\id TIT  
\ide UTF8
\h TITUS 
\toc1 Babior We Yael Paulus Ngal TITUS 
\toc2 Titus 
\toc3 Titus 
\mt1 TITUS  
\is1 Hamadefal  
\ip Titus ila iy semal Gentile le yesa weg ngal Kristiano ye sala mel bo choluwal mo re tipingiyel Paulus irel yal fofoloy woal sew mo sew fulu. \add Babior we yael Paulus ngal\add* \bk Titus\bk* ila ye fangloh irel iy Titus le choluwal le ye chil tarmal ngo ye mel woal Crete, le yesa mel tefael bo yebe kemahoy yengangel eklesia la iyang. Suluw metmetael mekla ye weres depel Paulus iyang.  
\ip Metamol ngo ye hamangi ngal Titus tappel wegdeg kala meka metael eklesia rebe mel iyang, bo iy yebe luluwaley wegdeg kala ye tayikof le ye cholop yarmat mo woal Crete le rema foru. Mala harwowal ngo yesa kangalu Titus igegel yal be hamdefa setar mo setar yarmat mo irel eklesia, le rechoka resa mal mo ika resa fefel (iwe ngo ir resa moch foloyur ika resa lefechig), iwe mo tarmal mo slave. Mala hartal loh ngo yeramtala ye tefa babior le yesa harepiya ngal Titus kofael yar Kristiano wegdeg, irel yar be pos mo yar momay ngalir yarmat; re towe hafobdirir yarmat hare re hachocho ngalir hare re mahalhal irel eklesia.  
\is1 Palpal Meka Yadol Babior Le  
\io1 Hamadefal \ior 1:1–4\ior*  
\io1 Rechokla metael eklesia \ior 1:5–16\ior*  
\io1 Yar setar mo setar yarmat yengang irel eklesia \ior 2:1–15\ior*  
\io1 Hamedaf mo yar be llugu deper \ior 3:1–11\ior*  
\io1 Haygul loh \ior 3:12–15\ior*  
\c 1  
\s1 Harwowel Babior We Yael Paulus Ngal  
\p
\v 1 Babior le ila ye budoh mo irel Paulus le yael Deus boy ngo iy semal apostel le lol Jesus Kristus.  
\p Ye duwleyey ngo yesa hagloyuyeyloh bo ibela tipingir rechokla Deus yesa duwler bo lol bo ibela foloyu ngalir mekla ye katos le sima kay mo irel taliw le yach,  
\v 2 le kofael molow la tor siyal le yebe luglug depach iyang. Deus le tema kachepar mele ye hatugulu ngalgich molow le mo imol molwe yebe sub faileng le,  
\v 3 ngo yela hola mala yodol, ngo yesa kawraloh mo irel yal hapatpat ngalgich. Iye mele yesa fang ngaliyey bo ngang ibe kangalur yarmat le ila mala Deus la yach Demer ye kangaluyey bo ibe foru.   
\p
\v 4 Itefa babior le ngal Titus le katosol layi luwul tugulul ladep le hamem harorumal ngo ha mel iyang.  
\p Deus le Temal mo Kristus Jesus le yach Demer rebe fang ngalug haradiya mo hopos.\x - \xo 1:4 \xt 2 Co 8:23; Ga 2:3; 2 Ti 4:10\x*   
\s1 Yael Titus Yengang Woal Crete  
\p
\v 5 Iligdug mo wol Crete bo hobe kemahoy mekla ye ted fel bo hobe hafle. Iwe ngo ho duwler rechokla rebe mel bo yar mal irel eklesia kala wol sew mo sew haplom. Luluwaley hamayi meka ikangalug:  
\v 6 semal le tor derel mele yebe mel bo yar mal yarmetael eklesia, ngo be semal chog ril, ngo panger mekla lol ngo be yor yar tugulul ladep, ngo re towe tofotngag, ngo rebe ma taelenga yalol wulutugur.\x - \xo 1:6 \xt 1:6–9; 1 Ti 3:2–7\x*  
\v 7 Bo semal le yebe mel bo meter chol sew Eklesia ngo iy mele yebe lamli yengang kala yael Deus ngo ye momay le towe yor derel. Ye towe hattodah, hare ye ha ssong, hare ye toahabbelas, hare ye toafedeg, hare ye chahewal salpiy.  
\v 8 Yebe momay yal hagiyeg ngalir yarmat ngo yebe dipli le yebe ma foru meka ye momay. Yebe ma supiy yal luluwal mo irel mekla ye tafel, bo yebe mel le ye fel ngo ye santus ngo ye lamli yal wegdeg.  
