\id 1CO -WAGHRI
\ide UTF-8
\h 1 ಕೊರಿಂಥ
\toc3 1 ಕೊರಿಂಥ
\toc2 1 ಕೊರಿಂಥ
\toc1 ಪೌಲನೆ ಕೊರಿಂಥವಾಳಾನ ಲೀಖ್ಯೋತೆ ಪಹಿಲಿ ಚಿಟ್ಟಿ
\mt2 ಪೌಲನು ಕೊರಿಂಥದವರಿಗೆ ಬರೆದ ಮೊದಲನೆಯ ಪತ್ರಿಕೆ
\mt1 ಪೌಲನೆ ಕೊರಿಂಥವಾಳಾನ ಲೀಖ್ಯೋತೆ ಪಹಿಲಿ ಚಿಟ್ಟಿ
\imt ಮಾಲುಮ್ ಕರಾನು
\ip ಕ್ರಿಸ್ತ ಪೈದಹುಯಿನ್ 55 ವರಖ್ಹ್ ಹುವಾನ ಬಾದ್ಮ ಅಪೊಸ್ತಲ ಹುಯಿರೋತೆ ಪೌಲ ಕೊರಿಂಥವಾಳಾನ ಆ ಚಿಟ್ಟಿನ ಲೀಖಿರಾಖ್ಯೊಸ್. \xt 1:1\xt* ಪೌಲನೆ ಕೊರಿಂಥ ಸಬೆವಾಳನ ಲೀಖ್ಯೋತೆ ಬೇ ಚಿಟ್ಟೀಮ ಆ ಪಹಿಲಿ ಚಿಟ್ಟಿ ಹುಯಿರ‍್ಹೀಸ್. ಘಣೇಥಿ ಲೀಖಾನಿವಖ್ಹ್‌ತೆ ಪೌಲನೆ ಎಫೆಸ ಖ್ಹಯೇರ್‌ಥು ಇನೆ ಮೆಸೆಡೊನಿಯಾನಿ ವಾಟೆ ಜಾ಼ವಾನಿ ವಖ್ಹ್‌ತೆ ಕೊರಿಂಥಾನ ಜೈ಼ನ್‌ ಮಳಾನ ಪಹಿಲೆ ಲೀಖಿರಾಖ್ಯೊಸ್\xt 16:5-9.\xt*
\ip ಪೌಲನೆ ಸಬೇನು ಥೋಡಜ಼ಣಾಥು ಖ್ಹಮ್‌ಜೋತೆ ಬಾರೇಮ ಉದಾಹರಣೆ ಕರೀನ್ ಲೀಖಿರಾಖ್ಯೊಸ್ ಕೈಯೇಕ್ ಬರಬರ್ ಕೊಂತೆ ಚಾ಼ಲ್‍ಚ಼ಲಣ್‍ ಥು ಕತೊ ಭಾಗ್‍ಖ್ಹಾರು ಅಜು಼ ಪಾಪೇಲ ಸಂಬಂದ್ನು ಕಾಮ್‌ಖ್ಹಾರು ಥು. ಕೊರಿಂಥ ಖ್ಹಯೇರ್ ಪಾಪೇಲು ಸಂಬಂದ್‌ನಿ ಬಾರೇಮ ಘಣು ಚಾ಼ಲುಕರ್ತುಥು ಇನಖ್ಹಾಜೆ ಸಬೇಮ ಆ ತಖ್ಹ್‌ಲಿಬ್‌ನ ಲ್ಯವಾನು ಅಶ್ಚರ್ಯನಿ ವಾತೆ ಕೊಹುಯಿರ‍್ಹುಥೂನಿ. ಏಕ್ ಕೊರಿಂಥನು ಚಿಟ್ಟೀಮ ಪ್ಯಾರ್‌ನ ಸಂಬಂದ್ ಪಡಾನು ಘಣು ಪ್ರಸಿದ್ ಹುಯಿರುತೆ 13 ನು ಅದ್ಯಾಯ ಅನಾಮ ಛಾ಼.
\iot ಕಾಡಿದೇಖೊ
\io1 1. ಪೌಲನೆ ಕೊರಿಂಥ ಸಬೆವಾಳನ ಖ್ಹಲಾಮ್ ಅಜು಼ ಇವ್ಣಖ್ಹಾಜೆ ದೇವ್‌ಕನ ಧನ್ಯವಾದ್ ಕರಾನು ಅಪ್ಣೆ ದೇಖ್‍ಯೇಸ್. \ior 1:1-9\ior*
\io1 2. ಇನಪಾರ್ ಇನೆ ಕೊರಿಂಥ ಸಬೆಮ ಬೇಭಾಗ್‌ ರ‍್ಹವಾನು ವಿಚಾರ‍್ನಿ ಬಾರೇಮ ಇನು ಜ಼ವಾಬ್ ದೇಸ್. \ior 1:10—4:21\ior*
\io1 3. ಇನಪಾರ್ ಇನೆ ಪಾಪೇಲು ಸಂಬಂದ್ ಅಜು಼ ಏಕ್‌ಥಿ ಏಕ್‍ ನ್ಯಾವ್‌ನು ಝ಼ಗೊ ಬುಲೈಲಿನ್ ಜಾ಼ವಾನಿ ವಿಚಾರ‍್ನಿ ಬಾರೇಮ ಬೋಲಸ್. \ior 5:1—6:20\ior*
\io1 4. ಇನಪಾರ್ ಇನೆ ವ್ಯಹಾ, ಮೂರತ್ನ ಬಲಿ ದ್ಯವಾನು ಅಜು಼ ಖ್ಹಾರುಮಳಿನ್ ಆರಾದನೆ ಕರಾನು ಆತ್ಮೀಕ ಇನಾಮ್ ಜಿವಿನ್ ಉಠಾನಿ ಬಾರೇಮ ವಾಟ್‌ ವತಾಳಸ್‍. \ior 7:15\ior*
\io1 5 ಖ್ಹರ್ತಿಮ ಇನೆ ಕರ‍್ಯೊತೆ ತೀರ್ಮಾನ್‌ ಅಜು಼ ಶೊಂತ್ ಬಾರೇಮ ಬೋಲ್ತೊಹುಯಿನ್ ಚಿಟ್ಟಿನ ಖತಮ್‌ಕರಸ್. \ior 16:1-24\ior*
\c 1
\p
\v 1 ಪೌಲ ಲೀಖುಕರಾತೆ ಚಿಟ್ಟಿ. ಕ್ರಿಸ್ತಯೇಸುನೊ ಅಪೊಸ್ತಲ ಹುವಾನ ಮೇ ದೇವ್ನಿ ಖ್ಹಯಾಲ್‌ಥಿ ಚೂ಼ಣೈಗಯೊ. ಮೇ ಆ ಚಿಟ್ಟಿನ ಕ್ರಿಸ್ತಮ ಮಾರೊ ಭೈಹುಯಿರೋತೆ ಸೋಸ್ಥೆನನಿ ಜೋ಼ಡ್ಮ ಲೀಖುಕರುಸ್. 
\v 2 ಕ್ರಿಸ್ತ ಯೇಸುಮ ಪವಿತ್ರ ಕರಿ ಬಣೈರಾಖ್ಯೊತೆ ಕೊರಿಂಥನಿ ದೇವ್ನಿ ಸಬೆವಾಳನ ಆ ಚಿಟ್ಟಿ ಲೀಖುಕರುಸ್. ತುಮೆ ದೇವ್ನು ಪವಿತ್ರ ಅದ್ಮಿಹುವಾನಖ್ಹಾಜೆ ಸ್ವೀಕಾರ್ ಹುಯಿರುತೆ ಇವ್ಣುನ ಪ್ರಭು ಹುಯಿರೋತೆ ಯೇಸುಕ್ರಿಸ್ತನ ನಾಮ್ಮ ವಿಶ್ವಾಸ್ ಕರಸ್ತೆ ಖ್ಹಾರಸ್ ಅದ್ಮಿನಿಜೋ಼ಡ್ಮ ತುಮೆ ಚೂ಼ಣೈರ‍್ಹಾಸ್. ಯೇಸುಕ್ರಿಸ್ತ ಇವ್ಣುನಾಬಿ ಅಪ್ಣುನಾಬಿ ಪ್ರಭು ಹುಯಿರ‍್ಹೊಸ್. 
\v 3 ಅಪ್ಣೊ ಬಾ ಹುಯಿರ‍್ಹೋತೆ ದೇವ್‍ಥೀಬಿ ಪ್ರಭು ಯೇಸುಕ್ರಿಸ್ತಥೀಬಿ ತುಮೂನ ವಾರ್‌ಖ್ಹೊಬಿ, ಶಾಂತಿಬಿ ಮಳಾದೆ.
\s ಕ್ರಿಸ್ತಮ ಆಶೀರ್ವಾದ್‌
\p
\v 4 ದೇವ್ ಕ್ರಿಸ್ತಯೇಸುಥಿ ತುಮೂನ ದೀರಾಖ್ಯೋತೆ ವಾರ್‌ಖ್ಹಾನಖ್ಹಾಜೆ ಮೇ ತುಮಾರಖ್ಹಾಜೆ ಮಾರ ದೇವ್ನ ಕದೇಬಿ ಧನ್ಯವಾದ್ ಕರುಸ್. 
\v 5 ಶನಕತೊ ಯೇಸುಮ ಖ್ಹಾರೀಸ್‍ಥರಾನಿ ಅಖ್ಖಿ ಆಶೀರ್ವಾದ್‌ನ ಲೀರಾಖ್ಯಾತೆ ತುಮೆ ವಾತ್‍ಮಾಬಿ ಅಕ್ಕಲ್‌ಮಾಬಿ ಘಣ ಚಾ಼ತುರ್‌ವಾಳ ಹುಯಿರಾಸ್. 
\v 6 ಕ್ರಿಸ್ತನು ಬಾರೇಮಾನಿ ಸಾಕ್ಷಿ ತುಮಾರಮ ಘಟ್ ಛಾ಼. 
\v 7 ಅಮ್‍ರ‍್ಹವಾಪರ್, ಅಪ್ಣೊ ಪ್ರಭು ಯೇಸುಕ್ರಿಸ್ತ ಪಾಛೊ಼ ಆವಾನುಸ್ ಟಿವೈ ದೇಖುಕರಾತೆ ತುಮೆ, ದೇವ್‍ಥಿ ಆವಾತೆ ಹರೇಕ್ ವರಾನ ಲೀಲ್ಯಾವಾಳ ಹುಯಿರಾಸ್. 
\v 8 ಯೊ ತುಮೂನ ಖ್ಹರ್ತಿಲಗು ಘಟ್‍ರಾಖಿನ್ ಬಚಾ಼ಡ್‍ಷೆ. ಅಮ್ಮಸ್ ಅಪ್ಣೊ ಪ್ರಭು ಯೇಸುಕ್ರಿಸ್ತ ಬಿಜು಼ ಪಾಛೊ಼ ಆವಾನ ವೇಳ್ಮ ತುಮೆ ನಿರ್ದೋಷಿ ಹುಯಿರ‍್ಹಿಶು. 
\v 9 ದೇವ್‌ನೊ ಛಿಯ್ಯೋಬಿ ಅಜು಼ ಅಪ್ಣೊ ಪ್ರಭು ಹುಯಿರೋತೆ ಯೇಸುಕ್ರಿಸ್ತನಿ ಜೋ಼ಡ್ಮ ಮಳಿನ್ ರ‍್ಹವಾನಖ್ಹಾಜೆ ತುಮೂನ ಬುಲಾಯೋತೆ ದೇವ್ ವಿಶ್ವಾಸ್‌ವಾಳೊ ಹುಯಿರ‍್ಹೊಸ್.
\s ಸಬೆಮ ಭಾಗ್‌ ಹುಯುತೆ
\p
\v 10 ಬೇನೆ, ಭೈಯೇವೊ, ಅಪ್ಣೊ ಪ್ರಭು ಯೇಸುಕ್ರಿಸ್ತನ ನಾಮ್‍ಥಿ ಮೇ ತುಮೂನ ಬಿಂತಿ ಕರುಸ್ತೆ ಶಾತ್‍ಕತೊ, ಅಬ್ಬಾಜ಼ಬ್ಬಿ ನಾ ಬೋಲ್ನುತೆ, ಅಷಿಲ್ ಕಮ್‍ಶಿಲ್ ಕರಿ ಬೇಭಾಗ್‌ ನಾ ರ‍್ಹೇವ್ಣು. ಎಕ್ಕಸ್ ದಿಲ್‌ಥಿ ಎಕ್ಕಸ್ ಖ್ಹಯಾಲ್‌ಥೀಬಿ ಎಕ್ಟುರ‍್ಹೀನ್ ಜಿವ್ಣು ಕರೊ, 
\v 11 ಶನಕತೊ ಭೇನೆ ಭೈಯೇವೊ ಖ್ಲೋಯೆನ ಘರ್‌ಥು ಆಯುಹುಯು ಥೋಡ ಜ಼ಣಾನೆ ತುಮಾರ ಇಚ಼್‌ಮ ಲಡೈ ಚಾ಼ಲುಕರಸ್‍ಕರಿ ಮನ ಬೋಲ್ಯು. 
\v 12 ಕತೊ ತುಮಾರಮ ಏಕ್‍ಜ಼ಣೊ, “ಮೇ ಪೌಲನ ಪೀಠೆ ಜ಼ವುಸ್‌” ಕರಿ ಬೋಲಸ್, ಬಿಜೇಕ್‍ಜ಼ಣೊ “ಮೇ ಅಪೊಲ್ಲೋಸನ ಪೀಠೆ ಜ಼ವುಸ್‌” ಕರಿ ಬೋಲಸ್. ಅಜು಼ ಬಿಜೇಕ್ ಜ಼ಣು, “ಮೇ ಕೇಫನ ಪೇತ್ರನ ಪೀಠೆ ಜವುಸ್‌ ಕರಿ ಬೋಲಸ್. ಅಜೇಕ್‌ಜ಼ಣೊ, “ಮೇ ಕ್ರಿಸ್ತನ ಪೀಠೆ ಜ಼ವುಸ್‌” ಕರಿ ಬೋಲಸ್. 
\v 13 ಕ್ರಿಸ್ತ ವಾಟಪಡಿರ‍್ಹೋಸ್‍ ಕಿಶು? ಪೌಲ ತುಮಾರಖ್ಹಾಜೆ ಶಿಲ್‌ಬೇಪರ್ ಮರ‍್ಯೊಕಿಶು? ತುಮೆ ಪೌಲನ ನಾಮ್‍ಥಿ ಬ್ಯಾಪ್ತಿಸ್ಮ ಕರೈಲಿದ ಕಿಶು? 
\v 14 ತುಮಾರಮ ಕ್ರಿಸ್ಪನ ಬಿಜು಼ ಗಾಯನ ಮ್ಹೇಲ್ಯುತೊ ಬಿಜು಼ ಕಿನಾಬಿ ಮೇ ಬ್ಯಾಪ್ತಿಸ್ಮ ಕರಾಯೊಕೊಂತೆ ಇನಖ್ಹಾಜೆ ದೇವ್ನ ಧನ್ಯವಾದ್‌ ಕರುಸ್. 
\v 15 ಇನೇಥಿ ಮಾರ ನಾಮ್‍ಪರ್ ಬ್ಯಾಪ್ತಿಸ್ಮ ಕರೈರಾಖ್ಯಸ್‍ಕರಿ ಬೋಲಾನ ತುಮಾರಮ ಕಿನೇಥೀಬಿ ಹಮ್ಕೆ ಉಷೆಕೊಯ್ನಿ. 
\v 16 ಮೇ ಸ್ತೆಫನನ ಘರ್‌ವಾಳಾನ ಮ್ಹೇಲಿನ್, ಬಿಜು಼ ಕಿನಾಬಿ ಬ್ಯಾಪ್ತಿಸ್ಮ ಕರಾವನಿತರ ಮನ ದೇಖಾವಕೊಯ್ನಿ. 
\v 17 ಕ್ರಿಸ್ತನೆ ಮನ ಮೋಕ್‍ಲ್ಯೊತೆ ಬ್ಯಾಪ್ತಿಸ್ಮ ದ್ಯವಾನ ಕಾಹೆ. ಸುವಾರ್ತೆನ ಖ್ಹಮ್‍ಜಾ಼ಡನಖ್ಹಾಜೆ ಎತ್ರೇಸ್. ಕತೋಬಿ ಖಾಲಿ ಅದ್ಮಿನಿ ಅಕ್ಕಲ್‍ಥಿ ಬೋಲಿ ಖ್ಹಮ್‌ಜಾ಼ಡನ ಮನ ಮೋಕ್‌ಲ್ಯೊ ಕೊಯ್ನಿ. ಮೇ ಕಾಯ್‌ತೋಬಿ ಲೋಕ್‌ನಿ ಗ್ಯಾನ್‌ಥಿ ಸುವಾರ್ತೆ ಬೋಲ್ಯೊಹೊತ್ತೊ ಕ್ರಿಸ್ತನಿ ಶಿಲ್‌ಬೇನಿ ಶಕತ್ ಫಾಯಿದೊಕೊಂತೆ ಹುಯುಹೊತ್ತ್.
\s ಕ್ರಿಸ್ತ ದೇವ್ನಿ ಶಕತ್ ಅಜು಼ ದೇವ್ನಿ ಗ್ಯಾನ್
\p
\v 18 ಶನಕತೊ ನಾಶನ ಮಾರಗ್‍ಮಛಾ಼ತೆ ಅದ್ಮಿಖ್ಹಾರಾನ ಶಿಲ್‌ಬೇನು ಬೋಧನೆ ಪಾಗಲ್‍ಪನ್ ಹುಯಿರ‍್ಹೂಸ್. ಕತೋಬಿ ರಕ್ಷಣೆನ ಮಾರಗ್‍ಮ ಛಾ಼ತೆ ಅಪ್ಣುನತೋ ಯೋ ದೇವ್ನಿ ಶಕತ್ ಹುಯಿರ‍್ಹೀಸ್. 
\v 19 ಪವಿತ್ರ ದಪ್ತರ್‌ಮ ಅಮ್ ಲಿಖೈರ‍್ಹುಸ್, ‘ಗ್ಯಾನ್ನಿ ಗ್ಯಾನ್ ನಾಶ್ ಕರೀಸ್. ಬುದ್ದಿವಾಳನಿ ಬುದ್ದಿನ ಫಾಯಿದೊ ನಾ ರ‍್ಹೇವ್ಣುತೆ ತಿಮ್ ಕರೀಶ್’.\x - \xo 1:19 \xo*\xt ಯೆಶಾಯ 29:14\xt*\x* 
\v 20 ಅಮ್‌ರ‍್ಹವಾಪರ್ ಅಕ್ಲಿ ಕಿಜ಼್ಜಛಾ಼? ಪಢಂತಿ ಕಿಜ಼್ಜ ಛಾ಼? ಆ ಹಗಾಮ್‍ನೊ ನವಿ ಗ್ಯಾನ್ನ ಢುಂಡಾವಾಳೊ ಕಿಜ಼್ಜ ಛಾ಼, ದೇವ್ ಜಗತ್ನಿ ಗ್ಯಾನ್ನ ಘೈಲು ಕರಿನಾಖ್ಯೊ! 
\v 21 ಹೈರೂತೆ ದೇವ್ನಿ ಗ್ಯಾನ್ನಿ ಖ್ಹೂಜ಼್ ಹುಯಿರ‍್ಹುಥು. ಜಗತ್‌ ಇನಿ ಶೊಂತ್ ಗ್ಯಾನ್‌ಥಿ ದೇವ್ನ ಖ್ಹಮ್‍ಜಿರಾಖ್ಯುಥು ಕೊಯ್ನಿ. ಇನಖ್ಹಾಜೆ ಘೈಲಾನಿತರ ದೆಖಾವತೆ ಬೋಧನ್‍ಥಿ ವಿಶ್ವಾಸ್ ಕರವಾಳನಿ ರಕ್ಷಣೆ ಕರಾನು ದೇವ್ನ ಅಛ್ಛು಼ಕರಿ ದೆಖಾಯು. 
\v 22 ಯೆಹೂದ್ಯರ್‌ಖ್ಹಾರು ಸಾಕ್ಷಿನಖ್ಹಾಜೆ ಖ್ಹಣೇದ್‌ನಕಾಮ್ನ ಖ್ಹಮ್‍ಜ಼ಸ್. ಗ್ರೀಕ್‍ವಾಳಾನ ಗ್ಯಾನ್ನ ಢೂಂಡಸ್. 
\v 23 ಅಪ್ಣೆತೋಬಿ ಶಿಲ್‌ಬೇಪರ್ ಮರೈಗಯೋತೆ ಕ್ರಿಸ್ತನಿ ಬಾರೇಮ ಬೋಲಿಯೇಸ್. ಆ ಹೈರುತೆ ಯೆಹೂದ್ಯರ್‌ನ ಅಡ್ಡಿ ಹುಯಿರ‍್ಹೂಸ್. ಯೆಹೂದ್ಯರ್‌ಕಾಹೆತೆ ಅದ್ಮಿನ ಘೈಲಾನಿತರ ದೇಖಾವಸ್. 
\v 24 ಕತೋಬಿ ದೇವ್‍ಥಿ ಬುಲೈಲಿದಹುಯ ಅದ್ಮಿ ಯೆಹೂದ್ಯರ್ ಹುಯಿರ‍್ಹತೋಬಿ ಯೆಹೂದ್ಯರ್‌ಕಾಹೇತೆ ಹುಯಿರ‍್ಹುತೋಬಿ ಇವ್ಣುನ ಕ್ರಿಸ್ತಾಸ್ ದೇವ್ನಿ ಶಕತ್‍ ಹುಯಿರ‍್ಹೋಸ್. ಅಜು಼ ದೇವ್ನಿ ಅಕ್ಕಲ್ ಹುಯಿರೊಸ್. 
\v 25 ಶನಕತೊ ದೇವ್ನಿ ಕಮ್‍ಜೋ಼ರ್ ಅದ್ಮಿನಿ ಅಕ್ಕಲ್‍ಥಿ ಮಹಾನ್ ಹುಯಿರುಸ್. ದೇವ್ನಿ ಕಮ್‍ಜೋ಼ರಿಕತೊ ಅದ್ಮಿನಿ ತಾಖಥಿಬಿ ಘಣು ಶಕತ್ನು ಹುಯಿರುಸ್. 
\v 26 ಭೇನೆ, ಭೈಯೇವೊ, ದೇವ್ ತುಮೂನ ಬುಲಾವನಿ ವಖ್ಹತ್‌ಮ ತುಮೆ ಕಿಮ್‍ಥಾಕರಿ, ಯಾದ್ ಕರಿಲೆವೊ. ಜಗತ್ನಿ ಗಣ್ತಿಮ ತುಮಾರಮ ಕೈಏಕ್ ಜ಼ಣು ಅಕ್ಕಲ್‍ವಾಳು ಕೋ ಹುಯಿರ‍್ಹಾಥಾನಿ: ಅದಿಕಾರಿ ಕೋ ಹುಯಿರ‍್ಹಾಥಾನಿ; ಮರ್ಯಾದಿನೊ ಕೋ ಹುಯಿರ‍್ಹಾಥಾನಿ. 
\v 27 ಕತೋಬಿ ಆ ಜಗತ್ನ ಅಕ್ಲಿಖ್ಹಾರಾನ ಖ್ಹರಮ್‌ ಕಾಡಾನಖ್ಹಾಜೆ ದೇವ್ನೆ ಕಮ್‍ಜೋ಼ರ್ ಛಾ಼ತೆ ಇವ್ಣುನ ಚೂ಼ಣಿರಾಖ್ಯೊಸ್; ಶಕತ್‍ವಾಳಾನ ಖ್ಹರಮ್‌ ಕಾಡಾನಖ್ಹಾಜೆ ಕಮ್‍ಜೋ಼ರಿ ಶಕತ್‍ವಾಳನ ಚೂ಼ಣಿರಾಖ್ಯೊಸ್. 
\v 28 ಜಗತ್‌ ಖೆವಾನ ಮುಖ್ಯಕರಿ ಸೋಚಸ್ಕಿ ಇನ ನಾಶ್‍ಕರಾನ ದೇವ್ನೆ ಲ್ಹಾಯೇಕ್‍ಕೊಯ್ನಿ ಕರಿ ಸೋಚಾತೆ ಇವ್ಣುನ ದೇವ್ನೆ ಚೂ಼ಣಿಲಿದೊ. 
\v 29 ಅಮ್‍ರ‍್ಹವಾಪರ್ ದೇವ್ನ ಖ್ಹಾಮ್ಣೆ ಮೋಟೊಕರಿ ಖ್ಹರೈಲ್ಯವಾನ ಕಿನಾಬಿ ಮೋಕಕೊಯ್ನಿ. 
\v 30 ತುಮೂನ ಕ್ರಿಸ್ತಯೇಸುಮ ಏಕ್‌ಭಾಗ್ ಕರಿ ಬಣಾಯೋತೆ ದೇವ್ನೇಸ್. ಕ್ರಿಸ್ತ ಅಪ್ಣಖ್ಹಾಜೆ ದೇವ್‌ಕಂಥು ಆಯೋತೆ ಗ್ಯಾನಿ ಹುಯಿರೊಸ್. ಅಪ್ಣೆ ನೀತಿವಾಳ ಹುಯಿರ‍್ಹವಾನ, ಅಪ್ಣೆ ಅಖ್ಖು ಪವಿತ್ರಹುಯಿರ‍್ಹಾಸ್. 
\v 31 ಇನಖ್ಹಾಜೆ ಪವಿತ್ರ ದಪ್ತರ್ ಬೋಲಸ್ತೆ ಇಮ್‌ ಭಡವಾಳೊ ಪ್ರಭುಮಾಸ್ ಭಡಾದೆ\x - \xo 1:31 \xo*\xt 2 ಕೊರಿಂಥ 10:17\xt*\x*.
\c 2
\s ಶಿಲುಬೆಪರ್ ಛ಼ಡಾಯುತೆ ಕ್ರಿಸ್ತನಿ ಬಾರೇನಿ ಸಂದೇಶ್
\p
\v 1 ಪ್ಯಾರ್‌ನ ಭೈಯೇ ಭೇನೆವೊ, ಮೇ ದೇವ್ನ ಖ್ಹಾಚ಼ನ ಖ್ಹಮ್‍ಜಾ಼ಡ್‌ತೊಹುಯಿನ್ ತುಮಾರಕನ ಆಯೊ. ಕತೋಬಿ ಮೇ ಚಾ಼ತುರ್ ವಾತೇಥಿ ರ‍್ಹವೊ ಅಕ್ಕಲ್‍ಥಿ ರ‍್ಹವೊ ಕೊ ಆಯೋನಿ. 
\v 2 ಶನಕತೊ ಮೇ ಶಿಲ್‌ಬೇಪರ್ ಮರಾಯೋತೆ ಯೇಸು ಕ್ರಿಸ್ತನಾಸ್ ಪಣ್ಕಿ ಬಿಜು಼ ಶನಾಬಿ ತುಮಾರಮ ಮಾಲುಮ್ ಕರಾವವಾಳೊ ಕೊ ಹುಯಿರ‍್ಹಿಶ್‌ನಿ ಕರಿ ತೀರ್ಮಾನ್ ಕರಿರಾಖ್ಯೊಸ್. 
\v 3 ಆ ನಾಹುಯಿನ್ ಮೇ ತುಮಾರಕನ ಆಯೋತೆ ತದೆ, ಲಾಚ಼ರ್‌ಥೊ; ಅಜು಼ ಡರ್‌ಥಿ ಕಾಪವಾಳೊ ಹುಯಿರೋಥೊ. 
\v 4 ಮಾರು ಉಪದೇಶ್ ಅಜು಼ ವಾತೆಮ ಅದ್ಮಿನಿಖ್ಹಯಾಲ್‍ನ ರ‍್ಹವಾನುಬಿ ಅಜು಼ ಅಛ್ಛಿ ವಾತೇಥಿ ಮಳಿರ‍್ಹುಥು ಕೊಯ್ನಿ. ಕತೋಬಿ ದೇವ್ನುಆತ್ಮ ದಿಲ್‌ಫರಾವನಿ ಸಾಕ್ಷಿಹುಯಿರ‍್ಹುಸ್ತೆ ಶಕಥ್ಥಿ ಮಳಿಹುಯು ಹುಯಿರ‍್ಹುಥು. 
\v 5 ತಾರಿ ವಿಶ್ವಾಸ್ ಅದ್ಮಿನಿ ಖ್ಹಯಾಲ್‌ಪರ್‌ ನಾ ಢೊವೈ ರ‍್ಹೇವ್ಣುತೆ ದೇವ್ನಿ ಶಕತ್‌ಪರ್ ಢೊವೈ ರ‍್ಹೇವ್ಣುಕರಿ ಮೇ ಅಮ್ ಕರ‍್ಯೊ.
\s ದೇವ್ನಿ ಅಕ್ಕಲ್
\p
\v 6 ರ‍್ಹಯುತೋಬಿ ಆತ್ಮೀಕಥಿ ಭಡಿರ‍್ಹವಾಳನ ಅಪ್ಣೆ ಗ್ಯಾನ್ನಿ ಬೋಧನೆ ಕರೇಸ್. ಪಣ್ಕಿಯೊ ಜಗತ್ನಕಾಹೆ; ನತರ್ ಆ ಹಗಾಮ್ಮ ಅದಿಕಾರಿಯೇವ್‌ನಿ ಅದಿಕಾರ್‌ನ ಸಂಬಂದ್ನು ಕಾಹೆ.ಯೊ ಅದಿಕಾರಿಖ್ಹಾರು ಇವ್ಣಿ ಅದಿಕಾರ್‌ನ ಗುಮೈಲೆ಼ವ್‌ಕರಸ್. 
\v 7 ಅಪ್ಣೆತೋಬಿ ಹಮ್ಕೆಲಗು ದೇವ್ನಿ ಗಪ್ಲತ್ ಹುಯಿರ‍್ಹವಾನು ಅಕ್ಕಲ್‌ನಾಸ್ ಬೋಲೆಸ್. ಆ ಅಕ್ಕಲ್‍ ಅದ್ಮಿಖ್ಹಾರೇಥಿ ಲಪಾಡೈರ‍್ಹೂಸ್. ದೇವ್ನೆ ಅಪ್ಣ ಮಹಿಮೆನಖ್ಹಾಜೆ ಆ ಅಕ್ಕಲ್‍ನ ಜಗತ್‌ನು ಉಬ್‍ಜಾ಼ವ್ಣಿನ ಶುರುವಾತ್ನ ಅಗಾಡಿಸ್ ಚೂ಼ಣಿರಾಖ್ಯೊಸ್. 
\v 8 ಅನ ಆ ಜಗತ್‌ನು ಅದಿಕಾರಿ ಖಿವೂಬಿ ಆ ಅಕ್ಕಲ್‍ನ ಮಾಲುಮ್ ಕರಿರಾಖ್ಯುಥು ಕೊಯ್ನಿ. ಮಾಲುಮ್ ಕರಿರಾಖ್ಯುಹೊತ್ತೊ ಇವ್ಣೆ ಮಹಿಮೆನೊ ಪ್ರಭುನ ಶಿಲ್‌ಬೆಪರ್ ಕೋ ಮರಾಯುಹೊತ್ನಿ. 
\v 9 ಇನಖ್ಹಾಜೆ ದೇವ್ನಿ ವಚನ್‍ಮ ಲೀಖಾವನಿತರ, ದೇವ್ನೆ ಇನ ಪ್ಯಾರ್ ಕರವಾಳನಖ್ಹಾಜೆ ಕರಿರಾಖ್ಯೊತೆ ಖ್ಹಾರಸ್ನ ಖಿವು ಡೋಳೊಬಿ ದೇಖ್ಯುಕೊಯ್ನಿ, ಖಿವು ಕಾನ್‌ಬಿ ಖ್ಹಮ್‍ಜ್ಯುಕೊಯ್ನಿ, ಯೊ ಏಕ್‍ಜ಼ಣಾನ ದಿಲ್ನಿ ಖ್ಹಯಾಲ್‌ಮಾಬಿ ಕೊಆಯುನಿ.\x - \xo 2:9 \xo*\xt ಯೆಶಾಯ 64:4\xt*\x* 
\v 10 ಕತೋಬಿ ದೇವ್ನೆ ಇನ ಪವಿತ್ರಾತ್ಮಥಿ ಆ ಗಪ್ಲತ್‌ನ ಬೋಲಿವತಾಳ್ಯೊ. ಯೊ ಪವಿತ್ರಾತ್ಮಸ್ ಆ ಅಖ್ಖು ದೇವ್ನಿ ಗಪ್ಲತ್‌ನಿ ವಿಚಾರ‍್ನ ಗಧಾರ್‌ಥಿ ಢೂಂಢವಾಳೊ ಹುಯಿರ‍್ಹೋಸ್. 
