\id 2TH  
\ide UTF8
\h 2 THESSALONIANS 
\toc1 Harwowel Babior We Yael Paulus Ngalir Kristianol THESSALONICA 
\toc2 2 Thessalonians 
\toc3 2 Th 
\mt1 THESSALONICA  
\is1 Hamadefal  
\ip Yar sa somawel fedal yarmat irel yodol yal be tefaeldoh Kristus mele resa taroprop fedal yarmetael eklesia la woal Thessalonica iyang. \add Harwowel babior we yael Paulus ngalir Kristianol\add* \bk Thessalonica\bk* ila ye kapta yael yarmat chepar le yesa holar mala yodol yal tefaeldoh Samol. Paulus ye tefa babior le bo yebe habungu machey le yar. Ye hamdefa ngalir le imol mala yebe tefaeldoh Kristus ngo yebe kkel loh tot molfid mo wegdeg tayikof, le yeramtawe semal we si tugla kofal we rema ffesangu bo “Mael Tayikof” mele yebe happadoh meka ngo iy molwe yebe hapaliyel ngal Kristus.  
\ip Apostel le ye hakkela ngalir rechokla rebe yawli babior le bo rebe yedamgel luwul yar tugulul ladep le ila mwo re chungu weres mo hafohoy; bo rebe yengang hammaler le rebe wochog Paulus mo mokwe choluwal irel yengang, iwe ngo re yedamgel irel yar foru meka ye momay.  
\is1 Palpal Meka Yadol Babior Le  
\io1 Hamadefal \ior 1:1–2\ior*  
\io1 Hapingping mo momayel kapter \ior 1:3–12\ior*  
\io1 Hamadefael kofael yal be tefaeldoh Kristus \ior 2:1–17\ior*  
\io1 Folol wegdegel Kristiano \ior 3:1–15\ior*  
\io1 Haygul loh \ior 3:16–18\ior*  
\c 1  
\s1 Harwowel Babior We Yael Paulus Ngalir Kristianol  
\p
\v 1 Babior le ila ye budoh mo irel Paulus mo Silas mo Timothy — Ngalir yarmetael eklesia la wol Thessalonica le ir lol Deus le Temach mo Samol Jesus Kristus:\x - \xo 1:1 \xt Ac 17:1\x*   
\p
\v 2 Deus le Temach mo Samol Jesus Kristus rebe fang ngalugmi haradiya mo hopos.   
\s1 Hatugul Irel Yodla Bela Budoh Kristus Iyang  
\p
\v 3 Hami rewol bismem, pangal yad ngo habe kangalu Deus yal hachigchig bo fael hami. Ngo ye bung le habe foru le be ila sengal bo fael mala tugul la yami ila ye pepallengdah, ngo yami hachangi fengalugmi ila ye pepallengloh.  
\v 4 Ila fal le hamem hama to kapta kofmi irel eklesia ka yael Deus iyang. Ye cchehas depmem irel mala hami ha tetaboloh chog yami yedamgel mo yami chepar luwul pangal weres mo hafohoy kala hasa mel iyang.   
\p
\v 5 Pangal meka ngo ye hatosiya le tattal hapatpat le yael Deus ila ye fel ngo be yor igegmi mo irel mala Lamliyal, ila fal le ha hafohoy iyang.  
\v 6 Deus yebe foru mala ye bung: yebe hasidoh hafohoy ngalir rechokla re hafohoyugmi,  
\v 7 ngo ye bele hadorahmi hami rechokla hasa hafohoy, ngo ye wol hadorahmem. Yebe foru mele irel yodla be bidiy Samol Jesus mo wol laeng le ir mo angelus kala lol le re kkel,  
\v 8 mo sew yaef le ye bbulbul, le rebe hagrer rechokla re tahchaloh Deus mo rechokla re te talenga Hapatpat Momay we kofael yach Samol Jesus.  
\v 9 Re bele hafohoy irel hagerger la tor siyal ngo re bele chuy mo fael metael Samol mo fael mala kkamelal le ye falmay,\x - \xo 1:9 \xt Is 2:10\x*  
\v 10 irel Ralla la ye bela budoh. Iwe ngo panger mekla lol ngo rebe hapingpinga ngo panger rechokla resa chepar ngo rebe hasrowu. Hami ngo habe wol mel luwullur bo fael mala hasa chepar irel hapatpat kowe ha kangalugmi.   
