\id 2CO  
\h 2 CORINTIOS 
\toc2 2 CORINTIOS 
\toc1 2 CORINTIOS 
\mt1 2 Corintios  
\c 1  
\s1 Ti Pabloe ta stsꞌiba batel scarta ta stojol ti jchꞌunolajeletic ta Corintoe  
\p
\v 1 Vuꞌun Pabloun. Ilocꞌ iꞌayan ta yoꞌnton ti Diose ti jech jcholcꞌopune, ti jech tacbilun yuꞌun ti Jesucristoe. Ti vuꞌune schiꞌuc ti quermanotic Timoteoe ta jtsꞌibaboxuc talel ti jcarta liꞌe ti voꞌoxuc yuꞌunoxuc xa ti Dios ti oyoxuc ta jteclum Corintoe schiꞌuc ti cꞌu avepalic ti buꞌyuc noꞌox oyoxuc ta Acayae.  
\v 2 Ichꞌic sbendición ti Jtotic Diose schiꞌuc ti Cajvaltic Jesucristoe. Acꞌo yacꞌboxuc jun avoꞌntonic.   
\s1 Svocol ti Pabloe  
\p
\v 3 Laꞌ jlequil-cꞌopontic ti Diose ti jaꞌ Stot ti Cajvaltic Jesucristoe. Yuꞌun ti Jtotic taje stalel ti cꞌuxotic ta yoꞌntone, ti ta spatbotic ti coꞌntontique.  
\v 4 Cꞌusiuc noꞌox ti jvocolcutique, ti Diose ta spat ti coꞌntoncutique, yoꞌ jech xuꞌ ta jpatbecutic yoꞌntonic ti buchꞌutic oyic ta vocole jech chac cꞌu chaꞌal ta spatbun coꞌntoncutic ti Diose.  
\v 5 Ti cꞌalal ep ta xquichꞌ ti jvocolcutic jech chac cꞌu chaꞌal laj yichꞌ svocol ti Cristoe, jaꞌ onoꞌox jech xtoc, ta sventa ti Cristoe, ta jtacutic ep ti spatobil coꞌntoncutique.  
\v 6 Jech o xal un, ti jech ta xquichꞌ jvocolcutique, yoꞌ jech xuꞌ ta jpatboxuc avoꞌntonic, yoꞌ jech ta xataic batel ti coltaele. Ti jech laj spatbun coꞌntoncutic ti Diose, xuꞌ ta jpatboxuc avoꞌntonic, yoꞌ jech oy smucꞌul avoꞌntonic ta xachꞌunic ti ta xcoltavan ti Diose. Tey ta xcuch avuꞌunic ti vocole jech chac cꞌu chaꞌal cuchem cuꞌuncutique.  
\v 7 Jpatoj coꞌntoncutic ta atojolic ti mu xchibaj avoꞌntonique. Yuꞌun jnaꞌcutic ti cꞌalal jech ta xavichꞌ avocolic jech chac cꞌu chaꞌal laj yichꞌ ti Cristoe, jaꞌ jech xtoc ta xavichꞌ patbel avoꞌntonic yuꞌun ti Diose.   
\p
\v 8 Quermanotac, ta jcꞌan ti ta xanaꞌic ti ep laj jta jvocolcutic tey ta Asiae. Toj tsots ta jmec ti jvocol laj jtacutique. Laj xa ti yipale. Mu xa tsꞌicbaj laj caꞌicutic. Laj cal ti mu xa cuxuluc ta xilocꞌcutic yuꞌun ti vocole.  
\v 9 Laj caꞌi ti coꞌol xa jꞌelancutic jech chac cꞌu chaꞌal ti buchꞌu ta xichꞌ milele. Ti jech taje, jaꞌ lischanubtasuncutic yoꞌ jech ta xcꞌot ta Jpojvanej cuꞌuncutic ti Dios ti Buchꞌu ta xchaꞌcuxes ti animaetique, yoꞌ mu teyuc noꞌox oy ta coꞌntoncutic ti jech ta jpoj jba jtuccutique.  
\v 10 Pero ti Diose laj spojuncutic ti jech jutuc xa mu lilajcutic ta milele. Jech xtoc yacal to ta xispojuncutic. Jech o xal un, tey jpatoj coꞌntoncutic ta stojol ti Diose ti ta xispojuncutic batele.  
\v 11 Jech o xal un, coltaicun ta scꞌoponel ti Diose. Ti mi jech epic ti buchꞌutic ta staic ta cꞌoponel ti Dios ta jtojolcutique, ep ta xalbeic vocol ti Dios ta sventa ti jech coltabiluncutic yuꞌune.   
\s1 Ti cꞌu chaꞌal ti muꞌyuc xbat ta Corinto ti Pabloe  
\p
\v 12 Oy jun ti ximuyubajcutic xa yuꞌune. Jaꞌ ti ta xacꞌ jnaꞌ ti coꞌntoncutic ti ta sjunul coꞌntoncutic laj jchabi jbacutic, laj jtucꞌulan jbacutic ti bu liꞌabtejcutique. Pero más to laj jqꞌuel jbacutic liꞌ ta atojolique. Ti jech liꞌabtejcutic taje, maꞌuc ta jbijil jtuccutic. Jaꞌ ti laj scoltaun ta scꞌuxul yoꞌnton ti Diose.  
\v 13 Ti cꞌusitic ta jtsꞌibaboxuc ta jcartae, naca smelol. Muꞌyuc cꞌusi yan. Jech o xal un, ta jpat coꞌntoncutic ti acotolic xuꞌ ta xavaꞌibeic lec smelol ti cꞌalal ta xaqꞌuelique  
\v 14 jech chac cꞌu chaꞌal jlom avuꞌunic laj xa yaꞌi ta yoꞌntonic ti jaꞌ lequil yajꞌabtelun ti Diose. Jech ti voꞌoxuque, cꞌalal ta xtal ti Cajvaltic Jesuse, xamuyubajic xa ta jtojolcutic jech chac cꞌu chaꞌal ti vuꞌuncutique ximuyubajcutic xa ta atojolic.  
\v 15 Ti jech jpatoj coꞌnton taje, jech o xal un, jnopoj xa ox ti baꞌyel ta xꞌechꞌ jqꞌueloxuque, yoꞌ jech xamuyubajic ti jech chib velta ta xꞌechꞌ jvuꞌlanoxuque.  
\v 16 Yuꞌun jnopoj xa ox ti ta xꞌech jvuꞌlanoxuc uni jliqueluc ti cꞌalal ta xibat ta Macedoniae. Tsꞌacal to un, cꞌalal lisut talele, ta xꞌechꞌ jvuꞌlanoxuc yan velta xtoc, yoꞌ jech xuꞌ ta xacoltaicun ta sventa stojol jbe ti cꞌalal ta xibat ta Judeae.  
\v 17 Ti jech taje, ¿mi yuꞌun muꞌyuc laj jnop lec ti jech laj jcale? Ti cristianoetic ti buchꞌutic chꞌayemique ta xalic ti ta xbatique cꞌalal muꞌyuc loqꞌuem ta yoꞌntonic ti ta xbatique. Ta xalic ti mu scꞌan ta xbatique cꞌalal ta xbat yaꞌiic xtoque. ¿Mi yuꞌun ta xanopic ti jech ta jnop eque?  
\v 18 Jaꞌ rextigo stuc ti Diose ti mu jechuc ti coꞌntoncutique. Mu xcalcutic ti ta xitalcutique cꞌalal muꞌyuc ta coꞌnton ti ta xitalcutique. Mu xcalcutic ti mu xitalcutic cꞌalal ta xital caꞌicutique.  
\v 19 Ti vuꞌune, ti Silvanoe, schiꞌuc ti Timoteoe laj calcutic avaꞌiic scꞌoplal ti Cristo Jesús Snichꞌon ti Diose. Ti stuque muꞌyuc bu laj yal tana ti xie, ti cꞌalal oy ta yoꞌnton ti mu spase, ti moꞌoj ti xie, ti cꞌalal oy ta yoꞌnton ti ta spase. Yuꞌun ti cꞌusi ta xal ti Cristoe, jaꞌ melel onoꞌox ti scꞌope.  
\v 20 Scotol ti cꞌusi yaloj ti Dios ti ta xiyacꞌbotique, jaꞌ sventainoj icꞌot ti Jesuse. Jech o xal un, ta sventa ti Cristoe, jechuc, xijchi ta stojol ti Dios cꞌalal ta jcꞌopontique.  
\v 21 Jaꞌ yabtel stuc ti Diose ti jech jun ti coꞌntoncutique, ti jun avoꞌntonic ta stojol ti Cristo eque, schiꞌuc ti laj xa stꞌujotique.  
\v 22 Ti Diose laj xa yacꞌ quichꞌtic jselloaltic, jaꞌ ti Chꞌul Espíritue, ti ta sventainbotic ti coꞌntontique. Jaꞌ svinajeb ti ta jbel scꞌoplal ta xquichꞌtic ti cꞌusi yalojbotique.   
\p
\v 23 Ti jech muꞌyuc licꞌot ta Corinto jech chac cꞌu chaꞌal jnopoje, yoꞌ jech mu xcacꞌoxuc ta at oꞌnton. Ti jech taje, jaꞌ yiloj ti Dios ti jech ti coꞌntone. Yan ti mi mu jechuque, liꞌ oyune, acꞌo xischapanun ti Diose.  
\v 24 Ti jech ta xcalboxuque, muꞌyuc oy ta coꞌnton ti ta jbis jba ta totil ta atojolic ti ta jsujoxuc ta xchꞌunel ti Cajvaltique. Yuꞌun achꞌunojic lec. Jaꞌ noꞌox oy ta coꞌnton ta jcoltaoxuc caꞌi yoꞌ jech ta xataic más ti xamuyubajique.   
\c 2  
\p
\v 1 Jech o xal laj jnop ti muꞌyuc chbat jqꞌueloxuc ti mi jaꞌ noꞌox ta xacacꞌoxuc ta at oꞌnton yan veltae.  
\v 2 Yuꞌun ti mi jaꞌ noꞌox ta xcacꞌoxuc ta at oꞌntone, ¿buchꞌu ta spatbun ti coꞌntone? Jaꞌ noꞌox ti voꞌoxuque. ¡Cꞌu stu un! ti mi jaꞌ noꞌox ta xcacꞌoxuc ta at oꞌntone.  
\v 3 Jech o xal un, laj xa jtsꞌibaboxuc ti baꞌyel jcartae. Yuꞌun mu jcꞌan ta xital ta atojolic ti cꞌalal ta xavaqꞌuicun ta at oꞌntone, ti cꞌalal jaꞌ avabtelic ti ta xapatbeicun ti coꞌnton jechuque. Yuꞌun laj jpat coꞌnton ti ta xachapanic ti cꞌope, yoꞌ jech coꞌol ximuyubajotic ti cꞌalal ta xital ta atojolique.  
\v 4 Ti cꞌalal laj jtsꞌibaboxuc ti baꞌyel jcartae, oyun ta vul oꞌnton, ta at oꞌnton. Jaꞌ jech xtoc liꞌocꞌ. Pero mu yuꞌunuc laj jtsꞌibaboxuc ti jcartae yoꞌ jech ta xacacꞌoxuc ta at oꞌnton. Jaꞌ noꞌox yoꞌ xanaꞌic ti ep cꞌuxoxuc ta coꞌntone.   
\s1 Ta xichꞌ perdón ti buchꞌu laj sta smule  
\p
\v 5 Pero mi oy buchꞌu acꞌvan xa ta at oꞌntone, maꞌuc noꞌox laj yacꞌun ta at oꞌnton ti vuꞌune. Laj yacꞌoxuc ta at oꞌnton ec, acꞌo mi mu acotolicuc. Ti jech ta xcal ti mu acotolicuc ti xichie, jaꞌ ti mu acotolicuc laj ataic ta maquiel ti tsots vulele.  