\v 11 ಶನಕತೊ ಏಕ್‍ಜ಼ಣಾನಿ ಖ್ಹೂಜ಼್‌ನಿ ಬಾರೇಮ ಇನಾಮ ಛಾ಼ತೆ ಆತ್ಮಾನ ಕಾಹೆತೆ ಕಿನಾಬಿ ಮಾಲುಮ್‌ ಕೊಯ್ನಿ. ಇಮ್ಮಸ್ ದೇವ್ನಿ ಖ್ಹೂಜ಼್‌ನ ದೇವ್‌ನೊ ಆತ್ಮಾಸ್‌ ಮಾಲುಮ್‌ ಕರ‍್ನು ಪಣ್ಕಿ ಬಿಜು಼ ಖೆವಾನಬಿ ಹುವಾನು ಕಾಹೆ. 
\v 12 ಅಪ್ಣೆ ಜಗತ್‌ಮಛಾ಼ತೆ ಆತ್ಮಾನ ಲೀರಾಖ್ಯಾಕೊಯ್ನಿ ದೇವ್ ಅಪ್ಣುನ ಫುಗಟ್ನಿ ಗೋರ್‌ಥಿ ದಿದೊತೆ ವರಾನ ಮಾಲುಮ್ ಕರಿಲ್ಯವಾನಖ್ಹಾಜೆ ದೇವ್‍ಥಿ ಆಯಿತೆ ಆತ್ಮನಾಸ್ ಲೀರಾಖ್ಯಸ್. 
\v 13 ಅನಖ್ಹಾರು ಬೋಲಾನಿವಖ್ಹ್‌ತೆ ಅದ್ಮಿನಿ ಅಕ್ಕಲ್‍ಥಿ ಶಿಕಿಹುಯಿ ವಾತೆಖ್ಹಾರು ಕೋಬೊಲ್ಯೊಂತೆ ಪವಿತ್ರಾತ್ಮನೆಸ್ ಶಿಕಾಡಿದಿದೋತೆ ವಾತೆನಾಸ್ ಬೋಲಿಲ್ಯವಾಳ ಹುಯಿರಾಸ್. ಅಮ್ ಆತ್ಮೀಕಥಿ ರ‍್ಹೇಸ್ತೆ ಖ್ಹಾಚ಼ನ ಆತ್ಮಾಮ ರ‍್ಹವಾಳನ ರಹಾಥಿ ಬೋಲಿವತಾಳಸ್. 
\v 14 ಜಗತ್‌ನು ಹುಯಿರ‍್ಹಾವಳೊ ದೇವ್ನಿ ಆತ್ಮಾನಿ ವಾತೇನ ಸ್ವೀಕಾರ್ ಕೋಕರಾನಿ; ಯೊ ಅಖ್ಖು ಇನ, ಘೈಲಿ ವಾತೆನಿಘೋಣಿ ದೇಖಾವಸ್. ಯೋ ಅದ್ಮಿ ಪವಿತ್ರಾತ್ಮನಿ ವಾತೇನ ಸೋಚಾನ ಕೊ ಹುವಾನಿ; ಶನಕತೊ ಯೊ ವಾತೇವ್ನ ಆತ್ಮೀಕ್‌ ಪರಕ್ಮಾಸ್ ವಿಚಾರ್ ಕರ‍್ನು. 
\v 15 ಪವಿತ್ರಾತ್ಮನ ಲೀರಾಖವಾಳೊ ತೀರ್ಪ್ ಕರೆಜಾ಼ಯ್. ಕತೋಬಿ ಇನ ಬಿಜು಼ ಕೋಣ್‌ಬಿ ವಿಚಾರ್ ಕರಾನ ಕೋ ಹುವಾನಿ. 
\v 16 ಪವಿತ್ರ ದಪ್ತರ್‌ಮ ಬೋಲಾನಿತರ, “ಪ್ರಭುನ ದಿಲ್ನ ಕೋಣ್‍ ಮಾಲುಮ್‌ ಕರಿರಾಖ್ಯುಸ್? ಇನ ಖ್ಹೂಜ಼್ ಬೋಲಿ ದಿಶೆ ಕೋಣ್?”\x - \xo 2:16 \xo*\xt ಯೆಶಾಯ 40:13\xt*\x* ಅಪ್ಣೆತೋಬಿ ಕ್ರಿಸ್ತಯೇಸುನೊ ದಿಲ್ನ ಲೀರಾಖವಾಳ ಹುಯಿರ‍್ಹಾಸ್.
\c 3
\s ದೇವ್ನು ಸೇವೆಕರಾವಳು
\p
\v 1 ಭೈಯೆ. ಭೇನೆವೊ. ಮೇತೊ ಆತ್ಮೀಕಥಿ ರ‍್ಹೆಯಿತೆ ಇವ್ಣಿಜೋ಼ಡೆ ವಾತೆ ಬೋಲುತೆ ತಿಮ್ ತುಮಾರಿಜೋ಼ಡ್ಮ ವಾತೆ ನಾಬೋಲ್ನುಥು. ಕ್ರಿಸ್ತನಿ ವಿಶ್ವಾಸ್‌ಮ ಅಡ್ಡಾಣಿ ಲಡ್ಕನಿತರ ಛಾ಼ತೆ ತುಮಾರೇಥಿ ಆ ಜಗತ್ನ ಬೋಲಾನಿಮತ್ ಮೇ ತುಮಾರೇಥಿ ವಾತೆಬೋಲ್ನು ಪಡ್ಯುಥು. 
\v 2 ತುಮುನ ದೂದ್ ಪಿಡಾಯೊ ಖಾಣು ದಿದೋಕೊಯ್ನಿ. ಖಾಣು ಖಾವಾನ ತುಮೆ ಬಿಜೂ಼ಬಿ ತಾಖತ್ತಿ ಕೊಹುಯಿರಾಥಾನಿ. ಹಮ್ಕೆಬಿ ತುಮೆ ತಾಖತ್ತಿಕೊಯ್ನಿ. 
\v 3 ಶನಕತೊ ತುಮೆ ಅಜೂ಼ಬಿ ಜಗತ್‌ವಾಳ ಹುಯಿರ‍್ಹಾಸ್, ತುಮಾರಮ ಪೇಟ್ನೊ ಬಳಾಪೊ ಲಡೈಝ಼ಗ್‍ಡೊ ರ‍್ಹವಾನಿಘೋಣಿ, ತುಮೆ ಜಗತ್‌ವಾಳ ಹುಯಿರ‍್ಹಿನ್ ಖಲಿ ಬಿಜಾ಼ಅದ್ಮಿನಿಮತ್ ಚಾ಼ಲಸ್ ಕೊಯ್ನಿಕಿಶು? 
\v 4 ತುಮಾರಮ ಏಕ್ಜ಼ಣೊ “ಮೇ ಪೌಲಭಣಿನೊಕರಿ ಅಜು಼ ಬಿಜೇಕ್ಜ಼ಣೊ ಅಪೊಲ್ಲೋಸನ ಭಣಿನೊ ಕರಿ,ತುಮೆ ಮಹಿ ಆಡಫೇಡ್ ಬೋಲಿನ್ ಜಗತ್ನ ಅದ್ಮಿನಿತರಸ್ ಚಾ಼ಲಿಲ್ಯಾವಾಳ ಹುಯಿರ‍್ಹಾಸ್ ಕೊಯ್ನಿಕಿಶು? 
\v 5 ಇಮ್‍ಕತೊ ಅಪೊಲ್ಲೋಸ ಕೋಣ್? ಪೌಲ ಕೋಣ್? ಇವ್ಣಿ ಸೇವಾಥಿ ತುಮೆ ಕ್ರಿಸ್ತಾನ ವಿಶ್ವಾಸ್ ಕರಾನಿ ಘೋಣಿಹುಯು. ಪ್ರಭು ಹರೇಕ್‌ಥಿ ಜ಼ಣಾನ ದೆವೈರ‍್ಹೂತೆ ಇನ ಅಪ್ಣೆ ಸೇವೆ ಕರಾವಾಳ ಹುಯಿರ‍್ಹಾಸ್. 
\v 6 ಮೇ ಪಂಡುಗಾಡ್ಯೋ. ಅಪೊಲ್ಲೋಸನೆ ಪಾಣಿನಾಖ್ಯೋ. ಕತೋಬಿ ಇನ ಫೋಡಾಯೊತೆ ದೇವ್ನೇಸ್. 
\v 7 ಇನ ಖ್ಹಾಜೆ ಗಾಡವಾಳು ಹುಯಿ‍ರ‍್ಹೆವೊ, ಪಾಣಿ ನಾಖಾವಾಳು ಹುಯಿ‍ರ‍್ಹೆವೊ ಮುಖ್ಯಕಾಹೆ.ಮೋಟುಕರಾವಳೊ ದೇವ್ ಎಕ್ಕಸ್‍ಜ಼ಣೊ. ಮುಖ್ಯ ಹುಯಿರ‍್ಹೋಸ್. 
\v 8 ಪಂಡಾನ ಗಾಡವಾಳು ಅಜು಼ ಪಾಣಿ ನಾಖಾವಾಳನಿ ಖ್ಹೂಜ಼್ ಎಕ್ಕಸ್ ಹುಯಿರ‍್ಹೀಸ್. ಕತೋಬಿ ಹರೇಕ್ನ ಇವ್ಣಿ ಮ್ಹಿನತ್‌ನಿ ಘೋಣಿ ಇವ್ಣುನ ಪ್ರತಿಫಲ್ ಮಳಸ್. 
\v 9 ಶನಕತೊ ಹಮೆ ದೇವ್ನಖ್ಹಾಜೆ ಜೋ಼ಡ್ಮಕಾಮ್‍ ಕರಾವಾಳ. ತುಮೆ ದೇವ್ನು ಖೇತರ್‌ ಹುಯಿರ‍್ಹಾಸ್. ದೇವ್ನು ಪ್ರಾರ್ಥನೇನಿ ಮಂದಿರ್‌ ಹುಯಿರ‍್ಹಾಸ್. 
\v 10 ದೇವ್ನೆ ಮನದಿದೋತೆ ವಾರ್‌ಖ್ಹಾನಿ ಪರಕ್ಮ ಘರ್ ಭಾಂದಾವಾಳ ಚಾ಼ತುರ‍್ನಿ ಘೋಣಿ ಯೋ ಘರ್‌ನ ಮೆ ಹದಿಪಾಯ ನಾಖ್ಯೊ. ಬಿಜು಼ಜ಼ಣು ಇನಾಪರ್ ಭಾಂದಸ್. ಕತೋಬಿ ಹರೇಕ್‍ಜ಼ಣು ಯೋ ಕಿಮ್ ಭಾಂದು ಕರೂಸ್‌ಕರಿ ಹೊಶಾರ್ಥಿರ‍್ಹೀನ್ ಭಾಂದ್‌ಣು. 
\v 11 ಶನಕತೊ ದೇವ್ ಯೇಸುಕ್ರಿಸ್ತನ ತದೇಸ್‌ ಏಕ್‌ನಿಏಕ್‌ ಹದಿಪಾಯ ಕರಿ ಬಣೈರಾಖ್ಯೊಸ್. ಅಜು಼ ಬಿಜು಼ ಖಿವು ಹದಿಪಾಯನ ನಾಖನ ಕೋಉಷೇನಿ.\x - \xo 3:11 \xo*\xt ಯೆಶಾಯ 28:29\xt*\x* 
\v 12 ಹದಿಪಾಯಪರ್ ಥೋಡುಜ಼ಣು ಖ್ಹೊನ್ನು, ರೂಪು, ಘಣ ಮೋಲ್ನ ಬಂಡಾಥಿ ಭಾಂದಸ್. ಅಜು಼ ಥೋಡುಜ಼ಣು ಲಾಕ್ಡು, ಘಾಖ್ಹ್‌ಥಿ ಭಾಂದ್ಯುತೋಬಿ, 
\v 13 ಆ ಅಖ್ಖಾಮ ಶನೇಥಿ ಭಾಂದ್ಯುತೋಬಿ ತದೆ ಹರೇಕ್ ಜ಼ಣಾನುಕಾಮ್ ಅಛ್ಛಿನಿತರ ದೆಖಾವ್‌ಶೆ; ಶನಕತೊ ಕ್ರಿಸ್ತ ಆವಾನೊದನ್ ಆಗ್‌ಥಿ ನಿಕ್ಳಿನ್ ಯೋ ಕಾಮ್ನ ಆಛ್ಛಿಂತರ ದೆಖಾಡ್‌ಶೆ. ಅಜು಼ ಯೋ ಆಗ್ ಪರ್ಖಿನ್ ಇನು ಖ್ಹಾಚು಼ ಮೋಲ್ನ ವತಾಳ್‌ಶೆ. 
\v 14 ಏಕ್‌ಜ಼ಣಾನೆ ಯೋ ತಳಹದಿಪರ್‌ ಭಾಂದಿಹುಯು ಬಚಿರ‍್ಹಯುತೊ ಯೋ ಭಾಂದವಾಳನ ಪ್ರತಿಫಲ್ ಮಳ್‌ಶೆ. 
\v 15 ಏಕ್‌ಜ಼ಣಾನೆ ಭಾಂದಿಹುಯು ಬಳಿಗಯುತೊ ಇನ ಲುಕ್ಷಾನ್‌ ಉಷೆ. ರ‍್ಹಯುತೋಬಿ ಆಗ್‌ಥಿ ಬಚಿಜಾ಼ವಳನಿತರ ರಕ್ಷಣೆ ಲೀಲಿಶೆ. 
\v 16 ತುಮೆ ದೇವ್ನು ಮಂದಿರ್‌ ಹುಯಿರ‍್ಹಾಸ್ ಕರಿ ದೇವ್ನಿ ಆತ್ಮ ತುಮಾರಮ ಜಿವ್ಣುಕರಸ್‍ಕರಿ ತುಮೂನ ಮಾಲುಮ್ ಕೊಯ್ನಿಕಿಶು? 
\v 17 ಕೋಣ್‌ತೋಬಿ ದೇವ್ನ ಮಂದಿರ್‌ನ ನಾಶಕರ‍್ಯೂತೊ ದೇವ್ ಇನ ನಾಶ್‍ಕರಾವಾಳೊ ಹುಯಿರ‍್ಹೋಸ್. ಶನಕತೊ ದೇವ್ನು ಮಂದಿರ್‌ ಪರಿಶುದ್ ಹುಯಿರ‍್ಹೂಸ್. ಯೊ ಮಂದಿರ್‌ ತುಮೇಸ್ ಹುಯಿರ‍್ಹಾಸ್. 
\v 18 ಖೆವೋಬಿ ಏಕ್‍ಜ಼ಣೊ ಇನಾಯೋಸ್ ಧೋಕ ನಕೊ ಕರಿಲ್ಯವಾದೆ ತುಮಾರಮ ಖಿವುತೋಬಿ ಲೋಕ್‌ನಿ ಬಾರೇಮ ಅಕ್ಲಿ ಹುಯಿರ್‍ಹೊಸ್ ಕರಿ ಲ್ಹಾಯತೊ ಯೋ ಅಕ್ಲಿಹುವಾನಖ್ಹಾಜೆ ಪೆದ್ದೊಹುವಾದೆ. 
\v 19 ಶನಕತೊ “ಪವಿತ್ರ ದಪ್ತರ್‌ಮ ಲೀಖೈರ‍್ಹಾವನಿತರ ಆ ಲೋಕ್‌ನಿ ಅಕ್ಕಲ್ ದೇವ್ನ ಖ್ಹಾಮ್ಣೆ ಖ್ಹೈಲು ಹುಯಿರ‍್ಹುಸ್. ದೇವ್‌ ಅಕ್ಲಿನ ಇವ್ಣಿ ಹಿಕ್‌ಮತಿಥೀಸ್ ಖ್ಹಪ್‌ಡೈನಾಖಸ್‌”. 
\v 20 ಶನಕತೊ, “ಅಕ್ಲಿಖ್ಹಾರಾನು ಖ್ಹೂಜ಼್ ಫಾಯಿದೊಕೊಯ್ನಿ ಕರಿ ಪ್ರಭುನ ಮಾಲುಮ್ ಛಾ಼ ಕರೀಬಿ ಲೀಖೈರುಸ್ನಿ”. 
\v 21 ಅನಖ್ಹಾಜೇಥಿ ಖಲಿ ಅದ್ಮಿಯೇವ್‌ನಿ ಬಾರೇಮ ಕೋಣ್‌ಬಿ ಖ್ಹರೈಲೇವ್ಣುನಾ. ಶನಕತೊ ಖ್ಹಾರೂಸ್ ತುಮಾರಖ್ಹಾಜೇಸ್ ಛಾ಼. 
\v 22 ಪೌಲರ‍್ಹೆವೊ ಅಪೊಲ್ಲೋಸ ರ‍್ಹವೊ ಕೇಫನರ‍್ಹೇವೊ, ಜಗತ್ನಾರ‍್ಹೇವೊ ಜಾನ್‌ರ‍್ಹೇವೊ, ಮರಣಸ್‍ರ‍್ಹೇವೊ, ಹಮ್ಕೆನಿವಾತೆರ‍್ಹೇವೊ, ಅಗ್ಲಿವಾತ್‍ರ‍್ಹೇವೊ ಆ ಖ್ಹಾರು ತುಮಾರುಸ್. 
\v 23 ಅಜು಼ ತುಮೆ ಕ್ರಿಸ್ತವಾಳ ಹುಯಿರ‍್ಹಾಸ್ ಕ್ರಿಸ್ತ ದೇವ್‌ನೊ ಹುಯಿರ‍್ಹೋಸ್.
\c 4
\s ಕ್ರಿಸ್ತನು ಅಪೊಸ್ತಲರ್
\p
\v 1 ಅಪ್ಣೊ ಕ್ರಿಸ್ತ ಯೇಸುನೊ ಸೇವಕ್ ಕರೀಬಿ ದೇವ್ನೆ ಇನು ಲಪಿರ‍್ಹವಾನು ಖ್ಹಾಚ಼ನ ಅಪ್ಣುನ ದೇಖಿಲ್ಯವಾಳಾಬಿ ಕರೀಬಿ ಗಣ್ತಿಮಲೆವ್ಣು. 
\v 2 ಅಮ್ನ ಸೇವಕ್‌ನ ಇನ ಮಾಲಿಕ್‌ನ ವಿಶ್ವಾಸ್‌ವಾಳ ಹುಯಿನ್ ರ‍್ಹವಾನು ಜ಼ರೂರತ್ ಛಾ಼. 
\v 3 ಮಾರಿ ಬಾರೇಮ ಬೋಲಾನಗಯೋತೊ, ತುಮಾರೇಥಿ ರ‍್ಹವೊ ಅದ್ಮಿನು ನಿಯಮ್ನ ನ್ಯಾವ್‌ನ ಮಂದಿರ್‌ಮರ‍್ಹವೊ ಮನ ವಿಚಾರ್ ರ‍್ಹಯುತೋಬಿ ಮೇ ಖ್ಹಯಾಲ್ಮ ಲೆವ್‍ಕೊಯ್ನಿ. ಕಾಹೆತೆ ಮಾರುಮೇಸ್ ನ್ಯಾಯತೀರ್ಪ್‌ ಕೋ ಕರಿಲೇವ್ನಿ. 
\v 4 ಮಾರಮ ದೋಷ್‌ ಛಾ಼ಕರಿ ಮಾರ ಮನ್‌ಮ ದೇಖಾವಕೊಯ್ನಿ, ತೋಬಿ ಮೇ ಖ್ಹಾಚ಼ಮಾಬಿ ನಿರ್ದೋಷ್‍ಕರಿ ಸಬೂತ್ ಕರಾನುಕೊಯ್ನಿ. ಮನ ನ್ಯಾವ್‌ ಫೇಡವಾಳೊ ಪ್ರಭುಸ್. 
\v 5 ಅನಖ್ಹಾಜೆ ಕಬ್ಲಗು ಪ್ರಭು ಕೊ ಆವಾನಿಕಿ ಯೊ ವಖ್ಹತ್‌ನ ಅಗ್ಗಳಸ್ ಶನುಬಾರೇಮಾಬಿ ನ್ಯಾವ್‌ನು ತೀರ್ಪ್ ನಕೊಕರ್ಷು; ಇನೆ ಅಂಧಾರಮಾನು ಲಪಿಹುಯು ಕಾಮ್‌ಖ್ಹಾರು ಉಜಾ಼ಳಾಮ ಲೀನ್‌ ಆವ್‌ಶೆ. ಅದ್ಮಿನಿ ದಿಲ್ನಿಖ್ಹಾರಿ ಸೋಚ್ನ ಭಾರ್‌ ಕಾಡ್‌ಶೆ. ತದೆ ಹರೇಕ್‍ಜ಼ಣಾನ ಆವ್ಣುತೆ ಖ್ಹರಾವ್ಣಿ ದೇವ್‍ಥೀಸ್‍ ಮಳ್‌ಶೆ. 
\v 6 ಭೈಯೇ ಭೇನೆವೊ, ಮೇ ತುಮಾರಖ್ಹಾಜೇಥಿ ಮನಾಬಿ ಅಪೊಲ್ಲೋಸನಾಬಿ ಮತ್ಲಬ್ ಲೀನ್ ಬೋಲಿರಾಖ್ಯೊಸ್ ಅನಖ್ಹಾಜೆ ತುಮೆ “ಲೀಖೈರುತೆ ಖ್ಹಾರು ನಿಯಮ್ನ ಮೀರಿನ್ ಚಾ಼ಲ್‌ನುಕರಿ ಆ ವಚನ್ನಿ ಮತ್ಲಬ್‌ನ ಹಮಾರೇಥಿ ಶಿಕಿಲಿನ್, ತುಮಾರಮ ಕೋಣ್‌ಬಿ ಏಕ್‍ಜ಼ಣಾಭಣಿ ಮಳಿನ್ ಬಿಜೇಕ್‍ಜ಼ಣಾನ ಚಿಂಘಾವ್ಣಿ ನಾಕಾಡ್ನು. 
\v 7 ತುನ ಬಿಜ಼ ಖ್ಹಾರಾಥೀಬಿ ಊಚೊ಼ಕರ‍್ಯೊಕೋಣ್? ದೇವ್‍ಥಿ ಲಿದೊಕೊಂತೆ ತಾರಾಮ ಏಕ್‍ತೋಬಿ ಛಾ಼ಕಿಶು? ಅಮ್ ಅಖ್ಖೂಸ್ ದೇವ್‍ಥಿ ಲ್ಯವಾಪರ್ ಲಿದೊಕೊಂತೆ ತಿಮ್ ಖ್ಹರಾವ್ಣಿ ಶನಕಾಡಿಲೇಸ್? 
\v 8 ತುಮೂನ ಜ಼ರೂರ್‌ನು ಅಖ್ಖು ಛಾ಼ಕರಿ ತುಮೆ ಲಹಿರಾಖ್ಯಸ್ ತುಮಾರುತುಮೆ ಧನ್‌ದೌಲತ್‌ವಾಳ ರಾಜ಼ವ್ ಕರಿ ಲಹಿರಾಖ್ಯಸ್. ತುಮೆ ಖ್ಹಾಚಮಾಬಿ ಹಮೂನ ಮ್ಹೇಲಿನ್ ರಾಜ಼್‌ಭಾರ್ ಚ಼ಲಾಯಹೊತ್ತೊ ಮನ ಖುಷಿ ಹುಯಿರ‍್ಹುಹೊತ್. ತದೆ ಹಮೆಜಿನು ತುಮಾರ ಜೋ಼ಡೆ ಮಳಿನ್ ರಾಜ಼್‌ಭಾರ್ ಕರ‍್ಯಹೊತ್. 
\v 9 ಇಮ್‌ ನಾಹುಯಿನ್ ದೇವ್ನೆ ಅಪೊಸ್ತಲರ್ ಹುಯಿರ‍್ಹಾಸ್ತೆ ಅಪ್ಣುನ ಮರಣ್ಣಿ ತೀರ್ಪ್ ಲೀಲ್ಯಾವಳಾನಿತರ ಕಡ್‌ಶೀನೊ ಟಪ್ಪೊ ದೀರಾಖ್ಯೊಸ್‍ಕರಿ ಮನ ದೇಖಾವಸ್. ಅಪ್ಣೆ ಜಗತ್‌ಮ ದೇವ್ ದೂತರ್‌ನಾಬಿ ಅದ್ಮಿನಾಬಿ ಕತೊ ಜಗತ್‌ವಾಳನ ಖ್ಹಾಮ್ಣೆಸ್ ಚಿಂಘಾವ್ಣಿ ಕಡೈಲಿದ. 
\v 10 ಹಮೆ ಕ್ರಿಸ್ತನಖ್ಹಾಜೆ ಖ್ಹೈಲು ಹುಯಿರಾಸ್. ಕತೋಬಿ ಕ್ರಿಸ್ತಮ ತುಮೆ ಜಾ಼ಖ್ಹತ್ ಅಕ್ಲಿಕರಿ ಲಹಿರಾಖ್ಯಸ್. ಹಮೆ ಶಕತ್‌ಕೊಂತೆ ಹುಯಿರಾಸ್. ಕತೋಬಿ ತುಮಾರು ತುಮೇಸ್ ತಾಖತ್ತಿಕರಿ ಲಹಿರಾಖ್ಯಸ್! ಹಮೆ ಚಿಂಘೈಲಿದಹುಯ, ತುಮುನ ಮರ್ಯಾದಿವಾಳ ಹುಯಿರ‍್ಹಾಸ್. 
\v 11 ಹಮ್ಕೆಲಗೂಬಿ ಹಮೆ ಭುಕ್ಯಛಿಯ್ಯೆ಼; ಠೋಖ್ಹ್‌ಲಾಗ್ಯಹುಯ ಹುಯಿರ‍್ಹಾಸ್; ಫೆರಾನಖ್ಹಾಜೆ ಹೋಣುತೆ ಎತ್ರು ಲುಂಗ್ಡು ಕೊಯ್ನಿ; ಕದೆಕದೆ ಮಾರ್ ಖಾವವಾಳ; ಹಮುನ ಘರ್‌ಬಿಕೊಯ್ನಿ. 
\v 12 ಶೊಂತ್ ಹಾಥ್ಥಿ ಮ್ಹಿನತ್‌ಕರಿನ್ ಜಿವೇಸ್. ಹಮುನ ಶಾಪದಿದೂತೆ ಇವ್ಣುನ ವಾರ್‌ಖ್ಹೊ ದಿಯೇಸ್. ಲೋಗ್‌ ಖ್ಹತಾಪ್ಣಿ ದ್ಯವಾನಿ ವಖ್ಹ್‌ತೆ ಹಮೆ ಖ್ಹಮಾಳಿಲಿಯೆಸ್.\x - \xo 4:12 \xo*\xt ಪ್ರಲಾಪ 3:45\xt*\x* 
\v 13 ಹಮುನ ಚಾ಼ವ್‌ಣ್ಯಕಾಡನಿ ವಖ್ಹ್‌ತೆ ಗೋರ್‌ಥಿ ಜವಾಬ್‌ ದಿಶು.ಆ ಜಗತ್ನಿ ಝಿಟ್ಕಾರ್‌ಥಿ ಮೋಟ ಶಾತ್ಬಿ ಕಾಹೆ. ಹಮೆ ಹಮ್ಕೆಲಗೂಬಿ ಜಗತ್‌ಮ ಜ಼ಮೀನ್ನ ಕಚ್ರಾ಼ನಿತರಸ್ ಛಿಯ್ಯೆ಼. 
\v 14 ತುಮೂನ ಖ್ಹರಮ್‍ ಕಾಡನಖ್ಹಾಜೆ ಲೀಖ್ಯೊಕೊಯ್ನಿ. ಮಾರ ಪ್ಯಾರ್‌ನ ಲಡ್ಕಾನಿಘೊಣಿ ಸೋಚಿನ್ ತುಮೂನ ಅಕ್ಕಲ್ ಬೋಲಾನ ಖ್ಹಾಜೇಸ್ ಆ ವಾತೆಖ್ಹಾರಿ ಲೀಖಿರಾಖ್ಯೊಸ್. 
\v 15 ತುಮೂನ ಕ್ರಿಸ್ತಮ ಬೋಧನೆ ಕರಾವಾಳು ದಖ್ಹ್‌ ಹಜಾ಼ರ್‌ ಜ಼ಣು ರ‍್ಹಯುತೋಬಿ ಬಾಕರಿ ಬೋಲೈಲ್ಯಾವಾಳೊ ಎಕ್ಕಸ್ ಜ಼ಣೊ. ಕ್ರಿಸ್ತ ಯೇಸುಮ ಸುವಾರ್ತೆಥಿ ತುಮುನ ಲೀಲಿದೋತೆ ಬಾ ಮೇಸ್ ಹುಯಿರ‍್ಹೋಸ್. 
\v 16 ಅನಖ್ಹಾಜೆ ಮಾರಿನಿಘೊಣಿಸ್ ರ‍್ಹೇವ್ಣುಕರಿ ಮೇ ತುಮೂನ ಗಿಂಗೈಲೆವುಸ್. 
\v 17 ಆ ಕಾರಣ್‍ಥಿ ಪ್ರಭುಮ ಮಾರ ಪ್ಯಾರ್‌ನೊ ಅಜು಼ ವಿಶ್ವಾಸ್‌ನೊ ಛಿಯ್ಯೊ ಹುಯಿರ‍್ಹವಾಳೊ ತಿಮೊಥೆನ ತುಮಾರಕನ ಮೋಕ್ಲಿರಾಖ್ಯೊಸ್. ಯೊ ತುಮೂನ ಕ್ರಿಸ್ತಯೇಸುಮ ಮಳಿರ‍್ಹವಾಮ ನವ ಜಿವ್ಣಮ ಅಜು಼ ಅಖ್ಖೀಸ್ ಬಾಜೂ಼ಮ ಮೇ ಹರೇಕ್ ಸಬೆಮಾಬಿ ಶಿಕಾಡನು ಚಾ಼ಲ್‍ಚ಼ಲಣ್‍ ಯೋ ತುಮಾರ ಖ್ಹಯಾಲ್ಮ ಲೀನ್‌ ಆವ್‌ಶೆ. 
\v 18 ಅಜು಼ ಮೇ ತುಮಾರಕನ ಕೊ ಆಯಿಶ್ನಿಕರಿ ಲಹಿನ್ ಥೋಡುಜ಼ಣು ಹಂಕಾರಿಹುಯಿನ್ ಚಾ಼ಲುಕರಾಸ್‍. 
\v 19 ಕತೋಬಿ ಪ್ರಭುನಿ ಮರ್ಜಿಹುಯುತೆ ಮೇ ಒಗ್ಗಿಸ್‌ಮ ಐನ್ ಅಜು಼ ತದೆ ಯೊ ಹಂಕಾರಿಥಿ ಭರೈರ‍್ಹಾವಳನಿ ವಾತೇಸ್‌ ಖಲಿ ಕಾಹೆ ಮೇಸ್ ಇವ್ಣಿ ಶಕತ್‍ನಾಬಿ ಮಾಲುಮ್‍ಕರೀಷ್. 
\v 20 ದೇವ್ನಿ ರಾಜ್ಯ ಖಲಿ ವಾತೇಮ ಕಾಹೆ ಶಕತ್‍ಮಾಬಿ ಭರೈರ‍್ಹೂಸ್. 
\v 21 ತುಮೆ ಶಾತ್‌ ಪಸಂದ್ ಕರಾಸ್? ಮೇ ಲಾಕ್ಡು ಲೀನ್ ತುಮಾರಕನ ಆವ್ಣುಕಿ? ಪ್ಯಾರ್‌ಥೀಬಿ ಶಾನ್‍ಧಾರ್ನು ಆತ್ಮಥೀಬಿ ಭರೈನ್ ಆವ್ಣುಕಿಶು?
\c 5
\s ಸಬೆಮ ವ್ಯಬಿಚಾರ‍್ನಿ ತಕಲೀಬ್
\p
\v 1 ತುಮಾರಮ ವ್ಯಬಿಚಾರ್ ಛಾ಼ಕರಿ ಖಬರ್‌ನ ಮೇ ಖ್ಹಮ್‍ಜ್ಯೊ. ಏಕ್‍ಜ಼ಣೊ ಇನ ಬಾನಿ ಬಾವಣ್ಣಾಸ್ ರಾಖಿಲಿದೋಕಸ್. ಅಥ್ರಾನು ವ್ಯಬಿಚಾರಿ ಅಲಕ್‌ ಅದ್ಮಿಮಾಬಿ ಅಥ್ರಾನು ವ್ಯಬಿಚಾರ್ ಕಾಮ್ ಕೊದೆಖಾವನಿ. 
\v 2 ಕತೋಬಿ ತುಮೆ ಊಚ಼ಹುವಾನ ದೇಖುಕರಸ್. ಕಿಮ್ ರ‍್ಹಯುತೋಬಿ ತುಮೆ ದುಖ್ ಕೋ ಕರ‍್ಯಾನಿತೆ, ಆ ಕಾಮ್ ಕರವಾಳನ ತುಮಾರಮಾಥು ಭಾರ್‌ ಕಾಡಾನ ಕೊ ಹೊಯ್ನಿಕಿಶು? 