\p
\v 11 Ila fal le pangal yad ngo ha memapelahmi iyang. Ha dedangro Deus bo yebe foru le be yor igegmi mo irel molow la ye ffesangugmi bo ha bela mel iyang. Yebe tupungugmi irel mala kkamlal bo be yoh ngalugmi mekla ha dipli le ye momay, ngo ye hamallo yengang kala ha foforu bo fael mala ye tugul lal dipmi.  
\v 12 Be iye sengal yami foru ngo mala idel yach Samol Jesus ila be ssor bo fael hami, ngo hami be wol ila sangmi bo fael haradiya la yael Deus mo Samol Jesus Kristus.   
\c 2  
\s1 Yeramtawe Ye Tayikof  
\p
\v 1 Irel kofael budohol Samol we yach Jesus Kristus mo wululul yal be hatteyili fengaligich mele ibe hafael pechehmi hami rewol bismem,\x - \xo 2:1 \xt 1 Th 4:15–17\x*  
\v 2 bo yetowe ma ttir chog yal somawel fedal yami luluwal, hare ha motog irel mala rebe sor bo sa hola Rallawe yebe budoh Samol. Medalbo tot yarmat re luluwaley le hamem ha kapta mele irel yodwe ha fofoloy iyang hare ha tefadiy lal babior.  
\v 3 Ha kemahoy bo semal de kacheprahmi. Bo Ralla ila towe pagel budoh bo bela yigil hola yodla bele cholop yarmat le re bele hapaliyel ngal Deus, ngo yesa moch llahdoh Yeramtawe ye Tayikof we faesul tugul bo yebe loh Infiyerno.  
\v 4 Ye bele hapaliyel ngal pangal meka yarmat re memapel ngali ngo bele yitili le iy mele ye tagiyet mo imol pangal meka. Templum le yael Deus mwo, ngo ye bele bulong sala maro iyang, iwe ngo ye bele sor bo iy Deus.\x - \xo 2:4 \xt Dn 11:36; Ez 28:2\x*   
\p
\v 5 Ye tugul le ha chil gola meka. Isa moal kangalugmi pangal meka irel yodwe imel iremi.  
\v 6 Ye mel sew formel le ye foru le towe pagel weldoh mele igla, ngo hami ha gola mele iy. Yeramtala ye Tayikof ila yebe llahdoh irel yodla sa faesul tugul.  
\v 7 Mala kkelel tayikof ila sa faesul ye yengang, ngo mala be weldoh ila towe pagel weldoh yee, yela hola yodla rebe hachuya yeramtala ye kekamachu tefaeli.  
\v 8 Iwe ngo bele llahdoh Yeramtawe ye tayikof, ngo ligdi bo yodla bela budoh Samol Jesus, ngo yebe llimeseloh irel yal yugugdah chog uwol mo irel mala werel le ye ddoldol.\x - \xo 2:8 \xt Is 11:4\x*  
\v 9 Yeramtala ye Tayikof ila bela budoh le ye mel mala kkelel Satan uwol, ngo pangal metmetael kkemal mo hagil kala ye kachepar ngo yebe foru,\x - \xo 2:9 \xt Mt 24:24\x*  
\v 10 iwe ngo ye bele foru pangal metmetael mekla ye kachepar ngalir rechokla rebe mes. Rebe mes bo fael mala rete dipli ngo rete hachangi mala ye katos, le rebe daor iyang.  
\v 11 Iwe Deus yesa fang kkelel machey ngalir bo be yengang lal yar luluwal, iwe ir resa chepar irel mekla te katos.  
\v 12 Mala be holar panger rechokla rete chepar irel mekla ye katos ngo ye momay deper irel molfid, ila Deus yebe fang yar hagerger.   
\s1 Resa Duwlehmi Bo Habe Daor  
\p
\v 13 Hami rewol bismem, ye tugul le pangal yad ngo habe kangalu Deus yal hachigchig bo fal ngalugmi hami rechokla Deus ye hachangugmi. Bo Deus yesa duwlehmi le hami mele habe metamol daor irel mala kkelel Espritu Santus, bo yebe forugmi bo lol le habe santus mo irel yami tugulul ladep irel mekla ye katos.  
\v 14 Deus ye ffesangu ngalugmi meka mo irel Hapatpat Momay we ha foloyu ngalugmi. Ye ffesangugmi bo be yor yildimi mo irel falmay la yael Samol la yach Jesus Kristus.  
