\id REV  
\ide UTF8
\h REVELATION 
\toc1 REVELATION: Mekla Ye Llah Ngal John 
\toc2 Revelation 
\toc3 Rev 
\mt1 REVELATION:  
\is1 Hamadefal  
\ip \bk Revelation:\bk* \add Mekla ye llah ngal John\add* ila ye teftaf diy lal babior le irel yodwe re hafohoyur Kristiano kowe le fael yar tugulul ladep irel Jesus Kristus le iy Samol. Yeramtale ye tefa babior le ila ye luluwaley le yebe hakela ngo ye halpa lal deper rechokla rebe yawli babior le, ngo ye hakela ngalir bo rebe yedamgel chog irel yod kala rebe bulong luwul hafohoy mo weres.  
\ip Pallengel meka lal babior le ila kaptael tot mekla John ye rongrong ngo ye wiri mo lal yal luluwal. Kaptael meka ye teftaf lal babior le ila iy ye teptap hawewe kala Kristiano kala chog mele re medaf iyang, iwe ngo yarmat cholop re togla fal. Hamadefal mekla ye mel irel sew mo sew momol babior le ye tefael mo tefael ngali ngo yete haffedeg yal hamdefa matmetael mokwe ye llah ngali. Ila mwo te haffedeg yar yarmat medaf irel babior le, ngo mala pallengel fal ila ye ffod: irel Kristus le iy Samol, ngo Deus ye bele halngol halusur loh panger rechoka rema happaliyel ngali, le Satan choluwar. Iwe ngo ye bele fang payel yar hachigchig rechokla ye tugul lal deper irel; ye bele fang ngalir laeng la ye tefoy mo talop la ye tefoy irel yodla yebe hamawo loh pangal meka.  
\is1 Paalpal Meka Yadol Babior Le  
\io1 Hamadefal \ior 1:1–8\ior*  
\io1 Chapdagel mekla ye llah ngali mo babior kowe yal ngal eklesia kowe fusuw \ior 1:9—3:22\ior*  
\io1 Babior we fusuw mokwe kemachol \ior 4:1—8:1\ior*  
\io1 Rapa we fusuw \ior 8:2—11:19\ior*  
\io1 \add Dragon\add* we mo mael fefedeg we rumal \ior 12:1—13:18\ior*  
\io1 Matmetael mokwe ye llah ngali \ior 14:1—15:8\ior*  
\io1 Tohogol ssong kowe fusuw we yael Deus \ior 16:1–21\ior*  
\io1 Yal mmedarloh Babylon, mo yal lus mael hamtagtog we, mo rechokwe rete katosol profeta, iwe mo Moniyan \ior 17:1—20:10\ior*  
\io1 Mala hartael tatalal hapatpat \ior 20:11–15\ior*  
\io1 Laeng la ye tefoy, mo talop la ye tefoy mo Jerusalem la ye tefoy \ior 21:1—22:5\ior*  
\io1 Haygul loh \ior 22:6–21\ior*  
\c 1  
\s2 Mekla Ye Llah Ngal John  
\p
\v 1 Ba1ior le ila kofael meka Deus ye fang ngal Jesus Kristus bo yebe kawraloh igegal. Deus ye ngaley mele bo yebe kewar ngalir re hagloy kala yal mekla ye tugul le towol ssulay ngo ye bele wel doh. Kristus mele ye hagolal ngal John we yal re hagloy pangal meka, irel yal fang loh angelus la lol irel,  
\v 2 iwe ngo John yesa sor pangal loh mekla iy yesa wiri. Iye mele yalol irel kofal hapatpat la ye budoh mo irel Deus, iwe mo mala ye katos le Jesus Kristus yesa halleha loh.  
\v 3 Be momay depel semal le yebe yawli babior le ngalir yarmat, ngo be momay deper rechokala re taelenga padpadal hapatpat le ye santus, ngo re dabey igegel mekla ye teftaf iyang! Bo mala yodol ila yesa harep, ila yodla pangal meka ngo bele weldoh.   
\s1 Habong Ngal Eklesia We Fusuw  
\p
\v 4 Babior le ila ye budoh mo irey ngang John le yai ngal eklesia kala fusuw le ye mel wol Asia:  
\p Deus le ye mel igla, ngo ye mel igawe, ngo yebe chil budoh, iwe mo espritu kala fismol le re mel imol mala liliyel Deus rebe fang haradiya mo hopos ngalugmi.\x - \xo 1:4 \xt Ex 3:14; Rev 4:5\x*  
\v 5 Iwe ngo haradiya mo hopos yebe wol budoh iremi mo irel Jesus Kristus we ye yitol depal irel folol Ebangelium we. Bo iy mele mol lol Deus mal ngo ye molow tefael mo irel maes ngo iy mele ye lamlir panger king lal faileng le.  
\p Ye hachang gich, ngo irel yal mes mele ye taldigich mo irel mala kelel molfid.\x - \xo 1:5 \xt Is 55:4; Ps 89:27\x*  
\v 6 Iwe ngo ye foru gich le sibe mel bo chol sew lam le gich temarong bo sibe yengang ngal Deus la Temal. Falmay mo ssor ngal Jesus Kristus pangal yodol! Amen.\x - \xo 1:6 \xt Ex 19:6; Rev 5:10\x*   
\p
\v 7 Ha kalloh, iye lay yesa bubudoh mo woal darmiy kalay! Panger yarmat mo rechokwe re sor bo yebe mes ngo re bele wiri; iwe ngo panger yarmat wol talop le ngo rebe tang irel yal tayikof deper irel mokwe re faor ngali. Ngo faesul tugul le be ila sengal!\x - \xo 1:7 \xt Dn 7:13; Mt 24:30; Mk 13:26; Lk 21:27; 1 Th 4:17; Zec 12:10; Jn 19:34, 37; Zec 12:10; Mt 24:30\x*   
\p
\v 8 Samol Deus we pangal ngo yema yoh irel ngo iy ye mel igla, ngo ye mel igawe, ngo yebe chil budoh, we ye sor bo, “Ngang mele chapdagel dah, ngo ngang mele haugugul loh.”\x - \xo 1:8 \xt Rev 22:13; Ex 3:14\x*   
\s1 Kristus Ye Llah Ngal John  
\p
\v 9 Ngang John we bismi. Irel yai mel bo re dabeyel Jesus mele isa mel bo choulwami irel yedamgel luwul weres mo hafohoy kala yema holar rechokla ye tugul le rebe loh irel mala Lamliyel Deus. Resa yitilyey woal fulu le Patmos idal bo fael mala ifoloyu mekla yalol Deus mo mokla ye katos le Jesus yesa halleha loh.  
\v 10 Woal molwe bungul Samol, ngo Espritu Santus yesa bidiy uwoy, iwe ngo isa rongrong sew lliyalol yarmat le ye palleng, le ye wochog pallengel yalol sew roppa le ye maliliy doh mo lugutugruy,  
\v 11 le ye sor bo, “Tefadiy meka ho wiri lal babior, ngo hosa fang loh babior la irel eklesia kala re mel wol haplom kala fusuw: Ephesus mo Smyrna mo Pergamum mo Thyatira mo Sardis mo Philadelphia iwe mo Laodicea.”   
\p
\v 12 Ila tagul tefael bo ibe kemahoy le iy molwe ye maliliy ngalyey, ngo isala wiri fusuw liliyel habulbul le hoal.  
\v 13 Iwe ngo ye mel sew formel luwul mokwe le ye wululul loh semal yarmat, ngo mala mengagol ila ye hola diy mekla pachpechael pechel, ngo ye mel sew bando hoal le ye dar lal mala wubal.\x - \xo 1:13 \xt Dn 7:13; Dn 10:5\x*  
\v 14 Mala yal chemal ila ye wochog bbechragel yulol saaf hare burburul hatobtob, ngo lal mekla metal ila ye bulbul le ye wochog yaef;\x - \xo 1:14 \xt Dn 7:9\x*\x - \xo 1:14 \xt 1:14–15; Dn 10:6\x*  
\v 15 mekla pachpechal pechel ila ye yyongong le ye wochog sinchu kowe siya hammale hamayi ngo si chalfi yee, yela ddoldol loh. Iwe ngo mala lliyalol ila ye palleng le ye wochog mwargogol mo pupungul hatobtob.\x - \xo 1:15 \xt Ez 1:24; 43:2\x*  
\v 16 Ye holu fisfos fis lal paol rela gilemra, ngo ye matwey mo lal mala yewal seyay saiden kowe rorure ngo metal le ye kkang. Iwe ngo werel woal mala metal ila ye wochog werel yaal llewlelyol.  
\v 17 Yodla iwiri chog ngo isa ppediyey diy wototol mo lengchel mekla pechel le iy sa wochog semal maes. Iwe ngo iy yesa yetedah rel paol rewe gilemra uwoy ngo yesa sor bo, “Ho towe motog! Ngang mele chapdagel dah ngo ngang mele haygugul loh.\x - \xo 1:17 \xt Is 44:6; 48:12; Rev 2:8; 22:13\x*  
\v 18 Ngang yeramtala imolow le tor siyal! Imes, ngo igla ila isa molow tefael le tor siyal. Ngang mele ilamli maes mo lobosla liliyer cho mes.  
\v 19 Tefadiy meka hosa wiri lal babior, le meka igla mo ikla ye bele moch weldoh.  
\v 20 Iye mele fael fis ka fisfos le ho wiri mo lal payi rele gilemra, iwe mo liliyel habulbul ka fusuw le hoal: fis ka fisfos ila ikala mele angelusel eklesia kala fusuw, iwe ngo liliyel habulbul ka fusuw mele iy eklesia kala fusuw.   
\c 2  
\s1 Babior We Ye Loh Ephesus  
\p
\v 1 Iwe ngo yesa kangaluyey bo, “Tefa babior le ngal angelusel eklesia la ye mel woal Ephesus le hobe sor bo:  
\p “Hapatpat le ila ye budoh mo irel yeramtawe ye holu fis we fisfos lal paol rewe gilemra, iwe ngo yema daer llepadpedal liliyel habulbul kowe fusuw we hoal.  
\v 2 Ngang ila igula mekla hasa foru; igula lepal yami weres mo kelel yami yengang mo yedamgel doh chog mo ral kowe. Igula le hami hate diplir rechokla re foforu wegdegel moniyan; iwe ngo hasa haglar rechokla te ir apostel ngo re sor bo ir; iwe ngo hasa gola le ir re kakachepar.  
\v 3 Ngang igula le hami hate ppoloh mo irel yami yedamgel luwul hafohoy bo yagilyey.  
\v 4 Iwe ngo iye mele ite dipli mo irel igegemi: ha tay hachangyey igla le be wochog yami hachangyey metamo.  
\v 5 Luwaley lepal ddawal yami sa ppungdaw loh! Ha tagul tang mekla molfidimi ngo hasa foru mokwe hama faesul foru metamo. Iwe ngo hare habe te tagul tang mekla molfidmi, ila ngo ngang ibe budoh iremi isa hasi liliyel fadol habulbul la yami mo irel mala liliyal.  
\v 6 Iwe ngo iye mele ye momay mo irel igegemi: Hami ha hafobdiri mekla Nicolaitans rema foru, le ye wochog lepal yai te dipli.   
\p
\v 7 “Hare yor taelengmi ngo hasa taelenga mekla Espritu Santus ye kekangalur eklesia kala!  
\p “Rechokla rebe kel ila ibe fang keler bo rebe mongoy mo irel uwal iral molow we ye tumul mo lal milay we yael Deus.\x - \xo 2:7 \xt Gn 2:9; Rev 22:2; Ez 28:13; 31:8 (LXX)\x*   
\s1 Babior We Ye Loh Irel Eklesial Smyrna  
\p
\v 8 “Teftaf babior ngal angelusel eklesia la ye mel woal Smyrna le hobe sor bo:  
\p “Hapatpat le ila ye budoh mo irel yeramtawe iy mele chapdagel dah ngo iy mele haygugul loh, ngo iy molwe ye mes ngo ye wol molow tefael.\x - \xo 2:8 \xt Is 44:6; 48:12; Rev 1:17; 22:13\x*  
\v 9 Ngang igula lepal yami hafohoy mo weres; ngang igula le ha hafohoy irel hammalmi — iwe ngo mala halngol igegal ila hasa mmal mo irel yami tugulul ladep! Igula hapatpat tayikof kala rechokla te ir yarmetael Jews ngo re sor bo ir. Ir ila sew pulgul yarmat le wocholuwal Satan!  
\v 10 Ha towe metagu pangal mekla habe weres ngo ha hafohoy iyang. Ha taelenga! Moniyan bele hagla yami tugul le bele foru bo sibis hami rebe bulong lal kalbus, iwe ngo be seg ral yami hafohoy. Be tugul depmiy irey, ila mwo ha mes, ngo ibe fang ngalugmi molow bo paliyel tugulul ladep kala yami irey.   
\p
\v 11 “Hare yor taelengmi ngo hasa taelenga mekla yalol Espritu Santus le ye kangalur halesiya kala!  
\p “Rechokla ye kel tugulul ladeper ila re towol mes.\x - \xo 2:11 \xt Rev 20:14; 21:8\x*   
\s1 Babior We Ye Loh Irel Eklesial Pergamum  
\p
\v 12 “Teftaf babior ngal angelusel eklesia la ye mel wol Pergamum le hobe sor bo:  
\p “Hapatpat le ila ye budoh mo irel yeramtawe ye hasi saiden we ye kang ngo rorure ngo metal.  
\v 13 Ngang igula lobole hama mel iyang; ila lobowe Satan ye lamli. Hami ila ha katos ngalyey, iwe ngo hate tahchaloh kelel yal tugul dipmi irey; le ila mwo irel yodwe re limeseloh Antipas we yai tugul mo irel loboswe yema mel Satan iyang.  
\v 14 Ngo ligdi bo ye mel chog fodow formel le ite dipli mo irel igegemi: Yor tot mo luwulumi le resa dabey mekla Balaam ye kekangalur yarmat. Ngo wol iy mele ye kangalu Balak igegel yal be hasirlong yarmetael Israel luwul molfid le be dding ngalir rebe mongoy, mongo kowe re tapey maligach ngal todeb ngo re for maltemay.\x - \xo 2:14 \xt Nu 22:5, 7; 31:16; Dt 23:4; Nu 25:1–3\x*  
\v 15 Wol ila sengal chog yar tot yarmat mo luwulumi dabey foloy kala yal Nicolaitans.  
\v 16 Ila habe tagul tang mekla molfidmi! Hare habe te taelenga ngo towol ssulay ngo ibele buyoy iremi le ibe fedeg ngalir rechokla irel saiden le ye buyoy mo lal mele yeway.   
\p
\v 17 “Hare yor taelengmi ngo hasa taelenga mekla Espritu Santus ye kangalur eklesia kala!  
\p “Rechokla ye kel yar tugul, ila ibele fang ngalir tot mo irel manna kowe ye llebag. Ibe wol fang ngal semal mo semal ir kasefaes feas le ye bbech le ye teftaf sew yid le ye tefoy uwol le tor semal le ye gola bo halachog yeramtala ye hasi feas la mele ye gola.\x - \xo 2:17 \xt Ex 16:14–15; 16:33–34; Jn 6:48–50; Is 62:2; 65:15\x*   
\s1 Babior We Ye Loh Irel Eklesial Thyatira  
\p
\v 18 “Teftaf babior ngal angelusel eklesia la ye mel woal Thyatira le hobe sor bo:  
\p “Hapatpat le ila ye budoh mo irel molwe Lol Deus, le yeramtawe ye wochog bbulul yaef lal mekla metal, ngo mekla pachpechael pechel ila ye yyongong le ye wochog sinchu kowe resa fayya hamayi.  
\v 19 Ngang igula mekla hama foru. Igula hachangcheng kala yami mo yami tugulul ladep mo yami yengang ngalyey mo yami yedamgel. Igula le sa palleng tot mekla hasa foforu igla mo imol molwe metamo.  
\v 20 Iye mele ngang ited dipli mo irel igegemi: Ha hatela fefel le Jezebel, we iy ye tongtong bo iy yael Deus re hagloy. Iy mele yesa kangalur re hagloy kala yai wegdegel maltemay ngo re mongoy mongo ka re tap maligach ngal todeb.\x - \xo 2:20 \xt 1 K 16:31; 2 K 9:22, 30\x*  
\v 21 Isa mwol fang yal time le yebe harrig depal irel molfid kala ye foforu ngo ite dipli le yebe tagul tang wegdegel maltemay kala ye foforu.  