\v 6 Ti jech laj atsob abaic ti laj avacꞌbe castigo ta sjipel loqꞌuel ta tsobobbail ti vinic taje, xuꞌ o xa.  
\v 7 Avi tana un, acꞌbeic xa perdón, patbeic yoꞌnton, naca mi sten o sba ta jꞌechꞌel yuꞌun ti at oꞌntone.  
\v 8 Jech o xal un, ta jcꞌanboxuc vocol, acꞌbeic yil yan velta ti scꞌuxul avoꞌntonique.  
\v 9 Ti jech laj jtsꞌibaboxuc ti ta baꞌyel jcarta ti ta xachapanic ti cꞌope, yoꞌ jech ta xvinaj mi jun avoꞌntonic ta xachꞌunic ti cꞌusi laj calboxuque.  
\v 10 Buchꞌuuc noꞌox ti ta xavacꞌbeic perdone, jaꞌ jechun ec ta xcacꞌbe perdón. Manchuc mi laj caꞌi ti muꞌyuc smul ta jtojole, pero ta xcacꞌbe perdón ta sba ta sat ti Cristoe, yoꞌ jech ta xachanic ti ta scꞌan ta xcacꞌbe jbatic perdone.  
\v 11 Jech ta scꞌan pasel yoꞌ jech mu xistsalotic ti pucuje. Yuꞌun xcojtiquintic lec ti smañae.   
\s1 Mu junuc yoꞌnton ti Pablo ta Troase  
\p
\v 12 Cꞌalal livul ta yalel ti lequil achꞌ cꞌop yuꞌun ti Cristo ta jteclum Troase, jamal laj jta ti be ta yabtelanel yabtel ti Cajvaltique.  
\v 13 Pero mu junuc ti coꞌntone, yuꞌun muꞌyuc tey laj jta ti quermanotic Titoe. Jech o xal un, tey laj jcꞌoponic comel ti jchꞌunolajeletique. Tey libat ta Macedonia banomil.   
\s1 Xuꞌ cuꞌuntic ta sventa Cristo  
\p
\v 14 Coliyal ti Diose ti scotol cꞌacꞌal jaꞌ jꞌicꞌvanej cuꞌuncutic ti Cristoe, yoꞌ jech xuꞌ cuꞌuncutic ta yalel ti lequil achꞌ cꞌop yuꞌune, ti jun yutsil smuil ta xtanij batel ti buꞌyuc noꞌoxe.  
\v 15 Ti vuꞌuncutique coꞌol jꞌelancutic jech chac cꞌu chaꞌal smuil pom ti ta xacꞌ ti Cristo Jesús ta stojol ti Diose. Ti smuil taje ta xtanij batel ta stojol ti buchꞌu ta xcolique schiꞌuc ti buchꞌu chꞌayel ta xbatique.  
\v 16 Ti smuil ti pom ti ta xcꞌot ta stojol ti buchꞌu chꞌayel ta xbatique, jun toj jmilvanej ta xaꞌiic. Yan ti buchꞌu ta xcolique, jun toj jꞌacꞌ-cuxlejal ta xaꞌiic ti smuile. ¿Buchꞌu xuꞌ yuꞌun ti jech ta spas taje?  
\v 17 Jaꞌ noꞌox ti vuꞌuncutique. Yuꞌun maꞌuc jbolomalcutic ti scꞌop Dios ti ta jyanijesbecutic ti smelole jech chac cꞌu chaꞌal ta spas ti yane. Pero ta slequilal coꞌntoncutic ta xcalcutic ti lequil achꞌ cꞌop ta sba ta sat ti Diose. Yuꞌun tacbiluncutic yuꞌun. Jaꞌ jech xtoc yajtuneluncutic ti Cristoe.   
\c 3  
\s1 Scoplal ti achꞌ tratee  
\p
\v 1 Ti cꞌalal jech ta xcalcutic taje, coꞌol sꞌelan yaꞌyel ti jaꞌ noꞌox ta jvinajescutic yan velta ti lec ti jcꞌoplalcutique. ¿Mi yuꞌun jaꞌ ta xacꞌanic ti ta xcacꞌcutic avilic jcꞌoplalcutic ta cartae? ¿Mi yuꞌun jaꞌ ta xacꞌanic ti ta xavacꞌbuncutic carta yoꞌ ta svinajes ti jcꞌoplalcutic jech chac cꞌu chaꞌal ta spasic jlom ti jcholcꞌopetique?  
\v 2 ¡Bu xata ti jech ta jcꞌane! Voꞌoxuc ti jcartaoxuque ti ta xavinajesic ti jcꞌoplalcutique. Yuꞌun scotol ti cristianoetique xuꞌ ta sqꞌuelic, ta xaꞌiic ti cabtel ta atojolique. Jech ta xcaꞌi ta coꞌnton.  
\v 3 Jaꞌ cartaoxuc ti laj stsꞌiba ti Cristo stuque. Jaꞌ cartaoxuc ti maꞌuc tsꞌibabil ta tintae. Yuꞌun jaꞌ tsꞌibabil yuꞌun ti Schꞌul Espíritu ti cuxul Diose. Jaꞌ cartaoxuc ti maꞌuc tsꞌibabil ta pechpech tone. Yuꞌun jaꞌ tsꞌibabil ta avoꞌntonic ta sventa ti laj calcutic ti lequil achꞌ cꞌop ta atojolique.   
\p
\v 4 Mu xchibetuc coꞌntoncutic ti jech ta xcalcutique, yuꞌun jnaꞌcutic lec ti jaꞌ laj scoltauncutic ti Dios ta sventa ti Cristoe.  
\v 5 Scotol ti cꞌusi laj xa jpascutique, jaꞌ coltabiluncutic yuꞌun ti Diose. Maꞌuc laj cacꞌbe jba jtuccutic ti jech xuꞌ cuꞌuncutique.  
\v 6 Yuꞌun jaꞌ stuc ti Diose laj yacꞌbun jbijilcutic yoꞌ jech ta xituncutic ta yalel scꞌoplal ti achꞌ tratee. Ti achꞌ trate taje, maꞌuc ta xacꞌ jnaꞌtic ti ta xijcolotic ta sventa xchꞌunel ti mantal ti tsꞌibabile. Jaꞌ ta xacꞌ jnaꞌtic ti ta xacꞌ jcuxlejaltic ti Chꞌul Espíritue. Yuꞌun ti mantal tsꞌibabile, jaꞌ noꞌox ta xismilotic. Yan ti Chꞌul Espíritue ta xacꞌ jcuxlejaltic.   
\p
\v 7 Ti mantal ti iꞌacꞌbat ti Moisese, jaꞌ tsꞌibabil ta pechpech ton. Pero tsots ta jmec ti xojobal ti itale. Jech o xal ti jꞌisraeletique mu xuꞌ ta sqꞌuelbeic sat ti Moisese, yuꞌun xojobin ti sate. ¡Cꞌu stu un! ti xojobale tey naca sta ichꞌay batel. Mi jaꞌ jech yutsil xojobal ital ti mantal ti jaꞌ noꞌox ta xmilvane,  
\v 8 jaꞌuc xa van ti cuxlejal ti ta xacꞌ ti Chꞌul Espíritue, más to jelavem yutsil ta jꞌechꞌel.  
\v 9 Mi jaꞌ jech yutsil ital ti mantal ti jaꞌ noꞌox itun o ti ta xismilotique, jaꞌuc xa van ti ta xal ti Dios ti chꞌabal ti jmultique, más to jelavem yutsil ta jꞌechꞌel.  
\v 10 Ti vaꞌi sꞌelan yan yutsil ital ti mantal ta voꞌnee, pero ichꞌay ta be scꞌoplal cuꞌuntic cꞌalal ital ti jun más toj echꞌem yutsile.  
\v 11 Mi yan sꞌelan yutsil ti mantal ti jaꞌ noꞌox itun jun chib cꞌacꞌale, jaꞌuc xa van ti cꞌusi ta xjalij sbatel osile, más to jelavem yutsil ta jꞌechꞌel.   
\p
\v 12 Ti jech jpatoj coꞌntoncutic taje, jech o xal un, mu ta xiꞌeluc ti cꞌusi ta xcalcutique.  
\v 13 Ti vuꞌuncutique mu jechuc ta jpascutic jech chac cꞌu chaꞌal laj spas ti Moisese, ti laj smac sat ta poqꞌue, yoꞌ jech mu xilic ti jꞌisraeletic ti naca sta ta xchꞌay batel ti xojobal sate.  
\v 14 Pero ti stuquique mu laj yaꞌibeic ti smelole. Jaꞌ jech xtoc ti jꞌisraeletic avi tana liꞌe, cꞌalal ta sqꞌuelic ti pocoꞌ tratee, mu xaꞌibeic ti smelole, jaꞌ ti macal ti satique. Yoꞌ jech ta xjam ti sba satique, jaꞌ noꞌox ta sventa ti Cristoe.  
\v 15 Jech o xal un, ti stuquic avi tana une, cꞌalal ta sqꞌuelic ti libroetic yuꞌun ti Moisese, coꞌol sꞌelan macal ta pocꞌ ti snopobil yuꞌunique.  
\v 16 Pero buchꞌuuc noꞌox ti ta xtalic ta stojol ti Cajvaltique, ta sloqꞌuesbat ti coꞌol sꞌelan pocꞌ ti macbil ti snopobil yuꞌunique.  
\v 17 Yuꞌun ti bu oy ti Cajvaltique, tey oy ti Chꞌul Espíritue. Ti bu oy ti Chꞌul Espíritue, tey oy ti colebale.  
\v 18 Jech o xal un, jcotoltic ti voꞌotique jam xa ti jba jsatique. Jech ti voꞌotique ta xcacꞌtic iluc yutsil ti Cajvaltique jech chac cꞌu chaꞌal ta xacꞌ xojobal ti nenee. Jech ti voꞌotique yacal ta xijcꞌototic jech chac cꞌu chaꞌal ti Cristoe, yuꞌun yantic ta xquichꞌtic batel ti yutsilal slequilale. Ti jech taje, jaꞌ yabtel ti Chꞌul Espíritu ta coꞌntontic ti jmoj yoꞌnton schiꞌuc ti Cajvaltique.   
\c 4  
\p
\v 1 Ti jech ta scꞌuxul yoꞌnton yacꞌojbuncutic ti cabtelcutic taje, jech o xal un, mu xichibajcutic ta spasel ti yabtele.  
\v 2 Ti vuꞌuncutique laj xa jipcutic comel ti oy cꞌusi stacꞌ pasel ta mucul ti ta xꞌacꞌvan ta qꞌuexlale. Mi jaꞌuc ta jyanijescutic ti scꞌop Diose. Jaꞌ noꞌox ta xcalcutic ti melele. Jaꞌ yiloj ti Diose ti jech ta xcacꞌcutic persa yoꞌ jech ti cristianoetique acꞌo yaꞌiic ta yoꞌntonic ti jaꞌ melel ti cꞌusi ta xcalcutique.  
\v 3 Ti buchꞌu mu xaꞌibe smelol ti colebal lequil achꞌ cꞌop ti ta xcalcutique, jaꞌ noꞌox ti buchꞌutic ti ta xbatic ta chꞌayele.  
\v 4 Ta scoj ti mu xchꞌunique, jech o xal macbat snopobil, macbat satic yuꞌun ti srioxic liꞌ ta sba banomile, yoꞌ jech mu xcꞌot ta yoꞌntonic yutsilal ti lequil achꞌ cꞌop yuꞌun ti Cristoe, ti cꞌalal jaꞌ stalel yutsil stuc ti Diose.  
\v 5 Ti cꞌalal ta xcalcutic ti lequil achꞌ cꞌope, maꞌuc ta jvinajes ti jcꞌoplalcutique. Yuꞌun jaꞌ ta xcalcutic scꞌoplal ti Jesucristo ti jaꞌ Jcoltavaneje. Yan ti vuꞌuncutique jaꞌ noꞌox ta xcacꞌ jbacutic ta tunel ta atojolic ta sventa scꞌuxul yoꞌnton ti Jesuse.  
