\id JHN -WAGHRI
\ide UTF-8
\h ಯೋಹಾನ
\toc3 ಯೋಹಾ
\toc2 ಯೋಹಾನ
\toc1 ಯೋಹಾನೆ ಲೀಖ್ಯೋತೆ ಅಛ್ಛಿ ಸಮಾಚಾರ್‌
\mt2 ಯೋಹಾನನು ಬರೆದ ಯೇಸುವಿನ ಸುವಾರ್ತೆ
\mt1 ಯೋಹಾನನೆ ಲೀಖ್ಯೋತೆ ಯೇಸುನಿ ಅಛ್ಛಿ ಸಮಾಚಾರ್
\imt ಮಾಲುಮ್ ಕರಾನು
\ip ಯೋಹಾನಾನೆ ಲೀಖ್ಯೋತೆ ಸುವಾರ್ತೆನು ನವು ಒಪ್ಪಂದಮ ಯೇಸುಕ್ರಿಸ್ತನಿ ಜಿವ್ಣನಿ ಬಾರೇಮ ಬೋಲಾನು ಹುಯಿರುತೆ ಚಾರ್ ಪುಸ್ತಕ್‌ಮ ಆಬಿ ಏಕ್‌ ಹುಯಿರುಸ್. ಆ ಚಾರ್ ಪುಸ್ತಕನ ಸುವಾರ್ತೆ ಕರಿ ಬೋಲಸ್, ಅನಿ ಮತಲಬ್ ಅಛ್ಛು಼ ಸಮಾಚಾರ್. ಯೇಸುನಿ ಮರಣ್ಣ ಪಾಛ಼ಳ್ ಮತ್ತಾಯ ಮಾರ್ಕ ಅಜು಼ ಲೂಕಥಿ ಲೀಖೈರುಸ್. ಯೋಹಾನಾನೆ ಲಿಖ್ಯೋತೆ ಸುವಾರ್ತೆ, ಕ್ರಿಸ್ತ ಪೈದಹುಯೊತೆ ಖ್ಹುಮಾರ್ 90 ವರಖ್ಹ್‌ನ ಪಾಛ಼ಳ್ ಅಪೊಸ್ತಲ ಹುಯಿರೋತೆ ಯೋಹಾನಥಿ ಲೀಖೈರುಸ್.
\ip ಆ ಪುಸ್ತಕ ಲೀಖೈರುತೆ ಯೋಹಾನಥೀಸ್ ಕರಿ ಬೋಲಾನ ಕೋಹೊಯ್ನಿ. ಕತೋಬಿ ಆ ಪುಸ್ತಕಾನು ಲಿಖಾವಟ್‌ನಿ ಪರಕ್ಮ ಯೋಹಾನಾನೆ ಲಿಖ್ಯೋತೆ 1 2 3 ಚಿಟ್ಟಿನಿತರ ಹುಯಿರುಸ್. ಥೋಡು ಜೂ಼ನು ಲೀಖಾಪಟ್ ಕರಾವಾಳು, ಯೋಹಾನ ಆ ವಖ್ಹತ್‌ಮ ಎಫೆಸ ಖ್ಹಯೇರ್‌ಮ ಜಿವ್ಣು ಕರುಕರ್ತೊಥೊ.
\ip ಇನಖ್ಹಾಜೆ ಜಾ಼ಖ್ಹತ್ ಆ ಪುಸ್ತಕ ಎಫೆಸಮಸ್ ಲೀಖೈರುಸ್ ಕರಿ ಬೊಲೈರ‍್ಹೂಸ್. ಯೋಹಾನ ಆ ಪುಸ್ತಕ್‌ಮ ಲೀಖ್ಯೋತೆ ಶಾತ್‌ಕತೊ ಯೇಸುಕ್ರಿಸ್ತ ಜಿವಿರ‍್ಹೋತೆ ದೇವ್‌ನೊ ಛಿಯ್ಯೊ ಕರಿ ಅದ್ಮಿಖ್ಹಾರು ವಿಶ್ವಾಸ್ ಕರಾನ ಮದತ್ ಹುವಾಸ್ ಕರಿ ಛೋ಼ಡಿ ಬೋಲಿರಾಖ್ಯುಸ್. \xt ಯೋಹಾನ 20:31\xt* ಅನ ವಿಶ್ವಾಸ್ ಕರಾಥಿ ಇನ ನಾಮ್ಮ ಅಪ್ಣುನ ಜಾನ್‌ ಛಾ಼. ಆ ಪುಸ್ತಕ ಯೆಹೂದ್ಯರ್ ಕೊಯಿನ್ತೆ ಇವ್ಣುನಾಬಿ ಲೀಖೈರುಸ್. ಯೋಹಾನಾನಿ ಸುವಾರ್ತೆ ಥೋಡಿ ಪರಕ್ಮ ಛಾ಼ತೆ ತೀನ್ ಸುವಾರ್ತೆಥೀಬಿ ಅಲಕ್ ಹುಯಿರುಸ್, ಆ ಪುಸ್ತಕ್‌ಮ ಯೇಸುನೆ ಕರ‍್ಯೊತೆ ಅದ್ಭುತ್ ಕಾಮ್ನ ಘಣು ದಿಮಾಕ್‍ಥಿ ಲೀಖಿರಾಖ್ಯೊಸ್. ಇನಿ ಮತ್ಲಬ್‌ನಿ ವಾತೆನ ಜಾ಼ಖ್ಹತ್ ಲಿಖಿರಾಖ್ಯುಕೊಯ್ನಿ. ಅಜು಼ ಯೇಸುನು ಬ್ಯಾಪ್ತಿಸ್ಮನಾಬಿ ಜ಼ಂಗಳ್‌ಮ ಇನ ಹುಯುತೆ ಖ್ಹತಾಪ್ಣಿನಿ ಬಾರೇಮ ಲೀಖೈರುಕೊಯ್ನಿ.
\iot ಕಾಡಿದೇಖೊ
\io1 1. ಯೋಹಾನ್ನಿ ಸುವಾರ್ತೆನಿ ಶುರುವಾತ್. \ior 1:1-18\ior*
\io1 2. ಯೇಸುನೆ ಕರ‍್ಯೊತೆ ಕೈಏಕ್ ಅದ್ಭುತ್ ಕಾಮ್ನಿ ಬಾರೇಮ ಲೀಖಿರಾಖ್ಯುತೆ. \ior 1:19—12:50\ior*
\io1 3. ಇನಕೇಡೆಥು ಯೇಸುನಿ ಜೀವನ್‌ಮ ಇನಿ ಮರಣ್ ಅಜು಼ ಮರಣ್‌ಥಿ ಜಿವಿನ್ ಉಠ್ಯೊತೆ ಇನಿ ಬಾರೇಮ ಲೀಖೈರುತೆ.\ior 13:1—20:31\ior*
\io1 4. ಯೋಹಾನ 21 ಅಧ್ಯಾಯಮ ಯೇಸು ಮರೀನ್ ಜಿವ್ತೊಹುಯಿನ್ ಉಠ್ಯೊತೆ ಬಾದ್ಮ ದೆಖಾಯೊತೆ ಬಾರೇಮಾಬಿ ಅಜು಼ ಆ ಪುಸ್ತಕ ಲೀಖೈರುತೆ ಉದ್ದೇಶ್ ಶಾತ್‌ಕರಿ ಬೋಲಾನು ಆ ಸುವಾರ್ತೆಥಿ ಖ್ಹರ್ತಿ ಹುವಾಸ್. \ior 21:1-25 \ior*
\c 1
\s ಜಾನ್ನಿ ವಾತೆ
\p
\v 1 ಶುರುವಾತ್ನ ಪಹಿಲೆ ವಚನ್ ಥು; ಯೋ ವಚನ್‌ ದೇವ್‌ಕನ ಥು; ಯೋ ವಚನ್ ದೇವ್ ಹುಯಿರುಥು. 
\v 2 ಯೋ ವಚನ್ ಶುರುವಾತ್‌ಥೂಸ್ ದೇವ್‌ಕನ ಥೊ. 
\v 3 ಇನೇಥಿಸ್ ದೇವ್ನೆ ಅಖ್ಖೂಸ್ ಬಣಾಯೊ, ಬಣಾಯೋತೆ ಯೋ ತಮಾಮ್‌ ರಾಛಾ಼ಮ, ಏಕ್‌ಬಿ ಯೋ ಕೊಂತೆ \f + \fr 1:3 \fr*\ft ಸೃಷ್ಠಿ-ಉಬ್‌ಜ್ಯುತೆ ಅಖ್ಖು\ft*\f*ಉಬ್‍ಜ್ಯುಕೊಯ್ನಿ. 
\v 4 ಇನಾಮ ಜಾನ್‌ ಥು. ಯೋ ಜಾನ್‌ ಅದ್ಮಿ ಖ್ಹಾರಾನ ಉಜಾ಼ಳು ಹುಯಿರ‍್ಹುಥು. 
\v 5 \f + \fr 1:5 \fr*\ft ಅಂಧಾರು-ಪಾಪ್\ft*\f*ಯೋ ಉಜಾ಼ಳು ಅಂಧಾರಾಮ ಚ಼ಮ್‌ಕಾಸ್, ಅಜು಼ ಅಂಧಾರು ಇನ ಮಾಲುಮ್ ಕರ‍್ಯುಕೊಯ್ನಿ.
\p
\v 6 ದೇವ್ನೆ ಏಕ್‌ ಖಬರ್‌ಲ್ಯಾವಳೊ ಏಕ್‌ ಅದ್ಮಿನ ಮೋಕ್‌ಲ್ಯೊ, \f + \fr 1:6 \fr*\ft ಮತ್ತಾಯ 3:1; ಮಾರ್ಕ 1:4; ಲೂಕ 3:1,2 \ft*\f*ಇನು ನಾಮ್ ಯೋಹಾನ. 
\v 7 ಯೋ ಖ್ಹಾರ ಅದ್ಮಿನ ಆ ಉಜಾ಼ಳನಿ ಸಾಕ್ಷಿ ದ್ಯವಾನ ಆಯೊ. ಶನಕತೊ ಖ್ಹಾರುಜ಼ಣು ಆ ಸಂದೇಶ್ನ ಖ್ಹಮ್‌ಜಿನ್‌ ವಿಶ್ವಾಸ್ ಕರ್ನುಕರಿ ಆಯೊ. 
\v 8 ಯೋಹಾನಸ್‌ ಯೋ ಉಜಾ಼ಳು ಕಾಹೆ, ಪಣ್ಕಿ ಯೋ ಉಜಾ಼ಳಾನಿ ಬಾರೇಮ ಸಾಕ್ಷಿ ದ್ಯವಾನ ಆಯೋತೆ. 
\v 9 ಯೊ ಖ್ಹಾಚು಼ ಉಜಾ಼ಳು ಹುಯಿರುಥು ಅಜು಼ ಯೊ ಜಗತ್‌ಮ ಆವಾಳು ಥು, ಯೊ ಅಖ್ಖಾ ಅದ್ಮಿನ ಉಜಾ಼ಖ್ಹ್‌ ದೆವಾಳು ಹುಯಿರ‍್ಹುಥು.
\p
\v 10 ವಚನ್ ಜಗತ್‌ಮ ಥು, ಅಜು಼ ದೇವ್ನೆ ಇನೇಥಿಸ್ ಜಗತ್ನ ಬಣಾಯೊ, ತೋಬಿ ಜಗತ್‌ ಇನ ಮಾಲುಮ್ ಕರ‍್ಯುಕೊಯ್ನಿ. 
\v 11 ಯೋ ಇನ ಶೊಂತ್‌ ದೇಖ್ಹ್‌ಮ ಆಯೊ, ತೋಬಿ ಇನು ಶೊಂತ್ ಅದ್ಮಿಸ್‌ ಇನ ಮಳೈಲಿದುಕೊಯ್ನಿ. 
\v 12 \f + \fr 1:12 \fr*\ft ಮಳೈಲಿದುಕಿ-ಮಾನಿಲ್ಯವಾನು\ft*\f*ಕತೋಬಿ ಕೋಣ್-ಕೋಣ್ ಇನ ಮಳೈಲಿದುಕಿ, ಕತೊ ಇನ ನಾಮ್‍ಪರ್ ವಿಶ್ವಾಸ್ ಕರ‍್ಯುಕೀ, ಇವ್ಣುನ ದೇವ್ನ ಲಡ್ಕಾ ಹುವಾನ ಹಕ್‌ ದಿದೊ. 
\v 13 ಇವ್ಣೆ ಲ್ಹೋಯಿನಿ ಸಂಬಂದಾಥಿ ರ‍್ಹವೊ, ಶರೀರ್‌ನಿ ಆಖ್ಹ್‌ಥೀಬಿ ರ‍್ಹವೊ, ಪರ್ಖ್ಹಾನಿ ಖ್ಹಂಗ್‌ಥಿಬಿ ರ‍್ಹವೊ ಪೈದಹುಯುತೆ ಕಾಹೆ; ದೇವ್‌ಥೀಸ್ ಪೈದಹುಯುತೆ.
\p
\v 14 ಯೋ ವಚನ್ ಅದ್ಮಿನು ರೂಪ್‍ನ ಲೀನ್ ವಾರ್‌ಖ್ಹೊಥೀಬಿ ಅಜು಼ ಖ್ಹಾಚಥೀಬಿ ಭರೈರ‍್ಹಾವಾಳೊ ಹುಯಿರೊಸ್. ಅಜು಼ ಅಪ್ಣಾಮ ಜಿವ್ಣುಕರ‍್ಯೊ. ಅಜು಼ ಅಪ್ಣೆ ಇನ ಮಹಿಮೆನ ದೇಖ್ಯ. ಯೊ ಬಾನೊ ಏಕ್‍ನೊ ಎಕ್ಕಸ್ ಛಿಯ್ಯಾನು ಮಹಿಮೆ ಹುಯಿರೊಥೊ.
\p
\v 15 ಯೋಹಾನನೆ ಇನಿ ಬಾರೇಮ ಸಾಕ್ಷಿ ಬೋಲ್ಯೊ. ಅಜು಼ ಚಿಕರ್ತೊ ಹುಯಿನ್, “ಮೇ ಕಿನಿ ಬಾರೇಮ ಬೋಲಿರಾಖ್ಯೊಸ್ಕಿ ಯೋಸ್ ಆ ಹುಯಿರೊಸ್.” ‘ಮಾರ ಪಾಛ಼ಳ್ ಆವವಾಳೊ ಛಾ಼ ಕರಿ ಕಿನಿ ಬಾರೇಮ ಬೋಲ್ಯೊಥೋಕಿ ಯೊ ಮಾರೇಥಿಬಿ ಮಹಾನ್ ಹುಯಿರೊಸ್.‌ ಶನಕತೊ ಯೊ ಮಾರ ಪೈದಾಖ್ಹ್‌ನ ಅಗ್ಗಳಸ್ ಯೋ ಥೊ’.
\p
\v 16 ಇನಿ ವಾರ್‌ಖ್ಹಾನಿ ಭರ್‌ಪೂರ್‌ಥಿಸ್, ಅಪ್ಣುನಖ್ಹಾರು ಆಶೀರ್ವಾದ್‍ಪರ್ ಆಶೀರ್ವಾದ್‌ ಮಳ್ಯು. 
\v 17 ಧರ್ಮಶಾಸ್ತ್ರ ಮೋಶೆಥಿ ದೇವೈರ‍್ಹುಸ್ ಕತೋಬಿ ವಾರ್‌ಖ್ಹೊಬಿ ಖ್ಹಾಚ಼ಬಿ ಕ್ರಿಸ್ತಥಿ ಆಯುತೆ. 
\v 18 ದೇವ್ನ ಕೋಣ್‌ಬಿ ಕದೇಬಿ ಕೊ ದೇಖ್ಯುನಿ, ಕತೋಬಿ ಏಕ್‍ನೊ ಏಕ್‌ ಛಿಯ್ಯೊ, ಯೊ ದೇವ್ನಿಘೋಣಿ ಛಾ಼. ಅಜು಼ ಬಾನಿ ಜೋ಼ಡ್ಮಾಸ್ ಛಾ಼ ಇನೇಸ್‌ ಅಪ್ಣುನ ಯೊ ಕೋಣ್ ಕರಿ ವತಾಳಿರಾಖ್ಯೊಸ್.
\s ಬ್ಯಾಪ್ತಿಸ್ಮ ದೆವಾಳೊ ಯೋಹಾನ್ನಿ ಸಂದೇಶ್
\r (ಮತ್ತಾಯ 3:1-12; ಮಾರ್ಕ 1:1-8; ಲೂಕ 3:1-18)
\p
\v 19 ಯೆರೂಸಲೇಮ್‌ನು ಯೆಹೂದ್ಯರ್‌ನ ಅದಿಕಾರಿಯೋನೆ ಯಾಜಕರ್‌ ಅಜು಼ ಲೇವಿವಾಳಾನ ಯೋಹಾನಕನ ಮೋಕ್ಲಿನ್, “ತೂ ಕೋಣ್?” ಕರಿ ಪುಛಾ಼ವನಟೇಕೆ ಮೋಕ್‍ಲ್ಯು.
\p
\v 20 ತದೆ ಯೋಹಾನನೆ ದಬಾಯೊಕೊಂತೆ, “ಮೇ ಕ್ರಿಸ್ತ ಕಾಹೆ” ಕರಿ ಖ್ಹಾರಾನ ಖ್ಹಾಮ್ಣೆ ಬೋಲ್ಯೊ.
\p
\v 21 ಇಮ್‌ರ‍್ಹಯುತೊ, “ತೂ ಎಲೀಯಕಿ‍ ಶು? ಕರಿ ಇವ್ಣೆ ಬೋಲಖ್ಹತರ್,
\p ತದೆ ಯೋಹಾನನೆ ‘ಕಾಹೆ’ ಕರಿ ಬೋಲ್ಯೊ.
\p “ತೂ ಆವ್ಣುಥೂತೆ ಪ್ರವಾದಿ ಕಾಹೆಕಿ ಶು?” ಕರಿ ಪಾಛೊ಼ ಬೋಲಖ್ಹತರ್,
\p “ಮೆ ಕಾಹೆ” ಕರಿ ಇನೆ ಫರಿನ್ ಬೋಲ್ಯೊ.
\p
\v 22 ತದೆ ಇವ್ಣೆ, “ಇಮ್‍ಕತೊ, ತೂ ಕೋಣ್? ಹಮೂನ ಬೋಲ್, ಹಮೂನ ಮೋಕ್‌ಲ್ಯುತೆ ಇವ್ಣುನ ಹಮೆ ಜವಾಬ್‌ ದೇವ್ಣು; ತಾರಿ ಬಾರೇಮ ತೂ ಶಾತ್‌ ಬೋಲಾಸ್?” ಕರಿ ಪುಛಾ಼ಯು.
\p
\v 23 ಯೋಹಾನಾನೆ, ಪ್ರವಾದಿ ಹುಯಿರೋತೆ ಯೆಶಾಯನೆ ಬೋಲಾನಿತರಸ್, ‘ಪ್ರಭುನಿ ವಾಟ್ನ ಖ್ಹೂದುಕರೊ ಕರಿ ಬೋಲಾನು ಉಜ್ಜಾ಼ಡಿ ಝ಼ಗೋಮ ಚಿಕ್ರಾವಾಳಾನಿ ಅವಾಜ಼್ ಮೇಸ್’ ಕರಿ ಜ಼ವಾಬ್‌ದಿದೊ.\f + \fr 1:23 \fr*\ft ಯೆಶಾಯ 40:3\ft*\f*
\p
\v 24 ಫರಿಸಾಯರ್‌ಥಿ ಮೋಕ್ಲಾಯುಹುಯು ಸಂದೇಶ್ ದ್ಯವಾಳು ಅದ್ಮಿ ಹುಯಿರುಥು. 
\v 25 ಇವ್ಣೆ ಯೋಹಾನ್ನ ಬೋಲ್ಯು, “ತೂ ಕ್ರಿಸ್ತಬಿ ಕಾಹೆ ಕರಿ ಬೋಲಾನು ಉಷೇತೊ ಎಲೀಯಬಿ ಕಾಹೆ, ಪ್ರವಾದೀಬಿ ಕಾಹೆ, ಇಮ್‍ಕತೊ, ತೂ ಬ್ಯಾಪ್ತಿಸ್ಮ ಶನ ದೇಸ್?” ಕರಿ ಪುಛಾ಼ಯು.
\p
\v 26 ತದೆ ಯೋಹಾನನೆ, “ಮೇ ಪಾಣಿಥಿ ಬ್ಯಾಪ್ತಿಸ್ಮ ದ್ಯವಾಳೊ, ಕತೋಬಿ ತುಮೂನ ಮಾಲುಮ್‌ಕೊಂತೆ ಏಕ್‌ ಜ಼ಣೊ ತುಮಾರ ಇಚ಼್‌ಮ ಛಾ಼. 
\v 27 ಯೋಸ್ ಮಾರ ಪೀಠೆ ಆವಾಳೊ ಹುಯಿರ‍್ಹೋಸ್, ಇನಿ ಖೋಖ್ಹ್‌ಡಾನಿ ಡೋರಿ ಛೋ಼ಡಾನಾಬಿ ಮೇ ಲ್ಹಾಯೇಕ್‌ಕೊಯ್ನಿ” ಕರಿ ಬೋಲ್ಯೊ.
\p
\v 28 ಆ ಅಖ್ಖೂಸ್ ಘಟನೆ ಬೇಥಾನ್ಯಮ ಚಾ಼ಲ್ಯು. ಆ ಯೊರ್ದನ್‌ ನದ್ದಿನ ಪೂರಬ್ ದಿಕ್ಮ ಛಾ಼ ಹಿಜ್ಜಾ಼ಸ್ ಯೋಹಾನ ಬ್ಯಾಪ್ತಿಸ್ಮ ದೆವ್‌ಕರ್ತೊಥೊ.
\s ದೇವ್‌ನು ಮೇಂಢಾನು ಚೆಲ್ಕು
\p
\v 29 ಇನವ್ಹಾಣೆ ಯೋಹಾನನೆ ಇನಾಖನ್ನೆ ವಳ್ಯಾವ್‍ತೊಥೋತೆ ಯೇಸುನ ದೇಖಿನ್, “ದೇವ್ನ ಮೇಂಢಾನ ಚೆಲ್ಕಾನ ದೇಖೊ, ಯೊ ಜಗತ್‌ನು ಪಾಪ್ನ ದೂರ್ ಕರ್ಶೆ.” 
\v 30 ಅದ್ಮಿಖ್ಹಾರನ, ‘ಮಾರ ಪಾಛ಼ಳ್ ಆವಾಳೊ, ಮಾರೇಥಿಬಿ ಮಹಾನ್ ಹುಯಿರ‍್ಹೋಸ್, ಶನಕತೊ ಮೇ ಪೈದಾ ಹುವಾನ ಅಗಾಡಿಸ್ ಯೋ ಥೊ’ ಕರಿ ಮೇ ಬೋಲ್ಯೋತೆ ವಾತೆ ಅನಿಸ್ ಬಾರೇಮ ಹುಯಿರ‍್ಹೂಸ್. 
\v 31 ಅಜು಼ ಯೋಹಾನನೆ ಇನಿ ಸಾಕ್ಷಿದಿದೊ, “ಯೋ ಕೋಣ್ ಕರಿ ಮನಾಬಿ ಮಾಲುಮ್ ಕೋ ಥೂನಿ, ಕತೋಬಿ ಇಸ್ರಾಯೇಲ್ ಅದ್ಮಿನ ಯೋ ಕೋಣ್ ಕರಿ ಮಾಲುಮ್‌ ಕರಾವಾನಖ್ಹಾಜೆ, ಮೇ ಪಾಣಿನು ಬ್ಯಾಪ್ತಿಸ್ಮ ದೆವಾಳೊ ಹುಯಿನ್ ಆಯೋತೆ” ಕರಿ ಬೋಲ್ಯೊ.
\p
\v 32 ಅತ್ರೇಸ್ ಕಾಹೆತೆ ಯೋಹಾನ ಬೋಲ್ಯೋತೆ ಸಾಕ್ಷಿ ಶಾತ್‌ಕತೊ, “ದೇವ್‌ನು ಆತ್ಮ ಸೊರ್ಗಥು ಪರ‍್ಯಾವಾನಿಘೋಣಿ ಉತ್ರಿನ್ ಆಯೂತೆ ಅಜು಼ ಇನಾಪರ್ ಐನ್ ಬೆಠೂತೆ ಮೇ ದೇಖ್ಯೊ”. 
\v 33 ಯೊ ಆಸ್‍ಕರಿ ಮನಾಬಿ ಮಾಲುಮ್‌ ಕೊಯ್ನಿ, ಕತೋಬಿ ದೇವ್ನೆ ಮನ ಪಾಣಿಥಿ ಬ್ಯಾಪ್ತಿಸ್ಮ ದ್ಯವಾನ ಮೋಕ್ಲಿರಾಖ್ಯೊಸ್. ಯೊ ಮನ ಪಹಿಲೇಸ್ ಬೋಲಿರಾಖ್ಯೊಸ್, ‘ತೂ ದೇವ್ನು ಆತ್ಮ ಉಪ್ಪರ್‌ಥು ಏಕ್‌ ಅದ್ಮಿಪರ್ ಉತ್ರಿಆವಾನು ದೇಖಿಶ್‌, ಯೋಸ್‌ ಪವಿತ್ರಾತ್ಮಥಿ ಬ್ಯಾಪ್ತಿಸ್ಮ ದೆವಾಳೊ ಹುಯಿರೋಸ್’ 
\v 34 “ಮೇ ಇನ ದೇಖ್ಯೊ, ಅಜು಼ ಯೋಸ್ ದೇವ್‌ನೊ ಛಿಯ್ಯೊ ಕರಿ ಮೇ ಸಾಕ್ಷಿ ದೆವ್‍ಕರೂಸ್” ಕರಿ ಬೋಲ್ಯೊ.
\s ಯೇಸುನೊ ಪಹಿಲೊ ಶಿಷ್ಯ
\p
\v 35 ಇನ ಅಗ್‍ಲ್ಯ ದನ್ನೆ ಯೋಹಾನ ಇನ ಬೇಜ಼ಣ ಶಿಷ್ಯರ‍್ನ ಜೋ಼ಡ್ಮ ಭಿಯೋಥೊ. 
\v 36 ತದೆ ಹಿಜ್ಜಾ಼ ಯೇಸು ಒಳೇಜಾ಼ತೊಥೋತೆ ದೇಖಿನ್, “ಹಂದೇಖೊ, ಬಲಿನಖ್ಹಾಜೆ ದೇವ್ನೆ ನೇಮಕ್ ಕರ‍್ಯೊತೆ ಮೇಂಢಾನು ಚೆಲ್ಕು!” ಕರಿ ಬೋಲ್ಯೊ.
\p
\v 37 ಯೋ ಭೇ ಶಿಷ್ಯರ್‌ ಯೋಹಾನ್ನಿ ಆ ವಾತೆನ ಖ್ಹಮ್‌ಜಿನ್‌, ಯೇಸುನ ಪೀಠೆ ಗಯ. 
\v 38 ಇವ್ಣೆ ಪೀಠೆ ವಳ್ಯವತೆ ಯೇಸುನೆ ಪಾಛೊ಼ ಫರೀನ್ ದೇಖ್ಯೊ, ತದೆ ಯೊ ಇವ್ಣುನ ಬೋಲ್ಯೊ, “ತುಮೂನ ಶಾತ್ ಹೋಣು? ತದೆ ಇವ್ಣೆ ಜ಼ವಾಬ್ ದಿದು, “ರಬ್ಬಿ, ತೂ ಕಿಜ್ಗಾ಼ ಜಿವ್ಣು ಕರಸ್?” ಕರಿ ಬೋಲ್ಯ (ರಬ್ಬಿ ಕತೊ “ಗುರು” ಕರಿ).
\p
\v 39 ಯೇಸುನೆ, “ಐನ್ ದೇಖೊ” ಕರಿ ಬೋಲ್ಯೊ. ತದೆ ಖ್ಹಾಂಜ಼್‌ನಿ ಖ್ಹುಮಾರ್, ಚಾರ್ ಘಂಟ ಹುಯಿರ‍್ಹಾಥ. ಇನಖ್ಹಾಜೆ ಇವ್ಣೆ ಇನಕೇಡೆ ಜೈ಼ನ್, ಯೋ ಥೋತೆ ಝ಼ಗೋನ ದೇಖ್ಯು, ಅಜು಼ ಯೋ ದನ್ ಇನ ಜೋ಼ಡೆಸ್ ರ‍್ಹಯು.
\p
\v 40 ಯೋಹಾನ್ನಿ ವಾತೆನ ಖ್ಹಮ್‌ಜಿನ್‌ ಯೇಸುನಿ ಪೀಠೆ ವಳೇಜಾ಼ತಥಾತೆ ಯೊ ಬೇ ಶಿಷ್ಯರ್‌ಮ ಸೀಮೋನ್ ಪೇತ್ರನೊ ಭೈ ಹುಯಿರ‍್ಹೋತೆ ಅಂದ್ರೆಯಬಿ ಏಕ್‌ ಜ಼ಣೊ. 
\v 41 ಅನೆ ಪಹಿಲೆ ಇನ ಭೈ ಹುಯಿರ‍್ಹೋತೆ ಸೀಮೋನ್‌ಕನ ಜೈ಼ನ್‌, “ಹಮೂನ ಮೆಸ್ಸೀಯ ಮಳಿರ‍್ಹೋಸ್‌” ಕರಿ ಬೋಲ್ಯೊ. (“ಮೆಸ್ಸೀಯ” ಕತೊ ಇಬ್ರಿಯಾಮ “ಕ್ರಿಸ್ತ” ಕರಿ) 
\v 42 ಅಜು಼ ಸೀಮೋನ್ನ ಯೇಸುಕನ ಬುಲೈಲಾಯೊ.
\p ಯೇಸುನೆ ಸೀಮೋನ್ನ ದೇಖಿನ್‌, “ತೂ ಯೋಹಾನನೊ ಛಿಯ್ಯೊ ಹುಯಿರ‍್ಹೋತೆ ಸೀಮೋನ್, ಕತೋಬಿ ಹಮ್ಕೆಥು ‘ಕೇಫ’ ಕರಿ ಬೋಲೈಲಿಶ್” ಕರಿ ಬೋಲ್ಯೊ. ‘ಕೇಫ’ ಕತೊ ಪೇತ್ರ ಕರಿ. ಅನಿ ಮತ್‌ಲಬ್ ‘ಚಿಪಾಟ್’.
\s ಯೇಸುನೆ ಫಿಲಿಪ್ಪ ಅಜು಼ ನತಾನಿಯೇಲ್‌ನ ಬುಲಾಯೋತೆ
\p
\v 43 ಇನ ಅಗ್‍ಲ್ಯ ದನ್ನೆ ಯೇಸು ಗಲಿಲಾಯನ ಜಾ಼ವ್ಣುಕರಿ ಥೋತೆ ತದೆ, ಫಿಲಿಪ್ಪನ ದೇಖಿನ್‌, “ಮಾರ ಜೋ಼ಡೆ ಆವ್!” ಕರಿ ಬೋಲ್ಯೊ. 
\v 44 ಅಂದ್ರೆಯ ಅಜು಼ ಪೇತ್ರ ಬೆತ್ಸಾಯಿದ ಖ್ಹಯೇರ್‌ವಾಳ, ಫಿಲಿಪ್ಪಬಿ ಯೋಸ್ ಖ್ಹಯೇರ್‌ವಾಳೊ ಹುಯಿರ‍್ಹೋಥೊ. 
\v 45 ಫಿಲಿಪ್ಪನೆ ನತಾನಿಯೇಲ್‌ಥಿ ಮಳಿನ್, ಇನ, “ಕಿನಿ ಬಾರೇಮ ಮೋಶೆನೆ ಧರ್ಮಶಾಸ್ತ್ರ ಲೀಖ್ಯೋಕಿ ಅಜು಼ ಪ್ರವಾದಿಖ್ಹಾರು ಲೀಖ್ಯೂಕಿ ಯೋ ಹಮೂನ ಮಳಿರ‍್ಹೋಸ್‌. ಯೋ ಕೋಣ್‌ಕತೊ ಇನು ನಾಮ್ ಯೇಸು ಯೋಸೇಫ್‌ನೊ ಛಿಯ್ಯೊ ಅಜು಼ ನಜ಼ರೇತ್‍ಮ ರ‍್ಹವಾಳೊ.
\p
\v 46 ತದೆ ನತಾನಿಯೇಲನೆ, ‘ನಜ಼ರೇತ್‌ಥು ಶಾತ್‌ತೋಬಿ ಅಛ಼್ಛು ಆವ್‌ಶೆಕಿ ಶು’? ಕರಿ ಫಿಲಿಪ್ಪನ ಪುಛಾ಼ಯೊ.
\p ಇನ ಫಿಲಿಪ್ಪನೆ, “ಐನ್, ದೇಕ್” ಕರಿ ಬೋಲ್ಯೊ.
\p
\v 47 ಯೇಸುನೆ ಇನಾಭಣಿ ವಳ್ಯಾವ್‌ಥೋತೆ ನತಾನಿಯೇಲ್‌ನ ದೇಖಿನ್‌, ಇನಿ ಬಾರೇಮ, “ಹಂದೇಖೊ, ಆ ಖ್ಹಾಚೊ಼ ಇಸ್ರಾಯೇಲ್‌ವಾಳೊ; ಅನಾಮ ಶನೀಶ್ ಗಲತ್‌ ಕೊಯ್ನಿ!” ಕರಿ ಬೋಲ್ಯೊ.
\p
\v 48 ಇನ ನತಾನಿಯೇಲನೆ ತೂ ಮನ ಕಿಮ್ ಮಾಲುಮ್ ಕರ‍್ಯೊ? ಕರಿ ಯೇಸುನ ಬೋಲಖ್ಹತರ್
\p ಇನೆ ಫಿಲಿಪ್ಪನೆ ತುನ ಬುಲಾವನ ಅಗಾಡಿಸ್ ತು ಯೋ ಅಂಜೀರ್‌ನ ಝಾ಼ಡ್‌ ಹೇಟ್ ಮೇ ದೇಖ್ಯೊ ಕರಿ ಬೋಲ್ಯೊ.
\p
\v 49 ತದೆ ನತಾನಿಯೇಲನೆ ಇನ, “ಗುರು, ತೂ ದೇವ್‌ನೊ ಛಿಯ್ಯೊ! ತೂಸ್ ಇಸ್ರಾಯೇಲ್‌ನೊ ರಾಜ಼!” ಕರಿ ಬೋಲ್ಯೊ.
\p
\v 50 ಯೇಸುನೆ ಇನ, ತೂ ಅಂಜೀರ್‌ನ ಝಾ಼ಡಾನ ಹೇಟ್‌ ಥೊ, ತದೆ ಮೆ ತುನ ದೇಖ್ಯೊ. ಕರಿ ಬೋಲ್ಯೋತೆ ವಾತೆಥಿ ತೂ ನಂಬಾಸ್ಕಿ ಶು? ತೂ ಇನೇಥಿಬಿ ಜಾ಼ಖ್ಹತ್ ಮೋಟು ಕಾಮ್‌ಖ್ಹಾರು ದೇಖಿಶ್‌!” ಕರಿ ಬೋಲ್ಯೊ. 
\v 51 ಯೇಸುನೆ ಇವ್ಣುನ, “ಮೇ ತುಮೂನ ಖ್ಹಾಚ ಬೋಲುಸ್ಕಿ: ಸೊರ್ಗ ನಿಕ್‌ಳೈರ‍್ಹೀಶೆತೆ ಅಜು಼ ಅದ್ಮಿನೊ ಛಿಯ್ಯಾನ ಉಪ್ಪರ್ ಕರಿ ದೇವ್‌ನು ದೂತರ್ ಉತ್ರಿ ಆವಾನು ಅಜು಼ ಜಾ಼ವಾನು ತುಮೆ ದೇಕ್‌ಶು” ಕರಿ ಬೋಲ್ಯೊ.
\c 2
\s ಕಾನಾ ಗಾಮ್‌ನು ವ್ಯಹಾ
\p
\v 1 ತೀನ್ನೆ ದನ್ಮ ಗಲಿಲಾಯನು ಕಾನಾಕರಿ ಗಾಮ್ಮ ಏಕ್‌ ವ್ಯಹಾ ಥೂ. ಯೇಸುನಿ ಆಯ ಹಿಜ್ಜಾ಼ ಥಿ. 
\v 2 ಯೇಸುನ ಅಜು಼ ಇನ ಶಿಷ್ಯರ್‌ನಾಬಿ ವ್ಯಹಾನ ಬುಲೈರಾಖ್ಯುಥು. 
\v 3 ದ್ರಾಕ್ಷಿನು ರಖ್ಹ್‌ ಪುರ‍್ಯೂಕೊಂತೆ ಇನಖ್ಹಾಜೆ, ಯೇಸುನಿ ಆಯಾ ಇನ ದ್ರಾಕ್ಷಿನು ರಖ್ಹ್‌ ಕೊಯ್ನಿ” ಕರಿ ಬೋಲಿ.
\p
\v 4 ಯೇಸುನೆ ಇನ, “ಆಯಾ, ಮನ ಆ ಅಖ್ಖು ಶನ ಬೋಲಸ್? ಮಾರಿ ವಖ್ಹತ್ ಬಿಜೂ಼ಬಿ ಕೋ ಐರ‍್ಹೀನಿ” ಕರಿ ಬೋಲ್ಯೊ.
\p
\v 5 ತದೆ ಯೇಸುನಿ ಆಯಾನೆ ಆಳ್‌ನ ಖ್ಹಾರು, “ಯೋ ತುಮೂನ ಶಾತ್‌ ಬೋಲಸ್ಕಿ, ಯೋ ಕರೊ” ಕರಿ ಬೋಲಿ.
\p
\v 6 ಬಂಡಾಥಿ ಬಣೈಹುಯು ಛೊ಼ ಟೊಟ್ಟಿ ಮ್ಹೇಲಿರಾಖ್ಯುಥು, ಯೆಹೂದ್ಯರ್‌ನಿ ಪದತ್ತಿಮ ಶುದ್ದಿ ಕರಾನಟೇಕೆ, ಅನ ರಾಕ್‍ತುಥು. ಹರೇಕ್ ಟೊಟ್ಟಿಬಿ ಖ್ಹುಮಾರ್ ಚಾರಿಖ್ಹ್ ಥಿ ಏಕ್‌ ಖ್ಹೋ ವೀಖ್ಹ್‌ ಲೀಟರ್ ಪಾಣಿಭರಾವ ಎವ್ಡು ಮೋಟು ಥೂ. 
\v 7 ಯೇಸು ಯೋ ಆಳ್‌ ಖ್ಹಾರಾನ, “ಹೈರಾತೆ ಟೊಟ್ಟಿಮ ಪಾಣಿ ಭರೊ” ಕರಿ ಬೋಲ್ಯೊ. ಇಮ್ಮಸ್ ಇವ್ಣೆ ಯೋ ಟೊಟ್ಟಿಮ ಪಾಣಿ ಬಮ್‌ಭರ‍್ಯು. 
\v 8 ತದೆ ಯೇಸುನೆ ಇವ್ಣುನ, “ಹಮ್ಕೆ ಅನಾಮಾನು ಥೋಡು ಪಾಣಿನ ಕಾಡಿಲಿಜೈ಼ನ್‌, ಖಾಣು-ಪಾಣಿನಿ ಬಾರೇಮ ದೇಖಿಲೇವ್‌ಕರಾಸ್ತೆ ಮೋಟಾನ ದೆವೊ” ಕರಿ ಬೋಲ್ಯೊ. ಇವ್ಣೆ ಲೀಜೈ಼ನ್ ದಿದು, 
\v 9 ತದೆ ಇನೆ ದ್ರಾಕ್ಷಿನು ರಖ್ಹ್‌ ಬಣಿರ‍್ಹುಥೂತೆ ಪಾಣಿನ ಚಾ಼ಖಿ ದೇಖ್ಯೊ. ಯೋ ದ್ರಾಕ್ಷಿನು ರಖ್ಹ್‌ ಕಿಜ್ಗಾ಼ಥು ಆಯು ಕರಿ ಇನ ಮಾಲುಮ್ ಕೋ ಥೂನಿ, ಕತೋಬಿ ಪಾಣಿ ಕಾಡ್ಯುತೆ ಯೋ ಆಳ್‌ ಖ್ಹಾರಾನ ಆ ಮಾಲುಮ್‌ ಥು. ತದೆ ಇನೆ ಯೋ ವ್ಯಹಾನೊ ವ್ಹೆತುಲ್ಡಾನ ಬುಲಾಯು. 
\v 10 ಅಖ್ಖುಜ಼ಣು ಅಛ್ಛು಼ ದ್ರಾಕ್ಷಿನು ರಖ್ಹ್‌ನ ಪಹಿಲೆ ದೀನ್ ನಿಷಾಛ಼ಡಿಗತೊ ತದೆ ಮಾಮುಲಿನ ರಖ್ಹ್‌ನ ದೇಸ್. ತೂತೊ ಅಛ಼್ಛ ದ್ರಾಕ್ಷಿನ ರಖ್ಹ್‌ನ ಹಮ್ಕೆಲಗು ದೀರಾಖ್ಯೊಸ್ ಕರಿ ಬೋಲ್ಯೊ.\fig ಬಂಡಾನಿ ತೊಟ್ಟಿಮ ಪಾಣಿನ ಭರುಕರಾತೆ ದೆಖಾನು|alt="Filling water in the stone jars" src="lb00135c.tif" size="col" copy="Horace Knowles ©" ref="2:10"\fig*
\p
\v 11 ಯೇಸುನೆ ಆ ಪಹಿಲು ಖ್ಹಣೇದ್ನ ಕಾಮ್ನ ಗಲಿಲಾಯನು ಕಾನಾ ಕರಿ ಗಾಮ್ಮಕರ‍್ಯೊ. ಹಿಜ಼್ಜ ಯೇಸು ಇನ ಮಹಿಮೆನ ವತಾಳ್ಯೊ, ಅಜು಼ ಇನ ಶಿಷ್ಯರ್‌ನೆ ಇನಾಪರ್‌ ವಿಶ್ವಾಸ್‌ ಕರ‍್ಯಾ.
\p
\v 12 ಅನ ಬಾದ್‌ಮ ಯೇಸು, ಇನಿ ಆಯಾ, ಭೈಯೇ ಅಜು಼ ಇನ ಶಿಷ್ಯರ್‌ನಿ ಜೋ಼ಡ್ಮ, ಕಪೆರ್ನೌಮ್ ಕರಿ ಗಾಮ್‌ನ ಜೈ಼ನ್‌, ಥೋಡ ದನ್ ಹಿಜ್ಜಾ಼ ಥಾ.\f + \fr 2:12 \fr*\ft ಮತ್ತಾಯ 4.13\ft*\f*
\s ಯೇಸು ಮಂದಿರ್‌ಮ ಗಯೋತೆ
\r (ಮತ್ತಾಯ 21:12,13; ಮಾರ್ಕ 11:15-17; ಲೂಕ 19:45-46)
\p
\v 13 ಯೆಹೂದ್ಯರ್‌ನ ಪಸ್ಕ ಪೂಜಾ಼ನೊ\f + \fr 2:13 \fr*\ft ವಿಮೋಚನ ಕಾಂಡ 12.1-27\ft*\f* ದನ್ ಖನ್ನೆ ಐಗೂತೆ ಇನಖ್ಹಾಜೆ, ಯೇಸು ಯೆರೂಸಲೇಮ್‌ನ ಉಪ್ಪರ್ ಗಯೊ. 
\v 14 ಹಿಜ್ಜಾ಼ ಮಂದಿರ್‌ಮ ಅದ್ಮಿಖ್ಹಾರು ಢಾಂಡು, ಮೇಂಢು, ಅಜು಼ ಪರ‍್ಯಾವ ವೆಚು಼ಕರ್ತುಥೂತೆ ಯೇಸುನೆ ದೇಖ್ಯೊ, ಅಜು಼ ಪೈಶಾ ತೋಡಾವಾನು ಧಂದೊ ಕರಾವಾಳುಬಿ ಇವ್ಣಿ ಇವ್ಣಿ ಮೇಜ್‌ಪರ್‌ ಬೇಶಿನ್, ಧಂದೊ ಕರುಕರ್ತುಥು. 
\v 15 ಇನಖ್ಹಾಜೆ ಯೇಸುನೆ ಶಿಂದ್ರಾಥಿ ವಾಟಿನ್ ಏಕ್‌ ಕೊಲ್ಡಾನ ಬಣಾಯೊ, ಇನೇಥಿ ಯೋ ಖ್ಹಾರಸ್ ಜಾನ್ವರ್‌ನ, ಢಾಂಡಾನ ಅಜು಼ ಮೇಂಢಾನ ಮಾರಿನ್, ಮಂದಿರ್‌ಮಾಥು ಭಾರ್‌ ಹಕೇಳ್ಯೊ; ಪೈಶಾ ತೋಡಾವಾಳಾನು ಮೇಜ್‌ನ ರಡ್‌ಕೈನ್‌, ಪೈಶ ರಂಚಿದಿದೊ. 
\v 16 ಪರ‍್ಯಾವೊ ವೇಚ಼ವಾಳಾನ, “ಹಜ್ಜಾ಼ಥು ಅನ ಪಳ್ಳಿ ಜಾ಼ವೊ! ಮಾರ ಬಾನಘರ‍್ನ ಬಜಾ಼ರ್‌ನಿ ಝ಼ಗೊ ಕರಾನು ಭೀರಾಖೊ!” ಕರಿ ಬೋಲ್ಯೊ. 
\v 17 ತದೆ, “ತಾರಿ ಮಂದಿರ್‌ಪರ್‌ಲಿ ಘಣಿ ಪ್ಯಾರ್, ಮಾರ ಮಹಿ ಆಗ್‌ನಿಮತ್‌ ಬಳಾಸ್‌”\f + \fr 2:17 \fr*\ft ಕೀರ್ತನೆ 69.9\ft*\f* ಕರಿ ವಚನ್‌ಮ ಲೀಖೈರ‍್ಹೂತೆ ಯೋ ವಚನ್ ಶಿಷ್ಯರ್‌ನಿ ಯಾದ್ಮ ಆಯು.
\p
\v 18 ಯೆಹೂದ್ಯರ್ ಅದಿಕಾರಿನೆ ಯೇಸುನ ಖನ್ನೆ ಐನ್ ಬೋಲ್ಯು,ತೂ ಹಮೂನ ಖಿವು ಅದ್ಭುತ್ ಖ್ಹಣೇದ್‍ನು ಕಾಮ್ನ ಕರಿನ್ ವತಾಳಿಸ್ಕಿ ಅನೇಥಿ ತೂ ಶಾತ್ ಕರುಕರಾಸ್ಕಿ ಇನಿ ಹಕ್ ತುನ ಛಾ಼ ಕರಿ ಸಾಬಿತ್ ಉಷೆ.
\p
\v 19 ತದೆ ಯೇಸುನೆ, “ಆ ಮಂದಿರ್‌ನ ರಡ್‌ಕೈನಾಖಿದೇವೊ, ಮೇ ತೀನ್ ದನ್ಮ ಅನ ಪಾಛು಼ ಭಾಂದೀಶ್”\f + \fr 2:19 \fr*\ft ಮತ್ತಾಯ 26.61; 27.40; ಮಾರ್ಕ 14.58; 15.29\ft*\f* ಕರಿ ಜವಾಬ್‌ ದಿದೊ.
\p
\v 20 ಯೆಹೂದ್ಯರ್‌ನೆ ಇನ, “ಆ ಮಂದಿರ್‌ನ ಭಾಂದಾನ ಛೊ಼ ಉಪ್ಪರ್ ಚಾ಼ಳಿಖ್ಹ್ ವರಖ್ಹ್‌ ಹುಯು! ತೂ ಅನ ತೀನಸ್ ದನ್ಮ ಭಾಂದಾನ ಓಳೆಜಾಸ್ಕಿ‍ ಶು?” ಕರಿ ಬೋಲ್ಯೊ.
\p
\v 21 ಕತೋಬಿ ಯೇಸು ಖಿವಿ ಮಂದಿರ್‌ನಿ ಬಾರೇಮ ಬೋಲುಕ‍ರ್ತೋಥೊ ಯೋ ಇನು ಶೊಂತ್ ಶರೀರ್ ಹುಯಿರುಥು. 
\v 22 ಯೇಸು ಮರೀನ್, ಜಿವ್ತೊಹುಯಿನ್ ಉಠಾನ ಬಾದ್‌ಮ, ಆ ವಾತೆ ಇನ ಶಿಷ್ಯರ್‌ನ ಯಾದ್ಮ ಆಯು, ತದೆ ಇವ್ಣೆ ವಚನ್‌ಮ ಲೀಖೈರ‍್ಹೂತೆ ಅಜು಼ ಯೇಸುನೆ ಬೋಲ್ಯೋತೆ ವಾತೆನ ನಂಬ್ಯು.
\s ಅದ್ಮಿನಿ ಚಾ಼ಲ್‌ನಿ ಬಾರೇಮ ಯೇಸುನಿ ಗ್ಯಾನ್
\p
\v 23 ಯೇಸು ಪಸ್ಕ ಪೂಜಾ಼ನಿ ವಖ್ಹತ್‌ಮ ಯೆರೂಸಲೇಮ್ಮ ಥೊ, ತದೆ ಇನೆ ಕರ‍್ಯೊತೆ ಅದ್ಭುತ್‌ಖ್ಹಾರು ಘಣ ಅದ್ಮಿನೆ ದೇಖಿನ್‌, ಇನ ನಾಮ್‍ಪರ್ ವಿಶ್ವಾಸ್‌ ಕರ‍್ಯು. 
\v 24 ಕತೋಬಿ ಯೇಸುನೆ ಖುದ್ ಇನಾಸ್ ಇವ್ಣಿ ವಿಶ್ವಾಸ್‌ಪರ್ ಮ್ಹೇಲಿದಿದೊಕೊಯ್ನಿ, ಶನಕತೊ ಯೊ ಖ್ಹಾರಸ್ನ ಮಾಲುಮ್‌ ಕರಿರಾಖ್ಯೋಥೊ. 
\v 25 ಯೋ ಹರೇಕ್ ಅದ್ಮಿನ ದಿಲ್ನ ಮಾಯ್ನನ ಮಾಲುಮ್ ಕರಿರಾಖ್ಯೊಥೋತೆ ಇನಖ್ಹಾಜೆ ಕೋಣ್‌ಬಿ ಖೆವ ಅದ್ಮಿನಿ ಬಾರೇಮ ಯೇಸುನ ಸಾಕ್ಷಿ ಬೋಲಿವತಾಳಾನು ಜ಼ರೂರತ್ ಕೋಥೂನಿ.
\c 3
\s ಯೇಸು ಅಜು಼ ನಿಕೊದೇಮ
\p
\v 1 ಏಕ್‌ ಜ಼ಣೊ ಯೆಹೂದ್ಯವಾಳೊ ಅದಿಕಾರಿ ಹುಯಿರೋಥೊ, ಇನು ನಾಮ್ ನಿಕೊದೇಮ ಅಜು಼ ಯೊ ಫರಿಸಾಯರ್‌ನಿ ಝೂ಼ಂಡ್‌ವಾಳಮ ಏಕ್‍ಜ಼ಣೊ ಹುಯಿರೋಥೊ. 
\v 2 ಯೋ ಏಕ್‌ ರಾತೆ ಯೇಸುಕನ ಐನ್, “ರಬ್ಬಿ, ತು ದೇವ್‍ಥಿ ಆಯೋಹುಯೊ ಫಡಾವವಾಳೊ ಕರಿ ಹಮೂನ ಮಾಲುಮ್‌. ತು ಕರಾತೆ ಖ್ಹಣೇದ್‍ನು ಕಾಮ್ ಕರಾನ, ದೇವ್ನಿ ಮದತ್ ಕೊಯ್ನಿತೆ ಕಿನೇಥೀಬಿ ಕೋ ಹುವಾನಿ” ಕರಿ ಬೋಲ್ಯೊ.
\p
\v 3 ಇಮ್‌ ಬೋಲ್ತಾನ ಯೇಸುನೆ, “ಮೇ ತುನ ಖ್ಹಾಚಮಾಬಿ ಬೋಲುಸ್ಕಿ, ಕೋಣ್‌ತೋಬಿ ಏಕ್‌ ಜ಼ಣು ದೇವ್ನಿ ರಾಜ್ಯಮ ಪಾಛು಼ ಪೈದಾ ನಾ ಹುಯೂತೊ, ದೇವ್‌ನು ರಾಜ಼್‌ನ ದೇಖಾನ ಕೋ ಹುವಾನಿ?” ಕರಿ ಬೋಲ್ಯೊ.
\p
\v 4 ತದೆ ನಿಕೊದೇಮನೆ ಯೇಸುನ, “ಏಕ್‌ ಅದ್ಮಿ ಬುಢು ಹುಯಿಜಾ಼ವಪರ್, ಪಾಛು಼ ಪೈದಾ ಹುವಾನ ಕಿಮ್ ಉಷೆ? ಯೋ ಅದ್ಮಿ ಪಾಛು಼ ಇನಿ ಆಯಾನ ಗರಬ್‌ಮ ಪೇಶಿನ್, ಪೈದಾ ಹುವಾನ ಕೋ ಹುವ್ವಾನಿನಿ! ಕರಿ ಬೋಲ್ಯೊ.
\p
\v 5 ಇಮ್‌ ಬೋಲ್ತಾನ ಯೇಸುನೆ, “ಮೇ ತುನ ಖ್ಹಾಚಮಾಬಿ ಬೋಲುಸ್ಕಿ, ಏಕ್‌ ಅದ್ಮಿ ಪಾಣಿಥೀಬಿ, ಆತ್ಮಥಿ ಪೈದಾ ನಾ ಹುಯೂತೊ,\f + \fr 3:5 \fr*\ft ಪಾಣಿಥೀಬಿ, ಆತ್ಮಥೀಬಿ ಬ್ಯಾಪ್ತಿಸ್ಮ ಲೇವ್ಣುಕರಿ ಮತ್‌ಲಬ್.\ft*\f* ಯೋ ದೇವ್ನಿ ರಾಜ್ಯಮ ಜಾ಼ಶೇಸ್ ಕೊಯ್ನಿ. 
\v 6 ಏಕ್‌ ಜ಼ಣೊ ಶರೀರ್‌ಥಿ ಪೈದಾ ಹುಯಿರೊಸ್. ಕತೋಬಿ ಆತ್ಮೀಕಥಿ ರ‍್ಹವಾಳೊ ಯೊ ಆತ್ಮಥಿ ಪೈದಾ ಹುವ್ವವಾಳು ಹುಯಿರ‍್ಹುಸ್‍. 
\v 7 ತುಮೆ ನವೇಥಿ ಪೈದಾ ಹೋಣು ಕರಿ ಬೋಲ್ಯೋತೊ ಇನ ಆಶ್ಚರ್ಯ ನಾಖಾವ್ಣು. 
\v 8 ವಹಿರೊ ಇನ ಕಿಮ್ ಹೋಣುಕಿ ತಿಮ್ ವಾಗ್‌ತು ರ‍್ಹೇಸ್‌; ಇನೊ ಅವಾಜ಼್ ತುನ ಖ್ಹಮಜ಼್ ಪಡಾಸ್‌, ಪಣ್ಕಿ ಯೋ ಕಿಜ್ಗಾ಼ಥು ಉಳ್ಯಾವಾಸ್‌ ಅಜು಼ ಕಿಜ್ಗಾ಼ ಉಳ್ಯುಜಾ಼ಸ್‌ ಕರಿ ತುನ ಮಾಲುಮ್‌ ಪಡಾಕೊಯ್ನಿ, ಆತ್ಮಥಿ ಪೈದಾ ಹುವ್ವವಾಳು ಖ್ಹಾರೂಬಿ ಇಮ್ನೀಸ್‌ಘೋಣಿ ಹುಯಿರ‍್ಹೂಸ್” ಕರಿ ಬೋಲ್ಯೊ.
\p
\v 9 ನಿಕೊದೇಮನೆ, “ಆ ಕಿಮ್ ಉಶೆ?’ ಕರಿ ಪುಛಾ಼ಯೊ.
\p
\v 10 ಯೇಸುನೆ, “ತೂ ಇಸ್ರಾಯೇಲ್‌ ಅದ್ಮಿನ ಬೋಲಿ ವತಾಳವಾಳೊ ಗುರು ಹುಯಿರ‍್ಹೋಸ್, ತೋಬಿ ತುನ ಆ ಮಾಲುಮ್‌ ಪಡಾಕೊಯ್ನಿಕಿಶೂ? 
\v 11 ಮೇ ತುನ ಖ್ಹಾಚ ಬೋಲುಕರುಸ್: ಹಮೂನ ಮಾಲುಮ್‌ ಛಾ಼ತೆ ಇನಿ ಬಾರೇಮ ಹಮೆ ಬೋಲೆಸ್, ಅಜು಼ ಹಮೆ ದೆಖೇಸ್ತೆ ಇನಿ ಬಾರೇಮ ಸಾಕ್ಷಿ ಬೋಲೆಸ್, ಕತೋಬಿ ತುಮೆ ಹಮೆ ಬೋಲೆಸ್ತೆ ಇನ ಮಾನಕೊಯ್ನಿ. 
\v 12 ಮೆ ಜಗತ್ನಿ ವಾತ್ನಿ ಬಾರೇಮ ಬೋಲ್ಯೋತೊ ತುಮೆ ಇನ ಮಾನಕೊಯ್ನಿ, ಅಮ್ ರ‍್ಹವಾಪರ್ ಮೆ ತುಮೂನ ಸೊರ್ಗನಿ ವಾತೆನ ಬೋಲ್ಯೊತೊ, ತುಮೆ ಕಿಮ್ ವಿಶ್ವಾಸ್‌ ಕರ್ಶು? 
\v 13 “ಸೊರ್ಗಥೊ ಉತ್ರಿನ್ ಆಯೋತೇಸ್‌ ಕತೊ, ಅದ್ಮಿನೊ ಛಿಯ್ಯೋಸ್ ಪಣ್ಕಿ, ಬಿಜು಼ ಕೋಣ್‌ಬಿ ಸೊರ್ಗಾನ ಚ಼ಢೀನ್‌ ಕೋ ಜೈ಼ರ‍್ಹೂನಿ”.
\p
\v 14 ಮೋಶೆನೆ ಉಜ್ಜಾ಼ಡಿ ಝ಼ಗೋಪರ್‌ ತಾಂಬಾನು ಖ್ಹಾಪ್‍ನ ಊಚ಼ ಖಂಬಾಪರ್‌ ಮ್ಹೇಲ್ಯೋತೆ\f + \fr 3:14 \fr*\ft ಅರಣ್ಯಕಾಂಡ 21.9\ft*\f* ಇಮ್ಮಸ್, ಅದ್ಮಿನೊ ಛಿಯ್ಯಾನಾಬಿ ಊಚು಼ ಪಾಡ್ನು. 
\v 15 ಅನೇಥಿ ಇನಾಪರ್‌ ವಿಶ್ವಾಸ್‌ ಕರಾವಾಳು ಹರೇಕ್‌ನ ಹಮೇಶಾನಿ ಜಿ಼ಂದ್‌ಗಿ ಮಳ್‌ಶೆ” ಕರಿ ಬೋಲ್ಯೊ. 
\v 16 ದೇವ್ನೆ ಆ ಜಗತ್‌ನು ಅದ್ಮಿನ ಕೆತ್ರೇಸ್ಕಿ ಜಾ಼ಖ್ಹತ್ ಪ್ಯಾರ್ ಕರೀನ್, ಇನೊ ಏಕ್‍ನೊ-ಎಕ್ಕಸ್ ಛಿಯ್ಯಾನ ದಿದೊ; ಇನ ನಂಬವಾಳು ಏಕ್‌ಬಿ ಮರ‍್ನುನಾತೆ ಹರೇಕ್ನ ಹಮೇಶಾನಿ ಜಿ಼ಂದ್‌ಗಿ ಮಳ್‌ಣು ಕರಿ ಇನ ದಿದೊ. 
\v 17 ದೇವ್ನೆ ಇನ ಛಿಯ್ಯಾನ ಮೋಕ್‌ಲ್ಯೊತೆ ಆ ಜಗತ್ನ ಅದ್ಮಿನ ರಕ್ಷಣೆ ಹೋಣುಕರಿ ಮೋಕ್‌ಲ್ಯೊತೆ ಪಣ್ಕಿ, ತೀರ್ಪ್‌ ಕರಾನಖ್ಹಾಜೆ ಕಾಹೆ.
\p
\v 18 ಇನ ನಂಬವಾಳಾನ ತೀರ್ಪ್‌ ಕೋ ಹೊಯ್ನಿ, ಕತೋಬಿ ನಂಬಕೊಂತೆ ಇನ ತದೇಸ್‌ ತೀರ್ಪ್‌ ಹುಯ್ಗಿ. ಶನಕತೊ ಇನೆ ದೇವ್ನ ಎಕ್ಕಸ್ ಛಿಯ್ಯಾನ ನಾಮ್ನ ಉಪ್ಪರ್ ಭರೋಖ್ಹೊ ಕರ‍್ಯೊಕೊಯ್ನಿ. 
\v 19 ಯೋ ತೀರ್ಪ್‌ ಶಾತ್‌ಕತೊ ಉಜಾ಼ಳು ಜಗತ್‌ಮ ಆಯುತೋಬಿ ಅದ್ಮಿವೊನು ಕಾಮ್ ಖರಾಬ್‍ಥೂತೆ ಇನಖ್ಹಾಜೆ ಇವ್ಣೆ ಉಜಾ಼ಳೇಥಿಬಿ ಅಂಧಾರನ ಪ್ಯಾರ್ ಕರ‍್ಯು. 
\v 20 ಖರಾಬ್‌ನ ಕರಾವಾಳು ಇವ್ಣು ಖರಾಬ್ ಕಾಮ್‍ಅಖ್ಖು ಭಾರ್‌ ಆವ್‍ತುರ‍್ಹೀಶೆಕರಿ ಉಜಾ಼ಳಮ ಆವಕೊಯ್ನಿ ಅಜು಼ ಉಜಾ಼ಳಾನ ವಹೇರ್‌ಕರಸ್. 
\v 21 ಕತೋಬಿ ಖ್ಹಾಚ಼ನ ಲೀನ್ ಚಾ಼ಲವಾಳೊ ಯೋ ದೇವ್‍ಥಿ ಚ಼ಲೈಲ್ಯವಾಳೊ ಹುಯಿರಿನ್ ಇನ ಕಾಮ್ನ ಭಾರ್‌ ಲ್ಯಾವವಾಳೊ ಹುಯಿರೇಸ್.
\s ಯೇಸು ಅಜು಼ ಬ್ಯಾಪ್ತಿಸ್ಮ ದೆವಾಳೊ ಯೋಹಾನ
\p
\v 22 ಅನ ಬಾದ್‌ಮ, ಯೇಸು ಅಜು಼ ಇನ ಶಿಷ್ಯರ್‌ ಯೂದಾಯ ತಬರ್‌ಖಾನ ಗಯ. ಹಿಜ್ಜಾ಼ ಯೊ ಇವ್ಣ ಶಿಷ್ಯರ್‌ನಿ ಜೋ಼ಡೆ ರ‍್ಹೀನ್, ಬ್ಯಾಪ್ತಿಸ್ಮ ದಿದೊ. 
\v 23 ಯೋಹಾನಾಬಿ ಸಲೀಮ್‌ ಗಾಮ್‌ನ ಖನ್ನೆ ಥೂತೆ ಐನೋನ್‌ಕನ ಬ್ಯಾಪ್ತಿಸ್ಮ ದೆವ಼್‌ಕರ್ತೋಥೊ. ಶನಕತೊ ಹಿಜ್ಜಾ಼ ಘಣು ಪಾಣಿ ಥೂ; ಅದ್ಮಿಖ್ಹಾರು ಹಿಜ಼್ಜಾಐನ್, ಬ್ಯಾಪ್ತಿಸ್ಮ ಕರೈಲೆವ್‌ ಕರ್ತುಥು. 
