\id 3JN -WAGHRI
\ide UTF-8
\h 3 ಯೋಹಾನ
\toc3 3 ಯೋಹಾ
\toc2 3 ಯೋಹಾ
\toc1 ಯೋಹಾನೆ ಲೀಖ್ಯೋತೆ ತೀನ್ನಿ ಚಿಟ್ಟಿ
\mt2 ಯೋಹಾನನು ಬರೆದ ಮೂರನೆಯ ಪತ್ರಿಕೆ
\mt1 ಯೋಹಾನನೆ ಲೀಖ್ಯೋತೆ ತೀನ್ನಿ ಚಿಟ್ಟಿ
\imt ಮಾಲುಮ್ ಕರಾನು
\ip ಯೋಹಾನನೆ ಲೀಖ್ಯೋತೆ ತೀನ್ನಿ ಚಿಟ್ಟಿನ ಯೋಹಾನನೆ ಕ್ರಿಸ್ತನಿ ಪೈದಾಖ್ಹ್‌ನ ವಾರ್ 50 ಅಜು಼ 100 ವರಖ್ಹ್‌ನಿ ಬೀಚ್ಮ ಲೀಖಿರಾಖ್ಯೊಸ್. ಯೋಹಾನಾಸ್ ಲೀಖಾಪಟ್‍ವಾಳೊ ಕರಿ ಬೋಲಾನ ಬದಲ್ ಯೋ ಏಕ್‌ ಗಲ್‌ಢೊಕರಿ ಬೋಲಿಲೇಸ್. \xt 1:1\xt* ಯೋ ಇನೆ ಲೀಖ್ಯೋತೆ ಬೇನಿ ಚಿಟ್ಟೀಮ ಬೋಲಿರಾಖ್ಯೋತೆ ತಿಮ್ಮಸ್ ಬೋಲಸ್ \xt 1:1\xt* ಯೋಹಾನನೆ ಲೀಖ್ಯೋತೆ ಸುವಾರ್ತೆ ಅಜು಼ ತೀನ್ ಚಿಟ್ಟಿ ಹುಯಿರುತೆ ಪಹಿಲಿ ಯೋಹಾನ, ಬೇನಿ ಯೋಹಾನ, ಅಜು಼ ತೀನ್ನಿ ಯೋಹಾನ ಚಿಟ್ಟಿಖ್ಹಾರಿ ಯೋಹಾನನೆ ಎಫೆಸಮ ಜಿವ್ಣುಕರುಕರ ತದೆ ಲೀಖೈರುಸ್ ಕರಿ ವಿಶ್ವಾಸ್ ಕರೆಜಾ಼ಯ್.
\ip ಯೋಹಾನ್ನಿ ಆ ಚಿಟ್ಟಿ ಗಾಯಕರಿ ನಾಮ್‌ವಾಳ ಏಕ್‌ ವಿಶ್ವಾಸಿನ ಲೀಖಿರಾಖ್ಯೊಸ್. ಯೋ ಗಾಯನ ಇನೊ ದೋಸ್ತಿಕರಿ ಬೋಲಿಲೇಸ್. ಅಜು಼ ಯೊ ಝ಼ಗೊನ ವಾಟ್‌ಪರ್‌ಕರಿ ಪಡ್ತಹುಯಿನ್ ಜಾ಼ವಾಳ ವಿಶ್ವಾಸಿ ಭೈಯೇವ್ನ ಉಪಚಾರ್ ಕರ್ನುಕರಿ ಇನ ಖ್ಹಂಜ಼್‌ಕಾರ್‌ ದೇಸ್.
\iot ಕಾಡಿದೇಖೊ
\io1 1 ಯೋಹಾನ ಇನು ಚಿಟ್ಟಿನು ಪರಿಚಯ್ ಕರಸ್. \ior 1:1\ior*
\io1 2 ಇನಕೇಡೆಥು ಗಾಯನನ ಹುಮ್ಮಖ್ಹ್‌ ದೇಸ್ ಅಜು಼ ಕೇಡೆ ರ‍್ಹವಾಳನ ಸ್ವಾಗತ್ ಕರಾನಖ್ಹಾಜೆ ಮಾರಗ್ ವತಾಳಸ್‍. \ior 1:2-8\ior*
\io1 3 ಇನಪಾರ್ ಥಿಯೊತ್ರಿಪ ಅಜು಼ ದೆಮೆತ್ರಿಯಕರಿ ಬೇಜ಼ಣಾನಿ ಬಾರೇಮ ವಾತೆ ಬೋಲಸ್. \ior 1:9-12 \ior*
\io1 4 ಕಡೇಶಿಮ ಇನೆ ಚಿಟ್ಟಿನ ಖ್ಹತಮ್ ಕರಸ್. \ior 1:13-15\ior*
\c 1
\p
\v 1 ಸಬೇನೊ ಶಾಣಾವ್‌ಮ ಏಕ್‍ಜ಼ಣೊ ಹುಯಿರೋತೆ ಮೆ, ಖ್ಹಾಚಮಾಬಿ ಪ್ಯಾರ್ ಕರುಸ್ತೆ ಮಾರೊ ಪ್ಯಾರ‍್ನೊ ಗಾಯನ ಲೀಖುಕರುಸ್ತೆ ಶಾತ್‌ಕತೊ, 
\v 2 ಮಾರೊ ಪ್ಯಾರ್‌ನೊ ದೋಸ್ತ್ ತೂ ತಾರಿ ಆತ್ಮನಿ ಬಾರೇಮ ಭಡಿರೋಸ್ತೆ ಪರಕ್ಮಾಸ್ ಖ್ಹಾರಿಸ್ ವಾತೆಮಾಬಿ ಭಡ್ತೊಹುಯಿನ್‌ ಅಛ್ಛಿಪಣೈಥಿ ರ‍್ಹೇವ್ಣುಕರಿ ಮೇ ಪ್ರಾರ್ಥನೆ ಕರುಸ್. 