\v 9 Iwe ngo yebe itol depal irel mele yalol Deus le ila mele yebe luglug depach iyang, ngo ye ppali ngal mekla re fofoloyu ngalir yarmat. Hare be iye sengal ngo be yoh le iy yebe hakkela deper sibis irel foloy le ye katos. Ngo be wol kawraloh yar machey rechokla rema happaliyel ngal foloy le.   
\p
\v 10 Bo ye cholop yarmat le ye hamwngalir chog rechokla re moch weg ngo re chil dedabey chog mekla kkor Jews, le resa kekacheprar yarmat irel mekla tor pelal le re kekapta.  
\v 11 Sibe happolahor mo irel mekla re kekapta bo resa kketaropropa yar chol sew mo sew bugat tugulul ladep le fael mekla resa fofoloyu le medalbo re towe foloyu. Re foforu mele le fael chog mala yebe yoh ngalir salpiy. Iwe ngo ye hamaama tappel mele re foforu.  
\v 12 Semal chog ir yarmetael Crete le semal profeta kowe yar mele ye sor mala tosal le ye sor bo, “Yarmetael Crete ila re toakachepar ngo re wochog mael kowe re machoh, iwe ngo re mongolap ngo re tehayreg.”  
\v 13 Ye katos mele ye sor. Ila fal le yebe kkel yam kkaftoroy ngalir iyang bo yebe fel yar tugul.  
\v 14 Ngo re ligdi fiyong kala yar Jews mo hatobtob kala foriyer rechokla resa ttahchaloh ikala ye katos.  
\v 15 Pangal formel ngo ye tal mo irer rechokla ye tugul lal deper; iwe ngo tor mele yebe tal mo irer rechokla ye ruchupungloh lal chemer ngo te tugul lal deper, bo lal mekla chemer mo yar luluwal ila ye ruchupungloh.  
\v 16 Re sor bo ir re gola Deus, iwe ngo te ila sengal mo irel wegdigir. Iwe ngo re hafobder mo lal depel yarmat, ngo re tema taelenga yalol Deus ngo ye towe yoh ngalir le rebe foru mekla ye momay.   
\c 2  
\s1 Foloy Kala Ye Bung  
\p
\v 1 Ngo gel ila hobe foloyu chog mekla ho gola le ye bung.  
\v 2 Hobe kangalur rechokla resa mal bo rebe mel le re tal ngo ye fel yar luluwal ngo rebe ma supiy yar luluwal, mo irel mekla ye tabung ngo re kkel irel yar tugul mo yar hachangcheng mo yar yedamgel.  
\v 3 Be wol ila sengal chog mele hobe kangalur rechokla resa fefel bo rebe foru wegdigir le be wochog fefel kala ye fel yar mel mo fael metael Deus. Re towe ma yetedah hapatpat uwor yarmat, hare re mel le hachi mele yebe lamlir. Rebe foloyu mekla ye momay  
\v 4 ngalir lefechig bo rebe hachangi rir mo layur,  
\v 5 ngo rebe ma supiy yar luluwal mo irel mekla ye tabung ngo rebe mel le re tal. Iwe ngo rebe ma taelenga yalor mal kala rir bo semal dela hapatpat tayikofloh irel mala yalol Deus.   
\p
\v 6 Be wol iye sengal mele hobe foru ngalir tarmal bo rebe ma supiy yar luluwal irel meka ye tafel.  
\v 7 Iwe ngo gel ila hobe mel le be fel chog wegdegim irel pangal formel. Itol depom irel mekla ho fofoloyu.  
\v 8 Hobe teptap hapatpat ka ye fel bo de yor mele semal be sor bo derel. Ila ngo rebe maa rechokla rema kekappaliyel ngalug bo fael mala tor mele ye tayikof le be yoh le rebe sor irech.   
\p
\v 9 Ngo boy ila rebe ma taelenga yalol yar masta, ngo rebe ma foru pangal mekla be fel depel yar masta iyang. Re towe ma palili yalor hare re peraf mo irer.  
\v 10 Rebe far kawraloh le pangal yad ngo ye momay wegdigir ngo re itol deper irel pangal mekla re foforu. Hare be iye sengal le rebe ma foru, ila ngo be momay kaptael folol mala kofael Deus le yach Demer.   
\p
\v 11 Bo Deus sa kawraloh haradiya la yal le ye hayho bo panger yarmat ngo rebe molow.  
\v 12 Iharadiya la mele ye kkewar ngalgich bo sibe ligdi meka wegdigich le ye tafel mo chahewal pangal meka lal faileng. Sibe ma supiy yach luluwal irel meka ye tafel, ngo si hafele yach mel wol talop le,  
\v 13 irel yach wiwidi Ralla ye momay le sa luglug depach iyang. Ila yodla be llah falmay la yael Deus le yach le ye hartael tagiyet mo Jesus Kristus le yach Demer.  
