\id HEB -WAGHRI
\ide UTF-8
\h ಇಬ್ರಿಯ
\toc3 ಇಬ್ರಿ
\toc2 ಇಬ್ರಿ
\toc1 ಪೌಲನೆ ಇಬ್ರಿಯವಾಳಾನ ಲೀಖ್ಯೋತೆ ಚಿಟ್ಟಿ
\mt2 ಇಬ್ರಿಯರಿಗೆ ಬರೆದ ಪತ್ರಿಕೆ
\mt1 ಪೌಲನೆ ಇಬ್ರಿಯವಾಳಾನ ಲೀಖ್ಯೋತೆ ಚಿಟ್ಟಿ
\imt ಮಾಲುಮ್‌ ಕರಾನು
\ip ಇಬ್ರಿಯವಾಳಾನ ಲೀಖ್ಯುತೆ ಪುಸ್ತಕ್ ಏಕ್‌ ಹುಮ್ಮಖ್ಹ್‌ ದೇಸ್ತೆ ಚಿಟ್ಟಿಹುಯಿನ್‌ ಯೇಸು ಜೂ಼ನ ಒಪ್ಪಂದಾಮನು ಕೈಏಕ್ ಪ್ರವಾದನೆಖ್ಹಾರು ಕಿಮ್ ಭರ್‌ಪೂರ್‌ ಕರ‍್ಯೊಕರಿ ಬೋಲಾನು ವತಾಳಸ್‍. ಆ ಬೋಧನೇನಿ ರೂಪಾಮ ಲೀಖೈರುಸ್. ಅನಾಮ ಯೇಸು ಜೂ಼ನ ಒಪ್ಪಂದಾಮ ಪ್ರವಾದನೆ ಅಜು಼ ಯೆಹೂದಿ ಯಾಜಕಾನು ಕಾಮ್ ಕಿಮ್ ಪೂರ ಕರ‍್ಯೊಕರಿ ಬೋಲಾನ ತಿನೀಖ್ಹ್‌ಥೀಬಿ ಘಣು ಜೂ಼ನ ಒಪ್ಪಂದಾನು ಸಾಬೂತ್‌ಛಾ಼. ಆ ಹೈರುತೆ ಆ ಬಾರೇಮ ಅಛ್ಛಿನಿತರ ವತಾಳಸ್‍. ಅನಖ್ಹಾಜೆ ಆ ಪುಸ್ತಕ್ ಯಹೂದಿ ವಿಶ್ವಾಸಿಯೇವ್ನ ಹುಮ್ಮಖ್ಹ್‌ ದೆವಾನು ಪುಸ್ತಕ್‌ ಬೋಲಾವಸ್. ಯೇಸು ಕಿಮ್ ಧರ್ಮಶಾಸ್ತ್ರನ ಪೂರ ಕರ‍್ಯೊ. ಇನಖ್ಹಾಜೇಥಿ ಯಾಜಕರ್‌ ಕೆದೇಬಿ ಜಿನು ಬಲಿ ದ್ಯವಾನು ಜ಼ರೂರತ್ ಕೊಯ್ನಿಕರಿ ಇಬ್ರಿಯ ಪುಸ್ತಕ ವತಾಳಸ್‍ ಅಖ್ಖಾ ಹಗಾಮ್ನಖ್ಹಾಜೆ ಎಕ್ಕಸ್‍ಹಲ್ಲ ಅಖ್ಖಾಸ್ ಪಾಪ್ನಖ್ಹಾಜೆ ಯೇಸು ಬಲಿಹುಯೊ. ದೇವ್‌ಮ ಭರೋಖ್ಹೊ ರಾಖಾನ ಅಜು಼ ಇನಾಮಬಿ ಜಿನು ಭರೋಖ್ಹೊ ರಾಖಾನ ಯೇಸು ಕ್ರಿಸ್ತನ ಪೀಠೆ ಜಾ಼ವ್ಣುಕರಿ ಇಬ್ರಿಯ ಪುಸ್ತಕ ಹಮ್ಕೆನು ಅಪ್ಣ ಹಗಾಮ್ನು ವಿಶ್ವಾಸಿಖ್ಹಾರನ ಜಿನುಕು ಹುಮ್ಮಖ್ಹ್‌ ದೇಸ್ \xt 12:2.\xt*
\ip ಇಬ್ರಿಯ ಪುಸ್ತಕ್‌ ಕೋಣ್ ಲೀಖಿರಾಖ್ಯುಸ್ ಕರಿ ಬೋಲಾನು ಕಿನಾಬಿ ಮಾಲುಮ್ ಕೊಯ್ನಿ ಕತೋಬಿ ಫಡಂತಿಖ್ಹಾರು ಅಪೊಸ್ತಲ ಹುಯಿರ‍್ಹೋತೆ ಪೌಲ, ಲೂಕ, ಬಾರ್ನಬಸ್ ರ‍್ಹೇವ್ಣು ಕರಿ ಖ್ಹೂಜ಼್‌ ದೇಸ್. ಆ ಲೀಖೈರ‍್ಹುತೆ ವಖ್ಹತ್ ಜಿನು ಮಾಲುಮ್‌ನಿತರ ಕೊಯ್ನಿ. ಕತೋಬಿ ಘಣೇಥಿ ಕ್ರಿಸ್ತ ಪೈದಾಖ್ಹ್‌ನ ವಾರ್ 70 ವರಖ್ಹ್‌ ಅಗ್ಗಳಸ್ ಲಿಖೈರ‍್ಹುಸ್ ಕರಿ ವಿಶ್ವಾಸ್ ಕರಸ್. 70 ನು ವರಖ್ಹ್‌ಮ ಯೆರೂಸಲೇಮ್‌ ಖ್ಹಯೇರ‍್ನ ನಾಶ್‌ಕರಿ ರಾಖ್ಯುಥು. ಕತೋಬಿ ಲೀಖವಾಳನೆ ಆ ಚಿಟ್ಟೀಮ ಯೆರೂಸಲೇಮ್‌ ನಾಶ್‌ ಉಷೆಕರಿ ಬೋಲಾನು ಪರಕ್ಮ ವಾತ್ ಬೋಲಸ್. ಇಬ್ರಿಯ ಪುಸ್ತಕ್‌ ರೋಮ್ ಖ್ಹಯೇರ್‌ಮ ಲಿಖೈರ‍್ಹುಸ್. \xt 13:24\xt* ಅಜು಼ ಘಣೇಥಿ ಕೈಯೆಕ್‌ ಸಬೇಮ ಯೋ ಚಾ಼ಲಿರ‍್ಹುಸ್.
\iot ಕಾಡಿದೇಖೊ
\io1 1. ಲೀಖವಾಳನೆ ದೇವ್ನು ಪ್ರವಾದಿಖ್ಹಾರು ಅಜು಼ ದೇವ್ನದೂತರ್‌ಥೀಬಿ ಊಚೊ಼ಕರಿ ವತಾಳಸ್‍. \ior 1:1—4:13\ior*
\io1 2. ಇನಪಾರ್ ಯೊ ಯೆರೂಸಲೇಮ್‌ನ ದೇವಳ್ಮ ಸೇವೆ ಕರುಕರ್ತಥಾತೆ ಯಾಜಕವ್‌ಥೀಬಿ ಯೇಸು ಊಚೊ಼ ಕರಿ ವತಾಳಿದೇಸ್. \ior 4:14—7:28\ior*
\io1 3. ದೇವ್ನೆ ಮೋಶೇಥಿ ಇನ ಅದ್ಮಿನ ಜೋ಼ಡೆ ಕರ‍್ಯೊತೆ ಜೂ಼ನ ಒಪ್ಪಂದಾಥಿಬಿ ಯೇಸುನು ಸೇವೆನು ಕಾಮ್ ಊಚು಼ ಹುಯಿರ‍್ಹುಸ್ ಕರಿ ವತಾಳಸ್‍ \ior 8:1—10:31\ior*
\io1 4. ಯೇಸು ಅಖ್ಖೀಸ್ ಪರಕ್ಮ ಊಚೋ಼ ಕರಿ ಬೋಲಿ ವತಾಳನ ವಾರ್‌ ಲೀಖವಾಳನೆ ಕೈಏಕ್ ಪ್ರಯೋಗ್‌ಥಿ ವಾಟ್‌ವತಾಳಿ ದೇಸ್ \ior 10:32—13:17\ior*
\io1 5. ಖ್ಹರ್ತಿಮ ಲೀಖವಾಳನೆ ಥೋಡು ಹುಮ್ಮಖ್ಹ್‌ ದ್ಯವಾನಿ ವಾತೆ ಬೋಲಿನ್ ಖ್ಹಲಾಮ್ ಬೋಲ್ತೊಹುಯಿನ್ ಚಿಟ್ಟಿನ ಖತಮ್ ಕರಸ್ \ior 13:18-25\ior*
\c 1
\s ಛಿಯ್ಯೇಥಿ ದೇವ್ನಿ ಸಂದೇಶ್
\p
\v 1 ಅಗ್‍ಲ್ಯ ಹಗಾಮ್ಮ ದೇವ್ನೆ ಪ್ರವಾದಿ ಖ್ಹಾರಾಥಿ ಅಪ್ಣ ಗುರುಗುರಬ್‌ಲ್ಯನಿ ಜೋ಼ಡೆ ಕೆತ್ರೇಕ್ಕಿ ಪರಕ್ಮ, ಕೈಏಕ್ ಹಲ್ಲ ವಾತೆಬೋಲಿರಾಖ್ಯೋಸ್. 
\v 2 ಕತೋಬಿ ಆ ಖ್ಹರ್ತಿನೊ ದನ್ಮ ಯೊ ಇನ ಛಿಯ್ಯಾಥಿ ಅಪ್ಣ ಜೋ಼ಡೆ ವಾತೆ ಬೋಲ್ಯೊ. ದೇವ್ನೆ ಇನ ಛಿಯ್ಯಾಥಿ ಖ್ಹಾರ ಜಗತ್‍ನಾಸ್ ಉಬ್‌ಜೈ಼ನ್ ಹರೇಕ್‌ಪರ್ ಇನಾಸ್ ವಾರಿಸ್ ಕರ‍್ಯೊ. 
\v 3 ಯೋಸ್ ದೇವ್ನು ಮಹಿಮೆನು ಉಜಾ಼ಖ್ಹ್‌ಬಿ, ದೇವ್ನಿ ಪ್ರತಿರೂಪ್‌ಬಿ, ಇನಿ ವಚನ್ ಶಕಥ್ಥಿ ಅಖ್ಖಾಸ್ನ ಆಧಾರ್ ಹುಯಿನ್ ಯೋಸ್ ಅದಮ್‍ಜ಼ಮಾನನಿ ಪಾಪ್ನ ಶುದ್ದಿಕರಿನ್ ಸೊರ್ಗಾಮ ಮಹಾನ್ ದೇವ್ನು ಖಾವಿಬಾಜು಼ಮ ಬೇಶಿಗಯೊ.
\s ದೇವ್ನ ಛಿಯ್ಯಾನಿ ಭಡ್‌ಪಣ್‌
\p
\v 4 ಹೈರುತೆ ದೇವ್‌ದೂತರ್‌ಥೀಬಿ ಮಹಾನ್ ಊಚೊ಼ ಹುಯಿನ್; ಇನ ದಿದೋತೆ ನಾಮ್ ದೇವ್‌ದೂತರ್‌ಥೀಬಿ ಮಹಾನ್ ಹುಯಿರ‍್ಹುಸ್. 
\v 5 ಶನಕತೊ, ದೇವ್ ಇನ ದೇವ್‌ದೂತರ್‌ಮ ಕಿನಾತೋಬಿ,
\q1 \x - \xo 1:5\xo*\xt ಕೀರ್ತನೆ 2:7\xt*\x* “ತೂ ಮಾರೊ ಛಿಯ್ಯೊ;
\q2 ಆಜ಼್ ಮೇಸ್ ತಾರೊ ಬಾ ಹುಯಿರ‍್ಹೊಸ್
\q1 “ಮೇ ಇನೊ ಬಾ ಹುಯಿರ‍್ಹಿಶ್,
\q2 \x - \xo 1:5 \xo*\xt 2. ಸಮುವೇಲ 7:14\xt*\x*ಯೋ ಮಾರೊ ಛಿಯ್ಯೊ ಹುಯಿರ‍್ಹಿಶೆ.” ಕರಿ ಬೋಲಿರಾಖ್ಯೊಕೊಯ್ನಿ.\x - \xo 1:5\xo*\xt ಕೀರ್ತನೆ 2:7\xt*\x*
\m
\v 6 “ಆ ಕಾಹೆತೆ ದೇವ್ ಇನ ಫೈಲೋಟ ಛಿಯ್ಯಾನ ಧರ್ತಿಪರ್ ಪಾಛು಼ ಮೋಕ್ಲಾನಿ ವಖ್ಹ್‌ತೆ,
\q1 ದೇವ್ನ ದೂತರ್‌ಖ್ಹಾರು ಇನ ಆರಾದನೆ ಕರ್ನುಕರಿ ಹುಕುಮ್ ಕರಿರಾಖ್ಯೋಸ್”.
\p
\v 7 ಕತೋಬಿ ದೇವ್ನ ದೂತರ್‌ನಿ ಬಾರೇಮ,
\q1 “ದೇವ್ ಇನ ದೂತರ‍್ನ ವಹಿರಾನಿ ಘೋಣಿಬಿ,
\q2 ಅಜು಼ ಇನ ಸೇವಕ್‌ಖ್ಹಾರನ ಆಗ್‍ನಿ ಝ಼ಲಪಟ್‌ನಿತರಾಬಿ ಕರೀಶ್‌ಕರಿ ಬೋಲಿರಾಖ್ಯೊಸ್.”\x - \xo 1:7 \xo*\xt ಕೀರ್ತನೆ 104:4\xt*\x*
\m
\v 8 ಕತೋಬಿ ಛಿಯ್ಯಾನಿ ಬಾರೇಮ ಅಮ್ ಬೋಲ್ಯೊ:
\q1 “ದೇವ್ ತಾರು ಸಿಂಹಾಸನ್ ಜ಼ಗ್‌ಜ಼ಮಾನಮಾಬಿ ರ‍್ಹಿಶೆ.
\q2 ನೀತಿನು ಡಂಡೊಸ್‌ ತಾರು ರಾಜ಼ನು ಡಂಡೊ ಹುಯಿರ‍್ಹುಸ್.
\q1
\v 9 ತೂ ಬರೋಬರ್‌ನ ಪ್ಯಾರ್‌ಕರ‍್ಯೊ ಅಜು಼ ಗಲತ್‌ನ ಝಿಟ್ಕಾರ‍್ಯೊ.
\q2 ಇನಖ್ಹಾಜೇಥಿ ದೇವ್ ತಾರೊ ದೇವಸ್. ತುನ ತಾರ ಜೋ಼ಡೆ ರ‍್ಹವಾಳಥಿಬಿ
\q2 \x - \xo 1:9 \xo*\xt ಕೀರ್ತನೆ 45:6-7\xt*\x*ಶಂತೋಖ್ಹ್‌ನ ಜಾ಼ಖ್ಹತ್ ತೇಲ್‌ಥಿ ಅಬಿಷೇಕ್ ಕರಿರಾಖ್ಯೊಸ್
\m
\v 10 ಇನೆ ಅಮ್‍ಬಿ ಬೋಲ್ಯೊ;
\q1 “ಪ್ರಭು ತೂ ಶುರುವಾತ್ಮ ಜ಼ಮೀನ್ನ ಹದಿಪಾಯ ನಾಖ್ಯೊ.
\q2 ಅಜು಼ ತಾರ ಹಾತೇಖ್ಹು ಆಬ್‌ನ ತುನೆ ಬಣಾಯೊ,
\q1
\v 11 ಯೋಖ್ಹಾರು ದೆಖಾವ ಕೊಂತೆ ಹುಯಿಜಾ಼ಶೆ ಕತೋಬಿ ತು ಕೆದೇಬಿ ರ‍್ಹೀಶ್.
\q2 ಯೊ ಜಿನಖ್ಹ್‌ಅಖ್ಖು ಲುಂಗ್ಡನಿತರ ಗಳಿಜಾಶೆ.
\q1
\v 12 ತು ಯೊ ಅಖ್ಖಾನ ಝ಼ಗ್ಗಾನಿತರ ಬಿಡ್ಕಿಕರಿಷ್,
\q2 ಅಜು಼ ಯೊ ಪೇರ್ವಾಖ್ಹ್‌ನಿತರ ಬದ್ಲಿಜಾ಼ಶೆ.
\q1 ಕತೋಬಿ ಕದೆಕದೇಬಿ ಬದಲಿಶ್ ಕೊಯ್ನಿ.
\q2 ಅಜು಼ ತಾರ ಉಂಬರ‍್ನ ಖ್ಹರ್ತೀಸ್ ಕೊಯ್ನಿ ಕರಿ ಬೋಲಾಸ್.
\m
\v 13 ಕತೋಬಿ ಖೆವ ದೇವ್‌ದೂತರ್‌ನತೋಬಿ ದೇವ್ನೆ,
\q1 \x - \xo 1:13 \xo*\xt ಕೀರ್ತನೆ 110:1\xt*\x*ಮೇ ತಾರ ದುಶ್‌ಮನ್ನ ತಾರ ಗೋಡಾನ ರಚ್ಚಾ಼ಕನ ನಾಖತೋಡಿ
\q2 ತು ಮಾರಿ ಖಾವಿ ಬಾಜೂ಼ಮ ಬೆಠೋರೆ ಕರಿ ಕದೆತೋಬಿ ಬೋಲ್ಯೊಥೋಕಿ ಶು?
\p
\v 14 ಆ ಅಖ್ಖು ದೇವ್ನದೂತರ್ ರಕ್ಷಣೆನು ಹಕ್ನ ಲೀರಾಕ್ಣುತೆ ಇವ್ಣಅಖ್ಖಾನು ಸೇವೆನಖ್ಹಾಜೆ ಮೋಕ್ಲಾಯುತೆ ಸೇವೆನು ಆತ್ಮ ಕಾಹೇಕಿಶು.
\c 2
\s ಮಹಾನ್ ರಕ್ಷಣೆ
\p
\v 1 ಇನಖ್ಹಾಜೆ ಅಪ್ಣೆ ಖ್ಹಮ್‍ಜ್ಯಾತೆ ಬಾರೇನು ನಾ ಛು಼ಕಿಜಾ಼ವ್ಣುತೆ ಯೊ ಅಖ್ಖಾನ ಜಾ಼ಖ್ಹತ್ ಧ್ಯಾನ್ ದ್ಯಾವಾಳ ಹುಯಿರ‍್ಹೇಣು. 
\v 2 ಶನಕತೊ ದೇವ್‌ದೂತರ್‌ಥಿ ಅಪ್ಣ ಗುರುಗುರಬ್‍ಲ್ಯನ ದೆವೈರ‍್ಹೂಸ್ತೆ ಸಂದೇಶ್ ಖ್ಹಾಚು಼ಥು, ಇನಾಬಿ ಭಡಿನ್ ಕರಾನು ಹರೇಕ್ ಗಲ್ತಿ ಅಜು಼ ಕೋಣ್ ವಿಧೇಯ ಕೊಹುಯುನಿಕಿ ನತರ್ ವಿಧೇಯ ಹುಯಿನ್ ಬರಬರ‍್ನಿ ನಿಶತ್ ಲಿದು. 
\v 3 ಅಪ್ಣ ಖ್ಹಾಮ್ಣೆ ಮ್ಹೇಲಿರಾಖ್ಯೊತೆ ಅಥ್ರಾನಿ ಮಹಾನ್ ರಕ್ಷಣೆನ ಅಪ್ಣೆ ಕರ‍್ಹಯ್ಯಕಾಡ್ಯುತೊ, ಛು಼ಕಿಜಾ಼ವನುತೋಬಿ ಕಿಮ್? ಆ ಹೈರುತೆ ಪ್ರಭುಥಿ ಪಹಿಲೆ ಬೋಲಾಯು ಅಜು಼ ಇನೇಥಿ ಖ್ಹಮ್‌ಜ್ಯಥಾತೆ ಅನ ಹಮೂನ ಘಟ್‌ಕರಾಯು. 
\v 4 ಖ್ಹಣೇದ್‍ನು ಕಾಮ್‍ಥೀಬಿ, ಅದ್ಭುತ್‌ಕಾಮ್ ಖ್ಹಾರಥಿಬಿ, ಕೈಯೇಕ್ ಥರಾನು ಮಹಾನ್ ಕಾಮ್‍ಥೀಬಿ ಅಜು಼ ಇನಿ ಸೋಚ್‌ನಿತರ ಪವಿತ್ರಾತ್ಮನು ವರಾನ ವಾಟಪಾಡಿ ದ್ಯವಾಥಿ ದೇವ್ನೇಸ್ ಇನ ವತಾಳಿಲಿದೊ.
\s ಅಪ್ಣುನ ರಕ್ಷಣೆಮ ಚ಼ಲಾವವಾಳೊ
\p
\v 5 ಅಪ್ಣೆ ಬೋಲುಕರೇಸ್ತೆ ಖ್ಹಾಮ್ಣೆ ಆವ್‌ಶೇತೆ ನವುಜಗತ್ನ ಚ಼ಲಾವನ ದೇವ್ನೆ ಇನ ದೂತರ‍್ನ ಕಬ್‌ಜಾ಼ಮ ದಿದೊ ಕೊಯ್ನಿ. 
\v 6 ಕತೋಬಿ ಪವಿತ್ರ ದಪ್ತರ್‌ಮ ಕಿಜ್ಜಾ಼ಕಿ ಏಕ್‌ ಝ಼ಗೊ ಅಮ್ ಬೋಲಿರಾಖ್ಯುಸ್, ಅದ್ಮಿ ಕೆವ್ಡೋಖ್ಹೊ,
\q1 ಇನ ತೂ ಶನ ಯಾದ್ ಕರಾಸ್?
\q2 ಅದ್ಮಿ ಕೆಥ್ರಾನೊವಾಳೊ, ಇನಾಮ ಶನ ನಿಘ್ಯ ರಾಕ್ಣು?
\q1
\v 7 ತೂ ಅದ್ಮಿನ ದೇವ್‌ದೂತರ್‌ಥಿ ಜ಼ರಸ್ ಕಮ್‌ಕರೀನ್ ಬಣೈರಾಖ್ಯೊಸ್ನಿ.
\q2 ಮಹಿಮೆಬಿ ಮರ‍್ಯಾದಿನ ಇನ ಕಿರೀಟ್ ಕರೀನ್ ದೀರಾಖ್ಯೊಸ್.
\q2
\v 8 ಅಜು಼ ಅಖ್ಖಾಸ್ನ ಇನ ಗೋಡಾನ ಹೇಟ್ ನಾಖಿನ್ ಇನ ಕಬ್‌ಜಾ಼ಮ ಕರಿರಾಖ್ಯೊಸ್ನಿ.\x - \xo 2:8 \xo*\xt ಕೀರ್ತನೆ 2:8\xt*\x*
\m “ಇನೆ ಅಖ್ಖಾಸ್ನ ಅದಮ್ಜ಼ಮಾನನ ಹೇಟ್‌ ಕರಿರಾಖ್ಯೋಸ್‌ಕರಿ” ಬೋಲಾಮ ಇನ ಏಕ್‍ತೋಬಿ ಹೇಟುಕೊಂತೆ ಮ್ಹೇಲ್ಯೊಕೊಯ್ನಿಕರಿ ಬೋಲಾನಿತರಹುಯು. ಕತೋಬಿ ಅಖ್ಖೂಬಿ ಇನ ಹೇಟ್‌ ಛಾ಼ಕರಿ ಅಪ್ಣೆ ಬಿಜೂ಼ಬಿ ಕೊದೇಖ್ಯಾನಿ. 
\v 9 ಕತೋಬಿ ದೇವ್‌ದೂತರ್‌ಥಿ ಜ಼ರಸ್ ಕಮ್ ಬಣೈರ‍್ಹೋಸ್ತೆ ಯೇಸು ಖ್ಹತಾಪ್ಣಿನಲೀನ್ ಮರ‍್ಯೊತೆ ಇನಖ್ಹಾಜೆ ಮಹಿಮೆನಾಬಿ ಮರ್ಯಾದಿನ ಕಿರೀಟ್ ಕರೀನ್ ಘಾಲಿರಾಖನು ಅಪ್ಣೆ ದೇಖೆಸ್. ಇನಖ್ಹಾಜೇಸ್ ದೇವ್ನ ವಾರ್‌ಖ್ಹೇಥಿ ಯೇಸುನೆ ಹರೇಕ್‌ನಖ್ಹಾಜೆ ಮರಣ್ಣಿ ಖ್ಹತಾಪ್ಣಿನ ಲಿದೊ. 