\v 3 ಭೈಯೇಖ್ಹಾರು ಕದೆಕದೇಬಿ ಮಾರಕನ ಐನ್ ತಾರಮಛಾ಼ತೆ ಖ್ಹಾಚ಼ನಿ ಬಾರೇಮ ತೂ ಖ್ಹಾಚೊ಼ಹುಯಿನ್‌ ಜಿವವಾಳೊ ಕರಿ ಬೋಲಾನು ಖ್ಹಮ್‍ಜಾ಼ನಿ ವಖ್ಹ್‌ತೆ, ಮೇ ಘಣು ಖುಷಿಕರ‍್ಯೊ. 
\v 4 ಮಾರ ಲಡ್ಕಾ ಖ್ಹಾಚಿನ ಲೀನ್ ಜಿವವಾಳ ಹುಯಿರ‍್ಹಾಸ್ ಕರಿ ಬೋಲಾನು ಖ್ಹಮ್‍ಜಾ಼ಯೆತ್ರೆ ಘಣಿ ಖ್ಹುಶಿ ಬಿಜ಼ ಶನಾಮಬಿ ಕೊಯ್ನಿ.
\s ಗಾಯನಿ ಖ್ಹರಾವ್ಣಿ
\p
\v 5 ಮಾರೊ ಪ್ಯಾರ್‌ನೊ ದೋಸ್ತ್ ತು ಭೈಯೇ ಭೇನೆವ್‌ನ ಇನೇಥಿಬಿ ಜಾ಼ಖ್ಹತ್ ಮಾಲುಮ್‌ ನಾರ‍್ಹಯುತೋಬಿ ಘಣಿ ವಿಶ್ವಾಸ್‍ಥಿ ಕಾಮ್‍ಕರುಕರಸ್‍. 
\v 6 ಇವ್ಣೆ ಸಬೆನ ಖ್ಹಾಮ್ಣೆ ತುನೆ ದೆಖಾಡ್ಯೊತೆ ಪ್ಯಾರ್‌ನಿ ಬಾರೇಮ ಸಾಕ್ಷಿ ಬೋಲ್ಯು. ಇವ್ಣೆ ಇವ್ಣಿ ಚಾ಼ಲ್‌ನ ಬಿಜೂ಼ಬಿ ಆಗಾಡಿ ಚ಼ಲಾವ್‌ತು ಜಾ಼ವಖ್ಹರ್ಕು ದೇವ್ನ ಪಸಂದ್ ಹುವಾನಿ ವಾಟ್‌ಪರ್ ಇವ್ಣೆ ಚಾ಼ಲಖ್ಹರ್ಕು ತು ಇವ್ಣುನ ಮದತ್ ಕರ‍್ನು. 
\v 7 ಶನಕತೊ ಇವ್ಣೆ ಕ್ರಿಸ್ತನು ನಾಮ್ನ ಫೈಲಾವನ ಟೇಕೆಥಿ ನಿಕ್ಳಿರ‍್ಹುಸ್. ಅಲಕ್ಅದ್ಮಿವೊ ಕಂಥು ಶಾತ್ಬಿ ಮದತ್ ಲ್ಯವಾನಖ್ಹಾಜೆ ಕಾಹೆ. 
\v 8 ಇನಾಖ್ಹಾಜೆ, ವಿಶ್ವಾಸಿ ಹುಯಿರಾತೆ ಅಪ್ಣೆ ಅಥ್ರಾನವಾಳಾನ ಮದತ್‌ಕರ‍್ನು. ಅಮ್‍ ಇವ್ಣೆ ಖ್ಹಾಚ಼ನಖ್ಹಾಜೆ ಕರಾತೆ ಕಾಮ್ಮ ಅಪ್ಣೇಬಿ ಭಾಗ್‌ ಹುವಾನಿತರ ಉಶೆ.
