\id REV \h APOCALIPSIS \toc2 APOCALIPSIS \toc1 APOCALIPSIS \mt1 Apocalipsis \c 1 \s1 Ti cꞌusi laj yacꞌ ta ilel ti Jesucristoe \p \v 1 Avi ti vun tsꞌibabil liꞌe, jaꞌ scꞌoplal ti cꞌusi iꞌacꞌbat snaꞌ ti Jesucristo yuꞌun ti Diose, yoꞌ jech ti Jesucristoe ta xacꞌbe snaꞌic ti yajtuneltaque ti cꞌusi jutuc xa scꞌan ta xcꞌot ta pasele. Jech ti Jesucristoe laj stac talel ti yajꞌángele ti tal yacꞌbe snaꞌ ti Juan ti jaꞌ yajtunele. \v 2 Ti Juane jamal laj yal scotol ti cꞌusi laj yile. Jaꞌ rextigo yuꞌun ti scꞌop Diose ti laj svinajes ti Jesucristoe. \p \v 3 Yan noꞌox yutsil ti buchꞌutic ta sqꞌuelic ti vun liꞌe. Jaꞌ jech xtoc yan noꞌox yutsil ti buchꞌutic ta xchiquintaic ti chꞌul cꞌop liꞌe ti yaloj ti Diose, jaꞌ jech xtoc ti ta xichꞌic ta mucꞌ ti cꞌusi liꞌ tsꞌibabile, yuꞌun jutuc xa scꞌan ta xcꞌot ta pasel ti cꞌusi yaloj ti Diose. \s1 Ti Juane ta stsꞌiba batel scarta ta stojol ti vucchop tsobobbaile \p \v 4 Vuꞌun Juanun, ta jtsꞌiba batel ti jcarta liꞌe ta stojol ti vucchop tsobobbail ti oy ta Asia banomile. Ichꞌic ti bendicione, ti jun avoꞌntonic yuꞌun ti Diose, ti jaꞌ onoꞌox Dios avi tana liꞌe, ti ta voꞌnee, ti ta sbatel osile. Ichꞌic ti bendicione, ti jun avoꞌntonic yuꞌun ti Chꞌul Espíritu ti vuctos ti stalele, ti tey oy ti bu ta spas mantal ti Diose. \v 5 Jaꞌ jech xtoc, ichꞌic ti bendicione, ti jun avoꞌntonic yuꞌun ti Jesucristoe, ti jaꞌ melel onoꞌox ti cꞌusi ta xale, ti jaꞌ baꞌyel ichaꞌcuxie, ti jaꞌ oy ta yoc ta scꞌob ti ajvaliletic liꞌ ta banomile. Yuꞌun laj xcꞌuxubinotic ti Cristoe, laj spocbotic jmultic ta schꞌul chꞌichꞌel. \v 6 Jaꞌ ta sventa ti Cristoe ti jech lijcꞌot ta ajvalil yuꞌune, ti jech lijcꞌot ta paleal yoꞌ jech ta xijtunotic yuꞌun ti Diose, Stot ti Cajvaltic Jesucristoe. Ichꞌbiluc ta mucꞌ. Oyuc smucꞌul stsatsal sbatel osil. Jechuc. \p \v 7 Qꞌuel avilic, ta xtal ta ba toc ti Jesucristoe. Scotol ti cristianoetique ta xilic schiꞌuc ti buchꞌutic ti laj sbajic ta cruze. Scotol ti buchꞌutic ti oyic ta jujun lum ti oy ta sjoylej ti banomile ta xꞌoqꞌuic ti cꞌalal ta xilic ti ta xtale. Jech onoꞌox ta xcꞌot ta pasel. \p \v 8 Ti Dios ti scotol xuꞌ yuꞌune, ti jaꞌ onoꞌox Dios avi tana liꞌe, ti ta voꞌnee, ti ta to xtale, jech ta xal: “Jech chac cꞌu chaꞌal ti letra A schiꞌuc Zetae vuꞌunun ti sliqueb spajebune”, xi. \s1 Ti Juane laj yil ti jun yutsil ti Cristoe \p \v 9 Vuꞌun Juanun, quermano jbatic, jmoj ta xquichꞌ jvocoltic. Jmoj laj jtatic ti ventainel yuꞌun ti Diose. Jmoj laj yacꞌbotic smucꞌul coꞌntontic ti Jesucristoe. Ti vuꞌune tey tiqꞌuilun ta chuquel ta Patmos banomil ti joyobtabil ta nabe. Chuculun ta sventa ti laj cal ti chꞌul cꞌop yuꞌun ti Dios ti laj svinajes ti Jesucristoe. \v 10 Cꞌalal scꞌacꞌalil ta yichꞌel ta mucꞌ ti Cajvaltique, jaꞌ o liventainat yuꞌun smucꞌul stsatsal ti Chꞌul Espíritue. Tey laj caꞌi ti oy Buchꞌu tsots icꞌopoj ta jpate ti coꞌol sꞌelan jun yechꞌomal ti cornetae. \v 11 Jech laj yalbun: \p ―Jech chac cꞌu chaꞌal ti letra A schiꞌuc ti Zetae jech vuꞌunun ti sliqueb spajebune. Tsꞌibao me ta libro ti cꞌu slelan ta xavile. Jaꞌ jech xtoc un, taco batel ta stojolic ti vucchop tsobobbail ti oy ta Asia banomile, jaꞌ ti Efesoe, ti Esmirnae, ti Pérgamoe, ti Tiatirae, ti Sardise, ti Filadelfiae, ti Laodiceae ―xi. \p \v 12 Tey lijoybij yoꞌ ta jqꞌuel ti Buchꞌu ta xiscꞌopone. Cꞌalal jech laj jpase, tey laj quil vucub yavil cantila ti jaꞌ oroe. \v 13 Ti ta oꞌlol ti vucub yav cantilae, laj quil ti tey vaꞌal ti Buchꞌu xcoꞌolaj schiꞌuc vinique. Jun snatil ti scꞌuꞌ slapoje, cꞌotem to cꞌalal sba yoc. Jaꞌ jech xtoc jun sjamlej ti schuc ti jaꞌ oroe, ti jutuc xa mu smacojuc ti stiꞌ yoꞌntone. \v 14 Jun saquil ti stsatsal sjole jech chac cꞌu chaꞌal saquil tsots. Mi moꞌoje, coꞌol sꞌelan jech chac cꞌu chaꞌal ti saquil bote. Jaꞌ jech xtoc ti sate coꞌol sꞌelan leb cꞌocꞌ. \v 15 Xojobin ti yacane coꞌol sꞌelan jech chac cꞌu chaꞌal ti bronce ti loqꞌuesbil talel ta cꞌocꞌ ti lec cusbile. Jaꞌ jech xtoc ti scꞌopojele coꞌol sꞌelan yechꞌomal ti epal ucꞌumetique. \v 16 Stsacoj vucbej cꞌanal ti ta sbatsꞌi cꞌobe. Jaꞌ jech xtoc ta xlocꞌ talel ta ye coꞌol sꞌelan jun jichꞌil espada ti chaꞌjot yee. Ti sjunul sate coꞌol sꞌelan xojobal ti cꞌacꞌale ti cꞌalal tsots xojobin ta jmeque. \p \v 17 Cꞌalal jech laj quil ti vinic taje, coꞌol sꞌelan chamemun liyal ta lum ta yoc. Pero ti stuque laj scajan ti sbatsꞌi cꞌob ta jbae. Jech laj yalbun: \p ―Mu xaxiꞌ. Vuꞌunun ti sliqueb spajebune. \v 18 Vuꞌunun ti stalel cuxulune. Licham, pero avi tana un, cuxulun sbatel osil. Ti vuꞌune oy ta coc ta jcꞌob sllavial ti lajebale schiꞌuc xtoc ti bu ta xbat ti animaetique. \v 19 Jaꞌ yuꞌun un, tsꞌibao me ta vun ti cꞌusi laj xa avile, ti cꞌusi syaquil ta xavil liꞌe, ti cꞌusi ta to xavile. \v 20 Ti vucub cꞌanal ti laj avil ta jbatsꞌi cꞌobe, jaꞌ smelol ti vucub viniquetic ti yichꞌoj ta sventa ti vucchop tsobobbaile. Yan ti vucub yav cantila laj avil ti jaꞌ oroe, jaꞌ smelol ti vucchop tsobobbaile ―xi. \c 2 \s1 Jech ta xꞌalbat ti buchꞌu yichꞌoj ta sventa ti jchꞌunolajeletic ti oy ta Efesoe \p \v 1 Jech laj yalbun xtoc ti Cajvaltique: \p ―Tsꞌibabo me batel ta stojol ti buchꞌu yichꞌoj ta sventa ti jchꞌunolajeletic ti oy ta Efesoe: “Jech ta xal ti Buchꞌu stsꞌacoj ta sbatsꞌi cꞌob ti vucub cꞌanale, schiꞌuc ti ta xanav ta oꞌlol ti bu oy ti vucub yav cantila ti jaꞌ oroe: \v 2 Jnaꞌ lec scotol ti cꞌusi ta xapase. Xcojtiquin ti tsots ti avabtele, ti oy smucꞌul avoꞌntone. Jnaꞌ ti mi jaꞌuc lec ta xavaꞌi ti buchꞌutic chopole. Jnaꞌ lec ti laj aqꞌuelbe yoꞌntonic ti buchꞌutic sbisoj sbaic ta cajcholcꞌoptac ti cꞌalal maꞌuque. Jech o xal un, laj avil ti jaꞌ jun jutcꞌopetique. \v 3 Jnaꞌ lec ti cuchem avuꞌun ti avocole cꞌalal ep laꞌabtej ta jventae. Mi jaꞌuc juteb lalubtsaj. \v 4 Pero oy bu ta jta jun amul un. Yuꞌun mu xa jechuc cꞌuxun ta avoꞌnton jech chac cꞌu chaꞌal ta sliquebale. \v 5 Jech o xal un, vuleso ta avoꞌnton ti bu layanije. Jeltao me ti avoꞌntone. Paso me jech, jech chac cꞌu chaꞌal laj apas ta sliquebale. Yan ti mi mu xapas jeche, ta xital ta ora ta atojol, ta jloqꞌuesbot ti yav cantila ti bu yavile ti mi mu xajelta ti avoꞌntone. \v 6 Acꞌo mi jech taje, pero oy to ta atojol ti lec ta xquile. Yuꞌun mu lecuc ta xavaꞌi ti cꞌu sꞌelan ta xchanubtasvanic ti jnicolaítaetique, ti chopol ta xquil eque. \v 7 Ti buchꞌu oy schiquine, acꞌo yaꞌi lec ti vaꞌi sꞌelan ta xal ti Chꞌul Espíritu ta stojol ti jchꞌunolajeletique. Ti buchꞌu ta stsal yuꞌun scotole ta xcacꞌbe sloꞌ ti sat teꞌe ti jaꞌ sventa cuxlejale ti tey teqꞌuel ti bu oy ti Diose”, ―xiyut. \s1 Jech ta xꞌalbat ti buchꞌu yichꞌoj ta sventa ti jchꞌunolajeletic ti oy ta Esmirnae \p \v 8 Jech laj yalbun xtoc ti Cajvaltique: \p ―Tsꞌibabo batel ta stojol ti buchꞌu yichꞌoj ta sventa ti jchꞌunolajeletic ti oy ta Esmirnae: “Jech ta xal ti Buchꞌu ti sliquebe ti spajebe, ti Buchꞌu icham ichaꞌcuxie: \v 9 Jnaꞌ lec scotol ti cꞌusi ta xapase. Ta xcojtiquin ti ameꞌunale, ti avocole, acꞌo mi oy acꞌulejal ta melel. Jnaꞌ lec ti ta xavichꞌ chopol-cꞌoptael yuꞌun ti buchꞌutic sbisoj sbaic ta jꞌisraeletique. Pero, ¡bu xata un ti jaꞌique! Jaꞌ yuꞌuntac ti pucuje. \v 10 Mu me xaxiꞌ yuꞌun ti avocol ti ta xcꞌot ta atojole. Oy jlom avuꞌunic ti ta xticꞌatic ta chuquel yuꞌun ti pucuje, yoꞌ jech ta xichꞌ qꞌuelel ti avoꞌntonique. Yuꞌun ta xavichꞌ avocolic lajuneb cꞌacꞌal. Pero junuc me avoꞌntonic xacham xalajique. Jech ti vuꞌune ta xcacꞌboxuc ti acuxlejalic ti jaꞌ amotonique. \v 11 Ti buchꞌu oy schiquine, acꞌo yaꞌi lec ti vaꞌi sꞌelan ta xal ti Chꞌul Espíritu ta stojol ti jchꞌunolajeletique. Ti buchꞌu ta stsal yuꞌun scotole, mu xa cꞌusi ta spasbat yuꞌun ti schibal velta chamebale”, ―xiyut. \s1 Jech ta xꞌalbat ti buchꞌu yichꞌoj ta sventa ti jchꞌunolajeletic ti oy ta Pérgamoe \p \v 12 Jech laj yalbun xtoc ti Cajvaltique: \p ―Tsꞌibabo batel ta stojol ti buchꞌu yichꞌoj ta sventa ti jchꞌunolajeletic ti oy ta Pérgamoe: “Jech ta xal ti Buchꞌu yichꞌoj ti jichꞌil espada ti chaꞌjot yee: \v 13 Jnaꞌ lec scotol ti cꞌusi ta xapase. Jaꞌ jech xtoc jnaꞌ lec ti tey nacalot ti bu ta spas mantal ti pucuje. Acꞌo mi jech taje, pero jun onoꞌox avoꞌnton ta jtojol. Mi jaꞌuc ichibaj avoꞌnton ta jtojol ti cꞌalal laj yichꞌ milel tey ta atojol ti lequil cajꞌabtel Antipase ti jaꞌ tey snacanoj sba ti pucuje. \v 14 Pero oy bu ta jta jaytos amul. Yuꞌun oy jlom avuꞌunic ti liꞌ ta Pérgamoe ti mu scꞌan ta xictaic comel ti cꞌu sꞌelan ichanubtasvan ti Balaame, ti jaꞌ laj sbijubtas ti Balaque, yoꞌ jech oy cꞌusi chopol ta spasbe ti jꞌisraeletique. Tey laj sta smulic cꞌalal laj slajesic smoton ti cꞌusi meltsanbil ta cꞌabale. Jaꞌ jech xtoc tey lic imulivajicuc. \v 15 Jaꞌ jech xtoc oy jlom avuꞌunic ti mu scꞌan ta xictaic ti cꞌu sꞌelan ichanubtasvan ti jnicolaítaetique, ti mu lecuc ta xquile. \v 16 Jech o xal un, jeltao me ti avoꞌntone. Yan ti mi mu jechuc ta xapase, ta ora noꞌox ta xital ta atojol. Ta jtsac ti espada ti oy ta que jtiꞌe, yoꞌ jech ta jcrontain ti buchꞌutic mu sjelta ti yoꞌntonique. \v 17 Ti buchꞌu oy schiquine, acꞌo yaꞌi lec ti vaꞌi sꞌelan ta xal ti Chꞌul Espíritu ta stojol ti jchꞌunolajeletique. Ti buchꞌu ta stsal yuꞌun scotole, ta xcacꞌbe sveꞌ ti maná ti chabibil leque. Jaꞌ jech xtoc, ta xcacꞌbe jun saquil ton. Ti tey ta tone, tey tsacbil jun achꞌ biil ti muꞌyuc buchꞌu xojtiquine. Jaꞌ noꞌox ta xojtiquin ti buchꞌu ta xichꞌe”, ―xiyut. \s1 Jech ta xꞌalbat ti buchꞌu yichꞌoj ta sventa ti jchꞌunolajeletic ti oy ta Tiatirae \p \v 18 Jech laj yalbun xtoc ti Cajvaltique: \p ―Tsꞌibabo batel ta stojol ti buchꞌu yichꞌoj ta sventa ti jchꞌunolajeletic ti oy ta Tiatirae: “Jech ta xal ti Snichꞌon Diose, ti Buchꞌu coꞌol sꞌelan leb cꞌocꞌ ti sate, ti xnobobet ti yoque coꞌol sꞌelan ti bronce ti lec cusbile: \v 19 Jnaꞌ lec scotol ti cꞌusi ta xapase. Ta xcojtiquin ti oy scꞌuxul avoꞌntone, ti achꞌunojune, ti avacꞌoj aba ta tunele, ti oy smucꞌul avoꞌntone. Jnaꞌ lec ti más to ep ta xaꞌabteje, ti jaꞌ mu sta ti ta sliquebe. \v 20 Pero oy bu ta jta jun amul. Yuꞌun lec ta xavaꞌi ti tey ta xavacꞌ chanubtasvanuc ti ants Jezabele ti ta xal ti ta xcꞌopoj ta sventa ti Diose. Pero ti cꞌu sꞌelan ta xchanubtasvane, jaꞌ noꞌox ta sloꞌla ti cajtuneltaque, yoꞌ jech ta xlic mulivajicuc, yoꞌ jech ta slajesic smoton ti cꞌusi meltsanbil ta cꞌabale. \v 21 Tey to jmalaoj ti acꞌo sjelta yoꞌnton ti ants taje. Pero mu scꞌan. Mi jaꞌuc ta xicta ti mulivajele. \v 22 Jech o xal tana un, mi mu xictaic ti cristianoetic ta spasel jech chac cꞌu chaꞌal ta spas ti antse, vuꞌun ta jventa ti ta xyal ta chamel ti puchꞌul ta xcom ta tem ti ants taje. Jaꞌ jech xtoc ta xichꞌ ep svocolic ti buchꞌutic ta xmulivajic schiꞌuque. \v 23 Jaꞌ jech xtoc yalabtac ti antse ta jtubbe scꞌoplalic. Jaꞌ yuꞌun un, tey ta xilic scotol ti jchꞌunolajeletique ti ta xcojtiquinbe yut yoꞌnton ti cꞌusi ta snopic ti cristianoetique. Ti jujunoxuc ti voꞌoxuque ta xcacꞌboxuc stojol ti cꞌu sꞌelan ti laj xa apasique. \v 24 Pero jlomoxuc ti cꞌu avepalic ti ta Tiatirae, ti muꞌyuc xchꞌunojic ti cꞌu sꞌelan ta xchanubtasvan ti antse, mi jaꞌuc scꞌan xojtiquinic ti echꞌem sbijil ti pucuj ta xalique, muꞌyuc cꞌusi yan mantal ta xcalbe. \v 25 Jaꞌ xa noꞌox ta jcꞌan ti junuc avoꞌntonic yuꞌun ti cꞌu yepal laj xa ataique jaꞌ to ti mi litale. \v 26 Ti buchꞌu ta stsal yuꞌun scotole, ti sjunul yoꞌnton ta spasolan ti cꞌusi ta scꞌan pasel ta xquile, ta xcacꞌbe ti ta spas ta mantal ti cristianoetique \v 27 jech chac cꞌu chaꞌal laj yacꞌbun cabtel ti Jtote. Tsots yabtelic ta spasic ta mantal ti cristianoetique coꞌol sꞌelan ti taqꞌuin ti cajal ta xcꞌot ta sba ti bine ti toj lilijel ta xcꞌote. \v 28 Jaꞌ jech xtoc ta xcacꞌbe yichꞌic ti mucꞌ ta