\v 6 Yuꞌun ti Diose ti Buchꞌu laj yacꞌ xojobinuc ti luz ta icꞌal osile, jaꞌ onoꞌox ti Diose ti laj yacꞌ xojobinuc ti luz ta coꞌntontique, yoꞌ jech ta xcojtiquintic yutsilal slequilal ti Diose ti xojobin ta stojol ti Jesucristoe.   
\s1 Ta xijcuxi ti jech jchꞌunojtic ti Cajvaltique  
\p
\v 7 Ti jech taje, acꞌo mi jech lum achꞌel ti jbecꞌtaltique jech chac cꞌu chaꞌal ti bin ti pasbil ta lume, pero acꞌbilotic xa achꞌ jcuxlejaltic yuꞌun ti Dios ti toj yan yutsile, yoꞌ jech ta xvinaj ti maꞌuc cuꞌun jtuctic ti achꞌ jcuxlejaltique.  
\v 8 Jech o xal un, acꞌo mi yan sba ti cꞌopetic ta jtojolcutique, pero mu xistsaluncutic comel. Acꞌo mi oy ti vul oꞌntonale, pero mu spasuncutic ta canal.  
\v 9 Acꞌo mi ilbajinbiluncutic, pero muꞌyuc tenbiluncutic. Acꞌo mi ta xijipatcutic ta lum, pero mu xilajcutic o.  
\v 10 Buꞌyuc noꞌox ti ta xixanavcutique, oy jcꞌoplalcutic ti xuꞌ ta xquichꞌcutic milel jech chac cꞌu chaꞌal laj yichꞌ milel ti Cristoe, yoꞌ jech ta xvinaj ti oy scuxlejal ti Jesús ta jtojolcutique.  
\v 11 Ti jech liꞌ to cuxuluncutique, chapal scotol cꞌacꞌal ta xquichꞌcutic milel ta sventa ti ta jpascutic yabtel ti Cajvaltic Jesuse, yoꞌ jech ta xvinaj xtoc ti oy scuxlejal ti Jesús liꞌ ta jbecꞌtalcutic ti snaꞌ xchame.  
\v 12 Xuꞌ xichamcutic ta sventa ti ta xiꞌabtejcutic ta atojolique. Pero yacal xa ta xataic ti acuxlejalique.   
\p
\v 13 Jaꞌ jech sꞌelan coꞌntoncutic jech chac cꞌu chaꞌal ti buchꞌu jech laj stsꞌiba ta scꞌop Diose: “Laj jchꞌunot, jech o xal licꞌopoj”, xi. Jaꞌ jechuncutic ec, jchꞌunojcutic ti Diose, jech o xal ta xcalcutic ti scꞌoplale.  
\v 14 Yuꞌun jnaꞌojcutic lec, ti Dios ti Buchꞌu laj xchaꞌcuxes ti Cajvaltic Jesuse, jaꞌ jech ta xchaꞌcuxesotic ec ti jech oyotic ta stojol ti Jesuse. Jech ti stuque jmoj ta xijyicꞌotic batel ta stojol ti Diose.  
\v 15 Ti vocol ti laj xa quichꞌcutic talele, jaꞌ sventa alequilalic ti voꞌoxuque. Yuꞌun mi epoxuc ta xataic slequilal yutsilal ti Diose, jech ep ti buchꞌutic ta xalbeic vocol ti Diose. Jech lec ta xbat scꞌoplal ti Diose.   
\p
\v 16 Jech o xal un, mu jpas ta chib coꞌntoncutic. Acꞌo mi yantic xa ta xlumtsaj batel ti jbecꞌtalcutique, pero yantic ta xichꞌ tsatsubtasel jujun cꞌacꞌal ti coꞌntoncutique.  
\v 17 Ti jvocoltic ti ta xquichꞌtic liꞌ ta sba banomile, mu jaluc, ta noꞌox xꞌech scꞌacꞌalil. Xlocꞌ venta, yuꞌun ta xjoybij ta jlequilaltic ti jun to yutsil sbatel osile.  
\v 18 Yuꞌun mu liꞌuc cacꞌoj jsatic yuꞌun ti cꞌusi xvinaj ta sba banomile. Yuꞌun jaꞌ tey cacꞌoj batel jsatic yuꞌun ti cꞌusi mu xvinaj ti oy ta vinajele. Yuꞌun ti cꞌusitic xvinaj ta qꞌuelele, mu xjalij. Yan ti cꞌusitic mu xvinaj ta qꞌuelele, mu snaꞌ xlaj sbatel osil.   
\c 5  
\p
\v 1 Jnaꞌtic lec ti ta xlaj ti lum achꞌele jech chac cꞌu chaꞌal ti axibal na ti mu xjalije. Pero jnaꞌcutic xa un ti cꞌalal ta xlaje, ti Diose smeltsanoj xa jnatic tey ta vinajele ti mu snaꞌ xlaj sbatel osile.  
\v 2 Ti jech liꞌ to quichꞌoj ti jbecꞌtalcutique, vocoltic ta xꞌechꞌ ti cꞌacꞌale. Jcꞌanuc xa caꞌicutic chba jnaincutic ta vinajel ti achꞌ jbecꞌtalcutique,  
\v 3 yoꞌ jech lec cꞌuꞌiltasbiluncutic ta achꞌ.  
\v 4 Ti jech liꞌ to cuxuluncutic schiꞌuc ti jbecꞌtalcutique, vocoltic ta xꞌechꞌ ti cꞌacꞌale, oyuncutic ta vul oꞌnton, oy cꞌusi ta jcꞌan ta jtacutic. Pero mu yuꞌunuc ti ta jcꞌancutic ti ta xichamcutique. Jaꞌ ti cꞌusi ta jcꞌancutique, jaꞌ ti acꞌo jcꞌuꞌincutic ti achꞌ jbecꞌtalcutique, yoꞌ jech ta xjeltaj ti jpocoꞌ-becꞌtalcutic ti snaꞌ xchame, yoꞌ jech ta jcꞌuꞌincutic ti achꞌ jbecꞌtalcutic sbatel osile.  
\v 5 Ti jech ti jcꞌoplaltic taje, jaꞌ laj xa xchapan stuc ti Diose. Jaꞌ jech xtoc laj xa yacꞌbotic ti Chꞌul Espíritue ti jaꞌ svinajeb ti oy cꞌusi ta xijꞌacꞌbatotic yuꞌun ti Diose.   
\p
\v 6 Jech o xal un, jun xa coꞌntoncutic. Jnaꞌcutic lec ti cꞌalal liꞌ to jnainoj ti jbecꞌtalcutique, mu to jnainojcuticuc ti achꞌ jbecꞌtalcutique. Ti jech taje, jaꞌ smelol ti mu to tey batemuncutic ta xchiꞌinel ti Cajvaltique.  
\v 7 Pero jchꞌunojcutic onoꞌox ti Cajvaltique, acꞌo mi mu xquilcutic.  
\v 8 Jnaꞌcutic lec ti chba jchiꞌincutic ti Cajvaltique. Jech o xal un, jcꞌancuticuc xa caꞌicutic ti acꞌo quictacutic comel ti jbecꞌtalcutique, yoꞌ jech chba jchiꞌincutic ta naclej ti Cajvaltique.  
\v 9 Jech o xal un, ta xcacꞌcutic persa ti acꞌo lec xiyiluncutic ti Cajvaltic ti liꞌ to cuxuluncutique. Jaꞌ jech xtoc ti lecuc ti jcꞌoplalcutic ti cꞌalal chamemuncutic xae.  
\v 10 Yuꞌun jcotoltic ta xcꞌot jvaꞌan jbatic ti bu ta xchapanvan ti Cristoe, yoꞌ jech ta xquichꞌtic ti cꞌusi ta xijꞌacꞌbatotic ta jujun tale, jaꞌ ti cꞌu sꞌelan laj xa jpastique, mi lec, mi chopol.   
\s1 Scꞌoplal ti lec xa xijyil ti Diose  
\p
\v 11 Ti jech jnaꞌ jxiꞌtacutic ti Diose, jech o xal ta xcacꞌcutic persa ta yacꞌbel xchꞌun Cajvaltic ti cristianoetique. Ti Diose xojtiquin xa ti cꞌu sꞌelan ta xiꞌabtejcutique. Jcꞌanuc ti jechuc avoꞌntonic eque.  
\v 12 Ti jech ta xcalcutic taje, mu yuꞌunuc jaꞌuc ta jcꞌan ta jchaꞌalboxuc ti jcꞌoplalcutic ti lecuncutique. Yuꞌun jaꞌ noꞌox ta jvinajes ti jcꞌoplalcutique yoꞌ jech xamuyubaj ta jtojolcutic. Jaꞌ jech xtoc, yoꞌ xuꞌ avuꞌunic ta stacꞌbel scꞌopic ti buchꞌutic lec ta xaꞌi ti bisbil ta jcholcꞌopetique cꞌalal mu jechuc ti yoꞌntonique.  
\v 13 Ti mi jech chuvajibemuncutic ta xalic jlome, jaꞌ chuvajibemuncutic ta spasel yabtel ti Diose. Yan ti mi muꞌyuc chuvajibemuncutique, jaꞌ alequilalic.  
\v 14 Ti jech ta xiꞌabtejcutique, jaꞌ ta sujuncutic scꞌuxul yoꞌnton ti Cristoe. Jaꞌ ti jnaꞌcutic lec ti jaꞌ icham ta sventa jcotoltique. Jech o xal un, jcotoltic tey icham ti jpocoꞌ-taleltic yuꞌune.  
\v 15 Ti jech icham ti Cristo ta scoj ti jmultic jcotoltique, yoꞌ jech mu xa cuꞌunuc jba jtuctic ti liꞌ cuxulotique. Jaꞌ xa uninbilotic yuꞌun ti Buchꞌu icham ichaꞌcuxi ta jventatique.  
\v 16 Jech o xal un, ti vuꞌuncutique maꞌuc xa ta jnopilan cꞌu sꞌelan yabtel spasojic, ti cꞌusi snaꞌic ti buchꞌutic ta jcꞌopone jech chac cꞌu chaꞌal ta spasic ti buchꞌutic mu xojtiquinic ti Diose. Acꞌo mi oy laj caꞌibe scꞌoplal ti Cristo ti jecheꞌ noꞌox vinic ti liꞌ ta banomile, pero avi tana un, mu xa jechuc ta jnopilan ta stojol.  
\v 17 Jech o xal un, buchꞌuuc noꞌox ti oyic ta stojol ti Cristoe, ipas ta achꞌ cristiano. Achꞌ scotol ti cꞌusi ta snope. Yan, ti cꞌusi chopol laj xa snop scotole, chꞌay scꞌoplal.   
\p
\v 18 Scotol taje, jaꞌ laj spas ti Diose. Jaꞌ laj spas ti lec ta xquil jbatic schiꞌuc ta sventa ti Cristoe. Jaꞌ jech xtoc laj yacꞌbun cabtelcutic ta yalbel yaꞌiic ti cristianoetique ti acꞌo lajuc yoꞌntonic schiꞌuc ti Diose.  
\v 19 Yuꞌun ti jech mu to ox lecuc ta xijyilotic ti Diose, ilecub xa yoꞌnton cuꞌuntic cꞌalal laj yacꞌbe sbain jmultic ti Cristoe. Maꞌuc laj yacꞌ ta venta ti jmultique. Jech o xal un, ti Diose laj yacꞌbun cabtelcutic ta yalbel yaꞌiic ti cristianoetique ti lec xa xijyilotic ti Diose.  
