\id PHP  
\ide UTF8
\h PHILIPPIANS 
\toc1 Babior We Yael Paulus Ngalir Kristianol PHILIPPI 
\toc2 Philippians 
\toc3 Phil 
\mt1 PHILIPPI  
\is1 Hamadefal  
\ip \add Babior we yael Paulus ngalir Kristianol\add* \bk Philippi\bk* ila Paulus ye tefaloh irel metamol eklesia we ye chapdah mo woal totolol Europe, woal sew mokwe faluyel Roma we ye mel woal Macedonia. Ye teftaf irel yodwe ye mel iy apostel le lal kalbus; iwe ngo ye teftaf irel sew yad kowe sa weres lal depal irel yar sibis chol yengangel Kristiano kowe ma hapaliyel ngali, ngo ye wol tayikof lal depal irel foloy kowe te katos we resa fofoloyu mo irel eklesia we wol Philippi. Iwe ngo yalol babior le ila ye llah rraey mo luglugul ladep mo iyang, iwe ngo hamadefael mele ila ye mel chog irel kkelel yael Paulus tugulul ladep irel Jesus Kristus.  
\ip Mala metamol fael yal teftaf babior le ila yebe kangalur Kristianol Philippi yar hachigchig irel kkefang we re fangloh bo hammalel irel yodwe yesa hafohoy. Yesa tapeli yodle bo yebe hakkela deper bo hare yebe kkel chog lal deper, ngo ye kkel yar luglug le ila mwo re mel luwul weres kala yar mo hafohoy irel igegel yar memel. Ye wol kangalur bo rebe hatetalor bo rebe wochog Jesus ngo re towe dabey depel yar luluwaley chog kofer llufulyer mo yar habos. Ye hamangi ngalir le yar molow irel yar sew chog mo Kristus, ila sew kkefang le ye budoh mo irel haradiya la yael Deus le yesa yoh ngalir mo irel yar tugulul ladep, ngo yete yoh ngalir mo irel yar ma foru mokwe Hatobtob we yar Jews ye sor. Ye tefa kofael rraey mo hopos la yael Deus le yema fang ngalir rechokla re mel le re sew chog mo Kristus.  
\ip Babior le ila ye gilafiloh chog irel yal kapta kofael rraey mo luglugul ladep mo yar sew chog yarmat, iwe mo yedamgel irel tugulul ladep mo molow le yar Kristiano. Iwe ngo ye wol halehaloh lepal kkelel yael Paulus hachangi eklesia la wol Philippi.  
\is1 Palpal Meka Yadol Babior Le  
\io1 Hamadefal \ior 1:1–11\ior*  
\io1 Igegel yal mel Paulus llufulyal \ior 1:12–26\ior*  
\io1 Yach molow irel Kristus \ior 1:27—2:18\ior*  
\io1 Kofael mekla Timothy mo Epaphroditus \ior 2:19–30\ior*  
\io1 Yal hadpar irel rechokla rebe tayikof ngalir mo hamerah kala rebe chungu \ior 3:1—4:9\ior*  
\io1 Paulus mo yarmetael Philippi kala wol maryarel \ior 4:10–20\ior*  
\io1 Haygul loh \ior 4:21–23\ior*  
\c 1  
\s1 Babior We Yael Paulus Ngalir Kristianol  
\p
\v 1 Babior le ila ye budoh mo irel Paulus mo Timothy, le ir lol Kristus Jesus boy —  
\p Ngalir panger mekla lol Deus woal Philippi mo mekla yarmetael eklesia, mo ikla rema tipingi eklesia le resa sew chog mo Kristus Jesus.\x - \xo 1:1 \xt Ac 16:12\x*   
\p
\v 2 Deus le Temach mo Samol Jesus Kristus rebe fang ngalugmi haradia mo hopos.   
