\id HEB  
\h HEBREOS 
\toc2 HEBREOS 
\toc1 HEBREOS 
\mt1 Hebreos  
\c 1  
\s1 Ti Diose icꞌopoj ta sventa ti Snichꞌone  
\p
\v 1 Ti ta voꞌnee, ep ta velta, ep ta tos, ti cꞌu sꞌelan icꞌopoj ti Dios ta stojol ti jmolmucꞌtotique ta sventa ti jꞌalcꞌopetique.  
\v 2 Avi tana un, ti slajebtic xa batel cꞌacꞌale, icꞌopoj ta jtojoltic ta sventa ti Snichꞌone. Ti Diose laj spas scotol ti cꞌusi oy xꞌayane ta sventa ti Snichꞌon taje. Jaꞌ jech xtoc tey laj yacꞌbe yichꞌ scotol.  
\v 3 Tey oy xojobin yutsilal ti Dios ta stojole. Jaꞌ jech xtoc jaꞌ stalel stuc ti Dios ti tey oy ta stojole. Jaꞌ jech xtoc ta sventa stsatsal scꞌop stuc sbainoj scotol ti cꞌusi oy xꞌayane. Ti cꞌalal laj stub ti jmultique, tsꞌacal to un, tey bat chotluc ta xocon sbatsꞌi cꞌob ti Dios ti tey oy ta vinajele.   
\s1 Ti Snichꞌon Diose jaꞌ más cajal, jaꞌ mu sta ti ángeletique  
\p
\v 4 Ti Snichꞌon Diose jaꞌ más cajal. Jaꞌ mu sta ti ángeletique. Yuꞌun ti stuque jaꞌ iꞌacꞌbat tsots yabtel. Jaꞌ mu sta ti ángeletique.  
\v 5 Yuꞌun ti Diose mi jaꞌuc jbeluc laj yalbe ti ángeletic ti jaꞌ Snichꞌone. Yan ti Snichꞌone jech laj yalbe:  
\q1 Voꞌot ti Jnichꞌonote, cacꞌojbot acuxlejal avi tana liꞌe,  
\m xꞌutat. Mu jechuc laj yalbe ti ángeletique. Yan ti Snichꞌone, jech laj yalbe scꞌoplal:  
\q1 Vuꞌun ti Totilune, jaꞌ jech ti stuque jaꞌ Jnichꞌon,  
\m xi. Pero ti Diose mu jechuc laj yalbe ti ángeletique.  
\v 6 Pero ti Diose ti cꞌalal laj stac talel liꞌ ta sba banomil ti jun noꞌox Snichꞌone, jech laj yalbe scꞌoplal:  
\q1 Scotol ti cajꞌángeltaque, acꞌo yichꞌic ta mucꞌ ti Jnichꞌone,  
\m xi.  
\v 7 Yan ti ángeletique jech iꞌalbat scꞌoplalic yuꞌun ti Diose:  
\q1 Coꞌol sꞌelan icꞌ spasoj ti yajꞌángeltaque, jaꞌ ti yajtuneltac xtoque coꞌol sꞌelan jech chac cꞌu chaꞌal leb cꞌocꞌ,  
\m xi.  
\v 8 Yan ti Snichꞌone jech iꞌalbat scꞌoplal:  
\q1 Chꞌul Dios, sbatel osil ta xapas mantal.  
\q1 Tucꞌ ta xaventainvan.   
\q1
\v 9 Yuꞌun laj acrontain ti chopole, jaꞌ laj acꞌan ti leque.  
\q1 Jech o xal un, ti Dios avuꞌune laj yacꞌbot más ti smuyubajel avoꞌntone, jaꞌ mu sta ti achiꞌiltaque,  
\m xi.  
\v 10 Jech ta xal xtoc:  
\q1 Ti voꞌote, Cajval, voꞌot ta aventa ti lic meltsajuc talel ti banomile.  
\q1 Jaꞌ jech xtoc yuꞌun ta acꞌob laj ameltsan ti vinajele.   
\q1
\v 11 Ti cꞌusitic apasoje ta xlaj scꞌoplalic.  
\q1 Yan ti voꞌote, sbatel osil ta xacom o.  
\q1 Ti cꞌusitic apasoje ta xlajic jech chac cꞌu chaꞌal ti cꞌuꞌile.   
\q1
\v 12 Tey ta xapac jech chac cꞌu ti cꞌuꞌile.  
\q1 Yuꞌun jeltabil ta xcꞌotic jech chac cꞌu chaꞌal ti cꞌuꞌile.  
\q1 Yan ti voꞌote ataoj o avav sbatel osil.  
\q1 Yuꞌun muꞌyuc slajeb ti acuxlejale,  
\m xi.  
\v 13 Ti Diose jech onoꞌox yalojbe ti Snichꞌone:  
\q1 Laꞌ chotlan ta jbatsꞌi cꞌob, jaꞌ to mi laj cacꞌ ta avoc ta acꞌob ti avajcrontae,  
\m xꞌute. Taje, mi junuc ángeletic ti jech iꞌalbatic yuꞌun ti Diose.  
\v 14 Scotol ti ángeletique jaꞌ chꞌulelaletic ti ochemic ta yajtuneltac ti Diose. Yuꞌun tacbilic batel ta scoltael ti buchꞌutic albil scꞌoplalic ta staic ti scolelique.   
\c 2  
\s1 Mu me jbajtic ti coltaele  
\p
\v 1 Jaꞌ yuꞌun un, tsotsuc me scꞌoplal, laꞌ jtsꞌetan jchiquintic ta yaꞌyiel ti cꞌusi laj xa caꞌitique, yoꞌ jech mu xquictatic comel ti lequil bee.  
\v 2 Ti mantal ti laj yalic ti ángeletic ta voꞌnee, ivinaj ti jaꞌ melel onoꞌoxe. Jaꞌ yuꞌun un, ti buchꞌutic laj sbajique, ti jaꞌ noꞌox laj saꞌ ti smulique, locꞌ ta saꞌel yuꞌun ti jech laj yichꞌic ti tsots castigoe.  
\v 3 Jaꞌ yuꞌun un, ¿cꞌusi ta utel yoꞌ ta jpoj jbatic ti mi mu jtucꞌulantic lec ti mucꞌul coltaele ti cꞌalal jaꞌ baꞌyel laj yal stuc ti Cajvaltique? Jaꞌ jech xtoc ti buchꞌutic laj yaꞌiique, laj yilic ti jaꞌ melele. Tsꞌacal to un, xi laj sjelubtasbotic talel.  
\v 4 Maꞌuc noꞌox taje. Yuꞌun jaꞌ stuc ti Diose laj svinajes ti jaꞌ scꞌop stuque. Yuꞌun tey ivinaj ti smucꞌul stsatsal yutsilal ti Dios yuꞌunique. Jaꞌ jech xtoc yalel toyol iꞌacꞌbat sbijilic yuꞌun ti Chꞌul Espíritue jech chac cꞌu chaꞌal ta scꞌan ti Diose.   
\s1 Ti Jesucristoe coꞌol sꞌelan icꞌot jech chac cꞌu chaꞌal ti schiꞌiltaque  
\p
\v 5 Ti Diose maꞌuc laj yacꞌbe sventain ti ángeletic ti achꞌ banomil ti ta xcalcutic scꞌoplale.  
\v 6 Yuꞌun oy bu tsꞌibabil ta chꞌul cꞌop ti oy buchꞌu jech laj yalbe ti Diose:  
\q1 ¿Cꞌu yutsil ti vinique ti mu xchꞌay ta avoꞌntone, Dios?  
\q1 ¿Cꞌu chaꞌal ti batem avoꞌnton yuꞌun ti vinique ti cꞌalal snaꞌ xchame?   
\q1
\v 7 Acꞌo mi oy bu jech sjalil ti peqꞌuel cꞌot scꞌoplal ti vinique,  
\q1 ti más cajal scꞌoplal ti ángeletique, pero laj onoꞌox avacꞌ ta ichꞌel ta mucꞌ.  
\q1 Laj avacꞌbe slequilal.  
\q1 Laj avacꞌbe yabtel ta sbainel scotol ti cꞌusi apasoje.   
\q1
\v 8 Yuꞌun tey laj avacꞌbe ta yoc ta scꞌob scotol,  
\m xi.  
\p Jech o xal un, ti jech acꞌbatem scotol ta yoc ta scꞌob ti vinique, jech o xal un, ti Diose muꞌyuc cꞌusi laj yicta ti mu ventainbiluc icom yuꞌun ti vinique. Manchuc mi jech acꞌbatem ta yoc ta scꞌob scotol, pero mu to ta xquiltic mi tey ta xcom o ta yoc ta scꞌob scotol ti cꞌustic oye.  
\v 9 Pero ta xquiltic ti Jesuse, ti jech sjalil ipecꞌtsanat scꞌoplal yuꞌun ti Diose, ti jaꞌ más cajal scꞌoplal icom ti ángeletique. Yuꞌun ti jech oy scꞌuxul yoꞌnton ti Diose, laj scꞌan ti acꞌo chamuc ta sventa scotol cristianoetic. Avi tana xtoc un, tey xa ichꞌbil ta mucꞌ. Tey xa acꞌbil slequilal yutsilal ta sventa ti laj yichꞌ svocol cꞌalal cham ilaje.   
\p
\v 10 Scotol ti cꞌusitic oye, jaꞌ yuꞌun ti Diose, yuꞌun jaꞌ stuc laj smeltsan. Yuꞌun laj scꞌan ti Diose ti ta xacꞌbe slequilal scotol ti snichꞌnabe. Jech o xal un, ti Diose laj yacꞌbe yichꞌ svocol ti Jesucristoe. Yuꞌun ti jech laj yichꞌ ti svocole, jaꞌ icꞌot ta lequil Jcoltavanej yuꞌunic ti snichꞌnabe.  
\v 11 Ti buchꞌutic lecubtasbilique schiꞌuc ti Jlecubtasvaneje, jun ti Totil yuꞌunique. Jech o xal un, ti Snichꞌon Diose mu xqꞌuexav ti ta sbisotic ta yermanoe.  
\v 12 Yuꞌun jech ta xal ti tsꞌibabil ta chꞌul cꞌope:  
\q1 Ta xcalbe yaꞌiic acꞌoplal ti quermanotaque.  
\q1 Jaꞌ jech xtoc tey oyun ta oꞌlol ti bu tsobolique, ta jqꞌuejintabot qꞌuejojetic,  
\m xi.  
\v 13 Jech laj yal xtoc:  
\q1 Jaꞌ Jpojobbail ti Diose,  
\m xi. Jech laj yal yan velta xtoc:  
\q1 Liꞌ oyun schiꞌuc ti nichꞌnabiletic ti jaꞌ laj yacꞌbun ti Diose,  
\m xi.  
\v 14 Ti voꞌotic snichꞌnabotic ti Diose oy jbecꞌtaltic, jchꞌichꞌeltic. Jaꞌ jech ti Jesús eque laj yichꞌ talel sbecꞌtal jech chac cꞌu chaꞌal cristiano, yoꞌ jech xuꞌ ta xcham. Yuꞌun jaꞌ to jech xuꞌ ta slilinbe yabtel ti buchꞌu oy stsatsal ti ta xijchamotic yuꞌune, jaꞌ ti pucuje.  
\v 15 Ti jech icham ti Jesuse, jaꞌ tal spatbe yoꞌntonic ti buchꞌutic ti cꞌu sjalil liꞌ cuxulique ti jaꞌ noꞌox mosovinbilic ta xiꞌel ti ta xchamique.  
\v 16 Melel, maꞌuc tal scolta ti ángeletique. Yuꞌun jaꞌ tal scolta snitilultac ti Abrahame.  
\v 17 Yoꞌ jech ta xcꞌot ta pasel, jech o xal un, tsots scꞌoplal ti coꞌol sꞌelan icꞌot jech chac cꞌu chaꞌal ti yermanotaque, yoꞌ jech icꞌot ta banquilal pale yuꞌunic ta stojol ti Diose, ti oy slequil scꞌuxul yoꞌntone. Jech xuꞌ ta xchꞌaybe smul ti cristianoetic ta sventa ti jech laj yacꞌ sba ta milele.  
\v 18 Ti jech laj yaꞌi ti sujele, ti vocole, jech o xal un, ti Jesuse xuꞌ ta scolta ti buchꞌu ta xaꞌi ti sujele, ti vocole.   
\c 3  
\s1 Ti Jesuse jaꞌ más tsots yabtel yichꞌoj, jaꞌ mu sta ti Moisese  
\p
\v 1 Jaꞌ yuꞌun un, Quermanotac, ti lecubtasbiloxuque, ti icꞌbiloxuc yuꞌun ti Dios yoꞌ jech ta xacꞌotic ta yuꞌuntaque, tucꞌulanic lec ti Cristo Jesuse, ti jaꞌ jcholcꞌope, ti jaꞌ banquilal pale yuꞌun ti cꞌusi jchꞌunojtique.  
\v 2 Ti Jesuse jun yoꞌnton ta stojol ti Diose, jaꞌ ti Buchꞌu iꞌacꞌbat ti yabtel yoꞌ jech iꞌoch ta banquilal palee jech chac cꞌu chaꞌal ti Moisese jun yoꞌnton laj sventainbe scotol sna ti Diose.  
\v 3 Jaꞌ yuꞌun un, ti Jesuse jaꞌuc ti más to ichꞌbiluc ta muqꞌue. Jaꞌ me yamaluc scꞌoplal ti Moisese. Yuꞌun ti jun jmeltsanej nae jaꞌ más ichꞌbil ta mucꞌ. Yan ti nae yamal scꞌoplal.  
\v 4 Yuꞌun ti jujubej nae, scꞌan ti oy buchꞌu ta smeltsan. Jaꞌ noꞌox jech xtoc, scotol ti cꞌusitic oye, jaꞌ laj xa smeltsan ti Diose.  
\v 5 Jaꞌ jech ti Moisese, lequil jtunel laj sventainbe scotol sna ti Diose. Ti jech itun taje, jaꞌ ti ta scꞌajꞌalbe scꞌoplal ti cꞌusi tsꞌacal to ta xal ti Diose.  
\v 6 Pero ti Cristoe, lequil Nichꞌonil laj sventainbe sna ti Diose. Ti sna taje, jaꞌ ti voꞌotique mi jun coꞌntontic oe, mi mu xijchibaje, mi xijmuyubaj noꞌox ta smalael ti cꞌusi jmalaojtique.   
\s1 Ti scuxobil yoꞌntonic ti snichꞌnab Diose  
\p
\v 7 Jech o xal un, scꞌan ta xatsꞌetan achiquinic ta yaꞌyiel ti cꞌusi ta xal ti Chꞌul Espíritu ti tsꞌibabil ta scꞌop Diose:  
\q1 Ti mi voꞌoxuc ta xavaꞌiic ti cꞌusi ta xal ti Dios avi tana lie,   
\q1
\v 8 mu xayijubtas avoꞌntonic jech chac cꞌu chaꞌal laj spasic ti amolmucꞌtotic ta voꞌnee,  
\q1 ti jaꞌ noꞌox lic scꞌacꞌal yoꞌntonique,  
\q1 ti laj sqꞌuelbeic yoꞌnton ti Dios ta xocol banomile.   
\q1
\v 9 Yuꞌun jech laj yal ti Diose: “Tey laj sqꞌuelbeicun coꞌnton ti amolmucꞌtotic ta voꞌnee,  
\q1 acꞌo mi chaꞌvinic jabil tey laj yilic ti cꞌusi laj jpase.   
\q1
\v 10 Jech o xal un, tey liꞌilin yuꞌun ti cristianoetic taje.  
\q1 Jech laj cal: Tey onoꞌox chꞌacal ti yoꞌntonic ta xanavique.  
\q1 Mu scꞌan stamic ti jbee.   
\q1
\v 11 Jech o xal un, liꞌilin yuꞌunic.  
\q1 Jaꞌ jech xtoc laj cacꞌ que ti mu xchiꞌinicun ta cux oꞌntone”,  
\m xi ti Diose, xi ti Chꞌul Espiritue.   
\p
\v 12 Quermanotac, qꞌuelo me abaic ti mu me buchꞌu junucal avuꞌunic ti toj chopol yoꞌnton ti ta xchꞌac sbaic ta stojol ti cuxul Diose ta scoj ti mu xchꞌune.  
\v 13 Jaꞌ tscꞌan ti ta xatsatsubtasbe aba avoꞌntonic ta jujun tal ti jujun cꞌacꞌale yoꞌ to yorail avi liꞌe. Jaꞌ jech ta scꞌan taje, yoꞌ jech muꞌyuc buchꞌu junucal avuꞌunic ta xlajic ta loꞌlael yuꞌun ti mulile, ti tey xlic ti scꞌacꞌal yoꞌntonique.  
\v 14 Yan ti mi staoj yav jpatoj coꞌntontic xijcham xijlaje jech chac cꞌu chaꞌal ta sliquebale, jech o xal umbi, ta xijꞌacꞌbatotic jech chac cꞌu chaꞌal laj yichꞌ ti Cristoe.   
\p
\v 15 Jech o xal jech ta xal ti Chꞌul Espíritue:  
\q1 Ti mi voꞌoxuc ta xavaꞌiic ti cꞌusi ta xal ti Dios avi tana liꞌe,  
\q1 mu xayijubtas avoꞌntonic jech chac cꞌu chaꞌal laj spasic ti amolmucꞌtotic ta voꞌnee ti jaꞌ noꞌox lic scꞌacꞌal yoꞌntonique,  
\m xi.  
\v 16 ¿Buchꞌu scꞌoplalic xcaltic yaꞌyel taje ti laj yaꞌiic ti scꞌopojel Diose, ti tsꞌacal to lic scꞌacꞌal yoꞌntonique? Jaꞌic ti buchꞌutic iloqꞌuesatic talel yuꞌun ti Moisés ta Egipto banomile.  
\v 17 ¿Buchꞌu scꞌoplalic xcaltic yaꞌyel taje ti ilinem ti Dios ta stojolic chaꞌvinic jabile? Jaꞌic ti buchꞌutic laj saꞌic ti smulique. Jaꞌ yuꞌun un, tey chamic ta xocol banomil.  
\v 18 ¿Buchꞌu scꞌoplalic ti iꞌalbatic yuꞌun ti Diose ti mu xꞌochic ta cux oꞌnton schiꞌuque? Jaꞌic ti buchꞌutic laj stoy sbaique.  
\v 19 Ta xquiltic xtoc un ti muꞌyuc xꞌochic ta cux oꞌntonale, yuꞌun muꞌyuc laj xchꞌunic ti Diose.   
\c 4  
\p
\v 1 Ti jech to albil scꞌoplal ti xuꞌ to chbat jcux coꞌntontic schiꞌuc ti Diose, tscꞌan ti acꞌo jqꞌuel jbatique, naca mi oyuc jlom avuꞌunic ti mu xꞌochic batele.  
\v 2 Yuꞌun ti voꞌotic xtoque laj quichꞌtic albel ti colebal achꞌ cꞌope jech chac cꞌu chaꞌal ti stuquique. Pero ti stuquique muꞌyuc cꞌusi bal o laj yaꞌiic ti jech laj yichꞌic albel ti chꞌul cꞌop taje. Yuꞌun mu laj xchꞌunic ti cꞌusi laj yaꞌiique.  
\v 3 Yan ti voꞌotic ti jchꞌunojtic ti colebale, jaꞌ onoꞌox ta xijꞌoch ta cuxob oꞌntonal taje. Jech iꞌalbat scꞌoplalic yuꞌun ti Dios ta xavaꞌiic une:  
\q1 Liꞌilin yuꞌunic ti amolmucꞌtotique.  
\q1 Jech o xal laj cacꞌ que ti mu xchiꞌinicun ta cux oꞌntone,  
\m xi. Acꞌo mi jech laj yal ti Diose, pero tsutsem xa yuꞌun ti yabtele, yoꞌ xuꞌ ta xijꞌoch ta cuxob oꞌntonal ti cꞌalal lic smeltsan ti banomile.  
\v 4 Yuꞌun oy bu jech ta xal ti ta chꞌul cꞌope:  
\q1 Ta yucubal cꞌacꞌal laj xcux ti Dios yuꞌun scotol ti yabtele,  
\m xi.  
\v 5 Acꞌo mi jech chapajem yuꞌun ti Diose, pero jech laj yal xtoc ta schꞌul cꞌop:  
\q1 Mu xischiꞌinicun ta cux oꞌnton,  
\m xi.  
\v 6 Pero oy to jlom ti xuꞌ to ta xꞌochic batel ta cuxob oꞌntonale. Yan ti buchꞌutic baꞌyel laj yaꞌiic ti colebal cꞌope, muꞌyuc xꞌochic batel, jaꞌ ti laj sbajique.  
\v 7 Jech o xal ti Dios une, laj stꞌuj yan cꞌacꞌal yoꞌ xuꞌ ta xijꞌoch ta cuxob oꞌntonale. Jaꞌ ti cꞌacꞌal avi liꞌ tana une. Yuꞌun ti Diose, ta sjalil to un, jech lic scꞌoponotic ta sventa ti Davide, ti jech ta xal ta chꞌul cꞌop ti calojboxuc onoꞌoxe:  
\q1 Ti mi voꞌoxuc ta xavaꞌiic ti cꞌusi ta xal ti Dios avi tana liꞌe, mu xayijubtas avoꞌntonic,  
\m xi.  
\v 8 Yan ti jaꞌuc ti Josué ti laj yacꞌbe scuxob oꞌnton ti jꞌisraeletique, mi jaꞌuc laj yal ti Dios ti oy to yan cꞌacꞌal ti xie.  
\v 9 Jaꞌ yuꞌun un, oy to ti lequil cuxob oꞌntonal yuꞌun ti snichꞌnabtac Diose.  
\v 10 Yuꞌun ti buchꞌu ta xꞌoch ta cux oꞌnton schiꞌuc ti Diose, ta xa xcux yoꞌnton yuꞌun ti yabtele jech chac cꞌu chaꞌal ti Diose ti laj xcux yoꞌnton yuꞌun ti yabtele.  
\v 11 Jech o xal un chaꞌe, laꞌ cacꞌbetic yipal yoꞌ jech xuꞌ ta xijꞌoch ta cuxob oꞌntonal taje, naca mi oy jlomuc jaꞌ ta xchanbeic yoꞌntonic ti buchꞌutic muꞌyuc laj xchꞌunique.   
\p
\v 12 Yuꞌun ti scꞌop Diose, cuxul, oy stsatsal. Más jichꞌil ti sniꞌe, jaꞌ mu sta ti cꞌusuc noꞌox espadail ti chaꞌjot yee. Yuꞌun ti scꞌop Diose ta xcꞌot cꞌalal to yut coꞌntontic, ta sjunul jchꞌichꞌeltic. Ta svinajes talel ti cꞌusi ta snopilan ta xalolan ti yut oꞌntonale.  
\v 13 Ti cꞌusi pasbil yuꞌun ti Diose, mu stacꞌ snacꞌ sbaic ta stojol. Yuꞌun jamal scotol ta sba ta sat ti Buchꞌu ta xichꞌ quetique.   
\s1 Ti Jesuse jaꞌ ti mucꞌul banquilal palee  
\p
\v 14 Ti Snichꞌon Diose, jaꞌ ti Jesuse, jaꞌ ti mucꞌ ta banquilal pale cuꞌuntique ti iꞌoch xa batel ta stojol ti Diose. Jech o xal un, junuc coꞌntontic ta xchꞌunel ti cꞌusi jchꞌunojtique.  
\v 15 Yuꞌun ti banquilal pale cuꞌuntique xuꞌ xcꞌuxubaj yoꞌnton yuꞌun ti jvocoltic ti jech muꞌyuc quiptique. Yuꞌun ti stuque, ep ta tos laj yaꞌi sujel, laj yaꞌi vocol jech chac cꞌu chaꞌal ti voꞌotic ta xcaꞌitique. Jaꞌ noꞌox ti stuque muꞌyuc laj sta ti smule.  
\v 16 Jech o xal un, sjunuluc me coꞌntontic nopajcutic batel ta stojol ti jcꞌuxubinvanej Diose, yoꞌ jech ta xcꞌuxubaj yoꞌnton cuꞌuntic, yoꞌ jech ta yutsilal yoꞌnton ta xiscoltaotic ti cꞌalal yorail ta xtun cuꞌuntic ti coltaele.   
\c 5  
\p
\v 1 Ti jujun banquilal palee jaꞌ tꞌujbilic loqꞌuel ta stojol ti viniquetique. Jaꞌ jech xtoc vaꞌanbilic ta jꞌetꞌesejcꞌop yuꞌun ti cristianoetic ta stojol ti Diose. Jaꞌ jech xtoc jaꞌic ta sjelubtasic matanal schiꞌuc ti cꞌusitic milbil ti jaꞌ sventa stojol smulic ti cristianoetique.  
\v 2 Ti jech ta xaꞌi svocol stuc ti jech cristiano ti banquilal palee, jech o xal un, xuꞌ ta xcꞌuxubaj yoꞌnton yuꞌun ti buchꞌu mu snaꞌic ti cꞌusi lec ta pasele, schiꞌuc ti chꞌayemic ta bee.  
\v 3 Yuꞌun ti jech cristiano ti stuque, jech o xal un, tsots scꞌoplal ta xacꞌ stojol smul stuc ta stojol ti Diose jech chac cꞌu chaꞌal ta xetꞌesbe stojol smulic ti cristianoetique.   
\p
\v 4 Muꞌyuc buchꞌu junucal xuꞌ ta xꞌoch ta banquilal pale ta smantal noꞌox stuc. Yuꞌun jaꞌ Dios stuc ta xꞌicꞌvan yoꞌ jech ta xacꞌbe yichꞌ ti lequil abtele jech chac cꞌu chaꞌal iꞌicꞌat ti Aarone.  
\v 5 Jaꞌ jech icꞌot ta pasel ta stojol ti Cristoe. Mu yuꞌunuc laj spas sba ta mantal stuc ti jech iꞌoch ta banquilal palee. Yuꞌun jaꞌ iꞌicꞌat yuꞌun ti Diose ti jech iꞌacꞌbat ti lequil abtele jech chac cꞌu chaꞌal iꞌalbat yuꞌun ti Stote:  
\q1 Voꞌot ti Jnichꞌonote, yuꞌun cacꞌojbot acuxlejal avi tana liꞌe,  
\m xꞌutat.  