\v 20 Jech o xal un, tacbiluncutic yuꞌun ti Cristoe, ti coꞌol sꞌelan jaꞌ stuc ti Dios ta scꞌanboxuc vocol ta atojolic ta sventa vuꞌuncutique. Jech o xal un, ta jcꞌanboxuc vocol ta sventa ti Cristoe, ti cꞌotuc ta avoꞌntonic ti lec xa xayilic ti Diose.  
\v 21 Yuꞌun ti Cristoe mi jaꞌuc jutebuc oy ti smule. Pero ta jcojtic voꞌotic ti oy smul icꞌote. Jech o xal un, ibisat ta jsaꞌmulil yuꞌun ti Diose. Ta sventa ti junotic xa schiꞌuc ti Cristoe, jaꞌ jech ta jtatic ti jcuxlejaltique jech chac cꞌu chaꞌal oy ta yoꞌnton ti Diose.   
\c 6  
\p
\v 1 Ti jech jchiꞌil jbatic ta abtel ta sventa yabtel ti Diose, ta jcꞌanboxuc vocol ti mu xabajic ti scꞌuxul yoꞌnton ti Dios ti laj yacꞌboxuc anaꞌique.  
\v 2 Yuꞌun jech ta xal ti Dios ti tsꞌibabil ta scꞌope:  
\q1 Cꞌalal yorail ti laj acꞌanbun ti coltaele, laj caꞌi acꞌop.  
\q1 Cꞌalal laj avaꞌi ti coltael cuꞌune, laj jcoltaot,  
\m xi. Avi tana un, jaꞌ xa yorail, jaꞌ xa scꞌacꞌalil ti ta xcoltavan ti Diose.   
\p
\v 3 Jech o xal ta jchabi jbacutic, yoꞌ jech muꞌyuc buchꞌu chopol ta xcꞌopoj ta stojol ti cabtelcutic ti acꞌbiluncutique.  
\v 4 Scotol ti cꞌusi ta jpascutique, jaꞌ noꞌox ta xcacꞌcutic ta ilel ti yajꞌabteluncutic ti Diose. Jech o xal ta smucꞌul coꞌntoncutic cuchem cuꞌuncutic ti vocole, ti ilbajinele, ti at oꞌntone.  
\v 5 Laj xa quichꞌcutic tsitsel. Libajatcutic ta chuquel. Xvochvun noꞌox ti cristianoetic ta xiyilbajincutique. Tsots liꞌabtejcutic. Muꞌyuc vayel cuꞌuncutic. Jtsꞌicojcutic viꞌnal.  
\v 6 Ta xcacꞌcutic ta ilel ti yajꞌabteluncutic ti Diose, ta sventa ti oy stuqꞌuil coꞌntoncutique, ti xcojtiquincutic ti melele, ti oy smucꞌul coꞌntoncutique, ti oy yutsil coꞌntoncutique, ti oy ti Chꞌul Espíritu ta jtojolcutique, ti ta jcꞌuxubincutic scotole.  
\v 7 Ta xvinaj ti yajꞌabteluncutic ti Diose, yuꞌun melel ti lequil achꞌ cꞌop ti ta xcalcutique, ti jech oy smucꞌul stsatsal ti Dios ta jtojolcutique. Jaꞌ jpojobbailcutic ti oy slequilal coꞌntoncutic ta stojol ti cajcrontacutique, ta stojol ti buchꞌu ta scꞌan ti coltaele.  
\v 8 Oy bu baqꞌuinajtic lec jcꞌoplalcutic ti ichꞌbiluncutic ta muqꞌue. Oy bu baqꞌuinajtic chopol jcꞌoplalcutic. Oy bu baqꞌuinajtic bisbiluncutic ta jutcꞌop. Oy bu baqꞌuinajtic ti melel cꞌusi ta xalique, xi jcꞌoplalcutic.  
\v 9 Oy bu baqꞌuinajtic ti coꞌol to sꞌelan ti muꞌyuc ojtiquinbiluncutique. Oy bu baqꞌuinajtic ti ojtiquinbiluncutic leque. Oy bu baqꞌuinajtic ti jujutiꞌ mu ta xilajcutic ta milele, pero liꞌ to cuxuluncutique. Oy bu tsitsbiluncutic, pero muꞌyuc milbiluncutic.  
\v 10 Oy bu ta xcaꞌicutic ti mu xꞌechꞌ ti at oꞌntone, pero jun coꞌntoncutic ta stojol ti Cajvaltique. Acꞌo mi meꞌununcutic, pero oy ep ti buchꞌu ta xcacꞌbecutic ti scꞌulejalique. Acꞌo mi muꞌyuc cꞌusi xꞌayan cuꞌuncutic, pero oy scotol cuꞌuncutic.   
\p
\v 11 Quermanotac jcorintoetic, jamal laj xa calboxuc ti cꞌusi oy ta coꞌntoncutique.  
\v 12 Muꞌyuc cꞌusi mucul ta coꞌntoncutic ta atojolic. Yan ti voꞌoxuque, mu jechuc avoꞌntonic ta jtojolcutic.  
\v 13 Ta jcꞌanboxuc vocol jech chac cꞌu chaꞌal ti totil ti ta scꞌanbe vocol ti snichꞌnabe, jamo avoꞌntonic ta jtojolcutic jech chac cꞌu chaꞌal jamal ti coꞌntoncutic ta atojolique.   
\s1 Stemplootic ti cuxul Diose  
\p
\v 14 Ti voꞌoxuque mu me xacoꞌoltas avoꞌntonic ta snopel ti cꞌusi ta xapasique ti ta xanupin abaic schiꞌuc ti maꞌuc jchꞌunolajeletique. Ti mi jech ta xapasique, tey xa chucul ta xacomic ti mu jmojuc ta xanopique. Yuꞌun mu xcoꞌolaj stalelic ti buchꞌu oyic ta saquilal osile schiꞌuc ti buchꞌu oyic ta icꞌal osile.  
\v 15 ¿Mi yuꞌun xuꞌ ta scoꞌoltas yoꞌntonic ti Cristo schiꞌuc ti pucuje? ¿Mi yuꞌun xuꞌ ta scoꞌoltas yoꞌntonic ti jchꞌunolajel schiꞌuc ti maꞌuc jchꞌunolajele?  
\v 16 ¿Mi yuꞌun xuꞌ ta jticꞌtic ochel ta stemplo Dios ti cꞌusi meltsanbil ta cꞌabale? Yuꞌun ti voꞌoxuque stemplooxuc ti cuxul Diose jech chac cꞌu chaꞌal laj yal stuc ti Diose:  
\q1 Tey ta xinaqui ta stojolic.  
\q1 Ta jchiꞌin ta xanobal.  
\q1 Diosun yuꞌunic.  
\q1 Jech ti stuquique jaꞌic ti calab jnichꞌnabtaque,  
\m xi.  
\v 17 Jech laj yal xtoc ti Cajvaltique:  
\q1 Chꞌaco abaic ta stojolic.  
\q1 Mu xapasic ti chopole.  
\q1 Ti mi jech ta xapasique, ta xaquicꞌoxuc ta jtojol.   
\q1
\v 18 Jech ti vuꞌune Atoticun, ti voꞌoxuque calab jnichꞌnaboxuc,  
\m xi ti Cajvaltic Dios ti scotol xuꞌ yuꞌune.   
\c 7  
\p
\v 1 Jaꞌ jech ti albil jcꞌoplaltic taje, Quermanotac. Jech o xal un, laꞌ me jqꞌuel jbatic lec. Mu me jsoques ti jbecꞌtaltique, ti coꞌntontique. Jaꞌ noꞌox laꞌ me jxiꞌtatic ti Diose. Laꞌ me cacꞌ jbatic ta tunel yuꞌun.   
\s1 Jel yoꞌntonic ti jcorintoetique  
\p
\v 2 Chꞌunic ta sjunul avoꞌntonic ti cꞌusi ta xcalcutique. Muꞌyuc cꞌusi chopol laj jpasboxuc. Muꞌyuc bu laj jsoquesoxuc. Muꞌyuc bu laj jloꞌlaoxuc.  
\v 3 Mu yuꞌunuc oy cꞌusi chopol avalojbeicun ti jech ta xcalboxuc taje. Yuꞌun laj xa calboxuc avaꞌiic, acꞌo mi cuxuluncutic to, mi chamemuncutic xa, tey oyoxuc onoꞌox ta coꞌntoncutic.  
\v 4 Manchuc mi oyuncutic ta vocol, pero xmuyubaj xa ti coꞌntoncutic ta atojolique. Yuꞌun jpatoj coꞌntoncutic ti ta xachꞌunic ti cꞌusi ta xcalcutique.   
\p
\v 5 Ti cꞌalal livulcutic liꞌ ta Macedonia banomile, muꞌyuctic lec ti cux oꞌntonale. Yuꞌun buꞌyuc noꞌox oy ti vocole. Ep ta tos ti oy xiꞌel ta coꞌntoncutique.  
\v 6 Pero ti Diose, ti ta stsatsubtasbe yoꞌnton ti buchꞌu chcꞌunib ti yoꞌntone, laj stsatsubtasbun ti coꞌntoncutic cꞌalal ivul liꞌ ta jtojolcutic ti Titoe.  
\v 7 Pero maꞌuc noꞌox itsatsub coꞌntoncutic ti jech ivul ta jtojolcutique. Jaꞌ ti laj caꞌicutic ti jun yoꞌnton ti Tito ta atojolique. Ti Titoe laj yalbun caꞌicutic ti ta xacꞌan xaqꞌueluncutic avaꞌiique. Jaꞌ jech xtoc laj yalbuncutic ti oyoxuc ta at oꞌntone, ti ta xavul avoꞌntonic ta jtojolcutique. Ti jech taj une, más to ximuyubajcutic avuꞌunic.   
\p
\v 8 Acꞌo mi laj yacꞌoxuc ta at oꞌnton ti jcarta ti laj jtsꞌibaboxuque, avi tana un, mu jchaꞌnaꞌ ti jech laj jpascutique. Oy bu vocol laj caꞌicutic, yuꞌun laj cacꞌoxuc ta at oꞌnton. Pero mu jaluc.  
\v 9 Avi tana un, ximuyubaj xa ti laj jtsꞌibaboxuc ti jcartae. Pero maꞌuc ximuyubaj xa yuꞌun ti laj cacꞌoxuc ta at oꞌntone. Ti jech ximuyubajcutic xae, jaꞌ ti laj avictaic comel ti chopol avoꞌntonique. Ti jech laj avilic ti laj yacꞌoxuc ta at oꞌnton ti Diose, jech o xal un, maꞌuc laj jsoquesoxuc ti jech laj jtsꞌibaboxuc ti jcartae.  
\v 10 Yuꞌun ti buchꞌu oy ta at oꞌnton ti iꞌacꞌbat yuꞌun ti Diose, jaꞌ to jech ta sta ti ta xicta ti chopol yoꞌntone. Tey ta sta ti scoltael xtoque. Jech o xal mu xa xchaꞌnaꞌilan ti at oꞌntone. Yan ti buchꞌu jaꞌ noꞌox ta xat yoꞌnton yuꞌun ti cꞌusi ta snopilan sventa sba banomile, jaꞌ noꞌox ta sta ti ta xcham ta xlaje.  
\v 11 Ti jech laj avilic ti laj yacꞌoxuc ta at oꞌnton ti Diose, toj yan yutsil laj ataic. Laj yacꞌboxuc anaꞌic ti ta scꞌan chapanel ti cꞌope. Laj yacꞌboxuc anaꞌic ti chopol ta xapasique. Laj yacꞌboxuc anaꞌic ti ta xaviltaic ti mulile. Laj yacꞌboxuc xiꞌel ta avoꞌntonic. Tsꞌacal to un, ta xacꞌan xaqꞌuelicun avaꞌiic. Jaꞌ jech xtoc jun avoꞌntonic lic anopic ti ta xachapanic ti buchꞌu staoj smule. Ti jech laj apasic taje, laj avaqꞌuic ta ilel ti mu xacꞌanic ti mulile.  
