\id 2PE - WAGHRI
\ide UTF-8
\h 2 ಪೇತ್ರ
\toc3 2 ಪೇತ್ರ
\toc2 2 ಪೇತ್ರ
\toc1 ಪೇತ್ರನೆ ಲೀಖ್ಯೋತೆ ಬೇನಿ ಚಿಟ್ಟಿ
\mt2 ಪೇತ್ರನು ಬರೆದ ಎರಡನೆಯ ಪತ್ರಿಕೆ
\mt1 ಪೇತ್ರನೆ ಲೀಖ್ಯೋತೆ ಬೇನಿ ಚಿಟ್ಟಿ
\imt ಮಾಲುಮ್ ಕರಾನು
\ip ಪೇತ್ರನೆ ಲೀಖ್ಯೋತೆ ಬೇನು ಚಿಟ್ಟಿ ಪೇತ್ರನೆಸ್‌ ಲೀಖಿರಾಖ್ಯೊಸ್‌ಕರಿ ಆ ಚಿಟ್ಟಿ ವತಾಳಿದೇಸ್. ಕತೋಬಿ ಘಣೇಥಿ ಲೀಖಾಪಟ್‌ ಕರವಾಳು ಹಮ್ಕೇಬಿ ಜಿನು ಆಹೈರುತೆ ಖ್ಹಾಚು಼ಕರಿ ಮಾನಿಲೇಸ್ ಕೊಯ್ನಿ. ಪೇತ್ರ ಭಣಿಥುಬಿ ಕೋಣ್ಕಿ ಏಕ್‍ಜ಼ಣು ಆ ಚಿಟ್ಟಿನ ಲೀಖಿರಾಖನು ದೆಖಾವಸ್. ಲೀಖವಾಳನೆ ಯೇಸುನ ಜಿವ್ಣನ ಅಜು಼ ಬರೋಬರ್‌ಥಿ ಬದ್ಲಾವ್‌ ಹುವಾನ ಮೆ ಡೋಳೆಖ್ಹು ದೇಖಿನ್‌ ಸಾಕ್ಷಿ ಹುಯಿರ‍್ಹೊಸ್‌ಕರಿ ಬೋಲಸ್. \xt 1:17-18\xt* ಏಕ್‌ ವೇಳ್ಮ ಪೇತ್ರನೆ ಆ ಚಿಟ್ಟಿ ಲೀಖಿರಾಖಸ್ನು ಉಷೇತೊ ಇನೆ ರೋಮ್ ಖ್ಹಯೇರ್‌ಮ ರ‍್ಹೀನ್ ಲೀಖಿರಾಖ್ಯೊಸ್ ಅಜು಼ ಆ ಚಿಟ್ಟಿ ಕ್ರಿಸ್ತನ ಪೈದಾಖ್ಹ್‌ನ ವಾರ್‌ 65 ಥು 69 ನು ವರಖ್ಹ್‌ನ ಬೀಚ್ಮ ಲಿಖೈರ‍್ಹುಸ್. ಯೊ ಇನ ಮರಾನ ಪಹಿಲೆ ಪೇತ್ರ ಜಿನು ಆ ಮೇ ಲಿಖಾನು ಬೇನು ಚಿಟ್ಟಿಕರಿ ಬೋಲಸ್. \xt 3:1\xt* ಅಮ್ ಆ ಚಿಟ್ಟಿ ಲೀಖಿರಾಖ್ಯೊಸ್ತೆ ದನ್ನಿಗಣ್ತಿ ಪೇತ್ರನೆ ಲಿಖ್ಯೋತೆ ಪಹಿಲಿ ಚಿಟ್ಟಿನ ವಾರ್‌ ಮಳಾವಸ್‌. ಆ ಚಿಟ್ಟಿ ಇನೆ ಅಖ್ಖಾ ಕ್ರಿಸ್ತ ವಿಶ್ವಾಸಿವ್‌ನ ಮಳೈನ್‌ ಲೀಖಿರಾಖ್ಯೊಸ್.
\ip ಪೇತ್ರನೆ ವಿಶ್ವಾಸಿಯೇವ್ನ ಅಛ್ಛು಼ ಜಿವ್ಣು ಜಿವಾನ ಹುಮ್ಮಖ್ಹ್‌ ದ್ಯಾವನಖ್ಹಾಜೆ ಅಜು಼ ಇವ್ಣುನ ಝೂ಼ಟ ಬೋಧಕರ‍್ನ ಮಾರಗ್‍ಮ ನಾಚಾ಼ಲ್ನುಕರಿ ಝೇತಾವನಖ್ಹಾಜೆ ಆ ಚಿಟ್ಟಿ ಲೀಖ್ಯೊ 2 ನು ಅಧ್ಯಾಯ. ಇನೆ ಯೇಸು ಪಾಛು಼ ಆವಾನ ಜಾ಼ಖ್ಹತ್ ವಖ್ಹತ್ ಲೀರಾಖ್ಯೊಸ್ ಕರಿ ಬೋಲಸ್ತೆ ಅದ್ಮಿಭಣಿ ಧ್ಯಾನ್ ನಕೊದೆವೊ ಕರಿ ಇವ್ಣುನ ಹುಮ್ಮಖ್ಹ್‌ದಿದೊ. ಅನಬದಲ್ ದೇವ್ ಧೇರ್‌ಮ ಕೊಯ್ನಿ ಕತೋಬಿ ಹರೇಕ್ ಜ಼ಣು ಬಚ಼್‌ಣುಕರಿ ಬೋಲಾನುಸ್ ದೇವ್ನ ಹೋಣುತೆ ಕರಿ ವಿಚಾರ‍್ನಸ್ ಪಾಡಿ ಧರ‍್ಯೊ.\xt 2 ಪೇತ್ರ 3:8-9\xt* ಅನಖ್ಹಾಜೆ ಏಕ್‌ ಅಛ್ಛು಼ ಜಿವ್ಣು ಜಿವ್ನುಪಡಾಸ್ \xt 3:14\xt*
\iot ಕಾಡಿದೇಖೊ
\io1 1. ಪೇತ್ರನೆ ಇನ ಮಾಲುಮ್‌ ಕರಾಯೊ ಅಜು಼ ಇನು ಪಢವಾಳು ಕೋಣ್‌ಕರಿ ವತಾಳಸ್‍. \ior 1:1-2\ior*
\io1 2. ಇನಕೇಡೆಥು ಇನೆ ದೇವ್ನೆ ಅಪ್ಣುನ ದೀರಾಖ್ಯೋತೆ ಇಮ್‌ ಅಛ್ಛು಼ ಜಿವ್ಣಮ ಜಿವ್ಣುಕರಿ ಯಾದ್‌ಕರಾವಸ್. \ior 1:3-21\ior*