\s1 Paulus Ye Mapelar Rechokla Rebe Yawli Babior Le Yal  
\p
\v 3 Pangal yad le ibe luluwalehmi ngo ima kangalu Deus yal hachigchig le fael hami,  
\v 4 ngo pangal yad le ibe hasi yami mapel, ngo ima mapel luwul yai rraey  
\v 5 bo fael molwe ha tipingiyey bo ibe foloyu Hapatpat Momay we irel yodwe ichapdah iyang yee, la hola igla.  
\v 6 Ila ye tugul lal depey le Deus le iy mele ye chapidah yengang le ye momay mo luwulumi, ila yebe taboloh yal yangtali yee, la hamallo irel Ralla be tefaeldoh Kristus Jesus iyang.  
\v 7 Pangal yad ngo ha mel lal yai luluwal! Ila ye fel le be iye sengal yai luluwal ngalugmi. Bo pangmi ngo ha tipingiyey irel yengang le Deus ye fang ngaliyey, yodle igla le imel lal kalbus, mo yodwe ited kalbus we ima kapta le ye katos Hapatpat Momay we bo yarmat rebe chepar iyang.  
\v 8 Deus ye gola le ye katos meka ikapta irel yael sor bo pangmi ngo ihachangugmi le ye wochog yael Kristus hachangugmi.   
\p
\v 9 Imapel bo be kkel yami hachangi fengalugmi ngo ha gola mekla ye katos, ngo ye fel yami ma hatugulu kofael formel,  
\v 10 ila ngo be yoh le habe gola mekla ye hartael momay. Iwe ngo habe tal mo irel pangal metmetael tayikof, mo der irel Ralla bela tefaeldoh Kristus iyang.  
\v 11 Ha bele la mel pangal mekla hama foru ngo bele momay. Halachog Jesus Kristus mele be yoh le be foru bo be iye sangmi, bo fael mala yarmat rebe hasrowu ngo re hapingpinga Deus.   
\s1 Yach Molow Ila Kristus  
\p
\v 12 Hami rewol bisiy, idipli bo habe gola le mokwe sa wel ngaliyey ila ye far kkel yal tipingi Hapatpat Momay we, bo be cholop tot yarmat le rebe chepar iyang.  
\v 13 Mala ye budoh mo iyang ila panger posol molwe bugter tamol mo ika sibis iga, ngo resa gola le ngang imel lal kalbus le fael mala ngang lol Kristus boy.\x - \xo 1:13 \xt Ac 28:30\x*  
\v 14 Yar kalbusuyey mele sa cholop meka wol bisich le sa kkel deper irel Samol, le sa pangal yad ngo re tay motog le rebe foloyu molwe yalol Deus.   
\p
\v 15 Ye katos bo sibis re fofoloyu kofael Kristus, ngo te ila wey mo lal deper, ngo re foloyu le fael mala re loltemay irey. Iwe ngo rema fedgagil hapatpat. Iwe ngo sibis re foloyu Hapatpat Momay we, le ila wey mo lal deper bo rebe foru mekla ye fel.  
\v 16 Rechoka ila re foru mele luwul hachangcheng, bo re gola le Deus ye fang yai yengang bo ibe hatugulu ngalir yarmat le iy Hapatpat Momay le ila ye katos.  
\v 17 Ikla sibis rete foloyu kofael Kristus wol mala ye fel, bo far mil mala re luluwaley chog kofer llufulyer; re luluwaley bo rebe foru tot mekla ibe weres iyang igla ichil mel lal kalbus.   
\p
\v 18 Iwe ngo tor pelal! Ngang irraey iyang — mala ye palleng fael ila folol kofael Kristus pangal yad, le be mmal te tugul hare re fofoloy bo yagel Kristus hare, re luluwaley chog kofer llufulyer. Iwe ngo ngang be tobtobloh chog yai rraey,  
\v 19 bo fael mala ngang igula le fael mapel kala yami mo Espritu Santus la lamliyel Kristus mele ibe tal iyang.  
\v 20 Ye kkel depey le ibe foforu chog yengang le yai bo de temmal ngaliyey. Iwe ngo ligdi bo igla mo pangal yad, ngo ibe hapatpat le tor le ibe metagu bo hare be ssor Kristus irel pangal mekla ima foru, te tugul hare imolow hare imes.  