\v 10 ಹರೇಕ್‌ಬಿ ಕಿನಖ್ಹಾಜೆ ಕಿನೇಥಿ ಬಣ್ಯುಕಿ. ಯೊ ಘಣು ಜ಼ಣು ಛಿಯ್ಯಾವ್‍ನ ಮಹಿಮೆನ ಮಳಾವನಖ್ಹಾಜೆ; ಇವ್ಣ ಬಚಾ಼ಡವಾಳ ಮೋಟಾನ ಖ್ಹತಾವಥಿ ರಕ್ಷಣೆಲ್ಯವಾನು ಬರಬರಸ್. 
\v 11 ಶನಕತೊ ಪರಿಶುದ್ಧ ಕರಾವಳನಾಬಿ ಪರಿಶುಧ್ ರ‍್ಹವಾಳನಾಬಿ ಯೋಸ್ ಬಾ. ಅನಖ್ಹಾಜೆಸ್ ಇವ್ಣುನ ಪರಿಶುಧ್ ಕರಾವಾಳೊ ಇವ್ಣುನ ಭೈಯೇ ಭೇನೆಕರಿ ಬೋಲಾನ ಖ್ಹರ್‌ಮಾಯೊ ಕೊಯ್ನಿ. 
\v 12 ಯೊ ಬೋಲಸ್ ತಾರು ನಾಮ್ನ ಮಹಿಮೆನ ಮೆ ಮಾರ ಭೈಯೇ ಭೇನೆವ್‌ನ ಬೋಲಿದೆವುಸ್‌. ಸಬೆನ ಇಚ಼್‌ಮ ತುನ ಸ್ತುತಿನು ಗೀದ್‌ ಬೋಲಿಶ್ ಕರೀಬಿ, 
\v 13 \x - \xo 2:13 \xo*\xt ಯೆಶಾಯ 8:18\xt*\x*ಮೇ ಪಾಛೊ಼ ಫರಿನ್ ದೇವ್‌ಪರ್‌ ಭರೋಖ್ಹೊ ಕರಿರಾಖವಾಳೊಕರಿಬಿ, ಹಂದೇಖೊ ಮೇಬಿ ಅಜು಼ ದೇವ್ನೆ ಮನ ದಿರಾಖ್ಯೊಸ್ತೆ ಲಡ್ಕಾವ್‍ಬಿ ಛಿಯ್ಯೆಕರಿಬಿ ಬೋಲಾಸ್.\x - \xo 2:13\xo*\xt ಯೆಶಾಯ 12:2\xt*\x* 
\v 14 ಅತ್ರೇಸ್ ಕಾಹೆತೆ ಲಡ್ಕಾವ್‌ಖ್ಹಾರು ಲ್ಹೊಯಿಥಿಬಿ ಬೋಟಿಥಿ ಹುಯಿರುತೆ ಇಮ್ಮಸ್ ಯೇಸು ಜಿನು ಇವ್ಣಿನಿತರಸ್ ಲ್ಹೋಯಿಬಿ ಬೋಟಿಥಿಹುಯೊ. ಇನಿ ಮರಣ್‌ಥೀಸ್ ಮರಣ್ಣಿ ಅಧಿಕಾರ್‌ ಲೀರಾಖವಾಳ ಶೈತಾನ್ನ ಮಟಾಯೊ. 
\v 15 ಅಜು಼ ಮರಣ್ಣ ಡರ್‌ಥಿ ಇವ್ಣು ಬಚಿರ‍್ಹವಾನು ಹಗಾಮ್ ಅಖ್ಖು ಗುಲಾಮ್ ರ‍್ಹವಾಳನ ಛೋ಼ಡಾಯೊ. 
\v 16 ಖ್ಹಾಚಮಾಬಿ ಯೋ ದೇವ್ನದೂತರ‍್ನ ಮದತ್ ಕರಾನಖ್ಹಾಜೆ ಕಾಹೆ ಅಬ್ರಹಾಮ್‌ನಿ ಪಿಳ್ಗಿನ ಮದತ್‌ಕರಾನಖ್ಹಾಜೆ ಆಯೊ. 
\v 17 ಇನಖ್ಹಾಜೆ ಯೊ ಹರೇಕ್ ವಿಚಾರ್‌ಮಾಬಿ ಇನ ಭೈಯೇ ಭೇನೆನ ತಕ್ಕೆರ‍್ಹವಾನು ಜ಼ರೂರತ್ ಥು. ಅಮ್ ಇನೆ ಅದ್ಮಿಯೇವ್‌ನು ಪಾಪ್ ಅಖ್ಖು ಕ್ಷಮಾಪಣ್ ಕರಾನಖ್ಹಾಜೆ ದೇವ್ನ ಕಾಮ್ಮ ಗೋರ್‌ಬಿ ವಿಶ್ವಾಸ್‍ಬಿ ಹುಯಿರ‍್ಹಾವಳೊ ಮಹಾಯಾಜಕ್ ಹುಯೊ. 
\v 18 ಯೊ ಹಮ್ಕೆ ಶೋದನೆ ಪಡವಾಳನ ಮದತ್ ಕರೆಜಾ಼ಯ್.ಶನಕತೊ ಯೋಸ್ ಶೋದನೆಮ ಪಡಿರ‍್ಹೇಸ್, ಅಜು಼ ಖ್ಹತಾಪ್ಣಿ ಲೀಲ್ಯಾವಾಳೊ ಹುಯಿರ‍್ಹೋಸ್.
\c 3
\s ಮೋಶೇಥಿಬಿ ಯೇಸು ಮಹಾನ್
\p
\v 1 ಇನಖ್ಹಾಜೆ ಕ್ರಿಸ್ತಮ ಪರಿಶುದ್ಧರ‍್ಹವಾಳ ಭೈಯೇ ಭೇನೆವೊ ಸೊರ್ಗನು ಬುಲಾವ್ಣಿಮ ಭಾಗ್‌ ಲೀರಾಖವಾಳವೊ, ಅಪ್ಣೆ ಮಾನಿರಾಖ್ಯತೆ ಅಪೊಸ್ತಲಬಿ ಅಜು಼ ಮಹಾಯಾಜಕ್‍ಬಿ ಹುಯಿರ‍್ಹೋತೆ ಯೇಸುನಿ ಬಾರೇಮ ಧ್ಯಾನ್ ಲಗಾಡಿನ್ ಸೋಚೊ. 
\v 2 ಮೋಶೆ ದೇವ್ನ ಘರ್‌ಮ ವಿಶ್ವಾಸ್‌ವಾಳೊ ಹುಯಿರ‍್ಹೊಥೋತೆ ತಿಮ್ಮಸ್, ಯೊ ಚೂ಼ಣಿರಾಖವಾಳನ ವಿಶ್ವಾಸ್‌ವಾಳೊ ಹುಯಿರ‍್ಹೋಥೊ. 
\v 3 ಘರ್‌ಥೀಬಿ ಘರ್‌ಭಾಂದ್ಯೋತೆ ಇನ ಜಾ಼ಖ್ಹತ್ ಮರ್ಯಾದಿ ರ‍್ಹೇಸ್ತೆ ಖ್ಹಾಜೆ ಮೋಶೆಥೀಬಿ ಯೇಸುಸ್ ಜಾ಼ಖ್ಹತ್ ಮರ್ಯಾದಿನ ಯೋಗ್ಯಕರಿ ಚೂ಼ಣೈರ‍್ಹೋಸ್. 
\v 4 ಅಖ್ಖಾಸ್ ಘರ್‌ನ ಕೋಣಸ್ಕಿ ಏಕ್ಜ಼ಣೊ ಉಬ್‌ಜೈ಼ರಾಖ್ಯೋಸ್. ಕತೋಬಿ ಹರೇಕ್ನ ಉಬ್‌ಜೈ಼ರಾಖ್ಯೊತೆ ದೇವಸ್. 
\v 5 ಮೋಶೆ ದೇವ್ನ ಘರ್‌ಮ ವಿಶ್ವಾಸ್‌ನೊ ಸೇವಕ್ ಹುಯಿರ‍್ಹೊಥೊ. ಇನೆ ಖ್ಹಾಮ್ಣೆ ಬೋಲಾವನಿ ಬಾರೇಮ ಸಾಕ್ಷಿ ಹುಯಿರ‍್ಹೊಥೊ. 
\v 6 ಕತೋಬಿ ಕ್ರಿಸ್ತತೋಬಿ ಛಿಯ್ಯೊಹುಯಿನ್ ದೇವ್ನ ಘರ್‌ಪರ್ ಹಕ್‌ವಾಳೊ ಹುಯಿರ‍್ಹೋಸ್. ಅಪ್ಣೆ ಹಿಮ್ಮತ್‍ಬಿನ್ ಭರೋಖ್ಹಾಥಿಬಿ ಖ್ಹರ್ತಿಲಗು ಘಟ್‍ಥಿ ಧರಿರಾಖವಾಳ ಹುಯಾತೊ ಅಪ್ಣೆಸ್ ದೇವ್ನ ಘರ್ ಹುಯಿರ‍್ಹಿಷು.
\s ದೇವ್ನ ಅದ್ಮಿಯೇವ್‍ನ ಛಾ಼ತೆ ಅರಾಮ್
\p
\v 7 ಇಮ್ಮಸ್ ಪವಿತ್ರಾತ್ಮ ಬೋಲಾನಿ ಪರಕ್ಮ ತುಮೆ ಆ ದನ್ ದೇವ್ನ ಗಳಾನ ಕಾನ್‌ ಲಗಾಡವಾಳ ರ‍್ಹಯಾತೊ, 
\v 8 ತುಮಾರ ಗುರುಗುರಬ್‌ಲ್ಯ ಜ಼ಂಗಳ್‌ಮ ದೇವ್ನ ತರೀಪ್ಷ ಕರ‍್ಯೊತೆ ವಖ್ಹತ್‌ಮ ಇವ್ಣೆ ವಿರೋದ್ ಕರ‍್ಯು. ಇವ್ಣಿಂತ್ರ ಕಠಣ್ ದಿಲ್‌ವಾಳ ನಕೊ ಹುವೊ. 
\v 9 ತುಮಾರು ಶಾಣುಖ್ಹಾರು ಗಭ್ಭರ್‌ಥಿ ಮನ ತರೀಪ್ಷ ಕರೀನ್ ಚಾ಼ಳಿಖ್ಹ್ ವರಖ್ಹ್‌ ಮಾರ ಕಾಮ್ನಖ್ಹಾರು ದೇಖ್ಯು. 
\v 10 ಇನಖ್ಹಾಜೆ ‘ಮೆ ಆ ಪಿಳ್ಗಿವಾಳಪರ್ ಘಣು ಖೀಜ಼್ ಖೈನ್ ಇವ್ಣೆ ಕೆದೇಬಿ ದಿಲ್‌ ಬದ್‌ಲೈಲ್ಯವಾಳುಬಿ ಇವ್ಣೆ ಮಾರು ಮಾರಗ್‌ನ ಕೊ ಪರಖ್‌ಷೇನಿ’ ಕರಿ ಮೇ ಬೋಲ್ಯೊ. 
\v 11 ಅಮ್ ರ‍್ಹವಾಪರ್ ಇವ್ಣೆ ಮಾರಿ ಆರಾಮ್ನಿ ಝ಼ಗೋಮ ಮಳ್‍ಶೇಸ್‍ಕೊಯ್ನಿ” ಕರಿ ಖಿಜೈನ್ ಆಣ್‌ಕರ‍್ಯೊ. 
\v 12 ಮಾರ ಭೈಯೇ ಭೇನೇವೊ ತುಮಾರಮ ಖರಾಬ್ ರ‍್ಹವೊ ಜಿವ್ತೊ ಜಾನ್ನೊ ದೇವ್ನ ಮ್ಹೇಲಾನು ಅವಿಶ್ವಾಸ್‌ನೊ ದಿಲ್‌ ಕಿನಾಮಬಿ ನಾರ‍್ಹೇವ್ಣುತೆ ಹೊಷಾರ್‌ಥಿ ದೇಖಿಲೆವೊ. 
\v 13 ತುಮಾರಮ ಏಕ್‍ಜ಼ಣೂಬಿ ಪಾಪ್‌ಮ ಖ್ಹಪ್‍ಡಿನ್ ಠಗೈ ನಾಜಾ಼ವ್ಣುತೆ, ಹಮ್ಕೇಬಿ ಕದೇಬಿ ಬುಲೈಲೆಯಿತೆ ವೇಳ್ ಛಾ಼ತೆ ತದೇಸ್‌, ಹರೇಕ್‌ದನ್‌ಬಿ ಏಕ್‌ಥಿ ಏಕ್‍ಜ಼ಣು ಹುಮ್ಮಖ್ಹ್‌ ದೆವೊ. 
\v 14 ಶನಕತೊ ಪಹಿಲೆಥೂ ಖ್ಹರ್ತಿಲಗೂಬಿ ಭರೋಖ್ಹಾನ ಘಟ್‌ರಾಖ್ಯಾತೊ ಅಪ್ಣೆ ಕ್ರಿಸ್ತನ ಗಳ್‌ಜೋ಼ಡ್ಮ ಭಾಗ್‌ಲ್ಯವಾಳ ಹುಯಿರ‍್ಹಿಷು. 
\v 15 ಪವಿತ್ರ ದಪ್ತರ್‌ಮ ಅಮ್ ಬೋಲಸ್, “ತುಮೆ ಆ ವೇಳ್ಮ ದೇವ್ನ ಗಳಾನ ಖ್ಹಮಜ಼್‌ತಾ ಉಷೇತೊ ತುಮಾರ ಗುರುಗುರುಬ್‌ಲ್ಯ ಇವ್ಣೆ ಘಬ್ಬರ್‌ ಕರಾನಿಘೋಣಿ ತುಮಾರ ದಿಲ್‌ನಾಬಿ ಕಠಣ್ ನಕೊ ಕರಿಲೆವೊ.\x - \xo 3:15 \xo*\xt ಕೀರ್ತನೆ 95; 7; 8\xt*\x* 
\v 16 ದೇವ್ನ ಅವಾಜ಼್ನ ಖ್ಹಮ್‌ಜಿನ್‌ ವಿರೋದ್ ಕರ‍್ಯುತೆ ಕೋಣ್? ಮೋಶೇಥಿ ಈಜಿಫ್ಟ್‌ಥು ಬುಲೈರ‍್ಹಯಹುಯ ಕಾಹೆಕಿಶು? 
\v 17 ಅಜು಼ ದೇವ್ನೆ ಚಾ಼ಳಿಖ್ಹ್ ವರಖ್ಹ್‌ ಕಿನಾಪರ್ ಜಾ಼ಖ್ಹತ್ ಖಿಜಾ಼ಯೊ? ಪಾಪ್ ಕರಾಪರ್ ಇವ್ಣು ಮುರ್ದುಖ್ಹಾರು ಜ಼ಂಗಳ್‌ಮಾಸ್ ಪಡಿಗಯು ಕೊಯ್ನಿಕಿಶು? 
\v 18 “ಮಾರು ಆರಾಮ್ಮ ತುಮೆ ಮಳ್‍ಶೂಸ್ ಕೊಯ್ನಿಕರಿ ಕಿನಿ ಬಾರೇಮ ಇನೆ ಆಣ್ ಕರ‍್ಯೊತೆ? ಯೊ ಗಭ್ಭರ್‌ಕರ‍್ಯುತೆ ಇನಖ್ಹಾಜೇಸ್ ಕಾಹೆಕಿಶು? 
\v 19 ಅನಖ್ಹಾಜೆಸ್ ಇವ್ಣೆ ಅರಾಮ್ಮ ಮಳಾನ ಕೊಹುಯುನಿತೆ ಗಯೂತೆ ಇವ್ಣಿ ಅವಿಶ್ವಾಸ್‌ಥೀಸ್ ಕರಿ ಅಪ್ಣೆ ದೇಖೆಸ್\x - \xo 3:19\xo*\xt ಕೀರ್ತನೆ 95:11\xt*\x*.
\c 4
\p
\v 1 ಅಮ್‌ರ‍್ಹವಾಪರ್, ದೇವ್ನಿ ಆರಾಮ್ಮ ಮಳೆಜಾ಼ಯ್ ಕರಿ ಛಾ಼ತೆ ವಾಗ್ದಾನ್ ಬಿಜೂ಼ಬಿ ಇನಖ್ಹಾಜೆ ತುಮಾರಮ ಕೋಣ್‌ಬಿ ಇನಾಮ ಛು಼ಕಿನಾಜಾ಼ವ್ಣುತೆ ಅಪ್ಣೆ ಡರ್‌ ಭಕ್ತಿಥಿ ರ‍್ಹಿಯೆ. 
\v 2 ಇಸ್ರಯೇಲ್‌ವಾಳಾನ ಸುವಾರ್ತೆ ಬೋಲಾಯುತೆ ತಿಮ್‌ ಹಮುನಾಬಿ ಬೋಲಾಯು. ಕತೋಬಿ ಯೊ ಹಗಾಮ್ಮ ಇವ್ಣೆ ಭರೋಖ್ಹಾಥಿ ಖ್ಹಮ್‌ಜ್ಯುಕೊಂತೆ ಇನಖ್ಹಾಜೆ ಇವ್ಣುನ ಫಾಯಿದೊ ಕೊಹುಯುನಿ. 
\v 3 ಹಮ್ಕೆ ವಿಶ್ವಾಸ್ ಕರಾವಾಳ ಅಪ್ಣೆಸ್ ಯೊ ಅರಾಮ್‌ನಿ ಝ಼ಗೋಮ ಮಳಾವಾಳ ಹುಯಿರ‍್ಹಾಸ್. ಶನಕತೊ ಜಗತ್ನ ಪಹಿಲೇಥು ಇನು ಉಬ್‍ಜಾ಼ವ್ಣಿನ ಕಾಮ್‌ಖ್ಹಾರು ಖತಮ್ ಹುಯ್ಗುತೋಬಿ ‘ಇವ್ಣೆ ಮಾರಿ ಆರಾಮ್ನಿ ಝ಼ಗೋಮ ಮಳ್‍ಶೇಸ್‍ಕೊಯ್ನಿ ಕರಿ ಮೆ ಇರಾದೇಥಿ ಆಣ್‌ಲಿದೊ’ ಕರಿ ಬೋಲಿರಾಖ್ಯೊಸ್ನಿ. 
\v 4 \x - \xo 4:4 \xo*\xt ಆದಿಕಾಂಡ 2:1\xt*\x*ಕಿಜ್ಜಾ಼ಕಿ ಏಕ್‌ ಬಾಜು಼ ಉಬ್‍ಜಾ಼ವ್ಣಿನ ಖ್ಹಾತ್ನೆ ದನ್ನಬಾರೇಮ, ದೇವ್ನೆ ಇನು ಕಾಮ್‌ಖ್ಹಾರು ಖತಮ್ ಕರಿನ್, ಖ್ಹಾತ್ನ ದನ್ಮ ಅರಾಮ್‌ ಕರ‍್ಯೊಕರಿ ಲಿಖೈರ‍್ಹುಸ್. 
\v 5 “ಅವ್ಣೆ ಮಾರಿ ಆರಾಮ್ನಿ ಝ಼ಗೋಮ ಮಳ್‍ಶೇಸ್‍ಕೊಯ್ನಿ” ಕರಿ ಏಕ್‍ಭಾಗ್‍ಮ ಯೊ ಬಿಜು಼ಪಾಚು಼ ಬೋಲಿರಾಖ್ಯೊಸ್. 
\v 6 ಪಹಿಲೆ ಸುವಾರ್ತೆ ಖ್ಹಮ್‍ಜ್ಯೂಕಿ ಇವ್ಣೆ ಆ ಅರಾಮ್‌ ಕೋಲಿದುನಿ ಶನಕತೊ ಇವ್ಣೆ ಇನ ಅವಿಧೇಯ ಹುಯಿರ‍್ಹುಥು. ಇನಖ್ಹಾಜೆ ದೇವ್ನ ಆರಾಮ್ನ ಲೀಲ್ಯಾವನ ಬಿಜಾ಼ನ ಹುಕುಮ್‌ ದಿದೊ. 
\v 7 ಬಿಜು಼ಪಾಛೊ಼ ಘಣಾವರಖ್ಹ್‌ನ ಬಾದ್ಮ ಯೋ ದಾವೀದ್‍ಥಿ ‘ಆಜ಼್‌ನೊ ದನ್’ ಕರಿ ಬಿಜೋ಼ದನ್ನ ಬೋಲಿದಿದೊ, ಕಿಮ್‌ಕತೊ ತುಮೆ ಆ ವಖ್ಹತ್ ದೇವ್ನ ಗಳಾನ ಕಾನ್‌ ಲಗಾಡವಾಳ ರ‍್ಹಯಾತೊ ತುಮಾರ ದಿಲ್ನ ಕಠಣ್ ನಕೊ ಕರಿಲೆವೊ! ಕರಿ ಬೋಲಸ್.\x - \xo 4:7 \xo*\xt ಕೀರ್ತನೆ 95:7,8\xt*\x* 
\v 8 ಯೆಹೋಶುವನೆ ಯೋ ಅದ್ಮಿವೋನ ಯೋ ಅರಾಮ್‌ನ ಮಹಿ ಲೀಗಯೊಹೊತ್ತೊ, ದೇವ್‍ಬಿಜೇಕ್‍ ದನ್ನಿಬಾರೇಮ ಪಾಛ಼ ಬೋಲ್ಯೊಹೊತ್ತ್‌ಕೊಯ್ನಿನಿ. 
\v 9 ಇನಖ್ಹಾಜೆ ದೇವ್ನ ಅದ್ಮಿನ ಸಬ್ಬತ್‌ ಕರಿ ಅರಾಮ್‍ನದನ್ ಬಿಜೂ಼ಬಿ ಛೆ. 
\v 10 ದೇವ್ ಇನ ಕಾಮ್ನ ಖ್ಹತಮ್‍ಕರೀನ್ ಕಿಮ್ ಆರಾಮ್‍ ಕರ‍್ಯೋಕಿ ಇಮ್ಮಸ್ ಇನ ಆರಾಮ್ಮ ಆವಾಳೂಬಿ ಇವ್ಣ ಕಾಮ್ನ ಖ್ಹತಮ್‍ಕರೀನ್ ಅರಾಮ್ ಕರ್ಶೆ. 
\v 11 ಇನಖ್ಹಾಜೆ ಅಪ್ಣೆ ಆ ಅರಾಮ್ ಲ್ಯವಾನಟೇಕೆ ಅಪ್ಣೆ ಕೋಶಿಶ್ ಕರಿಯೆ. ಅಪ್ಣಾಮ ಏಕ್‍ಜ಼ಣತೋಬಿ ಇವ್ಣಿನಿಘೋಣಿ ಅವಿಧೇಯ ಹುಯಿನ್ ಮಟಿನಾಜಾ಼ವ್ಣುತೆ ಇಮ್‌ ರ‍್ಹಿಯೆ. 
\v 12 ದೇವ್ನಿ ವಚನ್ ಜಿವ್ತಜಾನ್ನು, ಕಾಮ್ ಕರ್ತುರ‍್ಯವಾನುಬಿ ಅಜು಼ ಖಿವಿ ಬೇಮ್ಹೋಡಾನಿ ತಲ್ವಾರ್‌ಥೀಬಿ ಚಾ಼ಲ್ತು ರ‍್ಹೀನ್, ಜಾನ್ನಬಿ ಆತ್ಮಾನ, ಕೀಲ್ ಬಿಶ್ಶಾನಾಬಿ ಅಲಕ್‍ ಕರಾಯೆತ್ರೆ ಪರಕ್ಮ ಪೇಶಿ ನಿಕ್‌ಳ ಎತ್ರೆಬಿ, ದಿಲ್ನಿಖ್ಹೂಜ್‍ನಾಬಿ ಸೋಚ್ ಸಮಜ್‌ನಾಬಿ ಪರ್ಖಾನು ಹುಯಿರ‍್ಹುಸ್. 
\v 13 ಇನಿ ನಜ಼ರ‍್ಮ ಓಠೆ ಹುಯಿರ‍್ಹುತೆ ಖಿವಿ ಉಬ್‍ಜಾ಼ವ್ಣಿಬಿ ಕೊಯ್ನಿ. ಇನ ಡೋಳೇಥಿ ಲಪಿಹುಯು ಖಿವೂಬಿ ಕೊಯ್ನಿ. ಇನ ಡೋಳಾಮ ಅಖ್ಖೂಬಿ ಖುಲಮ್‌ಖುಲ್ಲ ಛಾ಼. ಅಜು಼ ಎಥ್ರಾನವಾಳನ ಅಪ್ಣೆ ಗಣ್ತಿ ದೇವ್ಣುಪಡಾಸ್.
\s ಯೇಸು ಮಹಾನ್ ಪ್ರಧಾನ ಯಾಜಕ
\p
\v 14 ಆಬ್‌ಮಾಕರಿ ಗಯೋತೆ ದೇವ್‌ನೊ ಛಿಯ್ಯೊಹುಯಿರೊತೆ ಯೇಸುಸ್ ಅಪ್ಣುನ ಏಕ್‌ ಮಹಾಯಾಜಕ್ ಹುಯಿರ‍್ಹೊಸ್. ಇನಖ್ಹಾಜೆ ಅಪ್ಣೆ ಛಾ಼ತೆ ವಿಶ್ವಾಸ್ ಘಟ್ ಧರಿಲಿಯೆ. 