\v 3 ಮೇತೊ ಶರೀರ್‌ನಿ ಪರಕ್ಮ ತುಮಾರೇಥಿ ದೂರ್ ರ‍್ಹಯುತೋಬಿ ಆತ್ಮೀಕ್ ಪರಕ್ಮ ಖನ್ನೆ ಛೂ಼.ಮೇ ತುಮಾರಿ ಜೋ಼ಡ್ಮ ರ‍್ಹವಾನಿ ಪರಕ್ಮಾಸ್ ಆ ಅಥ್ರಾನು ಕಚಿಂಡ್ ಕಾಮ್ ಕರವಾಳನಿ ಬಾರೇಮ ತದೇಸ್‌ ಇನ ಶಾತ್‌ಕರ‍್ನುಕರಿ ತೀರ್ಮಾನ್ ಕರಿರಾಖ್ಯೊಸ್. 
\v 4 ತುಮೆ ಎಕ್ಟುಹುಯಿನ್ ಅವಾನಿತರ ಮೇಬಿ ತುಮಾರಿ ಜೋ಼ಡೆ ಮಾರ ಆತ್ಮೀಕ್ ರೂಪ್‌ಮ ಅಪ್ಣೊ ಪ್ರಭು ಯೇಸುನ ನಾಮ್‍ಥಿ ಹಮಾರ ಜೋ಼ಡೆ ರ‍್ಹವಾನಿಘೊಣಿನಿ ತಾಖತ್ತಿ ತುಮಾರಿ ಜೋ಼ಡ್ಮ ಎಕ್ಟು ಹುಯಿರ‍್ಹೊಸ್. 
\v 5 ಅಜು಼ ಯೋ ಅದ್ಮಿನು ಶರೀರ‍್ನು ಸ್ವಭಾವ್ ನಾಶ್ ಹುವಾನಖ್ಹಾಜೆ ಇನ ಶೈತಾನ್ನ ಹಾತ್ಮ ಖ್ಹಪ್‍ಡಾವೊ ಶನಕತೊ ಪ್ರಭು ಯೇಸುನ ದನ್ಮ ಇನು ಆತ್ಮ ಬಚಾ಼ವನಖ್ಹಾಜೆ ಅಮ್‍ಕರ‍್ನು. 
\v 6 ತುಮಾರು ಹಂಕಾರ್ ಕರಾನು ಅಛ್ಛು಼ಕಾಹೆ; ದರಾಖ್ಹು ಶೋಡ ಘುಂದಾಸ್ತೆ ಆಟಾನ ಫುಲಾವಸ್‌ಕರಿ ಬೋಲಾನು ತುಮೂನ ಮಾಲುಮ್ ಕೊಯ್ನಿಕಿ ಶು? 
\v 7 ತುಮೆ ಭರ್‌ಪೂರ್‌ಥಿ ಪಾಕ್‌ ಹುವಾನಖ್ಹಾಜೆ ಪಾಪ್ನು ಜೂ಼ನು ಶೋಡಾನ ಕಾಡಿನಾಕ್ಣು. ತದೆ ತುಮೆ ಖಿವೂಬಿ ಶೋಡ ನಾಖ್ಯಹುಯ ಕೊಂತೆ ನವೊ ಆಟೊ ಹುಯಿರ‍್ಹಿಶು. ಶನಕತೊ ತದೇಸ್‌ ಅಪ್ಣೊ ಪಸ್ಕ ಬಾಳಾನಿಬಲಿ ಹುಯಿರ‍್ಹೊಸ್ ಯೋ ಮೆಂಢಾನು ಚೆಲ್ಕು ಕ್ರಿಸ್ತಸ್ ಶಿಲ್‌ಬೆನಪರ್ ಬಲಿಹುಯೊ. 
\v 8 ಇನಖ್ಹಾಜೆ ಅಪ್ಣೆ ಖರಾಬ್ ಫನೈ, ಖರಾಬ್‌ಚಾ಼ಲ್‌ಕರಿ ಬೋಲಾನು ಖಾಟಾಆಟಾನ ಝಿಟ್‌ಕಾರಿದಿಯೆ, ಪರಿಶುದ್ ಅಜು಼ ಖ್ಹಾಚು಼ಕರಿ ಬೋಲಾನು ಖಾಟುಕೊಂತೆ ನವರೋಟಾನ ಖೈನ್ ಪೂಜ಼ ಕರ್‌ಯೇ. 
\v 9 ಮೇ ತುಮೂನ ಚಿಟ್ಟಿ ಲೀಖ್ಯೋತೆ ಚಿಟ್ಟೀಮ ವ್ಯಬಿಚಾರಿನೊ ಖ್ಹಂಗ್ ನಾ ಕರ್ನುಕರಿ ಲೀಖಿರಾಖ್ಯೊಸ್. 
\v 10 ಕತೋಬಿ ಆ ಜಗತ್‍ಮಾನು ವ್ಯಬಿಚಾರಿ ಆಖ್ಹ್‌ಭರ‍್ಯು ಛಿನೈಲ್ಯವಾಳು, ಮೂರತ್ನ ಪೂಜ಼ಕರವಾಳು ಹುಯಿರಾತೆ ಎಥ್ರಾನವಾಳನ ಖ್ಹಂಗ್ ಮ್ಹೇಲಿದೇವ್ಣುಕರಿ ಕಾಹೆ. ಇಮ್‌ ಮ್ಹೆಲ್‍ನುಕತೊ ತುಮೆ ಆ ಜಗತ್‍ನಾಸ್ ಮ್ಹೆಲಿಜಾ಼ವ್ಣು ಪಡ್‌ಶೆ. 
\v 11 ಕತೋಬಿ ಕ್ರಿಸ್ತಮ ವಿಶ್ವಾಸ್ಮ ಭೈ ಭೇನೆಕರಿ ಬೋಲಿಲ್ಯವಳೊ ವ್ಯಬಿಚಾರ್ ಕರಾವಾಳೊ, ಲಾಲಚ್‌, ಮೂರತ್ನ ಪೂಜ಼ಕರವಾಳೊ, ಲಡೈಕರವಾಳೊ, ಗಾಳೆ ದ್ಯವಾಳೊ, ಪೀಯ್ಯವಾಳೊ, ಛಿನೈಲ್ಯವಾಳೊ ಹುಯಿರ‍್ಹವಾನಿ ಪರಕ್ಮ ಇನ ಖ್ಹಂಗ್ ನಾಕರ‍್ನು. ಎಥ್ರಾನ ಜೋ಼ಡ್ಮ ಖಾಣುಬಿ ನಾ ಖಾವ್ಣು. 
\v 12 ಸಭೆನ ಭಾರ್‌ ರ‍್ಹವವಾಳಾನ ತೀರ್ಪ್‌ ಕರಾನ ಮನ ಶನಿ ಅಧಿಕಾರ್ ಛಾ಼. ಮಹಿವಾಳನ ತೀರ್ಪ್‌ ಕರವಾಳೋಬಿ ತುಮೇಸ್‍ನಿ? 
\v 13 ಭಾರ್‌ ರ‍್ಹವಾಳನ ತೀರ್ಪ್‌ ಕರಾವಾಳೊ ದೇವಸ್. ತುಮಾರ ಬೀಚ್ಮ ರ‍್ಹವಾಳ ಯೋ ಖರಾಬ್ ಅದ್ಮಿನ ಭಾರ್‌ ಕಾಡಿನಾಖೊ.
\c 6
\s ಖ್ಹಂಗ್‌ನ ವಿಶ್ವಾಸಿಯೊಮ ಅಬ್ಬಾಜ಼ಬ್ಬಿ
\p
\v 1 ತುಮಾರಮ ಏಕ್‍ಜ಼ಣಾನ ಬಿಜೇಕ್ ಜ಼ಣಾಪರ್ ಶನುತೋಬಿ ವಿರೋದ್‌ರ‍್ಹಯುತೊ ನ್ಯಾವ್‌ನ ವಿಚಾರ‍್ನ ದೇವ್ನ ಅದ್ಮಿವೋಕನ ಲೀನ್‌ಗಯುಕೊಂತೆ, ದೇವ್ನ ವಿಶ್ವಾಸ್‌ಕೊಂತೆ ಅದ್ಮಿನಖ್ಹಾಮ್ಣೆ ಲೀನ್ ಜಾ಼ವೋಸ್ಕಿ ಶು? 
\v 2 ದೇವ್ನು ಅದ್ಮಿಖ್ಹಾರು ಜಗತ್ನ ತೀರ್ಪ್‍ಕರ್‌ಶೆಕರಿ ಬೋಲಾನು ತುಮೂನ ಮಾಲುಮ್ ಕೊಯ್ನಿಕಿಶು? ಜಗತ್ತಸ್ ತುಮಾರೇಥಿ ತೀರ್ಪ್‌ಲ್ಯವಾನು ಹುಯಿರ‍್ಹುತೊ ಅಥ್ರಾನಿ ದರಾಶಿ ವಾತೆನಿ ಬಾರೇಮ ತುಮೆ ತೀರ್ಪ್‌ಕರಾನ ಯೋಗ್ಯ ಕೊಯ್ನಿಕಿ ಶು? 
\v 3 ಅಗ್‍ಲ್ಯ ದನ್ಮ ಅಪ್ಣೆ ದೇವ್ನ ದೂತರ್‌ನಾಬಿ ನ್ಯಾವ್‌ ಫೇಡಾವ್‍ಶುಕರಿ ಬೋಲಾನು ತುಮೂನ ಮಾಲುಮ್‌ ಕೊಯ್ನಿಕಿಶು? ಅಮ್‌ರ‍್ಹವಾಪರ್ ಆ ಜಗತ್ನಿ ಜೀವಿತ್‌ನ ಬಾರೇಮಾಬಿ ಕೆತ್ರೇಕ್ಕಿ ಮಹಾನ್ ಕಾಹೆಕಿಶು? 
\v 4 ಅಮ್‍ರ‍್ಹವಾಪರ್, ತುಮಾರಮ ಕಚ಼್ಚರ್‌ ರ‍್ಹೀನ್ ಇನ ನ್ಯಾವ್ನಕರಾನು ಜ಼ರೂರತ್ ರ‍್ಹವಾನಿವಖ್ಹ್‌ತೆ ಸಬೆಮ ಖ್ಹಾಯಿಕೊಂತೆ ಅದ್ಮಿಕನ ಆ ಖ್ಹಾರಿವಾತೆನಿ ಲೀನ್ ಶನಜಾ಼ವೋಸ್? 
\v 5 ತುಮೂನ ಖ್ಹರಮ್‍ಕಾಡಾನ ಟೇಕೆ ಮೆ ಅಮ್ ಬೋಲುಸ್ಕಿ, ವಿಶ್ವಾಸಿ ಭೈಯೇನ ಇಚ಼್‌ಮ ನ್ಯಾವ್‌ನ ಪರ್ಖಿಲ್ಯವಾಳು ಅಕ್ಲಿ ತುಮಾರಮ ಏಕ್‍ಜ಼ಣೂಬಿ ಛಾ಼ಕಿಶು? 
\v 6 ಕತೋಬಿ ಇನ ಬದಲ್‍ಥಿ ಏಕ್‌ ವಿಶ್ವಾಸಿ ಬಿಜೇಕ್ ವಿಶ್ವಾಸಿನ ವಿರೋದ್ ನ್ಯಾವ್‌ನಿ ಕಛೇರಿನ ಜಾ಼ವನು ಕಾಹೆತೆ ಇನ ಬಿಣ್‌ವಿಶ್ವಾಸಿನ ಖ್ಹಾಮ್ಣೆ ಲೀನ್ ಜಾ಼ವಾನು ಬರೋಬರ್‌ಕಿಶುಲಾ! 
\v 7 ಖ್ಹಾಚಮಾಬಿ ತುಮಾರಮ ಛಾ಼ತೆ ಖೋಟ್ನು ವಿವಾದ್ ರ‍್ಹಿಯುತೊ ತುಮೆ ಹರಿಗಾಕರಿ ಅಸ್‌ ಖ್ಹಣೇದ್ ಹುಯಿರ‍್ಹುಸ್. ಇನೇಥಿಬಿ ಶನ ಗಲ್ತಿನ ಖ್ಹಮಾಳ್‌ಣು ನಾ? ಠಗಾವಮ ಶನ ಖ್ಹಮಾಳ್‌ಣು ನಾ? 
\v 8 ಕತೋಬಿ ತುಮೆ ತುಮಾರ ವಿಶ್ವಾಸಿ ಭೇನೆ ಭೈಯೇವ್ನ ಗಲತ್‌ ಕರಿರಾಖ್ಯಾಸ್ ಅಜು಼ ಠಗೈರಾಖ್ಯಾಸ್‌. 
\v 9 ಅನೀತಿಥಿ ಚಾ಼ಲವಾಳು ದೇವ್ನಿ ರಾಜ್ಯನ ಖ್ಹಾಯಿಕೊಯ್ನಿ ಕರಿ ತುಮೂನ ಮಾಲುಮ್ ಕೊಯ್ನಿಕಿ ಶು? ಮಂಕ್ ನಕೊಹುವೊ: ವ್ಯಬಿಚಾರಿಖ್ಹಾರು, ಮೂರತ್ನ ಆರಾದನೆ ಕರವಾಳು, ಪಾಪೇಲು, ಪರ್ಖ್ಹಾನಿಜೋ಼ಡ್ಮ ಭೋಗ್ ಕರಾವಾಳು, 
\v 10 ಚೋ಼ರಿಕರಾವಳು, ನಿಕ್‍ಳ್ಯಜಾನ್‍ವಾಳು, ಪಿಯ್ಯಾವಾಳು, ಝೂ಼ಟಿ ಖಬರ್ ಫೈಲಾವವಾಳು, ಬಿಜಾ಼ನು ಖ್ಹೋತಿಲ್ಯವಾಳು, ಅವ್ಣಾಮ ಏಕ್‍ಜ಼ಣೂಬಿ ದೇವ್ನಿ ರಾಜ್ಯನ ಖ್ಹಾಯ್‌ ಕೊಉಷೇನಿ. 
\v 11 ತುಮಾರಮ ಕೈಯೇಕ್‌ಜ಼ಣು ಇಮ್ಮಸ್ ಹುಯಿರ‍್ಹುಥು. ಕತೋಬಿ ತುಮೆ ಪ್ರಭು ಹುಯಿರೋತೆ ಯೇಸುಕ್ರಿಸ್ತನ ನಾಮ್‌ಥಿಬಿ ಅಜು಼ ಅಪ್ಣ ದೇವ್ನ ಆತ್ಮಥೀಬಿ ಧೊವೈನ್ ಶುದ್ಧಹುಯಿರ‍್ಹುಸ್. ದೇವ್‍ಥಿ ನೀತಿವಾಳಕರಿ ಚೂ಼ಣೈರ‍್ಹಾಸ್.
\s ತುಮಾರಿ ಶರೀರ್‌ಥಿ ದೇವ್ನ ಮಹಿಮೆ
\p
\v 12 ತುಮಾರ ಕೋಣ್‌ಬಿ ಬೋಲೆಜಾ಼ಯ್, “ಖ್ಹಾರಕಾಮ್ನ ಕರಾನ ಮನ ಹಕ್‌ ಛಾ಼”. ಕತೋಬಿ ಯೋ ಖ್ಹಾರು ಫಾಯಿದೊಕಾಹೆ. ಕತೋಬಿ ಅಖ್ಖಾನಾಬಿ ಕರಾನ ಮನ ಹುಕುಮ್‍ಛಾ಼ ಕತೋಬಿ ಮೆ ಖೆವಾನಬಿ ಚ಼ಪ್ಪಣ್‌ಮ ಕೊಯ್ನಿ. 
\v 13 ಖಾಣು ಅಖ್ಖು ಪೇಟ್ನಖ್ಹಾಜೇಸ್. ಪೇಟ್ ಖಾಣನ ಖ್ಹಾಜೆಸ್ ಛಾ಼.” ಕರಿ ಬೋಲೆಜಾ಼ಯ್ ಯೋ ಖ್ಹಾಚಾಸ್. ಆ ಭೇನ ಪೂರ ಕರಾವಾಳೊ ದೇವಸ್. ಶರೀರ್‌ಛಾ಼ತೆ ವ್ಯಬಿಚಾರ್‌ ಕರಾನಖ್ಹಾಜೆ ಕಾಹೆ ಪ್ರಭುನ ಸೇವೆ ಕರಾನಖ್ಹಾಜೆಸ್. ಪ್ರಭು ಶರೀರ್‌ನಖ್ಹಾಜೆ ಛಾ಼. 
\v 14 ದೇವ್ನೆ ಪ್ರಭುನ ಇನ ಶಕಥ್ಥಿ ಮರ‍್ಯಮಾಥು ಜಿವ್ತೊಉಠ್ಯಾಡ್ಯೊ. ಇಮ್ಮಸ್ ಅಪ್ಣುನಾಬಿ ಇನು ತಾಖತ್ತಿ ಉಠಾಡ್‍ಶೆ. 
\v 15 ತುಮಾರು ಶರೀರ್ ಕ್ರಿಸ್ತನು ಭಾಗ್‍ಖ್ಹಾರು ಹುಯಿರ‍್ಹುಸ್‌ಕರಿ ತುಮೂನ ಮಾಲುಮ್ ಕೊಯ್ನಿಕಿ ಶು? ಅಮ್‍ರ‍್ಹವಾಪರ್ ಕ್ರಿಸ್ತಾನ ಭಾಗ್‍ಖ್ಹಾರನ ಲೀನ್ ವ್ಯಬಿಚಾರಿಣಿನ ಭಾಗ್‍ನಿಜೋ಼ಡ್ಮ ಮಳಾವನು ಬರಬರ್‌ಕಿ ಶು? ಕದೇಬಿ ನಾ ಕರ‍್ನು. 
\v 16 ವ್ಯಬಿಚಾರಿಣಿನ ಮಳೆಹುಯೊ ಇನಿಜೋ಼ಡ್ಮಸ್ ಎಕ್ಕಸ್ ಶರೀರ್ ಹುಯಿರ‍್ಹೋಸ್ ಕರಿ ತುಮೂನ ಮಾಲುಮ್ ಕೊಯ್ನಿ? “ಯೊ ಬೇಜ಼ಣ ಎಕ್ಕಸ್ ಶರೀರ್ ಹುಯಿರ‍್ಹೆಸ್‍ಕರಿ ಪವಿತ್ರ ದಪ್ತರ್ ಬೋಲಸ್ನಿ”\x - \xo 6:16 \xo*\xt ಆದಿಕಾಂಡ 2:24\xt*\x*. 
\v 17 ಕತೋಬಿ ಪ್ರಭುನೆ ಖ್ಹಂಗ್ ರಾಖವಾಳೊ ಆತ್ಮಮ ಪ್ರಭುನ ಜೋ಼ಡೆ ಏಕ್‍ ಹುಯಿರ‍್ಹೇಸ್. 
\v 18 ವ್ಯಬಿಚಾರ್‌ನ ಮ್ಹೇಲಿನ್ ದೂರ್ ಮಿಲೈಜಾ಼ವೊ. ಅದ್ಮಿಖ್ಹಾರು ಕರಾನು ಅಖ್ಖೂಸ್ ಪಾಪ್ನು ಕಾಮ್‌ಖ್ಹಾರು ಶರೀರ್‌ನ ಭಾರ್‌ ಹುಯಿರುಸ್. ಕತೋಬಿ ವ್ಯಬಿಚಾರ‍್ನು ಪಾಪ್‌ಕರವಾಳೊ ಏಕ್‍ಜ಼ಣೊ ಇನು ಶೊಂತ್ ಶರೀರ್‌ನು ವಿರೋದ್ ಪಾಪ್ ಕರಾವಾಳೊ ಹುಯಿರ‍್ಹೇಸ್. 
\v 19 ತುಮಾರು ಶರೀರ್ ಪವಿತ್ರಾತ್ಮನ ಮಂದಿರ್‌ ಹುಯಿರ‍್ಹುಸ್‌ಕರಿ ಬೋಲಾನು ತುಮೂನ ಮಾಲುಮ್ ಕಿಶು? ಯೋಸ್‌ ಆತ್ಮ ತುಮಾರಮ ಛಾ಼ಕರಿ ಮಾಲುಮ್ ಕೊಯ್ನಿಕಿಶು? ತುಮೆ ದೇವ್‍ಥಿ ಇನ ಲೀಲಿದ. ತುಮೆ ತುಮಾರು ಶೊಂತ್ ಕಾಹೆ. 
\v 20 ತುಮೆ ದೇವ್‍ಥಿ ಮೋಲ್ ಲೆವಾಯಹುಯ ಇನಖ್ಹಾಜೆ ತುಮಾರ ಶರೀರ್‌ಖ್ಹಾರಥಿ ದೇವ್ನ ಮಹಿಮೆ ಕರೊ.
\c 7
\s ವ್ಯಹಾನಿ ವಾತೆನಿ ಬಾರೇಮ
\p
\v 1 ತುಮೆ ಲೀಖಿನ್ ಮೋಕ್‍ಲ್ಯೊತೆ ವಾತೆನಿ ಬಾರೇಮ ಮೇ ಬೋಲ್ನುಕತೊ, ತಯೇಡಾನಿ ಶರೀರ್‌ನ ನಾ ಛಿಮಾನುಸ್ ಅದ್ಮಿನ ಅಛ್ಛು಼. 
\v 2 ಕತೋಬಿ ವ್ಯಬಿಚಾರ್‌ ಚಾ಼ಲುಕರಾತೆಖ್ಹಾಜೆ ಹರೇಕ್ ಜ಼ಣನಾಬಿ ಶೊಂತ್ ಬಾವಣ್‍ ರ‍್ಹವಾದೆ ಅಜು಼ ಹರೇಕ್‍ಜ಼ಣಿನಾಬಿ ಶೊಂತ್ ಬಾವ್ರಿ ರ‍್ಹವಾದೆ. 
\v 3 ಬಾವ್ರಿ ಯೋ ಕರ್ನುತೆ ಕಾಮ್ನ ಕರಾದೆ, ಅಜು಼ ಇಮ್ಮಸ್ ಬಾವಣ್‍ ಯೋ ಕರ್ನುತೆ ಕಾಮ್ನ ಕರಾದೆ. ಭೇಜ಼ಣಾಬಿ ವ್ಹೆತ್ಯು ಜಿವ್ಣಮ ಏಕ್‌ಥಿಏಕ್ ಜ಼ರೂರತ್‌ನ ಪೂರಕರಿನ್ ಥಕ್‌ತೋಡ್ನು.
\s ವ್ಯಹಾಕೊಂತೆ ಅಜು಼ ಮುಂಡಚ್ಚಿಯೆನಿ ಬಾರೇಮ
\p
\v 4 ಬಾವಣ್ಣ ಇನಿ ಶೊಂತ್ ಶರೀರ್‌ಪರ್‌ ಅದಿಕಾರ್ ಕೊಯ್ನಿ, ಯೊ ಬಾವ್ರಿನ ಛಾ಼. ಇಮ್ಮಸ್ ಪರ್ಖ್ಹಾ ಇನ ಶೊಂತ್ ಶರೀರ್‌ಪರ್‌ ಅಧಿಕಾರ್ ಕೊಯ್ನಿ, ಯೊ ಬಾವಣ್ಣ ಛಾ಼. 
\v 5 ಪ್ರಾರ್ಥನೇನಿ ವಖ್ಹತ್‌ನಖ್ಹಾಜೆ ತುಮೆ ಏಕ್‌ಥಿಏಕ್ ಒಪ್ಪಂದಾನ್‍ಥಿ ಥೋಡಿ ವಖ್ಹತ್ ಮ್ಹೇಲಿನ್ ರ‍್ಹಯೇಜಾ಼ಯ್ ಪಣ್ಕಿ ಅಮ್ನಿತರ ನಾ ಕರ‍್ನು. ಶೈತಾನ್ ತುಮಾರಿ ಕಮ್‌ಜೋ಼ರಿನ ದೇಖಿನ್ ತುಮೂನ ಖರಾಬ್‌ಖ್ಹಯಾಲ್‌ಮ ನಾ ಖೇಚಾ಼ನಿತರ ಪಾಛು಼ ಎಕ್ಟು ಹುಯಿಜಾ಼ವೊ. 
\v 6 ಮೇ ಅಮ್ ಕರೇಜಾ಼ಯ್‍ಕರಿ ಬೋಲುಕರುತೆ ಹುಕುಮ್ ಕಾಹೆ. ಮಾರಿ ಖಲಿ ಖ್ಹೂಜ಼್ ಹುಯಿರ‍್ಹೀಸ್. 
\v 7 ಮೇ ರ‍್ಹವಾನಿತರ ಅಖ್ಖೂಸ್ ಅದ್ಮಿಖ್ಹಾರು ರ‍್ಹೇವ್ಣುಕರಿ ಮಾರಿ ಆಖ್ಹ್. ಕತೋಬಿ ದೇವ್ನೆ ಹರೇಕ್‍ನಾಬಿ ವಿಶೇಷ್ ವರ ಮಳಿರ‍್ಹೀಸ್. ಏಕ್‍ಜ಼ಣಾನ ಏಕ್‍ಪರಕ್‍ನಿ ವರ ರ‍್ಹಯೂತೊ ಬಿಜೇಕ್‍ನ ಏಕ್‍ಪರಕ್ನು ವರ ಹುಯಿರ‍್ಹೂಸ್. 
\v 8 ಬಿಣ್‍ ವ್ಯಹಾವಾಳು ಅಜು಼ ಮುಂಡಚ್ಚಿಯೇನಿ ಬಾರೇಮ ಮೇ ಬೋಲಾನು ಶಾತ್‍ಕತೊ, ಮೇ ರ‍್ಹವಾನಿಘೋಣಿ ಎಕ್ಲೊ ರ‍್ಹವಾನುಸ್ ಇವ್ಣುನ ಅಛ್ಛು಼. 
\v 9 ಇವ್ಣೆ ಖ್ಹಮಾಳಿನ್ ನಾರ‍್ಹಯುತೊ, ವ್ಯಹಾಕರಾದೆ. ಶನಕತೊ ಭೋಗ್ನಿ ಹರಖ್ಹ್‌ಥಿ ಕೊರ್‌ಗಾಥೀಬಿ ವ್ಯಹಾ ಕರಿಲ್ಯಾವನುಸ್ ಬರೋಬರ್. 
\v 10 ವ್ಹೆತ್ಯಾವ್ನ ಮೇ ಆ ಹುಕುಮ್ ದೆವುಸ್. ಆ ಹುಕುಮ್ ಮಾರುಕಾಹೆತೆ ಪ್ರಭುನು ಹುಯಿರ‍್ಹೂಸ್. ಬಾವಣ್‍ ಇನ ಬಾವ್ರಿನ ಮ್ಹೇಲ್ನುಸ್ ನಾ. 
\v 11 ಬಾವಣ್‍ ಇನ ಬಾವ್ರಿನ ಮ್ಹೇಲಿದಿದಿತೊ ಯೊ ಹುಯಿರೀತೆ ಅಜೇಕ್ ವ್ಯಹಾ ನಾಕರ‍್ನು. ನಾರ‍್ಹಯುತೊ ಬಾವ್ರಿನ ಜೋ಼ಡ್ಮ ಪಾಛು಼ ಮಳಿಜಾ಼ವ್ಣು. ಅಜು಼ ಬಾವ್ರಿ ಇನಿ ಬಾವಣ್ಣ ನಾ ಮ್ಹೇಲ್ನು. 
\v 12 ಬಿಜು಼ಖ್ಹಾರು ಅದ್ಮಿಖ್ಹಾರಾನ ಬಾರೇಮ ಮೇ ಬೋಲಾನು ಶಾತ್‍ಕತೊ ಆ ಖ್ಹಾರಿ ವಾತೇನ ಬೋಲುಕರುತೆ ಮೇಸ್ ಪಣ್ಕಿ ಪ್ರಭುಕಾಹೆ. ಕ್ರಿಸ್ತಮ ಭೈನ ಏಕ್‍ಜ಼ಣಿ ಕ್ರಿಸ್ತ ವಿಶ್ವಾಸ್‍ಕೊಂತೆ ಬಾವಣ್‍ ರ‍್ಹಯುತೊ ಅಜು಼ ಯೋ ಇನಿ ಜೋ಼ಡ್ಮ ಸಂಸಾರ್ ಕರೀನ್ ಜಿವ್ಣುಕರಾನ ಮಾನಿಲಿದಿತೊ ಯೋ ಪರ್ಖ್ಹೊ ಇನ ನಾ ಮ್ಹೇಲ್ನು. 
\v 13 ಇಮ್ಮಸ್ ಏಕ್‌ ತಯೇಡನ ಕ್ರಿಸ್ತಮ ವಿಶ್ವಾಸ್‌ಕೊಂತೆ ಬಾವ್ರಿರ‍್ಹೀನ್ ಯೋ ಇನಜೋ಼ಡೆ ಸಂಸಾರ್ ಕರಾನ ಮಾನಿಲಿದಿತೊ ಯೊ ತಯೇಡ ಇನ ನಾ ಮ್ಹೇಲ್ನು. 
\v 14 ಶನಕತೊ ಕ್ರಿಸ್ತಮ ವಿಶ್ವಾಸ್‌ಕೊಂತೆ ಬಾವ್ರಿ ಇನಿ ಬಾವಣ್ಣಖ್ಹಾಜೇಥಿ ಸಮರ್ಪಣ್‌ ಹುವಾನಿಘೊಣಿ ಹುಯೊ. ಇಮ್ನಿಸ್ ಪರಕ್ಮ ವಿಶ್ವಾಸ್‍ಕೊಂತೆ ಬಾವಣ್‍ ಇನ ಬಾವ್ರಿನಖ್ಹಾಜೇಥಿ ಸಮರ್ಪಣ್‌ ಹುವಾನಿಘೊಣಿ ಹುಯಿ. ಇಮ್‌ ನಾ ರ‍್ಹಿಯುಹೊತ್ತೊ ತುಮಾರ ಲಡ್ಕಖ್ಹಾರು ಅಪವಿತ್ರಸ್ ಹುಯಿರ‍್ಹುಹೊತ್. ಕತೋಬಿ ಇವ್ಣೆ ಪವಿತ್ರ ಹುಯಿರ‍್ಹೂಸ್. 
\v 15 ಕತೋಬಿ ಕ್ರಿಸ್ತ ವಿಶ್ವಾಸ್‌ಕೊಂತೆ ಏಕ್‍ಜ಼ಣು ಮ್ಹೇಲಿನ್ ಜಾ಼ವ್ಣುಕರಿ ನಿರ್ಧಾರ್ ಕರ‍್ಯೊತೊ ಯೊ ಪರ್ಖ್ಹೊ ಮ್ಹೇಲಿನ್ ಜ಼ವಾದೆ. ಅಮ್ನಿ ಪರಕ್ ಚಾ಼ಲ್ಯುತೊ ಕ್ರಿಸ್ತಮ ಭೈನ ರ‍್ಹವೊ, ನತರ್ ಭೇನ್ ರ‍್ಹವೊ ಜಿಮ್ಮೆದಾರಿ ಕಾಹೆ. ಸಮಾಧಾನ್‍ಮ ರ‍್ಹೇವ್ಣುಕರಿ ದೇವ್ನೆ ಅಪ್ಣುನ ಬುಲೈರಾಖ್ಯೊಸ್. 
\v 16 ಅಲಿ ವಿಶ್ವಾಸಿ ಬಾವಣ್‍ ತೂ ತಾರ ಬಾವ್ರಿನ ಬಚಾ಼ಡಿಲಿಶ್‍ಕರಿ ತುನ ಕಿಮ್ ಮಾಲುಮ್‌? ಅಲ ವಿಶ್ವಾಸಿ ಬಾವ್ರಿ, ತೂ ತಾರಿ ಬಾವಣ್ಣ ಬಚಾ಼ಡಿಲಿಶ್‍ಕರಿ ತುನ ಕಿಮ್ ಮಾಲುಮ್‌?
\s ದೇವ್ನು ಬುಲಾವತೆ ತಿಮ್ ಚಾ಼ಲೊ
\p
\v 17 ಕತೋಬಿ ಹರೇಕ್‍ಜ಼ಣಾನ ಪ್ರಭುನೆ ದಿರಾಖ್ಯೊಸ್ತೆ ಜಿಮ್ಮೇದಾರಿನಾಬಿ. ಅಜು಼ ಇನೆ ಇವ್ಣುನ ಶನಖ್ಹಾಜೆ ಬುಲಾಯೋಕಿ ಇನಾಬಿ ಬರೋಬರ್ ಜಿವ್ಣುಕರಾದೆ. ಅಮ್ ನಿಯಮಸ್ ಅಖ್ಖೀಸ್ ಸಬೆಮ ಚಾ಼ಲಿಲೇವ್ಣುಕರಿ ಮೇ ಶಿಕಾಡುಸ್. 
\v 18 ದೇವ್ ಬುಲಾಯೋತೆ ದನ್ಮ ಕೋಣ್‌ತೋಬಿ ಖ್ಹತ್ನ ಹುಯಿರ‍್ಹವಾನು ರ‍್ಹಯುತೊ ಇನ ಖ್ಹತ್ನ ಕರಾಯೋತೆ ಇನಖ್ಹಾಜೆ ಸೋಚಾನು ಹೋಣುಕೊಯ್ನಿ. ದೇವ್ ಬುಲಾವನಿ ವಖ್ಹತ್‌ಮ ಕೋಣ್‌ತೋಬಿ ನಾ ಖ್ಹತ್ನ ಕರೈರಾಖ್ಯೊತೊ ಯೋ ಖ್ಹತ್ನಕರಾವನಿ ಜ಼ರೂರತ್ ಕೊಯ್ನಿ. 