\v 12 Ti jech laj jtsꞌibaboxuc ti jcartacutique, yoꞌ jech xavilic ta stojol Dios ti cꞌuxun onoꞌox ta avoꞌntonique. Jech o xal un, ti jcartacutic ti laj jtsꞌibaboxuque, maꞌuc noꞌox ta sventa ti vinic ti buchꞌu oy to ox ti smule, maꞌuc noꞌox ta sventa ti buchꞌutic laj to ox yichꞌic svocol ta scoje.   
\p
\v 13 Jech o xal un, laj jta ti spatobil coꞌntoncutique. Pero maꞌuc noꞌox. Jaꞌ jech xtoc ximuyubajcutic xa ti jun yoꞌnton ti Tito ta atojolique. Yuꞌun acotolic ti voꞌoxuque laj acoltaic. Jech o xal mu cꞌusi xal yoꞌnton.  
\v 14 Yuꞌun mu laj avaqꞌuicun ta qꞌuexlal ti laj calbe yaꞌi ti Tito ti ximuyubaj xa yuꞌun ti jcorintoetique, ti xcute. Yuꞌun ti jech vinajem acꞌoplalic cuꞌuncutique, jech onoꞌox ta melel. Jaꞌ jech xtoc jech laj yil ti Titoe jech chac cꞌu chaꞌal laj calcutic ti ximuyubajcutic avuꞌunique.  
\v 15 Jech o xal ti stuque más to ep cꞌuxoxuc ta yoꞌnton ti cꞌalal ta svules ta sjol ti más to ep laj acoltaique ti cꞌalal mu jechuc yepal laj jcꞌanboxuque. Yuꞌun ta sjunul avoꞌntonic ichꞌbil ta mucꞌ icꞌot avuꞌunic.  
\v 16 Jech jpatoj coꞌntoncutic ti ta onoꞌox xapasic ti cꞌusi ta scꞌan pasele.   
\c 8  
\s1 Ta slequilaluc oꞌntonal acꞌo yichꞌ aqꞌuel ti coltaele  
\p
\v 1 Avi tana un, Quermanotac, ta jcꞌan ta xcalcutic avaꞌiic cꞌu sꞌelan iꞌabtej scꞌuxul yoꞌnton Dios ta stojolic ti jchꞌunolajeletic ti buꞌyuc noꞌox ti ta stsob sbaic ti tey ta Macedoniae.  
\v 2 Manchuc mi ep laj yichꞌic lajeltsael yuꞌun ti svocolic ti jech meꞌonic icomic yuꞌune, pero xmuyubajic noꞌox laj yaqꞌuic ti cꞌu yepal xuꞌ yuꞌunique, ti coꞌol sꞌelan jcꞌulejetique.  
\v 3 Ti jech ta slequilal yoꞌnton laj yaqꞌuic ti cꞌu yepal xuꞌ yuꞌunique, vuꞌun rextigoun. Echꞌ to yuꞌunic ti cꞌu yepal xuꞌ yuꞌunic ta xaqꞌuique.  
\v 4 Pero moꞌcun laj calbe ti ta xcoltavanique. Ti stuquique ep laj scꞌanbuncutic vocol yoꞌ jech xuꞌ ta sticꞌ sbaic ta scoltael ti yan quermanotaque.  
\v 5 Xcacꞌtouc ti jaꞌ noꞌox jech yepal ta xaqꞌuique. Pero ijelav to yuꞌunic más. Yuꞌun baꞌyel laj yacꞌ sbaic ta ventainel yuꞌun ti Diose. Tsꞌacal to laj yacꞌ sbaic ta jtojolcutic yoꞌ jech ta spasic ti cꞌusi ta scꞌan yoꞌnton ti Diose.  
\v 6 Jech o xal un, laj xa jcꞌanbecutic vocol ti Titoe ti acꞌo sliques stsobel ta atojolic ti matanale, ti ta scoltaoxuc xtoc ta stsutsesel ti matanal ti ta yutsilal avoꞌntonic ta xavaqꞌuique.  
\v 7 Scotol ti yane, lec xuꞌ avuꞌunic chquil. Achꞌunojic lec ti Cajvaltique. Xatojobic lec ta chanubtasvanej. Lec xanaꞌic ti cꞌusi ta scꞌan ti Diose. Sjunul avoꞌntonic ta xapasic ti cꞌusi ta scꞌan ti Diose. Oy scꞌuxul avoꞌntonic ta jtojolcutic. Jech o xal un, ti jech atalelique, jechuc me juꞌuc avuꞌunic ti ta yutsilal avoꞌntonic coltavananique.   
\p
\v 8 Ati vaꞌi sꞌelan ta xcalboxuque, mu yuꞌunuc ta jpasoxuc ta mantal. Jaꞌ noꞌox ta jcꞌan ti ta xanaꞌic ti xmuyubaj xa yoꞌntonic ti yan ti cꞌalal ta xcoltavanique, yoꞌ jech ta xvinaj mi oy scꞌuxul avoꞌntonic ta melel.  
\v 9 Yuꞌun ti voꞌoxuque xanaꞌic lec ti oy yutsilal slequilal yoꞌnton ti Cajvaltic Jesucristoe. Ti stuque cꞌulej. Pero ijoybij ta meꞌun ta sventa ti cꞌuxoxuc ta yoꞌntone, yoꞌ jech cꞌulej ta xacꞌotic ta sventa smeꞌunal ti Cajvaltique.   
\p
\v 10 Jech ta xcalboxuc avaꞌiic, yoꞌ jech lec oyoxuc. Ti stsobel ti coltaele voꞌoxuc laj aliquesic baꞌyel. Jech o xal un, muyubajuc avoꞌntonic ta spasel. Yuꞌun ti junabie lec laj aliquesic talel stsobel ti coltaele.  
\v 11 Avi tana un, jechuc me ta yutsilaluc avoꞌntonic ta stsutsesel stsobel ti coltaele jech chac cꞌu chaꞌal ti laj aliquesique. Aqꞌuic me ti cꞌu yepal xuꞌ avuꞌunic ta jujun tale.  
\v 12 Buchꞌuuc noꞌox ti ta sjunul yoꞌnton ta scꞌan ta xcoltavane, ichꞌbil ta venta yuꞌun ti Dios ti cꞌu yepal xuꞌ yuꞌun ta xaqꞌue. Yuꞌun ti Diose, mu yuꞌunuc ta scꞌanbe ti buchꞌu chꞌabal cꞌusi xꞌayan yuꞌune.   
\p
\v 13 Pero mu ta jcꞌan ti chꞌabal xa aveꞌelic ta xacomic ta sventa ta xacoltaic ti yane.  
\v 14 Jaꞌ noꞌox ta jcꞌan ti talel batel ta jcolta jbatique. Yuꞌun ti voꞌoxuque oy to sobrail avuꞌunic ti cꞌusi ta xtune. Jech o xal xuꞌ ta xacoltaic ti buchꞌu muꞌyuc cꞌusi xꞌayan yuꞌunique. Oy bu ta sta scꞌacꞌalil ti muꞌyuc xa cꞌusi ta xataique. Jech ti stuquique cꞌalal oy sobrail yuꞌunique, xuꞌ ta scoltaoxuc ec. Ti jech taje, talel batel ta jcolta jbatic  
\v 15 jech chac cꞌu chaꞌal tsibabil ta scꞌop Diose: “Ti buchꞌu ep stsoboje, jaꞌ noꞌox jech yepal ilocꞌ yuꞌun. Yan ti buchꞌu jutuc stsoboje, lec ilocꞌ o yuꞌun”, xi.   
\s1 Ti Titoe schiꞌuc ti schiꞌiltac ta abtele  
\p
\v 16 Coliyal ti Diose ti iꞌacꞌbat ta yoꞌnton ti Titoe ti coꞌol yoꞌnton jech chac cꞌu chaꞌal ti vuꞌune ti jaꞌ noꞌox ta jcꞌan ti lec oyoxuque.  
\v 17 Maꞌuc noꞌox laj xchꞌunbun ti Tito ti laj calbe yaꞌi ti ta xtal sqꞌueloxuque, pero ta sventa ti oy onoꞌox ta yoꞌnton ti ta scꞌan ti lec oyoxuque, avi tana un, ta yoꞌnton stuc ta xtal sqꞌueloxuc.   
\p
\v 18 Cꞌalal ta xtal sqꞌueloxuc ti Titoe, tey ta jtaccutic talel jun quermanotic ti lec ojtiquinbil yuꞌun ti jchꞌunolajeletic ta jujun tsobobbaile. Yuꞌun lec ta xꞌabtej ta yalel ti colebal lequil achꞌ cꞌope.  
\v 19 Maꞌuc noꞌox taje, yuꞌun jaꞌ itꞌujat yuꞌun ti jchꞌunolajeletique, yoꞌ jech ta xischiꞌinuncutic batel ta yaqꞌuel ti coltaele. Jech ta jpascutic yoꞌ ichꞌbil ta mucꞌ ta xcꞌot ti Cajvaltique, yoꞌ jech ta xvinaj ti ta slequilal avoꞌntonic ta xacoltavanique.  
\v 20 Ti jech ta jpascutic taje, yuꞌun ta jcꞌancutic ti mu xquichꞌcutic loꞌiltael yuꞌun ti matanal ti ta jtsobtic batele.  
\v 21 Yuꞌun ta xcacꞌcutic persa ti acꞌo lec batuc scotole, ta sba ta sat ti Cajvaltique, ta sba ta sat ti cristianoetic xtoque.   
\p
\v 22 Ti cꞌalal ta xtal ta atojolic ti Tito schiꞌuc ti jun quermanotique, jaꞌ jech xtoc tey ta jtaccutic talel ta atojolic schiꞌuc yan jun quermanotic ti laj xa quilcutic ep ta velta ti sjunul yoꞌnton ta scꞌan xcoltavane. Avi tana un, más to oy ta yoꞌnton ta scꞌan ta scoltaoxuc, yuꞌun spatoj yoꞌnton ti ta xapasic ti cꞌusi scꞌan ti Diose.  
\v 23 Mi oy buchꞌu ta sjacꞌboxuc: “¿Cꞌusi smelol ti talem ti Tito liꞌ ta jtojoltique?”, mi xiique, albeic yaꞌi ti jaꞌ jchiꞌil ta abtel yoꞌ jech xituncutic avuꞌunic. Mi ta sjacꞌboxuc xtoc: “¿Cꞌusi smelol ti jech talem ti yan chaꞌvoꞌ quermanotic liꞌe?”, mi xiique, albeic yaꞌi ti jaꞌ tacbilic talel yuꞌun ti jchꞌunolajeletic ti ta xichꞌic ta mucꞌ ti Cristoe.  
\v 24 Jech o xal un, aqꞌuic ta ilel ti slequilal avoꞌntonic ta stojol ti quermanotic ti tey ta xcꞌotique, yoꞌ jech ta xcꞌot yalic acꞌoplalic ta stojol ti jchꞌunolajeletic ti bu liquemic talele. Ti mi jech ta xapasique, oy smelol ti vuꞌuncutic laj calcutic acꞌoplalic ti lec avoꞌntonique.   
\c 9  
\s1 Scoltael ti jchꞌunolajeletique  
\p
\v 1 Mu xa persauc ta xcalboxuc ta jcarta yan velta ti ta scꞌan ta xacoltaic ti jchꞌunolajeletic ti oy svocolique.  
\v 2 Yuꞌun xacojtiquinoxuc xa ti oy slequilal avoꞌntonique. Yuꞌun sjunul coꞌntoncutic ta onoꞌox xcalcutic acꞌoplalic ta stojol ti quermanotac liꞌ ta Macedoniae ti leꞌ xa talel junabi ti chapaloxuc ti ta xacoltavanique, ti voꞌoxuc nacaloxuc ta Acayae. Jech o xal un, yepalic ti jchꞌunolajeletic liꞌ ta Macedoniae sjunul yoꞌntonic ta xcoltavanic.  
