಯೋ ತಯೇಡ ಖ್ಹಾರಿ ಡರಿಗಯೇಥಿ. ಜ಼ಮೀನ್‍ತರಬ್‍ ಮುಡ್‌ಕ್ಯು ಝು಼ಕೈನ್‌, ಭೀರಿಗಯ್ಯೆ. ತದೆ ಇವ್ಣೆ ಇನ, “ಜಿವ್ತೊ ಹುಯಿನ್ ಉಠಿರ‍್ಹೋಸ್ತೆ ಇನ, ಮರ‍್ಯಾಹುಯಾಮ ಶನ ಢೂಂಡುಕರಾಸ್ತೆ? 
\v 6 ಯೋ ಹಜ್ಜಾ಼ ಕೊಯ್ನಿ, ಉಠಿರ‍್ಹೋಸ್. ಯೋ ಗಲಿಲಾಯಮ ತುಮಾರ ಜೋ಼ಡೆ ಥೋತೆ ತದೆ, ಬೋಲ್ಯೊಥೋತೆ ಇನ ಯಾದ್ ಕರಿಲೆವೊ. 
\v 7 ಅದ್ಮಿನೊ ಛಿಯ್ಯೊ ಪಾಪಿ ಅದ್ಮಿನ ಹಾತ್‌ಮ ದೆವೈನ್, ಶಿಲ್‌ಬೆಪರ್ ನಖೈನ್, ತೀನ್ನ ದನ್ಮ ಪಾಛೊ಼ ಉಠಿ ಆವ್‍ಶೆಕರಿ ಬೋಲ್ಯೊಥೋನಿ” ಕರಿ ಬೋಲ್ಯು.
\p
\v 8 ತದೆ ಯೋ ತಯೇಡ ಖ್ಹಾರಿ ಯೇಸುನಿ ವಾತೆನ ಯಾದ್ ಕರಿಲೀನ್, 
\v 9 ಮಖ್ಹಾಣ್ಯನಿ ಘವಿಕಂಥು ಪಾಛು಼ಫರಿ ಜೈ಼ನ್, ಗ್ಯಾರ‍್ಹ ಜ಼ಣ ಶಿಷ್ಯರ್‌ನ ಅಜು಼ ಬಿಜ಼ ಖ್ಹಾರಾನ ಅನಿ ಬಾರೇಮ ಬೋಲಿಯೆ. 
\v 10 ಯೋ ಖ್ಹಾರಿ ತಯೇಡ ಕೋಣ್-ಕೋಣ್ ಕತೊ, ಮಗ್ದಲನಿ ಮರಿಯ, ಯೋಹಾನ್ನ, ಯಾಕೋಬ್‍ನಿ ಆಯ ಮರಿಯ; ಅವ್ಣೆ ಅಜು಼ ಅವ್ಣ ಜೋ಼ಡೆ ಥೀತೆ ಬಿಜಿ ತಯೇಡ ಖ್ಹಾರಿ ಅನಿ ಬಾರೇಮ, ಅಪೊಸ್ತಲರ‍್ನ ಬೋಲಿಯೆ. 
\v 11 ಕತೋಬಿ, ಅಪೊಸ್ತಲರ್ ಖ್ಹಾರು ಅವ್ಣಿ ವಾತೇನ ವಿಶ್ವಾಸ್ ಕರ‍್ಯುಕೊಯ್ನಿ. ಆ ಖ್ಹಾರಿ ವಾತೆ ಚು಼ಪ್‌ಕೇನಿಸ್ ಕರಿ ಸೋಚ್ಯು. 
\v 12 ಕತೋಬಿ ಪೇತ್ರನೆ ಉಠೀನ್, ಘವಿಕನ ನಾಶಿಜೈ಼ನ್, ಮಹಿ ಝು಼ಕಿ ದೇಖಿನ್, ಲಪೇಟಿಥೂತೆ ಘಣ ಮೋಲ್ನು ಲುಂಗ್ಡಾನಸ್ ಪಣ್ಕಿ ಬಿಜು಼ ಶಾತ್ಬಿ ದೇಖ್ಯೊ ಕೊಯ್ನಿ. ತದೆ ಪೇತ್ರನೆ ಚಾ಼ಲ್ಯುತೆ ಇನಿ ಬಾರೇಮ ಆಶ್ಚರ್ಯ ಖಾತೊಹುಯಿನ್, ಘರೆ ಚ಼ಲೆಗಯೊ.