\v 19 ಖ್ಹತ್ನ ಕರಾವನುಕಿ ನತರ್ ಖ್ಹತ್ನ ಕರಾವ್ಣುಕರಿ ಯೋಸ್ ಮುಖ್ಯ ಕಾಹೆ. ದೇವ್ನು ಹುಕುಮ್‌ನ ಪಾಡಿನ್ ಚಾ಼ಲನೂಸ್ ಮುಖ್ಯ ಹುಯಿರ‍್ಹುಸ್. 
\v 20 ದೇವ್ ಬುಲಾವನಿ ವಖ್ಹ್‌ತೆ ಹರೇಕ್‍ಜ಼ಣೊ ಖಿವಿ ಲಖಣ್ ರ‍್ಹೇಸ್ಕಿ ಯೋ ರಹಾಮಸ್ ರ‍್ಹೇಣು. 
\v 21 ದೇವ್ ಬುಲಾವನಿ ವಖ್ಹ್‌ತೆ ತೂ ಬಿಜೇಕ್ನ ಗುಲಾಮ್ ಹುಯಿರೊ ಉಷೇತೊ ಸೋಚ್‍ನಕೊ. ಕತೋಬಿ ಛುಟ್ಕಾರ್ ಹುವಾನ ಅವಕಾಶ್ ಮಳಿತೊ ತೂ ಛುಟ್ಕಾರ್ ಹುಯಿಜಾ಼. 
\v 22 ಶನಕತೊ ಪ್ರಭುಥಿ ಬುಲಾವನಿ ವಖ್ಹ್‌ತೆ ಗುಲಾಮ್ ರ‍್ಹವಾಳೊ ಪ್ರಭುಮ ಛುಟ್ಕಾರ್ ಹುಯಿರ‍್ಹೊಸ್. ಪ್ರಭು ಬುಲಾವನಿ ವಖ್ಹ್‌ತೆ ಛು಼ಟೊರ‍್ಹವಾಳೊ ಹಮ್ಕೆ ಕ್ರಿಸ್ತನ ಗುಲಾಮ್ ಹುಯಿರ‍್ಹೋಸ್. 
\v 23 ತುಮೆ ಮೋಲ್ ಲೆವೈರ‍್ಹಾಸ್. ಇನಖ್ಹಾಜೆ ತುಮೆ ಅದ್ಮಿನ ಗುಲಾಮ್ ನಕೊ ಹುಯಿರ‍್ಹಿಶು. 
\v 24 ಭೇನೆ ಭೈಯೇವೊ ಹರೇಕ್‍ಜ಼ಣುಬಿ ದೇವ್‍ಥಿ ಬುಲಾವನಿ ವಖ್ಹ್‌ತೆ ಖಿವಿ ಲಖಣ್‍ಮ ಥಾಕಿ ಯೋಸ್ ಪರಕ್ಮ ದೇವ್ನ ಜೋ಼ಡ್ಮ ರ‍್ಹವೊ.
\s ವ್ಹೆತ್ಯುಕಾಹೆತೆ ಅಜು಼ ಮುಂಡಚ್ಚಿಯೆನು ಸವಾಲ್‌
\p
\v 25 ವ್ಯಹಾಕೊಂತೆ ಕವಾರವ್ನಿ ಬಾರೇಮ ಪ್ರಭುಥಿ ಖಿವಿ ಹುಕುಮ್ ಮನ ಕೋ ಮಳ್ಯುನಿ. ಕತೋಬಿ ವಿಶ್ವಾಸ್‌ನ ಯೋಗ್ಯ ಹುಯಿರ‍್ಹವಾನಖ್ಹಾಜೆ ಪ್ರಭುಥಿ ಮನದೆವೈರ‍್ಹೀತೆ ದಯಾನ ಲೀನ್ ಮಾರಿ ಸೋಚ್ಮ ಬೋಲುಸ್. 
\v 26 ಹಮ್ಕೇನು ಕಠಣ್ ದನ್ನಖ್ಹಾಜೆ ಏಕ್‌ ಪರ್ಖ್ಹೊ ಕಿಮ್ ಛಾ಼ಕಿ ಇಮ್ಮಸ್ ರ‍್ಹವಾನು ಅಛ್ಛು಼ಕರಿ ಮೇ ಸೋಚುಸ್. 
\v 27 ತುನ ಬಾವಣ್‍ ಛಾ಼ಕತೊ ಇನೇಥಿ ಅಲಕ್ ಹುವಾನ ಕೋಶಿಶ್ ನಕೊಕರ್. ತುನವ್ಯಹಾ ನಾ ಹುಯಿರೊ ಉಷೇತೊ ಬಾವಣ್‍ಕರಾನ ಢೂಂಡ್‍ನಕೊ. 
\v 28 ಏಕ್‌ ವಖ್ಹತ್‌ಮ ತೂ ವ್ಯಹಾ ಕರ‍್ಯೊತೋಬಿ ಯೋ ಪಾಪ್‍ಕಾಹೆ. ಕವಾರಿ ವ್ಯಹಾ ಕರಿತೋಬಿ ಪಾಪ್‍ಕಾಹೆ. ಕತೋಬಿ ವ್ಯಹಾಕರಿಲ್ಯವಾಳನ ಕೈಯೆಕ್ಕಿ ದುಖ್ ಆವ್‌ಶೆ ಯೋ ತುಮೂನ ನಾ ಹೋಣುಕರಿ ಬೋಲಾನುಸ್ ಮಾರಿ ಖ್ಹಯಾಲ್ ಹುಯಿರ‍್ಹೀಸ್. 
\v 29 ಅಲ ಭೇನೆ ಭೈಯೆ, ಮೇ ಶಾತ್‌ ಬೋಲುಕರುಸ್‍ಕತೊ, ವಖ್ಹತ್ ತೀರ ಕಮ್‍ಛಾ಼ತೆ ಇನಖ್ಹಾಜೆ ಅನ ಅಗ್ಗಳ್ ಬಾವಣ್‍ರ‍್ಹವಾಳ ಇವ್ಣೆ ಅಮ್ ಬಾವಣ್‍ ಕೊಯ್ನಿಕರಿಬಿ ಜಿವ್ಣು. 
\v 30 ರೋವವಾಳು ನಾ ರೊವಾನಿತರಾಬಿ, ಶಂತೋಖ್ಹ್‌ ಕರವಾಳು ನಾ ಶಂತೋಖ್ಹ್‌ ಕರಾನಿತ್ರಬಿ, ಮೋಲ್‍ಲ್ಯವಾಳು ಸೋಚೊ, ಹಮಾರಕನ ಶಾತ್ಬಿ ಕೊಯ್ನಿಕರಿ ಮಾರು ಕಾಹೆಕರೀಬಿ, 
\v 31 ಜಗತ್‌ನು ಭೋಗ್‌ಮ ರ‍್ಹವವಾಳು ಇನಾಮಾಸ್ ಮಗನ್‌ ನಕೊರ‍್ಹಿಶು. ಶನಕತೊ ಆ ಜಗತ್‌ನು ವೈಭೋಗ್ ಬದ್ಲಿಜಾ಼ಶೆ. 
\v 32 ಕತೋಬಿ ತುಮೆ ವೇಚ಼್‌ಣೆ ನಾಕರ‍್ನುಕರಿ ಬೋಲಾನುಸ್ ಮಾರಿ ಹರಖ್ಹ್ ಹುಯಿರ‍್ಹುಸ್. ಬಿಣ್‍ ವ್ಯಹಾವಾಳು ಇನುಯೋ ಪ್ರಭುನ ಕಿಮ್ ಪಸಂದ್‍ಕರಾವ್ಣು ಕರಿ ಪ್ರಭುನು ಖ್ಹಾರಕಾಮ್ನಿ ಬಾರೇಮ ಸೋಚಸ್. 
\v 33 ಕತೋಬಿ ವ್ಯಹಾ ಹುಯಿರ‍್ಹವಾಳೊ ಏಕ್‍ಜ಼ಣೊ ಆ ಜಗತ್ನ ಕಾಮ್ಮ ಡುಬಿರ‍್ಹೋಸ್. ಯೋ ಇನಿ ಬಾವಣ್ಣಾ ಪಸಂದ್ ಕರಾವಮಸ್ ಕೋಶಿಶ್ ಕರಾವಾಳೊ ಹುಯಿರ‍್ಹೋಸ್. 
\v 34 ಅಜು಼ ಅನಖ್ಹಾಜೆ ವ್ಯಹಾಕೊಂತೆ ಅಜು಼ ವ್ಯಹಾ ಹುಯಿರ‍್ಹೇಯ್ತೆ ಇಮ್‌ ಭೇಬಾಜು಼ ಖೇಚಾ಼ವನಿಘೋಣಿ ಹುಯಿರ‍್ಹೇಸ್. ನತರ್ ಏಕ್‌ ವ್ಯಹಾ ಕೋಹುಯಿರೆನ್ತೆ ಕವಾರಿಯೆ ಇನುಯೋ ಶರೀರ್ ಆತ್ಮಮ ಕಿಮ್ ಪರಿಶುದ್ ರ‍್ಹೇವ್ಣುಕರಿ ಪ್ರಭುನಿ ಕಾಮ್ನ ಬಾರೇಮ ಸೋಚಸ್. ಕತೋಬಿ ವ್ಹೆತ್ತಿ ಜಗತ್ನ ಕಾಮ್ಮ ಡುಬಿರ‍್ಹೇಸ್, ಯೋ ಇನೊ ಬಾವ್ರಿನ ಪಸಂದ್ ಕರಾವ್ಣುಕರಿ ದೇಖಾಸ್. 
\v 35 ಆ ವಾತೆ ತುಮಾರ ಠಗಾವನಖ್ಹಾಜೆ ಕಾಹೆ ಫಾಯಿದಾನಖ್ಹಾಜೆಸ್‌. ಕತೋಬಿ ತುಮೆ ಬರೊಬರ್‌ನ ಮಾರಗ್‍ಮ ಜಿವ್ಣುಕರ‍್ನುಕರಿ ಮಾರಿ ಆಖ್ಹ್. ಅಜು಼ ತುಮೆ ತುಮಾರಿ ವಖ್ಹತ್‌ನ ಬಿಜ಼ ಕಾಮ್ನ ನಾದೇವ್ಣುತೆ ಪ್ರಭುನಿ ಸೇವೆಮ ಭರ್‌ಪೂರ್‌ಥಿ ಅರ್ಪಣ್‍ ಕರ‍್ನು. 
\v 36 ಏಕ್‌ ವೇಳ್ಮ ಏಕ್‍ಜ಼ಣೊ ಖ್ಹಗೈಹುಯಿರ‍್ಹವಾಳಿ ಕವಾರಿನಿ ಜೋ಼ಡ್ಮ ಖ್ಹಮಾಳನ ಕೊಹೊವಾಂತೆ ಮಳಾನ ಯೊ ಜಾ಼ಖ್ಹತ್ ಹರ್ಖ್ಹವಾಳೊ ಉಷೇತೊ ಅಜು಼ ವ್ಯಹಾಹುಣುಕರಿ ಹರಖ್ಹ್‌ಯುತೊ ಯೋ ವ್ಯಹಾ ಕರಿಲ್ಯವಾದೆ. ಅಮ್‍ಕರಾಥಿ ಯೊ ಪಾಪ್ ಕಾಹೆ. 
\v 37 ಕತೋಬಿ ಏಕ್‍ಜ಼ಣೊ ಎಕ್ಕಸ್ ಖ್ಹೂಜ಼್‌ನೊ ರ‍್ಹೀನ್ ಜು಼ಲಮ್‌ ಶಾತ್‍ಕೊಂತೆ ಇನಿ ಮರ್ಜಿನ ಚ಼ಲಾವನಿ ಹಕ್‌ರ‍್ಹಾವಳೋ ರ‍್ಹೀನ್ ಯೋ ಕವಾರಿನ ವ್ಯಹಾ ಕರಿಲ್ಯಾವನು ನಕೋಕರಿ ಇನ ದಿಲ್ಮ ಖ್ಹಯಾಲ್ ಕರಿಲಿದೋತೊ ಯೋ ಇಮ್ಮಸ್ ಕರಾನು ಅಛ್ಛು಼. 
\v 38 ಅಮ್‍ರ‍್ಹೀನ್ ಯೊ ಕವಾರಿನ ವ್ಯಹಾಕರಿಲ್ಯವಾನು ಅಛ್ಛು಼ಸ್, ವ್ಯಹಾ ಕರಿಲೇಯಿ ಕೊಂತೆ ರ‍್ಹವಾನುಬಿ ಅಜೂ಼ಬಿ ಅಛ್ಛು಼ಸ್. 
\v 39 ಏಕ್‍ಜ಼ಣಿ ತಯೇಡ ಇನೊ ಬಾವ್ರಿ ಬಚಿರ‍್ಹಾವಲಗು ಇನ ಛುಟ್ಕಾರ್‌ವಾಳಿ ಕೊ ಹುಯಿರ‍್ಹಿನಿ. ಬಾವ್ರಿ ಮರಿಗೋತೊ ಯೊ ತಯೇಡ ಹೋಣುತೆ ಇನ ವ್ಯಹಾ ಕರಾನ ಛುಟ್ಕಾರ್ ಹುಯಿರ‍್ಹೇಸ್. ಕತೋಬಿ ಯೋ ಪ್ರಭುನ ವಿಶ್ವಾಸಿ ಹುಯಿರ‍್ಹೇಣು. 
\v 40 ರ‍್ಹೀನ್‌ಬಿ ವ್ಯಹಾ ನಾ ಕರೀನ್ ಇಮ್ಮಸ್ ರ‍್ಹವಾನು ಇನ ಕೆತ್ರೇಕ್ಕಿ ಶಂತೋಖ್ಹ್‌ ಹುಯಿರ‍್ಹುಸ್‌ಕರಿ ಮಾರಿ ಖ್ಹಯಾಲ್‍ಕರಿರಾಖ್ಯೊಸ್. ಅಜು಼ ಮನಾಬಿ ದೇವ್ನು ಆತ್ಮ ಛಾ಼ಕರಿ ಖ್ಹಯಾಲ್ ಕರುಸ್.
\c 8
\s ಮೂರತ್ನ ಅರ್ಪಣ್ ಕರಾತೆ ಖಾಣಾನಿ ಬಾರೇಮ ಫೇಡ್
\p
\v 1 ಮೂರತ್ನಬಲಿ ಕರಿಹುಯು ಖಾವಾನಿ ರಾಛಾ಼ನಿ ಬಾರೇಮ ಅಪ್ಣುನ ಖ್ಹಾರಾನ ಅಕ್ಕಲ್ ಛಾ಼ಕರಿ ಮಾಲುಮ್‌ ಪಡಾಸ್‌, ಅಕ್ಕಲ್ ಫುಗೈನಾಖಸ್, ಕತೋಬಿ ಪ್ಯಾರ್ ಜಾ಼ಖ್ಹತ್ ಕರಸ್. 
\v 2 ಏಕ್‍ಜ಼ಣೊ ಇನುಯೋ ಶಾತ್ತೋಬಿ ಮಾಲುಮ್ ಕರಿರಾಖ್ಯೊಸ್‍ಕರಿ ಲಹಿರಾಖ್ಯೊತೊ ಯೋ ಕಿಮ್ಕಿ ಪರಕ್ಮ ಮಾಲುಮ್ ಕರ್ನುಕಿ ಯೊ ಪರಕ್ಮ ಬಿಜೂ಼ಬಿ ಮಾಲುಮ್ ಕೋ ಕರಿರಾಖ್ಯೋನಿ. 
\v 3 ಕತೋಬಿ ಕೋಣ್ ದೇವ್ನ ಲಾಡ್‍ಕರಸ್ಕಿ ದೇವ್ನೆ ಇನ ಮಾಲುಮ್ ಕರಿರಾಖ್ಯೋಸ್. 
\v 4 ಅಮ್‌ರ‍್ಹವಾಪರ್ ಮೂರತ್ನ ಅರ್ಪಣ್‍ ಕರಿಹುಯು ಖಾಣನ ರಾಛ಼ನ ಖಾವಾನು ಬಾರೇಮ ಜಗತ್‌ಮ ಮೂರತ್ ಶಾತ್ಬಿ ಕಾಹೆಕರಿ ಅಪ್ಣುನ ಮಾಲುಮ್‍ಛಾ಼. ಅಜು಼ ದೇವ್ ಎಕ್ಕಸ್‍ಜ಼ಣೊ ಪಣ್ಕಿ ಬಿಜ಼ ಖಿವೂಬಿ ದೇವ್ ಕೊಯ್ನಿಕರಿ ಮಾಲುಮ್ ಛಾ಼\x - \xo 8:4 \xo*\xt ಧರ್ಮೊ 4:39\xt*\x*. 
\v 5 ಆಬ್‌ಪರ್‌ರ‍್ಹವೊ, ಧರ್ತಿಪರ್‌ರ‍್ಹವೊ ದೇವ್‌ಕರಿ ಬೋಲೈಲ್ಯವಾಳು ಕೈಯೆಕ್ಕಿ ರ‍್ಹಯುತೋಬಿ, ದೇವ್‌ಕರಿ ಪ್ರಭುಕರಿ, ಖ್ಹಮ್‌ಜಾ಼ಡವಾಳು ಜಾ಼ಖ್ಹತ್ ಛಾ಼. 
\v 6 ಅಪ್ಣುನತೋಬಿ ಎಕ್ಕಸ್ ದೇವ್ ಛಾ಼. ಯೋ ಬಾಕರಿ ಬೋಲೈಲ್ಯಾವಾಳೊ; ಅಖ್ಖೂಸ್ ಉಬ್‍ಜ್ಯೊತೆ ಇನೇಥಿ ಹಮೆ ಇನಖ್ಹಾಜೆ ಜಿವೇಸ್ ಅಜು಼ ಏಕ್‍ನೊ ಏಕ್ಕಸ್‍ಜ಼ಣೊ ಪ್ರಭು ಛಾ಼. ಯೋಸ್ ಯೇಸು ಕ್ರಿಸ್ತ ಇನೇಥಿಸ್ ಹರೇಕ್ ತಯಾರ್‌ಹುಯು. ಇನೇಥಿಸ್ ಹಮೇಬಿ ಇನೇಥಿಸ್ ಛಿಯ್ಯೆ಼. 
\v 7 ರ‍್ಹಯುತೋಬಿ ಆಕ್ಕಲ್‍ ಖ್ಹಾರಮಾಬಿ ಕೊಯ್ನಿ. ರ‍್ಹೀನ್‌ಬಿ ಥೋಡುಜ಼ಣು ಹಮ್ಕೆಲಗು ಮೂರತ್‍ಕನ ಜಾ಼ವನು ಆದತ್ ಛಾ಼. ಅಮ್‍ರ‍್ಹೀನ್ ಖಿವು ಅದ್ಮಿಖ್ಹಾರು ಖಾಣು ಖಾವನಿ ವಖ್ಹ್‌ತೆ ಯೋ ಮೂರತ್ನ ಅರ್ಪಣ್‍ ಕರಿಹುಯು ಕರಿ ಸೋಚಾ಼ಸ್‌. ಕತೋಬಿ ಇವ್ಣೆ ದಿಲ್ನಿಸಾಕ್ಷಿ ಕಮ್‍ಜೋ಼ರ್ ಹುಯಿರ‍್ಹೂತೆ ಇನಖ್ಹಾಜೆ ಯೊ ಖಾಣು ಖಾವಾನು ಮೈಲು ಹುಯಿರ‍್ಹೂಸ್ ಕರಿಲ್ಹಾವಸ್. 
\v 8 ಕತೋಬಿ ಅಪ್ಣೆ ಖಾವನು ಖಾಣು ದೇವ್ನ ಖನ್ನೆ ಮ್ಹೇಲಾಕೊಯ್ನಿ. ನಾ ಖಾವಾಥಿ ಲುಕ್ಷಾನ್‌ಬಿ ಕೊಯ್ನಿ. ಖಾದೋತೊ ಫಾಯಿದೊಬಿ ಕೊಯ್ನಿ. 
\v 9 ಕತೋಬಿ ಆ ತುಮಾರು ಛುಟ್ಕಾರ್‌ನಿ ಬಾರೇಮ ಹೊಷಾರ್‌ಥಿ ರ‍್ಹವೊ. ವಿಶ್ವಾಸ್ಮ ಕಮ್‍ಜೋ಼ರ್‌ರ‍್ಹವಾಳ ಅದ್ಮಿನ ತುಮಾರಿ ಹಕ್‌ ಪಾಪ್‌ಮ ರಡ್ಕಾನ ಕಾರಣ್ ಹೋಣುತೆ ಜ಼ತನ್‌ರ‍್ಹೇಣು. 
\v 10 ಅಕ್ಲಿ ಹುಯಿರ‍್ಹವಾಳೊ ತೂಸ್ ಮೂರತ್ನ ಮಂದಿರ್‌ಮ ಖಾಣನ ಬೇಠುರ‍್ಹವಾನು ಕಮ್‍ಜೋ಼ರ್ ದಿಲ್‌ವಾಳು ಭೈ ದೇಖ್ಯತೊ, ಯೋಬಿ ಮೂರತ್ನ ಪೂಜ಼ಕರ‍್ಯಹುಯ ಖಾಣನ ರಾಛಾ಼ನ ಖಾವನ ಭಾಲ್ ಉಷೆ ಕೊಯ್ನಿಕಿಶು? 
\v 11 ಅಮ್ ಆ ತಾರಿ ಅಕ್ಕಲ್‍ಥಿ ಯೋ ಕಮ್‍ಜೋ಼ರ್ ಭೇನೆ ಭೈಯೆ ನಾಶ್‍ಹುಯಿಜಾ಼ಸ್. ಇನಖ್ಹಾಜೇಬಿ ಕ್ರಿಸ್ತ ಇನ ಜಾನ್ನ ದಿದೋತೆ ಫಾಯಿದೊಕೊಂತೆ ಹುಯಿಜಾ಼ಶೆ. 
\v 12 ಅಮ್‍ರ‍್ಹೀನ್ ತುಮೆ ವಿಶ್ವಾಸಿ ಭೇನೆ ಭೈಯೇನಿ ವಿರೋದ್ ಪಾಪ್‍ಕರೀನ್ ಇವ್ಣ ಕಮ್‍ಶಿಲ್ ಮನ್ನಿಸಾಕ್ಷಿನ ದುಖ್ ಕರಾಯತೊ ತುಮೆ ಕ್ರಿಸ್ತನಿ ವಿರೋದ್ ಪಾಪ್‍ಕರವಾಳ ಹುಯಿರಿಶು. 
\v 13 ಇನಖ್ಹಾಜೆ ಖಾವಾನು ರಾಛು಼ ಮಾರ ಭೇನೆ ಭೈಯೇನ ಪಾಪ್ ಹುವಾನುರ‍್ಹಿಯೂತೊ ಅಜು಼ ಮೇ ಕದೇಬಿ ಬೋಟಿನ ಕೋ ಖೈಶ್‍ನಿ,ಅಮ್ ಮೇ ಇವ್ಣುನ ಪಾಪ್ ಕರಾನ ಕಾರಣ್ ನಾಹೊಣು.
\c 9
\s ಅಪೊಸ್ತಲರ‍್ನು ಹಕ್‌ಬಿನ್ ಕರ್ನುತೆ ಕಾಮ್
\p
\v 1 ಮೇ ಛುಟ್ಕಾರ್ ಕಾಹೆಕಿ ಶು? ಮೇ ಅಪೊಸ್ತಲ ಕಾಹೆಕಿ ಶು? ಮಾರೊ ಪ್ರಭು ಯೇಸುನ ದೇಖ್ಯೊಹುಯೊ ಕೊಯ್ನಿಕಿಶು? ಮೇ ಪ್ರಭುಮ ಕರ‍್ಯೊತೆ ಪ್ರಚಾರ್‌ನಿ ಖ್ಹಣೇದ್ ತುಮೇಸ್ ಕಾಹೆಕಿಶು? 
\v 2 ಅಲ್ಹಾವ್ ಅದ್ಮಿನ ಮೇ ಅಪೊಸ್ತಲ ನಾ ಹುಯಿರ‍್ಹುತೋಬಿ ತುಮೂನ ತೋಬಿ ಅಪೊಸ್ತಲ ಹುಯಿರ‍್ಹೋಸ್. ಮೇ ಪ್ರಭುನೊ ಅಪೊಸ್ತಲಕರಿ ಬೋಲೈಲ್ಯವಾನ ತುಮುನ ಮಾರು ಮುದ್ರೊ ನಾಖಿರಾಖ್ಯೋಸ್. 
\v 3 ಮನ ವಿಚಾರ್‌ ಕರಾವಾಳನ ಮಾರಿ ಆಸ್ ಜ಼ವಾಬ್. 
\v 4 ಹಮುನ ಖಾಣುಪಾಣಿ ಖಾವಾನ ಹಕ್‍ಕೊಯ್ನಿಕಿ ಶು? 
\v 5 ಕ್ರಿಸ್ತಮ ವ್ಯಹಾ ಹುಯಿರ‍್ಹವಾಳ ವಿಶ್ವಾಸಿ ಭೈನಿ ಬಾವಣ್ಣ ಬುಲೈಲಿನ್ ಚಾ಼ಲ್ವನ ಬಿಜಾ಼ಖ್ಹಾರ ಅಪೊಸ್ತಲನಿತರ ಪ್ರಭುನ ಭೈಯೇನಿತರ ಅಜು಼ ಕೇಫಾನಿಘೊಣಿ ಹಮೂನ ಹಕ್‍ಕೊಯ್ನಿಕಿ ಶು? 
\v 6 ನತರ್, ಮ್ಹಿನತ್‌ಕೊಂತೆ ಜಿವ್ಣು ಕರಾನ ಮನಾಬಿ ಬಾರ್ನಬನಾಬಿ ಹಕ್‌ ಕೊಯ್ನಿಕಿ ಶು? 
\v 7 ಖಿವು ಶಿಪಾಯಿಬಿ ಇನು ಶೊಂತ್ ಖರ್ಚ್‌ಥಿ ಚಾ಼ಕ್ರಿ ಕರ್ಶೆಕಿ ಶು? ದ್ರಾಕ್ಷಿನಬಾಗ್‌ನ ಪಿಕಾವವಾಳೊ ಇನುಫಲ್ ಖಾಯಿಕೊಂತೆ ರ‍್ಹಿಶೆಕಿಶು? ಇನ ಮಂಧಾನ ಪಾಳವಾಳೊ ಖೇವೊರ‍್ಹೇವೊ ಇನು ದೂದ್ನ ಪಿಯಾಕೊಂತೆ ರ‍್ಹಿಶೆ? 
\v 8 ಮೇ ಬೋಲ್ಯೊತೆ ಖಲಿ ಅದ್ಮಿನಿ ವಾತೆಕಿಶು? ಧರ್ಮಶಾಸ್ತ್ರಬಿ ಅನ ಬೋಲಸ್‌ಕೊಯ್ನಿಕಿ ಶು? 
\v 9 ಖಳು ಖುಂದ್ಲಾತೆ ಢಾಂಡನ ಮ್ಹೋಡಾನ ಮ್ಹೋರ್ಕಿನಾಘಾಲ್ನುಕರಿ ಮೋಶೆನ ಧರ್ಮಶಾಸ್ತ್ರಮ ಲೀಖೈರುಸ್. ದೇವ್ ಸೋಚಸ್ತೆ ಢಾಂಡವ್‌ನಖ್ಹಾಜೆಕಿಶು? 
\v 10 ಖ್ಹಾಚಮಾಬಿ,ಅಪ್ಣಖ್ಹಾಜೇಸ್ ಯೋ ಬೋಲಸ್ ಕೊಯ್ನಿಕಿಶು? ಓಹೊ. ಅಪ್ಣಖ್ಹಾಜೆ ಲೀಖೈರ‍್ಹುಸ್. ನಾಗ್ರವಾಳೊ ಪಿಕಾವ್ಣಿಮ ಇನು ಭಾಗ್‌ ಮಳ್‌ಶೆಕರಿ ಭರೋಖ್ಹಾಥಿ ಕರ‍್ನು. ಅಜು಼ ಖಳುಕರವಾಳೊ ಇನ ಖ್ಹುಗ್ಗಿಮ ಭಾಗ್‌ ಮಳ್‌ಶೆಕರಿ ಆಖ್ಹ್‌ಥಿ ಖಳುಕರ‍್ನು. 
\v 11 ಹಮೆ ತುಮಾರಮ ಆತ್ಮೀಕ್ ಹುಯಿರ‍್ಹುತೆ ಪಂಡಾನ ನಾಖ್ಯಾತೊ ಇನ ಬದಲ್ ತುಮಾರೇಥಿ ಜಗತ್ನ ಉಬ್‍ಜಾ಼ವ್ಣಿನ ಜಿನಖ್ಹ್‌ನ ವ್ಹಾಡನು ಮೋಟಿ ವಾತ್‍ಕಿಶು? 
\v 12 ಅಲ್ಹಾವ್ನ ತುಮಾರಪರ್ ಅತ್ರೆ ಅಧಿಕಾರ್ ರ‍್ಹಿಯುತೊ ಹಮೂನ ಬಿಜು಼ ಕೆತ್ರೆ ಜಾ಼ಖ್ಹತ್ ರ‍್ಹೇಣುನಿ? ಕತೋಬಿ ಹಮೆ ಯೋ ಅದಿಕಾರ್‌ನ ಚ಼ಲಾಯಕೊಯ್ನಿ. ಕ್ರಿಸ್ತನಿ ಸುವಾರ್ತೆ ನಾ ಆಡುಹೋಣುಕರಿ ಆ ಅಖ್ಖಾನ ಖ್ಹಮಾಳಿಲೀದ. 
\v 13 ದೇವ್ನಿ ಮಂದಿರ್‌ಮ ಚಾ಼ಕ್ರಿ ಕರವಾಳು ದೇವ್ನ ಮಂದಿರ್‌ಥು ಇವ್ಣ ಜಿವ್ಣು ಚ಼ಲಾವ್ಣುಕರಿ ಅಜು಼ ಚಾ಼ಚ಼ರ್‌ಕನ ಚಾ಼ಕ್ರಿಕರವಾಳು ಹಿಜ್ಜಾ಼ ಆವಸ್ತೆ ರಾಛ಼ವ್‍ಮ ವಾಟೊ ಹುಯಿರ‍್ಹೇಸ್‍ ಕರಿ ತುಮೂನ ಮಾಲುಮ್ ಕೊಯ್ನಿ?\x - \xo 9:13 \xo*\xt ಯಾಜಕ 6:16\xt* \x* 
\v 14 ಆಸ್ ಪರಕ್ಮ ಪ್ರಭುನೇಬಿ ಸುವಾರ್ತೆನ ಬೋಲಿದ್ಯಾವಳು ಯೋ ಸುವಾರ್ತೆಥೀಸ್ ಜಿವ್ಣುಕರಿ ಹುಕುಮ್ ಕರ‍ಖ್ಯೊಸ್. 
\v 15 ಮೇತೊ ಅನಾಮ ಏಕ್‌ನಾಬಿ ಪಾಲನ್ ಕರ‍್ಯೊಕೊಯ್ನಿ. ಮನ ಶಾತ್ತೊಬಿ ಮಳ್‌ಣುಕರಿ ಉದ್ದೇಶ್‌ಥಿ ಲೀಖುಕರುಕೊಯ್ನಿ. ಕಿನಾತೋಬಿ ಆ ಖ್ಹರಾವ್ಣಿಥಿ ಫಾಯಿದೊ ನಾಹುಯುತೊ ಮೇ ಮರಿಜಾ಼ವನೂಸ್ ಅಛ್ಛು಼. 
\v 16 ಮೇ ಸುವಾರ್ತೆನ ಬೋಲ್ಯೊತೋಬಿ ಖ್ಹರಾವನು ಶಾತ್‌ಕೊಯ್ನಿ; ಯೊ ಬೋಲಾನು ಮಾರಿ ಜಿಮ್ಮೆದಾರಿ. ಮೇ ಸುವಾರ್ತೆನ ನಾ ಬೋಲ್ಯೊತೊ ಮಾರಿ ಹಾಲ್ನ ಶಾತ್‌ಕರಿ ಬೋಲು! 
\v 17 ಮೇ ಶೊಂತ್‍ ಮರ್ಜಿಥಿ ಆ ಕಾಮ್‍ಕರ‍್ಯೊಹೊತ್ತೊ ಮನ ಪ್ರತಿಫಲ್ ಮಳ್‍ಶೆ; ಕತೋಬಿ ಮೇ ಕರ್ನುಸ್‌ಕರಿ ಮೇ ಕರ‍್ಯೊ. 