\v 3 Acꞌo mi jech taje, pero tey ta jtac talel ta atojolic ti quermanotaque yoꞌ jech mu jutbiluc ta xcꞌot ti laj calcutic ti sjunul avoꞌntonic ta xacoltavanique. Yuꞌun ta jcꞌan ti chapaloxuc xa ta melel jech chac cꞌu chaꞌal caloje.  
\v 4 Yuꞌun cꞌalal mi libate, naca mi oyuc jun chib quermanotac liꞌ ta Macedoniae ti ta xtal xchiꞌinicune. Ti mi muꞌyuc to chapaloxuc chvul jtaoxuque, jaꞌ jech xtoc umbi, ta xiqꞌuexav avuꞌunic cꞌalal laj cal ti jun avoꞌnton ta xacoltavanique. Jaꞌ jech xtoc ta xcacꞌoxuc ta qꞌuexlal ec.  
\v 5 Jech o xal un, tsots scꞌoplal laj caꞌi ti ta jcajtac jelavel talel ta atojolic ti yan oxvoꞌ quermanotaque, yoꞌ jech ta scoltaoxuc ta xchapanel ti coltael ti avalojic ti ta xavaqꞌuique. Jech o xal un, cajchapanbil xa ti coltael ti ta slequilal avoꞌntonic laj apasique. Jaꞌ svinajeb ti maꞌuc sujbiloxuc cuꞌuncutique.  
\v 6 Vuleso me ta ajolic jech chac cꞌu chaꞌal liꞌe: Ti buchꞌu juteb ta stsꞌune, juteb ta scꞌaj. Yan ti buchꞌu ep ta stsꞌune, ep ta scꞌaj.  
\v 7 Ti jujune, acꞌo yacꞌ ti cꞌu yepal iꞌacꞌbat snaꞌ yuꞌun ti yoꞌntone. Maꞌuc schibal yoꞌnton ta xacꞌ. Maꞌuc sujbil ta xacꞌ. Yuꞌun ti buchꞌu xmuyubaj ta xaqꞌue, ta xcꞌuxubinat yuꞌun ti Diose.  
\v 8 Yuꞌun ti Diose xuꞌ yuꞌun ta xayacꞌboxuc ep ta tos ti bendicione, yoꞌ jech oy ti cꞌusi ta xtun avuꞌunique. Jaꞌ jech xtoc jech oy ep avuꞌunic ti xuꞌ xacoltavanic ta spasel ti lequil abteletique.  
\v 9 Yuꞌun jech tsꞌibabil ti ta scꞌop Diose:  
\q1 Ti buchꞌu laj xa scolta ta yutsil yoꞌnton ti buchꞌu abol sbaique, mu xchꞌay o ti lequil abtel laj spasique,  
\m xi.  
\v 10 Dios ta xacꞌ ti tsꞌunubal ti ta jtsꞌuntique schiꞌuc ti cꞌusi ta jlajestique. Scotol ti cꞌusi ta xatsꞌunique, Dios ta xacꞌ scotol. Jech xtoc ta stsꞌites talel ti tsꞌunubale, yoꞌ jech lec ta xataic, yoꞌ xuꞌ ta xacoltavanic yuꞌun.  
\v 11 Jech o xal ti voꞌoxuque ta xꞌayan ep ta tos acꞌulejalic yoꞌ xuꞌ ta xacoltavanic ta yutsilal avoꞌntonic. Ti coltael ti ta xavaqꞌuic ti vuꞌuncutic ta xquichꞌcutic batele, jech o xal ti quermanotique, colaval, xutic ti Diose.  
\v 12 Cꞌalal jech ta jcoltatic ti quermanotique, maꞌuc noꞌox ta xcacꞌbetic ti sveꞌel ti ta xtun yuꞌunique. Yuꞌun jaꞌ ta jpastic ti acꞌo yalbeic ep vocol ti Diose.  
\v 13 Ti stuqique ta xlequil-cꞌoponic ti Diose. Yuꞌun ti jech ta xacoltaique, jaꞌ svinajeb ti achꞌunojic ti lequil achꞌ cꞌop yuꞌun ti Cristoe. Jaꞌ jech xtoc ti stuquique ta xaqꞌuic ta ichꞌel ta mucꞌ ti Diose ta sventa ti ta slequilal avoꞌntonic laj acoltaic ti stuquique schiꞌuc ti yane.  
\v 14 Jech o xal un, ti stuquique ta scꞌoponic ti Dios ta atojolique. Tey cꞌuxoxuc o ta yoꞌntonic ta sventa ti laj avaqꞌuic iluc ti scꞌuxul yoꞌnton Dios ta atojolique.  
\v 15 Coliyal ti Diose, ti mu noꞌox albajuc yutsil ti Buchꞌu laj yacꞌbotic talele, ti mu stacꞌ aꞌyeluc ti cꞌusi ta xcaltic yuꞌune.   
\c 10  
\s1 Tsots acꞌbil yabtel Ti Pabloe  
\p
\v 1 Vuꞌun Pabloun. Ta yutsil yoꞌnton, ta scꞌuxul yoꞌnton Cristo, ta jcꞌanboxuc vocol ta atojolic. Yuꞌun oy bu ta xavalic ti cꞌalal tey oyun ta atojolique, ti lequil vinic ta jpas jbae, pero cꞌalal oyun ta nome, ta xavalic ti cajal ta xcaꞌi jbae.  
\v 2 Yuꞌun ti cꞌalal chbat jqꞌueloxuque, ta jcꞌanboxuc vocol ti mu xasujicun ti cajal ti que ti ta xcacꞌ jba ta stojol ti buchꞌutic ta xiyalbun ti stalel noꞌox cristiano ti cꞌusi ta jpase. Yuꞌun chapalun xa tey ta jvaꞌan jba ta stojolic.  
\v 3 Melel, cristianouncutic noꞌox. Pero ti letovajel cuꞌuncutique, mu jechuc ta jpascutic jech chac cꞌu chaꞌal ta spasic ti cristianoetic liꞌ ta sba banomile.  
\v 4 Yuꞌun ti jpojobbailcutique, mu liꞌuc liquem ta sba banomile. Yuꞌun jaꞌ smucꞌul stsatsal ti Diose, yoꞌ jech ta jlilin loqꞌuel yajcronta ti Diose.  
\v 5 Jech o xal un, tey ta jtsalbecutic sbijilic ti buchꞌu cajal ta xaꞌi sbaique, ti buchꞌu stoyoj sbaic ti mu xaqꞌuic ta ojtiquinel ti Diose. Scotol sbijil ti cristianoetique, ta jtsalcutic yoꞌ jech xuꞌ ta xchꞌunic ti cꞌusi ta xal ti Cristoe.  
\v 6 Ti mi jꞌechꞌel ta xacꞌanic pasel ta mantal yuꞌun ti Cristoe, jchapanoj xa jbacutic chtal cacꞌbecutic castigo ti buchꞌu toyobbaique.  
\v 7 Ti buchꞌu tey oye, jaꞌ noꞌox ta xaqꞌuelic ti lec ti ye stiꞌe. Mi oy buchꞌu ta xal ti uninbil yuꞌun ti Cristo yaloje, acꞌo me stucꞌulan ec ti coꞌol yuꞌununcutic ti Cristoe.  
\v 8 Melel, oy bu ta xjelav jutuc ti que yuꞌun ti cabtele, pero mu xiqꞌuexav. Yuꞌun jaꞌ laj yacꞌbun cabtel ti Cajvaltique, yoꞌ jech ta xachꞌiic batel ta sventa ti Cajvaltique, maꞌuc ta jsoquesoxuc.  
\v 9 Mu xanopic ti jaꞌ noꞌox ta jcꞌan ta jsibtasoxuc ta jcartae.  
\v 10 Yuꞌun oy jlom ta xalic ti toj tsots ti cꞌusi ta xcalcutic ta jcartacutique, ti persa chꞌunbile. Ti cꞌalal tey vaꞌalune, ta xalic ti muꞌyuc quipe, ti toj altic cꞌu sꞌelan ta xicꞌopoje.  
\v 11 Pero ti buchꞌu jech ta xal taje, ti cajal ti que jtiꞌ ti cꞌalal nom oyun ti ta jtsꞌiba ti jcartae, acꞌo me snop lec ti jech onoꞌox ti que ti cꞌalal tey ta xicꞌot ta atojolique.   
\p
\v 12 Ti vuꞌuncutique ta xixiꞌcutic ta svinajesel ti jcꞌoplal jtuccutic jech chac cꞌu chaꞌal ta spasic ti buchꞌutic ti lec ta svinajes ti scꞌoplal stuquique. Mi jaꞌuc ta jcaꞌn ta jbis jbacutic ta stojolic. Ti buchꞌu jech ta sbis sba ta stojol yan, ti ta svinajes ti scꞌoplal stuque, toj bolat ti jech ta spase.  
\v 13 Mu xuꞌ ta jtoy jbacutic schiꞌuc ti bu maꞌuc jventacutique. Ti Diose ta xiyacꞌbun quilcutic batel ti cabtelcutique ti bu ta xiꞌabtejcutique. Jech o xal un, jaꞌ stuc laj yacꞌ ye yoꞌ jech livulcutic ta atojolic liꞌ ta Corintoe.  
\v 14 Ti manchucuc tey laj yacꞌbun cabtelcutic ta atojolic ti Diose, muꞌyuc jventainojoxuc ti jechuque. Pero ti jech baꞌyel tey licꞌotcutic ta atojolic ta yalel ti lequil achꞌ cꞌop yuꞌun ti Cristoe, jech o xal un, vuꞌun jventainojoxuc.  
\v 15 Maꞌuc ta jtoy jba schiꞌuc yabtel yan ti laj xa spase, ti coꞌol xa sꞌelan ti jaꞌ cabtel yilele. Jaꞌ noꞌox ta jcꞌancutic ti acꞌo achꞌunic más ti Cajvaltique, yoꞌ jech xuꞌ ta xiꞌabtejcutic batel más tey ta atojolic. Pero jaꞌ noꞌox ti bu icꞌbiluncutic batel yuꞌun ti Diose.  
\v 16 Tsꞌacal to un, xuꞌ chba calcutic ti lequil achꞌ cꞌop ta stojol ti buchꞌutic mu to yaꞌbinojic ti liꞌ xjelav to batel ta atojolique. Jech o xal un, mu ta jbis ta cuꞌun yabtel yan ti buchꞌu laj xa sliquese.   
\p
\v 17 Mi oy buchꞌu toyobba ta xaꞌi sbae, acꞌo yacꞌ ta toyesel scꞌoplal ti Cajvaltique.  
\v 18 Ti buchꞌu lec scꞌoplal ta xbate, maꞌuc ti buchꞌu ta xacꞌ sba ta ichꞌel ta mucꞌ ti stuque. Yuꞌun jaꞌ noꞌox ti buchꞌu lec ta xꞌalbat scꞌoplal yuꞌun ti Cajvaltique.   
\c 11  
\s1 Ti Pabloe mu xcoꞌolaj schiꞌuc ti jloꞌlavanej jcholcꞌopetique  
\p
\v 1 Tsꞌicuc avuꞌunic ti jbolil ti jech ta xicꞌopoje. Ti cꞌu jꞌelane tsꞌicbeicun me.  
\v 2 Mu lecuc ta xcaꞌi ti oy buchꞌu tey ta xasoquesoxuque. Ti jech coꞌnton taje, jaꞌ liquem talel ta stojol ti Diose. Yuꞌun calojbe ti Cristo ti ta jchabioxuque, yoꞌ lecoxuc chcꞌot jvaꞌanoxuc ta stojol jech chac cꞌu chaꞌal jun tojol tseb ti jacꞌbil xa ta xꞌicꞌat yuꞌun jun vinique.  