\s ಎಮ್ಮಾಹು ಕರಿ ಗಾಮ್‌ನ ಚಾ಼ಲಿಗಯೂತೆ ಬಾರೇಮ
\r (ಮಾರ್ಕ 16:12-13)
\p
\v 13 ಯೋಸ್ ದನ್ನೆ ಯೇಸುನು ಶಿಷ್ಯರ್‌ಮ ಬೇ ಜ಼ಣ, ಯೆರೂಸಲೇಮ್‌ಥು ಗ್ಯಾರ‍್ಹ ಕಿಲೊ ಮೀಟರ್ ಥೂತೆ, ಎಮ್ಮಾಹು ಕರಿ ನಾಮ್ನ ಗಾಮೆ ವಳ್ಯಜಾ಼ತಾಥ. 
\v 14 ಚಾ಼ಲ್ಯುತೆ ಯೋ ಖ್ಹಾರಿಸ್ ಬಾರೇಮ, ಇವ್ಣೆ ವಾತೆ ಬೋಲ್ತಾಹುಯಿನ್, ಒಳೆಜಾ಼ತಾಥ. 
\v 15 ಇವ್ಣೆ ಏಕ್‌ಥಿ-ಏಕ್‌ ವಾತೆ ಬೋಲುಕರಾನಿ ವಖ್ಹತ್‌ಮ, ಯೇಸುಸ್‌ ಖ್ಹುದ್ ಇವ್ಣ ಖನ್ನೆ ಆಯಿನ್, ಇವ್ಣ ಜೋ಼ಡೆ ಚಾ಼ಲ್ತೊ ಗಯೊ. 
\v 16 ಇವ್ಣೆ ಇನದೇಖ್ಯು, ಕತೋಬಿ ಇನಿ ಖ್ಹಣೇದ್ ಧರ‍್ಯುಕೊಯ್ನಿ. 
\v 17 ತದೆ ಯೇಸುನೆ ಇವ್ಣುನ, “ತುಮೆ ತುಮಾರ-ತುಮಾರಸ್‌ಮ ಶಾತ್‌ ಬೋಲ್ತಾಹುಯಿನ್, ಚಾ಼ಲ್ತ ವಳೆಜಾ಼ಸ್ತೆ?” ಕರಿ ಪುಛಾ಼ಯೊ.
\p ತದೆ ಇವ್ಣೆ ಮ್ಹೋಡು ಮುರ್‌ಝೈ಼ಲೀನ್‌, ಭೀರಿಗಯು, 
\v 18 ಇವ್ಣಾಮ, ಕ್ಲಿಯೋಫಸ್ ಕರಿ ನಾಮ್ನೊ ಏಕ್‌ ಜ಼ಣಾನೆ, “ಯೆರೂಸಲೇಮ್‌ ಬಹಾರ್‌ಥು ಆಯೂತೆ ಹರೇಕ್ನ, ಆ ದನೂಮ ಹಾ ಚಾ಼ಲಿರ‍್ಹೀಸ್ತೆ ವಾತೆನಿ ಬಾರೇಮ, ಮಾಲುಮ್‌ ರ‍್ಹವಾಪರ್ ತುನ ಮಾಲುಮ್ ಕೊಯ್ನಿಕಿ ಶು?” ಕರಿ ಪುಛಾ಼ಯೊ.
\p
\v 19 ತದೆ ಯೇಸುನೆ, “ಖೆವಿ ವಾತೆ?” ಕರಿ ಪುಛಾ಼ಯೊ.
\p ಇನ ಇವ್ಣೆ, “ನಜ಼ರೇತ್‌ನೊ ಯೇಸುನಿ ಬಾರೇಮ, ಯೊ ದೇವ್ನ ಅಜು಼ ಅದ್ಮಿನ ಡೋಳಾಮ ಪ್ರವಾದಿ ಹುಯಿರ‍್ಹೋಥೊ, ಕಾಮ್ಮಬಿ ಅಜು಼ ವಾತೇಮಾಬಿ ಮೋಟೊ ಪ್ರವಾದಿಹುಯಿರ‍್ಹೋಥೊ. 