\v 18 ಇಮ್‍ಕತೊ ಮನ ಮಳಾತೆ ಇನಾಮ್ ಶಾತ್? ಮೇ ಸುವಾರ್ತೆನ ಬೋಲಾನಿ ವಖ್ಹ್‌ತೆ ಇನೇಥಿ ಮಳಾತೆ ಪ್ರತಿಫಲ್‌ನಿ ಹಕ್‌ನ ಲೇಯಿಕೊಂತೆ ಇನ ಫುಗಟ್ಮ ಬೋಲನುಸ್ ಮನ ಮಳ್ಯುತೆ ಪ್ರತಿಫಲ್ ಹುಯಿರ‍್ಹುಸ್. 
\v 19 ಮೇ ಅಖ್ಖಿ ವಿಚಾರ್‌ಮ ಛುಟ್ಕಾರ್ ಹುಯಿರ‍್ಹತೋಬಿ ಘಣುಜ಼ಣಾನ ಮಾರಿ ಕಬ್‌ಜಾ಼ಮ ರಾಕ್ಣುಕರಿ ಮೇ ಅಖ್ಖಾನ ದಾಸಹುಯೊ. 
\v 20 ಯೆಹೂದ್ಯವಾಳನ ಕಮೈಕರಾನಖ್ಹಾಜೆ ಯೆಹೂದ್ಯರ್‌ನ ಮೇ ಯೆಹೂದ್ಯವಾಳೊ ಹುಯೊ. ಮೆ ಧರ್ಮಶಾಸ್ತ್ರನ ಅಧೀನ್‍ ನಾ ಹುಯೊತೋಬಿ, ಧರ್ಮಶಾಸ್ತ್ರನ ಕಬ್‌ಜಾ಼ಮ ರ‍್ಹವಳಾನ ಕಮೈಕರಿಲ್ಯವಾನಖ್ಹಾಜೆ ಇವ್ಣಖ್ಹಾಜೆ ಧರ್ಮಶಾಸ್ತ್ರನ ಅಧೀನ್ ಹುವಾಳನಿತರ ಹುಯೊ. 
\v 21 ಮೇ ದೇವ್ನಿ ಧರ್ಮಶಾಸ್ತ್ರಮ ನಾ ರ‍್ಹಿಯೊನಾತೋಬಿ ಕ್ರಿಸ್ತನಿ ನಿಯಮ್ಮ ಪಡಿಗಯೊ; ಭಾರ್‌ ರ‍್ಹವಾಳಾನ ಕಮೈ ಕರಾನಖ್ಹಾಜೆ ಧರ್ಮಶಾಸ್ತ್ರನಭಾರ್‌ ರ‍್ಹವಾಳಾನಿಘೊಣಿ ಹುಯೊ. ಅನಿ ಮತ್ಲಬ್‌ ದೇವ್ನಿ ನಿಯಮ್ನ ಅದೀನ್ ಹುಯೊ ಕರಿಕಾಹೆ, ಕ್ರಿಸ್ತನಿ ನಿಯಮ್ನನಾಬಿ ಅಧೀನ್ ಹುಯಿರ‍್ಹೊಸ್. 
\v 22 ಕಮ್‌ಜೋ಼ರಿವಾಳಾಮ ಇವ್ಣುನ ಕಮೈಕರಾನಖ್ಹಾಜೆ ಕಮ್‌ಜೋ಼ರಿವಾಳಾನಿ ಬೀಚ್ಮ ಮೇಬಿ ಕಮ್‌ಜೋ಼ರಿವಾಳೊ ಹುಯೊ. ಖಿವಿ ತರೀ‌ಖಾಮತೋಬಿ ಥೋಡಾನ ಬಚಾ಼ಡ್‌ಣುಕರಿ ಖ್ಹಾರನಖ್ಹಾಜೆ ಖ್ಹಾರನಿಘೋಣಿ ಹುಯೊ. 
\v 23 ಆ ಅಖ್ಖಾನ ಸುವಾರ್ತೆನಖ್ಹಾಜೇಸ್ ಕರೀನ್. ಮೇ ಬೀಜಾ಼ನಿ ಜೋ಼ಡ್ಮ ಸುವಾರ್ತೆನ ವಾರ್ಖ್ಹಾಮ ಭಾಗ್‍ಲ್ಯವಾನಖ್ಹಾಜೆ ಆ ಅಖ್ಖು ಕರುಕರೂಸ್. 
\v 24 ಖೇಲ್ನ ಮೈದಾನ್‌ಮ ಕೈಯೇಕ್‌ಜ಼ಣು ನಖ್ಹಾನ ಖೇಲ್ಮ ಭಾಗಿಹುವಾಸ್, ಕತೋಬಿ ಖಲಿ ಏಕ್‍ಜ಼ಣೊ ಜೂತಸ್ ಕರಿ ತುಮೂನ ಮಾಲುಮ್ ಕೊಯ್ನಿಕಿಶು? ಇವ್ಣಿನಿಘೋಣಿ ತುಮೇಬಿ ಇನಾಮ್ ಜುತಾನ ಖ್ಹಾಜೆಕರಿ ಮಿಲಾವೊ. 
\v 25 ಹರೇಕ್‍ಜ಼ಣು ಖೇಲ್‍ ಖೇಲವಾಳು ಯೊ ಅಖ್ಖಿ ಬಾರೆವ್‌ಮ ಶಿಕೆಹುಯೊ ಹುಯಿರ‍್ಹೆಸ್. ಇವ್ಣೆ ಖರಾಬ್ ಹುಯಿಜಾ಼ಸ್ ಕೊಯ್ನಿತೆ ಕಿರೀಟ್ನ ಲ್ಯವಾನಖ್ಹಾಜೆ ಹಿಮ್ಮತ್ ಕರಸ್. ಕತೋಬಿ ಅಪ್ಣೆತೋಬಿ ಕದೇಬಿ ಮಟಿಜಾ಼ಯಿಕೊಂತೆ ಕಿರೀಟ್ನ ಲ್ಯವಾನಖ್ಹಾಜೆ ಹಿಮ್ಮತ್ ಕರಾವಾಳು ಹುಯಿರ‍್ಹಾಸ್. 
\v 26 ಇನಖ್ಹಾಜೆ ಮೇಬಿ ಶುಶತ್‍ಕೊಂತೆ ನಾಖ್ಹುಕೊಯ್ನಿ, ವಹಿರಾನಿಜೋ಼ಡೆ ಮಾರ್‌ಪೀಟ್ ಕರಾನಿಘೋಣಿ ಲಡುಕೊಯ್ನಿ. 
\v 27 ಬಿಜ಼ಖ್ಹಾರನಿ ಜೋ಼ಡ್ಮ ಬೋಧನೆ ಕರಾನ ಪಾರ್ ತದೆ ಮೇಸ್ ನಾಲಾಯಕ್‌ ನಾ ಹುವಾನಖ್ಹಾಜೆ ಶರೀರ್‌ನ ನಿಶತ್ ದೀನ್ ಮಾರಿ ಚಪ್ಪಣ್‌ಮಾಸ್ ರಾಖುಸ್.
\c 10
\s ಮೂರತ್ನ ಬಾರೇಮ ಝೇತಾವ್ಣಿ
\p
\v 1 ಭೇನೆ ಭೈಯೇವೊ ಮೇ ತುಮುನ ಬೋಲಾನ ಶಾತ್ ಅಖ್ಹ್‌ ಕರುಸ್‌ಕತೊ, ಅಪ್ಣೊ ಗುರುಗುರಬ್‍ಲ್ಯ ಖ್ಹಾರುಬಿ ವಾದ್ಳಾನ ಆಖ್ಹ್‌ರಾಮ ಥಾ, ಇವ್ಣೆಖ್ಹಾರುಬಿ ಜ಼ತನ್‌ಥಿ ದರ‍್ಯಾವ್‍ನ ಉಲಾಂಗಿಗಯು.\x - \xo 10:1 \xo*\xt ವಿಮೋಚನ 14:29\xt*\x* 
\v 2 ಇವ್ಣೆಖ್ಹಾರು ಮೋಶೆನ ಪೀಠೆಜಾ಼ವಾನ ಖ್ಹಾಜೆ ವಾದ್‌ಳಾಮಾಬಿ ದರ‍್ಯಾವ್‍ಮಾಬಿ ಮೋಶೇಥಿ ಬ್ಯಾಪ್ತಿಸ್ಮ ಲೀಲಿದು. 
\v 3 ಇವ್ಣೆಖ್ಹಾರು ಎಕ್ಕಸ್ ಆತ್ಮೀಕ ಖಾಣನ ಖಾದು. 
\v 4 ಶನಕತೊ ಎಕ್ಕಸ್ ಆತ್ಮೀಕ ಪಾನ್ಕ ಪೀದು. ಇವ್ಣೆ ಇವ್ಣಿಜೋ಼ಡ್ಮ ಆಯುತೆ ಆತ್ಮೀಕ ಬಂಡಾಮಾಥು ವ್ಹಯೂತೆ ಇನ ಪೀದು. ಯೋ ಬಂಡೋಸ್ ಕ್ರಿಸ್ತಹುಯಿರ‍್ಹೋಥೊ. 
\v 5 ಕತೋಬಿ ಇವ್ಣಾಮ ಘಣ ಅದ್ಮಿನ ದೇವ್ ಇಷ್ಟ ಕರ‍್ಯೊಕೊಯ್ನಿ. ಇನಖ್ಹಾಜೆ ಇವ್ಣು ಮುರ್ದುಖ್ಹಾರು ಜ಼ಂಗಳ್‌ಮ ಛಿಡ್‍ಕೈಗಯು. 
\v 6 ಇವ್ಣೆ ಕರ‍್ಯುತೆ ತಿಮ್ ಅಪ್ಣೇಬಿ ಖರಾಬ್‍ಅಖ್ಖಾನ ಆಖ್ಹ್ ನಾಕರ‍್ನುಕರಿ ಝೇತಾವ್ಣಿ ಹುಯಿನ್ ಆ ಹಮ್ಕೆ ಅಪ್ಣುನ ಸಾಕ್ಷಿ ಹುಯಿರುಸ್. 
\v 7 “ಇವ್ಣಾಮ ಥೋಡುಜ಼ಣು ಮೂರತ್ನ ಆರಾದನೆ ಕರಾವಾಳು ಹುಯಿನ್ ಖೈನ್ ಪೀನ್, ನಗರ್‌ನಾಚ಼್‌ತು ನಿಕ್‌ಳ್ಯು.” ಕರಿ ಲೀಖೈರ‍್ಹೂತೆ ತಿಮ್ ತುಮೆ ಮೂರತ್ನ ಆರಾದನೆ ಕರಾವಾಳ ನಕೊಹುವೊ. 
\v 8 ಇವ್ಣಾಮ ಥೋಡುಜ಼ಣು ಪಾಪೇಲು ಕಾಮ್ ಕರೀನ್ ಎಕ್ಕಸ್ ರೋಜ಼್‌ಮ ತೀನ್ ಉಪ್ಪರ್‌ವೀಖ್ಹ್‌ ಹಜಾ಼ರ್ ಅದ್ಮಿ ಮರಿಗಯು. ಅಪ್ಣೆ ಪಾಪೇಲುಕಾಮ್ ನಾ ಕರ್ನುತೆ ರ‍್ಹಿಯೆ.\x - \xo 10:8 \xo*\xt ಅರಣ್ಯ 25:1; 4:9\xt*\x* 
\v 9 ಇವ್ಣಾಮ ಥೋಡುಜ಼ಣು ಪ್ರಭುನ ತರೀಪ್ಷ ಕರೀನ್ ಖ್ಹಾಪ್‍ಥಿ ಮರ‍್ಯುತೆ ತಿಮ್, ಅಪ್ಣೇಬಿ ಇವ್ಣಿನಿತರ ತರೀಪ್ಷ ನಾ ಕರ‍್ನು.\x - \xo 10:9 \xo*\xt ಅರಣ್ಯ 21:5-6\xt*\x* 
\v 10 ಇವ್ಣಾಮ ಥೋಡುಜ಼ಣು ಗುಣ್‍ಗುಣೈನ್ ನಾಶ್ ಕರಾವಾಳು ದೂತ್‌ನ ಹಾತೇಥಿ ಮರೈಗಯು.ಇನಖ್ಹಾಜೆ ಇವ್ಣಿನಿತರ ಅಪ್ಣೇಬಿ ನಾ ಭಣಕ್ಣು. 
\v 11 ಯೋ ಅದ್ಮಿವೋನ ಹುಯೂತೆ ಆ ಖೇಣಿಖ್ಹಾರಿ ಸಾಕ್ಷಿಹುಯಿರ‍್ಹುಸ್. ಹಗಾಮ್ನಿ ಖ್ಹರ್ತಿನ ಆಯಿರ‍್ಹಾತೆ ಅಪ್ಣುನ ಝೇತಾವ್ಣಿ ದ್ಯವಾನ ಆ ಅಖ್ಖು ಲಿಖೈರ‍್ಹುಸ್. 
\v 12 ಇನಖ್ಹಾಜೆ ಘಟ್‍ಥಿ ಭೀಯಾಸ್‍ಕರಿ ಖ್ಹಮ್‍ಜಾ಼ವಾಳ ತುಮೆ ರಡ್ಕಿನಾಜಾ಼ವ್ಣುತೆ ತಿಮ್ ದೇಖಿಲೇವೊ. 
\v 13 ಅದ್ಮಿವೋನ ಮಾಮುಲಿ ಅವಾತೆ ಖ್ಹತಾಪ್ಣಿ ಮ್ಹೆಲ್ಯುತೊ ಬಿಜು಼ ಖೆವುಕಿ ತುಮೂನ ಆಯುಕೊಯ್ನಿನಿ. ಕತೋಬಿ ದೇವ್ ವಿಶ್ವಾಸ್‌ವಾಳೊ. ತುಮೂನ ಖ್ಹಮಾಳನ ಹೋಯಿಕೊಂತೆ ಶೋದನೆಖ್ಹಾರಾನ ಯೋ ತುಮಾರಪರ್ ಆವಾನಿತರ ಮ್ಹೆಲಕೊಯ್ನಿ. ಕತೋಬಿ ತುಮೂನ ಶೋದನೆ ಆಯುತೊ ಯೊ ಅಖ್ಖಾನ ಖ್ಹಮಾಳನ ಶಕತ್‌ವಾಳ ಹುವಾನಿತರ ಯೋ ಅಖ್ಖೇಥಿ ಛು಼ಕಿಜಾ಼ವಾನೊ ಮಾರಗ್ ಬಣಾವಸ್. 
\v 14 ಇನಖ್ಹಾಜೆ ಮಾರ ಪ್ಯಾರ್‌ನ ಭೈಯೇ ಭೇನೆವೊ, ಮೂರತ್ನಿಆರಾಧನೆ ಮ್ಹೇಲಿನ್ ನಿಕ್ಳೊ. 
\v 15 ತುಮೆ ಅಕ್ಲಿಕರಿ ಮೇ ತುಮಾರಿಜೋ಼ಡ್ಮ ಅನ ಬೋಲುಸ್. ಮೇ ತೀರ್ಪ್‌ಕರಾನು ಖ್ಹುದ್ ತುಮೇಸ್ ಸೋಚಿದೇಖೊ. 
\v 16 ಅಪ್ಣೆ ದ್ರಾಕ್ಷಿನರಖ್ಹ್‌ನು ಕಟೋರಮ ದೇವ್ನ ಧನ್ಯವಾದ್ ಕರೀನ್ ಪಿಯಾನಿವಖ್ಹ್‌ತೆ ಕ್ರಿಸ್ತನ ಲ್ಹೋಯಿಮ ಭಾಗ್‌ಲ್ಯವಾಳ ಹುಯಕೊಯ್ನಿಕಿ ಶು? ಅಪ್ಣೆ ರೋಟಾನ ತೋಡಿನ್ ಖಾವಾನಿ ವಖ್ಹ್‌ತೆ ಕ್ರಿಸ್ತನ ಶರೀರ್‌ಮ ಭಾಗ್‌ಲಿದ ಕೊಯ್ನಿಕಿ ಶು? 
\v 17 ರೋಟೊ ಎಕ್ಕಸ್ ಇನಖ್ಹಾಜೆ ಅಪ್ಣಾಮ ಕೈಯೇಕ್‌ಜ಼ಣು ರ‍್ಹಯುತೋಬಿ ಅಪ್ಣೆ ಎಕ್ಕಸ್ ಶರೀರ್‌ನ ಹುಯಿರಾಸ್. ಶನಕತೊ ಅಪ್ಣೆಖ್ಹಾರು ಯೋ ಎಕ್ಕಸ್ ರೋಟಾಮ ಭಾಗ್‌ಲಿಯೆಸ್. 
\v 18 ತುಮೆ ಇಸ್ರಾಯೇಲ್ ಅದ್ಮಿಯೇವ್‍ನ ಬಾರೇಮ ಸೋಚೊ. ಬಲಿ ಕರ‍್ಯಾಹುಯಾನ ಖಾವವಾಳು ಬಲಿಪೀಠ್ಮ ಭಾಗ್‌ಲ್ಯಾವಾಳು ಹುಯುಕೊಯ್ನಿಕಿ ಶು? 
\v 19 ಇಮ್‍ಕತೊ ಮೇ ಶಾತ್‌ ಬೋಲುಕರುಸ್? ಮೂರತ್ನ ಚ಼ಢಾಯಹುಯ ಖಾಣುನು ಚೀಜ಼್ ಖ್ಹಾಚು಼ ಕರಿ ಬೋಲಾನ ಹುವಾಸ್ಕಿ? ಕೊಯ್ನಿ, ಮೂರತ್ ಖ್ಹಾಚು಼ ದೇವ್‌ಕರಿ ಬೋಲಸ್. 
\v 20 ಕತೋಬಿ ಅಲ್ಹಾವ್‌ ಚ಼ಢಾವಾತೆ ಬಲಿ ದೇವ್‍ನಕಾಹೆ. ಭೂತ್‌ನ ಅಖ್ಖಾನಿ ಜೋ಼ಡ್ಮ ವಾಟೊ ನಾ ಹುಯಿರ‍್ಹೇಣು ಮಾರಿ ಆಖ್ಹ್.\x - \xo 10:20 \xo*\xt ಧರ್ಮೊ 32:17\xt*\x* 
\v 21 ತುಮೆ ಪ್ರಭುನ ಕಟೋರಮಾಬಿ ಭೂತ್ ಅಖ್ಖಾನ ಕಟೋರಮಾಬಿ ಪೀಶುಕೊಯ್ನಿ. ತುಮೆ ಪ್ರಭುನಿ ಪಂತಿಮಾಬಿ ಶೈತಾನ್ನ ಅಖ್ಖಾನಿ ಪಂತಿಮಾಬಿ ಖಾಣುಖಾವಾಳ ಹುಯಿರ‍್ಹಿಶುಕೊಯ್ನಿ. 
\v 22 ಅಪ್ಣೆ ಪ್ರಭುನ ಇರಾದೊ ಆವನಿತರ ಛೇಡಾವ್ಣು ಕಿಶು? ಅಪ್ಣೆ ಇನೇಥಿಬಿ ತಾಖತ್‍ವಾಳ ಹುಯಿರಾಸ್‍ ಕಿಶು?
\s ತುಮಾರಿ ಛುಟ್ಕಾರ್ ದೇವ್ನಿ ಮಹಿಮೆನಖ್ಹಾಜೆ
\p
\v 23 “ಅಖ್ಖಾಸ್ ಕಾಮ್ನಾಬಿ ಕರಾನ ಛುಟ್ಕಾರ್ ಛಾ಼” ಕತೋಬಿ ಅಪ್ಣೆ ಕರಿಯೇತೆ ಖ್ಹಾರು ಕಾಮ್‍ಬಿ ಅಛ್ಛು಼ಕರಿ ಬೋಲಾನು ಬರೋಬರ್ ಕೊಯ್ನಿ.” ಖ್ಹಾರುಸ್ ಕಾಮ್ ಕರಾನ ಅದಿಕಾರ್‌ಛಾ಼ ಕತೋಬಿ ಅಖ್ಖೂಬಿ ಅದ್ಮಿವೋನ ಫಾಯಿದೊ ಕೊಹುಯಿರ‍್ಹೇಯ್ನಿ. 
\v 24 ಹರೇಕ್‍ಜ಼ಣು ಇವ್ಣ ಅಛ್ಛಾ಼ನ ಖಲಿ ನಾ ಸೋಚ್ಣುತೆ ಬಿಜಾ಼ನ ಅಛ್ಛಾ಼ನಾಬಿ ಸೋಚಾದೆ. 
\v 25 ಕಖ್ಹಯ್‌ಮ ವೇಚಾ಼ವತೆ ಶಾತ್‍ರ‍್ಹಿಯುತೋಬಿ ದಿಲ್ಮ ಕಚ಼್ ಹುವಾನಿಘೊಣಿ ವಿಚಾರ್ ಕರ್ನುನಾತೆ ಖಾವೊ. 
\v 26 ಶನಕತೊ ಜ಼ಮೀನ್‍ಬಿ ಇನಾಮಛಾ಼ತೆ ಖ್ಹಾರುಬಿ ಪ್ರಭುನು ಹುಯಿರ‍್ಹುಸ್ನಿ.\x - \xo 10:26 \xo*\xt ಕೀರ್ತನೆ 24:1\xt*\x* 
\v 27 ಕ್ರಿಸ್ತ ವಿಶ್ವಾಸಿ ಕಾಹೆತೆ ಕೋಣ್‌ತೋಬಿ ತುಮೂನ ಖಾಣನ ಬುಲಾಯೂತೊ ತುಮೂನ ಶಾತ್ ನಾಖ್ಯುತೋಬಿ ದಿಲ್ನಿಸಾಕ್ಷಿನ ವಿಚಾರ್‌ ಕರ್ನುನಾತೆ ಇನ ಖಾವೊ. 
\v 28 ಕತೋಬಿ ಏಕ್‍ಜ಼ಣೊ ತುಮೂನ ಹೈರುತೆ ಮೂರತ್ನ ಬಲಿದಿದುಹುಯು ಕರಿ ಕೋಣ್‌ತೋಬಿ ತುಮೂನ ಬೋಲ್ಯುತೊ, ಆ ವಿಚಾರ‍್ನ ಬೋಲ್ಯೊತೆ ಇನಖ್ಹಾಜೇಬಿ ದಿಲ್ನಿಸಾಕ್ಷಿನಖ್ಹಾಜೇಬಿ ಇನ ಖಾವೊನಕೊ. 
\v 29 ಕತೋಬಿ ಆ ತುಮಾರು ದಿಲ್ನಿಸಾಕ್ಷಿ ಕರಿ ಮೇ ಬೋಲುಕರುಕೊಯ್ನಿ. ರ‍್ಹಯುತೋಬಿ ಬಿಜೇಕ್‍ಜ಼ಣು ಇನ ಖಾವಾನು ಬರೋಬರ್ ಕರಿ ಮಾಲುಮ್ ಕರಿರಾಖ್ಯುತೆ ಇನಖ್ಹಾಜೆ ಇನಿ ದಿಲ್ನಿ ಸಾಕ್ಷಿನಖ್ಹಾಜೆ ಇವ್ಣಿ ಛುಟ್ಕಾರ್‌ನ ಶನ ತೀರ್ಪ್‌ ಹೋಣು? 
\v 30 ಮೇ ದೇವ್ನ ಧನ್ಯವಾದ್ ಕರೀನ್ ಖಾದೋತೆ ಖಾಣನಖ್ಹಾಜೆ ಮಾರಪರ್ ದೂಷಣೆ ಶನ? 
\v 31 ಹಮ್ಕೆ ಮಾರಿ ಜವಾಬ್‌ ಅತ್ರೇಸ್; ತುಮೆ ಖಾಣುಖಾದತೋಬಿ, ಪೀದತೋಬಿ ಶಾತ್‍ಕರ‍್ಯಾತೋಬಿ ದೇವ್ನಿ ಮಹಿಮೆನಖ್ಹಾಜೆ ಯೋ ಕರೊ. 
\v 32 ಬಿಜ಼ ಅದ್ಮಿಯೇವ್‍ ಕತೊ, ಯೆಹೂದ್ಯರ್‌ರ‍್ಹೆವೊ, ಯೆಹೂದ್ಯಕಾಹೇತೆ ರ‍್ಹವೊ, ನತರ್ ದೇವ್ನಿ ಸಬೆವಾಳನರ‍್ಹೇವೊ; ಇವ್ಣೆ ಗಲತ್‍ಮ ಪಡಾನಿಘೋಣಿ ಕದೇಬಿ ನಕೊಕರ್ಷು. 
\v 33 ಮೇತೊ ಮಾರಿ ಶೊಂತ್‍ ನಫ್ಫಾನಖ್ಹಾಜೆ ಢೂಂಡುಕೊಂತೆ ಖ್ಹಾರುಸ್ಜ಼ಣು ರಕ್ಷಣೆ ಲೇವ್ಣುಕರಿ ಇವ್ಣಿ ನಫ್ಫಾನಖ್ಹಾಜೆ ಅಖ್ಖಜ಼ಣಾಮ ಅಖ್ಖೀಸ್ ವಾತೇಮ ಖ್ಹರೈಲೆವುಸ್.
\c 11
\p
\v 1 ಮೇ ಕ್ರಿಸ್ತನ ಪೀಛೆ ಕಿಮ್ ಚಾ಼ಲೂಸ್ಕಿ ಇಮ್‌ ಮಾರ ಪೀಛೆ ತುಮೆ ಚಾ಼ಲವಾಳ ಹುಯಿರ‍್ಹೇವೊ.
\s ಆರಾಧನೆಮ ಘುಮ್‍ಟೊ ನಾಖನಿ ಬಾರೇಮ
\p
\v 2 ತುಮೆ ಅಖ್ಖಾಸ್‍ಮಾಬಿ ಮನ ಖ್ಹಯಾಲ್‌ಕರಿನ್ ಮೇ ತುಮೂನ ದೀರಾಖ್ಯೋತೆ ಪದತ್ತಿನ ಘಟ್‍ಥಿ ಧರಿರಾಖ್ಯಸ್‍ಕರಿ ತುಮೂನ ಖ್ಹರವುಸ್. 
\v 3 ಹರೇಕ್ ಪರ್ಖ್ಹಾನ ಕ್ರಿಸ್ತ ಮುಡ್‌ಕ್ಯು, ತಯೇಡಾನ ಪರ್ಖ್ಹೊ ಮುಡ್‌ಕ್ಯು ಅಜು಼ ಕ್ರಿಸ್ತನ ದೇವ್ ಮುಡ್‌ಕ್ಯು ಹುಯಿರ‍್ಹೂಸ್ ಕರಿ ಬೋಲಾನು ಯೊ ಮಾಲುಮ್ ರ‍್ಹೇವ್ಣು. 
\v 4 ಸಬೇಮ ಇನ ಮುಡ್‌ಕ್ಯಾನ ಮೂಚಿಲೀನ್ ಪ್ರಾರ್ಥನೆ ರ‍್ಹವೊ ಪ್ರವಾದ್‌ನೆ ರ‍್ಹವೊ ಕರಾವಾಳೊ ಪರ್ಖ್ಹೊ, ಯೊ ಇನ ಮುಡ್‌ಕ್ಯಾನ ಖ್ಹರಮ್‌ ಕಾಡಿಲೇಸ್. 
\v 5 ಕತೋಬಿ ಮುಡ್‍ಕ್ಯನಪರ್ ಘುಮ್‍ಟೊ ನಾಖಕೊಯಿನ್ತೆ ಪ್ರಾರ್ಥನೆ ಕರಾವಾಳಿ ಪ್ರವಾದ್‌ನೆ ಬೋಲವಾಳಿ ತಯೇಡ ಇನ ಮುಡ್‌ಕ್ಯಾನ ಖ್ಹರಮ್‌ ಕಾಡಾವಾಳಿ ಹುಯಿರ‍್ಹಿಸ್. ಅಮ್‍ ಕರಾವಾಳಿ ತಯೇಡ ಇನು ಮುಡ್‌ಕ್ಯು ನಾ ಮೂಚಿರಾಖನಾಬಿ ಮುಡ್‌ಕ್ಯು ಬೋಳಿಸೈಲ್ಯವಾಳಿನ ಸಮ ಹುಯಿರ‍್ಹೀಸ್. 
\v 6 ಕತೋಬಿ ತಯೇಡ ಘುಮ್‍ಟೊ ನಾಖಿನಾತೊ, ಯೊ ಇನು ಮುಡ್‌ಕ್ಯು ಬೋಳಿಸೈಲ್ಯವಾದೆ. ಕೇಖ್ಹ್‌ ಕತ್‍ರೈಲ್ಯಾವಾನು ರ‍್ಹವೊ ಮುಡ್‌ಕ್ಯು ಬೋಳಿಸೈಲ್ಯವಾನು ರ‍್ಹವೊ ತಯೇಡಾನ ಖ್ಹರಮ್ನಿ ವಾತೆ ಹುಯಿರ‍್ಹಿಉಷೇತೊ, ಯೋ ಘುಮ್‍ಟೊ ನಾಖಿಲ್ಯವಾದೆ. 
\v 7 ಪರ್ಖ್ಹೊ ದೇವ್ನಿ ರೂಪ್ ಅಜು಼ ಮಹಿಮೆನು ಪ್ರತಿರೂಪ್ ಹುಯಿರೋತೆ ಇನಖ್ಹಾಜೆ ಮುಡ್‌ಕ್ಯಪರ್ ಘುಮ್‍ಟೊ ನಾಕ್ಣುಕೊಯ್ನಿ. ಕತೋಬಿ ತಯೇಡ ಪರ್ಖ್ಹಾನಿ ಇಜ಼್ಜತ್ ಹುಯಿರೀಸ್. 
\v 8 ಶನಕತೊ ತಯೇಡಥಿ ಪರ್ಖ್ಹೊಕಾಹೆ, ಕತೋಬಿ ಪರ್ಖ್ಹೇಥಿ ತಯೇಡ ಉಬ್ಜಿರ‍್ಹೀಸ್.\x - \xo 11:8 \xo*\xt ಆದಿಕಾಂಡ 2:21,22,23\xt*\x* 
\v 9 ತಯೇಡನಖ್ಹಾಜೆ ಪರ್ಖ್ಹೊ ಉಬ್‍ಜ್ಯೊಕೊಯ್ನಿ. ಕತೋಬಿ ಪರ್ಖ್ಹಾನಖ್ಹಾಜೆ ತಯೇಡ ಉಬ್ಜಿರ‍್ಹೀಸ್. 
\v 10 ಅನಖ್ಹಾಜೇಥಿ ಸೊರ್ಗ ದೂತರ‍್ನ ಖ್ಹಾಮ್ಣೆ ಇನು ಬಾವ್ರಿನ ಹಕ್‌ಮ ಛಾ಼ಕರಿ ವತಾಳನಖ್ಹಾಜೆ ಘುಮ್‍ಟೊ ನಾಖಾನು ಜ಼ರೂರತ್ ಹುಯಿರ‍್ಹುಸ್. 
\v 11 ಕತೋಬಿ ಪ್ರಭುಮ ಮಳಿರ‍್ಹವಾಮ ಪರ್ಖ್ಹೊಕೊಂತೆ ತಯೇಡಬಿ ತಯೇಡಕೊಂತೆ ಪರ್ಖ್ಹೋಬಿ ಪೂರ ಕೊ ಹುಯಿರ‍್ಹೇಯ್ನಿ. 
\v 12 ಶನಕತೊ ತಯೇಡ ಪರ್ಖ್ಹಾಥಿ ಪೈದಹುವಸ್. ಕತೋಬಿ ಖ್ಹಾರುಸ್ ದೇವ್‍ಥಿಸ್ ಹುಯಿರ‍್ಹುಸ್. 
\v 13 ತುಮಾರಮ ತುಮೇಸ್ ವಿಚಾರ್‌ ಕರಿನ್‌ ತೀರ್ಮಾನ್‌ ಕರಿಲೆವೊ. ತಯೇಡ ಘುಮ್‍ಟೊಕೊಂತೆ ದೇವ್ನ ಪ್ರಾರ್ಥನೆ ಕರಾನು ಬರೋಬರ್ ಕಿಶು? 
\v 14 ಪರ್ಖ್ಹೊ ಕೇಖ್ಹ್‌ ವಧೈಲಿದೋತೊ ಯೊ ಇನ ಖ್ಹರಮ್‌ ಕರಿ ದೆಖಾಡಸ್ನಿ. 
\v 15 ತಯೇಡ ಕೇಖ್ಹ್‌ ವಧೈಲಿದಿತೊ ಯೋ ಇನ ಘುಮ್ಟಾನ ಬದಲ್ ದೆವೈರ‍್ಹೀನ್ ಕೇಖ್ಹ್‌ ಇನ ಶನ್‌ಗಾರ್‌ನ ಏಕ್‌ ಭಾಗ್‌ ಹುಯಿರ‍್ಹುಸ್. ಮಾಮೂಲಿಮ ತುಮೂನ ಮಾಲುಮ್‍ಪಡಕೊಯ್ನಿ ಕಿಶು? 
\v 16 ಕತೋಬಿ ಅನಿಬಾರೇಮ ಕೋಣ್‍ತೋಬಿ ಅಬ್ಬಾಜ಼ಬ್ಬಿ ಕರಾನು ರ‍್ಹಿಯುತೊ ಇನ ಮೇ ಅತ್ರೇಸ್ ಬೋಲುಸ್; ಅಥ್ರಾನಿ ಪದತ್ತಿ ಹಮಾರಮ ರ‍್ಹವೊ ಅಜು಼ ದೇವ್ನಿ ಸಬೆವ್‌ಮ ರ‍್ಹವೊ ಕೊಯ್ನಿ.
