\id GAL \h GÁLATAS \toc2 GÁLATAS \toc1 GÁLATAS \mt1 Gálatas \c 1 \s1 Ti Pabloe ta stsꞌiba batel scarta ta stojol ti jchꞌunolajeletic ti oy ta Galacia banomile \p \v 1 Vuꞌun Pabloun, jcholcꞌopun. Maꞌuc tꞌujbilun tacbilun yuꞌun ti cristianoetique. Yuꞌun jaꞌ laj stꞌujun stuc ti Jesucristoe, ti Jtotic Diose, ti Buchꞌu laj xchaꞌcuxes ti Jesucristoe. \v 2 Ti vuꞌune schiꞌuc scotol ti quermanotac ti liꞌ jchiꞌuque ta jtsꞌibacutic talel ti jcartacutic liꞌe ti voꞌoxuc jchꞌunolajeloxuc ti buꞌyuc noꞌox oyoxuc ta jujun tsobobbail ta Galaciae. \v 3 Ichꞌic slequilal ti Jtotic Diose schiꞌuc ti Cajvaltic Jesucristoe. Acꞌo yacꞌboxuc jun avoꞌntonic. \v 4 Ti Cajvaltic Jesucristoe laj yacꞌ sba ta milel ta scoj ti jmultique, yoꞌ jech ta spojotic loqꞌuel ti jech toj chopol ti sba banomile. Ti jech laj spas taje, yuꞌun jech onoꞌox oy ta yoꞌnton ti Jtotic Diose. \v 5 Ichꞌbiluc ta mucꞌ ti Dios sbatel osile. Jechuc. \s1 Muꞌyuc xa yan cꞌop ti ta xijcolotic yuꞌune \p \v 6 Toj chꞌayal ta xcꞌot coꞌnton avuꞌunic chcaꞌi ti ta ora noꞌox ta xavalopatinic comel ti Diose, ti cꞌalal laj yicꞌoxuc ti Dios ta sventa scꞌuxul yoꞌnton ti Cristo ti oy ta atojolique. Avi tana un, tey ta xatsꞌacliic batel yan cꞌop ti maꞌuc colebale. \v 7 Ti jech taje, mu meleluc ti oy to bu yan colebal cꞌope. Pero ti cꞌusi ta xcꞌot ta pasele, yuꞌun oy tey jlom ti jaꞌ noꞌox ta xayilbajinoxuque, ti ta syanijesbe smelol ti lequil achꞌ cꞌop yuꞌun ti Cristoe. \v 8 Pero mi oy buchꞌu ta xayalboxuc yan cꞌop ti mu xcoꞌolaj schiꞌuc jech chac cꞌu chaꞌal ti laj calcutique, ti buchꞌu jech ta spas taje, acꞌo yichꞌ castigo yuꞌun ti Diose. Muꞌyuc ta alel buchꞌuuc noꞌox, mi vuꞌun, mi jun ángel ti liquem talel ta vinajele. \v 9 Laj xa onoꞌox calboxuc avaꞌiic, ti mi oy buchꞌu ta xal jun cꞌop ti maꞌuc ta xijcolotic yuꞌune, ta jchaꞌalboxuc avaꞌiic, ti acꞌo yichꞌ castigo ti mi mu xcoꞌolaj schiꞌuc ti lequil achꞌ cꞌop ti laj calcutique. \p \v 10 Ti vaꞌi sꞌelan ta xcale, ¿mi yuꞌun jaꞌ ta jcꞌan ti ichꞌbil ta mucꞌ ta xicꞌot yuꞌun ti cristianoetique, o mi jaꞌ ta jcꞌan ti ichꞌbil ta mucꞌ ta xicꞌot yuꞌun ti Diose? ¡Bu xata ti ta jcꞌan ti lec jcꞌoplal yuꞌun ti cristianoetique! Ti jechuc ta jcꞌan ti lecuc jcꞌoplal yuꞌun ti cristianoetique, maꞌuc xa yajꞌabtelun ti Cristoe. \s1 Ti cꞌu sꞌelan icꞌot ta jcholcꞌop ti Pabloe \p \v 11 Jech ta xcacꞌ anaꞌic, Quermanotac, ti lequil achꞌ cꞌop ti ta xcale, maꞌuc snopben jun vinic. \v 12 Maꞌuc jun vinic laj yacꞌbun caꞌi, laj xchanubtasun. Jaꞌ laj yacꞌbun jnaꞌ stuc ti Jesucristoe. \p \v 13 Ti voꞌoxuque avaꞌbinojic lec ti cꞌu sꞌelan laj jpas ti cꞌalal jchꞌunoj to ox ti cꞌu sꞌelan xchꞌunojic ti jꞌisraeletique. Xanaꞌic lec ti ep laj quilbajin ti jchꞌunolajeletic yuꞌun ti Diose, yoꞌ jech ta jchꞌaybe scꞌoplalic. \v 14 Ti cꞌu sꞌelan jchꞌunojcutic ti jꞌisraeluncutique, vuꞌunun ti más jelavemune, ti jaꞌ mu sta ti jchiꞌiltac ti coꞌol jchꞌielcutique. Yuꞌun ti vuꞌune mu jcꞌan jyanijes mi juteb ti cꞌu sꞌelan liquem yuꞌunic ti jmolmucꞌtotaque. \v 15 Cꞌalal muꞌyuc to ox voqꞌuemune, tꞌujbilun xa onoꞌox yuꞌun ti Diose. Ta sventa ti ep scꞌuxul yoꞌntone laj yicꞌun. \v 16 Cꞌalal jech laj scꞌan ti Diose, laj yacꞌbun cojtiquin ti Snichꞌone, yoꞌ jech ta xcal ti lequil achꞌ cꞌop ta stojol ti jyanlumetique. Cꞌalal jech laj yicꞌune, muꞌyuc buchꞌu junucal laj jacꞌbe razon ti cꞌusi ta jpase. \v 17 Mi jaꞌuc ay jacꞌbe ti baꞌyel jcholcꞌopetic ti tey ta Jerusalene. Cꞌajomal noꞌox libat ta ora ta xocol banomil ti oy ta Arabiae. Tsꞌacal to lisut talel ta jteclum Damasco. \p \v 18 Cꞌalal echꞌ xa ox oxib jabil ti laj yicꞌun ti Cajvaltique, tey libat ta Jerusalén. Jaꞌ to tey laj cojtiquin ti Pedroe. Tey laj jchiꞌin jbacutic voꞌlajuneb cꞌacꞌal. \v 19 Pero ti yan jcholcꞌopetique muꞌyuc tey laj quil. Jaꞌ noꞌox laj quil ti Jacoboe, yitsꞌin ti