\v 3 Ta xixiꞌ avuꞌunic mi chavacꞌ abaic ta loꞌlael jech chac cꞌu chaꞌal iloꞌlaat ti Eva yuꞌun ti mañoso jloꞌlavanej jtiꞌoval chone. Ta xixiꞌ avuꞌunic ti yicꞌal nan más to ta xalajic ta loꞌlael ti ta xyanij ti snopobil avuꞌunique, yoꞌ jech ta xavicta abaic ti jech sjunul avoꞌntonic achꞌunojic ti Cajvaltique.  
\v 4 Yuꞌun ti voꞌoxuque lec ta xavaꞌiic ti oy buchꞌu tey oy ta atojolic ti ta xalbeic scꞌoplal ti Jesuse ti mu xcoꞌolaj schiꞌuc jech chac cꞌu chaꞌal laj calcutique. Sjunul avoꞌntonic ta xavichꞌic ta mucꞌ stalel noꞌox jun vinic ti mu xcoꞌolaj schiꞌuc jech chac cꞌu chaꞌal ti Chꞌul Espíritu ti laj avichꞌique. Jaꞌ jech xtoc ta xavichꞌic ta mucꞌ yan cꞌop ti mu xcoꞌolaj schiꞌuc jech chac cꞌu chaꞌal ti colebal lequil achꞌ cꞌop ti laj avaꞌiique.  
\v 5 Mu ta jnop ti jaꞌ más cajal yabtelic ti mucꞌtic jcholcꞌopetic ti tey nabaloxuc ta stojolique. ¿Mi yuꞌun jaꞌ mu sta cabtel ti vuꞌune?  
\v 6 Acꞌo mi mu xitojob lec ti cꞌu sꞌelan ta xicꞌopoje, pero jamal ti jba jsat yuꞌun ti Cajvaltique. Ti jech taje, tey onoꞌox laj xa cacꞌ avilic ta atojolic yuꞌun scotol ti cꞌu sꞌelan laj jpascutique.   
\p
\v 7 ¿Mi yuꞌun jaꞌ toj chopol laj avaꞌiic ti muꞌyuc laj jcꞌanboxuc stojol ti cꞌalal laj calboxuc ti colebal lequil achꞌ cꞌope? ¿Mi yuꞌun jaꞌ toj chopol laj avaꞌiic ti coꞌol to sꞌelan olol laj jpas jba ta atojolique, yoꞌ jech ichꞌbiloxuc ta mucꞌ ta xacꞌotic ti voꞌoxuque?  
\v 8 Ti jech laj cacꞌ jba ta tunel ta atojolique, yan o jchꞌunolajeletic laj yacꞌbun jtaqꞌuin ti laj quichꞌe.  
\v 9 Cꞌalal muꞌyuc cꞌusi xꞌayan cuꞌun ti cꞌalal oyun ta atojolique, muꞌyuc laj cacꞌ abainic. Jaꞌ laj sbainic ti jchꞌunolajeletic ti liquem talel ta Macedonia cꞌalal ivulic ta jtojole. Tey laj jtucꞌulan jba ti mu xcacꞌboxuc abainic ti cꞌusi xtun cuꞌune. Jaꞌ jech ta jpas batel ta atojolic.  
\v 10 Ta melel, jnaꞌ ti oy ta jtojol ti Cristoe. Jaꞌ jech xtoc jnaꞌ lec ti muꞌyuc buchꞌu xismacbun coꞌnton ti ta matanal ta xcal ti lequil achꞌ cꞌop ta stojol ti cꞌu yepal nacal ta alumalic Acayae.  
\v 11 ¿Cꞌu chaꞌal ti jech ta xcale? ¿Mi yuꞌun muꞌyuc cꞌuxoxuc ta coꞌnton? Snaꞌ lec ti Diose ti ep cꞌuxoxuc ta coꞌntone.   
\p
\v 12 Jech staoj yav ta jpas batel ti cꞌu sꞌelan liquem xa cuꞌune, yoꞌ jech ta jmacbe yeic ti jcholcꞌopetic teye, ti ta xalboxuc ti coꞌol sꞌelan ta xiꞌabtejcutic schiꞌuque.  
\v 13 Taje, chopol jcholcꞌopetic, jloꞌlavanej jcholcꞌopetic ti sbisoj xa sbaic yilel ta yajtuneltac ti Cristoe.  
\v 14 Taje, mu xa yanuc ti stalelique. Yuꞌun ti pucuje ta sbis sba ta chꞌul ángel.  
\v 15 Jech o xal un, ti buchꞌutic ta xacꞌ sba ta tunel yuꞌun ti pucuje, oy srazon ti ta sbis sbaic ta lequil jꞌabteletic yilele. Jaꞌ xtunic o ti tey ta xtub scꞌoplalic ti jech chopol ta spasique.   
\s1 Svocol ti Pablo ti jech jcholcꞌope  
\p
\v 16 Yan velta ta xcalboxuc, mu xanopic ti chuvajibemune. Pero mi jech ta xanopic ti chuvajibemune, acꞌo cꞌopojcun jech chac cꞌu chaꞌal jun chuvaj yoꞌ jech xuꞌ ta jtoy jba ta atojolic ec.  
\v 17 Ti vaꞌi sꞌelan ta xcale, mu jechuc albilun yuꞌun ti Cajvaltique. Yuꞌun jaꞌ noꞌox ta jcꞌoponoxuc jech chac cꞌu chaꞌal jun chuvaj ta sventa ti jech ta jtoy jbae.  
\v 18 Yuꞌun ep ti buchꞌu tey stoyoj sbaic ta atojolic yuꞌun ti cꞌusi ta spas ta stuquic noꞌoxe. Jech o xal ec un ta jtoy jba ta atojolic.  
\v 19 Ti voꞌoxuque toj bijoxuc yilel. Lec ta xavaꞌiic sloꞌil ti chuvaje.  
\v 20 Yuꞌun ti voꞌoxuque tsꞌiquem avuꞌunic ti buchꞌutic ta smosovinoxuque, ti ta xacꞌ avocolic ta xchꞌolbel ta ye ta stiꞌe, ti ta spasoxuc ta mantale, ti bajbiloxuc yuꞌune, ti toyol ye ta atojolique.  
\v 21 Ti meleluc jech ta scꞌan pasbel ti jcholcꞌopetique, ta xiqꞌuexav avuꞌunic ti mu jechuc laj jpascutic ta atojolique.  
\p Pero oy bu xuꞌ ta jcoꞌoltas jba jech chac cꞌu chaꞌal ti buchꞌutic stoyoj sbaique, acꞌo mi coꞌol sꞌelan chuvaj ti cꞌusi ta xcale.  
\v 22 ¿Mi hebreo ti stuquique? Hebreoun ec. ¿Mi jꞌisraeletic ti stuquique? Jaꞌ jechun ec. ¿Mi snitilultac Abraham ti stuquique? Jaꞌ jechun ec.  
\v 23 ¿Mi yajtuneltac Cristo ti stuquique? Pero más to jtunelun. Jaꞌ mu sta ti stuquique, acꞌo mi coꞌol to sꞌelan chuvajun ti vaꞌi sꞌelan ta xcal ti jcꞌoplale. Yuꞌun vuꞌun más ep abtejemun xa. Jaꞌ mu sta ti stuquique. Ti vuꞌune ep quichꞌoj tsitsel. Jaꞌ mu sta ti stuquique. Ep ta velta liticꞌat ta chuquel. Ep ta velta jutuc xa mu quichꞌ milel.  
\v 24 Voꞌob velta laj stsitsun ta nucul ti jchiꞌiltaque. Ti laj yacꞌbun quichꞌe, balunlajuneb schaꞌvinic (39) ta moj ti jujun veltae.  
\v 25 Oxib velta laj smajicun ta teꞌ. Jun velta xtoc liyacꞌbeicun ton. Oxib velta imutꞌij ti barco ti tey ta xixanav batele. Oy jun velta tey xicajet licom ta nab jun cꞌacꞌal jun acꞌobal.  
\v 26 Xanavemun ep. Quiloj xiꞌel yuꞌun ti ucꞌumetique, yuꞌun ti jꞌeleqꞌuetique, yuꞌun ti jchiꞌiltaque, yuꞌun ti jyanlumetique. Quiloj xiꞌel ti ta jteclumetique, ti ta bee, ti ta nabe. Quiloj xiꞌel xtoc yuꞌun ti buchꞌu sbisoj sbaic ta jchꞌunolajeletique.  
\v 27 Quiloj ep vocol yuꞌun ti cabtele. Ep ta velta muꞌyuc vayel cuꞌun. Ep ta velta laj caꞌi viꞌnal schiꞌuc taqui tiꞌil. Muꞌyuc veꞌel yuꞌun ti cabtele. Quichꞌoj vocol yuꞌun sic. Chꞌabal jcꞌuꞌ.   
\p
\v 28 Pero maꞌuc noꞌox jech yepal taje. Jaꞌ jech xtoc jujun cꞌacꞌal jcuchoj vocol ti xvulvun coꞌnton yuꞌun ti jchꞌunolajeletique.  
\v 29 Mi oy jchꞌunolajeletic ti muꞌyuc yip yoꞌntonique, coꞌol to sꞌelan ti jaꞌ jtuc muꞌyuc yip coꞌntone. Mi oy bu ta soquesbat yoꞌnton ti jchꞌunolajeletique, ta xcat coꞌnton yuꞌun qꞌuexlal. Chopol ta xcaꞌi ta jmec.  
\v 30 Ti mi oy bu ta jtoy jbae, jaꞌ noꞌox ta jtoy jba yuꞌun ti jech ta xvinaj ti mu xuꞌ cuꞌune.  
\v 31 Melel ti jech ta xcal taje. Jaꞌ yiloj ti Diose, Stot ti Cajvaltic Jesucristoe ti ichꞌbil ta mucꞌ scꞌan sbatel osile.  
\v 32 Cꞌalal tey oyun ta jteclum Damascoe, ti gobernador ti yacꞌoj sba ta tunel yuꞌun ti ajvalil Aretase, tey laj svaꞌan jtsacvanejetic ta jujun stiꞌ ti jteclume, yoꞌ jech ta xistsaquic batel ta chuquel.  
\v 33 Pero tey lijatav batel. Yuꞌun tey laj xchechicun yalel ta moch tey ta tiꞌ ventana tey ta pat moc yuꞌun ti jteclume.   
\c 12  
\s1 Jech iꞌacꞌbat yil, jech iꞌacꞌbat snaꞌ ti Pabloe  
\p
\v 1 Muꞌyuc cꞌusi xlocꞌ o venta ti jaꞌ noꞌox ta xcalbe jba ti jcꞌoplal jtuque. Pero ta xcalboxuc avaꞌiic ti cꞌusi liꞌacꞌbat quile, ti cꞌusi liꞌacꞌbat jnaꞌ yuꞌun ti Cajvaltique.  
\v 2 Xcojtiquin jun vinic ti xchꞌunoj ti Cajvaltique ti oy xa ta schanlajunebal jabil ti iꞌicꞌat muyel ta yoxcꞌojal ti vinajele. Jaꞌ mu jnaꞌ un mi iꞌicꞌat muyel schiꞌuc sbecꞌtal o mi muꞌyuc. Jaꞌ noꞌox Dios snaꞌ.  
\v 3-4 Jaꞌ noꞌox jnaꞌ ti vinic taje iꞌicꞌat muyel ta lequilale. Pero mu jnaꞌ mi schiꞌuc sbecꞌtal o mi moꞌoj. Jaꞌ noꞌox Dios snaꞌ. Yuꞌun ti tey ta lequilale, tey laj yaꞌi cꞌopetic ti jun yutsile, ti mu xꞌacꞌbat svinajesbe scꞌoplal ta stojol yane.  
\v 5 Ti jech taje, xuꞌ nan ta jtoy jba jech chac cꞌu chaꞌal ti vinic taj jechuque. Pero mu xuꞌ ta jtoy jba yuꞌun ti jech taje. Pero jaꞌ noꞌox oy ta que ta jtiꞌ yuꞌun ti chꞌabal ti quipe.  