cꞌanal ti ta xvinaj jujun sob icꞌlomane. \v 29 Ti buchꞌu oy schiquine, acꞌo yaꞌi lec ti vaꞌi sꞌelan ta xal ti Chꞌul Espíritu ta stojol ti jchꞌunolajeletique”, ―xiyut. \c 3 \s1 Jech ta xꞌalbat ti buchꞌu yichꞌoj ta sventa ti jchꞌunolajeletic ti oy ta Sardise \p \v 1 Jech laj yalbun xtoc ti Cajvaltique: \p ―Tsꞌibabo batel xtoc ta stojol ti buchꞌu yichꞌoj ta sventa ti jchꞌunolajeletic ti oy ta Sardise: “Jech ta xal ti Buchꞌu yichꞌoj ti Chꞌul Espíritu ti vuctos ti stalele, ti Buchꞌu oy ta scꞌob ti vucbej cꞌanale: Jnaꞌ scotol ti cꞌusi ta xapase. Acꞌo mi ta xalic acꞌoplal ti oy acuxlejal ta stojol ti Diose, pero jnaꞌ lec ti chamemote. \v 2 Tijo me ti achꞌulele. Jaꞌ jech xtoc, tucꞌulano xa me lec ti cꞌu yepal oy to avuꞌune, yuꞌun jutuc xa scꞌan xcham. Yuꞌun quiloj ti cꞌusi ta xapase. Mu lecuc ta sba ta sat ti Dios cuꞌune. \v 3 Uleso me ta avoꞌnton ti cꞌu sꞌelan laj avichꞌ chanubtasele. Jaꞌ me paso batel. Jaꞌ jech xtoc, jeltao me ti avoꞌntone. Yan ti mi mu xajulave, coꞌol to sꞌelan jꞌelecꞌ ta xital ta atojol ti mu xanaꞌ cꞌusi orae. \v 4 Acꞌo mi jech taje, pero liꞌ ta Sardise oy jlom avuꞌunic ti muꞌyuc sbonojic ta icꞌobal ti scꞌuꞌique. Ti stuquique yan noꞌox saquil ti scꞌuꞌic ta xchiꞌinicun ta xanobale. Jaꞌ ti jech onoꞌox ilocꞌ ta yoꞌntonique. \v 5 Ti buchꞌu ta stsal yuꞌun scotole, ta xꞌacꞌbat slapic ti saquil cꞌuꞌile. Mi jaꞌuc ta jtubbe ti sbiic ti oy ta libro ti jaꞌ sventa cuxlejale. Jamal ta xcalbe scꞌoplal ta stojol ti Jtote schiꞌuc ta stojol ti yajꞌángeltaque. \v 6 Ti buchꞌu oy schiquine, acꞌo yaꞌi lec ti vaꞌi sꞌelan ta xal ti Chꞌul Espíritu ta stojol ti jchꞌunolajeletique”, xiyut. \s1 Jech ta xꞌalbat ti buchꞌu yichꞌoj ta sventa ti jchꞌunolajeletic ti oy ta Filadelfiae \p \v 7 Jech laj yalbun xtoc ti Cajvaltique: \p ―Tsꞌibabo batel xtoc ta stojol ti buchꞌu yichꞌoj ta sventa ti jchꞌunolajeletic ti oy ta Filadelfiae: “Jech ta xal ti Buchꞌu stalel tucꞌ yoꞌnton ta melele, ti Buchꞌu oy ta scꞌob sllave ti ajvalil Davide, ti Buchꞌu ta sjame, muꞌyuc buchꞌu xu ta smac, ti Buchꞌu ta smaque, muꞌyuc buchꞌu xuꞌ ta sjam: \v 8 Jnaꞌ lec scotol ti cꞌusi ta xapase. Jamoj lec jun tiꞌna ta atojol ti muꞌyuc buchꞌu xuꞌ ta smaque. Acꞌo mi muꞌyuc lec avip, pero laj achꞌun ti jcꞌope, jun avoꞌnton ta jtojol. \v 9 Jech o xal un, vuꞌun ta jpas ta mantal ti ta snijan sbaic ta atojol ti cristianoetic ti buchꞌutic ventainbilic yuꞌun ti pucuje, ti ta xalic ti jaꞌic jꞌisraeletic ti cꞌalal maꞌuque, yoꞌ jech ta snaꞌic ti cꞌuxot o ta coꞌntone. \v 10 Ti jech muꞌyuc xchibaj avoꞌnton ti cꞌalal laj avichꞌ avocole, jech o xal un, ta jchabiot ti cꞌalal ta sta yorail ti ta xichꞌ svocolic scotol ti cristianoetic ti oy ta sjoylej ti banomile, yoꞌ jech ta xichꞌ qꞌuelbel ti yoꞌntonique. \v 11 Ta xital ta ora. Chabio me lec ti cꞌusi laj xa atae, yoꞌ jech muꞌyuc buchꞌu ta spojbot ti amotone. \v 12 Ti buchꞌu ta stsal yuꞌun scotole, vuꞌun ta xcacꞌ ti ta xcꞌot jech chac cꞌu chaꞌal yoyal stemplo ti Dios cuꞌune. Tey ta xcomic o. Jaꞌ jech xtoc tey ta jtsꞌibabe ta stojolic sbi ti Dios cuꞌune, sbi ti steclumal ti Dios cuꞌune, jaꞌ ti achꞌ Jerusalén ti ta xlic talel ta vinajel ta stojol ti Dios cuꞌune. Jaꞌ jech xtoc ta jtsꞌibabe ta stojolic ti achꞌ jbie. \v 13 Ti buchꞌu oy schiquine, acꞌo yaꞌi lec ti vaꞌi sꞌelan ta xal ti Chꞌul Espíritu ta stojol ti jchꞌunolajeletique”, ―xiyut. \s1 Jech ta xꞌalbat ti buchꞌu yichꞌoj ta sventa ti jchꞌunolajeletic ti oy ta Laodiceae \p \v 14 Jech laj yalbun xtoc ti Cajvaltique: \p ―Tsꞌibabo batel ta stojol ti buchꞌu yichꞌoj ta sventa ti jchꞌunolajeletic ti oy ta Laodiceae: “Jech ta xal ti Buchꞌu stalel jech oe, ti melel ti scꞌope, ti jaꞌ sliquebal scotol ti cꞌusi laj smeltsan ti Diose: \v 15 Jnaꞌ scotol ti cꞌusi ta xapase. Jnaꞌ lec ti maꞌuc cꞌocꞌote, ti maꞌuc sicꞌote. Jaꞌ toj lec ti sicꞌucote, ti cꞌocꞌucote. \v 16 Pero ti jech cꞌunyamanote, ti mi jaꞌuc sicꞌote, ti maꞌuc cꞌocꞌote, jech o xal un, ta jipot loqꞌuel ta jtojol. \v 17 Yuꞌun ta xavalbe aba ti jcꞌulejote, ti lec ataoj scotole, ti muꞌyuc palta ta xavaꞌie. Pero mu xavil ti toj abol abae, ti meꞌunote, ti maꞌsatote, ti tꞌanalote. \v 18 Jech o xal un, ta jbijubtasot, jaꞌ lec mano ta jtojol ti oro ti lec meltsanbil ta cꞌocꞌ ti lec cusbile, yoꞌ jech cꞌulejot ta melel. Jaꞌ jech xtoc, mano ta jtojol ti asaquil cꞌuꞌe, yoꞌ jech ta xamac aba ti toj qꞌuexlal sba ti jech tꞌanalote. Jaꞌ jech xtoc, mano spoxil asat ta jtojol, yoꞌ jech ta xjam lec ti asate. \v 19 Ti vuꞌune ta jvinajesbe smul, ta jtsits ti buchꞌu cꞌux ta xcaꞌie. Jech o xal un, junuc me avoꞌnton, jeltao ti avoꞌnton ta jtojole. \v 20 Qꞌuel avil, vaꞌalun ta xicꞌopoj ta tiꞌna. Mi oy buchꞌu ta xaꞌi ti jcꞌopojele, ti mi ta sjam ti stiꞌ snae, tey ta xiꞌoch ta sna, tey jun coꞌnton jmoj ta xive schiꞌuc. \v 21 Ti buchꞌu ta stsal yuꞌun scotole, ta xcacꞌbe spas mantal ti bu ta jpas mantale jech chac cꞌu chaꞌal ta jchiꞌin ta pas mantal ti Jtote, jaꞌ ti tsal xa cuꞌun scotole. \v 22 Ti buchꞌu oy schiquine, acꞌo yaꞌi lec ti vaꞌi sꞌelan ta xal ti Chꞌul Espíritu ta stojol ti jchꞌunolajeletique”, ―xiyut. \c 4 \s1 Jech ta ichꞌel ta mucꞌ ti Dios ti oy ta vinajele \p \v 1 Laj ti vaꞌi sꞌelane. Tsꞌacal to un, laj jqꞌuel ti jamal jun tiꞌna ti oy ta vinajele. Ati coꞌol to sꞌelan yechꞌomal corneta ti laj scꞌopon ta baꞌyele, jech laj yalbun: \p ―Muyan talel liꞌe. Ta xcacꞌbot avil ti cꞌusi tsꞌacal to ta xcꞌot ta pasele ―xi. \p \v 2 Ti jech taje, ta jech to yepal liventainat yuꞌun smucꞌul stsatsal ti Chꞌul Espíritue. Tey laj quil ta vinajel jun mucꞌ ta chotlebal. Ti tey ta mucꞌ ta chotlebale, tey laj quil ti oy Buchꞌu tey chotole. \v 3 Ati Buchꞌu tey chotol ta mucꞌ ta chotlebale coꞌol sꞌelan jun jaspe ton ti ta xacꞌ xojobale. Mi moꞌoje, jaꞌ ti cornalina tone. Ti ta sjoylej ti chotlebale, tey oy jun vacnacobal ti xlaplun ti xojobale coꞌol sꞌelan ti esmeralda tone. \v 4 Ti bu oy ti mucꞌ ta chotlebale, tey laj quil yan chanib schaꞌvinic (24) chotlebal ti joyol ta spat xocone. Taje, tey chotajtic chanib schaꞌvinic ta voꞌ moletic ti yan noꞌox yutsil saquil ti scꞌuꞌique, ti jaꞌ oro ti stronail sjolique. \v 5 Ti bu oy ti mucꞌ ta chotlebale, yan noꞌox sꞌelan xcꞌavlajet ti chauque. Xnoblajet noꞌox ta xlocꞌ talel ti sactsele. Ti ta stuqꞌuil yeloval ti mucꞌ ta chotlebale, tey ta xtil vucub leb cꞌocꞌ, ti jaꞌ smelol ti vuctos stalel ti Chꞌul Espíritu yuꞌun ti Diose. \v 6 Jaꞌ jech xtoc ti ta stuqꞌuil yeloval ti mucꞌ ta chotlebale, tey oy jun mucꞌ ta nab ti yax jipan yutsile. \p Ti ta jujot stiꞌil ti mucꞌ ta chotlebal ti oy ta oꞌlole, tey laj quil ti oy ti cꞌusi chanib cuxajtique, ti ep sat ta spat ta stiꞌbae. \v 7 Ti sliqueb ti cꞌusi cuxule coꞌol sꞌelan jcot ta leon. Ti schibal ti cꞌusi cuxule coꞌol sꞌelan jcot ta tot vacax. Ti yoxibal ti cꞌusi cuxule coꞌol sꞌelan sat vinic. Ti schanibal ti cꞌusi cuxule coꞌol sꞌelan jcot ta aguila ti xvilete. \v 8 Ti chanib ti cꞌusi cuxajtique oy vaquib xicꞌ jujunic. Jaꞌ jech xtoc ti cꞌusi chanib cuxajtique, noj ta sat ta yolon ta sba ti xiqꞌue. Cꞌacꞌal acꞌobal jech ta xalic: \q1 Chꞌul Dios, Chꞌul Dios, Chꞌul Dios, ti Cajval Diose. \q1 Scotol xuꞌ yuꞌun, ti stalel onoꞌox jech ta voꞌnee, ti avi tana liꞌe, ti ta to xtale, \m xi ta xalic. \p \v 9 Ti chanib cꞌusi cuxajtique, cꞌalal jujun velta ta xalbeic vocole, ti ta xichꞌic ta mucꞌ ti Buchꞌu chotol ta mucꞌ ta chotlebale, ti jaꞌ stalel cuxul sbatel osile, \v 10 jech ti chanib schaꞌvinic ta voꞌ moletique ta squejan sbaic ta stojol, ta xichꞌic ta mucꞌ ti Buchꞌu stalel o jech cuxul sbatel osile. Jaꞌ jech xtoc jech ta xalic ti cꞌalal ta xaqꞌuic batel ti stronail sjolic ta stojol ti Buchꞌu chotol ta mucꞌ ta chotlebale: \q1 \v 11 Cajval Dios cuꞌuncutic, toj yan noꞌox yutsil ti jech ichꞌbilot ta muqꞌue, \q1 ti jech ta xaꞌalbat ti yan avutsile, ti oy amucꞌul atsatsale. \q1 Yuꞌun voꞌot laj apas scotol ti cꞌusitic oye. \q1 Locꞌ iꞌayan ta avoꞌnton ti jech oy scotol ti cꞌusitic laj ameltsane, \m xiic. \c 5 \s1 Ti balbil vune schiꞌuc ti uni chije \p \v 1 Ti Buchꞌu chotol ta mucꞌ ta chotlebale, laj quil ti stsacoj ta sbatsꞌi cꞌob jun balbil vun ti tsꞌibabil ta yut ta spate, ti bajbil lec ta vucub selloe. \v 2 Jaꞌ jech xtoc laj quil jun tsatsal ángel ti jech tsots ta sjaqꞌue: \p ―¿Buchꞌu oy slequilal yoꞌ xuꞌ yuꞌun ta sjam ti libro liꞌe, jaꞌ jech xtoc ti ta sjatbe ti selloale? ―xi. \p \v 3 Pero mi jaꞌuc ti ta vinajele, mi jaꞌuc ti liꞌ ta sba banomile, mi jaꞌuc ti ta lajebale, ti oy buchꞌu ti oy slequilal yoꞌ xuꞌ yuꞌun ta sjam ti libroe. Mi jaꞌuc jun ti buchꞌu xuꞌ yuꞌun ta sqꞌuel ti cꞌusi ta xale. \v 4 Tey ep liꞌocꞌ. Yuꞌun muꞌyuc buchꞌu junucal ti oy slequilal yoꞌ xuꞌ yuꞌun ta sjam ta sqꞌuelel ti cꞌusi ta xale. \v 5 Jaꞌ yuꞌun un, jech laj yalbun ti jun mole: \p ―Mu xa xaꞌocꞌ más. Oy Buchꞌu laj xa stsal scotol yoꞌ xuꞌ yuꞌun ta sjame, ti xuꞌ yuꞌun ta sjatbe ti vucub selloale. Ati Buchꞌu xuꞌ yuꞌune, jaꞌ ti jun snitilul ti ajvalil Davide, ti jaꞌ snitilul xtoc ti Judae, ti coꞌol sꞌelan jcot ta leone ―xi. \p \v 6 Cꞌalal jech laj yale, jaꞌ o tey laj quil ti ta oꞌlol ti mucꞌ ta chotlebale, ti ta oꞌlol ti chanib cꞌusi cuxajtique, ti ta oꞌlol ti moletique, tey laj quil cotol jcot uni chij ti oy svinajeb ti laj yichꞌ milele. Ati uni chij taje, oy vucub xulub, vucbej sbecꞌ sat. Ati vucbej sbecꞌ sate, jaꞌ svinajeb ti vuctos stalel ti Chꞌul Espíritu yuꞌun ti Diose ti jaꞌ stacoj batel ti Dios ta sjoylej banomile. \v 7 Ti jcot ta uni chije jaꞌ ba stsac ti libro ti stsacoj ta sbatsꞌi cꞌob ti Buchꞌu chotol ta mucꞌ ta chotlebale. \v 8 Cꞌalal jech laj stsac ti libroe, jech ti chanib ti cꞌusi cuxajtique schiꞌuc ti chanib schaꞌvinic ta voꞌ ti moletique, tey lic squejan sbaic ta stojol ti jcot ta uni chije. Jujunic ti moletique oy yarpaic. Jaꞌ jech xtoc yichꞌojic batel yav acꞌal ti jaꞌ oroe, ti noj ta pome. Ti pom taje, jaꞌ smelol scꞌopojelic ti buchꞌutic yuꞌuntac ti Diose. \v 9 Jaꞌ jech ta sqꞌuejintaic jun achꞌ qꞌuejoj ti moletique: \q1 Voꞌot oy alequilal yoꞌ xuꞌ ta xajam ti libroe, ti ta xajatbe ti selloale. \q1 Yuꞌun laj avichꞌ milel. \q1 Yuꞌun laj amanuncutic ta achꞌul chꞌichꞌel yoꞌ jech licomcutic ta yuꞌun ti Diose, \q1 ti oyuncutic ta jujun lume, ti jujuchop ti jcꞌopcutique, \q1 ti oyuncutic ta sjoylej banomile. \q1 \v 10 Ta aventa voꞌot ti liꞌochcutic ta ajvalile ti ta paleale ta stojol ti Dios cuꞌuntique. \q1 Jaꞌ jech xtoc ta jpascutic mantal avuꞌun ta sba banomil, \m xiic. \p \v 11 Tsꞌacal to un, laj quil, laj caꞌi scꞌopojelic ti mu noꞌox albajuc ti ep ta mil ti ángeletique. Tey joyolic ta mucꞌ ta chotlebal schiꞌuc ti cꞌusi chanib cuxajtique, schiꞌuc ti moletique. \v 12 Ti ángeletique jech tsots ta xalic: \q1 Ati jcot ta uni chij ti laj yichꞌ milele, \q1 jaꞌ noꞌox oy slequilal ti jech ta xichꞌ ti smucꞌul stsatsale, \q1 ti scꞌulejale, ti sbijile, \q1 ti xuꞌ yuꞌune, ti lec scꞌoplale, ti muyubtabile, \m xiic. \p \v 13 Scotol ti cꞌusitic laj spas ti Dios ti oy ta vinajele, ti oy ta nabe, ti oy ta lajebale, laj caꞌi ti jech ta xal scotolique: \q1 Ti Buchꞌu chotol ta mucꞌ ta chotlebale schiꞌuc ti jcot ta uni chije, \q1 acꞌo yichꞌic ti jech ichꞌbilic ta muqꞌue, \q1 ti jech lec ti scꞌoplalique, ti jech yan yutsile, \q1 ti jech oy stsatsalique, ti jech xuꞌ yuꞌunique. \q1 Jechuc o sbatel osil, \m xiic. \p \v 14 Jaꞌ jech xtoc ti chanib ti cꞌusi cuxajtique jech laj yalic: \p ―Jechuc ―xiic. \p Jaꞌ jech xtoc ti chanib schaꞌvinic ta voꞌ ti moletique laj squejan sbaic ta yichꞌel ta mucꞌ ti Buchꞌu stalel cuxul sbatel osile. \c 6 \s1 Ti vucub selloe \p \v 1 Jech o xal un, ti jcot ta uni chije, laj quil ti laj sjat ti sliqueb sello ti yichꞌoj ti balbil vune. Cꞌalal jech laj spase, tey