Cajvaltique. \v 20 Ti vaꞌi sꞌelan ta jtsꞌibaboxuc talele, melel xcal ta sba ta sat ti Diose. \p \v 21 Tsꞌacal to un, libat ta Siria schiꞌuc ta Cilicia. \v 22 Pero ti jchꞌunolajeletic yuꞌun ti Cristo ti oyic ta Judea banomile, mu xiyojtiquinicun. \v 23 Jaꞌ noꞌox ta xaꞌiic ti jcꞌoplal ti jech ta xalique: “Ti buchꞌu laj yilbajinotic ta voꞌnee, avi tana un, ta xacꞌ ta chꞌunel ti lequil achꞌ cꞌope cꞌalal ta ox stubbe yaꞌi scꞌoplal”, xiic. \v 24 Jech o xal un, ta xalbeic slequilal Dios ta jtojol. \c 2 \s1 Ti Pabloe ta xꞌichꞌat ta mucꞌ yuꞌun ti yan jcholcꞌopetique \p \v 1 Cꞌalal ilocꞌ chanlajuneb jabile, libat yan velta ta Jerusalén schiꞌuc ti Bernabee. Jaꞌ jech xtoc laj quicꞌ batel jchiꞌin ti Titoe. \v 2 Ti jech libat teye, yuꞌun jaꞌ laj yacꞌbun jnaꞌ ti Diose ti tsots scꞌoplal ti tey ta xibate. Ti tey ta Jerusalene, cꞌalal stsoboj sba stuquic ti buchꞌutic yichꞌojic ta sventa ti jchꞌunolajeletique, tey laj calbe yaꞌiic smelol ti lequil achꞌ cꞌop ti cꞌu sꞌelan ta jchol ta stojol ti jyanlumetique. Ti jech laj jpas taje, yuꞌun mu jcꞌan mi muꞌyuc stu ti cꞌusi ta xcale. \v 3 Manchuc mi jyanlum ti Tito ti jchiꞌinoj batele, pero mi jaꞌuc isujat ta yichꞌel ti circuncisione. \v 4 Ti cꞌalal tey tsoboluncutique, melel, oy buchꞌu laj sticꞌan sbaic ochel ta mucul ti jaꞌ quermanotic spas sbaic yilele. Ta scꞌanic ti acꞌo yichꞌ ti circuncisione. Yuꞌun jaꞌ noꞌox ta xꞌotesvan yaꞌiic ta mosovil ti jech laj sticꞌ sbaic ochele. Jaꞌ noꞌox ta xpaꞌivanic yoꞌ jech ta xaꞌi yaꞌiic ti cꞌu sꞌelan ta xcalcutic ti colemotic ta sventa ti oyotic ta stojol ti Cristo Jesuse. \v 5 Acꞌo mi jech laj snopic, pero mi jaꞌuc laj jchiquintabecutic ti scꞌopique. Yuꞌun jaꞌ ta jcꞌancutic ti mu xyanij ti lequil achꞌ cꞌop ti laj calcutic avaꞌiic ti jaꞌ melele. \p \v 6 Ti banquilal jcholcꞌopetic teye, ti ichꞌbilic ta mucꞌ yuꞌun ti jchꞌunolajeletique, muꞌyuc laj yalbun caꞌicutic ti scꞌan to smelol ti lequil achꞌ cꞌop ti ta xcalcutique. Ti vuꞌune maꞌuc lixiꞌ yuꞌun ti jech cajal yabtele. Yuꞌun ti Diose mu yalel toyol ta xil. \v 7 Ti banquilal jcholcꞌopetique jaꞌ noꞌox laj yilic ti jaꞌ stuc ti Dios laj yacꞌbun ti cabtel ta yalel ti lequil achꞌ cꞌop ta stojol ti jyanlumetique jech chac cꞌu chaꞌal ti Pedroe acꞌbil yabtel yuꞌun Dios ta yalel ti lequil achꞌ cꞌop ta stojol ti jꞌisraeletique. \v 8 Ti Buchꞌu laj stac batel ti Pedro ta yalel ti lequil achꞌ cꞌop ta stojol ti jꞌisraeletique, jaꞌ onoꞌox ti Dios taje ti laj stacun batel ta yalel ti lequil achꞌ cꞌop ta stojol ti jyanlumetique. \p \v 9 Jech o xal un, ti Jacoboe, ti Pedroe, ti Juane, jaꞌ ti ichꞌbilic ta mucꞌ teye, laj yaꞌiic ti jaꞌ laj yacꞌbun Dios ti jech cabtele. Jech o xal ti stuquique laj stsacbun jcꞌob schiꞌuc ti Bernabee. Ti jech laj spasic taje, jaꞌ svinajeb ti jununcutique, ti coꞌol ti cabtelcutique. Jech o xal un, lec laj yaꞌiic ti tey chba abtejcun ta stojol ti jyanlumetique. Jech ti stuquique lec laj yaꞌiic ti tey chcom abtejicuc ta stojol ti jꞌisraeletique. \v 10 Jaꞌ noꞌox laj svulesbun ta coꞌntoncutic ti mu me xchꞌay ta coꞌntoncutic ta xcꞌuxubinel ti meꞌonetique. Lec laj caꞌi ti jech laj yalique, jaꞌ ti jech onoꞌox ta jpase. \s1 Ti Pabloe ta sjajanta ti Pedro tey ta Antioquíae \p \v 11 Pero cꞌalal iꞌay ti Pedro ta jteclum Antioquíae, laj calbe yaꞌi ta sat ti muꞌyuc stuqꞌuil ta spase. \v 12 Yuꞌun ti ta baꞌyele, jun yoꞌnton ta xveꞌic schiꞌuc ti jyanlum jchꞌunolajeletique. Pero cꞌalal icꞌotic ti viniquetic ti tacbilic batel yuꞌun ti Jacoboe, ti tsots scꞌoplal ta xaꞌiic ti circuncisione, jech ti Pedroe tey laj xchꞌac sba ta veꞌel schiꞌuc ti jyanlumetique. Jech laj spas ti Pedroe, yuꞌun ixiꞌ ti mi ta xvinaj ti scꞌoplale. \v 13 Ti jech ta spacꞌta sba ti Pedroe, jech laj spacꞌta sbaic xtoc ti yan jꞌisraelal jchꞌunolajeletique. Jech laj spas xtoc