\s ಪ್ರಭುನಿ ಭೋಜನ್ನಿ ಬಾರೇಮ ಶಿಕಾಡನು
\r (ಮತ್ತಾಯ 26:26-29; ಮಾರ್ಕ 14:22-25; ಲೂಕ 22:14-20)
\p
\v 17 ಹಮ್ಕೆ ತುಮೂನ ಬೋಲಾನ ಆಯೋತೆ ವಾತೆಮ ತುಮೂನ ಖ್ಹರವ್‍ಕೊಯ್ನಿ, ಶನಕತೊ ತುಮೆ ಸಬೆ ಹುಯಿನ್ ಮಳಿನ್ ಆವಾನಿ ವಖ್ಹ್‌ತೆ ಅಛ್ಛು಼ ಹುವಾಥೀಬಿ, ಜಾ಼ಖ್ಹತ್ ಲುಕ್ಷಾನ್‌ ಹುವ್‍ಕರಸ್. 
\v 18 ಕಿಮ್‌ಕತೊ ಪಹಿಲೆ, ತುಮೆ ಸಬೆಹುಯಿನ್ ಮಳಿನ್ ಆವಾನಿ ವಖ್ಹ್‌ತೆ ತುಮರಾಮ ಕಚ಼್ಚರ್‌ ಹುವಾನು ಖ್ಹಮ್‍ಜು಼ಸ್. ಅನ ಜ಼ರ ವಿಶ್ವಾಸ್‍ಬಿ ಕರುಸ್. 
\v 19 ಥೋಡುಜ಼ಣು ದೇವ್‍ಥಿ ಯೋಗ್ಯಕರಿ ಬೋಲೈಲ್ಯವಾಳು ಛಾ಼ಕರಿ ದೆಖಾವನಖ್ಹಾಜೆ ತುಮಾರಮ ಬೇಭಾಗ್‌ ಹುವಾನು ಜ಼ರೂರತ್ ಅನೇಥಿ ಕೋಣ್ ಬರಬ್ಬರ್‌ ಛಾ಼ಕರಿ ಮಾಲುಮ್ ಪಡಾಸ್‌. 
\v 20 ಇನಖ್ಹಾಜೆ ತುಮೆ ಸಭೆಹುಯಿನ್ ಮಳಾನಿ ವಖ್ಹ್‌ತೆ ತುಮೆ ಕರಸ್ತೆ ಪ್ರಭುನು ಭೋಜನ್ ಯೊ ಪ್ರಭುನು ಭೋಜನ್ ಕಾಹೆ. 
\v 21 ಶನಕತೊ, ಹರೇಕ್‍ಜ಼ಣು ಬಿಜೇಕ್ ಜ಼ಣಾನಖ್ಹಾಜೆ ಟಿವಾವಕೊಂತೆ ಇನು ಭೋಜನ್ನ ಅಗಾಡಿಸ್ ಶುರುಕರಸ್. ಅನೇಥಿ ಏಕ್‍ಜ಼ಣೊ ಭುಕ್ಯೊರ‍್ಹೇಸ್, ಬಿಜೇಕ್ ಜ಼ಣೊ ಪೀರಾಖಸ್. 
\v 22 ಖಾವಾನಬಿ, ಪೀಯಾನಾಬಿ ತುಮೂನ ಘರ್ ಕೊಯ್ನಿಕಿ ಶು? ನತರ್ ದೇವ್ನಿ ಸಬೆನ ಝೀಟ್ಕಾರೀನ್ ಶಾತ್ಬಿಕೊಂತೆ ಇವ್ಣುನ ಖ್ಹರಮ್‌ ಕಾಡೋಸ್‍ಕಿ ಶು? ಮೇ ತುಮೂನ ಶಾತ್ ಬೋಲು? ಮೇ ತುಮೂನ ಖ್ಹರಾಯೆಜಾ಼ಯ್? ಆ ಬಾರೇಮ ಖ್ಹಚಂಬಿ ಕೊಯ್ನಿ. 
\v 23 ಮೇ ಪ್ರಭುಥಿ ಲೀಲಿದೋತೆ ಯೊ ತುಮೂನ ದಿನಾಖ್ಯೊ; ಪ್ರಭು ಹುಯಿರೋತೆ ಯೇಸು ಯೊ ಧರೈ ದೆವೈಗಯೋತೆ ರಾತ್ಮ ರೋಟಾನ ಪಾಡಿನ್, 
\v 24 ಧನ್ಯವಾದ್ ಕರೀನ್, ತೋಡಿನ್ “ಆ ತುಮಾರಖ್ಹಾಜೆ ಹುಯಿರ‍್ಹುತೆ ಮಾರು ಶರೀರ್, ಮನ ಯಾದ್‌ಕರಾನಖ್ಹಾಜೆ ಅನ ಕರೊ” ಕರಿ ಬೋಲ್ಯೊ. 
\v 25 ಯೋಸ್ ಪರಕ್ಮ ಖಾಣು ಹುವಾದಿನ್ ಇನೆ ಕಟೋರಿನ ಪಾಡೀನ್ ಬೋಲ್ತೊಹುಯಿನ್, “ಆ ಕಟೋರಿ ಮಾರ ಲ್ಹೋಯಿಥಿ ಮುದ್ರೊ ನಖೈರ‍್ಹೂತೆ ನವು ಒಪ್ಪಂದ ಹುಯಿರುಸ್. ತುಮೆ ಅನಾಮ ಪೀಯಾನಿ ಖ್ಹಾರಿ ವಖ್ಹ್‌ತೆ ಮನ ಯಾದ್ ಕರಿಲ್ಯಾವಾನಖ್ಹಾಜೆ ಪೀಯೊ” ಕರಿ ಬೋಲ್ಯೊ. \fig ಯೇಸು ಇನಿ ಶಿಷ್ಯರ್‌ನಿಜೋ಼ಡೆ ಪಸ್ಕನಿ ಭೋಜನ್ಮ ಖವ್‌ಕರಸ್ತೆ|alt="Jesus eating the Passover meal with his disciples" src="lb00320c.tif" size="span" copy="Horace Knowles ©" ref="11:25"\fig*
\p
\v 26 ಶನಕತೊ ಕದೆಕದೇಬಿ ತುಮೆ ಆ ರೋಟಾನ ಖಾಸ್ಕಿ,ಅಜು಼ ಆ ಕಟೋರಿಮ ಪೀಯಾಸ್ಕಿ ತದೆ ಯೊ ಆವಾನಿ ವಖ್ಹ್‌ತೆ ಪ್ರಭುನಿ ಮರಣ್ಣ ಊಚು಼ ಪಾಡ್ತು ರ‍್ಹಿಶು. 
\v 27 ಅಮ್‍ಛಾ಼ತೆ ಇನಖ್ಹಾಜೆ ಕೋಣ್‌ತೋಬಿ ನಾಲಾಯಕ್‌ ಹುಯಿನ್ ಪ್ರಭುನ ರೋಟಾನ ಖಾದುತೊ ಕೊಯಿಂತೊ, ಇನ ಕಟೋರಿಮ ಪೀದುತೊ ಯೋ ಪ್ರಭುನ ಶರೀರ್‌ನಾಬಿ ಲ್ಹೋಯಿನಾಬಿ ಧೋಕ ಕರಾವಾಳೊ ಹುಯಿರ‍್ಹಿಶೆ. 
\v 28 ಕತೋಬಿ ಹರೇಕ್ ಅದ್ಮಿ ಇನು ಯೊ ತರೀಪ್‌ಶ ಕರಿಲ್ಯವಾಳೊ ಹುಯಿನ್ ಯೊ ರೋಟಾಮ ಪಾಡಿಲೀನ್ ಖಾವಾದೆ, ಯೋ ಕಟೋರಿಮ ಪೀಯಾದೆ. 
\v 29 ಶನಕತೊ ಪ್ರಭುನು ಶರೀರ್‌ಕರಿ ಪರ್ಖಿಲೇಯಿಕೊಂತೆ ಖೈನ್ ಪೀಯವಾಳು ಇಮ್‌ ಖೈನ್ ಪೀಯಾಥಿ ಇವ್ಣಪರ್ ನ್ಯಾವ್‍ನಿ ತೀರ್ಪ್‌ನ ಲೀಲಾವಳು ಹುಯಿರ‍್ಹುಸ್. 
\v 30 ಅನೇಥಿ ತುಮಾರಮ ಘಣು ಅದ್ಮಿ ಕಮ್‌ಜೋ಼ರಿಬಿ, ರೋಗ್‍ವಾಳುಬಿ ಹುಯಿರ‍್ಹಿಶೆ. ಅಜು಼ ಕೈಏಕ್ ಜ಼ಣು ಮರಿರ‍್ಹೂಸ್. 
\v 31 ಅಪ್ಣುನ ಅಪ್ಣೆಸ್ ಪರ್ಖಿಲಿದಾತೊ ನ್ಯಾವ್‌ನಿ ಝ಼ಗೋಮ ಭೀರಿಶುಕೊಯ್ನಿ. 
\v 32 ಕತೋಬಿ ಪ್ರಭು ಅಪ್ಣುನ ನ್ಯಾವ್‌ನಿ ಝ಼ಗೋಮ ಭೀರಾಖನಿ ವಖ್ಹ್‌ತೆ, ಅಪ್ಣೆ ಜಗತ್‍ವಾಳಾನಿ ಜೋ಼ಡ್ಮ ಖ್ಹತಾಪ್ಣಿಮ ಖ್ಹಪಡ್ನು ನಾ ಕರಿ ಯೋ ಅಪ್ಣುನ ನಿಶತ್‌ ದೇಸ್. 
\v 33 ಅಮ್ ಛಾ಼ತೆಖ್ಹಾಜೆ ಮಾರ ಭೇನೆ ಭೈಯೇವೊ, ತುಮೆ ಭೋಜನ್ನಖ್ಹಾಜೆ ಮಳಿನ್ ಆವಾನಿ ವಖ್ಹ್‌ತೆ ಏಕ್‌ಥಿ ಏಕ್‍ಜ಼ಣಾನ ಖ್ಹಾಜೆ ಜ಼ಪಿರ‍್ಹವೊ. 
\v 34 ಕೋಣ್‍ತೋಬಿ ಭುಕ್ಯೊರ‍್ಹಿಯೋತೊ ಯೊ ಘರ್‌ಮಾಸ್ ಖಾವಾದೆ. ಅನೇಥಿ ತುಮೆ ದೇವ್ನಿ ತೀರ್ಪ್‌ಮ ಮಳಿನ್ ಆವ್ಣು ನಾ. ಬಿಜು಼ ಉಬ್ರಿಹುಯಿ ವಾತೆಖ್ಹಾರಿ ಮೇ ಐನ್‌ ಖ್ಹಮ್‍ಜಾ಼ಡಿಶ್.
\c 12
\s ಪವಿತ್ರಾತ್ಮನು ವರ
\p
\v 1 ಭೇನೆ ಭೈಯೇವೊ, ಹಮ್ಕೆ ಪವಿತ್ರಾತ್ಮಥಿ ಮಳಾತೆ ವರಾನಿಬಾರೇಮ ತುಮೆ ಬಿಣ್‍ಖ್ಹೈಲಿ ನಾ ಹುಯಿರ‍್ಹೇಣು. ಕರಿ ಆಖ್ಹ್ ಕರುಸ್. 
\v 2 ತುಮೆ ಅಲ್ಹಾವ್‌ ಅದ್ಮಿ ರ‍್ಹವಾನಿ ವಖ್ಹ್‌ತೆ ವಾಟ್‌ ಭೈಕಿನ್ ಕಿಮ್ ಮುಕ್ಕ ಮೂರತ್‍ಭಣಿ ಫರಿರಾಥ ಕರಿ ತುಮೆ ಮಾಲುಮ್ ಕರಿರಾಖ್ಯಸ್. 
\v 3 ಅಮ್‍ಛಾ಼ತೆ ಇನಖ್ಹಾಜೆ ಮೇ ತುಮೂನ ಖ್ಹಮ್‌ಜಾ಼ಡ್ಯುತೆ ಯೊ ಖ್ಹಮ್‍ಜೊ಼. ದೇವ್ನ ಆತ್ಮಥಿ ವಾತ್ ಬೋಲವಾಳೊ ಕೋಣ್‌ಬಿ, “ಯೇಸು ಶಾಪವಾಳೊ” ಕರಿ ಬೋಲಕೊಯ್ನಿ. ಪವಿತ್ರಾತ್ಮನಿ ಖ್ಹೂಜ಼್‌ಥೀಸ್ ಪಣ್ಕಿ ಕೋಣ್‌ಬಿ “ಯೇಸುಸ್ ಪ್ರಭು” ಕರಿ ಬೋಲಾನ ಹೋಯಿಕೊಯ್ನಿ. 
\v 4 ಅಖ್ಖಆತ್ಮಾನು ವರಾಮ ಅಲಕ್ ಅಲಕ್ ತರ ಛಾ಼. ಕತೋಬಿ ಇನ ದ್ಯವಾಳೊ ಪವಿತ್ರಾತ್ಮ ಎಕ್ಕಸ್‍ಜ಼ಣೊ. 
\v 5 ಅಖ್ಖಿ ಸೇವೆಮ ಕೈಯೇಕ್ ತರ ಛಾ಼. ಕತೋಬಿ ಎಕ್ಕಸ್ ಜ಼ಣೊ ಪ್ರಭುನ ಸೇವೆ ಕರಿಯೇಸ್. 
\v 6 ಅಖ್ಖಕಾಮ್ನಿ ಪರಕ್ಮ ಅಲಕ್ ಅಲಕ್ ತರ ಛಾ಼ ಖ್ಹಾರಾಸ್‌ಮ ಅಖ್ಖಾಸ್ ಕಾಮ್ನ ಕರಾನ ಶಕತ್ ದ್ಯವಾಳೊ ದೇವ್ ಎಕ್ಕಸ್‍ಜ಼ಣೊ. 
\v 7 ಹರೇಕ್ ಜ಼ಣಾನ ನಫ್ಫಾನಖ್ಹಾಜೆ ಪವಿತ್ರಾತ್ಮನು ದರ್ಶನ ಹರೇಕ್ ಜ಼ಣಾನ ದೆವೈರ‍್ಹೂಸ್. 
\v 8 ಕಿಮ್‌ಕತೊ,ಪವಿತ್ರಾತ್ಮ ಏಕ್‍ಜ಼ಣಾನ ಗ್ಯಾನ್‌ಥಿ ಭರೈರ‍್ಹಾವನಿ ಸಂದೇಶ್‌ಬಿ ಬಿಜೇಕ್ ಜ಼ಣಾನ ಅಕ್ಕಲ್‍ಥಿ ಭರೈರ‍್ಹಾವನಿ ಸಂದೇಶ್‌ಬಿ ದೇಸ್. 
\v 9 ಏಕ್‍ಜ಼ಣಾನ ವಿಶ್ವಾಸ್‍ಥಿ ಯೋಸ್ ಆತ್ಮಾನು ವರ ಹುಯಿರ‍್ಹುಸ್, ಬಿಜೇಕ್‍ಜ಼ಣಾನ ರೋಗ್‌ ಅಛ್ಛು಼ ಕರಾನು ಯೋಸ್ ಆತ್ಮಾಥಿ ದೆವೈರ‍್ಹೂಸ್. 
\v 10 ಏಕ್‍ಜ಼ಣಾನ ಅದ್ಭುತ್ ಕಾಮ್‌ಕರಾನಿ ಶಕತ್‍ನಾಬಿ ಅಜೇಕ್ ಜ಼ಣಾನ ಪ್ರವಾದನೆನಾಬಿ, ಏಕ್‍ಜ಼ಣಾನ ಆತ್ಮಾನ ಸೋಚ್‌ಸಮಜ್‌ಕರಾನಿ ವರಾಬಿ, ಬಿಜೇಕ್‍ಜ಼ಣಾನ ಹರೇಕ್ ತರೀಖಾನಿ ಬೋಲಿ ಬೋಲಾನಿ ವರಾಬಿ, ಏಕ್‌ಜ಼ಣಾನ ಬೋಲಿನಿ ಮತಲಬ್‌ನ ಛೋ಼ಡಿನ್ ಬೋಲಾನಿ ವರಾಬಿ ದೇವಾವ್‌ಶೆ. 
\v 11 ಕತೋಬಿ ಆ ಖ್ಹಾರೀಸ್‍ ವರಾನ ಎಕ್ಕಸ್‍ಜ಼ಣೊ ಆತ್ಮ ಇನಿಖ್ಹೂಜ಼್‍ನಿಘೊಣಿ ಅಲಕ್ ಅಲಕ್ ಜ಼ಣಾನ ಭಾಗ್‌ ಪಾಡಿದೇಸ್.
\s ಕೈಯೆಕ್ಕಿ ಭಾಗ್‌ನಿ ಜೋ಼ಡ್ಮ ಎಕ್ಕಸ್ ಶರೀರ್
\p
\v 12 ಕ್ರಿಸ್ತ ಕೈಯೇಕ್ ಭಾಗ್‌ ಬಣ್ಯೊಹುಯೊ ಎಕ್ಕಸ್ ಶರೀರ್ ಹುಯಿರ‍್ಹೋಸ್. ಇಮ್ಮಸ್ ಶರೀರ್‌ನು ಬಾಗ್‍ಅಖ್ಖು ಕೈಏಕ್ ರ‍್ಹೀನ್ ಎಕ್ಕಸ್ ಶರೀರ್ ಹುಯಿರ‍್ಹುಸ್ತೆ ಇಮ್ಮಸ್ ಕ್ರಿಸ್ತಬಿ ಹುಯಿರೋಸ್. 
\v 13 ಅಮ್ಮಸ್ ಯೆಹೂದ್ಯರ್ ರ‍್ಹವೊ,ಯೆಹೂದ್ಯಕಾಹೇತೆ ರ‍್ಹವೊ ಗುಲಾಮ್ ರ‍್ಹವೊ ಛುಟ್ಕಾರ್ ರ‍್ಹವಾಳು ರ‍್ಹವೊ ಅಪ್ಣೆಖ್ಹಾರು ಎಕ್ಕಸ್‍ಜ಼ಣೊ ಆತ್ಮಥಿ ಎಕ್ಕಸ್ ಶರೀರ್‌ನ ಮಹಿ ಬ್ಯಾಪ್ತಿಸ್ಮ ಲೀಲಿದ. ಅಪ್ಣಖ್ಹಾರಾನ ಎಕ್ಕಸ್‍ಜ಼ಣೊ ಪವಿತ್ರಾತ್ಮನ ಪಿಯಾನ ದೆವಾಯು. 
\v 14 ಏಕ್‍ ಶರೀರ್ ಎಕ್ಕಸ್ ಭಾಗ್‌ವಾಳು ಕಾಹೆ, ಕೈಏಕ್ ಭಾಗ್‌ವಾಳು ಹುಯಿರ‍್ಹೇಸ್. 
\v 15 ಗೋಡೊ” ಮೇ ಹಾತ್‍ಕೊಂತೆ ಟೇಕೆ ಶರೀರ್‌ನ ಮಳ್ಯುಕೊಯ್ನಿಕರಿ ಬೋಲೆಜಾ಼ಯ್, ಕತೋಬಿ ಅಮ್ ಖಲಿ ಬೋಲ್ಯುತೆ ಗೋಡೊ ಶರೀರ್‌ಥಿ ಅಲಕ್ ಹುಯಿಗುಕೊಯ್ನಿ. 
\v 16 ಅಜು಼ ಕಾನ್‌, “ಮೇ ಡೋಳೊ ಕಾಹೆ ಇನಖ್ಹಾಜೆ ಶರೀರ್‌ಮ ಮಳ್ಯೊಕೊಯ್ನಿ” ಕರಿ ಬೋಲ್ಯುತೋಬಿ ಯೋ ಶರೀರ್‌ಮ ಮಳ್‍ಶೆಕೊಂತೆ ರ‍್ಹಿಶೆಕಿಶು? 
\v 17 ಶರೀರ್ ಅಖ್ಖು ಡೋಳೊಹುಯಿಗುತೊ ಅಪ್ಣೆ ಖ್ಹಮ್‍ಜಾ಼ನು ಕಿಮ್? ನತರ್ ಯೋ ಅಖ್ಖು ಕಾನ್‌ ಹುಯಿಗುತೊ ಖ್ಹುಂಗಾನು ಕಿಮ್? 
\v 18 ಇನಖ್ಹಾಜೆ ಶರೀರ್‌ನ ಅಖ್ಖಭಾಗ್‍ನ ದೇವ್ ಯೋ ಇನು ಮರ್ಜಿನಿ ಪರಕ್ಮ ಹರೇಕ್‍ಜಿನು ಬರೋಬರ್‌ಥಿ ಬಣೈರಾಖ್ಯೊಸ್. 
\v 19 ಯೋ ಖ್ಹಾರೂಸ್ ಎಕ್ಕಸ್ ಭಾಗ್‌ ಹುಯಿರ‍್ಹುತೊ ಶರೀರ್ ಕಿಜ್ಜಾ಼ ರ‍್ಹಿಶೆ? 
\v 20 ಕತೋಬಿ ಹಮ್ಕೆ ಭಾಗ್‌ ಕೈಏಕ್ ರ‍್ಹಯುತೋಬಿ ಶರೀರ್ ಖಲಿ ಎಕ್ಕಸ್. 
\v 21 ಡೋಳೊ ಹಾತ್ನ, “ತೂ ಮನ ಜ಼ರೂರತ್ ಕೊಯ್ನಿ” ಕರಿ ರ‍್ಹವೊ ಬೋಲಾನ ಹೋಯಿಕೊಯ್ನಿ. ಮುಡ್‌ಕ್ಯು ಪಂಜಾ಼ನ ಜ಼ರೂರತ್ ಕೊಯ್ನಿಕರಿ ಬೋಲಾನ ಕೊಹೊಯ್ನಿ. 
\v 22 ಕತೋಬಿ ಶರೀರ್‌ಮ ಕಮ್‍ಜೋ಼ರಿನು ಕರಿ ದೆಖಾವತೆ ಭಾಗ್‌ ಅಖ್ಖು ಕೆತ್ರೂಕಿ ಜಾ಼ಖ್ಹತ್ ಜ಼ರೂರತ್ ಛಾ಼. 
\v 23 ಕಮ್ ಮರ್ಯಾದಿ ಕರಾವಾಳು ಕರಿ ಸೋಚಿಯೇಸ್‍ತೆ ಖ್ಹಾರನ ವಿಶೇಷ್ ಮರ್ಯಾದಿಥಿ ದೇಖೆಸ್. ಖೆವ ಶರೀರ್‌ನ ಭಾಗ್ನ ಅಖ್ಖಾನ ಕಡ್‌ತೇಲ್‌ಕಿ ಯೊ ಭಾಗ್ನ ದೇವ್ ವಿಶೇಷ್ ಮರ್ಯಾದಿ ದೇಸ್. 
\v 24 ಘಣು ಶನ್‌ಗಾರ್ ರ‍್ಹವಾನ ಶರೀರ್‌ನ ಭಾಗ್ನ ಅಮ್ನು ವಿಶೇಷ್ ಖ್ಹದರ್‌ಕರಾನಿ ಜ಼ರೂರತ್ ಕೊಯ್ನಿ. ಕತೋಬಿ ಖಿವು ಭಾಗ್‌ ಕೀಳ್‌ ಥೂಕಿ ವಿಶೇಷ್ ಮರ್ಯಾದಿ ದೇವ್ನೆ ದಿದೊ. 
\v 25 ಶರೀರ್‌ಮ ಅಲಕ್ ಕರಿ ಕಚ಼್‌ಕೊಂತೆ ಅಖ್ಖು ಏಕ್‌ಥಿ ಏಕ್‌ ಮಳಿನ್ ಜಾ಼ವಾನಿತರ ಕರಿರಾಖ್ಯೊಸ್. 
\v 26 ಶರೀರ್‌ನು ಏಕ್‌ ಭಾಗ್ನ ಅಜ಼ಹುಯಿತೊ ಅಖ್ಖಾಸ್ ಭಾಗ್ನಾಬಿ ಅಜ಼ ಹುವಾಸ್; ಏಕ್‌ ಭಾಗ್ನ ಖ್ಹರಾವ್ಣಿ ಮಳ್ಯುತೊ ಅಖ್ಖಾಸ್ ಭಾಗ್ನಾಬಿ ಖುಷಿ ಹುವಾಸ್. 
\v 27 ಹಮ್ಕೆ ತುಮೆ ಕ್ರಿಸ್ತನು ಶರೀರ್ ಹುಯಿರಾಸ್. ತುಮಾರಮ ಹರೇಕ್ ಜ಼ಣುಬಿ ಯೋ ಶರೀರ್‌ನು ಭಾಗ್‍ಅಖ್ಖು ಹುಯಿರಾಸ್. 
\v 28 ದೇವ್ ಇನಿ ಸಬೆಮ ಪಹಿಲೆ ಅಪೊಸ್ತಲರ‍್ನ, ಬೇನು ಪ್ರವಾದಿಖ್ಹಾರನ, ತೀನ್ನು ಸಂದೇಶ್ ಶಿಕಾಡವಳನ ಮಿಛಾ಼ಣ್ಯೋಸ್. ಪಾಛ಼ಳ್‍ಥು ಅದ್ಭುತ್‌ ಕಾಮ್ನ ಕರಾವಾಳನ, ರೋಗ್ ಅಖ್ಖು ಅಛ್ಛು಼ ಕರವಾಳನ, ಅಲಕ್‌ನ ಮದತ್ ಕರವಾಳನ,ವಾಟ್‌ವತಾಳವಾಳನ, ಥರಥರಾನಿ ಬೋಲಿ ಬೋಲಾನಿ ವರಾನ ದೀರಾಖ್ಯೊಸ್. 
\v 29 ಅಖ್ಖೂಸ್‌ಜ಼ಣು ಅಪೊಸ್ತಲರ್‌ಕಿ ಶು? ಅಖ್ಖೂಸ್ ಪ್ರವಾದಿಕಿ ಶು? ಅಖ್ಖೂಸ್ ಅದ್ಭುತ್‌ಕಾಮ್‌ ಕರಾವಾಳುಕಿ ಶು? 
\v 30 ರೋಗ್ನ ಅಛ಼್ಛುಕರಾನಿ ವರ ಅಖ್ಖಾನಾಬಿ ಛಾ಼ಕಿಶು? ಥರಥರಾನಿ ಬೋಲಿ ಬೋಲವಾಳುಕಿ ಶು? ನತರ್ ವಾತೆನಿ ಮತಲಬ್‍ನ ಛೋ಼ಡಿ ಬೋಲವಾಳುಕಿ ಶು? 
\v 31 ಕತೋಬಿ ತುಮೆ ಮಹಾನ್ ವರಾನ ಆಖ್ಹ್‌ಕರೊ. ಮೇ ತುಮೂನ ಬಿಜೂ಼ಬಿ ಅಖ್ಖಾಸ್ ಊಚೊ಼ ಮಾರಗ್‌ನ ವತಾಳುಸ್‌.
\c 13
\s ಪ್ಯಾರ್
\p
\v 1 ಮೇ ಅದ್ಮಿವೋನಿ ವಾತೆಖ್ಹಾರಿಬಿ ದೇವ್ನ ದೂತರ್‌ನಿ ವಾತೆ ಬೋಲವಾಳೊ ರ‍್ಹಿಯೊತೋಬಿ ಮನ ಪ್ಯಾರ್ ನಾರ‍್ಹಯುತೊ ವಾಜ಼್ ದ್ಯವಾಳೊ ಘಾಟೊಬಿ, ಘಣಘಣ ಕರಾನು ಕಖ್ಹಾಳಿಬಿ ಹುಯಿರುಸ್. 
\v 2 ಮನ ಪ್ರವಾದನೆ ವರ ರ‍್ಹಯುತೋಬಿ, ಮೇ ಖ್ಹಾರುಸ್ ಗಪ್ಲಥ್ಥಿ ರ‍್ಹೆಯಿತೇಬಿ ಅಖ್ಖಿಥರಾನು ಪಢಂತ್‍ನ ಮಾಲುಮ್ ಕರಿರಾಖ್ಯೊತೋಬಿ, ಪಹಾಡ್ನ ಖ್ಹರ್ಕಾವಯೆತ್ರೆ ವಿಶ್ವಾಸ್ ರ‍್ಹೀತೊಬಿ ಮನ ಪ್ಯಾರ್ ನಾರ‍್ಹಯುತೊ, ಶಾತ್ಬಿ ನಾ ರ‍್ಹವಾಳೊ ಹುಯಿರೋಸ್. 
\v 3 ಮೇ ಮಾರಿ ಖ್ಹಾರಿಶೊತ್ತ್‌ನ ಧರಮ್ ದೀನಾಖ್ಯೊತೋಬಿ, ಮಾರ ಶರೀರ್‌ನ ಬಾಳಿನಾಖನ ದೀನಾಖ್ಯೊತೋಬಿ, ಪ್ಯಾರ್ ಮನ ನಾರ‍್ಹಯುತೊ ಮನ ಶನೊ ಫಾಯಿದೊಬಿ ಕೊಯ್ನಿ. 
\v 4 ಪ್ಯಾರ್ ಘಣು ಖ್ಹಮಾಳಿಲ್ಯವಾಳು, ಪ್ಯಾರ್ ಗೋರ್‌ಕರಾವಾಳುಬಿ, ಪ್ಯಾರ್ ಪೇಟ್ನೊ ಬಳಾಪೊ ಕೊಕರಾನಿ, ಪ್ಯಾರ್ ಖ್ಹರೈಲೇಯಿಕೊಯ್ನಿ.ಅಜು಼ ಯೊ ಹಂಕಾರ್ ಕರಾಕೊಯ್ನಿ. 
\v 5 ಯೊ ಬಿಜೇಕ್‌ಜ಼ಣಾನಿ ಖ್ಹರಮ್‌ ಕಾಡಕೊಯ್ನಿ, ಇನ ಅಛ್ಛಾ಼ನಾಸ್ ಢೂಂಡಕೊಯ್ನಿ, ಒಗ್ಗೀಮ ಇರಾದೊಕರಾಕೊಯ್ನಿ, ಗಲತ್‌ನ ಗಣ್ತಿಮ ಘಾಲಕೊಯ್ನಿ. 
\v 6 ಖರಾಬ್ಮ ಖುಷಿಕರಾಕೊಯ್ನಿ, ಖ್ಹಾಚ಼ನಿಜೋಡ್ಮ ಖ್ಹುಶಿಕರಸ್. 
\v 7 ಅಖ್ಖಾನಸ್ ಲಪಾಡಸ್, ಅಖ್ಖಾಸ್ನ ವಿಶ್ವಾಸ್‍ಕರಸ್, ಅಖ್ಖಾಸ್ನ ಭರೋಖ್ಹೊ ಕರಸ್, ಅಖ್ಖಾಸ್ನ ಖ್ಹಮಾಳಿಲೇಸ್. 
\v 8 ಪ್ಯಾರ್ ಕದೇಬಿ ಮಟಿಜಾ಼ಯಿಕೊಯ್ನಿ, ಪ್ರವಾದನೆ ಖ್ಹಾರುತೋಬಿ ಅಖ್ಖು ಮಟಿಜಾ಼ಶೆ, ಅಲ್ಹಾವ್ ಬೋಲಿ ಅಖ್ಖು ಭೀರಿಜಾಶೆ, ಪಢಂತ್‍ತೊ ಮಟಿಜಾ಼ಶೆ. 
\v 9 ಅಪ್ಣೆ ಆಧು ಖ್ಹಮ್‌ಜಿನ್‌ ಆಧು ಪ್ರವಾದ್‌ನೆ ಕರೇಸ್. 
\v 10 ಕತೋಬಿ ಪೂರಛಾ಼ತೆ ಆಯುತೊ ಪೂರಹುವಾಕೊಂತೆ ಯೋ ಮಟಿಜಾ಼ಶೆ. 
\v 11 ಮೇ ಅಡ್ಡಾಣಿ ರ‍್ಹವಾನಿ ವಖ್ಹ್‌ತೆ, ಅಡ್ಡಾಣಿನಿ ವಾತೆಖ್ಹಾರಿ ಬೋಲ್ಯೊ. ಅಡ್ಡಾಣಿನಿತರ ಖ್ಹಯಾಲ್‍ಕರ‍್ಯೊ. ಅಡ್ಡಾಣಿನಿತರಸ್ ಸೋಚ್ಯೊ. ಶಾಣೊ ಹುವಾದಿನ್ ಅಡ್ಡಾಣಿನುಖ್ಹಾರು ಮ್ಹೇಲಿದಿದೊ. 