\v 24 ತಬ್‌ಲಗು ಯೋಹಾನ ಜೇಲ್‌ಮ ಕೊಘರಾಖ್ಯುಥುನಿ ಹೈರುತೆ ಯೋಹಾನ್ನ ಜೇಲ್‌ಮ ಕೋಂಡಿ ಘಾಲಾನ ಪಹಿಲೇಸ್ ಚಾ಼ಲಿರುಥು. \f + \fr 3:24 \fr*\ft ಮತ್ತಾಯ 14.32; ಮಾರ್ಕ 6.17; ಲೂಕ 3.19,20\ft*\f*
\p
\v 25 ಯೋಹಾನ್ನ ಥೋಡ ಶಿಷ್ಯರ್‌ಮ ಅಜು಼ ಏಕ್‌ ಯೆಹೂದ್ಯವಾಳನಿ ಧಾರ್ಮಿಕ ಪದತ್ತಿನಿ ಘೋಣಿನಿ ಅಶ್ನಾನ್‌ಧಾನ್ನಿ ಬಾರೇಮ ಚರ್ಚೆಹುಯು. 
\v 26 ತದೆ ಇವ್ಣೆ ಯೋಹಾನಕನ ಐನ್, “ಗುರು, ಯೊರ್ದನ್‌ ನದ್ದಿನ ಪಾರ್ಲಿಬಾಜು ತಾರಕನ ಥೋತೆ ಏಕ್‍ಜ಼ಣಾನಿ ಬಾರೇಮ ತುನೆ ಸಾಕ್ಷಿ ಬೊಲ್ಯೊನಿ, ಯೋಸ್ ಹಮ್ಕೆ ಅದ್ಮಿಖ್ಹಾರಾನ ಬ್ಯಾಪ್ತಿಸ್ಮ ದೆವ್‌ಕರಾಸ್‌, ಅಜು಼ ಹರೇಕ್ ಜ಼ಣು ಇನಾಕನ ಒಳ್ಯುಜಾ಼ಸ್!” ಕರಿ ಬೋಲ್ಯು.
\p
\v 27 ಯೋಹಾನನೆ ಸೊರ್ಗಥು ತಬ್‍ಲಗು ದೇವ್ ಕೊ ದೇಯ್ನಿಕಿ ತಬ್‍ಲಗು ಖೆವಾಬಿ ಅದ್ಮಿನ ಶಾತ್ಬಿ ಕೊ ಮಳ್‌ಶೇನಿ. 
\v 28 ತುಮೆ ಅಖ್ಖು ಸಾಕ್ಷಿಹುಯಿರಾಸ್, ಮೆ ಬೋಲ್ಯೊಥೊ, “ಮೇ ಕ್ರಿಸ್ತ ಕಾಹೆ, ಕತೋಬಿ ಇನೇಥಿ ಅಗಾಡಿ ಮನ ಮೋಕ್ಲಿರಾಖ್ಯೊಸ್”.\f + \fr 3:28 \fr*\ft ಯೋಹಾನ 1.20\ft*\f* 
\v 29 ವ್ಹೆತುಲ್ಡಾನ ಮಳಾಸ್ತೆ ವ್ಹೆತುಲ್ಡೀಸ್, ಕತೋಬಿ ವ್ಹೆತುಲ್ಡಾನೊ ದೋಸ್ ಇನ ಖನ್ನೆ ಭೀರಿನ್‌, ಇನಿ ಅವಾಜ಼್‌ನ ಖ್ಹಮ್‌ಜಿನ್‌ ಘಣು ಖ್ಹುಶಿಕರಸ್. ಆಸ್ ಮನ ಛಾ಼ತೆ ಖ್ಹುಶಿ, ಯೋ ಪೂರ ಹುಯು. 
\v 30 ಯೋ ಉಪ್ಪರ್ ಪಡಾವ್ಣು ಅಜು಼ ಮೇ ಹೇಟೊ ಹೋಣು” ಕರಿ ಬೋಲ್ಯೊ.
\s ಸೊರ್ಗಥೊ ಆಯೊಹುಯೊ
\p
\v 31 ಕೋಣ್ ಜ಼ಮೀನ್‌ಪರ್ ಛಾ಼ಕಿ ಯೊ ಜ಼ಮೀನ್ನಿ ವಾತೆನಿ ಬಾರೇಮ ಬೋಲಸ್, ಕತೋಬಿ ಕೋಣ್ ಸೊರ್ಗಥಿ ಆವಾಳೋಕಿ ಯೋ ಖ್ಹಾರೇಥಿ ಮಹಾನ್ ಹುಯಿರ‍್ಹೋಸ್. ಆ ಜಗತ್‌ವಾಳು ಆ ಜಗತ್ನ ಮಳ್ಯೊಹುಯೊ ಹುಯಿರ‍್ಹುಸ್. 
\v 32 ಯೋ ಶಾತ್‌ ದೇಖ್ಯೋಕಿ ಅಜು಼ ಖ್ಹಮ್‌ಜೋಕಿ ಇನಿ ಬಾರೇಮ ಸಾಕ್ಷಿ ಬೋಲಾಸ್, ತೋಬಿ ಇನಿ ಸಾಕ್ಷಿನ ಕೋಣ್‌ಬಿ ಮಾನಕೊಯ್ನಿ. 
\v 33 ಕತೋಬಿ ಕೋಣ್ ಇನಿ ಸಾಕ್ಷಿನ ಮಾನಿಲೇಸ್ಕಿ, ಯೋ ಅಮ್ ಕರಾಥಿ ದೇವ್ ಖ್ಹಾಚು಼ ಕರಿ ಸಾಬಿತ್ ಕರಸ್. 
\v 34 ಶನಕತೊ,ಕಿನದೇವ್‍ನೆ ಮೋಕ್ಲಿ ರಾಖ್ಯೋಸ್ಕಿ, ಯೋ ದೇವ್ನಿ ವಾತೇನ ಬೋಲಾಸ್. ಇನ ದೇವ್ನೆ ಆತ್ಮಥಿ ಭರ್‌ಪೂರ್‌ ಕರಾಸ್. 
\v 35 ಅಜು಼ ಬಾ ಇನ ಲಾಡ್ನ ಛಿಯ್ಯಾನ ಇನಿ ಅಖ್ಖಿ ಅದಿಕಾರ್‌ನ ದೀರಾಖ್ಯೊಸ್.\f + \fr 3:35 \fr*\ft ಮತ್ತಾಯ 11.27; ಲೂಕ 10.22\ft*\f* 
\v 36 ಇನ ಛಿಯ್ಯಾನ ನಂಬವಾಳಾನ ಹಮೇಶಾನಿ ಜಿ಼ಂದ್‌ಗಿ ಛಾ಼; ಕತೋಬಿ ಛಿಯ್ಯಾನಿ ವಾತೆನ ಝಿಟ್ಕಾರಸ್ಕಿ ಇವ್ಣುನ ಯೋ ಜಿ಼ಂದ್‌ಗಿ ಮಳ್‌ಶೆ ಕೊಯ್ನಿ, ಅಜು಼ ದೇವ್‌ನೊ ಇರಾದೊ ಇವ್ಣಾಪರ್ ರ‍್ಹಿಶೆ” ಕರಿ ಬೋಲ್ಯೊ.
\c 4
\s ಯೇಸು ಅಜು಼ ಸಮಾರಿಯಾನಿ ತಯೇಡ
\p
\v 1 ಯೇಸು ಯೋಹಾನ್‌ಥೀಬಿ ಜಾ಼ಖ್ಹತ್ ಶಿಷ್ಯರ್‌ನ ಕರುಕರಸ್, ಇವ್ಣುನ ಬ್ಯಾಪ್ತಿಸ್ಮ ದೆವ್‌ಕರಾಸ್ ಕರಿ ಬೋಲಾನಿ ಖಬರ್ ಫರಿಸಾಯರ್‌ವಾಳು ಖ್ಹಮ್‌ಜ್ಯು. ಆ ಯೇಸುನ ಮಾಲುಮ್ ಪಡ್ಯು. 
\v 2 ಕತೋಬಿ ಖ್ಹಾಚಮ ಬ್ಯಾಪ್ತಿಸ್ಮ ದೆವ್‌ಕರ್ತೊಥೋತೆ ಯೇಸು ಕಾಹೆ, ಖಲಿ ಇನು ಶಿಷ್ಯರ್‌ ದೆವ್‌ಕರ್‌ತುಥೂತೆ. 
\v 3 ಅದ್ಮಿಖ್ಹಾರು ಬೋಲಾನು ಯೇಸುನೆ ಖ್ಹಮ್‍ಜ್ಯೊತೆ ತದೆ ಯೂದಾಯ ತಬರ್‌ಖಾನ ಮ್ಹೆಂದಿನ್, ಪಾಛು಼ ಗಲಿಲಾಯನ ಚ಼ಲೆಗಯೊ. 
\v 4 ಯೋ ಜಾ಼ವಾನಿ ವಖ್ಹತ್‌ಮ, ಸಮಾರ್ಯ ತಬರ್‌ಖಾಪರ್ ಕರಿ ಜಾ಼ವ್ಣುಪಡ್ಯು.
\p
\v 5 ಸಮಾರ್ಯನ ಮಳ್ಯುಹುಯು ಸುಖರ್‌ ಕರಿ ಗಾಮ್‌ನ ಆಯೊ, ಯೋ ಗಾಮ್‍ ಯಾಕೋಬ್‍ನೆ ಇನೊ ಛಿಯ್ಯೊ ಯೋಸೇಫನ ದಿದೊತೆ ಝ಼ಗೋನ ಖನ್ನೆ ಥೂ.\f + \fr 4:5 \fr*\ft ಆದಿಕಾಂಡ 33.19; ಯೊಹೊಶುವ 24.32 \ft*\f* 
\v 6 ಯಾಕೋಬ್‍ನಿ ಬಾವ್ಡಿ ಹಿಜ್ಜಾ಼ ಥಿ, ಯೇಸು ಚಾ಼ಲಿನ್ ಥಕಿರ‍್ಹೋಥೋತೆ, ಇನಖ್ಹಾಜೆ ಯೋ ಬಾವ್ಡಿಕನ ಐನ್ ಬೇಶಿಗಯೊ. ತದೆ ಕಮ್‍ಶಿಕಮ್ ಧೊಪಾರ್‌ ಹುಯಿರ‍್ಹುಥು.
\p
\v 7 ಏಕ್‌ ಸಮಾರ್ಯನಿ ತಯೇಡ ಪಾಣಿ ಭರಾನಟೇಕೆ ಹಿಜ್ಜಾ಼ ಆಯಿ, ತದೆ ಯೇಸುನೆ ಇನ, “ಪಿಯ್ಯಾನ ಥೋಡು ಪಾಣಿ ಮಳ್‍ಶೆ?” ಕರಿ ಬೋಲ್ಯೊ. 
\v 8 ತದೆ ಇನ ಶಿಷ್ಯರ್‌ ಖಾಣಾನು ರಾಛು಼ಲ್ಯವಾನಟೇಕೆ ಖ್ಹಯೇರ‍್ನ ಜೈ಼ರ‍್ಹೂಥು.
\p
\v 9 ತದೆ ಯೋ ತಯೇಡಾನೆ, “ತೂ ಯೆಹೂದ್ಯರ್‌ವಾಳೊ, ಅಜು಼ ಮೇ ಸಮಾರ್ಯವಾಳಿ, ಅಮ್ ರ‍್ಹವಾಪರ್ ತೂ ಮಾರಕನ ಪಿಯ್ಯಾನ ಪಾಣಿ ಮಾಂಗೇಜಾ಼ಯ್ಕಿ ಶು?” ಕರಿ ಜಾ಼ವಾಬ್‌ ದಿದಿ.\f + \fr 4:9 \fr*\ft ಎಜ್ರ 4:1-5; ನೆಹೆಮಿಯ 4:1-2\ft*\f* ಯೆಹೂದ್ಯವಾಳು ಸಮಾರ್ಯವಾಳನಿ ಜೋ಼ಡ್ಮ ಖಿವಿ ಸಂಬಂದ್ ರಾಕ್‍ತುಥು ಕೊಯ್ನಿ.
\p
\v 10 ಯೇಸುನೆ ಯೊ ತಯೇಡನ ಬೋಲ್ಯೊಕಿ, “ತುನ ದೇವ್ನಿ ಬಾರೇಮ ಅತ್ರುಖ್ಹು ಮಾಲುಮ್ ರ‍್ಹಿಯುಹೊತ್ತೊ ಯೊ ಕೋಣ್ ಹುಯಿರೊಸ್, ದೇವ್ ಶಾತ್‌ ದೀರಾಖ್ಯೊಸ್ ಕರಿ, ತುನ ಮಾಲುಮ್ ರ‍್ಹಿಯುಹೊತ್.ತಾರಕನ ಪಿಯ್ಯಾನ ಪಾಣಿ ಮಾಂಗ್ಯೋತೆ ಯೋ ಕೋಣ್ ಕರಿ ಮಾಲುಮ್‌ ರ‍್ಹಯುಹೋತ್ತೊ, ತೂ ಇನಾಕನ ಮಾಂಗಿಲಿದಿಹೊತ್, ಅಜು಼ ಯೋ ತುನ ಜಾನ್ನಪಾಣಿನ ದಿದೋಹೊತ್‌” ಕರಿ ಬೋಲ್ಯೊ.
\p
\v 11 ಯೋ ತಯೇಡ ಇನ, “ಪ್ರಭು, ಪಾಣಿ ಶೇಂದಾನ ತಾರಕನ ಶಾತ್ಬಿ ಕೊಯ್ನಿ, ಬಾವ್ಡಿ ಘಣಿ ಗಧಾರ್ ಛಾ಼, ಅಮ್ ರ‍್ಹವಾಪರ್ ಯೋ ಜಾನ್ನು ಪಾಣಿ ತು ಕಿಮ್ ದಿಶ್? 
\v 12 ಹಮಾರೊ ಗುರು ಯಾಕೋಬಥೀಬಿ ತೂ ಮೋಟೋಕಿ ಶು? ಇನೇಸ್‌ ಆ ಬಾವ್ಡಿನ ಹಮೂನ ದಿದೋತೆ; ಯೋಬಿ ಇನ ಲಡ್ಕಾಬಿ, ಇನೆ ಪಾಳ್ಯೊತೆ ಖ್ಹಾರುಸ್‌ ಜಾನ್ವರ್‌ ಆ ಬಾವ್ಡಿನು ಪಾಣಿ ಪೀದು” ಕರಿ ಬೋಲಿ.
\p
\v 13 ಯೇಸುನೆ ಅಮ್ ಬೋಲ್ಯೊ, “ಆ ಪಾಣಿನ ಪಿಯ್ಯಾಸ್ತೆ ಹರೇಕ್ನ ಪಾಛು಼ ಠೋಖ್ಹ್‌ ಲಾಗ್‌ಶೆ, 
\v 14 ಕತೋಬಿ ಮೇ ದೆವ್‍ಸ್ತೆ ಪಾಣಿನ ಕೋಣ್ ಪಿಯ್ಯಾಸ್‍ಕಿ ಇವ್ಣುನ ಕದೇಬಿ ಠೋಖ್ಹ್‌ ಲಾಗ್‌ಶೆ ಕೊಯ್ನಿ. ಮೇ ಇನ ದೀಶ್‌ತೆ ಪಾಣಿ ಇವ್ಣಾಮ ಭರೈನ್ ಝ಼ರುಕರ್‌ಶೆ. ಯೋ ಇನ ಹಮೇಶಾನಿ ಜಿ಼ಂದ್‌ಗೀನ ದಿಶೆ” ಕರಿ ಬೋಲ್ಯೊ.
\p
\v 15 ಯೋ ತಯೇಡ ಯೇಸುನ, “ಗುರು, ಯೋ ಪಾಣಿನ ಮನ ದೇ! ತದೆ ಮನ ಕದೇಬಿ ಪಾಛು಼ ಠೋಖ್ಹ್‌ ಕೋ ಲಾಗ್‌ಶೇನಿ. ಅಜು಼ ಪಾಣಿ ಶೇಂದಾನ ಹಜ್ಜಾ಼ ಆವಾನಿ ಜ಼ರೂರತ್‌ಬಿ ಕೋ ರ‍್ಹಿಶೇನಿ” ಕರಿ ಬೋಲಿ. 
\v 16 ಯೇಸುನೆ ಇನ, “ಜೈ಼ನ್‌, ತಾರ ಬಾವ್ರಿನ ಹಜ್ಜಾ಼ ಬುಲೈಲಿ ಆವ್” ಕರಿ ಬೋಲ್ಯೊ.
\p
\v 17 ಯೋ ತಯೇಡನೆ, “ಮನ ಬಾವ್ರಿ ಕೊಯ್ನಿ” ಕರಿ ಬೋಲಿ. ಯೇಸುನೆ ಇನ, “ತುನ ಬಾವ್ರಿ ಕೊಯ್ನಿ ಕರಿ ಬೋಲಿತೆ ವಾತೆ ಬರಾಬರಸ್‌. 
\v 18 ತುನ ಪಾಚ಼್ ಜ಼ಣ ಬಾವ್ರಿ ಥಾ, ಅಜು಼ ತೂ ಹಮ್ಕೆ ಕಿನ ಜೋ಼ಡೆ ಛಾ಼ಕಿ ಯೋಬಿ ತಾರೊ ಬಾವ್ರಿ ಕಾಹೆ. ತುನೆ ಮನ ಖ್ಹಾಚಿಸ್ ಬೋಲಿ” ಕರಿ ಬೋಲ್ಯೊ.
\p
\v 19 ಯೋ ತಯೇಡಾನೆ, “ಪ್ರಭು, ತೂ ಪ್ರವಾದಿ ಕರಿ ಮನ ದೆಖಾವಸ್” ಕರಿ ಬೋಲಿ. 
\v 20 ಹಮಾರು ಗುರುಖ್ಹಾರು ಆ ಪಹಾಡ್‌ಪರ್ ಆರಾದನೆ ಕರ‍್ಯು, ಆ ನಾಹುಯಿನ್ ಅದ್ಮಿಖ್ಹಾರು ಆರಾದನೆ ಕರ್ನುಥೂತೆ ಝ಼ಗೊ ಯೆರೂಸಲೇಮ್‌ ಕರಿ ಯೆಹೂದ್ಯರ್ ಹುಯಿರ‍್ಹಾತೆ ತುಮೇಸ್ ಬೋಲಾಸ್.” ಕರಿ ಬೋಲಿ.
\p
\v 21 ಯೇಸುನೆ ಯೊ ತಯೇಡಾನ ಅಮ್ಮ ಮಾರಿ ವಾತ್ನ ನಂಬ್, “ಏಕ್‌ ವಖ್ಹತ್ ಆವ್‌ಶೆ, ಯೋ ವಖ್ಹತ್‌ಮ ತುಮೆ ಬಾನ ಆರಾದನೆ ಕರಾನಖ್ಹಾಜೆ ಆ ಪಹಾಡ್‌ನಾಬಿ ರ‍್ಹವೊ, ಯೆರೂಸಲೇಮ್‌ನಾಬಿ ರ‍್ಹವೊ ಕೋ ಜಾ಼ಶುನಿ. 
\v 22 ತುಮೆ ಸಮಾರಿಯವಾಳ ಕತೋಬಿ ಯೆಹೂದ್ಯರ್ ಹುಯಿರ‍್ಹಾತೆ ಹಮೆ ಕಿನ ಆರಾದನೆ ಕರೇಸ್ ಕರಿ ತುಮುನ ಮಾಲುಮ್‌ ಕೊಯ್ನಿ, ಶನಕತೊ ರಕ್ಷಣೆ ಯೆಹೂದ್ಯರ್‌ಥೀಸ್‌ ಆವ್‌ಶೆ. 
\v 23 ಖ್ಹಾಚ ಆರಾದನೆ ಕರಾವಾಳು ಬಾನಿ ಆರಾದನೆ ಆತ್ಮಥೀಬಿ, ಖ್ಹಾಚಿಥೀಬಿ ಕರ್ಶೆ, ಯೋ ವಖ್ಹತ್ ಹಂಕೇಸ್‌ ಐಗು. ಬಾ ಇನ ಆರಾದನೆ ಕರಾವಾಳು ಅಮ್ನುಸ್ ರ‍್ಹೇವ್ಣುಕರಿ ಆಖ್ಹ್ ಕರಾಸ್. 
\v 24 ದೇವ್ ಆತ್ಮ ಹುಯಿರ‍್ಹೋಸ್, ಇನ ಆರಾದನೆ ಕರಾವಾಳು ಆತ್ಮಥೀಬಿ, ಖ್ಹಾಚಿಥೀಬಿ ಆರಾದನೆ ಕರವಾಳು ಹುಯಿರೇಣು” ಕರಿ ಬೋಲ್ಯೊ.
\p
\v 25 ಯೋ ತಯೇಡಾನೆ ಇನ, “ಮೆಸ್ಸೀಯ ಆವ್‍ಶೆಕರಿ ಮನ ಮಾಲುಮ್‌ ಯೋಸ್ ಕ್ರಿಸ್ತ, ಅಜು಼ ಯೋ ಆವ್‌ಶೇತೆ ತದೆ ಹಮೂನ ಹರೇಕ್ ಬಾರೇಮ ಬೋಲಿವತಾಳ್‌ಶೆ” ಕರಿ ಬೋಲಿ.
\p
\v 26 ತದೆ ಯೇಸುನೆ,ಇನ ಬೋಲ್ಯೊ “ತಾರಿ ಜೋ಼ಡೆ ವಾತೆ ಬೋಲುಕರುತೆ ಮೇಸ್ ಯೋ” ಕರಿ ಬೋಲ್ಯೊ.
\p
\v 27 ಎತ್ರಾಸ್‌ಮ ಯೇಸುನ ಶಿಷ್ಯರ್‌ ಪಾಛು಼ಫರಿ ಆಯಾ, ಅಜು಼ ಯೇಸು ಏಕ್‌ ತಯೇಡಾನ ಜೋ಼ಡೆ ವಾತೆ ಬೋಲುಕರಾತೆ ದೇಖಿನ್‌, ಇವ್ಣೆ ಘಣು ಆಶ್ಚರ್ಯ ಕರ‍್ಯಾ. ಕತೋಬಿ, “ತುನ ಶಾತ್‌ ಹೋಣು?” ಕರಿ ರ‍್ಹವೊ, “ತೂ ಇನಜೋ಼ಡೆ ಶನ ವಾತೆ ಬೋಲುಕರಾಸ್‌?” ಕರಿ ರ‍್ಹವೊ, ಇವ್ಣಾಮ ಏಕ್‌ ಜ಼ಣಾನೇಬಿ ಕೋ ಫುಛಾ಼ಯಾನಿ.
\p
\v 28 ತದೆ ಯೋ ತಯೇಡ ಇನಿ ಕೇಳಿನ ಹಿಜ್ಜಾ಼ಸ್ ಮ್ಹೆಂದಿನ್, ಪಾಛು಼ ಫರೀನ್ ಗಾಮ್‌ನ ಮಹಿ ಜೈ಼ನ್‌, 
\v 29 “ಮೇ ಹಂಕೆತೋಡಿ ಕರೀತೆ ಖ್ಹಾರಸ್ನ ಬೋಲ್ಯೊತೆ ಏಕ್‌ ಅದ್ಮಿ ಹಿಜ್ಜಾ಼ ಛಾ಼. ಐನ್ ದೇಖೊ, ಯೋಸ್‌ ಕ್ರಿಸ್ತಕಿ ಹುಯಿರೇಣು ಶುಕಿ?” ಕರಿ ಹಿಜ್ಜಾ಼ನು ಅದ್ಮಿ ಖ್ಹಾರಾನ ಬೋಲಿ. 
\v 30 ಇನಖ್ಹಾಜೆ ಅದ್ಮಿಖ್ಹಾರು ಖ್ಹಯೇರ‍್ನ ಮ್ಹೆಂದಿನ್, ಯೇಸುಕನ ಆಯು.
\p
\v 31 ಎತ್ರಾಸ್‌ಮ ಯೇಸುನ ಶಿಷ್ಯರ್‌, “ಗುರು, ಖಾಣು ಖಾ” ಕರಿ ಗಿಂಗಾಯು.
\p
\v 32 ಯೇಸುನೆ ಇವ್ಣುನ, “ಮಾರಕನ ಖಾವಾನ ಖಾಣು ಛಾ಼, ಕತೋಬಿ ತುಮೂನ ಇನಿ ಬಾರೇಮ ಮಾಲುಮ್‌ ಕೊಯ್ನಿ” ಕರಿ ಬೋಲ್ಯೊ.
\p
\v 33 ತದೆ ಶಿಷ್ಯರ್‌, “ಕೋಣ್‌ತೋಬಿ ಇನ ಪಹಿಲೇಸ್ ಖಾಣು ಲೈನ್‌ ದಿದುಕಿ ಶುಕಿ?” ಕರಿ ಇವ್ಣ-ಇವ್ಣಾಸ್‍ಮ ಪುಛಾ಼ವಲಗ್ಯಾ.
\p
\v 34 ಯೇಸು ಇವ್ಣುನ ಬೋಲ್ಯೋಕಿ ಮಾರು ಖಾಣು ಶಾತ್‌ಕತೊ ಕೋಣ್ ಮನ ಮೊಕ್‍ಲ್ಯೊಕೀ ಇವ್ಣಿ ಆಖ್ಹ್‌ನ ಪೂರ ಕರಾನುಸ್ ಹುಯಿರುಸ್. ಅಜು಼ ಮನ ದಿದೂತೆ ಯೊ ಕಾಮ್ನ ಪೂರ ಕರ‍್ನು 
\v 35 ‘ಖ್ಹುಗ್ಗೀನು ಹಗಾಮ್‌ ಆವಾನ ಬಿಜು಼ ಚಾರ್ ಮಹಿನ ಛಾ಼’ ಕರಿ ತುಮೆ ಬೋಲೋಸ್‌ನಿ. ಕತೋಬಿ ಮೇ ತುಮೂನ ಬೋಲುಸ್ಕಿ, ತುಮಾರ ಡೋಳಾನ ಪಾಡೀನ್, ಖೇತರ್‌ ಭಣಿ ದೇಖೊ; ಯೋ ವ್ಹಡಾವ್ಣಿನ ತೈಯಾರ್ ಛಾ಼! 
\v 36 ವ್ಹಾಡವಾಳನ ಹಮ್ಕೆಸ್‌ ಕೂಲಿ ಮಳ್‌ಶೆ ಅಜು಼ ಯೋ ಹಮೇಶಾನಿ ಜಿ಼ಂದ್‌ಗೀನಖ್ಹಾಜೆ ಅನಾಜ಼್‌ನ ಜ಼ಮ ಕರಾಸ್. ಅಮ್ ಪಿಕಾವವಾಳಾನ ಅಜು಼ ವ್ಹಾಡವಾಳಾನ ಭೇನ ಎಕ್ಕದಮ್‌ ಖ್ಹುಶಿ ಉಷೆ. 
\v 37 ‘ಪಿಕಾವವಾಳೊ ಏಕ್‌ ಜ಼ಣೊ, ವ್ಹಾಡವಾಳೊ ಏಕ್‌ ಜ಼ಣೊ’ ಕರಿ ಬೋಲಾಸ್ತೆ ಕಹಾವತ್ ಖ್ಹಾಚಸ್. 
\v 38 ತುಮೆ ಮ್ಹಿನತ್ ಕರ‍್ಯಾಕೊಂತೆ ಅನಾಜ಼್‌ನ ವ್ಹಾಡಾನಟೇಕೆ ಮೇ ತುಮೂನ ಮೋಕ್‌ಲ್ಯೊ; ಬಿಜಾ಼ನೆ ಮ್ಹಿನತ್ ಕರ‍್ಯು, ಇವ್ಣಿ ಮ್ಹಿನಥ್ಥಿ ತುಮೂನ ಫಾಯಿದೊ ಮಳ್ಯು” ಕರಿ ಬೋಲ್ಯೊ.
\p
\v 39 ‘ಮೇ ಕರೀತೆ ಖ್ಹಾರಸ್ನ ಇನೆ ಮನ ಬೋಲ್ಯೊ’ ಕರಿ ಸಾಕ್ಷಿಬೋಲಿತೆ ಯೋ ತಯೇಡಾನಿ ವಾತೆನ ಖ್ಹಮ್‌ಜಿನ್‌, ಯೋ ಗಾಮ್‌ನು ಸಮಾರಿಯವಾಳಾಮ ಘಣು ಜ಼ಣು ಯೇಸುನ ನಂಬ್ಯು.” 
\v 40 ಸಮಾರಿಯವಾಳು ಯೇಸುಕನ ಐನ್, ಹಮಾರ ಜೋ಼ಡೆ ರ‍್ಹೇ ಕರಿ ಇನ ಗಿಂಗಾಯು, ಇನಖ್ಹಾಜೆ ಯೇಸು ಬೇದನ್ ಹಿಜ್ಜಾ಼ಸ್ ರ‍್ಹಯಿಗೊ ಥೊ.
\p
\v 41 ಇನೆ ಬೋಲ್ಯೋತೆ ವಾತೆನ ಖ್ಹಮ್‌ಜಿನ್‌ ಬಿಜೂ಼ಬಿ ಘಣು ಅದ್ಮಿ ನಂಬ್ಯು. 
\v 42 ಇವ್ಣೆ ಯೊ ತಯೇಡಾನ, ಹಮೆ ಇನ ನಂಬ್ಯಾತೆ ಅಜೂ಼ಬಿ ತಾರಿ ವಾತ್ನ ಉಪ್ಪರ್ ಕಾಹೆ. ಹಮೇಸ್ ಕಾನ್‍ಥಿ ಖ್ಹಮ್‌ಜಿನ್‌ ಇನ ಯೋಸ್ ಖ್ಹಾಚೇಥಿ ಜಗತ್ನ ಬಚಾ಼ಡವಾಳೊಕರಿ ಮಾಲುಮ್ ಕರಿರಾಖ್ಯಾಸ್ ಕರಿ ಬೋಲ್ಯು.
\s ಯೇಸುನೆ ಅದಿಕಾರಿನ ಛಿಯ್ಯಾನ ಅಛ್ಛು಼ ಕರ‍್ಯೊತೆ
\p
\v 43 ಬೇ ದನ್ ಹಿಜ಼್ಜ ರ‍್ಹವಾನ ಬಾದ್‌ಮ ಯೇಸು ಹಿಜ್ಜಾ಼ಥೊ ಗಲಿಲಾಯನ ಗಯೊ. 
\v 44 “ಪ್ರವಾದಿನ ಶೊಂತ್‌ ಗಾಮ್ಮ ಮರ್ಯಾದಿ ಕೊಯ್ನಿ” ಕರಿ ಖ್ಹುದ್ ಯೇಸುನೇಸ್‌ ಬೋಲಿರಾಖ್ಯೋಥೊ.\f + \fr 4:44 \fr*\ft ಮತ್ತಾಯ 13:57; ಮಾರ್ಕ 6:4; ಲೂಕ 4:24\ft*\f* 
\v 45 ತದೆ ಯೇಸು ಗಲಿಲಾಯ ಜಾ಼ವಾಮ, ಗಲಿಲಾಯನು ಅದ್ಮಿಖ್ಹಾರು ಇನ ಸ್ವಾಗತ್ ಕರ‍್ಯು, ಶನಕತೊ ಯೊ ಯೆರೂಸಲೇಮ್ಮಾ ಪೂಜಾ಼ನ ದನ್ಮ ಕರಿರಾಖ್ಯೋಥೊತೆ, ಇವ್ಣೆಅಖ್ಖೂಸ್ ದೇಖಿರಾಖ್ಯೂಥು.\f + \fr 4:45 \fr*\ft ಯೋಹಾನ 2:23\ft*\f* 
\v 46 ಯೇಸು ಪಾಛೊ಼ ಗಲಿಲಾಯನು ಕಾನಾ ಗಾಮ್‌ನ ಗಯೊ ಯೊ ಹಿಜ್ಜಾ಼ಸ್ ಇನೆ ಪಾಣಿನ ದ್ರಾಕ್ಷಿನು ರಖ್ಹ್‌ ಬಣಾಯೊಥೊತೆ. ಹಿಜ್ಜಾ಼ ಖ್ಹರ್ಕಾರ್‌ನೊ ಏಕ್‌ ಶೌಕಾರ್ ಅದಿಕಾರಿ ಥೊ. ಇನ ಛಿಯ್ಯಾನ ಕಪೆರ್ನೌಮ್ಮ ಜಾನ್ನ ಅಛ್ಛು಼ ಕೋ ಥೂನಿ.\f + \fr 4:46 \fr*\ft ಯೋಹಾನ 2:1-11\ft*\f* 
\v 47 ಯೇಸು ಯೂದಾಯಥು ಗಲಿಲಾಯನ ಆಯೋತೆ ಖಬರ್‌ ಖ್ಹಮ್‍ಜ್ಯೊ ಶನಕತೊ ಇನೊ ಛಿಯ್ಯೊ ಮರಾನಲಾಗ್ಯೊ ಥೊ, ತದೆ ಯೊ ಯೇಸುಕನ ಜೈ಼ನ್, ಇನ ಛಿಯ್ಯಾನ ಅಛ್ಛು಼ ಕರ‍್ನು ಕರಿ ಗಿಂಗಾಯೊ. 
\v 48 ಯೇಸುನೆ ಇನ, “ತುಮೆ ಖ್ಹಣೇದ್‍ನು ಕಾಮ್ನ ಅಜು಼ ಅದ್ಭುತ್‌ಕಾಮ್ನ ದೇಖ್ಯುನಾತೊ ನಂಬಾಸಸ್ ಕೊಯ್ನಿ” ಕರಿ ಬೋಲ್ಯೊ.
\p
\v 49 ಯೋ ಅದಿಕಾರಿನೆ, “ಗುರು, ಮಾರೊ ಛಿಯ್ಯೊ ಮರ್‌ವಾನ ಅಗಾಡಿ ತೂ ಮಾರ ಕೇಡೆ ಆವ್” ಕರಿ ಬೋಲಿಲಿದೊ.
\p
\v 50 ಯೇಸುನೆ ಇನ, “ಜಾ಼, ತಾರೊ ಛಿಯ್ಯೊ ಜಿವ್‌ಶೆ” ಕರಿ ಬೋಲ್ಯೊ. ಯೋ ಅದ್ಮಿ ಯೇಸುನೆ ಇನ ಬೋಲ್ಯೊತೆ ವಾತೆನ ನಂಬಿನ್, ಚ಼ಲೆಗಯೊ. 
\v 51 ಯೋ ಘರೆ ಜಾ಼ವಾನಿ ವಖ್ಹತ್‌ಮ, ಇನೊ ಆಳ್‌ ಐನ್, “ತಾರೊ ಛಿಯ್ಯೊ ಜಿವ್ತೊ ಹುಯಿಗಯೊ” ಕರಿ ಬೋಲ್ಯೊ.
\p
\v 52 ತದೆ ಇನೆ, “ಕೆತ್ರ ಘಂಟಾನ ಮಾರ ಛಿಯ್ಯಾನ ಅಛ್ಛು಼ ಹುಯೂತೆ?” ಕರಿ ಇನ ಪುಛಾ಼ವಖ್ಹತರ್, ಇವ್ಣೆ, “ಕಾಲೆ ಧೋಪಾರ್‌ನು ಏಕ್‌ ಘಂಟಾನ ಇನು ತಾವ್ ಉತ್ರಿಗು” ಕರಿ ಬೋಲ್ಯು.
\p
\v 53 “ತಾರೊ ಛಿಯ್ಯೊ ಜಿವ್‌ಶೆ” ಕರಿ ಯೇಸುನೆ ಇನ ಬೋಲ್ಯೊತೆ ವಖ್ಹತ್‌ಮಾಸ್‌ ಅಛ಼್ಛುಹುಯು ಕರಿ ಬಾನೆ ಮಾಲುಮ್‌ ಕರಿಲಿದೊ, ಅಜು಼ ಯೋಬಿ, ಇನ ಘರ್‌ವಾಳು ಖ್ಹಾರು ಯೇಸುನ ನಂಬ್ಯು.
\p
\v 54 ಯೇಸು ಯೂದಾಯಥು ಗಲಿಲಾಯ ಆವಾನ ಬಾದ್‌ಮ, ಕರ‍್ಯೊತೆ ಬೇನು ಅದ್ಭುತ್ ಕಾಮ್ ಆ.
\c 5
\s ಪಾಣಿನ ಕೋಳಮ್‍ಕನ ಅಛ್ಛು಼ ಕರ‍್ಯೊತೆ
\p
\v 1 ಅನ ಬಾದ್‌ಮ, ಯೇಸು ಯೆಹೂದ್ಯರ್‌ನ ಪೂಜಾ಼ ಥೂತೆ ಇನಖ್ಹಾಜೆ, ಯೇಸು ಯೆರೂಸಲೇಮ್‌ನ ಗಯೊ. 
\v 2 ಯೆರೂಸಲೇಮ್ಮ ಮೇಂಢಾನು ಬಾಕಲ್ನಖನ್ನೆ ಏಕ್‌ ಕೋಳಮ್‌ ಥು, ಇಬ್ರಿಯ ವಾತೇಮ ಇನ “ಬೇತ್ಸಥಾ” ಕರಿ ನಾಮ್, ಹಿಜ್ಜಾ಼ ಪಾಚ಼್ ಛ಼ತ್ ಥು 
\v 3 ಯೋ ಛ಼ತ್‌ಕನ ರೋಗ್‌ರಾಯೊ ರ‍್ಹವಾಳು ಘಣು ಅದ್ಮಿ ಪಡ್ಯುರ‍್ಹೇತೂಥು. ಇವ್ಣಾಮ ಕಾಣು, ಲಂಗ್ಡು, ಅಜು಼ ಲಕ್‍ವೊ ಮಾರ‍್ಯುಹುಯು ಥೂ.ಇವ್ಣೆ ಪಾಣಿ ಕದೆ ಹಲ್‍ಶೇಸ್‍ಕರಿ ಟಿವಯ್ ರ‍್ಹೇತುಥು. 
\v 4 ಶನಕತೊ ಹರೇಕ್ ಬಾರ್ ಥೋಡು ವಖ್ಹತ್‌ನ ಬಾದ್‌ಮ ಪ್ರಭುನೊ ದೂತ ಉತ್ರಿ ಐನ್ ಕೋಳಮ್‍ನ ಪಾಣಿನ ಹಲಾವ್‍ತೊಥೊ ರೋಗ್‌ವಾಳು ಕೆಹೂಬಿ ಅದ್ಮಿ ಪಾಣಿ ಹಲಾದಿನ್ ಪಹಿಲೆ ಜಾ಼ತುಥೂಕಿ ಯೊ ಅಛ್ಛು಼ ಹುಯಿಜಾ಼ತುಥು. 
\v 5 ಆಟ್‌ಉಪ್ಪರ್‌ ಡೋಡಿಖ್ಹ್‌ ವರಖ್ಹ್‌ಥೊ ರೋಗ್‌ಮ ಪಡ್ಯೊಥೋತೆ ಏಕ್‌ ಅದ್ಮಿ ಹಿಜ್ಜಾ಼ಥೊ. 
\v 6 ಯೋ ಹಿಜ್ಜಾ಼ ಪಡ್ಯೋತೆ ಯೇಸುನೆ ದೇಖ್ಯೊ, ಯೋ ಘಣ ವರಖ್ಹ್‌ಥು ರೋಗ್‌ಮ ಥೋತೆ ಯೇಸುನ ಮಾಲುಮ್‌ ಥೂ. ಇನಖ್ಹಾಜೆ ಯೇಸುನೆ ಇನ, “ತುನ ಅಛ್ಛು಼ ಹೋಣು ಕರಿ ದಿಲ್‌ ಛಾ಼ ಕಿಶು?” ಕರಿ ಪುಛಾ಼ಯೊ.
\p
\v 7 ಯೋ ರೋಗಿನೆ, “ಗುರು, ಪಾಣಿ ಹಲಾನಿ ವಖ್ಹತ್‌ಮ ಕೋಳಮ್ಮ ಮನ ಉತ್ರಾವವಾಳು ಕೋಣ್‌ಬಿ ಕೊಯ್ನಿ; ಮೇ ಉತರ‍್ನು ಕರಿ ಜಾ಼ವಾನ ಪಹಿಲೆಸ್, ಮಾರೇಥಿಬಿ ಅಗಾಡಿ ಬಿಜು಼ ಉತ್ರಿಜಾ಼ಸ್‌” ಕರಿ ಬೋಲ್ಯೊ.
\p
\v 8 ಯೇಸು ಇನ, “ಉಪ್ಪರ್ ಉಟ್, ತಾರಿ ಬಿಛಾ಼ವ್ಣಿನ ಪಳ್ಳಿನ್‌, ಚಾ಼ಲ್” ಕರಿ ಬೋಲ್ಯೊ. 
\v 9 ತದ್‌ನು-ತದೇಸ್‌ ಯೋ ಅದ್ಮಿನ ಅಛ್ಛು಼ ಹುಯಿಗಯು; ಇನೆ ಇನಿ ಬಿಛಾ಼ವ್ಣಿನ ಪಳ್ಳಿನ್ ಚಾ಼ಲ್ಯೊ.
\p ತದೆ ಸಬ್ಬತ್‌ ದನ್ ಹುಯಿರುಥು.\f + \fr 5:9 \fr*\ft ಯೆಹೂದ್ಯರ್‌ನು ಕ್ಯಾಲೆಂಡರ್‌ಮ ಸಬ್ಬತ್ ದನ್ ಛಾ಼, ಇನ ಅರಾಮ್‌ನೊ ದನ್ ಕರೀಬಿ ಬೋಲಾಸ್.\ft*\f* 
\v 10 ಇನಖ್ಹಾಜೆ ಯೆಹೂದ್ಯರ್‌ನ ಅದಿಕಾರಿ ಯೋ ಅಛ್ಛು಼ ಹುಯೂತೆ ಅದ್ಮಿನ, “ಆಜ಼್ ಸಬ್ಬತ್‌ ದನ್, ಹುಯಿರುತೆ ಇನಾಖ್ಹಾಜೆ ಬಿಛಾ಼ವ್ಣಿನ ಪಾಡಾನು ಹಮಾರಿ ಖಾನುಲ್‌ನು ವಿರೋದ್ ಹುಯಿರ‍್ಹುಸ್‍” ಕರಿ ಬೋಲ್ಯೊ. \f + \fr 5:10 \fr*\ft ನೆಹೆಮಿಯ 13:19; ಯೆರೆಮೀಯ 17:21\ft*\f*
\p
\v 11 ತದೆ ಇನೆ, “ಮನ ಅಛ್ಛು಼ ಕರ‍್ಯೊತೆ ಇನೇಸ್‌, ‘ತಾರಿ ಬಿಛಾ಼ವ್ಣಿನ ಪಳ್ಳಿನ್‌, ಚಾ಼ಲ್’ ಕರಿ ಬೋಲ್ಯೊ” ಕರಿ ಜ಼ವಾಬ್ ದಿದೊ.
\p
\v 12 ಇವ್ಣೆ ಇನ, “ತಾರಿ ಬಿಛಾ಼ವ್ಣಿನ ಪಳ್ಳಿನ್‌, ಚಾ಼ಲ್ ಕರಿ ತುನ ಬೋಲ್ಯುತೆ ಯೋ ಅದ್ಮಿ ಕೋಣ್?” ಕರಿ ಪುಛಾ಼ಯು.
\p
\v 13 ಕತೋಬಿ ಯೋ ಅಛ್ಛು಼ ಹುಯೂತೆ ಅದ್ಮಿನ ಯೇಸು ಕೋಣ್ ಕರಿ ಮಾಲುಮ್‌ ಕೋ ಥೂನಿ. ಯೋ ಝ಼ಗೋಪರ್‌ ಅದ್ಮಿನಿ ಭೀಡ್ ಥೀತೆ ಇನಖ್ಹಾಜೆ ಯೇಸು ಹಿಜ್ಜಾ಼ಥೊ ಪಿಷ್‌ಲಿ ಚ಼ಲೆಗಯೊ.
\p
\v 14 ಅನ ಬಾದ್‌ಮ ಯೇಸು ಯೋ ಅದ್ಮಿನ ಮಂದಿರ್‌ಮ ದೇಖಿನ್‌, “ದೇಕ್, ಹಮ್ಕೆ ತುನ ಅಛ್ಛು಼ ಹುಯಿರ‍್ಹುಸ್‍ ಇನಖ್ಹಾಜೆ ಪಾಪ್ ಕರಾನು ಮ್ಹೆಂದೆ,ಶನಕತೊ ಅನೇಥಿ ತುನ ಖೆವೂಬಿ ಜಾ಼ಖ್ಹತ್ ಮುಶಿಬತ್ ನಕೊ ಆವಾದೆ.ಕರಿ ಬೋಲ್ಯೊ.
\p
\v 15 ತದೆ ಯೋ ಅದ್ಮಿ ಹಿಜ್ಜಾ಼ಥು ಜೈ಼ನ್‌, ಇನ ಅಛ್ಛು಼ ಕರ‍್ಯೊತೆ ಯೇಸುನೇಸ್‌ ಕರಿ ಯೆಹೂದ್ಯರ್‌ನ ಅದಿಕಾರಿನ ಬೋಲ್ಯು. 
\v 16 ಇನಾಖ್ಹಾಜೆ ಯೆಹೂದ್ಯವಾಳು ಯೇಸು ಸಬ್ಬತ್‌ ದನ್ಮ ಕಾಮ್ ಕರ‍್ಯೊತೆ ಇನಖ್ಹಾಜೆ, ಇನ ಖ್ಹತಾಯು. 
\v 17 ಕತೋಬಿ ಯೇಸುನೆ ಇವ್ಣುನ, “ಮಾರೊ ಬಾ ಹಂಕೆತೋಡಿ ಕಾಮ್ ಕರುಕರಸ್,ಮೇಬಿ ಕಾಮ್ ಕರುಸ್” ಕರಿ ಬೋಲ್ಯೊ.
\p
\v 18 ಅತ್ರೇಸ್ ಕಾಹೆತೆ ಯೊ ಖಲಿ‍ ಸಬ್ಬತ್‌ ದನ್ನ ನಿಯಮ್ನ ಕೋ ತೋಡ್ಯೊನಿ, ಕತೋಬಿ ಯೊ ದೇವ್ ಇನೊ ಶೊಂತ್ ಬಾಕರಿ ಬೋಲ್ಯೊ ಅಜು಼ ಆಮ್ನಿಘೊಣಿ ಇನುಯೋಸ್ ದೇವ್ನು ಸಮಾನ್ ಕರಿಲಿದೋಥೊ. ಆ ವಾತೇನ ಬೋಲ್ಯೋತೆ ಇನೇಥಿ, ಯೆಹೂದ್ಯರ‍್ನು ಅದಿಕಾರಿ ಇನ ಮಾರ‍್ನುಸ್ ಮಾರ‍್ನು ಕರಿ ಖ್ಹಯಾಲ್‌ಥಿ ನಿರ್ಧಾರ್ ಕರ‍್ಯು.
\s ಛಿಯ್ಯಾನಿ ಅದಿಕಾರ್‌ನಿ ಬಾರೇಮ
\p
\v 19 ತದೆ ಯೇಸುನೆ ಇವ್ಣುನ, “ಮೇ ತುಮೂನ ಖ್ಹಾಚಮಾಬಿ ಬೋಲುಸ್ಕಿ, ಬಾ ಕರಾಸ್ತೆ ಇನ ದೇಖಿನ್‌ ಛಿಯ್ಯೊ ಕರಾಸ್ ಪಣ್ಕಿ, ಇನೇಥಿ ಯೋಸ್‌ ಶಾತ್ಬಿ ಕರಾನ ಕೋ ಹುವಾನಿ. ಬಾ ಕರಾಸ್ತೆ ಇಮ್ಮಸ್ ಛಿಯ್ಯೋಬಿ ಕರಾಸ್. 
\v 20 ಶನಕತೊ, ಬಾ ಇನ ಛಿಯ್ಯಾನ ಪ್ಯಾರ್ ಕರಾಸ್ ಅಜು಼ ಯೋ ಕರಾಸ್ತೆ ಖ್ಹಾರಾನ ಇನ ಒತಾಳಸ್. ಅತ್ರೇಸ್ ಕಾಹೆತೆ ಅನೇಥಿಬಿ ಮೋಟು ಕಾಮ್‌ಖ್ಹಾರು ಇನ ವತಾಳ್‌ಶೆ; ಇನ ದೇಖಿನ್‌ ತುಮೆ ಆಶ್ಚರ್ಯ ಕರ್ಶು. 
\v 21 ಬಾ ಕಿಮ್ ಮರ‍್ಯಹುಯಾನ ಉಠಾಡಿನ್ ಜಾನ್‌ ದೇಸ್ಕಿ, ಇಮ್ಮಸ್ ಛಿಯ್ಯೋಬಿ ಇನ ಹೋಣುತೆ ಇವ್ಣುನ ಜಾನ್‌ ದೇಸ್. 
\v 22 ಅತ್ರೇಸ್ ಕಾಹೆತೆ, ಬಾ ಕಿನಾಬಿ ತೀರ್ಪ್‌ ಕರ್ಶೆ ಕೊಯ್ನಿ. ತೀರ್ಪ್ ಕರಾನಿ ಭರ್‌ಪೂರ್‌ ಅದಿಕಾರ್‌ನ ಛಿಯ್ಯಾನ ದೀರಾಖ್ಯೊಸ್. 
\v 23 ಶನಕತೊ, ತಮಾಮ್‌ ಜ಼ಣು ಬಾನ ಮರ್ಯಾದಿ ವತಾಳಸ್ತೆ ಇಮ್ಮಸ್, ಛಿಯ್ಯಾನಾಬಿ ಮರ್ಯಾದಿ ವತಾಳ್ಣು ಕರಿ ಇನೆ ಅಮ್ ಕರ‍್ಯೊತೆ, ಕೋಣ್ ಛಿಯ್ಯಾನ ಮರ್ಯಾದಿ ದೇಯಿಕೊಯ್ನಿಕಿ ಇವ್ಣೆ ಇನ ಮೋಕ್‌ಲ್ಯೊತೆ ಬಾನಾಬಿ ಮರ್ಯಾದಿ ಕೋ ದೇಯ್ನಿ.
\p
\v 24 “ಮೇ ತುಮೂನ ಖ್ಹಾಚ ಬೋಲುಸ್ಕಿ, ಮಾರಿ ವಾತೇನ ಖ್ಹಮ್‌ಜಿನ್‌, ಮನ ಮೋಕ್‌ಲ್ಯೊತೆ ಇನ ನಂಬವಾಳಾನ ಹಮೇಶಾನಿ ಜಿ಼ಂದ್‌ಗಿ ಮಳಿರ‍್ಹೀಸ್‌. ಇನ ತೀರ್ಪ್ ಕೋ ಉಶೇನಿ; ಯೋ ಮರಣ್ಣ ಉಲಾಂಗಿನ್, ಜಾನ್‌ಮ ಪೇಶಿರ‍್ಹೋಸ್‌. 
\v 25 ಮೇ ತುಮೂನ ಖ್ಹಾಚ ಬೋಲುಸ್ಕಿ, ಮರಿಗಯೂತೆ ಅದ್ಮಿ ದೇವ್ನ ಛಿಯ್ಯಾನಿ ಅವಾಜ಼್ ಖ್ಹಮ್‍ಜಾ಼ನಿ ವಖ್ಹತ್ ಆವ್‌ಶೆ. ಯೋ ವಖ್ಹತ್ ಹಂಕೇಸ್‌ ಐರ‍್ಹೀಸ್, ಖ್ಹಮ್‌ಜಾ಼ವಾಳು ಜಿವ್‌ಶೆ. 
\v 26 ಬಾನ ಜಾನ್‌ ದ್ಯವಾನಿ ಶಕತ್ ಛಾ಼ತೆ ಇಮ್ಮಸ್, ಛಿಯ್ಯಾನಾಬಿ ಜಾನ್‌ ದ್ಯವಾನಿ ಶಕತ್ನ ದೀರಾಖ್ಯೊಸ್.\f + \fr 5:26 \fr*\ft ಕತೊ, ಬಾಮ ಜಾನ್‌ ಛಾ಼ತೆ ಇಮ್ಮಸ್, ಛಿಯ್ಯಾಮಾಬಿ ಜಾನ್‌ ಛಾ಼ ಕರಿ ಮತ್‌ಲಬ್.\ft*\f* 
\v 27 ಅಜು಼ ಛಿಯ್ಯೊ, ಅದ್ಮಿನೊ ಛಿಯ್ಯೊ ಹುಯಿರ‍್ಹೋತೆ ಇನಖ್ಹಾಜೆ ತೀರ್ಪ್ ಕರಾನಿ ಹಕ್‌ನ ಬಾನೆ ಇನ ದೀರಾಖ್ಯೊಸ್. 
\v 28 ಅನಿ ಬಾರೇಮ ಆಶ್ಚರ್ಯ ನಕೊ ಕರೊ; ಏಕ್‌ ಹಗಾಮ್‌ ಆವ್‌ಶೆ, ತದೆ ಮಖ್ಹಾಣ್ಯಮ ಛಾ಼ತೆ ಅಖ್ಖು ಇನಿ ಅವಾಜ಼್‌ನ ಖ್ಹಮ್‌ಜಿನ್, 
\v 29 ಅಜು಼ ಇವ್ಣೆ ಮಖ್ಹಾಣ್ಯಥು ಉಠೀನ್ ಆವ್‌ಶೆ, ಕೋಣ್ ಅಛ್ಛಾ಼ನ ಕರ‍್ಯುಕೀ ಇವ್ಣುನ ಹಮೇಶಾನ ಜಾನ್ನಖ್ಹಾಜೆ ಪಾಛು಼ಜಿವ್ತು ಹುಯಿನ್ ಆವ್‌ಶೆ. ಖರಾಬ್ ಕರವಾಳು ತೀರ್ಪ್‌ನಖ್ಹಾಜೆ ಪಾಛು಼ಜಿವಿನ್ ಉಟ್‌ಶೆ. \f + \fr 5:29 \fr*\ft ದಾನಿಯೇಲ್ 12:2\ft*\f*
\s ಯೇಸುನಿ ಬಾರೇಮ ಸಾಕ್ಷಿಖ್ಹಾರು
\p
\v 30 “ಮಾರು ಮೇಸ್ ಶಾತ್ಬಿ ಕರಾನ ಕೋ ಹುವಾನಿ; ಬಾ ಬೋಲಾತೆ ಇನ ಖ್ಹಮ್‌ಜಿನ್‌, ಮೇ ನ್ಯಾವ್ ಫೇಡಾವುಸ್, ಅನಖ್ಹಾಜೆ ಮಾರು ತೀರ್ಪ್‌ ಖ್ಹಾಚು಼ ಹುಯಿರುಸ್,ಅಜು಼ ಮಾರಿಸ್ ಮರ್ಜಿ ಚಾ಼ಲಾದೆ ಕರಿ ಆಖ್ಹ್ ಕರ‍್ಯೊಕೊಂತೆ, ಮನ ಮೋಕ್‌ಲ್ಯೊತೆ ಇನಿ ಮರ್ಜಿಸ್‌ ಚಾ಼ಲ್ನು ಕರಿ ಮೇ ಆಖ್ಹ್ ಕರುಸ್.
\p
\v 31 ಮಾರಿ ಬಾರೇಮ ಮೇಸ್ ಸಾಕ್ಷಿ ಬೋಲಿಲಿದೋತೊ ಮಾರಿ ಸಾಕ್ಷಿ ಖ್ಹಾಚಿಸ್ ಕಾಹೆ. 
\v 32 ಕತೋಬಿ ಮಾರಿ ಬಾರೇಮ ಸಾಕ್ಷಿ ಬೋಲವಾಳೊ ಏಕ್‌ ಜ಼ಣೊ ಛಾ಼, ಯೋ ಮಾರಿ ಬಾರೇಮ ಬೋಲಾಸ್ತೆ ಸಾಕ್ಷಿ ಖ್ಹಾಚು಼ ಕರಿ ಮನ ಮಾಲುಮ್‌. 
\v 33 ತುಮೆ ಯೋಹಾನಕನ ಸಂದೇಶ್ ಪುಛೈ಼ಲ್ಯಾವಾಳ ಅದ್ಮಿನ ಮೋಕ್‌ಲ್ಯ, ಇನೆ ತುಮೂನ ಖ್ಹಾಚಿನಿ ಬಾರೇಮ ಸಾಕ್ಷಿ ಬೋಲ್ಯೊ.\f + \fr 5:33 \fr*\ft ಯೋಹಾನ 1:19-27;\ft*\f* 
\v 34 ಮಾರಿ ಬಾರೇಮ ಅದ್ಮಿನಿ ಸಾಕ್ಷಿ ಮನ ಜ಼ರೂರತ್ ಕೊಯ್ನಿ, ತೋಬಿ ತುಮೂನ ರಕ್ಷಣೆಮಳಾದೆ ಕರಿ ಆವಾತ್ನ ಬೋಲ್ಯೋತೆ. 
\v 35 ಯೋಹಾನ ಬಳುಕರಸ್ತೆ ದೀವನಿಮತ್‌ ಥೊ,ಅಜು಼ ಯೊ ಉಜಾ಼ಳು ದಿದೊ. ಕತೋಬಿ ತುಮೆ ಇನ ಉಜಾ಼ಳಾಮ ಥೋಡ ದನ್ ಖ್ಹುಶಿ ಕರ‍್ಯಾ. 
\v 36 ಮಾರಿ ಸಾಕ್ಷಿ ಯೋಹಾನ್‌ಥೀಬಿ ಮೋಟಿ ಸಾಕ್ಷಿ ಹುಯಿರಿಶ್. ಶನಕತೊ ಬಾ ಖೆವುಕಾಮ್ ಪೂರ ಕರಾನ ಮನ ದಿದೊತೆ ಯೋ ಕಾಮ್ನ ಕರುಕರೂಸ್.ಕರಿಬೋಲಾನ ಆ ಕಾಮಸ್ ಸಾಕ್ಷಿ. 
\v 37 ಅತ್ರೇಸ್ ಕಾಹೆತೆ, ಮನ ಮೋಕ್‌ಲ್ಯೊತೆ ಬಾಸ್, ಮಾರಿ ಬಾರೇಮ ಸಾಕ್ಷಿ ಬೋಲಿರಾಖ್ಯೊಸ್. ಕತೋಬಿ ತುಮೆ ಇನಿ ಅವಾಜ಼್‌ನ ಕದೇಬಿ ಖ್ಹಮ್‌ಜಿರಾಖ್ಯಕೊಯ್ನಿ, ಇನಿ ರೂಪ್ ಕಿಮ್ ಛಾ಼ ಕರಿ ಕದೇಬಿ ಕೋ ದೇಖಿರಾಖ್ಯಾನಿ.\f + \fr 5:37 \fr*\ft ಮತ್ತಾಯ 3:17; ಮಾರ್ಕ 1:11; ಲೂಕ 3:22\ft*\f* 
\v 38 ಅಜು಼ ಇನಿ ವಾಕ್ಯಾಬಿ ತುಮಾರಾಮ ಕೊಯ್ನಿ, ಶನಕತೊ ಬಾ ಮೋಕ್‌ಲ್ಯೊತೆ ಇನ ತುಮೆ ನಂಬಾಕೊಯ್ನಿ. 
\v 39 ತುಮೆ ಕೆತ್ರುಕ್ಕಿ ಧರ್ಮಶಾಸ್ತ್ರನ ಪಢೋಸ್‌, ಯೋ ತುಮೂನ ಹಮೇಶಾನಿ ಜಿ಼ಂದ್‌ಗಿ ದಿಶೆ ಕರಿ ತುಮೆ ಸೋಚೋ಼ಸ್, ಕತೋಬಿ ಯೋ ಖ್ಹಾರು ದಪ್ತರ್ ಮಾರಿ ಬಾರೇಮಸ್ ಸಾಕ್ಷಿ ದ್ಯವಾನು ಹುಯಿರುಸ್. 
\v 40 ತೋಬಿ ತುಮೆ ಮಾರಕನ ಐನ್ ಯೋ ಜಾನ್ನ ಲೀಲ್ಯಾವನ ತುಮೂನ ಮನ್‌ಕೊಯ್ನಿ.
\p
\v 41 “ಮನ ಅದ್ಮಿನಿ ಖ್ಹರಾವ್ಣಿ ಹೋಣು ಕೊಯ್ನಿ. 
\v 42 ಕತೋಬಿ ತುಮೆ ಕಿಮ್ನು ಅದ್ಮಿಖ್ಹಾರು ಕರಿ ಮನ ಮಾಲುಮ್, ಅಜು಼ ತುಮಾರ ದಿಲ್ಮ ದೇವ್‌ಪರ್‌ ಪ್ಯಾರ್ ಕೊಯ್ನಿ ಕರೀಬಿ ಮನ ಮಾಲುಮ್. 
\v 43 ಮೇ ಮಾರ ಬಾನ ನಾಮ್‍ಥಿ; ಕತೋಬಿ ಮನ ತುಮೆ ಸ್ವೀಕಾರ್ ಕರಕೊಯ್ನಿ, ಕತೋಬಿ ಕೋಣ್‌ತೋಬಿ ಶೊಂತ್ ಅದಿಕಾರ್‌ಥಿ ಆಯೂತೆ ತುಮೆ ಇನ ಸ್ವೀಕಾರ್ ಕರಿಲೆವೊಸ್. 
\v 44 ತುಮೆ ಏಕ್‌ಥಿ ಏಕ್‌ ಮಾನ್-ಮರ‍್ಯಾದಿನ ಆಖ್ಹ್ ಕರೋಸ್, ಕತೋಬಿ ಏಕ್‍ನೊ ಎಕ್ಕಸ್ ದೇವ್‍ಥಿ ಆವಸ್ತೆ ಖ್ಹರಾವ್ಣಿನ ತುಮೆ ಹೋಣು ಕರಿ ಆಖ್ಹ್ ಕೋ ಕರೋನಿ. ಅಮ್ ರ‍್ಹವಾಪರ್ ತುಮೆ ಮನ ಕಿಮ್ ನಂಬ್‌ಶು? 
\v 45 ಮಾರ ಬಾನ ಖ್ಹಾಮ್ಣೆ ಭೀರಿನ್ ಮೇ, ತುಮುನ ಅಪರಾದಿ ಕರಿ ಭೀರಾಕಿಶ್ ಕರಿ ನಕೊ ಸೋಚೊ ತುಮೆ ಭರೋಖ್ಹೊ ಕರಿರಾಖ್ಯಾತೆ ಮೋಶೆಸ್‌ ತುಮಾರಪರ್ ಅಪರಾದ್ ಲಗಾಡ್‌ಶೆ. 
\v 46 ತುಮೆ ಖ್ಹಾಚಮಾಬಿ ಮೋಶೆನಿ ವಾತೆನಪರ್ ವಿಶ್ವಾಸ್ ಕರಾನು ರ‍್ಹಿಯಿತೊ, ಮಾರಪರ್‌ಬಿ ಭರೋಖ್ಹೊ ಕರ‍್ಯಾಹೋತ್‌. ಶನಕತೊ ಇನೆ ಮಾರಿ ಬಾರೇಮ ಲೀಖಿರಾಖ್ಯೊಸ್. 
\v 47 ಅಜೂ಼ಬಿ ಮೋಶೆನೆ ಲೀಖ್ಯೋತೆ ವಾತೇನಸ್‌ ತುಮೆ ವಿಶ್ವಾಸ್‌ ನಾ ಕರ‍್ಯಾತೊ, ಮೇ ಬೋಲುಸ್ತೆ ವಾತೆನ ಕಿಮ್ ನಂಬ್ ಶು?” ಕರಿ ಬೋಲ್ಯೊ.
\c 6
\s ಯೇಸುನೆ ಪಾಚ಼್ ಹಜಾ಼ರ್ ಅದ್ಮಿನ ಖಾಣು ಖಡಾಯೋತೆ
\r (ಮತ್ತಾಯ 14:13-21; ಮಾರ್ಕ 6:30-44; ಲೂಕ 9:10-17)
\p
\v 1 ಅನ ಬಾದ್‌ಮ ಯೇಸು ಗಲಿಲಾಯ ದರ‍್ಯಾವ್ನು ಪಾರ್ಲಿ ಬಾಜೂ಼ಮ ಚ಼ಲೆಗಯೊ ಇನ ತಿಬೇರಿಯಾನು ದರ‍್ಯಾವ್ ಕರೀಬಿ ಬೋಲಾಸ್. 