\v 15 ಶನಕತೊ ಅಪ್ಣುನ ಛಾ಼ತೆ ಮಹಾಯಾಜಕ್ ಅಪ್ಣಿ ಕಮ್‍ಜೋ಼ರಿಮ ಅಪ್ಣುನ ಗೋರ್‌ ವತಳಾಕೊಂತೆ ರ‍್ಹೆಯಿಕೊಯ್ನಿ. ಯೊ ಹರೇಕ್ ವಾತೆನಿ ಬಾರೇಮ ಅಪ್ಣಿನಿತರಸ್ ಶೋದನೆ ಪಡ್ಯೊಹುಯೊ. ಕತೋಬಿ ಇನೆ ಪಾಪ್ ಕರ‍್ಯೊಸ್ ಕೊಯ್ನಿ. 
\v 16 ಇನಖ್ಹಾಜೆ ಅಪ್ಣೆ ಬರಾಬರ್‌ನಿ ವೇಳ್ಮ ಗೋರ್‌ನ ಲಿಲ್ಯಾವನಖ್ಹಾಜೆ ಇನಿ ವಾರ್‌ಖ್ಹೇಥಿ ಅಪ್ಣುನ ಬರಾಬರ್‌ನಿ ವೇಳ್ಮ ಮದತ್ನಖ್ಹಾಜೆ ಹಿಮ್ಮಥ್ಥಿ ಇನಿ ಕೃಪಾಸನ್ನ ಖ್ಹಾಮ್ಣೆ ಅಯ್ಯೆ.
\c 5
\p
\v 1 ಅದಮ್ಜ಼ಮಾನ ಮಾಥು ಹರೇಕ್‍ಜ಼ಣೊ ಮಹಾಯಾಜಕ್ ಚೂ಼ಣೈನ್ ಅದ್ಮಿವೋನಖ್ಹಾಜೆ ದೇವ್ನು ಕಾಮ್‌ಕರಾನ ನೇಮಕ್‌ಹುಯೊ, ಯೋ ಪಾಪ್ನ ಪರಿಹಾರ‍್ನಖ್ಹಾಜೆ ಕಾಣ್ಕೆಬಿ ಅಜು಼ ಬಲಿ ದೆವ್ಣು. 
\v 2 ಯೋಬಿಜಿನು ತಾಖತ್‌ಕೊಂತೆ ಇನಖ್ಹಾಜೆ ಯೋ ಖ್ಹಯಿಲನಾಬಿ, ಅಜು಼ ವಾಟ್‌ ಛು಼ಕವಾಳನಾಬಿ ದಯಾ ಕರಾನ ಶಕತ್‌ವಾಳೊ ಹುಯಿರ‍್ಹೊಸ್. 
\v 3 ಆ ಕಮ್‌ಜೋ಼ರಿನ ಖ್ಹಾಜೇಥಿ ಯೋ ಅದ್ಮಿನಖ್ಹಾಜೆ ಕಿಮ್ಕಿ ತಿಮ್ಮಸ್ ಇವ್ಣ ಇವ್ಣ ಪಾಪ್ನಖ್ಹಾಜೆ ಬಲಿ ದೆವ್ಣು. 
\v 4 ಕೋಣ್‌ಬಿ ಇನೇಥಿ ಯೋಸ್ ಆ ಇಜ಼್ಜತ್‌ನಿ ಪದವಿನ ಲೀಲ್ಯಾವನ ಕೊಹುವ್ವಾನಿ, ಕತೊ ಆರೋನನಿ ಘೋಣಿಸ್ ದೇವ್‍ಥಿ ಬುಲಾವವಾಳೊ ಹುಯಿನ್ ಇನಾಭಣಿ ಕರಿರಾಖ್ಯೋಸ್. 
\v 5 ಇಮ್ನಿಸ್ ಪರಕ್ಮ ಕ್ರಿಸ್ತಬಿ, ಮಹಾಯಾಜಕ ಕರಿ ಇನುಯೋಸ್ ಮಹಿಮೆ ಕರೀನ್ ಪಸಂದ್ ಕರ‍್ಯೊಕೊಯ್ನಿ. ಕತೋಬಿ “ತೂ ಮಾರೊ ಛಿಯ್ಯೊ, ಆವಖ್ಹತ್ ಮೇ ತುನ ಬಾ ಹುಯಿರ‍್ಹೊಸ್.\x - \xo 5:5 \xo*\xt ಕೀರ್ತನೆ 2:7\xt*\x* 
\v 6 ಇನೆ ಬಿಜೇಕ್ ಬಾಜೂ಼ಮ, “ತೂ ಹರ್‌ಹಗಾಮ್‍ಬಿ, ಮೆಲ್ಕಿಜೆದೇಕ್‌ನೊ ಘೋಣಿನೊ ಯಾಜಕ” ಕರಿ ಬೋಲಿರಾಖ್ಯೊಸ್.\fig ಮಹಾಯಾಜಕನು ಪೇರ್‌ವಾಖ್ಹ್ ಅಜು಼ ಖ್ಹಾಲರ‍್ಯನಿ ಢಾಕ್ಣಿ|alt="High priest with his priestly clothes and censer" src="hk00267c.tif" size="col" copy="Horace Knowles ©" ref="5:1"\fig*
\p
\v 7 ಕ್ರಿಸ್ತ ಯೋಸ್ ಜಗತ್‌ಮ ಅದ್ಮಿಹುಯಿನ್ ಜಿವ್ಣು ಕರ‍್ಯೊತೆ ಹಗಾಮ್ಮ ಮರಣ್‍ಥಿ ಛು಼ಕೈನ್ ಬಚಾ಼ಡನು ಶಕತ್‍ವಾಳನ ಘಟ್‍ಥಿ ಪ್ರಾರ್ಥನೆ ಕರ್ತೊಹುಯಿನ್ ಡೋಳಾನ ಆಂಝೇ಼ಥಿ ಪ್ರಾಥರ್ನೆನಿ ಬಿಂತಿ ಕರ‍್ಯೊ. ಇನಖ್ಹಾಜೆ ದೇವ್ನ ಉಪ್ಪರ್‌ಥೀತೆ ಡರ್‌-ಭಕ್ತಿನಖ್ಹಾಜೆ ಇನಿ ಪ್ರಾರ್ಥನೆನ ದೇವ್ನೆ ಖ್ಹಮ್‍ಜ್ಯೊ. 
\v 8 ಕತೋಬಿ ಯೋ ಛಿಯ್ಯೊ ಹುಯಿರ‍್ಹೊತೋಬಿ ಇನೆ ಲಿದೋತೆ ವದೇಖ್ಹ್‌ಥೀಸ್ ಹೇಟು ಹುವಾನು ಶಿಕಿಗಯೊ. 
\v 9 ಆ ನಾಹುಯಿನ್ ಇನೆ ಭರ್‌ಪೂರ್‌ ಕರೀನ್, ಇನ ವಿಧೇಯಹುವಾಳ ಅಖ್ಖನಾಬಿ ಹಮೇಶ ರಕ್ಷಣೆನಖ್ಹಾಜೆ ಬಣ್ಯೊ. 
\v 10 ಕಾಹೆತೆ ಯೊ “ಮೆಲ್ಕಿಜೆದೇಕ್‌ನೊ ಘೋಣಿನೊ” ಮಹಾಯಾಜಕ್ ಹುಯಿನ್ ದೇವ್‍ಥಿ ನೇಮಕ್‌ ಹುಯೊ.
\s ವಿಶ್ವಾಸ್ ನಾ ಮ್ಹೇಲಿಜಾ಼ವ್ಣುಕರಿ ಬಾರೇಮ ಝೇತಾವ್ಣಿ
\p
\v 11 ಆ ಬಾರೇಮ ಹಮೆ ಬೋಲಾನು ಕೆತ್ರೇಕ್ಕಿ ಛಾ಼. ಕತೋಬಿ ತುಮೆ ಖ್ಹಮ್‍ಜಾ಼ಮ ಮಂದ್‌ ಛಾ಼ತೆ ಖ್ಹಾಜೇಥಿ ತುಮುನ ಬೋಲಿ ವತಾಳನು ಮುಶ್ಕಿಲ್ ಹುಯಿರ‍್ಹುಸ್. 
\v 12 ಅತ್ರಸ್ಮ ತುಮೆ ಶಿಕಾಡವಾಳು ಹುಯಿರ‍್ಹೇಣುಥು ತೋಬಿ, ದೇವ್ನು ವಚನ್ನು ಪಹಿಲೆ ಛಾತೆಪಾಠಅಖ್ಖು ಅಜೇಕ್ ಜ಼ಣು ತುಮುನ ಪಾಛು಼ ಶಿಕಾಡ್ನುಪಡ್ಯು. ತುಮುನ ಹಮ್ಕೆ ದೂದ್ನು ಜ಼ರೂರತ್ ಛಾ಼ ಪಣ್ಕಿ ಘಟ್ ಖಾಣುಕಾಹೆ. 
\v 13 ದೂದ್ ಪಿಯಾವಳು ಅಡ್ಡಾಣಿನಿಘೋಣಿ ರ‍್ಹೀನ್ ಅಛ್ಛು಼ ಅಜು಼ ಖರಾಬ್‌ನಿ ಬಾರೇಮ ಖ್ಹಯಾಲ್ ಕೊಯ್ನಿ. 
\v 14 ಘಟ್ ಖಾಣು ಜಾ಼ನ್‌ಜ಼ಮಾನ್ನಖ್ಹಾಜೆ, ಕತೊ ಗಲತ್‌ ಅಜು಼ ಬರಬರ್ಥಿರ‍್ಹೇಸ್ತೆ ಇನ ಖ್ಹಣೇದ್ ಕರಾನ, ಆದಥ್ಥಿ ಪುರ್ಗುಲ್‌ ಹುಯಿರ‍್ಹವಾಳನಖ್ಹಾಜೆ ಹುಯಿರ‍್ಹುಸ್.
\c 6
\p
\v 1 ಇನಖ್ಹಾಜೆ ಕ್ರಿಸ್ತನಿ ಬಾರೇನು ಶುರುವಾತ್ನು ಶಿಕಾಡಾನು ಮ್ಹೇಲಿನ್, ಜಾನ್‌ಕೊಂತೆ ಕಾಮ್‍ಥಿ ಮನ್ ಫರಿಜಾ಼ವಾನುಬಿ, ದೇವ್‌ಮ ಭರೋಖ್ಹೊ ರಾಖಿನ್, ದೇವ್‌ಮ ವಿಶ್ವಾಸ್ ರಾಖೊ, 
\v 2 ಬ್ಯಾಪ್ತಿಸ್ಮನಿ ಬಾರೇಮ ಬೋಲ್ನುಕತೊ, ಹಾತ್‍ಮ್ಹೇಲಾನುಬಿ, ಪಾಛು಼ಜಿವ್ತು ಹುವಾನುಬಿ ಅಜು಼ ಹರ್‌ಹಮೇಶಾನು ನ್ಯಾಯತೀರ್ಪ್‌ನ ಬಾರೇಮ ತುಮುನ ಖ್ಹಮ್‌ಜಾ಼ಡೈರ‍್ಹುಸ್. 
\v 3 ತು ದೇವ್ನ ಸ್ವೀಕಾರ್ ಕರಿಲ್ಯಾವನು ಉಷೇತೊ ಅಪ್ಣೆ ಶಾತ್‌ಕರಾನ ಹುವಾನು. 
\v 4 ಶನಕತೊ ಏಕ್‌ಹಲ್ಲ ಉಜಾ಼ಳನ ಲೀರಾಖ್ಯುಸ್‌ಕಿ ಅಜು಼ ಕೋಣ್ ಪರಲೋಕ್‌ನ ವಾರ್ಖ್ಹಾನಿ ಲಜ಼ತ್‌ ದೇಖಿರಾಖ್ಯುಸ್ಕಿ ಅಜು಼ ಪವಿತ್ರಾತ್ಮಮ ವಾಟೊ ಲೀರಾಖ್ಯುಸ್ಕಿ, 
\v 5 ಅಜು಼ ದೇವ್ನ ವಚನ್ನಿ ಅಛ್ಛಿಫಣೈನು ಲಜ಼ತ್‌ ದೇಖಿರಾಖ್ಯುಸ್ಕಿ ಅಜು಼ ಅಗ್ಗಳ್ ಆವ್‌ಶೇತೆ ಜಗತ್ನಿ ಶಕತ್ನ ಲೀಲ್ಯಾವಾಳು ಹುಯಿರ‍್ಹುಸ್. 
\v 6 ಅಜು಼ ಇವ್ಣೆ ಇವ್ಣ ವಿಶ್ವಾಸ್ಮ ರಡ್ಕಿ ಜಾ಼ವಾಳ ರ‍್ಹಯಾತೊ ಇವ್ಣುನ ಪಾಛು಼ ಮನ್ ಫರಾವ್ಣುಕತೊ ಇವ್ಣೆ ಇವ್ಣ ನಫ್ಫೊಕೊಂತೆ ಖ್ಹಾಜೆ ದೇವ್ನ ಛಿಯ್ಯಾನ ಪಾಛು಼ ಶಿಲ್‌ಬೆಪರ್ ನಾಕ್‌ಶೆ.ಅಜು಼ ಇವ್ಣೆ ಅಖ್ಖಾನ ಖ್ಹಾಮ್ಣೆ ಇನ ಖ್ಹರಮ್‌ ಕಾಡ್‌ಶೆ. 
\v 7 ಜ಼ಮೀನ್ ಇನಪರ್ ಕೆತ್ರಿಕ್ಕಿ ಹಲ್ಲ ವರ್ಖ್ಹಾತ್ನ ಪಾಣಿನ ಖ್ಹೋಶಿಲಿನ್ ಅಜು಼ ಯೊ ಕಿನ ಖ್ಹಾಜೇಥಿ ಪಿಕಾವ್ಣಿ ಕರಾವಸ್ಕಿ, ಇವ್ಣುನ ಫಾಯಿದಾನು ಅನಾಜ಼್‌ನ ದೇಸ್, ಯೋ ದೇವ್ನ ವಾರ್ಖ್ಹಾನ ಲೀಲೇಸ್. 
\v 8 ಕತೋಬಿ ಯೋ ಕಾಟಾನ ಟಾಪ್‍ಣ್ಯನಾಬಿ ಶತ್ತೆನಾಬಿ ಫೋಡಾಯೊತೊ ಯೊ ಫಾಯಿದೊಕೊಂತೆ ಖ್ಹಾಜೆ ಶಾಪ್ನ ಶುಶತ್ ಹುವಾಸ್. ಖ್ಹರ್ತಿಮ ಯೋ ಬಳೈಜಾ಼ಸ್. 
\v 9 ಕತೋಬಿ ಪ್ಯಾರ್‌ನ ದೋಸ್ತಿವೊ ಅಮ್ನಿ ಪರಕ್‍ಥಿ ಹಮೆ ವಾತೆಬೋಲ್ಯತೋಬಿ ತುಮಾರಿ ವಿಚಾರ್‌ಮ ರಕ್ಷಣೆನ ಹೋಣುತೆ ಯೋ ಖ್ಹಾರಾಮ ತುಮೆ ಛಾ಼ಕರಿ, ಹಮೇ ಖ್ಹಾಚಾಮ ವಿಶ್ವಾಸ್ ಕರಿಯೇಸ್; 
\v 10 ತುಮೆ ದೇವ್ನ ಅದ್ಮಿವೋನ ಮದತ್ ಕರಿರಾಖ್ಯಸ್, ಉಜೂಬಿ ಕರುಕರಸ್ ಆ ಕಾಮ್ನ ಅಜು಼ ತುಮೆ ಇನ ನಾಮ್ನ ವತಾಳ್ಯತೆ ಪ್ಯಾರ‍್ನ ಯೊ ಭೈಕಕೊಯ್ನಿ ಶನಕತೊ ದೇವ್‌ ಅನೀತಿವಾಳೊ ಕಾಹೆ. 
\v 11 ವಿಶ್ವಾಸ್‌ನಿ ಪೂರ ಬರೋಬರ್‌ಥಿ ಲೀಲ್ಯಾವನಖ್ಹಾಜೆ ತುಮಾರಮ ಹರೇಕ್ ಜ಼ಣು ಖ್ಹರ್ತಿಲಗೂಬಿ ತುಮೆ ಯೋಸ್ ಕೋಶಿಶ್ ಕರ್ತುರ‍್ಹೇವ್ಣುಕರಿ ಮೇ ಘಣು ಹರ್‌ಖ್ಹುಸ್. 
\v 12 ತುಮೆ ವಳ್‌ಶಿಕರಾವಳ ಹುಯಿರ‍್ಹೇಣು ಕರಿ ಇಷ್ಟಕರುಕೊಯ್ನಿ. ಇನ ಬದಲ್ ವಿಶ್ವಾಸ್‍ಥೀಬಿ ಖ್ಹಮಾಳಿರ‍್ಹವಾಥೀಬಿ ವಾಗ್ದಾನ್ನ ಹಕ್‌ ಲೀರಾಖವಾಳನ ದೇಖಿನ್ ಚಾ಼ಲವಾಳ ಹುಯಿರ‍್ಹೇವೊ.
\s ದೇವ್ನಿ ಘಟ್ ವಾಗ್ದಾನ್
\p
\v 13 ದೇವ್ನೆ ಅಬ್ರಹಾಮ್‌ನ ವಾಗ್ದಾನ್ ಕರಾಖ್ಹತರ್ ಇನೇಥಿಬಿ ಊಚು಼ ಕೋಣ್‌ಬಿಕೊಂತೆ ಇನಖ್ಹಾಜೆ ಇನ ನಾಮ್‌ಪರ್‌ ಯೋಸ್ ಆ‌ಣ್‌ ಲೀನ್, 
\v 14 “ಮೇ ತುನ ವಾಗ್ದಾನ್ ಕರುಸ್ ಮೇ ತುನ ವಾರ್‌ಖ್ಹೊ ದೀನ್ ತಾರು ಪಿಳ್ಗಿನ ಭಡೈಷ್‌” ಕರಿ ಖಲಿ ಬೋಲ್ಯೊ. 
\v 15 ಅಮ್ ಅಬ್ರಹಾಮ್‌ನೆ ಖ್ಹಮಾಳವಾಳೊ ಹುಯಿನ್ ಟಿವೈರ‍್ಹೀನ್ ವಾಗ್ದಾನ್ನ ಲೀಲಿದೊ. 
\v 16 ಅದ್ಮಿಖ್ಹಾರು ಇವ್ಣೆಥಿಬಿ ಊಚಾ಼ವ್‌ನ ಉಪ್ಪರ್ ಆಣ್‌ಲೇಸ್, ಅಮ್ ಆಣ್‍ಲೀನ್ ಪ್ರಮಾಣ್‌ ಕರೀನ್, ಇನೇಥಿ ಆಡ್‌ಫೇಡ್ ಖತಮ್ ಹುವಾಸ್. 
\v 17 ಇಮ್ಮಸ್ ದೇವ್ ಇನಿ ಖ್ಹೂಜ಼್ ನಾ ಬದಲ್ನುಕರಿ ವಾಗ್ದಾನ್ನ ಆಣ್‍ಕರಿನ್ ಘಟ್‌ಕರ‍್ಯೊ. 
\v 18 ದೇವ್ನಿ ವಾಗ್ದಾನ್ ಅಜು಼ ಆಣ್. ಆ ಭೇಬಿ ಕೆದೆಕೆದೇಬಿ ರ‍್ಹವಾನಿ ಆಧಾರ್ ಖ್ಹಾರು. ಶನಕತೊ ಅನಿಬಾರೇಮ ದೇವ್ ಅಪ್ಣುನ ಠಗಾವವಾಳೋಸ್ ಕಾಹೆ. ಇನಖ್ಹಾಜೆ ಆಖ್ಹ್‌ರೊ ಲೀಲೆವ್ಣುಕರಿ ನಾಶಿ ಆಯಿನ್ ಅಪ್ಣ ಖ್ಹಾಮ್ಣೆ ಮ್ಹೆಲಿರಾಖ್ಯೋತೆ ಭರೋಖ್ಹಾನ ಧರಿರಾಖ್ಯತೆ ಅಪ್ಣುನ ಘಣು ಹುಮ್ಮಖ್ಹ್‌ ಮಳನಿತರಹುಯು. 
\v 19 ಅಪ್ಣುನ ಯೋ ಭರೋಖ್ಹೊ ಅಪ್ಣ ಜಾನ್ನ ನಂಬಾಖ್ಹರ್ಕು ಅಪ್ಣಿ ಜೀವನ್ನು ದೋಣಿನ ಘಟ್‍ಥಿ ಭಿರಾಖನು ಲಂಗಾರ್ ಹುಯಿರ‍್ಹುಸ್. ಯೋ ಜಾ಼ಖ್ಹತ್ ಪರಿಶುದ್ ಝ಼ಗೋನು ಪಡ್ದಾನ ಮಹಿ ಪೇಖ್ಹಾವಳು ಹುಯಿರ‍್ಹೇಸ್. 
\v 20 ಹಿಜ್ಜಾ಼ ಯೇಸು ಹರ್‌ಹಗಾಮ್‌ಬಿ ಮೆಲ್ಕಿಜೆದೇಕ್‌ನಿ ಘೋಣಿನೊ ಮಹಾಯಾಜಕ್ ಹುಯಿನ್, ಅಪ್ಣಖ್ಹಾಜೆ ಪಹಿಲೆಥೂಸ್ ನಿಕ್ಳಿನ್ ಯೋ ಸನ್ನಿಧಿಮ ಜೈ಼ರ‍್ಹೋಸ್.
\c 7
\s ಮೆಲ್ಕಿಜೆದೇಕ್ ಏಕ್‌ ಯಾಜಕ್
\p
\v 1 ಆ ಮೆಲ್ಕಿಜೆದೇಕ್ ಸಾಲೇಮ್‌ನೊ ರಾಜ಼ ಅಜು಼ ಘಣೊಊಚೊ಼ ಹುಯಿರ‍್ಹವವಾಳೊ ದೇವ್‌ನೊ ಯಾಜಕಬಿ ಹುಯಿರ‍್ಹೊಥೊ. ಅನೆ ರಾಜ಼ವ್ನ ಸಂಹಾರ್ ಕರೀನ್ ಪಾಛೊ಼ ವಳ್ಯವ್ತೊಥೊತೆ ಅಬ್ರಹಾಮ್‌ನ ಮ್ಹೋರೆಹುಯಿನ್ ಇನ ಆಶೀರ್ವಾದ್‌ ಕರ‍್ಯೊ. 
\v 2 ಇನ ಅಬ್ರಹಾಮ್‌ನೆ ಯೋ ಜ್ಯುತಿಲೀನ್ ಆಯೊಥೋತೆ ಅಖ್ಖೂಸ್ ಜಿನಖ್ಹ್‌ಮ ದಖ್ಹ್‌ಮ ಏಕ್‌ ಭಾಗ್ನ ದಿದೊ. “ಮೆಲ್ಕಿಜೆದೇಕ್ ಕರಿ ನಾಮ್ನ ನೀತಿನೊ ರಾಜ಼ ಕರೀಬಿ ಅನಕೇಡೆಥು ಸಾಲೇಮ್‌ನೊ ರಾಜ಼ಕತೊ ಸಮಾಧಾನ್ನೊ ರಾಜ಼” ಕರೀಬಿ ಮತ್ಲಬ್. 
\v 3 ಇನ ಆಯಕೊಯ್ನಿ ಬಾಕೊಯ್ನಿ, ಖಾನ್‍ದಾನ್‍ಬಿ ಕೊಯ್ನಿ, ಪೈದಾಖ್ಹ್‌ಬಿ ಕೊಯ್ನಿ, ಮರಣ್‌ಬಿ ಕೊಯ್ನಿ, ಯೋ ದೇವ್ನ ಛಿಯ್ಯಾನಿತರ ರ‍್ಹೀನ್, ಹಮೇಶಾನೊ ಯಾಜಕ್‍ಹುಯಿರ‍್ಹೊಸ್. 
\v 4 ಆ ಹೈರೋತೆ ಕೆತ್ರೆ ಮಹಾನ್ ಹುಯಿರ‍್ಹೊಸ್ ಕರಿ ದೇಖೊ ಅಪ್ಣೊ ಗುರುಗುರಬ್‌ಲ್ಯೊ ಹುಯಿರ‍್ಹೂತೆ ಅಬ್ರಹಾಮ್‌ನೆ ಜಂಗ್ ಜೂತಿನ್ ಲಾಯೊತೆ ಜಿನಖ್ಹ್‌ಮ ದಖ್ಹ್‌ಮ ಏಕ್‌ ಭಾಗ್‌ ಇನ ದಿದೋನಿ. 