\io1 3. ಇನಕೇಡೆಥು ಯೊ ಝೂ಼ಟ ಭೋದಕರ‍್ನಿ ಬಾರೇಮ ಝೇತಾವಸ್ ಅಜು಼ ಖ್ಹರ್ತಿಮ ಝೂ಼ಟ ಭೋದಕರ‍್ನ ಶಾತ್‌ ಉಷೆಕರಿ ಬೋಲಾನು ಬೋಲಸ್. \ior 2:1-22\ior*
\io1 4. ಇನಕೇಡೆಥು ಯೊ ಯೇಸುನಿ ಬೇನು ಆವಾನಿ ತಯಾರಿನಖ್ಹಾಜೆ ವಿಶ್ವಾಸಿಖ್ಹಾರು ಅಛ್ಛು಼ ಜಿವ್ಣು ಜಿವ್ಣುಕರಿ ಹುಮ್ಮಖ್ಹ್‌ ದೇತೊಹುಯಿನ್ ಚಿಟ್ಟಿನ ಖ್ಹತಮ್ ಕರಸ್.\ior 3:1-17\ior*
\c 1
\s ಖ್ಹಲಾಮ್ ಖ್ಹಾರು
\p
\v 1 ಯೇಸು ಕ್ರಿಸ್ತನೊ ಸೇವಕ್ ಅಜು಼ ಅಪೊಸ್ತಲ ಹುಯಿರ‍್ಹೋತೆ ಸೀಮೋನ್ ಪೇತ್ರ, ಅಪ್ಣೊ ದೇವ್ ಅಜು಼ ರಕ್ಷಕ್ ಹುಯಿರ‍್ಹೋತೆ ಯೇಸು ಕ್ರಿಸ್ತನಿ ನೀತಿಥಿ ಹಮಾರಿನಿತರಸ್ ಅಛ್ಛಿ ವಿಶ್ವಾಸ್ ಮಳಿರ‍್ಹೀಸ್ತೆ ಇವ್ಣುನ ಶಾತ್ ಲೀಖುಸ್‌ಕತೊ, 
\v 2 ದೇವ್ ತುಮುನ ಪರಿಶುದ್ ಕರಾನಖ್ಹಾಜೆ ಘಣಾದನ್ನ ಅಗ್ಗಳಸ್ ವಿಚಾರ್‌ ಕರಿರಾಖ್ಯೊಸ್. ದೇವ್ನಿ ಬಾರೇಮಾಬಿ ಅಜು಼ ಅಪ್ಣೊ ಪ್ರಭು ಹುಯಿರ‍್ಹೋತೆ ಯೇಸುನಿ ಬಾರೇಮಾನಿ ಛಾ಼ತೆ ಗ್ಯಾನ್‌ಥಿ, ತುಮೂನ ವಾರ್‌ಖ್ಹೊ ಅಜು಼ ಶಾಂತಿ ಘಣೇಥಿ ಘಣು ಮಳಾದೆ.
\s ದೇವ್‍ಥಿ ಬುಲಾವ್ಣಿ ಅಜು಼ ಚು಼ನಾವ್ಣಿ
\p
\v 3 ಇನಿ ಮಹಿಮೆಮ ಅಜು಼ ಅಛ್ಛಿಪಣೈಮ ಭಾಗ್‍ಹುವಾನ ಬುಲೈರಾಖ್ಯೊತೆ ಇನೇಥಿ ದೇವ್ ಅಪ್ಣುನ ಜಿ಼ಂದ್‌ಗಿ ಚ಼ಲಾವನಬಿ ಅಜು಼ ಭಕ್ತಿಥಿ ರ‍್ಹವಾನ ಹೋಣುತೆ ಖ್ಹಾರೂಸ್ ದೇವ್ನೆ ಇನಿ ಶಕಥ್ಥಿ ತಾಖತ್ನ ದೀರಾಖ್ಯೊಸ್. 
\v 4 ತುಮೆ ಲೋಕ್‌ನಿ ಲಾಲಚ್‌ಥಿ ಆವಸ್ತೆ ಖರಾಬ್‌ಥಿ ಛು಼ಕಿನ್, ದೇವ್ನಿ ಚಾ಼ಲ್‌ಮ ಭಾಗ್‌ಲ್ಯವಾಳ ಹೋಣುಕರಿ ಬೋಲಿನಸ್ ದೇವ್ನೆ ಇನಿ ಮಹಾನ್ ಅಜು಼ ಅಮೂಲ್ಯ ಹುಯಿರ‍್ಹೀತೆ ವಾತೇನ ಅಪ್ಣುನ ದಿದೊ. 
\v 5 ಅನಖ್ಹಾಜೆಸ್ ತುಮೆ ತುಮಾರಿ ಪೂರ ಮನ್‌ಥಿ ವಿಶ್ವಾಸ್‌ನ ಜೋ಼ಡೆ ಅಛ್ಛಿ ಗುಣಾನ, ಅಛ್ಛಿ ಗುಣಾನ ಜೋ಼ಡೆ ಅಛ್ಛಿಗ್ಯಾನ್ನ ಮಳಾವೊ. 
\v 6 ಅಛ್ಛಿ ಗ್ಯಾನ್ನ ಜೋ಼ಡೆ ಖ್ಹುದ್‌ನ ಖ್ಹಮಾಳಿಲ್ಯವಾಮ, ಖ್ಹಮಾಳನ ಜೋ಼ಡೆ, ಭಾಲ್ನ, ಭಾಲ್ನ ಜೋ಼ಡೆ ಅಛ್ಛಿ ಭಕ್ತಿನ, ಮಳಾವೊ. 
\v 7 ಭಕ್ತಿನ ಜೋ಼ಡೆ ಭೈಯೆ-ಭೇನೇನ ಗಳ್‌ಜೋ಼ಡ್ಮ, ಭೈಯೆ-ಭೇನೇನ ಗಳ್‌ಜೋ಼ಡೆ ಪ್ಯಾರ್‌ನ ಮಳೈಲೆವೊ. 
\v 8 ಆ ಖ್ಹಾರು ತುಮಾರಾಮ ರ‍್ಹೀನ್, ಭಡ್ತು ಆಯುತೊ, ಅಪ್ಣೊ ಪ್ರಭು ಹುಯಿರ‍್ಹೋತೆ ಯೇಸು ಕ್ರಿಸ್ತನಿ ಗ್ಯಾನ್‌ಮ, ತುಮೆ ಚಾ಼ತುರ್ ಹುವಾನಿ ಬಾರೇಮ ಕಾಮ್ನ ಕೊಯ್ನಿತೇಬಿ, ಫಾಯಿದೊಕೊಂತೆ ತಿಮ್ ನಾಹುಯಿರ‍್ಹವಾನಿ ಘೋಣಿ ಕರಸ್. 