\v 22 Ila ibele foru le iy mo rechokla rema dabey le rema faor maltemay ngo yebe kel yar hafohoy. Igla chog mele ibe foru mele hare rebe te tagul tang wegdeg tayikof kala re fofor fengali.  
\v 23 Ibe wol limeserloh mekla wochilal, ila ngo pangal halesiya ngo be gola bo ngang iy gula yar panger yarmat luluwal mo mekla re kekable. Iy be fang paliyel mekla semal mo semal hami ye foru le be dabey wululul mekla semal mo semal hami ye foru.\x - \xo 2:23 \xt Ps 7:9; Jr 17:10; Ps 62:12\x*   
\p
\v 24 “Iwe ngo tot hami ikla ha mel woal Thyatira ila ha ted dabey foloy kala yael moniyan; hami ha ted gola mekla rechokla sibis rema sor bo, ‘mekla ye moal le le wegdegel Satan.’ Ibe kangalugmi le tor mele iy be wol fang ngalugmi le habe weres iyang.  
\v 25 Iwe ngo pangal mekla yesa yoh ngalugmi ngo habe itol chog liliyal yee, la hola yodla iy be tefael iyang.  
\v 26-28 Ngo rechokla ye kel yar tugul le rete dabey foloy kala yael moniyan, ngo re taboy loh chog yar foru mekla idipli yee, la hola malahagugul loh, ila ibe fang keler le yebe wochog mala keley le ye budoh mo irel mala Temay: Ibe fang keler le rebe yusuwili fuluyel faileng le, rebe yusuwilir ngo re hasi setab parang resa wwodu ngalir re bela wochog sew raw kowe ye for mo irel bol le yesa mehalhal loh. Ibe wol fang ngalir fisil ral.\x - \xo 2:26-28 \xt 2:26–27; Ps 2:8–9 (LXX)\x*   
\p
\v 29 “Hare yor taelengmi ngo hasa taelenga mekla Espritu Santus ye kekangalur eklesia kala!   
\c 3  
\s1 Babior We Ye Loh Irel Eklesial Sardis  
\p
\v 1 “Teftaf babior ngal angelusel eklesia la ye mel woal Sardis le hobe sor bo:  
\p “Hapatpat le ila ye budoh mo irel yeramtawe ye mel fismol espritu kowe lol Deus mo fisfos fis irel. Igula mekla ha foforu: Iy gula bo hami ila ha yitli chog bo ha molow, ila mwo hasa faesul mes!  
\v 2 Ngang iwiri le yami yengangel Kristiano ila ted hola lepal mala Deus ye dipli bo habe foru. Ila ha mmat bo habe kela depel Kristiano la sugfed le chil mel iremi bo yede mes loh chog.  
\v 3 Ila, ha luluwaley hamayi mokwe hasa kay mo mokwe hasa rongrong; ha taelenga meka ngo hasa tagul tang mekla molfidmi. Hare habe tayimmat ngo ibe buyoy iremi le ibe wochog semal cho machoh kowe, ngo ha towe gola yodla ibe buyoy iyang.\x - \xo 3:3 \xt Mt 24:43–44; Lk 12:39–40; Rev 16:15\x*  
\v 4 Iwe ngo ye mel fedmal hami woal Sardis le re tema habbulu mengagur. Hasa fel le habe mengag, mengagbech ngo hasa dabeyey.  
\v 5 Rechokla ye kel yar tugul le ye yoh ngalir meka ila be iye sengal mengagur le be bbech, iwe ngo iy towe hachuya ider mo irel babior la babioror cho molow. Ngo iy be kapta loh mo fael metal mala Tamay mo angelus kala lol le ir choluway.\x - \xo 3:5 \xt Ex 32:32–33; Ps 69:28; Rev 20:12; Mt 10:32; Lk 12:8\x*   
\p
\v 6 “Hare yor taelengmi ngo hasa taelenga mekla yalol Espritu Santus le ye kekangal eklesia kala!   
\s1 Babior We Ye Loh Irel Eklesial Philadelphia  
\p
\v 7 “Teftaf babior ngal angelusel eklesia la ye mel woal Philadelphia le hobe sor bo:  
\p “Hapatpat le ila ye budoh mo irel yeramtawe ye santus ngo ye katos. Imele ye hasi key we yael David, ngo hare yebe sugu sew hatam ngo tor semal le be yoh le yebe pilta, ngo hare sa pilta sew hatam ngo tor semal le be yoh le yebe sugu.\x - \xo 3:7 \xt Is 22:22; Job 12:14\x*  
\v 8 Ngang ila igula mekla hama foru; ngo igula le ye hal sugfed kelemi ngo hasa dabey foloy kowe yai ngo ye tugul dipmi irey. Isa sugu sew hatam ngalugmi le tor semal le be yoh le yebe pilta.  
\v 9 Ha taelenga! Rechokwe Satan sa lamlir ngo ye machoh yewer le re sor bo ir yarmetael Jews iwe ngo te ir, ila ibele foru bo rebe budoh rebe cchimdiy imol mekla pechemi. Bo panger ngo rebe gola bo ngang iy hachangugmi.\x - \xo 3:9 \xt Is 49:23; 60:14; Is 43:4\x*  
\v 10 Bo fal mala ha talenga chog meka yaloy, mele iy be foru le habe daor mo irel hagerger la be budoh wol ballel faileng le yebe haglar panger retalop.  
\v 11 Towol ssulay ngo iy bele buyoy. Ha hafalli mekla yesa yoh ngalugmi bo semal yede hasi tangugmi mekla palimi irel meka yesa yoh ngalugmi.  
\v 12 Semal le be yoh ngali meka ngo yebe tagiyet mo irel Templum la yael Deus ngo tor fael sew le yebe chuy mo iyang. Ibe tefadah mala idel Deus la yai uwol yeramtala iwe mo idel mala haplamol Deus le Jerusalem le ye tefoy le bele moch bidiy mo wol laeng mo irel Deus la yai. Iy be wol tefadah mele idey le ye tefoy uwol.\x - \xo 3:12 \xt Rev 21:2; Is 62:2; 65:15\x*   
\p
\v 13 “Hare yor taelengmi ngo hasa talenga mekla yalol Espritu Santus le ye kekangal eklesia kala!   
\s1 Babior We Ye Loh Irel Eklesial Laodicea  
\p
\v 14 “Tefa babior le ngal eklesia la ye mel woal Laodicea le hobe sor bo:  
\p “Hapatpat le ila ye budoh mo irel Amen. Iy mele tugul le ye katos, ngo wol iy mele chapil pangal meka foryel Deus.\x - \xo 3:14 \xt Pr 8:22\x*  
\v 15 Ngang igula mekla sa moll yami foru; igula le hate hallofong ngo hate bichikar. Ifa lepal yai kekable hare habe mel irel sew meka.  
\v 16 Iwe ngo mil mala tor sew le ha toa ngali, le hate bichikar ngo hate halofong, ila ibele gutfugmi wey mo lal yeway.  
\v 17 Hami ha sor bo, ‘Iy sa mmal ngo pangal formel ngo sa yoh ngalyey.’ Ngo hami ha togla lepal kelel yami hafohoy. Hami ila ha hafohoy ngo tor mengagmi ngo ha metafis.  
\v 18 Iy bele kangalugmi mele habe fel iyang. Habe chuway hoal mo irey, le yultul loh hoal, ila ngo habe mmal. Iwe ngo habe wol chuway mengagbech bo mengagmi bo habe yetadah uwomi bo ye hamama mala tor mengag uwomi. Habe wol chuway hapgep bo habe chalfi ngal mekla metami bo hare be yoh le habe wiri formel.  
\v 19 Ima kkasigsig ngo ima hagrer rechokla ihachangir. Ila ha itol kklemi irel yami tagul tang molfid kala hama foru.\x - \xo 3:19 \xt Pr 3:12; Hb 12:6\x*  
\v 20 Ha taelenga! Isu ngal hatam isa kapungpungu. Hare yor le ye rongrong ngo sa sugu, ila ngo ibe bulong irel imwla imwal bo habe mongoy sew.  
\v 21 Rechokla ye kel yar tugul le ye yoh ngalir meka ila ibe fang keler bo rebe marro lengache irel mala liliyey le rebe wochog ngang le ye yoh ngalyey meka, ngo igla isa maroro lengchel mala Temay irel mala liliyal.   
\p
\v 22 “Hare yor taelengmi ngo hasa taelenga mekla yalol Espritu Santus le ye kekangal eklesia kala!”   
\c 4  
\s1 Hasorow La Woal Laeng  
\p
\v 1 Wol miril mele ngo isa kalloh isala wiri sew hatam le sa sugeg loh mo woal leang.  
\p Iwe ngo isa rongrong lliyalol sew formel le ye wochog yalol rappa we isa moal rongrong yalol yal maliliy ngalyey le ye sor bo, “Bidah iga, ibe kewar ngalug mekla ye tugul le yebe weldoh mo wol miril mele.”  
\v 2 Irel yodla chog ngo Espritu Santus sa bidiy uwoy. Ye mel sew chiya kowe liliyer tamol woal laeng, le ye mel semal yarmat le ye maroro uwol.\x - \xo 4:2 \xt 4:2–3; Ez 1:26–28; 10:1\x*  
\v 3 Wol mala metal ila ye ddoldol le ye wochog feas kowe ye cchow paliyel, tappel \add jasper\add* mo \add carnelian\add*. Iwe ngo sew loluyor ye tebalili chiya we liliyer tamol le ye ddoldol le ye wochog sew \add emerald\add*.  
\v 4 Ngo riyeg mo faw chiya kowe liliyer tamol le ye wol tabalili molwe liliyer tamol, le ye maroro riyeg mo famal mal kowe re tagiyet iyang. Re mengag irel mengag kowe ye bbech ngo re yaya cholfach kowe hoal we yar tamol.  
\v 5 Iwe ngo ye fiffis ngo ye ngung ngung parr mo irel chiya we liliyer tamol. Ngo imol chiya we ila ye mel fisyey dul le ye bulbul iyang, le ikla espritu kowe fismol we re ye yengang ngal Deus.\x - \xo 4:5 \xt Ex 19:16; Rev 8:5; 11:19; 16:18; Ez 1:13; Rev 1:4; Zec 4:2\x*  
\v 6 Iwe ngo imol chiya we liliyer tamol ila ye chalgos loh ngo ye ffod le ye wochog sedep pipiy.  
\p Iwe ngo ye wol mel famal angelus le re tebalili chiya we liliyer tamol le pangal lobos mo uwor ngo meter.\x - \xo 4:6 \xt Ez 1:22\x*\x - \xo 4:6 \xt 4:6–7; Ez 1:5–10; 10:14\x*  
\v 7 Ila metamo ila ye wochog semal raywong; ila harumalel ila ye wochog semal karbow; ila hasolmolol ila ye wululul wol metael semal yarmat; iwe ngo mala hafamalel ila ye wululul semal raguy kowe ye yeyal.  
\v 8 Iwe ngo be semal ir angelus kowe famal ngo wolre paol le igegel paol mael yeyal kowe, ngo pangal loh wol mokwe payur mo fael mekla payur ngo yor meter iyang. Ngo lerrael mo llubong ngo re tema ppoloh mo irel yewawal ton le rema sor bo:  
\q1 “Santus, santus, santus, Samol Deus le pangal ngo ma yoh irel,  
\q2 ngo ye faesul mel igla, ngo ye mel igawe, ngo yebe chil budoh.”\x - \xo 4:8 \xt Ez 1:18; 10:12; Is 6:2–3\x*   
\p
\v 9 Ir angelus kowe famal ila re totonel hapingping mo hasorow ngo re wol kangalu yal hachigchig yeramtawe ye maroro wol chiya we ye tagiyet, yeramtawe ye molow le tor siyal. Iwe ngo yodla rebe foru mele,  
\v 10 ngo mal kowe riyeg mo famal rema ppung hasubgudiy imol yeramtawe semal we ye marro wol chiya we ye tagiyet, ngo resa hasrowu bo iy mele molow la tor siyal. Iwe ngo rema ppedadiy chol fechal tamol kowe yar imol chiya we liliyal ngo resa sor bo,   
\q1
\v 11 “Yamem Samol ngo yamem Deus! Gel mele ye fel igegam  
\q2 le habe hapingpingah ngo ha hasrowug irel mala kelem.  
\q1 Bo gel mele ho foru pangal formel.  
\q2 Ngo gel mele yam luluwal le rebe sub ngo re molow.”   
\c 5  
\s1 Babior We Mo Fadiyel Saaf We  
\p
\v 1 Iwiri sew babior le ye lul le yeramtawe ye maroro woal chiya we ye holu lal paol rela gilemra; rorure babior we ngo ye choy loh irel teftaf ngo ye mmaech fengal le fusuw mekla kkamchol fengal.\x - \xo 5:1 \xt Ez 2:9–10; Is 29:11\x*  
\v 2 Ngo iwiri semal angelus kowe ye kel le ye maliliy le ye hapallingi yalol le ye sor bo, “Itey le yor igegal le yebe hatawsi meka kkamchol fengal babior le ngo yesa yaldaloh babior le?”  
\v 3 Iwe ngo tor semal mo wol laeng hare wol talop hare faelyayulol le yebe yoh ngali le be yaldaloh babior le bo yebe kallong iyang.  
\v 4 Iy sa tang bo ye tayikof lal depey irel molwe yela tor semal le ye yor igegal le yebe sugu babior le bo be kemahoy hapatpat kala ye mel iyang.  
\v 5 Iwe ngo semal mo luwulur mal kowe re tagiyet yesa kangaluyey bo, “Ho towe ma tang. Kalloh! Raywong we ye budoh mo irel haleng we yael Judah ngo iy chol daowe yael David ila yesa kel. Yebe yoh le be hatawsi rofusuw meka kkamchol babior la ngo yesa yaldaloh.”\x - \xo 5:5 \xt Gn 49:9; Is 11:1, 10\x*   
\p
\v 6 Iwe ngo isa wiri semal Fadiyel Saaf le ye su lochochol chiya we liliyer tamol ngo angelus kowe famal mo mal kowe re tagiyet re tebalililoh. Ngo fadiyel Saaf la ila ye molow ngo ye llehal molwe resa mwol limeseloh. Ngo fusuw mekla taelengal le ye wochog taelengel karbow ngo fisfos metal, le ikla mele espritu we fismol we re ye yengang ngal Deus, ngo Deus ye fangloh ir wol pangal loh talop le.\x - \xo 5:6 \xt Is 53:7; Zec 4:10\x*  
\v 7 Fadiyel Saaf we sa loh sala hasi babior we mo irel yeramtawe ye maroro wol chiya we ngo ye holu babior we lal paol rewe gilemra.  
\v 8 Yodwe ye foru molwe, ngo angelus we famal mo mal tagiyet kowe riyeg mo famal resa ppung hasubgudiy wototol mo imol fadiyel Saaf we. Semal ir ngo ye hasi sew \add harp\add* mo sew tohoh hoal le ye ssogol \add incense\add* bo ikla mele yar mapel mekla lol Deus.\x - \xo 5:8 \xt Ps 141:2\x*  
\v 9 Resa yawli sew ton le ye tefoy:  
\q1 “Gel mele yor igegem le hobe hasi babior le  
\q2 ngo hosa hatawsi mekla kkamchol.  
\q1 Bo gel mele re limesehloh, ngo irel yam tapeli maligach yam mes, mele ho foru bo pangal yarmat ngo rebe mel bo lol Deus,  
\q2 le yarmetael sew mo sew haleng, mo chol sere mo sere lam, mo pangal metmetael yarmat.\x - \xo 5:9 \xt Ps 33:3; 98:1; Is 42:10\x*   
\q1
\v 10 Hosa forur bo chol sew lam le rebe mel bo temarong bo rebe yengang ngal Deus la yach,  
\q2 ngo re yusuwili talop le.”\x - \xo 5:10 \xt Ex 19:6; Rev 1:6\x*   
\p
\v 11 Isa wol kalloh isala wiri ngo irongrong yalor angelus le re cholop, cholop le re towe pangeg le re su tebalililoh chiya we liliyer tamol, mo angelus we famal lengchel chiya we liliyel tamol mo mal kowe re tagiyet.\x - \xo 5:11 \xt Dn 7:10\x*  
\v 12 Re toton le ye palleng yalol yar ton le re sor bo:  
\q1 “Fadiyel Saaf we resa mwol limeseloh ila ye fel  
\q2 le yebe lamli pangal formel ngo ye loh ngali falmay,  
\q2 repiy, kkel, mo ssor ngo iy mele sibe hapingpinga!”   