\v 6 Yuꞌun oy bu tsꞌibabil ta chꞌul cꞌop ti jech iꞌalbat xtoc yuꞌun ti Stote:  
\q1 Ti voꞌote, banquilal paleot sbatel osil ti coꞌol sꞌelan avabtel schiꞌuc ti Melquisedeque,  
\m xꞌutat.  
\v 7 Cꞌalal ay cuxiuc liꞌ ta sba banomil ti Cristoe, tsots xvocolet icꞌopoj, ep laj smal yaꞌlel sat ta stojol ti Diose, jaꞌ ti Buchꞌu oy stsatsal stuc ta xpojat ti cꞌalal ta xchame. Jech o xal un, iꞌaꞌibat scꞌop yuꞌun ti Diose ti jech yoꞌntone.  
\v 8 Acꞌo mi Nichꞌonil ti Cristoe, pero tey laj yaꞌi ta spasel ti cꞌusi tscꞌan ti Dios ta sventa ti svocol laj yichꞌe.  
\v 9 Cꞌalal jech laj spas scotol ti cꞌusi tscꞌan ti Diose, jaꞌ icꞌot ta lequil Jcoltavanej yuꞌunic sbatel osil ti buchꞌutic ta xchꞌunique.  
\v 10 Yuꞌun jaꞌ ivaꞌanat ta banquilal pale yuꞌun ti Diose ti coꞌol sꞌelan yabtel schiꞌuc ti Melquisedeque.   
\s1 Xiꞌbal sba ti chibajel ta xchꞌunel ti Cajvaltique  
\p
\v 11 Acꞌo mi oy to ep ti cꞌusi ta jcꞌan ta xcalcutic avaꞌiic scꞌoplal ti banquilal pale taje, pero toj vocol ta aꞌyibel smelol, jaꞌ ti mu xacꞌan xavaꞌiique.  
\v 12 Ti jechuque, jchanubtasvanejoxuc xa. Yuꞌun voꞌne xa achꞌunojic. Pero leꞌ une, chuꞌil to avipanojic. Yuꞌun ta to xacꞌan ti acꞌo avichꞌic albel smelol ti scꞌop Diose ti bu mu tsotsuc ta aꞌyibel ti smelole. Mu to xtiꞌ avuꞌunic ti yijil veꞌlile.  
\v 13 Yuꞌun ti buchꞌu chuꞌil yipanoje coꞌol sꞌelan olol to. Yuꞌun mu snaꞌ stꞌujel ti cꞌusi leque, ti cꞌusi chopole.  
\v 14 Yan ti buchꞌutic xtiꞌ yuꞌunic ti yijil veꞌlile, jaꞌic ti buchꞌutic chꞌiemic xa ta stojol ti Diose, ti xtojobic lec ta stꞌujel ti cꞌusi leque, ti cꞌusi chopole.   
\c 6  
\p
\v 1 Yoꞌ jech ta xijchꞌiotique, laꞌ cacꞌbetic batel yipal un yoꞌ jech ta xꞌechꞌ scꞌoplal ti jaꞌ noꞌox ta xcaꞌitic ti cꞌu sꞌelan lijꞌalbat scꞌoplal ti Cristo ta baꞌyele. Maꞌuc noꞌox ta xcalbe jbatic ti acꞌo yichꞌ ictael ti chopol oꞌntonale, schiꞌuc ti ta xijcham yuꞌun ti mu lecuc ta xichꞌ pasele, schiꞌuc ti acꞌo jchꞌuntic ti Diose.  
\v 2 Maꞌuc noꞌox ta xcalbe jbatic scꞌoplal ti cꞌu sꞌelan lijchanubtasat yuꞌun ti ichꞌvoꞌe, schiꞌuc scꞌoplal ti ta scajanel cꞌobil ta sjol ti jchꞌunolajeletique, schiꞌuc xtoc ti ta xchaꞌcuxiic ti animaetique, schiꞌuc xtoc ti castigo sbatel osile.  
\v 3 Mi jech tscꞌan ti Diose, cacꞌtic batel persa ta yaꞌyiel más ti scꞌop Diose.   
\p
\v 4 Yuꞌun ti buchꞌutic laj xa staic ti saquilal osile, ti laj xa yaꞌibeic smuil ti cꞌusi ta xacꞌ ti Diose, ti yichꞌoj ti Chꞌul Espíritue,  
\v 5 ti laj yaꞌibeic smuil ti lequil achꞌ cꞌop yuꞌun ti Diose, ti laj yaꞌibeic smuil xtoc ti smucꞌul stsatsal ti achꞌ banomil ti ta to xtale,  
\v 6 pero mi ta xchibaj yoꞌntonic ta jꞌechꞌel o ta xchꞌunel ti Cajvaltique, mu xa chaꞌbel stacꞌ jeltabel ti yoꞌntonic yan veltae. Yuꞌun coꞌol to sꞌelan ti ta sjipanic ta cruz yan velta ti Snichꞌon Diose, ti ta xaqꞌuic ta labanel ta sba ta sat ti cristianoetique.  
\v 7 Ti stuquique coꞌol sꞌelan jech chac cꞌu chaꞌal ti banomil ti lec ta xaꞌi ta xuchꞌ ti voꞌ ti cꞌalal ta xtalolan jujun veltae. Ti banomil taje, ti mi lec ta xacꞌbe sat stsꞌunobalic ti jꞌabteletique, ta melel umbi, ta xꞌacbat bendición yuꞌun ti Diose.  
\v 8 Yan ti mi jaꞌ noꞌox chꞌix, momol ta xaqꞌue, muꞌyuc cꞌusi stu o. Mu lecuc ta xꞌilat yuꞌun ti Diose. Tey ta xichꞌ chiqꞌuel ta cꞌocꞌ.   
\s1 Ti jech jmalaojtic ti oy cꞌusi ta xquichꞌtique, mu xchibaj coꞌntontic.  
\p
\v 9 Acꞌo mi jech laj calcutic avaꞌiic, Quermanotac, yan ti voꞌoxuque, jnaꞌcutic lec ti mu jechuc avoꞌntonique. Ta xavichꞌic ti lequil bendición ti ta xlic talel ta stojol ti Jcoltavaneje.  
\v 10 Yuꞌun ti Diose oy stuqꞌuil yoꞌnton. Yuꞌun mu xchꞌay ta yoꞌnton ti oy cꞌusi lec laj apasique. Jaꞌ jech xtoc ta xavaqꞌuic ta ilel ti cꞌux ta xavaꞌiic ti Diose, jaꞌ ti laj acoltaic ti jchꞌunolajeletique. Jech to yacal ta xapasic avi tana.  
\v 11 Pero ta jcꞌancutic ti jujunoxuque ti jechuc me staojuc yav avoꞌntonic xacham xalajic ti cꞌux ta xavaꞌi abaique, yoꞌ jech ta jbel scꞌoplal ta xataic ti cꞌusi amalaojique.  
\v 12 Pero mu jcꞌancutic ti ta xachꞌajubic ta bee. Jaꞌ ta jcꞌancutic ti ta xachanbeic yoꞌntonic ti buchꞌutic xchꞌunojic ti ta onoꞌox xcꞌot ta pasel ti ta xichꞌic ti smotonic ti albilic yuꞌun ti Diose, ti mu xchibaj yoꞌntonic ta smalaele.   
\p
\v 13 Yuꞌun ti Diose, ti cꞌalal laj yalbe ti Abraham ti oy cꞌusi ta xacꞌbee, laj svaꞌan sba ta rextigo stuc. Yuꞌun muꞌyuc xa buchꞌu yan más cajal ta svaꞌan ta rextigo.  
\v 14 Jech o xal jech laj yal:  
\q1 Melel, ta xacacꞌbot ep bendición.  
\q1 Jaꞌ jech xtoc ta xacacꞌbot ep anitilultac,  
\m xꞌutat.  
\v 15 Jaꞌ yuꞌun un, ti Abrahame tey sjunul yoꞌnton laj smala ti cꞌusi iꞌalbate. Jech o xal un, tey laj yichꞌ ti cꞌusi iꞌalbat yuꞌun ti Diose.  
\v 16 Cꞌalal oy cꞌusi ta svaꞌanic ta rextigo ti cristianoetique, jaꞌ ta svaꞌanic ta rextigo ti cꞌusi jaꞌ más cajal scꞌoplal yuꞌunique. Cꞌalal jech oy cꞌusi laj xa svaꞌanic ta rextigoe, ichꞌbil ta mucꞌ ta xcom ti cꞌusi laj yalique.  
\v 17 Jech o xal un, jaꞌ jech laj spas ti Diose. Laj yacꞌ yeꞌ. Laj svaꞌan sba stuc ta rextigo. Yuꞌun ta scꞌan ta xacꞌ iluc ta stojol ti buchꞌutic ta xichꞌic ti matanal ti yaloj onoꞌoxe ti mu jaꞌuc juteb ta sjelta ti cꞌusi yaloj ti ta xaqꞌue.  
\v 18 Jaꞌ yuꞌun un, oy chaꞌtos ti mu stacꞌ sjele, jaꞌ ti mu snaꞌ sjut cꞌop ti Diose. Ta sventa ti chaꞌbel taje, jaꞌ ta xijyacꞌbotic spatobil coꞌntontic ti Diose. Jech o xal ti voꞌotic ti laj xa jsaꞌtic ti jpojobbailtic ta stojole, jpatoj coꞌntontic ta jtatic ti cꞌusi yaloj onoꞌox ti Dios ti ta xaqꞌue.  
\v 19 Ti jech jchꞌunojtique, jaꞌ ta xacꞌ jnaꞌtic ta coꞌntontic ti lec oyotic ta stojol ti Diose jech chac cꞌu chaꞌal ti lec cotel ti barco yuꞌun ti yiclebe. Ti quiclebtique tey ijelav ta pat cortina ti bu tsacal lec ta yut chꞌul templo yuꞌun ti Dios tey ta vinajele.  
\v 20 Tey iꞌoch batel ti Jesuse yoꞌ jech ta sjambotic ti bee. Jaꞌ yuꞌun un, ti Jesuse tey iꞌoch o ta banquilal palee coꞌol sꞌelan schiꞌuc ti Melquisedeque.   
\c 7  
\s1 Ti Jesuse banquilal pale coꞌol sꞌelan jech chac cꞌu chaꞌal ti Melquisedeque  
\p
\v 1 Ti Melquisedec taje, jaꞌ to ox ajvalil yuꞌun ti jteclum Saleme. Jaꞌ jech xtoc jaꞌ banquilal pale yuꞌun ti mucꞌul Diose. Cꞌalal isut talel ti Abraham ta pas leto ti laj stsal ti jayib ajvaliletique, ti Melquisedeque ilocꞌ batel, ba snup ta be ti Abrahame. Tey laj yacꞌbe bendición.  
\v 2 Jaꞌ jech ti Abrahame tey laj yacꞌbe ti jujun lajlajuneb ti cꞌu yepal laj spas talel canal ta pas letoe. Ti biil Melquisedeque, jaꞌ smelol ta xal lequil ajvalil, xi. Ti smelol ti jteclum Salem xtoque, jaꞌ jun oꞌntonal, xi. Ti jech ajvalil yuꞌun ti jteclum Saleme, jaꞌ smelol ta xal ti jun yoꞌntonic ti buchꞌutic sventainoje.  
\v 3 Ati Melquisedec taje, muꞌyuc bejel ta vun sbi ti stote, ti smeꞌe, mi jaꞌuc ti smolmucꞌtotaque, mi jaꞌuc ti bu ivocꞌ talele, ti bu ichame. Ti jech taje, jaꞌ svinajeb ti coꞌol sꞌelan ti Snichꞌon Diose ti jaꞌ pale sbatel osile.   
\p
\v 4 Lec un chaꞌe, qꞌuelo avilic cꞌu sꞌelan smucꞌul ti Melquisedeque. Yuꞌun ti jmolmucꞌtotic Abrahame laj yacꞌbe ti jujun lajlajuneb ti laj spojbe talel ti ajvaliletic ta pas letoe.  
\v 5 Ti paleetic ti jaꞌic snitilultac ti Levie tsots scꞌoplal ta scꞌanbe jujun lajlajuneb scotol ti schiꞌil, xi iꞌalbatic yuꞌun smantal ti Moisese. Jaꞌ jech ta scꞌanbe taje, manchuc mi yutsꞌ yalal, snitilultac ti Abrahame jech chac cꞌu chaꞌal ti stuquique.  
\v 6 Pero ti Melquisedeque, manchuc mi maꞌuc snitilul ti Levie, pero laj scꞌanbe ti jujun lajlajuneb ti Abrahame, jaꞌ ti buchꞌu albil yuꞌun ti Dios ti oy cꞌusi ta xꞌacꞌbate. Jaꞌ jech xtoc ti Melquisedeque laj yacꞌbe bendición ti Abrahame.  
\v 7 Jaꞌ yuꞌun xcaltic un, ti buchꞌu laj yacꞌ ti bendicione jaꞌ más cajal. Jaꞌ mu sta ti buchꞌu laj yichꞌe.  
\v 8 Ti buchꞌutic ti liꞌ oy ta jtojoltic ti ta xichꞌic ti jujun lajlajuneb cuꞌuntique, viniquetic noꞌox ti snaꞌ xchame. Yan ti Melquisedeque mu jechuc scꞌoplal. Yuꞌun ta xꞌalbat scꞌoplal ti tsꞌibabil ta scꞌop Diose ti jaꞌ jun ti staoj to yav cuxule.  