\v 9 ಕತೋಬಿ ಆ ಖ್ಹಾರಿ ಗುಣ್‌ಕೊಂತೆ ಅದ್ಮಿ ಅಂಧು ಹುಯಿರ‍್ಹುಸ್‍, ಅಜು಼ ಇನ ದೂರ್‌ಲಿ ಜೋ಼ತ್‌ಕೊಂತೆ, ಇನು ಅಗ್‌ಲ್ಯು ಪಾಪ್‌ಖ್ಹಾರು ಮಾಪ್‌ ಹುಯಿಜೈ಼ನ್‌, ಯೋ ಶುದ್ದಿ ಹುಯಿಗಯು ಕರಿ ಯೋ ಭೈಕಿಗಯೊ. 
\v 10 ಇನಖ್ಹಾಜೇಸ್ ಮಾರ ಭೈಯೆ, ಭೇನೆವೊ ದೇವ್ನೆ ತುಮೂನ ಬುಲಾಯೋತೆ ಅಜು಼ ಚೂ಼ಣಿಲಿದೊತೊ ಖ್ಹಾಚ ಕರಿ ವತಾಳನಖ್ಹಾಜೆ ಬಿಜೂ಼ಬಿ ಜಾ಼ಖ್ಹತ್ ಮ್ಹಿನತ್‌ಕರೊ, ತುಮೆ ಅಮ್‌ಕರ‍್ಯಾತೊ, ಕದೇಬಿ ಠೋಕರ್‌ಖೈನ್‌ ರಡಕ್‌ಶು ಕೊಯ್ನಿ. 
\v 11 ಅನೇಥಿ ಅಪ್ಣೊ ಪ್ರಭು ಅಜು಼ ರಕ್ಷಕ್ ಹುಯಿರ‍್ಹೋತೆ, ಯೇಸು ಕ್ರಿಸ್ತನಿ ಹಮೇಶಾನ ರಾಜ್ಯಮ ಜಾ಼ವಾನಿಮತ್‌, ತುಮುನ ಅರಾಮ್‌ಥಿ ಜಾ಼ವಖ್ಹರ್ಕು ಉಷೆ. 
\v 12 ಇನಖ್ಹಾಜೇಸ್, ತುಮೆ ಆ ಖ್ಹಾರಿ ಬಾರೇಮ ಮಾಲುಮ್‌ ಕರಿಲೀನ್, ತುಮೂನ ಮಳಿರ‍್ಹೀತೆ ಖ್ಹಾಚಿಮ ಘಟ್ ರ‍್ಹಯಾತೋಬಿ, ಮೇ ಯೋ ಖ್ಹಾರಾನ ತುಮೂನ ಹಮೇಶ ಕದೇಬಿ ಯಾದ್ ದೆವಾಡ್ತೊ ರ‍್ಹೀಶ್. 
\v 13 ಮೇ ಮಾರ ಶರೀರ್‌ಕರಿ ಘರ್‌ಮ ರ‍್ಹವಲಗೂಬಿ ತುಮುನ ಯಾದ್‌ದ್ಯವಾಡಿನ್ ಹುಮ್ಮಖ್ಹ್‌ ಕರಾವನು ನ್ಯಾವ್ನು ಕಾಮ್‌ಕರಿ ಮೇ ಸೋಚಿರಾಖ್ಯೊಸ್. 
\v 14 ಅಪ್ಣೊ ಪ್ರಭು ಹುಯಿರ‍್ಹೋತೆ ಯೇಸು ಕ್ರಿಸ್ತನೆ ಮನ ಬೋಲ್ಯೋತೆ ಇಮ್ಮಸ್, ಮೇ ಆ ಘರ್‌ನ ಮ್ಹೇಲಿಜಾ಼ವಾನು ಹಗಾಮ್‌ ಖನ್ನೆಸ್‌ ಛಾ಼ಕರಿ ಮನ ಮಾಲುಮ್‌. 
\v 15 ಮೇ ಮರಾನ ಬಾದ್ಮ ತುಮೆ ಆ ಖ್ಹಾರಾನ ಕದೇಬಿ ಯಾದ್ ಕರಿಲ್ಯವಾನಖ್ಹಾಜೆ ಮಾರೊ ಹಾತ್‌ ಹುವ್ವಾಯೆತ್ರೆ ಮೇ ಕೋಶಿಶ್‌ಕರುಸ್.
\s ಕ್ರಿಸ್ತನಿ ಮಹಿಮೆ ಅಜು಼ ಪ್ರವಾದನೆ
\p
\v 16 ಅಪ್ಣೊ ಪ್ರಭು ಯೇಸು ಕ್ರಿಸ್ತನಿ ಶಕತ್ನಿ ಬಾರೇಮ ಅಜು಼ ಯೋ ಆವ್‌ಶೇತೆ ಬಾರೇಮ ತುಮೂನ ಬೋಲಿವತಾಳಿ ರಾಖ್ಯಸ್‌. ಯೋ ಅದ್ಮಿಥಿ ಬೋಲೈಹುಯಿ ಖೇಣಿಯೇನಿ ಆಧಾರ್‌ಪರ್ ಬೋಲಿವತಾಳ್ಯಾತೆ ಕಾಹೆ ಯೋ ಕೆತ್ರ ಮಹಾನ್ ಕರಿ ಹಮೆ ಖ್ಹುದ್ ಹಮಾರ ಡೋಳೆಖ್ಹು ದೇಖಿರಾಖ್ಯಸ್. 
\v 17 “ಆ ಮಾರೊ ಪ್ಯಾರ್‌ನೊ ಛಿಯ್ಯೊ, ಅನ ಮೆ ಪಸಂದ್ ಕರಿರಾಖ್ಯೊಸ್” ಕರಿ ಅವಾಜ಼್ ಮೋಟಿ ಮಹಿಮೇಥಿ ಇನ ಆಯೂತೆ ತದೆ, ಬಾ ದೇವ್‍ಥಿ ಇನ ಇಜ಼್ಜತ್ ಅಜು಼ ಮಹಿಮೆ ಮಳಿಗೈ. 
\v 18 ಹಮೆ ಪವಿತ್ರ್‌ ಪಹಾಡ್‌ಪರ್ ಇನ ಜೋ಼ಡೆಥಾತೆ ತದೆ, ಪರಲೋಕ್‌ಥು ಆಯೂತೆ ಯೋ ಅವಾಜ಼್‌ನ ಹಮೆ ಖ್ಹಮ್‌ಜ್ಯ. 
