\id ACT - WAGHRI
\ide UTF-8
\h ಅಪೊಸ್ತಲರ‍್ನು ಕಾಮ್‌ಖ್ಹಾರು
\toc3 ಅಪೊ
\toc2 ಅಪೊ
\toc1 ಅಪೊಸ್ತಲರ್‌ನು ಕಾಮ್‌ಖ್ಹಾರು
\mt2 ಅಪೊಸ್ತಲರ ಕೃತ್ಯಗಳು
\mt1 ಅಪೊಸ್ತಲರ‍್ನು ಕಾಮ್‌ಖ್ಹಾರು
\imt ಮಾಲುಮ್ ಕರಾನು
\ip ಅಪೊಸ್ತಲರ‍್ನು ಕಾಮ್ನು ಪುಸ್ತಕ್, ಖಿವಿ ಪರಕ್ಮ ಶುರುಹುಯು ಅಜು಼ ಸಭೆ ಖಿವಿಪರಕ್ಮ ಯೆರೂಸಲೇಮ್‍ಥು ಯುದಾಯ, ಸಮಾರ್ಯ, ಅಜು಼ ಇನ ಅಖ್ಖಿ ಬಾಜು಼ಮ ಫೈಲಾಯು ಕರಿಬೋಲಾನು ಖ್ಹಾಚಿ ಘಟನೆ ಅನಾಮ ಲಿಖೈರ‍್ಹುಸ್. ಯೇಸು ಪರಲೋಕ್‌ನ ಜಾ಼ವಾನ ಅಗ್ಗಳ್ ಬೊಲ್ಯೋತೆ ಪರಕ್ಮ\xt 1:8\xt*. ಆ ಪುಸ್ತಕ್ನ ಲೂಕನೆ ಲೀಖಿರಾಖ್ಯೊಸ್ ಅಜು಼ ಯೋ ಏಕ್‌ ವೈದ್ಯ ಹುಯಿರ‍್ಹೋಥೊ, ಅಜು಼ ಯೋ ಘಣು ಹೊಷಾರ್‌ಥಿ ದಪ್ತರ್‌ನ ಮ್ಹೆಲಿರಾಖ್ಯೊಸ್. ಲೂಕನೆ ಆ ಬೇ ಪುಸ್ತಕಹುಯಿರ‍್ಹುತೆ ಅಪೊಸ್ತಲನು ಕಾಮ್‌ಖ್ಹಾರು ಅಜು಼ ಲೂಕನಿ ಸುವಾರ್ತೆನ ಗ್ರೀಕ್‍ವಾಳೊ ಹುಯಿರೋತೆ ಥಿಯೊಫಿಲನ ಬೋಲಾನಿತರ ಲೀಖಿರಾಖ್ಯೊಸ್. ಆ ಪುಸ್ತಕಖ್ಹಾರು ಬೋಲ್ನುಕತೊ ಕ್ರಿಸ್ತನ ಖೂಮ್‍ವಾಳನ ಅಜು಼ ಗ್ರೀಕ್‍ವಾಳನಾಬಿ, ಯೆಹೂದ್ಯರ್‌ನ ಖ್ಹಾಜೇಬಿ ಲಿಖೈರ‍್ಹುಸ್ \xt 1:1\xt*. ಆ ಪುಸ್ತಕ್ ಯೇಸು ಕ್ರಿಸ್ತ ಪೈದಹುವಾನು 60-64 ವರಖ್ಹ್‌ನ ವಾರ್ ಲಿಖೈರ‍್ಹುಸ್. ಶನಕತೊ ಆ ಪುಸ್ತಕ್ ಪೌಲ ಜೇಲ್‍ಮಾಥೊ ಛುಟ್ಕಾರ್ ಹುಯೋತೆ ಇನ ಅಗಾಡಿಸ್ ಆ ಲೀಖೈನ್‌ ಖ್ಹರ್ತಿ ಹುಯಿರುಸ್. ಲೂಕಾಬಿ ಜಿನುಕು ಪೌಲನಿ ಜೋ಼ಡೆ ಚಾ಼ಲಿಗಯೋತೆ ತದೆ ಬೋಲ್ನುಕತೊ ಆ ಅಪೊಸ್ತಲರ‍್ನು ಕಾಮ್ನ ಆ ಪುಸ್ತಕನ ಅಂತಿಯೋಕ್ಯ ಖ್ಹಯೇರ್‌ಮ ಲೀಖಿರಾಖ್ಯೊಸ್. ಅಪೊಸ್ತಲರ‍್ನು ಪುಸ್ತಕ್ ಲೂಕಾನೆ ಲೀಖ್ಯೋತೆ ಸುವಾರ್ತೆನು ಪುಸ್ತಕಾನು ಶುರುವಾತ್‌ ಹುಯಿರ‍್ಹುಸ್. ಶನಕತೊ ಆ ಪುಸ್ತಕ್ ಯೇಸು ಪರಲೋಕ್‌ನ ಜಾ಼ವಾನು ವಾತೇಥಿ ಶುರುವಾತ್ ಹುಯಿರ‍್ಹುಸ್. ಲೂಕನೆ ಅನ ಲೀಖ್ಯೋತೆ ಸುವಾರ್ತೆನು ಪುಸ್ತಕ್‍ಬಿ ಲಿಖ್ಯೋತೆ ಉದ್ದೇಶ್ ಆ ಪುಸ್ತಕ್‌ಮ ಎಕ್ಕಸ್ ಹುಯಿರುಸ್, ಅಜು಼ ಥಿಯೋಫಿಲನಾಬಿ ಭಡುಕರಾತೆ ವಿಶ್ವಾಸಿಯೋನ ಶಿಕಾಡ್ಯೊತೆ ಬಾರೇಮ ಅಜು಼ ಕಿಮ್ ಜಿವ್ಣು ಕರ್ನುಕರಿ ಬೋಲಾನು, ಯೋ ಕ್ರಿಸ್ತನು ಸಿದ್ದಾಂತ ಕಿಮ್ ಫೈಲಾಯುಕರಿ ಬೋಲಾನು ಬೋಲಿವತಾಳಾನ ಖ್ಹಾಜೆ ಲೀಖಿರಾಖ್ಯೊಸ್. ಅಪೊಸ್ತಲನು ಕಾಮ್ನು ಪುಸ್ತಕ್ ಪಹಿಲಿ ಸಬೇನು ಉದಾಹರಣೆ ದೇಸ್. ಅಜು಼ ಖಿವಿ ಪರಕ್ಮ ಯೇಸುನ ಉಪ್ಪರ್ ಕಿಮ್ ವಿಶ್ವಾಸ್ ರಾಖವಾಳು ಕಿಮ್ ಜಿವ್ಣು ಕರ್ನುಕರಿ, ಅಜು಼ ಅಪೊಸ್ತಲರ‍್ನು ಉದಾಹರಣೆ ಅಪ್ಣುನ ಪವಿತ್ರಾತ್ಮನ ಶಕತ್ನ ಉಪ್ಪರ್ ಕಿಮ್ ರಾಖಿರಾಕ್ಣುಕರಿ ಅಜು಼ ಸುವಾರ್ತೆ ಬಿಜ಼ ಅದ್ಮಿವೋನ ಕಿಮ್ ಫೈಲಾವ್ಣು ಕರಿ ವತಾಳಸ್.
\iot ಕಾಡಿದೇಖೊ
\io1 1 ಶುರುಮಾಸ್ ಪವಿತ್ರಾತ್ಮ ಶಿಷ್ಯರ್‌ನ ಉಪ್ಪರ್ ಆವಾತೆ ಅಜು಼ ಸಭೆ ಭಡಾನು ಹುಯಿರುಸ್.\ior 1:1—8:1\ior*
\io1 2 ಇನಕೇಡೆಥು ಸಭೆನ ಖ್ಹತಾಪ್ಣಿ ಹುಯುತೆ ಅಜು಼ ಯೇರೂಸಲೇಮ್‍ಥು ಅಶ್‌ಪಿಶ್‍ ಫೈಲಾವನು ಶುರುಹುಯುತೆ. \ior 8:2—12:23\ior*
\io1 3 ಇನಕೇಡೆಥು ಪೌಲ ಪಹಿಲಿ ಸೇವೆನಿ ಚಾ಼ಲ್‌ನ ಜಾ಼ಸ್ತೆ. \ior 12:24\ior*—\ior 14:28 \ior*
\io1 4 ನವ ವಿಶ್ವಾಸಿಖ್ಹಾರನ ಶನಿ ಉದ್ದೇಶ್‌ಥಿ ಉಪಯೋಗ್ ಹುವಾನ ಯೆರೂಸಲೇಮ್ಮ ಮಳ್ಯುತೆ. \ior 15:1-35\ior*
\io1 5 ಇನಕೇಡೆಥು ಪೌಲ ಭೇನೆಹಲ್ಲ ಸುವಾರ್ತೆನ ಗಯೋತೆ \ior 15:36\ior*-\ior 18:22\ior*
\io1 6 ಇನಕೇಡೆಥು ಪೌಲನೆ ತೀನ್ನೆಹಲ್ಲ ಸುವಾರ್ತೆನು ಚಾ಼ಲ್ಯೊತೆ \ior 18:23—20:38\ior*
\io1 7 ಇನಕೇಡೆಥು ಪೌಲ ಯೆರೂಸಲೇಮ್ಮ ಕೊಂಡಾಯೊತೆ \ior 21—26\ior*
\io1 8 ಖ್ಹರ್ತಿಮ ಪೌಲನ ರೋಮ್‍ನ ಲೀಗಯೂತೆ \ior 27—28\ior*
\c 1
\p
\v 1 ಪ್ಯಾರ್‌ನೊ ಥಿಯೊಫಿಲ, ಯೇಸುನೆ ಕರ‍್ಯೊತೆ ಕಾಮ್ನಿ ಬಾರೇಮ ಅಜು಼ ವಚನ್ನಿ ಬಾರೇಮ ಹರೇಕ್‍ನಾಬಿ ಮೆ ಮಾರ ಪಹಿಲ ಪುಸ್ತಕ್‌ಮ ಲೀಖಿರಾಖ್ಯೊಸ್. 
\v 2 ಇನೆ ಪರಲೋಕ್‌ನ ಜಾ಼ವಾಲಗು ಇನು ಅಪೊಸ್ತಲರ‍್ನ ಚೂ಼ಣಾಯಹುಯ ಪವಿತ್ರಾತ್ಮನಿ ಶಕಥ್ಥಿ ಶಿಕಾಡ್ಯೊ.
\p
\v 3 ಆ ಹೈರುತೆ ಯೊ ಮರಾನಿ ಬಾದ್‌ಮ ಚಾ಼ಲ್ಯುತೆ, ಇನೆ ಬಚಿನ್ ಆಯೋತೆ ಇನಿ ಬಾರೇಮ ಅಪೊಸ್ತಲರ‍್ನ ವತಾಳಿಲಿದೊ ಇನೆ ಜಿವೀನ್ ಉಠ್ಯೊತೆ ಘಣಿ ವಖ್ಹತ್‌ಲಗೂಬಿ ಕೈಏಕ್ ಜ಼ಣಾನ ದೆಖಾವ್ತೊರ‍್ಹಯೊ ದೇವ್ನಿ ರಾಜ್ಯನಿ ಬಾರೇಮ ಇವ್ಣಮ ಬೋಲ್ತೊರ‍್ಹಿಯೊ. 
\v 4 ಅಮ್ ರ‍್ಹವಾನಿ ವಖ್ಹ್‌ತೆ ಏಕ್‌ಬಾರ್ ಶಿಷ್ಯರ್‌ನಿ ಜೋ಼ಡ್ಮ ಖಾಣು ಖಾವನಿವಖ್ಹ್‌ತೆ ಇನೆ ಇವ್ಣುನ “ಮಾರೊ ಬಾ ಏಕ್‌ ಜಿಭಾನ್‌ ದಿರಾಖ್ಯೊಸ್ ಕರಿ ಅನಿ ಬಾರೇಮ ಪಹಿಲೇಸ್ ತುಮೂನ ಮೇ ಬೋಲಿರಾಖ್ಯುತೆ ಇನ ಖ್ಹಮ್‌ಜಿರಾಖ್ಯಥಾತೆ ಇಮ್‌ ಆ ವಾಗ್ದಾನ್ನಿ ವರ್‌ದಾನ್ ಲ್ಯವಾನಖ್ಹಾಜೆ ತುಮೆ ಯೆರೂಸಲೇಮ್ಮ ಟಿವೈರ‍್ಹೇಣುಕರಿ ಬೋಲ್ಯೊ. 
\v 5 ಯೋಹಾನನೆ ಅದ್ಮಿವೋನ ಪಾಣಿಥಿ ಬ್ಯಾಪ್ತಿಸ್ಮ ಕರಾಯೊ ಕತೋಬಿ ಬಿಜ಼ ಥೋಡಸ್ ದನ್ಮ ತುಮೂನ ಪವಿತ್ರಾತ್ಮಥಿಬಿ ಬ್ಯಾಪ್ತಿಸ್ಮ ಉಷೆ” ಕರಿ ಬೋಲ್ಯೊ.
\s ಯೇಸು ಸೊರ್ಗನ ಪಡೈಗಯೋತೆ
\r (ಮಾರ್ಕ 16:19-20; ಲೂಕ 24:50-53)
\p
\v 6 ಮಳಿರ‍್ಹುಥೂತೆ ಅಪೊಸ್ತಲರ್ ಖ್ಹಾರು, ಇವ್ಣೆ “ಪ್ರಭು, ತೂ ಇಸ್ರಾಯೇಲ್‌ ಅದ್ಮಿವೋನ ಹಮೇಶ ಪಾಛೊ಼ ಇವ್ಣಿ ರಾಜ್ಯನ ಆಸ್ ದನ್ಮ ದ್ಯವಾನ ಆಯೋಕಿ ಶು? ಕರಿ ಬೋಲ್ಯು. 
\v 7 ಯೇಸು ಇವ್ಣುನ ಅಖ್ಖಿ ವಖ್ಹತ್‌ನ ರ‍್ಹವೊ ಹಗಾಮ್ನ ರ‍್ಹವೊ ಮಾಲುಮ್ ಕರಾನಿ ಅದಿಕಾರ್ ಬಾನ ಛಾ಼ ಪಣ್ಕಿ ಇನ ಮಾಲುಮ್ ಕರಾನು ಕಾಮ್ ತುಮಾರು ಕಾಹೆ. 
\v 8 ಕತೋಬಿ ಪವಿತ್ರಾತ್ಮ ತುಮಾರಪರ್ ಆಯಿಗೋತೊ, ತುಮೆ ಶಕತ್‍ಲೀನ್ ಯೆರೂಸಲೇಮ್ಮಾಬಿ ಯೂದಾಯಮಬಿ, ಸಮಾರ್ಯ ತಬರ್‌ಖಾಮಾಬಿ ಅಜು಼ ಜಗತ್ನ ಕಡೆಷಿ ಲಗೂಬಿ ಮನ ಸಾಕ್ಷಿಹುಯಿರಿಶು. 
\v 9 ಆ ವಾತೆ ಅಪೊಸ್ತಲರ‍್ನ ಬೋಲಿಹುಯಿಗು ತದೆ ಇವ್ಣೆ ದೇಖುಕರ್ತಥಾತೆ ತದೇಸ್‌ ಯೋ ಸೊರ್ಗಮ ಪಡೈಗಯೊ. ವಾದ್‌ಳು ಮೂಚಿನಾಖಿದಿದೂತೆ ಇನಖ್ಹಾಜೆ ಯೇಸುನ ಇವ್ಣೆ ದೆಖಾನ ಕೊಹುಯುನಿ. 
\v 10 ಯೇಸು ಜಾ಼ವಾನಿವಖ್ಹ್‌ತೆ ಇನ ಇವ್ಣೆ ಆಬ್‌ನಾಸ್ ಠರ್‌ಕೈನ್ ದೇಖುಕರ್ತುಥು. ತದೆ, ಧೋಳು ಲುಂಗ್ಡು ಫೇರಹುಯ ಬೇಜ಼ಣ ಇನ ಭೀಡೆ ಭೀರಿನ್, 
\v 11 ಗಲಿಲಾಯವಾಳ ಅದ್ಮಿವೊ, ತುಮೆ ಶನ ಆಸ್ಮಾನ್ನಾಸ್ ದೇಖುಕರಸ್? ತುಮಾರಕಂಥು ಯೇಸು ಕಿಮ್ ಪರ್‌ಲೋಕ್ನ ಛ಼ಡಿಗಯೊತೆ ತುಮೆ ದೇಖ್ಯಾಕಿ ಇಮ್ನಿ ಪರಕ್ಮಾಸ್ ಪಾಛು಼ ಆವ್‌ಶೆ.
\s ಯೂದನಿ ಝ಼ಗೋಮ ಉತ್ತರಾಧಿಕಾರಿ
\r (ಮತ್ತಾಯ 27:3,10)
\p
\v 12 ಇನಕೇಡೆಥು ಅಪೊಸ್ತಲರ್ ಖ್ಹಾರು ಆಲಿವ್‌ನ\f + \fr 1:12 \fr*\ft ಆಲಿವ್ ಝಾ಼ಡ್‌ಥಿ ತೇಲ್ಬಿ ಕಾಡೆಜಾ಼ಯ್\ft*\f* ಟೇಕ್‍ಡಿ ಕಂಥು ಯೆರೂಸಲೇಮ್ನ ಪಾಛು಼ಗಯು. ಯೊ ಟೇಕ್‍ಡಿಥು ಯೋ ಖ್ಹಯೇರ್‌ಥು ಜಾ಼ಖ್ಹತ್ ಕತೊ ಆಧುಮೈಲ್ ದೂರ್ ಥು. 
\v 13 ತದೆ ಇವ್ಣೆ ಖ್ಹಯೇರ್‌ಮ ಗಯ ಇವ್ಣೆಥೂತೆ ಘರ್‌ನ ಉಪ್ಲಿಬಾಜುಮ ಗಯ; ಇವ್ಣೆ ಕೋಣ್ ಕೋಣ್‌ಕತೊ, ಪೇತ್ರ, ಯೋಹಾನ. ಯಾಕೋಬ, ಅಂದ್ರೆಯ, ಫಿಲಿಪ್ಪ, ಅಜು಼ ತೋಮ, ಬಾರ್ತೊಲೊಮಾಯ, ಮತ್ತಾಯ, ಅಜು಼ ಅಲ್ಫಾಯನೊ ಛಿಯ್ಯೊ ಯಾಕೋಬ, ಜಾ಼ತ್ನೊಅಭಿಮಾನಿ ಕರಿ ಬೋಲೈಲಿದೋತೆ ಸೀಮೋನ ಅಜು಼ ಯಾಕೋಬನೊ ಛಿಯ್ಯೊ ಯೂದ ಇವ್ಣೆ ಖ್ಹಾರು ಹಿಜ್ಜಾ಼ ಥು. 
\v 14 ಇವ್ಣೆ ಅಖ್ಖುಜ಼ಣು ಏಕ್‍ಮನ್‍ಥಿ ಎಕ್ಟುಹುಯಿನ್ ದೇವ್ನಿ ಪ್ರಾರ್ಥನೆಮ ಥು. ಹಿಜ್ಜಾ಼ ಥೋಡಿಜ಼ಣಿ ತಯೇಡಾಬಿ, ಯೇಸುನಿ ಆಯಾ ಮರಿಯಾಬಿ ಇನ ಭೈಯೇಬಿ ಅಪೊಸ್ತಲರ‍್ನಿ ಜೋ಼ಡ್ಮ ಥೂ. 
\v 15 ಥೋಡದನ್ ಬಾದ್‌ಮ, ವಿಶ್ವಾಸಿಮ ಖ್ಹುಮಾರ್ ಏಕ್‌ಖ್ಹೊ ವೀಖ್ಹ್‌ ಜ಼ಣು ಸಭೆಮ ಮಳೀನ್‍ ಅಯಿರ‍್ಹವಾಮ, ಪೇತ್ರನೆ ಬೀಚ್ಮ ಉಠಿ ಭೀರಿನ್: 
\v 16 \x - \xo 1:16 \xo*\xt ಕೀರ್ತನೆ 41:9\xt*\x* “ಭೈಯೇಭೇನೆವೊ, ಯೇಸುನ ಧರಿದ್ಯವಾಳನ ವಾಟ್‌ ವತಾಳ್ಯೊತೆ ಯೂದನಿ ಬಾರೇಮ ಪವಿತ್ರಾತ್ಮನೆ ದಾವೀದ್‍ಥಿ ಪವಿತ್ರ ಪುಸ್ತಕ್‌ಮ ಬೋಲೈರ‍್ಹುತೆ ವಾತೆ ಪೂರಹೋಣುಸ್‌ಪಡ್ಯುಥು, 
\v 17 ಯೂದ ಅಪ್ಣುನ ಮಾಲುಮ್‌ರ‍್ಹಾವಳೊ ಹುಯಿರ‍್ಹೋಥೊ ಅಜು಼ ಸೇವೇನ ಚೂ಼ಣೈರ‍್ಹೋ ತೋಬಿ ಯೇಸುನ ಧರಿದ್ಯವಾಳನ ಯೂದನೆ ಮದತ್ ಕರ್ನುಥೂತೆ ಇನ ಪವಿತ್ರಾತ್ಮನೆ ಪಹಿಲೇಸ್ ದಾವಿದ್ನ ಮ್ಹೋಡೇಥಿ ಬೋಲಿರಾಖ್ಯೊಥೊ.” 
\v 18 ಯೂದನೆ, “ಇನಿ ನೀಚ್‌ಕಾಮ್‍ಥಿ ಲಿದೋತೆ ಪೈಶಾಮ ಏಕ್‌ ಖೇತರ್‌ನ ಲೀಲಿದೊ ಥೊ. ಇನಮಾಸ್ ಇನ ಜಾನ್ನ ಕಳ್ಳಿದೊ. ಉಪ್ಪರ್ ಥು ಮುಡ್‌ಕ್ಯು ಹೇಟ್ ಹುಯಿನ್ ಪಡೀನ್, ಪೇಟ್ ಫುಟೀನ್, ಅತಲ್ಡಿ ಭಾರ್‌ ಅಯಿಗು. 
\v 19 ಅನಿ ಬಾರೇಮ ಯೆರೂಸಲೇಮ್ನ ಖ್ಹಾರ ಅದ್ಮಿನ ಮಾಲುಮ್ ಪಡ್ಯು. ಯೊ ಜ಼ಮೀನ್ನ ಇವ್ಣಿ ಬೋಲಿಮ ‘ಅಕೆಲ್ದಾಮಾ’ ಕರಿ ನಾಮ್‌ಮ್ಹೇಲಾಯು. ‘ಅಕೆಲ್ದಾಮಾ, ಕತೊ ‘ಲ್ಹೋಯಿನು ಖೇತರ್‌’ ಕರಿ ನಾಮ್ ಆಯು. 
\v 20 ಯೂದನಿ ಬಾರೇಮ ‘ಇನು ಘರ್‌ ಬರ್ಬಾತ್‌ ಹುವಾದೆ, ಯೋ ಅದ್ಮಿಕೊಂತೆ ಉಜ್ಜಾ಼ಡ್ ಹುವಾದೆ’ ಇನಿ ಅದಿಕಾರ್ ಬಿಜೇಕ್‍ಜ಼ಣಾನ ಜಾ಼ವಾದೆಕರೀಬಿ ಕೀರ್ತನೆ ಪುಸ್ತಕ್‌ಮ ಲೀಖೈರುಸ್.\x - \xo 1:20\xo*\xt ಕೀರ್ತನೆ 69:25—109:8\xt*\x* 
\v 21 “ಇನಖ್ಹಾಜೆ ಅಲಕ್ ಏಕ್‍ಜ಼ಣೊ ಅಪ್ಣಿಜೋ಼ಡ್ಮ ಮಳಿನ್ ಪ್ರಭು ಯೇಸು ಮರೀನ್ ಜಿವ್‍ಯೊತೆ ಇನ ಸಾಕ್ಷಿಹುಯಿರೇಣು. ಎಥ್ರಾನವಾಳೊ ಯೇಸು ಫರೀನ್ ಸೇವೆಕರಾನಿ ಅಖ್ಖಿವಖ್ಹ್‌ತೆ ಅಪ್ಣ ಟೋಳ್‍ವಾಳಾಮ ರ‍್ಹವವಾಳೊ ಹುಯಿರೇಣು. 
\v 22 ಇನಖ್ಹಾಜೆ ಬ್ಯಾಪ್ತಿಸ್ಮ ದ್ಯವಾಳೊ ಯೋಹಾನ ಬೋಧನೆ ಕರ‍್ಯೊತೆ ದನ್‌ಥು ಕತೊ ಯೋಹಾನ ಬ್ಯಾಪ್ತಿಸ್ಮ ಕರ‍್ಯೊತೆ ಹಿಜ್ಜಾ಼ಥು ಧರೀನ್ ಯೇಸು ಸೊರ್ಗಮ ಗಯೋತೆ ದನ್‍ಲಗೂಬಿ ಅಪ್ಣ ಜೋ಼ಡ್ಮ ರ‍್ಹವವಾಳೊ ಹುಯಿರೇಣು.” ಶನಕತೊ ಆ ವೇಳ್ಮ ರ‍್ಹವವಾಳೊ ಏಕ್ಜ಼ಣೊ ಯೇಸು ಪಾಛು಼ಜಿವ್ತೊಹುಯಿನ್ ಉಠ್ಯೊತೆ ಇನ ಸಾಕ್ಷಿಹುಯಿರೇಣು. 
\v 23 ತದೆ ಬಾರ್ಸಬ ಕರಿ ನಾಮ್‍ವಾಳೊ ಯೋಸೇಫ್‌ನ ಯೂಸ್ತ ಕರೀಬಿ ಬೋಲ್ತುಥು. ಅಜು಼ ಬಿಜೇಕ್ ಜ಼ಣೊ ಮತ್ತೀಯ. ಆ ಬೇ ಜ಼ಣಾನ ಅಪೊಸ್ತಲರ‍್ನ ಸಭೆನ ಖ್ಹಾಮ್ಣೆ ಭೀರಾಖ್ಯು. 
\v 24 ತದೆ ಇವ್ಣೆಅಮ್‍ ಪ್ರಾರ್ಥನೆ ಕರ‍್ಯುಕೀ, “ಪ್ರಭು, ತೂ ಅಖ್ಖಾನ ದಿಲ್‌ನೊಮಾಯಿನೊ ಮಾಲುಮ್ ಕರಿರಾಖ್ಯೊಸ್. ಆ ಬೇಜ಼ಣಾಮ ತೂ ಕಿನ ಚೂ಼ಣಿರಾಖ್ಯೊಸ್, 
\v 25 ಯೂದನಿ ಝ಼ಗೋಮ ಅಪೊಸ್ತಲಹುಯಿನ್ ಸೇವೆಕರಾನ ಯೋ ಝ಼ಗೋನ ಮ್ಹೇಲಿನ್ ಕಿಜ್ಜಾ಼ ಇನಿ ಝ಼ಗೋಕಿ ಹಿಜ್ಜಾ಼ ಚ಼ಲೆಗಯೊ 
\v 26 ತದೆ ಇವ್ಣಖ್ಹಾಜೆ ಚಿಟ್ಟಿನಾಖ್ಯು, ಇನಾಮ ಮತ್ತೀಯನು ನಾಮ್ ಪಡಾಯು.ತದೆ ಘ್ಯಾರಜ಼ಣ ಅಪೊಸ್ತಲರ‍್ನಿ ಜೋ಼ಡ್ಮಯೊ ಮಳಿಗೊ.
\c 2
\s ಪವಿತ್ರಾತ್ಮ ಆಯೋತೆ
\p
\v 1 \f + \fr 2:1\fr*\ft ಪಸ್ಕ ಪೂಜಾ಼ನು ಅಡೈವಿಖ್ಹ್‌ನ ದನ್ನ ಪಾರ್ ಯಹೂದ್ಯರ್‌ನಿ ಖ್ಹುಗ್ಗೀನು ಪೂಜಾ಼ ಕರಾನೊ ದನ್.\ft*\f*ಪೆಂತಕೊಸ್ಟ್ ಪೂಜಾ಼ನ ದನ್ನೆ ಇವ್ಣೆ ಅಖ್ಖುಜ಼ಣು ಏಕ್‍ಝ಼ಗೊ ಮಳ್ಯು. 
\v 2 ತದೆ ಜೊ಼ರೇಖ್ಹು ತುರಂತ್, ಅಪಟ್‌ಝ಼ಪಟ್‌ನೊ ವಹಿರೊ ವಾಗಾನಿಘೊಣಿ ಏಕ್‌ ಅವಾಜ಼್ ಆಬ್‍ಥು ಖ್ಹಮಜ್‍ಪಡ್ಯು. ಯೊ ಇವ್ಣೆ ಬೆಠಾಥಾತೆ ಘರ್ ಅಖ್ಖೂಸ್ ಭರಾಯು. 
\v 3 ಅಜು಼ ಇವ್ಣಿ ಜೀಬ್‍ ಆಗ್‍ನಿ ಝ಼ಲ್‌ಪಟ್‍ನಿತರ ದೆಖಾಯು. ಯೊ ಅಖ್ಖು ಅಲಕ್ ಅಲಕ್‌ಹುಯಿನ್ ಹರೇಕ್ನ ಉಪ್ಪರ್‌ಬಿ ಆಯು. 
\v 4 ಇವ್ಣೆಅಖ್ಖು ಪವಿತ್ರಾತ್ಮಥಿ ಭರೈನ್ ಅಲಕ್ ಅಲಕ್ ಬೋಲಿಮ ವಾತೆಬೋಲಲಗ್ಯು. ಪವಿತ್ರಾತ್ಮಸ್ ಇವ್ಣುನ ಆ ಶಕತ್ನ ದಿದೊ, 
\v 5 ತದೆ ಜಗತ್ನು ಅಖ್ಖಿ ಬಾಜು಼ಥು ಆಯುಹುಯು ಕೈಏಕ್ ಜ಼ಣು ಭಕ್ತ ಯೆಹೂದ್ಯರ್ ಖ್ಹಾರು, ಯೊ ವೇಳ್ಮ ಯೆರೂಸಲೇಮ್ಮ ಥೂ. 
\v 6 ಯೊ ಅವಾಜ಼್‌ನ ಖ್ಹಮ್‍ಜ್ಯುತೆ ಅದ್ಮಿವ್‌ನು ಮೋಟು ಝೂ಼ಂಡ್‌ ಹಿಜ಼್ಜ ಭರೈನ್ ಆಯು. ಅಜು಼ ಇವ್ಣಿ ಇವ್ಣಿ ಶೊಂತ್ ಬೋಲಿಮ ವಾತೆ ಬೋಲಾನು ಖ್ಹಮ್‌ಜಿನ್‌ ಆಶ್ಚರ್ಯಕರ‍್ಯು. 
\v 7 ಇವ್ಣೆಅಖ್ಖು ಆಶ್ಚರ್ಯ ಹುಯಿನ್ “ಅಮ್ ವಾತೆ ಬೋಲುಕರಾತೆ ಅವ್ಣೆ ಖ್ಹಾರು ಗಲಿಲಾಯವಾಳು ಕಾಹೆಕಿ ಶು? 
\v 8 ಹಮೆ ಅಲಕ್ ಅಲಕ್ ಝ಼ಗೋವಾಳ ಕತೋಬಿ ಅವ್ಣೆ ಅಪ್ಣಿ ಅಪ್ಣಿ ಬೋಲಿಮಾಸ್ ಬೋಲುಕರಾತೆ ಕಿಮ್? 
\v 9 ಅಪ್ಣಾಮ ಪಾರ್ದಿವಾಳು, ಮೇದ್ಯವಾಳು, ಎಲಾಮ್ಯವಾಳು, ಮೆಸಪಟೋಮಿಯವಾಳು, ಯೂದಾಯಬಿ ಅಜು಼ ಕಪ್ಪದೋಕ್ಯವಾಳೂಬಿ ಛಾ಼. ಪೊಂತ ಅಜು಼ ಏಷ್ಯಾವಾಳುಬಿ, 
\v 10 ಫ್ರಿಜಿಯ ಅಜು಼ ಪಂಫುಲ್ಯವಾಳೂಬಿ ಛಾ಼. ಈಜಿಪ್ಟ್ ಅಜು಼ ಸಿರೇನಿನ ಖನ್ನೆವಾಳು ಅಜು಼ ಲಿಬಿಯನು ತಬರ್‌ಖವಾಳೂಬಿ ಮಳಿರ‍್ಹೂಸ್‌. ಯೊ ಕೊಂತೆ ಅಪ್ಣಾಮ ಥೋಡುಜ಼ಣು ರೋಮ್‍ವಾಳೂಬಿ ಐರ‍್ಹೂಸ್, 
\v 11 ಯೆಹೂದ್ಯರ್‌ಬಿನ್ ಯೆಹೂದ್ಯರ್‌ಕಾಹೆತೆ ಧರ್ಮ್‍ನ ಪಾಲನ್‍ಕರಾವಳು ಥೋಡು ಅದ್ಮಿಖ್ಹಾರು, ಕ್ರೇಟ್ ಅಜು಼ ಅರೇಬಿಯವಾಳೂಬಿ ಹಜ಼್ಜ ಛಾ಼. ಅಪ್ಣೆಖ್ಹಾರು ದೇವ್ನಿ ಮಹಾನ್ ಕಾಮ್ನಿ ಬಾರೇಮ ಬೋಲುಕರಸ್ತೆ ಯೊಅಖ್ಖು ಅಪ್ಣಿ ಅಪ್ಣಿ ಬೋಲೀಮ ಖ್ಹಮ್‍ಜು಼ ಕರಿಯೇಸ್‌ನಿ ಕರಿ ಆಶ್ಚರ್ಯ ಕರ‍್ಯು. 
\v 12 ಅದ್ಮಿಖ್ಹಾರು ಆಶ್ಚರ್ಯ ಹುಯಿನ್, ಕಲಾವ್ಣಿಹುಯಿನ್ ಆ ಶಾತ್ ರ‍್ಹೇವ್ಣು ಕರಿ ಏಕ್‌ಥಿ ಏಕ್‌ ಬೋಲಲಗ್ಯು. 
\v 13 ಥೋಡುಜ಼ಣು ಅಪೊಸ್ತಲರ‍್ನ ದೇಖಿನ್, “ಅವ್ಣೆ ಜಾ಼ಖ್ಹತ್ ಪೀಲಿನ್ ಕಯೇಪ್ ಛ಼ಡೀಗಿ” ಕರಿ ನಕ್ಲೆ ಕಾಡ್ಯು.
\s ಪೇತ್ರನಿ ಬೋಧನೆ
\p
\v 14 ತದೆ ಪೇತ್ರನೆ ಜೋ಼ಡ್ಮಥಾತೆ ಗ್ಯಾರ‍್ಹಜ಼ಣ ಅಪೊಸ್ತಲರ‍್ನಿ ಜೋ಼ಡ್ಮ ಉಠಿಭೀರಿನ್, ಅದ್ಮಿನ ಟೋಳ್ನ ಊಚಿ ಆವಾಜ಼್‌ಥಿ ಅಮ್‍ ಬೋಲ್ಯೊಕಿ, “ಯೆಹೂದ್ಯವಾಳವೊ, ಯೆರೂಸಲೇಮ್ನ ಖ್ಹಾರ ಅದ್ಮಿವೊ, ಮಾರಿ ವಾತ್ನ ಖ್ಹಮ್‍ಜೊ, ತುಮೆ ಮಾಲುಮ್ ಕರಿಲೇವ್ಣುತೆ ವಾತೆ ಕಾನ್‌ ಲಗಾಡಿ ಖ್ಹಮಜ಼್‌ಣುಕರಿ ಮೇ ತುಮೂನ ಬೋಲುಸ್. 
\v 15 ತುಮೆ ಲಾಝಿರ‍್ಯಾಖ್ಯತೆ ತಿಮ್ ಅವ್ಣೆಖ್ಹಾರು ಕಯೇಪ್ ಛ಼ಡೈಲಿದುಕಾಹೆ” ಹಮ್ಕೆ ಬಿಜೂ಼ಬಿ ವ್ಹಾಣಾನ ನೌ ಘಂಟಾ ಹುಯಿರಾಸ್ ಎತ್ರೇಸ್. 
\v 16 ಕತೋಬಿ ಹಮ್ಕೆ ಚಾ಼ಲುಕರಾತೆ ಹಾಲತ್‌ನಿ ಬಾರೇಮ ಪ್ರವಾದಿ ಯೋವೇಲನೆ ಅಮ್‍ ಲೀಖಿರಾಖ್ಯೊಸ್; 
\v 17 \x - \xo 2:17 \xo*\xt ಯೋವೇಲ 2:17-21 \xt*\x*ದೇವ್ನೆ ಅಮ್‍ ಬೋಲ್ಯೊಕಿ, ‘ಖ್ಹರ್ತಿನ ದನ್ಮ ಖ್ಹಾರ ಅದ್ಮಿಪರ್, ಮಾರಿ ಆತ್ಮಾನ ಖ್ಹಾರ ಅದ್ಮಿವೋನ ಉಪ್ಪರ್ ರಂಚೀಶ್, ತುಮಾರ ತಯೇಡ ಪರ್ಖ್ಹಾ ಪ್ರವಾದ್‌ನೆ ಕರ್ಶೆ; ತುಮಾರ ಜಾ಼ನ್ಜ಼ಮಾನ್ ಖ್ಹಾರು ದರ್ಶನ್ ದೇಕ್‌ಶೆ; ಅಜು಼ ತುಮಾರು ಗಲ್‌ಢಖ್ಹಾರು ಖ್ಹೋಣ್ಯಮ ದೇಕ್‌ಶೆ. 
\v 18 ಯೊ ದನ್ಮ ಮಾರ ಆತ್ಮಾನ ಮಾರ ದಾಸದಾಸಿನ ಉಪ್ಪರ್ ರಂಚೈ಼ಶ್. ತದೆ ಇವ್ಣೇಬಿ ಪ್ರವಾದ್‌ನೆ ಕರ್ಶೆ. 
\v 19 ಪ್ರಭುನ ಆವಾನೊ ಮೋಟ ದನ್ ಆವಾನ ಅಗಾಡಿ ಆಬ್‌ನ ಉಪ್ಪರ್ ಅದ್ಭುತ್‌ಕಾಮ್ನ ವತಾಳಿಶ್. ಧರ್ತಿನ ಉಪ್ಪರ್ ಖ್ಹಣೇದ್ನಕಾಮ್ನ ಕರಿಶ್. ತದೆ ಲ್ಹೋಯಿ, ಆಗ್ ಅಜು಼ ಬಾಪ್ನಿತರ ಛ಼ಡಾನೊ ಧುವ್ವೊ ರ‍್ಹಿಶೆ. 
\v 20 ಚಾ಼ಂದ್ ಅಂಧಾರ್‌ಗಡಪ್ ಬಣ್‍ಶೆ, ಚ಼ಂದರ್‌ಮೊ ಲ್ಹೋಯಿನಿತರ ಲಲೇಲಾಲ್ ಉಷೆ. ತದೆ ಪ್ರಭುನೊ \f + \fr 2:20 \fr*\ft ಪ್ರಭೂನೊ ಬೇನು ಬುಲಾವ್ಣಿನೊ ದನ್.\ft*\f*ಮಹಾ ಮಹಿಮೆನೊ ದನ್ ಆವ್‌ಶೆ. 
\v 21 ಕತೋಬಿ, ಕೋಣ್‌ ಪ್ರಭುನು ನಾಮ್ನ ಬೋಲಸ್ಕಿ ಯೊ ಹರೇಕ್‍ನಾಬಿ ರಕ್ಷಣೆ ಉಶೆ, ಕರಿ ದೇವ್ ಬೋಲುಕರಸ್. 
\v 22 “ಇಸ್ರಾಯೇಲ್ ಅದ್ಮಿವೊ, ಮಾರಿ ವಾತ್ನ ಖ್ಹಮ್‍ಜೊ; ನಜ಼ರೇತ್‌ನೊ ಯೇಸು ಛಾ಼ನಿ ದೇವ್ ತುಮುನಾಬಿ ಮಾಲುಮ್‌ ರ‍್ಹವಾನಿತರ ದೇವ್ನೆಸ್ ಇನೇಥಿ ಚ಼ಲಾಯೊತೆ ಮಹಾ ಕಾಮ್‍ಬಿ, ಅದ್ಭುತ್‌ಕಾಮ್‍ಥಿ ಇನ ಪಸಂದ್ ಹುವಾನಿತರ ತುಮೂನ ವತಾಳಿ ದಿದೊ. 
\v 23 ಯೊ ಯೇಸುಸ್ ದೇವ್ನಿ ಘಟ್ ಖ್ಹೂಜ಼್‌ಥೀಬಿ, ಆವ್‌ಶೇತೆ ಹಗಾಮ್ನಿ ಪರಕ್ಮ ದೆವೈಜಾ಼ವದಿನ್, ತುಮೆ ಅಲಕ್ಅದ್ಮಿವೋನ ದೀನ್ ಶಿಲ್‌ಬೇಪರ್ ಮೇಕ್ ಮರೈನ್ ಮಾರಿನಾಖ್ಯ. 
\v 24 ಯೇಸುನ ದೇವ್ನೆ ಮರಣ್ಣಿ ಖ್ಹತಾಪ್ಣಿಥಿ ಛೋ಼ಡೈನ್ ಉಠಾಡ್ಯೊ. ಶನಕತೊ ಮರಣ್ ಇನ ಧರಿಲ್ಯವಾನ ಕೊ ಹುಯುನಿ. 
\v 25 ಯೇಸುನಿ ಬಾರೇಮ ದಾವೀದನೆ ಅಮ್ ಬೋಲಿರಾಖ್ಯೊಸ್ಕಿ, ‘ಪ್ರಭುತೊ ಕದೇಬಿ ಮಾರ ಖ್ಹಾಮ್ಣೆ ರ‍್ಹವಾನು ಮೆ ದೆಕ್ತೊಥೊ: ಮೇ ಖ್ಹಳಕ್ಣುನಾತೆ ತಿಮ್ ಯೊ ಮಾರ ಖಾವಿ ಬಾಜು಼ಮಾಸ್ ಛಾ಼. 
\v 26 ಇನಖ್ಹಾಜೆ ಮಾರೊ ದಿಲ್‌ ಘಣು ಖುಷಿಕರಸ್. ಮಾರಿ ಜೀಬ್ ಖುಷಿನು ವಾತೆಬೋಲಸ್. ಮಾರು ಶರೀರ್‌ಬಿ ಭರೋಖ್ಹಾಥಿ ಟಿವೈರ‍್ಹುಸ್. 
\v 27 ಶನಕತೊ ತೂ ಮಾರ ಜಾನ್ನಆತ್ಮನ ಪಾತಾಳ್ಮ ಮ್ಹೇಲಿಶ್ ಕೊಯ್ನಿ. ತಾರ ಪ್ಯಾರ್‌ನ ಅದ್ಮಿನ ಪಾತಾಳ್ಮ ಖ್ಹಡ್ವಾನ ಮ್ಹೇಲಿಶ್‍ಕೊಯ್ನಿ. 
\v 28 \x - \xo 2:28 \xo*\xt ಕೀರ್ತನೆ 6:8-1೦\xt*\x* ತಾರ ಜಾನ್ನೊ ಮಾರಗ್‌ ಮನ ಖ್ಹಮ್‍ಜಾ಼ಡಿರಾಖ್ಯೊಸ್. ತಾರ ಖ್ಹಾಮೆ ಮನ ಭರ್‌ಪೂರ್‌ ಖುಷಿಕರೈಷ್’ ಕರಿ ಬೋಲಿರಾಖ್ಯೊಸ್. 
\v 29 ‘ಮಾರಾ ಭೇನೆ ಭೈಯೇವೊ ಅಪ್ಣೊ ಗುರುಗುರಬ್‌ಲ್ಯೊ ದಾವೀದ್‍ನಿ ಬಾರೇಮ ಮೆ ತುಮೂನ ಭಾಲಿಥಿ ಬೋಲೆಜಾ಼ಯ್ ಶಾತ್‌ಕತೊ, ಯೊ ಮರಿನ್‌ ಮಖ್ಹಾಣ್ಯು ಹುಯೊ, ಇನು ಮಖ್ಹಾಣ್ಯು ಹಮ್ಕೆಲಗೂಬಿ ಅಪ್ಣ ಇಚ಼್‌ಮ ಛಾ಼. 
\v 30 ದಾವೀದ್ ಏಕ್‌ ಪ್ರವಾದಿಹುಯಿರಿನ್ ತಾರಿ ಪಿಳ್‌ಗೀಮ ಏಕ್‍ಜ಼ಣಾನ ತಾರಿ ಸಿಂಹಾಸನ್‌ಪರ್ ಬೆಖ್ಹಾಡಿಶ್. ಕರಿ ಇನ ದೇವ್ನೆ ಆಣ್‍ಕರಿನ್ ಬೋಲ್ಯೊತೆಯಿನ ಮಾಲುಮ್‌ಕರಿರಾಖ್ಯೊಥೊ 
\v 31 ಯೊ ಹುವಾನ ಅಗಾಡಿಸ್ ದಾವೀದನ ಮಾಲುಮ್‌ಥು. ಇನಖ್ಹಾಜೇಸ್ ದಾವೀದನೆ, ಮರೀನ್ ಜಿವ್ತೊಉಷೇತೆ ಕ್ರಿಸ್ತನಿ ಬಾರೇಮ ಅಮ್ ಬೋಲ್ಯೋಕಿ, ‘ಇನ ಪಾತಾಳ್ಮ ಮ್ಹೆಲಾವನ ಕೊ ಹುಯುನಿ, ಇನಿ ಶರೀರ್ ಖ್ಹಡ್ವಾನ ಮ್ಹೇಲಿಶ್‍ಕೊಯ್ನಿ’ ಕರೀಬಿ ಬೋಲಿರಾಖ್ಯೊಸ್. 
\v 32 ಇನಖ್ಹಾಜೆ ದೇವ್ನೆ ಮರ‍್ಯಹುಯಾಮ ಜಿವ್ತೊಕರಿನ್ ಮ್ಹೇಲ್ಯೊತೆ ಯೇಸುನಾಸ್, ಇನ ಹಮೆಅಖ್ಖು ಸಾಕ್ಷಿ ಹುಯಿರಾಸ್. 
\v 33 ಯೇಸು ಸೊರ್ಗನ ಪಡೈಗೊ. ಹಮ್ಕೆ ಯೇಸು ದೇವ್ನಿ ಜೋ಼ಡ್ಮ ಛಾ಼. ದೇವ್ನಿ ಖಾವಿ ಬಾಜು಼ಮ ಛಾ಼. ಹಮ್ಕೆ ಬಾ ಹುಯಿರೋತೆ ದೇವ್ ಪವಿತ್ರಾತ್ಮನ ಯೇಸುನ ದೀರಾಖ್ಯೊಸ್. ಪವಿತ್ರಾತ್ಮನ ದೇವುಸ್ ಕರಿ ದೇವ್ನೆ ವಾಗ್ದಾನ್ ಕರಿರಾಖ್ಯೊಥೊ. ಇನಖ್ಹಾಜೆ ಯೇಸು ಹಮ್ಕೆ ಯೊ ಪವಿತ್ರಾತ್ಮನ ರಂಚಿರಾಖ್ಯೊಸ್. ತುಮೆ ದೇಖುಕರಾತೆ ಅಜು಼ ಖ್ಹಮ್‌ಜು಼ಕರಾತೆ ಅನಾಸ್. 
\v 34-35 \x - \xo 2:34-35 \xo*\xt ಕೀರ್ತನೆ 110:1\xt*\x* ಸೊರ್ಗಾನ ಪಡೈಗಯೊತೆ ದಾವೀದ್ ಕಾಹೆ, ಯೊ ಯೇಸುಸ್. ದಾವೀದ್ ಇನಿ ಬಾರೇಮ ಅಮ್ ಬೋಲಸ್. ‘ಮೆ ತಾರ ವಹೇರ‍್ಯಾನ ತಾರ ಗೋಡಾನೊ ರಚ್ಚೊ಼ ಬಣಾವಲಗು ಮಾರಿ ಖಾವಿಬಾಜು಼ ಬೆಠೋರೆ’ ಕರಿ ಪ್ರಭುನೆ ಮಾರ ಮಾಲಿಕ್‌ನ ಬೋಲಿರಾಖ್ಯೊಸ್. 
\v 36 ಇನಖ್ಹಾಜೆ ತುಮೆ ಶಿಲ್‌ಬೆಪರ್ ಛ಼ಡಾಯತೆ ಆ ಯೇಸುನಾಸ್ ದೇವ್ನೆ ಪ್ರಭುಕರೀಬಿ ಕ್ರಿಸ್ತಕರೀಬಿ ಹುಯಿರೊಸ್ ಕರಿ ಇಸ್ರಾಯೇಲ್‌ನ ಖುಮ್‍ವಾಳ ಅಖ್ಖಾನ ಮಾಲುಮ್ ಹುಯಿರ‍್ಹವಾದೆ ಕರಿ ಬೋಲ್ಯೊ. 
\v 37 ಅನ ಖ್ಹಮ್‍ಜ್ಯುತೆ ಇವ್ಣುನ, ದಿಲ್ಮ ಖ್ಹುಯಿ ಟೋಚಾ಼ವನಿಘೊಣಿ ಹುಯು. ಇವ್ಣೆ ಪೇತ್ರನ ಅಜು಼ ಉಭ್‌ರ‍್ಯಾತೆ ಅಪೊಸ್ತಲರ‍್ನ, “ಭೈಯೇವೊ ಹಮ್ಕೆ ಹಮೆ‌ ಶಾತ್‍ಕರ್ನು?” ಕರಿ ಬೋಲ್ಯು. 
\v 38 ಪೇತ್ರನೆ ಇವ್ಣುನ ತುಮಾರಮ ಹರೇಕ್‍ಜ಼ಣುಬಿ ತುಮಾರ ಪಾಪ್ನಖ್ಹಾಜೆ ಪಶ್ಚತ್ತಾಪ್ ಕರೀನ್ ದೇವ್‌ಭಣಿ ಫರಿನ್ ಯೇಸು ಕ್ರಿಸ್ತನ ನಾಮ್‍ಪರ್ ಬ್ಯಾಪ್ತಿಸ್ಮ ಲೇವೊ. ತದೆ ದೇವ್ ತುಮಾರಿ ಪಾಪ್ನ ಅಖ್ಖು ಕ್ಷಮಾ ಕರ್ಶೆ, ತದೆ ತುಮೆ ಪವಿತ್ರಾತ್ಮ ದಾನ್ನ ಲೀಲಿಶು. 
\v 39 ಆ ವಾಗ್ದಾನ್ ತುಮೂನಾಬಿ ತುಮಾರ ಲಡ್ಕಾವ್‍ನಾಬಿ ಘಣ ದೂರ‍್ಮಛಾ಼ತೆ ಅದ್ಮಿವೊನಾಬಿ ದೆವೈರ‍್ಹೂಸ್. ಅಪ್ಣೊ ದೇವ್ ಹುಯಿರೋತೆ ಪ್ರಭು ಇನಕನ ಖುಷಿ ಲ್ಯವಾಳ ಹರೇಕ್ ಜ಼ಣಾನಾಬಿ ಆ ವಾಗ್ದಾನ ದೀರಾಖ್ಯೊಸ್ ಕರಿ ಬೋಲ್ಯೊ. 
\v 40 ಪೇತ್ರನೆ ಅಜೂ಼ಬಿ ಕೈಏಕ್ ವಾಥ್ಥಿ ಖ್ಹಮ್‌ಜಾ಼ಡ್ತೊ ಹುಯಿನ್, “ಆ ಖರಾಬ್ ಪಿಳ್ಗಿವಾಳಥಿ ತುಮೂನ ಬಚಾ಼ಡಿಲೆವೊ” ಕರಿ ಝೇತಾಯೊ. 
\v 41 ಇನೆ ಬೋಲ್ಯೊತೆ ಖ್ಹಮ್‌ಜಿನ್‌ ಬ್ಯಾಪ್ತಿಸ್ಮ ಲೀಲಿದು. ಯೋ ದನ್ ಕಮ್‍ಶಿಕಮ್ ತೀನ್ ಹಜಾ಼ರ್ ಅದ್ಮಿಖ್ಹಾರು ವಿಶ್ವಾಸಿನ ಟೋಳ್ಮ ಮಳೀಗು.
\s ವಿಶ್ವಾಸಿನ ಇಚ಼್‌ಮ ಜಿವ್ಣು
\p
\v 42 ಯೊ ಅದ್ಮಿಖ್ಹಾರು ಅಪೊಸ್ತಲರ‍್ನಿ ಉಪದೇಶ್‍ನ ಖ್ಹಮ್‍ಜಾ಼ಮಾಬಿ, ಭೈಯೇ಼ಮ ಮಳಿನ್ ರ‍್ಹವಾಮಾಬಿ, ಖಾಣು ಖಾವಮಾಬಿ, ಪ್ರಾರ್ಥನೆ ಕರಾಮಾಬಿ ಜೋ಼ಡ್ಮ ಅವ್ಣೆ ಮಳಿನ್ ಕರ್ತುಥು. 
\v 43 ಅಪೊಸ್ತಲರ್ ಅಖ್ಖು ಕೈಏಕ್ ಶಕತ್ನುಬಿ ಅಜು಼ ಅದ್ಭುತ್‌ಕಾಮ್ನ ಕರ್ತುಥು. ಅಜು಼ ಹರೇಕ್ ಜ಼ಣಾನಾಬಿ ದೇವ್ನಿ ಡರ್‌ ಭಕ್ತಿ ಆಯು. 
\v 44 ವಿಶ್ವಾಸ್‌ ಕರವಾಳು ಖ್ಹಾರು ಒಗ್ಗಟ್‌ಹುಯಿನ್ ಜಿವ್ಣು ಕರ್ತುಥು. ಇವ್ಣಾಮಥೂತೆ ಹರೇಕ್ ಚೀಜ಼್‌ನಾಬಿ ವಾಟಪಾಡಿಲ್ಯಾವಳು ಹುಯಿರುಥು. 
\v 45 ಇವ್ಣಿ ಜ಼ಮೀನ್ನ ಅಜು಼ ಇವ್ಣಕನ ಥೂತೆ ಶೊತ್ನ ವೇಚಿನ್ ಮಳಾತೆ ಪೈಶಾನ ಜ಼ರೂರತ್ ರ‍್ಹವಳಾನ ವಾಟಪಾಡಿ ದೇತೂಥು. 
\v 46 ಇವ್ಣೆ ಹರೇಕ್ ದನ್ ಏಕ್‍ದಿಲ್‍ಥಿ ದೇವ್ನಿ ಮಂದಿರ್‌ಮ ಮಳಿನ್ ಆವ್ತುಹುಯಿನ್, ಇವ್ಣೆ ಇವ್ಣ ಘರ್‌ಮ ರೋಟೊ ತೋಡಿನ್ ಒಟ್‍ಥಿ ಖಾಣು ಖಾತೂಥು. ಇವ್ಣೊ ದಿಲ್‌ ಖುಷಿಥಿ ಭರೈರ‍್ಹೆತೂಥು. 
\v 47 ಇವ್ಣೆ ದೇವ್ನ ಖ್ಹರವ್‌ಕರ್ತೂಥು. ಅಜು಼ ಅದ್ಮಿಖ್ಹಾರಾನು ದಯಾನ ಲಿಲ್ಯಾವವಾಳ ಹುಯಿರ‍್ಹಾಥ. ಹರೇಕ್ ದನ್‍ಬಿ ಘಣು ಘಣು ಅದ್ಮಿಖ್ಹಾರು ರಕ್ಷಣೆ ಲೇವ್‍ಕರ್ತೂಥು. ಪ್ರಭುನೆ ಇವ್ಣುನ ಅಖ್ಖಾನ ವಿಶ್ವಾಸಿನಿ ಸಭೆಮ ಮಳವ಼್ ಕರ್ತೊಥೊ.
\c 3
\s ಏಕ್‌ ಲಂಗ್ಡೊ ಅಛ್ಛು಼ ಹುಯೊತೆ
\p
\v 1 ಏಕ್‍ದನ್ ಪೇತ್ರಬಿ ಯೋಹಾನ ಧೊಪಾರ‍್ನ ತೀನ್ ಘಂಟಾನ ಚಾ಼ಲ್ತಿಥೀತೆ ಪ್ರಾರ್ಥನೆನಖ್ಹಾಜೆ ದೇವ್ನಿಮಂದಿರ್‌ನ ಗಯ. 
\v 2 ಪೈದಾಖ್ಹ್‌ ಥಿ ಲಂಗ್ಡೊ ಥೋತೆ ಏಕ್ಅದ್ಮಿನ ಕೋಣಸ್ಕಿ ಥೋಡುಜ಼ಣು ಢೊಯಿಲಿನ್ ಅಯಿನ್; ದೇವ್ನಿಮಂದಿರ್‌ನ ಮಹಿ ಜಾ಼ವಾಳಕನ ಧರಮ್ ಮಾಂಗಾನಖ್ಹಾಜೆ ಇನ ‘ಶನ್‍ಗಾರ‍್ನು ದರ‍್ವಾಜು಼ ಕರಿ ಬೋಲೈಲೇತೆ‍ ಬಾಕಲ್‍ಕನ ಹರ್‌ದನ್‌ ಬೆಖ್ಹಾಡ್‍ತೂಥು. 
\v 3 ಇನೆ ದೇವ್ನಿಮಂದಿರ್‌ನ ಮಹಿ ಒಳೆಜಾ಼ಯ್ತೆ ಪೇತ್ರನ ಅಜು಼ ಯೋಹಾನನ ದೇಖಿನ್ ಧರಮ್ ದ್ಯವಾನ ಗಿಂಗಾಯು. 
\v 4 ಪೇತ್ರ ಯೋಹಾನ ಭೇಜ಼ಣ ಠರ್‌ಕೈನ್ ದೇಖ್ಯ. ಪೇತ್ರನೆ ಇನ “ಹಮೂನ ದೇಕ್!” ಕರಿ ಬೋಲ್ಯೊ. 
\v 5 ಯೋ ಲಂಗ್ಡೊ ಇವ್ಣೇಥಿ ಶಾತ್‍ತೋಬಿ ಮಳ್‍ಶೆಕಿ ಶುಕಿ ಕರಿ ಖ್ಹಯಾಲ್ ಕರೀನ್ ಇವ್ಣಭಣಿ ದೇಖ್ಯು. 
\v 6 ತದೆ ಪೇತ್ರನೆ, ಪೈಶ ಖ್ಹೊನ್ನು ಮಾರಕನ ಕೊಯ್ನಿ, ಕತೋಬಿ ಮಾರಕನ ಛಾ಼ತೆ ಯೊ ತುನ ದೆವುಸ್. ನಜ಼ರೇತ್ನ ಯೇಸುಕ್ರಿಸ್ತನ ನಾಮ್‍ಥೀಸ್ ಉಠೀನ್ ಚಾ಼ಲ್‍ಕರಿ ಬೋಲಿನ್, 
\v 7 ಇನೊ ಖಾವೊ ಹಾತ್‍ ಧರೀನ್ ಉಠಾಡ್ಯೊ. ತದ್‌ನು ತದೇಸ್‌ ಇನ ಪಕ್ತೇಳಿಮಾಬಿ, ಪಂಜ಼ವ್‍ಮಾಬಿ,ಏಡಿಮಾಬಿ ಶಕತ್ ಆಯು. 
\v 8 ಯೊ ಉಠೀನ್ ಭೀರಿನ್‌ ಗೋಡೆಥಿ ಚಾ಼ಲಾಲಗ್ಯೊ; ಯೊ ಚಾ಼ಲ್ತೊ ಖೇಲ್ತೊ ದೇವ್ನ ಖ್ಹರಾವ್‌ತೊಹುಯಿನ್ ಇವ್ಣಿಜೋ಼ಡ್ಮ ದೇವ್ನಿಮಂದಿರ್‌ನ ಮಹಿ ಗಯೊ. 
\v 9 ಯೋ ಚಾ಼ಲ್ತೊಹುಯಿನ್‌ ದೇವ್ನ ಖ್ಹರಾವ್‌ತೊ ವಳ್ಯಾವಾತೆ ಅದ್ಮಿಖ್ಹಾರಾನೆ ದೇಖ್ಯು; 
\v 10 ಆ ಹೈರುತೆ ಮಂದಿರ‍್ನ ಶನ್‍ಗಾರ‍್ನು ದರ‍್ವಾಜು಼ ಕರಿ ಬಾಕಲ್‍ಕನ ಬೇಶಿನ್ ಧರಮ್ ಮಾಂಗ್‌ತೊಥೋತೆ ಆಸ್ ಕರಿ ಖ್ಹಣೇದ್ ಕರ‍್ಯು. ಯೋಸ್ ಅದ್ಮಿ ಚಾ಼ಲೀನ್ ದೇವ್ನ ಖ್ಹರಾವನು ದೇಖಿನ್ ಘಣು ಆಶ್ಚರ್ಯ ಕರ‍್ಯು.
\s ಪೇತ್ರನು ಉಪದೇಶ್
\p
\v 11 ಅಛ್ಛು಼ ಹುಯುತೆ ಲಂಗ್‍ಡಾನೆ ಪೇತ್ರ ಬಿಜು಼ ಯೋಹಾನನ ಜೋ಼ಡ್ಮ ಒಳೆಜಾ಼ಯ್ತೆ ತದೆ, ಆಶ್ಚರ್ಯ ಕರುಕರ್ತುಥೂತೆ ಅದ್ಮಿಖ್ಹಾರು ಸೊಲೊಮೋನ್ ಕರಿ ನಾಮ್ನ ಛ಼ತ್‌ಕನ ಎಕ್ಟು ಹುಯಿನ್ ನಾಶಿಆಯು. 
\v 12 ಪೇತ್ರ ಅನ ದೇಖಿನ್, ಯೋ ಅದ್ಮಿಖ್ಹಾರಾನ; ಇಸ್ರಾಯೇಲ್‌ವಾಳವೊ, ಅನ ದೇಖಿನ್ ಶನ ಆಶ್ಚರ್ಯ ಹುಯಿರಾಸ್? ತುಮೆ ಹಮೂನ ಶನ ಅಮ್ ದೇಖುಕರಸ್? ಹಮೆ ಹಮಾರಿ ಶೊಂತ್ ಶಕಥ್ಥಿ ರ‍್ಹವೊ, ಹಮಾರಿ ದೇವ್ನಿ ಭಕ್ತಿಥಿ ರ‍್ಹವೊ ಅನ ಚಾ಼ಲ್ವಾನಿತರ ಕರ‍್ಯಕರಿ ನಕೊ ಲಾಝ಼್‌ಶು? 
\v 13 ಅಪ್ಣೊ ಗುರುಗುರಬ್‌ಲ್ಯ ಹುಯಿರೋತೆ ಅಬ್ರಹಾಮ್ ಇಸಾಕ್ ಯಾಕೋಬನೊ ದೇವ್‌ ಅಜು಼ ಅಪ್ಣೊ ಗುರುಗುರಬ್‌ಲ್ಯನೊ ದೇವ್ ಇನೊ ದಾಸಹುಯಿರ‍್ಹೊತೆ ಯೇಸುನ ಮಹಿಮೆ ಕರಿರಾಖ್ಯೊಸ್. ಕತೋಬಿ ತುಮೆ ಇನ ಪಿಲಾತನ ಹಾತ್ಮ ಮಾರನ ಧರಿನ್‍ ದಿದಾ; ಬಿಜು಼ ಪಿಲಾತನೆ ಇನ ಛೋ಼ಡಾವ್ಣು ಕರಿ ಖ್ಹೂಜ಼್‌ ಕರಾದಿನ್, ಇನಖ್ಹಾಮ್ಣೆ ತುಮೆ ಯೇಸು ಹೋಣುಕೊಯ್ನಿ ಕರಿ ಬೋಲ್ಯ. 
\v 14 ತುಮೆ ಪರಿಶುದ್ಧಬಿ ನೀತಿನೊ ಹುಯಿರೋತೆ ಯೇಸುನ ನಕೊ ಕರಿ ಬೋಲ್ಯ. ಇನಬದಲ್ ಹತ್ಯಾರ ಏಕ್‌ ಚೋ಼ರ್‌ನ ಛೋ಼ಡೈ ದೇವ್ಣು ಕರಿ ಪಿಲಾತನ ಬೋಲಿಲಿದ. 
\v 15 ಅಮ್ ತುಮೆ ಜಾನ್‍ದೇವಳಾನಸ್ ಮರೈನಾಖ್ಯ. ಕತೋಬಿ ದೇವ್ನೆ ಇನ ಮರ‍್ಯಾಹುಯಾಮಾಥು ಉಠಾಡ್ಯೊ; ಅನಿ ಬಾರೇಮ ಹಮೇಸ್ ಸಾಕ್ಷಿಖ್ಹಾರು ಹುಯಿರಾಸ್. 
\v 16 ತುಮೆ ಶಾತ್‌ ದೇಖ್ಯಕಿ ಅಜು಼ ತುಮೆ ಶಾತ್ ಖ್ಹಮ್‍ಜ್ಯಾಕಿ ಯೋ ಅಖ್ಖು ಇನ ನಾಮ್‍ಥೀಸ್ ಹುಯಿರುಸ್. ಯೊ ಲಂಗ್‍ಡಾನೆ ಯೇಸುನ ಉಪ್ಪರ್ ರಾಖಿರಾಖ್ಯೊತೆ ವಿಶ್ವಾಸ್‌ಥೀಸ್ ಇನ ಅಛ್ಛು಼ ಹುಯುತೆ ಅನಅಖ್ಖು ತುಮೆ ದೇಖಿರಾಖ್ಯಸ್. 
\v 17 ಇಸ್ರಾಯೇಲ್‌ವಾಳವೊ, ಯೋ ರ‍್ಹವಾದೆ ತುಮೆ ಮಾಲುಮ್‌ ಕರ‍್ಯಕೊಂತೆ ಯೇಸುನ; ಅಮ್ ಕರ‍್ಯಕರಿ ಮನ ಮಾಲುಮ್ ಛಾ಼, ತುಮಾರ ಅದಿಕಾರಿ ಜಿನುಬಿ ಮಾಲುಮ್ ಕರೀಲಿದಾಕೊಯ್ನಿ. 
\v 18 ಕ್ರಿಸ್ತಯೇಸು ಲತಾಡ ಲಿಶೆ ಕರಿ ದೇವ್ನೆ ಪ್ರವಾದಿಖ್ಹಾರಥಿ ಅಗಾಡಿಸ್ ಬೋಲಾಯೋತೆ ವಾತೆ ಅಮ್ನಿ ಪರಕ್ಮ ಚಾ಼ಲಾಯೊ. 
\v 19 ಅನಖ್ಹಾಜೇಥಿ ತುಮಾರ ಪಾಪ್ನಖ್ಹಾಜೆ ತುಮೆ ಪ್ರಾಯಶ್ಚಿತ್ ಕರಿಲೀನ್ ದೇವ್‌ಭಣಿ ಫರಿಜಾ಼ವೊ. ತದೆ ಯೋ ತುಮಾರಿ ಪಾಪ್ನ ಕ್ಷಮಾಪಣ್ ಕರಿಲಿಶೆ. 
\v 20 ಪ್ರಭು ತುಮೂನ ಆತ್ಮೀಕ ಅರಾಮ್ ದಿಶೆ.ಅಜು಼ ದೇವ್ನೆ ಪಹಿಲೇಸ್ ಕ್ರಿಸ್ತಕರಿ ಚೂ಼ಣಿರಾಖ್ಯೊತೆ ಮೆಸ್ಸಿಯಾನ ತುಮಾರಖ್ಹಾಜೇಸ್ ಮೋಕಲ್‌ಶೆ. 
\v 21 “ಕತೋಬಿ ಅಖ್ಖಾಸ್ನ ಬರೋಬರ್ ಕರಾನ ದನ್ ಆವಾಲಗು ಯೊ ಪರಲೋಕ್‌ಮಾಸ್ ರ‍್ಹೇವ್ಣುಕರಿ ದೇವ್ ಘಣಾದನ್ನ ಪಾಛ಼ಳ್ ಇನ ಪವಿತ್ರ ಪ್ರವಾದಿಥಿ ವಾತೆ ಬೋಲಾನಿ ವಖ್ಹತ್‌ಮ; ಆ ದನ್ನಿ ಬಾರೇಮ ಬೋಲ್ಯೊಥೊ. 
\v 22 \x - \xo 3:22 \xo*\xt ಧರ್ಮೊ 18:15\xt*\x*ಮೋಶೆನೆ ಬೋಲ್ಯೊತೆ ಶಾತ್‍ಕತೊ, ದೇವ್‍ಹುಯಿರ‍್ಹೋತೆ ಪ್ರಭು ಮಾರಿನಿತರ ತುಮಾರ ಅದ್ಮಿಮಾಸ್ ಏಕ್‌ ಪ್ರವಾದಿನ ತುಮಾರಖ್ಹಾಜೆ ಉಠಾಡ್‍ಶೆ, ಯೋ ಬೋಲ್‍ಶೇತೆ ಅಖ್ಖಿ ವಾತೆನ ತುಮೆ ಖ್ಹಮಜ಼್‌ಣು. 
\v 23 ಯೊ ಪ್ರವಾದಿನಿ ವಾತೆನ ಖ್ಹಮ್‍ಜ಼ಕೊಂತೆ ಹರೇಕ್ ಜ಼ಣೊಬಿ ದೇವ್ನ ಅದ್ಮಿಥಿ ಅಲಕ್‌ಹುಯಿನ್ ನಾಶ್‌ಹುಯಿಜಾ಼ಶೆ. 
\v 24 ಸಮುವೇಲ್‍ಥಿ ಧರೀನ್ ಇಂಥಿ ಪಛ಼್‌ಲ್ಯ ಪ್ರವಾದಿಖ್ಹಾರುಬಿ ಹಮ್ಕೇನಿ ಆ ದನ್ನಿ ಬಾರೇಮ ವಾತೆ ಬೋಲ್ಯು. 
\v 25 ಯೊ ಪ್ರವಾದಿಖ್ಹಾರು ಬೋಲ್ಯಾತೆ ವಾತೆನ ತುಮೆ ಖ್ಹಮ್‍ಜಿಲಿದ. ದೇವ್ ತುಮಾರ ಗುರುಗುರಬ್‍ಲ್ಯಾನಿ ಜೋ಼ಡ್ಮ ಕರ‍್ಯೊತೆ ಒಪ್ಪಂದಾನನ ತುಮೆ ಸ್ವೀಕಾರ್ ಕರೀಲಿದಾ. ದೇವ್ ತುಮಾರೊ ಗುರು ಹುಯಿರೋತೆ ಅಬ್ರಹಾಮ್‌ನ, ‘ತಾರಿ ಖಾನ್‍ಧಾನ್‍ಥಿ ಜ಼ಮೀನ್‌ಪರ್ ಛಾ಼ತೆ ಅದ್ಮಿಖ್ಹಾರು ವಾರ್‌ಖ್ಹೊ ಲೀಲಿಶೆ ಕರಿ ಬೋಲ್ಯೊ. 
\v 26 ದೇವ್ ಪಹಿಲೆ ತುಮಾರಖ್ಹಾಜೇಸ್ ಇನ ಸೇವಕ್‌ನ ಮರಣ್‌ಥು ಉಠಾಡಿನ್ ತುಮಾರಕನ ಮೋಕ್‌ಲ್ಯೊ. ತುಮೂನ ಆಶೀರ್ವಾದ್‌ ಕರಾನಖ್ಹಾಜೆ ದೇವ್ನೆ ಯೇಸುನ ಮೋಕ್‌ಲ್ಯೊ. ಯೋ ತುಮಾರಮ ಹರೇಕ್ ಜ಼ಣಾನಾಬಿ ಇವ್ಣಿ ಇವ್ಣಿ ಖರಾಬ್ ವಾಟ್‍ಥಿ ದೂರ್ ಕರೀನ್ ಆಶೀರ್ವಾದ್‌ ಕರ್ಶೆ.” ಕರಿ ಬೋಲ್ಯೊ.
\c 4
\s ನ್ಯಾವ್‍ನಿ ಸಭೆನ ಖ್ಹಾಮ್ಣೆ ಪೇತ್ರಬಿ ಯೋಹಾನ
\p
\v 1 ಪೇತ್ರಬಿ ಯೋಹಾನ ಅದ್ಮಿಖ್ಹಾರಾನಿ ಜೋ಼ಡ್ಮ ವಾತ್ ಬೋಲುಕರಾನಿ ವಖ್ಹತ್‌ಮಾಸ್‌ ಹಿಜ್ಜಾ಼ ಥೋಡು ಯಾಜಕ್ ಖ್ಹಾರು ದೇವ್ನ ಮಂದಿರ‍್ನ ಕಾವ್ಲಿಕರಾವಾಳನೊ ಮೋಟೊಬಿ ಸದ್ದುಕಾಯವಾಳು ಇವ್ಣಕನ ಆಯು. 
\v 2 ಆ ಭೇಜ಼ಣ ಅಪೊಸ್ತಲರ‍್ನೆ ಅದ್ಮಿಖ್ಹಾರಾನ ಯೇಸುನಿ ಶಕತ್‍ಥಿ ಮರ‍್ಯಹುಯಾನ ಖ್ಹಾರಾನ ಪಾಛು಼ ಜಿವ್ತುಹುಯಿನ್ ಆವ್‌ಶೆ ಕರಿ ಬೋಧನೆ ಕರುಕರಾತೆ ದೇಖಿನ್ ಇವ್ಣುನ ಚ಼ಂಢಾಳ್ ಛ಼ಡ್ಯೊ. 
\v 3 ಯೆಹೂದ್ಯರ್‌ನ ಗಲ್‍ಢಖ್ಹಾರಾನೆ ಪೇತ್ರನಾಬಿ ಯೋಹಾನನಾಬಿ ಧರೀನ್ ಖ್ಹಾರ್ಕೊಟ್‌ಮ ಘಲ್‍ದಿದು. ತದೆ ಅಂಧಾರು ಹುಯಿರ‍್ಹುಥು. ಇನಖ್ಹಾಜೆ ಇವ್ಣ ಭೇಜ಼ಣಾನ ಇನ ಆಗ್‍ಲ್ಯ ದನ್‌ಲಗು ಕೋಂಡಿರಾಖ್ಯುಥು. 
\v 4 ಕತೋಬಿ ದೇವ್ನಿ ವಚನ್ ಖ್ಹಮ್‍ಜಾ಼ವಾಳಾಮ ಕೆತ್ರೂಕಿಜ಼ಣು ವಿಶ್ವಾಸ್ ಕರ‍್ಯು; ಪರ್ಖ್ಹಾನಿ ಗಣ್ತೀಸ್ ಖ್ಹುಮಾರ್ ಪಾಚ಼್ ಹಜಾ಼ರ್ಥಿ ಜಾ಼ಖ್ಹತ್ ಹುಯು. 
\v 5 ಅಗ್‍ಲ್ಯದನ್ನೆ ಯೆಹೂದ್ಯರ‍್ನು ಅದಿಕಾರಿಬಿ ಗಲ್‌ಢಖ್ಹಾರು, ಬಿಜು಼ ಧರ್ಮ ಬೋಧನೆ ಕರವಾಳು ಯೆರೂಸಲೇಮ್ಮ ಸಭೆ ಮಳೀನ್‍ ಆಯು. 
\v 6 ಹಿಜ್ಜಾ಼ ಅನ್ನಕರಿ ಪ್ರಧಾನ ಯಾಜಕ್‍ಬಿ ಕಾಯಫಬಿ ಯೋಹಾನಬಿ, ಬಿಜು಼ ಅಲೆಕ್ಸಾಂಡರ್‌ಬಿ ಥೊ.ಮಹಾಯಾಜಕನ ಪರಿವಾರ್ ವಾಳಾಮ ಮಳ್ಯುಹುಯು ಅಖ್ಖು ಜ಼ಣುಬಿ ಹಿಜ್ಜಾ಼ ಥೂ. 
\v 7 ಅವ್ಣೆ ಪೇತ್ರಬಿ ಯೋಹಾ‍ನನ ಬೀಚ್ಮ ಭೀರಾಖಿನ್ ತುಮೆ ಖಿವಿ ಶಕಥ್ಥಿ ಅಜು಼ ಕಿನ ನಾಮ್‍ಥಿ ಆ ಅಖ್ಖು ಕರೋಸ್? ಕರಿ ಬೋಲಖ್ಹತರ್, 
\v 8 ತದೆ ಪೇತ್ರನೆ ಪವಿತ್ರಾತ್ಮಥಿ ಭರೈನ್ ಇವ್ಣುನ; ಅದ್ಮಿನ ಅದಿಕಾರಿವೊ ಶಾಣವೊ, 
\v 9 ಏಕ್‌ ಲಂಗ್ಡಾನ ಹುಯುತೆ ಮದತ್‍ನಿ ಬಾರೇಮ ಇನ ಆ ಕಿಮ್ ಗುಣ್‌ಹುಯು ಕರಿ ತುಮೆ ಹಮೂನ ಸವಾಲ್‌ ಬೋಲುಕರಸ್. 
\v 10 ತುಮೆ ಶಿಲ್‌ಬೇಪರ್ ಛ಼ಡಾಯತೆ ಅಜು಼ ‘ದೇವ್ನೆ ಮರ‍್ಯಹುಯಮಾಥು ಉಠಾಡ್ಯೊತೆ ನಜ಼ರೇತ್‌ನೊ ಯೇಸುಕ್ರಿಸ್ತನ ನಾಮ್‍ಥೀಸ್ ಆ ಲಂಗ್ಡೊಥೋತೆ ಅದ್ಮಿ ಅಛ್ಛೊ಼ ಹುಯು. ಬಿಜು಼ ತುಮಾರ ಖ್ಹಾಮ್ಣೆ ಭಿಯೋಸ್ ಕರಿ ಬೋಲಾನು, ತುಮೂನಾಬಿ ಅಜು಼ ಇಸ್ರಾಯೇಲ್ ಅದ್ಮಿಖ್ಹಾರನ ಆವಾತೆ ಮಾಲುಮ್ ರ‍್ಹವಾದೆ. 
\v 11 ‘ಘರ್ ಭಾಂದಾವಾಳ ಹುಯಿರ‍್ಹಾತೆ ತುಮೆ ನಕೊಕರಿ ಮ್ಹೆಂದಿದಾತೆ ಯೊ ಬಂಡೋಸ್ ಯೇಸು. ಯೋಸ್ ಮುಖ್ಯ ಹುಯಿರ‍್ಹುತೆ ಕೋಣಾನೊ ಬಂಡೊ ಹುಯಿಗಯೊ’. 
\v 12 ಆವ್ಣುತೆ ರಕ್ಷಣೆ ಬಿಜು಼ ಕಿನಾಮಬಿ ಮಳ್‍ಶೆಕೊಯ್ನಿ; ಇನ ನಾಮ್‍ಥೀಸ್ ಪಣ್ಕಿ ಆಬ್‌ನ ಹೇಟ್ ಅದ್ಮಿನ ದೀರಾಖ್ಯುತೆ ಬಿಜ಼ ಖೆವ ನಾಮ್‌ಥಿಬಿ ಅಪ್ಣುನ ರಕ್ಷಣೆ ಕೋಉಷೇನಿ. ಕರಿ ಬೋಲ್ಯೊ. 
\v 13 ಪೇತ್ರ ಬಿಜು಼ ಯೋಹಾನ, ಭಾಲ್‌ಥಿ ವಾತೆ ಬೋಲಾನು ಯೋ ಅದ್ಮಿಖ್ಹಾರು ದೇಖಿನ್ ಇವ್ಣೆ ಶನೀಬಿ ಪಢಂತ್ ಕೊ ಶಿಕಿರಾಖ್ಯಾನಿ ತೋಬಿ ಡರ‍್ಯಕೊಂತೆ ಆ ಕಿಮ್ ಬೋಲಸ್ ಕರಿ ಘಣು ಆಶ್ಚರ್ಯ ಕರ‍್ಯು. ಪೇತ್ರಬಿ ಯೋಹಾನ ಯೇಸುನಿ ಜೋ಼ಡ್ಮಥೋತೆ ಕರಿ ಖ್ಹಣೇದ್ ಧರ‍್ಯು. 
\v 14 ಅಜು಼ ಗುಣ್‌ಹುಯುತೆ ಯೊ ಲಂಗ್ಡು ಅದ್ಮಿಬಿ ಇವ್ಣಿ ಜೋ಼ಡ್ಮ ಭೀಯೂತೆ ದೇಖ್ಯು.ಯೆಹೂದ್ಯರ್‌ನೆ ಫರೀನ್ ಶಾತ್ಬಿ ಬೋಲಾನ ಕೋ ಹುಯುನಿ. 
\v 15 ತದೆ ಯೆಹೂದ್ಯರ್‌ನ ಘಲ್ಡ ಖ್ಹಾರಾನೆ ಅಪೊಸ್ತಲರ‍್ನ ಭಾರ್‌ ಮೋಕ್ಲಿನ್, 
\v 16 ಇವ್ಣೆ “ಆ ಅದ್ಮಿನ ಅಪ್ಣೆ ಶಾ‍ತ್ ಕರಿಯೆ? ಅವ್ಣೆ ಘಣು ಅಪ್‍ರೂಪ್‍ನು ಖ್ಹಣೇದ್‍ನು ಕಾಮ್ ಕರಿರಾಖ್ಯುತೆ ಯೆರೂಸಲೇಮ್‌ನ ಖ್ಹಾರಾಸ್ ಅದ್ಮಿನ ಮಾಲುಮ್‍ಪಡಿರ‍್ಹುಸ್, ಇನ ಝೂ಼ಟಿ ಬೋಲಾನ ಕೊಹೊಯ್ನಿ”. 
\v 17 ಕತೋಬಿ ಆ ವಾತೆನ ಅದ್ಮಿಖ್ಹಾರು ಯೇಸುನ ನಾಮ್ನ ಪಾಡೀನ್ ಬಿಜು಼ ಕಿನಿ ಜೋ಼ಡ್ಮಾಬಿ ವಾತೆ ನಾಬೋಲ್ನುಕರಿ ಇವ್ಣುನ ಡರಾವ್ಣು ಕರಿ ಇವ್ಣೆ ವಾತೆ ಬೋಲಿಲಿದು. 
\v 18 ತದೆ ಅಪೊಸ್ತಲರ‍್ನ ಮಹಿ ಬುಲೈನ್, ಯೇಸುನು ನಾಮ್‍ಲೀನ್ ಶಾತ್ಬಿ ನಾ ಬೋಲ್‌ನು ಬಿಜು಼ ಶಿಕಾಡ್‍ನುನಾ ಕರಿ ಇವ್ಣುನ ಝೇತಾಯು. 