\m
\v 13 Iwe ngo panger metmetal mael molow woal laeng, woal talop, mo falyayulol mo leted, iwe mo pangal loh mekla ye molow lal yayural ngo irongrong yalol yar ton le re sor bo:  
\q1 “Ngali yeramtala ye maroro wol chiya la liliyel tamol mo Fadiyel Saaf la, sibe hapingpingar ngo si hasrowur ngo re bele lamli pangal formel le tor siyal!”   
\m
\v 14 Angelus kowe famal resa hatefaeli ngo resa sor bo, “Amen!” Iwe ngo mal kowe re tagiyet resa ppung hasubgudiy wototol ngo resa hasrowu.   
\c 6  
\s1 Kkamchol Babior We  
\p
\v 1 Iwe ngo isa wiri yael Fadiyel Saaf we hachuya molwe metamol kkamchol babior we fusuw kkamchol. Ngo isa rongrong yalol semal mo irer angelus kowe famal le ye maliliy le ye palleng yalol le ye wochog ngungul parr le ye sor bo, “Budoh!”  
\v 2 Ila kalloh isala wiri semal woas le ye bbech. Ngo yeramtawe ye dah woas we ila ye holu sew hasik ngo resa ngaley sew cholfach kowe yar tamol. Iwe yesa loh fedeg le bela halusur rechokla yebe fedeg ngalir mo wol talop le.\x - \xo 6:2 \xt Zec 1:8; 6:3, 6\x*   
\p
\v 3 Iwe ngo Fadiyel Saaf we sa wol hachuya molwe harwowel kkamchol babior we; iwe ngo isa rongrong yalol molwe harumalol angelus le ye sor bo, “Budoh!”  
\v 4 Iwe ngo sa wol buyoy semal woas le ye checcha ddolal. Resa fang kelel yeramtawe ye dage woas we bo yebe hasidoh fedeg wol talop le, bo mil mala re talop be ir chog yar lliy fengalir. Iwe ngo resa ngaley seyey saiden kowe ye palleng.\x - \xo 6:4 \xt Zec 1:8; 6:2\x*   
\p
\v 5 Iwe ngo Fadiyel Saaf we sa wol hachuya molwe hasluwel kkamchol babior we, ngo isa rongrong yalol molwe hasolmolol angelus kowe le sor bo, “Budoh!” Ila kalloh isala wiri semal woas kowe ye ruchopung. Iwe ngo yeramtala ye dage ila ye holu ruwow hachow lal paol.\x - \xo 6:5 \xt Zec 6:2, 6\x*  
\v 6 Iwe ngo isa rongrong lliyalol semal yarmat le ye wochog bo ye budoh mo irel angelus kowe famal, le ye sor bo, “Be ruwow pawon irel flowa ngo paliyel yengangel lal seral, ngo wolow pawun irel barley ngo paliyel yengangel lal seral. Iwe ngo ha towe hatawsi ire ka \add olives\add* we ma budoh hapgep mo iyang, hare ire kowe yema budoh wine mo iyang!”   
\p
\v 7 Iwe ngo Fadiyel Saaf we sa wol hachuya molwe hafawwel kkamchol babior we; ngo isa wol rongrong yalol molwe hafamalel angelus yal sor bo, “Budoh!”  
\v 8 Ila kalloh ngo sa mel semal woas kowe ye taerbech mala ddolal. Re hadeda yeramtawe ye dage woas we bo Maes; iwe ngo Hades ye dedabey. Iwe ngo resa fang keler le rebe lamli sere mo irel setab yarmetael faileng le, le rebe llir irel fedeg, mo langda, mo maes, mo malfefedeg.\x - \xo 6:8 \xt Ez 14:21\x*   
\p
\v 9 Iwe ngo Fadiyel Saaf we sa wol hachuya molwe halmowel kkamchol fengal babior we. Iwe ngo isa wiri mo fael altar we mokwe ngulur rechokwe re limeserloh bo fael yar foloyu mokwe yalol Deus ngo re wol tugul ngal iy meka yalol.  
\v 10 Re tawulagili loh le ye pallieng yalor yar sor bo, “Samol le pangal ngo ma yoh irem, ngo ho santus ngo ho katos! Be chil ifa lepal ssulayel ngo sa moch hola yodla hobe hatugulu kofer yarmetael talop le ngo ho hagrer bo fael yar limesehmem loh?”  
\v 11 Semal ir ngo re ngaley sew mengag kowe ye bbech ngo resa kangalur bo rebe hasoso loh mwo yee, la hola leper rechokla yesa faesul tugul le rebe limeserloh mo irer Kristiano kala choluwar le re yengang ngal Deus le be tappel chog ir le re limeserloh.   
\p
\v 12 Iwe ngo isa wiri Fadiyel Saaf we yal hachuya molwe hawolowel kkamchol fengal babior we. Iwe ngo sa falmor le ye kel, ngo sa ruchupung loh metael yaal le yesa wochog sedep mengag chol kowe, ngo meram ila sa halngol chechaloh mala ddolal le sa igegel loh ddolol ccha.\x - \xo 6:12 \xt Rev 11:13; 16:18; Is 13:10; Jl 2:10, 31; 3:15; Mt 24:29; Mk 13:24–25; Lk 21:25\x*  
\v 13 Iwe ngo yesa ppungdiy fis kala lal laeng wol talop le ye wochog yal ma ppungdiy uwal \add fig\add* kowe ted masow irel yodka yema kel doh yaeng yesa yuchgadiy.\x - \xo 6:13 \xt 6:13–14; Is 34:4\x*  
\v 14 Iwe ngo lal laeng ila sa moloh le yesa wochog sew babior kowe yal lul fengal, ngo pangal tayit mo fuluy ngo re mmagud mo lobokla re faesul mel iyang.\x - \xo 6:14 \xt Rev 16:20\x*  
\v 15 Iwe ngo panger king lal faileng le mo tamol tagiyet mo tamol saldaw, cho mmal mo cho kel mo pangerloh yarmat, slave mo rechokla ye tal igeger, ngo re sala mwolloh lal hogyal mo luwul faesullap kala ye mel wol tayit.\x - \xo 6:15 \xt Is 2:19, 21\x*  
\v 16 Iwe ngo resa fofos wey irel tayit mo faesullap kowe le re sor bo, “Ha ppungdiy uwomem bo habe mwolloh mo lal metael yeramtala ye maroro wol chiya la liliyer tamol, iwe mo ssong la yael Fadiyel Saaf la!\x - \xo 6:16 \xt Ho 10:8; Lk 23:30\x*  
\v 17 Tayikofael ralale raell yar ssong, iye yesa hola gich ngo itey le yebe yoh le be sudah bo yebe paliliy?”\x - \xo 6:17 \xt Jl 2:11; Ml 3:2\x*   
\c 7  
\s1 Chola 144,000 Le Yarmetael Israel  
\p
\v 1 La wol miril mele ngo isa wiri famal angelus le re su irel tabdung la faw irel talop le, le re hammoch tefali yaeng la faw bo de yor yaeng le be ffildoh woal talop le hare woal taed hare yuchul ire.\x - \xo 7:1 \xt Jr 49:36; Dn 7:2; Zec 6:5\x*  
\v 2 Iwe ngo isa wiri wol semal angelus le ye bbedah mo rel laeng la Meterael le ye hasi hagil la yael Deus le ye molow. Yesa maliliy le ye palleng yalol ngalir angelus kowe famal we Deus yesa fang keler bo rebe hatawsi talop mo taed.  
\v 3 Angelus we ye sor bo, “Ha towe hatawsi talop mo taed hare ire yee, la rel moll yach hagilla mekla metael mangor re hagloy kala lol Deus le yach.”\x - \xo 7:3 \xt Ez 9:4, 6\x*  
\v 4 Iwe ngo sa kangaluyey le leper rechokla resa hagila mekla mangor ngal hagil la yael Deus ila subguy mo fayeg mo faw sangeras. Rechokla ila re budoh mo irel haleng we seg mo ruwow woal Israel,  
\v 5-8 le seg mo ruwow sangeras yarmat ngo re budoh mo irel sew haleng ka: Judah, mo Reuben, mo Gad, mo Asher, mo Naphtali, mo Manasseh, mo Simeon, mo Levi, mo Issachar, mo Zebulun, mo Joseph iwe mo Benjamin.   
\s1 Pulgul Yarmat Kowe Re Cholop  
\p
\v 9 Yela wol miril mele ngo ila kalloh isala wiri sew pulgul yarmat le re cholop, cholop le tor semal le yebe pangag ngali leper! Re budoh mo irel pangal daodol yarmat, mo haleng, mo fuluy, ngo re su imol chiya we mo Fadiyel Saaf we le re mengag irel mengag kowe ye bbech ngo yor paddol le re holu lal payur.  
\v 10 Resa maliliy le ye palleng yalor le re sor bo, “Molowach ila ye budoh mo irel Fadiyel Saaf we mo Deus la yach le ye maroro wol chiya la liliyal!”  
\v 11 Pangerloh angelus kowe ngo re su tebalililoh chiya we mo mal kowe re tagiyet mo angelus kowe famal. Iwe ngo resa ngarchap diy wototol imol chiya we liliyer tamol resa hasrowu Deus,  
\v 12 le re sor bo, “Amen! Hapingping, mo falmay, mo repiy, mo hachigchig, mo ssor, mo kel, be mel bo lamliyel Deus la yach le tor siyal! Amen!”   
\p
\v 13 Semal ir mal kowe ye tagiyet yesa kasiyayey bo, “Itey rechoka re mengag mengagbech, ngo re budoh mo iya?”   
\p
\v 14 Isa hatefaeli le isor bo, “Itugla, melap. Gel mele hobe gola.” Iwe ngo ye sa kangaluyey bo, “Ika rechokwe re daor mo luwul kelel hafohoy we ye holar. Resa wubu mekla mengagur ngal molwe cchal Fadiyel Saaf we bo yebe bbech.\x - \xo 7:14 \xt Dn 12:1; Mt 24:21; Mk 13:19\x*  
\v 15 Ila fal le resa su imol chiya la liliyel Deus bo rebe yengang ngali llubong mo lerael lal Templum le yal. Yeramtala ye maroro wol chiya la mele yebe mel irer.  
\v 16 Tayor fael sew le rebe chil kkoloh hare re betbat. Iwe ngo bechel yaal hare bechel te tugul formel ngo re towol fisngeg iyang,\x - \xo 7:16 \xt Is 49:10\x*  
\v 17 bo mil mala Saaf we ye mel lochochol chiya we liliyer tamol ila iy mele yebe mel bo re matmeter, ngo iy mele yebe palirloh irel chael la ye fefang molow. Iwe ngo Deus ye bele hachuya loh mekla chaell meter.”\x - \xo 7:17 \xt Ps 23:1; Ez 34:23; Ps 23:2; Is 49:10; Is 25:8\x*   
\c 8  
\s1 Molwe Hafsuwel Kkamchol Babior We  
\p
\v 1 Yodwe Fadiyel Saaf we ye hachuya molwe hafsuwel kkamchol babior we ngo be setab loh awa le tor mele si rongrong mo woal laeng.  
\v 2 Iwe ngo isa wiri angelus kowe fismol le re su mo imol Deus ngo resa ngaler fusuw rappa.   
\p
\v 3 Sa budoh semal angelus le ye hasi sew tohog kowe liliyel \add incense\add*; ye budoh sala su irel altar we. Iwe ngo resa hacholpa \add incense\add* le re ngaley bo yebe chila ngal mapel kala yar panger mekla lol Deus, la yebe tap maligach woal altar hoal la ye mel mo imol chiya la liliyer tamol.\x - \xo 8:3 \xt Am 9:1; Ex 30:1, 3\x*  
\v 4 Sa bidah burahol \add incense\add* we ye mel lal mokwe paol angelus we ye su mo imol Deus, le burah we ye dabey dah mapel kowe yar mokwe lol Deus.  
\v 5 Iwe ngo angelus we sa hasi tohogol \add incense\add* we, yesa hayeda ngal yaef mo irel altar we, yesa hacchifi diy woal talop. Iwe ngo sa ngung parr, ngo ye ffis, ngo ye falmor.\x - \xo 8:5 \xt Lv 16:12; Ez 10:2; Ex 19:16; Rev 11:19; 16:18\x*   
\s1 Rappa Kowe  
\p
\v 6 Iwe ngo angelus kowe fismol we re hasi rappa kowe fusuw resa hafler bo re bele haddigi.   
\p
\v 7 Iwe metamol angelus sa haddigi rappa we yal. Sa ppotog diy ice le ye wochog faesmah, mo yaef le ye pad ngal ccha, sa ppung diy wol talop. Sedep mo irel mala hasolmadpil hasisiyal talop le, le pangal loh ngo ye fisngeg loh, ngo wol ila sengal chog ire mo pangal fadil.\x - \xo 8:7 \xt Ex 9:23–25; Ez 38:22\x*   
\p
\v 8 Iwe ngo molwe harumalel angelus sa haddigi rappa we yal. Iwe ngo resa hallifididiy, sew formel le ye wochog sew tayit le hamtagtog le ye bbulbul, leted. Iwe sedep mo irel mala soldep le hasisiyal tad ila sa mel loh bo ccha.  
\v 9 Sew mo irel tteyel mael leted kala suluw, mo irel pangal loh mael leted kala re molow, ngo panger ngo re mes loh; ngo sew mo irel hayyagel barko kala suluw irel pangal loh barko, ngo ye wol towas loh.   
\p
\v 10 Iwe ngo molwe hasolmolol angelus sa haddigi rappa we yal. Iwe ngo sefeas fis le ye palleng ngo ye bbulbul le ye wochog sew dul, sa ppung diy mo lal laeng, sa ppung diy wol mala hasluwel hasisiyal pangal mololul mo chael ka ye bididah mo falulol.\x - \xo 8:10 \xt Is 14:12\x*  
\v 11 (Mala idel iy fis le ila “Merat.”) Iwe ngo sew mo irel mokwe suluw hayyagel pangal chael wol talop le ila yesa merat mala llal, ngo ye cholop yarmat le resa mes irel chael le re yul le ye merat mala llal.\x - \xo 8:11 \xt Jr 9:15\x*   
\p
\v 12 Iwe ngo molwe hafamalel angelus yesa haddigi rappa we yal. Iwe ngo yesa towas yaal mo meram mo fis kala lal laeng; ila tay ma wer irel kasew yad kala suluw le resa hayyagi bo rebe ma wer iyang. Ngo tay ma wer yaal irel sew yod kala suluw le hayyagel lleral; iwe ngo tay wer meram mo fis kalay irel sew yad kala suluw le ye hayyagi bong.\x - \xo 8:12 \xt Is 13:10; Ez 32:7; Jl 2:10, 31; 3:15\x*   
\p
\v 13 Iwe ngo ila kalloh isala wiri ngo irongrong yalol semal raguy le ye yeyael loh lal sibol langlay. Ye hapalingi yalol le ye sor bo, “Harof hami! Harof hami! Be ifa lepal kelel hafohoy le yebe holar rechokla re mel woal talop irel yodla bela ddig yalol rappa kala angelus kala solmol ye tugul rebe haddigi!”   
\c 9  
\p
\v 1 Iwe ngo molwe halimalel angelus yesa haddigiy rappa we yal. Ngo isa wiri sefeas fiis le ye ppung diy mo lal laeng sa ppung diy woal talop; ngo ye faesul hasi kiyel lobola ye mel faelulloh le re kalbus moniyan iyang.  