\v 19 ಅತ್ರೇಸ್ ಕಾಹೆತೆ, ಪ್ರವಾದ್‌ನೆನಿ ವಚನ್ ಬೋಲಿರಾಖ್ಯತೆ ವಾತೆ ಅಪ್ಣುನಖ್ಹಾರು ಖ್ಹಾಚ ಕರಿ ಬಿಜೂ಼ಬಿ ಘಟ್‍ಥಿ ಮಳಿರ‍್ಹೂಸ್‌. ಶನಕತೊ ಇವ್ಣೆ ಬೋಲಿರಾಖ್ಯುತೆ ವಾತೆ ಅಂಧಾರಾಮ ಉಜಾ಼ಖ್ಹ್‌ ದ್ಯವಾನು ದೀವೊ ಹುಯಿರ‍್ಹುಸ್‍ ತುಮಾರ ದಿಲ್ಮ ಖ್ಹಾರು ವ್ಹಾಣು ಹುವ್ವಾತೋಡಿ ಅಜು಼ ವ್ಹಾಣೆ ವೇಳಿನೊ ಶುಕ್ಕರ್ ನಿಕ್ಳಾತೋಡಿ ಯೋ ಉಜಾ಼ಳು ಝ಼ಮ್‌ಕವಾಳು ಹುಯಿರ‍್ಹುಸ್‍. 
\v 20 ಖಿವು ಪ್ರವಾದನೆನು ವಚನ್‍ಬಿ ಖಲಿ ಶೊಂತ್‍ ಅದ್ಮಿನಿ ಬುದ್ದಿಥಿ ಬೋಲಿವತಾಳಖ್ಹರ್ಕು ಕಾಹೆ ಕರಿ ಬೋಲಾನು ಮುಖ್ಯಾಥಿ ಪಹಿಲೆ ಮಾಲುಮ್‌ಕರಿಲೆವೊ. 
\v 21 ಶನಕತೊ ಖೆವಿ ಪ್ರವಾದ್‌ನೇಬಿ ಕದೇಬಿ ಅದ್ಮಿನಿ ಮರ್ಜಿಥಿ ಆಯೂತೆ ಕಾಹೆ, ಕತೋಬಿ ಅದ್ಮಿಖ್ಹಾರು ಪವಿತ್ರಾತ್ಮಥಿ ಭರೈನ್, ದೇವ್‍ಥಿ ಲೀಲಿದೂತೆ ವಾತೇನಸ್‌ ಬೋಲ್ಯು.
\c 2
\s ಚೋ಼ರ್ ಬೋಧನೆ ಕರವಾಳು
\p
\v 1 ಕತೋಬಿ ಇಸ್ರಾಯೇಲ್ ಅದ್ಮಿಯೇವ್‍ನ ಜೋ಼ಡ್ಮ ಝೂ಼ಟು ಪ್ರವಾದಿಜಿನು ಥೂ. ಇಮ್ನಿಸ್ ಪರಕ್ಮ ತುಮಾರಮಾಬಿ ಝೂ಼ಟು ಬೋಧಕರ್ ಖ್ಹಾರು ರ‍್ಹಿಶೆ. ಇವ್ಣೆ ಖತರ್‌ನಾಕ್ ಖರಾಬ್ ಬೋಧನೆಖ್ಹಾರು ಗಪ್ಲಥ್ಥಿ ಮಹಿಲೀನ್‍ ಆವವಾಳುಬಿ ಅಜು಼ ಇವ್ಣುನ ಮೋಲ್ ಲಿದೋತೆ ಯಜಮಾನ್ನ ಜಿನು ಝಿಟ್ಕಾರವಾಳು ಹುಯಿರಿನ್ ಒಗ್ಗಿಸ್‌ಮ ಇವ್ಣಪರ್ ನಾಶನನ ಬುಲೈಲೆಸ್. 
\v 2 ಇವ್ಣ ಖರಾಬ್ ಕಾಮ್ನ ಮಾರಗ್‌ಪರ್ ಕೈಏಕ್ ಜ಼ಣು ಚಾ಼ಲವಾಳು ಹುಯಿರ‍್ಹಿಶೆ. ಇವ್ಣೆ ಖ್ಹಾಚ ಮಾರಗ್‌ನ ದೂಷಣೆ ಬೋಲವಾಳು ಹುಯಿರ‍್ಹಿಶೆ. 
\v 3 ಇವ್ಣೆ ಪೈಶಾನಿ ಲಾಲ್‍ಛಿವಾಳು ಹುಯಿರ‍್ಹಿನ್, ಬಣೈಹುಯ್ ಖೇಣಿನ ಬೋಲ್ತುಹುಯಿನ್‌, ತುಮಾರೇಥಿ ನಫ್ಫೊ ಕರಿಲ್ಯಾವಾಳು ಹುಯಿರ‍್ಹಿಶೆ.ಇನಖ್ಹಾಜೆ ಘಣಾದನ್‍ಥು ಇವ್ಣುನ ಛಾ಼ತೆ ನಿಶತ್ನು ತೀರ್ಪ್ ಇವ್ಣುನ ಟಿವೈರ‍್ಹುಸ್. ಇವ್ಣುನ ಆವನಿ ನಾಶನ ಇವ್ಣೇಥಿ ಛು಼ಕಿಜಾ಼ಶೇಸ್ ಕೊಯ್ನಿ. 
\v 4 ಕಿಮ್‌ಕತೊ ದೇವ್‌ನು ದೂತಖ್ಹಾರು ಪಾಪ್ ಕರ್ತಾನ ದೇವ್ನೆ ಇವ್ಣುನ ಖ್ಹೊಪೊ ಮ್ಹೇಲ್ಯೊಕೊಂತೆ, ನರಕ್ಮ ಧಕೆಲೀನ್ ನ್ಯಾವ್ನತೀರ್ಪ್‌ನ ಲಿಲ್ಯಾವನಖ್ಹಾಜೆ ಖ್ಹಂಕಳ್‍ಥಿ ಭಂದೈನ್‌ ಅಂಧಾರಿನ ಪಾಳ್ಯಮ ದಿನಾಖಿದಿದೊ. 
\v 5 ಜೂ಼ನ ಜ಼ಮಾನಾನು ಅದ್ಮಿ ಜಿನು ದೇವ್ನೆ ನಿಶತ್ ದಿದೊಕೊಂತೆ ಮ್ಹೆಲ್ಯೊಕೊಯ್ನಿ, ನೀತಿನ ಮಾರಗ್‌ನ ಬೋಲಿವತಾಳ್ಯೋತೆ ನೋಹಾನ ಅಜು಼ ಇನಿ ಜೋ಼ಡ್ಮಥುತೆ ಬಿಜ಼ ಖ್ಹಾತ್ ಜ಼ಣಾನ ಖಲಿಬಚಾ಼ಡಿನ್, ಖರಾಬ್ ಅದ್ಮಿಥಿ ಭರೈರ‍್ಹುತೆ ಜಗತ್ನ ಉಪ್ಪರ್ ತೋಫಾನ್ ಲಾಯೊ. 