\v 12 ಹಮ್ಕೆ ಅಪ್ಣೆ ಐನಾಮ ದೆಖಾತೆ ತಿಮ್ಮಸ್ ಭುಂಬ್‌ಳ್ಯು ದೇಖೆಸ್. ತದೆ ಆಮಖ್ಹಾಮೆ ದೇಕ್‌ಶು. ಹಮ್ಕೆ ಮನ ಖಲಿ ಜ಼ರ ಮಾಲುಮ್‌ ಛಾ಼. ತದೆ ಮೆ ಪೂರ ಖ್ಹಮ್‍ಜಾ಼ಡ್‍ಶೇತೆ ತಿಮ್ ಪೂರ ಖ್ಹಮ್‍ಜಿಲೀಶ್. 
\v 13 ಅನಖ್ಹಾಜೆ ಹಮ್ಕೆ ವಿಶ್ವಾಸ್, ಟಿವೈರ‍್ಹವಾನು, ಪ್ಯಾರ್ ಆ ತೀನಸ್ ಬಚಿರ‍್ಹೇಸ್. ಆ ಅಖ್ಖಾಮ ಮೋಟು ಪ್ಯಾರಸ್.
\c 14
\s ಅಲಕ್ ಬೋಲಿ ಅಜು಼ ಪ್ರವಾದನೆ ಕರಾನು ವರ
\p
\v 1 ಪ್ಯಾರ್‌ನ ಮಾರಗ್‌ಪರ್ ಚಾ಼ಲೊ. ನಾಹುಯಿನ್ ಪವಿತ್ರಾತ್ಮನ ವರಖ್ಹಾರು ಲೀಲ್ಯಾವಾನ ವಿಶೇಷ್‌ಥಿ ಪ್ರವಾದ್‌ನೇನು ವರಾನ ಘಣು ಆಖ್ಹ್ ಕರೊ. 
\v 2 ಅಲ್ಹಾವ್‌ಬೋಲಿ ಬೋಲವಾಳೊ, ಅದ್ಮಿನಿ ಜೋ಼ಡ್ಮ ಕಾಹೆ ದೇವ್ನಿಜೋ಼ಡ್ಮ ವಾತೆಬೋಲಸ್. ಶನಕತೊ ಯೋ ಪವಿತ್ರಾತ್ಮಥಿ ಗಪ್ಲತ್‌ನಿ ವಾತೆಖ್ಹಾರಿ ಬೋಲವಾಳೊ ಹುಯಿರ‍್ಹೇಸ್ ಇನಖ್ಹಾಜೆ ಕೋಣ್‌ಬಿ ಮಾಲುಮ್ ಕರಾನ ಕೋಹೊಯ್ನಿ. 
\v 3 ಕತೋಬಿ ಪ್ರವಾದ್‌ನೆ ಕರವಾಳೊತೊ ಅದ್ಮಿವೊನಿ ಜೋ಼ಡ್ಮ ವಾತೆ ಬೋಲಸ್. ಇವ್ಣಿ ಭಕ್ತಿ ಜಾ಼ಖ್ಹತ್‍ಕರಾನ, ಭಾಲಿದ್ಯವಾನ, ಸಮಾಧಾನ್ ಕರಾನಖ್ಹಾಜೆಕರಾಸ್. 
\v 4 ವಾಣಿ ಬೋಲವಾಳೊ ಇನಿ ಭಕ್ತಿನ ಜಾ಼ಖ್ಹತ್ ಕರಸ್. ಕತೋಬಿ ಪ್ರವಾದ್‌ನೆ ಕರಾವಾಳೊ ಸಬೆನ ಭಕ್ತಿಥಿ ಭಡಾವಸ್. 
\v 5 ತುಮೆಖ್ಹಾರುಬಿ ವಾಣಿಖ್ಹಾರು ಬೋಲ್ನುಕರಿ ಮೇ ಹಮ್ಕೆ ಹರಖ್ಹ್ಯೊತೋಬಿ, ಇನೇಥಿ ಜಾ಼ಖ್ಹತ್ ತುಮೆ ಪ್ರವಾದ್‌ನೆ ಕರ್ನುಕರಿ ಹರ್‌ಖ್ಹುಸ್. ವಾಣಿಖ್ಹಾರು ಬೋಲವಾಳು ಸಬೇನಿ ಭಕ್ತಿ ಜಾ಼ಖ್ಹತ್ ಕರಸ್. ಇನೇಥಿಬಿ ಪ್ರವಾದ್‌ನೆ ಕರಾವಾಳೊ ಮೋಟೊ ಹುಯಿರ‍್ಹೋಸ್. 
\v 6 ಅಮ್‍ರ‍್ಹವಾಪರ್ ಭೇನೆ ಭೈಯೇವೊ, ಮೇ ತುಮಾರಕನ ಐನ್ ಪಢಂತ್‍ಥಿರ‍್ಹೇವೊ, ಪ್ರವಾದನೆಥಿರ‍್ಹೇವೊ, ವಾಟ್‌ ವತಾಳನುರ‍್ಹೇವೊ ಬೋಲವಾಳ ನಾಹುಯಿರಿನ್ ಅಲ್ಹಾವ್‌ಬೋಲಿಥಿ ಬೋಲವಾಳ ಹುಯಿರ‍್ಹಾತೊ ಮಾರೇಥಿ ತುಮೂನ ಶನು ಫಾಯಿದೊ? 
\v 7 ವಾಖ್ಹ್‌ಳಿ ಖ್ಹಾರಂಗೊ ಬಿಜು಼ ಕೆತ್ರುಕ್ಕಿ ಜಾನ್‌ ಕೊಂತೆ ವಾಜ಼ವಜ಼ಂತ್ರಿನು ಲ್ಹೂರ್‌ಮ ಶನುಪರಕ್‍ಬಿ ನಾ ದೆಖಾಯುತೊ, ವಜಾ಼ಡ್ಯುತೆ ಕೆಹು ಕರಿ ಕಿಮ್ ಮಾಲುಮ್‌ಪಡ್‍ಶೆ? 
\v 8 ತುತ್ತೂರಿನ ಬರೋಬರ್‌ಥಿ ಫೂಕ್ಯುನಾತೊ ಕೋಣ್‌ತೋಬಿ ಜಂಗ್‌ನ ತಯಾರ್ ಉಷೆ ಕಿಶು? 
\v 9 ಇಮ್ಮಸ್ ತುಮೆ ಬರೋಬರ್‌ನಿ ಬೋಲಿಮ ನಾ ಬೋಲ್ಯಾತೊ,ವಾತೆಬೋಲ್ಯುತೆ ಶಾತ್‌ಕರಿ ಖ್ಹಮ್‍ಜಾ಼ನು ಕಿಮ್? ತುಮಾರಿ ವಾತೆ ವಹಿರಾಮ ಉಡಿಜಾ಼ಶೆ ಎತ್ರೇಸ್: 
\v 10 ಜಗತ್ಮ ಕೆತ್ರಿಥರಾನು ಬೋಲಿರ‍್ಹಿತೋಬಿ ಯೋ ಅಖ್ಖಾಮ ಏಕ್‍ತೋಬಿ ಮತ್ಲಬ್‍ಕೊಂತೆ ಕೊ ರ‍್ಹೇಯಿನಿ. 
\v 11 ಬೋಲಿನಿ ಮತಲಬ್ ಮನ ಮಾಲುಮ್‌ ನಾ ಪಡ್ಯುತೊ ಯೋ ವಾತ್ ಬೋಲವಾಳಾನ ಮೇ ಪರ್‌ದೇಖ್ಹ್‌ವಾಳನಿತ್ರ ರ‍್ಹೀಶ್ ಯೋ ಮನ ಪರದೇಖ್ಹ್‌ವಾಳನಿತ್ರ ರ‍್ಹಿಶೆ.\fig ವಾಜ಼ವಜ಼ಂತ್ರಿನು ಖ್ಹಾಮನ್‌ ಖ್ಹಾರು|alt="musical instruments" src="hk00188c.tif" size="col" copy="Horace Knowles ©" ref="14:7"\fig*
\p
\v 12 ಇಮ್ಮಸ್ ತುಮೇಬಿ ಪವಿತ್ರಾತ್ಮನಿ ವರಾನ ಘಣುಆಖ್ಹ್‌ ಕರೋಸ್ತೆ ಇನಖ್ಹಾಜೆ ಸಬೇನಿ ಭಕ್ತಿ ಭಡ್ತುಜಾ಼ವಾನಿತರ ಮದತ್ ಹುವಾನಿ ವರಾನ ಲೀಲ್ಯಾವನಖ್ಹಾಜೆ ಘಣು ಆಖ್ಹ್ ಕರೊ. 
\v 13 ಇನಖ್ಹಾಜೆ ಅಲಕ್ ಬೋಲಿ ಬೋಲವಾಳೊ ಇನಿ ಮತಲಬ್‍ನ ಬೋಲಾನ ದೇವ್‌ಕನ ಪ್ರಾರ್ಥನೆ ಕರಾದೆ. 
\v 14 ಶನಕತೊ ಮೇ ಅಲಕ್ ಬೋಲಿಮ ಪ್ರಾರ್ಥನೆ ಕರ‍್ಯೋತೊ ಮಾರು ಆತ್ಮ ಪ್ರಾರ್ಥನೆ ಕರ್ಶೆ, ಕತೋಬಿ ಮಾರು ದಿಲ್‌ ಶನು ಫಲ್ ಕೋದಿಶೇನಿ. 
\v 15 ಇಮ್‍ಕತೊ ಮೇ ಶಾತ್‌ಕರು? ಮೇ ಆತ್ಮಾಥೀಬಿ ಅಕ್ಕಲ್‍ಥೀಬಿ ಪ್ರಾರ್ಥನೆ ಕರೀಶ್ ಅಜು಼ ಆತ್ಮಾಥೀಬಿ ಗೀದ್‌ ಬೋಲಿಶ್ ಅಕ್ಕಲ್‍ಥೀಬಿ ಗೀದ್‌ ಬೋಲಿಶ್. 
\v 16 ತೂ ಖಲಿ ಆತ್ಮಮ ಧನ್ಯವಾದ್ ಕರ‍್ಯೋತೊ ಮಾಲುಮ್ ಕೊಯಿನ್ತೆ ಬೇಠೊರ‍್ಹವಾಳೊ ತಾರಿ ದನ್ಯವಾದ್ನಿ ಸ್ತುತಿನ ಆಮೆನ್ ಕರಿ ಬೋಲ್‌ಶೆ ಕಿಮ್? ತೂ ವಾತ್ ಬೋಲಿಶ್‌ತೆ ಇನ ಮಾಲುಮ್ ಪಡ್‌ಶೆ ಕೊಯ್ನಿನಿ? 
\v 17 ತೂ ಅಛ್ಛಿನಿತರ ಧನ್ಯವಾದ್ ಕರೀಶ್ ಖ್ಹಾಚಿಸ್, ಕತೋಬಿ ಬಿಜೇಕ್‍ಜ಼ಣಾನ ಶನು ಫಾಯಿದೊ. 
\v 18 ಮೇ ತುಮಾರ ಖ್ಹಾರೇಥಿಸ್ ಜಾ಼ಖ್ಹತ್ ಅಲಕ್ ಬೋಲಿ ಬೋಲುಸ್ ದೇವ್ನ ಧನ್ಯವಾದ್ ಕರುಸ್. 
\v 19 ಕತೋಬಿ ಅಖ್ಖಿ ಸಬೆಮ ಮಾಲುಮ್ ಪಢಕೊಯಿನ್ತೆ ಅಲಕ್ ಬೋಲಿಮ ದಖ್ಹ್‌ ಹಜಾ಼ರ್‌ ವಾತೆ ಬೋಲಥೀಬಿ ಬಿಜೇಕ್ ಜ಼ಣಾನ ವಾಟ್‌ ಒತಾಳನು ಪಾಚ಼್‌ವಾತೆ ಬೋಲಾನು ಅಛ್ಛು಼. 
\v 20 ಭೇನೆ ಭೈಯೇವೊ ಲಡ್ಕವ್ನಿತರ ಸೋಚಾನು ಮ್ಹೇಲಿದೆವೊ. ಖರಾಬ್‌ನಿ ಬಾರೇಮ ಅಡ್ಡಾಣಿನಿತರ ರ‍್ಹಿಯತೋಬಿ, ತುಮಾರಿ ಖ್ಹೂಜ಼್‌ಮ ಸಮಜ್‌ಧಾರ್‌ ಹುಯಿರ‍್ಹೇವೊ. 
\v 21 “ಅಲಕ್ ಬೋಲಿವಾಳಥೀಬಿ, ಅಲಕ್‍ ದೇಖ್ಹ್‌ವಾಳಾನ ಮ್ಹೋಡಾನಿ ಬೋಲಿಮ ಮೇ ಆ ಅದ್ಮಿಯೇವ್‌ನಿ ಜೋ಼ಡ್ಮ ವಾತೆ ಬೋಲುಸ್, ಕತೋಬಿ ಇವ್ಣೆ ಮನ ಕಾನ್‍ದೇಯಿಕೊಯ್ನಿ ಕರಿ ಪ್ರಭು ಬೋಲಸ್”\x - \xo 14:21 \xo*\xt ಯೆಶಾಯ 28:11-12\xt*\x* ಕರಿ ಧರ್ಮಶಾಸ್ತ್ರಮ ಲೀಖೈರುಸ್. 
\v 22 ಇನಖ್ಹಾಜೆ ಅಲಕ್‌ಬೋಲಿ ಬೋಲಾನು ವಿಶ್ವಾಸ್ ಕರವಾಳನ ಖಲಿ ಹುಯಿರ‍್ಹುಸ್, ವಿಶ್ವಾಸ್‌ಕೊಂತೆ ಇವ್ಣುನ ವತಾಳನಿ ಖ್ಹಣೇದ್ ಹುಯಿರುಸ್. ಕತೋಬಿ ಪ್ರವಾದನೆ ಭರೋಖ್ಹೊ ಕರವಾಳನಾಸ್, 
\v 23 ಇನಖ್ಹಾಜೆ ಸಬೆ ಅಖ್ಖುಸ್ ಮಳಿ ಆವಾದಿನ್ ಖ್ಹಾರೂಸ್ ಅಲಕ್ ಬೋಲಿ ಬೋಲ್ಯುತೊ, ಮಾಲುಮ್ ನಾರ‍್ಹವಾಳು ನತರ್ ವಿಶ್ವಾಸ್‌ಕೊಂತೆ ರ‍್ಹವಾಳು ಮಹಿ ಐನ್ ತುಮೆ ದೀವಾನು ಲಾಗಿಗುಕರಿ ಬೋಲ್‌ಶೆ ಕೊಯ್ನಿಕಿ ಶು? 
\v 24 ಕತೋಬಿ ತುಮೆಖ್ಹಾರು ಪ್ರವಾದ್‌ನೆ ಬೋಲಾನಿ ವಖ್ಹ್‌ತೆ ವಿಶ್ವಾಸ್ ನಾರ‍್ಹವಾಳು ರ‍್ಹವೊ, ಮಾಲುಮ್‌ ನಾರ‍್ಹವಾಳು ರ‍್ಹವೊ, ಮಹಿ ಆಯಿನ್ ಖ್ಹಮ್‌ಜ್ಯುತೊ ಮೇ ಪಾಪಿಕರಿ ದಿಲ್ಮ ಮಾಲುಮ್ ಕರಿಲೇಸ್. ಖ್ಹಮ್‍ಜ್ಯಾತೆ ಪ್ರವಾದ್‌ನೆಥೀಸ್‍ ಇನ ತೀರ್ಪ್ ಹುವಾಸ್. 
\v 25 ಯೋ ಅದ್ಮಿನಿ ದಿಲ್‌ಮಾನಿ ಗಪ್ಲತ್‌ನಿ ವಾತೆಖ್ಹಾರಿ ಭಾರ್‌ ಆವಸ್. ಯೋ ಅಡ್‍ಪಡೀನ್ ದೇವ್ನ ಆರಾದನೆ ಕರೀನ್ “ದೇವ್ ಖ್ಹಾಚಮಾಸ್ ತುಮಾರ ಇಚ಼್‌ಮ ಛಾ಼.” ಕರಿ ಬೋಲಸ್.
\s ಸಬೆಮ ಹುಕುಮ್
\p
\v 26 ಇನಖ್ಹಾಜೇಥಿ ಭೈಯೇ ಭೇನೆವೊ ಅಪ್ಣೆ ಶಾತ್‌ ಬೋಲೆಜಾ಼ಯ್‍? ತುಮೆ ಸಬೆಮಳಾದೀನ್, ಹರೇಕ್‌ಜ಼ಣಾನ ಕೀರ್ತನೆ ರ‍್ಹವೊ, ಉಪದೇಶ್ ಕರಾನುರ‍್ಹೇವೊ ದೇವ್‍ಥಿ ನವು ಖ್ಹಾಚ಼ನ ಖ್ಹಮ್‍ಜಾ಼ಡಾನ ರ‍್ಹವೊ, ಅಲಕ್ ಬೋಲಿಮ ಬೋಲಾನು ರ‍್ಹವೊ, ಇನಿ ಮತಲಬ್‍ನ ಬೋಲಾನು ರ‍್ಹವೊ, ಆ ಖ್ಹಾರೂಸ್ ಸಬೆನ ಭಾಂದಾನು ರ‍್ಹವೊ ಆತ್ಮಮ ಭಡಾವಾನಖ್ಹಾಜೆ ಹುವಾದೆ. 
\v 27 ಕೋಣ್‌ತೋಬಿ ಅಲಕ್ ಬೋಲಿ ಬೋಲವಾಳು ಉಷೇತೊ ಬೇಜ಼ಣು ನತರ್ ಜಾ಼ಖ್ಹತ್‍ಕತೊ ತೀನ್‍ಜ಼ಣು ಏಕೇಕ್‍ಜ಼ಣು ವಾತೆಬೋಲ್ನು. ನತರ್ ಬಿಜೇಕ್‍ಜ಼ಣು ಕೋಣ್‌ತೋಬಿ ಮತಲಬ್‍ನ ಬೋಲಿ ವತಾಳ್‍ನು. 
\v 28 ಮತಲಬ್‍ನ ಬೋಲವಾಳು ನಾಉಷೇತೊ ಅಲಕ್‍ ಬೋಲಿ ಬೋಲವಾಳು ಸಬೆಮ ಖ್ಹೊಪ್‍ರ‍್ಹವಾದೆ. ಯೋ ಇನುಯೋಸ್‍ಬಿ, ದೇವ್‍ನಾಬಿ ವಾತ್‍ಬೋಲಿಲ್ಯವಾದೆ. 
\v 29 ಪ್ರವಾದಿಖ್ಹಾರು, ಭೇಜ಼ಣು ರ‍್ಹವೊ, ತೀನ್‍ಜ಼ಣುರ‍್ಹೇವೊ ವಾತ್ ಬೋಲಾದೆ, ಬಿಜು಼ಜ಼ಣು ಪರ್ಖಿನ್ ಖ್ಹಮ್‌ಜಾ಼ದೆ. 
\v 30 ಬೆಠೂತೆ ಬಿಜೇಕ್‍ಜ಼ಣಾನ ದೇವ್‍ಥಿ ಶನುತೋಬಿ ನವು ಖ್ಹಾಚು಼ಮಳ್ಯುತೊ ಪಹಿಲೆನೊ ಖ್ಹೊಪೊರ‍್ಹವಾದೆ. 
\v 31 ಶನಕತೊ ತುಮೆಖ್ಹಾರು ಎಕೇಕ್‍ಜ಼ಣು ಪ್ರವಾದ್‌ನೆ ಕರಾವಾಳು ಹುಯಿರ‍್ಹಾತೊ ಅಖ್ಖುಜ಼ಣು ಶಿಕಿಲಿಶೆ, ಅಖ್ಖೂಬಿ ಹುಮ್ಮಖ್ಹ್‌ ಲೀಲಿಶೆ. 
\v 32 ಪ್ರವಾದಿಖ್ಹಾರಾನು ಆತ್ಮಖ್ಹಾರು ಪ್ರವಾದಿಯೇವ್‍ನು ಅಧೀನ್‍ಮ ಛಾ಼. 
\v 33 ದೇವ್ ಖ್ಹಾರಿ ಸಬೆನ ಸಮಾಧಾನ್ನೊ ದೇವ್ ಹುಯಿರ‍್ಹೋಸ್ ಪಣ್ಕಿ ಕಲಾವ್ಣಿನ ಕಾರಣ್ ಕಾಹೆ. 
\v 34 ದೇವ್ನಿ ಸಭೆಮ ತಯೇಡಾಖ್ಹಾರಿ ಸಬೇನಿ ಟೋಳ್ಮ ಖ್ಹೊಪೊರ‍್ಹವಾದೆ. ಶನಕತೊ ವಾತೆಬೋಲಾನ ಇವ್ಣುನ ಶನಿ ಹುಕುಮ್ ಕೊಯ್ನಿ. ಧರ್ಮಶಾಸ್ತ್ರ ಬೋಲಿರಾಖ್ಯುತೆ ತಿಮ್ ಇವ್ಣೆ ಅಧೀನ್‍ಮ ರ‍್ಹೇಣು. 
\v 35 ಇವ್ಣೆ ಶನಿತೋಬಿ ಬಾರೇಮ ಮಾಲುಮ್‍ಕರಿಲ್ಯವಾನು ರ‍್ಹಿಯುತೊ, ಘರ್‌ಮ ಬಾವ್ರಿಯೇವ್‍ನಿ ಪೂಛ಼ವಾದೆ. ತಯೇಡಖ್ಹಾರು ಸಬೆಮ ವಾತೆಬೋಲಾನು ಖ್ಹರಮ್‍ಲಾಗಾನು ಹುಯಿರ‍್ಹೂಸ್. 
\v 36 ನತರ್ ದೇವ್ನಿವಚನ್ ತುಮಾರೇಥಿ ನಿಕಳ್‍ಶೇಕಿ? ಕೊಯ್ನಿ, ಯೋ ತುಮಾರಕನ ಖಲಿ ಆಯೂಕಿ? 
\v 37 ಕೋಣ್‌ತೋಬಿ ಇನುಯೋ ಪ್ರವಾದಿ ಕರಿರ‍್ಹೆವೊ, ದೇವ್ನಿ ಆತ್ಮಥಿ ಭರೈರ‍್ಹವಾಳೊ ಕರಿರ‍್ಹೆವೊ ಖ್ಹಮ್‍ಜಿಲ್ಯವಾಳೊ ರ‍್ಹಿಯೋತೊ ಮೇ ತುಮೂನ ಲೀಖಿರಾಖ್ಯೊತೆ ವಾತೆಖ್ಹಾರಿ ಪ್ರಭುನಿ ಹುಕುಮ್‍ಕರಿ ಅಛ್ಛಿನಿತರ ಮಾಲುಮ್ ಕರಿಲ್ಯವಾದೆ. 
\v 38 ಕೋಣ್‌ತೋಬಿ ಆ ಹೈರುತೆ ಮಾಲುಮ್‌ ಕೊಯ್ನಿಕರಿ ಬೋಲ್ಯೊತೊ ಯೊ ಖ್ಹಣೇದ್ ಕೊಂತೆ ತಿಮ್‌ರ‍್ಹವಾದೆ. 
\v 39 ಇನಖ್ಹಾಜೆ ಮಾರ ಭೇನೆ ಭೈಯೇವೊ, ಪ್ರವಾದ್‌ನೆಕರಾನ ಘಣು ಆಖ್ಹ್‌ಕರೊ. ಅಲಕ್ ಬೋಲಿಬೋಲಾನ ಆಡು ನಕೊಹುವೊ. 
\v 40 ಕತೋಬಿ ಅಖ್ಖೂಸ್ ಬರೋಬರ್‌ಥಿ ಅಜು಼ ರ‍್ಹವಾನಿ ಪರಕ್ಮ ಬರೋಬರ್‌ಥಿ ರ‍್ಹವಾದೆ.
\c 15
\s ಕ್ರಿಸ್ತ ಮರೀನ್ ಜಿವ್ಯೊತೆ ಇನಿ ಬಾರೇಮ
\p
\v 1 ಭೈಯೇ ಭೇನೆವೊ, ಮೇ ತುಮೂನ ಬೋಲ್ಯೊತೆ ಸುವಾರ್ತೆನ ಹಮ್ಕೆ ತುಮಾರಿ ಯಾದ್ಮ ಲ್ಯವೂಸ್, ಖ್ಹಮ್‌ಜಾ಼ಡುಸ್. ತುಮೆ ಇನ ಮಾನಿಲಿದ. ಇನಾಮ ಭಿಯಾಸ್‌. 
\v 2 ಮೇ ಬೋಲ್ಯೊತೆ ಆ ಸುವಾರ್ತೆನ ತುಮೆ ಘಟ್‍ಥಿ ಧರಿಲಿದಾತೊ ತುಮೂನ ರಕ್ಷಣೆ ಉಷೆ. ನತರ್‌ತೊ ತುಮಾರಿ ವಿಶ್ವಾಸ್ ಬೇಕಾರ್ ಹುಯಿಜಾ಼ಶೆ. 
\v 3 ಶನಕತೊ ಮೇಬಿ ಜಿನು ಶಿಕ್ಯೋತೆ ಪಹಿಲಿ ವಾತೆಮಾಥು ಮುಖ್ಯ ವಾತ್ನಸ್ ತುಮೂನ ಖ್ಹಮ್‌ಜಾ಼ಡ್ ರಾಖ್ಯೋಸ್. ಯೋ ಶಾತ್‍ಕತೊ ಧರ್ಮಶಾಸ್ತ್ರಮ ಖ್ಹಮ್‍ಜಾ಼ಡಿರಾಖ್ಯೊತೆ ತಿಮ್ ಕ್ರಿಸ್ತ ಅಪ್ಣ ಪಾಪ್ನಖ್ಹಾಜೆ ಮರ‍್ಯೊ. 
\v 4 ಯೋ ಗಡೈಗಯೊ, ಪವಿತ್ರ ದಪ್ತರ್‌ನಿ ಪರಕ್ಮಾಸ್ ತೀನ್ನೆ ರೋಜ಼್‌ಮ ಉಠಿನ್ ಆಯೊ.\x - \xo 15:4 \xo*\xt ಹೋಶೇಯ 6:2\xt*\x* 
\v 5 ಪೇತ್ರನಬಿ ಇನಪಾರ್ ಭಾರ ಜ಼ಣ ಅಪೊಸ್ತಲರ್‌ನಾಬಿ ದೇಖಾಯೊ.ಧರ್ಮಶಾಸ್ತ್ರ 
\v 6 ಅನಕೇಡೆಥು ಎಕ್ಕಸ್ ವಖ್ಹತ್‌ಮ ಪಾಚ಼್ ಖ್ಹೋಥಿಬಿ ಜಾ಼ಖ್ಹತ್ ಜ಼ಣ ಭೈಯೇ ಭೇನೆವ್‌ನ ದೇಖಾಯೊ. ಇವ್ಣಾಮ ಘಣುಅದ್ಮಿ ಹಮ್ಕೇಬಿ ಬಚಿರ‍್ಹೂಸ್. ಥೋಡುಜ಼ಣು ಮರಿಗಯು. 
\v 7 ಇನಕೇಡೆಥು ಯೋ ಯಾಕೋಬ್‌ನಾಬಿ ಇನಪಾರ್ ಬಿಜೇಕ್ ವಖ್ಹತ್ ಖ್ಹಾರಸ್ ಅಪೊಸ್ತಲರ್‌ನಾಬಿ ದೆಖಾಯೊ. 
\v 8 ಖ್ಹರ್ತಿಖ್ಹುಗ್ಗಿಮ ದನ್ ಭರಾಯುಕೊಂತೆ ಪೈದಹುವಾಳಾನಿತರ ಛೂ಼ತೆ ಮನಾಬಿ ದೆಖಾಯೊ. 
\v 9 ಮೇತೊ ಅಪೊಸ್ತಲರ್‌ಮ ನ್ಹಾನೊ, ಅಪೊಸ್ತಲಕರಿ ಬೋಲೈಲ್ಯವಾನ ಮೇ ಯೋಗ್ಯಕಾಹೆ. ಶನಕತೊ ಮೇ ದೇವ್ನಿ ಸಬೇನಾಸ್ ಖ್ಹತಾಯೊ. 
\v 10 ಕತೋಬಿ ಮೇ ಕೆಥ್ರಾನವಾಳೊ ಹುಯಿರ‍್ಹೋಥೊಕಿ ಯೊ ದೇವ್‌ನೊ ವಾರ್‌ಖ್ಹೊಸ್ ಹುಯಿರುಸ್. ಮನಹುಯುತೆ ಇನೊ ವಾರ್‌ಖ್ಹೊ ಬಿಣ್‌ಫಾಯಿದೊ ಹುಯುಕೋಯ್ನಿ. ಮೇ ಇವ್ಣ ಅಖ್ಖೇಥೀಸ್ ಕೆತ್ರೇಕ್ಕಿ ಜಾ಼ಖ್ಹತ್ ವಾಖ್ಯೊಕರ‍್ಯೊ. ಕತೋಬಿ ಮ್ಹಿನತ್ ಕರ‍್ಯೊತೆ ಮೇಸ್ ಕಾಹೆ ದೇವ್ನಿ ವಾರ್‌ಖ್ಹೇಥಿಸ್ ಹುಯು. 
\v 11 ಇನಖ್ಹಾಜೆ ಮೇ ರ‍್ಹಿಯೋತೊ ಶಾತ್, ಇವ್ಣೆ ರ‍್ಹಯೊತೊ ಶಾತ್ ಇನಾಸ್ ಹಮೆ ಬೋಲ್‍ಯೇಸ್ತೆ ಸುವಾರ್ತೆನ ಬೋಲಿರಾಖ್ಯಾಸ್. ತುಮೆ ವಿಶ್ವಾಸ್ ಕರಿರಾಖ್ಯಾಸ್.
\s ಮರ‍್ಯಾಹುಯ ಪಾಛು಼ ಜಿವಿನ್ ಉಠಾನು
\p
\v 12 ಕತೋಬಿ ಕ್ರಿಸ್ತ ಮರ‍್ಯಾಹುಯಾಮಾಥು ಉಠೀನ್ ಆಯೋಕರಿ ಬೋಲುಕರಾನಿ ವಖ್ಹತ್‌ಮ ತುಮಾರಮ ಥೋಡುಜ಼ಣು ಮರ‍್ಯಾಹುಯಾನ ಪಾಛು಼ ಜಿವ್ತುಹುವಾನು ಕೊಯ್ನಿಕರಿ ಬೋಲಾನು ಕಿಮ್? 
\v 13 ಮರ‍್ಯಾಹುಯಾನ ಪಾಛು಼ಜಿವ್ತು ಹುವಾನು ಕೊಯ್ನಿಕತೊ, ಕ್ರಿಸ್ತಬಿ ಮರ‍್ಯಾಹುಯಾಮಾಥು ಉಠಿನ್ ಆಯೊ ಕೊಯ್ನಿಕರಿ. 
\v 14 ಕ್ರಿಸ್ತ ಉಠಿನ್ ಆಯೊಕೊಯ್ನಿಕತೊ ಹಮಾರಿ ಉಪದೇಶ್‍ಬಿ, ತುಮಾರಿ ವಿಶ್ವಾಸ್‍ಬಿ ಫಾಯಿದೊಕೊಂತೆ ಹುಯಿರ‍್ಹುಸ್. 
\v 15 ಆನಾಹುಯಿನ್ ಮರ‍್ಯುಹುಯು ಉಠೀನ್ ಆಯುಕರಿ ದೇವ್ ಕ್ರಿಸ್ತಾನ ಉಠಾಡ್ಯೊಸ್ ಕೊಯ್ನಿ; ಉಠಾಡ್ಯೊಕರಿ ಸಾಕ್ಷಿ ದಿದಾತೆ ಅಪ್ಣೆ ದೇವ್ನಿ ಬಾರೇಮ ಝೂ಼ಟಿ ಬೋಲವಾಳ ಹುಯ ದೆಖೈಯೆಸ್ 
\v 16 ಮರ‍್ಯುಹುಯು ಉಠಿಆವಕೊಯ್ನಿಕತೊ ಕ್ರಿಸ್ತಬಿ ಜಿವ್ತೊಹುಯಿನ್ ಉಠೀನ್ ಆಯೊಕೊಯ್ನಿ. 
\v 17 ಕ್ರಿಸ್ತ ಉಠಿನ್ ಆಯೊಕೊಯ್ನಿಕತೊ, ತುಮಾರಿ ವಿಶ್ವಾಸ್ ಬಿಣ್‌ಫಾಯಿದಾನು ಹುಯಿರ‍್ಹೂಸ್. ತುಮೆ ಆಜೂ಼ಬಿ ತುಮಾರಿ ಪಾಪ್‍ಮಾಸ್‌ ಛಾ಼. 
\v 18 ಆ ನಾಹುಯಿನ್ ಕ್ರಿಸ್ತಮ ರ‍್ಹೀನ್ ಮರ‍್ಯುಹುಯುಖ್ಹಾರು ನಾಶ ಹುಯಿರ‍್ಹುಸ್ ಕರಿ ಇನಿ ಮತಲಬ್. 
\v 19 ಅಪ್ಣೆ ಆ ಜಿ಼ಂದ್‌ಗೀಮ ಖಲಿ ಕ್ರಿಸ್ತಮ ಭರೋಖ್ಹಾವಾಳ ಹುಯಿರ‍್ಹಾತೊ, ಜಗತ್ನ ಅದ್ಮಿಥೀಬಿ ಕಡತೇಲ್‍ ಹುಯಿರ‍್ಹಿಯೇಸ್. 