\v 2 Iwe ngo fis we yesa sugu molwe hatmal faelulloh, ngo sa bidah burah mo iyang, le ye wochog burahol yafel solbos kowe rema hamad parang iyang. Werel yaal mo lal yayural ngo sa ruchopung loh irel burah we ye bidah mo faelulloh.\x - \xo 9:2 \xt Gn 19:28\x*  
\v 3 Iwe ngo sa bidiy maelhawal mo luwul burah we resa bidiy woal talop, iwe ngo resa fang keler le yesa hafedeg ngal sil maelobong kowe.\x - \xo 9:3 \xt Ex 10:12–15\x*  
\v 4 Ngo ye kangalur bo re towe hatawsiy fadil, mo ire, mo pangal matmetael walwol; bo rechokla chog tamel hagil we yael Deus woal mekla metael mangor mele rebe hafohoyur.\x - \xo 9:4 \xt Ez 9:4\x*  
\v 5 Rete hatla ngalir maelhawal kowe le rebe limeserloh rechokwe. Rebe hafohoyu fedaler chog lal lemow meram. Lepal kelel yar rechokla bbareg irel maelhawal ka ila ye hafedeg ngal chog bbargel yal kuk semal sil maelobong kowe.  
\v 6 Lal mala lemow meram ngo rechokla re bele memeri fedaley chog sew formel le rebe mes iyang, ngo tor mele rebe wiri; re bele dipli bo rebe far mes, ngo maes yebe kkewag tangir.\x - \xo 9:6 \xt Job 3:21; Jr 8:3\x*   
\p
\v 7 Maelhawal kowe ila resa wochog woas kowe resa fel re bela dabey fedeg. Woal mekla chemer ila re marmar irel mokwe marer tamol le ye wochog hoal, ngo woal mekla meter ila ye wochog woal metael yarmat.\x - \xo 9:7 \xt Jl 2:4\x*  
\v 8 Mekla yall chemer ila ye wochog yall chemer fefel le ye lellay, ngo mekla ngir ila ye wochog ngil raywong.\x - \xo 9:8 \xt Jl 1:6\x*  
\v 9 Mekla chewawal wuber ila ye dugdug ngal tot formel le ye wochog parang, ngo ngungul yangel mekla payur ila ye wochog margogol pechel woas le re cholop le re lug kruma ngo resa hamda loh luwul fedeg.\x - \xo 9:9 \xt Jl 2:5\x*  
\v 10 Yor pechear le ye bechlaep le ye wochog pechear sil maalobong. Ngo mekla pechear mele ye mel keler iyang, le be yoh le rebe habbargar yarmat iyang irel lemow meram.  
\v 11 Ngo ye mel semal le yar king le ye lamlir. Ila angelus we ye lamli falulol. Iwe ngo mala idal mo irer Hebrew ila Abaddon; ngo irel Greek ila Apollyon (fael mele ila “Chol Hattowas”).   
\p
\v 12 Mala metamol mo irel meka ye hammotog ila sa moll, ngo bela wol miril iye ngo chil mel chog ruwow le be budoh.  
\v 13 Iwe ngo molwe hawolmalol angelus sa haddigi rappa we yal. Ngo isa rongrong sew yalol yarmat le ye bubudoh mo irel rofaw tabdungul altar le hoal le ye mel imol Deus.\x - \xo 9:13 \xt Ex 30:1–3\x*  
\v 14 Iwe ngo yalol yarmat we sa kangalu molwe hawolmalol angelus bo, “Hobe tahcher angelus kowe famel we re mel irel mololul la ye palleng le Euphrates!”  
\v 15 Iwe resa tahcher angelus we famal; ir resa faesul fel ngal awa le mo lal ralle, mo meram le, mo rag le, ngo rebe limeserloh sew pulgul yarmat mo irel pulgul yarmat la suluw.  
\v 16 Re kangaluyey leper saldaw kala rebe dahdah woas le rubguy million.  
\v 17 Iwe ngo ikalloh isala wiri woas kala mo rechokla re mel yuchul; ngo yor parang le ye ddol checha le ye wochog yaf, ngo ye ddol harawraw le ye wochog \add sapphire\add*, ngo ye wol pparangrang le ye wochog \add sulfur\add* le piltael lal mekla wuber. Ngo chemel woas kala ila ye wochog chemel raywong, ngo ye bubuyoy yaef, mo burah, mo \add sulfur\add*, mo lal mekla yewer.  
\v 18 Ila sew tteyal mo irel tteyal la suluw irel yarmetael talop le, re mes loh irel hafohoy ka suluw: yaf we, mo burah we, mo \add sulfur\add* we ye buyoy mo lal yewer woas kowe.  
\v 19 Bo kelel woas kala ila ye mel lal yewer mo irel mekla pechear. Bo mekla pechear ila ye wochog parchoyoh le yor chemer le ikla mele rema hawasur yarmat iyang.   
\p
\v 20 Iwe ngo pangerloh rechokwe rete mes irel hafohoy kowe ye budoh ila rete tagul tang mokwe re spegil foru ngal payur. Rete ppoloh mo irel yar kekasrowu liyosol todeb kala re faesul ma memapel ngalir le ye ffaor mo irel hoal, mo silver, mo \add bronze\add*, iwe mo feas mo ire, le re tema wiri formel, ngo retema rongrong formel, ngo retema dar loh.\x - \xo 9:20 \xt Ps 115:4–7; 135:15–17; Dn 5:23\x*  
\v 21 Iwe ngo rete wol ppoloh mo irel yar lilimesloh yarmat, mo yar faolus, mo peraf, iwe mo wegdegel maltemay.   
\c 10  
\s1 Angelus We Mo Mityel Lulul Babior We  
\p
\v 1 Iwe ngo isala woal wiri semal angelus tagiyet le yesa bidiy mo woal laeng. Sedep darmiy ye tebalililoh ngo ye mel sew lolyor wol mala chemal; woal mala metal ila ye wochog ddolol yaal, iwe ngo mekla pechel ila ye wochog ruwow bbulul yaef.  
\v 2 Ye mel sew babior le ye wechich le holu lal paol le yesa faesul yaldi. Iwe ngo sa itol rel pechel rewe gilemra wol tad, ngo ye itol rewe gilchegil wolfulu.  
\v 3 Iwe ngo yesa fofos le ye palleng yalol le ye wochog margogol lliyalol raywong kowe. Wol miril chog yal fofos ngo parr we fusuw resa palili ngal margogol yar ngung.  
\v 4 Yodwe chog re maliliy ngo isa luwaley le ibele teftaf babior. Iwe ngo isa rongrong sew yalol yarmat le ye bidiy mo woal laeng le ye sor bo, “Hobe lebagili molwe ppar kowe fusuw re sor; ho towe tefadiy lal babior!”   
\p
\v 5 Iwe ngo angelus we iy wiri we ye su leted mo wolfulu yesa halangadah rel paol rewe gilemra wol laeng.\x - \xo 10:5 \xt 10:5–7; Ex 20:11; Dt 32:40; Dn 12:7; Am 3:7\x*  
\v 6 Ngo yesa hatugulu mo fael idel Deus la ye molow le tor siyal, le iy mele ye foru laeng mo talop, iwe mo taed, mo pangal matmetal mekla ye mel iyang, le ye sor bo, “Towol yoh le iy be chil hassulayi loh tot mele!  
\v 7 Iwe ngo yodla molwe hafismolol angelus yebe haddigi rappa we yal, ngo Deus ye bele hamallo loh mokwe yesa faesul hatugulu bo yebe foru we ye llebag, le be tappel molwe ye kangalur profeta kowe yal re hagloy.”   
\p
\v 8 Ngo yalol yeramtawe isa moal rongrong yal malilidiy mo woal laeng yesa wol maliliy ngalyey fael sew le ye sor bo, “Ho loh ho bela hasi babior la ye mel lal paol angelus la ye su wol taed mo wolfulu.”\x - \xo 10:8 \xt 10:8–10; Ez 2:8—3:3\x*   
\p
\v 9 Iwe isa loh irel angelus we isala dangro lulul babior we ye wechich. Iwe yesa kangaluyey bo, “Hasi hosa hangi; yebe mall mo lal siyem, ngo lal yewam ila yebe cchalgar le be wochog llal luchfaes.”   
\p
\v 10 Isa hasi mityel lulul babior we mo lal molwe paol isa hangi, ngo ye wochog llal luchfaes kowe ye chaelgar mo lal yeway. Ngo la wol miril yai yorngaloh ngo sa mall loh mo lal mele siyey.  
\v 11 Iwe ngo sa wol kangaluyey bo, “Hobe wol kapta loh fael sew mele yalol Deus le kofer chol sere mo sere lam, mo daodol yarmat, mo yalol fuluy, iwe mo king.”   
\c 11  
\s1 Profeta Kowe Rumal We Lol Deus  
\p
\v 1 Yesa ngaleyey setab ire le ye wochog sew hapopoy ngo yesa kangaluyey bo, “Ho loh ho bela hapayu Templum la yael Deus iwe mo altar we, iwe ngo hosa pangi leper chol mepel lal Templum la.\x - \xo 11:1 \xt Ez 40:3; Zec 2:1–2\x*  
\v 2 Iwe ngo ho towe hapayu lobola ye ketab wey le sa mel bo liliyer Gentiles, bo ikla rechokla rebe suraloh Haplom la ye Santus fael pecher irel fayeg mo ruwow meram.\x - \xo 11:2 \xt Lk 21:24\x*  
\v 3 Ibele fangloh profeta ka layi le rumal le rebe mengag tutuw, ngo rebe kapta loh mala yalol Deus lal mala sangeras mo rubguy mo weleg ral.”   
\p
\v 4 Chola rumal ila \add olive\add* kowe rugay mo habulbul we ruwow we re su imol Samol we iy mele ye lamliy talop le.\x - \xo 11:4 \xt Zec 4:3, 11–14\x*  
\v 5 Iwe ngo te tugul semal le be luluwaley le yebe llir, ngo ma buyoy yaef mo lal mekla yewer sa llir loh rchokla re luluwaley le rebe fedeg ngalir; be iye sangal mala be wel ngal semal le yebe luluwaley be fedeg ngalir rechoka.  
\v 6 Deus sa fang keler le be yoh le rebe hapolaho loh ppotog irel yodla rebe kapta loh mala yalol Deus iyang. Iwe ngo wol yor keler irel pangal chael totol le rebe wigdi yebe mel bo ccha; ngo wol yor keler le te tugul lepal ragusgusul, ngo be yoh le rebe kakdoh matmetael hafohoy woal talop le.\x - \xo 11:6 \xt 1 K 17:1; Ex 7:17–19; 1 S 4:8\x*   
\p
\v 7 Yodla bela moll yar kapta loh mala yalol Deus, ngo mael hammotog we ye mel falulol bele bidah bo rebe rol fedeg fengal. Ye bele halusur ngo ye limeserloh.\x - \xo 11:7 \xt Dn 7:7; Rev 13:5–7; 17:8; Dn 7:21\x*  
\v 8 Iwe ngo mekla porgor ila ye bele yol fedal lal yalapael haplom we, irel lobowe re krudu Samol we yar iyang. Mala idel haplom la ila Sodom, hare Egypt.\x - \xo 11:8 \xt Is 1:9–10\x*  
\v 9 Panger yarmetael fuluyel lal faileng le ngo rebe kalngali mekla porgor irel suluw mo setab ral ngo re towe mechael bo rebe lebar.  
\v 10 Yarmetael talop le ila ye bele momay deper irel mala resa mes profeta ka rumal. Re bele gubul ngo re fang fengal yar kefang le fael molwe profeta kowe rumal re hafohoyur yarmetael talop le.  
\v 11 Bela solral mo setab ral mo wol miril ngo Deus bele hamolowa tefalir ngo re bele sudah; ngo panger rechokla rebe wirir ngo rebe rusmes.\x - \xo 11:11 \xt Ez 37:10\x*  
\v 12 Iwe ngo profeta we rumal resa rongrong sew yalol yarmat le ye palleng le ye bidiy mo woal laeng le ye sor bo, “Ha bidah mo iga!” Yodwe rechokwe re hattohar ngalir, re chil kekamahor, ngo resa bidah woal laeng le re mel luwul sedep darmiy.\x - \xo 11:12 \xt 2 K 2:11\x*  
\v 13 Irel yodla chog ngo yesa folmor le ye kel; ngo sedep mo irel mala seg madpil yar sisiyali haplom we ila ye towas loh, ngo fisngeras yarmat le re mes loh. Iwe ngo rechokla sibis le rela meldiy ila sa ccheloh ngulur, iwe resa hapingpinga Deus la ye tagiyet le ye mel wol laeng.\x - \xo 11:13 \xt Rev 6:12; 16:18\x*   
\p
\v 14 Sa moll mala harwowel hafohoy ngo ye chil mel mala hasluwel hafohoy le towol ssulay ngo bele budoh!   
\s1 Mala Hafsuwel Rappa  
\p
\v 15 Iwe ngo molwe hafismolol angelus sa haddigiy rappa we yal, ngo sa palleng dah yalor yarmat mo wol laeng le re sor bo, “Mala kelal Samol we yach mo Kristus bo rebe lamli talop le ila tor siyal!”\x - \xo 11:15 \xt Ex 15:18; Dn 2:44; 7:14, 27\x*  
\v 16 Iwe ngo mal kowe re tagiyet we re riyeg mo famael we re maroro wol chiya kowe liliyer mo imol Deus resa ngarchap diy wototol resa hasrowu Deus,  
\v 17 le re sor bo:  
\q1 “Samol Deus le ho hartael tagiyet, le ho mel igla ngo ho faesul mel!  
\q1 Habe kangalug yam hachigchig irel yam hasi mala kelem  
\q2 le ye tagiyet ho sala lamli faileng le!   
\q1
\v 18 Iwe ngo rechokla rete chepar irel Deus ila sa kel yar ssong,  
\q2 bo fael mala sa hola yodla gel hobe ssong iyang,  
\q2 mo yodla hobe hatugulu kofer chomes iyang.  
\q1 Ngo sa hola yodla hobe fang paliyer profeta kala yam  
\q2 re hagloy mo pangerloh mekla lom, le pangerloh ngo ho ssor mo irer,  
\q2 le rechokla re tagiyet mo ikla re totol.  
\q1 Iwe ngo sa hola yodla hobe llir loh rechokla re kkateyikofa talop le!”\x - \xo 11:18 \xt Ps 2:5; 110:5; Ps 115:13\x*   
\m
\v 19 Iwe ngo sa sugeg templum we yael Deus wol laeng, ngo yesa llah loh Kaholol Bogtag we le ye mel iyang. Iwe ngo ye ffis, ngo ye margog, ngo ye ngungung parr, ngo ye folmor, ngo ye ppung diy ice le ye wochog faesmah.\x - \xo 11:19 \xt Rev 8:5; 16:18; Rev 16:21\x*   
\c 12  
\s1 Fefel We Mo Dragon We  
\p
\v 1 Iwe ngo sa llah loh sew formel mo lal laeng le ye hamesseg. Ye mel semal fefel le ye mengag irel yaal, ngo ye su wol meram, ngo ye marmar irel seg mo rufeas fis.  
\v 2 Yesa harep le bele dimolow, ngo ye palleng yalol yal tetang irel yal bbareg.   
\p
\v 3 Ngo sa wol llah loh sew formel mo lal laeng. Ye mel semal \add dragon\add* le hasfaluy mala lepal le ye checha, ngo fusuw mekla chemal, ngo seg mekla taelengal le ye wochog talengel karbow. Iwe ngo be sew mokwe chemal ngo ye mel sew cholfach kowe yar tamol we ye pachigchig iyang.\x - \xo 12:3 \xt Dn 7:7\x*  
\v 4 Yesa ddera ngal mala pachel sew pulgul mo irel pulgul la suluw mo irel pangal loh mekla fisil lal laeng yesa hallifdidi wol talop. Iwe ngo sala su chog imol fefel we, bo hare be subdoh chog yalwich we lol ngo yesa hangi.\x - \xo 12:4 \xt Dn 8:10\x*  
\v 5 Iwe ngo fefel we sa dimolowagili semal yalwich mal le iy mele be lamliloh pangal fuluyel faileng le. Yete yoh le mael we yebe hangi yalwich we bo semal angelus sa hasidah wol laeng irel Deus le ye mel irel chiya la liliyal.\x - \xo 12:5 \xt Is 66:7; Ps 2:9\x*  
\v 6 Iwe ngo fefel we sa hawloh lal sew tolmay loh, irel solbos le Deus sa faesul hafle bo liliyal, ila lobola bela mel iyang bo rebe hammale irel sangeras mo rubguy mo weleg rall.   