laj caꞌi ti coꞌol sꞌelan chaꞌuc ti scꞌopojel ti jun ti ta schanvoꞌalic ti cꞌusi cuxajtique. Jech laj yal: \p ―Laꞌ, qꞌuel avil ―xi. \p \v 2 Laj jqꞌuel, tey laj quil jun saquil caꞌ. Ti buchꞌu cajale, jaꞌ jun vinic ti yichꞌoj syolob. Tey laj quil ti iꞌacꞌbat stronail sjol yoꞌ jech staoj yav ta spas batel canal. \p \v 3 Cꞌalal laj sjat ti schibal sello ti jcot ta uni chije, jech laj caꞌi ti jech laj yal ti schibal ti cꞌusi cuxule: \p ―Laꞌ, qꞌuel avil ―xi. \p \v 4 Tey laj quil ti ilocꞌ talel jcot tsajal caꞌ. Ti buchꞌu cajale, iꞌacꞌbat stsatsal yoꞌ jech ta soques ti cristianoetique, yoꞌ jech ta smilan sbaic. Jaꞌ jech xtoc laj quil ti iꞌacꞌbat yichꞌ jun mucꞌ ta espadae. \p \v 5 Cꞌalal laj sjat ti yoxibal sello ti jcot ta uni chije, laj caꞌi ti jech laj yal ti yoxibal ti cꞌusi cuxule: \p ―Laꞌ, qꞌuel avil ―xi. \p Laj jqꞌuel, tey laj quil jun icꞌal caꞌ. Ti buchꞌu cajale stsacoj jun libra. \v 6 Laj caꞌi ti oy buchꞌu ta xcꞌopoj talel ti tey ta oꞌlol ta stojolic ti cꞌusi chanib cuxul ti jech ta xale: \p ―Jaꞌ noꞌox jun kilo trigo ta jun cꞌacꞌal abtel. Jaꞌ noꞌox oxib kilo cebada ta jun cꞌacꞌal abtel. Pero mu me xavixlan ti aceitee schiꞌuc ti vinoe ―xi. \p \v 7 Cꞌalal laj sjat ti schanibal sello ti jcot ta uni chije, jech laj yal ti schanibal ti cꞌusi cuxule: \p ―Laꞌ, qꞌuel avil ―xi. \p \v 8 Laj jqꞌuel, tey laj quil jun cꞌanal caꞌ. Ti buchꞌu cajale jaꞌ sbiinoj ti chamebale. Oy yan ti buchꞌu tey cajal talel ta spate ti jaꞌ sbiinoj lajebale. Tey iꞌacꞌbat stsatsal yoꞌ jech xuꞌ ta xacꞌ chamicuc oꞌlol jvoc ti ta oꞌlole ti cꞌu yepal oy ta sjoylej banomile, yoꞌ jech ta xchamic ta leto, yoꞌ jech ta xchamic ta viꞌnal, yoꞌ jech ta xchamic ta chamel, yoꞌ jech ta xchamic ta jtiꞌoval chonetic ti liꞌ ta banomile. \p \v 9 Cꞌalal laj sjat ti yoꞌobal sello ti jcot ta uni chije, laj quil ti ta yolon altare ti tey oy schꞌulelic ti buchꞌutic laj yichꞌic milel ta sventa scꞌop ti Diose. Yuꞌun jamal laj yalique. \v 10 Ti stuquique jech tsots ta xalic: \p ―Chꞌul Dios, ti atalel xcꞌot xacꞌopoje, ¿cꞌusi to ora ti ta xachapan ta xavacꞌbe stoj ti cristianoetic ti oyic ta sba banomil ti laj smiluncutique? ―xiic. \p \v 11 Jech o xal un, ti stuquique tey iꞌacꞌbat slapic saquil cꞌuꞌic. Tey iꞌalbatic xtoc ti acꞌo to xcux yoꞌntonic cꞌuc sjalile jaꞌ to ti mi icꞌot ta tsꞌaquiel jaꞌ to ti cꞌu to yepal ta xichꞌ milel ti yermanotaque, jaꞌ ti yajtuneltac ti Cristoe jech chac cꞌu chaꞌal laj yichꞌ milel ti stuquique. \p \v 12 Cꞌalal laj sjat ti svaquibal sello ti jcot ta uni chije, laj quil ti ilic jun mucꞌ ta niquele. Ti cꞌacꞌale icꞌub ta jmec coꞌol to sꞌelan jun icꞌal cꞌuꞌil. Ti ue tsajub ta jmec coꞌol to sꞌelan chꞌichꞌ. \v 13 Ti cꞌanaletic ti oy ta vinajele laj bajuc yalel talel ta banomil coꞌol sꞌelan ti yaxal sat icuxe ti ta xbaj ta banomil ti cꞌalal ta xlilinat yuꞌun ti tsots iqꞌue. \v 14 Ti vinajele sac chꞌay batel coꞌol sꞌelan jech chac cꞌu chaꞌal ta sbal sba echꞌel ti vune. Scotol ti vitsetique schiꞌuc ti banomil ti joyobtabil ta nabe laj yichꞌ loqꞌuesel batel ti bu to ox ti yavile. \v 15 Jech o xal un, ti ajvaliletic liꞌ ta sba banomile, ti jcꞌulejetique, ti banquilal soldadoetique ti tsots xuꞌ yuꞌunique, ti mosoviletique, ti maꞌuc mosoviletique, scotolic taje bat snacꞌ sbaic ta nail chꞌenetic, ta cꞌal tonetic ti oy ta vitsetique. \v 16 Jaꞌ jech xtoc scotolic jech ta xalbeic ti vitse, ti chꞌene: \p ―Loman talel ta jbacutic yoꞌ jech ta xanacꞌuncutic ta sba ta sat ti Buchꞌu chotol ta mucꞌ ta chotlebale schiꞌuc ti tsots castigo ti ta xacꞌ ti jcot ta uni chije. \v 17 Yuꞌun sta xa yorail ti tsots castigoe. ¿Buchꞌu xa ta xcuch yuꞌun? ―xiic. \c 7 \s1 Laj yichꞌ señailic ti lajchaꞌchop snitilul ti Israele \p \v 1 Laj taj une. Tsꞌacal to un, laj quil ti oy chanvoꞌ ángeletic ti vaꞌajtic ta jujot schiquin schanjotal ti banomile. Jaꞌ jech xtoc un, tey laj spajes ti iqꞌue yoꞌ jech muꞌyuc icꞌ ti ta banomile, ti ta nabe, yoꞌ jech mu xbacꞌ ta icꞌ ti teꞌetique. \v 2 Jaꞌ jech xtoc laj quil yan ángel ti ilocꞌ talel ta sloqꞌueb cꞌacꞌale, ti yichꞌojbe sello ti cuxul Diose. Ti ángel taje tsots laj yavta ti yan chanib ángeletic ti iꞌacꞌbat stsatsalic ta soquesel ti banomile, ti nabe. \p \v 3 Jech laj yal: \p ―Mu to xasoquesic ti banomile, ti nabe, ti teꞌetique, cꞌalal mu to cacꞌojbecutic señail ta stiꞌbaic ti yajtuneltac ti Dios cuꞌuntique ―xi. \p \v 4 Jech yepal laj caꞌi ti laj yichꞌic ti señailique, jaꞌ ciento cuarenta y cuatro mil (144,000) ta voꞌ ta scotol ti lajchaꞌchop snitilul ti Israele. \q1 \v 5 Ti snitilultac ti Judae 12,000 \q1 Ti snitilultac ti Rubene 12,000 \q1 Ti snitilultac ti Gade 12,000 \q1 \v 6 Ti snitilultac ti Asere 12,000 \q1 Ti snitilultac ti Neftalie 12,000 \q1 Ti snitilultac ti Manasese 12,000 \q1 \v 7 Ti snitilultac ti Simeone 12,000 \q1 Ti snitilultac ti Levie 12,000 \q1 Ti snitilultac ti Isacare 12,000 \q1 \v 8 Ti snitilultac ti Zabulone 12,000 \q1 Ti snitilultac ti Josee 12,000 \q1 Ti snitilultac ti Benjamine 12,000 \s1 Ep ti slapojic ti saquil cꞌuꞌile \p \v 9 Laj taj une. Tsꞌacal to un, laj quil ep ti cristianoetique ti oyic ta jujun banomile, ti jujutos stsꞌunobalique, ti jujutos ti scꞌopique, ti oyic ta jujun jteclume. Tey vaꞌajtic ta stojol ti Buchꞌu chotol ta mucꞌ ta chotlebale schiꞌuc ti jcot ta uni chije. Ep ta jmec ti cristianoetique. Muꞌyuc buchꞌu junucal xuꞌ ta xat ti cꞌu yepalique. Jaꞌ jech xtoc slapojic saquil cꞌuꞌic schiꞌuc xtoc stsacojic yanal xan. \v 10 Scotol tsots ta xꞌavanic ti jech ta xalique: \q1 Ati jech lijcolotique, \q1 jaꞌ yuꞌun ti Dios cuꞌuntic ti liꞌ chotol ta mucꞌ ta chotlebale schiꞌuc ti jcot ta uni chije, \m xiic. \v 11 Scotol ti ángeletic ti vaꞌajtic ta stsꞌel ti mucꞌ ta chotlebale, ta stsꞌel ti moletique, ta stsꞌel ti chanib ti cꞌusi cuxajtique, tey laj spatan sbaic ta banomil ta stsꞌel ti mucꞌ ta chotlebale. Tey laj yichꞌic ta mucꞌ ti Diose. \v 12 Jech laj yalic: \q1 Jechuc. Acꞌo yichꞌ muyubtael ti Dios cuꞌuntique. \q1 Acꞌo yichꞌ ti slequilale, ti sbijile, ti coliyal xꞌute, \q1 ti ichꞌbil ta muqꞌue, ti smucꞌule, ti stsatsale. \q1 Jechuc o sbatel osil ti Dios cuꞌuntique, \m xiic. \p \v 13 Oy jun ta scotol ti moletique jech laj sjacꞌbun: \p ―¿Buchꞌutic leꞌe ti slapojic ti saquil cꞌuꞌile? ¿Bu talemic? ―xi. \p \v 14 Jech laj calbe: \p ―Voꞌot xanaꞌ atuc ―xcut. \p Jech ti mole jech laj yalbun: \p ―Leꞌe, jaꞌic ti buchꞌutic ti cuch yuꞌunic ti svocolique. Laj xchuqꞌuic ti scꞌuꞌique, laj sacubtasic ta sventa schꞌichꞌel ti jcot ta uni chije. \v 15 Jech o xal un, liꞌ oyic ta stsꞌel ti bu chotol ti Diose. Cꞌacꞌal acꞌobal ta xacꞌ sbaic ta tunel liꞌ ta templo yuꞌun ti Diose. Jaꞌ yuꞌun un, ta xchabiatic yuꞌun ti Buchꞌu chotol ta mucꞌ ta chotlebale. \v 16 Mu xa xaꞌiic svocolic yuꞌun ti viꞌnale, ti taqui tiꞌile. Mu xa xlajic ta cꞌacꞌal. Mu xa cꞌusi ta spasbatic yuꞌun ti tsots cꞌacꞌale. \v 17 Yuꞌun ti jcot ta uni chij ti oy ta oꞌlol ti mucꞌ ta chotlebale, ta xchabi jech chac cꞌu chaꞌal ti chije. Tey ta xꞌicꞌatic batel ta sat voꞌ ti jaꞌ ta xacꞌ cuxlejale. Jaꞌ jech xtoc ta scusbat scotol ti yaꞌlel satic yuꞌun ti Diose ―xi. \c 8 \s1 Ti yucubal selloe schiꞌuc ti yav acꞌal ti jaꞌ oroe \p \v 1 Ti jcot ta uni chije, cꞌalal laj sjat ti yucubal sello ti yichꞌoj ti libroe, nopol oꞌlol ora tsꞌijil icom ti vinajele. \v 2 Tsꞌacal to un, laj quil ti iꞌacꞌbat jujun yoqꞌuesic ti vucub ángeletic ti vaꞌajtic ta stsꞌel ti Diose. \v 3 Tsꞌacal to un, tal yan ángel ti yichꞌoj talel yav acꞌal ti jaꞌ oroe. Tey laj svaꞌan sba ta stsꞌel ti altare. Tey iꞌacꞌbat ep ti pome, yoꞌ jech jmoj ta xacꞌ schiꞌuc ti scꞌopojelic ti buchꞌu yuꞌuntac ti Diose. Tey laj yacꞌ ta sba ti altar ti jaꞌ oroe, ti oy ta stsꞌel ti mucꞌ ta chotlebale. \v 4 Jech o xal un, schꞌayilal ti pome schiꞌuc scꞌopojelic ti buchꞌutic yuꞌuntac ti Diose, capal imuy batel ta stojol ti Diose ti ilocꞌ ta yav acꞌal ti xtuchoj ti ángele. \v 5 Jech ti ángele laj stsac ti yavil acꞌale. Laj snojes ta yacꞌalil cꞌocꞌ ti oy ta altare. Tey laj sjip yalel talel ta sba banomil. Ta jech to yepal xcꞌavlajet xa liquel, xvoꞌoꞌet xa ta jmec, xjaplajet xa liquel ti sactsele. Jaꞌ jech xtoc lic tsots mucꞌ ta niquel. \s1 Ti oqꞌuesetique \p \v 6 Jaꞌ jech xtoc ti vucub ángel ti yichꞌojic ti oqꞌuese, lic xchapan sbaic ta yoqꞌuisanel. \p \v 7 Ti ángel ti buchꞌu baꞌyel lic yoqꞌuisan ti yoqꞌuese, jaꞌ o tey ijipat yalel talel ta banomil ti bote capal ta cꞌocꞌ, capal ta chꞌichꞌ. Laj jun parte ti banomile. Chib parte ti lec icome. Jaꞌ jech xtoc laj jun parte ti teꞌetique. Chib parte ti lec icome. Laj jun parte ti yaxaltique. Chib parte ti lec icome. \p \v 8 Cꞌalal laj yoqꞌuisan yoqꞌues ti schibal ángele, jaꞌ o laj yichꞌ jipel bal ta nab coꞌol to sꞌelan jbej ta vits ti volibil ta cꞌoqꞌue. Jech o xal un, icꞌataj ta chꞌichꞌ jun parte ti nabe. Chib parte ti lec icome. \v 9 Jaꞌ jech xtoc scotol ti cꞌusitic cuxulic ta nabe laj jun parte. Chib parte ti lec icome. Jaꞌ jech xtoc ti barcoetique laj jun parte. Chib parte ti lec icome. \p \v 10 Cꞌalal laj yoqꞌuisan yoqꞌues ti yoxibal ángele, tey ibaj yalel talel ta vinajel jbej cꞌanal ti coꞌol to sꞌelan jchꞌob ta toje. Ti cꞌanal taje, buꞌyuc noꞌox ibaj ta jujun ucꞌum, ta jujun sat voꞌ. Isoc jun parte. Chib parte ti lec icome. \v 11 Ti cꞌanal taje, jaꞌ sbiinoj ti chꞌa ta jmeque. Jech o xal un, buꞌyuc noꞌox ti ucꞌume, ti sat voꞌe, jun parte chꞌaub. Chib parte ti lec icome. Ep ti cristianoetic ichamique ta scoj ti chꞌaub ti voꞌe. \p \v 12 Cꞌalal laj yoqꞌuisan yoqꞌues ti schanibal ángele, soc jun parte sat ti cꞌacꞌale. Chib parte ti lec icome. Jaꞌ jech xtoc ti ue soc jun parte. Chib parte ti lec icome. Jaꞌ jech xtoc ti cꞌanaletique soc jun parte. Chib parte ti lec icome. Jech o xal un, ti cꞌacꞌaltique, ti acꞌobaltique jutuc xa ta xacꞌ ti xojobale. \p \v 13 Tsꞌacal to un, laj quil ti xvilet jun ángel ti ta oꞌlol vinajele ti jech tsots ta xal laj caꞌie: \p ―¡Aaaay! ¡Mu chaꞌbel un! Abol sbaic ti cristianoetic ti nacajtic ta sba banomile cꞌalal ta xlic yoqꞌuisan yoqꞌuesic ti yan oxib ángeletique ―xi. \c 9 \p \v 1 Cꞌalal laj yoqꞌuisan yoqꞌues ti yoꞌobal ángele, laj quil ti ibaj yalel talel jbej cꞌanal ta vinajel cꞌalal to banomil icꞌot. Ti cꞌanale, iꞌacꞌbat sllavial ti xaꞌab ti muꞌyuc spajebe. \v 2 Tsꞌacal to un, laj sjambe stiꞌ ti xaꞌabe. Mu noꞌox albajuc ilocꞌ muyel talel chꞌayil ti coꞌol to sꞌelan schꞌayilal jun mucꞌ ta hornoe. Jaꞌ jech xtoc schꞌayilal ti xaꞌabe laj quil ti laj smacbe sat ti cꞌacꞌale schiꞌuc ti iqꞌue. \v 3 Ti ta chꞌayil taje, tey ilocꞌ talel cꞌulubetic ti ivil batel ta banomile. Ti cꞌulebetic taje iꞌacꞌbatic stsatsalic jech chac cꞌu chaꞌal xtiꞌvan ti tsec ti oy ta banomile. \v 4 Tey iꞌalbatic mantal ti mu soquesic ti yaxaletic ti oy ta banomile, mi jaꞌuc ti cꞌusi yoxique, mi jaꞌuc ti teꞌetique. Jaꞌ noꞌox xuꞌ ta xacꞌbeic svocol ti cristianoetic ti buchꞌutic muꞌyuc yichꞌojic sello yuꞌun ti Dios ta stiꞌbaique. \v 5 Pero muꞌyuc xꞌacꞌbatic permiso ti ta smilic ti cristianoetique. Jaꞌ noꞌox iꞌacꞌbatic permiso ti ta xacꞌbe yichꞌ svocolic voꞌob u ti cristianoetique. Ti scꞌuxul stiꞌben ti cꞌulube coꞌol sꞌelan jech chac cꞌu chaꞌal ta xtiꞌat ta tsec ti jun vinique. \v 6 Ti jech cꞌacꞌal taje, jech ti cristianoetique ta saꞌic ti bu xuꞌ ta xchamique, pero mu staic. Yoꞌntonuc chamicuc yaꞌiic, pero ta xnamaj batel ta stojol ti jech ta xchamique. \p \v 7 Ti cꞌulubetic taje coꞌol to sꞌelan caꞌetic ti chapanbilic ta sventa ti letoe. Oy stronail sjolic ti coꞌol to sꞌelan oro yilele. Coꞌol sꞌelan cristiano ti satique. \v 8 Natic sjolic jech chac cꞌu chaꞌal sjol antsetic. Ti stanal yeique coꞌol sꞌelan stanal ye ti leone. \v 9 Oy smaquic