\v 5 ಖ್ಹಾಚಮಾಬಿ ಲೇವಿನ ಖೂಮ್ಮ ಯಾಜಕ್ನು ಕಾಮ್ ಲೀರಾಖವಾಳು, ಅದ್ಮಿಥಿ ಕತೊ ಅಬ್ರಹಾಮ್‌ನು ಖಾಂದಾನ್‍ವಾಳಥಿ ದಖ್ಹ್‌ಮ ಏಕ್‌ ಭಾಗ್‍ಖ್ಹಾರು ಲ್ಯಾವಾನ ಧರ್ಮಶಾಸ್ತ್ರಮ ಹುಕುಮ್ ಛಾ಼. 
\v 6 ಕತೋಬಿ ಮೆಲ್ಕಿಜೆದೇಕ್ ಲೇವಿನು ಖಾನ್‍ದಾನ್‍ವಾಳನ ಮಳ್ಯೊಹುಯೊ ಕಾಹೆ, ರ‍್ಹಯುತೋಬಿ ಆಬ್ರಹಾಮ್ ಥಿ ದಖ್ಹ್‌ನು ಏಕ್‍ಭಾಗ್ನಲಿದೊತೆ ಕಾಹೆತೆ ದೇವ್‍ಥಿ ವಾಗ್ದಾನ್ ಲೀರಾಖವಾಳೊ ಅಬ್ರಹಾಮ್‌ನ ವಾರ್‌ಖ್ಹೊದಿದೊ. 
\v 7 ಆಶೀರ್ವಾದ್‌ ಲ್ಯವಾಳಾಥೀಬಿ, ಆಶೀರ್ವಾದ್‌ ಕರವಾಳೋಸ್ ಊಚೊ಼ ಕರಿ ಬೋಲಾಮ ಶನು ಶಕ್ ಕೊಯ್ನಿ. 
\v 8 ದಖ್ಹ್‌ಮ ಭಾಗ್ನ ಲ್ಯವಾಳ ಯಾಜಕ್‌ಖ್ಹಾರು ಏಕ್‌ಕೊಂತೆ ಏಕ್‍ದನ್ ಮರಾಸ್. ಕತೋಬಿ ಆಬ್ರಹಾಮ್‍ಥಿ ದಖ್ಹ್‌ಮ ಭಾಗ್ನ ಲೀರಾಖವಾಳೊ ಮೆಲ್ಕಿಜೆದೇಕ್ ಕೆದೇಬಿ ಜಿವ್ತೊರ‍್ಹಿಶೆ ಕರಿ ಧರ್ಮಶಾಸ್ತ್ರಮ ಬೋಲೈರ‍್ಹುಸ್. 
\v 9 ಅಜು಼ ದಖ್ಹ್‌ಮ ಭಾಗ್‍ಅಖ್ಖು ಲೇಸ್ತೆ ಲೇವಿಬಿ ಜಿನು, ಅಬ್ರಹಾಮ್‍ಥಿ ದಖ್ಹ್‌ಮ ಭಾಗ್‍ಅಖ್ಖು ದ್ಯಾವನಿತರಹುಯು. 
\v 10 ಕಿಮ್ ಕತೊ, ಮೆಲ್ಕಿಜೆದೇಕ್ ಅಬ್ರಹಾಮ್‌ನ ಮ್ಹೋರೆಹುವಾನಿ ವಖ್ಹ್‌ತೆ, ಲೇವಿ ಬಿಜೂ಼ಬಿ ನಾ ಪೈದಹುಯಿರ‍್ಹೊತೋಬಿ ಅಬ್ರಹಾಮ್‌ನ ಶರೀರ‍್ಮ ಮಳಿರ‍್ಹೋಥೊ. 
\v 11 ಇಸ್ರಾಯೇಲ್‌ವಾಳನ ದೆವಾಯುತೆ ಧರ್ಮಶಾಸ್ತ್ರ ಲೇವಿವಾಳನು ಯಾಜಕ್‌ನು ನಿಯಮ್‌ಪರ್ ಆಧಾರ್ ಹುಯಿರ‍್ಹುಸ್. ಲೇವಿವಾಳನು ಅಮ್ನ ನಿಯಮ್‌ಥೀಸ್ ಪೂರಹುವಾನು ರ‍್ಹಯೂತೊ. ಆರೋನ್ನ ಖಾನ್‌ದಾನ್ನ ಕೊಮಳನಿತೆ, ಮೆಲ್ಕಿಜೆದೇಕ್‌ನಿ ಖಾನ್‌ದಾನ್‌ಮ ಮಳ್ಯೊಹುಯೊ ಬಿಜೇಕ್‍ಜ಼ಣೊ ಯಾಜಕ ಆವಾನಿ ಜ಼ರೂರತ್ ಶಾತ್‌ಥಿ? 
\v 12 ಯಾಜಕ್ನು ಪದವಿ ಬದ್ಲಾನು ರ‍್ಹಯೂತೊ. ಧರ್ಮಶಾಸ್ತ್ರ ಜಿನು ಬದ್ಲಾನು ಜ಼ರೂರತ್ ಛಾ಼. 
\v 13 ಕತೋಬಿ ಆಹೈರುತೆ ಕಿನಿ ಬಾರೇಮ ಬೋಲೈರ‍್ಹೂಸ್ಕಿ ಯೋ ಹೈರುತೆ ಬಿಜೇಕ್ ಖಾನ್‌ಖೋಜ಼್‌ನ ಮಳ್ಯೊಹುಯೊ. ಯೋ ಖಾನ್‌ಖೋಜ಼್‌ನ ಏಕ್‍ಜ಼ಣೋಬಿ ಚಾ಼ಚ಼ರ್‌ಕನ ಸೇವೆ ಕರ‍್ಯೊಕೊಯ್ನಿ. 
\v 14 ಅಪ್ಣೊ ಪ್ರಭು ಯೆಹೂದ ಖಾನ್‍ಖೋಜ಼್‌ಮ ಪೈದಾ ಹುಯಿನ್ ಆಯೊಹುಯೊಕರಿ ಅಛ್ಛಿನಿತರ ಮಾಲುಮ್‍ಪಡಸ್; ಆ ಖಾನ್‌ಖೋಜ಼್‌ನ ಯಾಜಕವ್ನಿ ಬಾರೇಮ ಮೋಶೆನೆ ಶಾತ್ಬಿ ಬೋಲ್ಯೊ ಕೊಯ್ನಿ.
\s ಮೆಲ್ಕಿಜೆದೇಕನಿಘೊಣಿನೊ ಬಿಜೇಕ್ ಯಾಜಕ್
\p
\v 15 ಮೆಲ್ಕಿಜೆದೇಕ್‍ನಿತರ ಬಿಜೇಕ್ ಯಾಜಕ್ ಆವ್‍ಶೆಕರಿ ಬೋಲಾನು ರ‍್ಹಯೂತೊ ಯೋ ಬಿಜೂ಼ಬಿ ಘಣು ಆಛ್ಛಿಂತರ ಮಾಲುಮ್‌ ಪಡಸ್ನಿ. 
\v 16 ಆ ಯಾಜಕ್ ಶರೀರ್ ಸಂಬಂದ್ ಪಡಾಸ್ತೆ ನಿಯಮ್‌ನಿ ಪರಕ್‍ ಕೊಹುಯುನಿತೆ, ಜಾನ್ನ ಶಕತ್ನ ಆಧಾರ್‌ಥಿ ಮಟಾಕೊಂತೆ ರ‍್ಹಿಶೆ. 
\v 17 ಇನಿ ಬಾರೇಮ ತೂ ಅಖ್ಖಾ ಜ಼ಗ್‌ಜ಼ಮಾನಮಾಬಿ, ಮೆಲ್ಕಿಜೆದೇಕ್‌ನಿ ಘೋಣಿನೊ ಯಾಜಕಾಸ್‌ಕರಿ ಧರ್ಮಶಾಸ್ತ್ರ ಬೋಲಸ್. 
\v 18 ಶನಕತೊ ಪಹಿಲೆಥೂತೆ ಹುಕುಮ್‌ ಕಮ್‌ಜೋ಼ರಿಬಿ ಫಾಯಿದೊಕೊಂತೆಬಿ ಹುಯಿರ‍್ಹುತೆಖ್ಹಾಜೆ ಯೊ ಭೀರಿಗು. 
\v 19 ಧರ್ಮಶಾಸ್ತ್ರ ಶನಾಬಿ ಪೂರ ಕೊಕರಾನಿ. ಅಜು಼ ಇನ ಬದಲ್ ದೇವ್‌ಕನ ಜೈ಼ನ್ ಲೀಲಾವನುಸ್ ಭರೋಖ್ಹೊ ಹುಯಿರ‍್ಹೊಸ್. 
\v 20 ಆ ಬಿಜೂ಼ಬಿ ಬೋಲ್ನುಕತೊ ಆಣ್‌ಕೊಂತೆ ಕಾಹೆ. ಅನಾಹುಯಿನ್ ಲೇವಿವಾಳು ಆಣ್‌ ಕೊಂತೆ ಯಾಜಕ್‍ಬಣ್ಯು. 
\v 21 ಯೋತೋಬಿ ಆಣ್‌ಥಿ ಯಾಜಕಹುಯೊ. ಕತೋಬಿ ದೇವ್ ಇನ ಅಮ್ ಬೋಲ್ಯೊ, “ತು ಹರ್‌ಹಗಾಮ್‌ಬಿ ಯಾಜಕ್ ಹುಯಿರ‍್ಹೋಸ್; ಅಜು಼ ಪ್ರಭು ಹುಯಿರೋತೆ ಮೇ ಕೋಲ್‌ನಾಮ್ ಕರಿನ್ ಬೋಲಿರಾಖ್ಯೊಸ್. ಅಜು಼ ಮಾರೊದಿಲ್ನ ಕೊಬದ್‌ಲೈಶ್‌ನಿ ‘ತು ಕದೇಬಿ ಯಾಜಕ ಹುಯಿರ‍್ಹಿಶ್.” 
\v 22 ಅನಿ ಫರಕ್ ಶಾತ್‌ಕತೊ ಯೇಸು ಆಣ್‌ನಿ ಜೊ಼ಡ್ಮಾಸ್ ಮಹಾನ್ ಒಪ್ಪಂದಾನ ಆಧಾರ್ ಹುಯೊ. 
\v 23 ಬಿಜೇಕ್ ಫರಕ್ ಶಾತ್‌ಕತೊ: ಕೈಏಕ್ ಜ಼ಣು ಯಾಜಕ್ ಹೋಣು ಪಡ್ಯುಥು. ಶನಕತೊ ಲೇವಿವಾಳು ಮರುಕರ್ತುಥುತೆ ಇನಖ್ಹಾಜೆ ಯೊ ಕಾಮ್ ಚ಼ಲಾವನ ಕೊಹುಯುನಿ. 
\v 24 ಕತೋಬಿ ಯೇಸುತೋಬಿ ಕದೇಬಿ ಜಿವ್‌ಶೇತೆ ಇನಖ್ಹಾಜೆ ಇನು ಯಾಜಕ್ ಧರಮ್ ಕೋಣ್‌ಬಿ ಕರಾನ ಕೊಹುವಾನಿ. 
\v 25 ಇನಖ್ಹಾಜೆ ಯೋ ಇನೇಥಿ ದೇವ್‌ಕನ ಆವಾಳಾನ ಪೂರ ಬಚಾ಼ಡನ ಶಕತ್‌ವಾಳೊ ಹುಯಿರ‍್ಹೊಸ್. ಶನಕತೊ ಇವ್ಣಖ್ಹಾಜೆ; ದೇವ್‌ಕನ ಬಿಂತೀಕರಾನ ಕೆದೇಬಿ ಜಿವಿರ‍್ಹವಾಳೊ ಹುಯಿರ‍್ಹೊಸ್. 
\v 26 ಇನಖ್ಹಾಜೆ ಅಪ್ಣುನ ಹೋಣುತೆ ಇನ ಪೂರಕರಾವಳೊ ಮಹಾಯಾಜಕ ಹುಯಿರ‍್ಹೊಸ್ ಪರಿಶುದ್‌ಬಿ ದೋಷ್‍ಕೊಯ್ನಿತೇಬಿ, ಮೈಲಾಪ್‍ಕೊಯ್ನಿತೆಬಿ, ಪಾಪಿಮ ಮಳಾಕೊಂತೆ ನಿರ‍್ವಾಳೊಬಿ ಹುಯಿರ‍್ಹವಾಳೊಬಿ ಆಕಾಶ್ ಮಂಡಲ್‍ಥೀಬಿ ಊಚಾ಼ಮ ರ‍್ಹವಾಳೊ. 
\v 27 ಪಹಿಲೆ ಇವ್ಣ ಪಾಪ್ನ ಪರಿಹಾರ‍್ನ ಖ್ಹಾಜೆ ಇನಪಾರ್ ಅದ್ಮಿವ್‌ನ ಪಾಪ್ನ ಪರಿಹಾರ‍್ನಖ್ಹಾಜೆ; ಬಲಿ ಸಮರ್ಪಣ್‌ ಕರಾಸ್ತೆ ಲೇವಿನ ಮಹಾಯಾಜಕರ್‌ನಿತರ ಆ ಹೈರುತೆ ಹರೇಕ್ ದನ್‌ಬಿ ಬಲಿಖ್ಹಾರು ಅರ್ಪಣ್ ಕರಾನು ಜ಼ರೂರತ್ ಕೊಯ್ನಿ. ಶನಕತೊ ಆ ಹೈರುತೆ ಇನ ಯೋಸ್ ಅರ್ಪಣ್ ಕರಾನಿವಖ್ಹ್‌ತೆ ಅಖ್ಖಾನಿ ಪಾಪ್ನಖ್ಹಾಜೆ ಎಕ್ಕಸ್ ಹಲ್ಲ ಬಲಿ ಅರ್ಪಣ್ ಕರ‍್ಯೊ. 
\v 28 ಧರ್ಮಶಾಸ್ತ್ರ ಕಮ್‍ಜೋ಼ರಿ ಆದ್ಮಿವ್ನ ಮಹಾಯಾಜಕರ್‌ ಕರೀನ್ ನೇಮಕ್ ಕರಾಸ್. ಕತೋಬಿ ಧರ್ಮಶಾಸ್ತ್ರನ ವಾರ್ ಆಣ್‌ನಿ ಜೋ಼ಡ್ಮ ಆಯೂತೆ ವಚನ್ ಕದೆಕದೇಬಿ ಅಖ್ಖೂಸ್ ಪೂರ ಹುಯಿರೋಸ್ತೆ ಛಿಯ್ಯಾನಸ್ ಯಾಜಕ ಕರಿನ್ ನೇಮಕ್ ಕರಿರಾಖ್ಯುಸ್.
\c 8
\s ಯೇಸು ಅಪ್ಣೊ ಮಹಾಯಾಜಕ್
\p
\v 1 ಹಮ್ಕೆ ಹಮೆ ಬೋಲಾನಿ ವಾತೆಖ್ಹಾರಿ ಜ಼ರೂರ‍್ನಿವಾತೆ ಶಾತ್‍ಕತೊ, ಪರ್‌ಲೋಕ್‌ಮ ಊಚಿ ಸಿಂಹಾಸನ್ನ ಖಾವಿಬಾಜು಼ಮ ಬೇಠೊರ‍್ಹವಾಳೊ ಮಹಾಯಾಜಕ್ ಅಪ್ಣುನ ಛಾ಼. 
\v 2 ಯೋ ಪವಿತ್ರ ಝ಼ಗೋಮ ಅದ್ಮಿಥಿಕಾಹೆತೆ, ಪ್ರಭುನೇಸ್ ಬಣಾಯೋತೆ ದೇವ್ನು ದರ್ಶನಾನ ಡೇರಾಮ ಯಾಜಕ್ನು ಕಾಮ್‍ಕರಾವಾಳೊ ಹುಯಿರ‍್ಹೊಸ್. 
\v 3 ಹರೇಕ್ ಮಹಾಯಾಜಕ್‍ಬಿ ದೇವ್ನ ಕಾಣ್ಕೆಬಿ ಬಲಿ ಸಮರ್ಪಣ್‌ ದೇವ್ಣು. ಇನಾಖ್ಹಾಜೆ ಅಪ್ಣೊ ಮಹಾಯಾಜಕ್‍ಬಿ ದೇವ್ನ ಶಾತ್ತೋಬಿ ದ್ಯವಾನು ಜ಼ರೂರತ್ ಛಾ಼. 
\v 4 ಯೋ ಜ಼ಮೀನ್‌ಪರ್ ರ‍್ಹಯೋಹೊತ್ತೊ ಯಾಜಕ್ ಬಣ್ಯೊಹೋತ್‍ ಕೊಯ್ನಿ. ಶನಕತೊ ಧರ್ಮಶಾಸ್ತ್ರನಿ ಪರಕ್ಮ ಕಾಣ್ಕೆ ದ್ಯವಾಳು ಅಗಾಡಿಥೂಸ್ ಛಾ಼. 
\v 5 ಮೋಶೆ ದೇವ್‍ದರ್ಶನ ಡೇರೊ ಭಾಂದ್‌ಣುಕರಿ ರ‍್ಹವಾನಿ ವಖ್ಹ್‌ತೆ ಮೇ ಪರ್ಭತ್‌ಮ ತುನ ವತಾಳ್ಯೊತೆ ಛಾ಼ಯನಿ ಪರಕ್ಮಾಸ್ ಅಖ್ಖು ಕರ್ನುಕರಿ ದೇವ್ನಿ ಝೇತಾವ್ಣಿ ಹುಯೂತೆ ಇಮ್ಮಸ್ ಪರಲೋಕ್‍ಮ ಛಾ಼ತೆಅಖ್ಖು ಛಾ಼ಳಿಬಿ, ಛಾ಼ಯಬಿ ಹುಯಿರ‍್ಹೂಸ್ತೆ ಮಂದಿರ್‌ಮ ಇವ್ಣೆ ಚಾ಼ಕ್ರಿ ಕರುಕರಸ್. 
\v 6 ಕತೋಬಿ ಯೇಸು ಇನೇಥಿಬಿ ಮಹಾನ್ ಯೊ ಯಾಜಕವ್ನ ಕಾಮ್‍ಥೀಬಿ ಘಣು ಮಹಾನ್ ಯಾಜಕ್‌ನಿ ಸೇವೆ ಲೀರಾಖ್ಯೊಸ್. ಅಮ್ನಿ ಪರಕ್ಮ ಯೇಸು ಇನ ಆದ್ಮೆವ್ನಖ್ಹಾಜೆ ದೇವ್‍ಥಿ ಲಾಯೊತೆ ಒಪ್ಪಂದ ಜೂ಼ನೇಥೀಬಿ ಮಹಾನ್ ಹುಯಿರ‍್ಹುಸ್. ಶನಕತೊ ಯೊ ಅಛ್ಛಿ ವಾಗ್ದಾನ್‌ಥಿ ಅಜು಼ ಅಛ್ಛಿ ಒಪ್ಪಂದನ ಮಳಾವವಾಳೊ ಹುಯಿರೋಸ್. 
\v 7 ಯೋ ಪಹಿಲು ಒಪ್ಪಂದ ಶನೂಬಿ ಗಲ್ತಿ ನಾರ‍್ಹಯೂಹೊತ್ತೊ, ಬೇನು ಒಪ್ಪಂದನಿ ಜ಼ರೂರತ್ ಕೋಥಿನಿ. 
\v 8 ಕತೋಬಿ ದೇವ್ನೆ ಯೋ ಅದ್ಮಿವ್‌ಪರ್ ಗಲತ್‌ ಲಗಾಡಿನ್ ಗಲತ್‌ ದೆಖಾವದಿನ್ ಅಮ್‍ ಬೋಲ್ಯೊ, ‘ಹಂದೇಖೊ, ಮೇ ಇಸ್ರಾಯೇಲ್ ಖಾನ್‌ದಾನ್‌ಥಿಬಿ ಯೆಹೂದ ಖಾನ್‌ದಾನ್‌ಥಿಬಿ ನವೇಥಿ ಏಕ್‌ ಒಪ್ಪಂದ ಕರಾವನು ದನ್‌ಖ್ಹಾರು ಆವ್‌ಶೆ’ ಕರಿ ಪ್ರಭು ಬೋಲಸ್. 
\v 9 ಆ ಒಪ್ಪಂದ ಮೇ ಅವ್ಣ ಗುರುಗುರುಬ್‌ಲ್ಯನ ಹಾತ್ ಧರಿನ್ ಈಜಿಪ್ಟ್ ದೇಖ್ಹ್‌ಮಾಥೊ ಹಾತ್‌ಧರಿನ್‌ ಬುಲೈಲಿನ್ ಆಯೋತೆ ದನೂಮ ಇವ್ಣಿ ಜೋ಼ಡ್ಮ ಕರೀಲಿದೊತೆ ಒಪ್ಪಂದನಿತರ ಕಾಹೆ. ಶನಕತೊ ಇವ್ಣೆ ಮಾರಿ ಒಪ್ಪಂದಮ ಘಟ್‍ಥಿ ಭಿಯುಕೊಂತೆ ಇನಾಖ್ಹಾಜೆ ಮೇ ಇವ್ಣುನ ಫಿಕರ್ ಕೊಕರ‍್ಯೋನಿ’ ಕರಿ ಪ್ರಭು ಬೋಲಾಸ್. 
\v 10 ಯೋ ಅಖ್ಖದನ್ನ ವಾರ್ ಮೇ ಇಸ್ರಾಯೇಲ್ ಖೂಮ್‌ವಾಳನಿ ಜೋ಼ಡ್ಮ ಕರಿಲೀಶ್‍ತೆ ಒಪ್ಪಂದ ಅಮ್‍ರ‍್ಹಿಶೆ, ಮೇ ಮಾರ ಹುಕುಮ್‌ನ ಇವ್ಣ ದಿಮಾಕ್ಮ ಮ್ಹೇಲಿಶ್. ಮೆ ಇವ್ಣ ದಿಲ್ಮ ಇನ ಲೀಖಿಶ್. ಮೇ ಇವ್ಣುನ ದೇವ್‌ ಹುಯಿರ‍್ಹೀಶ್. ಇವ್ಣೆ ಮಾರು ಅದ್ಮಿ ಹುಯಿರ‍್ಹಿಶೆ. 
\v 11 ಆನಾಹುಯಿನ್ ಹರೇಕ್‍ಜ಼ಣು ಇನ ಭೀಡೆವಾಳನಬಿ ಇನ ಭೈನಾಬಿ, ‘ಪ್ರಭುನ ಮಾಲುಮ್ ಕರ‍್ಲೆವೊಕರಿ ಬೋಧನೆ ಕರ್ನುಕೊಯ್ನಿ. ಶನಕತೊ ಕೀಳ್‌ಥಿಬಿ ಧರೀನ್ ಊಚ಼ ಹುಯಿರ‍್ಹವಾಳು ಖ್ಹಾರೂಸ್ ಮನ ಮಾಲುಮ್‌ಕರ‍್ಲಿಶೆ. 
\v 12 \x - \xo 8:12 \xo*\xt ಯೆರೆಮೀಯ 31:34\xt*\x*“ಮೇ ಇವ್ಣ ಖರಾಬ್ ಕಾಮ್ನ ಗೋರ್‌ಥಿ ಕ್ಷಮಾಪಣ್ ಕರೀಶ್. ಅಜು಼ ಇವ್ಣ ಪಾಪ್ನ ಕದೇಬಿ ಯಾದ್ಮ ಕೋಲೈಶ್‌ನಿ; ಕರಿ ಪ್ರಭು ಬೋಲಸ್”. 
\v 13 ದೇವ್ ಅನ ನವು ಒಪ್ಪಂದ ಕರಿ ಬೋಲ್ಯೊ ಇನಾಖ್ಹಾಜೆ ಪಹಿಲಿ ಒಪ್ಪಂದನ ದೇವ್ನೆ ಜೂ಼ನುಕರಿ ಬಣಾಯೊ.ಅಜು಼ ಖಿವು ಜೂ಼ನುಥೂಕಿ ಯೋ ಮಟಿಜಾ಼ವನ ಖನ್ನೆ ಆವ್‌ಶೆ.
\c 9
\s ಧರ್ತಿನು ಅಜು಼ ಪರಲೋಕ್ನು ಆರಾದನೆ
\p
\v 1 ಪಹಿಲ ಒಪ್ಪಂದಾಮ ಆರಾದನೇನು ರೀತಿರಿವಾಜ್‌ ಅಖ್ಖುಥು ಅಜು಼ ಯೊ ಝ಼ಗೋ ಅಛ್ಛು಼ಥು. 