\v 19 ಇನಖ್ಹಾಜೆ ಪೇತ್ರಬಿ ಯೋಹಾನಾನೆ; ಇವ್ಣುನ, ದೇವ್ನಿ ವಾತೆ ಖ್ಹಮ್‍ಜಾ಼ಥೀಬಿ ತುಮಾರಿವಾತೆ ಖ್ಹಮ್‍ಜಾ಼ನು ಬರೋಬರ್‌ಕಿ ಶು? ಯೊ ದೇವ್ನ ಖ್ಹಾಮ್ಣೆ ನ್ಯಾವ್‌ಕಿ ಶು? ಇನ ತುಮೇಸ್ ತೀರ್ಪ್ ಕರಿಲೆವೊ. 
\v 20 ಹಮೇತೊ ದೇಖಿನ್ ಖ್ಹಮ್‍ಜಿಹುಯಿ ವಾತೆನ ಬೋಲ್‌ಶು ಕೊಂತೆ ರ‍್ಹಿಶುಕೊಯ್ನಿ. ಕರಿ ಜ಼ವಾಬ್‍ದಿದಾ. 
\v 21 ಚಾ಼ಲ್ಯುತೆ ಖ್ಹಣೇದ್ನ ಕಾಮ್ನಖ್ಹಾಜೆ ಅದ್ಮಿಖ್ಹಾರು ದೇವ್ನ ಖ್ಹರವ್‌ಕರ‍್ತುಥು, ಇನಖ್ಹಾಜೆ ಅಪೊಸ್ತಲರ‍್ನ ಖ್ಹತಾವನ ಕಾರಣ್ ಮಳಿಕೊಂತೆ ಇನಖ್ಹಾಜೆ ಇವ್ಣುನ ಅಜೂ಼ಬಿ ಝೇತೈನ್‍ಮ್ಹೇಲಿದಿದು. 
\v 22 ಯೊ ಖ್ಹಣೇದ್‍ನು ಕಾಮ್‍ಥಿ ಅಛ್ಛು಼ ಹುಯುತೆ ಲಂಗ್ಡಾನ ಚಾ಼ಳಿಖ್ಹ್ ವರಖ್ಹ್‌ಥೀಬಿ ಜಾ಼ಖ್ಹತ್ ಉಂಬರ್ ಹುಯಿರುಥು.
\s ಘಟ್ ರ‍್ಹಾವನಖ್ಹಾಜೆ ವಿಶ್ವಾಸಿನಿ ಪ್ರಾರ್ಥನೆ
\p
\v 23 ಪೇತ್ರಬಿ ಯೋಹಾನ ಭೇಜ಼ಣ ಯೆಹೂದ್ಯರ್‌ನ ಗಲ್‌ಢಖ್ಹಾರಾನಿ ಸಬೆಮಾಥು ನಿಕ್ಳಿನ್, ಇವ್ಣ ಝೂ಼ಂಡ್‌ಮ, ಮಹಾಯಾಜಕ್ ಖ್ಹಾರಾನೆ ಬಿಜು಼ ಯೆಹೂದ್ಯರ್‌ನ ಶಾಣಖ್ಹಾರಾನೆ ಇವ್ಣು ಬೋಲ್ಯೊತೆ ವಾತೆಖ್ಹಾರೀಸ್ ಇವ್ಣಿ ಝೂ಼ಂಡ್‌‍ವಾಳಾನ ಖ್ಹಮ್‍ಜಾ಼ಡ್ಯ. 
\v 24 ಅನ ಖ್ಹಮ್‍ಜ್ಯುತೆ ಖ್ಹಾರು ವಿಶ್ವಾಸಿ ಏಕ್‍ದಿಲ್‍ಥಿ ದೇವ್ನ ಜೋ಼ರೇಖ್ಹು ಚಿಕ್ರಿನ್ ಅಮ್ ಪ್ರಾರ್ಥನೆ ಕರ‍್ಯು. ಮಹಾಪ್ರಭು, ಆಬ್‌ ಧರ್ತಿನ, ದರ‍್ಯಾವ್‌ನಾಬಿ, ಇನಾಮ ಛಾ಼ತೆ ಖ್ಹಾರೂಸ್ ಉಬ್‍ಜಾ಼ಯೊಹುಯೊ ತೂಸ್, 
\v 25 ಹಮಾರೊ ಗುರು ಹುಯಿರೋತೆ ದಾವೀದ್ ತಾರೊ ಸೇವಕ್ ಹುಯಿರೋಥೊ. ಇನೆ ಪವಿತ್ರಾತ್ಮನಿ ಮದಥ್ಥಿ ಆವಾತೆಖ್ಹಾರಿ ಲೀಖ್ಯೊ. ಯೆಹೂದ್ಯರ್‌ಕಾಹೆತೆ ಅದ್ಮಿಖ್ಹಾರು ಇರಾದೊ ಶನ ಕರ್ತುಉಷೆ? ಅಲಕ್ ಜಾ಼ತ್‌ಜ಼ಮಾತ್‌ಖ್ಹಾರು ಶನ ಫಾಯಿದೊಕೊಂತೆ ಸೋಚ್‌ತು ಉಷೆ? 
\v 26 ಜಗತ್ನೊ ರಾಜ಼ಖ್ಹಾರು ತಯಾರ್ ಹುಯಿರುಸ್, ಪ್ರಭುನಾಬಿ ಇನೊ ಅಬಿಷೇಕ್ ಕರಿರಾಖ್ಯೊತೆ ಇನಾಬಿ ವಿರೋದ್ ಹುಯಿನ್ ಅದಿಕಾರಿಖ್ಹಾರು ಎಕ್ಟು ಹುಯಿರುಸ್. ಕರಿ ಬೋಲೈರಾಖ್ಯೊಸ್‍ನಿ? 
\v 27 ಯೋ ವಾಥ್ಥಿಸ್ ಹೆರೋದಬಿ ಪೊಂತ್ಯ ಪಿಲಾತಬಿ, ತೂ ಅಬಿಷೇಕ್ ಕರ‍್ಯೊತೆ ತಾರೊ ಪವಿತ್ರ ಸೇವಕ್ ಹುಯಿರೋತೆ ಯೇಸುನ ವಿರೋದ್ ಯೆಹೂದ್ಯರ್‌ಕಾಹೆತೆ ಖ್ಹಾರು ಅಜು಼ ಇಸ್ರಾಯೇಲ್‌ನು ಅದ್ಮಿಖ್ಹಾರು ಒಟ್‍ ಹುಯಿನ್ ಭರೈರ‍್ಹೂಥು. 
\v 28 ಯೇಸುನ ವಿರೋದ್ ಎಕ್ಟುಹುಯಿನ್ ಆಯುತೆ ಆ ಖ್ಹಾರು ಅದ್ಮಿನ ತಾರಿ ಖ್ಹೂಜ಼್ ಚಾ಼ಲನಿಘೊಣಿ ಕರ‍್ಯು. ತಾರಿ ಶಕಥ್ಥಿ ಅಜು಼ ತಾರಿ ಮರ್ಜಿಥೀಬಿ ಆ ಚಾ಼ಲ್ಯು. 
\v 29 ಪ್ರಭು ಹಮ್ಕೆ ಅವ್ಣೆ ಬೋಲುಕರಾತೆ ಖ್ಹಮಜ಼್ ಇವ್ಣೆ ಹಮೂನ ಡರಾವ್‌ಕರಾತೆ ಇನ ತು ಕಾನ್‌ದೆ. ಪ್ರಭು ಹಮೆ ತಾರಿ ಸೇವಕ್ ಹುಯಿರಾತೆ ತಾರಿ ವಚನ್ನ ಭಾಲಿಥಿ ಬೋಲಾನ ತೂಸ್ ಮದತ್‍ಕರ್. 
\v 30 ತಾರ ಹಾತ್ನ ಭಡಾಯೋತೊ, ತಾರ ಸೇವಕ್, ತಾರಿ ವಚನ್ನ ಹಿಮ್ಮಥ್ಥಿ ಬೋಲಾನಿತರ ರಕ್ಷಕ್ ಯೇಸುನ ನಾಮ್‍ಥಿ ಪವಿತ್ರ ಕಾಮ್ ಕರಾನ, ರೋಗ್‌ವಾಳನ ಗುಣ್‌ಕರಾನಖ್ಹಾಜೆ,ಅಶ್ಚರ್ಯ ಅದ್ಭುತ್‌ಕಾಮ್‌ ಕರಾನ ತಾರೊಹಾತ್‌ ಫೈಲಾವ್‌”. 
\v 31 ಅಮ್ ವಿಶ್ವಾಸಿಖ್ಹಾರು ಪ್ರಾರ್ಥನೆ ಕರಾನಿ ವೇಳ್ಮ ಇವ್ಣೆಥಾತೆ ಝ಼ಗೊ ಕಾಪಿರ‍್ಹಹಿಗು. ತದೆ ಇವ್ಣೆ ಖ್ಹಾರುಸ್ ಪವಿತ್ರಾತ್ಮಥಿ ಭರೈನ್ ದೇವ್ನಿ ವಚನ್ನ ಡರ್‌ ಕೊಯಿನ್ತೆ ಬೋಲ್ಯು.
\s ವಿಶ್ವಾಸಿಖ್ಹಾರನು ಲಾಡ್ನು ಜಿವ್ಣು
\p
\v 32 ಅಖ್ಖ ವಿಶ್ವಾಸಿನೊ ದಿಲ್‌ಬಿ ಜಾನ್‌ಬಿ ಎಕ್ಕಸ್ ಹುಯಿರ‍್ಹುಥು. ಇವ್ಣ ಟೋಳ್‍ಮಾನು ಕೋಣ್‌ಬಿ ರ‍್ಹವೊ ಇವ್ಣುನ ಥೂತೆ ಶೊತ್ಮ ಖಿವು ಏಕ್‌ಬಿ ಹಮಾರು ಕರಿ ಬೋಲ್ಯುಥುಕೊಯ್ನಿ. ಇನ ಬದಲ್ ಹರೇಕ್‍ನಾಬಿ ವಾಟಪಾಡಿಲೇತೂಥು. 
\v 33 ಪ್ರಭು ಹುಯಿರೋತೆ ಯೇಸು ಪಾಛು಼ಜಿವ್ತೊಹುಯಿನ್ ಉಠೀನ್ ಆಯೊಕರಿ ಅಪೊಸ್ತಲರ್ ಘಣ ಶಕಥ್ಥಿ ಅದ್ಮಿಖ್ಹಾರಾನ ಸಾಕ್ಷಿ ಬೋಲ್ತುರ‍್ಹೇತುಥು. ಅಜು಼ ದೇವ್ನಿ ದಯಾ ಜಾ಼ಖ್ಹತ್ ಕಾಮ್‍ಕರ‍್ಯು.
\p
\v 34 ಇವ್ಣೆ ಜ಼ರೂರತ್ ಪೂರಹೋತುಥು, ಜ಼ಮೀನ್ ಬಿಜು಼ ಘರ್ ರ‍್ಹವಾಳು ಹರೇಕ್‌ಜ಼ಣು ಯೊ ಖ್ಹಾರು ವೇಚಿನ್ ಮಳಾತೆ ಪೈಶಾನ ಲೀನ್ ಆಯು. 
\v 35 ಅಜು಼ ಇವ್ಣೆಖ್ಹಾರು ಅಪೊಸ್ತಲರ‍್ನ ಗೋಡಾಕನ ಲಯಿನ್ ಮ್ಹೇಲ್‍ತೂಥು; ಯೊ ಪೈಶಾನ ಜ಼ರೂರತ್ ರ‍್ಹವಳಾನ ವಾಟಪಾಡಿ ದೇತೂಥು. 
\v 36 ಅಮ್ನಿಸ್ ಪರಕ್ಮ ಸೈಪ್ರಸ್ ಗಾಮ್ಮ ಪೈದಹುಯೊತೆ ಲೇವಿ ಹುಯಿರೊಥೋತೆ ಯೋಸೇಫಕರಿ ಏಕ್‍ಜ಼ಣೊ ಥೊ. ಇನ ಅಪೊಸ್ತಲ್‌ಖ್ಹಾರು ಬಾರ್ನಬ ಕರಿ ಬೋಲ್ತುಥು. ಇಮ್‍ಕತೊ “ಏಕ್‌ನ ಭಾಲಿ ದ್ಯವವಾಳೊ” ಕರಿ ಅರ್ಥ. 
\v 37 ಇನೆ ಇನಥೂತೆ ಜ಼ಮೀನ್ನ ವೇಚಿನ್ ಯೊ ಪೈಶಾನ ಅಪೊಸ್ತಲರ‍್ನ ಲಯಿನ್ ದಿದೊ.
\c 5
\s ಅನನೀಯಬಿ ಸಫೈರ
\p
\v 1 ಅನನೀಯಕರಿ ಏಕ್‍ಜ಼ಣೊ ಥೊ. ಇನಿ ಬಾವಣ್ಣು ನಾಮ್ ಸಫೈರ.ಅವ್ಣುನ ಥೂತೆ ಥೋಡಿ ಜ಼ಮೀನ್ನ ವೇಚಿನ್, ಇಂಥಿ ಮಳಾತೆ ಪೈಶಾಮ, 
\v 2 ಇನಿ ಬಾವಣ್ಣಿ ವಾತ್ ಖ್ಹಮ್‌ಜಿನ್‌ ಏಕ್‌ ಭಾಗ್‌ ಲಪಾಡಿನ್, ಬಿಜೇಕ್ ಭಾಗ್ನ ಅಪೊಸ್ತಲರ‍್ನ ಗೋಡಾಕನ ಲಯಿನ್ ಮ್ಹೇಲ್ಯೊ. 
\v 3 ತದೆ ಪೇತ್ರನೆ; ಅನನೀಯನ, ತೂ ಯೊ ಜ಼ಮೀನ್ ವೇಚ್ಯೊತೆ, ಇನಾಮಾಥು ಥೋಡು ಲಪಾಡಿನ್ ಪವಿತ್ರಾತ್ಮನ ಠಗಾವ್ಣು಼ ಕರಿ ಛಾ಼.ಶೈತಾನ್ನೆ ತಾರ ದಿಲ್ಮ ಭರ್‌ದಿದೊತೆ ಶಾತ್? 
\v 4 ವೇಚಾ಼ನ ಅಗಾಡಿ ಯೋ ಜ಼ಮೀನ್ ತಾರೀಸ್ ಹುಯಿರ‍್ಹಯಿಥೀನಿ. ತೂ ವೇಚ್ಯೊತೊಬಿ ಆಯೂತೆ ಪೈಶಾ ತಾರಾಸ್ ಹಕ್‌ಮ ಥು. ಆ ಖರಾಬ್ ಕಾಮ್ನ ತಾರ ದಿಲ್ಮ ಶನ ಸೋಚಿಲಿದೊ? ತೂ ಝೂ಼ಟಿ ಬೋಲ್ಯೊತೆ ದೇವ್ನ ಪಣ್ಕಿ,ಅದ್ಮಿನ ಕಾಹೆ ಕರಿ ಪೇತ್ರನೆ ಬೋಲ್ಯೊ. 
\v 5 ಆವಾತೆಖ್ಹಾರಿ ಖ್ಹಮಜ಼್‌ತಾಸ್‌ ಅನನೀಯ ಹೇಟ್ ರಡ್ಕಿನ್ ಮರಿಗಯೊ; ಅನ ಖ್ಹಮ್‍ಜಾ಼ವಾಳ ಅಖ್ಖಾಸ್ನ ಘಣೊ ಡರ್‌ಲಾಗ್ಯು. 
\v 6 ತದೆ ಜಾ಼ನ್‍ಜ಼ಮಾನ್‍ಖ್ಹಾರು ಉಠೀನ್ ಇನ ಶರೀರ್‌ನ ಲುಂಗ್ಡಾಮ ಲಪೇಟಿನ್ ಢೋಯಿಲಿಜೈನ್ ಮಖ್ಹಾಣ್ಯು ಕರ‍್ಯು. 
\v 7 ಅನವಾರ್‌ ಖ್ಹುಮಾರ್ ತೀನ್ ಘಂಟಾನಿ ವೇಳ್ಮ ಅನನೀಯನಿ ಬಾವಣ್‍ ಇನ ಮಾಲುಮ್‌ಕೊಂತೆ ಹಿಜ್ಜಾ಼ ಆಯಿ. 
\v 8 ತದೆ ಪೇತ್ರನೆ ಸಫೈರನ ದೇಖಿನ್-ತುಮೆ ಯೊ ಜ಼ಮೀನ್ ವೇಚ್ಯಾತೆ ಖ್ಹಾಚಮಾಬಿ ಅತ್ರಾಸ್‍ ಪೈಶಾನಕಿಶೂ? ತೂ ಮನ ಬೋಲ್‌ಕರಿ ಬೋಲಾನಿ ವೇಳ್ಮ “ಒಹೊ ಅತ್ರಾಸ್‍ ಪೈಶಾನ” ಕರಿ ಬೋಲಿ. 
\v 9 ತದೆ ಪೇತ್ರ ಇನ-ತುಮೆ ಭೇಜ಼ಣ ಮಳಿನ್ ಪ್ರಭುನ ಆತ್ಮಾನ ಶನ ತರೀಪ್ಷಕರ‍್ಯಾ”? ಹಂದೇಕ್, ತಾರ ಬಾವ್ರಿನ ಗಾಡ್ಯಹುಯ, ಬಾಕಲ್‍ಕನ ಆಯಿನ್ ಭೀಯ. ತುನಾಬಿ ಇವ್ಣೆಸ್ ಢೊಯಿಲೀನ್ ಜಾ಼ಶೆ ಕರಿ ಬೋಲ್ಯೊ. 
\v 10 ತದೇಸ್‌ ಯೋಬಿ ಪೇತ್ರನ ಗೋಡಾನ ಖ್ಹಾಮ್ಣೆ ಪಡೀನ್ ಮರಿಗೈ. ಯೋ ಜಾ಼ನ್ಜ಼ಮಾನ್ ಖ್ಹಾರಾನೆ ಮಹಿ ಆಯಿನ್ ಯೋ ಮರಿಗೈತೆ ದೇಖಿನ್ ಇನ ಢೊಯಿಲೀಜೈನ್ ಇನ ಬಾವ್ರಿನ ಮಖ್ಹಾಣ್ಯನ ಭೀಡೆ ಗಾಡಿದಿದು. 
\v 11 ಆ ವಾತೆನ ಖ್ಹಮ್‍ಜ್ಯುತೆ ಅಖ್ಖಿ ಸಬೆನ ಅಜು಼ ಖ್ಹರಾಸ್ ಅದ್ಮಿವೊನ ಡರ್‌ಲಾಗ್ಯು.
\s ಖ್ಹಣೇದ್‍ನು ಕಾಮ್‍ಅಖ್ಖು ಅಜು಼ ಅದ್ಭುತ್ ಕಾಮ್‍ಅಖ್ಖು
\p
\v 12 ಅಪೊಸ್ತಲರ್ ಖ್ಹಾರು ಕೈಏಕ್ ಖ್ಹಣೇದ್‍ನು ಕಾಮ್‍ಬಿ ಅದ್ಬುತ್‌ಕಾಮ್‌ಬಿ ಕರ‍್ಯು. ಅದ್ಮಿಖ್ಹಾರು ಯೋ ಕಾಮ್ನ ದೇಖ್ಯು. ಅಜು಼ ಅಖ್ಖುಜ಼ಣು ಎಕ್ಟು ಹುಯಿನ್ ಸೊಲೊಮೋನ್ನ ಛ಼ತ್‌ಕನ ಮಳಿನ್ ಆವ್ತುಥು. 
\v 13 ಇವ್ಣ ಜೋ಼ಡ್ಮ ರ‍್ಹವಾನ ಬಿಜ಼ ಖೆವ ಏಕ್‌ ಜ಼ಣಾನ ಹಿಮ್ಮತ್ ಕೋಥಿನಿ. ಶನಕತೊ ಅದ್ಮಿಖ್ಹಾರು ಇವ್ಣುನ ಜಾ಼ಖ್ಹತ್ ಖ್ಹರಾವ್‌ತು ಥು. 
\v 14 ರ‍್ಹಯುತೋಬಿ ಕೇತ್ರುಕಿಜ಼ಣು; ತಯೇಡ ಪರ್ಖೊಖ್ಹಾರು ಪ್ರಭುನ ನಂಬಾವಾಳು ಹುಯಿನ್ ಇವ್ಣ ಟೋಳ್ಮ ಮಳಿಜಾ಼ತುಥು. 
\v 15 ಅಮ್‍ ರ‍್ಹವಾನಿ ವೇಳ್ಮ ಅದ್ಮಿಖ್ಹಾರು ರೋಗ್‌ವಾಳನ ಡೋಲಿಪರ್‌ ಪಾಡಿಲೀನ್ ಪೇತ್ರ ಆವಾನಿ ವಾಟ್‌ಪರ್ ಲಯಿನ್, ರೋಗ್‌ವಾಳನ ಉಪ್ಪರ್ ಇನಿ ಛಾ಼ಳಿಪಡಾದೆ ಕರಿ ವಾಟ್‌ಪರ್ ಮ್ಹೆಲ್ತುಥು. ಪೇತ್ರನಿ ಛಾ಼ಳಿ ಪಡಿತೋಬಷ್ ಕರಿ ಅದ್ಮಿಖ್ಹಾರಾನೆ ಸೋಚಿಲಿದು. 
\v 16 ಯೆರೂಸಲೇಮ್ನ ಅಶ್‌ಪಿಶ್‍ ಖ್ಹಾರಗಾಮ್‍ನು ಅದ್ಮಿ ಆವ್ತುಥು. ಇವ್ಣೆ ರೋಗ್‍ವಾಳನಾಬಿ ಭೂತ್‌ ಧರಿರಾಖವಾಳನಾಬಿ ಢೊಯಿಲೀನ್ ಆವ್ತುಥು.ಆ ಅಖ್ಖೂಸ್‌ಜ಼ಣು ಗುಣ್‌ಹೋತುಥು.
\s ಅಪೊಸ್ತಲರ‍್ನ ಹುಯೂತೆ ಖ್ಹತಾಪ್ಣಿ
\p
\v 17 ಮಹಾಯಾಜಕ್‍ಬಿ ಇನ ಜೋ಼ಡ್‍ವಾಳು ಖ್ಹಾರು, ಸದ್ದುಕಾಯ ಭಣಿವಾಳು ಖ್ಹಾರು ಘಣು ಬಳಾಪೊ ಕರ‍್ಯು. 
\v 18 ಇವ್ಣೆ ಅಪೊಸ್ತಲರ‍್ನ ಅಖ್ಖಾನ ಮಾಲುಮ್‌ರ‍್ಹೇಸ್ತೆ ಖ್ಹಾರ್ಕೊಟ್‌ಮ ಕೊಂಡಿನ್‌ ಘಾಲಿದಿದು. 
\v 19 ಕತೋಬಿ ರಾತ್ಮ ಪ್ರಭುನೊ ಏಕ್‌ ಧೂತ ಜೇಲ್‌ನು ಬಾಕಲ್‍ಖ್ಹಾರು ಕಾಡಿನಾಖ್ಯೊ. ಯೊ ದೂತನೆ ಅಪೊಸ್ತಲರ‍್ನ ಭಾರ್‌ ಬುಲೈಲಾಯಿನ್‌, 
\v 20 “ತುಮೆ ಜೈ಼ನ್ ದೇವ್ನಿಮಂದಿರ್‌ನ ಮಹಿ ಭೀರಿನ್ ಆ ಜಿ಼ಂದ್‌ಗೀನಿ ಬಾರೇಮಾನಿ ಹರೇಕ್ ವಾತೇಬಿ ಅದ್ಮಿಖ್ಹಾರಾನ ಬೋಲೊಕರಿ ಬೋಲ್ಯೊ. 
\v 21 ಇನಖ್ಹಾಜೆ ಇವ್ಣೆ ಅಗಲ್ಯದನ್ನೆ ವ್ಹಾಣವೇಳಿಸ್ ದೇವ್ನಿಮಂದಿರ್‌ಮ ಜೈ಼ನ್ ಬೋಧನೆಕರಲಗ್ಯಾ. ಮಹಾಯಾಜಕ್‍ಬಿ ಇನ ಜೋ಼ಡ್‍ವಾಳು ದೇವ್ನಿಮಂದಿರ್‌ನ ಆಯ. ಇವ್ಣೆ ಯೆಹೂದ್ಯರ್‌ನ ಮೋಟಖ್ಹಾರಾನ ಅಜು಼ ಇಸ್ರಾಯೇಲ್‌ವಾಳನ ಘಲ್ಡಾವ್‍ನಿ ನ್ಯಾವ್‍ನಿ ಸಭೆ ಬೇಖ್ಹಾಡಿನ್‌. ಅಪೊಸ್ತಲರ‍್ನ ಇವ್ಣಕನ ಬುಲೈಲಿನ್ ಆವಾನಖ್ಹಾಜೆ ಥೋಡಜ಼ಣಾನ ಜೇಲ್‌ಕನ ಮೋಕ್‌ಲ್ಯೊ. 
\v 22 ದೇವ್ನಿಮಂದಿರ್‌ನು ಸೇವೆ ಕರವಾಳು ಜೇಲ್‌ಮ ಜೈ಼ನ್ ದೇಖಾತೊ ಹಿಜ್ಜಾ಼ ಅಪೊಸ್ತಲರ್ ಕೊ ದೆಖಾಯುನಿ. ಇನಖ್ಹಾಜೆ ಪಾಛು಼ಫರಿ ಇವ್ಣೆ ಆಯಿನ್, ನ್ಯಾವ್‌ನಿ ಸಬೆವಾಳನ ಅಮ್ ಬೋಲ್ತೊಹುಯಿನ್; 
\v 23 “ಜೇಲ್ ಮೂಚೈ಼ನ್ ಕೀಲಿಲಗ್ಯುಥು. ಕಾವ್ಲಿ ಕರವಾಳು ಬಾಕಲ್‍ಕನ ಭಿಯೂಥು, ಕತೋಬಿ ಹಮೆ ಬಾಕಲ್ ಕಾಡ್ಯತೊ ಮಹಿ ಏಕ್‍ಜ಼ಣೂಬಿ ಕೋ ಥೂನಿ!” ಕರಿ ಬೋಲ್ಯು. 
\v 24 ದೇವ್ನಿಮಂದಿರ್‌ನು ದಳಪತಿಬಿ ಬಿಜು಼ ಮಹಾಯಾಜಕ್ ಖ್ಹಾರು ಆ ವಾತೇನ ಖ್ಹಮ್‌ಜಿನ್‌ ಅನೇಥಿ ಶಾತ್‍ಉಷೇಕಿ ಕರಿ ಇವ್ಣುನ ಆಶ್ಚರ್ಯ ಹುಯು. 
\v 25 ಅಮ್‌ರ‍್ಹವಾನಿ ವಖ್ಹ್‌ತೆ ಏಕ್‍ಜ಼ಣೊ ಅಯಿನ್ ಇವ್ಣುನ, “ಖ್ಹಮ್‍ಜೊ! ತುಮೆ ಜೇಲ್‌ಮ ಘಾಲ್ಯಥಾತೆ ಅದ್ಮಿಖ್ಹಾರು ಆಯಿನ್ ದೇವ್ನಿಮಂದಿರ್‌ಮ ಭಿರೀನ್ ಶಿಕಾಡುಕರಸ್” ಕರಿ ಬೋಲ್ಯೊ. 
\v 26 ತದೆ ಅದಿಕಾರಿ ಟಪಾಲ್‌ನ ಅದ್ಮಿನ ಜೋ಼ಡೆ ಜೈ಼ನ್ ಅಪೊಸ್ತಲರ‍್ನ ಪಾಛು಼ ಬುಲೈಲಾಯೊ. ಕತೋಬಿ ಶಿಪಾಯಿಖ್ಹಾರು ಇವ್ಣುನ ಜು಼ಲಮ್‌ ಕರ‍್ಯುಕೊಯ್ನಿ. ಶನಕತೊ ಅದ್ಮಿಖ್ಹಾರು ಹಮೂನ ಇರಾದೇಥಿ ಬಂಡೊ ಫೇಕಿನ್ ಮಾರಿನಾಕ್‌ಶೆ ಕರಿ ಡರಿಗಯು. 
\v 27 ಇವ್ಣೆ ಅಪೊಸ್ತಲರ‍್ನ ಬುಲೈಲಿನ್ ನ್ಯಾವ್‌ನ ಸಭೆನಖ್ಹಾಮ್ಣೆ ಭೀರಾಖ್ಯು. ತದೆ ಮಹಾಯಾಜಕನೆ ಅಪೊಸ್ತಲರ‍್ನ ಸವಾಲ್‌ ಬೋಲ್ಯೊ; 
\v 28 “ತುಮೆ ಆ ನಾಮ್‌ಪರ್‌ ಬೋಧನೆ ನಾಸ್‍ಕರ‍್ನು ಕರಿ ತುಮೂನ ಹುಕುಮ್‌ ಕರ‍್ಯಥಾನಿ; ರ‍್ಹಯುತೋಬಿ ತುಮೆ ಕರ‍್ಯಾತೆಶಾತ್? ಯೆರೂಸಲೇಮ್‌ನ ತುಮಾರಿ ಬೋಧನೆಥಿ ಫೈಲೈದಿದ, ಆ ಮರೈರ‍್ಹುಥೆ ಅದ್ಮಿನ ಹಮೇಸ್ ಜಿಮ್ಮೇದಾರಿ ಕರಿ ಕರಾನ ತುಮೆ ಕೋಶಿಶ್ ಕರುಕರಸ್” ಕರಿ ಬೋಲ್ಯು. 
\v 29 ತದೆ ಪೇತ್ರ ಅಜು಼ ಥೂತೆ ಅಪೊಸ್ತಲರ್ ಅಮ್ ಬೋಲ್ಯೊಕಿ, “ಹಮೆ ದೇವ್ನ ವಿಧೇಯ ಉಷು ಪಣ್ಕಿ ಅದ್ಮಿನ ಕಾಹೆ.” 
\v 30 ತುಮೆ ಶಿಲ್‌ಬೆಪರ್ ಠಂಗೈನ್ ಮಾರ‍್ಯಾತೆ ಯೇಸುನ ಹಮಾರ ಗುರುಗುರಬ್‍ಲ್ಯನ ದೇವ್ನೆ ಮರಣ್‌ಥು ಉಠಾಡ್ಯೊ! 
\v 31 ದೇವ್ ಇನಾಸ್ ಇಸ್ರಾಯೇಲ್ ಅದ್ಮಿನ ಮನ್ ಫರಾವನಾಬಿ, ಪಾಪ್ನ ಕ್ಷಮಾ ಕರಾನಖ್ಹಾಜೆಬಿ, ದೇವ್ನೆ ಇನ ಪ್ರಭು ಕರೀಬಿ ರಕ್ಷಕ್ ಕರೀಬಿ ಇನಿ ಖಾವಿ ಬಾಜು಼ಮ ಬೆಖ್ಹಾಡ್ಯೊ. 
\v 32 ಆ ಕಾಮ್ನ ಹಮೇಸ್ ಸಾಕ್ಷಿ; ಹಮೇಸ್ ಕಾಹೆತೆ ವಿಧೇಯ ಹುವಾತೆ ಅಖ್ಖಾಸ್ ಅದ್ಮಿನ ದೇವ್ನೆ ದೀರಾಖ್ಯೋತೆ ಪವಿತ್ರಾತ್ಮಸ್ ಸಾಕ್ಷಿ ಹುಯಿರೋಸ್” ಕರಿ ಬೋಲ್ಯೊ.
\p
\v 33 ಯೆಹೂದ್ಯರ್‌ನ ಗಲ್‌ಢೊಖ್ಹಾರು ಆ ವಾತ್ನ ಖ್ಹಮ್‌ಜಿನ್‌ ಘಣು ಚ಼ಂಢಾಳ್ ಛ಼ಡಿನ್ ಅಪೊಸ್ತಲರ‍್ನ ಮಾರಿನಾಕ್ಣು ಕರಿ ಥೂ. 
\v 34 ತದೆ ಅಖ್ಖಾ ಅದ್ಮಿನಿ ಮರ್ಯಾದಿಥಿ ನ್ಯಾವ್ನಿಸಬೆನೊ ಘಲ್ಡೊ ಗಮಲಿಯೇಲಕರಿ ಏಕ್‍ಜ಼ಣೊ ಫರಿಸಾಯರ್‌ವಾಳೊ ಘಲ್ಡಿ ಸಭೆಮ ಉಠಿಭೀರಿನ್ ಆ ಅದ್ಮಿಖ್ಹಾರನ ಜ಼ರಘಡಿ ಭಾರ್‌ ಮೋಕ್ಲೊಕರಿ ಹುಕುಮ್‌ ದಿದೊ. 
\v 35 ತದೆ ಇನೆ ಸಬೆವಾಳನ; ಇಸ್ರಾಯೇಲ್ ಅದ್ಮಿವೊ, ತುಮೆ ಶಾತ್‌ ಕರ್ನುಕರಿ ಛಾ಼ಕಿ ಇನಿ ಬಾರೇಮ ಹೊಷಾರ್‌ಥಿ ರ‍್ಹವೊ. 
\v 36 ಅನೇಥಿ ಅಗಾಡಿ ಥೈದಕರಿ ಏಕ್‌ಜ಼ಣಾನೆ ಮೇ ಮೋಟೊ ಅದ್ಮಿಕರಿ ಬೋಲಿಲೀದೊ. ಇನಿ ಜೋ಼ಡ್ಮ ಖ್ಹುಮಾರ್ ಚಾರ್ ಖ್ಹೋ ಅದ್ಮಿ ಮಳಿರ‍್ಹುಥು. ತ್ಯೋಬಿ ಯೋ ಮರೈಗಯೊ. ಅಜು಼ ಇನ ನಂಬಿಹುಯು ಅಖ್ಖೂಸ್ ಎಕ್ಕೋಸ್ಏಕ್‌ ಮಿಲೈಗು. 
\v 37 ಇನಕೇಡೆಥು ಯೂದಕರಿ ಏಕ್‍ಜ಼ಣೊ ಗಲಿಲಾಯಮ ಥೊ, ತದೆ ಅದ್ಮಿನಿ ಗಣ್ತಿನ ಹಗಾಮ್ ಹುಯಿರಾಥ. ಯೂದಬಿ ಇನ ನಂಬಾವಳಾನು ಏಕ್‌ ಝೂ಼ಂಡ್‌ ಭಾಂದ್ಯೊ. ಯೋಬಿ ಮರೈಗಯೊ. ಇನ ನಂಬಿಹುಯು ಖ್ಹಾರೂಬಿ ಎಕ್ಕೋಸ್ಏಕ್‌ ಮಿಲೈಗು. 
\v 38 ಇನಖ್ಹಾಜೆ ಮೇ ಹಮ್ಕೆ ತುಮೂನ ಶಾತ್ ಬೋಲಸ್‍ಕತೊ ಆ ಅದ್ಮಿವ್‌ಥಿ ದೂರ್ ರ‍್ಹವೊ ಇವ್ಣುನ ಮ್ಹೇಲಿದೆವೊ; ಶನಕತೊ ಆ ಖ್ಹೂಜ಼್ ನತರ್ ಕಾಮ್ ಅದ್ಮಿಥಿ ಹುಯಿರ‍್ಹು ಉಷೇತೊ ಇನು ಯೋಸ್ ಪಡಿಜಾ಼ಶೆ. 
\v 39 ಕತೋಬಿ ಯೋ ದೇವ್‍ಥಿ ಹುಯಿರ‍್ಹವಾನು ಉಷೇತೊ ಇನ ಹರಾವನ ತುಮಾರೇಥಿ ಕೋಉಷೇನಿ; ತುಮೆ ದೇವ್ನವಿರುದ್ ಜಂಗ್‍ಭೀಡಾನಿಮತ್ ದೆಖೈಲಿಶು ಕರಿ ಬೋಲ್ಯೊ.ಇವ್ಣೆ ಗಮಲಿಯೇಲನಿ ಆ ವಾತೆನ ಮಾನಿಲಿದು. 
\v 40 ಅಪೊಸ್ತಲರ‍್ನ ಬುಲೈಮಂಗೈನ್‌, ಮಾರ್‌ಖಡೈನ್‌, ಯೇಸುನು ನಾಮ್‍ಲೀನ್ ವಾತೆ ನಕೊಬೋಲ್‍ಶು ಕರಿ ಹುಕುಮ್‌ ದೀನ್ ಇವ್ಣುನ ಮ್ಹೇಲಿದಿದು. 
\v 41 ಅಪೊಸ್ತಲರ್ ನ್ಯಾವ್‍ನಿ ಘಲ್ಡಾನಿ ಸಭೆಮಾಥು ನಿಕ್ಳಿನ್ ಚ಼ಲೇಗಯ. ಯೇಸುನ ನಾಮ್ನಖ್ಹಾಜೆ ಖ್ಹರಮ್‌ ಕಡೈಲ್ಯಾವಾನ ಹಮೆಯೋಗ್ಯರ್ ಹುಯಾಕರಿ ಖುಷಿಕರ‍್ಯು. 
\v 42 ಇವ್ಣೆ, ಅದ್ಮಿಮ ಬೋಧನೆ ಕರಾನು ಭೀರಾಖ್ಯಕೊಯ್ನಿ. ಯೇಸುಸ್ ಕ್ರಿಸ್ತಕರಿ ಅದ್ಮಿನ ಸುವಾರ್ತೆ ಶಿಕಾಡನ ಶುರುಕರ‍್ಯ. ಇವ್ಣೆ ಹರ್‌ರೋಜ಼್ ದೇವ್ನ ಮಂದಿರ್‌ಮಾಬಿ, ಘರೂಮಾಬಿ ಬೋಧನೆ ಫೈಲಾಯು.
\c 6
\s ಖ್ಹಾತ್‌ಜ಼ಣ ಮದತ್ ಕರಾವಾಳ
\p
\v 1 ಯೋ ದನ್ಮ ಯೇಸುನ ಶಿಷ್ಯರ್‌ನಿ ಗಣ್ತಿ ಜಾ಼ಖ್ಹತ್ ಹೋತು ಆಯು, ಕತೋಬಿ ಯೊ ವಖ್ಹತ್‌ಮ ಗ್ರೀಕ್ ಬೋಲವಾಳ ಯೆಹೂದಿ ಶಿಷ್ಯರ‍್ನೆ, ಇಬ್ರಿಯ ಬೋಲವಾಳ ಯೆಹೂದಿನಿ ಬಾರೇಮ ಹರೇಕ್ ರೋಜ಼್ ಶಿಷ್ಯರ‍್ನ ದೇವ್ಣುಥೂತೆ ತಿನಮಾಥು ಹಮಾರಿ ಮುಂಡಚ್ಚಿಯೆನ ಮಳ್‌ಣುತೆ ಮದತ್ ಬರೋಬರ್‌ಥಿ ಮಳುಕರಕೊಯ್ನಿ ಕರಿ ಭಣ್‌ಕ್ಯು. 
\v 2 ತದೆ ಭಾರಜ಼ಣ ಅಪೊಸ್ತಲರ್ ಖ್ಹಾರು ಅಖ್ಖಾಸ್ ಶಿಷ್ಯರ್‌ನ ಟೋಳ್ನ ಸಭೆ ಬುಲೈನ್ ಇವ್ಣುನ, “ದೇವ್ನಿ ವಚನ್ ಬೋಧನೆ ಕರಾನು ಅಪ್ಣು ಕಾಮ್. ಕತೋಬಿ ಯೊ ಕಾಮ್ ಭೀರಿಜಾ಼ವಾನು ಬರೋಬರ್ ಕೊಯ್ನಿ; ಅಪ್ಣೆ ಅದ್ಮಿಖ್ಹಾರನ ಖಾವಪೀಯಾನಿ ಮದತ್‌ಥೀಬಿ ದೇವ್ನಿ ವಚನ್ನು ಬೋಧನೆನ ಅಗಾಡಿ ಭಡಾವನು ಅಛ್ಛು಼. 
\v 3 ಇನಖ್ಹಾಜೆ ಭೈಯೇವೊ ತುಮಾರಮ ಸಾಕ್ಷಿಥಿ ಜಿವವಾಳ ಖ್ಹಾತ್ ಜ಼ಣಾನ ಚೂ಼ಣಿಲೇವೊ. ಇವ್ಣೆ ಅದ್ಮಿಮ ಪವಿತ್ರಾತ್ಮಥಿ ಭರೈರ‍್ಹವಾಳ ಹುಯಿರ‍್ಹೇಣು ಅಜು಼ ಅಕ್ಲಿ ಹುಯಿರ‍್ಹೇಣು,ಇವ್ಣುನ ಹಮೆ ಆ ಕಾಮ್ ದಿಯೇಸ್. 
\v 4 ತದೆ ಹಮಾರಿ ಖ್ಹಾರೀಸ್‍ ವೇಳ್ನ ಪ್ರಾರ್ಥನೆ ಕರಾನಬಿ ವಚನ್ನ ಬೋಧನೆ ಕರಾನು ಕಾಮ್ ದಿಶು” ಕರಿ ಬೋಲ್ಯು. 
\v 5 ಆ ವಾತೆ ಅಖ್ಖಾಸ್ ಝೂ಼ಂಡ್‌‍ವಾಳಾನೆ ಅಛ್ಛು಼ಕರಿ ಸೋಚ್ಯು. ಇವ್ಣೆ ಪವಿತ್ರಾತ್ಮಥಿ ಭರಾಯೊಹುಯೊ. ಘಣು ವಿಶ್ವಾಸ್‌ವಾಳೊ ಹುಯಿರ‍್ಹೋತೆ. ಸ್ತೆಫನನಾಬಿ, ಫಿಲಿಪ್, ಪ್ರೊಖೋರ, ನಿಕನೋರ, ತಿಮೋನ, ಪರ್ಮೇನ, ಯೆಹೂದ್ಯರ್‌ನಿ ಜಾ಼ತ್‌ಮ ಮಳಿರ‍್ಹೋತೆ, ಅಂತಿಯೋಕ್ಯ ಗಾಮ್‌ವಾಳೊ ನಿಕೊಲಾಯ ಕರಿ ಅವ್ಣುನ ಚೂ಼ಣಿನ್ ಅಪೊಸ್ತಲರ‍್ನ ಖ್ಹಾಮ್ಣೆ ಭಿರಾಖ್ಯು. 
\v 6 ಅಪೊಸ್ತಲರ‍್ನೆ ಇವ್ಣಾಪರ್ ಹಾತ್‍ ಮ್ಹೇಲಿನ್ ಪ್ರಾರ್ಥನೆ ಕರೀನ್ ಯೊ ಕಾಮ್ನಖ್ಹಾಜೆ ಇವ್ಣುನ ಖ್ಹಣೇದ್‌ ಕರ‍್ಯು. 
\v 7 ದೇವ್ನಿ ವಚನ್ ಘಣು,ಘಣು, ಅದ್ಮಿಖ್ಹಾರಾನ ಪೋಚ್ಯು. ಯೆರೂಸಲೇಮ್ಮ ಶಿಷ್ಯರ್‌ನಿ ಗಣ್ತಿ ಘಣು ಭಡ್ತುಗಯು. ಯಾಜಕವ್‌ಮಾಬಿ ಘಣು ಅದ್ಮಿ ಯೇಸುನ ವಿಶ್ವಾಸ್‌ಮ ಮಳ್ತುಗಯು.
\s ಸ್ತೆಫನನ ಕೋಂಡ್ಯುತೆ
\p
\v 8 ಸ್ತೆಫನ ದೇವ್ನಿ ವಾರ್‌ಖ್ಹಾಥೀಬಿ ಶಕಥ್ಥಿಬಿ ಭರೈರ‍್ಹವಾಳೊಹುಯಿನ್ ಅದ್ಮಿಖ್ಹಾರಾಮ ಘಣು ಅದ್ಭುತ್‌ಕಾಮ್‍ಬಿ, ಖ್ಹಣೇದ್‍ನು ಕಾಮ್‍ಬಿ ಕರ್ತೊಥೊ. 
\v 9 ಕತೋಬಿ ‘ಛುಟ್ಕಾರ್‌ ಹುಯಿರಾಸ್‌’ ಕರಿ ಸಬೇನು ಸಬೆವಾಳು ಕುರೇನ್ಯವಾಳು, ಅಜು಼ ಅಲೆಕ್ಸಾಂಡ್ರಿಯವಾಳು, ಯೆಹೂದ್ಯರ್‌ಖ್ಹಾರು ಇವ್ಣೆ ಅಜು಼ ಥೋಡು ಕಿಲಿಕ್ಯ ಅಜು಼ ಏಷ್ಯಾ ತಬರ್‌ಖಾನು ಯೆಹೂದ್ಯರ್ ಉಠೀನ್ ಸ್ತೆಫನನಿ ಜೋ಼ಡ್ಮ ಅಬ್ಬಾಜ಼ಬ್ಬಿ ಬೋಲಲಗ್ಯು. 
\v 10 ಕತೋಬಿ ಇನಿ ವಾತ್ಮ ದೆಖಾಯುತೆ ಗ್ಯಾನ್ನಾಬಿ ಪವಿತ್ರಾತ್ಮನಿ ಶಕತ್‍ನಾಬಿ ಅರಾಬರು ಬೋಲಾನ ಇವ್ಣುನ ಕೋಹುಯುನಿ. 
\v 11 “ಸ್ತೆಫನನೆ, ಮೋಶೆನಾಬಿ ದೇವ್‍ನಾಬಿ ಖರಾಬ್‌ವಾತೆ ಬೋಲಸ್ ಯೋ ಅಖ್ಖು ಹಮೇಸ್ ಖ್ಹಮ್‍ಜಿರಾಖ್ಯಸ್” ಕರಿ ಅಖ್ಖಾಸ್ನ ಬೋಲ್ನುಕರಿ, ಥೋಡಜ಼ಣಾನ ಇವ್ಣೆ ಪೈಶ ದೀನ್ ಮನ್ ಫರಾಯು. 
\v 12 ಅದ್ಮಿವ್‌ನಾಬಿ, ಯೆಹೂದ್ಯರ್‌ನ ಗಲ್‌ಢ ಖ್ಹಾರಮಾಬಿ, ಅಜು಼ ಧರ್ಮಾನು ಬೋಧನೆ ಕರವಾಳನಾಬಿ ಕಲಾವ್ಣಿಕರಾಯು. ಇವ್ಣೆಖ್ಹಾರು ಘಣ ಇರಾದೇಥಿ ಅಯಿನ್ ಸ್ತೆಫನನ ಧರಿಲೀನ್ ಯೆಹೂದ್ಯರ್‌ನ ನ್ಯಾವ್‍ನಿ ಸಭೆಮ ಲೀನ್‌ಗಯು. 
\v 13 ತದೆ ಇವ್ಣೆ, ಥೋಡ ಸಾಕ್ಷಿ ಬೋಲವಾಳಾನ ಬುಲೈಲಾಯಿನ್‌ “ಆ ಅದ್ಮಿ ಆ ಪವಿತ್ರ ಝ಼ಗೋನ ವಿರುದ್ಧಹುಯಿನ್, ಮೋಶೆನಿ ಧರ್ಮಶಾಸ್ತ್ರನ ವಿರೋದ್ ಹುಯಿನ್ ಕದೇಬಿ ಝೂ಼ಟಿ ವಾತೆ ಬೋಲಸ್. 
\v 14 ನಜ಼ರೇತ್‌ವಾಳೊ ಯೇಸು ಆ ದೇವ್ನಿಮಂದಿರ್‌ನ ರಡ್‌ಕೈನ್‌ ಮೋಶೆನಿ ಪದತ್ತಿನ ಅಖ್ಖಾನ ಬದ್ಲವ್‍ಕರಸ್‍, ಕರಿ ಆ ಬೋಲಸ್ತೆ ಹಮೆ ಖ್ಹಮ್‌ಜ್ಯ” ಕರಿ ಬೋಲ್ಯು. 
\v 15 ನ್ಯಾವ್‌ನ ಸಭೆಮ ಬೇಠುಹುಯು ಖ್ಹಾರೂಸ್ ಸ್ತೆಫೆನನ ಮ್ಹೋಡಾನ ಠರ್‌ಕೈನ್ ದೇಖಾತೊ ಇನು ಮ್ಹೋಡು ದೇವ್ನ ದೂತನ ಮ್ಹೋಡಾನಿತರ ದೆಖವ್‌ಕರ್ತುಥು.
\c 7
\s ಸ್ತೆಫನನಿ ಬೋಧನೆ
\p
\v 1 ತದೆ ಮಹಾಯಾಜಕನೆ ಸ್ತೆಫನನ, “ಆ ಖಬರ್ ಖ್ಹಾಚು಼ಕಿ ಶು? ಕರಿ ಬೋಲ್ಯೊ. ತದೆ ಇನೆ ಅಮ್ ಜ಼ವಾಬ್ ದಿದೊ, ಮಾರ ಬಾ ಭೈಯೇವೊ, ಮಾರಿ ವಾತೇನ ಖ್ಹಮ್‍ಜೊ, 
\v 2 ಅಪ್ಣೊ ಗುರುಗುರಬ್‌ಲ್ಯೊ ಹುಯಿರುತೆ ಅಬ್ರಹಾಮ್‌ನ ಅಪ್ಣೊ ಮಹಿಮೆನೊ ದೇವ್ ದೇಖಾಯೊ. ಅಬ್ರಹಾಮ್ ಖಾರಾನ್‍ ಗಮ್ಮ ಜಿವ್ಣುಕರಾನ ಪಹಿಲೆ ಮೆಸಪಟೋಮಿಯಮ ಥೊ. 
\v 3 \x - \xo 7:3 \xo*\xt ಆದಿಕಾಂಡ 12:1\xt*\x*ದೇವ್ನೆ ಇನ ತೂ ‘ತಾರ ದೇಖ್ಹ್‌ನಾಬಿ ಮಾಯಮಾತ್ರನ ಮ್ಹೇಲಿನ್ ಮೇ ವತಾಳುತೆ ದೇಖ್ಹ್‌ನ ನಿಕ್‌ಳಿ ಜಾ಼’ ಕರಿ ಬೋಲ್ಯೊ. 
\v 4 ಇನಖ್ಹಾಜೆ ಅಬ್ರಹಾಮ್‌ನೆ \x - \xo 7:4 \xo*\xt ಆದಿಕಾಂಡ 11:31—15:7\xt*\x*ಕಲ್ದಿಯ ದೇಖ್ಹ್‌ನ ಮ್ಹೇಲಿನ್ ಖಾರಾನ್‌ಮ ಜಿವ್ಣುಕರಾನ ಗಯೊ; ಅಬ್ರಹಾಮ್‌ನೊ ಬಾ ಮರಾನ ಬಾದ್ಮ ದೇವ್ನೆ ಇನ ಹಮ್ಕೆ ತುಮೆ ಜಿವ್ಣುಕರುಕರಾಸ್ತೆ ಆ ದೇಖ್ಹ್‌ನಾಸ್ ಬೋಲಿಮೋಕ್‌ಲ್ಯೊ. 
\v 5 ಇಮ್ಮಸ್ ಆ ದೇಖ್ಹ್‌ಮ ಇನ \x - \xo 7:5 \xo*\xt 12:7—13:15\xt*\x*ಹತೇಳಿಯೆತ್ರೆ ಝ಼ಗೋಬಿ ಶೊಂತ್‌ಕರಿ ದಿದೊಕೊಂತೆ; ಇನ ಲಡ್ಕಾಕೊಂತೆ ತದೇಸ್‌ ತೂ ಛಾ಼ತೆ ದೇಖ್ಹ್‌ನ ತುನಾಬಿ ತಾರಿ ಆವ್‌ಶೇತೆ ಖ್ಹಾಮ್ಣೇನಿ ಪಿಳ್ಗಿನ ಹಾತ್ಮ ದೇವ್‍ಕರೂಸ್‍ಕರಿ ವಾಗ್ದಾನ್ ಕರ‍್ಯೊ. 
\v 6 ಎತ್ರೇಸ್ ಕಾಹೆತೆ ದೇವ್ನೆ ಇನ ಜೋ಼ಡ್ಮ ಬೋಲ್ಯೊತೆ ಶಾತ್‌ಕತೊ ತಾರು ಪಿಳ್ಗಿವಾಳು ಬಿಜೇಕ್ ದೇಖ್ಹ್‌ಮ ಜಿವ್ಣುಕರ್ಶೆ, ಹಿಜ಼್ಜಾನು ಅದ್ಮಿಖ್ಹಾರು ಇವ್ಣುನ ಗುಲಾಮ್‌ಕರೀಲಿನ್ ಚಾರ್‌ಖ್ಹೊ ವರಖ್ಹ್‌ಲಗು ಖ್ಹತಾವ್‌ಶೆ. 
\v 7 ಕತೋಬಿ ‘ತಾರು ಖಾನ್‌ದಾನ್‌ವಾಳು ಗುಲಾಮ್‌ಹುಯಿನ್ ಚಾ಼ಕ್ರಿಕರುಕರಾತೆ ಅಲ್ಹಾವ್‌ ಅದ್ಮಿನ ಮೇಸ್ ತೀರ್ಪ್‌ ದೀಶ್‍ಕರಿ ಬೋಲ್ಯೊ. ಅತ್ರೇಸ್ ಕಾಹೆತೆ ದೇವ್ನೆ, ಇನಪಾರ್ ಇವ್ಣೆ ಯೊ ದೇಖ್ಹ್‌ಮಾಥು ಆ ಝ಼ಗೋಮ ಐನ್ ಮನ ಆರಾದನೆ ಕರ್ಶೆಕರಿ ಬೋಲ್ಯೊ. 
\v 8 ಇನವಾರ್ ದೇವ್ನೆ ಅಬ್ರಹಾಮ್‍ಥಿ ಒಪ್ಪಂದ ಕರಿಲಿದೊ. ಯೊ ಖ್ಹಣೇದ್ನ ಖ್ಹಾಜೆ ಖ್ಹತ್ನ ಕರಾಯೊ. ಇನೇಥಿಸ್ ಅಬ್ರಹಾಮ್‌ನ ಏಕ್‌ ಛಿಯ್ಯೊ ಹುಯೊ. ಯೊ ಛಿಯ್ಯಾನ ಆಟ್ನ ದನ್ಮ ಖ್ಹತ್ನ ಕರ‍್ಯೊ. ಇನು ನಾಮ್ ಇಸಾಕ್. ಇಮ್ಮಸ್ ಇಸಾಕಬಿ ಇನ ಛಿಯ್ಯೊ ಯಾಕೋಬ್‍ನ ಖ್ಹತ್ನ ಕರ‍್ಯೊ. ಅಜು಼ ಯಾಕೋಬ್‍ನೆ ಇನ ಖ್ಹಾರಾಸ್ ಪರ್ಖ್ಹಾ ಲಡ್ಕಾವ್‍ನ ಖ್ಹತ್ನ ಕರ‍್ಯೊ. ಆ ಪರ್ಖ್ಹಾ ಲಡ್ಕಾಸ್ ಖ್ಹಾಮ್ಣೆ ಭಾರಜ಼ಣ ಗುರುಗುರುಬ್‌ಲ್ಯ ಹುಯು. 
\v 9 ಯಾಕೋಬನ ಛಿಯ್ಯಾವ್‌ನೇಸ್ ಯೋಸೇಫನ ಉಪ್ಪರ್ ಬಳಾಪೊ ಕರ‍್ಯು. ಇವ್ಣೆಖ್ಹಾರು ಯೋಸೇಫನ ಧರೀನ್ ಈಜಿಪ್ಟ್‌ನ ಅದ್ಮಿನು ಗುಲಾಮ್ ಬಣೈನ್ ವೇಚಿನಾಖಿದಿದು. ಕತೋಬಿ ದೇವ್ ಯೋಸೇಫನ ಜೋ಼ಡ್ಮಾಸ್ ಥೊ. 
\v 10 ಅಜು಼ ಇನ ಆಯೂತೆ ಮುಶ್ಕಿಲ್‌ಥಿ ಛೋ಼ಡೈನ್. ಈಜಿಪ್ಟ್ ದೇಖ್ಹ್‌ನೊ ರಾಜ಼ನ ಖ್ಹಾಮ್ಣೆ ಅಕ್ಕಲ್‌ವಾಳೋಬಿ ದಯಾಕರವಾಳೊಬಿ ಹುವಾನಿತರ ಕರ‍್ಯೊ.ಫರೋಹನೆ ಯೋಸೆಫ್‌ನ ಈಜಿಪ್ಟ್ ದೇಖ್ಹ್‌ನಪರ್‌ಬಿ ಮಹೇಲ್‌ನಪರ್‌ಬಿ ಅಧಿಕಾರಿಕರಿನ್ ನೇಮ್‌ಶಾಯೊ. 
\v 11 ತದೆ ಈಜಿಪ್ಟ್ ಅಜು಼ ಕಾನಾನ್ ದೇಖ್ಹ್‌ಮ ಕಾಳ್ದುಕಾಳ್ ಪಡೀನ್ ಜಾ಼ಖ್ಹತ್ ಅದ್ಮಿನ ಖ್ಹತಾಪ್ಣಿ ಹುಯು. ಖಾಣುಕೊಂತೆ ಅಪ್ಣ ಗುರುಖ್ಹಾರಾನ ಘಣು ಮುಶ್ಕಿಲ್‍ಹುಯು. 
\v 12 ಕತೋಬಿ ಈಜಿಪ್ಟ್‌ಮ ಅನಾಜ಼್ ಛಾ಼ ಕರಿ ಬೋಲಾನು ಖಬರ್‌ನ ಖ್ಹಮ್‌ಜಿನ್‌ ಯಾಕೋಬನೆ ಪಹಿಲಿಬಾರ್ ಇನ ಛಿಯ್ಯಾವ್‍ನ ಹಿಜ್ಜಾ಼ ಮೋಕ್‌ಲ್ಯೊ. 
\v 13 ಅಜು಼ ಇವ್ಣೆ ಬೇನಿವಖ್ಹತ್ ಮಳಾನ ಗಯ. ತದೆ ಯೋಸೇಫನೆ ಇನಿ ಖ್ಹಣೇದ್ ಮಳಾನಿತರ ಕರ‍್ಯೊ. ಅಜು಼ ಯೋಸೇಫನ ಘರ್‌ವಾಳಾನಿ ಬಾರೇಮ ಫರೋಹನ ಮಾಲುಮ್‌ ಪಡ್ಯು. 
\v 14 ಇನಪಾರ್ ಯೋಸೇಫ ಇನೊ ಬಾ ಹುಯಿರೋತೆ ಯಾಕೋಬ್‌ನಾಬಿ ಅಜು಼ ಪಾಚ಼್‌ಉಪ್ಪರ್‌ ಖ್ಹಡ್‌ತೀನಿಖ್ಹ್ ಜ಼ಣು ಮಾಯಮಾತ್ರ ಖ್ಹಾರಾನ ಈಜಿಪ್ಟ್ ದೇಖ್ಹ್‌ಮ ಬುಲೈಲಿದೊ. 
\v 15 ತದೆ ಯಾಕೋಬಬಿನ್ ಇನ ಛಿಯ್ಯಾ ಇವ್ಣೆ ಮರಾಲಗೂಬಿ ಈಜಿಪ್ಟ್‌ಮಾಸ್ ಥು. 
\v 16 ಇನಪಾರ್ ಇನ ಶರೀರ್‌ನ ಶೇಕೆಮ್ಮ ಲೀನ್‌ ಜೈ಼ನ್, ಹಿಜ್ಜಾ಼ ಅಬ್ರಹಾಮ್‌ನೆ ಹಾಮೋರ‍್ನ ಛಿಯ್ಯಾಕನ ರೂಪಾನ ರಪ್ಯಾದೀನ್ ಮೋಲ್ ಲಿದೊಥೋತೆ ಝ಼ಗೋಮ ಮಖ್ಹಾಣ್ಯು ಕರ‍್ಯು. 
\v 17 ಕತೋಬಿ ದೇವ್ನೆ ಅಬ್ರಹಾಮ್‍ಥಿ ವಾಗ್ದಾನ ಕರ‍್ಯೊತೆ ವೇಳ್ ಆವಾನಿ ವಖ್ಹತ್ ಈಜಿಪ್ಟ್‌ಮ ಅಪ್ಣು ಯೆಹೂದ್ಯರ್ ಭಡೀನ್ ಜಾ಼ಖ್ಹತ್ ಹುಯು. 
\v 18 ತದೆ ಈಜಿಪ್ಟ್‌ಮ ಬಿಜೇಕ್ ರಾಜ಼ ರಾಜ಼್‌ಭಾರ್ ಕರಾನ ಆಯೊ. ಇನ ಯೋಸೇಫನಿ ಬಾರೇಮ ಶಾತ್ಬಿ ಮಾಲುಮ್‍ಕೋಥುನಿ. 
\v 19 ಆ ರಾಜ಼ನೆ ಅಪ್ಣ ಗುರುಖ್ಹಾರಪರ್‌ ಬಳಾಪೊ ಕರೀನ್ ಇವ್ಣ ಪೈದಾಖ್ಹ್‌ನ ಲಡ್ಕಾವ್‍ನ ಮರ್‌ನಾಕ್ಣುಕರಿ ಭಾರ್‌ ಕಡೈನಾಖ್ಯೊ.ಅಜು಼ ಅಪ್ಣ ಗುರುಖ್ಹಾರಾನ ಘಣು ಖ್ಹತಾಯು. 
\v 20 ಆ ಹಗಾಮ್ಮಾಸ್ ಮೋಶೆ ಪೈದಹುಯೊ. ಯೊ ಘಣು ಶನ್‍ಗಾರ‍್ನೊ ಥೊ ಅಜು಼ ಯೊ ಇನ ಬಾನ ಘರ್‌ಮ ತೀನ್ ಮಹಿನಲಗು ಪಳ್ಯೊ, 
\v 21 ತದೆ ಇವ್ಣೆ ಮೋಶೆನ ಭಾರ್‌ ಕಾಡ್‍ನಾಖಮ ಫರೋಹನಿ ಛೋ಼ರಿ ಇನ ಪಾಡಿಲಿಜೈನ್ ಇನೊ ಶೊಂತ್ ಛಿಯ್ಯಾನಿ ಮತ್‍ ಪಾಳಿ. 
\v 22 ಈಜಿಪ್ಟ್‌ವಾಳು ಮೋಶೆನ ಇವ್ಣುನ ಮಾಲುಮ್‍ಥೂತೆ ಹರೇಕ್ ಪಢಂತ್‍ನ ಶಿಕಾಡ್ಯು. ಯೋ ಅಕ್ಕಲ್‌ಮ ವಾತೆ ಬೋಲಾಮ ಅಜು಼ ಕಾಮ್ ಕರಾಮಾಬಿ ಜಾ಼ಖ್ಹತ್ ಅಕ್ಲಿಹುಯೊ. 
\v 23 ಯೊ ಚಾ಼ಳಿಖ್ಹ್ ವರಖ್ಹ್‌ನೊ ಹುಯೊ ತದೆ ಇನ ಇಸ್ರಾಯೇಲ್ ಭೈಯೇನ ಮಳಾನು ಅಛ್ಛು಼ಥು ಕರಿ ದಿಲ್‌ಮಹುಯು. 
\v 24 ತದೆ ಈಜಿಪ್ಟ್‌ವಾಳು ಏಕ್‍ಜ಼ಣು ಇಸ್ರಾಯೇಲ್‌ವಾಳ ಏಕ್‍ ಜ಼ಣಾನ ಗಲತ್‌ಥಿ ಘಣು ಖ್ಹತಾಪ್ಣಿ ದೇವ್‍ಕರ್ತುಥುತೆ ಇನ ಮೋಶೆನೆ ಮಾರಿನ್ ಬದಲ್ ಕಾಡಿಲಿದೊ. 
\v 25 ಅಮ್ಮಸ್ ದೇವ್ನೆ ಇನ ಹಾತೇಥಿ ಬಚಾ಼ವ್‍ಶೆ ಕರಿ ಇನ ಭೈಯೇನ ಮಾಲುಮ್‌ಪಡ್‍ಶೆ ಕರಿ ಲ್ಹಾಯೋಥೊ ಕತೋಬಿ ಇವ್ಣೆ ಮಾಲುಮ್ ಕೋ ಕರ‍್ಯಥಾನಿ. 
\v 26 ಇನವ್ಹಾಣೆ ಮೋಶೆನೆ ಯೆಹೂದ್ಯರ್‌ನ ಬೇಜ಼ಣ ಮಾರಮಾರಿ ಖಾವಾನು ದೇಖ್ಯೊ. ಇವ್ಣುನ ಖ್ಹಮ್‍ಜಾ಼ಡಾನಟೇಕೆ ‘ದೋಸ್ತಿವೊ ಭೈಯೇ ಭೈಯೇಸ್ ಹುಯಿರಾಸ್! ತುಮೆ ಏಕ್‌ಥಿಏಕ್ ಠಗಾವಾನು ಶನಕರೋಸ್‌? ಕರಿ ಇವ್ಣುನ ಸಮಾಧಾನ್ ಕರಾನ ಆಯೊ. 
\v 27 ಬಿಜೇಕ್ ಜ಼ಣೊ ಗಲತ್‌ ಕರಾವಾಳೊ ಏಕ್‍ಜ಼ಣೊ ಮೋಶೆನ ಪೀಠೆ ಧಕೇಲ್‍ತೊ ಹುಯಿನ್, ತುನ ಹಮಾರಪರ್‌ ಅದಿಕಾರಿ ಕರೀನ್‌ಬಿ, ನ್ಯಾವ್ಣೊ ಕರೀನ್‌ಬಿ ಮ್ಹೇಲ್ಯುತೆ ಕೋಣ್‌? 
\v 28 ಕಾಲೆ ಯೊ ಈಜಿಪ್ಟ್‌ವಾಳನ ಮಾರ‍್ಯೂತೆ ತಿಮ್ಮಸ್ ಮನಾಬಿ ಮಾರಿನಾಕ್ಣು ಕರಿ ಛಾ಼ಕಿಶು? ಕರಿ ಬೋಲ್ಯೊ. 
\v 29 ಅನ ಖ್ಹಮ್‍ಜ್ಯೊತೆ ಮೋಶೆ ಡರಿನ್ ಈಜಿಪ್ಟ್‌ನ ಮ್ಹೇಲಿನ್ ಮಿದ್ಯಾನ್‍ ದೇಖ್ಹ್‌ಮ ಜೈ಼ನ್ ಖ್ಹಣೇದ್‌ಕೊಂತೆ ಅದ್ಮಿನಿತರ ಜಿವ್ಣು ಕರ‍್ಯೊ. ಹಿಜ್ಜಾ಼ ಯೊ ಬೇ ಪರ್ಖ್ಹಾ ಲಡ್ಕಾನೊ ಬಾಹುಯೊ. 
\v 30 ಚಾ಼ಳಿಖ್ಹ್ ವರಖ್ಹ್‌ನೊ ಹುಯೊತದೆ ಸೀನಾಯಿ ಪಹಾಡ್ನ ಖನ್ನೆಥೂತೆ ಜ಼ಂಗಳ್‌ನ ಏಕ್‌ ಕಾಟಾನಿ ಡಾಗ್‌ಮ ಆಗ್‍ನಿ ಝ಼ಲ್‌ಪಟ್‌ ಲಾಗುಕರ್ತುಥುತೆ ಇನಾಮ ದೇವ್‌ನೊ ದೂತ ಇನ ದೆಖಾಯೊ. 
\v 31 ಮೋಶೆನೆ ಆಶ್ಚರ್ಯಥಿ ದೇಖಾನ ಖನ್ನೆ ಗಯೊ. ತದೆ ಇನೆ ಪ್ರಭುನೊ ಏಕ್‌ ಅವಾಜ಼್ ಖ್ಹಮ್‍ಜ್ಯೊ. 
\v 32 ದೇವ್ನೆಯಿನ, ಮೇಸ್ ತಾರೊ ಗುರುಗುರಬ್‌ಲ್ಯ ಹುಯಿರಾತೆ ಅಬ್ರಹಾಮ್ ಇಸಾಕ್ ಯಾಕೋಬನೊ ದೇವ್‌ ಕರಿ ಬೋಲ್ಯೊ. ಮೋಶೆ ಡರ್‌ಥಿ ಕಾಪಲಗ್ಯೊ. ಯೊ ಟಾಪ್‍ಣ್ಯನಾಬಿ ದೇಖಾನ ಭಾಲಿ ಕೋಥೂನಿ. 
\v 33 ಪ್ರಭುನೆ ಇನ ತಾರು ಖೋಖ್ಹ್‌ಡು ಕಾಡಿನಾಖಿದೆ ಹಮ್ಕೆ ತು ಭಿಯೋತೆ ಝ಼ಗೊ ಪರಿಶುದ್ ಹುಯಿರುಸ್. 
\v 34 ಅದ್ಮಿಖ್ಹಾರು ಈಜಿಪ್ಟ್ ದೇಖ್ಹ್‌ಮ ಜಾ಼ಖ್ಹತ್ ಖರಾಬ್ ಹಾಲತ್ಮ ರ‍್ಹವಾನು ಮೆ ದೇಖಿರಾಖ್ಯೊಸ್. ಮಾರ ಅದ್ಮಿಖ್ಹಾರಾನು ಅಂದ್ರೋಖ್ಹ್‌ನ ಮೆ ಖ್ಹಮ್‍ಜ್ಯೊ. ಮೆ ಇವ್ಣುನ ಬಚಾ಼ಡನಖ್ಹಾಜೆ ಉತ್ರಿರ‍್ಹೋಸ್. ಹಮ್ಕೇಸ್ ಮೆ ತುನ ಈಜಿಪ್ಟ್‌ಮ ಮೋಕ್ಲುಕರುಸ್ ಕರಿ ಬೋಲ್ಯೊ. 
\v 35 ಇವ್ಣೆ ಖೆವ ಮೋಶೆನ ನಕೊಕರಿ ಝಿಟ್ಕಾರಿನ್, ‘ತುನ ಅದಿಕಾರಿ ಕರೀನ್‌ಬಿ, ನ್ಯಾವ್ಣೊ ಕರೀನ್‌ಬಿ ಮ್ಹೇಲ್ಯುತೆ ಕೋಣ್‌?’ ಕರಿ ಕಿನೆ ಬೋಲ್ಯುಕಿ, ಇನಾಸ್ ದೇವ್ನೆ ಡಾಗ್‌ಮ ದೆಖೈನ್ ದೂತಾಥಿ ಅದಿಕಾರಿಬಿ, ಛುಟ್ಕಾರ್‌ ಕರಾವಾಳನಬಿ ನೇಮಕ್‌ ಕರ‍್ಯೊ.\x - \xo 7:35 \xo*\xt ವಿಮೋಚನ 2:14—3:2\xt*\x* 
\v 36 ಇನಖ್ಹಾಜೆ ಮೋಶೆನೆ ಅದ್ಮಿಖ್ಹಾರನ ಈಜಿಪ್ಟ್ ದೇಖ್ಹ್‌ಮಾಥು ಬುಲೈಲಿ ಆಯೊ. ಯೊ ಖ್ಹಣೇದ್‍ನು ಕಾಮ್‌ಖ್ಹಾರು, ಅದ್ಬುತ್‌ಕಾಮ್‌ಖ್ಹಾರಥಿ ಈಜಿಪ್ಟ್‌ಮಾಬಿ ಅಜು಼ ಲಾಲ್‍ದರ‍್ಯಾವ್‍ಮಾಬಿ ಚಾ಼ಳಿಖ್ಹ್ ವರಖ್ಹ್ ಜ಼ಂಗಳ್‌ಮ ಚ಼ಲೈಲಿನ್ ಆಯೊ. 
\v 37 ಯೋ ಮೋಶೆನೇಸ್, ದೇವ್ನೆ ಮನ ಉಠಾಡಾನಿ ತರಸ್ ತುಮಾರ ಅದ್ಮಿಮಾಸ್‌ ಏಕ್‌ ಪ್ರವಾದಿನ ತುಮಾರಮಸ್ ಉಠಾಡ್‌ಶೆ, ಕರಿ ಇಸ್ರಾಯೇಲ್‌ನ ಅದ್ಮಿಖ್ಹಾರಾನ ಬೋಲ್ಯೊ. 
\v 38 ಇನೇಸ್ ಸೀನಾಯಿ ಪಹಾಡ್‌ಮ ಇನಿಜೋ಼ಡ್ಮ ವಾತೆಬೋಲ್ಯೊತೆ ದೇವ್ನ ದೂತನಾಬಿ ಅಪ್ಣ ಗುರುಖ್ಹಾರಾನಾಬಿ ಜ಼ಂಗಳ್‌ಮ ಥೂತೆ ಸಬೇಮರ‍್ಹೀನ್ ಜಾನ್ನಿ ವಚನ್ನ ಲೀನ್ ಅಪ್ಣುನ ದ್ಯವಾಳೊ ಹುಯಿರೋಸ್. 
\v 39 ಕತೋಬಿ ಅಪ್ಣೊ ಗುರುಖ್ಹಾರು ಇನಿ ವಾತೆನ ಖ್ಹಮ್‌ಜಾ಼ನ ದಿಲ್‌ಕೊಂತೆ ಇನ ಮ್ಹೇಲಿನ್, ಈಜಿಪ್ಟ್‌ಮ ಪಾಛು಼ ಚ಼ಲೆಜಾ಼ವ್ಣು ಕರಿ ದೇಖ್ಯು. 
\v 40 ಇವ್ಣೆಖ್ಹಾರು ಆರೋನ್ನ, ‘ಮೋಶೆನೆ ಈಜಿಪ್ಟ್ ದೇಖ್ಹ್‌ ಥು ಬುಲೈಲಾಯೊ. ಕತೋಬಿ ಇನ ಶಾತ್ ಹುಯಿಗಯು ಕರಿ ಹಮೂನ ಮಾಲುಮ್‌ ಕೊಹುಯುನಿ. ಇನಖ್ಹಾಜೆ ಹಮೆ ಖ್ಹಾಮ್ಣೆ ಜಾ಼ವಾನಟೇಕೆ ಅಜು಼ ಹಮುನ ಚ಼ಲಾವನಟೇಕೆ ದೇವ್‌ನು ಮೂರತ್‌ ಕರೀನ್ ದೇ ಕರಿ ಬೋಲ್ಯು’. 
\v 41 ತದೆ ಯೊ ದನ್ಮ ಢಾಂಡನಿಘೊಣಿ ಏಕ್‌ ಫುತ್‍ಳು ಬಣೈನ್ ಇನಖ್ಹಾಮ್ಣೆ ಬಲಿದಿದು. ಅಜು಼ ಮಿಝ಼್‌ವಾನ್ಬಿ ಖಡಾಯು ಯೋ ಅದ್ಮಿಖ್ಹಾರು ಮಗನ್‌ ಹುಯು. 
\v 42 ಇನಖ್ಹಾಜೆ ದೇವ್ನೆ ಇವ್ಣೇಥಿ ಮ್ಹೋಡು ಫರೈನ್, ಆಬ್‌ನ ಶುಕ್ಕರ್‌ನ ಪೂಜ಼ ಕರಿಲ್ಯವಾದೆಕರಿ ಇವ್ಣುನ ಮ್ಹೇಲಿದಿದೊ. ಅನಿಬಾರೇಮ ಪ್ರವಾದಿನ ಪುಸ್ತಕ್‌ಮ ಅಮ್ ಲೀಖೈರುಸ್; ದೇವ್ ಅಮ್‍ ಬೋಲಾಸ್, ಇಸ್ರಾಯೇಲ್‌ನ ಖಾನ್‌ದಾನ್‌ವಾಳವೊ! ತುಮೆ ಚಾ಼ಳಿಖ್ಹ್ ವರಖ್ಹ್‌ಲಗು ಜ಼ಂಗಳ್‌ಮರ‍್ಹಾವಾನಿ ವಖ್ಹ್‌ತೆ ತುಮೆ ಮನ ಬಲಿ ಚ಼ಢಾಯಾಥಾಕಿ ಶು? 
\v 43 ತುಮೆ ತುಮಾರ ಜೋ಼ಡ್ಮ \f + \fr 7:43 \fr*\ft ಕಾನಾನ್ ದೇಖ್ಹ್‌ನು ದೇವ್\ft*\f*ಮೊಲೋಖ ದೇವ್‌ನು ಡೇರಾನಾಬಿ ಅಜು಼ ರೆಫಾನ್ ದೇವ್ತಿನೊ ಶುಕ್ಕರ್‌ನ ರೂಪ್‍ನು ಫುತ್‍ಳಿನ ಢೊಯಿಲೀನ್ ಆರಾದನೆಕರಾನ ವಳೇಜಾ಼ತಥಾತೆ ಇನಖ್ಹಾಜೆ ಮೆ ತುಮೂನ ಬಾಬಿಲೋನ್ನ ಖ್ಹಾರ್ಕೊಟ್‌ಮ ಮೋಕ್ಲಿದಿಶ್‌ಕರಿ ಲೀಖಿರಾಖ್ಯುಸ್. 
\v 44 \x - \xo 7:44 \xo*\xt ವಿಮೋಚನ 25:1-40\xt*\x*ದೇವ್ ರ‍್ಹೆತೊಥೋತೆ ಡೇರೊ ಜ಼ಂಗಳ್ಮ ಅಪ್ಣ ಗುರುಖ್ಹಾರಾಕನ ಥು. ಮೋಶೆನಿ ಜೋ಼ಡ್ಮ ವಾತೆ ಬೋಲ್ಯೊತೆ ದೇವ್‌, ತುನೆ ದೆಖ್ಯೋತೆ ಶಕಲ್ನಿ ಪರಕ್ಮಾಸ್ ಇನ ಕರ್ನುಕರಿ ಹುಕುಮ್ ದಿದೊ. 
\v 45 ಅಪ್ಣ ಬಾಬ್‍ದಾದ್‍ವ್ನೆ ಇನ ಗುರುಗುರಬ್‍ಲ್ಯಥು ಲಿದು. ಇವ್ಣೆ ಯೆಹೋಶುವನ ಪಾಲನ್‍ ಕರ್ತು ಅಯಿನ್ ದೇವ್ನೆ ಧಕೇಲಿ ದಿದಾಹುಯ ಅಲಕ್ ಅದ್ಮಿನ ದೇಖ್ಹ್‌ನ ಕಬ್‍ಜಾ಼ ಕರಿಲಿದು. ತದೆ ಯೊ ಡೇರಾನ ಘರ್‌ನ ಇವ್ಣ ಜೋ಼ಡ್ಮಾಸ್ ಪಾಡಿಲಿನ್ ಕಾನಾನ್ ದೇಖ್ಹ್‌ಮ ಆಯು. ಅಜು಼ ದಾವೀದನು ಹಗಾಮ್ ಲಗೂಬಿ ಯೊ ಹಿಜ್ಜಾ಼ಸ್ ಥೂ. 
\v 46 ದಾವಿದನೆ ದೇವ್ನಿ ಸನ್ನಿಧಿಮ ದಯಾಲೀನ್ ಯಾಕೋಬ್‍ನಿ ಪಿಳ್ಗಿನಖ್ಹಾಜೆ ಪ್ರಾರ್ಥನೇನಿ ಮಂದಿರ್‌ ಭಾಂದನ ಹುಕುಮ್ ದೇವ್ಣುಕರಿ ದೇವ್ನ ಬಿಂತಿ ಕರಿಲಿದೊ. 
\v 47 ಕತೋಬಿ ಸೊಲೊಮೋನ್ನೇಸ್ ಪ್ರಾರ್ಥನೇನು ಮಂದಿರ್‌ನ ಭಂದಾಯೊ. 
\v 48 ಪ್ರವಾದಿ ಬೋಲಾತೆತಿಮ್ ಪರಮಂಡಲ್‌ನೊ ದೇವ್ ಅದ್ಮಿನ ಭಾಂದಾತೆ ಘರ್‌ಮ ರ‍್ಹವವಾಳೊ ಕಾಹೆ. 
\v 49 ಪ್ರಭುನೆ ಅಮ್‌ ಬೋಲ್ಯೊ, ‘ಸೊರ್ಗ ಮಾರು ಸಿಂಹಾಸನ್ ಜ಼ಮೀನ್ ಮಾರೊ ಗೋಡಾನೊ ರಚ್ಚೊ಼ ತುಮೆ ಮನ ಕಿಮ್ನು ಘರ್ ಭಾಂದ್‍ಶು? ಮಾರು ಅರಾಮ್‌ನ ಬರೋಬರ್‌ನಿ ಝ಼ಗೊ ಕಿಜ್ಜಾ಼ ಛಾ಼? 
\v 50 ಆ ಅಖ್ಖು ಮಾರ ಹಾತ್ನೆಸ್ ಬಣಾವಟ್ ಕರ‍್ಯುನಿ, ಕರಿ ಪ್ರಭುಸ್ ಬೋಲ್ಯೊ. 
\v 51 ಸ್ತೆಫನನೆ ಅಮ್‍ ಬೋಲ್ಯೊಕಿ, “ಮೊಂಡಿಹುಯಿರಾತೆ ತುಮೆ ತುಮಾರ ದಿಲ್ನ ದೇವ್ನ ಕೋ ದಿದಾನಿ ಇನ ಕಾನ್‍ಲಗಾಡ್ಯಾಬಿ ಕೊಯ್ನಿ. ಪವಿತ್ರ ಆತ್ಮಾನ ಕಾಮ್ನ ವಿರುದ್ಧಥಿ ಚಾ಼ಲವಾಳ ಹುಯಿರಾಸ್. ತುಮಾರ ಗುರುಗುರಬ್‍ಲ್ಯ ಕಿಮ್‌ಥಾಕಿ ತುಮೇಬಿ ಇಮ್ಮಸ್ ಹುಯಿರಾಸ್. 
\v 52 ಜಿವ್ತಥಾತೆ ಪ್ರವಾದಿಮ ಖ್ಹಾರಜ಼ಣನ ತುಮಾರ ಗುರುಖ್ಹಾರು ಖ್ಹತಾಯು. ನೀತಿವಾಳೊ ಎಕ್ಕಸ್‍ಜ಼ಣೊ ಹುಯಿರೋತೆ ಯೊ ಪಹಿಲೆಸ್ ಆವ್‍ಶೆಕರಿ ಖ್ಹಮ್‍ಜಾ಼ಯುಥು. ಕತೋಬಿ ತುಮಾರು ಗುರುಖ್ಹಾರು ಯೋ ಪ್ರವಾದಿಖ್ಹಾರನ ಮಾರಿನಾಖ್ಯು. ಹಮ್ಕೆ ತುಮೆ ಧರಿದೀನಸ್ ಇನ ಮರೈನಾಖ್ಯ. 