\v 2 ಅದ್ಮಿನಿ ಘಣಿ ಮೋಟಿ ಭೀಡ್ ಯೇಸುನ ಪೀಠೆ ಗಯು, ಶನಕತೊ ಇವ್ಣೆ ಖ್ಹಾರು ಯೇಸುನೆ ರೋಗ್‌ಮ ರ‍್ಹವಾಳನ ಅಛ್ಛು಼ ಕರ‍್ಯೊತೆ ಅದ್ಭುತ್‌ನ ಖ್ಹಾರು ದೇಖ್ಯೂಥು. 
\v 3 ತದೆ ಯೇಸು ಪಹಾಡ್‌ಪರ್ ಚ಼ಢೀನ್, ಇನ ಶಿಷ್ಯರ್‌ನ ಜೋ಼ಡೆ ಬೇಶಿಗಯೊ. 
\v 4 ಯೆಹೂದ್ಯರ್‌ನ ಪಸ್ಕ ಪೂಜಾ಼ನಿ ವಖ್ಹತ್ ಖನ್ನೆ ಐಗೈಥಿ. 
\v 5 ಯೇಸುನೆ, ಇನಾಕನ ವಳ್ಯಾವ್‌ತುಥೂತೆ ಅದ್ಮಿನಿ ಮೋಟಿ ಭೀಡ್‌ಣ ದೇಖ್ಯೊ. ಅಜು಼ ಫಿಲಿಪ್ಪನ, “ಆ ಅದ್ಮಿ ಖ್ಹಾರಾನ ಪೂರಯೆತ್ರು ರೋಟಾ ಅಪ್ಣೆ ಕಿಜ್ಗಾ಼ಥು ಲೈಯೆ?” ಕರಿ ಪುಛಾ಼ಯೊ. 
\v 6 ಫಿಲಿಪ್ಪನ ಪರ್ಖಾನಖ್ಹಾಜೆ ಯೇಸುನೆ ಅಮ್ ಪುಛಾ಼ಯೋತೆ; ಖ್ಹಾಚಿ ಶಾತ್ ಕತೊ, ಯೋ ಶಾತ್‌ ಕರ‍್ನು ಕರಿ ಇನ ಅಗಾಡಿಸ್ ಮಾಲುಮ್‌ ಥೂ.
\p
\v 7 ತದೆ ಫಿಲಿಪ್ಪನೆ, “ಹಜ಼್ಜ ಛಾ಼ತೆ ಹರೇಕ್ ಅದ್ಮಿನ ಏಕೇಕ್‌ ಟುಕ್‌ಡೊ ರೋಟೊ ದೇಣುಕತೋಬಿ, ಬೇಖ್ಹೊ ರೂಪಾನ ಪಾವ್‍ಲೆಥೀಬಿ ಜಾ಼ಖ್ಹತ್ ಹೋಣು”\f + \fr 6:7 \fr*\ft ಕತೊ, ಛೊ಼ ಮಹಿನಾನು ಶಂಬ್‌ಳ ಕರಿ.\ft*\f* ಕರಿ ಬೋಲ್ಯೊ.
\p
\v 8 ತದೆ ಯೇಸುನೊ ಬಿಜೇಕ್ ಜ಼ಣೊ ಶಿಷ್ಯ ಹುಯಿರ‍್ಹೊಥೋತೆ, ಸೀಮೋನ್‌ ಪೇತ್ರನೊ ಭೈ ಅಂದ್ರೆಯನೆ, 
\v 9 ಯೇಸುನ, “ಹಜ್ಜಾ಼ ಛಾ಼ತೆ ಏಕ್‌ ಛೋ಼ಕ್ರಕನ ಪಾಚ಼್ ಘೌನ ರೋಟಾ ಅಜು಼ ಬೇ ಮಾಛ಼್‌ಲಾ ಛಾ಼, ಕತೋಬಿ ಅತ್ರಾಖ್ಹಾರ ಅದ್ಮಿನ ಯೋ ಪೂರ್‌ಶೆಕೊಯ್ನಿ” ಕರಿ ಬೋಲ್ಯೊ.
\p
\v 10 ಯೇಸುನೆ ಇವ್ಣುನ, “ಅದ್ಮಿನ ಖ್ಹಾರು ಬೇಖ್ಹೊ ಕರಿ ಬೋಲ್” ಕರಿ ಬೋಲ್ಯೊ. ಯೋ ಝ಼ಗೋಪರ್‌ ಘಣು ಘಾಖ್ಹ್‌ ಫುಟಿರ‍್ಹೂಥು. ಅದ್ಮಿಖ್ಹಾರು ಘಾಖ್ಹ್‌ಪರ್‌ ಬೇಶಿಗಯು. ಇವ್ಣಾಮ ಪರ್ಖ್ಹಾ ಅದ್ಮಿಸ್‌ ಕಮ್‌ಶಿಕಮ್ ಪಾಚ಼್ ಹಜಾ಼ರ್‌ಜ಼ಣು ಥೂ. 
\v 11 ಯೇಸುನೆ ಯೋ ರೋಟಾನ ಪಾಡೀನ್, ದೇವ್ನ ಧನ್ಯವಾದ್ ಕರೀನ್, ಹಿಜ್ಜಾ಼ ಬೆಠುಥೂತೆ ಅದ್ಮಿನ ವಾಟಪಾಡಿ ದಿದೊ. ಮಾಛ್ಲಾ಼ನಾಬಿ ಇಮ್ಮಸ್ ವಾಟಪಾಡಿ ದಿದೊ, ತಮಾಮ್‌ ಅದ್ಮಿ ಇವ್ಣುನ ಕೆತ್ರು ಹೋಣುಕಿ ಎತ್ರು ಖಾದು. 
\v 12 ಇವ್ಣೆ ಖ್ಹಾರು ಖೈನ್, ಪೇಟ್ ಭರೈಜಾ಼ವಾನಿ ಬಾದ್‌ಮ ಯೇಸುನೆ ಇನ ಶಿಷ್ಯರ್‌ನ, “ಉಭ್‌ರ‍್ಯುತೆ ಟುಕ್ಡಾವ್‍ನ ಎಕ್ಟು ಕರೊ, ಕೆಹೂಬಿ ಖರಾಬ್ ನಾಹೊಣು” ಕರಿ ಬೋಲ್ಯೊ. 
\v 13 ತದೆ ಇವ್ಣೆ ಯೊ ಪಾಚ಼್ ಘೌನ ರೋಟಾನ ಟುಕ್ಡಾವ್‍ನ ಎಕ್ಟು ಕರಾಖ್ಹತರ್, ಭಾರ ಟೋಕ್ರಾ ಭರಾಯು.
\p
\v 14 ಯೇಸುನೆ ಕರ‍್ಯೊತೆ ಆ ಅದ್ಭುತ್ ದೇಖ್ಯೂತೆ ತದೆ ಅದ್ಮಿಖ್ಹಾರು ಅಮ್ ಬೋಲ್ಯು, “ಖ್ಹಾಚ಼ಮಾಬಿ ಜಗತ್‌ಮ ಆವ್ಣುತೆ ಪ್ರವಾದಿ ಆಸ್ ಹುಯಿರೊಸ್” ಕರಿ ಬೋಲ್ಯು. 
\v 15 ಅದ್ಮಿಖ್ಹಾರು ಇನ ಧರೀನ್, ಜು಼ಲಮ್‌ಥಿ ರಾಜ಼ಕರಾನ ಸೋಚುಕರಾಸ್ ಕರಿ ಯೇಸುನೆ ಮಾಲುಮ್‌ ಕರಿಲಿದೊ; ಇನಖ್ಹಾಜೆ ಯೋ ಹಿಜ್ಜಾ಼ಥೊ ಎಕ್ಲೋಸ್ ಪಾಛು಼ ಪಹಾಡ್‌ಪರ್ ಚ಼ಲೆಗಯೊ.
\s ಯೇಸುನೆ ಪಾಣಿಪರ್‌ ಚಾ಼ಲ್ಯೋತೆ
\r (ಮತ್ತಾಯ 14:22-33; ಮಾರ್ಕ 6:45-52)
\p
\v 16 ಖ್ಹಾಂಜ಼್ ಹುವ್ವಾದೀನ್, ಯೇಸುನ ಶಿಷ್ಯರ್‌ ದರ‍್ಯಾವ್‌ಕನ ಆಯು. 
\v 17 ಡೋಣ್‌ ಚ಼ಢೀನ್‌, ದರ‍್ಯಾವ್‍ನಿ ಪಾರ್ಲಿ ಬಾಜೂ಼ಮ ಥೂತೆ ಕಪೆರ್ನೌಮ್ಮ ಗಯು. ತದ್ದೇಸ್ ಅಂಧಾರು ಹುಯಿಗಯುಥು, ಅಜು಼ ಯೇಸು ಇವ್ಣಾಕನ ಬಿಜೂ಼ಬಿ ಕೋ ಐರ‍್ಹೋಥೋನಿ. 
\v 18 ತದೆ ಘಣೊ ಮೋಟೊ ವಹಿರೊ ಜೋ಼ರೇಖ್ಹು ವಾಗುಕರ್ತೊಥೋತೆ ಇನಖ್ಹಾಜೆ, ದರ‍್ಯಾವ್‌ಮ ಝೋ಼ಕಾಳೊ ಜಾ಼ಖ್ಹತ್ ಹುವ್ವಾಲಗ್ಯೋಥೊ. 
\v 19 ಇವ್ಣೆ ಡೋಣ್ಣಾ ಹುಟ್ ಘಾಲಿನ್ ಚ಼ಲಾವ್ತಹುಯಿನ್, ತೀನ್‌ಕಿ-ಚಾರ್ ಮೈಲ್\f + \fr 6:19 \fr*\ft ಏಕ್‌ ಮೈಲ್ ಕತೊ ಡೋಡ್ ಕಿಲೊ ಮೀಟರ್.\ft*\f* ಜೈ಼ನ್‌ ಪೋಚಾ಼ನ ಬಾದ್‌ಮ ಯೇಸು ಪಾಣಿಪರ್‌ ಚಾ಼ಲ್ತೊಹುಯಿನ್‌ ಡೋಣ್ಣಾ ಖನ್ನೆ ವಳ್ಯಾವಾತೆ ದೇಖಿನ್‌, ಇವ್ಣೆ ಡರಿಗಯಾ. 
\v 20 ಯೇಸುನೆ ಇವ್ಣುನ, “ಡರೊ ನಕೊ, ಯೊ ಮೇಸ್”! ಕರಿ ಬೋಲ್ಯೊ. 
\v 21 ತದೆ ಇವ್ಣೆ ಇನ ಡೋಣ್‌ಮ ಬುಲೈಲ್ಯವಾನ ಕರ‍್ಯಾ, ತದ್‌ನು-ತದ್ದೇಸ್ ಇವ್ಣೆ ಜಾ಼ವ್ಣುಥೂತೆ ಝ಼ಗೋಕನ ಡೋಣ್‌ ಜೈ಼ನ್‌ ಪೋಚಿಗಯ್.
\s ಅದ್ಮಿಖ್ಹಾರು ಯೇಸುನ ಢೂಂಡಿನ್ ಆಯೂತೆ
\p
\v 22 ಇನ ಅಗಲ್ಯದನ್ನೆ ದರ‍್ಯಾವ್‍ನಿ ಪಾರ್ಲಿ ಬಾಜೂ಼ಮ ಥೂತೆ ಅದ್ಮಿಖ್ಹಾರು ಹಿಜ್ಜಾ಼ ಎಕ್ಕಸ್ ಡೋಣ್‌ ಥೀಕರಿ ಇವ್ಣುನ ಮಾಲುಮ್‌ಥು. ಯೋ ಡೋಣ್‌ಮ ಖಲಿ ಶಿಷ್ಯರಸ್‌ ಗಯ, ಯೇಸು ಶಿಷ್ಯರ‍್ನ ಜೋ಼ಡೆ ಕೋ ಗಯೋನಿ ಕರಿ ಇವ್ಣುನ ಮಾಲುಮ್‌ ಥೂ. 
\v 23 ಎತ್ರಾಸ್‌ಮ, ಬಿಜಿ ಡೋಣ್‌ ಖ್ಹಾರು ತಿಬೇರಿಯಾಥು ಐನ್, ಪ್ರಭುನೆ ಧನ್ಯವಾದ್ ಕರೀನ್, ಅದ್ಮಿನ ರೋಟ ಖಡಾಯೋತೆ ಝ಼ಗೋಕನಾಸ್‌ ಆಯು. 
\v 24 ಅದ್ಮಿಖ್ಹಾರು, ಯೇಸುಬಿ ಇನ ಶಿಷ್ಯರ್‌ ಹಿಜ್ಜಾ಼ಕೊಂತೆ ದೇಖಿನ್‌, ಯೋ ಡೋಣೇಮ ಚ಼ಢೀನ್‌, ಯೇಸುನ ಢೂಂಡ್‌ತುಹುಯಿನ್, ಕಪೆರ್ನೌಮ್‌ನ ಗಯು.
\s ಯೇಸುಸ್ ಜಾನ್ನೊ ರೋಟೊ
\p
\v 25 ದರ‍್ಯಾವ್‍ನಿ ಪಾರ್ಲಿ ಬಾಜೂ಼ಮ ಯೇಸು ಮಳಾದಿನ್, ಅದ್ಮಿಖ್ಹಾರು ಇನ, “ಗುರು, ತೂ ಕದೆ ಹಜ್ಜಾ಼ ಆಯೊ?” ಕರಿ ಪುಛಾ಼ಯು.
\p
\v 26 ಯೇಸುನೆ ಇವ್ಣುನ, “ತುಮೂನ ಖ್ಹಾಚಮಾಬಿ ಬೋಲುಸ್ಕಿ, ತುಮೆ ಮನ ಢೂಂಡಾಸ್ತೆ ಮಾರು ಖ್ಹಣೇದ್ ಕಾಮ್ನ ಖ್ಹಾರು ದೇಖಿನ್‌ ಕಾಹೆ ಪಣ್ಕಿ, ಯೋ ರೋಟಾವ್ನ ಖೈನ್, ಪೇಟ್ ಭರೈಲಿದಾತೆ ಇನಖ್ಹಾಜೇಸ್. 
\v 27 ಖ್ಹಡಿಜಾ಼ಸ್ತೆ ಖಾಣಾನಖ್ಹಾಜೆ ನಕೊ ರಾಬೊ; ತುಮೂನ ಹರ್‌ಹಮೇಶಾನಿ ಜಿ಼ಂದ್‌ಗಿ ದ್ಯವಾನ ಹುವಾಸ್ತೆ ಖಾಣಾನಖ್ಹಾಜೆ ರಾಬೊ, ಅಮ್ನು ಖಾಣನ ಅದ್ಮಿನೊ ಛಿಯ್ಯೊ ತುಮೂನ ದಿಶೆ, ಅನಖ್ಹಾಜೆಸ್ ಬಾ ಹುಯಿರ‍್ಹೋತೆ ದೇವ್ನೆ ಇನ ನೇಮಕ್ ಕರ‍್ಯೊ, ಶಾಸನ್ನೊ ಮುದ್ರೊ ಮಾರಿರಾಖ್ಯೋಸ್‌” ಕರಿ ಬೋಲ್ಯೊ.
\p
\v 28 ತದೆ ಅದ್ಮಿಖ್ಹಾರು ಯೇಸುನ, “ಹಮೆ ಕೆಹು ಕಾಮ್ ಕರ‍್ನು ಕರಿ ದೇವ್ ಆಖ್ಹ್ ಕರಾಸ್?” ಕರಿ ಪುಛಾ಼ಯು.
\p
\v 29 ಯೇಸುನೆ,ಇವ್ಣುನ “ದೇವ್ನೆ ಮೋಕ್‌ಲ್ಯೊತೆ, ತುಮೆ ವಿಶ್ವಾಸ್‌ ಕರ‍್ನು ಕರಿ ಬೋಲಾನುಸ್ ದೇವ್ ತುಮಾರೇಥಿ ಆಖ್ಹ್ ಕರಾಸ್ತೆ ಕಾಮ್” ಕರಿ ಜ಼ವಾಬ್ ದಿದೊ.
\p
\v 30 ಇವ್ಣೆ ಇನ, “ಇಮ್‍ಕತೊ, ತೂ ದೇವ್‍ಥಿ ಆಯೊಹುಯೊ ಕರಿ ಹಮೆ ದೇಖಿನ್‌, ತುನ ವಿಶ್ವಾಸ್‌ ಕರಾನಿಘೋಣಿ ಕೆಹು ಖ್ಹಣೇದ್ ಕರಿ ವತಾಳಸ್‌?” ಕರಿ ಪುಛಾ಼ಯು. 
\v 31 “ಹಮಾರ ಗುರುಗುರಬ್‌ಲ್ಯವ್‌ನೆ ಉಜ್ಜಾ಼ಡಿ ಝ಼ಗೋಮ ಮನ್ನಾ ಖಾದು, ಸೊರ್ಗಾಥು ಇವ್ಣುನ ಖಾವಾನಖ್ಹಾಜೆ ಇನೆ ರೋಟೊ ದಿದೊ ಕರಿ ಧರ್ಮಶಾಸ್ತ್ರಮ ಲೀಖೈರ‍್ಹೂಸ್‌ನಿ” ಕರಿ ಬೋಲ್ಯು.\f + \fr 6:31 \fr*\ft ವಿಮೋಚನ ಕಾಂಡ 16:4,15; ನೆಹೆಮಿಯ 9:15\ft*\f*
\p
\v 32 ತದೆ ಯೇಸುನೆ ಇವ್ಣುನ, “ತುಮೂನ ಖ್ಹಾಚಮಾಬಿ ಬೋಲುಸ್ಕಿ, ಸೊರ್ಗಾಮ ತುಮೂನ ರೋಟೊ ದಿದೋತೆ ಮೋಶೆನೆ ಕಾಹೆ ಪಣ್ಕಿ ಮಾರೊ ಬಾ ಸೊರ್ಗಾಥು ಖ್ಹಾಚೊ಼ ರೋಟಾನ ದಿಶೆ. 
\v 33 ದೇವ್ ದೇಸ್ತೆ ಯೋ ರೋಟೊ, ಸೊರ್ಗಾಥು ಉತ್ರಿ ಐರ‍್ಹುಥು, ಅಜು಼ ಜಗತ್ನ ಜಾನ್‌ ದೇಸ್.
\p
\v 34 ತದೆ ಅದ್ಮಿಖ್ಹಾರು, “ಅಲಾ, ಗುರು, ಯೋ ರೋಟಾನ ಹಮೂನ ಹಮೇಶ ದೇ” ಕರಿ ಇನ ಬೋಲ್ಯು.
\p
\v 35 ಯೇಸುನೆ ಇವ್ಣುನ, “ಮೇಸ್ ಜಾನ್ನೊ ರೋಟೊ,‌ ಮಾರಕನ ಆವಾಳಾನ ಕದೇಬಿ ಭುಕ್ ಕೋ ಲಾಗ್‌ಶೇನಿ. ಮಾರಾಮ ವಿಶ್ವಾಸ್‌ ಕರಾವಾಳನ ಕದೇಬಿ ಠೋಖ್ಹ್‌ ಕೋ ಲಾಗ್‌ಶೇನಿ. 
\v 36 ಕತೋಬಿ ತುಮೆ ಮನ ದೇಖ್ಯಾತೋಬಿ, ವಿಶ್ವಾಸ್‌ ಕರ‍್ಯಾಕೊಂತೆ ಛಾ಼ ಕರಿ ಮೇ ಅಗಾಡಿಸ್ ಬೋಲ್ಯೋನಿ. 
\v 37 ಬಾ ಮನ ದೇಸ್ತೆ ಇವ್ಣೆ ಖ್ಹಾರು ಮಾರಕನ ಆವ್‌ಶೆ, ಅಜು಼ ಮಾರಕನ ಆವಾಳಾನ ಪಾಛು಼ಮೇ ಧಕೇಲಿಶ್‌ ಕೊಯ್ನಿ. 
\v 38 ಮೇ ಸೊರ್ಗಾಥು ಉತ್ರಿ ಆಯೋತೆ ಮಾರಿ ಮರ್ಜಿ ಕರಾನ ಕಾಹೆ, ಪಣ್ಕಿ ಮನ ಮೋಕ್‌ಲ್ಯೊತೆ ಇನಿ ಮರ್ಜಿಸ್‌ ಪೂರಕರಾನ. 
\v 39 ದೇವ್ನೆ ಮನ ದಿದೋತೆ ಅದ್ಮಿಮ ಏಕ್‌ನಾಬಿ ಮೇ ಗುಮೈನಾಲೇವ್ಣುತೆ, ಅಂತಿಮ್‌ ದನ್ಮ ಮೇ ಇವ್ಣ ಖ್ಹಾರಾನ ಪಾಛು಼ ಜಿವ್ತು ಉಠಾಡ್ನು ಕರಿ ಬೋಲಾನುಸ್ ದೇವ್ನಿ ಮರ್ಜಿ. 
\v 40 ಇನಾಟೇಕೆ ಛಿಯ್ಯಾನ ದೇಖಿನ್‌, ಇನಾಮ ವಿಶ್ವಾಸ್‌ ಕರಾವಾಳ ಹರೇಕ್ನ ಹರ್‌ಹಮೇಶಾನಿ ಜಿ಼ಂದ್‌ಗಿ ಮಳ್‌ಣು ಕರಿ ಬೋಲಾನು ಬಾನಿ ಮರ್ಜಿ ಹುಯಿರ‍್ಹುಸ್‍, ಅಜು಼ ಖ್ಹರ್ತಿನ ದನ್ಮ ಮೇ ಇವ್ಣುನ ಪಾಛು಼ ಜಿವ್ತು ಉಠಾಡಿಶ್‌” ಕರಿ ಬೋಲ್ಯೊ.
\p
\v 41 ಯೇಸುನೆ, “ಸೊರ್ಗಾಥು ಉತ್ರಿನ್ ಆಯೋತೆ ರೋಟೊ ಮೇಸ್” ಕರಿ ಬೋಲ್ಯೋತೆ ಇನಖ್ಹಾಜೆ, ಯೆಹೂದ್ಯವಾಳು ಇನಿ ಬಾರೇಮ ಮಶ್ಲಾ ಮಾರ‍್ಯು. 
\v 42 ಅಜು಼, “ಆ ಯೋಸೇಫ್‍ನೊ ಛಿಯ್ಯೊ ಯೇಸು ಕಾಹೆಕಿ ಶು? ಅನ ಆಯಾ-ಬಾ ಅಪ್ಣುನ ಮಾಲುಮ್‌ನಿ? ಹಮ್ಕೆ ಆ, ಪರ್‌ಲೋಕ್‌ಥು ಉತ್ರಿನ್ ಆಯೊ ಕರಿ ಬೋಲಾಸ್ತೆ ಕಿಮ್?” ಕರಿ ಬೋಲ್ಯು.
\p
\v 43 ತದೆ ಯೇಸುನೆ ಇವ್ಣುನ, “ತುಮಾರ ತುಮಾರಮ ಭಣ್‍ಕಾನು ಭೀರಾಖೊ.” 
\v 44 ಮನ ಮೋಕ್‌ಲ್ಯೊತೆ ಬಾ ಮಾರಕನ ಅದ್ಮಿನ ಮೋಕ್ಲಾಸ್‌; ಅಜು಼ ಮೇ ಇವ್ಣುನ ಖ್ಹರ್ತಿನ ದನ್ಮ ಜಿವ್ತು ಉಠಾಡಿಶ್‌, ಬಾನೆ ಮೋಕ್‌ಲ್ಯೊಕೊಂತೆ ಕೋಣ್‌ಬಿ ಮಾರಕನ ಆವಾನ ಕೋ ಹುವಾನಿ. 
\v 45 ಪ್ರವಾದಿಖ್ಹಾರು ಲೀಖಿರಾಖ್ಯುಸ್, ಅಜು಼ ಇವ್ಣೆಖ್ಹಾರು ದೇವ್‍ಥಿ ಶಿಕಿಹುಯು ಹುಯಿರ‍್ಹಿಶೆ, ಕೋಣ್ ಬಾಥಿ ಖ್ಹಮ್‌ಜಿನ್‌ ಶಿಕಾಸ್ಕಿ ಯೊ ಮಾರಕನ ಆವಸ್. 
\v 46 ಅನಿ ಮತ್‌ಲಬ್, ಕೋಣ್ ತೋಬಿ ಬಾನ ದೇಖಿರಾಖ್ಯುಸ್‌ ಕರಿ ಕಾಹೆ, ದೇವ್‌ಕಂಥೊ ಆಯೋತೆ ಎಕ್ಕಸ್ ಜ಼ಣಾನೆ ಬಾನ ದೇಖಿರಾಖ್ಯೊಸ್. 
\v 47 ಮೇ ತುಮೂನ ಖ್ಹಾಚಮಾಬಿ ಬೋಲುಸ್ಕಿ, ಕೋಣ್ ವಿಶ್ವಾಸ್‌ ಕರಾಸ್ಕಿ, ಇವ್ಣುನ ಹರ್‌ಹಮೇಶಾನಿ ಜಿ಼ಂದ್‌ಗಿ ಮಳಿರ‍್ಹಿಶೆ. 
\v 48 ಮೇಸ್ ಜಾನ್ನೊ ರೋಟೊ. 
\v 49 ತುಮಾರ ಗುರುಗುರಬ್‌ಲ್ಯ ಉಜ್ಜಾ಼ಡಿ ಝ಼ಗೋಮ ಮನ್ನಾ ಖಾದು, ಅಜು಼ ಇವ್ಣೆ ಮರಿಗಯು. 
\v 50 ಸೊರ್ಗಾಥು ಉತ್ರಿನ್ ಆಯೋತೆ ರೋಟೊ ಕೋಣ್ ಕೋಣ್‍ಖಾಸ್ಕಿ, ಇವ್ಣೆ ಮರ್‌ಶೆ ಕೊಯ್ನಿ. 
\v 51 ಕತೋಬಿ ಸೊರ್ಗಾಥು ಉತ್ರಿ ಆಯೋತೆ ರೋಟೊ ಕೋಣ್ ಖಾಸ್ಕಿ ಯೊ ಮರಕೊಯ್ನಿ. ಹರ್‌ಹಮೇಶ ಜಿವ್ತು ರ‍್ಹಿಶೆ; ಅಜು಼ ಮೇ ದೆವ್‍ಸ್ತೆ ರೋಟೊ ಮಾರಿ ಬೋಟಿಸ್‌, ಆ ಜಗತ್‌ ಜಿವಾದೆ ಕರಿ ಮೇ ಅನ ದೀಶ್‌ತೆ” ಕರಿ ಬೋಲ್ಯೊ.
\p
\v 52 ತದೆ ಯೆಹೂದ್ಯವಾಳು, “ಆ ಅದ್ಮಿ ಇನಿ ಬೋಟಿನ ಅಪ್ಣುನ ಕಿಮ್ ಖವಾನ ದಿಶೆ?” ಕರಿ ಇವ್ಣ-ಇವ್ಣ ಮಹಿಸ್ ಅಬ್ಬಾಜ಼ಬ್ಬಿ ವಾತೆ ಕರಾಲಗ್ಯು.
\p
\v 53 ಯೇಸುನೆ ಇವ್ಣುನ, “ಮೇ ತುಮೂನ ಖ್ಹಾಚಮಾಬಿ ಬೋಲುಸ್ಕಿ, ತುಮೆ ಅದ್ಮಿನೊ ಛಿಯ್ಯಾನು ಬೋಟಿನ ನಾ ಖಾದಾತೊ, ಅಜು಼ ಇನು ಲ್ಹೋಯಿನ ನಾ ಪೀದಾತೊ ತುಮಾರ ಮಹಿ ಜಾನ್‌ ಕೊ ರ‍್ಹಿಶೇನಿ. 
\v 54 ಕೋಣ್ ಮಾರಿ ಬೋಟಿನ ಖಾಸ್ಕಿ, ಮಾರು ಲ್ಹೋಯಿನ ಪಿಯ್ಯಾಸ್‍ಕಿ ಇವ್ಣುನ ಹರ್‌ಹಮೇಶಾನಿ ಜಿ಼ಂದ್‌ಗಿ ಛಾ಼, ಅಜು಼ ಮೇ ಇನ ಖ್ಹರ್ತಿನ ದನ್ಮ ಜಿವ್ತು ಉಠಾಡಿಶ್‌. 
\v 55 ಮಾರಿ ಬೋಟಿ ಖ್ಹಾಚ ಖಾಣು ಅಜು಼ ಮಾರು ಲ್ಹೋಯಿ ಖ್ಹಾಚ ಪಾನ್ಕ ಹುಯಿರ‍್ಹುಸ್‍. 
\v 56 ಮಾರಿ ಬೋಟಿನ ಖೈನ್, ಮಾರೂ ಲ್ಹೋಯಿನ ಪಿಯ್ಯಾವಾಳು ಯೊ ಮಾರಾಮ ರ‍್ಹೇಸ್‌, ಅಜು಼ ಮೇ ಇವ್ಣಾಮ ಜಿವಿರ‍್ಹೀಶ್‌. 
\v 57 ಜಿವ್ತೊ ಹುಯಿರ‍್ಹೋತೆ ಬಾನೆ ಮನ ಮೋಕ್ಲಿರಾಖ್ಯೊಸ್, ಅಜು಼ ಮೇ ಇನೇಥಿಸ್ ಜಿವ್‌ಸ್‌. ಇನಖ್ಹಾಜೆ ಕೋಣ್ ಮನ ಖಾಸ್ಕಿ ಯೋ ಮಾರೇಥಿ ಜಿವ್‌ಶೆ. 
\v 58 ಹೈರುತೆ ಸೊರ್ಗಾಥು ಉತ್ರಿ ಆಯೋತೆ ರೋಟೊ ಆಸ್. ತುಮಾರ ಗುರುಗುರಬ್‌ಲ್ಯ ಮನ್ನಾ ಖಾದು ಅಜು಼ ಮರಿಗಯು. ಕತೋಬಿ ಕೋಣ್ ಆ ರೋಟಾನ ಖಾಸ್ಕಿ ಯೋ ಕದೇಬಿ ಜಿವ್ತೊ ರ‍್ಹಿಶೆ.”
\p
\v 59 ಯೇಸುನೆ ಕಪೆರ್ನೌಮ್‌ನು ಸಭೆ ಭರಾವನು ಮಂದಿರ್‌ಮ ಆ ಖ್ಹಾರು ಬೋಲಿವತಾಳ್ಯೊ.
\s ಹರ್‌ಹಮೇಶಾನಿ ಜಿ಼ಂದ್‌ಗೀನಿ ವಾತೆ
\p
\v 60 ಅನ ಖ್ಹಮ್‌ಜಿನ್‌, ಇನ ಶಿಷ್ಯರ್‌ಮ ಘಣು ಜ಼ಣು, “ಆ ಜಾ಼ಖ್ಹತ್ ಕಠಣ್ಣಿ ವಾತ್ ಅನ ಕೋಣ್ ಖ್ಹಮಜ಼್‌ಶೆ” ಕರಿ ಬೋಲ್ಯು.
\p
\v 61 ಇನ ಶಿಷ್ಯರ್‌ ಅನಿ ಬಾರೇಮ ಮಶ್ಲಾ ಮಾರುಕರಸ್ ಕರಿ ಯೇಸುನೆ ಮಾಲುಮ್‌ ಕರಿಲೀನ್, “ಆ ವಾತೇಥಿ ತುಮಾರ ದಿಲ್ನ ಟೋಚಾ಼ಯುಕಿ ಶು? 
\v 62 ಏಕ್‌ ಬಾರ್ ತುಮೆ, ಅದ್ಮಿನೊ ಛಿಯ್ಯಾನ ಪಹಿಲೆ ಕಿಜ್ಜಾ಼ಥೋಕಿ ಹಿಜ಼್ಜ ಜಾ಼ಶೇತೆ ಇನ ದೇಖ್ಯಾತೊ ತುಮೆ ಶಾತ್‌ ಕರ್‌ ಶು? 
\v 63 ಜಾನ್‌ ದೇಸ್ತೆ ದೇವ್‌ನು ಆತ್ಮ ಹುಯಿರುಸ್ ಅದ್ಮಿನು ಹಿಮ್ಮಥ್ಥಿ ಫಾಯಿದೊ ಕೊಯ್ನಿ; ಮೇ ತುಮೂನ ಖಿವು ವಾತ್ನ ಬೋಲ್ಯೋಕಿ ಯೊ ದೇವ್‌ನೊ ಆತ್ಮ ಹುಯಿರ‍್ಹೂಸ್. ಅಜು಼ ಯೋ ಜಾನ್ನ ದೇಸ್. 
\v 64 ತೋಬಿ ತುಮಾರಾಮ ಥೋಡು ಜ಼ಣು ನಂಬಾಕೊಯ್ನಿ” ಕರಿ ಬೋಲ್ಯೊ. ಕೋಣ್ ಇನ ನಂಬುಕರಾಕೊಯ್ನಿ ಅಜು಼ ಕೋಣ್ ಇನ ಧೋಕೇಥಿ ಧರಿದಿಶೇತೆ ಕರಿ ಬೋಲಾನು ಪಹಿಲೇಥುಸ್ ಯೇಸುನ ಮಾಲುಮ್‌ ಥೂ. 
\v 65 ಅಜು಼ ಯೇಸುನೆ ಬೋಲ್ತೊ ಹುಯಿನ್, “ಬಾನಿ ಮರ್ಜಿಕೊಂತೆ ಕೋಣ್‌ಬಿ ಮಾರಕನ ಆವಾನ ಕೋ ಹುವಾನಿ ಕರಿ ಮೇ ತುಮೂನ ಬೋಲ್ಯೊತೆ ಅನಾಖ್ಹಾಜೆ” ಕರಿ ಬೋಲ್ಯೊ.
\p
\v 66 ತಪ್‌ಥು ಇನ ಶಿಷ್ಯರ್‌ಮ ಕೈಏಕ್ ಜ಼ಣು ಇನ ಮ್ಹೆಂದಿನ್ ಚ಼ಲಿಗಯು ಅಜು಼ ಯೇಸುನಿ ಜೋ಼ಡ್ಮ ಆವವಾಳು ಘಣುಜ಼ಣು ಇನ ಮ್ಹೆಂದಿನ್ ಪಾಛು಼ ಚ಼ಲಿಗಯು. 
\v 67 ತದೆ ಯೇಸುನೆ ಇನ ಭಾರ ಶಿಷ್ಯರ್‌ನ, “ತುಮೇಬಿ ಚ಼ಲಜಾ಼ವ್ಣು ಕರಿ ಛಾ಼ಕಿ ಶು?” ಕರಿ ಪುಛಾ಼ಯೊ.
\p
\v 68 ಸೀಮೋನ್‌ ಪೇತ್ರನೆ ಯೇಸುನ, “ಪ್ರಭು, ತುನ ಮ್ಹೆಂದಿನ್ ಹಮೆ ಕಿಜ್ಗಾ಼ ಜ಼ಯ್ಯೆ? ತಾರಕನ ಹರ್‌ಹಮೇಶಾನಿ ಜಿ಼ಂದ್‌ಗಿ ದ್ಯವಾನಿ ವಾತೆ ಛಾ಼. 
\v 69 ಹಮೆ ತಾರಾಮ ವಿಶ್ವಾಸ್‌ ಕರಿಯೇಸ್, ಅಜು಼ ತೂ ದೇವ್‍ಥಿ ಆಯೋತೆ ಪರಿಶುದ್ ಅದ್ಮಿ” ಕರಿ ಬೋಲ್ಯೊ.
\p
\v 70 ತದೆ ಯೇಸುನೆ, “ತುಮುನ ಭಾರ ಜ಼ಣಾನ ಮೇ ಚೂ಼ಣಿನ್ ಕಾಡ್ಯೊಕೊಯ್ನಿಕಿ ಶು? ರ‍್ಹಯುತೋಬಿ ತುಮಾರಾಮ ಏಕ್‌ ಜ಼ಣೊ ಶೈತಾನ್ ಹುಯಿರ‍್ಹೋಸ್” ಕರಿ ಜವಾಬ್‌ ದಿದೊ. 
\v 71 ಯೇಸುನೆ ಸೀಮೋನ್ ಇಸ್ಕರಿಯೋತನೊ ಛಿಯ್ಯೊ ಹುಯಿರೋತೆ ಯೂದನಿ ಬಾರೇಮ ಆ ವಾತೆ ಬೋಲ್ಯೋತೆ. ಯೂದ ಭಾರ ಜ಼ಣ ಶಿಷ್ಯರ್‌ಮ ಏಕ್‍ಜ಼ಣೊ ಹುಯಿರೋಥೊ, ಯೇಸುನ ದೋಕೇಥಿ ಧರಿದೆವಾಳೊ ಯೋಸ್.
\c 7
\s ಯೇಸುಬಿ ಇನ ಭೈಯೇ
\p
\v 1 ಆ ಖ್ಹಾರು ಹುವಾನ ಬಾದ್‌ಮ, ಯೇಸು ಗಲಿಲಾಯಮ ಫರುಕರ್ತೊಥೊ; ಯೆಹೂದ್ಯವಾಳು ಇನ ಮಾರಿನಾಖಾನ ಟಿವವ್‍ಕರ್ತೂಥು ಇನಖ್ಹಾಜೆ, ಯೂದಾಯಮ ಫರಾನ ಇನ ಮನ್ ಕೋ ಥೂನಿ. 
\v 2 ಯೆಹೂದ್ಯರ್‌ನ ಡೆರಾನ ಘರ್ನಿಪೂಜಾ಼ನಿ ವಖ್ಹತ್ ಖನ್ನೆ ಐಗಿಥಿ.\f + \fr 7:2 \fr*\ft ಯಾಜಕ ಕಾಂಡ 23:34; ಧರ್ಮೊಪದೇಶ ಕಾಂಡ 16:13 \ft*\f* 
\v 3 ಇನಖ್ಹಾಜೆ ಯೇಸುನ ಭೈಯೇ ಇನ, “ತೂ ಕರಾನು ಕಾಮ್‌ಖ್ಹಾರು ತಾರು ಶಿಷ್ಯರ್‌ಬಿ ದೇಖಾನ ಖ್ಹಾಜೆ, ಗಲಿಲಾಯ ಮ್ಹೇಲಿನ್ ಯೂದಾಯಾನ ಜಾ಼.ಕರಿ ಬೋಲಾಖ್ಹತರ್ 
\v 4 ಖಿವು ಏಕ್‍ಜ಼ಣೊ ಅದ್ಮಿಮ ವತಾಳಿಲೇವ್ಣು ಕರಿ ಇಷ್ಟ ಪಡಸ್‍ಕಿ ಯೋ ಇನಕಾಮ್‍ನ ಲಪಾಡಿನ್ ಕರಾಕೊಯ್ನಿ. ಶನಕತೊ ತೂ ಅದ್ಭುತ್ ಕಾಮ್ನ ಕರಾಸ್, ಇನಖ್ಹಾಜೆ, ಆ ಜಗತ್ನ ಖ್ಹಾಮ್ಣೆ ತಾರುತೂಸ್ ವತಾಳಿಲೆ” ಕರಿ ಬೋಲ್ಯು. 
\v 5 ಯೇಸುನ ಭೈಯೇಬಿ ಇನ ನಂಬ್‍ತುಥು ಕೊಯ್ನಿ.
\p
\v 6 ಯೇಸುನೆ ಇವ್ಣುನ, “ಮಾರಿ ವಖ್ಹತ್ ಬಿಜೂ಼ಬಿ ಕೋ ಆಯಿನಿ. ಕತೋಬಿ ತುಮಾರಿ ವಖ್ಹತ್ ಕದೇಬಿ ತೈಯಾರ್ ರ‍್ಹೇಸ್. 
\v 7 ಆ ಜಗತ್‌ ತುಮೂನ ವಹೇರ್‌ ಕರಾನ ಕೊ ಹೊಯ್ನಿ, ಕತೋಬಿ ಮೇ ಇನಿ ಕಾಮ್ ಅಖ್ಖಾನ ಖರಾಬ್ ಕರಿ ಸಾಕ್ಷಿಬೋಲುಸ್ತೆ ಇನಖ್ಹಾಜೆ ಯೋ ಮನ ವಹೇರ್‌ ಕರಾಸ್. 
\v 8 ತುಮೇಸ್ ಪೂಜಾ಼ನ ಜಾ಼ವೊ. ಮನ ಬಿಜೂ಼ಬಿ ಬರಾಬರ್‌ನಿ ವಖ್ಹತ್ ಕೋಆಯಿನ್ತೆ ಇನಖ್ಹಾಜೆ, ಮೇ ಆ ಪೂಜಾ಼ನ ಆವ್‌ಕೊಯ್ನಿ” ಕರಿ ಬೋಲ್ಯೊ. 
\v 9 ಆ ಬೋಲಾನ ಬಾದ್‌ಮ, ಯೋ ಗಲಿಲಾಯಮಸ್‌ ರಹಿಗೊ.
\p
\v 10 ಇನ ಭೈಯೇ ಜಾ಼ವಾನ ಬಾದ್‌ಮ, ಯೇಸುಬಿ ಪೂಜಾ಼ನ, ಅದ್ಮಿನ ದೆಖಾವ್ಣುನಾತೆ ತಿಮ್, ಲಪೀನ್ ಗಯೊ. 
\v 11 ಪೂಜಾ಼ಮ ಯೆಹೂದ್ಯರ್‌ನ ಅದಿಕಾರಿ, “ಯೇಸು ಕಿಜ್ಗಾ಼ ಛಾ಼?” ಕರಿ ಪುಛಾ಼ವ್ತುಹುಯಿನ್‌, ಇನ ಢೂಂಡುಕರ್ತುಥು.
\p
\v 12 ಅಜು಼ ಅದ್ಮಿನಿ ಝೂ಼ಂಡೇಮ ಯೇಸುನಿ ಬಾರೇಮ ಮಹಿ-ಮಹಿಸ್ ಗುಣ್‍ಗುಣೈನ್ ಬೋಲುಕರ್ತೂಥು. ಥೋಡು ಜ಼ಣು, “ಯೋ ಅಛ್ಛೊ಼” ಕರಿ ಬೋಲ್ಯು. ಅಜು಼ ಥೋಡು ಜ಼ಣು, “ಕೊಯ್ನಿ, ಯೋ ಅದ್ಮಿನ ಮಂಕ್ ಕರುಕರಸ್” ಕರಿ ಬೋಲ್ಯು. 
\v 13 ಕತೋಬಿ ಕೋಣ್‌ಬಿ ಇನಿ ಬಾರೇಮ ಭಾಲ್‌ಥಿ ವಾತೆ ಕೋ ಬೋಲ್ಯೂನಿ.ಶನಕತೊ ಯೆಹೂದ್ಯರ್‌ನ ಅದಿಕಾರಿಥಿ ಡರುಕರ್ತುಥು.
\p
\v 14 ಪೂಜಾ಼ ಖನ್ನೆ-ಖನ್ನೆ ಆಧು ಖತಮ್ ಹುವಾನ ಬಾದ್‌ಮ, ಯೇಸು ಮಂದಿರ್‌ಮ ಜೈ಼ನ್‌ ವಚನ್ ಬೋಲಿ ದೆವಾಲಗ್ಯೊ. 
\v 15 ತದೆ ಯೆಹೂದ್ಯರ‍್ನು ಅದಿಕಾರಿಖ್ಹಾರು, “ಪಢ್ಯೊ-ಲೀಖ್ಯೊಕೊಂತೆ ಅನ, ಅತ್ರುಖ್ಹಾರು ಮಾಲುಮ್‌ಛಾ಼ತೆ ಕಿಮ್?” ಕರಿ ಬೋಲಿನ್ ಆಶ್ಚರ್ಯ ಕರ‍್ಯು.
\p
\v 16 ಯೇಸುನೆ, “ಮೇ ಶಿಕಾಡುಸ್ತೆ ಮಾರಿ ವಚನ್ ಕಾಹೆ ಪಣ್ಕಿ, ಮನ ಮೋಕ್‌ಲ್ಯೊತೆ ದೇವ್ನಿ ವಚನ್ ಹುಯಿರ‍್ಹುಸ್‍. 
\v 17 ದೇವ್ನಿ ಮರ್ಜಿನಿಘೋಣಿ ಚಾ಼ಲಾನ ಕಿನ ಮನ್ ಛಾ಼ಕಿ ಇವ್ಣುನ ಆ ವಚನ್ ದೇವ್‍ಥಿ ಆಯುಕಿ, ನತರ್ ಮೇಸ್ ಬಣೈನ್ ಬೋಲುಕರುಸ್ಕಿ ಕರಿ ಬೋಲಾನು ಮಾಲುಮ್‌ ಪಡಾಸ್‌. 
\v 18 ಕೋಣ್ ಇನುಯೋಸ್ ವಾತೆಬೋಲಿಲೇಸ್ಕಿ ಇನಿ ಶೊಂತ್ ಇಜ಼್ಜತ್‌ನ ಢೂಂಡಸ್. ಇನುಯೋಸ್ ಖ್ಹಾಚ಼ನ ಲೀಲಾವನ ಕೋಶಿಶ್ ಕರಾಸ್, ಕತೋಬಿ ಕೋಣ್‌ಇನ ಮೋಕ್‌ಲ್ಯೊತೆ ಇನಿ ಇಜ್ಜತ್‍ನ ಢೂಂಡಾವಾಳೊ ಅದ್ಮಿಸ್‌ ಖ್ಹಾಚೊ಼; ಇನಾಮ ಶನೀಶ್ ಗಲತ್‌ ಕೊ ರ‍್ಹೇಯ್ನಿ. 
\v 19 ಮೋಶೆನೆ ತುಮೂನ ಧರ್ಮಶಾಸ್ತ್ರ ದಿದೊ ಕೊಯ್ನಿಕಿಶು? ಕತೋಬಿ ತುಮಾರಮ ಕೋಣ್‌ಬಿ ಯೊ ಹುಕುಮ್ ಪಾಡಿನ್ ಚಾ಼ಲಕೊಯ್ನಿ. ತುಮೆ ಶನ ಮನ ಮರ್‌ನಾಕ್ಣು ಕರಿ ಕೋಶಿಶ್ ಕರಾಸ್?” ಕರಿ ಬೋಲ್ಯೊ.
\p
\v 20 ತದೆ ಯೋ ಅದ್ಮಿಖ್ಹಾರು, “ತುನ ಭೂತ್ ಧರಿರಾಖ್ಯುಸ್ ತುನ ಮರ್‌ನಾಕ್ಣು ಕರಿ ಕೋಣ್ ಢೂಂಡ್‌ಷೆ?” ಕರಿ ಬೋಲ್ಯು.
\p
\v 21 ಯೇಸುನೆ ಇವ್ಣುನ, “ಮೇ ಏಕ್‌ ಅದ್ಭುತ್ ಕಾಮ್ನ ಕರ‍್ಯೊ, ಇನ ದೇಖಿನ್‌ ತುಮೆಖ್ಹಾರು ಆಶ್ಚರ್ಯ ಹುಯಾಥ. 
\v 22 ಮೋಶೆನೆ ತುಮೂನ ಖ್ಹತ್ನ ಕರಾವ್ಣು ಕರಿ ಹುಕುಮ್‌ ದಿದೋಥೊ, ಕತೋಬಿ ಯೋ ಮೋಶೆಥಿ ಆಯೂತೆ ಕಾಹೆ, ಇನೇಥಿಬಿ ಅಗಾಡಿ ಥೂತೆ ತುಮಾರ ಗುರುಖ್ಹಾರಾಥೀಸ್ ಯೋ ಆಯೂತೆ. ಅಜು಼ ತುಮೆ ಸಬ್ಬತ್‌ ದನ್‌ಮಾಬಿ ಲಡ್ಕಾವ್ನ ಖ್ಹತ್ನ ಶನಕರೋಸ್‌.\f + \fr 7:22 \fr*\ft ಯಾಜಕ ಕಾಂಡ 12:3; ಆದಿಕಾಂಡ 17:10\ft*\f* 
\v 23 ಮೋಶೇನು ಧರ್ಮಶಾಸ್ತ್ರ ತೋಡ್ನು ನಾ ಕರಿ ಏಕ್‍ಜ಼ಣೊ ಸಬ್ಬತ್‌ನ ದನ್ಮ ಖ್ಹತ್ನ ಕರೈಲ್ಯವಾನು ರ‍್ಹಿಯುತೊ, ಮೇ ಸಬ್ಬತ್‌ ದನ್ಮ ಏಕ್‌ ಅದ್ಮಿನ ಗುಣ್ ಕರೀನ್ಅಛ್ಛು಼ ಕರ್ತಾನ, ಮಾರಪರ್ ಶನ ಇರಾದೊ ಕರೋಸ್?\f + \fr 7:23 \fr*\ft ಯೋಹಾನ 5.9\ft*\f* 
\v 24 ಡೋಳಾಮ ದೆಖಾವಸ್ತೆ ಇನಾಪರ್‌ ತೀರ್ಪ್‌ ನಕೊ ಕರೊ; ಖ್ಹಾಚು಼ ಶಾತ್ಕಿ ಇನಾಪರ್‌ ತೀರ್ಪ್‌ ಕರೊ.
\s ಯೇಸುಸ್‌ ಆ ಕ್ರಿಸ್ತಕಿ ಶು?
\p
\v 25 ಯೆರೂಸಲೇಮ್‌ನು ಥೋಡುಜ಼ಣು ಅಮ್ ಬೋಲ್ಯು, “ಯೊ ಅದಿಕಾರಿಖ್ಹಾರು ಇವ್ಣೆ ಮಾರಿನಾಕ್ಣು ಕರಿ ಛಾ಼ತೆ ಆಸ್ ಕಾಹೆಕಿಶು? 
\v 26 ಕತೋಬಿ ದೇಖೊ, ಆ ಹೈರೋತೆ ಖ್ಹಾರಾನ ಇಚ಼್‌ಮಾಸ್ ವಾತ್‍ಬೋಲ್‍ತೊ ಛಾ಼ಲ್ಯೊಫಂಡಾಸ್ ತೋಬಿ ಯೊ ಅದ್ಮಿ ಇನ ಶಾತ್ಬಿ ಕರುಕರಕೊಯ್ನಿ. ಅಮ್ಮಸ್ ಕಾಹೇಕಿಶು? ಅಮ್ನಿ ಪರಕ್ಮ ಯೆಹೂದ್ಯರ‍್ನು ಅದಿಕಾರಿಖ್ಹಾರು ಆಸ್ ಖ್ಹಾಚ಼ಮಾಬಿ ಕ್ರಿಸ್ತಸ್ ಕರಿ ಮಾಲುಮ್‌ ಕರಿಲಿದು.
\p
\v 27 ಕತೋಬಿ ಆ ಅದ್ಮಿ ಕಿಜ್ಜಾ಼ಥು ಆಯೊಹುಯೊಕರಿ ಹಮೂನ ಮಾಲುಮ್‌, ಕ್ರಿಸ್ತ ಆವಾನಿ ವಖ್ಹತ್‌ಮ ಯೋ ಕಿಜ್ಜಾಥೊ ಆಯೊಹುಯೊ ಕರಿ ಏಕ್‌ನಾಬಿ ಮಾಲುಮ್ ಕೋ ಪಡ್‌ಶೇನಿ” ಕರಿ ವಾತೆ ಬೋಲಿಲೆವ್‌ಕರ್ತುಥು.
\p
\v 28 ಯೇಸು ಮಂದಿರ್‌ಮ ಬೋಲಿ ದೇವ್ ಕರ್ತೊಥೊ. ತದೆ ಯೊ ಊಚಿ ಆವಾಜ಼್‌ಥಿ ಬೋಲ್ಯೊ, “ಯೊ ಕಿಜ್ಜಾಥೊ ಆಯೊಕರಿ ತುಮೂನ ಮಾಲುಮ್‍ಕಿಶು, ಮಾರಿ‍ಶೊಂತ್ ಅದಿಕಾರ್‌ಥಿ ಕೊ ಆಯೋನಿ ಮನ ಮೋಕ್ಲಿರಾಖ್ಯೊತೆ ಖ್ಹಾಚ ಏಕ್‍ಜ಼ಣಾನ ಖ್ಹಣೇದ್ ಕೊ ಧರಾನಿ.” 
\v 29 ಕತೊ ಮನ ಯೋ ಮಾಲುಮ್‌, ಶನಕತೊ ಮೇ ಇನಾಕಂಥು ಆಯೊ ಅಜು಼ ಇನೇಸ್‌ ಮನ ಮೋಕ್ಲಿರಾಖ್ಯೊಸ್” ಕರಿ ಬೋಲ್ಯೊ.
\p
\v 30 ತದೆ ಇವ್ಣೆ ಇನ ಧರ್‌ನು ಕರಿ ಕರ‍್ಯು, ಕತೋಬಿ ಯೋ ವಖ್ಹತ್ ಬಿಜೂ಼ಬಿ ಕೋಆಯಿಂಥಿತೆ ಇನಖ್ಹಾಜೆ, ಕೋಣ್‌ಬಿ ಇನಾಪರ್‌ ಹಾತ್‌ ಕೋ ನಾಖ್ಯುನಿ. 
\v 31 ಕತೋಬಿ ಝೂ಼ಂಡ್‌ಮ ಥೂತೆ ಘಣು ಅದ್ಮಿ ಇನಾಪರ್ ವಿಶ್ವಾಸ್‌ ಕರ‍್ಯು ಅಜು಼, “ಕ್ರಿಸ್ತ ಆಯೋತೊ ತದೆ, ಅನೆ, ಕರ‍್ಯೊತೆ ಅದ್ಭುತ್ ಕಾಮ್‍ಥೀಬಿ ಆಜೂ಼ಬಿ ಜಾ಼ಖ್ಹತ್ ಕಾಮ್ ಕರಾಸ್ಕಿಶುಕೀನಿ?” ಕರಿ ಬೋಲ್ಯು.
\s ಯೇಸುನ ಧರಾನ ಕಾವ್ಲಿ ಕರಾವಾಳ ಸೇವಕ್‌ನ ಮೋಕ್‌ಲ್ಯುತೆ
\p
\v 32 ಯೊ ಅದ್ಮಿನು ಝೂ಼ಂಡ್‌ ಯೇಸುನಿ ಬಾರೇಮ ಮಹಿ-ಮಹಿಸ್ ಬೋಲಾತೆ ವಾತೇನ ಫರಿಸಾಯರ್‌ವಾಳು ಅಜು಼ ಮಹಾಯಾಜಕರ್‌ ಖ್ಹಮ್‌ಜ್ಯು, ಅಜು಼ ಯೇಸುನ ಧರಾನಖ್ಹಾಜೆ ಮಂದಿರ್‌ನು ಕಾವ್ಲಿ ಕರಾವಾಳನ ಮೋಕ್‍ಲ್ಯು. 
\v 33 ತದೆ ಯೇಸು ಇವ್ಣುನ, “ಬಿಜು಼ ಥೋಡ ದನ್ ಮೇ ತುಮಾರ ಜೋ಼ಡೆ ರ‍್ಹೀಶ್, ಇನ ಬಾದ್‌ಮ ಮನ ಮೋಕ್‌ಲ್ಯೊತೆ ಇನಾಕನ ಮೇ ಚ಼ಲ್ಯೊಜೈ಼ಶ್‌. 
\v 34 ತುಮೆ ಮನ ಢೂಂಡ್‌ಶು, ಕತೋಬಿ ಮೇ ತುಮೂನ ಕೋ ಮಳಿಶ್‌ನಿ, ಶನಕತೊ ಮೇ ಛೂ಼ತೆ ಹಿಜ್ಜಾ಼ ತುಮೂನ ಕೋ ಆವಾನ ಉಶೇನಿ” ಕರಿ ಬೋಲ್ಯೊ.
\p
\v 35 ತದೆ ಯೆಹೂದ್ಯರ‍್ನು ಅದಿಕಾರಿಖ್ಹಾರು ಇವ್ಣ ಇವ್ಣಮಾಸ್ ವಾತೆ ಕರಿಲಿದು, “ಅಪ್ಣುನ ಮಳ್ಣುನಾತೆ ಆ ಕಿಜ್ಗಾ಼ ಜಾ಼ವ್ಣುಕರಿ ಛಾ಼? ಯೊ ಕಿಜ್ಜಾ಼ತೋಬಿ ಜಾ಼ವ್ಣುಕಿಶುಕಿ? ಕಿಜ಼್ಜ, ಮಾರು ಅದ್ಮಿ ಗ್ರೀಕ್ ಖ್ಹಯೇರ್‌ಮ ಜಿವ್ಣು ಕರುಕರಸ್, ಹೈರುತೆ ಗ್ರೀಕ್‌ವಳಾನ ಶಿಕಾಡ್‍ದಿಶೆಕಿ ಶು? 
\v 36 ತುಮೆ ಮನ ಢೂಂಡ್‌ಶು, ಕತೋಬಿ ಮೇ ತುಮೂನ ಕೋ ಮಳಿಶ್‌ನಿ, ಶನಕತೊ ಮೇ ಛೂ಼ತೆ ಹಿಜ್ಜಾ಼ ತುಮೂನ ಕೋ ಆವಾನ ಉಶೇನಿ” ಕರಿ ಇನೆ ಬೋಲ್ಯೋತೆ ವಾತೆನಿ ಮತ್‌ಲಬ್ ಶಾತ್‌?” ಕರಿ ಇವ್ಣ-ಇವ್ಣ ಮಹಿಸ್ ಬೋಲಿಲಿದು.
\s ಜಾನ್ನ ದ್ಯವಾನು ಪಾಣಿನು ಝೀಲ್
\p
\v 37 ಪೂಜಾ಼ನೊ ಖ್ಹರ್ತಿನೊ ಅಜು಼ ಮುಖ್ಯದನ್‌ ಹುಯಿರ‍್ಹೋತೆ ತದೆ ಯೇಸು ಭೀರಿನ್‌ ಊಚಿ ಅವಾಜ಼್‌ಥಿ ಬೋಲಾನು ಶುರುಕರ‍್ಯೊ, “ಕಿನ ಠೋಖ್ಹ್‌ ಲಾಗಸ್ಕಿ, ಯೊ ಅವಾದೆ ಅಜು಼ ಪಿಯ್ಯಾದೆ.\f + \fr 7:37 \fr*\ft ಯಾಜಕ ಕಾಂಡ 23:36\ft*\f* 
\v 38 ಧರ್ಮಶಾಸ್ತ್ರಮ ಬೋಲೈರ‍್ಹುತೆ ಇಮ್ಮಸ್, ‘ಕೋಣ್ ಮಾರಪರ್ ವಿಶ್ವಾಸ್‌ ಕರಾಸ್ಕಿ ಇನ ಮಹಿಥು ಜಾನ್ನಪಾಣಿನು ಝೀಲ್ ಇನಾಮ ವ್ಹವ್‍ಶೆ” ಕರಿ ಚಿಕ್ರಿನ್ ಬೋಲ್ಯೊ.\f + \fr 7:38 \fr*\ft ಯೆಹೆಜ್ಕೆಲ್ 47:1; ಜಕರೀಯ 14:8\ft*\f* 
\v 39 ಕತೋಬಿ ಯೇಸುನೆ ಇನ ನಂಬಾವಾಳು ಲೀಲಿಶೇತೆ ಪವಿತ್ರಾತ್ಮ ವರಾನಿ ಬಾರೇಮ ಬೋಲ್ಯೊ. ಯೇಸು ಬೀಜೂಬಿ ಮಹಿಮೆನ ಲೀರಾಖ್ಯೊಥೊ ಕೊಯ್ನಿ ಶನಕತೊ ಪವಿತ್ರಾತ್ಮ ವರ ಅಜೂ಼ಬಿ ದೆವೈರ‍್ಹುಥು ಕೊಯ್ನಿ.\f + \fr 7:39 \fr*\ft ಕತೊ, ಯೇಸು ಬಿಜೂ಼ಬಿ ಮರೀನ್, ಜಿವ್ತೊ ಹುಯಿನ್ ಕೋ ಉಠಿರ‍್ಹೊಥೋನಿತೆ ಇನಖ್ಹಾಜೆ ಕರಿ ಮತ್‌ಲಬ್\ft*\f*
\s ಅದ್ಮಿವೋಮ ಬೇ ಭಾಗ್‌
\p
\v 40 ಅನ ಖ್ಹಮ್‌ಜಿನ್‌, ಭೀಡ್‌ಮ ಥೂತೆ ಥೋಡು ಅದ್ಮಿ, “ಖ್ಹಾಚ಼ಮಾಬಿ ಆ ಅದ್ಮಿ ಪ್ರವಾದಿ ಹುಯಿರ‍್ಹೋಸ್” ಕರಿ ಬೋಲ್ಯು.
\p
\v 41 ಬಿಜು಼ ಥೋಡು ಜ಼ಣು, “ಆಸ್ ಕ್ರಿಸ್ತ” ಕರಿ ಬೋಲ್ಯು,
\p ಕತೋಬಿ ಅಜು಼ ಥೋಡ ಅದ್ಮಿನೆ, “ಕ್ರಿಸ್ತ ಗಲಿಲಾಯಥೊ ಕೋ ಆವ್‌ಶೇನಿ!” 
\v 42 ದಾವೀದ್‌ನ ಖಾನ್‌ದಾನ್‌ಥೀಬಿ ಅಜು಼ ದಾವೀದ್‌ ಥೋತೆ ಬೇತ್ಲೆಹೇಮ್ ಕರಿಬೋಲಾನು ಗಾಮ್‌ಥೂಬಿ ಕ್ರಿಸ್ತ ಆವ್‍ಶೆಕರಿ ಧರ್ಮಶಾಸ್ತ್ರಮ ಬೊಲಾವಸ್‍ನಿ” ಕರಿ ಬೋಲ್ಯು.\f + \fr 7:42 \fr*\ft 2ನು ಸಮುವೇಲ 7:12 ಮೀಕ 5:2 \ft*\f* 
\v 43 ಅಮ್ ಯೇಸುನಿ ಬಾರೇಮ ಅದ್ಮಿಮ ಭಾಗ್‌ ಪಡಿಗಯು. 
\v 44 ಇವ್ಣಾಮ ಥೋಡು ಜ಼ಣು ಯೇಸುನ ಧರ್‌ನು ಕರಿ ಥೂ, ಕತೋಬಿ ಏಕ್‌ ಜ಼ಣುಬಿ ಇನಾಪರ್‌ ಹಾತ್‌ ಕೋ ನಾಖ್ಯುನಿ.
\s ಯೆಹೂದ್ಯರ್‌ನ ಘಲ್ಡಾವ್‍ನಿ ಅವಿಶ್ವಾಸ್
\p
\v 45 ಮಂದಿರ್‌ನು ಕಾವ್ಲಿ ಕರಾವಾಳು ಪಾಛು಼ಫರಿ ಆವಾದಿನ್, ಮಹಾಯಾಜಕರ್‌ ಅಜು಼ ಫರಿಸಾಯರ್‌ವಾಳು ಇವ್ಣುನ, “ತುಮೆ ಶನ ಇನ ಧರ್‌ಲಿ ಕೋ ಆಯಾನೀತೆ?” ಕರಿ ಪುಛಾ಼ಯು.
\p
\v 46 ತದೆ ಕಾವ್ಲಿ ಕರಾವಾಳು, “ಕೋಣ್‌ಬಿ ಹಂಕೆತೋಡಿ ಆ ಅದ್ಮಿನಿಘೋಣಿ ವಾತೆ ಕೋ ಬೋಲ್ಯುನಿ” ಕರಿ ಜವಾಬ್‌ ದಿದು.
\p
\v 47 ಅನ ಖ್ಹಮ್‌ಜಿನ್‌ ಫರಿಸಾಯರ್‌ವಾಳು, “ಇಮ್‍ಕತೊ, ಇನೆ ತುಮೂನಾಬಿ ಠಗೈನಾಖ್ಯೊಕಿ ಶು?” ಕರಿ ಪುಛಾ಼ಯು 
\v 48 ಯೆಹುದ್ಯರ್‌ನ ಅದಿಕಾರಿರ‍್ಹವೊ, ಫರಿಸಾಯರ್‌ಮ ರ‍್ಹವೊ ಕೋಣ್‌ತೋಬಿ ಇನಾಪರ್ ವಿಶ್ವಾಸ್‌ ಕರಿರಾಖ್ಯುಸ್ಕಿ ಶು? 