\v 9 Ti pale Levie schiꞌuc ti snitilultac ta paleal ti laj scꞌanic ti jujun lajlajunebe, xuꞌ ta xcaltic ti laj yaqꞌuic ec ti jujun lajlajuneb ta stojol ti Melquisedeque ti cꞌalal jaꞌ laj yacꞌ ti Abrahame.  
\v 10 Jaꞌ jech icꞌot ta pasel, jaꞌ ti tey to ox oy ta sbecꞌtal schꞌichꞌel snitilultac ti Abrahame. Jaꞌ ti muꞌyuc to ox voqꞌuemic ti cꞌalal laj snup sbaic ta be schiꞌuc ti Melquisedeque.   
\p
\v 11 Ti jꞌisraelal cristianoetique laj yichꞌic ti mantal ta sventa ti paleetic ti jaꞌ snitilultac ti Levie, ti iꞌayan talel ta stojol ti Aarone. Yan ti yuꞌunuc ta sventauc ti paleetic taje ti laj staic ti lecubtasele, jaꞌ yuꞌun umbi, mu xa persauc ital yan pale ti coꞌol sꞌelan ti Melquisedeque, ti jaꞌ mu xcoꞌolaj schiꞌuc ti Aarone.  
\v 12 Cꞌalal jech ijelta ti paleetique, jaꞌ jech xtoc jelta ti mantal ti cꞌu sꞌelan ta xichꞌ tꞌujel ti palee.  
\v 13 Jech o xal un, ti Cajvaltique ti ta xꞌalbat scꞌoplal ti ta xꞌoch ta banquilal palee, maꞌuc snitilul ti Levie, jvocꞌ o xa snitilul ti jꞌisraeletic ti mu junuc ti ochemic ta paleale.  
\v 14 Yuꞌun vinajem lec scꞌoplal ti Cajvaltic Jesucristoe ti iꞌayan talel ta stojol jun snitilul ti Judae. Ti Moisese muꞌyuc laj yalbe scꞌoplal ti tey ta xichꞌ tꞌujel jun pale ti jaꞌ snitilul ti Judae.   
\p
\v 15 Yuꞌun jaꞌ to tey ivinaj lec ti cꞌu sꞌelan ta xichꞌ tꞌujel ti palee, ti cꞌalal ital ti Achꞌ palee ti coꞌol sꞌelan schiꞌuc ti Melquisedeque.  
\v 16 Ti Achꞌ pale ti ivaꞌie, maꞌuc ta sventa ti cꞌu sꞌelan ta xal ti mantal ti buchꞌu snitilul ta xꞌoche. Yuꞌun jaꞌ noꞌox iꞌoch ta paleal ta sventa ti oy stsatsal scuxlejal ti mu snaꞌ xlaje.  
\v 17 Yuꞌun jech iꞌalbat yuꞌun Dios ti Cristoe:  
\q1 Voꞌot paleot sbatel osil, coꞌol sꞌelan avabtel jech chac cꞌu chaꞌal ti Melquisedeque,  
\m xꞌutat.  
\v 18 Jaꞌ yuꞌun un, tey ilaj scꞌoplal ti voꞌne mantal ti ta xal ti cꞌu sꞌelan ta xichꞌ vaꞌanel ti paleetique. Yuꞌun yabtelic ti paleetique, muꞌyuc yip, muꞌyuc cꞌusi xuꞌ yuꞌun.  
\v 19 Jaꞌ jech xtoc ti smantal ti Moisese, muꞌyuc xlecubtasvan jutebuc. Avi tana liꞌe, oy xa jun sqꞌuexol ta jtojoltic ti jaꞌ más lec patobil oꞌntonale, ti jaꞌ ta sventa xuꞌ xijnopaj batel ta stojol ti Diose.   
\p
\v 20 Ti vaꞌi sꞌelan taje, jaꞌ laj svaꞌan sba stuc ta rextigo ti Diose.  
\v 21 Ti yan paleetique, muꞌyuc buchꞌu laj svaꞌan sba ta rextigo ta stojolic ti jech iꞌochic ta paleale. Yan ti cꞌalal iꞌoch ta banquilal pale ti Cristoe, oy Buchꞌu laj svaꞌan sba ta rextigo. Yuꞌun jech iꞌalbat ti tsꞌibabil ta chꞌul cꞌope:  
\q1 Voꞌot paleot sbatel osil, ti coꞌol sꞌelan avabtel jech chac cꞌu chaꞌal ti Melquisedeque.  
\q1 Yuꞌun laj xa jvaꞌan jba ta rextigo.  
\q1 Mu jel ti jcꞌope,  
\m xi ti Cajvaltic Diose.  
\v 22 Jech o xal un, ti Jesuse com ta sba ti jun trate ti más leque, ti jaꞌ mu sta ti baꞌyele.  
\v 23 Ti yan paleetique, ep laj echꞌicuc, jaꞌ ti snaꞌ xchamique.  
\v 24 Yan ti Jesuse, ti jech mu snaꞌ xchame, jech o xal ti yabtel ti jech banquilal palee, mu xuꞌ ta xichꞌ yan.  
\v 25 Jech o xal un, xuꞌ ta scolta sbatel osil ti buchꞌutic ta xnopajic batel ta stojol ti Dios ta sventa ti stuque. Yuꞌun cuxul sbatel osil, yoꞌ jech ta scꞌanbe vocol ti Dios ta stojolique.   
\p
\v 26 Ti Jesús taje, jaꞌ ti banquilal pale ti ta xtun cuꞌuntic ta jbel scꞌoplale. Yuꞌun ti stuque, chꞌul vinic. Muꞌyuc cꞌusi chopol ta snop. Muꞌyuc mulil ta stojol. Mu xcoꞌolaj yoꞌnton jech chac cꞌu chaꞌal ti jsaꞌmuliletique. Ichꞌbil ta mucꞌ ta stojol ti Diose ti tey ta vinajele.  
\v 27 Yuꞌun mu xcoꞌolaj schiꞌuc ti yan banquilal paleetique, ti jujun cꞌacꞌal ta smilic xchiqꞌuic ti animaletic ta stojol Dios ta sventa ti smul stuquique schiꞌuc smulic ti cristianoetique. Jaꞌuc ti Jesuse, jun noꞌox velta laj yacꞌ stojol ti mulil ta sventa scotole cꞌalal laj yacꞌ sba stuc ta mataninele.  
\v 28 Yan ti smantal ti Moisese, ta svaꞌanic ta banquilal pale viniquetic ti muꞌyuc slequilal ti yoꞌntonique. Tsꞌacal to un, ti Diose laj svaꞌan sba ta rextigo yoꞌ jech ta xꞌoch ta banquilal pale ti Snichꞌon ti oy o slequilal sbatel osile.   
\c 8  
\s1 Ti Jesuse jꞌetꞌesejcꞌop yuꞌun ti achꞌ trate  
\p
\v 1 Ti cꞌusi más tsots scꞌoplal ti ta xcalboxuc avaꞌiique, jaꞌ ti tey xa chotol ti banquilal pale cuꞌuntic ta stsꞌel sbatsꞌi cꞌob ti Dios ti oy ta vinajele.  
\v 2 Tey ta xtun ta paleal tey ta batsꞌi templo ti pasbil yuꞌun ti Cajvaltic Diose, ti maꞌuc pasbil yuꞌun ti viniquetique.  
\v 3 Scotol ti banquilal paleetique jaꞌ vaꞌanbilic ta yetꞌesel, ta xchiqꞌuel smoton ti Diose. Jaꞌ jech ti Jesuse, tsots scꞌoplal ti oy cꞌusi ta xacꞌ jelavele.  
\v 4 Yan ti liꞌuc onoꞌox oy ta banomile, mi jaꞌuc ochem ta paleal ti jechuque. Yuꞌun oy to banquilal paleetic ti vaꞌanbilic ta sjelubtasel matanal jech chac cꞌu chaꞌal ta xal smantal ti Moisese.  
\v 5 Ti paleetic ti vaꞌanbilic ta sventa smantal ti Moisese, ti yabtel ti ta spasique jaꞌ noꞌox smelol svinajeb ti cꞌusitic oy ta vinajele. Jnaꞌtic lec ti jaꞌ noꞌox svinajebe, yuꞌun jech onoꞌox iꞌalbat ti Moisés yuꞌun ti Diose ti cꞌalal lic smeltsan ti templo nucule: “Jech me xameltsan ti temploe coꞌol sꞌelan jech chac cꞌu chaꞌal laj cacꞌbot avil tey ta vitse”, ti xꞌutate.  
\v 6 Pero ti banquilal pale cuꞌuntique más to lec ti bu ta xꞌabteje. Yuꞌun jaꞌ jꞌetꞌesejcꞌop yuꞌun ti achꞌ tratee. Yuꞌun tey albil scꞌoplal ti oy cꞌusi más lec ta xacꞌ ti Diose.   
\p
\v 7 Yan ti lecuc itun ti baꞌyel tratee, mu xa persauc ti ital yan achꞌ tratee.  
\v 8 Pero ti Diose laj yil ti muꞌyuc ilecubtasatic ti cristianoetic yuꞌun ti baꞌyel tratee. Yuꞌun tsꞌibabil ta chꞌul cꞌop ti jech laj yal ti Cajvaltic Diose:  
\q1 Oy bu ta xcꞌot yorail ti ta jpas achꞌ trate schiꞌuc ti jꞌisraelal cristianoetique schiꞌuc xtoc ti snitilultac ti Judae.   
\q1
\v 9 Jaꞌ noꞌox ti mu xa jechuc ta jpas ti tratee jech chac cꞌu chaꞌal laj jpas schiꞌuc ti smolmucꞌtotique,  
\q1 ti cꞌalal laj jnitbe loqꞌuel talel scꞌobic ta Egipto banomile.  
\q1 Yuꞌun ti stuquique muꞌyuc laj spasic ti jbaꞌyel tratee.  
\q1 Jech o xal un, laj quicta comel.   
\q1
\v 10 Cꞌalal ta xcꞌot scꞌacꞌalil ti ta xcacꞌbe achꞌ trate ti jꞌisraelel cristianoetique,  
\q1 jaꞌ jech chac cꞌu chaꞌal liꞌe.  
\q1 Ta jticꞌbe ta sjolic ti jmantale.  
\q1 Ta jtsꞌibabe ta yoꞌntonic.  
\q1 Jech o xal un, vuꞌunun ti Dios yuꞌunique.  
\q1 Jaꞌ jech xtoc ti stuquique, jaꞌ calab jnichꞌnab.   
\q1
\v 11 Jech o xal un, mu xa persauc oy buchꞌu ta xchanubtas sbaic schiꞌic ti schiꞌile,  
\q1 ti yermanoe, yoꞌ jech ta snaꞌic ti cꞌu jꞌelane.  
\q1 Yuꞌun scotolic ta xiyojtiquinicun, cꞌalal ta biqꞌuit ta mucꞌ.   
\q1
\v 12 Ta xcacꞌbe perdón yuꞌun ti schopolalique.  
\q1 Mi jaꞌuc ta jvules ta coꞌnton ti smulique,  
\m xi ti Diose.  
\v 13 Cꞌalal ta xalbe scꞌoplal jun achꞌ trate ti Diose, jaꞌ xa laj yal ti echꞌ xa scꞌoplal ti baꞌyel tratee. Ti cꞌusi ta xa xlaje, ti ta xa xꞌechꞌ batel ti scꞌoplale, yuꞌun ta xa xtub.   
\c 9  
\s1 Ti templo liꞌ ta banomile schiꞌuc ti chꞌul templo ta vinajele  
\p
\v 1 Ti baꞌyel tratee oy smantaliltac ti cꞌu sꞌelan ta ichꞌel ta mucꞌ ti Dios ta templo liꞌ ta sba banomile.  
\v 2 Ti temploe jaꞌ jech sꞌelan laj yich meltsanel. Ti ta sliquebale, tey oy ti chꞌul cuartoe, ti bu oy ti yavil cantilae schiꞌuc ti mexa ti jaꞌ scajleb ti chꞌul pane.  
\v 3 Ti ta spat ti schibal cortinae, tey oy ti batsꞌi chꞌul cuartoe.  
\v 4 Ti teye, tey oy jun altar ti jaꞌ oroe sventa xchicꞌobil ti pome. Tey oy xtoc scaxail ti trate ti bonbil ta oro sbejele. Ti tey ta yut caxae, tey oy jun jarru ti jaꞌ oroe, ti bu tiqꞌuil ti manae. Jaꞌ jech xtoc tey tiqꞌuil ta caxa snabteꞌ ti Aarón ti qꞌuelomaje. Tey tiqꞌuil xtoc ti chaꞌpech ton ti bu laj yichꞌ tsꞌibael ti tratee.  
\v 5 Ti ta sba ti caxae, tey oy vaꞌajtic chib slocꞌobbail ángeletic ti jaꞌ sqꞌuexol stuc ti Diose. Ti ángeletic taje tey smacoj ta xiqꞌuic ti bu ta xichꞌ tael ti perdón yuꞌun smulic ti cristianoetique. Taje, tey to noꞌox cꞌalal ta xcalcutic avaꞌi scꞌoplal avi tanae.   