ti Bernabee. \v 14 Pero cꞌalal laj quil ti mu xa coꞌoluc ta spas sbaic schiꞌuc ti cꞌu sꞌelan ta xacꞌ jnaꞌtic ti lequil achꞌ cꞌope, ta sba ta sat ti jchꞌunolajeletique, jech laj calbe ti Pedroe: \p ―Ti voꞌote, Pedro, jꞌisraelot onoꞌox. Pero laj xa acoꞌoltas aba jech chac cꞌu chaꞌal ti jyanlumetique. Maꞌuc xa jech ta xapas jech chac cꞌu chaꞌal ti jꞌisraeletique. ¿Cꞌu chaꞌal yaꞌyel un ta xasuj ta xchꞌunel ti jyanlumetique jech chac cꞌu chaꞌal ti xchꞌunojic ti jꞌisraeletique? \s1 Ti jꞌisraeletique, ti jyanlumetique coꞌol ta xcolic ti jech ta xchꞌunic ti Cajvaltique. \p \v 15 ’Ti voꞌotique batsꞌi jꞌisraelotic ti jtsꞌunobaltique. Oy ta jcꞌobtic ti chꞌul mantale. Mu jechuc jꞌelantic jech chac cꞌu chaꞌal ti jsaꞌmulil jyanlumetique. \v 16 Manchuc mi jaꞌ jech jꞌelantic, pero jnaꞌtic lec ti muꞌyuc ta jtatic ti lec xijꞌilatotic yuꞌun ti Dios ti jech ta jpastic smantal ti Moisese. Jaꞌ noꞌox ta jtatic ti lec xijꞌilatotic yuꞌun ti Diose ti jech ta jchꞌuntic ti Jesucristoe. Jech o xal un, ti voꞌotique laj jchꞌuntic ti Jesucristoe, yoꞌ jech laj jtatic ti lec xijꞌilat yuꞌun ti Dios ta sventa ti laj jchꞌuntique. Maꞌuc ta sventa ti laj jpastic ti cꞌusi ta xal ti mantale. Yuꞌun muꞌyuc buchꞌu junucal ta sta ti lec xꞌilat yuꞌun ti Dios ta sventa ta spas ti cꞌu sꞌelan ta xal ti mantale. \p \v 17 ’Avi tana un, ti ta jcꞌantic ti ta jtatic ti lec xijꞌilat yuꞌun ti Dios ta sventa ti Cristoe, pero mi cuchoj to jmultic ta xcaꞌitique, ¿mi jaꞌ yabtel ti Cristo ti jech ta spas taje? ¡Bu xata ti jeche! \v 18 Yan ti mi ta xcacꞌ jbatic yan velta ta yoc ta scꞌob ti mantale yoꞌ lec oyotic ti calojtique, melel umbi, oy jmultic. \v 19 Ti vuꞌune licham xa ta sba ta sat ti mantale, yuꞌun laj yacꞌun ta milel, yoꞌ jech ta xicuxi ta stojol ti Diose. \v 20 Ti vuꞌune jmoj jipil ta cruz licham schiꞌuc ti Cristoe. Jech o xal un, mu xa cuꞌunuc jba jtuc ti jech cuxulune. Jaꞌ xa cuxul ti Cristo ta jtojole. Ti jech cuxulun schiꞌuc ti jbecꞌtale, jaꞌ xa noꞌox cuxulun ta sventa ti jchꞌunoj ti Snichꞌon Diose, ti laj xcꞌuxubinune, ti laj yacꞌ sba ta milel cuꞌune. \v 21 Jech o xal ti vuꞌune mu jcꞌan jbaj ti yutsil yoꞌnton ti Diose. Yan ti yuꞌunuc oy buchꞌu ta sta ti lec xꞌilat yuꞌun ti Dios ta sventa ta spas ti mantale, melel umbi, muꞌyuc cꞌusi itun ti jech icham ti Cristoe ―xcut ti Pedroe. \c 3 \s1 ¿Mi jaꞌ ta jchꞌuntic ti mantale, o mi jaꞌ ta jchꞌuntic ti Cajvaltique? \p \v 1 Toj alticoxuc, Quermanotac galaciaetic, ¿buchꞌu laj sticꞌboxuc schamel avoꞌntonic ti jech mu xa xachꞌunic ti lequil achꞌ cꞌop ti jaꞌ melele? Ti cꞌalal laj calboxuc avaꞌiic ti scꞌop Diose, coꞌol to sꞌelan laj avil ta asatic ti jipil icham ta cruz ti Cristoe. \v 2 Jech o xal, albeicun caꞌi liꞌe. Ti cꞌalal laj avichꞌic ti Chꞌul Espíritu yuꞌun ti Diose, ¿mi jaꞌ ta sventa smantal ti Moisés ti laj apase, o mi jaꞌ ta sventa ti laj achꞌunic ti cꞌusi laj avaꞌiique? \v 3 ¿Cꞌu chaꞌal toj pimoxuc? ¿Mi yuꞌun ta to xacꞌanic ta xatsꞌacubtas ta avip atuquic ti cꞌusi laj xa sliques ti Chꞌul Espíritue? \v 4 ¿Mi muꞌyuc cꞌusi tun o avuꞌunic ti avocolic laj avichꞌique? Ta xcal ti tun van avuꞌunique. \v 5 Cꞌalal ta xacꞌboxuc Schꞌul Espíritu ti Diose ti ta xacꞌ iluc ti smucꞌul stsatsal tey ta atojolique, ¿cꞌu chaꞌal jech ta spas? Maꞌuc laj spas ti Dios ta sventa ti jech laj apasic ti cꞌusi ta xal ti mantale. Yuꞌun jaꞌ noꞌox ta sventa ti laj achꞌunic ti cꞌusi laj avaꞌiique. \p \v 6 Ti Abrahame laj xchꞌun ti xcꞌot xcꞌopoj ti Diose. Ti jech xchꞌunoje, lec iꞌilat yuꞌun ti Diose. \v 7 Jech o xal un, scꞌan xanaꞌic, ti buchꞌutic batsꞌi snitilultac ti Abrahame, jaꞌ noꞌox ti buchꞌutic ta xchꞌun ti Diose. \v 8 Ti scꞌop Diose, voꞌne xa onoꞌox laj svinajesbe scꞌoplalic ti jyanlumetique ti ta staic ti lec ta xꞌilatic yuꞌun ti Dios ta sventa ti ta xchꞌunique. Jech o