\v 49 ಧರ್ಮಶಾಸ್ತ್ರ ಮಾಲುಮ್‌ಕೊಂತೆ ಆ ಝೂ಼ಂಡ್‌ವಾಳು ಶಾಪಲ್ಯವಾಳು ಹುಯಿರುಸ್. ಕರಿ ಬೋಲ್ಯೊ.
\p
\v 50 ಯೋ ಪಹಿಲೆ ಯೇಸುಕನ ಆಯೊಥೋತೆ ನಿಕೊದೇಮ ಇವ್ಣಾಮ ಏಕ್‌ ಜ಼ಣೊ ಹುಯಿರ‍್ಹೊಥೊ. ಯೇಸುನ ಮಳಾನ ಗಯೋಥೋತೆ ಆಸ್.\f + \fr 7:50 \fr*\ft ಯೋಹಾನ 3:1, 2\ft*\f* 
\v 51 ಇನೆ ಇವ್ಣುನ, “ಮಾರಿ ಧರ್ಮಶಾಸ್ತ್ರನಿ ಪರಕ್ಮ,ಕೋಣ್ ಶಾತ್ಬಿ ಖ್ಹಮ್‌ಜ್ಯುಕೊಂತೆ ಅಜು಼ ಯೊ ಶಾತ್‌ ಕರವಾಳೊಕರಿ ಮಾಲುಮ್‌ ಕರಕೊಂತೆ ಇನಿ ಬಾರೇಮ ತೀರ್ಪ್‌ ಬೋಲಾನ ಕೊಹುವಾನಿ.ಕರಿ ಬೋಲ್ಯು.
\p
\v 52 ಇನ ಇವ್ಣೆ, “ತೂಬಿ ಗಲಿಲಾಯವಾಳೊಕಿ ಶು? ಧರ್ಮಶಾಸ್ತ್ರನ ಅಛ್ಛಿನಿತರ ಪಢೀನ್‌ ಶಿಕಿಲೆ. ಗಲಿಲಾಯಥು ಖೆವೂ ಪ್ರವಾದೀಬಿ ಆವ್‌ಶೆ ಕೊಯ್ನಿ ಕರಿ ತದೆ ತುನ ಮಾಲುಮ್‌ ಪಡ್‌ಶೆ” ಕರಿ ಬೋಲ್ಯು. 
\v 53 ಇನಪಾರ್ ಅಖ್ಖುಜ಼ಣು ಇವ್ಣ-ಇವ್ಣ ಶೊಂತ್ ಘರೆ ಚ಼ಲಿಗಯು.
\c 8
\s ವ್ಯಬಿಚಾರ್‌ಮ ಖ್ಹಪ್‌ಡೀತೆ ತಯೇಡಾನಿ ಬಾರೇಮ
\p
\v 1 ಕತೋಬಿ ಯೇಸು ಆಲಿವ್ ಪಹಡ್‌ನ ಗಯೊ. 
\v 2 ಯೋ ಪಾಛೊ಼ಫರಿ ಮಂದಿರ್‌ನ ಆಯೊ. ತದೆ ತಮಾಮ್‌ ಅದ್ಮಿ ಐನ್, ಇನ ಅಶ್‌ಪಿಶ್‍ ಭರಾಯು, ಅಜು಼ ಯೇಸು ಬೇಶಿನ್, ಇವ್ಣುನ ಬೋಲಿ ವತಾಳಲಗ್ಯೊ. 
\v 3 ಮೋಶೆನಿ ವಚನ್ ಶಿಕಾಡವಾಳು ಅಜು಼ ಫರಿಸಾಯರ್‌ವಾಳು ವ್ಯಬಿಚಾರ್‌ಮ ಖ್ಹಪ್‌ಡೀತೆ ಏಕ್‌ ತಯೇಡಾನ ಇನಾಕನ ಲೈನ್‌, ಖ್ಹಾರಾನ ಖ್ಹಾಮ್ಣೆ ಭೀರಾಖ್ಯು. 
\v 4 ಅಜು಼, “ಗುರು, ಆ ತಯೇಡ ವ್ಯಬಿಚಾರ್‌ ಕರಾನಿ ವಖ್ಹತ್‌ಮಾಸ್‌ ಖ್ಹಪ್‌ಡಿಗೈ. 
\v 5 ಅಮ್ನಿ ತಯೇಡಾವ್‍ನ ಬಂಡೊ ಫೇಕಿನ್‌ ಮಾರ‍್ನು ಕರಿ ಮೋಶೆನೆ ಧರ್ಮಶಾಸ್ತ್ರಮ ಹಮೂನ ಹುಕುಮ್‌ ದೀರಾಖ್ಯೊಸ್. ಕತೋಬಿ ಅನಿ ಬಾರೇಮ ತೂ ಶಾತ್‌ ಬೋಲಾಸ್?” ಕರಿ ಇನ ಪುಛಾ಼ಯು.\f + \fr 8:5 \fr*\ft ಯಾಜಕ ಕಾಂಡ 20:10; ಧರ್ಮೊಪದೇಶ ಕಾಂಡ 22:22-24\ft*\f* 
\v 6 ಯೇಸುನಿ ವಾತೇಮ ಶಾತ್‌ತೋಬಿ ಗಲತ್‌ ಮಳ್ಯುತೊ, ಅಪ್ಣೆ ಇನ ಖ್ಹಪ್‌ಡಾಯೆಜಾ಼ಯಿ ಕರಿ ಇವ್ಣೆ ಯೇಸುನ ಸವಾಲ್‌ಕರ‍್ಯು? ಕತೋಬಿ ಯೇಸು ಮುಡ್‌ಕ್ಯು ಝು಼ಕೈನ್‌, ಇನಿ ಅಂಗ್‌ಳೀಥಿ ಜ಼ಮೀನ್‌ಪರ್ ಲೀಖಾಲಗ್ಯೊ.
\p
\v 7 ಇವ್ಣೆ ಲಗತ್ತರ್‌ ಇನ ಪುಛಾ಼ವ್‌ ಕರ್ತುಥೂತೆ ಇನಖ್ಹಾಜೆ, ಯೇಸುನೆ ಮುಡ್‌ಕ್ಯು ಪಾಡೀನ್, ಇವ್ಣಾಮ ಏಕ್‌, “ತುಮಾರಮ ಕೋಣ್ ಪಾಪ್ ಕರಿರಾಖ್ಯುಕೊಯ್ನಿಕಿ, ಇವ್ಣೆ ಪಹಿಲೆ ಇನಾಪರ್‌ ಬಂಡೊ ಫೇಕಾದೆ” ಕರಿ ಬೋಲ್ಯೊ. 
\v 8 ಅನಕೇಡೆಥು ಅಜು಼ಪಾಛು಼ ಮಡ್‌ಕ್ಯು ಝು಼ಕೈನ್‌ ಜ಼ಮೀನ್‌ಪರ್ ಲೀಖಾಲಗ್ಯೊ. 
\v 9 ಆ ವಾತೇನ ಖ್ಹಮ್‌ಜಿನ್‌, ಪಹಿಲೆ ಶಾಣು ಅಜು಼ ಬಿಜು಼ಖ್ಹಾರು ಏಕೆಕೇಸ್ ನಿಕ್ಳಿನ್ ಚ಼ಲಿಗಯು. ಯೇಸು ಎಕ್ಕಸ್ ಜ಼ಣೊ ರಹಿಗೊ ಅಜು಼ ಯೋ ತಯೇಡ ಇನಖ್ಹಾಮ್ಣೆ ಭೀಥಿ. 
\v 10 ಯೇಸು ಉಠಿ ಭೀರಿನ್, ಯೋ ತಯೇಡಾನ ದೇಖಿನ್‌, “ಅಲಿ ಬಾಯಿ, ಇವ್ಣೆ ಖ್ಹಾರು ಕ್ಯಾ? ತಾರಪರ್ ಗಲತ್‌ ಲಗಾಡನಖ್ಹಾಜೆ ಕೋಣ್‌ಬಿ ಕೋ ಬಚ್ಯೂನಿಕಿ ಶು? ಕರಿ ಬೋಲ್ಯೊ.
\p
\v 11 ಯೋ ತಯೇಡಾನೆ, “ಕೋಣ್‌ಬಿ ಕೋ ಬಚ್ಯೂನಿಲಾ ಪ್ರಭು! ಕರಿ ಬೋಲಿ.
\p ತದೆ ಯೇಸುನೆ ಇನ, “ಇಮ್‍ಕತೊ, ಮೇಬಿ ತಾರಪರ್ ಗಲತ್‌ ಕೋ ಲಗಾಡುನಿ. ಹಮ್ಕೆ ತೂ ಜಾ಼, ಅಜು಼ಪಾಛು಼ ಪಾಪ್ ನಕೊ ಕರೀಶ್” ಕರಿ ಬೋಲ್ಯೊ.
\s ಯೇಸು ಜಗತ್‌ನು ಉಜಾ಼ಳು
\p
\v 12 ಅನ ಬಾದ್‌ಮ ಯೇಸು ಪಾಛೊ಼ ಅದ್ಮಿಖ್ಹಾರನ ವಾತೆ ಬೋಲ್ತೊಹುಯಿನ್, “ಮೇಸ್ ಜಗತ್ನ ಉಜಾ಼ಳು ಹುಯಿರ‍್ಹೋಸ್, ಮಾರಪೀಠೆ ಆವಾಳು ಅಂಧಾರಮ ಚಾ಼ಲ್‌ಶೆಸ್‌ ಕೊಯ್ನಿ ಅಜು಼ ಯೊ ಜಾನ್ನು ಉಜಾ಼ಳು ಲೀರ‍್ಹಾವಳೊ ಹುಯಿರೊಸ್” ಕರಿ ಬೋಲ್ಯೊ.\f + \fr 8:12 \fr*\ft ಮತ್ತಾಯ 5:14; ಯೋಹಾನ 9:5\ft*\f*
\p
\v 13 ಫರಿಸಾಯರ್‌ವಾಳು ಯೇಸುನ, “ತಾರಿ ಬಾರೇಮ ತೂಸ್ ಸಾಕ್ಷಿ ಬೋಲಿಲೆಸ್; ತಾರಿ ಸಾಕ್ಷಿ ಖ್ಹಾಚು಼ ಕಾಹೆ” ಕರಿ ಬೋಲ್ಯು.\f + \fr 8:13 \fr*\ft ಯೋಹಾನ 5:31\ft*\f*
\p
\v 14 ತದೆ ಯೇಸುನೆ ಜ಼ವಾಬ್ ದಿದೊ, “ಮೇಸ್ ಮಾರಿ ಬಾರೇಮ ಸಾಕ್ಷಿ ಬೋಲಿಲಿದೊತೊ ಯೋ ಖ್ಹಾಚು಼ ಹುಯಿರುಸ್. ಶನಕತೊ ಮೇ ಕಿಜ್ಜಾಥೊ ಆಯೊ ಅಜು಼ ಕಿಜ್ಗಾ಼ ಜೈ಼ಶ್ ಕರಿ ಬೋಲಾನು ಮನ ಮಾಲುಮ್‌. ಕತೋಬಿ ತುಮುನ ಮೇ ಕಿಜ್ಜಾಥೊ ಆಯೊ ಕಿಜ್ಗಾ಼ ಜೈ಼ಶ್ ಕರಿ ಮಾಲುಮ್‌ ಕೊಯ್ನಿ. 
\v 15 ತುಮೆ ಅದ್ಮಿ ತೀರ್ಪ್‌ ಕರಾನಿತರ ಕರೋಸ್; ಕತೋಬಿ ಮೇ ಕಿನಾಬಿ ತೀರ್ಪ್ ಕೋ ಕರೂನಿ. 
\v 16 ಕತೋಬಿ ಮೇ ತೀರ್ಪ್‌ ಕರ‍್ಯೊತೋಬಿ ಬರಾಬರಸ್‌ ರ‍್ಹೇಸ್‌, ಶನಕತೊ ಮೇ ಎಕ್ಕಸ್ ಜ಼ಣೊ ಕಾಹೆ; ಮನ ಮೋಕ್‌ಲ್ಯೊತೆ ಬಾಬಿ ಮಾರ ಜೋ಼ಡೆ ರ‍್ಹೇಸ್‌. 
\v 17 ಬೇ ಜ಼ಣು ಬೋಲಾಸ್ತೆ ಸಾಕ್ಷಿ ಖ್ಹಾಚಿಕರಿ ತುಮಾರಿ ಧರ್ಮಶಾಸ್ತ್ರಮಾಸ್ ಬೋಲಾಸ್ನಿ.\f + \fr 8:17 \fr*\ft ಧರ್ಮೊಪದೇಶ ಕಾಂಡ 19:15\ft*\f* 
\v 18 ಮಾರಿ ಬಾರೇಮ ಮೇ ಸಾಕ್ಷಿ ಬೋಲುಸ್ತೆ, ಮೆ ಏಕ್ಜ಼ಣೊ, ಅತ್ರೇಸ್ ಕಾಹೆತೆ ಮನ ಮೋಕ್‌ಲ್ಯೊತೆ ಬಾಬಿ ಬಿಜೇಕ್ ಸಾಕ್ಷಿ ಹುಯಿರೊಸ್” ಕರಿ ಬೋಲ್ಯೊ.
\p
\v 19 ತದೆ ಇವ್ಣೆ, “ತಾರೊ ಬಾ ಕಿಜ್ಗಾ಼ ಛಾ಼?” ಕರಿ ಪುಛಾ಼ಯು. ಯೇಸುನೆ,
\p “ತುಮೂನ ಮೇ ರ‍್ಹವೊ, ಮಾರೊ ಬಾ ರ‍್ಹವೊ ಮಾಲುಮ್‌ ಕೊಯ್ನಿ. ತುಮೆ ಮನ ಮಾಲುಮ್‌ ಕರ‍್ಯಾಹೋತ್ತೊ, ಮಾರ ಬಾನಾಬಿ ಮಾಲುಮ್‌ ಕರಿಲಿದಾಹೋತ್‌” ಕರಿ ಜ಼ವಾಬ್ ದಿದೊ.
\p
\v 20 ಯೇಸುನೆ ಮಂದಿರ್‌ಮ ಅದ್ಮಿ ಕಾಣ್ಕೇನಿ ಹುಂಡಿನಿ ಝ಼ಗೋಕನ ಭೀರಿನ್ ಶಿಕಾಡುಕರಾನಿ ವಖ್ಹತ್‌ಮ ಆ ವಾತ್ನ ಬೋಲ್ಯೊ. ಇನಖ್ಹಾಜೆ ಕೋಣ್‌ಬಿ ಇನ ಕೋ ಧರ‍್ಯುನಿ.ಶನಕತೊ ಇನಿ ವಖ್ಹತ್ ಬಿಜೂ಼ಬಿ ಕೋ ಐರ‍್ಹಿಥೀನಿ,
\s ಮೇ ಜ಼ಯಿಸ್ತೆ ಹಿಜ್ಜಾ಼ ತುಮೆ ಜಾ಼ವಾನ ಕೊ ಹುವಾನಿ
\p
\v 21 ಯೇಸುನೆ ಪಾಛು಼ ಇವ್ಣುನ, “ಮೇ ಒಳೆಜ಼ವುಸ್ ತುಮೆ ಮನ ಢೂಂಡ್‌ಶು, ಅಜು಼ ತುಮಾರ ಪಾಪ್‌ಮ ತುಮೆ ಮರ್‌ಶು. ಮೇ ಜ಼ವುಸ್ತೆ ಹಿಜ್ಜಾ಼ ತುಮೆ ಕೋ ಆವಾನ ಉಶೇನಿ” ಕರಿ ಬೋಲ್ಯೊ.
\p
\v 22 ಆ ಯೆಹೂದ್ಯರ್‌ನ, “ಮೇ ಜ಼ವುಸ್ತೆ ಹಿಜ್ಜಾ಼ ತುಮೆ ಆವಾನ ಕೋ ಉಶೇನಿ ಕರಿ ಬೋಲುಕರಾಸ್‌ ಕಿಶು? ಆ ಇನು ಯೋಸ್‌ ಮರಿಜಾ಼ವ್ಣು ಕರಿ ಛಾ಼ಕಿ ಶುಕಿ?” ಕರಿ ಬೋಲಿಲ್ಯವಾನಿತರ ಹುಯಿರೂಥು.
\p
\v 23 ಯೇಸುನೆ, “ತುಮೆ ಹೇಟ್‌ಲ್ಯಾವಾಳ ಹುಯಿರ‍್ಹಾಸ್‌, ಮೆ ಉಪ್ಪರ್‌ವಾಳೊ ಹುಯಿರೊಸ್ ತುಮೆ ಆ ಜಗತ್‌ವಾಳ, ಕತೋಬಿ ಮೇ ಆ ಜಗತ್‌ವಾಳೊ ಕಾಹೆ. 
\v 24 ಇನಖ್ಹಾಜೇಸ್ ತುಮೆ ತುಮಾರ ಪಾಪ್‍ಮಾಸ್‌ ಮರ್‌ಶು ಕರಿ ಮೇ ಬೋಲ್ಯೋತೆ. ಮೇ ಕೋಣ್ ಕರಿ ತುಮೆ ವಿಶ್ವಾಸ್‌ ನಾ ಕರ‍್ಯಾತೊ ತುಮಾರ ಪಾಪ್‌ಮ ತುಮೇಸ್ ಮರ್‌ಶು” ಕರಿ ಬೋಲ್ಯೊ.
\p
\v 25 ತದೆ ಇವ್ಣೆ ಇನ, “ತೂ ಕೋಣ್?” ಕರಿ ಪುಛಾ಼ಯು. ಯೇಸುನೆ, “ಮೇ ಕೋಣ್ ಕರಿ ಪಹಿಲೇಥೋಸ್‌ ತುಮೂನ ಬೋಲ್ತೊ ಆಯೊತೇಸ್ ಮೆ. 
\v 26 ತುಮಾರಿ ತೀರ್ಪ್‌ನಿ ಬಾರೇಮ ವಾತೆ ಬೋಲಾನು ಮಾರಕನ ಘಣು ಛಾ಼. ಕತೋಬಿ ಮನ ಮೋಕ್‌ಲ್ಯೊತೆ ಯೋ ಖ್ಹಾಚೊ಼ ಹುಯಿರ‍್ಹೋಸ್ ಅಜು಼ ಇನೇಥಿ ಮೇ ಶಾತ್‌ ಖ್ಹಮ್‌ಜ್ಯೋಕಿ ಇನಾಸ್ ಆ ಜಗತ್ನ ಮೇ ಬೋಲುಸ್” ಕರಿ ಬೋಲ್ಯೊ.
\p
\v 27 ಯೇಸು ಬಾನಿ ಬಾರೇಮ ವಾತೆ ಬೋಲುಕರಾಸ್‌ ಕರಿ ಬೋಲಾನು ಇವ್ಣುನ ಮಾಲುಮ್‌ ಕೋ ಪಡ್ಯುನಿ. 
\v 28 ಕತೋಬಿ ಇನೆ ಇವ್ಣುನ, “ತುಮೆ ಅದ್ಮಿನ ಛಿಯ್ಯಾನ ಉಪ್ಪರ್ ಪಾಡ್‌ಶುಕಿ, ತದೆ ‘ಮೇಸ್ ಯೋ’ ಕರಿ,ತುಮುನ ಮಾಲುಮ್ ಪಡ್‌ಶೆ. ಮೆ ಕರುಸ್ತೆ ಮಾರಿ ಶೊಂತ್ ಆಖ್ಹ್‌ಥಿ ಕಾಹೆ ಪಣ್ಕಿ, ಮಾರೊ ಬಾ ಬೋಲಾತೆ ಇಮ್ಮಸ್ ಶಿಕಾಡುಕರೂಸ್. 
\v 29 “ಮನ ಮೋಕ್‌ಲ್ಯೊತೆ ಯೋ ಮಾರ ಜೋ಼ಡೆ ಛಾ಼; ಮನ ಎಕ್ಲೋಸ್ ಕೋ ಮ್ಹೇಲ್ಯೋನಿ, ಇನಖ್ಹಾಜೇಥಿ ಮೆ ಕೆದೇಬಿ ಇನ ಇಷ್ಟನಿತರಾಸ್ ಕರುಸ್ತೆ” ಕರಿ ಬೋಲ್ಯೊ.
\p
\v 30 ಯೇಸು ಆ ವಾತೆ ಖ್ಹಾರು ಬೋಲಾನಿ ವಖ್ಹತ್‌ಮ ಘಣು ಅದ್ಮಿ ಇನಾಪರ್‌ ವಿಶ್ವಾಸ್‌ ಕರ‍್ಯು.
\s ಖ್ಹಾಚು಼ ತುಮೂನ ಛೋ಼ಡಾವ್‌ಶೆ
\p
\v 31 ತದೆ ಯೇಸುನೆ ಇನಾಪರ್ ವಿಶ್ವಾಸ್‌ ಕರ‍್ಯೋತೊ ಯೆಹೂದ್ಯರ್‌ನ, “ತುಮೆ ಮಾರಿ ವಾತೇನಿತರ ಚಾ಼ಲ್ಯಾತೊ,ತುಮೆ ಖ್ಹಾಚ಼ಮಾಬಿ ಮಾರ ಶಿಷ್ಯ ಹುಯಿರ‍್ಹಿಶು. 
\v 32 ತುಮೆ ಖ್ಹಾಚ಼ನ ಮಾಲುಮ್‌ ಕರಿಲಿಶು, ಅಜು಼ ಯೋ ಖ್ಹಾಚು಼ ತುಮೂನ ಛೋ಼ಡಾವ್‌ಶೆ” ಕರಿ ಬೋಲ್ಯೊ.
\p
\v 33 ಇನ ಇವ್ಣೆ, “ಹಮೆ ಅಬ್ರಹಾಮ್‌ನಿ ಖಾಂದಾನ್‌ವಾಳ, ಹಮೆ ಕದೇಬಿ ಕಿನಾಬಿ ಗುಲಾಮ್ ಕೋಹೂಯಾನಿ. ಅಮ್ ರ‍್ಹವಾಪರ್, ‘ತುಮೆ ಛು಼ಟ್‌ಶು’ ಕರಿ ತೂ ಬೋಲಾಸ್ತೆ ಕಿಮ್?” ಕರಿ ಜವಾಬ್‌ ದಿದು.\f + \fr 8:33 \fr*\ft ಮತ್ತಾಯ 3:9; ಲೂಕ 3:8\ft*\f*
\p
\v 34 ಯೇಸುನೆ ಇವ್ಣುನ, “ತುಮೂನ ಖ್ಹಾಚಮಾಬಿ ಬೋಲುಸ್ಕಿ: ಪಾಪ್ ಕರಾವಾಳು ಖ್ಹಾರು ಪಾಪ್ನ ಗುಲಾಮ್ ಹುಯಿರ‍್ಹುಸ್‍. 
\v 35 ಗುಲಾಮ್ ಘರ್‌ಮ ಹಮೇಶಾನಖ್ಹಾಜೆ ಕೋ ರಿಶೇನಿ, ಕತೋಬಿ ಛಿಯ್ಯೊ ಘರ್‌ಮ ಹಮೇಶಾನಖ್ಹಾಜೆ ರ‍್ಹೇಸ್‌. 
\v 36 ಇನಖ್ಹಾಜೆ ಛಿಯ್ಯೊ ತುಮೂನ ಛೋ಼ಡಾಯೋತೊ, ತುಮೆ ಖ್ಹಾಚಮಾಬಿ ಛು಼ಟ್‌ಶು. 
\v 37 ತುಮೆ ಅಬ್ರಹಾಮ್‌ನಿ ಪಿಳ್ಗಿವಾಳ ಕರಿ ಮನ ಮಾಲುಮ್‌. ತೋಬಿ ತುಮೆ ಮನ ಮರ್‌ನಾಕ್ಣು ಕರಿ ಕೋಶಿಶ್ ಕರೋಸ್, ಶನಕತೊ ಮಾರಿ ವಾತೇನ ತುಮೆ ಮಾನ ಕೊಯ್ನಿ. 
\v 38 ಮಾರ ಬಾನೆ ಮನ ವತಾಳ್ಯೊತೆ ಇನಿ ಬಾರೇಮ ಮೇ ಬೋಲುಸ್, ಕತೋಬಿ ತುಮಾರ ಬಾನೆ ಶಾತ್‌ ಖ್ಹಮ್‍ಜಾ಼ಡ್ಯೋಕಿ ಯೋ ತುಮೆ ಕರೋಸ್” ಕರಿ ಬೋಲ್ಯೊ.
\p
\v 39 ಇವ್ಣೆ ಇನ, “ಹಮಾರೊ ಬಾ ಅಬ್ರಹಾಮ್‌” ಕರಿ ಜವಾಬ್‌ ದಿದು.
\p ಯೇಸುನೆ ಇವ್ಣುನ, “ತುಮೆ ಅಬ್ರಹಾಮ್‌ನ ಲಡ್ಕಾ ಹುಯಿರ‍್ಹಾಹೋತ್ತೊ, ಅಬ್ರಹಾಮ್‌ನೆ ಕರ‍್ಯೊತೆ ಇಮ್ಮಸ್ ಕರ‍್ಯಾಹೋತ್‌. 
\v 40 ಮೇ ದೇವ್‍ಥಿ ಖ್ಹಮ್‌ಜೋತೆ ಖ್ಹಾಚಿನ ತುಮುನ ಬೋಲಿವತಾಳ್ಯೋತೆ ಏಕ್ಜ಼ಣೊ ಮೆ ಹುಯಿರೊಸ್, ತೋಬಿ ತುಮೆ ಮನ ಮರ್‌ನಾಕ್ಣು ಕರಿ ದೇಖೊಸ್‍. ಅಬ್ರಹಾಮ್‌ನೆ ಅಮ್ ಶಾತ್ ಕೋ ಕರ‍್ಯೋನಿ! 
\v 41 ತುಮೆ ತುಮಾರ ಬಾನ ಕಾಮ್ನ ಅಖ್ಖು ಕರುಕರಸ್ ಕರಿಬೋಲ್ಯೊ. ತದೆ ಇವ್ಣೆ, ಹಮೆ ಪಾಪೇಲ ಕಾಮ್‍ಥಿ ಪೈದಕೊಹುಯಾನಿ.
\p ಹಮೂನ ಎಕ್ಕಸ್ ಜ಼ಣೊ ಬಾ, ಯೋ ದೇವಸ್ ಕರಿ ಬೋಲ್ಯು. 
\v 42 ಯೇಸುನೆ ಯೆಹೂದ್ಯರ್‌ನ, “ಖ್ಹಾಚಮಾಬಿ ದೇವಸ್ ತುಮಾರೊ ಬಾ ಹುಯಿರ‍್ಹೊಹೋತ್ತೊ, ತುಮೆ ಮನ ಪ್ಯಾರ್ ಕರ‍್ಯಾಹೋತ್‌, ಶನಕತೊ ಮೇ ದೇವ್‌ಕಂಥೊ ಆಯೊ ಅಜು಼ ಹಮ್ಕೆ ಹಜ್ಜಾ಼ ಛು಼. ಮೇ ಆಯೋತೆ ಮಾರಿ ಶೊಂತ್‌ ಅದಿಕಾರ್‌ಪರ್‌ ಕಾಹೆ, ಪಣ್ಕಿ ದೇವ್ನೇಸ್ ಮನ ಮೋಕ್‌ಲ್ಯೊ. 
\v 43 ತುಮೆ ಮಾರಿ ವಾತೇನ ಶನ ಖ್ಹಮ್‌ಜಾ಼ ಕೊಯ್ನಿ? ಶನಕತೊ ತುಮೆ ಮಾರಿ ವಾತೇನ ಕಾನ್‌ ಕೋ ದೆವ್‌ಕರಾನಿತೆ ಇನಖ್ಹಾಜೇಸ್. 
\v 44 ಶೈತಾನಸ್ ತುಮಾರೊ ಬಾ, ಇನ ತುಮೆ ಛಿಯ್ಯಾ ಹುಯಿರಾಸ್, ಇನೀನಿಘೋಣಿ ಖರಾಬ್ ಆಖ್ಹ್‌ನ ಕರಾನ ದೇಖೊಸ್‍. ಯೋ ಶುರುವಾತ್‌ಥೋಸ್ ಖೂನಿಹುಯಿರ‍್ಹೊಸ್\f + \fr 8:44 \fr*\ft ನಾಶ ನಗ್‍ಮೇಟ್ ಕರಾವಾಳೊ.\ft*\f* ಅಜು಼ ಖ್ಹಾಚಾಮ ಟಿಕ್ಯೊಕೊಯ್ನಿ. ಶನಕತೊ ಇನಾಮ ರತ್ತಿಬಿ ಖ್ಹಾಚಿ ಕೊಯ್ನಿ, ಯೋ ಝೂ಼ಟಿ ಬೋಲಾನಿ ವಖ್ಹತ್‌ಮ ಆದತ್‌ನಿಘೋಣಿ ಬೋಲಾಸ್, ಶನಕತೊ ಯೋ ಝೂ಼ಟಿಸ್ ಬೋಲವಾಳೊ ಅಜು಼ ಹರ್ ಥರಾನು ಝೂ಼ಟಿನ ಬಾ ಹುಯಿರ‍್ಹೋಸ್. 
\v 45 ಮೇ ಖ್ಹಾಚಿ ಬೋಲುಸ್ತೆ ಇನಖ್ಹಾಜೆ ತುಮೆ ವಿಶ್ವಾಸ್‌ ಕರಾಕೊಯ್ನಿ. 
\v 46 ಮಾರಾಮ ಪಾಪ್ನ ವತಾಳವಾಳೊ ತುಮಾರಮ ಕೋಣ್‌ತೋಬಿ ಛಾ಼? ಮೇ ಖ್ಹಾಚಿ ಬೋಲ್ಯೊತೋಬಿ, ತುಮೆ ಮನ ಶನ ವಿಶ್ವಾಸ್‌ ಕರಾಕೊಯ್ನಿ? 
\v 47 ಖಿವು ಏಕ್‍ಜ಼ಣು ದೇವ್‍ಥಿ ಪೈದಾಹುಯುಕಿ ದೇವ್ನಿ ವಾತೆನ ಖ್ಹಮ್‌ಜಾ಼ಸ್‌, ತುಮೆ ದೇವ್ನ ಸಂಬಂದ್ ನಾರ‍್ಹಯಾತೊ, ಇನಖ್ಹಾಜೆ ಇನ ಖ್ಹಮ್‌ಜಾ಼ಕೊಯ್ನಿ” ಕರಿ ಬೋಲ್ಯೊ.
\s ಯೇಸು ಅಜು಼ ಅಬ್ರಹಾಮ್‌
\p
\v 48 ತದೆ ಯೆಹೂದ್ಯರ್‌ನೆ ಯೇಸುನ ಬೋಲ್ಯು,ಹಮೆ ಬೋಲಾನು ಬರಾಬರ್‌ ಕಾಹೆಕಿ ಶು? “ತೂ ಸಮಾರಿಯಾವಾಳೊ ಅಜು಼ ತಾರಾಮ ಭೂತ್‌ ಛಾ಼” ಕರಿ ಬೋಲ್ಯು. 
\v 49 ಯೇಸುನೆ, “ಮಾರಾಮ ಭೂತ್‌ ಕೊಯ್ನಿ, ಮೇ ಮಾರ ಬಾನ ಮರ್ಯಾದಿ ದೆವ್‌ಸ್‌, ಕತೋಬಿ ತುಮೆ ಮನ ಮರ‍್ಯಾದಿ ಕೋ ದೇಯ್ನಿ. 
\v 50 ಮನ ಮರ್ಯಾದಿ ಮಳಾದೆ ಕರಿ ಮೇ ಆಖ್ಹ್ ಕೋ ಕರೂನಿ, ಕತೋಬಿ ಮನ ಮರ್ಯಾದಿ ಮಳ್‌ಣು ಕರಿ ಆಖ್ಹ್ ಕರಾವಾಳೊ ಏಕ್‌ ಜ಼ಣೊ ಛಾ಼, ಯೋ ಮಾರಭಣಿಥೊ ನ್ಯಾವ್‌ ಫೇಡಾವಾಳೊ. 
\v 51 ಮೇ ತುಮೂನ ಖ್ಹಾಚಸ್ ಬೋಲುಸ್, ಮೆ ಶಿಕಾಡನು ಖ್ಹಮ್‌ಜಿನ್‌ ಇನೀನಿಘೋಣಿ ಚಾ಼ಲವಾಳು ಕದೇಬಿ ಮರ್‌ಶೆ ಕೊಯ್ನಿ” ಕರಿ ಬೋಲ್ಯೊ.
\p
\v 52 ಇನ ಯೆಹೂದ್ಯವಾಳನೆ, “ತುನ ಭೂತ್‌ ಧರಿರಾಖ್ಯುಸ್ ಕರಿ ಹಮ್ಕೆ ಹಮೂನ ಮಾಲುಮ್ ಪಡ್ಯು! ಅಬ್ರಹಾಮ್‌ ಮರಿಗಯೊ, ಅಜು಼ ಪ್ರವಾದಿ ಖ್ಹಾರುಬಿ ಮರಿಗಯು, ತೋಬಿ ತೂ ಬೋಲಸ್ಕಿ, ಮೆ ಶಿಕಾಡನಿಘೋಣಿ ಚಾ಼ಲವಾಳು ಕದೇಬಿ ಮರ್‌ಶೆಕೊಯ್ನಿ ಕರಿ. 
\v 53 ಹಮಾರೊ ಮೋಟೊ ಹುಯಿರ‍್ಹೋತೆ ಅಬ್ರಹಾಮ್‌ಥೀಬಿ ತೂ ಮೋಟೋಕಿ ಶು? ಅಬ್ರಹಾಮ್‌ಬಿ, ಪ್ರವಾದಿ ಖ್ಹಾರುಬಿ ಮರಿಗಯು. ಅಮ್ ರ‍್ಹವಾಪರ್, ತಾರು ತೂ ಕೋಣ್ ಕರಿ ಸೋಚಾ಼ಸ್‌?” ಕರಿ ಪುಛಾ಼ಯು.
\p
\v 54 ತದೆ ಯೇಸುನೆ, “ಮಾರು ಮೇಸ್ ಖ್ಹರೈಲಿದೋತೊ, ಯೋ ಮರ್ಯಾದಿನ ಶನೀಶ್ ಬೆಲೆಕೊಯ್ನಿ. ಮನ ಮರ್ಯಾದಿ ದ್ಯವಾಳೊ ಮಾರೊ ಬಾ, ತುಮೆ ಇನ ಹಮಾರೊ ದೇವ್ ಕರಿ ಬೋಲೋಸ್‌. 
\v 55 ತೋಬಿ ತುಮೆ ಇನ ಪರ್ಖಿರಾಖ್ಯಕೊಯ್ನಿ, ಕತೋಬಿ ಮನ ಯೋ ಮಾಲುಮ್‌. ಯೋ ಮನ ಮಾಲುಮ್‌ಕೊಯ್ನಿ ಕರಿ ಮೇ ಬೋಲ್ಯೊತೊ, ಮೇಬಿ ತುಮಾರಿನಿತರ ಝೂ಼ಟೊ ಹುಯಿಜೈ಼ಶ್‌. ಕತೋಬಿ ಮನ ಯೋ ಮಾಲುಮ್‌, ಅಜು಼ ಮೇ ಇನಿ ವಾತೆನಿಘೋಣಿ ಚಾ಼ಲುಸ್‌. 
\v 56 ತುಮಾರೊ ಬಾ ಹುಯಿರ‍್ಹೋತೆ ಅಬ್ರಹಾಮ್‌ನೆ ಮೇ ಆಯಿಶ್‍ತೆ ದನ್ನ ದೇಖಿಶ್‌ ಕರಿ ಘಣು ಶಂತೋಖ್ಹ್‌ ಕರ‍್ಯೊ, ಅಜು಼ ಇನೆ ಯೋ ದನ್ನ ದೇಖಿನ್‌ ಖ್ಹುಶಿ ಕರ‍್ಯೊ” ಕರಿ ಬೋಲ್ಯೊ.
\p
\v 57 ಇನ ಯೆಹೂದ್ಯರ್‌ನೆ, “ತುನ ಬಿಜೂ಼ಬಿ ಅಡೈವಿಖ್ಹ್‌ ವರಖ್ಹ್‌ ಕೋ ಹುಯಿರಾನಿ, ತುನೆ ಅಬ್ರಹಾಮ್‌ನ ದೇಖಿರಾಖ್ಯೋಸ್ಕಿ ಶು?” ಕರಿ ಯೇಸುನ ಬೋಲ್ಯು.
\p
\v 58 ಯೇಸುನೆ, “ಮೇ ಖ್ಹಾಚ ಬೋಲುಸ್ಕಿ, ಅಬ್ರಹಾಮ್‌ ಪೈದಾ ಹುವಾನ ಅಗಾಡಿಸ್, ಮೇ ಥೊ!” ಕರಿ ಬೋಲ್ಯೊ.
\p
\v 59 ಆ ವಾತೆನ ಖ್ಹಮ್‌ಜಿನ್‌, ಇವ್ಣೆ ಇನ ಮಾರಾನಖ್ಹಾಜೆ ಬಂಡಾ ಪಾಡಿಲಿದು, ಕತೋಬಿ ಯೇಸು ಓಠೆಹೋತೊಹುಯಿನ್, ಮಂದಿರ್‌ನ ಮಹಿಕರಿ ಚ಼ಲೆಗಯೊ.
\c 9
\s ಯೇಸುನೆ ಪೈದಾಖ್ಹ್‌ಥು ಕಾಣು ಥೂತೆ ಅದ್ಮಿನ ಅಛ್ಛು಼ ಕರ‍್ಯೊತೆ
\p
\v 1 ಯೇಸು ಚಾ಼ಲ್ತೊ ಜಾ಼ವಾನಿ ವಖ್ಹತ್‌ಮ, ಪೈದಾಖ್ಹ್‌ಥೂಸ್‌ ಕಾಣು ಥೂತೆ ಏಕ್‌ ಅದ್ಮಿನ ದೇಖ್ಯೊ. 
\v 2 ಯೇಸುನ ಶಿಷ್ಯರ್‌ನೆ ಇನ, “ಗುರು, ಆ ಅದ್ಮಿ ಕಾಣುಹುಯಿನ್‌, ಪೈದಾ ಹುಯೂತೆ ಕಿನ ಪಾಪ್‌ಥಿ? ಅನು ಪಾಪ್‌ಥೀಕಿ? ಅನ ಆಯ-ಬಾನ ಪಾಪ್‌ಥಿ?” ಕರಿ ಪುಛಾ಼ಯ.
\p
\v 3 ಯೇಸುನೆ, “ಅನೇಬಿ ಪಾಪ್ ಕೋ ಕರ‍್ಯೋನಿ, ಅನ ಆಯಾ-ಬಾನ ಪಾಪ್ನಟೇಕೆ ಕಾಹೆ. ದೇವ್‌ನು ಕಾಮ್ ಅನಾಮ ಹುವಾನಟೇಕೆಸ್‌ ಅನ ಅಮ್ ಹುಯೂತೆ. 
\v 4 ಮನ ಮೋಕ್‌ಲ್ಯೊತೆ ಇನು ಕಾಮ್ನ ಅಪ್ಣೆ ದನ್ನಿ ವಖ್ಹತ್‌ಮಾಸ್‌ ಕರ‍್ನು, ರಾತ್‌ ಆವ್‌ಶೆ ತದೆ ಕಿನೇಥೀಬಿ ಕಾಮ್ ಕರಾನ ಕೋ ಉಶೇನಿ. 
\v 5 ಮೇ ಆ ಜಗತ್‌ಮ ರ‍್ಹವಾನಿ ವಖ್ಹತ್‌ಮ, ಮೇಸ್ ಆ ಜಗತ್ನ ಉಜಾ಼ಳು ಹುಯಿರ‍್ಹೋಸ್” ಕರಿ ಬೋಲ್ಯೊ.\f + \fr 9:5 \fr*\ft ಮತ್ತಾಯ 5:14; ಯೋಹಾನ 8:12\ft*\f*
\p
\v 6 ಅನ ಬೋಲಾನ ಬಾದ್‌ಮ, ಯೇಸುನೆ ಜ಼ಮೀನ್‌ಪರ್ ಥೂಕಿನ್, ಇನೇಥಿ ಚಿಕ್ಕಡ್‌ ಬಣೈನ್, ಯೋ ಅದ್ಮಿನ ಡೋಳಾನ ಲಗಾಡ್ಯೊ. 
\v 7 ಅಜು಼ ಯೋ ಅದ್ಮಿನ ಬೋಲ್ಯೋಕಿ, “ಜೈ಼ನ್‌, ಸಿಲೋವ ಕೋಳಮ್ಮ ಧೊಯಿಲೆ” ಸಿಲೋವ ಕತೊ, ‘ಮೋಕ್‌ಲ್ಯೊಹುಯೊ’ ಕರಿ ಮತ್‌ಲಬ್. ಇಮ್ಮಸ್ ಯೋ ಅದ್ಮಿನೆ ಜೈ಼ನ್, ಧೊಯಿಲಿನ್ ಪಾಛೊ಼ಫರಾನಿ ವಖ್ಹತ್, ಅಜು಼ ಇನ ಡೋಳಾ ದೆಖಾವಲಗ್ಯ.
\p
\v 8 ತದೆ ಇನ ಅಜು಼-ಬಾಜು಼ವಾಳು ಅಜು಼ ಯೋ ಅಗಾಡಿ ಧರಮ್ ಮಾಂಗುಕರ್ತೊಥೋತೆ ಇನ ದೇಖಿಹುಯು ಅದ್ಮಿಖ್ಹಾರು, “ಬೇಶಿನ್, ಧರಮ್ ಮಾಂಗ್‌ತೊಥೋತೆ ಆಸ್ ಕಾಹೆಕಿ ಶು?” ಕರಿ ಪುಛಾ಼ಯು.
\p
\v 9 ಥೋಡು ಜ಼ಣು, “ಆಸ್ ಯೋ” ಕರಿ ಬೋಲ್ಯು, ಕತೋಬಿ ಬಿಜು಼ ಥೋಡು ಜ಼ಣು, “ಆ ಯೋ ಕಾಹೆ, ಇನೀನಿತರಸ್ ದೆಖಾವಸ್” ಕರಿ ಬೋಲ್ಯು,
\p ತದೆ ಯೋ ಅದ್ಮಿನೇಸ್, “ಮೇಸ್ ಯೋ” ಕರಿ ಬೋಲ್ಯೊ.
\p
\v 10 ತದೆ ಇವ್ಣೆ ಇನ, “ತುನ ಡೋಳಾ ಕಿಮ್ ಆಯಾ?” ಕರಿ ಇನ ಪುಛಾ಼ಯು.
\p
\v 11 ಯೋ ಅದ್ಮಿನೆ, “ಯೇಸು ಕರಿ ಏಕ್‌ ಜ಼ಣೊ ಛಾ಼ನಿ, ಇನೆ ಚಿಕ್ಕಡ್‌ ಕರೀನ್, ಮಾರ ಡೋಳಾನ ಲಗಾಡಿನ್, ಸಿಲೋವ ತಲಾವ್ಮ ಜೈ಼ನ್‌, ಧೊಯಿಲೆ ಕರಿ ಬೋಲ್ಯೊ. ಇಮ್ಮಸ್ ಮೇ ಜೈ಼ನ್ ಧೊಯಿಲಿದೊ, ತದೆ ಮನ ಡೋಳಾ ದೆಖಾವಲಗ್ಯ” ಕರಿ ಬೋಲ್ಯೊ. 
\v 12 ಯೊ ಅದ್ಮಿಖ್ಹಾರು ಇನ, “ಯೋ ಕಿಜ್ಗಾ಼ ಛಾ಼?” ಕರಿ ಪುಛಾ಼ಯು. ಯೋ ಅದ್ಮಿನೆ, “ಮನ ಮಾಲುಮ್‌ ಕೊಯ್ನಿ” ಕರಿ ಜವಾಬ್‌ ದಿದೊ.
\s ಪರಿಸಾಯರ್‌ನೆ ಅಛ್ಛು಼ ಹುಯೂತೆ ಅದ್ಮಿನ ಪುಛಾ಼ಯೂತೆ
\p
\v 13 ತದೆ ಅದ್ಮಿಖ್ಹಾರು ಅಗಾಡಿ ಕಾಣು ಹುಯಿರ‍್ಹುಥೂತೆ ಯೋ ಅದ್ಮಿನ ಫರಿಸಾಯರ್‌ಕನ ಬುಲೈಲಿ ಗಯು. 
\v 14 ಯೇಸುನೆ ಚಿಕ್ಕಡ್‌ ಕರೀನ್, ಇನ ಡೋಳಾನ ಅಛ್ಛು಼ ಕರ‍್ಯೊತೆ ದನ್ ಸಬ್ಬತ್‌ ದನ್ ಹುಯಿರ‍್ಹುಥು. 
\v 15 ತದೆ ಫರಿಸಾಯರ್‌ನೆ ಪಾಛು಼ ಯೋ ಅದ್ಮಿನ, “ತುನ ಡೋಳಾ ಕಿಮ್ ದೆಖಾಯ?” ಕರಿ ಪುಛಾ಼ಯು. ಇನೆ ಇವ್ಣುನ, “ಇನೆ ಚಿಕ್ಕಡ್‌ನ ಮಾರ ಡೋಳಾಪರ್‌ ಲಗಾಡ್ಯೊ, ಅಜು಼ ಮೇ ಧೊಯಿಲಿದೊ, ಹಮ್ಕೆ ಮನ ದೆಖವ್‌ಕರಾಸ್‌” ಕರಿ ಜವಾಬ್‌ ದಿದೊ.
\p
\v 16 ಫರಿಸಾಯರ್‌ಮ ಥೋಡಾನೆ, “ಆ ಅದ್ಮಿ ದೇವ್‍ಥಿ ಆಯೊಹುಯೊ ಕಾಹೆ, ಶನಕತೊ ಅನೆ ಸಬ್ಬತ್‌ದನ್ನು ಪಾಲನ್‍ ಕೊ ಕರಾನಿ” ಕರಿ ಬೋಲ್ಯು.
\p ಬಿಜು಼ ಥೋಡಾನೆ, “ಖಿವು ಪಾಪಿ ಅಮ್ನಿ ಅದ್ಭುತ್ ಕಾಮ್‌ಖ್ಹಾರು ಕರಾಸ್?” ಕರಿ ಬೋಲ್ಯು. ಅಮ್ ಇವ್ಣ-ಇವ್ಣಾಸ್‍ಮ ಬೇ ಭಾಗ್‌ ಹುಯಿಗಯು.
\p
\v 17 ಡೋಳ ದೆಖಾವಲಗ್ಯುತೆ ಯೊ ಅದ್ಮಿನ ಫರಿಸಾಯರ್‌ನೆ ಬಿಜೇಕ್‌ಹಲ್ಲ ಪುಛಾ಼ಯು. ತದೆ ಯೋ ಅದ್ಮಿನೆ,
\p “ಯೋ ಏಕ್‌ ಪ್ರವಾದಿ” ಕರಿ ಬೋಲ್ಯು.
\p
\v 18 ತೋಬಿ ಯೋ ಯೆಹೂದ್ಯವಾಳು, ಯೋ ಅದ್ಮಿನ ಆಯ-ಬಾನ ಬುಲಾಯು.ತಬ್‍ಲಗು ಕಾಣು ಥೂ ಕರಿ ಬೋಲಾನಿ ವಾತೇನ ಕೋ ನಂಬ್ಯುನಿ, 
\v 19 ಇವ್ಣೆ ಇನ ಆಯ-ಬಾನ, “ಆ ತುಮಾರೊ ಛಿಯ್ಯೋಕಿ ಶು? ಆ ಪೈದಾಖ್ಹ್‌ಥೋಸ್‌ ಕಾಣೊ ಕರಿ ತುಮೆ ಬೋಲಾಸ್ತೆ; ಇಮ್‍ಕತೊ, ಹಮ್ಕೆ ಅನ ಡೋಳಾ ಕಿಮ್ ದೆಖವ್‌ಕರಾಸ್ತೆ?” ಕರಿ ಪುಛಾ಼ಯು.
\p
\v 20 ಇನ ಆಯ-ಬಾನೆ, “ಆ ಹಮಾರೊ ಛಿಯ್ಯೊ ಕರಿ ಹಮೂನ ಮಾಲುಮ್ ಅಜು಼ ಆ ಪೈದಾಖ್ಹ್‌ಥೋಸ್‌ ಕಾಣೊ ಕರೀಬಿ ಹಮೂನ ಮಾಲುಮ್‌. 
\v 21 ಕತೋಬಿ ಹಮ್ಕೆ ಅನ ಡೋಳಾ ಕಿಮ್ ದೆಖವ್‌ಕರಾಸ್‌ ಕರಿ ರ‍್ಹವೊ, ಅನ ಅಛ್ಛು಼ ಕರ‍್ಯುತೆ ಕಿನೆ ಕರಿ ರ‍್ಹವೊ ಹಮೂನ ಮಾಲುಮ್‌ ಕೊಯ್ನಿ. ಅನಾಸ್ ಪುಛಾ಼ವೊ, ಆ ಜಾ಼ನ್‌ಜ಼ಮಾನ್ನಿ, ಆಸ್ ಇನಿ ಬಾರೇಮ ಬೋಲ್‌ಶೆ” ಕರಿ ಜವಾಬ್‌ ದಿದು. 
\v 22 ಇನ ಆಯ-ಬಾನೆ ಯೆಹೂದ್ಯರ್‌ನ ಅದಿಕಾರಿ ಡರಿನ್, ಅಮ್ನಿ ವಾತೇನ ಬೋಲ್ಯುತೆ, ಶನಕತೊ ಯೇಸುನ ಕ್ರಿಸ್ತ ಕರಿ ಕೋಣ್ ವಿಶ್ವಾಸ್ ಕರಾಸ್ಕಿ, ಇವ್ಣುನ ಯೆಹೂದ್ಯರ‍್ನು ಸಬಾ ಮಂದಿರ್‌ಮಾಥು ಭಾರ್‌ ನಾಕ್‌ಶು ಕರಿ ಇವ್ಣೆ ಬೋಲಿರಾಖ್ಯುಥು. 
\v 23 ಇನಖ್ಹಾಜೇಸ್ ಇನ ಆಯ-ಬಾನೆ, “ಯೋ ಜಾ಼ನ್ಜ಼ಮಾನ್ ಹುಯಿರ‍್ಹೋಸ್‌ನಿ, ಇನಾಸ್ ಪುಛಾ಼ವೊ” ಕರಿ ಬೋಲ್ಯೂತೆ.
\p
\v 24 ತದೆ ಯೆಹೂದ್ಯರ್‌ನ ಅದಿಕಾರಿ ಪಾಛು಼ ಭೇನೆಹಲ್ಲ, ಅಗಾಡಿ ಕಾಣೊ ಹುಯಿರ‍್ಹೊಥೋತೆ ಯೋ ಅದ್ಮಿನ ಬುಲೈನ್, “ತೂ ಖ್ಹಾಚಿ ಬೋಲಿನ್ ದೇವ್ನ ಮರ್ಯಾದಿದೆ, ತುನ ಅಛ್ಛು಼ ಕರ‍್ಯೊತೆ ಯೋ ಅದ್ಮಿ ಪಾಪಿಕರಿ ಹಮೂನ ಮಾಲುಮ್‌” ಕರಿಬೋಲ್ಯು.
\p
\v 25 ತದೆ ಯೋ ಅದ್ಮಿನೆ, “ಯೋ ಅದ್ಮಿ ಪಾಪಿಕಿ, ಕೊಯ್ನಿಕಿ ಮನ ಮಾಲುಮ್‌ಕೊಯ್ನಿ, ಕತೋಬಿ ಮೇ ಕಾಣೊ ಥೊ, ಹಮ್ಕೆ ಮನ ದೆಖವ್‌ಕರಾಸ್‌ ಕರಿ ಬೋಲಾನು ಮನ ಮಾಲುಮ್‌” ಕರಿ ಬೋಲ್ಯೊ.
\p
\v 26 ತದೆ ಯೆಹೂದ್ಯರ್‌ನೆ ಇನ, “ಇನೆ ತುನ ಶಾತ್‌ ಕರ‍್ಯೊ? ಇನೆ ತಾರ ಡೋಳಾನ ಕಿಮ್ ಅಛ್ಛು಼ ಕರ‍್ಯೊ?” ಕರಿ ಪುಛಾ಼ಯು.
\p
\v 27 ಯೋ ಅದ್ಮಿನೆ, “ಮೇ ತುಮೂನ ಅಗಾಡಿಸ್ ಬೋಲ್ಯೊನಿ, ತುಮೆ ಖ್ಹಮ್‌ಜ್ಯಾಕೊಯ್ನಿ, ಬಿಜು಼ ಪಾಛು಼ ಶನ ಖ್ಹಮಜ಼್‌ಣು ಕರಿ ಛಾ಼ತೆ? ತುಮೇಬಿ ಇನ ಶಿಷ್ಯರ್‌ ಹೋಣು ಕರಿ ಛಾ಼ಕಿ ಶು? ಕರಿ ಜವಾಬ್‌ ದಿದೊ.
\p
\v 28 ತದೆ ಇವ್ಣೆ ಯೋ ಅದ್ಮಿನ ಖ್ಹರಮ್‌ ಕಾಡಿನ್, “ತೂ ಯೋ ಅದ್ಮಿನೊ ಶಿಷ್ಯ; ಕತೋಬಿ ಹಮೆ ಮೋಶೆನ ಪೀಠೆ ಜಾ಼ವವಾಳ ಹುಯಿರ‍್ಹಾಸ್. 
\v 29 ಮೋಶೆನ ಜೋ಼ಡೆ ದೇವ್ನೆ ವಾತೆ ಬೋಲ್ಯೊ ಕರಿ ಹಮೂನ ಮಾಲುಮ್‌; ಕತೋಬಿ ಆ ಅದ್ಮಿ ಕಿಜ್ಜಾ಼ನೊ ಕರೀಬಿ ಹಮೂನ ಮಾಲುಮ್‌ ಕೊಯ್ನಿ!” ಕರಿ ಬೋಲ್ಯೊ.
\p
\v 30 ತದೆ ಯೋ ಅದ್ಮಿನೆ, “ಇನೆ ಮನ ಡೋಳಾ ದಿದೊತೋಬಿ, ಯೋ ಕಿಜ್ಗಾ಼ನೊ ಕರಿ ತುಮೂನ ಬಿಜೂ಼ಬಿ ಮಾಲುಮ್‌ಕೊಂತೆ ಆಶ್ಚರ್ಯ ಕಾಹೆಕಿ ಶು? 
\v 31 ಹಮೂನ ಮಾಲುಮ್‌ ಪಾಪಿನು ಪ್ರಾರ್ಥನೇನ ದೇವ್ ಖ್ಹಮ್‌ಜಾ಼ಕೊಯ್ನಿ, ಕತೋಬಿ ಕೋಣ್ ದೇವ್ನಿ ಮರ್ಜಿನಿಘೋಣಿ ಚಾ಼ಲಾಸ್ಕಿ ಇನಿ ಪ್ರಾರ್ಥನೆ ಖ್ಹಮ್‌ಜಾ಼ಸ್‌ ಕರಿ. 
\v 32 ಪೈದಾಖ್ಹ್‌ಥೂಸ್‌ ಕಾಣು ಹುಯಿರ‍್ಹೂತೆ ಏಕ್‌ ಅದ್ಮಿನ ಕೋಣ್‌ತೋಬಿ ಅಛ್ಛು಼ ಕರ‍್ಯುತೆ ಬಾರೇಮ ಜಗತ್‌ ಶುರುವಾತ್‌ಥು ಏಕ್‌ನೇಬಿ ಖ್ಹಮ್‌ಜಿರಾಖ್ಯು ಕೊಯ್ನಿ. 
\v 33 ಆ ಅದ್ಮಿ ದೇವ್‍ಥಿ ಆಯೊಹುಯೊ ನಾ ರ‍್ಹಯೊಹೋತ್ತೊ, ಅನೇಥಿ ಶಾತ್ಬಿ ಕರಾನ ಕೋ ಹುಯು ಹೋತ್‌ನಿ” ಕರಿ ಬೋಲ್ಯೊ.
\p
\v 34 ಆ ವಾತೆನ ಖ್ಹಮ್‌ಜಿನ್‌ ಇವ್ಣೆ, “ತೂ ಖಲಿ ಪಾಪ್‌ಮ ಪೈದಾ ಹುಯೊತೆ, ಹಮೂನ ಬೋಲಿವತಳಾಸ್ಕಿ ಶು?” ಕರಿಬೋಲಿನ್‌, ಸಬೇನು ಮಂದಿರ್‌ಮಾಥು ಇನ ಧಕೇಲಿ ಭಾರ್‌ ಕಾಡಿನಾಖ್ಯು.
\s ಆತ್ಮಮ ಕಾಣು
\p
\v 35 ಯೋ ಅದ್ಮಿನ ಭಾರ್‌ನಾಖ್ಯುಕರಿ ಯೇಸುನೆ ಖ್ಹಮ್‌ಜಿನ್‌, ಇನ ಮಳಿನ್, “ತೂ ಅದ್ಮಿನೊ ಛಿಯ್ಯಾನ ನಂಬಾಸ್ಕಿ ಶು? ಕರಿಪುಛಾ಼ಯೊ.
\p
\v 36 ತದೆ ಇನೆ, ಪ್ರಭು ಯೋ ಅದ್ಮಿನೊ ಛಿಯ್ಯೊ ಕೋಣ್? ತೂ ಕಿನ ನಂಬ್‍ಣುಕರಿ ಬೋಲಸ್ಕಿ, ಮನ ಬೋಲ್, ಮೇ ಇನ ನಂಬುಸ್‌” ಕರಿ ಬೋಲ್ಯೊ.
\p
\v 37 ಯೇಸುನೆ ಇನ, “ತೂ ಇನ ಅಗಾಡಿಸ್ ದೇಖಿರಾಕ್ಯೋಸ್‌, ತಾರ ಜೋ಼ಡೆ ವಾತೆ ಬೋಲುಕರಾತೆ ಮೇಸ್ ಯೋ” ಕರಿ ಬೋಲ್ಯೊ.
\p
\v 38 ಯೋ ಅದ್ಮಿನೆ, “ಒಹೊ ನಂಬುಸ್‍ಲಾ ಗುರು!” ಕರಿಬೋಲಿನ್‌, ಯೇಸುನ ಖ್ಹಾಮ್ಣೆ ಢುಕ್‌ಣ್ಯಟೇಕಿನ್ ಖ್ಹಲಾಮ್ ಕರ‍್ಯೊ. ಅಡ್‌ಪಡ್ಯೊ
\p
\v 39 ಯೇಸುನೆ ಬೋಲ್ಯೊ, “ಮೇ ನ್ಯಾಯತೀರ್ಪ್‌ನ ಖ್ಹಾಜೆ ಆ ಜಗತ್‌ಮ ಐರ‍್ಹೋಸ್ತೆ, ಇನಖ್ಹಾಜೆ ಡೋಳಾಕೊಂತೆ ಇವ್ಣೆ ದೇಕ್‌ಶೆ, ಅಜು಼ ಕಿನ ಡೋಳಾ ಛಾ಼ಕಿ ಇವ್ಣೆ ಕಾಣು ಉಶೆ” ಕರಿಬೋಲ್ಯೊ.
\p
\v 40 ಯೇಸುನ ಜೋ಼ಡ್ಮ ಥಾತೆ ಥೋಡ ಫರಿಸಾಯರ್‌ನೆ ಅನ ಖ್ಹಮ್‌ಜಿನ್‌ ಬೋಲ್ಯು, “ಹಮೇಬಿ ಕಾಣಕರಿ ಬೋಲುಕರಾಸ್ಕಿ ಶು?” ಕರಿ ಯೇಸುನ ಪುಛಾ಼ಯು.
\p
\v 41 ಯೇಸುನೆ ಇವ್ಣುನ, “ತುಮೆ ಕಾಣ ಹುಯಿರ‍್ಹಾಹೋತ್ತೊ, ತುಮೂನ ಪಾಪ್ ಕೋ ರ‍್ಹಯುಹೋತ್ನಿ; ಕತೋಬಿ ಹಮೂನ ಡೋಳಾ ದೆಖವ್‌ಕರಾಸ್‌ ಕರಿ ಬೋಲೋಸ್‌ನಿ, ಇನಖ್ಹಾಜೆ ತುಮೆ ಪಾಪಿ ಹುಯಿರಾಸ್” ಕರಿ ಜವಾಬ್‌ ದಿದೊ.
\c 10
\s ಕುರುಬನಿ ಖೇಣಿ
\p
\v 1 ಯೇಸುನೆ, “ಮೇ ತುಮೂನ ಖ್ಹಾಚ ಬೋಲುಸ್, ಮೇಂಢಾನು ಕೋಠಾನ ಬಾಕಲ್‌ನಿವಾಟೆ ಮ್ಹೆಂದಿನ್, ಬಿಜಿ ಬಾಜು಼ಥು ಚ಼ಢೀನ್‌, ಮಹಿ ಜಾ಼ವಾಳೊ ಚೋ಼ರ್ ಅಜು಼ ಲೂಟಿಲಿಜಾ಼ವವಾಳೊ ಹುಯಿರ‍್ಹೋಸ್. 
\v 2 ಕೋಣ್ ಬಾಕಲ್‌ವಾಟೆ ಜಾ಼ವಾಳೊಕಿ ಯೊ ಮೇಂಢಾನ ಚ಼ರಾವವಾಳೊ ಹುಯಿರ‍್ಹೋಸ್. 
\v 3 ನಾಮ್ ಧರೀನ್ ಚಿಕ್‌ರ‍್ಯುತೊ ಮೇಂಢ ಇನಿ ಅವಾಜ಼್‌ನ ಕಾನ್‍ದೇಸ್. ವಖ್ಹ್‌ತಿ ಕರಾವಾಳೊ ಯೋ ಮೇಂಢಾನ ಚ಼ಲೈಲಿನ್ ಜಾ಼ಸ್‌. 
\v 4 ತದೆ ಯೋ ಕುರುಬ ಮೇಂಢಾನ ಖ್ಹಾರು ಭಾರ್‌ ಮ್ಹೇಲಾನಜಾ಼ಸ್ಕಿ ತದೆ, ಮೇಂಢ ಇನಪೀಠೆ ಜಾ಼ಸ್‌. 
\v 5 ಮೇಂಢಖ್ಹಾರು ಇವ್ಣುನ ಮಾಲುಮ್‌ ಕೊಂತೆ ಅಲ್ಹಾವ್ ಅದ್ಮಿನ ಪೀಠೆ ಕೋಜಾ಼ಯ್ನಿ, ಪಣ್ಕಿ ಇಮ್ನ ಅದ್ಮಿಕಂಥು ಮಿಲೈ ಚ಼ಲ್ಯುಜಾ಼ಸ್‌, ಶನಕತೊ ಇವ್ಣುನ ಯೋ ಅದ್ಮಿನು ಗಳು ಮಾಲುಮ್‌ಕೊಯ್ನಿ” ಕರಿ ಬೋಲ್ಯೊ.
\p
\v 6 ಆ ಮತ್ಲಬ್‌ನಿ ಖೇಣಿನ ಯೇಸುನೆ ಇವ್ಣುನ ಬೋಲ್ಯೊ, ಕತೋಬಿ ಇವ್ಣೆ ಇನಿ ವಾತೆನಿ ಮತ್ಲಬ್‌ನ ಮಾಲುಮ್ ಕರ‍್ಯುಕೊಯ್ನಿ.
\s ಯೇಸುಸ್‌ ಅಛ್ಛೊ಼ ಕುರುಬ
\p
\v 7 ಇನಖ್ಹಾಜೆ ಯೇಸುನೆ ಪಾಛೊ಼ ಬೋಲ್ಯೊ, “ಮೇ ತುಮೂನ ಖ್ಹಾಚ ಬೋಲುಸ್, ಮೇಸ್ ಮೇಂಢಾನ ಖ್ಹಾರು ದರ‍್ವಾಜು಼ ಹುಯಿರ‍್ಹೋಸ್. 
\v 8 ಮೇ ಆವಾನ ಅಗಾಡಿ ಆಯೂತೆ ಖ್ಹಾರುಸ್‌ ಚೋ಼ರ್ ಅಜು಼ ಲೂಟವಾಳು ಹುಯಿರ‍್ಹುಸ್‍, ಕತೋಬಿ ಮೇಂಢು ಖ್ಹಾರು ಇವ್ಣುನ ಕಾನ್‌ ಕೋ ದಿದೂನಿ. 