\p
\v 7 Iwe ngo sa chaep fedeg mo wol laeng. Bo Michael mo angelus kowe chilal resa fedeg ngali \add dragon\add* we. Iwe ngo \add dragon\add* we mo angelus kala reppilyal resa wol fedeg ngalir.\x - \xo 12:7 \xt Dn 10:13, 21; 12:1; Jd 9\x*  
\v 8 Iwe sala lus \add dragon\add* we mo angelus kowe reppilyal le towol yoh le rebe chil mel wol laeng.  
\v 9 Iwe resa hachuya \add dragon\add* we! Ila iy parchoyog we muswe, we resa hadeda bo Moniyan hare Satan, we iy mele ye kacheprar long re faileng luwul molfid. Resa hallifdidiy woal talop le ir fengal mo angelus kowe reppilyal.\x - \xo 12:9 \xt Gn 3:1; Lk 10:18\x*   
\p
\v 10 Iwe ngo isa rongrong sew yalol yarmat le ye palleng le ye bidiy mo wol laeng le ye sor bo, “Igla ila sa hola yodwe Deus be hadorar mekla lol! Igla mele Deus sa kawraloh mala kelal le iy semal King le ye tagiyet! Igla mele Kristus la lamliyal sa kawraloh molwe kelal! Bo yeramtawe semal we ye su mo imol Deus la yach, ye sa kapta yar tayikof mokwe wol bisich lubong mo leral ila resa hallifdidiy mo wol laeng.\x - \xo 12:10 \xt Job 1:9–11; Zec 3:1\x*  
\v 11 Mekla wol bisich mele resa kel bo fael molwe cchal fadiyel Saaf we, mo irel mala ye katos le resa kapta loh, ngo ye kkel deper le rebe fangloh yar ngas bo rebe mes.  
\v 12 Be momay dipmi hami re leng mo pangmi rechokla ha rol mel iyang! Iwe ngo bele kel yal hafohoy faileng mo taed! Bo Moniyan we sa bidiy iremi, le yesa kel yal ssong. Bo fael mala sa gola bo tay lap yal time le ye mel.”   
\p
\v 13 Ngo la yodwe \add dragon\add* we sa gola bo resa hallifdidi woal talop, ngo sa chaep yal memeri fefel we ye dimolowagili yalwich tarmal we.  
\v 14 Iwe ngo Deus sa fang ngal fefel we rure paol raguy kowe ye palleng bo mil mala fefel we be yaelloh irel molwe liliyal lal tolmay loh we, lobola re bela hammale mo iyang irel suluw mo setab raeg, bo yebe daor mo irel \add dragon\add* we.\x - \xo 12:14 \xt Dn 7:25; 12:7\x*  
\v 15 Iwe ngo \add dragon\add* we yesa habuyoyu chael we lal yewal le ye wochog sew mololul bo hare be burloh bo be mael loh fefel we.  
\v 16 Iwe ngo totol ye tipingi fefel we; bo sa mehal totol sala yulmiloh chael we ye buyoy mo lal molwe yewal \add dragon\add* we.  
\v 17 Yesa kel loh yal ssong \add dragon\add* we ngal fefel we. Iwe yesa loh bela fedeg ngalir chol daowe yael fefel we, le panger rechokwe re taelenga chog hatobtob kowe yael Deus ngo ye tugul chog deper ngal mekla Jesus ye halleha doh.  
\v 18 Iwe ngo \add dragon\add* we sala su loh machngatted.   
\c 13  
\s1 Rumal Maal Fefedeg  
\p
\v 1 Iwe ngo isala wiri semal malfefedeg le ye bidah mo luwul taed, le seg taelengal le ye wochog taelengel karbow ngo fusuw chemal; be sew mokwe taelengal ngo ye mel sew cholfach kowe yar tamol iyang, ngo be sew mokwe chemal ngo ye teftaf sew yid iyang le ye tayikof mo irel Deus.\x - \xo 13:1 \xt Dn 7:3; Rev 17:3, 7–12\x*  
\v 2 Malfefedeg le ila ye wochog semal \add leopard\add* ngo mekla pachpechael pechel ila ye wochog pachpechael pechel semal \add bear\add* ngo mala yewal ila ye wochog yewal semal raywong. \add Dragon\add* we sa ngaley malfefedeg we ye bidah mo luwul taed molwe kelal, mo chiya we liliyal, mo pangal mokwe lamliyal.\x - \xo 13:2 \xt Dn 7:4–6\x*  
\v 3 Ngo ye mel sew mo irel mokwe chemwel malfefedeg we le ye kel yal was le be yoh be mes iyang, iwe ngo sa moa molwe giltal. Panger yarmetael faileng le ngo re lluwdah irel malfefedeg le, iwe resa dabey miril.  
\v 4 Pangal yarmat ngo re kekasrowu \add dragon\add* we bo yesa fang mala kelal ngal malfefedeg we semal. Yarmat re wol hasrowu malfefedeg le, iwe ngo resa sor bo, “Itey semal le be hafedeg ngal malfefedeg le? Iwe ngo itey le be yoh le yebe fedeg ngali?”   
\p
\v 5 Iwe ngo yesa tal malfefedeg we bo yebe kapta mala ye hartael tayikof le ye kekabos iyang, ngo ye tayikof mo irel Deus, ngo ye wol tal le be yor kelal irel mekla ye foforu irel fayeg mo ruwow meram.\x - \xo 13:5 \xt 13:5–6; Dn 7:8, 25; 11:36\x*  
\v 6 Yesa chapiy yal hapatpat tayikof irel Deus mo mala idal, mo lobola ma mel iyang, mo panger rechokla re mel woal laeng.  
\v 7 Ye wol tal le yebe fedeg ngalir mekla lol Deus, ngo ye halusur ngo ye wol yor kelal uwor pangal haleng mo lam, mo yalol pangal fuluy mo pangal matmetael yarmat.\x - \xo 13:7 \xt Dn 7:21\x*  
\v 8 Panger rechoka re mel woal talop ngo rebe hasrowu. Rechokla chog imol yodwe yebe sub faileng, ngo yesa faesul teftaf ider lal molwe babioror cho molow we yael Saaf we re limseloh, mele re towe hasrowu.\x - \xo 13:8 \xt Ps 69:28\x*   
\p
\v 9 “Ha taelenga hare yor taelengmi!  
\v 10 Te tugul semal le ye faesul budohol le rebe dorfiy, ila ye tugul le rebe dorfiy; te tugul semal le ya faesul budohol le yebe mes irel saiden, ila ye tugul le yebe mes irel saiden. Mele ila mil mala mekla lol Deus rebe hakela chog deper irel yar tugulul ladep ngo re tagul ngal Deus.”\x - \xo 13:10 \xt Jr 15:2; 43:11\x*   
\p
\v 11 Iwe ngo isa wol wiri semal malfefedeg le ye bidah mo luwul bol. Le ruwow mekla taelengal le ye wochog taelengel fadiyel saaf kowe, iwe ngo yebe maliliy ngo ye wochog lliyalol semal \add dragon\add*.  
\v 12 Iwe ngo yema tapeli molwe kelel malfefedeg we metamo irel yodla be mel irel. Iwe ngo yesa dingiy talop mo panger yarmetael talop bo rebe hasrowu molwe metamol malfefedeg.  
\v 13 Molwe harumalel malfefedeg yema foru kemal le ye ppalingling; ye foru le yebe bidiy yaef mo wol laeng sa bidiy wol talop le pangal yarmat ngo re wiri.  
\v 14 Ye kacheprar panger yarmetael talop ngal kemal kowe ye tal le yebe foru mo imol malfefedeg we metamo. Malfefedeg we sa kangalur bo rebe ffaor liyosol malfefedeg we ye was irel saiden ngo yete mes.  
\v 15 Iwe ngo molwe harumalel malfefedeg ila ye tal le yebe fang molow ngal molwe liyosol malfefedeg we metamo, bo be yoh le liyos we yebe hapatpat ngo ye limserloh panger rechokla re temchael hasrowu.  
\v 16 Molwe harumalel malfefedeg sa hakela ngalir panger rechoka re tagiyet mo ikla re totol, mo ika re mmal mo ikla re hafohoy, iwe mo slave mo ika re tal, bo rebe hagilla mekla gumchur rekala gilemra hare re hagilla wol mekla mangor.  
\v 17 Tor semal le be yoh le yebe chuwayi sew formel hare ye tap chuway sew formel le be tamel hagil le uwol. Hagil le ila mala idel malfefedeg le hare namba la ye mel bo hagillel mala idal.   
\p
\v 18 Yebe yor yam medaf ila ngo hobe gola fal mele. Semal le ye momay lal chemal ngo be yoh le yebe gola fael namba le yael malfefedeg le, bo namba le hagilel idel semal mal ila wolbuguy mo weleg mo wolow (666).   
\c 14  
\s1 Fadiyel Saaf We Mo Mokwe Lol  
\p
\v 1 Iwe ngo ila kalloh, isla wiri Fadiyel Saaf we le ye su woal tayitel Zion le subguy mo fayeg mo faw sangeras (144,000) lepal yarmat le re mel irel, le ye teftaf idal mo idel mala Temal wol mekla mangor.\x - \xo 14:1 \xt Ez 9:4; Rev 7:3\x*  
\v 2 Ngo isa rongrong sew yalol yarmat yal bidiy mo wol laeng le ye wochog margogol chael kowe yema bidiy mo wol tayit, ngo ye wochog cchinragel parr kowe. Iwe ngo ye wol wochog yalol mosik kowe chol mosik rema hakungu wol \add harp\add* kowe layur.  
\v 3 Rechokwe subguy mo fayeg mo faw sangeras (144,000) ila re su imol chiya we liliyer tamol, mo angelus kowe famael mo mal kowe re tagiyet. Le re yeyawli sew ton le ye tefoy le ir chog mele re gola. Iwe ngo ir chog mele Deus ye hadorar mo luwulur loh panger yarmetael talop le.  
\v 4 Ika ir mal kowe re tal we re ted daber fefel, ngo re ted gola wigdigil maltemay. Te tugul solbos le yebe loh Fadiyel Saaf we iyang ngo rema dabey. Ir mele resa daor mo luwulur yarmat, ngo ir mele metamol yarmat le re fang ir ngal Deus mo Fadiyel Saaf we.  
\v 5 Ted yor mwo fael sew le yarmat re gola le re kachepar ngo ir ila tor derer.\x - \xo 14:5 \xt Zep 3:13\x*   
\s1 Angelus Kowe Solmol  
\p
\v 6 Iwe ngo isa wol wiri semal angelus le ye yeyael loh mo lal sibol lang lay, le ye hasi sew hapatpat le tor fael sew le be moa le kofal Hapatpat Momay we le yebe kangalur re talop, le chol sew mo sew daaey, mo haleng, irel yalol sew mo sew fuluy mo chol sere mo sere.  
\v 7 Yesa kangalur le ye palleng yalol le sor bo, “Ha hasrowu ngo ha hapingpinga Deus le ye Hartael Tagiyet! Bo sa hola yodwe iy yebe hatugulu kofer yarmat iyang. Ha hasrowu bo iy mele ye foru laeng, mo talop, mo taed, mo chael!”   
\p
\v 8 Iwe ngo molwe harumalel angelus sa meridoh molwe metamol angelus ngo sa sor bo, “Yesa medar loh! Babylon we ye tagiyet ila sa mmedar loh! Babylon yesa hatayikofar loh panger yarmetael talop le irel wegdegel maltemay kala yal, le ye wochog wine kowe ye kel le yesa habelasi ngalir!”\x - \xo 14:8 \xt Is 21:9; Jr 51:8; Rev 18:2\x*   
\p
\v 9 Iwe ngo mala hasolmolel angelus sa wol budoh mo wol merir ikowe rumal le ye kapatpat ngo ye palleng yalol yal sor bo, “Te tugul semal le yebe hasrowu malfefedeg la mo mala liyosal, ngo ye mel hagil la yal woal metael mangol hare wol gumchul,  
\v 10 ngo iy yebe yul mo irel wine la lemel Deus. Wine le ye kel le winel ssong la yal le ye hasrelong lal tahogol ssong la yal! Panger rechokla re foru mele ngo yebe kel yar hafohoy luwul yaef, mo \add sulfur\add*, mo fael meter angelus kala re santus mo Fadiyel Saaf we.\x - \xo 14:10 \xt Is 51:17; Gn 19:24; Ez 38:22\x*  
\v 11 Iwe ngo burahol yaf la ye kekafohoyur ila ye bibidah chog le tor siyal. Rechokla re hasrowu malfefedeg le mo molwe liyosal, mo ikla ye mel hagillel molwe idal uwor ila tor yar hasoso mo irel hafohoy llubong mo leral.”\x - \xo 14:11 \xt Is 34:10\x*   
\p
\v 12 Mele ila mil mala rechokla re itol chog hatobtob kala yael Deus liliyal ngo ye tugul deper irel Jesus, rebe yedamgel chog luwul bbareg mo hafohoy kala rema chungu.   
\p
\v 13 Iwe ngo isa rongrong sew yalol yarmat le ye bidiy mo woal laeng le ye sor bo, “Tefadiy mele: Bele chaep igla sa loh le be momay deper rechokla re mes loh luwul yar yengang ngal Samol!” Iwe ngo Espritu Santus sa sor bo, “Ila sengal, ye bele momay deper irel yar hasoso mo irel yengang kala yar le ye weres, bo paliyel yengang la yar ila sa yoh ngalir.”   
\s1 Hartael Tatelal Hapatpat  
\p
\v 14 Iwe ngo isa kaloh isla wiri sedep darmiy le ye bbech, ngo ye mel sew formel le ye wochog semal yarmat le ye maroro uwol. Ye mel sew cholfach hoal kowe yar tamol wol mala chemal, ngo ye holu sew kama kowe ye kkang.\x - \xo 14:14 \xt Dn 7:13\x*  
\v 15 Iwe ngo semal angelus sa wol buyoy mo lal templum we ngo sa maliliy le ye palleng yalol ngal angelus we semal we ye maro wol madpil darmiy we le ye sor bo, “Tapeli kama la yam bo hobe gilsi ngal uwal milay la bo sa hola yodol; bo uwal milayel talop le ila sa masow!”\x - \xo 14:15 \xt Jl 3:13\x*  
\v 16 Iwe ngo yeramtawe ye maro wol madpil darmiy we yesa ffelaloh kama we yal wol talop sa supidiy uwal milay we.   
\p
\v 17 Iwe ngo isa wol wiri semal angelus le ye buyoy mo lal templum la woal laeng le ye wol hasi sew kama kowe ye kkang.   
\p
\v 18 Iwe ngo semal angelus le iy mele ye lamli yaef yesa budoh mo irel altar we. Yesa ttawul le ye palleng yalol ngal angelus we ye hasi kama we ye kkang le ye sor bo, “Tapeli kama la yam bo hobe gilsi ngal uwal milayel \add grape\add* la wol talop bo \add grape\add* kala ila sa masow!”  
\v 19 Angelus we sa ffelaloh kama we yal wol talop sla supidiy \add grape\add* kowe, ngo sa hasi yesa ppedalong lal molwe rema wungdu chael \add grape\add* kowe mo iyang le iye mele hagillel kelel ssong we yael Deus.  
\v 20 Resa wungdu chael \add grape\add* kowe mo loboswe rema ffaor wine iyang we ye mel lugul hasohsoh, sla buyoy ccha mo irel liliyel ffaorel wine we le sa burloh loboswe le be rubguy mile mala siyal yal loh ngo be lemow fiit tagital.\x - \xo 14:20 \xt Is 63:3; Lm 1:15; Rev 19:15\x*   
\c 15  
\s1 Angelus Kowe Mo Hartael Hagerger We Fusuw  
\p
\v 1 Iwe ngo isa wiri wol sew hagil le ye palleng ngo ye hammeseg mo lal laeng. Ye mel fismol angelus le re hasi fusuw matmetael hagerger le ikla mekla hartal, bo fael mala rebe kawraloh ssong la yael Deus.   