\p
\v 6 Ti jech chapajem scotole, jech ti paleetique scotol cꞌacꞌal ta xꞌochilanic ti ta sliquebal chꞌul cuartoe, yoꞌ jech ta spasic ti yabtelic ta yichꞌel ta mucꞌ ti Diose.  
\v 7 Yan ti ta schaꞌcꞌolale, jaꞌ noꞌox ta xꞌoch batel jun velta ta jujun jabil ti banquilal palee. Ti cꞌalal ta xꞌoch batele, tsots scꞌoplal ta xichꞌ ochel schꞌichꞌel ti animaletic ti ta xacꞌ ta sventa stojol smul stuque schiꞌuc stojol smulic ti cristianoetique.  
\v 8 Ati jechuc yacaluc to ta xtun ti sliquebal cuarto yuꞌun ti temploe, jaꞌ ta xacꞌ ta naꞌel ti Chꞌul Espíritue ti macal to sbelal ti batsꞌ chꞌul cuarto ti jechuque.  
\v 9 Scotol taje, oy cꞌusi ta xacꞌ ta naꞌel avi cꞌacꞌale. Yuꞌun ti matanale, ti animaletic ti ta xichꞌ acꞌbel ta smoton ti Diose, mu xuꞌ ta slecubtasbatic sjol yoꞌntonic ti buchꞌu jech ta xichꞌic ta mucꞌ ti Diose.  
\v 10 Yuꞌun jaꞌ noꞌox sventa spat xocon. Yuꞌun jaꞌ noꞌox scꞌoplal veꞌliletic, uchꞌbolaletic, schiꞌuc ti cꞌu sꞌelan ta slecubtas sbaique. Yuꞌun mantal noꞌox, ti oy stue jaꞌ to mi laj yichꞌ jeltael yuꞌun ti Diose.   
\p
\v 11 Avi tana un, ital xa ti Cristoe, jaꞌ xa ti banquilal pale yuꞌun scotol ti cꞌusitic lec talem xae. Ti templo ti bu ta xtun ta paleal ti Cristoe, jun yutsil, yuꞌun más lec. Yuꞌun maꞌuc pasbil yuꞌun ti viniquetic liꞌ ta sba banomile.  
\v 12 Yuꞌun ti Cristoe iꞌoch xa batel ti ta batsꞌi chꞌul cuartoe. Ti teye, maꞌuc xa ta xacꞌ schꞌichꞌel ti chivoetique, ti chꞌin vacaxetique. Yuꞌun laj xa yacꞌ ti schꞌichꞌel stuque. Jaꞌ yuꞌun un, jun noꞌox velta laj yacꞌ comel ta sventa scotol. Tey laj sman ti jcoleltic sbatel osile.  
\v 13 Melel, ti schꞌichꞌel chivoetique, ti schꞌichꞌel vacaxetique, ti stanil ti meꞌ chꞌin vacax ti laj yichꞌ chiqꞌuel ta altare, melel, oy stu ti laj yichꞌ vijbel ta sbaic ti buchꞌutic oy smulique, yoꞌ jech ta xlecub ti spat xoconique.  
\v 14 Ti mi jaꞌ jech taje, jaꞌ más to jelavem yip schꞌichꞌel ti Cristoe. Ta sventa ti coltabil yuꞌun ti Chꞌul Espíritu ti muꞌyuc spajebe, ti Cristoe stuc laj yacꞌ sba ta milel ta stojol ti Diose, ti jaꞌ jun matanal ti muꞌyuc yicꞌobale. Jech o xal ti schꞌichꞌele ta xispocbotic ti sbolil jol coꞌntontique ti cꞌusi laj xa jpastic ti jaꞌ noꞌox ta xiyacꞌotic ta chꞌayele, yoꞌ jech xuꞌ ta xcacꞌ jbatic ta tunel yuꞌun ti cuxul Diose.   
\p
\v 15 Jech o xal un, ti Jesucristoe jaꞌ jꞌetꞌesejcꞌop yuꞌun ti achꞌ tratee, jaꞌ ti rextomentoe. Ti jech icham ti Cristoe, jaꞌ ta sventa ti laj staic perdón yuꞌun smulic ti cristianoetic ti laj staic cꞌalal tey to ox oyic ta stojol ti baꞌyel tratee. Jaꞌ jech xtoc yoꞌ jech ti buchꞌutic icꞌbilic yuꞌun ti Diose ta xichꞌic ti rextomento sbatel osil ti jech onoꞌox albilique.  
\v 16 Ti buchꞌu laj smeltsan svunal jun rextomento liꞌ ta sba banomile, tscꞌan ta xvinaj mi chamem xa ti buchꞌu laj smeltsane, yoꞌ jech ta xlic abtejuc ti rextomentoe.  
\v 17 Yuꞌun ti rextomentoe mu to xuꞌ xlic abtejuc cꞌalal mi cuxul to ti buchꞌu laj smeltsane, jaꞌ noꞌox mi chamem xa ti buchꞌu laj smeltsanbe svunal ti rextomentoe.  
\v 18 Jech o xal un, ti baꞌyel tratee tey lic abtejuc talel cꞌalal lic stunesic chꞌichꞌ ti cristianoetique.  
\v 19 Jech o xal ti Moisese laj yavta scotol ti mantaletic ta stojol scotol ti cristianoetique. Tsꞌacal to un, laj stsac tsajal tsots schiꞌuc jun scꞌob hisopo teꞌ. Tey laj stsaj ochel ta schꞌichꞌel ti chꞌin vacaxetique schiꞌuc schꞌichꞌel ti chivoetic ti capal ta voꞌe. Tey lic svaj ta sba ti libro yuꞌun ti mantale schiꞌuc xtoc ta sba scotol ti cristianoetique.  
\v 20 Jaꞌ yuꞌun un, ti Moisese jech laj yalbe ti cristianoetique: “Ti chꞌichꞌ ti laj jtunes liꞌe, jaꞌ svinajeb ti ilic xa abtejuc ti strate Dios ta atojolique”, xi.  
\v 21 Jaꞌ jech xtoc ti Moisese lic svajbe chꞌichꞌ ti temploe schiꞌuc scotol ti cꞌusitic tey ta xtun ta yute.  
\v 22 Ta xal ti mantale ti jutuc mu scotoluc ta xichꞌ lecubtasel ta chꞌichꞌe. Yuꞌun mi muꞌyuc ta xichꞌ malel ti chꞌichꞌe, muꞌyuc perdón yuꞌun ti mulile.   
\s1 Ti jech laj yacꞌ sba ta milel ti Cristoe, itub ti mulile  
\p
\v 23 Jech o xal un, tsots scꞌoplal laj yichꞌ lecubtasel ta chꞌichꞌ scotol ti cꞌusitic jaꞌ slocꞌobbail ti cꞌusitic oy ta vinajele. Yan ti cꞌusitic oy ta vinajele, más to lec chꞌichꞌ ta scꞌan, jaꞌ mu sta taje.  
\v 24 Yuꞌun ti Cristoe maꞌuc iꞌoch batel ta templo ti meltsanbil yuꞌun ti cristianoetique, ti slocꞌobbail noꞌox ti batsꞌi chꞌul templo ti oy ta vinajele. Yuꞌun jaꞌ iꞌoch batel ta vinajel, ti tey laj svaꞌan sba ta stojol ti Dios ta jventatique.  
\v 25 Ti jꞌisraelal banquilal paleetique ta xꞌoch batel jujun jabil ta batsꞌi chꞌul cuarto ta yaqꞌuel chꞌichꞌ ti maꞌuc schꞌichꞌel stuque. Yan ti Cristoe mu jayibuc velta laj yacꞌ ti schꞌichꞌel stuque.  
\v 26 Ati yuꞌunuc jechuque, ep ta velta laj yacꞌ sba talel ta milel cꞌalal lic meltsajuc talel ti banomile. Pero leꞌe, jaꞌ o ivul ta loqꞌuel ti Cristo ti cꞌalal slajebtic xa batel ti cꞌacꞌale, yoꞌ jech jun noꞌox velta ta xacꞌ sba ta milel ta sventa scotole, yoꞌ jech ta xchꞌay ti mulile.  
\v 27 Ti cꞌalal ta xijcham jcotoltique, jun noꞌox velta. Tsꞌacal to un, ta xtal ti chapanele.  
\v 28 Jaꞌ jech ti Cristoe, jun noꞌox velta iꞌacꞌat ta milel yoꞌ jech ta xchꞌaybe smul scotol. Tsꞌacal to xtoc un, ta xtal yacꞌ sba ta ilel yan velta. Pero maꞌuc ta xtal stub ti mulile. Jaꞌ xa noꞌox ta xtal scolta ti buchꞌutic smalaojique.   
\c 10  
\p
\v 1 Ti cꞌusi laj yacꞌ ta naꞌel smantal ti Moisese, maꞌuc ti batsꞌi smelole, jaꞌ svinajeb noꞌox ti cꞌusitic lec ta xvul ta loqꞌuele. Jech o xal un, ti cꞌusi ta xacꞌ ta naꞌel ti mantale, muꞌyuc xuꞌ yuꞌun ta slecubtasel ti buchꞌutic ta xnopajic ta stojol Dios ta sventa ti cꞌusi milbile, ti tey onoꞌox ta xaqꞌuic jujun jabile.  
\v 2 Ati yuꞌunuc ilecubtasaticuc yuꞌun ti cꞌusi ta xichꞌ milel ta sventa ti mantale, mu xa xaꞌiic ti oy to ti smulic jechuque. Laj yictaic ti buchꞌu ta xaqꞌuic ti matanale.  
\v 3 Ti animaletic ti laj xchiqꞌuique, jaꞌ noꞌox ta xvulesbatic ta yoꞌntonic jujun jabil ti oy smulique.  
\v 4 Yuꞌun ti schꞌichꞌel ti vacaxetique, ti chivoetique mi jaꞌuc xuꞌ ta xtub yuꞌun ti mulile.   
\p
\v 5 Jech o xal ti Cristoe, ti cꞌalal ta xa xtal ta banomile, jech laj yalbe ti Diose:  
\q1 Mu xacꞌan ti matanale, ti animaletic ti ta xichꞌ chiqꞌuele.  
\q1 Jech o xal laj avacꞌbun quichꞌ jbecꞌtal.   
\q1
\v 6 Mu xmuyubajuc avoꞌnton yuꞌun ti chicꞌbil animaletic ti jaꞌ amotone,  
\q1 mi jaꞌuc ti cꞌusi ta xichꞌ milel yoꞌ jech ta xtub ti mulile.   
\q1
\v 7 Jech o xal jech laj cal: “Liꞌ oyune, yoꞌ jech ta jpas ti cꞌusi oy ta avoꞌntone, Dios,  
\q1 jech chac cꞌu chaꞌal ta xal ti jcꞌoplal ti tsꞌibabil ta achꞌul cꞌope”,  
\m xi ti Cristoe.  
\v 8 Ti Cristoe baꞌyel laj yal ti mu xmuyubajuc yoꞌnton Dios yuꞌun ti animaletic ta xichꞌ milele, ti ta xichꞌ chiqꞌuele, ti jaꞌ stojol sventa ta xtub ti mulile.  
\v 9 Tsꞌacal to un, jech laj yal: “Liꞌ oyune, yoꞌ jech ta jpas ti cꞌusi oy ta avoꞌntone, Dios”, xi. Ti jech taje, jaꞌ ta xacꞌ ta naꞌel ti ta stubbe scꞌoplal ti animaletic ti ta xichꞌ milele. Yuꞌun jaꞌ ta xꞌoch ta sqꞌuexol matanal ti stuque.  
\v 10 Jaꞌ yuꞌun un, ti Diose laj xa slecubtasotic. Yuꞌun ti Jesucristoe laj spas ti cꞌusi oy ta yoꞌnton ti Diose cꞌalal jun noꞌox velta laj yacꞌ sba ta milel ta sventa scotole.   
\p
\v 11 Scotol ti jꞌisraelal paleetique jaꞌ yabtelinojic jujun cꞌacꞌal ta yaqꞌuel ti jtostos noꞌox animaletique, acꞌo mi mu xtub yuꞌun ti mulile.  
\v 12 Pero ti Jesucristoe jtos noꞌox laj yacꞌ ti stojol mulil ti ta xtun sventa sbatel osile. Tsꞌacal to un, tey bat chotluc ta xocon sbatsꞌi cꞌob ti Diose.  
\v 13 Jech o xal tey smalaoj ti ta xꞌacꞌbat ta yoc ta scꞌob ti yajcrontataque.  
\v 14 Yuꞌun ta jtos noꞌox stojol mulil lec icom sbatel osil ti buchꞌutic ilecubtasatic yuꞌune.  
\v 15 Yuꞌun jech ta xacꞌ ta naꞌel xtoc ti Chꞌul Espꞌiritue. Yuꞌun jech laj yal ti ta sliquebale:   
\q1
\v 16 Cꞌalal ta xcꞌot scꞌacꞌalil ti ta xcacꞌbe achꞌ trate ti jꞌisraelal cristianoetique,  
\q1 jaꞌ jech chac cꞌu chaꞌal liꞌe, xi ti Cajvaltic Diose.  
\q1 Ta jticꞌbe ta sjolic ti jmantale.  