\v 9 ಮೇಸ್ ಯೋ ದರ‍್ವಾಜು಼, ಮಾರವಾಟೆ ಕೋಣ್-ಕೋಣ್ ಮಹಿ ಜಾ಼ಸ್ಕಿ ಇವ್ಣೆ ಬಚಿಜಾ಼ಶೆ ಅಜು಼ ಇವ್ಣೆ ಮಹಿ ಜಾ಼ಯೆಜಾ಼ಯ್‌, ಭಾರ್‌ಬಿ ಆಯೆಜಾ಼ಯ್‌, ಇವ್ಣುನ ಚ಼ರಣ್ಣು ಘಾಖ್ಹ್‌ ಮಳ್‌ಶೆ. 
\v 10 ಚೋ಼ರ್ ಚೋ಼ರಿ ಕರಾನಖ್ಹಾಜೆ, ಮರ್‌ನಾಖಾನಖ್ಹಾಜೆ ಅಜು಼ ಬರ್ಬಾತ್ ಕರಾನಖ್ಹಾಜೆ ಆವಸ್ ಪಣ್ಕಿ, ಬಿಜು಼ ಶನಖ್ಹಾಜೆಬಿ ಕಾಹೆ. ಕತೋಬಿ ಮೇತೊ ಇವ್ಣುನ, ಖಲಿ ಜಾನ್‌ ಕಾಹೆ ಜಿವ್ಣು ದೇವ್ಣುಕರಿ ಐರ‍್ಹೋಸ್ ಯೊ ಜಾ಼ಖ್ಹತ್ ಭರ್‌ಪೂರ್‌ ಜಿವ್ಣು ದೇವ್ಣುಕರಿ ಆಯೊ.\fig ಕೋಠಾಮ ಇನ ಮೇಂಢವ್‌ನಿ ಜೋ಼ಡ್ಮ ಕುರುಬ|alt="Shepherd with his sheep in sheepfold" src="lb00014c.tif" size="span" copy="Horace Knowles ©" ref="10:7"\fig*
\p
\v 11 ಮೇಸ್ ಅಛ್ಛೊ಼ ಕುರುಬ; ಅಛ್ಛೊ಼ ಕುರುಬ ಇನ ಮೇಂಢ ಖ್ಹಾರಾನಖ್ಹಾಜೆ ಇನು ಜಾನ್ನಾಸ್ ದೇಸ್. 
\v 12 ಕತೋಬಿ ಕೂಲಿಆಳ್‌ ಬೋಲಾಸ್ತೆ ಚ಼ರಾವವಾಳೊಬಿ ಕಾಹೆ, ಮೇಂಢ ಖ್ಹಾರಾನ ಯಜಮಾನ್‌ಬಿ ಕಾಹೆ, ಮೇಂಢು ಶೊಂತ್‍ಬಿ ಕಾಹೆ ಇನಖ್ಹಾಜೆ ಜ಼ರಕ್‌ ಆವಾನು ದೇಕ್ತಾಸ್‌ನ, ಮೇಂಢ ಖ್ಹಾರಾನ ಮ್ಹೇಲಿನ್, ಮಿಲೈ ಚ಼ಲ್ಯೊಜಾ಼ಸ್‌. ತದೆ ಜ಼ರಕ್‌ ಮೇಂಢಪರ್ ಪಡೀನ್, ಝೂ಼ಂಡ್‌ನ ಛಿದ್‍ರೈನಾಖಸ್. 
\v 13 ಯೋ ಕೂಲಿಆಳ್‌ ಮಿಲೈನ್‌, ಚ಼ಲ್ಯುಜಾ಼ಸ್‌ ಶನಕತೊ ಯೋ ಖಲಿಏಕ್‌ ಕೂಲಿ ಆಳ್‌ ಹುಯಿರ‍್ಹೊಸ್, ಇನಖ್ಹಾಜೇಸ್ ಮೇಂಢ ಖ್ಹಾರಾನಿ ಬಾರೇಮ ಇನ ಫಿಕರ್ ಕೋ ರ‍್ಹೇಯ್ನಿ. 
\v 14-15 ಮೇಸ್ ಅಛ್ಛೊ಼ಕುರುಬ ಹುಯಿರೊಸ್; ಬಾನೆ ಮನ ಅಜು಼ ಮೇ ಬಾನ ಮಾಲುಮ್‌ ಕರಿರಾಖ್ಯೊತೆ ಇಮ್ಮಸ್, ಮೇ ಮಾರ ಮೇಂಢಾವ್ನ ಮಾಲುಮ್ ಕರಿರಾಖ್ಯೋಸ್. ಅಜು಼ ಯೊ ಮೇಂಢಾವ್ನೆ ಮನ ಮಾಲುಮ್ ಕರಿರಾಖ್ಯುಸ್. ಅಜು಼ ಮೇ ಮಾರ ಮೇಂಢಾವ್ನಖ್ಹಾಜೆ ಜಾನ್‌ ದ್ಯವಾನ ತಯಾರ್ ಹುಯಿರಿಶ್. 
\v 16 ಅತ್ರೇಸ್ ಕಾಹೆತೆ, ಆ ಮಂಧಾಮ ಮಳ್ಯುಕೊಂತೆ ಬಿಜು಼ ಖ್ಹಾರು ಮೇಂಢಾಬಿ ಮನ ಛಾ಼, ಇನಾಬಿ ಮೇ ಲೀನಸ್ ಆವ್ಣು, ಇವ್ಣೆ ಮಾರಿ ಅವಾಜ಼್‌ನ ಖ್ಹಮ್‌ಜಾ಼ಸ್‌; ತದೆ ಎಕ್ಕಸ್ ಝೂ಼ಂಡ್‌ ಉಶೆ ಅಜು಼ ಎಕ್ಕಸ್ ಜ಼ಣೊ ಕುರುಬ ರ‍್ಹಿಶೆ.
\p
\v 17 “ಮಾರೊ ಬಾ ಮನ ಪ್ಯಾರ್ ಕರಾಸ್ ಶನಕತೊ ಮೇ ಮಾರ ಜಾನ್ನ ಪಾಛು಼ ಮಳ್‌ಶೆ ಕರಿ ಇನ ದೆವುಸ್. 
\v 18 ಮಾರ ಜಾನ್ನ ಕೋಣ್‌ಬಿ ಮಾರೇಥಿ ಕಾಡಾನ ಕೋ ಹುವಾನಿ. ಮೇ ಮಾರಿ ಖ್ಹುದ್‌ನಿ ಮರ್ಜಿಥಿ ಮಾರ ಜಾನ್ನ ದೆವುಸ್‌ ಮಾರ ಜಾನ್ನ ದ್ಯವಾನ ಅಜು಼ ಪಾಛು಼ ಇನ ಲೀಲ್ಯಾವನ ಮನ ಹಕ್‌ ಛಾ಼. ಆ ಹುಕುಮ್‌ ಮನ ಮಾರ ಬಾಥಿ ಮಳಿರ‍್ಹೀಸ್‌” ಕರಿ ಬೋಲ್ಯೊ.
\p
\v 19 ಯೇಸುನಿ ಆ ವಾತೇಥಿ ಯೆಹೂದ್ಯರ್‌ಮ ಬಿಜು಼ ಪಾಛು಼ ಭಾಗ್‌ ಪಡಿಗಯು. 
\v 20 ಇವ್ಣಾಮ ಘಣು ಜ಼ಣು, “ಅನಾಮ ಭೂತ್‌ ಛಾ಼, ಅನ ದಿವಾನು ಲಾಗಿರ‍್ಹೂಸ್, ತುಮೆ ಶನ ಇನಿ ವಾತೇನ ಖ್ಹಮ್‌ಜೋ಼ಸ್ತೆ?” ಕರಿ ಬೋಲ್ಯು.
\p
\v 21 ಬಿಜು಼ ಥೋಡು ಜ಼ಣು, “ಭೂತ್‌ ಧರಿರಾಖ್ಯುತೆ ಅದ್ಮಿ ಅಮ್ನಿ ವಾತೆ ಕೋ ಬೋಲಾನಿ! ಕಿಮ್ ಭೂತ್‌ ಕಾಣಾನ ಡೋಳಾ ದೆಖಾವಾನಿ ಘೋಣಿ ಕರ್‌ಶೇಕಿ ಶು?” ಕರಿ ಬೋಲ್ಯು.
\s ಯೆಹೂದ್ಯವಾಳು ಯೇಸುನ ಝಿಟ್ಕಾರ‍್ಯುತೆ
\p
\v 22 ತದೆ ಯೆರೂಸಲೇಮ್ಮ ಮಂದಿರ್‌ನು ಉಜಾ಼ಖ್ಹ್‌ನಿ ಪೂಜಾ಼ ಚಾ಼ಲುಕರ್ತುಥು, ತದೆ ಠಣ್ಣಾ ದನ್ ಹುಯಿರ‍್ಹಾಥ. 
\v 23 ಯೇಸು ಮಂದಿರ್‌ನ ಮಹಿ ಸೊಲೊಮೋನ್ನು ಮಂಡಪ್‌ಕನ ಚಾ಼ಲ್ಯೊಫಂಡ್‌ತೋಥೊ. 
\v 24 ತದೆ ಯೆಹೂದ್ಯವಾಳು ಇನ ಅಶ್‌ಪಿಶ್ ಐನ್, ಭರಾಯು ಅಜು಼, “ಬಿಜು಼ ಕೆತ್ರ ದನ್ ಹಮಾರೆಥಿ ಖ್ಹಾಚ಼ನ ಮುಶ್ಕಿಲ್‌ಮ ರಾಖಿರಾಖಸ್? ತೂ ಕ್ರಿಸ್ತ ಉಶೇತೊ, ಹಮೂನ ನೇರ್‌ವಳಿಥಿ ಬೋಲ್” ಕರಿ ಬೋಲ್ಯು.
\p
\v 25 ಯೇಸುನೆ, “ಮೇ ಅಗಾಡಿಸ್ ತುಮೂನ ಬೋಲ್ಯೊ, ಕತೋಬಿ ತುಮೆ ಮನ ವಿಶ್ವಾಸ್‌ ಕೋ ಕರ‍್ಯಾನಿ, ಮಾರ ಬಾನ ನಾಮ್‌ಪರ್‌ ಮೇ ಕರುಸ್ತೆ ಅದ್ಭುತ್ ಕಾಮಸ್ ಮನ ಸಾಕ್ಷಿ ಹುಯಿರ‍್ಹುಸ್‍. 
\v 26 ಕತೋಬಿ ಮನ ವಿಶ್ವಾಸ್‌ಕರಾಕೊಂತೆ ಇನಖ್ಹಾಜೆ, ತುಮೆ ಮಾರ ಮೇಂಢ ಕೋ ಹುಯಿರಾನಿ 
\v 27 ಮಾರ ಮೇಂಢ ಮಾರಿ ಅವಾಜ಼್‌ನ ಖ್ಹಮ್‌ಜಾ಼ಸ್‌; ಮನ ಇವ್ಣೆ ಮಾಲುಮ್‌ ಅಜು಼ ಇವ್ಣೆ ಮಾರ ಪೀಠೆ ಆವಸ್. 
\v 28 ಮಾರ ಮೇಂಢಖ್ಹಾರಾನ ಮೇ ಹರ್‌ಹಮೇಶಾನಿ ಜಿ಼ಂದ್‌ಗಿ ದೀಶ್, ಅಜು಼ ಇವ್ಣೆ ಕದೇಬಿ ಮರ್‌ಶೆ ಕೊಯ್ನಿ. ಕೋಣ್‌ಬಿ ಇವ್ಣುನ ಮಾರ ಹಾತ್‌ಮಾಥು ಛಿನಾವಾನ ಕೋ ಉಶೇನಿ. 
\v 29 ಆ ಅಖ್ಖಾನ ಮನ ದಿದೋತೆ ಮಾರ ಬಾ ಖ್ಹಾರೇಥಿ ಮೋಟೊ, ಅಜು಼ ಬಾನ ಹಾತ್‌ಮಾಥು ಕೋಣ್‌ಬಿ ಇವ್ಣುನ ಛಿನಾವಾನ ಕೋ ಹುವಾನಿ. 
\v 30 ಬಾಬಿ, ಮೇ ಎಕ್ಕಸ್ ಹುಯಿರ‍್ಹಾಸ್‌” ಕರಿ ಬೋಲ್ಯೊ.
\p
\v 31 ಪಾಛು಼ ಯೆಹೂದ್ಯರ್ ಯೇಸುನ ಮಾರ‍್ನು ಕರಿ ಬಂಡಾ ಚೂ಼ಣಿಲಿದು. 
\v 32 ತದೆ ಯೇಸುನೆ ಇವ್ಣುನ, “ಬಾನೆ ದಿದೋತೆ ಕೈಯೆಕ್ಕಿ ಅಛ್ಛು಼ ಕಾಮ್ನ ಮೇ ತುಮಾರ ಖ್ಹಾಮ್ಣೆ ಕರಿವತಾಳ್ಯೊ; ಯೋ ಖ್ಹಾರು ಕಾಮ್ಮಾಥು ಕೆಹು ಕಾಮ್ನಟೇಕೆ ಮಾರಪರ್ ತುಮೆ ಬಂಡಾ ಫೇಕ್‌ಣು ಕರಿ ಛಾ಼?” ಕರಿ ಪುಛಾ಼ಯೊ.
\p
\v 33 ಯೆಹೂದ್ಯರ್‌ನೆ, “ಹಮೆ ತಾರಪರ್ ಬಂಡಾ ಫೇಕಾನ ಆಯಾತೆ ಅಛ಼್ಛ ಕಾಮ್ನಕರಿ ಕಾಹೆ, ತುನೆ ದೇವ್ನ ಛಿಂಗಾಯೋತೆ ಇನಖ್ಹಾಜೆ, ತೂ ಖಲಿ ಏಕ್‌ ಅದ್ಮಿ ಹುಯಿರ‍್ಹೋಸ್, ಅಜು಼ ತಾರು ತೂಸ್ ದೇವ್ ಕರಿಲ್ಯವಾನ ದೇಖಾಸ್ತೆ ಇನಖ್ಹಾಜೇಸ್ ಬಂಡಾ ಫೇಕಾನ ಆಯಾತೆ!” ಕರಿ ಜವಾಬ್‌ ದಿದು.\f + \fr 10:33 \fr*\ft ಯಾಜಕ ಕಾಂಡ 24:16\ft*\f* 
\v 34 ತದೆ ಯೇಸುನೆ, “ತುಮೆ ದೇವ್‌ಖ್ಹಾರು ಹುಯಿರ‍್ಹಾಸ್‌’ ಕರಿ ದೇವ್ನೆ ಬೋಲ್ಯೊತೆ ತುಮಾರಿ ಧರ್ಮಶಾಸ್ತ್ರಮ ಲೀಖೈರ‍್ಹುಸ್ ಕೊಯ್ನಿಕಿಶು?”\f + \fr 10:34 \fr*\ft ಕೀರ್ತನೆ 82:6\ft*\f* ಕರಿ ಜವಾಬ್‌ ದಿದೊ. 
\v 35 ಧರ್ಮಶಾಸ್ತ್ರ ಕದೇಬಿ ಝೂ಼ಟಿ ಕೋ ಹುವಾನಿ; ದೇವ್ನಿವಚನ್ನ ಲೀರಾಖವಾಳನ ದೇವ್‌ಖ್ಹಾರುಕರಿ ಯೋ ಬೋಲಾನು ರ‍್ಹಯುತೊ 
\v 36 ಬಾನೇಸ್ ಇನು ಶೊಂತ್‍ಛಿಯ್ಯೊನ ಚೂ಼ಣಿಲೀನ್, ಜಗತ್‌ಮ ಬೋಲಿ ಮೋಕ್‌ಲೈರ‍್ಹೋತೆ ಇನ ತುಮೆ ‘ಮೇ ದೇವ್‌ನೊ ಛಿಯ್ಯೊ ಹುಯಿರ‍್ಹೋಸ್ ಕರಿ ಬೋಲ್ತಾನ, ‘ತೂ ದೇವ್ನಿ ದೂಷಣೆ ಕರಾಸ್’ ಕರಿ ಬೋಲಸ್ತೆ ಶನ? 
\v 37 ಮೇ ಮಾರೊ ಬಾ ಬೋಲಾತೆ ಕಾಮ್ನ ನಾ ಕರ‍್ಯೊ ಉಶೇತೊ, ಮಾರಿ ವಾತೇನ ನಕೊ ನಂಬೊ. 
\v 38 ಕತೋಬಿ “ಮೇ ಅಮ್ ಕರ‍್ಯೊತೆ ಇನಖ್ಹಾಜೆ ಮನ ತುಮೆ ವಿಶ್ವಾಸ್‌ ಕೊ ಕರಾನಿ, ಆ ಕಾಮ್ನ ದೇಖಿನ್‌ ತೋಬಿ ನಂಬೊ. ತದೆ ಮಾರ ಮಹಿ ಬಾ ಛಾ಼ ಕರೀಬಿ, ಅಜು಼ ಬಾನ ಮಹಿ ಮೇ ಛೂ಼ ಕರೀಬಿ ತುಮೆ ಮಾಲುಮ್‌ ಕರಿಲಿಶು” ಕರಿ ಬೋಲ್ಯೊ.
\p
\v 39 ಇವ್ಣೆ ಬಿಜು಼ ಪಾಛು಼ ಯೇಸುನ ಧರ್‌ನು ಕರಿ ಕರ‍್ಯು, ಕತೋಬಿ ಯೋ ಇವ್ಣೇಥಿ ಛು಼ಕಿನ್ ನಿಕ್ಳಿಗಯೊ.
\p
\v 40 ಅನ ಬಾದ್‌ಮ ಯೇಸು ಯೊರ್ದನ್‌ ನದ್ದಿನು ಪಾರ್ಲಿ ಬಾಜೂ಼ಮ ಯೋಹಾನ ಅಗಾಡಿ ಬ್ಯಾಪ್ತಿಸ್ಮ ದೆವಾಡು ಕರ್ತೊಥೋತೆ, ಯೋ ಝ಼ಗೋಕನ ಪಾಛು಼ ಜೈ಼ನ್‌, ಹಿಜ್ಜಾ಼ಸ್ ಥೊ.\f + \fr 10:40 \fr*\ft ಯೋಹಾನ 1:28\ft*\f* 
\v 41 ಕೈಯೆಕ್ಕಿ ಅದ್ಮಿಖ್ಹಾರು ಇನಾಕನ ಐನ್, “ಯೋಹಾನನೆ ಕದೇಬಿ ಏಕ್‌ ಖ್ಹಣೇದ್‌ಬಿ ಕರ‍್ಯೊಕೊಯ್ನಿ, ಕತೋಬಿ ಆ ಅದ್ಮಿನಿ ಬಾರೇಮ ಯೋಹಾನನೆ ಬೋಲ್ಯೋತೆ ಹರೇಕ್ ವಾತೇಬಿ ಖ್ಹಾಚಿಸ್” ಕರಿ ವಾತೆ ಬೋಲ್ಯು. 
\v 42 ಅಜು಼ ಯೊ ಝ಼ಗೊ ಕೈಯೆಕ್ಕಿ ಅದ್ಮಿ ಯೇಸುಪರ್ ವಿಶ್ವಾಸ್‌ ಕರ‍್ಯು.
\c 11
\s ಲಾಜ಼ರ್‌ನಿ ಮರಣ್
\p
\v 1 ಬೇಥಾನ್ಯಮ ಲಾಜ಼ರ್‌ ಕರಿ ಏಕ್‌ ಜ಼ಣೊ ಥೊ, ಇನ ಜಾನ್ನ ಅಛ್ಛು಼ ಕೋ ಥೂನಿ. ಮರಿಯ ಅಜು಼ ಇನಿ ಭೇನ್ ಮಾರ್ಥ ಆಸ್ ಗಾಮ್ಮ ರ‍್ಹೇತಿಥಿ. 
\v 2 ಆ ಮರಿಯ ಕೋಣ್‌ಕತೊ, ಯೇಸು ಪ್ರಭು ಗೋಡಾನ ವಾನುತೇಲ್‌ನ ಲಗಾಡಿನ್, ಇನ ಕೇಖ್ಹ್‌ಥಿ ಗೋಡ ನೂಛಿತೆ ಆಸ್. ಜಾನ್ನ ಅಛ್ಛು಼ ಕೋಹುವಾಂತೆ ಲಾಜ಼ರ್‌ ಅನೋಸ್ ಭೈ.\f + \fr 11:2 \fr*\ft ಯೋಹಾನ 12:3 \ft*\f* 
\v 3 ಇನಖ್ಹಾಜೆ, ಇನಿ ಭೇನೇನೆ, “ಪ್ರಭು, ತಾರೊ ಪ್ಯಾರ್‌ನೊ ದೋಸ್ತಿನ ಜಾನ್ನ ಅಛ್ಛು಼ ಕೊಯ್ನಿ” ಕರಿ ಬೋಲಾನಿ ಖಬರ್‌ನ ಯೇಸುಕನ ಮೋಕ್ಲಿಯೆ಼.
\p
\v 4 ಯೇಸುನೆ ಅನ ಖ್ಹಮ್‌ಜಿನ್‌ ಬೋಲ್ಯೊ, “ಲಾಜ಼ರ್‌ನ ರೋಗ್‌ ಐರ‍್ಹೂಸ್ತೆ ಮರಣ್ಣಖ್ಹಾಜೆ ಕಾಹೆ, ಅನೇಥಿ ದೇವ್ನ ಅಜು಼ ದೇವ್‌ನೊ ಛಿಯ್ಯಾನ ಮಹಿಮೆ ಮಳಾದೆ ಕರಿ ಆ ಐರ‍್ಹೂಸ್ತೆ” ಕರಿ ಬೋಲ್ಯೊ.
\p
\v 5 ಯೇಸುನ ಮಾರ್ಥಪರ್, ಇನಿ ಭೇನ್‌ಪರ್ ಅಜು಼ ಲಾಜ಼ರ್‌ಪರ್ ಪ್ಯಾರ್ ಥೂ.\f + \fr 11:5 \fr*\ft ಆ ದೇವ್ನಿ ಪ್ಯಾರ್ ಬಾರೇಮ ಬೋಲುಕರಾಸ್ತೆ. ಅನ ಅಗಾಪೆ ಪ್ಯಾರ್ ಕರಿ ಬೋಲಾಸ್.\ft*\f* 
\v 6 ತೋಬಿ ಲಾಜ಼ರ್‌ನ ಜಾನ್ನ ಅಛ್ಛು಼ ಕೊಯ್ನಿ ಕರಿ ಖಬರ್‌ನ ಖ್ಹಮ್‌ಜಿನ್‌ಬಿ, ಯೋ ಥೋತೆ ಹಿಜ್ಜಾ಼ಸ್ ಬಿಜೂ಼ಬಿ ಬೇ ದನ್ ರ‍್ಹಿಯೊ. 
\v 7 ಅನ ಬಾದ್‌ಮ ಯೇಸುನೆ ಇನ ಶಿಷ್ಯರ್‌ನ, “ಅಪ್ಣೆ ಯೂದಾಯಾನ ಪಾಛು಼ ಫರಿ ಜ಼ಯ್ಯೆ಼” ಕರಿ ಬೋಲ್ಯೊ.
\p
\v 8 ತದೆ ಶಿಷ್ಯರ್‌ನೆ, “ಗುರು, ಥೋಡ ದನ್ನ ಅಗಾಡಿಸ್ ಯೆಹೂದ್ಯರ್ ತುನ ಬಂಡಾ ಫೇಕಿನ್‌ ಮಾರ‍್ನು ಕರಿ ಆಯುಥು. ಹಮ್ಕೆ ತೂ ಪಾಛು಼ ಹಿಜ್ಜಾ಼ ಜಾ಼ಸ್ಕಿ ಶು?” ಕರಿ ಬೋಲ್ಯ.
\p
\v 9 ಯೇಸುನೆ, “ದನ್ನು ಭಾರ ಘಂಟಾ ಛಾ಼, ಕಾಹೆಕಿ ಶು? ದನ್ನಿ ವಖ್ಹತ್‌ಮ ಚಾ಼ಲವಾಳು ಠೋಕರ್‌ಖೈನ್‌ ರಡ್ಕಕೊಯ್ನಿ, ಶನಕತೊ ಆ ಜಗತ್‌ನು ಉಜಾ಼ಳು ಇವ್ಣುನ ದೆಖಾವಸ್. 
\v 10 ಕತೋಬಿ ರಾತ್ನಿ ವಖ್ಹತ್‌ಮ ಚಾ಼ಲವಾಳು ಠೋಕರ್‌ ಖಾಸ್‌, ಶನಕತೊ ತದೆ ಕೆಹು ಉಜಾ಼ಳುಬಿ ಕೋ ರ‍್ಹೇಯ್ನಿತೆ ಇನಖ್ಹಾಜೆ” ಕರಿ ಬೋಲ್ಯೊ. 
\v 11 ಯೇಸುನೆ ಆ ವಾತೇನ ಬೋಲಿನ್, “ಅಪ್ಣೊ ದೋಸ್ತಿ ಲಾಜ಼ರ್‌ ಖ್ಹುತೋಸ್‌, ಇನ ಉಠಾಡಾನಟೇಕೆ ಮೇ ಹಿಜ್ಜಾ಼ ವಳ್ಯೊಜ಼ವುಸ್‌” ಕರಿ ಇವ್ಣುನ ಬೋಲ್ಯೊ.
\p
\v 12 ಶಿಷ್ಯರ್‌ನೆ, “ಪ್ರಭು, ಯೋ ಖ್ಹುತೊ ಉಶೇತೊ, ಇನ ಅಛ್ಛು಼ ಉಶೆ” ಕರಿ ಜ಼ವಾಬ್ ದಿದು.
\p
\v 13 ಯೇಸುನೆ ಲಾಜ಼ರ್‌ ಮರಿಗಯೋತೆ ಬಾರೇಮ ಬೋಲ್ಯೋತೆ, ಕತೋಬಿ ಶಿಷ್ಯರ್‌ನೆ ಲಾಜ಼ರ್‌ ಖ್ಹುಯಿನ್ ಅರಾಮ್‌ ಕರುಕರಸ್ ಕರಿ ಇನೆ ಬೋಲ್ಯೋತೆ ವಾತೆನಿ ಮತ್‌ಲಬ್ ಕರಿ ಸೋಚ್ಯು. 
\v 14 ಇನಖ್ಹಾಜೆ ಯೇಸುನೆ ನೇರ್‌ವಳಿಥಿ ಇವ್ಣುನ, “ಲಾಜ಼ರ್‌ ಮರಿಗಯೊ” ಕರಿ. 
\v 15 ಮೇ ಹಿಜ್ಜಾ಼ ಕೋ ಥೋನಿತೆ ಇನಖ್ಹಾಜೆ, ತುಮಾರಿ ಬಾರೇಮ ಮೇ ಖ್ಹುಶಿ ಕರುಸ್, ಶನಕತೊ ಅನೇಥಿ ತುಮೆ ಮಾರಪರ್ ವಿಶ್ವಾಸ್‌ ಕರ್ಶು. ಆವೊ ಇನಾಕನ ಜ಼ಯ್ಯೆ಼” ಕರಿ ಬೋಲ್ಯೊ.
\p
\v 16 ತದೆ ದಿದುಮ ಕರಿ ನಾಮ್ನೊ ತೋಮನೆ ಇನ ಜೋ಼ಡ್ನ ಖ್ಹಾರ ಶಿಷ್ಯರ್‌ನ, “ಅಪ್ಣೇಬಿ ಪ್ರಭುನ ಕೇಡೆಸ್ ಜೈ಼ನ್‌, ಮರ‍್ವನಿತರ ಹುಯ್ಯೆ಼” ಕರಿ ಬೋಲ್ಯೊ.
\s ಯೇಸು ಪಾಛೊ಼ ಜಿವ್ಯೊತೆ ಅಜು಼ ಇನು ಜಿವ್ಣು
\p
\v 17 ಯೇಸು ಬೇಥಾನ್ಯಮ ಆವಾದಿನ್, ಲಾಜ಼ರ್‌ನ ಮಖ್ಹಾಣ್ಯನಿ ಘವಿಮ ಮ್ಹೇಲಿನ್ ಚಾರ್ ದನ್ ಹುಯಿಗಾ ಕರಿ ಇನ ಮಾಲುಮ್‌ ಪಡ್ಯು. 
\v 18 ಬೇಥಾನ್ಯ ಯೆರೂಸಲೇಮ್‌ಥು ಖ್ಹುಮಾರ್ ಬೇ ಮೈಲ್‍ಥಿ ಕಮ್ಮಸ್ ದೂರ್ ಥೂ. 
\v 19 ಇನಖ್ಹಾಜೆ ಇವ್ಣೊ ಭೈ ಮರಿಗಯೋತೆ ಬಾರೇಮ ಭಾಲಿ ದ್ಯವಾನ.ಯೆಹೂದ್ಯರ್‌ಮ ಘಣು ಜ಼ಣು ಮಾರ್ಥ ಅಜು಼ ಮರಿಯಕನ ಐರ‍್ಹುಥು.
\p
\v 20 ಯೇಸು ವಳ್ಯಾವಸ್ ಕರಿ ಮಾರ್ಥನೆ ಖ್ಹಮ್‌ಜಿನ್‌, ಇನ ಮಳಾನಖ್ಹಾಜೆ ಗೈ, ಕತೋಬಿ ಮರಿಯ ಘರ್‌ಮಾಸ್ ಥೀ. 
\v 21 ಮಾರ್ಥನೆ ಯೇಸುನ, “ಪ್ರಭು, ತೂ ಹಜ಼್ಜ ರ‍್ಹಯೊಹೋತ್ತೊ, ಮಾರೊ ಭೈ ಮರ‍್ಯೊಹೋತ್‌ ಕೊಯ್ನಿ. 
\v 22 ಕತೋಬಿ ಹಮ್ಕೇಬಿ, ತೂ ದೇವ್‌ಕನ ಶಾತ್‌ ಮಾಂಗ್ಯೊತೋಬಿ, ದೇವ್ ತುನ ದಿಶೆ ಕರಿ ಮನ ಮಾಲುಮ್‌” ಕರಿ ಬೋಲಿ.
\p
\v 23 ಯೇಸುನೆ ಇನ, “ತಾರೊ ಭೈ ಜಿವ್ತೊಹುಯಿನ್ ಉಠಿಆವ್‌ಶೆ” ಕರಿ ಬೋಲ್ಯೊ.
\p
\v 24 ತದೆ ಮಾರ್ಥನೆ, “ಅಂತಿಮ್‌ ದನ್ಮ ಯೋ ಪಾಛು಼ಜಿವ್ತೊಹುಯಿನ್ ಉಠಿ ಆವ್‍ಶೆಕರಿ ಮನ ಮಾಲುಮ್‌” ಕರಿ ಫರೈನ್ ಬೋಲಿ.
\p
\v 25 ಯೇಸುನೆ ಇನ, “ಮೇಸ್ ಪಾಛು಼ಜಿವ್ತೊ ಹುಯಿರ‍್ಹವಾಳೋಬಿ, ಜಾನ್‌ಬಿ ಹುಯಿರ‍್ಹೋಸ್. ಮನ ನಂಬವಾಳೊ ಮರಿಗಯೊತೋಬಿ ಜಿವ್‌ಶೆ; 
\v 26 ಅಜು಼ ಬಚಿರ‍್ಹವಾಳೊ ಹರೇಕ್‌ಜ಼ಣೊ , ಮನ ನಂಬ್ಯೊತೊ ಯೊ ಕದೇಬಿ ಮರ್‌ಶೆಕೊಯ್ನಿ” ಕರಿ ಬೋಲ್ಯೊ.
\p
\v 27 ತದೆ ಇನೆ, “ಓಹೋಲಾ, ಪ್ರಭು! ಆ ಜಗತ್ನ ಆವ್ಣುತೆ ದೇವ್‌ನೊ ಛಿಯ್ಯೊ ಹುಯಿರ‍್ಹೋತೆ ಕ್ರಿಸ್ತ ತೂಸ್ ಕರಿ ಮೇ ನಂಬಿರಾಖಿಸ್‌” ಕರಿ ಬೋಲಿ.
\s ಯೇಸು ರೋಯೊತೆ
\p
\v 28 ಆ ಬೋಲಾನ ಬಾದ್‌ಮ ಮಾರ್ಥನೆ ಜೈ಼ನ್‌, ಇನಿ ಭೇನ್ ಮರಿಯನ ಕಿನಾಬಿ ಮಾಲುಮ್‌ಕೊಂತೆ ಇಮ್‌, “ಗುರು ಹಜ್ಜಾ಼ ಛಾ಼, ತುನ ಬುಲಾವ್ ಕರಾಸ್” ಕರಿ ಬೋಲಿ. 
\v 29 ಅನ ಖ್ಹಮಜ಼್‌ತಾಸ್‌ನ ಮರಿಯ ಫಟ್‌ಕರಿ ಉಠೀನ್, ಒಗ್ಗಿಸ್‌ಮ ಯೇಸುಕನ ಚ಼ಲಿಗೈ. 
\v 30 ಯೇಸು ಬಿಜೂ಼ಬಿ ಗಾಮ್‌ನ ಮಹಿ ಕೋ ಆಯೊಥೋನಿ, ಮಾರ್ಥನೆ ಇನ ಮಳಿತೆ ಝ಼ಗೋಕನಾಸ್‌ ಥೊ. 
\v 31 ಮರಿಯನ ಜೋ಼ಡೆ ಘರ್‌ಮ ರ‍್ಹೀನ್, ಇನ ಭಾಲಿ ದೆವ್‌ಕರ್‌ತುಥೂತೆ ಯೆಹೂದ್ಯರ್, ಯೋ ಫಟ್‌ ಕರಿ ಉಠೀನ್ ಭಾರ್ ವಳಿಜಾ಼ಯಿತೆ ದೇಖಿನ್‌, ಆ ರೊವಾನಖ್ಹಾಜೆ ಘವಿಕನ ವಳಿಜಾ಼ಸ್ಕಿ ಶುಕಿ? ಕರಿ ಸೋಚಿನ್, ಇನ ಪೀಠೆ ಗಯು.
\p
\v 32 ಮರಿಯ ಯೇಸು ಥೋತೆ ಹಿಜ್ಜಾ಼ ಐನ್, ಇನ ದೇಕ್ತಾಸ್‌ನ, ಇನ ಗೋಡಾಪರ್ ಪಡೀನ್ “ಪ್ರಭು, ತೂ ಹಜ್ಜಾ಼ ರ‍್ಹಯೊಹೋತ್ತೊ ಮಾರೊ ಭೈ ಮರ‍್ಯೊಹೋತ್‌ ಕೊಯ್ನಿ” ಕರಿ ಬೋಲಿ.
\p
\v 33 ಮರಿಯಬಿ ಇನಜೋ಼ಡೆ ಆಯುಥೂತೆ ಯೆಹೂದ್ಯರ್‌ಖ್ಹಾರು ರೊವ್‌ಕರಾತೆ ಯೇಸುನೆ ದೇಖಿನ್‌, ಇನ ಆತ್ಮಮ ಪಶ್‍ತೈನ್ ಘಣು ದುಖ್‌ಹುಯು. 
\v 34 ಯೇಸುನೆ, “ತುಮೆ ಇನ ಕಿಜ್ಗಾ಼ ಮ್ಹೇಲಿರಾಖ್ಯಸ್?” ಕರಿ ಪುಛಾ಼ಯೊ. ತದೆ ಇವ್ಣೆ, “ಐನ್, ದೇಕ್‌ಲಾ ಪ್ರಭು” ಕರಿ ಬೋಲ್ಯು.
\p
\v 35 ಯೇಸು ರೋಯೊ. 
\v 36 ಇನ ಯೆಹೂದ್ಯರ್‌ನೆ, “ದೇಖೊ! ಆ ಇನಾಪರ್‌ ಕೆತ್ರೆ ಪ್ಯಾರ್ ರಾಖಿರಾಖ್ಯೋಸ್”! ಕರಿ ಬೋಲ್ಯು.
\p
\v 37 ಕತೋಬಿ ಇವ್ಣಾಮ ಥೋಡು ಜ಼ಣು, “ಅನೆ ಯೋ ಕಾಣಾನ ದೆಖಾವಾನಿ ಘೋಣಿ ಕರ‍್ಯೋನಿ? ಲಾಜ಼ರ್‌ನಾಬಿ ಮರಣ್‌ಥು ಬಚಾ಼ಡೇಜಾ಼ಯ್‍ಥೂನಿ?” ಕರಿ ಬೋಲ್ಯು.
\s ಲಾಜ಼ರ್‌ನ ಪಾಛು಼ ಜಾನ್‌ ಆಯೂತೆ
\p
\v 38 ಯೇಸು ಪಾಛೊ಼ ಇನ ದಿಲ್ಮ ಘಣು ದುಖ್ ಕರ್ತೊಹುಯಿನ್, ಮಖ್ಹಾಣ್ಯನಿ ಘವಿಕನ ಗಯೊ, ಯೋ ಘವಿನ ಬಂಡಾನಿ ಚಿಪಾಟ್‌ಥಿ ಮೂಚಿರಾಖ್ಯುಥು. 
\v 39 “ಯೋ ಬಂಡಾನ ಕಾಡೊ” ಕರಿ ಯೇಸುನೆ ಹುಕುಮ್‌ ದಿದೊ.
\p ಮರ‍್ಯಾಹುಯಾನಿ ಭೇನ್ ಮಾರ್ಥನೆ, “ಪ್ರಭು, ಯೋ ಮರಿನ್‌ ಚಾರ್ ದನ್ ಹುಯಿಗಾ! ಹಿಜ್ಜಾ಼ ಘಣಿ ವಾಖ್ಹ್‌ ಉಶೆ” ಕರಿ ಬೋಲಿ.
\p
\v 40 ಯೇಸುನೆ ಇನ, “ಮೇ ತುನ ಬೋಲ್ಯೊ ಕೊಯ್ನಿಕಿಶು ತೂ ನಂಬಿತೊ, ದೇವ್ನಿ ಮಹಿಮೆನ ದೇಖಿಶ್‌” ಕರಿಬೋಲ್ಯೊ. 
\v 41 ಇವ್ಣೆ ಬಂಡಾನ ಕಾಡಿನಾಖ್ಯು. ತದೆ ಯೇಸುನೆ ಡೋಳಾ ಪಾಡೀನ್, ಉಪ್ಪರ್ ದೇಖಿನ್‌, “ಬಾ, ತೂ ಮಾರಿ ಪ್ರಾರ್ಥನೇನ ಖ್ಹಮ್‌ಜ್ಯೂತೆ ಇನಖ್ಹಾಜೆ ತುನ ಧನ್ಯವಾದ್. 
\v 42 ತೂ ಕದೇಬಿ ಮಾರಿ ಪ್ರಾರ್ಥನೆ ಖ್ಹಮ್‌ಜಾ಼ಸ್‌ ಕರಿ ಮನ ಮಾಲುಮ್‌, ತೋಬಿ ತುನೇಸ್ ಮನ ಬೋಲಿಮೋಕ್‌ಲ್ಯೊ ಕರಿ ಬೋಲಾನು, ಅಶ್‌ಪೀಶ್‌ ಭಿಯುತೆ ಅದ್ಮಿಖ್ಹಾರು ವಿಶ್ವಾಸ್‌ ಕರಾದೆ ಕರಿ, ಮೇ ಆ ವಾತೇನ ಬೋಲ್ಯೊ” ಕರಿ ಬೋಲ್ಯೊ. 
\v 43 ಆ ಬೋಲಾನ ಬಾದ್‌ಮ, ಯೇಸುನೆ ಜೋ಼ರೆಥಿ ಚಿಕ್ರಿನ್, “ಲಾಜ಼ರ್‌, ಭಾರ್‌ ಉಠೀನ್ ಆವ್!” ಕರಿ ಬೋಲ್ಯೊ. 
\v 44 ತದೆ ಮರಿಗಯೊಹುಯೊ ಉಠೀನ್ ಫಾದರ್ ಆಯೊ, ಇನ ಹಾತ್‌-ಗೋಡ, ಮ್ಹೋಡು ಮರ‍್ಯಮುರ್ದಾನ ಲುಂಗ್ಡಾಥಿ ಲಪೆಟೈರ‍್ಹೂಥು. ಯೇಸುನೆ ಇವ್ಣುನ, “ಇನ ಛೋ಼ಡೊ, ಯೋ ಜಾ಼ವಾದೆ” ಕರಿ ಬೋಲ್ಯೊ.
\s1 ಯೇಸುನಿ ವಿರೋದ್ ಮಶ್ಲತ್ ಭಂದಾಯುತೆ
\r (ಮತ್ತಾಯ 26:1-5; ಮಾರ್ಕ 14:1-2; ಲೂಕ 22:1-2)
\p
\v 45 ಮರಿಯನ ಮಳಾನ ಆಯುಥೂತೆ ಯೆಹೂದ್ಯರ್, ಯೇಸುನೆ ಕರ‍್ಯೊತೆ ಆ ಕಾಮ್ನ ದೇಖಿನ್‌, ಇವ್ಣಾಮ ಕೈಏಕ್ ಜ಼ಣು ಇನಾಪರ್‌ ವಿಶ್ವಾಸ್‌ ಕರ‍್ಯು. 
\v 46 ಕತೋಬಿ ಇವ್ಣಾಮ ಥೋಡಾನೆ ಫರಿಸಾಯರ್‌ಕನ ಜೈ಼ನ್‌, ಯೇಸುನೆ ಕರ‍್ಯೊತೆ ಇನಿ ಬಾರೇಮ ಇವ್ಣುನ ಬೋಲ್ಯು. 
\v 47 ತದೆ ಮಹಾಯಾಜಕರ್‌ ಅಜು಼ ಫರಿಸಾಯರ್‌ನೆ ಶಾಣಾವ್‍ನಿ ಸಭೆ ಎಕ್ಟು ಕರೀನ್, “ಆ ಅದ್ಮಿ ಘಣು ಅದ್ಭುತ್ ಕಾಮ್ ಕರಾಸ್ನಿ,ಅಪ್ಣೆ ಶಾತ್‌ ಕರಿಯೆ? 
\v 48 ಅಪ್ಣೆ ಅನ ಅಮ್ಮಸ್ ಮ್ಹೆಂದಿದಾತೊ, ಹರೇಕ್ ಅದ್ಮಿ ಅನ ನಂಬಿಜಾ಼ಶೆ. ತದೆ ರೋಮ್‌ವಾಳು ಐನ್, ಅಪ್ಣಿ ಮಂದಿರ್‌ನ ಅಜು಼ ಅಪ್ಣ ದೇಖ್ಹ್‌ನ ಬರ್ಬಾತ್ ಕರಿನಾಕ್‌ಶೆ!” ಕರಿ ಬೋಲ್ಯು.
\p
\v 49 ಇವ್ಣಾಮ ಕಾಯಫ ಕರಿ ಏಕ್‌ ಜ಼ಣೊ ಥೊ. ಯೋ ವರ್‌ಖ್ಹೆ ಯೋ ಮಹಾಯಾಜಕ್ ಹುಯಿರ‍್ಹೋಥೊ, ಇನೆ ಇವ್ಣುನ, “ತುಮುನ ಶಾತ್ಬಿ ಮಾಲುಮ್ ಕೊಯ್ನಿ! 
\v 50 ಹಿಡಿ ದೇಖ್ಹ್‌ ಬರ್ಬಾತ್ ಹುವಾಥೀಬಿ, ಏಕ್‌ ಅದ್ಮಿ ತಮಾಮ್‌ ಅದ್ಮಿನಖ್ಹಾಜೆ ಮರ್‌ವಾನುಸ್‌ ಅಛ್ಛು಼ ಕರಿ ತುಮೆ ಶನ ಮಾಲುಮ್‌ ಕರಿಲೆವ್‌ಕರಾಕೊಂತೆ” ಕರಿ ಬೋಲ್ಯೊ. 
\v 51 ಆ ವಾತೆ ಕಾಯಫಾನಿ ಶೊಂತ್ ಸೋಚ್ ಕೋ ಹುಯಿರ‍್ಹೀಥೀನಿ. ಯೋ ವರಖ್ಹ್‌ಮ ಯೋ ಗಲ್‌ಢೊಯಾಜಕ್‌ ಹುಯಿರ‍್ಹೊಥೋತೆ ಇನಖ್ಹಾಜೆ, ಯೇಸು ಯೆಹುದ್ಯರ್‌ ಅದ್ಮಿವೊನಖ್ಹಾಜೆ ಮರ್‌ಶೆ ಕರಿ ಪ್ರವಾದ್‌ನೆ ಬೋಲ್ಯೊತೆ. 
\v 52 ಖಲಿ ಯೆಹೂದ್ಯರ್‌ನಖ್ಹಾಜೆ ಕಾಹೆ, ಪಣ್ಕಿ ಛಿದ್‍ರೈಗಯುತೆ ದೇವ್‌ನು ಅದ್ಮಿಖ್ಹಾರಾನ ಎಕ್ಟು ಕರಾನಖ್ಹಾಜೆ ಯೇಸು ಮರವಾಳೊ ಥೊ.
\p
\v 53 ಯೋ ದನ್‌ಥು ಯೇಸುನ ಮಾರ‍್ನು ಕರಿ ಇವ್ಣೆ ಸೋಚಾಲಗ್ಯು,ಯೋ ಅಖ್ಖು ಪ್ರವಾದನೆ ಹುಯಿರ‍್ಹುಥು. 
\v 54 ಅನಖ್ಹಾಜೆ ಯೇಸು ಯೆಹೂದ್ಯರ್‌ನ ದೆಖಾನಿಘೋಣಿ ಫರಾನು ಮ್ಹೆಂದಿನ್, ಉಜ್ಜಾ಼ಡಿ ಝ಼ಗೋನ ಖನ್ನೆ ಥೂತೆ, ಎಫ್ರಾಯಿಮ್‌ ಕರಿ ಖ್ಹಯೇರ್‌ಮ ಜೈ಼ನ್‌ ಶಿಷ್ಯರ್‌ನ ಜೋ಼ಡ್ಮ ರಹಿಗೊ.
\p
\v 55 ಯೆಹೂದ್ಯರ್‌ನ ಪಸ್ಕ ಪೂಜಾ಼ನಿ ವಖ್ಹತ್ ಖನ್ನೆ ಐಗೈಥಿ, ಇನಖ್ಹಾಜೆ ಅದ್ಮಿಖ್ಹಾರು ಉಪ್ಲಿಬಾಜು಼ ಚ಼ಲಿಗಯುಥು. ಪೂಜಾ಼ಥಿ ಪಹಿಲೆ ಇವ್ಣುನ ಶುದ್ದಿಕರಣ್ ಕರಿಲೇವ್ಣು ಕರಿ ಗಾಮ್‌ಥು ಯೆರೂಸಲೇಮ್‌ ಆಯು. 
\v 56 ಇವ್ಣೆ ಯೇಸುನ ಢೂಂಡ್‌ತುಹುಯಿನ್ ದೇವ್ನಿಮಂದಿರ್‌ಮ ಭೀರಿನ್‌, “ತುಮೂನ ಕಿಮ್ ಸೊಚಾವಸ್‌ ಯೋ ಪೂಜಾ಼ನ ಆವ್‌ಶೆಸ್‌ ಕೊಯ್ನಿಕಿ ಶು?” ಕರಿ ಏಕ್‌ಥಿ-ಏಕ್‌ ಬೋಲಿಲಿದು. 
\v 57 ಮಹಾಯಾಜಕರ್‌ ಅಜು಼ ಫರಿಸಾಯರ್ ಯೇಸು ಕಿಜ್ಗಾ಼ ಛಾ಼ ಕರಿ ಕಿನಾಬಿ ಮಾಲುಮ್‌ ಪಡ್ಯುತೊ, ಹಮೂನ ಬೋಲ್‌ನು ಕರಿ ಹುಕುಮ್‌ ದಿದು. ಶನಕತೊ ಇವ್ಣೆ ಇನ ಧರ್‌ನು ಕರಿ ಥೂ.
\c 12
\s ಬೇಥಾನ್ಯಮ ಯೇಸುನ ಅಬಿಷೇಕ್ ಹುಯೂತೆ
\r (ಮತ್ತಾಯ 26:6-13; ಮಾರ್ಕ 14:3-9)
\p
\v 1 ಪಸ್ಕ ಪೂಜಾ಼ನ ಛೊ಼ ದನ್ನ ಪಾಛ಼ಳ್ ಯೇಸು ಬೇಥಾನ್ಯ ಗಾಮ್‌ನ ಗಯೊ, ಯೇಸುನೆ ಮರ‍್ಯಾಹುಯಾಮಾಥು ಜಿವ್ತೊ ಉಠಾಡ್ಯೋತೆ ಲಾಜ಼ರ್‌ಬಿ ಹಿಜ್ಜಾ಼ಸ್ ರ‍್ಹೇತೊಥೊ. 
\v 2 ಯೇಸುನಖ್ಹಾಜೆ ಹಿಜ್ಜಾ಼ ಖಾಣು ತೈಯಾರ್ ಕರಿರಾಖ್ಯುಥು, ಮಾರ್ಥ ಖಾಣು ನಾಖಿನ್ ದೇವ್‌ಕರ್ತೀಥಿ, ಯೇಸುನ ಜೋ಼ಡೆ ಖಾಣನ ಬೆಠುಥೂತೆ ಇವ್ಣಾಮ ಲಾಜ಼ರ್‌ಬಿ ಏಕ್‌ ಜ಼ಣೊ. 
\v 3 ತದೆ ಮರಿಯನೆ, ಘಣ ಮೋಲ್ನು ಜಟಮಂಸಿ ವಾನು ತೇಲ್ನ ಲೈನ್‌, ಯೇಸುನ ಗೋಡಾಪರ್ ರಂಚಿನ್, ಇನ ಮುಡ್‌ಕ್ಯಾನ ಕೇಖ್ಹ್‌ಥಿ ಯೇಸುನ ಗೋಡ ನೂಛಿ. ಯೋ ತೇಲ್ನಿ ಮಿಠ್ಠಿ ವಾಖ್ಹ್‌ ಹಿಡಿ ಘರ್ ಅಖ್ಖುಸ್ ಮಹಿಕವ್‍ಕರ‍್ತುಥು. 
\v 4 ಇನ ಶಿಷ್ಯರ್‌ಮ ಏಕ್‌ ಜ಼ಣೊ ಹುಯಿರ‍್ಹೋತೆ, ಕತೊ (ಇನ ಧೋಕೇಥಿ ಧರಿದ್ಯವಾಳೊ ಇಸ್ಕರಿಯೋತ ಯೂದಾನೆ), 
\v 5 “ಆ ತೇಲ್ನ ತೀನ್‌ಖ್ಹೊ ರೂಪಾನು ಪಾವ್ಲನ ವೇಚಿನ್, ಗರೀಬ್‌ನ ಶನ ಕೋದಿದಿನಿ?” ಕರಿ ಬೋಲ್ಯೊ. 
\v 6 ಗೋರ್‌-ಗರೀಬ್‌ನಿ ಬಾರೇಮ ಫಿಕರ್ ಕರೀನ್, ಆ ವಾತೇನ ಬೋಲ್ಯೋತೆ ಕಾಹೆ, ಪಣ್ಕಿ ಯೋ ಚೋ಼ರ್ ಹುಯಿರ‍್ಹೊಥೋತೆ ಇನಖ್ಹಾಜೇಸ್ ಅಮ್ ಬೋಲ್ಯೋತೆ.ಅಜು಼ ಪೈಶಾನಿ ಚ಼ಂಚಿ ಇನ ಹಾತ್‌ಮ ರ‍್ಹೇತುಥು, ಯೋ ಚ಼ಂಚಿಮ ನಾಖಸ್ತೆ ಪೈಶಾನ ಯೋ ಕಾಡಿಲೇತೋಥೊ.\fig ಧೋಳಿ ಜಾಡಿಖ್ಹಾರು|alt="Jars with spikenard" src="hk00142c.tif" size="col" copy="Horace Knowles ©" ref="12:1"\fig*
\p
\v 7 ಕತೋಬಿ ಯೇಸುನೆ ಇನ, “ಅನ ಮ್ಹೇಲೊ! ಮನ ಮಖ್ಹಾಣ್ಯನ ದನ್ನುಕಾಮ್ ಹಮ್ಕೇಸ್ ಕರಿಲಿದಿ. 
\v 8 ಗರೀಬ್ ಖ್ಹಾರು ಹಮೇಶ ತುಮಾರ ಜೋ಼ಡೆ ರ‍್ಹಿಶೆ, ಕತೋಬಿ ಮೇ ಹಮೇಶ ತುಮಾರ ಜೋ಼ಡೆ ಕೋ ರ‍್ಹೀಶ್‌ನಿ” ಕರಿ ಬೋಲ್ಯೊ.
\s ಲಾಜ಼ರ್‌ನಿ ವಿರೋದ್ ಮಶ್ಲತ್ ಭಂದಾಯುತೆ
\p
\v 9 ಯೆಹೂದ್ಯರ್ ಅದ್ಮಿನಿ ಮೋಟಿ ಭೀಡ್, ಯೇಸು ಬೆಥಾನ್ಯಾಮ ಛಾ಼ ಕರಿ ಮಾಲುಮ್‌ ಕರಿಲೀನ್, ಖಲಿ ಇನ ದೇಖಾನಖ್ಹಾಜೆ ಕಾಹೆತೆ, ಇನೆ ಮರ‍್ಯಾಹುಯಮಾಥು ಜಿವ್ತು ಉಠಾಡ್ಯೋತೆ ಲಾಜ಼ರ್‌ನಾಬಿ ದೇಕ್ಣು ಕರಿ ಹಿಜ್ಜಾ಼ ಗಯು. 
\v 10 ಕತೋಬಿ ಮಹಾಯಾಜಕರ್‌ ಲಾಜ಼ರ್‌ನಾಬಿ ಮರೈನಾಕ್ಣು ಕರಿ ಸೋಚ್ಯು. 
\v 11 ಶನಕತೊ ಲಾಜ಼ರ್‌ನಟೇಕೆ ಘಣು ಅದ್ಮಿ ಯೆಹೂದ್ಯರ್ ಖ್ಹಾರು ಇವ್ಣುನ ಮ್ಹೆಂದಿನ್, ಯೇಸುನ ವಿಶ್ವಾಸ್‌ ಕರ‍್ಯು.
\s ಯೇಸು ರಾಜಾ಼ನಿಘೋಣಿ ಯೆರೂಸಲೇಮ್ಮ ಗಯೋತೆ
\r (ಮತ್ತಾಯ 21:1-11; ಮಾರ್ಕ 11:1-11; ಲೂಕ 19:28-40)
\p
\v 12 ತಿನವ್ಹಾಣೆ, ಪಸ್ಕ ಪೂಜಾ಼ನ ಆಯುಥೂತೆ ಅದ್ಮಿನಿ ಭೀಡ್‌ನೆ, ಯೇಸು ಯೆರೂಸಲೇಮ್ಮ ವಳ್ಯಾವಸ್ ಕರಿ ಖ್ಹಮ್‌ಜ್ಯು. 
\v 13 ತದೆ ಇವ್ಣೆ ಖಜೂ಼ರ‍್ನಿಡಾಳಿಯೇನ ಪಳ್ಳಿನ್‌, ಯೇಸುನ ಮಳಾನ ಗಯು, ಅಜು಼ ಚಿಕ್ರಿನ್ ಬೋಲ್ಯುಕಿ, “ಹೊಸನ್ನ! ಪ್ರಭುನ ನಾಮ್‌ಪರ್‌ ಆವಾಳ ರಾಜಾ಼ನ ದೇವ್ ಆಶೀರ್ವಾದ್‌ ಕರಾದೆ! ಇಸ್ರಾಯೇಲ್‌ನ ರಾಜಾ಼ನ ದೇವ್ ಆಶೀರ್ವಾದ್‌ ಕರಾದೆ!”
\p
\v 14 ಯೇಸುನೆ ಏಕ್‌ ಗಧೇಡಾನ ದೇಖಿನ್‌, ಇನಾಪರ್‌ ಬೇಶಿಗಯೊ.
\q1
\v 15 “ಚೀಯೋನ್ ನಂಗ್ರಿ ಡರ್‌ನಕೊ!
\q1 ಹಂದೇಕ್, ತಾರೊ ರಾಜ಼,
\q2 ಗಧೇಡಾನ ಚೆಲ್ಕಪರ್‌ ಬೇಶಿನ್ ವಳ್ಯಾವಸ್ತೆ” ಕರಿ ಧರ್ಮಶಾಸ್ತ್ರಮ ಛಾ಼ತೆ ವಾತೆ ಅಮ್ ಚಾ಼ಲಿಗಿ.\f + \fr 12:15 \fr*\ft ಜಕರೀಯ 9:9\ft*\f*
\p
\v 16 ಯೇಸುನ ಶಿಷ್ಯರ್‌ನ ಯೋ ವಖ್ಹತ್‌ಮ ಆ ಮಾಲುಮ್‌ ಕೋ ಪಡ್ಯುನಿ; ಕತೋಬಿ ಯೇಸು ಮಹಿಮೆನು ಪದವಿಮ ಆವಾನ ಬಾದ್‌ಮ, ಆ ಇನಿ ಬಾರೇಮಸ್ ಲೀಖೈರ‍್ಹೂಸ್ತೆ ಕರಿ, ಅಜು಼ ಅಪ್ಣೆ ಆ ಖ್ಹಾರಾನ ಯೇಸುನಖ್ಹಾಜೆ ಕರ‍್ಯಾ ಕರಿ ಇವ್ಣ ಯಾದ್ಮ ಆಯು.
\p
\v 17 ಅತ್ರೇಸ್ ಕಾಹೆತೆ ಲಾಜ಼ರ್‌ನ ಘವಿನ ಮಹಿಥು ಚಿಕ್ರಿನ್‌, ಜಿವ್ತು ಉಠಾಡ್ಯೋತೆ ವಖ್ಹತ್‌ಮ, ಇನಜೋ಼ಡೆ ಥೂತೆ ಇವ್ಣೆ ದೇಖ್ಯುತೆ ಅದ್ಮಿಖ್ಹಾರು ಅನಿ ಬಾರೇಮ ಸಾಕ್ಷಿ ಬೋಲುಕರ್ತೂಥು. 
\v 18 ಯೇಸುನೆ ಆ ಅದ್ಭುತ್ ಕಾಮ್ ಕರ‍್ಯೊ ಕರಿ ಖ್ಹಮ್‌ಜ್ಯೂತೆ ಇನಖ್ಹಾಜೆ ಅದ್ಮಿನು ಝೂ಼ಂಡ್‌ ಇನ ಮಳಾನ ಜೈ಼ರ‍್ಹೂಥು. 
\v 19 ತದೆ ಫರಿಸಾಯರ್‌ವಾಳು ಏಕ್‌ಥಿ-ಏಕ್‌, “ಹಂದೇಖೊ, ಅಪ್ಣೊ ಹಾತ್‌ ಶಾತ್ಬಿ ಕರಾನ ಕೋ ಹೂಕರಾನಿ! ಆ ಜಗತ್‌ನು ಖ್ಹಾರು ಅದ್ಮಿ ಇನ ಪೀಠೆ ಒಳ್ಯುಜಾ಼ಸ್!” ಕರಿ ಬೋಲಿಲಿದು.
\s ಗ್ರಿಕ್‌ವಾಳು ಥೋಡುಜ಼ಣು ಯೇಸುನ ಢೂಂಡ್ಯುತೆ
\p
\v 20 ಪಸ್ಕಪೂಜಾ಼ನ ಆರಾದನೆ ಕರ್ನುಕರಿ ಯೆರೂಸಲೇಮ್‍ಥು ಆಯುಥೂತೆ ಇಸ್ರಾಯೇಲ್‍ವಾಳಮ ಥೋಡು ಜ಼ಣು ಗ್ರೀಕ್‌ವಾಳುಬಿ ಥೂ. 
\v 21 ಇವ್ಣಾಮ ಯೊ ಗ್ರೀಕ್‍ವಾಳು ಗಲಿಲಾಯಮ ಛಾ಼ತೆ ಬೆತ್ಸಾಯಿದ ಗಾಮ್‌ನೊ ಫಿಲಿಪ್ಪಕನ ಜೈ಼ನ್‌, “ಮಾಲಿಕ್, ಹಮೆ ಯೇಸುನ ದೇಕ್ಣು” ಕರಿ ಇನ ಗಿಂಗಾಯು.
\p
\v 22 ಫಿಲಿಪ್ಪನೆ ಜೈ಼ನ್‌, ಅಂದ್ರೆಯನ ಆ ಬಾರೇಮ ಬೋಲ್ಯೊ, ತದೆ ಫಿಲಿಪ್ಪ ಅಜು಼ ಅಂದ್ರೆಯ ಭೇಜ಼ಣನೆ ಯೇಸುನ ಬೋಲ್ಯ. 
\v 23 ಯೇಸುನೆ ಇವ್ಣುನ ಜ಼ವಾಬ್ ದಿದೊ, “ಅದ್ಮಿನ ಛಿಯ್ಯಾನಿ ಮಹಿಮೆ ಮಳಾನಿ ವಖ್ಹತ್ ಐಗೈ. 
\v 24 ಮೇ ತುಮೂನ ಖ್ಹಾಚ ಬೋಲು ಕರುಸ್; ಕಬ್ಲಗು ಘವ್‌ನೊ ದಾಣೊ ಜ಼ಮೀನ್‌ಮ ಪಡೀನ್, ಮರ‍ಕೊಯ್ನಿಕಿ, ತಬ್‍ಲಗು ಎಕ್ಕಸ್ ರ‍್ಹಿಶೆ; ಕದೆ ಮರ‍ಸ್ಕಿ ತದೆ, ಘಣು ದಾಣಾನ ದಿಶೆ. 
\v 25 ಇನೊ ಶೊಂತ್‌ ಜಾನ್ನ ಪ್ಯಾರ್ ಕರಾವಾಳು ಇನ ಗುಮೈಲಿಶೆ, ಆ ಜಗತ್‌ಮ ಕೋಣ್ ಇನ ಶೊಂತ್ ಜಾನ್ನ ಕಾಡಿಲ್ಯವಾನಬಿ ಪೀಠೆ ಕೋ ಹಟಾನಿಕಿ, ಯೊ ಹರ್‌ಹಮೇಶಾನ ಖ್ಹಾಜೆ ಇನ ಬಚಾ಼ಡಿಲಿಶೆ. 
\v 26 ಕೋಣ್ ಮಾರಿ ಸೇವೆ ಕರ್ನುಕರಿ ಛಾ಼ಕಿ ಮಾರ ಪೀಠೆ ಆವ್ಣುಸ್ ಆವ್ಣು, ತದೆ ಮೇ ಕಿಜ್ಜಾ಼ ರ‍್ಹೀಶ್‌ಕಿ ಹಿಜ್ಜಾ಼ಸ್ ಮಾರೊ ಸೇವಕ್‌ಬಿ ರ‍್ಹಿಶೆ. ಕೋಣ್ ಮಾರಿ ಸೇವೆ ಕರಾಸ್ಕಿ, ಇವ್ಣುನ ಮಾರೊ ಬಾ ಸನ್ಮಾನ್‌ ಕರ್ಶೆ.
\s ಯೇಸುನೆ ಇನಿ ಮರಣ್ಣಿ ಬಾರೇಮ ಬೋಲ್ಯೋತೆ
\p
\v 27 “ಹಮ್ಕೆ ಮಾರೊ ಜಾನ್‌ ಘಬ್ರಾವ್‍ ಕರಾಸ್ ಅಜು಼ ಮೇ ಶಾತ್‌ ಬೋಲು? ಅಮ್‍ ಬೋಲುಕಿಶು ‘ಬಾ, ಆ ಖ್ಹತಾಪ್ಣಿನಿ ವಖ್ಹತ್‌ಮಾಥು ಮನ ಬಚಾ಼ವ್‍ಕರಿ? ಕತೋಬಿ ಅನಖ್ಹಾಜೆಸ್ ಮೇ ಆಯೋತೆ. 
\v 28 ಬಾ, ತಾರು ನಾಮ್ ಮಹಿಮ ಕರಿಲೆ!” ಕರಿ ಬೋಲ್ಯೊ.