\p
\v 2 Iwe isla wiri sew formel le ye wochog taed, ngo ye wochog pipiy yal chalgos ngo ye ddolol yaef. Ngo iwol wiri rechokwe ir mele resa kel tang malfefedeg we mo molwe liyosal mo yeramtawe sew namba molwe ye mel bo idal. Re su lengchel taed we ye wochog pipiy le yor \add harp\add* le re holu le Deus ye fang ngalir,  
\v 3 ngo re totona ton kowe yael Moses we iy yael Deus re hagloy, iwe mo ton we yael Fadiyel Saaf we le re sor bo:  
\q1 “Samol Deus le pangal ngo ma yoh irem,  
\q2 tusurem irel kamdidiyel wegdeg kala yam!  
\q1 Gel mele Kingel pangal lam,  
\q2 le ye fel ngo ye katos pangal yam wegdeg!\x - \xo 15:3 \xt Ex 15:1\x*   
\q1
\v 4 Itey le yebe te fadloh irem ho Samol?  
\q2 Ngo itey le be te hassaro mala Idem le ye tagiyet?  
\q2 Bo gel chog mele ho hartael santus.  
\q1 Panger chol sew mo sew lam ngo rebe budoh hasrowug,  
\q2 bo panger ngo re wiri yam wegdeg le ye fel.”\x - \xo 15:4 \xt Jr 10:7; Ps 86:9\x*   
\p
\v 5 Wol miril mele ngo isa wiri templum la woal laeng le yesa sugeg loh le ye mel Tentol Bogtag we ilal.\x - \xo 15:5 \xt Ex 38:21\x*  
\v 6 Resa buyoy angelus we fismol we re hasi hagerger kowe fusuw mo lal templum we le re mengag irel mengag kowe ye bbech ngo ye tefoy, ngo ye mel kasseyal bando hoal le ye ffordah lal mekla wuber.  
\v 7 Iwe ngo semal mo irer angelus kowe famal yesa fang ngalir angelus kowe fismol fusuw tohoh kowe hoal le ye ssogol ssong kala yael Deus la ye molow le tor siyal.  
\v 8 Templum we ila sa ssogol burahol falmay la yael Deus mo mala kelal. Iwe ngo tayor semal le yebe chil bulong lal templum we yee, la hola yodla be moll hagerger we fusuw iyang we hasiyerdoh angelus kowe fismol.\x - \xo 15:8 \xt Ex 40:34; 1 K 8:10–11; 2 Ch 5:13–14; Is 6:4\x*   
\c 16  
\s1 Tohogol Ssong Kowe Yael Deus  
\p
\v 1 Iwe ngo isa rongrong lliyalol semal yarmat le ye palleng le ye maliliy wey mo lal templum we ngalir angelus we fismol le ye sor bo: “Ha loh ha bela hasrediy tohog we fisre we ye ssog irel ssong kowe yael Deus wol talop!”   
\p
\v 2 Iwe metamol angelus sa loh sla hasrediy tohog we hasiyal wol talop. Iwe sla buyoy rub kowe ye tayikof ngo ye kel bbargel mo uwor rechokla ye mel hagil we yael malfefedeg we uwor mo rechokla rema hasrowu mala liyosal.\x - \xo 16:2 \xt Ex 9:10\x*   
\p
\v 3 Iwe ngo molwe harumalel angelus sa hasrediy tohog we hasiyal wol taed sla mel loh taedwe le sa wochog cchal semal chomes. Ngo pangal mekla ye molow le ye mel leted ngo re mes loh.   
\p
\v 4 Iwe ngo molwe hasolmolol angelus sa hasrdiy tohog we hasiyal lal mololul kowe sla mel loh bo ccha.\x - \xo 16:4 \xt Ex 7:17–21; Ps 78:44\x*  
\v 5 Iwe ngo isa rongrong yalol angelus we ye lamli chael le ye sor bo, “Ho bung irel luluwal la yam, gel le ho halngol santus, ho mel igla, ngo ho faesul mel!  
\v 6 Resa hasrewey cchar mokwe lol Deus mo cchar profeta kowe. Iwe ngo hosa fang ngalir ccha bo rebe yul. Ila sa far holar mala ye faesul tugul le be holar!”  
\v 7 Iwe ngo isa rongrong lliyalol semal yarmat mo irel altar we le ye sor bo, “Samol Deus le pangal ngo ma yoh irem! Ye katos ngo ye fel mekla homa hatugulu!”   
\p
\v 8 Iwe hafamalel angelus sa hasreloh tohog we hasiyal uwol yaal sla kel loh molwe bichikeral le resa fisngeg yarmat iyang.  
\v 9 Re fisngeg loh yarmat irel kelel bichikeral yaal. Iwe resa hapatpat tayikof loh irel mala idel Deus, le iy mele ye lamli pangal hafohoy ka. Ngo ir rete tagul tang mekla molfidir ngo rete hapingpinga le iy ye tagiyet.   
\p
\v 10 Iwe halimalel angelus sa hasredah tohog we hasiyal wol molwe liliyel malfefedeg we. Sala ruchupung loh lobowe lamliyel malfefedeg we, ngo yarmat resa gusu mekla chaol yewer irel kelel yar bbareg,\x - \xo 16:10 \xt Ex 10:21\x*  
\v 11 ngo resa hapatpat tayikof loh irel Deus la ye mel wol laeng irel yar bbareg mo irel rub kala sa buyoy mo uwor. Ngo ir rete ligdi mekla wegdigir le ye tayikof.   
\p
\v 12 Iwe hawolmalol angelus sa hasreloh tohog we hasiyal woal mololul we Euphrates we ye palleng. Iwe sala moarloh chael mo iyang, bo yebe mel bo yalaper king kala rebe bidiy mo meteral.\x - \xo 16:12 \xt Is 11:15\x*  
\v 13 Iwe ngo isa wiri solmol moniyan le re wochog wululul kayru le re buyoy mo lal yewal \add dragon\add* we, mo lal yewal malfefedeg we, mo lal yewal yeramtawe ye te katosol profeta.  
\v 14 Rechokla ila sibis moniyan le rema ffaor kemal. Moniyan ka solmol re loh irer panger king ka lal faileng le, bo rebe hateyili fengalir bo rebe fedeg woal ralla Rall Deus le pangal ngo ma yoh irel.   
\p
\v 15 “Ha taelenga! Ibe budoh le ibe wochog semal cho machoh! Be momay depel semal le be mmat be matngali mekla mengagol bo yede la dedar fedal ngo ye tor formel uwol sala maa luwul yarmat!”\x - \xo 16:15 \xt Mt 24:43–44; Lk 12:39–40; Rev 3:3\x*   
\p
\v 16 Iwe ngo moniyan kowe sa hateyili fengalir king kowe mo solbos le irel yalol Hebrew ngo rema sor bo Armageddon mala idal.\x - \xo 16:16 \xt 2 K 23:29; Zec 12:11\x*   
\p
\v 17 Iwe hafismolol angelus sa hasreloh tohog we hasiyal lal laeng. Ngo sew lliyalol yarmat le ye palleng sa buyoy mo irel chiya we liliyel tamol mo lal templum we le ye sor bo, “Yesa moll!”  
\v 18 Iwe ngo yesa ffis ngo ye margog ngo ye ngung parr ngo ye falmor. Ted yor sew falmor le ye wochog mele irel yodwe chog ye subdoh yarmat iyang yee, la hola doh igla. Iye falmor le ye hartael kkel mo luwul pangal falmor.\x - \xo 16:18 \xt Rev 8:5; 11:13, 19\x*  
\v 19 Haplom we ye hafayeg ila ye mehal sala solmadep mo iyang. Ngo pangal haplom mo wol pangal fuluy ngo ye towas. Deus ye memangi chog Babylon we ye hafayeg, iwe yesa foru bo yebe yulmi wine we mo irel kap we yal — winel kelel ssong we yal.\x - \xo 16:19 \xt Is 51:17\x*  
\v 20 Pangal fuluy ngo ye tamel loh ngo pangal tayit ngo ye moa loh.\x - \xo 16:20 \xt Rev 6:14\x*  
\v 21 Ye ppotog diy ice mo woal laeng le be sefaes chog ngo be yoh subguy pawun cchol, sala pungpung diy uwor yarmat. Iwe resa hapatpat tayikof loh irel Deus le fael ice we sa ppotog diy uwor le sew hafohoy le ye kel.\x - \xo 16:21 \xt Ex 9:23; Rev 11:19\x*   
\c 17  
\s1 Fefel We Ye Haffayeg We Ma Tap Chuway Holongol  
\p
\v 1 Iwe ngo semal mo luwulur angelus kowe fismol we re hasi tohog we fisre yesa budoh irey sa kangaluyey bo, “Budoh bo ibe kewar ngalug fefel we ye haffayeg we yema tap chuway iy le re bele fang yal hagerger, ila haplom we ye tagiyet we re fatleha lengchel mololul kala ye cholop.\x - \xo 17:1 \xt Jr 51:13\x*  
\v 2 Ir kingel talople ila resa rol faor maltemay ngal fefel le ye haffayeg, ngo yarmetael faileng le resa belas irel yar yulmi wine le, le ila mele yael fefel le wegdegel maltemay.”\x - \xo 17:2 \xt Is 23:17; Jr 51:7\x*   
\p
\v 3 Espritu Santus sa bidiy uwoy ngo angelus we sa hasiyey loh lal sew tolmay loh. Isala wiri semal fefel le ye maroro wol semal malfefedeg le ye checha mala ddolal, ngo yor yid kowe ye tayikof mo irel Deus le ye teftaf fedal uwol. Iwe ngo malfefedeg le ila fusuw chemal, ngo seg talengal le ye wochog taelengel karbow.\x - \xo 17:3 \xt Rev 13:1\x*  
\v 4 Fefel le ila ye mengag irel mengag kowe ye ngos mo checha ddolal. Ngo ye hawwulu loh irel hoal, mo \add pearls\add*, mo feas kowe ye pachigchig ngo ye chaw paliyal. Iwe ngo ye holu sew kap hoal le ye ssogol maltemay mo wegdeg tayikof, le ye budoh mo irel wegdegel maltemay la yal.\x - \xo 17:4 \xt Jr 51:7\x*  
\v 5 Iwe ngo ye teftaf sew yid wol mala mangol le tor le ye gola fal, ngo mala fal iy yid le ila: “Babylon we ye tagiyet mele seler panger fefel ka rema tap chuway holongor, mo pangal wegdeg tayikof lal faileng.”  
\v 6 Ngo iwiri fefel we le ye belas irel cchar mokwe lol Deus, mo rechokwe re limeserloh bo fael molwe ir re dabey Jesus.  
\p Yodwe iy wiri fefel le ngo iluwdah irel.  
\v 7 Iwe ngo angelus we sa kasiyayey bo, “Meda mele ho luwdah iyang? Ibele kangalug fael molwe ye mwol le kofael fefel le, mo malfefedeg la ye maroro fefel la uwol. Malfefedeg la ila fusuw chemal ngo seg taelengal.  
\v 8 Malfefedeg la ila ye mel fael sew yad le ye molow iyang ngo igla ila sa mes. Yesa harep yal be bidah mo falulol ngo re bele hasiloh re bela limeseloh. Panger rechokla re mel wol talop le, le te teftaf ider lal babioror cho molow mo imol molwe be subdoh faileng le, ngo rebe luwdah irel yodla rebe wiri malfefedeg le. Ye mel fael sew yad le ye molow; ngo igla ngo sa mes; ngo yebe chil tefaldoh.\x - \xo 17:8 \xt Dn 7:7; Rev 11:7; Ps 69:28\x*   
\p
\v 9 “Habe luwaley hamayi mele ngo habe medaf iyang. Mekla chemal malfefedeg le, le fusuw, ila fusuw tayit le fefel le ye maroro uwol,  
\v 10 wol ir mele fismol king ngo limmal mo luwulur ila resa mes ngo semal mele ye chil tamol igla, ngo ila semal ila ye ted budoh; bela budoh ngo ye towe ssulay fael yal tamol  
\v 11 iwe ngo malfefedeg we mele ye mel fael sew yad we ye molow ngo sa mes igla. Ila iy mele ha walmolol king le iy semal chowe fismol le ye loh bo re bela limeseloh.   
\p
\v 12 Mokwe taelengal we seg we ho wiri, ila seg king le re ted bulong fael tamol, ila re bele moch fang keler bo rebe tamol irel sew awa le ir mo malfefedeg we.\x - \xo 17:12 \xt Dn 7:24\x*  
\v 13 Chola seg ila panger ngo ye hafedeg chog yar luluwal, ngo resa fang mekla keler mo mekla re lamli ngal malfefedeg le.  
\v 14 Panger ngo re bele fedeg ngal Fadiyel Saaf we; ngo Fadiyel Saaf we mo rechokla yesa ffesangur ngo ye duwler bo choluwal le ye fel wegdigir, ila rebe win bo fael mala iy mele Samolol samol ngo iy mele Kingel king.”   
\p
\v 15 Angelus we ye wol kangaluyey bo, “Chael kala ho wiri le fefel la ye hafayeg le ma tap chuway holongol ye maroro lengchel ila sere mo sere lam, mo yarmat, ngo sew mo sew daodol yarmat mo yalol fuluy.  
\v 16 Malfefedeg le mo mekla taelengal le seg le ho wiri, ngo re bele hafobdiri fefel le ma tap chuway holngol, ngo rebe hasi tangi pangal formel ngo resa ligdadiy le towol yor formel uwol, rebe hangi mekla fodgol ngo re fisgaloh.  
\v 17 Bo Deus sa yetolong lal yar luluwal le rebe foru mekla iy ye luluwaley, bo be sew chog yar luluwal ngo rebe fang mekla keler ngal malfefedeg le yee, la hola yodla bela llah le ye katos mekla yalol Deus.   
\p
\v 18 “Fefel le ho wiri ila haplom le ye tagiyet le iy mele ye lamlir kingel faileng.”   
\c 18  
\s1 Deus Ye Hatawsi Babylon  
\p
\v 1 Yela wol miril mele ngo isa wol wiri semal angelus le ye bidiy mo woel laeng. Angelus le ila ye palleng kelal ngo mala termal mala kamdidiyal ila ye hawreloh talop le.  
\v 2 Yesa hapatpat le ye hapalingi yalol le ye sor bo, “Yesa mmedar loh! Babylon we ye tagiyet ila yesa mmedarloh! Yesa mel igla le liliyer moniyan mo yalus tayikof mo pangal matmetael tayikof mo mael yeyal ka site dipli ngo re mel iyang.\x - \xo 18:2 \xt Is 21:9; Jr 51:8; Rev 14:8; Is 13:21; Jr 50:39\x*  
\v 3 Bo panger chol sere mo sere lam, ngo resa yul wine la lemal le ye kel le ila mele wegdegel maltemay la yal. Panger kingel faileng le ngo resa dabey irel faorol maltemay. Ngo rechoka rema fang chuway lal faileng le ila sa cholop loh layur salpiy mo irel haplom le, le re tay pos irel yar chehaw.”\x - \xo 18:3 \xt Is 23:17; Jr 51:7\x*  
\v 4 Iwe isa rongrong yalol semal yarmat mo woal laeng le ye sor bo,  
\q1 “Ha buyoy hami mekla layi bo habe chuy mo irel,  
\q2 ha towe dabey irel molfid kala yal.  
\q2 Ha towe dabey irel hagerger kala re bele faor ngali!\x - \xo 18:4 \xt Is 48:20; Jr 50:8; 51:6, 45\x*   
\q1
\v 5 Bo mekla molfidil ila sa hola dah laeng mala tagital.  
\q2 Ngo Deus ye ted maligili mekla wegdegel le ye tayikof.\x - \xo 18:5 \xt Gn 18:20–21; Jr 51:9\x*   
\q1
\v 6 Ha faor ngali mekla iy ye faor ngalugmi,  
\q1 le be fael ruwow yami hatefal ngali paliyel pangal mekla iy ye foru.  
\q1 Ha hassugu tohog la yal irel wine le be fael ruwow  
\q2 yal kel tang mokwe iy ye foru bo limi.\x - \xo 18:6 \xt Ps 137:8; Jr 50:29\x*   
\q1
\v 7 Ha hafohoyu ngo ha hatayikofa depal le be wochog  
\q2 kelel mmal mo falmay la yal iy lufulyal.  