\q1 Ta jtsꞌibabe ta yoꞌntonic,  
\m xi.  
\v 17 Tsꞌacal to xtoc un, jech laj yal:  
\q1 Mi jaꞌuc ta jvules ta coꞌnton ti smulique, ti schopolalique,  
\m xi.  
\v 18 Jaꞌ yuꞌun un, cꞌalal tub xa ti mulile, jech o xal un, laj scꞌoplal ta yaqꞌuel stojol ti mulile.   
\s1 Ta scꞌan ti nopajcutic batel ta stojol ti Diose  
\p
\v 19 Jech o xal un, Quermanotac, ta sventa ti laj xa smal schꞌichꞌel ti Jesucristoe, sjunuluc coꞌntontic ochcutic batel ti ta batsꞌi chꞌul cuartoe.  
\v 20 Yuꞌun ti stuque laj xa sjam ta sbecꞌtal stuc ti cortinae. Jech o xal un, laꞌ jtamtic ti achꞌ bee, ti jaꞌ sbelal ti cuxlejale.  
\v 21 Yuꞌun ti Jesuse, jaꞌ xa banquilal pale cuꞌuntic ti jaꞌ sventainojbe sna ti Diose, jaꞌ ti yalab snichꞌnabe.  
\v 22 Jech o xal un, sjunuluc coꞌntontic nopajcutic ta stojol ti Diose. Jꞌechꞌeluc laꞌ jchꞌuntic o. Yuꞌun lecubtasbil xa ti coꞌntontic yuꞌune, yoꞌ jech ta xcaꞌitic ti muꞌyuc xa ti jmultique. Jaꞌ jech xtoc pocbilotic xa ta chꞌul voꞌ.  
\v 23 Jech o xal un, staojuc yav coꞌntontic jmalatic ti oy cꞌusi ta xquichꞌtic ta sventa ti jchꞌunojtique. Mu me jyanijes jbatic. Yuꞌun ti Diose ta xcꞌot onoꞌox ta pasel yuꞌun ti strate ti yalojbotique.  
\v 24 Laꞌ me jnoptic lec cꞌu sꞌelan ta jcoltaan jbatic ta jujun tale, yoꞌ jech cꞌux ta xcaꞌi jbatic, yoꞌ ta jpastic ti cꞌusi leque.  
\v 25 Mu me jchanbetic yoꞌntonic ti buchꞌutic mu xa xcꞌotic ta tsobobbail cuꞌuntique. Yuꞌun jaꞌ ta scꞌan ti acꞌo jtsatsubtasbe jba coꞌntontic ta jujun tale. Jaꞌ lec ti jech ta jpastique, yuꞌun nopol xa talel ti scꞌacꞌalil ti ta xtal ti Cajvaltique.   
\p
\v 26 Yan ti mi yalel xa ta jsaꞌ ti jmultic ti cꞌalal laj xa caꞌitic ti melele, muꞌyuc xa yan stojol ti mulile.  
\v 27 Jaꞌ xa noꞌox cajal ta xcom ta jbatic ti tsots chapanele schiꞌuc ti cꞌocꞌ ti ta xtile, ti jaꞌ smilobil ti yajcrontatac ti Diose.  
\v 28 Quel avil, cꞌalal oy buchꞌu laj sbajbe smantal ti Moisese, muꞌyuc scꞌuxul oꞌntonal ta xichꞌ milel cꞌalal ta svaꞌan sba chib oxib rextigoe.  
\v 29 Jaꞌ yuꞌun un, ¿cꞌu to sꞌelan castigo ta xichꞌic xanaꞌ ti buchꞌutic ta sjubeic ta teqꞌuel Snichꞌon ti Diose, ti ta sbajbeic ti schꞌichꞌele, ti chopol ta xcꞌopojic ta stojol ti Schꞌul Espíritu ti Diose ti cꞌalal jaꞌ cꞌux ta xꞌaꞌivane? Ti chꞌichꞌ taje, jaꞌ ta xacꞌ ta naꞌel ti lic abtejuc ti trate ti cꞌalal jaꞌ jlecubtasvanej yuꞌunique.  
\v 30 Jnaꞌtic lec ti jech ta xal ti Cajvaltic Diose: “Vuꞌun jventainoj ta yacꞌbel castigo. Vuꞌun ta xcacꞌbe stoj”, xi. Jaꞌ jech xtoc jech laj yal: “Vuꞌun jbainoj ta xchapanel ti calab jnichnabe”, xi.  
\v 31 Jech o xal toj xiꞌbal sba ti mi ta xijbaj ta yoc ta scꞌob ti cuxul Diose.   
\p
\v 32 Pero vuleso ta avoꞌntonic ti cꞌu aꞌelanic ta voꞌne ti cꞌalal lic avaꞌiic talel ti lequil achꞌ cꞌope. Yuꞌun ta smucꞌul avoꞌntonic icuch avuꞌunic ti ep ta tos ti avocolique, ti mucꞌ ta ilbajinele.  
\v 33 Yuꞌun oy jlom avuꞌunic ti laj yichꞌic utilanel ilbajinel ta satilale. Yuꞌun oy jlom avuꞌunic cꞌux laj avaꞌiic ti cꞌalal laj avilic ti laj yichꞌic svocolic ti yane.  
\v 34 Ti voꞌoxuque cꞌux laj avaꞌiic ti buchꞌutic ochemic ta chuquele. Jaꞌ jech xtoc xamuyubajic xa cuch avuꞌunic ti laj avichꞌic pojbel ti cꞌusitic xꞌayan avuꞌunique. Jaꞌ ti laj avaꞌic ti oy cꞌusi más lec ta xaꞌacꞌbatic ti oy ta vinajel ti mu snaꞌ xlaj sbatel osile.  
\v 35 Jaꞌ yuꞌun un, mu me xchibaj avoꞌntonic ta xchꞌunel ti Diose. Yuꞌun ti mi jech avoꞌntonique, ta xavichꞌic ti mucꞌ ta matanale.  
\v 36 Ti voꞌoxuque tscꞌan ti oyuc smucꞌul avoꞌntonique, yoꞌ jech ta xapasic ti cꞌusi oy ta yoꞌnton ti Diose. Jaꞌ jech ta xataic umbi ti cꞌusi yaloj ti Diose.  
\v 37 Yuꞌun jech ta xal ta schꞌul cꞌope:  
\q1 Jutuc xa scꞌan ta xtal ti Buchꞌu ta xtal onoꞌoxe, mu xa xjocꞌtsaj.   
\q1
\v 38 Ti buchꞌu lec ta xquile, jaꞌ noꞌox ti buchꞌu sjunul yoꞌnton xchꞌunojune, jaꞌ ta xcuxi o.  
\q1 Yan ti buchꞌu ta xchibaj yoꞌntone, mu xmuyubajuc coꞌnton yuꞌun,  
\m xi ti Diose.  
\v 39 Yan ti voꞌotique, maꞌucotic jech chac cꞌu chaꞌal ti buchꞌutic ti ta xchibaj yoꞌntonique, yoꞌ jech ta xtub ti scꞌoplale. Jaꞌ jechotic jech chac cꞌu chaꞌal ti buchꞌutic lec xchꞌunojique, yoꞌ jech ta xcol ti schꞌulelique.   
\c 11  
\s1 Ti jchꞌunojtic Diose  
\p
\v 1 Ti jech jchꞌunojtic ti Diose, jnaꞌojtic lec ti ta xquichꞌtic ti cꞌusi jmalaojtique. Acꞌo mi mu xquiltic, pero jbel scꞌoplal ta xcꞌot ta pasel.  
\v 2 Ti jmolmucꞌtotic ta voꞌnee laj staic ti lec iꞌilatic yuꞌun ti Diose, yuꞌun laj xchꞌunic.   
\p
\v 3 Ti jech jchꞌunojtic ti Diose, jnaꞌtic lec ti jaꞌ noꞌox ta scꞌop stuc imeltsaj scotol ti cꞌusitic oy xꞌayane. Jaꞌ yuꞌun un, ti cꞌusi ta xquiltic avi liꞌe, jnaꞌtic lec ti imeltsaj ta sventa ti cꞌusi mu xvinaj ta qꞌuelele.   
\p
\v 4 Ti jech xchꞌunoj Dios ti Abele, jech o xal un, más lec matanal laj yacꞌbe ti Diose, jaꞌ mu sta ti Caine. Jech o xal ti Abele lec iꞌilat yuꞌun ti Diose. Lec itsacbat ti matanal ti laj yaqꞌue. Jech o xal un, acꞌo mi chamem xa ti Abele, staoj to yav ta xvinajesbat ti scꞌoplal ti lec xchꞌunoje.   
\p
\v 5 Ti jech xchꞌunoj Dios ti Enoque, jech o xal cuxul iꞌicꞌat batel ta vinajel. Muꞌyuc xa laj staic ta saꞌel ti cristianoetique, jaꞌ ti iꞌicꞌat batel yuꞌun ti Diose. Yuꞌun ta xal ti tsꞌibabil ta schꞌul cꞌope ti cꞌalal muꞌyuc to ta xꞌicꞌat batel ti Enoque, lec iꞌilat yuꞌun ti Diose.  
\v 6 Pero mu xuꞌ lec ta xꞌilat yuꞌun Dios ti buchꞌutic mu xchꞌunique. Yuꞌun ti buchꞌu ta xnopaj ta stojole, ta scꞌan ti ta xchꞌun ti cuxul ti Diose. Jaꞌ jech xtoc ti buchꞌu ta saꞌ ti Diose, ta scꞌan ti ta xchꞌun ti ta xꞌacꞌbat ti smotone.   
\p
\v 7 Ti jech xchꞌunoj Dios ti Noee, jech o xal un, cajꞌalbat yuꞌun Dios ti oy cꞌusi ta xcꞌot ta pasel ti mu to yilojique. Cꞌalal jech iꞌalbate, laj xchꞌun, lic smeltsan ti barcoe, yoꞌ jech ta spoj sbaic schiꞌuc ti yalab snichꞌnabe. Ti jech xchꞌunoj Dios ti Noee, jech o xal tey laj svinajesbe ti schiꞌiltaque ti oy ti smulique. Jaꞌ jech xtoc laj sta ti lec iꞌilat yuꞌun Dios ta sventa ti jech xchꞌunoje.   
\p
\v 8 Ti jech xchꞌunoj Dios ti Abrahame, jech o xal ti cꞌalal iꞌicꞌat yuꞌun ti Diose, laj xchꞌun. Jech o xal ilocꞌ batel, yoꞌ jech ta xbat ta banomil ti bu ta xꞌacꞌbat ti srextomento yuꞌun ti Diose. Jech o xal laj yicta comel ti slumale acꞌo mi mu snaꞌ ti bu ta xbate.  
\v 9 Ti jech xchꞌunoj Dios ti Abrahame, jech o xal coꞌol sꞌelan jꞌechꞌel-be inaqui ta osil ti albil yuꞌun Dios ti ta xꞌacꞌbate. Yuꞌun ta axibal na inaqui. Jaꞌ jech laj spas xtoc ti Isaaque, ti Jacobe, ti cꞌalal albilic onoꞌox ti ta xꞌacꞌbatic ti osile.  
\v 10 Jaꞌ jech laj spas ti Abrahame, yuꞌun smalaoj ti chꞌul jteclume ti jaꞌ snopoj spasoj stuc ti Diose.   
\p
\v 11 Jaꞌ jech xtoc ti Sarae, ti jech xchꞌunoj ti Diose, manchuc mi toj yayil xa, ti echꞌem xa yorail ti ta xꞌalaje, pero iꞌacꞌbat to yip ti cꞌot ta meꞌile. Jech o xal un, iꞌayan to yol ta sventa ti laj xchꞌun ti ta xcꞌot ta pasel ti cꞌusi yaloj ti Diose.  
\v 12 Jech o xal un, manchuc mi ta xa stsuts batel ti sjabilal ti cꞌu sjalil cuxul ti Abrahame, pero iꞌayan to ep snitilultac jech chac cꞌu chaꞌal ti cꞌanaletique, ti yiꞌ ta tiꞌ nab ti mu atbajuque.   
\p
\v 13 Scotolic ti cristianoetic taje, muꞌyuc yichꞌojic icham ilajic ti cꞌusi albilic yuꞌun Dios ti ta xꞌacꞌbatique. Pero ti jech xchꞌunojique, ta nom laj yilic ti cꞌusi ta xꞌacꞌbatique. Xmuyubajic xa laj sqꞌuelic batel. Jech o xal ti stuquique tey laj yalic ti jaꞌ jꞌechꞌel-beetic ti echꞌic liꞌ ta banomile.  
\v 14 Yuꞌun ti buchꞌutic ti jech ta xalic taje, jaꞌ ta xacꞌ ta naꞌel ti ta to saꞌic batel ti batsꞌi slumalique.  
\v 15 Ati yuꞌunuc jaꞌuc oy ta yoꞌnton ti sbanomilic ti bu iloqꞌuic talele, jech o xal un, tey isutic batel ti jechuque.  
\v 16 Pero ti stuquique yuꞌun ta scꞌan ta sta yaꞌiic ti slequil-lumalique, jaꞌ ti vinajele, jech o xal ti Diose mu qꞌuexlaluc ta xaꞌi ti jech bisbil ta Dios yuꞌunique. Yuꞌun ti Diose laj xa smeltsanbe steclumalic.   