\v 21 Meda fal mele molow? Ngang isor bo fael molow ila Kristus. Iwe ngo hare ibela mes ngo mmal le, ila be holayey.  
\v 22 Iwe ngo hare yor yengang kala ye palleng pelal le be yoh le ibe foru irel mele iy chil molow, ila ngo itai gola hare ye momay le ibe molow hare iy be mes.  
\v 23 Iy tai gola sew meka le ibe dabey. Yesa kkel depey ibe ligdi molow le wol talop, bo ibela mel irel Kristus le ila mala ye kkel yal momay;  
\v 24 ngo ligdi bo ye palleng pelal le ibe chil molow bo yaglugmi.  
\v 25 Ye tugul depey irel mele ngo igula le iy be chil mel iremi bo ibe tupungugmi habe rraey irel yami tugulul ladep.  
\v 26 Ila ngo ibela tefaeldoh iremi, ngo ha bele rraey bo fael mala ha bele rol sew chog mo Kristus Jesus.   
\p
\v 27 Mala ye palleng pelal ila habe dabey chog mokwe Hapatpat Momay we kofal Kristus ye sor habe ma foru. Ila ngo te tugul hare ye yoh, hare ye teyoh le ibe buyoy tefael mo iremi, ngo ibe rongrong le sa sew chog yami luluwal irel yami yedamgel bo be yoh ngalugmi tugulul ladep le ma budoh mo irel Hapatpat Momay we.  
\v 28 Ha towe metagur rechokla re hattohar ngalugmi; ha hakkela dipmi pangal yad bo ila ngo be tugul deper le ir mele rebe lus, ngo hami habe kkel bo fael mala Deus mele ye foru bo habe kkel.  
\v 29 Deus mele ye foru bo be yoh le habe yengang ngal Kristus, ngo te mil chog mala habe chepar irel, bo habe wol hafohoy bo yagili.  
\v 30 Igla ila be yoh le habe dabeyey bo sibe rol yedamgel. Iye chog iy molwe ha wiri lepal yai yedamgel iyang ral kowe. Iwe ngo hasa rongrong le ila chog mala ichil yedamgel iyang igla.\x - \xo 1:30 \xt Ac 16:19–40\x*   
\c 2  
\s1 Kristus Mele Samol  
\p
\v 1 Molow la yami irel Kristus mele ye foru bo habe kkel, ngo hachangcheng la yal mele ye hopossohmi. Espritus Santus la lamliyel Kristus mele yesa foru bo habe sew chog mo iy. Ha ffaho fengal ngo ha hamomayi fengali yami hagiyeg.  
\v 2 Ikekafael pechehmi bo habe foru bo be kkel yai rraey irel mala be sew chog yami luluwal, ngo ye hafedeg yami hachangi fengalugmi ngo ha depsew chog irel mekla ha luluwaley.  
\v 3 Ha towe foru mekla ye budoh mo irel luluwalel chog llufulumi hare ye budoh mo irel depel habos. Habe far hatetalo yami luluwal ngal semal mo semal, ngo ha towe luluwaley le ha fel mo imor yarmat.  
\v 4 Ha towe luluwaley chog mmalmi llufulumi; ha kemahoy mele ye hafohoy semal mo semal iyang bo habe ma tipingi fengalugmi.  
\v 5 Ye momay le wegdegmi ila yebe wochog wegdegel Kristus Jesus:   
\q1
\v 6 Pangal yad ngo ye mel chog le iy Deus,  
\q2 ngo ligdi bo yete hakkela le iy yebe hafedeg ngal Deus.   
\q1
\v 7 Iy mele yal luluwal le yebe ligdiloh pangal falmay la yal,  
\q2 bela mel le ye igegel semal boy.   
\q1
\v 8 Ye sala sub bo yarmat le ye yigegelgich chog yarmat. Yela mel le ye totol ngo yema taelenga chog yalol Deus yee,  
\q2 la mes le ye mes wol krud.   