xal ti Diose tey laj svinajes ti lequil achꞌ cꞌop yuꞌune ti cꞌalal jech laj yalbe yaꞌi ti Abrahame: “Ta aventa voꞌot ta staic bendición ti cristianoetic ti oyic ta sjoylej banomile”, ti xꞌutate. \v 9 Jech o xal un, buchꞌuuc noꞌox ti ta xchꞌunique, coꞌol ta staic bendición jech chac cꞌu chaꞌal ti Abrahame, yuꞌun laj xchꞌun. \p \v 10 Yan ti buchꞌutic ti jaꞌ noꞌox ta spat yoꞌntonic ti ta xcolic ta sventa ta spasic ti smantal ti Moisés yalojique, chapal xa scꞌoplal ta stoj smulic. Yuꞌun jech ta xal ti scꞌop Diose: “Scotol ti buchꞌutic mu xcꞌot ta pasel yuꞌunic scotol ti cꞌusi tsꞌibabil ta libro yuꞌun ti mantale, chapal xa scꞌoplal ti ta xbat stoj ti smulique”, xi. \v 11 Jaꞌ yuꞌun un, ta xvinaj lec ta melel ti mu staic ti lec ta xꞌilatic yuꞌun ti Diose ti buchꞌutic jaꞌ noꞌox ta spasic ti cꞌusi ta xal ti mantale. Yuꞌun jech ta xal ti scꞌop Diose: “Ti buchꞌu lec ta xquile, jaꞌ ti buchꞌu xchꞌunoje. Jech ta xcuxi o”, xi ti Diose. \v 12 Yan ti mantal yuꞌun ti Moisese mu xcoꞌolaj schiꞌuc jech chac cꞌu chaꞌal ti ta jchꞌuntic ti Cajvaltique. Yuꞌun jech ta xal ti mantale: “Ti buchꞌu ta spas scotol ti cꞌusi ta xal ti mantale, jaꞌ jech ta xcuxi o schiꞌuc”, xi. \p \v 13 Pero ti Cristoe laj scoltaotic stuc ti jech mu xchꞌun cuꞌuntic ti mantale. Jech o xal un, coꞌol to sꞌelan jbajmantal icꞌot cuꞌuntic. Yuꞌun jech ta xal ti scꞌop Diose: “Ti buchꞌu jipil ta xlaj ta cruze, jaꞌ jbajmantal”, xi ti scꞌoplale. \v 14 Ti jech taje, jaꞌ icꞌot ta pasel ti jech onoꞌox yaloj ti Dios ta stojol ti Abrahame ti ta staic slequilal Dios ti jyanlumetic ta sventa ti Cristo Jesuse. Jaꞌ jech xtoc yoꞌ jech jcotoltic ta xquichꞌtic ti Chꞌul Espíritu ti yaloj onoꞌox ti Dios ti ta xacꞌ ta sventa ti ta jchꞌuntic ti Jesucristoe. \s1 Ti mantale schiꞌuc ti cꞌusi albil scꞌoplal ti ta xijꞌacꞌbate \p \v 15 Quermanotac, ti cristianoetic liꞌ ta sba banomile jech ta spasic. Cꞌalal ta spasic trate jun vinic schiꞌuc ti schiꞌile, tey ta xaqꞌuic ti spirmaique. Cꞌalal jech laj spasique, muꞌyuc buchꞌu xuꞌ ta stub, muꞌyuc buchꞌu xuꞌ ta sticꞌbe más schiꞌil. \v 16 Jaꞌ onoꞌox jech ti cꞌusi yaloj ti Dios ta stojol ti Abrahame schiꞌuc ti jun snitule, muꞌyuc buchꞌu xuꞌ stub. (Mu laj yal ti Diose ti ta staic slequilal Dios ti cristianoetic ta sventa scotol snitilultac ti Abrahame. Moꞌoj, laj yal ti Diose ti ta staic slequilal Dios ti cristianoetique ta sventa jun noꞌox snitilul ti Abrahame. Ti vaꞌi sꞌelan laj yal ti Dios taje, jaꞌ scꞌoplal ti Cristoe.) \v 17 Ti cꞌusi ta xcal taje, jaꞌ liꞌe: Ti Diose laj spasic jun trate schiꞌuc ti Abrahame. Tey laj svaꞌan sba stuc ta rextigo. Echꞌ xa ox batel chanib ciento schiꞌuc lajuneb schaꞌvinic (430) jabil cꞌalal jaꞌ o ital ti mantal yuꞌun ti Dios ta sventa ti Moisese. Ti mantal taje, mu xuꞌ ta xchꞌaybe ta be scꞌoplal ti cꞌusi yaloj onoꞌox ti Diose. \v 18 Yan ti yuꞌunuc ta sventauc smantal Moisés ta jtatic ti oy cꞌusi yaloj ti Diose, jech o xal umbi, mu xa yuꞌunuc qꞌuelanbiluc ti oy cꞌusi yaloj ti Dios ti ta xaqꞌue. Pero ti cꞌusi yaloj ti Dios ti ta xacꞌbe ti Abrahame, jaꞌ matanal. \p \v 19 ¿Cꞌusi xtun o smantal ti Moisés un chaꞌe? Jaꞌ noꞌox ital yoꞌ jech ta xacꞌ jnaꞌtic ti jmultique. Cꞌalal ital ti jun snitilul ti Abraham ti jaꞌ albil onoꞌox scꞌoplal yuꞌun ti Diose, tey ipaj yabtel ti mantal ta yaqꞌuel jnaꞌtic ti oy jmultic yuꞌune. Yuꞌun ti mantaletique ijelubtasbat talel ta scꞌob ti Moisés yuꞌun ti ángeletique. Jech ti Moisese laj yacꞌbe yichꞌic ti jꞌisraeletique. \v 20 Pero ti cꞌusi yaloj ti Dios ti ta spas stuque, mu xa persauc ti oy buchꞌu ta xetꞌese. Yuꞌun ta spas stuc ti Diose. \s1 Jech stalel ti mantale \p \v 21 Ati chcaltic un chaꞌe, ti mantal ti iꞌacꞌbat ti Moisese, ¿mi ta scrontain ti oy cꞌusi yaloj ti Dios ti ta xaqꞌue? ¡Bu xata ti jeche! Ati lajuc yacꞌ jun mantal