\v 53 ತುಮೆ ಸೊರ್ಗ ದೂತರ್‌ಥಿ ನೇಮಕ್ ಹುಯೊತೆ ದೇವ್ನು ಧರ್ಮಶಾಸ್ತ್ರನ ಸ್ವೀಕಾರ್ ಕರ‍್ಯಾತೋಬಿ ಇನಿನಿತರ ಚಾ಼ಲ್ಯಕೊಯ್ನಿ” ಕರಿ ಬೋಲ್ಯೊ.
\s ಸ್ತೆಫನಪರ್ ಬಂಡೊ ಫೇಕ್ಯುತೆ
\p
\v 54 ಆ ವಾತ್ನ ಖ್ಹಮ್‍ಜ್ಯುತೆ ನ್ಯಾವ್ನಿಸಭೆನು ಘಲ್ಡುಖ್ಹಾರು ಘಣು ಖಿಜೈನ್ ಸ್ತೆಫನನ ಉಪ್ಪರ್ ದಾತ್‍ಚಾ಼ಯು. 
\v 55 ಕತೋಬಿ ಯೊ ಪವಿತ್ರ ಆತ್ಮಥಿ ಭರೈನ್ ಸೊರ್ಗಭಣಿ ದೇಖಿನ್, ದೇವ್ನಿ ಮಹಿಮೆನಬಿ, ದೇವ್ನ ಖಾವಿಬಾಜು಼ಮ ಭಿಯೋತೆ ಯೇಸುನಾಬಿ ದೇಖ್ಯೊ. 
\v 56 ತದೆ ಇನೆ, “ದೇಖೊ ಪರ್‌ಲೋಕ್ ನಿಕ್‍ಳೈರ‍್ಹೂತೆ; ಅದ್ಮಿನೊ ಛಿಯ್ಯೊ ದೇವ್ನ ಖಾವಿಬಾಜು಼ಮ ಭಿಯೋತೆ ಮೆ ದೇಖುಕರುಸ್” ಕರಿ ಬೋಲ್ಯೊ. 
\v 57 ತದೆ ಯಹುದ್ಯರ್‌ಖ್ಹಾರು ಜೋ಼ರೇಥಿ ಚಿಕ್ರಿನ್, ಕಾನ್ನ ಮೂಚಿಲೀನ್, ಎಕ್ಟುಹುಯಿನ್ ನಾಶಿಆಯಿನ್, 
\v 58 ಇನ ನಂಗರ‍್ನ ಭಾರ್‌ ಧಕೇಲಿಜೈ಼ನ್ ಮಾರಿನಾಖನ ಇನಪರ್ ಬಂಡೊ ಫೇಕ್ಯು. ಇನ ವಿರೋದ್‌ ಸಾಕ್ಷಿ ಬೋಲ್ಯುತೆ ಇವ್ಣೆ ಇವ್ಣ ಝ಼ಗ್ಗಾನ ಕಾಡಿನ್ ಸೌಲಕರಿ ಏಕ್‍ ಜ಼ಣಾನ ಗೋಡಾಕನ ಮ್ಹೇಲ್ಯು. 
\v 59 ಸ್ತೆಫನನ ಉಪ್ಪರ್ ಬಂಡೊ ಫೇಕುಕರ್ತುಥೂತೆ ತದೆ ಯೋ ಪ್ರಾರ್ಥನೆ ಕರ್ತೊ ಹುಯಿನ್ “ಯೇಸು ಪ್ರಭು, ಮಾರ ಆತ್ಮಾನ ಸ್ವೀಕಾರ್‌ಕರೀಲೆ” ಕರಿ ಬೋಲ್ಯೊ. 
\v 60 ಅಜು಼ ಯೊ ಢುಕ್‍ಣ್ಯ ಮಾಂಡೀನ್ ಪ್ರಭು, ಆ ಪಾಪ್ನ ಅವ್ಣಪರ್ ನಕೊ ಲಗಾಡಿಷ್!” ಕರಿ ಜೋ಼ರೇಖ್ಹು ಚಿಕ್ರಿನ್ ಮರಿಗೊ.
\c 8
\s ಸೌಲನೆ ಸಭೆನ ಖ್ಹತಾಯೊತೆ
\p
\v 1 ಸ್ತೆಫನನ ಮಾರಿನಾಖನ ಸೌಲನ ಒಪ್ಪಿಕೆಥು. ಯೊ ದನ್ಮ ಯೆರೂಸಲೇಮಥೂತೆ ಸಬೆವಾಳನ ಮೋಟಿ ಖ್ಹತಾಪ್ಣಿ ಪಡ್ಯು. ಅಪೊಸ್ತಲರ್ ನಾಹುಯಿನ್ ಖ್ಹಾರೂಸ್, ಯೂದಾಯ ಸಮಾರ್ಯ ತಬರ್‌ಖಾಮ ಛಿಡ್‍ಕೈಗಯು. 
\v 2 ಥೋಡು ಭಕ್ತರ್‌ ಖ್ಹಾರು ಸ್ತೆಫನನ ಮಖ್ಹಾಣ್ಯು ಕರೀನ್ ಇನಖ್ಹಾಜೆ ಘಣು ರದನ್ ಕರ‍್ಯು. 
\v 3 ಕತೋಬಿ ಸೌಲ ಘರ್ ಘರ್‌ಮ ಪೇಶಿನ್ ತಯೇಡ ಪರ್ಖ್ಹಾ ಖೇಚಿಲಾಯಿನ್ ಜೇಲ್‌ಮ ಧಕೆಲಿನ್ ಸಬೆನ ಅಖ್ಖು ನಾಶ್‌ಕರ್ತೊಥೊ.
\s ಸಮಾರ್ಯಮ ಸುವಾರ್ತೆ
\p
\v 4 ಛಿಡ್‍ಗರ್‌ಪಡಿಗುತೆ ವಿಶ್ವಾಸಿಖ್ಹಾರು ಬಿಜಿಬಿಜಿ ಝ಼ಗೊ ಜೈ಼ನ್ ಸುವಾರ್ತೆನ ಬೋಲ್ತು ನಿಕ್‌ಳ್ಯು. 
\v 5 ಫಿಲಿಪ್ ಸಮಾರ್ಯಕರಿ ಮುಖ್ಯ ಖ್ಹಯೇರ‍್ನ ಅದ್ಮಿವೊನ ಜೈ಼ನ್ ಕ್ರಿಸ್ತನಿ ಬಾರೇಮ ಬೋಲಿವತಾಳ್ಯೊ. 
\v 6 ಝೂ಼ಂಡ್‌ಥಿ ಭರಾಯಹುಯ ಅದ್ಮಿಖ್ಹಾರು ಫಿಲಿಪ್ಫನಿ ವಾತ್ನ ಏಕ್‍ ಮನ್‌ಥಿ ಖ್ಹಮ್‌ಜ್ಯು. ಅಜು಼ ಇನೆ ಕರ‍್ಯೊತೆ ಖ್ಹಣೇದ್ನ ಅಖ್ಖಾ ಕಾಮ್ನ ದೇಖ್ಯು. 
\v 7 ಶನಕತೊ ಕೆತ್ರಾಕಿ ಜ಼ಣಾಮಾಥೊ ಭೂತ್‌ಖ್ಹಾರು ಜೋ಼ರೇಖ್ಹು ಅವಾಜ಼್‌ಕರೀನ್ ಚಿಕರ್ತು ಹುಯಿನ್ ಭಾರ್‌ ಆಯು; ಬಿಜು಼ ಕೆತ್ರೂಕಿ ಲಕ್ವಾಭರ‍್ಯು, ಪಾಂಗ್‍ಳ್ಯು ಗುಣ್‌ಹುಯು. 
\v 8 ಇನಖ್ಹಾಜೆ ಯೋ ಖ್ಹಯೇರ್‌ಮ ಜಾ಼ಖ್ಹತ್ ಖ್ಹುಶಿಹುಯು. 
\v 9 ಕತೋಬಿ ಥೋಡ ದನ್‍ಥೂ ಯೋ ಖ್ಹಯೇರ್‌ಮ ಸೀಮೋನ್‍ಕರಿ ಏಕ್‍ಜ಼ಣೊ ಥೊ. ಯೋ ಇನ ಜಾ಼ದುಜ಼ಮ್ಕರ್‌ಥಿ ಸಮಾರ್ಯನ ಅದ್ಮಿನ ಆಶ್ಚರ್ಯ ಕರಾಯೊ. ಸಿಮೋನ್ ಇನು ಯೋಸ್ ಮಹಾತ್ಮಕರಿ ಬೋಲಿಲೇತೊಥೊ. 
\v 10 ನ್ಹಾನೇಥಿ ಧರೀನ್ ಮೋಟಾಲಗು ಖ್ಹಾರು; ಆ ಹೈರೋತೆ ಮಹಾನ್ ಶಕತ್‍ಕರಿ ಬೋಲೈರ‍್ಹೋತೆ ದೇವ್‌ನೀಸ್ ಶಕತ್‍ಕರಿ ಬೋಲ್ತುಹುಯಿನ್ ಇನಿವಾತ್ನ ಖ್ಹಮಜ್‍ತೂಥು. 
\v 11 ಘಣಾದನ್‌ಥೂಬಿ ಸೀಮೋನ್ನಿ ಜಾ಼ದುಜಮ್‍ಕರ್‌ಥಿ ಅದ್ಮಿಖ್ಹಾರು ಆಶ್ಚರ್ಯಥಿ ಇನಿ ವಾತ್ನ ಖ್ಹಮಜ್‍ತೂಥು. 
\v 12 ಕತೋಬಿ ಫಿಲಿಪ್ ದೇವ್ನಿ ರಾಜ್ಯನಿ ಬಾರೇಮ ಅಜು಼ ಯೇಸುಕ್ರಿಸ್ತನಿ ನಾಮ್ನಿ ಬಾರೇಮಾಬಿ ಅದ್ಮಿಖ್ಹಾರಾನ ಸುವಾರ್ತೆ ಬೋಲ್ಯೊ. ಪರ್ಖ್ಹೊ ತಯೇಡ ಖ್ಹಾರುಸ್ ಫಿಲಿಪ್ ಬೋಲ್ಯೊತೆ ವಾತೆನ ವಿಶ್ವಾಸ್ ಕರೀನ್ ಬ್ಯಾಪ್ತಿಸ್ಮ ಕರೈಲಿದು. 
\v 13 ತದೆ ಸೀಮೋನ್ನೇಬಿ ವಿಶ್ವಾಸ್‍ಕರಿನ್ ಬ್ಯಾಪ್ತಿಸ್ಮ ಕರೈಲೀನ್ ಅಜು಼ ಫಿಲಿಪ್ಫನಿ ಜೋ಼ಡ್ಮ ಕದೇಬಿ ರ‍್ಹೀನ್ ಯೋ ಕರಾತೆ ಅದ್ಭುತ್‌ ಕಾಮ್ನ ಅಜು಼ ಖ್ಹಣೇದ್ನ ಕಾಮ್ನ ದೇಖಿನ್ ಆಶ್ಚರ್ಯ ಹೋತೊಥೊ. 
\v 14 ಸಮಾರ್ಯವಾಳು ದೇವ್ನಿ ವಚನ್ನ ಮಾನಿಲಿದೂತೆ ಸಮಚಾರ್‌ನ ಯೆರೂಸಲೇಮ್ಮ ಥೂತೆ ಅಪೊಸ್ತಲರ್ ಖ್ಹಾರು ಖ್ಹಮ್‌ಜಿನ್‌ ಪೇತ್ರ ಯೋಹಾನ ಇವ್ಣಕನ ಮೋಕ್‍ಲ್ಯು. 
\v 15 ಅವ್ಣೆ ಹಿಜ್ಜಾ಼ ಆಯಿನ್ ಯೋ ಅದ್ಮಿಖ್ಹಾರಾನ ಪವಿತ್ರಾತ್ಮವರನ ಮಳ್‌ಣುಕರಿ ಇವ್ಣಖ್ಹಾಜೆ ಪ್ರಾರ್ಥನೆ ಕರ‍್ಯು. 
\v 16 ಶನಕತೊ ಪವಿತ್ರಾತ್ಮ ಪೇತ್ರ ಯೋಹಾನ ಇವ್ಣ ಏಕ್‍ಜ಼ಣಪರ್‌ಬಿ ಬಿಜೂ಼ಬಿ ಕೋ ಆಯಿರ‍್ಹುಥೂನಿ. ಇವ್ಣೆ ಪ್ರಭು ಹುಯಿರ‍್ಹೋತೆ ಯೇಸುನ ನಾಮ್‍ಪರ್ ಖಲಿ ಬ್ಯಾಪ್ತಿಸ್ಮ ಕರೈರಾಖ್ಯಥ. 
\v 17 ಯೋ ಬೇ ಅಪೊಸ್ತಲರ‍್ನೆ ಇವ್ಣಪರ್ ಹಾತ್ ಮ್ಹೇಲಾಖ್ಹತರ್‌ ಇವ್ಣೆ ಪವಿತ್ರಾತ್ಮನ ಲೀಲಿದು. 
\v 18 ಅಪೊಸ್ತಲರ್ ಖ್ಹಾರು ಅದ್ಮಿಪರ್ ಇವ್ಣ ಹಾತ್ ಮ್ಹೇಲಾದಿನ್ ಅದ್ಮಿಖ್ಹಾರಾನ ಪವಿತ್ರಾತ್ಮ ಮಳಿರ‍್ಹೂತೆ ಸಿಮೋನ್‍ನೆ ದೇಖ್ಯೊ. ಇನಖ್ಹಾಜೆ ಸೀಮೋನ್ನೆ ಪೈಶಾಲಯಿನ್ ಅಪೊಸ್ತಲರ‍್ನ ಖ್ಹಾಮ್ಣೆ ಮ್ಹೇಲ್ಯೊ. 
\v 19 ಅಜು಼ “ಮೆ ಕಿನಾಪರ್ ಹಾತ್ ಮ್ಹೇಲೂಸ್‍ಕಿ ಇವ್ಣೆ ಪವಿತ್ರಾತ್ಮನ ಲೀಲ್ಯಾವಾನಿತರ ಆ ಅದಿಕಾರ್ ಮನಾಬಿ ದೇವೊ” ಕರಿ ಬೋಲ್ಯೊ. 
\v 20 ಕತೋಬಿ ಪೇತ್ರನೆ ಇನ “ತಾರ ಪೈಶ ತಾರಿಜೋ಼ಡ್ಮ ನಾಶಹುಯಿಜಾ಼ವಾದೆ. ದೇವ್ನಿ ವರಾನ ಪೈಶಾನ ಲಿಯೆಜಾ಼ಯ್ ಕರಿ ಲಾಝ್ಯೊಕಿ ಶು?” ಕರಿ ಜ಼ವಾಬ್ ದಿದೊ. 
\v 21 ಆ ಕಾಮ್ಮ ತುನ ಭಾಗ್‍ಬಿ ಕೊಯ್ನಿ ವಾಟೊಬಿ ಕೊಯ್ನಿ; ತಾರೊ ದಿಲ್‌ ದೇವ್ನ ಖ್ಹಾಮ್ಣೆ ಬರೋಬರ್ ಕೊಯ್ನಿ. 
\v 22 ಇನಖ್ಹಾಜೇಥಿ ಆ ತಾರ ಖರಾಬ್ ಕಾಮ್ನ ಮ್ಹೆಂದಿನ್ ದೇವ್‌ಭಣಿ ಫರಿಜೈನ್, ಅಜು಼ ಪ್ರಾರ್ಥನೆ ಕರೀಲೆ. ಪ್ರಭು ತಾರ ದಿಲ್ನಿ ಖ್ಹಯಾಲ್ನ ಮಾಪ್‌ಕರ್ಶೆ. 
\v 23 ಶನಕತೊ ತೂ ಜಾ಼ಖ್ಹತ್ ಕಡ್‌ವ್ಹಾಟ್‌ನಿ ಬಳಾಪೆಥಿಬಿ ಭರೈರ‍್ಹಾವಾಳೊ, ಝರೇಲಿ ಅನೀತಿಥಿಬಿ ಭರೈರ‍್ಹೋತೆ ಮೇ ದೇಖುಕರುಸ್ ಕರಿ ಬೋಲ್ಯೊ. 
\v 24 ಇನ ಸೀಮೋನ ಅಜು಼ ಪೇತ್ರ ಇವ್ಣ ಬೇಜ಼ಣಾನ, ‘ತುಮೆ ಬೋಲ್ಯಾತೆ ವಾತೆಮ ಖಿವೂಬಿ ಮಾರಪರ್ ನಾ ಆವ್ಣುತೆ ತಿಮ್ ಮಾರಖ್ಹಾಜೆ ಪ್ರಭುಮ ತುಮೆ ಪ್ರಾರ್ಥನೆ ಕರೊ’ ಕರಿ ಬೋಲ್ಯೊ. 
\v 25 ಅಮ್‍ ರ‍್ಹವಾಪರ್ ಇವ್ಣೆ ಪ್ರಭುನಿ ಸಂದೇಶ್ನ ಖ್ಹಾಚ ದಿಲ್‌ಥಿ ಬೋಲಿಹುವಾದಿನ್ ಯೆರೂಸಲೇಮ್‌ನ ಜೈ಼ನ್ ಪಾಛು಼ ಫರಿ ಆವಾನಿವಖ್ಹ್‌ತೆ ಸಮಾರ್ಯವಾಳನ ಕೆತ್ರಾಕಿ ಗಾಮ್ಮ ಸುವಾರ್ತೆನ ಖ್ಹಮ್‌ಜಾ಼ಡ್ಯು
\s ಫಿಲಿಪ್ಪ ಅಜು಼ ಇಥಿಯೋಪ್ಯನ ಅದಿಕಾರಿ
\p
\v 26 ಪ್ರಭುನ ದೂತನೆ ಫಿಲಿಪ್ಪನ ತೂ ಉಠೀನ್ ದಕ್ಷಿಣ್ ರುಕ್‍ಮ ಯೆರೂಸಲೇಮ್‍ಥು ಗಾಜ ಗಾಮ್‌ನ ಜಾ಼ವಾನಿ ಜ಼ಂಗಳ್‌ನಿ ವಾಟೆ ಜಾ಼ಕರಿ ಬೋಲ್ಯೊ. 
\v 27 ಇಮ್ನಿಪರಕ್ಮಾಸ್ ಫಿಲಿಪ್ ಉಠೀನ್ ಯೆರೂಸಲೇಮ್‌ನ ಪಾಛೊ಼ ಜಾ಼ತೊರ‍್ಹವಾನಿ ವಖ್ಹ್‌ತೆ ಇಥಿಯೋಪ್ಯವಾಳೊ ಏಕ್‌ ಅದ್ಮಿನ ದೇಖ್ಯೊ. ಯೋ ಹೀಜ್‍಼ಡೊ ಹುಯಿರ‍್ಹೊಥೊ. ಇಥಿಯೋಪ್ಯನಿ ರಾಣಿ ಕಂದಾಕೆನ ಹಾತ್‍ ಹೇಟ್‌ಳ್ಯೊ ಮೋಟೊ ಅಧಿಕಾರಿಬಿ ಬಿಜು಼ ಇನಿ ಧನ್‍ ದೌಲತ್ನಿ ಖಜಾನೇನ ದೇಖವಾಳೊ ಹುಯಿರ‍್ಹೋಥೊ. ಯೊ ಅದ್ಮಿ ಆರಾದನೆಕರಾನ ಯೆರೂಸಲೇಮ್‌ನ ಜೈ಼ರೋಥೊ. 
\v 28 ಅಜು಼ ಇನ ಘರೆ ಪಾಛೊ಼ ಜಾ಼ವಾನಿವಖ್ಹ್‌ತೆ ಇನಿ ರಥ್‍ಮ ಬೇಶಿನ್ ಯೆಶಾಯನಿ ಪ್ರವಾದನೆನಿ ದಪ್ತರ್‌ನ ಫಡುಕರ್ತೋಥೊ. 
\v 29 ಪವಿತ್ರಾತ್ಮನೆ ಫಿಲಿಪ್ಪನ ‘ತೂ ಯೋ ರಥ್‌ನ ಖನ್ನೆ ಜೈ಼ನ್ ಇನಿ ಜೋ಼ಡ್ಮಾಸ್ ಚಾ಼ಲ್’ ಕರಿ ಬೋಲ್ಯೊ. 
\v 30 ಫಿಲಿಪ್ಪ ನಾಶಿಜೈ಼ನ್ ಯೋ ಅದ್ಮಿ ಯೆಶಾಯ ಪ್ರವಾದಿನು ದಪ್ತರ್‌ನ ಪಢುಕರಾತೆ ಖ್ಹಮ್‌ಜಿನ್‌, ‘ತೂ ಪಢುಕರಾತೆ ತುನ ಮಾಲುಮ್ ಪಡುಕರಸ್ಕಿ ಶು’? ಕರಿ ಬೋಲ್ಯೊ. 
\v 31 ಇನೆ, ಕೋಣ್‌ತೋಬಿ ಮನ ಬರಬರ್ ನಾ ಖ್ಹಮ್‍ಜಾ಼ಡ್ಯುತೊ ಯೋ ಮನ ಕಿಮ್ ಅರ್ಥಪಡ್‍ಶೆ ಕರಿ ಬೋಲಿನ್ ತೂ ರಥ್ ಛ಼ಡಿನ್ ಮಾರಾಕನ ಬೇಶಿಜಾ಼ ಕರಿ ಫಿಲಿಪ್ಪನ ಬೋಲಿಲಿದೊ. 
\v 32 ಯೊ ಫಡುಕರ್ತೊ ಥೋತೆ ಪವಿತ್ರ್‌ ದಪ್ತರ್‌ಮ ವಚನ್ನುಭಾಗ್‌ ಖೆವುಕತೊ ‘ಕತ್ರಾನ ಲೀಜಾ಼ಯಿತೆ ಮೇಂಢಾನ ಚೆಲ್ಕನಿತರ ಇನ ಲೀನ್‌ಗಯು; ಅಜು಼ ಮೇಂಢು ರುಯಿ ಕತ್ರಾವಾಳನ ಖ್ಹಾಮ್ಣೆ ಖ್ಹೊಪ್‍ರ‍್ಹವಾನಿತರ ಇನೆ ಮ್ಹೋಡು ಮ್ಹೆಲ್ಯೊಸ್‍ ಕೊಯ್ನಿ. 
\v 33 \x - \xo 8:33 \xo*\xt ಯೆಶಾಯ 53:7-8\xt*\x*ಇನ ಖ್ಹರಮ್‌ ಕಾಡ್ಯು. ಇನ ನ್ಯಾವ್ ಮಳ್ಯುಕೊಯ್ನಿ. ಇನಿ ಪಿಳ್‍ಗೀನಿ ಬಾರೇಮ ಕೋಣ್ ಬೋಲವಾಳು ಉಷೆ? ಶನಕತೊ ಜ಼ಮೀನ್‍ಪರ್ಥು ಇನ ಜಾನ್ನ ಕಾಡಿನಾಕ್‌ಶೆ ಕರಿ ಬೋಲನುಸ್. 
\v 34 ಅದಿಕಾರಿನೆ ಫಿಲಿಪ್ಪನ, ಆ ವಚನ್ನಿ ಬಾರೇಮ ಪ್ರವಾದಿನೆ ಆ ವಾತ್ನ ಕಿನಿ ಬಾರೇಮ ಬೋಲಿರಾಖ್ಯೊಸ್ತೆ? ಮಾರಿ ಬಾರೇಮಾಕಿ? ಬಿಜೇಕ್ ಜ಼ಣಾನಿ ಬಾರೇಮ? ದಯಾಕರೀನ್ ಮನ ಬೋಲ್ನುಕರಿ ಫಿಲಿಪ್ಪನ ಬೋಲ್ಯೊ. 
\v 35 ತದೆ ಫಿಲಿಪ್ಪನೆ ಬೋಧನೆ ಕರ್ತೊಹುಯಿನ್ ಯೋಸ್ ವಚನ್ನಿ ಆಧಾರ್ ಕರಿಲಿನ್ ಇನ ಯೇಸುನಿ ಬಾರೇಮಾನಿ ಸುವಾರ್ತೆನ ಖ್ಹಮ್‌ಜಾ಼ಡ್ಯೊ. 
\v 36 ಇವ್ಣೆ ವಳ್ಯಜಾ಼ತಥಾತೆ ವಾಟೆ ಪಾಣಿನಿ ಝ಼ಗೋಕನ ಆಯ. ಅಜು಼ ಅದಿಕಾರಿನೆ, ಹಂದೇಕ್ ಪಾಣಿ ಹೈರು ಮೇ ಬ್ಯಾಪ್ತಿಸ್ಮ ಲ್ಯಾವಾನ ಅಡ್ಡಿಶಾತ್‍? ಕರಿ ಬೋಲ್ಯೊ. 
\v 37 \f + \fr 8:37 \fr*\ft ಥೋಡಿ ಚಿಟ್ಟೀಮ 37 ವಚನ್ ಕೊಯ್ನಿ\ft*\f*ತದೆ ಫಿಲಿಪ್ಪನೆ ಇನ “ತೂ ಖ್ಹಾಚ ದಿಲ್‌ಥಿ ವಿಶ್ವಾಸ್ ಕರಾವಾಳೊ ಉಷೇತೊ ಅಡ್ಡಿಕೊಯ್ನಿ” ಕರಿ ಬೋಲ್ಯೊ. ತದೆ ಅದಿಕಾರಿನೆ, “ಯೇಸುಕ್ರಿಸ್ತಾಸ್ ದೇವ್‌ನೊ ಛಿಯ್ಯೊಕರಿ ವಿಶ್ವಾಸ್ ಕರುಸ್” ಕರಿ ಬೋಲ್ಯೊ. 
\v 38 ತದೆ ರಥ್‌ನ ಭೀರಾಕ್ ಕರಿ ಹುಕುಮ್ ದಿದೊ. ಯೊ ವಖ್ಹತ್‌ಮ ಇವ್ಣೆ ಭೇಜ಼ಣ ಪಾಣಿಮ ಉತ್‍ರ‍್ಯ. ಫಿಲಿಪ್ಪನೆ ಇನ ಬ್ಯಾಪ್ತಿಸ್ಮ ಕರಾಯೊ. 
\v 39 ಇವ್ಣೆ ಪಾಣಿಮಾಥು ಉಪ್ಪರ್ ಆವಾದಿನ್, ಪ್ರಭುನ ಆತ್ಮನೆ ಫಿಲಿಪ್ಪನ ಲೀನ್‍ ಗಯೊ. ಅದಿಕಾರಿನೆ ಫಿಲಿಪ್ಪನ ಬಿಜು಼ ಕದೇಬಿ ದೇಖ್ಯೊಸ್‍ ಕೊಯ್ನಿ. ಯೋ ಘಣು ಖುಷಿಥಿ ಇನಿ ವಾಟ್‍ಧರಿನ್‍ ಚ಼ಲಿಗಯು. 
\v 40 ಅನಕೇಡೆಥು ಫಿಲಿಪ್ಪ ಅಜೋತ್‍ಕರಿ ಖ್ಹಯೇರ್‌ಥು ದೆಖೈನ್ ಹಿಜ್ಜಾ಼ಥು ಕೈಸರೈಕರಿ ಖ್ಹಯೇರ್‌ಲಗು ಅಖ್ಖಾಸ್ ಗಾಮ್ಮ ಸುವಾರ್ತೆ ಬೋಲ್ತೊ ಗಯೊ.
\c 9
\s ಸೌಲ ಬದಲಾವ್ಣಿ ಹುಯೋತೆ
\r (ಅಪೊ 22:6-16; 26:12-18)
\p
\v 1 ‘ಪ್ರಭುನ ಶಿಷ್ಯರ‍್ನ ಡರಾವನ ಅಜು಼ ಮಾರಾನಖ್ಹಾಜೆ ಯೆರೂಸಲೇಮ್ಮ ಸೌಲ ಬಿಜೂ಼ಬಿ ಕೋಶಿಶ್ ಕರುಕರ್ತೊಥೊ. ಇನಖ್ಹಾಜೇಥಿ ಯೊ ಗಲ್‌ಢಯಾಜಕ್‌ಕನ ಜೈ಼ನ್, 
\v 2 ದಮಸ್ಕ ಖ್ಹಯೇರ‍್ನಿ ಸಭೆನ ಚಿಟ್ಟಿ ಲೀಖಿನ್ ದಮಸ್ಕಮ ಕ್ರಿಸ್ತಾನ ಮಾರಗ್‍ಮ ಚಾ಼ಲವಾಳು ತಯೇಡ ರ‍್ಹವೊ ಪರ್ಖ್ಹೊ ರ‍್ಹವೊ ಇವ್ಣುನ ಬೇಡಿ ಘಾಲಿನ್ ಖ್ಹತಾವನ ಯೆರೂಸಲೇಮ್ಮ ಖೇಚಿಲಿ ಆವಾನ ಮನ ಹುಕುಮ್ ದೆವೊ ಕರಿ ಬೋಲಿಲಿದೊ. 
\v 3 ಯೊ ದಮಸ್ಕನ ಖನ್ನೆ ಚಾ಼ಲ್ತೊಹುಯಿನ್‌. ಖ್ಹಯೇರ‍್ನ ಆವಾನಿ ವಖ್ಹ್‌ತೆ, ಆಕಾಶ್‌ಮಾಥು ಏಕ್‌ ಉಜಾ಼ಳು ಅಪ್‌ಗುಪ್‌ಥೀಸ್ ಐನ್ ಇನ ಅಶ್‌ಪಿಶ್‌ ಉಜಾ಼ಖ್ಹ್‌ಥಿ ಝ಼ಮ್‍ಕ್ಯು. 
\v 4 ಯೊ ಜ಼ಮೀನ್‌ಪರ್ ರಡ್ಕಿಗಯೊ ತದೆ, “ಸೌಲ, ಸೌಲ ಮನ ಶನ ಖ್ಹತಾವಸ್?” ಕರಿ ಬೋಲಾನಿ ಆವಾಜ಼್‌ನ ಖ್ಹಮ್‍ಜ್ಯೊ. 
\v 5 ಸೌಲನೆ, “ಪ್ರಭು ತೂ ಕೋಣ್?” ಕರಿ ಬೋಲ್ಯೊ. ಪ್ರಭುನೆ, “ತೂ ಖ್ಹತವ್‍ಕರಸ್ತೆ ಯೇಸುಸ್ ಮೇ” 
\v 6 ಕತೋಬಿ ತೂ ಉಠೀನ್ ಖ್ಹಯೇರ‍್ನ ಮಹಿ ಜಾ಼, ತೂ ಕರ್ನುತೆ ಅಖ್ಖು ಹಿಜ಼್ಜ ತುಮುನ ಮಾಲುಮ್‌ ಪಡ್‌ಶೆ” ಕರಿ ಬೋಲ್ಯೊ. 
\v 7 ಇನ ಜೋ಼ಡೆ ವಳೇಜಾ಼ತಥಾತೆ ಇವ್ಣೆ ಯೋ ಅವಾಜ಼್ ಖ್ಹಮ್‌ಜ್ಯು ಪಣ್ಕಿ ಕಿನಾಬಿ ದೇಖಾನ ಕೋಹುಯುಂತೆ ಮುಕ್ಕಪಡಿಗ. 
\v 8 ಸೌಲ ಜ಼ಮೀನ್‍ಪರ್ಥೊ ಉಠೀನ್ ಡೋಳ ಪಾಡಮ ಶಾತ್ಬಿ ಕೋ ದೆಖಾಯುನಿ. ಇನಖ್ಹಾಜೆ ಇವ್ಣೆ ಇನ ಹಾತ್‍ಧರೀನ್ ದಮಸ್ಕಮ ಬುಲೈಲಿನ್ ಗಯ. 
\v 9 ಇನ ತೀನ್ ದನ್ ಡೋಳ ಕೋ ದೆಖಾಯುನಿ,ಅಜು಼ ಇನೆ ಶಾತ್ಬಿ ಖಾದೊಪೀದೊ ಕೊಂತೆಥೊ. 
\v 10 ತದೆ ದಮಸ್ಕಮ ಅನನೀಯಕರಿ ಏಕ್‍ಜ಼ಣೊ ವಿಶ್ವಾಸಿಥೊ. ಪ್ರಭುನೆ ದರ್ಶನ್‍ಮ, ‘ಅನನೀಯ’ ಕರಿ ಬೋಲಖ್ಹತರ್, ತದೆ ಇನೆ ಮೆ ಹಜ್ಜಾ಼ಸ್ ಛೂ಼ ಕರಿ ಬೋಲ್ಯೊ. 
\v 11 ಪ್ರಭುನೆ ಅನನೀಯನ, “ತೂ ಉಠೀನ್ ಖ್ಹತ್ತಡ್‍ ಗಲ್ಲಿಕರಿ ಬೋಲಾನು ನಾಮ್ನಿ ಗಲ್ಲಿಮ ಜಾ಼. ಹಿಜ್ಜಛಾ಼ತೆ ಯೂದನ ಘರ್‌ಮ ದೇಖಿನ್ ತಾರ್ಸಸ್‍ ಖ್ಹಯೇರ‍್ನು ಸೌಲನಿ ಬಾರೇಮ ಪೂಛಾ಼ವ್ ಯೊ ಹಮ್ಕೆ ಪ್ರಾರ್ಥನೆ ಕರುಕರಸ್. 
\v 12 ಸೌಲನೆ ಏಕ್‌ ದರ್ಶನ್ ದೇಖ್ಯೊ. ಅನನೀಯಕರಿ ಏಕ್‍ಜ಼ಣೊ ಆವ್‌ಶೆ ಇನ ಪಾಛು಼ ಡೋಳ ದೇಖಾವನಿತರ ಇನ ಉಪ್ಪರ್ ಹಾತ್‍ ಮ್ಹೆಲಾಖ್ಹತರ್ ಇನೆ ದೇಖ್ಯೊ ಕರಿ ಬೋಲ್ಯೊ. 
\v 13 ತದೆ ಅನನೀಯನೆ ಪ್ರಭು,ಯೆರೂಸಲೇಮ್‌ನು ತಾರ ದೇವ್ನಅದ್ಮಿ ಖ್ಹಾರಾನ ಕೆತ್ರೇಕ್ಕಿ ಖ್ಹತಾಪ್ಣಿನ ದಿದೂತೆ ಅನಿ ಬಾರೇಮ ಕೈಯೇಕ್‍ಜ಼ಣಾಥಿ ಖ್ಹಮ್‍ಜಿರಾಖ್ಯೊಸ್. 
\v 14 ಅಜು಼ ಹಜ್ಜಾ಼ಬಿ ಗಲ್‌ಢಯಾಜಕ್‌ಥಿ ಅದಿಕಾರ್ ಲೀರಾಖ್ಯೊಸ್‍ಕಿ, ತಾರ ನಾಮ್ನ ಬೋಲವಾಳಾನ ಬೇಡಿಘಾಲ್ನುಕರಿ. 
\v 15 ಪ್ರಭುನೆ ಅನನೀಯನ “ತೂ ಜಾ಼; ಯೋ ಅದ್ಮಿಖ್ಹಾರ ಯೆಹೂದ್ಯರ್‌ಕಾಹೆತೆ ಅದ್ಮಿವೊನ ರಾಜಾ಼ವ್‌ನ, ಅಜು಼ ಇಸ್ರಾಯೇಲ್ ಅದ್ಮಿವೊನ ಮಾರ ನಾಮ್ನ ಖ್ಹಮ್‍ಜಾ಼ಡನಖ್ಹಾಜೆ ಮೇ ಚೂ಼ಣಿರಾಖ್ಯೊತೆ ಏಕ್‌ ಜಿನಖ್ಹ್‌ ಹುಯಿರೊಸ್. 
\v 16 ಯೊ ಮಾರ ನಾಮ್ನಖ್ಹಾಜೆ ಕೆತ್ರು ಲತಾಡ ಲಿಶೆಕರಿ ಮೇಸ್ ಇನ ವತಾಳಿಶ್.” ಕರಿ ಬೋಲ್ಯೊ. 
\v 17 ತದೆ ಅನನೀಯ ಚಾ಼ಲ್ತೊ ಯೊ ಘರ್‌ಮ ಜೈ಼ನ್ ಇನಾಪರ್ ಇನೊ ಹಾತ್‍ ಮ್ಹೇಲಿನ್, “ಮಾರೊ ಭೈ ಸೌಲ, ತೂ ಆವಾನಿ ವಾಟ್ಮ ತುನ ದೆಖಾಯೊತೆ ಪ್ರಭು ಯೇಸು ತುನ ಪಾಛು಼ ಡೋಳೊ ದೆಖಾವಾನಿಘೊಣಿಬಿ, ತು ಪವಿತ್ರಾತ್ಮಾಥಿ ಭರಾವ್ಣು ಕರೀಬಿ ಮನ ಮೋಕ್ಲಿರಾಖ್ಯೊಸ್” ಕರಿ ಬೋಲ್ಯೊ. 
\v 18 ಯೋ ವೇಳ್ಮಾಸ್ ಸೌಲನ ಡೋಳೇಥಿ ಪಡದ್ನಿಘೋಣಿ ಶಾತ್ಕಿ ಹೇಟ್ ನಿಕ್ಳಿ ಪಡೀನ್ ಇನೊ ಡೋಳ ಪಾಛು಼ ದೆಖಾವಲಗ್ಯು. ಯೋ ಉಠೀನ್ ಬ್ಯಾಪ್ತಿಸ್ಮ ಲಿದೊ. 
\v 19 ಇನಕೇಡೆಥು ಖಾಣು ಖಾವಖ್ಹತರ್ ಇನ ಶಕತ್ ಆಯು. ಸೌಲ ಥೋಡದನ್‍ಲಗು ದಮಸ್ಕಮ ಸುವಾರ್ತೆನ ಬೋಲ್ಯೊ. ಅಜು಼ ವಿಶ್ವಾಸಿನಿ ಜೋ಼ಡ್ಮ ಥೊ.
\s ದಮಸ್ಕಮ ಸೌಲನಿ ಬೋಧನೆ
\p
\v 20 ಪೌಲ ತದ್ನುತದೇಸ್, “ಯೇಸು ದೇವ್‌ನೊ ಛಿಯ್ಯೊ” ಕರಿ ಸಭೆ ಮಳಾನಿ ಝ಼ಗೋಮ ಬೋಲಾನ ಶುರು ಕರ‍್ಯೊ. 
\v 21 ಆ ವಾತೆನ ಖ್ಹಮ್‍ಜ್ಯುತೆ ಖ್ಹಾರು, “ಯೆರೂಸಲೇಮ್ಮ ಆ ಅದ್ಮಿಸ್‌ ಯೇಸುನ ನಾಮ್ನ ವಿಶ್ವಾಸ್ ಕರವಾಳನ ಮಾರಿನಾಖು ಕರ್ತೊಥೋತೆ ಆಸ್ ಕಾಹೆಕಿ ಶು? ಅಜು಼ ಇವ್ಣುನ ಗಲ್‌ಢಯಾಜಕ್‌ಕನ ಧರಿಲೀನ್ ಜಾ಼ವ್ಣುಕರೀಸ್ ಆ ಹಜ಼್ಜ ಐರ‍್ಹೋಸ್ತೆ?” ಕರಿ ಬೋಲಿಲಿದು. 
\v 22 ಇನೆ ಅಜೂ಼ಬಿ ಘಣು ವಚನ್ನು ಆಧಾರ್‌ಥಿ ಯೇಸು ಕ್ರಿಸ್ತಾಸ್ ಜಗತ್ನ ಬಚಾ಼ಡವಾಳೊಕರಿ ಬೋಲಾನು ಖ್ಹಾಚಿಸ್ ಕರಿ ಸೌಲನೆ ದಮಸ್ಕಮಥೂತೆ ಯೆಹೂದ್ಯರ್‌ನ ಸಾಬಿತ್ ಕರಾಯೊ. 
\v 23 ಕೆತ್ರಾಕಿ ದನ್ನಪಾರ್ ಯೆಹೂದ್ಯವಾಳು ಸೌಲನ ಮಾರಿನಾಕ್ಣುಕರಿ ಖ್ಹೂಜ಼್ ಕರ‍್ಯು. 
\v 24 ಯೆಹೂದ್ಯರ್‌ವಾಳು ಸೌಲ ಮಳಾನು ದೇಕ್‍ತುಹುಯಿನ್‍ ನಂಗರ‍್ನ ಖ್ಹಾರ ದರ‍್ವಾಜ಼ವ್‌ಕನ ರಾತ್ ದನ್ ಕಾವ್ಲಿ ಥು. ಕತೋಬಿ ಯೋ ಖ್ಹಾರು ಸೌಲನ ಮಾಲುಮ್‌ ಪಡ್ಯು. 
\v 25 ಏಕ್‍ರಾತ್ ಪೌಲನ ಥೋಡ ಶಿಷ್ಯರ‍್ನೆ ಇನ ಖ್ಹಯೇರ‍್ನ ಭಾರ್‌ ಮೋಕ್ಲಾನಟೇಕೆ ಇನ ಏಕ್‌ ಟೋಕ್ರಾಮ ಬೆಖ್ಹಾಡಿನ್‌ ಖ್ಹಯೇರ‍್ನ ಭೀತ್‌ನ ಉಪ್ಪರ್‌ಥು ಹೇಟ್ ಉತಾರಿದಿದು.
\s ಯೆರೂಸಲೇಮ್ಮ ಸೌಲ
\p
\v 26 ಸೌಲ ಯೆರೂಸಲೇಮ್ಮ ಜೈ಼ನ್ ವಿಶ್ವಾಸಿ ಟೋಳ್ಮ ಮಳೀರ‍್ಹೇಣುಕರಿ ಕೋಶಿಶ್ ಕರ‍್ಯೊ. ಕತೋಬಿ ಇವ್ಣೆಖ್ಹಾರು, ಸೌಲನ ಖ್ಹಾಚಮಾಬಿ ಯೇಸುನೊ ಶಿಷ್ಯಕರಿ ನಂಬ್ಯುಕೊಂತೆ ಇನೇಥಿ ಡರಿಗಯು. 
\v 27 ಕತೋಬಿ ಬಾರ್ನಬನೆ ಇನ ಮದತ್ ಕರಾನ ಅಪೊಸ್ತಲರ್‌ಕನ ಬುಲೈಲಿನ್ ಆಯೊ. ಸೌಲನೆ ದಮಸ್ಕನ ಮಾರಗ್‍ಮ ಪ್ರಭುನ ದೆಖ್ಯೊತೆ ಪ್ರಭು ಸೌಲಥಿ ವಾತೆ ಬೋಲ್ಯೊತೆ ಅಖ್ಖೂಸ್ ಖ್ಹಮ್‌ಜಾ಼ಡ್ಯೊ. ಕಾಹೆತೆ ದಮಸ್ಕಮ ಡರ್‌ಕೊಂತೆ ಪ್ರಭು ಯೇಸುನ ನಾಮ್‍ಲೀನ್ ಬೋಧನೆ ಕರ‍್ಯೊತೆಯಿನ ಇವ್ಣುನ ಬೋಲಿ ಖ್ಹಮ್‌ಜಾ಼ಡ್ಯೊ. 
\v 28 ಇನಬಾದ್ಮ ಸೌಲ ಯೆರೂಸಲೇಮ್ಮ ವಿಶ್ವಾಸಿನಿ ಜೋ಼ಡ್ಮ ಮಳಿನ್ ಶಿಕಾಡ್ತೊಹುಯಿನ್ ಪ್ರಭುನ ನಾಮ್‍ಥಿ ಡರ್‌ಕೊಂತೆ ಬೋಧನೆ ಕರಾಲಗ್ಯೊ. 
\v 29 ಗ್ರೀಕ್ ವಾತೆ ಬೋಲ್‍ತುಥೂತೆ ಯೆಹೂದ್ಯರ್‌ನ, ಜೋ಼ಡ್ಮ ಸೌಲ ಕದೇಬಿ ವಾದ ಕರ್ತೊಥೊ. ಇನಖ್ಹಾಜೆ ಇನ ಮಾರಿನಾಕ್ಣುಕರಿ ಕೋಶಿಶ್ ಕರ‍್ಯು. 
\v 30 ಅನ ಮಾಲುಮ್ ಕರ‍್ಯುತೆ ವಿಶ್ವಾಸಿಖ್ಹಾರು ಇನ ಕೈಸರೈ ಖ್ಹಯೇರ‍್ನ ಬುಲೈಲಿಜೈ಼ನ್ ಹಿಜ್ಜಾ಼ಥು ತಾರ್ಸಸ್‍ ಖ್ಹಯೇರ‍್ನ ಮೋಕ್ಲಿದಿದು. 
\v 31 ಇನಬಾದ್ಮ ಯೂದಾಯ, ಗಲಿಲಾಯ, ಅಜು಼ ಸಮಾರ್ಯನ ತಬರ್‌ಖಾಮ ಥೀತೆ ಖ್ಹಾರಿ ಸಭೆಮ ಸಮಾಧಾನ್‍ ಪಡ್ಯು. ಸಬೆ ಭಡ್ತುಹುಯಿನ್ ಪ್ರಭುನ ಡರ್‌ಮಾಬಿ ಭಕ್ತಿಮಾಬಿ ಜಿವ್ತುಹುಯಿನ್, ಪವಿತ್ರಾತ್ಮಥಿ ಜಾ಼ಖ್ಹತ್ ಹೋತುಹುಯಿನ್ ಭಡ್ಯು.
\s ಲುದ್ದ ಅಜು಼ ಯೊಪ್ಪಮ ಪೇತ್ರ
\p
\v 32 ಯೆರೂಸಲೇಮ್‌ನು ಅಶ್‌ಪಿಶ್‍ಥೂತೆ ಖ್ಹಾರ ಗಾಮ್ಮ ಪೇತ್ರ ಫರ್ತೊಜಾ಼ವಾನಿ ವಖ್ಹ್‌ತೆ ಲುದ್ದಕರಿ ಗಮ್ಮರ‍್ಹವಾಳ ದೇವ್ನ ಅದ್ಮಿಖ್ಹಾರಾನ ಮಳ್ಯೊ. 
\v 33 ಹಿಜ್ಜಾ಼ ಲಕ್ವೊಮಾರಿನ್ ಆಟ್ ವರಖ್ಹ್ ಥೊ ಬಿಛಾ಼ವ್ಣಪರ್ ಪಡ್ಯೊಥೋತೆ ಐನೇಯ ಕರಿ ಏಕ್‌ ಜ಼ಣಾನ ದೇಖ್ಯೊ. 
\v 34 ಪೇತ್ರನೆ ಯೋ ಅದ್ಮಿನ, “ಐನೇಯ,ಯೇಸು ಕ್ರಿಸ್ತಾಸ್ ತುನ ಅಛ್ಛು಼ ಕರುಕರಸ್. ಉಟ್ ತಾರ ಬಿಛಾ಼ವ್ಣನ ತೂಸ್ ಬಿಚೈ಼ಲೇ” ಕರಿ ಬೋಲ್ಯೊ. ತುರಂತ್ ಯೋ ಉಠಿನಿಕ್‍ಳ್ಯೊ. 
\v 35 ಲುದ್ದಮ ಅಜು಼ ಶಾರೋನ್‍ಮ ರ‍್ಹವಾಳು ಅದ್ಮಿಖ್ಹಾರು ಇನ ದೇಖಿನ್ ಪ್ರಭು ಯೇಸುನ ಉಪ್ಪರ್ ವಿಶ್ವಾಸ್ ಕರ‍್ಯು. 
\v 36 ಯೊಪ್ಪ ಖ್ಹಯೇರ್‌ಮ ತಬಿಥಾಬಿ ಯೇಸುನಿ ಏಕ್‌ ಶಿಷ್ಯೇ ಥಿ. ಗ್ರೀಕ್‍ನಿ ಬೋಲಿಮ ಇನು ನಾಮ್ ‘ದೊರ್ಕ’ ಇನಿ ಮತ್‌ಲಬ್ ‘ಚೀತಳ್‌ಕರಿ’ ಯೋ ಕದೇಬಿ ಅಛ಼್ಛುಕಾಮ್ ಕರಾವಳಿ ಅಜು಼ ದಾನಧರಮ್‍ ದ್ಯವಾಳಿ ಹುಯಿರ‍್ಹಿಥಿ. 
\v 37 ಯೋ ವಖ್ಹತ್‌ಮ ಇನ ರೋಗ್ ಅಯಿನ್ ಮರಿಗಯಿ. ಅಜು಼ ಇನ ಶರೀರ್‌ನ ಧೊಯಿನ್ ಉಪ್‌ಲ್ಯಖನ್ನ ಕೋಣಾಮ ಲಯಿನ್ ಮ್ಹೇಲ್ಯ. 
\v 38 ಆ ‘ಲುದ್ದ’ ಯೊಪ್ಪ ಖ್ಹಯೇರ‍್ನ ಖನ್ನೆಸ್‌ ರ‍್ಹವಾಮ ಪೇತ್ರ ಹಿಜ್ಜಾ಼ ರ‍್ಹವಾನು ಶಿಷ್ಯರ‍್ನೆ ಖ್ಹಮ್‌ಜಿನ್‌ “ದಯಾ ಕರೀನ್ ಒಗ್ಗಿಸ್‌ಮ ಹಮಾರ ಗಮ್ಮ ಆವ್ಣು” ಕರಿ ಬೇಜ಼ಣಾನ ಬೋಲಿ ಮೋಕ್‌ಲ್ಯೊ. 
\v 39 ಪೇತ್ರ ತಯಾರ್‌ಹುಯಿನ್ ಹಿಜ್ಜಾ಼ ಆಯೊ. ತದೆ ಇನ ಘರ್‌ನ ಉಪ್‌ಲ್ಯಖನ್ನ ಕೋಣಾಮ ಬುಲೈಲಿನ್ ಗಯು. ಹಿಜ಼್ಜಾಥೂತೆ ಮುಂಡಚ್ಚಿಖ್ಹಾರು ಪೇತ್ರನ ಅಶ್‌ಪಿಶ್‍ ರೋವ್‍ತೆಹುಯಿನ್,ಅಜು಼ ದೊರ್ಕ ಜಿವ್ತಿಥೀತೆ ತದೆ ಇವ್ಣಖ್ಹಾಜೇಥಿ ಬಣೈನ್ ದಿದಿಥೀತೆ ಪೇರ್‌ವಾಖ್ಹ್ ಅಜು಼ ಝ಼ಗ್ಗಾನು ಬಣಾವಟ್ನ ವತಾಳ್‍ಯೆ. 
\v 40 ಅಜು಼ ಪೇತ್ರನೆ ಅದ್ಮಿಖ್ಹಾರಾನ ಭಾರ್‌ ಮೋಕ್ಲಿನ್ ಢುಕ್‍ಣ್ಯಮೇಟೆ ಹುಯಿನ್ ಪ್ರಾರ್ಥನೆ ಕರೀ ಶರೀರ್‌ಭಣಿ ಫರೀನ್, “ತಬಿಥಾ, ಉಪ್ಪರ್ ಉಟ್” ಕರಿಬೋಲ್ಯೊ. ಯೋ ಡೋಳಪಾಡಿನ್ ಪೇತ್ರನ ದೇಕ್‍ಥೀಸ್ ಉಠಿ ಭೀರಿಗಯಿ. 
\v 41 ಇನೆ ಹಾತ್‍ದೀನ್‍ ಉಠಾಡಿ ಭೀರಾಖ್ಯೊ. ತದೆ ವಿಶ್ವಾಸಿಖ್ಹಾರು ಅಜು಼ ಮುಂಡಚ್ಚಿ ತಯೇಡಾವ್‍ನ ಯೊ ಕೋಣಾಮ ಬುಲೈ ಜಿವ್ತುಹುಯಿತೆ ಇನ ಇವ್ಣುನ ವತಾಳ್ಯೊ. 
\v 42 ಯೊಪ್ಪಮ ಹರೇಕ್ ಬಾಜು಼ಮ ಥೂತೆ ಅದ್ಮಿವೋನ ಆ ವಾತೆ ಮಾಲುಮ್ ಪಡ್ಯು. ಯೊ ಅದ್ಮಿಖ್ಹಾರಾಮ ಕೆತ್ರೂಕಿ ಜ಼ಣು ಪ್ರಭುನ ವಿಶ್ವಾಸ್ ಕರ‍್ಯು. 
\v 43 ಪೇತ್ರನೆ ಯೊಪ್ಪಮ ಚಾ಼ಂಬ್ಡಾನು ಕಾಮ್‍ಕರವಾಳೊ ಸೀಮೋನ್ನ ಘರ್‌ಮ ಘಣ ದನ್‌ಲಗು ರ‍್ಹಿಯೊ.
\c 10
\s ಪೇತ್ರ ಅಜು಼ ಕೊರ್ನೆಲ್ಯ
\p
\v 1 ಕೈಸರೈ ಖ್ಹಯೇರ್‌ಮ ಕೊರ್ನೆಲ್ಯ ಕರಿ ನಾಮ್ನೊ ಏಕ್‌ಜ಼ಣೊ ಥೊ. ಯೋ ಇಟಲಿನು ಫೊಜ಼್‌ನೊ ಖ್ಹೋಶಿಪಾಯಿನೊ ಅದಿಕಾರಿ ಹುಯಿರ‍್ಹೊಥೊ. 
\v 2 ಯೊ, ಇನು ಕುಟುಂಬ್‍ವಾಳು ದೇವ್‌ಮ ಡರ್‌ ಭಕ್ತಿಥೀಬಿ ರ‍್ಹೀನ್ ಜಿವ್ಣು ಕರುಕರ್ತುಥು. ಅಜು಼ ಗರೀಬ್‌ನ ಜಾ಼ಖ್ಹತ್ ದಾನಧರಮ್‍ ಕರಾವಾಳೊ, ಕದೇಬಿ ದೇವ್ನ ಪ್ರಾರ್ಥನೆ ಕರಾವಾಳೊ ಹುಯಿರ‍್ಹೋಥೊ. 
\v 3 ಏಕ್‍ದನ್ ಧೋಪಾರ‍್ನ ಖ್ಹುಮಾರ್ ತೀನ್ ಘಂಟಾನ ಕೊರ್ನೆಲ್ಯನ ದರ್ಶನ್ ಹುಯು ತದೆ ಏಕ್‌ ದೇವ್‌ನೊ ದೂತ ಇನಾಕನ ಐನ್, “ಕೊರ್ನೆಲ್ಯ” ಕರಿ ಚಿಕ್ರಾನು ನೇರ್‌ಥಿ ದೇಖ್ಯೊ. 
\v 4 ಕೊರ್ನೆಲ್ಯ ಡರಿನ್ ದೇವ್ನದೂತನ ಠರ್‌ಕೈನ್ ದೇಕ್ತೊ ಹುಯಿನ್ “ಪ್ರಭು ಆ ಶಾತ್?” ಕರಿ ಬೋಲ್ಯೊ. ತದೆ ದೇವ್‌ನೊ ದೂತನೆ ಇನ, ತಾರಿ ಪ್ರಾರ್ಥನೆಬಿ, ತಾರಿ ದಾನ್ ಧರಮ್ ಅಖ್ಖು ದೇವ್ನಿ ಸನ್ನಿಧಿಮ ಖ್ಹಯಾಲ್‌ಥಿ ಪೊಚಿರ‍್ಹುಸ್; 
\v 5 ಹಮ್ಕೆ ತೂ ಥೋಡು ಜ಼ಣಾನ ಯೊಪ್ಪನ ಮೋಕ್ಲಿನ್, ಪೇತ್ರಕರಿ ಬೋಲೈಲ್ಯವಾಳೊ ಸೀಮೋನನ ಬುಲಾವ್ಣು. 
\v 6 ಯೋ ಚಾ಼ಂಬ್ಡಾನು ಕಾಮ್‌ಕರಾವಾಳೊ ಸೀಮೋನನ ಘರ್‌ಮ ಛಾ಼. ಇನುಘರ್‌ ದರ‍್ಯಾವ್ನ ಕಿನಾರೆ ಛಾ಼ ಕರಿ ಬೋಲ್ಯೊ. 
\v 7 ಕೊರ್ನೆಲ್ಯನೆ ಇನ ಜೋ಼ಡ್ಮ ವಾತೆಬೋಲ್ಯಾತೆ ದೇವ್‌ನೊ ದೂತ ಚ಼ಲೇಗೊತದೆ, ಇನ ಘರ್‌ಮಥಾತೆ ಬೇಜ಼ಣ ಸೇವಕ್‌ನ ಅಜು಼ ಇನಿ ಜೋ಼ಡ್ಮ ರ‍್ಹವಾಳ ಶಿಪಾಯಿಮ ಏಕ್‌ ಜ಼ಣೊ ದೇವ್‌ಮ ಭಕ್ತಿರ‍್ಯಹವಾಳೊ‍ ಶಿಪಾಯಿನ ಬುಲೈನ್, 
\v 8 ಇವ್ಣುನ ಕೊರ್ನೆಲ್ಯನೆ, ಆ ಚಾ಼ಲ್ಯುತೆ ಅಖ್ಖೂಸ್ ಇವ್ಣುನ ಬೋಲಿನ್ ಯೊಪ್ಪನ ಮೋಕ್‌ಲ್ಯೊ. 
\v 9 ಇನ ಅಗಲ್ಯದನ್ನೆ ಯೊ ಅದ್ಮಿಖ್ಹಾರು ಯೊಪ್ಪನ ಚ಼ಲ್ಯಾವದಿನ್ ತದೆ ದೊಫಾರ್ನಿ ವೇಳ್ಮ ಪೇತ್ರ ಪ್ರಾರ್ಥನೆ ಕರಾನ ಘರ್‌ನ ಉಪ್‌ಲ್ಯ ಛ಼ತ್‍ಪರ್‌ ಗಯೊ. 
\v 10 ಪೇತ್ರನ ಘಣು ಭುಕ್‍ಲಾಗಿನ್ ಶಾತ್ತೋಬಿ ಖಾವ್ಣು ಕರಿ ಆಖ್ಹ್‌ಕರ‍್ಯೊ, ಯೋ ಖಾಣು ತಯಾರ್ ಕರುಕರಾಸ್ಮ,ಇನ ಏಕ್‌ ದರ್ಶನ್‍ಹುಯಿ. 
\v 11 ತದೆ ಆಕಾಶ್‍ ನಿಕ್ಳಿನ್ ಚಾರ್ ಕೋಣಾನ ಭಂದಾಯುಹುಯು ಮೋಟಿ ಝೋ಼ಳಿನಿತರಾನು ಏಕ್‌ ಜಿನಖ್ಹ್‌ ಜ಼ಮೀನ್‌ಪರ್ ಉತ್ರಿ ಉಳ್ಯಾವ್‌ತುಥೂತೆ ದೇಖ್ಯೊ. 
\v 12 ಇನಾಮ ಅಖ್ಖೀಸ್ ಥರಾನು ಜಾನ್ವರ್‌ಖ್ಹಾರು ಜ಼ಮೀನ್‌ಪರ್ ಖ್ಹವಳ್ತು ಚಾ಼ಲಾನು ಕೀಡ್‌ಕಮ್ಟು ಅಜು಼ ಆಬ್‌ಪರ್ ಉಡಂತು ಜಿನಾವರ್ ಖ್ಹಾರು ಹಿಜ಼್ಜಥೂ. 
\v 13 ತದೆ, ‘ಪೇತ್ರ, ಉಠಿನ್, ವ್ಹಾಡಿ ಖಾ‘ ಕರಿ ಇನ ಏಕ್‌ ಅವಾಜ಼್ ಖ್ಹಮಜ಼್‌ಪಡ್ಯು. 
\v 14 ಕತೋಬಿ ಪೇತ್ರನೆ, ಇಮ್‌ಕರಾನ ಕೊಹುವಾನಿ ಪ್ರಭು, ಕಚಿಂಡ್‌ ರಾಛು಼ ರ‍್ಹವೊ ಅಜು಼ ಅಶುದ್ದ ಹುಯುತೆ ಚೀಜ಼್‌ನ ಮೆ ಕದೇಬಿ ಖಾದೊಹುಯೊ ಕಾಹೆ” ಕರಿ ಬೋಲ್ಯೊ. 
\v 15 ಕತೋಬಿ ಯೊ ಅವಾಜ಼್ ಬಿಜೇಕ್ ಹಲ್ಲ ಇನ, “ದೇವ್ನೆ ಪಾಕ್‌ ಕರಿರಾಖ್ಯೊತೆ ಅನಅಖ್ಖು ಮೈಲುಕರಿ ನಾಬೋಲ್ನು ಕರಿ ಪಾಛೊ಼ ಭೇನೆಹಲ್ಲ ಇನ ಠವ್‌ಕೊ ಖ್ಹಮಜ್‍ಪಡ್ಯು. 
\v 16 ಅಮ್ಮಸ್ ತೀನ್‌ಹಲ್ಲ ಹುಯು ಇನ ಬಾದ್ಮ ಯೋ ಜಿನಖ್ಹ್‌ ಸೊರ್ಗಾಮ ಪಡೈಲೆವೈಗು. 
\v 17 ಪೇತ್ರನೆ, ಇನೆ ದೇಖ್ಯೊತೆ ದರ್ಶನ್ ಶಾತ್‍ರ‍್ಹೇಣು ಕರಿ ಸೋಚಾನಿ ವಖ್ಹತ್‌ಮ ಕೊರ್ನೆಲ್ಯನೆ ಮೋಕ್‌ಲ್ಯೋಥೋತೆ ಅದ್ಮಿಖ್ಹಾರು ಸೀಮೋನ್ನ ಘರ್‌ನ ಪುಛಾ಼ವ್ತುಹುಯಿನ್‌ ಖ್ಹಣೇದ್ ಧರೀನ್ ಅಜು಼ ಯೋ ಘರ್‌ನ ಬಾಕಲ್‌ನ ಖ್ಹಾಮ್ಣೆ ಆಯಿನ್ ಭೀರ‍್ಯು. 
\v 18 “ಪೇತ್ರಕರಿ ಬೋಲಸ್ತೆ ಸೀಮೋನ ಹಜ಼್ಜ ಛಾ಼ಕಿ ಶು?” ಕರಿ ಬೋಲ್ಯು. 
\v 19 ಪೇತ್ರ ದರ್ಶನ್ನಿ ಬಾರೇಮ ಬಿಜೂ಼ಬಿ ಸೋಚುಕರಾನಿ ವಖ್ಹತ್‌ಮ ಪವಿತ್ರಾತ್ಮನೆ ಇನ, ಸೀಮೋನ ತೀನ್ ಅದ್ಮಿ ತುನ ಢೂಂಡ್‌ತುಹುಯಿನ್ ಐರ‍್ಹೂಸ್. 
\v 20 ತೂ ಉಠೀನ್ ಹೇಟ್ ಉತ್ರಿನ್ ಶಾತ್ಬಿ ಗುಮಾನಿ ನಾಕರ‍್ನುತೆ ಇವ್ಣಿ ಜೋ಼ಡ್ಮ ಜಾ಼ ಅಜು಼ ಪಾಛೊ಼ ಧಕೀಶ್ ನಕೊ. ಮೇಸ್ ಇವ್ಣುನ ತಾರಕನ ಮೋಕ್ಲಿರಾಖ್ಯೊಸ್” ಕರಿ ಬೋಲ್ಯೊ. 
\v 21 ಪೇತ್ರ ತದೆ ಹೇಟ್ ಉತ್ರಿನ್ ಯೋ ಅದ್ಮಿವ್‍ಕನ ಜೈ಼ನ್, “ತುಮೆ ಢೂಂಡುಕರಾಸ್ತೆ ಯೊ ಅದ್ಮಿ ಮೇಸ್, ತುಮೆ ಹಜ಼್ಜ ಶನ ಆಯಾ? ಕರಿ ಪುಛಾಯೊ. 
\v 22 ತದೆ ಇವ್ಣೆ, “ಕೊರ್ನೆಲ್ಯಕರಿ ಖ್ಹೋಶಿಪಾಯಿನೊ ಮೋಟೊ ಛಾ಼. ಯೋ ನೀತಿಮ ಚಾ಼ಲವಾಳೊ; ದೇವ್‍ಥಿ ಡರಾವಾಳೊ ಅಜು಼ ಯೆಹೂದ್ಯರ‍್ನು ಅದ್ಮಿ ಖ್ಹಾರು ಇನ ಮರ್ಯಾದಿ ದೇಸ್. ತುನ ಇನ ಘರೆ ಬುಲೈನ್ ತೂ ಬೋಲಾನಿ ವಾತೇನ ಖ್ಹಮಜ಼್‌ಣುಕರಿ ದೇವ್‌ನೊ ದೂತಥಿ ಕೊರ್ನೆಲ್ಯನ ಬೋಲಿರಾಖ್ಯೊಸ್” ಕರಿ ಬೋಲ್ಯು. 
\v 23 ಪೇತ್ರನೆ ಇವ್ಣುನ ಮಹಿ ಬುಲೈನ್, ಸತ್ಕಾರ್ ಕರೀನ್ ಯೋ ರಾತ್ ಹಿಜ್ಜಾ಼ಸ್ ರ‍್ಹವಾನಿತರ ಕರ‍್ಯೊ. ಇನವ್ಹಾಣೆ ಪೇತ್ರ ತಯಾರ್‌ಹುಯಿನ್ ಇವ್ಣ ಜೋ಼ಡ್ಮ ಗಯೊ. ಯೊಪ್ಪನು ವಿಶ್ವಾಸಿಮ ಥೋಡುಜ಼ಣು ಇನ ಜೋ಼ಡೆಗಯು. 
\v 24 ಇನ ಅಗ್‍ಲ್ಯದನ್ನೆ ಇವ್ಣೆ ಕೈಸರೈ ನಂಗರ‍್ನ ಪೋಚ್ಯು.ತದೆ ಕೊರ್ನೆಲ್ಯನೆ ಇವ್ಣ ಮಾಯಮಾತ್ರಾನಾಬಿ ಅಜು಼ ಸಾಥೀನ ದೋಸ್ತ್‌ನ ಬುಲೈಲಿನ್ ಪೇತ್ರನಖ್ಹಾಜೆ ಟಿವೈರ‍್ಹೋಥೊ. 
\v 25 ತದೆ ಪೇತ್ರ ಘರ್‌ಕನ ಆವಖ್ಹತರ್ ಕೊರ್ನೆಲ್ಯನೆ ಗೋಡಾಪರ್ ಪಡೀನ್ ಖ್ಹಲಾಮ್ ಕರ‍್ಯೊ. 
\v 26 ಕತೋಬಿ ಪೇತ್ರನೆ, “ಉಠೀನ್ ಭೀರೆ ಮೇಬಿ ತಾರಿನಿತರ ಅದ್ಮಿಸ್‌” ಕರಿಬೋಲ್ಯೊ. 
\v 27 ಅಜು಼ ಇನ ಉಠಾಡಿನ್ ವಾತೆ ಬೋಲ್ತೊಹುಯಿನ್ ಮಹಿ ಗಯೊ. ಹಿಜ್ಜಾ಼ ಘಣು ಅದ್ಮಿನಿ ಝೂ಼ಂಡ್‌ ಭರೈರ‍್ಹುತೆ ಇನೆ ದೇಖ್ಯೊ. 
\v 28 ಪೇತ್ರನೆ ಇವ್ಣುನ, “ಯೆಹೂದ್ಯವಾಳವೊ ಏಕ್‌ ಜ಼ಣೊ ಅಲಕ್‌ಅದ್ಮಿಥಿ ಮಳೀನ್‍ ರ‍್ಹವಾನುರ‍್ಹೇವೊ, ಇವ್ಣಿಜೋ಼ಡೆ ರ‍್ಹವಾನು ಯೆಹೂದ್ಯರ್‌ನ ಪದತ್ತಿನ ವಿರೋದ್ ಹುಯಿರ‍್ಹುಸ್ ಕರಿ ತುಮೂನ ಮಾಲುಮ್‌ ಛಾ಼. ಕತೋಬಿ ಖಿವಿ ಅದ್ಮಿನಾಬಿ ಕಮ್‍ಶಿಲ್‍ವಾಳೊ, ಅಪವಿತ್ರವಾಳೊ ಕರಿ ನಾ ಬೋಲ್‌ನು ಕರಿ ದೇವ್ನೆ ಮನ ವತಾಳಿರಾಖ್ಯೊಸ್. 
\v 29 ಇನಖ್ಹಾಜೆ ತುಮೆ ಮನ ಬುಲಾವ್ಣುಕರಿ ಆವಾನಿ ವಖ್ಹತ್‌ಮ ಏಕ್‌ ವಾತ್‍ಬಿ ಬೋಲ್ಯೊಕೊಂತೆ ಆಯೊ. ಕತೋಬಿ, ತುಮೆ ಶನ ಬುಲಾಯಥಾ ಕರಿ ಹಮ್ಕೆ ತುಮೆ ಬೋಲೊ” ಕರಿ ಬೋಲ್ಯೊ. 
\v 30 ತದೆ ಕೊರ್ನೆಲ್ಯನೆ, “ತೀನ್ ಚಾರ್ ದನ್ನ ಅಗ್ಗಳ್ ಮೇ ಮಾರ ಘರ್‌ಮ ಪ್ರಾರ್ಥನೆ ಕರಾನ ಧೋಪಾರ‍್ನ ತೀನ್ ಘಂಟಾನ ಅಪ್‍ಗುಪ್‍ಥೀಸ್ ಉಜಾ಼ಖ್ಹ್‌ನು ಲುಂಗ್ಡು ಫೇರಿರಾಖ್ಯೊಥೋತೆ ಏಕ್‍ಜ಼ಣೊ ಮಾರ ಖ್ಹಾಮ್ಣೆ ಭೀರಿಗೊ. 
\v 31 ಇನೆ ಬೋಲ್ಯೊ, ಕೊರ್ನೆಲ್ಯ, ದೇವ್ನೆ ತಾರಿ ಪ್ರಾರ್ಥನೆನ ಖ್ಹಮ್‍ಜಿರಾಖ್ಯೊಸ್. ತೂ ಗರೀಬ್‌ನ ದಾನ್‌ ಧರಮ್‌ ಕರಾನು ದೇಖಿನ್ ತುನ ಪಸಂದ್ ಕರಿರಾಖ್ಯೋಸ್. 
\v 32 ಇನಖ್ಹಾಜೆ; ತೂ ಕಿನಾತೋಬಿ ಯೊಪ್ಪನ ಮೋಕ್ಲಿನ್ ಪೇತ್ರಕರಿ ಬೋಲೈಲ್ಯವಾಳೊ ಸೀಮೋನನ ಬುಲಾವ್ಣು. ಯೋ ಚಾ಼ಂಬ್ಡಾನು ಕಾಮ್‌ಕರಾವಾಳೊ ಸಿಮೋನನ ಘರ್‌ಮ ಛಾ಼. ಯೋ ಘರ್‌ ದರ‍್ಯಾವ್ನ ಕಿನಾರೆ ಛಾ಼ ಕರಿ ಬೋಲ್ಯೊ. 
\v 33 ಇಮ್ಮಸ್ ಮೇ ಒಗ್ಗಿಸ್‌ಮ ತುನ ಬುಲಾವನ ಮೋಕ್‌ಲ್ಯೊ.ತುಮೆ ಹಜ್ಜಾ಼ ಆಯೋತೆ ಅಛ್ಛು಼ಹುಯು. ಹಮೂನ ಬೋಲಾನು ಕರಿ ಹುಕುಮ್‌ ದೀರಾಖ್ಯೊಸ್ತೆ ಅಖ್ಖೂಸ್ ಹಮೆ ಖ್ಹಮಜ಼್‌ಣು ಕರಿ ಪ್ರಭುನಿ ಝ಼ಗೋಮ ಮಳಿರ‍್ಹಾಸ್.” ಕರಿ ಬೋಲ್ಯೊ.
\s ಪೇತ್ರನಿ ಬೋಧನೆ
\p
\v 34 ಪೇತ್ರನೆ ಉಪದೇಶ್ ಬೋಲ್ತೊಹುಯಿನ್ ಅಮ್ ಬೋಲ್ಯೊ, “ದೇವ್‌ಮ ಖ್ಹಾರುಜ಼ಣು ಎಕ್ಕಸ್ ಕರಿ ಬೋಲಾನು ಖ್ಹಾಚಿ ಕರಿ ಮನ ಹಮ್ಕೆ ಸೋಚಾ಼ಯು. 
\v 35 ಇನ ಆರಾದನೆ ಕರಾಮ ಖಿವು ಅದ್ಮಿನರ‍್ಹವೊ ನೀತಿಥಿ ಅಜು಼ ಇನಾಮ ಡರಿನ್ ಚಾ಼ಲಸ್ಕಿ ಇವ್ಣುನ ದೇವ್ ಪಸಂದ್ ಕರಾಸ್‌ಕರಿ ಬೋಲಾನು ಮನ ಹಮ್ಕೆ ಗುಮಾನಿಕೊಂತೆ ಮಾಲುಮ್‌ಪಡುಕರಸ್. ಯೊ ಖೆವ ಜಾ಼ತ್ಜ಼ಮಾತ್ ಕರಿ ಬೋಲಾನು ಹಜ್ಜಾ಼ ಖ್ಹಾಯಿಕೊಯ್ನಿ. 
\v 36 ದೇವ್ನೆ ಇಸ್ರಾಯೇಲ್‌ನ ಅದ್ಮಿನ ಜೋ಼ಡ್ಮ ಬೋಲ್ಯೊಥೊ ಯೋಸ್ ಖ್ಹಾರಜ಼ಣನ ಪ್ರಭು ಹುಯಿರ‍್ಹೋಸ್.ಯೊ ಯೇಸು ಕ್ರಿಸ್ತಾಥೀಸ್ ಸಮಾಧಾನ್ ಆವ್‍ಶೆಕರಿ ಬೋಲಾನು ಸುವಾರ್ತೆನ ದೇವ್ನೆ ಇವ್ಣುನ ಮೋಕ್‌ಲ್ಯೊ. 
\v 37 ಬ್ಯಾಪ್ತಿಸ್ಮ ಕರೈಲೇವ್ಣುಕರಿ ಯೋಹಾನನೆ ಬೋಲಿ ಖ್ಹಮ್‌ಜಾ಼ಡ್ಯೊತೆ ಇನಕೇಡೆಥು ಆ ವಚನ್ ಗಲಿಲಾಯಥು ಧರಿನ್ ಯೂದಾಯ ತಬರ್‌ಖಾಮ ಫೈಲು. 
\v 38 ದೇವ್ನ ನಜ಼ರೇತ್‌ನ ಯೇಸುನಿ ಬಾರೇಮ ಮಾಲುಮ್. ಇನ ಪವಿತ್ರಾತ್ಮಥಿಬಿ ಶಕಥ್ಥಿ ಅಬಿಷೇಕ್ ಕರ‍್ಯೊ ಯೊ ಅಖ್ಖೀಸ್ ಬಾಜೂ಼ಮ ಫರ್ತೊಹುಯಿನ್ ಅದ್ಮಿಖ್ಹಾರನ ಅಛ್ಛು಼ ಕರ‍್ಯೊ. ಭೂತ್ ಧರಿರ‍್ಹಾವಳನಬಿ ಗುಣ್‌ಕರ‍್ಯೊ. ಶನಕತೊ ದೇವ್ ಇನಿ ಜೋ಼ಡ್ಮ ಛಾ಼ಕರಿ ಬೋಲಾನು ವತಾಳಿದಿದೊ. 
\v 39 ಯೆಹೂದ್ಯವಾಳನ ತಬರ್‌ಖಾಮ ಅಜು಼ ಯೆರೂಸಲೇಮ್ಮ ಯೇಸುನೆ ಕರ‍್ಯೊತೆ ಅಖ್ಖಾಸ್ ಕಾಮ್ನ ಹಮೆ ದೇಖ್ಯ. ಇನ ಹಮೆ ಸಾಕ್ಷಿ ಹುಯಿರ‍್ಹಾಸ್ ಕತೋಬಿ ಯೇಸು ಮರೈಗಯೊ. ಇವ್ಣೆ ಇನ ಶಿಲ್‌ಬೆಪರ್ ಮೇಕೆಮರಾಯು. 
\v 40 ಕತೋಬಿ ದೇವ್ನೆ ಇನ ತೀನ್‌ದನ್‌ಮ ಮರಣ್‌ಥು ಜಿವ್ತೊ ಉಠಾಡ್ಯೊ. ನೇರ್ ದೇಖಾನ ಪಾಛೊ಼ದಿದೊ. 
\v 41 ಕತೋಬಿ ಯೇಸು ಖ್ಹಾರಸ್ ಅದ್ಮಿನ ದೆಖಾಯೊ ಕೊಯ್ನಿ ದೇವ್‍ಥಿ ಪಹಿಲೇಸ್ ಸಾಕ್ಷಿಹುಯಿ ಚೂ಼ಣೈರ‍್ಹುಥೂತೆ ಇವ್ಣೆಖಲಿ ಇನದೇಖ್ಯು. ಯೇಸು ಮರಣ್‍ಥಿ ಜಿವ್ತೊಹುಯಿನ್ ಉಠೀನ್ ಆವಾನಿ ವಖ್ಹ್‌ತೆ ಅಪ್ಣೆ ಇನಿ ಜೋ಼ಡ್ಮ ಖಾಣು ಖಾದ ಅಜು಼ ಪಾಣಿ ಪೀದ. 
\v 42 ಅಜು಼ ಯೋಸ್ ಜಿವ್ತುರ‍್ಹವಾಳನ, ಮರಿರ‍್ಹಾವಳನ ದೇವ್‍ಥಿ ನ್ಯಾವ್‍ನೊ ಅಧಿಪತಿಹುಯಿನ್ ಚೂ಼ಣಾಯೊಹುಯೊ ಕರಿ ವತಾಳನಖ್ಹಾಜೆ ಸಾಕ್ಷಿ ಬೋಲ್‌ನು ಕರಿ ಅಪ್ಣುನ ಹುಕುಮ್‌ ದಿದೊ. 
\v 43 ಇನ ನಂಬಾವಾಳನು ಹರೇಕ್‍ಜ಼ಣು ಪಾಪ್ನ ಇನ ನಾಮ್‍ಥಿ ಕ್ಷಮಾಪಣ್ ಮಳ್‌ಶೇತೆ. ಆ ಖ್ಹಾಚಸ್‌ಕರಿ ಪ್ರವಾದಿಖ್ಹಾರು ಸಾಕ್ಷಿ ಬೋಲಿರಾಖ್ಯುಸ್” ಕರಿ ಬೋಲ್ಯೊ.
\s ಯೆಹೂದ್ಯರ್ ಕಾಹೆತೆ ಇವ್ಣೆ ಪವಿತ್ರಾತ್ಮನ ಲಿದೂತೆ
\p
\v 44 ಪೇತ್ರ ಬಿಜೂ಼ಬಿ ಇಮ್ಮಸ್ ಬೋಲಾತೆ ವಚನ್ ಖ್ಹಮ್‌ಜು಼ಕರಾತೆ ತದೇಸ್‌ ಇನಿ ವಚನ್ ಖ್ಹಮ್‍ಜ್ಯುತೆ ಅಖ್ಖಾನ ಉಪ್ಪರ್ ಪವಿತ್ರಾತ್ಮ ಉತ್ರಿನ್‌ ಆಯು. 
\v 45 ಯೆಹೂದ್ಯರ್‌ಕಾಹೆತೆ ಅದ್ಮಿಖ್ಹಾರಾನ ಉಪ್ಪರ್ ಪವಿತ್ರಾತ್ಮನು ವರ ಉತ್ರಿ ಆವಾನು ದೇಖಿನ್ ಪೇತ್ರನಿಜೋ಼ಡ್ಮ ಯೊಪ್ಪಥು ಆಯುತೆ ಯೆಹೂದ್ಯರ್ ವಿಶ್ವಾಸಿಖ್ಹಾರು ಆಶ್ಚರ್ಯಕರ‍್ಯು. 
\v 46 ಶನಕತೊ ಇವ್ಣೆ ಅಲಕ್ ಅಲಕ್ ಬೋಲಿನಿ ವಾತೇಮ ದೇವ್ನ ಆರಾದನೆ ಕರಾನು ಯೊ ಯೆಹೂದ್ಯರ‍್ನು ವಿಶ್ವಾಸಿಖ್ಹಾರು ಖ್ಹಮ್‌ಜ್ಯು. 
\v 47 ತದೆ ಪೇತ್ರನೆ ವಾತೆ ಬೋಲ್ತೊಹುಯಿನ್, “ಆ ಅದ್ಮಿಬಿ ಪವಿತ್ರಾತ್ಮಥಿ ಭರಾಯು ಅವ್ಣುನ ಪಾಣಿಮ ಬ್ಯಾಪ್ತಿಸ್ಮ ಕರಾವನ ಶನೀಬಿ ಅಡ್ಡಿಕೊಯ್ನಿ?” ಕರಿ ಬೋಲ್ಯೊ. 
\v 48 ಅನಖ್ಹಾಜೆ ಇವ್ಣುನ ಕ್ರಿಸ್ತನ ನಾಮ್‍ಥಿ ಬ್ಯಾಪ್ತಿಸ್ಮ ಲೇವ್ಣುಕರಿ ಹುಕುಮ್‌ ದಿದೊ. ತದೆ ಇವ್ಣೆ, ಪೇತ್ರನ ಥೋಡ ದನ್ ಹಮಾರ ಜೋ಼ಡ್ಮ ರ‍್ಹೇವ್ಣುಕರಿ ಬೋಲಿಲಿದು.
\c 11
\s ಯೆರೂಸಲೇಮ್ನಿ ಸಭೆನ ಪೇತ್ರನೆ ಬೋಲ್ಯೊತೆ
\p
\v 1 ಯೆಹೂದ್ಯರ್‌ಕಾಹೆತೆ ವಿಶ್ವಾಸಿಖ್ಹಾರು ದೇವ್ನಿ ವಚನ್ನ ಸ್ವೀಕಾರ್‌ಕರ‍್ಯು ಕರಿ ಅಪೊಸ್ತಲರ್‌ವಾಳನಾಬಿ ಯೂದಾಯಮ ಥೂತೆ ವಿಶ್ವಾಸಿನ ಮಾಲುಮ್‍ಹುಯು. 
\v 2 ಪೇತ್ರ ಯೆರೂಸಲೇಮ್ಮ ಆಯೊತೆ ತದೆ ವಿಶ್ವಾಸಿಖ್ಹಾರನ ಜೋ಼ಡ್ಮ ಖ್ಹತ್ನಾನಿ ಬಾರೇಮ ವಾದ ಕರ್ತುಹುಯಿನ್; 
\v 3 ತೂ, “ಯೆಹೂದ್ಯರ್ ಕಾಹೆತೆ ಇವ್ಣಕನಾಬಿ ಅಜು಼ ಖ್ಹತ್ನ ಕರಾಯುಕೊಂತೆ ಇವ್ಣ ಘರೇಬಿ ತುನೆ ಇವ್ಣಿಜೋ಼ಡ್ಮ ಜೈ಼ನ್ ಖಾಣುಬಿ ಖಾದೊ ಕರಿ ಬೋಲ್ಯು. 