ti coꞌol sꞌelan taqꞌuin yilele. Ti xiqꞌuique yan noꞌox sꞌelan xcꞌululet coꞌol to sꞌelan epal caꞌ ti xjochoj batel ti carreta ti ta xtun ta sventa pas letoe. \v 10 Oy sneic jech chac cꞌu chaꞌal ti tsec ti oy yacuxe. Ti sneique oy stsatsal yoꞌ jech ta xacꞌbe yichꞌ svocolic voꞌob u ti cristianoetique. \v 11 Ti cꞌulubetic taje oy jun jpasmantal yuꞌunic, ti jaꞌ ti ángel ti sventainoj ti xaꞌabe. Ti ángel taje jaꞌ ti Abadone ti sbiinoj ta hebreo cꞌope. Yan ti sbi ta griego cꞌope jaꞌ Apolión. Ti smelole jaꞌ jmilvanej. \p \v 12 Jaꞌ jech iꞌechꞌ ti sliqueb vocole. Pero scꞌan to chib ta xtal ti vocole. \p \v 13 Cꞌalal laj yoqꞌuisan yoqꞌues ti svaquibal ángele, laj caꞌi ti oy buchꞌu icꞌopoj ti ta xlocꞌ talel ta oꞌlol schanjotal xulub schiquin ti altar ti jaꞌ oroe, ti oy ta stsꞌel ti Diose. \v 14 Jaꞌ jech xtoc ti buchꞌu ta xcꞌopoje jech laj yalbe ti svaquibal ángel ti stsacoj ti yoqꞌuese: \p ―Jituno ti chanib ángeletic ti chucajtic ta stiꞌil ti mucꞌ ta ucꞌum Eufratese ―xi. \p \v 15 Jaꞌ jech ijitunatic ti chanib ángeletique, yoꞌ jech ta xcꞌot ta pasel ti nopbil scꞌoplale ti scꞌacꞌalile, ti yuale, ti sjabilale, yoꞌ jech ta smilic jun parte ti cristianoetique. Chib parte ti lec icome. \v 16 Laj caꞌi ti cꞌu yepal ti yajsoldadotaque. Oy chib ciento millon (200,000,000) ti ta caꞌ ta xanavique. \p \v 17 Jaꞌ jech sꞌelan ti caꞌetic ti liꞌacꞌbat quile. Ti buchꞌu cajajtique laj quil ti macajtic ti stiꞌ yoꞌntonique. Oy oxtos ti sbone. Oy tsoj. Oy yox. Oy cꞌon. Jaꞌ jech xtoc ti caꞌetique coꞌol sꞌelan sjol leon ti sjolique. Ti ta yeique ta xlocꞌ talel cꞌocꞌ, chꞌayil, schiꞌuc azufre. \v 18 Buꞌyuc noꞌox laj chamicuc ti cristianoetique ta scoj ti vaꞌi sꞌelan oxtos ta xlocꞌ ta ye ti caꞌetique, ta scoj ti cꞌoqꞌue, ti chꞌayile, ti azufree. Ilajic jun parte ti cristianoetique. Chib parte ti lec icome. \v 19 Yuꞌun ti stsatsalic ti caꞌetic taje oy ta ye, oy ta sne. Yuꞌun ti sneique coꞌol sꞌelan jol chon. Jech o xal un, ta sneic noꞌox ta xaqꞌuic vocol. \p \v 20 Pero scomelal ti cristianoetic ti buchꞌutic muꞌyuc xchamic yuꞌun ti oxtos vocol taje, muꞌyuc xicta sbaic ta spasel ti chopole. Mi jaꞌuc laj yicta sbaic ta yichꞌel ta mucꞌ ti pucuje schiꞌuc ti cꞌusitic meltsanbil ta cꞌabale, ti pasbil ta oroe, ti pasbil ta broncee, ti pasbil ta tone, ti pasbil ta teꞌe, ti mu xꞌilvane, ti mu xaꞌi cꞌoponele, ti mu xanave. \v 21 Jaꞌ jech xtoc muꞌyuc xicta sbaic ta milvanej, ta acꞌ chamel. Staoj o yav ta xmulivajic, ta xꞌelcꞌajic. \c 10 \s1 Ti ángel ti stsacoj ti uni biqꞌuit libroe \p \v 1 Jaꞌ jech xtoc un, laj quil yan tsatsal ángel ti volibil ta toc iyal talel ta vinajele. Tey cotol talel vacnacobal ta sjol. Xojobin ti sate jech chac cꞌu chaꞌal ti cꞌacꞌale. Jaꞌ jech xtoc ti yacane coꞌol sꞌelan volibil ta cꞌocꞌ. \v 2 Tey stsacoj jun uni biqꞌuit libro ti jambile. Ti sbatsꞌi oque laj stecꞌan ta nab. Ti stsꞌet oque laj stecꞌan ta banomil. \v 3 Tsꞌacal to un, tsots iꞌavan jech chac cꞌu chaꞌal xꞌavan ti leone. Cꞌalal jech iꞌavane, jaꞌ o ivinaj scꞌopojelic ti vucub chauc ti xcꞌavlajet xae. \v 4 Cꞌalal jech icꞌopojic ti vucub chauque, ta ox jtsac ta vun ti cꞌusi laj yalique. Pero oy buchꞌu icꞌopoj talel ta vinajel ti jech laj yalbune: \p ―Mu xatsac ta vun ti cꞌusi laj yalic ti vucub chauque. Jech comuc o ―xi. \p \v 5 Ati ángel ti laj quil ti teqꞌuel yoc ta nab ta banomile, laj stoy muyel ta vinajel ti sbatsꞌi cꞌobe. \v 6 Tey laj svaꞌan ta rextigo ti Buchꞌu stalel o cuxule, ti Buchꞌu laj smeltsan ti vinajele, ti banomile, ti nabe, scotol ti cꞌusitic oye. Jech laj yal: \p ―Mu xa xjocꞌtsaj ti cꞌusi ta xcꞌot ta pasele. \v 7 Cꞌalal sta yorail ta xoqꞌuisan yoqꞌues ti yucubal ángele, jaꞌ ta xa xcꞌot ta pasel ti oy cꞌusi smacoj ti Diose jech chac cꞌu chaꞌal laj yalbe ti yajtuneltaque, ti jaꞌic ti yajꞌalcꞌoptaque ―xi. \p \v 8 Ati buchꞌu icꞌopoj ta vinajel ti laj caꞌie, lic xchaꞌcꞌoponun ti jech laj yalbune: \p ―Batan, ba tsaco ti uni biqꞌuit libro ti jambile, ti oy ta scꞌob ti ángel ti stecꞌoj ti nabe, ti banomile ―xi. \p \v 9 Jech o xal un, libat ta stojol ti ángele. Tey laj jcꞌanbe ti acꞌo yacꞌbun ti uni biqꞌuit libroe. Jech laj yalbun: \p ―Liꞌ oye. Lajeso. Ti jech ta xalajes ti libro liꞌe, jun yutsil schiꞌil ta xcom ta avee coꞌol sꞌelan schiꞌil ti ajapome. Pero ta xchꞌaub achꞌut yuꞌun ―xi. \p \v 10 Jech o xal un, ti vuꞌune laj jtsac ti uni biqꞌuit libro ti oy ta scꞌob ti ángele. Tey laj jlajes. Ta jech to yepal jun yutsil schiꞌil laj caꞌi ta que coꞌol to sꞌelan schiꞌil ti ajapome. Pero tsꞌacal to un, chꞌaub ti jchꞌut yuꞌune. \v 11 Tsꞌacal to un, oy buchꞌutic jech laj yalbeicun: \p ―Ta to xlic aval ti cꞌusi ta xal ti Dios ta stojol ti cristianoetic ti oyic ta jujun lume, ti ta jujun jteclume, ti jujutos ti scꞌopojelique, ti jujun ajvaliletique ―xi. \c 11 \s1 Ti chaꞌvoꞌ rextigoetique \p \v 1 Tsꞌacal to un, liꞌacꞌbat jun vara aj ti jaꞌ sbisobile. Jech liꞌalbat: \p ―Vaꞌlan, ba biso talel ti templo yuꞌun ti Diose. Jaꞌ jech xtoc ba biso talel ti altare. Ato talel xtoc ti cꞌu yepal ti buchꞌutic ta xichꞌic ta mucꞌ ti Dios teye. \v 2 Pero mu xabis yamaqꞌuil ti templo ti oy ta loqꞌuebale. Yuꞌun iꞌacꞌbatic xa ta yoc ta scꞌob ti jyanlumetique. Yuꞌun tey ta stecꞌolanic oꞌlol schanibal jabil ti chꞌul jteclume. \v 3 Tey ta jtac batel chib cajrextigo ti icꞌ scꞌuꞌ slapojique. Ta xcꞌopojic ta jventa jmil doscientos sesenta (1260) cꞌacꞌal ―xi. \p \v 4 Ati chib rextigo taje, jaꞌ smelol ti chaꞌtecꞌ olivo teꞌe schiꞌuc ti chib yav cantilae ti oy ta stojol ti yajval banomile. \v 5 Mi oy cꞌusi chopol ta scꞌan ta spasbatic yuꞌun ti cristianoetique, jech ti stuquique ta sloqꞌuesic cꞌocꞌ ta yeic yoꞌ jech ta xcꞌaqꞌuic ta jꞌechꞌel ti yajcrontae. Jaꞌ jech ta xchamic ti buchꞌutic oy cꞌusi chopol ta spasbeique. \v 6 Ti rextigoetic taje acꞌbil stsatsalic yoꞌ jech ta smaquic ti vinajele, yoꞌ jech muꞌyuc ta xacꞌ voꞌ ti cꞌu sjalil ta xcꞌopojic ta sventa ti Diose. Jaꞌ jech xtoc acꞌbil stsatsalic yoꞌ jech ta scꞌatajes ta chꞌichꞌ ti voꞌe. Ep ta tos xuꞌ yuꞌunic soquesel ti banomile ti jayib velta ta scꞌan xal ti yoꞌntonique. \v 7 Pero, cꞌalal mi tsuts yuꞌun ti yabtelique, jaꞌ o ta stsacatic ta stsalatic ta milel yuꞌun ti jtiꞌoval chon ti ta xlocꞌ talel ta xaꞌabe. \p \v 8 Ti sbecꞌtalique tey telel ta xcom ta calle ti ta mucꞌ ta jteclume, ti bu laj yichꞌ bajel ta cruz ti Cajvaltique. Jaꞌ jech xtoc xuꞌ ta xcacꞌbeic sbi ti jteclume jaꞌ ti Sodomae. Mi moꞌoje, jaꞌ ti Egiptoe. \v 9 Oꞌlol schanibal cꞌacꞌal ti telel ta xcom ti sbecꞌtalique. Jech o xal un, scotol ti cristianoetic ti ta jujun jteclume, ti ta jujun mucꞌtiquil lume, ti jutos ti scꞌopique, ta xilic ti tey telele. Mi jaꞌuc juteb ta xaqꞌuic ta muquel. \v 10 Jech o xal un, ti cristianoetic ti nacalic ta banomile xmuyubajic xa ti laj yilic ti jech ichamique. Stseꞌin xa ti yoꞌntonique. Jaꞌ jech xtoc ta xacꞌanbe sbaic matanal ti jech icham ti chaꞌvoꞌique, yuꞌun jaꞌ ti laj sta svocolic yuꞌun ti chaꞌvoꞌ viniquetic ti icꞌopojic ta sventa ti Diose. \v 11 Pero cꞌalal ista ti oꞌlol schanibal cꞌacꞌale, ichaꞌcuxesatic liquel yuꞌun ti Diose. Scotolic ti buchꞌutic laj yilique iꞌoch xiꞌel ta yoꞌntonic \v 12 Tsꞌacal to un, ti chib rextigoetique laj yaꞌiic ti oy buchꞌu tsots icꞌopoj ta vinajel ti jech laj yale: \p ―Muyanic talel liꞌe ―xi. \p Jech o xal un, volibil imuyic ta toc cꞌalal vinajel. Tey ilatic yuꞌun ti yajcrontataque. \v 13 Cꞌalal jech icꞌot ta pasele, ta jech to yepal ilic tsots mucꞌ ta niquel. Ililij ti jteclume. Jech o xal un, ilaj jun parte ti jteclume. Baluneb parte ti lec icome. Ilaj vucmil ti cristianoetic yuꞌun ti niquele. Scomelal ti cristianoetic ti cꞌu yepal ilaj ta niquele, ta xiꞌel lic snijan sbaic ta stojol ti Dios ti oy ta vinajele. \p \v 14 Jaꞌ jech iꞌech ti schibal vocole. Pero ta xa xtal ti yoxibal vocole. \s1 Ti yucubal oqꞌuese \p \v 15 Cꞌalal laj yoqꞌuisan yoqꞌues ti yucubal ángele, ivinaj ti oy buchꞌutic tsots ta xcꞌopojic ta vinajel ti jech ta xalique: \q1 Paj ti jech ta xventainvanic ti ajvaliletic liꞌ ta banomile. \q1 Jaꞌ xa ta xlic ventainvanuc ti Cajvaltic Diose schiꞌuc ti Cristo yuꞌune. \q1 Jaꞌ xa ta spasvan mantal sbatel osil, \m xiic. \v 16 Jech ti chanib schaꞌvinic ta voꞌ moletic ti chotajtic ta schotlebic ti ta stsꞌel ti bu chotol ti Diose, tey laj spatan sbaic ta lum yoꞌ jech ta xichꞌic ta mucꞌ ti Diose. \v 17 Jech laj yalic: \q1 Cajval Dios, scotol xuꞌ avuꞌun. \q1 Atalel ti cuxulot ta voꞌnee. \q1 Jechot o ta ora liꞌe. \q1 Jech onoꞌox ti ta to xatale. \q1 Colavalbuncutic ti laj avacꞌ ta ilel ti amucꞌul atsatsale. \q1 Yuꞌun lic xa apas mantal. \q1 \v 18 Ti cristianoetique yuꞌun soc ti sjolique. \q1 Pero icꞌot xa yorail ti ta xavacꞌbe castigoe. \q1 Jaꞌ jech xtoc yorail xa ta xachapan ti animaetique. \q1 Jaꞌ jech xtoc ti ta xavacꞌbe smotonic ti avajtuneltaque, \q1 ti buchꞌutic icꞌopojic ta aventae, ti buchꞌutic ti laj yichꞌot ta muqꞌue, \q1 manchuc mi yalel toyol ti sbijilique. \q1 Sta xa yorail ti ta xatubbe scꞌoplal ti jsoquesej- banomiletique, \m xiic. \p \v 19 Tsꞌacal to un, ijam ti templo yuꞌun ti Dios ti oy ta vinajele. Tey ivinaj ti scaxail trate ti tey ta temploe. Ta jech to yepal xjaplajet xa liquel ti sactsele. Mu noꞌox albajuc xvoꞌoꞌet. Xcꞌavlajet noꞌox ti chauque. Tal tsots niquel. Mu noꞌox albajuc tal bot. \c 12 \s1 Ti antse schiꞌuc ti jtiꞌoval chone \p \v 1 Tsꞌacal to un, jaꞌ o ivinaj jun mucꞌ ta señail ta vinajel. Tey ivinaj jun ants ti jaꞌ scꞌuꞌinoj ti cꞌacꞌale. Jaꞌ jech xtoc stecꞌoj ta yoc ti ue. Ti stronail sjole yichꞌoj lajcheb cꞌanal. \v 2 Ti ants taje tsots xꞌavet, yuꞌun liquem xa yorail scꞌuxul ti schꞌute ti ta xa svoqꞌues ti yole. \v 3 Tsꞌacal to un, jaꞌ o ivinaj yan señail ta vinajel. Tey ivinaj jun mucꞌ ta tsajal jtiꞌoval chon ti oy vucub sjole schiꞌuc lajuneb xulub. Oy stronail ta jujun sjol. \v 4 Ti chon taje laj squil talel ta sne jun parte ti cꞌanaletic ti ta vinajele. Laj sjip yalel talel ta banomil. Chib parte ti lec icome. Ti jtiꞌoval chon taje tey laj scotan sba ta stsꞌel ti ants ti ta xa svoqꞌues ti yole, yoꞌ jech ta stiꞌbe ta ora ti yol cꞌalal mi ivoqꞌue. \v 5 Jech ti antse laj svoqꞌues jun querem ti jaꞌ tsots ta spas ta mantal ti cristianoetique. Tsꞌacal to un, ti yole ipojbat, iꞌicꞌat muyel ta vinajel ta stojol ti Dios ti chotol ta mucꞌ ta chotlebale. \v 6 Jech ti antse ijatav batel ta xocol banomil ti bu chapanbil xa yuꞌun ti Diose yoꞌ tey ta xmalqꞌuinat jmil doscientos sesenta (1260) cꞌacꞌal. \p \v 7 Tsꞌacal to un, lic jun leto ti ta vinajele. Ti banquilal ángel Miguele schiꞌuc ti schiꞌiltaque lic stsaquic ta leto ti jtiꞌoval chone. Jaꞌ jech xtoc ti jtiꞌoval chone schiꞌuc ti schiꞌiltaque tsacvanic ta leto ec. \v 8 Pero ti stuquique muꞌyuc xcuch yuꞌunic ti letoe. Jech o xal un, laj xchꞌay ti yavilic ti oy ta vinajele. \v 9 Jech o xal un, ti mucꞌ ta tsajal jtiꞌoval chone ijipat loqꞌuel. Taje, jaꞌ ti chon ta voꞌnee, jaꞌ ti banquilal pucuje, ti jaꞌ Satanás sbie, jaꞌ ti buchꞌu ta sloꞌla scotol ti cristianoetic ti oy ta sjoylej banomile. Jech o xal ti stuque schiꞌuc ti schiꞌiltaque ijipatic yalel talel ta banomil. \p \v 10 Tsꞌacal to un, laj caꞌi ti oy buchꞌu tsots ta xcꞌopoj ta vinajel ti jech ta xale: \p ―Sta xa yorail ti coltaele. Yuꞌun ivinaj xa smucꞌul stsatsal ti ta spasvan ta mantal ti Dios cuꞌuntique schiꞌuc ti ta xichꞌ xa yabtel ti Cristo yuꞌune. Yuꞌun ijipat xa loqꞌuel ti jticꞌ-mulil yuꞌun ti quermanotique, ti jaꞌ cꞌacꞌal acꞌobal ta sticꞌbe smulic ta stojol ti Dios cuꞌuntique. \v 11 Pero ti quermanotique laj xa stsalic ta sventa schꞌichꞌel ti jcot ta uni chije schiꞌuc xtoc ti jamal laj yalic ti schꞌul cꞌope. Yuꞌun ti stuquique