\q1
\v 9 Ila fal le Deus ye hatagitadah bo yebe hartael tagiyet mo wol laeng,  
\q2 ngo ye hadeda ngali yid we ye hartael tagiyet mo imol pangal yid.   
\q1
\v 10 Panger rechokla re mel wol laeng,  
\q2 mo ikla re mel wol talop, mo ikla re mel falyayulol, ngo rebe hasubgudiy rebe hasrowu yid la Jesus,\x - \xo 2:10 \xt 2:10–11; Is 45:23 (LXX)\x*   
\q1
\v 11 ngo panger ngo rebe kaptaloh le Jesus Kristus mele Samol. Rebe sor mele irel Jesus,  
\q2 ngo rebe halehaloh le ye ssor Deus le Temach.   
\s1 Ha Bele Werloh Bo Hawrel Faileng  
\p
\v 12 Hami re wol maryarey, pangal yad ngo hama taelenga yaloy irel yodwe imel iremi. Ngo yesa palleng tot fal le habe talenga yaloy igla, le ila mwo itay mel iremi. Ha taboloh chog yami yengang luwul yami motog Deus mo rusmes irel yee, la hola yodla habe mmal irel pangal formel iyang,  
\v 13 bo pangal yad ngo Deus ye yengang luwulumi bo yebe wigid dipmi bo habe foru mala iy ye dipli.   
\p
\v 14 Ha foru pangal formel ngo ha towe ma hapaliyel fengal, hare ha hachocho fengal,  
\v 15 ila ngo habe mel bo lol Deus le ha fel ngo tor dermi mo lal faileng le ye ssogol rechokla re tayikof ngo re toa hamolfid. Habe wochog fis kala ye werloh lal laeng le habe werloh luwullur,\x - \xo 2:15 \xt Dt 32:5\x*  
\v 16 irel yodla habe kangalur kofael molow la tor siyal. Hare be iye sengal le ha foru, ila ngo be yor fal le ibe cchehas iremi irel Ralla be tefaeldoh Kristus, bo fael mala be llah le pangal yedamgel mo yengang kowe iforu ngo yor pelal.   
\p
\v 17 Malbo ngang ibe mes ngo be ser cchay wol maligach la hami ha fang ngal Deus bo fal mala ye tugul lal dipmi irel. Hare be ila sengal, ngo ngang isa rraey ngo ibe kangalugmi pangmiloh lepal yai rraey.  
\v 18 Be wol iye sengal chog yami rraey ngo habe dabeyey irel rraey.   
\s1 Timothy Mo Epaphroditus  
\p
\v 19 Hare iye mele depel Samol ngo idipli le ibe fangwey Timothy iremi bo hare ibe gola kofmi, ila ngo be kkel loh lal depey.  
\v 20 Bo hal iy mele ye sew chog yamem luluwal ngo ye kkel depal le ye be tupungugmi.  
\v 21 Sa semal ngo ye luluwaley chog kofal llufulyal ngo te luluwaley loh mekla Jesus Kristus ye dipliy sibe foru.  
\v 22 Hami ngo hasa gola le ye palleng pelal Timothy, le yesa wochog bo iy layi, ngo ngang mele temal irel yal dedabeyey irel yengangel Hapatpat Momay we.  
\v 23 Iluluwaley bo ibe rel gola mele rebe for ngalyey ngo isa fangwey Timothy iremi.  
\v 24 Ngo ngang ye luglug depey ngal Samol le be yoh le ngang ibe buyoy iremi lal seral ka.   
\p
\v 25 Iluluwaley ngo ye palleng pelal le ibe fangwey Epaphroditus we bisich iremi. Icholuway irel yengangel hammalel Hapatpat Momay we, ngo iy mele re kekkal yalomi le ye budoh tipingiyey.  
\v 26 Sa cchang depal be wurugmi pangmi, ngo ye tay fel depal irel molwe ye la gola bo hami ha rongrong bo iy ye tomay.  