\p
\v 17 Ti jech xchꞌunoj Dios ti Abrahame, laj yacꞌ ta matanal ti snichꞌone cꞌalal iqꞌuelbat yoꞌnton yuꞌun ti Diose. Sjunul yoꞌnton laj yacꞌ ta matanal ti jun noꞌox snichꞌone,  
\v 18 acꞌo mi albil yuꞌun Dios ti ta sventa Isaac ta xꞌayan ep ti snitilultaque.  
\v 19 Jech laj spas ti Abrahame, jaꞌ ti snaꞌ lec ti oy stsatsal ti Diose ti ta xchaꞌcuxes ti animaetique. Ti jech taje, xuꞌ ta xcaltic ti chaꞌcuxiem xa laj xchaꞌicꞌ batel snichꞌon ti Abrahame.   
\p
\v 20 Ti jech xchꞌunoj Dios ti Isaaque, jech o xal un, laj yalbe yaꞌi ti Esaue, ti Jacobe ti ta sta scꞌacꞌalil ti ta xꞌacꞌbatic bendición yuꞌun ti Diose.  
\v 21 Ti jech xchꞌunoj Dios ti Jacobe, cꞌalal poꞌot xa ta xchame, laj yalbe yaꞌi ti jujun snichꞌon ti Josee ti ta xꞌacꞌbatic bendición yuꞌun ti Diose. Tey stsꞌuyet xa ta svaxton ti Jacobe xmuyubaj noꞌox icꞌopoj ta stojol ti Diose.  
\v 22 Ti jech xchꞌunoj Dios ti Josee, cꞌalal poꞌot xa ta xchame, laj yalbe yaꞌi ti schiꞌiltaque ti ta xcꞌot scꞌacꞌalil ti ta xloqꞌuic batel ta Egipto banomile. Jaꞌ jech xtoc laj yal mantal ti oy cꞌusi scꞌan pasel yuꞌun ti sbaquiltaque.   
\p
\v 23 Ti jech xchꞌunojic Dios stot smeꞌ ti Moisese, jech o xal un, muꞌyuc ixiꞌic yuꞌun smantal ti ajvalile ti ta xichꞌ milel ti ololetique. Cꞌalal laj yilic ti cꞌupil sba ivocꞌ ti quereme, jech o xal laj snaqꞌuiic oxib u.  
\v 24 Ti jech xchꞌunoj Dios ti Moisese, ti cꞌalal vinic xae, mu scꞌan ta xcom o ta squerem ol ti yantsil nichꞌon ti ajvalil tey ta Egiptoe.  
\v 25 Yuꞌun jaꞌ más lec laj yaꞌi ti coꞌol ta xichꞌ ilbajinel schiꞌuc ti schiꞌiltac ti tꞌujbilic yuꞌun ti Diose. Yuꞌun jaꞌ mu tsotsuc scꞌoplal laj yaꞌi ti cꞌu sjalil xmuyubaj xa ta xacꞌbe sba ti mulile.  
\v 26 Yuꞌun jaꞌ más scꞌulejal laj yaꞌi ti bajbil ta xcꞌot ta sventa ti Cristoe. Yuꞌun jaꞌ mu sta scꞌoplal laj yaꞌi scotol scꞌulejal ti Egipto banomile, jaꞌ ti spatoj yoꞌnton ti ta xꞌacꞌbat smoton yuꞌun ti Diose.  
\v 27 Ti jech xchꞌunoj Dios ti Moisese, mi jaꞌuc juteb ixiꞌ yuꞌun ti ajvalil ti jech ta xcap sjol cꞌalal laj yicta comel ti Egipto banomile. Mu xicta sba ti cꞌusi snopoj ti Moisese. Yuꞌun coꞌol sꞌelan laj yil ti cuxul Dios ti mu xquiltique.   
\p
\v 28 Ti jech xchꞌunoj Dios ti Moisese, jech o xal un, laj sliques ti qꞌuin Colele. Laj yal mantal ti acꞌo yichꞌ bonel ta chꞌichꞌ ti tiꞌ naetique, yoꞌ jech mu xmilbat ti sbanquilal nichꞌnabtac ti jꞌisraeletic yuꞌun ti ángele.  
\v 29 Ti jech xchꞌunojic Dios ti jꞌisraeletique, coꞌol sꞌelan taquin banomil ijelavic batel ti ta Tsajal Nabe. Cꞌalal jech laj spasic ox ti jꞌegipcio cristianoetique, tey ijicꞌavic scotolic ta nab.   
\p
\v 30 Ti jech xchꞌunojic Dios ti jꞌisraeletique, jech o xal un, ilom ti smocal ti jteclum Jericoe cꞌalal laj sjoyobtaic ta xanobal ti vucub cꞌacꞌale.  
\v 31 Jaꞌ jech xtoc ti jmulivajel ants Rahabe laj xchꞌun ti Diose. Jech o xal un, mu coꞌoluc icham schiꞌuc ti schiꞌiltac ti stoyoj sbaique. Yuꞌun laj xcꞌuxubin ti jpaꞌivanej jꞌisraeletique.   
\p
\v 32 Ep to ti cꞌusi scꞌan ta xcalboxuc avaꞌiique. Pero mu xlocꞌ o ti cꞌacꞌale yoꞌ jech ta xcalboxuc avaꞌiic scꞌoplal ti Gedeone, ti Baraque, ti Sansone, ti Jeftee, ti Davide, ti Samuele, schiꞌuc ti jꞌalcꞌopetique.  
\v 33 Ti jech xchꞌunojic Dios ti cristianoetic taje, jech o xal un, laj stsalic ti jteclumetique. Lec iꞌechꞌic ta ajvalil. Laj staic ti coltael yuꞌun ti Dios ti jech albilique. Altsaj ye ti jtiꞌoval leonetic yuꞌunique.  
\v 34 Oy jlom itub ti mucꞌtic cꞌocꞌ yuꞌunique. Colic ti ta xichꞌic milel ta espadae. Ti buchꞌutic muꞌyuc yipique itsatsubic. Oy bu echꞌem xuꞌ yuꞌunic ti pas letoe yoꞌ jech laj stsalic ti yajcrontaique.  
\v 35 Oy antsetic ti ichaꞌcuxiic ti buchꞌu icham yuꞌunique.  
\p Oy jlom xtoc chamic o yuꞌun ti ilbajinele, jaꞌ ti muꞌyuc laj xchꞌunic ta xcoltaatique. Yuꞌun jaꞌ ta scꞌan ta staic ti ta xchaꞌcuxiique.  
\v 36 Oy yan xtoc laj yichꞌic labanel. Laj yichꞌic nucul. Laj yichꞌic chuquel ta cadena. Laj yichꞌic tiqꞌuel ta chuquel.  
\v 37 Oy yan xtoc laj yichꞌic milel ta ton. Laj yichꞌic tuchꞌel ta sierra taqꞌuin. Oy jlom iqꞌuelbat yoꞌntonic. Oy jlom laj yichꞌic milel ta espada. Oy jlom yalel muyel yuꞌun ti svocolique. Oy jlom jaꞌ noꞌox smacoj sbaic ta nuculil chij schiꞌuc nuculil chivo. Abol sbaic. Nutsbilic. Ilbajinbilic.  
\v 38 Ti jꞌichꞌ-vocoletic taje muꞌyuc stu ta xꞌilatic yuꞌun ti cristianoetique. Tey yalel muyelic ta xocol banomil, ta vitsetic, ta nail chꞌenetic, ta lom chꞌenetic.  
\v 39 Acꞌo mi laj staic scotolic ti lec xꞌilatic yuꞌun ti Dios ta sventa ti xchꞌunojique, pero muꞌyuc to yichꞌojic ti cꞌusi albilic yuꞌun Dios ti ta xꞌacꞌbatique.  
\v 40 Yuꞌun oy cꞌusi lec snopoj ti Dios ti ta spase. Yuꞌun oy ta yoꞌnton ti acꞌo jtatic jmoj ti jlequilaltic schiꞌuquique.   
\c 12  
\s1 Cacꞌtic batel jsatic ta stojol ti Jesuse  
\p
\v 1 Ti vaꞌi sꞌelan ti joyol ta jpat ta jxocontic ti buchꞌutic laj yaqꞌuic ta ilel ti xchꞌunojic oe, jech o xal un, laꞌ jiptic comel ti cꞌusi ta xismacotic ta bee, schiꞌuc xtoc ti mulil ta xꞌuninvan yaꞌie. Jaꞌ lec sjunuluc coꞌntontic cacꞌtic persa ti anil ti quechel beotic batele.  
\v 2 Laꞌ cacꞌtic batel jsatic ta stojol ti Jesuse. Yuꞌun tey ta xlic talel ta stojol ti ta jchꞌuntic oe. Jaꞌ jech xtoc, yuꞌun jaꞌ ta sventa ta jtatic ti oy cꞌusi ta xquichꞌtique. Yuꞌun jaꞌ laj yichꞌ svocol ta cruz. Jaꞌ jech xtoc muꞌyuc iqꞌuexav yuꞌun ti jech ichame, jaꞌ ti snaꞌoj onoꞌox lec cꞌalal mi echꞌ ti svocole, ta sta ti xmuyubaj xa ti yoꞌntone. Jech o xal ibat chotluc ta sbatsꞌi xocon ti Dios ti bu ta spas mantale.   
\p
\v 3 Nopic me ti ep la yichꞌ crontainel yuꞌun ti jsaꞌmuliletic ti Jesuse. Jech o xal un, mu xalubtsajic, mu xachibajic.  
\v 4 Yuꞌun ti voꞌoxuque mu to bu ta xalajic ta milel ta sventa stsalel ti mulile.  
\v 5 ¿Mi yuꞌun ichꞌay xa ta avoꞌntonic ti ta stojobtasoxuc ti Diose ti jech snichꞌnaboxuque? Yuꞌun jech ta xal ti tsꞌibabil ta scꞌope:  
\q1 Nichꞌon, mu me xabaj ti cꞌalal ta stsitsot ti Cajvaltique.  
\q1 Mu me xachibaj yuꞌun ti cꞌalal ta stojobtasote.   
\q1
\v 6 Yuꞌun ti Cajvaltique ta stojobtas ti buchꞌu cꞌux ta xaꞌie.  
\q1 Jaꞌ jech xtoc ta stsits ti buchꞌu ta sbis ta snichꞌnabe,  
\m xi ti tsꞌibabile.  
\v 7 Cuchuc avuꞌunic ti tsitsele. Yuꞌun ta xa sbisoxuc ta snichꞌon ti Diose. ¿Mi oy nichꞌonil xanaꞌ ti mu xtsitsat yuꞌun ti stote?  
\v 8 Yan ti mi mu xastsitsoxuc ti Diose jech chac cꞌu chaꞌal ta stsits ti snichꞌnabique, yuꞌun yan nichꞌnabiloxuc. Maꞌuc ti batsꞌi nichꞌnabiloxuque.  
\v 9 Jaꞌ noꞌox jech xtoc ti cꞌalal biqꞌuitotic toe, laj quichꞌtic tsitsel yuꞌun ti jtotic liꞌ ta banomile. Pero tey laj quichꞌtic ta mucꞌ. Jaꞌ yuꞌun un, ¿mi jaꞌ xa mu stacꞌ jtsꞌictic ti tsitsel yuꞌun ti Chꞌul Diose, yoꞌ jech ta jtatic ti jcuxlejaltique?  
\v 10 Yuꞌun ti jtotic ti liꞌ ta banomile jayib noꞌox cꞌacꞌal laj stojobtasotic ti cꞌusi lec ta xilique. Jaꞌuc xa van ti cꞌu sꞌelan ta stsitsotic ti Diose, jaꞌ jtunel, yoꞌ jech ta jtatic ti jlequilaltique jech chac cꞌu chaꞌal slequilal ti stuque.  
\v 11 Melel, mi junuc oy buchꞌu lec ta xaꞌi ti cꞌalal yacal ta xichꞌ ti tsitsele. Yuꞌun toj cꞌux ta xcaꞌitic. Pero tsꞌacal to un, ti buchꞌutic tuqꞌuibic ta sventa ti tsitsel laj yichꞌique, ta staic ti xpatet yoꞌntonique, ti lec ti scuxlejalique.   
\s1 Xiꞌbal sba ti ta jbajtic scꞌopojel ti Diose  
\p
\v 12 Jaꞌ yuꞌun un, tsatsubuc yan velta ti avoc acꞌobic ti lubtsajeme.  
\v 13 Tamic ti tuqꞌuil bee. Jech ti buchꞌu coxove ta xcol ti yacane. Mu xa yanticuc ta soc batel.   
\p
\v 14 Aqꞌuic persa ti lecunebuc avoꞌntonic yuꞌun scotol. Aqꞌuic ta qꞌuelel ti lec acuxlejalique. Yuꞌun ti buchꞌu muꞌyuc slequilalique, mu xilbeic sat ti Cajvaltique.  
\v 15 Bijanic me yoꞌ jech muꞌyuc buchꞌu junucal avuꞌunic ti ta xicta comel ti coltael ti ta xꞌacꞌbat yuꞌun ti Diose. Jaꞌ jech xtoc, bijanic me yoꞌ jech muꞌyuc buchꞌu junucal avuꞌunic ti chopol ti yoꞌnton ti ta soquesvane jech chac cꞌu chaꞌal ti veneno momol ti ta xmilvane.  