ti Dios ti ta xacꞌ cuxlejale, xuꞌ ta jtatic ti lec xijꞌilatotic yuꞌun ti Dios ta sventa ti ta jpastic ti cꞌusi ta xal ti mantale. \v 22 Pero ta xal ti scꞌop Diose ti jcotoltic chuculotic yuꞌun ti mulile, yoꞌ xuꞌ ta xquichꞌtic ti cꞌusi yaloj ti Diose jaꞌ ta sventa ti ta jchꞌuntic ti Jesucristoe. \p \v 23 Cꞌalal mu to ox ta xtal ti Buchꞌu ta jchꞌuntique, tey chuculuncutic yuꞌun ti mantale. Tey jmalaojcutic ti acꞌo vuluc ta loqꞌuel ti Buchꞌu ta jchꞌuncutique. \v 24 Jech o xal un, ti mantale tey laj sbainuncutic. Tey laj yacꞌbun quilcutic ti cꞌusi scꞌan pasele jech chac cꞌu chaꞌal jun olol ti ta xchanubtasate. Tey licomcutic ta stojol jaꞌ to cꞌalal ital ti Cristoe yoꞌ jech ta jchꞌuncutic, yoꞌ jech ta jtacutic ti lec xiꞌilatcutic yuꞌun ti Diose. \v 25 Avi tana un, ti jech vul xa ta loqꞌuel ti Buchꞌu ta jchꞌuncutique, mu xa persauc ta xisbainuncutic ta yaqꞌuel jnaꞌcutic ti cꞌusi scꞌan pasbel ti mantale. \p \v 26 Yuꞌun ta sventa ti achꞌunojic ti Jesucristoe, yalab snichꞌnaboxuc ti Diose ti jech oyoxuc ta stojol ti Jesucristoe. \v 27 Acotolic ti laj xa avichꞌic voꞌ ta sventa ti oyoxuc ta stojol ti Cristoe, laj xa acꞌuꞌinbeic stalel ti Cristoe. \v 28 Ti jech oyoxuc ta stojol ti Cristoe, junoxuc xa. Laj xa scꞌoplal ti ta xavalbe abaique ti jꞌisraele, ti jyanlume, ti mosovile, ti coleme, ti vinique, ti antse. \v 29 Ti mi oyoxuc ta stojol ti Cristoe, jech o xal un, snitiluloxuc ti Abrahame. Tey ta xavichꞌic ti arextoic ti albil onoꞌox yuꞌun ti Dios ti ta xaqꞌue. \c 4 \p \v 1 Ti cꞌusi ta jcꞌan ta xcale jaꞌ jech sꞌelan liꞌe: Ti nichꞌonile ti cꞌalal biqꞌuit toe, mu to xuꞌ ta xichꞌ ti srextoe ti albil scꞌoplal ta xichꞌe. Jech o xal un, coꞌol to sꞌelan jun mosovil ti ta snae manchuc mi jaꞌ onoꞌox yuꞌun scotol ti cꞌusitic oy yuꞌun ti stote. \v 2 Chabibil ti olole. Chabibil to ti srextomento ti ch-acꞌbate, jaꞌ to mi sta yorail ti cꞌusi yaloj comel ti stote. \v 3 Jaꞌ jech sꞌelan icꞌot ta jtojoltic. Cꞌalal mu to caꞌiojtic ti coltaele, tey chuculotic yuꞌun ti jaꞌ noꞌox snopben ti cristianoetique. \v 4 Cꞌalal sta yorail ti snopoj ti Diose, laj stac talel ti Snichꞌone. Ivocꞌ ta stojol jun ants. Batsꞌi jꞌisrael ivul. Sbainoj icꞌot ti mantale. \v 5 Jaꞌ jech ital yoꞌ jech ta scoltaotic ti jech oyotic ta stojol ti mantale, yoꞌ jech ta xisbisotic ta batsꞌi snichꞌnab ti Diose. \p \v 6 Yoꞌ jech ta xvinaj ti snichꞌnaboxuc xa ti Diose, jech o xal laj yacꞌboxuc ta avoꞌntonic ti Schꞌul Espíritu ti Snichꞌone. Jech o xal: “Tot”, xijchiotic yuꞌun ti Chꞌul Espíritue. \v 7 Avi tana un, snichꞌnaboxuc xa ti Diose. Maꞌuc xa mosoviloxuc. Ti jech snichꞌonoxuc xae, jech o xal ti Diose ta xayacꞌboxuc avichꞌic ti arextoic ta sventa ti Cristoe. \s1 Ti Pabloe ta svul yoꞌnton yuꞌun ti jchꞌunolajeletique \p \v 8 Cꞌalal muꞌyuc to ox laj anaꞌic ti cuxul Diose, laj avacꞌ abaic ta mosovinel yuꞌun ti rioxetic ti mu cuxuluque. \v 9 Pero avi tana un, ti laj xa avojtiquinic ti cuxul Diose, ti más lec xcaltique ti laj xa yojtiquinoxuc ti Diose, ¿cꞌu chaꞌal ti tey ta xba avacꞌ abaic ta mosovinel yan velta ta stojol ti cꞌusi muꞌyuc stue, ti mu cꞌusi xuꞌ yuꞌune? \v 10 Yuꞌun ti voꞌoxuque lic ajoybin abaic. Yuꞌun ta xachabiic jech cꞌacꞌal, jech u, jech jabil. \v 11 Ep ta xixiꞌ ti muꞌyuc cꞌusi tun o ti cabtel laj jpas tey ta atojolique. \p \v 12 Quermanotac, ta jcꞌanboxuc vocol ta atojolic ti coꞌoltaso abaic jech chac cꞌu chaꞌal ti vuꞌune ti muꞌyuc chuculun yuꞌun ti mantaletique. Yuꞌun ti vuꞌune ta jcoꞌoltas jba jech chac cꞌu chaꞌal ti voꞌoxuque ti chꞌabal mantal ta atojolique. Ti jech ta xcal taje, mu yuꞌunuc ta xcalboxuc avaꞌiic ti oy cꞌusi chopol laj apasbeicune. \v 13 Xanaꞌic lec ti cꞌalal lic calboxuc avaꞌiic ti lequil achꞌ cꞌope, mu lecuc oyun. Ip ta xcaꞌi. \v 14 Ti jech abol jba yuꞌun ti jchamele, jaꞌ jun preva icꞌot ta jtojol. Pero mu laj ajipicun, mu laj abajicun. Yuꞌun coꞌol to sꞌelan jun yajꞌángel ti Dios laj avichꞌicun ta muqꞌue. Coꞌol to sꞌelan jaꞌ stuc ti Jesucristo laj avichꞌicun ta muqꞌue. \v 15 ¿Bu ibat avuꞌunic ti jech xamuyubajic to oxe? Ti cꞌalal tey liꞌay ta atojolique, avoꞌntonicuc avaꞌiic aloqꞌuesic ti asatic yoꞌ ta xavacꞌbeicune. Xuꞌ ta xcalboxuc avaꞌiic ti toj yan yutsil avoꞌntonic laj quile. \v 16 Avi tana un, ¿mi yuꞌun lijoybij ta avajcronta ta xavilic ti cꞌalal jaꞌ noꞌox laj calboxuc avaꞌiic ti melele? \p \v 17 Ti jchanubtasvanejetic teye ta spas sbaic ti oyoxuc ta yoꞌnton yilele. Pero mu ta slequilaluc yoꞌntonic. Ti cꞌusi oy ta yoꞌntonique, jaꞌ noꞌox ta xchꞌacoxuc yaꞌiic loqꞌuel ta jtojolcutic, yoꞌ jech ti voꞌoxuc ta xlic avichꞌic ta mucꞌ ti stuquique. \v 18 Toj yan yutsil ti mi oy buchꞌu ta xcoltavane. Pero acꞌo spas o ta yutsil yoꞌnton. Maꞌuc noꞌox ti cꞌalal tey oyun ta atojolique. \v 19 Jnichꞌnabtac, yan to velta ta xquichꞌ jvocol avuꞌunic coꞌol sꞌelan jech chac cꞌu chaꞌal ti ants ti liquem scꞌuxul schꞌut yuꞌun ti yole. Jech to ta xquichꞌ batel ti jvocole, jaꞌ to ti mi ta xꞌayan ti stalel Cristo ta atojolique. \v 20 Toj yan yutsil ti tey oyucun ta atojolic avi tana liꞌe, yoꞌ jech stacꞌ aꞌyel ta xavaꞌiic ti cꞌusi ta xcale. Avi liꞌe, mu stacꞌ aꞌyeluc cꞌusi xuꞌ ta xcal ta atojolic. \s1 Scꞌoplal ti Agarae schiꞌuc ti Sarae \p \v 21 Ti voꞌoxuc ti ta xacꞌan xavacꞌ abaic ta spasel ti smantal ti Moisese, ¿mi muꞌyuc avaꞌbinojic ti cꞌusi ta xacꞌ jnaꞌtic ti mantale? Albeicun caꞌi. \v 22 Yuꞌun ti Abrahame iꞌayan chib snichꞌon. Ti june iꞌayan talel ta stojol ti yajmosove. Ti june iꞌayan talel ta stojol ti yajnil stuque ti maꞌuc mosivile. \v 23 Ti yol ti meꞌ mosovile ivocꞌ talel ta stalel noꞌox stuquic jech chac cꞌu chaꞌal ta xvocꞌ scotol ti ololetique. Pero ti yol ti yajnil stuque ivocꞌ talel yoꞌ jech ta xcꞌot ta pasel jech chac cꞌu chaꞌal yaloj ti Diose. \v 24 Ti jech scꞌoplalic ti chaꞌvoꞌ antsetic taje, jaꞌ ta scoꞌoltas jech chac cꞌu chaꞌal ti chib strate ti Diose. Ti jun tratee, jaꞌ ti ivul ta loqꞌuel tey ta vits Sinaie, jaꞌ ta scoꞌoltas jech chac cꞌu chaꞌal ti Agare. Yuꞌun ti buchꞌutic oyic ta yoc ta scꞌob ti trate taje, jaꞌ mosovinbil ta xcꞌotic o. \v 25 Yuꞌun ti Agare jaꞌ svinajeb ti trate ti ivul ta loqꞌuel tey ta vits Sinaí ti oy ta Arabiae. Ti jech taje, jaꞌ ta xacꞌ ta naꞌel scꞌoplal ti jꞌisraeletic ta Jerusalén avi tana liꞌe. Yuꞌun ti jteclum taje, chucajtic ta mosovil scotolic schiꞌuc ti yalab snichꞌnabique. \v 26 Yan ti voꞌotique, jaꞌ yolotic ti trate ti liquem talel ta vinajele, ti jech colemotique. Jech o xal un, jaꞌ jbanomiltic ti Jerusalén ti oy ta vinajele. \v 27 Yuꞌun jech ta xal ti scꞌop Diose: \q1 Muyubajan ti voꞌote, machero ants, ti chꞌabal avalabtaque. \q1 Tseꞌinan, muyubajan ti voꞌote ti muꞌyuc avaꞌbinoj scꞌuxul ti alajele. \q1 Yuꞌun ti ants ti bajbile, ep ta xil ti yalabe, jaꞌ mu sta ti ants ti buchꞌu oy smalale, \m xi. \p \v 28 Ti voꞌotique, Quermanotac, licꞌototic xa ta snichꞌnab Dios yuꞌun jech albil jcꞌoplaltic jech chac cꞌu chaꞌal iꞌalbat scꞌoplal ti Isaaque. \v 29 Ti nichꞌonil ti ivocꞌ ta stalel noꞌox stuquique laj scrontain ti nichꞌonil ti buchꞌu ivocꞌ ta sventa ti Chꞌul Espíritue. Jaꞌ onoꞌox jech ta xcꞌot ta pasel avi tana liꞌ eque jech chac cꞌu chaꞌal ti voꞌnee. \v 30 Pero ¿cꞌusi ta xal ti scꞌop Dios chaꞌe? Ta xal: “Nutso loqꞌuel ti meꞌ mosovil schiꞌuc ti yole. Yuꞌun ti yol ti meꞌ mosovile mu xuꞌ ta xchꞌacbe sbaic ti srextoic schiꞌuc ti yol ti ajnilil ti maꞌuc mosovile”, xi. \v 31 Jech o xal un, Quermanotac, mu coꞌoloticuc jech chac cꞌu chaꞌal yol ti meꞌ mosovile. Yuꞌun jaꞌ xa coꞌol jꞌelantic jech chac cꞌu chaꞌal yol ti ants ti maꞌuc mosovile. \c 5 \s1 Jechuc me chꞌunic o ti colemoxuc xae \p \v 1 