\v 4 ಇನಖ್ಹಾಜೆ ಪೇತ್ರನೆ ಹಿಜ್ಜಾ಼ ಶಾತ್ ಚಾ಼ಲ್ಯುಕಿ ಯೊ ಅಖ್ಖು ಬೋಲ್ತೊಹುಯಿನ್; 
\v 5 ಪೇತ್ರನೆ ಇವ್ಣುನ, ಮೆ ಯೊಪ್ಪ ಖ್ಹಯೇರ್‌ಮ ಪ್ರಾರ್ಥನೆ ಕರಾನಿ ವಖ್ಹ್‌ತೆ “ಮನ ಏಕ್‌ ದರ್ಶನ್ ದೆಖಾಯು. ಯೋ ಶಾತ್‌ಕತೊ ಆಕಾಶ್‍ಥು ಚಾರ್ ಕೋಣಾನ ಶಿಂದ್ರೂ ಭಂದೈನ್ ಉತ್ರಿ ವಳ್ಯಾವ್ತು ಥೂತೆ ಝೋ಼ಳಿನಿತರಾನು ಏಕ್‌ ಜಿನಖ್ಹ್‌, ಮಾರಕನಾಸ್ ಉತ್ರಿ ಆಯು. 
\v 6 ಮೆ ಇನಾಮಹಿ ದೇಖ್ಯೊ ಇನಾಮ ಧರ್ತಿನು ಜಾನ್ವರ್‌ ಅಜು಼ ಅಖ್ಖು ಛಂಡಾಳಿ ಜಾನ್ವರ್‌, ಖ್ಹವಳ್ತು ಚಾ಼ಲಾನು ಕೀಡ್‌ಕಮ್ಟು ಅಖ್ಖು ಆಬ್‌ಪರ್ ಉಡಂತು ಜಿನಾವರ್ ಖ್ಹಾರು ಹಿಜ಼್ಜಥೂ. 
\v 7 ತದೆ ‘ಪೇತ್ರ, ಉಠಿನ್, ವ್ಹಾಡಿ ಖಾ’ ಕರಿ ಬೋಲಾನೊ ಏಕ್‌ ಆವಾಜ಼್ ಮನ ಠವ್‌ಕೊ ಖ್ಹಮ್‍ಜ್ಯೊ. 
\v 8 ತದೆ ಮೆ, ‘ಮೆ ಇಮ್‌ಕರಾನ ಕೊಹುವಾನಿ ಪ್ರಭು’ ಕಚಿಂಡ್‌ ರಾಛು಼ ರ‍್ಹವೊ ಅಜು಼ ಅಶುದ್ದ ಹುಯುತೆ ಚೀಜ಼್‌ನ ಮೆ ಕದೇಬಿ ಖಾದೊಕೊಯ್ನಿ” ಕರಿ ಬೋಲ್ಯೊ. 
\v 9 ಇನಖ್ಹಾಜೆ, ಆ ಅಖ್ಖಾನ ದೇವ್ನೆ ಪಾಕ್‌ ಕರಿರಾಖ್ಯೊತೆ ಅನಅಖ್ಖು ಮೈಲುಕರಿ ನಾಬೋಲ್ನು ಕರಿ ಬೇನೆಹಲ್ಲಬಿ ಆಬ್‌ಮಾಥು ಠವ್‌ಕೊ ಬೋಲಾಯು. 
\v 10 ಅಮ್ಮಸ್ ತೀನ್‌ಹಲ್ಲ ಹುಯು. ಇನಪಾರ್ ಯೊ ಅಖ್ಖು ಜಿನಖ್ಹ್‌ ಸೊರ್ಗಾಮ ಪಡೈಲೆವೈಗು. 
\v 11 ಯೋಸ್ ವೇಳ್ಮ ಮೇ ಥೋತೆ ಘರ್‌ನ ಖ್ಹಾಮ್ಣೆ ತೀನ್‍ಜ಼ಣ ಆಯಾ ಯೊ ತೀನ್‍ಜ಼ಣಾನ ಕೈಸರೈ ಖ್ಹಯೇರ್‌ಥು ಮಾರಕನ ಮೋಕ್‍ಲೈರ‍್ಹಾಥ. 
\v 12 ಪವಿತ್ರಾತ್ಮನೆ ಮನ ಬೋಲ್ಯೊ ಗುಮಾನಿ ನಾಕರ‍್ನುತೆ ಇವ್ಣಿ ಜೋ಼ಡ್ಮ ಜಾ಼ ಕರಿ ಬೋಲ್ಯೊ. ಆ ಛೋ಼ ಜ಼ಣ ಭೈಯೇ ಮಾರಿಜೋ಼ಡ್ಮ ಆಯಾ ಹಮೆ ಕೊರ್ನೆಲ್ಯನ ಘರೆಗಯ. 
\v 13 ತದೆ ಇನೆ ದೇವ್‌ನೊ ದೂತ ಮಾರ ಘರ್‌ಮ ಭಿಯೊಥೋತೆ ಇನ ಬಾರೇಮ ಮನ ಬೋಲ್ಯೊ. ಯೊ ದೇವ್‌ನೊ ದೂತನೆ ಕೊರ್ನೆಲ್ಯನ, ತೂ ಥೋಡ ಜ಼ಣಾನ ಯೊಪ್ಪನ ಮೋಕ್ಲಿನ್ ಪೇತ್ರಕರಿ ಬೋಲೈಲ್ಯವಾಳೊ ಸೀಮೋನನ ಬುಲೈಲೆ. 
\v 14 ಯೊ ತುಮಾರಿ ಜೋ಼ಡ್ಮ ಉಪದೇಶ್ ಬೋಲ್‌ಶೆ ಯೊ ಬೋಲ್‍ಶೇತೆ ಬೋಧನೆಥಿ ತುನಾಬಿ ತಾರ ಪರಿವಾರ್ನಾಬಿ ರಕ್ಷಣೆಮಳ್‌ಶೆ ಕರಿ ಬೋಲ್ಯೊ. 
\v 15 ‘ಮೇ ಮಾರಿ ಉಪದೇಶ್‍ನ ಶುರುಕರ‍್ಯೊ ತದೆ, ಶುರೂಮ ಪವಿತ್ರಾತ್ಮ ಉತ್ರಿನ್‌ ಆಯು. ಇಮ್ಮಸ್ ಇವ್ಣ ಉಪ್ಪರ್‌ಬಿ ಆಯೊ. 
\v 16 ತದೆ ಮೆ ಪ್ರಭುನಿ ವಾತೆನ ಖ್ಹಯಾಲ್‍ಕರಿಲಿದೊ; ಇನೆ ‘ಯೋಹಾನನೆ ಅದ್ಮಿವ್‌ನ ಪಾಣಿಥಿ ಬ್ಯಾಪ್ತಿಸ್ಮ ಕರಾಯೊ ಕತೋಬಿ ತುಮೆ ಪವಿತ್ರಾತ್ಮಥಿಬಿ ಬ್ಯಾಪ್ತಿಸ್ಮ ಕರೈಲಿಶು’ ಕರಿ ಬೋಲಿರಾಖ್ಯೊಥೊ. 
\v 17 ಪ್ರಭು ಯೇಸುಕ್ರಿಸ್ತಮ ವಿಶ್ವಾಸ್‌ರಾಖ್ಯಾತೆ ಆಪ್ಣುನ ದಿದೋತೆ ವರನಾಸ್ ದೇವ್ನೆ ಆ ಅದ್ಮಿವೋನಾಬಿ ದಿದೊ. ಅಮ್‍ರ‍್ಹವಾನಾಪರ್ ಮೆ ದೇವ್ನ ಕಾಮ್ನ ಭೀರಾಖಾನ ಮೇ ಕೋಣ್? ಕರಿ ಬೋಲ್ಯೊ. 
\v 18 ಆ ವಾತೆನ ಇವ್ಣೆ ಖ್ಹಮ್‌ಜಿನ್‌ ಝಿಟ್ಕಾರ್‌ ಕರಾನು ಮ್ಹೆಂದಿನ್; ಇಮ್‍ಕತೊ ದೇವ್ ಯೆಹೂದ್ಯರ್‌ಕಾಹೆತೆ ಇವ್ಣುನಾಬಿ ಜಾನ್‍ದೇವ್ಣುಕರಿ ಇವ್ಣ ದಿಲ್ನ ಇನಾಭಣಿ ಫರಾಯೊ ಕರಿ ದೇವ್ನ ಖ್ಹರಾಯು.
\s ಅಂತಿಯೋಕ್ಯ ಖ್ಹಯೇರ್‌ಮ ಕ್ರಿಸ್ತನಿ ಸಭೆ
\p
\v 19 ಸ್ತೆಫನನ ಮರ್‌ನಾಖ್ಯುತೆ ತದೆ ಹಿಜ್ಜಾ಼ ಹುಯಿತೆ ಖ್ಹತಾಪ್ಣಿಥಿ ಥೋಡುಜ಼ಣು ವಿಶ್ವಾಸಿಖ್ಹಾರು ಛಿದ್ರಯ್‍ಗಯು, ಇವ್ಣೆ ಘಣಾದೂರ್‌ನಿ ಝ಼ಗೊಹುಯಿರಿಥೀತೆ ಫೊಯಿನಿಕೆ, ಸೈಪ್ರಸ್ ಅಜು಼ ಅಂತಿಯೋಕ್ಯನ ಗಯು. ವಿಶ್ವಾಸಿಖ್ಹಾರು ಆ ಝ಼ಗೋಮ ಖಲಿ ಯೆಹೂದ್ಯರ್‌ನ ಸುವಾರ್ತೆನ ಬೋಲ್ಯು. 
\v 20 ಆ ವಿಶ್ವಾಸಿಮ ಥೋಡಜ಼ಣು ಸೈಪ್ರಸ್ ಅಜು಼ ಸಿರೇನ್ ಝ಼ಗೊವಾಳ ಹುಯಿರಾಥ. ಆ ಅದ್ಮಿಖ್ಹಾರು ಅಂತಿಯೋಕ್ಯನ ಆಯುತೆ ತದೆ ಇವ್ಣೆ ಪ್ರಭು ಹುಯಿರೋತೆ ಯೇಸುನಿ ಬಾರೇಮ ಸುವಾರ್ತೆನ ಹಿಜ್ಜಾ಼ ಥೋಡ ಗ್ರೀಕ್ ಅದ್ಮಿವೋನ ಬೋಲ್ಯು. 
\v 21 ಪ್ರಭುನೊ ಹಾತ್ ಇವ್ಣಪರ್ ಥು,ಅಜು಼ ಅದ್ಮಿಖ್ಹಾರು ಕೈಏಕ್ ಜ಼ಣು ಪ್ರಭುಮ ಭರೋಖ್ಹೊ ಕರ‍್ಯು. 
\v 22 ಆ ವಾತೆ ಯೆರೂಸಲೇಮ್ಮಥೂತೆ ಸಬೆನ ಪೋಚ್ಯು. ಇನಖ್ಹಾಜೆ ಬಾರ್ನಬನ ಅಂತಿಯೋಕ್ಯನ ಬೋಲಿ ಮೋಕ್‍ಲ್ಯು. 
\v 23 ಬಾರ್ನಬ ಅಂತಿಯೋಕ್ಯನ ಪೋಚಾ಼ನಿವಖ್ಹತೆ ದೇವ್ನ ಅದ್ಮಿವೋನ ವಿಶ್ವಾಸ್ ಭಡಾವ್ತೊ ಹುಯಿನ್ ಪ್ರಭುಮ ಹುಮ್ಮಖ್ಹ್‌ ಕರಾಯೊ. 
\v 24 ಬಾರ್ನಬ ಯೋ ಏಕ್‌ ಅಛ್ಛೊ಼ಅದ್ಮಿ ಹುಯಿರೋಥೊ. ಯೊ ಪವಿತ್ರಾತ್ಮಥಿ ಭರಾಯೊಹುಯೊ ಪೂರ ವಿಶ್ವಾಸ್ಮ ಥೊ ಅಜು಼ ಘಣ ಅದ್ಮಿನ ಪ್ರಭುಭಣಿ ಬುಲೈಲಾಯೊ. 
\v 25 ಇನಕೇಡೆಥು ಬಾರ್ನಬನೆ ಸೌಲಾನ ಢೂಂಡ್ತೊಹುಯಿನ್ ತಾರ್ಸಸ್‍ ಖ್ಹಯೇರ‍್ನ ಗಯೊ. 
\v 26 ಬಾರ್ನಬನೆ ಸೌಲಾನ ಹಿಜ್ಜಾ಼ ದೇಖಿನ್ ಇನ ಅಂತಿಯೋಕ್ಯನ ಬುಲೈಲಿನ್ ಆಯೊ. ಸೌಲಾಬಿ ಅಜು಼ ಬಾರ್ನಬನೆ ಅಂತಿಯೋಕ್ಯಮ ಏಕ್‌ ವರಖ್ಹ್‌ಅಖ್ಖು ಸಬೆನ ಜೋ಼ಡ್ಮಾಸ್ ರ‍್ಹೀನ್ ಕೈಏಕ್ ಜ಼ಣಾನ ಶಿಕಾಡ್ಯ. ಆ ವಿಶ್ವಾಸಿನ ಪಹಿಲಿಬಾರ್ “ಕ್ರೈಸ್ತರ್” ಕರಿ ನಾಮ್ ಆಯುತೆ ಅಂತಿಯೋಕ್ಯಮಾಸ್. 
\v 27 ಯೋ ಹಗಾಮ್ಮ ಥೋಡುಜ಼ಣು ಪ್ರವಾದಿಖ್ಹಾರು ಯೆರೂಸಲೇಮ್‍ಥು ಅಂತಿಯೋಕ್ಯನ ಗಯು. 
\v 28 ಆ ಪ್ರವಾದಿಖ್ಹಾರಾಮ “ಅಗಬ” ಕರಿ ಏಕ್‍ಜ಼ಣೊ ಥೊ. ಅಗಬನೆ ಅಂತಿಯೋಕ್ಯಮ ಪವಿತ್ರಾತ್ಮನಿ ಖ್ಹಯಾಲ್‌ಥಿ, “ಹಿಡಿ ಜಗತ್‍ನಾಸ್ ಕಾಳ್ದುಕಾಳ್ ಆವ್‌ಶೆ” ಕರಿ ಬೋಲ್ಯೊ. ಯೋ ಕಾಳ್ದುಕಾಳ್‍ನ ಹಗಾಮ್ ಕ್ಲೌದಿಯ ರಾಜ಼ನು ಹಗಾಮ್ಮ ಆಯು. 
\v 29 ಯೂದಾಯಮ ರ‍್ಹವಾಳು ಭೈಯೇ ಭೇನೆವೊನ ಮದತ್‌ಕರಾನ ಶಿಷ್ಯರ್‌ನೆ ನಿರ್ಧಾರ್ ಕರ‍್ಯು. ವಿಶ್ವಾಸಿಮ ಹರೇಕ್ ಜ಼ಣುಬಿ ಇವ್ಣೇಥಿ ಕೆತ್ರುಹುಯೂಕಿ ಇವ್ಣುನ ಬೋಲಿ ಮೋಕ್ಲಿನ್ ಖ್ಹಯಾಲ್ ಕರ‍್ಯು. 
\v 30 ಇವ್ಣೆ ಪೈಶಾನ ಜ಼ಮಕರೀನ್ ಇನ ಬಾರ್ನಬ ಅಜು಼ ಸೌಲನ ಹಾಥ್ಥಿ ಯುದಾಯಮ ಥೂತೆ ಸಭೆನ ಗಲ್‌ಢಾವ್ನ ಲಯಿನ್ ದಿದಾ.
\c 12
\s ಘಣು ಖ್ಹತಾಪ್ಣಿ
\p
\v 1 ಯೋ ವೇಳ್ಮ ರಾಜ಼ ಹುಯಿರೊಥೋತೆ ಹೆರೋದನೆ ಸಬೆವಾಳಾಮ ಥೋಡಜ಼ಣಾನ ಖ್ಹತಾಪ್ಣಿ ದ್ಯಾವಲಗ್ಯೊ. 
\v 2 ಯೋಹಾನನೊ ಭೈಥೋತೆ ಯಾಕೋಬನ ತಲ್ವಾರ್‌ಥಿ ಮರೈನಾಖ್ಯೊ. 
\v 3 ಅನೇಥಿ ಯೆಹೂದ್ಯರ್‌ನ ಪಸಂದ್‌ ಹುಯಿರ‍್ಹುಸ್‌ಕರಿ ಜಾ಼ಣಿನ್, ಪೇತ್ರನಾಬಿ ಧರೈನ್ ಖ್ಹಾರ್ಕೊಟ್‌ಮ ಘಲಾಯೊ. ಯೋ ಹಗಾಮ್ಮ ಯೆಹೂದ್ಯರ್‌ನಿ ಪಸ್ಕ ಪೂಜ಼ ಚಾ಼ಲುಕರ್ತೂಥು. ಪಸ್ಕಕತೊ ಖಾಟುಕೊಂತೆ ರೋಟಾನಿ ಪೂಜ಼. 
\v 4 ತದೆ ಇನೆ ಪಸ್ಕಪೂಜ಼ ಹುಯಿಗು ತದೆ ಅದ್ಮಿವೋನ ಖ್ಹಾಮ್ಣೆ ಪೇತ್ರನ ಭೀರಾಕ್‍ಣುಕರಿ ಸೋಚ್‌ಕರಿನ್ ಜೇಲ್‌ಮ ಘಲೈನ್ ಇನ ಕಾವ್ಲಿ ಕರಾನ ಚಾರ್‌ಜ಼ಣ ಶಿಪಾಯ್ನು ಚಾರ್ ಟೋಳ್ನ ನೇಮಕ್ ಕರ‍್ಯೊ. 
\v 5 ಪೇತ್ರ ಜೇಲ್‌ಮ ಘಾಲ್ಯು ತದೆ ಸಬೇನು ಅದ್ಮಿಖ್ಹಾರು ಇನಖ್ಹಾಜೆ ದೇವ್ನ ದಿಲ್‍ಲಗಾಡಿನ್ ಪ್ರಾರ್ಥನೆ ಕರ‍್ಯು.
\s ಪೇತ್ರನ ಖ್ಹಾರ್ಕೊಟ್‍ಥು ಛುಟ್ಕಾರ್
\p
\v 6 ಹೆರೋದನೆ ಇನ ಅದ್ಮಿವೋನ ಖ್ಹಾಮ್ಣೆ ಲ್ಯಾವ್ಣುಕರಿ ಕರ‍್ಯೊತೆ ಪಾಛ್ಲಿ಼ರಾತೆ, ಖ್ಹಾರ್ಕೊಟ್‌ಮ ಬೇ ಖ್ಹಂಕ್‌ಳಿಥಿ ಜ಼ಡ್‍ಕೈನ್ ತದೆ ಪೇತ್ರ ಬೇಜ಼ಣ ಶಿಪಾಯಿನ ಬೀಚ್ಮ ಖ್ಹುತೋಥೊ. ಶಿಪಾಯಿಖ್ಹಾರು ಜೇಲ್‌ನ ದರ‍್ವಾಜ಼ನ ಕಾವ್ಲಿ ಕರಿರಾಖ್ಯುಥು. 
\v 7 ಅಪ್‌ಗುಪ್‍ಥೂಸ್ ಪ್ರಭುನೊದೂತ ಪೇತ್ರನ ಖ್ಹಾಮ್ಣೆ ಭೀರಿಗೊ. ಉಜಾ಼ಳು ಉಜಾ಼ಖ್ಹ್‌ಥಿ ಕೋಣಾಮ ಅಖ್ಖು ಭರೈಗು. ತದೆ ದೇವ್ನದೂತನೆ ಪೇತ್ರನ ಭುಜ಼್‌ನ ಧಕ್ಕೋದಿನ್ ಇನ ಬೋಲ್ಯೊ, “ಒಗ್ಗಿಉಟ್” ಕರಿ ಬೋಲ್ಯೊ. ತದ್ನುತದೇಸ್ ಇನ ಹಾತ್ನ ಭಂದೈರಿಥೀತೆ ಖ್ಹಂಕ್‌ಳಿಯೇ ಛು಼ಟಿಪಡಿಗಯೇ. 
\v 8 ದೇವ್ನದೂತನೆ, “ಲುಂಗ್ಡಾನ ಫೇರಿಲಿನ್ ತಾರ ಕೊಖ್ಹ್‌ಡಾನ ಘಾಲಿಲೆ” ಕರಿ ಬೋಲ್ಯೊ. ಪೇತ್ರನೆ ಇಮ್ಮಸ್ ಕರ‍್ಯೊ. ತದೆ ದೇವ್ನದೂತನೆ, “ತಾರ ಝ಼ಗ್ಗಾನ ಲಪೇಟಿಲೀನ್ ಮಾರಿ ಜೋ಼ಡ್ಮ ಆವ್”. ಕರಿ ಬೋಲ್ಯೊ. 
\v 9 ಇನೆ ಭಾರ್‌ ಆಯಿನ್ ದೇವ್ನದೂತನ ಪೀಠೆ ಜಾ಼ತೊಹುಯಿನ್, ದೇವ್ನ ದೂತಾಥಿ ಚಾ಼ಲ್ಯುತೆ ಇನ ಖ್ಹಾಚು಼ ಕರಿ ಮಾಲುಮ್‌ಕೊಂತೆಸ್ ಯೋ ಖ್ಹೋಣ್ಯು ದೇಖುಕರುಸ್ ಕರಿ ಇನೆ ಸೋಚಿರಾಖ್ಯೊಥೊ. 
\v 10 ಪೇತ್ರನೆ ಪಹಿಲ ಅಜು಼ ಬೇನ ಕಾವ್ಲಿಕರವಾಳನ ಕಾಡಿಮ್ಹೆಂದೀನ್ ಖ್ಹಯೇರ‍್ನು ಜಾ಼ವಾನು ಲ್ಹೋಡಾನ ಬಾಕಲ್‍ಕನ ಆಯೊತೆ ತದೆ, ಯೊ ಬಾಕಲ್ ಇನೇಥಿ ಯೋಸ್ ನಿಕ್ಳಿಗಯೊ. ಪೇತ್ರಬಿ ದೇವ್ನ ದೂತ ಬಾಕಲ್‍ಮಾಥು ನಿಕ್ಳಿನ್ ಭಾರ್‌ಆಯಿನ್, ಯೋ ಗಲ್ಲೀನ ಮ್ಹೇಲಿನ್ ನಿಕ್‍ಳ್ಯ ತದೆ ಅಪ್‍ಗುಪ್‍ಥೀಸ್ ದೇವ್‌ನೊ ದೂತನೆ ಇನ ಮ್ಹೇಲಿನ್ ಚ಼ಲೇಗೊ.\fig ಜೇಲ್ನಿ ಗೋಡೆಪರ್ ಘಲೈರ‍್ಹುತೆ ಖ್ಹಂಕಳ್ ಖ್ಹಾರಿ|alt="Chains embedded in prison wall" src="hk00204c.tif" size="col" copy="Horace Knowles ©" ref="12:7"\fig*
\p
\v 11 ತದೆ ಪೇತ್ರನೆ ಮಾಲುಮ್‌ಕರ್ಲಿನ್, “ಪ್ರಭುನೆ ಖ್ಹಾಚ಼ಮಾಸ್ ಇನ ದೂತನ ಮೋಕ್‍ಲ್ಯೊತೆ ಮನ ಹಮ್ಕೆ ಮಾಲುಮ್‌ ಪಡ್ಯು. ಯೊ ಮನ ಹೆರೋದನ ಹಾಥ್ಥಿ ಛೋ಼ಡೈನ್‌ಮ್ಹೆಲ್ಯೊ. ಮನ ಕೇಡ್ ಕರ್ನುಕರಿ ಯೆಹೂದ್ಯರ್‌ವಾಳನೆ ಸೋಚಿರಾಖ್ಯುಥು, ಪ್ರಭುನೆ ಆ ಅಖ್ಖಿ ಕೇಡ್‍ಮಾಥು ಮನ ಬಚಾ಼ಡ್ಯೊ” ಕರಿ ಇನೆ ಮಾಲುಮ್‌ಕರ‍್ಲಿದೊ. 
\v 12 ಯೋ ಅನ ಮಾಲುಮ್‌ಕರ‍್ಲಿದೊ ತದೆ, ಮಾರ್ಕಕರಿ ಬೋಲೈಲ್ಯಾವಾಳೊ ಯೋಹಾನ್ನಿ ಆಯಾ ಮರಿಯನ ಘರೆ ಆಯೊ. ಹಿಜ್ಜಾ಼ ಘಣುಜ಼ಣು ಮಳಿನ್ ಪ್ರಾರ್ಥನೆ ಕರುಕರ್ತುಥು. 
\v 13 ಪೇತ್ರನೆ ಬಾಕಲ್‍ಕನ ಆಯಿನ್ ಖಟ್‍ಖಟಾಯೊ ತದೆ ಯೊ ಕೋಣ್ ಕರಿ ಮಾಲುಮ್‌ ಕರಾನಖ್ಹಾಜೆ ರೋದೆಕರಿ ಸೇವಕಿ ಆಯಿ. 
\v 14 ಇನೆ ಪೇತ್ರನಿ ಆವಾಜ಼್‌ನ ಖ್ಹಣೇದ್‌ಕರೀನ್ ಇನ ಘಣು ಖ್ಹುಶಿಹುಯು. ನಾಶಿಜೈ಼ನ್, “ಪೇತ್ರ ಬಾಕಲ್‍ಕನ ಭಿಯೋಸ್!” ಕರಿ ಬೋಲಿ. 
\v 15 ಹಿಜ಼್ಜಾಥೂತೆ ಅಖ್ಖುಜ಼ಣು, “ಅನ ದಿವಾನು ಧರಾಖ್ಯುಸ್” ಕರಿ ಬೋಲ್ಯು. ಕತೋಬಿ ಮೆ ಆ ಬೋಲುಕರುತೆ ಖ್ಹಾಚಿಸ್ ಕರಿ ಇನೆ ಪಾಛು಼ ಇವ್ಣುನ ಬೋಲಿ, ಇನಖ್ಹಾಜೆ ಇವ್ಣೆಅಖ್ಖು, “ಯೊ ಪೇತ್ರನೊ ದೂತ ರ‍್ಹೇವ್ಣುಕರಿ ಬೋಲ್ಯು. 
\v 16 ಕತೋಬಿ ಪೇತ್ರ ದರ‍್ವಾಜ಼ನ ಖಟ್‍ಖಟಾವ್‍ ಕರ್ತೊಥೊ. ತದೆ ಇವ್ಣೆ ಬಾಕಲ್ ಕಾಡಖ್ಹತರ್, ಪೇತ್ರನ ದೇಖಿನ್ ಆಶ್ಚರ್ಯ ಹುಯು. 
\v 17 ಪೇತ್ರನೆ ಇವ್ಣುನ ಶೊಪೊರ‍್ಹೇವೊ ಕರಿ ಹಾತ್‌ನೊ ಇಷಾರ್ಕೊ ಕರೀನ್, ಪ್ರಭುನೆ ಇನ ಜೇಲ್‌ಮಾಥು ಕಿಮ್ ಛೋ಼ಡಾಯೊ ಕರಿ ಯೋ ಬಾರೇಮ ಇವ್ಣುನ ಅಖ್ಖು ಬೋಲಿ ಒತಾಳ್ಯೊ. “ಯಾಕೋಬ್‌ನಾಬಿ ಅಜು಼ ವಿಶ್ವಾಸಿವೊನಾಬಿ ಆ ಸಮಚಾರ್‌ನ ಬೋಲೊ” ಕರಿ ಬೋಲ್ಯೊ. ಇನಕೇಡೆಥು ಪೇತ್ರ ಬಿಜಿ ಝ಼ಗೊ ನಿಕ್ಳಿಗಯೊ. 
\v 18 ಇನವ್ಹಾಣೆ ಪೇತ್ರ ಶಾತ್‍ಹುಯೊ ಕರಿ ಶಿಪಾಯಿ ಖ್ಹಾರಾಮ ಮೋಟಿ ಘುಂಜ಼್‌ಳಾವ್ಣಿ ಉಠಿ. 
\v 19 ಹೆರೋದನೆ ಇನ ಢೂಂಡ್ವಾಯೊ ಪೇತ್ರನ ದೇಖಾನ ಕೋ ಹುಯುನಿ ಇನಖ್ಹಾಜೆ ಹೆರೋದನೆ ಕಾವ್ಲಿ ಕರವಾಳನ ವಿಚಾರ್‌ಕರಿನ್ ಇವ್ಣುನ ಅಖ್ಖು ಮರಣ್ಣಿ ದಂಡಣೆನ ದಿನಾಖ್ಯೊ. ಹೆರೋದನೆ ಥೋಡ ಹಗಾಮ್ ಯೂದಾಯಥೊ ಜೈ಼ನ್ ಕೈಸರ ಖ್ಹಯೇರ್‌ಮ ರ‍್ಹಿಯೊ.
\s ರಾಜ಼ ಹೆರೋದಾನಿ ಮರಣ್
\p
\v 20 ತೂರ್ ಅಜು಼ ಸಿದೋಮ್ ಖ್ಹಯೇರ‍್ನ ಅದ್ಮಿವೋನ ಉಪ್ಪರ್ ಹೆರೋದನೆ ಜಾ಼ಖ್ಹತ್ ಇರಾದೊ ಕರಿರಾಖ್ಯೊಸ್‍ಕರಿ, ಯೊ ಅದ್ಮಿಖ್ಹಾರು ಹೆರೋದನ ಮಳಾನ ಜಮಹುಯಿನ್ ನಿಕ್‍ಳ್ಯು. ಇವ್ಣೆ ರಾಜ಼ನೊ ಮಹೇಲ್‌ನದೇಖಿಲ್ಯವಾಳೊ ಮೋಟೊ ಅದಿಕಾರಿ ಹುಯಿರೊಥೋತೆ ಬ್ಲಾಸ್ತನನ ಪೊಖ್ಹ್‌ಲೈನ್ ಮದತ್‌ಕರ್‌ ಕರಿ ರಾಜ಼ ಇವ್ಣಿ ಜೋ಼ಡ್ಮ ಶಾಂತಿಹುಯಿನ್ ಮಳಿಜಾ಼ವ್ಣುಕರಿ ಹೆರೋದನ ಬೋಲಿಲಿದು. ಶನಖ್ಹಾಜೆ ಕತೊ ಇವ್ಣ ಮುಲಕ್ನ ಹೆರೋದನ ಮುಲಕ್‍ಥು ಖಾಣಾನು ಜಿನಖ್ಹ್‌ ಮಂಗೈಲೆವ್ಣುಥು. 
\v 21 ಇವ್ಣುನ ಮಳಾನಖ್ಹಾಜೆ ಹೆರೋದನೆ ಏಕ್‌ ದನ್ ಗೊತ್‍ಕರೀನ್ ಮ್ಹೇಲ್ಯೊ. ತದೆ ಹೆರೋದಾನೆ ಇನ ರಾಜಾ಼ನು ಪೆರ್ವಾಖ್ಹ್‌ ಫೇರಿಲಿನ್ ಇನೆ ಸಿಂಹಾಸನ್ನ ಉಪ್ಪರ್ ಬೇಶಿನ್ ಅದ್ಮಿವೋನ ಉಪದೇಶ್ ಕರ‍್ಯೊ. 
\v 22 ಹಿಜ್ಜಾ಼ ಅದ್ಮಿಖ್ಹಾರು ಆ ಹೈರುತೆ ಅದ್ಮಿನು ಟಹುಕೊ ಕಾಹೆ. ಆ ದೇವ್‌ನೊ ಟಹುಕೊ ಕರಿ ಕೂಘಾಟಿ ಕರ‍್ಯು. 
\v 23 ಪ್ರಭುನ ದೂತನೆ ತುರಂತ್ ಹೆರೋದನ ದಂಬೇಡಿ ಹೇಟ್‌ನಾಖ್ಯೊ; ಯೋ ದೇವ್ನ ಮರ್ಯಾದಿ ಕೊದಿದೊಂತೆ ಇನಖ್ಹಾಜೆ ಯೊ ಕೀಡೊ ಪಡೀನ್ ಮರಿಗೊ. 
\v 24 ಕತೋಬಿ ದೇವ್ನಿ ವಚನ್ ಭಡ್ಯು ಅಜು಼ ಜಾ಼ಖ್ಹತ್ ಹುಯು. 
\v 25 ಬಾರ್ನಬಬಿ ಸೌಲನೆ ಇವ್ಣೆ ಕರ್ನುಥೂತೆ ಸೇವೆನ ಕಾಮ್ನ ಖ್ಹರ್ತಿಕರಿನ್ ಮಾರ್ಕಕರಿ ಬೋಲೈಲಿದೋತೆ ಯೋಹಾನಕನ ಬುಲೈಲಿನ್ ಯೆರೂಸಲೇಮ್‍ಥು ಪಾಛು಼ ಅಂತಿಯೋಕ್ಯನ ಆಯ.
\c 13
\s ಬಾರ್ನಬ ಅಜು಼ ಸೌಲನ ಪ್ರವಾದಿನೆ ಚೂ಼ಣಿನ್ ಮೋಕ್‍ಲ್ಯು
\p
\v 1 ಅಂತಿಯೋಕ್ಯಮ ಥೂತೆ ಸಬೆಮ ಖ್ಹಾರು ಪ್ರವಾದಿಬಿ ಬೋಧಕರ್‌ಬಿ ಥೂ; ಇವ್ಣೆ ಕೋಣ್‌ಕತೊ, ಬಾರ್ನಬ, ನೀಗರ್‌ಕರಿ ಬೋಲೈಲಾವಳೊ ಸಿಮೆಯೋನ್‌, ಕುರೇನ್ಯನೊ ಲೂಕ್ಯ,ಹೆರೋದ ರಾಜ಼ನಿ ಜೋ಼ಡ್ಮ ಪಳ್ಯೊತೆ ಮೆನಹೇನ, ಅಜು಼ ಸೌಲ. 
\v 2 ಅವ್ಣೆಖ್ಹಾರು ಪ್ರಭುನಿ ಸೇವೆ ಕರುಕರ್ತುಥು ಅಜು಼ ಉಪವಾಸ್ (ಪಾರ‍್ನೆ) ಕರುಕರ್ತುಥು. ಪವಿತ್ರಾತ್ಮನೆ ಇವ್ಣುನ “ಮೇ ವಿಶೇಷ್ ಕಾಮ್ನಖ್ಹಾಜೆ ಬಾರ್ನಬ ಅಜು಼ ಸೌಲನ ಚೂ಼ಣಿಲಿದೊ ಯೋ ಕಾಮ್ನಖ್ಹಾಜೆ ಇವ್ಣುನ ಅಲಕ್‍ಕಾಡ್ಯೊ.” ಕರಿ ಬೋಲ್ಯೊ. 
\v 3 ಇನಖ್ಹಾಜೆ ಸಬೆವಾಳು ಉಪವಾಸ್ ರ‍್ಹೀನ್ ಪ್ರಾರ್ಥನೆ ಕರಿನ್ ಬಾರ್ನಬ ಸೌಲನ ಉಪ್ಪರ್ ಹಾತ್‍ಮ್ಹೇಲಿನ್‍ ಇವ್ಣುನ ಬೋಲಿ ಮೋಕ್‍ಲ್ಯು.
\s ಸೈಪ್ರಸ್‌ಮ
\p
\v 4 ಬಾರ್ನಬ ಬಿಜು಼ ಸೌಲ ಪವಿತ್ರಾತ್ಮನೇಸ್ ಬೋಲಿಮೋಕ್‌ಲ್ಯೊ. ಇವ್ಣೆ ಸೆಲ್ಯೂಕ್ಯ ಖ್ಹಯೇರ‍್ನ ಜೈ಼ನ್, ಹಿಜ್ಜಾ಼ಥ ಸೈಪ್ರಸ್ ಟಾಪನ ಜ಼ಹಾಜ಼್‍ಮ ಗಯ. 
\v 5 ಬಾರ್ನಬ ಅಜು಼ ಸೌಲ ಸಲಾಮಿಸ್ ಕರಿ ಖ್ಹಯೇರ‍್ನ ಜಾ಼ವಾದಿನ್, ಯೆಹೂದ್ಯರ‍್ನು ಸಬಾ ಮಂದಿರ್‌ಮ ದೇವ್ನಿ ಭೋದನೆನ ಬೋಲ್ಯ. ಮಾರ್ಕಕರಿ ಬೋಲೈರ‍್ಹೋತೆ ಯೋಹಾನ ಇನ ಸೇವೆ ಕರಾನಖ್ಹಾಜೆ ಇನಿ ಜೋ಼ಡ್ಮ ಥೊ.\fig ಯೆಹೂದಿವಾಳನು ಮಂದಿರ್‌ನ ಖ್ಹಾಮ್ಣೆ ದೇಖಾನು|alt="Front view of a synagogue" src="lb00246c.tif" size="col" copy="Horace Knowles ©" ref="13:5"\fig*
\p
\v 6 ಇವ್ಣೆ ಯೋ ಟಾಪಾನಿ ಅಖ್ಖಿಬಾಜು಼ ಜಾ಼ತಹುಯಿನ್ ಪಾಫೋಸ್ ಕರಿ ಗಾಮ್‌ನಗಯ. ಇವ್ಣೆ ಜಾ಼ದುಜ಼ಮ್‌ಕರ್‌ ಕರಾವಾಳ ಏಕ್‌ ಯೆಹೂದ್ಯವಾಳನ ಪಾಫೋಸ್ಮ ದೇಖ್ಯ. ಇನು ನಾಮ್ ‘ಬಾರ್‌ಯೇಸು’ ಯೋ ಏಕ್‌ ಝೂ಼ಟುಪ್ರವಾದಿ ಹುಯಿರ‍್ಹೊಥೊ. 
\v 7 ಸೆರ್ಗ್ಯ ಪೌಲಕರಿ ನಾಮ್‍ವಾಳೊ ದೋಸ್ತ್ ಆ ರಾಜ್ಯಪಾಲ್‌ನ ಖನ್ನೆಸ್‌ ಕದೇಬಿ ರ‍್ಹೇತೊಥೊ. ಸೆರ್ಗ್ಯ ಪೌಲ ಅಕ್ಕಲ್‍ವಾಳೊ ಹುಯಿರ‍್ಹೊಥೊ. ಯೋ ದೇವ್ನಿ ವಚನ್ ಖ್ಹಮ್‌ಜಾ಼ನ ಬಾರ್ನಬ, ಸೌಲನ ಬುಲಾಯೊ. 
\v 8 ಕತೋಬಿ ಯೊ ಮಂತ್ರವಾದಿ ಹುಯಿರೋತೆ ಎಲುಮ (ಎಲುಮಕರಿ ನಾಮ್ನೊ ಮಂತ್ರವಾದಿ) ವಿರೋದ್ ಹುಯಿರ‍್ಹೋಥೊ. ರಾಜ್ಯಪಾಲ್‌ನೆ ಕ್ರಿಸ್ತಮ ವಿಶ್ವಾಸ್ ನಾ ಕರ್ನುತೆ ತಿಮ್ ಎಲಿಮನೆ ಕೋಶಿಶ್ ಕರ‍್ಯೊ. 
\v 9 ತದೆ ಪೌಲಕರಿ ಬೋಲೈಲ್ಯಾವಾಳೊ ಸೌಲ ಪವಿತ್ರಾತ್ಮಥಿ ಭರೈನ್,ಎಲಿಮ ಠರ್‌ಕೈ ದೇಖಿನ್; 
\v 10 ಇನೆ “ತೂ ಶೈತಾನ್ನೊ ಛಿಯ್ಯೊ! ಹರ್ ಏಕ್‍ ಅಛ್ಛಾ಼ನಾಬಿ ತೂ ವಹೇರ‍್ಯೊ” ತು ಖರಾಬ್ ಚಾ಼ಲ್‌ಥೀಬಿ ಝೂ಼ಟೆಥೀಬಿ ಭರೈರ‍್ಹೋಸ್. ಅಖ್ಖಿ ನೀತಿನಾಬಿ ವಿರೋದ್ ಕರವಾಳೋಸ್ ತೂ, ಪ್ರಭುನ ಖ್ಹಾಚಾನ, ಝೂ಼ಟಿಕರಿ ಬದ್ಲಾವನ ತೂ ಕದೇಬಿ ಕೋಶಿಶ್ ಕರ್ತೊರ‍್ಹೇಸ್. 
\v 11 ಹಂದೇಕ್ ಪ್ರಭು ತಾರಿ ವಿರೋದ್ ಹಾತ್‍ಪಾಡಿರಾಖ್ಯೊಸ್. ತೂ ಕಾಣೊಹುಯಿಶ್ ಥೋಡದನ್ ಶಾತ್ಬಿ ದೇಖಿಶ್‌ ಕೊಯ್ನಿ; ಚಾ಼ಂದ್‌ನು ಉಜಾ಼ಳುಬಿ ದೇಖಿಶ್‍ಕೊಯ್ನಿ.” ಕರಿ ಬೋಲ್ಯೊ. ತದೆ ಎಲಿಮನ ಅಖ್ಖೂಸ್ ಅಂಧಾರುಹುಯಿಗು. ಇನ ಕೋಣ್‌ತೋಬಿ ಹಾತ್‍ಧರಿ ಚ಼ಲಾವಾದೆಕರಿ ಯೋ ಢೂಂಡ್ತೊಹುಯಿನ್ ಫರುಕರ್ತೊಥೊ. 
\v 12 ಅನ ದೆಖ್ಯೊತೆ ರಾಜ್ಯಪಾಲ್‌ನೆ ಪ್ರಭುಪರ್ ವಿಶ್ವಾಸ್‍ಕರಿನ್ ಪ್ರಭುನಿಬಾರೆನು ಶಿಕಾಡನು ಖ್ಹಮ್‌ಜಿನ್‌ ಆಶ್ಚರ್ಯ ಕರ‍್ಯೊ.
\s ಪಿಸಿದ್ಯನು ಅಂತಿಯೋಕ್ಯಮ
\p
\v 13 ಪೌಲ ಅಜು಼ ಇನ ಜೋ಼ಡ್‍ವಾಳು ಪಾಫೋಸ್‍ಥು ಜ಼ಹಾಜ಼್‌ಪರ್ ನಿಕ್ಳಿನ್, ಪಂಫುಲ್ಯ ತಬರ್‌ಖಾನು ಪೆರ್ಗೆಕರಿ ಖ್ಹಯೇರ‍್ನ ಇವ್ಣೆ ಆಯು. ಕತೋಬಿ ಯೋಹಾನ ಇವ್ಣುನ ಮ್ಹೇಲಿನ್ ಯೆರೂಸಲೇಮ್‌ನ ಪಾಛೊ಼ ಫರಿಗಯೊ. 
\v 14 ಇವ್ಣೆ ಪೆರ್ಗೆ ಗಾಮ್‍ಥ ನಿಕ್ಳಿನ್ ಪಿಸಿದ್ಯ ತಬರ್‌ಖಾನು ಮಳ್ಯುಹುಯು ಅಂತಿಯೋಕ್ಯನ ಆಯ. ಇವ್ಣೆ ಸಬ್ಬತ್‌ ದನ್ಮ ಯೆಹೂದ್ಯರ‍್ನು ಸಬಾಮಂದಿರ್‌ಮ ಜೈ಼ನ್ ಬೇಶಿಗಯ. 
\v 15 ಮೋಶೆನ ಧರ್ಮಶಾಸ್ತ್ರಕನ ಅಜು಼ ಪ್ರವಾದಿಖ್ಹಾರನ ದಪ್ತರ್‌ನ ಪಢೈ ಹುಯಿಜಾ಼ವಾದಿನ್ ಸಬಾಮಂದಿರ್‌ನೊ ಗಲ್‍ಢಖ್ಹಾರಾನೆ ಪೌಲ ಬಾರ್ನಬ, “ಭೈಯೇ ಭೇನೆವೊ, ಅದ್ಮಿಖ್ಹಾರಾನ ಮದತ್ ಹುವಾನಿತರ ಶಾತ್ತೋಬಿ ಭಾಲಿನಿವಾತೆ ಬೋಲ್ನುಕರಿ ಉಷೇತೊ ತುಮೆ ಬೋಲೊ” ಕರಿ ಇವ್ಣಕನ ಬೋಲಿ ಮೋಕ್‍ಲ್ಯು. 
\v 16 ತದೆ ಪೌಲನೆ ಉಠಿಭೀರಿನ್ ಇನಿವಾತ್ ಖ್ಹಮಜ಼್‌ಣುಕರಿ ಅದ್ಮಿಖ್ಹಾರಾನ ಹಾತ್‌ನೊ ಝಾ಼ಲೊದೀನ್ ಶಾತ್‍ಬೋಲ್ಯೊಕತೊ; ಮಾರ ಯೆಹೂದ್ಯ ಭೈಯೇವೊ, ಖ್ಹಾಚ ದೇವ್ನ ಆರಾದನೆ ಕರಾವಾಳು ಅದ್ಮಿವೊ ಮಾರಿವಾತೆನ ಕಾನ್‍ದೇವೊ! 
\v 17 ಅಪ್ಣೊ ಇಸ್ರಾಯೇಲ್‌ನೊ ದೇವ್ ಹಮಾರ ಗುರುಗುರಬ್‌ಲ್ಯನ ಚೂ಼ಣಿಲಿದೊ. ಈಜಿಪ್ಟ್‌ಮ ಜಿವ್ಣುಕರುಕರ್ತುಥೂತೆ ಇನ ಅದ್ಮಿಖ್ಹಾರಾನ ದೇವ್ ಮದತ್‍ಕರಿನ್ ಮೋಟೊ ದೇಖ್ಹ್‌ಕರಿ ಭಡಾಯೊ. ದೇವ್ ಇನಿ ಮೋಟಿಶಕಥ್ಥಿ ಇವ್ಣುನ ಯೊ ದೇಖ್ಹ್‌ಮ ಚ಼ಲಾಯೊ. 
\v 18 ಯೊ ಖ್ಹುಮಾರ್ ಚಾ಼ಳಿಖ್ಹ್ ವರಖ್ಹ್ ಲಗು ಜ಼ಂಗಳ್‌ಮ ಇವ್ಣುನ ಖ್ಹಮಾಳಿಲಿದೊ. 
\v 19 ಕಾನಾನ್ ದೇಖ್ಹ್‌ಮ ಥೂತೆ ಅಲ್ಹಾವ್‌ ಅದ್ಮಿವೋನು ಖ್ಹಾತ್ ಮುಲಕ್ನ ನಾಶ್‍ಕರಿನ್, ಯೋ ಝ಼ಗೋನ ಇವ್ಣುನ ವಾಗ್ದಾನ್ ಕರಿದಿದೊ. 
\v 20 ಆ ಖ್ಹಾರು ಖ್ಹುಮಾರ್ ಚಾರ್ ಖ್ಹೊ ಅಡೈವಿಖ್ಹ್‌ ವರಖ್ಹ್ ಘಟಿಗಯು. ಇನಕೇಡೆಥು ಪ್ರವಾದಿಹುಯಿರೋತೆ ಸಮುವೇಲನ ಹಗಾಮ್‍ಲಗು ದೇವ್ ಅಪ್ಣ ಅದ್ಮಿನ ನ್ಯಾವ್‍ನೊ ಅದಿಪತಿನ ದಿದೊ. 
\v 21 ಆ ಹುವಾದಿನ್ ಅದ್ಮಿಖ್ಹಾರು ಇವ್ಣುನ ರಾಜ಼ ಹೋಣುಕರಿ ಬೋಲಿದಿದು. ದೇವ್ ಇವ್ಣುನ ಕೀಷಾನೊ ಛಿಯ್ಯೊ ಸೌಲನ ದಿದೊ. ಸೌಲ ಬೆನ್ಯಾಮೀನ್ ಖೂಮ್‌ವಾಳೊ ಯೋ ಚಾ಼ಳಿಖ್ಹ್ ವರಖ್ಹ್ ರಾಜ಼ ಹುಯಿರೋಥೊ 
\v 22 ದೇವ್ ಸೌಲನ ಕಾಡಿನಾಖನಪಾರ್ ದಾವೀದನ ಇವ್ಣೊ ರಾಜ಼ ಬಣಾಯೊ, “ಇಷಯನೊ ಛಿಯ್ಯೊ ದಾವೀದ ಮನ ಮಳ್ಯೊ, ಯೋ ಮಾರಾ ದಿಲ್ನ ಲಾಗ್ಯೊಹುಯೊ, ಯೊ ಮಾರಿ ಆಖ್ಹ್‌ನಿತರಾಸ್ ಕಾಮ್ ಕರಸ್. ಕರಿ ದೇವ್ ದಾವೀದ್‍ನಿ ಬಾರೇಮ ಸಾಕ್ಷಿ ಬೋಲಿರಾಖ್ಯೊಸ್. 
\v 23 ದೇವ್ ಇನಿ ವಾಗ್ದಾನಿಘೋಣಿಸ್ ದಾವೀದ್‍ನಿ ಖಾನ್‍ದಾನ್‍ಮಾಥು ಏಕ್‍ಜ಼ಣಾನ ಇಸ್ರಾಯೇಲ್‍ವಾಳನೊ ರಕ್ಷಕ್ ಕರಿ ಮೋಕ್ಲಿರಾಖ್ಯೊಸ್, ಯೋಸ್ ಯೇಸು. 
\v 24 ಯೇಸು ಆವಾನ ಅಗಾಡಿ ಯೋಹಾನ ಇಸ್ರಾಯೇಲ್ ಅದ್ಮಿಖ್ಹಾರಾನ, ‘ತುಮಾರಿ ಪಾಪ್ನಖ್ಹಾಜೆ ಪಶ್ಚತ್ತಾಪ್ ಕರೀನ್ ದೇವ್‌ಭಣಿ ಫರಿಜೈನ್ ಬ್ಯಾಪ್ತಿಸ್ಮ ಕರೈಲೇವೊ’ ಕರಿ ಬೋಧನೆ ಕರ‍್ಯೊ. 
\v 25 ಮೇ ಕೋಣ್‌ಕರಿ ತುಮೆ ಸೋಚೊಸ್? ಮೆ ಕ್ರಿಸ್ತಕಾಹೆ, ಯೋ ಮಾರ ಪಾಛ಼ಳ್ ಆವ್‌ಶೆ ಇನಿ ಖೋಖ್ಹ್‌ಡಾನಿ ಡೋರಿನಾಬಿ ಛೋ಼ಡಾನಾಬಿ ಮೇ ಲ್ಹಾಯೇಕ್‍ಕೊಯ್ನಿ’ ಕರಿ ಯೋಹಾನ ಇನು ಕಾಮ್‍ಕರಿನ್ ಖ್ಹರ್ತಿಕರಾನಿ ವೇಳ್ಮ ಬೋಲಿರಾಖ್ಯೊಸ್. 
\v 26 ಮಾರ ಭೈಯೇವೊ, ಅಬ್ರಹಾಮ್‌ನಿ ಖಾನ್‍ದಾನ್‍ವಾಳವೋ, ಖ್ಹಾಚ ದೇವ್ನ ಆರಾದನೆ ಕರುಕರಾತೆ ಯೆಹೂದ್ಯರ್‌ಕಾಹೆತೆ ಅದ್ಮಿವೊ, ಖ್ಹಮ್‍ಜೊ! ಆ ರಕ್ಷಣೆನು ವಚನ್ ಮೋಕ್‍ಲೈರ‍್ಹುತೆ ಅಪ್ಣಖ್ಹಾಜೇಸ್. 
\v 27 ಯೆರೂಸಲೇಮ್‍ ಜಿವ್ಣು ಕರುಕರ್ತುಥೂತೆ ಅದ್ಮಿಖ್ಹಾರು ಇವ್ಣು ಅದಿಕಾರಿ ಖ್ಹಾರುಬಿ ಯೋ ರಕ್ಷಕ್ ಕರಿ ಖ್ಹಣೇದ್ ಕರಿಲಿದುಕೊಯ್ನಿ. ಪ್ರವಾದಿಖ್ಹಾರು ಯೇಸುನಿ ಬಾರೇಮ ಲೀರಾಖ್ಯುಥೂತೆ ವಾತೆಖ್ಹಾರಿ ಮಾಲುಮ್ ಕೊ ಹುಯುನಿ ಹರೇಕ್ ಸಬ್ಬತ್ ದನ್ಮ ಇವ್ಣೆ ಫಡ್‍ತುಥೂತೆ ವಾತೆ ಪೂರಹುಯು. ಕತೋಬಿ ಇವ್ಣೆ ಮಾಲುಮ್‌ ಕರಿಲಿದುಕೊಯ್ನಿ. ಯೋ ಯೆಹೂದ್ಯರ್ ಖ್ಹಾರು ಯೇಸುನ ಅಪರಾದಿಕರಿ ತೀರ್ಪ್‌ದಿದು. ಅಮ್ ಕರಾಥಿ ಪ್ರವಾದಿಖ್ಹಾರಾನಿ ವಾತೆನ ಚಾ಼ಲಖ್ಹರ್ಕು ಕರ‍್ಯು.” 
\v 28 ಯೇಸುನ ಮರಣ್ಣಿ ದಂಡನೆ ದ್ಯವಾನ ಬರೋಬರ್‌ನಿ ಕಾರಣ್ ನಾಮಳ್ಯುತೋಬಿ ಇನ ಮರಾವ್ಣುಕರಿ ಪಿಲಾತನ ಬೋಲಿಲಿದು. 
\v 29 ಪವಿತ್ರ ಪುಸ್ತಕ್‌ಮ ಲೀಖೈರುತೆ ಪರಕ್ಮ ಯೇಸುನ ಹುವಾನುಥೂತೆ ಅಖ್ಖೀಸ್ ಖ್ಹತಾಪ್ಣಿನ ಯೆಹೂದ್ಯರ್‌ನೆ ಇನ ದಿದು. ಇನಪಾರ್ ಇವ್ಣೆ ಶಿಲ್‌ಬೆಪರ್‌ಥು ಯೇಸುನ ಹೇಟ್ ಉತಾರಿನ್‌ ಘವಿಮ ಘಾಲ್ಯು. 
\v 30 ಕತೋಬಿ ದೇವ್ನೆ ಇನ ಮರ‍್ಯಹುಯಮಾಥು ಜೂತೊ ಕರೀನ್ ಉಠಾಡ್ಯೊ, 
\v 31 ಆ ಹುಯಿಗು ತದೆ ಗಲಿಲಾಯಥು ಯೇಸುನಿ ಜೋ಼ಡ್ಮ ಯೆರೂಸಲೇಮ್ಮ ಆಯುಥೂತೆ ಇವ್ಣೆ ಕೈಏಕ್ ದನ್‌ಲಗು ಇನದೇಖ್ಯು. ಹಮ್ಕೆ ಇವ್ಣೇಸ್ ಅಪ್ಣ ಅದ್ಮಿಖ್ಹಾರಾನ ಸಾಕ್ಷಿಹುಯಿರ‍್ಹುಸ್. 
\v 32 ದೇವ್ ಹಮಾರ ಗುರುಗುರಬ್‌ಲ್ಯನ ಕರ‍್ಯೊತೆ ವಾಗ್ದಾನ್ನಿ ಬಾರೇಮ ಸುವಾರ್ತೆನ ಹಮೆ ತುಮೂನ ಬೋಲಿಯೇಸ್. 
\v 33 ತುಮೆ ಇವ್ಣ ಖಾನ್‍ದಾನ್‍ವಾಳ ಹುಯಿರ‍್ಹಾಸ್. ದೇವ್ ಯೇಸುನ ಮರ‍್ಯಹುಯಮಾಥು ಜೂತೊಕರೀನ್ ಉಠಾಡಾಥಿ ಯೋ ವಾಗ್ದಾನ್ನ ಅಪ್ಣಖ್ಹಾಜೆ ಚ಼ಲೈರಾಖ್ಯೊಸ್. ಅನಿ ಬಾರೇಮ ಬೇನಿ ಕೀರ್ತನೇಮ ಅಮ್ ಲೀಖೈರ‍್ಹುಸ್. ‘ತೂ ಮಾರೊ ಛಿಯ್ಯೊ ಹಮ್ಕೇಸ್ ಮೇ ತುನ ಬಾ ಹುಯಿರ‍್ಹೊಸ್.’ 
\v 34 \x - \xo 13:34 \xo*\xt ಯೆಶಾಯ 55:3\xt* \x*ದೇವ್ ಯೇಸುನ ಮರ‍್ಯಹುಯಮಾಥು ಜೂತೊಕರೀನ್ ಉಠಾಡ್ಯೊತೆ ಇನಖ್ಹಾಜೆ, ಯೋ ಬಿಜು಼ ಕದೇಬಿ ಮಖ್ಹಾಣ್ಯಮ ಪೇಶಿನ್ ಖ್ಹಡ್‍ಶೆಕೊಯ್ನಿ ಕರಿ ಬೋಲಾನಿ ಬಾರೇಮ ದೇವ್ನೆ ಅಮ್ ಬೋಲಿರಾಖ್ಯುತೆ ಶಾತ್‌ಕತೊ; ಮೇ ಖ್ಹಚ್ಚೆಂಬಿ ದಾವೀದನ ಕರ‍್ಯೊತೆ ವಾಗ್ದಾನ್ನ ವಾರ್ಖ್ಹಾ ಅಖ್ಖಾನ ತುಮುನಾಬಿ ದೆವುಸ್.” ಯೊ ವಿಶ್ವಾಸ್‌ನುಸ್ ಕರಿ ಬೋಲೆಜಾ಼ಯ್‌. 
\v 35 \x - \xo 13:35 \xo*\xt ಕೀರ್ತನೆ 16:10\xt*\x* ‘ತೂ ತಾರ ವಿಶ್ವಾಸ್‌ನೊ ಸೇವಕ್‌ನ ಮಖ್ಹಾಣ್ಯನ ಖ್ಹಡ್ವಾನ ಮ್ಹೇಲಿಶ್‍ಕೊಯ್ನಿ’ ಕರಿ ಬೋಲಿರಾಖ್ಯೊಸ್. 
\v 36 ದಾವೀದ್‌ನೆ ಜಿವ್ತೊಥೋತೆ ದನ್‌ಖ್ಹಾರು ದೇವ್ನಿ ಚಿತ್ತಾನಿಘೊಣಿ ಜಿವ್ಯೊ. ಇನಪಾರ್ ಯೊ ಮರಿಗಯೊ,ದಾವಿದನ ಇನ ಗುರುಖ್ಹಾರಾನಿ ಜೋ಼ಡ್ಮ ಮಖ್ಹಾಣ್ಯು ಕರ‍್ಯು. ಇನಿ ಶರೀರ್ ಖ್ಹಡಿಗಯು. 
\v 37 ಕತೋಬಿ ದೇವ್ ಮರಣ್‌ಥು ಜಿವ್ತೊಹುಯಿನ್ ಉಠ್ಯೊತೆ ಯೇಸುನು ಶರೀರ್ ಮಖ್ಹಾಣ್ಯಮ ಖ್ಹಡೈಗಯುಕೊಯ್ನಿ. 
\v 38 ಮೋಶೆನ ಧರ್ಮಶಾಸ್ತ್ರಥೀಸ್ ತುಮೆ ಛುಟ್ಕಾರ್‌ ಹುಯಿನ್ ನೀತಿವಾಳಕೊಯ್ನಿ ಕರಿ ಬೋಲೈರ‍್ಹಾಸ್.ಇನಖ್ಹಾಜೆ ಭೈಯೇವೊ, ಆ ತುಮೂನ ಮಾಲುಮ್ ರ‍್ಹವಾದೆ; ಯೇಸುಥೀಸ್ ತುಮಾರಿ ಪಾಪ್ನ ಕ್ಷಮಾಪಣ್ ಮಳ್‌ಶೆಕರಿ ಬೋಲುಸ್. 
\v 39 ಅನಖ್ಹಾಜೆಸ್ ಯೇಸುಮ ವಿಶ್ವಾಸ್ ಕರಾವಾಳ ಹರೇಕ್‍ಜ಼ಣಾನ ಇನೇಥಿಸ್ ಇವ್ಣ ಅಖ್ಖಾಪಾಪ್‍ನ ಕ್ಷಮಾಪಣ್ ಮಳ್‍ಶೆ. ಧರ್ಮಶಾಸ್ತ್ರಥಿ ತುಮಾರಿ ಪಾಪ್ನ ಛೋ಼ಡಾವನ ಹುವಾಕೊಯ್ನಿ. 
\v 40 ಇನಖ್ಹಾಜೆ ಪ್ರವಾದಿಖ್ಹಾರನ ದಪ್ತರ್‌ಮ ಬೋಲೈರ‍್ಹುತೆ ತುಮೂನ ನಾಚಾ಼ಲ್ನು ತಿಮ್ ದೇಖಿಲೇವೊ. ಯೋ ಶಾತ್‍ಕತೊ; 
\v 41 ‘ಹಂದೇಖೊ ಚಿಂಘಾವವಾಳವೊ, ಆಶ್ಚರ್ಯ ಕರ್ತಹುಯಿನ್ ನಾಶ್‍ಹುಯಿಜಾ಼ವೊ. ತುಮಾರ ಹಗಾಮ್ಮ ಮೇ ಏಕ್‌ ಕಾಮ್ ಕರೀಶ್; ಬಿಜೆಕ್‍ಜ಼ಣೊ ಇನ ಛೋ಼ಡಿವತಾಳ್ಯೊ ತೋಬಿ ಇನ ತುಮೆ ವಿಶ್ವಾಸ್ ಕರ್ಶು ಕೊಯ್ನಿ!’ ಕರಿ ಬೋಲ್ಯೊ. 
\v 42 ಪೌಲ,ಬಾರ್ನಬ ಸಬಾಮಂದಿರ್‌ಮಾಥು ಜಾ಼ವಾನಿ ವಖ್ಹ್‌ತೆ ಆ ವಾತೆನಿ ಬಾರೇಮ ಬಿಜೂ಼ಬಿ ಜಾ಼ಖ್ಹತ್ ಹಮೂನ ಬೋಲಿ ದ್ಯವಾನಖ್ಹಾಜೆ ಅಗ್‍ಲ್ಯ ಸಬ್ಬತ್‌ ದನ್‌ಲಗು ಪಾಛ಼ ಆವ್ಣುಕರಿ ಅದ್ಮಿಖ್ಹಾರಾನೆ ಇವ್ಣುನ ಬೋಲಿಲಿದು. 
\v 43 ಸಭೆ ಖ್ಹತಮ್ ಹುವಾದಿನ್ ಕೈಏಕ್ ಯೆಹೂದ್ಯರ್ ಖ್ಹಾರು ಹಿಜ಼್ಜಾಥೂತೆ ಬಾರ್ನಬನ ಪೀಠೆಗಯು. ಯೆಹೂದ್ಯನಿ ಜಾ಼ತ್ಮಮಳ್ಯುಹುಯು ಅಜು಼ ಯೆಹೂದ್ಯರ್‌ಕಾಹೆತೆ ಇವ್ಣೆ ಇನಿ ಜೋ಼ಡ್ಮಥು. ಜಾ಼ಥ್ಥಿ ಜಾ಼ತ್‍ ಬದಲ್ಯುಹುಯು ಇವ್ಣೆಜಿನೂಬಿ ಖ್ಹಾಚದೇವ್ನ ಆರಾದನೆ ಕರ್ತುಥು. ಪೌಲ ಬಾರ್ನಬ ಇವ್ಣಿ ಜೋ಼ಡ್ಮ ವಾತ್ ಬೋಲಿನ್, ದೇವ್ನಿ ವಾರ್ಖ್ಹಮಾಸ್ ವಿಶ್ವಾಸ್‌ರಾಖಿನ್ ಅಗಾಡಿ ಭಡ್ನುಕರಿ ಇವ್ಣುನ ಹುಮ್ಮಖ್ಹ್‌ ಕರ‍್ಯಾ. 
\v 44 ಅಗಲ್ಯ ಸಬ್ಬತ್ ದನ್ನೆ ಪ್ರಭುನು ವಚನ್ ಖ್ಹಮ್‌ಜಾ಼ನಖ್ಹಾಜೆ ಘಣುಜ಼ಣು ಖ್ಹಯೇರ‍್ನು ಅದ್ಮಿಖ್ಹಾರು ಆಯಿನ್ ಭರಾಯು. 
\v 45 ಅನದೆಖ್ಯುತೆ ಯೆಹೂದ್ಯರ್ ಖ್ಹಾರಾನೆ ಘಣು ಬಳಾಪೊಕರಿನ್ ಪೌಲನೆ ಬೋಲ್ಯೊತೆ ವಾತೆನ ವಿರೋದ್ ಹುಯಿನ್ ಅಬ್ಬಾಜ಼ಬ್ಬಿಥಿ ದೂಷಣೆನಿ ವಾತೆಬೋಲ್‍ತು ರ‍್ಹಿಯು. 
\v 46 ಕತೋಬಿ ಪೌಲ,ಬಾರ್ನಬನೆ ಜಾ಼ಖ್ಹತ್ ಹಿಮ್ಮಥ್ಥಿ ವಾತೆಬೋಲಿನ್, “ಹಮೆ ದೇವ್ನಿ ವಚನ್ ಯೆಹೂದ್ಯರ್ ಹುಯಿರಾತೆ ತುಮೂನ ಪಹಿಲೆ ಬೊಲ್ನುಸ್‍ ಬೋಲ್ನುಥು. ಕತೋಬಿ ತುಮೆ ಇನ ಧಕೇಲಿದಿನ್ ಹರ್‌ಹಮೇಶಾನಿ ಜಿ಼ಂದ್‌ಗಿ ಕೋ ಮಳ್‍ಶೇನಿಕರಿ ತೀರ್ಪ್‌ ಕರಿಲಿದಾತೆ ಇನಖ್ಹಾಜೆ, ಹಮೆ ಅಲ್ಹಾವ್‌ ಜಾ಼ತ್‍ವಾಳಭಣಿ ಜ಼ಯೇಸ್. 
\v 47 ಶನಕತೊ ಪ್ರಭುನೆ ದಿದೋತೆ ಹುಕುಮ್‌ ಅಮ್‍ ಛಾ಼, ‘ಜಗತ್ನೊ ಖ್ಹರ್ತಿಲಗು ಛಾ಼ತೆ ಅದ್ಮಿಖ್ಹಾರಾನ ತೂ ರಕ್ಷಕ್ ಹುಯಿರ‍್ಹೇವ್ಣು ಕರಿ ಮೇ ತುನ ಯೆಹೂದ್ಯರ್‌ಕಾಹೆತೆ ಅದ್ಮಿನ ಉಜಾ಼ಳು ಕರಿ ಬಣೈರಾಖ್ಯೊಸ್.” 
\v 48 ಪೌಲನಿ ಆ ವಾತೆನ ಖ್ಹಮ್‍ಜ್ಯುತೆ ಅಲ್ಹಾವ್‌ ಅದ್ಮಿಖ್ಹಾರು ಘಣು ಖುಷಿಕರೀನ್ ಪ್ರಭುನಿ ವಾತೇನಖ್ಹಾಜೆ ಸ್ತುತಿ ಕರ‍್ಯು. ಹಮೇಶಾನಿ ಜಿ಼ಂದ್‌ಗಿ ಲೀಲ್ಯಾವನ ಚೂ಼ಣೈರ‍್ಹುತೆ ಖ್ಹಾರೂಸ್ ವಿಶ್ವಾಸ್ ಕರ‍್ಯು. 
\v 49 ಪ್ರಭುನಿ ವಚನ್ನ ಯೋ ಖ್ಹಯೇರ‍್ನಿ ಅಖ್ಖಿಸ್‍ಬಾಜು಼ ಫೈಲಾಯು. 
\v 50 ಕತೋಬಿ ಯೆಹೂದ್ಯರ್ ಖ್ಹಾರು ಥೋಡಿ ಇವ್ಣಿ ಜಾ಼ತ್ನಿ ಭಕ್ತೆ ಶೌಕಾರ್ ತಯೇಡಾವ್‍ನ ಅಜು಼ ಖ್ಹಯೇರ‍್ನ ಗಲ್‌ಢಖ್ಹಾರು ದೇವ್ನ ಆರಾದನೆ ಕರುಕರ್ತುಥು. ಇವ್ಣೆ ಖ್ಹಾರು ಮಳಿನ್ ಪೌಲ ಬಾರ್ನಬನ ಉಪ್ಪರ್ ಇರಾದೊ ಕರ್ನುತೆ ತಿಮ್ ಇವ್ಣುನ ವಹೇರ‍್ಯ ಬಣ್ಣುತೆ ತಿಮ್ ಕರೀನ್, ಪೌಲ ಬಾರ್ನಬನ ಯೊ ತಬರ್‌ಖಾಥು ಭಾರ್‌ ನಖ್ಹಾಡಿದಿದು. 
\v 51 ಇನಖ್ಹಾಜೆ ಪೌಲ,ಬಾರ್ನಬನೆ ಇವ್ಣುನ ಝೇತೈನ್‌ ಇವ್ಣ ಗೋಡಾನಿ ಧೂಳ್‌ನ ಝ಼ಟ್ಕಿನಾಖಿದೀನ್, ಇಕೋನ್ಯ ಖ್ಹಯೇರ‍್ನ ಗಯ. 
\v 52 ಅಂತಿಯೋಕ್ಯಮ ಥೂತೆ ವಿಶ್ವಾಸಿಖ್ಹಾರು ಖ್ಹುಶಿಥಿ ಥು. ಬಿಜು಼ ಪವಿತ್ರಾತ್ಮಥಿ ಭರೈರೂಥು.
\c 14
\s ಇಕೋನ್ಯ ಖ್ಹಯೇರ್‌ಮ ಪೌಲಬಿ ಅಜು಼ ಬಾರ್ನಬ
\p
\v 1 ಪೌಲಬಿ ಬಾರ್ನಬ ಇಕೋನ್ಯ ಖ್ಹಯೇರ‍್ನ ಜೈ಼ನ್, ಹರೇಕ್ ಖ್ಹಯೇರ್‌ಮ ಇವ್ಣೆ ಕರ್ತಥಾತೆ ತಿಮ್ಮಸ್ ಹಜ್ಜಾ಼ಬಿ ಯೆಹೂದ್ಯರ‍್ನು ಸಬಾಮಂದಿರ್‌ಮ ಜೈ಼ನ್ ಅದ್ಮಿಖ್ಹಾರಾನ ಬೋಧನೆ ಕರ‍್ಯಾ. ಪೌಲ, ಬಾರ್ನಬನಿ ಶನ್‍ಗಾರ‍್ನಿ ಬೋಧನೆನ ಖ್ಹಮ್‌ಜಿನ್‌ ಕೈಯೇಕ್ ಯೆಹೂದ್ಯರ್ ಅಜು಼ ಗ್ರೀಕ್‍ವಾಳು ಯೇಸುಕ್ರಿಸ್ತನ ವಿಶ್ವಾಸ್‍ಕರ‍್ಯು. 
\v 2 ಕತೋಬಿ ವಿಶ್ವಾಸ್ ಕರ‍್ಯುಕೊಂತೆ ಯೆಹೂದ್ಯರ್‌ನೆ ಅಲ್ಹಾವ್‌ ಅದ್ಮಿಖ್ಹಾರಾನ ವಿಶ್ವಾಸಿ ಭೈಯೇನ ವಿರೋದ್ ಉಠಾಡಿ ಭೀರಾಖ್ಯು. 
\v 3 ಅಮ್‍ರ‍್ಹಾವಮ ಇವ್ಣೆ ಘಣಾದನ್ ರ‍್ಹೀನ್ ಪ್ರಭುನಿ ಬಾರೇಮ ಹಿಮ್ಮಥ್ಥಿ ವಾತೆಬೋಲ್ಯು. ಪ್ರಭು ಇವ್ಣಹಾತೆ ಖ್ಹಣೇದ್‍ನು ಕಾಮ್ ಬಿಜು಼ ಅದ್ಭುತ್‌ಕಾಮ್‍ಅಖ್ಖು ಕರೀನ್ ಇನಿ ವಾರ್‌ಖ್ಹಾನಿ ವಚನ್ನ ವತಾಳಿಲಿದೊ. 
\v 4 ಇನಖ್ಹಾಜೆ ದೇವ್ನ ಉಪ್ಪರ್ ಭರೋಖ್ಹೊ ರಾಖಿನ್ ಹಿಮ್ಮಥ್ಥಿ ವಾತೆಬೋಲ್ತುಥು. ತದೆ ಯೊ ಖ್ಹಯೇರ‍್ನ ಅದ್ಮಿಮ ಥೋಡು ಯೆಹೂದ್ಯರ್‌ನಿ ವಾತೆನಾಬಿ ಬಿಜು಼ ಥೋಡುಜ಼ಣು ಅಪೊಸ್ತಲ ಭಣಿವಾಳಾನಿ ವಾತೆನಾಬಿ ವಿಶ್ವಾಸ್ ಕರ್ತುಥೂತೆ ಇನಖ್ಹಾಜೆ ಇವ್ಣಮಾಸ್ ಬೇ ಭಾಗ್‍ಹುಯು. 
\v 5 ಅಲ್ಹಾವ್‌ ಅದ್ಮಿಬಿ ಯೆಹೂದ್ಯರ್‌ಮಾನು ಥೋಡುಜ಼ಣು ಇವ್ಣ ಅದಿಪತಿ ಖ್ಹಾರನಿ ಜೋ಼ಡ್ಮ ಮಳಿನ್, ಪೌಲಬಿ ಬಾರ್ನಬನ ಬಂಡೊ ಫೇಕಿನ್ ಮಾರ‍್ನುಕರಿ ಥು. 
\v 6 ತದೆ ಪೌಲ,ಬಾರ್ನಬನೆ ಅನ ಮಾಲುಮ್ ಕರಿಲಿನ್ ಯೋ ಖ್ಹಯೇರ‍್ನ ಮ್ಹೇಲಿದಿನ್ ಲುಕವೋನ್ಯಮ ಥೂತೆ ಲುಸ್ತ್ರ ಅಜು಼ ದರ್ಬೆಕರಿ ಖ್ಹಯೇರ್‌ನಾಬಿ, 
\v 7 ಅಜು಼ ಯೋ ಖ್ಹಯೇರ‍್ನ ಅಶ್‌ಪೀಶ್‍ನು ತಬರ್‌ಖಾನ ಜೈ಼ನ್ ಹಿಜ್ಜಾ಼ ಇವ್ಣೆ ಸುವಾರ್ತೆ ಖ್ಹಮ್‌ಜಾ಼ಡ್ಯು.
\s ಲುಸ್ತ್ರಾಮ ಪೌಲಬಿ ಅಜು಼ ಬಾರ್ನಬ
\p
\v 8 ಲುಸ್ತ್ರಖ್ಹಯೇರ‍್ಮ ಗೋಡಾವ್‍ಮ ಶಕತ್‌ಕೊಂತೆ, ಪೈದಾಖ್ಹ್‌ಥು ಲಂಗ್ಡೊ ಹುಯಿರೋತೆ ಏಕ್‍ಜ಼ಣೊ ಬೆಠೋಥೊ. 
\v 9 ಕದೇಬಿ ಚಾ಼ಲ್ತೋಥೊಕೊಂತೆ ಯೋ ಅದ್ಮಿ ಬೇಠು ಬೇಠು ಪೌಲನಿ ವಾತೆನ ಪೌಲನಿ ವಾತೆನ ಖ್ಹಮ್‌ಜು಼ ಕರ್ತುಥು. ಪೌಲನೆ ಇನ ಠರ್‌ಕೈನ್ ದೇಖಿನ್, ದೇವ್ ಗುಣ್‌ಕರ್ಶೆ ಕರಿ ಬೋಲಾನಿ ವಿಶ್ವಾಸ್ ಇನಾಮಥೂತೆ ಇನ ಮಾಲುಮ್ ಕರಿಲಿನ್, 
\v 10 ಯೋ ಲಂಗ್ಡಾನ “ಉಟ್ ಗೋಡಟೇಕಿ ಭೀರೆ!” ಕರಿ ಜೋ಼ರೇಖ್ಹು ಬೋಲ್ಯೊ. ತದೇಸ್‌ ಯೋ ಅದ್ಮಿ ಕೂದಿ ಭೀರಿನ್ ಚಾ಼ಲಲಗ್ಯು. 
\v 11 ಪೌಲನೆ ಕರ‍್ಯೊತೆ ಆ ಕಾಮ್ನ ದೇಖಿನ್ ಹಿಜ್ಜಾ಼ನ ಅದ್ಮಿಖ್ಹಾರಾನೆ, “ದೇವ್ ಖ್ಹಾರು ಅದ್ಮಿನು ರೂಪ್‍ಲೀನ್ ಅಪ್ಣಕನ ಉತ್ರಿನ್ ಆಯ” ಕರಿ ಇವ್ಣೆ ಲುಕವೋನ್ಯ ವಾತೆಮ ಚಿಕ್ರಾಣ್ ಮ್ಹೇಲ್ಯು! 
\v 12 ಅದ್ಮಿಖ್ಹಾರಾನೆ, ಬಾರ್ನಬನ ‘ದ್ಯೌಸ್’ ದೇವ್‍ಕರಿಬಿ, ಮುಖ್ಯ ಬೋಧನೆ ಕರಾವಾಳೊ ಥೋತೆ ಪೌಲನ ‘ಹೆರ್ಮೆ’ ದೇವ್‍ಕರಿಬಿ ಬೋಲ್ಯು. 
\v 13 ದ್ಯೌಸ್‌ಕರಿ ಥೂತೆ ದೇವ್ನಿ ಘುಡೀನಿ ಖ್ಹಾಮ್ಣೆನಿ ಝ಼ಗೋಮ ಪೂಜಾರಿನೆ ಥೋಡ ಢಾಂಡನಾಬಿ, ಫೂಲ್ನ ಹಲ್ಡಾನಾಬಿ ಗಾಮ್ನಬಾಕಲ್‌ಕನ ಲೀನ್ ಖ್ಹಾರಾಅದ್ಮಿನಿ ಜೋ಼ಡೆ ಆಯಿನ್ ಪೌಲ ಬಾರ್ನಬನ ಖ್ಹಾಮ್ಣೆ ಬಲಿ ಛ಼ಡಾವ್‍ಣುಕರಿ ಥು. 
\v 14 ಅನ ಖ್ಹಮ್‍ಜ್ಯಾತೆ ಅಪೊಸ್ತಲ ಹುಯಿರಾತೆ ಪೌಲ, ಬಾರ್ನಬನೆ ಇವ್ಣ ಲುಂಗ್ಡಾನ ಫಾಡಿಲೀನ್, ಅದ್ಮಿನಿ ಝೂ಼ಂಡ್‌ಮ ಪೇಶಿನ್, ಅಮ್ ಚಿಕ್ರಿನ್ ಬೋಲ್ಯ; 
\v 15 ಲೋಗ್ ತುಮೆ ಅಮ್ ಶನ ಕರುಕರಸ್ತೆ? ಹಮೇಬಿ ತುಮಾರಿನಿ ತರಾಸ್ ಅದ್ಮಿ. ತುಮುನ ಸುವಾರ್ತೆ ಬೋಲಾನ ಆಯಾತೆ, ತುಮೆ ಅಥ್ರಾನು ಫಾಯಿದೊಕೊಂತೆ ಕಾಮ್ನ ಮ್ಹೇಲಿನ್ ಆಬ್‌ ಧರ್ತಿನ, ದರ‍್ಯಾವ್‌ನಾಬಿ, ಇನಾಮ ಛಾ಼ತೆ ಖ್ಹಾರೂಸ್ ಉಬ್‌ಜಾ಼ಯೋತೆ ಜಿವ್ತೊಜಾನ್ ರ‍್ಹವಾಳೊ ದೇವ್ನಿ ಸುವಾರ್ತೆನ ಬೋಲಾನ ಹಮೆ ಆಯಾತೆ. 
\v 16 ಖ್ಹತಮ್ ಹುಯಿಗೂತೆ ಹಗಾಮ್ಮ ದೇವ್ನೆ ಖ್ಹಾರ ಅದ್ಮಿವೋನ ಇವ್ಣಿ ಇವ್ಣಿ ಮರ್ಜಿಥಿ ಇವ್ಣುನ ಹೋಣುತೆ ಮಾರಗ್‌ಪರ್ ಚಾ಼ಲಾನ ಮ್ಹೆಲಿದಿದೊ. 
\v 17 ಕತೋಬಿ ಇನಿ ಬಾರೇಮ ಸಾಕ್ಷಿದಿದೊಕೊಂತೆ ಕೊಯ್ನಿ; ಮದತ್ ಕರ್ತೊಆಯೋತೆ ಇನೇಸ್‌ ತುಮೂನ ಸೊರ್ಗಥೊ ಪಾಣಿನಾಬಿ ಖ್ಹುಗ್ಗೀನ ದನ್‍ಬಿ ಅನಾಜ಼್ ದೀನ್ ತುಮಾರ ದಿಲ್ನ ಖುಷಿಥಿ ಭರ‍್ಯೊ, ಕರಿ ಬೋಲ್ಯೊ. 
\v 18 ಇವ್ಣೆ ಆ ವಾತೆ ಬೋಲ್ಯೊತೋಬಿ ಅದ್ಮಿಖ್ಹಾರು ಇವ್ಣುನಖ್ಹಾರು ಬಲಿ ಚ಼ಢಾವಾನು ವಿರೋದ್ ಹುಯು. 
\v 19 ಇನಕೇಡೆಥು ಥೋಡು ಯೆಹೂದ್ಯರ್, ಅಂತಿಯೋಕ್ಯಥೂಬಿ ಅಜು಼ ಇಕೋನ್ಯಥು ಐನ್ ಪೌಲನ ವಿರೋದ್ ಅದ್ಮಿಖ್ಹಾರಾನ ಭೀರಾಖಿನ್, ಪೌಲನಪರ್ ಬಂಡೊಫೇಕಿನ್ ಯೋ ಮರಿಗಯೊಕರಿ ಲಾಝಿನ್ ಖ್ಹಯೇರ್‌ಥಿ ಭಾರ್‌ ಖೇಚಿಲಾಯಿ ನಾಖೀದಿದು. 
\v 20 ಕತೋಬಿ ಶಿಷ್ಯರ್‌ ಇನ ಅಶ್‌ಪಿಶ್‍ ಭರೈನ್ ಆಯ. ತದೆ ಯೋ ಉಠೀನ್ ಖ್ಹಯೇರ್‌ಮ ಗಯೊ. ಇನವ್ಹಾಣೆ ಬಾರ್ನಬನಿ ಜೋ಼ಡೆ ದೆರ್ಬೆ ಖ್ಹಯೇರ‍್ನ ಗಯ.