\v 2 ಏಕ್‌ ದೇವ್‌ನೊ ದರ್ಶನನೊ ಡೇರೊ ಭಾರ್‌ ಠೋಕೈರ‍್ಹಿನ್, ಇನ ಪಹಿಲ ಭಾಗ್‌ಮ, ಇನ ಪವಿತ್ರಝ಼ಗೊಕರಿ ಬೋಲ್ತುಥು. ಇನಾಮ ದೀವೊ, ಮೇಜ್ ಅಜು಼ ದೇವ್ನ ಸಮರ್ಪಣ್‌ಕರ‍್ಯೊ ಹುಯೊ ರೋಟೊ ಹಿಜ್ಜಾ಼ ರ‍್ಹೇತುಥು. 
\v 3 ಅಜು಼ ಬೇನು ಪಡ್ದಾನ ಪೀಠೆ ರ‍್ಹೇಸ್ತೆ ಕೋಣಾನ, ಘಣು ಪವಿತ್ರಝ಼ಗೊಕರಿ ಬೋಲ್ತುಥು. 
\v 4 ಇನಾಮ ಖ್ಹೊನ್ನಾನಿ ಖ್ಹಾಲರ‍್ಯಾನು ಢಾಕ್ಣಿಬಿ ಅಜು಼ ಖ್ಹೊನ್ನಾನು ತಗ್ಡು ಲಗಾಡ್ಯುಹುಯು ಒಪ್ಪಂದಾನು ಪಿಟಾರೊ ಥು. ಯೋ ಪಿಟಾರಾಮ ಮನ್ನ ನಖೈರ‍್ಹಯುಹುಯು ಖ್ಹೊನ್ನಾನಿ ಕಟೋರೊಬಿ, ಆರೋನನು ಚಿಗುರ್ ಮ್ಹೇಲ್ಯೊಹುಯೊ ಲಠ್ಠೊ ಅಜು಼ ದಖ್ಹ್‌ ಹುಕುಮ್‌ ಲಿಖಾಯುಹುಯು ಒಪ್ಪಂದಾನು ಬೇ ಬಂಡಾನು ಪಲ್ಗು ಥು. 
\v 5 ಯೊ ಪಿಟಾರನಪರ್ ದೇವ್ನು ಮಹಿಮೆನು ವತಾಳನು ಕೆರೂಬಿಕರಿ ಬೇ ಪರಿಯೇ ಫಾಕ್ಡಿ ಪಖ್ಹಾರಿನ್ ಯೊ ಝ಼ಗೊ\f + \fr 9:5 \fr*\ft ಪಾಪ್ ಕ್ಷಮಾಪಣ್‌ನಿ ಝ಼ಗೊ\ft*\f* ಅಖ್ಖು ಮೂಚಿರಾಖ್ಯುಥು. ಇನ ಹಮ್ಕೆ ಏಕೇಕ್‌ ಛೋ಼ಡಿಬೋಲಾನ ಕೊಹೊಯ್ನಿ. \fig ಡೇರಾನು ಮಹಿನುಭಾಗ್‌|alt="Interior of tabernacle" src="bk00278c.tif" size="span" copy="Horace Knowles ©" ref="9:2"\fig*
\p
\v 6 ಅಮ್ ಆ ಅಖ್ಖು ತಯಾರ್ ಹುಯಿರ‍್ಹಿನ್ ಯಾಜಕಅಖ್ಖು ಯೊ ಡೇರಾನ ಪಹಿಲ ಭಾಗ್ನ ಜೈ಼ನ್, ಹರೇಕ್ ದನ್ ಹಿಜ್ಜಾ಼ ದೇವ್ನು ಸೇವೆನು ಕಾಮ್ ಕರ್ತುಥು. 
\v 7 ಕತೋಬಿ ಬೇನ ಕೋಣಾಮ ಮಹಾಯಾಜಕ್ ಎಕ್ಕಸ್ ಜ಼ಣೊ ವರಖ್ಹ್‌ನ ಏಕ್‌ ವಖ್ಹತ್ ಜಾ಼ತೊಥೊ. ಅಜು಼ ಇನಿ ಜೋ಼ಡ್ಮ ಬಲಿನು ಲ್ಹೋಯಿನ ಲೀನ್‌ ಜಾ಼ತೊಥೊ. ಯೊ ಲ್ಹೊಯಿನ ಇನಖ್ಹಾಜೇಬಿ ಅಜು಼ ಇನ ಅದ್ಮಿವ್‍ನು ಅಜ್ಞಾನ್‌ಥಿ ಕರ‍್ಯುಹುಯು ಪಾಪ್ನಖ್ಹಾಜೆಬಿ ಸಮರ್ಪಣ್‌ ಕರ್ನುಪಡ್ಯುಥು. 
\v 8 ಆ ಡೇರಾನು ಪಹಿಲು ಭಾಗ್‌ ಅಜೂ಼ಬಿ ರ‍್ಹಾವಾಲಗು ಘಣು ಪರಿಶುಧ್ ಝ಼ಗೊನ ಜಾ಼ವನು ಮಾರಗ್ ಹಮ್ಕೆಲಗು ದೆಖಾಯುಕೊಯ್ನಿ. ಕರಿಬೋಲಾನು ಪವಿತ್ರಾತ್ಮ ಬೋಲಿವತಾಳಸ್. 
\v 9 ಆ ಹಮ್ಕೇನ ಹಗಾಮ್ನ ವತಾಳನು ಹುಯಿರ‍್ಹುಸ್. ಯೋ ಶಾತ್‍ಕತೊ ಕಾಣ್ಕೆಬಿ ಅಜು಼ ಬಲಿದ್ಯವಾಥಿ ಆರಾದನೆ ಕರಾವಾಳು ಇವ್ಣ ಮನ್ನಿಸಾಕ್ಷಿ ಪೂರ ಕರಾನ ಕೊಹುವಾನಿ. 
\v 10 ಹಮ್ಕೆಲಗು ಇವ್ಣೆಖ್ಹಾರು ಖಲಿ ಖಾಣಪಾಣಿಬಿ ಅಶ್ನಾನ್‌ಧಾನ್ನಿ ಪದತ್ತಿ ಹುಯಿರ‍್ಹುತೆಖ್ಹಾಜೆ ಆಖಲಿ ಭಾರ್‌ಲ್ಯು ಕಾಮ್. ದೇವ್ ಇನ ನವ ನಿಯಮ್‌ನು ಹಗಾಮ್ ಆವಲಗುಬಿ ಇಮ್ಮಸ್ ರ‍್ಹಿಶೆ. 
\v 11 ಕತೋಬಿ ಕ್ರಿಸ್ತ ಯೇಸು ತದೇಸ್‌ ಮಹಾಯಾಜಕ್ ಹುಯಿನ್ ಐರ‍್ಹೋಸ್. ಯೋ ದ್ಯವಾನು ಅಛ಼್ಛು ಫಲ್ ಖ್ಹಾರು ತದ್‌ನು ತದೇಸ್‌ ಅಪ್ಣುನ ಛ಼. ಯೊ ಸೇವೆ ಕರುಕರಸ್ತೆ ಡೇರಾನ ಘರ್‌ಮ ಅಗ್ಗಳ್‌ಥಿಬಿ ಜಾ಼ಖ್ಹತ್ ಮಹಾನ್ ಅಜು಼ ಭರ್‌ಪೂರ್‌ ಹುಯಿರ‍್ಹುಸ್. ಆ ಅದ್ಮಿನ ಹಾತೇಥಿ ಭಾಂದಿಹುಯು ಕಾಹೆ. ಆ ಲೋಕ್‌ನು ಉಬ್‍ಜಾ಼ವ್ಣಿನ ಕಾಹೆ. 
\v 12 ಖ್ಹಾರಸ್‌ನಖ್ಹಾಜೆ ಮಹಾ ಪರಿಶುದ್ ಝ಼ಗೋಮ ಪ್ರವೇಶ್‌ ಕರ‍್ಯೊಕೊಯ್ನಿ. ಕೆಲ್ಡೊ ಬೋಕ್‌ಡಾನ ಲ್ಹೊಯಿಥಿ ಕಾಹೆ ಅಪ್ಣುನ ಕ್ರಿಸ್ತನೆ ಎಕ್ಕಸ್ ಬಾರ್ ಇನ ಶೊಂತ್ ಲ್ಹೋಯಿಥಿ ಹಮೇಶಾನಿ ರಕ್ಷಣೆಮ ಗಯೊ. 
\v 13 ಬೋಕ್‌ಡ ಅಜು಼ ಢಾಂಡಾನ ಲ್ಹೋಯಿಬಿ ಬಲಿನು ಜಾನ್ವರ್‌ನು ರಾಕ್‌ನಾಬಿ ಮೈಲುರ‍್ಹಾವಾಳಪರ್ ಛಿಡ್‍ಕಾಥಿ ಶರೀರ್‌ನ ಮೈಲಾನ ಪಾಕ್‌ ಕರೆಜಾ಼ಯ್. 
\v 14 ಅಜು಼ ಆ ಖ್ಹಾಚು಼ಕರಿ ಬೋಲಾನು ರ‍್ಹಯೂತೊ ಹಮೇಶಾನ ಆತ್ಮಥಿ ಇನುಯೋಸ್ ದೇವ್ನ ಕಳಂಕ್‌ಕೊಂತೆ ಬಲಿಹುಯಿನ್ ಸಮರ್ಪಣ್‌ ಕರಿಲಿದೊತೆ ಕ್ರಿಸ್ತನು ಲ್ಹೋಯಿ ಕೆತ್ರೇಕ್ಕಿ ಅಪ್ಣುನ ಜಾನ್‍ಕೊಂತೆ ಕಾಮ್‍ಥಿ ಛೋ಼ಡೈನ್, ಅಪ್ಣೆ ಜಿವ್ತೊಜಾನ್ನೊ ದೇವ್ನ ಆರಾದನೆ ಕರ್‌ಯೇತೆ ತಿಮ್ ಅಪ್ಣೆ ಮನ್ನಿಸಾಕ್ಷಿನ ಪಾಕ್‌ ಕರ‍್ಯಕೊಯ್ನಿಕಿಶು? 
\v 15 ಅನಖ್ಹಾಜೇಥಿ ದೇವ್‍ಥಿ ಬುಲಾಯೂತೆ ಅದ್ಮಿ ದೇವ್ನಿ ವಾಗ್ದಾನ್ ಹುಯಿರ‍್ಹುತೆ ಹಮೇಶಾನು ವಾರ್‌ಖ್ಹೊ ಲೀಲೆವ್ಣುಕರಿ ಕ್ರಿಸ್ತನೆ ಆ ನವ ಒಪ್ಪಂದನ ಮಳಾವವಾಳೊ ಹುಯಿರ‍್ಹೊಸ್. ಶನಕತೊ ಪಹಿಲಿ ಒಪ್ಪಂದನ ಹಗಾಮ್ಮ ಕರ‍್ಯುತೆ ಗಲ್ತಿನಖ್ಹಾಜೆ ಇವ್ಣುನ ಛುಟ್ಕಾರ್ ಕರಾನಖ್ಹಾಜೆ ಕ್ರಿಸ್ತ ಮರಣ್ ಲಿದೊ. 
\v 16 ಏಕ್‌ ಮರಣ್ಣಿ ಚಿಟ್ಟಿ ಲೀಖಿರಾಖನು ರ‍್ಹಯೂತೊ ಯೊ ಮರಿರ‍್ಹೋಸ್ ಸಾಬಿತ್‌ಕರಾನು ಜ಼ರೂರತ್ ಛಾ಼. 
\v 17 ಅನಿ ಮತ್ಲಬ್‌ ಶಾತ್‌ಕತೊ, ಯೊ ಮರ‍್ಯೊತೆ ತದೇಸ್‌ ಯೊ ನಿಯಮ್‌ ಕಾಮ್ನ ಆವಸ್ ಪಣ್ಕಿ ಲೀಖ್ಯೊಹುಯೊ ಜಿವ್ತೊ ರ‍್ಹವಲಗೂಬಿ ಯೋ ಕಾಮ್ನ ಕೋಆವಾನಿ. 
\v 18 ಅಮ್ ರ‍್ಹಾವಪರ್ ಪಹಿಲು ಒಪ್ಪಂದ ಜಿನುಬಿ ಲ್ಹೋಯಿಕೊಂತೆ ಘಟ್ ಭೀರ‍್ಯುಕೊಯ್ನಿ. 
\v 19 ಮೋಶೆ ಧರ್ಮಶಾಸ್ತ್ರನಿ ಹುಕುಮ್‌ನ ಖ್ಹಾರ ಅದ್ಮಿವ್‌ನ ಖ್ಹಮ್‍ಜಾ಼ಡ್ತೊ ಹುಯಿನ್ ತದೆ ಇನೆ ಢಾಂಡನಕೆಲ್ಡಾನ ಬೋಕ್‌ಡಾನ ಲ್ಹೋಯಿನ ಪಾಣಿಮ ಮಳೈನ್‌ ಅಜು಼ ಇನ ಧರ್ಮಶಾಸ್ತ್ರ ಲೀಖಿಹುಯು ಪುಂಗ್‌ಳಿನ ಉಪ್ಪರ್‌ಬಿ ಅಖ್ಖಾ ಅದ್ಮೆವ್‍ಪರ್‌ಬಿ \f + \fr 9:19 \fr*\ft ಅಖ್ಖುಜ಼ಂಗಳ್‌ಮ ಫುಟಾನು ಡೀರು.\ft*\f*ಹಿಸ್ಸೋಪ್‍ನ ಡೀರೆಥೇಬಿ ಲಾಲ್‌ರು಼ಯಿಥೀಬಿ ಛಿಡ್‌ಕ್ಯೊ. 
\v 20 ಆ ದೇವ್ನೆ ತುಮಾರಖ್ಹಾಜೆ ಹುಕುಮ್ ಕರಿರಾಖ್ಯೊತೆ ಒಪ್ಪಂದಾನು ಲ್ಹೋಯಿ ಆ ಹುಯಿರ‍್ಹುಸ್ ಕರಿಬೋಲ್ಯೊ. 
\v 21 ಇಮ್ಮಸ್ ಡೇರಾಪರ್‌ಬಿ ದೇವ್ನ ಸೇವೆನ ಹೋಣುತೆ ಅಖ್ಖಾಸ್ ಜಿನಖ್ಹ್‌ಪರ್‌ಬಿ ಅಮ್ನಿಸ್ ಪರಕ್ಮ ಲ್ಹೋಯಿನ ಛಿಡ್‌ಕ್ಯೊ. 
\v 22 ಇಮ್ಮಸ್ ಧರ್ಮಶಾಸ್ತ್ರನಿ ಪರಕ್ಮ ಬೋಲ್ನುಕತೊ ಖ್ಹಾರೂಸ್ ರಾಛು಼ ಲ್ಹೋಯಿಥೀಸ್‍ ಶುದ್ದಿಹೋತುಥು. ಅಜು಼ ಲ್ಹೋಯಿ ರಂಚಾ಼ವಥಿ ಕಾಹೆತೆ ಪಾಪ್ ಕ್ಷಮಾಪಣ್ ಕೊಹೊಯ್ನಿ.
\s ಕ್ರಿಸ್ತನು ಬಲಿಥೀಸ್ ಪಾಪ್ನ ಪರಿಹಾರ್
\p
\v 23 ಇನಾಖ್ಹಾಜೆ ಸೊರ್ಗಾನು ಜಿನಖ್ಹ್‌ನ ಛಾ಼ಳಿನಿಘೊಣಿನು ಜಿನಖ್ಹ್‌ನ ಶುದ್ದಿಕರಣನಖ್ಹಾಜೆ ಅಥ್ರಾನು ಬಲಿಖ್ಹಾರು ಹೋಣುಕತೊ, ಖ್ಹಾಚಮಾಬಿ ಸೊರ್ಗಮ ಶುದ್ದಿಕರಾನ ಮಹಾನ್ ಬಲಿನು ಜ಼ರೂರತ್ ಛ಼. 
\v 24 ಶನಕತೊ ಕ್ರಿಸ್ತ ಖ್ಹಾಚ ಮಂದಿರ್‌ ಘೋಣಿನಿತರಾನು ಹಾತೇಖ್ಹು ಭಾಂದ್ಯುಹುಯಿ ಪವಿತ್ರ ಝ಼ಗೋಮ ರ‍್ಹಿಯೊಕೊಂತೆ ಅಪ್ಣಭಣಿಥು ದೇವ್ನಖ್ಹಾಮ್ಣೆ ಹಮ್ಕೆ ದೆಖೈಲ್ಯವಾನಖ್ಹಾಜೆ ಸೊರ್ಗಾಮ ಪ್ರವೇಶ್‌ ಕರ‍್ಯೊ. 
\v 25 ಆನಾಹುಯಿನ್ ಮಹಾಯಾಜಕ್ ವರಖ್ಹ್‌ ವರಖ್ಹ್‌ನಾಬಿ ಜಾನ್ವರ್‌ನ ಲ್ಹೋಯಿನ ಲೀನ್ ಘಣು ಪರಿಶುದ್ ಝ಼ಗೋಮ ಜಾ಼ತೋಥೊ. ಕತೋಬಿ ಕ್ರಿಸ್ತ ಇನುಯೋಸ್ ಕೈಯೇಕ್ ವಖ್ಹತ್ ಸಮರ್ಪಣ್‌ಕರಾನ ಪರಲೋಕ್‍ಮ ಗಯೊಕೊಯ್ನಿ. 
\v 26 ಇಮ್‌ ಸಮರ್ಪಣ್‌ ಕರಾನು ರ‍್ಹಯು ಹೋತ್ತೊ, ಜಗತ್‌ ಉಬ್‍ಜಾ಼ವ್ಣಿಥುಬಿ ಕೈಯೇಕ್ ವಖ್ಹತ್ ಖ್ಹತಾಪ್ಣಿಲೇವ್ಣು ಪಡ್ಯುಥು. ಕತೋಬಿ ಖ್ಹಾರನಖ್ಹಾಜೆ ಎಕ್ಕಸ್ ಹಲ್ಲ ಜ಼ಗ್‍ಜ಼ಮಾನನಿ ಖ್ಹರ್ತಿಲಗೂಬಿ, ಯೋ ಪಾಪ್ನ ಕಾಡಿನಾಖನಿ ಉದ್ದೇಶ್‌ಥಿ ಇನುಯೋಸ್ ಬಲಿದಾನ್‌ ಹುವಾನ ದೆಖೈಲಿದೊ. 
\v 27 ಎಕ್ಕಸ್ ವಖ್ಹತ್ ಮರಾನುಬಿ ಅಜು಼ ಇನಕೇಡೆಥು ದೇವ್‍ಥಿ ತೀರ್ಪ್ ಲೀಲ್ಯಾವಾನು ಹುಯಿರ‍್ಹುಸ್. 
\v 28 ಇಮ್ಮಸ್ ಕ್ರಿಸ್ತ ಜಿನುಬಿ ಕೈಯೆಕ್ಕಿ ಅದ್ಮಿನು ಪಾಪ್ ಕಾಡಾನಖ್ಹಾಜೆ ಎಕ್ಕಸ್ ವಖ್ಹತ್ ಸಮರ್ಪಣ್‌ ಹುಯೊ. ಯೋ ಬೇನೆ ಹಲ್ಲ ದೆಖಾವ್‌ಶೆತೆ ಪಾಪ್ನ ಕಾಡನ ಕಾಹೆಕತೊ ಕೋಣ್ ಟಿವೈರ‍್ಹುಸ್ಕಿ ಇನ ಬಚಾ಼ನಖ್ಹಾಜೆ ಆವ್‌ಶೇತೆ.
\c 10
\p
\v 1 ಧರ್ಮಶಾಸ್ತ್ರ ಅಗಾಡಿ ಆವ್ಣುತೆ ಅಛ್ಛಿ ವಾತ್ನಿ ಛಾ಼ಯ ಪಣ್ಕಿ ಯೋ ಇನು ಖ್ಹಾಚು಼ ರೂಪ್‍ಕಾಹೆ. ಇನಖ್ಹಾಜೆ ಯೋ ಧರ್ಮಶಾಸ್ತ್ರ ಹರೇಕ್ ವರಖ್ಹ್‌ ಕದೇಬಿ ಎಕ್ಕಸ್ ಥರಾನು ಬಲಿನ ಛ಼ಡೈನ್ ದೇವ್‌ಕನ ಆವಾಳಾನ ಕದೇಬಿ ಭರ್‌ಪೂರ್‌ ಕರ್ಶೆ ಕೊಯ್ನಿ. 
\v 2 ಅದ್ಮಿಖ್ಹಾರು ಇವ್ಣು ಆರಾದನೆ ಕರಾಥಿ ಶುದ್ದಿಕರಣ್ ಹುಯುಹೊತ್ತೊ, ಇವ್ಣಮ ಪಾಪ್ನಿ ಗಲ್ತಿನಿ ಖ್ಹಯಾಲಸ್ ರ‍್ಹಿಯುಹೊತ್‍ಕೊಯ್ನಿ ಅಜು಼ ಅಖ್ಖು ಬಲಿದಾನ್‌ ದ್ಯವಾನು ಭೀರಿಗಯುಹೊತ್. 
\v 3 ಹಮ್ಕೆತೋಬಿ ಯೋ ಬಲೀಥಿ ಹರೇಕ್ ವರಖ್ಹ್‌ಬಿ ಪಾಪ್ನುಯಾದ್‍ ಹುವಾಸ್. 
\v 4 ಶನಕತೊ ಢಾಂಡಾವ್‌ನು ಅಜು಼ ಬೋಕ್‌ಡಾವ್‌ನು ಲ್ಹೋಯಿಥಿ ಪಾಪ್ನ ಪರಿಹಾರ್ ಕರಾನ ಕೊಹೊಯ್ನಿ. 
\v 5 ಇನಖ್ಹಾಜೆ ಕ್ರಿಸ್ತ ಜಗತ್ಮ ಆವಾನಿವಖ್ಹ್‌ತೆ ಇನೆ ಅಮ್ ಬೋಲ್ಯೊಕಿ, “ದೇವ್ ತುನ ಬಲಿ ಛ಼ಡಾವನು ಅಜು಼ ಕಾಣ್ಕೆ ದ್ಯವಾನು ಪಸಂದ್ ಕೋಥೂನಿ, ಕತೋಬಿ ಮನ ಏಕ್‍ ಶರೀರ್‌ನ ತಯಾರ್ ಕರೀನ್ ದೀರಾಖ್ಯೊಸ್. 
\v 6 ಜಾನ್ವರ್‌ನ ಬಾಳಥಿಬಿ, ಪಾಪ್ನ ಪರಿಹಾರ‍್ನ ಪೂರ ಶರೀರ್‌ನು ಬಲಿಥೀಬಿ ತುನ ಖುಷಿ ಹುವಾಕೊಯ್ನಿ. 
\v 7 ತದೆ ಮೆ ಹಂದೇಕ್‍ಲ ದೇವ್, ದಪ್ತರ್‌ನಿ ಪುಂಗ್‍ಳಿಮ ಮಾರಿ ಬಾರೇನು ಲೀಖೈರುತೆ ಪರಕ್ಮ ತಾರಿ ಖ್ಹೂಜ಼್‌ನ ಚ಼ಲಾವನಖ್ಹಾಜೆ ಐರ‍್ಹೋಸ್” ಕರಿ ಮೇ ಬೋಲ್ಯೊ.\x - \xo 10:7 \xo*\xt ಕೀರ್ತನೆ 40:6-8\xt*\x* 
\v 8 ಪಹಿಲೆ ಇನೆ ಬೋಲ್ಯೊತೆ ಧರ್ಮಶಾಸ್ತ್ರನಿ ಪರಕ್ಮ ಅರ್ಪಣ್‍ ಹುಯುತೆ ಬಲಿಥೀಬಿ ಜಾನ್ವರ್‌ನ ಬಾಳಥಿಬಿ ಅಜು಼ ಪಾಪ್ ಪರಿಹಾರ‍್ನು ಬಲಿಥೀಬಿ ತುನ ಪಸಂದ್ ಕೋಥೂನಿ. ತು ಯೋ ಅಖ್ಖಾಮ ಖುಷಿ ಕರಾಕೊಯ್ನಿ. 
\v 9 ಅನವಾರ್, “ಹಂದೇಕ್‍ಲ ದೇವ್ ತಾರಿ ಖ್ಹೂಜ಼್‌ನ ಚ಼ಲಾವನ ಮೇ ಐರ‍್ಹೋಸ್!” ಕರಿ ಬೋಲಿರಾಖ್ಯೊಸ್. ಅಮ್‍ ದೇವ್ನೆ ಜೂ಼ನು ಬಲಿದಾನ್‌ ಕಾಡಿನಾಖನಖ್ಹಾಜೆ ಕ್ರಿಸ್ತನು ಬಲಿದಾನ್‌ ಯೊ ಝ಼ಗೋಮ ಮ್ಹೇಲ್ಯೊ. 