\s ದಿಯೊತ್ರೇಫ ಅಜು಼ ದೆಮೇತ್ರಿ
\p
\v 9 ಸಬೆನ ಮೇ ಏಕ್‌ ನ್ಹಾನಿ ಚಿಟ್ಟಿ ಲೀಖ್ಯೋಥೊ; ಕತೋಬಿ ದಿಯೊತ್ರೇಫಸ್ ಹಿಜ಼್ಜಾನಿ ಸಬೆನ ಘಲ್ಡೊ ಹೋಣುಕರಿ ಆಖ್ಹ್‌ಕರಸ್ ಇನಖ್ಹಾಜೆ ಹಮೆ ಬೋಲಿಯೇತೆ ವಾತೆನ ಖ್ಹಮ್‌ಜ಼ಕೊಯ್ನಿ. 
\v 10 ಇನಖ್ಹಾಜೇಥಿ,ಮೆ ಹಿಜ್ಜಾ಼ ಆವಾದಿನ್ ಯೊ ಕರಾತೆ ಕಾಮ್ನಿ ಬಾರೇಮ ಖ್ಹಾರನ ಬೋಲ್‌ಶೆ. ಯೋ ಬಡೈ ಮಾರವಾಳೊ ಹುಯಿನ್, ಅಪ್ಣಿಬಾರೇಮ ಝೂ಼ಟಿ ಫೈಲವ್‍ಕರಸ್. ಅಜು಼ ಖೆವ ಭೈಯೇವೋನಾಬಿ ಮಳೈಲೆಯಿಕೊಯ್ನಿ ಅಜು಼ ಮೆ ಮಳಾವ್ಣುಕರಿ ಕರುಸ್ತೆ ಇವ್ಣುನಾಬಿ ಆಡೊ ಆಯಿನ್ ಸಬೇಥಿ ಕಾಡಿನಾಖಸ್‌. 
\v 11 ಮಾರ ಪ್ಯಾರ್‌ನೊ ಭೈ ತು ಖರಾಬ್ ಚಾ಼ಲ್ ನಾ ಚಾ಼ಲ್ನುತೆ, ಅಛ್ಛಿ ಚಾ಼ಲ್‍ಚ಼ಲಣ್‍ ಚಾ಼ಲವಾಳೊ ಹುಯಿರ‍್ಹೆ; ಅಛ್ಛಾ಼ನ ಕರಾವಾಳೊ ದೇವ್‌ಭಣಿವಾಳೊ ಹುಯಿರೋಸ್. ಖರಾಬ್‌ನ ಕರಾವಾಳೊ ಕದೇಬಿ ದೇವ್ನ ದೇಖ್ಯೊಕೊಯ್ನಿ. 
\v 12 ದೆಮೇತ್ರಿಯನಿ ಬಾರೇಮ ಅಖ್ಖುಜ಼ಣು ಅಛ್ಛೊ಼ಸ್‌ಕರಿ ಬೋಲಸ್. ಸಾಕ್ಷಿಬಿ ಲೀರಾಖ್ಯೊಸ್. ಎತ್ರೇಸ್‌ಕೊಂತೆ ಹಮೆ ಇನಿ ಬಾರೇಮ ಸಾಕ್ಷಿ ಬೋಲ್‍ಯೇಸ್; ಹಮಾರಿ ಸಾಕ್ಷಿ ಖ್ಹಾಚು಼ಕರಿ ತುನ ಮಾಲುಮ್ ಛಾ಼.
\s ಖ್ಹರ್ತಿನಿ ಖ್ಹಲಾಮ್
\p
\v 13 ಮೆ ತುನ ಲೀಖಾನು ಜಾ಼ಖ್ಹತ್ ಛೆ. ಕತೋಬಿ ಲೀಖ್‍ಣಿಥಿಬಿ ಇಂಕ್‍ಥಿ ಕಾಗತ್‌ಪರ್ ಲೀಖಾನ ಮನ ಪಸಂದ್ ಕೊಯ್ನಿ. 
\v 14 ಮೆ ಜ಼ಲ್‌ದಿ ಆಯಿನ್ ತುನ ದೆಖಿಶ್‍ಕರಿ ಭರೋಖ್ಹೊ ಕರುಸ್. ತದೆ ಅಪ್ಣೆ ಆಮೆಖ್ಹಾಮೆಥಿ ವಾತೆ ಬೊಲಿಯೆ. 
\v 15 ತುನ ಶಾಂತಿ ಹುವಾದೆ. ದೋಸ್ತಿಖ್ಹಾರು ತುನ ಖ್ಹಲಾಮ್ ಕರಸ್. ಹಿಜ್ಜಛಾ಼ತೆ ಹರೇಕ್ ದೋಸ್ತ್ ಖ್ಹಾರಾನ ನಾಮ್‍ಧರೀನ್ ಖ್ಹಲಾಮ್‍ಬೋಲ್‍.