\v 27 Ye katos bo ye tomay le ye memmel be mes. Ngo ligdi bo Deus ye fahoy, ngo ye wol fahoyey. Iwe sala foru le towe kkel yal tayikof depey.  
\v 28 Ila yesa kkel depey le ibe fangwey iy iremi bo fael mala habe wiri bo habe rraey, ila ngo yebe chuyloh yal tayikof depey.  
\v 29 Ha hamomayi yami hagiyeg ngali luwul yami rraey bo fael mala iy ila semal bismi irel Samol. Ha hasrowur panger rechokla re wochog yeramtale,  
\v 30 bo fal mala ye fang yal ngas le sa fesugfed ngo sa mes bo fael yengang la yael Kristus, bo be tipingiyey irel mekla hami ye teyoh le habe tipingiyey iyang.   
\c 3  
\s1 Igegel Yach Be Fel Mo Irel Deus  
\p
\v 1 Iwe ngo igla rewol bisiy, habe rraey irel yami sew chog mo Samol. Iyte nguch le ibe tefael ngal mokwe isa moal tefa metamo, ngo iforu mele bo ibe haluglugu yami tugul.  
\v 2 Hasa hafalugmi irer rechokla rema foru wegdeg kala ye tayikof, le resa wochog pes kowe, le ikla rechokla re hakkela sibe hagila meka holongoch.  
\v 3 Te ir bo gich mele sa yoh ngalgich mala holongol hagil. Bo gich sima hasrowu Deus irel Espritu Santus la yal le yema tiping gich ngo si rraey irel yach rol sew chog mo Kristus Jesus. Site luglug irel meka sima faor ngal meka holongoch.  
\v 4 Ngang be yoh le ibe luglug irel tappel meka iye sengal. Hare semal ye luluwaley le iy yebe yoh ngali le be luglug irel tappel meka, ngo ye palleng tot fal le ngang be ila sengal yai luluwal.  
\v 5 Re hagilayey irel yodwe sa sew week mo wol miril yai subdoh. Isubdoh le ngang semal re Israel, ngo ngang semal chol haleng we yael Benjamin, ngo ngang semal holongol re Hebrew. Irel yai dabey felel Hatobtob we yar Jews, ngo ngang semal Pharisee,\x - \xo 3:5 \xt Ro 11:1; Ac 23:6; 26:5\x*  
\v 6 le ye kkel depey le ibe foru mekla ikacchog bo ye fel mo irel Deus, ngo ihafohoyur rechokwe re chepar ngal Kristus. Hare ye wochog bo momayel yarmat ila ye mel irel lepal yar talenga yalol Hatobtob we, ila ngo ngang ila tor derey.\x - \xo 3:6 \xt Ac 8:3; 22:4; 26:9–11\x*  
\v 7 Ngo pangal mekla medalbo be yoh ngaliyey mo irel mekla iforu ngo la igla ngo isa gola le yai lus bo yagel Kristus.  
\v 8 Te ikla chog; iluluwaley ngo tayor loh pelal mokwe ima foru le fael iye ye palleng fal le mala ibe gola Kristus Jesus le yai Samol. Isa tahchaloh pangal formel bo yagel Kristus; isa yitili pangal meka le tor pelal bo fael mala be yoh le ibe mel irel Kristus,  
\v 9 ngo ha sew chog mo iy. Iwe ngo itafel mo irel Deus le fael meka ngang ima foru le mala ye fel mo irel Hatobtob we. Isa fel igla le fael mala ye tugul lal depey irel Kristus. Ila mala yach fel le Deus ye fang ngalgich rechoka ye tugul lal depach.  
\v 10 Mala chog idipli ila ibe gola Kristus mo kkamelal yal molow tefael mo irel maes, ngo idabey irel hafohoy ngo iwochog iy irel yal mes,  
\v 11 bo ye kkel yai dipli le ngang ibe molow tefael mo irel maes.   