\s ಸಿರಿಯಾನು ಅಂತಿಯೋಕ್ಯನ ಪಾಛ಼ ಗಯಾತೆ
\p
\v 21 ಪೌಲಬಿ ಬಾರ್ನಬನೆ ಯೋ ಖ್ಹಯೇರ್‌ಮ ಸುವಾರ್ತೆ ಬೋಲಿನ್ ಕೈಯೇಕ್ ಜ಼ಣಾನ ಶಿಷ್ಯರ್‌ ಬಣೈನ್ ಹುಯಿಗು ತದೆ, ಪಾಛ಼ ಫರೀನ್ ಲುಸ್ತ್ರನಾಬಿ ಇಕೋನ್ಯನಾಬಿ ಅಂತಿಯೋಕ್ಯ ಖ್ಹಯೇರ‍್ನ ಗಯ. 
\v 22 ಹಿಜ಼್ಜಾನ ಶಿಷ್ಯರ‍್ನ ಭಾಲಿದೀನ್ ವಿಶ್ವಾಸ್ಮ ಘಟ್ ಭೀರಾವನ ಹಿಮ್ಮತ್ ದಿದಾ. “ಅಪ್ಣಿ ದೇವ್ನಿ ರಾಜ್ಯನ ಘಣು ಮುಶ್ಕಿಲ್‍ನ ಮಹಿಕರಿ ಜಾ಼ವ್ಣುಪಡಸ್” ಕರಿ ಬೋಲಿಲಿದ. 
\v 23 ಪೌಲ,ಬಾರ್ನಬನೆ ಹರೇಕ್ ಸಭೆನ ಇವ್ಣಿ ಹುಕುಮ್‌ಲೀನ್ ಯೋ ಸಬೆನಖ್ಹಾಜೆ ಕರಿ ಶಾಣಖ್ಹಾರಾನ ಚೂ಼ಣ್ಯ. ಇವ್ಣೆ ಉಪವಾಸ್ ರ‍್ಹೀನ್ ಪ್ರಾರ್ಥನೆ ಕರೀನ್ ಇವ್ಣೆ ವಿಶ್ವಾಸ್ ಕರಿರಾಖ್ಯಥಾತೆ ಶಾಣಾಖ್ಹಾರನ ಪ್ರಭುನ ಹಾತ್ಮ ದಿದಾ. 
\v 24 ಪೌಲ,ಬಾರ್ನಬ ಪಿಸಿದ್ಯ ತಬರ್‌ಖಾಥು ಪಂಫುಲ್ಯ ತಬರ್‌ಖಾನ ಜೈ಼ನ್, 
\v 25 ಇನ ಮಳಿರ‍್ಹೂತೆ ಪೆರ್ಗೆ ಖ್ಹಯೇರ್‌ಮ ಪ್ರಭುನಿ ವಚನ್ ಬೋಲಿನ್ ಹಿಜ್ಜಾ಼ಥು ಅತ್ತಾಲಿಯ ಖ್ಹಯೇರ‍್ನ ಗಯ. 
\v 26 ಹಿಜ್ಜಾ಼ಥು ಇವ್ಣೆ ಸಿರಿಯ ಅಂತಿಯೋಕ್ಯನ ದರ‍್ಯಾವ್‍ನ ಮಾರಗ್‍ಥಿ ಗಯ. ಹಜ಼್ಜಾಲಗು ಇವ್ಣೆ ಕರೀನ್ ಖತಮ್‍ ಕರ‍್ಯಾತೆ ಸೇವೆನ ಕಾಮ್ನಖ್ಹಾಜೆ, ಇವ್ಣುನ ದೇವ್ನೆ ವಾರ್‌ಖ್ಹೊಕರೀನ್ ಮೋಕ್‍ಲ್ಯುಥೂತೆ ಕಾಮ್ ಆಸ್ ಖ್ಹಯೇರ್‌ಮ ಪೂರ ಹುಯೂತೆ. 
\v 27 ಪೌಲ,ಬಾರ್ನಬ ಅಂತಿಯೋಕ್ಯನ ಆಯಿನ್ ಹಿಜ಼್ಜಾನಿ ಸಬೆವಾಳನ ಎಕ್ಟು ಕರಿನ್, ದೇವ್ನೆ ಇವ್ಣಿಜೋ಼ಡೆ ರ‍್ಹೀನ್ ಕರ‍್ಯೊತೆ ಅಖ್ಖಾಕಾಮ್ನಿ ಬಾರೇಮ ಇವ್ಣುನ ಖ್ಹಮ್‍ಜಾ಼ಡ್ಯ. ಬಿಜು಼ “ಯೆಹೂದ್ಯರ್‌ಕಾಹೆತೆ ಇವ್ಣೇಬಿ ವಿಶ್ವಾಸ್ ಕರಾನಿತರ ದೇವ್ ಬಾಕಲ್ ಉಖ್ಡಿರಾಖ್ಯೋಸ್!” ಕರಿ ಬೋಲಿವತಾಳ್ಯೊ. 
\v 28 ಹಿಜ್ಜಾ಼ ಪೌಲ, ಬಾರ್ನಬ ವಿಶ್ವಾಸಿನ ಜೋ಼ಡೆ ಘಣಾದನ್ ರ‍್ಹಯ.
\c 15
\s ಯೇರೂಸಲೇಮ್ಮ ಸಭೆ ಮಳ್ಯುತೆ
\p
\v 1 ತದೆ ಥೋಡು ಅದ್ಮಿಖ್ಹಾರು ಯೂದಾಯಥು ಅಂತಿಯೋಕ್ಯ ಖ್ಹಯೇರ‍್ನ ಆಯು. ‘ಮೋಶೆನಿ ದಪ್ತರ್‌ಮ ಬೋಲೈರ‍್ಹಯುತೆ ಪರಕ್ಮ ತುಮೆ ಖ್ಹತ್ನ ನಾ ಕರಾಯತೊ ತುಮೂನ ರಕ್ಷಣೆ ಕೊಉಷೇನಿ’ ಕರಿ ಯೆಹೂದ್ಯರ್ ಕಾಹೆತೆ ಭೈಯೇನ ಬೋಲಿ ಒತಾಳು ಕರ್ತುಥು. 
\v 2 ಪೌಲ, ಬಾರ್ನಬನೆ ಆ ಉಪದೇಶ್‍ನ ವಿರೋದ್ ಕರಿನ್ ಇವ್ಣಿಜೋ಼ಡೆ ಅಬ್ಬಾಜ಼ಬ್ಬಿ ಬೋಲ್ಯ. ಆ ವಿವಾದ್ನಿ ಬಾರೇಮ ಅಪೊಸ್ತಲರ‍್ನಿ ಜೋ಼ಡೆ ಬಿಜು಼ ಗಲ್‌ಢಾವ್‌ನಿಜೋ಼ಡೆ ವಾತ್‍ಚೀತ್‍ ಕರಾನ ಪೌಲ,ಬಾರ್ನಬ ಬಿಜು಼ ಅಲಕ್‍ ಥೋಡಜ಼ಣಾನ ಯೆರೂಸಲೇಮ್ನ ಮೋಕ್ಲಾನ ಸಬೆವಾಳು ನಿರ್ಧಾರ್ ಕರ‍್ಯು. 
\v 3 ಸಬೆವಾಳು ಇವ್ಣುನ ಮೋಕ್ಲಿ ಹುಯಿಜಾ಼ವಾದಿನ್ ಇವ್ಣೆ ಫೊಯಿನಿಕೆ, ಸಮಾರ್ಯ ತಬರ್‌ಖಾನಿ ವಾಟೆ ಜಾ಼ವಾನಿ ವಖ್ಹತ್‌ಮ ಅಲಕ್‌ ಅದ್ಮಿಖ್ಹಾರು ದೇವ್‌ಭಣಿ ಫರ‍್ಯುತೆ ಬಾರೇಮ ಹಿಜ಼್ಜಾಥೂತೆ ಭೈಯೇ ಖ್ಹಾರಾನ ಏಕೇಕ್‌ ವಾತ್ನಬಿ ಛೋ಼ಡಿ ಬೋಲಿವತಾಳಿನ್ ಇವ್ಣಖ್ಹಾರಾನ ಘಣು ಖ್ಹುಶಿಕರಾಯು. 
\v 4 ಪೌಲ,ಬಾರ್ನಬ ಯೆರೂಸಲೇಮ್‌ನ ಐನ್ ಸಬೆವಾಳನ ಅಪೊಸ್ತಲರ್ ಖ್ಹಾರಾನ ಸಬೇನು ಗಲ್‌ಢವ್‍ಖ್ಹಾರಾನ ಜೋ಼ಡ್ಮ ಮಳಿಜೈ಼ನ್ ದೇವ್ ಇವ್ಣಜೋ಼ಡೆ ರ‍್ಹಯಿನ್ ಕರ‍್ಯೊತೆ ಕಾಮ್‍ಖ್ಹಾರಾನ ಪೌಲ,ಬಾರ್ನಬನೆ ಇವ್ಣುನ ಬೋಲಿ ವತಾಳ್ಯು. 
\v 5 ಹಿಜ್ಜಾ಼ ಥೂತೆ ವಿಶ್ವಾಸಿ ಖ್ಹಾರಾಮ ಥೋಡು ಫರಿಸಾಯರ್‌ನ ಝೂ಼ಂಡ್‌‍ವಾಳುಬಿ ಥೂ. ಇವ್ಣೆ ಉಠಿಭೀರಿನ್ ವಿಶ್ವಾಸಿಕೊಂತೆ ಖ್ಹಾರು ಖ್ಹತ್ನ ಕರೈಲೇವ್ಣು. ಮೋಶೆನ ಧರ್ಮಶಾಸ್ತ್ರಕನ ಖ್ಹಾಮ್ಣೆ ಮುಡ್‌ಕ್ಯು ಝು಼ಕಾವ್ಣುಕರಿ ಅಪ್ಣೆ ಇವ್ಣುನ ಬೋಲ್‌ನು” ಕರಿ ಬೋಲ್ಯು. 
\v 6 ತದೆ ಅಪೊಸ್ತಲರ್ ಖ್ಹಾರು ಬಿಜು಼ ಗಲ್‌ಢಖ್ಹಾರು ಆ ವಾತೆನ ಬಾರೇಮ ಸೋಚಾನಖ್ಹಾಜೆ ಎಕ್ಟು ಹುಯು. 
\v 7 ಘಣಿ ವಖ್ಹತ್‌ಲಗು ವಾತ್‍ಚೀತ್‍ ಹುವಾನ ಬಾದ್ಮ ಪೇತ್ರ ಉಠಿಭೀರಿನ್ ಇವ್ಣುನ, “ಮಾರ ಭೇನೆ ಭೈಯೇವೊ, ಯೆಹೂದ್ಯರ್‌ಕಾಹೆತೆ ಅದ್ಮಿಖ್ಹಾರಾನ ಸುವಾರ್ತೆ ಬೋಲಾನಖ್ಹಾಜೆ ತುಮಾರ ಬೀಚ್ಮಾಥು ದೇವ್ನೆ ಮನ ಘಣದನ್ನಪಾರಸ್ ಚೂ಼ಣಿರಾಖ್ಯೊಸ್, ಅಜು಼ ಇವ್ಣೆ ಮಾರೇಥಿ ಸುವಾರ್ತೆ ಖ್ಹಮ್‌ಜಿನ್‌ ದೇವ್ನ ವಿಶ್ವಾಸ್ ಕರ‍್ಯು ತುಮುನ ಮಾಲುಮ್‌ಛಾ಼. 
\v 8 ಖ್ಹಾರ ಅದ್ಮಿನಿ ಸೋಚ್ನ ಖ್ಹಮಜ್ಯೊಹುಯೊ ದೇವ್ ಕಿಮ್ ಪವಿತ್ರಾತ್ಮನ ವರಾನ ಅಪ್ಣುನ ದೀರಾಖ್ಯೊಕಿ ತಿಮ್ ಇವ್ಣುನಾಬಿ ದೀನ್ ಸಾಕ್ಷಿದಿದೊ. 
\v 9 ಅತ್ರೇಸ್ ಕಾಹೆತೆ, ದೇವ್ನೆ ಅಪ್ಣುನಾಬಿ ಇವ್ಣುನಾಬಿ ಶನೂಸ್ ಗುಮಾನಿ ಕರ‍್ಯೊಕೊಂತೆ ಇವ್ಣ ದಿಲ್ನ ವಿಶ್ವಾಸ್‌ಥೀಸ್ ಶುದ್ದಿಕರ‍್ಯೊ. 
\v 10 ಅಮ್‍ರ‍್ಹವಾಪರ್, ಅಲ್ಹಾವ್‌ ವಿಶ್ವಾಸಿ ಶನ ಭೈಯೇವ್ನ ಖಾಂದಪರ್ ವಜ಼ನ್ನೊ ಭೋಜೊ ಶನ ಢೊವಾಡೊಸ್? ತುಮೆ ದೇವ್ನ ಇರಾದೊ ಛ಼ಡಾವಾನಿ ಕೋಶಿಶ್ ಕರುಕರಾಸ್ಕಿ ಶು? ಹಮೂನ ರ‍್ಹವೊ ಹಮಾರ ಗುರುಖ್ಹಾರಾನರ‍್ಹೇವೊ ಆ ಭೋಜೊ ಢೊವಾಡಯೆತ್ರೆ ಶಕತ್ ಕೋಥಿನಿ. 
\v 11 ಇನಖ್ಹಾಜೆ ಹಮೆರ‍್ಹೇವೊ ಅವ್ಣೆ ರ‍್ಹವೊ ರಕ್ಷಣೆ ಲೀಲ್ಯಾವಾನು, ಪ್ರಭುಹುಯಿರ‍್ಹೋತೆ ಯೇಸುನಿ ಗೋರ್‌ಥೀಸ್ ಕರಿ ಹಮೆ ವಿಶ್ವಾಸ್ ಕರಿಯೇಸ್” ಕರಿ ಬೋಲ್ಯೊ. 
\v 12 ತದೆ ಝೂ಼ಂಡ್ ಭರೈರ‍್ಹುಥೂತೆ ಖ್ಹಾರಾಸ್‌ನೆ ಆ ವಾತೆಖ್ಹಾರಿ ಖ್ಹಮ್‌ಜಿನ್‌ ಶೊಪೊ ಪಡೀಗು. ಬಾರ್ನಬ ಅಜು಼ ಪೌಲಥಿ, ದೇವ್ನೆ ಅಲ್ಹಾವ್‌ ಅದ್ಮಿಮ ಕರ‍್ಯೊತೆ ಖ್ಹಾರು ಖ್ಹಣೇದ್‍ನು ಕಾಮ್ನಾಬಿ, ಅದ್ಭುತ್‌ಕಾಮ್‌ನಾಬಿ ಬೋಲ್ಯುತೆ ಇನ ಕಾನ್‍ದೀನ್ ಖ್ಹಮ್‌ಜ್ಯು. 
\v 13 ಇವ್ಣೆ ವಾತ್ ಬೋಲಾನು ಭೀರಾಖಾದಿನ್ ಯಾಕೋಬನೆ, “ಮಾರ ಭೇನೆ ಭೈಯೇವೊ ಮಾರಿ ವಾತೆ ಖ್ಹಮ್‍ಜೊ, 
\v 14 ಯೆಹೂದ್ಯರ್‌ಕಾಹೆತೆ ಅದ್ಮಿನ ದೇವ್ನೆ ದೇಕ್‌ಭಾಲ್‌ ಕಿಮ್ ಕರ‍್ಯೊಕರಿ ಸಿಮೋನನೆ ಖ್ಹಮ್‍ಜಾ಼ಡಿರಾಖ್ಯೊಸ್. ಪಹಿಲಿಬಾರ್ ಯೆಹೂದ್ಯರ್‌ಕಾಹೆತೆ ಅದ್ಮಿನ ಏಕ್‌ ಜ಼ಣಾನ ದೇವ್ನೆ ಇನಿ ಕೃಪೆಥಿ ಸ್ವೀಕಾರ್ ಕರಿರಾಖ್ಯೊಸ್, ಇವ್ಣುನ ಇನು ಅದ್ಮಿಕರಿ ಕರಿಲಿದೊ. 
\v 15 ಪವಿತ್ರ ದಪ್ತರ್‌ಮ ಅಮ್ ಲಿಖೈರ‍್ಹುಸ್ ಪ್ರವಾದಿಖ್ಹಾರಾನಿ ವಾತೇಬಿ ಇನ ಮಾನಿಲೇವ್‍ ಕರಸ್ ಕಿಮ್‌ಕತೊ, 
\v 16 ಆ ಹುವಾದಿನ್ ಮೇ ಫರಿನ್ ದಾವೀದನ ರಾಜ್ಯನ ಪಾಛೊ಼ ಭಾಂದುಸ್. ಯೋ ರಡ್ಕಿಗಯೂತೆ ರಾಜ್ಯನ ಟುಕ್ಡಾವ್‍ನ ಮೇ ಪಾಛೊ಼ ಏಕ್ಟುಕರೀನ್ ಘಟ್‍ಥಿ ನವು ಬಣವುಸ್. 
\v 17 \x - \xo 15:17 \xo*\xt ಆಮೋಸ 9:9-12\xt*\x* ತದೆ ಜ಼ಗ್‌ಜಾತ್‌ಮ ಉಭ್‍ರ‍್ಯುತೆ ಅದ್ಮಿಮ ಥೋಡು ಜ಼ಣು ಕತೊ ದೇವ್‌ನು ಅದ್ಮಿಕರಿ ಬೋಲೈರ‍್ಹುತೆ ಖ್ಹಾರೂಸ್ ಜ಼ಗ್‌ಜಾ಼ತ್‌ಬಿ ಪ್ರಭುನ ಢೂಂಡವಾಳು ಹುಯಿರುಸ್, ಯೆಹೂದ್ಯರ್‌ಕಾಹೆತೆ ಅದ್ಮಿನ ಮಾರು ಶೊಂತ್ ಕರೀಶ್. 
\v 18 ಶುರುಮಾಥು ಆ ಖ್ಹಾರು ಕಾಮ್ನ ಖ್ಹಮ್‌ಜಾ಼ಡ್ಯೊತೆ ಪ್ರಭು ಬೋಲುಕರಸ್, ಕರಿ ಲೀಖೈರ‍್ಹುಸ್. 
\v 19 “ಅಮ್‍ರ‍್ಹವಾಪರ್ ದೇವ್‌ಭಣಿ ಫರಾವಾಳ ಯೆಹೂದ್ಯರ್‌ಕಾಹೆತೆ ಅದ್ಮಿವೋನ ಅಡ್ಡಿ ನಾಕರ‍್ನು ಆ ಮಾರಿ ಖ್ಹೂಜ಼್‌. 
\v 20 ಇನ ಬದಲ್‍ಥಿ ಅಪ್ಣೆ ಇವ್ಣುನ ಏಕ್‌ ಚಿಟ್ಟಿ ಲೀಖ್ಯೆ; ಯೊ ಶಾತ್‍ಕತೊ ಮೂರತ್ನ ಝಾ಼ಳ್ ಉತಾರಹುಯನಾಬಿ, ವ್ಯಬಿಚಾರ್‌ಥಿಬಿ, ಬಿಜು಼ ಲ್ಹೋಯಿನಾಬಿ, ನ್ಹೇಟಿ ಭೀಚಿನ್ ಮಾರ‍್ಯಹುಯ ಜಿನಾವರ್‌ನಬಿ ನಾಖಾವ್ಣು ಕರಿ ಅಕ್ಕಲ್ ದೇವ್ಣು. 
\v 21 ಶನಕತೊ ಪೂರತ್‍ ಕಾಲಥು ಅಖ್ಖಾ ಖ್ಹಯೇರ್‌ಮ ಮೋಶೆನ ದಪ್ತರ್‌ನ ಬೋಧನೆ ಕರಾವಾಳು ಖ್ಹಾರು ಛಾ಼. ಕೈಏಕ್ ವರಖ್ಹ್ ಥು ಹರ್ ಸಬ್ಬತ್ ದನ್ಮ ಸಬಾಮಂದಿರ್‌ಮ ಮೋಶೆನಿ ವಾತೆಖ್ಹಾರಿ ಫಡವ್‍ಕರಸ್.” ಕರಿ ಬೋಲ್ಯೊ.
\s ಯೆಹೂದ್ಯರ್ ಕಾಹೆತೆ ವಿಶ್ವಾಸಿಯೇನ ಚಿಟ್ಟಿ
\p
\v 22 ತದೆ ಅಪೊಸ್ತಲರ್‌ಬಿ ಸಬೆನ ಗಲ್‌ಢಖ್ಹಾರಾಬಿ ಬಿಜು಼ ಸಬೇನು ಖ್ಹಾರೂಸ್, ಪೌಲ ಬಾರ್ನಬನಿ ಜೋ಼ಡೆ ಇವ್ಣಮಾಥುಸ್ ಥೋಡುಅದ್ಮಿನ ಚೂ಼ಣಿನ್ ಅಂತಿಯೋಕ್ಯ ಖ್ಹಯೇರ‍್ನ ಮೋಕಲ್ನುಕರಿ ತೀರ್ಮಾನ್ ಕರ‍್ಯು. ಇನಖ್ಹಾಜೆ ಬಾರ್ಸಬ ಕರಿ ಬೋಲೈರ‍್ಹೋತೆ ಯೂದನಾಬಿ, ಸೀಲನಾಬಿ ಚೂ಼ಣಿನ್,ಯೋ ಖ್ಹಾರಾನ ಮುಖ್ಯಖ್ಹಾರು ಕರ‍್ಯು. 
\v 23 ಇವ್ಣ ಹಾತ್ಮ ಲೀಖಿನ್ ದೀರಾಖ್ಯುಥೂತೆ ಶಾತ್‍ಕತೊ, ಭಯೇಖ್ಹಾರ ಹುಯಿರಾತೆ ಅಪೊಸ್ತಲರ‍್ನೇಬಿ ಗಲ್‌ಢಖ್ಹಾರಾನೇಬಿ ಅಂತಿಯೋಕ್ಯ, ಸಿರಿಯ, ಕಿಲಿಕ್ಯ ತಬರ್‌ಖಾಸ್‍ಮ ಛಾ಼ತೆ ಯೆಹೂದ್ಯರ್‌ಕಾಹೆತೆ ಭೈಯೇ ಭೇನೇನ ಹಮಾರಿ ಖ್ಹಲಾಮ್; 
\v 24 ಹಮಾರಕಂಥು ಆಯುತೆ ಥೋಡಜ಼ಣಾನೆ ಹಮಾರೇಥಿ ಖಿವಿ ಹುಕುಮ್‌ನ ಮಾನ್ಯುಕೊಂತೆ ಇವ್ಣಿ ವಾತೆಥಿ ತುಮರಾಮ ಸಮಾಧಾನ್‌ಕೊಂತೆ ಕರಿನಾಖಿನ್‌, ತುಮಾರ ದಿಲ್ನ ಕಲಾವ್ಣಿ ಕರ‍್ಯುಕರಿ ಹಮೂನ ಮಾಲುಮ್‌ ಪಡ್ಯು. 
\v 25 ಇನಖ್ಹಾಜೆ ಹಮೆಖ್ಹಾರಾಸ್ ಎಕ್ಟಹುಯಿನ್ ಥೋಡಜ಼ಣಾನ ಚೂ಼ಣಿನ್ ಪ್ಯಾರ್‌ನ ಭೈಯೆ ಪೌಲ, ಬಾರ್ನಬನ ಜೋ಼ಡ್ಮ ತುಮಾರಕನ ಮೋಕ್ಲು ಕರಿಯೇಸ್. 
\v 26 ಪೌಲ, ಬಾರ್ನಬನೆ ಅಪ್ಣೊ ಪ್ರಭು ಹುಯಿರೋತೆ ಯೇಸುಕ್ರಿಸ್ತನ ನಾಮ್‌ಥಿ ಸೇವೆನಖ್ಹಾಜೆ ಇವ್ಣ ಜಿವ್ಣನಾಸ್ ದಿನಾಖ್ಯ. 
\v 27 ಇನಖ್ಹಾಜೆ ಹಮೆ ಯೂದನ ಬಿಜು಼ ಸೀಲನ ಇವ್ಣಿ ಜೋ಼ಡೆ ಮೋಕ್ಲಿರಾಖ್ಯೊಸ್. ಆ ಅಖ್ಖು ತುಮೂನ ಮ್ಹೋಡಾನಿ ವಾತೆಥಿ ಖ್ಹಮ್‍ಜಾ಼ಡ್‍ಶೆ. 
\v 28 ಆ ಹೋಣುತೆ ಖಾನುಲ್‌ನ ಮ್ಹೇಲಿನ್ ತುಮಾರಪರ್ ಬಿಜು಼ ಖಿವೂಬಿ ಭೋಜ಼್‌ನ ನಾಕ್ಣುನಾತೆ ತಿಮ್ ಪವಿತ್ರಾತ್ಮ ಅಜು಼ ಹಮೆ ಮಾನಿರಾಖ್ಯಸ್. 
\v 29 ಯೋ ಅಖ್ಖು ಖಿವುಕತೊ; ಮೂರತ್ನ ಝಾ಼ಳ್ ಉತಾರಹುಯನಾಬಿ, ಲ್ಹೋಯಿನಾಬಿ, ನ್ಹೇಟಿ ಭೀಚಿನ್ ಮಾರ‍್ಯಹುಯ ಜಿನಾವರ್‌ನಬಿ ನಾಖಾವ್ಣು. ಅಜು಼ ವ್ಯಬಿಚಾರ‍್ನು ಪಾಪ್ನಕಾಮ್‌ಥಿ ತುಮುನ ಬಚಾ಼ಡಿಲೆವೊ. ಆ ಅಖ್ಖು ನಾಕರ‍್ನುತೆ ತಿಮ್‌ ಹೊಷಾರ್‌ಥಿ ರ‍್ಹಯಾತೊ ತುಮೆ ಅಛ್ಛು಼ ಕರ್ಶು. ತುಮುನ ಅಛ್ಛು಼ ಹುವಾದೆ. 
\v 30 ಅಮ್ ಪೌಲ, ಬಾರ್ನಬ ಬಿಜು಼ ಯೂದ, ಸೀಲ, ಯೆರೂಸಲೇಮ್‍ಥು ಅಂತಿಯೋಕ್ಯ ಖ್ಹಯೇರ‍್ನ ಜೈ಼ನ್ ಹಿಜ಼್ಜ ವಿಶ್ವಾಸಿಯೆವ್ನಿ ಸಭೆನ ಭರೈನ್, ಯೋ ಚಿಟ್ಟಿ ಇವ್ಣುನ ದಿದು. 
\v 31 ತದೆ ಇನ ಜೋ಼ರೇಖ್ಹು ಪಢೀನ್‌ ಅಜು಼ ಯೊ ಭಾಲಿನಿ ವಾತೆ ಖ್ಹಮ್‌ಜಿನ್‌ ಇವ್ಣೆ ಘಣು ಖುಷಿಕರ‍್ಯು. 
\v 32 ಯೂದ ಬಿಜು಼ ಸೀಲಬಿ ಪ್ರವಾದಿ ಹುಯಿರ‍್ಹಥಾತೆಖ್ಹಾಜೆ ಇವ್ಣಿ ಕೈಯೆಕ್ಕಿ ಥರಾನಿ ವಾತೆ ಖ್ಹಮ್‌ಜಿನ್‌ ಭೇನೆ ಭೈಯೇವ್‌ಖ್ಹಾರಾನ ಹಿಮ್ಮತ್‌ ಆಯು. 
\v 33 ಯೂದ ಸೀಲ ಥೋಡದನ್ ಹಿಜ಼್ಜರ‍್ಹೀನ್ ಭಯೇಥಿ ಸಮಾಧಾನ್ನಿ ಆಶೀರ್ವಾದ್‌ ಲೀಲಿದ. ಅನಪಾರ್ ಇವ್ಣೆ ಪಾಛ಼ ಯೆರೂಸಲೇಮ್‌ನ ಇವ್ಣುನ ಮೋಕ್‍ಲ್ಯಥಾತೆ ವಿಶ್ವಾಸಿಕನ ಗಯ. 
\v 34 \f + \fr 15:34 \fr*\ft ಆ ವಚನ್ ಥೋಡ ಲೀಖಾಪಟ್‌ನ ಪುಸ್ತಕ್‌ಮ ಬೋಲೈರ‍್ಹು ಕೊಯ್ನಿ.\ft*\f* ಕತೋಬಿ ಸೀಲನ ಹಿಜ್ಜಾ಼ಸ್ ರ‍್ಹಯೂತೊ ಅಛ್ಛು಼ಕರಿ ಮಾಲುಮ್‌ಕರ‍್ಯೊ. 
\v 35 ಕತೋಬಿ ಪೌಲ, ಬಾರ್ನಬ ಅಂತಿಯೋಕ್ಯಮಾಸ್ ರ‍್ಹೀನ್,ಅಜು಼ ಕೈಯೇಕ್ ಜ಼ಣಾನಿ ಜೋ಼ಡೆ ಮಳಿನ್ ಸುವಾರ್ತೆ ಬೋಲ್ತಹುಯಿನ್ ಬಿಜು಼ ಪ್ರಭುನಿ ವಚನ್ನ ಅದ್ಮಿಖ್ಹಾರಾನ ಶಿಕಾಡ್ಯು.
\s ಪೌಲ ಬಾರ್ನಬ ಅಲಕ್ ಹುಯಾತೆ
\p
\v 36 ಥೋಡದನ್ ಹುವಾದಿನ್ ಪೌಲನೆ, “ಬಾರ್ನಬನ ಅಪ್ಣೆ ಕೈಯೇಕ್ ಖ್ಹಯೇರ್‌ಮ ಪ್ರಭುನಿ ವಚನ್ನ ಖ್ಹಮ್‍ಜಾ಼ಡ್ಯ. ಯೋ ಅಖ್ಖಾ ಖ್ಹಯೇರ್‌ಮ ಛಾ಼ತೆ ಅಪ್ಣ ಭೈ ಭೇನೆನ ಮಳಿನ್ ಇವ್ಣೆ ಕಿಮ್ ಛಾ಼ಕಿ ದೇಖಿನ್ ಐಯ್ಯೆ” ಕರಿ ಬೋಲ್ಯೊ. 
\v 37 ಬಾರ್ನಬನೆ ಮಾರ್ಕಕರಿ ಬೋಲೈರ‍್ಹೋತೆ ಯೋಹಾನ ಇವ್ಣಿ ಜೋ಼ಡ್ಮ ಬುಲೈಲಿ ಜಾ಼ವ್ಣುಕರಿ ಬೋಲ್ಯೊ. 
\v 38 ತದೆ ಪೌಲನೆ, ಅಪ್ಣಿ ಜೋ಼ಡ್ಮ ಸೇವೇನ ಕಾಮ್ನ ಕೋ ಆಯೋನಿತೆ, ಪಂಫುಲ್ಯ ಗಾಮ್ಮ ಅಪ್ಣುನ ಮ್ಹೇಲಿನ್ ಜಾ಼ವಾಳನ ಬುಲೈಲಿನ್ ಜಾ಼ವಾನು ಬರೋಬರ್ ಕೊಯ್ನಿಕರಿ ದಿಲ್ಮ ಕರ‍್ಯೊ. 
\v 39 ಇನಿ ಬಾರೇಮ ಪೌಲ, ಬಿಜು಼ ಬಾರ್ನಬಮ ಘಣು ಅಬ್ಬಾಜ಼ಬ್ಬಿ ವಾತೆಹುಯಿನ್ ಇವ್ಣೆ ಬೇಜ಼ಣ ಅಲಕ್‌ಹುಯಿಗ. ಬಾರ್ನಬ ಮಾರ್ಕನ ಬುಲೈಲಿನ್ ದರ‍್ಯಾವ್‍ನ ಮಾರ್ಗೆ ಸೈಪ್ರಸ್ ಟಾಪನ ಗಯೊ. 
\v 40 ಪೌಲನೆ ಇನಜೋ಼ಡೆ ಸೀಲನ ಬುಲೈಲಿನ್ ಗಯೊ. ಅಂತಿಯೋಕ್ಯನ ಭಯೇಖ್ಹಾರಾನೆ ಪೌಲನ, ಪ್ರಭುನ ವಾರ್‌ಖ್ಹೇಥಿ ಹಿಜ್ಜಾ಼ಥು, 
\v 41 ಇವ್ಣೆ ಸಿರಿಯ ಬಿಜು಼ ಕಿಲಿಕ್ಯ ತಬರ್‌ಖಾವ್‍ಮ ಕರಿ ಪಡ್ತಹುಯಿನ್ ಹಿಜ಼್ಜಾನಿ ಅಖ್ಖಿ ಸಬೆನ ಘಟ್ ಕರ‍್ಯೊ.
\c 16
\s ಪೌಲಬಿ ಸೀಲಾನಿ ಜೋ಼ಡ್ಮ ತಿಮೊಥೆ
\p
\v 1 ಪೌಲನೆ ದೆರ್ಬೆ ಅಜು಼ ಲುಸ್ತ್ರಕರಿ ಖ್ಹಯೇರ್‌ಮ ಗಯೊ.ಹಿಜ್ಜಾ಼ ತಿಮೊಥೆಕರಿ ಏಕ್‍ಜ಼ಣೊ ಕ್ರಿಸ್ತನೊ ವಿಶ್ವಾಸಿ ಥೊ. ತಿಮೊಥೆನಿ ಆಯ ಯೆಹೂದ್ಯವಾಳಿ ಹುಯಿರ‍್ಹೀಥಿ ಅಜು಼ ಬಾ ಗ್ರೀಕ್‍ವಾಳೊ ಹುಯಿರ‍್ಹೋಥೊ. 
\v 2 ಲುಸ್ತ್ರ ಅಜು಼ ಇಕೋನ್ಯ ಖ್ಹಯೇರ‍್ನು ವಿಶ್ವಾಸಿಖ್ಹಾರು ತಿಮೊಥೆನ ಮರ್ಯಾದಿ ದೇತುಥು. ಅಜು಼ ಇನಿ ಬಾರೇಮ ಅಛ್ಛೂ಼ಸ್ ಬೋಲ್ತುಥು. 
\v 3 ಪೌಲ ತಿಮೊಥೆನ ಇನಕೇಡೆ ಬುಲೈಲಿನ್ ಜಾ಼ವ್ಣುಕರಿ ಇಷ್ಟಕರ‍್ಯೊ. ಯೊ ಝ಼ಗೋಮ ಥೋತೆ ಯೆಹೂದ್ಯರ್‌ನ ತಿಮೊಥೆನೊ ಬಾ ಗ್ರೀಕ್‍ನೊಕರಿ ಮಾಲುಮ್‌ಥೂತೆ ಇನಖ್ಹಾಜೆ ಇನ ಖ್ಹತ್ನ ಕರಾಯೊ. 
\v 4 ಇನಕೇಡೆಥು ಪೌಲ ಅಜು಼ ಇನ ಜೋ಼ಡೆ ರ‍್ಹವಾಳುಖ್ಹಾರು ನಂಗರ್‌ಥಿ ನಂಗರ್ ಫರ‍್ಯು. ಯೆರೂಸಲೇಮ್ಮಥೂತೆ ಅಪೊಸ್ತಲರ‍್ನಿ ಅಜು಼ ಗಲ್‌ಢವ್‍ನಿ ಖ್ಹೂಜ಼್‌ನ ಇವ್ಣೆ ವಿಶ್ವಾಸಿಖ್ಹಾರನ ಬೋಲಿನ್ ಇನ ಪಾಡೀನ್ ಚಾ಼ಲ್‌ನುಕರಿ ಬೋಲ್ಯೊ. 
\v 5 ಅಮ್ಮಸ್ ಕ್ರಿಸ್ತನು ಸಬೆಖ್ಹಾರು ದನ್‍ಥಿ ದನ್ ವಿಶ್ವಾಸ್ಮ ಭಡಾಲಗ್ಯು. ಸಬೆಖ್ಹಾರು ವಿಶ್ವಾಸ್ಮ ಘಟ್‍ಥಿ ಭೀರಿನ್ ವಿಶ್ವಾಸಿ ದನ್‍ಪರ್ ದನ್ ಜಾ಼ಖ್ಹತ್ ಹುವಾಲಗ್ಯು.
\s ತ್ರೊವಾಸ್‌ಮ ಪೌಲನ ಹುಯೂತೆ ದರ್ಶನ್
\p
\v 6 ಏಷ್ಯಾ ಮುಲಕ್‌ಮ ಪೌಲ ಇವ್ಣೆಖ್ಹಾರು ಸುವಾರ್ತೆನ ಬೋಲಿನ್ ನಾ ವತಾಳ್ಣುಕರಿ ಪವಿತ್ರಾತ್ಮನೆ ಖ್ಹಮ್‍ಜಾ಼ಡಿರಾಖ್ಯೊಥೊ. ಇನಖ್ಹಾಜೆ ಇವ್ಣೆ ಫ್ರಿಜಿಯ, ಅಜು಼ ಗಲಾತ್ಯ ತಬರ್‌ಖಾನಿ ವಾಟೆ ಗಯ. 
\v 7 ಪೌಲ ಅಜು಼ ತಿಮೊಥೆ ಇವ್ಣೆ ಮುಸಿಯ ನಂಗರ‍್ನ ಖನ್ನೆ ಗಯ. ತದೆ ಇವ್ಣೆ ಬಿಥೂನ್ಯ ನಂಗರ್‌ಮ ಜಾ಼ವ್ಣು ಕರಿ ಥಾ. ಕತೋಬಿ ಯೇಸುನ ಆತ್ಮನೆ ಹಿಜ್ಜಾ಼ಬಿ ಜಾ಼ವಾನ ಕೊ ಮ್ಹೆಲ್ಯುನಿ. 
\v 8 ಇನಖ್ಹಾಜೆ ಇವ್ಣೆ ಮುಸಿಯ ನಂಗರ್‌ಪರ್ ಕರಿ ನೇರ್ ತ್ರೋವ ಖ್ಹಯೇರ್‌ಮ ಆಯ. 
\v 9 ಯೋ ರಾತ್ಮ ಪೌಲನ ಏಕ್‌ ದರ್ಶನ್‌ಹುಯು. ಮೆಕೆದೋನ್ಯನೊ ಏಕ್‍ಜ಼ಣೊ ಹಿಜ್ಜಾ಼ಭೀರಿನ್; ಮೆಕೆದೋನ್ಯಮ ಐನ್ ಹಮೂನ ಮದತ್ ಕರ್‌” ಕರಿ ಗಿಂಗೈಲಿದೊ. 
\v 10 ಪೌಲನೆ ಯೋ ದರ್ಶನ್ ದೇಖಿನ್, ತದ್‌ನು ತದೇಸ್‌ ಹಿಜ಼್ಜಾನ ಅದ್ಮಿನ ಸುವಾರ್ತೆನ ಖ್ಹಮ್‍ಜಾ಼ಡಾನಖ್ಹಾಜೆ ದೇವ್ನೆ ಹಮೂನ ಬುಲೈರಾಖ್ಯೊಸ್ ಕರಿ ಮಾಲುಮ್ ಕರಿಲಿನ್ ಮೆಕೆದ್ಯೋನ್ಯನ ಜಾ಼ವಾನ ಇವ್ಣೆ ತಯಾರ್ ಹುಯ.
\s ಫಿಲಿಪ್ಪಿಮ ಲಿಡಿಯಾನಿ ದಿಲ್‌ ಬದಲಾವ್ಣಿ
\p
\v 11 ಹಮೆ ತ್ರೋವಥು ಜ಼ಹಾಜ಼್ ಚ಼ಢೀನ್ ಸಮೊಥ್ರಾ ಐನ್, ಬಿಜೇಕ್ ದನ್ನೆ ನೆಯಾಪೊಲಿ ಖ್ಹಯೇರ‍್ನ ಪೋಚಿನ್ ಹಿಜ್ಜಾ಼ಥ ಫಿಲಿಪ್ಪಿನ ಆಯ. 
\v 12 ಫಿಲಪ್ಪಿಕರಿ ಬೋಲಾನು ಮೆಕೆದೋನ್ಯನು ಖ್ಹಯೇರ್ ಹುಯಿರ‍್ಹುಥು. ರೋಮ್‍ವಾಳಾನು ರ‍್ಹವಾನು ಝ಼ಗೋ ಹುಯಿರ‍್ಹೀಥಿ. ಹಜ್ಜಾ಼ ಥೋಡ ದನ್ ರ‍್ಹಯ. 
\v 13 ಖ್ಹಯೇರ‍್ನ ಭಾರ್‌ ಥೂತೆ ನದ್ದಿನ ಕನಾರಿನ ಖನ್ನೆ ಯೆಹೂದ್ಯರ‍್ನು ಪ್ರಾರ್ಥನೆನಿ ಝ಼ಗೊರ‍್ಹೆವ್ಣುಕರಿ ಸಬ್ಬತ್‌ ದನ್ಮ ಹಿಜ್ಜಾ಼ಗಯಾಥ. ಹಿಜ್ಜಾ಼ ಥೋಡಿ ತಯೇಡ ಅಯಿರ‍್ಹೀಥಿ. ತದೆ ಹಮೆ ಬೇಶಿನ್ ಇವ್ಣೇಥಿ ವಾತೆ ಬೋಲ್ಯ. 
\v 14 ಹಮಾರಿ ಬೋಧನೆ ಖ್ಹಮ್‍ಜ್ಯುತೆ ತಯೇಡಾವ್ಮ ಲಿಡಿಯಾಬಿ ಏಕ್‍ಜ಼ಣಿ. ಆ ಹೈರಿತೆ ಥುವತೈರ ಖ್ಹಯೇರ್‌ವಾಳಿ; ಹೈರಿತೆ ರಾಯಿಜಾ಼ಮಣ್ಣ ರಂಗ್ನು ಲುಂಗ್ಡು ವೇಚಿನ್ ಧಂದೊ ಕರಾವಾಳಿ ಹುಯಿರ‍್ಹೀಥಿ. ಆ ಖ್ಹಾಚ ದೇವ್ನ ಆರಾದನೆ ಕರ್ತೀಥಿ. ಪೌಲನ ಬೋಧನೆನ ಕಾನ್‍ಜೋ಼ಡಿ ಖ್ಹಮ್‍ಜಾ಼ನಿತರ ಪ್ರಭುನೆ ಇನ ದಿಲ್ನ ಛೋ಼ಡಾಯೊ. ಪೌಲನೆ ಬೋಲ್ಯೊತೆ ಖ್ಹಾರು ಇನೆ ವಿಶ್ವಾಸ್‌ಕರಿ. 
\v 15 ಲಿಡಿಯ ಅಜು಼ ಇನ ಘರ್‌ಮಥೂತೆ ಖ್ಹಾರುಜ಼ಣು ಬ್ಯಾಪ್ತಿಸ್ಮ ಕರೈಲಿದು. ಇನೆ, “ಪ್ರಭುನಿ ಖ್ಹಾಚ ವಿಶ್ವಾಸಿಕರಿ ತೀರ್ಮಾನ್‌ ಕರ್ತ ಉಷೇತೊ, ಹಮಾರ ಘರ್‌ಮ ಐನ್ ರ‍್ಹವೊ” ಕರಿ ಗಿಂಗೈನ್ ಹಮೂನ ಜು಼ಲಮ್‍ಕರಿ.
\s ಖ್ಹಾರ್ಕೊಟ್‌ಮ ಪೌಲಬಿ ಸೀಲ
\p
\v 16 ಏಕಹಲ್ಲ, ಹಮೆ ಪ್ರಾರ್ಥನೆ ಝ಼ಗೋನ ಜಾ಼ವಾನಿ ವೇಳ್ಮ ಗಾರೋಡಿನಿ ಏಕ್‍ಜ಼ಣಿ ದಾಸಿ ಹಮಾರ ಖ್ಹಾಮ್ಣೆ ಆಯಿ. ಯೋ ಫಾಲ್‌ಬೋಲ್‍ಥೀತೆ ಇನೇಥಿ ಇನೊ ಯಜಮಾನ್ನ ಘಣು ನಫ್ಫೊ ಹೋತುಥು. 
\v 17 \x - \xo 16:17 \xo*\xt ಆದಿಕಾಂಡ 14:22\xt*\x* ಪೌಲಬಿನ್ ಹಮೆ ಜಾ಼ವನಿವಖ್ಹ್‌ತೆ, ಯೊ ಚಿಕ್ರಿ ಬೋಲ್ತಿಹುಯಿನ್, “ಆ ಅದ್ಮಿಖ್ಹಾರು ಘಣೊಊಚೊ಼ ದೇವ್ನು ಸೇವಕ್ ಹುಯಿರ‍್ಹಾಸ್; ತುಮಾರ ಜಾನ್ನ ರಕ್ಷಣೆನು ಮಾರಗ್‌ನ ಅವ್ಣೆ ಬೋಲುಕರಸ್” ಕರಿ ಬೋಲ್ತಿ ರ‍್ಹೇತಿಥಿ. 
\v 18 ಕೈಏಕ್ ದನ್‍ಲಗೂಬಿ ಅಮ್ಮಸ್ ಬೋಲುಕರ್ತಿಥಿ. ಇನಖ್ಹಾಜೆ ಪೌಲ ಬೇಜಾರ್ ಹುಯಿನ್, ಯೊ ತಯೇಡಾಮ ಛಾ಼ತೆ ಖರಾಬ್ಆತ್ಮ, ‘ಮ್ಹೆಂದಿನ್ ನಿಕ್ಳಿಜಾ಼’ ಕರಿ ಯೇಸುಕ್ರಿಸ್ತನ ನಾಮ್‍ಥಿ ಹುಕುಮ್ ದೆವುಸ್ ಕರಿ ಬೋಲ್ಯೊ. ಯೋ ವಖ್ಹತ್‌ಮಾಸ್‌ ಯೋ ಖರಾಬ್ಆತ್ಮ ಇನ ಮ್ಹೇಲಿನ್ ಚ಼ಲಿಗಯು. 
\v 19 ಯೋ ದೆಖ್ಯೊತೆ ದಾಸಿನೊ ಯಜಮಾನ್ನೆ ರಪ್ಯ ಕಮಾವನು ಉಷೆ ಕೊಯ್ನಿಕರಿ ಮಾಲುಮ್ ಕರಿಲಿನ್, ಪೌಲನಾಬಿ ಸೀಲನ ನಂಗರ‍್ನ ನ್ಯಾವ್ನ ಅದಿಕಾರಿಕನ ಖೇಚಿಲಿಗು. 
\v 20 ಹಿಜ್ಜಾ಼ ಪೌಲನಾಬಿ ಸೀಲನ ಅಧಿಕಾರಿನ ಖ್ಹಾಮ್ಣೆ ಇವ್ಣುನ ಬುಲೈಲಿಜೈ಼ನ್ “ಆ ಅದ್ಮಿಖ್ಹಾರು ಯೆಹೂದ್ಯರ್ ಹುಯಿರುಸ್, ಅವ್ಣೆ ಖ್ಹಯೇರ‍್ನ ಕಲಾವ್ಣಿಕರಿನ್ ಗಲಾಟ್ ಉಠಾಡುಕರಸ್.” 
\v 21 ರೋಮ್‌ವಾಳ ಹುಯಿರಾತೆ ಅಪ್ಣ ನಿಯಮ್‌ನಿ ವಿರೋದ್‌ನು ಕಾಮ್ ಅವ್ಣೆ ಅದ್ಮಿಖ್ಹಾರಾನ ಬೋಲುಕರಸ್ ಕರಿ ಬೋಲ್ಯು. 
\v 22 ತದೆ ಅದ್ಮಿಖ್ಹಾರು ಪೌಲಬಿನ್ ಸೀಲನ ವಿರೋದ್ ಹುಯಿರ‍್ಹುಥು ತದೆ ಅದಿಕಾರಿನೆ ಪೌಲ ಸೀಲನ ಲುಂಗ್ಡಾವ್‍ನ ಫಾಡಿನ್ ಇವ್ಣ ಭೇಜ಼ಣಾನ ಲಠ್ಠೇಥಿ ಜಾ಼ಖ್ಹತ್ ಮಾರ್ ದೇವಾಡ್ಣುಕರಿ ಹುಕುಮ್‌ಕರ‍್ಯೊ. 
\v 23 ಇವ್ಣುನ ಘಣೇಥಿ ಮಾರ್‌ಖಡೈನ್‌ ಹುಯಿಗು ತದೆ ಜೇಲ್‌ಮ ಘಲೈನ್ “ಇವ್ಣುನ ಘಣು ಹೊಷಾರ್‌ಥಿ ಜೇಲ್‌ನ ಕಾವ್ಲಿಕರ‍್ನು ಕರಿ ಅಧಿಕಾರಿನ ಹುಕುಮ್‌ ದಿದೊ. 
\v 24 ಇನೆ ಯೊ ಹುಕುಮ್‌ನ ಪಾಡಿನ್ ಇವ್ಣುನ ಜೇಲ್‌ನ ಮಹಿನ ಕೋಣಾಮ ಘಾಲಿನ್ ಇವ್ಣ ಗೋಡಾವ್‍ನ ಲಾಕ್ಡಾನ ಫಣಾಶಿನ ಇಚ಼್‌ಮ ಘಾಲಿನ್ ಖ್ಹಂಕಳ್‌ಥಿ ಜ಼ಡ್‍ಕಾಯು. 
\v 25 ಅಧಿರಾತ್ಮ ಪೌಲಬಿ ಸೀಲನೆ ಪ್ರಾರ್ಥನೆ ಕರ್ತಹುಯಿನ್ ದೇವ್ನ ಸ್ತುತಿನು ಗೀದ್‌ ಬೋಲುಕರ್ತಾಥ. ಹಿಜ಼್ಜಾಥೂತೆ ಖೈದಿಖ್ಹಾರು ಖ್ಹಮ್‍ಜು಼ಕರ್ತುಥು. 
\v 26 ತದೆ ಅಫ್ಪರ್‌ಥೂಸ್ ಮೋಟು ಭೂಕಂಪ್ ಹುಯು; ಖ್ಹಾರ್ಕೊಟ್‌ನು ಹದಿಪಾಯ ಹಲಿರ‍್ಹೀಗು. ಯೋಸ್ ವೇಳ್ಮ ಬಾಕಲ್‍ಅಖ್ಖು ನಿಕ್ಳಿಗಯು, ಅಖ್ಖಾಸ್ ಖೈದಿನು ಖ್ಹಂಕಳ್‌ಖ್ಹಾರು ಛು಼ಟಿ ಪಡಿಗಯು. 
\v 27 ಜೇಲ್‌ನೊ ಅದಿಕಾರಿ ನಿಂದರ್‌ಥಿ ಹೊಷಾರಿಹುಯಿನ್, ಬಾಕಲ್ ಅಖ್ಖು ನಿಕ್ಳಿರ‍್ಹುಥೂತೆ ದೇಖಿನ್ ಖೈದಿಖ್ಹಾರು ಮಿಲೈಚ಼ಲಿಗೂ ಕರಿ ಲ್ಹಯಿನ್ ತಲ್ವಾರ್‌ಥಿ ಭೋಕೈನ್ ಮರಿಜಾ಼ವ್ಣು ಕರಿ ಥೊ. 
\v 28 ಕತೋಬಿ ಪೌಲನೆ ಊಚಿ ಆವಾಜ಼್‌ಥಿ ಚಿಕ್ರಿನ್ ಇನ; ತೂ ಶಾತ್ಬಿ ಲುಕ್ಷಾನ್‌ ನಕೊ ಕರಿಲಿಶ್‌. ಹಮೆ ಅಖ್ಖಾಸ್‍ಜ಼ಣ ಹಜ್ಜಾ಼ಸ್ ಛಿಯೆ ಕರಿ ಬೋಲ್ಯೊ. 
\v 29 ಖ್ಹಾರ್ಕೊಟ್‍ನೊ ಅಧಿಕಾರಿನೆ ಚಿಮ್ನಿನ ಮಂಗಾವ್ತೊಹುಯಿನ್ ಒಗ್ಗಿಸ್‌ಮ ಮಹಿ ಜೈ಼ನ್ ಡರ್‌ಥಿ ಕಾಪ್ತೊಹುಯಿನ್ ಪೌಲ ಅಜು಼ ಸೀಲನ ಗೋಡಾಪರ್ ಆಡ್‍ಪಡ್ಯೊ. 
\v 30 ಅಜು಼ ಇವ್ಣುನ ಭಾರ್‌ ಬುಲೈಲಿನ್ ಐನ್, “ಮಾಲಿಕ್ ರಕ್ಷಣೆ ಮಳ್‌ಣುಕತೊ ಮೆ ಶಾತ್‌ ಕರ‍್ನು?” ಕರಿ ಬೋಲ್ಯೊ. 
\v 31 ಇವ್ಣೆ ಇನ, “ಪ್ರಭು ಯೇಸುಪರ್ ವಿಶ್ವಾಸ್ ಕರ್‌ ತದೆ ತುನಾಬಿ ತಾರ ಘರ್‌ವಾಳಾನಾಬಿ ರಕ್ಷಣೆ ಮಳ್‌ಶೆ” ಕರಿ ಬೋಲ್ಯೊ. 
\v 32 ಯೋ ಅದಿಕಾರಿನಾಬಿ ಇನ ಘರ್‌ವಾಳ ಅಖ್ಖಾಸ್ನ ಪ್ರಭುನಿ ವಚನ್ ಖ್ಹಮ್‍ಜಾ಼ಡ್ಯ. 
\v 33 ಇನಕೇಡೆಥು, ಯೋಸ್ ರಾತ್ನಿ ವಖ್ಹತ್‌ಮ ಬುಲೈಲಿಜೈ಼ನ್ ಇವ್ಣ ಘಾವ್ನ ಧೋಯೊ. ತದೇಸ್‌ ಯೋಬಿ ಇನ ಘರ್‌ವಾಳಾನ ಖ್ಹಮೇದ್ ಬ್ಯಾಪ್ತಿಸ್ಮ ಕರೈಲಿದೊ. 
\v 34 ಇನಪಾರ್ ಪೌಲ ಅಜು಼ ಸೀಲನ ಇನ ಘರೆ ಬುಲೈಲೀಜೈ಼ನ್ ಖಾಣು ಖಡಾಯೊ. ಯೋ ಇನ ಘರ್‌ವಾಳಾನ ಜೋ಼ಡ್ಮ ದೇವ್ನ ನಂಬಿನ್ ಶಂತೋಖ್ಹ್‌ ಪಡ್ಯೊ. 
\v 35 ಇನವ್ಹಾಣೆ ಅಧಿಕಾರಿನ ಮೋಟಾನೆ ರೋಮ್‍ನ ಖ್ಹಾರ್ಕೊಟ್‌ನ ಅಧಿಕಾರಿನ, “ಆ ಅದ್ಮಿಖ್ಹಾರಾನ ಮ್ಹೇಲಿದೆ” ಕರಿ ಥೋಡ ಶಿಪಾಯಿಥಿ ಬೋಲಿಮೋಕ್‌ಲ್ಯೊ. 
\v 36 ಖ್ಹಾರ್ಕೊಟ್‍ನೊ ಅಧಿಕಾರಿನೆ ಪೌಲನ, “ಹಮಾರೊ ಮೋಟಾ ಅಧಿಕಾರಿನೆ, ತುಮೂನ ಮ್ಹೆಲಿದ್ಯವಾದೆ ಕರಿ ಬೋಲಿ ಮೋಕ್‍ಲೈರಾಖ್ಯೊಸ್. ಇನಖ್ಹಾಜೆ ತುಮೆ ಸಮಾಧಾನ್‌ಥಿ ಚ಼ಲೆಜಾ಼ವೊ” ಕರಿ ಬೋಲ್ಯೊ. 
\v 37 ಪೌಲನೆ ಇನ, “ಹಮೆ ಕರ‍್ಯಾತೆ ಖರಾಬ್ ಕಾಮ್ ಶಾತ್‌ಕರಿ ಬೋಲ್ಯೊಕೊಂತೆ; ಹಮೂನ ಅಖ್ಖಾನ ಖ್ಹಾಮ್ಣೆ ಮಾರಿನ್ ಜೇಲ್‌ಮ ಘಲಾಯು; ಹಮೆ ರೋಮ್‍ನ ಪ್ರಜೇಸ್ ಹಮ್ಕೆ ಹಮೂನ ಲಪಾಡಿನ್ ಭಾರ್‌ ಮೋಕ್ಲಸ್‍ಕೀ ಶು? ಇಮ್‌ ನಾಹೋಣು; ಯೋಸ್ ಐನ್ ಹಮೂನ ಭಾರ್‌ ಬುಲೈಲಿ ಜಾ಼ವ್ಣು.” ಕರಿ ಬೋಲ್ಯೊ. 
\v 38 ಶಿಪಾಯಿಖ್ಹಾರನೆ, ಅಧಿಕಾರಿಖ್ಹಾರನ ಬೋಲಖ್ಹತರ್ ಪೌಲನೆ ಹಮೆ ರೋಮ್‍ನ ಪ್ರಜೆಕರಿ ಬೋಲ್ತಾನ ಇನ ಅಧಿಕಾರಿಖ್ಹಾರು ಡರಿಗಯು. 
\v 39 ಇನಖ್ಹಾಜೆ ಪೌಲ ಅಜು಼ ಸೀಲನ ಪೊಖ್ಹ್‌ಲೈ ವಾತೆ ಬೋಲ್ತುಹುಯಿನ್ ಇವ್ಣುನ ಭಾರ್‌ ಬುಲೈಲಿಗಯು. ತುಮೆ ಆ ಖ್ಹಯೇರ‍್ನ ಮ್ಹೇಲಿದಿನ್ ಚ಼ಲೆಜಾ಼ವೊ ಕರಿ ಬೋಲಿಲಿದು. 
\v 40 ಕತೋಬಿ ಪೌಲಬಿ ಸೀಲನೆ ಜೇಲ್‌ಥು ನಿಕ್ಳಿನ್ ಲಿಡಿಯಾನ ಘರೆಗಯ. ಹಿಜ್ಜಾ಼ ಇವ್ಣೆ ಥೋಡ ವಿಶ್ವಾಸಿನ ದೇಖಿನ್ ಇವ್ಣುನ ಭಾಲಿದೀನ್ ಹಿಜ್ಜಾ಼ಥ ಚ಼ಲೇಗಯ.
\c 17
\s ಥೆಸಲೋನಿಕಮ ಪೌಲಾನಿ ಸೇವೆ
\p
\v 1 ಪೌಲ ಅಜು಼ ಸೀಲನೆ ಅಂಫಿಫೊಲಿ ಅಜು಼ ಅಪೊಲೋನ್ಯನಿ ವಾಟೆಕರಿ ಚಾ಼ಲ್ತಹುಯಿನ್ ಥೆಸಲೋನಿಕ ಖ್ಹಯೇರ್‌ಮ ಆಯ. ಹಿಜ್ಜಾ಼ ಯೆಹೂದ್ಯರ್‌ನಿ ಏಕ್‍ ಸಬಾಮಂದಿರ್‌ ಥು. 
\v 2 ಪೌಲನೆ ಕದೆ ಕದೇಬಿ ಜಾ಼ತೊಥೋತೆ ಇಮ್ಮಸ್ ಯೆಹೂದ್ಯರ್‌ನ ಮಳಾನಖ್ಹಾಜೆ ಸಭೆಮ ಗಯೊ. ಇನೆ ತೀನ್ ವಾರ ಸಬ್ಬತ್‌ ದನ್ಮ ಯೆಹೂದ್ಯರ್‌ನ ಜೋ಼ಡೆ ದೇವ್ನಿ ವಚನ್ನಿ ಆಧಾರ್‌ಥಿ ಬೋಲಿವತಾಳ್ಯೊ. 
\v 3 ಜಗತ್ನ ಉದ್ಧಾರ್ ಕರಾವಾಳೊ, ಖ್ಹತಾಪ್ಣಿನ ಲೇವ್ಣೂಸ್‍ ಪಡ್ಯುಥು. ಅಜು಼ ಮರಿಜೈನ್ ಪಾಛು಼ ಉಟ್ನುಸ್ ಪಡ್ಯುಥು ಕರಿ ಮೇ ಬೋಲುಕರುಸ್ತೆ ಯೋ ಕ್ರಿಸ್ತ” ಕರಿ ಮಾಲುಮ್‌ ಕರಾಯೊ. 
\v 4 ಇವ್ಣಾಮ ಥೋಡಜ಼ಣು ದೇವ್ನು ಭಕ್ತರ್‌ ಹುಯಿರುತೆ ಗ್ರೀಕ್‌ನು ಮೋಟು ಝೂ಼ಂಡ್‌ ಅಜು಼ ಮುಖ್ಯ ತಯೇಡಾಮ ಕೈಯೆಕ್‍ಜ಼ಣಿ ಪೌಲ ಅಜು಼ ಸೀಲಾನಿ ಜೋ಼ಡೆ ಮಳಿಗಯು. 
\v 5 ಕತೋಬಿ ನಂಬ್ಯುಕೊಂತೆ ಯೆಹೂದ್ಯಖ್ಹಾರು ಬಳಾಪೊ ಕರ‍್ಯು. ಇವ್ಣೆ ಖ್ಹಯೇರ್‌ಮ ಥೂತೆ ಥೋಡ ಖರಾಬ್ ಅದ್ಮಿವೋನ ಪೈಶಾದೀನ್ ಬುಲೈಮಂಗೈನ್‌ ಗಮ್ಮ ಗಲಾಟ್ ಕರೈನ್, ಪೌಲಬಿನ್ ಸೀಲನ ಖ್ಹಯೇರ‍್ನ ಸಭೆನ ಖ್ಹಾಮ್ಣೆ ಲೀನ್‍ ಆವ್ಣುಕರಿ ಯಾಸೋನನ ಘರ್‌ನ ಘೇರ್ತುಹುಯಿನ್ ಆಯು. 
\v 6 ಕತೋಬಿ ಇವ್ಣೆ ಹಿಜ್ಜಾ಼ ದೆಖಾಯುಕೊಂತೆ ಇನಖ್ಹಾಜೆ ಇವ್ಣೆ ಯಾಸೋನನಾಬಿ ಥೋಡ ವಿಶ್ವಾಸಿಖ್ಹಾರಾನ ನಂಗರ‍್ನ ಅಧಿಕಾರಿನ ಖ್ಹಾಮ್ಣೆ ಖೇಚಿಲೈನ್‌; ಆ ಅದ್ಮಿಖ್ಹಾರು ಜಗತ್ನಿಅಖ್ಖಿಸ್ ಬಾಜು಼ ಗಲಾಟ್ ಉಠಾಡಿನ್ ಹಮ್ಕೆ ಹಜ್ಜಾ಼ಬಿ ಐರ‍್ಹಾಸ್. 
\v 7 ಯಾಸೋನನೆ, ಇನ ಘರ್‌ಮಾಸ್ ಇವ್ಣುನ ರಾಖಿರಾಖ್ಯೋಸ್. ಅಜು಼ ಇವ್ಣೆಖ್ಹಾರು ಯೇಸುಕರಿ ಬಿಜೇಕ್‍ಜ಼ಣೊ ರಾಜ಼ ಛಾ಼ಕರಿ ಬೋಲಿನ್, ಕೈಸರ್‌ನಿ ಹುಕುಮ್‌ನ ವಿರೋಧ್‍ಥಿ ಚಾ಼ಲುಕರಸ್ ಕರಿ ಚಿಕ್‌ರ‍್ಯು. 
\v 8 ಆ ವಾತೆ ಖ್ಹಮ್‍ಜ್ಯುತೆ ಖ್ಹಯೇರ್‌ವಾಳು ಅಜು಼ ಖ್ಹಯೇರ‍್ನ ಅಧಿಕಾರಿನ ಘಣು ಕಲಾವ್ಣಿ ಹುಯಿನ್ 
\v 9 ಯಾಸೋನಥೀಬಿ ಬಿಜ಼ ಥೋಡ ವಿಶ್ವಾಸಿಥೀಬಿ ಜಾ಼ಮೀನ್‍ಲೀನ್ ಇನ ಪಾಛ಼ಳ್ ಇವ್ಣುನ ಮ್ಹೇಲಿದಿದು.
\s ಬೆರೋಯ ಖ್ಹಯೇರ್‌ಮ ಪೌಲಬಿ ಸೀಲ
\p
\v 10 ಯೋಸ್ ರಾತ್ಮ ವಿಶ್ವಾಸಿಖ್ಹಾರು ಪೌಲ ಸೀಲನ ಬೆರೋಯ ಕರಿ ಬೋಲಾನು ಬಿಜೇಕ್ ಖ್ಹಯೇರ‍್ನ ಮೋಕ್‍ಲ್ಯು. ಬೆರೋಯಮ ಪೌಲ ಸೀಲನ ಯೆಹೂದ್ಯರ್‌ನ ಸಭೆಮ ಗಯ. 
\v 11 ಆ ಯೆಹೂದ್ಯವಾಳು ಥೆಸಲೋನಿಕನ ಯೆಹೂದ್ಯರ್‌ಥಿಬಿ ಪೌಲ ಸೀಲನೆ ಬೋಲ್ಯಾತೆ ಅಛ್ಛಿ ಸಂದೇಶ್ನ ಖುಲ್ಲ ದಿಲ್‌ಥಿ ಘಣು ಶಂತೋಖ್ಹ್‌ ಥಿ ಖ್ಹಮ್‌ಜ್ಯು. ಅಜು಼ ಯೋ ವಾತೆ ಖ್ಹಾಚು಼ಸ್‍ಕರಿ ಬೋಲಾನು ಮಾಲುಮ್ ಕರಿಲ್ಯವಾನಖ್ಹಾಜೆ ಪವಿತ್ರ ಪುಸ್ತಕನ ಹರೇಕ್ನೆ ಬರೋಬರ್ ಫಢ್ಯುತೆ ಇನಖ್ಹಾಜೆ ಥೆಸಲೋನಿಕ ವಾಳೇಥಿಬಿ ಅಛ್ಛಿಗುಣ್‌ವಾಳು ಹುಯಿರ‍್ಹುಥು 
\v 12 ಅಮ್‍ರ‍್ಹಾವಮ ಕೈಯೆಕ್ಕಿ ಜ಼ಣು ನಂಬ್ಯು. ಅಜು಼ ಗ್ರೀಕ್‍ನಿತಯೇಡ ಪರ್ಖ್ಹಾ ವಿಶ್ವಾಸ್ ಕರ‍್ಯು. 
\v 13 ಕತೋಬಿ ಪೌಲ ಬೆರೋಯಮ ದೇವ್ನು ವಚನ್ನ ಬೋಲುಕರಸ್ ಕರಿ ಬೋಲಾನು ಖ್ಹಮ್‌ಜಿನ್‌ ಥೆಸಲೋನಿಕನು ಯೆಹೂದ್ಯಮಾಬಿ ಬೆರೋಯಮಾಬಿ ಐನ್ ಹಿಜ಼್ಜಾನ ಅದ್ಮಿಖ್ಹಾರಾನ ಕಲಾವ್ಣಿಕರಿನ್ ಗಲಾಟ್ ಉಠಾಡ್ಯು. 
\v 14 ಇನಖ್ಹಾಜೆ ವಿಶ್ವಾಸಿಖ್ಹಾರು ತದ್‌ನು ತದೇಸ್‌ ಪೌಲನ ದರ‍್ಯಾವ್ನ ಕನಾರಲಗು ಮೋಕ್ಲಿದಿದು. ಕತೋಬಿ ಸೀಲ ಅಜು಼ ತಿಮೊಥೆ ಇವ್ಣೆ ಬೆರೋಯಮಾಸ್ ರ‍್ಹೀಗ. 
\v 15 ಪೌಲನ ಮ್ಹೇಲಿದ್ಯವಾನ ಗಯುಥೂತೆ ಖ್ಹಾರು ಇನ ಜೋ಼ಡ್ಮ ಅಥೇನ್ಸಲಗು ಗಯು. ಸೀಲನಾಬಿ ತಿಮೊಥೆಯನಾಬಿ ಮಳಿಹುಯಿಗುತೊ ತದೇಸ್‌ ಒಗ್ಗಿಸ್ ಇನಕನ ಆವ್ಣುಕರಿ ಪೌಲನಿ ಹುಕುಮ್‍ಥಿ ಪಾಛ಼ ಆಯ.
\s ಅಥೇನ್ಸ್‌ಮ
\p
\v 16 ಪೌಲ ಇವ್ಣಖ್ಹಾಜೆ ಅಥೇನ್ಸ್‌ಮ ಟಿವೈರ‍್ಹವಾನಿ ವೇಳ್ ಯೋ ಖ್ಹಯೇರ್‌ಮ ಕಿಜ್ಜಕಿಜ್ಜಾಬಿ ಮೂರತ್ತಸ್‍ ಅಖ್ಖು ರ‍್ಹವಾನು ದೇಖಿನ್ ಇನೊ ಮನ್ ಉಕ್ಳಿರ‍್ಹೀಗು. 
\v 17 ಇನಖ್ಹಾಜೆ ಇನೆ ಸಭೆಮ ಜೈ಼ನ್ ಯೆಹೂದ್ಯರ್ ಅಜು಼ ದೇವ್ನಿ ಭಕ್ತಿರ‍್ಹಾವಳು ಗ್ರೀಕ್‍ವಾಳಾನಿ ಜೋ಼ಡೆ ಅಜು಼ ಖ್ಹಯೇರ್‌ಮ ಬೇಪಾರ್‌ಕರಾನಿ ಝ಼ಗೋಮ ದೇಖವಾಳಾನಿ ಜೋ಼ಡ್ಮ ಹರೇಕ್ ದನ್ ಚರ್ಚೆ ಕರಾಲಗ್ಯು. 
\v 18 ಎಫಿಕೂರಿಯವಾಳು ಅಜು಼ ಸ್ತೋಯಿಕ ಕರಿ ನವಿ ಸೋಚ್ನಿ ಬಾರೇಮ ಬೋಲಾವಳು ಥೋಡುಜ಼ಣು, “ಆ ಅದ್ಮಿನ ಯೋ ಶನಿಬಾರೇಮ ವಾತೆ ಬೋಲುಕರಸ್ತೆ ಕರಿ ಬೋಲಾನು ಖ್ಹಾಚಮಾಬಿ ಮಾಲುಮ್ ಕೊಯ್ನಿ. ಯೋ ಶಾತ್ ಬೋಲ್ನುಕರಿ ಛಾ಼? ಕರಿ ಬೋಲ್ಯು. ಯೇಸು ಮರ‍್ಯಮಾಥು ಪಾಛು಼ಜಿವ್ತೊಹುಯಿನ್ ಉಠೀನ್ ಐರ‍್ಹೋಸ್ ಕರಿ ಬೋಲಾನಿ ಸುವಾರ್ತೆನ ಪೌಲ ಬೋಲುಕರ್ತೊಥೊ. ಅಜು಼ ಥೋಡುಜ಼ಣು ‘ಆ ಹುಯಿರುತೆ ಬಹಾರ್‌ಲ್ಯ ದೇವ್ನಿ ಬಾರೇಮ ಬೋಲಾನಿತರ ದೇಖಾವಸ್; ಕರಿ ಬೋಲ್ಯು. 
\v 19 ಇವ್ಣೆ ಪೌಲನ ಅರಿಯೊಪಾಗನಿ ನ್ಯಾವ್‍ನಿ ಸಭೆಮ ಬುಲೈಲಿಗಯು. ಅವ್ಣೆ ಇನ “ತೂ ಶಾತ್ ಬೋಲಿ ವತಾಳ್ಣು ಕರಿ ಛಾ಼ಕಿ ಯೊ ನವಿ ಬೋಧನ್ನಿ ನಿಯಮ್ನ ಹಮುನಾಬಿ ವತಾಳ್. 
\v 20 ತೂ ಬೋಲುಕರಾತೆ ಅಖ್ಖಿವಾತೆ ಹಮೂನ ನೌಖು ಹುಯಿರ‍್ಹುಸ್. 
\v 21 ಅಥೆನ್ಸ್‌ಮ ಅಖ್ಖೂಸ್ ಅದ್ಮಿ ಅಜು಼ ಹಿಜ್ಜಾ಼ ಜಿವ್‍ಕರ್ತುಥೂತೆ ಬಿಜ಼ ದೇಖ್ಹ್‌ವಾಳು ನವ ಸೋಚ್ನಿ ಬಾರೇಮ ಬೋಲನಾಬಿ ಅಜು಼ ಖ್ಹಮ್‍ಜಾ಼ನಾಬಿ ಘಣು ಇಷ್ಟಕರ‍್ಯು. 
\v 22 ತದೆ ಪೌಲನೆ ಅರಿಯೊಪಾಗನ ನ್ಯಾವ್‍ನಿ ಸಭೆನ ಖ್ಹಾಮ್ಣೆ ಉಠಿಭೀರಿನ್ ಅಮ್ ಬೋಲ್ಯೊ, “ಅಥೆನ್ಸ್‌ನ ಅದ್ಮಿವೊ ತುಮೆ ಅಖ್ಖೀಸ್ ಥರಮಾಬಿ ದೇವ್ನ ಜಾ಼ಖ್ಹತ್ ಭಕ್ತಿ ಕರಾವಾಳ ಕರಿ ಮನ ದೇಖಾವಸ್. 
\v 23 ಮೆ ತುಮಾರ ಖ್ಹಯೇರ್‌ಮ ಚಾ಼ಲಿನ್ ವೇಳ್ಮ ತುಮೆ ಪೂಜ಼ಕರಾತೆ ದೇವ್ತಿನು ಮೂರತ್ನ ದೇಖಾನಿವಖ್ಹ್‌ತೆ ಏಕ್‌ ಚಾ಼ಚ಼ರ್‌ಪರ್ ‘ಮಾಲುಮ್‌ಕೊಂತೆ ದೇವ್ನ ಕರಿ ಲೀಖೈರ‍್ಹೂಥು. ಇನಖ್ಹಾಜೆ ತುಮೆ ಖೆವಾನ ಮಾಲುಮ್‌ಕೊಂತೆ ಪೂಜ಼ಕರಸ್ಕಿ ಇನಾಸ್ ತುಮೂನ ಮಾಲುಮ್‌ ಕರಾವುಸ್ ಖ್ಹಮ್‍ಜೊ಼” ಕರಿ ಬೋಲ್ಯೊ. 
\v 24 ಜಗತ್ನಾಬಿ ಇನಾಮಛಾ಼ತೆ ಅಖ್ಖಾನಾಬಿ, ಬಣಾಯೋತೆ ದೇವ್ ಆಬ್ ಧರ್ತಿನ ಯಜಮಾನ್ ಹುಯಿರ‍್ಹೋತೆ ಇನಖ್ಹಾಜೆ ಯೋ ಹಾತೇಖ್ಹು ಭಾಂದಿಹುಯು ದೇವಳ್ಮ ಜಿವ್ಣುಕರಾವಾಳೊ ಕಾಹೆ; 
\v 25 ಯೋಸ್ ಹರೇಕ್ನ ಜಾನ್ನೊರಾವೊ಼ ಅಜು಼ ಜಿವಾನಖ್ಹಾಜೆ ಹೋಣುತೆ ಖ್ಹಾರುಸ್‌ದ್ಯವಾಳೊ ಯೋಸ್; ಇಮ್ಮಸ್ ಅದಮ್‍ಜ಼ಮಾನೊ ಇನಖ್ಹಾಜೆ ಮ್ಹಿನತ್‌ಕರಾನು ಕಾಮ್ ಇನ ಶಾತ್ಬಿಕೊಯ್ನಿ. 
\v 26 ದೇವ್ನೆ ಏಕ್‌ ಅದ್ಮಿನ ಬಣಾವ್‍ತೊ ಹುಯಿನ್ ಅದಮ್‍ಜ಼ಮಾನಾನು ಝೂ಼ಂಡ್‌ ಶುರುಕರ‍್ಯೊ. ಇನೇಥಿ ಬಿಜು಼ ಅಖ್ಖೂಸ್ ಅದ್ಮಿನ ಜಗತ್‌ನು ಕಿಜ಼್ಜಕಿಜ್ಜಾ಼ಬಿ ಇವ್ಣೆ ಜಿವ್ಣು ಕರಾನಿತರ ಕರ‍್ಯೊ. ಇವ್ಣೆ ಕದೆ ಅಜು಼ ಕಿಜ಼್ಜಕಿಜ್ಜಾ಼ ರ‍್ಹೇವ್ಣುಕರಿ ಬೋಲಾನು ನಿರ್ಧಾರ್ ಕರ‍್ಯೊ. 
\v 27 ಏಕ್‌ ವೇಳ್ ಇವ್ಣೆ ಧೀರ್‌ಥಿ ತೋಬಿ ಮಾಲುಮ್ ಕರಿಲಿಶೆಕರಿ ಇನ ಢುಂಡಾನಿತರ ಕರ‍್ಯೊ. ಕತೋಬಿ ದೇವ್ ಅಪ್ಣಾಮ ಕಿನಾಬಿ ಜಾ಼ಖ್ಹತ್ ದೂರ್ ಕೊಯ್ನಿ. 
\v 28 ಶನಕತೊ ಇನಾಸ್ಮ ಅಪ್ಣೆ ಜಿವ್‌ಕರಿಯೇಸ್. ಚಾ಼ಲುಕರಿಯೇಸ್ ಅಜು಼ ರ‍್ಹಿಯೇಸ್. ತುಮಾರ ಗೀದ್‌ ಲಿಖವಾಳಮ ಥೋಡುಜ಼ಣು, “ಹಮೆ ಇನ ಸಂತಾನ್‍ವಾಳಸ್” ಕರಿ ಬೋಲಿರಾಖ್ಯುಸ್. 
\v 29 ಅಪ್ಣೆ ದೇವ್ನ ಲಡ್ಕ ಹುಯಿರ‍್ಯವಾಪರ್‌, ಅದ್ಮಿಖ್ಹಾರು ಸೋಚಾನಿ ಪರಕ್ಮ ಬಣಾವಟ್ನಿ ಮೂರತ್ನ ಪರಕ್‍ ರ‍್ಹವೊ ದೇವ್‌ ಛಾ಼ಕರಿ ತುಮೆ ಖ್ಹಯಾಲ್ ನಾಕರ‍್ನು. ಯೊ ರೂಪು ಖ್ಹೊನ್ನು ಅಜು಼ ಬಂಡಾನಿ ಶಕಲ್ಮ ಕೊಯ್ನಿ. 
\v 30 ಗಯೂತೆ ಹಗಾಮ್ಮ ಅದ್ಮಿಖ್ಹಾರು ದೇವ್ನ ಮಾಲುಮ್ ಕರ‍್ಯುಕೊಯ್ನಿ. ಕತೋಬಿ ದೇವ್ನೆ ಯೊ ಶಾತ್ಬಿ ಕರ‍್ಯೊಕೊಯ್ನಿ. ಹಮ್ಕೆತೋಬಿ ಜಗತ್ನಿ ಅಖ್ಖಿಬಾಜು಼ಮ ರ‍್ಹವಾಳು ಅದ್ಮಿಖ್ಹಾರು ಖರಾಬ್ ಮಾರಗ್‌ನ ಮ್ಹೇಲಿನ್ ಇನಾಭಣಿ ಫರ್‌ನುಕರಿ ಹುಕುಮ್ ದೆವುಕರಸ್. 
\v 31 ಜಗತ್ನ ಅದ್ಮಿಖ್ಹಾರಾನು ನ್ಯಾಯನ ಫೆಡಾವನಖ್ಹಾಜೆ ದೇವ್ನೆ ಏಕ್‍ದನ್ನ ಖ್ಹಣೇದ್ ಕರಿರಾಖ್ಯೋಸ್. ತದೆ ನ್ಯಾವ್‌ನ ಫೇಡಾವನಖ್ಹಾಜೆ ಇನೆ ಏಕ್‍ಜ಼ಣಾನ ಕೇತ್ರಾಕಿ ವರಖ್ಹ್‌ನ ಪಾರಸ್ ಚೂ಼ಣಿರಾಖ್ಯೊಸ್. ಅನ ಹರೇಕ್‌ಜ಼ಣಾನ ಮಾಲುಮ್ ಕರಾವನಖ್ಹಾಜೆ ಆ ಏಕ್‍ಜ಼ಣಾನ ಮರ‍್ಯಹುಯಮಾಥು ಜಿವ್ತು ಉಠಾಡಿರಾಖ್ಯೊಸ್. 
\v 32 ಯೇಸು ಮರ‍್ಯಹುಯಮಾಥು ಪಾಛು಼ಜಿವ್ತೊಹುಯಿನ್ ಉಠೀನ್ ಐರ‍್ಹೋಸ್‍ಕರಿ ಬೋಲಾನಿ ವಾತೆನ ಖ್ಹಮ್‍ಜ್ಯೊತೆ ಅದ್ಮಿಮ ಥೋಡುಜ಼ಣು ನಕ್ಲೆ ಕರ‍್ಯು. ಅಜು಼ ಥೋಡುಜ಼ಣು “ಆ ವಾತೆನಿ ಬಾರೇಮ ತೂ ಬಿಜೇಕ್‍ಹಲ್ಲ ಬೋಲೆಜಾ಼ಯ್ ತದೆ ಹಮೆ ಖ್ಹಮಜ಼್‌ಶು” ಕರಿ ಬೋಲ್ಯು. 
\v 33 ಇನಖ್ಹಾಜೆ ಪೌಲನೆ ಇವ್ಣಕಂಥು ನಿಕ್ಳಿ ಚ಼ಲೆಗಯೊ. 
\v 34 ಕತೋಬಿ ಯೋ ಅದ್ಮಿಖ್ಹಾರಾಮ ಥೋಡುಜ಼ಣು ಪೌಲನ ವಿಶ್ವಾಸ್ ಕರಿನ್ ಇನಕೇಡೆ ಎಕ್ಟು ಹುಯು. ನಂಬ್ಯುತೆ ಅದ್ಮಿಖ್ಹಾರಾಮ ಅರಿಯೊಪಾಗ ನ್ಯಾವ್‍ನಿ ಸಭೆವಾಳೊ ದಿಯೊನುಸ್ಯಬಿ, ದಾಮರಿ ಕರಿ ಏಕ್‍ಜ಼ಣಿ ಥಿ, ಇಮ್ಮಸ್ ಅಜೂ಼ಬಿ ಥೋಡುಜ಼ಣು ಥೂ.
\c 18
\s ಕೊರಿಂಥಮ ಪೌಲ
\p
\v 1 ಇನಕೇಡೆಥು ಪೌಲನೆ ಅಥೇನ್ಸನ ಮ್ಹೇಲಿನ್ ಕೊರಿಂಥ ಖ್ಹಯೇರ‍್ನ ಗಯೊ. 