\v 20 ಹಮಾರ ಮಹಾಯಾಜಕ ಅಜು಼ ಅದಿಕಾರಿಖ್ಹಾರು ಇನ ಮರಣ್ ದಂಡನೆ ದೀನ್, ಶಿಲ್‌ಬೆಪರ್ ಛ಼ಡಾಯು. 
\v 21 ಹಮೇತೊ, ಇಸ್ರಾಯೇಲ್‌ ಅದ್ಮಿವೋನ ಛೋ಼ಡಾವವಾಳೊ ಯೋಸ್ ಕರಿ ಭರೋಖ್ಹೊ ಕರಿರಾಖ್ಯಥ! ಯೋ ಖ್ಹಾರು ಚಾ಼ಲಿನ್, ಹಮ್ಕೆ ತೀನ್ ರೋಜ಼್‌ ಹುಯ. 
\v 22 ತೋಬಿ ಹಮಾರಮ ಥೋಡಿ ತಯೇಡ ಖ್ಹಾರಿ, ಆಶ್ಚರ್ಯನು ವಾತೆನ ಬೋಲಿಯೆ; ಇವ್ಣೆ ವ್ಹಾಣೇಸ್ ವೇಳಿ ಘವಿಕನ ಜೈ಼ನ್, 
\v 23 ಯೇಸುನು ಶರೀರ್ ಹಿಜ಼್ಜಾಕೊಂತೆ ದೇಖಿನ್, ಪಾಛು಼ಫರಿ ಐನ್, ಇವ್ಣೆ ದೇವ್‌ನು ದೂತರ್‌ನ ದೇಖಿಯೆ಼ ಅಜು಼ ಯೋ ಜಿವ್ತೊ ಹುಯಿರ‍್ಹೋಸ್ ಕರಿ ಬೋಲಿಯೆ. 
\v 24 ಹಮಾರ ಜೋ಼ಡೆ ಥೂತೆ ಇವ್ಣಾಮ ಥೋಡುಜ಼ಣು ಮಖ್ಹಾಣ್ಯಕನ ಜೈ಼ನ್ ಯೋ ಖ್ಹಾರಿ ತಯೇಡ ಬೋಲಿತೆ ಇಮ್ಮಸ್ ದೇಖ್ಯು. ಕತೋಬಿ ಯೇಸುನ ಕೋ ದೇಖ್ಯೂನಿ” ಕರಿಬೋಲ್ಯಾ.
\p
\v 25 ತದೆ ಯೇಸುನೆ ಇವ್ಣುನ, “ಅಲ ಬಿಣ್‍ಖ್ಹೈಲಾ, ಪ್ರವಾದಿಯೇನೆ ಬೋಲ್ಯಾತೆ ಇನ ವಿಶ್ವಾಸ್‌ ಕರಾಕೊಂತೆ ಮಂದ್‌ ದಿಲ್‌ವಾಳಾವೊ, 
\v 26 ಕ್ರಿಸ್ತ ಅಮ್ನಿಖ್ಹಾರಿ ಖ್ಹತಾಪ್ಣಿ ಖೈನ್, ಇನಿ ಮಹಿಮೆಮ ಜಾ಼ವಾನು, ಜ಼ರೂರತ್ ಛಾ಼ನಿ ಕರಿ ಬೋಲಿನ್, 
\v 27 ಮೋಶೆಥು ಧರೀನ್, ಖ್ಹಾರ ಪ್ರವಾದಿಯೇನು ಅಖ್ಖ ಪವಿತ್ರ ದಪ್ತರ್‌ಮ, ಇವ್ಣಿ ಬಾರೇಮ ಲೀಖೈರ‍್ಹೂತೆ ಖ್ಹಾರನ ಇವ್ಣುನ ಬೋಲಿವತಾಳ್ಯೊ.
\p
\v 28 ಇವ್ಣೆ ಜಾ಼ವ್ಣುಥೂತೆ ಗಾಮ್‌ನ ಖನ್ನೆ ಇವ್ಣೆ ಆವಾದಿನ್, ಯೇಸು ಬಿಜೂ಼ಬಿ ಖ್ಹಾಮ್ಣೆ ಜಾ಼ವಾನಿ ಘೋಣಿ ದೆಖಾಯು. 