\v 6 ದೇವ್ನೆ ಸೊದೋಮ್ ಅಜು಼ ಗೊಮೋರ್ ಖ್ಹಯೇರ‍್ನ ಬಾಳಿನ್ ರಾಕ್‍ಕರಿನ್ ಅನಪಾರ್ ಭಕ್ತಿಕೊಂತೆ ಬಚಾ಼ವಾಳನ ಆವ್‍ಶೆತೆ ಖರಾಬ್ ಹಾಲತ್ನ ವತಾಳನ ಖ್ಹಾಜೆ ಯೋ ಅಖ್ಖಾ ಖ್ಹಯೇರ‍್ನ ನಿಶತ್‌ ದೀನ್‌ ಸಾಕ್ಷಿಬಣಾಯೊ. 
\v 7 ಕತೋಬಿ ದೇವ್ನೆ ಯೋ ಖರಾಬ್ ಅದ್ಮಿನ ಖರಾಬ್‌ಚಾ಼ಲ್‌ಥಿ ದಿಲ್‍ದುಖೈರ‍್ಹೊತೆ ನೀತಿವಾಳೊ ಲೋಟನ ಬಚಾ಼ಡ್ಯೊ, 
\v 8 ಕತೋಬಿ ಯೋ ನೀತಿವಾಳೊ ಯೋ ಖರಾಬ್ ಅದ್ಮಿನ ಇಚ಼್‌ಮರ‍್ಹಿನ್, ಇವ್ಣೆ ಕರಾತೆ ಖರಾಬ್‍ಕಾಮ್ನ ದೇಕ್ತೊ ಖ್ಹಮಜ಼್‌ತೊ ಹುಯಿನ್ ಯೋ ಅಖ್ಖಾನಖ್ಹಾಜೆ ದನ್‌ಪರ್-ದನ್ ಇನು ನೀತಿನ ಆತ್ಮಮ ಘಣು ದುಖಿಹುಯೊ. 
\v 9 ಪ್ರಭು ಭಕ್ತಿವಾಳಾನ ಮುಶ್ಕಿಲ್‌ಮಾಥು ಬಚಾ಼ಡನಾಬಿ ಅನೀತಿವಾಳಾನ ನಿಶತ್ ದ್ಯವಾನಖ್ಹಾಜೆ ನ್ಯಾವ್ನ ದನ್ ಆವಾಲಗು ರಾಖನಬಿ ಮಾಲುಮ್‌ ಕರಿರಾಖ್ಯೊಸ್. 
\v 10 ಮುಖ್ಯಥಿ ಇವ್ಣಿ ಶರೀರ್‌ನಿ ಖರಾಬ್ಆಖ್ಹ್‌ನ ಬಲಿ ಹುಯಿರ‍್ಹವಾಳನ ಅಜು಼ ದೇವ್ನಿ ಅದಿಕಾರ್‌ನ ದೂಷಣೆ ಕರವಾಳನ ನಿಶತ್ ದಿಶೆಕೊಂತೆ ಮ್ಹೆಲ್‍ಶೆಕೊಯ್ನಿ. 
\v 11 ದೇವ್‌ದೂತಖ್ಹಾರು, ಶಕತ್‍ಮಾಬಿ ತಾಖತ್‍ಮಾಬಿ ಊಚ಼ರ‍್ಹಯತೋಬಿ ಪ್ರಭುನ ಖ್ಹಾಮ್ಣೆ ಇವ್ಣುನ ವಿರೋದ್‌ಥಿ ಗಾಳೇಬಿ, ಚಾ಼ವ್‌ಣ್ಯಬಿ ನಾಬೋಲ್ಯುತೊ, ಯೋ ಘಬ್ರಿಖ್ಹಾರು ಮಹಿಮೆನಾಬಿ ಗಾಳೆದ್ಯವಾನ ಪೀಛೆ ಹಟ್‌ಶೆಕೊಯ್ನಿ. 
\v 12 ಮ್ಹಾಮುಲಿಥಿ ಕಬ್‌ಜಾ಼ಮ ಧರೈಜೈನ್ ನಾಶ ಹುವಾನಖ್ಹಾಜೆ ಪೈದಹುಯಿರ‍್ಹುತೆ ಬಿಣ್‍ ಅಕ್ಕಲ್‌ನು ಜಾನ್ವರ್‌ನಿತರ ಛಾ಼ತೆ ಆ ಖರಾಬ್ ಬೋಧನೆ ಕರವಾಳು ಖ್ಹಾರು ಇವ್ಣುನ ಮಾಲುಮ್‌ಕೊಂತೆ ಬಾರೇಮ ದೂಷಣೆ ಕರವಾಳು ಹುಯಿರ‍್ಹುಸ್‍. ಅವ್ಣೆ ಖ್ಹಾರು ಇವ್ಣಿ ಖರಾಬ್ ಫಣೈಥಿ ಇವ್ಣೆಸ್ ಪೂರನಾಶ ಹುಯಿಜಾಶೆ. 
\v 13 ಇವ್ಣಿ ಖರಾಬ್‌ನೀತಿಥೀಸ್‌ ಬರೋಬರ್ ನಿಶತ್ ಲೀಲಿಶೆ. ಜಾ಼ಖ್ಹತ್ ಖರ್ಚ್‌ಕರಾಮಾಸ್ ದನ್‍ಕಾಡನುಸ್ ಖುಷಿಕರಿ ಗಣ್ತಿ ಕರಸ್. ಅವ್ಣೆ ತುಮಾರಿ ಜೋ಼ಡ್ಮ ಮಿಝ಼್‌ವಾನ್ ಕರಾನಿವಖ್ಹ್‌ತೆ ಠಗಾವವಾಳು ಹುಯಿರ‍್ಹಿನ್ ಖಯ್‍ಪೀನ್‍ ಕಳಂಕ್‍ನಾಬಿ ಖ್ಹರಮ್‌ಬಿ ಕಡೈಲ್ಯಾವಾಳು ಹುಯಿರ‍್ಹುಸ್‍. 
\v 14 ಅವ್ಣೆ ವ್ಯಭಿಚಾರಿಣಿನ ದೇಖಿನ್ ಖ್ಹುಶಿಕರವಾಳುಬಿ ಅವ್ಣೆ ಕದೇಬಿ ತರಖ್ಹ್‌ ತುಟಕೊಂತೆ ಪಾಪ್ನಕರವಾಳು ಹುಯಿರ‍್ಹುಸ್. ಬಿಣ್‍ತಾಖತ್‍ವಾಳನ ಠಗೈನ್; ಅಜು಼ ಇವ್ಣು ದಿಲ್‌ ಪೈಶಾನಿ ಆಖ್ಹ್‌ಕರಾನಿತರ ಕರಸ್ ಅಜು಼ ಇವ್ಣೆ ದೇವ್ನಿ ಶಾಪಮ ರ‍್ಹೇಸ್. 