\v 14 Ye fangloh yal nngas bo yagilgich bo be hadora gich mo luwul pangal tayikof, ngo ye foru le sibe tal le iy mele ye lamligich ngo si cchehas le sibe foru mekla ye momay.\x - \xo 2:14 \xt Ps 130:8; Ex 19:5; Dt 4:20; 7:6; 14:2; 1 P 2:9\x*   
\p
\v 15 Foloyu meka ngalir yarmat ngo hosa tapeli mala kkelem irel yam hakkela deper, mo yam foloyur rechokla rete taelenga foloy kala yam. Hafalli bo semal de tolpagili foloy kala yam.   
\c 3  
\s1 Wegdigir Kristiano  
\p
\v 1 Hobe hamangi ngalir yarmat le rebe ma taelenga yalor tamol kala yar, ngo re foru mekla rema sor ngo resa hafler rebe ma foru pangal mekla ye momay.  
\v 2 Kangalur bo re towe ma hapatpat tayikof irel yarmat, rebe far mel le rebe pos ngo ye momay wegdigir. Ngo pangal yad ngo rebe ma kawraloh yar malulu ngalir panger yarmat.  
\v 3 Wol ila sengach bo ye mel sew yad we si buch ngo si tema taelenga hapatpat ngo si tabung. Si mel mwo le meka ye momay depach iyang mo pangal metmetael meka be fel depach iyang mele ye lamligich. Si mel le mekla ye tayikof ngalir yarmat mele si luluwaley ngo si loltomay. Panger yarmat ngo re hafobdirigich ngo gich si hafobdirir.  
\v 4 Ngo ligdi bo yodwe yela llah momayel hagiyeg mo hachangcheng we yael Deus le yach Demer,  
\v 5 ngo iy ye hadoragich. Yete foru mele le fael wegdeg ka gich si foru le ye momay, bo fael mala ye fahogich, ye sala hadoragich irel Espritu Santus, le iy mele ye fang ngalgich molow la ye tefoy irel yal hadudugich.  
\v 6 Deus yesa fangdiy Espritu Santus uwoch le Jesus Kristus we yach Demer, mele ye foru bo be yoh,  
\v 7 bo hare sibe fel mo irel Deus le fael haradiya la yal, ngo yebe yoh ngalgich molow la tor siyal le ye luglug depach iyang.  
\v 8 Pedal hapatpat le ila ye katos.  
\p Idipli bo hobe hamdefa meka bo fael mala be yoh ngalir rechokla resa chepar ngal Deus le rebe tapeli tot yar time bo rebe foru wegdeg kala ye momay ngo yor pelal ngalir panger yarmat.  
\v 9 Hachuyah mo irel fedgel hapatpat kala tor pelal mo haragregel chapdoh kala yami, mo fedgel kofael Hatobtob bo tor pelal ngo tor mele habe mmalli mo iyang.  
\v 10 Semal le ma foru bo yarmat rebe harere ngo hosa hapatpat ngali le be fael sew hare ruwow yam hapatpat ngali. Iwe ngo hosa hachuyah mo irel.  
\v 11 Ho gola le tappel rechokla ila senger ila resa ligdi yalap la ye fel, ngo yar toahamolfid yesa hallehaloh le ir re tabung.   
\s1 Hartael Foloy  
\p
\v 12 Yodla ibe fangwey Artemas hare Tychicus irem, ngo hosa yedamgel bo hobe budoh irey wol Nicopolis bo ila lobosla iluluwaley bo bela Llifang ngo ibe mel iyang.\x - \xo 3:12 \xt Ac 20:4; Eph 6:21–22; Col 4:7–8; 2 Ti 4:12\x*  
\v 13 Hobe yedamgel hobe tipingi Zenas we semal lawyer mo Apollos bo rebe loh irel malekah we yar, ngo hosa tiping ngalir pangal mekla rebe teptap.\x - \xo 3:13 \xt Ac 18:24; 1 Co 16:12\x*  
\v 14 Tipingir mekla choluwach bo rebe gola le rebe tapeli tot yar time bo rebe foru meka ye momay bo be yoh ngalir mekla re temmal iyang. Re towe la mel le tor pelar.   
\p
\v 15 Panger rechoka re mel irey ngo re fangwey yar habong ngalug. Fang yamem habong ngalir mokwe wol maryarech luwul tugulul ladep. Haradiya la yael Deus be mel iremi pangmiloh.