\v 29 ಕತೋಬಿ ಇವ್ಣೆ ಇನ, “ಹಮ್ಕೆ ಖ್ಹಾಂಜ಼್ ಹುಯಿಗೈ, ರಾತ್ ಹೋತು ಉಳ್ಯುಜಾ಼ಸ್‌, ಹಮಾರ ಜೋ಼ಡೆ ರ‍್ಹೇ” ಕರಿ ಘಣು ಬೋಲಿಲಿದು. 
\v 30 ತದೆ ಯೋ ಖಾಣಾನಖ್ಹಾಜೆ ಇವ್ಣ ಜೋ಼ಡೆ ಬೇಶಿನ್, ರೋಟಾನ ಪಾಡಿನ್, ದೇವ್ನ ಧನ್ಯವಾದ್ ಕರೀನ್, ತೋಡಿನ್ ಇವ್ಣುನ ದಿದೊ. 
\v 31 ತದೆ ಇವ್ಣ ಡೋಳ ಉಖ್ಡಾಯ ಅಜು಼ ಇವ್ಣೆ ಯೇಸುನಿ ಖ್ಹಣೇದ್ ಧರ‍್ಯು, ಕತೋಬಿ ಯೇಸು ಇವ್ಣ ಡೋಳಾನ ಖ್ಹಾಮ್ಣೇಥೊ ಮ್ಹಾಯ ಹುಯಿಗಯೊ. 
\v 32 ತದೆ ಇವ್ಣೆ ಏಕ್‌ಥಿ-ಏಕ್‌, “ಯೇಸು ವಾಟ್‌ಪರ್ ಅಪ್ಣ ಜೋ಼ಡೆ ವಾತೆ ಬೋಲ್ತೊಹುಯಿನ್, ವಚನ್‍ಮ ಲೀಖೈರ‍್ಹೋತೆ ಇನ ಬೋಲಿವತಾಳ್ಯೋತೆ ತದೆ, ಅಪ್ಣ ದಿಲ್ನಮಹಿ ಆಗ್ ಬಳಾನಿಘೋಣಿ ಹುಯುಕೊಯ್ನಿಕಿ ಶು?” ಕರಿ ಬೋಲ್ಯು.
\p
\v 33 ತದ್‌ನು ತದ್ದೇಸ್ ಇವ್ಣೆ ಉಠೀನ್, ಯೆರೂಸಲೇಮ್‌ನ ಗಯ. ಹಿಜ಼್ಜಾ ಗ್ಯಾರ‍್ಹ ಶಿಷ್ಯರ್‌ ಅಜು಼ ಬಿಜ಼ ಖ್ಹಾರಾನ ಜೋ಼ಡೆ ಎಕ್ಟು ಹುಯಿನ್, 
\v 34 ಪ್ರಭು ಉಠಿರ‍್ಹೋಸ್ತೆ ಖ್ಹಾಚಸ್! ಸೀಮೋನ್ನ ಯೋ ದೆಖಾಯೊ!” ಕರಿ ಬೋಲುಕರ್ತೂಥು.
\p
\v 35 ಅನ ದೇಖಿನ್, ಯೋ ಬೇ ಜ಼ಣಾನೇಬಿ ವಾಟ್‌ಪರ್ ಚಾ಼ಲ್ಯುತೆ ಇನ ಅಜು಼ ರೋಟೊ ತೋಡಾನಿ ವಖ್ಹತ್‌ಮ, ಇವ್ಣೆ ಇನಿ ಖ್ಹಣೇದ್ ಧರ‍್ಯೂತೆ ಇನ ಇವ್ಣುನ ಬೋಲಿವತಾಳ್ಯು.