\v 15 ಅವ್ಣೆ ಅಛ಼್ಛ ಮಾರಗ್‌ನ ಮ್ಹೇಲಿನ್, ವಾಟ್‌ ಭೈಕಿಹುಯು ಅಜು಼ ಬೆಯೋರಾನೊ ಛಿಯ್ಯೊ ಬಿಳಾಮಾನೊ ಮಾರಗ್‌ನ ಧರೀಹುಯು ಹುಯಿರ‍್ಹುಸ್, ಆ ಬಿಳಾಮ ಖರಾಬ್ ಕಾಮ್‍ಥಿ ಮಳಾತೆ ಶಂಬ್‍ಳನ ಪ್ಯಾರ್‌ಕರ‍್ಯೊ. 
\v 16 ಕತೋಬಿ ಇನ ಖರಾಬ್ ಕಾಮ್ನ ಗುರ್‌ಕಾವ್ಣಿಮಳ್ಯು. ಮುಕ್ಕುಜಾನ್ವರ್ ಹುಯಿರ‍್ಹುತೆ ಗಧೇಡೊ ಅದ್ಮಿನಿತರ ವಾತೆಬೋಲಿನ್, ಯೋ ಪ್ರವಾದಿನು ಪಾಗಲ್‍ಪನ್ನ ಆಡುಹುಯಿನ್‌ ಭೀರಾಖ್ಯು. 
\v 17 ಅವ್ಣೆ ಪಾಣಿಕೊಂತೆ ತಲಾವ್‌ನಿಮತ್‌, ತೋಫಾನ್ನ ವ್ಹಯಿರಾಮ ಉಡಿಜಾ಼ಸ್ತೆ ವಾದ್ಳಾನಿತರಾಬಿ ಹುಯಿರ‍್ಹುಸ್. ಅಥ್ರಾನ ವಾಳನಖ್ಹಾಜೆ ಅಂಧಾರಿನಪಾಳ್‌ನ ತಯಾರ್ ಕರಿನ್ ಮ್ಹೆಲೈರ‍್ಹುಸ್‍. 
\v 18 ಗಲತ್‌ ವಾಟ್‌ಪರ್ ಚಾ಼ಲವಾಳನಿ ಖ್ಹಂಗ್‌ಥಿ ಛು಼ಕಿಜಾ಼ವಳ ನವ ಅದ್ಮಿನಿ ಜೋ಼ಡ್ಮ ಅವ್ಣೆ ಫಾಯಿದೊಕೊಂತೆ ಪೋಲಿ ವಾತೆನ ಬೋಲಿನ್, ಶರೀರ್‌ನಿ ಖರಾಬ್ ಆಖ್ಹ್‌ಮ ನಾಖಿನ್ ಘಣಿ ಢೊಂಗಿನಿ ಬುದ್ಧಿಥಿ ಇವ್ಣುನ ಮಂಕ್‍ಕರ‍್ನಖಾಸ್. 
\v 19 ಅಥ್ರಾನವಾಳು ಛುಟ್ಕಾರ್ ದಿಯೇಸ್ ಕರಿ ಇವ್ಣುನ ವಾಗ್ದಾನ್ ಕರಸ್. ಕತೋಬಿ ಇವ್ಣೆಸ್ ಖರಾಬ್ ಫನೈನ ಗುಲಾಮ್ ಹುಯಿರ‍್ಹೋಸ್. ಶನಕತೊ ಖೆವು ಏಕ್‌ನ ಖ್ಹಾಮ್ಣೆ ಹರಸ್ಕಿ ಇನ ಯೋ ಗುಲಾಮ್‌ ಹುಯಿರ‍್ಹೋಸ್. 
\v 20 ಪ್ರಭುಬಿ ರಕ್ಷಕ್‍ಬಿ ಹುಯಿರ‍್ಹೋತೆ ಯೇಸು ಕ್ರಿಸ್ತನಿ ಬಾರೇಮಾನಿ ಗ್ಯಾನ್‌ಥಿ ಲೋಕ್‌ನು ಕಚಿಂಡ್‍ಮಾಥು ಛು಼ಕೈಗಯುಹುಯು ಫಾಚು಼ಪರಿನ್ ಯೋ ಅಖ್ಖಾಮ ಖ್ಹಪ್‍ಡಿನ್ ಹರಿಗಯೂತೊ, ಇನಿ ಖ್ಹರ್ತಿನಿ ಹಾಲತ್ ಪಹಿಲೆಥೀಬಿ ಖರಾಬ್ ಹುಯಿಜಾಶೆ. 
\v 21 ಇವ್ಣೆ ನಿಯತ್‌ನೊ ಮಾರಗ್‌ನ ಪರ್ಖಿಲಿನ್‌, ಇವ್ಣುನ ದೆವೈತೆ ಪವಿತ್ರ ಹುಕುಮ್‌ನ ಝಿಟ್ಕಾರಥಿಬಿ, ಯೋ ಮಾರಗ್‌ನ ಪರ್‌ಖ್ಯ ನಾಹೋತ್ತೋಸ್‌ ಅಛ್ಛು಼ ರ‍್ಹಯುಹೋತ್‌. 
\v 22 “ಕುತ್‌ರ‍್ಯು ಯೋ ಓಕ್‌ರ‍್ಯ ಹುಯಾನಸ್ ಚಾ಼ಟಾನ ಪಾಛು಼ ಫರಿಗಯು”. ಅಜು಼ “ನ್ಹೊವ್ಹಾಡ್ಯುಹುಯು ಡೂಕರ್‌ ಚಿಕ್ಕ್‌ಡ್‌ಮ ಕಲಾವಾನ ಗಯು”. ಕರಿ ಬೋಲಾನು ಮಶ್ಲೋ ಅವ್ಣುನ ಖ್ಹಾಚ಼ಸ್ ಹುವಾಸ್.