\v 6 Acꞌo mi jech ta jvinajes ti jcꞌoplal jtuque, maꞌuc toj bolat. Yuꞌun jaꞌ melel ti cꞌusi ta xcale. Pero mu jechuc ta jpas, yoꞌ jech mu xcꞌot ta yoꞌntonic ti cajalun ta jꞌechꞌele, ti cꞌalal jaꞌ noꞌox ti jcꞌoplal ti cꞌu sꞌelan ta xojtiquinicune, ti cꞌu sꞌelan ta xcal ta xaꞌiique.   
\p
\v 7 Ti cꞌusi liꞌacꞌbat quile toj yan yutsil ta jmec. Pero yoꞌ jech mu jtoy jba schiꞌuque, oy cꞌusi liꞌacꞌbat ta jbecꞌtal ti yan sba scꞌuxule, ti coꞌol sꞌelan chꞌix tey pajale, ti jaꞌ yabtel ti pucuj ti tal yilbajinune.  
\v 8 Oxib velta laj jcꞌanbe ti Cajvaltique ti acꞌo sloꞌquesbun ti coꞌol to sꞌelan chꞌix ti ta xtiꞌvan ta jbecꞌtale.  
\v 9 Pero ti Cajvaltique jech laj stacꞌbun: “¿Cꞌusi xa más ta xacꞌan ti cꞌalal cꞌuxot ta coꞌntone? Ti jech muꞌyuc avipe, más to tey ta xvinaj ti jmucꞌul jtsatsale”, xi. Jech o xal un, ximuyubaj xa ti muꞌyuc quipe, yoꞌ jech ta xvinaj smucꞌul stsatsal Cristo ta jtojol.  
\v 10 Jech o xal un, ximuyubaj xa ti jech muꞌyuc quipe, ti labanele, ti muꞌyuc cꞌusi xꞌayan cuꞌune, ti ilbajinele, ti tsots vocol ta xquichꞌ ta sventa ti Cristoe. Yuꞌun ti cꞌalal jech muꞌyuc ti quipe, más to oy yip ta xcaꞌi ti coꞌntone.   
\s1 Ta svul yoꞌnton ti Pablo yuꞌun ti jchꞌunolajeletic tey ta Corintoe  
\p
\v 11 Melel, toj bolatun ti jaꞌ noꞌox ta jvinajes ti jcꞌoplal ta atojolique. Pero, ¿cꞌusi xcut cꞌalal laj asujicune? Voꞌoxuc laj avinajes ti jcꞌoplal jechuque. Acꞌo mi muꞌyuc cꞌusi balun ti ta xavalique, pero yajꞌabtelun ti Cristoe. Jaꞌ mu staic ti cajal jcholcꞌopetic ti atsꞌacliojique.  
\v 12 Ivinaj ti yajꞌabtelun ti Cristo ta melele, yuꞌun sjunul coꞌnton tey jtsꞌicoj vocol ti cꞌalal liꞌabtej ta atojolique. Jaꞌ jech xtoc tey laj cacꞌ iluc smucꞌul stsatsal ti Dios ti jun yutsile.  
\v 13 Coꞌol laj quichꞌoxuc ta mucꞌ jech chac cꞌu chaꞌal ti yan jchꞌunolajeletic ti buꞌyuc noꞌox oyique. Jaꞌ xa noꞌox, ¿mi jaꞌ toj chopol laj avaꞌiic ti muꞌyuc xavacꞌbeicun ta que ta jtiꞌ une? Pasbeicun perdón yuꞌun ti jtoyobbail taje.   
\p
\v 14 Avi tana un, jchapanoj xa jba ti ta xbat jvuꞌlanoxuc ta yoxibal veltae. Maꞌuc ta jcꞌan ti ta xavacꞌbun ta que ta jtiꞌe. Yuꞌun maꞌuc chtal jcꞌan ti cꞌusi oy avuꞌunique. Yuꞌun jaꞌ ta xcacꞌboxuc ti cꞌusi ta xtun avuꞌunique. Yuꞌun ti totiletique, jaꞌ yabtel ti ta stsobic ti staqꞌuinique sventa ti snichꞌnabique. Maꞌuc yabtel ta stsobic staquinic ti nichꞌoniletique sventa ti stotique.  
\v 15 Sjunul coꞌnton ta jlajes ti cꞌusitic xꞌayan cuꞌune. Jaꞌ jech xtoc sjunul coꞌnton ta jlubtsan jba ta yichꞌel vocol yoꞌ jech lec oyoxuc. Pero bajbilun avuꞌunic, acꞌo mi más cꞌuxoxuc ta coꞌnton.   
\p
\v 16 Oy jlom avuꞌunic yaꞌbinojic lec ta yoꞌnton ti muꞌyuc laj jcꞌan acꞌbel ta que ta jtiꞌe. Pero ti jech laj jpase, ta xalic ti jecheꞌ noꞌox laj jloꞌlaoxuque.  
\v 17 ¿Mi yuꞌun laj jloꞌlaoxuc yuꞌun ti jchiꞌiltac ti tey laj jtac batel ta atojolique?  
\v 18 Melel, laj jcꞌanbe ti Titoe ti acꞌo chtal sqꞌueloxuque. Pero laj jtac talel schiꞌuc yan quermanotic. ¿Mi yuꞌun jaꞌ laj sloꞌlaoxuc ti Titoe? ¿Mi mu meleluc ti coꞌol ta xiꞌabtejcutique, ti coꞌol ti coꞌntoncutique?   
\p
\v 19 Ti jech taje, ta nan xanopic ti ta jpoj jbacutic ta atojolique. Pero mu jechuc. Ti jech oyuncutic ta stojol ti Cristoe, cꞌajomal noꞌox jamal ti que jtiꞌcutic ta sba ta sat ti Diose schiꞌuc ti Cristoe. Scotol ti cꞌusi laj calboxuque, Quermanotac, jaꞌ sventa yoꞌ jech ta xachꞌiic ta stojol ti Cajvaltique.  
\v 20 Cꞌalal chbat jqꞌueloxuque, ta xixiꞌ. Yuꞌun yicꞌal nan mu jechuc ta jtaoxuc jech chac cꞌu chaꞌal jnopoje. Jaꞌ jech ti voꞌoxuque yicꞌal nan mu jechuc coꞌnton jech chac cꞌu chaꞌal anopojique. Yicꞌal nan jech chcꞌot jtaoxuc ti ta xavut abaique, ti itꞌix ta xavaꞌi abaique, ti soquem ajolique, ti atuc noꞌox lec ta xavaꞌi abaique, ti ta xanaꞌle abaique, ti atoyoj abaique, ti ta xaloꞌilta abaique, ti muꞌyuc smelol ti cꞌusi ta xapasique. Jaꞌ ta xixiꞌ yuꞌun taje.  
\v 21 Ti cꞌalal chcꞌot jqꞌueloxuque, ta xixiꞌ ti xuꞌ van ta xiyacꞌbun caꞌi qꞌuexlal ti Dios cuꞌun ta acojique. Xuꞌ van ta xiyacꞌ ta oqꞌuel ti buchꞌutic voꞌne xa saꞌoj talel ti smulique, ti mu to bu yictaoj ti cꞌusi chopol ta spasique, ti staoj to yav ta xmulivaje, ti cꞌusitic yan ta spasic ti muꞌyuc smelole.   
\c 13  
\s1 Slajeb chabanuc schiꞌuc bijubtasel  
\p
\v 1 Jaꞌ yoxibal velta xtoc ti chtal jqꞌueloxuque. Scotol ti cꞌusi scꞌan chapanel avuꞌunique, jaꞌ to ichꞌbil ta mucꞌ ti mi oy chib o oxib rextigoe.  
\v 2 Cꞌalal ay jqꞌueloxuc ti schibal veltae, muꞌyuc ta jcꞌuxubin ti buchꞌu ta saꞌ smule, xacutic comel. Avi tana liꞌe, ta xcalboxuc yan velta ti jech ta xcꞌot ta stojolic ti buchꞌutic tey onoꞌox ta saꞌ ti smulique.  
\v 3 Jaꞌ to tey ta xavilic ti ventainbilun yuꞌun ti Cristo ti jech ta xacꞌan ta xanaꞌique. Ti Cristoe oy yip ta xascꞌoponoxuc. Tey ta xacꞌ avilic ti smucꞌul stsatsal ta atojolique.  
\v 4 Ta melel avaꞌuquic, chꞌabal stsatsal ti Cristo cꞌalal jipil ta cruz ichame. Avi tana un, cuxul ta sventa smucꞌul stsatsal ti Diose. Jaꞌ jech coꞌol jꞌelancutic ti vuꞌuncutique. Pero ti jech oyuncutic ta stojole, cuxuluncutic ta smucꞌul stsatsal ti Diose, yoꞌ jech xuꞌ ta xcacꞌ jbacutic ta tunel ta atojolic.   
\p
\v 5 Aꞌyic lec cꞌu sꞌelan ti avoꞌntonique, yoꞌ jech xanaꞌic mi jun avoꞌnton achꞌunojic ti Cajvaltique. Biso abaic lec. ¿Mi mu xavilic ti tey oy ta atojolic ti Jesucristoe? Jaꞌ xa noꞌox ti mi ta xaloꞌla abaic une, mu xavilic.  
\v 6 Chcal ti vuꞌune, tey ta xavilic ti maꞌuc jloꞌlavanejuncutique.  
\v 7 Ti vuꞌuncutique ta jtacutic ta cꞌoponel ti Diose yoꞌ jech mu xapasic ti chopole. Ti jech ta xcal taje, mu yuꞌunuc ta jcꞌan ti cajal ta xcꞌot ti jcꞌoplalcutic avuꞌunique. Jaꞌ noꞌox ta jcꞌancutic ti acꞌo apasic ti cꞌusi leque, acꞌo mi muꞌyuc ti jrazoncutic ta xavaꞌiique.  
\v 8 Yuꞌun mi lec onoꞌox oyoxuque, maꞌuc chtal jcrontainoxuc. Yan, mi oy cꞌusi scꞌan tuqꞌuibtasele, persa chtal jtuqꞌuibtascutic.  
\v 9 Jech o xal un, ximuyubajcutic ti mi muꞌyuc quipcutique, ipaluc ti mi tsatsunemoxuque. Jech o xal un, tey onoꞌox ta jcꞌoponcutic Dios ta atojolic yoꞌ jech ta xatuqꞌuibic.  
\v 10 Cꞌalal mu to bu chicꞌotcutique, ta jcajtac jelavel talel ti jcartacutic liꞌe. Cꞌalal mi licꞌotcutique, mu tsotsuc ti quecutic ta atojolic ti jech quichꞌoj cabtel yuꞌun ti Cajvaltique. Yuꞌun ti cabtel quichꞌojcutique jaꞌ ta sventa yoꞌ jech ta xachꞌiic ta yichꞌel ta mucꞌ ti Cajvaltique, maꞌuc ta xajsoquesoxuc.   
\p
\v 11 Jaꞌ noꞌox jech yepal ta xacalboxuc, Quermanotac. Saꞌic batel slequilal ti Diose. Patbo aba avoꞌntonic. Junuc avoꞌntonic cuxianic. Jech ti Dios ti ta xacꞌ jun avoꞌntonique, ti oy scꞌuxul yoꞌntone, tey ta xchiꞌinoxuc.  
\v 12 Chabanuc xavalbe abaic ta jujun tal. Tsacbo aba acꞌobic.  
\v 13 Chabanucoxuc xayalbe ti jchꞌunolajeletic ti liꞌ oyique.   
\p
\v 14 Ichꞌic bendición yuꞌun ti Cajvaltic Jesucristoe, ti scꞌuxul yoꞌnton ti Diose. Acꞌo xchiꞌinoxuc ti Chꞌul Espíritue. Jechuc.