\s ಯೇಸು ಇನ ಶಿಷ್ಯರ್‌ನ ದೆಖಾಯೊತೆ
\r (ಮತ್ತಾಯ 28:16-20; ಮಾರ್ಕ 16:14-18; ಯೋಹಾನ 20:19-23; ಅಪೊ 1:6-8)
\p
\v 36 ಇವ್ಣೆ ಭೇ ಜ಼ಣ ಆ ಬಾರೇಮ ಬೋಲುಕರಾನಿ ವಖ್ಹತ್‌ಮ, ಯೇಸು ಪ್ರಭುಸ್ ಇವ್ಣ ಇಚ಼್‌ಮ ಆಯಿ ಭೀರಿನ್, “ತುಮೂನ ಸಮಾಧಾನ್ ಹುವಾದೆ” ಕರಿ ಬೋಲ್ಯೊ.
\p
\v 37 ತದೆ ಇವ್ಣೆ ಡರ‍್ನ ಮಾರ‍್ನು ಮನ್‌ಮ ಘಬ್‌ರೈಜೈ಼ನ್, ಇವ್ಣೆ ದೇಖ್ಯೂತೆ ಭೂತ್ ಕರಿ ಸೋಚ್ಯು. 
\v 38 ಕತೋಬಿ ಯೇಸುನೆ ಇವ್ಣುನ, “ತುಮೆ ಶನ ಘಬ್ರಾವೋಸ್ತೆ? ಶನ ತುಮಾರ ಮನ್‌ಮ ಗುಮಾನಿ ಹುಂಕರಾಸ್ತೆ? 
\v 39 ಮಾರ ಹಾತ್ನ ಅಜು಼ ಗೋಡಾನ ದೇಖೊ, ಆ ಮೇಸ್ನಿ! ಮನ ಛೀಮಿ ದೇಖೊ, ತುಮೆ ದೇಖುಕರಾತೆ ಇಮ್‌ ಮನ ಬೋಟಿ ಅಜು಼ ಹಡ್‌ಕ್ಯಾ ಛಾ಼, ಕತೋಬಿ ಭೂತ್‌ನ ಆ ಖ್ಹಾರು ಕೋ ರ‍್ಹೇಯ್ನಿ.
\p
\v 40 ಆ ಖ್ಹಾರು ಬೋಲಾನ ಬಾದ್‌ಮ, ಯೇಸುನೆ ಇನೊ ಹಾತ್‌ ಅಜು಼ ಗೋಡಾನ ಇವ್ಣುನ ವತಾಳ್ಯೊ.\f + \fr 24:40 \fr*\ft ಗ್ರೀಕ್‌ನು ಥೋಡು ದಪ್ತರ್‌ಮ 40ನು ವಚನ್ ಕೊಯ್ನಿ.\ft*\f* 
\v 41 ಕತೋಬಿ, ಇವ್ಣೆ ಬಿಜೂ಼ಬಿ ವಿಶ್ವಾಸ್‌ಕರ‍್ಯುಕೊಂತೆ, ಖ್ಹುಶಿಥಿ ಆಶ್ಚರ್ಯ ಖಾತಾನ ದೇಖಿನ್, ಯೇಸುನೆ ಇವ್ಣುನ, “ಹಜ್ಜಾ಼ ತುಮಾರಕನ ಶಾತ್‌ತೋಬಿ ಖಾವಾನು ರಾಛು಼ ಛಾ಼ಕಿ ಶು?” ಕರಿ ಪುಛಾ಼ಯೊ. 
\v 42 ಇವ್ಣೆ ಭೂಂಜಿಹುಯು ಮಾಛ಼್‌ಲಾನು ಏಕ್‌ ಟುಕ್ಡಾನ ಯೇಸುನ ದಿದು. 
\v 43 ಯೇಸುನೆ ಇನಲೀನ್, ಇವ್ಣ ಖ್ಹಾಮ್ಣೇಸ್ ಖಾದೊ. 
\v 44 ಅಜು಼ ಯೇಸುನೆ ಇವ್ಣುನ, “ಮೇ ತುಮಾರ ಜೋ಼ಡೆಸ್ ಥೋತೆ ತದ್ದೇಸ್, ಆ ಖ್ಹಾರು ತುಮೂನ ಬೋಲ್ಯೊಥೋನಿ. ಮೋಶೇನು ಧರ್ಮಶಾಸ್ತ್ರ, ಪ್ರವಾದಿಯೇನು ಪುಸ್ತಕ್‌ಮ ಅಜು಼ ಕೀರ್ತನೇಮ ಮಾರಿ ಬಾರೇಮ ಲೀಖೈರ‍್ಹೂತೆ ಅಖ್ಖು ಪೂರಹುವಾನು ಜ಼ರೂರತ್ ಛಾ಼ ಕರಿ ಮೇ ತುಮೂನ ಬೋಲ್ಯೊಥೊ ಕೊಯ್ನಿಕಿ ಶು?” ಕರಿ ಬೋಲ್ಯೊ. 