\c 3
\s ಪ್ರಭು ಆವ್‌ಶೇತೆ ವಾಗ್ದಾನ್
\p
\v 1 ಮಾರ ಪ್ಯಾರ್‌ನ ದೋಸ್ತಿವೊ, ಮೇ ಹಮ್ಕೆ ತುಮೂನ ಲೀಖುಕರುಸ್ತೆ ಬೇನಿ ಚಿಟ್ಟಿ. ಆ ಬೇ ಚಿಟ್ಟಿಮಾಬಿ ಆ ಅಖ್ಖಿಬಾರೇಮ ತುಮುನ ಖ್ಹಯಾಲ್ ಲ್ಯಾವಾನ ತುಮಾರ ದಿಲ್ಮ ಪರಿಶುದ್ದ ಸೋಚ್ ಆವಾನಿತರ ಕರಾವನ ಕೋಶಿಶ್ ಕರಿರಾಖ್ಯೊಸ್. 
\v 2 ಪಛ಼್‌ಲ್ಯ ಹಗಾಮ್ಮ ಪರಿಶುದ್ ಪ್ರವಾದಿಯೇನೆ ಬೋಲ್ಯುತೆ ವಾತೆಖ್ಹಾರು ಅಜು಼ ತುಮಾರ ಅಪೊಸ್ತಲರ‍್ನ ಪ್ರಭು ಅಜು಼ ರಕ್ಷಕ್‌ನೆ ದೀರಾಖ್ಯೋತೆ ಹುಕುಮ್‌ನ ತುಮಾರಿ ಯಾದ್ಮ ಲ್ಯಾವಾನ ಆಖ್ಹ್‌ಕರುಸ್. 
\v 3 ಅಖ್ಖೇಥಿ ಪಹಿಲೆಸ್ ತುಮೆ ಅನ ಯಾದ್ಮರಾಖಿರಾಕ್ಣು; ಥೋಡುಜ಼ಣು ಇವ್ಣಿ ಖರಾಬ್ ಆಖ್ಹ್‌ನಿ ಅಧೀನ್‍ಮ ಜಿವ್ಣುಕರಾತೆ ದೇಖವಸ್. ಇವ್ಣೆ ಚಿಂಘಾವ್ಣಿ ಕರ್ತುಹುಯಿನ್, 
\v 4 “ಯೋ ಫಾಚೊ಼ಫರಿನ್ ಆವ್‌ಶೆ ಕರಿ ಬೋಲಾನು ವಾಗ್ದಾನ್ ಶಾತ್‍ಹುಯು? ಅಪ್ಣೊ ಗುರುಗುರುಬ್‍ಲ್ಯೊ ಖ್ಹಾರು ಮರಿಗಯು; ಖ್ಹಾರುಸ್ ಜಗತ್‌ ಉಬ್‍ಜ್ಯುಥಪ್‍ತುಬಿ ಕಿಮ್‍ಥೂಕಿ ತಿಮ್ಮಸ್ ಛಾ಼ನಿ” ಕರಿ ಬೋಲಸ್. 
\v 5 ಕತೋಬಿ ಅಗಾಡಿ ದೇವ್ನೆ ಇನಿ ವಾತೆಥಿ ಆಬ್‍ ಧರ್ತಿನ ಅಖ್ಖಾನ ಬಣಾಯೊ ಅಜು಼ ಪಾಣಿಥಿ ಧರ್ತಿನ ಬಣಾಯೊ ಕರಿ ಬೋಲಾನಿ ವಾತೆನ ಹೋಣುಸ್‍ಕರಿ ಭೈಕಿಜಾ಼ಸ್‌. 
\v 6 ಯೋ ಪಾಣಿಥೀಸ್‍ ಜೂ಼ನು ಜಗತ್‌ ತೋಫಾನ್‍ಮ ನಾಶ್ ಬಣೈಗಯು. 
\v 7 ಹಮ್ಕೆ ಛಾ಼ತೆ ಆಬ್-ಧರ್ತಿಖ್ಹಾರನ ಯೋಸ್‌ ವಚನ್ನಿ ತಾಖತ್ತಿ ಆಗ್‌ಥಿ ನಾಶಕರಾನಟೇಕೆ ಟಿವಾಡಿರಾಖ್ಯುಸ್. ಖರಾಬ್ ಅದ್ಮಿಖ್ಹಾರು ವಿನಾಶ್‌ಹುವಾನು ನ್ಯಾವ್ನತೀರ್ಪ್‌ನ ದನ್‍ಲಗುಬಿ ಆ ಅಖ್ಖಾನ ಮ್ಹೇಲಿರಾಖ್ಯುಸ್. 
\v 8 ಪ್ಯಾರ್‌ನ ದೋಸ್ತಿವೊ ಪ್ರಭುನ ಗಣ್ತಿಮ ಏಕ್‌ ದನ್ ಹಜಾ಼ರ್‌ ವರಖ್ಹ್‌ನಿ ಘೋಣಿಬಿ ಅಜು಼ ಹಜಾ಼ರ್‌ ವರಖ್ಹ್‌ ಏಕ್‌ ದನ್ನಿ ಘೋಣಿಬಿ ಖಾಲಿ ಛಾ಼ ಕರಿ ಬೋಲಾನು ಭೈಕೊನಕೊ. 
\v 9 ಪ್ರಭು ಇನಿ ವಾಗ್ದಾನ್ನ ಪೂರ ಕರಾನಖ್ಹಾಜೆ ದೇರ್‌ಕರ್‌ಶೆ ಕರಿ ಬೋಲಾನು ಥೋಡುಜ಼ಣು ಖ್ಹಮ್‍ಜಿರಾಖ್ಯುಸ್ನಿ. ಇಮ್ನಿ ಪರಕ್ಮ ಯೋ ದೇರ್‌ಕರವಾಳೊ ಕಾಹೆ. ಅನಬದಲ್ ತುಮಾರಿ ಜೋ಼ಡ್ಮ ಘಣೇಥಿ ಖ್ಹಮಾಳಿರಾಖ್ಯೊಸ್. ತುಮಾರಮ ಏಕ್‍ಜ಼ಣೂಬಿ ನಾಶ್ ನಾಹೊಣುತೆ ಅಖ್ಖುಜ಼ಣು ಪಾಪ್ನ ಮ್ಹೆಂದಿನ್ ಪಾಛು಼ ಫರಿಜಾ಼ವ್ಣುಕರಿ ಯೋ ಆಖ್ಹ್‌ಕರಸ್. 
\v 10 ಪ್ರಭುನೊ ದನ್ ಚೋ಼ರ್ ಆವಾನಿತರ ಆವ್‌ಶೆ. ಯೋ ದನ್ಮ ಆಬ್‍ಅಖ್ಖು ಘಲಾರಕೊಂತೆ ಹುಯಿಜಾ಼ಶೆ ಚಾ಼ಂದ್, ಚ಼ಂದರ್‌ಮೊ, ತಾರೊ, ಗ್ರಹಖ್ಹಾರು ಬಳಿನ್ ನೂಚೈಜಾ಼ಶೆ. ಜ಼ಮೀನ್ ಇನಾಮ ಛಾ಼ತೆಖ್ಹಾರುಸ್‍ಬಿ ಭುಂಜ಼ಯಿನ್ ರಾಕ್ ಹುಯಿಜಾ಼ಶೆ. 