\v 15 Hami rewol bismem, ha hakkela dipmi ngo hasa chepar ngal mokwe ye katos we hasa foloyu ngalugmi, irel yamem foloy mo yamem babior.   
\p
\v 16 Samol la yach Jesus Kristus mo Deus le Temach le ye hachangi gich ngo ye fang kkelel lal depach mo luglugul lal depach le tor siyal, bo fael momayel hagiyeg la yal,  
\v 17 yebe hakkela lal dipmi, ngo ye fang kkelmi bo habe ma foru, ngo ha kapta mekla ye momay.   
\c 3  
\s1 Habe Ma Mapelahmem  
\p
\v 1 Re wol bismem, hartael mala habe kanglugmi ila habe ma mapelahmem bo mala yalol Samol yebe tabtobloh chog yal palengloh pangal lobos ngo yarmat rebe taelenga ngo re hasrowu, le be wochog yal medarloh luwulumi.  
\v 2 Hasa wol mapelahmem bo Deus yebe hadorahmem mo irel rechokla ye kel yar tayikof bo te pangal yarmat ngo re chepar ngal mala yalol Deus.   
\p
\v 3 Iwe ngo Deus ila yema foru pangal mekla yesa hatugulu, ngo yebe fang kkelmi ngo ye hadorahmi mo irel Yeramtala ye Tayikof.  
\v 4 Samol yesa foru le yebe luglug lal dipmem iremi ngo sa tugul depmem le ha foforu ngo ye bele tobtobloh yami foru mokwe hasa kangalugmi.   
\p
\v 5 Samol yebe fang teram ngalugmi bo habe gola kkelel yael Deus hachang gich mo lepal yedamgel la yael Kristus.   
\s1 Ye Tugul Le Sibe Yengang  
\p
\v 6 Hami re wol bismem, habe hatobtob ngalugmi irel mala idel Samol la yach Jesus Kristus bo habe haddaw tangir panger mekla wol bisich le re tehayreg le tor mele rema foru ngo re temchal talenga mokwe ha kangalur bo rebe foru.  
\v 7 Hami hasa gola le ye momay le habe foru mokwe hamem ha foru. Yodwe ha mel iremi ngo hamem ha te tehayreg.  
\v 8 Hamem hatema mechal le semal yebe hammalehmem ngo tor paliyal le ha fang. Ye kkel yamem yengang; hama yengang llubong mo lerral bo hate dipli bo hami habe tapeli sefaes salpiy bo hammalmem.  
\v 9 Ha foru mele le te mil mala tor kkelmem le habe hammalehmem; ha foru bo habe wiri ngo hami hasa wol foru le be wochog hamem.  
\v 10 Yodwe ha chil mel iremi ngo hama toa kangalugmi bo, “Semal le yebe temchal yengang ngo towe mongoy.”   
\p
\v 11 Ha kapta mele bo ha rongrong le yor tot mo luwulumi le re tema yengang bo re tehayreg ngo resa kekalpilsedaw ngal yar sibis yengang.  
\v 12 Fael mala idel Samol Jesus Kristus mele hasa kapatpat ngalir rechoka ngo hasa hatobtob ngalir le rebe hafle yar mel ngo resa yengang bo yebe yoh hammaler.   
\p
\v 13 Iwe ngo hami re wol bismem, hatowe ma nguch irel yami foru meka ye momay.  
\v 14 Towe siy le be mel semal mo igla le towe taelenga meka ha sorwey iremi lal babior. Hare yor, ngo hasa kemahoy le iy, iwe ngo hasa tagul tangi, ila ngo iy ila yebe maa.  
\v 15 Iwe ngo ha towe yitli le iy semal rechokwe ye tayikof ngalugmi. Habe far hapatpat ngali bo yebe medaf le yebe wululul chog yami foru ngal semal bismi.   
\s1 Hartael Hapatpat  
\p
\v 16 Samol le iy mele chapil hopos yebe fang ngalugmi hopos pangal yad. Samol yebe mel iremi pangmiloh.   
\p
\v 17 Ngang Paulus mele iy tefa mele: Yael Paulus habong ngalugmi. Iye sengal wululul yai ma sayini pangal babior; iye sengal wululul yai teftaf.   
\p
\v 18 Haradiya la yael Samol Jesus Kristus yebe mel iremi pangmiloh.