Ti Cristoe tal scoltaotic yoꞌ jech colemotic. Jech o xal un, staojuc yav jechuc chꞌunic o ti colemoxuc xae. Mu xa xavacꞌ abaic ta mosovinel yan velta. \v 2 Aꞌyibeicun avaꞌiic liꞌe, vuꞌun Pabloun, ta xcalboxuc avaꞌiic, ti mi ta xavacꞌ abaic ta yichꞌel ti circuncisione, muꞌyuc cꞌusi xtun o avuꞌunic ti Cristoe. \v 3 Ta jcꞌan jchaꞌalboxuc avaꞌiic yan velta, buchꞌuuc noꞌox ti ta xichꞌ ti circuncisione, ta persa ta spas scotol ti cꞌusi ta xal smantal ti Moisese. \v 4 Ti voꞌoxuc ti jech achꞌunojic ti ta xataic ti lec xaꞌilatic yuꞌun ti Dios ta sventa ti ta xapasic ti mantal avalojique, ti jech taje, laj xa achꞌac abaic loqꞌuel ta stojol ti Cristoe. Laj xa atenic ti scꞌuxul yoꞌnton ti Diose. \v 5 Yuꞌun ti voꞌotique ta sventa ti Chꞌul Espíritue, ta sventa ti jchꞌunojtique, jech o xal jpatoj coꞌntontic ta jtatic ti lec xijꞌilatotic yuꞌun ti Diose. \v 6 Ti mi junotic schiꞌuc ti Jesucristoe, coꞌol noꞌox sba mi quichꞌojtic o mi muꞌyuc quichꞌojtic ti circuncisione. Ti tsots scꞌopalale, ti acꞌo jchꞌuntic ti Cajvaltique. Ti jech jchꞌunojtic taje, jaꞌ ta xacꞌ ti cꞌux ta xcaꞌi jbatique. \p \v 7 Ti voꞌoxuque lec to ox oyoxuc, jun avoꞌntonic. ¿Buchꞌu ta scoj ti mu xa xavichꞌic ta mucꞌ ti melele? \v 8 Ti jech taje, maꞌuc ti Dios ti jech ta xicꞌoxuc batele. \v 9 Mu xachꞌay ta avoꞌntonic, ti mi ta xichꞌ capel ti juteb pajal ixime, ti epal noybil ixime, ta xpajub scotol. \v 10 Pero ta jnop ti mu jechuc ta xcꞌot ta atojolique. Yuꞌun jpatoj coꞌnton ta stojol ti Cajvaltique ti mu xyanij ti ajol avoꞌntonic ti coꞌol jchꞌunojtique. Pero ti buchꞌu ta soquesvan teye ta xꞌacꞌbat castigo yuꞌun ti Diose, muꞌyuc ta alel buchꞌuuc noꞌox. \p \v 11 Ti tauc to xcal ti tsots scꞌoplal ti circuncisione, Quermanotac, mu jechuc ta xiyilbajinicun ti jchiꞌiltac jechuque. Jaꞌ jech xtoc mu soc sjolic yuꞌun ti ta xcalbe scꞌoplal ti Cristo ti icham ta cruze. \p \v 12 Pero ti buchꞌutic tey ta xilbajinoxuc yuꞌun ti circuncisione, jaꞌ toj lec acꞌo sboj sba stuquic ti jechuque. \p \v 13 Yuꞌun ti voꞌoxuque, Quermanotac, lataatic ta saꞌel yoꞌ jech libre oyoxuc. Jaꞌ noꞌox un, mu me xayanijesic ti jech colemoxuque. Jaꞌ lec ti acꞌo abaic ta tunel ta jujun tal ti jech cꞌux ta xavaꞌi abaique. \v 14 Yuꞌun scotol ti mantale tey ta xcꞌot ta pasel avuꞌunic ti mi ta xapasic ti jun mantal ti jech ta xale: “Cꞌux xavaꞌi ti achiꞌile jech chac cꞌu chaꞌal ta xacꞌuxubin aba atuque”, ti xie. \v 15 Yan ti mi xacapetique, mi ta xavutvut abaic ta jujun tale, melel umbi, bijanic me. Yuꞌun xuꞌ ta xasoques aba atuquic. \s1 Ti cuxlejal yuꞌun ti Chꞌul Espíritue schiꞌuc ti stalel noꞌox ti cristianoetique \p \v 16 Ti cꞌusi ta xcalboxuc avaꞌiique, jaꞌ liꞌe: Cuxianic yuꞌun ti Chꞌul Espíritue. Ti mi jech ta xapasique, mu xa staojuc yav ta xapasic ti cꞌu sꞌelan ti atalelic umbi. \v 17 Yuꞌun ti Chꞌul Espíritue ta scrontain ti jtaleltique. Ti jtaleltique ta scrontain ti Chꞌul Espíritu yuꞌun ti Diose. Tey ta scrontain sbaic ti schibalique. Jech o xal un, maquel ta be ta xavaꞌiic ti cꞌusi ta xacꞌanique. \v 18 Yan ti mi nitbiloxuc yuꞌun ti Chꞌul Espíritue, jech o xal umbi, mu xa oyucoxuc ta yoc ta scꞌob ti mantale. \p \v 19 Ti buchꞌutic stalel noꞌox cristiano ta spasique, xvinaj lec ta qꞌuelel. Ta xmulivajic. Meꞌinem ta yoꞌntonic ti cꞌusi chopol ta spasique. \v 20 Xrioxinojic ti cꞌusitic meltsanbil ta cꞌabale. Jꞌacꞌ-chameletic. Xcapet sjolic. Jsaꞌletoetic. Xtiꞌet sjolic. Ta ora noꞌox ta xꞌilinic. Jaꞌ noꞌox ta spasic ti cꞌusi xtun yuꞌun stuquique. Ta saꞌ sviniquic. Ta xchꞌac sbaic. \v 21 Jꞌitꞌix-oꞌntonetic. Jmilvanejetic. Jyacubeletic. Toj echꞌem xveꞌic. Oy to yan ti coꞌol sꞌelan ta spasique. Ti buchꞌu jech ta spasic ti vaꞌi sꞌelan taje, laj xa onoꞌox calboxuc avaꞌiic, mu staic ti ventainel yuꞌun ti Diose. \p \v 22 Yan ti yabtel ti Chꞌul