\v 10 ಶನಕತೊ ಕ್ರಿಸ್ತಯೇಸು ಎಕ್ಕಸ್ ಬಾರ್ ಅಖ್ಖಾನಖ್ಹಾಜೆ ಇನ ಶರೀರ್‌ನ ಸಮರ್ಪಣ್‌ ಕರಿನ್ ದೇವ್ನಿಖ್ಹೂಜ್‍಼ನ ಚ಼ಲಾಯೊತೆ ಇನಖ್ಹಾಜೆ ಅಪ್ಣೆ ಅಖ್ಖಾ ಪಾಪ್‌ಥಿ ಪಾಕ್‌ಹುಯಿಗ.\fig ಬಲಿನಿ ಚಾ಼ಚ಼ರ್‌ಪರ್ ಬಾಳಿ ಭೋಗ್ ದ್ಯವಾನು|alt="Burnt offering on an altar" src="hk00256c.tif" size="col" copy="Horace Knowles ©" ref="10:10"\fig*
\p
\v 11 ಹರೇಕ್ ಯಾಜಕ್‍ಬಿ ದನ್‍ಪರೋಜ಼್ ಚಾ಼ಚ಼ರ್‌ನು ಸೇವೆಕರ್ತೊಥೊ. ಇಮ್ಮಸ್ ಕೈಯೆಕ್‌ಹಲ್ಲ ಬಲಿದಾನ್‌ ಕರ್ತೊಥೊ ಕತೋಬಿ ಅನೇಥಿ ಪಾಪ್ನ ಕಾಡಿನಾಖನ ಕೊಹುಯುನಿ. 
\v 12 ಕತೋಬಿ ಕ್ರಿಸ್ತ ಪಾಪ್ನಖ್ಹಾಜೆ ಅಖ್ಖಾ ಹಗಾಮ್ಮ ಎಕ್ಕಸ್‍ಬಲಿನ ಸಮರ್ಪಣ್‍ಕರೀನ್, ದೇವ್ನ ಖಾವಿಬಾಜು಼ ಬೇಶಿಗಯೊ. 
\v 13 ತಪ್‌ಥೊ ಇನ ವಹೇರ‍್ಯಾನ ಇನ ಗೋಡಾನಿ ರಚ್ಚೊ಼ ಬಣಾವಲಗೂಬಿ ಯೋ ಟಿವೈರ‍್ಹೋಸ್. 
\v 14 ಇನಿ ಎಕ್ಕಸ್ ಬಲಿಥಿ ಪಾಪ್ನ ಪಾಕ್‌ಕರಿನ್ ಪೂರಕರಿರಾಖ್ಯೊಸ್. 
\v 15 ಪವಿತ್ರಾತ್ಮ ಜಿನುಬಿ ಅಪ್ಣುನ ಸಾಕ್ಷಿ ದ್ಯವಾಳೊಹುಯಿನ್, ಪಹಿಲೇಥು ಯೊ ಅಮ್ ಬೋಲಸ್. 
\v 16 “ಯೋ ದನ್ ಅವಾದಿನ್ ಮೇ ಇವ್ಣಜೋ಼ಡ್ಮ ಕರಿಲ್ಯಾವನು ಒಪ್ಪಂದ ಅಮ್‍ರ‍್ಹಿಶೆ, ಮಾರಿ ನಿಯಮ್ನ ಇವ್ಣ ದಿಲ್ಮ ಮ್ಹೇಲಿಶ್ ಇವ್ಣ ದಿಮಾಕ್ಮ ಯೋ ಅಖ್ಖು ಲೀಖಿಶ್”. ಕರಿ ಪ್ರಭು ಬೋಲಸ್. 
\v 17 ಅಜು಼ ಯೋ ಅಮ್‍ ಬೋಲಸ್, “ಇವ್ಣ ಪಾಪ್ ಅಖ್ಖಾನಾಬಿ ಅಜು಼ ಇವ್ಣ ಖರಾಬ್ ಕಾಮ್ನಾಬಿ ಬಿಜು಼ ಕದೇಬಿ ಮೇ ಯಾದ್ಮ ಕೋಲೈಶ್‌ನಿ”. 
\v 18 ಹಮ್ಕೆ ಪಾಪ್‌ಖ್ಹಾರು ಮಾಪ್‌ ಹುವಾನಬಾದ್ಮ ಪಾಪ್‍ಪರಿಹಾರ‍್ನು ಬಲಿದ್ಯವಾನು ಜ಼ರೂರತ್ ಕೊಯ್ನಿ.
\s ಅಪ್ಣೆ ದೇವ್ನ ಖನ್ನೆ ಅಯ್ಯೆ
\p
\v 19 ಇನಖ್ಹಾಜೆ ಭೇನೆ ಭೈಯೇವೊ, ಯೇಸುನ ಲ್ಹೋಯಿಥಿ ಘಣಿ ಪವಿತ್ರಝ಼ಗೋಮ ಜಾ಼ವಾನ ಅಖ್ಖಿ ಛುಟ್ಕಾರ್ ಛಾ಼. 
\v 20 ಅಪ್ಣಖ್ಹಾಜೆ ಇನಿ ಶರೀರ್‌ಕರಿ ಬೋಲಾನು ಯೊ ಪಡ್ದಾನ ಮಹಿತೊ ಜಾ಼ವನ ನವ ಜಾನ್ನೊ ಮಾರಗ್‌ನ ಕಾಡಿರಾಖ್ಯೊಸ್. 
\v 21 ಅಜು಼ ದೇವ್ನ ಘರ್‌ಪರ್ ಅಧಿಕಾರ್‌ ರ‍್ಹವಾಳೊ ಮಹಾನ್ ಯಾಜಕ್ ಅಪ್ಣುನ ಛಾ಼. 
\v 22 ಇನಖ್ಹಾಜೆ ಖರಾಬ್ ದಿಲ್ನಿಸಾಕ್ಷಿನ ಮ್ಹೆಲ್ಯಹುಯ ದಿಲ್‌ಥೀಬಿ ನೀರ್ಛೊ಼ಳ್‍ ಪಾಣಿಥಿ ಪಾಕ್‌ಹುಯ ಶರೀರ್‌ಥೀಬಿ ಖ್ಹಾಚಆತ್ಮಥಿ ಪೂರ ವಿಶ್ವಾಸ್‍ಥಿ ದೇವ್‌ಕನ ಅಯ್ಯೆ. 
\v 23 ದಿದೋತೆ ವಾಗ್ದಾನ್ನ ಚ಼ಲಾವವಾಳೊ ದೇವ್. ಇನಖ್ಹಾಜೆ ಅಪ್ಣೆ ವಿಶ್ವಾಸ್‌ನಿ ಬಾರೇಮ ಘಟ್‍ಥಿ ಧರಿರಾಖೆ. 
\v 24 ಅಪ್ಣೆ ಏಕ್‌ಥಿ ಏಕ್‌ ಪ್ಯಾರ್‌ವತಾಳನ ಖ್ಹಾಜೇಬಿ ಅಛ್ಛು಼ಕಾಮ್ ಕರಾನ ಖ್ಹಾಜೇಬಿ ಹುಮ್ಮಖ್ಹ್‌ ದೇವ್ಣುಕರಿ ಮಾಲುಮ್ ಕರಿಲಿಯೆ. 
\v 25 ಸಬೆ ಮಳಾನು ಆದತ್‌ನ ಥೋಡುಜ಼ಣು ಮ್ಹೆಲಿದಿದೂತೆ ತಿಮ್ ಅಪ್ಣೆ ಮ್ಹೇಲಿನಾದೆವ್ಣುತೆ, ಅಪ್ಣುನ ಮಾಲುಮ್‌ ಛಾ಼ತೆ ಪರಕ್ಮ ಪ್ರಭು ಆವಾನದನ್‍ ಖನ್ನೆ ಐಗಾತೆ ಇನಖ್ಹಾಜೆ ಬಿಜೂ಼ಬಿ ಘಣು ಏಕ್‌ಥಿಏಕ್ ಹುಮ್ಮಖ್ಹ್‌ ದಿಯೇ. 
\v 26 ಅಪ್ಣೆ ಖ್ಹಾಚ಼ನ ಅಕ್ಕಲ್‌ನಿ ಬಾದ್ಮಬಿ ಪಾಪ್ ಕರ‍್ತಸ್ ರ‍್ಹಯಾತೊ ಪಾಪ್ ಪರಿಹಾರ‍್ನಖ್ಹಾಜೆ ಬಿಜು಼ ಖಿವೂಬಿ ಬಲಿದ್ಯವಾನು ಕೋಉಷೇನಿ. 
\v 27 ಇನಬದಲ್, ಅಖ್ಖೇಥಿ ಡರ್‌ಥಿ ಭರೈರ‍್ಹುತೆ ನ್ಯಾವ್‌ನು ತೀರ್ಪ್‌ನಖ್ಹಾಜೆ ಟಿವೈರ‍್ಹವಾನು ಅಜು಼ ದೇವ್ನ ವಹೇರ‍್ಯಾವ್ನ ಬಳಾನಿ ಇರಾದನಿ ಝ಼ಲ್‌ಪಟ್‌ ಖಲಿ ರ‍್ಹಿಶೆ. 
\v 28 ಮೋಶೇನು ಧರ್ಮಶಾಸ್ತ್ರನ ಝಿಟ್ಕಾರ‍್ಯ ಹುಯಾನ ಬೇಜ಼ಣು ನತರ್ ತೀನ್ ಜ಼ಣಾನಿ ಸಾಕ್ಷಿನಿ ಆಧಾರ್‌ಪರ್ ಗೋರ್‌ಕೊಂತೆ ಮರಣ್ಣಿ ದಂಡನೆ ದೇತೂಥು. 
\v 29 ಅಮ್‍ರ‍್ಹವಾಪರ್ ದೇವ್ನ ಛಿಯ್ಯಾನ ಖುಂದ್ಲೀನ್, ಇನ ಪಾಕ್‌ಕರಿಲಿದೂತೆ ಒಪ್ಪಂದಾನು ಲ್ಹೋಯಿನ ಅಶುದ್ದಕರಿ ಜಾ಼ಣಿಲೀನ್ ದೇವ್ನಿ ವಾರ್‌ಖ್ಹಾನಿ ವರಾನ ಆತ್ಮಾನ ಝಿಟ್ಕಾರವಾಳೊ ಉಶೆ, ಬಿಜು಼ ಕೆಥ್ರಾನು ಕಠೋರ್ ನಿಶತ್ನ ಯೋ ಖ್ಹಣೇದ್ ಹುಯೆಜಾ಼ಯ್‍ಕರಿ ತುಮೇಸ್ ಸೋಚಿದೇಖೊ. 
\v 30 ಬದಲ್‌ನ ಬದಲ್ ಕಾಡಾನು ಮಾರುಕಾಮ್; ಮೇಸ್ ದೀಶ್‍ಕರಿ ಬೋಲ್ಯೊಹುಯೊ ಅಪ್ಣುನ ಮಾಲುಮ್‌ ಛ಼. ಶನಕತೊ ಬಿಜೇಕ್‌ ಹಲ್ಲ ಪ್ರಭು ಇನ ಅದ್ಮಿನ ನ್ಯಾವ್‌ನು ತೀರ್ಪ್ ಕರ್ಶೆ. 
\v 31 ಜಿವ್ತಜಾನ್‌ವಾಳೊ ದೇವ್ನಹಾತ್ಮ ಖ್ಹಪ್‍ಡಾನು ಘಣು ಭಯಂಕರ್ ಹುಯಿರ‍್ಹುಸ್. 
\v 32 ಅಮ್ ರ‍್ಹವಾಪರ್ ತುಮೆ ಗ್ಯಾನ್ನು ಉಜಾ಼ಖ್ಹ್‌ ಲೀರಾಖಪರ್‌ ತದೆ ದೇವ್ನಿ ಉಜಾ಼ಖ್ಹ್‌ ತುಮಾರಪರ್ ಥು. ರ‍್ಹಯುತೋಬಿ ತುಮೆ ಕೈಯೇಕ್ ವದೆಖ್ಹ್‌ಮ ತುಮೆ ಖ್ಹಮಾಳ್ಯಾತೆ ದನ್ನ ಯಾದ್ ಕರಿಲೆವೊ; 
\v 33 ಥೋಡಿ ವಖ್ಹತ್ ತುಮೆ ಚಿ಼ಂಗಾವ್ಣಿನಾಬಿ,ಅಜು಼ ಥೋಡಿ ವಖ್ಹತ್ ಖ್ಹತಾಪ್ಣಿನಾಬಿ ಖ್ಹಮಾಳಿನ್ ಚಾ಼ವ್‌ಣ್ಯ ಕಡೈಲಿದ. ಅಜು಼ ಥೋಡಿ ವಖ್ಹತ್ ವದೇಖ್ಹ್‌ ಪಡಾವಾಳನಿ ಜೋ಼ಡ್ಮ ಮಳಿನ್ ಖ್ಹಮಾಳಿಲಿದ. 
\v 34 ತುಮೆ ಜೇಲ್‌ಮ ರ‍್ಹವಾಳನ ಆರ್‌ಗೋರ್‌ ಒತಾಳ್ಯ. ಅನೇಥಿ ಊಚು಼ ಹುಯಿರ‍್ಹುತೆ ಹಮೇಶಾನಿ ಆಸ್ತಿ ಛಾ಼ಕರಿ ಮಾಲುಮ್ ಕರಿಲಿದ ತುಮಾರಿ ಶೊತ್ನ ಛಿನೈಲ್ಯವಾಳಾನ ಶಂತೋಖ್ಹ್‌ಥಿ ಮ್ಹೇಲಿರಾಖ್ಯಸ್. 
\v 35 ಇನಖ್ಹಾಜೆ ತುಮಾರಿ ಕಿಮ್ಮತ್ನ ನಕೊ ಮ್ಹೇಲಿದೆವೊ. ಇನ ಘಣಿ ಮೋಟಿ ಪ್ರತಿಫಲ್ ಛಾ಼. 
\v 36 ತುಮೆ ದೇವ್ನಿ ಮರ್ಜಿನ ಚ಼ಲೈಹುಯಿಗುತೆ ತದೆ ವಾಗ್ದಾನ್ನ ಲೀಲೇವ್ಣುಕತೊ ತುಮೆ ಖ್ಹಮಾಳಿನ್ ರ‍್ಹೇವ್ಣು. 
\v 37 ಶನಕತೊ ಪವಿತ್ರಶಾಸ್ತ್ರ ಬೋಲಸ್, “ಆವಾಳೊ ಬಿಜು಼ ಥೋಡ ದನ್ಮಾಸ್ ಆವ್‌ಶೆ ಯೊ ದೇರ್‌ ಕರ್ಶೆಕೊಯ್ನಿ. 
\v 38 ಇನಖ್ಹಾಜೆ ಮಾರು ನೀತಿವಾಳೊ ವಿಶ್ವಾಸ್‌ಥೀಸ್ ಜಿವ್‌ಶೆ, ಕತೋಬಿ ಇನೇಥಿ ಕೋಣ್‌ತೋಬಿ ಪೀಠೆ ಧಕ್ಯೋತೊ ಯೊ ಮನ ಪಸಂದ್ ಕೊರ‍್ಹಿಶೇನಿ. 
\v 39 ಅಪ್ಣೆತೋಬಿ ಪೀಠೆ ಹಟವಾಳಹುಯಿನ್ ನಾಶ್‍ಹುವಾಳ ಅದ್ಮಿಕಾಹೆ. ಅನಬದಲ್ ವಿಶ್ವಾಸ್‌ ಕರಾವಳಹುಯಿನ್ ರಕ್ಷಣೆ ಲೀಲಾವಳ ಹುಯಿರ‍್ಹಾಸ್.
\c 11
\s ವಿಶ್ವಾಸ್
\p
\v 1 ವಿಶ್ವಾಸ್‌ಕತೊ ಅಪ್ಣೆ ಸೋಚಿನ್ ಜ಼ಪಿರ‍್ಹೇಸ್ತೆ ಖ್ಹಾರು ಭರೋಖ್ಹೊಬಿ, ಅಜೂ಼ಬಿ ದೆಖಾವಕೊಂತೆ ಜಿನಖ್ಹ್‌ಪರ್ ಆಧಾರ್ ಹುಯಿರ‍್ಹೇಸ್. 
\v 2 ಅಪ್ಣ ಗಲ್‌ಢಖ್ಹಾರು ಇವ್ಣಿ ವಿಶ್ವಾಸ್‌ಥೀಸ್ ದೇವ್ನಿ ಒಪ್ಪಿಕೆ ಲೀಲಿದು. 
\v 3 ಜಗತ್‌ ದೇವ್ನಿ ವಾತೆಥೀಸ್‌ ಉಬ್‌ಜು ಕರಿ ಬೋಲಾನು ವಿಶ್ವಾಸ್‌ಥೀಸ್ ಮಾಲುಮ್ ಕರಿರಾಖ್ಯಾಸ್. ಆ ಜಿನಖ್ಹ್‌ ದೆಖಾವಸ್ತೆ ಆ ಜಗತ್‌ ದೆಖಾವಾಥಿ ರ‍್ಹವೊ ನಾ ದೆಖಾವಾಥಿ ರ‍್ಹವೊ ಉಬ್‌ಜ್ಯುಕರಿ ಬೋಲಾನು ವಿಶ್ವಾಸ್‌ಥೀಸ್ ಪರ್ಖೇಸ್. 
\v 4 ವಿಶ್ವಾಸ್‌ಥೀಸ್ ಹೇಬೆಲನೆ ಕಾಯಿನಾನು ಬಲಿಥೀಬಿ ಮಹಾನ್ ಬಲೀನ ದೇವ್ನ ಸಮರ್ಪಣ್‌ ಕರ‍್ಯೊ. ಯೋ ಪರಕ್‍ಥಿ ಯೋ ನ್ಯಾವ್‌ವಾಳೊ ಕರಿ ಸಾಕ್ಷಿಹುಯಿಗೊ. ದೇವ್ನೆ ಇನಿ ಕಾಣ್ಕೆನ ಸ್ವೀಕಾರ್ ಕರ‍್ಯೊ. ಯೋ ಮರಿಗಯೊ ತೋಬಿ ಇನಿ ವಿಶ್ವಾಸ್‌ನಿ ಪರಕ್‍ಥಿ ಬಿಜೂ಼ಬಿ ವಾತೆ ಬೋಲವಾಳೊ ಹುಯಿರ‍್ಹೋಸ್. 
\v 5 ವಿಶ್ವಾಸ್‌ಥೀಸ್ ಹನೋಕಾನೆ ಮರಣ್ ಲಿದೊ ಕೊಯ್ನಿತೇಸ್ ಪಡೈಗಯೊ. ಶನಕತೊ ದೇವ್ನೆ ಇನ ಬುಲೈಲಿನ್ ಗಯೋತೆಖ್ಹಾಜೆ ಯೋ ಕಿನಾಬಿ ದೇಖಾಯೊಕೊಯ್ನಿ. ಯೊ ಪಡಾವನ ಪಹಿಲೆ ದೇವ್ನ ಲ್ಹಾಯಕ್ ಕರಾವವಾಳೊ ಕರಿ ಪಹಿಲೇಸ್ ಸಾಕ್ಷಿ ಲೀರಾಖ್ಯೊಸ್. 
\v 6 ಕತೋಬಿ ವಿಶ್ವಾಸ್‍ಕೊಂತೆ ದೇವ್ನ ಲ್ಹಾಯಕ್ ಕರಾವನ ಕೊಹುವಾನಿ. ಶನಕತೊ ದೇವ್‌ಕನ ಆವಾಳೊ ದೇವ್ ಛಾ಼ ಅಜು಼ ಇನ ಢೂಂಡವಾಳನ ಪ್ರತಿಫಲ್ ದೇಸ್‌ಕರಿ ವಿಶ್ವಾಸ್‌ಕರ‍್ನು. 
\v 7 ವಿಶ್ವಾಸ್‌ಥೀಸ್ ನೋಹಾನೆ ಬಿಜೂ಼ಬಿ ದೆಖಾವ ಕೊಯ್ನಿತೆ ಇನಿ ಬಾರೇಮ ದೇವ್ನಿ ವಾತೆನ ಲೀನ್ ಡರ್‌ಥೀಬಿ, ಭಕ್ತಿಥಿ ಭರಾವವಾಳೊ ಹುಯಿನ್ ಇನ ಘರ್‌ವಾಳಾನ ಬಚೈ಼ಲಾವನಖ್ಹಾಜೆ ಜ಼ಹಾಜ಼್‌ನ ಭಾಂಧಿನ್ ತಯಾರ್ ಕರ‍್ಯೊ. ವಿಶ್ವಾಸ್‌ಥೀಸ್‌ ಇನೆ ಜಗತ್‌ವಾಳು ನಿಶತ್‌ನ ಲ್ಯವಾಳುಕರಿ ತೀರ್ಮಾನ್ ಕರಿಲಿದೊ. ಇನಖ್ಹಾಜೆ ವಿಶ್ವಾಸ್‍ನು ಫಲ್ ಹುಯಿರ‍್ಹೂತೆ ನೀತಿನ ಹಕ್‍ದಾರ್ ಹುಯೊ. 
\v 8 ವಿಶ್ವಾಸ್‌ಥೀಸ್ ದೇವ್ನೆ ವಾಗ್ದಾನ್ ಕರ‍್ಯೊತೆ ದೇಖ್ಹ್‌ನ ಇನೆ ಲೀಲೇವ್ಣುಕರಿ ಅಬ್ರಹಾಮ್‌ನೆ ವಿಧೇಯ ಹುವಾಳೊ ಹುಯಿನ್ ಯೋ ಹಕ್‌ಥಿ ಲೇವ್ಣುಥೂತೆ ದೇಖ್ಹ್‌ನ ನಿಕ್ಳಿಗಯೊ. ಇನೆ ಕಿಜ್ಜಾ಼ ಜಾ಼ವ್ಣುಕರಿ ಸೋಚ್ಯೊ ಕೊಯ್ನಿತೇಬಿ ಚ಼ಲೆಗಯೊ. 
\v 9 ವಿಶ್ವಾಸ್‌ಥೀಸ್ ಇನೆ ವಾಗ್ದಾನ್ನ ದೇಖ್ಹ್‌ನ ಆವಾಖ್ಹ್‌ತರ್, ಹಿಜ಼್ಜಾ ಬಿಜ಼ ದೇಖ್ಹ್‌ವಾಳನಿತರ ಡೇರಾಮ ರ‍್ಹೀನ್ ಜಿವ್ಣು ಕರ‍್ಯೊ. ಕಿಮ್ ಇಸಾಕ್ ಅಜು಼ ಯಾಕೋಬ್ ಇವ್ಣೆ ಲೀಲಿದಾಕಿ ಯೋಸ್ ವಾಗ್ದಾನ್ನ ಲೀಲಿದೊ. 
\v 10 ಶನಕತೊ ಇನೆ ಹಮೇಶ ಹದಿಪಾಯ ರ‍್ಹವಾನು ನಂಗರ‍್ನ ಕತೊ ದೇವ್ನೆ ಖ್ಹೂಜ಼್‌ಕರೀನ್ ತಯಾರ್ ಕರಿರಾಖ್ಯೊಸ್ತೆ ನಂಗರ‍್ನ ಅಬ್ರಹಾಮ್ ಮ್ಹೋರೆ ದೇಖುಕರ್ತೊಥೊ. 
\v 11 ಅಬ್ರಹಾಮ್ ಭುಡೊ ಹುಯಿರ‍್ಹೊಥೊ ಆನಾಹುಯಿನ್ ಸಾರ ವಾಗ್ದಾನ್ ಕರ‍್ಯೊತೆ ನಂಬ್‍ಣುಕರಿ ಇನಿ ಉಂಬರ್ ಹುಯಿಗುತೋಬಿ ವಿಶ್ವಾಸ್‌ಥೀಸ್ ಬೇಜೂನಿ ಹುವಾನ ಶಕತ್‌ಲಿದಿ. 
\v 12 ಇನಖ್ಹಾಜೆ ಮರಾನಿ ಉಂಬರ್‌ಮ ಥೋತೆ ಅಬ್ರಹಾಮ್‍ಥಿ ಆಕಾಶ್‌ನು ಶುಕ್ಕರ್‌ನಿತರಬಿ ದರ‍್ಯಾವ್‍ನಿ ರೇತಿನಿಘೋಣಿಬಿ ಗಣ್ತಿಕೊಂತೆ ಲಡ್ಕಾ ಹುಯು. 
\v 13 ಅವ್ಣೆಖ್ಹಾರು ವಿಶ್ವಾಸ್‌ರ‍್ಹವಾಳು ಹುಯಿನಸ್‌ ಮರಿಗಯು. ದೇವ್ನ ವಾಗ್ದಾನ್ನ ನಾಲಿದೂತೋಬಿ ಯೋ ಅಖ್ಖಾನ ದೂರ್‌ಥೀಸ್ ದೇಖಿನ್ ಸ್ವಾಗತ್‍ಕರೀನ್ ಖುಷಿಪಡ್ಯು; ಇವ್ಣೆ ಜ಼ಮೀನ್‌ಪರ್ ಅಲ್ಹಾವ್ ದೇಖ್ಹ್‌ವಾಳಬಿ, ತಮಾಖ್ಹೊ ದೇಖಾನ ಆಯುಹುಯು ಕರಿ ಮಾನಿಲಿದು. 