\v 45 ಅನ ಬಾದ್‌ಮ ಇವ್ಣೆ ವಚನ್‍ಮ ಲೀಖೈರ‍್ಹೂತೆ ಇನ ಪರ್ಖಿಲವಾನಿಮತ್, ಯೇಸುನೆ ಇವ್ಣಿ ಅಕ್ಕಲ್‍ನ ಛೋ಼ಡ್ಯೊ. 
\v 46 ಅಜು಼ ಇವ್ಣುನ, ಕ್ರಿಸ್ತ ಖ್ಹತಾಪ್ಣಿ ಖೈನ್, ಮರಿನ್‌, ತೀನ್ನೊ ದನ್ಮ ಉಠಿ ಆವ್ಣು. 
\v 47 ಅಜು಼ ಪಾಪ್ನ ಮಾಪಿ ಮಳ್‌ಣುಕತೊ, ದೇವ್ ಭಣಿ ಫರೊಕರಿ ಬೋಲಾನು, ಯೆರೂಸಲೇಮ್‌ಥು ಧರೀನ್, ತಮಾಮ್‌ ದೇಖ್ಹ್‌ಮ ಇನ ನಾಮ್‌ಪರ್‌ ಬೋಲಾವ್ಣು ಕರಿ ಲೀಖೈರ‍್ಹೂಸ್‌ನಿ, 
\v 48 ಆ ಖ್ಹಾರಿ ಬಾರೇಮ, ತುಮೇಸ್ ಸಾಕ್ಷಿ ಹುಯಿರ‍್ಹಾಸ್‌. 
\v 49 ಹಂದೇಖೊ! ಮಾರೊ ಬಾ ಜಿಭಾನ್‌ ದಿದೋತೆ ಇನ, ಮೇ ತುಮಾರಾಪರ್ ಬೋಲಿ ಮೋಕ್ಲಿಶ್. ಉಪ್ಪರ್‌ಥು ತುಮಾರಪರ್ ಶಕತ್‍ ಆವಾತೋಡಿ, ಆಸ್ ಖ್ಹಯೇರ್‌ಮ ತುಮೆ ಜ಼ಪಿರ‍್ಹೇಣು ಕರಿ ಬೋಲ್ಯೊ.
\s ಯೇಸು ಸೊರ್ಗಮ ಪಡೈಲಿದೋತೆ
\r (ಮಾರ್ಕ 16:19-20; ಅಪೊ 1:9-11)
\p
\v 50 ಅನ ಬಾದ್‌ಮ ಯೇಸುನೆ ಇವ್ಣುನ ಬೇಥಾನ್ಯತೋಡಿ ಬುಲೈಲಿ ಜೈ಼ನ್, ಇನೊ ಹಾತ್ ಪಾಡಿನ್, ಇವ್ಣುನ ಆಶೀರ್ವಾದ್‌ ಕರ‍್ಯೊ. 
\v 51 ಆಶೀರ್ವಾದ್‌ ಕರುಕರಾನಿ ವಖ್ಹತ್‌ಮ, ಯೋ ಇವ್ಣುನ ಮ್ಹೆಂದಿನ್, ಸೊರ್ಗಮ ಪಡೈಗಯೊ. 
\v 52 ಇವ್ಣೆ ಯೇಸುನಿ ಆರಾದನೆ ಕರ‍್ಯು ಅಜು಼ ಘಣಿ ಖ್ಹುಶಿಥಿ ಯೆರೂಸಲೇಮ್‌ನ ಪಾಛು಼ಫರಿ ಗಯು. 
\v 53 ಅಜು಼ ಇವ್ಣೆ ಕದೇಬಿ ಮಂದಿರ್‌ಮಾಸ್ ರ‍್ಹೀನ್, ದೇವ್ನಿ ಸ್ತುತಿಕರ‍್ಯು.