\p ತದೆ ಸೊರ್ಗಮಾಥು ಆವಾಜ಼್ಆಯು, “ಮಾರು ನಾಮ್ನ ಮಹಿಮೆ ಕರಿಲಿದೊ, ಮೇ ಅಜು಼ ಪಾಛೊ಼ ಅನಿ ಮಹಿಮೆ ಕರೀಶ್” ಕರಿ ಬೋಲ್ಯು.
\p
\v 29 ಹಿಜ್ಜಾ಼ ಭೀಯುಥೂತೆ ಝೂಂಡ್‍ಖ್ಹಾರು ಆ ಅವಾಜ಼್‌ನ ಖ್ಹಮ್‌ಜಿನ್‌, “ಗಲ್ಹಾರ‍್ಯು” ಕರಿ ಬೋಲ್ಯು. ಅಜು಼ ಥೋಡಾನೆ, “ದೇವ್‌ನೊ ದೂತಾನೆ ಯೇಸುನ ಜೋ಼ಡೆ ವಾತೆ ಬೋಲ್ಯೊ” ಕರಿ ಬೋಲ್ಯು.
\p
\v 30 ಕತೋಬಿ ಯೇಸುನೆ ಇವ್ಣುನ, “ಆ ಅವಾಜ಼್ ಹುಯೂತೆ ಮಾರ ಅಛ್ಛಾ಼ನಖ್ಹಾಜೆ ಕಾಹೆ, ಪಣ್ಕಿ ತುಮಾರ ಅಛ್ಛಾ಼ನ ಖ್ಹಾಜೆಸ್. 
\v 31 ಆ ಜಗತ್ನ ತೀರ್ಪ್ ಹುವಾನಿ ಘಡಿ ಆಸ್; ಯೊ ಆ ಜಗತ್ನ ರಾಜ಼್‌ಭಾರ್‌ ಚ಼ಲಾಯೊತೆ ಆ ಅದಿಪತಿನ ಭಾರ್‌ ಧಕೇಲ್‌ಶೆ. 
\v 32 ಮೇ ಜ಼ಮೀನ್‍ಪರ್ಥೊ ಉಪ್ಪರ್ ಪಡೈಜೈ಼ಶ್‌ತೆ ತದೆ ಹರೇಕ್ನ ಮಾರಕನ ಖೇಚಿಲೀಶ್‌” ಕರಿ ಬೋಲ್ಯೊ. 
\v 33 ಯೋ ಮರಾನಿ ತರೀಖಾನ ಯೇಸುನೆ ಆ ವಾತೇಥಿ ವತಾಳಿಲಿದೊ.
\p
\v 34 ತದೆ ಅದ್ಮಿನಿ ಭೀಡ್‌ನೆ, “ಕ್ರಿಸ್ತ ಹರ್‌ಹಮೇಶ ಜಿವ್ತೊ ರ‍್ಹಿಶೆ’ ಕರಿ ಧರ್ಮಶಾಸ್ತ್ರಮ ಬೋಲಾಸ್ನಿ?\f + \fr 12:34 \fr*\ft ಕೀರ್ತನೆ 110:4; ಯೆಶಾಯ 9:7; ಯೆಹೆಜ್ಕೆಲ್ 37:25; ದಾನಿಯೇಲ್ 7:14 \ft*\f* ಇಮ್‍ಕತೊ, ‘ಅದ್ಮಿನೊ ಛಿಯ್ಯೊ ಉಪ್ಪರ್ ಪಡೈಜಾ಼ಶೆ’ ಕರಿ ತೂ ಬೋಲಾಸ್ತೆ ಕಿಮ್? ಯೋ ಅದ್ಮಿನೊ ಛಿಯ್ಯೊ ಕೋಣ್?” ಕರಿ ಪುಛಾ಼ಯು.
\p
\v 35 ತದೆ ಯೇಸುನೆ ಇವ್ಣುನ ಬೋಲ್ಯೊ, “ಬಿಜು಼ ಥೋಡ ದನ್ನಸ್‌ ಉಜಾ಼ಳು ತುಮಾರಾಮ ರ‍್ಹಿಶೆ, ಅಂಧಾರು ತುಮಾರಪರ್ ಢಪಾವನ ಅಗಾಡಿಸ್ ಉಜಾ಼ಳು ರ‍್ಹವಾನಿವಖ್ಹ್‌ತೆಸ್ ಚಾ಼ಲೊ. ಅಂಧಾರಾಮ ಚಾ಼ಲವಾಳಾನ ಯೋ ಕಿಜ಼್ಜಾ ವಳ್ಯೊಜಾ಼ಸ್ ಕರಿ ಮಾಲುಮ್‌ ಕೋಪಡಾನಿ. 
\v 36 ತುಮಾರಕನ ಉಜಾ಼ಳು ರ‍್ಹವಾನಿ ವಖ್ಹತ್‌ಮಾಸ್‌ ಉಜಾ಼ಳಾನ ನಂಬೊ, ನಂಬ್ಯಾತೊ, ತದೆ ತುಮೆ ಉಜಾ಼ಳವಾಳ ಹುಯಿರ‍್ಹೀಶು” ಕರಿ ಬೋಲ್ಯೊ.
\s ಯೆಹೂದ್ಯರ್‌ನಿ ಅವಿಶ್ವಾಸ್
\p ಆ ಬೋಲಾನ ಬಾದ್‌ಮ, ಯೇಸುನೆ ಇವ್ಣ ಖ್ಹಾಮೇಥೊ ಓಠೆಚ಼ಲೆಗಯೊ. 
\v 37 ಯೇಸುನೆ ಇವ್ಣ ಖ್ಹಾಮ್ಣೆಸ್ ಆ ಖ್ಹಾರು ಅದ್ಭುತ್‌ಕಾಮ್ ಕರ‍್ಯೊತೋಬಿ, ಇವ್ಣೆ ಇನಾಪರ್‌ ವಿಶ್ವಾಸ್ ಕೋ ಕರ‍್ಯುನಿ 
\v 38 ಅನೇಥಿ ಪ್ರವಾದಿ ಯೆಶಾಯನೆ ಬೋಲ್ಯೋತೆ ವಾತೆ ಖ್ಹಾಚಿ ಹುಯಿಗು: ಯೋ ಶಾತ್‌ಕತೊ,
\q1 “ಪ್ರಭು, ಹಮೆ ಬೋಲ್ಯಾತೆ ಖಬರ್‌ನ ಕೋಣ್ ವಿಶ್ವಾಸ್ ಕರ‍್ಯು?
\q2 ಪ್ರಭುನಿ ಭುಜ಼್‌ನಿ ತಾಖತ್ ಕಿನ ದೆಖಾಯು?”\f + \fr 12:38 \fr*\ft ಯೆಶಾಯ 53:1\ft*\f* ಕರಿ ಬೋಲಾನುಸ್.
\p
\v 39 ಇವ್ಣೆ ನಂಬ್ಯುಕೊಂತೆ ಇನಖ್ಹಾಜೆ ಯೆಶಾಯನೆ ಬಿಜೇಕ್‌ ವಾತೆ ಬೋಲಿರಾಖ್ಯೊಸ್, ಯೋ ಶಾತ್‌ಕತೊ,
\q1
\v 40 ‘ದೇವ್ನೆ ಇವ್ಣ ಡೋಳಾನ ಕಾಣು ಕರಿರಾಖ್ಯೋಸ್,
\q2 ಅಜು಼ ಇವ್ಣ ದಿಲ್ನ ಕಠಣ್ ಕರಿರಾಖ್ಯೋಸ್,
\q1 ಶನಕತೊ, ಇವ್ಣೊ ಡೋಳೊ ದೇಕ್ಣು ನಾ
\q2 ಅಜು಼ ಇವ್ಣೊ ದಿಲ್‌ ಪರಖ್‌ಣು ನಾ’ ಕರಿ
\q2 ಅಜು಼ ಇವ್ಣೆ ಇನಾಭಣಿ ಫರೀನ್,
\q2 ಇನಖ್ಹಾಜೆ ಅಛ್ಛು಼ ನಾ ಹೋಣು ಕರಿ” ಬೋಲೈರ‍್ಹುಸ್ತೆ.
\p
\v 41 ಯೆಶಾಯನೆ ಯೇಸುನಿ ಮಹಿಮೆನ ದೇಖ್ಯೋತೆ ಇನಖ್ಹಾಜೇಸ್ ಇನಿ ಬಾರೇಮ ಆ ವಾತೇನ ಬೋಲ್ಯೋತೆ.
\p
\v 42 ತದೇಬಿ ಘಣು ಯೆಹೂದ್ಯರ್‌ನು ಅದಿಕಾರಿನೆ ಯೇಸುಪರ್‌ ವಿಶ್ವಾಸ್‌ ಕರ‍್ಯು, ಕತೋಬಿ ಸಭೆ ಭರಾವನು ಮಂದಿರ್‌ಮಾಥು ಭಾರ್ ನಾಖಿದಿಶೆ ಕರಿ ಫರಿಸಾಯರ್‌ನ ಡರ್‌ಥಿ, ಅದ್ಮಿನ ಖ್ಹಾಮೆ ಬೋಲಿಲಿದುಕೊಯ್ನಿ. 
\v 43 ಶನಕತೊ ಇವ್ಣೆ ದೇವ್‍ಥಿ ಆವಸ್ತೆ ಖ್ಹರಾವ್ಣಿಥೀಬಿ, ಅದ್ಮಿಥಿ ಆವಸ್ತೆ ಮರ್ಯಾದಿಪರಸ್‌ ಇವ್ಣುನ ಘಣು ಪ್ಯಾರ್ ಥೂ.
\s ಯೇಸುನಿ ವಾತೇಪರ್‌ ತೀರ್ಪ್
\p
\v 44 ಯೇಸುನೆ ಜೋ಼ರೇಖ್ಹು ಚಿಕ್ರಿನ್, “ಮಾರಪರ್ ವಿಶ್ವಾಸ್‌ ಕರಾವಾಳೊ ಖಲಿ ಮಾರಪರಾಸ್‌ ಕಾಹೆ, ಕತೋಬಿ ಮನ ಮೋಕ್‌ಲ್ಯೊತೆ ಇನಾಪರ್‌ಬಿ ವಿಶ್ವಾಸ್‌ ಕರಾವಾಳೊ ಹುಯಿರ‍್ಹೋಸ್. 
\v 45 ಕೋಣ್‍ ಮನ ದೇಖವಾಳೊಕಿ, ಮನ ಮೋಕ್‌ಲ್ಯೊತೆ ಇನಾಬಿ ದೇಖವಾಳೊ ಹುಯಿರ‍್ಹೋಸ್. 
\v 46 ಮೇ ಉಜಾ಼ಳು ಹುಯಿನ್ ಆ ಜಗತ್‌ಮ ಐರ‍್ಹೋಸ್ತೆ, ಮನ ನಂಬವಾಳು ಏಕ್‌ಬಿ ಅಂಧಾರಾಮ ನಾ ರ‍್ಹೇವ್ಣುಕರಿಸ್. 
\v 47 ಕೋಣ್‌ತೋಬಿ ಮಾರಿ ವಾತೆಅಖ್ಖಾನ ಖ್ಹಮ್‌ಜಿನ್‌ಬಿ, ಇನಲೀನ್ ಚಾ಼ಲ್ಯನಾತೊ, ಇನ ಮೇ ತೀರ್ಪ್‌ ಕರುಕೊಯ್ನಿ. ಜಗತ್ನ ತೀರ್ಪ್ ಕರಾನಖ್ಹಾಜೆ ಮೇ ಆಯೊ ಕೊಯ್ನಿ, ಪಣ್ಕಿ ಆ ಜಗತ್ನ ಬಚಾ಼ಡಾನಖ್ಹಾಜೆ ಆಯೊತೆ. 
\v 48 ಕೋಣ್ ಮನ ಝಿಟ್ಕಾರಿನ್, ಮಾರಿ ವಾತೇನ ಮಾನಕೊಂತೆ ಇವ್ಣುನ ತೀರ್ಪ್‌ ಕರಾವಾಳು ಏಕ್‌ ಛಾ಼. ಯೋ ಕೆಹುಕತೊ ಮೇ ಬೋಲ್ಯೋತೆ ಯೋ ವಾತೇಸ್‌, ಖ್ಹರ್ತಿನ ದನ್ಮ ಇವ್ಣುನ ತೀರ್ಪ್ ಕರ್ಶೆ. 
\v 49 ಆ ಖ್ಹಾಚು಼, ಶನಕತೊ ಮಾರಿ ಅದಿಕಾರ್‌ಥಿ ಮೇಸ್ ವಾತೆ ಕೋ ಬೋಲ್ಯೋನಿ ಮನ ಮೋಕ್‌ಲ್ಯೊತೆ ಬಾನೇಸ್, ಮೇ ಶಾತ್‌ ಬೋಲ್‌ನು ಅಜು಼ ಖಿವಿವಾತೆ ಬೋಲಿ ವತಾಳ್ಣು ಕರಿ ಮನ ಹುಕುಮ್ ದೀರಾಖ್ಯೊಸ್. 
\v 50 ಬಾನಿ ಹುಕುಮ್‌ ಹರ್‌ಹಮೇಶಾನಿ ಜಿ಼ಂದ್‌ಗಿ ದೇಸ್ ಕರಿ ಮನ ಮಾಲುಮ್‌. ಇನಖ್ಹಾಜೆ ಬಾನೆ ಮನ ಬೋಲಿದಿದೋತೆ ಇನಾಸ್ ಮೇ ಬೋಲುಸ್” ಕರಿ ಬೋಲ್ಯೊ.
\c 13
\s ಯೇಸುನೆ ಇನ ಶಿಷ್ಯರ್‌ನ ಗೋಡ ಧೋಯೋತೆ
\p
\v 1 ಪಸ್ಕ ಪುಜಾ಼ನ ಅಗಾಡಿ ಯೇಸು ಆ ಜಗತ್ನ ಮ್ಹೇಲಿನ್, ಬಾಕನ ಜಾ಼ವಾನಿ ವಖ್ಹತ್ ಐಗೈ ಕರಿ ಮಾಲುಮ್ ಕರೀನ್, ಆ ಜಗತ್‌ಮ ಛಾ಼ತೆ ಇನು ಕರಿ ಥೂತೆ ಯೋ ಖ್ಹರಾನ ಹಮೇಶ ಪ್ಯಾರ್ ಕರ‍್ಯೊ ಅಜು಼ ಖರ್ತಿಲಗೂಬಿ ಪ್ಯಾರ್ ಕರ್ತೊಸ್ ಆಯೊ.
\p
\v 2 ಯೇಸು ಅಜು಼ ಇನ ಶಿಷ್ಯರ್‌ ಖಾಣನ ಬೆಠಾಥ. ಯೇಸುನ ದೋಕೇಥಿ ಧರಿದೇಣು ಕರಿ ಬೋಲಾನಿ ಸೋಚ್ನ, ಸೀಮೋನನೊ ಛಿಯ್ಯೊ ಇಸ್ಕರಿಯೋತ ಯೂದಾನ ಮನ್‌ಮ ಶೈತಾನ್ನೆ ಅಗಾಡಿಸ್ ಘಾಲಿದಿದೋಥೊ. 
\v 3 ಬಾನೆ ಖ್ಹಾರಿಸ್ ಅದಿಕಾರ್‌ನ ಇನ ಹಾತ್‌ಮ ದೀರಾಖ್ಯೊಸ್ ಕರಿ ಯೇಸುನ ಮಾಲುಮ್‌ ಥೂ; ಅತ್ರೇಸ್ ಕಾಹೆತೆ ಯೇಸುನ ದೇವ್‌ಕಂಥೊ ಐರ‍್ಹೋಸ್ ಅಜು಼ ಪಾಛೊ಼ ದೇವ್‌ಕನ ವಳ್ಯೊಜ಼ವುಸ್‌ ಕರೀಬಿ ಮಾಲುಮ್‌ ಥೂ. 
\v 4 ತದೆ ಯೇಸುನೆ ಖಾಣನ ಮ್ಹೆಂದಿನ್, ಉಪ್ಪರ್ ಉಠೀನ್, ಇನು ಉಪ್ಪರ್‌ಲ್ಯು ಝ಼ಗ್ಗಾನ ಕಾಡಿನಾಖಿನ್, ಪಿಛೋ಼ಡಿನ ಪಾಡೀನ್, ಕಂಬರ್‌ನ ಭಾಂದಿಲಿದೊ. 
\v 5 ಅಜು಼ ಏಕ್‌ ಕಟೋರಾಮ ಪಾಣಿ ಭರಿನ್, ಶಿಷ್ಯರ್‌ನ ಗೋಡ ಧೊವಾಲಗ್ಯೊ ಅಜು಼ ಇನೆ ಕಂಬರ್‌ನ ಭಾಂದಿರಾಖ್ಯೊಥೋತೆ ಪಿಛೋ಼ಡಿಥಿ ನುಛ್ಛಾ಼ಲಗ್ಯೊ. 
\v 6 ಯೊ ಸೀಮೋನ್‌ ಪೇತ್ರಕನ ಆವಾದಿನ್, ಇನೆ, “ಪ್ರಭು, ತೂ ಮಾರ ಗೋಡ ಧೊವಾಸ್ಕಿಶು?” ಕರಿ ಬೋಲ್ಯೊ.
\p
\v 7 ಯೇಸುನೆ ಇನ, “ಮೇ ಶಾತ್‌ ಕರುಕರುಸ್ತೆ ಕರಿ ಹಮ್ಕೆ ತುನ ಮಾಲುಮ್‌ ಕೋ ಪಡ್‌ಶೇನಿ, ಕತೋಬಿ ಬಾದ್‌ಮ ತುನ ಮಾಲುಮ್‌ ಪಡ್‌ಶೆ” ಕರಿ ಬೋಲ್ಯೊ.
\p
\v 8 ತದೆ ಪೇತ್ರನೆ, “ತೂ ಮಾರ ಗೋಡಾನ ಕದೇಸ್‌ ನಾ ಧೋವ್‌ಣು!” ಕರಿ ಬೋಲ್ಯೊ. ಯೇಸುನೆ ಇನ, “ಮೇ ತಾರ ಗೋಡ ನಾ ಧೋಯೋತೊ, ತೂ ಮಾರೊ ಶಿಷ್ಯ ಹುಯಿರ‍್ಹವಾನ ಕೋ ಹುವಾನಿ” ಕರಿ ಬೋಲ್ಯೊ.
\p
\v 9 ತದೆ ಸೀಮೋನ್ ಪೇತ್ರನೆ, “ಪ್ರಭು, ಖಲಿ ಮಾರ ಗೋಡಾಸ್‌ ಕಾಹೆತೆ, ಮಾರ ಹಾತ್‌ನಾಬಿ, ಮುಡ್‌ಕ್ಯನಾಬಿ ಧೊವ್‌!” ಕರಿ ಬೋಲ್ಯೊ.
\p
\v 10 ಯೇಸುನೆ ಇನ, “ಪಾಣಿ ನ್ಹೊಯಿರಾಖವಾಳನು‌ ಆಂಗ್‌ತನ್‌ ಅಖ್ಖುಸ್ ಪಾಕ್‌ ರ‍್ಹೇಸ್\f + \fr 13:10 \fr*\ft ಮನ್‌ಮ ಶುದ್‍ ರ‍್ಹೇವ್ಣುಕರಿ ಮತಲಬ್\ft*\f*, ಖಲಿ ಗೋಡ ಧೋಯೂತೊ ಬಶ್‌. ತುಮೆ ಖ್ಹಾರು ಪಾಕ್‌ ಹುಯಿರ‍್ಹಾಸ್‌, ಕತೋಬಿ ತುಮಾರಾಮ ಹರೇಕ್ ಜ಼ಣೊ ಪಾಕ್‌ ಕಾಹೆ” ಕರಿ ಬೋಲ್ಯೊ. 
\v 11 ಯೇಸುನ ಇನ ಧೋಕೇಥಿ ಧರಿ ದಿಶೇತೆ ಕೋಣ್ ಕರಿ ಮಾಲುಮ್‌ ಥೂತೆ ಇನಖ್ಹಾಜೆ, ಇನೆ, “ತುಮಾರಾಮ ಹರೇಕ್ ಜ಼ಣು ಪಾಕ್‌ ಕಾಹೆ” ಕರಿ ಬೋಲ್ಯೋತೆ.
\p
\v 12 ಯೇಸುನೆ ಇವ್ಣ ಗೋಡ ಧೊವಾನ ಬಾದ್‌ಮ, ಇನು ಉಪ್ಪರ್‌ಲ್ಯು ಝ಼ಗ್ಗಾನ ಪೇರ‍್ಹಿಲೀನ್‌, ಪಾಛು಼ ಹಿಜ಼್ಜಾ ಬೇಶಿನ್ ಇನೆ ಬೋಲ್ಯೊಕಿ, “ಮೇ ತುಮೂನ ಕರ‍್ಯೊತೆ ಶಾತ್‌ ಕರಿ ತುಮೂನ ಮಾಲುಮ್‌ ಪಡ್ಯುಕಿಶು?” ಕರಿ ಪುಛಾ಼ಯೊ. 
\v 13 “ತುಮೆ ಮನ ಗುರು, ಪ್ರಭು ಕರಿ ಬುಲಾವಸ್‌, ತುಮೆ ಇಮ್‌ ಬುಲಾವಸ್ತೆ ಬರಾಬರಸ್‌, ಶನಕತೊ ಮೇ ಇಮ್‌ನೋಸ್‌. 
\v 14 ತುಮಾರೊ ಪ್ರಭು ಅಜು಼ ಗುರು ಹುಯಿರ‍್ಹೋತೆ ಮೇ, ತುಮಾರ ಗೋಡಾನ ಧೋಯೋತೆ ಇಮ್ಮಸ್, ತುಮೇಬಿ ಬಿಜೇಕ್‍ನ ಗೋಡ ಧೋವ್‌ಣು. 
\v 15 ಮೇ ತುಮೂನ ಕರ‍್ಯೊತೆ ಇಮ್ಮಸ್ ತುಮೇಬಿ ಕರ‍್ನು, ಕರಿ ಮೇ ತುಮೂನ ಖ್ಹಂಜ಼್‌ಕಾರ್ ವತಾಳಿರಾಖ್ಯೋಸ್‌. 
\v 16 ಮೇ ತುಮೂನ ಖ್ಹಾಚ ಬೋಲುಕರುಸ್, ಆಳ್‌ ಯಜಮಾನ್‍ಥಿ ಮೋಟೊ ಕಾಹೆ, ಅಜು಼ ಖಬರ್‌ದ್ಯವಾಳೊ ಇನ ಮೋಕ್‌ಲ್ಯೊತೆ ಇನೇಥಿ ಮೋಟೊ ಕಾಹೆ. 
\v 17 ತುಮೆ ಅನ ಮಾಲುಮ್‌ ಕರಿಲೀನ್, ಅನೀನಿಘೋಣಿ ಚಾ಼ಲಿಲಿದಾತೊ ತುಮೆ ಧನ್ಯರ್ ಹುಯಿರ‍್ಹಾಸ್‌!
\p
\v 18 “ಮೇ ತುಮಾರ ಖ್ಹಾರಾನಿ ಬಾರೇಮ ಕೋ ಬೋಲುಕರುನಿ: ಮೇ ಚೂ಼ಣಿರಾಖ್ಯೋಸ್ತೆ ಇವ್ಣಿ ಬಾರೇಮ ಮನ ಮಾಲುಮ್‌, ಕತೋಬಿ ‘ಮಾರ ಜೋ಼ಡೆ ಖಾಣು ಖಾವಳೋಸ್‌ ಮನ ಧೋಕ ದಿದೊ’ ಕರಿ ಧರ್ಮಶಾಸ್ತ್ರಮ ಛಾ಼ತೆ ವಾತೆ ಚಾ಼ಲ್ನು. 
\v 19 ಯೋ ಚಾ಼ಲಾನಿ ವಖ್ಹತ್‌ಮ, ಮೇಸ್ ಕ್ರಿಸ್ತ ಕರಿ ತುಮೆ ನಂಬಾನಖ್ಹಾಜೆ, ಯೋ ಚಾ಼ಲಾನ ಬೋಲುಕರುಸ್. 
\v 20 ತುಮೂನ ಖ್ಹಾಚ ಬೋಲುಸ್, ಮೇ ಮೋಕ್ಲುಸ್ತೆ ಇವ್ಣುನ ಬುಲೈಲ್ಯವಾಳು, ಮನಾಬಿ ಬುಲೈಲ್ಯವಾಳು ಹುಯಿರ‍್ಹುಸ್‍. ಅಜು಼ ಮನ ಬುಲೈಲ್ಯವಾಳು ಮನ ಮೋಕ್‌ಲ್ಯೊತೆ ಇನಾಸ್ ಬುಲೈಲ್ಯವಾಳು” ಹುಯಿರ‍್ಹುಸ್‍.
\s ಯೇಸುನೆ ಇನ ಧೋಕೊ ದಿಶೇತೆ ಬಾರೇಮ ಬೋಲ್ಯೋತೆ
\r (ಮತ್ತಾಯ 26:20-25; ಮಾರ್ಕ 14:17-21; ಲೂಕ 22:21-23)
\p
\v 21 ಯೇಸು ಆ ಬೋಲಾನ ಬಾದ್‌ಮ, ಯೇಸುನ ಆತ್ಮಮ ಘಣು ದುಖ್ ಹುಯು, ಅಜು಼ ಇನೆ, “ಮೇ ತುಮೂನ ಖ್ಹಾಚ ಬೋಲುಸ್, ತುಮಾರಾಮ ಏಕ್‌ ಜ಼ಣೊ ಮನ ಧೋಕೇಥಿ ಧರಿದಿಶೆ” ಕರಿ ಸಾಕ್ಷಿ ಬೋಲ್ಯೊ.
\p
\v 22 ತದೆ ಇನ ಶಿಷ್ಯರ್‌ನೆ ಏಕ್‌ನ ಭಣಿ ಏಕ್‌ ದೇಖಿನ್, ಆ ಕಿನಿ ಬಾರೇಮ ಬೋಲುಕರಾಸ್ತೆ ಕರಿ ಗುಮಾನಿಕರ‍್ಯು. 
\v 23 ಶಿಷ್ಯರ್‌ಮ ಯೇಸುನೊ ಪ್ಯಾರ್‌ನೊ ಶಿಷ್ಯ ಏಕ್‌ ಥೊ, ಯೊ ಇನ ಚಿಕೈನ್‌ ಬೆಠೋಥೊ. 
\v 24 ತದೆ ಸೀಮೋನ್‌ ಪೇತ್ರನೆ ಯೋ ಶಿಷ್ಯನ, “ಯೋ ಕಿನಿ ಬಾರೇಮ ಬೋಲುಕರಾಸ್ತೆ ಕರಿ ಇನ ಪುಛಾ಼ವ್‌” ಕರಿ ಇಷಾರ್ಕೊ ಕರ‍್ಯೊ.
\p
\v 25 ಇನಖ್ಹಾಜೆ ಯೋ ಶಿಷ್ಯನೆ ಯೇಸು ಭಣಿ ಝು಼ಕಿನ್‌, “ಪ್ರಭು, ಯೋ ಕೋಣ್?” ಕರಿ ಪುಛಾ಼ಯೊ. 
\v 26 ಯೇಸುನೆ, “ಮೇ ಆ ರೋಟಾನ ಚೋ಼ಪ್‍ಡಿನ್, ಕಿನ ದೆವ್‍ಸ್ಕಿ, ಯೋಸ್‌ ಯೋ ಅದ್ಮಿ” ಕರಿ ಬೋಲಿನ್, ರೋಟಾನ ಟುಕ್ಡಾನ ಪಾಡೀನ್, ಕಟೋರಿಮ ಚೋ಼ಪ್‍ಡಿನ್, ಸೀಮೋನ್‌ ಇಸ್ಕರಿಯೋತನೊ ಛಿಯ್ಯೊ ಯೂದಾನ ದಿದೊ. 
\v 27 ಯೂದಾನೆ ಯೋ ರೋಟಾನ ಲೇತಾಸ್‌ನ, ಶೈತಾನ್ ಇನಾಮಹಿ ಪೇಶಿಗಯೊ. ತದೆ ಯೇಸುನೆ ಇನ, “ತೂ ಕರಾನ ವಳ್ಯೊಜಾ಼ಸ್ತೆ ಕಾಮ್ನ ಒಗ್ಗಿಸ್‌ಮ ಕರ್‌!” ಕರಿ ಬೋಲ್ಯೊ. 
\v 28 ಕತೋಬಿ ಯೇಸುನೆ ಇನ ಅಮ್ ಶನಖ್ಹಾಜೆ ಬೋಲ್ಯೊ ಕರಿ ಬೋಲಾನು ಖಾಣನ ಬೆಠುಥೂತೆ ಇವ್ಣಾಮ ಕಿನಾಬಿ ಮಾಲುಮ್‌ ಕೋ ಹುಯೂನಿ. 
\v 29 ಇವ್ಣಾಮ ಥೋಡಾನೆ, ಯೂದಾನ ಹಾತ್‌ಮ ಪೈಶಾನಿ ಚ಼ಂಚಿಥೀತೆ ಇನಖ್ಹಾಜೆ ಯೇಸು ಇನ ಪೂಜಾ಼ನ ಅಪ್ಣುನ ಹೋಣುತೆ ಅಖ್ಖು ಲೀಲೆವೊ ಕರೀಕಿ, ನತರ್‌ಕಿ ಗರೀಬ್‌ನ ಶಾತ್‌ತೋಬಿ ದೇ ಕರಿ ಶುಕಿ, ಯೇಸುನೆ ಬೋಲ್ಯೊ ಕರಿ ಲ್ಹಾಯು.
\p
\v 30 ಯೂದಾನೆ ಯೋ ರೋಟಾನ ಲೀನ್‌, ತದ್‌ನು-ತದ್ದೇಸ್ ಭಾರ್ ಚ಼ಲೆಗಯೊ. ತದೆ ರಾತ್ ಹುಯಿರ‍್ಹೀಥಿ.
\s ನವಿ ಹುಕುಮ್‌
\p
\v 31 ಯೂದ ಜಾ಼ವಾನ ಬಾದ್‌ಮ, ಯೇಸುನೆ, “ಹಮ್ಕೆ ಅದ್ಮಿನೊ ಛಿಯ್ಯಾನ ಮಹಿಮೆ ಹುಯು; ಅಜು಼ ಇನೇಥಿ ದೇವ್ನ ಮಹಿಮೆ ಪ್ರಕಟ್ ಹುಯು. 
\v 32 ಏಕ್‌ ವಖ್ಹತ್, ಅದ್ಮಿನೊ ಛಿಯ್ಯಾಥಿ ದೇವ್ನ ಮಹಿಮೆ ಹುಯು ಉಶೇತೊ, ಖ್ಹುದ್ ದೇವ್‌ಥೀಸ್‌ ಅದ್ಮಿನೊ ಛಿಯ್ಯಾನಾಬಿ ಮಹಿಮೆ ಉಶೆ,ಅಜು಼ ಇನ ಒಗ್ಗಿಸ್ ಮಹಿಮೆ ಕರ್ಶೆ. 
\v 33 ಮಾರ ಲಡ್ಕಾ, ಬಿಜು಼ ಥೋಡಿ ವಖ್ಹತ್ ಮೇ ತುಮಾರ ಜೋ಼ಡೆ ರ‍್ಹೀಶ್. “ಮನ ಢೂಂಡ್‌ಶು, ಕತೋಬಿ ಯೆಹೂದ್ಯರ್‌ನ ಬೋಲ್ಯೋತೆ ಇಮ್ಮಸ್, ಮೇ ಜ಼ವುಸ್ತೆ ಹಿಜ್ಜಾ಼ ತುಮೆ ಕೋ ಆವಾನ ಉಶೇನಿ” ಕರಿ ಮೇ ಹಮ್ಕೆ ತುಮೂನಾಬಿ ಬೋಲುಸ್.\f + \fr 13:33 \fr*\ft ಮೇ ಭೂಲೋಕಮ ಕೊ ರ‍್ಹಿಶ್‍ನಿ\ft*\f* 
\v 34 ಹಮ್ಕೆ ಮೇ ತುಮೂನ ಏಕ್‌ ನವಿ ಹುಕುಮ್‌ ದೆವುಸ್ ತುಮೆ ಏಕ್‌ಥಿ-ಏಕ್‌ ಲಾಡ್‌ ಕರೊ. ಮೇ ತುಮೂನ ಲಾಡ್‌ ಕರ‍್ಯೊತೆ ತಿಮ್ಮಸ್, ತುಮೇಬಿ ಏಕ್‌ಥಿ-ಏಕ್‌ ಲಾಡ್‌ ಕರ್ನುಸ್‍ಕರ‍್ನು. 
\v 35 ತುಮೆ ಏಕ್‌ಥಿ-ಏಕ್‌ ಪ್ಯಾರ್ ಕರ‍್ಯಾತೊ, ತದೆ ತುಮೆ ಹರೇಕ್ ಜ಼ಣು ಮಾರ ಶಿಷ್ಯರ್‌ ಕರಿ ಮಾಲುಮ್‌ ಉಷೆ” ಕರಿ ಬೋಲ್ಯೊ.
\s ಪೇತ್ರ ಧೋಕೊ ದಿಶೇತೆ ಬಾರೇಮ ಯೇಸುನೆ ಪಹಿಲೇಸ್ ಬೋಲ್ಯೋತೆ
\r (ಮತ್ತಾಯ 26:31-35; ಮಾರ್ಕ 14:27-31; ಲೂಕ 22:31-34)
\p
\v 36 ಸೀಮೋನ್‌ ಪೇತ್ರನೆ ಯೇಸುನ, “ಪ್ರಭು, ತೂ ಕಿಜ಼್ಜಾ ವಳ್ಯೊಜಾ಼ಸ್‌?” ಕರಿ ಪುಛಾ಼ಯೊ.
\p ತದೆ ಯೇಸುನೆ, “ಮೇ ವಳ್ಯೊಜ಼ವುಸ್ತೆ ಹಿಜ್ಜಾ಼ ತೂ ಹಮ್ಕೆ ಆವಾನ ಕೋ ಉಶೇನಿ, ಕತೋಬಿ ಬಾದ್‌ಮ ತೂ ಮಾರ ಪೀಠೆ ಐಶ್‌” ಕರಿ ಬೋಲ್ಯೊ.
\p
\v 37 ಪೇತ್ರನೆ ಯೇಸುನ, “ಪ್ರಭು, ಮೇ ಶನ ಹಮ್ಕೆ ತಾರ ಪೀಠೆ ಆವಾನ ಕೋ ಉಶೇನಿ? ಮೇ ತಾರಖ್ಹಾಜೆ ಜಾನ್‌ ದೆವಾನಾಬಿ ತಯಾರ್ ಛು಼!” ಕರಿ ಬೋಲ್ಯೊ.
\p
\v 38 ಯೇಸುನೆ ಇನ ಪುಛಾ಼ಯೊ, “ತೂ ಖ್ಹಾಚಮಾಬಿ ಮಾರಖ್ಹಾಜೆ ಜಾನ್‌ ದ್ಯವಾನ ತಯಾರ್ ಛಾ಼ಕಿ ಶು? ಮೇ ತುನ ಖ್ಹಾಚ ಬೋಲುಸ್, ಮುರ್‌ಗೊ ಬಾಂಗ್‌ ದ್ಯವಾನ ಅಗಾಡಿ, ತೂ ಮಾರಿ ಬಾರೇಮ ‘ಯೋ ಮನ ಮಾಲುಮ್‌ ಕೊಯ್ನಿ’ ಕರಿ ತೀನ್‍ಹಲ್ಲ ಬೋಲಿಶ್” ಕರಿ ಬೋಲ್ಯೊ.
\c 14
\s ಯೇಸುಸ್‌ ಬಾಕನ ಜಾ಼ವಾನೊ ಮಾರಗ್
\p
\v 1 ಯೇಸುನೆ ಇವ್ಣುನ, “ತುಮಾರೊ ದಿಲ್‌ ಕಲಾವ್ಣಿ ನಕೊ ಹುವಾದೆ, ದೇವ್‌ಪರ್‌ ವಿಶ್ವಾಸ್‌ ಕರೊ ಅಜು಼ ಮಾರಪರ್‌ಬಿ ವಿಶ್ವಾಸ್‌ ಕರೊ. 
\v 2 ಮಾರ ಬಾನ ಘರ್‌ಮ ಘಣ ಕೋಣ ಛಾ಼, ಇಮ್‌ ನಾ ರ‍್ಹಯುಹೋತ್ತೊ, ತುಮಾರಖ್ಹಾಜೆ ಝ಼ಗೊ ತಯಾರ್ ಕರಾನಟೇಕೆ ವಳ್ಯೊಜ಼ವುಸ್‌ನಿ. 
\v 3 ಮೇ ಜೈ಼ನ್‌, ತುಮಾರಖ್ಹಾಜೆ ಝ಼ಗೊ ತಯಾರ್ ಕರಾನ ಬಾದ್‌ಮ, ಪಾಛೊ಼ಅಯಿನ್‌, ತುಮೂನ ಮಾರ ಜೋ಼ಡೆ ಬುಲೈಲಿ ಜೈ಼ಶ್. ಅಮ್ಮಸ್ ಮೇ ಛೂ಼ತೆ ಝ಼ಗೋಮಾಸ್‌ ತುಮೇಬಿ ರ‍್ಹಿಶು.\f + \fr 14:3 \fr*\ft ಸೊರ್ಗಾಮ ಮಾರಿ ಜೋ಼ಡೆ ರ‍್ಹಿಶು ಕರಿ \ft*\f* 
\v 4 ಮೇ ವಳ್ಯೊಜ಼ವುಸ್ತೆ ಝ಼ಗೋನು ಮಾರಗ್ ತುಮೂನ ಮಾಲುಮ್‌ ಛಾ಼” ಕರಿ ಬೋಲ್ಯೊ.
\p
\v 5 ತೋಮನೆ ಯೇಸುನ “ಪ್ರಭು, ತೂ ವಳ್ಯೊಜಾ಼ಸ್ತೆ ಕಿಜ್ಗಾ಼ ಕರಿ ಹಮೂನ ಮಾಲುಮ್‌ ಕೊಯ್ನಿ, ಅಮ್ ರ‍್ಹವಾಪರ್ ಯೋ ಮಾರಗ್ ಹಮೂನ ಕಿಮ್ ಮಾಲುಮ್‌ ಪಡ್‌ಶೆ?” ಕರಿ ಬೋಲ್ಯೊ.
\p
\v 6 ಯೇಸುನೆ ಇನ, “ಮೇಸ್ ಮಾರಗ್‌ಬಿ, ಖ್ಹಾಚಾಬಿ, ಜಾನ್‌ಬಿ ಹುಯಿರ‍್ಹೋಸ್. ಮಾರೇಥಿ ಕೊಂತೆ ಕೋಣ್‌ಬಿ ಬಾಕನ ಆವಾನ ಕೋ ಹುವಾನಿ. 
\v 7 ತುಮೆ ಮನ ಖ್ಹಾಚಮಾಬಿ ಮಾಲುಮ್‌ ಕರಿಲಿದಾಹೋತ್ತೊ \f + \fr 14:7 \fr*\ft ಯೇಸುಸ್ ದೇವ್ನಿ ಸ್ವರೂಪ್\ft*\f* ಮಾರ ಬಾನಾಬಿ ಅಛ್ಛಿನಿತರ ಮಾಲುಮ್ ಕರಿಲಿದಾಹೋತ್‌, ಕತೋಬಿ ಹಂಕೇಥು ತುಮೆ ಬಾನ ಮಾಲುಮ್‌ ಕರಿರಾಖ್ಯಾಸ್, ಅಜು಼ ಇನ ದೇಖಿರಾಖ್ಯಾಸ್‌” ಕರಿ ಬೋಲ್ಯೊ.
\p
\v 8 ಫಿಲಿಪ್ಪನೆ ಯೇಸುನ, “ಪ್ರಭು, ಹಮೂನ ಬಾನ ವತಾಳ್; ಹಮೂನ ಎತ್ರೇಸ್ ಬಶ್‌” ಕರಿ ಬೋಲ್ಯೊ.
\p
\v 9 ಯೇಸುನೆ ಜ಼ವಾಬ್ ದೇತೊ ಹುಯಿನ್, “ಫಿಲಿಪ್ಪ, ಮೇ ಅತ್ರಾದನ್‌ ತುಮಾರ ಜೋ಼ಡೆ ರ‍್ಹಯೊತೋಬಿ, ತುನೆ ಮನ ಮಾಲುಮ್‌ ಕರಿಲಿದೊಕೊಯ್ನಿಕಿ ಶು? ಕೋಣ್ ಮನ ದೇಖ್ಯುಕಿ, ಇವ್ಣೆ ಬಾನಾಬಿ ದೇಖಿರಾಖ್ಯುಸ್‌. ಅಮ್ ರ‍್ಹವಾಪರ್, ತೂ, “ಹಮೂನ ಬಾನ ವತಾಳ್” ಕರಿ ಪುಛಾ಼ವಸ್ತೆ ಶನ? 
\v 10 “ಮೇ ಬಾಮ ಛೂ಼, ಅಜು಼ ಬಾ ಮಾರಾಮ ಛಾ಼ ಕರಿ ತೂ ನಂಬಾಕೊಯ್ನಿಕಿ ಶು? ಮೇ ತುಮೂನ ಬೋಲುಸ್ತೆ ವಾತೆ, ಮಾರೇಥಿ ಮೇಸ್ ಬೋಲ್ಯೋತೆ ಕಾಹೆ; ಬಾ ಮಾರ ಮಹಿ ರ‍್ಹೀನ್, ಜಿವ್ಣುಕರೀನ್ ಇನು ಕಾಮ್ನ ಕರಾಸ್. 
\v 11 ಮೇ ಬಾಮ ಛೂ಼, ಅಜು಼ ಬಾ ಮಾರಾಮ ಛಾ಼ ಕರಿ ಮೇ ಬೋಲುಸ್ತೆ ಆ ವಾತೇನ ನಂಬೊ. ನತರ್‌ಕಿ ಮೇ ಕರ‍್ಯೊತೆ ಖ್ಹಾರು ಅದ್ಭುತ್ ಕಾಮ್ನ ದೇಖಿನ್ ತೋಬಿ, ನಂಬೊ. 
\v 12 ಮೇ ತುಮೂನ ಖ್ಹಾಚ ಬೋಲುಸ್, ಮನ ನಂಬವಾಳೊ ಮೇ ಕರ‍್ಯೊತೆ ಕಾಮ್ನಖ್ಹಾರು ಯೋಬಿ ಕರ್ಶೆ, ಎತ್ರೇಸ್ ಕಾಹೆತೆ ಇನೇಥಿ ಮಹಾನ್ ಕಾಮ್ನ ಖ್ಹಾರು ಕರ್ಶೆ, ಶನಕತೊ ಮೇ ಬಾಕನ ವಳ್ಯೊಜ಼ವುಸ್‌. 
\v 13 ಅಜು಼ ತುಮೆ ಮಾರ ನಾಮ್‌ಪರ್‌ ಶಾತ್‌ ಮಾಂಗಿಲಿದಾತೋ, ಮೇ ತುಮಾರಖ್ಹಾಜೆ ಯೋ ಖ್ಹಾರುಸ್ ಚ಼ಲೈಶ್‌, ಅನಖ್ಹಾಜೆ ಛಿಯ್ಯಾಥಿ ಬಾನ ಮಹಿಮೆ ಉಶೆ. 
\v 14 ತುಮೆ ಮಾರ ನಾಮ್‌ಪರ್‌ ಶಾತ್‌ ಮಾಂಗಿಲಿದತೋಬಿ, ಮೇ ಇನ ಪೂರ ಕರಿಶ್.
\s ಪವಿತ್ರಾತ್ಮನಿ ಬಾರೇಮ ವಾಗ್ದಾನ
\p
\v 15 ತುಮೆ ಮನ ಪ್ಯಾರ್‌ಕರವಾಳ ರ‍್ಹಯಾತೊ, ಮಾರಿ ಹುಕುಮ್‌ನ ಪಾಡಿ ಚಾ಼ಲ್‌ಶು. 
\v 16 ತದೆ ಮೇ ಬಾಕನ ಬೋಲಿಲೀಶ್‌, ತದೆ ಯೋ ತುಮೂನ ಬಿಜೇಕ್‍ಜ಼ಣೊ ಮದತ್‌ ಕರವಾಳನ ತುಮಾರಿ ಜೋ಼ಡ್ಮ ರ‍್ಹವಾನ ಮೋಕಲ್‌ಶೆ. ಯೋ ಮದತ್ ಕರಾವಾಳೊ ಹರ್‌ಹಮೇಶ ತುಮಾರ ಜೋ಼ಡೆ ರ‍್ಹಿಶೆ. 
\v 17 ಯೋ ಮದತ್ ಕರಾವಾಳೊ\f + \fr 14:17 \fr*\ft ಅಪ್ಣಣಾಮ ಛಾ಼ತೆ ಪವಿತ್ರಾತ್ಮ\ft*\f* ಕೋಣ್‌ಕತೊ ಖ್ಹಾಚೊ಼ ಆತ್ಮಾಸ್‌. ಆ ಜಗತ್‌ ಇನ ದೇಖ್ಯುಕೊಯ್ನಿ, ಪರ್‌ಖ್ಯುಬಿ ಕೊಯ್ನಿ.ಇನಖ್ಹಾಜೆ ತುಮೆ ಇನ ಮಾಲುಮ್ ಕರಿಲಿಶು. ಕತೋಬಿ ತುಮಾರಿಜೋ಼ಡ್ಮ ಜಿವ್‌ಶೆ ಅಜು಼ ತುಮಾರ ಮಹಿರಿಶೆ.
\p
\v 18 ಮೇ ತುಮೂನ ಅನಾದ್ರಿನಿತರ ಕೋ ಮ್ಹೇಲೀಶ್‌ನಿ; ಮೇ ತುಮಾರಕನ ಪಾಛೊ಼ ಐಶ್‌. 
\v 19 ಬಿಜು಼ ಥೋಡ ದನ್ನ ಬಾದ್‌ಮ ಆ ಜಗತ್‌ ಮನ ದೇಕ್‌ಶೆ ಕೊಯ್ನಿ, ಕತೋಬಿ ತುಮೆ ಮನ ದೇಕ್‌ಶು; ಮೇ ಜಿವ್‌ಸ್ತೆ ಇನಖ್ಹಾಜೆ ತುಮೇಬಿ ಜಿವ್‌ಶು. 
\v 20 ಯೋ ದನ್ಮ ಮೇ ಮಾರ ಬಾಮಾಬಿ, ತುಮೆ ಮಾರಮಬಿ, ಇಮ್ಮಸ್ ಮೇ ತುಮಾರಮಬಿ ಛೂ಼ತೆ ಮಾಲುಮ್‌ ಕರಿಲಿಶು.
\p
\v 21 “ಮಾರಿ ಹುಕುಮ್‌ನ ಮಾನಿನ್‌, ಇನೀನಿಘೋಣಿ ಚಾ಼ಲವಾಳೋಸ್‌ ಮನ ಪ್ಯಾರ್ ಕರಾವಾಳೊ ಹುಯಿರ‍್ಹೋಸ್. ಕೋಣ್ ಮನ ಪ್ಯಾರ್ ಕರಾಸ್ಕಿ ಮಾರೊ ಬಾ ಇನ ಪ್ಯಾರ್ ಕರ್ಶೆ; ಮೇಬಿ ಇನ ಪ್ಯಾರ್ ಕರೀಶ್ ಅಜು಼ ಮೇಸ್ ಇನ ದೆಖೈಲೀಶ್‌” ಕರಿ ಬೋಲ್ಯೊ.
\p
\v 22 ತದೆ ಯೂದಾನೆ (ಆ ಇಸ್ಕರಿಯೋತ ಯೂದ ಕಾಹೆ) ಕತೋಬಿ “ಪ್ರಭು, ತೂ ಜಗತ್ನ ದೆಖೈಶ್‌ ಕೊಂತೆ ತೂ ಹಮೂನ ಖಲಿ ದೆಖೈಲ್ಯವಾನ ಕಿಮ್ ಉಶೆ?” ಕರಿ ಪುಛಾ಼ಯೊ.
\p
\v 23 ಯೇಸುನೆ ಇನ, “ಕೋಣ್ ಮನ ಪ್ಯಾರ್ ಕರಾಸ್ಕಿ, ಇವ್ಣೆ ಮಾರಿ ವಾತೇನ ಪಾಡಿ ಚಾ಼ಲ್‌ಷೆ. ಮಾರೊ ಬಾ ಇನ ಪ್ಯಾರ್ ಕರ್ಶೆ, ಅಜು಼ ಮಾರೊ ಬಾಬಿ ಮೇ ಭೇಜ಼ಣ ಇನಾಕನ ಐನ್, ಇನಜೋ಼ಡೆ ಜಿವ್‌ಶು. 
\v 24 ಮನ ಪ್ಯಾರ್‌ಕರಾಕೊಂತೆ ಇವ್ಣೆ ಮಾರಿ ವಾತೇನ ಪಾಡಿ ಚಾ಼ಲಾಕೊಯ್ನಿ; ತುಮೆ ಖ್ಹಮ್‌ಜು಼ಕರಾತೆ ಮಾರಿ ವಾತೆ ಕಾಹೆ, ಮನ ಮೋಕ್‌ಲ್ಯೊತೆ ಬಾನಿಸ್‌ ವಾತೆ.
\p
\v 25 ಮೇ ತುಮಾರ ಜೋ಼ಡೆ ರ‍್ಹವಾನಿಸ್ ವಖ್ಹತ್‌ಮ, ಮೇ ಆ ಖ್ಹಾರು ತುಮೂನ ಬೋಲಿರಾಖ್ಯೊಸ್. 
\v 26 ಕತೋಬಿ ಯೋ ಮದತ್‌ ಕರವಾಳೊ, ಕತೊ ಮಾರ ನಾಮ್‌ಪರ್‌ ಬಾ ಮೋಕ್‌ಲ್‌ಶೇತೆ ಪವಿತ್ರಾತ್ಮಸ್ ತುಮೂನ ಖ್ಹಾರೂಸ್ ಶಿಕಾಡ್‍ಶೆ ಅಜು಼ ಮೇ ಬೋಲ್ಯೋತೆ ಅಖ್ಖಾಸ್ನ ತುಮಾರಿ ಯಾದ್ಮ ಲ್ಯಾವ್‌ಶೆ.
\p
\v 27 ಮೆ ಶಾಂತಿನ ತುಮಾರಮ ಮ್ಹೇಲಿನ್\f + \fr 14:27 \fr*\ft ಕದೇಬಿ ರ‍್ಹವಾನು ಶಂತೋಖ್ಹ್‌\ft*\f* ವಳ್ಯೊಜ಼ವುಸ್‌, ಮಾರಾಮ ಛಾ಼ತೆ ಶಾಂತಿನ ತುಮೂನ ದೆವುಸ್‌; ಆ ಜಗತ್‌ ದೇಸ್ತೆ ಇಮ್‌ ಕಾಹೆ, ಮೇ ತುಮೂನ ದೆವ್‍ಸ್ತೆ, ತುಮಾರೊ ದಿಲ್‌ ಕಲಾವಾದೆ ನಕೊ, ಅಜು಼ ತುಮೆ ಡರೊ ನಕೊ. 
\v 28 ಮೇ ವಳ್ಯೊಜ಼ವುಸ್‌, ಕತೋಬಿ ಪಾಛೊ಼ಫರಿ ತುಮಾರಕನ ಐಶ್‌, ಕರಿ ಮೇ ಬೋಲ್ಯೋತೆ ವಾತೇನ ತುಮೆ ಖ್ಹಮ್‌ಜಿರಾಖ್ಯಾಸ್‌, ತುಮೆ ಮನ ಪ್ಯಾರ್ ಕರಾವಾಳು ಹುಯಿರ‍್ಹಾಹೊತ್ತೊ, ಮೇ ಬಾಕನ ವಳ್ಯೊಜ಼ವುಸ್ತೆ ಬಾರೇಮ ಖ್ಹುಶಿ ಕರ‍್ಯಾಹೋತ್‌; ಶನಕತೊ ಬಾ ಮಾರೇಥಿಬಿ ಮಹಾನ್ ಹುಯಿರ‍್ಹೋಸ್. 
\v 29 ಆ ಖ್ಹಾರು ಚಾ಼ಲಾನ ಅಗಾಡಿಸ್, ಮೇ ತುಮೂನ ಹಂಕೇಸ್‌ ಆ ಖ್ಹಾರು ಬೋಲಿರಾಖ್ಯೊಸ್. ತದೆ ಯೋ ಚಾ಼ಲಾನಿ ವಖ್ಹತ್‌ಮ ತುಮೆ ನಂಬ್‌ಶು. 
\v 30 ಬಿಜು಼ ಮೇ ತುಮಾರ ಜೋ಼ಡೆ ಜಾ಼ಖ್ಹತ್ ವಾತೆ ಕೋ ಬೋಲೂನಿ, ಶನಕತೊ ಆ ಜಗತ್ನ ಅದಿಕಾರಿ ವಳ್ಯಾವಸ್. ಇನ ಮಾರಪರ್ ಖೆವಿಸ್ ಹಕ್‌ ಕೊಯ್ನಿ. 
\v 31 ತೋಬಿ ಮೇ ಬಾನ ಪ್ಯಾರ್ ಕರುಸ್ ಕರಿ ಅಜು಼ ಆ ಜಗತ್‌ ಶಿಕಿಲೇವ್ಣು ಕರಿ, ಬಾನೆ ಮನ ದಿದೋತೆ ಹುಕುಮ್‌ನಿತರಸ್ ಮೇ ಕರುಸ್.
\p “ಆವೊ, ಅಪ್ಣೆ ಹಜ್ಜಾ಼ಥು ಜ಼ಯ್ಯೆ.”
\c 15
\s ಯೇಸುಸ್‌ ಖ್ಹಾಚೊ಼ ದ್ರಾಕ್ಷಿನೊ ವೇಲೊ
\p
\v 1 “ಮೇಸ್ ಖ್ಹಾಚೊ಼ ದ್ರಾಕ್ಷಿನೊ ವೇಲೊ, ಮಾರೊ ಬಾ ಬಾಗ್‌ನ ದೇಕ್-ಭಾಲ್‌ ಕರಾವಾಳೊ. 
\v 2 ಮಾರಾಮ ರ‍್ಹೀನ್, ಪಂಡು ದೇಯಿಕೊಂತೆ ಹರೇಕ್ ಡಾಳಿನ ಯೋ ಕತ್ರಿನಾಖಸ್‌; ಅಜು಼ ಪಂಡು ದೇಸ್ತೆ ಹರೇಕ್ ಡಾಳಿನ ಬಿಜೂ಼ಬಿ ಜಾ಼ಖ್ಹತ್ ಪಂಡು ದ್ಯವಾನಿಘೋಣಿ ಇನ ಛಾ಼ಟಿನ್ ಪಾಕ್‍ಕರಾಸ್. 
\v 3 ಮೇ ತುಮೂನ ಬೋಲ್ಯೊತೆ ವಚನ್‌ಥಿ ತುಮೆ ಅಗಾಡಿಸ್ ಪಾಕ್‌ ಹುಯಿರ‍್ಹಾಸ್‌. 
\v 4 ತುಮೆ ಮಾರಾಮ ರ‍್ಹವೊ, ಮೇ ತುಮಾರಾಮ ರ‍್ಹೀಶ್. ಡಾಳಿಯೆ ವೇಲಾನ ಜೋ಼ಡೆ ನಾ ರ‍್ಹಿಯುತೊ, ಇನುಯೋಸ್ ಪಂಡು ದ್ಯವಾನ ಕೋ ಹುವ್ವಾನಿಕಿ, ಇಮ್ಮಸ್ ತುಮೆ ಮಾರಾಮ ನಾ ರ‍್ಹಯಾತೊ, ಫಲ್‍ದ್ಯವಾನ ಕೋ ಉಶೇನಿ.
\p
\v 5 ಮೇ ದ್ರಾಕ್ಷಿನೊ ವೇಲೊ, ಅಜು಼ ತುಮೆ ಡಾಳಿಯೆ. ಏಕ್‌ ಜ಼ಣೊ ಮಾರಾಮ ಅಜು಼ ಮೇ ಇನಾಮ ರ‍್ಹಯೋತೊ, ಯೋಸ್‌ ಜಾ಼ಖ್ಹತ್ ಪಂಡು ದಿಶೆ; ಕತೋಬಿ ತುಮೆ ಮನ ಮ್ಹೆಂದಿನ್ ಶಾತ್ಬಿ ಕರಾನ ಕೋ ಹುವಾನಿ. 
\v 6 ಕೋಣ್ ಮಾರಾಮ ಕೋ ರ‍್ಹೇಯ್ನಿಕಿ, ಯೋ ಭಾರ್ ಫೇಕೈಗಯೂತೆ ಡಾಳಿನಿತರ ಛಾ಼, ಯೋ ಡಾಳಿ ಖ್ಹುಕೈಜಾ಼ಸ್; ಯೋ ಡಾಳಿಯೇನ ಅದ್ಮಿ ಎಕ್ಟು ಕರೀನ್, ಆಗ್‌ಮ ಫೇಕಿನಾಖಸ್‌, ಹಿಜ್ಜಾ಼ ಯೋ ಬಳಿಜಾ಼ಸ್‌. 
\v 7 ತುಮೆ ಮಾರಾಮಬಿ ಮಾರಿ ವಚನ್ ತುಮಾರಾಮ ರ‍್ಹಯೀತೊ\f + \fr 15:7 \fr*\ft ಇನಿ ವಚನ್ನಿತರ ಚಾ಼ಲ್ನು\ft*\f*, ಶಾತ್‌ ಮಾಂಗಿಲಿದಾತೋಬಿ ಯೋ ತುಮೂನ ಮಳ್‌ಶೆ. 
\v 8 ತುಮೆ ಜಾ಼ಖ್ಹತ್ ಪಂಡು ದಿಶುತೆ ಇನೇಥಿಸ್ ಮಾರ ಬಾನ ಮಹಿಮೆ ಉಶೆ; ಅಜು಼ ಅಮ್ ತುಮೆ ಮಾರ ಶಿಷ್ಯರ್‌ಉಶು. 
\v 9 ಬಾನೆ ಮನ ಕಿಮ್ ಪ್ಯಾರ್ ಕರ‍್ಯೋಕಿ ಇಮ್ಮಸ್, ಮೇ ತುಮೂನ ಪ್ಯಾರ್ ಕರುಸ್; ತುಮೆ ಮಾರಿ ಲಾಡ್ಮ ಮಳಿರ‍್ಹವೊ. 
\v 10 ಮೇ ಮಾರ ಬಾನಿ ಹುಕುಮ್‌ನ ಪಾಡಿ ಚಾ಼ಲಿನ್, ಇನಿ ಲಾಡ್ಮ ಛೂ಼ತೆ ಇಮ್ಮಸ್, ತುಮೆ ಮಾರಿ ಹುಕುಮ್‌ನ ಪಾಡಿ ಚಾ಼ಲ್ಯಾತೊ, ಮಾರಿ ಲಾಡ್ಮ ಏಕ್‌ ಹುಯಿರ‍್ಹೀಶು.
\p
\v 11 ಮಾರಾಮ ಛಾ಼ತೆ ಖ್ಹುಶಿ ತುಮಾರಮಾಬಿ ರ‍್ಹೇಣು ಕರಿ, ಅಜು಼ ತುಮಾರಿ ಖ್ಹುಶಿ ಭರೈನ್ ಝ಼ಲಕ್‌ಣು ಕರಿ ಮೇ ಆ ಖ್ಹಾರು ತುಮೂನ ಬೋಲಿರಾಖ್ಯೊಸ್. 
\v 12 ಮೇ ತುಮೂನ ಪ್ಯಾರ್ ಕರ‍್ಯೊತೆ ಇಮ್ಮಸ್, ತುಮೇಬಿ ಏಕ್‌ಥಿ-ಏಕ್‌ ಪ್ಯಾರ್ ಕರ‍್ನು, ಕರಿ ಬೋಲಾನುಸ್ ಮಾರಿ ಹುಕುಮ್‌. 
\v 13 ಇನೊ ಜಾನ್ನಾಸ್ ದೋಸ್ತ್ ಖ್ಹಾರಾನಖ್ಹಾಜೆ ದೇಸ್ತೆ, ಲಾಡ್‌ಥಿ ಮಹಾನ್ ಪ್ಯಾರ್ ಬಿಜು಼ ಕೆಹುಸ್‌ ಕೊಯ್ನಿ. 
\v 14 ಮೇ ತುಮೂನ ದಿದೋತೆ ಹುಕುಮ್‌ನಿಘೋಣಿ ತುಮೆ ಚಾ಼ಲ್ಯಾತೊ, ತುಮೆ ಮಾರ ದೋಸ್ತ್. 
\v 15 ಬಿಜು಼ ಖ್ಹಾಮ್ಣೆ ಮೇ ತುಮೂನ ಆಳ್‌ ಕರಿ ಬುಲಾವ್ ಕೊಯ್ನಿ, ಶನಕತೊ ಯಜಮಾನ್ ಶಾತ್‌ ಕರುಕರಸ್ ಕರಿ ಇನ ಆಳ್‌ನ ಮಾಲುಮ್‌ ಕೋ ರ‍್ಹೇಯ್ನಿ. ಅನಬದಲ್ ಮೇ ತುಮೂನ ದೋಸ್ತ್ ಕರಿ ಬುಲಾವುಸ್‌, ಶನಕತೊ ಬಾಥಿ ಮೇ ಶಾತ್ ಖ್ಹಮ್‌ಜ್ಯೋಕಿ ಖ್ಹಾರಸ್ನ ತುಮೂನ ಬೋಲಿರಾಖ್ಯೊಸ್. 
\v 16 ತುಮೆ ಮನ ಚೂ಼ಣಿನ್ ಕಾಡಿರಾಖ್ಯಕೊಯ್ನಿ; ಮೇ ತುಮೂನ ಚೂ಼ಣಿನ್ ಕಾಡಿರಾಖ್ಯೊಸ್, ತುಮೆ ಜೈ಼ನ್‌, ಪಂಡು ದೇವ್ಣುಕರಿ ಅಜು಼ ಯೋ ಪಂಡು ಕೆದೇಬಿ ದ್ಯವಾನು ಹುಯಿರ‍್ಹೇಣು ಕರಿ, ಮೇ ತುಮೂನ ನೇಮ್‌ಶೈರಾಖ್ಯೋಸ್‌. ಅನಖ್ಹಾಜೆಸ್ ಮಾರ ನಾಮ್‍ಥಿ ತುಮೆ ಶಾತ್‌ ಮಾಂಗಿಲಿದಾತೋಬಿ ಬಾ ತುಮೂನ ಯೋ ದಿಶೆ. 
\v 17 ತುಮೆ ಏಕ್‌ಥಿ-ಏಕ್‌ ಪ್ಯಾರ್ ಕರ‍್ನು, ಕರಿ ಬೋಲಾನುಸ್ ಮಾರಿ ಹುಕುಮ್‌.
\s ಯೇಸುನೆ ಝೇತಾಯೊತೆ
\p
\v 18 “ಆ ಜಗತ್‌ ತುಮೂನ ವಹೇರ್‌ ಕರ‍್ಯೂತೊ, ಯೋ ಪಹಿಲೆ ಮನ ವಹೇರ್‌ ಕರ‍್ಯು ಕರಿ ತುಮೆ ಯಾದ್ ಕರಿಲೆವೊ. 
\v 19 ತುಮೆ ಆ ಜಗತ್‌ವಾಳ ಹುಯಿರ‍್ಹಾಹೋತ್ತೊ\f + \fr 15:19 \fr*\ft ಅಪ್ಣೆ ಸೊರ್ಗ ಲೋಕ್ನ ಹುಯಿರಾಸ್\ft*\f*, ಆ ಜಗತ್‌ವಾಳು ತುಮೆ ಇವ್ಣ ಭಣಿವಾಳ ಕರಿ ಪ್ಯಾರ್ ಕರ‍್ಯುಹೊತ್. ಕತೋಬಿ ತುಮೆ ಜಗತ್‌ ಭಣಿವಾಳ ಕಾಹೆತೆ ಇನಖ್ಹಾಜೆ\f + \fr 15:19 \fr*\ft ನಂಬವಾಳ ಶಿಷ್ಯರ‍್ನಬಿ ಇನಿ ಶಕತ್‍ ಛಾ಼\ft*\f*, ಅಜು಼ ಮೇ ತುಮೂನ ಜಗತ್‌ಮಾಥು ಚೂ಼ಣಿನ್ ಕಾಡಿರಾಖ್ಯೋಸ್ತೆ ಇನಖ್ಹಾಜೆ, ಆ ಜಗತ್‌ ತುಮಾರಪರ್ ವಹೇರ್‌ ಕರಾಸ್. 