\v 14 ಅಥ್ರಾನಿ ವಾತೆಖ್ಹಾರು ಬೋಲಾವಳು ಇವ್ಣೆ ಶೊಂತ್‌ ದೇಖ್ಹ್‌ನ ಢೂಂಡವಾಳು ಹುಯಿರುಸ್ ಕರಿ ಬೋಲಾನು ಮಾಲುಮ್ ಪಡಾಸ್‌. 
\v 15 ಇವ್ಣೆ ಮ್ಹೇಲಿನ್ ಆಯತೆ ದೇಖ್ಹ್‌ಪರ್ ದಿಲ್‌ರಾಖವಳ ರ‍್ಹಿಯಹೊತ್ತೊ ಹಿಜ್ಜಾ಼ ಪಾಛು಼ಫರಿ ಜಾ಼ವಾನಿಬಿ ಮೋಕಖ್ಹಾರು ಇವ್ಣುನ ಥು. 
\v 16 ಕತೋಬಿ ಇವ್ಣೆ ಸೊರ್ಗಕರಿ ಬೋಲಾನ ಮಹಾನ್ ದೇಖ್ಹ್‌ನ ಹರಖ್ಹ್‌ಯು. ಇನಖ್ಹಾಜೇಥಿ ದೇವ್ನೆ ಇವ್ಣೊ ದೇವ್‌ಕರಿ ಬೋಲೈಲ್ಯವಾನ ಖ್ಹರ್ಮಾಯೊಕೊಂತೆ; ಇವ್ಣಖ್ಹಾಜೆ ನಂಗರ‍್ನ ತಯಾರ್ ಕರಿರಾಖ್ಯೊಸ್. 
\v 17-18 ದೇವ್‌ಥಿ ಅಬ್ರಹಾಮ್ ತರೀಪ್ಷ ಹುವಾನಿ ವಖ್ಹ್‌ತೆ ಇಸಾಕನ ವಿಶ್ವಾಸ್‌ಥೀಸ್ ಅರ್ಪಣ್ ಕರ‍್ಯೊ. ಯೋ ವಾಗ್ದಾನ್‍ಖ್ಹಾರು ಲಿದೋತೆ ಇನೆ ಇಸಾಕಥಿ ಪೈದಹುವವಾಳುಸ್ ತಾರು ಪಿಳ್ಗಿಕರಿ ಬೋಲೈಲಿಷೆಕರಿ ದೇವ್ನೆ ಇನ ಬೋಲಿರಾಖ್ಯೊತೋಬಿ ಇನ ಎಕ್ಕಸ್ ಛಿಯ್ಯಾನ ಅರ್ಪಣ್ ಕರ‍್ಯೊ. 
\v 19 ಅಬ್ರಹಾಮ್‌ನೆ ಮಾರೊ ಛಿಯ್ಯೊ ಮರ‍್ಯೊತೋಬಿ ದೇವ್ ಇನ ಬಚಾ಼ಡನ ತಾಖತ್‌ವಾಳೊ ಹುಯಿರ‍್ಹೋಸ್ ಕರಿ ಮಾಲುಮ್ ಕರಿರಾಖ್ಯೊಥೊ. ಅಜು಼ ಇಮ್ಮಸ್ ಇಸಾಕ್‌ನ ಮರಣ್‌ಥು ಜಿವ್ತೊಹುಯಿನ್ ಆಯೋತೆ ತಿಮ್ ಪಾಛು಼ ಲೀಲಿದೊ. 
\v 20 ವಿಶ್ವಾಸ್‌ಥೀಸ್ ಇಸಾಕನೆ ಯಾಕೋಬ್‌ನಾಬಿ ಏಸಾವನ ಆಶೀರ್ವಾದ್‌ ಕರಾನಿವಖ್ಹ್‌ತೆ ಖ್ಹಾಮ್ಣೆ ಚಾ಼ಲ್ನುತೆ ಬಾರೇನಿ ವಾಗ್ದಾನ್ನ ಬೋಲಿವತಾಳ್ಯೊ. 
\v 21 ಯಾಕೋಬನೆ ಯೊ ಮರಾನಿ ವಖ್ಹತ್‌ಮ ವಿಶ್ವಾಸ್‌ಥೀಸ್ ಯೋಸೇಫಾನ ಭೇ ಲಡ್ಕಾವ್‍ನ ಆಶೀರ್ವಾದ್‌ ಕರ‍್ಯೊ. ಹಾತ್ಮ ಲಠ್ಠಾನು ಆಧಾರ್‌ಲೀನ್ ದೇವ್ನ ಆರಾದನೆ ಕರ‍್ಯೊ. 
\v 22 ಯೋಸೇಫ ಇನಿ ಮರಣ್ಣಿ ವಖ್ಹತ್‌ಮ ಇಸ್ರಾಯೇಲ್‌ವಾಳು ಈಜಿಪ್ಟ್ ದೇಖ್ಹ್‌ಥು ಭಾರ್‌ನಿಕ್ಳಾನು ಬೋಲಿವತಾಳ್ಯೋತೆ ವಿಶ್ವಾಸ್‌ಥೀಸ್. ಕಾಹೆತೆ ಇನು ಪಿಂಜ಼ರ‍್ನ ಪಾಡಿಲೀನ್ ಜಾ಼ವಾನಿ ಬಾರೇಮ ಹುಕುಮ್‌ ದಿದೊ. 
\v 23 ಮೋಶೆ ಪೈದ ಹುವಾಖ್ಹತರ್ ಹೈರೋತೆನ ಆಯಬಾನೆ ಲಡ್ಕು ಶನ್‍ಗಾರ‍್ನು ಛಾ಼ ಕರಿ ದೇಖಿನ್ ರಾಜಾ಼ನ ಹುಕುಮ್‌ನ ಡರಿನ್ ವಿಶ್ವಾಸ್‌ಥೀಸ್ ಇನ ತೀನ್ ಮಹಿನ ಲಪಾಡಿ ರಾಖ್ಯು. 
\v 24 ವಿಶ್ವಾಸ್‌ಥೀಸ್ ಮೋಶೆ ಶಾಣು ಹುವಾನಪಾರ್ ಫರೋಹನಿ ಛೋ಼ರಿನೊ ಛಿಯ್ಯೊಕರಿ ನಾ ಬೋಲೈಲೇವ್ಣುಕರಿ ಖ್ಹಯಾಲ್ ಕರ‍್ಯೊ. 
\v 25 ಥೋಡಿ ವಖ್ಹತ್ ಪಾಪ್‌ಭೋಗ್‌ ಖ್ಹಾರಥಿಬಿ ದೇವ್ನ ಅದ್ಮಿನ ಜೋ಼ಡ್ಮ ವದೇಖ್ಹ್‌ ಲ್ಯವಾನುಸ್ ಕೆತ್ರೇಕ್ಕಿ ಅಛ್ಛು಼ಕರಿ ತೀರ್ಮಾನ್ ಕರಿಲಿದೊ. 
\v 26 ಈಜಿಪ್ಟ್‌ನು ಅಖ್ಖಿ ಧನ್‌ದೌಲತ್‌ಥೀಬಿ ಕ್ರಿಸ್ತನಖ್ಹಾಜೆ ಹುವಾಸ್ತೆ ಚಿಂಘಾವ್ಣೀಸ್ ಮೋಟಿ ಭಾಗ್ಯಕರಿ ಮಾನಿಲಿದೊ. ಶನಕತೊ ಖ್ಹಾಮ್ಣೆಆವಾನಿ ಪ್ರತಿಫಲ್‌ಪರ್ ಡೋಳೊ ರಾಖಿಮ್ಹೆಲ್ಯೊಥೊ. 
\v 27 ವಿಶ್ವಾಸ್‌ಥೀಸ್ ಇನೆ ರಾಜಾ಼ನ ಇರಾದನ ಡರ‍್ಯೊಕೊಂತೆ ಈಜಿಪ್ಟ್ ದೇಖ್ಹ್‌ನ ಮ್ಹೇಲಿನ್ ಗಯೊ. ಶನಕತೊ ಇನೆ ದೇಖವಾಳೊ ಕಾಹೆತೆಯಿನ ದೇಖಾನಿಘೋಣಿ ಘಟ್ ದಿಲ್‌ವಾಳೊ ಹುಯೊ. 
\v 28 ಫೈಲೋಟ ಲಡ್ಕಾವ್‍ನ ಸಂಹಾರ್ ಕರಾವಾಳೊ ಧೂತ, ಇಸ್ರಾಯೇಲ್‌ವಾಳನ ಫೈಲೋಟ ಲಡ್ಕಾವ್‍ನ ನಾ ಛೀಮ್ಣುತೆ ಲ್ಹೋಯಿ ಛೀಚ಼ಕರೀನ್ ಪಸ್ಕ ಚ಼ಲಾವನಿತರ ಇನೆ ಕರ‍್ಯೊತೆ ವಿಶ್ವಾಸ್‌ಥೀಸ್. 
\v 29 ವಿಶ್ವಾಸ್‌ಥೀಸ್ ಇಸ್ರಾಯೇಲ್‌ವಾಳು ಲಾಲ್ ದರ‍್ಯಾವ್ನ ಖ್ಹುಕ್ಕಿ ಜ಼ಮೀನ್‌ಪರ್ ಚಾ಼ಲನಿತರ ಉಲಾಂಗ್ಯು. ಈಜಿಪ್ಟ್‌ವಾಳು ಇನ ಉಲಾಂಗನ ಕೋಶಿಶ್ ಕರಿನ್ ಡುಬಿಗಯು. 
\v 30 ವಿಶ್ವಾಸ್‌ಥೀಸ್ ಇವ್ಣೆ ಖ್ಹಾತ್ ದನ್‌ಲಗು ಯೆರಿಕೋ ಖ್ಹಯೇರ‍್ನ ಭೀತ್‌ನ ಫರಾಪರ್ ಯೋ ರಡ್ಕಿಗು. 
\v 31 ವಿಶ್ವಾಸ್‌ಥೂತೆ ಖ್ಹಾಜೆಸ್ ರಾಹಾಬ ಕರಿ ಶೂಳೆನೆ ಚೋ಼ರೇಖ್ಹು ಖಬರ್‌ದ್ಯವಾಳೊ ಸಮಾಧಾನ್‌ಥಿ ಮದತ್‌ಕರಿ ರಾಖಿನ್ ಅವಿಶ್ವಾಸಿನ ಜೋ಼ಡ್ಮ ನಾಶ್ ಕೊಹುಯಿನಿತೆ ಬಚಿಗಯ್. 
\v 32 ಬಿಜೂ಼ಬಿ ಜಾ಼ಖ್ಹತ್ ಶಾತ್ ಬೋಲ್‌ನು? ಗಿದ್ಯೊನ್, ಬಾರಾಕ, ಸಂಸೋನ್, ಯೆಪ್ತಾಹ, ದಾವೀದ, ಸಮುವೇಲ, ಅಜು಼ ಪ್ರವಾದಿಖ್ಹಾರನಿ ಬಾರೇಮ ಬೋಲ್ನುಕತೊ ಮನ ವಖ್ಹತ್ ಕೊಪುರಾನಿ. 
\v 33 ವಿಶ್ವಾಸ್‌ಥೀಸ್ ಇವ್ಣೆ ರಾಜ್ಯಖ್ಹಾರೂಬಿ ಜುತ್ಯು, ನ್ಯಾಯನೀತಿಥಿ ಚ಼ಲಾಯು, ವಾಗ್ದಾನ್ ಖ್ಹಾರೂಬಿ ಲೀಲಿದು, ಶುಂಭಾವ್‌ನ ಮ್ಹೋಡಾನ ಭಾಂಧ್ಯು, 
\v 34 ಆಗ್‍ನಿ ಝ಼ಲ್‌ಪಟೇನ ಉಜಾ಼ಯು; ತಲ್ವಾರ್‌ನ ಮ್ಹೋಡೇಖ್ಹು ಛು಼ಕಿಗಯು; ಲಾಚ಼ರ್ ರ‍್ಹಯುತೋಬಿ,ವಿಶ್ವಾಸ್‌ಥೀಸ್ ಇವ್ಣೆ ತಾಖತ್‌ವಾಳು ಹುಯು, ಜಂಗ್‌ಮ ಮಹಾ ಶಕತ್‌ವಾಳು ಹುಯು, ಅಲಕ್ ದೇಖ್ಹ್‌ನು ದಂಡುದಳವೈನ ನಖ್ಹಾಡಿದಿದು. 
\v 35 ತಯೇಡಖ್ಹಾರಿನೆ ಮರಿಗಯುಥೂತೆ ಇವ್ಣವಾಳನ ಪಾಛು಼ ಜಿವ್‌ತೇಥಿ ಲೀಲಿದಿಯೆ. ಥೋಡ ಜ಼ಣಾನೆ ಖ್ಹತಾಪ್ಣಿ ಪಡಾನಿ ವಖ್ಹ್‌ತೆ ಮಹಾನ್ ಮರಣ್‍ಥಿ ಪಾಛು಼ಜಿವ್ತು ಹುವಾನಿ ಖೂಜ಼್‌ಥಿ ಛುಟ್ಕಾರ್‌ನ ಝಿಟ್ಕಾರ‍್ಯು. 
\v 36 ಬಿಜು಼ ಥೋಡುಜ಼ಣು ಚಿಂಘಾವ್ಣಿ, ಕೊಲ್ಡೇಖ್ಹು, ಬೇಡಿ ಘಲೈನ್ ಜೇಲ್‌ಮ ರ‍್ಹಯು. 
\v 37 ಬಿಜು಼ ಥೋಡಜ಼ಣಾನ ಅದ್ಮಿಖ್ಹಾರು ಬಂಡೊ ಫೇಖಿನ್ ಮಾರ‍್ಯು, ಥೋಡಜ಼ಣಾನ ಚ಼ರಕ್‌ಥಿ ವ್ಹಾಡಿನ್ ಬೇಭಾಗ್‌ ಕರಿನ್‌ ಮಾರ‍್ಯು, ಥೋಡಜ಼ಣಾನ ತಲ್ವಾರ್‌ಥಿ ಮಾರ‍್ಯು, ಥೋಡುಜ಼ಣು, ಖ್ಹತಾಪ್ಣಿ, ಅಜ಼ ಆ ಖ್ಹಾರು ಲ್ಯವಾಳುಹುಯಿನ್, ಬೋಕ್ಡು, ಮೇಂಢಾನ ಚಾ಼ಂಬ್‌ಡಾವ್ನ ಫೇರವಾಳು ಹುಯಿನ್ ವದೇಖ್ಹ್‌ ಕಾಟ್ಯು. 
\v 38 ಅಥ್ರಾನವಾಳಾನ ಆ ಜಗತ್‌ ಬರಬರ‍್ನಿ ಝ಼ಗೊ ಕೊಹುಯಿರ‍್ಹುಥೂನಿ. ಇವ್ಣೆ ಇವ್ಣ ದೇಖ್ಹ್‌ನ ಜ಼ಂಗಳ್‌ಮ, ಪಹಾಡ್, ಘವಿ, ಖಾಡ್‌ಗುಂಟಾಮ ಡುಂಡ್ವಾಳವಾಳು ಹುಯಿರ‍್ಹುಥು. 
\v 39 ಅವ್ಣೆಖ್ಹಾರು ಇವ್ಣಿ ವಿಶ್ವಾಸ್‍ಥಿ ಅಛ್ಛಿ ಸಾಕ್ಷಿನಲ್ಯಾವಳು ಹುಯಿರ‍್ಹುತೋಬಿ ವಾಗ್ದಾನ್ನ ಫಲ್ನ ಲಿದುಕೊಯ್ನಿ. 
\v 40 ಶನಕತೊ ದೇವ್ನೆ ಅಪ್ಣಖ್ಹಾಜೆ ಮಹಾನ್ ಖ್ಹಾಜ್‌ಥಿ ತಯಾರ್ ಕರೀನ್, ಅಪ್ಣಿ ಜೋ಼ಡ್ಮ ತಬ್ನು ವಿಶ್ವಾಸಿಖ್ಹಾರು ಭರ್‌ಪೂರ್‌ ಹೋಣುಕರಿ ನಿರ್ಧಾರ್ ಕರ‍್ಯೊ.
\c 12
\s ದೇವ್ ಅಪ್ಣೊ ಬಾ
\p
\v 1 ಆ ಕಾರಣ್‍ಥಿ ಅತ್ರು ಸಾಕ್ಷಿಯೆವ್ನು ಮೋಟು ಝೂ಼ಂಡ್‌ ವಾದ್‌ಳಾನಿ ಘೋಣಿ ಅಪ್ಣ ಅಶ್‌ಪಿಶ್ ಕೋಂಡಿರಾಖಪರ್ ಅಪ್ಣುನ ಅಟ್‌ಖಟ್ ಕರಾಸ್ತೆ ಅಖ್ಖಾಸ್ ಭೋಜ಼್‌ನಾಬಿ, ಶುಲ್ಬಾಥಿ ವಿಲ್‌ಟೈಜಾ಼ವಾನು ಪಾಪ್ ಜಿನು ಕಾಡಿನಾಖಿ, ವಿಶ್ವಾಸ್ ಪೈದಕರಾವಳೊಬಿ, ಇನ ಪೂರ ಕರಾವಳೊಬಿ ಹುಯಿರ‍್ಹೋತೆ ಯೇಸುಪರ್ ನಜ಼ರ್ ರಾಖಿನ್ ಅಪ್ಣುನ ನೇಮಕ್ ಹುಯಿರ‍್ಹುತೆ ದವಡ್ನ ಖ್ಹಮಾಳಿ ಮಿಲೈಯೇ಼. 
\v 2 ಯೇಸು ಇನಖ್ಹಾಮ್ಣೆ ಮ್ಹೇಲಿರಾಖ್ಯೊತೆ ಖ್ಹುಶಿನಖ್ಹಾಜೆ ಖ್ಹರಮ್‌ನಾಬಿ ಖ್ಹಾಯ್‌ ಕರ‍್ಯೊಕೊಂತೆ ಶಿಲ್‌ಬೇನಿ ಮರಣ್ಣ ಖ್ಹಮಾಳಿನ್, ದೇವ್ನು ಸಿಂಹಾಸನ್ನ ಖಾವಿಬಾಜು಼ಮ ಬೆಠೋಸ್. 
\v 3 ತುಮೆ ದಿಲ್‌ಹೇಟು ನಾ ಕರಾವಾಳ ಹುಯಿನ್ ಬೇಜಾರ್ ನಾಖಾವ್ಣುತೆ ಯೇಸುನಿ ಬಾರೇಮ ಸೋಚಿದೇಖೊ. ಯೊ ಪಾಪಿಯೇವ್ ಖ್ಹಾರಾಥಿ ಕೆತ್ರೇಕ್ಕಿ ವಿರೋದ್ನ ಖ್ಹಮಾಳಿಲಿದೊ. 
\v 4 ತುಮೆ ಪಾಪ್ನ ವಿರೋದ್ನ ಲಡಾಮ ಲ್ಹೋಯಿನ ರಂಚಾ಼ಯೆತ್ರೆ ಲಡ್ಯಾಕೊಯ್ನಿನಿ. 
\v 5 ಲಡ್ಕಾವ್‍ನ ಬೋಲಾನಿತರ ತುಮುನ ಬೋಲಿನ್ ಹುಮ್ಮಖ್ಹ್‌ನಿ ವಾತೆವ್‌ನ ಭೈಕಿಗಯಕಿಶು? ಯೊ ಶಾತ್‌ಕತೊ ಮಾರ ಛಿಯ್ಯಾ ಪ್ರಭುನಿ ನಿಶತ್ ಝಿಟ್ಕಾರ್‌ ನಕೊ. ಯೊ ತುನ ಗುರ್‌ಕಾವನಿ ವಖ್ಹ್‌ತೆ ಬೇಜಾರ್ ನಕೊಕರ್. 
\v 6 ಶನಕತೊ ಪ್ರಭು ಕಿನಕಿನ ಪ್ಯಾರ್ ಕರಾಸ್ಕಿ ಇವ್ಣುನ ನಿಶತ್‌ ದೇಸ್. ಇನೊ ಛಿಯ್ಯಾನಿಘೋಣಿ ಸ್ವೀಕಾರ್ ಕರಸ್ತೆ ಹರೇಕ್‌ನಾಬಿ ದಾಬುಕ್ ದೇಸ್‌ಕರಿ ಛಾ಼.\x - \xo 12:6 \xo*\xt ಜ್ಞಾನೋಕ್ತಿ 3:11-12\xt*\x* 
\v 7 ತುಮೆ ಅಛ್ಛಿನಿತರ ರ‍್ಹವಾನ ಖ್ಹಾಜೆಸ್ ನಿಶತ್ನ ಖ್ಹಮಾಳಿ ರ‍್ಹವೊ. ದೇವ್ ತುಮುನ ಲಡ್ಕಾಕರಿ ಚ಼ಲಾವಸ್. ಶನಕತೊ ಬಾಥಿ ಮಾರ್ ಕೊಖಾಯ್ನಿತೆ ಛಿಯ್ಯೊ ಕಿಜ್ಜಾ಼ ಛಾ಼? 
\v 8 ಅಖ್ಖಾಸ್‌ಜ಼ಣನ ಹೋಣುತೆ ನಿಶತ್‌ಮ ಭಾಗ್‌ಲ್ಯವಾಳ ನಾಹುಯುತೊ ತುಮೆ ವ್ಯಬಿಚಾರ್‌ಥಿ ಪೈದಾಹುಯ ಪಣ್ಕಿ ಇನ ಲಡ್ಕಕಾಹೆ. 
\v 9 ಆಸ್ ಕಾಹೆತೆ ಅಪ್ಣುನ ದಾಬುಕ್ ದಿದಾತೆ ಲೋಕಾನ ಆಯಬಾನ ಅಪ್ಣೆ ಮರ್ಯಾದಿ ದಿಯೇಸ್ನಿ. ಇಮ್ಮಸ್ ಅಪ್ಣ ಆತ್ಮವ್‌ನ ಬಾ ಹುಯಿರ‍್ಹವಾಳನ ಅಪ್ಣೆ ಬಿಜೂ಼ಬಿ ಜಾ಼ಖ್ಹತ್ ಅಧೀನ್‌ಹುಯಿನ್ ಬಚಿನಾರ‍್ಹೇವ್ಣು ಕಿಶು? 
\v 10 ಅಪ್ಣ ಲೋಕಾನು ಬಾಯಿವ್ಣೆ ಇವ್ಣ ದಿಲ್ಮ ಬರಬರ್ ದೆಖಾವಸ್ತೆ ಇಮ್‌ ಥೋಡ ದನ್ ಅಪ್ಣುನ ದಾಬುಕ್ ದಿದು. ಕತೋಬಿ ದೇವ್ನೆ ಇನಿ ಪರಿಶುದ್‌ಮ ಅಪ್ಣೆ ಭಾಗ್‌ವಾಳ ಹುಯಿರ‍್ಹೇವ್ಣುಕರಿ ಅಪ್ಣ ಅಛ್ಛಾ಼ನ ಖ್ಹಾಜೆಸ್ ದಾಬುಕ್ ದೇಸ್. 
\v 11 ಖಿವು ನಿಶತ್‌ಬಿ ಯೊ ವಖ್ಹತ್‌ಮ ಖ್ಹುಶಿಥಿ ದೆಖಾವಕೊಂತೆ ದುಖ್‌ನಿಘೋಣಿಸ್ ದೆಖಾವಸ್. ಕತೋಬಿ ಅಛ್ಛಿನಿತರ ರ‍್ಹವಾನ ರುಡಿರಾಖವಳು, ಖ್ಹಾಮ್ಣೆ ಸಮಾಧಾನ್ ರ‍್ಹವಾನು ನ್ಯಾಯನು ಫಲ್ನ ಲೇಸ್.
\s ಝೇತಾವ್ಣಿ ಅಜು಼ ಖ್ಹೂಜ಼್
\p
\v 12 ಇನಖ್ಹಾಜೆ ಝೂ಼ಟ ಪಡಿಜಾ಼ವನ ಹಾತ್ನ ಕಾಪಾಸ್ತೆ ಗುಡ್‌ಘ್ಯವ್‌ನ ತಾಖತ್ ಕರ್ಲೆವೊ. 
\v 13 ತುಮೆ ಚಾ಼ಲಾನಿ ವಾಟ್ನ ಖ್ಹತ್ತಡ್‍ ಕರಿಲೆವೊ. ತದೆ ಲಂಗ್ಡಾವ್ನೊ ಗೋಡೊ ಮಚ಼ಕ್ಷೆಕೊಂತೆ ಅಛ್ಛುಉಷೆ. 