muꞌyuc xiꞌic yuꞌun ti mi ta xlajic ta milele. Yuꞌun chapalic xa acꞌo mi ta xchamic. \v 12 Muyubajanic ti voꞌoxuc ti oyoxuc ta vinajele. Pero jaꞌ toj abol sbaic ti buchꞌutic nacalic ta banomil schiꞌuc ta nabe. Yuꞌun capem xa yalel talel sjol ti pucuj ta stojolique. Jaꞌ ti snaꞌ lec ti mu xa jaluc ta xcom ti yoraile ―xi. \p \v 13 Cꞌalal laj yil ti mucꞌ ta tsajal jtiꞌoval chon ti ijipat yalel talel ta banomile, tey tijil batel ta spat ti antse ti buchꞌu laj svoqꞌues ti yole. \v 14 Pero jaꞌ jech xtoc ti antse iꞌacꞌbat chib mucꞌtic xicꞌ, ti jaꞌ xicꞌ ti xique, yoꞌ jech xuꞌ ta xvil batel ta xocol banomil, yoꞌ ta sqꞌuej sba batel nom ta stojol ti chone. Ti tey ta xocol banomile tey ta xmalqꞌuinat oꞌlol schanibal jabil. \v 15 Pero ti chon taje laj sjip loqꞌuel voꞌ ta ye. Jech laj spas jun mucꞌ ta ucꞌum yoꞌ jech ta xjoch batel ti antse. \v 16 Pero ti banomile laj scolta ti antse. Yuꞌun laj sjav sba. Jech laj yuchꞌ scotol ti mucꞌ ta ucꞌum ti laj sjip loqꞌuel ta ye ti mucꞌ ta tsajal jtiꞌoval chone. \v 17 Cꞌalal jech taj une, jech o xal ti mucꞌ ta jtiꞌoval chone más to icap sjol ta stojol ti antse. Jech o xal un, ba stsac ta leto snitilultac ti antse, jaꞌ ti buchꞌutic ta spasbeic smantal ti Diose, ti buchꞌutic jun yoꞌntonic yichꞌojic ta mucꞌ ti cꞌusi melel onoꞌox ti laj yal ti Jesucristoe. \c 13 \s1 Ti chib jtiꞌoval chone \p \v 1 Tey livaꞌi ti ta tiꞌ nabe. Tey laj quil ti ilocꞌ muyel talel ta nab jcot jtiꞌoval chon ti oy vucub sjole, ti oy lajuneb xulube. Oy stronail ti ta jujun xulube. Ti ta sjoltaque tey yichꞌoj jun biil ti ta scrontain ti Diose. \v 2 Ati jtiꞌoval chon ti laj quile coꞌol sꞌelan jun bolom. Ti yoc scꞌobe coꞌol sꞌelan yoc scꞌob ti osoe. Yan ti yee coꞌol sꞌelan ye ti leone. Ta stsatsal stuc ti mucꞌ ta tsajal jtiꞌoval chone schiꞌuc ti spasob mantale, schiꞌuc ti yichꞌoj tsots yabtele, laj yacꞌbe jelavel ti jtiꞌoval chon ti imuy talel ta nabe. \v 3 Ti jun ta scotol ti sjole oy syayijemal ti ta xcham schiꞌuque. Pero ti syayijemale icol. Jech o xal un, scotol ti cristianoetic ti ta sjoylej ti banomile tey elom laj yaꞌiic. Jech o xal un, laj stsꞌacliic batel ti jtiꞌoval chone. \v 4 Jech o xal un, ti cristianoetique tey laj yichꞌic ta mucꞌ ti mucꞌ ta tsajal jtiꞌoval chone, jaꞌ ti laj yacꞌbe yichꞌ yabtel ti jtiꞌoval chon ti imuy talel ta nabe. Jaꞌ jech xtoc ti stuquique laj yichꞌic ta mucꞌ ti jtiꞌoval chon ti jech laj yalique: \p ―¿Buchꞌu xa yan xuꞌ yuꞌun jech chac cꞌu chaꞌal ti chon liꞌe? ¿Buchꞌu xuꞌ ta stsal yuꞌun? ―xiic. \p \v 5 Jaꞌ jech xtoc iꞌacꞌbat permiso ti cꞌusiuc noꞌox chopol ta xlocꞌ ta yee, ti cꞌusiuc noꞌox ta xalolan ta stojol ti Diose. Jaꞌ jech xtoc iꞌacꞌbat permiso yoꞌ oy tsots yabtel oꞌlol schanibal jabil. \v 6 Jaꞌ jech sꞌelan laj spas ti jtiꞌoval chone: Chopol icꞌopojuc ta stojol ti Diose, ti ta stojol ti schꞌul bie, ti ta stojol ti schꞌul temploe, ti ta stojol ti buchꞌutic oyic ta vinajele. \v 7 Jaꞌ jech xtoc iꞌacꞌbat permiso yoꞌ jech ta stsal ta leto ti buchꞌu yuꞌuntac ti Diose. Jaꞌ jech xtoc iꞌacꞌbat permiso ti ta spas ta mantal ti cristianoetic ti oyic ta sjoylej banomile, ti jujuchop ti scꞌopique, ti jujun lume, ti jujun mucꞌtiquil lume. \v 8 Scotolic ti cristianoetic ti nacalic ta banomile laj yichꞌic ta mucꞌ ti jtiꞌoval chon taje. Jaꞌic ti buchꞌutic muꞌyuc tsacal ti sbiic ta libro sventa ti cuxlejal ti cꞌalal muꞌyuc to ox meltsajem ti banomile. Ati libro taje oy ta yoc ta scꞌob ti jcot ta uni chij ti jaꞌ ilaj ta milele. \p \v 9 Mi oy buchꞌu oy to schiquine, acꞌo yaꞌi lec. \v 10 Ti buchꞌu ta sticꞌ ta chuquel ti yane, jaꞌ jech ta xichꞌic tiqꞌuel ta chuquel ec. Ti buchꞌu ta xmilvan ta espadae, jaꞌ jech ta xichꞌ milel ta espada ec. Jech o xal un, ti buchꞌutic yuꞌuntac ti Diose, ta scꞌan ti xchꞌunojic leque, ti oy smucꞌul yoꞌntonique. \p \v 11 Tsꞌacal to un, laj quil yan jtiꞌoval chon ti ilocꞌ muyel talel ta banomile. Taje, oy chib xulub ti coꞌol sꞌelan xulub uni tot chije, pero ti scꞌopojele coꞌol sꞌelan scꞌopojel ti mucꞌ ta tsajal jtiꞌoval chone. \v 12 Jaꞌ jech xtoc coꞌol sꞌelan yabtel yichꞌoj jech chac cꞌu chaꞌal ti jtiꞌoval chon ti ilocꞌ talel ta nabe. Jech o xal un, ti stuque laj yacꞌ persa yoꞌ jech scotol ti cristianoetic ti nacalic ta banomile ti acꞌo yichꞌic ta mucꞌ ti jtiꞌoval chon ti icol ti syayijemal sjole. \v 13 Jaꞌ jech xtoc laj yacꞌ ta ilel sqꞌuelobiltac ti smucꞌul stsatsale. Laj yacꞌbe yil ta sba ta sat ti cristianoetique ti xuꞌ yuꞌun ta syales talel cꞌocꞌ ta vinajel cꞌalal to banomile. \v 14 Ta sventa ti cꞌusitic laj yacꞌ ta qꞌuelel ti iꞌacꞌbat permiso ti ta spas ta stojol ti jtiꞌoval chon ti ilocꞌ talel ta nabe, jech o xal un, ep laj sloꞌla ti cristianoetic ti nacalic ta banomile. Jaꞌ jech xtoc laj yal mantal ti acꞌo spasbeic slocꞌobbail ti jtiꞌoval chon ti yayijem ta espada ti sjole, pero ti icuxie. \v 15 Ti schibal jtiꞌoval chone iꞌacꞌbat stsatsal yoꞌ jech ta xacꞌbe scuxlejal ti slocꞌobbail ti baꞌyel jtiꞌoval chone, yoꞌ jech xuꞌ ta xcꞌopoj ti locꞌobbaile, yoꞌ jech xuꞌ ta xacꞌ ta milel scotolic ti buchꞌutic mu xichꞌic ta mucꞌ ti locꞌobbaile. \v 16 Pero maꞌuc noꞌox jech taje. Jaꞌ jech xtoc laj yal mantal ti acꞌo yichꞌic smarcail ta sbatsꞌi cꞌobic, mi ta stiꞌbaic, scotol ti cristianoetique, cꞌalal ta biqꞌuit mucꞌ, ti jcꞌulejetique, ti meꞌonetique, ti mosoviletique, ti maꞌuc mosoviletique. \v 17 Muꞌyuc buchꞌu xuꞌ ta xmanolajic, ta xchonilajic ti mi muꞌyuc yichꞌoj ti marcae, o sbi ti chone, o mi muꞌyuc yichꞌojbe snumeroal sbi ti chone. \v 18 Taje, jaꞌ noꞌox ti buchꞌu oy sbijile xuꞌ ta snopbe snumeroal ti jtiꞌoval chone. Yuꞌun ti numero taje, jaꞌ smelol sbi jun vinic. Ti numero yichꞌoje, jaꞌ seiscientos sesenta y seis (666). \c 14 \s1 Sqꞌuejojic ti ciento cuarenta y cuatro mil ta voꞌe \p \v 1 Tsꞌacal to un, laj jqꞌuel, tey laj quil ti cotol ta vits Sión ti jcot ta uni chije. Tey schiꞌuc ti ciento cuarenta y cuarto mil (144,000) ta voꞌ cristianoetic ti buchꞌutic yichꞌojic sbi ta stiꞌbaic ti jcot ta uni chije schiꞌuc xtoc sbi ti Stote. \v 2 Tsꞌacal to un, laj caꞌi ti oy cꞌusi xjumet ta vinajele ti coꞌol sꞌelan yechꞌomal ti epal ucꞌumetique, ti coꞌol sꞌelan yechꞌomal ti tsots chauque, ti coꞌol sꞌelan yechꞌomal ep jtij-arpaetic ti ta stij ti yarpaique. \v 3 Ti jtij-arpaetique tey ta sqꞌuejintaic jun achꞌ qꞌuejoj ta stojol ti Buchꞌu chotol ta mucꞌ ta chotlebale, ta stojol ti cꞌusi chanib cuxajtique, ta stojol ti moletique. Muꞌyuc buchꞌu xuꞌ ta xchan yuꞌun ti cꞌu sꞌelan ta xqꞌuejinique. Yuꞌun jaꞌ noꞌox ta snaꞌic sqꞌuejintael ti ciento cuarenta y cuatro mil (144,000) ta voꞌ ti buchꞌutic ti icoltaatic yuꞌun ti Dios ti liꞌ ta banomile. \v 4 Taje, jaꞌic ti buchꞌutic muꞌyuc laj soques sbaic schiꞌuc ti antsetique. Yuꞌun muꞌyuc laj sta smulic. Yuꞌun jaꞌ noꞌox tey ta stsꞌacliic batel ti buꞌyuc noꞌox ta xbat ti jcot ta uni chije. Jech o xal un, jaꞌ icꞌotic ta baꞌyel matanal ta stojol ti Diose, ta stojol ti jcot ta uni chije, ti jech icoltaat loqꞌuel ta stojol ti cristianoetique. \v 5 Yuꞌun muꞌyuc itabatic jutebuc ti ta sjutic ti cꞌope. Mi jaꞌuc juteb itabatic ti oy smulic ta stojol ti bu chotol ti Diose. \s1 Ti cꞌusi laj yalic ti oxib ángeletique \p \v 6 Tsꞌacal to un, laj quil yan ángel ti xvilet ta oꞌlol vinajele, ti oy ta scꞌob ti colebal cꞌop ti mu snaꞌ xlaj sbatel osile, yoꞌ jech ta xalbe yaꞌi ti cristianoetic ti nacalic ta banomile, ti oyic ta jujun mucꞌtiquil lume, ti jujutos ti stsꞌunobalique, ti jujuchop ti scꞌopique, ti oyic ta jujun lume. \v 7 Jech tsots ta xal: \p ―Xiꞌtaic ti Diose. Muyubtaic. Yuꞌun sta xa yorail ti ta xchapanvane. Ichꞌic ta mucꞌ ti Buchꞌu laj spas ti vinajele, ti banomile, ti nabe, ti sat voꞌetique ―xi. \p \v 8 Tsꞌacal to un, tal yan ángel ti jech laj yale: \p ―Yal xa ta lum, yal xa ta lum ti mucꞌ ta Babiloniae. Yuꞌun laj xa syacubtas ta pox scotol ti cristianoetic ti oyic ta sjoylej banomil yuꞌun ti scꞌupijel yoꞌntonique ―xi. \p \v 9 Tsꞌacal to un, tal yoxibal ángel ti jech tsots ta xale: \p ―Mi oy buchꞌu ta xichꞌic ta mucꞌ ti jtiꞌoval chone, ti slocꞌobbaile, jaꞌ jech xtoc mi ta xacꞌ sbaic ta yichꞌel smarcail mi ta scꞌob o mi ta stiꞌbaique, \v 10 tey ta xichꞌic ti tsots castigo ti ta xlic talel ta stojol ti Diose, jaꞌ ti tsots ilinem ta stojolique. Ti stuquique, ta sba ta sat ángeletic yuꞌun ti Diose schiꞌuc ti jcot ta uni chije, ta xichꞌic svocolic ta cꞌocꞌ ta azufre. \v 11 Schꞌayilal ti cꞌocꞌ ti bu ta xichꞌ ti svocolique sbatel osil tey xtomtun ta xmuy batel. Cꞌacꞌal acꞌobal muꞌyuc cux oꞌnton yuꞌunic ti buchꞌutic ta xichꞌic ta mucꞌ ti jtiꞌoval chone, ti slocꞌobbaile, o mi ta xichꞌic smarcail sbi ti chone. \v 12 Jech o xal xtoc un, scꞌan ti mu xchibaj yoꞌntonic ti buchꞌutic yuꞌuntac ti Diose, ti ta spasbeic smantal ti Diose, ti jun yoꞌnton ta stojol ti Jesuse ―xi. \p \v 13 Tsꞌacal to un, laj caꞌi ti oy buchꞌu ta xcꞌopoj talel ta vinajel ti jech laj yalbune: \p ―Tsaco me ta vun liꞌe: “Jaꞌ liꞌ ta xlic batel ti jun noꞌox yutsilic ti jchꞌunolajeletic yuꞌun ti Cajvaltic ti ta xchamique”, ―xi. \p ―Melel ―xi ti Chꞌul Espíritue. ―Yuꞌun ti stuquique ta xa xcux yoꞌntonic yuꞌun ti yabtelique. Yuꞌun muꞌyuc chꞌaybil ti cꞌusi lec laj xa spasique ―xi. \s1 Stsobel ti tsꞌunobaletic ti oy ta banomile \p \v 14 Tsꞌacal to un, laj jqꞌuel, tey laj quil jun saquil toc. Ti ta sbae oy buchꞌu tey chotol ti coꞌol sꞌelan cristianoe. Oy stronail sjol ti jaꞌ oroe. Stsacoj jun joz ti lec yee. \v 15 Ilocꞌ talel yan ángel ti ta temploe, ti jech tsots laj yavta ti buchꞌu chotol ta ba toque: \p ―Liqueso stuchꞌel, jaꞌ jech xtoc, tsobo ti tsꞌunobale. Sta xa yorail. Yuꞌun yij xa ti tsꞌunobal ta banomile ―xi. \p \v 16 Jech ti buchꞌu chotol ta ba toque laj sliques stuchꞌel ti tsꞌunobal ti oy ta sjoylej banomile. Tey laj stsob ti tsꞌunobal ti oy ta banomile. \p \v 17 Tsꞌacal to un, ilocꞌ talel yan ángel ti ta templo ti oy ta vinajele. Tey stsacoj batel xtoc jun joz ti lec yee. \v 18 Tsꞌacal to un, ilocꞌ talel jun ángel ti ta altare, ti xuꞌ yuꞌun ta spas ta mantal ti cꞌoqꞌue. Jech tsots laj yavta ti jun ángel ti buchꞌu yichꞌoj ti joz ti lec yee: \p ―Liqueso stuchꞌel ti uvae ta sventa ti joz ti lec yee. Jaꞌ jech xtoc, tsobo jujuvoj uva ti oy ta sjoylej banomile. Yuꞌun tocon xa ―xi. \p \v 19 Jech ti ángele laj sliques stuchꞌel ti uva ti oy ta sjoylej banomile. Jaꞌ jech xtoc laj stsob ti uva ti oy ta banomile. Tey laj sjip ochꞌel ta jun mucꞌ ta yavil ti bu ta xichꞌ pitsꞌele. Taje, jaꞌ smelol ti tsots castigo ta xlic talel ta stojol ti Diose. \v 20 Ti uva taje tey laj yichꞌ pitsꞌel ta stiꞌil ti jteclume. Ti ta yavil ti bu ta xichꞌ pitsꞌele locꞌ talel chꞌichꞌ. Oxib ciento kilómetro bein batel ti chꞌichꞌe. Ti staileje itabat spreno ye ti caꞌe. \c 15 \s1 Ti ángeletic ti oy ta scꞌobic ti slajeb vuctos vocole \p \v 1 Ti ta vinajele laj quil yan mucꞌ ta señail ti labal sbae. Tey laj quil yan vucub ángel ti oy ta scꞌob ti slajeb vuctos vocole, ti jaꞌ xa slajeb scotol scꞌacꞌal yoꞌnton ti Diose. \p \v 2 Laj quil xtoc jun nab ti coꞌol sꞌelan nen ti capal ta cꞌoqꞌue. Ti buchꞌutic laj stsalic ti jtiꞌoval chone, ti slocꞌobbaile, jaꞌ jech xtoc ti muꞌyuc xichꞌic snúmeroal sbi ti chone, tey vaꞌajtic ta stsꞌel ti nab ti coꞌol sꞌelan ti nene. Jaꞌ jech xtoc oy yarpaic ti jaꞌ iꞌacꞌbatic yuꞌun ti Diose. \v 3 Jaꞌ ta sqꞌuejintaic sqꞌuejoj ti Moisese ti jaꞌ yajtunel ti Diose, schiꞌuc sqꞌuejoj ti jcot ta uni chij ti jech ta xale: \q1 Scotol ti cꞌusi laj xa apase, mu noꞌox albajuc smucꞌul yutsil, Cajval Dios, ti scotol xuꞌ avuꞌune. \q1 Scotol ti cꞌusi ta xapase, tucꞌ, lec, ti voꞌot Ajvalilot yuꞌun sjoylej ti banomile. \q1 \v 4 ¿Buchꞌu ti mu ta xiꞌtaote, Cajval? \q1 ¿Buchꞌu ti mu ta xalbot ti alequilale? \q1 Yuꞌun voꞌot noꞌox ti Chꞌul Diosote. \q1 Scotol ti cristianoetic ti oy ta sjoylej banomile ta xtal yichꞌot ta mucꞌ, \q1 yuꞌun laj xa yilic ti lec ti cꞌusi ta xapase, \m xiic. \p \v 5 Tsꞌacal to un, laj jqꞌuel, tey laj quil ti ijam ti templo ti oy ta vinajele, ti bu qꞌuejbil ti pech pech ton ti jaꞌ tey tsꞌibabil ti mantaletique. \v 6 Ti ta temploe, tey iloqꞌuic talel yan vucub ángel ti jaꞌ yichꞌojic ti vuctos vocole. Yan noꞌox yutsil xlaplun saquil ti scꞌuꞌ slapojique. Jaꞌ jech xtoc jutuc xa mu ta xmacbat stiꞌ yoꞌntonic ta schuquic ti jaꞌ oroe. \v 7 Tsꞌacal to un, oy jun ti ta schanibal ti cꞌusi cuxule tey laj yacꞌbe jujun bis ti jaꞌ oroe ti vucub ángele. Ti jujun bise noj ta tsots castigo ti liquem talel ta stojol ti Diose, ti Buchꞌu stalel cuxul sbatel osile. \v 8 Ti tey ta temploe inoj ta chꞌayil ti ilocꞌ talel ta sventa smucꞌul stsatsal ti Diose. Jech o xal un, muꞌyuc buchꞌu xuꞌ ta xꞌochic batel tey jaꞌ to ti mi echꞌ scotol ti vuctos vocol ti yichꞌojic batel ti vucub ángele. \c 16 \s1 Ti castigo ti oy ta bise \p \v 1 Tsꞌacal to un, laj caꞌi ti oy buchꞌu tsots ta xcꞌopoj ti ta xlocꞌ talel ta templo ti jech ta xalbe ti vucub ángeletique: \p ―Batanic, ba xocobtasic ti sbel abisic ti laj avichꞌique. Ba taniic yalel ta banomil ti tsots castigo ti liquem talel ta stojol ti Diose ―xi. \p \v 2 Jech o xal un, ti jun ángele ilocꞌ batel. Bat smal yalel ti sbel sbis ta sba banomile. Jech o xal un, scotol ti cristianoetic ti buchꞌutic yichꞌoj smarcail ti jtiꞌoval chone, ti laj yichꞌic ta mucꞌ ti slocꞌobbaile, scotolic taje tey ilic chin ta sbecꞌtalic ti yan sba ti scꞌuxule. \p \v 3 Ti schibal ángele laj smal yalel ta nab ti sbel sbise. Jech ti nabe icꞌataj jech chac cꞌu chaꞌal schiꞌichꞌel anima. Jech o xal un, laj chamicuc scotol ti cꞌusi cuxajtic ta nabe. \p \v 4 Ti yoxibal ángele laj smal yalel ti sbel sbis ta ucꞌumetic ta sat voꞌetic. Tey icꞌataj ta chꞌichꞌ scotol. \v 5 Tsꞌacal to un, laj caꞌi ti jech laj yal ti ángel ti buchꞌu sventainoj ti voꞌe: \p ―Jun avutsil ti jech ta xachapanvane, Cajval, Chꞌul Dios, ti atalel ti jech oyot onoꞌoxe, ti oyot avi tana liꞌe. \v 6 Yuꞌun ti stuquique laj smalbeic schꞌichꞌelic ti buchꞌutic tꞌujbil avuꞌune schiꞌuc xtoc ti buchꞌutic icꞌopojic ta aventae. Avi tana un, jaꞌ xtunic o ti ta xavacꞌbe yuchꞌic chꞌichꞌe ―xi. \p \v 7 Laj caꞌi xtoc ti oy buchꞌu jech ta xal ti ta xlic talel ta altare: \p ―Jech ta melel, Cajval Dios, ti scotol xuꞌ avuꞌune. Tucꞌ laj xa achapan scotol ―xi. \p \v 8 Ti schanibal ángele laj smal ti sbel sbis ta sba ti cꞌacꞌale. Jech o xal un, iꞌacꞌbat stsatsal ti cꞌacꞌale, yoꞌ jech xuꞌ ta xchicꞌ ta scꞌacꞌal ti cristianoetique. \v 9 Scotolic tsots icꞌaqꞌuic ta jmec. Pero mi jaꞌuc laj sjelta ti yoꞌntonique. Mi jaꞌuc laj slequil-cꞌoponic ti Diose. Cꞌajomal noꞌox chopol ti cꞌusitic ta xlocꞌ ta yeic ti cristianoetic ta stojol ti Diose cꞌalal oy ta scꞌob ti jech ti vocole. \p \v 10 Ti yoꞌobal ángele laj smal ti sbel sbis ta sba ti bu chotol ta spas mantal ti jtiꞌoval chon ti ilocꞌ talel ta nabe. Jech o xal un, icꞌub scotol ta jmec ti bu ta spas mantale. Ti cristianoetique ta xcux ti yeic yuꞌun ti scꞌuxule. \v 11 Pero mi jaꞌuc laj yicta sbaic ta spasolanel ti cꞌusitic chopole. Cꞌajomal noꞌox chopol ti cꞌusi locꞌ ta yeic ta stojol ti Dios ti oy ta vinajele ta scoj ti mu xꞌechꞌ svocolic yuꞌun yipal ti chine. \p \v 12 Ti svaquibal ángele laj smal ti sbel sbis ta sba ti mucꞌ ta ucꞌum Eufratese. Jech o xal un, ti ucꞌume itaquij yoꞌ jech jamal sbeic ch-echꞌic ti reyetic ti ta xliquic talel ta sloqꞌueb cꞌacꞌale. \p \v 13 Jaꞌ jech xtoc un, laj quil ti ilocꞌ jujucot rana ta ye ti mucꞌ ta tsajal jtiꞌoval chone, ta ye ti jtiꞌoval chon ti ilocꞌ talel ta nabe, ta ye xtoc ti jloꞌlavanej jꞌalcꞌope. \v 14 Taje, jaꞌ ti pucujetique ti laj yaqꞌuic ta ilel ti tsots xuꞌ yuꞌunique. Jaꞌ jech xtoc ti pucujetique iloqꞌuic batel ta stsobel talel ti jujun reyetic ti oyic ta sjoylej banomile, yoꞌ jech ta spasic ti mucꞌ ta letoe, ti jun cꞌacꞌal ti nopbil yuꞌun ti Dios ti scotol xuꞌ yuꞌune. \v 15 Oy Buchꞌu ta xcꞌopoj ti jech ta xale: \p ―Bijanic me, yuꞌun yicꞌal chꞌayal avoꞌntonic ta xital jech chac cꞌu chaꞌal ti jꞌeleqꞌue. Yan noꞌox yutsil ti buchꞌu yichꞌoj sba ta cꞌacꞌale, ti xchapanoj xa sba schiꞌuc ti scꞌuꞌe, yoꞌ jech mu xacꞌ sba ta qꞌuexlal ti jech tꞌanal ta xanav ta stojol ti cristianoetique ―xi. \p \v 16 Tey laj stsob sbaic ti ajvaliletic ti ta banomil Armagedón sbi ti ta hebreo cꞌope. \p \v 17 Ti yucubal ángele laj smal ti sbel sbis ta stojol ti iqꞌue. Oy Buchꞌu tey oy ta chotlebal ti oy ta templo ti ta vinajele ti jech tsots ta xale: \p ―Cꞌot xa ta pasel ―xi. \p \v 18 Jech o xal un, xjaplajet xa liquel ti sactsele. Mu noꞌox albajuc xvoꞌoꞌet xa, xcꞌavlajet xa ti chauque. Jaꞌ jech xtoc ti banomile tsots inic ta niquel. Sba velta ti jech tsots inique. Jaꞌ mu sta ti yan niquel ti echꞌ liꞌ ta sba banomile. \v 19 Tey ipas ta oxjav ti mucꞌ ta jteclume. Jaꞌ jech xtoc ti jteclumetic ti oy ta sjoylej banomile laj lomanuc yalel. Jech ti Diose tey laj svules ta yoꞌnton ti mucꞌ ta jteclum Babiloniae, yoꞌ jech ta xacꞌbe yuchꞌic ti poxe, ti jaꞌ ti castigo ti laj stac talel ta scapemal sjole. \v 20 Scotol ti banomil ti joyobtabil ta nabe, ti vitsetique, tey isac chꞌay batel. \v 21 Jaꞌ jech xtoc yal tal bot ta vinajel ti icꞌot ta sbaic ti cristianoetique, ti nopol chaꞌvinic kilo ti yalal jujubeje. Jech o xal un, ti cristianoetique toj echꞌem noꞌox chopol icꞌopojic ta stojol ti Diose ta scoj ti tsots vocol ti ta xichꞌic yuꞌun ti bote. \c 17 \s1 Scastigo ti mucꞌul jmulivajel antse \p \v 1 Tsꞌacal to un, oy jun ti ta yucubal ti ángele ti stsacoj ti bise ti jech laj yalbune: \p ―Laꞌ liꞌe, ta xcacꞌbot avil ti cꞌu sꞌelan ta xichꞌ castigo ti ants ti ta xchon sbae ti chotol ta sba ti nabe. \v 2 Yuꞌun imulivajic schiꞌuc ti ajvaliletic ti oyic ta banomile. Jaꞌ jech xtoc scotol ti jnaclejetic ta banomile iyacubic schiꞌuc ti pox ti jaꞌ scꞌupijel yoꞌnton ti antse ―xi. \p \v 3 Cꞌalal laj yacꞌbun quil ti Chꞌul Espíritu ti vaꞌi sꞌelan taje, tsꞌacal to un, laj quil ti yicꞌojun batel ta xocol banomil ti ángele. Cꞌalal tey oyune, tey laj quil jun ants ti cajal ta sba jun mucꞌ ta tsajal jtiꞌoval chone. Scotol sbecꞌtal tey tsacajtic sbitac ti oy cꞌusi chopol ta xal ta stojol ti Diose. Jaꞌ jech xtoc oy vucub sjol schiꞌuc lajuneb xulub. \v 4 Ti ants taje, nichimtic noꞌox slapoj ti scꞌuꞌe ti icꞌ icꞌ losantic sba stsajale schiꞌuc tsoj. Jaꞌ jech xtoc pixil ta natsꞌil ti yoc scꞌobe, ti oroe, ti ton ti yan yutsile, ti perlae. Jaꞌ jech xtoc stsacoj jun bis ti jaꞌ oroe, ti noj ta cꞌusitic chopole, jaꞌ ti chopol scꞌupijel yoꞌntone. \v 5 Jaꞌ jech xtoc tey tsꞌibabil jun biil ta stiꞌba ti vocoltic ta aꞌibel ti smelol ti jech ta xale: “Jaꞌ ti mucꞌ ta Babiloniae, smeꞌic ti jmulivajeletique schiꞌuc scotol ti cꞌusi chopol ta banomile”, xi. \v 6 Tsꞌacal to un, ti ants taje, laj quil ti ta xyacub yuꞌun schꞌichꞌeltac ti buchꞌutic yuꞌuntac ti Diose schiꞌuc schꞌichꞌeltac xtoc ti buchꞌutic laj yichꞌic milel ta sventa ti jamal laj yalbeic scꞌoplal ti Jesuse. Cꞌalal jech laj quile, tey chꞌayal cꞌot coꞌnton yuꞌun. \v 7 Jech o xal un, ti ángele jech laj yalbun: \p ―¿Cꞌu chaꞌal tey chꞌayal cꞌot avoꞌnton yuꞌun? Ta xcacꞌbot anaꞌ smelol scꞌoplal ti ants leꞌe schiꞌuc smelol scꞌoplal ti tsajal jtiꞌoval chon ti scajlebinoje ti oy vucub sjole schiꞌuc ti lajuneb xulube. \v 8 Ti tsajal jtiꞌoval chon ti laj avile, jaꞌ jun ti cuxul to ox ta voꞌnee. Pero ta ora tana un, chꞌabal xa. Acꞌo mi chꞌabal xa, pero ta xlocꞌ talel ta xaꞌab ti cꞌalal mu to ta xcham oe. Jech o xal un, ti cristianoetic ti nacalic ta banomile, ti buchꞌu muꞌyuc tsacbil ti sbiic ta libro sventa cuxlejal ti cꞌalal lic meltsajuc talel ti banomile, tey chꞌayal ta xcꞌot yoꞌntonic cꞌalal ta xilic ti tsajal jtiꞌoval chon ti ta xacꞌ sba iluc yan velta ti cꞌalal chamem xae. \p \v 9 ’Liꞌe, jaꞌ noꞌox xuꞌ ta xaꞌibeic smelol ti buchꞌutic oy sbijilique. Ti vucub sjole, jaꞌ smelol ti vucub vits ti bu chotol ti antse. \v 10 Jaꞌ jech xtoc ti vucub sjole, jaꞌ smelol xtoc vucub ajvaliletic. Voꞌob ti ajvaliletique yalic xa ta lum. Oy jun yuꞌunic ti yacal ta spas mantal avi tana liꞌe. Ti yan ajvalile muꞌyuc to vulem ta loqꞌuel. Cꞌalal mi vul ta loqꞌuele, mu xa jaluc ta spas mantal. \v 11 Ti tsajal jtiꞌoval chon ti cuxul to ox ta voꞌnee, pero ti chꞌabal xa avi tana liꞌe, jaꞌ ti svaxaquibal ajvalile, manchuc mi jaꞌ jun ti ta yucubale. Tsꞌacal to un, ta xcham o. \p \v 12 ’Ti lajuneb xulub ti laj avile, jaꞌ smelol lajuneb ajvaliletic ti muꞌyuc to ta xlic spasic mantale. Pero ta sta yorail ti ta xꞌacꞌbatic yabtelique ti ta spas mantal jmoj schiꞌuc ti tsajal jtiꞌoval chone. Pero mu jaluc, jaꞌ noꞌox jun ora. \v 13 Ti lajuneb ajvaliletic taje jmoj yoꞌntonic. Jech o xal un, ta xacꞌbe sventain yabtelic ti tsajal jtiꞌoval chone. \v 14 Jech ta stsaquic ta leto ti jcot ta uni chije. Pero ta stsalatic yuꞌun ti jcot ta uni chije. Yuꞌun jaꞌ Rey yuꞌun ti reyetique. Yuꞌun jaꞌ Ajvalil yuꞌun ti ajvaliletique. Jaꞌ jech xtoc ti buchꞌutic tey schiꞌuque, jaꞌic ti buchꞌutic itaatic ta saꞌel, itꞌujatic yuꞌun ti Diose, ti jun yoꞌntonique ―xi. \p \v 15 Ti ángele jech laj yalbun xtoc: \p ―Ti nabetic laj avil ti bu chotol ti mulivajel antse, jaꞌ smelol ti jteclumetique, ti cristianoetique, ti jujuchop ti scꞌopique, ti mucꞌtiquil lumetique. \v 16 Ti lajuneb xulub ti tsajal jtiꞌoval chon ti laj avile, ta scrontainic ti jmulivajel antse. Tꞌanal ta xictaic comel stuc. Ta stiꞌbeic ti sbecꞌtale. Jaꞌ jech xtoc ta xchiqꞌuic ta cꞌocꞌ. \v 17 Yuꞌun itijbat yoꞌntonic yuꞌun ti Diose yoꞌ jech spasic ti cꞌusi ta scꞌane. Jech o xal laj scoꞌoltas yoꞌntonic ti laj yacꞌbe sventain yabtelic ti tsajal jtiꞌoval chone, jaꞌ to ti mi icꞌot ta pasel ti cꞌusi yaloj onoꞌox ti Diose. \v 18 Ti ants ti laj avile, jaꞌ smelol ti mucꞌ ta jteclume ti ta spas ta mantal ti ajvaliletic ti oy ta banomile ―xi. \c 18 \s1 Syalel ta lum ti Babiloniae \p \v 1 Laj taj une. Tsꞌacal to un, laj quil ti iyal talel jun ángel ta vinajele, ti tsots yichꞌoj yabtele. Sac jaman icom ti banomile ta xojobal ti ángele. \v 2 Jech tsots xꞌavet ta xal: \p ―Yal xa ta lum, yal xa ta lum ti mucꞌ ta Babiloniae. Joybij xa ta sna pucuj. Jaꞌ xa snainoj ti ep ta tos chopol pucujetique. Jaꞌ xa svayeb ti mutetic ti toj chopol ta qꞌuelele. \v 3 Yuꞌun scotol ti cristianoetic ti oyic ta sjoylej banomile yacubic xa yuꞌun ti pox ti jaꞌ scꞌupijel ti yoꞌntone. Jaꞌ jech xtoc ti ajvaliletic ti oy ta banomile tey imulivajic schiꞌuc. Jaꞌ jech xtoc ti jbolomajeletique ipasic ta jcꞌulej yuꞌun ta scoj ti muꞌyuc spajeb yuꞌun ti cꞌusi scꞌan ti scꞌupijel yoꞌntone ―xi. \p \v 4 Tsꞌacal to un, laj caꞌi ti oy buchꞌu ta xcꞌopoj ta vinajel ti jech ta xale: \p ―Ti voꞌoxuc cuꞌunoxuque, locꞌanic talel ti tey ta jteclume, yoꞌ jech mu xamaquibeic ti smule, yoꞌ jech mu xamaquibeic ti scastigoe. \v 5 Yuꞌun ti smule tsobol xa ta jmec. Cꞌot xa cꞌalal vinajel. Jech o xal un, ti smule vul ta yoꞌnton ti Diose. \v 6 Acꞌbo yichꞌ castigo jech chac cꞌu chaꞌal laj xa spasbe ti yane. Jelavuc to acꞌo yichꞌ stojol ti cꞌusi laj xa spase. Capbo yuchꞌ más to chib velta jech chac cꞌu chaꞌal laj spasbe ti yane. \v 7 Ta scoj ti mu noꞌox albajuc laj stoy sbae, ti jaꞌ noꞌox iꞌoch ta yoꞌnton ti cꞌusi ta scꞌan stuque, coꞌol acꞌbo yichꞌ jech svocol. Yuꞌun jech ta xal ta yoꞌnton: “Meꞌ ajvalilun liꞌ chotolune. Maꞌuc bajbil antsun. Mi jaꞌuc ta xquichꞌ vocol”, xi. \v 8 Jech o xal un, ta jun noꞌox cꞌacꞌal ta xtal ti castigo ta stojole, ti ta xaꞌi viꞌnale, ti ta xichꞌ svocole, ti ta xchame. Jaꞌ jech xtoc ta xichꞌ chiqꞌuel ta cꞌocꞌ. Jech ta xcꞌot ta stojol, jaꞌ ti xuꞌ yuꞌun ti Cajval Diose ti laj xa xchapane. \p \v 9 ’Ti ajvaliletic ti oy ta banomile, ti imulivajic schiꞌuque, ti jmoj laj spasic ti cꞌusi ta scꞌan ti yoꞌntone, ta xyat yoꞌntonic ti cꞌalal ta xilic ti schꞌayilal ta xcꞌaqꞌue. \v 10 Jech o xal un, nom vaꞌajtic ta xcomic ta xiꞌel yuꞌun ti scastigoe. Jaꞌ jech xtoc jech ta xalic: “¡Aaaay, toj abol aba, mucꞌ ta jteclum Babilonia ti xuꞌ to ox avuꞌune! Yuꞌun ta jliquel noꞌox tal ti acastigoe”, xiic. \p \v 11 ’Jaꞌ jech xtoc ti jbolomajeletic ti oy ta banomile ta xꞌoqꞌuic, ta xyat yoꞌntonic yuꞌun ti jteclum taje. Jaꞌ ti muꞌyuc xa buchꞌu ta xmanbatic ti cꞌusitic ta xcuchic batele. \v 12 Yuꞌun tey laj xchonic ti oroe, ti platae, ti ton ti alacꞌ sbae, ti perlae, ti lino poqꞌue, ti xela poqꞌue, ti yan pocꞌ xtoc ti icꞌ icꞌ losantic sba stsajale schiꞌuc ti tsoje. Tey laj xchonic xtoc ep ta tos ti teꞌetic ti oy smuile, ti cꞌustic meltsanbil ta marfile, ti teꞌetic ti cꞌupil sbae, ti broncee, ti cꞌusitic tenbil ta taqꞌuine, ti mármole. \v 13 Tey ta xchonic xtoc ti canelae, ti momoletic ti oy smuile, ti pome, ti mirrae, ti perfume, ti vinoe, ti aceitee, ti lequil jarinae, ti trigoe, ti jcuch-icatsil animaletique, ti chije, ti caꞌe, ti carretae. Pero maꞌuc noꞌox. Jaꞌ jech xtoc ta xiqꞌuic batel cristianoetic ti ta xchonatic ta mosovile. \v 14 Ti jbolomajeletique jech ta xalbeic ti jteclume: “Ti loboletic ti lec laj avaꞌi slajesele, muꞌyuc xa avuꞌun. Laj xa achꞌay ta jꞌechꞌel scotol ti acꞌulejale schiꞌuc ti cꞌusitic oy avuꞌun ti cꞌupil sbae”, xiic. \p \v 15 ’Ti jbolomajeletic ti ipasic ta jcꞌulej ta sventa ti jteclume, nom vaꞌal ta xcomic ta xiꞌel yuꞌun ti scastigoe. Ta xꞌoqꞌuic, ta xyat yoꞌntonic yuꞌun ti jteclume. \v 16 Jech ta xalic: “¡Aaaay, toj abol aba, mucꞌ ta jteclum! Jechot to ox avutsilal jech chac cꞌu chaꞌal jun ants ti mu noꞌox albajuc yutsilal ti scꞌuꞌ slapoje, ti lino poqꞌue, ti pocꞌ icꞌ icꞌ losantic sba stsajale schiꞌuc ti tsoje. Jaꞌ jech xtoc pixil ta natsꞌil ti yoc scꞌobe, ti mu noꞌox albajuc ti yutsilale, ti oroe, ti perlae, ti ton ti jun yutsile. \v 17 Pero ta uni jliquel ichꞌay ti avepal cꞌulejale”, xiic. \p ’Scotol ti capitanetic yuꞌun ti barcoe, schiꞌuc ti buchꞌutic tey tiqꞌuilique, schiꞌuc ti buchꞌutic ta spiquic ti barcoe, schiꞌuc scotol ti jꞌabteletic ta nabe, nom vaꞌajtic ta xcomic. \v 18 Yuꞌun ti cꞌalal ta xilic schayilal ti jteclum cꞌalal ta xcꞌaqꞌue, jech ta xꞌavanic: “¿Mi yuꞌun oy xa bu yan jteclum jech chac cꞌu chaꞌal ti mucꞌ ta jteclum leꞌe?”, xiic. \p \v 19 ’Jech o xal un, xꞌocꞌoletic xa, ta xyat yoꞌntonic, lic svaj lum ta sjolic ti jech ta xꞌavanique: “¡Aaaay, toj abol aba, mucꞌ ta jteclum! Ta acꞌulejal ipasic ta jcꞌulej scotolic ti buchꞌutic oy sbarcoic ta nabe, pero ta uni jliquel noꞌox ta jech to yepal lalilij”, xiic. \p \v 20 ’Pero ti voꞌoxuc ti oyoxuc ta vinajele, ti voꞌoxuc jcholcꞌopoxuque, ti voꞌoxuc ti lacꞌopojic ta sventa ti Diose, ti voꞌoxuc ti yuꞌunoxuc ti Diose, muyubajanic noꞌox ta jmec ti jech ilaj ta cꞌocꞌ ti mucꞌ ta jteclume. Yuꞌun jaꞌ to jech laj ataic chapanel ti cꞌalal iꞌacꞌbat yichꞌ castigo yuꞌun Dios ti jteclum taje ―xi ti buchꞌu icꞌopoj ta vinajele. \p \v 21 Tsꞌacal to un, tal jun tsatsal ángel ti laj stsac jun mucꞌ ta ton ti coꞌol sꞌelan ye molinoe. Tey laj sjip batel ta nab ti jech laj yale: \p ―Jaꞌ jech ta xichꞌ yalesel ta lum ti mucꞌ ta jteclum Babiloniae. Bat o ta jꞌechꞌel. \v 22 Laj o scꞌoplal ta yaꞌyiel ti musicaetic ti ta acallee, ti arpae, ti amae, ti oqꞌuese. Jaꞌ jech xtoc laj scꞌoplal ti jꞌabteletic avuꞌune. Laj scꞌoplal ta yaꞌyiel ti xjumet ti molino avuꞌune. \v 23 Jaꞌ jech xtoc laj scꞌoplal ti sac jaman xojobal ti lampara ta atojole. Laj scꞌoplal ti xvochvun ti pas qꞌuin yuꞌun ti nupunele. Acꞌo mi más to ox xuꞌ yuꞌun ti jbolomajeletic avuꞌune, acꞌo mi laj aloꞌla ti cristianoetic ti oy ta sjoylej banomil yuꞌun ti chopol abijile, pero laj scꞌoplal ta jꞌechꞌel ―xi. \p \v 24 Laj yichꞌ svocol ti jteclume, yuꞌun tey laj yichꞌ tabel schꞌichꞌelic ti buchꞌutic icꞌopojic ta sventa ti Diose, schiꞌuc ti buchꞌutic yuꞌuntaque, schiꞌuc scotol ti buchꞌutic laj yichꞌic milel ta sjoylej banomile. \c 19 \p \v 1 Laj taj une. Tsꞌacal to un, laj caꞌi ti ep cristianoetic tsots ta xcꞌopojic ta vinajel ti jech ta xalique: \q1 Coliyal ti Diose, yuꞌun ti coltaele, ti slequilale, ti smucꞌul stsatsale, \q1 ti jaꞌ yuꞌun ti Dios cuꞌuntique. \q1 \v 2 Yuꞌun melel ti tucꞌ ta xchapanvane. \q1 Laj xa yacꞌbe stoj smul ti jmulivajel antse, \q1 ti buchꞌu laj soques ti cristianoetic ti oy ta sjoylej banomil yuꞌun ti scꞌupijel yoꞌntone. \q1 Ti Diose yuꞌun laj xa yacꞌbe stoj ti jech ilajic ta milel ti yajtuneltaque, \m xiic. \p \v 3 Tsꞌacal to un, laj caꞌi ti jech laj yalic yan veltae: \p ―Coliyal ti Diose, ti jech sbatel osil xtomet ta xmuy ta vinajel ti schꞌayilale ―xiic. \p \v 4 Ti chanib schaꞌvinic ta voꞌ moletique schiꞌuc ti chanib ti cꞌusi cuxajtique laj spatan sbaic ta lum ta yichꞌel ta mucꞌ ti Dios ti chotol ta mucꞌ ta chotlebale. Jech laj yalic: \p ―Jechuc. Coliyalbotic ti Diose ―xiic. \p \v 5 Jech xtoc un, oy Buchꞌu icꞌopoj talel ti ta mucꞌ ta chotlebal ti jech ta xale: \q1 Acotolic ti yajtuneloxuc ti Diose, ti ta xaxiꞌtaique, ti yalel toyol ti abijilique, \q1 colaval, utic ti Dios cuꞌuntique, \m xi. \s1 Sqꞌuinal ti nupunel yuꞌun ti jcot ta uni chije \p \v 6 Jaꞌ jech xtoc laj caꞌi coꞌol sꞌelan ep cristianoetic ti xvochvun ta xcꞌopojique, ti coꞌol sꞌelan yechꞌomal ep ucꞌume, ti coꞌol sꞌelan ti tsots chaꞌuc xcꞌavlajete. Jech laj yalic: \q1 Coliyal ti Diose, yuꞌun lic xa spas mantal ti Cajvaltique, \q1 ti jaꞌ Dios cuꞌuntique, ti scotol xuꞌ yuꞌune. \q1 \v 7 Muyubajcutic, patetuc coꞌntontic quichꞌtic ta mucꞌ. \q1 Yuꞌun icꞌot xa yorail ti ta xnupun ti jcot ta uni chije. \q1 Jech ti yajnile xchapanoj xa sba. \q1 \v 8 Yuꞌun ti antse acꞌbil xa permiso ta slap ti lino poqꞌue, \q1 ti jaꞌ jun yutsil xlaplun saquile, \m xiic. Ti lino poqꞌue, jaꞌ smelol ti tucꞌ laj spasic ti buchꞌutic yuꞌuntac ti Diose. \p \v 9 Tsꞌacal to un, jech laj yalbun ti ángele: \p ―Jech me tsaco ta vun liꞌe: “Toj yan noꞌox yutsilic ti buchꞌutic icꞌbilic ta sqꞌuelel nupunel yuꞌun ti jcot ta uni chije”, ―xiyut. \p Jech laj yalbun xtoc: \p ―Ti jech laj calbote, melel, jaꞌ scꞌop Dios ―xi. \p \v 10 Tey laj jquejan jba ta yoc ti ángele yoꞌ jech ta xquichꞌ ta mucꞌ. Pero ti stuque jech laj yalbun: \p ―Mu xapas jech. Yuꞌun ti vuꞌune naca noꞌox yajtunelun ti Diose jech chac cꞌu chaꞌal ti voꞌote, schiꞌuc ti avermanotac ti buchꞌutic jun yoꞌntonic ta stojol ti melel ti yaloj comel ti Jesuse. Jaꞌ ichꞌo ta mucꞌ ti Diose ―xiyut. \p Ti melel ti yaloj comel ti Jesuse, jaꞌ ta xꞌacꞌbat snaꞌic ti buchꞌu ta xcꞌopojic ta sventa ti Diose. \s1 Ti jcajlej ta saquil caꞌe \p \v 11 Tsꞌacal to un, laj quil ti jamal ti vinajele. Tey ivinaj jcot saquil caꞌ. Ati buchꞌu tey cajale jaꞌ ta xꞌalbat ti melel tucꞌ yoꞌntone yoꞌ jech xuꞌ ta spas mantal, yoꞌ ta stuqꞌuil yoꞌnton ta spas leto. \v 12 Ti sbecꞌ sate xojobin jech chac cꞌu chaꞌal leb cꞌocꞌ. Jaꞌ jech xtoc ep ti stronail sjole. Jaꞌ jech xtoc tey tsꞌibabil jun biil ti jaꞌ noꞌox xojtiquin ti stuque. \v 13 Ti scꞌuꞌ slapoje chequel ta chꞌichꞌ. Ti sbie jaꞌ scꞌop Dios. \v 14 Tey nabalic batel ti ángeletic ti oy ta vinajele, ti slapoj ti lino poqꞌue ti yan noꞌox yutsil ti saquile, muꞌyuc yicꞌobal ti cajajtic ta saquil caꞌe. \v 15 Ti Buchꞌu cajal ta caꞌe, ta xlocꞌ talel ta ye jun espada ti lec yee, yoꞌ jech ta syayijesan ti jujun mucꞌtiquil lume. Tsots ta spas mantal jech chac cꞌu chaꞌal taqꞌuin ti ta xcꞌot ta sba ti bine. Coꞌol sꞌelan uva ti ta xichꞌ pitsꞌel ta acanile, jaꞌ jech tsots ta xchapan ti cristianoetique. Jaꞌ jech xtoc ta xacꞌbe yuchꞌic ti vinoe, ti jaꞌ ti tsots castigo ti liquem talel ta scapemal sjol ti Dios ti scotol xuꞌ yuꞌune. \v 16 Jaꞌ jech xtoc laj quil ti Buchꞌu cajal ta caꞌe, tey tsꞌibabil ta scꞌuꞌ nopol sba sjol yoc jun biil ti jech ta xale: “Rey yuꞌun ti reyetique. Ajvalil yuꞌun ti ajvaliletique”, xi. \p \v 17 Tsꞌacal to un, laj quil jun ángel ti vaꞌal ta sba ti cꞌacꞌale. Jech tsots laj yavta scotol ti mutetic ti xvilajet ta vinajele: \p ―Laꞌic, tsobo abaic talel ta sventa mucꞌ ta veꞌel yuꞌun ti Diose. \v 18 Ta xatiꞌbeic sbecꞌtal ti reyetique, ti jpas-mantal yuꞌun ti soldadoetique, ti tsatsal viniquetique, sbecꞌtal ti caꞌetique schiꞌuc ti buchꞌutic cajajtic ta caꞌe. Ta xatiꞌbeic sbecꞌtal scotol ti cristianoetique, ti mosovile, ti maꞌuc mosoviletique, scotol ti biqꞌuit muqꞌue ―xi. \p \v 19 Jaꞌ jech xtoc un, laj quil ti jtiꞌoval chone, schiꞌuc ti ajvaliletic ti oy ta banomile, schiꞌuc ti yajsoldadotaque. Tey laj stsob sbaic talel, yoꞌ jech ta spasic leto schiꞌuc ti buchꞌu cajal ta saquil caꞌe schiꞌuc ti yajsoldadotaque. \v 20 Ti jtiꞌoval chone itsacat schiꞌuc ti jloꞌlavanej jꞌalcꞌope ti laj yacꞌ ta ilel señail ti tsots xuꞌ yuꞌun ta stojol ti jtiꞌoval chone. Ti jech laj yacꞌ iluc señail ti tsots xuꞌ yuꞌun ti jloꞌlavanej jꞌalcꞌope, jech o xal un, ep laj sloꞌla ti cristianoetique, yoꞌ jech laj yichꞌic smarcail ti jtiꞌoval chone, jaꞌ jech xtoc ti laj yichꞌic ta mucꞌ ti slocꞌobbaile. Jech o xal un, ti jtiꞌoval chone schiꞌuc ti jloꞌlavanej jꞌalcꞌope cuxul ijipatic yalel ta cꞌocꞌ ti ta xtil ta azufree. \v 21 Ti yane laj yichꞌic milel yuꞌun ti espada ti ta xlocꞌ ta ye ti Buchꞌu cajal ta caꞌe. Jech o xal un, scotol ti mutetique echꞌ yoꞌnton ta stiꞌel ti beqꞌuete. \c 20 \s1 Ti jmil jabile \p \v 1 Tsꞌacal to un, laj quil ti yal talel jun ángel ta vinajel schiꞌuc sllavial ti xaꞌabe, ti yichꞌoj talel jun yijil cadenae. \v 2 Ti ángel taje laj stsac ti mucꞌ ta jtiꞌoval chone, jaꞌ ti voꞌneal chone, jaꞌ ti totil pucuje, ti jaꞌ Satanás sbie. Tey laj xchuc ta cadena jmil jabil. \v 3 Tey laj sjip yalel ta xaꞌab, yoꞌ jech jmil jabil chucul ta xcom. Tey laj sbaj comel. Jaꞌ jech xtoc tey laj yacꞌbe selloal ti stiꞌe, yoꞌ jech mu ta sloꞌla ti cristianoetic ti oy ta sjoylej banomile. Cꞌalal mi echꞌ ti jmil jabile, ta xichꞌ coltael loqꞌuel, pero mu xa jaluc. \p \v 4 Tsꞌacal to un, laj quil chotlebaletic. Ti ta chotlebaletique, jaꞌ tey chotajtic ti buchꞌutic acꞌbil yabtelique yoꞌ jech ta xchapanvanic. Jaꞌ jech xtoc tey laj quil schꞌulelic ti buchꞌutic laj yichꞌ bojbel sjolic ta sventa ti laj yalic ti scꞌop ti Diose ti jaꞌ yaloj comel ti Jesuse. Ti stuquique muꞌyuc laj yichꞌic ta mucꞌ ti jtiꞌoval chone schiꞌuc ti slocꞌobbaile. Mi jaꞌuc laj yichꞌbeic smarcail ta stiꞌbaic o mi ta scꞌob. Taje, laj quil ti ichaꞌcuxiique. Jmoj ta spasic mantal jmil jabil schiꞌuc ti Cristoe. \p \v 5 Taje, jaꞌ sliqueb ti chaꞌcuxiebale. Ti yan animaetique jaꞌ to ta xchaꞌcuxiic ti cꞌalal mi echꞌ ti jmil jabile. \v 6 Yan noꞌox yutsilic ti buchꞌutic tꞌujbilic yuꞌun ti Diose ti albil scꞌoplalic ti baꞌyel ta xchaꞌcuxiique. Muꞌyuc scꞌoplal ti xuꞌ ta xchamic ti schibal veltae. Yuꞌun paleetic xa ta xcꞌotic ta stojol ti Diose schiꞌuc ti Cristoe. Jaꞌ jech xtoc jmoj ta spasic mantal jmil jabil schiꞌuc. \p \v 7 Cꞌalal mi echꞌ ti jmil jabile, jech ti pucuje ta xichꞌ coltael ti ta schuquinabe. \v 8 Jech o xal un, ta xbat sloꞌla ti cristianoetic ti oy ta jujun mucꞌtiquil lum ta sjoylej banomile, jaꞌ ti Goge schiꞌuc ti Magoge. Jech o xal ti pucuje ta stsob talel ta pas leto ti epal cristianoetic taje, ti coꞌol sꞌelan yiꞌal nab ti mu noꞌox albajuc yepal ta jmeque. \v 9 Jech o xal un, ti epal cristianoetique xꞌubetic noꞌox batel jamal smacoj batel ti banomile, yoꞌ jech ta sjoyobtaic ta maquel ti bu nacajtic ti buchꞌutic yuꞌuntac ti Diose, jaꞌ ti jteclum ti