\v 20 ಯಾದ್ ಕರಿಲೆವೊ ಆಳ್‌ ಯಜಮಾನ್‍ಥಿ ಮೋಟೊ ಕಾಹೆ’ ಕರಿ ಮೇ ಬೋಲ್ಯೋತೆ ವಾತೆ ಶಾತ್‍ಕತೊ ಇವ್ಣೆ ಮನ ಖ್ಹತಾಯೂತೊ, ತುಮೂನಾಬಿ ಖ್ಹತಾವ್‌ಶೆ; ಇವ್ಣೆ ಮಾರಿ ವಾತೇನ ಪಾಡಿ ಚಾ಼ಲ್ಯುತೊ, ತುಮಾರಿ ವಾತೆನಾಬಿ ಪಾಡಿ ಚಾ಼ಲ್‌ಷೆ. 
\v 21 ಕತೋಬಿ ಇವ್ಣೆ ಮನ ಮೋಕ್ಲಿರಾಖ್ಯೊತೆ ಇನ ಮಾಲುಮ್ ಕರ‍್ಯುಕೊಂತೆ ಇನಖ್ಹಾಜೆ ಆ ಖ್ಹಾರುಮಾರ ನಾಮ್‍ಥಿ ತುಮೂನ ಕರ್ಶೆ. 
\v 22 ಮೇ ಐನ್ ಆ ಜಗತ್ನಿ ಅದ್ಮಿವೊನಿ ಜೋ಼ಡೆ ವಾತೆ ನಾ ಬೋಲ್ಯೊಹೊತ್ತೊ, ಇವ್ಣುನ ಪಾಪಿ ದೋಷಿಕರಿ ಬೋಲಾಯುಹೊತ್‌ ಕೊಯ್ನಿ. ಕತೋಬಿ ಹಮ್ಕೆ ಮೇ ಐನ್ ವಾತೆ ಬೋಲಿರಾಖ್ಯೊಸ್ ಇನಖ್ಹಾಜೆ ಇವ್ಣ ಪಾಪ್ನ ಖಿವು ಭಾಣುಬಿ ಕೊಯ್ನಿ. 
\v 23 ಮಾರಪರ್ ವಹೇರ್‌ ಕರಾವಾಳು ಮಾರ ಬಾಪರ್‌ಬಿ ವಹೇರ್‌ ಕರಾವಾಳು ಹುಯಿರ‍್ಹುಸ್‍. 
\v 24 ಏಕ್‍ ವಖ್ಹತ್ ಖ್ಹಾರಕಾಮ್ನ ಮೇ ಇವ್ಣಾಮ ನಾಕರ‍್ಯೊಹೋತ್ತೊ, ಇವ್ಣಾಪರ್ ಪಾಪ್ ಕೋ ರ‍್ಹಯುಹೋತ್ನಿ, ಕತೋಬಿ ಹಮ್ಕೆ ಇವ್ಣೆ ದೇಖಿರಾಖ್ಯೂಸ್‌, ತೋಬಿ ಮಾರಪರ್‌ಬಿ ಮಾರ ಬಾಪರ್‌ಬಿ ವಹೇರ್‌ ಕರಾಸ್. 
\v 25 ‘ಇವ್ಣೆ ಮನ ನೀಕೊಯ್ನಿತೇಸ್‌ ವಹೇರ್‌ ಕರ‍್ಯು’ ಕರಿ ಇವ್ಣಿ ಧರ್ಮಶಾಸ್ತ್ರಮ ಲೀಖೈರ‍್ಹೂತೆ ವಾತೆ ಪೂರಹುವಾನಖ್ಹಾಜೆ ಅಮ್ ಹುಯೂತೆ.
\p
\v 26 “ಬಾ ಕಂಥು ಆವ್‌ಶೇತೆ ಯೋ ಮದತ್‌ ಕರವಾಳೊ ಆತ್ಮ ಹುಯಿರ‍್ಹೋಸ್. ಯೊ ದೇವ್ನು ಖ್ಹಾಚ಼ನ ಬೋಲಸ್, ಯೋ ತುಮುನ ಮಾರಿ ಬಾರೇಮ ಸಾಕ್ಷಿ ಬೋಲ್‌ಶೆ\f + \fr 15:26 \fr*\ft ಪವಿತ್ರಾತ್ಮನಿ ಬಾರೇಮ ಬೋಲೈರ‍್ಹೂಸ್\ft*\f*. 
\v 27 ತುಮೆ ಶುರುವಾತ್‌ಥೂಸ್ ಮಾರ ಜೋ಼ಡೆ ಥಾತೆ ಇನಖ್ಹಾಜೆ, ತುಮೇಬಿ ಮನ ಸಾಕ್ಷಿ ಹುಯಿರಾಸ್.
\c 16
\p
\v 1 ಆ ಖ್ಹಾರಿ ವಾತೆ ಮಾರಿ ಬಾರೇಮ ಮೇ ತುಮುನ ಬೋಲ್ಯೊತೆ ಶನಖ್ಹಾಜೆ ಕತೊ ತುಮಾರಿ ವಿಶ್ವಾಸ್‌ ನಾ ಟುಟಿಪಡ್ನುಕರಿ. 
\v 2 ಇವ್ಣೆ ತುಮೂನ ಸಬಾಮಂದಿರ್‌ಥು ಭಾರ್‌ ಕಾಡಿನಾಕ್‌ಶೆ; ಯೋ ಕೊಂತೆ ತುಮೂನ ಮಾರಿನಾಖವಾಳೊ ಇನೆ ದೇವ್ನ ಬಲಿದಿದೊಕರಿ ಸೋಚಾನ ಹಗಾಮ್ ಆವ್‌ಶೆ. 
\v 3 ಅದ್ಮಿಖ್ಹಾರು ಬಾನ ರ‍್ಹವೊ, ಮನ ರ‍್ಹವೊ ಮಾಲುಮ್‌ ಕರಿರಾಖ್ಯುಕೊಯ್ನಿತೆ ಇನಖ್ಹಾಜೆ, ತುಮೂನ ಅಮ್ ಖ್ಹಾರು ಕರ್ಶೆ. 
\v 4 ಕತೋಬಿ ಮೇ ತುಮೂನ ಆ ಖ್ಹಾರು ಅನಖ್ಹಾಜೆ ಬೋಲಿರಾಖ್ಯೊಸ್, ಶನಕತೊ ಆ ಖ್ಹಾರು ಚ಼ಲಾ಼ನಿ ವಖ್ಹತ್‌ಮ, ಮೇ ಪಹಿಲೆ ಬೋಲ್ಯೋತೆ ವಾತೆ ತುಮೆ ಯಾದ್ ಕರಿಲಿಶು.
\s ಪವಿತ್ರಾತ್ಮನು ಕಾಮ್
\p “ಮೇ ತುಮಾರ ಜೋ಼ಡೆ ಥೋತೆ ಇನಖ್ಹಾಜೆ ಅಗಾಡಿಸ್ ಆ ಖ್ಹಾರು ಕೋ ಬೋಲ್ಯೋನಿ. 
\v 5 ಕತೋಬಿ ಹಮ್ಕೆ, ಮೇ ಮನ ಮೋಕ್‌ಲ್ಯೊತೆ ಇನಾಕನ ವಳ್ಯೊಜ಼ವುಸ್‌, ತೋಬಿ ತೂ ಕಿಜ್ಗಾ಼ ವಳ್ಯೊಜಾ಼ಸ್‌? ಕರಿ ತುಮಾರಾಮ ಏಕ್‌ನೇಬಿ ಮನ ಪುಛಾ಼ಯಕೊಯ್ನಿ. 
\v 6 ಹಮ್ಕೆ ಮೇ ತುಮೂನ ಆ ಖ್ಹಾರಿ ವಾತೆ ಬೋಲ್ಯೋತೆ ಇನಖ್ಹಾಜೆ ತುಮಾರ ದಿಲ್ಮ ದುಖ್ ಭರೈರ‍್ಹೂಸ್. 
\v 7 ಕತೋಬಿ ಮೇ ತುಮೂನ ಖ್ಹಾಚ ಬೋಲುಕರುಸ್, ಮೇ ಜಾ಼ವಾನು ತುಮೂನ ಅಛ್ಛು಼ ಹುಯಿರ‍್ಹುಸ್‍, ಶನಕತೊ ಮೇ ನಾ ಗಯೋತೊ, ಯೋ ಮದತ್‌ ಕರವಾಳೊ ತುಮಾರಕನ ಕೋ ಆವ್‌ಶೇನಿ.ಕತೋಬಿ ಮೇ ಗಯೋತೊ, ಇನ ತುಮಾರಕನ ಬೋಲಿ ಮೋಕ್ಲೀಶ್\f + \fr 16:7 \fr*\ft ಬಾನಿ ಹುಕುಮ್‌ನ ಚ಼ಲಾವ್ಣು ಪಡ್ಯುಥು\ft*\f*. 
\v 8 ಯೋ ಆವ್‌ಶೇತೆ ತದೆ ಪಾಪ್, ನೀತಿ ಅಜು಼ ನ್ಯಾವ್ ತೀರ್ಪ್‌ನ ಬಾರೇಮ ಜಗತ್ನ ಮಾಲುಮ್‌ ಕರಾವ್‌ಶೆ. 
\v 9 ಪಾಪ್ನಿ ಬಾರೇಮಾಬಿ ಇವ್ಣೆ ಮನ ವಿಶ್ವಾಸ್‌ ಕರ‍್ಯುಕೊಯ್ನಿ. 
\v 10 ಮೇ ಬಾಕನ ಜೈ಼ನ್‌, ನೀತಿನಿ ಬಾರೇಮ ಅದ್ಮಿಖ್ಹಾರನ ಖ್ಹಾಮ್ಣೆ ಸಾಕ್ಷಿದಿಶ್, ಬಿಜು಼ ಅನಪಾರ್ ಮನ ಘಣಿ ವಖ್ಹತ್ ದೇಕ್‌ಶು ಕೊಯ್ನಿ. 
\v 11 ನ್ಯಾವ್‌ನಿ ಬಾರೇಮ ಆ ಜಗತ್ನ ಅದಿಪತಿನ ನ್ಯಾವ್‍ನಿ ತೀರ್ಪ್ ಹುಯಿಗಯು.
\p
\v 12 ಮೇ ತುಮೂನ ಬೋಲ್ನುತೆ ವಾತೆ ಬಿಜೂ಼ಬಿ ಘಣಿ ಛಾ಼, ಕತೋಬಿ ಹಮ್ಕೆ ಇನ ಝೇಲಾನ ತುಮೂನ ಕೋ ಉಶೇನಿ. 
\v 13 ಕತೋಬಿ ಖ್ಹಾಚೊ಼ ಆತ್ಮ ಆವ್‌ಶೇತೆ ತದೆ, ಯೋ ತುಮೂನ ಖ್ಹಾರಿಸ್ ಬಾರೇಮ ಖ್ಹಾಚಾಮ ಚ಼ಲೈಲಿಜಾಷೆ. ಯೋ ಬೋಲ್‍ಶೇತೆ ಇನಿ ವಾತೆ ಕಾಹೆ, ಯೋ ಶಾತ್‌ ಖ್ಹಮ್‌ಜಾ಼ಸ್ಕಿ ಯೋಸ್‌ ತುಮೂನ ಬೋಲ್‌ಶೆ; ಅಜು಼ ಖ್ಹಾಮ್ಣೆ ಚಾ಼ಲ್‌ಶೇತೆ ಇನಿ ಬಾರೇಮ ತುಮೂನ ಬೋಲ್‌ಶೆ. 
\v 14 ಯೋ ಮೇ ಬೋಲುಸ್ತೆ ವಾತೆ ಲೀನ್‌, ತುಮೂನ ಬೋಲಿ ವತಾಳಸ್ತೆ ಇನಖ್ಹಾಜೇಸ್ ಮನಾಸ್ ಮಹಿಮೆ ಕರಸ್. 
\v 15 ಬಾಕನ ಛಾ಼ತೆ ಅಖ್ಖೂಸ್ ಮಾರುಸ್‌; ಇನಖ್ಹಾಜೇಸ್ ಪವಿತ್ರಾತ್ಮ ಮೇ ಬೋಲುಸ್ತೆ ಇನಾಸ್ ಲೀನ್‌, ಯೋ ತುಮೂನ ಬೋಲ್‌ಶೆ ಕರಿ ಮೇ ಬೋಲ್ಯೋತೆ.”
\s ಖ್ಹುಶಿ ಅಜು಼ ದುಖ್
\p
\v 16 “ಥೋಡ ದನ್ನ ಬಾದ್‌ಮ ತುಮೆ ಮನ ದೇಕ್‌ಶು ಕೊಯ್ನಿ, ಕತೋಬಿ ಇನ ಬಾದ್‌ಮ ಥೋಡ ದನ್ ಕೇಡೆ ಮನ ದೇಕ್‌ಶು” ಕರಿ ಬೋಲ್ಯೊ.
\p
\v 17 ಅನ ಖ್ಹಮ್‌ಜಿನ್‌, ಇನ ಶಿಷ್ಯರ್‌ಮ ಥೋಡಾನೆ, “ಅನಿ ಮತ್‌ಲಬ್ ಶಾತ್‌? ಥೋಡ ದನ್ನ ಬಾದ್‌ಮ, ತುಮೆ ಮನ ದೇಕ್ಶುಕೊಯ್ನಿ,ಕತೋಬಿ ಅನ ಬಾದ್‌ಮ ಥೋಡ ದನ್‌ಕೇಡೆ ಮನ ದೇಕ್‌ಶು ಕರಿ ಬೋಲಾಸ್ನಿ? ಅಜು಼, ‘ಶನಕತೊ, ಮೇ ಬಾಕನ ವಳ್ಯೊಜ಼ವುಸ್‌ ಕರೀಬಿ ಬೋಲಾಸ್ನಿ?” ಕರಿ ಇವ್ಣ-ಇವ್ಣ ಮಹಿ ವಾತೆ ಬೋಲಿಲಿದು. 
\v 18 ಅನೆ ಬೋಲ್ಯೊತೆ ‘ಥೋಡ ದನ್ನ ಬಾದ್‌ಮ’ ಕರಿ ಅನಿ ಮತ್‌ಲಬ್ ಶಾತ್‌? ಶಾತ್‌ ಬೋಲಸ್ಕಿ ಹಮೂನ ಮಾಲುಮ್‌ ಕೊಯ್ನಿ!” ಕರಿ ಬೋಲಿಲಿದು.
\p
\v 19 ಯೇಸುನೆ ಇವ್ಣೆ ಇನ ಪುಛಾ಼ವ್ಣು ಕರಿ ಛಾ಼ ಕರಿ ಮಾಲುಮ್‌ ಕರಿಲೀನ್, ಇವ್ಣುನ, “ಥೋಡ ದನ್ನ ಬಾದ್‌ಮ ತುಮೆ ಮನ ದೇಕ್‌ಶು ಕೊಯ್ನಿ, ಕತೋಬಿ ಅನ ಬಾದ್‌ಮ ಥೋಡ ದನ್ನ ಕೇಡೆ ತುಮೆ ಮನ ದೇಕ್‌ಶು; ಆಸ್ಕಿ ಶು ತುಮೆ ತುಮಾರ-ತುಮಾರ ಮಹಿ ಪುಛಾ಼ವ್‌ ಕರಾಸ್ತೆ? 
\v 20 ಮೇ ತುಮೂನ ಖ್ಹಾಚ ಬೋಲುಕರುಸ್, ತುಮೆ ರೊವ್‌ತಾಹುಯಿನ್, ಕುರ್‌ಲ್ಹಾವ್‌ಶು, ಕತೋಬಿ ಜಗತ್‌ವಾಳು ಖ್ಹುಶೀಕರ್‌ಶೆ; ತುಮೂನ ದುಖ್ ಉಶೆ, ಕತೋಬಿ ತುಮಾರು ದುಖ್ ಜೈ಼ನ್‌, ಖ್ಹುಶಿ ಆವ್‌ಶೆ\f + \fr 16:20 \fr*\ft ಸೊರ್ಗನಿ ಖುಷಿ ಮಳ್‍ಶೆ\ft*\f*. 
\v 21 ಏಕ್‌ ತಯೇಡ ಜ಼ಣಾನಿ ವಖ್ಹತ್‌ಮ, ಇನಿ ಅಜಾ಼ನಿ ವಖ್ಹತ್ ಐಗೈ ಕರಿ ದುಖ್ ಕರಾಸ್, ಕತೋಬಿ ಲಡ್ಕು ಪೈದಾ ಕರಾನ ಬಾದ್‌ಮ, ಜಗತ್‌ಮ ಏಕ್‌ ಲಡ್ಕು ಪೈದಾ ಹುಯಿನ್ ಆಯುತೊ, ಯೋ ಖ್ಹುಶಿಥಿ ಅಜಾ಼ನ ಭೈಕಿಜಾ಼ಸ್‌. 
\v 22 ಇಮ್ಮಸ್ ತುಮೂನಾಬಿ ಹಮ್ಕೆ ದುಖ್ ರ‍್ಹಯುತೋಬಿ, ಮೇ ತುಮೂನ ಪಾಛೊ಼ ದೇಖಿಶ್‌, ತದೆ ತುಮಾರು ದಿಲ್‌ ಖ್ಹುಶೀಥಿ ಭರೈಜಾ಼ಶೆ, ಅಜು಼ ಕಿನೇಥೀಬಿ ತುಮಾರಿ ಖ್ಹುಶಿನ ದೂರ್ ಕಾಡಾನ ಕೋ ಉಶೇನಿ.
\p
\v 23 ಯೋ ದನ್ಮ, ತುಮೆ ಮನ ಶಾತ್ಬಿ ಕೋ ಪುಛಾ಼ವ್‌ಶುನಿ. ಮೇ ತುಮೂನ ಖ್ಹಾಚ ಬೋಲುಕರುಸ್, ತುಮೆ ಮಾರ ನಾಮ್‌ಪರ್‌ ಶಾತ್‌ ಮಾಂಗಿಲಿದಾತೋಬಿ ಬಾ ತುಮೂನ ಯೋ ದಿಶೆ. 
\v 24 ತುಮೆ ಹಂಕೆತೋಡಿ ಮಾರ ನಾಮ್‌ಪರ್‌ ಶಾತ್ಬಿ ಮಾಂಗಿರಾಖ್ಯಕೊಯ್ನಿ; ಮಾಂಗಿಲೆವೊ ತುಮೂನ ಮಳ್‌ಶೆ, ತದೆ ತುಮಾರಿ ಖ್ಹುಶಿ ಭರೈನ್ ಝ಼ಲಕ್‌ಶೆ” ಕರಿ ಬೋಲ್ಯೊ.
\s ಜಗತ್‌ಪರ್‌ ಜೀತ್
\p
\v 25 ಮೇ ಆ ಖ್ಹಾರು ಮತ್ಲಬ್‌ಥಿ ತುಮೂನ ಬೋಲಿರಾಖ್ಯೊಸ್. ಕತೋಬಿ ಬಿಜು಼ ಖ್ಹಾಮ್ಣೆ ಮತ್ಲಬ್‌ನಿ ಖೇಣಿಥಿ ಕಾಹೆತೆ ಬಾನಿ ಬಾರೇಮ ನೇರ್‌ವಳಿಥಿ ತುಮಾರ ಜೋ಼ಡೆ ವಾತೆ ಬೋಲಾನಿ ವಖ್ಹತ್ ಆವ್‌ಶೆ. 
\v 26 ಯೋ ದನ್ಮ, ಮಾರ ನಾಮ್‌ಪರ್‌ ಮಾಂಗಿಲಿಶು; ಮೇ ಬಾಕನ ತುಮಾರಖ್ಹಾಜೆ ಮಾಂಗಿಲೀಶ್‌ ಕರಿ ಮೇ ತುಮೂನ ಬೋಲಿಶ್ ಕೊಯ್ನಿ. 
\v 27 ತುಮೆ ಮನ ಪ್ಯಾರ್‌ಕರೀನ್ ಮೇ ಬಾಕಂಥೊ ಆಯೋಕರಿ ವಿಶ್ವಾಸ್‌ ಕರ‍್ಯಾತೆ ಇನಖ್ಹಾಜೆ ಬಾಸ್ ತುಮೂನ ಪ್ಯಾರ್‌ಕರಾಸ್‌. 
\v 28 ಮೇ ಬಾಕಂಥೊ ಜಗತ್ನ ಆಯೊ; ಹಮ್ಕೆ ಆ ಜಗತ್ನ ಮ್ಹೆಂದಿನ್, ಬಾಕನ ವಳ್ಯೊಜ಼ವುಸ್‌” ಕರಿ ಬೋಲ್ಯೊ.
\p
\v 29 ತದೆ ಶಿಷ್ಯರ್‌ನೆ ಇನ, “ಹಮ್ಕೆ ತೂ ಮತಲಬ್‌ಥಿ ಕೋ ಬೋಲುಕರಾನೀತೆ ನೇರ್‌ವಳಿಥಿ ಬೋಲುಕರಾಸ್‌. 
\v 30 ತುನ ಖ್ಹಾರುಸ್‌ ವಾತೆ ಮಾಲುಮ್‌ ಕರಿ,ಹಮೂನ ಮಾಲುಮ್. ಅಜು಼ ತುನ ಕೋಣ್‌ಬಿ ಪುಛಾ಼ವಾನಿ ಜ಼ರೂರತ್ ಕೊಯ್ನಿ ಅನೇಥಿ ತೂ ದೇವ್‌ಕಂಥೊ ಆಯೊಹುಯೊ ಕರಿ ಹಮೆ ವಿಶ್ವಾಸ್ ಕರಿಯೇಸ್” ಕರಿ ಬೋಲ್ಯ.
\p
\v 31 ತದೆ ಯೇಸುನೆ ಇವ್ಣುನ, “ಹಮ್ಕೆ ವಿಶ್ವಾಸ್‌ ಕರೋಸ್ಕಿಶು? 
\v 32 ಹಂದೇಖೊ, ವಖ್ಹತ್ ಐರ‍್ಹೀಸ್ ಹಂಕೇಸ್‌ ಯೋ ವಖ್ಹತ್ ಐರ‍್ಹೀಸ್, ತುಮಾರಾಮ ಏಕೇಕ್‌ ಜ಼ಣು, ಇವ್ಣಿ-ಇವ್ಣಿಝ಼ಗೋಮ ಛಿದ್‍ರೈಜಾ಼ಶು ಮನ ಏಕ್ಲನಾಸ್‌ ಮ್ಹೆಂದಿದ ಕರಿತುಮೆ ನಕೊಸೋಚೊ ಕತೋಬಿ ಮಾರೊ ಬಾ ಮಾರ ಜೋ಼ಡೆ ಛಾ಼. 
\v 33 ತುಮೆ ಮಾರಾಮ ರ‍್ಹೀನ್, ತುಮೂನ ಶಾಂತಿ ಮಳ್‌ಣು ಕರಿ ಆ ಖ್ಹಾರು ತುಮೂನ ಬೋಲಿರಾಖ್ಯೊಸ್. ಜಗತ್‌ಮ ತುಮೂನ ಖ್ಹತಾಪ್ಣಿ ಛಾ಼, ಕತೋಬಿ ಘಟ್ ರ‍್ಹವೊ,ಶನಕತೊ ಮೇ ಜಗತ್ನ ಜೂತಿರಾಖ್ಯೋಸ್‌” ಕರಿಬೋಲ್ಯೊ.
\c 17
\s ಯೇಸು ಇನ ಶಿಷ್ಯರ್‌ನಖ್ಹಾಜೆ ಪ್ರಾರ್ಥನೆ ಕರ‍್ಯೊತೆ
\p
\v 1 ಯೇಸುನೆ ಆ ವಾತೆ ಬೋಲಾನ ಬಾದ್‌ಮ, ಆಕಾಶ್‌ಭಣಿ ದೇಖಿನ್‌, “ಬಾ ವಖ್ಹತ್ ಐಗೈ; ತಾರ ಛಿಯ್ಯಾನ ಮಹಿಮೆ ಕರ್‌, ತದೆ ಛಿಯ್ಯೊ ತುನ ಮಹಿಮೆ ಕರಾನ ಉಶೆ. 
\v 2 ತುನೆ ಇನಖ್ಹಾರ ಅದ್ಮಿಪರ್ ಅದಿಕಾರ್ ದೀರಾಖ್ಯೊಸ್. ತುನೆ ಇನ ಕಿನಕಿನ ದೀರಾಖ್ಯೊಸ್ಕಿ, ಇವ್ಣ ಖ್ಹಾರಾನ ಯೋ ಹಮೇಶಾನಿ ಜಿ಼ಂದ್‌ಗಿ ದೇವ್ಣುಕರಿ ಹುಯಿರ‍್ಹೀಸ್. 
\v 3 ಎಕ್ಕಸ್ ಖ್ಹಾಚೊ಼ ದೇವ್ ಹುಯಿರ‍್ಹೋತೆ ತುನಾಬಿ, ತುನೆ ಮೋಕ್‌ಲ್ಯೊತೆ ಯೇಸು ಕ್ರಿಸ್ತನ ಮಾಲುಮ್‌ ಕರಿ ಲೆವಾನೂಸ್‌ ಹರ್‌ಹಮೇಶಾನಿ ಜಿ಼ಂದ್‌ಗಿ. 
\v 4 ಕರ‍್ನು ಕರಿ ತುನೆ ಮನ ದಿದೋತೆ ಕಾಮ್ನ ಪೂರ ಕರೀನ್, ಜ಼ಮೀನ್‌ಪರ್ ತುನ ಮಹಿಮೆ ಕರಿರಾಖ್ಯೋಸ್. 
\v 5 ಬಾ! ಹಮ್ಕೆ, ತೂ ತಾರ ಖ್ಹಾಮ್ಣೆ ಮನ ಮಹಿಮೆ ಕರ್‌, ಜಗತ್‌ ಉಬ್ಜಾ಼ನ ಅಗಾಡಿ ತಾರ ಜೋ಼ಡೆ ಮನ ಥೀತೆ ಯೋಸ್‌ ಮಹಿಮೆ ಮನ ದೇ.
\p
\v 6 ಆ ಜಗತ್‌ಮ ಖೆವ ಅದ್ಮಿನ ಮನ ದಿರಾಖ್ಯೋಸ್ಕಿ, ಮೇ ತಾರ ನಾಮ್ನ ಮಾಲುಮ್ ಕರೈರಾಖ್ಯೋಸ್. ಇವ್ಣೆ ಮಾರುಸ್‌ ಹುಯಿರುಥು,ಅಜು಼ ತುನೇಸ್ ಇವ್ಣುನ ಮನ ದಿದೊ. ಇವ್ಣೆ ಮಾರಿ ವಚನ್ನ ಪಾಡಿನ್ ಚಾ಼ಲಿರಾಖ್ಯುಸ್‌. 
\v 7 ತುನೆ ಮನ ದಿದೋತೆ ಖ್ಹಾರುಸ್‌ ತಾರೆಥೀಸ್‌ ಆಯೂತೆ ಕರಿ ಹಮ್ಕೆ ಅವ್ಣೆ ಮಾಲುಮ್‌ ಕರಿರಾಖ್ಯುಸ್. 
\v 8 ತುನೆ ಮನ ದಿದೋತೆ ವಾತೆನ ಮೇ ಇವ್ಣುನ ದೀರಾಖ್ಯೊಸ್; ಅವ್ಣೆ ಯೋ ವಾತೇನ ಮಾನಿಲಿದು ಅಜು಼ ಖ್ಹಾಚ಼ಮಾಬಿ ಮೇ ತಾರಕಂಥೊ ಐರ‍್ಹೋಸ್ ಕರಿ ಮಾಲುಮ್ ಕರ‍್ಯು ಅಜು಼ ತುನೆ ಮನ ಮೋಕ್‌ಲ್ಯೊ ಕರಿ ವಿಶ್ವಾಸ್‌ ಕರಸ್.
\p
\v 9 ಮೇ ಅವ್ಣಖ್ಹಾಜೆ ಪ್ರಾರ್ಥನೆ ಕರುಸ್; ಜಗತ್‍ವಾಳಾನಖ್ಹಾಜೆ ಕಾಹೆತೆ, ತುನೆ ಮನ ದೀರಾಖವಾಳನಖ್ಹಾಜೆ. ಪ್ರಾರ್ಥನೆ ಕರುಸ್. ಶನಕತೊ, ಅವ್ಣೆ ತಾರು ಅದ್ಮಿ ಹುಯಿರ‍್ಹುಸ್‍. 
\v 10 ಮಾರಕನ ಛಾ಼ತೆ ಖ್ಹಾರು ತಾರುಸ್‌, ಅಜು಼ ತಾರಕನ ಛಾ಼ತೆ ಖ್ಹಾರುಸ್ ಮಾರು; ಅನೇಥಿ ಮನ ಮಹಿಮೆಹುಯು. 
\v 11 ಅನಪಾರ್ ಮೇ ಜಗತ್‌ಮ ಕೋರ‍್ಹಿಶ್‍ನಿ. ಇವ್ಣೆತೋಬಿ ಜಗತ್‌ಮ ರ‍್ಹಿಶೆ. ಮೇ ತಾರಾಕನ ಆವ್‌ಸ್. ಪರಿಶುದ್ ಹುಯಿರೋತೆ ಬಾ, ಅಪ್ಣೆ ಏಕ್‍ಹುಯಿರಾತೆ ತಿಮ್ ಅವ್ಣೇಬಿ ಏಕ್‍ಹುಯಿರ‍್ಯವಾದೆಕರಿ, ತುನೆ ಮನ ದಿದೊತೆ ತಾರ ನಾಮ್‍ಥಿ ಇವ್ಣುನ ಜ಼ತನ್ ರಾಕ್. 
\v 12 ಮೇ ಅವ್ಣ ಜೋ಼ಡೆ ಥೋತೆ ತದೆ ತುನೆ ಮನ ದಿದೋತೆ, ತಾರ ನಾಮ್ನಿ ಶಕಥ್ಥಿ ಅವ್ಣುನ ಜ಼ತನ್ ರಾಖ್ಯೊ. ಧರ್ಮಶಾಸ್ತ್ರನಿ ವಾತೆ ಪೂರಹುವಾನಿಘೊಣಿ, ನಾಶನಖ್ಹಾಜೆಸ್‌ ಕರಿ ಚೂ಼ಣಾಯೋತೆ ಯೋ ಏಕ್‌ ಅದ್ಮಿ ಮ್ಹೆಂದಿನ್, ಅವ್ಣಾಮ ಕೋಣ್‌ಬಿ ನಾಶ ಕೊಹುವಾನಿ. 
\v 13 ಅಜು಼ ಹಮ್ಕೆ ಮೇ ತಾರಕನ ವಳ್ಯಾವ್‌ಸ್‌, ಇನಖ್ಹಾಜೆ ಅವ್ಣಾಮ ಮಾರಿ ಖ್ಹುಶಿ ಭರ್‌ಪೂರ್‌ ಹುವಾನಿ ಘೋಣಿ, ಅನ ಜಗತ್‌ ರ‍್ಹವಾನಿ ವಖ್ಹತ್‌ಮಾಸ್‌ ಆ ವಾತೆನ ಖ್ಹಾರು ಬೋಲುಕರುಸ್. 
\v 14 ಮೇ ತಾರಿ ಸಂದೇಶ್ ಅವ್ಣುನ ದೀರಾಖ್ಯೊಸ್, ಮೇ ಆ ಜಗತ್ನ ಮಳ್ಯೊಹುಯೊ ಕಾಹೆತೆ ಇಮ್ಮಸ್, ಅವ್ಣೇಬಿ ಆ ಜಗತ್ನ ಮಳ್ಯುಹುಯು ಕಾಹೆ, ಅನಖ್ಹಾಜೆಸ್ ಆ ಜಗತ್‌ ಅವ್ಣುನ ವಹೇರ್‌ ಕರಾಸ್. 
\v 15 ಅವ್ಣುನ ಜಗತ್ನ ಹಾತ್‌ಮಾಥು ಕಾಡಿಲಿ ಜಾ಼ ಕರಿ ಮೇ ತುನ ಬೋಲುಕೊಯ್ನಿ, ಕತೋಬಿ ಖರಾಬ್‌ಥಿ ಬಚಾ಼ಡಿನ್, ಜ಼ತನ್ ರಾಕ್ಣು ಕರಿ ಮೇ ತುನ ಬೋಲಿಲೆವ್‌ಸ್ 
\v 16 ಮೇ ಆ ಜಗತ್ನ ಮಳ್ಯೊಹುಯೊ ಕಾಹೆತೆ ಇಮ್ಮಸ್, ಅವ್ಣೇಬಿ ಆ ಜಗತ್ನ ಮಳ್ಯುಹುಯು ಕಾಹೆ. 
\v 17 ತು ಅವ್ಣುನ ಖ್ಹಾಚಾ಼ಥಿ ಸಮರ್ಪಣ್‌ ಕರಿಲೆ ತಾರಿ ವಚನ್ ಖ್ಹಾಚು಼ ಹುಯಿರ‍್ಹೀಸ್‌. 
\v 18 ತುನೆ ಮನ ಆ ಜಗತ್‌ಮ ಮೋಕ್‌ಲ್ಯೊತೆ ಇಮ್ಮಸ್, ಮೇಬಿ ಅವ್ಣುನ ಆ ಜಗತ್‌ಮ ಮೋಕ್ಲಿರಾಖ್ಯೊಸ್. 
\v 19 ಅವ್ಣಖ್ಹಾಜೆ ಮನಾಸ್ ಒಪ್‌ಶೈಲೇವ಼್ಸ್ ಇಮ್ಮಸ್ ಇವ್ಣೇಬಿ ಖ್ಹಾಚಥೀಸ್ ಮನ ಒಪ್‌ಶಾವದೆ.
\p
\v 20 “ಮೆ ಖಲಿ ಅವ್ಣಖ್ಹಾಜೆಸ್‌ ಕಾಹೆ, ಕೋಣ್ ಅವ್ಣ ಸಂದೇಶ್‍ಥಿ ವಿಶ್ವಾಸ್‌ ಕರಾಸ್ಕಿ ಇವ್ಣಖ್ಹಾಜೆಬಿ ಪ್ರಾರ್ಥನೆ ಕರುಸ್. 
\v 21 ಬಾ ತುನೆ ಮನ ಮೋಕ್‌ಲ್ಯೊತೆ ಆ ಜಗತ್‌ ನಂಬಾನಖ್ಹಾಜೆ, ತೂ ಮಾರಾಮ ಅಜು಼ ಮೇ ತಾರಾಮ ಛೂ಼ತೆ ಇಮ್ಮಸ್ ಅವ್ಣೇಬಿ ಅಪ್ಣಾಮ ರ‍್ಹೇವ್ಣುಕರಿ ಇವ್ಣೆಖ್ಹಾರು ಏಕ್‌ ಹುಯಿರ‍್ಹೇಣು ಕರಿ, ಮೇ ಪ್ರಾರ್ಥನೆ ಕರುಸ್. 
\v 22 ಅಪ್ಣೆ ಏಕ್‌ ಹುಯಿರ‍್ಹಾತೆ ಇಮ್ಮಸ್, ಅವ್ಣೇಬಿ ಏಕ್‌ ಹುಯಿರ‍್ಹವಾದೆ ಕರಿ ತುನೆ ಮನ ದಿದೋತೆ ಯೋಸ್‌ ಮಹಿಮೆ ಮೇ ಅವ್ಣುನ ದೀರಾಖ್ಯೊಸ್. 
\v 23 ಮೇ ಇವ್ಣಾಮ ರ‍್ಹೀಶ್ ಅಜು಼ ತೂ ಮಾರಾಮ ರ‍್ಹೀಶ್ ಅನೇಥಿ ಇವ್ಣೆ ಅಮ್ಮಸ್ ಭರ್‌ಪೂರ್‌ಥಿ ಏಕ್‌ ಹುಯಿರ‍್ಹಿಶೆ, ತದೆ ತುನೇಸ್ ಮನ ಮೋಕ್ಯಲ್ಯೋತೆ ಕರಿ ಅಜು಼ ತುನೆ ಮನ ಪ್ಯಾರ್ ಕರ‍್ಯೊತೆ ಇಮ್ಮಸ್, ಅವ್ಣುನಾಬಿ ಪ್ಯಾರ್ ಕರಿರಾಖ್ಯೋಸ್ ಕರಿ ಆ ಜಗತ್ನ ತದೆ ಮಾಲುಮ್‌ ಪಡ್‌ಶೆ.
\p
\v 24 “ಬಾ! ತುನೆ ಅವ್ಣುನ ಮನ ದಿದೊ, ಅಜು಼ ಮೇ ಕಿಜ್ಗಾ಼ ರ‍್ಹವುಸ್‍ಕಿ ಹಿಜ್ಜಾ಼ಸ್ ಅವ್ಣೇಬಿ ರ‍್ಹೇವ್ಣುಕರಿ ಅಜು಼ ಆ ಜಗತ್ನ ಉಬ್ಜಾ಼ನ ಅಗಾಡಿಸ್, ತುನೆ ಮನ ಪ್ಯಾರ್ ಕರೀನ್, ಮನ ದಿದೋತೆ ಮಹಿಮೆನ ಅವ್ಣೆ ದೇಕ್ಣು ಕರಿ ಮೇ ಆಖ್ಹ್ ಕರುಸ್. 
\v 25 ಧರ್ಮಿ ಹುಯಿರ‍್ಹೋತೆ ಬಾ! ಆ ಜಗತ್‌ ತುನ ಮಾಲುಮ್‌ ಕರಿರಾಖ್ಯುಕೊಯ್ನಿ, ಕತೋಬಿ ಮೇ ತುನ ಮಾಲುಮ್‌ ಕರಿರಾಖ್ಯೋಸ್, ಅಜು಼ ತುನೆ ಮನಮೋಕ್ಲಿರಾಖ್ಯೋಸ್‌ ಕರಿ ಅವ್ಣೆ ಮಾಲುಮ್‌ ಕರಿರಾಖೂಸ್. 
\v 26 ಮೇ ಅವ್ಣುನ ತಾರ ನಾಮ್ನ ಮಾಲುಮ್ ಕರೈರಾಖ್ಯೋಸ್, ಬಿಜೂ಼ಬಿ ಇನ ಮಾಲುಮ್‌ ಕರವ್‌ಸ್ ಕರೀಶ್, ತುನೆ ಮಾರಪರ್ ಖಿವಿ ಪ್ಯಾರ್ ವತಾಳ್ಯೊಕಿ ಮೇಬಿ ಇವ್ಣಾಮ ರ‍್ಹೇವ್ಣುಕರಿ ಪ್ರಾರ್ಥನೆ ಕರುಸ್” ಕರಿ ಬೋಲ್ಯೊ.
\c 18
\s ಯೇಸುನ ಧರ‍್ಯೂತೆ ಬಾರೇಮ
\r (ಮತ್ತಾಯ 26:47-56; ಮಾರ್ಕ 14:43-50; ಲೂಕ 22:47-53)
\p
\v 1 ಆ ಪ್ರಾರ್ಥನೆ ಕರಾನ ಬಾದ್‌ಮ, ಯೇಸು ಇನ ಶಿಷ್ಯರ್‌ನ ಜೋ಼ಡೆ ಕೆದ್ರೋನ್‌ ವ್ಹೇಕ್ಳಾನ ಪಾರ್ ಚ಼ಲೆಗಯೊ. ಹಿಜ್ಜಾ಼ ಏಕ್‌ ಭಾಗ್‌ ಥೂ, ಯೇಸುಬಿ ಇನ ಶಿಷ್ಯರ್‌ ಇನಾಮಹಿ ಗಯ. 
\v 2 ಯೇಸುನ ಧೋಕೊ ದಿದೋತೆ ಯೂದನಾಬಿ ಯೋ ಝ಼ಗೊ ಮಾಲುಮ್‌ಥು. ಶನಕತೊ ಯೇಸು ಘಣಿ ಹಲ್ಲ ಇನ ಶಿಷ್ಯರ್‌ನ ಹಿಜ್ಜಾ಼ಸ್ ಮಳ್ಯೋಥೊ. 
\v 3 ತದೆ ಯೂದನೆ ಶಿಪಾಯ್ನಿ ಏಕ್‌ ಝೂ಼ಂಡ್‌ನ, ಮಹಾಯಾಜಕರ್‌ ಅಜು಼ ಫರಿಸಾಯರ್‌ನೆ ಮೋಕ್‌ಲ್ಯುತೆ ಮಂದಿರ್‌ನು ಥೋಡ ಕಾವ್ಲಿ ಕರಾವಾಳಾನ ಜೋ಼ಡ್ಮ ಬುಲೈಲಿನ್ ಆಗ್ನು ಢಿಟಂಬು ಅಜು಼ ಕಫ್ಫನ್‌ಅಖ್ಖು ಧರಿಲೀನ್, ಬಾಗ್‌ನ ಮಹಿ ಆಯೊ. 
\v 4 ಇನಜೋ಼ಡೆ ಚಾ಼ಲ್‌ಶೇತೆ ಖ್ಹಾರುಸ್‌ ಯೇಸುನ ಮಾಲುಮ್‌ ಥೂ, ಇನಖ್ಹಾಜೆ ಯೋ ಖ್ಹಾಮ್ಣೆ ಜೈ಼ನ್‌, “ತುಮೆ ಕಿನ ಢೂಂಡುಕರಾಸ್ತೆ?” ಕರಿ ಪುಛಾ಼ಯೊ.
\p
\v 5 ಇವ್ಣೆ, “ನಜ಼ರೇತ್‌ನೊ ಯೇಸುಕಿಶು” ಕರಿ ಬೋಲ್ಯು.
\p ತದೆ ಯೇಸುನೆ, “ಮೇಸ್ ಯೋ” ಕರಿ ಜವಾಬ್‌ ದಿದು.
\p ಯೇಸುನ ಧೋಕೊ ದಿದೋತೆ ಯೂದಬಿ ಇವ್ಣಿ ಜೋ಼ಡೆ ಹಿಜ್ಜಾ಼ಸ್ ಭೀರ‍್ಯೋಥೊ. 
\v 6 ಯೇಸುನೆ ಇವ್ಣುನ, “ಮೇಸ್ ಯೋ” ಕರಿ ಬೋಲ್ಯೊ. ತದೆ ಇವ್ಣೆ ಪೀಠೆ ಖ್ಹರ್ಕಿನ್‌, ಜ಼ಮೀನ್‌ಪರ್ ಪಡಿಗಯು. 
\v 7 ಪಾಛೊ಼ ಯೇಸುನೆ ಇವ್ಣುನ, “ತುಮೆ ಕಿನ ಢೂಂಡುಕರಾಸ್ತೆ?” ಕರಿ ಪುಛಾ಼ಯೊ.
\p ಇವ್ಣೆ, “ನಜ಼ರೇತ್‌ನೊ ಯೇಸುನ” ಕರಿ ಬೋಲ್ಯು.
\p
\v 8 ತದೆ ಯೇಸುನೆ, “ಮೇಸ್ ಯೋ ಕರಿ ಅಗಾಡಿಸ್ ತುಮೂನ ಬೋಲ್ಯೋನಿ. ತುಮೆ ಮನಾಸ್ ಢೂಂಡುಕರ‍್ತಾ ಉಶೇತೊ, ಅವ್ಣುನ ಜಾ಼ವಾನ ಮ್ಹೇಲೊ” ಕರಿ ಬೋಲ್ಯೊ. 
\v 9 ಇನಖ್ಹಾಜೆ ಬೋಲ್ಯೊ, “ಬಾ, ತುನೆ ಮನ ದಿದೋತೆ ಇವ್ಣಾಮ ಏಕ್‌ನಾಬಿ ಮೇ ಗುಮೈಲಿದೊಕೊಯ್ನಿ” ಕರಿ ಇನೆ ಬೋಲ್ಯೊಥೋತೆ ವಾತೆ ಅಮ್ ಪೂರಹುಯು.
\p
\v 10 ಸೀಮೋನ್‌ ಪೇತ್ರಕನ ಏಕ್‌ ತಲ್ವಾರ್‌ ಥೀ, ತದೆ ಇನೆ ತಲ್ವಾರ್‌ನ ಕಾಡೀನ್‌, ಗಲ್‌ಢಯಾಜಕ್‌ನ ಆಳ್‌ನ ಮಾರಿನ್, ಇನು ಖಾವೊ ಕಾನ್ನ ಕತ್ರಿನಾಖ್ಯೊ. ಯೋ ಆಳ್‌ನು ನಾಮ್ ‘ಮಾಲ್ಕ’ ಕರಿ. 
\v 11 ತದೆ ಯೇಸುನೆ ಪೇತ್ರನ, “ತಾರಿ ತಲ್ವಾರ್‌ನ ಕಷ್‌ಬಂದ್‌ನಿ ಚ಼ಂಚಿಮ ಪಾಛು಼ ಘಾಲ್‌; ತೂ ಸೋಚಕೊಯ್ನಿಕಿ ಶು? ಮಾರ ಬಾನೆ ಮನ ದಿದೋತೆ ಕಟೋರಿಮ ಮೇ ನಾ ಪೀಣು ಕರಿ” ಬೋಲ್ಯೊ.
\s ಅನ್ನನ ಖ್ಹಾಮ್ಣೆ ಯೇಸುನ ಲಾಯುತೆ
\p
\v 12 ಅನಕೇಡೆಥು ರೋಮ್‍ನು ಶಿಪಾಯಿಖ್ಹಾರುಬಿ ಹಜಾ಼ರ್‌ ಶಿಪಾಯಿನೊ ಮೋಟೊಬಿ ಅಜು಼ ಯೆಹೂದ್ಯರ್‌ನ ಕಾವ್ಲಿ ಕರಾವಾಳು ಯೇಸುನ ಧರೀನ್ ಭಾಂದ್ಯು, 
\v 13 ಇವ್ಣೆಪಹಿಲೆ ಅನ್ನಕನ ಬುಲೈಲಿಗಯು. ಆ ಅನ್ನ ಯೋ ವರಖ್ಹ್‌ಮ ಗಲ್‌ಢೊಯಾಜಕ್‌ ಹುಯಿರ‍್ಹೊಥೋತೆ ಕಾಯಫಾನೊ ಮಾಮ. 
\v 14 ಆ ಕಾಯಫಾನೇಸ್, ‘ಏಕ್‌ ಅದ್ಮಿ ತಮಾಮ್‌ ಅದ್ಮಿನಖ್ಹಾಜೆ ಮರ್‌ವಾನುಸ್‌ ಅಛ್ಛು಼’ ಕರಿ ಯೆಹೂದ್ಯರ್‌ನ ಬೋಲಿದಿದೋತೆ.
\s ಪೇತ್ರನೆ ಯೇಸುನ ಝಿಟ್ಕಾರ‍್ಯೊತೆ
\r (ಮತ್ತಾಯ 26:69,70; ಮಾರ್ಕ 14:66-68; ಲೂಕ 22:55-57)
\p
\v 15 ಸೀಮೋನ್‌ ಪೇತ್ರ ಅಜು಼ ಶಿಷ್ಯರ್‌ಮ ಬಿಜೇಕ್‌ ಜ಼ಣೊ ಯೇಸುನ ಪೀಠೆ ಗಯೊ. ಯೋ ಬಿಜ್ಜೇಕ್‌ ಶಿಷ್ಯನ ಗಲ್‌ಢೊ ಯಾಜಕ್‌ ಅಛ್ಛಿಂತರ ಮಾಲುಮ್‌ ಥೂ. ಇನಖ್ಹಾಜೆ ಯೋ ಶಿಷ್ಯನೆ ಯೇಸುನ ಜೋ಼ಡೆ ಮಹಾಯಾಜಕ್‌ನು ಘರ್‌ನ ಖ್ಹಾಮ್ಣೇನಿ ಝ಼ಗೋಮ ಗಯೊ. 
\v 16 ಕತೋಬಿ ಪೇತ್ರ ಭಾರ್‌ ಬಾಕಲ್‍ಕನ ಟಿವೈರ‍್ಹೋಥೊ. ಮಹಾಯಾಜಕ್‌ನ ಮಾಲುಮ್‍ಥೋತೆ ಬಿಜ್ಜೇಕ್‌ ಶಿಷ್ಯನೆ ಪಾಛೊ಼ ಭಾರ್‌ಐನ್‌, ಬಾಕಲ್‍ಕನ ಕಾವ್ಲಿ ಕರಾವಾಳಿನ ಜೋ಼ಡೆ ವಾತೆ ಬೋಲಿನ್, ಪೇತ್ರಾನ ಮಹಿ ಬುಲೈಲಿಗಯೊ. 
\v 17 ತದೆ ಬಾಕಲ್‌ ಕಾವ್ಲಿ ಕರಾವಾಳಿ ಆಳ್‌ನೆ, “ತೂಬಿ ಯೋ ಅದ್ಮಿನೊ ಶಿಷ್ಯರ್‌ಮ ಏಕ್‌ ಜ಼ಣೊ ಕಾಹೆಕಿ ಶು?” ಕರಿ ಬೋಲಿ.
\p ತದೆ ಪೇತ್ರನೆ, “ಕಾಹೆ ಮೇ ಕಾಹೆ” ಕರಿ ಬೋಲ್ಯೊ.
\p
\v 18 ತದೆ ಠಣ್‌ ಥೀತೆ ಇನಾಖ್ಹಾಜೆ ಆಳ್‌ಖ್ಹಾರು ಅಜು಼ ಕಾವ್ಲಿ ಕರಾವಾಳು ಕೋಲ್‌ಖ್ಹಾಥಿ ಆಗ್ ಕರೀನ್, ಭೀರಿನ್‌ ಶೇಕುಕರ್ತುಥು, ಪೇತ್ರಬಿ ಜೈ಼ನ್‌, ಇವ್ಣಿ ಜೋ಼ಡೆ ಭೀರಿಗಯೊ.
\s ಗಲ್‌ಢೊ ಯಾಜಕ್‌ನೆ ಯೇಸುನ ಫುಛಾ಼ಯೋತೆ
\r (ಮತ್ತಾಯ 26:59-66; ಮಾರ್ಕ 14:55-64; ಲೂಕ 22:66-71)
\p
\v 19 ಗಲ್‌ಢಯಾಜಕ್‌ನೆ ಯೇಸುನ ಇನ ಶಿಷ್ಯರ್‌ನಿ ಬಾರೇಮ ಅಜು಼ ಇನೆ ಬೋಲಿವತಾಳ್ಯೋತೆ ಬಾರೇಮ ಫುಛಾ಼ಯೊ. 
\v 20 ತದೆ ಯೇಸುನೆ, “ಮೇ ಕದೇಬಿ ಜಗತ್ನ ಖ್ಹಾಮ್ಣೆಸ್ ವಾತೆ ಬೋಲಿರಾಖ್ಯೊಸ್; ಯೆಹೂದ್ಯ ಅದ್ಮಿಖ್ಹಾರು ಎಕ್ಟು ಹುಯಿನ್ ಆವಸ್ತೆ ಸಭೆ ಭರಾವನು ಮಂದಿರ್‌ಮ ಅಜು಼ ಮೋಟಿ ಮಂದಿರ್‌ಮ ಮೇ ಕದೇಬಿ ಬೋಲಿವತಾಳ್‌ತೊ ಆಯೊ, ಮೇ ಲಪೀನ್ ಕದೇಬಿ ಶಾತ್ಬಿ ಕೋ ಬೋಲಿರಾಖ್ಯೊನಿ. 
\v 21 ಅಮ್ ರ‍್ಹವಾಪರ್, ಮನ ಶನ ಪುಛಾ಼ವಸ್ತೆ? ಮೇ ಶಶ್ಶಾತ್ ಬೋಲಿರಾಖ್ಯೊಸ್ ಕರಿ ಇನ ಖ್ಹಮ್‌ಜ್ಯೂತೆ ಅದ್ಮಿನ ಪುಛಾ಼ವೊ; ಮೇ ಬೋಲ್ಯೊತೆ ಇವ್ಣುನ ಮಾಲುಮ್‌” ಕರಿ ಬೋಲ್ಯೊ.
\p
\v 22 ಯೇಸುನೆ ಆ ವಾತೆ ಬೋಲ್ಯೋತೆ ತದೆ, ಇನ ಖನ್ನೆ ಭೀರ‍್ಯುಥೂತೆ ಕಾವ್ಲಿ ಕರಾವಾಳಾಮ ಏಕ್‌ಜ಼ಣಾನೆ ಯೇಸುನ ಕಲ್ಲಪರ್ ಮಾರಿನ್, “ಮಹಾಯಾಜಕನ ಜೋ಼ಡೆ ಅಮ್ ವಾತೆ ಬೋಲಸ್ಕಿಶು? ತುನ ಕೆತ್ರೆ ದಮ್‌” ಕರಿ ಬೋಲ್ಯು.
\p
\v 23 ಯೇಸುನೆ ಇನ, “ಮೇ ಶಾತ್‌ತೋಬಿ ಗಲತ್‌ ಬೋಲ್ಯೊ ಉಶೇತೊ, ಯೋ ಗಲತ್‌ನಿ ಬಾರೇಮ ಸಾಕ್ಷಿ ದೇ; ಕತೋಬಿ ಮೇ ಬೋಲ್ಯೋತೆ ಬರಾಬರ್‌ ಉಶೇತೊ, ತೂ ಮನ ಶನ ಮಾರಸ್?” ಕರಿ ಬೋಲ್ಯೊ.
\p
\v 24 ತದೆ ಅನ್ನನೆ ಯೋ ಕಿಮ್ ಭಂದ್ಯೊಥೋಕಿ ಇಮ್ಮಸ್, ಗಲ್‌ಢೊಯಾಜಕ್‌ ಕಾಯಫಕನ ಇನ ಮೋಕ್‌ಲ್ಯೊ.
\s ಪೇತ್ರನೆ ಪಾಛೊ಼ ಯೇಸುನ ಝಿಟ್ಕಾರ‍್ಯೊತೆ
\r (ಮತ್ತಾಯ 26:71-75; ಮಾರ್ಕ 14:69-72; ಲೂಕ 22:58-62)
\p
\v 25 ಸೀಮೋನ್‌ ಪೇತ್ರ ಬಿಜೂ಼ಬಿ ಇಮ್ಮಸ್ ಹಿಜ್ಜಾ಼ ಭೀರಿನ್‌, ಆಗ್ ಶೇಕುಕರ್‌ತೋಥೊ. ತದೆ ಹಿಜ್ಜಾ಼ ಥೂತೆ ಇವ್ಣೆ ಇನ, “ತೂಬಿ ಯೋ ಅದ್ಮಿನೊ ಶಿಷ್ಯರ್‌ಮ ಏಕ್‍ಜ಼ಣೊ ಕಾಹೆಕಿ ಶು?” ಕರಿ ಪುಛಾ಼ಯು.
\p ಕತೋಬಿ ಪೇತ್ರನೆ, “ಕಾಹೆ, ಮೇ ಕಾಹೆ” ಕರಿ ಬೋಲ್ಯೊ.
\p
\v 26 ಗಲ್‌ಢಯಾಜಕ್‌ನೊ ಆಳ್‌ಮ, ಪೇತ್ರನೆ ಕಾನ್‌ ಕತ್ರಿನಾಖ್ಯೊಥೋತೆ ಇನ ಖನ್ನೆವಾಳಮ ಏಕ್ಜ಼ಣಾನೆ, “ಮೇ ತುನ ಬಾಗ್‌ಮ ಇನಜೋ಼ಡೆ ದೇಖ್ಯೋನಿ?” ಕರಿ ಬೋಲ್ಯೊ.
\p
\v 27 ಪಾಛೊ಼ ಪೇತ್ರನೆ, “ಕಾಹೆ” ಕರಿ ಬೋಲ್ಯೊ. ತದ್‌ನು-ತದೇಸ್‌ ಮುರ್‌ಗೊ ಬಾಂಗ್‌ ದಿದೊ.
\s ಯೇಸುನ ಪಿಲಾತನ ಖ್ಹಾಮ್ಣೆ ಲಾಯುತೆ
\r (ಮತ್ತಾಯ 27:1-2,11-14; ಮಾರ್ಕ 15:1-5; ಲೂಕ 23:1-5)
\p
\v 28 ಅನಕೇಡೆಥು ಇವ್ಣೆ ಯೇಸುನ ಕಾಯಫನ ಘರ್ ಕಂಥು ರಾಜ್ಯಪಾಲ್‌ನು ಮಹೇಲ್‌ನ ಬುಲೈಲಿಗಯು. ಯೆಹೂದ್ಯರ್‌ವಾಳನೆ ಇವ್ಣುನ ಮೈಲಾಪ್‍ ಹುಯಿನ್ ಪಸ್ಕನು ಖಾಣು ಖಾವಾನ ಅಡ್ಡಿಉಶೆಕರಿ ಮಹಾಲ್‌ನ ಮಹಿ ಕೋ ಗಯೂನಿ. 
\v 29 ಇನಖ್ಹಾಜೆ ಪಿಲಾತ ಭಾರ್‌ ಇವ್ಣಾಕನ ಜೈ಼ನ್‌, “ಆ ಅದ್ಮಿಪರ್ ತುಮೆ ಶಾತ್‌ ಗಲತ್‌ ಲಾಗಡೋಸ್?” ಕರಿ ಇವ್ಣ ಪುಛಾ಼ಯು.
\p
\v 30 ತದೆ ಇವ್ಣೆಬೊಲ್ಯು, “ಆ ಗಲತ್‌ ನಾಕರ‍್ಯೊಹೋತ್ತೊ, ಹಮೆ ಅನ ತಾರಕನ ಶನ ಲಾಯಹೋತ್‌?” ಕರಿ ಜವಾಬ್‌ ದಿದು.
\p
\v 31 ಪಿಲಾತನೆ ಇವ್ಣುನ, “ಇಮ್‍ಕತೊ, ತುಮೇಸ್ ಅನ ಲೀಜೈ಼ನ್, ತುಮಾರಿ ಧರ್ಮಶಾಸ್ತ್ರನಿಘೊಣಿ ತೀರ್ಪ್‌ ಕರೊ” ಕರಿ ಬೋಲ್ಯೊ.
\p ತದೆ ಯೆಹೂದ್ಯರ್‌ನೆ, “ಕಿನಾಬಿ ಮರಣ್ ದಂಡ್‌ ದ್ಯವಾನಿ ಹಕ್‌ ಹಮೂನ ಕೊಯ್ನಿ” ಕರಿ ಫರೈನ್ ಬೋಲ್ಯು. 
\v 32 ಯೇಸುನೆ, ಮೇ ಕಿಮ್ಕಿ ಮೋತ್‌ಮ ಮರಿಶ್‌’ ಕರಿ ಬೋಲ್ಯೊಥೋತೆ ವಾತೆ ಅಮ್ ಪೂರಹುಯಿಗಿ
\p
\v 33 ಅನಕೇಡೆಥು ಪಿಲಾತನೆ ಪಾಛೊ಼ಫರಿ ಮಹೇಲ್‌ಮ ಜೈ಼ನ್‌, ಯೇಸುನ ಬುಲೈನ್, “ತೂ ಯೆಹೂದ್ಯರ್‌ನೊ ರಾಜಾ಼ಕಿ ಶು?” ಕರಿ ಇನ ಪುಛಾ಼ಯೊ.
\p
\v 34 ಯೇಸುನೆ, “ಆ ತಾರೇಥಿ ತೂಸ್ ಪುಛಾ಼ವ್‌ ಕರಾಸ್ಕಿ, ನತರ್‌ಕಿ ಮಾರಿ ಬಾರೇಮ ಬಿಜಾ಼ನೆ ತುನ ಬೋಲ್ಯುತೆ?” ಕರಿ ಬೋಲ್ಯೊ.
\p
\v 35 ತದೆ ಪಿಲಾತನೆ ಬೋಲ್ಯೊ, “ಮೇ ಯೆಹೂದ್ಯ ಕಿಶು? ತಾರು ಶೊಂತ್‌ ಅದ್ಮಿ ಅಜು಼ ಮಹಾಯಾಜಕರ‍್ನೆ ತುನ ಮಾರ ಹಾತ್‌ಮ ದೀರಾಖ್ಯೊಸ್. ತುನೆ ಶಾತ್‌ಕರ‍್ಯೊ?” ಕರಿ ಪುಛಾ಼ಯೊ.
\p
\v 36 ಯೇಸುನೆ ಇನ, “ಮಾರಿ ರಾಜ಼್ ಆ ಜಗತ್‌ನು ಕಾಹೆ; ಮಾರಿ ರಾಜ್ಯ ಆ ಜಗತ್‌ನು ಹುಯಿರ‍್ಹೊಹೋತ್ತೊ, ಮೇ ಯೆಹೂದ್ಯರ್‌ನ ಹಾತ್‌ಮ ಮಳ್ಣುನಾತೆ ಇಮ್‌ ಮಾರು ಸೇವಕ್‌ಖ್ಹಾರು ಖ್ಹಾರು ಲಡ್ಯುಹೋತ್‌, ಕತೋಬಿ ಮಾರಿ ರಾಜ಼್ ಹಜ಼್ಜಾನು ಕಾಹೆ!” ಕರಿ ಜ಼ವಾಬ್‌ದಿದೊ.
\p
\v 37 ತದೆ ಪಿಲಾತನೆ ಇನ ಬೋಲ್ಯೊ, “ಇಮ್‍ಕತೊ, ತೂ ರಾಜಾ಼ ಕಿಶು?” ಕರಿ ಪುಛಾ಼ಯೊ. ಯೇಸುನೆ, “ಮೇ ರಾಜ಼ ಕರಿ ತೂಸ್ ಬೋಲುಕರಾಸ್‌. ಮೇ ಖ್ಹಾಚಿನಿ ಬಾರೇಮ ಸಾಕ್ಷಿ ಬೋಲಾನಖ್ಹಾಜೆ ಪೈದಾಹುಯಿನ್‌, ಆ ಜಗತ್‌ಮ ಐರ‍್ಹೋಸ್. ಖ್ಹಾಚಿ ಭಣಿವಾಳು ಮಾರಿ ವಾತೇನ ಖ್ಹಮ್‌ಜಾ಼ಸ್‌” ಕರಿ ಜವಾಬ್‌ ದಿದೊ.
\p
\v 38 ತದೆ ಪಿಲಾತನೆ, “ಖ್ಹಾಚಿಕತೊ ಶಾತ್‌?” ಕರಿ ಪುಛಾ಼ಯೊ.
\s ಯೇಸುನ ಮರಣ್ ದಂಡ್‌ ದಿದೂತೆ
\r (ಮತ್ತಾಯ 27:15-31; ಮಾರ್ಕ 15:6-20; ಲೂಕ 23:13-25)
\p ಆ ಬೋಲಾನ ಬಾದ್‌ಮ ಪಿಲಾತ ಪಾಛೊ಼ ಯೆಹೂದ್ಯರ್‌ಕನ ಬಹರ್ ಜೈ಼ನ್‌, “ಮನ ಅನಾಮ ಖೆವಿಸ್ ಗಲತ್‌ ದೆಖವ಼್‌ಕರಾಕೊಯ್ನಿ. 
\v 39 ಕತೋಬಿ ಪಸ್ಕ ಪೂಜಾ಼ನಿ ವಖ್ಹತ್‌ಮ ಕೋಂಡಿ ಘಾಲಿರಾಖಾತೆ ಇವ್ಣಾಮ ಏಕ್‌ನ, ಮೇ ತುಮಾರಖ್ಹಾಜೆ ಭಾರ್‌ ಮ್ಹೇಲಾನಿ ಆದತ್ ಛಾ಼. ಮೇ ಯೆಹೂದ್ಯರ್‌ನ ರಾಜಾ಼ನ ತುಮಾರಖ್ಹಾಜೆ ಭಾರ್‌ ಮ್ಹೇಲ್ನು ಕರಿ ತುಮಾರಿ ಆಖ್ಹ್‌ಕಿ ಶು?” ಕರಿ ಪುಛಾ಼ಯೊ.
\p
\v 40 ತದೆ ಇವ್ಣೆ, “ಅನ ನಕೊ! ಬರಬ್ಬನಾಸ್ ಮ್ಹೇಲಿದೆ!” ಕರಿ ಚಿಕ್ರಿನ್ ಬೋಲ್ಯು. ಆ ಬರಬ್ಬ ಏಕ್‌ ಢಾಕು ಹುಯಿರ‍್ಹೋಥೊ.
\c 19
\p
\v 1 ತದೆ ಪಿಲಾತನೆ ಯೇಸುನ ಲೀಜೈ಼ನ್, ಕೊಳ್ಡೇಥಿ ಮರಾಯೊ. 
\v 2 ಅಜು಼ ಸಿಪಾಯಿಖ್ಹಾರು ಕಾಟಾನ ಡಾಳೀಥಿ ಏಕ್‌ ಕಿರೀಟ್ ವಣಿನ್‌, ಯೇಸುನ ಮಾಥಪರ್‌ ಘಾಲೀನ್‌, ಲಾಲ್ ಝ಼ಗ್ಗಾನ ಇನ ಫೇರಾಯು. 
\v 3 ಅಜು಼ ಇನಾಕನ ಐನ್, “ಯೆಹೂದ್ಯರ್‌ನ ರಾಜಾ಼! ತುನ ಖ್ಹಲಾಮ್” ಕರಿ ಬೋಲಿನ್, ಇನ ಕಲ್ಲಪರ್ ಮಾರ‍್ಯು.
\p
\v 4 ಅನ ಬಾದ್‌ಮ, ಪಿಲಾತನೆ ಪಾಛೊ಼ ಭಾರ್‌ ಜೈ಼ನ್‌, ಇವ್ಣುನ, “ಮನ ಇನಾಮ ಶನೀಶ್ ಗಲತ್‌ ಕೋ ದೆಖಾಯುನಿ ಕರಿ ತುಮೂನ ಮಾಲುಮ್‌ ಪಡಾನಿಘೋಣಿ, ಇನ ತುಮಾರ ಖ್ಹಾಮ್ಣೆ ಬಹರ್ ಲ್ಯಾವುಸ್‌ ದೇಖೊ” ಕರಿ ಬೋಲ್ಯೊ. 
\v 5 ತದೆ ಯೇಸು ಬಹರ್ ಆಯೊ, ಇನ ಮಾಥಪರ್‌ ಕಾಟಾನಿ ಕಿರೀಟ್ ಘಲೀಥಿ ಅಜು಼ ಇನ ಲಾಲ್ ಝ಼ಗ್ಗೊ ಫೇರೈರಾಖ್ಯುಥು. ಪಿಲಾತನೆ, “ಹಂದೇಖೊ! ಹಜ್ಜಾ಼ ಹುಯಿರೊ ಯೋ ಅದ್ಮಿ!” ಕರಿ ಬೋಲ್ಯೊ.
\p
\v 6 ಮಹಾಯಾಜಕರ್‌ ಅಜು಼ ಮಂದಿರ್‌ನ ಕಾವ್ಲಿ ಕರಾವಾಳನ ಯೇಸುನ ದೇಖಿನ್‌, “ಇನ ಶಿಲ್‌ಬೆಪರ್ ಠಂಗಾವ್! ಇನ ಶಿಲ್‌ಬೆಪರ್ ಠಂಗಾವ್!” ಕರಿ ಚಿಕ್ರಾಲಗ್ಯು
\p ತದೆ ಪಿಲಾತನೆ ಇವ್ಣುನ, “ಹೋಣುಕತೊ ತುಮೇಸ್ ಅನ ಲೀಜೈ಼ನ್, ಶಿಲ್‌ಬೆಪರ್ ನಾಖೊ. ಮನ ಅನಾಮ ಖೆವಿಸ್ ಗಲತ್‌ ದೆಖಾಯು ಕೊಯ್ನಿ” ಕರಿ ಬೋಲ್ಯೊ.
\p
\v 7 ತದೆ ಯೆಹೂದ್ಯರ್‌ನೆ, “ಹಮೂನ ಏಕ್‌ ಖಾನುಲ್‌ ಛಾ಼, ಯೋ ಕಾನೂಲ್‌ನಿಘೋಣಿ ಅನ ಮರಣ್ ದಂಡ್‌ ಹೋಣುಸಸ್ ಹೋಣು. ಶನಕತೊ ಅನೆ ಇನು ಯೋಸ್‌, ‘ಮೇ ದೇವ್‌ನೊ ಛಿಯ್ಯೊ ಕರಿ ಬೋಲಿಲಿದೊ” ಕರಿ ಜವಾಬ್‌ ದಿದೊ.
\p
\v 8 ಪಿಲಾತನೆ ಆ ವಾತ್ ಖ್ಹಮ್‌ಜಿನ್‌ ಬಿಜೂ಼ಬಿ ಜಾ಼ಖ್ಹತ್ ಡರಿಗಯೊ. 
\v 9 ಅಜು಼ ಪಾಛೊ಼ ಮಹೇಲ್‌ಮ ಜೈ಼ನ್‌, ಯೇಸುನ “ತೂ ಕಿಜ್ಜಾಥೊ ಐರ‍್ಹೋಸ್ತೆ?” ಕರಿ ಪುಛಾ಼ಯೊ.
\p ಕತೋಬಿ ಯೇಸುನೆ ಜವಾಬ್‌ ಕೋ ದಿದೋನಿ. 
\v 10 ಪಿಲಾತನೆ ಇನ, “ತೂ ಮಾರ ಜೋ಼ಡೆಬಿ ವಾತೆ ಕೋ ಬೋಲಾನಿ ಕಿಶು? ತುನ ಛೋ಼ಡಾವನಾಬಿ, ತುನ ಶಿಲ್‌ಬೆಪರ್ ನಖಾವಾನಾಬಿ ಮನ ಅದಿಕಾರ್ ಛಾ಼ ಕರಿ ತುನ ಮಾಲುಮ್‌ ಕೊಯ್ನಿಕಿ ಶು?” ಕರಿ ಬೋಲ್ಯೊ.
\p
\v 11 ಯೇಸುನೆ ಜ಼ವಾಬ್ ದಿದೊ, “ದೇವ್ ತುನ ಮಾರಪರ್ ಅದಿಕಾರ್ ನಾ ದಿದೊಹೋತ್ತೊ, ತುನ ಮಾರಪರ್ ಕೆವ್ಹೀಸ್‌ ಅದಿಕಾರ್ ಕೋ ರ‍್ಹಯುಹೋತ್ನಿ, ಇನಖ್ಹಾಜೇಸ್ ಮನ ತಾರ ಹಾತ್‌ಮ ದೀರಾಖ್ಯೊಸ್ತೆ ಅದ್ಮಿನ, ತಾರೆಥೀಬಿ ಘಣು ಪಾಪ್ ಛಾ಼” ಕರಿ ಬೋಲ್ಯೊ.
\p
\v 12 ಆ ವಾತೆನ ಖ್ಹಮ್‌ಜಿನ್‌, ಪಿಲಾತ ಯೇಸುನ ಕಿಮ್‍ತೋಬಿ ಛೋ಼ಡಾವ್‍ಣು ಕರಿ ಕರ‍್ಯೊ, ಕತೋಬಿ ಯೆಹೂದ್ಯರ್‌ನೆ, “ತೂ ಅನ ಛೋ಼ಡಾಯೋತೆ, ತೂ ಕೈಸರ್‌ನೊ ದೋಸ್ತಿಕಾಹೆ ಕರಿ ಮತಲಬ್. ಖ್ಹುದ್‌ನ ರಾಜ಼ ಕರಿಲ್ಯವಾಳೊ ಕೈಸರ್‌ನೊ ದುಶ್‌ಮನ್‌ ಹುಯಿರ‍್ಹೋಸ್!” ಕರಿ ಚಿಕ್ರಿನ್ ಬೋಲ್ಯು.
\p
\v 13 ಆ ವಾತೆನ ಖ್ಹಮ್‌ಜಿನ್‌ ಪಿಲಾತನೆ ಯೇಸುನ ಭಾರ್‌ಬುಲೈನ್‌, ಬಂಡಾ ಭಿಛೈ಼ರ‍್ಹೂತೆ ರಚ್ಚೊ಼,ಇಬ್ರಿಯ ವಾತೇಮ ಗಬ್ಬಥಾ ಕರಿ ಬೊಲೈಲೇಸ್ತೆ ನಾಮ್ನು ಝ಼ಗೋಪರ್‌ ಜೈ಼ನ್‌, ನ್ಯಾವ್‍ನಿ ಖುಡ್‍ಶಿಪರ್ ಬೇಶಿಗಯೊ. 
\v 14 ತದೆ ಧೊಪಾರ್‌ ಹುಯಿಗಯುಥು ಅಜು಼ ಯೋ ದನ್ ಪಸ್ಕ ಪೂಜಾ಼ನ ಖ್ಹವಾರಾನೊ ದನ್ ಹುಯಿರ‍್ಹೋಥೊ. ಪಿಲಾತನೆ ಯೆಹೂದ್ಯರ್‌ನ, “ಹಂದೇಖೊ, ತುಮಾರೊ ರಾಜಾ಼ನ!” ಕರಿ ಬೋಲ್ಯೊ.
\p
\v 15 ಇವ್ಣೆ, “ಇನ ಮರೈನಾಕ್‌! ಇನ ಮರೈನಾಕ್‌! ಇನ ಶಿಲ್‌ಬೆಪರ್ ಠಂಗಾವ್!” ಕರಿ ಚಿಕ್‌ರ‍್ಯು. ಅಜು಼ ಪಿಲಾತನೆ ಯೆಹೂದ್ಯರ್‌ನ, “ತುಮಾರ ರಾಜಾ಼ನ ಶಿಲ್‌ಬೆಪರ್ ನಖಾವ್ಣು ಕಿಶು?” ಕರಿ ಬೋಲಾನಿ ವಖ್ಹ್‌ತೆ ಮಹಾಯಾಜಕರ‍್ನೆ ಹಮೂನ ಕೈಸರ್ ಮ್ಹೇಲಿನ್ ಬಿಜೊ಼ ರಾಜ಼ ಕೊಯ್ನಿ ಕರಿ ಜ಼ವಾಬ್ ದಿದು.
\p
\v 16 ತದೆ ಪಿಲಾತನೆ ಯೇಸುನ ಶಿಲ್‌ಬೆಪರ್ ಮರಾವನಖ್ಹಾಜೆ ಇವ್ಣ ಹಾತ್‌ಮ ದಿನಾಖ್ಯೊ.
\s ಯೇಸುನ ಶಿಲುಬೆಪರ್ ಲಟ್ಕಾಯುತೆ
\r (ಮತ್ತಾಯ 27:32-44; ಮಾರ್ಕ 15:21-32; ಲೂಕ 23:26-43)
\p ಇವ್ಣೆ ಯೇಸುನ ಲೀಗಯು. 
\v 17 ಯೇಸುನೆ ಇನಿ ಶಿಲ್‌ಬೇನ ಪಾಡಿಲೀನ್, “ಖೋಪ್ರಿನಿ ಝ಼ಗೊ” ಕರಿ ಝ಼ಗೋಕನ ಗಯೊ. ಇಬ್ರಿಯ ವಾತೇಮ ಆ ಝ಼ಗೋನಾ, ‘ಗೊಲ್ಗೊಥಾ’ ಕರಿ ಬೋಲಾಸ್. 
\v 18 ಹಿಜ್ಜಾ಼ ಯೇಸುನ ಶಿಲ್‌ಬೆಪರ್ ನಾಖ್ಯು. ಇನಜೋ಼ಡೆ ಬಿಜು಼ ಬೇ ಜ಼ಣಾನ ಹೈಕಡ್‌ ಏಕ್‌ಜ಼ಣಾನ, ಹೀಕಡ್‌ ಏಕ್‌ಜ಼ಣಾನ, ಅಜು಼ ಯೇಸುನ ಇವ್ಣ ಇಚ಼್‌ಮ ಶಿಲ್‌ಬೆಪರ್ ನಾಖ್ಯು. 
\v 19 ಪಿಲಾತನೆ ಏಕ್‌ ಪಲ್ಗಾಪರ್‌, “ನಜ಼ರೇತ್‌ನೊ ಯೇಸು, ಯೆಹೂದ್ಯರ್‌ನೊ ರಾಜ಼” ಕರಿ ಲೀಖೈನ್, ಶಿಲ್‌ಬೆಪರ್ ಮ್ಹೇಲಾಯೊ. 
\v 20 ಯೆಹೂದ್ಯರ್‌ನೆ ಯೇಸುನ ಶಿಲ್‌ಬೆಪರ್ ನಾಖ್ಯುತೆ ಝ಼ಗೊ ಖ್ಹಯೇರ‍್ನ ಖನ್ನೆ ಥೂತೆ ಇನಖ್ಹಾಜೆ ಯೆಹೂದ್ಯರ್‌ಮ ಘಣ ಅದ್ಮಿನೆ ಯೋ ಪಲ್ಗಾಪರ್‌ ಲೀಖೈರ‍್ಹೂತೆ ಇನ ಪಡ್ಯು. ಯೋ ಇಬ್ರಿಯ, ಲ್ಯಾಟಿನ್‌ ಅಜು಼ ಗ್ರೀಕ್‌ವಾತೇಮ ಲೀಖೈರ‍್ಹೂಥು. 
\v 21 ತದೆ ಮಹಾಯಾಜಕರ‍್ನೆ ಪಿಲಾತನ ಅಮ್‍ ಬೋಲ್ಯ, “ಯೆಹೂದ್ಯರ್‌ನೊ ರಾಜ಼ ಕರಿ ನಕೊಲೀಖೊ, ಮೇಸ್ ಯೆಹೂದ್ಯರ್‌ನೊ ರಾಜ಼ ಕರಿ ಬೋಲಿಲಿದೊ ಹುಯೊ’ ಕರಿ ಲೀಖಾವ್ಣು” ಕರಿ ಬೋಲ್ಯು.
\p
\v 22 ಕತೋಬಿ ಪಿಲಾತನೆ, “ಮೇ ಲೀಖ್ಯೋತೆ ಲೀಖೈಗಯು” ಕರಿ ಬೋಲ್ಯೊ.
\p
\v 23 ಯೇಸುನ ಶಿಲ್‌ಬೆಪರ್ ನಾಖಾನ ಬಾದ್ಮ, ಸಿಪಾಯಿಖ್ಹಾರು, ಇನ ಲುಂಗ್ಡಾನ ಚಾರ್ ಭಾಗ್‌ ಕರೀನ್, ಶಿಪಾಯಿಪಿಟ್‌ ಏಕೇಕ್‌ ವಾಟಪಾಡಿಲಿದು. ಕಾಹೆತೆ ಯೇಸುನೊ ಮಹಿನು ಝ಼ಗ್ಗಾನಾಬಿ ಕಾಡಿಲಿದು, ಯೋ ಝ಼ಗ್ಗೋನ ಶಿವಣ್‌ ಕೋಥೂನಿ ಅಜು಼ ಯೋ ಉಪ್ಪರ್‌ಥು ಹೇಟ್‌ತೋಡಿ ಲಾಂಬುಸ್‌ ವಣಿರಾಖ್ಯುಥು. 
\v 24 ಇನ ದೇಖಿನ್ ಇವ್ಣೆ, “ಅಪ್ಣೆ ಅನ ನಾ ಫಾಡ್‌ಣು; ಚಿಟ್ಟಿ ನಾಖಿನ್, ಆ ಕಿನ ಆವಸ್ಕಿ ದೇಖೆ” ಕರಿ ವಾತೆ ಬೋಲಿಲಿದು.ಇವ್ಣೆ ಅನೇಥಿ
\q1 ‘ಮಾರ ಲುಂಗ್ಡಾನ ಇವ್ಣಾಮ ವಾಟ ಪಾಡೀಲಿದು,
\q2 ಮಾರ ಝ಼ಗ್ಗಾನಖ್ಹಾಜೆ ಚೀಟಿ ನಾಖ್ಯು’ ಕರಿ ವಚನ್‌ಮ ಲೀಖೈರ‍್ಹೂತೆ ವಾತೆ ಚಾ಼ಲಿಗಿ. ಶಿಪಾಯಿಯೇನೆಬಿ ಆ ಖ್ಹಾರು ಕರ‍್ಯುತೆ.
\p
\v 25 ಯೇಸುನಿ ಶಿಲ್‌ಬೇನ ಖನ್ನೆ ಇನಿ ಆಯ, ಇನಿ ಆಯಾನಿ ಭೇನ್, ಕ್ಲೋಪಾನಿ ಬಾಯ್ಕೊ ಮರಿಯ, ಮಗ್ದಲನಿ ಮರಿಯ ಖ್ಹಾಮ್ಣೆ ಭೀಯ್ಯೆ಼ಥಿ. 
\v 26 ಯೇಸುನೆ ಇನಿ ಆಯನಾಬಿ, ಇನ ಖನ್ನೆ ಭಿಯೊಥೋತೆ ಪ್ಯಾರ್‌ನ ಶಿಷ್ಯನ ದೇಖಿನ್‌, “ಆಯಾ, ಆಸ್ ತಾರೊ ಛಿಯ್ಯೊ” ಕರಿ ಬೋಲ್ಯೊ.
\p
\v 27 ಅನಕೇಡೆಥು ಯೋ ಶಿಷ್ಯನ, “ಆ ತಾರಿ ಆಯ” ಕರಿ ಬೋಲ್ಯೊ. ಯೋ ವಖ್ಹತ್‌ಥೂಸ್‌ ಯೋ ಶಿಷ್ಯನೆ ಮರಿಯನ ಇನ ಘರ್‌ಮಾಸ್ ರಾಖ್ಯೊ.
\s ಯೇಸು ಜಾನ್‌ ಮ್ಹೇಲ್ಯೋತೆ
\r (ಮತ್ತಾಯ 27:45-56; ಮಾರ್ಕ 15:33-41; ಲೂಕ 23:44-49)
\p
\v 28 ಆ ಖ್ಹಾರು ಹುವಾನ ಬಾದ್‌ಮ, ಹಮ್ಕೆ ಖ್ಹಾರುಸ್‌ ಖತಮ್ ಹುಯಿಗಯು ಕರಿ ಯೇಸುನೆ ಮಾಲುಮ್‌ ಕರಿಲೀನ್, ವಚನ್‌ಮಾನಿ ವಾತೆ ಚಾ಼ಲಾನಿಘೋಣಿ, “ಮನ ಠೋಖ್ಹ್‌ ಲಾಗುಕರಾಸ್‌” ಕರಿ ಬೋಲ್ಯೊ.
\p
\v 29 ಹಿಜ್ಜಾ಼ ಖ್ಹಖ್ಹ್‌ತು ದ್ರಾಕ್ಷಿನು ರಖ್ಹ್‌ನ ಏಕ್‌ ರಾಛ಼ಮ ಭರಿ ಮ್ಹೇಲಿರಾಖ್ಯುಥು. ತದೆ ಗುಂಜ಼್‌ನ ಯೋ ರಖ್ಹ್‌ಮ ಡುಬೈನ್, ಹಿಸ್ಸೋಪ್‌ ಝಾ಼ಡಾನು ಲಠ್ಠಾಕೇಡೆ ಅಟ್‌ಕೈನ್, ಉಪ್ಪರ್ ಪಾಡೀನ್, ಯೇಸುನ ಮ್ಹೋಡಾನ ಲಗ್ಯಾಡ್ಯು. 
\v 30 ಯೇಸುನೆ ಯೋ ರಖ್ಹ್‌ನ ಪೀನ್, “ಖತಮ್ ಹುಯಿಗಯು!” ಕರಿ ಬೋಲಿನ್,
\p ಮುಡ್‌ಕ್ಯು ಝು಼ಕೈನ್‌, ಇನಿ ಆತ್ಮಾನ ದೀನಾಖ್ಯೊ.
\s ಯೇಸುನ ಭಾಲೇಥಿ ಭೋಕ್ಯುತೆ
\p
\v 31 ಯೋ ದನ್ ಶುಕ್ರವಾರ್‌ನೊ ದನ್ ಹುಯಿರ‍್ಹುಥು. ಇನಖ್ಹಾಜೆ ಯೆಹೂದ್ಯರ್‌ನ ಅದಿಕಾರಿಖ್ಹಾರನೆ ಸಬ್ಬತ್‌ ದನ್ಮ ಮುರ್ದು ಶಿಲ್‌ಬೆಪರ್ ನಾ ರ‍್ಹೇವ್ಣುಕರಿ ಪಿಲಾತಕನ, ಶಿಲ್‌ಬೇಪರ್ ಛಾ಼ತೆ ಇವ್ಣ ಗೋಡ ತೋಡೈನ್‌, ಹೇಟ್‌ ಉತಾರೈನಾಖನ ಹುಕುಮ್ ದೇ ಕರಿ ಬೋಲಿಲಿದು. ಶನಕತೊ ಯೋ ಸಬ್ಬತ್‌ ದನ್ ಘಣು ಪವಿತ್ರ ದನ್ ಹುಯಿರ‍್ಹುಥು. 
\v 32 ಇನಖ್ಹಾಜೆ ಸಿಪಾಯಿಖ್ಹಾರು ಐನ್, ಯೇಸುನ ಜೋ಼ಡೆ ಶಿಲ್‌ಬೆಪರ್ ಲಟ್‍ಕೈರ‍್ಹೂಥೂತೆ ಇವ್ಣ ಭೇನು ಗೋಡ ತೋಡಿನಾಖ್ಯು. 
\v 33 ಕತೋಬಿ ಯೇಸುಕನ ಆವಾದಿನ್, ಯೋ ತದೇಸ್‌ ಮರಿಗಯೋತೆ ಇವ್ಣೆ ದೇಖಿನ್‌, ಇನಗೋಡ ತೋಡ್ಯುಕೊಯ್ನಿ. 
\v 34 ತೋಬಿ ಶಿಪಾಯಿಮ ಏಕ್‌ಜ಼ಣಾನೆ ಇನು ಭಾಲೇಥಿ ಯೇಸುನಿ ಪಾಖ್ಹ್‌ಳಿಮ ಭೋಕ್ಯೊ, ಭೋಕ್‌ತಾಸ್‌ನ ಲ್ಹೋಯಿಬಿ, ಪಾಣಿ ಬಹರ್ ರಂಚಾ಼ಯು. 
\v 35 ಅನ ದೇಖ್ಯೋತೆ ಇನೇಸ್‌ ಸಾಕ್ಷಿ ಬೋಲಿರಾಖ್ಯೊಸ್, ಇನಿ ಸಾಕ್ಷಿ ಖ್ಹಾಚ಼ಸ್ ಶನಕತೊ ತುಮೇಬಿ ಅನ ವಿಶ್ವಾಸ್‌ ಕರ‍್ನು ಕರಿ ಇನೆ ಬೋಲಿರಾಖ್ಯೋಸ್ತೆ. ಅಜು಼ ಯೋ ಬೋಲುಕರಾತೆ ಖ್ಹಾಚಸ್ ಕರಿ ಇನ ಮಾಲುಮ್‌ ಛಾ಼. 
\v 36 ಶನಕತೊ ‘ಇನ ಹಡ್‌ಕ್ಯಾಮ ಏಕ್‌ಬಿ ಹಡ್‌ಕ್ಯು ತುಟ್‌ಶೆ ಕೊಯ್ನಿ’ ಕರಿ ವಚನ್‌ಮ ಛಾ಼ತೆ ವಾತೆ ಪೂರಹುವಾನಖ್ಹಾಜೆ ಅಮ್‌ಹುಯೂತೆ. 
\v 37 ಬಿಜ್ಜೇಕ್‌ ವಚನ್‌ಮ, “ಅದ್ಮಿಖ್ಹಾರು ಇವ್ಣೆ ಭಾಲೇಥಿ ಭೋಕ್ಯುತೆ ಇನ ಠರ್‌ಖೈನ್‌ ದೇಕ್‌ಶೆ” ಕರೀಬಿ ಲಿಖೈರ‍್ಹುಸ್.
\s ಯೇಸುನ ಮಖ್ಹಾಣ್ಯನಿ ಘವಿಮ ಘಾಲ್ಯುತೆ
\r (ಮತ್ತಾಯ 27:57-61; ಮಾರ್ಕ 15:42-47; ಲೂಕ 23:50-56)
\p
\v 38 ಅನ ಬಾದ್‌ಮ, ಯೆಹೂದ್ಯರ್‌ನ ಡರ್‌ಥಿ ಲಪೀನ್ ಯೇಸುನೊ ಶಿಷ್ಯ ಹುಯಿರ‍್ಹೊಥೋತೆ, ಅರಿಮಥಾಯ ಗಾಮ್‌ನೊ ಯೋಸೇಫ್‌ನೆ, ಯೇಸುನ ಶರೀರ್‌ನ ಮನ ದೇಕರಿ ಪಿಲಾತನ ಬೋಲಿಲಿದೊ. ತದೆ ಪಿಲಾತನೆ ಯೇಸುನ ಶರೀರ್‌ನ ಪಳ್ಳಿಜಾ಼ ಕರಿ ಇನ ಹುಕುಮ್‌ ದೇತಾಖ್ಹತರ್‌, ಇನೆ ಯೋ ಶರೀರ್‌ನ ಪಳ್ಳಿನ್‌, ಗಯೊ. 
\v 39 ಪಹಿಲೆ ಏಕ್‌ಹಲ್ಲ ರಾತ್ನಿ ವಖ್ಹತ್‌ಮ, ಯೇಸುಕನ ಆಯೊಥೋತೆ ನಿಕೊದೇಮನೆ ಕಮ್‍ಶಿಕಮ್ ಡೋಡಿಖ್ಹ್‌ ಶೇರ್ ರಕ್ತಬೋಳ ಅಜು಼ ವಾನು ಜ಼ಡಿಬೂಠಿ ಮಳಾಯುಹುಯು ಟುಕ್ಡಾವ್‍ನ ಲೀನ್, ಯೋಸೇಫ್‌ನ ಜೋ಼ಡೆ ಗಯೊ. 
\v 40 ಅವ್ಣೆ ಭೇ ಜ಼ಣಾನೆ ಯೇಸುನ ಶರೀರ್‌ನ ಪಳ್ಳಿ ಜೈ಼ನ್‌, ಯೆಹೂದ್ಯರ್‌ಮ ಗಾಡಾಸ್ತೆ ಇಮ್ನಿ ತರೀಕಾಮ, ಇನಾಪರ್‌ ಯೋ ವಾನು ಜ಼ಡಿಬೂಠಿನ ನಾಖಿನ್, ಘಣ ಮೋಲ್ನು ಗಾದಿನ ಲುಂಗ್ಡಾಥಿ ಇನ ಲಪೇಟ್ಯು. 
\v 41 ಯೇಸುನ ಶಿಲ್‌ಬೆಪರ್ ಲಟ್ಕಾಯುತೆ ಝ಼ಗೋಕನ ಏಕ್‌ ಭಾಗ್‌ ಥೂ, ಯೋ ಬಾಗ್‌ಮ ಏಕ್‌ ನವಿ ಘವಿಥೀ, ಯೋ ಘವಿಮ ತಪ್‌ತೋಡಿ ಕಿನೂಸ್ ಮುರ್ದು ಮ್ಹೇಲ್ಯುಥು ಕೊಯ್ನಿ. 
\v 42 ಯೋ ದನ್ ಯೆಹೂದ್ಯರ್‌ನ ಖ್ಹವಾರಾನೊ ದನ್ ಶುಕ್ರವಾರ್ ಹುಯಿರ‍್ಹೊಥೋತೆ ಇನಖ್ಹಾಜೆ, ಯೋ ಘವಿ ಖನ್ನೆಸ್‌ ಥೀತೆ ಇನಾಟೇಕೆ ಯೇಸುನ ಮುರ್ದಾನ ಇನಾಮ ಮ್ಹೇಲ್ಯು.
\c 20
\s ಖಾಲಿ ಘವಿ
\r (ಮತ್ತಾಯ 28:1-8; ಮಾರ್ಕ 16:1-8; ಲೂಕ 24:1-12)
\p
\v 1 ವಾರಾನ ಪಹಿಲದನ್ನೆ ಅಧಿರ‍್ಹೇಣೆಸ್‌, ಬಿಜೂ಼ಬಿ ಅಂಧಾರು ರ‍್ಹವಾನಿಸ್ ವಖ್ಹತ್‌ಮ, ಮಗ್ದಲನಿ ಮರಿಯ ಘವಿಕನ ಐನ್, ಘವಿನ ಮೂಚಿರಾಖ್ಯುಥೂತೆ ಬಂಡೊ ನಿಕ್‌ಳೈರ‍್ಹೂಥೂತೆ ದೇಖಿ. 
\v 2 ತದೆ ಇನೆ ಸೀಮೋನ್‌ ಪೇತ್ರ ಅಜು಼ ಯೇಸುನೊ ಪ್ಯಾರ್‌ನೊ ಬಿಜ್ಜೇಕ್‌ ಶಿಷ್ಯಕನ ಮಿಲೈಜೈ಼ನ್‌, ಇನೆ ಇವ್ಣುನ, “ಪ್ರಭುನ ಮಖ್ಹಾಣ್ಯನಿ ಘವಿನ ಮಹಿಥು ಪಳ್ಳಿಜೈ಼ನ್‌, ಕಿಜ್ಜಾ಼ ಮ್ಹೇಲಿರಾಖ್ಯುಸ್ಕಿ, ಹಮೂನ ಮಾಲುಮ್‌ ಕೊಯ್ನಿ!” ಕರಿ ಬೋಲಿ.
\p
\v 3 ತದೆ ಪೇತ್ರ ಅಜು಼ ಯೋ ಬಿಜ್ಜೇಕ್‌ ಶಿಷ್ಯ ಘವಿಕನ ಗಯ. 
\v 4 ಇವ್ಣೆ ಭೇ ಜ಼ಣ ಮಿಲಾಯ, ಕತೋಬಿ ಯೋ ಬಿಜ್ಜೇಕ್‌ ಶಿಷ್ಯ ಪೇತ್ರಥೀಬಿ ಒಗ್ಗಿಸ್ ಮಿಲೈನ್‌, ಘವಿಕನ ಪಹಿಲೆ ಐನ್, ಪೋಚ್ಯೊ. 
\v 5 ಇನೆ ಝು಼ಕಿನ್‌, ಲಪೇಟಿಥೂತೆ ಘಣ ಮೋಲ್ನು ಗಾದಿನು ಲುಂಗ್ಡು ಪಡ್ಯುಥೂತೆ ದೇಖ್ಯೊ, ಕತೋಬಿ ಮಹಿ ಕೋಗಯೋನಿ. 
\v 6 ಸೀಮೋನ್‌ ಪೇತ್ರನ ಪೀಠೆ ಐನ್, ಘವಿನ ಮಹಿ ಜೈ಼ನ್‌, ಯೋ ಘಣ ಮೋಲ್ನು ಗಾದಿನು ಲುಂಗ್ಡ ಪಡ್ಯುಥು. 
\v 7 ಅಜು಼ ಯೇಸುನ ಮುಡ್‌ಕ್ಯಾನ ಭಾಂದ್ಯುಥೂತೆ ಲುಂಗ್ಡು, ಯೋ ಘಣ ಮೋಲ್ನ ಲುಂಗ್ಡಾನ ಜೋ಼ಡೆ ಪಡ್ಯುಥು ಕೊಯ್ನಿತೆ, ಲಪ್‌ಟೈನ್‌ ಏಕಾಡಿ ಅಲಕ್ ಮ್ಹೇಲಿರಾಖ್ಯುಥೂತೆ ದೇಖ್ಯೊ. 
\v 8 ಅನಕೇಡೆಥು ಘವಿಕನ ಪಹಿಲೆ ಐನ್, ಪೊಚ್ಯೋತೆ ಯೋ ಬಿಜ್ಜೇಕ್‌ ಶಿಷ್ಯಬಿ ಮಹಿ ಜೈ಼ನ್‌ ದೇಖಿನ್‌, ವಿಶ್ವಾಸ್‌ ಕರ‍್ಯೊ. 
\v 9 ಯೇಸು ಮರ್‌ವಾನ ಬಾದ್‌ಮ ಜಿವ್ತೊ ಹುಯಿನ್ ಉಠಿ ಆವ್ಣುಕರಿ ವಚನ್‌ಮ ಲೀಖೈರ‍್ಹೂತೆ ವಾತೆ ಇವ್ಣುನ ಬಿಜೂ಼ಬಿ ಮಾಲುಮ್‌ ಕೋ ಥೂನಿ. 
\v 10 ಅನಕೇಡೆಥು ಯೋ ಶಿಷ್ಯರ್‌ ಪಾಛು಼ಫರಿ ಘರೆ ಗಯು.
\s ಮಗ್ದಲನಿ ಮರಿಯನ ಯೇಸು ದೆಖಾಯೊತೆ
\r (ಮತ್ತಾಯ 28:9,10; ಮಾರ್ಕ 16:9-11)
\p
\v 11 ಕತೋಬಿ ಮರಿಯ ಭಾರ್‌ ಘವಿಕನ ರೊವ್‌ತಿಹುಯಿನ್, ಭೀಯಿಥಿ. ಯೋ ರೊವ್‌ತಿ ಹುಯಿನಸ್‌ ಘವಿನ ಮಹಿ ಝು಼ಕಿನ್‌, ದೇಖಿ. 
\v 12 ತದೆ ಯೇಸುನು ಮುರ್ದು ಮ್ಹೇಲ್ಯುಥೂತೆ ಝ಼ಗೋಮ, ಧೋಳು ಲುಂಗ್ಡು ಪೇರ‍್ಹಿರಾಖ್ಯುಥೂತೆ ಬೇ ದೇವ್‌ನು ದೂತರ್‌ನ ದೇಖಿ. ಇನಾಮ ಏಕ್‌ ಜ಼ಣೊ ಮುಡ್‌ಕ್ಯೂ ಥೂತೆ ಭಣಿ, ಅಜು಼ ಏಕ್‌ ಜ಼ಣೊ ಗೋಡಾಭಣಿ ಬೆಠಾಥ. 
\v 13 ಯೋ ದೇವ್‌ನು ದೂತರ್ ಮರಿಯನ, “ಅಲಿ ಆಯಾ, ತೂ ಶನ ರೊವ್‌ಕರಾಸ್ತೆ?” ಕರಿ ಪುಛಾ಼ಯ.
\p ತದೆ ಇನೆ, “ಮಾರೊ ಪ್ರಭುನು ಮುರ್ದಾನ ಇವ್ಣೆ ಪಳ್ಳಿಚ಼ಲಿಗಯು, ಅಜು಼ ಇನ ಕಿಜ್ಗಾ಼ ಮ್ಹೇಲಿರಾಖ್ಯುಸ್ ಕರಿ ಮನ ಮಾಲುಮ್‌ ಕೊಯ್ನಿ!” ಕರಿ ಜಾ಼ವಾಬ್‌ ದಿದಿ.
\p
\v 14 ಅಮ್ ಬೋಲಾನ ಬಾದ್‌ಮ, ಪೀಠೆ ಫರೀನ್, ಹಿಜ್ಜಾ಼ ಯೇಸು ಭೀರ‍್ಯೊಥೊತೆ ಇನೆ ದೇಖಿ; ಕತೋಬಿ ಯೋಸ್‌ ಯೇಸು ಕರಿ ಇನ ಮಾಲುಮ್‌ ಕೋ ಹುಯೂನಿ. 
\v 15 ಯೇಸುನೆ ಇನ, “ಅಲಿ ಆಯಾ, ತೂ ಶನ ರೊವ್‌ಕರಾಸ್ತೆ? ತೂ ಕಿನ ಢೂಂಡುಕರಾಸ್ತೆ?” ಕರಿ ಪುಛಾ಼ಯೊ. ಹೈರೋತೆ ಬಾಗ್‌ನ ದೇಖಿಲ್ಯವಾಳೊಕಿ ಶುಕಿ ಕರಿ ಮರಿಯನೆ ಸೋಚಿನ್,
\p ಇನ, “ಮಾಲಿಕ್, ತೂ ಇನ ಪಾಡಿಲೀನ್ ಜೈ಼ರೊ ಉಶೇತೊ, ಕಿಜ್ಗಾ಼ ಮ್ಹೇಲಿರಾಖ್ಯೋಸ್‌ ಕರಿ ಮನ ಬೋಲ್, ಮೇ ಇನ ಪಳ್ಳಿಜ಼ವ್‌ಸ್‌” ಕರಿ ಬೋಲಿ.
\p
\v 16 ಯೇಸುನೆ ಇನ, “ಮರಿಯ” ಕರಿ ಬೋಲ್ಯೊ.
\p ತದೆ ಇನೆ ಯೇಸು ಭಣಿ ಫರೀನ್, ಇಬ್ರಿಯ ವಾತೇಮ, “ರಬ್ಬೂನಿ!” ಕರಿ ಬೋಲಿ. ರಬ್ಬೂನಿ ಕತೊ, ‘ಗುರು’ ಕರಿ ಮತ್‌ಲಬ್.
\p
\v 17 ಯೇಸುನೆ ಇನ, “ಮನ ಧರ್‌ನಕೊ, ಶನಕತೊ ಮೇ ಬಿಜೂ಼ಬಿ ಬಾಕನ ಕೋ ಜೈ಼ರ‍್ಹೋನಿ. ಕತೋಬಿ ತೂ ಮಾರ ಭೈಯೇಕನ ಜೈ಼ನ್‌, “ಮೇ ಮಾರೊ ಬಾ ಅಜು಼ ಇವ್ಣೊ ಬಾ, ಮಾರೊ ದೇವ್ ಅಜು಼ ಇವ್ಣೊ ದೇವ್ ಹುಯಿರ‍್ಹೋತೆ ಇನಕನ ಪಾಛೊ಼ ವಳ್ಯೊಜ಼ವುಸ್‌ ಕರಿ ಬೋಲ್” ಕರಿ ಬೋಲ್ಯೊ.
\p
\v 18 ತದೆ ಮಗ್ದಲನಿ ಮರಿಯ ಶಿಷ್ಯರ್‌ಕನ ಜೈ಼ನ್‌, ಇನೆ ಪ್ರಭುನ ದೇಖಿತೆ ಅಜು಼ ಯೇಸುನೆ ಇನ ಬೋಲ್ಯೋತೆ ಬಾರೇಮ ಇವ್ಣುನ ಬೋಲಿ.
\s ಯೇಸು ಇನ ಶಿಷ್ಯರ್‌ನ ದೆಖಾಯೊತೆ
\r (ಮತ್ತಾಯ 28:16-20; ಮಾರ್ಕ 16:14-18; ಲೂಕ 24:36-49)
\p
\v 19 ಯೋಸ್‌ ದನ್ನೆಕತೊ, ವಾರಾನ ಪಹಿಲ ದನ್ನೆ ಖ್ಹಾಂಜೆ, ಶಿಷ್ಯರ್‌ ಯೆಹೂದ್ಯರ್ ಅದಿಕಾರಿನ ಡರ್‌ಥಿ ಇವ್ಣೆ ಥಾತೆ ಘರ್‌ನು ಬಾಕಲ್‌ ಮೂಚಿನ್, ಮಹಿ ಥಾ. ತದೆ ಯೇಸು ಐನ್, ಇವ್ಣ ಇಚ಼್‌ಮ ಭೀರಿನ್‌, “ತುಮೂನ ಸಮಾಧಾನ್ ಹುವಾದೆ” ಕರಿ ಬೋಲ್ಯೊ. 
\v 20 ಆ ಬೋಲಾನ ಬಾದ್‌ಮ, ಇನ ಹಾತ್‌ನಾಬಿ, ಪಾಖ್ಹ್‌ಳಿನಾಬಿ ಇವ್ಣುನ ವತಾಳ್ಯೊ. ಪ್ರಭುನ ದೇಖ್ಯುತೆ ಇನಖ್ಹಾಜೆ ಶಿಷ್ಯರ್‌ ಖ್ಹಾರು ಖ್ಹುಶೀಥಿ ಭರೈಗಯು. 
\v 21 ಯೇಸುನೆ ಇವ್ಣುನ, “ತುಮೂನ ಸಮಾಧಾನ್ ಹುವಾದೆ. ಬಾನೆ ಮನ ಮೋಕ್‌ಲ್ಯೊತೆ ಇಮ್ಮಸ್, ಮೇಬಿ ತುಮೂನ ಮೋಕ್ಲುಸ್‌” ಕರಿ ಬೋಲ್ಯೊ. 
\v 22 ಅಮ್ ಬೋಲಾನ ಬಾದ್‌ಮ, ಯೇಸುನೆ ಇವ್ಣಾಪರ್ ಫೂಕಿನ್‌, “ಅಲ್ಲೇವೊ ಪವಿತ್ರಾತ್ಮನ. 
\v 23 ತುಮೆ ಕಿನು ಪಾಪ್ನ ಮಾಪ್‌ ಕರೋಸ್ಕಿ, ಇವ್ಣು ಪಾಪ್ ಮಾಪ್‌ ಉಶೆ; ಅಜು಼ ತುಮೆ ಕಿನು ಪಾಪ್ನ ಮಾಪ್‌ ಕೋ ಕರೋನಿಕಿ, ಇವ್ಣು ಪಾಪ್ ಮಾಪ್‌ ಕೋ ಉಶೇನಿ” ಕರಿ ಬೋಲ್ಯೊ.
\s ಯೇಸು ಅಜು಼ ತೋಮ
\p
\v 24 ಯೇಸು ಆಯೋತೆ ತದೆ, ಭಾರ ಶಿಷ್ಯರ್‌ಮ ಏಕ್‌ ಹುಯಿರ‍್ಹೊಥೋತೆ ದಿದುಮಕರಿ ತೋಮ ಇವ್ಣಿ ಜೋ಼ಡೆ ಕೊಥೋನಿ. ‘ದಿದುಮ’ ಕತೊ ಅವಳಿಜವಳಿ ಕರಿ. 
\v 25 ಇನಖ್ಹಾಜೆ ಬಿಜಾ಼ಖ್ಹಾರ ಶಿಷ್ಯರ್‌ನೆ, “ಹಮೆ ಪ್ರಭುನ ದೇಖ್ಯ!” ಕರಿ ಇನ ಬೋಲ್ಯ.
\p ಕತೋಬಿ ತೋಮನೆ, “ಮೇ ಇನ ಹಾತ್‌ಮ ಮೇಕೇಥಿ ಹುಯೂತೆ ಫೋಡಾನ ದೇಖಿನ್‌, ಯೋ ಮೇಕೆ ಮರೈತೆ ಝ಼ಗೋಮ ಮಾರಿ ಅಂಗ್‌ಳಿ ಘಾಲಿನ್, ಇನಿ ಪಾಖ್ಹ್‌ಳಿಮ ಮಾರಹಾತೇಥಿ ಛಿಮಾಶೆ ತುಮಾರಿ ವಾತೇನ ನಂಬುಕೊಯ್ನಿ” ಕರಿ ಬೋಲ್ಯೊ.
\p
\v 26 ಆಟ್ ದನ್ ಬಾದ್‌ಮ, ಇನ ಶಿಷ್ಯರ್‌ ಪಾಛು಼ ಮಹಿ ಥಾತೆ ತದೆ, ತೋಮಾಬಿ ಇವ್ಣಿ ಜೋ಼ಡೆ ಥೊ. ಬಾಕಲ್‌ ಮೂಚೈ಼ರ‍್ಹೂಥು, ತದೆ ಯೇಸು ಐನ್, ಇವ್ಣ ಇಚ಼್‌ಮ ಭೀರಿನ್‌, “ತುಮೂನ ಸಮಾಧಾನ್ ಹುವಾದೆ” ಕರಿ ಬೋಲ್ಯೊ. 
\v 27 ಅನಕೇಡೆಥು ಯೇಸುನೆ ತೋಮನ, “ತಾರಿ ಅಂಗ್‌ಳಿನ ಹಜ಼್ಜ ಮ್ಹೇಲಿನ್, ಮಾರ ಹಾತ್ನ ಛೀಮಿನ್‌ ದೇಕ್; ತಾರ ಹಾತ್ನ ಖ್ಹಾಮ್ಣೆ ಕರೀನ್, ಮಾರಿ ಪಾಖ್ಹ್‌ಳಿಮ ಘಾಲ್‌, ವಿಶ್ವಾಸ್‌ಕೊಂತೆ ನಕೊ ರ‍್ಹೇ, ವಿಶ್ವಾಸ್‌ ಕರ್‌!” ಕರಿ ಬೋಲ್ಯೊ.
\p
\v 28 ತೋಮನೆ ಯೇಸುನ, “ಮಾರೊ ಪ್ರಭು, ಮಾರೊ ದೇವ್!” ಕರಿ ಜವಾಬ್‌ ದಿದೊ.
\p
\v 29 ಯೇಸುನೆ ಇನ, “ತೂ ಮನ ದೇಖ್ಯೋತೆ ಇನಖ್ಹಾಜೆ ವಿಶ್ವಾಸ್ ಕರ‍್ಯೊ; ಕತೋಬಿ ಮನ ದೇಖಾಕೊಯ್ನಿತೆ ವಿಶ್ವಾಸ್‌ ಕರಾವಾಳುಸ್‌ ಖ್ಹಾಚಮಾಬಿ ಧನ್ಯರ್” ಕರಿ ಬೋಲ್ಯೊ.
\s ಆ ಪುಸ್ತಕಾನು ಉದ್ದೇಶ್
\p
\v 30 ಯೇಸುನೆ ಬಿಜೂ಼ಬಿ ಕೈಯೆಕ್ಕಿ ಅದ್ಭುತ್ ಕಾಮ್ನ ಖ್ಹಾರು ಇನ ಶಿಷ್ಯರ್‌ನ ಖ್ಹಾಮ್ಣೆ ಕರ‍್ಯೊ.ಎತ್ರ ಅಖ್ಖಾಕಾಮ್ನ ಥೋಡುಬಿ ಅದ್ಭುತ್‌ಖ್ಹಾರು ಆ ಪುಸ್ತಕ್‌ಮ ಕೋ ಲೀಖೈರ‍್ಹೂನಿ. 
\v 31 ಕತೋಬಿ ಯೇಸುಸ್‌ ಕ್ರಿಸ್ತ ಕರೀಬಿ, ದೇವ್‌ನೊ ಛಿಯ್ಯೊ ಕರೀಬಿ ತುಮೆ ನಂಬಿನ್, ಇನ ನಾಮ್‍ಥಿ ತುಮೂನ ಜಾನ್‌ ಮಳಾದೆ ಕರಿ ಅತ್ರುಖ್ಹಾರು ಲೀಖೈರ‍್ಹುಸ್.
\c 21
\s ಯೇಸು ಖ್ಹಾತ್ ಶಿಷ್ಯರ್‌ನ ದೆಖಾಯೊತೆ
\p
\v 1 ಅನ ಬಾದ್‌ಮ, ಯೇಸು ತಿಬೇರಿಯ ದರ‍್ಯಾವ್‌ಕನ ಇನ ಶಿಷ್ಯರ್‌ನ ದೆಖಾಯೊ. ಯೋ ಅಮ್ ಚಾ಼ಲ್ಯುತೆ. 
\v 2 ಸೀಮೋನ್‌ ಪೇತ್ರಬಿ, ದಿದುಮಕರಿ ತೋಮಾಬಿ, ನತಾನಿಯೇಲ್‌ ಆ ಗಲಿಲಾಯನು ಕಾನಾ ಕರಿ ಗಾಮ್‌ವಾಳೊ, ಜೆಬೆದಾಯನ ಛಿಯ್ಯಾ, ಅಜು಼ ಯೇಸುನ ಬಿಜ಼ ಬೇ ಶಿಷ್ಯರ್‌ ಥಾ. 
\v 3 ಸೀಮೋನ್‌ ಪೇತ್ರನೆ ಇವ್ಣುನ, “ಮೇ ಮಾಛ಼್‌ಲಾ ಖ್ಹಾವಾನ ವಳ್ಯೊಜ಼ವುಸ್‌” ಕರಿ ಬೋಲ್ಯೊ.
\p ತದೆ ಇವ್ಣೆ, “ಹಮೇಬಿ ತಾರ ಜೋ಼ಡೆ ಐಯೇಸ್‌” ಕರಿ ಇನ ಬೋಲ್ಯ. ಇವ್ಣೆ ಜೈ಼ನ್‌, ಡೋಣ್‌ ಚ಼ಢ್ಯಾ, ಕತೋಬಿ ಯೋ ರಾತ್‌ ಅಖ್ಖು ಏಕ್‌ ಮಾಛ್ಲು಼ಬಿ ಮಳ್ಯುಕೊಯ್ನಿ. 
\v 4 ವ್ಹಾಣು ಹುವ್ವಾದೀನ್, ಯೇಸು ಕನಾರೆಕನ ಭಿಯೋಥೊ; ತೋಬಿ ಶಿಷ್ಯರ್‌ನ ಯೋ ಯೇಸು ಕರಿ ಮಾಲುಮ್‌ ಕೋ ಪಡ್ಯುನಿ. 
\v 5 ತದೆ ಯೇಸುನೆ ಇವ್ಣುನ, “ದೋಸ್ತಿವೊ ತುಮೂನ ಮಾಛ್ಲು಼ ಮಳ್ಯುಕಿ ಶು?” ಕರಿ ಪುಛಾ಼ಯೊ.
\p ಇವ್ಣೆ, “ಕೊಯ್ನಿ” ಕರಿ ಜವಾಬ್‌ ದಿದಾ.
\p
\v 6 ಯೇಸುನೆ ಇವ್ಣುನ, “ಡೋಣ್‌ನಿ ಖಾವಿ ಬಾಜು಼ಮ ಜಾ಼ಳು ನಾಖ್ಯಾತೊ, ತುಮೂನ ಥೋಡು ಮಾಛ಼್‌ಲಾ ಮಳ್‌ಶೆ” ಕರಿ ಬೋಲ್ಯೊ. ಇವ್ಣೆ ಇಮ್ಮಸ್ ಜಾ಼ಳು ನಾಕ್ತಾನ ಘಣು ಮಾಛ಼್‌ಲಾ ಮಳ್ಯುತೆ ಇನಖ್ಹಾಜೆ, ಜಾ಼ಳಾನ ಪಾಛು಼ ಮಹಿ ಖೇಚಾ಼ನ ಕೋ ಹುಯೂನಿ.
\p
\v 7 ಯೇಸುನೊ ಪ್ಯಾರ್‌ನೊ ಶಿಷ್ಯನೆ ಪೇತ್ರನ, “ಯೋ ಪ್ರಭುಲಾ!” ಕರಿ ಬೋಲ್ಯೊ. ಸೀಮೋನ್ ಪೇತ್ರನೆ ಇನ ಖ್ಹಮ್‌ಜಿನ್‌, ಮಾಛ್ಲು಼ ಖ್ಹಾವಾನಖ್ಹಾಜೆ ಪೇತ್ರನೆ ಝೋ಼ಳ್‍ನಾನ ಕಾಡಿ ಮ್ಹೇಲಿರಾಖ್ಯೊಥೊ ಯೊ ಪಾಛು಼ ಉಪ್ಪರ್‌ಲ್ಯು ಝ಼ಗ್ಗಾನ ಪೇರ‍್ಹಿಲೀನ್‌ ದರ‍್ಯಾವ್‌ಮ ಕೂದಿ ಗಯೊ. 
\v 8 ದರ‍್ಯಾವ್‍ನಿ ಕನಾರಿ ದೂರ್ ಶಾತ್ಬಿ ಕೋ ಥೂನಿ, ಖಲಿ ಖ್ಹೋ ಮೀಟರ್ ದೂರ್ ಥೂತೆ ಇನಖ್ಹಾಜೆ, ಬಿಜ಼ ಶಿಷ್ಯರ್‌ ಮಾಛ಼್‌ಲು ಭರೈರ‍್ಹುಥೂತೆ ಯೋ ಜಾ಼ಳಾನ ಖೇಚ಼್‌ತು ಹುಯಿನ್, ಡೋಣ್‌ಮಾಸ್‌ ಆಯು. 
\v 9 ಇವ್ಣೆ ಡೋಣ್‌ಮಾಥು ಉತ್ರಿನ್, ಕನಾರೆ ಆವಾದಿನ್, ಕೋಲ್‌ಖ್ಹಾನಿ ಆಗ್ ಅಜು಼ ಇನಾಪರ್‌ ಮ್ಹೇಲಿರಾಖ್ಯುಥೂತೆ ಮಾಛ಼್‌ಲಾ ಅಜು಼ ಥೋಡು ರೋಟಾನಾಬಿ ದೇಖ್ಯು. 
\v 10 ಯೇಸುನೆ ಇವ್ಣುನ, “ತುಮೆ ಹಮ್ಕೆ ಧರ‍್ಯಾತೆ ಮಾಛ್ಲಾ಼ವ್‍ಮ ಥೋಡು ಲ್ಯಾವೊ” ಕರಿ ಬೋಲ್ಯು.
\p
\v 11 ಸೀಮೋನ್‌ ಪೇತ್ರನೆ ಡೋಣ್ಣಾ ಮಹಿ ಜೈ಼ನ್‌, ಜಾ಼ಳಾನ ಕನಾರಿಕನ ಖೇಚಿ ಲಾಯೊ. ಯೋ ಏಕ್‌ಖ್ಹೊ ತೀನ್‌ಉಪ್ಪರ್‌ ಅಡೈವಿಖ್ಹ್‌ ಮೋಟಾ ಮಾಛ್ಲಾ಼ಥಿ ಭರೈರ‍್ಹೂಥು, ಎತ್ರುಬಲ್ಲ ಮಾಛ಼್‌ಲು ರ‍್ಹಯುತೋಬಿ ಜಾ಼ಳು ಫಾಟ್ಯುಕೊಯ್ನಿ. 
\v 12 ಯೇಸುನೆ ಇವ್ಣುನ “ಐನ್, ಖಾಣು ಖಾವೊ” ಕರಿ ಬೋಲ್ಯೊ. ಯೋ ಪ್ರಭುಸ್ ಶಿಷ್ಯರ್‌ನ ಮಾಲುಮ್‌ ಥೂತೆ ಇನಖ್ಹಾಜೆ, “ತೂ ಕೋಣ್?” ಕರಿ ಇವ್ಣಾಮ ಕಿನೇಬಿ ಪುಛಾ಼ವಾನಿ ಭಾಲ್ ಕೋ ಕರ‍್ಯುನಿ. 
\v 13 ಯೇಸುನೆ ಐನ್, ರೋಟಾನ ಪಾಡೀನ್, ಇವ್ಣುನ ದಿದೊ; ಇಮ್ಮಸ್ ಮಾಛ್ಲಾ಼ನಾಬಿ ಪಾಡಿನ್ ದಿದೊ.
\p
\v 14 ಯೇಸು ಮರಿನ್‌, ಜಿವ್ತೊಹುಯಿನ್ ಉಠಾನ ಬಾದ್‌ಮ ಇನ ಶಿಷ್ಯರ್‌ ದೆಖಾಯೊತೆ ಆ ತೀನ್ನೆ ಹಲ್ಲ.
\s ಯೇಸು ಅಜು಼ ಪೇತ್ರ
\p
\v 15 ಇವ್ಣೆ ಖಾಣು ಖಾವಾನ ಬಾದ್‌ಮ, ಯೇಸು ಸೀಮೋನ್‌ ಪೇತ್ರನ, “ಯೋಹಾನ್ನ ಛಿಯ್ಯೊ ಸಿಮೋನ್, ತೂ ಅವ್ಣೆಥೀಬಿ ಜಾ಼ಖ್ಹತ್ ಮನ ಪ್ಯಾರ್ ಕರಾಸ್ಕಿಶು?” ಕರಿ ಪುಛಾ಼ಯೊ.
\p ಪೇತ್ರನೆ, “ಓಹೋಲಾ, ಪ್ರಭು, ಮೇ ತುನ ಪ್ಯಾರ್ ಕರುಸ್” ಕರಿ ಬೋಲ್ಯೊ.
\p ತದೆ ಯೇಸುನೆ ಇನ, “ಮಾರು ಮೇಂಢಾನು ಚೆಲ್ಕಾವ್ನ ಚ಼ರಾವ್‌” ಕರಿ ಬೋಲ್ಯೊ. 
\v 16 ಬೇನೆ ಹಲ್ಲ ಯೇಸುನೆ ಪೇತ್ರನ, “ಯೋಹಾನ್ನ ಛಿಯ್ಯಾ ಸೀಮೋನ್‌, ತೂ ಮನ ಪ್ಯಾರ್ ಕರಾಸ್ಕಿಶು?” ಕರಿ ಬೋಲ್ಯೊ.
\p ತದೆ ಇನೆ, “ಓಹೋಲಾ, ಪ್ರಭು ಮೇ ತುನ ಪ್ಯಾರ್ ಕರೂಸ್‌ಕರಿ ತುನಾಸ್ ಮಾಲುಮ್‌” ಕರಿ ಬೋಲ್ಯೊ.
\p ಯೇಸುನೆ ಇನ, “ಮಾರ ಮೇಂಢವ್‌ನಿ ಖ್ಹದರ್ ಕರ್‌” ಕರಿ ಬೋಲ್ಯೊ. 
\v 17 ತೀನ್ನೆಹಲ್ಲ ಯೇಸುನೆ, “ಯೋಹಾನ್ನ ಛಿಯ್ಯಾ ಸೀಮೋನ್‌, ತೂ ಮನ ಪ್ಯಾರ್ ಕರಾಸ್ಕಿ ಶು?” ಕರಿ ಪುಛಾ಼ಯೊ.
\p ಯೇಸುನೆ ತೀನ್ನೆಹಲ್ಲ ಇನ, “ತೂ ಮನ ಪ್ಯಾರ್ ಕರಾಸ್ಕಿಶು?” ಕರಿ ಪುಛಾ಼ವ್‌ತಾನ, ಪೇತ್ರನ ದುಖ್‍ಹುಯು. ತದೆ ಇನೆ, “ಪ್ರಭು, ತುನ ಖ್ಹಾರುಸ್‌ ಮಾಲುಮ್‌; ಮೇ ತುನ ಪ್ಯಾರ್ ಕರುಸ್ ಕರೀಬಿ ತುನ ಮಾಲುಮ್‌!” ಕರಿ ಬೋಲ್ಯೊ.
\p ಯೇಸುನೆ ಇನ, “ಮಾರ ಮೇಂಢವ್‌ನಿ ಖ್ಹದರ್‌ಕರ್‌” ಕರಿ ಬೋಲ್ಯೊ. 
\v 18 ಮೇ ತುನ ಖ್ಹಾಚ ಬೋಲುಕರುಸ್, ತೂ ಜಾ಼ನ್ಜ಼ಮಾನ್ ಥೋತೆ ತದೆ, ತಾರಿ ಕಂಬರ್‌ನ ಭಾಂದಿಲೀನ್, ತುನ ಕಿಜ್ಗಾ಼ ಅಛ್ಛು಼ ಲಾಗಸ್ಕಿ ಹಿಜ್ಜಾ಼ ಜಾ಼ತೋಥೊ; ಕತೋಬಿ ತೂ ಬುಢೋ ಹುಯಿಜೈ಼ಶ್ತೆ ತದೆ ತಾರ ಹಾತ್ನ ಪಖ್ಹಾರೀಶ್‌, ಅಜು಼ ಬಿಜ್ಜೇಕ್‌ ಜ಼ಣೊ ತಾರಿ ಕಂಬರ್‌ನ ಭಾಂದೀನ್‌, ತುನ ಅಛ್ಛು಼ ಲಾಗಕೊಂತೆ ಹೀಕಡ್‌ ತುನ ಲೀಜಾ಼ಶೆ” ಕರಿ ಬೋಲ್ಯೊ. 
\v 19 ದೇವ್ನ ಮಹಿಮೆ ಕರಾನಖ್ಹಾಜೆ ಪೇತ್ರ ಕಿಮ್ನು ಮೋತ್ ಮರ್‌ಶೆ ಕರಿ ಆ ವಾತೇಥಿ ಯೇಸುನೆ ಬೋಲ್ಯೊ. ಅಮ್ ಬೋಲಾನ ಬಾದ್‌ಮ, ಯೇಸುನೆ ಇನ, “ಮಾರ ಪೀಠೆ ಆವ್!” ಕರಿ ಬೋಲ್ಯೊ.
\s ಯೇಸು ಅಜು಼ ಬಿಜೇಕ್ ಶಿಷ್ಯ
\p
\v 20 ಪೇತ್ರ ಪೀಠೆ ಫರಿ ದೇಖಿನ್‌, ಯೇಸುನೊ ಪ್ಯಾರ್‌ನೊ ಶಿಷ್ಯ ಇವ್ಣ ಪೀಠೆ ವಳ್ಯಾವಾತೆ ದೇಖ್ಯೊ.ರಾತ್ಮ ಖಾಣು ಖಾವಾನಿ ವಖ್ಹತ್‌ಮ ಯೇಸುನಿ ಛಾ಼ತಿಕನ ಝು಼ಕಿನ್‌, “ಪ್ರಭು, ತುನ ಧೋಕೇಥಿ ಧರಿದಿಶ್ಶೆತೆ ಕೋಣ್?” ಕರಿ ಪುಛಾ಼ಯೋತೆ ಯೋಸ್‌ ಶಿಷ್ಯ. 
\v 21 ಯೋ ಶಿಷ್ಯನ ದೇಖಿನ್‌, ಪೇತ್ರನೆ ಯೇಸುನ, “ಪ್ರಭು ಅನಿ ಬಾರೇಮ ಶಾತ್‌?” ಕರಿ ಪುಛಾ಼ಯೊ.
\p
\v 22 ಯೇಸುನೆ ಇನ, “ಮೇ ಆವಾತೋಡಿ, ಆ ಜಿವ್ತೊ ರ‍್ಹೇವ್ಣುಕರಿ ಮನ ಮನ್ ರ‍್ಹಯೂತೊ, ಇನೇಥಿ ತುನ ಶಾತ್‌? ತೂ ಮಾರ ಪೀಠೆ ಆವ್” ಕರಿ ಜವಾಬ್‌ ದಿದೊ.
\p
\v 23 ಅನೇಥಿ ಯೋ ಶಿಷ್ಯ ಮರ್‌ಶೆಕೊಯ್ನಿ ಕರಿ ಬೋಲಾನಿ ವಾತೆ ಯೇಸುನ ಭೈಯೇವ್‌ಮ ಫೈಲಿಗಯು. ಯೋ ಮರ್‌ಶೆಕೊಯ್ನಿ. ಕತೋಬಿ ಯೇಸುನೆ ಇನ ಬೋಲ್ಯೊಕೊಯ್ನಿ, “ಮೇ ಆವಾತೋಡಿ, ಯೋ ಜಿವ್ತೊ ರ‍್ಹೇವ್ಣುಕರಿ ಮನ ಮನ್ ರ‍್ಹಯೂತೊ, ಇನೇಥಿ ತುನ ಶಾತ್‌?” ಕರೀಶ್ ಯೇಸುನೆ ಬೋಲ್ಯೊತೆ.
\p
\v 24 ಆ ಖ್ಹಾರಿ ಬಾರೇಮ ಲೀಖಿನ್, ಅನಿ ಬಾರೇಮ ಸಾಕ್ಷಿ ಬೋಲವಾಳೊ ಶಿಷ್ಯ ಆಸ್. ಯೋ ಬೋಲ್ಯೋತೆ ಖ್ಹಾಚ಼ಸ್ ಕರಿ ಹಮೂನ ಮಾಲುಮ್‌.
\s ಖ್ಹತಮ್
\p
\v 25 ಅತ್ರೇಸ್ ಕಾಹೆತೆ, ಯೇಸುನೆ ಕರ‍್ಯುತೆ ಬಿಜೂ಼ಬಿ ಕೈಯೆಕ್ಕಿ ಛಾ಼. ಯೋ ಖ್ಹಾರಾನ ಏಕೇಕ್‌ ಕರಿ ಲೀಖ್ಯೂತೋ, ಲೀಖಾವ್ಣುತೆ ಪುಸ್ತಕ ಖ್ಹಾರು ಹಿಡಿ ಜಗತ್ತಸ್ ಬಶ್‌ ಕೋ ಉಶೇನಿ ಕರಿ ಮೇ ಸೋಚುಸ್.