Espíritue, ta xꞌayan ti scꞌuxul coꞌntontique, ti xijmuyubajotique, ti smucꞌul coꞌntontique, ti slequilal coꞌntontique, ti yutsilal coꞌntontique, ti stuqꞌuil coꞌntontique. \v 23 Jaꞌ jech xtoc ti maꞌuc toyobbaotique, ti jnaꞌ jpajtsan jbatique. Ti vaꞌi sꞌelan taje, mu xijtabat jmultic yuꞌun ti mantale. \v 24 Yuꞌun ti buchꞌutic yuꞌuntac ti Cristoe laj xa yaqꞌuic ta jipanel ta cruz ti stalelique schiꞌuc ti svocolic yuꞌun ti scꞌupijel yoꞌntonique. \v 25 Ti jech cuxulotic yuꞌun ti Chꞌul Espíritue, jech o xal laꞌ cacꞌ jbatic ta nitel yuꞌun ti Chꞌul Espíritu ta scotol ti cꞌusi ta jpastique. \p \v 26 Ta scꞌan ti mu jtoy jbatique yoꞌ jech mu jsoquesan jbatic ta jujun tal. Mu me itꞌix ta xcaꞌi jbatic. \c 6 \s1 Coltao abaic ta jujun tal \p \v 1 Quermanotac, ti mi oy buchꞌu tey ta atojolic ti laj sta smule, ti voꞌoxuc ti ventainbiloxuc yuꞌun ti Chꞌul Espíritue, coltaic me, yoꞌ jech ta xchaꞌtam ti coltaele. Pero ta slequilaluc avoꞌntonic pasic. Bijanic me, naca mi jech cꞌotuc ta atojolic ec. \v 2 Cuchbo abaic ti avocolic ta jujun tale. Ti mi jech ta xapasique, jaꞌ ta xapasbeic smantal ti Cristoe. \v 3 Ti mi oy buchꞌu xuꞌ yuꞌun xaꞌi sbae ti cꞌalal mu jechuque, jaꞌ noꞌox ta sloꞌla sba stuc. \v 4 Ta jujun tal, acꞌo sqꞌuel sba ti cꞌu sꞌelan ta spase. Mi ta xil ti lec ti cꞌusi ta spase, xmuyubaj ti yoꞌntone. Mu jaꞌuc noꞌox ta sbis sba ta stojol ti yane. \v 5 Yuꞌun ti cꞌusi ta jpastique, ta xcom ta jbatic. \p \v 6 Ti buchꞌu ta xichꞌic chanubtasel ta sventa ti lequil achꞌ cꞌope, ti cꞌusi oy yuꞌunique, acꞌo xchꞌaquic yoꞌ ta scoltaic ti yajchanubtasvanejique. \v 7 Mu xaloꞌla abaic. Yuꞌun mu stacꞌ xichꞌ labanel ti Diose. Ti cꞌusi ta stsꞌun ti vinique, jaꞌ jech ta stsob sutel. \v 8 Ti mi oy buchꞌu ta spas ti cꞌusi lec ta xaꞌi ti yoꞌntone, ti jech ta spas taje, jaꞌ ta sta ti ta xchame. Yan ti buchꞌu ta spas ti cꞌusi ta scꞌan ti Chꞌul Espíritue, jaꞌ jech xtoc umbi, ta sta batel scuxlejal ti ta xꞌacꞌbat yuꞌun ti Chꞌul Espíritue. \v 9 Jech o xal un, mu me xijlubtsajotic ta spasel ti leque. Yuꞌun mi mu xchibaj ti coꞌntontique, ta sta scꞌacꞌalil ti ta jtsobbetic ti sate. \v 10 Jech o xal un, cacꞌtic batel persa ta spasel ti cꞌusi lec ta stojol scotolique. Pero jaꞌ más tsots scꞌoplal ti acꞌo jpastic lec ta stojol ti quermanotique. \s1 Slajeb chabanuc schiꞌuc ti bijubtasel \p \v 11 Qꞌuel avil smucꞌtiquil ti jletra ti ta jtsꞌibaboxuc ta jcꞌob jtuque. \v 12 Ti buchꞌutic ti ta sujoxuc ta yichꞌel ti circuncisione, jaꞌ noꞌox ta spasic yoꞌ jech lec scꞌoplalic yuꞌun ti cristianoetique. Yuꞌun mu scꞌanic ilbajinel ti jech jamal ta xalic ti icham ta cruz ti Cristoe. \v 13 Ti buchꞌutic ta xalic scꞌoplal ti circuncisione, mi jaꞌuc ta spasic scotol ti cꞌusi ta xal ti mantale. Pero ti stuquique ta scꞌanic ti acꞌo avichꞌic ti circuncisione, yoꞌ jech cajal ta xaꞌi sbaic ti laj sujoxuc ta yichꞌel smarcail ti abecꞌtalique. \v 14 Yan ti vuꞌune jaꞌ noꞌox tsots scꞌoplal ta xcaꞌi ti icham ta cruz ti Cajvaltic Jesucristoe. Ti jech icham ta cruz ti Cristoe, jech o xal un, laj scꞌoplal ta coꞌnton ta xcaꞌi ti sba banomile. Jaꞌ jech xtoc mu xa xitun ta xiꞌilat yuꞌun ti sba banomile. \v 15 Ti mi junotic schiꞌuc ti Cristo Jesuse, coꞌol noꞌox sba mi quichꞌojtic o mi muꞌyuc quichꞌojtic ti circuncisione. Ti tsots scꞌoplale, jaꞌuc ti pascutic ta achꞌ cristianoe. \v 16 Scotol ti buchꞌutic ti jech ta xichꞌ ta mucꞌ ti vaꞌi sꞌelan laj cale, ti buchꞌutic ta melel yalab snichꞌnab ti Diose, acꞌo yichꞌic ti spatobil yoꞌntonique, ti cꞌuxubinele. \p \v 17 Avi tana un, liꞌ ta xlic batel ti mu jcꞌan ti oy buchꞌu ta saꞌbun ti jmule. Yuꞌun ti jech oy señail ti syayijemal ta jbecꞌtale, jaꞌ svinajeb ti yajtunelun ti Cajvaltic Jesucristoe. \p \v 18 Acꞌo yacꞌboxuc bendición ti Cajvaltic Jesucristo acotolique, Quermanotac. Jechuc.