\s1 Hagrum Ngal Mala Si Yeyedamgili  
\p
\v 12 Ite sor bo sa yoh ngaliyey mekla iluluwaley, hare isa fel. Ichil yeyedamgili bo be yoh ngaliyey mala paliyal. Ila fal le Kristus Jesus yesa foru bo ibe dabey.  
\v 13 Hami rewol bisiy, ite luluwaley le sa yoh ngaliyey mele. Mala isa foru ila isa hachuya luluwalel mekla sa moll, ngo isa yedamgili ikla ye chil mel mo imoy.  
\v 14 Ila isa ddar le ye wwel yai hamed ngali mala iluluwaley bo be yoh ngaliyey bo ibe hasi mala paliyal: Fofos la yael Deus ngal molow la wol laeng le ye hola gich mo irel Kristus Jesus.   
\p
\v 15 Pangachloh rechokla siya medaf irel yach chepar ngal Kristus, ngo be ila sengal yach luluwal. Iwe ngo hare yor hami le ye semat yal luluwal, ngo Deus yebe foru bo habe medaf irel meka.  
\v 16 Ye palleng pelal le sibe taboloh chog yach dabey hatobtob kowe si faesul dedabey mo ral kowe yee, la hola doh igla.   
\p
\v 17 Hami rewol bisiy, hataboloh chog yami somla meka ngang ima foforu. Ha kemahoy hamayur rechoka rema foru meka ye fel we hasa kawer ngalugmiy habe foru.\x - \xo 3:17 \xt 1 Co 4:16; 11:1\x*  
\v 18 Yesa cholop yai kangalugmi mele ngo igla isa wol tefael ngali luwul yai tetang: ye cholop rechokla luwul yar memel, ngo re hattohar ngal fael yael Kristus mes wol krud.  
\v 19 Rechoka ila rebe loh Infiyerno bo fael mala mekla chog re dipli rebe foru wol holongor mele rema hasrowu. Re cchehas irel mekla rebe far maa iyang, ngo re luluwaley chog rebe foru wegdeg kala yarmetael faileng le rema foru.  
\v 20 Ngo gich ila yarmetael laeng, ngo ye cchang depach irel yach wiwidi Demer we yach Samol Jesus Kristus le be bidiy mo wol laeng.  
\v 21 Ye bele liwli meka holongoch le ye tayikel ngo yebe mes, sa foru be wochog ila holongol iy le ye mmaluplup ngo tor fael sew le yebe mes, le be teptap mala kkelal le ye lamli pangal formel iyang.   
\c 4  
\s1 Ha Wegdegli Mekla Hasa Kay  
\p
\v 1 Hami rewol bisiy, ye kkel yai hachangugmi ngo ye kkel yai fahohmi! Ye kkel yai rraey le fael hami ngo ye kkel yai cchehas iremi! Hami rewol bisiy le ihachangugmi, be iye lepal yal kkel dipmi irel molow la hasa mel iyang irel Samol.   
\p
\v 2 Euodia mo Syntyche, fael pechemi ngo habe hasewa chog yami luluwal le habe wochog rumal fefel kowe re spegil bisbis irel yar chepar irel Samol.  
\v 3 Iwe ngo gel yeramtala iyetedah depey uwom bo hobe tipingiyey, ila idipli bo hobe tipingir fefel kala bo ir ye kkel yar tipingiyey irel yai foloyu fedaley Hapatpat Momay we; le rol ir mo Clement mo panger mokwe choluway irel yengang. Rechoka ila sa mel ider lal babior la yael Deus le babioror rechokla be yoh ngalir molow la tor siyal.   
\p
\v 4 Pangal yad ngo habe rraey irel yami sa sew chog mo Samol. Ibe wol sor fael sew: ha harraeyi dipmi!   
\p
\v 5 Ha kawraloh yami malulu ngalir panger yarmat. Towol ssulay ngo bele tefaeldoh Samol.  
\v 6 Tor mele habe merhagili. Iwe ngo pangal yami be ma mapel ngo habe ma dangoro Deus mekla be yoh ngalugmi le ha hafohoy iyang, ngo pangal yad le habe dongor ngali ngo habe ma kangalu yal hachigchig.  