\v 16 Mu me buchꞌu junucal avuꞌunic ti ta xmulivaje. Jaꞌ jech xtoc, mu me sbaj ti cꞌusitic jaꞌ yuꞌun ti Diose jech chac cꞌu chaꞌal laj spas ti Esaue, ti ta jun noꞌox setsꞌ veꞌlil laj sjel ti oy cꞌusi ta xꞌacꞌbat ti jech banquilal nichꞌonile.  
\v 17 Ti voꞌoxuque xanaꞌic lec scꞌoplal ti Esaue. Manchuc mi ta to scꞌan yaꞌi ti bendición ti ta xꞌacꞌbat yuꞌun ti stote, pero muꞌyuc xa xꞌichꞌat ta mucꞌ. Manchuc mi ep iꞌocꞌ, pero mu xa cꞌusi laj yut ta sjel ti jech laj spase.   
\p
\v 18 Ti voꞌoxuque mu xa jechuc lanopajic batel ta vitsꞌ ti stacꞌ qꞌuelele jech chac cꞌu chaꞌal laj yilic ti jꞌisraeletique, ti bu ta xtil ti cꞌoqꞌue, ti bu icꞌuneb ta jmeque, ti bu xjumet ti iqꞌue, ti bu xcꞌavlajet ti chaꞌuque.  
\v 19 Mi jaꞌuc laj avaꞌiic yechꞌomal snucꞌ ti oqꞌuese, ti scꞌopojel Dios ti cꞌalal icꞌoponatic ti jꞌisraeletique. Yuꞌun ti buchꞌutic laj yaꞌiic ti scꞌopojel Diose, laj scꞌanic vocol ti mu xa xcꞌoponatic mase.  
\v 20 Ti jech taje, jaꞌ ti mu xa xcuch yuꞌunic ti mantal ti ta xꞌalbatique: “Ti buchꞌu chbat vaꞌluc ta yoc vitsꞌe, ta xichꞌ milel ta ton, mi ta lanza, acꞌo mi animaletic xtoc”, xꞌutatic.  
\v 21 Yuꞌun toj xiꞌbal sba ti cꞌusi laj yilique. Jech o xal jech laj yal ti Moisese: “Xinicnun xa ta xiꞌel ta xcaꞌi ec”, xi.   
\p
\v 22 Jaꞌuc ti voꞌoxuque lanopajic batel ta vitsꞌ Sión ti jaꞌ steclumal ti cuxul Diose, jaꞌ ti Jerusalén ti oy ta vinajel xcaltique. Jaꞌ jech xtoc lanopajic batel ti bu oy ep ta mil ti ángeletique.  
\v 23 Yuꞌun tey tsobolic ta smuyubtaic ti Diose. Jaꞌ jech xtoc lanopajic ta stojol ti jchꞌunolajeletic ti jaꞌ snichꞌnabtac ti Diose ti tey tsacal ti sbiic ta vinajele. Lanopajic ta stojol ti Dios ti jaꞌ Juez yuꞌun scotole. Lanopic ta stojol xtoc schꞌulelic ti lequil viniquetic ti jaꞌ lecubtasbilic xa yuꞌun ti Diose.  
\v 24 Jaꞌ jech xtoc lanopajic xa ta stojol ti Jesuse, ti jaꞌ jꞌetꞌesejcꞌop yuꞌun ti achꞌ tratee. Lanopajic xa ta stojol schꞌichꞌel Jesús ti laj smale, ti oy cꞌusi lec ta xacꞌ jnaꞌtique, ti jaꞌ mu sta schꞌichꞌel ti Abele.   
\p
\v 25 Jech o xal un, bijanic me, mu me xabajic ti Buchꞌu ta xiscꞌoponotique. Yuꞌun muꞌyuc xcolic ti buchꞌutic laj sbajic ti bijubtasel yuꞌun ti buchꞌu icꞌopoj ta sventa Dios liꞌ ta banomile. Jaꞌuc xa van ti voꞌotique, mu xijcolotic ti mi ta jbajtic ti Buchꞌu ta xisbijubtasotic ti xlic talel ta vinajele.  
\v 26 Yuꞌun ti cꞌalal icꞌopoj ti Dios ta voꞌnee, inic ti banomile. Pero avi tana un, jech ta xal: “Yan to velta ta jniques ti banomile. Pero maꞌuc xa noꞌox ti banomile, ta jniques schiꞌuc ti vinajele”, xi.  
\v 27 Ti cꞌalal ta xal jun velta más ti xie, jaꞌ ta xacꞌ ta naꞌel ti ta sqꞌuej batel ti Diose ti cꞌusitic stacꞌ niquesel ta xile. Jaꞌ noꞌox ta xcom ti cꞌusi mu stacꞌ niquesele.  
\v 28 Ti ventainel yuꞌun ti Dios ti yacꞌojbotique, mu stacꞌ niquesel. Jech o xal un, colavalcutic yuꞌun ti jech taje. Laꞌ me quichꞌtic ta mucꞌ ti Diose. Laꞌ jnijan jbatic ta yoc ta scꞌob, jaꞌ ti más lec ta xile.  
\v 29 Yuꞌun ti Dios cuꞌuntique jaꞌ cꞌocꞌ ti stuque, ti ta slilin ti cꞌusi mu xtun ta xile.   
\c 13  
\s1 Ti cꞌusi lec ta xaꞌi ti Diose  
\p
\v 1 Mu me xavictaic ti cꞌux ta xavaꞌi abaꞌiic ta jujun tale, yuꞌun avermano abaic.  
\v 2 Mu me xachꞌay ta avoꞌntonic ta xcꞌuxubinel ti buchꞌutic ta xcꞌot ta anaique. Yuꞌun oy bu jech icꞌot ta pasel ti jaꞌ ángeletic ti laj yiqꞌuic ochel ta yut snaique. Jaꞌ noꞌox ti muꞌyuc laj snaꞌic buchꞌue.   
\p
\v 3 Mu me xachꞌay ta avoꞌntonic ti jchuqueletique. Coꞌoluc me sꞌelan xavaꞌiic ti tey tiqꞌuiloxuc ta chuquel schiꞌuque. Nopo lec avaꞌiic ti buchꞌu ta xichꞌ ti svocolique. Yuꞌun ti voꞌoxuque oy abecꞌtalic. Xuꞌ ta xichꞌ svocol ti abecꞌtalic eque.   
\p
\v 4 Scotolic acꞌo yichꞌic ta mucꞌ ti cꞌu sꞌelan ti nupul tsꞌacalique. Mu me xamulivajic. Yuꞌun ti buchꞌu ta xmulivajique ta xchapanat yuꞌun ti Diose.   
\p
\v 5 Mu me xcꞌupij avoꞌntonic yuꞌun ti taqꞌuine. Junuc me avoꞌntonic schiꞌuc ti cꞌusi xꞌayan avuꞌunique. Yuꞌun jech yaloj ti Diose: “Mi jaꞌuc ta jipot ta jtenot comel”, xi.  
\v 6 Jech o xal un, xuꞌ ta xcaltic jech chac cꞌu chaꞌal liꞌe:  
\q1 Ti Cajvaltique jaꞌ Cajcoltavanej.  
\q1 Mi oy cꞌusi ta xispasbun yaꞌi ti jun vinique, mu xixiꞌ yuꞌun,  
\m chicutic.   
\p
\v 7 Mu me xachꞌay ta avoꞌntonic ti buchꞌutic laj xchanubtasoxuque, ti jaꞌ laj yalboxuc avaꞌiic ti scꞌop Diose. Nopic lec cꞌu sꞌelan ti scuxlejal iꞌechꞌique. Chanbeic ti cꞌu sꞌelan xchꞌunojique.   
\p
\v 8 Yuꞌun ti Jesucristoe staoj yav yoꞌnton ti cꞌu sꞌelan voljee, avi tana liꞌe, ti sbatel osile.  
\v 9 Mu me xavacꞌ abaic ta chanubtasel yuꞌun yan cꞌopetic ti yan o ta aꞌyiele. Jaꞌ lec, acꞌo stsatsubtas avoꞌntonic yuꞌun scꞌuxul yoꞌnton ti Diose. Jaꞌ altic ti ta xachꞌunic chanubtasel yuꞌun scꞌoplal ti veꞌliletique. Yuꞌun ti buchꞌu jech ta xchꞌun taje, muꞌyuc cꞌusi ta staic yuꞌun.  
\v 10 Yuꞌun ti voꞌotique oy xa yan stojol jmultic ti mu jaꞌuc xuꞌ ta slajesic ti paleetic ti abtejic ta templo ta voꞌnee.  
\v 11 Yuꞌun ti banquilal pale yuꞌun ti jꞌisraeletique ta xichꞌ ochel schꞌichꞌel ti animaletic ti ta chꞌul cuartoe, ti jaꞌ matanal yoꞌ jech ta xchꞌay ti mulile. Yan ti sbecꞌtal ti animaletique ta xichꞌ chiqꞌuel ta stiꞌil ti bu nacalique.  
\v 12 Jaꞌ jech ti Jesuse tey bat yichꞌ milel ta stiꞌil jteclum, yoꞌ jech ta slecubtas ti cristianoetic ta sventa ti schꞌichꞌel stuque.  
\v 13 Jech o xal un, jtsꞌaclitic batel ta stiꞌil jteclum ti Jesuse. Quichꞌtic labanel jech chac cꞌu chaꞌal laj yichꞌ ti stuque.  
\v 14 Yuꞌun liꞌ ta sba banomile muꞌyuc jteclumaltic ti ta xjalij oe. Yuꞌun jaꞌ ta jsaꞌtic batel ti jteclumaltic ti ta to xtale.  
\v 15 Jaꞌ yuꞌun un, acꞌo calbetic slequilal ti Diose ta sventa ti Jesucristoe. Ti jech ta xcalbetic slequilal ti Diose, jaꞌ jech matanal ta scꞌan ti ta xcacꞌbetic ti Diose. Jech o xal un, locꞌuc ta quetic ti yan yutsilal ti Diose.  
\v 16 Mu me xachꞌay ta avoꞌntonic ta spasel ti cꞌusi leque. Coltao abaic ta jujun tal yuꞌun ti cꞌusi xꞌayan avuꞌunique. Yuꞌun ti jech taje, jaꞌ matanal ti lec ta xaꞌi ti Diose.   
\p
\v 17 Chꞌunbeic ti cꞌu sꞌelan ta xasbijubtasoxuc ti jchanubtasvanej avuꞌunique. Coꞌoluc avoꞌntonic schiꞌuc. Yuꞌun ti stuquique jaꞌ ta xchabiboxuc ti achꞌulelique, jaꞌ ti snaꞌic lec ti ta xꞌichꞌbat yeic yuꞌun ti Diose. Ti mi jech ta xapasique, lec ta xbat ti yabtelique. Yan ti mi mu jechuc ta xapasique, ta xavaqꞌuic ta at oꞌnton. Muꞌyuc cꞌusi lec ta xataic.   
\p
\v 18 Taic me ta cꞌoponel ti Dios ta jtojolcutique. Yuꞌun ta xcaꞌicutic ti muꞌyuc cꞌusi ta xal ti coꞌntoncutique. Yuꞌun ta jcꞌan ta jpascutic scotol ti cꞌusi leque.  
\v 19 Jaꞌ jech xtoc ta jcꞌan ti ta xacꞌoponic ti Dios ta jtojole yoꞌ jech ta xisut talel, xtal jqꞌueloxuc ta ora.   
\s1 Ti bendicione schiꞌuc ti slajeb chabanuque  
\p
\v 20 Ti jꞌacꞌ-jun-oꞌntonal Diose laj xchaꞌcuxes ti Cajvaltic Jesucristoe, jaꞌ ti banquilal jqꞌuelchije, ti jaꞌ ta sventa schꞌichꞌel ti icꞌot ta pasel ti achꞌ trate sbatel osile.  
\v 21 Ti Diose taje, acꞌo slecubtasoxuc yoꞌ jech lec scotol ti cꞌusi ta xapasique, yoꞌ jech ta xapasic ti cꞌusi ta scꞌan ti yoꞌntone. Jaꞌ jech xtoc, acꞌo spas ta jtojoltic ti cꞌusi lec ta xaꞌi stuc ta sventa ti Jesucristoe. Ichꞌbiluc ta mucꞌ sbatel osil ti Jesucristoe. Jechuc.   
\p
\v 22 Quermanotac, ta jcꞌanboxuc vocol ti tsꞌicbeicun ti cꞌu sꞌelan laj jbijubtasoxuc jbel chaꞌbel liꞌ ta jcartae.  
\v 23 Ta xcalboxuc avaꞌiic ti locꞌ xa ta chuquel ti quermanotic Timoteoe. Ti mi tal noꞌox ta orae, tey ta jchiꞌin talel ti cꞌalal xtal jqꞌueloxuque.   
\p
\v 24 Chabanuc xavalbe yaꞌi ti buchꞌutic ta xaschanubtasoxuque schiꞌuc scotol ti quermanotic ti xchꞌunojique. Chabanuc xayalbeic ti jchꞌunolajeletic ti liꞌ oyic ta Italiae.   
\p
\v 25 Acꞌo yacꞌboxuc bendición ti Dios acotolique. Jechuc.