\q1 Bo ma iy chog lufulyal yal sor bo,  
\q1 ‘Isa mel bo ngang semal queen!  
\q2 Te ngang semal fefel kowe sa mes ril.  
\q2 Tor mo fael sew le be tayikof depey!’\x - \xo 18:7 \xt 18:7–8; Is 47:7–9\x*   
\q1
\v 8 Ila fal le lal chog seral ngo yebe hola pangal hafohoy kala yal le —  
\q2 tomay mo tayikofel ladep mo langda.  
\q1 Ngo rebe fisgi ngal yaef bo Samol Deus le ye hartal tagiyet mele yesa hatugulu yal hagerger.”   
\p
\v 9 Kingel talop le re dabey resa faor maltemay ngo sa loh deper irel, ila re bele tang irel tayikofael lal deper irel haplom le yodla re bela wiri mala burahol yal fisngeg.\x - \xo 18:9 \xt 18:9–10; Ez 26:16–17\x*  
\v 10 Re bele la mel mo medaw bo re motog bo rede dabey hafohoy la yal. Ngo resa sor bo, “Yesa kel le, ye kkel yal hafohoy Babylon we sew haplom le ye tagiyet ngo ye kel! Re fang ngalug pangal yam hagerger lal chog sew awa!”   
\p
\v 11 Iwe ngo rechokwe rema taep chuway formel re wol tang luwul tayikofel deper bo fael mala tayor le be chil chuway peteg mo irer.\x - \xo 18:11 \xt Ez 27:31, 36\x*  
\v 12 Tayor semal le be chil chuway hoal, mo silver, feas kawe ye chaw paliyel, mo \add pearls\add*; mo mengag kowe ye ngos ddolal, mo ikowe ye checha, mo ikowe ye melayis, mo pangal matmetael ire kowe ye weres ngo chaw paliyal, mo pangal meka ye faor mo irel \add ivory\add*, mo meka ye faor mo irel ire kowe ye chaw paliyal, mo \add bronze\add* mo parang, mo \add marble\add*; \x - \xo 18:12 \xt 18:12–13; Ez 27:12, 13, 22\x*  
\v 13 iwe mo \add cinnamon\add*, mo \add spice\add*, mo \add incense\add*, mo \add myrrh\add*, mo \add frankincense\add*, mo wine, mo gapgep, mo flowa, mo \add wheat\add*, mo karbow, mo saaf, mo woas, mo kruma, mo slave, iwe mo yar yarmat molow.  
\v 14 Ngo chol chuwayel peteg kowe resa kangalu haplom we bo, “Pangal mokwe ye momay we ho hable bo yebe yoh ngalug ngo tay mel loh, ngo pangal mokwe mmalem mo kamdidiyem ngo tayor loh, ngo tayor fael sew le be chil yoh ngalug!”  
\v 15 Chol chuway kowe sa cholop layur salpiy irel yar tap chuway formel ngalir chol haplom we, ila re bele la su mo medaw bo fael mala re motog bo rede dabey irel hafohoy. Re bele tang irel kelel tayikofel lal deper.\x - \xo 18:15 \xt Ez 27:31, 36\x*  
\v 16 Re bele sor bo, “Yesa kel, le kel yal hafohoy Babylon le sew haplom le ye tagiyet. Yema hamengagu ngal chog mengag kowe ye ngos mo ikowe ye checha ddolal. Iwe ngo ye choyloh irel pangal matmetael hawuluy ka ye kamdidiy le hoal mo feas kowe ye chaw paliyal mo \add pearls\add*!  
\v 17 Pangal mmalel ngo yesa ppung tangi lal chog sew awa!”  
\p Pangerloh kapinel barko mo rewey mo sela, fengal mo panger rechokla yema yoh ngalir hammaler mo leted, ngo re sala su chog mo medaw,\x - \xo 18:17 \xt Is 23:14; Ez 27:26–30\x*  
\v 18 ngo resa ttawul loh irel yodla rela wiri burahol yaef we sa fisngeg haplom we iyang ngo resa sor bo: “Tor sew haplom le ye hola lepal yal tagiyet haplom le!”\x - \xo 18:18 \xt Ez 27:32\x*  
\v 19 Resa yitet dah bol wol mekla chemer ngo resa tang luwul tayikofel deper ngo resa sor bo, “Yesa kel, le ye kel hafohol haplom le ye tagiyet! Iye haplom le panger rechokla yor war barko le re tetargi taed ka ngo ye cholop loh layur salpiy mo irel mala mmalel! Iwe pangal formel ngo tor loh lal sew chog awa!”\x - \xo 18:19 \xt Ez 27:30–34\x*  
\v 20 Be momay depom ho laeng bo yesa towas haplom we! Be chehas lal dipmi profeta mo apostel mo hami mekla lol Deus! Bo Deus yesa fang yael haplom le hagerger le fael mokwe sa faor ngalugmi!\x - \xo 18:20 \xt Dt 32:43; Jr 51:48\x*   
\p
\v 21 Iwe ngo semal angelus le ye kel sa hasi sedep porow le ye palleng sa hallifdi diy leted, ngo yesa sor bo, “Be iye sengal wululul yal be towas loh haplom tagiyet le Babylon ngo tayor fael sew le sibe chil wiri.\x - \xo 18:21 \xt Jr 51:63–64; Ez 26:21\x*  
\v 22 Ddigil \add harp\add*, mo ddigil yalol yarmat, mo ddigil flute mo rappa, ila tayor mwo mo fael sew le yarmat rebe chil rongrong mo irem. Ngo tayor chol yengangel semat mo semat sallap le sibe chil wiri mo irem; iwe ngo ssebral \add millstone\add* we irel yar ma yigeg mongoy iyang ila tayor le be chil ma rongrong!\x - \xo 18:22 \xt Ez 26:13; Is 24:8\x*\x - \xo 18:22 \xt 18:22–23; Jr 7:34; 25:10\x*  
\v 23 Tayor fael sew le sibe chil wiri werel habulbul mo irem. Towol yor loh yalor chol gubulul habulupoy le sibe chil ma rongrong mo irem. Chol chuway kala lom ila ir mele ye palleng igeger mo lal faileng le. Iwe ngo hosa kacheprar panger yarmat lal faileng le irel folus kala yam!”   
\p
\v 24 Babylon ila resa hagre bo fael mokwe cchar profeta kowe mo mokwe lol Deus we re llir diy wol haplom le, mo mekla cchar rechokla re limeserloh mo woal talop le.\x - \xo 18:24 \xt Jr 51:49\x*   
\c 19  
\p
\v 1 Yela wol miril mele ngo isa rongrong yalor yarmat woal laeng le re cholop le re sor bo, “Hapingpinga Deus! Molow, falmay mo kkel ila lamliyel Deus la yach!  
\v 2 Ye katos ngo ye bung mekla yema kapta! Yesa fang yael fefel we yema tap chuway holngol hagerger bo iy mele ye hatawsi hopos wol talop le irel wegdegel maltemay kowe yal. Deus sa fang yal hagerger bo fael mala ye limeserloh re hagloy kowe yal.”\x - \xo 19:2 \xt Dt 32:43; 2 K 9:7\x*  
\v 3 Iwe ngo resa wol tawul fael sew le re sor bo, “Hapingpinga Deus! Burah la ye bidah mo irel yaef la bele fisgaloh haplom we ye tagiyet, ila ye bibidah le tor siyal!”\x - \xo 19:3 \xt Is 34:10\x*  
\v 4 Mal kowe riyeg mo famal mo angelus we famal resa ppung hasubgudiy wototol resa hasrowu Deus, le ye maroro wol chiya we liliyal. Resa sor bo, “Amen! Sibe hapingpinga Deus!”   
\s1 Gubulul Habulupoy We Yael Fadiyel Saaf We  
\p
\v 5 Iwe yesa rongrong yalol semal yarmat ye budoh mo irel molwe liliyel Deus le ye sor bo, “Hapingpinga Deus la yach, le hami re hagloy kala yal mo pangmi yarmat, hami rechokla ha tagiyet mo hami rechokla ha totol, mo hami rechokla ye mel metagol Deus lal dipmi!”\x - \xo 19:5 \xt Ps 115:13\x*  
\v 6 Iwe ngo isa rongrong yalol yarmat le re cholop ngo ye wochog ssebral chael kowe ye bibidiy mo wol tayit, ngo ye wochog ngungul parr. Isa rongrong yar sor bo, “Hapingpinga Deus! Bo iy Samol la yach le ye pangal ngo yema yoh irel le iy semal King!\x - \xo 19:6 \xt Ez 1:24; Ps 93:1; 97:1; 99:1\x*  
\v 7 Sibe chehas ngo si rraey; ngo siya hapingpinga falmay la yal! Bo sa hola yodwe be habulupoy Fadiyel Saaf we, ngo fefel la rebe habulupoy ila sa faesul hafelfel.  
\v 8 Resa faesul ngaley fefel we mengag kowe ye tefoy le be mengag iyang.” (Mengag le ila wegdeg momay kala mokwe lol Deus re foru.)   
\p
\v 9 Iwe ngo angelus we sa kangaluyey bo, “Tefa mele: Yesa momay deper rechokla resa ffesangur doh bo rebe dabey gubulul habulupoy la yal Fadiyel Saaf we.” Iwe ngo angelus we sa taboloh yal hapatpat le ye sor bo, “Meka ila yalol Deus le ye katos.”\x - \xo 19:9 \xt Mt 22:2–3\x*   
\p
\v 10 Isa ppungdiy lengchel mokwe pechel bo ibe hasrowu, ngo ye kangaluyey bo, “Ho towe foru mala! Ngang semal re hagloy le iwochog gel mo mokwe bisim le panger ngo re taelenga chog mekla ye katos le Jesus ye kapta. Hasrowu Deus!”  
\p Bo mekla ye katos le Jesus ye kapta, ila ikala chog ir profeta kowe re dabey.   
\s1 Yeramtawe Ye Dage Woas We Ye Bbech  
\p
\v 11 Iwe ngo isa wiri laeng yal sugeg loh, ngo ye mel semal woas kowe ye bbech iyang. Ngo yeramtala ye dage ila rema ffesangu ngali bo Katos mo Tugul: Ye fel kofael mekla yema hatugulu mo ikala yema fedgagili.\x - \xo 19:11 \xt Ez 1:1; Ps 96:13; Is 11:4\x*  
\v 12 Ngo mekla metal ila ye wochog bbulul yaef, ngo ye yaya irel tot cholfach kowe yar tamol le ye cholop. Ngo ye mel sew yid le ye teftaf uwol, ngo tor semal le ye gola fal bo iy chog mele ye gola.\x - \xo 19:12 \xt Dn 10:6\x*  
\v 13 Mengag la ye mengag iyang ila ye ppildeg loh irel ccha. Ngo mala idal ila “Mala Pedal Yalol Deus.”  
\v 14 Mokwe saldawel laeng resa dabey miril, le re degdah woas kowe ye bbech ngo re mengag irel mengag kowe ye bbech we chil tefoy.  
\v 15 Ngo ye sidwey seyay saiden kowe ye kang mo lal mala yewal, le ila saiden la yebe lliy ngal fuluyel faileng le. Ye bele lamlir loh ngo ye bele wungdu \add grape\add* kowe mo lal liliyel wungwungul chael \add grape\add* la, le ila mele hagilel ssong la yael Deus le pangal ngo yema yoh irel.\x - \xo 19:15 \xt Ps 2:9; Is 63:3; Jl 3:13; Rev 14:20\x*  
\v 16 Ngo wol mala mengagol mo wol mala chapil pechel ila ye teftaf sew yid iyang le ye sor bo: “Kingel king ngo Samolol samol.”   
\p
\v 17 Iwe ngo isa wiri semal angelus le ye su wol yaal. Yesa ttawul le ye palleng yalol ngalir panger mael yeyal kala re rol yeyael fedal lal laeng. “Ha budoh bo habe rol ttey fengal irel gubul palleng le yael Deus!\x - \xo 19:17 \xt 19:17–18; Ez 39:17–20\x*  
\v 18 Ha budoh bo habe mongoy fodgol king, mo tamol saldaw, mo saldaw, iwe mo fodgol woas, mo rechokla rema dager, iwe mo fodgol panger yarmat, slave mo rechokla te ir slave, iwe mo ikla re totol, mo ikla re tagiyet!”   
\p
\v 19 Iwe ngo isa wiri malfefedeg we mo mokwe kingel talop mo saldaw kowe layur le resa rol ttey fengal bo rebe fedeg ngal yeramtawe ye dage woas we mo saldaw kowe lol.  
\v 20 Malfefedeg we ila resa hasi bo semal chol kalbus, le ir fangal mo yeramtawe ye kachepar bo iy semal profeta we ye foru tot kemal mo fael matal. (Ikla iy kemal kala ye wigidi deper rechokwe ye mel hagil we yael malfefedeg we uwor, mo rechokwe re kekasrowu molwe liyosal.) Malfefedeg we mo yeramtawe ye kachepar bo iy semal profeta ila rorumael ngo re chil molow, ngo resa hallifider long lal bulul yafel \add sulfur\add*. \x - \xo 19:20 \xt Rev 13:1–18\x*  
\v 21 Yeramtawe ye dage woas we ye lir saldaw kowe layur ngal saiden we ye matwey mo lal yewal; ngo mael yeyal kowe resa hangi lepal mele be ret ngalir mo irel mokwe fodgor.   
\c 20  
\s1 Raeg We Sangeras  
\p
\v 1 Iwe ngo isa wiri semal angelus le ye bidiy mo woal laeng le ye holu molwe kiyel falulol iwe mo sew chen kowe ye palleng.  
\v 2 Yesa ddorfi \add dragon\add* we, le ila mele parchoyoh we muswe — iy mele Moniyan hare Satan — yesa chena le be sangeras raeg yal chen.\x - \xo 20:2 \xt Gn 3:1\x*  
\v 3 Angelus we sa hallifdiloh falulol. Yesa lokaloh ngo ye hagilla le towol yoh le be chil hacheprar yarmetael fuluyel faileng yee, la yoh molwe sangeras raeg. Bela wol miril mala ngo resa moch tahche, le towe ssulay.  
\v 4 Iwe ngo isa wiri tot chiya kowe liliyer tamol. Ngo rechokla re maroro uwol ila resa fang ngalir keler le rebe hatugulu igegel formel. Ngo iwol wiri mokwe ngulur rechokwe re limeserloh bo fael mala re foloyu mekla ye katos le Jesus ye kawraloh iwe mo mala yalol Deus, ngo rete hasrowu malfefedeg we mo molwe liyosal. Iwe ngo rete wol yetedah hagil we yael malfefedeg we wol mekla mangor hare wol mekla gumchur. Re molow tefael mo irel maes re sala mel irel Kristus bo rebe dabey irel king irel sangeras raeg.\x - \xo 20:4 \xt Dn 7:9, 22\x*  
\v 5 (Iwe ngo panger cho mes kowe sibis ngo re towe molow tefael yee, la yigil yoh molwe sangeras raeg.) Iye mele metamol yar molow tefael cho mes.  
\v 6 Yebe momay deper ngo ye kel yar rraey rechokla rebe dabey mala metamol molow tefael mo irel maes. Mala harwowel maes ila towol yor kelal uwor. Re bele mel le yael Deus mo Kristus temarong, le re bele daber irel mekla lamliyer irel sangeras raeg.   
\s1 Sa Lus Satan  
\p
\v 7 Bela wol miril molwe sangeras raeg ngo re bele hachuya Satan mo lal kalbus,  
\v 8 ye bele loh bela kacheprar chol sew mo sew fuluy le ye mel lal balel faileng le, le Gog mo Magog. Satan ye bele hateyili fengalir bo re bela fedeg. Ir ila rebe cholpael pika ye mel wulpiy.\x - \xo 20:8 \xt Ez 7:2; Ez 38:2, 9, 15\x*  
\v 9 Resa medarloh woal balel faileng le, ngo re tabalililoh hasohsoh le ye mel mekla lol Deus iyang mo haplom we ye hachangi. Ngo ligdi bo ye bidiy yaef mo woal laeng yal limeserloh.  