\v 7 Iwe ngo hopos la yael Deus le gich yarmat si temedaf iyang, mele be hafali chog lal dipmi mo yami luluwal be mel chog irel Kristus Jesus.   
\p
\v 8 Hami rewol bisiy, mala hartal le ibe sor, ila habe itol chog lal yami luluwal mekla ye momay le yarmat rema hapingpinga; mekla ye katos, mo mekla ye fel, mo mekla tor derel, mo mekla ye kamdidiy, mo mekla ye ssor.  
\v 9 Ha wegdegli mekla hasa gola le ye yoh ngalugmi mo irey, le ha kai mo irel yai hapatpat mo irel yai wegdeg. Ila ngo Deus la ma fang hopos be mel iremi.   
\s1 Paulus Ye Kangalur Philippians Yar Hachigchig  
\p
\v 10 Ngo wol miril yal sulay loh irel yai mel le hasa sew chog mo Samol, ngo irraey irel molwe sa wol yoh le ha kawer ngaliyey le ha chil luluwaleyey. Ite sor le ha tay kadagiyeyloh, yal chog ted mmal habe kawraloh le ha chil luluwaleyey.  
\v 11 Ite sor mele bo fael mala iluluwaley le hasa tahcheyeyloh le ha tay luluwaleyey, bo sa lap depey irel meka yor irey.  
\v 12 Igula mele hafohoy, ngo isa wol gola mele mmal. Isa gola mele ibe fel iyang, le te tugul solbos hare sew yad le hare iy maed hare iy koloh, ngo te tugul hare ye cholop hames formel irey hare telap, ngo ye fel chog depey.  
\v 13 Te tugul mele ye weldoh ngo yebe mmal ngaliyey irel mala kkeley le Kristus sa fang ngaliyey.   
\p
\v 14 Ngo ligdi bo ye momay yami hagiyeg le ha tipingiyey irel hafohoy ka ma holayey.  
\v 15 Hami yarmetael Philippi, ha gola le yodwe ichuytang Macedonia ral kowe ifofoloyu Hapatpat Momay we, ngo eklesia la chog yami mele ye tipingiyey, ngo hami chog mele ha dabeyey irel mekla iy mmal iyang mo ikla ihafohoy iyang.\x - \xo 4:15 \xt 4:15–16; 2 Co 11:9\x*  
\v 16 Yete moch sew chog yai hafohoy mo wol Thessalonica le hami ha tipingiyey iyang.\x - \xo 4:16 \xt Ac 17:1\x*  
\v 17 Ite luluwaley chog mele be yoh ngaliyey. Ifar dipli ibe wiri le be cholop wegdeg kala ye momay le be chila ikla ha faesul foforu.  
\v 18 Pangal mokwe ha fangdoh irey, ngo sa holayey ngo yesa cholop hemas! Isa mmal loh irel pangal kkefang kowe yami we Epaphroditus ye hasidoh. Pangal ngo ye wochog mokwe ye momay bol we sima tap maligach ngal Deus, sew maligach le ye momay ngo ye fel depel Deus iyang.\x - \xo 4:18 \xt Ex 29:18\x*  
\v 19 Deus la ye mmal irel pangal formel be fang ngalugmi mo irel Kristus Jesus pangal mekla ha hafohoy iyang.  
\v 20 Sibe hapingpinga Deus le Temach le tor siyal! Amen.   
\s1 Hartael Hapatpat  
\p
\v 21 Ibe fang yai habong ngalir panger mekla lol le Kristus Jesus ye lamlir. Mokwe wol bisich le re mel irey iga, re fangwey yar habong iremi.  
\v 22 Panger mokwe lol Deus le re mel iga, ngo re fangwey yar habong iremi le dolper chog ila rechokla rema mel irel mele imwel tamol.   
\p
\v 23 Haradiya la yael Samol Jesus Kristus be mel iremi pangmiloh.