\v 20 ಕತೋಬಿ ಖ್ಹಾಚು಼ ಶಾತ್‍ಕತೊ ಹಮ್ಕೆ ಕ್ರಿಸ್ತ ಮರ‍್ಯಹುಯಮಾಥು ಉಠೀನ್ ಆಯಿರ‍್ಹೋಸ್. ಮರ‍್ಯಹುಯ ಖ್ಹಾರಾಸ್‌ಮ ಮರೀನ್ ಉಠಾನು ಛಾ಼ಕರಿ ವಿಶ್ವಾಸಿಮ ಜ಼ಮೀನ್ ಹುಯಿರ‍್ಹೂಸ್. 
\v 21 ಶನಕತೊ ಏಕ್‌ ಅದ್ಮಿಥಿ ಮರಣ್ ಆಯುತೆ ತಿಮ್ಮಸ್ ಏಕ್‌ ಅದ್ಮಿಥಿ ಮರ‍್ಯಾಹುಯಾನ ಪಾಛು಼ಜಿವ್ತು ಹುವಾನು ಆವಸ್. 
\v 22 ಶನಕತೊ ಆದಾಮ್ಮ ಖ್ಹಾರೂಸ್ ಮರಾನಿ ತರಸ್, ಕ್ರಿಸ್ತಮ ಖ್ಹಾರೂಸ್ ಜಿವ್ತು ಉಶೆ. 
\v 23 ಕತೋಬಿ ಕ್ರಿಸ್ತ ಖ್ಹಾರೇಥಿ ಪಹಿಲೆ ಇನಪಾರ್ ಕ್ರಿಸ್ತ ಆವಾನಿ ವಖ್ಹ್‌ತೆ ಇನು ಅದ್ಮಿಖ್ಹಾರು ಏಕ್‌ನ ಕೇಡೆಥು ಏಕ್‌ ಬರೋಬರ್‌ನಿ ಪರಕ್ಮ ಉಠೀನ್ ಆವ್‌ಶೆ. 
\v 24 ಅನಕೇಡೆಥು ಯೋ ಖ್ಹಾರೂಸ್ ದರ್‌ಬಾರ್‌ನಾಬಿ ಖ್ಹಾರೂಸ್ ಅದಿಕಾರ್‌ನಾಬಿ, ಖ್ಹಾರೂಸ್ ಶಕತ್‍ನಾಬಿ ನಾಶ್ ಕರೀನ್ ಬಾ ದೇವ್ನ ಹಾತ್ಮ ರಾಜ್ಯ ದಿನಾಖಿದ್ಯವಾನಿ ವಖ್ಹ್‌ತೆ ಖ್ಹತಮ್ ಹುಯಿಜಾ಼ಶೆ.\x - \xo 15:24 \xo*\xt ದಾನಿಯೇಲ 2:44\xt*\x* 
\v 25 ಶನಕತೊ ದೇವ್ ಅಖ್ಖಾಸ್ ವಹೇರ‍್ಯಾವ್ನ ಹರೈನ್ ಇನ ಪಗ್‍ಪರ್ ನಾಖೀಲ್ಯವಾಲಗು ರಾಜ಼್ ಚ಼ಲಾವಾನು ಜ಼ರೂರತ್ ಛಾ಼.\x - \xo 15:25 \xo*\xt ಕೀರ್ತನೆ 110:1\xt*\x* 
\v 26 ಖ್ಹರ್ತಿನ ನಾಶ್‍ಹುವಾಳೊ ವಹೇರ‍್ಯೊ ಮರಣಸ್. 
\v 27 ಶನಕತೊ “ದೇವ್ ತಮಾಮ್‍ನಾಸ್ ಇನ ಗೋಡಾನ ಹೇಟ್ ನಾಖಿನ್ ಇನ ಅಧೀನ್ ಕರ‍್ಯೊ” ಕರಿ ಬೋಲಾನಿ ವಖ್ಹ್‌ತೆ ಖ್ಹಾರಸ್ನ ಅಧೀನ್ ಕರ‍್ಯೊಹುಯೊ ಇನಾಮ ಮಳ್ಯೊಕೊಯ್ನಿಕರಿ ದೆಖಾವಸ್. 
\v 28 ತಮಾಮ್‍ಬಿ ಇನ ಹಾತ್ಮ ದೀರಾಖನಪರ್ ಛಿಯ್ಯೊ ತಮಾಮ್‍ನಾಬಿ ದೀರಾಖವಾಳನ ಇನಹಾತ್‍ ಹೇಟ್ ರ‍್ಹವಾಳೊ ಹುಯಿರ‍್ಹೊಸ್; ಅಮ್‍ ದೇವ್ ತಮಾಮ್ಮಾಬಿ ತಮಾಮ್‌ ಹುಯಿರ‍್ಹೊಸ್. 
\v 29 ಮರ‍್ಯಹುಯಾನ ಪಾಛು಼ ಜಿವ್ತುಹುವಾನು ನಾರ‍್ಹಯುತೊ, ಮರ‍್ಯಾಹುಯಾನಖ್ಹಾಜೆ ಬ್ಯಾಪ್ತಿಸ್ಮ ಕರೈಲ್ಯಾವಾಳು ಶಾತ್‍ಕರ್‌ಶೆ? ಮರ‍್ಯುಹುಯು ಖ್ಹಾಚಮಾಸ್ ಉಠಿಆವಾಳು ನಾ ಉಶೇತೊ, ಉಠಿಆವಾಳ ಇವ್ಣಖ್ಹಾಜೆ ಅದ್ಮಿಖ್ಹಾರು ಬ್ಯಾಪ್ತಿಸ್ಮ ಶನಕರೈಲೇವ್ಣು? 
\v 30 ಕ್ರಿಸ್ತಮ ತುಮೆ ಮಾರಿ ಜೋ಼ಡೆ ಛಾ಼ತೆ ಇನಖ್ಹಾಜೆ ಅಪ್ಣೆ ಜಿನು ಹರ್‌ಘಡೀಮಾಬಿ ಖತ್ರಾಮ ಶನಛಿ಼ಯೇ? 
\v 31 ಭೈಯೇ ಭೇನೆವೊ, ಅಪ್ಣೊ ಪ್ರಭು ಹುಯಿರೋತೆ ಕ್ರಿಸ್ತಯೇಸುಮ ತುಮಾರಿ ಬಾರೇಮ ಮನಛಾ಼ತೆ ಪ್ಯಾರ‍್ನಖ್ಹಾಜೆ ಮೇ ಹರ್‌ರೋಜ಼್‍ಬಿ ಮರಣ್ಣ ಮ್ಹೋರೆ ಛೂ಼ಕರಿ ಬೋಲುಸ್. 
\v 32 ಮೇ ಅದ್ಮಿವೋನಖ್ಹಾಜೆ ಎಫೆಸಮ ಜಾನ್ವರ್‌ನ ಜೋ಼ಡ್ಮ ಜಂಗ್ ಭೀಡ್ಯೊತೊ, ಮನ ನಫ್ಫೊತೋಬಿ ಶಾತ್‌? ಮರಿಜಾ಼ವಳು ಉಠಿಆವಾನು ನಾರ‍್ಹಯುತೊ, ‘ಖೈನ್ ಪೀನ್ ಮರಿಜೈ಼ಯೆ?\x - \xo 15:32 \xo*\xt ಯೆಶಾಯ 22:13\xt*\x* 
\v 33 “ಖರಾಬ್ ವಾಟ್ಮ ಖೇಚೈಜಾ಼ಶುನಕೊ, ಖರಾಬ್‍ನೊ ಖ್ಹಂಗ್ ಅಛ್ಛಿಚಾ಼ಲ್‍ನ ಖರಾಬ್ ಕರ್ಶೆ”. 
\v 34 ನೀತಿನಖ್ಹಾಜೆ ಹೊಷಾರಿ ಹುವೊ, ಪಾಪ್ನ ನಕೊಕರೊ. ಥೋಡಜ಼ಣಾನ ದೇವ್ನಿ ಬಾರೇಮ ಮಾಲುಮ್ಮಸ್‍ಕೊಯ್ನಿ. ತುಮೂನ ಖ್ಹರಮ್‌ ಲಾಗಾದೆಕರಿ ಮೇ ಆ ವಾತ್ ಬೋಲುಕರುಸ್.
\s ಪಾಛು಼ ಜಿವ್ತು ಹುಯುತೆ ಶರೀರ್
\p
\v 35 “ಮರ‍್ಯುಹುಯು ಕಿಮ್ ಉಠಿಆವ್‌ಶೆ, ಕಿಮ್ನ ಶರೀರ್‌ಥಿ ಆವ್‍ಶೆಕರಿ ಕೋಣ್‌ತೋಬಿ ಪುಛಾ಼ವ್‍ಶೆ. 
\v 36 ಬಿಣ್‍ ಖ್ಹಯಾಲ್ನ ಅದ್ಮಿ, ತೂ ಬಿತ್‍ ಕರಾತೆ ದಾಣೊ ಮರ‍್ಯುನಾತೊ ಯೋ ಜಾನ್‌ ಲೀಶೆಕಿಶು ಕೊಯ್ನಿ. 
\v 37 ತೂ ಏಕ್‍ಘಡಿ ಘವ್‌ನ ರ‍್ಹವೊ ಜಿಜು಼ ಕೆಹೂಬಿ ದಾಣಾನ ರ‍್ಹವೊ ಬಿತ್‍ ಕರಾನಿ ವಖ್ಹ್‌ತೆ ಖಲಿ ಎಕ್ಕಸ್ ದಾಣನಾಸ್ ಪಣ್ಕಿ ಅಗಾಡಿ ಮೋಟು ಹುವಾನು ಶೋಶಿನ ಗಾಡಕೊಯ್ನಿ. 
\v 38 ಕತೋಬಿ ಅಖ್ಖಾ ದಾಣನಾಬಿ ಇನ ಹೋಣುತೆ ಶರೀರ್‌ನ ದೇಸ್, ದೇವ್ ಇನಿ ಖ್ಹೂಜ಼್‌ನಿ ಘೋಣಿಸ್ ಇನ ಶರೀರ್‌ನ ದೇಸ್.\x - \xo 15:38 \xo*\xt ಆದಿಕಾಂಡ 1:11\xt* \x* 
\v 39 ಅಖ್ಖೂಸ್ ಶರೀರ್ ಎಕ್ಕಸ್ ತರ ರ‍್ಹೇಯಿಕೊಯ್ನಿ. ಅದ್ಮಿನು ಶರೀರ್ ಏಕ್‌ಥರ, ಜಾನ್ವರ್‌ನು ಶರೀರ್ ಏಕ್‌ಥರ, ಜಿನಾವರ್‌ನು ಶರೀರ್ ಏಕ್‌ಥರ, ಮಾಛ಼್‌ಲಾನುಸ್ ಬಿಜೇಕ್‌ತರ, 
\v 40 ಆ ನಾಹುಯಿನ್ ಸೊರ್ಗಾನು ಶರೀರ್‌ಖ್ಹಾರು ಛಾ಼; ಧರ್ತಿನು ಶರೀರ್‌ಖ್ಹಾರು ಛಾ಼, ಕತೋಬಿ ಪರಲೋಕಮ ಅಖ್ಖಾಶರೀರ್‌ನು ಶನ್‌ಗಾರ್‌ನ ಅಲಕ್, ಧರ್ತಿನು ಶರೀರ‍್ನು ಶನ್‌ಗಾರ್ ಅಲಕ್. 
\v 41 ಚಾ಼ಂದ್‌ನು ಶನ್‌ಗಾರ್ ಅಲಕ್, ಚ಼ಂದರ್‌ಮಾನು ಉಜಾ಼ಖ್ಹ್‌ ಬಿಜೇಕ್ ಪರಕ್. ಶನಕತೊ ಶುಕ್ಕರ್ ಶುಕ್ಕರ್‌ನುಸ್ ಶನ್‍ಗಾರ್‌ಮ ಪರಕ್‍ ರ‍್ಹೇಸ್. 
\v 42 ಮರ‍್ಯಹುಯಾನ ಉಷೇತೆ ಪಾಛು಼ ಜಿವ್ತುಹುವಾನಾಬಿ ಇಮ್ಮಸ್ ರ‍್ಹಿಶೆ. ಶರೀರ್ ನೂಛೈಜಾ಼ವಾನಿ ಹಾಲತ್ಮ ಗಡೈಜಾ಼ಸ್. ಅಜು಼ ಮರೀನ್ ಉಠೀನ್ ಆವಾತೆ ನಾಶ ಹುವಾಕೊಂತೆ ರ‍್ಹಿಶೆ. 
\v 43 ಗಡೈಜಾ಼ವಾನಿ ವಖ್ಹ್‌ತೆ ಖರಾಬ್ ಹಾಲತ್ಮಾಬಿ ಬಿತ್‍ಹುವಸ್, ಕತೋಬಿ ಮಹಿಮೆನಿ ಜೋ಼ಡ್ಮ ಉಠಿನ್ ಆವಸ್. ಕಮ್‍ಜೋ಼ರಿಮ ಗಡೈಜಾ಼ಸ್, ಶಕಥ್ಥಿ ಉಠೀನ್ ಆವಸ್. 
\v 44 ಗಡಾಯುಹುಯು ಮಾಮೂಲಿ ಶರೀರ್‌ಹುಯಿನ್ ಗಡಾವಸ್, ಆತ್ಮೀಕ ಶರೀರ್‌ಹುಯಿನ್ ಉಠಿನ್ ಆವಸ್. ಅಫ್ಫರ್‌ಥು ಉಬ್‌ಜ್ಯುಹುಯು ಶರೀರ್ ಛಾ಼ಕತೊ ಆತ್ಮೀಕ ಶರೀರ್‌ಬಿ ಛಾ಼. 
\v 45 ಪಹಿಲೊ ಅದ್ಮಿಹುಯಿರೋತೆ ಆದಾಮ್ ಜಾನ್‌ ಲಿದೋತೆ ಏಕ್ಜ಼ಣೊಹುಯೊ. ಖ್ಹರ್ತಿನೊ ಅದಾಮ್‌ತೋಬಿ ಜಾನ್ನದ್ಯವಾಳೊ ಆತ್ಮಹುಯೊ” ಕರಿ ಪವಿತ್ರ ದಪ್ತರ್‌ಮ ಲೀಖೈರ‍್ಹುಸ್. 
\v 46 ಆತ್ಮೀಕ ಹುವಾಳು ಪಹಿಲೆ ಆಯುಕೊಯ್ನಿ ಮ್ಹಾಮುಲಿಸ್ ಪಹಿಲು ಹುಯಿರ‍್ಹೂಸ್. ಇನಕೇಡೆಥು ಆತ್ಮೀಕ ಹುವಾಳು ಐರ‍್ಹೂಸ್. 
\v 47 ಪಹಿಲೊ ಅದ್ಮಿ ಜ಼ಮೀನ್ನು ಮಾಟಿವಾಳೊ ಹುಯಿರ‍್ಹೋಥೊ. ಬೇನೊ ಅದ್ಮಿ ಪರಲೋಕ್‌ಥೊ ಆಯೊ ಹುಯೊ. 
\v 48 ಮಾಟಿನೊ ಅದ್ಮಿ ಕೆಥ್ರಾನೋಕಿ, ಮಾಟಿನ ಸಂಬಂದ್ ರ‍್ಹವಾಳುಬಿ ಎಥ್ರಾನಸ್‍ವಾಳು, ಪರ್‌ಲೋಕ್‌ನೊ ಅದ್ಮಿ ಕೆಥ್ರಾನವಾಳೋಕಿ ಪರ್‌ಲೋಕ್ನ ಸಂಬಂಧ್‍ರ‍್ಹಾವಾಳುಬಿ ಎಥ್ರಾನಸ್‍ವಾಳು ಹುಯಿರ‍್ಹಿಶೆ. 
\v 49 ಅಪ್ಣೆ ಮಾಟಿನ ಅದ್ಮಿನು ರೂಪ್ ಫೇರಿರಾಖ್ಯಾತೇಸ್ ಪರಕ್, ಪರ್‌ಲೋಕ್‌ನು ಅದ್ಮಿನ ರೂಪ್‍ನಾಬಿ ಪೇರ‍್ಹಿಲಿಶೂ಼.\x - \xo 15:49 \xo*\xt 1 ಯೋಹಾನ 3:2\xt*\x* 
\v 50 ಭೇನೆ ಭೈಯೇವೊ, ಮೇ ಶಾತ್ ಬೋಲಸ್‍ಕತೊ, ಲ್ಹೋಯಿ ಬೋಟಿ ದೇವ್ನ ರಾಜ್ಯಮ ಭಾಗ್‌ ಲಿಶೆಕೊಯ್ನಿ. ನೂಛೈಜಾ಼ಯ್‌ ಕೊಯ್ನಿತೆ, ಇನಾಮ ಭಾಗ್‍ಲ್ಯಾವಾನ ಉಶೆಕೊಯ್ನಿ. 
\v 51 ಮೇ ಗಪ್ಲತ್ ಹುಯಿರ‍್ಹೀಥೀತೆ ವಾತೆನ ತುಮುನ ಬೋಲುಸ್ ಖ್ಹಮ್‍ಜೊ ಅಪ್ಣೆಖ್ಹಾರು ಮರಿಜಾಶು ಕೊಯ್ನಿ. ಅಪ್ಣೆಖ್ಹಾರು ಬದ್ಲಿಜಾಶು. 
\v 52 ಕತೋಬಿ ಎಕ್ಕಸ್ ಘಡೀಮ, ಪಾಪಣ್ ಮಾರಾನ ಮಹಿಮ ಖ್ಹರ್ತಿನಿ ತುತ್ತೂರಿ ವಜಾ಼ಡನಿ ವಖ್ಹ್‌ತೆ ಮರಿಹುಯು ನಾಶ್‌ಕೊಹುವಾನಿತೆ ಹಾಲತ್ಮ ಉಟ್‌ಶೆ. ತದೆ ಅಪ್ಣೆ ಬದ್ಲಿಜಾಶು. ತುತ್ತೂರಿನುವಾಜ಼ನಿ ವಖ್ಹ್‌ತೆ ಮರ‍್ಯುಹುಯು ಕದೇಬಿಜಿವಾನ, ಉಠಾಡೈಜಾ಼ಶೆ. ಅಪ್ಣೆ ಬದ್ಲಿಜಾಶು. 
\v 53 ಕತೋಬಿ ನೂಛೈ಼ಜಾ಼ವಾನು ಶರೀರ್ ನೂಛಾ಼ವಕೊಂತೆ ಇಮ್‌ ಬದ್ಲಿಜಾ಼ಶೆ. ಮರವಾಳು ಮರಾಕೊಂತೆ ಹುಯಿಜಾಶೆ. 
\v 54 ಅಮ್‌ರ‍್ಹವಾಪರ್ ನೂಛೈ಼ಜಾ಼ವಾಳು ಶರೀರ್ ನೂಛೈ಼ಜಾ಼ವನುಕೊಂತೆ ಬದಲ್ ಹುವಾನಿವಖ್ಹ್‌ತೆ ಪವಿತ್ರ ದಪ್ತರ್‌ಮ “ಜೀತ್ ಮರಣ್ಣ ಗಳಿಲಿದು” ಕರಿ ಲೀಖಾಯುತೆ ವಾತ್ ಚಾ಼ಲಸ್.\x - \xo 15:54 \xo*\xt ಯೆಶಾಯ 25:8\xt*\x* 
\v 55 ಮರಣ್, ತಾರಿ ಜೀತ್ ಕ್ಯಾ? ಮರಣ್ ತಾರು ಝಾರ್‌ ಕಣ್ಣಿ ಕಿಜ್ಜಾ಼ ಛಾ಼.\x - \xo 15:55 \xo*\xt ಹೋಶೇಯ 13:14\xt*\x* 
\v 56 ಮರಣ್ ಪಾಪ್‌ಥಿ ಅಜ಼ ದ್ಯವಾನು ತಾಖತ್ನ ಲೇಸ್ ಅಜು಼ ಪಾಪ್ ಧರ್ಮಶಾಸ್ತ್ರಥಿ ಶಕತ್ ಲೀಲೆಸ್. 
\v 57 ಕತೋಬಿ ಅಪ್ಣೊ ಪ್ರಭು ಹುಯಿರೋತೆ ಯೇಸು ಕ್ರಿಸ್ತಥಿಸ್ ಅಪ್ಣುನ ಜೀತ್‍ದ್ಯಾವಾಳ ದೇವ್ನ ಧನ್ಯವಾದ್. 
\v 58 ಇನಾಖ್ಹಾಜೆ ಮಾರ ಪ್ಯಾರ್‌ನ ಭೇನೆ ಭೈಯೇವೊ, ಘಟ್‍ಥಿ ಭೀರ‍್ಹೆವೊ. ಕೆಹೂಬಿ ತುಮುನ ಹಲಾವದೆ ನಕೊ. ಪ್ರಭುಮ ತುಮಾರೊ ವಾಖ್ಯೊ ಬಿಣ್‌ಫಾಯಿದೊ ಉಶೆಕೊಯ್ನಿ ಕರಿ ಖ್ಹಮ್‌ಜಿನ್‌, ಪ್ರಭುನ ಕಾಮ್ನಖ್ಹಾಜೆ ಕದೇಬಿ ತುಮಾರು ತುಮೆ ಪೂರ ಅರ್ಪಣ್‍ ಕರಿಲೆವೊ.
\c 16
\s ಯೆರೂಸಲೇಮ್‌ನ ವಿಶ್ವಾಸಿನಖ್ಹಾಜೆ ಕಾಣ್ಕೆ
\p
\v 1 ದೇವ್ನ ಅದ್ಮಿನಖ್ಹಾಜೆ ಪೈಶ ಜ಼ಮ ಕರಾನಿ ಬಾರೇಮ ಮೇ ಗಲಾತ್ಯನಿ ಅಖ್ಖಿ ಸಬೆನ ಬೋಲ್ಯೊತೆ ಇಮ್ಮಸ್ ತುಮೇಬಿ ಕರೊ. 
\v 2 ಮೇ ಆವಾದಿನ್ ಪೈಶಜ಼ಮಕರಾನು ನಾ ರ‍್ಹೇವ್ಣುತೆ ತುಮಾರಮ ಹರೇಕ್‍ಜ಼ಣು ಇನು ಕಮೈ ಕಿಮ್ಕಿ ತಿಮ್ ವಾರಾನ ಫೈಲದನ್ನೆ\f + \fr 16:2 \fr*\ft ವಾರಾನೊ ಪಹಿಲೊ ದನ್ ಬಾನ್ವಾರ್‌\ft*\f* ಜ಼ಮಕರಿರಾಖದೆ. ಮೇ ಆವಾದಿನ್ ತುಮೆ ರಪ್ಯ ಜ಼ಮಾವಾನಿ ಜ಼ರೂರತ್ ಕೊರ‍್ಹಿಶೇನಿ. 
\v 3 ಮೇ ತುಮಾರಕನ ಆವಾದಿನ್ ತುಮೆ ಕಿನ ಪರ್ಖಿನ್ ನಿಯತ್‌ವಾಳೊ ವತಾಳಸ್ಕಿ ಇವ್ಣುನ ಚಿಟ್ಟಿದೀನ್ ತುಮಾರು ಇನಾಮ್ನ ಲೀನ್ ಯೆರೂಸಲೇಮ್ನ ಜಾ಼ವ್ಣುಕರಿ ಮೋಕ್ಲುಸ್‌. 
\v 4 ಮೇಬಿ ಜಾ಼ವಾನು ಅಛ್ಛು಼ಕರಿ ಬೋಲಾಯುತೊ ಇವ್ಣೆ ಮಾರಿ ಜೋ಼ಡ್ಮ ಆವಾದೆ.
\s ಪೌಲನಿ ಖ್ಹೂಜ಼್‌ಖ್ಹಾರು
\p
\v 5 ಮೇ ಮೆಕೆದೋನ್ಯಥೊ ಜಾ಼ವ್ಣುಕರಿ ಛೂ಼. ಇನಖ್ಹಾಜೆ ಮೆಕೆದೋನಿಯನ ಜೈ಼ನ್ ತುಮಾರಕನ ಆಯಿಶ್. 
\v 6 ಥೋಡಿ ವಖ್ಹತ್, ನತರ್ ಠಣ್ಣಾ ಹಗಾಮ್ ತುಮಾರಿಜೋ಼ಡ್ಮ ಕಾಡ್ಣುಕರಿ ಹರ್‌ಖ್ಹುಸ್. ಅಮ್ನಿಪರಕ್ಮ ಮೇ ಜಾ಼ವ್ಣುತೆ ಝ಼ಗೋನ ಜಾ಼ವಾನಖ್ಹಾಜೆ ತುಮೆಮನ ಮದತ್ ಕರೆಜಾ಼ಯ್. 
\v 7 ಮೇ ಆ ವಖ್ಹತ್‌ಮ ಜಾ಼ತೊಜಾ಼ತೊ ತುಮೂನ ದೇಕ್ತೊ ಜಾ಼ವಾನ ಆಖ್ಹ್‌ಕೊಯ್ನಿ; ಪ್ರಭುನಿ ಹುಕುಮ್ ಹುಯೂತೊ ತುಮಾರಕನ ಥೋಡದನ್ ರ‍್ಹೀಶ್‍ಕರಿ ಖ್ಹಯಾಲ್ ಕರಿರಾಖ್ಯೊಸ್. 
\v 8 ಕತೋಬಿ ಯೆಹೂದ್ಯರ್‌ನಿ ಅಡೈವಿಖ್ಹ್‌ದನ್ನಿ \f + \fr 16:8 \fr*\ft ಯೆಹೂದ್ಯವಾಳು ಪಂಚಶತ್ತಮ ದನ್ನ ಆಚರಣೆ ಕರ್ತುಥು \ft*\f*ಪಂಚಶತ್ತಮ ಪೂಜ಼ನ ದನ್‌ಲಗು ಎಫೆಸಮ ರ‍್ಹೆವುಸ್. 
\v 9 ಶನಕತೊ ಕೆತ್ರಿಕ್ಕಿ ವಿರೋದಿಖ್ಹಾರು ರ‍್ಹಯುತೋಬಿ ಏಕ್‌ ಊಚು಼ ಅಜು಼ ನಫ್ಫಾನು ಕಾಮ್ ಕರಾನ ಖ್ಹಾಚಮಾಬಿ ವೇಳ್‌ಮಳಿ ಐರ‍್ಹೀಸ್. 
\v 10 ಮಾರಿನಿತರ ತಿಮೊಥೆಬಿ ಪ್ರಭುನಿಸೇವೆ ಕರುಕರಸ್. ಯೋ ತುಮಾರಕನ ಆಯೋತೊ ಶನೂಬಿ ಡರಕೊಂತೆ ರ‍್ಹಾವನಿತರ ದೇಖಿಲೇವೊ. 
\v 11 ಕೋಣ್‌ಬಿ ಇನ ಕಡತೇಲ್‍ ನಾಕರ‍್ನು. ಕತೋಬಿ ಯೋ ಮಾರಕನ ಆವಾನಿತರ ಇನ ಸಮಾಧಾನ್‌ಥಿ ಮೋಕಲ್‌ನು ಯೋ ಭೇನೆ ಭೈಯೇವ್ನಿ ಜೋ಼ಡ್ಮ ಆವಾನು ಮೇ ಮ್ಹೋರೆ ದೇಖುಕರುಸ್. 
\v 12 ಹಮ್ಕೆ ಭೈ ಹುಯಿರೋತೆ ಅಪೊಲ್ಲೋಸನಿ ಬಾರೇಮ ಶಾತ್‍ಕತೊ, ಯೋ ವಿಶ್ವಾಸಿಯೆವ್ನಿ ಜೋ಼ಡ್ಮ ತುಮಾರಕನ ಜಾ಼ವ್ಣುಕರಿ ಇನಘಣು ಬೋಲ್ಯೊ. ಯೊ ಹಮ್ಕೆ ಜಾ಼ವನ ಜ಼ರ ದಿಲ್‌ ಕರ‍್ಯೊಕೊಯ್ನಿ. ಯೋ ಇನ ವಖ್ಹತ್ ಮಳಾದಿನ್ ಆವ್‌ಶೆ.
\s ಖ್ಹರ್ತಿನಿ ವಾತೆ
\p
\v 13 ಜ಼ತನ್‍ರ‍್ಹೇವೊ, ವಿಶ್ವಾಸ್‌ಮ ಘಟ್‍ಭೀರ‍್ಹೆವೊ ದಿಲ್‍ಪಥಿ ರ‍್ಹವೊ, ಅಜು಼ ತಾಖತ್‍ವಾಳ ಹುವೊ. 
\v 14 ತುಮಾರ ಹರೇಕ್ ಕಾಮ್ನ ಪ್ಯಾರ್‌ಥಿ ಕರೊ. 
\v 15 ಸ್ತೆಫನನ ಘರ್‌ವಾಳು ಅಖಾಯಮ ವಿಶ್ವಾಸ್ಮ ಪಹಿಲು, ದೇವ್ನ ಅದ್ಮಿಯೇವ್‍ನ ಚಾ಼ಕ್ರಿ ಕರಾನಖ್ಹಾಜೆ ಇವ್ಣುನಸ್ ದೀಲಿದುಹುಯು ಕರಿ ಬೋಲಾನು ತುಮೂನ ಮಾಲುಮ್ ಛಾ಼. ಭೈಯೆ ಭೇನೆವೊ ಮೇ ತುಮುನ ಬಿಂತಿಕರೂಸ್, 
\v 16 ತುಮೆ ಅಥ್ರನವಾಳನಾಬಿ ಚಾ಼ಕ್ರಿಕರಾವಾಳ ಹರೇಕ್‍ನಾಬಿ, ಪೀಠೆಜಾ಼ವ್ಣುಕರಿ ತುಮೂನ ಗಿಂಗೈಲೆವುಸ್. 
\v 17 ಸ್ತೆಫನನಾಬಿ, ಪೊರ್ತುನಾತೊಸಬಿ, ಅಖಾಯಿಕ ಕರಿ ಆಯೂತೆ ಮನ ಶಂತೋಖ್ಹ್‌ ಹುಯು. ಶನಕತೊ ತುಮೆ ನಾ ರ‍್ಹವಾನಿ ವಖ್ಹ್‌ತೆ ಮನಹುಯುತೆ ಕಮೀನ ಇವ್ಣೆ ಕಾಡಿನಾಖ್ಯ. 
\v 18 ಇವ್ಣೆ ಮಾರ ಆತ್ಮನಾಬಿ ತುಮಾರ ಆತ್ಮ ಅಖ್ಖಾನಾಬಿ ಛು಼ಟುಕರ‍್ಯ. ಅಥ್ರಾನ ಅದ್ಮಿನ ತುಮೆ ಖ್ಹಣೇದ್ ರಾಖೊ. 
\v 19 ಏಷ್ಯಾನಿ ತಬರ್‌ಖಾನಿ ಸಬೆವಾಳು ತುಮೂನ ಖ್ಹಲಾಮ್ ಕರಿ ಬೋಲಿರಾಖ್ಯುಸ್. ಅಕ್ವಿಲ ಅಜು಼ ಪ್ರಿಸ್ಕಿಲ್ಲನು ಘರ್‌ನು ಸಬೇಥು ಪ್ರಭುನ ನಾಮ್‍ಥಿ ತುಮೂನ ಘಣು ಖ್ಹಲಾಮ್ ಕರಸ್. 
\v 20 ಅಖ್ಖೂಸ್ ಭೇನೆ ಭೈಯೇಖ್ಹಾರು ತುಮೂನ ಖ್ಹಲಾಮ್‍ಕರಸ್. ತುಮೆ ಪವಿತ್ರಥಿ ಹಾತ್‍ಮಳೈನ್ ಖ್ಹಲಾಮ್ ಕರೊ. 
\v 21 ಪೌಲಕರಿ ಮೇ ಮಾರ ಶೊಂತ್‍ ಹಾಥ್ಥಿ ಆ ಖ್ಹಲಾಮ್ನ ಲೀಖಿರಾಖ್ಯೊಸ್. 
\v 22 ಕೋಣ್‌ತೋಬಿ ಪ್ರಭುನ ಪ್ಯಾರ್ ಕರಾಕೊಂತೆ ರ‍್ಹೇಸ್ಕಿ ಯೊ ಶಾಪ್‌ವಾಳೊ ಹುವಾದೆ! ಮಾರೊ ‘ಪ್ರಭು ತೂ ಆವ್’! 
\v 23 ಪ್ರಭುಹುಯಿರ‍್ಹೋತೆ ಯೇಸುನೊ ವಾರ್‌ಖ್ಹೊ ತುಮಾರಿ ಜೋ಼ಡ್ಮ ರ‍್ಹವಾದೆ. 
\v 24 ಕ್ರಿಸ್ತ ಯೇಸುಮ ಮಾರಿ ಪ್ಯಾರ್ ತುಮಾರ ಖ್ಹಾರಾಸ್‌ನಿಜೋ಼ಡ್ಮ ರ‍್ಹವಾದೆ. ಆಮೆನ್.