\v 2 ಪೊಂತಾಮ ಪೈದಾಹುಯಿರೊಥೋತೆ ಆಕ್ವಿಲ ಕರಿ ಏಕ್‍ಜ಼ಣೊ ಯೆಹೂದ್ಯನ ಹಿಜ್ಜಾ಼ ದೇಖ್ಯೊ. ಚಕರ್‌ವರ್ತಿ ಕ್ಲೌದಿಯನೆ ರೋಮ್ ಖ್ಹಯೇರ‍್ನ ಮ್ಹೇಲಿಜಾ಼ವ್ಣುಕರಿ ಹುಕುಮ್‌ ದೀರಾಖ್ಯೋಥೋತೆ ಖ್ಹಾಜೆ ಅಕ್ವಿಲಬಿನ್ ಇನಿ ಬಾವಣ್‍ ಹುಯಿರ‍್ಹಿತೆ ಪ್ರಿಸ್ಕಿಲ್ಲ ಥೋಡದನ್ನ ಅಗ್ಗಳಸ್ ಇಟಲಿ ದೇಖ್ಹ್‌ ಥು ಹಿಜ್ಜಾ಼ ಐರ‍್ಹುಥು. ತದೆ ಪೌಲನೆ ಇವ್ಣುನ ದೇಖಾನ ಗಯೊ. 
\v 3 ತದೆ ಇವ್ಣೆ ಪೌಲನಿ ಘೋಣಿಸ್ ಡೇರಾನುಘರ್ ಬಣಾವಾಳು ಹುಯಿರ‍್ಹುಥೂತೆ ಇನಖ್ಹಾಜೆ ಇವ್ಣಕೇಡೆ ರ‍್ಹೀನ್, ಇವ್ಣ ಜೋ಼ಡೆ ಕಾಮ್‍ಕರ್ತೊ ಆಯೊ. 
\v 4 ಹರೇಕ್ ಸಬ್ಬತ್ ದನ್ಮ ಯೊ ಸಭೆನಿ ಝ಼ಗೊ ಯೆಹೂದ್ಯರ್‌ನಿ ಜೋ಼ಡೆಬಿ ಗ್ರೀಕ್‍ವಾಳಾನಿ ಜೋ಼ಡೆಬಿ ಚರ್ಚೆಕರೀನ್ ಇವ್ಣುನ ಮಳಾವ್ತೊಥೊ. 
\v 5 ಇಮ್ಮಸ್ ಮೆಕೆದೋನ್ಯಮ ಥಾತೆ ಸೀಲ ಅಜು಼ ತಿಮೊಥೆ ಇವ್ಣೆ ಪೌಲಕನ ಆಯ. ಇನಪಾರ್ ಅದ್ಮಿಖ್ಹಾರಾನ ಇವ್ಣಿವಾತೆನ ಬೋಲಿ ಖ್ಹಮ್‌ಜಾ಼ಡಮ ಪೌಲನೆ ಇನಿ ವಖ್ಹತ್‍ಖ್ಹಾರು ಕಾಡಿನಾಖ್ಯೊ. ಯೇಸುಸ್ ಮೆಸ್ಸಿಯಕರಿ ಬೋಲಾನು ಇನೆ ಯೆಹೂದ್ಯರ್‌ನ ದೇಖಾಡಿದಿದೊ. 
\v 6 ಕತೋಬಿ ಯೆಹೂದ್ಯರ್ ಪೌಲನಿ ಬೋಧನೆನ ಝಿಟ್ಕಾರಿನ್ ಅಜು಼ ಚಿಂಘಾವ್ಣಿ ಕರ‍್ಯು. ಇನಖ್ಹಾಜೆ ಪೌಲನೆ ಇನ ಲುಂಗ್ಡಾನ ಧೂಳ್ನ ಝ಼ಟ್‍ಕಿನ್ ಇವ್ಣುನ, ತುಮಾರಿ ನಾಶ್‌ನ ತುಮೇಸ್ ಜಿಮ್ಮೆದಾರಿ, ಮೇ ಶುದ್ದ ಹುಯಿರ‍್ಹೊಸ್. ಮೆ ಹಮ್ಕೇಥೊ ಅಲಕ್‌ ಅದ್ಮಿವೋಕನ ಜ಼ವುಸ್‌” ಕರಿ ಬೋಲ್ಯೊ. 
\v 7 ತದೆ ಪೌಲನೆ ಸಭೆನಿ ಝ಼ಗೊ ಮ್ಹೇಲಿನ್ ಇನಭೀಡೆಸ್ ಥೂತೆ ತೀತ ಯುಸ್ತ ಕರಿ ಏಕ್‌ ಜ಼ಣಾನ ಘರ್ ಗಯೊ. ಯೊ ಅದ್ಮಿ ಖ್ಹಾಚ ದೇವ್ನು ಆರಾದನೆ ಕರಾವಾಳೊ ಹುಯಿರ‍್ಹೋಥೊ. 
\v 8 ಯೊ ಸಬಾಮಂದಿರ್‌ನೊ ಯಜಮಾನ್ ಕ್ರಿಸ್ಪಕರಿ ಏಕ್‌ ಜ಼ಣೊ ಅಜು಼ ಇನ ಘರ್‌ಮ ರ‍್ಹವಾಳು ಖ್ಹಾರುಜ಼ಣು ಪ್ರಭುನ ವಿಶ್ವಾಸ್ ಕರ‍್ಯು. ಕೊರಿಂಥನು ಬಿಜೂ಼ಬಿ ಕೆತ್ರುಕ್ಕಿ ಅದ್ಮಿ ಪೌಲನ ಬೋಧನೆನ ಖ್ಹಮ್‌ಜಿನ್‌ ನಂಬ್ಯು ಅಜು಼ ಬ್ಯಾಪ್ತಿಸ್ಮ ಲಿದು. 
\v 9 ಏಕ್‍ದನ್ ರಾತ್ಮ ಪೌಲನ ದರ್ಶನ್ ಹುಯು. ಪ್ರಭುನೆ ಇನ, “ಡರ್‌ನಕೊ ಬೋಲ್ತೋಸ್‍ ರ‍್ಹೆ ಶೊಪ್‌ನಕೊ ರ‍್ಹೀಶ್, 
\v 10 ಮೇಸ್ ತಾರಿ ಜೋ಼ಡ್ಮ ಛೂ಼. ಕೋಣ್‌ಬಿ ತುನ ಖರಾಬ್ ಕರಾನ ಕೊಉಷೇನಿ. ಆ ಖ್ಹಯೇರ್‌ಮ ಮಾರಭಣಿಥು ಕೆತ್ರೂಕಿ ಜ಼ಣು ಛಾ಼” ಕರಿ ಬೋಲ್ಯೊ. 
\v 11 ಇಮ್ಮಸ್ ಡೋಡ್‌ವರಖ್ಹ್ ಲಗು ಹಿಜ್ಜಾ಼ರ‍್ಹೀನ್ ದೇವ್ನಿ ವಚನ್ನ ಅದ್ಮಿಖ್ಹಾರಾನ ಬೋಧನೆ ಕರ‍್ಯೊ. 
\v 12 ಗಲ್ಲಿಯೋಕರಿ ಏಕ್‍ಜ಼ಣೊ ಅಖಾಯ ಮುಲಕ್‌ನೊ ರಾಜ್ಯಪಾಲ್ ಹುಯಿರ‍್ಹವಾನ ಖ್ಹಾಜೆ ಯೆಹೂದ್ಯರ್ ಪೌಲನಿ ವಿರೋದ್ ಎಕ್ಟುಹುಯಿನ್ ಇನ ಧರಿನ್ ನ್ಯಾವ್ನಿಝ಼ಗೊ ಲೀನ್‌ಗಯು. 
\v 13 ಅಜು಼ “ದೇವ್ ಅದ್ಮಿಖ್ಹಾರಾನ ಅಪ್ಣ ಧರ್ಮಶಾಸ್ತ್ರಕನ ವಿರೋದ್‌ಥಿ ಆರಾದನೆ ಕರ್ನುಕರಿ ದಿಲ್‌ಬದ್ಲಾವನ ಕೋಶಿಶ್ ಕರುಕರಸ್” ಕರಿ ಬೋಲ್ಯು. 
\v 14 ಪೌಲ ಪಾಛೊ಼ ಫರಿನ್ ವಾತೆ ಬೋಲ್ತೊ ರ‍್ಹವಾನಿವಖ್ಹ್‌ತೆ ಗಲ್ಲಿಯೋನನೆ ಯೆಹೂದ್ಯರ್‌ನ, “ಏಕ್‌ ವೇಳ್ಮ ಆ ಮೋಟಿ ಅಪರಾದ್ ಹುಯಿರ‍್ಹುಹೊತ್ತೊ ಅನ ಮೇ ಜಿಮ್ಮೇದಾರ್ ಲೀನ್ ಖ್ಹಮ್‍ಜ್ಯೊಹೊತ್. 
\v 15 ಕತೋಬಿ ಆ ಹರೇಕ್ ಥರಾನು ವಿವಾದ್ ಬೋಧನೆನಾಬಿ, ನಾಮ್ನಾಬಿ, ತುಮಾರಿ ಧರ್ಮಶಾಸ್ತ್ರನಿ ಘೋಣಿಸ್ ಛಾ಼. ಇನ ತುಮಾರಿ ಪಸಂದ್‌ನಿತ್ರ ತುಮೇಸ್ ತೀರ್ಪ್ ಕರಿರಾಖ್ಯಸ್, ಅಥ್ರಾನಿ ವಾತೆನ ಮನ ನ್ಯಾವ್ ತೀರ್ಪ್ ಕರಾನ ಕೊಹುವ್ವಾನಿ.ಕರಿ ಬೋಲಿನ್ 
\v 16 ಇವ್ಣುನ ನ್ಯಾವ್‍ನಿ ಝ಼ಗೊಮಾಥು ಭಾರ್‌ ಮೋಕ್‌ಲ್ಯೊ. 
\v 17 ತದೆ ಅದ್ಮಿಖ್ಹಾರು ಸಬಾಮಂದಿರ್‌ನೊ ಅದ್ಯಕ್ಷ ಹುಯಿರ‍್ಹೊಥೋತೆ ಸೋಸ್ಥೆನಾನ ಧರಿಲೀನ್ ನ್ಯಾವ್ನಿಪಂಚ್‍಼ಕೋಟ್ಮಾಸ್ ಮಾರಲಗ್ಯು. ಗಲ್ಲಿಯೋನನೆ ಇನಾಮ ಏಕ್‌ಬಿ ಮಜೂ಼ರ್ ಕೊ ಕರ‍್ಯೋನಿ.
\s ಅಂತಿಯೋಕ್ಯನ ಪಾಛೊ಼ಫರ‍್ಯೋತೆ
\p
\v 18 ಪೌಲ ಕೈಏಕ್ ದನ್‌ಲಗು ವಿಶ್ವಾಸಿ ಭಯೇನಿ ಜೋ಼ಡ್ಮಾಸ್ ಥೊ. ಅನಕೇಡೆಥು ಪ್ರಿಸ್ಕಿಲ್ಲ ಅಜು಼ ಅಕ್ವಿಲನ ಜೋ಼ಡೆ ಜ಼ಹಾಜ಼್ ಚ಼ಢೀನ್ ಸಿರಿಯಾನ ನಿಕ್‌ಳ್ಯೊ. ಇನ ದೀಕ್ಷೆಥೂತೆ ಇನಖ್ಹಾಜೆ ಕೆಂಖ್ರೆಯ ಖ್ಹಯೇರ್‌ಮ ಮುಡ್‌ಕ್ಯಾನ ಕೇಖ್ಹ್‌ ಕಡಾಯೊ.ಶನಕತೊ ಯೋ ಶಪತ್ ಕರಿರಾಖ್ಯೊಥೊ. 
\v 19 ಎಫೆಸಮ ಆವಖ್ಹತರ್ ಇನಿ ಜೋ಼ಡ್ಮ ರ‍್ಹವಾಳಾನ ಹಿಜ್ಜಾ಼ಸ್ ಮ್ಹೆಂದಿನ್ ಪೌಲ ಸಬೆನಿ ಝ಼ಗೊಕನ ಜೈ಼ನ್, ಯೆಹೂದ್ಯರ್‌ಥಿ ವಾದಕರ‍್ಯೊ. 
\v 20 ಇವ್ಣೆಖ್ಹಾರು ಇನ ಅಜೂ಼ಬಿ ಥೋಡದನ್ ಇವ್ಣಿ ಜೋ಼ಡ್ಮ ರ‍್ಹೇವ್ಣುಕರಿ ಬೋಲಿಲಿದು. ಕತೋಬಿ ಇನೆ ಮಾನ್ಯೊಕೊಯ್ನಿ. 
\v 21 ಅನಬದಲ್ ಇನೆ ಇವ್ಣುನ “ದೇವ್ನಿ ಮರ್ಜಿ ರ‍್ಹಿಯಿತೊ ಮೆ ತುಮಾರಕನ ಪಾಛೊ಼ ಐಶ್‌”. ಕರಿ ಬೋಲ್ತೊಹುಯಿನ್ ಎಫೆಸಥು ಜ಼ಹಾಜ಼್‍ನಿ ಚಾ಼ಲ್ ಕರ‍್ಯೊ. 
\v 22 ಯೊ ಕೈಸರೈನ ಆವಾನಿ ವಖ್ಹ್‌ತೆ ಹಿಜ್ಜಾ಼ಥು ಯೆರೂಸಲೇಮ್ಮ ಜೈ಼ನ್ ಸಬೆನ ಮಳಿನ್ ಅಂತಿಯೋಕ್ಯನ ಗಯೊ. 
\v 23 ಪೌಲನೆ ಅಂತಿಯೋಕ್ಯಮ ಥೋಡದನ್ ರ‍್ಹೀನ್ ಫಾಚೊ಼ ಹಿಜ್ಜಾ಼ಥು ನಿಕ್ಳಿನ್ ಗಲಾತ್ಯಬಿ ಫ್ರಿಜಿಯ ತಬರ್‌ಖಾಮ ಫರ್ತೊಹುಯಿನ್ ಹಿಜ಼್ಜಾನ ವಿಶ್ವಾಸಿಖ್ಹಾರನ ಘಟ್‍ಥಿ ಭೀರಾಖ್ಯೊ.
\s ಎಫೆಸ ಅಜು಼ ಕೊರಿಂಥಾಮ ಅಪೊಲ್ಲೋಸ
\p
\v 24 ಎತ್ರಾಮ ಅಲೆಕ್ಸಾಂಡ್ರಿಯಮ ಪೈದಹುಯೊತೆ ಅಪೊಲ್ಲೋಸ ಕರಿ ಯೆಹೂದ್ಯ ಏಕ್‍ಜ಼ಣೊ ಎಫೆಸಮ ಆಯೊ. ಯೋ ವಾತ್ಮ ಪುರ್‌ಗುಲ್‍ಬಿ ಅಜು಼ ಧರ್ಮಶಾಸ್ತ್ರನ ಅಛ್ಛಿನಿತರ ಮಾಲುಮ್ ಕರಿರಾಖ್ಯೊಥೊ. 
\v 25 ಅಜು಼ ಯೊ ಘಣು ಮನ್‍ಲಗಾಡಿನ್ ಪ್ರಭು ಯೇಸುನಿ ಮಾರಗ್‌ನ ಬಾರೇಮ ಅಛ್ಛಿನಿತರ ಬೋಧನೆ ಕರ್ತೊಥೊ, ಅಜು಼ ಶಿಕಾಡುಕರ್ತೊಥೊ. ಕತೋಬಿ ಯೋಹಾನ ಕರಾಯೋತೆ ಬ್ಯಾಪ್ತಿಸ್ಮನಿ ಬಾರೇಮ ಖಲಿಮಾಲುಮ್ ಥು. 
\v 26 ಅಪೊಲ್ಲೋಸನೆ ಸಬಾಮಂದಿರ್‌ಮ ಭಾಲಿಥಿ ಬೋಧನೆ ಕರ‍್ಯೊತೆ ಖ್ಹಮ್‍ಜ್ಯಾತೆ ಪ್ರಿಸ್ಕಿಲ್ಲ ಅಜು಼ ಅಕ್ವಿಲನೆ ಇವ್ಣೆ ಇನ ಘರೆ ಬುಲೈಜೈನ್ ಅಜು಼ ದೇವ್ನ ಮಾರಗ್‌ನ ಇನ ಬಿಜೂ಼ಬಿ ಜಾ಼ಖ್ಹತ್ ಅಛ್ಛಿನಿತರ ಬೋಲಿವತಾಳ್ಯು. 
\v 27 ಇನಕೇಡೆಥು ಅಖಾಯನ ಜಾ಼ವ್ಣುಕರಿ ಇನ ಮನ್‍ಲಗಾಖ್ಹತರ್ ವಿಶ್ವಾಸಿ ಭಯೇಖ್ಹಾರು ಇನ ಮದತ್‍ಕರಿನ್ ಹಿಜ಼್ಜಾಥೂತೆ ವಿಶ್ವಾಸಿವ್‌ನ ಚಿಟ್ಟಿಲೀಖಿನ್ ಅಪೊಲ್ಲೋಸನ ಮಳೈಲೇವ್ಣು ಕರಿ ಬೋಲಿಲಿದು.ಯೊ ಹಿಜ್ಜಾ಼ ಜಾ಼ವಾನಿ ವಖ್ಹ್‌ತೆ ದೇವ್ನಿ ಕೃಪಾಥಿ ವಿಶ್ವಾಸ್ ಕರವಾಳನ ಏಕ್‌ ಮೋಟು ಮದತ್ ಹುಯೊ. 
\v 28 ಶನಕತೊ ಯೊ ಘಣಿ ಶಕ್ಕಥ್ಥಿ ಅಬ್ಬಾಜ಼ಬ್ಬಿ ಕರ್ತೊಹುಯಿನ್ ಆಖ್ಖಾನಖ್ಹಾಮ್ಣೆ ದೇಖಾವನಿತರ ಯೆಹೂದ್ಯರ್‌ನ ಧರ್ಮಶಾಸ್ತ್ರಥಿ ಯೇಸುಸ್ ಕ್ರಿಸ್ತಕರಿ ಸಬೂತ್‍ಕರೀನ್ ಇವ್ಣುನ ಹರಾಯೊ.
\c 19
\s ಎಫೆಸಮ ಪೌಲ
\p
\v 1 ಅಪೊಲ್ಲೋಸ ಕೊರಿಂಥಮ ಥೊ ತದೆ ಪೌಲನೆ ಪಹಾಡ್ ಪರ್ಬತ್ಮಕರಿ ಚಾ಼ಲ್ತೊಹುಯಿನ್‌ ಎಫೆಸಮ ಪೋಚ್ಯೊ. ಹಿಜ಼್ಜಥೋಡ ಶಿಷ್ಯರ‍್ನ ದೇಖಿನ್, 
\v 2 “ತುಮೆ ವಿಶ್ವಾಸ್‍ಕರ‍್ಯಾತೆ ತದೆ ಪವಿತ್ರಾತ್ಮನ ಲೀಲಿದಾಕಿ ಶು”? ಕರಿ ಇವ್ಣುನ ಬೋಲಖ್ಹತರ್ ಇವ್ಣೆ ಇನ, ಕೊಯ್ನಿ ಪವಿತ್ರಾತ್ಮ ಕರಿ ಬೋಲಾನಿ ಬಾರೇಮ ಖ್ಹಮ್‌ಜಾ಼ಸ್‌ಕೊಯ್ನಿ ಕರಿ ಬೋಲ್ಯು. 
\v 3 ಪೌಲನೆ ಇವ್ಣುನ “ತುಮೆ ಖಿವಿ ಥರಾನು ಬಾಪ್ತಿಸ್ಮ ಲೀರಾಖ್ಯಸ್? ಕರಿ ಬೋಲಖ್ಹತರ್, ಇವ್ಣೆ ಯೋಹಾನನು ಬ್ಯಾಪ್ತಿಸ್ಮ ಕರೈಲಿದ” ಕರಿ ಬೋಲ್ಯು. 
\v 4 ಇನ ಪೌಲನೆ; ಯೋಹಾನನೆ ಪಶ್ಚಾತ್ತಾಪ್‌ ಕರೀನ್ ದೇವ್‌ಭಣಿ ಫರಿಜೈನ್ ಬ್ಯಾಪ್ತಿಸ್ಮ ಕರೈಲೀನ್. ಇನ ಪಾಛ಼ಳ್ ಆವಾಳಾನ ವಿಶ್ವಾಸ್ ಕರ್ನುಸ್ ಕರ್ನುಕರಿ ಬೋಲ್ಯೊಥೊ, ಯೊ ಯೇಸುಮಾಸ್. 
\v 5 ಇನ ಇವ್ಣೆ ಖ್ಹಮ್‌ಜಿನ್‌ ಪ್ರಭುಹುಯಿರ‍್ಹೋತೆ ಯೇಸುನ ನಾಮ್‍ಥಿ ಬ್ಯಾಪ್ತಿಸ್ಮ ಕರೈಲಿದು. 
\v 6 ಪೌಲನೆ ಇವ್ಣಪರ್ ಹಾತ್‍ಮ್ಹೇಲಾಮ ಪವಿತ್ರಾತ್ಮ ಇವ್ಣಪರ್ ಉತ್ರಿನ್ ಆಯೊ. ಇವ್ಣೆ ಕೈಏಕ್ ಥರಾನಿ ಬೋಲಿನಬೋಲಲಗ್ಯು, ಪ್ರವಾದ್‌ನೆಬೋಲ್ಯು. 
\v 7 ಇವ್ಣೆ ಖ್ಹುಮಾರ್ ಭಾರಜ಼ಣ ಪರ್ಖ್ಹಾಥ. 
\v 8 ಯೊ ಖ್ಹಯೇರ್‌ಮ ಪೌಲನೆ ಸಬಾಮಂದಿರ್‌ನ ಮಹಿ ಜೈ಼ನ್ ತೀನ್ ಮಹಿನಲಗು ಹಿಜ್ಜಾ಼ಸ್ ದೇವ್ನಿ ರಾಜ್ಯನಿ ವಾತೆನಿ ಬಾರೇಮ ಫೇಡ್‌ ಬೋಲ್ತೊಹುಯಿನ್ ಅದ್ಮಿಖ್ಹಾರನ ದಿಲ್ನ ಜೀತಾನ ಕೋಶಿಶ್ ಕರ‍್ಯೊ. 
\v 9 ಥೋಡುಜ಼ಣು ಇವ್ಣ ಮನ್ನ ಕಠಣ್ ಕರ‍್ಲಿನ್ ಪ್ರಭುನ ಮಾರಗ್‌ನ ಖರಾಬ್ ಕರಿ ಬೋಲ್ಯು.ಇನಖ್ಹಾಜೆ ಪೌಲನೆ ಇವ್ಣುನ ಮ್ಹೇಲಿನ್ ವಿಶ್ವಾಸಿವ್‌ನ ಇನ ಜೋ಼ಡೆ ಬುಲೈಲಿನ್ ಗಯೊ ಅಜು಼ ಇವ್ಣುನ ತುರನ್ನಕರಿ ಬೋಲೈಲ್ಯವಾಳಾನಿ ತರ್ಕಕರಾನಿ ಪಾಠಶಾಲಾಮ ಬುಲೈಲೀಜೈ಼ನ್ ಹರೇಕ್ ದನ್ ಚರ್ಚೆಕರ್ತೋಥೊ. 
\v 10 ಅಮ್ಮಸ್ ಬೇ ವರಖ್ಹ್ ನಿಕ್ಳಿಗಯ. ಏಷ್ಯಾಮ ಜಿವ್ಣು ಕರುಕರ್ತುಥೂತೆ ಖ್ಹಾರು ಯೆಹೂದ್ಯರ್‌ಬಿ ಗ್ರೀಕ್‌ವಾಳುಬಿ, ಪ್ರಭುನಿ ಉಪದೇಶ್‍ನ ಖ್ಹಮ್‌ಜ್ಯು.
\s ಸ್ಕೇವಾನ ಪರ್ಖ್ಹಾಲಡ್ಕ
\p
\v 11 ದೇವ್ನೆ ಪೌಲನ ಹಾತೇಖ್ಹು ಬೋಲಾನುಕೊಂತೆ ಎತ್ರು ಅದ್ಭುತ್‌ಖ್ಹಾರು ಕರಾವ್‍ತೊಥೊ. 
\v 12 ಇನಖ್ಹಾಜೆ ಅದ್ಮಿಖ್ಹಾರು, ಇನ ಹಾತ್ಮನು ಚೌ಼ಕೊ ಅಜು಼ ಆಂಗ್‍ಪರ‍್ನು ಪಿಛೋ಼ಡಿಬಿ ಪಳ್ಳಿಜೈ಼ನ್‌ ರೋಗ್‌ವಾಳನ ಉಪ್ಪರ್ ನಾಖ್ಯುತೊ ಇವ್ಣು ರೋಗ್‍ಅಖ್ಖು ಪರಿಹಾರ್‌ಹುಯಿನ್ ಅಜು಼ ಭೂತ್‌ಖ್ಹಾರು ನಾಶಿ ಜ಼ವ್‍ಕರ್ತುಥು. 
\v 13 ಭೂತ್ ನಖ್ಹಾಡವಾಳ, ಕರಿ ಬೋಲಿಲಿನ್ ಫರುಕರ್ತುಥೂತೆ ಥೋಡು ಯೆಹೂದ್ಯರ್‌ಬಿ ಪ್ರಭು ಯೇಸುನ ನಾಮ್‍ಥಿ ಭೂತ್ ಛೋ಼ಡಾವನ ಕೋಶಿಶ್ ಕರ‍್ಯು. ಅಜು಼ ಅವ್ಣೆ ಭೂತ್‌ನ, “ಪೌಲ ಬೋಲುಕರಸ್ತೆ ಯೇಸುನ ನಾಮ್‍ಥಿ ಹುಕುಮ್ ದೆವುಕರೇಸ್ ಕರಿ ಬೋಲುಕರ್ತುಥು. 
\v 14 ಸ್ಕೇವಕರಿ ಏಕ್‌ ಯೆಹೂದ್ಯ ಗಲ್‌ಢಯಾಜಕ್‌ನ ಲಡ್ಕಾ ಹುಯಿರ‍್ಹಾತೆ ಖ್ಹಾತ್‌ಜ಼ಣ ಭೈಯೇಬಿ ಅಮ್ಮಸ್ ಕರುಕರ್ತಥ. 
\v 15 ಕತೋಬಿ ಏಕ್‌ಹಲ್ಲ ಭೂತ್‍ನೆ ಇವ್ಣುನ, ಮನ ಯೇಸುಬಿ ಮಾಲುಮ್ ಪೌಲಬಿ ಮಾಲುಮ್ ಕತೋಬಿ ತುಮೆ ಕೋಣ್‌ಕರಿ ಫರೈನ್ ಬೋಲ್ಯು. 
\v 16 ತದೆ ಭೂತ್ ಧರಿರಾಖ್ಯೊಥೋತೆ ಯೊ ಅದ್ಮಿನೆ ಯೆಹೂದ್ಯರ್‌ನ ಘಣು ಚ಼ಂಢಾಳ್‌ಥಿ ಇವ್ಣುನ ಖ್ಹಪ್‌ಡೈಲಿದು. ಯೊ ಯೆಹೂದ್ಯರ್‌ಥಿಬಿ ಘಣೊ ಶಕತ್‌ವಾಳೊ ಹುಯಿರುಥೂತೆ ಇನಖ್ಹಾಜೆ ಇವ್ಣುನ ಮಾರ್ ಪೀಟ್‍ಕರ‍್ಯು. ಇವ್ಣೆ ಘಾವ್ ಹುಯಿನ್ ಉಘಾಡು ಹುಯಿನ್ ಘರ್‌ಮಾಥು ನಾಶಿಚ಼ಲಿಗು. 
\v 17 ಎಫೆಸಮ ಥೂತೆ ಯೆಹೂದ್ಯರ್ ಅಜು಼ ಯೆಹೂದ್ಯರ್‌ಕಾಹೆತೆ ಘಣುಜ಼ಣು ಖ್ಹಮ್‍ಜ್ಯುತೆ ಇವ್ಣೆ ಡರಿನ್ ಗೌರವ್ ದಿದು ಅಜು಼ ಪ್ರಭು ಯೇಸುನ ನಾಮ್ನ ಘಣು ಖ್ಹರಾಯು. 
\v 18 ಇನ ವಿಶ್ವಾಸ್ ಕರ‍್ಯುತೆ ಕೈಯೇಕ್‌ಜ಼ಣು ಇವ್ಣೆ ಕರ‍್ಯಾಥಾತೆ ಪಾಪ್ನಕಾಮ್ನ ಬಾರೇಮ ಅದ್ಮಿವ್‌ನ ಖ್ಹಾಮ್ಣೆ ಬೋಲಿಲಿದು. 
\v 19 ಯೋಬಿಕೊಂತೆ ಜಾ಼ದು ಮಂತರ್ ಕರವಾಳಾಮ ಕೈಯೇಕ್‌ಜ಼ಣು ಇವ್ಣ ಫಾಲ್ ಪುಸ್ತಕ್ನ ಜ಼ಮ ಕರಿಲೈನ್ ಅಖ್ಖಾನ ಖ್ಹಾಮ್ಣೆ ಬಾಳಿನಾಖ್ಯು. ಯೋ ಅಖ್ಖಾನು ಮೋಲ್ ಗಣ್ತಿ ಕರ‍್ಯುತೊ ಖ್ಹುಮಾರ್ ಅಡೈವಿಖ್ಹ್‌ ರೂಪಾನ ಪೈಶಾಯೆತ್ರು ಹುಯು. 
\v 20 ಆ ಪರಕ್ಮ ಪ್ರಭುನಿ ವಚನ್ ಭಡ್ತುಜೈ಼ನ್ ಘಣೇಥಿ ಘಣ ಜ಼ಣಾಮ ಫೈಲಾಯು.ಯೊ ಘಣಿ ಶಕತ್ನು ಹುಯು.
\s ಎಫೆಸಮ ಜಂಗ್
\p
\v 21 ಆ ಹುಯುತೆ ಇನಕೇಡೆಥು ಪೌಲ ಮೆಕೆದೋನ್ಯ ಅಜು಼ ಅಖಾಯ ದೇಖ್ಹ್‌ನಿ ವಾಟೆ ಯೆರೂಸಲೇಮ್ನ ಜಾ಼ವಾನಿ ಮನ್‌ಕರ‍್ಯೊ. ಹಿಜ್ಜಾ಼ ಮೇ ಜಾ಼ವಾನಿ ವಖ್ಹತ್‌ಮ ರೋಮ್ ನಂಗರ್‌ನಾಬಿ ಮಳ್‌ಣು” ಕರಿ ಬೋಲ್ಯೊ. 
\v 22 ಕತೋಬಿ ಇನೆ ತಿಮೊಥೆ ಅಜು಼ ಎರಸ್ತ ಕರಿ ಬೇಜ಼ಣು ಪೌಲನ ಮದತ್ ಕರಾವಾಳನ ಪೌಲನೆ ಇವ್ಣುನ ಪಹಿಲೇಸ್ ಮೆಕೆದೋನಿಯನ ಮೋಕ್ಲಿದಿದೊ.ಅಜು಼ ಯೊ ಬಿಜೂ಼ಬಿ ಥೋಡದನ್ ಏಷ್ಯಾಮಾಸ್ ರ‍್ಹೀಗಯೊ. 
\v 23 ಯೊ ಹಗಾಮ್ಮ ಎಫೆಸಮ ಕ್ರಿಸ್ತನಿ ಮಾರಗ್‌ನ ಮಾಲುಮ್ ಕರಾನಿ ಬಾರೇಮ ಜಾ಼ಖ್ಹತ್ ಗಲಾಟ್ ಹುಯು. 
\v 24 ಯೋ ಕಿಮ್‌ಕತೊ ದೇಮೇತ್ರಿ ಕರಿ ಏಕ್‍ಜ಼ಣೊ ಖ್ಹೊನಾರ್‌ನೆ; ರೂಪಾಥಿ ಅರ್ತೆಮೀ ದೇವ್ತಿನಿ ಘುಢೀನಿ ಶಕಲ್ನಿ ನ್ಹಾನಿ ನ್ಹಾನಿಘುಡಿ ಕರೀನ್ ಯೋ ಕಾಮ್ ಕರಾವಾಳ ಅಖ್ಖಾನ ಘಣು ನಫ್ಫೊಕರಿ ದೆವ್‍ಕರ್ತೊಥೊ. 
\v 25 ಇನೆ ಯೋ ಕಾಮ್‌ಕರಾವಾಳ ಅಖ್ಖಾಸ್ನ ಎಕ್ಟು ಕರಿನ್ ಇವ್ಣುನ, “ಅದ್ಮಿವೊ, ಆ ಕಾಮ್‍ಥಿ ಅಪ್ಣುನ ಕೆತ್ರುಕ್ಕಿ ನಫ್ಫೊ ಮಳುಕರಸ್, ಯೊ ತುಮೂನ ಮಾಲುಮ್‌. 
\v 26 ಕತೋಬಿ ಹಾತೇಖ್ಹು ಕರಾನು ಮೂರತ್ ದೇವ್ ಕಾಹೆಕರಿ, ಪೌಲನೆ ಎಫೆಸಮ ಕಾಹೆತೆ ಕಮ್‍ಶಿಕಮ್ ಏಷ್ಯಾ ತಬರ್‌ಖಾನು ಘಣ ಅದ್ಮಿನ ಮನ್ನ ಖೇಚಿನ್ ಫರೈನಾಖ್ಯೊ. ಕರಿ ಬೋಲಾನು ತುಮೆ ದೇಖುಕರಸ್ ಖ್ಹಮ್‍ಜೂ಼ಬಿ ಕರಸ್. 
\v 27 ಅನೇಥಿ ಅಪ್ಣ ಧಂದಾನ ಅಟ್ಕಣ್ ಉಷೆ ಅಜು಼ ಯೋ ಕೊಂತೆ ಅರ್ತೆಮೀ ಮಹಾದೇವಿನ ಮಂದಿರ್‌ ಮಜೂ಼ರ್ ಕೊಂತೆ ಹುಯಿಜಾಶೆ. ಇಮ್ಮಸ್ ಖ್ಹಾರು ಏಷ್ಯಾಮುಲಕ್‍ಬಿ, ಜಗತ್‍ಖ್ಹಾರು ಪೂಜ಼ಕರಾನ ಆ ದೇವಿನು ವೈಭೋಗ್ ಅಖ್ಖು ಮಟಿಜಾ಼ವನಿತರ ಛಾ಼, ಕರಿ ಬೋಲ್ಯೊ. 
\v 28 ಇವ್ಣೆಖ್ಹಾರು ಆ ವಾತೆ ಖ್ಹಮ್‌ಜಿನ್‌ ಅದ್ಮಿವ್‌ನಿ ಝೂ಼ಂಡ್‌ ಖಿಜಾ಼ವ್ತುಹುಯಿನ್ ಎಫೆಸನು ಅರ್ತೆಮೀನಿ ದೇವಿಸ್ ಊಚಿ ಕರಿ ಚಿಕ್ರಾಣ್ ಮ್ಹೇಲ್ಯು. 
\v 29 ತದೆ ಖ್ಹಯೇರ್‌ಮ ಕಿಜ಼್ಜ ಕಿಜ್ಜಾ಼ಬಿ ಫೈಲಾಯು.ಅಜು಼ ಪೌಲನಿ ಜೋ಼ಡ್ಮ ಚಾ಼ಲ್ಯಫಂಡ್‍ಥಾತೆ ಮೆಕೆದೋನಿಯನು ಗಾಯೋಸಬಿ ಅರಸ್ತಾರ್ಕಬಿ ಇವ್ಣುನ ಅದ್ಮಿಖ್ಹಾರು ಧರೀನ್ ಅಖ್ಖುಜ಼ಣು ಮಳಾನಿಝ಼ಗೋಮ ಧಕೇಲಿನ್ ಪೇಶಿಗಯು. 
\v 30 ಅನ ಮಾಲುಮ್ ಕರ‍್ಯೊತೆ ಪೌಲನೆ ಮಹಿ ಪೇಶಿನ್ ಅದ್ಮಿಖ್ಹಾರಥಿ ವಾತೆ ಬೋಲ್ನುಕರಿ ಕರ‍್ಯೊ. ಕತೋಬಿ ವಿಶ್ವಾಸಿಖ್ಹಾರು ಇನ ಜಾ಼ವಾನ ಕೋ ಮ್ಹೆಲ್ಯುನಿ. 
\v 31 ಅತ್ರೇಸ್ ಕಾಹೆತೆ ಏಷ್ಯಾ ಮುಲಕ್ನ ಅಧಿಕಾರಿಮ ಥೋಡುಜ಼ಣು ಪೌಲನ ದೋಸ್ತಿ ಹುಯಿರ‍್ಹುಥೂತೆ ಇನಖ್ಹಾಜೆ ಇನಾಕನ ಅದ್ಮಿನ ಮೋಕ್ಲಿನ್; ತೂ ಯೋ ನಾಟಕ್‌ನಮಾಳ್‌ಮ ನಕೊ ಜಾ಼ಕರಿ ಗಿಂಗೈಲಿದು. 
\v 32 ಅದ್ಮಿವೋನ ಟೋಳ್ಮ ಗುಂಝ಼್‌ಲಾವ್ಣಿ ಹುಯು. ಥೋಡುಜ಼ಣು ಏಕ್‍ ಥರಾನಿ ಚಿಕ್ರಾಣ್ ಮ್ಹೇಲ್ಯುತೊ ಅಜು಼ ಥೋಡುಜ಼ಣು ಬಿಜೇಕ್‌ತರ ಚಿಕ್ರುಕರ್ತುಥು. ಹಿಜ಼್ಜಾಥೂತೆ ಘಣಾಜ಼ಣನ ಇವ್ಣೆ ಮಳಿನ್ ಐರ‍್ಹೂತೆ ಶನಖ್ಹಾಜೆ ಕರಿ ಬೋಲಾನು ಮಾಲುಮ್‌ ಕೊ ಥೂನಿ. 
\v 33 ಯೆಹೂದ್ಯರ್ ಅಲೆಕ್ಸಾಂಡರ‍್ನ ಖ್ಹಾಮ್ಣೆ ಧಕೇಲಿನ್ ಝೂ಼ಂಡ್‌ಮ ಥೋಡುಜ಼ಣು ಇನ ಇಷಾರ್ಕೊ ಕರ‍್ಯು. ತದೆ ಅಲೆಕ್ಸಾಂಡರ‍್ನೆ ಇನಭಣಿಥು ಹಾತ್‌ನೊ ಝಾ಼ಲೊದೀನ್ ಭರೈರ‍್ಹುತೆ ಅದ್ಮಿಖ್ಹಾರಾನ ಶಾಂತಿಥಿ ರ‍್ಹವಾನ ಬೋಲ್ತೊ ಹುಯಿನ್ ಜ಼ವಾಬ್ ದೇವ್ಣುಕರಿ ಥೊ. 
\v 34 ಕತೋಬಿ ಯೋ ಯೆಹೂದ್ಯರ್‌ನೊ ಕರಿ ಮಾಲುಮ್ ಕರಖ್ಹತರ್ ಇವ್ಣೆಖ್ಹಾರು ಎಕ್ಕಸ್ ದಮ್‍ಪರ್; ಎಫೆಸವಾಳಾನಿ ಅರ್ತೆಮೀ ದೇವಿಸ್ ಮಹಾದೇವಿ, ಕರಿ ಕೂಘಾಟಿ ಮ್ಹೇಲ್ಯು. 
\v 35 ಖ್ಹರ್ತಿಮ ಖ್ಹಯೇರ‍್ನ ಯಜಮಾನ್ನೆ ಅದ್ಮಿನಝೂ಼ಂಡ್‌ನ ಸಮಾಧಾನ್ ಕರೀನ್ ಇವ್ಣುನ “ಎಫೆಸನು ಅದ್ಮಿವೊ ಆಕಾಶ್‍ಥು ಪಡ್ಯುತೆ ಅರ್ತೆಮೀ ಮಹಾದೇವಿನ ಮಂದಿರ‍್ನ ಅಜು಼ ಇನಿ ಮೂರತ್ನ ಜ಼ತನ್ ಕರುಕರಸ್ತೆ ಎಫೆಸ ನಂಗರಸ್ ಕರಿ ಹಿಡಿ ಜಗತ್‍ನಾಸ್ ಮಾಲುಮ್ ಛಾ಼ನಿ? 
\v 36 ಆ ಸಮಾಚಾರ್ ಖ್ಹಾಚು಼ಕರಿ ಕೋಣ್ ಬೋಲಾನ ಕೊ ಹುವಾನಿ ಇನಖ್ಹಾಜೆ ಸಮಾಧಾನ್‌ಥಿ ಶೊಪೊರ‍್ಹೇವೊ ಅಜು಼ ದುಡ್ಕಿನ್ ಶಾತ್ಬಿ ನಾ ಕರ‍್ನು. 
\v 37 ತುಮೆ ಧರೀನ್ ಲೈರಾಖ್ಯತೆ ಆ ಅದ್ಮಿಖ್ಹಾರು ದೇವ್ನಿಮಂದಿರ್‌ನ ಚೋ಼ರ್ ಕರವಾಳು ಕಾಹೆ, ಅಪ್ಣ ದೇವಿನ ದೂಷಣೆ ಕರಾವಾಳುಬಿ ಕಾಹೆ. 
\v 38 ಇನಖ್ಹಾಜೇಥಿ ದೇಮೇತ್ರಿಯನಾಬಿ ಇನಾಭಣಿ ರ‍್ಹಾವವಾಳಾನ ಕಿನಾಪರ್ತೋಬಿ ಗಲತ್‌ ಲಗಾಡನು ಉಷೇತೊ ನಯ್ಯೊಬಿ ಛಾ಼ ಅಜು಼ ಮೋಟು ನ್ಯಾವ್‍ನಿ ಝ಼ಗೊಬಿ ಛಾ಼ ಹಿಜ್ಜಾ಼ ಫೆಡೈಲ್ಯಾವದೆ. 
\v 39 ಶಾತ್ತೋಬಿ ಘಣು ಪೂಚ್‍ತಾಚ಼್ ಕರ್ನುಕತೊ ಯೊ ನ್ಯಾವ್‌ಥಿ ಭರಿಸಬೆಮ ತೀರ್ಮಾನ್ ಹೋಣುಪಡ್ಯು. 
\v 40 ಆ ದನ್ನೆ ಚಾ಼ಲ್ಯುತೆ ಸಮಾಚಾರ‍್ನ ಎಕ್ಟುಹುಯಿರ‍್ಹಾತೆ ತುಮೂನ ಮೆ ಶನ ಬೋಲುಕರುಸ್‍ಕತೊ ಹಮ್ಕೇನು ಝ಼ಗ್‍ಡಾನ ದೇಖ್ಯಾತೆ ಥೋಡು ಅದ್ಮಿಖ್ಹಾರು ಹಮೆ ಝ಼ಗ್‍ಡೊ ಉಠಾಡಿರಾಖ್ಯಸ್ ಕರಿ ಗಲತ್‌ ಲಗಾಡನಿತರ ಥೂ. ಆ ಗಲಾಟ್‌ನ ಬಾರೇಮ ಬೋಲ್ಯುತೊ ಹಮೆ ಝ಼ಗ್ಡಾನ ಮಾನಿಲ್ಯವಾನ ಕೋ ಹುವಾನಿ ಕರಿ ಬೋಲ್ಯೊ. 
\v 41 ತದೆ ಖ್ಹಯೇರ‍್ನೊ ಅದಿಕಾರಿ ಆ ಖ್ಹಾರಿವಾತೆನಿ ಬೋಧನೆ ಹುಯಿಜಾ಼ವದಿನ್ ಘರೆ ಜಾ಼ವೊಕರಿ ಖ್ಹಮ್‍ಜಾ಼ಡ್ತೊ ಹುಯಿನ್ ಸಬೆನ ಖತಮ್ ಕರ‍್ಯೊ.
\c 20
\s ಮೆಕೆದೋನ್ಯ ಅಜು಼ ಅಕಾಯಮ
\p
\v 1 ಗಲಾಟ್ ಭೀರ‍್ಯಾವನ ಬಾದ್ಮ ಪೌಲನೆ ಯೇಸುನ ವಿಶ್ವಾಸಿವ್‌ನ ಏಕ್‌ ಬಾಜು಼ ಬುಲೈಮಂಗೈನ್‌ ಇವ್ಣುನ ಭಾಲಿದೀನ್ ಜೈ಼ನ್ ಆವುಸ್ ಕರಿ ಹಿಜ್ಜಾ಼ಥೊ ಮೆಕೆದೋನಿಯನ ನಿಕ್ಳಿಗಯೊ. 
\v 2 ಯೋ ತಬರ್‌ಖಾಮ ಚಾ಼ಲ್‍ಕುಚ಼್ ಕರ್ತೊಹುಯಿನ್ ಹಿಜ್ಜಾ಼ವಾಳನ ಕೈಏಕ್ ವಾತೇಥಿ ಭಾಲಿ ದೇತೊಹುಯಿನ್ ಗ್ರೀಸ್‌ ದೇಖ್ಹ್‌ನ ಗಯೊ. 
\v 3 ಹಿಜ್ಜಾ಼ ತೀನ್ ಮಹಿನ ಕಾಡಾನ ಬಾದ್ಮ ಸಿರಿಯ ದೇಖ್ಹ್‌ನ ದರ‍್ಯಾವ್‍ನ ಮಾರ್ಗೆ ಜಾ಼ವ್ಣುಕರಿ ರ‍್ಹವಾನಿ ವಖ್ಹತ್‌ಮ, ಥೋಡ ಯೆಹೂದ್ಯವಾಳನೆ ಪೌಲನಿ ವಿರೋದ್ ಗಪ್ಲಥ್ಥಿ ಖರಾಬ್ ಕಾಮ್ ಕರ‍್ಯುತೆ ಮಾಲುಮ್‍ಹುಯಿನ್ ಯೋ ಪಾಛೊ಼ ಫರೀನ್ ಮೆಕೆದೋನಿಯಾಥೊ ಸಿರಿಯನ ಜಾ಼ವ್ಣುಕರಿ ಖ್ಹಯಾಲ್ ಕರಿಲಿದೊ. 
\v 4 ತದೆ ಇನಿ ಜೋ಼ಡೆ ಬೆರೋಯಖ್ಹಯೇರ‍್ನೊ ಪುರ‍್ರನೊ ಛಿಯ್ಯೊ ಸೋಪತ್ರಾಬಿ, ಥೆಸಲೋನಿಕ ಖ್ಹಯೇರ‍್ನೊ ಅರಿಸ್ತಾರ್ಕ, ಅಜು಼ ಸೆಕುಂದ, ದರ್ಬೆ ಖ್ಹಯೇರ‍್ನೊ ಗಾಯ ಅಜು಼ ತಿಮೊಥೆ, ಯೋ ಕಾಹೆತೆ ಏಷ್ಯಾನ ತಬರ್‌ಖಾಮ ತುಖಿಕಬಿ, ತ್ರೊಫಿಮಾಬಿ, ಏಷ್ಯಾ ತಬರ್‌ಖಲಗೂಬಿ ಇನ ಜೋ಼ಡೆಗಯು. 
\v 5 ಇವ್ಣೆ ಹಮಾರೇಥಿ ಅಗಾಡಿಸ್ ಜೈ಼ನ್, ಹಮಾರಖ್ಹಾಜೆ ತ್ರೋವ ಖ್ಹಯೇರ್‌ಮ ಟಿವೈರ‍್ಹಾಥ. 
\v 6 ಯೆಹೂದ್ಯರ‍್ನು ಫುಗಕೊಂತೆ ರೋಟಾನಿ ಪೂಜ಼ ಹುವಾದಿನ್ ಹಮೆ ಫಿಲಿಪ್ಪಿ ಖ್ಹಯೇರ‍್ನಿ ಜ಼ಹಾಜ಼್ ಛ಼ಡಿನ್, ಪಾಚ಼್ ರೋಜ್‍಼ಕೇಡೆ ತ್ರೋವಮ ಇವ್ಣುನ ಮಳ್ಯ. ಹಿಜ್ಜಾ಼ ಖ್ಹಾ಼ತ್‍ದನ್‌ಲಗು ಥಾ.
\s ತ್ರೋವನ ಪೌಲನಿ ಅಂತಿಮ್‌ ಭೆಟ್ಟಿ
\p
\v 7 ವಾರಾನೊ ಸಬ್ಬತ್‌ನ ದನ್ನೆ ಹಮೆಖ್ಹಾರು ಪ್ರಭುನು ರಾತ್ನುಭೋಜನ್‍ನ ಖ್ಹಾಜೇಥಿ ಎಕ್ಟು ಹುಯಿನ್ ಆಯ. ತದೆ ಸಭೆ ಭರಾಯುತೆ ಅದ್ಮಿಖ್ಹಾರಾನಿ ಜೋ಼ಡೆ ವಾತೆ ಬೋಲಿನ್ ಇನವ್ಹಾಣೆ ಹಿಜ್ಜಾ಼ಥೊ ಜಾ಼ವ್ಣುಕರಿ ಪೌಲ ಖ್ಹಯಾಲ್‍ಕರ‍್ಯೊ. ಇನಖ್ಹಾಜೆ ಅಧಿರಾತ್‍ಲಗೂಬಿ ವಾತ್ ಬೋಲುಸ್ ಕರ್ತೊಥೊ. 
\v 8 ಹಮೆಖ್ಹಾರು ಬೇಠಥಾತೆ ಘರ್‌ನ ಉಪ್ಲಿಬಾಜು಼ನ ಕೋಣಾಮ ಕೈಯೇಕ್ ದಿವೋ ಲಾಗುಕರ್ತುಥು. 
\v 9 ಯೂತಿಖ ಕರಿ ಏಕ್‍ಜ಼ಣೊ ಜ಼ವಾನಿ ಛೋ಼ಕ್ರು ಕಿಟಕಿಕನ ಬೇಶಿನ್ ಭರ್ ನಿಂದರ್‌ಮ ಝು಼ಕಾರ‍್ಯ ಮಾರುಕರ್ತೊಥೊ. ಪೌಲ ಬಿಜೂ಼ಬಿ ಬೋಧನೆ ಕರುಕರಾನಿ ವಖ್ಹತ್‌ಮ ಯೊ ಜ಼ವಾನಿ ನಿಂದರ್‌ಥಿ ಘಣಿ ಝು಼ಕಾರ‍್ಯ ಮಾರಿನ್ ತೀನ್ನಿ ಮಹಡಿಪರ್ಥೊ ಹೇಟ್ ರಡ್ಕಿಗೊ; ಇನ ಉಠಾಡನ ಗಯುತೆ ತದೆ ಯೋ ಮರಿರ‍್ಹೋಥೊ. 
\v 10 ಕತೋಬಿ ಪೌಲನೆ ಉತ್ರಿಜೈ಼ನ್,ಇನ ಪಾಡಿನ್ ಬಥೈನ್; ವೇಚ಼್‌ಣೆ ನಕೊಕರೊ, ಯೋ ಜಿವ್ತೊ ಛಾ಼ಕರಿ ಬೋಲ್ಯೊ. 
\v 11 ಪೌಲ ಪಾಛೊ಼ ಉಪ್ಪರ್ ಜೈ಼ನ್ ರೋಟಾನ ತೋಡಿ ಖೈನ್ ಘಣಿ ವಖ್ಹತ್‌ಲಗು ವಾತೆ ಬೋಲ್ಯೊ. ಎತ್ರಾಮ ವ್ಹಾಣುಹುಯು ತದೆ ಪೌಲ ಚ಼ಲೆಗಯೊ. 
\v 12 ಇವ್ಣೆ, ಜಿವ್ತೊಹುಯೂತೆ ಯೋ ಜ಼ವಾನಿ ಛೋ಼ಕ್ರಾನ ಬುಲೈಲಿನ್ ಜಾ಼ವನಿವಖ್ಹ್‌ತೆ ಇವ್ಣುನ ಘಣು ಸಮಾಧಾನ್ ಹುಯು.
\s ತ್ರೋವಥು ಮಿಲೇತ
\p
\v 13 ಹಮೆ ಅಗಾಡಿಸ್ ಜ಼ಹಾಜ಼್‍ಮ ಅಸ್ಸೊಸಿಕರಿ ಖ್ಹಯೇರ‍್ನ ಗಯ. ಹಮೆ ಪೌಲಾನ ಜೋ಼ಡ್ಮ ಜ಼ಹಾಜ಼್‌ಪರ್ ಜಾಶುಕರಿ ಥಾ. ಇನೇಸ್‌ ಗೋಡಾನಿ ವಾಟೇಥಿ ಚಾ಼ಲಿನ್ ಹಿಜ್ಜಾ಼ಥೊ ಒಳೆಜಾ಼ತೊಥೊ. 
\v 14 ಇಮ್ಮಸ್ ಹಮೆ ಆವಾನಿ ವಖ್ಹ್‌ತೆ ಪೌಲ ಅಸ್ಸೊಸಿ ಖ್ಹಯೇರ್‌ಮ ಹಮೂನ ಮಳ್ಯೊ. ಹಿಜ್ಜಾ಼ಥೊ ಹಮೆಖ್ಹಾರು ಜ಼ಹಾಜ಼್‌ಪರ್ ಮಳಿನ್ ಮಿತಿಲೇನ ಖ್ಹಯೇರ‍್ನ ಗಯ. 
\v 15 ಇನ ಅಗ್‍ಲ್ಯದನ್ನೆ ಹಮೆ ಹಿಜ್ಜಾ಼ಥ ಜ಼ಹಾಜ಼್‌ಪರ್ ಖಿಯೋಸ್ ಟಾಪನ ಖ್ಹಾಮ್ಣೆಥೂತೆ ಏಕ್‌ ಝ಼ಗೊಕನ ಆಯ, ಇನ ಅಗ್‍ಲ್ಯದನ್ನೆ ಸಾಮೋಸ್ ಟಾಪನ ಕಾಡಿನ್ ಇನ ಅಗ್‍ಲ್ಯದನ್ನೆ ಮಿಲೇತ ಖ್ಹಯೇರ‍್ನ ಜೈ಼ನ್ ಪೋಚ್ಯ. 
\v 16 ಪೌಲನೆ ಪಂಚಶತ್ತಮ ಪೂಜಾ಼ನ ದನ್ನ ಯೆರೂಸಲೇಮ್ಮ ರ‍್ಹೇವ್ಣುಕರಿ ಉತ್ವಾಳಿ ಕರುಕರ್ತೊಥೋತೆ ಇನಖ್ಹಾಜೆ ಏಷ್ಯಾ ತಬರ್‌ಖಾಮ ದನ್ ಕಾಡನ ಇಷ್ಟಕೊಂತೆ ಎಫೆಸ ಖ್ಹಯೇರ‍್ನ ಮ್ಹೇಲಿನ್‌ ಜಾ಼ವಾನ ಖ್ಹೂಜ಼್‌ಕರ‍್ಯೊ.
\s ಪೌಲನೆ ಎಫೆಸ ಸಬೆನ ಗಲ್‌ಢಾವ್‌ನ ಬೋಲ್ಯೊತೆ ಖ್ಹರ್ತಿನಿ ವಾತೆ
\p
\v 17 ಪೌಲನೆ ಮಿಲೇತಥೊ ಎಫೆಸ ಖ್ಹಯೇರ‍್ನ ಸಬೆನ ಗಲ್‌ಢವ್‍ಖ್ಹಾರಾನ ಏಕ್‌ ಸಂದೇಶ್ ಬೋಲಿಮೋಕ್ಲಿನ್ ಇವ್ಣುನ ಬುಲೈಮಂಗಾಯೊ. 
\v 18 ಯೋ ಗಲ್‌ಢಖ್ಹಾರಾನ, ಪೌಲನೆ, “ಮೇ ಏಷ್ಯಾ ತಬರ್‌ಖಾಮ ಐನ್ ಗೋಡೊಮ್ಹೇಲ್ಯೊ ತಪ್‌ಥೂಬಿ ತುಮಾರ ಇಚ಼್‌ಮ ಅಖ್ಖಿ ವೇಳ್‌ಮಾಬಿ ಕಿಮ್ ಚಾ಼ಲಿಲಿದೊ ಕರಿ ತುಮುನಾಸ್ ಮಾಲುಮ್. 
\v 19 ಯೆಹೂದ್ಯರ್ ಖ್ಹಾರಾನಿ ಮಶ್ಲಥ್ಥಿ ಮೆ ಘಣು ಖ್ಹತಾನು ಪಡ್ಯುಥು. ಕೈಏಕ್ ವಖ್ಹತ್ ಆಂಝು಼ ನಾಕ್ಣುಪಡ್ಯು. ಕತೋಬಿ ಮೇ ಖ್ಹಮಾಳಿನ್ ಕದೇಬಿ ಪ್ರಭುನು ಸೇವೆ ಕರ‍್ಯೊಕರಿ ತುಮೂನ ಮಾಲುಮ್. 
\v 20 ಮೇ ತುಮೂನ ಖ್ಹಾರಾನ ಖ್ಹಾಮ್ಣೆಬಿ ಅಜು಼ ತುಮೂನ ಘರೂಮಾಬಿ ಐನ್ ತುಮುನ ಮದತ್ ಹುವಾನು ಶಿಕಾಡನಾಬಿ ಪೀಛೆ ಹಟ್ಯೊಕೊಯ್ನಿ, ಯೊ ತುಮೂನ ಮಾಲುಮಸ್ ಛಾ಼. 
\v 21 ಯೆಹೂದ್ಯರ್‌ನ ಅಜು಼ ಗ್ರೀಕ್‍ವಾಳು ಪಾಪ್ನ ಮ್ಹೇಲಿನ್ ದೇವ್‌ಭಣಿ ಫರಿಜಾ಼ವ್ಣು ಅಜು಼ ಪ್ರಭು ಯೇಸುನ ನಾಮ್‌ಪರ್‌ ವಿಶ್ವಾಸ್ ರಾಕ್ಣುಕರಿ ಮೇ ಬೋಲಿರಾಖ್ಯೊಸ್. 
\v 22 ಅಜು಼ ಹಮ್ಕೆ ಮೇ ಪವಿತ್ರಾತ್ಮನ ಖ್ಹಾಮ್ಣೆ ಮುಡ್‌ಕ್ಯು ಝು಼ಕೈನ್‌, ಯೆರೂಸಲೇಮ್ನ ವಳೆಜ಼ವುಸ್‌. ಹಿಜ್ಜಾ಼ಮನ ಶಾತ್ ಉಶೇಕಿ ಮಾಲುಮ್‌ಕೊಯ್ನಿ. 
\v 23 ತುನ ಬೇಡಿಬಿ ಖ್ಹತಾಪ್ಣಿಖ್ಹಾರು ಮಾರಖ್ಹಾಜೆ ಟಿವೈರ‍್ಹೂಸ್‍ಕರಿ ಪವಿತ್ರಾತ್ಮನೆ ಝೇತೈನ್‌ ಹರೇಕ್ ಖ್ಹಯೇರ್‌ಮಾಬಿ ಮನ ಬೋಲುಕರಸ್ತೆ, ಮಾಲುಮ್ ಪಡುಕರಸ್. 
\v 24 ಮೇ ಮಾರ ಶೊಂತ್ ಜಾನ್ನಿ ಬಾರೇಮ ಸೋಚುಕೊಯ್ನಿ. ಪ್ರಭು ಹುಯಿರ‍್ಹೋತೆ ಯೇಸುನೆ ಮನ ದೀರಾಖ್ಯೋತೆ ಕಾಮ್ನ ಪೂರ ಕರಾನುಸ್ ಮನ ಖ್ಹಾರೇಥಿ ಮುಖ್ಯ. ಯೊ ದೇವ್ನು ವಾರ್‌ಖ್ಹಾನಿ ಬಾರೇಮಾನಿ ಸುವಾರ್ತೆನ ಸಾಕ್ಷಿನು ಕಾಮ್ ಹುಯಿರ‍್ಹೂಸ್. 
\v 25 ದೇಖೊ ತುಮಾರಿ ಜೋ಼ಡೆಥೂತೆ ಖ್ಹಾರಿ ವಖ್ಹತ್‌ಮ ದೇವ್ನಿ ರಾಜ್ಯನಿ ಬಾರೇಮಾನಿ ಸುವಾರ್ತೆನ ಮೆ ತುಮೂನ ಬೋಲಿ ಖ್ಹಮ್‌ಜಾ಼ಡ್ಯೊ. ಹಮ್ಕೆ ತುಮಾರಮ ಏಕ್‍ಜ಼ಣೂಬಿ ಮಾರ ಮ್ಹೋಡಾನ ಬಿಜು಼ ಕದೇಬಿ ದೇಕ್‌ಶು ಕೊಯ್ನಿಕರಿ ಮನಮಾಲುಮ್‌. 
\v 26 ಇನಖ್ಹಾಜೆ ಹಮ್ಕೆ ಮೆ ತುಮೂನ ಖ್ಹಾಚ಼ಮಾಬಿ ಬೋಲಾನಿ ಏಕ್‌ ವಾತೆ ಶಾತ್‍ಕತೊ; ತುಮಾರಮ ಕೋಣ್‌ತೋಬಿ ನಾಶ್‌ಹುಯುತೊ ಇನ ಮೇ ಜಿಮ್ಮೆದಾರಿ ಕಾಹೆ. 
\v 27 ಶನಕತೊ ಏಕ್‌ಬಿ ಲಪಾಡ್ಯೊಕೊಂತೆ ದೇವ್ನಿ ಖ್ಹೂಜ಼್‌ನ ತುಮೆ ಖ್ಹಮ್‌ಜಿಲೇವ್ಣುತೆ ಪರಕ್ಮ ಹರೇಕ್ ವಾತೆನಾಬಿ ಮೇ ತುಮೂನ ಖ್ಹಮ್‌ಜಾ಼ಡ್ಯೊ. 
\v 28 ಇನಖ್ಹಾಜೆ ತುಮಾರಿ ಬಾರೇಮಾಬಿ ಪವಿತ್ರಾತ್ಮನೆ, ತುಮೂನ ದೆಖಾವಾನ ದೀರಾಖ್ಯೋತೆ ಮೇಂಢಾನಿ ಮಂಧಾನಿ ಬಾರೇಮಾಬಿ ಹೊಷಾರ್‌ಥಿ ರ‍್ಹವೊ. ಅಜು಼ ಸಬೆನ ತುಮೆ ಕುರುಬಹುಯಿರ‍್ಹಾಸ್. ಶನಕತೊ ದೇವ್ ಇನ ಛಿಯ್ಯಾನ ಲ್ಹೋಯಿಥಿ ಮೋಲ್ ಲೀರಾಖ್ಯೊಸ್. 
\v 29 ಮೇ ಚ಼ಲ್ಯೊಜಾ಼ವದೀನ್ ಖರಾಬ್ ಜ಼ರಕ್‌ಖ್ಹಾರು ತುಮಾರಕನ ಆವ್‍ಶೆಕರಿ ಮನ ಮಾಲುಮ್. ಯೊ ಮಂಧಾನ ಗೋರ್‌ ಕರ್ಶೆಕೊಯ್ನಿ. 
\v 30 ಆ ನಾಹುಯಿನ್ ತುಮಾರಿ ಸಬೆಮಾಸ್ ಥೋಡುಜ಼ಣು ದುರ್ಬೊಧನೆ ಕರವಾಳು ಹುಯಿನ್ ಯೇಸುನ ವಿಶ್ವಾಸಿವ್‌ ಥೋಡಜ಼ಣಾನ ಖ್ಹಾಜೇಥಿ ದೂರ್ ಚ಼ಲಾವ್‌ಷೆ. 
\v 31 ಇನಖ್ಹಾಜೆ ಡೋಳಾನು ಆಂಝು಼ ನಾಕ್ತೊ ಹುಯಿನ್ ಮೇ ತೀನ್ ವರಖ್ಹ್ ದನ್ ತುಮಾರಿ ಜೋ಼ಡೆರ‍್ಹೀನ್ ಮೇ ತುಮೂನ ರ‍್ಹೇಣ್‍ದನ್ ಶಿಕಾಡ್ತೊಹುಯಿನ್ ತುಮೂನ ಹೊಷಾರ್ ಕರ‍್ಯೊತೆ ಯಾದ್ಮ ರಾಖೊ. 
\v 32 “ಮೇ ಹಮ್ಕೆ ತುಮೂನ ದೇವ್‍ನಾಬಿ ಇನ ವಾರ್‌ಖ್ಹಾನಿ ವಚನ್ನಾಬಿ ದೆವುಕರೂಸ್. ಯೊ ತುಮಾರಮ ಭಕ್ತಿನ ಭಡಾವನಾಬಿ, ಪರಿಶುದ್‌ಥಿ ತುಮೂನ ಹಕ್ನ ದ್ಯವಾನಾಬಿ ಶಕತ್‌ವಾಳೊ ಹುಯಿರೋಸ್. 
\v 33 ಮೇ ತುಮಾರಿ ಜೋ಼ಡೆ ರ‍್ಹವಾನಿ ವಖ್ಹತ್, ಖ್ಹೊನ್ನು, ರೂಪು, ಲುಂಗ್ಡಾವ್‍ನ ದೇಖಿ ಹರಖ್ಹ್‌ಯೊ ಕೊಯ್ನಿ. 
\v 34 ಮೇ ಮಾರ ಶೊಂತ್ ಹಾತೇಖ್ಹು ಕಮಾವ್‍ತೋಥೊ. ಕದೇಬಿ ಮಾರಖ್ಹಾಜೆ ರ‍್ಹವೊ, ಮಾರಿಜೋ಼ಡೆ ರ‍್ಹವಳಾನಖ್ಹಾಜೆ ಹೋಣುತೆ ಜ಼ರೂರತ್ನ ಪೂರಕರ್ತೋಥೊ. 
\v 35 ಅಖ್ಖೀಸ್ ಬಾರೇಮ ಮೇಸ್ ತುಮೂನ ಚಾ಼ಲಿನ್ ವತಾಳಿರಾಖ್ಯೊಸ್. ತುಮೇಬಿ ಇಮ್ಮಸ್ ಮ್ಹಿನತ್‌ಕರಿನ್ ತಾಖತ್‌ಕೊಂತೆ ಇವ್ಣುನ ಮದತ್ ಕರ‍್ನು ಅಜು಼ ಲ್ಯಾವಥೀಬಿ ದೇವಾಮ ಘಣು ವಾರ್‌ಖ್ಹೊ ಛಾ಼ಕರಿ ಪ್ರಭು ಹುಯಿರ‍್ಹೋತೆ ಯೇಸುನಿ ವಾತೆನ ಅಪ್ಣೆ ಖ್ಹಯಾಲ್ಮ ರಾಖೊಕರಿ ಬೋಲ್ಯೊ. 
\v 36 ಆವಾತೆಖ್ಹಾರಿ ಯೊ ಬೋಲಿ ಹುಯಿಜಾ಼ವಾದಿನ್ ಇವ್ಣಖ್ಹಾರಾನಿ ಜೋ಼ಡ್ಮ ಢುಕ್‍ಣ್ಯಮೇಟೆ ಹುಯಿನ್ ಪ್ರಾರ್ಥನೆಕರ‍್ಯೊ. 
\v 37 ಇನಕೇಡೆಥು ಪೌಲನೆ, ತುಮೆ ಮಾರ ಮ್ಹೋಡಾನ ಅಜು಼ ಕದೇಬಿ ದೇಕ್‌ಶುಕೊಯ್ನಿ ಕರಿ ಬೋಲಖ್ಹತರ್ ಇವ್ಣೆಖ್ಹಾರು ರೊಯಿನ್ ಆಂಝು಼ನಾಖ್ಯು ಅಜು಼ ಇನ ಬಥಾಯು ಅಜು಼ ಬುಚ್ಚಾ಼ದೀನ್ ಜೈ಼ನ್‌ಆಯೇಸ್ ಕರಿ ಬೋಲ್ಯು. 
\v 38 ಇನೆ ಮಾರ ಮ್ಹೋಡಾನ ಬಿಜು಼ಪಾಛು಼ ದೇಕ್‌ಶು ಕೊಯ್ನಿಕರಿ ಬೋಲ್ಯೊತೆ ವಾತೆನ ಇವ್ಣೆ ಘಣು ದುಖ್‌ಪಡ್ಯು ಅಜು಼ ಇನ ಜ಼ಹಾಜ಼್‌ಲಗು ಜೈ಼ನ್ ಮ್ಹೇಲಿನ್ ಆಯು.
\c 21
\s ಪೌಲ ಯೆರೂಸಲೇಮ್ನ ಗಯೋತೆ
\p
\v 1 ಹಮೆ ಇವ್ಣುನ ಮೋಕ್ಲಿನ್ ಇನಪಾರ್ ಜ಼ಹಾಜ಼್‌ಪರ್ ಛ಼ಡಿನ್ ಕೋಸ್ ಟಾಪಾಮ ಆಯ. ಪಾಛ಼್‌ಲ್ಯದನ್ನೆ ರೋದ ಟಾಪನ ಜೈ಼ನ್ ಹಿಜ್ಜಾ಼ಥ ಪತರ ಖ್ಹಯೇರ‍್ನ ಆಯ. 
\v 2 ಹಿಜ್ಜಾ಼ ಫೊಯಿನಿಕೆ ಜಾ಼ವಾನಿ ಜ಼ಹಾಜ಼್‌ನ ದೇಖಿ ಇನಾಪರ್ ಚ಼ಢೀನ್ ಗಯ. 
\v 3 ಖ್ಹಾಮ್ಣೆ ಕುಪ್ರ ಟಾಪು ದೆಖಾಯು. ಇನ ಡಾವಿಬಾಜು಼ ಮ್ಹೆಂದಿನ್ ಸಿರಿಯ ದೇಖ್ಹ್‌ ಭಣಿಕರಿ ಚಾ಼ಲ್ತಹುಯಿನ್ ತೂರ್ ಖ್ಹಯೇರ‍್ನ ಐನ್ ಉತ್‍ರ‍್ಯ. ಶನಕತೊ ಹಿಜ್ಜಾ಼ ಜ಼ಹಾಜ಼್‌ನು ಜಿನಖ್ಹ್‌ ಅಖ್ಖು ಉತಾರ‍್ನು ಥೂ. 
\v 4 ಹಿಜ್ಜಾ಼ ವಿಶ್ವಾಸಿಖ್ಹಾರನ ಢೂಂಡಿಕಾಡಿನ್ ಖ್ಹಾತ್‍ದನ್ ರ‍್ಹಿಯ. ಇವ್ಣೆ ಪವಿತ್ರಾತ್ಮನಿ ಖ್ಹಯಾಲ್‌ಥಿ ಪೌಲನ, “ತೂ ಯೆರೂಸಲೇಮ್ಮ ಗೋಡೊ ನಕೊ ಮ್ಹೇಲಿಶ್” ಕರಿ ಬೋಲ್ಯು. 
\v 5 ಕತೋಬಿ ಹಮಾರಿ ಭೇಟಿ ಖ್ಹತಮ್ ಕರೀನ್, ಹಿಜ್ಜಾ಼ಥ ನಿಕ್ಳಾನಿ ವಖ್ಹತ್‌ಮ ಯೊ ವಿಶ್ವಾಸಿ ಖ್ಹಾರು ಖ್ಹಯೇರ‍್ನ ಭಾರ್‌ಲಗು ಐನ್ ಇವ್ಣ ಬಾವಣ್‍ ಲಡ್ಕಾವ್‌ನಿ ಜೋ಼ಡ್ಮ ಮ್ಹೇಲಾನ ಆಯು.ಅಜು಼ ಹಮೆಖ್ಹಾರು ದರ‍್ಯಾವ್‍ನಿ ಕನಾರೆ ಢುಕ್‍ಣ್ಯಮೇಟೆ ಹುಯಿನ್ ಪ್ರಾರ್ಥನೆ ಕರೀನ್, 
\v 6 ಬಾದ್ಮ ಹಮೆ ಏಕ್‌ಥಿ ಏಕ್‌ ಖ್ಹರ್ತಿನಿ ಖ್ಹಲಾಮ್ ಕರೀನ್ ಜ಼ಹಾಜ಼್ ಚ಼ಢೀನ್ ಇವ್ಣೆ ಪಾಛು಼ಫರಿ ಇವ್ಣ ಘರೆಗಯು. 
\v 7 ಹಮೆ ತೂರ್ ಖ್ಹಯೇರ್‌ಥಿ ನಿಕ್ಳಿನ್ ಪ್ತೊಲೆಮಾಯ ಖ್ಹಯೇರ‍್ನ ಜೈ಼ನ್ ದರ‍್ಯಾವ್‍ನಿ ಚಾ಼ಲ್ ಖ್ಹತಮ್ ಕರ‍್ಯಾ. ಹಿಜ಼್ಜಾಥೂತೆ ವಿಶ್ವಾಸಿಖ್ಹಾರನ ಖ್ಹಲಾಮ್ ಕರೀನ್, ಇವ್ಣಿ ಜೋ಼ಡೆ ಏಕ್‍ರೋಜ಼್ ರ‍್ಹೀನ್, 
\v 8 ಇನವ್ಹಾಣೆ ನಿಕ್ಳಿ ಕೈಸರೈನು ಖ್ಹಯೇರ‍್ನ ಆಯ. ಹಿಜ್ಜಾ಼ ಹಮೆ ಫಿಲಿಪ್ಪನ ಘರ್‌ಮ ರ‍್ಹಯ. ಸುವಾರ್ತೆ ಖ್ಹಮ್‍ಜಾ಼ಡನೂಸ್ ಫಿಲಿಪ್ಪನು ಕಾಮ್ ಹುಯಿರ‍್ಹುಥು. ಹೈರೋತೆ ಸೆಜರೇಯಮ ಮದತ್ ಕರಾವಾಳ ಖ್ಹಾತ್‍ಜ಼ಣಾಮ ಆಬಿ ಏಕ್‍ಜ಼ಣೊ ಹುಯಿರೋಥೊ. 
\v 9 ಇನ ಚಾರ್‌ಜ಼ಣಿ ಕವಾರಿ ಛೋ಼ರಿಯೇಥಿ. ಇವ್ಣೆ ಖ್ಹಾರಿಜ಼ಣಿ ದೇವ್ನ ವಾತೇನ ಪ್ರವಾದ್‌ನೆ ಕರಾವಳಿಯೆ ಹುಯಿರ‍್ಹಿಥಿ. 
\v 10 ಹಮೆ ಹಿಜ್ಜಾ಼ ಥೋಡದನ್ ರ‍್ಹವಾನವಾರ್ ಅಗಬ ಕರಿ ಏಕ್‌ ಪ್ರವಾದಿ, ಯೂದಾಯಥೊ ಮಾರಕನ ಆಯೊ. 
\v 11 ಯೊ ಹಮಾರಕನ ಐನ್ ಪೌಲನು ಕಂಬರ್‌ನು ಕಷ್‍ಬಂದ್‍ನ ಪಾಡಿನ್ ಇನ ಹಾತ್‌ಗೋಡಕೇಡೆ ಭಾಂಧಿಲೀನ್; ಆ ಕಷ್‌ಬಂದ್‌ ಕಿನೂಕಿ ಇನ ಯೆಹೂದ್ಯರ್‌ನ ಖ್ಹಾರು ಅಮ್ಮಸ್ ಯೆರೂಸಲೇಮ್ಮ ಭಾಂದಿನ್ ಯೆಹೂದ್ಯರ್‌ಕಾಹೆತೆ ಇವ್ಣ ಹಾತ್ಮ ದಿಶೆಕರಿ ಪವಿತ್ರಾತ್ಮ ಬೋಲುಕರಸ್ ಕರಿ ಬೋಲ್ಯೊ. 
\v 12 ಕದೆ ಆ ವಾತೆನ ಖ್ಹಮ್‍ಜ್ಯಾಕಿ ಹಮೇಬಿ ಯೋ ಗಾಮ್‍ವಾಳುಬಿ ತೂ ಯೆರೂಸಲೇಮ್‌ನ ನಕೊ ಜಾ಼ಕರಿ ಪೌಲನ ಗಿಂಗೈಲಿದ. 
\v 13 ಇನಖ್ಹಾಜೆ ಪೌಲನೆ, “ತುಮೆ ಆಂಝು಼ನಾಖಿನ್ ತುಮೆ ಶನ ಮಾರು ದಿಲ್‌ತೋಡಾವೊಸ್? ಮೆ ಯೇಸುನ ನಾಮ್ನಖ್ಹಾಜೆ ಯೆರೂಸಲೇಮ್ಮ ಭಂದಿಹುವಾನು ಕಾಹೆತೆ ಪ್ರಭುನಖ್ಹಾಜೆ ಮರನಾಬಿ ತಯಾರ್ ಛೂ಼” ಕರಿ ಬೋಲ್ಯೊ. 
\v 14 ಯೋ ಖ್ಹಮ್‍ಜ್ಯೊಕೊಂತೆ ದೇಖಿನ್ ಪ್ರಭುನಿ ಮರ್ಜಿ ಕಿಮ್ ಛಾ಼ಕಿ ತಿಮ್ ಚಾ಼ಲಾದೆ ಕರಿ ಹಮೆ ಖ್ಹೊಪ್‌ ರ‍್ಹೀಗಯ. 
\v 15 ಆ ಖ್ಹಾರದನ್ ಹುವಾನಪಾರ್ ಹಮೆ ಖ್ಹುದ್ರೀನ್‌ ಯೆರೂಸಲೇಮ್ನ ನಿಕ್‍ಳ್ಯ. 
\v 16 ಕೈಸರೈಥು ಥೋಡ ಶಿಷ್ಯರ್‌ ಹಮಾರಿ ಜೋ಼ಡ್ಮ ಐನ್, ಮ್ನಾಸೋನಕರಿ ಏಕ್‍ಜ಼ಣಾನ ಘರ್‌ಮ ಹಮೂನ ರ‍್ಹವಾನಖ್ಹಾಜೆ ಬುಲೈಲಿನ್ ಗಯು. ಯೋ ಕುಪ್ರಥು ಆಯುತೆ ಪಹಿಲ ಶಿಷ್ಯರ್‌ಮ ಏಕ್‍ಜ಼ಣೊ ಥೊ.
\s ಪೌಲ ಯಾಕೋಬ್‍ನ ಮಳ್ಯೋತೆ
\p
\v 17 ಹಮೆ ಯೆರೂಸಲೇಮ್ ಆವಾದಿನ್ ವಿಶ್ವಾಸಿಖ್ಹಾರು ಹಮೂನ ಖುಷಿಥಿ ಬುಲೈಲಿದಾ. 
\v 18 ಅಗಲ್ಯದನ್ನೆ ಪೌಲನೆ ಹಮುನಖ್ಹಾರನ ಬುಲೈಲಿನ್ ಯಾಕೋಬನ ಮಳಾನ ಗಯ. ತದೆ ಸಬೇನು ಖ್ಹಾರಾಸ್ ಗಲ್‌ಢಬಿ ಹಿಜ್ಜಾ಼ಸ್ ಥಾ. 
\v 19 ಪೌಲನೆ ಇವ್ಣುನ ಖ್ಹಲಾಮ್‍ಕರೀನ್ ಇನಿ ಸೇವೆಥಿ ದೇವ್ನೆ ಕರ‍್ಯೊತೆ ಪೂರ ಕಾಮ್ನ ಯೆಹೂದ್ಯರ್‌ಕಾಹೆತೆ ಅದ್ಮಿಖ್ಹಾರಾನ ಬೀಚ್ಮ ಯೊ ಬೋಲಿವತಾಳ್ಯೊ. 
\v 20 ಇವ್ಣೆ ಯೋಖ್ಹಾರು ಖ್ಹಮ್‌ಜಿನ್‌ ದೇವ್ನ ಖ್ಹರಾಯು. ತದೆ ಇವ್ಣೆ ಪೌಲನ, “ಭೈ, ಹಜಾ಼ರೊ ಅದ್ಮಿ ಯೆಹೂದ್ಯರ್‌ಖ್ಹಾರು ವಿಶ್ವಾಸಿ ಹುಯಿರ‍್ಹುತೆ ತೂ ದೇಖಾಸ್ನಿ, ಇವ್ಣೆಖ್ಹಾರು ಧರ್ಮಶಾಸ್ತ್ರನ ದಿಲ್‌ಲಗಾಡವಾಳು ಹುಯಿರ‍್ಹುಸ್. 
\v 21 ಯೆಹೂದ್ಯರ್‌ಕಾಹೆತೆ ಅದ್ಮಿನ ಬೀಚ್ಮ ರ‍್ಹವಾಳು ಖ್ಹಾರೂಸ್ ಯೆಹೂದ್ಯರ್‌ನ, “ತುಮೆ ತುಮಾರ ಲಡ್ಕಖ್ಹಾರನ ಖ್ಹತ್ನ ನಾಕರಾವ್ಣು ಇವ್ಣು ಪದತ್ತಿನಿಘೋಣಿ ನಾಚಾ಼ಲಿಲೇವ್ಣು ಕರಿ ಮೋಶೆ ಧರ್ಮಶಾಸ್ತ್ರನಿ ಘೋಣಿ ನಾಚಾ಼ಲ್ನುಕರಿ ಬೋಲಾನು ಶಿಕಾಡುಕರಸ್ ಕರಿ ತಾರಿ ಬಾರೇಮ ಬೋಲುಕರಸ್. 
\v 22 ಅಮ್ ರ‍್ಹವಾನಪರ್ ಶಾತ್ ಕರ‍್ನು? ತೂ ಹಜ಼್ಜ ಅಯಿರ‍್ಹೊತೆ ವಾತೆ ಇವ್ಣುನ ಕಿಮ್‍ತೋಬಿ ಮಾಲುಮ್ ಪಡ್‌ಶೆ. 
\v 23 ಇನಖ್ಹಾಜೆ ಹಮೆ ತುನ ಬೋಲ್‍ಯೇತೆ ಕಾಮ್ ಕರ್‌, ಹಮಾರಮ ಶಪತ್ ಕರ‍್ಯುಹುಯು ಚಾರ್ ಅದ್ಮಿಛಾ಼. 
\v 24 ತೂ ಇವ್ಣುನ ಬುಲೈಲಿ ಜೈ಼ನ್ ಇವ್ಣಿಜೋ಼ಡ್ಮ ತುನಾಬಿ ಶುದ್ದಿಕರಿಲೀನ್, ಇವ್ಣಿ ಇವ್ಣಿ ಮುಡಪ್‍ ಖ್ಹತಮ್ ‍ಕರಾನಖ್ಹಾಜೇಥಿ ತೂ ಪೈಶಾ ಖರ್ಚಿಕರ್, ಅಮ್ ಕರ‍್ಯೊತೊ ಖ್ಹಾರುಜ಼ಣುಬಿ ತಾರಿಬಾರೇಮ ಇವ್ಣೆ ಖ್ಹಮ್‍ಜ್ಯುತೆ ಖಬರ್ ಖ್ಹಾಚು಼ ಕಾಹೆಕರೀಬಿ, ತೂಬಿ ಮೋಶೇನು ಧರ್ಮಶಾಸ್ತ್ರ ಪಾಡಿನ್ ಚಾ಼ಲವಾಳೊಕರಿ ಮಾಲುಮ್ ಕರ್ಶೆ. 