\v 11 ಆಖ್ಹಾರು ಅಮ್ ಬರ್ಬಾತ್ ಹುಯಿಜಾ಼ಶೆಕತೊ ಇನಾಮ ತುಮೆ ಕೆಥ್ರಾನವಾಳ ಹುಯಿರ‍್ಹಿನ್ ಜಿವ್ಣುಕರ‍್ನು? ತುಮೆ ಪರಿಶುದ್ ಹುಯಿನ್‍ಬಿ ಅಜು಼ ದೇವ್ನ ಅದ್ಮಿಖ್ಹಾರು ಹುಯಿನ್ ಜಿವ್ಣುಕರ‍್ನು. 
\v 12 ದೇವ್ನ ಯೋ ದನ್ನ ಮ್ಹೋರೆ ದೇಕ್‍ತುಹುಯಿನ್‍ ಯೋ ಒಗ್ಗಿಸ್ ಆವಾದೆ ಕರಿ ಆಖ್ಹ್ ಕರ್ತರ‍್ಹೇವೊ. ಯೋ ದನ್ಮ ಆಕಾಶ್‌ನೊ ಗೋಳೊ ಆಗ್‌ಥಿ ನಾಶ್‌ಹುಯಿಜಾ಼ಶೆ; ಚಾ಼ಂದ್, ಚ಼ಂದರ್‌ಮೊ, ತಾರೊ, ಅಜು಼ ಗ್ರಹಖ್ಹಾರು ಘಣ ಅಂಚ಼್‌ಥಿ ಪಿಗ್‌ಳಿಜಾ಼ಶೆ. 
\v 13 ಕತೋಬಿ ಅಪ್ಣೆ ದೇವ್ನಿ ವಾಗ್ದಾನ್ನಿ ಪರಕ್ ನವು ಆಬ್‍ಅಖ್ಖು ಅಜು಼ ನವಿ ಧರ್ತಿನಾಬಿ ಮ್ಹೋರೆ ದೇಖುಕರೆಸ್ ಯೋ ಅಖ್ಖಾಮ ನೀತಿ ಜಿವಿರ‍್ಹಿಶೆ. 
\v 14 ಅನಖ್ಹಾಜೆಸ್ ಪ್ಯಾರ್‌ನ ದೋಸ್ತಿವೊ ತುಮೆ ಆಖ್ಹಾರನ ಮ್ಹೋರೆ ದೇಖವಾಳ ಹುಯಿರ‍್ಹಾಸ್ತೆ ಇನಖ್ಹಾಜೆ ತುಮೆ ದೇವ್‌ಮ ಸಮಾಧಾನ್‌ಥಿಬಿ, ಪರಿಶುದ್ದಬಿ ನಿರ್ದೋಷಿಬಿ ಹುಯಿನ್ ದೆಖಾವನ ಕೋಶಿಶ್ ಕರೊ. 
\v 15 ಅಪ್ಣೊ ಪ್ರಭುನಿ ದೀರ್ಘಶಾಂತಿ ಅಪ್ಣ ಬಚಾ಼ಡನ ಖ್ಹಾಜೆಸ್‌ಕರಿ ಮಾಲುಮ್‌ಕರಿಲೆವೊ. ಅಪ್ಣೊ ಪ್ಯಾರ್‌ನೊ ಭೈ ಹುಯಿರ‍್ಹೋತೆ ಪೌಲಜಿನು ದೇವ್ನೆ ದಿದೊತೆ ಗ್ಯಾನ್ನಿ ಪರಕ್ಮ ತುಮೂನ ಲೀಖಿರಾಖ್ಯೊಸ್. 
\v 16 ಪೌಲ ಇನಿ ಖ್ಹಾರಿಸ್ ಚಿಟ್ಟಿಮಾಬಿ ಆ ವಾತೆನಿ ಬಾರೇಮ ಬೋಲಿರಾಖ್ಯೊಸ್. ಆ ಚಿಟ್ಟೀಮ ಛಾ಼ತೆ ಥೋಡಿವಾತೆಖ್ಹಾರು ತುಮುನ ಮಾಲುಮ್‌ ಕರ್‌ಲ್ಯಾವನ ಕಠಣ್ ಹುಯಿರ‍್ಹುಸ್. ಬಿಣ್‍ ಅಕ್ಲೀಬಿ ಅಜು಼ ವಿಶ್ವಾಸ್‌ಮ ಕಮ್‌ಜೋ಼ರ್‌ ಹುಯಿರ‍್ಹವಾಳು ಬಿಜ಼ ಧರ್ಮಶಾಸ್ತ್ರನಿ ಘೋಣಿಸ್ ಅನಾಬಿ ಗಲತ್‌ ಮತ್ಲಬ್‍ದೀನ್ ಇವ್ಣಿ ನಾಶ್‍ನ ಇವ್ಣೆಸ್ ಲೀಲೆಸ್. 
\v 17 ಇನಖ್ಹಾಜೇಸ್ ಪ್ಯಾರ್‌ನ ದೋಸ್ತಿವೊ, ಆ ಖ್ಹಾರಿ ವಾತೆನ ಪಹಿಲೆಸ್ ಮಾಲುಮ್‌ಕರ್‌ಲಿದತೆ ಇನಾಖ್ಹಾಜೆ ತುಮೆ ಜ಼ತನ್‌ಥಿ ರ‍್ಹವೊ. ಖರಾಬ್ ಅದ್ಮಿನಿ ಖರಾಬ್ ಬೋದನೆಮ ಮಂಕ್‍ನಕೊ ಹುಯಿಜಾ಼ವೊ. ತುಮಾರಿ ಘಟ್ ವಿಶ್ವಾಸ್‌ಮಾಥು ಪಡ್ಣುನಾತೆ ಹೊಷಾರ್‌ರ‍್ಹವೊ. 
\v 18 ಅಪ್ಣೊ ಪ್ರಭುಬಿ ರಕ್ಷಕಬಿ ಹುಯಿರ‍್ಹೋತೆ ಯೇಸು ಕ್ರಿಸ್ತನಿ ಬಾರೇಮಾನು ವಾರ್‌ಖ್ಹಾಮಾಬಿ ಗ್ಯಾನ್‌ಮಾಬಿ ತುಮೆ ಭಡ್ತಾಜಾ಼ವೊ, ಇನ ಹಮ್ಕೇಬಿ ಜ಼ಗ್‌ಜ಼ಮಾನಲಗೂಬಿ ಮಹಿಮೆ ಹುವಾದೆ! ಆಮೆನ್.