\v 10 Iwe ngo Moniyan we ye kacheprar ila resa hallifdilong lal bulul yaef mo \add sulfur\add*. Ila lobowe resa moal hallifdilong malfefedeg we mo yeramtawe ye tongtong bo iy semal profeta iyang. Lobong mo leral ngo re bele hafohoy le towe yor siyal.   
\s1 Yodwe Hartael Tatelal Hapatpat  
\p
\v 11 Iwe ngo isa wiri sew chiya kowe liliyer tamol le ye bbech iwe mo yeramtawe ye maroro uwol. Laeng mo talop ngo re tamel loh, le si tay wirir loh.\x - \xo 20:11 \xt 20:11–12; Dn 7:9–10\x*  
\v 12 Iwe ngo isa wirir cho mes le cho tagiyet mo cho totol le re su imol chiya we liliyer tamol. Resa sugu tot babior, ngo re wol sugu sehay le ila mele babioror cho molow. Iwe ngo re hatugulu kofer cho mes le re dabey igegel mokwe re foru we ye mel lal babior kowe.  
\v 13 Iwe ngo taed sa fang tafael cho mes kala re mel iyang. Maes mo lobola liliyer cho mes re wol fang tefalir cho mes kala ye mel irer. Iwe ngo panger ngo re taldir le re hadabey ngal mekla ir re foru.  
\v 14 Iwe ngo maes mo lobos la liliyer cho mes ila resa ppedirlong llubulul yaf. (Iye yaef le molwe harwowel maes.)  
\v 15 Semal le yete teftaf idal lal babiorol molow we ngo rebe hallifdilong lal bbulul yaef we.   
\c 21  
\s1 Laeng We Ye Tefoy Mo Talop We Ye Tefoy  
\p
\v 1 Iwe ngo isa wiri sew laeng mo sew talop le ye tefoy. Molwe metamol talop ila tay mel loh ngo sa moaloh taed.\x - \xo 21:1 \xt Is 65:17; 66:22; 2 P 3:13\x*  
\v 2 Ngo isa wiri Haplom we ye Santus, Jerusalem we ye tefoy, le ye bidiy mo woal laeng mo irel Deus, le yesa faesul fel le sa wochog semal fefel kowe bele moch habulupoy le sa hallimdi hamayi mengagol bo re bela wer fengal mo mal we ril.\x - \xo 21:2 \xt Is 52:1; Rev 3:12; Is 61:10\x*  
\v 3 Irongrong sew yalol yarmat le ye palleng le ye malilidoh mo irel chiya we ye liliyer tamol le ye sor bo: “Igla ila sa mel molwe bugtael Deus luwulur yarmat! Ye bele mel irer ngo ir re bele mel bo lol. Iy Deus llufulyal bele mel irer ngo iy mele ye bele mel bo yar Deus.\x - \xo 21:3 \xt Ez 37:27; Lv 26:11, 12\x*  
\v 4 Ye bele hachuya loh mekla chael meter. Towol ma yor maes, towol ma yor tayikofel ladep, ngo tayor le be ma tang hare ye bbareg. Mekla ye mel doh chog mo muswe ila bele chuy loh.”\x - \xo 21:4 \xt Is 25:8; Is 35:10; 65:19\x*   
\p
\v 5 Iwe ngo yeramtawe ye maroro woal chiya we liliyer tamol sa sor bo, “Igla ila isa foru pangal formel le be tefoy!” Ngo ye wol kangaluyey bo, “Tefa mele bo hapatpat le ila ye katos ngo be yoh le be luglug depach iyang.”  
\v 6 Iwe ngo sa sor bo, “Yesa moll! Ngang mele metamol, ngo ngang mele hartal, ngang mele chapdagel dah mo haygugul loh. Te tugul semal le ye batbat ngo ibe fang lemal chael le tor paliyal mo irel chael la yema fang molow.\x - \xo 21:6 \xt Is 55:1\x*  
\v 7 Te tugul semal le ye be win nao yebe yoh ngali meka ila iye mele be yoh ngali mo irey: Ngang ibe mel bo yal Deus, ngo iy yebe mel bo layi.\x - \xo 21:7 \xt 2 S 7:14; Ps 89:26–27\x*  
\v 8 Ngo rechokla re ttahcheyey loh le fael yar motog, mo ika rema yichingewa chiler, mo ika rema for maltemay le rete dabey ngal mala holngol igegal, mo ika rema lilimes loh yarmat, mo ika rema for maltemy, mo ika rema folus, mo ika rema hasrowur todeb, iwe mo panger rechokla ye machoh yewer, ila panger ngo liliyer ila lobowe ye bulbul yaef mo \add sulfur\add* iyang. Iye mele harwowel maes.”   
\s1 Jerusalem We Ye Tefoy  
\p
\v 9 Iwe ngo semal mo irer angelus kowe fismol we re hasi tohoh kowe fisre we ye ssog irel hafohoy we fusuw ye sa budoh irey ngo yesa sor bo, “Budoh bo ibe kewar ngalug fefel we ril Fadiyel Saaf we.”  
\v 10 Iwe ngo Espritu Santus sa bidiy uwoy, ngo angelus we sa hasiyey dah wol mechel loh sew tayit le ye tagiyet, sala kewar ngalyey Jerusalem, le Haplom we ye Santus, le ye bibidiy mo woal laeng mo irel Deus,\x - \xo 21:10 \xt Ez 40:2\x*  
\v 11 ngo ye ddoldol irel mala falmayel Deus. Haplom we ila ye ddoldol le ye wochog feas kowe ye chaw paliyal, ye wochog \add jasper\add* ngo ye fod le ye wochog \add crystal\add*.  
\v 12 Ye palleng ngo ye tagiyet mekla pegil. Iwe ngo seg mo ruwow mekla hatmal ngo seg mo rumal angelus kala matlagel hatam kala. Be woal sew hatam kowe ngo ye teftaf idel sew haleng kowe seg mo ruwow we yar yarmetael Israel iyang.  
\v 13 Be sere mekla pegil ngo suluw hatam iyang: Suluw mo rela Meteral, suluw mo rela Iyor, suluw mo rela Yifang, iwe ngo suluw mo rela Meldew.  
\v 14 Mala pegil yororol haplom la ila re fatleha dah wol seg mo rufeas feas kowe ye palingling, ngo be wol sefaes feas kala ngo ye teftaf idel semal apostel kowe seg mo rumael we re dabeyel Fadiyel Saaf we iyang.  
\v 15 Ngo angelus we ye kapatpat ngalyey ila ye hasi sew hopopoy le hoal bo yebe hapayu haplom we mo mokwe hatmal mo pegil.\x - \xo 21:15 \xt Ez 40:3\x*  
\v 16 Haplom we ila ye hafedeg chog choalpal mo yelel. Iwe ngo angelus we yesa hapayu haplom we ngal hopopoy we: iwe ngo sangeras mo lumbuguy mile mala yelel, ngo wol ila chog lepal mala cholpal mo mala tagital bo ye hafedeg ngal chog molwe yelel.  
\v 17 Angelus we ye wol hapayu molwe pegil ngo rubguy mo seg mo wolow fiit tagital le ye dabey ngal hapopoy la iy ye teptap.  
\v 18 Pegil haplom we ila \add jasper\add*. Ngo haplom we ila pangal loh ngo hoal, ngo ye ffod le ye wochog bo pipiy.\x - \xo 21:18 \xt 21:18–21; Is 54:11–12\x*  
\v 19 Feas kowe re teptap irel molwe tetalol pegil yerorol haplom we ila re yitet pangal feas kowe ye momay ddolal ngo ye chaw paliyal iyang. Mala metamol faesol dayif we ila \add jasper\add*, ila harufaesol ila \add sapphire\add*, ila hasolfosol ila \add agate\add*, ila hafafaesol ila \add emerald\add*,  
\v 20 mala halimfaesol ila \add onyx\add*, ila hawolfaesol ila \add carnelian\add*, ila hafisfosol ila \add quartz\add* kowe ye parangrang, ila hawalfaesol ila \add beryl\add*, ila haduwfaesol ila \add topaz\add*, ila hasegal ila \add chalcedony\add*, ngo ila seg mo sefaes ila \add turquoise\add*, iwe ngo ila seg mo rufeas ila \add amethyst\add*.  
\v 21 Hatam kowe seg mo ruwow ila seg mo rufeas \add pearls\add*; be sew hatam kowe ngo ye ffaor mo irel sefeas \add pearl\add*. Ngo mala yalapal haplom we ila yultul loh hoal ngo ye ffod le ye wochog pipiy.   
\p
\v 22 Tor templum le iwiri mo lal haplom we, bo templum la iyang ila Samol Deus le pangal ngo ma yoh irel mo Fadiyel Saaf we.  
\v 23 Tor pelal le be werdiy yaal mo meram uwol haplom we, bo falmay la yael Deus be werdiy uwol, ngo Fadiyel Saaf we mele habulal.\x - \xo 21:23 \xt Is 60:19–20\x*  
\v 24 Yarmetael faileng ila rebe ma darloh fael mala werel, ngo kingel talop le re bele hasidoh mekla mmaler iyang.\x - \xo 21:24 \xt Is 60:3\x*  
\v 25 Mekla hatmal haplom we ila pangal ral ngo bele ma sugegloh chog le towol ma pelat: tayor sew le be pelat le fael mala towol ma bong loboswe.\x - \xo 21:25 \xt 21:25–26; Is 60:11\x*  
\v 26 Falmay mo mmaler chol sere mo sere lam ila re bele hasidoh irel haplom le.  
\v 27 Ngo ligdi bo tor tayikof, hare semal le ma foru meka ye hamama, hare yema kachepar le be bulong lal haplom le. Halachog rechokla ye teftaf ider lal la yael Fadiyel Saaf we babioro cho molow mele rebe bulong lal haplom we.\x - \xo 21:27 \xt Is 52:1; Ez 44:9\x*   
\c 22  
\p
\v 1 Angelus we ye kewar ngalyey mololul we yema fang chaell molow, ngo ye ddoldol le ye wochog \add crystal\add* ngo ye budoh mo irel mala liliyel Deus mo Fadiyel Saaf we,\x - \xo 22:1 \xt Ez 47:1; Zec 14:8\x*  
\v 2 le ye dar lochochol yalapal haplom we. Be sere mololul we ngo ye mel sehay irel molow iyang, le be sew raeg ngo fael seg mo ruwow yal buyoy uwal, ngo be sew meram ngo fael sew yal buyoy uwal; iwe ngo mekla choel ila ma hachuya yar tomay panger yarmetael fuluyel faiyleng le.\x - \xo 22:2 \xt Gn 2:9\x*  
\v 3 Tor sew meka Deus yesa sor bo ye tayikof le sibe wiri mo lal haplom le.  
\p Mala liliyel Deus mo Fadiyel Saaf we ila bele mel lal haplom we, ngo rehagaloy kowe ila re bele hasrowu.\x - \xo 22:3 \xt Zec 14:11\x*  
\v 4 Re bele wiri woal mala metal ngo mala idal ila bele teftaf woal mekla mangor.  
\v 5 Ngo towol yor bong, ngo re towol ma teptap habbul hare werel yaal, bo Samol Deus mele bele mel le hawrer. Ngo ir re bele tamol le re bele wochog king kowe le tor siyal.\x - \xo 22:5 \xt Is 60:19; Dn 7:18\x*   
\s1 Yal Be Budoh Jesus  
\p
\v 6 Iwe ngo angelus we sa kangaluyey bo, “Hapatpat le ila ye katos ngo be yoh le be luglug depach iyang. Ngo Samol Deus we ye fang Espritu Santus la yal ngalir profeta kowe, ila yesa hagloyu loh angelus we lol bo bela kewar ngalir boy kala yal mekla ye tugul le towol ssulay ngo bele weldoh.”   
\p
\v 7 Jesus sa sor bo, “Taelenga! Towol ssulay ngo ibele buyoy! Be momay deper rechokla re taelenga meka ye mel lal babior le, le bele weldoh!”   
\p
\v 8 Ngang John irongrong ngo iwiri pangal meka. Ngo yodla yela moll yai rongrong ngo iwiri meka ngo isa ppung diy wototol lengchel mokwe pechel angelus we iy mele ye kewar ngalyey meka, isa luluwaley bo ibe hasrowu.  
\v 9 Ngo ye kangaluyey bo, “Ho towe foru mala! Ngang semal rehagoloy le chilam, ngo chiler mokwe bisim we ir sibis profeta, mo panger rechokla re taelenga meka ye mel lal babior le. Ila hobe hasrowu Deus!”  
\v 10 Iwe yesa kangaluyey bo, “Ho towe lebagil tangir yarmat meka bele weldoh le ye mel lal babior le, bo sa harep yodla be weldoh pangal meka.  
\v 11 Te tugul semal le ye tayikof ngo ye tugul le ye bele tetaboloh chog yal ma foforu mekla ye tayikof, ngo te tugil semal le be toa hamolfid ngo yebe mel chog luwul molfid. Iwe ngo te tugul semal le be momay ngo yebe mel chog le ye momay, ngo te tugul semal le ye santus ngo yebe mel chog le be santus.”\x - \xo 22:11 \xt Dn 12:10\x*   
\p
\v 12 Jesus ye sor bo, “Taelenga! Ngang ila towol ssulay ngo ibele buyoy! Ibe hasiwey yar yarmat payel hachigchig le ibe fang le be dabey lepal mala semal ye foru.\x - \xo 22:12 \xt Is 40:10; 62:11; Ps 28:4; Is 40:10; Jr 17:10\x*  
\v 13 Ngang mele metamol, ngo ngang mele hartal, ngang mele chapdagel, mo haygugul loh.”\x - \xo 22:13 \xt Rev 1:8; Is 44:6; 48:12; Rev 1:17; 2:8\x*   
\p
\v 14 Be momay deper rechokla bela hola yodla ngo sa moll yar wubuw mekla mengagur be tefoy bo bele yoh le rebe mongoy uwal ire we irel molow, ngo re bulong lal hatmael yororol haplom we, resa bulong lal haplom we.\x - \xo 22:14 \xt Gn 2:9; 3:22\x*  
\v 15 Iwe ngo rechokla re bele mel mo yulgul haplom we ila rechokla rema faor maltemay, le retema dabey ngal mala holngol igegal mo rechokla rema folus, mo ikla rema faor maltemay, mo rechokla rema lilimes loh yarmat, mo ikla re kekasrowu todeb, iwe mo rechokla ye machoh yewer ngo rema kachepar mo irel yar hapatpat mo wegdigir.   
\p
\v 16 “Ngang, Jesus mele ifangwey angelus la layi bo yebe kapta meka ngalugmi mo lal eklesia kala. Ngang ila chol daowe yael David; ngang fisirral we ye palleng werel.”\x - \xo 22:16 \xt Is 11:1, 10\x*   
\p
\v 17 Espritus Santus mo Fefel We Be Habulupoy re sor bo, “Ha budoh!”  
\p Panger rechokla rebe rongrong pedal hapatpat le ngo rebe wol sor bo, “Budoh!”  
\p Budoh gel semal le hosa batbat bo hobe yul mo irel chael molow le, le sew kefang ngal semal le ye dipli bo yebe yul mo iyang.\x - \xo 22:17 \xt Is 55:1\x*   
\s1 Mekla Hartael Hapatpat  
\p
\v 18 Ngang John isa hatugulu mo fael metael Deus le ibele hadpar panger rechokla re taelenga kofael meka be weldoh le ye mel lal babior le: hare semal le be yitet dah irel meka, ngo Deus be wol yitet dah irel yal hagerger le hafohoy kowe resa hamdefa kofal mo lal babior le.\x - \xo 22:18 \xt 22:18–19; Dt 4:2; 12:32\x*  
\v 19 Ngo hare semal le be hachuya sew formel mo irel kofael meka be wel doh le ye mel lal babior le, ngo Deus yebe hasi tangi mala yildil mo irel uwal iral molow we, mo mala yildil mo irel Haplom we ye Santus, we ye hamdefa kofal mo lal babior le.   
\p
\v 20 Yeramtala ye sor bo ye katos pangal meka, ye sor bo, “Towol ssulay ngo isa buyoy!” Be ila sengal. Budoh ho Samol Jesus!   
\p
\v 21 Haradiya mo hopos la yael Samol Jesus be mel irer panger yarmat.