\v 25 \x - \xo 21:25 \xo*\xt ಅಪೊ 15:29\xt* \x*ಯೆಹೂದ್ಯರ್‌ಕಾಹೆತೆ ಅದ್ಮಿಮ ಯೇಸುನ ವಿಶ್ವಾಸ್ ಕರವಾಳನಿ ಬಾರೇಮಾತೊ, ಮೂರತ್ನ ಝಾ಼ಳ್ ಉತಾರಹುಯನಾಬಿ, ಲ್ಹೋಯಿನಾಬಿ, ನ್ಹೇಟಿ ಭೀಚಿನ್ ಮಾರ‍್ಯಹುಯ ಜಿನಾವರ್‌ನಬಿ ನಾಖಾವ್ಣು ಅಜು಼ ವ್ಯಬಿಚಾರ್‌ಥಿ ದೂರ್ ರ‍್ಹೇವ್ಣುಕರಿ ಹಮೆ ನ್ಯಾವ್‌ ಕರ‍್ಯಾತೆ ಲೀಖ್ಯ” ಕರಿ ಬೋಲ್ಯು. 
\v 26 ತದೆ ಪೌಲನೆ ಯೋ ಖ್ಹಾರ ಅದ್ಮಿನ ಅಗ್‍ಲ್ಯದನ್ನೆ ಬುಲೈಲಿನ್ ಇವ್ಣಿಜೋ಼ಡೆ ಇನು ಯೋ ಶುದ್ದಿಕರಿಲೀನ್, ಮುಡಪ್‍ನ ದನ್ ಖ್ಹತಮ್ ಹುಯಿಗುಕರಿ ಖ್ಹಮ್‍ಜಾ಼ಡ್ತೊ ಹುಯಿನ್ ದೇವ್ನಿಮಂದಿರ್‌ಮ ಗಯೊ. ಹರೇಕ್‌ನಖ್ಹಾಜೆ ಕದೆ ಬಲಿದೇವ್ಣುಕರಿ ಹಿಜ್ಜಾ಼ ಮಾಲುಮ್ ಕರಾಯೊ.
\s ಪೌಲನ ಸಬಾಮಂದಿರ್‌ಮ ಧರೈನ್ ಕೊಂಡಾಯೊತೆ
\p
\v 27 ಯೊ ಖ್ಹಾತ್‍ದನ್ ಖ್ಹತಮ್ ಹುವಾನಿ ವಖ್ಹತ್‌ಮ ಏಷ್ಯಾ ತಬರ್‌ಖಾಥು ಆಯಿರ‍್ಹುಥೂತೆ ಯೆಹೂದ್ಯರ್‌ನೆ ಪೌಲನ ದೇವ್ನಿಮಂದಿರ್‌ಮ ದೇಖಿನ್, ಝೂ಼ಂಡ್‌ ಭರೈರ‍್ಹುಥೂತೆ ಅದ್ಮಿಖ್ಹಾರಾನ ಎಕ್ಕೋಸ್ಏಕ್‌ ಕರಿನ್ ಇನ ಧರೀನ್, 
\v 28 “ಇಸ್ರಾಯೇಲ್‌ನ ಅದ್ಮಿವೊ, ಹಮೂನ ಮದತ್ ಕರೊ, ಅಪ್ಣ ಅದ್ಮಿನಾಬಿ, ಧರ್ಮಶಾಸ್ತ್ರನಾಬಿ ಆ ಝ಼ಗೋನಾಬಿ ವಿರೋದ್ ಹುಯಿನ್ ಖ್ಹಾರಾಸ್ ಅದ್ಮಿನ ಬೋಧನೆ ಕರಾವಾಳೊ ಯೋ ಅದ್ಮಿ ಆಸ್! ಅತ್ರೇಸ್ ಕಾಹೆ, ಆ ಗ್ರೀಕ್‍ವಾಳಾನ ದೇವ್ನಿಮಂದಿರ್‌ಮ ಬುಲೈಲಾಯಿನ್‌ ಹೈರಿತೆ ಪವಿತ್ರಝ಼ಗೋನ ಮೈಲು ಕರಿನಾಖ್ಯೊ.” ಕರಿ ಚಿಕ್‌ರ‍್ಯು. 
\v 29 ಇವ್ಣೆ ಪಹಿಲೆ ಖ್ಹಯೇರ್‌ಮ ಎಫೆಸವಾಳೊ ತ್ರೊಫಿಮಕರಿ ಏಕ್‍ಜ಼ಣೊ ಪೌಲನಿ ಜೋ಼ಡ್ಮ ರ‍್ಹವಾನು ದೇಖ್ಯುಥೂತೆ ಇನಖ್ಹಾಜೆ ಪೌಲನೆ ಹಮ್ಕೆ ಇನ ದೇವ್ನಿಮಂದಿರ್‌ಮ ಬುಲೈರಾಖ್ಯೊ ಉಷೆಕರಿ ಲ್ಹಾಜ್ಯೊ಼. 
\v 30 ತದೆ ಅಖ್ಖೀಸ್ ಬಾಜು಼ ಕಲಾವ್ಣಿ ಹುಯಿನ್ ಫೈಲೈಗಯು. ಅಜು಼ ಅಖ್ಖಾಸ್ ಖ್ಹಯೇರ್‌ಥು ನಾಶಿ ಐನ್ ಪೌಲನ ಧರಿಲೀನ್ ದೇವ್ನಿಮಂದಿರ್‌ಮಾಥು ಭಾರ್‌ ಖೇಚಿಲಾಯಿನ್ ತದ್ನುತದೇಸ್ ಬಾಕಲ್ ಮೂಚಿನಾಖ್ಯು. 
\v 31 ಇವ್ಣೆ ಇನ ಮಾರಿನಾಕ್ಣುಕರಿ ಕೋಶಿಶ್ ಕರುಕರಾನಿ ವಖ್ಹತ್‌ಮ ಯೆರೂಸಲೇಮ್ಮ ಖ್ಹಾರಿಸ್ ಬಾಜು಼ ಗಲಿಬಿಲಿ ಹುಯುಕರಿ ಹಿಜ಼್ಜಾಥೂತೆ ರೋಮ್ನ ಹಜಾ಼ರ್‌ ಶಿಪಾಯಿನ ಮೋಟಾನ ಖಬರ್ ಆಯಿ. 
\v 32 ಇನೆ ತದ್ನುತದೇಸ್ ದಂಡುದಳವೈನ ಲೀನ್ ಅದ್ಮಿನ ಝೂ಼ಂಡ್‌‍ಕನ ನಾಶಿಆಯೊ. ಇವ್ಣೆ ಖ್ಹೋಶಿಪಾಯಿನೊ ಮೋಟಾನ ಅಜು಼ ಶಿಪಾಯಿಖ್ಹಾರಾನ ದೇಖಿನ್ ಪೌಲನ ಮಾರಾನು ಭೀರಾಖ್ಯು. 
\v 33 ಶಿಪಾಯಿನೊ ಮೋಟೊ ಖನ್ನೆ ಐನ್ ಇನ ಧರೀನ್ ಬೇ ಖ್ಹಂಕ್‌ಳಿಥಿ ಭಾಂದ್‌ಣುಕರಿ ಹುಕುಮ್‌ ದೀನ್; ಇವ್ಣುನ ಬೋಲ್ಯೊ, ಆ ಕೋಣ್, ಅನೆ ಶಾತ್‌ಕರ‍್ಯೊ? ಕರಿ ಪುಛಾಯೊ. 
\v 34 ತದೆ ಝೂ಼ಂಡ್‌‍ಮಥೂತೆ ಥೋಡುಜ಼ಣು ಏಕ್‌ಥರ ಬಿಜು಼ ಥೋಡುಜ಼ಣು ಬಿಜೇಕ್‌ತರ ಚಿಕ್ರುಕರ್ತುಥು. ಯೋ ಗಲಾಟ್‌ಥಿ ಖ್ಹಾಚು಼ಶಾತ್‍ ಕರಿ ಹಜಾ಼ರ್‌ ಶಿಪಾಯಿನ ಮೋಟಾನ ಖ್ಹಮ್‌ಜಾ಼ನ ಕೋ ಹುಯುನಿ ಇನಖ್ಹಾಜೆ ಪೌಲನ ಖ್ಹಾರ್ಕೊಟ್‌ಮ ಲೀನ್ ಜಾ಼ವಾನ ಹುಕುಮ್ ದಿದೊ. 
\v 35 ಪೌಲ ಪಾಯಿರಿಯೇಕನ ಆವಾದಿನ್ ಅದ್ಮಿಖ್ಹಾರಾನಿ ಧಕ್ಕಾಮುಕ್ಕಿಥಿ ಶಿಪಾಯಿಖ್ಹಾರನೆ ಇನ ಢೊಯಿಲೀನ್ ಜಾ಼ವಾನು ಪಡ್ಯುಥು. ಶನಕತೊ ಹಿಜ಼್ಜಾನು ಅದ್ಮಿನು ಝೂ಼ಂಡ್‌ ಜಾ಼ಖ್ಹತ್ ಚ಼ಂಢಾಳ್‌ವಾಳು ಹುಯಿರ‍್ಹುಥು. 
\v 36 ಇನಖ್ಹಾಜೆ ಧಕೇಲ್‍ತು ವಳ್ಯಾವ್‌ತುಥೂತೆ ಅದ್ಮಿನು ಝೂ಼ಂಡ್‌, ಇನ ಮಾರಿನಾಖೊಕರಿ ಚಿಕ್ರುಕರ್ತುಥು.
\s ಪೌಲ ಇನುಯೋಸ್ ಭರೋಖ್ಹೊ ಹುಯಿರ‍್ಹೋಥೊ
\p
\v 37 ಶಿಪಾಯಿಖ್ಹಾರು ಪೌಲನ ಖ್ಹಾರ್ಕೊಟ್‌ಮ ಲೀಜಾ಼ವನಿ ವಖ್ಹತ್‌ಮ ಇನ ಶಿಪಾಯಿನೊ ಮೋಟಾನ, “ಮೇ ತಾರಿ ಜೋ಼ಡೆ ದರ್ರಾಶಿ ವಾತೆ ಬೋಲಾನ ಹುಕುಮ್‌ ಮಳ್‍ಶೇಕಿ ಶು?” ಕರಿ ಪುಛಾ಼ವದೀನ್ ಇನೆ ತುನ ಗ್ರೀಕ್‌ವಾತೆ ಆವಸ್ಕಿ ಶು? 
\v 38 ಇಮ್‍ಕತೊ ಥೋಡದನ್ನಪಾರ್ ಲಡೈಉಠಾಡಿನ್ ಚಾರ್ ಹಜಾ಼ರ್ ಢಾಕುನ ಜ಼ಂಗಳ್‌ಮ ಬುಲೈಲಿನ್ ಗಯೋತೆ ಈಜಿಪ್ಟ್‌ವಾಳೊ ತೂಸ್ ಕಾಹೆಕಿ ಶು? ಕರಿ ಬೋಲ್ಯೊ. 
\v 39 ಇನ ಪೌಲನೆ, “ಮೆ ಏಕ್‌ ಯೆಹೂದ್ಯವಾಳೊ ಅಜು಼ ಕಿಲಿಕ್ಯ ತಬರ್‌ಖಾನು ತಾರ್ಸಕರಿ ಪ್ರಸಿದ್ದಿನು ಹುಯಿರ‍್ಹುತೆ ಖ್ಹಯೇರ್‌ವಾಳೊ, ಗೋರ್‌ಕರೀನ್ ಆ ಅದ್ಮಿನಿ ಜೋ಼ಡೆ ವಾತೆಬೋಲಾನ ಮನ ಹುಕುಮ್‌ ದೆ” ಕರಿ ಬೋಲ್ಯೊ. 
\v 40 ಸಿಪಾಯ್ನೊಮೋಟಾನೆ ಹುಕುಮ್‌ ದ್ಯಾವದೀನ್ ಪೌಲನೆ, ಪಾಯಿರಿಪರ್ ಭೀರಿನ್, ಅದ್ಮಿನಝೂ಼ಂಡ್‌ನ ಖ್ಹೊಪೊರ‍್ಹೇವೊಕರಿ ಹಾತ್‌ನೊ ಇಷಾರ್ಕೊ ದಿದೊ. ಇವ್ಣೆ ಜ಼ರ ಖ್ಹೊಪ್‍ಪಡಾದಿನ್ ಇವ್ಣುನ ಇನೆ ಇಬ್ರಿಯ ವಾತೆಮ ಬೋಲಾನ ಶುರುಕರ‍್ಯೊ.
\c 22
\p
\v 1 “ಮಾರ ಬಾವೊ, ಯಹೂದಿ ದೋಸ್ತಿವೊ, ಮೇ ಹಮ್ಕೆ ತುಮೂನ ದೆವುಸ್ತೆ ಫೇಡ್ನ ಖ್ಹಮ್‍ಜೊ ಕರಿ ಚಿಕ್ರಿ ಬೋಲ್ಯೊ. 
\v 2 ಇವ್ಣಿಜೋ಼ಡೆ ಇಬ್ರಿಯ ಬೋಲಿಮ ವಾತೆ ಬೋಲಾನು ಖ್ಹಮ್‌ಜಿನ್‌ ಇವ್ಣೆ ಬಿಜೂ಼ಬಿ ಖ್ಹೊಪೊ ಪಡೀಗು. ತದೆ ಇನೆ ಶಾತ್ ಬೋಲ್ಯೊಕತೊ; 
\v 3 ಮೇ ಕಿಲಿಕ್ಯಾನು ತಾರ್ಸ ಖ್ಹಯೇರ್‌ಮ ಪೈದಹುಯೊತೆ ಯೆಹೂದ್ಯವಾಳೊ. ಕತೋಬಿ ಆಸ್ ಖ್ಹಯೇರ್‌ಮ ಪಳ್ಯೊಹುಯೊ.ಯೆರೂಸಲೇಮ್ಮ ಮೇ ಗಮಲಿಯೇಲನೊ ಶಿಷ್ಯಹುಯಿನ್, ಹಮಾರ ಗುರುಗುರಬ್‌ಲ್ಯನು ಧರ್ಮಶಾಸ್ತ್ರನು ಖ್ಹಾರೂಸ್ ಶಿಕಿರಾಖ್ಯೊಸ್; ಹಮ್ಕೆ ತುಮೆಖ್ಹಾರು ಛಾ಼ತೆ ತಿಮ್ಮಸ್ ಮೇಬಿ ದೇವ್‌ನೊ ದಿಲ್‌ಲಾಗ್ಯೊತೆ ಹುಯಿರ‍್ಹೋಥೊ. 
\v 4 ಆ ಮಾರಗ್‌ಪರ್‌ ಚಾ಼ಲವಾಳಾನ ಖ್ಹತಾವ್‍ತೊಹುಯಿನ್ ತಯೇಡ ಪರ್ಖ್ಹಾ ಖೇಚಿಲಾಯಿನ್ ಜೇಲ್‌ಮ ಧಕೆಲಿನ್ ಇವ್ಣುನ ಮರ್‌ನಾಖನಾಬಿ ಕಚ಼್ ಖಾದೊಕೊಯ್ನಿ. 
\v 5 ಅನಿಬಾರೇಮ ಗಲ್‌ಢಯಾಜಕ್‌ಬಿ ಮೋಟಿಸಭೆವಾಳು ಖ್ಹಾರು ಸಾಕ್ಷಿ ಹುಯಿರ‍್ಹುಸ್. ಇವ್ಣೇಥಿಸ್ ದಮಸ್ಕಮ ಥೂತೆ ಯಹೂದಿ ದೋಸ್ತಿನ ದ್ಯವಾನಖ್ಹಾಜೆ ಅವ್ಣಕನ ಥೂತೆ ಚಿಟ್ಟಿನ ಮಾಂಗಿಲೀನ್ ಇವ್ಣುನ ಬೇಡಿ ಘಾಲಿನ್ ಖ್ಹತಾವನ ಯೆರೂಸಲೇಮ್ಮ ಖೇಚಿಲಿ ಆವಾನ ದಮಸ್ಕಮ ಮೇ ವಳ್ಯೊಜಾ಼ತೋಥೊ.
\s ಪೌಲನೆ ಇನು ಮನ್ ಫರಾವನಿ ಬಾರೇಮ ಬೋಲ್ಯೋತೆ
\r (ಅಪೊ 9:1-19; 26:12-18)
\p
\v 6 ಖ್ಹುಮಾರ್ ಭಾರಘಂಟಾನಿ ವಖ್ಹತ್‌ಮ ಮೇ ದಮಸ್ಕನ ಖನ್ನೆ ಜೈ಼ರ‍್ಹೂಥು. ತದೆ ಅಪ್‌ಗುಪ್‌ಥೀಸ್ ಆಕಾಶ್‌ಮಾಥು ಏಕ್‌ ಉಜಾ಼ಳು ಮಾರ ಅಶ್‌ಪಿಶ್‌ ಉಜಾ಼ಖ್ಹ್‌ಥಿ ಝ಼ಮ್‍ಕ್ಯು. 
\v 7 ಮೇ ಜ಼ಮೀನ್‌ಪರ್ ರಡ್ಕಿಗಯೊ. ತದೆ ‘ಸೌಲ’ ಸೌಲ, ಮನ ಶನ ಖ್ಹತಾವಸ್? ಕರಿ ಮನ ಬೋಲ್ಯುತೆ ಏಕ್‌ ಆವಾಜ಼್‌ನ ಖ್ಹಮ್‍ಜ್ಯೊ. 
\v 8 ಇನ ಮೇ, ‘ಪ್ರಭು ತೂ ಕೋಣ್?’ ಕರಿ ಪುಛಾ಼ವದೀನ್, ‘ತೂ ಖ್ಹತವ್‍ಕರಸ್ತೆ ನಜ಼ರೇತ್‌ನೊ ಯೇಸುಸ್ ಮೇ’ ಕರಿ ಇನೆ ಮನ ಬೋಲ್ಯೊ. 
\v 9 ಮಾರಿ ಜೋ಼ಡೆ ರ‍್ಹವಾಳು ಉಜಾ಼ಳಾನ ದೇಖ್ಯುಪಣ್ಕಿ ಮಾರಿ ಜೋ಼ಡೆ ವಾತೆಬೋಲ್ಯುತೆ ಯೋ ಅವಾಜ಼್ ಖ್ಹಮ್‍ಜ್ಯುಕೊಯ್ನಿ. 
\v 10 ತದೆ ಮೆ ‘ಪ್ರಭು ಮೇ ಶಾತ್‍ಕರ್ನು?’ ಕರಿ ಪುಛಾ಼ಯೊ. ತದೆ ಪ್ರಭುನೆ, ತೂ ಉಠೀನ್‌’ ದಮಸ್ಕಮ ಜಾ಼, ತೂ ಶಾತ್ ಶಾತ್ ಕರ್ನುಕಿ ಯೋ ಖ್ಹಾರು ತುನ ಹಿಜ್ಜಾ಼ ಮಾಲುಮ್‌ ಪಡ್‌ಶೆ; ಕರಿ ಬೋಲ್ಯೊ. 
\v 11 ಯೋ ಉಜಾ಼ಳಾನಿ ಮಹಿಮೆಥಿ ಮಾರ ಡೋಳ ಕಾಣಹುಯಿಗಾತೆ ಇನಖ್ಹಾಜೆ ಮಾರಿಜೋ಼ಡೆ ರ‍್ಹವಾಳುಖ್ಹಾರು, ಮಾರೊ ಹಾತ್‍ಧರೀನ್ ದಮಸ್ಕಮ ಬುಲೈಲಿನ್ ಗಯು. 
\v 12 ಹಿಜ್ಜಾ಼ ಧರ್ಮಶಾಸ್ತ್ರನಿ ಬಾರೇಮ ಬರೋಬರ್ ಚಾ಼ಲಿಲ್ಯವಾಳೊ ದೇವ್‌ನೊ ಭಕ್ತಾಬಿ ಯೋ ಝ಼ಗೋನು ಯೆಹೂದ್ಯರ್ ಖ್ಹಾರಾಥಿ ಅಛ್ಛೊ಼ಕರಿ ನಾಮ್ ಕಮಾಯೊಹುಯೊ ಅನನೀಯಕರಿ ಏಕ್‍ಜ಼ಣೊ ಮಾರಕನ ಆಯಿ ಭೀರಿನ್, 
\v 13 ಇನೆ, ‘ಮಾರೊ ಭೈ ಸೌಲ, ತುನ ಡೋಳ ದೆಖವಾದೆ’ ಕರಿ ಬೋಲ್ಯೊ. ತದ್‌ನು ತದೇಸ್‌ ಮನ ಡೋಳಾನಿ ಜೋ಼ತ್ ಆಯಿನ್ ಮನ ದೇಖವಲಗ್ಯು. ಮೇ ಇನ ದೇಖ್ಯೊ. 
\v 14 ತದೆ ಅನನೀಯನೆ, ‘ತುಮಾರೊ ಗುರುಖ್ಹಾರಾನೊ ದೇವ್ ಘಣ ದನ್ನ ಪಾರಸ್ ತುನ ಚೂ಼ಣಿಲಿದೊ. ತೂ ದೇವ್ನಿ ಖ್ಹಯಾಲ್ನ ಮಾಲುಮ್ ಕರಿಲ್ಯವಾನಾಬಿ ನೀತಿವಾಳೊಸೇವಕ್ನ ದೇಕ್ಣುಕರಿಬೀ, ಯೊ ಇನಿ ಶೊಂತ್ ಅವಾಜ಼್‌ನಿ ವಾತೆನ ಖ್ಹಮಜ಼್‌ಣುಕರಿ ದೇವ್ನೆ ತುನ ನೇಮ್‌ಶಾಯೋತೆ. 
\v 15 ತೂ ದೇಖಿನ್‍, ಖ್ಹಮ್‍ಜ್ಯೊತೆ ಬಾರೇಮ ಖ್ಹಾರಾಸ್ ಅದ್ಮಿನ ಖ್ಹಾಮ್ಣೆ ಇನಿ ಸಾಕ್ಷಿ ಬೋಲ್‌ನು. 
\v 16 ತೂ ಹಮ್ಕೆ ಶನ ಖ್ಹೊಪ್‍ರ‍್ಹೇಸ್ ಉಟ್? ಪ್ರಭುನ ನಾಮ್ನ ಬೋಲವಾಳೊಹುಯಿನ್, ಬ್ಯಾಪ್ತಿಸ್ಮ ಕರೈಲೀನ್ ತಾರ ಪಾಪ್ನ ದ್ಹೋಯಿಲೆ ಅಜು಼ ತು ಇನಖ್ಹಾಜೆ ಪ್ರಾರ್ಥನೆ ಕರ್‌ ಕರಿ ಬೋಲ್ಯೊ.
\s ಯೆಹೂದ್ಯರ್ ಕಾಹೆತೆ ಅದ್ಮಿನ ಇಚ಼್‌ಮ ಉಪದೇಶ್ ಕರಾನ ಪೌಲಾನಿ ಬುಲಾವ್ಣಿ
\p
\v 17 ಮೇ ಯೆರೂಸಲೇಮ್ಮ ಪಾಛೊ಼ ಫರೀನ್ ಐನ್ ದೇವ್ನಿ ಮಂದಿರ್‌ಮ ಪ್ರಾರ್ಥನೆ ಕರುಕರಾನಿ ವಖ್ಹತ್‌ಮ ಮೆ ಏಕ್‌ ದರ್ಶನ್ ದೇಖ್ಯೊ. 
\v 18 ಮೇ ಪ್ರಭುನ ದೇಖ್ಯೊ. ಇನೆ ಮನ, “ಒಗ್ಗಿ ಯೆರೂಸಲೇಮ್‍ಥು ನಿಕಳ್ ಮಾರಿ ಬಾರೇಮ ತೂ ಬೋಲಾನಿ ಸಾಕ್ಷಿನ ಆ ಖ್ಹಾರು ಅದ್ಮಿ ಮಾನಿಲೇಯಿ ಕೊಯ್ನಿ” ಕರಿ ಬೋಲ್ಯೊ. 
\v 19 ಇನ ಮೇ, ‘ಪ್ರಭು, ಮೇ ಅಖ್ಖಾಸ್ ಸಬೆನಿ ಝ಼ಗೋಮ ತಾರಾಮ ವಿಶ್ವಾಸ್ ರಾಖ್ಯಹುಯ ಅದ್ಮಿಖ್ಹಾರಾನ ಮೆ ಜೇಲ್‌ಮ ಧಕೆಲಿನ್ ಮರಾಯೊಹುಯೊ ಮೇಸ್ ಕರಿ, 
\v 20 ಅಜು಼ ತಾರಿ ಸಾಕ್ಷಿ ಹುಯಿರೋತೆ ಸ್ತೆಫನನು ಲ್ಹೋಯಿ ರಂಚಾ಼ವನಿ ವಖ್ಹ್‌ತೆ, ಮೇಬಿ ಇನ ಮಾನಿನ್ ಇನ ಮಾರವಾಳಾನು ಝ಼ಗ್ಗಾಕನ ಟಿವೈನ್ ಭೀಯೊಥೋನಿ, ಕರಿ ಇವ್ಣೆ ಮಾಲುಮ್ ಕರಿರಾಖವಳು ಹುಯಿರುಸ್. 
\v 21 ತದೆ ಪ್ರಭುನೆ; ಜಾ಼ ಮೇ ತುನ ದೂರ್ ಯೆಹೂದ್ಯರ್‌ಕಾಹೆತೆ ಅದ್ಮಿನ ತಬರ್‌ಖಾಮ ಮೋಕ್ಲುಸ್’ ಕರಿ ಮನ ಬೋಲ್ಯೊ.” 
\v 22 ಆ ವಾತ್ ಬೋಲಲಗು ಅದ್ಮಿಖ್ಹಾರು ಪೌಲನಿ ವಾತ್ನ ಕಾನ್‍ಲಾಗಾಡಿ ಖ್ಹಮ್‌ಜ್ಯು; ಅನಪಾರ್ ಇವ್ಣೆ “ಅಥ್ರಾನವಾಳಾನ ಜ಼ಮೀನ್‍ಪರ್ಥು ಕಾಡಿನಾಕ್; ಆ ಬಚಾ಼ವನ ಲ್ಹಾಯೇಕ್‍ ಕೊಯ್ನಿ” ಕರಿ ಚಿಕ್ರಿ ಬೋಲ್ಯು. 
\v 23 ಇವ್ಣೆ ಚಿಕ್ರಾಣ್ ಮ್ಹೇಲ್‍ತು, ಇವ್ಣು ಲುಂಗ್ಡಾನ ಫಾಡಿಲೇತು ಹುಯಿನ್, ಮಾಟಿ ಉಡಾವ್ತು ರ‍್ಹಯು. 
\v 24 ತದೆ ರೋಮ್‌ನೊ ಸೇನಾಧಿಪತಿನೆ ಪೌಲನ ಕೋಟೆನ ಮ್ಹೇಲಿಜಾ಼ವ್ಣುಕರಿ ಹುಕುಮ್ ದೀನ್, ಅದ್ಮಿಖ್ಹಾರು ಅಮ್ ಪೌಲನಿ ವಿರೋದ್ ಚಿಕ್ರಾಣ್ ಮ್ಹೇಲುಕರಾಸ್ತೆ ಕಾರಣ್ ಶಾತ್ ಕರಿ ಫುಚಾ಼ವ್ಣುಕರಿ ಸೆನಾದಿಪತಿನು ಆಖ್ಹ್ ಹುಯಿರ‍್ಹೀಥಿ. 
\v 25 ಇವ್ಣೆ ಪೌಲನ ಡುಗೈನ್ ಭಾಂದಿನ್ ಮಾರಾನಿ ವಖ್ಹ್‌ತೆ ಇನ ಖನ್ನೆ ಭಿಯುಥೂತೆ ಖ್ಹೋಶಿಪಾಯಿನ ಮೋಟಾನ, “ರೋಮ್ ಪ್ರಜೆ ಹುಯಿರ‍್ಹವಾಳ ಅದ್ಮಿನ ಅಪರಾದಿ ಕರಿನ್ ತೀರ್ಪ್ ಹುವಾನ ಅಗಾಡಿಸ್ ಕೋಲ್ಡೆಖ್ಹು ಮಾರ‍್ವಾನು ನ್ಯಾವ್‌ಕಿ ಶು?” ಕರಿ ಪುಛಾ಼ಯೊ. 
\v 26 ಯೋ ಖ್ಹೋಶಿಪಾಯಿನ ಮೋಟಾನೆ ಅನ ಖ್ಹಮ್‌ಜಿನ್‌ ತದ್‌ನು ತದೇಸ್‌ ಸೈನಾಧಿಪತಿಕನ ಜೈ಼ನ್ “ತೂ ಶಾತ್‌ ಕರುಕರಸ್ ಕರಿ ತುನ ಮಾಲುಮ್‍ಕಿ ಶು? ಆ ಅದ್ಮಿ ರೋಮ್‌ನೊ ಪ್ರಜೆ!” ಕರಿ ಬೋಲ್ಯೊ. 
\v 27 ತದೆ ಸೇನಾಧಿಪತಿ ಪೌಲಕನ ಐನ್, “ಬೋಲ್ ತು ರೋಮ್‌ನೊ ಪ್ರಜೆಕಿಶು?” ಕರಿ ಪುಛಾ಼ವಮ, ಪೌಲನೆ “ಓಹೊ” ಕರಿ ಜ಼ವಾಬ್ ದಿದೊ. 
\v 28 ತದೆ ಸೇನಾಧಿಪತಿನೆ, “ಮೇ ರೋಮ್‍ನು ಪ್ರಜೆ ಹುವಾನ ಘಣು ಪೈಶಾದಿದೊ” ಕರಿ ಬೋಲ್ಯೊ. ಕತೋಬಿ ಇನ ಪೌಲನೆ, “ಮೇ ಪೈದಾಖ್ಹ್‌ಥೋಸ್‌ ರೋಮ್‍ನು ಪ್ರಜೆ” ಕರಿ ಬೋಲ್ಯೊ. 
\v 29 ಪೌಲನ ಪುಛಾ಼ವ್ಣು ಕರಿ ಆಯುಹುಯು ಖ್ಹಾರುಜ಼ಣು ತದ್‌ನು ತದೇಸ್‌ ಇನಕಂಥು ಚ಼ಲಿಗಯು. ಅತ್ರೇಸ್ ಕಾಹೆತೆ ಸೇನಾಧಿಪತಿನೆ ಪೌಲ ರೋಮ್‍ನು ಪ್ರಜೆಕರಿ ಮಾಲುಮ್ ಕರಿಲೀನ್, ಇನ ಭಂಧೈರಾಖ್ಯೊಥೋತೆ ಇನಖ್ಹಾಜೆ ಡರ‍್ಯೊ.
\s ನ್ಯಾವ್‍ನಿ ಸಬೆನ ಖ್ಹಾಮ್ಣೆ ಪೌಲ
\p
\v 30 ಪೌಲನ ಉಪ್ಪರ್ ಯೆಹೂದ್ಯರ್ ಖ್ಹಾರು ಶನ ಅಪರಾದ್ ನಾಖುಕರಸ್ ಕರಿ ಮಾಲುಮ್‌ ಕರಿಲ್ಯಾವಾನಖ್ಹಾಜೆ ಸೇನಾಧಿಪತಿನೆ ತೀರ್ಮಾನ್ ಕರೀನ್, ಇನವ್ಹಾಣೆ ಪೌಲನ ಬೇಡಿನ ಛೋ಼ಡಿನ್ ಮಹಾಯಾಜಕಬಿ ನ್ಯಾವ್ನಿಸಬೆವಾಳು ಖ್ಹಾರುಸ್ ಭರಾವ್ಣುಕರಿ ಹುಕುಮ್‌ ದೀನ್, ಪೌಲನ ಬುಲೈಲೀಜೈ಼ನ್ ಇವ್ಣಖ್ಹಾಮೆ ಭೀರಾಖ್ಯೊ.
\c 23
\p
\v 1 ತದೆ ಪೌಲನೆ ಯೆಹೂದ್ಯರ್‌ನ ನ್ಯಾವ್ನಿಸಭೆನ ಠರ್‌ಕಿ ದೇಖಿನ್, “ಭೈಯೇವೊ, ಮೆ ಹಮ್ಕೆಲಗು ಅಛ್ಛಿ ದಿಲ್ನಿಸಾಕ್ಷಿಥಿ ದೇವ್ನಖ್ಹಾಮ್ಣೆ ಚಾ಼ಲಿರ‍್ಹೋಸ್” ಕರಿ ಬೋಲ್ಯೊ. 
\v 2 ಇನಖ್ಹಾಜೆ ಮಹಾಯಾಜಕ ಹುಯಿರೋತೆ ಅನಾನೀಯನೆ; ಪೌಲಕನ ಭಿಯಹುಯಖ್ಹಾರಾನ ಇನ ಮ್ಹೋಡಾಪರ್ ಮಾರೊ ಕರಿ ಬೋಲ್ಯೊ. 
\v 3 ತದೆ ಪೌಲನೆ ಇನ ಅಮ್‍ ಬೋಲ್ಯೊ, “ದೇವ್ ತುನಾಬಿ ಮಾರ್‌ಶೆ. ಛು಼ನ್ನೊ ಲಗಾಡಿಹುಯು ಭೀತಸ್ ತು. ಶನಕತೊ ಮೋಶೆನ ಧರ್ಮಶಾಸ್ತ್ರನಿಘೊಣಿ ನ್ಯಾವ್‌ಕರಾನ ಹಿಜ್ಜಾ಼ ಬೇಶಿನ್, ಮನ ಮಾರ್‌ವಾನ ಇವ್ಣುನ ಬೋಲುಕರಸ್ ಕಿಶು? ಆ ಧರ್ಮಶಾಸ್ತ್ರನವಿರುದ್ ಹುಯಿರ‍್ಹುಸ್ನಿ” ಕರಿ ಬೋಲ್ಯೊ. 
\v 4 ತದೆ ಪೌಲನ ಖನ್ನೆ ಭಿಯಹುಯಾನೆ, “ದೇವ್ನ ಮಹಾಯಾಜಕನ ಅಮ್ನಿ ಪರಕ್ ವಾತ್ ನಾ ಬೋಲ್‌ನು. ತೂ ಇನ ಖ್ಹರಮ್‌ ಕಾಡುಕರಸ್” ಕರಿ ಬೋಲ್ಯು. 
\v 5 ಪೌಲನೆ, “ಭೈಯೇವೊ, ಆ ಅದ್ಮಿ ಮಹಾಯಾಜಕ ಕರಿ ಮನ ಮಾಲುಮ್ ಕೋಥೂನಿ. ಶನಕತೊ ಅದ್ಮಿಖ್ಹಾರಾನೊ ಅದಿಪತಿನಿ ಬಾರೇಮ ಖರಾಬ್ ವಾತ್ ನಾ ಬೋಲ್‌ನು ಕರಿ ಧರ್ಮಶಾಸ್ತ್ರ ಲೀಖೈರುಸ್” ಕರಿ ಬೋಲ್ಯೊ. 
\v 6 ಸಭೆಮ ಥೂತೆ ಅದ್ಮಿಮ, ಥೋಡು ಸದ್ದುಕಾಯವಾಳು,ಅಜು಼ ಥೋಡು ಫರಿಸಾಯರ್‌ವಾಳನ ದೇಖಿನ್ ಪೌಲನೆ, “ಮಾರ ಭೈಯೇವೊ, ಮೇ ಫರಿಸಾಯರ್‌ವಾಳೊ ಮಾರೊ ಬಾಬಿ ಪರಿಸಾಯ ಹುಯಿರ‍್ಹೋಥೊ ಮಾರವಾಳು ಪಾಛು಼ಜಿವ್ತು ಉಷೆಕರಿ ಕರಿ ಮೆ ವಿಶ್ವಾಸ್ ಕರೀನ್ ಹಜ಼್ಜ ನ್ಯಾವ್‌ನ ವಿಚಾರಣೆಮ ಪಡ್ಯೊಸ್” ಕರಿ ಚಿಕ್ರಿನ್ ಬೋಲ್ಯೊ. 
\v 7 ಪೌಲ ಅಮ್ ಬೋಲಾಮ, ಫರಿಸಾಯರ್‌ಮಾಬಿ, ಸದ್ದುಕಾಯವಾಳಾಮ ಘಣಿ ಅಬ್ಬಾಜ಼ಬ್ಬಿ ವಾತೆ ಹುಯಿನ್ ಇವ್ಣಾಮಸ್ ಲಡೈ ಹುಯಿನ್ ಸಭೆ ಫುಟ್‍ವಾನಿ ಮತ್‍ ಹುಯು. 
\v 8 ಶನಕತೊ ಮರ‍್ಯುಹುಯು, ಪಾಛು಼ ಜಿವ್ತುಹುವಾನು ರ‍್ಹವೊ, ದೇವ್ನದೂತ ರ‍್ಹವೊ, ಶರೀರ್‌ಕೊಂತೆ ಆತ್ಮರ‍್ಹೇವೊ ಕೊಯ್ನಿಕರಿ, ಸದ್ದುಕಾಯವಾಳು ಬೋಲಸ್. ಕತೋಬಿ ಆ ಭೇಬಿ ಛಾ಼ಕರಿ ಫರಿಸಾಯರ್ ಮಾನಿಲೇಸ್. 
\v 9 ತದೆ ಯೋ ಯೆಹೂದ್ಯರ್‌ಮ ಘಣಿ ಗಲಾಟ್ ಹುಯು ಫರಿಸಾಯರ್‌ನ ಝೂ಼ಂಡ್‌‍ನು ಥೋಡು ಧರ್ಮ ಬೋಧನೆ ಕರವಾಳು ಉಠಿಭೀರಿನ್, “ಆ ಅದ್ಮಿಮ ಶನೀಬಿ ಅಪರಾದ್ ದೇಖವ್‌ಕರಕೊಯ್ನಿ. ದಮಸ್ಕನ ಜಾ಼ವಾನಿ ವಾಟ್‌ಮ ದೇವ್‌ದೂತರ್‌ಕೀ, ಆತ್ಮಾಕಿ, ಇನಜೋ಼ಡೆ ವಾತ್‍ಬೋಲಿರಾಕ್ಣು ಕರಿ ಅಬ್ಬಾಜ಼ಬ್ಬಿ ವಾತೆ ಚಾ಼ಲಿ. 
\v 10 ಆ ಹೊಜ್ಜತ್ ಘಣಿ ಹುಯಿನ್, ಅದ್ಮಿನು ಝೂ಼ಂಡ್‌ ಪೌಲನ ಖೇಚ಼ತಾಣಿ ಕರೀನ್ ಫಾಡಿ ಟುಕ್‌ಡ ಟುಕ್‌ಡಾ ಕರಿನಾಕ್ಷೆಕರಿ ಡರ್‌ಥಿ ಸೇನಾಧಿಪತಿನೆ ಶಿಪಾಯಿಖ್ಹಾರಾನ ತುಮೆ ಹೇಟ್ ಉತ್ರಿಜೈ಼ನ್ ಪೌಲನ ಜು಼ಲಮ್‌ಥಿ ಇವ್ಣಕಂಥು ಛೋ಼ಡೈನ್ ಕೋಟೆಮ ಲ್ಯಾವ್ಣುಕರಿ ಹುಕುಮ್ ದಿದೊ. 
\v 11 ಯೋ ದನ್ನಿ ರಾತ್ಮ ಪ್ರಭು ಪೌಲಕನ ಭೀರಿನ್, “ಭಾಲಿಥಿ ರ‍್ಹೇ; ತೂ ಯೆರೂಸಲೇಮ್ಮ ಮಾರಿಬಾರೇಮ ಬೋಲ್ಯೊತೆ ಇಮ್ಮಸ್ ರೋಮ್‍ನ ಅದ್ಮಿನಾಬಿ ಸಾಕ್ಷಿ ಬೋಲ್ನುಕರಿ ಬೋಲ್ಯೊ.
\s ಪೌಲನಿ ವಿರೋದ್ ಯೆಹೂದ್ಯರ್‌ನಿ ಮಶ್ಲತ್
\p
\v 12 ಇನವ್ಹಾಣೆ ಥೋಡು ಯೆಹೂದ್ಯರ್‌ಖ್ಹಾರು ಎಕಾಡಿ ಐನ್ ಎಕ್ಟುಹುಯು ಅಜು಼ ಮಹಿ ಮಹಿಸ್ ಮಶ್ಲತ್ ಭಂದೈನ್ ಹಮೆ ಪೌಲನ ಮರಾಲಗು ಖಾಣುಪಾಣಿ ಛಿಮ್‍ಶುಕೊಯ್ನಿ. ಕರಿ ಆಣ್‌ಲಿದು. 
\v 13 ಅಮ್ ಕರ‍್ಯಾಹುಯಾಮ ಚಾ಼ಳಿಖ್ಹ್‌ಜ಼ಣೇಥಿ ಜಾ಼ಖ್ಹತ್ ಥು. 
\v 14 ಅವ್ಣೆ ಗಲ್‌ಢಯಾಜಕರ್‌ನ ಬಿಜು಼ ಗಲ್‌ಢಖ್ಹಾರಾಕನ ಜೈ಼ನ್, “ಪೌಲನ ಖೂನ್ ಕರಾಲಗು ಹಮೆ ಮ್ಹೋಡಾಮ ಶಾತ್ಬಿ ಘಾಲ್‍ಶುಕೊಯ್ನಿಕರಿ ಕಠಣ್‍ಥಿ ಆಣ್ ಲೀರಾಖ್ಯಸ್ ಕರಿ ಬೋಲ್ಯು. 
\v 15 “ಇನಖ್ಹಾಜೆ ಹಮ್ಕೆ ತುಮೆ ಶಾತ್‍ಕರ‍್ನುಕತೊ, ನ್ಯಾವ್‌ನು ಸಭೆವಾಳಾನಿಜೋಡ್ಮ ರೋಮ್ನೊಸಿಪಾಯ್ನೊ ಮೋಟಾಕನ ಜೈ಼ನ್‌, ಪೌಲನಿ ಬಾರೇಮ ಬಿಜೂ಼ಬಿ ಜಾ಼ಖ್ಹತ್ ತರೀಪ್‌ಶ ಕರ್ನುಕರಿ ಭಾಣುಬೋಲಿನ್ ಇನ ಹಮಾರಕನ ಬುಲೈಲಿನ್ ಆವ್ಣುಕರಿ ಸೇನಾಪತಿನ ಖ್ಹಮ್‌ಜಾ಼ಡ್ ತದೆ ಪೌಲ ಹಜ಼್ಜ ಆವ್‍ತೊಸ್‍ ಜಾ಼ವ್ಣು ಹಮೆ ವಾಟ್‌ಪರ್ ಟಿವೈರ‍್ಹೀನ್, ಇನ ಮಾರಿನಾಖೇಸ್” ಕರಿ ಬೋಲ್ಯು. 
\v 16 ಕತೋಬಿ ಅವ್ಣಿ ಮಶ್ಲತ್ ಪೌಲನ ಭೇನ್ನಛಿಯ್ಯಾನ ಮಾಲುಮ್ ಪಡ್ಯು. ಇನೆ ಶಿಪಾಯ್ನ ಕೋಟೆನ ಮಹಿಜೈ಼ನ್ ಪೌಲನ ಖ್ಹಮ್‍ಜಾ಼ಡ್ಯೊ. 
\v 17 ತದೆ ಪೌಲನೆ ಏಕ್‌ ಖ್ಹೋಶಿಪಾಯಿನ ಮೋಟಾನ ಬುಲೈನ್, “ಆ ಜ಼ವಾನಿ ಛೋ಼ಕ್ರಾನ ಸೇನಾಧಿಪತಿಕನ ಬುಲೈಲಿನ್ ಜಾ಼. ಯೋ ಇನ ಖ್ಹಮ್‍ಜಾ಼ಡಾನಿ ಏಕ್‌ ವಾತ್ ಛಾ಼” ಕರಿ ಬೋಲ್ಯೊ. 
\v 18 ಇಮ್ಮಸ್ ಯೋ ಅಧಿಕಾರಿನ ಪೌಲನ ಭಾಣ್‍ಜ್ಯಾನ ಸೇನಾಧಿಪತಿಕನ ಬುಲೈಲಿನ್ ಗಯೊ. ಇನೆ ಸೇನಾಧಿಪತಿನ ಅಮ್‌ಬೋಲ್ಯೊ, “ಯೋ ಕೋಂಡೈರ‍್ಹೋತೆ ಪೌಲನೆ ಮನ ಬುಲೈನ್, ಆ ಛೋ಼ಕ್ರಾನ ಸೇನಾಧಿಪತಿಕನ ಲೀನ್‍ಜಾ಼ತೆ, ಇನ ಏಕ್‌ ವಾತ್‍ಬೋಲ್ನುಕರಿ ಛಾ಼” ಕರಿ ಬೋಲ್ಯೊ. 
\v 19 ಸೇನಾಧಿಪತಿನೆ ಯೋ ಜ಼ವಾನಿ ಛೋ಼ಕ್ರಾನ ಹಾತ್‍ಧರೀನ್ ಏಕ್ಲನಾಸ್ ಏಕಾಡಿ ಬುಲೈಲೀಜೈ಼ನ್, “ತೂ ಶಾತ್ ಬೋಲ್ನುಕರಿ ಛಾ಼?” ಕರಿ ಪುಛಾ಼ಯೊ.
\p
\v 20 ತದೆ ಯೋ ಜ಼ವಾನಿ ಛೋ಼ಕ್ರಾನ, “ಪೌಲನಿ ಬಾರೇಮ ಘಣು ಮಾಲುಮ್ ಕರಿಲೇವ್ಣುಕರಿ ಭಾಣುಕರೀನ್, ಕಾಲ್ನ ನ್ಯಾವ್‍ನಿ ಸಭೆಮ ಪೌಲನ ಬುಲೈಲಿನ್ ಆವ್ಣುಕರಿ ತುನ ಯೆಹೂದ್ಯರ್ ಖ್ಹಾರು ಬೋಲಾನ ಕರುಕರಸ್. 
\v 21 ಕತೋಬಿ ಇವ್ಣಪರ್ ವಿಶ್ವಾಸ್ ನಕೊ ಕರಿಶ್. ಪೌಲನ ಮಾರಾನಖ್ಹಾಜೆ ಚಾ಼ಳಿಖ್ಹ್‌ಥೀಬಿ ಜಾ಼ಖ್ಹತ್ ಯೆಹೂದ್ಯರ್‌ಖ್ಹಾರು ಲಪೀನ್ ಟಿವೈರ‍್ಹುಸ್ ಇವ್ಣೆ ಇನ ಮಾರ‍್ವಲಗು ಶಾತ್ಬಿ ಖಾಶು ಕೊಯ್ನಿ ಕರಿ ಆಣ್‌ಕರ‍್ಯು ಅಜು಼. ಹಮ್ಕೆ ತಾರಿ ಹುಕುಮ್‌ನಖ್ಹಾಜೆ ಟಿವೈರ‍್ಹೂಸ್” ಕರಿ ಬೋಲ್ಯೊ. 
\v 22 ತದೆ ಸೇನಾಪತಿನೆ ಯೋ ಜ಼ವಾನಿ ಛೋ಼ಕ್ರಾನ, “ಇವ್ಣಿ ಮಶ್ಲತ್ನಿ ಬಾರೇಮ ಬೋಲಿರಾಖ್ಯೊಸ್‍ಕರಿ ಕಿನಾಬಿ ನಕೊ ಬೋಲ್” ಕರಿ ಅಜು಼ ಜ಼ವಾನಿ ಛೋ಼ಕ್ರಾನ ಹುಕುಮ್‌ದೀನ್ ಮೋಕ್ಲಿದಿದೊ.
\s ಕೈಸರೈ ಖ್ಹಯೇರ‍್ನ ಪೌಲನ ಮೋಕ್‌ಲ್ಯುತೆ
\p
\v 23 ಇನಪಾರ್ ಖ್ಹೋಶಿಪಾಯಿನ ಮೋಟಾನೆ ಬೇಜ಼ಣ ಸೇನಾಧಿಕಾರಿನ ಬುಲೈನ್ ಇವ್ಣುನ, “ಆ ರಾತ್ ನೌಘಂಟಾನ ಕೈಸರೈ ಖ್ಹಯೇರ‍್ನ ಜಾ಼ವಾನ ಬೇಖ್ಹೋ ಶಿಪಾಯಿನಾಬಿ, ಖ್ಹಡ್‌ತೀನಿಖ್ಹ್‌ ಅದ್ಮಿ ಘೋಡಾಚ಼ಲಾವಳನಾಬಿ, ಬೇಖ್ಹೊ ಅದ್ಮಿ ಭಾಲವಳಾನಾಬಿ, ತಯಾರ್‌ಕರೊ. 
\v 24 ಅಜು಼ ಘೋಡಾನ ತಯಾರ್‌ಕರ‍್ಲಿನ್, ಪೌಲನ ಬೆಖ್ಹಾಡಿನ್‌, ರಾಜ್ಯಪಾಲ್ ಹುಯಿರೋತೆ ಫೇಲಿಕ್ಸಕನ ಇನ ಜ಼ತನ್‍ಥೀಸ್‌ ಬುಲೈಲೀಜಾವ್ಣು” ಕರಿ ಬೋಲ್ಯೊ. 
\v 25 ಅಜು಼ ಸೇನಾಧಿಪತಿನೆ ಆ ನಾಹುಯಿನ್ ಇವ್ಣುನ ಅಮ್ ಏಕ್‌ ಚಿಟ್ಟಿ ಲೀಖಿನ್ ದಿದೊ: 
\v 26 “ಮಹಾಪ್ರಭು ಹುಯಿರೋತೆ ರಾಜ್ಯಪಾಲ್ ಫೇಲಿಕ್ಸ್‌ನ ಕ್ಲೌದ್ಯ ಲುಸಿಯಸ್‍ನಿ ಖ್ಹಲಾಮ್. 
\v 27 ಆ ಅದ್ಮಿನ ಯೆಹೂದ್ಯರ್‌ಖ್ಹಾರು ಧರೀನ್ ಮಾರಿನಾಕ್ಣುಕರಿ ಥೂ. ಕತೋಬಿ ಆ ರೋಮ್‌ನೊ ಪ್ರಜೆಕರಿ ಮಾಲುಮ್ ಪಡ್ಯು. ಮೇ ಶಿಪಾಯಿಖ್ಹಾರಾನಿ ಜೋ಼ಡೆಜೈ಼ನ್ ಛೋ಼ಡಾಯೊ. 
\v 28 ಇವ್ಣೆ ಶನ ಅನಪಾರ್ ಅಪರಾದ್ ನಾಖುಕರಸ್ ಕರಿ ಮಾಲುಮ್‌ ಕರಿಲ್ಯಾವಾನಖ್ಹಾಜೆ ಕರಿ ಅನ ಇವ್ಣೆ ನ್ಯಾವ್‍ನಿ ಸಬೆಮ ಮೇ ಬುಲೈಲಿನ್ ಗಯೊ. 
\v 29 ಮನ ಹಿಜ್ಜಾ಼ ಮಾಲುಮ್ ಪಡ್ಯುತೆ ಶಾತ್‍ಕತೊ ಪೌಲ ಖರಾಬ್ ಕಾಮ್ ಕರಿರಾಖ್ಯೊಸ್ ಕರಿ ಯೆಹೂದ್ಯರ್‌ಖ್ಹಾರು ಬೋಲ್ಯುತೋಬಿ, ಇವ್ಣು ಅಪರಾದ್ ಖ್ಹಾರು ಇವ್ಣ ಧರ್ಮಶಾಸ್ತ್ರನಿ ಬಾರೇಮಾನಿ ವಾತೆನ ಪಾಡೀನ್, ಇನಪರ್ ಅಪರಾದ್ ಢೋವಡ್ಯು ಪಣ್ಕಿ ಮರಣ್ ದಂಡನೆ ರ‍್ಹವೊ ಬೇಡಿ ಘಾಲಾನ ರ‍್ಹವೊ ಕರಾಖ್ಹರ‍್ಕಿ ಖೇವಿಬಿ ಅಪರಾದ್ ಕೋಥಿನಿ. 
\v 30 ಕತೋಬಿ ಯೆಹೂದ್ಯರ್‌ಮ ಥೋಡುಜ಼ಣು ಪೌಲನ ಮಾರಿನಾಖನ ಮಶ್ಲತ್‌ ಕರುಕರಸ್‍ಕರಿ ಮನ ಮಾಲುಮ್ ಪಡ್ಯು. ಇನಖ್ಹಾಜೆ ಮೇ ಇನ ತುರಂತ್ ತರಾಕನ ಮೋಕ್ಲುಕರುಸ್. ಆಸ್ ಕಾಹೆತೆ, ಪೌಲನಪರ್ ಅಪರಾದ್ ನಾಖವಳಾನಾಬಿ ತಾರಸ್‍ಖ್ಹಾಮ್ಣೆ ಯೋ ಅಪರಾದ್ನಿ ವಾತೆ ಬೋಲಾನ ಹುಕುಮ್ ದೀರಾಖ್ಯೊಸ್”. 
\v 31 ಶಿಪಾಯಿಖ್ಹಾರು ಇವ್ಣುನ ಹುಕುಮ್ ಹುಯುತೆ ತಿಮ್ಮಸ್ ಪೌಲನ ಇವ್ಣಿಜೋ಼ಡೆ ರಾತೋರಾತ್ ಬುಲೈಲಿನ್ ಅಂತಿಪತ್ರಿಕರಿ ಗಾಮ್‌ನ ಬುಲೈಲೀಗಯು. 
\v 32 ಇನ ಅಗಲ್ಯದನ್ನೆ ಪೌಲನ ಜೋ಼ಡೆ ಅಗಾಡಿ ಜಾ಼ವಾನ ಘೋಡ ಚ಼ಲಾವವಾಳಾನ ಮ್ಹೇಲಿನ್, ಸಿಪಾಯಿಖ್ಹಾರು ಪಾಛು಼ಫರಿನ್ ಕೋಟೆನ ಆಯು. 
\v 33 ಇವ್ಣೆ ಕೈಸರೈ ಖ್ಹಯೇರ‍್ನ ಜೈ಼ನ್, ರಾಜ್ಯಪಾಲ್‌ನ ಚಿಟ್ಟಿದಿದೊ. ಇನಪಾರ್ ಪೌಲಾನ ಇನ ಹಾತ್ಮ ದಿದೊ. 
\v 34 ರಾಜ್ಯಪಾಲ್‌ನೆ ಚಿಟ್ಟಿ ಫಡೀನ್, ಇನೆ ಪೌಲನ, “ತು ಖೆವ ದೇಖ್ಹ್‌ನೊ?” ಕರಿ ಪುಛಾ಼ವಮ ಕಿಲಿಕ್ಯವಾಳೊ ಕರಿ ಮಾಲುಮ್‌ಪಡ್ಯು. 
\v 35 ರಾಜ್ಯಪಾಲ್ನ, “ವಿರೋದ್ ಹುಯಿರ‍್ಹುತೆ ಯೆಹೂದ್ಯರ್‌ಖ್ಹಾರು ಹಜ್ಜಾ಼ ಆವಾದಿನ್, ಮೇ ತಾರ ಅಖ್ಖಾಸ್ ಕಾಮ್ನ ವಿಚಾರ್ ಕರಿಶ್” ಕರಿ ಬೋಲಿನ್ ಪೌಲನ ಹೆರೋದಾನಿ ಮಹೇಲ್‌ಮ ರಾಖಿನ್ ಕಾವ್ಲಿ ಕರ್ನುಕರಿ ಹುಕುಮ್‌ ದಿದೊ.
\c 24
\s ಪೌಲನ ವಿರೋದ್ ನ್ಯಾವ್‌ನು ವಿಚಾರ್
\p
\v 1 ಪಾಚ಼್ ದನ್‍ಹುವಾದಿನ್ ಗಲ್‌ಢಯಾಜಕ್ ಅನನೀಯನೆ, ಯೆಹೂದ್ಯರ್‌ನ ಥೋಡಘಲ್ಡಾನ ಅಜು಼ ತೆರ್ತುಲ್ಯಕರಿ ಏಕ್‌ ವಕೀಲ್ನ ಬುಲೈಲಾಯಿನ್‌, ರಾಜ್ಯಪಾಲ್‌ನ ಖ್ಹಾಮ್ಣೆ ಪೌಲನ ಉಪ್ಪರ್ ಫಿರಾದ್ ಬೋಲಾನ ಕೈಸರೈ ಖ್ಹಯೇರ‍್ನ ಆಯೊ. 
\v 2 ಪೌಲನ ನ್ಯಾವ್‍ಮ ಬುಲೈಮಂಗಾಯು. ತದೆ ತೆರ್ತುಲ್ಯನೆ, ಪೌಲನ ಉಪ್ಪರ್ ಇನಿಅಪರಾದ್ನಿ ವಾತ್ನ ಢೊವಾಡನ ಶುರುಕರ‍್ಯೊ. “ಮಹಾ ಪ್ರಭು ಫಿಲಿಕ್ಸ್‌ ತಾರೆಥೀಸ್ ಹಮಾರು ಅದ್ಮಿಖ್ಹಾರು ಸಮಾಧಾನ್‌ಥಿ ಜಿವ್ಣು ಕರುಕರಸ್. ತಾರಿ ಖ್ಹೂಜ಼್‌ಥೀಸ್ ದೇಖ್ಹ್‌ಮ ಕೆತ್ರಿಕ್ಕಿ ಬಿಗ್‍ಡಿಹುಯಿ ಹಾಲತ್ನ ಖ್ಹುದಾರಿರಾಖ್ಯೊಸ್. 
\v 3 ಹರೇಕ್ ಬಾಜೂ಼ಬಿ ಹರೇಕ್ ಪರಕ್‍ಮಾಬಿ ಘಣು ಧನ್ಯವಾದ್ ಕರೀನ್ ಅನ ಹಮೆ ಮಾನಿಲಿಯೇಸ್.” 
\v 4 ಕತೋಬಿ ಮೇ ತಾರಿ ವಖ್ಹತ್‌ನ ಬಿಜೂ಼ಬಿ ಜಾ಼ಖ್ಹತ್ ಕೋಲೇವುಂತೆ ಥೋಡಿಸ್ ವಾತೆ ಬೋಲುಸ್. ದಯಾಕರೀನ್ ಖ್ಹಮಜ಼್‌ಣುಕರಿ ತಾರಾಮ ಗಿಂಗೈಲೆವುಸ್. 
\v 5 “ಆ ಅದ್ಮಿ ಖರಾಬ್‌ಛಾ಼ ಅಜು಼ ಬರಾಬರ್‌ಕೊಯ್ನಿ ಜಗತ್‌ಮ ಕಿಜ್ಜಾ಼ಬಿ ರ‍್ಹವೊ, ಯೆಹೂದ್ಯರ್‌ಮ ಲಡೈ ಉಠಾಡ್ತೊ ಫಂಡಸ್‌ಕರಿಬಿ, ಆ ನಜ಼ರೇತ್‌ನಿ ಖೂಮ್ನೊ ಮೋಟೊ ಕರಿಬಿ ಹಮೆ ದೇಖ್ಯ. 
\v 6 ಆ ನಾಹುಯಿನ್ ಆ ಅದ್ಮಿ ದೇವ್ನಿ ಮಂದಿರ‍್ನ ಮೈಲುಕರಾನ ಕೋಶಿಶ್ ಕರ‍್ಯೊ. ಇನಾಖ್ಹಾಜೆ ಹಮೆ ಇನ ಬಂಧಿಕರ‍್ಯಾ.\f + \fr 24:6 \fr*\ft ಥೋಡು ಚಿಟ್ಟೀಮ 6 ಭಾಗ್‌ಥು 8ಲಗು ಕೊಯ್ನಿ\ft*\f* ಹಮೆ ಹಮಾರ ಶೊಂತ್ ನಿಯಮ್‌ನಿ ಪರಕ್ಮ ತೀರ್ಪ್ ಕರ್ನುಕರಿ ಖ್ಹೂಜ಼್‌ಕರ‍್ಯ. 
\v 7 ಕತೋಬಿ ಸೇನಾಧಿಪತಿನ ಮೋಟೊ ಲುಸಿಯಸ್‍ ಆಯೊ.ಅಜು಼ ಖ್ಹತಾವನ ಪರಕ್ಮ ಹಮಾರಕಂಥು ಛೋ಼ಡೈಲೀನ್ ಗಯೊ. 
\v 8 ತದೆ ಲೂಸಿಯಸ್ನೆ ಇನ ಗಲತ್‌ ಲಗಾಡವಾಳನ ತಾರ ಖ್ಹಾಮ್ಣೆ ಆವಾನ ಹುಕುಮ್ ದಿದೊ. ತೂ ಅನ ಬೋಲಾಮಸ್, ಹಮೆ ಅನ ವಿರೋದ್‌ ಬೋಲುಕರೇತೆ ವಾತೆಖ್ಹಾರಿ ಖ್ಹಾಚಕರಿ ತುನ ಮಾಲುಮ್ ಪಡ್‌ಶೆ” ಕರಿ ಬೋಲ್ಯೊ. 
\v 9 ತದೆ ಯೆಹೂದ್ಯರ್ ಖ್ಹಾರು ಯೋ ವಕೀಲ್ನಿಜೋ಼ಡ್ಮ ಮಳಿನ್ ಆ ಬೋಲುಕರಾತೆ ವಾತೆಖ್ಹಾರಿ ಖ್ಹಾಚಿಸ್‌ಕರಿ ಬೋಲ್ಯು.
\s ಫಿಲಿಕ್ಸ್‌ನ ಖ್ಹಾಮ್ಣೆ ಪೌಲ ಬಚಾ಼ಡಿಲಿದೋತೆ
\p
\v 10 ರಾಜ್ಯಪಾಲ್‌ನೆ ಪೌಲನ, ತೂ ವಾತೆ ಬೋಲೆಜಾ಼ಯ್‌ ಕರಿ ಖ್ಹಂಜ಼್‌ಕಾರ್‌ ದ್ಯವಾಮ ಇನೆ ಪಾಛೊ಼ ಜ಼ವಾಬ್ ಶಾತ್‍ದಿದೋಕತೊ “ತೂ ಮನ ಕೈಏಕ್ ವರಖ್ಹ್‌ಥು ಆ ದೇಖ್ಹ್‌ನೊ ನ್ಯಾವ್‍ಣೊ ಬಣಿರೋಸ್ ಕರಿ ಮನ ಮಾಲುಮ್‌. ಇನಖ್ಹಾಜೆ ಖುಷಿಥಿ ಫೇಡ್‍ ದೆವುಸ್‌. 
\v 11 ಮೇ ದೇವ್ನಿ ಆರಾದನೆ ಕರಾನ ಯೆರೂಸಲೇಮ್ನ ಜೈ಼ನ್, ಭಾರ ರೋಜ಼್ ಖಲಿ ಹುಯಿರಾಥ ಕರಿ ತೂ ಮಾಲುಮ್ ಕರಿಲೀಯೆಜಾ಼ಯ್. 
\v 12 ಹಿಜ್ಜಾ಼ ದೇವ್ನಿಮಂದಿರ್‌ಮ ರ‍್ಹವೊ, ಸಬೆನ ಸಬಾಮಂದಿರ್‌ಮ ರ‍್ಹವೊ, ಖ್ಹಯೇರ್‌ಮ ರ‍್ಹವೊ, ಮೇ ಯೆಹೂದ್ಯರ್‌ನ ಜೋ಼ಡ್ಮಾಬಿ ಅಬ್ಬಾಜ಼ಬ್ಬಿ ಬೋಲುಕರಾನು ರ‍್ಹವೊ ನತರ್ ಟೋಳ್‌ ಭಂದಾವನು ರ‍್ಹವೊ ಅವ್ಣೆ ದೇಖ್ಯಕೊಯ್ನಿ. 
\v 13 ಹಮ್ಕೆ ಮಾರಪರ್ ಇವ್ಣೆ ಢೋವಾಡುಕರಾತೆ ಗಲತ್‌ನ, ಸಬೂತ್‌ಕರಿ ತಾರಖ್ಹಾಮ್ಣೆ ಓತಾಳನ ಕೋ ಉಶೇನಿ. 
\v 14 ಕತೋಬಿ ಏಕ್‌ ಖಲಿ ತಾರ ಖ್ಹಾಮ್ಣೆ ಮಾನಿಲೆವುಸ್‌, ಶಾತ್‌ಕತೊ, ಧರ್ಮವಿರೋದಿಕರಿ ಬೋಲಾನು ಮಾರಗ್‍ಮ ಚಾ಼ಲವಾಳೊ ಮೇ ಮಾರ ಗುರುಗುರಬ್‍ಲ್ಯನ ದೇವ್ನ ಆರಾದನೆ ಕರುಸ್. ಕತೋಬಿ ಮೋಶೇನು ಧರ್ಮಶಾಸ್ತ್ರನು ಪ್ರವಾದನೆ ದಪ್ತರ್‌ಮ ಲೀಖೈರುತೆ ಯೊ ಅಖ್ಖಾಸ್ನ ವಿಶ್ವಾಸ್ ಕರುಸ್. 
\v 15 ಆ ನಾಹುಯಿನ್ ನೀತಿವಾಳನಾಬಿ ಅನೀತಿವಾಳನಾಬಿ ಖ್ಹಾರೂಸ್ ಪಾಛು಼ಜಿವ್ತು ಉಷೆಕರಿ ಆ ಯೆಹೂದ್ಯರ್ ದೇವ್‌ಮ ಖಿವಿ ಪರಕ್ಮ ಭರೋಖ್ಹೊ ರಾಖಿರಾಖ್ಯುಸ್ಕಿ ಯೋಸ್ ಪರಕ್ಮ ಮೇಬಿ ಭರೋಖ್ಹೊ ಕರಿರಾಖ್ಯೊಸ್. 
\v 16 ಇನಾಖ್ಹಾಜೆ ದೇವ್ ಬಿಜು಼ ಅದ್ಮಿನ ಖ್ಹಾಮ್ಣೆ ಮಾರೇಥಿ ಹುವಾಯೆತ್ರೆ ದಿಲ್ನಿಸಾಕ್ಷಿನ ಕದೇಬಿ ಪಾಕ್‌ ರಾಖಾನ ಕೋಶಿಶ್ ಕರುಸ್. 
\v 17 “ಥೋಡ ವರಖ್ಹ್‌ನ ವಾರ್ ಮೆ, ಮಾರ ಶೊಂತ್‌ ದೇಖ್ಹ್‌ವಾಳಾನ ಪೈಶಾ, ಕಾಣ್ಕೆ ಅಜು಼ ಮುಡಪ್‍ ದ್ಯಾವಾನ ಆಯೋಥೊ. 
\v 18 ಮೇ ಶುದ್ದಿ ಕರಿಲೀನ್ ಯೋ ಖ್ಹಾರು ದೆವ್‍ಕರಾನಿ ವಖ್ಹತ್‌ಮ ಮನ ಅವ್ಣೆ ದೇವ್ನಿಮಂದಿರ್‌ಮ ದೇಖ್ಯು; ತದೆ ಮಾರಿಜೋ಼ಡ್ಮ ಅದ್ಮಿನು ಝೂ಼ಂಡ್‌ಬಿ ಶಾತ್ ಕೋಥೂನಿ, ಗಲಾಟ್‍ಬಿ ಕೋಥಿನಿ. ಮನ ದೇಖ್ಯುತೆ, 
\v 19 ಏಷ್ಯ ತಬರ್‌ಖಾಥು ಆಯುತೆ ಥೋಡು ಯೆಹೂದ್ಯರ್ ಮಾರಾಮ ಶನೂಬಿ ಗಲತ್‌ ಉಷೇತೊ ಇವ್ಣೆ ತಾರಾಖ್ಹಾಮ್ಣೆ ಮಾರಪರ್ ವಿರೋದ್‌ಕರಾನ ಹಜ಼್ಜ ಆವ್ಣುಥು. 
\v 20 ನಾಹುಯುತೊ, ಹಜ಼್ಜ ರ‍್ಹವಾಳು ಮೇ ನ್ಯಾವ್‍ನಿ ಸಬೆನಖ್ಹಾಮ್ಣೆ ಭೀರ‍್ಯವಾನಿವಖ್ಹತ್ಮ, ಮಾರಾಮ ಶನು ಅಪರಾದ್ ದೇಖ್ಯುಕರಿ ಬೋಲಾದೆ. 
\v 21 ಮೇ ಇವ್ಣ ಖ್ಹಾಮ್ಣೆ ಭಿರೀನ್; ಪಾಛು಼ಜಿವ್ತು ಉಟ್‍ಶೇತೆ ಇನಿ ಬಾರೇಮ ಮೆ ವಿಶ್ವಾಸ್ ಕರ‍್ಯೊತೆ ಖ್ಹಾಜೆ ಹಜ಼್ಜ ನ್ಯಾವ್‌ಮ ಭೀಯೊಸ್ತೆ’ ಕರಿ ಮೆ ಎಕ್ಕಸ್ ವಾತೆನ ಚಿಕ್ರಿ ಬೋಲ್ಯೊ.” 
\v 22 ಫೇಲಿಕ್ಸನೆ ಆ ಮಾರಗ್‌ನ ಬಾರೇಮ ಪಹಿಲೇಸ್ ಕೆತ್ರಕ್ಕಿ ಮಾಲುಮ್‌ ಕರಿರಾಖ್ಯೊಥೊ. ಇನಖ್ಹಾಜೆ ನ್ಯಾವ್‍ಕರಾನು ಭೀರಾಖಿನ್, “ಸೇನಾಧಿಪತಿ ಹುಯಿರ‍್ಹೋತೆ ಲುಸಿಯಸ್‍ ಹಜ಼್ಜ ಆವಾದಿನ್ ಆ ವಾತ್ನಿ ಬಾರೇಮ ತೀರ್ಪ್ ಕರಿಶ್” ಕರಿ ಬೋಲ್ಯೊ. 
\v 23 ಇನಕೇಡೆಥು ಪೌಲನ ಕಾವ್ಲಿಮ ರಾಖೇಜಾ಼ಯ್‌, ಕತೋಬಿ ಇನ ಶಾತ್ಬಿ ಅಡ್ಡಿ ನಾಕರ‍್ನು, ಇನ ದೇಖಿಲ್ಯವಾಳು ಇನ ಖ್ಹದ್ದರ್‌ಕರೀನ್ ಆಡು ಶಾತ್ಬಿ ನಾಕರ‍್ನುಕರಿ ಖ್ಹೋಶಿಪಾಯಿನ ಮೋಟಾನೆ ಹುಕುಮ್‌ ಕರ‍್ಯೊ.
\s ಫೆಲಿಕ್ಸ ಅಜು಼ ಇನಿ ಬಾವಣ್‍ ದ್ರೂಸಿಲ್ಲನ ಖ್ಹಾಮ್ಣೆ ಪೌಲ
\p
\v 24 ಥೋಡದನ್ನ ಪಾರ್ ಫೇಲಿಕ್ಸ್‌ ಇನಿ ಬಾವಣ್‍ ಹುಯಿರೀತೆ ದ್ರೂಸಿಲ್ಲಾನಿ ಜೋ಼ಡ್ಮ ಆಯೊ. ಯೋ ಯೆಹೂದ್ಯವಾಳಿ ಹುಯಿರ‍್ಹೀಥಿ. ಫೇಲಿಕ್ಸನೆ ಪೌಲನ ಬುಲೈಮಂಗೈನ್‌, ಯೋ ಕ್ರಿಸ್ತಯೇಸುನ ವಿಶ್ವಾಸ್‍ಕರಾನಿ ಬಾರೇಮ ವಾತೆ ಬೋಲಾನು ಖ್ಹಮ್‍ಜ್ಯೊ. 
\v 25 ಕತೋಬಿ ಪೌಲನೆ, ನೀತಿ,ಅಜು಼ ಇನುಯೋ ದಾಬುಕ್ ರ‍್ಹವಾನು, ಅಜು಼ ಖ್ಹಾಮ್ಣೆ ಉಳ್ಯಾವತೆ ನ್ಯಾಯತೀರ್ಪ್‌ನಿ ಬಾರೇಮ ಬೋಲಾಮ ಫೇಲಿಕ್ಸನೆ ಡರಿನ್, “ಹಮ್ಕೆ ತೂ ಜಾ಼ ಮನ ವಖ್ಹತ್ ಮಳಾದಿನ್ ತುನ ಬುಲೈಮಂಗೈಷ್” ಕರಿಬೋಲ್ಯೊ. 
\v 26 ಯೋಸ್ ವಖ್ಹತ್‌ಮ ಫೇಲಿಕ್ಸನೆ, ಪೌಲ ಶಾತ್ತೋಬಿ ಪೈಶಾ ದೇಸ್ಕಿಶುಕಿ ಕರಿ ಭರೋಖ್ಹೊ ಕರೀನ್, ಕದೆಕದೇಬಿ ಇನ ಬುಲೈಮಂಗೈನ್‌ ಇನಿಜೋ಼ಡ್ಮ ಪೊಖ್ಹ್‌ಲಾವ್ತೊ ರ‍್ಹೇತೊಥೊ. 
\v 27 ಬೇ ವರಖ್ಹ್‌ನ ವಾರ್ ಫೇಲಿಕ್ಸ್‌ನ ಬದಲ್ ಪೋರ್ಕಿಯ ಫೆಸ್ತ ಕರಿ ರಾಜ್ಯಪಾಲ್‌ಹುಯಿನ್ ಆಯೊ. ಫೇಲಿಕ್ಸನೆ ಯೆಹೂದ್ಯರ್‌ನಿ ಪ್ಯಾರ್ ಕಮಾವ್ಣು ಕರಿ ಆಖ್ಹ್‌ಕರೀನ್ ಪೌಲನ ಜೇಲ್‌ಮಾಸ್ ಮ್ಹೆಂದಿನ್ ಗಯೊ.
\c 25
\s ಫೆಸ್ತನ ಖ್ಹಾಮ್ಣೆ ಪೌಲನ ಲಾಯುತೆ
\p
\v 1 ಫೆಸ್ತನೆ ಅಧಿಕಾರ್‌ಲೀನ್ ತೀನ್‌ದನ್ನ ಬಾದ್ಮ ಕೈಸರೈಯಾಥು ಯೆರೂಸಲೇಮ್ನ ಗಯೊ. 
\v 2 ಹಿಜ್ಜಾ಼ ಗಲ್‌ಢಯಾಜಕ್‌ಬಿ ಅಜು಼ ಯೆಹೂದ್ಯರ್‌ನ ಘಲ್ಡಾವ್‌ನ ಪೌಲನಿ ವಿರೋದ್ ಛಾ಼ಡಿ ಬೋಲ್ಯೊ. ಇನ ಯೆರೂಸಲೇಮ್ಮ ಪಾಛು಼ ಮೋಕಲ್ನುಕರಿ ಇವ್ಣೆ ಪೆಸ್ತಾನ ಗಿಂಗೈಲಿದು. 
\v 3 ತೂ ದಯಾಕರೀನ್ ಇನ ಯೆರೂಸಲೇಮ್‌ನ ಮೋಕಲ್ನುಕರಿ ಪೌಲನ ಕೇಡ್ನಖ್ಹಾಜೆ‍ ಸೋಚ್ಯು. ಶನಕತೊ ಜಾ಼ವಾನ ಮಾರಗ್‌ಪರ್ ಇನ ಮಾರಿನಾಕ್ಣುಕರಿ ಜ಼ಪಿರ‍್ಹೂಥು. 
\v 4 ಫೆಸ್ತನೆ ಅಮ್ ಜ಼ವಾಬ್ ದಿದೊ; ಪೌಲ ಕೈಸರೈನ ಖ್ಹಾರ್ಕೊಟ್‌ಮ ಛಾ಼. ಮೇ ಹಿಜ್ಜಾ಼ ಒಗ್ಗೀಸ್ ಪಾಛೊ಼ ಜಾ಼ವ್ಣುಕರಿ ಛೂ಼. 
\v 5 ಇನಖ್ಹಾಜೆ ತುಮಾರಮ ಅಧಿಕಾರ್‌ವಾಳು ಮಾರಕೇಡೆ ಕೈಸರೈಮ ಐನ್ ಯೋ ಅದ್ಮಿಮ ಅಪರಾದ್ ಶನುತೋಬಿ ಉಷೇತೊ ಇನಾಪರ್ ಗಲ್ತಿ ಲಗಾಡೊ ಕರಿ ಬೋಲ್ಯೊ. 
\v 6 ಫೆಸ್ತನೆ ಇವ್ಣಜೋ಼ಡ್ಮ ಆಟ್‍ಥಿ ಧರೀನ್ ದಖ್ಹ್‌ರೋಜ್‌ಲಗು ರ‍್ಹೀನ್ ಇನಪಾರ್ ಯೋ ಕೈಸರೈನ ಗಯೊ. ಬಿಜೇಕ್‍ದನ್ನೆ ನ್ಯಾವ್‍ನಿ ಝ಼ಗೋಮ ಜೈ಼ನ್ ಪೌಲನ ಬುಲೈಲಿನ್ ಆವ್ಣುಕರಿ ಶಿಪಾಯಿ ಹುಕುಮ್ ಕರ‍್ಯೊ. ಫೆಸ್ತ ನ್ಯಾವ್‍ನಿ ಝ಼ಗೋಮ ಬೆಠೋಥೊ. 
\v 7 ಯೆರೂಸಲೇಮ್‌ಥು ಆಯುಥೂತೆ ಯೆಹೂದ್ಯರ್, ಪೌಲ ಹಿಜ್ಜಾ಼ ಆವಾದಿನ್ ಇನ ಅಶ್‌ಪಿಶ್ ಭೀರಿನ್ ಇನಪರ್ ಘಣು ಗಲತ್‌ ಲಗಾಡ್ಯು. ಇವ್ಣೆ ಶಾತ್ಬಿ ಸಾಬಿತ್ ಕರಾನ ಕೋಹುಯುನಿ. 
\v 8 ಕತೋಬಿ ಪೌಲನೆ ಜ಼ವಾಬ್ ದೇತೊಹುಯಿನ್, “ಮೇ ಯೆಹೂದ್ಯರ್‌ನಿ ಧರ್ಮಶಾಸ್ತ್ರನಿ ವಿರೋದ್ ರ‍್ಹವೊ ದೇವ್ನಿಮಂದಿರ್‌ನಿ ವಿರೋದ್ ರ‍್ಹವೊ, ಚಕರ್‌ವರ್ತಿನಿ ಬಾರೇಮ ರ‍್ಹವೊ, ಮೇ ಖಿವು ಗಲ್ತಿಬಿ ಕರ‍್ಯೊಕೊಯ್ನಿ.” ಕರಿ ಬೋಲ್ಯೊ. 
\v 9 ಕತೋಬಿ ಫೆಸ್ತನೆ ಯೆಹೂದ್ಯರ್‌ಥಿ ದಯಾನ ಲ್ಯವಾನಖ್ಹಾಜೆ ಪೌಲನ “ತೂ ಯೆರೂಸಲೇಮ್ಮ ಜಾ಼ವನ ಕೋಶಿಶ್ ಕರಾನಿವಖ್ಹ್‌ತೆ, ಹಿಜ್ಜಾ಼ ಮಾರಖ್ಹಾಮ್ಣೆ ಆ ಗಲ್ತಿನಿ ಬಾರೇಮ ತೀರ್ಪ್‌ ಕರಿಲೇವ್ಣುಕರಿ, ತುನ ಖ್ಹಯಾಲ್ ಛಾ಼ಕಿ ಶು? ಕರಿ ಬೋಲ್ಯೊ. 
\v 10 ತದೆ ಪೌಲನೆ ಬೋಲ್ಯೊ, “ಮೆ ಹಮ್ಕೆ ಕೈಸರ್‌ನ ನ್ಯಾವ್ನಿಝ಼ಗೊಮಾಸ್ ಭಿಯೋಸ್; ಮನ ತೀರ್ಪ್‌ಕರ‍್ನುತೆ ಹಜ್ಜಾ಼ಸ್. ಯೆಹೂದ್ಯರ್‌ನ ಮೆ ಶನು ಠಗಾಯೊ ಶಾತ್‌ಕೊಯ್ನಿ ಕರಿ ಬೋಲಾನು ತುಮುನಾಬಿ ಅಛ್ಛಿನಿತರ ಮಾಲುಮ್‌ಛೆ. 
\v 11 ಮೇ ಅನ್ಯಾಯ್ ಕರವಾಳೊ ಹುಯಿನ್ ಶಾತ್ತೋಬಿ ಕರವಾಳೊ ಹುಯಿನ್ ಧರ್ಮಶಾಸ್ತ್ರನಿ ಪರಕ್ ಮನ ಮರಣ್ ದಂಡಣೆನ ಕಾರಣ್ ಹುಯೋತೊಬಿ ಇನ ಮೆ ಮಾನಿಲೇವ್ಸ್. ಕತೋಬಿ ಅವ್ಣೆ ಪೊಳ್ ಗಲತ್‌ನ ಮಾರಪರ್ ನಾಖನುರ‍್ಹಯೂತೊ, ಮನ ಕೋಣ್‌ಬಿ ಅವ್ಣ ಹಾತ್‌ಮ ದ್ಯವಾನ ಕೋ ಉಶೇನಿ. ಮೆ ಕೈಸರ್‌ನ ಖ್ಹಾಮ್ಣೆ ಬೋಲಿಲೆವುಸ್” ಕರಿ ಬೋಲ್ಯೊ. 
\v 12 ತದೆ, ಫೆಸ್ತನೆ ಇವ್ಣಸಭೆವಾಳಾನಿ ಜೋ಼ಡ್ಮ ಚರ್ಚೆಕರೀನ್ ತದೆ ಪೌಲನ, “ತೂ ಕೈಸರನ ಖ್ಹಾಮ್ಣೆ ಬೋಲಿಲೆವುಸ್‌ಕರಿ ಬೋಲ್ಯೊನಿ, ಇನಖ್ಹಾಜೆ ಕೈಸರಕನಾಸ್ ಜಾ಼ವ್ಣುಕರಿ ಬೋಲ್ಯೊ.
\s ಹೆರೋದಾಬಿ ಅಗ್ರಿಪ್ಪನ ಖ್ಹಾಮ್ಣೆ ಪೌಲ
\p
\v 13 \f + \fr 25:13 \fr*\ft ಬೆನಿರ್ಕೆ ಆ ಹೈರಿತೆ ಏಕ್‌ನ ಹೆರೋದ ಅಗ್ರಿಪ್ಪನಿ ಛೋ಼ರಿ ಅಜು಼ ಬೇನ ಹೆರೋದ ಅಗ್ರಿಪ್ಪನಿ ಭೇನ್ ಹುಯಿರ‍್ಹೀಥಿ\ft*\f*ಥೋಡದನ್ನ ಬಾದ್ಮ ಅಗ್ರಿಪ್ಪ ರಾಜ಼ಬಿ ಬೆರ್ನಿಕೆನಿ ಜೋ಼ಡ್ಮ ಫೆಸ್ತನ ಮಳಾನಖ್ಹಾಜೆ ಅಜು಼ ಸ್ವಾಗತ್ ಕರಾನ ಕೈಸರೈಮ ಆಯು. 