cꞌuxubinbil yuꞌune. Pero ti Diose tey laj stac talel cꞌocꞌ ta vinajel. Tey icꞌaqꞌuic scotolic. \v 10 Jech ti pucuje, ti buchꞌu iloꞌlavan xae, tey laj yichꞌ jipel ochel ta cꞌocꞌ ti ta xtil ta azufree, jaꞌ ti bu laj yichꞌic jipel ochel ti jtiꞌoval chone schiꞌuc ti jloꞌlavanej jꞌalcꞌope. Cꞌacꞌal acꞌobal tey ta xichꞌ svocolic sbatel osil. \s1 Ti chapanel ta stojol ti Buchꞌu chotol ta mucꞌ ta saquil chotlebale \p \v 11 Tsꞌacal to un, laj quil jun mucꞌ ta saquil chotlebal. Oy Buchꞌu tey chotol. Tey sac chꞌay batel ta stojol ti banomile, ti vinajele. Scotol mu xa bu laj sta yavil ti bu ta xcomique. \v 12 Jaꞌ jech xtoc laj quil scotol ti buchꞌu chamemique, biqꞌuit mucꞌ, vaꞌalic ta stojol ti Diose. Tey laj yichꞌ jamel ti libroetique. Jaꞌ jech xtoc laj quil ti laj yichꞌ jamel yan libro ti jaꞌ slibroal ti cuxlejale. Jech o xal un, tey laj yichꞌic chapanel ti animaetique, jaꞌ ti cꞌu sꞌelan laj xa spasic ti stuquic ti tsꞌibabil ta libroetique. \v 13 Jech o xal un, ti nabe, ti lajebale, ti bu oyic ti animaetique, scotolic taje laj yacꞌ entregal ti cꞌu yepal oy ta stojolique. Tey laj yichꞌic chapanel ti cꞌu sꞌelan laj spasic ta jujun tale. \v 14 Tsꞌacal to un, ti chamebale schiꞌuc ti yavil ti animaetique laj yichꞌic jipel ochel ta cꞌocꞌ. Ti cꞌocꞌ taje jaꞌ ti schibal velta chamebale. \v 15 Jaꞌ jech xtoc tey laj yichꞌic jipel ochꞌel ti buchꞌutic muꞌyuc tsacal ti sbiic ta libro yuꞌun ti cuxlejale. \c 21 \s1 Ti achꞌ vinajele schiꞌuc ti achꞌ banomile \p \v 1 Tsꞌacal to un, laj quil achꞌ vinajel schiꞌuc achꞌ banomil. Yuꞌun ti baꞌyel vinajele, ti baꞌyel banomile laj xa scꞌoplal. Jech ti nabe tub scꞌoplal xtoc. \v 2 Vuꞌun ti Juanune, laj quil ti chꞌul jteclume, jaꞌ ti achꞌ Jerusalene, iyal talel ta stojol ti Dios ti oy ta vinajele. Toj lec meltsanbil scotol, coꞌol sꞌelan jun jmalijel tseb ti lec slapoj scꞌuꞌ ti ta xnupune. \v 3 Laj caꞌi ti oy buchꞌu tsots xꞌavet ta vinajel ti jech ta xale: \p ―Qꞌuel avil ti Dios avi tana liꞌ une ta xchiꞌin ta naclej ti cristianoetique. Jech ti stuquique yalab snichꞌnab Dios ta xcꞌotic. Yuꞌun jaꞌ xa Dios yuꞌunic. \v 4 Scotolic ta scusbat yaꞌlel satic yuꞌun ti Diose. Yuꞌun laj scꞌoplal ti chamebale, ti ta xꞌoqꞌuique, ti ta xyat yoꞌntonique, ti ip cꞌux ta xaꞌiique. Yuꞌun ti cꞌu sꞌelan oy to ox ta voꞌnee laj scꞌoplal ―xi. \p \v 5 Jech ti Buchꞌu chotol ta mucꞌ ta chotlebale jech laj yal: \p ―Qꞌuel avil, scotol ti cꞌusitic oye vuꞌun ta jpas ta achꞌ ―xi. \p Jech laj yal xtoc: \p ―Tsaco me ta vun, yuꞌun ti cꞌop liꞌe jaꞌ melel. Yuꞌun xuꞌ ta spat yoꞌntonic ta stojol ―xi. \p \v 6 Tsꞌacal to un, jech laj yalbun: \p ―Yuꞌun chapaj xa, vuꞌunun ti sliqueb spajebune jech chac cꞌu chaꞌal ti letra A schiꞌuc ti Zetae. Ti buchꞌu ta xaꞌi ti taqui tiꞌile, ta xcacꞌbe yuchꞌ ti sat voꞌe ti jaꞌ ta xacꞌ cuxlejale. Muꞌyuc tojbil jutebuc. \v 7 Ti buchꞌu ta stsal yuꞌun scotole, vuꞌun ta jvaꞌan jba ta Dios yuꞌun. Jaꞌ jech ti stuque ta xꞌoch ta jnichꞌon. Jaꞌ jech ti srexto ta xichꞌe. \v 8 Yan ti jxiꞌeletique, ti buchꞌutic mu xchꞌunique, ti buchꞌutic xtiꞌet sjolique, ti jmilvanejetique, ti buchꞌutic batem yoꞌntonic ta mulivajele, ti buchꞌu ta xaqꞌuic chamele, ti buchꞌutic ta xichꞌic ta mucꞌ ti cꞌusitic meltsanbil ta cꞌabale, ti buchꞌutic ta sjutic ti cꞌope, scotolic taje ta xbatic ta mucꞌ ta cꞌocꞌ ti ta xtil ta azufree, ti jaꞌ xa schibal velta ti chamebale ―xi. \s1 Ti achꞌ Jerusalene \p \v 9 Tsꞌacal to un, tal jun ti ta yucubal ángel ti buchꞌutic noj ta sbisic ti slajeb vucub vocole. Jech laj yalbun: \p ―Laꞌ liꞌe. Ta xcacꞌbot avil ti jmalijel tsebe, yajnil ti jcot ta uni chije ―xi. \p \v 10 Cꞌalal jech laj yacꞌbun quil ti Chꞌul Espíritue, jech ti ángele yicꞌojun batel ta jun mucꞌ ta toyol vits. Tey laj yacꞌbun quil ti mucꞌ ta chꞌul jteclum Jerusalén ti yal talel ta stojol ti Dios ti oy ta vinajele. \v 11 Ti jteclum taje xnobobet ta xojobal ti Diose. Ti xojobale coꞌol sꞌelan xojobal jun ton ti yan yutsile, coꞌol sꞌelan ti jaspe ton ti stsꞌayeyet jech chac cꞌu chaꞌal ti nenee. \v 12 Ti ta sjoylej ti jteclume oy jun mucꞌ ta moc ti lec toyole schiꞌuc lajcheb stiꞌ. Oy jujun ángel ta jujun stiꞌ. Ti ta jujun stiꞌe tey tsacbil sbiic ti lajchaꞌchop snitilul ti Israele. \v 13 Ti lajcheb stiꞌ ti moc taje, oy oxib stiꞌ ta sloqꞌueb cꞌacꞌal. Oy oxib stiꞌ ta xocon sloqꞌueb cꞌacꞌal. Oy oxib stiꞌ ta smaleb cꞌacꞌal. Oy oxib stiꞌ ta xocon smaleb cꞌacꞌal. \v 14 Smocal ti jteclum taje tey yichꞌoj lajchaꞌbej ton ti jaꞌ yicob ti moque. Ti jujubej tone tey tsacajtic sbiic ti lajcheb yajcholcꞌoptac ti jcot ta uni chije. \p \v 15 Ti ángel ti ta xiscꞌoponune oy ta scꞌob jun aj ti jaꞌ oroe, yoꞌ jech ta sbis ti jteclume, schiꞌuc ti jujun stiꞌe, schiꞌuc ti smocale. \v 16 Ti jteclume, coꞌol ti snatile, ti sjamleje. Ti ángele cꞌalal laj sbis ti jteclum yuꞌun ti sbisobile, yichꞌoj chaꞌmil schiꞌuc chib ciento (2,200) kilómetro ti snatile, ti sjamleje, ti stailej xmuye. \v 17 Tsꞌacal to un, laj sbis cꞌu spimil ti moque. Jaꞌ yichꞌoj chanib schanvinic (64) metro. Mu yanuc sbisol laj spic ti ángele. Jaꞌ sbisol jech chac chaꞌal sbisobil yuꞌunic ti cristianoetique. \p \v 18 Ti moque jaꞌ meltsanbil ta jaspe ton. Ti jteclume jaꞌ meltsanbil ta batsꞌi oro, coꞌol sꞌelan nen ti lec cusbile. \v 19 Ti jujubej ton ti jaꞌ yicob ti moque, nichimtic noꞌox ta jmec ti ep ta tos ton ti jun yutsile. \q1 Ti sliquebe jaꞌ ti jaspe tone. \q1 Ti schibale jaꞌ ti zafiroe. \q1 Ti yoxibale jaꞌ ti agatae. \q1 Ti schanibale jaꞌ ti esmeraldae. \q1 \v 20 Ti yoꞌobale jaꞌ ti ónicee. \q1 Ti svaquibale jaꞌ ti cornalinae. \q1 Ti syucubale jaꞌ ti crisólitoe. \q1 Ti svaxaquibale jaꞌ ti beriloe. \q1 Ti sbalunebale jaꞌ ti topacioe. \q1 Ti slajunebale jaꞌ ti crisoprasae. \q1 Ti buluchibale jaꞌ ti jacintoe. \q1 Ti slajchebale jaꞌ ti amatístae. \m \v 21 Ti lajcheb stiꞌ ti moque jaꞌ meltsanbil ta jbej noꞌox perla ti jujupeche. Jaꞌ yuꞌun un, lajcheb perla ta scotol. Ti mucꞌ ta calle yuꞌun ti jteclume jaꞌ puro oro jech chac cꞌu chaꞌal ti nen ti stsꞌayeyete. \p \v 22 Ti jcot ta uni chije schiꞌuc ti Cajvaltic Dios ti scotol xuꞌ yuꞌune, jaꞌ xa templo stuc yuꞌun ti jteclume. Jech o xal un, muꞌyuc laj quil yan templo tey. \v 23 Ti jteclum taje mu xa xtun yuꞌun xojobal ti cꞌacꞌale, xojobal ti ue. Yuꞌun tey xa oy xojobal stuc ti Diose schiꞌuc xojobal ti jcot ta uni chije. \v 24 Scotol ti cristianoetic ti oy ta sjoylej banomil ti laj staic ti coltaele, tey ta xanavic ta xojobal ti jteclum taje. Jaꞌ jech xtoc ti ajvaliletic ti oy ta sjoylej banomile, scotol ti slequilal ti laj staique, tey ta xacꞌbe yichꞌ ti Diose. \v 25 Ti stiꞌtac ti jteclume jamal scotol cꞌacꞌal. Ti teye, yuꞌun muꞌyuc xa acꞌobal. \v 26 Jaꞌ jech xtoc scotol ti cristianoetic ti oy ta sjoylej banomile, scotol ti slequilal ti laj staique, ta xacꞌbeic yichꞌ ti Diose. \v 27 Ti teye, mu xa xꞌoch ti cꞌusi chopole schiꞌuc ti buchꞌu chopol ti cꞌusi ta spasique, schiꞌuc ti jloꞌlavanejetique. Jaꞌ noꞌox ta xꞌochic batel ti buchꞌutic tsacal ti sbiic ta libro sventa cuxlejal ti oy ta stojol ti jcot ta uni chije. \c 22 \p \v 1 Tsꞌacal to un, ti ángele laj yacꞌbun quil jun lequil ucꞌum, jaꞌ ti voꞌ ti ta xacꞌ ti cuxlejale. Yax jipan yutsil jech chac cꞌu chaꞌal ti nene ti ta xlocꞌ talel ti bu chotol ti Diose schiꞌuc ti jcot ta uni chije. \v 2 Ti ucꞌum taje ta xꞌech ta oꞌlol ti mucꞌ ta calle yuꞌun ti jteclume. Ti ta jujot stiꞌil ti ucꞌume, tey oy chꞌiemic teꞌetic ti ta xacꞌ cuxlejale. Lajcheb velta ta xacꞌ ti sat ta jun jabile. Jujun u ta xacꞌ ti sate. Jaꞌ jech xtoc yanal ti teꞌe jaꞌ ta xtun yoꞌ ta xpoxta ti cristianoetic ti oy ta sjoylej banomile. \v 3 Ti teye, muꞌyuc xa buchꞌu chopol ta xꞌilat yuꞌun ti Diose. Yuꞌun ti tey ta jteclum taje, tey chotol ti Diose schiꞌuc ti jcot ta uni chije. Jaꞌ jech xtoc tey ichꞌbil ta mucꞌ yuꞌun ti yajtuneltaque. \v 4 Tey ta xilbe sba ti satique. Jaꞌ jech xtoc yichꞌojbeic sbi ti Dios ti ta stiꞌbaique. \v 5 Ti teye, muꞌyuc xa acꞌobal. Ti buchꞌutic tey nacalique, mu xa xtun yuꞌunic xojobal ti lamparae, mi jaꞌuc xojobal ti cꞌacꞌale. Yuꞌun jaꞌ stuc ti Cajvaltic Diose ta xacꞌ ti xojobale. Jech xtoc ti stuquique ta spasic mantal sbatel osil. \s1 Poꞌot xa xtal ti Jesucristoe \p \v 6 Tsꞌacal to un, ti ángele jech laj yalbun: \p ―Ti cꞌop liꞌe jaꞌ melel. Yuꞌun xuꞌ ta spat yoꞌntonic ta stojol. Ti Cajvaltic Diose, ti jaꞌ ta xacꞌbe snaꞌ ti cꞌu sꞌelan ta xcꞌopojic ti yajꞌalcꞌoptaque, jaꞌ laj stac talel ti ángele yoꞌ ta xacꞌbe yil ti yajtuneltac ti cꞌusi ta xa xcꞌot ta pasele ―xi. \p \v 7 ―Ta xital ta ora ―xi ti Cajvaltique. ―Yan yutsil ti buchꞌutic ta xichꞌic ta mucꞌ ti scꞌop Dios ti tsꞌibabil ta libro liꞌe ―xi. \p \v 8 Vuꞌun ti Juanune, laj caꞌi laj quil ti vaꞌi sꞌelan ta xcꞌot ta pasele. Tey laj jquejan jba ta stojol ti ángele yoꞌ ta xquichꞌ ta mucꞌ ti vaꞌi sꞌelan laj yacꞌbun quile. \v 9 Pero ti stuque jech laj yalbun: \p ―Mu xapas jech. Yuꞌun yajtunelun noꞌox ti Diose jech chac cꞌu chaꞌal ti voꞌote, jech chac cꞌu chaꞌal ti avermanotac ti ta xcꞌopojic ta sventa ti Diose, schiꞌuc scotol ti buchꞌutic ta xichꞌic ta mucꞌ ti cꞌusi tsꞌibabil ta libro liꞌe. Jaꞌ quejano aba ta stojol ti Diose ―xi. \p \v 10 Jaꞌ jech xtoc jech laj yalbun: \p ―Mu xamuc ti scꞌop Dios ti tsacbil ta libro liꞌe. Yuꞌun poꞌot xa sta yorail ti ta xcꞌot ta pasele. \v 11 Jaꞌ jech xtoc ti buchꞌutic chopolique, chꞌan uto. Acꞌo spasic ti chopole. Jaꞌ jech xtoc ti buchꞌutic ta spasic ti cꞌusitic muꞌyuc smelole, chꞌan uto. Acꞌo spasic. Yan ti buchꞌutic ti ta spasic ti cꞌusi leque, mu me xicta sbaic ta spasel. Jaꞌ jech xtoc ti buchꞌutic tꞌujbilic yuꞌun ti Diose, junuc me yoꞌntonic ta stojol ―xi. \p \v 12 Jech ta xal ti Cajvaltique: \p ―Melel, ta xital ta ora. Ta xquichꞌbe talel smotonic, ta xcacꞌbe ta jujun tal ti cꞌu sꞌelan laj xa spasique. \v 13 Vuꞌunun ti sliqueb spajebune jech chac cꞌu chaꞌal ti letra A schiꞌuc ti Zetae ti jaꞌ sliqueb spajebe ―xi. \p \v 14 Yan yutsil ti buchꞌutic laj xchucꞌ ti scꞌuꞌique yoꞌ jech xuꞌ ta sloꞌic ti sat teꞌe ti ta xacꞌ cuxlejale, yoꞌ jech xuꞌ ta xꞌochic batel ta stiꞌtac ti jteclume. \v 15 Yan ti buchꞌutic chopol ti sjole, ti buchꞌutic ta xaqꞌuic ti chamele, ti buchꞌutic jaꞌ noꞌox batem ta yoꞌntonic ti mulivajele, ti milvaneje, ti buchꞌutic ta xichꞌic ta mucꞌ ti cꞌusitic meltsanbil ta cꞌabale, scotol ti buchꞌutic ti lec xaꞌiic ta xloꞌlavanique, scotolic taje ta xcomic ta spat ti jteclume. \p \v 16 Jech laj yal ti Jesuse: \p ―Vuꞌunun ti Jesuse, laj jtac talel ti cajꞌángele yoꞌ jech jamal ta xalbe yaꞌi ti jchꞌunolajeletic scotol taje. Vuꞌun snitilulun ti ajvalil Davide. Coꞌol jꞌelan ti mucꞌ ta cꞌanal ti ta xlocꞌ talel jujun sobe ―xi. \p \v 17 Ti Chꞌul Espíritue schiꞌuc ti yajnil ti jcot ta uni chije jech ta xalic: \p ―Laꞌ me ―xiic. \p Ti buchꞌu ta xaꞌiique: “Laꞌ me”, acꞌo yutic. \p Ti buchꞌu oy taqui tiꞌil ta xaꞌie, ti ta scꞌan ta xtale, acꞌo taluc yuchꞌ ti voꞌ ti ta xacꞌ cuxlejale. Mi jaꞌuc ta stoj jutebuc. \p \v 18 Scotol ti buchꞌutic ti ta xaꞌiic ti scꞌop Dios ti tsꞌibabil ta libro liꞌe, jech ta xcalbe yaꞌiic: Mi oy buchꞌu ta sboles ti cꞌop liꞌe, ta xbolesbat ti castigo yuꞌun ti Dios ti tsꞌibabil ta libro liꞌe. \v 19 Jaꞌ jech xtoc ti buchꞌu mu tsꞌacaluc ta xal ti scꞌop Dios ti tsꞌibabil ta libro lie, tey ta xtubbat ti sbi yuꞌun ti Dios ti oy ta libro yuꞌun ti cuxlejale schiꞌuc xtoc mu xuꞌ ta xꞌoch ti ta chꞌul jteclume. Tey ta xchꞌay scotol ti cꞌusi ta sta ox ti tsꞌibabil ta libro liꞌe. \p \v 20 Ti Buchꞌu laj xa yal scotol ti cꞌusi tsꞌibabil liꞌe, jech ta xal: \p ―Melel, ta xital ta ora ―xi. \p Jechuc. Laꞌ me Cajval Jesús. \p \v 21 Acꞌo yacꞌboxuc bendición acotolic ti Cajvaltic Jesucristoe. Jechuc.