\v 14 ಅಖ್ಖಾನಿ ಜೋ಼ಡ್ಮ ಸಮಾಧಾನ್‌ಥೀಬಿ ಜಿವ್ಣುಕರಾನ ಅಜು಼ ಸಮಾಧಾನ್‌ಥಿ ರ‍್ಹವಾನ ಕೋಶಿಶ್ ಕರೊ. ಪರಿಶುದ್ಧಕೊಂತೆ ಕೋಣ್‌ಬಿ ಪ್ರಭುನ ದೇಖಾನ ಕೊಹೊಯ್ನಿ. 
\v 15 ತುಮಾರಮ ಕೋಣ್‌ಬಿ ದೇವ್ನಿ ವಾರ್‌ಖ್ಹೇಥಿ ಛು಼ಕಿನ್ ನಾಜಾ಼ವ್ಣುತೇಬಿ, ಖಿವು ಕಡಿಹುಯಿರೀತೆ ಜ಼ಡ್‌ ಕುಡಿಪಾಡಿನ್ ಅಸಮಧಾನ್‌ ಕರೀನ್ ಕೈಏಕ್ ಜ಼ಣಾನ ಮೈಲು ನಾಕರ‍್ನುತೆ ದೇಖಿಲೆವೊ. 
\v 16 ಖಿವು ಪಾಪೇಲು ರ‍್ಹವೊ, ಕೋಣ್‌ಬಿ ಏಸಾವನಿತರಾನೊ ಲೋಕ್‍ವಾಳನಿತರ ರ‍್ಹವೊ ಧರಮ್‌ಮೀರಿನ್ ಚಾ಼ಲವಾಳು ತುಮಾರಮ ನಾರ‍್ಹೇವ್ಣುತೆ ಜ಼ತನ್‌ಥಿ ರ‍್ಹವೊ. ಯೊ ಏಸಾವನೆ ಏಕ್‌ ವಖ್ಹತ್‌ನ ಖಾಣಾನಖ್ಹಾಜೆ ಇನಿ ಪೈಲ್ಹೊಟಾನಿ ಹಕ್ನ ವೇಚಿನಾಖ್ಯೊ. 
\v 17 ಯೊ ಹುವಾದಿನ್ ಇನಿ ಬಾನಿ ಆಶೀರ್ವಾದ್‌ ಲೇವ್ಣುಕರಿ ಡೋಳಾನು ಆಂಝು಼ ನಾಕ್ತೊಹುಯಿನ್ ಬಿಂತಿಕರ‍್ಯೊತೊಬಿ, ಇನೆ ಕರ‍್ಯೊತೆ ಇನ ಬದ್ಲಾವನ ಇನ ಕೊಹುಯುನಿ. 
\v 18 ತುಮೆ ಇಸ್ರಾಯೇಲ್‌ವಾಳನಿತರ ಆಯಾತೆ ತಿಮ್ ಹಿಜ್ಜಾ಼ ಆಗ್ ಲಾಗುಕರ್ತುಥು. ವಾದ್‍ಳಾನ ಮಬ್‌ಥಿ ಅಂಧಾರಥಿಬಿ ಮಹಿಚೂ಼ಪಿ ರಾಥ್ಥಿ ಕೋಂಡೈರ‍್ಹೂಥು. ಮೂಚಿರಾಖ್ಯುಥು ಅಪಟ್‌ಝ಼ಪಟ್‌ನೊ ವಹಿರೊಛಾ಼ತೆ ಪಹಾಡ್‌ಕನ ಆಯುಕೊಯ್ನಿ. 
\v 19 ತುತ್ತೂರಿನು ಅವಾಜ಼್ ವಾತೆನಿ ಅವಾಜ಼್‌ಕನ ಕರಿ ಕಾಹೆ ಆಯಿರ‍್ಹಾತೆ. ಯೋ ಅವಾಜ಼್ ಇವ್ಣಿಜೋ಼ಡ್ಮ ಬೋಲನುಸ್ ನಕೊಕರಿ ಗಿಂಗೈಲಿದು. 
\v 20 ಶನಕತೊ ಆ ಪಹಾಡ್‌ನ ಛೀಮಾವಾಳು ಕೋಣ್ಬಿರ‍್ಹವೊ ಖಿವು “ಜಾನ್ವರ್‌ಬಿ ರ‍್ಹವೊ ಇನ ಬಂಡೊ ಫೇಕಿನ್ ಮಾರಿನಾಕ್ಣು” ಕರಿ ನಿಯಮ್ನ ಇವ್ಣೆ ಖ್ಹಮಾಳ್ಯು ಕೊಯ್ನಿ. 
\v 21 ಅತ್ರೇಸ್ ಕಾಹೆತೆ ಅನ ದೇಖಾನು ಜಾ಼ಖ್ಹತ್ ಭಯಂಕರ್‌ಥೂತೆ ಖ್ಹಾಜೆ ಮೋಶೇನೆ ಮೇ ಡರಿನ್ ಕಾಪುಕರೂಸ್ ಕರಿ ಬೋಲ್ಯೊ. 
\v 22 ಕತೋಬಿ ತುಮೆ ಚೀಯೋನ್ ಪರ್ಭತ್‌ಕನ ಅಜು಼ ಜಿವ್ತಜಾನ್ನ ದೇವ್ನ ನಂಗರ್ ಹುಯಿರುತೆ ಸೊರ್ಗಾನ ಯೆರೂಸಲೇಮ್‌ನ, ಜ಼ತ್ರಾಮ ಭರೈರುತೆ ಲಾಖೋಲಾಕ್ ದೇವ್ನ ದೂತರ್‌ಕನಾಬಿ, 
\v 23 ಪರ್‌ಲೋಕ್‌ಮ ನಾಮ್ ಲೀಖೈರಾಖ್ಯಹುಯ ಪಹಿಲೋಟ ಲಡ್ಕಾನಿ ಸಬೇನಾಬಿ, ಅಖ್ಖಾನ ನ್ಯಾವ್‍ಣೊ ಹುಯಿರೋತೆ ದೇವ್‌ಕನಾಬಿ ಪೂರ ಹುಯಿರೋತೆ ನೀತಿವಾಳಾನ ಆತ್ಮಕನಾಬಿ ಐರ‍್ಹಾಸ್. 
\v 24 ನವ ಒಪ್ಪಂದಾನ ಇಚ಼್‌ಮ ರ‍್ಹವಾಳೊ ಯೇಸುಕನಬಿ ಹೇಬೆಲನ ಲ್ಹೋಯಿಥೀಬಿ ಮಹಾನ್ ವಾತೆ ಬೋಲಾಸ್ತೆ ಛಿಡ್‌ಕಾಯುತೆ ಲ್ಹೋಯಿಕನಾಬಿ ಐರ‍್ಹಾಸ್. 
\v 25 ವಾತೆ ಬೋಲುಕರಾತೆಯಿನ ಝಿಟ್ಕಾರ‍್ನುನಾತೆ ತಿಮ್ ದೇಖಿಲೆವೊ ಶನಕತೊ ಜ಼ಮೀನ್‌ಪರ್ ದೇವ್ನಿ ವಚನ್ ಬೋಲ್ಯಹುಯಾನ ಝಿಟ್ಕಾರವಾಳು ನಿಶತ್ನ ಛುಕಿಜಾ಼ವನ ನಾಹುಯುಕತೊ, ಸೊರ್ಗಾಥು ವಾತೆ ಬೋಲಾವಳನ ಮ್ಹೇಲಿನ್ ಅಪ್ಣೆ ದೂರ್ ಗಯಾತೊ ನಿಶಥ್ಥಿ ಕಿಮ್ ಛು಼ಕ್‍ಶು? 
\v 26 ಇನು ಅವಾಜ಼್ ತದೆ ಜ಼ಮೀನ್ನ ಹಲಾಯು. ಹಮ್ಕೆ ತೋಬಿ ಯೊ ಬಿಜು಼ ಎಕ್ಕಸ್ ಹಲ್ಲ ಮೇ ಖಲಿ ಜ಼ಮೀನ್ನ ಕಾಹೆತೆ ಆಬ್‌ಮಾಬಿ ಕಪಾಡುಸ್‌ಕರಿ ವಾಗ್ದಾನ್ ಬೋಲಿರಾಖ್ಯೊಸ್.\x - \xo 12:26 \xo*\xt ಹಗ್ಗಾಯ 2:6\xt*\x* 
\v 27 ಬಿಜು಼ ಎಕ್ಕಸ್‍ಹಲ್ಲ ಕರಿ ಆ ವಾತ್ನ ಸೋಚ್ಯುತೊ ಬಚಾ಼ಡಾನು ಜಿನಖ್ಹ್‌ಖ್ಹಾರು ಉಬ್‌ಜೈರ‍್ಹೂಸ್ತೆ ಖ್ಹಾಜೇಥಿ ಕಡೈನಖೈಜಾಶೆಕರಿ ಬೋಲಾನು ದೆಖಾವಸ್. ತದೆ ಬಚಾ಼ಡಕೊಂತೆ ಛಾ಼ತೆ ಜಿನಖ್ಹ್‌ಖ್ಹಾರು ಘಟ್‍ಥಿ ಭೀರ‍್ಹಿಷೆ. 
\v 28 ಇನಖ್ಹಾಜೆ ಕೋಣ್ ಖ್ಹರ್ಕಾವನ ಕೊಹುವಾನಿತೆ ರಾಜ್ಯನ ಲೀಲಾವವಾಳ ಹುಯಿರ‍್ಹಾತೆ ಅಪ್ಣೆ ಧನ್ಯವಾದ್ ಕರಾವಾಳ ಹುಯಿನ್ ದೇವ್ನ ಬರಬರ‍್ನಿ ಆರಾದನೆಬಿ ಭಕ್ತಿಥೀಬಿ ಅಜು಼ ಡರ್‌ಥೀಬಿ ಕರಿಯೆ. 
\v 29 ಶನಕತೊ “ಅಪ್ಣೊ ದೇವ್ ಭುಂಜಾ಼ವತೆ ಆಗ್ ಹುಯಿರ‍್ಹೋಸ್”.
\c 13
\s ದೇವ್ನ ಲ್ಹಾಯಕ್ ಕರಾವನು ಕಿಮ್
\p
\v 1 ಕೆದೇಬಿ ವಿಶ್ವಾಸಿ ಭೈಯೇ ಭೇನೆವ್‌ನ ಪ್ಯಾರ್ ವತಾಳೊ. 
\v 2 ಮ್ಹೇಮಾನ್ನ ಉಪ್‌ಚಾರ್‌ ಕರಾಮ ಝಿಟ್ಕಾರೊ ನಕೊ. ಶನಕತೊ ಯೊ ಕರಾಮ ಥೋಡುಜ಼ಣು ಮಾಲುಮ್‌ಕೊಂತೆ ದೇವ್ನ ದೂತರ್‌ನಾಬಿ ಉಪ್‌ಚಾರ್‌ ಕರುಕರಸ್. 
\v 3 ಜೇಲ್‌ಮ ರ‍್ಹವಾಳನ ಜೋ಼ಡ್ಮ ತುಮೇಬಿ ಜೇಲ್ ಜೋಡ್ಮರ‍್ಯವಾಳ ಕರಿ ಮಾಲುಮ್‌ ಕರೀನ್ ಇವ್ಣ ಶರೀರ್‌ನ ಹುಯೂತೆ ಖ್ಹತಾಪ್ಣಿ ತುಮುನಾಬಿ ಹುಯುಕರಿ ಲಹಿನ್ ಇವ್ಣುನ ಖ್ಹಯಾಲ್ ಕರಿಲೆವೊ. 
\v 4 ಅಖ್ಖುಜ಼ಣು ವ್ಯಹಾನ ಮರ್ಯಾದಿನುಕರಿ ಗಣ್ತಿಕರ‍್ನು ಅಜು಼ ಬಾವಣ್‍ ಬಾವ್ರಿ ಏಕ್‌ಥಿಏಕ್ ವಿಶ್ವಾಸ್ಮ ರ‍್ಹೇವ್ಣು. ಶನಕತೊ ಪಾಪೇಲವ್ನಬಿ ಅಜು಼ ವ್ಯಬಿಚಾರಿಯೇವ್ನಾಬಿ ದೇವ್ ನ್ಯಾವ್‌ಫೇಡಾವ್‌ಷೆ. 
\v 5 ಪೈಶಾನಿಪ್ಯಾರ್‌ಥಿ ದೂರ್ ರ‍್ಹವೊ ತುಮುನ ಛಾ಼ತೆ ಇನಾಮ ಹಕ್ಲಾಲ್‌ ಕರೊ. “ಮೆ ತುಮುನ ಕೆದೇಬಿ ಹಾತ್ ಕೊಮ್ಹೇಲಿಶ್‌ನಿ. ಕೆದೇಬಿ ದೂರ್ ಕರೀಶ್ ಕೊಯ್ನಿ” ಕರಿ ದೇವ್ನೆಸ್ ಬೋಲಿರಾಖ್ಯೊಸ್.\x - \xo 13:5 \xo*\xt ಧರ್ಮೊ 31:6\xt*\x* 
\v 6 ಇನಖ್ಹಾಜೆ ಪ್ರಭು ಮನ ಮದತ್ ಕರಾವಾಳೊ ಮೇ ಡರಿಶ್ ಕೊಯ್ನಿ. ಅದ್ಮಿ ಮನ ಶಾತ್‌ ಕರಾನ ಉಷೆ? ಕರಿ ಹಮೆ ಭಾಲಿಥಿ ಬೋಲಿಲಿಶು.\x - \xo 13:6 \xo*\xt ಕೀರ್ತನೆ 118:6\xt*\x* 
\v 7 ತುನ ಕೋಣ್ ದೇವ್ನಿ ವಚನ್ನ ಭೋದನ್ ಕರಸ್ಕಿ ಯೊ ತುಮಾರ ಸಬೆನ ಮೋಟಾವ್ನ ಖ್ಹಯಾಲ್ ಕರಿಲೆವೊ. ಅಜು಼ ಜಿವ್ಣನ ಖ್ಹರ್ತಿಲಗು ಖಿವಿ ಪರಕ್ಮ ಚಾ಼ಲಿಲಿದುಕರಿ ಖ್ಹಯಾಲ್ ಕರೀನ್ ಇವ್ಣ ವಿಶ್ವಾಸ್ ಪಾಡಿಚಾ಼ಲೊ. 
\v 8 ಕ್ರಿಸ್ತ ಯೇಸು ಗಯೋತೆ ದನ್ನೆ ಕಿಮ್‌ಥೋಕಿ ಹಮ್ಕೆಬಿ, ಕದೆಕದೇಬಿ, ಎಕ್ಕಸ್‌ಥರ ರ‍್ಹವಾಳೊ. 
\v 9 ಹರೇಕ್ ಥರಾನು ಅಲಕ್ ಅಲಕ್ ಜ಼ಣಾನಿ ವಾತ್ಮ ಖ್ಹಪ್‌ಡಿನಾಜಾ಼ವ್ಣುತೆ ಬರಬರ‍್ನಿ ವಾಟ್ಮಚಾ಼ಲೊ. ಶನಕತೊ ದೇವ್ನಿ ವಾರ್‌ಖ್ಹೇಥಿ ದಿಲ್ನ ಘಟ್ ಕರಿಲ್ಯಾವನು ಅಛ್ಛು಼. ಖಾಣಾನಿ ಜಿನಖ್ಹ್‌ನಿ ಬಾರೇನು ನಿಯಮ್‌ಖ್ಹಾರು ಪಾಡಿ ಚಾ಼ಲವಾಳಥಿ ಶನು ಫಾಯಿದೊಬಿ ಕೊಹುವಾನಿ. 
\v 10 ಯಹೂದಿ ಯಾಜಕ್ ಸೇವೆ ಕರಾನ ಡೇರಾಮ ಚಾ಼ಕ್ರಿ ಕರವಾಳನ ಚಾ಼ಚ಼ರ್‌ನ ಜಿನಖ್ಹ್‌ನ ಖಾವಾನು ಹಕ್‌ ಕೊಯ್ನಿ. 
\v 11 ಮಹಾಯಾಜಕ್ ದೋಷ್‌ ಪರಿಹಾರ್ ಕರಾಸ್ತೆ ಬಲೀನ ಜಾನ್ವರ್‌ನ ಲ್ಹೋಯಿನ ಪಾಡಿಲಿನ್ ಪವಿತ್ರಝ಼ಗೋನ ಮಹಿ ಜಾ಼ಸ್‌. ಕತೋಬಿ ಯೋ ಜಾನ್ವರ್‌ನು ಶರೀರ್‌ಖ್ಹಾರು ಟಾಂಡಾನ ಭಾರ್‌ ಬಾಳಿನಾಖಸ್ನಿ. 
\v 12 ಇನಖ್ಹಾಜೆ ಯೇಸುಬಿ ಜಿನು ಶೊಂತ್‌ ಲ್ಹೋಯಿಥಿ ಇನ ಅದ್ಮಿಯೇವ್‍ನ ಪಾಕ್‌ ಕರಾನಖ್ಹಾಜೆ ಖ್ಹಯೇರ‍್ನ ಭಾರ್‌ ಮರ‍್ಯೊ. 
\v 13 ಇಮ್ಮಸ್ ಟಾಂಡಾನ ಭಾರ್‌ ಕಾಡಿನ್, ಖ್ಹರಮ್‌ ಕಾಡ್ಯುತೆ ಇನಾಮ ಅಪ್ಣೇಬಿ ಭಾಗ್‌ಲ್ಯವಾಳ ಹುಯಿರ‍್ಹಿಯೆ. 
\v 14 ಶನಕತೊ ಆ ಜಗತ್‌ಮ ಹರ್‌ಹಮೇಶಾನು ಖ್ಹಯೇರ್ ಅಪ್ಣುನ ಕೊಯ್ನಿ. ಆವ್‌ಶೇತೆ ನಂಗರ‍್ನ ಮ್ಹೋರೆ ದೇಕ್ತ ಟಿವೈರ‍್ಹಾಸ್. 
\v 15 ಇನಖ್ಹಾಜೆ ಯೇಸುಥೀಸ್ ಧನ್ಯವಾದ್‍ನಿ ಬಲೀನ ದೇವ್ನ ಲಗತ್ತರಸ್‌ ಸಮರ್ಪಣ್‌ ಕರಿಯೆ. ಇನ ಅಪ್ಣೆ ಪ್ರಭುಕರಿ ನಾಮ್ನ ನಂಬಿನ್ ಮ್ಹೋಡೇಖ್ಹು ಹರ್‌ಕೆ ಕರಿಯೆತೆಸ್ ಅಪ್ಣೆ ಅರ್ಪಣ್ ಕರಾನು ಬಲಿಹುಯಿರ‍್ಹುಸ್. 
\v 16 ಆ ನಾಹುಯಿನ್ ಬಿಜೇಕ್‌ನ ಮಳಿನ್ ಅಛ್ಛುಕರಾನ ನಾ ಬೈಕ್‌ಣುತೆ ಮದತ್ ಕರೊ, ಆ ಅಖ್ಖು ದೇವ್ನ ಲ್ಹಾಯಕ್ ಹುವಾನು ಬಲಿಖ್ಹಾರು. 
\v 17 ತುಮಾರು ಸಬೆನ ಮೋಟಾವ್ನಿ ವಾತೆನ ಖ್ಹಮ್‌ಜೊ಼, ಇವ್ಣ ದಾಬುಕ್ಮ ರ‍್ಹವೊ. ಇವ್ಣೆ ಗಣ್ತಿ ದೇವ್ಣುತೆ ಖ್ಹಾಜೇಥಿ ತುಮಾರ ಆತ್ಮವ್‌ನ ಕಾವ್ಲಿ ಕರಾವಾಳ ಹುಯಿರ‍್ಹಾಸ್. ಇವ್ಣೆ ದುಖ್ ನಾಕರ‍್ನುತೆ ಖ್ಹುಶಿಥಿ ಅನ ಕರಾನಿಘೋಣಿ ಚಾ಼ಲಿಲೆವೊ. ಶನಕತೊ ಇವ್ಣೆ ದಿಲ್‌ ದುಖ್‌ಕರೀನ್ ಕರಾನಿ ಸೇವೇಥಿ ತುಮುನ ಫಾಯಿದೊ ಹುವಾನುಕಾಹೆ. 
\v 18 ಹಮಾರ ಖ್ಹಾಜೆ ಪ್ರಾರ್ಥನೆ ಕರೊ. ಅಪ್ಣೆ ಹರೇಕ್ ವಿಚಾರ್‌ಮ ಅಛ಼್ಛ ಹುಯಿನ್ ಚಾ಼ಲಿಲೇವ್ಣುಕರಿ ಸೋಚಿಯೆ. ಶನಕತೊ ಹಮೆ ಅಖ್ಖಿವೇಳ್ಮ ದಿಲ್ನಿಸಾಕ್ಷಿನ ಲೀರಾಖ್ಯಸ್‌ಕರಿ ಮಾನಿರಾಖ್ಯಸ್. 
\v 19 ಅಜು಼ ಮೇ ಘಣಿ ಜ಼ಲ್ದೀಮ ತುಮಾರಕನ ಪಾಛು಼ ಆವಾನಿತರ ತುಮೆ ಪ್ರಾರ್ಥನೆ ಕರ್ನುಕರಿ ಮೇ ತುಮುನ ಜಾ಼ಖ್ಹತ್ ಗಿಂಗೈಲೆವುಸ್.
\s ಖ್ಹರ್ತಿನಿ ಪ್ರಾರ್ಥನೆ
\p
\v 20 ಸಮಾಧಾನ್ನೊ ದೇವ್, ಅಪ್ಣೊ ಪ್ರಭು ಯೇಸುನ ಹಮೇಶಾನ ಒಪ್ಪಂದಾನ ಲ್ಹೋಯಿಥಿ ಮರ‍್ಯಹುಯಮಾಥು ಉಠಾಡ್ಯೊ, ಯೊ ಮೇಂಢಾನ ಮಂಧಾನ ಚ಼ಲಾವವಾಳೊ ಮಹಾ ಪಾಳಂಧಾರ್‌ ಹುಯಿರ‍್ಹೊಸ್. 
\v 21 ತುಮೆ ಇನಿ ಮರ್ಜಿನ ಚ಼ಲಾವನಿತರ ಹರೇಕ್ ಅಛ್ಛಿ ಫಣೈಮಾಬಿ ಭರ್‌ಪೂರ್‌ ಕರಾದೆ, ಯೊ ಅಪ್ಣ ಬೀಚ್ಮ ಯೇಸು ಕ್ರಿಸ್ತಥಿ ಇನ ನಜ಼ರ‍್ಮ ಪಸಂದ್ ಹುವಾನಿತರ ಕಾಮ್ ಕರಸ್ ಇನ ಜ಼ಗ್‌ಜ಼ಮಾನಮಾಬಿ ಮಹಿಮೆ ಹುವಾದೆ! ಇಮ್ಮಸ್ ಹುವಾದೆ. ಆಮೆನ್.
\s ಖ್ಹರ್ತಿನು ವಚನ್‌ಖ್ಹಾರು
\p
\v 22 ಭೈಯೇ ಭೇನೇವೊ ಆ ಅಕ್ಕಲ್‌ನಿ ವಾತೇನ ಖ್ಹಮಾಳಿ ರ‍್ಹೇವ್ಣುಕರಿ ಹುಮ್ಮಖ್ಹ್‌ ದ್ಯವಾನ ತುಮುನ ಗಿಂಗೈಲೆವುಕರುಸ್. ಶನಕತೊ ತುಮುನ ಲೀಖಾಯುತೆ ಆ ಚಿಟ್ಟಿ ಘಣು ಕೊಯ್ನಿ. 
\v 23 ಅಪ್ಣೊ ಭೈಹುಯಿರ‍್ಹೊತೆ ತಿಮೊಥೆನಾಬಿ ಜೇಲ್‌ಮಾಥು ಛುಟ್ಕಾರ್ ಹುಯುಕರಿ ತುಮುನ ಮಾಲುಮ್ ರ‍್ಹವಾದೆ. ಯೋ ಒಗ್ಗಿಮ ಆಯೋತೊ ಮೇ ಇನಜೋ಼ಡೆ ಐನ್ ತುಮುನ ದೇಖಿಶ್‌. 
\v 24 ತುಮಾರ ಅಖ್ಖಾಸ್ ಸಬೇನಿ ಮೋಟಾವ್ನ ಅಜು಼ ಪವಿತ್ರ ದೇವ್ನ ಅದ್ಮಿವ್‌ನಾಬಿ ಖ್ಹಲಾಮ್ ಬೋಲೊ. ಇಟಲಿ ದೇಖ್ಹ್‌ನು ಬೇನೆ ಭೈಯೇಬಿ ಇವ್ಣೇಬಿ ತುಮುನ ಖ್ಹಲಾಮ್ ಬೋಲಸ್. 
\v 25 ದೇವ್ನು ವಾರ್‌ಖ್ಹೊ ತುಮಾರ ಅಖ್ಖಾನಿ ಜೋ಼ಡ್ಮ ರ‍್ಹವಾದೆ.ಆಮೆನ್.