\v 14 ಇವ್ಣೆ ಖ್ಹುಮಾರ್‌ದನ್ ಹಿಜ್ಜಾ಼ಸ್ ರಹಿಗು. ಇನಖ್ಹಾಜೆ ಫೆಸ್ತನೆ ಪೌಲನಿ ಬಾರೇಮ ರಾಜ಼ನ ಖ್ಹಮ್‌ಜಾ಼ಡ್ಯೊ ಶಾತ್‌ಕತೊ, “ಫೇಲಿಕ್ಸನೆ ಖ್ಹಾರ್ಕೊಟ್‌ಮಾಸ್ ಮ್ಹೇಲಿನ್ ಗಯೋತೆ ಏಕ್‍ಜ಼ಣೊ ಛಾ಼. 
\v 15 ಮೆ ಯೆರೂಸಲೇಮ್ಮ ರ‍್ಹವಾನಿವಖ್ಹ್‌ತೆ ಯೆಹೂದ್ಯರ್‌ನ ಗಲ್‌ಢಯಾಜಕ್‍ಖ್ಹಾರು ಅಜು಼ ಗಲ್‌ಢಖ್ಹಾರು ಇನಿ ಬಾರೇಮ ಮನ ಆರೋಪ್ ಬೋಲಿನ್ ಇನ ತೀರ್ಪ್‌ಹುವಾದೆ ಕರಿ ಗಿಂಗಾಯು. 
\v 16 ಮೆ ಇವ್ಣುನ; ಅಪರಾದಿಬಿನ್ ಅಪರಾದ್ ಲಗಾಡವಾಳು ಆಮಖ್ಹಾಮೆ ಭೀರೆವ್ಣು; ಇನಾಪರ್ ಲಗಾಡಿರಾಖ್ಯುತೆ ಅಪರಾದ್ನ ವಿರೋದ್ ಜ಼ವಾಬ್‍ದ್ಯವಾನ ಅಪರಾದಿನ ಅವಕಾಶ್ ಕರಿದೇವ್ಣು. ಇಮ್‌ ಕರ‍್ಯುಕೊಂತೆ ಹಾತ್ಮ ನೇರ್ ದೀನಾಖನು ರೋಮ್ನಿ ಪದತ್ತಿಕಾಹೆ ಕರಿ ಬೋಲ್ಯೊ. 
\v 17 “ಇವ್ಣೆ ಹಜ಼್ಜ ಮಳಿನ್ ಆವಖ್ಹತರ್ ಮೇ ಜ಼ರಾಬಿ ಧೀರ್‌ಕೊಂತೆ ಬಿಜೇಕ್ ದನ್ನೇಸ್ ನ್ಯಾವ್‍ನಿ ಝ಼ಗೋಪರ್ ಬೇಶಿನ್ ಯೋ ಅದ್ಮಿನ ಬುಲಾವ್ಣುಕರಿ ಹುಕುಮ್ ದಿದೊ. 
\v 18 ಯೆಹೂದ್ಯರ್ ಉಠಿಭೀರಿನ್ ಇನ ಉಪ್ಪರ್ ಅಪರಾದ್ ಲಗಾಡ್ಯು. ಕತೋಬಿ ಮೇ ಸೋಚಾನಿ ಪರಕ್ಮ ಇವ್ಣೆ ಇನಾಪರ್ ಖಿವು ಖರಾಬ್ ಅಪರಾದ್‍ಬಿ ಕೊ ಲಗಾಡ್ಯನಿ. 
\v 19 ಇವ್ಣೆ ಬೋಲ್ಯುತೆ ವಾತೆಖ್ಹಾರು ಇವ್ಣ ಶೊಂತ್ ಧರ್ಮಾನು ಸಂಬಂದ್‌ನಿತರ ಹುಯಿರೂಥು. ಅಜು಼ ಯೇಸುಕರಿ ಏಕ್‍ಜ಼ಣ ಭಣೀಥು ಆ ವಿವಾದ್ ಹುಯಿರ‍್ಹುಥು. ಮರಿಗಯೋತೆ ಯೇಸು ಹಮ್ಕೆ ಜಿವ್ತೊ ಛಾ಼ ಕರಿ ಪೌಲನೆ ಬೋಲ್ಯೊ. 
\v 20 ಆ ವಾತೆನಿ ಬಾರೇಮ ಮನ ಜಾ಼ಖ್ಹತ್ ಮಾಲುಮ್ ಕೊಥುನಿ ಇನಾಖ್ಹಾಜೆ ಮೇ ಪುಛಾ಼ವನ ಕೊಗಯೋನಿ ಕತೋಬಿ ಮೇ ಪೌಲನ, ‘ತೂ ಯೆರೂಸಲೇಮ್ಮ ಜೈ಼ನ್ ನ್ಯಾವ್ನ ತೀರ್ಮಾನ್ ದೇವ್ಣುಕರಿ ಮೆ ಬೋಲ್ಯೊ. 
\v 21 ಇನಾಖ್ಹಾಜೆ,ಪೌಲನೆ ‘ಚಕರ್‌ವರ್ತಿ ಕೈಸರ್‌ಥೀಸ್ ಮಾರು ಜಾವಾಬ್‍ನ ಪೂಚ್‌ತಾಚ಼್‌ ಹುವಾದೆ ತಬ್‍ಲಗು ಮನ ಬಚಾ಼ಡ್ಣು’ ಕರಿ ಬೋಲಿಲಿದೊ. ಇನಾಖ್ಹಾಜೆ ರೋಮ್‍ನ ಚಕರ್‌ವರ್ತಿಕನ ಮೋಕ್ಲಲಗು ಇನ ಕಾವ್ಲಿಮ ರಾಕ್ಣುಕರಿ ಹುಕುಮ್‌ದಿದೊ”. 
\v 22 ಅಗ್ರಿಪ್ಪನೆ ಫೆಸ್ತನ, “ಆ ಅದ್ಮಿ ಬೋಲಾಸ್ತೆ ಖ್ಹಮ್‌ಜಾ಼ನ ಮನಾಬಿ ಪಸಂದ್ ಛಾ಼” ಕರಿ ಬೋಲ್ಯೊ. ಪೆಸ್ತಾನೆ, “ಯೋ ಬೋಲಾನು ತೂ ಕಾಲೆ ಖ್ಹಮ್‍ಜೆಜಾ಼ಯ್” ಕರಿ ಜ಼ವಾಬ್ ದಿದೊ. 
\v 23 ಅಗಲ್ಯದನ್ನೆ ಅಗ್ರಿಪ್ಪರಾಜ಼ ಅಜು಼ ಬೆರ್ನಿಕೆರಾಣಿ ಘಣು ರಂಗ್‌ರಾಜ಼್‌ಥಿ ಶಿಪಾಯಿನ ಮೋಟಕನ ಅಜು಼ ಕೈಸರೈನ ಗಲ್‌ಢವ್‍ನಿ ಜೋ಼ಡ್ಮ ಸಭೆನ ಆಸ್ತಾನ್ಮ ಆವಖ್ಹತರ್. ಪೌಲಾನ ಮಹಿ ಬುಲೈಲಿನ್ ಆವ್ಣುಕರಿ ಫೆಸ್ತನೆ ಶಿಪಾಯ್ನ ಹುಕುಮ್‌ ಕರ‍್ಯೊ. 
\v 24 ತದೆ ಫೆಸ್ತನೆ, “ರಾಜ಼ ಅಗ್ರಿಪ್ಪ, ಹಮಾರ ಜೋ಼ಡ್ಮ ಮಳಿಐರ‍್ಹಾತೆ ಖ್ಹಾರಾಸ್ ಅದ್ಮಿವೊ; ತುಮೆ ದೇಖುಕರಾತೆ ಆ ಅದ್ಮಿನಪರ್ ಹಜ್ಜಾ಼ಛಾ಼ತೆ ಅಜು಼ ಯೆರೂಸಲೇಮ್ಮ ರ‍್ಹವಾಳು ಖ್ಹಾರುಸ್ ಯೆಹೂದ್ಯರ್ ಮನ ಗಲತ್‌ ಬೋಲಿನ್, ಆ ಜಿವ್ತೊ ನಾರ‍್ಹೇಣು ಕರಿ ಚಿಕ್ರಾಣ್ ಮಾರ‍್ಯು. 
\v 25 ಮೇ ಅನ ವಿಚಾರ್ ಕರಾನಿ ವಖ್ಹ್‌ತೆ ಶನು ಝೂ಼ಟುಬಿ ಕೋ ದೇಖ್ಯೋನಿ ಕತೋಬಿ ಕೈಸರ್‌ಥೀಸ್ ನ್ಯಾವ್‌ನು ತೀರ್ಪ್‌ಹುವಾದೆ ಕರಿ ಬೋಲಿಲಿದೊ. ಇನಖ್ಹಾಜೆ ಅನ ರೋಮ್‍ನ ಮೋಕ್ಲಾನ ತೀರ್ಮಾನ್ ಕರಿರಾಖ್ಯೊಸ್. 
\v 26 ಕತೋಬಿ ಅನಿ ವಾತೆನಿ ಬಾರೇಮ ಕೈಸರೈನ ಲೀಖಾನ, ಬರಾಬರ್‌ನು ಅಪರಾದ್ ಶಾತ್ಬಿ ಮನ ಕೊದೆಖಾವನಿ, ಇನಖ್ಹಾಜೆ ಮೇ ಅನ ತುಮಾರ ಖ್ಹಾರಾನ ಖ್ಹಾಮ್ಣೇಬಿ ವಿಶೇಷ್‌ಥಿ ಛಾ಼ತೆ ರಾಜ಼ ಅಗ್ರಿಪ್ಪನ ಖ್ಹಾಮ್ಣೆ ಲೈರಾಖ್ಯೊಸ್. ಇನಖ್ಹಾಜೆ ತುಮೆ ಅನ ವಿಚಾರ್‌ಕರೀನ್ ಅನಿ ಬಾರೇಮ ಇನ ಲೀಖಾನ ಶನಿತೋಬಿ ವಾತೆ ದಿಶುಕರಿ ಬೋಲಿನ್ ಟಿವೈರ‍್ಹೋಸ್. 
\v 27 ಮೇ ಸೋಚಾನಿತರ ಏಕ್‌ ಖೈದಿನ ವಿರೋದ್ ಛಾ಼ತೆ ಅಪರಾದ್ನ ಮಾಲುಮ್ ನಾ ಕರ‍್ಯುತೊ ಇನ ಸೀಜರ್‌ಕನ ಮೋಕ್ಲಾನು ಬರಬ್ಬರ್‌ ಕೊಯ್ನಿಕರಿ ಬೋಲ್ಯೊ.
\c 26
\s ರಾಜ಼ ಅಗ್ರಿಪ್ಪನ ಖ್ಹಾಮ್ಣೆ ಪೌಲನು ಜ಼ವಾಬ್
\p
\v 1 ಅಗ್ರಿಪ್ಪ ಪೌಲನ, “ಹಮ್ಕೇಥೊ ತಾರ ಭಣೀಥು ವಾತೆ ಬೋಲೆಜಾ಼ಯ್” ಕರಿ ಬೋಲ್ಯೊ. ತದೆ ಪೌಲನೆ ಹಾತ್‍ಪಾಡಿನ್ ಜ಼ವಾಬ್ ದೇತೊಹುಯಿನ್ ಅಮ್ ಬೋಲ್ಯೊ; 
\v 2 ರಾಜ಼ ಅಗ್ರಿಪ್ಪ, ಯೆಹೂದ್ಯರ್ ಮಾರಪರ್ ಅಖ್ಖಿ ಅಪರಾದ್ ಕರಸ್ಕಿ ಆಜ಼್ ತಾರ ಖ್ಹಾಮ್ಣೆ ಇನು ಜ಼ವಾಬ್ ದ್ಯವಾನಿ ಅವಕಾಶ್ ಮಳಿರ‍್ಹೂತೆ ಮಾರು ಮೇಸ್ ಧನ್ಯಕರಿ ಬೋಲಿಲೇವುಸ್. 
\v 3 ಶನಕತೊ ಯೆಹೂದ್ಯರ್‌ಮ ಛಾ಼ತೆ ಅಖ್ಖುಸ್ ಚಾ಼ಲ್ ಚ಼ಲಣ್‌ಬಿ, ಅಜು಼ ಯೆಹೂದ್ಯರ್ ವಿಚಾರ‍್ನ ವಾದಕರುಕರಾತೆ ಬಾರೇಮ ತುನ ಅಛ್ಛಿನಿತರ ಮಾಲುಮ್ ಛಾ಼. ಇನಖ್ಹಾಜೇಥಿ ಮಾರಿ ವಾತೆನ ಧೀಮೆಥಿ ಖ್ಹಮಜ಼್‌ಣು ಕರಿ ಗಿಂಗೈಲೆವುಸ್. 
\v 4 “ಮೆ ಅಡ್ಡಾಣಿಥೋಬಿ ಯೆರೂಸಲೇಮ್ಮ ಮಾರ ಶೊಂತ್ ದೇಖ್ಹ್‌ನ ಅದ್ಮಿವೋನಿಜೋ಼ಡೆ ರ‍್ಹೀನ್ ಜಿವ್ಣುಕರ‍್ಯುತೆ ರೀತಿ ಅಖ್ಖು ಯೆಹೂದ್ಯರ್‌ನ ಮನ ಮಾಲುಮ್‌ ಛಾ಼. 
\v 5 ಹಮಾರಿ ಧರ್ಮ್‌ನು ಜಾ಼ಖ್ಹತ್ ಕಠಣ್‍ಥಿ ರ‍್ಹವಾನು ಫರಿಸಾಯರ್‌ನು ಪದತ್ತಿನಿ ಅನುಸಾರ್ ಫರಿಸಾಯ ಹುಯಿನ್ ಚಾ಼ಲಿಲಿದೊಕರಿ ಶುರುವಾತ್‌ಥೂಬಿ ಇವ್ಣುನ ಮಾಲುಮ್‌ ಛಾ಼. ಸಾಕ್ಷಿ ಬೋಲಾನು ದಿಲ್‌ ಉಷೇತೊ ಬೋಲೆಜಾ಼ಯ್. 
\v 6 ದೇವ್ನೆ ಹಮ್ಕೇಬಿ ಅಪ್ಣ ಗುರುಗುರಬ್‍ಲ್ಯನ ಕರ‍್ಯೊತೆ ವಾಗ್ದಾನ್ನ ಉಷೆಕರಿ ವಿಶ್ವಾಸ್ನಖ್ಹಾಜೆ ಮೇ ಆಜ಼್ ನ್ಯಾವ್‌ನಿ ವಿಚಾರಣೆಮ ಭಿಯೋಸ್. 
\v 7 ಹಮಾರು ಭಾರ ಖೂಮ್‍ವಾಳು ದನ್‍ರಾತ್ ಭರೋಖ್ಹಾಥಿ ದೇವ್ನ ಆರಾದನೆ ಕರ್ತುಹುಯಿನ್, ಯೋ ವಾಗ್ದಾನ್ನುಫಲ್ ಲೀಲ್ಯಾವನಖ್ಹಾಜೆ ಟಿವೈರ‍್ಹೂಸ್. ರಾಜ಼, ಯೋಸ್ ಭರೋಖ್ಹಾನಿ ಬಾರೇಮ ಯೆಹೂದ್ಯರ್‌ಖ್ಹಾರು ಮಾರಿ ವಿರೋದ್ ಅಪರಾದ್ ಲಗಾಡುಕರಸ್. 
\v 8 ದೇವ್ನೆ ಮರ‍್ಯಾಹುಯಮಾಥು ಉಠಾಡ್ಯೊತೆ ನಂಬಾನ ಕೊಹುವಾನಿಕರಿ ತುಮೆ ಶನ ಖ್ಹೂಜ಼್‌ ಕರೋಸ್? 
\v 9 ಏಕ್‌ ಹಗಾಮ್ಮ ನಜ಼ರೇತ್‌ನು ಯೇಸುನ ನಾಮ್ನ ವಿರೋದ್‌ಥಿ ಕೈಏಕ್ ಕಾಮ್ನ ಮೆ ಚ಼ಲಾವ್ಣುಕರಿ ಸೋಚಿರಾಖ್ಯೋಥೊ. 
\v 10 ಯೆರೂಸಲೇಮ್ಮ ಇಮ್ಮಸ್ ವಿಶ್ವಾಸಿನ ವಿರೋದ್‍ಕರೀನ್ ಕೈಯೆಕ್ಕಿ ಕಾಮ್ ಕರ‍್ಯೋಥೊ. ಯೋ ವಿಶ್ವಾಸಿಖ್ಹಾರಾಮ ಕೆತ್ರಾಕಿಜ಼ಣಾನ ಜೇಲ್‌ಮ ಘಾಲಾನ ಮಹಾಯಾಜಕರ‍್ನೆ ಮನ ಅದಿಕಾರ್ ದಿದೊ. ಇವ್ಣುನ ಮರಣ್ಣಿ ತೀರ್ಪ್‍ನಿ ವಖ್ಹ್‌ತೆ ಮೇ ಇನ ಮಾನಿಲಿದೊ. 
\v 11 ಅಖ್ಖಾ ಸಬೇನು ಮಂದಿರ್‌ಮಾಬಿ ಮೇ ಕೈಯೇಕ್‌ಹಲ್ಲ ಇನ ಖ್ಹತಾಪ್ಣಿ ದೀನ್ ಇನೇಥಿ ದೇವ್ನ ದೂಷಣೆನಿ ವಾತೆ ಬೋಲಾವಾನಿತರ ಕೋಶಿಶ್‌ಕರ‍್ಯೊ. ಯೋ ವಿಶ್ವಾಸಿಖ್ಹಾರಾಪರ್ ಇರಾದೊ ಕರ್ತೊಹುಯಿನ್ ಇವ್ಣುನ ಢೂಂಡಿನ್ ಲತಾಡ ದ್ಯವಾನಖ್ಹಾಜೆ ಭಾರ್‌ ದೇಖ್ಹ್‌ನ ಖ್ಹಯೇರ್‌ಮಾಬಿ ಗಯೋಥೊ.
\s ಇನ ಹುಯುತೆ ಬದ್ಲಾವ್ಣಿನ ಬಾರೇಮ ಪೌಲನೆ ಬೋಲ್ಯೋತೆ
\r (ಅಪೊ 9:1-19; 22:6-16)
\p
\v 12 ಏಕ್‌ ಹಲ್ಲ ದಮಸ್ಕನ ಜಾ಼ವಾನ ಗಲ್‌ಢಯಾಜಕರ್‌ಥಿ ಅದಿಕಾರ್‌ನಾಬಿ ಹಕ್ನ ಲೀನ್‌ ದಮಸ್ಕನ ಜಾ಼ವಾನಿ ವಾಟ್‌ಪರ್ ವಳೇಜಾ಼ತೊಥೊ. 
\v 13 ತದೆ ಧೊಪಾರ್‌ ಹುಯಿರ‍್ಹುಥು. ಅಫ್ಪರ್‌ಥೂಸ್ ಸೊರ್ಗಮಾಥು ಚಾ಼ಂದ್‍ಥೀಬಿ ಜಾ಼ಖ್ಹತ್ ಏಕ್‌ ಉಜಾ಼ಳು ಆಯಿನ್ ಮಾರಾ ಅಶ್‌ಪಿಶ್‍ ಅಜು಼ ಮಾರಾಕೇಡೆ ಉಳಿಯಾವ್ತುಥೂತೆ ಇವ್ಣ ಅಶ್‌ಪಿಶ್‌ ಉಜಾ಼ಖ್ಹ್‌ಥಿ ಝ಼ಮ್‍ಕ್ಯು. 
\v 14 ಹಮೆ ಅಖ್ಖಾಸ್‍ಜ಼ಣ ಜ಼ಮೀನ್‌ಪರ್ ರಡ್ಕಿಗಯ. ತದೆ ಸೌಲ ಸೌಲ ಮನ ಶನ ಖ್ಹತಾವಸ್? ಕಾಟಾನ ಲಠ್ಠಾನ ಲಾತ್ ಮಾರಾಥಿ ತುನಾಸ್ ದರದ್, ಕರಿ ಇಬ್ರಿಯ ವಾತೆಮ ಬೋಲಾನಿ ಏಕ್‌ ಅವಾಜ಼್‌ನ ಖ್ಹಮ್‍ಜ್ಯೊ. 
\v 15 ತದೆ ಮೇ, “ಪ್ರಭು, ತೂ ಕೋಣ್” ಕರಿ ಬೋಲಖ್ಹತರ್ ಪ್ರಭುನೆ, “ತೂ ಖ್ಹತವ್‍ಕರಸ್ತೆ ಯೇಸುಸ್ ಮೇ. 
\v 16 ಕತೋಬಿ ತೂ ಉಠೀನ್ ಭೀರೆ; ತುನ ಮಾರೊ ಸೇವಕ್ ಕರೀನ್‍ಬಿ ಸಾಕ್ಷಿಕರೀನ್‍ಬಿ ನೇಮಿಶಾವನಖ್ಹಾಜೆ ಮೇ ತುನ ದೆಖಾಯೊತೆ ವಾತೆನಾಬಿ, ಮೇ ತುನ ದ್ಯವಾನು ದರ್ಶನ್‍ಖ್ಹಾರನಿ ಬಾರೆಮಾಬಿ ತೂ ಅದ್ಮಿಖ್ಹಾರನ ಸಾಕ್ಷಿ ಹುಯಿರ‍್ಹಾಸ್ ಅನಖ್ಹಾಜೆಸ್ ಆವಖ್ಹತ್ ಮೇ ತುನ ದೇಖಾಯೊ. 
\v 17 ಮೇ ತುನ ತಾರು ಇಸ್ರಾಯೇಲ್ ಅದ್ಮಿಥೀಬಿ ಯೆಹೂದ್ಯರ್‌ಕಾಹೆತೆ ಅದ್ಮಿಥೀಬಿ ತುನ ಖರಾಬ್ ನಾಹೊಣುತೆತಿಮ್ ಬಚಾ಼ಡಿಶ್‌ ಮೇ ತುನ ಇವ್ಣಕನ ಮೋಕ್ಲುಕರುಸ್. 
\v 18 ತೂ ಇವ್ಣ ಖ್ಹಾರಾನ ಖ್ಹಾಚ಼ನ ಖ್ಹಮ್‌ಜಾ಼ಡಿನ್ ಇವ್ಣುನ ಅಂಧಾರಮ ಥೂತೆ ಇವ್ಣಡೋಳನ ಉಜಾ಼ಳಾಮ ಆವಾನಿತರಾಬಿ ಶೈತಾನ್‍ನಿ ಅದಿಕಾರ್‌ಥಿ ದೇವ್‌ಭಣಿ ಫರಾನಿತರಾಬಿ ಕರ‍್ನು. ತದೆ ಇವ್ಣು ಪಾಪ್‌ಖ್ಹಾರು ಮಾಪ್‌ಉಷೆ. ಪರಿಶುದ್ಧರ್‌ನಿ ಜೋ಼ಡ್ಮ ಹುಕುಮ್‌ ಲೀಲಿಶೆ. ಇವ್ಣ ಡೋಳ ಉಖಡ್‌ನುಕರಿ ಇವ್ಣಕನ ಮೇ ತುನ ಮೋಕ್ಲುಸ್‌ ಕರಿ ಬೋಲ್ಯೊ.
\s ಪೌಲ ಇನಿ ಕಾಮ್ನಿ ಬಾರೇಮ ವಾತೆಬೋಲ್ಯೊತೆ
\p
\v 19 ಅನಖ್ಹಾಜೆ ಅಗ್ರಿಪ್ಪ ರಾಜ಼, ಪರಲೋಕ್‌ಥು ಮನ ಹುಯೂತೆ ಯೊ ದರ್ಶನಾನ ಮೇ ಖ್ಹರಮ್‌ ಕಾಡುಕೊಯ್ನಿ. 
\v 20 ಪಹಿಲೆ ಯೆರೂಸಲೇಮ್ಮ ಛಾ಼ತೆ ದಮಸ್ಕಮಾಬಿ, ಯೂದಾಯನ ಅಖ್ಖಾ ತಭರ್‌ಖಾಮಾಬಿ ಛಾ಼ತೆ ಇವ್ಣುನ ಅಜು಼ ಯೆಹೂದ್ಯರ್‌ಕಾಹೆತೆ ಅದ್ಮಿನಾಬಿ, ತುಮೆ ದೇವ್‌ಭಣಿ ಫರ್‌ನು ಕರೀಬಿ ತುಮಾರು ಪಾಪ್‌ಭರ‍್ಯು ಜಿವ್ಣನ ಮ್ಹೇಲಿನ್ ದೇವ್‌ಭಣಿ ಫರಿಜಾ಼ವ್ಣುಕರಿಬಿ ಆಸ್ ಯೋಗ್ಯಾನು ಅಛ಼಼್ಛಕಾಮ್ನ ಪ್ರಚಾರ್ ಕರ‍್ಯೊ. 
\v 21 ಯೊ ಕಾರಣ್ಣಖ್ಹಾಜೆ ಯೆಹೂದ್ಯರ್ ಮನ ದೇವ್ನ ಮಂದಿರ್‌ಮ ಧರೀನ್ ಮಾರಿನಾಕ್ಣುಕರಿ ಕೋಶಿಶ್ ಕರ‍್ಯು. 
\v 22 ಕತೋಬಿ ದೇವ್ನೆ ಮನ ಯೋ ದನ್ಮ ಮದತ್ ಕರ‍್ಯೊ. ಯೊ ಹಮ್ಕೆಲಗೂಬಿ ಮನ ಮದತ್ ಕರುಕರಸ್. ಇನಾಖ್ಹಾಜೆಸ್ ಆಜ಼್ ಹಜ್ಜಾ಼ ಭಿಯೋಸ್ ಅಜು಼ ಮೆ ದೇಖ್ಯೋತೆ ಘಟನೇನಿ ಬಾರೇಮ ಅದ್ಮಿಖ್ಹಾರನ ಸಾಕ್ಷಿ ಬೋಲುಕರುಸ್. ಮೋಶೆ ಅಜು಼ ಪ್ರವಾದಿಖ್ಹಾರು ಖ್ಹಾಮೆ ಹುವಾನು ಬಾರೇಮ ಖ್ಹಮ್‌ಜಾ಼ಡ್ಯುತೆ ವಾತೇಸ್‌ ಪಣ್ಕಿ ಖಿವೂಬಿ ನವು ಕೊಬೋಲ್ಯೋನಿ. 
\v 23 ಯೇಸುನೆ ಖ್ಹತಾಪ್ಣಿನ ಪಾಡಿನ್ ಅಜು಼ ಮರ‍್ಯಹುಯಮಾಥು ಪಾಛು಼ಜಿವ್ತೊ ಹುಯಿನ್ ಆವಾಮ ಪಹಿಲೊ ಹುಯಿನ್ ಉಠೀನ್ ಯೆಹೂದ್ಯರ್‌ನಾಬಿ ಯೆಹೂದ್ಯರ್‌ಕಾಹೆತೆ ಇವ್ಣನಾಬಿ ರಕ್ಷಣೆನ ಉಜಾ಼ಳನ ವತಾಳವಾಳೊ ಹುಯಿರ‍್ಹೋಸ್.” 
\v 24 ಅಮ್ ಪೌಲನೆ ಇನಭಣಿಥು ಜ಼ವಾಬ್ ದ್ಯವಾನಿ ವಖ್ಹ್‌ತೆ; ಫೆಸ್ತನೆ, “ಪೌಲ, ತೂ ದಿವಾನೊ ಹುಯಿಗೊ ಜಾ಼ಖ್ಹತ್ ಪಢಂತ್‌ ತುನ ದಿವಾನನಿತರ ಕರಿನಾಖ್ಯು” ಕರಿ ಚಿಕ್ರಿನ್ ಬೋಲ್ಯೊ. 
\v 25 ತದೆ ಪೌಲನೆ, “ಮೋಟೊ ಮಹರಾಜ಼ ಹುಯಿರ‍್ಹೋತೆ ಫೆಸ್ತ ಮೇ ದಿವಾನೊಕಾಹೆ ಮೇ ಅಛ್ಛಿ ದಿಮಾಕ್‍ಥಿ ಗಂಭೀರ್‌ಥಿ ಖ್ಹಾಚು಼ ವಾತೆನಾಸ್ ಬೋಲುಕರುಸ್. 
\v 26 ಅಗ್ರಿಪ್ಪ ರಾಜ಼ ಆ ವಾತೆಖ್ಹಾರು ಅಛ್ಛಿನಿತರ ಮಾಲುಮ್ ಕರಾಖ್ಯೊಹುಯೊ; ಶನಕತೊ ಇನಖ್ಹಾಮ್ಣೆ ಬರಬ್ಬರ್‌ಥೀಸ್ ವಾತೆ ಬೋಲುಸ್ ಅನಾಮ ಏಕ್‌ಬಿ ಇನ ಲಪಿಛಪಿಕೊರ‍್ಹೂನಿ ಕರಿ ನಂಬಿರಾಖ್ಯೊಸ್, ಶನಕತೊ ಆ ಏಕ್‌ ಕೋಣಾಮ ಚಾ಼ಲ್ಯುತೆ ವಾತೆ ಕಾಹೆ. 
\v 27 ಅಗ್ರಿಪ್ಪ ರಾಜ಼ ತೂ ಪ್ರವಾದಿ ಖ್ಹಾರಾನ ನಂಬಾಸ್ಕಿಶು? ತೂ ವಿಶ್ವಾಸ್ ಕರೀಶ್‌ಕರಿ ಮನ ಮಾಲುಮ್” ಕರಿ ಬೋಲ್ಯೊ; 
\v 28 ತದೆ ಅಗ್ರಿಪ್ಪರಾಜ಼ನೆ ಪೌಲನ ಅಮ್ ಬೋಲ್ಯೊಕಿ, “ಘಣು ಶುಲ್ಬಾಥಿ ಮನ ಕ್ರಿಸ್ತಾನ್‍ವಾಳೊ ಕರ್ನುಕರಿ ತೂ ಸೋಚಿರಾಖ್ಯೋಸ್ಕಿ ಶು?” ಕರಿ ಬೋಲ್ಯೊ. 
\v 29 ಇನ ಪೌಲನೆ; ನ್ಹಾನಿ ಕೋಶಿಶ್‍ಥಿ ರ‍್ಹವೊ, ಮೋಟಿ ಕೋಶಿಶ್‍ಥಿ ರ‍್ಹವೊ, ಯೊ ಮನ ಮುಖ್ಯ ಕಾಹೆ. ತೂಸ್ ಖಲಿಕಾಹೆ ಆಜ಼್ ಮನ ಖ್ಹಮ್‌ಜು಼ಕರಾತೆ ಹರೇಕ್‌ಜ಼ಣು ಮಾರಿನಿತರ ಹೋಣುಕರಿ ಮೆ ದೇವ್ನ ಪ್ರಾರ್ಥನೆಕರುಸ್ ಕತೋಬಿ ಆ ಖ್ಹಂಕಳ್‌ಮ ಪಣ್ಕಿ ತುಮೆ ನಾಜ಼ಕ್‌ಡಾವ್ಣು ಕರಿಬೋಲ್ಯೊ. 
\v 30 ರಾಜ಼ ಅಗ್ರಿಪ್ಪ, ರಾಜ್ಯಪಾಲ್ ಪೆಸ್ತ, ಬೆರ್ನಿಕೆ ಅಜು಼ ಇವ್ಣಜೋ಼ಡೆ ಬೆಠುಥೂತೆ ಅದ್ಮಿಖ್ಹಾರು ಉಠಿಭೀರ‍್ಯು. 
\v 31 ಇನಪಾರ್ ಭಾರ್‌ಜೈ಼ನ್‌ ಇವ್ಣೆ, “ಆ ಅದ್ಮಿನ ಮರಣ್ಣಿ ದಂಡನೆ ನತರ್ ಬೇಡಿ ಘಾಲನು ಅನೆ ಶಾತ್ಬಿ ಕೊಕರ‍್ಯೋನಿ ಕರಿ ಇವ್ಣ ಇವ್ಣಾಮಸ್‌ ಬೋಲಾಲಗ್ಯು 
\v 32 ತದೆ ಅಗ್ರಿಪ್ಪನೆ ಫೆಸ್ತನ, “ಆ ಅದ್ಮಿ ಕೈಸರನ ಖ್ಹಾಮ್ಣೆ ಬೋಲಿಲೆವುಸ್‌ಕರಿ ನಾಬೋಲ್ಯೊಹೊತ್ತೊ ಅನ ಛುಟ್ಕಾರ್ ಕರೇಜಾ಼ಯಿಥು ಕರಿಬೋಲ್ಯೊ.
\c 27
\s ಪೌಲನೆ ರೋಮ್‍ನ ಗಯೋತೆ
\p
\v 1 ಹಮೆ ದರ‍್ಯಾವ್ನ ಮಾರಗ್‍ಥಿ ಇಟಲಿನ ಜಾ಼ವ್ಣುಕರಿ ತೀರ್ಮಾನ್ ಹುಯು. ಪೌಲನಾಬಿ ಬಿಜು಼ ಥೋಡು ಖೈದಿಖ್ಹಾರಾನ ಯೂಲ್ಯ ಕರಿ ಏಕ್‍ಜ಼ಣೊ ಖ್ಹೋಶಿಪಾಯಿನೊ ಮೋಟೊ ಹುಯಿರ‍್ಹೋಥೊ. ಯೋ ರಾಜ಼ನಿ ಡಂಡ್ಮ ಕಾಮ್ ಕರಾವಾಳೊ ಹುಯಿರ‍್ಹೊಥೊ. 
\v 2 ತದೆ ಅದ್ರಮಿತ್ತಿಯಥು ಐನ್ ಏಷ್ಯಾನ ಅಲಕ್ ಅಲಕ್ ತಬರ್‌ಖಾನು ಜಾ಼ವಾನ ತಯಾರ್ ಹುಯಿರ‍್ಹಿಥೀತೆ, ಜ಼ಹಾಜ಼್ ಹಮೆ ಚ಼ಢೀನ್ ಚಾ಼ಲ್‌ಕುಚ಼್‌ ಕರ‍್ಯ. ಇನಾಮ ಥೆಸಲೋನಿಕಥೊ ಆಯೋತೆ ಮೆಕೆದೋನ್ಯವಾಳೊ ಅರಿಸ್ತಾರ್ಕ ಹಮಾರಿ ಜೋ಼ಡ್ಮ ಥೊ. 
\v 3 ಇನವ್ಹಾಣೆ ಹಮೆ ಸೀದೋನ್‍ಖ್ಹಯೇರ‍್ನ ಜೈ಼ನ್ ಪೋಚ್ಯ. ಯೂಲ್ಯನೆ ಪೌಲನಪರ್ ಗೋರ್‌ ಕರಾವಳೊಹುಯಿನ್, ಇನ ದೋಸ್ತಿಖ್ಹಾರನಕನ ಮದತ್ ಲೀಲ್ಯಾವನಖ್ಹಾಜೆ ಇನ ಹುಕುಮ್ ದಿದೊ. 
\v 4 ತದೆ ಹಿಜ್ಜಾ಼ಥ ನಿಕ್ಳಿನ್ ಜ಼ಹಾಜ಼್‍ಮ ಜಾ಼ವಾನಿ ವಖ್ಹತ್‌ಮ ಖ್ಹಾಮ್ಣೆನೊ ವಹಿರೊ ವಾಗುಕರ್ತುಥೂತೆ ಇನಾಖ್ಹಾಜೆ ಹಮೆ ಸೈಪ್ರಸ್ ಟಾಪನ ಖನ್ನೆಕರಿ ಗಯ. 
\v 5 ಕಿಲಿಕ್ಯನಾಬಿ ಪಂಫುಲ್ಯನಾಬಿ ಮ್ಹೋರೆ ಹುಯಿರೋತೆ ದರ‍್ಯಾವ್ನ ಉಲಾಂಗಿನ್, ಲುಕೀಯನು ‘ಮುರ’ ಕರಿ ಝ಼ಗೋಕನ ಆಯಿನ್ ಪೋಚ್ಯ. 
\v 6 ಹಿಜ್ಜಾ಼ ಇಟಲಿನ ಜಾ಼ವಾನಿ ಅಲೆಕ್ಸಾಂಡ್ರಿಯ ಖ್ಹಯೇರ‍್ನಿ ಜ಼ಹಾಜ಼್‌ನ ಖ್ಹೋಶಿಪಾಯಿನ ಮೋಟಾನೆ ದೇಖಿನ್, ಹಮೂನ ಇನಾಮ ಛ಼ಡಾಯೊ. 
\v 7 ಹಮೆ ಹಳ್ಳೂಥಿ ಕೈಏಕ್ ದನ್‌ಲಗು ಜ಼ಹಾಜ಼್‌ನಿಚಾ಼ಲ್‌ ಕರ್ತಹುಯಿನ್ ಘಣು ಮುಶ್ಕಿಲ್‌ಥಿ ಖ್ಹರ್ತಿನ ಸ್ನೀಡ‌ ಖ್ಹಯೇರ‍್ನ ಐನ್ ಪೋಚ್ಯ. ಖ್ಹಾಮ್ಣೆನೊ ವಹಿರೊ ವಾಗುಕರ್ತುಥೂತೆ ಇನಖ್ಹಾಜೆ, ಯೋ ಮಾರಗ್‍ಮ ಅಗಾಡಿ ಜಾ಼ವಾನ ಹಮೂನ ಕೊಹುಯುನಿ. ಇನಖ್ಹಾಜೆ ಹಮೆ ಕ್ರೇಟ್ ಟಾಪಾನ ಕನಾರೆಕರಿ ಸಾಲ್ಮೋನೆನ ಖನ್ನೆ ಐನ್, 
\v 8 ಹಮೆ ಮುಶ್ಕಿಲ್‌ಥಿ, ಯೋ ಟಾಪನ ಕನಾರೆ ಅಗಾಡಿ ಜಾ಼ತಹುಯಿನ್ ಶನ್‌ಗಾರ್ನುಕೊಲ್ಲಿ ಕರಿ ಏಕ್‌ ಝ಼ಗೊಕನ ಆಯ. ಯೋ ಲಸಾಯಕರಿ ಖ್ಹಯೇರ‍್ನ ಖನ್ನೆ ಥೂ. 
\v 9 ಅಮ್ಮಸ್ ಘಣಾದನ್ ನಿಕ್ಳಿಗಯು. ಯೆಹೂದ್ಯರ್‌ನ ಪಟ್ನಿನೊ ದನ್‍ಬಿ ಖ್ಹತಮ್ ಹುಯಿಗಾಥ. ಇನಖ್ಹಾಜೆ ಪೌಲನೆ ದರ‍್ಯಾವ್‌ಮ ನಿಕ್ಳಾನು ಮುಶ್ಕಿಲ್ ಕರಿ ಬೋಲ್ಯೊ. 
\v 10 ತದೆ ಪೌಲನೆ ಇವ್ಣುನ, “ಅದ್ಮಿವೊ ಆ ಚಾ಼ಲ್‌ಥಿ ಜ಼ಹಾಜ಼್‌ನಾಬಿ, ಇನಾಮಛಾ಼ತೆ ರಾಛಾ಼ನಾಬಿ, ಅತ್ರೇಸ್‍ಕಾಹೆತೆ ಅಪ್ಣ ಜಾನ್ನಬಿ, ಘಣು ವದೇಖ್ಹ್‌ಬಿ ಲುಕ್ಷಾನ್‌ಬಿ ಉಷೆಕರಿ ಮನ ದೆಖಾವಸ್” ಕರಿ ಝೇತಾಯೊ. 
\v 11 ಕತೋಬಿ ಪೌಲನೆ ಬೋಲ್ಯೊತೆ ವಾತೆಥೀಬಿ, ಜ಼ಹಾಜ಼್‌ನೊ ಯಜಮಾನ್ನಿಬಿ ಚ಼ಲಾವವಾಳನಿ ವಾತ್ನ ಖ್ಹೋಶಿಪಾಯಿನ ಮೋಟಾನೆ ಕಾನ್‍ದಿದೊ. 
\v 12 ಯೋ ಬಂದರ್ನೊ ತಬರ್‌ಖೊ ಠಣ್ಣಹಗಾಮ್ ಕಾಡಾನ ಯೋ ಜ಼ಹಾಜ಼್ನ ಅಛ್ಛಿಝ಼ಗೊ ಕೋಥೂನಿ. ಇನಖ್ಹಾಜೆ ಹಿಜ್ಜಾ಼ಥು ನಿಕ್ಳಿನ್, ಜಾ಼ವಾನು ಹುಯುತೊ ಕಿಮ್‍ಬಿ ಫೆನಿಕ್ಸ್‌ ಗಾಮ್ನ ಜೈ಼ನ್ ಹಿಜ್ಜಾ಼ಸ್ ಯೋ ಠಣ್ಣಾ ಹಗಾಮ್‌ ಕಾಡ್ಣುಕರಿ ಘಣು ಅದ್ಮಿ ಖ್ಹೂಜ಼್‌ ಕರ‍್ಯು. ಫೆನಿಕ್ಸ್‌, ಕ್ರೇಟ್ ಟಾಪಾನು ಏಕ್‌ ಬಂದರ್ನೊ ತಬರ್‌ಖೊ, ಯೋ ಈಶಾನ್ಯ ದಿಕ್ನಾಬಿ, ಆಗ್ನೇಯ ದಿಕ್ನಾಬಿ, ಆಮಖ್ಹಾಮೆ ಥು.
\s ದರ‍್ಯಾವ್‌ಮ ತೋಫಾನ್
\p
\v 13 ತದೆ ದಕ್ಷಿಣ್ ಭಣೀಥು ವಹಿರೊ ಹಳ್ಳೇಖ್ಹು ವಾಗಲಗ್ಯೊ. ಇವ್ಣೆ ಉದ್ದೇಶ್ ಹಕ್ಲಾಲ್ ಹುಯುಕರಿ ಖ್ಹೂಜ಼್ ಕರೀನ್, ಲಂಗಾರ್‌ನ ಛೋ಼ಡಿಲಿನ್, ಕ್ರೇಟ್ ಟಾಪಾನ ಕನಾರೇಸ್‍ಕರಿ ಪಡ್ತಹುಯಿನ್ ಜ಼ಹಾಜ಼್‌ಪರ್ ನಿಕ್‍ಳ್ಯ. 
\v 14 ಕತೋಬಿ ಜ಼ರಸ್‍ಘಡೀಮ ಈಶಾನ್ಯ ಮಾರುತ ಕರಿ ಅಪಟ್‌ಝ಼ಪಟ್‌ನೊ ವಹಿರೊ ಟಾಪಾಮ ವಾಗಲಗ್ಯುಥು. 
\v 15 ಜ಼ಹಾಜ಼್ ಯೋ ವಹಿರಾಮ ಖ್ಹಪ್‍ಡಿನ್, ಹಮೆ ಕೋಶಿಶ್ ಕರಾನು ಮ್ಹೆಂದಿದ. ಅಜು಼ ಅಗಾಡಿ ಜಾ಼ವಾನ ಕೋ ಹುಯುನ್ತೆ ವಹಿರೊ ಕೀಕಡ್ ವಾಗಸ್ಕಿ ಥೀಕಡ್ ಕರಿಶ್ ಜ಼ಹಾಜ಼್‌ನ ಧಕೆಲಾವ್ತಹುಯಿನ್ ಗಯು. 
\v 16 ಹಮೆ ಕ್ಲೌಡ ಕರಿ ಏಕ್‌ ನ್ಹಾನು ಟಾಪನ ಓಠೆಕರಿ ಗಯ. ತದೆ ಹಮೆ ಜ಼ಹಾಜ್‍಼ಮಥೂತೆ‍ ನ್ಹಾನಿದೋಣಿನ ಮಹಿ ಪಾಡಿನ್ ಬರೋಬರ್ ಕರ್ವಾನುಹುಯು. 
\v 17 ಇನ ಉಪ್ಪರ್ ಪಾಡಿಹುಯಗು ತದೆ ಶಿಂದ್ರಾನ ಪಾಡಿನ್ ಜ಼ಹಾಜ಼್‌ನ ಹೇಟ್ ಭಾಂದ್ಯು. ಇನಕೇಡೆಥು “ಸುರ್ತಿಸ್” ಕರಿ ರೇತ್ನೊ ಟಿಮ್ಮಾಮ ಜ಼ಹಾಜ಼್ ಪೇಶಿಜಾ಼ಶೆಕರಿ ಡರ್‌ಥಿ, ಜ಼ಹಾಜ಼್‌ನ ಉಪ್ಲಿಬಾಜು಼ನು ಜ಼ಹಾಜ಼್‌ನ ಮಿಲಾವನ ಜಿನಖ್ಹ್‌ನ ಉತಾರಿನ್‌ ವಹಿರೊ ವಾಗುಕರಾತೆ ಬಾಜು಼ಸ್ ಜ಼ಹಾಜ಼್ ತೇಲಾದೆಕರಿ ಮ್ಹೇಲ್ಯು. 
\v 18 ಇನವ್ಹಾಣೆ ತೋಫಾನ್ನೊ ವಹಿರೊ ಅಪಟ್ಜ಼ಫಟ್ ವಾಗಲಗ್ಯುತೆ ದೇಖಿನ್, ಅದ್ಮಿಖ್ಹಾರು ಜ಼ಹಾಜ಼್‍ಮ ಥೂತೆ ಥೋಡು ಖ್ಹಾಮನ್‍ಖ್ಹಾರು ಫೇಕಿದಿದು. 
\v 19 ಇನ ತೀನ್ ದನ್ಮ ಜ಼ಹಾಜ಼್‌ವಾಳನೇಸ್, ಜ಼ಹಾಜ಼್‌ನು ರಾಛಾ಼ವ್‌ನಾಸ್ ಪಾಡಿನ್ ಫೇಕಿದಿದು. 
\v 20 ಕೈಏಕ್ ದನ್‌ಲಗು ಚಾ಼ಂದ್‍ನ ರ‍್ಹವೊ, ಶುಕ್ಕರ್‌ನ ರ‍್ಹವೊ ದೇಖಾನ ಕೊಹುಯುನಿ. ತೋಫಾನ್ ಮೋಟುಸ್ ಹೋತುಆಯು. ಹಮೆ ಬಚಿಜಾಶುಕರಿ ಬೋಲಾನಿ ವಿಶ್ವಾಸ್ ಹಮಾರಮಾಥಿ ನಿಕ್ಳಿಗೈಥಿ.\fig ತೂಫಾನ್‌ಮ ತುಟಿಜ಼ವ್‌ಕರಸ್ತೆ ಜ಼ಹಾಜ಼್|alt="Ship being wrecked in a storm" src="lb00219c.tif" size="col" copy="Horace Knowles ©" ref="27:20"\fig*
\p
\v 21 ಯೋ ಅದ್ಮಿಖ್ಹಾರು ಘಣಾದನ್‍ಥು ಖಾಣುಖಾದೂಥು ಕೊಯ್ನಿ. ತದೆ ಏಕ್‍ದನ್ ಪೌಲ ಉಠಿ ಭೀರಿನ್ ಇವ್ಣುನ “ಅಲಾ ಅದ್ಮಿವೊ, ಕ್ರೇಟ್ ಟಾಪಾಥು ನಿಕ್ಳೊನಕೊ ಕರಿ ಮೇ ತುಮೂನ ಬೋಲ್ಯೊ. ತುಮೆ ಮಾರಿವಾತೆ ಖ್ಹಮಜ಼್‌ಣುಥು. ತದೆ ತುಮೂನ ಅತ್ರೆ ವದೇಖ್ಹೊ ಲುಕ್ಷಾನ್‌ ಕೋ ಹುಯುಹೋತ್ನಿ. 
\v 22 ಹಮ್ಕೆತೋಬಿ ತುಮೆ ಭಾಲಿಥಿ ರ‍್ಹೇವೊಕರಿ ತುಮೂನ ಬುದ್ದಿಬೋಲುಸ್; ಜ಼ಹಾಜ಼್ ನಾಶ್‍ಉಶೇ ಪಣ್ಕಿ ತುಮಾರಮ ಏಕ್‍ಜ಼ಣುಬಿ ಜಾನ್‌ ಕಾಡಿಲೆಶೆಕೊಯ್ನಿ. 
\v 23 ಗೈತೆರಾತ್, ದೇವ್‍ಕಂಥೊ ಏಕ್‍ ದೂತ ಮಾರಕನ ಆಯೋಥೊ. ಯೋಸ್ ದೇವ್ನ ಮೇ ಆರಾದನೆ ಕರುಸ್ತೆ ಮೆ ಇನೋಸ್. 
\v 24 ಯೋ ದೇವ್ನದೂತನೆ, ‘ಪೌಲ, ಡರ್‌ನಕೊ ತೂ ಕೈಸರೈನ ಖ್ಹಾಮ್ಣೆ ಭೀರೆವ್ಣು. ತಾರಿ ಜೋ಼ಡೆ ಜ಼ಹಾಜ಼್‍ಮ ಓಳೆಜಾ಼ಸ್‍ತೆ ಖ್ಹಾರಾಸ್ ಅದ್ಮಿನ ಜಾನ್ನ ಬಚಾ಼ಡುಕರುಸ್ತೆ, ತಾರ ಉಪ್ಪರ್‌ಲ್ಯ ದಯಾನಖ್ಹಾಜೆ ಕರಿ ಬೋಲ್ಯೊ. 
\v 25 ಇನಖ್ಹಾಜೆ, ಅದ್ಮಿವೊ ಭಾಲ್‍ಥಿ ರ‍್ಹವೊ. ಮನ ಬೋಲೈರ‍್ಹುತೆ, ಪರಕ್ಮಸ್ ಉಷೆಕರಿ ಮೇ ದೇವ್‍ಪರ್ ವಿಶ್ವಾಸ್ ಕರುಸ್. 
\v 26 ಕತೋಬಿ ಅಪ್ಣೆ ಕೆಹೂಕಿ ಏಕ್‌ ಟಾಪಾನಿ ಕನಾರಿನ ಫೋಚು಼ಕರಿಯೇಸ್, ಕರಿ ಬೋಲ್ಯೊ. 
\v 27 ಚೌ಼ಧಾನಿ ರಾತ್ಮ ಹಮೆ ಆದ್ರಿಯ ದರ‍್ಯಾವ್‌ಮ ಯೊ ಜ಼ಹಾಜ಼್ ವ್ಹವ್‌ತುಹುಯಿನ್, ಜಾ಼ತರ‍್ಹವಾನಿ ವಖ್ಹತ್‌ಮ, ಖ್ಹುಮಾರ್ ಅಧಿರಾತ್ಮ ಇನ ಚ಼ಲಾವವಾಳನೆ ಹಮೆ ಜ಼ಮೀನ್ನ ಖನ್ನೆ ಅಯಿಗ ಕರಿ ಲಾಝ್ಯು. 
\v 28 ತದೆ ಅಳ್ತಿನು ಗುಂಡ್ ಮ್ಹೇಲಿನ್ ಪಾಣಿನಿ ಗಧಾರ‍್ನ ತರೀಪ್ಷ ಕರಾಮ, ಯೋ ಖ್ಹುಮಾರ್ ಏಕ್‌ ಖ್ಹೋ ಡೋಡಿಖ್ಹ್‌ ಅಡಿ ಗಧಾರ್ ಛಾ಼ ಕರಿ ಮಾಲುಮ್ ಕರಿಲಿದ. ಇವ್ಣೆ ಬಿಜು಼ ಥೋಡಿ ದೂರ್ ಜೈ಼ನ್, ಪಾಛು಼ ಅಳ್ತಿನು ಗುಂಡ್ ಮ್ಹೇಲಿನ್ ದೇಖಾಮ, ಖ್ಹುಮಾರ್ ಯೋ ಖ್ಹಡ್‌ಚಾರೀಖ್ಹ್ ಅಡಿ ಥು. 
\v 29 ಜ಼ಹಾಜ಼್ ಬಂಡಾನ ಟಕ್ಕರ್ ಖಾಶೆಕರಿ ಡರಿನ್ ಜ಼ಹಾಜ಼್‌ನ ಪೀಠೆಥು ಚಾರ್ ಲಂಗಾರ್‌ನ ಪಾಣಿನ ಮಹಿ ಮ್ಹೇಲಿನ್ ಒಗ್ಗಿ ವ್ಹಾಣು ಹುವಾದೆಕರಿ ಪ್ರಾರ್ಥನೆ ಕರ‍್ಯು. 
\v 30 ಜ಼ಹಾಜ಼್ ಚ಼ಲವಾಳು ಥೋಡುಜ಼ಣು, ಲಪೀನ್ ದೋಣಿನ ದರ‍್ಯಾವ್‌ಮ ಉತ್‌ರೈನ್ ನಿಕ್ಳಿ ಜಾ಼ವ್ಣುಕರಿ ಜ಼ಹಾಜ಼್‌ನ ಖ್ಹಾಮ್ಣೆಥೂತೆ ಲಂಗಾರ್ ಅಖ್ಖಾನ ಹೇಟ್ ಉತಾರಾನು ಭಾಣು ಕರ‍್ಯು. 
\v 31 ತದೆ ಪೌಲನೆ ಖ್ಹೋಶಿಪಾಯಿನ ಮೋಟನಾಬಿ ಶಿಪಾಯಿಖ್ಹಾರಾನ, “ಆ ಜ಼ಹಾಜ಼್ ಚ಼ಲವವಾಳೊ ಜ಼ಹಾಜ಼್‍ಮ ನಾರ‍್ಹಯುತೊ ತುಮಾರೊ ಜಾನ್‌ ಬಚಾ಼ವನ ಉಶೇಸ್‍ ಕೊಯ್ನಿ” ಕರಿ ಬೋಲ್ಯೊ. 
\v 32 ಇನಖ್ಹಾಜೆ ಶಿಪಾಯಿಖ್ಹಾರನೆ, ಶಿಂದ್ರಾವ್‍ನ ಕತ್ರೀನ್ ದೋಣಿಯೇನ ಪಾಣಿಮ ಮ್ಹೆಂದಿದ. 
\v 33 ವ್ಹಾಣುಹುವಾನ ಮ್ಹಯಿಮಾ ಪೌಲನೆ ಇವ್ಣ ಖ್ಹಾರಾಜ಼ಣನ ಶಾತ್ಬಿ ಖಾವೊಕರಿ ಗಿಂಗೈಲಿದೊ ಅಜು಼ “ತುಮೆ ಗಯೋತೆ ಚೌ಼ಧರೋಜ್‍಼ಥೂಬಿ ಖಾಣುಸ್ ಖಾದಸ್‌ಕೋಯ್ನಿ. 
\v 34 ಹಮ್ಕೆ ತುಮೆ ದರ‍್ರಾಖ್ಹುತೊಬಿ ಖಾಣು ಖಾವ್ಣುಕರಿ ತುಮೂನ ಗಿಂಗೈಲೆವುಸ್. ತುಮೆ ಜೂತುರ‍್ಹೀನ್ ಬಚ಼್‌ಣುಕತೊ, ತುಮೂನ ಖಾಣಾನಿ ಜ಼ರೂರತ್ ಛಾ಼. ತುಮಾರಮ ಕೋಣ್‌ಬಿ ತುಮಾರ ಮುಡ್‌ಕ್ಯಾನೊ ಏಕ್‌ ಕೇಖ್ಹ್‌ಬಿ ಗುಮೈಲಿಶುಕೊಯ್ನಿ. ಕರಿ ಬೋಲ್ಯೊ. 
\v 35 ಅಮ್ ಬೋಲಿನ್ ಪೌಲನೆ, ರೋಟಾನ ಪಾಡಿ ಖ್ಹಾರಾನ ಖ್ಹಾಮ್ಣೆ ದೇವ್ನ ಧನ್ಯವಾದ್‌ಕರೀನ್‌ ತೋಡಿ ಖಾವಲಗ್ಯೊ. 
\v 36 ತದೆ ಇವ್ಣೇಬಿಖ್ಹಾರು ಭಾಲ್‍ಲೀನ್, ಖಾಣುಖಾದು. 
\v 37 ಯೋ ಜ಼ಹಾಜ಼್‍ಮ ಹಮೆ ಬೇಖ್ಹೊ ಛೋ಼ಉಪ್ಪರ್ ಖ್ಹಡ್‌ತೀನಿಖ್ಹ್ ಜ಼ಣು ಥಾ. 
\v 38 ಹಮೆ ಬಶ್‍ಹುವಾಎತ್ರು ಖೈಹುವಾದೀನ್, ಬಿಜ಼ ಘವ್‌ನ ದರ‍್ಯಾವ್‌ಮ ಫೇಕಿನ್, ಜ಼ಹಾಜ಼್‌ನ ವಜನ್ನ ಕಮ್‍ಕರ‍್ಯ.
\s ಜ಼ಹಾಜ಼್ ಫುಟಿಗೈತೆ
\p
\v 39 ವ್ಹಾಣು ಹುವಾದಿನ್ ಜ಼ಹಾಜ಼್ ಚ಼ಲಾವವಾಳು ಜ಼ಮೀನ್ನ ದೇಖ್ಯು. ಕತೋಬಿ ಯೋ ಖೆವಿ ದೇಖ್ಹ್‌ನಿ ಝ಼ಗೊಕರಿ ಮಾಲುಮ್‌ ಪಡ್ಯುಕೊಯ್ನಿ. ಇವ್ಣೆ ದೇಖ್ಯುತೆ ಏಕ್‌ ರೇತ್ನಿ ಖಾರಿ ರ‍್ಹಯೂತೊ ಹಿಜ್ಜಾ಼ ಜ಼ಹಾಜ಼್‍ನ ಲೀಜೈ಼ನ್ ಭೀರಾಕ್ಣುಕರಿ, ಸೋಚ್ಯು. 
\v 40 ಇನಖ್ಹಾಜೆ ಹಮೆಖ್ಹಾರು ಅಖ್ಖಾ ಲಂಗಾರ್ನ ಕತ್ರೀನ್ ದರ‍್ಯಾವ್‌ಮ ಮ್ಹೆಂದಿದ. ಅಜು಼ ಚುಕ್ಕಾಣಿನ ಶಿಂದ್ರಾವ್‍ನ ಗಾಟ್ನ ಛೋ಼ಡಿನ್ ಜ಼ಹಾಜ಼್‍ನ ಖ್ಹಾಮ್ಣೆ ಥೂತೆ ಜ಼ಂಡಾನ ವಹಿರಾಮ ಪಾಡಿಭಾಂದಿನ್ ಜ಼ಹಾಜ಼್‌ನ ಕನಾರಿಭಣಿ ಚ಼ಲಾವ್‌ತು ನಿಕ್‍ಳ್ಯ. 
\v 41 ಕತೋಬಿ ಜ಼ಹಾಜ಼್ ರೇತ್‍ನ ದಿಬ್ಬನ ಟಕ್‌ರೈನ್, ಇನು ಮ್ಹೋರಾನು ನೋಕ್‍ ರೇತ್ಮ ಗಡೀಗು. ಜ಼ಹಾಜ಼್ ಅಗಾಡಿ ಚಾ಼ಲಾನ ಹುಯುಕೋಯ್ನಿ. ತದೆ ಮೋಟ ಝೋ಼ಕಾಳ್ಯ ಆಯಿನ್ ಜ಼ಹಾಜ಼್‌ನ ಪೀಠೆಥು ಮಾರ್‌ಪಡೀನ್, ಫುಟಿನ್‌ ಟುಕ್‌ಡಾ ಹುಯಿ ಪಡಾಲಗ್ಯುಥು. 
\v 42 ತದೆ ಕೈದಿಖ್ಹಾರು ತೀರಾಕ್‌ಮಾರಿನ್ ಲಪಿನಿಕ್‌ಳಿ ಜಾ಼ಶೆಕರಿ ಶಿಪಾಯಿಖ್ಹಾರು ಇವ್ಣುನ ಮರ್‌ನಾಖಿ ದೇವ್ಣುಕರಿ ಸೋಚ್ಯು. 
\v 43 ಕತೋಬಿ ಖ್ಹೋಶಿಪಾಯಿನ ಮೋಟಾನೆ ಪೌಲನ ಬಚಾ಼ಡ್ನುಥು. ಇನಖ್ಹಾಜೆ, ಇವ್ಣೆ ಇಮ್‌ ನಾ ಕರ್ನುತೆ ತಿಮ್ ದೇಖಿಲಿದೊ. ಅನಬದಲ್ ತೀರಾಕ್ ಮಾಲುಮ್‌ ರ‍್ಹವಾಳು ಪಾಣಿಮ ಉತ್ರಿನ್ ತೀರಾಕ್‌ಮಾರಿ ಕನಾರಿನ ಜಾ಼ವ್ಣುಕರಿ, ಹುಕುಮ್ ದಿದೊ. 
\v 44 ಅಜು಼ ಉಭ್ರಿಹುಯು ಅದ್ಮಿಖ್ಹಾರು ಪಲ್ಗಾನ ಉಪ್ಪರ್ ನತರ್ ಜ಼ಹಾಜ಼್‌ನ ಟುಕ್ಡಾವ್‍ನ ಮದಥ್ಥಿ ಜಾ಼ವ್ಣುಕರಿ ಬೋಲ್ಯು. ಇಮ್ಮಸ್ ಹಮೆ ಖ್ಹಾರುಜ಼ಣು ಕನಾರಿನ ಬಚಿನ್ ಪೋಚಿಗಯ.
\c 28
\s ಮೆಲೀತೆಮ
\p
\v 1 ಹಮೆ ಜ಼ತನ್‌ಥಿ ಕನಾರಿನ ಬಚಿನ್ ಜಾ಼ವಾದಿನ್ ಯೋ ಮೆಲೀತೆ ಟಾಪು ಕರಿ ಮಾಲುಮ್‍ಹುಯು. 
\v 2 ತದೆ ಪಾಣಿ ವರ್ಖ್ಹುಕರ್ತೊಥೊ ಅಜು಼ ಘಣು ಠಣ್‍ಥೂತೆಖ್ಹಾಜೆ ಯೋ ಟಾಪುನು ಅದ್ಮಿಖ್ಹಾರು ಪ್ಯಾರ್‌ಥಿ ಇವ್ಣೆ ಶೇಕಾನಖ್ಹಾಜೆ ಆಗ್ ಲಗಾಡಿನ್ ಹಮೂನ ಖ್ಹಾರಾನ ಬುಲಾಯು. 
\v 3 ಪೌಲನೆ ಏಕ್‌ ಭಾರೊ ಲಾಕ್ಡಾನ ಎಕ್ಟುಕರಿನ್ ಲೈನ್‌ ಆಗ್ನಉಪ್ಪರ್ ನಾಖುಕರಾನಿವಖ್ಹ್‌ತೆ ಇನ ಅಂಚ಼್‌ನಮಾರ್ಮ ಖ್ಹಾಪ್‌ ಏಕ್‌ ಭಾರ್‌ಆಯಿನ್ ಪೌಲಾನ ಹಾತ್‍ಕೇಡೆ ಲಪ್‍ಟೈಗಯು. 
\v 4 ಪೌಲನ ಹಾತ್ನ ಲಪ್‍ಟೈರ‍್ಹುಥೂತೆ ಯೋ ಖ್ಹಾಪ್‍ನ ದೇಖ್ಯೂತೆ ಟಾಪುವಾಳು, “ಆ ಅದ್ಮಿ ಖ್ಹಾಚ ಖೂನಿಸ್‌ ಹುಯಿರೊಸ್. ಆ ಹೈರೋತೆ ದರ‍್ಯಾವ್‍ಮಾಥೊ ಬಚಿನ್ ಆಯೋತೋಬಿ ನಶೀಬ್‌ ಇನ ಜಿವಾನ ಮ್ಹೇಲ್ಯುಕೊಯ್ನಿ.” ಕರಿ ಇವ್ಣ ಇವ್ಣಾಮ ಬೋಲಿಲಿದು. 
\v 5 ಕತೋಬಿ ಪೌಲನೆ ಖ್ಹಾಪ್‍ನ ಆಗ್‌ಮ ಝ಼ಟ್ಕಿನಾಖ್ಯೊ; ಇನ ಶನು ಖತ್ರಾಬಿ ಕೊ ಹುಯುನಿ. 
\v 6 ಇವ್ಣೆ ಇನು ಅಂಗ್‍ತನ್ ಫುಲಿಜಾಶೆ ನತರ್ ಆ ಅಫ್ಫರ್‌ಥೊಸ್ ಮರಿನ್ ಲಡಕ್‍ಶೆ ಕರಿ ಟಿವೈರ‍್ಹೂಥು. ಕತೋಬಿ ಕೆವ್ಡಿ ವಖ್ಹತ್ ಟಿವೈನ್ ದೇಖ್ಯುತೋಬಿ ಇನ ಶನು ಲುಕ್ಷಾನ್‌ಬಿ ಕೊಹುಯುನಿ. ಅನ ದೇಖ್ಯೂತೆ ಇವ್ಣೆ ಮನ್‍ಫರೈಲಿನ್ ಆ ಏಕ್‌ ದೇವಸ್‌ಕರಿ ಬೋಲ್ಯು. 
\v 7 ಯೋ ಟಾಪುನೊ ಮೋಟೊ ಅಧಿಕಾರಿಮ ಏಕ್‍ಜ಼ಣೊ ಪೋಪ್ಲಿಯಾನು ಖೇತರ್‌ ಗದ್ದೆ ಹಮೆಥಾತೆ ಝ಼ಗೊನ ಖನ್ನೇಸ್‍ಮ ಥೂ. ಯೋ ಹಮೂನ ಸ್ವಾಗತ್ ಕರೀನ್ ತೀನ್ ದನ್‌ಲಗು ಹಮೆ ಇನೇಥಿ ಸತ್ಕಾರ್ ಲಿದ. 
\v 8 ಪೋಪ್ಲಿಯಾನೊ ಬಾ ತಾವ್‍ಥೀಬಿ ಲ್ಹೊಯ್ಯವ್‌ಹುಯಿನ್ ಛಾ಼ದ್ರಿ ಧರಿರಾಖ್ಯೊಥೊ.ಪೌಲ ಇನಕನ ಜೈ಼ನ್ ಪ್ರಾರ್ಥನೆ ಕರೀನ್ ಇನ ಮುಡ್‌ಕ್ಯಪರ್ ಹಾತ್‍ಮ್ಹೇಲಿನ್‍ ಅಛ್ಛುಕರ‍್ಯೊ. 
\v 9 ಇನಪಾರ್ ಯೋ ಟಾಪನ ಅಜು಼ ಉಭ್‌ರ‍್ಯುತೆ ಖ್ಹಾರುಸ್ ರೋಗಿಬಿ ಪೌಲಕನ ಐನ್ ಗುಣ್‌ಹುಯು. 
\v 10 ಇವ್ಣೆ ಹಮೂನ ಜಾ಼ಖ್ಹತ್ ಮರ್ಯಾದಿ ದಿದು. ಹಮೆ ಹಿಜ್ಜಾ಼ಥು ಜಾ಼ವನ ಖ್ಹವಾರನಿ ವಖ್ಹ್‌ತೆ ಹಮೂನ ಜ಼ರೂರತ್‌ಥೂತೆ ಖ್ಹಾರು ಚೀಜ಼್ ಲಯಿನ್ ದಿದು.
\s ಮೆಲೀತೇಥು ರೋಮ್‍ನ ಆಯೋತೆ
\p
\v 11 ತೀನ್ ಮಹಿನಾನ ವಾರ್‌ ಅಲೆಕ್ಸಾಂಡ್ರಿಯಾಥು ಅಯಿನ್ ಯೋ ಟಾಪಾಮ ಠಣ್ಣಾದನ್‍ ಕಾಡಿಮ್ಹೇಲಿಜಾ಼ವನ ಖ್ಹಾಜೆ ಏಕ್‌ ಜ಼ಹಾಜ಼್‌ನ ಚ಼ಢೀನ್ ಗಯ. ಯೋ ಜ಼ಹಾಜ಼್‍ನ ಖ್ಹಾಮ್ಣೆ ಗ್ರೀಕ್ ಅವಳಿಜವಳಿ ದೇವ್ತಿನು ಖ್ಹಣೇದ್ ಥು. 
\v 12 ಹಮೆ ಸುರಕೂಸ್ ಖ್ಹಯೇರ‍್ನ ಐನ್ ಹಿಜ್ಜಾ಼ ತೀನ್‍ದನ್‍ ಥಾ. 
\v 13 ಹಿಜ್ಜಾ಼ಥ ಚಾ಼ಲ್ತ ಹುಯಿನ್ ರೇಗಿಯ ಖ್ಹಯೇರ್‌ಮ ಪೇಶ್ಯ. ಏಕ್‍ದನ್ನ ಬಾದ್ಮ ದಕ್ಷಿಣ್‍ನೊ ವಹಿರೊ ವಾಗಲಗ್ಯೊಥೊ. ಇನಖ್ಹಾಜೆ ಬೇನದನ್ನೆ ಪೊತಿಯೋಲಕರಿ‍ ಖ್ಹಯೇರ್‌ಮ ಆಯ. 
\v 14 ಹಮೆ ಹಿಜ್ಜಾ಼ ಥೋಡು ವಿಶ್ವಾಸಿವ್‌ನ ದೇಖ್ಯ. ಇವ್ಣಜೋ಼ಡ್ಮ ಖ್ಹಾತ್ ದನ್‌ತೋಬಿ ರ‍್ಹೇವ್ಣುಕರಿ ಬೋಲಿಲಿದು. ಇನಖ್ಹಾಜೆ ಹಮೆ ರೋಮ್‍ನ ಆಯ. 
\v 15 ಹಮೆ ಹಜ಼್ಜ ರ‍್ಹವಾನು ರೋಮ್ಮ ಥೂತೆ ವಿಶ್ವಾಸಿನ ಮಾಲುಮ್ ಪಡ್ಯು. ಹಮೂನ ಮಳಾನಖ್ಹಾಜೆ ಥೋಡುಜ಼ಣು “ಅಪ್ಪಿಯ ನಂಗರ್‌ಲಗು ಅಜು಼ ತ್ರಿಛತ್ರಕರಿ ಝ಼ಗೋಲಗೂಬಿ ಆಯು. ಪೌಲನೆ ಇವ್ಣುನ ದೇಖಿನ್ ದೇವ್ನ ಧನ್ಯವಾದ್‌ಕರೀನ್‌ ಭಾಲಿಥಿ ಹುಮ್ಮಖ್ಹ್‌ ಹುಯೊ.
\s ರೋಮ್ಮ ಪೌಲ
\p
\v 16 ಇನಕೇಡೆಥು ಹಮೆ ರೋಮ್‍ನ ಪೋಚಾ಼ನಿವಖ್ಹತೆ, ಪೌಲ ಇನ ದೇಖಿಲ್ಯವಾಳೊ ಏಕ್‍ಶಿಪಾಯಿ ಇನಿ ಜೋ಼ಡ್ಮ ರ‍್ಹಿಯೇಜಾ಼ಯ್ ಕರಿ ಬೋಲಾನು ಹುಕುಮ್‌ ಲಿದೊ.\fig ರೋಮ್ ನಂಗರ್‌ನಿ ಗಲ್ಲಿನಿ ಶನ್‌ಗಾರ್|alt="Street scene of The Roman city" src="hk00242c.tif" size="span" copy="Horace Knowles ©" ref="28:16"\fig* 
\v 17 ತೀನ್‍ದನ್‍ ಹುವಾನಪಾರ್ ಪೌಲನೆ ಹಿಜ಼್ಜಾನ ಯೆಹೂದ್ಯರ್‌ನ ಘಲ್ಡಾವ್‌ನ ಏಕ್‌ ಝ಼ಗೊ ಎಕ್ಟು ಬುಲಾಯೊ. ಇವ್ಣೆ ಆವಾಮ ಯೋ ಇವ್ಣುನ, “ಮಾರ ಭೈಯೇವೊ ಮೇ ಅಪ್ಣ ಅದ್ಮಿಥಿ ರ‍್ಹವೊ ಗುರುಗುರಬ್‍ಲ್ಯಥಿ ಆಯೂತೆ ವಿರೋದ್‌ಥಿ ರ‍್ಹವೊ ಶಾತ್‌ ಕರ‍್ಯುಕೊಯ್ನಿ. ಮನ ಯೆರೂಸಲೇಮ್ಮ ಖೈದಿಕರೀನ್ ಧರೀನ್ ರೋಮ್‌ವಾಳಾನ ಹಾತ್ಮ ದ್ಯವಾನಿತರ ಹುಯು. 
\v 18 ಇವ್ಣೆ ಮನ ವಿಚಾರ್ ಕರೀನ್, ಮಾರಮ ಮರಣ್ಣಿ ದಂಡನೇನು ಆಪರಾದ್ ಖಿವೂಬಿ ಕೊಂತೆಖ್ಹಾಜೆ ಮನ ಛುಟ್ಕಾರ್ ಕರ್ನುಕರಿ ಥೂ. 
\v 19 ಕತೋಬಿ ಯೆಹೂದ್ಯರ್ ವಿರೋದ್ ಕರ‍್ಯುತೆ ಇನಖ್ಹಾಜೆ, ಮೇ ಕೈಸರನ ಖ್ಹಾಮ್ಣೆ ಬೋಲಿಲೇವುಸ್ ಕರಿ ಬೋಲ್ನುಪಡ್ಯುಥು. ಕತೋಬಿ ಮಾರು ಶೊಂತ್‍ ಅದ್ಮಿಪರ್ ಗಲ್ತಿ ನಾಲಗಾಡ್ನುಕರಿ ಬೋಲ್ಯೊಕೊಯ್ನಿ. 
\v 20 ಆ ಕಾರ‍ಣ್ಣಾಖ್ಹಾಜೆ ಮೇ ತುಮೂನ ಬೋಲ್ನುಕರಿ ಬುಲೈಮಂಗಯೋತೆ. ಇಸ್ರಾಯೇಲ್ ಅದ್ಮಿನ ವಿಶ್ವಾಸ್ನಖ್ಹಾಜೆ ಆ ಖ್ಹಂಕ್‌ಳಿಥಿ ಭಂದೈರ‍್ಹೋಸ್.” ಕರಿ ಬೋಲ್ಯೊ. 
\v 21 ಇವ್ಣೆ ಇನ, “ತಾರಿ ಬಾರೇಮ ಯೂದಾಯಥು ಹಮೂನ ಖಿವು ಚಿಟ್ಟಿಬಿ ಕೋ ಆಯೂನಿ. ನತರ್ ಭೈಯೇವ್‌ಮ ಏಕ್‍ಜ಼ಣೂಬಿ ತಾರಿ ಬಾರೇಮ ಖಿವೂಬಿ ಖರಾಬ್ ವಾತ್ ಖ್ಹಮ್‌ಜಾ಼ಡ್ಯುಬಿ ಕೊಯ್ನಿ ಬೋಲ್ಯುಬಿ ಕೊಯ್ನಿ. 
\v 22 ಕತೋಬಿ ತಾರಿ ಸೋಚ್ನ ತಾರ ಮ್ಹೋಡೇಖ್ಹೂಸ್ ಖ್ಹಮ್‌ಜಾ಼ನ ಪಸಂದ್ ಕರ್ಯೆಸ್. ಶನಕತೊ ಅಖ್ಖೂಸ್ ಅದ್ಮಿಖ್ಹಾರು ಆ ಝೂ಼ಂಡ್‌ಮ ಕ್ರಿಸ್ತನು ವಿರೋದ್ ಕರೀನ್ ವಾತೆ ಬೋಲುಕರಸ್‍ಕರಿ ಹಮೂನ ಮಾಲುಮ್‌” ಕರಿ ಬೋಲ್ಯು. 
\v 23 ಇನಖ್ಹಾಜೆ ಪೌಲ ಅಜು಼ ಇವ್ಣೆ ಸಭೆ ಮಳಾನ ಏಕ್‍ದನ್ ಖ್ಹಣೇದ್‍ಕರ‍್ಯು, ಯೋ ರೋಜ಼್ಮ ಕೈಯೆಕ್ಕಿ ಜ಼ಣು ಪೌಲನ ಘರ್ಮ ಘಣಿ ಗಣ್ತೀಥಿ ಸಬೆಮಳ್ಯು. ಇನೆ ವ್ಹಾಣೇಥು ಖ್ಹಾಂಜ಼್‌‌ಲಗು ದೇವ್ನ ರಾಜ್ಯನಿ ಬಾರೇಮ ಇನಿ ವಾತೇನ ಇವ್ಣುನ ಸಾಕ್ಷಿನ ಬೋಲ್ತೊಹುಯಿನ್.ಅಜು಼ ಮೋಶೇನು ಧರ್ಮಶಾಸ್ತ್ರ ಪ್ರವಾದಿನು ದಪ್ತರ್‌ನ ಆಧಾರ್ ಲಿದೊ. ಯೇಸುನಿ ಬಾರೇನಿ ವಾತೆಮ ಇವ್ಣುನ ವಿಶ್ವಾಸ್ ರಾಖಾನಿಘೊಣಿ ಕೋಶಿಶ್ ಕರ‍್ಯೊ. ಅನಖ್ಹಾಜೆ ಇನೆ 
\v 24 ಪೌಲನೆ ಬೋಲ್ಯೊತೆ ಥೋಡಿ ವಾತೆನ ಥೋಡಜ಼ಣ ಯೆಹೂದ್ಯರ್‌ನೆ ಮಾನಿಲಿದು. ಕತೋಬಿ ಥೋಡಾನೆ ವಿಶ್ವಾಸ್‌ ಕರ‍್ಯುಕೊಯ್ನಿ. 
\v 25 ಇವ್ಣಾಮ ವಗ್ಗುಟ್‌ಕೊಂತೆ ವಳಿಜಾ಼ತುಥೂತೆ ದೇಖಿನ್ ಖ್ಹರ್ತಿಮ ಪೌಲನೆ ಇವ್ಣುನ ಪವಿತ್ರಾತ್ಮನೆ ಪ್ರವಾದಿ ಹುಯಿರೋತೆ ಯೆಶಾಯಥಿ ಗುರುಗುರಬ್‍ಲ್ಯನ ಖ್ಹಾರಾನ ಖ್ಹಾಚ಼ನ ಬಾರೇಮ ಬೋಲ್ತೊ ಹುಯಿನ್, 
\v 26 ‘ತೂ ಆ ಅದ್ಮಿಕನ ಜೈ಼ನ್ ಇವ್ಣುನ ‘ತುಮೆ ಖನ್ನೆ ರ‍್ಹೀನ್ ಖ್ಹಮ್‍ಜ್ಯುತೋಬಿ ಮಾಲುಮ್‌ ಕರಾಸ್ ಕೊಯ್ನಿ; ಡೋಳ ರ‍್ಹೀನ್ ದೇಖ್ಯತೋಬಿ ಪರ್‌ಖ್ಯಾಕೊಯ್ನಿ. 
\v 27 ಶನಕತೊ, ಆ ಅದ್ಮಿನು ದಿಲ್‌ ಬಂಡೊ ಹುಯಿಗಯು; ಇವ್ಣು ಕಾನ್‌ ರ‍್ಹಯುತೋಬಿ ಕಾನ್‌ಖ್ಹಾರು ಮೂಚಿರಾಖ್ಯುಸ್ ಖ್ಹಾಚು಼ ರ‍್ಹಯುತೋಬಿ ದೇಖಾನ ಮನ್ ಕರಾಕೊಯ್ನಿ, ನತರ್ ಅವ್ಣೆ ಡೋಳೇಥಿ ದೇಖ್ಯುಹೋತ್ತ್‌, ಕಾನ್‍ಥಿ ಖ್ಹಮ್‍ಜ್ಯುಹೋತ್, ಮನ್‍ಲಗಾಡಿನ್ ಮಾಲುಮ್‌ ಕರ‍್ಯುಹೊತ್, ಮಾರಭಣಿ ಫರಿಗಯುಹೊತ್; ಮಾರೇಥಿ ಅಛ್ಛು಼ ಹುಯಿಗುಹೊತ್.\f + \fr 28:27 \fr*\ft 26ಅಜು಼ 27ನು ವಚನಾನ ಯೆಶಾಯ 6,9,10ನು ವಚನಾಥು ಚೂ಼ಣಿರಾಖ್ಯುಸ್\ft*\f* 
\v 28 ತದೆ ಪೌಲನೆ ದೇವ್‌ನು ಆ ರಕ್ಷಣೆನ ಯೆಹೂದ್ಯರ್‌ಕಾಹೆತೆ ಇವ್ಣುನ ಬೋಲಿ ಮೊಕ್‍ಲೈರ‍್ಹುಸ್‍ ಕರಿ ತುಮೂನ ಅಛ್ಛಿನಿತರ ಮಾಲುಮ್‌ ರ‍್ಹವಾದೆ; ಕರಿ ಬೋಲಿನ್ ಇನಿ ವಾತೆನ ಖ್ಹರ್ತಿಕರ‍್ಯೊ. 
\v 29 ಇನೆ ಆ ವಾತೆನ ಬೋಲಾನ ಪಾರ್ ಯೆಹೂದ್ಯರ್ ಘಣು ಖರಾಬ್‌ಥಿ ವಿವಾದ್ ಕರ್ತುಹುಯಿನ್ ಚ಼ಲೀಗು.\f + \fr 28:29 \fr*\ft ಥೋಡಿ ಚಿಟ್ಟೀಮ 29 ವಚನ್ ಕೊಯ್ನಿ\ft*\f* 
\v 30 ಇನಕೇಡೆಥು ಯೋಸ್ ಭಾಡು ಲೀರಾಖ್ಯೊಥೊತೆ ಘರ್‌ಮ ಬೇ ವರಖ್ಹ್‌ಲಗು ರ‍್ಹೀನ್, ಇನಕನ ಆವಾಳಾನ ಖ್ಹಾರಸ್ನ ಸ್ವಾಗತ್ ಕರೀನ್ ಬುಲೈಲೇತೊಥೊ. 
\v 31 ತದೆ ಇನೆ ಘಣುಭಾಲಿಥಿ ಅಜು಼ ಖಿವಿ ಅಡ್ಡಿಕೊಂತೆ; ದೇವ್ನು ರಾಜ್ಯನಿ ಬಾರೇಮ ಉಪದೇಶ್ ಕರ್ತೊಹುಯಿನ್ ಪ್ರಭು ಯೇಸುಕ್ರಿಸ್ತನಿ ಬಾರೇನಿ ವಾತೇನ ಬೋಧನೆ ಕರ್ತೊರ‍್ಹಿಯೊ.